أقوى مما أدرك الجزء 14

تنهد وبقا كيشوف فالتصويرة شحال عاد رجع نعس داير مود سليونسيو وفبالو غي هدى وصورتها مفاق حتال الربعة تالعشية..دوش وخرج يتجلوق كي ديما

ريح هو وسفيان ولد عمو فكافي عاصرين على كارو ويديه كدوز فصفحة هدى كي ديما كينقي فيها القمح..حتى قاليه رااسو صيفت ليها ميساج بفوكونط..كتب ليها:سلام ختي

شداتو الضحكة وحط التيلي لقا صاحبو كيشوف فيه وهو يقول:شي حاجة؟؟

سفيان؛مالك كضحك مع التيليفون؟؟

عبدو؛سوق مك

سفيان:هي شي بياسة صحيحة

عبدو:مخص ط***** مي غي لبياسات

سفيان؛نتا خصك تزوج شرفتي ههههه جمع راسك

عبدو:تزوج غي نتا لي خاصك فريع الكر

سفيان:شوف عمر هاهو تزوج وراه بخير

عبدو:عاود ليك راه بخير؟؟باااز اخويا اش كدير لتخراج العينين

سفيان؛خود ليك ديك الفسيسيرة ديال مراكش..حلوة

عبدو:واش ضارب مك شي جن؟؟اشمن بياسة؟؟عرفني شحال من وحدة كويتها فمراكش

سفيان:حلف بالله ههههههه وياك كانت معاك

عبدو:واش انا نبقا ندمق بالسطحي..باغيني نحردو..

سفيان:امتا هادشي؟؟ياك.ديما معاك

عبدو:لي باغي يدير راه يدير..ساعة قاضية غرض

سفيان:كتخونها هههه

عبدو:هانتا غتبدا تخربق ليا المفاهيم تحياتي..ليلى ماشي صاحبتي

سفيان:واشنو؟؟

عبدو:تقدر تقول معرفة..هي الدرية زوييينة مافيها مايتعاب شكلا ولا ختى مضمونا غي الخاطر ومعامن كيرتاح

سفيان:بالعكس ضحوكية وباغيا تعيش لافي

عبدو:السيدة عايشة واحد لافي فشكل حياتها ضايرا بسوشل ميديا وصور الخرية وحطها وتغني وتضخك هاديك ماشي حياة هاديك كتحاول ترضي حد اخر

سفيان:معرفتش هادي لي باغي نتا كي دايرا

عبدو:(شاف فاص ليه)نقرة..نقرة كتبري نقلب تحت الارض منلقاش بحالها

سفيان:(ضحك)مولات حجابي عفتي

عبدو:(ببرود)داك عمر شحال ماجلست غنقطعو ليه من الجذر على تعاويد العيالات لي فيه

سفيان:ههههههه اشمن عمر تا الدراري كاملين عارفين حجابي عفتي لي كنتي معاها

عبدو:كتبقاو حاضيين بنادم حتى كطير من يديه الحاجة..نتوما سبابي واقلة(ضحك باستهزاء)هههه

سفيان:خويا نتا ميكرووب ههههه

بعد.دقائق وصلو ميساج فيه وعليكم السلام اختي لباس..ضحك بشويا ومشا كتب ليها:لباس ونتي؟؟

هدى الحمد لله

سكت شويا كيفكر وكتب ليها:شفت لي بيجو لي كتبيعي وعجبوني ..بغيت ناخد من عندك

هدى:مرحبا احبيبة

شداتو الضحكة وجلس تيضحك على راسو حتى وحل ليه دخان الكارو..شرب من الما وسفيان غي كيشوف فيه معارف والو..

كتب ليها كيحاول يرجع هضرتو كي البنت كتابة:وريني احسن واحد عندك

سجلات هدى اودبو وغي وصلو وهو يتقاد فالجلسة تأكد بلي الايربود خدامين وهو يطلقو ..موصل صوتها لوذنيه حتى كانت ابتسامتو وسااعت تا بانت ضرسة العقل..سمع الاوديو وعاودو وعاودو..اول مرة يسمعها كتهضر بالصواب والاداب ولكن ديك النغمة ديال التجعويق لاصقة فصوتها ميمكنش وذنيه يفلتوها

[ ] هدى:أحبببة كلشي زوين ويجي معاك ههه انا نصيفت ليك لي زاغتيكل ونتي ختاري..

حط الكونصوماصيون وناض بلا ميقول والو غي كيفرنس مخلي سفيان كيضور عينيه وقال بصوت هامس:صيفتي احبيبة صيفتي

كتب ليها:واخا الزين صيفتي ليا

ضحك على راسو وحط التيلي حداه فالسيارة كيكركر على راسو لي جالس كيهضر معاها بفوكونط..وتسنا لي زاغتيكل حتى وصلوه عاد هز شافهم ممسوقش بيهم كااع اش فهمو هو حدو كتب ليها :فرأيك اشمن اغتيكل زوين؟؟

هدى:كلهم زوينين مي هذا اكثر،واحد كيخرج

كتب لبها:نقدر نشوفهم كي كيجيو فاليد

ماشي من العاجزين لبسات لاختيكل فالمحل وجلسات تتصور يديها وتشرح ليها بالصوت:هانتي احبيبة كيجي كلاص وخفيف على اليد والى بغيتي(وراتها خوتيمات لابساهم فاليد لوخرا)هادو خواتمو غيجيو فنين معاه لي شافك لبستيهم يسولك منين

صيفتاتو ومشات لاشغالها اما هو غي وصلو تيليشارجاه زذءفلبلاصة وجلس كيتفرج وعينيه مبسمين كيشوف يديها والخواتم والصباع خلاتو بلا هواه يفرنس وكيسول راسو اش كدير..وكيسمع صوتها لي شحال ماسمعو..كتب ليها:هذا لي بغيت

تعطلات باش تجاوبو فاش مشا للدار بدل عليه وشد الطريق للبحر لقى صحابو تما كيستناوه باش يدخلو للبحر باليخت لي كاريين..فحين هي كتبات ليه:اوك ختي..نتي فكازا ياك؟؟

مجاوبهاش كان ضارب شورط قصير ولفوق عريان منشور فاليخت والموسيقى على جهد..سايق بيهم السيد لي مكلفو مول اليخت يجيب بيهم ضورة كل نهار..

منشور فبلاصة شبه مشمشة حيت على قبل لحمو والبرص صعيب عليه الشمش بزاف وهو ياله فسنواتو الاولى..صحابو شي كيعوم شي راه كيشطح مع الموسيقى ومع الساطة لي جايب ..مقلبش تيليفونو حتى بغا يعوم عاد حل الانترنييت وشاف الميساج ضحك وكتب ليها اه اختي

حطو ومشا طل عليهم لقا كل واحد حداه وحدة الا هو لي مراشقاش ليه على شي مرا حاليا من غيرها..كيحس براسو مربوط بها..فاش دوزو عام ونص تالفراق معمرو نساها ..دبما كطيح فبالو...تعرف على الاف النساء وراها فيهم لي غي تدويزة وقت ليلة وحدة وفيهم لي تصاحب معاهم مدة لكن كل مرة كيطيح فالمقارنة

أسوأ حاجة هي المقارنة .كتقارن بين جوج ديال العيالات..كتطيح فهم خطير بين تعرف شكون لي حسن وتقول فلانة مكديرش وفلانة كدير..عرف بزااف وعاشر بزاف ولكن هدى لصقات فبالو كي العلكة رغم انه شاف أجمل منها شكلا لا من الفورمة لا من الزين لكن للقلب رتاح لهدى فقط ..

تلاح فالبحر كيعوم تحت أشعة الشمش كيمشي بعيد ويعاود يرجع حتى شبع ورجع طلع عاود نيشان لبلاصتو عازل راسو عليهم..هز فوطتو كيمسح حتى وقف عليه أحد اصدقاءو كيهز فبيرا:مالك

عبدو:مالي؟؟

..:معجبتينش

عبدو:(ضحك)الى عجبتك عرف راسك وليتي مهرس هههه

..:واصاحبي لا ههه غي ماشي كيف مولف ليك

عبدو:مراشقاش ليا وصافي(رن هاتفو برسالة هزها قراها)غنرجع لكازا ليوم بليل

..:علاش؟

عبدو:بغيت هه..تلاح خليتي الدرية بوحدها

كان قرا رسالتها فيها :انا نجيبها ليك أحبيبة عندك ******

تبسم وكتب ليها:واخا احبيبة..انا نعطيك فين تجيبيها ليا

نشف وولبس عليه وبقا منشور كيفرنس غي بوحدو ..وفليل رجعو ...مشا بدل عليه بعدما دوش وشد الطريق مورا ماجمع حوايجو والوجهة كازا

رجع لكازا ومشا لدار الكرا لي كاري احتياط فاش كيسهر مكيبغيش يدخل على دارهم هاكاك..وتلاح نعس بعدما ضرب الطريق نيت

اما فدار هدى كانت عامرة بعماتها وباها ومراتو وختها..تيتي نيني عندها ورا العرس حتى تفوتهم السهرة تالعرس..كي سلمات هزات يوسف وبنت ختها كتبوس فيهم وتعنق لقاتهم كرفصو ليها عويشة ولات غي شادة قنت وكتكوسل

اكرام:كي غادية مع المشروع

هدى:صافا..كيجيوني لي كوموند مرة فسيمانة ديك وحدة ولا جوج تال ربعة

اكرام:ياله بادية عادي..مباقيش شفتي مجمر الغمة؟؟

هدى:(باست يوسف)نشدك ناكلك هههه

يوسف:هنننن نانا

اكرام:واكليتي الولد(شداتو)اجي احبوبة اجي عندك ختي حنينة

من بعيد كتشوف فيهم نجية وقالت مخاطبة مرات باعدي:ياختي شوفي اش سايرين يديرو على ولدك

ز.الاب؛خوكم لي واعر اما ولادو الله يعمر ليهم الدار..خوهم هذااك

سعيدة:تي غا مالخقتيش هدى فياماتها كون شطبات بيك الدنيا هههههه

اكرام:مجاوبتينش؟؟

هدى:لا..مشفتوش وماباغياش نشوفو

اكرام:باقي كاع ماباغيا تقولي ليا علاش تفرقتو

هدى:متفاهمناش وكلها مشى فطريقو

اكرام:مزيان اوا الله يسهل عليك بما حسن

هدى:ممم

ودعاتهم حيت عيات مشات دوشات وخلاتهم سهرانين حيت شبعو نعاس فالنهار اما هي راه نعسات غي شويا ومشات للخدمة..

كي تخشات ففراشها شافت ميساج عبدو بالفوكونط وكتبات:واخا تخلي ليا العنوان انا غدا نجيبها ليك

مجاوبهاش حيت كان ناعس وحتى هي حطاتو وبدات كتغفى هي ومشتها وهي دخل اكرام قايلة:غتخليني مع تريكة باك

هدى:(بصوت ناعس)راه باك حتى نتي

اكرام:اش نقول انا وعمتي رابحة

لا من مجيب نعساات خلاتها كضور فالدار معاهم مفاقت حتال الصباح لقاتهم ناعسيين لبسات عليها حوايجها ودارت بارفان عاد مشات للخدمة..كيف ديما نفس الروتين..دوموندات فطور وجلسات كتفطر وكتشوف الميساجات لقات رسالة فيها:امتا غتكوني نتي مسالية اختي

هدى:انا مع السبعة

فلبلاصة كتب ليها :واخا الستة غنكون ف ****** تجيبها ليا تما؟؟

هدى:مرحبا احبيبة

دوزات يومها عادي جدا حتى وصل وقت خروجها وخرجات فاتجاه دارهم رتاحت شويا وناضت جمعات ليها لكومومد رشات ريحتها فيها وصيفتات ليها:سلام ختي نجيب ليك كوموند ديالك

تعطل باش يجاوبها عاد كتب بابتسامة:واخا احبيبة

لبس عليه دغيا ومشا سابقها كيتسناها على أحر من الجمر والحرارة طالعا معاه..معارفش كيفاش غيتصرف ولا شنو غيقول ليها لي عارف هو خصو يدوي معاها وصافي..اما هي شدات طاكسي بكارطونتها لفين قالت ليها..كي وصلات بدات كدور عينيها مبان ليها حد..فحين هو قشعها ملي هبطات من الطاكسي..ضرب قلبو مرارا وتكرارا..زفر ونزل من الطوموبيل بالشورط كي ديما ناشر عضلاتو على المارين..كانت عاطيااه بالظهر وماحدو كيقرب وهو كيعبرها بعينيه بلهفة وحماس..مكرهش كون متخاصموش ويضربها ليها بتعنيقة..شداتو الخلعة لاول مرة معارف مايسبق ولا يوخر حيت عارف راسو مطبز ليها العين..نطق بصوت هادئ على بعد مسافة صغيرة:الميكروبة

تلفتات بسرعة البرق حبت هاد الاسم بوحدو لي كيناديها بيه..خفق قلبها بزربة فاش شافتو واقف فاص ليها بشحمو ولحمو كيفموالف بفرق بسيط اليوم هي غريبة عليه..سرطات ريقها وتوترات وهادشي بان فملامحها لي تبدلو من الهدوء للغضب ..هزات حاجبها وصلاتو لقاع راسها وخزرات فيه ياله بغات تهضر وهو ينطق بصوت واضح عليه الاشتياق ومصيفت ليها رسالة ندم فنظراتو:كوموند ديالي عفاك

شافت فيه شوفة ذكاء ..وبسرعة البرق عقداتهم فيه..لبسات قناع البرود عكس الركادة لي خدامة فقلبها...ونطقات ببرود:كنتعارفوو؟؟

عبدو:(عجباتو ردة فعلها)لا عاد.ناوي

عطاتو بالظهر ببرود ويديها كيقلبو على السيدة فالانسطا باغيا تصوني ليها حتى رن فيدو وهي تلفت مصدومة..لعبات بلسانها وسط فمها كتحاول تستوعب الفخ لي طاحت فيه من طرفو فحين هو راه عينيه ماليهم بها والشوق مبردش على قولة الناس لوليين "الشوف مايبرد الجوف"

جمعات النفس وزفراتها عرفات راسها تخورات..عضات على شفتها بعصية كتحاول تكتمها وقالت ببرود مصطنع:وليتي مرا وانا مفراسيش

عبدو:(قرب خطوة)عطيني كوموند ديالي

ماشي من العاجزين مداتها ليه ببرود ومدات يدها لوخرا باسطاها وقالت متفادية تشوف فيه:فلوسي

جبد القد لي تفاهم معاها عليه مدو ليها وشد الكوموند.مبرد مباغيش يشعلها من لول..مع طاحو فيديها ضارت عاطياه بالظهر غادية حتى جرها من ذراعها:اجي لهنا نهضر معاك

نطرات يديها منو بزربة وهزات صبعها فوجهو :تعاود تحط علي يديك نوريك وجه ماعمرك شفتييه..شديتي كوموند ديالك اختي وا سيري بعدي منيي

جابت ليه الضحكة ومبينهاش حدو قال؛مجبتكش غي هاكاك..عندي هضرة واحلة ليا فحلقي نقولها ليك

هدى:(هزات فيه حاجبها)هضرتك عفاك زيدها فيك وعطيني التيقار براكة غي داكشي لي درتي فيا

عبدو:(قرب كثر لعندها)على هادشي بغيت نهضرو..خليني نقوليك غي اش فخاطري وسيري..مجايش باش نكدها عليك ولا نبزز عليك شي حاجة جاي نهضر معاك ونطلب منك السماحة

قاطعاتو بضحكة استهزاء بانت فيها ثقيبة تزين بدون قصد فحنكها:نعام؟؟تطلب السماحة؟؟علاش عفااك؟؟(باستهزاء اكثر)اه حيت ضربتيني؟؟

عبدو:مقصدتش نضربك..معاقلش انا اش داير..ثيقي بيا الى قلت ليك معاقلش كاع اشنو درت

هدى:مكرهتش نفكرك ولكن لحمي باقي كيضرني بالعصا لي عطتيني..حسابك غتدوز عليك ساهلة(عينيها رماتهم فعينيه من تحت نظاراتها الزجاجية )الى هنا سالا الحساب عند الله راه باقي..وكيفما تعديتي علي وانا مرا وضريتني فحياتي وهرستي ليا خاطري غيحييك الله حتى تشوف مك وختك وبنتك الى ولدتيها كيوقع ليهم نفس الحاجة..وديك الساعة غيتعصر قلبك كي تعصر قلبي انا عليك

عبدو:(ضراتو هضرتها)هضرتك كلها صحيحة انا لي غالط وانا لي يدي سابقاني..والله أهدى مكنت باغي نضربك..تعصبت اه وكنت جاي نخاصم عليك ولكن منحطش فيك يدي ..الشيطان لي

قاطعاتو بحدة:الشيطان باري منك...نتا نسخة خرا ديال الشيطان..حسابك انا بقات فيا العصاا(قربات ليه وصبعها تحط على صدرو كتورك كل مرة عليه)لي بقا فيا اولد الناس انه نتا كنتي ضدي..شفتي كون جا خويا لي من مي وبا وضربني ميبقاش فيا الحال قدك نتا

شد صبعها بين يدو ياغي يحكم يدها وهي تنطر منو وقال:لي قلتيه عندك فيه الصح..مباغي منك والو بغيتك غي تسمحي ليا

هدى:الى غي سماحتي غي سير مسااامحاااك(ببرود)هنا..اما لهيه عند الله والله منسمح ليك واخا تبكيهم دم..اما هنا حكرتيني ولي عطا الله عطااه

عبدو:غثيقي بيا الى قلت ليك ضميري ضارني من جهتك(سكت كيحاول يجمع الهضرة)مقدرتش ننساك أهدى

هضرتو نوعا ما رضات غرورها ونوعا ما كسرات شويا من ثباتها..لكن اللسان يحكي عكس مايريده القلب

هدى:لا باين..على ديك الشيخة لي جايب ليا تشري من عندي

عبدو:باش غنعرف انا درتي بروجي؟؟

هدى:غنبقا نتعاطا انا وياك هنا مكاين لاش..منهار بعدتي علي وانا مزيانة وحياتي مزيان ..ياربي متعاودش ترجع تبان فيها

عبدو:ياك أهدى لهاد الدرجة؟؟مدوزناش قليل؟؟

هدى:نسييت انا كلشي ونسيتك من بالي نتا..متبقاش تبان فطريقي

دازت فيه كتزرب وترعد من داخلها باغا غي تنفارد براسها باش تدير شي حركة لي تحيد بها قناع القوة لي لابسة..كتزرب حتى كتعكل فمشيتها مخلياه كي الولية هاز الكومومد وكيشوف حتى بانت ليه شدات طاكسي عاد مشا لطوموبيلتو لاح الكارطونة وقال:الميكروبة غلاضت هههه(شاف فالكومومد)اش نديرو بيك نتي

تحرك من تما بدماغ مرون..نوعا ما رتاح ملي شفها وسمع ليها وشكل اخر معجباتوش هضرتها وزادت الطين بلة واكدات ليه بلي جرحها..اما هي راه غي طلعات للطاكسي وهي ترخف الشال وشافت يديها كيترعدو متوقعاتوش يدير هاكاك موصلات حتى بغات تموت..غي طلعات جرات ختها لبيتها سدو عليهم وهي تقول:ناري يختي غنتسطا

اكرام:مالكي؟؟تشفرتي؟؟

هدى:لالا..ياك قلت ليك غندي الكوموند. عرفتي شكون مولاها؟؟

اكرام:شكون

هدى:مجمر الغمة

اكرام:(خرجات عينيها ضاحكة)حلفي هههههع ياكما تزوج

هدى:بزااف عله الحلال

اكرام:متقوليش ليا باغيها لصاحبتو

هدى:ولاا بغا يهضر معايا ويطلب مني السماحة ومالقاش كي يدير(كتوريها يديها)شوفي كي خلاني كنترعد

اكرام:ويلي تي مالك هههه راه كتوقع..قاليك ترجعو

هدى:لا مزيان داكشي لي بقا ليا غي نرجع معاه انا بحرا ماتهنييت نرجع للهم والغم

اكرام:شوفي وكان هههههه تي راه كتموتي عليه غي دافعة شبابك غالي

هدى:سيري غي تخراي...فففف ناري راه مكنتصورش عاوتاني يبان فحياتي غنتسطاا

اكرام:تي مالو بوعو؟؟

هدى:انا لي عارفة معامن معاشرة(هزات تيلي)شوفي داخل عندي بفوكونط معرفتش منين جابوو

اكرام:(كتشوف)حالو ساهل ولكن حبييتو ههههه شوفي راه نية وحدة منسااكش

هدى :عرفتي واحد اللحظة قاليا هضرة علاين نطيحهم عليه..قاليا مقدرتش ننساك

اكرام:ههههه يكون كيحبك انا جاني غي رجعي معاه

هدى:نوضي فحالك..خصني غي مجمر الويل عاود

*****

فكافي مع صديفاتها المقربات من العمل..وحدة تنسيك فلوخرا الى شفتي تلحطة تقول هنا نبات هوما راه غي الزواق الخاوي..العقل الله يجيب

ليلى:فاقصني ياختي ملي مشا لطنجة مهضرنيش..حطيت تصاور عرس ماكوزيين محاشاهاش ليا

..:صاحبتي هذا حاس براسو معندك ماديري بيه..شوفي مع أشرف ضريف وباغيك

ليلى:نونو كحل عيونو منو نخلاق..واش عرغتي على هيبة وعلى كاريزما وعلى جلسة راه كنشوفها غي فالافلام

صديقة اخرى:اوا كاع الطرق جربناهم معاه..ويلي اش نديرو

ليلى؛غنصوني ليه ندير راسي كنسول فيه

ص:فازي وحنا حدااك

بالفعل دوزات ابيل ليه بعد.عدة رنات جا صوتو الغليض فوذنها حتى عضات فشفايفها:الو

ليلى:عبدو صافا؟؟

عبدو:حمد لله ونتي؟

ليلى؛صافا..شنو الى مسولنا ماتسولش..غبرتي علي

عبدو؛كنت مسافر لطنجة مع صحابي وقريب غنرجع فحالي

ليلى:وسخيتي بيا؟؟

عبدو :الظروف وصافي..ليلى سموحات عندي دوزيام ابيل

ليلى:(بغات تطرطق)اوك..تهلا فراسك

عبدو؛بسلامة

مع قطعات لاحت تيلي بعصببة وهزات عصيرها كتشرب فيه بالغدايد وصحاباتها مصدومين حيت معروفة هي مكاينش لي مكطيحووش وهي القتالة فيهم بفورمتها

ليلى؛شفتو؟؟شقتوو اش قلت ليكم؟؟غنتسطا ويلي هذا راه كيشككني فراسي

ص:ناري ياصاحبتي هذا راه ممسوقش ..صافي قلبي ستة تسعود

ليلى:تكون لوات عليه شي وحدة؟؟

ص:هذا يكون مزوج ويضرب ربعة خرين كي شي ديسير

ليلى:يكون رجع مع ختنا لي كان معاها

ص:هادي الاكس ديالو ؟كتعرفيها

ليلى؛لا عمرو هضر عليها..غي فاش سهرنا فمراكش صاحبو فوت فالشراب وبدا عليه متوحشتييش ختنا

ص:شي عارضة ازياء هادي تما لي متلفاه..

ليلى:ممكن..ديك ساعة فاش يياله خدا نمرتي كانت دازت شي شهورا وشفتو حاط سطوري فيه هو وشيوحدة حدا شي مراية..دايرا فولار

ص:هاديك غتكون غي شي ختو ..هذاك ميشوفش فالخجابيات..هذاك كيبغي الزهو

ليلى:معرفتش اختي..ولكن خصني نعرف اش كاين..

ص:لي درتيها حنا معاك ههههه

بلوكات الكونط من جميع حساباتها مباغياش ترجع لنقطة الصفر معاه..بحرا ماتعودات على غيابو وعلى حياتها بلا بيه..مغتكذبش الى قالت بلي راه جاتها صعيبة حيت كان واخد حيز كبير فحياتها ..دايراه كي صاحبتها

عاودات لغزلان وفشات قلبها ومكرهاتش تعاود لكلشي تقوليه شوفو اش دار ليا رغم انه تاواحد معرفهم علاش نخاصمو حدها كتقول"مكتابش"

رجعات من خدمتها بعد يوم متعب جدا خاصة انه جاتها لغيكل فالليلة لي قبلها بعدما دازت اربعة ايام باش شافتو..دخلات لقات لغيط تاع يوسف وبنت ختها..باستهم بحب وعطاتهم سقااطتهم..عنقها يووسف وهي تقوليه:قول ختيي

اكرام:باغيا تهضريه بزز هههههه سيري بدلي اجي تاكلي

زوجة الاب:كدير ليك حق الشهر حالة(شافت فولدها شانق على المشة)تا برك اللارض خرجتي ليها مصارنها

حبداتها ليه هدى لهدوء وعطاها ليها حيت كيعزها بزااف..رغم انه صغير وياله كيكتاشف الا وانه شافها بزااف كيبقا يبغي يمشي عندها..عنقات مشتها وباستها وقالت:حكر عليك أعويشتيي

داتها لببتها هزات مسائلها دوشات تحيد العيا تالعادة الشهرية ورغم التعب تعطرات ورطبات مباغياش ترجع هدى القديمة..ياله غتمشط شعرها سمعات الغوات ديال يووسف وخرجات كتجري لقات مو هازاه حاطة يديها على راسو كتغوت:وااتاا مالك كطييير(قرصاتو)علاش كتنزل علاااش

اكرام:(حيداتو ليها)باغيا تقتليييه(تتقلب ليه فراسو)فين طاح

يوسف كان كيلعب حطو الماكلة دارتو حداها كيتبربص حتى طاح وميجي غي على قرن الطبلة قرب عينيه تفاوتات ليه العين بشويا وتحل ليه اللحم..

اكرام:ياربي اش هاد المصيبة

هدى:(طاح قلبها بين رجليها)واش مات؟

مشعراتش حتى نطقاتها خافت يجرا ايه ماجرا لاسراء وهي تصيح اكرام:بووووكر...تي راه غي تجرح..دوزي نتي نديييووه للطبيب

جلسات مو كتبكي تنخصص وهو حاميها للغوات والشهقة تتشد فيه..البنية شدات القنت وبقات هدى مصدومة مخرجة عينيها..تا جراتها اكرام:تحركي نديويه يغرز

سرطات رريقها وتبعاتها تلفانة لاحت عباية وفولار..جرات كلاكيط ومشات رفقة اختها وزوجة باها وحتى البنية بحكم البقية كلشي رجع فحالو..

كيبكي ويغوت ويبغي يقيس الدقة لي كتسيل بالدم حيت باقي صغير عي جريحة تفيض دمو..

اكرام:(كتنكر)ديما كنقوليك حضيييه حضيييه الدري فيه الحركة

زوجة الاب:مشفتوووش هءهءهءهء اميمتي وتوقع ليه شي حاجة يطلقني باعدي

اكرام:تي باين ليك غي باعدي هاد الساعة مشفتيش ولدك

صاحت هدى على اكرام:متغوتيش عليها واش هي غتبغي تقتل ولدها؟؟الدراري كيطيحو وينوضو..صافي سكتي سكتييي

صقلو كيتسمع غي بكاء يوسف اما البنية كضور عينيها تخلعات..اكرام مبغاتش تهضر عارفة جرح ختها عمرو يبرا..موصلو حتى كانو غييخفو بالخلعة..دخلوه للمستعجلات معاه مو وبقاو كيتسناو..خلصو وتكلفو وتسناو يغرزو ليه..

كتهزز رجلييها بتوتر والدمعة واقفة فعينيها ..حطات يديها على ركبتها؛براكة حبسي..متبقايش تفكري بزااف يوسف مابيه والو

شافت فيه بحزن دفين والدمعة مشدودة سالت قايلة:عنداك يموت بحال بنتي

اكرام:(دوزات يديها على كتفها ضاماها)لا ميوقع ليه والو..شويا ويخرج

بقات ساكتة وكتبكي فصمت ناضو عليها المواجع من جديد حتى خرجات مرات ياهم هازا يوسف ساكت وفحضنها غي كيشوف دايرا ليه سكاتة وناضو عندها

هدى؛(دوزات على حنكو كتشوف فاصمة حدا عينيه)ياقلبي عليك(شداتو منها ضماتو بحذر)الله يشافيك

زوجة الاب:مشييت نتسطا

اكرام:على سلامتو(باست ليه يديه)كبيدة ديالي خلع خواتاتو عليه(تبسمات بهدوء)

نغزاتها بنتها قايلة:ماما فيا الجوع

زوجة الاب:تي هذا خلى فيها شي كاسكروووط يخخ اابز ماتشوفي معاه ربح

اكرام:مكتاب الله وصافي ياله نمشيييو راه خلصت

خرجو من المستعجلات وغاديين لجيهة الباب وحداه كانت صالة الانتظار اخرى فيها ناس خريين..وعينين هدى رمقو عمر جالس كيهزز رجليه وعينيه حمرين باكييين..قطبات حجباتها وقالت:هاني جايا

اكرام:مالك؟؟

هدى:تسناوني

مشات فاتجاهو ونطقات بصوت متعب:خويا عمر

هز راسو فالصوت حتى كيتفاجأ بهدى ديال صاحبو كيف مسميها ونطق:ختي لباس

هدى:لباس..ونتا ؟؟ياك لباس اش واقع؟

ياله بغا يهضر وهو يسمع صوت مراتو جايا هازا الما وهازا حاجبها باغيا تعرف شكون هي..:عمررر

كانت مناداتها كافية باش تخليه يفهم بلي كتساءل شكون هادي..تلفتات هدى ونطقات؛ياكما مريض اخويا

عمر:خالتي صفية لي مريضة

هدى:خالتي مسكييينة(تزير عليها قلبها)مالها؟؟اش بها؟

عمر:دارت اوبيراصيون على القلب ومنجحاتش وراها بين الحياة والموت

هدى:الله ياااربي(تغرغرو عينيها)كتشوفوها؟

عمر:لا فالانعااش

هدى:مسكينة خالتيي..الله يشافيييها ياربي..عفاك خلي ليا نمرتك نسول عليها

عمر:واخا(مد ليها التيليفون)قولي نمرتك نصوني ليك

فتاتها عليه تحت نظرات مراتو لي واقغة كي العسكري كتشهد على هاد الفيلم وكطلع فهدى وتهبط لي نيتها حسنة لكن الوضع لي تحطات فيه الهام خايب بزااف واكيد غيرتها كتحرك واخا لوخرا مقصدات والو

الهام:(بعصببة)معرفتيناااش ..شكون هادي؟؟

عمر:هدى(زفر)لي كانت مع عبد الدائم

الهام؛مشرفيين احبيبة(ببرود)

هدى:نخليكم الله يشافي خالتي دابا نسول عليها

فهاد اللحظة بالضبط غمغم يوسف وهي تقول:بسلامة

عمر:(بتساؤل)ولدك؟

هدى:(بدون تردد)اه

زادت وخلاتو غي كيشوف وهي تبدا مراتو تسرسبهم ليه معصبة حيت معحبهاش البلان بتاتا واي وحدة مغتبغيش البلان

اما هدى مشات معاهم ساكتة كتراري بيوسف حتى وصلو..حطوه مع العابو لي فرتت نصهم محاسش بالحريق حيت مبنج وجلسو كياكلو بعدما برد فيهم الدم

****عند عمر

عمر:(بعصببة وصوت مكتوم)غتسكتي ولالا؟؟فرعتي ليا راسي..قلت ليك صاحبة عبدوو

الهام:تكون حتى صاحبة الملك..علاش تقوليك ارا النمرة وتعطيها ليها خاصك غي تبوسها قداامي

عمر:واشوف مع هاد الخليقة انا كنقوليك السيدة صاحبتووو ومعاه ونتي كتقولي ليا تبوووسها واش عارفة اش كتقولي

الهام:ماشي شغلي..وهاد المرة على وجه مرض خالتي سكتت المرة جايا نشطب بيها الارض ونتبعك ليها

عمر:تفوو وو

الهام:فاضحيين ليا راسي بهدى هدى فلخر هي غي اشهار تالسم..ممربياااش كتطلب للراجل نمرتو ومراتو واقفة

عمر:مقصدات والو..هدى كنعرفها ماشي من داك النوع(كيحك اطراف عينيه بنرفزة)

الهام:لا باين نوووعها..لي تطلب النمرة من راجل مزوج اش تكون؟؟شايطة

عمر:سدي فمك ولا وصلي داااارك(صاح فوجهها)براكة

نهار جديد كيحمل فطياتو أشياء جديدة ..كل نهار فالدنيا كتكون فيه بداية جديدة للبعض ونهاية للبعض بقدر مكيتزاد بنادم بقدر.مكيموت وكتبقى الصحة ديما تاج فوق رأس الأصحاء لا يراه الا المرضى

صفية تهلكات بالمرض والوحدانية زادتها..من طبيب لطبيب من عملية للاخرى حتى طاحت فالفراش وعيات وتنكسات ..ولاو غي خوتها لي مقابلينها..وأم عمر هي لي كتديها للطواليط وتوكلها وتشربها حتى هبط ربي رحمتو ورحمها بموتة فالسبيطار فديك الليلة نييت لي شافت هدى عمر..ماتت مع الثلاثة تالصباح مغيبة معاقلاش..غي الطبيب لي علمهم بوفاتها

كيقولو الموت رحمة شي مرات..كيكون الانسان مريض معذب ومعذب معاه لي مقابلو..الموت كيرحم ملي كيكون الانسان مابقا فيه مايتلبق وكيعاني مع المرض كيولي باغي غي يعطي وجهو للتراب

وهذا حال صفية ..المرا لي ضحات بحياتها وشبابها وربات خوتها وخواتتتها اليوم فدار الحق ممخلية لا ولاد لا بنات فقط ناس يدعيييو معاها

نتاشر الخبر فالعائلة ديالهم والقريب والبعيد جا شاد الطريق باغي يحضرو لدفن انسانة كيحضرو غي حسناتها وخيرها لي مصرفة فالناس..دارها لي كانت كتعمر بجماعة ديال العيالات كل سيمانة دايرين قصارة بيناتهم النسا كيفوجو اليوما جايين يعزييو فيها

لي تألم كثر هو عمر لي بكا عليها حيت رياتو وكبراتو وبقا معاها كيحس بها مو لي مولداتوش..كلشي تجمع للدفن وتغسلات وتدفنات صفية ومشات لدار البقاء

كيقراو عليها عمر الفاتحة رفقة عبدو لي واقف مع صاحبو حيت عارف بلاصتها عندو..ربث على كتفو وقال:الله يصبركم اصاحبي..الوقت كتنسي

عمر:(عيونو دامعين من تحت النظارات الشمسية)امييين

تحركو تابعين الرجال راجعين للدار كأيها الناس..ستقبلو العائلة العزاء من المقربين والعمارة كتنغل ببنادم وفنفس الوقت وقفات طاكسي صغير نزلات منها هدى وتوجهات للعمارة وخاطرها مشدود عليها من المكان حيت ميفكرها بعبدو غي حلات الباب كيبان ليها الداخل والخارج ستغربات ومشات طالعة حتى كتلقا دارها مترعة والعيالات كثار والقرءان مطلوق..قدرات حزئيا تستوعب اش واقع..تقدمات صفرة كتقلب على شي حد.كتعرفو وهي تنطق مسولة بنت:ختي الحاجة صفية؟؟

..:ماتت مسكينة الله يرحمها

تعصر خاطرها وطاحو دموعها فلبلاصة اولا كانسانة ثانيا حيت كتعرفها وكتعزها..رتاجفو شفايفها ونطقات بصوت خافت:اليوم؟؟

...:اه اختي

هدى:البركة فراسكم اختي

..:ممشا معاك بااس

خرجات من تما مخنوقة والدم تحقن فوجهها..هرموناتها مخربقين بالعادة الشهرية تقيسيها تبكي وعاد موت صفية ضرها تمنات كون شافتها قبل ماتموت..خلات بعض قطرات الدموع ينزلو على وجهها يأسف على مر مشافت منها غي الخير

نزلات لتحت كاع ومع خرجات من الباب تلاقات مع عمر داخل ونطقات بحزن:خويا البركة فراسك

عمر:(متوقعش يشوفها)ممشا معاك بااس اختي..

هدى:مكتابش نشووفها هءهءهء(زلقو دميعات)كنت باغيا غي نتسامح معاها

عمر:اوا الله بغاها ووصافي

هدى:تهلا فراسك اخويا والله يصبرك

دازت فيه ومشات جامعةةحزن صغير فقلبها وغادية جنب الحيط..السخفة شاداها وقلبها كيضرب على حهد بلا لغيكل لي فيها كدير ليها حالة ...بشويا عليها حتى تهاوات مع الارض حتى سخفات وتنشراات لارض

قشعوها الرجال من بعيد وبداو كيجريو ومنهم عمر حيت طاحت وقفتها..شد وجهها كيضرب فيه ويهضر:ختي هدى ختييي هدى

شبه مغيبة نص عينيها محلولين ونص لا..حيد ليها نظاظرها ونطق:ارااو المااا

مشا كيجري واحد من الناس يجيبو باش يرشوها ومايتصادف غي مع عبدو شاف الجوقة وقال:اش واقع تما؟؟

..:واحد البنت سخفات واقلة من عائلة الحاجة

حرك راسو وتم غادي يشوف اش كاين مبرد وكيمشي بشويا مع قرب كيسمع صوت عمر غي حيد الناس بانت ليه هدى منشورة فالارض ولاخر كيبفيق فيها وهي غي كتنييين

عبدو:(بصدمة)هدىىىى

كيشوفها مرمية فالأرض سخفانة وعينيها شبه مسدودين..تحنى بزربة حنى عمر وشدها هزها شويا حتى راسها حطاتو على رجليه..دوز يديه على وجهها بلطف كيفيق فيها:هدى هدى...هدى(ضربها ضربات خفاف)هدى

جا السيد بالما رشها بيه شويا وعطاه ليه ونطق موجه كلامو لعمر:هاك سوارت طوموبيل..حل ليا نديها للطبيب

معاودهاش معاه شدهم فحين هو هزها بين يديه كي الريشة وداها لطوموبيلتو والخوف كينهش فيه من الداخل..كيشوفها مغيبة وغي كتنين..حل الباب لقدامي حاطها وقادها ياله بغا يسد وهو يجي السيد عطاهم صاكها وتيليفونها..حط صاكها فوق رجليها والتيلي فجيبو..تزنك ولى غي تالف عوض مايمشي يديماري بقا كيتفتف على عمر تما لي معندوش الجهد يهضر حدو قال:بلا طبيب غيكون غي الطونسيوون(حل صاكها)عطيها تشم الريحة

بالفعل كأي مرا لقاو ريحة فصاكها..رشها فيد عبدو لي غي كيشووف وقرب ليه يديه عند.نيفها..كيشمم ليها فيها وينادي باسمها مرارا وتكرار حتى بدات تتحل شويا عينيها سخفانة..

عبدو:(بعيون خائفة)هدى كتسمعيني؟؟هدى(دوز يدو بلطف على حنكها)هدى

كيوصلها الصوت لكن بعيييد ..سد عليها الباب ودار المقود شاد السوارت مزادش هضرة وديمارا بسرعة لاقرب مشفى

.عين فالطريق وعين فيها هي لي كيوصلها الصوت بعيييد حيت مرة مرة كينادي عليها..كنزز على يديها مباقيش طلق ..كتحس بانه شي حد كيقيسها فيديها لكن عقلها شبه مغيب حيت الطونسيون طايح

وصل للكلينك ..ونزل جيهتها حل ليها وهزها عاود وتم داخل بيها بحالا هاربين من فيلم هندي..حطها ليهم فباص الإسعافات والفرملي كيسولو:مالها

عبدو:سخفااات(غادي معاه كيزرب)مبغاتش تفيق ..مامغيباش ولكن الصوت قليل

تبعهم حتى للمستعجلات وجلس كيتسنا فكرسي الإنتظار وقت وجيز ..كيمشي ويجي بحالا فيه الصريصرة حتى خرج الفرملي وسولو:مالها؟؟

ف:الطبيب كيشوفها..خصك تحط لي انفوغماسيون ديالها ف l'accueil

حرك راسو ومشا للسيارة هز بزطامها خدا منو البطاقة الوطنية وزاد عطاهم معلوماتها فانتظار يجيهم شي خبار عليها حتى جا عندو نفس الفرملي قايل:موسيو المدام فاقت

تبعو بخطوات سراع باغي يشوفها تلاقى مع الطبيبة فالباب لي نطقات مفسرة حالتها:rien de grave...لاطونسيون طايحة ومكانتش واكلة سي بوغ سا..كتبت ليها فيتامين وراه فاقت..ديجا فيها ليغكل دونك سي نوغمال تكون لاطونسيون ملمقاداش

عبدو:راها مزيانة؟؟

الطبيبة:وي مزيانة تقدر تشوفها وتديها معاك..بون غيتاسبليسون

حرك ليها راسو مافيهش لي يقول شكرا..جمع شجااعتو وكيفكر واش يدخل ولا لا حتى حس يدو فجيبو خرج تيلي ديالها شعلو من الجنب كانت صورتها بحجابها وضاحكة مع العوينات المكحلين ..لقا راسو تبسم بشويا وقال بخفوت:ميكروبة

رجعو لجيبو ودخل دافع الجبهة لعندها..لقاها فاقت وكتقاد شالها باغيا تنوض حتى سمعات صوتو الغليض ناطق ببرود عكس الخوف لي فيه:كي بقيتي؟؟

هزات فيه راسها وخرجات عينيها بشويا فيه..اخر ماتوقعات هو تشوفو هو هنا..معاقلاش اشنو وقع بالظبط لي عاقلة عليه غادية حتى طاحت..عقدات حجبانها:اش كدير هنا؟

عبدو:نوضي نديك فحالك

هدى:(بتساءل)راه سولتك واقلة.

عبدو:(قرب منها)سخفتي وجبتك هنا

سكتات مالقات ماتقول وهي تنطق بخفوت:شكراا

عبدو:(طانز)العفوو

بقا عاصر عليها بعينيه حتى لوات شالها ورجعات نظاظرها والتعب واضح فوجهها وتمات خارجة باغيا تزيد فحالها حتى شدها من ذراعها:فين غادية؟؟دوزي نوصلك

جرات يديها ببرود والصوت باش تغاوت معاه مكاينش..وهي تنطق:غنمشي رااسي(تفكرات)فين صاكي؟؟

عبدو:كلشي عندي فالطوموبيل..علاش مافطرتيش؟؟

هدى:دوز ليا قشي نمشي فحالي

مجاوبهاش حدو خزر فيها وزاد مخليها وراه باغيا تعضوو وتاهيا تبعاتو كتشوفو غادي وكيتبودر عليها تما وهو راه مشيتو هاكاك دايرا..مع قشعات الشورط كحلات بالعما وغمغمات فخاطرها:معري علينا سيقااانوو

وقفو حدا طوموبيلتو حل ليها الباب وقال:طلعي

هدى:(باصرار)عطيني قشي

عبدو:(ببرود)واطلعييي

هدى:عطيني قشي وبسع منييي

عبدو:واش أنا موحش فيك؟؟(قصح صوتو)دوزي نوصلك ..اش وصلك نتي لشي عزو؟؟

هدى:(شدات فديك موحش فيك)وملي ماموحشش فيا علاش قلتي ليا مقدرتش ننساك اهدى

صقل وعض شفايفو قايل:مالك كطيري جايا للعزو؟؟

هدى:ونتا سوقك؟؟(بصوت متعب)واعطيني الزمر نمشي فحالي عيييييت

عبدو:دوزي نوصلك راه دارك عارفها عارفها غي دوزي ولا مغتشديش قشك

هدى:(باصرار)اوا زيدهم فيك..

سمحات فيه وخلاتو مشوكي سمحات ليه فكلشي وراقها وصاكها وتيليفونها المهم كلمتها مطيحش الأرض..تبعها بعينه قاطعة الشانطي ومشا تابعها حتى برجليه باغي يلوحها لشي قنت بقسوحية الراس لي فيها..مع قرب ليها وقفات ليها طوموبيل باش دوز وقال مولاها:دوزي الزين نتي لولة

مجات غي فوذنو هو لي الجنون ركبوووه..وصاح فجهو:ماضورش تحوااا مع كرك لااا؟؟

السيد غي سمع ديك الكلمة وهو يزيد كيضحك حسابو راجلها مافيه لي يتضارب..أما هي ضارت عندو مخنزرة وجمعات صوتها المجعوق قايلة:الله يمسخك اقليل الأدب..علاش تابعني

جرها من يديها حتى خشا وجهو فوجهها وقال:برب وماتزيدي نوصلك حتى نتبعك للحاجة صفييية

هدى :(عينيها فعينيه مخنزرة وبنفس نبرتو نطقات)برب وماطلق مني حتى نجمع عليك عباد الله...والى كيحساب هدى ديال شحال هادي هي ديال دابا راك غالط(دورات وجهها كتحاول تفلت منو)طلق منييي قصحتيني

عبدو:والله حتى نوصلك وطيري ونزلي ..طاكسي مغتشديهاش..وعلى رجليك مغتمشيش وغدوزي نوصلك ولا نصليها مع مك(بدا كيهلل وكيهز فصوتو)باغيا غي الشوهة؟؟نتشوه معاااك(كيغوت حيت عصباتو)باغيا الفضيحة نتفضحوو ياله وااا دوزي نوووصلك ولا بربي حتى نخليها ليك متوورخة وديك شوف تيفي لي موصلاتكش نهار شيختي توصلك اليوم

حطات يديها على حنوكها حشمانة من هضرتو ومحرجة حيت لي داز كيشوف فيهم على هضرتو والمغاربة خصهم غي يسمعو الغوات ويتجمعو..زفرات وبين سنانها نطقات:واش مكتحشمش ويلي الناس كتشوووف

عبدو:(عاد مزاد صعر)لي كيتسالني شي قلوة نعطيها ليه..لتعصبيش الز***** بويا هاد الصباح دوزي لداركم ولا نبقاو هنا حتى يجمعونا البوليس

شافت فيه وشافت فالناس حواليها وحنوكها تزنكو بالشمش وبالإحراج لي دار ليها وشورات بهدوء حتى دازت قدامو وكتركدد من الداخل مزيرة على يديها باقي مكتحسش براسها مزيان..كون تكون هي وياه تطلييه ولكن خافت من الشوهة..طلعات حداه هزات صاكها وشدات حنكها كتفكر هاد الوحلة لي وحلات حتى سمعاتو ردخ الباب بجهد وديمارا معصب مشات بها طوموبيل وجات..دارت السمطة خايفة على راسها..وكتسمع فيه كيسوط كي اللفعة خصو غي من يعض..كيتسناها تهضر باش يطليها حتى تسمع صوت هاتفها عندو...جبدو شاف المتصل "صلاح" وهو يلوحو ليها مغدد ..شافت المتصل ومجاوباتش وعاد مزادت روناتو فعقلو وباغي يموت ويعرف شكون هذااك...

سقلات حتى وصل لحدا دارها لي صافي عرفها نهار جاب ليلى عندها..هزات صاكها وجات هابطة وهو يقول ببرود:مايكون باس الميكروبة

هدى:(بعصبية)لي شافك نتا يموت غي بالفقصة

رجع بأدراجو للعزو يواسي صاحبو اما هي دخلات للدار معصبة ومنرفزة وحزينة..كاع الاحاسيس الخايبة تجمعو فيها..تلقات ليها ختها وعاودات ليها كلشي من الاول تالخر حتى شداتها البكبة على صفية عاود

اكرام:الله يرحمها..مسكين عبدو ضريف

هدى:(ميقات فيها)وتخسار الهضرة؟؟ممربييش

اكرام:علاش كتشوهي صورتو هههه السيد ضريييف ونتي كنتي كتقوليها

هدى:(تفكرات فاش ضربها)الله يبعدو علي..مجمر الغمة هو مجمر الغمة

رانيا؛(كتلعب)ماما مجمر الغمة؟

ضحكات هدى بخفوت وقالت:واحد الضرسة كضرني ههه

****

عند عبدو

واقف فالعشا ديال صفية بزز معندوش مع هادشي..كثرة بنادم كدوخو وكتخلي نفسو يضياق كيبغي يكونو معاه ناس قلال..ولى غي كيسلم على الناس وصافي مكيسمعهمش اش كيقولو لكن صاحبو ميقدرش يخليه

تعشاو الناس وكلشي مشا بقاو غي الخوت بيناتهم..هبط عمروعبدو للتحت يتكيفو بعيد على الدار مجمعين

عمر:اش قالو ليك عندها؟؟

عبدو:غي العيا ومفطراتش

عمر:تلقاكم تخاصمتو؟؟

عبدو:كي.ديما(ساط الدخان كيشوف بعيد)كتنوض تغوت وكنوض حتى انا وكمل من راسك

عمر:بغيتي الصراحة نتا لي ممزيانش..هدى بنت الناس وبنت دارهم عمري شفت عليها شي حاجة نتا مولف ببنات الزنقة

عبدو:واش انا منسواش؟؟كنت معاها برب تالمزيان..خاطرها فوق خاطري..كنشد الطريق على قبلها ولى المغرب عندي بحال شي مارشي..تشوف اش كدير ليا بالتعفار والغوات وكنحني الراس على وجه حيت نقية وبنت النااس ومافيهاش التقحبييين...واااه انا زعما منستاهلش تسمح لياا كااع

عمر: اوا اخويا الضرب لا..ضربتيها بزاااف

عبدو:شي مرات كندم حيت كنا غنكونو دابا بخير وشي مرات كنقول معرفت الخير فين جا

عمر:الخير هو تبعد عليها؟؟

سكت شويا ونطق بعد تفكير:من نهار تفرقت معاها وانا مافخير...معرفتش اش كيوقع ليا

عمر:الزعطة صعيبة اعشيري..فراسك عندها ولد

عبدو:(لاح الكارو)عندها الز******

عمر:والله حتى عندها..صغير سولتها قالت ليا اه

عبدو:تلقا ولد ختها ولا خوها..واه عام ونص وتكون ولداات؟؟(تفكر فاش جابتو معاها عند ليلى)منظنش

عمر:فففففف ضبر لمخك..السيدة شافت حياتها

مشا وخلاه ماعندو خاطر فحين هو زفر زفرة طويلة وخرج كارط ناسيونال ديالها من جييو معطاهاش ليها بغاها تبقا خيط بيناتهم..ونطق بتعب:الله يسهل ليا عليها

******

مر اسبوع اخر ..لا جديد يحكى لا قديم يذكر..الحياة رجعات لطبيعتها عند كلا الطرفين..

وقف طوموبيلتو حدا خدمتها وتفكر فاش كيتسناها تخرج شحال هذا .نزل ضارب الحطة ودخل مدرم كي.ديما جا فالصباح عارف كتكون الدعوة مرخوفة..دور عينيه فالمحل..لمحاتو اية وقربات جيهتو مبسمة:مرحبا اسيدي

عبدو:هدى مكايناش؟

اية:لا عاد غتجي

ياله غينطق وهي تدخل ولوحات اية نظرها وراه حتى ثارت انتباهو وضور وجهو كيشوفها داخلة طافية بهاد المفهوووم..نيفها حمر وعينيها منفوخين..كل مكتقرب ليه كيزيد يتأكد بلي كتبكي ..قوس عينيه وقرب ليها نيشان ناطق:مالك؟؟(عينيها دمعو فلبلاصة)شكون دار ليك شي حاجة

هدى:(ترعدو شفايفها وشداتها البكية)ماتت ليا عويشة أعبدو هءهءهءهءهء(طلقاتها)مشات ليا مشتييي

طول فيها الشوفة مامستوعبش بتاتا اش واقع..هو انسان معندوش مع الحيوانات الأليفة بحالو بحال بزاف تالناس..تقوليه كنبكي حيت مشة ماتت يجيه تبرهيش ولا فشوش عكس الناس لي مربيين المشاش كيكونو حاسبينهم طرف منهم ومكيدوزش نهارهم بلا بعض

تنهد وقرب جيهتها معارف مايقول..كون فوضع اخر يعنقها لكن دابا يخاف يعنقها تشوهو..نطق بهدوء:كي وقع ليها؟؟(زاد قرب)صافي ماتبقايش تبكي

هدى:(كتعاود ليه وتبكي)خرجات للزنقة بوحدها وضرباتها طوموبيل(طلقات بكية خفيفة)تبجغات هءهءهءهءهءهء مااتت ليا مشتييي

آية وراهم معرفات تضحك ولا تبكي حيت كتعاود ليه بحالا كتهضر على شي شخص..وحتى هو واقف كي البوطو ديال الضو قدامها ماعارف مايقوليها..زعم وهز يدو ناحية حنكها مسح حنكها دغيا ونزلهم باش متبداش تغوت وقال:مكتابة تموووت..نجيبو وحدة خرا..بغيتي نشريو قطة خرا

هدى:(حيدات نظاظرها كتمسح دموعها)مابغيت والو..بغيت نموت ونتهنا هءهءهء كاع الناس كيموتو ويمشييو ويخليوني حتى عويشة ماتت

شاف فآية وقال:تقدري تخلينا بوحدنا

حركات راسها وخرجات تجيب فطورها وهو ينطق عبدو: واش نعارضو قضاء الله...المشاش كيعيشو كاع عشر سنين وكيموتو يعني مكتابة ليها

هدى: مالقات غي مشتي تموت هءهءهءهء كانت مونساني

عبدو:أنا قلت غتكوني خرجتيها برا ورا ماتفرقنا

هدى:(تفكرات)نتا ميكروب هي مالها؟؟مسكييينة مشتيي هءهءهءهء مشات ليا

جابت ليه الضحكة وكان علاين يضحك ليها فوجهها وهو يحبسها وقال:ياله نشريو وحدة خرا دابا

هدى:مابغيتش باقي شي حاجة..لي ولفتو كيمشيي ويخليني ..غنموت بوحدي حتى أنا(مشات كتحط صاكها فالدرج)بحال الحاجة صفية..كلشيي كيمشي هءهءههءهء

عبدو:حتى أنا درتي عليا هاكا فاش مشيت؟؟ولا غي هاد عويشة

شافت فيه بنظرات نارية عاقداهم:نتا فقصتك باقي واحلة ليا هنا(شارت لحلقها)ديالك نتا بوحدها وماعمري ننساها (كتمسح نظاظرها )لاش جاي عندي بعدا ؟

حرك راسو بلا حول وخرج من جيبو كارط ديالها ..ثم مدها ليها قايل:نسيتي هادي عندي

شداتها وقالت:شحال قلبت عليها.

عبدو:(حاضي ملامحها)بقات عندي

هدى:وعلاش حتال دابا عاد جايبها

عبدو:(ضحك)بغيييت

هدى:(خسرات فيه سيفتها)تهجرو..شكرااا حيت جبتيها بسلامة عليك

عبدو:أنا كلياان و كتجري عليا

هدى:مافراسيش واش كتلبس حوايج لعيالات اااه ولا نسيت نتا فوكونط

عبدو:بغيتها لصاحبتيي

شافت فيه مخنزرة وداخلها مكرهاتش تصرفقو:معندناش لطاي ديالها..سير فصل ليها

عبدو:حضيتيها بعدا؟؟

هدى:مسالية ليك نتا وياها أنا؟؟براكة غي لي فيا

عبدو:بسلامة تهلاي فراسك

حركات راسها وحناتو كتطلع وتهبط فيها ديك صاحبتي..كتقول مع راسها هو عاش حياتو وأنا لا..غددها ورعدها بجهد..أما هو ياله غيخرج جات آية خارجة فيه هازا جوج كيسان تالقهوة ومايتكبو غي عليه بجوج فيديه شوطوووه

آية:ويلي ويلي سمح ليا سمح ليااا..(تاهيا تكب عليها حيت تصاطحو)ويلي ويلي

عبدو:(جر يديه بزربة مألم)فففففففف

جات هدى كتزرب متساءلة:مالك؟؟

آية:كبييت عليه القهوة

شافتو شاد يديه متألم وهي تنطق:ويلي ويلي البرص غيتشووط( جراتو من يديه)زيد زيييد ندير ليك الما بارد

داتو حداها ساكت ..يديه تخوات عليها قهوة سخونة شوطاتو ومع البرص ماكيقدرش على الحرق..خوات عليه قرعة باااردة محطوطة تما حتى خرج صووت خفيف من فمو كيدل على أنه تقسح

هدى:(كتنفخ بشفايفها على الحرق)ششش غي صبر الما بارد مزياااان لييك

آية:سمح ليا اخويا

هدى:اجي حتى نتي نخوي ليك الما بارد

كباتو عليهم بجوج ..آية غي تقاست هو لي تكب عليه كلشي..كيحس بجلدو كيوزوز وهي تقول:صبر أنا جايا نجيب ليك بيافين ونجيي ماتنووووضش

عبدو:(وقف)غي خليني نمشي فحالي

شداتو من كتافو وجلساتو:٧العار مرة وحدة فحياتك سمع ليا..ريح خليني نداويها ليك..عارف راسك فيك البرص ..جلدك ماشي بحال جلدنا..ريييح ها الفارماسيان غي فالضورة..نجي نلقاك مشيتي نبان أنا وياك فشوف تيفي

عبدو:مبناش المرة لولة نبانو دابا

مجاوباتوش هزات بزطامها وخرجات تتجري مخلياه هو وآية لي مشافش فيها كاع بقا جالس كي الأمانة حتى جات هازت خنشة تالدوا وقالت كتنهج:تعطلت؟؟فففففف صبر..آية اجي ندير ليك

آية:لا سبقيه هو لي تحرق بزااف أنا غي شويا

وقفات عليه كتنهج وحلات البومادا قايلة:غتبقا دير البومادا والفاصمة باش ميقيسهاش الما ولا شي ميكروب

عبدو:(كيشوف فيها قريبة ليه)مممم

هدى:(كدهن على يديه بحنان ومركزة)عود شوف قداامك..ميمتي غاتشوط ليك فففف(كتسوط بفمها)كتحرقك؟؟(شافت فيه )

عبدو:اه بزااف

هدى:(على نيتها)واغي صبر..شويا ويهمد (كتسووط)خليها هاكا ندير لآية ونجي ندير ليك فاصمة

علاه هو هضر..صقل نيت مادوااش كمدها فقلبو وبقا جالس والحريق فيه فيدو وفقلبو..مكرهش يشدها ياكلها على هاد الحنان لي بينات ليه دابا ولي نادرا مكتبينو حتى كطرا ليه شي حاجة..بقا كي العروسة وكياكل فيها بعينيه باعجاب كيقلب منين يشدها حتى طاحت عينيه على مؤخرتها ومع محنية على آية كتقاد ليها جات مقوسة وخارجة ..محس براسو غي ناطق:احححح أقلبي

تلفتات ليه حيت مسمعاتوش مزيان وقالت:مالك

عبدو:(دار وجه مضيوم)والو غي ضراتني

مشات ليه نيشان شدات يديه كتلوي عليها الفاصمة:نمشيو لشي طبيب؟؟جاتك فوق البرص نيشان

عبدو:لالا غي خليها..الى مبراتش نمشي لطبيب تالجلد فاسبانيا

هزات فيه عينيها ويديها خدامين..تلاقاو العيون وقالت بلا متبين ليه اهتمامها:غادي راجع؟

عبدو:اه

هدى:مامولفاش ليك تمشي دغيا

عبدو:عام والصرف ماجيت

هدى:(حنات عينيها)لوااه..الكذوب لا

عبدو:والله ماعمري جيت..آخر مرة كنت هنا هي فاش وقع البلان

هدى:(تغيرو ملامحها)طريق السلامة..يديك راه مداوية حضي معاها

سكت شويا مخليها تكمل لاية وحلف لا ناض فحالو حدها كملات ليها وهي تضور عندو وقالت:مغتمشيش؟؟

عبدو:نهضرو شويا؟؟

هدى:فاش غنهضرو؟؟عيييانة وقلبي غيطرطق عليا خاصني غي معامن

عبدو:اجي خويه فيا..أنا نصبر

رمقاتو بنظرة عتاب:كتفرش ليا تاني ؟؟

عبدو:(وقف)اشمن فراش؟؟اجي نهضرو شويا غنمشي فحالي قريب يقدر معمرنا نتشاوفو

هدى:داكشي لي بغيت

عبدو:(باستهزاء)بااينة ليك فعينيك..تواضعي شويا ونتي غي كنوقف حداك كتولي ترعدي

هدى:(دافعة السنطيحة)كنترعد عليك؟؟صباح الخير الزين فيق فيق من القلبة

عبدو:(تبسم بذكاء)نبين ليك؟؟

هدى:متبين ليا متقرب جيهتي..عطيني غي بالتيساع..

عبدو:مايحنش قلبك اهدى؟؟

طولات فيه الشوفة بجدية كأنها كتستجمع أفكارها ونطقات بعتاب:حنيت وتمحنت..باش جازيتيني؟؟بالعصا..العصا لي عمر با معطاها ليا ..وطلبتك ورغبتك تحبس ونتا غي مزايد

عبدو :(قرب منها وحنى راسو ليها حيت قصيرة عليه)غلطت وسبحان لي مايغلط..درت الذنب وبعدت عليك عام والصرف باش منعذبكش لقيت راسي انا لي كنتعذب

هدى:باينة الصراحة..من بار لبار..من بنت لبنت ومن خنز لخنز وهدى راه حاطها فالإحتيااط

عبدو:من نهار عرفتك وأنا هاكا..واش وريتك وجه مكاينش..ياك النهار لول جيتك سكايري وبو بيران

هدى:اييه جيتي هاكا ومع ذلك حنيت الراس وتواضعت وقبلت نكون معاك حيت بينتي ليا بلي شاريني وبلي عزيزة عندك..ونهار بان ليا بلي مكنسوا عندك بصلة راه زدت فحالي

عبدو:هضرتك لخراا؟؟زعما هاد السيد مدار والو على قبلك؟؟معمرو دار معاك الزوين..كولي عيشتك غي الخايب

هدى:داكشي الزوين لي عشت أنا وياك هو لي دابا مخليني نحشم ونهضر معاك على وجه العشرة اما نتا غلطتي فيا بزااف وباش نكون معاك واضحة انا ممستعداش نرجع كي كنت..أنا بنيت حياتي لي مافيهاش نتا وحتى نتا راه باين بديتي من لول

عبدو:نتي غي وقتما شفتيني مع شي وحدة(بنرفزة)حسبيها صاحبتي..معرفتيها ختي ولا جدة

هدى:ايييه ختك وحدة كنعرفها بملحفتها (كتهزز فيه حاجبها )وبصحتك مالي انا سوقي..

عبدو:عقلي اش كديري ،،،عقلييي..الله يعاون

هدى:الله يعاون

داز فيها ومشا مخليها كتعوج فمها عليه وتميق فقصها وعصبها حتى وقفات ٥اية وقالت:شكون هاد التيتيز

هدى:(غوبشات فيها)كولوه كووولووووه وديرووه فخبيييز

رجعات لدارها بعد يوم ثقيل عليها حيت الأزمات كثارو عليها مؤخرا لقات راسها معندهاش نهائيا مناعة ضد الموت أو بالأحرى فقدان الناس..تلقات ليها ختها عند الباب وهي تعنقها بتعب أما حتى عينيها جفو من الدموع..

إكرام:كي ضليتي؟؟

هدى:شويا(شافت فيوسف)كان عزيز عليه يلعب بعويشة مسكينة

إكرام:أجي تاكلي وترتاحي..عويشة ربي لي بغاها

هدى:مابقيتش قادرة نخسر شي حد مزال..وليت كنمرض فنفسيتي

إكرام:حيت مدايراش فبالك بلي الموت حق..مافيهاش شك..كيفما ماتت ماما غنموتو حتى حنا وكيفما ماتت مي وماتت عويشة وحتى إسراء غيموت العالم...قانون الحياة هاكا داير..شي كيموت وشي كيعيش

هدى:(بتذمر)أنا معندي جهد لهادشي ففففف

إكرام:تكايسي على راسك..

هزات يوسف ورانيا باستهم بحب وعنقاتهم وحتى هوما عنقوها فرحانين بيها حيت كتشد ليهم الخاطر

وقفات ختها كتشوف فيها كيفاش معنقاهم بحالا كتستمد منهم القوة ولاحظات أنه هدى ديال المراهقة ماشي هي ديال دابا. . هدى كانت قوية وحتى حاجة ماكتهدها..دوزات مشاكل كثار وصراعات كثيرة مع عائلتها ومع خوتها نيت لكنها ثابتة..ورا موت إسراء بدات كتهرس شويا بشويا..كترجع عادي مرتاحة وكتبان متقبلة الموضوع لكن كل ما كتفقد شي حد كترجع من جديد لنفس الحالة وكيخصها وقت باش تستأنف طبيعة حياتها من بعد. .

مشات بدلات عليها وطيف عويشة فينما مشات كاين..لتاحقات بهم للعشيوة من إعداد مرات باها

إكرام:هضرت مع أحمد غيدوز نيشان لدارو

هدى:معليش راه خدمتو ونيت يرتاحو بجوج راه باقي عرسان..

إكرام:أنا غنمشي لاحد الجاي

هدى:بصح؟؟بقاي معايا شويا

إكرام:علي كل مرة كيفرع ليا راسي برجعي رجعي وكنبقا نأجل حتى لقيتو مقطع ليا..

هدى:غيكون توحش بنتوو مسكين

إكرام:توحشني انا ههههه

زوجة الأب:هههههه الله يمسخك بحالي أنا باعدي عاد تهنا مني

إكرام:باعدي غا باعدي هههه ماكيتبدلش غا بركي

هدى:بقاو معايا

إكرام:هذا الجهد

كملات العشا بزز معندها خاطر وناضت تكات ففراشها كتلعب فالتيلي حتى دخلات إكرام قايلة:وكدي راسك مابغيتش نمشي ويبقا بالي مشوش عليك

هدى:عي تهناي(تنهدات)دوزت ماصعب

إكرام:دوزتي مجمر الغمة هههه

هدى:جا اليوم فالصباح عطاني كارط ناسيونال بقات عندو

إكرام:باقي مصواب ههههه

هدى:عندكم نتوما (تبسمات)بقا عليا واش انا مدرت والو على قبلك و ماتحقديش عليا وسمعهم ليا..

إكرام:أنا جاني براكة لي غلب يعف..السيد شارييك..

هدى:تيقي ليا نتي بمسلسل مجمر الغمة..اه كيفقص غي يسمعني سمحت ليه صافي يرجع كيف كان وأنا مابقيتش بغيت المصاحبة

إكرام:بفمك قلتي طاح منو خاتم مارياج يعني كان عوال..

هدى:ماعرفناش واش ليا ولا شي وحدة خرا..وعاد راه تصاحب وجابها ليا وهي بنت خالة غيثة لي كانت مع ايمان

إكرام:السلامة ياربي هههه

هدى:شتي على زهر ههعععع أنا بحرا ماتهنيت

إكرام:أحيانا عليك نتي راه تتصطاي عليه كتبان فعينيك

هدى:(حولات نظرها مشوشة تفكيرها)اش نفعني هاد الحب..من غير العيا والتكرفيص

إكرام:نعسي نعسي نتي مفقود فيك الأمل ههه

خلاتها كتفكر فعبدو وكل مكتبغي تفرنس لشي ذكرى زوينة كتفكر السلخة وكتحقد..أما هو راه مبقا عرف فين يعطي الراس ..مرة يشرب باش ينساها ومرة يبغي يطج باش مايشوفش حسها ولا يشوف شي حاجة تفكرو بها

جاه إتصال من ليلى وهو في قمة السكرة كيضرب فكويساات حنان ..جاوبها مكوخ:الوو

ليلى:عبدو صافا؟؟

عبدو:حمد لله ونتي؟؟(ضحك حيت كيحمد الله وسط السكرة)ههخههه

ليلى:(سمعات ضحكتو ورتاحت)مممم توحشتك اعبدو علاش غايب عليا غاع هاكاا...

عبدو:(طالعة معاه السكرة)توحشتك حتى أنا..كنتي معفرة عليا

ليلى:نووو ماشي هاكاك نتا لي قلقتيني منك

عبدو:أنا؟؟لالا هههههه جي عندي جي نشوفك

ليلى:(شافت الساعة كانت الطناش)فين كاين؟؟

عبدو:مريح فداري بوحدي

ليلى:واخا

فكرات لثواني ونطقات وهي تحيد فراشها عليها وقالت:صيفط ليا اللوكاليزاسيون

صيفطها ليها ورجع كيتكيف والكاس فاليد كيشوف فيه هدى ولباس..اش دارت ليه معارفش..تسنا ساعة بالحساب وكان الدقان فبابو..حط تيلي مجبود على صورة هدى هي وياه هي مبسمة وهو كيشوف فيها وكيضحك..

ناض بتثاقل للباب حلو لقى ليلى بشحمها ولحمها بدجين لاصق وتيشورت خفيف مع سبرديلة جامعة شعرها للفوق وضاربة ماكيااج ناعم..الخيورات غي مدفكة عندها كي اللور كي القدام

تبسم ليها وقال:والله حتى جيتي

ليلى: و علاه أنا نقدر نخسر ليك؟؟(قربات باستو فحنكو بنعومة)

عبدو:(حافض تقحبين البنات)دخلي

دخلات بأريحية كضور عينيها على الدار لي مكرية بالدقة على النيف وقالت متلفة الوضع:دارك؟؟

عبدو:لا..تشربي شي حاجة؟؟

ليلى:(شافت القطعة العادية لي مقاد)سهران بوحدك؟؟

عبدو:درويش أنا ههه (مد ليها سبرايت)

شداتها حلاتها وتنشرات حداه دايرا رجل على رجل وترمتها فايضة..حتى هو تنشر حداها وشعل كارو اخر قايل:صافا مع الخدمة؟؟

ليلى:هاحنا الستريس والصالير والو ههه ونتا(حطات يديها على كتفو)علاش غبرتي عليا

عبدو:الدماغ مبرزط(كيسوط فالدخان)

ليلى:(بصوت رقيق)اش برزطو؟؟

عبدو:شي شغال وصافي(حقق فيها الشوفة)زيانيتي

ليلى:(ضحكات)معلوم هههههه(كتلعب بشعرها)كولي حلاوة

حرك راسو ليها وهز كاسو جغم منو وهي تقول:فيا الجوع

عبدو:الدار دارك

ناضت على نيتها كتحلون وهي غرضها غي ضور فالدار تشوفها كي دايرا وتبرع عينيها عارفا راسها بايتة حيت قالت لمها وحدة معاها دارت كسيدة ومشات تعاونها..حتى هو تبعها بعينيه مزيان تا عبرها وحدر راسو لكاسو..رجع للتيلي كيشوف تصاور هدى وحدة ورا الاخرى وقلبو كيتعصر عليها

حس بها تعطلات ومع ذلك مناضش تسناها حتى جات على خاطرها هازا طبسيل فيديها ..حطاتو وقالت:كنت دايرا ريجيم ههه

عبدو:كتمرضو راسكم على والو

ليلى:الضعف زوين..شوف دابا أنا هاد ليهونش عقدوني

عبدو:(فاهم)هه ياك؟؟اوا نتي تعرفي

بقات معاه مريحة مرة يهضر مرة يصقل حتى دازت ساعة اخرى ..كان هاز التيلي فيديه وهو ينوض قايل :مع كتوصل السكرة فين بغات كتجي البولة

زاد وخلاها للطواليط غافل على انه خلى التيلي محلول حداها..مع غبر مع حولات عينيها للتيلي شافتو محلول وهزاتو عاضة على شفايفها ..لقاتو عادي ..وهي تدخل نيشان لواتساب مالقات حتى نمرة مدخلة وكلشي +34 ..مبان ليها والو وهي تمشي للتصاور ومدخل هس فالتصويرة نيششان ديالو هو وهدى حيت كانت اخر حاجة شاف وخرج غي من الوسط...

خرجات عينيها ممصدقاش وكتحاول تفكر فين شافتها..محسات غي براسها دخلات للواتساب صيفطاتها لراسها ومسحات الأثر..كلشي دارتو بزربة وبدون اثر وهي تحط التيلي وقالت منادياه:عبدوو تعطلتي؟؟

مجاوبهاش وهي تعاود تهز دوزات لتصويرة اخرى لقات بزااف تالتصاور هو وياها وحدة تنسيك فلوخرا ..سكرينات ديال ابيل فيديو معاها وتصاور يديهم خلاوها مصدووومييين..حطاتو من يديها فاش سمعات لشاص طلقات وجلسات مصدومة بحالا صرفقتيها..صفرة ومافاهمة والو...

جلس حداها مردش البال نهائيا حيت سكران نوعا ما ..اما هي راه ضرباتها اللقوة معرفات مدير باقي بقاا غي كتشوف وبطا عليها امتا تنفارد براسها باش تشوف مزيان وتبركك وتستوعب..

قضات معاه ديك الليلة سهرانين حتال اشمن وقت ومقربش ليها بتاتا حدو باسها فقط..وتكوخ نعس معقلش باقي اما هي راه كثرة التفكير غرقاتها حتى غفات حداه ومامشاتش للخدمة

اليوم الموالي فاق هو لخر خاسر ..راسو غيطرطق عليه فوت فالشراب ..شاف حداه لقى ليلى..عقد حواجبو وهو يتفكر بلي عيط ليها..ناض دوش وصحصح ورجع لبس حوايجو وياله غيرش ريحتو فاقت هي كتعجز وتعاود وداك الماكياج كولو تجلخ

عبدو:صباح الخير

ليلى:(عنقات مخدتو)صباح النوور..خارج؟؟

عبدو:سي..خصني نشوف الواليد ضروري

ليلى:واخا

عبدو:بقاي حتى تريحي دماغك وسيري

ليلى:(تفكرات التصاور)تايق فيا زعما تخليني فدارك

عبدو:ماشي داري..ومالك اش غديري فيها؟؟

ضحكات بدلع وقالت:اوك

زاد من حداها خارج مخليها كتفطح فيها..ناضت كتفوه دخلات لطواليط وهي تصدم بوجهها وبدات كتويل غسلات وجهها ونقاتو ومشات مكورة فالناموسية ..كتشوف فالتصويرة وتعاود وهي تصيفطها فكروب لصحاباتها وكتبات:ها صاحبة عبدو

مشات نيشان لصفحتها فالإنسطا ديال لي بيجو حيت عقلات ليها وبدات كتقلب على الكونط الأصلي ومن حسن حظها ف ل bio لقات الكونط الأصلي وهي تدخل صيفطات ليها انفيت وبقات عاضة على شفايفها كتسنا تقبلها..وفنفس الوقت صحاباتها جاوبوها

ص1:حلفي واش هي هادي؟؟اويليييي

ص2:ناري مازويينااش أصاحبتي ..ويلي حالتها نتي حسن منها

ليلى:عرفتو تصدمت والله..لقيتها غي بالصدفة عيط ليا البارح قاليا توحشتك(كتزيد فيخرات)وجيت عندو ..بقينا مجمعين ناض للطواليط لقيتها فالتيلي كان كيشوف فيها

ص1:والله حتى مازويناش ويلي الى كان هذا ذوقو باااز ويلي هههههه

بقاو شاديين بها النميمة من هادي لهادي مخلاو فيها غي لي نساو ..

****

فورشة النجارة التابعة لأب عبد الدائم..من بين الورشات لي عندو بالإضافة لعدة مشاريع مقابلهم راسو جالس هو وياه على أتاي صحراوي كيتذاكرو كأي أب وابنو فمشاريعهم وكيتحااسبو حيت باه رغم أنه خلاه تما الا وراه كيخصو تفاصيل خدمتو لي ضيع عليها عمرو

الحاج:أنا جاني بيع كلشي ودخل

عبدو:كضحك عليا ههعع خليني لهيه معدي ومنها الواليدة متعصبش

الحاج:مك معصبة غي مع راسها ههه الله يهديها

عبدو:نخليوها مع راسها ترتاح

دخل المتعلم عند الحاج وقال:سيد الحاج الماكينة خسرات تاني

الحاج:أنا نوض نعيط للمعلم

عبدو:اشمن ماكينة؟؟

الحاج:(كيدوز الابيل)التقطاع ديال الخشب اولدي..عيااات وكل مرة جايبين معلم

عبدو:أنا نشوفها

الحاج:رد البال

خرج برا كيقلب فيها كانت ديال التقطاع واقفين عليها المتعلمية مع كمية ديال الخشب..مشا كيقلب فيها وكيحرك فيها ...قلبها كاملة لأنه كيفهم فهاد لي ماشين خاصة هو لي مستوردهم لباه..وفغفلة منو نسا بلي كلشي بالضو مع دار حركة خفيفة بيدو مع الماكينة خدمات ومجا الموس غي فيديه طير ليه صبعوو الصغيرمن الجذر حتى طار الصبع وتسمعاااات صرخة عااااالية ديال عبدوو من حر الألم لي وقع فيييييه..كيغوووووت بأحر جهدوووو وهو كيشوف يديه كلها دمايات وصبعوووو طاااار من الجذر

فرمشة عين وقعات واقعة كارثية..فرمشة عين الصبع طار من بلاصتو والدمايات كتشرشر مفهمو والو من غير غوات عبدو بحر جهدو لي تسمع

تقلبات الدعوة وحيت مولفين بهاد الحوادث دغيا زربو على الصبع هزوه وهزو معاه مولاه فطوموبيلة الحاج لي قلبو غيسكت على ولدو..اي نعم دازو عليه حوادث هاكا وبزاف تالمتعلمية دازو من هادشي عندو لكن هادي حالة خاصة حيت ولدو

اما عبدو راه كيحس بعروقو كيتجبدو ويعاودو والالم لا يضاهي شيئا ولى مزنك على الجهد وعينيه حمارو بالالم..فور ما وصلو لكلينيك غالي فكازا سعفوووه فالبلاصة وخلاو الحاج كيتسنا على أعصابو كيمشي ويجي بهلع ويعاود يجي..خايف يمشي ليه صبعو بمرة..

بقا مدة طويلة فالانتظار حتى قرب يسخف وقرر يعيط لخوه يجي عندو لي متعطلش باش ينظم ليه يواسيه ويوقف معاه

الحاج:بني بني..غيمشي ليه صبعوو

عبد المولى:واش دغيا جبتوه؟؟وعطيتيهم الصبع؟؟

الحاج:عطيناه..خصهم غي يلحقو يخيطوه ليه

ع.المولى:فخبار خيرة؟؟

الحاج:لا متقوليها والو خليها متعرفش غتطيح بشي كريز تالسكر

ع.المولى:حسن خلي حتى يتفك بعدا

بقاو كيتسناو من جديد حتى خرج الطبيب وببشاشة صارحهم:الحمد لله عتقناه فالوقت والصبع تخيط لكن خصو الراحة الضربة كانت قاسحة

الحاج:يعني مغيمشيش ليه صبعو؟؟

الطبيب:لحد الساعة لا..حيت دغيا عتقتوه وجبتوه مدازش بزااف خيطناه ليه ورجعناه

الحاج:نشوفوه؟؟

الطبيب:يرتاح شويا ودخلو شوفوه حيت مبنج شويا

حرك راسو ليه ومشا مخليهم كيتنفسو الصعداء..مخليين عبدو يرتاح بعدما كان على بونت غيخسر احد أطرافو

بعد مدة زمنية دخل الحاج لعند ولدو لقاه مغمض عينيه ويديه مضمضة بلاصة الصبع..تنهد ونطق :بني

عبدو:(حل عبنيه بشويا )الواليد

الحاج:شويا؟؟ياكما فيك الحريق

عبدو؛شويا..امدرا؟؟حيدوه

الحاج:لا خيطوه..خصك الراحة باش يبرا

ع.المولى:الضبع ديال خويا هههه(ضحك)مشا الصبع

عبدو:الموت ...حسيت بالدم وقف فراسي وعروقي حبسوو

ع.المولى:مساهلاش ..الحمد لله نتا عتقوك فالوفت كاين لي كيحيدو ليه يديه ولا صبعو

عبدو:الحمد لله خرجات طريفة

ع.المولى:رتاح مع راسك حتى تمشي لدار ونجي نشوفك

عبدو:(بتعب)الواليد خيرة متسيقش الخبار

الحاج:مقلت ليها والو..

عبدو:بلا متعاود ليها البلان..غتمرض مسكينة غي خليها

الحاح:نعل الشيطان راه مك

عبدو:مبغيتش نبرزطها خليها حتى نخرج ونقولوها ليها..السكر عندها على سبة

الحاج:واخا أبني ..رتاح ليك شويا انا غي حداك

حرك راسو وغمض عينيه كيحاول يتنتسا الحريق لي فيه اما ليلى راه كانت خارجة مع خدمتها واخدة نص نهار كونجي..مدوزة الابيل لغيثة بنت خالتها

ليلى:توحشتك الخانزة ههه غبرتي علينا

غيثة:غي الزواح هههههه مع ياله بديت كنفرش الدار

ليلى:بعدا افونصيتي شويا؟؟

غيثة:شويا هاحنا شويا بشويا

ليلى:حمدي الله معندك عجوزة

غيثة:عائلة احمد زوينة ومافيهمش الصداع

ليلى:ياكما خواتاتو فيهم داكشي ديال يتدخلو ؟؟

غيثة:لا الحمد لله زوينين كيسولو فيا وفخوهم

ليلى:كنت تقديت من عند لوستك لوخرا دوك لي كورميط فنين

غيثة:ااه هدى ههه كتبيع داكشي زوين

ليلى:داكشي فاش خدامة..؟؟

غيثة:لا هي خدامة فمحل تالحوايح ودايرا هادشي معاهم

ليلى:مزيان مزيان..مزوجة؟؟

غيثة:لا اكرام مزوجة بحريني وعايشة فالامارات وهدى مطلقة وعايشة فكازا

ليلى؛(تصدمات)مطلقة؟؟ايهاي

غيثة:اه طلقات شحال هذا

ليلى:ومتزوجاتش باقي؟؟

غيثة:لا قاليا احمد مبغاتش..بقات ديال راسها

ليلى:حسن ليها اختي..فين عندها المحل اختي خاصيني حوايج

غيثة :ف******

ليلى:اوا مزيان الله يسهل على الجميع نديرو حتى حنا شي بروجي

غيثة:الله يسهل عليك اختي ياربي

ليلى:الله يجيب من يوقف شي بروجي هههههه سيري سيري نمشي نجبد عليه بنعسة

وصلات لدارهم جبدات عليه بنعسة حتال العصر عاد فاقت دوشات وصححات وهي تصوني لصاحبتها دايرا معاها موعد باش يتلاقاو..بدلات عليها وزيزات على الحالة..بماكياج رائع ولبسية غزالة بحالا غادية مرندفة تكون فيها الموت كتقاد وتصايب..خدات طاكسي وتلاقاو فالشارع لي فيه محل هدى..اي نعم الشارع طويل وفيه محلات كثيرة لكن مافيهش محلات حوايج بزاف..

تسالمو وهي تشد فيها وقالت:شوفي هاد الشارع خدامة فيه ديك خيتي ديال عبدو

هند:واش اختي جايبانا نطيحو الدل ويلي ههههه اش باغيا عند البنت

ليلى:باغيا نشوفها ونبرككها فاص

هند:ياك شفتيها؟؟

ليلى:مكنتش عارفاها الاكس ديالو..تصوري كان معايا ودار راسو مكبعرفهاش وحتى هي

هند:تلقاي خنزوها عاد تفرقو

ليلى:منعرف..زيدي لهنا نبداو بيه

هند:غرقتيها كونجيات؟؟

ليلى:درت ديبار هههه وصافي واش جيت روطار ويعطيوني نص نهار هههه

ضحكو ودخلو لاول محل ضارو فبه ولي شافهم بالحطة والايفون ضاربينو فيديهم يقول هادو يشريو المحل كامل وهوما غب كيشوفو ويقلبو وجهم صاليرهم طبوو فيه فلول تالشهر

من محل لمحل حتى دخلو لمحلها ومع شافتها من بعيد مع كليانة مع هزات حاجبها وطلعاتها وهبطاتها ومشات دارت راسها كتقلب فالحوايج وكتهضر بين سنانها مع صاحبتها:رااه لهيه فين واقفة(حققات فيها)

هند:زوبنة فاص ماشي بحال التصاور ههه

ليلى:عندها حقها..زيدي زيدي نسلمو عليها(دارت ضحكة صفرة)هههه سلام

وقفات عليها وهي تشوف فيها وستغربات لكن مبيناتش بتاتا حدها بتاسمات تاهيا بنغس الطريقة وقالت:اهلا الزوينة..لباس عليك؟؟

ليلى؛(سلمات بوجهها)صافا اي طوا ؟؟

هدى:حمد لله

ليلى:خدامة هنا؟؟

هدى:اه ..خصاتك شي حاجة؟؟نعاونك؟؟

ليلى:صراحة بغيت شي غوب صواري وااعرة

هدى:الصراحة لي غوب سواغي مكاينينش ..كنديرو غي لي غوب عاديين

هند:(كتعبرها)ودجين؟؟

هدى:كاينين..شحال كتلبسي؟؟

هند:طاي 40 هه

مشات هدى على نيتها تجيب السروال كتحاول تخوي راسها من اي شيء..فحين ليلى همسات لهند:غتشري؟؟

هند:لا ههه باش تبرككي على خاطرك

جابت ليهم السروال وقالت:غنمشي نقيس

هدى:نتي احبيبة مابغيت والو

ليلى؛نو مغسي..وليت كناخد كساوي بزااف ههه

هند:الحكام هههه

دارت لهدى طن فراسها وهي تبع هند بعينيها وسكتات مباغياش تجبد معاها هضرة اخرى فحين لوخرا نطقات:هضرت مغ غيثة غي قبيل

هدى:لباس عليها؟؟توحشتها هي وخويا

ليلى:ولفات ههه لقات الحب ههه(بميوعة)خوك مهلي فيها

هدى:خويا دروييش وكيتهلا والله

ليلى:سي باينة(خرجات هند)ناري جاك لاصق غلاضيتي

هند:بزااف هههه(كضور)جاني مزير بزاف

هدى:نعطيك طاي كبر؟؟

هند:نن بلاش

ليلى:انا مكرهتش كسيوات مع مبقيتش كنلبس السراول

هدى:صراحة الكساوي فهاد الصهد لي يليقو..السراول كيصهدو

ليلى:نن انا غي مكيخلينش موسيو نلبسهم هههه

وصلها الميساج فدماغها واخا هي عند بالها ليلى مكتعرفهاش ولوخرا كذلك..مجاوباتهاش ونطقات:الى بغيتي حتى ترجعي تاخدي كسيوات

ليلى:جيم با الصراحة هاد لوستيل..حتى نشوف معاه نمشيو نتقداو اونصومبل ويختار على ذوقو

رمقاتها هدى ببرود وقالت:اوك ختي مرحبا بيكم المحل محلكم

هند:دي موا لوستيل ديالك ديال الفولار زوين ختي ياله دارت الفولار وبغات تاخد فكرة

هدى:(حسات بيهم كيجروها للهضرة)كنبيع لي فولاغ انا ..حتى تعطيك ليلى لباج ديالي

هند:ههه واخا احبيبة

ليلى:حمم انا نشوف دوك لي شوميز

مشات باقي كضور فالمحل وخلاتها هدى على راحتها حيت حسات بالصهدة طالعة معاها..ومرضاتش تسمع عليه شي حاجة..حسات بالهضرة كطلع وتهبط فيها..

هدى:(مخاطبة اية)زبن شوفي معاهم انا راسي ضرني

اية:اوك

ليلى؛ويلي السيدة مدارت حتى غياكسيوون واش زعما معرفاتنيش

هند:محال ههه السيدة مطمرة

ليلى:كدير هبل تربح..صبري نمشي نسولها

مشات عاود من جديد عندها وقالت:حتى لي بيجو هنا؟؟ايي تباارك الله عليك كتجمعي كلشي

هدى:(فقصاتها)وي

ليلى:(بفضول)نجرب هاد لوموديل؟؟

مداتو ليها ببرود ولبساتو وكتعيط لهند:شوفي

هند:(جات)غزااالة

ليلى:اطط نصورها نصيفتها لعبدو يعطيني رأيوو واش ناخدهم

سمعات اسمو وبدات كتصهد..عضات على شفايفها مبردة وعرفاتها علاش كضور لكن بتاتا واش تبان على وجهها ..خلاتها على خاطرها حتى صورات وصيفتات ليه بالفعل ودارت اوديو بمياعة:حبببة ديالي عجبك؟؟ناخدو؟؟

هند:مكرهتش ناخد مي ماشي دابا

ليلى:انا نيت على الاغلب ياخدو ليا

هدى:(باستخفاف)بصحتك مسبقا

شافت فيها ليلى مصطانعة البراءة:مغسي ماشيغي نتسناه غي يجاوبني

هند:(مكملة معاها فالتمثيل)عيطي ليه يجي لهنا

هدى:(بسرعة)قربنا نسدوووو

ليلى:(حسات بيها)سي فغي؟؟اوا نتسناو يجاوبني..(دوزات ابيل ليه)مممم كيغبر مع الشغال كيخلييني مشوشة عليه

هند:(ضحكات)شفتي شحال زوين اختي تكون سليباطير (شافت هدى)ياك اختي

هدى :اه

ليلى:اوا اختي الوحدانية لا ههههه مكيجاوبش..خليه يكون براحتو ويعيط ليا مي سي سيغ غناخدو

هدى:(ببرود)مرحبا

ليلى:مهم انا نخليك سلمي على الدار

هدى:شكرا مرحبا بيك

مشات كتعوح مخليا هدى متبعاها باستخفاف وبدات كترعد رجليها بعصببة حيت وصلاتها ليها فين بغات..جاتها وقاحة منها انها تجي وتهضر عليه حداها..مشات وجات فدام المحل وهي تهز تيلي مدوزة نمرة عمر..لي بعد رنات جاوب قايل:ختي

هدى:(ببرود عكس العصبية لي فداخلها)غتقول لداك الميكروب ديال صاحبك ميبقاش يصيفت ليا شياطتو لخدمتي ولا غنخرج معاه فشوف تيفي..وسير وصلها ليه الشكام

عمر:(مضهشر)شكون صاحبي؟؟أصاحبي مريص فالسبيطار كيموت

سمعات ديك كنموت الريق فحلقها نشف وهي تنطق:اويلييييييي(بالغوات)كيفاش كيموت

عمر:طار ليه صبعو اختي

خرجات منها صرخة بدون ماترد البال لراسها..كانت عوالة غي تطليه عن طريق عمر لكن ملي سمعات صبعو مشا تهز قلبها عليه وتحط..ومحسات غي وهي مغوتة

عمر:(كيزيد فيخرات)اه اختي .مسكين دازت فيه ماكينة ديال النجارة ومشا ليه صبعو

هدى:(فمها نشف)عايش؟؟

عمر:عايش ولكن مسكين مكرفص

هدى:(فشلات)فين كاين؟؟

عمر :ف*****

هدى:انا جايا

عمر:واخا

قطع معاها وقال طانز:اختي نتوما كتباغاو وانا كناكل القرنابي (دخل لغرفة عبدو)باقي حي؟؟

عبدو:(بصوت متعب)جاي تشفا؟؟

عمر:(تنشر فكرسي)نوض هدى ديالك جايا

عبدو:(كيتقاد بلاصتو)كيفاش جايا؟؟شكون قالها ليها؟؟

عمر:صونات ليا وقلتها ليها(شاف فصبعو)مشا الصبع

هز عبدو قرعة صغيرة ديال الما بيدو السليمة وصيفتها ليه قايل:وعلاش هاضر معاها؟؟

عمر:وا دير الخير مع هاد المكاريب...غتجي السيدة ودير راسك ميت عالله تحن عليك

عبدو:باغيني نتقحبن باش تحن علي

عمر:لا ...العيالات اعشيري حنانات الى كانت فري كتبغيك راه غتبان فيها اليوم ديك الساعة شوف واش نيت دير شي خطوة للقدام ولالا

عبدو:التبرهيش هذااا

عمر:سمع مني ودير راسك ناعس ملي تجي وتفرج..نشوفو هادشي باش فاضحنا

عبدو:وشكون قاليك انا باغي نرجعو؟؟جالس كتخطط من كرك

عمر:(ضحك)توريني فيك انا هههه كتموت على جد مها

خزر فيه وبقا كيضورها فراسو حتى جات رنة اخرى من عندها وعطاها رقم الغرفة حتى دخلات ولقات بالفعل عبدو مغمض عينيه

هدى:(بصوت مرعود)كي وقع ليه(حطات يديها على فمها بصدمة)تويييلييييي

عمر:(مطمر)ختي غي بردي راه غي تحيد ليه صبعو

قربات منو كتسرط ريقها والدمعة تجمعات فعينيها عليه مجات فين تقيس يديه لي مريضة حتى طلقاتهم بالصوت خلات قلب عبدو لي مغمض عينيه يتعصر عليها..أعدى ماعندو تبكي ليه هدى...

طلقات عنانها للبكاء ولمسات يدو بشويا كتسول فعمر:وعلاش ناعس؟؟

عمر:اخني راه فييه الحريق..صبعو طاار من الجذر غي خيطوه ليه

هدى:(حطات يديها على صدرو)اويلييييي(عاد مزادت كتبكي)مشا ليه صبعو؟

عمر:(كيزيد فيخرات بنبرة صوت جدية)لا خيطوه ولكن بزز..عرفتي دمو مشرشر على جهد..وكيغوت بالصداع

تلفتات ليه كتراقب بعيونها الباكية حالتو..بقا فيها وكتحس بقلبها كيتذبح بالالم عليه. قربات ليه ولمسات من جديد يديه بحذر كابحة البكية:مسكين ماعندو زهر

عمر:(قرب يتمسخ بالضحك)واييه من وحدة لوحدة

تحنات شويا لجيهوو وبدون شعور وفكها كيترعد بالخلعة كتحس برجليها كيفشلو عليها ملي كتقرب كثر..محسات براسها غي طابعة قبلة على جبينو دليل على الاطمئنان والراحة...نوضات فيه نو الصعرة مكرهش ينوض يتكيها تما..مقدرش يصبر مغمض عينيه وهو يحلهم بشويا مع منظر وجهها الباكي حتى طاحو بعض القطرات على وجهو..رمقها بنظرة هادئة وياله بغا يهضر وهي تحط صباعها على فمو والشهقة كتفلت ليها:ماتقول والو عفاك..

بقا ساقل كيضور عينينه بين ملامح وجهها كيتسناها تهضر لكن كيشوفها فقط شادة يديه كدوز عليها بطراف صباعها بشويا جايبة ليه رغبة كبيرة فأنه ينووض يحضنها..وبصوت خافت نطقات:فيك الحريق؟؟

حرك راسو بالسلب وقال:لا..سكتي من البكا

هدى:كي وقع ليك؟؟

ياله بغا يهضر وهو يتفتح الباب ودخل بااه بشحمو ولحمو .تفاجأ بوجودها وشاف فعمر وفولدو كأنه كيتسنا استفسار..فحين هي جرات يديها بشويا بلا متعيق وماهضرات حدها حنات راسها وخرجات بلا هضرة بلا جوج مخليا كلشي ساكت كيشوف

عبدو:تبعها وصلها لتمشي طيح فشي بلاصة

خرج عمر حابس الضحكة عليه فحين باه نطق :شكون هادي؟؟

عبدو:(طلق زفرة بارتياح)المدااام

الحاج:(بغرابة)ديال من؟

عبدو:ديالي

الحاج:(حس بيه كيتمازح)اوا هي داير شي حفايد بلا خبارنا

عبدو:عاد ناوييين ان شاء الله

الحاج:(لمس الجدية فصوتو من جديد)واش كتهضر بصح؟؟شكون هاد السيدة

عبدو:السيدة لي أنا معاها

الحاج:(ضحك)مكتحشمش هههه كتقولها ليا فوجهي

عبدو:الوليد هادشي مافيه حشمة. نحشم من الواليدة نتا راك با

الحاج:غنعاود نسولك..شكون هادي؟

عبدو:سميتها هدى ..ان شاء الله ناوي معاها الحلال

الحاج:(جلس مفرق رجليه)هي ان شاء الله عوال..

عبدو:هذا الجهد الواليد

الحاج:(بحزم)اش كتعرف عليها؟؟

عبدو:بنت الناس خدامة على راسها ونقية ومربية..

الحاج:الاصل مزيان اولدي..نتا شوف الوقت ونمشيو اولدي نخطبوها

عبدو:متقول والو لخيرة ..خليني نرصي مع البنت

الحاج:علاش نتا مزال مدويتيش معاها؟؟

عبدو:داير الكعية معاها ...ترطاب ونعلمك

الحاج:(ضحك)ههههه مبقيتيش كتحشم ههههه

عبدو:(بابتسامة خفيفة)ولدك صعععيييب وهادي هي لي كتصبر ليا

الحاج:الله يسهل عليك اولدي..هذا هو الوقت دير دارك ووليداتك ونشوفوك مستقر

عبدو:ان شاء الله

***عند هدى

خارجة كتسمح فدموعها وتجمع شتات نفسها حتى كيناديها عمر..تلفتات ليه كتقاد نظاظرها وقالت:وي

عمر:ياله نوصلك

هدى:لا ..شكرا

عمر وصاني اختي ياله نوصلك

هدى:لا..بلاش بغيت نبقا بوحدي

زادت مخلياه غي كيشوف ..صونات ليه مراتو داتو بابيل طويلة حتى سالا رجع عندو وقال:وصلتيها؟؟

عمر:لا مبغاتش

عبدو خليتيها تمشي بوحدها؟؟

عمر:نشدها من راسها بزز راه مبغاتش هه

الحاج:حشومة تخلي لينا العروسة بوحدها

عمر:وليتي كتعاود لباك على صاحبتك ههه

الحاج:(تزنك)هادشي راه عيب(مسح على وجهو)هه

عمر:أ مبينو وبينها والو..ولدك لي لاصقها الحاج..اما هوما فاراوها شحال هذاا

عبدو:عمررر سير فحالك

الحاج:ولدي رتاح شويا وياله تخرج الطبيب خلاك تخرج

عبدو:واخا(كينوض)يدي مثقلة علي

الحاج:راه صبع هذااك..مك راه علمتها

عبدو:(بفضول)اش فالت؟؟

الحاج:بكااات وغوتات وحبساتها وهيبة

عبدو:انمشي للدار نشوفها

الحاج:توكل عالله اولدي

بالفعل دارو الاازم وعاونوه حتى خرجو ودماغو فيه جوج حوايج..الحريق لي فيديه وكذلك ارتباطو بهدى

هاد الاخيرة لي موعاتش اش دارت حتى وصلات عند اكرام كتبكي وتعاود ليها ولوخرا كتسكت فيها

اكرام:وملي اختي خايفة عليه علاش مترجعووش؟؟

هدى:مغتفهموونييش نتوماا..معارفينش اشمن نوع هو

يتبع...