شداتها البكية ملي شافتو واقف لكن يدو من صباعو مضمدة ..حطات يديها على وجهها وهي تطلقهم كتبكي وتنخصص وتنوح على الحاج:ديتيه يمشيي لي صبعووو الله ياخد فيك الحق
قرب منها عبدو وصدرو مثلج بمجموعة أحاسيس سنين معاشهم..كون عرف بلي مو غتبين خوفها عليه كون شحال هذا دار شي كارثة..تحنى على ركابيه وشد يدها باش مغطية وجهها باااسها وقال:الواليدة متبكيش
مهضراتش حدها بقات كتبكي وتشهق وتشوف فيه ..اللسان باش تهضر معندهاش محطوطة بين نارين قلبها وكبدتها ..قلبها لي حقد عليه وكبدتها لي كتاكلها عليه..
كيشد يديها بيد وحدة ويمسح ليها الدموع وكيطلب فيها تسكت بحال شي ولد صغير:الوليدة..متبكيييش راه موقع والو..داكشي ديال الله...وا الواليدة..سمحي ليااا(كيبوس راسها)صافي عفااك متبكييش كنمرض معاك
الحاج:خيرة نعلي الشيطان الولد ماببه والو راه خيط صبعو
وهيبة:(كتدمع)صافي أماما موقع باااس
بقات كتبكي بلا متشوف فيه حانية راسها كتلعب بيديها بحالا عندها عقوبة وصدرها كيطلع ويهبط معاها حتى تنفسات شويا وهي تقول:وهيبة ديني لبيتي
جات شدات فيها داتها كتعرج برجليها سخفانة لبيتها مخلية عبدو متبع ليها العين باغي يتسطا..من جهة فرح بزااف حيت خافت عليه وحس بمو كيف كان كيحس بها قبل عشر سنوات..ومن جهة ضرو خاطرو عليها من البكا لي بكاتو وهو لي مولف كيدوز من ما كفس ومكيسيقش ليها الخبار
مريم:خويا على سلامتك..بيتك وجدتو ليك
حرك ليها راسو ومشا لبيتو بالفعل..وتنشر هاكاك متكي كيشوف فالسقف والراحة لي نازلة على خاطرو شحال ماحس بها..نساء قلبو بجوج حنو عليه اليوم وعبدو الى بغيتي تطيري ليه عقلو حني فيه بلا ماتكوني متصنعاها
غمض عينييه براحة والابتسامة شاقة طريقها ففمو والخير لي كيشوف فيه قدامو هو يكون مع هدى لي مبغاش يتنسا ليه فاش شافها كتبكي وباست ليه راسو..بعض غللحظات من نظراتها كيحس بها مبقاتش كتحملو وكتجاهلو ومكتحس بوالو لكن فلحظة ضعف ديالو هو خلاتها تعري على وجهها الحقيقي..وجه هدى لي كيشوفو أقلية الناس..فيه خليط من الحنية واللطافة والضرافة
****
بعد مرور أسبوعين
داخل للمحل بحالا جاي لدار باه..اللباس نفسو والهيبة كتبقا حاضرة رغم انه معطوب من يدو لي باقي فيه فاصمة كيدور عينه كي النمس كيقلب عليها حتى كتبان ليه كتغونجي التيشورتات وهو يتقدم عندها وحمحم دليل على قدومو حتى تلفتات..شافتو وتهز قلبها كبف ديما وعينها مشاو نيشان ليديه وياله غيهضر وهي تنطق بهدوء؛كي بقات يديك؟؟
عبدو:(هز يديه موريها ليها)مزيانة..نتي مزيان؟
هدى:اه..علاش جاي؟؟
عبدو؛فنظرك؟؟
هدى:اش فنظري؟؟هذا محل تالعيالات اش غتشري نتا؟؟
عبدو:(بابتسامة)نشريك نتي...فيك مايمشي نضربو قهيوة بجوج(تكا على الكونطوار)
طلعها ونزلها وبكل ماعطاه ربي من الجرأة قرب منها..وحط يدو على خصرها ورك عليه وقال:باغيك نتي الميكروبة
ضربها الضو فخصرها وهي تقفز وبعداتو عليها مخرجة عينيها:واش مسطيي؟؟اويلي شهاد قلة الادب؟؟
عبدو:(حك نيفو بلور تصباعو)مبقا حد يقيس الميكروبة
هدى:واش تسطيتي؟؟خرج عليييي من هنا..اش كيحسابليك راسك ؟؟تعاود تحط علي يديك نهرسها ليك
عبدو:ياله واشوف مع هادي غتعاود تبدا علي بالسيناريو ديال ديماا..وبعد مني ومنكملش معاك ومبغييتكش
هدى:ثيقتي راااسك هاا؟؟خرج علي حسن لييك
طلعها وهبطها وكمش عينيه وبعد تفكير نطق:انا باغي غا نعرف اش كلتي حتى غلاضيتي؟؟
حرق ليها فيزيبلات عقلها بسؤالو..حساتو رجع بها لور لوقت لي كان فيه كيفقصها كيهضرو فموضوع هو نقز لواحد اخر لي هو باغي يدوي فيه..ساطت وضربات بتيشورت قايلة:كليت دردك سير قلب عليه
عبدو:(كيبرككها)جيتي قتالة الميكروبة..غي فرقتك ربيتي الصحة
هدى:(باستهزاء)باش تعرف كنتي مرضني فصحتي
عبدو:أنا راجع نهدها عاود
قالها بكل ثقة كأنه ضامن رجووعهم ساعا ضربات بكتافو عرض الحائط قايلة:الى كيحسااب حيت جيت زرتك لله فسبيل الله راه غنرجع معاك غي سير عاود حساباتك..خرج علي منها
عبدو:اشنو تقولي متوخشتينش(قرب منها كيضحك باغي يعصبها)هاهيا كتبان فعينيييك(جر ليها النظاظر بزربة)شوفي العوينات كي فرحانين حيت شافوني
هدى:(حيدات ليه نظاظرها وخرجات فيه عينيها)متبقاش تحط علي يديك ولا نتفاهم معاك..خرج علي حسن ليك
عبدو:متبرديش أهدى وتخلينا نهضرو كي بنادم
هدى:حتى تكون نتا بنادم واجي نهضرو
قلبات ليه النقشة دغيا وقرب منها عاقدهم:انا حيوان؟؟جمعي فمك راه صاابر معاك
هدى (عرفات راسها زبلاتها وبدات كتفتف)متصبرش اسيدي..ياك لي جمعناه فرقناه اش باغي مزال؟؟سير عند ديك الشيخة ديالك لي كتخسر عليها فلوووسك
عبدو:غي جي عندي.كتبكي وتبوسي فيا وقولي مكنبغيكش..قودتيها على كرك جبدتي عليك واحد النحل مهوررر...من اليوم كاين غي انا وياك(كيحذرها بصبعها)تبقاي تقحبني علي لا نتفارقو لا منسمحش ليك...السلخة كليتيها وبردات عليك غي محيها من دماغك لندير ليك شي اعاقة تبقاي حدايا فيها حياتك كاملة
عضات شفايفها مفقصة وهي تلوح تيشورت عليه معصبة وصاحت:وااابعد منييي..ياك مشيتي علاش راجع؟؟ولا باغي تنكدها علي..شفتي واخا تبقا بوحدك راجل والله مانرجع معااك
عبدو:(بصوت حاد)مالي غنطلبك؟؟حاسبك رجعتي هي رجعتي..متجيش عندي انا الى مكنتش كنعني ليك
هدى:(غددها)راه العزو وكنعزيو فالبراني(ضربات رجليها مع الارض)كلاوني رجلي لي جايا عندك..اما سير غي تزمر
دازت فيه كضرب بجلايلها مفقصة مكرهاتش تعطيه دقة لراسو تغيبو وتهنى منو وتابعها حتى هو كيتمختر ممسوقش ليها مصر هو على اشنوو فهم من تصرفاتها لي جاو فلحظة ضعف
تلفتات ليه مخنزرة وقالت:الى نتا حسابك غنسا المعاملة لي عاملتيني والعصا لي عطيني بحال شي حمارة عندك راه كتحلم..الى نتا هزيتي راسك ومشيتي انا راه مرضت فيها شهورااا
شدها من ذراعها مقربها ليه قايل:واخة غلطت(دور ليها يد وحدة ورا ظهرها )مقدرتش ننساك اهدى(قرب لوجهها)صعيب تنساي ليا
كتشوف وجهو قريب لوجهها وبديه لاوية يدها ..مع نظرات حنينة فوجهو كتشوفهم غي هي فقط..رمشات عينيها مرات عديدة فيه من تحت للنظاظر وقالت مبعدة وجهها عليه :عبدو طلقق منييي شهاد الشدة؟؟
عبدو:(زير عليها كثر وقربها منو)اشمن شدة نشد فيك؟؟(زفر ليها عند وجهها)كنشوفك كنولي كولي مخربق بحالا بوحدك لي مرا..
ماهضرش باقي إنتاقلو مباشرة للحسابات كيجلس معاها على كل حاجة فين مشات وفين جات وآية خدامة حداهم مع الكليانات حتى دوزو نهارهم ..وصلات التسعود..حركات عنقها بتعب وقالت مخاطباه:أنا غنمشي
آية:(كتلبس صاكها)هدى أنا غنمشي
هدى:واخا اختي سيري الله يسهل عليك..غدا العشرة ياك
آية:اه
هدى:ان شاء الله..
رشيد:غي سيري أنا غنسد
مشات للسطوك تهز صاكها وهي تقشع البوطة الصغيرة لي حاطة آية مع بعض الأواني فبلاصة معزولة على الحوايج..كتشمشم لقات ريحة الغاز..مشات سداتها بتذمر وكتنكر:نساتها تاني شي نهار طرطرق فينا
خرجات من المحل مخليا رشيد كيحسب لاكيص..دورات وجهها مبانش ليها حسو وهي تنهد براحة..شيرات لطاكسي ومشات متهنية من وجهو ..خلصات ونزلات للدار غي دخلات تسمع الصقيل كانت عارفا كلشي مشا ديك الليلة ..علقات أشياءها ومشات قاصدة بيتها باغيا دوش وتريح دماغها وبالفعل خدات دوش خفيف ريحات بيه راسها من يوم متعب..دوزات كوموند كلوفو وبدات كتلبس حوايجها وتنشف شعرها بفوطتها حتى سمعات الصونيت وهي تقفز..كان ديال هاتفها..جاوبات لقاتو الليفرور جايب ليها العشا..جاوباتو ومشات هزات عبايتها ..جمعات شدة مهملة لشعرها ولاحت فولار..ونزلات هازا الفلوس والتيلي..خرجات شافتو ياله وقفات عليه وبغات تمد ليه فلوسو وهي تمد ميتين درهم من حداها ..تلفتات بهدوء حتى كتلقاه هو لي مادها..عقداتهم فالبلاصة وياله غتبدا تعرعر وهو يشد الكوموند مد ليه الفلوس وقال:سير الله يسهل عليك
هدى:(ضربات الكوموند )اوا الى بقيت ليك فيها راني بنت الك**لب...
عبدو:(عرفها ديرها)من تحت الأرض نجبدك..نتي دياليييي وليا..والراجل يهضر..محدك مقسحة راسك وأنا لاصق وبغيتي غي الزكير أنا مولاه
بقات كتشوف فيه بعصبية ويديها كيترعدو..كتكره لي يشد معاها العكس ويمشي عليها كلامو..محسات غي بعينيها تغرغرو وشفايفها كيترعدو وقالت:نتا أكبر حيو*&ان عرفت وحكار..عمر شي حد حكرني ولا تعدا عليا كي درتي نتا..ومعمري ماغنسا ليك اش درتي فيا..
هزات فيه راسها وطلقات دموعها وهي تغوت فوجهو:حييت عيييت منك ومن فعايلك كتجي كتفقص فيا وتعصبني وكتمشي..مكتعرفش كتخليني نتغدد فبلاصتي مكتقولش مسكينة تقدر يتبوشا ليها شي عرق فراسها بالفقصة..كتسنا تحطني فالركنة باش ترتاح ياااك
لاح الكوموند من يدو ومشا شدها نيشان من وجهها بين يدييه وزير عليه ونطق بحدة:واش عارفا اش كتقولي.؟عارفا راسك شنو نتي بالنسبة ليا حتى نبغي نأذييك..راه نضر العالم ومنضركش نتي...اه غلطت وجيت وضربتك وحكرتك ومتعاملتش مزيان ولكن كنبقا بنادم فلخر(كيدوز صباعو على حنوكها)كنغلط وكندم..وبعدت باش نتي ترتاحي مني باش منضركش..كان فيا لي يبقا لاصقك حتى تسمحي ليا وتنساي ولكن قلت لا براكة ضريتيها خليها ترتاح منك..مقدرررتش(بصوت ضعيف)مقدرتش..المرا لي شفت كنشوفك فيها..كنقول نسيتك غي نشوف تصاورك كتشدني عليك الصعرة..
كتسمع ليه وعينيها فعينيه..بلا دميعات خفاف لي نزلو من عويناتها ومع ياله مدوشة الوجه كيبري مرطب على حقو..جات بملامح مغرية بالنسبة ليه..رغم انه كيهضر لكن كان منطالي عليه سحر ملامحها وفمها لي واخد شكل البوسة حيت مزير ليها حنوكها..وبصوت خافت نطقات:منقدرش نسا ليك شنو درتي فيا..كنشوفك كنتفكر كلشي
عبدو:مغتنسايش اليوم وغدا ولكن من بعد غتنسااي. عارفك قلبك كبيير واخا تعياي تبيني بلي نتي قاصحة..ونيتك زوينة ومافيكش السم لي فالعيالات..وغتسمحي لمجمر الغمة ديالك
بقات كتشوف فيه مدة ثواني وكلامو كيضور فدماغها..كانت نبرتو صادقة هي قارياه وحافضاه لكن أبدا واش الذكريات الخايبة تفاوتو مع راسها...ياله بغات تهضر حسات بيديه زيرو كثر على وجهها ورجليه كيخطييو كثر ناحيتها لاغيين السنتيمترات لي بينهم..عينيه رصاو على شفايفها فقط وفبعض الاجزاء من الثانية كيطلعو لعينيها..عرفاتو اش باغي يدير..كيمارس عليها سحر عطرو الرجولي وبحتو لي كل ماهضر كتفوح بريحة الكارو والجوانات لي كتعيفها فكلشي الا هو كتعجبها منو...
دق قلبها دقات كثيرة على غير المعتاد وكتحسو كيخرج من بلاصتو خاصة انه حشرها فيه وعول انه يبوسها فشفتها ..مع قرب راسو شويا باغي يطبع قبلة ملكية تمناها شحال على شفتها حتى كانت وعات وشهقات مدورة وجهها حيت لامجال للهروب من الجهد باش شادها..بغات تفلت منو لكنها حساتو طبع قبلة على حنكها مجهدة بعص فيها حنكها بحال شي دري صغير فاش كتقوليه بوسني وكيشدك ببوسة كيلصق ليك حنوكك مع سنانك هاكاك داير ليها..خرجات عينيها فيييه وبدات كترطى ليييه وكدفع فيه حتى طلق منها قايل مبسم:سيري دابا فحالك
تلفتات ليه قلزات من بعيييد وزادت مخلياه مفرشخ بالضحك خدا بوووسة حنينة فحنكها مفرحاه وزاد..طلع لطوموبيلتو وديمارا .هز التيلي يقلبو لقا اتصال من ليلى..وهو يعقدهم ودوز ليها الخط قايل:فينك؟؟ريحي بلاصتك أنا جاي..
فمقهى راقي ناشرة ليلى زينها بكسوة حد الركبة والشعورات والماكياج كتبان أنيقة وراقية تحلف عليها بنت شي قايد ولا باشا..وسط صحاباتها لي لا يقلون أناقة عليها والضحك كيتسمع منين ومنين مع شافت نمرتو مع فرنسات وجاوباتو بدلع غي قال هاني جاي وهي تبان الفرحة فوجهها وقالت مخاطبة صحاباتها:البنات حبي جاي عندي..كي كنبان؟؟
هند:حلفي..جاي..كتباني زوينة..
نطقات وحدة فالبنات:واخيرا غنشوفو هذا لي غبرك علينا
ليلى:(خرجات مرايتها)عنداك غي تقوسو ليا عليه
..:لالا كوني هانية
تقادات وتصايبات وبقات على نار كتسناه يبان باش أولا تبان بيه قدامهم وبحديدتو وكذلك حيت توحشاتو..وما هي إلا مسافة الطريق كان تيليفونها كيرن باسمو..تبسمات بحماس وشدات الخط بدلع:حبيبي
جمعات ماتبقى من كرامتها بحقد ونزلات من عندو غير كي طلعات..التزنيكة والحشمة والحكرة لابساااها فحين هو تحرك بعصبية من تما مبغاش يتزايد معاها فالهضرة كثر باش ميوصلش معاها ماصل اخرين..توجه لدارهم باغي يرتاح ليه وسطهم..
اما ليلى غي مشا وهي تبقا كتقلا فبلاصتها صونات لهند وقالت:ماتعيقيش خرجي عندي انا فالضورة
بقات كتمشي وتجي وترطا غي بلاصتها الأعصاب شاادييينها من راسها لاخمد لقدميها غي خرجات هند كتقلب عليها وهي تقول:مالك؟؟فينو؟؟
ليلى:غنطرطق أهند...حشااك جاا عندي طلاني وعايرني على القح&*بة ديال هدى لي مشينا عندها..مشات حطاتها ليييه وجا كيعاير فيا
هند:(مصدومة)عايرك؟؟اويليييي عايرك؟؟واش هذا حمااق..خصك تأدبيييه..عطييه النخاااال حتى يتبعك كي الك&&لب
ليلى:(بالغوات وبعصبية)معمرو غيتبعنييي كي الكلب...ولد الحرااام حااس براسووو ..فضل عليا ديك اشهار تالسم..والله متبقا فيها...الى بقات فيها راني قح&^%ببية
هند:واصافي دابا غي بردييي مالكي على الغوات
دوزات ليلة متعبة..كتنعس وتنوض قافزة الى غي تحرك شي حاجة فوقها..هي بطبعها عايشة مع الجيران ولي فوق منها عندهم الدراري صغار كيبقاو يدردكو ويتغاوتو حتال اشمن وقت ومع كانت خايفة عبدو ضور ليه فعقلو يمشي يشرب ويجي يحيح عليها بقا نعاسها خفيف بزاااف كتنعس لكن جزىيا وعقلها ممرتاحش..
اية:اختي كنموت عليه ههههه سيري نفطرو ويحن الله اليوما غي الاثنين مكاين حد
هدى:واخا اختي مخصك والو
اية:لالا
بالفعل مشات هدى تجيب الفطور واية دخلات للسطوك فين دايرين واحد الزواية فيها بعض الاشياء لي كيحتاجوها..سامح ليهم انهم يطيبو الى بغاو...دارت فعلا الما يطيب فالمقراج ديال الضو وحداه بوطة صغيرة ..وبالفعل غي سحن الما قادات اتاي فوق البوطة ودارتو يتشحر وخرجات لبرا كتقاد لي مانكان ديال برا حيت على بالها اتاي كيتشحر..حتى وقف عليها مجمر الغمة شافتو عرفاتو وقالت:بغيتي هدى
عبدو:مجاتش؟؟
اية:جات غي خرجات تجيب فطورها..واش نتا صاحبها؟؟
شافةفيها بنظرة من نيتك وهو ينطق:راجلها انا وهاربة ليا..(وقف وسط المحل)
مزال كيضور فعينيه وهو معاها فالمحل حتى دخلات هدى ولقاتو مبند ليها كي حفار القبور..ببرود شافت فيه وتوجهات بفطورها للكونطوار قايلة:غنهضر مع رشيد يخدمك معانا رجلييك كثارت عندنا
هزاتو ودخلتت للسطوك مخلياهم بيهضرو براحتهم تحت نظراتو هو لي كيعريها بيهم ياله بغات تهضر وهي تسمع غوات ايييية قفزات ومشات كتجري للسطوك وحتى هو تابعها لقاو البوطة شدات فالحوايج لي محطوطين تما مخربقييين خصهم يتصولداو ومخربقين ..شدات فالنص واية كتغوت..
هدى عينها خرجو وصاحت:خرجييي خرجيييي
عبدو:خرجي من هناااا
مشا كرد فعل اولي يطفي العافية بحوايج خرين كثار ..ساعا عاد مشدات كثر حتى صاحت هدى خايفة كتجرو:عبدووو يديييك يدييييك..
عبدو:خرجيييييي
أسهل مايمكن انه يوقع هو العافية تسيح..شعلة وحدة تفرتك شمل ديال سوق على قدو..وهذا ماصرا..العافية شدات فأول بياسة وسرحات فالثانية ومشات غادية كتاكل فالحوايج..حاول عبدو يطفيها باش يخرجو باقل الخسائر لكنها كانت كتسيييح بجهد وكتشد فالحوايج دغيا
تدخلات هدى كتطفي معاه بالحوايج لخرين حتى خنقاتهم العافية فحين اية كتاصل بالاطفاء لكن لا من مجيب ولي غفلو عليه انه اتاي فاض وتخوا وطفات البوطة لكن النفس باقي جاري وكيجذب العافية..والبوطة الصغيرة راه أقوى من الكبيرة..هدمات بيوت وقتلات أرواح..
جر يدو عبدو حيت شدات فيه العافية بالم حتى غوت ونقزااات عندو لوخرا خايفة عليه:عبدووو براكة نعيطو للبوليييس
عبدو:اهعععععع معندكش بومباا ديال العافية
هدى:لا معندبش(شدات ذراعو)يديك اعبدو نحرفات
عبدو:خرجو خرررجوووو انا غنطفيييييهاا راه غتشد فالسلعة كاملة
خرجات كتجري مخليهم بجوج كيتحامقو معاهة تطفا حتى كسمعو صوت بحال فحيح الافعى كيتسمع سسسسسس تلفت للبوطة لقاها كتفيبري بحالا جايها زلزال ..خرج عينيه عرفها غطرطق وهو يصيح فوجهاا:هدىىى
تلفتات ليه وشد يييدها وجرهاا كيجرييييو مجاوش فين يخطيييو جوج خطوات على الباب حتى تسمع التفركييع فداك المحل وتهزات الارض وهبطات مع صوووت خطير كيخلع خلى الناس تخرج من محالاتها بلا لي مشات اية كتزاوك فيهم على تيوو
البوطة الصغيرة معروفة فالمغرب الى تفركعات مكتخلي وراها والو وأغلب الناس كيكرهو يستعملوها حيت كتكون بحال شي طنجرة تحت الضغط محدك مجهد عليها ومزير وهي عرضة أنه تطرطق
وهذا ماوقع طرطقات المرة لولة ولقات هدى وعبدو خارجييين لكن وقع الآن ف جار كان قوي خلاهم يهتزو شويا على الأرض بجهد متر ونص ويتخبطو لكن غي تسمع الصوت كلشي خرج وكلشي هرب..جرها دارها تحت بااطو وقطع بها الشانطي للجهة المجاورة كترعد باغيا تموت ليه بالخلعة..أما هو راه خشاها فيه مباقيش خرجها..لدرجة وجهها خشااه فصدرو وكيحس بيها كتفيبري
الهضرة كثارت وكلشي خرج حسابهم شي عمل ا ر ه ا بي قبل مايكتاشفو بلي المحل كيتحرق..كلشي كيصوني للإطفاء وكلشي بعد بمساافة كثيرة حيت فاخر المطاف كتبقا بوطة صغيرة لي لداخل ...صونا من جديد عبدو للاطفاء او بالأحرى لأحد معارفو باش يعتقوهم دغيا اما هدى غي خرجات راسها من صدرو و وجها مسقطر بالدموع وكترعد كتشوف المحل شدات فيه العافية دغيا وبدات كتبكي بصوت مسموع:السلعة ديال رشيد هءهءهءهء غتمشي ليه سلعتوو
عبدو:ماشي وقتها دابااا..
هدى:(شدات على حناكها)مشااا كلشي اعبدوو مشااا كلشي هءهءهءه رشيد مشات ليه سلعتوو
عبدو:(شد فيها معصب)نسااااي غيعوضو الله مكتابة..المهم موقع ليك والو
جرها من جديد دارها فحضنو مامخليهاش تشووف داكشي ..بعض الناس بداو كيتدخلو..وقفات عليها آية مسقطرة من الدم خايفة وهي تعانق هي وياها وهو ينطق:بقاي هنا متحركييش
هدى:(كنززات عليه)متمشيش..نتا أصلا محرووق(شافت يديه حمراا فوق البرص)غتخرج على جلدك
عبدو:بقاي مع صاحبتك متحركيش
مشا قاطع الشانطي كيشوف الناس كيقلبو يدخلو الما..وبعض من الشباب فانتظار وصول السلطات كيحاولو يطفيو لي قدرو عليه
عبدو:(مخاطب واحد الشاب)خص يطييح الضوووو
..:(كيكب الما غي من الباب وكيبعد)مكاينش كي نديرو..المكانة لداااخل
عبدو:هاد الخرا كامل غيطيح الى مدخلش شي حد يطيح الضووو..البوطة طرطقات وتنفساات غتكون تقبات شي حيط خص الضو يطيح
مترددش ودخل وسط العافية لي كانت شادة فالحوايج..تضببو عينيه بالسخونية ومشا نييشاان للسطوك كيقلب بعييينه على المكانة..حتى بانت ليه لكن عالية..شاف الحيط مثقووب فين تفركعات البوطة..هزها هي لولة خرجها من تما لبرا هازها شابعة نفس وقال مخاطب الرجال:كبووو عليها الما باقي فيها شوياااا
حطها فالشانطي وعوال يرجع حتى كيشوفها قاطعة لعندو كتبكي تتنوح وكتغوت عليه:واش مسطييي علاش دااااخلل
عبدو:هدى رجعييي بلاصتك
هدى:(كتبكي وتجر فيه)وا متدخلش وااا مكتفهمشششش متدخللللش...علاش تدخل
عبدو:الناس غتموت الى مطاحش الضوووو
هدى:(زيرات عليه من يديه)لالا عفااااك اعبدوو غتموووت الى دخلتي ..الله يرحم ليك باااك خليك معايا (كتبكي وتجذب ليه)عفاااك عفااااك بقاااا (جاتها هستيرية تالبكا)مغيوقع ولووووو ليهم(كتسمع صوت الاطفاء)هاهوما جاااو زييييد بععععد
عبدو:(شدها من ذراعها)صافي سكتييي غتطيحي فبلاصتك
هدى بدون ماتحس حطات يديها على وجهو وكطلب فيه كي الحمقة:عفاااك أ عبد الدائم متحرقش قلبي عليك حتى نتا هءهءهءهءهء نتا لي بقيتي مامتييييش(كتبكي وتشير لليه لرجال الإطفاء لي بداو كيهبطو ماتريالهم)هانتا شوووف هاهومااا(كتجر فيه)عفااااك
عزات عليه حيت عارفها عندها فوبيا من الموت وديما كانت كتقووليه عندي فوبيا من خسارة الناس..عض على شفايفو وضور وجهو لرجال الاطفاء وهو يشد فيها دارها تحت يديه وقال راجع منين جات:صافي سكتيي سكتييي
هدى:صافي نسكت نسكت(كترعد)غي متمشيش غتموت حتى نتا هءهءهءهء
عبدو:(زير عليها)واصافي سكتي
بقات مقرقة حداه وعينيها كتشوف العوافي كيتطفاو حتى جا رشيد مرعووود كيشوف محلو كيمشي فرمشة عيين..سلعة بزبالة تالفلوس مشات ليه لكن فهاد الأحوال الواحد كيقول"الحمد لله خطات الصحة والواليدين وتجي فينما بغات"
تصدم وتضهشر وكيواسيو فيه الناس مخلوووع كيشوووف العافية عاد مزايدة وكتسرح عاد بدا كيسول على البنات ونعتو ليه فين واقفين قطع كيجري عندهم..هدى غي شافتو وهي تفركع بالبكا وبدات كتشكي عليه:معرفتهاش كي شعلات هءهءهءهء
رشيد:(كيمسح على وجهو تالف)الله ياربي الله..سلعة الناس ممخلصاش مشااات
هدى:رشيييد(حطات يديها على كتفو)ميكون غي الخييير..غيعوضك الله
رشيد:ملي موقع ليكم والو الحمد لله(بحسرة)الفلوس يعوضها ربي..(بتساؤل)كي وقع
بدات اية كتعاود ليه المنزلة فحين هدى الجهد مشا ليها..بقات غي واقفة ومع مواكلاش والنعاس منعساتش بزاف تقادا جهدها..محسات غي براسها حطاتو على كتفو هو لي يديه كانت ضايرا على خصرها ممفارقهاااش
بدون مايحس طبع قبلة على راااسها من فوق الفولار وقال:تمشي؟؟
هدى:(شافت فيه)يديك(شدات ذراعو)تشوطات اعبدو شوف كي حمرة..كب عليها غي الما
عبدو:موقع والو غي ساطت فيا العافية..تمشي نتي؟؟غطيحي على وقفتك
هدى:منقدرش نخلي رشيد ورايا..
حرك رااسو وضورو وراه لقا محل حلاقة لي كاين وراه بلا ميحشم دخل هز منو كرسي خرجو ليها وجلسها فوقو وحيت الواقعة وقعات المغاربة معندهمش مشكل كيوليو كاع الممتلكات ديال الشعب..شي كيدخل عند شي شي كياكل عند شي..رجال الاطفاء مغيمشيو حتى يفطرو المهم يتحل المشكل
بتعب جلسات وبقات كتشوف ببرود فاص ليها وعينيها محبسوش من الدموع حتى تمكنو عناصر الاطفاء من انهم يخمدو كلشي وجبدو البوطة لي كانت فكرة زوينة انها تخرج باش الى طرطقات طرطق برا ..امرو كلشي يطيح الضو تحسبا لاي حاجة حتى تهدنات الامور
ضربات الجوج تالنهار ولي مساقش الخبار راه جا..تطفات العافية وبقاو الناس كيواسبو رشيد وهو كيقول غي الحمد لله..اية مصدوومة قربات تطلقهم فسروالها..اما هدى غي جالسة وراسها محطوط على جسد عبدو لي واقف كي البوطو حداها ويديه على كتفها
حركات غي راسها بالايجاب ..وقف هدى وحاوطها بذراعو واية وراهم غادي بها ناحية السيارة لي كانت مسطاسيونيا بعيدة شويا..طلعو وهي تقول بصوت كيرجف:نمشيو لشي فارماسي داوي يديك ولا طبيب
عبدو:(ديمارا)لا نديو البنت ونحطك عاد.نمشيي
هدى:(بترجي )عفاااك
شاف فيها كيفاش ترجاتو بعيون بااكية طيحات ليه كواريه لي كيضل يهز فيهم..عزات عليه حيت تخلعات وفنفس الوقت جاتو حالتها ماشي نورمال..حرك ليها رااسو ونطق مخاطب اية:فين ساكنة؟؟
نطقات بعنوان دارهم وصقلات حتى داها للدار ..نزلات وهي تقول هدى:الى خصاتك شي حاجة جي عندي
اية:واخا
مشات مسهووتة اما هدى راه صقلات بدات كتبرد شويا والخلعة كطلق منها..شافت الما حداه هزاتو نزلات عليه بحال العطشان فالصحراء..كيتسمع غي صوت حنجرتها وهي كتسرط..تلفت ليها ورجع لسوقانو حتى وقف حدا كلينك وقال:تاكلي شويا
هدى:لا ياله نداويو يديك..كنشوفها كتشدني السخفة
تبسم بلا ميحس حيت فكل مرة كتبان كتاكل عليه الجوانط بالخلعة..وهبط وهي تبعو محسات بيه غي شادها من يديها مشابكهم وداخلييين..هي فهاد المرحلة بالضبط متقدرش تحس ولا تعقل حيت باغيا غي ديك الحرقة تداوى..
فالاستقبال حدد ليهم بلي باغي يسواني وحطهم ليهم كاش حتى دخل هو الثاني وهي لاصقة حداه..مبغاش يفرقها عليه..بقات حداه كيسوانيو ليه جالس فوق باياص وهي ملامحها كيتكمشو حيت الجلدة لتاهبات وحيدوها ليه..كيتعصر قلبها بحال الحوايج فالصابون ولاصفة حداه شادة ليه فيديه كتورك عليها خايفة..
كملو ليه عاد رتاحت وكتب ليه دوا خفيف يديرو وخرج المعالج بقات غي هي وياه وقال:هدى
شافت فيه بنظرة ضعيفة وقالت:مكنخافش نموت..كنخاف يموتو ليا الناس لي عزاز عليا
عبدو:(ميل راسو معاها)وأنا عزيز عليك؟؟
بقات مطولة فيه الشوفة شحال عاد تنهدات وقلبات وجهها متفادية الموضوع قايلة:خصنا نمشيو
بغات تحرك وهو يجرها من ذراعها جابها قدامو مع جالس فوق البياس ورجليه مفرقين حطها فاص ليه وقال:علاش كتهربي مني؟؟لهاد الدرجة ضريتك
هدى:(كتفادى تشوف فيه)عفااك ماشي وقت هاد الهضرة براكة غي الخلعة لي فينا
عبدو:(شد يديها عندو وهزها حتى شبكها مع يدو السليمة)وامتا وقتها؟؟واش كديري ليا فعايل دراري صغار..يخخ منو وعيني فيه...قبيلا كطلبي فيا مندخلش وشاداني معاك ودابا قالبة عليا وجهك..شحال من شخصية عندك؟؟
هدى:(ركزات الشوفة فعينيه)عندي وحدة وهي باش عرفتيني النهار لول وباش غنبقا..حيت أنا معمري اذيتك ولا ضريتك ولا نقصت منك(غلبات عليها البكية)ونتا لي كنتي معايا ممزيانش وضربتيني وتعديتي عليا وكنطلب فيك تحبس محبستيش..هادشي لي باغي تسمع(كيتقطرو الدموع من عينيها)
زاد جرها كثر حتى ولات قربات تدخل بين رجليه..الوجه باكي والشنايف تنفخو وعينيه هاربين غي لديك الحلقة لي دايرا فنيفها ..نطق بجدية:زيدي خوي قلبك..أنا غالط ولي غلب يعف واش نتي مكتغلطيش؟؟
هدى:مكنغلطش أنا فالناس
عبدو:معمرك غلطتي فيا؟؟
هدى:(خرجات فيه عينيها)أنا؟؟علاش كتكذب؟؟عمري ضريتك؟؟عمري عايرتك ولا ضربتك
عبدو:ماشي هاكا كنضرو الناس..رخفي فيك النفس واش باغا تبقاي حياتك كاملة بوحدك..كلشي شايف حياتو ونتي؟؟
هدى:نموت بوحدي ومانعيشش مذلولة
بدات كتلعب ليه على أعصابو وهو يجرها دارها بين رجلييه وزير عليها قايل:شكون ذلك؟؟أنا؟؟عمري ذلييتك..معمري قربت ليك ولا عاملتك معاملة ديال الق#$حاب..ديما كنتي نتي فوق الراس والعالم لتحت...فين هاد الذل؟
عبدو:(شد يديها داعبها بيدو)هدى..هذا الجهد..نتي عيتي وانا كثر منك..نتي عارفاني باغيك وشاريك بلا منبفا نحاجي عليك نفس الحجاية كل نهار
خرج من جيبو خاتم رقيق فالذهبي فيه حجيرة صغيرة وساامبل مرداتش ليه هي البال كاع حتى هز يديها للفوق ولبسووو ليها مخليها مصدووومة من فعلتو..طبع قبلة على يديها وفال:هذاا غيربطني بييك ديما..الله يهدييك عليا وصافي
بقات مصدومة كتشوف فيه بتركيز اش صنع وتحول نظرها من يديها لوجهو تحاول تستوعب اش دار..صدمها مضناتوش يطلب منها الزواج هاكا..متحناااش ومطلبهاش لبسو ليها نيشان
هدى:(بتساءل)عبدو؟؟
عبدو:(زير على يدها لي فيها الخاتم)عارفك مقلقة مني خليني نحزرك شويا..خليه فصبعك حتى تبردي و وقتما بغيتي أنا نجيب مالين الدار
هدى:(تزنكات وطلعاتها السخونية)عبدو واش باغي تزوج بيا؟؟(شفايفها كيترعدو)
سكتات وهزات يديها كتشوف فالخاتم لي كان زوين وراقي ..كتحركو بصباعها مصدومة..هزات فيه عينيها بحيرة وقال:ماتقولي والو..نتي عيانة..نديك ترتاحي وحتى يبرد دماغك ونهضرو
هدى:ولكن انا...
عبدو:الله يرحم ليك بنتك فهاد النهار ملتقولي والو..عيتيني معاك..شيبتي ليا رااسي..دوزت البنات على قد شعر راسي معمر شي وحدة عذباتني بحالك
هدى:أنا وياك راه..
قاطعها من جديد قايل:ياله نوصلك (مرر يدو بحب على حنوكها)
سقلات كتشوف فيه بحيرة ومرة مرة تشوف فيديها..وخرجات معاه حانية راسها ودماغها خدام كيفكر واحد كيشرق وواحد كيغرب..مشدش فيها خلاها براحتها حتى خرجو..حل ليها الباب على غير عادتو حيت هو مامولفاش ليه هاد الصواب كامل..شافت فيه باستغراب وطلعات ساكتة بحالا صرفقتيها وعينيها على الخاتم لي جاها عبار..طلع حداها وهو يتحرك باغي يديها ترتاح حتى نطق كاسر الصمت:عجبك؟؟
هدى:(بصوت مبحوح)شنوها؟؟
عبدو:(شير بعينيه للخاتم)لخاتم؟
هدى:(شافت فيه)زوين
عبدو:بالصحة..هذا غي ديال المصالحة ديالنا نهار تعطيني امتا نجي لداركم نجيبو واحد اخر بذوقك
سكتات من جديد بغات تهضر بعقلها غتضرب بكرامتو ومشاعرو عرض الحائط..غتبغي تهضر بقلبها غتنوض تعنقو وتبوس فيه وهي تحير وأصعب حاجة تحير بين عقلك وقلبك لا عقل يريحك لا قلب يهنيك
وقف بها قدام مطعم وقال:مفطرتيش؟؟
هدى:لا ومبغيتش مقاداش
عبدو:تسنايني هاني جاي
هدى:عطيني نهضر مع ختي..تيليفوني بقا فالمحل
حل ليها التيلي ديالو:عيطي ابيل نورمال غدوز ليك..خودي راحتك..
دوزات نمرة ختها ديال برا وتسنات بضع رنات حتى جاوباتها وجلسات كتعاود ليها المنزلة كاملة واخدة راحتها حتى رجع هاز معاه الفطور..وتحرك مخليها كتهضر وتعاود بتعب
إكرام:ربي حفظكم وصافي..نمرة من هادي؟؟
هدى:ممم نمرة عبدو
إكرام:مجمر الغمة؟؟؟
سمعها عبدو حيت التيلي كيسمع وهو ينطق:ايييه اختي مجمر الغمة
إكرام:(ضحكات)ههههههه واش نتا وياها غي فالمصائب
عبدو:(حيد ليها التيلي دار سبيكر)دعي معايا اختي يرطاب ليها الراس راه ختك مايقد عليها غي الله
إكرام:على مدوزات عليا انا هههههه هاديك راه تهديت أنا ومي وهي متهداتش
هدى:(معجبهاش الحال)ياك اختي..أنا غولة؟؟
إكرام:ههههههه رخفي فيك النفس..رد لبال اخويا راه كنخليها ورايا وكتشدني عليها الخنقة
هدى:قادة براسييي
عبدو:لا باااين..واش هادي عندكم منهارها وجهها قاسح ولا غي معايا
اكرام:هههههههه لا هي قسوحية الوجه بلا متسول وتخراج العينين ولكن حنينة هههههه
هدى:الله يكثر خيرك ابنت ميمتي
عبدو:الحمد لله مع كلشي
اكرام:الحمد لله على سلامتكم..هدى ردي لبال لراسك خودي نمرة وصوني ليا ماتخليش بالي مشوش أنا غنعلم أحمد
هدى:واخا اختي تهلاي فراسك وبوسي رجاء..سلمي على علي
إكرام:مرحبا بسلامك
قطع من عندو وقال:كون صيفطتي ليه شي بوسة كاع نتي وتهناي
شافت فيه وخسرات فيه سيفتها مخنزرة وهي ترجع كتشوف فاص ليها:مجمر الغمة عاد اليكم من جديد
هدى:هذاك مكرهش كون داني نعسني حدااه ويسد عليا فقفص
غزلان:ههههه هبيييل عندك..(رن هاتفها)هاكي اختي
شداتو كتحرك راسها ومع شدات الخط سمعات صوتو:واش باقي مفاقتش ولا خرجات؟
هدى:لا طرت أنا دابا ففرنسا..
عبدو:كنتي ناعسة ولا ميتة
هدى:ناعسة ففففف عييييت والله
عبدو:لهلا يعييك ليا الميكروبة
هدى:كي بقات يديك؟؟
عبدو:صافا عادي
هدى:اوا مزيان..محشوماش فرعتي للبنت راسها
عبدو:وا ديري تيليفون
هدى:مع أنا بحالك الفلوس غي حاطهم تحت باطي ونجبد
عبدو:نتي راه ميكروووبة ياك قلت ليك ناخد ليك تيليفون ومابغيتيش دايرا ليا فيها عزة نفسي
هدى:اييييه بنفسي وحارة ومانرضاش بدرهم شي حد(جات رنة أخرى ديال اتصال ثاني)قطع بلاتي كيصوني رشيد لغزلان
قطع فالبلاصة وشدو الخط كيهضرو معاه ويتعاودو حتى قاليهم:هدى راه صاكك كاين موقع ليه والو طاكا عليه الكونطوار ديال الخشب متحرقش
هدى:الحمد لله..نتا فين؟
رشيد:فداري
هدى:والمحل؟
رشيد:سديتو وخليت حتى تبرد الدعوة ونصلح
هدى:الله يعوضك اخويا..نجي ناخد من عندك صاكي خصني سوارت داري
رشيد:واخا
بالفعل ناضت لبسات هي وغزلان ومشاو تلاقاو معاه حدا المحل القديم لي فيه بنات خرين..عطاها الصاك وبقاو كيهضرو شويا على الفاجعة عاد مشاو..عيات فيها غزلان تمشي معاها لكن فضلات تمشي لدارها ترتاح
فاليوم الموالي...فاقت هدى بكري جمعات شي حويجات فشانطتها لي غيكفيوها وخرجات شادة الطريق للكار والوجهة الصوييرة فين عايش خوها بعد ليلة اخرى متعبة مقدراتش تجلس بوحدها فاتصالات بيه وعلماتو بلي غتجي
اما عبدو راه معاودش عيط لغزلان خلاهم براحتهم بعدما تأكد وظن أنها غتبات معاها مبرزطهاش حتى الغد ليه فالصباح صونا لغزلان يسولها عليها
قطع عليها مخافة يغرق ليها بقطرانو وشدها نيشان لدارها بلا حشمة بلا حيا طلع حيت لقا باب العمارة محلول..دق مرارا وتكرارا محل ليه حد حتى ولى كيردخ الباب حسابو غي مبغاتش تجاوب حتى خرجات جارتهها وقالت:علامن كتسول اخويا
وراتها غيثة فين تبدل ورجعات نظامات ليهم كيهضرو عادي ويتساولو حتى حطو الغدا كلات مزيان وتجبدات على رجلين احمد كيلعب ليها فشعرها حتى غفااات..قادها وغطاها ونااض هو ومراتو باش ترتاح
وفنفس الوقت كان مجمر الغمة جمع قشو حتى هو وشدها للصويرة ولي بغا يربح العام طويل ..مبرد ملي عرفها فين غادية ..تا تغدا وجمع حوايجو وشدها للصويرة معول غدا يبالي بيها...شافتو مصوناش ليها وهي تقول راه غضب..العشية مشات هي وياهم ضارو شويا فالصويرة ريحات نفسيتها وهواء المدينة البحري خلاها ترتاح أكثر..عاد رجعو فالليل كلها فين مشا ينعس
أما عبدو راه وصل وشد بيت فأوطيل ..دوش وهو يصوني ليها مع الطناش كانت ياله غتنعس..شدات الخط قايلة:تفشيتي
عبدو:كتعصبيني عليك
هدى:منهار عرفتك ونتا معصب..عمرك كنتي كالم
عبدو:كديري ليا لي كيعصبني..اش قاليك راسك فاش مشيتي
قطع عليها وهي تهز يديها حتال الفوق شافت الخاتم فيديها وبقات كتفكر شحال فحالها معاه والهضرة كثيرة فدماغها..من جهة كترتاح معاه ومن جهة مقادراش تنسا ليه اش دار حتى غفات
فاليوم الموالي فاق هو كلو نشاط وحيوية..دوش بخاطرو ولبس عليه كيف العادة انيق وخرج يفطر فجو صويرة اللطيف وأصوات كناوة فيها ..فطر بخاطرو ودوز نمرة ختها بعد عدة رنات جاوبات وهو ينطق نبشان:ختي انا عبد الدائم
اكرام:لباس اخويا؟
عبدو:الحمد لله..ختي سمحي ليا برزطتك بغيتك فواحد الغرض الى ممكن
اكرام:كنسمعك
عبدو:بغيت نمرة ديال خوك احمد
اكرام:وعلاش؟
عبدو:بغيت نهضر معاه على هدى ..نتي عارفاني باغي ختك هي لي معكسة ليا..وناوي فيها الحلال
اكرام:(فرحات فداخلها لكن مبيناتش)ناوي المعقول نيت؟؟
عبدو:باغي نتزوج بها اختي..هي لي تصلاح ليا وبلا منشكر ليك ختك راه كلشي باين
اكرام:خويا عبد الدائم هدى هي اكثر وحدة فينا عانات بزاااف ومزال كتعاني..دوزات شي حوايج انا كون عشتهم مكنتش غنوقف على رجلي انا منحيدها ليك منعطيها ليك ..لي غنقوليك هو راه هدى واخا تبان ليك قاسحة وفيها تخراج العنينين راه حنينة وقلبها زوين مافيهش الحقد والسم ...ماشي كنشكر ليك ختي ...انا راه كبرتها وشفتها اش دوزات ولكن ديما قلبها كيبقا صافي ..مابغيتهاش تكرفص مزال براكة غي داكشي لي دوزات..الى كنتي غتزوجو حنا مطالبين منك والو بغينا غي تهلا فيها
كلامها كان على هدى كولو كتشكرها وتعطيه حتى سلبياتها وهو كيسمع وكيحلل فدماغو..كاع لي قالت ليه شافو فيها وعاشو معاها ..وكبحس براسو مستمتع وهو كيسمع أقاويل واحاديث عليها..حمحم كينظف حلقو ونطق:نديرها فوق الراس غي عطيني نمرة خوها نهضر معاه ونتفاهمو نجيب والديا ويحن الله
اكرام:وهي موافقة؟؟
عبدو:راك عارفة هدى مكتفشش دغيا..
اكرام:اش كدير للتعفار ههههه واخا نصيفتها ليك فالواتساب وغنعلم احمد باش حتى هو يكون عارف اش كاين
عبدو:متقولي ليها والو هي
اكرام:واخا اخويا
قطع معاها وتنهد مرتاح..كبحس براسو كيخطي خطوة مربحة فحياتو..غيرجع ليها هدى لي كانت منوراها..وديك الساعة وصلاتو نمرة أحمد..سجلها وناض جمع النوضة كيضور فصويرة راسو وكيستمتع بجوها..كان ممكن يعيط ليه ديك ساعة لكن فضل يخلي لاكرام مساحة فاش تشرح لخوها..وبالفعل فوقت الغدا صونا ليه
عبدو:سي احمد؟
احمد:هو هذا..شكون معايا؟
عبدو:حممم عبد الدائم..غتكون هضرات معاك اكرام
احمد:اه علماتني
عبدو:الى كان عندك شي وقيت اليوم نتلاقاو
احمد:نتا فصويرة؟
عبدو:اه حمممم
احمد:واخا واحد الساعة نتلاقاو ف ***"" كتعرفها
عبدو:اه عرفتها..ان شاء الله
قطع معاه وجلس مبسم غي بوحدو دوز الخط للاب ديالو بفرحة غريبة..جاوبو بصوتو الحنين دائما:بني
عبدو:الواليد
الحاج:الغالي ..كي راك اولدي؟مرتاح؟
عبدو:الى كنتو مرتاحين حتى انا مرتاح..الواليدة ووهيبة؟
الحاج:الحمد لله اولدي..صبعك شويا؟
عبدو:بخير..الواليد علم الواليدة ان شاء الله باش نمشيو نخطبو البنت
الحاج:(بصوت فرحان)الله واكبر...هادي خبار زييينة ونهار كبير هذاا دير مرا وولاد حتى نتا..امتا اولدي
عبدو:نرصي النهار مع خوها اليوم ونعلمك..غي بغيت نديرها ليك فبالك
الحاج:ايييه اولدي..سول على الاصل اما الباقي غي زيادة الله يتمم بالخير والله يدخلها عليك بالصحة والسلامة
عبدو:اميييين الواليد تهلا فراسك
قطع الحاج فرحان ومقاداه فرحة وناض كيلحف لبستو الصحراوية من الصالون الكبير فين كان كيقرا القرءان والبخور حداه مطلوق خفيف..كينادي باسم خيرة بلهفة وفرحة لي خرجات من الكوزينة بتساءل:مالك؟
خيرة:جبدتووه فيا ملي داو ليا ولدي عبد الله للمو*&ت(عينيها تضببو)بغا يتزوج الله يسهل عليه
الحاج:وزعما هو معول تكبري بيه وتمشي تخطبي ليه البنية
خيرة:(تنهدات بحزن)واش بزز؟؟ومنقدرش نشوف فيه..منقدرش نهز فيه عييني ومنتفكرش اش وقع
الحاج:اوا سمعي مزيان كلام الحق..مباغاش تمشي بلاش..غنمشي انا وعماتو ونخطبو ليه ونتي خليها ليك ضحكة وسط العائلة
سكتات شويا وقالت:وشكون هادي كنعرفوها؟؟عنداك تكون ديك الزيانية نجمة والله هاديك منمشي نخطب فيها
الحاج:لا هادي بنية شفتها بعيني محتاجبة وباينة مأذبة..قاليا راها مطلقة
خيرة:(هزات حاحبها)مطلقة...سرووو الصراحة غي لي مطلقة أما العزبة بزاااف عليه..
فمقهى لطيف من مقاهي الصويرة ..فيه رونق جميل وتقليدي كيبعث الهدوء فالنفس..دخل احمد كيقلب بعينيه على عبدو باقي باللبسة ديالو..عبدو عرفو حيت شايفو معاها شير ليه وتوجه لعندو..كأي رجلين تسالمو باحترام وجلس باريحية طلب قهيوة وباشر احمد الهضرة
احمد:علماتني ختي الكبيرة وقالت ليا باغي هدى
عبدو:الى بغا الله..
احمد:اش كدير فحياتك أ سي عبد الدائم
عبدو:حممم عايش بين اسبانيا وهولندا..عندي شغلي تما بين ريسطورات ومحلات مغربية تما
احمد:الله يزيدك من عندو
عبدو:ختك مغيخصها والو معايا..نديرها فعيني
احمد:انا راه منحيد ليك منعطييك الرأي ديالها هي..غي لي بغيتونوصل ليك..هدى هي اكثر وحدة فينا محناتش فيها الدنيا...باش نحطك فالصورة..هدى مطلقة وكانت عندها بنية وتوفات ليها يعني راه قاسات بزاااف..بغينا غي راحتها
أحمد:شرف لينا اسي عبد الدائم نتناسبو مع صحراوة..الجود والكرم والاصل
عبدو:ميكون غي الخير
تسمع صوت الباب كيتحل ومع الصالون فاص للباب كان كلشي باااين..داخلة غيثة وهدى من برا هازين ساشيات باينة تقداو وكيضحكو..غي قشعاتو الارض مشات بها وجات ..عينيها تقرقشو لدرجة فلبلاصة حكات عبنيها بعدم فهم..تبسم لها باعجاب كيطلعها ويهبطها..فاق كل توقعاتها وخرق كل معايير التوقع معاها..
هدى:(بصوت مرتاجف)عبدو
اخر ماتوقعات هو تلقاه هنا مريح مع خوها بحالا جالس فخيمة باه..معرفاتش حتى كيفاش نطقات اسمو..اما عيثة راه تبسمات ولقات السلام بادب..ناض احمد سلم عليهم فحين دوك الجوج غي كيشوفو فبعضهم
احمد:وحسابك انا جاي من الشماعية هههه راه باينة كتعرفيه
غيثة:المهم يتفاهمو
مشا احمد لعند عبدو فحين بقات مع غيثة كيوجدو الصينية والراحة نزلات على قلبها خطيرة كأنها كانت هازا هم طوييل وثقيل على كتافها ونزاح..وجدات معاها اتاي ودوازو ومشاو لعندهم لقاوهم كبهضرو على الغربة
زادت كتضحك بجهد عرفاتو فاش قال غادي جاي قصد على قبلها ..لمحها بنص عين وهي مبينة ليه ثقيبة تالزين ففمها والشال قرب يزلق..شي حاحة فيها كتجذبو وكتخليه بلا عقل..
ليست اجمل النساء لكنها أقربهم الى قلبه
عبدو:(بادب)سي احمد الى كان ممكن نخرج انا وهدى هاد العشية
احمد:(شاف فهدى)بغيتي؟
هدى:لي بان ليك اخويا
احمد:سيري..متعطلييش
عبدو:انا نتسناك لتحت
احمد:جلس مزال معانا
عبدو:باقي أيام الله طويلة..علم الواليد ديالك..انا نخلي ليك نمرتي الوقت لي مناسبكم نجيو
احمد:بلي فيه الخير
وقف سلم عليهم كاملين الا هي..شاف فيها وقال:نتسناك لتحت
هدى:واخا
خرج وهو بنطق احمد:اوا الالة هدى؟؟هذا هو لي كنتي معاع؟
هدى:اه..مكتاب لياا(زلقات ليها الضحكة)اه ضرييف
غيثة:واش فيه البرص
هدى:اه..
غيثة:تبارك الله ماقوست عليه كبييييير ههههه
هدى:(هزات الصينية)ههههه ياك..انا غنخرج نشوفو باش بغا يذاكر معايا
احمد:غي حشمت منو وصافي
هدى:ايهاي..شكون لكبير؟
احمد:نتي ولكن كنبقا خوك..متعطلييش
هدى:اوك هه
مشات حيدات مع مرات خوها الماعن ودازت لشانطتها هزات كسيوة فالغوز مغلوق عرييضة دخلات عليها صندالة بيضة مع شال ديال مرات خوها فالابيض..وجهها ميمكنش تفلت فرصة تلاقا معاه بلا متكحل العوينات..جبداتهم ولوناتهم بلونو المفضل..وجبدات الشفيرات بالماسكارا
هي بطبعها مكتمشي بلا متدي الاساسيات دياولها. ساعداتها غيثة فانها توجد..رشات ريحتها وخلات فيدها اليسرى خاتمو اما اليمنى راه دارت خويتمات رقاق صغار باظافر نظيفة ومهذبة..رشات عطرها وخرجات مودعاهم..لقاتو كيتسنااها فطوموبيلتو..غي شافها وهو يزفر الكارو من ريتو وتنهد من جمالها الخفيف لي طل عليه ينعش قلبو اكثر
مع طلعات حداه بهدوء..نتاشر عبير انوثثها داخل السيارة..ميمكنش يغفل عليه انفو..كتحسسو باهتمامها بنفسها انها انثى رغم انف الجميع..فاش كيشوفها كترد لبال لتفاصيل صغيرة كتزيد تحمقو لكن اللسان عندو يعجز عن التعبير كيكتافي بنظراتو الخارقة ليها
هز يدها المزينة بالخويتمات وشبكها مع يديه وقبلها مرارا وتكرارا من لداخل ومن برا منتاشي بلحظة صار لو عمر معاشهاش..غمض عينيه بحب كيشم ريحة يدها الفطرية ونطق ؛شهادشي ناشرة علينا؟؟
هدى:(تبسمات بهدوء)شويا(شافت فيه )
قشع عيون البن لي كيسطيوه فيها وهو يرفع ليها وجهها من ذقنها مستعمل يدو الاخرى وقال:كحلتي ليا العوينات عاود؟؟باغياني نعقد عليك اليوم
هدى:(رمشات جوج مرات)انا ديما مكحلة
عبدو:غتولي تديريه غي ليا
هدى:علاش لا هههه فين غنمشيو؟؟
عبدو:بهاد الزين باش جاياني غا ديال الدار ههههه
هدى:(ضرباتو لكتفو)مكتبدلش باقي مقزدر ههه فاش بغيتنا نهضرو؟
مد يدو شعل موسيقى تلطف الجو وطلق من يدها حتى دار اغنيتهم"طالت الغيبة"..شافت فيه ودارت بتسامة حنونة وقالت:عاقل؟
عبدو:مكنساش شي حاجة فيها نتي
هدى:كتعجبني هاد الاغنية بزااف
عبدو:واخا ماشي ستيل ديالك؟؟
هدى:(كتشوف فشوارع الصويرة)كتفكرني بيييك
لتازم الصمت باغي يجبد منها الهضرة لكن فضلها تكون فاص ليه..باركا امام احدى المقاهي الجميلة فالصويرة ..هز اغراضو ونزلات هي وياه..جا نيشان حداها شاف فرجلييها وهو يدوز يدو على خصرها غي شويا باش ميعيقش ..وقال:فيك البرد؟
هدى:لا الجو زوييين
دخلو للمقهى وشدو طاولة كطل على البحر وجلس حداها مجلسش فاص ليها..مباغيش يبعد عليها..دار يدو على كرسيها كانه مخبيها على العالم..ركز فعبنيها الشوفة وقال:توحشتك أهدى
هدى:ههه لا بااين..تلقاك شحال من وحدة دوزتيها
عبدو:داكشي داز..المهم هو دابا..اش تشربي؟
هدى:(سندات راسها على مرفقها ورمقاتو بنظرة اشتياق)ختار ليا بذوقك
عبدو:تشربي بيرا؟؟
ضحكات وضرباتو لكتفو:السكايري لاخر
ضحك ليها هو لاخر وهز الموني طلب ليهم بذوقو ومشا السرباي مخليه فحوارين واحد بينو وبينها وواحد بينو وبين عيونها..شد يديها حطهم فوق فخدو وهي تقول:نتفاهمو فشي حوايج؟
عبدو:كنسمعك
هدى:وغدير بشنو كنقول؟؟
عبدو:على حسب(هز كارو)اليوما كولو ديالك
هدى:غي اليوم؟؟
عبدو:العمر كامل الزين
هدى:الى غنتزوجو غيخص يتبدلو شي حوايج فيك
عبدو'فيا؟؟علاش شنو فيا معاجبكش؟
هدى:كانسان مابيك والو..مافيكش الحقد ..بالعكس كتبغي ليا الخير ولكن كطبع فيك شي حوايج مغيزيدوش بنا للقدام
عبدو:لي هوما؟؟
هدى:الشراب أعبدو(شافتو هز حاجبو)راه كلشي نسرطوو الا الشراب..راه منسنيش ديك الورقة الى محيدتيه علي
عبدو:عارفا اش كطلبي مني؟راه بلية
هدى:بلية لي مغتدي.بيك فين..انا منتزوجش بسكايري
عبدو:السكايري هو لي كيضربوه الحيوط ويضرب الروج اما انا راه واخا نضرب صندوق كنبقا حال عيني
هدى:السكايري كيبقا سكايري سوا شربو غالي ولا رخيص سوا شربو فبار ولا فقهوة..
عبدو:(عض على شفتو)نواعدك غنحاول نقطع
هدى:غنعاونك تقطع..بدا من اليوم متشربش وهاكا غادية
عبدو:واخا نحاول..زيدي اش اخر؟؟
هدى:نقص من الشك
عبدو:(حك بصبعو ذقنو)مكنشكش فيك
هدى:كتشك فجنابك...نقص الشك انا راه مغيغرني حد عليك
عبدو:كثبثيني بهاد الهضرة ولا شنو؟؟
هدى:كاع متسنا مني انا نبهرك هههه كنهضر بصح نقص الشك
عبدو:زيدي؟؟
هدى:صافي
عبدو:مقلتي عيييب
تحطات الكونصوماصيون ديالهم وهو ينطق:اوا دابا سمعيني انا
هدى:اويلي تا غتشرط؟؟شحال باغي فالصداق
عبدو:عطيني غي بوووسة هاد الساعة(ضحك حتى خرج الدخان من نيفو)والله حتى مسامحك
سقلات متأملة البحر وماجو كي.كيتحاربو وكتحاول تصفي تفكيرها وحتى هو خلاها براحتها حتى كمل كاروه..دوز يدو على كتفها مذرعها وقرب حط ذقنو على كتفها قايل:مالك؟؟
هدى:كنفكر(تنهدات)
عبدو:فاش؟
هدى:فلي جاي
عبدو:غيكون غي الخير..اشنو تهضري مع باك نجيو نخطبو
هدى:غدير العرس؟
عبدو:انا لا مي الواليدين غيبغيو يديرو شي حاجة راني بوحدي عزري
هدى:غنديرو خطبة وعقد
عبدو:كيدير الخطبة لي عاد غيعرفها اما انا راه شاربك ماا ..غنجيو نهضرو تحمعي وراقك نديرو لاكط وتطلعي باسبور باش تقلعي معايا
ضحك حتى تكمشو عييينه وهو بدخلها فحضنو مزير عليها وكيمرر يدو على كتافها بحب ويديه كداعب يديها وقال:المكاريب كيعرفو يهضرو
ضحكات بشويا وبقات فحضنو كتستشعر أمان فتاقداتو من زمان...حتى لقاو راسهم دوزو عشية كاملة غي جموع ومسخاااش بها لكن خاصها ترجع..خلص وناض شاد فيديها خارجيين ياله غتطلع للطوموبيل جرها وقال:مشهي نعنقك ممثيقش بلي رجعتي معايا
قرصاتو بشويا وقالت:ثيقتي ههه
جرها عنقهااا ودارها فحضنو مزير عليها دافن وجهو فعنقهااا وحتى هي مررات يديها على ظهرو العريض وتعلات بشويا باش توصلو حيت طويييل..سمعاتو قال بصوت دافي:الله يخليك ليا
أقوى مما أدرك الجزء 15
محتوى القصة
وقفات سيارة الحاج امام بيتو ونزل عبدو منها بصبعو مضمد..مع بغاو يدقو تحل الباب من طرف وهيبة لي كانت صفرة غي شافتو طارت عليه عنقاتو بخوف متسائلة:خويا؟؟
عبدو:ششش مالكي(شد وجهها بيدو السليمة)علاش تخافي
وهيبة:ماما غتموت بالفقصة
عبدو:كتموت علي مي ههه طلع ليا الزهر اليوم كاع العيالات حنو فيا
الحاج:حيد نمشي نشوف خيرة
داز الحاج يشوف مراتو لي كانت مجبدة فالصالة وعينيها حمرييين بالبكا سخفانة ومسهوتة باينا السكردايز ليها..
الحاج:خيرة الله
حلات فيه عينيها بتعب وقالت:فين الولد؟؟
الحاج:هاهو جااي
ناضت مكابرة راسها والترعيدة مزال شاداها عليه..باغيا تطمأن وتشوف اش كاين حتى سمعات صوتو قايل:الواليدة
شداتها البكية ملي شافتو واقف لكن يدو من صباعو مضمدة ..حطات يديها على وجهها وهي تطلقهم كتبكي وتنخصص وتنوح على الحاج:ديتيه يمشيي لي صبعووو الله ياخد فيك الحق
قرب منها عبدو وصدرو مثلج بمجموعة أحاسيس سنين معاشهم..كون عرف بلي مو غتبين خوفها عليه كون شحال هذا دار شي كارثة..تحنى على ركابيه وشد يدها باش مغطية وجهها باااسها وقال:الواليدة متبكيش
مهضراتش حدها بقات كتبكي وتشهق وتشوف فيه ..اللسان باش تهضر معندهاش محطوطة بين نارين قلبها وكبدتها ..قلبها لي حقد عليه وكبدتها لي كتاكلها عليه..
كيشد يديها بيد وحدة ويمسح ليها الدموع وكيطلب فيها تسكت بحال شي ولد صغير:الوليدة..متبكيييش راه موقع والو..داكشي ديال الله...وا الواليدة..سمحي ليااا(كيبوس راسها)صافي عفااك متبكييش كنمرض معاك
الحاج:خيرة نعلي الشيطان الولد ماببه والو راه خيط صبعو
وهيبة:(كتدمع)صافي أماما موقع باااس
بقات كتبكي بلا متشوف فيه حانية راسها كتلعب بيديها بحالا عندها عقوبة وصدرها كيطلع ويهبط معاها حتى تنفسات شويا وهي تقول:وهيبة ديني لبيتي
جات شدات فيها داتها كتعرج برجليها سخفانة لبيتها مخلية عبدو متبع ليها العين باغي يتسطا..من جهة فرح بزااف حيت خافت عليه وحس بمو كيف كان كيحس بها قبل عشر سنوات..ومن جهة ضرو خاطرو عليها من البكا لي بكاتو وهو لي مولف كيدوز من ما كفس ومكيسيقش ليها الخبار
مريم:خويا على سلامتك..بيتك وجدتو ليك
حرك ليها راسو ومشا لبيتو بالفعل..وتنشر هاكاك متكي كيشوف فالسقف والراحة لي نازلة على خاطرو شحال ماحس بها..نساء قلبو بجوج حنو عليه اليوم وعبدو الى بغيتي تطيري ليه عقلو حني فيه بلا ماتكوني متصنعاها
غمض عينييه براحة والابتسامة شاقة طريقها ففمو والخير لي كيشوف فيه قدامو هو يكون مع هدى لي مبغاش يتنسا ليه فاش شافها كتبكي وباست ليه راسو..بعض غللحظات من نظراتها كيحس بها مبقاتش كتحملو وكتجاهلو ومكتحس بوالو لكن فلحظة ضعف ديالو هو خلاتها تعري على وجهها الحقيقي..وجه هدى لي كيشوفو أقلية الناس..فيه خليط من الحنية واللطافة والضرافة
****
بعد مرور أسبوعين
داخل للمحل بحالا جاي لدار باه..اللباس نفسو والهيبة كتبقا حاضرة رغم انه معطوب من يدو لي باقي فيه فاصمة كيدور عينه كي النمس كيقلب عليها حتى كتبان ليه كتغونجي التيشورتات وهو يتقدم عندها وحمحم دليل على قدومو حتى تلفتات..شافتو وتهز قلبها كبف ديما وعينها مشاو نيشان ليديه وياله غيهضر وهي تنطق بهدوء؛كي بقات يديك؟؟
عبدو:(هز يديه موريها ليها)مزيانة..نتي مزيان؟
هدى:اه..علاش جاي؟؟
عبدو؛فنظرك؟؟
هدى:اش فنظري؟؟هذا محل تالعيالات اش غتشري نتا؟؟
عبدو:(بابتسامة)نشريك نتي...فيك مايمشي نضربو قهيوة بجوج(تكا على الكونطوار)
هدى:(ضهشرها)شويا لباس؟؟
عبدو:عاد نوليو لبااس..واطلقينا ياله نشربو قهيوة بجوج
هدى:غالط فالعنوان واقلة(رجعات عاطياه بالظهر كتطوي)سير لبلاصة خرا وخود اش باغي
طلعها ونزلها وبكل ماعطاه ربي من الجرأة قرب منها..وحط يدو على خصرها ورك عليه وقال:باغيك نتي الميكروبة
ضربها الضو فخصرها وهي تقفز وبعداتو عليها مخرجة عينيها:واش مسطيي؟؟اويلي شهاد قلة الادب؟؟
عبدو:(حك نيفو بلور تصباعو)مبقا حد يقيس الميكروبة
هدى:واش تسطيتي؟؟خرج عليييي من هنا..اش كيحسابليك راسك ؟؟تعاود تحط علي يديك نهرسها ليك
عبدو:ياله واشوف مع هادي غتعاود تبدا علي بالسيناريو ديال ديماا..وبعد مني ومنكملش معاك ومبغييتكش
هدى:ثيقتي راااسك هاا؟؟خرج علي حسن لييك
طلعها وهبطها وكمش عينيه وبعد تفكير نطق:انا باغي غا نعرف اش كلتي حتى غلاضيتي؟؟
حرق ليها فيزيبلات عقلها بسؤالو..حساتو رجع بها لور لوقت لي كان فيه كيفقصها كيهضرو فموضوع هو نقز لواحد اخر لي هو باغي يدوي فيه..ساطت وضربات بتيشورت قايلة:كليت دردك سير قلب عليه
عبدو:(كيبرككها)جيتي قتالة الميكروبة..غي فرقتك ربيتي الصحة
هدى:(باستهزاء)باش تعرف كنتي مرضني فصحتي
عبدو:أنا راجع نهدها عاود
قالها بكل ثقة كأنه ضامن رجووعهم ساعا ضربات بكتافو عرض الحائط قايلة:الى كيحسااب حيت جيت زرتك لله فسبيل الله راه غنرجع معاك غي سير عاود حساباتك..خرج علي منها
عبدو:اشنو تقولي متوخشتينش(قرب منها كيضحك باغي يعصبها)هاهيا كتبان فعينيييك(جر ليها النظاظر بزربة)شوفي العوينات كي فرحانين حيت شافوني
هدى:(حيدات ليه نظاظرها وخرجات فيه عينيها)متبقاش تحط علي يديك ولا نتفاهم معاك..خرج علي حسن ليك
عبدو:متبرديش أهدى وتخلينا نهضرو كي بنادم
هدى:حتى تكون نتا بنادم واجي نهضرو
قلبات ليه النقشة دغيا وقرب منها عاقدهم:انا حيوان؟؟جمعي فمك راه صاابر معاك
هدى (عرفات راسها زبلاتها وبدات كتفتف)متصبرش اسيدي..ياك لي جمعناه فرقناه اش باغي مزال؟؟سير عند ديك الشيخة ديالك لي كتخسر عليها فلوووسك
عبدو:(عقدهم فمرة)اينا شيخة فيهم؟؟
هدى:هوما كثارر؟؟عادي نتا مولف الخانزات ةلكن أنا..الى باقي صيفتي ليا ديك الخانزة لعندي غنريشها ونصيفتها ليك ملحة
عبدو:اش كتخربقي؟؟
هدى:(خزرات فيه)صحيبتك الزوينة جات عندي وبقات كتبعكك علي ..اش وصلها لعندي؟؟اش معاود ليها علي؟؟
عبدو:كتخراي فالهضرة(بفضول وحجبانو صافي تعقدو بمرة)شكون جا عندك؟؟
هدى:(باستهزاء)ليلى ديالك(دايرا يديها على حنابها بجوج)
عبدو:جات هنا؟؟منين كتعرفك؟؟
هدى:نسولك نتا لي مصيفتها ليا
عبدو:فنظرك انا غنصيفتها؟؟عارفاني نديرها
هدى:حتى الضرب معمري ضنيتك ديرها ودرتيها
عبدو:(قرب كثر)اش قالت ليك؟
هدى:مسمعتش ومرديتشالبال(منفخة)وماباغاش نرد البال بشي حاجة فيها نتا
عبدو:وعلاش جايا كتباكاي علي ؟؟وبايسااااني مزااال
هدى (خرجات فيه عينيها):بستك؟؟اناااااا؟؟؟الله يمسخك (ضرباتو لكتفو بجهد)ويلييييي
عبدو:شكون باسني فرااسي كي.جدة؟؟الجنون؟؟انا فقت لقيتك نتي..ونتي لي كاينة
هدى:ماشي انا نتا دوخك البنج وبغيتي دوخ علي(بانكار)مالقيت شكون نبوووس
عبدو:راه بنجو ليا صبعي ماشي عقلي ...كتبقاي تحماقي علي هنا..اش كيحسابك؟؟بغيني وقتما بغيتي وسالي وقتما بغيتي
هدى:مكنبغيييكش ابنادم
عبدو:غي جي عندي.كتبكي وتبوسي فيا وقولي مكنبغيكش..قودتيها على كرك جبدتي عليك واحد النحل مهوررر...من اليوم كاين غي انا وياك(كيحذرها بصبعها)تبقاي تقحبني علي لا نتفارقو لا منسمحش ليك...السلخة كليتيها وبردات عليك غي محيها من دماغك لندير ليك شي اعاقة تبقاي حدايا فيها حياتك كاملة
عضات شفايفها مفقصة وهي تلوح تيشورت عليه معصبة وصاحت:وااابعد منييي..ياك مشيتي علاش راجع؟؟ولا باغي تنكدها علي..شفتي واخا تبقا بوحدك راجل والله مانرجع معااك
عبدو:(بصوت حاد)مالي غنطلبك؟؟حاسبك رجعتي هي رجعتي..متجيش عندي انا الى مكنتش كنعني ليك
هدى:(غددها)راه العزو وكنعزيو فالبراني(ضربات رجليها مع الارض)كلاوني رجلي لي جايا عندك..اما سير غي تزمر
دازت فيه كضرب بجلايلها مفقصة مكرهاتش تعطيه دقة لراسو تغيبو وتهنى منو وتابعها حتى هو كيتمختر ممسوقش ليها مصر هو على اشنوو فهم من تصرفاتها لي جاو فلحظة ضعف
عبدو:نتي مناسياانيش وانا مناسيكش علاش كتهربي مني؟؟
تلفتات ليه مخنزرة وقالت:الى نتا حسابك غنسا المعاملة لي عاملتيني والعصا لي عطيني بحال شي حمارة عندك راه كتحلم..الى نتا هزيتي راسك ومشيتي انا راه مرضت فيها شهورااا
شدها من ذراعها مقربها ليه قايل:واخة غلطت(دور ليها يد وحدة ورا ظهرها )مقدرتش ننساك اهدى(قرب لوجهها)صعيب تنساي ليا
كتشوف وجهو قريب لوجهها وبديه لاوية يدها ..مع نظرات حنينة فوجهو كتشوفهم غي هي فقط..رمشات عينيها مرات عديدة فيه من تحت للنظاظر وقالت مبعدة وجهها عليه :عبدو طلقق منييي شهاد الشدة؟؟
عبدو:(زير عليها كثر وقربها منو)اشمن شدة نشد فيك؟؟(زفر ليها عند وجهها)كنشوفك كنولي كولي مخربق بحالا بوحدك لي مرا..
هدى:(سرطات ريقها وأطرافها بردو عليها)كضرنييي(دفعاتو بيديها)طلق مني الكامبرا شاداني اويييلييي(بالم)واعبدووو
رخف عليها شويا وبقا شاد فيها مباغيش يبعد عليها:عطيني وقيت نهضر فيه انا وياك براحتنا وغنرطب ليك راسك
هدى:(كتبعد وجهها خايفة يبوسها)واخا تعواج قدامي منسمح ليك
عبدو:مشا ليا غي صبعي وجايا كتبكي
هدى:مبكيببتش متبقاش تقوليا لي مدرتش..وااطلق منيييي
طلق منها وهي ترجع لور كتقاد نظاظرها والغضب مكتاسح ملامحها:والله أعبد الدائم ومتمشي فحالك حتى نمشي ليك عند البوليس عاود
ياله بغا يهضر دخل رشيد بالصدفة وقال:هدى
تلفتات ليه وهي توتر قايلة:رشيد على السلامة
لمح عبدو ووجه ليها السسؤال:أمورك هانيا؟؟كلشي مزبان
هدى:(متوترة من وجود عبدو لي كيخزر فيه)اه اه الحمد لله..جيتي على قبل الحساب؟؟واخا هاني جايا دابا عطيني خمسة دقايق(جرات عبدو من ذراعو)اجي نتا
تبعها على نيتو جاراه كي الدري الصغير مخلي رشيد غي كيشوف..مع خرحاتو برا المحل صاحت فوجهو:بعد نني وفرق ساحتيي..قربتي تخرج ليا على حياتي وعلى خدمتي
عبدو:معاش خارجة؟؟
هدى:ماشي شغلك
عبدو:انا مسالي راسي هنا غنبقا شاد ليك العسة والى باغيا الشوهة والله حتى نشوهك المهم ترجعي
هدى:شوه شوه أصلا العالم عرف خبااااريي ملي ولات الشيخة ديالك كتجي تبورد ليا هنا
عبدو:ضراتك هاا؟(بابتسامة)غا تهناي نتي هي الشيخة الوحيدة لي كنعرف هاد الساعة
هدى:بزاااف عليك ..عمري شيخت ليك؟؟
عبدو:ان شاء الله عاد ناوييين نشيخو انا والحب ديالي(قرصها فحنكها)
ضربات ليه يديه بغضب وكتحس بقوتها نهارت أمامو حيت كتكره تبقا تقاجح وفلخر هو ممسوقش..كينتاقل ليها من موضوع لاخر..رجعات للمحل كتزفر بنرفزة تحت نظرات رشيد المتسائلة:باقي معاه؟؟
هدى:شكون؟؟(كتحاول تلف الموضوع)اجي اجي نوريك حسابك
رشيد :(ضحك)هههه بلا مانرجع الكاميرا ونشوف اش وقع غا هضري هههه
هدى:(عقدات حجبانها كثر)الله يعطيه فاش يتلاها تقهرت ففففف
رشيد:شوفي شحال داز ومزال راجع..فعلتو مكتنسااش الصراحة
هدى :نموت ومنساش ليه بلي ضربني راك شفتيني كي كنت
رشيد:(كيتذكر فاش جات طلبات منو المساعدة)شفت شفت وجاتني فشكل يجي لهنا..سمعي ليه..
هدى:(حلات كتاب)ماكاين مانسمع..هاك حسابك
ماهضرش باقي إنتاقلو مباشرة للحسابات كيجلس معاها على كل حاجة فين مشات وفين جات وآية خدامة حداهم مع الكليانات حتى دوزو نهارهم ..وصلات التسعود..حركات عنقها بتعب وقالت مخاطباه:أنا غنمشي
آية:(كتلبس صاكها)هدى أنا غنمشي
هدى:واخا اختي سيري الله يسهل عليك..غدا العشرة ياك
آية:اه
هدى:ان شاء الله..
رشيد:غي سيري أنا غنسد
مشات للسطوك تهز صاكها وهي تقشع البوطة الصغيرة لي حاطة آية مع بعض الأواني فبلاصة معزولة على الحوايج..كتشمشم لقات ريحة الغاز..مشات سداتها بتذمر وكتنكر:نساتها تاني شي نهار طرطرق فينا
خرجات من المحل مخليا رشيد كيحسب لاكيص..دورات وجهها مبانش ليها حسو وهي تنهد براحة..شيرات لطاكسي ومشات متهنية من وجهو ..خلصات ونزلات للدار غي دخلات تسمع الصقيل كانت عارفا كلشي مشا ديك الليلة ..علقات أشياءها ومشات قاصدة بيتها باغيا دوش وتريح دماغها وبالفعل خدات دوش خفيف ريحات بيه راسها من يوم متعب..دوزات كوموند كلوفو وبدات كتلبس حوايجها وتنشف شعرها بفوطتها حتى سمعات الصونيت وهي تقفز..كان ديال هاتفها..جاوبات لقاتو الليفرور جايب ليها العشا..جاوباتو ومشات هزات عبايتها ..جمعات شدة مهملة لشعرها ولاحت فولار..ونزلات هازا الفلوس والتيلي..خرجات شافتو ياله وقفات عليه وبغات تمد ليه فلوسو وهي تمد ميتين درهم من حداها ..تلفتات بهدوء حتى كتلقاه هو لي مادها..عقداتهم فالبلاصة وياله غتبدا تعرعر وهو يشد الكوموند مد ليه الفلوس وقال:سير الله يسهل عليك
...:نعطيك الصرف؟؟
عبدو:بالصحة
شكرو ومشا مخليها واقفة مشوكية ونيوفها بالغضب تفرشو..كيسوطيها بأفعالو..عضات شفايفها وهي تنطق مغددة:ماغتفوتش ليا جنابي
عبدو:أش قلت انا؟؟قلت تسنايني
هدى:مالك ضارب بيا خط زناتي..طلعتي ليا فكرييي(خسرات الهضرة قدامو )كتسمعها طلعتي ليا فكرييي واافوت ليا ترمتي متبقاااش تجي لعندييي
شوكاتو وخرج عينيه فيها كيتنغم بديك الكلمة لي قالت ماحس براسو غي مكرشخ عليها بالضحك..حيت ماعمرو سمعها قالتها وجاتو من فمها فشكل..الشيء لي خلاه يتفرشخ بالضحك عليها..هي كتعاير وهو كيكركر..فقصها بردة فعلو وهو ينطق كيحاول يجمع الضحكة:زيدي وحيدة خرا هههههههههه ساليتي معايا
هدى:(نزلات عليه لكرشو ببونية معصبة)تهجرووو..وااابعددد منييي واش باغيني نحيد عليك حوايجي باش تفرقنييي
عبدو:هانتي غتضسااري..ريحي الأرض(مد ليها ماكلتها)شدي عشاااك ..هاد المرة حمدي ربك هبطتي اما كنت غنطلع نريبها عليك
طفح الكيل معاه والشوهة لي كضل تخاف منها ولات عندها زايد ناقص..وهي تصيح بأعلى صوووت:طلع طلعع ريبهااا ريبها وخليني فيها..نموت ومنشوفش وجهك واش مكتهدش؟؟ياك بديتي حياتك وا فرقني عليك
عبدو:ماتجيش عندي وتبقاي تبكي عليا..علاش تجي..كنت ناسيك وعاطيك التيقار علاش جيتي؟؟(مد ليها الكوموند)طلعي الزوينة تعشاي ونعسي ..أنا راه تابعك تابعك غي يرطاب ليك الراس ولا نهرسوو ليك
هدى:(ضربات الكوموند )اوا الى بقيت ليك فيها راني بنت الك**لب...
عبدو:(عرفها ديرها)من تحت الأرض نجبدك..نتي دياليييي وليا..والراجل يهضر..محدك مقسحة راسك وأنا لاصق وبغيتي غي الزكير أنا مولاه
بقات كتشوف فيه بعصبية ويديها كيترعدو..كتكره لي يشد معاها العكس ويمشي عليها كلامو..محسات غي بعينيها تغرغرو وشفايفها كيترعدو وقالت:نتا أكبر حيو*&ان عرفت وحكار..عمر شي حد حكرني ولا تعدا عليا كي درتي نتا..ومعمري ماغنسا ليك اش درتي فيا..
عبدو:(لمح عينيها تضببو ولمس الضعف فصوتها)ولااا أهدى(زفر كيهبط نبرة صوتو)واا هدى واش انا غنبغي نآدييك؟؟واش أنا نضرك؟؟(قرب منها كثر حيت شافها حنات راسها)علاش كتبكي دابااا؟؟(بصوت حنين)واهدى
هزات فيه راسها وطلقات دموعها وهي تغوت فوجهو:حييت عيييت منك ومن فعايلك كتجي كتفقص فيا وتعصبني وكتمشي..مكتعرفش كتخليني نتغدد فبلاصتي مكتقولش مسكينة تقدر يتبوشا ليها شي عرق فراسها بالفقصة..كتسنا تحطني فالركنة باش ترتاح ياااك
لاح الكوموند من يدو ومشا شدها نيشان من وجهها بين يدييه وزير عليه ونطق بحدة:واش عارفا اش كتقولي.؟عارفا راسك شنو نتي بالنسبة ليا حتى نبغي نأذييك..راه نضر العالم ومنضركش نتي...اه غلطت وجيت وضربتك وحكرتك ومتعاملتش مزيان ولكن كنبقا بنادم فلخر(كيدوز صباعو على حنوكها)كنغلط وكندم..وبعدت باش نتي ترتاحي مني باش منضركش..كان فيا لي يبقا لاصقك حتى تسمحي ليا وتنساي ولكن قلت لا براكة ضريتيها خليها ترتاح منك..مقدرررتش(بصوت ضعيف)مقدرتش..المرا لي شفت كنشوفك فيها..كنقول نسيتك غي نشوف تصاورك كتشدني عليك الصعرة..
كتسمع ليه وعينيها فعينيه..بلا دميعات خفاف لي نزلو من عويناتها ومع ياله مدوشة الوجه كيبري مرطب على حقو..جات بملامح مغرية بالنسبة ليه..رغم انه كيهضر لكن كان منطالي عليه سحر ملامحها وفمها لي واخد شكل البوسة حيت مزير ليها حنوكها..وبصوت خافت نطقات:منقدرش نسا ليك شنو درتي فيا..كنشوفك كنتفكر كلشي
عبدو:مغتنسايش اليوم وغدا ولكن من بعد غتنسااي. عارفك قلبك كبيير واخا تعياي تبيني بلي نتي قاصحة..ونيتك زوينة ومافيكش السم لي فالعيالات..وغتسمحي لمجمر الغمة ديالك
بقات كتشوف فيه مدة ثواني وكلامو كيضور فدماغها..كانت نبرتو صادقة هي قارياه وحافضاه لكن أبدا واش الذكريات الخايبة تفاوتو مع راسها...ياله بغات تهضر حسات بيديه زيرو كثر على وجهها ورجليه كيخطييو كثر ناحيتها لاغيين السنتيمترات لي بينهم..عينيه رصاو على شفايفها فقط وفبعض الاجزاء من الثانية كيطلعو لعينيها..عرفاتو اش باغي يدير..كيمارس عليها سحر عطرو الرجولي وبحتو لي كل ماهضر كتفوح بريحة الكارو والجوانات لي كتعيفها فكلشي الا هو كتعجبها منو...
دق قلبها دقات كثيرة على غير المعتاد وكتحسو كيخرج من بلاصتو خاصة انه حشرها فيه وعول انه يبوسها فشفتها ..مع قرب راسو شويا باغي يطبع قبلة ملكية تمناها شحال على شفتها حتى كانت وعات وشهقات مدورة وجهها حيت لامجال للهروب من الجهد باش شادها..بغات تفلت منو لكنها حساتو طبع قبلة على حنكها مجهدة بعص فيها حنكها بحال شي دري صغير فاش كتقوليه بوسني وكيشدك ببوسة كيلصق ليك حنوكك مع سنانك هاكاك داير ليها..خرجات عينيها فيييه وبدات كترطى ليييه وكدفع فيه حتى طلق منها قايل مبسم:سيري دابا فحالك
هدى:اويلييي واش مكتحشمش باغي تبوووسني فالزنقة؟؟الحماااار(ضرباتو بغضب)
عبدو:(كيضحك)هههههه بغيتي نطلعو للدار نطلعو مالنا حنا اش خاسرين
هدى:حتى نكون بحال الخانزات لي كتعرف
زادت وخلاتو كتغزل وهو يقول:اجي خودي عشااك
تلفتات ليه قلزات من بعيييد وزادت مخلياه مفرشخ بالضحك خدا بوووسة حنينة فحنكها مفرحاه وزاد..طلع لطوموبيلتو وديمارا .هز التيلي يقلبو لقا اتصال من ليلى..وهو يعقدهم ودوز ليها الخط قايل:فينك؟؟ريحي بلاصتك أنا جاي..
فمقهى راقي ناشرة ليلى زينها بكسوة حد الركبة والشعورات والماكياج كتبان أنيقة وراقية تحلف عليها بنت شي قايد ولا باشا..وسط صحاباتها لي لا يقلون أناقة عليها والضحك كيتسمع منين ومنين مع شافت نمرتو مع فرنسات وجاوباتو بدلع غي قال هاني جاي وهي تبان الفرحة فوجهها وقالت مخاطبة صحاباتها:البنات حبي جاي عندي..كي كنبان؟؟
هند:حلفي..جاي..كتباني زوينة..
نطقات وحدة فالبنات:واخيرا غنشوفو هذا لي غبرك علينا
ليلى:(خرجات مرايتها)عنداك غي تقوسو ليا عليه
..:لالا كوني هانية
تقادات وتصايبات وبقات على نار كتسناه يبان باش أولا تبان بيه قدامهم وبحديدتو وكذلك حيت توحشاتو..وما هي إلا مسافة الطريق كان تيليفونها كيرن باسمو..تبسمات بحماس وشدات الخط بدلع:حبيبي
عبدو:خرجي أنا برا
ليلى:دخل نعرفك على صحاباتي
عبدو:(بعصبية)مسالي كري أنا ..خرجييي
قطعات متوترة هزات صاكها وقالت:البنات باااي كيتسناني برا
...:ياختي مالو مايدخل
ليلى:مزرووب ابب ههه بسلامة عليكم
خرجات من حداهم والأعين عليها حيت إنسانة عاطية للعين كيف كيقولو فاخرة..قشعات طوموبيلتو ومشات كتعوج حتى طلعات حداه..فرنسات وتلاحت باستو فحنكو:حبيبي
عبدو:(ضرب فيها شوفة مخنزر)اش وصلك لهدى؟؟
تصدمات وتلغات ضحكتها وقالت:مافهمتش؟؟شكون هدى؟؟
عبدو:بلا ماتبقاي تحماقي عليا.. سولتك جاوبيني اش وصلك لهدى؟؟
ليلى:(مصرة على الإنكار)ماعرفتكش علاش كتهضر؟؟
عبدو:(ضرب يدو مع الفولون وصاح فوجها)غندخل فمك بشي راااس...اش وصلك للسيدة لي أنا معاها
ليلى:(هزات حاجبها)كيفاش نتا معاها؟؟اش كتخربق أ عبدو
عبدو:دابا عرفتيها؟؟أش وصلك ليها؟؟
ليلى:كيفاش نتا معاها؟؟واش كضحك عليا اعبدو؟؟معانا بجوج دقة وحدة
عبدو:(خزر فيها)سمعي ا ليلى غنجيك من لخر..عدويا التبرهيش..باش تمشي تقلبي على السيدة وتبقاي تخراي معاها فالهضرة نخرج معاك لشي حبس مكاييينش...اش بيني وبينك حتى توصليها؟؟
ليلى:واش كضحك عليا؟؟حنا بجوح ونتا كتسولني..اسيدي مامشيتش عندها غي بالصدفة مشيت للمحل وتصادفت معاها..كنعرفها من لافامي ديال بنت خالتي
عبدو:(صاح)لفامي تال%^زب ماشي ديال بنت خالتك (جرها من ذراعها) سمعيني مزيان اش غا نقوليك..نمرتي غضربي عليها ونلقاك واصلة هدى عاوتاني غنصيفطك بشي مونتيف عمرك تحلمي تخرجي منو..ماشي ضحكت ليك مرة تنوضي تركبي على ظهري...مكتعرفينيش مزيان راني مق&&ود ومشيتي للسيدة لي نهد على راسك الجبال على قبلها
فهاد اللحظة حسات ليلى بلي ضرب بكرامتها عرض الحائط وحطها فموقف عمرها تحطات فيه...قندشات فيه ونطقات بعصبية:حيد يديييك عليا..اش هاد لافاصون باش كتهضر معايا؟؟اش كتحساب راسك نتا وديك الخانزة
زير عليها كثر وقربها منو كيزفر فوجهها بغضب:غنضرب مك حتى ترعفي..سمعي الالة ليلى غنقطع الهضرة معاك هنا..هدى فرقيها علييك والى باقي وصلتيها حسابك غيكون معايا..ودابا هبطي تقاااودي فحالك
ليلى:(تزنكات بالغضب)كيكذبوو عليييك وكتجي تخوي فيا سمك..هي لي بقات كتخيب صورتك قداامي وقالت ليا راه سكايري مايصلاحش ليك
عبدو:بصحتها تقولها وتفوتها لهيه بعدي غي منها نتي..منعاودش نشووفك كضوري بساحتها...هبطي تقاودي
جمعات ماتبقى من كرامتها بحقد ونزلات من عندو غير كي طلعات..التزنيكة والحشمة والحكرة لابساااها فحين هو تحرك بعصبية من تما مبغاش يتزايد معاها فالهضرة كثر باش ميوصلش معاها ماصل اخرين..توجه لدارهم باغي يرتاح ليه وسطهم..
اما ليلى غي مشا وهي تبقا كتقلا فبلاصتها صونات لهند وقالت:ماتعيقيش خرجي عندي انا فالضورة
بقات كتمشي وتجي وترطا غي بلاصتها الأعصاب شاادييينها من راسها لاخمد لقدميها غي خرجات هند كتقلب عليها وهي تقول:مالك؟؟فينو؟؟
ليلى:غنطرطق أهند...حشااك جاا عندي طلاني وعايرني على القح&*بة ديال هدى لي مشينا عندها..مشات حطاتها ليييه وجا كيعاير فيا
هند:(مصدومة)عايرك؟؟اويليييي عايرك؟؟واش هذا حمااق..خصك تأدبيييه..عطييه النخاااال حتى يتبعك كي الك&&لب
ليلى:(بالغوات وبعصبية)معمرو غيتبعنييي كي الكلب...ولد الحرااام حااس براسووو ..فضل عليا ديك اشهار تالسم..والله متبقا فيها...الى بقات فيها راني قح&^%ببية
هند:واصافي دابا غي بردييي مالكي على الغوات
دوزات ليلة متعبة..كتنعس وتنوض قافزة الى غي تحرك شي حاجة فوقها..هي بطبعها عايشة مع الجيران ولي فوق منها عندهم الدراري صغار كيبقاو يدردكو ويتغاوتو حتال اشمن وقت ومع كانت خايفة عبدو ضور ليه فعقلو يمشي يشرب ويجي يحيح عليها بقا نعاسها خفيف بزاااف كتنعس لكن جزىيا وعقلها ممرتاحش..
دخلات للمحل مبوقة بالنعاس لقات اية كتسناها حداه..سلمات عليها وقالت:خلعتيني عليك تعطلتي
هدى:منعستش مزيان(عينيها طافيين)راسي كيزدح
اية:فطرتي؟؟
هدى:لا غنمشي نجيب الفطور ومعاه شي قهيوة..ونتي
اية:(دخلات للسطوك)لا غندير اتاي
هدى:(لمزح)غتبقاي اتاي اتاي حتى تكمشي ههههه
اية:اختي كنموت عليه ههههه سيري نفطرو ويحن الله اليوما غي الاثنين مكاين حد
هدى:واخا اختي مخصك والو
اية:لالا
بالفعل مشات هدى تجيب الفطور واية دخلات للسطوك فين دايرين واحد الزواية فيها بعض الاشياء لي كيحتاجوها..سامح ليهم انهم يطيبو الى بغاو...دارت فعلا الما يطيب فالمقراج ديال الضو وحداه بوطة صغيرة ..وبالفعل غي سحن الما قادات اتاي فوق البوطة ودارتو يتشحر وخرجات لبرا كتقاد لي مانكان ديال برا حيت على بالها اتاي كيتشحر..حتى وقف عليها مجمر الغمة شافتو عرفاتو وقالت:بغيتي هدى
عبدو:مجاتش؟؟
اية:جات غي خرجات تجيب فطورها..واش نتا صاحبها؟؟
شافةفيها بنظرة من نيتك وهو ينطق:راجلها انا وهاربة ليا..(وقف وسط المحل)
مزال كيضور فعينيه وهو معاها فالمحل حتى دخلات هدى ولقاتو مبند ليها كي حفار القبور..ببرود شافت فيه وتوجهات بفطورها للكونطوار قايلة:غنهضر مع رشيد يخدمك معانا رجلييك كثارت عندنا
عبدو:(راشقة ليه)دوي معاه يبيع ليا المحل ونديرو ليك فسميتك يولي كلشي ديالك
هدى:(جغمات من القهوة وداخلها كيتغدد)واش مغتبعدش مني؟؟راه نبقا انا وياك بجوج منرجعوووش
عبدو:(توجه لعندها ممسوقش لاية)واحبيبة غي باغيا تعقدي الامور نتي كتموووتي علي
هدى:(ضربات بالقهوة)عبدووو براااكة البنت كتسمع
اية:حممم انا غنمشي نجيب لمسمن
هدى:هاهو جبتو ليك معايا
اية:واخا اختي
هزاتو ودخلتت للسطوك مخلياهم بيهضرو براحتهم تحت نظراتو هو لي كيعريها بيهم ياله بغات تهضر وهي تسمع غوات ايييية قفزات ومشات كتجري للسطوك وحتى هو تابعها لقاو البوطة شدات فالحوايج لي محطوطين تما مخربقييين خصهم يتصولداو ومخربقين ..شدات فالنص واية كتغوت..
هدى عينها خرجو وصاحت:خرجييي خرجيييي
عبدو:خرجي من هناااا
مشا كرد فعل اولي يطفي العافية بحوايج خرين كثار ..ساعا عاد مشدات كثر حتى صاحت هدى خايفة كتجرو:عبدووو يديييك يدييييك..
عبدو:خرجيييييي
أسهل مايمكن انه يوقع هو العافية تسيح..شعلة وحدة تفرتك شمل ديال سوق على قدو..وهذا ماصرا..العافية شدات فأول بياسة وسرحات فالثانية ومشات غادية كتاكل فالحوايج..حاول عبدو يطفيها باش يخرجو باقل الخسائر لكنها كانت كتسيييح بجهد وكتشد فالحوايج دغيا
تدخلات هدى كتطفي معاه بالحوايج لخرين حتى خنقاتهم العافية فحين اية كتاصل بالاطفاء لكن لا من مجيب ولي غفلو عليه انه اتاي فاض وتخوا وطفات البوطة لكن النفس باقي جاري وكيجذب العافية..والبوطة الصغيرة راه أقوى من الكبيرة..هدمات بيوت وقتلات أرواح..
جر يدو عبدو حيت شدات فيه العافية بالم حتى غوت ونقزااات عندو لوخرا خايفة عليه:عبدووو براكة نعيطو للبوليييس
عبدو:اهعععععع معندكش بومباا ديال العافية
هدى:لا معندبش(شدات ذراعو)يديك اعبدو نحرفات
عبدو:خرجو خرررجوووو انا غنطفيييييهاا راه غتشد فالسلعة كاملة
هدى:لالا منخرجش ونخليك بوووحدك(ضارت لاية)خرجي عيطييي للي حدانا لي عندو شي تيووو يعطيييه لينا نطفيييو هادشي
خرجات كتجري مخليهم بجوج كيتحامقو معاهة تطفا حتى كسمعو صوت بحال فحيح الافعى كيتسمع سسسسسس تلفت للبوطة لقاها كتفيبري بحالا جايها زلزال ..خرج عينيه عرفها غطرطق وهو يصيح فوجهاا:هدىىى
تلفتات ليه وشد يييدها وجرهاا كيجرييييو مجاوش فين يخطيييو جوج خطوات على الباب حتى تسمع التفركييع فداك المحل وتهزات الارض وهبطات مع صوووت خطير كيخلع خلى الناس تخرج من محالاتها بلا لي مشات اية كتزاوك فيهم على تيوو
البوطة الصغيرة معروفة فالمغرب الى تفركعات مكتخلي وراها والو وأغلب الناس كيكرهو يستعملوها حيت كتكون بحال شي طنجرة تحت الضغط محدك مجهد عليها ومزير وهي عرضة أنه تطرطق
وهذا ماوقع طرطقات المرة لولة ولقات هدى وعبدو خارجييين لكن وقع الآن ف جار كان قوي خلاهم يهتزو شويا على الأرض بجهد متر ونص ويتخبطو لكن غي تسمع الصوت كلشي خرج وكلشي هرب..جرها دارها تحت بااطو وقطع بها الشانطي للجهة المجاورة كترعد باغيا تموت ليه بالخلعة..أما هو راه خشاها فيه مباقيش خرجها..لدرجة وجهها خشااه فصدرو وكيحس بيها كتفيبري
الهضرة كثارت وكلشي خرج حسابهم شي عمل ا ر ه ا بي قبل مايكتاشفو بلي المحل كيتحرق..كلشي كيصوني للإطفاء وكلشي بعد بمساافة كثيرة حيت فاخر المطاف كتبقا بوطة صغيرة لي لداخل ...صونا من جديد عبدو للاطفاء او بالأحرى لأحد معارفو باش يعتقوهم دغيا اما هدى غي خرجات راسها من صدرو و وجها مسقطر بالدموع وكترعد كتشوف المحل شدات فيه العافية دغيا وبدات كتبكي بصوت مسموع:السلعة ديال رشيد هءهءهءهء غتمشي ليه سلعتوو
عبدو:ماشي وقتها دابااا..
هدى:(شدات على حناكها)مشااا كلشي اعبدوو مشااا كلشي هءهءهءه رشيد مشات ليه سلعتوو
عبدو:(شد فيها معصب)نسااااي غيعوضو الله مكتابة..المهم موقع ليك والو
جرها من جديد دارها فحضنو مامخليهاش تشووف داكشي ..بعض الناس بداو كيتدخلو..وقفات عليها آية مسقطرة من الدم خايفة وهي تعانق هي وياها وهو ينطق:بقاي هنا متحركييش
هدى:(كنززات عليه)متمشيش..نتا أصلا محرووق(شافت يديه حمراا فوق البرص)غتخرج على جلدك
عبدو:بقاي مع صاحبتك متحركيش
مشا قاطع الشانطي كيشوف الناس كيقلبو يدخلو الما..وبعض من الشباب فانتظار وصول السلطات كيحاولو يطفيو لي قدرو عليه
عبدو:(مخاطب واحد الشاب)خص يطييح الضوووو
..:(كيكب الما غي من الباب وكيبعد)مكاينش كي نديرو..المكانة لداااخل
عبدو:أنا غندخل نطيييحو ونخرج ديك البوطة لداخل(شد سطل تالما كبوو عليه دغيا)
...:ريح اخوياا فين غدخل
عبدو:هاد الخرا كامل غيطيح الى مدخلش شي حد يطيح الضووو..البوطة طرطقات وتنفساات غتكون تقبات شي حيط خص الضو يطيح
مترددش ودخل وسط العافية لي كانت شادة فالحوايج..تضببو عينيه بالسخونية ومشا نييشاان للسطوك كيقلب بعييينه على المكانة..حتى بانت ليه لكن عالية..شاف الحيط مثقووب فين تفركعات البوطة..هزها هي لولة خرجها من تما لبرا هازها شابعة نفس وقال مخاطب الرجال:كبووو عليها الما باقي فيها شوياااا
حطها فالشانطي وعوال يرجع حتى كيشوفها قاطعة لعندو كتبكي تتنوح وكتغوت عليه:واش مسطييي علاش دااااخلل
عبدو:هدى رجعييي بلاصتك
هدى:(كتبكي وتجر فيه)وا متدخلش وااا مكتفهمشششش متدخللللش...علاش تدخل
عبدو:الناس غتموت الى مطاحش الضوووو
هدى:(زيرات عليه من يديه)لالا عفااااك اعبدوو غتموووت الى دخلتي ..الله يرحم ليك باااك خليك معايا (كتبكي وتجذب ليه)عفاااك عفااااك بقاااا (جاتها هستيرية تالبكا)مغيوقع ولووووو ليهم(كتسمع صوت الاطفاء)هاهوما جاااو زييييد بععععد
عبدو:(شدها من ذراعها)صافي سكتييي غتطيحي فبلاصتك
هدى بدون ماتحس حطات يديها على وجهو وكطلب فيه كي الحمقة:عفاااك أ عبد الدائم متحرقش قلبي عليك حتى نتا هءهءهءهءهء نتا لي بقيتي مامتييييش(كتبكي وتشير لليه لرجال الإطفاء لي بداو كيهبطو ماتريالهم)هانتا شوووف هاهومااا(كتجر فيه)عفااااك
عزات عليه حيت عارفها عندها فوبيا من الموت وديما كانت كتقووليه عندي فوبيا من خسارة الناس..عض على شفايفو وضور وجهو لرجال الاطفاء وهو يشد فيها دارها تحت يديه وقال راجع منين جات:صافي سكتيي سكتييي
هدى:صافي نسكت نسكت(كترعد)غي متمشيش غتموت حتى نتا هءهءهءهء
عبدو:(زير عليها)واصافي سكتي
بقات مقرقة حداه وعينيها كتشوف العوافي كيتطفاو حتى جا رشيد مرعووود كيشوف محلو كيمشي فرمشة عيين..سلعة بزبالة تالفلوس مشات ليه لكن فهاد الأحوال الواحد كيقول"الحمد لله خطات الصحة والواليدين وتجي فينما بغات"
تصدم وتضهشر وكيواسيو فيه الناس مخلوووع كيشوووف العافية عاد مزايدة وكتسرح عاد بدا كيسول على البنات ونعتو ليه فين واقفين قطع كيجري عندهم..هدى غي شافتو وهي تفركع بالبكا وبدات كتشكي عليه:معرفتهاش كي شعلات هءهءهءهء
آية:البوطة لي تفركعات
رشيد:(صفاار)واش موقع ليكم والو؟؟متحرقتوووش
اية:لالا متقاسناااش ..سيكانا وتيليفوناتنا بقاو لداخل
عبدو:(بصوت غليض)يعوضك الله أ سي رشيد
رشيد:(كيمسح على وجهو تالف)الله ياربي الله..سلعة الناس ممخلصاش مشااات
هدى:رشيييد(حطات يديها على كتفو)ميكون غي الخييير..غيعوضك الله
رشيد:ملي موقع ليكم والو الحمد لله(بحسرة)الفلوس يعوضها ربي..(بتساؤل)كي وقع
بدات اية كتعاود ليه المنزلة فحين هدى الجهد مشا ليها..بقات غي واقفة ومع مواكلاش والنعاس منعساتش بزاف تقادا جهدها..محسات غي براسها حطاتو على كتفو هو لي يديه كانت ضايرا على خصرها ممفارقهاااش
بدون مايحس طبع قبلة على راااسها من فوق الفولار وقال:تمشي؟؟
هدى:(شافت فيه)يديك(شدات ذراعو)تشوطات اعبدو شوف كي حمرة..كب عليها غي الما
عبدو:موقع والو غي ساطت فيا العافية..تمشي نتي؟؟غطيحي على وقفتك
هدى:منقدرش نخلي رشيد ورايا..
حرك رااسو وضورو وراه لقا محل حلاقة لي كاين وراه بلا ميحشم دخل هز منو كرسي خرجو ليها وجلسها فوقو وحيت الواقعة وقعات المغاربة معندهمش مشكل كيوليو كاع الممتلكات ديال الشعب..شي كيدخل عند شي شي كياكل عند شي..رجال الاطفاء مغيمشيو حتى يفطرو المهم يتحل المشكل
بتعب جلسات وبقات كتشوف ببرود فاص ليها وعينيها محبسوش من الدموع حتى تمكنو عناصر الاطفاء من انهم يخمدو كلشي وجبدو البوطة لي كانت فكرة زوينة انها تخرج باش الى طرطقات طرطق برا ..امرو كلشي يطيح الضو تحسبا لاي حاجة حتى تهدنات الامور
ضربات الجوج تالنهار ولي مساقش الخبار راه جا..تطفات العافية وبقاو الناس كيواسبو رشيد وهو كيقول غي الحمد لله..اية مصدوومة قربات تطلقهم فسروالها..اما هدى غي جالسة وراسها محطوط على جسد عبدو لي واقف كي البوطو حداها ويديه على كتفها
رشيد:(تنهد)هدى اية سيرو فحالكم
هدى:سمح ليا اخوياا(تغرغرو عينيها)
رشيد:داكشي ديال الله..سيرو ترتاحو..
عبدو:ياله نديك ترتاحي(خاطب اية)ختي ياله نوصلك لداركم
حركات غي راسها بالايجاب ..وقف هدى وحاوطها بذراعو واية وراهم غادي بها ناحية السيارة لي كانت مسطاسيونيا بعيدة شويا..طلعو وهي تقول بصوت كيرجف:نمشيو لشي فارماسي داوي يديك ولا طبيب
عبدو:(ديمارا)لا نديو البنت ونحطك عاد.نمشيي
هدى:(بترجي )عفاااك
شاف فيها كيفاش ترجاتو بعيون بااكية طيحات ليه كواريه لي كيضل يهز فيهم..عزات عليه حيت تخلعات وفنفس الوقت جاتو حالتها ماشي نورمال..حرك ليها رااسو ونطق مخاطب اية:فين ساكنة؟؟
نطقات بعنوان دارهم وصقلات حتى داها للدار ..نزلات وهي تقول هدى:الى خصاتك شي حاجة جي عندي
اية:واخا
مشات مسهووتة اما هدى راه صقلات بدات كتبرد شويا والخلعة كطلق منها..شافت الما حداه هزاتو نزلات عليه بحال العطشان فالصحراء..كيتسمع غي صوت حنجرتها وهي كتسرط..تلفت ليها ورجع لسوقانو حتى وقف حدا كلينك وقال:تاكلي شويا
هدى:لا ياله نداويو يديك..كنشوفها كتشدني السخفة
تبسم بلا ميحس حيت فكل مرة كتبان كتاكل عليه الجوانط بالخلعة..وهبط وهي تبعو محسات بيه غي شادها من يديها مشابكهم وداخلييين..هي فهاد المرحلة بالضبط متقدرش تحس ولا تعقل حيت باغيا غي ديك الحرقة تداوى..
فالاستقبال حدد ليهم بلي باغي يسواني وحطهم ليهم كاش حتى دخل هو الثاني وهي لاصقة حداه..مبغاش يفرقها عليه..بقات حداه كيسوانيو ليه جالس فوق باياص وهي ملامحها كيتكمشو حيت الجلدة لتاهبات وحيدوها ليه..كيتعصر قلبها بحال الحوايج فالصابون ولاصفة حداه شادة ليه فيديه كتورك عليها خايفة..
كملو ليه عاد رتاحت وكتب ليه دوا خفيف يديرو وخرج المعالج بقات غي هي وياه وقال:هدى
شافت فيه بتعب وقالت:كتحرقك؟
عبدو:كيحرقني قلبي عليك فاش كنشوفك هاكا(مد يدو لوجهها مداعب حنكها)علاش هاد الخوف من الموت؟
شافت فيه بنظرة ضعيفة وقالت:مكنخافش نموت..كنخاف يموتو ليا الناس لي عزاز عليا
عبدو:(ميل راسو معاها)وأنا عزيز عليك؟؟
بقات مطولة فيه الشوفة شحال عاد تنهدات وقلبات وجهها متفادية الموضوع قايلة:خصنا نمشيو
بغات تحرك وهو يجرها من ذراعها جابها قدامو مع جالس فوق البياس ورجليه مفرقين حطها فاص ليه وقال:علاش كتهربي مني؟؟لهاد الدرجة ضريتك
هدى:(كتفادى تشوف فيه)عفااك ماشي وقت هاد الهضرة براكة غي الخلعة لي فينا
عبدو:(شد يديها عندو وهزها حتى شبكها مع يدو السليمة)وامتا وقتها؟؟واش كديري ليا فعايل دراري صغار..يخخ منو وعيني فيه...قبيلا كطلبي فيا مندخلش وشاداني معاك ودابا قالبة عليا وجهك..شحال من شخصية عندك؟؟
هدى:(ركزات الشوفة فعينيه)عندي وحدة وهي باش عرفتيني النهار لول وباش غنبقا..حيت أنا معمري اذيتك ولا ضريتك ولا نقصت منك(غلبات عليها البكية)ونتا لي كنتي معايا ممزيانش وضربتيني وتعديتي عليا وكنطلب فيك تحبس محبستيش..هادشي لي باغي تسمع(كيتقطرو الدموع من عينيها)
زاد جرها كثر حتى ولات قربات تدخل بين رجليه..الوجه باكي والشنايف تنفخو وعينيه هاربين غي لديك الحلقة لي دايرا فنيفها ..نطق بجدية:زيدي خوي قلبك..أنا غالط ولي غلب يعف واش نتي مكتغلطيش؟؟
هدى:مكنغلطش أنا فالناس
عبدو:معمرك غلطتي فيا؟؟
هدى:(خرجات فيه عينيها)أنا؟؟علاش كتكذب؟؟عمري ضريتك؟؟عمري عايرتك ولا ضربتك
عبدو:ماشي هاكا كنضرو الناس..رخفي فيك النفس واش باغا تبقاي حياتك كاملة بوحدك..كلشي شايف حياتو ونتي؟؟
هدى:نموت بوحدي ومانعيشش مذلولة
بدات كتلعب ليه على أعصابو وهو يجرها دارها بين رجلييه وزير عليها قايل:شكون ذلك؟؟أنا؟؟عمري ذلييتك..معمري قربت ليك ولا عاملتك معاملة ديال الق#$حاب..ديما كنتي نتي فوق الراس والعالم لتحت...فين هاد الذل؟
هدى:نهار حطيتي عليا يديك راك ذليتيني(بعيون باكية)كنت حاسباااك لفوق ونتا درتيني لتحت
عبدو:اختي ضربيني حتى نتي(شد يديها رفعها فوجهو)عطيني داكشي لي عطيتك باش نتهناو حنا
هدى:(جرات يديها)حتى نكون بحالك..بعد مني وخليني لي فيا كافيني ..غنموت بوحدي غي خليييوني سيرو نتوما ديرو حياتكم وديرو ولادكم وخليوني نعييش بوحدي(غلباتها البكية من جديد)
تنطرات منو وبدات كتبكي بصمت مخلياه كيسوووط ويزفر..كيقوليه راس ضربها حتى تفقد الذاكرة وراس كيقوليه نوض حزرها..ياله بغا يمد يدو عليها يحزرها حتى دخلات الممرضة قايلة:تقدر تخرج اموسيو
حرك راسو وناض واقف فحين هي كتمسح دموعها وكتقاد فولارها متفادية تشوف فيه..بغات تدوز تخرج وهو يشدها رجعها مكاليها مع البياص بيديه بجوج وقال كيمص فشفايفو كأنه كيكتم موجة غضب فالطريق:شكون قاليك غتموتي بوحدك؟؟أنا مغنخليييكش غنبقا معاك حتى ندفنك ولا دفنيني..علاش كتعقديها على راسك...كتسطااااي عليا (خرجات فيه عينيها)تقولي لا؟؟أنا كنعرف الواحد فاش مكيكونش كيحمل شي حد وحاقد عليه مكيتباكاش عليه..نتي جايا وكتبكي عليا وكتبوووسي فيا وتنخصصي وتقولي لا مباغاكش
هدى:(وترها)غي جاب ليك الله
عبدو:(زفر)سمعيني نهضر معاك..راه مغنتفرقش علييك واخة تطيري وتنزلي مغنفوتكش وانا لي كاين..ومغنخوي أنا هاد المغرب حتى نديك معايا
هدى:(عقداتهم فيه)لا ربطني حداااك...خلاني ليك باااك
عبدو:(شد يديها داعبها بيدو)هدى..هذا الجهد..نتي عيتي وانا كثر منك..نتي عارفاني باغيك وشاريك بلا منبفا نحاجي عليك نفس الحجاية كل نهار
خرج من جيبو خاتم رقيق فالذهبي فيه حجيرة صغيرة وساامبل مرداتش ليه هي البال كاع حتى هز يديها للفوق ولبسووو ليها مخليها مصدووومة من فعلتو..طبع قبلة على يديها وفال:هذاا غيربطني بييك ديما..الله يهدييك عليا وصافي
بقات مصدومة كتشوف فيه بتركيز اش صنع وتحول نظرها من يديها لوجهو تحاول تستوعب اش دار..صدمها مضناتوش يطلب منها الزواج هاكا..متحناااش ومطلبهاش لبسو ليها نيشان
هدى:(بتساءل)عبدو؟؟
عبدو:(زير على يدها لي فيها الخاتم)عارفك مقلقة مني خليني نحزرك شويا..خليه فصبعك حتى تبردي و وقتما بغيتي أنا نجيب مالين الدار
هدى:(تزنكات وطلعاتها السخونية)عبدو واش باغي تزوج بيا؟؟(شفايفها كيترعدو)
عبدو:(زاد قرب كثر وعينيه فعينيها)اه..أنا وياك مديالش المصاحبة..مباغيش نرجعو مصاحبيين ..نتي مديالش هادشي..عيييت وبغيت علامن نحط راسي
سكتات وهزات يديها كتشوف فالخاتم لي كان زوين وراقي ..كتحركو بصباعها مصدومة..هزات فيه عينيها بحيرة وقال:ماتقولي والو..نتي عيانة..نديك ترتاحي وحتى يبرد دماغك ونهضرو
هدى:ولكن انا...
عبدو:الله يرحم ليك بنتك فهاد النهار ملتقولي والو..عيتيني معاك..شيبتي ليا رااسي..دوزت البنات على قد شعر راسي معمر شي وحدة عذباتني بحالك
هدى:أنا وياك راه..
قاطعها من جديد قايل:ياله نوصلك (مرر يدو بحب على حنوكها)
سقلات كتشوف فيه بحيرة ومرة مرة تشوف فيديها..وخرجات معاه حانية راسها ودماغها خدام كيفكر واحد كيشرق وواحد كيغرب..مشدش فيها خلاها براحتها حتى خرجو..حل ليها الباب على غير عادتو حيت هو مامولفاش ليه هاد الصواب كامل..شافت فيه باستغراب وطلعات ساكتة بحالا صرفقتيها وعينيها على الخاتم لي جاها عبار..طلع حداها وهو يتحرك باغي يديها ترتاح حتى نطق كاسر الصمت:عجبك؟؟
هدى:(بصوت مبحوح)شنوها؟؟
عبدو:(شير بعينيه للخاتم)لخاتم؟
هدى:(شافت فيه)زوين
عبدو:بالصحة..هذا غي ديال المصالحة ديالنا نهار تعطيني امتا نجي لداركم نجيبو واحد اخر بذوقك
هدى:واش خلاص حسبتيني وافقت؟؟
عبدو:نتي ديالي غا هني رااسك..راه معندي عليك فين..(جبد كارو)ففف
سكتات من جديد بغات تهضر بعقلها غتضرب بكرامتو ومشاعرو عرض الحائط..غتبغي تهضر بقلبها غتنوض تعنقو وتبوس فيه وهي تحير وأصعب حاجة تحير بين عقلك وقلبك لا عقل يريحك لا قلب يهنيك
وقف بها قدام مطعم وقال:مفطرتيش؟؟
هدى:لا ومبغيتش مقاداش
عبدو:تسنايني هاني جاي
هدى:عطيني نهضر مع ختي..تيليفوني بقا فالمحل
حل ليها التيلي ديالو:عيطي ابيل نورمال غدوز ليك..خودي راحتك..
دوزات نمرة ختها ديال برا وتسنات بضع رنات حتى جاوباتها وجلسات كتعاود ليها المنزلة كاملة واخدة راحتها حتى رجع هاز معاه الفطور..وتحرك مخليها كتهضر وتعاود بتعب
إكرام:ربي حفظكم وصافي..نمرة من هادي؟؟
هدى:ممم نمرة عبدو
إكرام:مجمر الغمة؟؟؟
سمعها عبدو حيت التيلي كيسمع وهو ينطق:ايييه اختي مجمر الغمة
إكرام:(ضحكات)ههههههه واش نتا وياها غي فالمصائب
عبدو:(حيد ليها التيلي دار سبيكر)دعي معايا اختي يرطاب ليها الراس راه ختك مايقد عليها غي الله
إكرام:على مدوزات عليا انا هههههه هاديك راه تهديت أنا ومي وهي متهداتش
هدى:(معجبهاش الحال)ياك اختي..أنا غولة؟؟
إكرام:ههههههه رخفي فيك النفس..رد لبال اخويا راه كنخليها ورايا وكتشدني عليها الخنقة
هدى:قادة براسييي
عبدو:لا باااين..واش هادي عندكم منهارها وجهها قاسح ولا غي معايا
اكرام:هههههههه لا هي قسوحية الوجه بلا متسول وتخراج العينين ولكن حنينة هههههه
هدى:الله يكثر خيرك ابنت ميمتي
عبدو:الحمد لله مع كلشي
اكرام:الحمد لله على سلامتكم..هدى ردي لبال لراسك خودي نمرة وصوني ليا ماتخليش بالي مشوش أنا غنعلم أحمد
هدى:واخا اختي تهلاي فراسك وبوسي رجاء..سلمي على علي
إكرام:مرحبا بسلامك
قطع من عندو وقال:كون صيفطتي ليه شي بوسة كاع نتي وتهناي
شافت فيه وخسرات فيه سيفتها مخنزرة وهي ترجع كتشوف فاص ليها:مجمر الغمة عاد اليكم من جديد
*****
وقفها حدا دارها ومد ليها الباك قايل:ها الفطور فطري ورتاحي..العشية نجيب ليك تيليفون
هدى:ويااااك..غنخرج نشري واحد اخر ونرجع نمرتي
عبدو:وغتصوني ليا؟؟
هدى:(شافت فيه)لا
عبدو:(تبسم)وامجمر غمتك أنا
شافت فيه موسعة عينيها وقالت:اش كدير للتبلحيييس
عبدو:غا معاك..رتاحي متخليش بالي يتشوش عليك..انا العشية ندوز عندك
هدى:متجبش اعبدو هنا لي بقا متشوهناش فيه..سمعتي زوينة هنا
عبدو:واخا براحتك(مد ليها الفطور)رتاحي ليا
شداتو حيت مافيها لي يتناقش معاه ونزلات عياانة ياله وصلات باب الدار وهي ترجع شيرات ليه..نزل عندها وقال:مالك
هدى:معنديش الساروت ...بقات فالصاك
عبدو:نديك لاباغطومون لي كاري وأنا غنمشي لدارنا
هدى:لالا..غنمشي عند غزلان
عبدو:علاش واش خفتي مني؟؟ماغنجيش انا
هدى:ماشي هاكاك غي جات ناقصة(بتذمر)تفو تشردت..ديني عند غزلان
عبدو:واخا نديك
مباغيش يعارضها باش مينوضوهاش تاني ومشات معاه من جديد داها لعند غزلان فصمت ياله غتهبط وهو يقول:عندهم الرجال؟؟
هدى:باها مراجلش؟؟
عبدو:(زفر)ياله نديك لشي أوطيل جلسي فيه حتى عام وخلي بالي هاني
هدى:ياله واهضري نتي مع هذااا...واش مكتوبش؟؟مكتبدلش..مكتهدش
عبدو:(بنرفزة)قولي والله معندها شي راجل؟؟
مجاوباتوش عرفاتو غيجلطها وهي تهبط وخلاتو مكمش فمو وكيتغدد غي بوحدو عقلو كيقوليه نوض جرها ونوضها معاها وعقل اخر كيقوليه غي صبر..شافها حتى دقات وخرجات غزلان تسالمات معاها ودخلات عاد تحرك
غزلان:ياله صونا ليا رشيد وعلمني
هدى:خرجات منا ياختي والله..كنا غنموتو
دخلات معاها سلمات على ماماها وجلسو فقاع الدار فجليسة كتعاود ليهم تفاصيل الحادثة وكتخوي عليهم قلبها لقات راحتها حيت أم غزلان كيعجبها الجموع..
حطات حتى الفطور لي تقدات وهي تقول:هذا ياله شريتو نفطر حتى شعلات العافية
الأم:نوض ندير كاس تاتاي حتى يطيب الغدا
مشات مها وهي تنطق غزلان:هذا فطور غالي
هدى:مكاين حد؟؟خوك؟؟
غزلان:(فهماتها)لا مسافر غا قلعي
حيدات فولارها وبدات كتماصي شعرها ووذنها لي معمراها طوانك وقالت:شراه ليا مجمر الغمة
غزلان:(ضحكات)هههههههه امتا؟؟عيطتي ليه؟؟
هدى:لا (شافت فاص ليها)كان معايا فاش شعلات العافية
غزلان:(تربعات دغيا شاهقة)بلاتي بلاتي عاودي عاودي كيفاش كان معاك
هدى:ههه مالكي هه كان فالمحل تعقلي على أيام لي كان كينبت ليا فالمحل اوا راه هاكا داير ليا..كيف شتي تضرب ليه صبعو ومشيت شفتو ندمنييي على حياتي
غزلان:ونتي علاش مشيتي شفتيه؟؟يتحيد ليه صبعو ولا راسو
هدى:(بملامح بريئة)كيعز عليا راه بيناتنا العشرة
غزلان:بيناتكم الحب ههههه اختي نوضي براكة متكذبي على راسك نتي السيد كتموتي عليه ودايرا فيها عزة نفسي
هدى:(وراتها يديها)شوفي اش لبسني؟
شداتو وهي تخرج عينيها وقالت:باغيك للزواج؟؟ههههه حلفي حلفي
هدى:علاه هو تحنى كي الناس وطلبني..علاه هو قالها بفمو لبسو ليا وقاليا الله يهديك عليا (شداتها الضحكة تاع الفقصة)غيفقصنييي
غزلان:هههههه مجمر الغمة اش ديري ليه
هدى:معندي ماندير..خلي حتى نفكو مع رشيد حريرتو
غزلان:أنا جاني لي غلب يعف..هو دار الغلط ولكن جاك نادم وسبحان لي مايغلط
هدى:(بنرفزة)مايغلطش فيا
غزلان:دابا غي بردي بقاي معايا حتى نفكو مشكل رشيد ويحن الله(بفرحة)حبيت الخاتم
هدى:(شافت فيه بهدوء)كون غي لبسو ليا وحنا القلوب صافية
جات مها حطات أتاي ووراها الغدا ودوزات معاهم وقيت وهي تنوض تحط راسها تنعس..عطاتها غزلان بيجامة وخلاتها فبيتها تنعس فحين هي غي حطات راسها مشااات ماباقيش عقلات حتى فيقاتها غزلان مع السبعا ديال العشية بزز
غزلان:تي غملتي كاع هذا نعاااس..
هدى:منعستش مزيان البارح
غزلان:نوضي اختي مجمرك راه زاند عليا..كل شويا يصوني ليا يقوليا واش فاقت
هدى:هذاك مكرهش كون داني نعسني حدااه ويسد عليا فقفص
غزلان:ههههه هبيييل عندك..(رن هاتفها)هاكي اختي
شداتو كتحرك راسها ومع شدات الخط سمعات صوتو:واش باقي مفاقتش ولا خرجات؟
هدى:لا طرت أنا دابا ففرنسا..
عبدو:كنتي ناعسة ولا ميتة
هدى:ناعسة ففففف عييييت والله
عبدو:لهلا يعييك ليا الميكروبة
هدى:كي بقات يديك؟؟
عبدو:صافا عادي
هدى:اوا مزيان..محشوماش فرعتي للبنت راسها
عبدو:وا ديري تيليفون
هدى:مع أنا بحالك الفلوس غي حاطهم تحت باطي ونجبد
عبدو:نتي راه ميكروووبة ياك قلت ليك ناخد ليك تيليفون ومابغيتيش دايرا ليا فيها عزة نفسي
هدى:اييييه بنفسي وحارة ومانرضاش بدرهم شي حد(جات رنة أخرى ديال اتصال ثاني)قطع بلاتي كيصوني رشيد لغزلان
قطع فالبلاصة وشدو الخط كيهضرو معاه ويتعاودو حتى قاليهم:هدى راه صاكك كاين موقع ليه والو طاكا عليه الكونطوار ديال الخشب متحرقش
هدى:الحمد لله..نتا فين؟
رشيد:فداري
هدى:والمحل؟
رشيد:سديتو وخليت حتى تبرد الدعوة ونصلح
هدى:الله يعوضك اخويا..نجي ناخد من عندك صاكي خصني سوارت داري
رشيد:واخا
بالفعل ناضت لبسات هي وغزلان ومشاو تلاقاو معاه حدا المحل القديم لي فيه بنات خرين..عطاها الصاك وبقاو كيهضرو شويا على الفاجعة عاد مشاو..عيات فيها غزلان تمشي معاها لكن فضلات تمشي لدارها ترتاح
فاليوم الموالي...فاقت هدى بكري جمعات شي حويجات فشانطتها لي غيكفيوها وخرجات شادة الطريق للكار والوجهة الصوييرة فين عايش خوها بعد ليلة اخرى متعبة مقدراتش تجلس بوحدها فاتصالات بيه وعلماتو بلي غتجي
اما عبدو راه معاودش عيط لغزلان خلاهم براحتهم بعدما تأكد وظن أنها غتبات معاها مبرزطهاش حتى الغد ليه فالصباح صونا لغزلان يسولها عليها
غزلان:مباتش عندي باتت فدارها ..مشينا للمحل موراها عطاها رشيد صاكها وباتت فدارها
عبدو:(عروق دماغو تنفخو)وعلاش هادشي مفراسيش
غزلان:بسم الله عليك هههه
قطع عليها مخافة يغرق ليها بقطرانو وشدها نيشان لدارها بلا حشمة بلا حيا طلع حيت لقا باب العمارة محلول..دق مرارا وتكرارا محل ليه حد حتى ولى كيردخ الباب حسابو غي مبغاتش تجاوب حتى خرجات جارتهها وقالت:علامن كتسول اخويا
عبدو:(تلفت ليها)السيدة لي عايشة هنا
الجارة:خرجات بكري اولدي هازة شانطتها
عبدو:كيفاااش؟؟(خرج عينيه)
الجارة:خرجت غي الزبل وبانت ليا خارجة بشانطتها
عبدو:(بلا عقل)فين مشاات؟؟
الجارة:معرفتش
سمح فيها وزاد كولو كيغلي ويترعد عليها..دماغو كيقوليه حزقات وخلاتك...تغدد تعصب وترعد عليها مزيااان وكيتوعد ليها ..كما كارو كيترعد :واخا واخا الالة هدى..هاحنا غنشوفو بلانك غا بلاتي...جري طوالك
دوز نمرة ختها وبعد عدة رنات جاوبات وهو يقول:ختي أنا عبدو
اكرام:هدى وقعات ليها شي حاجة؟؟
عبدو:لا اختي...فين مشات؟؟
إكرام:شدات الطريق عند خونا الصغير واش موقع ليها والو؟؟
عبدو:فين جا خوك؟؟
إكرام:فالصويرة
عبدو:ختي أنا نيتي زوييينة باغي ختك فالحلال وهي هزات قشها وخلاتني
إكرام:(ضحكات)ههههه مشات غي ترتاح عندو شي أيام ماشي هربات راه مخدمة تيليفونها
عبدو:واخا شكرا اختي أنا نعيط ليها
قطع معاها ودوز نمرتها لي شدها من عند عمر بضع رنات كيلعبو ليه على أوتار اعصابو..جا صوتها بهدوء:الو
عبدو:(تنفس الصعداء)ياك اهدى ياك..مشيتي وخليتيني؟؟
هدى:(بعدم فهم)مالك؟؟
عبدو:خليتيني حتى مشيت ومشيتي ؟؟هادي رجلة هادي
هدى:مفهمتكش ..علاش كتهضر
عبدو:فين مشيتي؟؟(كيغوت)علاش مقلتيش ليا غادية للصويرة
هدى:وصلاتك التبركيكة؟؟واش شويا لباس غادية عند خويا
عبدو:علميني قوليها ليا نعرفك فين غادية
هدى:واش نتا مغتساليش من غواتك؟؟ أش بيني وبينك أصلا حتى تغوت عليا..
عبدو:غي بلاتي لدلمك أنا وياك والزمن طوييل..بيا ولا بيك
هدى:(عصبها)جري طوالك
قطعات عليه ورجعات تيلي لساكها كتنتاظر فخوها لي دغيا جا..تعانقات هي وياه بحب وهز ليها لفاليز ديالها ومشاو لدار لقاو غيثة محلقة على الحالة فانتظارها هي كأول ضيفة من عائلتو فدارها..تسالمات معاها بحرارة ورحبات بها ولقاتها موجدة صينية متولة والدار باينة عليها لمسة مرا وفرحات فداخلها حيت كتشوف خوها عايش مزيان
أحمد:شفتي الواليد؟؟
هدى:لا من نهار مشات مراتو ويوسف..كنت غنمشي عندو ساعة شعلات العافية ههه
غيثة:حفظكم ربي وصافي..زيدك اتاي شويا ويوجد لغدا
هدى:الله يكبر بيك اختي عذبتي راسك
غيثة:مرحبا بييك..نهار كبير هذا لي جات خت احمد عندنا لعقبة ماتجي إكرام حتى هي..نتوما عزاز عليه بزاف كيبقا يجبدكم بزااف
هدى شافت فيه بحب ومدات يديها صرفقاتو كتمازح:بوبو عجينة ههههه
أحمد:(رجع ليها التصرفيقة)ريحي لنسلخ مك
هدى:(كطوي فكمامها)ايهاي هاي على تسلخني..شتفت على طاسيلتك حتى عيييت هههه ناري شحال سلخت فيه
أحمد:ممسامحش ليك هههه
غيثة:عاود ليا كلشي ههههه ولكن نتي لي كليتيها كثر
هدى:أنا راه جنابي طابو عليا بالعصا ديالهم ههههه نوض نبدل عليا ضيقني هادشي
وراتها غيثة فين تبدل ورجعات نظامات ليهم كيهضرو عادي ويتساولو حتى حطو الغدا كلات مزيان وتجبدات على رجلين احمد كيلعب ليها فشعرها حتى غفااات..قادها وغطاها ونااض هو ومراتو باش ترتاح
وفنفس الوقت كان مجمر الغمة جمع قشو حتى هو وشدها للصويرة ولي بغا يربح العام طويل ..مبرد ملي عرفها فين غادية ..تا تغدا وجمع حوايجو وشدها للصويرة معول غدا يبالي بيها...شافتو مصوناش ليها وهي تقول راه غضب..العشية مشات هي وياهم ضارو شويا فالصويرة ريحات نفسيتها وهواء المدينة البحري خلاها ترتاح أكثر..عاد رجعو فالليل كلها فين مشا ينعس
أما عبدو راه وصل وشد بيت فأوطيل ..دوش وهو يصوني ليها مع الطناش كانت ياله غتنعس..شدات الخط قايلة:تفشيتي
عبدو:كتعصبيني عليك
هدى:منهار عرفتك ونتا معصب..عمرك كنتي كالم
عبدو:كديري ليا لي كيعصبني..اش قاليك راسك فاش مشيتي
هدى:منين جبتي نمرتي أ مجمر الغمة؟
عبدو:عمر...امتا غترجعي؟
هدى:مزال شي أيام دابا مكاينة خدمة
عبدو:براحتك أنا نتسناك حتى ترجعي
هدى:(شافت الخاتم فيديها)دابا نتا علاش باغينا نرجعو
عبدو:مالقيت ماندير(شعل كارو)كتضحكي عليا
هدى:وراه مالقيتي شغل..انا وياك خنزنا ضواسينا
عبدو:باغي نبدا ضوسي جديد معاك بيض فيه أنا وياك والحلال
هدى:وتقد نتا على الحلال؟؟
عبدو:نقد عليك وعلى الحلال وحتى الحرام هههه ضحكي ليا هدى شحال ماسمعتها
هدى:(جاب ليها الضحك)علاش داير كي دري الصغير؟؟قبيل كتقوليا خليتيني هههههههه واش هازا ليك البزولة
عبدو:كون شفت بزازلك نتي منعطلكش هههههه سيري خليني ننعس الليل هذاا وأنا بوحدي
هدى:والله منتيق..تلقاك غتمشي تسهر تاني فشي بار
عبدو:كضلميني..مبقيتش كنمشي
هدى:وفين كتمشي
عبدو:كيجيبني قلبي عندك نتي
ضحكات بشويا لكن تسمعات فوذنو وقالت:لالا بدلوك علي
عبدو:انا براسي معارفش اش كندير
هدى:(تفوهات)غنمشي ننعس
عبدو:سيري ترتاحي..
هدى:بونوي
قطع عليها وهي تهز يديها حتال الفوق شافت الخاتم فيديها وبقات كتفكر شحال فحالها معاه والهضرة كثيرة فدماغها..من جهة كترتاح معاه ومن جهة مقادراش تنسا ليه اش دار حتى غفات
فاليوم الموالي فاق هو كلو نشاط وحيوية..دوش بخاطرو ولبس عليه كيف العادة انيق وخرج يفطر فجو صويرة اللطيف وأصوات كناوة فيها ..فطر بخاطرو ودوز نمرة ختها بعد عدة رنات جاوبات وهو ينطق نبشان:ختي انا عبد الدائم
اكرام:لباس اخويا؟
عبدو:الحمد لله..ختي سمحي ليا برزطتك بغيتك فواحد الغرض الى ممكن
اكرام:كنسمعك
عبدو:بغيت نمرة ديال خوك احمد
اكرام:وعلاش؟
عبدو:بغيت نهضر معاه على هدى ..نتي عارفاني باغي ختك هي لي معكسة ليا..وناوي فيها الحلال
اكرام:(فرحات فداخلها لكن مبيناتش)ناوي المعقول نيت؟؟
عبدو:باغي نتزوج بها اختي..هي لي تصلاح ليا وبلا منشكر ليك ختك راه كلشي باين
اكرام:خويا عبد الدائم هدى هي اكثر وحدة فينا عانات بزاااف ومزال كتعاني..دوزات شي حوايج انا كون عشتهم مكنتش غنوقف على رجلي انا منحيدها ليك منعطيها ليك ..لي غنقوليك هو راه هدى واخا تبان ليك قاسحة وفيها تخراج العنينين راه حنينة وقلبها زوين مافيهش الحقد والسم ...ماشي كنشكر ليك ختي ...انا راه كبرتها وشفتها اش دوزات ولكن ديما قلبها كيبقا صافي ..مابغيتهاش تكرفص مزال براكة غي داكشي لي دوزات..الى كنتي غتزوجو حنا مطالبين منك والو بغينا غي تهلا فيها
كلامها كان على هدى كولو كتشكرها وتعطيه حتى سلبياتها وهو كيسمع وكيحلل فدماغو..كاع لي قالت ليه شافو فيها وعاشو معاها ..وكبحس براسو مستمتع وهو كيسمع أقاويل واحاديث عليها..حمحم كينظف حلقو ونطق:نديرها فوق الراس غي عطيني نمرة خوها نهضر معاه ونتفاهمو نجيب والديا ويحن الله
اكرام:وهي موافقة؟؟
عبدو:راك عارفة هدى مكتفشش دغيا..
اكرام:اش كدير للتعفار ههههه واخا نصيفتها ليك فالواتساب وغنعلم احمد باش حتى هو يكون عارف اش كاين
عبدو:متقولي ليها والو هي
اكرام:واخا اخويا
قطع معاها وتنهد مرتاح..كبحس براسو كيخطي خطوة مربحة فحياتو..غيرجع ليها هدى لي كانت منوراها..وديك الساعة وصلاتو نمرة أحمد..سجلها وناض جمع النوضة كيضور فصويرة راسو وكيستمتع بجوها..كان ممكن يعيط ليه ديك ساعة لكن فضل يخلي لاكرام مساحة فاش تشرح لخوها..وبالفعل فوقت الغدا صونا ليه
عبدو:سي احمد؟
احمد:هو هذا..شكون معايا؟
عبدو:حممم عبد الدائم..غتكون هضرات معاك اكرام
احمد:اه علماتني
عبدو:الى كان عندك شي وقيت اليوم نتلاقاو
احمد:نتا فصويرة؟
عبدو:اه حمممم
احمد:واخا واحد الساعة نتلاقاو ف ***"" كتعرفها
عبدو:اه عرفتها..ان شاء الله
قطع معاه وجلس مبسم غي بوحدو دوز الخط للاب ديالو بفرحة غريبة..جاوبو بصوتو الحنين دائما:بني
عبدو:الواليد
الحاج:الغالي ..كي راك اولدي؟مرتاح؟
عبدو:الى كنتو مرتاحين حتى انا مرتاح..الواليدة ووهيبة؟
الحاج:الحمد لله اولدي..صبعك شويا؟
عبدو:بخير..الواليد علم الواليدة ان شاء الله باش نمشيو نخطبو البنت
الحاج:(بصوت فرحان)الله واكبر...هادي خبار زييينة ونهار كبير هذاا دير مرا وولاد حتى نتا..امتا اولدي
عبدو:نرصي النهار مع خوها اليوم ونعلمك..غي بغيت نديرها ليك فبالك
الحاج:ايييه اولدي..سول على الاصل اما الباقي غي زيادة الله يتمم بالخير والله يدخلها عليك بالصحة والسلامة
عبدو:اميييين الواليد تهلا فراسك
قطع الحاج فرحان ومقاداه فرحة وناض كيلحف لبستو الصحراوية من الصالون الكبير فين كان كيقرا القرءان والبخور حداه مطلوق خفيف..كينادي باسم خيرة بلهفة وفرحة لي خرجات من الكوزينة بتساءل:مالك؟
الحاج:زغرتي زغرتي يا أم الاولاد..زغرتي الفرح قريب
خيرة:(بابتسامة)اشنو؟اش واقع؟
الحاج:خلي داكشي من يديك واجي معايا
حطات شنو فيديها وتبعاتو وخيوراتها كتشاير..لصالة اخرى..جلسات حداه بابتسامة عذبة فرحانة لوجهو البشوش وقالت:فرحني معاك
الحاج:بني بنييي غيتزوج...الغالي والمرضي ديالي غيتزوج ويعمر دارو
تلغات بتسامتها فورا وبقات كتشوف فيه شحال كتسوعب اش كيقول حتى رجعات ملامح باردة فوجهها:مزيان
الحاج:خباار زيينة حتى أنا تولي عندي عرووس ولدي نتباها بها وتولد ليا الحفايد
خيرة:(حالها تغير)ومال بنت وهيبة ماشي حفيدتك؟
الحاج:ايييه حفيدتي ولكن باغي من صلبي..يهزو اسمي واسم ولدي لي بقا لي من الدنيا
سكتات مكتجاوبووش حتى نطق:مفرحتيييش؟
خيرة:(بملامح ساهية)نكذب عليك؟؟لا..حيت داك الولد هزو ربي من قلبي
الحاج:خيرة؟هادي نتي لي تقولي كلام كيما هاك..ياك نهار تضرب بكيتي عليه
خيرة:حيت كبدتي مخلاتنيييش ..ولكن غي نشوفو نتفكر كلشي ونزيد نحقد عليه(شافت فيه بترجي)عفاااك الحاج خرجني من هادشي أنا مغادية فين متحضرني لوالو
الحاج:غتخلي ولدك بوحدو؟؟شكون يخطب ليه؟؟تخلي ولدك يمشي بكتافو خاوييين
خيرة:خير ليه يمشي بوحدو ولا نمشي معاه ندي الذنوب..نتا معارفش ولدك؟؟ولدك سكايري وكيكمي وكيضل من مرا لمراا وباغي تزوجو
الحاج:أنا مقلت والو هو لي بغا يتزوج وهو لي ختارها ..أنا ولدي نمشي معاه نكبر بيه ونجيب ليه المرا لي باغي
خيرة:انا مغنمشيش..لي بغا يتزوج يتزوج ولي بغا يطلق يطلق يبعد غي مني..من نهار رجع وحنا فالمشاكل
الحاج:(لغات فرحتو)مبقيتش كنعرفك أخيرة..منين جبتي هاد الحقد والسم..
خيرة:جبدتووه فيا ملي داو ليا ولدي عبد الله للمو*&ت(عينيها تضببو)بغا يتزوج الله يسهل عليه
الحاج:وزعما هو معول تكبري بيه وتمشي تخطبي ليه البنية
خيرة:(تنهدات بحزن)واش بزز؟؟ومنقدرش نشوف فيه..منقدرش نهز فيه عييني ومنتفكرش اش وقع
الحاج:اوا سمعي مزيان كلام الحق..مباغاش تمشي بلاش..غنمشي انا وعماتو ونخطبو ليه ونتي خليها ليك ضحكة وسط العائلة
سكتات شويا وقالت:وشكون هادي كنعرفوها؟؟عنداك تكون ديك الزيانية نجمة والله هاديك منمشي نخطب فيها
الحاج:لا هادي بنية شفتها بعيني محتاجبة وباينة مأذبة..قاليا راها مطلقة
خيرة:(هزات حاحبها)مطلقة...سرووو الصراحة غي لي مطلقة أما العزبة بزاااف عليه..
فمقهى لطيف من مقاهي الصويرة ..فيه رونق جميل وتقليدي كيبعث الهدوء فالنفس..دخل احمد كيقلب بعينيه على عبدو باقي باللبسة ديالو..عبدو عرفو حيت شايفو معاها شير ليه وتوجه لعندو..كأي رجلين تسالمو باحترام وجلس باريحية طلب قهيوة وباشر احمد الهضرة
احمد:علماتني ختي الكبيرة وقالت ليا باغي هدى
عبدو:الى بغا الله..
احمد:اش كدير فحياتك أ سي عبد الدائم
عبدو:حممم عايش بين اسبانيا وهولندا..عندي شغلي تما بين ريسطورات ومحلات مغربية تما
احمد:الله يزيدك من عندو
عبدو:ختك مغيخصها والو معايا..نديرها فعيني
احمد:انا راه منحيد ليك منعطييك الرأي ديالها هي..غي لي بغيتونوصل ليك..هدى هي اكثر وحدة فينا محناتش فيها الدنيا...باش نحطك فالصورة..هدى مطلقة وكانت عندها بنية وتوفات ليها يعني راه قاسات بزاااف..بغينا غي راحتها
عبدو:راحتها معايا...ختي كتبغيني غي مقسحة راسها شويا..هضر معاها ونديرو وقيت نجيو ..مبقاش ليا بزاف ونمشي بغيت نديها معايا
احمد:انا منقوليك اه منقوليك لا..هي تعطيك جوابها..نتا باقي جالس فالصويرة
عبدو:اه
احمد:ياله معايا للدار وجوابك ديه معاك
عبدو:واخا مقلتي عيييب
ناض هو وياه بهدوء بعدما خلص عبدو الكونصوماسيون رغم اصرار احمد..كلها ركب فسياتو وغاديين للدار..كي وصلو دخلو ورحب بيييه وكينادي باسمهم لكن لا من مجيب
احمد:(كيجبد التيلي)غيكونو خرجو
عبدو:(بصوت منحافض)باغيا طير
احمد:وي غيثة..جيت مالقيت حد..واخا انا كنتسناكم..جي دغيا عندنا ضيف
قطع وجلس هو وياه فالصالون كيذاكرو كاي رجلين كيتعارفو واحد باغي الزواج وواحد باغي يتهنى على ختو..كيسولو اسئلة عادية
احمد:كاين غي الواليد معندنا حد..كاينين خوالي وعائلة الواليد ولكن الام علاش يرصى الساس مكايناش
عبدو:الله يرحمهم
احمد:نتا الواليدين فالحياة؟؟
عبدو:اه الحمد الله عايشيين
احمد:منين أصلكم؟
عبدو:انا صحراوي على مي وبا من فيلالة..
احمد:شرفة؟
عبدو:(ضحك)معرفتش ههه مهم صحراوة..
احمد:من صحاب اتاي الصحراوي
عبدو:ايييه اللباس ديالنا ديما حاضر..
أحمد:شرف لينا اسي عبد الدائم نتناسبو مع صحراوة..الجود والكرم والاصل
عبدو:ميكون غي الخير
تسمع صوت الباب كيتحل ومع الصالون فاص للباب كان كلشي باااين..داخلة غيثة وهدى من برا هازين ساشيات باينة تقداو وكيضحكو..غي قشعاتو الارض مشات بها وجات ..عينيها تقرقشو لدرجة فلبلاصة حكات عبنيها بعدم فهم..تبسم لها باعجاب كيطلعها ويهبطها..فاق كل توقعاتها وخرق كل معايير التوقع معاها..
هدى:(بصوت مرتاجف)عبدو
اخر ماتوقعات هو تلقاه هنا مريح مع خوها بحالا جالس فخيمة باه..معرفاتش حتى كيفاش نطقات اسمو..اما عيثة راه تبسمات ولقات السلام بادب..ناض احمد سلم عليهم فحين دوك الجوج غي كيشوفو فبعضهم
احمد:عبد الدائم كتعرفيه؟
هدى:(وعات)علاه لي منعرفو؟؟مكنعرف غي هو
ذرع ختو وقال:اجي معايا..غيثة عفاك احبيبة شي صينية زوينة
غيثة:اهاه
مشات غيثة مفاهما والو فحين هدى طاح عليها السر ولات حمرة نيت..توجهات مع خوها لفين مريح عبدو ..
احمد:عرفتيه ؟
هدى:(شافت فعبدو)مكيتهدش هذاا..شفتي هذاا انا حافضااه مكيتهدش
عبدو:واا شوف نتا مع هادي
أحمد:(ضحك)هههه معرفتش مالكم ولكن باينة شي مخاصمة خايبة
عبدو:انا لي غالط وجاي طالب السماحة
احمد:هدى..السيد جاي يخطبك
هدى:(وسعات عينيها)كيفاش؟؟
احمد:كيف سمعتيها..السيد هضر معايا عليك وراه باغيك للحلال كنتسناو غي رايك؟؟
هدى:(شافت فخوها)تقدر تخليني معاه شويا اخويا(بهدوء)
أحمد:واخا حممم انا مع غيثة
ناض منساحب مخليهم ساكتيين..غي تفاوت خوها وهي تشوف فيه بعتاب:ياك اعبدو؟؟بقا غي خويا تحشمني معاه
عبدو:لي بغا الحلال غيحشمك؟؟حسابك كنت كنضحك معاك..راه باغي نتزوج بيك(قرب لفين جالسة)بلاصة مانبقا انا وياك شد ليا نقطع ليك خلينا نتزوجو ونكملو هاد شد ليا نقطع ليك
هدى:نسولك؟؟(شافتو حرك راسو)علاش باغي تزوج بيا؟
عبدو:(حك على لور تراسو بحيرة)والله معرفت هههه نتي عارفاني كتعجبني شخصيتك وانك نتي بنت الناس.. ماشي طماعة وماشي خفيفة انا باغيك على قلبك الزوين
هدى:يعني مكتبغينش؟
عبدو:(مد يدو شد يدبها لي فيها الخاتم)ضروري نقولها؟؟اشنو زعما مبايناش فيا؟؟لي نضرب على ودها الطريق واخا كتعطيني السم فهضرتها ..
هدى:نتا لي كتجبدني اما انا زوييينة وبشهادة الجميع
عبدو:اش خصني انا بالناس..كنشوف اش شفت انا؟؟انا شفت الجوهر وباغي نكمل معاه
سكتات شويا كتشوف فاص ليها كانها كتفكر ..كيشوفها كتسرط الريق وكتعاودو بتوتر كانها خايفة تنطق جوابها..حتى حس بيديها زيرات على يديه وقالت:والى ضربتيني عاود؟
عبدو:(ملي حس بيدها زيرات كانها عطاتو اشارة امل)عمري نحط عليك يدي..
هدى:(بملامح حيرة)عبدو انا راه عيييت..مبغيتش نتضر عاوتاني حيت معنديش فين نزيد
عبدو:معاشش لي يضرك(قبل راسها بحب)صافي نفهمها وافقتي؟
رمقاتو بنظرة حنونة بسرعة لبساتها وهي تبسم ليه بشويا كأنها خايفة فمها يخونها وتنوض تكركر عليه..حركات راسها بالايجاب حتى حسات بتبسيمتو بانت على وجهو بفرحة..هز بديها بجوج بااااسهم بحب وقال:والله مغتندميي
هدى:مبغيتش نندم حيت الى ندمت غتكون ساليتي اخر شرطة بقات فيا من الجهد لهاد الدنيا
محس براسو غي وهو بااس جبهتها بجهد وقال:انا والدنيا عليك هههههه
هدى:(ضرباتو لذراعو)مالك ميكرووب؟؟
عبدو:عيطي لخووووك
هدى:كي درتي لقيتيه؟؟
عبدو:نسبيبتي العزيزة من الامارات قضات معايا غرض هه
هدى:انا نمشي نعيط لخويا
عبدو:تخرجي معايا شويا..توحشت ندير انا وياك كاافي ونهضرو
هدى:نعلم خويا ويحن الله
ناضت من حداه كتنهد براحة ..دخلات للكوزينة وقالت:خويا
احمد:الالة العروسة؟
هدى:رجعتيني عروسة خلاص
أحمد:شوفي العوينات كي كيبريو هههه
غبثة:هي شي عرااسية زيينة هادي
هدى:ههههه لالا محالش..خويا متخليهش بوحدو نعاون غيثة ونجي
احمد:بخاطرك؟؟
هدى:حساابك مكنعرفوووش؟؟راني كنعرفوووو
احمد:وحسابك انا جاي من الشماعية هههه راه باينة كتعرفيه
غيثة:المهم يتفاهمو
مشا احمد لعند عبدو فحين بقات مع غيثة كيوجدو الصينية والراحة نزلات على قلبها خطيرة كأنها كانت هازا هم طوييل وثقيل على كتافها ونزاح..وجدات معاها اتاي ودوازو ومشاو لعندهم لقاوهم كبهضرو على الغربة
ريحات حدا خوها موصلاتوش..وكب احمد اتاي وقال:هذا اتاي عروبي اخويا نتوما صحراوة كتصرعو اتاي
عبدو:بحال بحال(شدو)الله يكرمك
احمد:هي غتعبشو برا
عبدو:اه..حاليا تما
احمد:عطاني الله جوج خواتاتي كلشي براا
عبدو:ساعتين تالطريق وتكون عندك..انا كنضل غادي جاي
زادت كتضحك بجهد عرفاتو فاش قال غادي جاي قصد على قبلها ..لمحها بنص عين وهي مبينة ليه ثقيبة تالزين ففمها والشال قرب يزلق..شي حاحة فيها كتجذبو وكتخليه بلا عقل..
ليست اجمل النساء لكنها أقربهم الى قلبه
عبدو:(بادب)سي احمد الى كان ممكن نخرج انا وهدى هاد العشية
احمد:(شاف فهدى)بغيتي؟
هدى:لي بان ليك اخويا
احمد:سيري..متعطلييش
عبدو:انا نتسناك لتحت
احمد:جلس مزال معانا
عبدو:باقي أيام الله طويلة..علم الواليد ديالك..انا نخلي ليك نمرتي الوقت لي مناسبكم نجيو
احمد:بلي فيه الخير
وقف سلم عليهم كاملين الا هي..شاف فيها وقال:نتسناك لتحت
هدى:واخا
خرج وهو بنطق احمد:اوا الالة هدى؟؟هذا هو لي كنتي معاع؟
هدى:اه..مكتاب لياا(زلقات ليها الضحكة)اه ضرييف
غيثة:واش فيه البرص
هدى:اه..
غيثة:تبارك الله ماقوست عليه كبييييير ههههه
هدى:(هزات الصينية)ههههه ياك..انا غنخرج نشوفو باش بغا يذاكر معايا
احمد:غي حشمت منو وصافي
هدى:ايهاي..شكون لكبير؟
احمد:نتي ولكن كنبقا خوك..متعطلييش
هدى:اوك هه
مشات حيدات مع مرات خوها الماعن ودازت لشانطتها هزات كسيوة فالغوز مغلوق عرييضة دخلات عليها صندالة بيضة مع شال ديال مرات خوها فالابيض..وجهها ميمكنش تفلت فرصة تلاقا معاه بلا متكحل العوينات..جبداتهم ولوناتهم بلونو المفضل..وجبدات الشفيرات بالماسكارا
هي بطبعها مكتمشي بلا متدي الاساسيات دياولها. ساعداتها غيثة فانها توجد..رشات ريحتها وخلات فيدها اليسرى خاتمو اما اليمنى راه دارت خويتمات رقاق صغار باظافر نظيفة ومهذبة..رشات عطرها وخرجات مودعاهم..لقاتو كيتسنااها فطوموبيلتو..غي شافها وهو يزفر الكارو من ريتو وتنهد من جمالها الخفيف لي طل عليه ينعش قلبو اكثر
مع طلعات حداه بهدوء..نتاشر عبير انوثثها داخل السيارة..ميمكنش يغفل عليه انفو..كتحسسو باهتمامها بنفسها انها انثى رغم انف الجميع..فاش كيشوفها كترد لبال لتفاصيل صغيرة كتزيد تحمقو لكن اللسان عندو يعجز عن التعبير كيكتافي بنظراتو الخارقة ليها
هز يدها المزينة بالخويتمات وشبكها مع يديه وقبلها مرارا وتكرارا من لداخل ومن برا منتاشي بلحظة صار لو عمر معاشهاش..غمض عينيه بحب كيشم ريحة يدها الفطرية ونطق ؛شهادشي ناشرة علينا؟؟
هدى:(تبسمات بهدوء)شويا(شافت فيه )
قشع عيون البن لي كيسطيوه فيها وهو يرفع ليها وجهها من ذقنها مستعمل يدو الاخرى وقال:كحلتي ليا العوينات عاود؟؟باغياني نعقد عليك اليوم
هدى:(رمشات جوج مرات)انا ديما مكحلة
عبدو:غتولي تديريه غي ليا
هدى:علاش لا هههه فين غنمشيو؟؟
عبدو:بهاد الزين باش جاياني غا ديال الدار ههههه
هدى:(ضرباتو لكتفو)مكتبدلش باقي مقزدر ههه فاش بغيتنا نهضرو؟
عبدو:ممنحقيش ناخد.راحتي مع مراتي؟؟(حرك السيارة)
هدى:باقي موليتش مراتك
عبدو:(رفع يدها مداعب الخاتم)هذا نهار لبستبه راك مراتي
هدى:لا اسيدي مزال العقد
عبدو:غيغلبني العقد؟؟جمعي وراقك ونعقدو
هدى:ان شاء الله
مد يدو شعل موسيقى تلطف الجو وطلق من يدها حتى دار اغنيتهم"طالت الغيبة"..شافت فيه ودارت بتسامة حنونة وقالت:عاقل؟
عبدو:مكنساش شي حاجة فيها نتي
هدى:كتعجبني هاد الاغنية بزااف
عبدو:واخا ماشي ستيل ديالك؟؟
هدى:(كتشوف فشوارع الصويرة)كتفكرني بيييك
لتازم الصمت باغي يجبد منها الهضرة لكن فضلها تكون فاص ليه..باركا امام احدى المقاهي الجميلة فالصويرة ..هز اغراضو ونزلات هي وياه..جا نيشان حداها شاف فرجلييها وهو يدوز يدو على خصرها غي شويا باش ميعيقش ..وقال:فيك البرد؟
هدى:لا الجو زوييين
دخلو للمقهى وشدو طاولة كطل على البحر وجلس حداها مجلسش فاص ليها..مباغيش يبعد عليها..دار يدو على كرسيها كانه مخبيها على العالم..ركز فعبنيها الشوفة وقال:توحشتك أهدى
هدى:ههه لا بااين..تلقاك شحال من وحدة دوزتيها
عبدو:داكشي داز..المهم هو دابا..اش تشربي؟
هدى:(سندات راسها على مرفقها ورمقاتو بنظرة اشتياق)ختار ليا بذوقك
عبدو:تشربي بيرا؟؟
ضحكات وضرباتو لكتفو:السكايري لاخر
ضحك ليها هو لاخر وهز الموني طلب ليهم بذوقو ومشا السرباي مخليه فحوارين واحد بينو وبينها وواحد بينو وبين عيونها..شد يديها حطهم فوق فخدو وهي تقول:نتفاهمو فشي حوايج؟
عبدو:كنسمعك
هدى:وغدير بشنو كنقول؟؟
عبدو:على حسب(هز كارو)اليوما كولو ديالك
هدى:غي اليوم؟؟
عبدو:العمر كامل الزين
هدى:الى غنتزوجو غيخص يتبدلو شي حوايج فيك
عبدو'فيا؟؟علاش شنو فيا معاجبكش؟
هدى:كانسان مابيك والو..مافيكش الحقد ..بالعكس كتبغي ليا الخير ولكن كطبع فيك شي حوايج مغيزيدوش بنا للقدام
عبدو:لي هوما؟؟
هدى:الشراب أعبدو(شافتو هز حاجبو)راه كلشي نسرطوو الا الشراب..راه منسنيش ديك الورقة الى محيدتيه علي
عبدو:عارفا اش كطلبي مني؟راه بلية
هدى:بلية لي مغتدي.بيك فين..انا منتزوجش بسكايري
عبدو:السكايري هو لي كيضربوه الحيوط ويضرب الروج اما انا راه واخا نضرب صندوق كنبقا حال عيني
هدى:السكايري كيبقا سكايري سوا شربو غالي ولا رخيص سوا شربو فبار ولا فقهوة..
عبدو:(عض على شفتو)نواعدك غنحاول نقطع
هدى:غنعاونك تقطع..بدا من اليوم متشربش وهاكا غادية
عبدو:واخا نحاول..زيدي اش اخر؟؟
هدى:نقص من الشك
عبدو:(حك بصبعو ذقنو)مكنشكش فيك
هدى:كتشك فجنابك...نقص الشك انا راه مغيغرني حد عليك
عبدو:كثبثيني بهاد الهضرة ولا شنو؟؟
هدى:كاع متسنا مني انا نبهرك هههه كنهضر بصح نقص الشك
عبدو:زيدي؟؟
هدى:صافي
عبدو:مقلتي عيييب
تحطات الكونصوماصيون ديالهم وهو ينطق:اوا دابا سمعيني انا
هدى:اويلي تا غتشرط؟؟شحال باغي فالصداق
عبدو:عطيني غي بوووسة هاد الساعة(ضحك حتى خرج الدخان من نيفو)والله حتى مسامحك
هدى:هههههه شديتها قبل عساك دابا
عبدو:أ بلاتي لدلمك ..ورقة ورقة بيناتنا تتشوف اش ندير فمك
هدى:هههههه صافي سكت
عبدو:انا غنطلب منك حاجة وحدة..دوزي فيا غلطي فيا ديري لي بغيتي معايا الا مي وبا..مي وبا خط حمر تضريهم غنصدقو فشي حوايح خرين
هدى:علاش انضر انا واليديك؟؟
عبدو:وانا غا كنعلمك..جيني حتى لمي وبا راه كيتعماو ليا العينين
هدى:والدييك معندهمش مشكل انني مطلقة
عبدو:لالا..حنا صحراوى عندنا عادي..ختي راه مطلقة جوج مرات وهذا هو الثالث غتصيفت مو حتى هو
هدى:(خرجان عينيها)قول والله ههههه باقي صغيرة
عبدو:عندي ختي هبيلة غي كيتغاوت معاها كطلقو والواليد مكيبغيش يخسر ليها..
هدى:وعندها الجهد؟؟انا دوزت واحد وقلت محالش نعاود حتى بنتي نتا
عبدو:اوا الرزق وصافي..يعني من ديك الناحية غي نساي هاد الهضرة مكاينش لي يدوي معاك
هدى:الله يجيبنا فالصواب..غنعيشو معاهم؟
عبدو:لا فاسبانيا معايا
هدى:الله يسر لينا يارب(شافت فالجهة الاخرى فالامواج)
سقلات متأملة البحر وماجو كي.كيتحاربو وكتحاول تصفي تفكيرها وحتى هو خلاها براحتها حتى كمل كاروه..دوز يدو على كتفها مذرعها وقرب حط ذقنو على كتفها قايل:مالك؟؟
هدى:كنفكر(تنهدات)
عبدو:فاش؟
هدى:فلي جاي
عبدو:غيكون غي الخير..اشنو تهضري مع باك نجيو نخطبو
هدى:غدير العرس؟
عبدو:انا لا مي الواليدين غيبغيو يديرو شي حاجة راني بوحدي عزري
هدى:غنديرو خطبة وعقد
عبدو:كيدير الخطبة لي عاد غيعرفها اما انا راه شاربك ماا ..غنجيو نهضرو تحمعي وراقك نديرو لاكط وتطلعي باسبور باش تقلعي معايا
هدى:ههههه مالك مزرووب؟؟
عبدو:واش غي انا لي موحشك ونتي لا؟؟
تلفتات شافت فيه وبابتسامة عذبة قالت:حتى انا توحشت مجمر الغمة ديالي
ضحك حتى تكمشو عييينه وهو بدخلها فحضنو مزير عليها وكيمرر يدو على كتافها بحب ويديه كداعب يديها وقال:المكاريب كيعرفو يهضرو
ضحكات بشويا وبقات فحضنو كتستشعر أمان فتاقداتو من زمان...حتى لقاو راسهم دوزو عشية كاملة غي جموع ومسخاااش بها لكن خاصها ترجع..خلص وناض شاد فيديها خارجيين ياله غتطلع للطوموبيل جرها وقال:مشهي نعنقك ممثيقش بلي رجعتي معايا
قرصاتو بشويا وقالت:ثيقتي ههه
جرها عنقهااا ودارها فحضنو مزير عليها دافن وجهو فعنقهااا وحتى هي مررات يديها على ظهرو العريض وتعلات بشويا باش توصلو حيت طويييل..سمعاتو قال بصوت دافي:الله يخليك ليا
يتبع...
التنقل بين الأجزاء