أقوى مما أدرك الجزء 16

بعد عناق حار بينهم قدر يفرغ فيه مساحة صغيرة من الشوق لي حامل فقلبو جيهتها وحتى هي كذلك..شد فيديها وحل ليها الطوموبيل ومشا لبلاصتو..وبهدوء ساق السيارة والسيجارة أكيد ففمو..كانت الرابعة لي دخن ومبغاتش تحكر عليه..فا فضلات تسكت وتأمل لحظات سعادتهم

وقف بيها منين هزها وقال:أنا غدا راجع لكازا..دوي مع باباك وقولي ليا امتا

هدى:واخا

هز يدها قبلها بحب وقال:مخاصك والو؟

هدى:لا الحمد لله

عبدو:متأكدة؟؟

هدى:لا والله ..مخصني والو..تهلا فراسك وغدا نهضرو

عبدو:واخا..سيري

هبطات وتبعها حتى دخلات عاد تحرك ونفس جديد كيضخ فيه باغي يبدا مع هدى من أول جديد..أما هي دخلات سلمات وتنشرات حداهم مبسمة بهدوء والراحة باينة فملامحها..لقات غيتة متكية على كتفو وهو كيتفرج

أحمد:اشنو تافقتو؟؟

هدى:قاليا نهضر مع بابا باش نديرو الخطبة..فين غيجيو؟؟هنا ولا عندي لكازا ولا عند بابا

أحمد:اما هنا ولا فدارك..عند الواليد لا..غيكونو الناس كثار على والو..خلي الحاجة مستورة حتى يسر فيها الله

هدى:واخا..نتا هضر مع بابا وعلمو..غنوض نبدل عليا ونهضر مع إكرام

غيثة:تعشاي؟؟

هدى:لا تعشيييت

مشات وخلات أحمد متبع ليها العين وقال:الله يسهل عليها..ختي تستاهل تفرح

غيثة:امييين يارب

بالفعل بدلات عليها وعينيها كتلمح الخاتم فيديها كيبري..شدات الخط مع إكرام وبدات كتعاود ليها ولوخرا عينيها عامرين حب وفرحة

إكرام:أنا فرحت هههههه متعرفي فيه الخير

هدى:مقلتش لا ..غي عبدو خصو شويا تالصبر وصافي.

إكرام:بحالا نتي مواعرااش..تشوفي عليا كيحسابكم سااهل حتى هو بخبييزتو ولكن شي كيدوز شي

هدى:الله يدير لي فيها الخير

إكرام:اوا شنو دابا امتا نهبط؟

هدى:نهضرو مع بابا ونحددو النهار ونعلمك...

إكرام:تي لاش باباك؟؟غديري كلشي فدارك

هدى:(قطبات حواجبها)ومالي معندي بوو لي يحضر ليا...معلوم غيجي وغيجي عمي وعماتي وخوالي

إكرام:الحنان زعما هههه علميني باشما كان باش نجي

هدى:واخا(صونا ليها)قطعي نجاوبو

اكرام:مجمر الغمة؟؟

هدى:(ضحكات)هههههههه لا اختي مبقاش مجمر الغمة..مريود عينيا

فاليوم الموالي كانو على طبلة الفطور هي وخوها ومراتو وحديث الساعة هي خطبتها..ربط الإتصال بباه عادي

باعدي:الو(بلكنة عروبية)

أحمد:با لباس؟

باعدي:تا شكون؟الجدارمي؟؟

أحمد:اه..لباس عليك؟؟صحيحة مزيان

باعدي:أ يبعد مني غا كحل الراس..تا بخيير وغييتة

أحمد:الحمد لله..عيطت ليك ا با غي نعلمك..هدى جاوها شي ناس للزواج

باعدي:أتا شساير تقول؟؟تا هادي هويييدة

أحمد:ايييه ..امتا تقدر تهبط لكازا

باعدي:ولاش نهبط؟؟يجيو يخطبوها مني فداري

أحمد:الطريق بعيدة على الناس..فالدار عند هدى غيجيو

باعدي:وأنا لبغيتو من غدا نجي

أحمد:نديرو السبت ان شاء الله

باعدي:واخا..السبت نجي

أحمد:ياله خليتك على خير

باعدي :تهلا اوليدي..فراسك وفمولات دارك

قطع معاه وهو يقول:لي سمعو يقول هذا كيتهلا هو فمولات دارو

هدى:(ضحكات)جلاخة هههههه واش عرفتي مرتو اش كتعاود عليه

غيثة:راجل كبير عادي

أحمد:من نهارو هاكا داير..علمي إكرام

هدى:واخا..خصني نهبط لكازا عندي شلا ماندير

غيثة:غنمشي معاك ونوجد معاك

هدى:(صيفطات ليها بوسة فالهواء)يخليك ليلي

ناضت جمعات معاها الماعن وربطات الإتصال لعبدو لي جاوبها بصوت ناعس:الو

هدى:مزال ناعس؟

عبدو:مممم دخلت معطل لبارح

هدى:سهرتي؟

عبدو:لاا..شديت الطريق فالليل مجلستش حتال الصباح

هدى:ااه..أنا نيت غنرجع..عيطت ليك نقوليك السبت ان شاء الله مرحبا بيكم

عبدو:اشمن سبت؟أش اليوم؟

هدى:اليوم الأحد..السبت الجاي

عبدو:(كيتفوه)بزاااف..سيمانة كاملة

هدى:وياله نوجد..وتجي ختي راني بوحدي

عبدو:غنبقاو نتشاوفوو؟

هدى:(ضحكات)لا كيقولو ليك العروسة متشوفش العريس باش يطيح عليها السر

عبدو:شكون قالها؟قوليهم عبدو غيطيح عليكم الديور الى مقالونيش..

هدى:هههههههههه سعداتي باغي يشوفني مجمر غمتي

عبدو:(ضحك بشويا)ههه كتساليهم ليا بهاد مجمر الغمة هههه

هدى:هههه حيت فيك الغمة ههههههه انا غدا نقدر نجي

عبدو:نجي نديك؟

هدى:لا غنجي انا ومرات خويا..

عبدو:واخا معليش..مخاصك والو؟

هدى:لا

عبدو:مع الى خصك غتعلميني؟سيري سيري نرجع ننعس

هدى:بونوي هههه

قطعات عليه ومشات لأشغالها فحين فبيت عبدو كان الحاج جامع خواتاتو بجوج وكيزف ليهم الخبر فطبلة ديال الفطور صحراوية مئة بالمئة..بحضور خيرة لي غي كتشوف مكتهضرش

العمة:يا ماشاء الله..يكون عندنا عرس الغالي ولد الغالي..شحال مدرنا عرس من عرس وهيبة الله

وهيبة:غا وجدي أعمتي ههههه

الحاج:ان شاء الله نمشيو نخطبوو جمييع

العمة2:ان شاء الله

فطرو مجموعين كيناقشو شنو غيديرو فعرس عبدو اما خيرة غي ساكتة..ناضت العمة ترد على التيليفون وتبعها خوها..تسناها حتى سالات وناداها بادب:ختي..نتي لي غتكلفي بكلشي راك عارفا خيرة الله مع ولدها

العمة:(تنهدات)مزال ماهداها الله؟؟حشووومة عرس الولد

الحاج:مبغييتش نهضر معاها خفتها تمرض ومبغيتش عبد الدائم تخسر فرحتو ..نتي تخرجي وتقداي على عرفنا وتقاليدنا وتهلاي تهلاي لينا فالعروسة بغينا نكبرو بها

العمة:بالفرحة عليا..معنديش منو جوج ولد خويا الحنين

تبسم الحاج ومشا لبيتو كيجمع فجلايل اللباس الصحراوي حتى لحقاتو خيرة وقالت:اش كنتي تقول مع مرجانة

لحاج:كنهضر مع ختي هههه

خيرة:كتهضرو عليا؟

الحاج:(هز مصحف)علاش نهضرو عليك؟؟درتي شي حاجة؟

خيرة:لا

الحاج:وصيتها تمشي مع الولد يتقدا وتعاونو(تنهد)عارفك مغديري والو ونصدقو محاشميين مع الناس

خيرة:(ببرود)مزيان ملي درتيها ...انا منجريش فهاد المنكر

الحاج:(بحدة)بقاي تقولي هاكا حتى يمشي ليك حتى هذا وديك ساعة لوميني أنا

خرج سامح فيها وخلاها كتقلى وتكردد غي راسها ولي يخرجها من البيت لي يدخلها..والدار عندها عامرة عوالين كاملييين يمشيو يخطبوو ليه

"*****

فأحد الأسواق الشعبية بامتياز كانت هدى لابسة جلابتها مع صندالة فرجليها بلا فالأسود..وفولار بطريقة عصرية باين فيه شويا من عنقها ..كضور هي وغيثة وغزلان من محل لمحل فانتظار طيارة إكرام لي غتحط فالعشية بعد مرور ثلاثة أيام باش رجعو من الصويرة

هدى:هذاا باغياه قفطان خفيف..شوفي الثوب

غيثة:متكثريش القفاطن..ديري غي جوج ولا ثلاثة

هدى:معرفتش..قلت نوع شويا

غيثة:دفعي خودي تكشيطة هماوية طالعة واعرة

غزلان:قوي لمجمر الغمة السترينكات هههههه

هدى:(شافت تيليفونها)كون غي ذكرتي شي مليون هههه الو

عبدو:(بصوت مرتافع)واش دابا أنا خاصني معاك رونديفو باش تجاوبيني؟؟

بعدات من حداهم حيت بلحوحتو قربات تخرج من التيليفون:مالك كتغوت؟؟راني فالسوق

عبدو:ربعة تالسوايع ونتي فالسوق؟؟كضحكي عليا؟

هدى:لا مشييت نحوص...ياويلي مالك راني كنتقدا

عبدو:ثلث ايام هادي ونتي فارعا ليا راسي بالتقدية..واش باقي كاع مساليتي؟

هدى:اوا عروووسة اش ندير(ضحكات)مالك أعبدو؟

عبدو:خليتيني بوحدي(كيزفر)مكتجاوبنيش دغيا..

هدى:هههههههههه ياويلي واش شويا لباس؟

عبدو:فين كاينة؟؟

هدى:ف***** ساعة ونسالي

عبدو:هاني جاي دابا وديك ساعة قولي ليا ساعة ولا جوج

قطع عليها خلاها ميتة بالضحك رجعات حداهم وقالت:البنات غيدوز علي عبدو هههه

غزلان:(ضحكات)حلقو خارج حتى لهنا هههه مالو

هدى:كي ديما

غيثة:ههههه كتشدهم الصعرة ملي كيقرب العرس

غزلان:لالا عزيزي مسكيين منهارو مسموم فالخريج ...عذبيه ومتقوليش ليه خرجات بوحدها

هدى:زيدو نخلصو دغيا راه جاااي

غيثة:اري لينا هادشي وسيري شوفيه

هدى:لا غيوصلنااا

غزلان:واش هو موحش فينا ههههه باغي يشوفك نتي

هدى:حشومة نخليكم

غيثة:مسامحيين ليك اختي هههههه

بالفعل خلصات هدى وخرجو من القيسارية هازين القش شلا ممقدين ديال الثواب والاغراض..عطاتهم كلشي بقات بصاكها خفيف وصغير..شدو طاكسي ومشاو خلاوها كتسناه حتى صونا ليها ومشات بعدما شافت سيارتو

حضاها من المراية مزيان وسكاناها ..كي طلعات حداه..تبسمات وقالت:اوا أ ماما؟؟

عبدو:(هبط نظاراتو الشمسية)اوا ابنتي..شهاد الزين عاود بالجلابة ..ملي كيجيوك هاكا علاش كتلواي فالكساوي هااا

هدى:هههههههه عدوك منك..كون كنت كنلبس الدجين كون قتلتيني

شد يديها باااسها من الوسط وقال:توحشت مك الميكروبة(خرمز ليها وجهها)شحال خايبة

ضحكات وهي تعطيه للقرفادة وقالت:مالك المسموم غي تابعني..واش منتقداش فخاطري

عبدو:عيقتييي(تحرك )هادشي كولو تقدية

هدى:كون طلبتك تمشي معايا مغتبغيييش(هبطات المراية)ففففف صهدت(خرجات لي كخون)

عبدو:بسييف ونتي النهار ومطال ونتي كضووري..غا بلاتي نحكمك

هدى:(كدير ليكخون)مكنتحكمش انا هههه فين غنمشييو؟

عبدو:(شاف فيها)اش كديري؟؟

هدى:ليكخون..غنتشوط باغيا نطلع فالخطبة قتالة ههههع

نعجب مك

عبدو:(تبسم)براكة عجبيني غي انا..ياك انا لي واخدك

هدى:وا غا شويا نطلقو الزيين..شكون غيجي كاع؟

عبدو:(ضحك)قبيييلة هههههه صحراوة كاملين..حيت غنطرقو كلشي فين وصلو وراقك؟؟

هدى:مخصني والو ..كلشي واجد..

عبدو:شحال بغيتي فالصداق؟؟

هدى:(ضحكات)شي بوووسة ههههههههههه كيف كتقول

عبدو:(ضحك بجهد)هههههههههههههههه هاديك هاديك مزال مهداكش الله تعطيها ليا

هدى:وتقووول هههههههه انا مسمومة ههههههههه فين غنمشيو؟

عبدو:فين بغيتي؟

هدى:بجلابتي معندي فين نمشي ديني غي لدار

عبدو:واش انا جاي عندك باش نمشيو للدار؟؟

هدى:اوا غي حيت ملابساش حوايجي

عبدو:تمشي تشوفي الخاتم؟

هدى:(وراتو صبعها)وهذا؟؟

عبدو:هذااك حسبييه حزرتك بيه حتى رجعتي..اوا نشوفو ديال الزواج

هدى:واخا هههه ياله نمشييو

شد يديها عندو حتاضنها على قلبو ومكمل معاها الهضرة وهي كتشوف فيه بهيام حتى وصلو لقيساربة ديال الذهب وقال:ياله

نزلات كتقاد شالها وتبعاتو..مدور يدو على كتافها ومشابكين اليدين ..دخلو لاولى المحلات وبدات كضور فعينيها وهو كذلك وقال:شوفي شنو بغيتي

هدى:السلام وعليكم

البائع:وعليكم السلام...اش حب الخاطر؟

هدى:بغيت شي خاتم مارياج خفيف مافيهش بزااف ديال الزواق..سامبل

جبد ليها طابلو فيه بزااف..عضات على شفايفها وقالت:كلهم زوينين

عبدو:تاخديهم كاملين؟

هدى:ههههه لالا ويلي..ختار معايا

عبدو:كنهضر بصح..بغيتيهم؟؟

هدى:(ذرعاتو من ذراعو)لا هههه شوف هذاا(جبداتو)غزاال

حيدات ديالها مداتو ليه وقيساتو:غزااااال وهذاااا(حلات عينيها)فن

جرباتهم كامليين غتحماق كتختار هذا وترجع فاختيارها..حتى هزات جوج وقالت:حرت

عبدو:جمعهم ليها بجوج

هدى:لا ههه ويلي (شافت فيهم)هذاا زويين خفيف

عبدو:هذا؟؟عجبك؟؟

هدى:حمقنييي

شاف الفرحة فعينيها وتبسم بشويا وقال: بصحتك

هدى:يعطيك الصحة هههه

عبدو:(شير لبراسلي)هذاك زوين؟؟

هدى:(شافتو فين كيشير)فن(عيونها عامرين قلوب)

عبدو:عجبني..واخا نشوفو

مدو ليه السيد كيشكر فسلعتو ملي سمعو كيقوليها خوديهم بجوج عرفو مرفح ومعندو سوق يخلص كلشي..مدو ليه وزاد ليه موديلات خرين يتخير ويتعزل وهي محرجة مبغاتش تاخد شي حاجة كثر باش متحسش براسها مثقلة عليه...ختار ثلاثة وهي تقول:براكة واحد

عبدو:بثلاثة زوينين(شد يديها لبسهم ليها)بالصحة

البائع:جاوك زوينين فيديك كيبغيو اليد بيضة

عبدو:(خزر فيه)مكيبغيوش اليد مبرصة؟؟

حمحم السيد وقال:بالصحة الالة

عبدو:جمع ليا الحساب

مشا كبحسب ليه وكيدير ليه كلشي فبواطاتهم وهي تنطق بصوت منخافض:عبدو بزااف عليا هادشي..حشوومة

عبدو:علاش؟؟بصحتك ياك كيديرو الدهاز

هدى:اه ولكن هاكا كثير أعبدو..

عبدو:أنا عائلتي كيديو هادشي كامل وكثر..مزال نضورو شويا

هدى:لالا براااكة والله بزاااف هادشي

مهضرش حدو جبد ماصو من جيبو شافتو بعينيها حتى هزو معاه من الطوموبيل وجلس كيحسب ليه فيهم حتى حطهم الزرقة على ختها حتى تزنكات حبت ممولفاش شي حد يخلص عليها خاصة منو هو...شد الساشيات وهي تشكرو بادب وخرجات شادة فيه وحمرة

هدى:شكرااا بزاااف أعبدو

عبدو:وليتي مصوابة..عادي رزقك هذاا

هدى:واخا كثير هادشي

عبدو:حتى حاجة مكثيرة عليك..شكون غيشري ليك الى مشريتش انا؟؟لي بغيتيها قوليها ليا انا متمشي لا عند خوك لا عند بااك

هدى:واخا ...شكرااا

زير على يديها وخرجو من القيسارية تالذهب وقال:تمشي تشوفي حوايج؟

هدى:زعما؟؟

عبدو:ياك كتقولي ليا ممشيتيش معايا؟؟اوا ياله نمشييو

هدى:عندك الخاطر؟؟هههه

عبدو:بزز مني

فرنسات ليه ومشاو للطوموبيل كي الفراشة تقيسيها تولي كلها ألوان كطير..شدوها القيسارية اخرى هي لي نعتات ليه وفرحانة باغيا تشارك معاه هادشي..حتى نزلو من جديد

ذرعها بيدو وتمو غاديين وسط المحلات والزحام محاملش يجي غا باغي يدير ليها الخاطر ويحيد الوسواس من جهتها..دايرها قداامو وهو موراها وسط الزحام حتى دخلو لمحل ديال البيجامات كتضور فعينيها باغيا تختار حتى سمعات:خوياااا

تلفت لمصدر الصوت فاذا به كيلقى وهيبة الله لابسة ملحفة راقية كيف العادة ملوية عليها مع غليضة رفقة عماتو..وماكياج صارخ..تبسم بهدوء وقرب منها تسالمو بالوجه:مزيانة؟

وهيبة:هههه حمد لله..(شافت فهدى)العروسة؟

مرجانة:ياا ربي...نحي نشوووف(تبسمات فوجه هدى)يا ماشاء الله...زييينة زييينة(تسالمات معاها)كي راك ابنيتي..داركم لباس؟..

حشمات هدى و ولات حمرة والضحكة قربات تفلت ليها..وبأدب نطقات:الحمد لله ونتي اخالتي

مرجانة:الحمد لله(ذرعاتها بيدها)ماشاء الله زيينة يا بني زييينة

وهيبة:(ضحكات)خويا زييين ياخد الزييين(شافت فهدى)أنا وهيبة الله خت عبد الدائم

هدى:(تسالمات معاها بالوجه)مشرفيين احبيبة

وهيبة:اش ديرو هنا؟

عبدو:خصاتها شي حاجة وجينا نشوفوها..ونتوما؟؟الواليدة ماشي معاكم؟

مرجانة:لا يا ولدي..خليناها فالدار مع البنية صغيرة(جرات وهيبة)خود مراتك وروحو ضورو حنا نكملو ..انتهلاو فيك يا هدى هههه

هدى:الله يكبر بيك اخالتي هههه

غمزات وهيبة خوها ومشاو مخليين هدى حمرة وكتعض على شفايفها..شاف فيها هاز حاجبو وقال:مالك؟

هدى:ويلي على تحشييمة(دارت يديها على وجهها)سخنت

عبدو:ههههه كاع هادي حشمة فيك

هدى:ختك عرفتها والسيدة لي معاها؟

عبدو:عمتي(قاس ثوب بيجامة حريري)

هدى:زوينين..واش كيلبسو بزاف الملاحف

عبدو:اه أغلبية..قليل فين تلقايهم لابسين الجلالب ديما الملاحف

هدى:فنييين ههههه

عبدو:شوفي هادي زويينة

هدى:ختار ليا على ذووقك

عبدو:نختارر الزييين

وبالفعل ختار ليها على ذوقو كيتفنن ويتعزل بحالا هو لي غيلبسهم وكلشي مقزب وفيه الأنوثة خلاتو بخاطرو..خلص كلشي وخرجو مشاادييين للطوموبيل

أما وهيبة راه طول الطريق مسكتاتش مع عمتها كتفصل فهدى وتعاود وتبقا عليها شفتي عينيها..شفتي يديها حتى وصلو للدار مثقلييين لقاو خيرة جالسة رجل على رجل والبنية معاها

مرجانة:اربي عييييت

خيرة:نتوما لي بغيتو

وهيبة:تلاقينا مع عرووستنا هي وخويا فالسوق

مرجانة:زيييينة ماشاء الله..خصها غا شويا تالصحة..نوضي يا وهيبة نعدلو اللحسة لمرات خوك تشد راسها

خيرة:(باستفسار)لقيتوهم خارجيين؟؟

مرجانة:اييه كتشري شنو خصها وهو معاها

خيرة:الخفة هاكا كتكون..كون بنت الأصل متشوفوش

وهيبة:كتهضري فبنات الناس؟؟حشمي اماما شويا(هزات بنتها كتبوس فيها)البنت مأدبة وحشومية والفولار

خيرة:(ببرود)شلا..كلها كيعطيه ربي على قد فعلووو

وهيبة:(بحدة)وخويا عطاه ربي على قد نيتو وفعلو..بنت زويينة ومحتارمة(خرجات)عيقتيييي

مرجانة:الله يهدييك الله يهديييك

*****

وقف بها أمام بيتها محملة ببزاف تليساشي وقالت:شكرااا بزااااف هادشي كولو زوييين

عبدو:بالصحة..كي قلت ليك جي عندي أنا متمشيش عند شي حد

هدى:يكون خير هههه نتشاوفو السبت

عبدو:(تنهد)السبت إن شاء الله (داعب حنوكها بحب)الله يخليك ليا ديما منورة ليا حياتي

هدى:(بابتسامة عريضة)علاش ؟؟أنا معمري درت معاك شي حاجة لي تخليني نكون منورة حياتك

عبدو:(كيدخل ليها شعيرات)براكة غي تكوني معايا وشادة الطريق هاداك هو النور..رتاحي ليك

هدى:هههه واخا..غنلقا ختي جاات

عبدو:سيري ونساايني عاود

هدى:(هزات ساشياتها)تنساك الموت العمر

*******

كي دخلات للدار كتعيط بإسم بنت ختها لي جات كتجري عندها تلاحت عليها بحب وبعناق حار عنقاتها وكتبوس فها عاد خرجات إكرام كتزغرت وتعاود تابعها علي لي مبسم..تعانقوو بجهد وبحب ودارتها إكرام فحضنها براحة حيت تهنات عليها

غيثة:الغدا الغدا هههههه ياله

مشاو تغداو كيتعاودو وكتوريهم شنو خدا ليها بعدما استأذن علي خرج مخليهم براحتهم..هو بطبعو مكيبغيش يجلس فدار هدى كيبغي راحتو

إكرام:وهانتي مجمر الغمة تهلا فيك

غيثة:علاش كتقولو ليه مجمر الغمة ههههههه

هدى:حيت مجمر الغمة ههههههه

إكرام:جبت ليك كاع داكشي لي وصيتيني ..تقديييت بزربة مخليتيش ليا فين نوجد على خاطري

هدى:مبقا والو..الماكلة والحلاوي وصيت عليهم الحلاوية "نزهة" كدير داكشي هماوي واخا كتغلييي

غيثة:متهزي هم لداكشي

إكرام:علي يخلص هههههه

غيثة:حتى أحمد يخلص

هدى:(ضحكات)لا اختي نخلص على رااسي..علاه مالي راني برزقي

إكرام:وناري على نفخة فيها هههههه تي راه عرسك

هدى:أ برزقي..منرضاش أنا بدرهم شي حد الا ديال مريود عينيا

وصل يوم الخطبة ودار هدى فيها الناس..عماتها وياها ومراتو وولدهم ومرات عمهم اما المكي مجاش..بالإضافة لعيالات خوالها بجوج لي أصرو يجيو يشاركوها فرحتها رغم أنه معندهمش معاها بزاف حيت عقلو عليها فاش كانت واعرة وصعيبة..التوتر لاعب عليها بجهد هي لي كانت كتقول مستحيل نعاود نتزوج ولا نعاود التجربة هاهيا اليوم غتخطب للراجل لي حلفات حتى عياات عليه وحنتات

دايرا فوطة على راسها ولابسة سروال بيجامة وديباردور باين صدرها منو...والوجه كيبري بعد التدويشة لي ضربات والسوان لي دارت راسها فالدار..من طبعها منهار تبلات بالنقا والعناية مكتعطيش وجهها لأي واحد..كتشري كلشي فالدار وتعتاني بجسمها راسها..النيف فيه الحلق الصغير ويديها كتبرد فيهم باغيا دير لوين زويين وبارد

هدى:قفطاني؟

إكرام:كلشي كاين..

هدى:الحلوة؟؟عطلاتها عليا

إكرام:شويا وتوصل..(هزات يوسف)واش نتا متجلسش؟؟

يوسف:(باسها فحنكها)واااا

عنقاتو بحب وقالت:نتا لي صادق من باعدي ههههه اشمن لون ديري

هدى:شي لوين باارد وصافي(وراتها رجليها)كيبانو رطبييين

إكرام:(ضحكات)رطبيين رطبيين ههههه تعقلي اهويدة على الخطبة لولة

هدى:(شوك لحمها)سكتي سكتيي رجلي كانو كي ظهر القنفود

إكرام:اويلي كنتي حالتك ههههههههه

دخل أحمد على غفلة بلا مايدق مالقات متجمع وصاحت:وتا دق نعرفوووك داخل فففف(لاحت كاب)

أحمد:واش انا غي لبارح كنتي كتنعسي حدايا وكنترادو فالحزاق وكتلبسي قدامي هههههه

غيثة:(دخلات)حشووومة خلي ليها ايسباااس ديالها

إكرام:ههههههه شتي حنا كبرنا مع ربيعة معندناش الاسباس الطواليط كندخلو مجموعين

هدى:راه كبرنا حشوووومة..ونتا كون تحشم راني كبر منك

أحمد:(صرفقها بالضحك)شوف ليك هوييييدة

طلعوها عليها مزيااان كيشدو فيها هي لي مدات رجليها لختها كتصبغ ليها وغيثة غادة جايا للكوزينة مع مرات باهم

بلون بارد زينات صبيعاتها وطلقات الشعر تقادو ليها اكرام:طوال تبارك الله

هدى:عرفتي شحال مصايبتو..كنغسلو وندير ليه الزيووت

إكرام:قوا تبارك الله..واتقادي نصايبوه ليك

جلسات بهدوء كتنتف فيها وكتسمعي الغوات منين ومنين..غي كتغوت هدى وتصليها اكرام عادتهم هي عادتهم..كيتضاربو فالشعر كل شويا تطل نجية تفرق حتى كملاتو ليها

هدى:بغيت ليك العذااب..نتفتيني

اكرام:(كتجمع لبلاك)غزيت فيك ههههه رانيا اجي نصايب ليك

رانيا:(بخوف)لا

هدى:خلعتي البنت هههه (كتشوف فالمراية)حبييت شعري

اكرام:اليوما يتلف مجمر الغمة

هدى:فين غيشوفو(كتسرح فيه بيديها)

اكرام:علاه مغتعريهش؟؟

هدى:لاء..قاديتو بغيت نفرح براسي

إكرام:وعلاش هاد العذاب كامل؟؟

هدى:ههههه عجبني..علاه مالو ضارب بيا خط زناتي حتى يعقد عليا ونوريه شعري

إكرام:السخط هههههه

صونا تيليفوتها وقالت:السيدة مولات الحلوة..وي ختي نزهة صافي أنا ننزل

اكرام:غتنزلي؟؟

هدى:اه..حضي مع يوسف راه مو ممسالياش

دارت فولارها بعدما جمعات الشعر ولاحت عباية وهبطات كتزرب هي وغيثة حيت غتبغي لي يهز معاها...شافت سيارة جيب من بعيد وقالت:راه لهيه

قطعات الشانطي عندها وهبطات الحلاوية نزهة ..بفولارها والعصري كيف ديما..والزين عاد مزايد..تسالمو وقالت:سمحي ليا عذبتك

نزهة:عذابك راحة اكبيدة...كلشي واجد غيخص هي لي يهز معاك

هدى:البساطل؟؟اااه أنا نصوني لخويا يهبط

نزهة:خودي الحلاوي بعدا

حلات الباب لوراني وهزات الحلاوي كتمد ليها فالكراطن هي وغيثة وقالت:ميمون واخا تهبط احبيبي تعاونا

معطلهاش حتى هو نزل من السيارة بوقفتو المصرية المعهودة وسموريتو لي كتدخل على بلاد الشرق..الشيب كسا راسو لكن النور ديما واضح على وجهو..نحنحن وهز معاها بسطيلة وقالت:نعاونوها تطلعهم

ميمون:واخا

بالفعل هزو معاهم حتى للدار وهبطات خوها يعاونهم حتى دخلو كلشييي عاد نزلات معاها ولوخرا كتوصي فيها غي تسخن وتدفع للناس..خلصاتها وشكراتها جزيل الشكر ومشات مخلية ميمون كيقول:شي خطبة؟؟

نزهة:اه واقلة هههه

ميمون: العقبة لبنتك

نزهة:هههههه ان شاء الله

مبمون:ياله أ مو ترمة فحالك..نساي عليا شي كوموند عاود طلعو ليا فصحتي

نزهة:خضرر ههههههه

واقف عبد الدائم فبيتو لاوي عليه فوطة على خصرو وراسو كيقطر ياله مدوش..كينشف لحمو ويرش برودوي يهمد عليه الكحة لي فيه فلحمو..لبس عليه ملابس بيتية وهبط لتحت فين كانو عماتو كيقادو فالهدايا لي شراو ليها من مالو أكيد..بلاصة الحاجة جايب خمسة ستة..والذهب أكيد لي خدا ليها غير لي دات معاها..طل عليهم وقال مخاطب ام عليا:الحاجة بنتك صدعاتني

الحاجة:أنا تهديت وديك البنت متهدات..واه من قبيل وهي تصوني باغيا تشووف كلشي

عبدو:(تبسم)مكنجاوبهاش هههه غدا تلقايها شدات الطيارة

الحاجة:الطيارة دارتها لداك ولد الناس لي صمك مايشوف ما يعلم غا تابعها فالهبال(باعجاب)ثواب الملاحف زوينييين..

وهيبة الله:خديتهم بالعشق أخالتي..ياله دغيا باش نلبسووو

عبدو:فين الواليد

وهيبة:مع ماما فبيتهم

حرك راسو وشد رجليه جيهة بيت مو وباه..باغي يهضر مع مو حيت كاع هاد الأيام متاحتش ليه فرصة يهضر معاها..وهو كيقرب كيسمع باه كيدوي معاها:غتخلي ولدك يخطب رااسو؟؟اش نقولو للناس؟؟

خيرة:قولو ليهم مو ميتة..أنا معندي ولاد لي نخطب ليهم..ولدي دفنتوو

الحاج:(زفر)باغيا تفقصي الولد؟؟عارفاه شحال عزيزة عليه..

خيرة:كون كنت عزيزة عليه نهار طلبتو ميباتش ولدي فالزنقة يسمع ليا..

زير على يديه ودخل مقتاحم حرمة غرفتهم..تلفتو بجوج بهم ليه ومن ملامح وجهو باينة سمع كلشي

الحاج:(كيحاول يطمر)ولدي

عبدو:(عينيه على مو)خليني معاها الواليد

الحاج:وسع خاطرك الله يرضي على ولدي..اليوم نهارك

خيرة:خرجو عليا من بيتي وخليوني نرتاح

قرب ناحيتها وجلس على قرون صباعو حط يدو على ركابيها وقال:مغتمشيش معايا أ الواليدة؟؟أ تخليني بوحدي بحالا معندي أم

خيرة:(بحدة شافت فيه)نتا خليتيني بلا ولدي..الى نتا ناسي وضميرك مرتاح أنا صورة ولدي بين عيني

عبدو:وانا ماشي ولدك؟؟

خيرة:كنتي ولدي ملي كنتي مكتكمي مكتشرب وداخل سوق راسك..كتقرا وحاني الراس..ملي كنتي كتسمع ليا وكدير بحساابي...نهار درتيني تحت السباط وقتلتي خووك مبقيتي ولدي

الحاج:عبد الدائم نوض اولدي..خرج خليها دير لي فراسها

خيرة:خليوني عليكم ديرو لي بغييييتو(عينيها دمعو)فرحو نتوما اما انا كية عبد الله عمرها تنسا ليا

تعصر قلبو بالمزيان على هضرتها وكيزيد يلوم فراسو كثر حيت مخلاهش يبقا معاه فالدار..نطق بهدوء عكس الجرح لي كيزيد يمرار فقلبو:مي انا عبد الله مقتلتوش مكتاب ليه يموووت

خيرة:(بانفعال)حتى تولدهم وتجيك خبار ولدك مات بكسيدة وديك ساعا نعس مرتاح..ماشي نتا لي تشوات كبدتك..ماشي نتا لي مالقيتي ماتدفن فولدك؟؟؟أنا لي مالقيت ماندفن فيه..عطاوني الراس ورجلين تطحنو

الحاج:(بغضب)صافي سكتيييييي

خيرة:(ناضن بانفعال)مسااكتاااش باغين تسطيييوني..حسابكم انا مرتاحة هاكا..مرتاحة وانا ولدي مشبعتش منو ودفنت نصو ونصو لاخر طحنوو ليا رمووك بسباب شكون؟؟بسباب ولدك لي قربت نبوس ليه رجليه باش ميخلييهش...بعدووو غي منيييي لي فيا كافيني..

زفر بغضب ومسح على راسو قايل:صافي ماتمشيش..خاطرك هو لول

الحاج:قلبك كحااال اخيرة

عبدو:(بتنبيه)الواليد..صافي براكة براحتها..غنتزوج

خيرة:سير تزوج وجيب بنت الناس وضلمها معاك..ونتا(نعتات للحاج)عاونو فهادشي..جيب بنت دارهم لسكايري حشايشي مكيسحااااش باش يتسما مزوج

عبدو:ياك الواليدة؟؟مخليتي للبراني ميقول

خيرة:كلمة الحق مبغاها حد..وليتي حتى نتا تشرب وتسكر وتبات فالبيران بحال عبد الله..نمشي معاك نقوليهم فقيه؟؟أنا مندي ذنوووب حد براكة غي هادشي لي فيا

سكتووو بجوج كيشوفو فيها كتهضر بحرقة وكتقلب على أقسى الكلمات باش تبرد فيه سمها وغدايدها..على طول كاع هاد السنوات مكانتش كتشوفو بزااف ..بحكم كيجي وكنجري عليه كان كيفضل مايجيش عندها كاع باش متفقصش..تنهد بحرقة وقلبو شعلات فيه العافية بهضرتها..حنى راسو ونطق:كلامك هو الكبير الواليدة...عاوني هاد السكايري يتوووب..نمشي أ مي نخطب وملي يسولوني عليك اش نقول؟؟البنت عارفا عندي مي

خيرة:قوليها ماتت..

عبدو:عفاااك أمي(بترجي)مدوزش ليا بلا بيييك

خرجات سامحة فيه خلاتو لابس قناع الترجي والعطف ..مترجي عطفها وحنانها حيت كتبقا مو..مباغيش يمشي بلا بيها وماباغيش يفسر لشي حد علاش مجاتش مو..غيحساب هدى مبغاتهاش حيت مطلقة هادشي لي كيقول فبالو...شافها خرجات تنهد وعض على شفايفو وقال:براحتك

جالسة فاص لمرايتها مادا وجهها لختها لي كتفنن ليها فوجهها بماركات عالمية ديال الماكياج..دارت ليها ماكياج خفيف لكن بعيون بارزة مزيناهم باللون الأسود ..

إكرام:جيتي فنة هههه قادي فولارك كيف بغيتي

هدى:(شافت راسها فالمرايا)مكرهتش نخرج هاكا بشعري هههههه

إكرام:الجهل ههههه (كتسمح يديها بلانجيت)غنقاد حتى أنا..ونقاد لغيثة..غزلان مجاياش؟؟

هدى:لا خدامة..الليل غتجي..شحال الساعة؟؟

إكرام:هادي الستة..لبسي قفطانك وقادي فولارك كتعطلي فيه

غيثة:(بقفطان خفيف والشعر منسادل جايا)صافي كملتو؟؟

هدى:اه صافي..كي جيت؟

غيثة:قطة ههههه لبسي عليك شويا ويجيو

هدى:(هزات التيلي)شفتو مسولش فيا اليوم

إكرام:تلقايه حشمااان هههه

فالبيت لاخر كان أحمد كيقاد لباه جلابتو وكيمسح ليه على كتافو وكيوصي فيه:عنداك تبقا تعاود كلشي

باعدي:تا مالي دري صغيير

أحمد:ولا يقوليك عقلك تسول على الصداق

باعدي:وعلاه لي مانسولش عليه؟؟ماشي حق بنتي

أحمد:دخل سوق راسك..داكشي بينها وبينو

باعدي:ظاهر ليا حضرتوني غا هاكاك..مندوي مانتكلم

أحمد:الواليد نعل الشيطان راه الزواج دابا ماشي هو قدييم

باعدي:وا شتي مريم بت عمك تا راه باها كيتقاجح حتى عطاااوه مية الف ريال فصدااقها(على نيتو)

أحمد:(ضحك)ههههه بايع بقرة؟؟نتا متذكر والو..السيد سولت عليه وراه ميسووور يعطي لي بغا المهم يتهلا فيها

دخل يوسف كيحبوو هزو أحمد وقال:واش نتا ماتريحش(باسو)

باعدي:المخنن لاخر..غا لاصق فمووو

أحمد:باااز ..حشم شويا راه ولدك..اجي اخويا اخويا حوايجنا

باعدي:تريييكة نااقصة هادي لي والد أ باعدي..حتى حد ميفرح

لاحت قفطان فالأخضر ملكي خفيف كارياه..مطرز من الفوق وشعرها منسادل..جمعاتو جمعة خفيفة وقادات فولارها بطريقة عصرية ..مع اكسسواراتها الهادئة..رشات ريحتها وقالت:جااو؟؟

غيثة:(دخلات)راه لتحت وقفو هههه..كثاار اصاحبتي

إكرام:بصح؟؟

غيثة:وغي الملاحف والدراعيات ههههه

لتحت كانو سيارات haut gamme واقفين..نزلو منهم صحراوة محملين ومثقليين ..النساء راه كلشي بالملاحف وماشي اي ملحفة..ملحفة ديال الثوب الغالي..يديهم فيهم الحناني وهادي عادة عندهم مكتخواش يدهم من الحنا بالنقش الصحراوي..

الرجال راه كلهم باللباس الصحراوي لي كيختالف لونو من أزرق للأبيض..ومن بينهم عبدو لي كان ضارب دراعية صحراوية فالارزق عرييضة هبطات على عرض جسمو بشكل مثير..مع طولتو وهيبتو خلاتو يبان صحراوي مأصل ..هاز فيديه البعض من الهدايا لي خداو ليها..وأكيد باه وعمامو وعماتو لا يقلون أناقة عنه

طلعو مع الدروج سابق هو وعمو القاضي لي مطلعها عليه حيت شافو عاقدهم:حيانا الله جايين نخطبو فوحدة نتا وياها تلاقيتو فكوميسارية

عبدو:رجع فحالك عفااااك

عبد المولى:هههه العقبة لينا يارب

مجاوبوش حيت طالعة عليه بالمعقول..بعد كلام مو تهرس خاطرو وتكسرات فيه شحال من حاجة..رغم كاع هاد الحضور لكن بلاصة خيرة ميعمرها حتى حد..وقفو أمام المنزل وصونا هو مرافق بباه وبعمو..فتح ليهم باعدي بجلباب مغربية بالسوسدي مأصلة ..برفقة أحمد وخالو..تبسم ليهم ورحب بهم..بداو كيتسالمو بيناتهم وكيرحبو بيهم..أما النسا راه خرجات إكرام ومرات خالها كيستقبلو برفقة مرات باها..

دخل كلشي للصالون لي كان كبير ومفرش بفراش زوين أكيد ماشي ديال هدى حيت هي عندها غي فراش ربيعة إنما تسلفو الفراش من عند خوالها نظرا لضيق الوقت باش يفصلو طلامط جداد..جلسو الناس والهضرة الطاغية غي ديال الرجال كيسولو على الحال والأحوال معاهم علي كيشارك مرة مرة حيت كيزربو عليه بالمغربية

أما عبدو راه جالس وساقل وعينيه معقودين بحالا جايبنو بزز ..خسر ليه المورال وخاطرو ضااق عليه..

الحاج:(بابتسامة واسعة)نهار كبير هذا لي عرفناكم فيه أسي...

باعدي:باعدي..خوك باعدي

الحاج:سي باعدي..(ضحك)نسيبي سي باعدي

باعدي:(عجبو الحال)الله يكبر بييك اسيدي(شاف فعبدو)العريس هذاا

عبدو:(بأدب)مشرفيين اعمي

الحاج:هذاا ولدي البكر ديالي عبد الدائم وهادي بنتي(شير لوهيبة لي ناشرة خيرها بالملحفة)وهيبة الله

باعدي:(بعدم فهم)أش سماها الله؟؟

الحاج:وهيبة الله

أحمد:هههه صحراوة أبا

باعدي:مرحبا بالناس تالصحرا..نهار كبير هذاا(شاف فاكرام)تي نوضي جيبي لينا اتاي

ناضت إكرام حابسة الضحكة ومشات للكوزينة طلقاتها وتبعاتها مراتو كيضحكو ويعاودو على باها لي تصدم فالسمية..

زوجة الخال:هاد باعدي هو هو ههههههههه

إكرام:انا سالا معايا...شفتو خت العريس هازا ماهاز قلبي

غيثة:أنا شفت الملاحف دخت ...

إكرام:زيدي زيدي نديو ليهم يعمرو اتاي...خالي محمد غيلوح على بابا شي براد

غيثة:عمي خضر هههههه سيري طلي على هدى

مشات إكرام عند هدى لقاتها هازا التيلي كتصور وتعاود وقالت:اختي مامزوجة غا نتي

هدى:كي.جا مجمر غمتي؟

إكرام:ضارب حطة صحراوية ههههههه خرجي تشوفيه اما عائلتو مكاين غي الملاحف الواعرين

هدى:هههه بصح

إكرام:ممخلوعاش؟؟

هدى:غنطلقها فسروالي هههه جيت غزااالة ياك ههههه

إكرام:جيتي فنة هههه نمشي ندي اتاي بااك راه غيحطك بوجهك

********

فصواني كبار بالمجامع وعلى الطريقة التقليدية المغربية لي كيتعمر اتاي على يد الضيف..كيجيبو ليه المجامع لي هي عبارة عن اواني فضية منقوشة فيها كل لوازم الشاي المغربي الأصيل من نعناع وسكر وحبوب الشاي..بالاضافة الى مجمر او بوطة صغيرة عصرية فاش يتشحر أتاي..بدات إكرام كتحط الماعن وكيعاونها علي واحمد وتحت طلب هدى لي عرفات صحراوة كيعمرو اتاي راسهم

باعدي:اوا اسي الحاج اليوما نديرو اتاي عروبي وصحراوي

الحاج:(بود)اييييه نعمروووه

وبالفعل وسط الأحاديث ديالهم بدا الحاج وباعدي كيعمرو أتاي كلها بتقاليدو وعرفو لي كتختالف من منطقة لمنطقة فالمغرب..وتحطو الحلويات باشكالها وانواعها محضرة من طرف نزهة..لذيذة وهشة فالفم

ندامجو النسا بيناتهم وبداو كيجمعو وكذلك الرجال وحيت الصالون كبير كلها كيلغي بلغاه ومجمع الا عبدو لي غي ساكت ومشابك صبعانو كيسمع فيهم كيهضرو وكيجاوب على قد السؤال..معرفوها حشمة فيه ولا تعفار

مرجانة:وفينها بنتنا؟؟نشوفو عرووستنااا

إكرام:هي لولة الالة مرجانة..حشمانة شويا

وهيبة الله:جيبو مرات خويا نشوفها..انا المباركة خويا غيتزوج ويجيب لي تونسني

ناضت إكرام مبسمة لعند ختها تجيبها..رشات ريحتها وخرجات كترعد وتسرط فريقها وتعدل فشالها..وماحدها كتقرب للصالون ورجليها كيفشلو بحالا عمرها شافتو ..

دخلات للصالون بحشمة ووقار باين عليها من لباسها لي محتاشم ومن فولارها..خلات الكل يشوف فيها الشيء لي زاد وترها اكثر..تقدمات بشويا عليها كتسلم غي بيدها حتى وصلات عند الحاج لي وقف على نيتو وشد وجهها بين يييدييه باس جبهتها وقال برضى:الله يرضي عليك ابنتي ويكملك بعقلك..ماشاء الله تبارك الرحمان

هدى:(باست ليه يديه وبصوت خفيف نطقات)الله يكبر بيك اعمي..

أما عبدو راه اخيرا زار خاطرو شويا تالراحة وتفكات شويا كسرة الخاطر لي هز فقلبو من جهة مو..تنهد وهو كيتفحصها بعينيه باعجاب وحب..بالتقليدي والحجاب لي حافظات عليه خلاها تكبر فعينيه أكثر..كيفاش واتاها الاخضر والكحل فعيونها سلبوه من الدخلة...سلمات على عماتو وعلى ختو بالوجه والحشمة كتقطر من وجهها غي وصلات ليه وهي تشدها الضحكة..شافت فيه وهز فيها حاجبووو ..حبسات الضحكة وقالت:لباااس؟؟

عبدو:لباس(حقق فعينيها)جلسي حداياا

مرجانة:(سمعاتو)تعالي يا بنتي جلسي حدا راجلك

كانت هي لي مريحة حداه دارت ليها بلاصة بيناتهم حتى ولات حداه..غي حس بجسدها بجنبو ومدفييه ..تلفت ليها ورمق بعيونو الجريئة عينيها من الجنب هي لي كتفادى تشوف فيه..ورجع شاف قداااموو وشبح الابتسامة على وجهو الشيء لي قشعو كلشييي

باعدي:هااا بنتي..الصغيرة فيهم وهي المرضية مسكينة ديما تسول فيا وتعيط ليا

أحمد:حنا مساخيط ههههه

باعدي:ههههههه بحال هاكاك

ضحكو كاملين على خفة دمو وبداو كيفرقو فاتاي الصحراوي والعروبي وتفرقات الحلوة ودوك الجوج غي جالسيين حدا بعض والانظار عليهم

وهيبة:جيتي زوينة امرات خويا

هدى:عويناتك احبيبة

شافت فعبدو بهدوء وبصوت منخافض قالت:ماماك مجاتش؟؟

شاف فيها لابس قناع الهدوء والبرود عكس العافية لي فداخلو..تأمل عيونها المزينة باللون الأسود ولي زادت للون البن فعينيها جمالية كبيرة..من ديما كتسحرو بعينيها والى شافت فيه بيهم مكحليين كتشللو بشوفتها.. كأن ربي لخص ليها الجمال فعينيها فقط...تبسم بشويا وقال:شهاد لعوينات عاود؟؟

هدى:ههه جيت زوينة؟؟

عبدو:الله يحفظك من العييين

هدى:فين ماماك؟؟

عبدو:مرضات..طاح ليها السكر بقات كتجارا من هنا ولهيه ومرضات مقدراتش تجي

هدى:(قطبات حواجبها)كون علمتيني نأجلو حتى تولي شويا

عبدو:معليييش(شاف فاص ليه)هي لي بغات كلشي يكون هو هذااك

هدى:حتى تخلي ليا نمرتها نسول فيها

عبدوة:(رجع شاف فيها)سولي فيا أنا بعداا..

هدى:(بابتسامة)كتبان ليا فشكل؟؟مفرحانش

عبدو:خصني نوض نتكيك قدامهم باش نبان ليك فرحان ههههه

ضحكات بشويا واصواتهم غي الهمس بيناتهم..قرصاتو بشويا وقالت:الله يمسخك...

عبدو:(حمحم)الواليد

الحاج:(شاف فيه وفهمو)سي باعدي(ببشاشة)نسيبي العزيز جينا اسيدي نديو ليك بنتك لولدي..البكر فولادي على سنة الله ورسوله

باعدي:(بابتسامة عريضة)اسيدي الى تفاهمو منزيدهم غي الخير..ولكن عندي شي شرووط

أحمد:(ولى حمر خايفو ينطق بشي حاجة)اشمن شروط أ با

باعدي:أنا أ سيد الحاج عندي فالدنيا جوج بنيات..الصراحة مكبروش معايا كبرو مع جداهم الله يرحمها كبراتهم وقراتهم حتى شفتيهم هاكا(شير لبناتو بجوج)بناتي مربييين ومحتارميين راسهم..أنا بنتي باش نتهنى عليها خصني نعرفو فين غيسكنها؟؟واش عندو دارو؟

ياله بغا ينطق الحاج وهو يجاوب عبد الدائم بصوت غليض خلى الكل يسكت:أنا معايشش فالمغرب..عايش بين إسبانيا وهولندا..الدار عندي تما فاسبانيا

باعدي:دارك؟؟

الحاج:(بتأكيد)داارو وملكوو وحتى لي هنا دارو..بنتك مغيخصها والو

باعدي:نتوما مالين الخير ماشي يخصها..باين فيكم ناس الخير والكرم الكبير ولكن أنا قلبي كيشدني على بناتي..ها نسيبي سي علي سولوه حتا هو سولتو هادشي..

الحاج:مقلتي عييب اسي باعدي من حقك

باعدي:(شاف فعبدو وهضر بجدية)أنا هاد البنت تبقا غي قدامي خدامة على راسها ومتكرفصش..علاش سولتك على الدار حيت اللهم توكلها خبزة والما ولا يدق عليك مول الكرا..مباغيش بنتي تكرفص

عبدو:ماقلتي عيب أعمي..بنتك فالحفض والصون والدار كاينة والى مكانتش نشريوها

باعدي:اوا اسيدي منزيدكم غي الخير..الله يكمل بالخير

الكل:امييين

إكرام وهدى تصدمو من هضرتو حيت مكبروش معاه باش يدير عليهم هادشي..لدرجة هدى غرغرو عينيها..وتبسمات لباها بحب..اما أحمد غي كيسوط مكيفهموووش كاع..

عبد المولى:نقراو الفاتحة

تهزو الايادي وتقرات الفاتحة ديال خطبتهم معلنة على بداية علاقة جديدة مليئة بالسرور والمحبة..ولي بدا حياتو بالقرءان وذكر الله عمرو يخيب

عبدو:(حمحم من جديد وصوتو فيه بحة البيران)الى جات على خاطرك اعمي نذاكرو شويا

أحمد:اييييه

عبدو:انا ماباغي عرس..الى وراقها واجدين نجيبو العدول نديرو العقد ونديها معايا

باعدي:وداكشي توما تدويو فيه..أنا غي تهلا ليا فيها(هز رانيا فوق رجليه)

عبدو:عطيوني وراقها غيخصوني فشي حوايج ديال السفر والعدول من هنا ثلث أيام نعقدو

مرجانة:اولدي خلاوها صحاب الداخل زواج ليلة تدبير وعام...نوجدو وحتى هي توجد او لا ابنتي؟؟

هدى:(بصوت منخافض)اه

الحاج:سيمانة مزيانة؟؟

الخال:مزيانة..هوما يعرفو هادشي ديال العيالات ههههه

عبدو:من هنا سيمانة نديرو العقد

الكل:ان شاء الله

تافقو العائلات وترصاو الأمور بيناتهم ووضحو النقط وعلى عقد السيمانة عولو..تسربا العشا الناس بوحدهم والرجال وحدهم فنفس البيت لكن فطبالي مفرقين..تشاركو الطعام والكلام وتوطدات العلاقة..خاصة ان اب عبدو انسان اجتماعي وبشوش وكيرتاح ليه الواحد ملي كيشوفو..

وبعد العشاااء ستأذنووو منهم..تسالمو الكل وتوادعو ومشاو صحراوة مخلييين هدى وعائلتها واخديين انطباع عليهم زوييين بزاااف حيت ناس طيبين ومتواضعين رغم ان باه خاانز فلوووس

وقفو السيارات من جديد امام بيت عبدو ونزلو كامليين الا هو..وقف عليه باه قايل:مغتنزلش؟

عبدو:نمشي نشوف صحابي

الحاج:بخاطرك؟

عبدو:(باينا فوجهو)الحمد لله ملي عطاونا البنت

الحاج:علاش لي ميعطيوناش..انا ولدي خير العزارا..وحتى البنت ماشاء الله زوينة ومربية

عبدو:(دار ضحيكة خفيفة)بقيتي حاضيها ليا الحاج؟؟

الحاج:(ضربو لراسو)انا لي باك ماشي نتا هههه متعطلش فليل حيد منك عادة الليل

عبدو:ان شاء الله..سيرو ترتاحو

الحاج:الله يعطييك الرضى والربح

عبدو:(تنهد)اميييين

دخلو كامليين للدار والموضوع هو زواج عبدو..وهيبة كدير اعادة الثمثيل مع عماتها وخوالاتها كلشي عاوداتو..لقاو خيرة جالسة بوحدها شاعلة التلفازة رفقة مريم وهازا بنت بنتها

وهيبة:(حيدات الطالون)الله

مرجانة:عييناا

وهيبة:دابا عاد خصنا نعياو..سيمانة وتكون اللامة فدارنا

الخالة(منت خوالها):خصنا نتقداو للعروس

الحاج:(بسرور)ملي تافهمنا معاهم هذاااك هو المهم(شاف فخيرة)كي بقيتي؟

خيرة:(ببرود)حمد لله..عطاوكم البنت؟؟

الحاج:ضروري..انا ولدي مترفضو حتى وحدة قاري وبخدمتو ومربي

وهيبة:(تلاحت حدا مها هازا التيليفون)هاكي نورييك

شافت فيها خيرة بتردد وقالت:انشووف

جبدات اخر ماتحط فالايفونات وسط يديها لي فيها الذهب ومطبزة..وجبدات ليها تصاور عبدو وهدى محمعيين وكيشوفو فبعضهم وقالت:شوفي شحال جا خويا زويين

شدات التيليفون وكمشات عينيها باش تحقق..كتزومي بعينيها وتعاود حتى قالت:اويلي واش هادي؟؟

مرجانة:كتعرفيها؟؟

خيرة:(لمطات فمها)كنعرفها

الحاج:فين كتعرفيها؟؟هادي ماشي ديك الشلحة

خيرة:كون غي الشلحة ففففف حيدي علي سكري غيطيح

وهيبة:(شدات بنتها)مالك اماما؟؟

خيرة:(ناضت)مابيا والوو ففففف

سمحات فيهم ومشات لبيتها خلاتهم مفهمو والو فحين هدى مع عائلتها الصغيرة بعدما غادرو خوالها وعيالاتهم كتحل فالهدايا رفقتهم وتشوف باعجاب

اكرام:سخييين كاع هادشي ذهب

هدى:بلا داكشي لي شرا ليا هو

سعيدة:واا سعد هو ابنيتي..واخا مطلقة

لوات فيها نجية فمها وقالت:مطلقة وخداتو عزري مالها؟؟اش خصها؟

سعيدة:واتي انا قلت غيكون شي شارف ساعا ضربتي الحصيصة

هدى؛(خمسات ليها)حمسة وخمييس ..علاه مالي لي مناخدوش شااب وعزري مزال وبدارو

سعيدة:اوا الرزق

غيثة:انا الثواب عجبووووني هههه فنين ماشي من هنا/؟

هدى/:محال..هادشي ديال العيون

زوجة الاب:حتى الراجل زييين وعامر تبارك الله

وقف عليهم باعدي من حيث لا يدرون مع كانو فالببت لاخر مفرنس بالنسوبية الجديدة:اتي فين عرفتي هذااا

سعيدة:(خلعها)اتا دير الحس فففف

باعدي:جن انا..حيدي تبووكري(جلس حدا هدى)الخير هذاا تهلاو فيك

هدى:اه ابابا

باعدي:الله يثبث الغرس وديري حتى نتي دارك وولادك

ونتهنا عليك

نجية:تا بناتك بجوج يتغربو عليك هه

باعدي :من بحالي وحدة فالسعودية ووحدة فالسبليون

اكرام:فالامارات

باعدي:بحال بحال كلهم كتمشي ليهم الطيارة..لتنساوش بوكم

هدى:الله يخليك لينا ياربي

جمعات داكشي فبيتها وحطات كل حاجة بلاصتها ومشات لبيتها كديماكيي وجهها والتيلي فيديها مدوزة نمرتو لي بعد عدة رنات قطع راسو..حطاتو ومشات كتحيد حوايجها حتى عاود صونا ليها..شدات الخط بابتسامة عريضة قالت:مريود عينيا

عبدو:,نعام؟؟

هدى:هادي وحدة اخرى من غير مجمر الغمة ههههه

عبدو:منين كتجيبي هاد الهضوور(كيسف الدخان)

هدى:حمقني شنووو جبتوو ليا...سطاااوني خلاوني بلا عقل

عبدو:بالصحة احبيبة

هدى:غي هو كثرتو ليا الذهب ..

عبدو:بالصحة الزين..شكديري؟؟

هدى:والو..كنبدل علي

عبدو:صيفتي ليا شي تصويرة بداك القفطان لي لابسة اليوم

هدى:هههه عجبك؟

عبدو:عجبتيني نتي..جيتي قتالة

هدى:وداركم اش قالو؟

عبدو:ختي وبا راه عجبتيهم...مشفتيش با باس ليك راسك

هدى:مسكين صدمني..حنييين حسيت بيه بحال بابا

عبدو:غي جاني الواليد اما نوض نوريه البوووسان

هدى:(ضحكات)هههههههههه اويلي كتغير من باك

عبدو:واش فيها؟؟انا مبست ليك رااسك حتى شحفت ومزال تابعك على البوسة وهو يجي يبووس

هدى:(شدها الفوغيغ)ههههههخهههههههه اويلي على مسطيييي صافي سكت

عبدو:كتعجبهم غي حاجتي سبحان الله

هدى:خههههههههه ميشوفني حد مايبوسني حد

عبدو:لا انا لي نبوووس وانا لي نشوووف..تبعوني عليك حتى تفارقتي معايا عام

هدى:هههههه عينوووك الصكع ههههه مسطي

عبدو:العبد الى تبعك تما بقيتي

هدى:أجي علاش مجاش عمر؟

عبدو:مسافر..اما كان غيحضر

هدى:حتى العرس..

عبدو:غديري شي حاجة؟!

هدى:لالا غي لبسة باش نعقد وصافي

عبدو:الى فخاطرك شي حاجة نديرها ليك

هدى:(كتلمس فصوتو الحنان)الله يخليك ليا ياربي..غي معنديش مع داكشي..براكة لبسة ونعقد صافي

عبدو:أرا ليا مورا العقد أش كاين

هدى:هههههخه أش كاين؟

عبدو:مكاين خرووج مكاين درووج ..كاين غي انا وياك والدوش

الأيام كطير..واحد خدام غتجيه سيمانة ثقيلة وميوصل الويكاند حتى يموت بالعيا اما لي عندو شي مناسبة مهم راه كيحس بلي الوقت كطير وبلي 24 ساعة مكافيااش وهذا حال هدى لي ملي يصبح الصباح وهي كضور مع ختها لي مخلي ليهم علي الطوموبيل كيطوطحو بها رفقة غيثة وغزلان..هاهوما عند الخياط هاهوما عند هاد المحل..فالتجربة الاولى جاها داكشي فشكل مع معارفاش كانت متبعة غي عائشة وشنو تتقول ليها لكن دابا لي كبرات ونضجات خدات شنو غتحتاج فقط..وتهلات فراسها مبخلاتش عليه وكذلك ختها من الامارات مخلاتش من حقها من كريمات ومخاوير وماكياج ماركة زوينة..كاع داكشي لي جمعات من خدمتها ومشروعها حطاتو على راسها رغم انه كضل هي وعبدو فصراع باش يعطيها ومكتبغيش..ضور معاها باها وخوها بلي قدرو عليه باش تجهز راسها

واليوم هي الليلة لي ماقبل العقد..جلسات بقفطان خفيف فالموف مغلوق مخيط بالأخضر تقليدي مئة بالمئة وسط نساء عائلتها الصغيرة فجلسة حناء عائلية..مكلفاتش راسها بالنكافة انما غي بين نساء عائلتها لي كانو قلال دارو جليسة فيها النقاشة..حطات يديها على مخدة وبدات خطوط الحناء كتحط على يدها البيضة لي شابعة ماسكات وعناية وترطيب باظافر طويلة طول عادي ديالها مملصقاهمش مع لوين بيج بارج..دارو ليها نقش خفيف والغنا خدام هازين عماتها الطعارج والبنادر كيضربو ويغنيو عليها حيت هوما اختصاصهم اللعب والحيوح..نقشات يديها ودارت خلخاال فيديها واكرام كتوثق اللحظة بتيلفونها وكتركز ليها على التفاصيل..

فرحتها كانت لا توصف وهي كتسمع اهازيج واغاني مغربية كتردد فوذنها والضحكة مفارقاتش فمها بتاتا بعيون مكحلة منورة نسخة طبق الأصل من أمها..ودراري الصغار غاديين جاااييين عليها باغيين يشوفو العروسة

سعيدة:(كتزيف الكيسان وحداها بنتها مركبة ولدها فظهرها)واا شوفي السعد..هاهيا مطلقة وداتو عزري شهوة

مريم:اوا الرزق امي حتى هي مدازش عليها قليل

سعيدة:أش داز عليها؟؟اتي سكتي مهبولة بحالك بحال باك..من بحالها صيفطات لول وجابت سيد سيدو..كون تشوووفيه(تنهدات)تفهاااي أنا لي مك وحليت فيه فمي

مريم:كلها ورزقووو

سعيدة:هذااك لي عدك نتي رزق؟؟

مريم:اش ندير امي هاديك مغرفتي وماهزات ليا..الله يعفو عليه

زوجة الأب:سعيدة دوزي تحني نتي وبنتك غا سيرو أنا نكمل هادشي

سعيدة:سيري امريم حني انا شويا ونجي

فرحة هدى ماتعطيها لحد..غي مبسمة وكتضحك مع هذا وذااك..طالقا شعرها منسادل مع قصيصة من الجناب جات هائلة..والخلخال فالرجل واكيد خاتم عبدو فصبعها مزينو

حنات وحيدات باش يحنييو الناس يديرو الباروك ونوضاتها ختها تشطح هي وياها على أنغام الطعريجة..كتحرك وتعاود غي بهدوء وتردد مع الأغنية :نمشي للبحر بزز منووو ههههه هاااهاا وبزز منوو..نمشي لقهوة وبزز منوو

غزلان:(همسات فوذنها)غيديك للحبس ههههه

نفس الجو فبيت عبدو لي كانو كينوضو ويجريو وهوما بلاصة الناس عندهم لامة..حبابهم كثار وكلشي جا من الصحراء ها لي جا فالطيارة ها لي فطوموبيل كلشي باغي يحضر لعرس عبد الدائم..مغتلقاش الجلابة الرجالية غي الدراعيات الغاليين لي كاينين والحسانية والصحراوية مسموعة على الجهد..وعند النساء كذلك جابو عيالات يشقاو ويتسخرو وهوما حاضيين راسهم وذاتهم ونقيشهم ولباااسهم

دوزو ليلة زوينة بزااف عند كلا الطرفين رغم ان خيرة مشاركات ففرح محنات مناضت حدها جالسة شادة بنت وهيبة وجالسة مع الناس كتسمع المباركات كتجاوب الناس بيرود وهدوء خطير باينة عليها مفرحاناش..عمر عبدو طاف بساحتها باقي ماباغيهاش تمرض ولا دير شي حاجة بزز مخلي اللامة دوز بخير باش يدي مراتو مهني ..

هاد الأخيرة لي صيفطات ليه تصاور يدها ورجليها بالحنا لاغير وجهها مباينش بتاتا ومع صوراتهم بتيليفون ختها كيبانو اكثر وضوح..شافهم وسط الناس وتبسم بحب ..زوما عليهم حتى عياا وشبع منهم عاد كتب ليها:بصحتها المرضية ديالي..فينو وجهك؟؟

هدى:(كتكتب ليه بقرون أصابعها)غدا تشوفو ههههع

عبدو:كديري ليا هاكا ماشي حشوومة...توحشتك الميكروبة حني فيا

هدى:ههه من غدا غنبقا معاك عمري كاامل

عبدو:مكاينش لي يفرقني عليك من غير الموت

تبسمات فور ماقرات الميساج وحطاتو مستمعة بليلتها مع حبابها وهو كذلك بقا مع رجال عائلتو فين دايرين جلسة صحراوية باتاي الصحراوي والطلبة كيقراو ماتيسر من القرآن

******

"يوم العقد"🤍🖇

-فاقت فيه هدى على راحتها والحنة فيدها حمرة خفيفة وراقية معمراتش يديها معندهاش معاها بزاف..تلفتات حداها لقات رانية مشخة..شداتها كلاتها بوسان حتى فاقت عاد ناضت كتجمع شعرها بقراصة والنور والسر ديال العريسات نازل عليها..دارت روتينها الصباحي وأصوات العيالات مسموع حتى لعندها..صبحات عليهم وجلسات كتفطر مفرنسة غي بوحدها

غيثة:نوضي تخوي عليك الما باش الى جاو يلقاوك واجدة

نجية:هااه وهزي ليك شويا تالشيح توضاي بيه راه كيجمع

هدى:(ضحكات تا خرج ليها اتاي من فمها)منديرش الشبة؟ههههههههههه ياويلي تي باغيا تحرقيها ليا

سعيدة:اعندها الصح نتي والدة غتكوني وساعييتيي

هدى:هههه لا اختي أنا والدة ست سنين والصرف غنكون ماشي غي تجمعت غنكون تلويييت..وزايدون باغيني كيفما انا

إكرام:شوفو ليك هههههه حلقت ليها على الحالة(غمزاتها)

غيثة:فاش نتفتيها ولبارح ههههه

"فلاش باك"

جالسين فالبيت سادين عليهم وجابدة اكرام الماتريال ديال لاصيغ وكتحيد ليها يديها ورجليها ولوخرا كتغوت وتعطيها اكرام للراس

اكرام:جلسي لجد مك

هدى:وابعدي مني اعععع بشويا

اكرام:باقي نشوفو القنفوود كي ولى

هدى:حسن من ديالك

كملات ليها ودازت للمايو بدات كتحيد ليها ولوخرا كتألم وتعاود واكرام كضحك:ايهاي شوفي ليك هويدة تي هذا اش درتي ليه

هدى:ست سنين تالتهلية هههه بشويا الخرا راه غطيبيني

اكرام:الى طيبتو غيدعيني مجمر الغمة ههههه تي اش درتي ليه؟؟ولى زييين

هدى:مخليت ماطلييت وقادييت ورقعت حتى ولى شويا

اكرام:سبحان مبدل الأحوال هههههه ياله نووضي..ذهني بزيت الورد ترطاب البلاصة

هدى:(كتلبس عليها)الله يعطيك الكرض لحمي تشووط

غيثة:(دخلات)غواتكم منين ومنين كيتسمع

اكرام:بردت فيها سمي ههههه

"باك"

سعيدة:جمعتي حوايجك كامليين؟؟

هدى:كلشيي..(ناضت)نصوني لتريتور لي غيجيب الماكلة

اكرام:تكلف علي

هدى:مسكيين نسيبي ههههه

مشات لبيتها كتجمع ماتبقى ليها وكتحط لي غتلبس فالعقد مع فولارها والاكسسوارات..ماكات ليها ختها كيف العادة وقرب موعد قدووم العدول لي غيجيبهم عبدو رفقة باه

مشات للطواليط باغيا تبول وهي تلقا نقيطات حمرين فسليبها ..خرجات عينيها بصدمة وقالت:نهار بغيتك اوجهي قمشوك ليا المشاش

خرجات هزات حوايجها وباش غتبدل..دارت تنظيف خفيف حيت ديجا نقية مع فوطة صحية عاد مشات عند ختها خبراتها

اكرام:ههههههههههههعع صكعة نتي والله

هدى:(بتذمر)شفتي على صكوعية فففففف

اكرام:زيدي نعاود ليك شعرك

غيثة:مبقاش بزاف ويجيو..لبسي دغيا

عاودات ليها شعرها دغيا خلاتو سمابل والقصيصة نازلة على عوينات اللبن لي عندها..لبسات قفطان عرسها لي شراتو طالع بلاصة ماتشري تكشيطة خدات قفطان هماوي باكسسواراتو وجلسات كتدير اللمسات الاخيرة والاصوات كتسمع ديال رجال كثار برا..طلعات معاها الصهدة والحشمة بالاضافة للوجع لي كيقرصها

هدى:عتقيني بكينة راه فالثلاجة

اكرام:عنداك تخرج ليك؟؟

هدى:لا دايرا احتياط..ندوز غي العقد مبغيتش نحس بالوجع

اكرام:صكعة نتي

عطاتها ليها شرباتها وبقات مكونة كتسنى واكرام وغزلان مطلعينها عليها..حتى هوما لا يقلون اناقة عليها..التكاشط والشعورات والماكياج كيفهم كيف الجميع

تدق باب بيتها تتسمع صوت وهيبة:هدى

حلات اكرام بابتسامة وقالت:اازوينة

وهيية:(ضاربة ملحفة والسالف مطلوق واصل الخصر واليدين محنيين)ما كاينش لي زوين بحال مرات خوياا هههه صيفتني بابا نعيط ليك باش تحضري للعقد

هدى:كثار؟؟

وهيبة:العائلة(بابتسامة)جيتي غزاالة ماشاء الله

هدى:(بتساؤل)جا عبدو؟؟

وهيبة:وشنو؟هههههههه

جمعات شعرها ولاحت فولارها عليها باين غي شويا من شعرها وهي تنطق وهيبة:حيديه مكاين حد غا حنا

هدى:لالا مكنعريش شعري ..غيكونو العدول

وهيبة:ياله الحبيبة..

شدات فيها زخرجوها بالصلاة والسلام على النبي والزغاريد محاوطاها..طايح عليها السر والعفة والحشمة ..وكان فانتظارها مجمر غمتها كيف كتسميه ضارب حطة صحراوية كيف العادة رفقة رجال ونساء عائلتو الا مو لي محضراتش بتاتا..جالس متوتر كيستنا يشوفها ولبااس..حتى بانت ليه فتكشييطة مغربية فاللون الازرق ملكي منبثة مع فولار فوف راسها وماكياج ناعم والابتسامة مزينة ثغرها خلاتو بلا هواه يتبسم كي الهبيل كيفو كيف جميع الحاضرين لي عيونهم ثبثو على العروس..مشات نيشان حدا بااها حشمانة وحانيا راسها مشافتش فيه نهائيا..مد ليها العدول الكتاب وهي تشد الستيلو برعدة تحت نظراتو هو لي كيتسنا امتا يحكمها خلاص..مفلت حتى تفصيل من تفاصيلها..من صبيعاتها لحنتها لتكشيطتها لبعض خصلات شعرها لي باينين..بشويا عليها حتى وضعات توقيعها فالكتاب وبيه تمضى وتكتب بلي هدى ولات مرات عبدو

سنات وهي تنهد براحة كيفما هو كذلك رتاح ووساعت بتسامتو..طلقو الزغاريد وللصلاة على النبي ..وناض ااعدول بارك ليهم..وكذلك الحاج عنق ولدو ومشا هي عنقها فحضنو كيرضي عليها..تلقاو المباركات من الكل ..هزات فيه عينيها وتبسمات بخجل بحالا ماشي هي لي كضل تغاوت معاه وتخرج فيه عينيها..كتبان ليه قطة .مشات ناحيتو بعدما شير لها..ومحسات به غي هو معنقها قدام امة محمد وحتى هي دوزات يديها على ظهرو وعنقاتو بعفوية مزيرة عليييه...همس فوذنها:الحمد لله

الحلال

أروع حاجة هي الانسان يمشي فطريق الحلال فأي حاجة فحياتو سوا زواج سوا عمل او دراسة يكون متبع شرع الله وشرع الرسول صلى الله عليه وسلم..كتكون مرتاح نفسيا ومصفي بينك وبين الله

هذا كان احساس عبدو لي دوز فترة طويلة من حياتو فالمحرمات..فاش جا يتزوج ودا هدى وسط الناس وكلشي عارف مخايف يحصل مخايف يغضب عليه الله حس براسو مرتاح بزااف..

مطلقش منها بتاتا بقا معنقها مدة وحتى هي حتى دمعو عيونها من الفرح..كدوز يدها على ظهرو بحب فخورة به وبراسها لي صانتو وحتافظات به حتى عطاتو للشخص لي حبات ولي كسر حواجز بناتهم هي لقلبها

بعد شويا وباس رااسها قبلة حنينة وقال:عذبتيني الميكروبة

هدى:(ضحكات بشويا)نستاهل ههه

عبدو:مبرووك عليينا(شبك يديهم)

توالاو عليهم المباركات بجوح وجابو الصواني ديال الحليب والتمر مرافقين بالخواتم لي شرا عبدو..جلسها حداه والناس واقفين عليهم كيزغرتو ويعاودو ويصليو على النبي واكيد التصوير

وكلها تمرة وهي كذلك وشربو الحليب عاد لبسو الخواتم..شد يدها باسها امام الملأ خلى باها كيميق من قلة الادب على قولتو وحتى النساء لوخرين جاتهم حشومة فحين هي فرحات وعجبها الحال

هدى:(بهمس)خاتمك زوين

عبدو:(حيدو وراها من لداخل منقوش فيه اسمها)درت فيه سميتك

هدى:(عبنيها لبسو القلوبة)واااو هههههه واعر صدقتي مزعوط فيا

عبدو:عرفت راسي كنموووت عليك غا دابا هههههه

هدى:(حابسة الضحكة)الله يحجبني ههههه (بتساؤل)فين ماماك؟؟

تلغات بتسامتو ببطء..مص شفايفو وقال ببرود:حنا صحراوا مكتجيش ام العريس كتبقا فالدار باش تستقبل عروستها

هدى:(ثيقات)ااااه..معلييش

سكتو وراها هو كبهضر مع لي حداه وهي كذلك مع البنات لي حداها من بينهم غزلان وغيثة واتاي والحلاوي كيتسرباو للناس فحين هوما راه مشابكيين اليدين

تحط الاكل للناس وكلشي تكرم وتضيف على خسب التقاليد والعادات واصلا كانو الناس قلال..ستأذنات هدى حيت بدات كتحس بوجيعات فكرشها ومشات لبيتها سدات عليها وتبعاتها ختها كتعاونها تزول القفطان والفولار والصفورية بدات كتبان فيها

هدى:صيفتي احمد يجيب ليا شي قويلبات

اكرام:اري سميتهم

عطاتها اسمهم ولبسات عليها مخور من المخاوير لي جابت ليها ختها فاللون الوردي مع صندالة خفيفة فالابيض وطلقات شعرها حتى سمعات الدقان حسابها اكرام حتى كتلقا وهيبة بابتسامة عريضة:حبيبة

هدى:دخلي الزين

دخلات وهيبة وقالت وهي كتنشر خيرها على الناموسية:خصني نلبسك لباسنا الصخراوي ..غيخصك الى غدخلي للدار عندنا تكوني ملحفة هههه عاداات

هدى:على الراس والعين احبيبة نتسنا غي اختي تجيب ليا كينة

وهيبة:علاش مالك؟؟عينوك؟

هدى:(ضخكات واخا مافيها لي يضحك)هههه مزال مكملت حتى نهار(ضخكات)جاتني لي غيكل

طلقات لوخرا ضحكة عالية من قلبها وضربات فكتف هدى حتى زعزعاتها وقالت:ههههههههههههه حلفي هههههههههههه صكع خويا صكع

هدى:(عجباتها ضحكتها)انا لي صكعة هههههههه

وهيبة:ضحكتيني هههههههه مسكين غيصوم

هدى:غنصومو كاملييين هههههه

وهيبة:غنشوفو غنموت عليه بالضحك..

هدى:نقلتهاش ليه خليه حتى يكتاشفها ونكسو ههههههههه اليوما يبيتني حداك

وهيبة:مافيها شك..تعرفي فزواجي الثاني جاتني اليوم الثاني تفقصت نيييت

هدى:الصكوعية

دخلات اكرام هازا فيدها القويلب وقالت:هاكي

وهيبة:ديري قويلب ورتاحي انا نمشي نجيب الملاحف وذهبك باش نجهزك الحبيبة

هدى:واخا احبيبتي

خرجات كضحك ودارت هدى قويلب بدلات من جديد وتكات شويا جهد نص ساعة حتى رخاها القوليب حيت كيدوخ عاد نوضوها حيت كبسولو عليها..

ناضت قادات ماكياجها ودخلات عندها وهيبة بملحفة صحراوية وراتها كيفاش تلبسها واخا جاتها عريضة وشاط فيها الخير..ركبات ليها اكسسواراتهم على جبهتها وقالت:جيتي صحراوية حرة ههههه بقا هاد الزيف الابيض غنلفووك فيه وغيجي خويا يخرجك

هدى:مكفنيني؟

وهيبة:ههههههه حمدي الله مدرناهش فالصحرا اما كنتي غتشوفي الويل..انا عرسي لول درتو تماك شعري كولو خسر ليا بالعشوب لي دارو ليها صدقت معاودة البروتين

لبساتها مزيان ونادات لعبد الدائم لي جاي حتى هو كيتبورد عليها بالبسة الصحراوية وكيضرب بكتافو باغي يخرج عرووستو..دخل عليهم بلا دقان وتبسم ملي شافها بالملحفة وقال:هي لي لابساك الميكروبة ههههه أش وصلك لهادشي

هدى:جاتني فنة ههههه

عبدو:(مد تيليفونو لختو)شدي ضربي ليا تصويرة معاها

قرب منها شدها بحنب وتبسمو بجوح وصوراتهم كتفرنس كثر منهم وقالت:وجهها ميبااانش

عبدو:غي سيري ..خويو الطريق

هدى:وحوايجي؟

وهيبة:حطي كلشي غيهبط

مشات وهيبة وهو يسد الباب وقال بمكر:حصلتي الالة هدى

هدى:(ضحكات)هههههههه ماكياحي تعذبت عليه الله يخليك

كيقرب ليها وهي كترجع لور والجلايل كيعطروها شاداها الضحكة:اري بوسة لدلمك ..شحال وانا نطلبك عليها

هدى:ههههه فداركم ماشي فدارنا حتى يتسد علينا باب واحد

عبدو:غنريبها على مك ههههه

قربات عندو ودورات يديها على كرشو حاطا راسها على صدرو في حركة غير متوقعة منها..زيرات عليه وقالت:فرحت بزااف اليوم

عبدو:(زير عليها)انا كثر...الحمد لله ممشيت حتى خدييتك ودرتك مراتي ديالي تحت سميتي ندير فمك مابغيت ههه

هدى:(بحنان كتلصق فصدرو)دير لي بغيتي ههعع

ياله نوا يبعدها عليه باش يدوز عليها دخلات غيثة قايلة:كيتسناوكم

هبط ليها الثوب الابيض على وجهعا ومدات ليه تيليفونها وخرجها مدرعها بيديه تحت الزغاريد والصلاة على النبي..مذرعها مخبيها بحالا غيحيدوها ليه...

لبسو اهلها لي غيمشيو معاها لي هوما خوتها وغيثة وابوها وعماتها وخوالها..وغادين جارين اغراضها وكيصليو على النبي متبعيينهم..

طلعات فالطوموبيل الفاخرة لور وطلع حداها كان باه وعمو لي سايق والضخكة مالية وجه باه كتسمع غي صوت ضحكتو..ضربات الطم كتسمع اصوات الطوموبيلات كيزمروو وكتضحك فخاطرها حانية راسها والغطاء خانقها وصابرة

وصلو لبيت عبد الدائم فين كانو صحراوة كيتسناو بلباسهم اكيد وجوهم الجميل..فيه نساء هازين قدور كبيرة ديال النحاس فيهم حليب الجمل كيتسناو فالعروس واكيد خيرة ماشي وسطهم..هبطات هدى مع عبدو مزير عليها عاود وكيتبسم فوجه معارفهم وعائلاتهم...قدمو ليهم الحليب شرب منو وهي رفض حيت غيخصها تعري وجهها..دخلوهم بالزغاريد والصلاة على النبي وسط صالة كبيييرة بزااف تقليدية ومفرشة باخر ماجاد فالصالونات..قدات حباب العروسة كاملييين بالرجال فيهم

اما النساء راه توضعو فصالة اخرى كبيرة هي لوخرا خلاو عائلة هدى غي كتشوف وتنهد..عماتها عجباتهم الدار الصليح وعيالات خوالها تعحبوو من زهرها كلها واش كيدير..دخلات هدى مع عبدو لصالة النساء وجلسها معاهم وخرج حيت خصها تبقا معاهم

كلشي بالملاحف والقفاطن واتاي الصحراوي كيتسربا ويتعمر ..القريب والبعيد والكبير و الصغير حضر لهاد اللامة مخلا الحاج لمن عيط..مكبر بابنو اما خيرة حسها مقطوع

تفرق اتاي والحلاوي وصوت الفرح والاهازيج فالدار..باعدي عينيه خرجو وهو كيشوف النسووبية معامن تناسب. حاط حداه علي لي لايقل عنهم غناءا ملبسينو اللباس ديال بلادو حتى هو وهاز فحجرو رانيا فرحان لهدى حيت من ديما عزيزة عليه

باعدي:(للمكي)تا شوف النسااب..حسابك غا بوحدك لي والد بنت وعاطيها لولد القايد

المكي:(باعجاب)وتا هادو ناس كبابرة وتا غا الصالون راه تبني فيه دار

باعدي:الي مولدش بنات يجي يتوحم على بناتي(تبسم لعلي)مرحبا اولدي

علي:تسلم يا حاج

هدى راه كي الميت قدام غسالو مجلسينها ومعارفاش فين غي كتسمع الاصوات والناس حداها كيجيو يسلمو عليها ومشافتش حتى وجهم..تخنقااات حتى جات وهيبة قايلة:غيديرو عادة عندنا..خص خويا يدخل يلبسك ذهبك كولو

غيثة:هههه هادشي زوييين

وهيبة:اييييه

دخل عبدو مهيب بلبسة اخرى نفس الستيل لكن بلون اخر..توجه نيشان لعروستو وخواو ليه الطريق وتبعوه رجال اخرين من قبيلتو ..دارو بهم النسا والرجال والكاميرات عليهم كيصورو

عرا ليها وجهها وشرأبت الاعناق ملهوفين يشووفو العروسة لي بمجرد ماتعرا على وجهها بانو عيونها البنية سلبو الحضور ومنهم عبدو لي تبسم ليها وشد يديها شبكها مع يديه كتبسمو للكاميرات لي غيصورو..جالس غابزز عارف تقاليد وصافي

جابو كاع الهدايا من الذهب لي جابو ليها هوما حطوهم قدامو وبدا كيلبسها واحد بواحد..هادي سرتلة هادي مضمة تحطات فحجرها ..هادو خواتم كيلبسهم ليها ويعاود يحيدهم باش تلبس لوخرين..غرقها ذهب ولى الاصفر كيبان كثر منها..وهوما صحراوة عندهم لي تهلا بالذهب اكثر كيتسما كريم وغني وكيتهلا داكشي باش كيخصهم يتباهاوا

باعدي:وتا هذاك كولو ذهب بنتي؟؟

احمد:(نغزو)ديالها ودوي بشويا الواليد

باعدي:هادشي زييين غا لي يولد شي عشرة تالبنات اما نتا مافيك فايدة معطاو فيك تا ربعين

احمد:هههههههههه أ با انا راجل

وهنا جا الدور على الناس يحطو غراماتهم..ومن الحباب والصحاب بداو كيتقدمو وكيخطو الفلوس كتبان ليك الزرقة كتنطح لوخرا..تاواحد محط ورقة مكاين غي الماصوات..كيحط هذا وتجي لوخرا تحط ماكثر ..جا اب العريس سرسب ليهم ماطوات كثار فرحان والكل شارك وحط خلاو عائلة هدى غيخرج عقلها

حجيبة:(زوجة الخال)اميمتي هادي غي غرامة

..:ياختي الزهر ولمن عطاه الله..تي مالها اش فيها من زين هاد هدى..مزال اكرام ايييه زوينة ولبيبة تي هاد هدى علاش داتو!

حجيبة:سكتي يسمعك شي حد..رزقها هذاااك..تي هادو مزال كيحطو فالفلوس حشمت انا لي جايبا ليها كادو بخمسالاف ريال

سعيدة:(سمعاتهم)توما هادشي راه بزااف واقلة غا كيحطوه من بعد كيهزووه

حجيية:نوضي اختي الله يجيبك على خير..صحراوة هادو

سعيدة:(لمطات فمها)سعد المعيفينات

العرس هو هذا فيه لي كيجي يشاركك فرحتك من نيتو ويفرح معاك وفيه لي كيجي يبركك ويدي خبارك ويعيب عليك وفيه واحد النوع بكل وقاحة كيقول:علاش جاتها؟؟اش فيها من زين؟؟

هدى غي كتشوف فالفلوس كيتلاحو عليها وثقلوها ولات غي مبسمة فحين عبدو كيدير الصواب وكيتبسم نص ابتسامة..كملو ديك الغرامة وجمعو الفلوس كاملييين قيمة بارطما ...شاف فيها عبدو لقاها ماشي هي هاديك وقال:مالك

هدى:فيا الوجع

عبدو:(قطب حجبانو)ديالاش؟؟

هدى:لغيكل

بقا مقطب حجبانو كيستوعبها اش قالت وهو يقول:انا نصيفت ليك وهيبة تطلعك ترتاحي

هدى:محشوماش؟؟

عبدو:لا صافي درنا كلشي

حركات ليها راسها بالايجاب ومشا كيقلب على ختو وقال:دي هدى ترتاح

وهيبة:فيها الوجع؟؟

عبدو:(خزر)باش عرفتيها؟؟

وهيبة:قبيلة تشكات ليا..دارت الدوا ووالو

عبدو:تما قوليها ليا متجلسش دابا نخليو هادشي حتال ليل

وهيبة:هي لي مبغاتش

عبدو:سيري ديها للبيت ترتاح شويا

وهيبة:والناس؟؟

عبدو:تموت هي باش الناس يجيو يشوفو ليا فيها

زاد وخلاها لمطات فمها ومشات علمات عمتها لي تاهيا قررات تعاونها..مشاو نوضوها من وسط الناس مبسمين باش ميعيقوش..داوها من طبقة لطبقة اخرى لفوق لي كانت خاوية وفيها سقيل..هي طبقة ديال عبدو وعبد الله حتى حد.مكيدخل ليها من غير عبدو وخيرة

حلات الباب وقالت:انجيب ليك حوايجك بدلي ورتاحي ..وجهك صفر

هدى:غنموت اختي بالوجع صبرت غي بزز

مرجانة:مغفرة للذنوب

مع دخلو غيقصدو بيت عبدو خرجات خيرة بوجه باكي من بيت عبد الله..لابسة عادي ..هزات فيهم الراس وركزات فهدى لي الاخرى حتى هي ركزات فيها الشوفة..

مرجانة:حممم وهيبة دي مرات خوك ترتاح

خيرة:(ببرود.عكس وجهها لي حمر بالبكا)مرحبااا بيك

هدى:(بتساؤل)نتي مامات عبدو؟؟

قربات منها خيرة ببرود ومكتبانش نهائيا واش عرس ولدها ..رمقاتها بعيون جافة وقالت:لا

هدى:عاقلة عليك!!!شفتك شحال هذاا

خيرة:نهار شفتك كان سالخك..ضاربك ومافيك عظم صحيح..وجهك خسرو ليك واليوم شفتك عروسة عندوو؟؟كي.طرا واش جرا؟؟

سكتات هدى كتحاول تستوعب الهضرة لي سمعات ولي متوقعاتهاش منها نهائيا وفهمات انه مو ضد زواجهم..جمعات شجاعتها:عاقلة مزياان اخالتي..

خيرة:شوفي نتي واش عاقلة؟؟عطاتك خاطرك تزوجي بواحد سلخك

هدى:(كمشات عينيها فيها)داك الواحد راه ولدك..

وهيبة:(تحرجات)ماما ياله

خيرة:هاني غنمشي ونتي ابنت الناس مرحباا بييك كلشي ديالك..وليتي مرات الكبير هنا..

هدى:شكراا(بملامح متعبة/)

دازت فيها هدى مصدومة لكن ابدا واش بينات وتبعاتها مرجانة وراتها بيت عبدو اما وهيبة جرات مها وقالت:اش كديري هنا؟؟اش دبك الهضرة سمعتيها ؟؟حشووومة عليك وهي عرووسة

خيرة:لي بغا يعرس يعرس..انا معندي فرح

هبطاتها مع دروح وهو يتم طالع عبدو لي تصادف معاها وحنى الراس وهي تتطق ببرود:مبرووك..جبتي ديك لي سلختي وتشكات بيك للبوليس

عبدو:هي لي بغييبت

خيرة:معندي مايتسالها..نسات اش درتي فيها معرفتو ذل معرفتو طمع

عبدو:(قطب حجبانو)الواليدة سيري ترتاحي

خيرة:غنمشي وقتما بغيت .ونتا غتصبح وغتهز المذلولة لي واخد وتخرج

عبدو:(خزر فيها)مراااتي عندها سمية..سميتها هدى وهي الى كانت حنات الراس وسمحات حيت عرفاتني كي داير..هي راه غي بنت الناس مجامعني بها دم موالو وسمحات ليا ..نتي راك ميي ومسمحتييش ليا...(زفر)الله يهديييك

داز فيها وطلع مخليها غتبخ الدم وهبطاتها وهيبة لبيتها كتنكر عليها ولوخرا ممسوقاش...اما هدى دخلات للبيت باقي مشوكية وخاطرها ضارها..خدات فكرة انه مو مبغاتهاش حيت هي مطلقة

مرجانة:متديش على خيرة الله..اليوم نهارك وفرحتك ماتخلي حتى واحد يخرب ليك فرحتك

هدى:(شافت فيها باسى)مبغاتنيش؟؟غي قولي ليا اخالتي

مرجانة:(بابتسامة كتخفي التوتر)خيرة الله عيانة شويا وحتى دماغها ماشي هو هذااك كيف كتقولو نتوما..بحال ميمتك متديش عليها

هدى:(تنهدات)باينا فيها مبغاتنيش ..واش مكانتش باغيانا نتزوجو؟؟

دخل عبدو على هاد الجملة وقال محمحم:لالة عمتي(باس يديها)قوليهم يطلعو ليها متاكل والدوا غيجيبو صاحبي عمر

مرجانة:الله يرضي عليك

مشات مرجانة خلاتهم غي بجوح مشا حتى سد وراها الباب وجمع النفس وطلقها عاد مشا عندها راسم بتسامة مصطنعة...شد يديها بجوح شبك كل وحدة مع يد وقال:فيك الوجع بزاف؟؟

حركات راسها بالايجاب راسمة ليه وجه ملائكي برئ وقال:ها حوايجك هنا..بدلي عليك ونعسيي ترتاحي

هدى:والناس؟؟

عبدو:يمشيو يعاودوها للقايد...أصلا انا مباغيش داك كثرة الذكورا يدخلو يشوفوك ونتي هاكا زوينة(شد ذقنها وباسها فراسها)حيدي عليك هادشي ورتاحي

حركات راسها بالايحاب مباغاش تناقش معاه فهاد الموضوع شافتو منزاعح بلا والو..جلسات فقنت السرير وقالت:مغتمشيش؟

عبدو:(هز عينو من تيليفونو)نشوفو السالف لي متلف أصل مي على القبلة وديك ساعة نمشي(ضحك)هههههههه داك الشعر لي كضلي تستري فيه علي

هدى:(ضحكها)ههه باغيا يطيخ علي السر

عبدو:مكذبتيش..الحلال معاك بحلاوتو..

هدى:عاوني نحيد هادشي هههه ونوريه ليك

قرب ليها مبسم وقال:مبقاش لا بعد.مني خليني ندير فولاري

هدى:(كضحك مسخسخة)ههههههه لا ده كان زمان

بدا كيحيد معاها لي محطوط فوق راسها حتى بان شعرها مصايب..ضربات بيه للقدام وقاداتو وتبسمات ليه هو لي كان فخبر كان..كيعرف هدى بالفولار هادي لي قدامو هدى اخرى غير لي كيعرف..مع الحلقة خفيفة فالنيف والوذن كثار...الشعر طوال على اخر مرة منسادل طويل قرب يوصل نص ظهرها فالاسود وناعم كتشم منو ريحة لذيذة ديال معطر الشعر..خلاتو بلا عقل وغي حال فمو

هدى:هههههه ها السالف

قرب منها كثر ولمسو بيديه بحالا كيقيس شي كنز ..الكلمات هربو ليه من وسط لسانو..فايت شايفها لكن غي ديك الشويفة ديال بزربة عارف غتغطيه عليه لكن دابا راه مغيحيدو ليه حد..محسات بيه غي هو شادو بيديه بجوج كيلمس فيه والاعجاب واضح فعينيه من جهتها...خشا يديه فيه كيلمس فيه ونطق:صعيب نخليك تخرجي هاكا هه(شدو باسو)اش هاد الزين؟؟اش هاد الانوثة كاملة

هدى:(ضحكات)غي شويا ههههه طوال على اخر مرة شفتيه

حرك راسو بالايجاب وقال:دوري

معطلاتوش لبات طلبو ودارت عطاتو بالظهر بملحفتها حتى كانت غتعثر وشدها دغيا من خصرها..دور عليها يديه عند كرشها ولاصقها مع كرشوو حتى ولى راسها عند صدرو ويديه عند.كرشها..خشا نيفو فيه فشعرها بشهوة كيشم فيه رائحة عطرة وتنهد قايل:غنموت ليك هنا

هدى:(كتضحك حشمانة)هههه بزاف عاود

دورها عندو كتشوف فيه بعوينات البن لي كيجيبوه حب وتبن كيحطو ليه كواريه للارض..يعيا يحارب كيجي تال عندها ويحط السيف..كيتحسس برشاقة جسمها بين يديه ووجهو مبقاش مفارق مغ وجهها بزااف..دوز يدو بشويا عليه على شعرها كيدير استمتاع بطئ ودوز خصلات منو ورا وذنيها حتى بانو الحلقات الكثار..لمسهم بحب وعينيه كيمارسو على عيونها بعض طقوس الخجل الساحرة..كتبان فعينيه بلي مشهييها...تبسمات بعذوبة وقالت:كيعجبوني

عبدو:كيجيو غي معاك

هدى:(حطات يديها على صدرو كأنها كتحاول تخلق مسافة امان لكن لقاتو لاصقها)دايرا وحدة فبوطي

عبدو:(وسع عينيه)بصح؟؟(رخف عليها)انشوف

هدى:(بضحيكة خفيفة مزال نصف جسمها شادو بيد وحدة)والله...كاع لحمي ثقبتوو

عبدو:بقات بلاصة وحدة

شدها بجوج يدين زير عليها وقربها ليه كثر كيخمم منين غيبداها وهي وهاد الزين لي ناشرة عليه..عض على شفايفو وعينيه مكيشوفوش من غير عينيها..حتى نطقات هي ووجها حمر:جبتي ليا شحال من حاجة انا مجبت ليك والو

عبدو:باقي بزااف ماتجيبي

هدى:(شدات فوجهو بيديها بحب ولطافة نطقات)لا باغيا نعطيك حتى انا

رمقها بنظرة دغيا راه باغي ندوز لحاجة خرا..كيشوف فيها متلعب بعينيها بتوتر..وفمها كيتجمع ويعاود يتحل غي بوحدو..مرخية بين يديه عارفاه شادها بحال شي مونيكة..سرطات الريق وثبثاث الشوفة ففمو وهي تزرب وطبعات قبلة خفيفة على فموو بشجاعة معرفاتهاش منين جابتها وبعدات مخليا عروق راسو يتنفخو وقالت بلذة:هادي البوسة لي ديما كطلبني عليها

طبعات قبلة خفيفة مثل نسمة الهواء على شفايفو ولاحت ليه هضرتها..حسات بيه تبنج ورخف عليها..متوقعش بتاتا تدير البادرة من عندها..حتى حس بشفايفها لي كيبات ويضل يحلم بهم قبلو شفايفو..حس بها باغا ترخف وتهرب من الحمرة لي عتلات وجنيتها..وبالفعل ترخفات منو كضحك باغياا تهرب سااعا جرها دغيا بزربة مخلاش ليها فين تهرب..وشدها من جديد فجزء من الثانية مزير عليها ..وبدون سابق انذاار كان طبق شفايفو مع شفايفها ..والحلم ولى عندو حقيقة..

سرات فجسدو التبووريشة من مذاق شفايفها لي ياما تخيل كيفاش دايرين وياما حلم غي يقرب منهم..اليوم عطاه ربي الحق باش يبوسهم حلالا طيبا...طبع قبلة خفيفة عليهن وزير على خصرها بجهد..فحين هي حطات يدها على وجهو بلطافة وانوثة طاغية كتحس بشفايفو بداو كيتحركو مع شفايفها وكيقبل فيهم بلهفة..يدو كل مرة كتزير على خصرها وشفتو محاربة مع شفتيها فقبلة جامحة من أولها ..بشويا عليها حتى حلات فمها ليه مغمضة عينيها مستسلمة لقبلة ساخنة خلات النمل يمشي فذاتها..كتحس بلسانو ختارق فمها وشفايفو داخلين فحرب ساخنة مع شفايفها..كيعض فلتحتانية ويطلع للفوقانية...شد وجهها بيديه متحكم فيها اكثر وهجم مع جديد على عذرية شفتيها بالعديد من القبل الدافئة والشهية لي ميمكنش مرا بحالها شحال ماتباست متحرك فيها والو

اما هي راه كذووق قبلة معمرها ذاقت بحالها..قبلة بمذاق مجمر الغمة ...كتحس بشفايفها كيتكاالو كل مكتسمع صوت القبلة او كتحس بيه كيزير على وجهها..كيجر شفة ويطلق شفة ويمصهم بجوج مكرهش يحيدهم ويديهم معاه...فلحظة رجعات القبلة من جامحة لقبلة حنينة..نقص فيها من سرعة التقبيل وبدا كيعطي لكل شفة حقها ويبوس كل وحدة على حدة مغمض عينيه ومنتاشي بسحرها ...تنهد ليها ففمها وتسمع صوتها كذلك كتنهد هي الاخرى دليل على أنه عاجبها الحال ومستمتعة..الشيء لي خلاه يشد يديها بجوح لي فوجهو ويرجعهم ليها اللور ويزير عليهم بيد وحدة اما لوخرا راه حطها على خصرها وخشاها فيه كثر حتى ولات كتعرق وتنشف بدون مايفرقو تبادل القبلات..

عضها مرارا وتكرارا كل مرة يجبد شفة كيكون عضها فوحدة فيهم ومورك عليها من خصرها..برزطها حيت مزير ليها على يديها وحاولات ما أمكن تسايرو فقبلاتو لكن كان مجهد..عندو السوفل لي معندهاش..تقطع فيها النفس وبدات كتوعى وكتحاول تفصل القبلة الحميمية لي عايشيين ومحدها كتبعد وهو كيزير كثر على يديها وكيجرها جيهتو كيلتاهم فشفايفها بحالا معمرو باااس...حس بها عياات وهو يبجغ فمها ببووسة تسمعات نييييت وبعد بشويا جار معاه رييقها ومنيم عينيه دليل على انه وصل لطريق بعيدة...طلق من يديها وزير عليها من خصرها خاشيه فيه هي لي ولات حمرة وسخونة كي الجمرة تقيسيها...ونطق بعيون منيمة وبشهوة:شهاد العسل عندك هنا(دوز صبعو على شفايفها وورك عليهم)غنموووت ليك هنا

ضحكات ليه بخجل وتخشات فيه دايرا راسها فعنقو كوسيلة للهروب من نظراتو السافلة وقالت:كليتيني

عبدو:غنزيد ناكلك

هدى:فيا ليغيكل

عبدو:ومن بعد ههه(خرج وجهها من عنقو)اري شي بوسة خراا

ضحكات وبدات كتدفعو عليها بدلع ساعا شدها من جديد وحتى على شفايفها بقبلة اخرى حبس فيها النفس عاد بعد قايل:خليتيني بلا عقل...انا نقاد ليك الدوش دوشي ورتاحي ليك شويا

هدى:واخا

طلق منها ومشا للدوش مخليها مزنكة والفراشات كيلعبو فكرشها من القبلة والاحاسيس لي عاشت معاه فهاد الدقائق..هزات شانطة ديالها جبدات اغراضها..حيدات ماتبقى من الملحفة ولاخت عليها دغيا اول شيء بان قدامها وهو قفطان خفيف بغات غي تستر بيه..جمعات شعرها بمقبط حتى بان عنقها بيض والوذينات مزيينيين ومشات تتقلب على الحمام حفيانة حتى لقاتو هو كيقادو..تبسمات وطلعاتو وهبطاتو بحب وقالت:واجد

طلعها وهبطها بحب ممولفهاش يشوفها بلا فولار..كتيان ليه كيوت وأصغر من عمرها..نطق بلا شعور:فرقيني عليك غنعصا فيك ربي

يتبع...