أقوى مما أدرك الجزء 17

هدى:(هازا حوايجها فيديها)مالك ضاسر ههه

وقف وتوجه ناحيتها..عينيه فاضحينو بلي كيصور فمخيلتو بزاف تالمواقف سافلة معاها..كتحس به كيعريها بعينيه..شدها من يديها ودخلها للدوش قايل:ندوش ليك؟؟

هدى:ها لالا غي خليني غندوش راسي

عبدو:(لمس حنوكها لي حمارو)مكنتش عارفك كتحشمي

ضحكات بشويا وقالت منحية القصيصة من حدا عويناتها :وصافي براكة

حيد ليها تدوز وعينيه متبعينها مباغيش يحيدهم عليها وقال:انا لتحت

هدى:(تلفتات ليه)غتخليني بوحدي

عبدو:عشرة دقايق ونجي

خرج وخلاها غتموت بالصهدة من جهتو..سدات الباب وحطات أغراضها..مشات شافت فالمراية كتقرا الفرحة فعويناتها..قاست خدودها وقالت:الله على راحة

حيدات عليها ملابسها ودخلات تحت الرشاشة كدوش بلا متقيس شعرها وكل مرة كتقيس بلاصة..هاهي كتقيس رجليها واش حرشين ..ولا ترمتها ياكما عندها الحبيبات ولا بيطانها مهم موسوسة حيت اول ليلة قرب مجمر الغمة..غسلات مزيان وتوضات دارت فوطة صحية وخرجات لاوية فوطة كتنشف راسها وتعاود..رطبات بمرطب بنكهة الفاني ولبسات عليها بعدما دارت ديدوغون..

مشات للمراية عاد هزات ديماكيون كتحيد كلشي من وحهها وغسلاتو مزيان بغسول للوجه بحيت رجع وجهها نظيف ومافيه نقطة ديال الماكياج من غير اثار الكحل فعينيها لي عطاها منظر مغري..عارفا راسها غتخرج تلقاه مدخلة معاها كلشي..دارت ملمع شفاه من فلوغماغ فالغوز عطا لشفتيها فوليم ..لبسات عليها بيجامة حريرية فالخزي وفيها الدونتيل مع لليدين والرجلين..طلقات شعرها وخرجات بعدما نقات البلاصة..

تمشات حفيانة كتسمع الصقيل فالطبقة وبعض الاصوات قريبة لتحت ديال الناس..دخلات للبيت وسبقاتها ريحة الفاني ..هز فيها راسو هو لي كان جالس بدجين والفوق عريان وحداه اللبسة الصحراوية باينا عاد.محيدها..طلعها وهبطها وقال باعجاب:بالصحة

هدى:الله يعطيك صحة..

عبدو:متمشيش حفيان فيك الوجع

وقف وتمشا جيهتها بشويا كيعبر داك الخزي كي جاها..شدها من ذقنها بشويا رافعو باش يشوف مزيان فعويناتها:كون عرفت هادشي لي مخبية علي كون تزوجت بيك شحال هذا

هدى:ههههه غا حيت ممولفش تشوفني بالفولار

عبدو:نخاف نخليك تخرجي هاكا ..هو بلا هاكا وكنخاف عساك تخرجي هاكا

هدى:مناش تخاف؟

يدو الثانية هبطات كتشد يدها وكطلعها حتال عندو باسها بحب وقال لاغي المسافة بيناتهم:نتي معارفاش اش كنشوف انا دابا؟؟

هدى:(عينيها تبسمو)اش كتشوف؟؟

عبدو:كنشوف وحدة غيديوها ليا دغياا (ضحك على راسو)ماشي الحماق هذاا

هدى:هذا راه فوق الحماق ههههه ديما كتبان فعينيك يلي كنعجبك بزااف

من ذقنها نتاقلات يديه كتلعب فحنوكها وعينيه مراصيينش كيتزلل بيهم عليها:حيت كتعجبيني..هههه

قرب بشويا وطبع قبلة خفيفة على فمها:غتعشااي وتشربي دواك واجي عندي

هدى:(منتاشية بقبلتو)تعشى معايا؟؟

عبدو:(زادها قبلة اخرى)انا تعشييت

هدى:واغي ونسني

عبدو:راه غنح***** الى بقيت حداك هاكا

ضرباتو لصدرو كضحك وقالت:هههههههه معندكش علاش تحشم ههههههه

عبدو:واش اعباد الله انا صكع؟؟اشمن ذنب درت فحياتي حتى مراتي تجيها لغيكل نهار انا عوال نعصر عليها

هدى:(ضحكات)هههههههههههههه درتي شي ذنب ههههه

جرها لصالة اخرى فنفس الطبقة فين كان العشا محطوط وقال:اجي تاكلي

جلسات وجلس حداها..دارت رجل تحت فخضها وجلسات قسمات الخبز مع ذاقت تبننات وقالت:ممممم ناري على لحيمة

عبدو:(مراقبها)لحم الجمل

هدى:بصح؟؟هههه بنينة واش ذب حتو جمل

عبدو:اه..(كيقطع ليها اللحم حيت سخونة)زيدي ملي عجباتك

هدى:(كتاكل)بنينة...واش ماشي حشوومة مشيت بلا نعلم حتى حد

عبدو:(بعد ليها الشعر على وجهها)غيحسابهم غي ديتك باغي نح***** وانا مسكين راني غنعدي بالبوسان

هدى:(وحلات ليها)كح كح كح الله يمسخك ههههههه سكت راه حشوومة ..واش كتلوح الهضرة بلا فرانات

عبدو:عمري حشمت معاك؟؟هههههه نساي علي الحشمة

هدى:انا كنحشششم(شافت فيه بطنز)ومافياش تخراج العينين

عبدو:هههههههخ شكون كيخرج فيا عينيه..وكنرجع نهضر معاها

هدى:(بتأكيد)كتبغيني أمجمر الغمة ههههه

عبدو:ونتي كتبغيني؟

هدى:(كتاكل فلحيمة مكتشوفش فيه وبدون ماتحس نطقاتها)كنموت عليك

ضحك حتى قفزها وشدها عصر عليها وهي يدها فيها ليدام كتبعدهم والدغمة ففمها والضحكة واحلة ليها:ههههههههههه دلمك كتكري رااسك

هدى:هههههه جيفتيني هههههههه غنموتت

عبدو:(كيبوس فحنكها وهابط مع عنقها)غنتكي مك بلغيكل وفينما بغات توصل توصل

هدى:ههههههه عدو الله ههههههههه

عبدو:غا مابغيش نحكر عليك(عضها فوذنها)اما راه عطا الله منين ندوز ليك

مصات صباعها بعفوية من ليدام قريبة ليه وكتفرنس معاه مخصها تا خير وقالت:مثال؟؟

عبدو:خليني محتارمك هههههههههه(رخف عليها)كولي كولي

هدى:هادشي بنين مممممم يعطي الصحة اليدين لي طيبوه

ضحك وخلاها تكمل ماكلتها وجلس كيحفض فتفاصيلها بلا فولار..جاتو مبدلة نهائيا وعقلو كيقوليه مخصش تا حد يشوفها هاكا

كملات وقالت:شبعت ههه غنمشي نحك سناني

عبدو:برهوشة

ناضت هي وياه غسلات سنانها وهو غيدخل يدوش..كملات وقالت:انا فالفراش

عبدو:هاني جاي لدلمك هههههه

مشات خلاتو كيدوش..لقات الدوا حدا راسها شرباتو وتخشات فالفراش مريح بريحة العود الزكية..بقات كضور فعينيها فالبيت وكتفكر هضرة خيرة ليها وكتحلل وتفك غي راسها حتى دخل لابس بينوار أسود وكينشف راسو بفوطة..تلبكات وقالت:بصحتك

عبدو:يعطيك الصحة..

جبد حوايجو وبدا كينشف باغي يلبس قدامها وهي تهز تيليفونها خشات فيه راسها وعطاتو بالظهر حتى سالا وهو يتم غادي ليها ..محسات به حتى حيد ليها التيلي وتخشا حداها داير ليها الاستعمار..جرها كي الخنشة خشاها فيه معنقها وقال:اش كديري الميكروبة

هدى:(كتحس براسها مزيرها فاحضانو)باغيا نحط شي تصويرة

عبدو:(هز حاجبو)علاش؟؟

هدى:كوني هاني مغنبينش وجهي..(وجهها فاص لوجهو)

عبدو:وعلاش تحطيها؟؟)كيدوز يدو على شعرها بحب)

هدى:باغيا نقول للناس بلي تزوجت هههه وديت مجمر غمتي

عبدو:انا لي نختار اش تحطي

هدى:(هزات حاجبها)كونطي ماشي ديالك

عبدو:(جرها كثر حداه وزير عليها..مد ليها التيلي)حلي نشوف

دارت بصمة صبعها حلاتو لقاها فالانستغرام نيت ..دخل للتصاور وقال:ميبانوش عينيك ووجهك

هدى:ترمتي هي لي بقات ههههه

قرصها من جنبها حتى ضرها وقالت:احححح عبدو قسحتيني

عبدو:عيااانة هادي غي قرصة..وا حفرنا معاك بكري

هدى:(بتذمر)والله حتى ضراتني..حشومة عليك وانا فيا الوجع

عبدو:ههه كتهضري بصح؟؟والله مقصدتها(عنقها عندو)غي المعزة هاديك..انا مكرهتش دابا نوض نعضك كولك

هدى:ههههه الجهل

عبدو:هو لي فيا دابا عليك(ضحك)تلقاي لتحت كيقولو الصحراوي الفحل دخل يبرد سخونيتو وانا مسكين معنقك وصابر

حطات يديها على وجهو وقالت:داكشي ديال الله..حتى دابا مزيان..جالسين معنقني وكنهضرو

عبدو:نتي عندك مزيان اما انا راه ز***** غيتفركع عليك

هز يدها وحطها فحجرو بسرعة مستوعباتهاش خلاتها تحل فمها وتخرج عينيها مصدومة من جرأتو..جرات يديها بزز نحت ضحكتو المسموعة على ملامح وجهها..

هدى:ويلي ويلي ويلي(كتفك منو)طلق منييي ويليييي ناري شحال ممربيييش

عبدو:(كيشد ليها فيديها حيت باغيا تنوض)ههههههههه ريحي عههههههه غا قلت نشرح ليك

هدى:نتااا باااسل..فففف وا طلق شعري كولو تنتف

عبدو:(باس يديها بجوج ورجعها لحضنو)زوييينة واخة مشعككة(خشا يديه فشعرها كيلعب بيه)مصايباه؟؟

هدى:اه..ولكن اصلا رطب شعريي وزويييين

عبدو:هههه شكار رااسووو

هدى:واش نكذب هههه شعري زوييين

عبدو:كلك زويينة ماشي غي شعرك..عطاك ربي واحد الزين فعينيك كنشوف فيهم تقولي ليا موت نموت

هدى:(بضحكة)هههنهههههه صدقتي عناب هااا

عبدو:انا تنقول اش كاين ونتي مرجعاني طياب هههههه ضسرتي ابنيتي

هدى:خليني ضاااسرة ههههههه امتا غيخرجو وراقيا؟

عبدو:مزال شويا..دفعت ليك فيزا توغيست باش تمشي معايا

هدى:وفين غنبقاو هاد المدة؟؟

عبدو:غنسافر انا والميكروبة ديالي ..نمشيو لمراكش؟؟

هدى؛(تلغات بتسامتها)لااا..مكتعجبنيش

عبدو:(قطب حجبانو)كاين شي حد مكتعجبوش مراكش

هدى:(سكتات شويا)انا

سكت شويا كيفكر وقال:كنتي مزوجة فيها؟؟

هدى:ممممم

سكت مطمر وعاود نطق: طنجة زوينة

هدى:اه مزيانة كاع

عبدو:غي بيدما تخرج ليك الفيزا ونمشيو نضورو اوروبا كاملة

هدى:(تبسمات بحماس)صافي واخا هههه نمشييو انا كتعحبني سويسرا

عبدو:مشيت ليها الى بغيتي نديك

هدى:اه اه هههه نمشيييو...نسولك؟؟

مجاوبهاش جر شفايفها بعدا خداهم فقبلة من جديد خلاها تغمض عينيها وتكمش فيه..حتى لاح عليها رجلو مكاليها ويديه دار على ظهرها..كيبوس فيها وتجار معاه حتى هي بحب وحميمية اكثر من لي قبل خاصة انه مستلقييين على السرير يعني متاحة ليهم الفرصة...

مارس على شفتيها جميع انواع العذاب..كتحس بيه كيبغي يلتاهمهم..مقدرش يصبر ونقسو ضياقت..كتحك عليه وجسدها سخون شعلو..رجعات لتحت ووهو لفوق مدرقها مكيبان فيها والو كيبانو غي عضلاتو لي مرسومين باحترافية..شد يديها كل وحدة مع يد ولاح عليها نصف ثقلو..شاد شفايفها مباغيش يطلقهم كيتسمع غي صوتهم

مر شفتو على حنوكها وتم نازل مع عنقها كيبوس فيه ويمص بحر جهدو حتى كتغوت بشويا ويعاود يدوز لبلاصة خراا...باختصار طيب ليها فمها وعنقها..بشويا عليه حتى فتح أزرار بيجامتها وبان صدرها محموع بالحمالات فالابيض خلاتو بلا هواه هبط راسو وعضهم بقوة حتى غوتات وختمها ببوسة لكل وحدة بلا ميعرييهم

هدى:(ضرها)عبدوووو(حطات يديها على شعرو من لور)

زفر بتذمر وحيد من فوقها رجع تكا حداها عرقاان وكيحس براسو زند..زفر بعصبية وقال:واخا نكون مسخووووط ميطراش فيا هادشي

ناض من حداها حاقد حيت شعلات فيه العافية وعاود.رجع للدوش مخليها كتبرق فعينيها فالاخير طلقات ضحكة خفيفة وسدات الشوميز ورجعات تكات كتسرح فشعرها كتسمع الما مطلوق فالدوش وكضحك..رجعات هزات تيليفوتها وحطات صورتها هي وياه فالعقد مباينش وجهها بزاف لكن هو بااين وكتبات عليها:واخيرا اطمئن قلبي🤍🤍🤍

خرج من الدوش حاقد دوز فيه وقت طويل ومشا كيلبس عليه حوايجو من جديد غي تما..سالا ومشا لعندها..لقاها غفات والتيلي فيديها..حيدو ليها وتخشا حداها..ضمها ليه فحضنو ..باس راسها بحب وهو يسمعها قالت بصوت ناعس:تصبح على خير أ مجمر الغمة

عبدو:(طل عليها بانت ليه مغمضة عينيها وتبسم)تصبحي على خير الميكروبة

ويالفعل غفا حتى هو من التعب والسهير وكانت نعسة حلوة ليهم بجوج فحضن بعض ومسدود عليهم باب واحد مكاينش لي يصدعهم

اما التحت راه كان العرس مزال قائم وكلشي ناشط وفرحان..ناضت غيثة تصورات مع أحمد وحطاتها فسطوري كتبات عليها :الحب

دقائق دازو شافتها ايمان وختها ليلى لي كانت كل وحدة مخشية بلاصتها وهي تقول ليلى:بنت خالتك غارقة تالوذنيها فهاد الجوندارم

ايمان:وايييه..راه شحال وهي مصاحبة معاه

ليلى:بعدا صدق ليها اما الجوندارم راه ولاد الكلاب

ايمان:هههههه كنجي نبات عندك كتسدي ليا نفسي فالحياة هههههه الله يخليه ليها..اشمن عرس هذا؟؟

ليلى:معرفتش..سوليها

كتبات ليها:شي عراسية هادي؟؟

تعطلات باش تجاوبها :وي ديال لوستي

ايمان:ديال لوستها

توقفات ليلى على اش كدير وضورات وجهها بالعرض البطىء وقالت:ياك لوستها مزوجة

ايمان:عندها وحدة بلا زواج

ليلى:ديك المطلقة..تزوجات؟؟(ضحكات)الله اوا هادي خبار زيينة

ايمان:البنت زوينة الله يسهل عليها

ليلى:منين جاها؟؟اشهار تالسم عرفتي راه طاري ليا معاها بلان

ايمان:اشمن بلان؟

ليلى:السيد لي انا معاه كانت مصاحبة معاه مخلات هي وياه لا حاحة لا ملاحة

ايمان:حلفي؟هههههه ويلي ياختي مبايناش فيها

ليلى:وحدة مطلقة اش غدير؟؟الفرانات عندها تحبسو صافي غا تعطيه

ايمان:واشوف ليك الحجاب ههههه وشنو تفارقات مع هذااك

ليلى:انا عرفتها غي بالصدفة هههههههه وفراسك مبلوكياني من الانسطا

ايمان:ويلي لهاد الدرجة هههههه

ليلى:السيدة منكورة مني ولا معرفت ههههه

ايمان:ويلي ههههه مغتحملكش اصاحبتي

ليلى:معلوم..عرفتي نهار شافاتني معاه صفارت ومرضاتش

ايمان:هههههه هاهيا تزوجات وسهل عليها الله كيتك.نتي

ليلى:انا غي ماتديش ليا ديالي(تفكرات هضرة عبدو عليها)مزال تجيبها الايام

ايمان:(كتصفح الانسطا)هااااا هاهو بوسط زواجها..سمعي سمعي كاتبة اطمىن قلبي

نقزات ليلى عندها تشوف البوسط مع شداتو مع تصدمات وتشرعو عينيها من وجه عبدو لي كيبان فالصورة وضوح الشمش وهو كيلبسها الخاتم بلبستو الصحراوية..السخانة والبرودة دقة وحدة جاوها....فمها تلجم وقلبها كيضرب على حهد...غرورها تهرس هي لي كانت مزال تفرقو عليها وتمشي تسمعهم ليها مخلياه يبرد زعما طالما مبلوكاهاش حسابها راه مزال طامع فيها...الهضرة مشات ليها وريقها نشف

ايمان:غزااال ياختي غزاااال ويلي فن هههههه شوفي شوفي خداتو صحراوي

شافتها ساكتى وهي تشد التيلي كتزومي وتعاود وختها حداها بحالا مشللة ..هزات فيها عينيها وقالت:اتي مالك؟؟ليلى؟؟مالك

ليلى:هاا والو والو

مشات لبلاصتها هزات تيليفونها واطرافها جمدو بالصدمة..وهي تنطق ختها:اجي ياكما هو هذا صاحبك؟؟؟(شافتها ساكتة)هو ياك؟؟اويليييي خداها؟؟؟

سكتات مزادت هضرة خافت يضاربو وهي عارفا ليلى عصبية...نوع ليلى موجود بزاف النوع لي كيحسابو راه المؤخرة علاش غيفضلك الراجل على وحدة خرا..ولا راه الزين تالوجه..وبحكم الرجال لي دوزات ومحيطها لي كان مغرقها بالثناء على جمالها وفصالتها تغرات كثرولات لي حطات عليه العين كطيحو فالشبكة...والى كانت هي حاضرة هي لي كتسرق الانظار الشيء لي خلاها يبان ليها عبدو فريسة سهلة بالنسبة ليها ...تكسر غرورها ومرضاتش حيت مولفة اولا هي لي كتخليهم ماشي العكس ومعمر شي حد ما طيح بغرور جمالها للارض

ليلى:(بصوت بارد)سكريني ديك التصويرة وصيفتيها ليا

ايمان:اش باغاها؟؟

ليلى:سكرينيها وصيفتيها

دارت اش قالت ليها وكي وصلاتها زومات فيها مزيان بعيون دامعة..اكيد هي مكتبغيهش لكن هي انسانة كيخصها ترضي غرورها..صيفتاتها لصاحبتها وكتيات ليها:خداااتووو

هند:(فلبلاصة)اويلي تزوجو؟؟كي دارو ليها؟؟

ليلى:معرفتش اختي..انا مصدووومة اصاحبتي مظنيتوش يتزوج بها

هند:ميمتي ..حالتها مافيها مايتشاف مقارنة بيه

ليلى:غي سكتي راني شايعة فقصة..مفهمتش اش عاطياه؟؟

هند:هي مطلقة معندها ماتخسر تلقايها عاطياه اللور

ليلى:زعما؟؟حيت اصاحبتي راه لا علاقة وا السيد الشراب والكارو والبيران وواخدها هاكا

هند:تلقاي واخدها داير الخاطر غي لمو..واش باقي عندك فالانسطا؟؟؟

ليلى:اه مبلوكانيش ومعرفتش علاش

هند:راه باين علاش..باقي طامع تكون شي حاجة...دغيا تسالي سيمانتهم ويرجع تاني

ليلى:زعما؟؟

هند:ويلي بحالو منهم عدد..كيتزوح كيديرها فالدار واراك للعجب ههههه تخافيش مزال يرحع

ليلى:هاد المرة الى رجع غنفتخ مو فتخة مقودة ونلوحو

هند:ضروري هههه

- نعسات الليل كامل براحة وذنيها مالقطوش الصداع نهائيا حداها وهو كذلك نعس معنقها..مرة مرة ضربو الفيقة حيت نعاسو خفيف كيزيد يخشيها فيه ولا يمرر يدو على ظهرها بعيون مغمضة كأنه كيتحسس وجودها حداه..

- حتى شرقات شميسة معلنة عند بداية يوم جديد بدات كتحرك ففراشها كتستاعد باش تفيق ..حلات عينيها على سقف غير سقف دارها وبعيون نائمة تلفتات حداها مالقاتوش لكن بلاصتو مخربقة يعني كان ناعس حداها..شافت فيدها الحنينة منورة وصبعها مزين بخاتمها..تبسمات فور ماتفكرات أنها تزوجات..تفوهات براحة وناضت حفيانة كتسرح فشعرها باغيا تقلب عليه..

- شافت فوق طابل دونوي لي حدا راسها مالقاتش تيليفونها وهي تنوض بالحفى خرجات من البيت كتعجز وهي تشوفو واقف بعيد حدا الشرجم ديال صالة من صالات الطبقة..تبسمات بحب وإعجاب وهي كتشوف ديك الكسدة واقف غي بالشورط ورجليه مزغبيين ومخدوومييين ..عريان من الفوق وقرفادتو ضخمة خلاوها المغاربة غا ديال تفوري عليها..تقدمات بحب ناحيتو دايرا الحس حتى تلفت ليها هاز كارو كيكمي فيه..خبا شنو غيخبي وتبسم ليها جايا عندو ياله فايقة كتبان ليه فأوج أنوثتها وأكيد رجولتو مغتقدرش تستحمل..

- مجاتش فين تقرب لعندو حتى رسمات بتسامة عريضة بانو فيها سنيناتها والثقيبة تالزين لي متلفاه..بغات تهضر تصبح عليه كان هو سباق انه يدور يد واحدة على خصرها ويجرجها عندو رافعها ناحيتو حيت قصيرة وبقبلة دافئة صبح عليها..طبق شفايفو على ديالها بحب ونتاهشهم واحد الشوية حتى خدا منهم جرعة صباعية خلات هي التبوريشة تسرا فذاتها خاصة انه نفسو منكه بالكارو..تبسمات تلقائيا فور ماحبس البوسة وقالت:صباح النور

عبدو:(زادها قبلة خفيفة وبصوت بااح نطق)صباح الخير..رتاحيتي

حركات راسها بالايجاب وقالت:نعست مزيان ههه اش كدير هنا

رجع الكارو لفمو حتى شفط منو تحت نظراتها المليئة بالاعجاب وسفو مدور وجهو لجيهة الشرجم..طفاه فطفاية حداه وقال:كنكمي

هدى:على الريق؟؟

عبدو:(بعيون كصقر كيدوزو على وجهها)ممممم(شدها باليد الاخرى أيضا مقربها ليه)مزال الحال

هدى:شحال الساعة؟؟

عبدو:غتكون شي تسعود

هدى:قلبت على تيليفوني بغيت نشوف شحال الساعة مالقيتش

خرجو من جيب الشورط ومدو ليها قايل:هاهو

شداتو باستغراب:اش كيدير عندك؟؟(حلاتو ببصمة صبعها وخرج فالواتساب نيشان..هزات فيه راسها بتساؤل)كنتي هاز ليا تيليفوني؟؟

عبدو:(ببرود)اه..ياله تفطري

ستوعبات اش دار فجزء من الثانية..رخف عليها شويا وهي تقول:عبدو كنتي كتقلب ليا تيليفوني؟؟

عبدو:ماشي من حقي؟؟

هدى:(قطبات حجبانها وابتسامتها تلاشات)لا ماشي من حقك...علاش هزيتيه؟؟

عبدو:عادي حتى نتي تقدري تهزي ديالي

هدى:(بجدية)اش غندير بيه؟؟

عبدو:معرفتش

برودو عصبها ..حيدات الوجه الهادئ ولبسات وجه هدى المعتاد لي فيه غي تمكريب..وبصوت حاد سولاتو:قلبتيه؟؟يعني كتشك فيا

عبدو:غتبقاي تخربقي فالهضرة والصباح هذا أهدى..شمن كنشك فيك ..كون كنت كنشك فيك منتزوجش بيك

هدى:إذا علاش هزيتيه؟؟وداخل ليا للواتساب بلا حشمة بلا حيا ويعلم الله اش مشيتي قريتي

عبدو:يعني كاين مانقرا؟؟(هز حاجبو)

هدى:واش نتا مريييض؟؟(بعدات بضع خطوات)واش شويا لباس؟؟كتقلب ليا تيليفوني فصباحي ودخلتي لخصوصياتي كتقرا فيهم

عبدو:بيني وبينك مكايناش خصوصية أنا هو نتي ونتي هي أنا

قاطعاتو بحدة حيت بدا كيعصبها:كاااينة..وغتكووون..قلبتي ليا تيليفوني يعني كتقلب على شي حاجة يعني كتشك فشي حاجة

حك على راسو بملل وقال:مكنشكش فيك..وعمري غنشك فيك(شد يديها باسها من القاع)العالم يغذرني ونتي لا

نطرات يديها:وعلاش قلبتيه؟؟معرفتيني كنهضر فشي مواضيع مع ختي ولا مع صاحبتي

عبدو:مقريت والو..غي شفت وصافي

لاحت التيلي بعصبية فالأرض وقالت بصوت كتحاول تخفضو:هاهو ربح بيييه ...دير عليا كارد كوور وهني راااسك...خرااا

زادت سمحات فيه مخلياه عاقد سبعة فربعة ومتبع ليها العين..كيشوف التيلي مرمي فالأرض..هزو لقا غي الشاشة لي تقاست شويا ومشا تبعها مبرد مباغيش يتعصب عليها فالصباح..دخل للبيت لقاها كتهز حوايجها بعصبية ..كتضرب بالسروال وتلوح الفولار مغددة غي بوحدها..جنونها طلعو فيه..هزات أغراضها ومشات للدوش تطرف من جديد خلاتو غي كيشوف..رسل لختو ميساج علمها بلي فاقو مجاتش فين تخرج من الطواليط حتى دخلات وهيبة مبسمة هاد المرة بقفطان..رغم ذلك رسمات هدى ابتسامة خفيفة محاولة تغطي غضبها..بصوت مأدب نطقات:صباح الخير

وهيبة:صباح الخير والربح لأحسن مرات خويا فالعالم ههههه(باستها)شويا الوجع

هدى:الحمد لله الزين شويا ونتي رتاحيتي

وهيية:الحمد لله..غنجيب ليكم الفطور لهنا..أهلك راه مشاو وغيجيو للغدا

خرج عبدو من البيت كيلبس تريكووه وقال:غنشدو الطريق(سلمات عليه بالوجه)

وهيبة:فين؟؟

عبدو:طنجة..

وهيبة:ضروري تغداو معانا وسيرو

عبدو:واخا...حممم الفطور أنا غنزل جيبي لهدى تفطر

وهيبة:تنزل تفطر معانا حنا نييت

هدى:أنا نبدل علي ونجي

وهيبة:واخا احبيبة

دخلات هدى لداخل وجمعات ابتسامتها فحين هو سمعاتو مزال كيهضر مع ختو ..حيدات بيجامتها بزربة ولاحت عليها قفطان خفيف كيتسد بالمجدول..سرحات شعرها وعاودات ماكياج خفيف برزات فيه فقط عيونها..رشات ريحتها وخلات شعرها مطلوووق ومع بلغينة خفيفة ودارت اكسسواراتها وخرجات لقاتو واقف هو وياها كيترادخو بالدق..كيعطيها وكتعطيييه..

وهيبة:حيدد(صرفقاتو)ففففف سخفت..ياله احبيبة

تلفت لديك حبيبة طلعها وهبطاها جاتو زوييينة بزااف وبانت صغر من عمرها..تبسم بلا هواه وهو كيفلي الحطة لي ضاربة..بقدر ماكتركز على البساطة كتبان رائعة فعينيه..خاطب ختو بهدوء:هاهيا غتنزل

نزلات وهيبة مبسمة هي فاهمة وعارفة العرسان كيبغيو يبقاو بجوج...قرب ليها كيرمقها بنظرات عاشق وقال:جيتي زوينة

هي بطبعها عارفاه عبدو مكيشكرش الى مكانش مكبت السوايع..عطاتو نظرة حادة ومهضراتش بغات دوز فيه وهو يشدها من يديها وقال:هدى براكة

هدى:نتا لي براكة مطيح بيا وتهرسني..وداك الشك ديالك ديه لشي وحدة اخرى اما انا قارية حسابي بيك ولا بيك

عبدو:علاش كتحسبيه شك؟؟حسبيه غيرة حسبيه كنخاف علييك

هدى:غيرة؟؟كتخاف عليا؟؟منااش؟؟من شي حد لي مكاينش..خايفني ندوي مع غيرك..مدرتها حتى وأنا صاحبتك عساك وأنا مراتك

عبدو:(عض على شفايفو)هبطي تفطري ولوحي عليك فولارك غيتحركو الرجال تما

خزرات فيه ورجعات هزات فولارها ووقفات بشويا عليها حتى قاداتو فالمراية بهدوء وخرجات مطمناه من جيهة لباسها..زفر وجلس كيحك فراسو وهو كيفكر اش قاليه عقلو يقلب التيلفون...

هبطات هدى على أقل من مهلها كتحاول تطرد التقليقة حيت خصها تبسم فوجه الناس وتفرح بيهم..متوترة رغم ذلك حيت وجوه جداد وناس جداد ماعارفاش طبعهم ولا عاداتهم خافت تزلق فشي موقف وياخدو عليها نظرة خايبة وفنفس الوقت ماباغاش تلاقا مع خيرة باش متدخلش معاها فنقاشات طويلة

مع كملات آخر درجة تصادفات مع أب عبدو لي تبسم بفرح وقال:لالة بنتي(قرب ليها)كي صبحتي ابنتي

عجبها حنانو ولطفو وكيفاش كيكبر بها وهي تحنى باست ليه يديه وقالت:عمي صباح الخير

الحاج:(بابتسامة عريضة)تصبحي وتربحي ابنتي..رتاحيتي شويا؟؟

هدى:(بأدب)الحمد لله اعمي ونتا

الحاج:أنا غا ملي تزوج بني راني مرتاح(ضحك)هههههه

هدى:(ضحكها)ههههه ياك

الحاج:(كينادي)وهيبة وهيبة اجي دي مرات خوك تفطر..الدار دارك ابنتي قوليهم يصايبو ليك تفطري ورتاحي مع رااسك

هدى:شكرا اعمي الله يكبر بيك

وهيبة:(وقفات)ياله

هدى:وهيبة باباك ضريف

وهيبة:الحنان ديال الدنيا هو بابا..زوين بزااف وراه يعاملك بحالي وحسن كاع

هدى:سعداتك بيه

وهيبة:حتى ماما زوينة وضريفة غي لقيتيها ماراشقاش ليها (تبسمات ليها) غندخلو للصالون غتلقاي بزااف تالنسا متسلمييش تبسمي ودخلي

هدى:غنحشمم

وهيبة:غنحطك حدا أم عليا بنت خالي تهلا فيك هههه

هدى:(بتساؤل)علاش عليا مجاتش؟؟

وهيبة:ل vol تأجل ليها هههه ياله زيدي(تبسمات)السر طايح على مرات خويا

دخلات بالفعل لصالة كبيرة بزاف فيها الصحراويات بلا قياس..تبسمات وضورات عينيها عليهم لقات كلشي كيشوف فيها وهي تحني عينيها وتبعات وهيبة لعند ام عليا جلساتها حداها وبدات كتفطر كيفما كاع الناس كيفطرو ويضحكو والانظار كانو عليها الشيء لي خلاها توتر خاصة مكتعرف حتى حد تما

أما عبدو راه بدل عليه وخرج بلباسو عادي لبرا فين لقا عمر كيتسناه بالاوطو وحدة أخرى:صاحبي

عبدو:واش العاود؟؟

عمر:ها الحديدة ناضية سافر بها

عبدو:عييت من لوكاسيون واقلة خصني نشري وحدة نحطها هنا غي الى دخلت

عمر:لي بغيتي ..الى بغيتي نضبر ليك فشي وحدة

عبدو:(جبد كارو شعلو)حتى نشوف

عمر:كي دايرا هدى؟؟

عبدو:(خزر فيه)ونتا شغلك؟؟كتعيط ليها هدى قارية معاك؟؟

عمر:ههههههههههههه عشيرتي ..

عبدو:هانتا غتبقا تشووفها مزال غا صبر

عمر:مالك معصب؟؟كاين شي عريس كيفيق معصب

عبدو:أنا ط:*&بون مي لي معندي زهر ففففففف زيد زيد تفطر

عمر:زيد اعشيري

جلسات هدى مع النساء لي أغلب هضرتهم بالصحراوية مفهمات والو..بغات تعيط لختها لقات راسها بلا تيليفون وحسات بالقنط حتى جات وهيبة عتقاتها وخرجاتها من تما

وهيبة:خويا باغيك

هدى:واخا

طلعات نيشان للفوق كترخف الشال مع دخلات للطبقة لقاتو كيتسارا فيها وعاقد سبعة فربعة ..شافها وهو يطلق البشرة ..قرب منها بشويا وشد يدها هزها حتى باسها وقال:ياله تسافري

جرات يديها بشويا وقالت:غنوجد راسي

شاف حركتها ومعجباتوش نهائيا خلاها حتى دخلات للبيت كتزول ماتبقى من الشال وكطلق فشعرها وعينيه متبعينها بشوق..كيبركك كلشي وتبعها من بعد..بانت ليه هزات شانطة ديالها وياله حلاتها مشا لصق عليها من لور مضور يديه على خصرها حتى بووورشها حيت مولفاتش يوقع بينهم احتكاك..زير عليها وطبع قبلة حنينة على حنكها وقال:مالها هدى ديالي مقلقة عليا؟؟

تنهدات وقالت بهدوء:والو

دورها لعندو ديك ساعة وباقي محتاضنها جايبها مليوحة على صدرو وقال:متشديش فخاطرك مني. ..راكي عروسة مباغيكش تقلقي

هدى؛(بنظرة حادة)وشكون قلقني؟؟كدير شي حوايج عقلي مكيبغيش يفهمهم؟؟واش لهاد الدرجة كنبان ليك منسواش حتى كتقلب ليا تيليفوني

عبدو:اي جوج مزوجيين كيهزو تيليفونات بعضياتهم

هدى:كيهزو بشوفو شي حاجة ماشي يقلبوهم؟؟بغيتي ولا كرهتي نتا إنسان مشكاك

عبدو:(طلق منها بنرفزة)مكنشكش فيك فهميييها..راه معمري نشك فيك واش أنا عاد نعرفك راه شفتك وعرفتك وعاجنك

هدى:(باصرار)وعلاش قلبتي ليا زبلي؟؟راه هو ربح بيه وخليه عندك ماباقيش بغيتوو..أنا اصلا وجهي مديالش الفرح

عبدو:(زفر)واخا ..نقوليك علاش قلبتو؟؟

حطات شنو فيديها ووقفات تتسناه يهضر حتى فجرها فوجهها:بغيت نعرف شكون صلاح

قطبات ملامحها بعدم فهم وعينيها كيحومو باغيا تفكر شكون صلاح وهي تنطق بملامح مستغربة:صلاح؟؟شكون صلاح؟؟

عبدو:مكتعرفي حتى حد سميتو صلاح(قرب منها)ليفرور

هدى:(تحلو ملامحها ملي تفكراتو )صلاح السيد لي كيجمع ليا لي كوموند خدام مع شركة تاليفغييزوون فاش كنصيفط شي حاجة لمدينة اخرى هو لي كيجمع

سكتات شويا وقالت:علاش مسولتينيش؟؟ونتا أصلا فين كتعرفو؟؟

عبدو:(مسح على راسو من لور بحيرة)نهار توفات الحاجة صفية وديتك للطبيب صونا تيليفونك فيه صلاح

هدى:(عقداتهم من جديد)وسولني؟؟جي عندي سولني ونقوليك علاش تقلب؟؟باغي دير فيها راسك مطور

عبدو:مكنتش غنبرد الى مشفتش بعيني

هدى:يعني مكثيقش فيا؟؟

لاحتها ليه هاكا فوجهو حطاتو أمام الأمر الواقع..قرب منها وشد يديها بجوج تحنى حتى بااسهم بعمق وقال:اقسم برب الكعبة حتى كنتيق فيك ..ومعمري شكيت بلي غديري شي حاجة..انا هاكا داير مكنثيقش

هدى:(بحزن)واش أنا نخلص شي حاجة مدرتهاش؟؟واش هي خوراتك انا نخلص

عبدو:(بسرعة)لالالا ..متفكريش هاكا(شد وجهها بيد وحدة كيداعب حنكها)انا من نهاري هاكا نزلي سوليهم كاملين..أنا مشكاك غي مع راسي

هدى:واش ذنبي أنا نعيش مع هاد الشك؟؟اليوم تيليفوني غدا تبعني فالزنقة؟؟

عبدو:لا تانييي أهدى(قبلها فجبهتها)فهميني راه غي عقلي ومقال ليا

هدى:(بنظرة متعبة)كنعيا نفهمك مكتبغيش تفهم ليا

شد وجهها بجوج يديه حتى حتاضنو عندو وقال:معندك ماتفهمي..مع الوقت غنعرفو طبع بعضياتنا..(قبلها فحنوكها بجوج بحب)غتفهمي طبعي (قبلها بخفة ففمها)

بقات غي كتشوف فيه وكتحلل هضرتو لي متناقضة مع تصرفاتو بنفس النظرة ديال الجهد معندهاش باش تقابح معاه ..شافها راصية وهو يزييدها قبلة اخرى خفيفة وشد شفايفها من جديد فقبلة حميمية كيلتاهم فيها شفايفها بحال شي مرا موحمة لقات شنو بغات..كتحس بيه من طريقة تقبيلو انه كيتبنن وكيتمتع بشنو كيدير..نزلو يديه لخصرها مقربها لعندو اكثر وحط يدو على مؤخرتها زير عليها تا قفزات وقطعات القبلة حشمانة:عبدو

عبدو:(رجع كيقيس فيها من جديد بحال العجينة)عرفتي اش كنتي دايرا فيا؟؟تتلواي فالثوب معمري عرفتها كي دايرا

ضحكات ليه حشمانة وكتحاول تحيد ليه يديه والابتسامة فالتة ليها دغيا نسات شنو دار..وقالت:حشوومة ههههه ريح كيشدني هر تما

عبدو:(كيبوس فيها )مزال يشدك هر فبلايص خريين..دابا غتقولي ليا اش دايرا ليها(بعصها)حتى ولات مبومبية

هدى:هههههههههههه ريح..ياك قلتي معمرك شفتيها؟؟

عبدو:كنت كنتبع ليك العين كيبان ليا شويا ..اش درتي؟؟

هدى:غي السبور..ملي تفرقنا درت لاصال وقاديت ماكلتي وليت كندير السكوات حتى ولات هاكا

عبدو:(قرصها فيها عاود وشفايفها كياكل فيه ببوسات مقطعين)حسابني كليتي شي حاجة ..اري وريني كي ولات

خرجات فيه عينيها ودفعاتو عليها كضحك وحمرة:نتا راك واقلة هترتي هههههه ويلي (بعدات)ريح خليني نعرف اشنو غنجمع

عبدو:جمعي ليا معاك(كيتعجز)انا جاي

خلاها كتبسم وفلخر تنهدات وقالت:الله يهديك

بعد دقائق تم راجع هاز ساشي فالابيض..توجه ناحيتها هي لي عاطياه بالظهر كتقاد فالشانطة..تلاح فوق الناموسية وقال:هزي

شافت فساشي وقالت:شنو هذا

عبدو:هرستي تيليفونك أ مجنينة خودي هذاا

هدى:نتا سبابي(جلسات حداه )انشوف

هزاتو حلاتو كيبان ليها الايفون اخر ماكاين وهي تخرج عينيها قايلة:مسطي؟؟كون قاديتي ليا غي ديالي

عبدو:حسن بدليييه(شد خصلة من شعرها كيلوي فيها)كيعجبك تصوري هذا كاليتي زوينة

هدى:(كتقلب فيه)زويييييبن..قديم؟؟

عبدو:لا جديد ياله خديتو

هدى:وحيت بان ليا محلول؟

عبدو:قاديت ليك كلشي وفيه نمرتك خدمي به عادي

هدى:(بانت الفرحة فعيونها)حبييييتوووووو

زعمات راسها وهي تحنى باستو فحنكو بحب وقالت:عجبنييي هههه

هو متكي على ظهرو وهي حداه كتقلب فالتيلي ويديه كيلعبو بخصلة شعرها وقال:علاش قبل مكنتيش كتشدي؟؟

هدى:(مركزة مع التيليفون)حيت مكنبغيش لي يعطيني شي حاجة هههه عندي نفس خايبة

عبدو:حيدي ديك النفس..وجي عندي انا الى خصاتك شي حاجة متمشي عند حد

هدى:ممممم وانوض نكملو الجميع معرفتش اشنو نحط ليك

عبدو:(غمض عينيه)انا باغي غا نغمض دابا(تقلب فالناموسية شدها كاملة)كملي و

باقي مكملهاش سمع الغوات لتحت وهو ينوض قافز من الفراش وهي أيضا تخلعات لاحت فولارها بزربة وهبطات لتحت تشوف اش كاين ..هو بلاصة الدرجة كيدير ربعة ومحدو كيقرب وهو كيسمع صوت خيرة كتبكي

نازل فالدروج كي الغول كينقز فالدرجات حيت وذنو كتلقط صوت خيرة كتبكي وهدى تابعاه من لور مخلوعة..حتى كيشوف مو منشورة فالارض شادة رجليها ودموعها فوجهها..خرج عينيه وتحنى عندها مبعد لي ضايرين بها:الواليدة مالكيي(شاف فوهيبة)اش وقع

وهيبة:عثرات وتلوات ليها رجليها

تحنى على ركابيه شد رجليها حتى غوتات من جديد بألم وقال:كضرك؟؟هنا(كيبرك)واش هنا؟؟

خيرة:ااه اه اربي ربي مشااو ليا رجلي مشااو ليا رجلي

هدى:(وقفات عليه)خصها تمشي لطبيب

الحاج:(جا كيزرب)خيرة خيرة(تحنى عند راسها)اش طاري ليك

خيرة:(بدات تتنزلهم)مشات ليا رجلي الحاج هءهءهء قوسو علي

الحاج:عبد الدائم ياله نهزوها للطبيب

شد فيها ولدها لي قلبو كيتعصر على دود الدميعات لي كتحط..غي وقفات بغات تحط رجليها وهي تقفز بحالا ضربها الضو ..زير عليها عبدو وقال:الواليدة غتصبري شويا ..متحطييهاش فالارض

خيرة:وااالموووت الكحلة هادي اععععع اربيي اش هاد الفال اش هاد العرس المنحووس

كلشي سمع الكلمة وكلشي دارها حلقة فوذنيه ومسكة بين ضراسو الا هدى لي شداتها فقلبها نييشان..سرطات ريقها ورجعات لور..سكتو كاملين وخرحها بمساعدة باه داروها فطوموبيل لور..طلع حداها الحاج ومشاو دايينها لكلينيك

اما هدى راه مشات عند وهيبة لي صفارت بالخلعة..دوزات يدها على كتافها بحب وقالت:متخافييش غتولي مزيان..دابا مشات لطبيب يدير ليها التصوير ويعطيها الدوا للحريق

وهيبة:بصح؟

هدى:اه حتى ختي كانت وقعات ليها ودغيا براات

مرجانة:الحمد لله ماشي هرس..

تفرتكات الجوقة ورجعو الناس لي من العائلة القريبة للصالونات جلسو منشورين كيدويو وحديث الساعة هضرة خيرة على العرس ولي كلشي استنتج بلي خيرة معاحبهاش الحال..كانو شاكيين حيت متحركاتش ومبانتش وبهضرتها زادت أكدات ليهم..

كذلك هدى لي بقات الهضرة كطلع وتهبط فيها وكتحاول متبينش بلي تقلقات باش تكون بجنب وهيبة لي مشافت منها غي الخير...جاو عائلتها وناضت عنقاتهم كامليين رفقة غزلان ودخلو جلسو حداهم عاودو ليهم اش جرا وبقاو كيتسناااو رجوعهم

بعد مدة زمنية طويلة..رجعات خيرة بالبانضة فرجليها والحاج شاد فيها مسندة عليه جايبة عليه فشوشها..شد فيها عبد الدائم من يديها وقال:الواليدة سندي علي

دفعات يدو وقالت:حيد بعد مني(شدات فالحاج)ديني نرتاح الحاج

خلاها بخاطرها وبقا واقف عاض على شفايفو..خرج كارو شعلو كيبرد فيه سم هضرتها لولة لي سمع ودار راسو مسمعهاش والثانية لي عاد قالت..ستقبلوها الناس وطمنو على حالتها بما فيهم هدى لي مشات باس ليها يديها بادب وقالت:على سلامتك اخالتي لهلا يضرك

مجاوباتهاش نهائيا ومشافتش فيها وهي ترجع لور مع الناس جالسة حاطة رجل على رجل كي الضيفة وكتشوف

اكرام:عدوزتك كتبان قبيحة

هدى:معرفتش(بتساءل)ياله شفتها نزلات

اكرام:مفهمتش

هدى:ياله لبيتي لفوق ونعاود ليك..ها غيثة مع غزلان

اكرام:واخا

ناضو بجوج من وسط المجمع وطلعو للطبقة الاخرى واكرام غي كتشوف مبسمة:دارهم زويينة

هدى:اه فنة..هاد الطبقة واقلة ديال عبدو حيت بانت ليا خاوية

اكرام:فنة(دخلو للبيت)بيييتك حتى هو زوييين

جلسو فالسرير وبدات كتعاود ليها المنزلة كاملة ولوخرا غي كتسمع حتى لخر وقالت:باينة ماباغياكش ليه

هدى:(بتذمر)انا عارفا زهري ميمكنش تقاد من كاع البلايص

اكرام:واش غي هو باغييك؟؟صافي هذا المهم

هدى:واش عارفا اشناهيا مو متبغيكش ليه؟؟راه الحرب..

اكرام:نتي حاولي تفادايها اصلا مغتشوفيهاش بزاف نتي فاسبانيا وهي هنا فين غتشاوفو

هدى:معرفتش..دخت ودارت بيا الدنيا من هضرتها

اكرام:سوليه..جيه نيشان

هدى:مقدرتش نسولو ..خلي االيوم بليل نسولو

اكرام:مبانش ليا.

هدى:ملي خدا مو للسبيطار مرجعش(تلفتات هزات تيلي)نصوني ليه؟؟

اكرام:(شافت الايفون)ايهاي ايهاي على لخوينزة هههه شرا ليك مجمر الغمة الايفون

هدى؛هههه اه..عطاه ليا كادو(دوزات نمرتو )الو..عبدو فين كاين؟؟غي مع خالتي دخلات ونتا لا..مزيان؟؟لالا مخصني والو غي مبنتيش ليا...لالا ويلي على نسافرو حشوومة نخليو خالتي هاكا..ماشي مشكل..(تبسمات)واخا انا نتسناك

قطعات معاه وقالت:مشا مع شي صحابو

اكرام:ربي عوين ياله نزلو ليقولو طلعو ينممو فينا

هدى:نزلي نتي انا نطرف وننزل

اكرام:اوك

*****"

مر داك اليوم بسلام..هدى جالسة بعيد على خيرة لي مجمعة وضاحكة مع حبابها واغلب لكنتها ولهجتها كانت الحسانية..الصواني تاتاي عيب يحيدو من حداهم هوما والحلاوي..والناس خصها تاكل وتشرب وتضحك..حتى اهل هدى بقاو معاها حتى المغرب وناضو

عنقات ختها بجهد وبااستها بحرارة حتى عينيها غرغرو عرفات مغتشوفها حيت غتمشي..زيرات عليها وعيات تكبح فيهم طلقاتهم..كذلك مع مرات خوها اما غزلان خلاص..تفارقو بالبكا..وقفات معاهم فكولوار قريب لباب تالزنقة..هبط باها وخوها..مشات عنقات باها بحرارة مبغاتش تحيد من صدرو وحتى خوها..دارت معاهم وداع كأي عروسة

الحاج:متبكيش ابنتي نتي باقة عروس..وقتما بغيتي سيري شوفيهم

هدى:مسخيتش بهم(كتمسح عينيها)

باعدي:(باسها فراسها)الله يرضي عليك..تهلاي فراسك وفراجلك انا راضي عليكم نتي وختك دنيا واخرة

احمد:(باغي يلطف الجو)وانا؟؟

باعدي:تا حيد علي..طلعتي ليا تا وداك البرهوش في راسي ههههههه البنات زينين الحاج

الحاج:مكذبتيش هههه

تعانقات معاهم ومشاو والدموع فعينيها عليهم..رجعو عينيها حمرين بزااف..درعها الحاج وقال:مديريش فبالك ابنتي..انا بحال باك ولي خصك جي عندي والى عبد الدائم دار ليك شي حاجة اجي عندي انا نتفاهم معاه

هدى:(ضحكات وسط دموعها)ههه لالا مكيدير ليا والو

الحاج:توريني انا فيه

دخلات من جديد وجلسات حدا عماتو لي عرفاتهم باغيينهم وكيستلطفو وجودها .موصلاتش خيرة مزاال حتى وذن العشا وتسربا للناس العشا..تعشات معاهم وناضت مبلغة وهيبة بلي غتمشي تنعس ترتاح عاد طلعات لبيتها

وهيبة:(كتقاد على مها الفراش)الى فيك الحريق عيطي ليا اماما

خيرة:شفت لالة العروسة مجات عندي مطلات علي

وهيبة:على زين الهضرة لي قلتي اماما؟؟ماشي حشومة تقولي لبنت الناس فصباحها على عرس شحال منحووس

خيرة:ومالو ماشي منحووس بحال مولاه

وهيبة:(بغضب)مولاه لي هو ولدك..الى مباغيااهاش ليه غي سكتي راه كان غادي اليوم وممشاش حيت طحتي..خليه يدوز فرحتو وغيهزها ويمشي ماشي تخلي الناس كاملة كتدوي فيها وتنعت فيها

خيرة:شكون نعت فيها؟؟؟شكون هضر فيها؟؟كتزيدو فيه

وهيبة:الله يهديك اماما..انا عارفاك قلبك بيض وعندك عزاز البنات معرفتش مالكي مع هدى ومدرات ليك والو

خيرة:ممالي معاها والو..المشكل فراجلها

وهيبة:راجلها لي هو ولدك..خليه عليك راه غيهزها وغيمشي..خليه يعيش فرحتو مسكيين عرفتي شحال ماشفت خويا فرحان وكيضحك..هو باغيها منو ليها

خيرة:(لمطات فمها)يضبر راسو قوليه يهزها ويمشي فحالو علي

وهيبة:(بعصبية)غادي يمشي عنداك غي تاهو تبغيه للدوا ومتلقايه

دخلات لغرفتها وتنهدات معرفاتش واش رتاحت ولا تنكسات ملي ودعاتهم..حولات الحوايج وقاداتهم فنفس الشوانط عرفات مغيسافروش داك النهار..هزات بيجامة خفيفة فالاسود ومستلزمات الدوش باغيا غي تدوش ترتاح..وبالفعل مشات غسلات شعرها وذاتها نقاتها مخلات حتى تفصيل..دارت فوطة صحية وخرجات لابسة عليها كلشي..والفوطة فوق راسها..لقاتو مكاينش رطبات وتريحات..وهبطات شعرها كتنشف فيه بفوطة دارت ليه سيروم وخلاتو مطلوق..شافت ظفار يدها غتحيد منهم الصباغة ومشات هزات الما ولون اخر..مسحات وجلسات فوق السرير كتدير لون اخر قهوي بارد..حتى سمعات الحس كان هو لي دخل مع الحداش ديال الليل..محساتش بالوقت بتاتا..هزات راسها فيه كان باين فيه التعب..كيلوي فعنقو ويعاود..غي شافتو تبسمات وقالت:جيتي

ركز فيها فشنو كدير وقال بصوت متعب:عاد جيت

حطات شنو فيديها وناضت عندو بالحفا دايرا تقيشرات بيضين فرجليها..طلعها ونزلها باعجاب وهي عاد مدوشة كتفوح منها رائحة عطور جميلة وهادئة كتوحي على الانوثة ولي من بينهم الفاني والفريز..تعلات شويا باستو فحنكو بحب وقالت:على السلامة..مالك؟؟

دوز يدو على خصرها وجرها عندو عنقها خشاا وجههو فعنقها حتى حس باطراف شعرها باقي فازكين وقال:دوشتي؟؟

هدى:اه..حسيت براسي عراقيت بزااف

شد شعرها كيتحسسو بيديه وبهدوء قال:كي دوزتي نهارك؟؟

هدى:خايب بلا بيك ههه ونتا(حطات يديها على لحيتو كتمسح عليها )مرجعتيش باقي علاش؟؟

عبدو:تبرزطت

هدى:كتبان عيان؟؟نوجد ليك الدوش دوش ترتاح

شد يديها بجوج بااسهم وقال:لويين زويين

هدى:(ضحكات)هههه جا معايا؟؟

عبدو:لا هه

هدى:مسموم هههه

عبدو:انا غندخل ندوش

هدى:كليتي؟؟

حرك راسو بالايجاب..هز حوايجو وخرج للدوش مخليها غي كتشوف..جمعات روينتها ومشات كدهن يديها بمرطب بيدما يجي..صورات ضفيراتها بالايفون حباتهم وجا هو لقاها كتفرنس ضارب فوطة على خصرو ناشر عليها بادرو ..مع شافها كتفرنس عقلو تنوغش وقال:معامن كتهضري؟؟

هزات راسها بغات تجاوبو حتى شافتو جاي عندها بديك الكسدة..سرطات ريقها وهبطات عينيها خايفة تزلق ليه الفوطة وتشوف لي ميعجبهاش..شافها اش كتشوف وقال:عجبك؟؟

هدى:ممم زوين فالتصوير

مهزاتش فيه عينيها عرفها حشمات..تبسم بشويا وتنشر حداها بفوطتو باغي يتعارك معاها..شافتو وهي تقفز بعدات وقالت:نوض لبس حوايجك

جرها من يديها دارها تحت يدو وقال:مال مك مباغاش تشوفي فيا؟؟

هدى:ملابسش حوايجك هههه طلق راه كتجيفني

عبدو:(باسها فحنكها بحرارة)واش حنا بيناننا الحوايح..حنا راه خصنا دابا نكونو حيدناهم ودشنتك غي الزهر عندي مكوز ههههه

هدى:(شافت فيه وطلقاتها بضحكة)هههههههه بحال زهرك بحال زهري داكشي باش لاقانا الله

باسها ففمها بشهوة حتى تحركو الفراشات فكرشها:امتا غتسالي منك

هدى:(منتاشية بقبلتو)واحد اليوماين صافي

عبدو:(زادها قبلة خفيفة وصبعو كيورك على شفتها السفلية)منقدرش نصبر مزال..كنشوفك قدامي ومقادر ندير والو ميمكنش

هدى:(بهدوء متبعة لمساتو فوجهها)مكاينش حل من غير تصبر ههه(حطات يدها على عنقو)تأجل السفر؟؟

عبدو:ممم ميمكنش نمشي ونخلي الواليدة ضاراها رجليها غنبقا مبرزط

سكتات شويا وهي تنطق بعيون فضولية كتشوف فعينيه هو لي حاضي غي فمها:سمعتي شنو سمعت قبيل؟؟

بقا ساكت شويا كيلمس بيدو الثانية شعرها ويداعب حنوكها..كيفكر واش يجاوبها ولا يدير راسو مسمعش..حدو قال:شي مساج لكتافي (هز يديها باسهم)

كمشات فيه عينيها بشك عرفاتو هو انسان كيعرف يقلب الهضرة وينقز ليك من موضوع لاخر..عضات على شفتها وناضت على ركابيها وراه..حطات يديها على كتافو وبدات كتمااصي ليه بصمت والهضرة كتطلع وتهبط فيها..وهي تنطق:معرفتش واش مك مباغيانيش حيت مطلقة ولا اصلا مباغياش ليك شي وحدة ماشي صحراوية ولا شنو؟؟ولكن من حقي نعرف اش واقع

سكتات تتسنا جوابو هو لي معارف ميقوليها..كيحس غي بيديها الصغار فكتافو كيداعبووه حيت كتافو عراض..فقدات الامل يجاوب وهو يكسر صمتها :حتى حاجة من هادشي..غيجي النهار لي نعاود ليك فيه

هدى:امتا؟؟

عبدو:غي نقاد شي امور ونكون انا وياك بجوج غنشرح ليك..خوي راسك من هاد البلانات..الواليدة معندهاش شي حاجة ضدك نتي

هدى:تصرفاتها مكيقولوش هادشي

عبدو؛(شد يديها باش كتماصي باسها من الوسط وتنهد)نساي شنو كدير..غنمشيو ومغتشوفيهاش نتي بزااف

دوزات يديها على كتافو معنقاه وقالت:من حقي نعرف

عبدو:غنعاود ليك كلشي ..نتي مراتي وعندك الحق تعرفي غي عطيني شويا تالوقت

بعدات عليه وقالت:واخا

ناض ديك ساعة لبس عليه فحين هي تخشات ففراشها كتسناه يلتاحق بها..دار بعض الاتصالات الهاتفية ومشا كما كارو وجا كيعطعط ..تلاح حداها كي البحر الى هاج خشاها فيه وشبك يديهم بجوج وقال:مشهي الميكروبة ديالي

هدى:ههه وليتي كتهضر طاي طاي ههه عبدو خصني نتعلم الاسبانية؟

عبدو:علاش؟

هدى:كيفاش علاش؟؟باش غنهضر تما؟بالاشارات

عبدو:(مغمض عينيه وكيلعب فشعرها حيت دايرها بين يديه ومزيرها برجليه ملاصق صدرو مع ظهرها)مكاين لاش..وقتما باغيا تخرجي انا لي غنخرجك..وغنكون ديما معاك

هدى؛(كتلعب فزغب يديه)وعلاه نتا غتكون مسالي ديما؟؟غنكون باغيا نتقدا ولا نخرج نضور ماشي ديما غتكون معايا

عبدو:(مغمض عينيه)التقدية كلشي غيجي تال الدار..مغتعذبيش والخريج غتخرجي معايا انا معندك معامن تخرجي

هدى:(بضحكة)هههه سير براكة من الهتران هههه منهضرش انا مع بنادم

عبدو:بنادم فيه غي فريع الراس والمشاكل..هضري معايا غي بوحدي

هدى:واخا خلم هههه غنتعلم ليها اصلا كيعاودو عليها ساهلة..

مخداتش هضرتو على محمل الجد فحين هو كان كيعني كل كلمة قالها..شافتو رخف عليها..قرب لرجليها حيد ليها التقاشر وقال:خلينا نقيسو ههه

رجع زيرها من جديد مغمض عينيه:غنعس حسن ليا..مغنقيسك مغنقيسك

هدى:هههههه مسطييي هههه انا غنلعب بالتليفون شويا

بالفعل حداه نقصات الضو وبدات كتضور فالانسطا وتشوف اللباسي والاكسسوارات محمقينها ودير جيم ..هو مرة مرة يحل عينيه يشوفها اش كدير مغمضهم حتى طفاتو ونعسات ظنا منها بلي نعس ساعا هو حاضيها

فالصباح الباكر تدق باب دار الحاج وكانت عليا لي جايا هي وراجلها بهيجها..صوتها مسموع فالدار كاملة ..تضور وتبوس وتعنق فرحانة بلمة العائلة..مشات عند خيرة عنقاتها بحرارة وقالت:توحشتك اعمتي

خيرة:الخانزة غبرتي حتى زيانيتي هههه فين راجلك

عليا:خليتو مع خوتي لتحت ههه فين عبدو ولالة العروسة

خيرة:منعرف..شوفي رجلي

عليا:عاود ليا عبدو قاليا طحتي..الله يشافيك اعميييتوو

الحاجة:(أمها)تي فين خليتي راجلك أ ديك الهاترة؟؟

عليا:مع ولادك هههه عطيوني نفطر فيا الجوع وفيقو داك العريس نبارك ليه

خيرة:شلا مدااار

عليا:(جمعات الضحكة)عمتي الى بينك وبينو شي مشكل خلي حتى يميشيو الناس..مبقاش ليه بزاف وغيمشي هو نيت مغتشوفيش وجهو

خيرة:يهزها عليا من دابا ويمشيي

عليا:اشنو درات ليك؟؟أنا عارفا هدى بنت الناس

الحاجة:(لمطات فمها)العكس هي هاد عمتك..ديها فرجلك لي مريضة وخلي عليك الولد

سكتات مهضراتش معجباتهاش هضرتهم..فحين العرسان كانت مخشية فيه ناعسة بحب وهو الآخر مزير عليها..هي مكمشة وهو منشور قد السخط..حلات عويناتها بشويا على وجههو ناعس فسابع نومة..رمشات مرارا وتكرارا كأنها كتستوعب فين هي..حركات يديها تعجزات وتفوهات وناضت من حداه بشويا ظنا منها بلي معايقش ساعة هو نعاسو خفييف بزااف غي شويا كيفيقو..حل عينيه بشويا حتا شافها ناضت كتجمع فشعرها وخرجات من البيت عرفها غتكون مشات للحمام ورجع غمض عينيه من جديد حتى كيرن هاتفو..هزو لقاها عليا..ساط وشد الخط وبصوت غليض مبحوح بالنعاس وبالشراب:الو

عليا:أنا جييييت ههههههههه هبط هبط نشوووفكم

عبدو:(شاف الساعة)هادي الثمنية واش شويا لباس؟

عليا:نوض براكة ولا غنطلع ياااه على راجل

قطع عليها فلبلاصة وناض من بلاصتو كيتعجز ويطرطق فعظامو..جر صندالتو وتوجه للحمام كتبان ليه محنية مساداش الباب..كتغسل فسنانها وكتشللهم..مجاش فين يوقف عليها حتى كانت سالاتهم..حمحم وهي تلفت مبسمة وقالت:صباح الخير

قرب ليها وشدها ببوسة خفيفة على شفتها وورك عليها فالاخير وقال:هاكا بقاي تصبحي عليا

ضحكات بحب وعينيها كيبريو:واخا ههههه شكون صونا ليك

عبدو:(تحنا كيغسل وجههو وسنانو)عليا..راه لتحت شويا تلقايها عندك

هدى:زوينة ديك البنت وضريفة عزيزة عليا غي من داكشي لي كتعاود عليها

عبدو:مممممم(هز فوطة كيمسح)وأنا معزيزش عليك

شدها عصر عليها من جديد من خصرها شبعها بووسان وتزلال على الصباح..كيبوس ويقول مابست مطلقها حتى جيفها وقال:دابا سيري

هدى:جيفتيني هههه(كتقاد شعرها )هاهو الشعر لي قلتي واش مصايباااه؟؟زوييين بلا منصايبو

ضحك بشويا وشد خصلاتو كيلعب ليهم كتبان ليه الزغبة رطبة وخفيفة..خشا وجهو فشعرها وقال:نتي وهاد الشعر عندك كتساليو معايا

هدى:هههههه غي شعري بوحدي

عبدو:باقي مشفت والو أنا هههههه

ضحكات وخلاتو مشات للبيت كتشوف شنو غتلبس من جديد..خسرات فلوس كثيرة فاللباس حيت عرفات راسها غيجيو الناس وغيخصها كل مرة لبسة..جبدات اونصومبل فالموتارد تقليدية طويلة تا فاتت الركبة وفيها الفتيحات فالجنب والسيقان كيبقاو عريانيين ..طلات بشويا بان ليها كيكمي حدا الشرجم وهي تقلع دغيا وبدلات عليها ..قلبات سليبها لقات نقيطات خفاف فالفوطة الصحية..دات واحدة اخرى احتياط..سرحات شعرها على راحتو ودارت بونضو زوين فنفس اللون..وياله جلسات غتماكي وهو يدخل كيقلب بريحة الكارو..

كانت جالسة وعاطياه بجنب دايرا رجل على رجل حتى الفتحة طالعة تالفخدها..هز حاجبو بعدم فهم وقال:غتهبطي هاكا

تلفتات ليه ووقفات قايلة:اه ههه جات زوينة ياك..غندير شويا تالماكياج وصافي

طلعها ونزلها باعجاب جاتو زوينةبزاااف وقال:كاينين الرجال اهدى(مشا كيقلب مايلبس)بدليها

هدى:لبارح مبان حد وقالت ليا وهيبة مكيكون حد من غير باك

تلفت ليها معاجبو حال وقال:خلينا هانييين حتى نمشيو لاسبانيا لبسي لي بغيتي هنا مغتعرفي منين دخل عليك شي قرد وغنصدق منوضها

هدى:واش نتا شويا لباس؟؟تحكم فراسك شويا مكاين حتى حد(بدات كتقاد فوجهها)وأنا عجباتني اللبسة وشريتها بالعشق..متكونش مسموم

عبدو:(ضرب بالسروال)مسموم حيت ماباغي حد يشوفك زوينة؟؟

تلفتات ليه وضحكات من منظرو:هههههههههههه أ عبدو وا مالك داير هاكا..واش بغيتي عائلتك يشوفوني خايبة؟؟راه عروسة خصني نخلي انطباع زوين عندهم خصني نبان زوينة

عبدو:الالة متبانيش زوينة عندهم انا عندي زوييينة اش ليك فعائلتي؟؟

ضحكات عليه حيت عارفا عادتو ومشات قربات منو حيدات ليه السروال من يدو دايرا فيه شوفة المشة..شدات فيديه وقالت:مالك موسوس؟؟هههه رخف فيك النفس واش نتا عريس؟؟غا مغوبش

عبدو:(ساط بعصبية)ممرتاحش هنا

هدى:تبغي نمشيو؟؟ولكن غتجي ناقصة نخليو خالتي مريضة

عبدو:غنشوفها الى ولات شويا نمشيييو..هنا بنادم داخل خارج كنبقا مشطووون

هدى:هههههههه لي بغيتي(ضرباتو لبين حجبانو)طلق الغوباشة

عبدو:اري بوسة ونطلقها

ضحكات عليه وقربات منو باستو بحب فشفايفو وبعدات:هاهيا اسيدي بقا ليا غي على خاطرك

فلبلاصة دور يدو على خصرها وشدها فقبلة اخرى حميمية من جديد ويديه كتلعب فشعرها وظهرها من لور حتى نزلها لمؤخرتها وهي تقفز مبعداه وقالت بخجل:عليا كتسناا

عبدو:(عضها فشفايفها )اععععع سيري

هدى:اححححح أ بشويا عليك راه قسحتيني

عبدو:(بدا كيلبس)كون تشوفي انا فين مقسح يضرك خاطرك ههههههه

سكتات مجاوباتوش خافت تجاوبو ويعطيها شي كلمة تغرقها..هي زاعمة عليه لكن عارفاه على سبة من جهتها تشعلو وينوض ليها..كملات ماكياجها وتعمدات ديرو خفيف باش ميهضرش..اما هو راه لبس عليه معاجبو حال غي مسايرها..سالات وبدات كترش ريحتها وهو يقول:دوشتي بها

هدى:بصحتي هههه

هبطات هي وياه لتحت ومشاو نيشان للصالة فين كان باه وعماتو ومو وختو وعليا وبعض البنات من اقارب العائلة..غي شافتهم ناضت كطيير مشات عند هدى عنقااااتها بحالا كتعرفها شحال هذا..

عليا:مبرووووك عليكم فرحت ليكم بزااف ومكرهتش كون جيت ولكن الفول دارها بيا هههههه

دازت لعبدو تسالمات معاه بالوجه وتعانقو الشيء لي ثار استغراب هدى وماشي غيرتها..ضربها لراسها وقال:جايا بفريعك

عليا:انا جيت نشووف هدى ههههه (جراتها)اجي تفطري ونتا سير فحالك

الحاج:كتجري ليا على بني ههههه اجي تفطر اولدي

شاف فمو لقاها كتعبر هدى بعينيها وقال:الواليدة شويا؟؟

شافت فيه ببرود ونطقات :الحمد لله

بدات كتسلم عليهم هدى بأدب وصلات لخيرة وتحنات باست ليها يديها وقالت:كي بقيتي اخالتي؟؟

خيرة:داكشي باش جيتي سولتي فيا

سكتات كتفكر باس تجاوبها وهي تقرب منها بشويا وهمسات فوذنها:غي مع العرس منحوس مبغيتش نزيدك بنحسي حتى انا

دازت للشخص الاخر خلاتها ساكتة وخلات الناس لي معاهم ياكلهم لفضول اش قالت ليها من بينهم عبدو..جلسات حدا عليا لي غي كضحك وتكركر..وبدات كتفطر مجمعة معاها هي وهيبة وهو مريح بعيد حدا باه وعينيه كيهربو لعندها حتى سالاو داك الفطور وخيرة كطلع وتهبط فيها الهضرة

عبدو:الواليد انا غنمشي لطنجة باش غي تخرج لفيزا لهدى غنمشي من تما نيشان

الحاج:خليكم معانا شويا

عبدو:مكرهتش ولكن خصني نمشي..راك عارف

الحاج:(تنهد)راحتك اولدي

وهيبة:(جايا هازا بنتها)خالو

شدها من عندها مبسم باسها وقال:اشهادشي اخالو..كتجيبي غي من باباك ..ماماك والو

وهيبة:اوا نتا لي خصك تولد لينا شي خنيفيس ههههه

عبدو:ان شاء الله..خليتكم على خير انا غنمشي لطنجة

القرار تقال وعطاهم شنو غيدير..غمز هدى وناضت باش تجمع كلشي..طلعات معاها عليا لي خصها غي معامن تجمع وكذلك وهيبة..عاونوها فالجميع وضحكهم واصل لفين وفين

عليا:داري حدا دارك هههه غنكونو صحابات

وهيبة:توانسو نييت تما

عليا:ويلي أنا نسيت راجلي لتحت معرفتو واش كلا ولالا

هبطات كتجري وبقاو كيضحكو عليها ..كملات جمييع كلشي لا ديالها لا ديالو وحطات الشانطات مستفين حتى دخل عبدو قايل:مشينا؟؟

هدى:نبدل عليا ونمشيي

هزات حوايجها ومشات للحمام لبسات فيه كسوة فالقهوي مغلوق ساتان مع صندالة خفيفة قادات فولارها بطريقة عصرية كي ديما ونفس روتينها دارتو من اكسسوارات وعطور عاد خرجات

وهيبة:كتلبسي ستييل غزاال اهدى

هدى:بصح هههه مكنبغيش نلبس سراول كيعجبني هاكا واخا يكون غالي

وهيبة:أنا ديما ملاحف هههه

هدى:ديجا نتي مكديريش فولار

وهيبة:شفتي حنا عائلتنا قليل لي كدير الفولار..نتي اول عروسة تدخل دايرا الفولار هههه

هدى:(بمزح)اوا صافي نحيدوو

عبدو:(كيحاول يسد السيور تسبرديلة)هدىىىى

شافت فيه وضحكات وتوجهات لعندو:غي كنصحك اهيا ناري(تحنات وحيداتهم ليه)صبر نصايبهم

وهيبة:عمرو عرف ليهم هههههه

هدى:ديما أنا لي كنسدهم ليه

وهيبة:اوا اخويا تهلا فيها مسكينة كتسد ليك السيور انا سعيد والله منسدهم ليه هههه

عبدو:وصيها هي تهلا فيا

وهيبة:هههههههههه تهلاو فبعضياتكم وصافي

هبط عبدو الشوانط كامليين قادهم فالسيارة فحين هدى مشات كتسلم على الناس لي عرفاتهم فهاد الايام القليلة..باستهم كاملييين وصلات عند.خيرة وتحنات باست ليها يديها وقالت:تهلاي فراسك اخالتي..وعلى سلامتك

مجاوباتهاش بقات غي ساكتة..جا عبدو عندها هز يديها بغا يبوسها وهي تجرها قايلة:مكاين لاش..بسلامة

تنهد بحزن وقال:تهلاي فراسك

تفاوت من حداها فحين هدى مفهمات والو وزادت تأكدات بلي عندهم شي مشكل بيناتهم..دازت فيها ومشات تابعاه..سلمو على الحاج لي مسخاش بيهم وركبات جنبو هو لي عاقد سبعة فربعة وداير نظارات شمسية..أبدا واش سولاتو ولا ستفسرات..خلاتها لوقت اخر يكون فيه مرتاح ويعاود ليها..شافتو جبد كارو شعلو ولاح البريكة بنطرة..وهي تنطق بهدوء:نديرو موسيقى؟؟

عبدو:(بدون مايشوف فيها)ديري

عرفاتو مقلق ومعصب من نبرتو باش هضر وأكيد غتفهم اشنو كاين..وزاد فضولها كثر ناحية مو وتعرف اشنو كاين..هزات تيليفونو وقالت:معنديش أنا كونكسيون عطيني نطلق فديالك

دار ليها الكود وخلاه ليها دخلات لليوتوب كيبان ليها غي الراي وهي تمشي طلقات اغنية خليجية هادئة فيها كلمات زوينة كتريح..ورجعات التيلي حداه..مرة مرة كيسمعها كتغني بشويا معاها حتى سالا داك الكارو..عاد تلفت ليها وقال:كيعحبك الخليجي

تبسمات وشافت فيه بحب:كتعجبني نتا

كمش عينيه وتلفت ليها راسم ابتسامة خفيفة:كترتي عليا..فينها الميكروبة ديالي لي كتقطر عليا الهضرة

هدى:ديك ساعة مكنتيش راجلي..دابا لي قلتها ليك من حقي

عبدو:قمعتيني(شاف فيها باعجاب)القهوي عاود

هدى:نبدلو اللوينات ههه اجي طنجة فيها الحوايج

عبدو:سي ضروري

هدى:خاصاني شحال من حاجة

مد يدو شد يدها وحطها على قلبو:نوصلو ونديك خودي لي بغيتي..نتي غي امري

هدى:الله يحفظك ليا ياربي

دوزو طريقهم كلها غي احاديث حتى ترخف شويا وبدا كيضحك معاها متناسي شنو قالت مو او بالاحرى دايرو فقلبو مع كاع احزانو ...مرة مرة كيوقفو فشي محطة استراحة وطريقهم كلها هضرة وضحك واغاني حتى وصلو لعاصمة الشمال طنجة مع المغرب..حلات شويا الزاج وستنشقات هواءها قايلة:شحال غزاالة

عبدو:زوينة...غتكوني عيتي؟؟

هدى:شويا..نمشيو نرتاحو ونتعشاو

خدا الطريق لأحد أفخم الفنادق فيك يا طنجة..وملي كنقولو فخم بمعنى راه فخم نيت..الديكور والتصميم والبناء والمكان فاش جاي فخم..حط الاوطو وهبط شوانطهم لي خداهم السيد لي مكلف..شد فيديها وعينيها كضور على المنظر الفخم..هي جات للشمال مع بثينة من قبل لكن عمرها جلسات فاوطيل بحال هذا..مبيناتش بتاتا بقات محافظة على هدوءها..مشابكة يدها معاه وغادية بكل انوثة برفقتو..من الاستقبال كتشوف الفلوس اش كتصنع..الاحترام والمعاملة والترحيب كي داير..عطاوهم كارط ديالهم ورافقهم الباكاجي واحد الموظفين باش يطمن بلي كلشي هو هذاك..دار الحجز هو مسبقا بايام

غي حلو وحط ليهم الشوانط..دور معاه ومشا فحين هي كتشوف فالبيت لي خداو كي راقي وهادئ ..دور يدو على خصرها ويديه كتفك شالها:عجبك؟؟

هدى:غزااال حبيتو

عبدو:الى معجبكش ناخدو سوييت؟؟

هدى:لا مكاين لاش..هنا زويين بزاااف(حيد ليها الشال)صهدني

عبدو:(لواه فيدو)كنتخيل كون ماكنتيش دايراه(خشا وجهو فعنقها)

هدى:(جاها هر)هههههه ريح...كيعجبني كنرتاح فيه حتى هو ستيلو زويين

عبدو:نتي لي زوينة ولي لبستيها كتجي معاك

بعدات عليه شويا حتى تلفتات ورجعات دورات يديها على عنقو بحب معلقة فيه ..ويدو كتفك شعرها وتلعب فوذنيها :كنعجبك؟؟

عبدو:(باس ذقنها)كدوخيني

هدى:(بعيون كتبري)باغيا نطير ليك العقل

تنهد وقرب كيبوس ففمها بعذوبة ويجر شفايفها بشهوة مكتاسح عذرية شفايفها من جديد..ويديه كتلعب فظهرها كيفما بغات...جسدها الانثوي بين يديه الرجولية ..كيبوس فشفتها ويهبط لعنقها يعضو بالغدايد كل ماتفكر بلي ميقدرش يقيسها حتى توقف فجأة كينهج ووجهو حمر وقال مقرب ليها:ديري معايا حل راه غنتفركع

هدى:(عينيها معسليين بالبوسة)اشمن حل؟؟راك عارف

عبدو:(رجع لمود التقبيل فوجهها كامل لي شادو بيدو)الى بلاصة مسدودة عطا الله منين

هدى:مفهمتش

فيكسا عينيه فعينيها بجدية والحمورية لاعبة عليه وقال:عطا الله فين

هدى:فين؟؟

مد صبعو بشوي مهبطو مع عنقها حتى قرب لصدرها وقال:هنا مثلا

طيراتها فالسما وفهمهاتها ماشي غبية ولا ماشي بنت الوقت باش متعرفش ومتفهمش اشنو قصد..بعدات شويا وقالت متوترة:لا اعبدو..ماشي من لول حشووومة

زفر ومسح على وجهو وقال :براحتك

شافتو بعينيها حتى هز اغراضو ودخل يدوش وقالت بينها وبين نفسها:هذا راه سلكوط مافيه لي يصبر(قاست حنوكها)كيدير فيا العجب هههه

دخل دوش وخرج كينشف فشعرو لقاها جالسة رجل على رجل والكديمات حمرين كتقلب فالتيليفون..محسات حتى لاح عليها فوطة وقال:نوووضي الى غدوشي الميكروبة نمشيو نتعشاو

هدى:المسموم(لاحتها عليه)

مشات هزات اشياءها من جديد وكتقرر شنو غتلبس غي مع راسها حيت عارفا الى سولاتو غيبقا يتعوج عليها..دخلات للدوش حيدات كلشي بقات بالدوبياس ..شافت فمراية طويلة شكل جسمها وعجبها. التصبغات حيداتهم منو والحلقة فبوطها خفيفة عاطية رونق جميل..مشطات شعرها وجمعاتو بقراصة ودخلات طرفات لقات الفوطة الصحية مافيها والو..دوشات عادي بلا متقيس شعرها..نشفات ولبسات عليها سروال ثوب عريض مزير غي من الكرش..جا بارز كريشتها ناسقاتو مع شوميز خفيفة فالاسود مستورة من لور وقصيرة من القدام..صايبات فولارها بشدة راقية من جديد حتى تعطلات نيت..دق عليها وهي تحل ليه قايلة:فقصني هاد الفولار

عبدو:(طلعها ونزلها)ياك أ مدام قلتي مكتلبسيش السراول؟؟

هدى:(مضاربة مع الفولار)الدجين..الثوب كنلبس..جيب ليا صندالتي عفااك طالون تخونسباغون

مص حناكو من لداخل وكيقول واش نهضر ولا نسكت..نوضها معاها؟نقوليها معاجبنيش لباسك غيشوفو فيك؟؟ولا نخليها ونحيد مني هاد القاعدة لتمشي تهرب ليا

مخلا مقال فدماغو ..فالاخير نعل الشيطان ومشا كيقلب ليها على صندالتها ببرود عكس العافية لي شاعلة فداخلو وقفات عليه حفيانة :ملقيتيهاش؟؟ففف نسيت فين درتها

عبدو:غي بشويا عليك فين زربانة..الى بغيتي نطلبو العشا هنا

هدى:لالا بغيت نخرج برا نشم هوا تالشمال(بفرحة)هاهيا هههه

هزاتها وبدات كتلبس فيها تحت انظارو لي ضارب حطة نييت وداك الصدر كيبان عريض من وسط القاميجة..كملاتها ووقفات قايلة:جيتي زوييين(سدات ليه الصدفة)البسالة لا..صدرك كولو كيبان

هدى:هههه عندك شي حاجة كيشوفوها البنات كيفهاو فيها هههه الصدر المبندر

عبدو:(ضحك)ههههه نتوما البنات

هدى:(قاطعانو)هوما البنات انا مخديتك حتى عرفتك وعرفت قلبك بيض وحنين وولد الناس..مخديتكش حيت زوين ولا مفورمي ولا عندك الفلوس(رشات ريحتها)الله ههه

حرك راسو وشد فيديها وتمو خارجين انيقين كأي كووبل عاد تزوجو..مبسمين لبعضهم مشاركين نفس الموضوع حتى نطق:كون كنت مفحاليش تزوجي بيا؟؟

هدى:ههه مالك دابا عندك مال قارون راك مفحالكش..حسابك غي كل مرة حاط ليا طوموبيل فشكل غنتغر هههههه غا لوكاسيون

عبدو:ههههههه واخا الالة(شبك يديهم)نتعشاو غي هنا فالريسطو ونخرجو برا

هدى:(بعيون لامعة)اوك

بالفعل نزلو للريسطو الفخم ديال الاوطيل وخداو بلاصة..كان معامرش بزااف..جالسة فاص ليه كيهضرو ويضحكو مجمعش فمو معاها..كل مرة يضحكها وتضرب يدو وهو كذلك..لي شافو ميقولش عبدو المكنزز هذا..كملو عشاهم وناضو خرجو يجيبو ضورة فطنجة لي كتكون ساحرة بالليل

هدى:كتجي ليها بزاف؟؟

عبدو:سي..فيها كوانات واعربن

هدى:البيران السكايري ههه والله ونشمو فيك حتى نبات مانصبح

عبدو؛(شعل كارو)كتهددي فيا؟؟دابا شديييتك ودرتك تحت يدي معندك فين تهربي

هدى:ههههه واخا يكونو جامعيني بيك تسعين ولد..غنسمح فيك الى درتي علاش هههههه

عبدو:عارفك ديريها هههههه

كملو جولتهم الليلية بسلام وتمشااو شويا عاد رجعها مسخسخة وهو اكثر حيت ساق وجا خارج..دخلو لوطيل مشا كيبدل وهي شدات الجموع مع ختها بابيل عادية كتعاود ليها ..تخشا فالفراش كيتسناها تسالي ..هزات اشياءها ودخلات بدلات عليها وديماكيات وجهها وخرجاات ..تلاحت حداه بريحة لذيذة كان مغمص عينيه..تكات على كرشها هازا رجليها للفوق..داعبات حنكو بحب وقالت:نعستي؟؟

داعبات حنكو بحب وقالت:نعستي؟؟

عبدو:ممممم عياان

هدى:عيطتي لخالتي؟؟

عبدو:لا(حل عينيه شاف وضعيتها)نعلي الشيطان وبراكة من التقحبييين راه غنوض ليك

هدى:(ضحكات بصوت عالي)ههههههههههههههه مالك مشروون..الزواج مافيهش غي داكشي

عبدو:(حل فيها عينيه وجرها تا قربها كثر)واش فيه؟؟

هدى:(بدات كتلعب بلحيتو)فيه الحب والاحترام

عبدو:(قاطعها)هاد الديسك قراوه ليك فشي مدرسة وكذبو عليك..(باس يديها باش كتلعب فلحيتو)شهاد اليدين الرطبييين هادو..واش هادو نحطهم على *****""" راه نجيبو فالبلاصة

محسها حتى نزلات عليه بتصرفيقة لحنكو كضحك :والله يمسخك ههههههه(شد يديها)طلق من يدي خليني هههههه ماسخ لاخر

عبدو(ضحك بجهد)ههههههه واش نتي كتخلفي فيا السلخة لي عطيتك ولا شنو؟؟(زير على يديها)دوزي تنعسي

هدى:مافياش..جمع معايا شويا

عبدو؛هضري كنسمعك(غمض عينيه)لعبي ليا فلحيتي حتى نعس

هدى:(باشرات من جديد كتلعب فلحيتو)داير كي الدري الصغير ههههه خاصك الحنان

عبدو:خاصني نح*******

***

فاقو اليوم الموالي فحضن بعضهم..ضرب ليها بوسات وناض كيغسل وجهو مفيقها باش يخرجو..وبالفعل لبسو عليهم وخرجو يضورو فطرو فطنجة وكملو لمدينة اخرى مجاورة..دوزو فيها الناس بضحكهم وشقاوتها هي واكيد مع عصبيتو هو..شبعو تصيورات كيضل يصور فيها وهي هادشي كيفرحها

جلسو يتغداو فاحد المطاعم..بعد صباح كولو ضوران وهي يدها مشغولة بالتيليفون حيت شافتو كيهضر فالخدمة ابيل..يد كتنقب بها ويد كتحط بها صورة ليها مباينش وجهها بزاف غي النص فيه لكن عينيها واضحيين ضاربا فيهم الشمس..ويديه على كتفها ..حطات التيلي وكملات ماكلتها فحين هو كيهضر فالخدمة مكلاش..ناضت حداه نيشان وبدات كتوكلو تا جابت ليه الضحكة ..مجاش فين يكمل حتى كانت وكلاتو

عبدو:شبعت

هدى:بقيتي على الهضرة ونسيتي الماكلة هههه

عبدو:ونتي؟؟

هدى:شبعت هههه نمشيوو؟؟

عبدو:نمشيوو

بالفعل خلص وناضو خرجو مشاديين من جديد كيضورو فالمدينة حتى طاح الظلام وشدو الطريق راجعيين الاوطيل..هز التيلي وهو سايق دخل للانسطا كتبان ليه تصويرتها هي لولة وهو يعقدهم..بانت ليه فوق مية جيم وزاد برمهم كثر..خزر فيها وقال:اش هادشي حاطة؟؟

هدى:هاا(شافت فيه)زوينة ياك؟؟

عبدو:مسحي الخرا

هدى:(هزات فيه حاجبها)نعام؟؟

عبدو:كي سمعتيها..مسحي الخرا..عينيك كلهم كيبانو ومزومية على وجهك وفمك بااين

هدى:واش باغياني نبين؟؟ترمتي؟؟شويا لباس؟؟

عبدو:(بحدة)مسحييي الخرااا

هدى:مماسحااش..نهار لول عرفتيني كنحط تصاوري وعرفتيني عندي انسطغرام ماشي تجي دابا دير ليا فيها السي سيد

عبدو:(بدا كيتعصب)متحطييش تصويرتك فشي قلوة...فهمتييييها(حيد ليها التيلي من يديها)نمسح دلمو انا الانسطا كولو ماشي غي تصويرة...

حيداتو ليه بنطرة ورفعات صوتها:ماتقيسش ليا تيليفوني..وماشي شغلك..واش باغي تخنقني ولا شنو؟؟محتارمة راسي بيك ولا بلا بيك..منهاري كنحط تصاوري..ومعنديش الرجال هي جوج..وبايينا يديك فيه والعالم عارفني مزوجة اش خصك مزال؟؟باغي تسد عليا فقرعة ولا شنو؟؟ شوف لشحال من حاجة كنميك عليها هاد الايام ونتا عاد مزايد فيه

عبدو:(ضرب على الفولون)متحطييييش ليا تصويرة فشي قنت..ماشي انا لي مراتي يشوفها لي يسوا ومايسوااش..وديك التصويرة غتمسح هي غتمسح..وبربي حتى تمسح وفينما بغات توصل توصل

هدى:(عصبها)مغتمسحش وسطح راسك مع الحيط..عيقتييي كتفهمها عيقتيييي واش غا بوحدك لي مزوج؟؟مالك فهاد الجهل؟

عبدو:ماشي شغلك وغتمسحيها هي غتمسحيييها...علاش متشاوريش معايا اش تحطي؟؟ملي فيك الدودة ديال تحطي انا نوريك اش تحطي

هدى:(بالغوات)ياكما الكونط بسميتك وانا مفراسيش..الكونط ديالي نحط فيه لي بغيت ووقتما بغيييت والى معجبكش الحال ضبر راااسك حيت مكنجيش انا نملي عليك شنو دير باش تجي تحكم فيا

عبدو:غنحكم فيك وغديري بهضرتي وديك التصويرة غتمسح وداك الكونط غيتحيد وغيدار واحد اخر فيه غي انا بوحدي

هدى:(قلزات ليه)هاا الكونط وها الكونط الجديد..واش شويا لباااس

عصباتو بفعلتها شد صبعها بسرعة لواه ليها بيد وحدة وقال بالغوات:يدك غنهرسها ليك الى عاودتي هاد قلة الادب لي عاد درتي..(زير عليها)

هدى:(غوتات بالالم)اععععععع طلق طلق(كضرب ليه فيديه)واطلق منييي اعععععع عبدووو كتضرنييي(دمعو عينيها)طللللللق

زير عليها عاد طلقو بنطرة والغوات طالع فالطوموبيل :مبقيناش امدام مصاحبيين راه حنا مزوجييين ..ولي قلتها ليك غديريها حيت انا لي عارف جنس الرجال اش كيسوا ماشي نتي..

هدى:(بدات كتبكي)هءهءهء الله يعطيييك شي مصيبة تفوووووو هرستي ليا صبعييي..وديك التصويرة والله لتمسحااات..وانا غنمشي فحاليييي مغنضربش معاك فيها الضربة

شاف فيها بشوفة القتيلة وقال:هي لي معمرها تكون ليك..منهار سنيتي على ديك الورقة ونتي غتبقاي معايا يا دفنيني يا ندفنك

هدى:نتا لي باغي تدفني بالفقصة...حطنييي نمشي فحالييي

مجاوبهاش مزال عرف راسو كبت السوايع معاها ..زاد فالسرعة مخليها غتموت بالخلعة واللسان لي يطلبو ينقص مكاينش..جمعات دميعاتها وشدات فصبعها لي ضرها وكمداتها لقلبها..كلها كترعد وكتوعد ليه بشي حضرة خطيييرة وشي طلية عجيبة تندمو علاش فكر يغوت عليها..غي وصلو لوطيل هبطات وتبعها باغي يتاكد بلي فالبيت...وبالفعل مشات للبيت كتغزل تقيسها تفركع..ردخ عليهاالباب وقال:مسحي التصويرة؟؟

هدى؛مماسحاااش وغتبعد مني ولا غنجمع عليك الناس..بقا ليك شويا وتضربني اعبدو ؟؟ولا راك مولفها

عبدو:(بصوت مرتافع)متحطيييش تصويرة فيها وجهك..العالم غيشووووفك واش انا رجل كرسيييي(مسح على وجهو)علاش كيعجبك تعصببني؟؟واش طلبت منك شي حاجة صعيية؟؟مسحي الخراا متصعرينيش

هدى:مغنمسحهااش حتى تولي تحتارمني..ومتبقاش تاامر فيا(كتحيد شالها بعصبية)مالي فيه انا؟؟نتا مشكاك فجنابك باغي تحمقني حتى انا ولا شنووو

جرها بجهد حتى جابها عند وجهو وزير عليها بيديه لي كتحس بيهم كيترعدو..بلا صدرو لي كيطلع ويهبط:مسحيييها..مسحيها وديري لي بغيتي غي متبقاش تماا

هدى:(باصرار)مغنمسحهاش

طلق منها ومشا هز ليها تيليفونها لي اصلا عارف الكود داير وجهو ووجها لي غيحلو...مشات باغيا تهجم عليه تحيدو ليه وكيبعد فيها بيد متحكم فيها وحلوقها واصل فين بغا..شد ديك التصويرة ومسحها عاد لاح التيليفون وزفر بنرفزة:دابا تفاهمنااا

هدى:(بدات كتجذب وتغوت ليه)وماتمسحهااااش متقبيبسش ليا تيليفوني(هبطو دموعها حاسة بالحكرة)وااا بعد منييييي اعععععع

شدها بيد وحدة وقال:غنخرج نبدل ساعة بخرا ونتي بردي(هز تيليفونها دارو فجيبو)

هدى:ملي مكثيقش فيا متزوجش بيا اسيدي....انا غي وحدة خفيفة متزوجش بياا

طلق منها وبدا كيمشي ويجي كيشوفها كتبكي وتضرب بحوايحها..هدى كتكره لي يشد معاها الضد..وسيدي عبدو شدو معاها وهضرتو لي مشات الشيء لي خلاها تجنن وترعد غي بوحدها..رونات وضربات بالمخاد وبكات وفلخر ضربات باب الحمام ودخلات كتبكي وتدعي فيييه

اما هو راه بقا واقف كيعض على شفايفو فلخر هز كارط ديال الشومبر ومشا خرج واخد تيليفونها معاه وخاطرو مزير عليه من حالتها لكن شكو ووسواسو ممخليهش يرتاح

وقفات امام المراية كتحس بالحكرة عدوها يغلبها شي حد فشي نقاش او فشي حاجة هي مابغاهاش وهذا كان سبب مخاصماتهم هي وختها ومها ديما هي انها كدير لي فراسها..شافت راسها فالمرايا كاع الضحك لي ضحكاتو فنهار واحد هجراتو فساعة..حيدات حوايجها كتبدل فيهم وكتبكي بحرقة حيت حاسة بالحكرة مكتبغيش لي يمشيها على هواه كيفما بغا يكون

بدلات عليها وغسلات وجهها وخرجات مالقاتش حسو قلبات على التيليفون حتى بغات تحماق وتسطا وفلخر فهمات بلي داه..جدبات تاعيات ومشات تخشات فالسرير كتعصر ماتبقى من دموعها بغضب منو..حيدات خاتم زواج حطاتو عند راسها وتكمشات كتقلب على النعاس حيت مالقات مادير..كضور وضور ووالو غي كتسوط حتى دازت ساعتيين عاد سمعات الحس فالبيت دارت راسها ناعسة تكمشات فوضعية جنين مغطية مباغياش تشوف وجهو..كتسمع غي بوذنيها تحركاتو حتى حسات به قرب لعندها وتحنى ..دوز يدو على خدها بحب وتحنى باسو..جر يديها عندو اليسرى لي فيها الصبع لي لواه..باسها بحب بغا يرجعها وهو يقشع الخاتم مكاينش عقدهم من جديد ولمحو حدا راسها..هزو لبسو ليها من جديد وباس خدودها بجوج حتى تحركات بدون شعور..خلا وجهو قريب منها وقال ويديه كتدوز على شعرها:عارفك مناعسااش

حلات عينيها بشويا حمريين باينة فيها كانت باكية وبحدة جرات يديها:طلق مني

عبدو:(بهدوء)بردتي امجنينة؟؟

هدى:(مخنزرة)بعد مني..غدا غنمشي فحالي

عبدو:ياك ؟غي اجي وسير

هدى:حسابك غتحبسني دوك التصرفات ديال الحماق ديرهم لشي حد اخر..

عبدو:اجي معايا نهضرو

هدى:بعد مني

عبدو:وانوضي براكة من الفشوش

جرها من يديها مخرجها معاه للبالكون بعدما هز فولارها فيدو..وقبل مايجلسو فالكراسا تما لاحو ليها فوق راسها تحت نظراتها النارية المخنزرة باغيا تيري فيه

جلس فكرسي وجرها جلسها حداه كتهزز رجليها بعصبية ويديها كتعصر فيهم وهو ينطق:عاجبك شنو درتي؟؟

هدى:(بحدة)اه وغنعاود نحط تصويرة والى معجبك حال ردني لعند با...اش كيحساب ليك رااسك ؟؟تبدل فيا شنو بغيتي نتا..راني بنادم وراني مراا..مرا وعارفا راسي اش ساوية منتسناش أنا سيادتكم تجي توريني اش كنسوا

عبدو:نتي ساوية فعيني بزاف ولكن قللتي مني فاش حطيتي تصويرة بحال هاكاك..باش عرفتي بلي كلشي عندك بنات؟ونفترض بنات غتكون شي وحدة شافت التصويرة حدا شي راجل ويشووفك نتي هاكاك زويينة جاتك عادي؟؟الى نتي جاتك عادي أنا راه كنتحرق من الداخل..العافية شاعلة فيا..مسحت التصويرة ودماغي مزال كيقوليا شافها شي قرد

هدى:حيت نتا فيك هاد الفعايل كتخاف يديروهم الناس(بحدة)ماشي كاع الرجال زلالا وماشي كاع الرجال لي شافوها كتغريهم

عبدو:غالطة..كاع الرجال بحال بحال ولي مقالش زوينة بفمو غيقولها فنفسو وأنا قلبي كياكلني عليييك(شد يديها عندو)راه ميمكنش تقولي ليا يشوفيك شي واحد من غيري

هدى:سد عليا نتا فقفص وتهنااا

عبدو:مكرهتشش

خرجات فيه عينيها من وقاحتو وناضت باغيا اتدخل حيت لا مجال للحوار معه وهو يجرها بزربة جابها فوق رجليه زير عليها من خصرها وقال:متفهميش غلط هضرتي..مكنشكش فيك كنغييير عليك وماباغي حتى حد يشووف فيك لا من بعيد ولا من قريب

هدى:(معصبة)غتبقا دير ليا هاكا حتى نطج وأنا الى طجيييت معمري غنرجع واخا تموت وراك عارفني نديرها

عبدو:(مص شفايفو كانه كيمص غضبو)معندك فين طجي..حاولي ديري راسك بلاصتي وتفهميني واش لي عندو بحالك ميغيرش؟؟(خشا وجهو فعنقها)كنبغي نتسطا فاش كنحط عليك يدي ونتخيل شي حد اخر يديرها

سكتات كتسمع لهضرتو لي معرفات باش تفسرها ولا باش تأولها بغات تهضر وهو يسد فمها بصبعو وقال:غدخلي تنعسي ترتاحي وتنساي الموضوع

هدى:مغنساهش حيت حكرتي عليا وهزيتي ليا تيليفوني ومسحتي ليا تصويرتي

عبدو:هزي حتى نتي ديالي وديري بيه لي بغيتي..انا بين يديك ديري مابغيتي لي معجباتكش فيا بدلييها غي متنعسيش معصبة

هدى:نعست مغددة وبكتيني ومحتارمتينيش وكتقلل مني..كتردني معنديش شخصية(شداتها البكية)كتبغي تمشي عليا كلامك وانا هادشي مكنحملوووش

عبدو:(مسح قطرة كانت باغية تنزل من عينيها)والااا أهدى ..متفهميهاش هاكا..تبعي هضرتي وكاع لي غيدير لينا الصداع بعدي عليه...هذا هو عيبي ميمكنش نبدلو

هدى:وأنا منقدرش نتعايش معاه حيت غنتسطا وغنحماااق

عبدو:(ضمها لصدرو بحب)تحماقي كاااع(زير عليها وكيبوس فراسها)صافي سمحي ليا..

هدى:(عاد مفرعنات)ممسامحاش ليك..عصبتيني وانا عرووسة

عبدو:ههههه نتي راه قداميتي مشات عروووسة صافي

هدى:باقي عرووسة بزز عليك(مسحات دمعات خفاف)ونتا ديما كتنكدها عليا

عبدو:(هزها بين يدو ووقف)زيدي العروسة تنعسييي

داها للفراش منين خرجها دارها فيه عارف راسو مقنعهاش وغتبقا منفخة ليه شحال لكن عز عليه تنعس غضبانة ..غطاها وقال:تاكلي شي حاجة؟؟

هدى:تيليفوني

خرجو من جيبو مدو ليها وقبل ماتشدو تحنا باسها بجهد ففمها وقال:نعسي متسناينيش

هدى:(كمشات عينيها)غادي تشرب؟؟وتزها ياك؟؟

عبدو:نمشي نشوف صحابي ونجي..نعسي رتاحي

هدى:(بنفخة)ماشي شغلي فيك..ضبر راسك

عطاتو بالظهر وخدمات تيليفونها فحين هو تنهد وخرج يشوف صحابو نيت غي فالبار ديال لوطيل..اما هي لعبات تاعيات فتيليفونها فالاخير نعساات

دخل لشومبر حال بالكارط لي عندو كيلوي فعنقو بتعب..حيد تجاكيط وتبعها التيشورت بقا ملابس والو من لفوق وعضلاتو مخدومين بستة محسوبين منقط بالبرص عاطيه رونق خاص..دور عينيه على البيت مبانش ليه حسها..اللسان لي يعيط ليها مكاينش..حتى سمع الما فالدوش..مشا حلو بلا ميدق حتى كيتصادف بأجمل منظر ممكن هو كرجل يثيرو فيها..جسدها واقف تحت الرشاشة عاري رشيق مافوقو غير خويط.ديال السترينك لي داخل فالشقة ديال مؤخرتها ويديها كيهزو شعرها كتحرك فيه الشمبوان واقفة وقفة رشيقة بارزة ليه كل حاجة بلاصتها..لكن لي خلاه يترعد بلاصتو هي ثقيبات تالزين لي فظهرها ولي واضحيين وضوح الشمش..خلاوه يعض على شفايفو بشهوة باغي يتغدا بيها اليوم قبل غدا..

بقات عاطياه بالظهر وهو عينو كتنمظر فثقيبات لي فظهرها وفمؤخرتها وعقلو السافل شلا مارسم ليه لكن بمجرد ماتفكر هضرتها رجع لور ناعل الشيطان..

سد عليها الباب ومسح على وجهو بتوتر ميمكنش يتغاضا على ديك الانثى لي شاف ولي هي من الاصل أنثاه..داخ وتلف حتى شد الارض كيتخلص من سبرديلتو جتى بانت ليه خارجة لابسة بينوار فايت ليها الركبة ودايرا فوطة فوق راسها..شافتو وقالت:جيتي(تحرجات حيت بالبينوار)

طلعها وهبطها باعجاب وقال:عاد دابا..بالصحة(كيعريها بعينيه)

هدى:يعطيك صحة

هزات حوايجها تحت أنظارو لي غياكلوها ورجعات للحمام لبسات فيه بيجامة حريرية فالبيج بصديفاات والسروال..مع بدات كتنشف الشعر حتى دخل عليها غي بالشورط ..دارت راسها مشافتوش وقالت:غدوش

عبدو:مممم

زاد للدوش فحين هي خرجات حشماانة ممولفاش تشوفو زبط لديك الدرجة..مشات دغيا نشفات شعرها وتخشات فالفراش حتى خرج لابس غي الشورط كينشف شعرها..لاح الفوطة بعيد وتم جاي لعندها وقلبها كيضرب دقات كثااار كتقول اليوما ياكلني..طالق عليها سحر جسدو..تلاح حداها وجرها خشاها فيه مدور يدو على كرشها وعنقها خاشيها فيه وعينيه تسدوو باغي ينعس لكن صورتها وهي عريانة متنسانش ليه

عبدو:(باسها فشحمة وذنيها حتى بورشها)معمرك قلتي ليا عندك ثقابي فترمتك

يتبع...