الوضع توتر بينهم بزاف وخيرة هزات فخاطرها وجابت فشوشها عليهم ولات غاضبة والحاج يحزر ويبزر فيها اما هدى راه شدات رجلها فدارها مخرجات ماشافتو منادماش بتاتا وعتاكفات فبيتها مكمشة فالفراش كتسنط لعظامها والوجع كيضرب فيها مرة مرة بنغيزات ..دارت لراسها كاس تالحليب بالقرفة شرباتو وخمداات نعسات معقلاتش مزال..داز هادشي كولو على نظرو هو لي جالس فاحد المقاهي الاسبانية شاد بيرا كيضرب فيها وعينيه حاضينها من الكاميرات لي داير فالدار..عارفها جاها الوجع من الحليب بالقرفة لي طيبات ووقفتها لي ممقاداش لكن باش يمشي عندها رفض..باغي يعاقبها
داز يوم كامل حتى للعشية عاد فاقت هي ممعاها حد فالدار لقات الوجع همد وتفكرات شنو وقع وهي تعقدهم ومزال باغيا تقول كثر غي جرها...خدات دوش سخوون كمدات بيه عظامها ومشات كتلبس عليها وعينيها على التيليفون لي مافيه حتى رنة من عندو وهادشي منولفش ليه ..ديما كتقلب كتلقى على الاقل ربعة تالاتصالات فاليوم..شدات فراشها نبت ودوزات الابيل لختها لي لقات اتصالاتها ..يعد السلام والرد بدات كتعاود ليها المنزلة بالتفصييل
هدى:غوت وتعصب ومعجبوووش الحال كااع ومن حقو راه مو هاديك وكيفما هي ممحتارمانيش حتى انا مغنحتارمهااش
اكرام:واش هبيلة؟؟راك غتخرجي على دارك؟؟
هدى:نسكت ونحس بالحكرة باش نحافظ على داري؟؟داري محافظة عليها حيت هاد ولد الناس كنعاملو مزيان وكنبغييه..شوفي غي بااه واش عمري هزيت فيه العين بااه عسل محطوط..فمو فيه غي الصواب والاداب هي لابسة جلد الغول وهي اصلا ماشي هاكاك
اكرام:وباش عرفتيها ماشي هاكاك؟؟
هدى:السيدة مصدوومة وشابعة عقد..هي مات ليها ولدها انا راه ماتت ليا فيدي وسمعت هضرة الناس كيقولوها ليا فوجهي بلي انا السباب ومنظنش لمت حتى واحد حيت داكشي ديال الله...خيرة غي مصدومة وشدو ليها الخاطر بزااف حتى ولات كي الدري الصغير
عليا:مهزش فخاطرو عليك..هو معجبوش الحال ولكن متقلقش منك ملي عرف بلي حكات عليك
هدى:شكون قالها ليهم؟؟نتي؟
عليا:سي(جلسو فالفوتوي)كون سكتي وصبرتي شريتي الصداغ في مع عبدو اما هي راه غتمشي
هدى:نموت ومتسكتش لحشيان الهضرة..فينها؟؟ناعسة؟؟
عليا:ااه لبارح تعشاات مع الحاج براا
هدى:(ضحكات)الفشوش ههه غيمشيو اليوم؟؟
عليا:سي..ان شاء الله
هدى:غنهضر معاها
عليا:بلاش غتنوضو غي الصداع
هدى:بيناتنا ا عليا كتشوفيني غالطة؟؟
عليا:الصراحة اه..نتي نيتك زوينة وانا عاشرتك وعرفتك بنت الناس وحاجتك ماديالكش ومافيكش السم والحقد لي فالبنات ولكن البارح عطيتيها القاسح
هدى؛بكات؟؟
عليا:لا غي تغرغرو عينيها..خصك تعرفي اهدى بلي عمتي ولفات واحد الفشوش خايب..ولفها الحاج الدلال والتحزار وشدان الخاطر وميخسر ليها حد حيت عندو عزيزو بزاف وملي مات عبد الله تزاد الاهتمام كثر ولى مقابلها غي هي وفاش ضرتي فيها هاكاك بحالا وكدتيها وفيقتيها للواقع
هدى:والله اعمي الى هي لي جبداتني وكتحشي ليا الهضرة ومكتعاملش عبد الدائم زوين
الحاج:(جلس وجلسها حداه)سمعي ابنتي قصة خيرة وولدها راه عشر سنين وهي هاكا وهو صابر حيت مو ومعندو مايدير ليها..مغنلومكش حيت جاوبتيها يمكن هي حكرات عليك حيت عارفها اي حاجة فيها الولد مكتبغبهاش ولكن ماشي هضرة هاديك..فمقام مك واخا تبان ليك قاسحة خيرة راه القلب الكبير غي الظرووف
هدى:(تغرغرو عينيها فاش قال بحال مك)وعلاش انا شنو درت ليها؟؟مشكلتها مع عبد الدائم انا شنوو درت؟؟
الحاج:هضرت معاها وجبدت ليها وذنيها..مافيها بااس تطللبي منها السماحة على وجهي وجه راجلك الى بغيتي ابنتي وجات فخاطرك
ناضت كتجمع شجاعتها ومحااملاش تعتاذر ليها ولكن على وجه الحاج لي طلبها بحب..توجهات للبيت منفخة وكتعوج فوجهها غي وقفات وهي تدق وسمعات:زيدي أ عليا
حلات الباب وقالت:صباح الخير الغضبانة
تلفتات خيرة وهي تعقدهم وقالت:الصباح للله
هدى:(عوجات فمها)الصباح ديال الله مالو ديالك
خيرة:اش باغا؟؟
هدى:(دخلات وسدات الباب)واخا نهضرو؟؟
خيرة:ماعندي فاش ندوي معاك..لبارح عطيتيني اش عندك
هدى:وظلمتك؟؟شوفي كاينة غي انا وياك ونجيك للصراحة نتي مرا مزيانة مختالفناش وكلشي كيقولها فيك زوينة ولكن كتحكي علي انا لي مدرت ليك والو..اوك مشكلتك مع ولدك وعارفاها وكتبقا هضرة بيناتكم ولكن علاش كتحاولي تضريه بيا انا؟؟
خيرة(خزرات فيها)مسالية راسي انا..انا مرا كبيرة وقد مك وكترجعي علي الهضرة وتعايريني قدام راجلي
هدى:ونتي لي كتحشي الهضرة ليا قدام راجلي؟؟ انا مجيتش باش نهضر فهادشي الى واقفة اليوم قدامك حيت باغيا نصفي الخواطر على وجه عبدو ووجه عمي..مبغيتكش تمشي تعمري ونتي ممسامحاش مع الناس
نبرتو كانت نبرة أمر وهادي هي لي مكتحملش هدى انه يأمرها شي حد ولا يبزز عليها شي حاجة كتحس بالحكرة..مداتهاش فيه انما نطقات مخاطبة الحاج:دعي معانا أعمي الله يديكم على خير
شافها مغتحركش وجرها من يديها بلا هضرة بلا جوج..مخرجها من دار عليا غي فاتو الباب جرات يديها ببرود وقالت:كنعرف نمشي
عبدو:(كيغزز فسنانو)تحركي قداامي
خزرات فيه وزادت مخلياه وراها كيحسب الخطاوي باش ينفارد بها وفعلا مع دخلو لدارهم نطق بعصبية:اش داك عند الواليدة؟؟
هدى:(كتحيد فولارها)مشيت هضرت معاها
عبدو:وعلااش؟؟نسيتي شي حاجة باغيا تقوليها ليها(شدها من ذراعها)هضري
هدى:هادي مك؟؟علاش كتغطييو الشمش بالغربال؟؟نبكيها؟؟راه انا لي خصني نبكي على هضرتها
عبدو:هضرتك هي هضرتك..مواعياش بلي داكشي لي درتي قلة الادب مع مي
هدى:واخا قلة ادب راه فيقاتها شويا!!! قللت الادب على باك؟؟على عليا؟؟على عماتك؟؟عليك؟؟ لا حيت كلكم كتحتارمووني ولكن خيرة مكتحتارمنييش باغا تمرضك بيا انا
عبدو:ونتي شغلك؟؟مي هاديك تقول لي بغااات ..ماشي شغلك(كشاكشو خارجيين)علاش تهضري معاها هاكاك
هدى:باغيني نعبدها؟؟كلكم مراضيينش البال بلي دايرين ليها واحد الفشوش خرج عليها وزاد مرضها كثر ماهيا مرييضة
عبدو:(صاح بعصبية)واش باغياني نعصي فيك الله؟؟كتقلبي على شي عبد الدائم واحد اخر..كتقولي ليا على مي مرييضة
هدى:(زفرات)عبدو سير بدل ساعة بخرا..نتا مباغيش تفهم اش كاين ..وانا معندي.جهد نشرح ليك..قلتو قللت الادب راه مشيت طلبت السماحة صافي سدو الهضرة..انا اسيدي لي خايبة ومك مقالت والو
عبدو:متهضريييش على مي هاكا!!!اش قلت ليك النهار لول؟؟والدييا خط حمررر
هدى:(رفعات صوتها)ومك راه تخطاات خطي انا ولا حلال عليها وحرام علي..فيق شوياا راه كضيعوووها
عبدو:(جنناتو وكشاكشو خارجيين)واا بعدي منها..متهضريهاش تقوليا لي بغااات ..ماشي شغلك مي هاديك تسلخني تسبني نتي مالك..واش غي نتي دفنتيها تحت الارض حسابك حتى انا بحالك
كمشات فيه عينيها ببرود وضحكات بسخرية :بصح انا دفنتها..انا معاقلاش حتى عليها حيت خلاتني صغيرة ولكن رباتني مها..رباتني مرا علماتني نعطي لينادم فوجهو وننافقكش
عبدو:فرقي بين قلة الادب والوقاحة والصراحة...(خزر فيها)تعاودي تخرجي بلا خباري نحش ليك رجليييك...قلبي علي نسد على مك
هدى:ماشي نتا لي غتقوليا اش ندير
ضرب ليها شوفة قاسحة وخرج مخليها كتغلي وتغدد..الرعدة شاداها من هضرتو ومن طريقة أمرو كيخليها تعصب...دوزات نهارها فالدار مشافتش وجهو..كتاكل وكتفرج وكتلاهى فالانستغرام ولا فمواقع التواصل وكل مرة تسووط بملل..مخلات مدارت والنهار ماباغيش يسالي وللقنطة شاداها حتى عليا مجاتش عندها
شعلات فيديو كتفرج فوصفة وناضت كتقادها كتلاهي فيها راسها والنفسية زيرو ..قادات عشيوة تسناتو حتى عيات وتعشاات حيت جاها الجوع ولات شهيتها محلولة بزااف وغي كتاكل جو اسبانيا وافقها..مجاش عبدو بكري نهائيا مدخل حتى لنص الليل وكيسمع السقيل عارفها غتكون ناعسة..حط سوارتو وتم داخل للبيت وبالفعل كانت مخشية ففراشها ناعسة معنقة مخدة..بدل عليه وغسل ومشا كيقلب يشرب حتى كيشوف العشا محطوط عرا عليه وخرج لسانو كيدوز على شفايفو يبللهم ورجع غطاه مقاسوش..كمى كارو ومشا دخل نعس حداها بدون مايقرب ليها ولا يحط عليها يديه
وعلى نفس المنوال دازو الايام لي تعد ف جوج سيمانات..كيفيق فالصباح واخا يلقاها فايقة مكيهضرهاش كتوجد الفطور ميحطوش ففمو. لي طيباتها مياكلهاش..الهضرة عمرو دواها ولا وجه ليها الكلام..مكتخرج مكدرج من غير الى جات عندها عليا تونسها شويا وصافي اما الخريج عمر عليا ذكراتو ليها ..15 ليوم هاجر.كلامها مكيهضرهاش حتى بالضحك ومكيشوفش فيها نهائيا..كتحرك وتلبس قدامو وتعطر ومكيديهاش فيها نهائيا ..ولات كتشوفو فالصباح حيت كتفيق قبل منو كتلقاه حداها ناعس ولا الى نسا شي حاجة ورجع ليها..داير ليها الصمت العقابي..مكيعاتبهاش ومكيهضرهاش مخليها داخلة فدوامة تفكير لدرجة كتقول واش انا فعلا غلطت
العلاقة ديالهم ف 15 ليوم بردات..بعدما كانت زوينةغير تعاملو معايا كليا ووراها وجه مجمر الغمة عن جدارة واستحقاق..فلول كانت حتى هي منفخة ومكتحاولش تهضرو لكن من بعد كتشوف السيد.مكيعمرش الدار ومبقاش مسوق كاع وبدا كيضرها خاطرها عليه
دخل فواحد العشية لاول مرة بكري مع جوايه الستة كيسمع هضرتها هي وعليا لقى السلام وقال مخاطب عليا:صافا؟؟
دخل عاطيهم النخال وهي تعض هدى على شفايفها:واش هذا تسطاا؟؟
عليا:معرفتش اختي..(وقفات)انا غنمشي غيجي حبيبي
هدى:اوك متغبريش علي عفااك كنقنط
عليا:(عزات عليها)مكرهتش نخرجوو ولكن راك شاايفة
هدى:(تنهدات)مديريش فبالك اختي
وصلاتها للباب ورجعات لبلاصتها ورجلها كتهززها بنرفزة حيت تجمع عليها كلشي..باغيا غي تخرج تشم الهوا وممخليهاش..بان ليها غادي خارح مبدل عليه ومقاد ومصايب وهي تقول:فين غادي؟؟
مجاوبهاش خرج عاطيها النخال وهي تشعل فيها العافية وناضت حتى هي بالغدايد لبسات عليها حوايجها دارت شال على كتافها وخرجات سامحة ليه فيها وضاربة بهضرتو عرض الحائط
كانت معصبة وذاتها كتغزل خصها غي معامن..مفكرات لا فهضرتو لا فتصرفو ولا رد فعلو..فقط باغيا تخرج من المساحة لي كتجمعها بيه وتنفس شويا بعيد عليه..بدات الخنقة كتحاصرها بعدما دوزات اسبوعين بدون ماتخرج..السيدة بقلة الخريج بيااضت ووجها صفا حيت كانت مقابلة غي تاكل وتنعس وتتهلا فبشرتها
مع خرجات ردخات الباب وعينيها مضببين باغيا تبكي وملاقيا على من..كل لي كتفكر فيه دابا هو تبعد وتخرج متشوفش فيه مزال..فين غتمشي؟؟لعند من؟؟فبلاد مكتعرف فيها حد من غيرو هو وبنت خالو وراجلها لي قليل فين كتشوفو ولا كتهضر معاه..اللغة ياله شادة لباز..باقي مكتهضرش بها مزيان كتفهم بعض الكلمات
هزات راسها قدام الباب كانت سيارتو مزالواقفة فيها هو لي كان كيكمي ساد الزاج. شافتو وترعبات مظناتوش مزال ممشاش..بغات تسلت عليه حيت بان ليها متكي على الكوسان ومستمتع بالكارو ديالو ساعا مجاتش فين تنوي شافها..قلب وجهو وعاود رجعو دغيا بحالا كيتأكد واش هي نيت ولالا..عطاتو نظرة قاسحة وزادت خلفة عاطياه مساج واضح"على مافخيلك ركبو"
اما هو كان خرج وقال يكمي عاد يتحرك وبالفعل جالس منخوي حتى كيدور وجهو وكيشوفها هي..فلول حسابو غي كيتهيأ ليه ساعا هي بشحمها ولحمها ولي زاد بين ليه فاش زادت خلفة..محس براسو حتى هبط من السيارة تابعها..ناداها جوج مرات بصوت غليض دب الرعب فذاتها لكن أبدا واش هدى لي تبينها..كملات على طريقها حتى حسات بيديها كتجر وغتحيد من بلاصتها..جا وجهها فوجهو نيشان وعطات منو ريحة النيكوتين الخاصة بيه لي كتمزح مع ريحتو...وبعيون حادة وغاضبة نطق:فين غادية الحاجة؟؟
هدى:ماشي شغلك(بغات تجر يديها وزير عليها)طلق مني ولا نجمع عليك الناس
مداهاش فيها جارها بزز عليها كيحاول ميتصدرش صوتو باش ميتغاوتوش حيت القانون غيتدخل وغيوليو فبلانات اخرين..معرفش كي.دار حتى وصلها للدار اما هي راه حسات بديك المسافة حيت ذراعها كان غبيتقطع من بلاصتو..كي.دخلو طلق من يديها وصاح:فين كنتي غادية؟؟
هدى:ماشي شغلك..سولتك فين غادي جاوبتيني؟؟درتي لي قاليك راسك حتى انا ندير لي بغيييت
قرب ليها منير كيبان ليه فيها يبجغها..شدها من وجهها او بالاحرى من فكها مزير عليها وصاح وكشاكشو كيضربو فوجهها:باغيا تصعري دلمي؟؟باغيااني نسد عليك ؟؟علااا كتخرجيي؟؟اش مخرجك؟؟؟وبلا خبااااري
كتهضر وتهز تتحط والدموع كيسيلو على وجهها بلا الشال لي تخربق ليها وحوايجها تجنتروو..غوتات بحر حتى طاحت الارض كترعد وتبكي بالغدايد وهو عينيه خرجو فيها كتطيح قدااامو
هي ملي كتبقا تجمع تجمع حتى كتفركع حيت الكاس متغسلش ليك مزيان ..هي تراكمات لمجموعة من المشاكل النفسية لي جمعها الانسان فداخلو وكبحها بدون مايعبر عليها..وبقات كتحفر فيه حتى تفركع
وهذا حال هدى..دوزات اسبوعين كتشوف تجاهلو واهمالو ومقاطعتو لهضرتها وكتجمع وكتقول اليوم يتقاد غدا يتقاد ووالو ...جرحها بطريقة غير مباشرة هو لموالف كيهتم بها ويسمعه ليها ويفششها جاها عقابو قاسح بزااف
شافها طاحت كتبكي وتغوت فالارض ومشا تحنى شدها دارها فحضنو كينهج ويزفر تعرمو عليه الاحاسيس..معصب وبقات فيه فنفس الوقت..زير عليها وبدات كتركل ليه باغيا تفك وتهرب لكن زير عليها ساكت وكيزفر كيسمعها كتعاتبو بنفس الطريقة ديالها..مهضرش نهائيا حيت الى هضر غيزيد يكمل عليها وكل واحد فيهم كيشوف راسو عندو الصح
دام غواتها وبكائها لمدة دقائق عاد حس بها كتحبس تدريجيا وكتنخصص..حس بدموعها على يديه كيتقطرو حيت حانيا راسها وكتبكي مكتشوفش فيه..كيعض فشفايفو ويلويهم بعصبية كيتسناها تحبس بمرة ياش يهضر ساعا هي كتافها عاد.مكيترعدو وكيتهزو بدون وعي منها
بقات كتنخصص وتشهق عزات عليه وقطعات ليه فالقلب حيت هو جيه حتى لهدى تبكي كيتقاداو ليه..هز ليها راسها بيدو باش يجيو عينيه فوجهها الباكي وعيونها لي ولاو حمرييين بلا نيوفها لي دايزيين وشفاهها كيترعدو ..منظر ضرو بزااف فخاطرو حيت موالف يشوفها قوية قاسحة مكتهدش وكتقابح وتجابه وتغوت لكن تبكي كتجي قااسحة على قلبو وهو لين غي معاها
مسح ليها دموعها بصمت حيت باش يهضر ميمكنش..مغيعرف مايقول ليها..بعدات عليه باغيا تنووض وهو يحسبها:فين غادية
تنطرات منو وناضت كتزرب للحمام مجاش فين يتبعها كانت ردخات الباب ودوزات الساقطة..عقل كيقوليه ضرب فالباب وغوت عليها وعقل كيقوليه ثبث راه بكتيها..وبين فكرة وفكرة كان كيسمع بكاءها من جديد الشيء لي نرفزو..ودق فعلا الباب بعصبية قايل:حلي هاد القلاوي
مهضراتوووشش بقات كتبكي شادة على قلبها..كتحس بيه غيخرج من بلاصتو وشادينها النخاصي فصدرها..بكات حتى طاب قلبها من جديد وهو كيمشي ويجي كيتسناها ومرة مرة يدق ويغوت باش تخرج حتى قالها ليها راسها عاد.حلات لباب لقاتو فاص ليها عاقدهم..مهضراتوش مشات نيشان للبيت مخلياها وراها تابعها ..متهنى حتى شافها لاحت حوايجها بنطرة وتخشات فالفراش عاطياه بالظهر..زفر براحة ملي شافها تكات عرفها غتنعس..رجع خطوات لور باغي يخرج ومخلاتوش خاطرو وهو يعاود قرب ليها..حسات بالسرير حتى تحرك بحكم ضخامتو..سمعات أحبالو الصوتية كتحمحم قايلة:متنعسيش ونتي باااكية
فقصها وغددها ولكن سكتات حيت جهدها مشا فالبكا..مجاوباتوش تكات مكمشة وشاف حتى عيا وناض غطاها وخرج مخليها بعدما بدل حوايجو كيزفر ويعاود بحالا والدة ليه مشة فحجرو..مشا للثلاجة خدا قرعة تالما شرب منها ورجع جلس كيفكر فحريرتو وكي يدير يفكها معاها..فحين هي نعسات جبدات عليه مناضتش بفرط العياء كل مرة يطل عليها يشوفها واش عايشة ولالا حيت عقلو كيقوليه الى بكيتي ونعستي غيسكت ليك القلب..خلاصة الامر الشك واكلو
ناض طيب ليهم بجوج دار بالناقص من الخريج مدوز غي اتصالات من للبيت ..كل مرة معيط لشي واحد مسير كلشي من الدار خايف يمشي ويلقاها زادت خلفة ودماغو كيصور ليه بلي اصلا هي كانت خارجة يعني باغا تهرب
دازت العشية كاملة حتى تناص الليل ومفاقتش دخلات ليه الشك مخلا مدار وهي باقي جابدة عليه..مشا عندها مجبد كي السلوكي على مرفقو..لمس خدودها كانو حمريين وسخان بالدفء لي فالبيت وكذلك بالبكا والنعاس..نادى اسمها مرات عديدة عاد بدات كتحرك جسدها معلنة عن استيقاظها..فور ماحلات عينيها لاحظ انتفاخهم اما هي غي شافتو ورجعات بها الذاكرة للور وغوبشات فيه ياله غتهضر وقال:نوضي تعشااي
شاف اصرارها وخلاها تنعس براحتها واخا هو غيبقا بلا خاطر..وؤجعات بالفعل للنعاس بحالا مناعساش عام مفاقت حتال الصباح...مع حلات عينيها لقات بلاصتو خاوية ومخربقة دليل على انه نعس حداها..حكات عينيها لي كيحرقوها وناضت كتفوه نيشان للطواليط..خسرات سيفتها فوجهها ودارت ليهم مرطب حول العينين عاد مشات تتقلب على متاكل حيت مكلاتش من البارح..حلات الثلاجة هزات طوماط سوغيز غسلاتها وكلات ربعة تالحبات ورجعات كتشوف فداخل الثلاجة هزات الليمون وللبيض باغيا تبدع ظنا منها خرج كيف عادتو بلا ميقولها ليها ولا يتسوق ليها
تشهات كيكة وبدات كتحط فالمقادير كيفما كتشوف ختها كدير فابيل فيديو ودماغها مرون باغيا غي تشغلو ولهفتها على كيكة بالليمون كبيرة..حطات كلشي وخلطات كيف كتشوف ختها دارتها فالفران وبدات كتوجد لراسها فطور فانتظار تطيب الكيكة..مع بدات كتفطر تحل لباب ودخل هو عرقان لابس شورط وتيشورت مبين فومتو..شافت فيه وقلبات وجهها داز نيشان للدوش بعدما تفحصها بعينيه عرفاتو مشا كيجري وشحال طلباتو تجري هي وياه وكيرفض...كملات فطورها وكتسنا الكيكة طيب..جا هو مبدل عليه ومدوش فيديه كارو وبريكة ..عصر ليه قهيوة وهزها شاعل كاروه حاضيها كتحرك جبدات الكيكة لي دازت عليها عشرين دقيقة فالفران مفشوشة ماعندها حتى منظر..شافتها وهي تخسر سيفتها وزفرات بعصبية..هزاتهالاحتها فالزبل بتذمر تحت أنظارو شايفها معصبة مع حوايجها..
مشات جبدات المقادير من جديد وياله غتبدا تخلط شمات الكارو عند نيفها كان هو لي ساط عليها الدخان وقال بصوت مبحبح:مالك معصبة غي مع البيض
بعدات عليه وجهها وقالت:بعد علي..وماشي شغلك
طفا الكارو فالطفاية لي حداه وقال:حيدي نوريك.كي تصايبها!!!
هدى:(غوبشات فيه)ونتا شميشة؟؟
شاف فيها بنظرة هادئة وقال:اري شي حاجة فاش تخلطي
هدى:(عوجات فمها)مابغيتش..متعلمنييش
عبدو:هدىىىى
ديما نبرة صوتو فاش كينطق اسمها كترعبها حيت بحالا كيقوليها صافي عيقتي..جبدات فاش تخلط وقال بامر:هرسي البيض
هرساتو متذمرة وفنفس الوقت باغيا تبقا مجمعة معاه..ولات حافضااه فاش كيبغي يحزر كيدير موقع والو..شافها كتخسر سيفتها فالبيض وقال:اري
شد من عندها كلشي وقال:جيبي السكر ..واري الفاني
عطاتو ببرود لي بغا وبدا كيحرك باحترافية تحت انظارها هي لي الى بغات تحرك باش تجانس المقادير كتبدا تعوج.كاملة وكتفيبري بجسدها..حاضية غي يديه لي طلاهم البرص كثرفالاونة الاخيرة..مسمعاتش صوتو حتى نطق:الزيت كتزيديها غي بشويا متخويش كلشي دقة وحدة
هدى:ونتا فين عرفتي هادشي؟؟
عبدو:علماتني ميي
لاح ليها قصدا ديك الهضرة كأنه كيفكرها فشنو دارت وهي تجاوبو حتى هي بنفس الطريقة :انا مي ماتت بكري ملحقاتش تعلمني
جوج.جمل تلاقاو باش كل واحد فيهم يحارب لاخر..سكت مهضرهاش وحتى هي عينيها بقاو فين كيخلط وقال:اري الليمون
هدى:منزيدوش تالخر
عبدو:باش تولي ما!!ديري الليمون مع السوائل
كباتو دقة وحدة وهو يضحك:بشويا
بدا كيخلط وكل مرة يقوليها زيدي حاجة ويعطيها نصيحة تا كمل وقال:خص تجي هاكا(قاستها بصبعها)
هدى:واخا
كملها ودارها فالفران وبدات هي كتجمع الرواين محاولة تجاهلو حتى حسات براسها ترفعات من الارض وتحطات فوق البوطاجي حتى حسات بالبرودة طالعة معاها..كان هو لي هزها وتخشا بين رجليها لاغي المسافات بيناتهم..عيونو الصقرية كيحومو على عويناتها البنية الخالية من الكحل مع شفيرات كثاف..بغات تهضر وهو يقول:مالك دافعة علينا ترمتك غالية
هدى:بصحتي..
عبدو:درتي معايا الفالطة أ هدى وبزاااف
هدى:انا؟؟
حرك راسو بالايجاب:علاش توصلي ليا مي؟؟كون وحدة خرا كون طلقتها
هدى:(خرجات عينيها فيه)تطلقني؟؟
عبدو:قلت كون وحدة خرا ..نتي عندي عزيزة بلا متكوني مراتي(لمس حنوكها)معرفتكش نهار درتي داك التصرف
هدى:منادماااش عليه حيت مك جبداتني ولقاتني ومع ذلك بوجهك عمي مشيت قلت ليها سمحي ليا واخا غلطات فيا وسول عليا تقوليك اش قالت
عبدو:(حط يدو على خصرها)واش انا مكنعرفش مي؟؟راه مي واخا معرفتش اش تقول
ضحكات عليها هدى ومن قلبها فرحات ليها اما عبدو دغيا لبس عليه وخرج قايل:مشينا(شاف فهدى)نحطها ونجي ..(حط يدو على شعرها)نخرجو شويا
هدى:(توحشات صوتو فاش كيدوي بالهداوة)اه
عبدو:نرجع نلقاك واجدة
هدى:اوك
مشاو وسدات الباب مبسمة فرحانة لعليا حيت هي لي شافت شوقها على الولاد..مشات خرجات الكيكة من الفران لقاتها منفوخة ومفشفشة ..حطاتها بحذر وقالت مغوبشة:مجمر الغمة كيدير كيكة حسن مني
زوقاتها بداكشي لي كتعرف وجمعات الروينة عاد مشات لبيتها كتقلب ماتلبس..وقفات امام مراة كبيرة كتشوف فذاتها غلاضت..كتلاحظ ترمتها تنفخات وحتى صدرها كبر على قبل مع الكريشة لي خرجات ليها ..حطات عليها يديها كتخيل راسها حاملة وكتحاول تستعقل على ايام حملها ببنتها مكستعقلش بزاف كتشوف غي شي ذكريات خفاف..كتفكر الى حتى هي حملات لكن سرعان ماتلاشات الفكرة فاش فكرات فعبدو..ختارت شنو تلبس وهاد المرة دجين عريييض مزير غي من الخصر اما جاي مرخوف بزااف دارت معاه تريكو فالابيض فيه فتحة فالصدر ومشات كتقاد ماكياج خفيف على وجهها لي كثر من جوج سيمانات محطات فيه نقطة..سالات ودارت فوقها كيمونو طويل فالاخضر مطروز من اليدين مع لي زيسكاغبون ..قادات فولارها باحترافية وجلسات حاطا رجل على رجل كتصور ضفارها ويديها وراسها بيدما دخل هو لي غي وصلها خلاها معاه تخبرو ورجع عندها كيزرب كأنه ماشي هو لي كان قاطع هضرتها
وبالفعلا كانت تسنات غي شويا كان صونا ليها عالمها بلي وصل برا..هزات صاكها ورشات وخرجات كضرب بالطالون كتبان كي شي خليجية..وميمكنش تفلتها عينيه هو لي غي حاضيها..مع طلعات حداه وهو ينطق ضاحك:كتباني بحالا جايا تشوفي ابو القحطاني
هدى:ههههه وليت نلبس كي الخليجيات هههه
عبدو:(شد يديها باسهم)بصحتها الميكروبة ديالي
هدى:فين غنمشيو؟؟
عبدو:نمشيو نقضيو واحد الغرض
هدى:فين؟؟
عبدو:شويا وتعرفي
دارت لسانتيغ وتبعاتو فريو ساكتين كتشوف بعويناتها براحة توحشات هاد الراحة بيناتهم بلا ميتعكر الجو بيناتهم..حسات ليه شعل كارو ووقف بيهم امام مبنى ضخم وقال:هبطي
نزلات برضى وجا شد فيها من يديها وقالت:اشنو جينا نديرو هنا
عبدو:شحال ماجبت ليك كادو
هدى:مكاين لاش هههه
عبدو؛ضروري
هدى:باغي تحزرني؟؟
عبدو:تسنيتك تحزريني حتى عييت ومدرتيهاش
ضحكات حتى تسدو عينيها وقالت:متستاهلش
دخلو للمبنى لي كانو فيه طبقات فيه غي لمحلات الراقية ديال المجوهرات والاكسسوارات وكذلك الصيكان..خلاها وسط ارقى واغلى البضائع وبدا كيتعزل معاها..تحط يديها على شنو ما بغات وتاخدو..ولي عجباتو فيها تاخدها..مخلا شنو شرا ليها وفالاخير خلص وخرجو مشاادين..كي.طلع حداها وقال:تصالحنا؟؟
هدى:(بهدوء محافظة على ابتسامتها)ماشي هادشي لي غيحزرني
عبدو:باغيا شي حاجة خرا؟؟
هدى:باغيا نهضرو
عبدو:غنهضرو الزين غنهضرو
تحرك لاحد المقاهي ملاهيين فالهضرة وغي هي لي كتعاود.حيت شحال ماجمعات معاه بدات كتسرسر ليه كلشي لي فاتو على ختها وعلى باها وخوها..حتى جلسو فمقهى راقي طلبو شنو بغاو وقال:نهضرو دابا
هدى:(بجدية)كنسمعك
عبدو:داكشي لي درتي مابغيتوش يتعاود..ديك السيدة مي منبغيش لي يضرها
هدى:مكاينش لي كيضرها كدكم..انا ضراتني هضرتها وجاوبتها ونتوما كتضركم وكتسكتو ليها!!!علاش بسلامة؟؟شنو هي بنادم وحنا لا..سي راها مك وعليك بالاحترام وترضيها ولكن ماشي على حساب ناس خرين
وبالفعل كانت ديك الجليسة ديالهم هي جلسة الصلح بيناتهم..جبر بخاطرها وهي كذلك حيت لا هيا تقدر تستغنى عليه لا هو يقدر يفرط فيها..وبعدها توجهو لدارهم فين عاشو علاقة حميمية حلوة فداو فيها الشوق ديالهم
توالات عليهم الايام كيف عادتهم مرة مخاصميين مرة مصالحيين وتشغلو بوحم عليا لي بدا كيهبلهم كل مرة مشهية حاجة كل مرة باغيا حاجة..كل مكتكبر كرشها كل مكتزيد تهبل وراجلها غي كيهز ليها فهبالها مصاب غي تولد ليه
دازو ايام وتلاوها شهور وهدى فالغربة مشات مرةوحدة عند ختها للامارات ومعاها هو اكيد اما المغرب عمرها عتباتو كتهضر معاهم غي فالتيليفون مكتحبسش من الهضرة معاهم بتاتا..
كانو فليلة فضيلة عند الله الغد ليه غيكون رمضان..بغات هدى تولف تاهيا اجواءو وتعصرات هي وعليا قادو سليلو والشباكية لي كون معاوناتهاش عليا غتطلع قاسحة..مهم عندها دير الباروك
جالسة هي وعبدو على طبيلة معمر هو اتاي فيها صحراوي مخشية فيه معرية عليه سيقانها عاود عاد.مغلاضت وبانت عليها الصحة والتهلية والشعر طوال
هدى:غتفيق للسحور
عبدو:ضروري كيخصني نكمي
هدى:انا لا مكنفيقش باقي داك العام وىيت كنفيق وكنتقيا كلشي فالنهار
عبدو:ضروري تحاولي تاكلي غي شويا باش غتشدي النهار
هدى:معليش ولفت
باسها ففمها وقال:نهبطو فالعيد للمغرب
هدى:بصح؟؟؟
عبدو:الى بغيتي نهبطو
هدى:اه اه توحشت بابا وخوتي
عبدو:نهبطو احبيبة..وراقك راه خص غي شي شهراين ويوجدو
هدى:ان شاء الله(تكات فحضنو)اول رمضان لينا بجوج
عبدو:فرقيني عليك ونقصي التقحبيين ههههه
هدى:الله يمسخك
وبالفعل تعشاو وناضو نعسوو فانتظار يوم جديد لي هو اول يوم رمضان ..بالفعل هو فاق للسحور وجدو حيت هي عيا ينوض فيها مبغات..كلا ومبغاتش تفيق ليه عزات عليه ومشا هز التمر والحليب وتوجه عندها..فيقها بزز وكلها التمر وشربات الحليب بتذمر باغيا تنعس..عطاها تشرب الما ونوضها صحة للفجر..وكانت اول مرة فحياتهم يشاركو الصلاة بحكم حتى واحد مكيصلي فيهم وعمرهم ركعوها
كانت لحظة مؤثرة بالنسبة ليهم..هو واقف كيصلي بها بخشوع كتسمع صوتو لي مبحبح بالشراب والكارو كيقرا القرءان لي حافظ منو غي شويا وهي وراه مخشعة مبقاش فيها النعاس توكدات نييت
صلاو بجوج ودعاو وهي تنوض عنقاتو بحب وقالت:علاش مكنصليوش
عبدو؛ههه الشيطان
هدى:ياربي نشد فيها من رمضان
عبدو:ان شاء الله
رجعو ينعسوو على اساس صايمين حتى كيصوني تيليفونو بعد ساعة باش نعسو هزو لقاها نمرة عليا..مع شد الخط سمع الغواات صمكوووو قايلة:واااعتقني عتقنييي كنولد وهذا لي حدايا صمك معارفش اش كااااين
دخلو للكلينك ومشا معاها راجلها فحين عبدو شد وراقها وكيقادهم ليها كيضحك عليها وهدى مطلعاها عليه
هدى:شبعات فيك عضاان
عبدو:غا بلاتي تنوض هههه(سنا ليهم)
هدى:مسطية ههههه شحفت من دابا
بغا يجاوبها وهو يشوفوها من جديد لكن ماشي كيف العادة بتاتا..موالفة تكون انيقة وضاربة الحطة والانوثة هاد المرة كانت شاحبة ولابسة لباس المشفى جارا السيروم ودايرا لراسها زيف خفيف مع ملامح متعبة..حقق فيها الشوفة وقال بعدم تصديق:تيتريت(نجمة)
تيتريت او نجمة بالعربية
هي الامازيغية لي حب قلبو اول مرة قرات معاه وكبرات قدامو وشافها فكاع مراحل حياتها لكن عمرو ظن يشوفها هاكا..باهتة ومريضة والصلع باين فراسها بالاضافة للضعف لي ضعافت هادشي.كولو ممنعوش انه يعرفها
تلفتات هدى ولقاتها هي لي صعاب عليها تعرف على ملامحها حيت شافتها مرة وحدة..اما تيتريت او النجمة لي طفات ومبقا فيها ضو بالمرض لي فتك بها..
تصدم من المنظر وبقا غي ساكت كيشوف فيها رفقة الممرضة وامها لي ميمكنش ينساها وهو وياها فحروبات..قرب منها يشويا وقال:مريضة؟؟
بابتسامة باهتة وعيون طافية بالاضافة للهالات السوداء المحيطة بيهم نطقات:غنموووت
كلمة واحدة كانت كفيلة باش تشهق مها لي كانت شادا فيها من جهة وكتكتم فدموعها لي غيهبطوو بدون وعي منها..هز حاجبو وقال:اشنو عندك؟؟
هدى:(بفضول)بغيت نعرف اشنو وقع بيناتهم؟علاش عبدو مكحملهاش؟؟ياك كان كيبغبها
عليا:قصة طويييلة
هدى:عاودي ليا دابا
عليا:هههههه راني والدة
هدى:ولدتي ماشي ميتة ههههه واعاودي
عليا:ولكن متقولي ليه والو
هدى:حسبي راسك معاودتييش
عليا:شوفي نجمة شلحة مأصلة وعايشة فكازا باها ميسور عادي بحال العالم وقرات هي وعبدو فنفس الليسي
هدى:قد قد فالعمر؟؟
عليا:لا كبر منها هو بشي ربع سنين..كانت كتعاود بزااف حيت معندهاش مع القراية..تعرف عليها تما هو كان زيين والفلوس باه ممخصووصش وكان كيقرا من نيتو ..راك عارفا لي غولاصيون ديال اليسي كيكونو فشكل ههه تعارفو ولاو كيخرجو بزاف فينما شفتي تيتريت تشوفي عبد الدائم.
هدى:اوا؟؟
عليا:مهم بقاو هاكاك وعبدو مغيااار نييييت عليها حيت هي زوينة وشهيبة ..كان مغيار نييت مكيحملش يهضر معاها شي حد ولا تجمع مع الدراري عكسها هي اجتماعية بزااف كان غي الى وقف شي صاحبو كتسلم عليه بحالا كتعرفو وتجلس تكركر معاه..
هدى:كان كيشك فيها؟؟
عليا:لا..هو كان كيغير ولكن الشك لا كان كيقول نجمةثقة..مهم كبرو هو مشا للجامعة وخلاها وراه ومع ذلك ديما كيجي يديها من الليسي ..عرفها على عمتي وعبد الله ووهيبة حيت باه كان هنا...وتقول ديك عمتي واش بغاتها..جنونها فيها حبدي ليها الشلحة تعووااج
هدى:هي الحمد لله مكيعجبها حد ههههه
عليا:لا هاديك بزاااف وكان عندها صح..نجمة زوييينة والفورمة والادب لكن كانت انانية ..كتشوف راسها وصافي..خصها هي تبان زوينة ولي معاها يكون زويين
هدى:اي وحدة كتبغي تكون زوينة
عليا:نتي لا...شوفي قبل مانعرفك كنقول كيفاش عبدو تزعط فوحدة دايرا الفولار وفشكل وبقا لاصقها..لقا فيك شي حوايج مكاينينش فنجمة لي كانت كتموت على البرستيج واللباس وهادشي مكانش كيقلق عبدو بالعكس كيشري ليها ومهلي فيها
هدى:كملي
عليا:مات عبد الله وعبدو دخل فحالة خايبة بزااف حيت مو كتلومو وحماقت واحد الوقت ولات كتهرب لينا وكتغوت وتضرب فراسها وتدعي فيه..وحتى هو كيحسابو واش هو السبب مهم كثارو المشاكل ولا كيبات فدار عمو باش ميشوفهاش ونجمة كتجي تشوفو مرة مرة..حيت نجحات فالباك وولات فالجامعة..موقفاتش معاه كيفما خصها دير
هدى:مفهمتش
عليا:مدارتش واجبها كصاحبتو ولا كوحدة كيبغيها..كانت كتشوفو ولكن مكتواسيهش كاع..كتجي كتسول فيه بحالا غي خصها ديرها..واحد المرة كيشكي عليها وكيبكي راك عارفة مساهلاش يموت ليه خوه وهي تضور فيه وكتغوت لا والرجال مكيبكيييوش ومخصكش تبكي ومك هبلات مالها فيييه مهم سمعاتو الهضرة
هدى :ويلي ههههه
عليا:تخاصمو وناض باه قاليه غتمشي نتا لاسبانيا وجا عبدو(تبسمات)خويا ديالي ونسني فالغربة ..وبقا معايا واخا تعذب حيت بعد على مو وباه ولكن كان احسن..بقات نجمة فالمغرب ومها كانت كتكرهو كتقوليها مافيدوش ماعندوش..باه لي هازو..خصك تشوفي شي حد عندو الفلوس عليه ونتي زينك يستاهل ما حسن
هدى:قبيلة مشافش فيها عبدو هه
عليا:كيكرهها ههه حيت عمرات ليها راسها
هدى:مكايناش شي حاجة سميتها عمرات ليها راسها كاينة هي اصلا مكانتش مقتانعة بعلاقتهم
عليا:ممكن..مهم بقاو هاكاك كيجي مرة فشحال كيعيط ليها مكتجاوبش على شحال كيبقا يصبفت شي حد يسول ليه عليه مكيلقاهاش وكانت هي كل مرة فقنت كتسافر وعايشة الحياة..تما تعرفات على راجلها لي هو كان صاحب عبدو
هدى:حلفيييي
عليا:ماشي شي صاحبو مي كيعرفو وهو لي عرفهم على بعضهم..هاد صاحبو كان كيعرف خوتي اوا وفغيابو تعارفو وخرجات معاه وقالت ليه تفارقت معا عبدو مهم خلوضات
هدى:وتجيه من لخر تقوليه افلان مابغيتش نكمل معاك مالها على هاد الفيلم
عليا:هادي هي نجمة..كتدور وتدور وتكذب..كانو فيها الكذوب بزااف وكيحصلهم عليها حتى مشات ثقتو فيها
هدى:باش ختموها؟؟
عليا:جا للمغرب على غفلة ومعلمهاش وتببعها تا خرجات مشات تلاقات بصاحبو فابارتمون..خلاها حتى دخلات دق عليهم لقاهم واخدين راحتهم
هدى:(خرجات عينيها)لقاهم فالفراش؟؟
عليا:لا غي بجوج فابارتمون اش غيكونو كيديرو؟؟سلخها مزياااان مخلاش فيها
هدى:دعاتو؟؟
عليا:لا...لقاتها فرصة تفارقات معاه وتزوجات بلاخر لي قالن ليه مبغاش يفرقني
هدى:ويلييي على هادي..داكشي علاش مكيثيقش فيا
عليا:(تبسمات)ثيقي بيا والله حتى كيثيق فيك حيت كيقوليا راه نشوفها بعيني ونقول عيني تعماو
هدى:اليوم نخدمو عليه هههههه(صونا تيليفونها)ماماك كتعيط
عليا:ارايها ليا
عطاتها هضرات معاها وقلبوها كاميرا ولوخرا كتبكي على بنتها حيت كانت عوالة تجي حتى ولدات بلا وقت..وهدى كتفكر فعلاقتو كبف كانت وكتقول واش كان كيعاملها بحالي ...دوزات الصباح غي تما حتى جا زوج عليا جاب ليها تلبس وخرجات باش تخليهم براحتهم..جلسات برا كتهضر مغ ختها فالتيليفون حتى شافتو من بعيد جاي..وقف عليها وهي تبسم:فين كنتي؟؟
عبدو:الخدمة(مغوبش)كي بقات؟؟
هدى:مزيانة كتبدل...مالك؟؟
عبدو:تقطعت ففففف ياله تمشي ترتاحي
هدى:لا خليني مع عليا نونسها حتى يقرب الفطور نمشي نوجدو
عبدو:غنقطرو فالريسطو بلا متعذبي اليوم لول
هدى:اوك(حمحمات)مشيتي شفتيها؟؟
عبدو:شكون؟؟
هدى:نجمة
عبدو:هي لي خصاتني فهاد الصباح..مريضة الله يشافيها وانا مالي؟؟
هدى:مالك كتغوت؟؟صافي غي سولتك ففف يااااه
عبدو:غيبي علي راسي كيطبخ
سكتات مجاوباتوش بقات كتراسل مع غزلان وخوها ميساجات وهو عين هنا وعين لهييه ختى حطاتو ليه فيديه وقالت:هاهو كتب بلاصتي
عبدو:فين غادية؟؟
هدى:نبووول فففف بنادم.حضااااي
تبعها بعينه تا غبرات ورجع لتيلفونها دارو فجيبو نقربش ليه عيا كل مرة كيقلب ومكيلقا والو حاضية غي الحوايج والاكسسوارات..رجعات دغيا وقالت:جاني الجوع
عبدو:ياله تغداي
هدى:هه باسل
دوزو يومهم تما معاها وهي كل مرة تعيط ليها نمرة حيت مها دارت الاشهار لعالم قالتها ليه ومرة تجاوب هي مرة هدى تطمنهم عليها ..مخرجو من عندها حتى فات العصر مطمنين عليها ناويين يرجعو مورا الفطور..وحتى هي اصرات باش يمشيو يرتاحو
بالفعل مشاو للدار توضاو وصلاو لي فاتهم هزات القرءان قرات شويا ..تكات ترتاح حيت منعساتش مزيان مفاقتش حتى قرب المغرب على مناداتو عليها وناضت لبسات عليها ومشاو للريسطو لقاوهم موجديين ليهم الفطور واكيد للناس المسلمين لي تما دايرين ليهم بيفي ديالهم
جلسات هي وياه فطبلة وحدة حداه طبعا كيتسناو المغرب وهو ساكت كيهزز رجليه راسو غيتقطع عليه وكيعض فشفايفو حتى نطقات:فيك الحريق فراسك
عبدو:بزااف
تسناو لحظات واذن المغرب عند الاغلبية ...هزات تميرة فرقاتها معاه مشافش فيها كاع خداها كلاها شرب الما بزربة وقال:انا جاي
هدى:فطر.معايا
تحنى باسها فحنكها:عشرة دقايق نكمي ونجي
هدى:(بعتاب)على الريق؟؟
عبدو:يا نكميه يا نتفركع عليك
مشا وتنهدات كملات فطورها وعينيها كيضورو على المكان كتشوف فعلا مسلمين كيكسرو صيامهم وكيفطرو لكن جو المغرب ابدا واش حسات بيه ومحساتش بجو رمضان بتاتا..مشماتش الحريرة كطيب ولا تسمع صوت الاذان والناس تغبر..شداتها البكية بقات كتفطر بصمت وغي كتنقب بشويا عليها حتى جا كيدوز بريحة الكار ومبسم وقال:بصحة فطورك
هدى:بصحتك
سمعها بصوت مغنغن وهو يهز فيها عينيه وقال بتشكيك:مالكي؟؟(قرب ليها وجهها عندو)علاش كتبكي؟؟
هدى:(سرطات الريق)عاد غنبكي...قنطت ماكاينش جو رمضان
شداتو الضحكة ودرعها عندو قايل:راه الغربة هاكا دايرا ههه نتي مزال هاد العام مونساني انا راه كندوزو بوحدي
هدى:(تسرحو دموعها)مظنييتش يكون خايب هاكا...شوف مكاينش الجو كاع
عبدو:ههههه واصافي(كيدوز على حنوكها)فطري دابا وغدا ندير ليك تلفازة فيها النفار
هدى:مابغيييتش
مسحاتهم وجلسات كتاكل وتنكر وتشكي عليه ..مرة يجاوبها مرة يتنهد عليها حيت مولفاتش ليه بتاتا جاتها الغربة صعيبة بزااف خاصة هي اصلا عندها نقص وزادت اسبانيا كملات ليها
فطرات براحتها وقالت:بغيت نصلي
عبدو:ياله لبيرو عندي وصليي
نوضها وصلى بها وغي كملو باس راسها وقال:غي صبري غتولفي
أقوى مما أدرك الجزء 21
محتوى القصة
الوضع توتر بينهم بزاف وخيرة هزات فخاطرها وجابت فشوشها عليهم ولات غاضبة والحاج يحزر ويبزر فيها اما هدى راه شدات رجلها فدارها مخرجات ماشافتو منادماش بتاتا وعتاكفات فبيتها مكمشة فالفراش كتسنط لعظامها والوجع كيضرب فيها مرة مرة بنغيزات ..دارت لراسها كاس تالحليب بالقرفة شرباتو وخمداات نعسات معقلاتش مزال..داز هادشي كولو على نظرو هو لي جالس فاحد المقاهي الاسبانية شاد بيرا كيضرب فيها وعينيه حاضينها من الكاميرات لي داير فالدار..عارفها جاها الوجع من الحليب بالقرفة لي طيبات ووقفتها لي ممقاداش لكن باش يمشي عندها رفض..باغي يعاقبها
داز يوم كامل حتى للعشية عاد فاقت هي ممعاها حد فالدار لقات الوجع همد وتفكرات شنو وقع وهي تعقدهم ومزال باغيا تقول كثر غي جرها...خدات دوش سخوون كمدات بيه عظامها ومشات كتلبس عليها وعينيها على التيليفون لي مافيه حتى رنة من عندو وهادشي منولفش ليه ..ديما كتقلب كتلقى على الاقل ربعة تالاتصالات فاليوم..شدات فراشها نبت ودوزات الابيل لختها لي لقات اتصالاتها ..يعد السلام والرد بدات كتعاود ليها المنزلة بالتفصييل
اكرام:لعااار واش ضرتي فيها قدامو؟؟
هدى:ومالي غنحشم منها؟؟واش انا نبقا كنكف فيها؟؟
اكرام:هدى واش واعية اش درتي؟؟راه مو واش كتفهمي اشناهيا مو
هدى:مو لي ملي جات محاملاهش ومسلماتش عليه وكضور فيه قدام الناس..كتحشي الهضرة وتنفر منو
اكرام:كيبقا بينو وبينها نتي مالك؟؟
هدى:ملي بينها وبينو انا مالي؟؟علاش كتحشي ليا الهضرة وكتحرجني قدامو وقدام باه؟؟كيحسابها غنسكت ليها؟
اكرام:تي مالك رجعتي شرعة؟؟
هدى:من نهار مكنحملش الحكرة وحشيان الهضرة..طيابة العيالات طلعات ليا فصحتي ودوزتها..لقاتني نييت معصبة وفيا لغيكل ودزت فيها
اكرام:عبدو اش كيقول؟؟
هدى:غوت وتعصب ومعجبوووش الحال كااع ومن حقو راه مو هاديك وكيفما هي ممحتارمانيش حتى انا مغنحتارمهااش
اكرام:واش هبيلة؟؟راك غتخرجي على دارك؟؟
هدى:نسكت ونحس بالحكرة باش نحافظ على داري؟؟داري محافظة عليها حيت هاد ولد الناس كنعاملو مزيان وكنبغييه..شوفي غي بااه واش عمري هزيت فيه العين بااه عسل محطوط..فمو فيه غي الصواب والاداب هي لابسة جلد الغول وهي اصلا ماشي هاكاك
اكرام:وباش عرفتيها ماشي هاكاك؟؟
هدى:السيدة مصدوومة وشابعة عقد..هي مات ليها ولدها انا راه ماتت ليا فيدي وسمعت هضرة الناس كيقولوها ليا فوجهي بلي انا السباب ومنظنش لمت حتى واحد حيت داكشي ديال الله...خيرة غي مصدومة وشدو ليها الخاطر بزااف حتى ولات كي الدري الصغير
اكرام:كتخلطي الامور..ماشي كلشي كنعاملوه بحال بحال
هدى:انا كلشي بحال بحال..حتارمتيني غنحتارمك ..متبغينش الالة غي حتارميني حيت ماقللت عليك عفة مانهضت فيك..
اكرام:شوفي نعلي الشيطان وهضري معاها حشوومة غ على وجه مجمر الغمة
هدى:تحمد الله مسلختهاش دازت على وجه ولدها
دخل عبدو ديك الساعة عاقد.حجبانو سمعات صوت السوارت وقالت:سيري هاهو جا
اكرام:بردي بردي ونتي شرعة
الصمت سيد الموقف
داخل مشافش فيها كاع مشا نيشان للدوش تخلص من ملابسو ودخل دوش يرتاح وريحة البيرا عاطية فيه..خرج قدامها هزات فيه العين وحناتها زعما ممسوقااش ليه وحتى هو مشافش فيها..لبس عليه وخرج برا معرفاتو اش كايدير..ناضت بشويا طلات لقاتو جالس كيكمي وكيقلب فالتيليفون وهي ترجع لبلاصتها كتعض فشفايفها وتمص فيهم معجباتهاش الطريقة باش تصرف..كتسمع فيه كيقرقب باينا كيطيب..دار مياكل ودخل للبيت عاقدهم مكيشوفش فيها..تلاح حداها وقلب وحهو للجهة لخرا باغي ينعس كيحس بيها كتحرك فوق الناموسية عرفها منعساتش حتى شافها خرجات وسمع التلفازة عرفها غتفرج..تنهد بحسرة وغمض عينيه باغي يرتاح مخليها هي بحالا والدة ليها مشة فحجرها..مثقلة ومقادراش تنوض..تلاهات بفيلم حتى غفاات بلاصتها مع ثلاثة تالصباح
فاليوم الموالي فاقت هي لولة معنزة شابعة نعاس حيت ضلات ناعسة وباتت عاود..لقات راسها بلاصتها عرفاتو مخرجش هزها لبلاصتها عقداتهم حيت ممولفاس ليه عارفاه كيبغي ينعس حداها ..ناضت دارت روتينها للنظافة الشخصية طلات عليه لقاتو ناعس..صاوبات فطور ليها ولييه وجلسات كتفطر بدون نفس وكتفكر اش دير اش مادير عاد طلع معاها اش دارت وانها تصرفات غلط قدام باه وعز عليها انه يتقلق منها هو لي ديما كيعاملها زوين ..سالات فطورها ومشات للبيت جرات عباية كتسلت وشال وخرجات بنفس الطريقة عارفا نعاسو خفيف بزاف
خرجات فاتجاه بيت عليا وغرضها تعتاذر من الحاج فقط على كيفاش تصرفات امامو..وفعلا غي دقات حلات ليها عليا لي قابلاتها بابتسامة قايلة:المجعورة
هدى:(دارت ابتسامة خفيفة كتسلم عليها)حوبي
عليا:فاتك الحال؟؟
هدى:(بطنز)جايا نكمل اش خليت لبارح فيقي ليا خيرة هه
عليا:الله يمسخك..راه كلشي ناعس
هدى:بغيت نشوف عمي نطلب منو السماحة
عليا:مهزش فخاطرو عليك..هو معجبوش الحال ولكن متقلقش منك ملي عرف بلي حكات عليك
هدى:شكون قالها ليهم؟؟نتي؟
عليا:سي(جلسو فالفوتوي)كون سكتي وصبرتي شريتي الصداغ في مع عبدو اما هي راه غتمشي
هدى:نموت ومتسكتش لحشيان الهضرة..فينها؟؟ناعسة؟؟
عليا:ااه لبارح تعشاات مع الحاج براا
هدى:(ضحكات)الفشوش ههه غيمشيو اليوم؟؟
عليا:سي..ان شاء الله
هدى:غنهضر معاها
عليا:بلاش غتنوضو غي الصداع
هدى:بيناتنا ا عليا كتشوفيني غالطة؟؟
عليا:الصراحة اه..نتي نيتك زوينة وانا عاشرتك وعرفتك بنت الناس وحاجتك ماديالكش ومافيكش السم والحقد لي فالبنات ولكن البارح عطيتيها القاسح
هدى؛بكات؟؟
عليا:لا غي تغرغرو عينيها..خصك تعرفي اهدى بلي عمتي ولفات واحد الفشوش خايب..ولفها الحاج الدلال والتحزار وشدان الخاطر وميخسر ليها حد حيت عندو عزيزو بزاف وملي مات عبد الله تزاد الاهتمام كثر ولى مقابلها غي هي وفاش ضرتي فيها هاكاك بحالا وكدتيها وفيقتيها للواقع
هدى:وماشي احسن هاكاك؟راه مرضات فراسها وشبعات عقد
عليا:ونتي مالك؟؟خليها بيناتهم
هدى:نكذب عليك؟؟كيحكني قلبي على عبدو كيفاش كتعاملو حيت ميستاهلش..وزادت هضرتها برزطاتني وانا نعطيييها
سمعو صوت الخطوات وتلفتو كان الحاج لي فاق..شافهم وتبسم قايل:صباح الخير
ناصت هدى كتجمع شجاعتها لعندو خايفة يصدها ولا يقمعها وقالت:عمي صباح الخير
الحاج:تصبحي وتربحي ابنتي
تحنات باست يدو بادب بحالا ماشي هي لي طلات مراتو لبارح وقالت:عمي سمح ليا على البارح مقصدتش نقلقك مني
الحاج:(بابتسامة خفيفة)ابنتي العيالات مكيساليش سوقهم..قلقتي لينا خيرة هههه
هدى:والله اعمي الى هي لي جبداتني وكتحشي ليا الهضرة ومكتعاملش عبد الدائم زوين
الحاج:(جلس وجلسها حداه)سمعي ابنتي قصة خيرة وولدها راه عشر سنين وهي هاكا وهو صابر حيت مو ومعندو مايدير ليها..مغنلومكش حيت جاوبتيها يمكن هي حكرات عليك حيت عارفها اي حاجة فيها الولد مكتبغبهاش ولكن ماشي هضرة هاديك..فمقام مك واخا تبان ليك قاسحة خيرة راه القلب الكبير غي الظرووف
هدى:(تغرغرو عينيها فاش قال بحال مك)وعلاش انا شنو درت ليها؟؟مشكلتها مع عبد الدائم انا شنوو درت؟؟
الحاج:هضرت معاها وجبدت ليها وذنيها..مافيها بااس تطللبي منها السماحة على وجهي وجه راجلك الى بغيتي ابنتي وجات فخاطرك
سكتات شويا كتفكر وقالت:واخا اعمي..على وجهك نتا
عليا:وعبدو؟؟
هدى:ههههههه لا
الحاج:الله يرضي عليك ويسر ليك ابنتي..نتي بنت زوينة ومادبة ومخلقة وزوجناك لعبد الدائم بالعشق حيت شفنا فيك الصفات لي بغيناهم لمرات ولدنا وانعم الاختيار ..ساعة الغضب والشيطان كيحضر
هدى:الله ينعلو ويخزييه اعمي..فينها دابا؟؟
الحاج:كتلبس عليها
هدى:انا نهضر معاها اعمي
عليا:غتلقايها فببت الضياف
ناضت كتجمع شجاعتها ومحااملاش تعتاذر ليها ولكن على وجه الحاج لي طلبها بحب..توجهات للبيت منفخة وكتعوج فوجهها غي وقفات وهي تدق وسمعات:زيدي أ عليا
حلات الباب وقالت:صباح الخير الغضبانة
تلفتات خيرة وهي تعقدهم وقالت:الصباح للله
هدى:(عوجات فمها)الصباح ديال الله مالو ديالك
خيرة:اش باغا؟؟
هدى:(دخلات وسدات الباب)واخا نهضرو؟؟
خيرة:ماعندي فاش ندوي معاك..لبارح عطيتيني اش عندك
هدى:وظلمتك؟؟شوفي كاينة غي انا وياك ونجيك للصراحة نتي مرا مزيانة مختالفناش وكلشي كيقولها فيك زوينة ولكن كتحكي علي انا لي مدرت ليك والو..اوك مشكلتك مع ولدك وعارفاها وكتبقا هضرة بيناتكم ولكن علاش كتحاولي تضريه بيا انا؟؟
خيرة(خزرات فيها)مسالية راسي انا..انا مرا كبيرة وقد مك وكترجعي علي الهضرة وتعايريني قدام راجلي
هدى:ونتي لي كتحشي الهضرة ليا قدام راجلي؟؟ انا مجيتش باش نهضر فهادشي الى واقفة اليوم قدامك حيت باغيا نصفي الخواطر على وجه عبدو ووجه عمي..مبغيتكش تمشي تعمري ونتي ممسامحاش مع الناس
خيرة:(عوجات فمها)خايفاني ندعي عليك؟؟
هدى:(دارت ضحكة خفيفة باستهزاء)واخا تدعي حتى لصباح تما بقيتي..ربي كيشوف وعارف اش كاين ماشي اي دعوى غتقبل..مهم انا جيت نطلب السماحة ونتي قبليها ولالا كيبقا رأيك...عمرة مقبولة
خرجات مزادت حتى كلمة خلاتها كضور فعينيها..دارت ليها اعتذار مزوق..سمعات ليها كليمات وطلبات السماحة ..وحدة خرا يقولو ليها فلانة غتدعي عليك تما تمشي تزاوك فيها ..باختصار هدى مقتانعة بشنو كدير واخا تجيب ليها الامم المتحدة مغتبدلش تفكيرها
خرجات برا لعندهم لقات عبدو جالس معاهم عاقد سبعة فربعة..رمقاتو بنظرة عادية ظنا منها حتى هو غيتناسا لكنو مشافش فيها حدو وقف ونطق:الوليد عمرة مقبولة(باس ليه يديه وراسو)تهلا فراسك وفالواليدة ..غنبقا نعيط ليك
الحاج:اناراضي عليك اولدي دنيا واخرة..وغندعي معاكم بالهداية وبالذرية الصالحة(عنقاتو هدى)الله يرضي عليك ابنتي ويكون منك
عبدو:(خزر فهدى)تحركي نتي
نبرتو كانت نبرة أمر وهادي هي لي مكتحملش هدى انه يأمرها شي حد ولا يبزز عليها شي حاجة كتحس بالحكرة..مداتهاش فيه انما نطقات مخاطبة الحاج:دعي معانا أعمي الله يديكم على خير
شافها مغتحركش وجرها من يديها بلا هضرة بلا جوج..مخرجها من دار عليا غي فاتو الباب جرات يديها ببرود وقالت:كنعرف نمشي
عبدو:(كيغزز فسنانو)تحركي قداامي
خزرات فيه وزادت مخلياه وراها كيحسب الخطاوي باش ينفارد بها وفعلا مع دخلو لدارهم نطق بعصبية:اش داك عند الواليدة؟؟
هدى:(كتحيد فولارها)مشيت هضرت معاها
عبدو:وعلااش؟؟نسيتي شي حاجة باغيا تقوليها ليها(شدها من ذراعها)هضري
هدى:شوف غتحيد يديك ولا غنرجع هدى الميكروبة..كيفما درنا وحلة طليناها وحلة طلبنا السماحة علاش
عبدو:عارفة بعدا راسك طليتيها؟؟مرا قد مك عطيتيها هضرة تضرها؟؟شكون قاليا مي مبكاتش بسبابك
هدى:هادي مك؟؟علاش كتغطييو الشمش بالغربال؟؟نبكيها؟؟راه انا لي خصني نبكي على هضرتها
عبدو:هضرتك هي هضرتك..مواعياش بلي داكشي لي درتي قلة الادب مع مي
هدى:واخا قلة ادب راه فيقاتها شويا!!! قللت الادب على باك؟؟على عليا؟؟على عماتك؟؟عليك؟؟ لا حيت كلكم كتحتارمووني ولكن خيرة مكتحتارمنييش باغا تمرضك بيا انا
عبدو:ونتي شغلك؟؟مي هاديك تقول لي بغااات ..ماشي شغلك(كشاكشو خارجيين)علاش تهضري معاها هاكاك
هدى:باغيني نعبدها؟؟كلكم مراضيينش البال بلي دايرين ليها واحد الفشوش خرج عليها وزاد مرضها كثر ماهيا مرييضة
عبدو:(صاح بعصبية)واش باغياني نعصي فيك الله؟؟كتقلبي على شي عبد الدائم واحد اخر..كتقولي ليا على مي مرييضة
هدى:(زفرات)عبدو سير بدل ساعة بخرا..نتا مباغيش تفهم اش كاين ..وانا معندي.جهد نشرح ليك..قلتو قللت الادب راه مشيت طلبت السماحة صافي سدو الهضرة..انا اسيدي لي خايبة ومك مقالت والو
عبدو:متهضريييش على مي هاكا!!!اش قلت ليك النهار لول؟؟والدييا خط حمررر
هدى:(رفعات صوتها)ومك راه تخطاات خطي انا ولا حلال عليها وحرام علي..فيق شوياا راه كضيعوووها
عبدو:(جنناتو وكشاكشو خارجيين)واا بعدي منها..متهضريهاش تقوليا لي بغااات ..ماشي شغلك مي هاديك تسلخني تسبني نتي مالك..واش غي نتي دفنتيها تحت الارض حسابك حتى انا بحالك
كمشات فيه عينيها ببرود وضحكات بسخرية :بصح انا دفنتها..انا معاقلاش حتى عليها حيت خلاتني صغيرة ولكن رباتني مها..رباتني مرا علماتني نعطي لينادم فوجهو وننافقكش
عبدو:فرقي بين قلة الادب والوقاحة والصراحة...(خزر فيها)تعاودي تخرجي بلا خباري نحش ليك رجليييك...قلبي علي نسد على مك
هدى:ماشي نتا لي غتقوليا اش ندير
ضرب ليها شوفة قاسحة وخرج مخليها كتغلي وتغدد..الرعدة شاداها من هضرتو ومن طريقة أمرو كيخليها تعصب...دوزات نهارها فالدار مشافتش وجهو..كتاكل وكتفرج وكتلاهى فالانستغرام ولا فمواقع التواصل وكل مرة تسووط بملل..مخلات مدارت والنهار ماباغيش يسالي وللقنطة شاداها حتى عليا مجاتش عندها
شعلات فيديو كتفرج فوصفة وناضت كتقادها كتلاهي فيها راسها والنفسية زيرو ..قادات عشيوة تسناتو حتى عيات وتعشاات حيت جاها الجوع ولات شهيتها محلولة بزااف وغي كتاكل جو اسبانيا وافقها..مجاش عبدو بكري نهائيا مدخل حتى لنص الليل وكيسمع السقيل عارفها غتكون ناعسة..حط سوارتو وتم داخل للبيت وبالفعل كانت مخشية ففراشها ناعسة معنقة مخدة..بدل عليه وغسل ومشا كيقلب يشرب حتى كيشوف العشا محطوط عرا عليه وخرج لسانو كيدوز على شفايفو يبللهم ورجع غطاه مقاسوش..كمى كارو ومشا دخل نعس حداها بدون مايقرب ليها ولا يحط عليها يديه
وعلى نفس المنوال دازو الايام لي تعد ف جوج سيمانات..كيفيق فالصباح واخا يلقاها فايقة مكيهضرهاش كتوجد الفطور ميحطوش ففمو. لي طيباتها مياكلهاش..الهضرة عمرو دواها ولا وجه ليها الكلام..مكتخرج مكدرج من غير الى جات عندها عليا تونسها شويا وصافي اما الخريج عمر عليا ذكراتو ليها ..15 ليوم هاجر.كلامها مكيهضرهاش حتى بالضحك ومكيشوفش فيها نهائيا..كتحرك وتلبس قدامو وتعطر ومكيديهاش فيها نهائيا ..ولات كتشوفو فالصباح حيت كتفيق قبل منو كتلقاه حداها ناعس ولا الى نسا شي حاجة ورجع ليها..داير ليها الصمت العقابي..مكيعاتبهاش ومكيهضرهاش مخليها داخلة فدوامة تفكير لدرجة كتقول واش انا فعلا غلطت
العلاقة ديالهم ف 15 ليوم بردات..بعدما كانت زوينةغير تعاملو معايا كليا ووراها وجه مجمر الغمة عن جدارة واستحقاق..فلول كانت حتى هي منفخة ومكتحاولش تهضرو لكن من بعد كتشوف السيد.مكيعمرش الدار ومبقاش مسوق كاع وبدا كيضرها خاطرها عليه
دخل فواحد العشية لاول مرة بكري مع جوايه الستة كيسمع هضرتها هي وعليا لقى السلام وقال مخاطب عليا:صافا؟؟
عليا:الحمد لله ونتا؟؟
عبدو:الحمد لله
تخطاهم وزاد باغي يمشي لبيتو وهي توقفو قايلة:عبدو غنخرج انا وهدى نديرو شوبينغ
وقف سمع هضرتها وقال:لا
عليا:علااش؟؟
عبدو:هاكاك
دخل عاطيهم النخال وهي تعض هدى على شفايفها:واش هذا تسطاا؟؟
عليا:معرفتش اختي..(وقفات)انا غنمشي غيجي حبيبي
هدى:اوك متغبريش علي عفااك كنقنط
عليا:(عزات عليها)مكرهتش نخرجوو ولكن راك شاايفة
هدى:(تنهدات)مديريش فبالك اختي
وصلاتها للباب ورجعات لبلاصتها ورجلها كتهززها بنرفزة حيت تجمع عليها كلشي..باغيا غي تخرج تشم الهوا وممخليهاش..بان ليها غادي خارح مبدل عليه ومقاد ومصايب وهي تقول:فين غادي؟؟
مجاوبهاش خرج عاطيها النخال وهي تشعل فيها العافية وناضت حتى هي بالغدايد لبسات عليها حوايجها دارت شال على كتافها وخرجات سامحة ليه فيها وضاربة بهضرتو عرض الحائط
كانت معصبة وذاتها كتغزل خصها غي معامن..مفكرات لا فهضرتو لا فتصرفو ولا رد فعلو..فقط باغيا تخرج من المساحة لي كتجمعها بيه وتنفس شويا بعيد عليه..بدات الخنقة كتحاصرها بعدما دوزات اسبوعين بدون ماتخرج..السيدة بقلة الخريج بيااضت ووجها صفا حيت كانت مقابلة غي تاكل وتنعس وتتهلا فبشرتها
مع خرجات ردخات الباب وعينيها مضببين باغيا تبكي وملاقيا على من..كل لي كتفكر فيه دابا هو تبعد وتخرج متشوفش فيه مزال..فين غتمشي؟؟لعند من؟؟فبلاد مكتعرف فيها حد من غيرو هو وبنت خالو وراجلها لي قليل فين كتشوفو ولا كتهضر معاه..اللغة ياله شادة لباز..باقي مكتهضرش بها مزيان كتفهم بعض الكلمات
هزات راسها قدام الباب كانت سيارتو مزالواقفة فيها هو لي كان كيكمي ساد الزاج. شافتو وترعبات مظناتوش مزال ممشاش..بغات تسلت عليه حيت بان ليها متكي على الكوسان ومستمتع بالكارو ديالو ساعا مجاتش فين تنوي شافها..قلب وجهو وعاود رجعو دغيا بحالا كيتأكد واش هي نيت ولالا..عطاتو نظرة قاسحة وزادت خلفة عاطياه مساج واضح"على مافخيلك ركبو"
اما هو كان خرج وقال يكمي عاد يتحرك وبالفعل جالس منخوي حتى كيدور وجهو وكيشوفها هي..فلول حسابو غي كيتهيأ ليه ساعا هي بشحمها ولحمها ولي زاد بين ليه فاش زادت خلفة..محس براسو حتى هبط من السيارة تابعها..ناداها جوج مرات بصوت غليض دب الرعب فذاتها لكن أبدا واش هدى لي تبينها..كملات على طريقها حتى حسات بيديها كتجر وغتحيد من بلاصتها..جا وجهها فوجهو نيشان وعطات منو ريحة النيكوتين الخاصة بيه لي كتمزح مع ريحتو...وبعيون حادة وغاضبة نطق:فين غادية الحاجة؟؟
هدى:ماشي شغلك(بغات تجر يديها وزير عليها)طلق مني ولا نجمع عليك الناس
عبدو:(زاد زير)هدى..متعصبيش أصل مي فين غادية؟؟كنتي عوالة خارجة؟؟كتخرجي ورا ظهري(جرها)تحركي للدار
هدى:طلق منييي مبغيييتش نرجع لدييك الدار مزال
مداهاش فيها جارها بزز عليها كيحاول ميتصدرش صوتو باش ميتغاوتوش حيت القانون غيتدخل وغيوليو فبلانات اخرين..معرفش كي.دار حتى وصلها للدار اما هي راه حسات بديك المسافة حيت ذراعها كان غبيتقطع من بلاصتو..كي.دخلو طلق من يديها وصاح:فين كنتي غادية؟؟
هدى:ماشي شغلك..سولتك فين غادي جاوبتيني؟؟درتي لي قاليك راسك حتى انا ندير لي بغيييت
عبدو:(عض على فمو بعصبية)زعامة هادي فيك وليتي تخرجي بوووحدك ..وشكون قاليا كااع مكنتيش كتخرجي قبل..باش غنعرف انا اش كديري فغياابي؟؟
هدى:(صدمها)يااااك؟؟؟اوا بصحتي اسيدي كتخرج وكنضور ومكنخلي فين نمشي وبصحتي وبراحتي وورا ظهرك مزااال ياله طرطق
قرب ليها منير كيبان ليه فيها يبجغها..شدها من وجهها او بالاحرى من فكها مزير عليها وصاح وكشاكشو كيضربو فوجهها:باغيا تصعري دلمي؟؟باغيااني نسد عليك ؟؟علااا كتخرجيي؟؟اش مخرجك؟؟؟وبلا خبااااري
دفعاتو عليها بعصبية حيت ضرها وقالت:بغيت ليك حااالتي...واش نتا مكتهدش؟؟بلعلالي كتشك فيا؟؟واش شويا لباااس؟؟؟حسابك انا هي نتا؟؟لي جوج سيمانات مكتهضرنيييش بحالا قتلت ليك مك
عبدو:عايرتيييها الشريييفة!!!عارفا شناهيا عايرتيييها..ومقللة عليها الادب انا لي راسي مكنهزوش فيها تجي نتي وتعطيها فوجهها
هدى:وعتاذرت منها !!!نستاهل انا منك ديك المعاملة؟؟؟حيد علييي والله منبقا ليك فيييها واخا تعوااااج
عبدو:جربيي عتبي برا الدار..مزيان تبارك الله انا نخرج من هناا ونتي خرجي ضوري
هدى:(دفعاتو كتغوت)وابعد مني واش باغي تسطيينيي واش نتا مكتهضرنيش مكتخرجنيش وباغيني نبقا ليك فيها؟؟واش باغي تصيفتني لسبييطاار الحماق(بدات كتبكي وتغوت)باغي تفني ليا حياتي هءهءهءهء علاش وليتي هاكا؟؟باغي تحطني فالركنة؟؟قاطع هضرتي ومكتاكلش ماكلتي؟؟اش درت فملك الله؟؟؟درتي ليا كثر من هاكا وصبرت ...ضربتيني وتعديتي علي وصبررت وسمحت ليك ونتا فاول مشكل ..لحتينييي (كتشهق)باغي تقتلني بلا وقت هءنءنءهءهء واش مكتحسش؟؟مك نتا واخا ومي انا لي عايرتيني بها وقلتي ليا دفنتييييها
كتهضر وتهز تتحط والدموع كيسيلو على وجهها بلا الشال لي تخربق ليها وحوايجها تجنتروو..غوتات بحر حتى طاحت الارض كترعد وتبكي بالغدايد وهو عينيه خرجو فيها كتطيح قدااامو
هي ملي كتبقا تجمع تجمع حتى كتفركع حيت الكاس متغسلش ليك مزيان ..هي تراكمات لمجموعة من المشاكل النفسية لي جمعها الانسان فداخلو وكبحها بدون مايعبر عليها..وبقات كتحفر فيه حتى تفركع
وهذا حال هدى..دوزات اسبوعين كتشوف تجاهلو واهمالو ومقاطعتو لهضرتها وكتجمع وكتقول اليوم يتقاد غدا يتقاد ووالو ...جرحها بطريقة غير مباشرة هو لموالف كيهتم بها ويسمعه ليها ويفششها جاها عقابو قاسح بزااف
شافها طاحت كتبكي وتغوت فالارض ومشا تحنى شدها دارها فحضنو كينهج ويزفر تعرمو عليه الاحاسيس..معصب وبقات فيه فنفس الوقت..زير عليها وبدات كتركل ليه باغيا تفك وتهرب لكن زير عليها ساكت وكيزفر كيسمعها كتعاتبو بنفس الطريقة ديالها..مهضرش نهائيا حيت الى هضر غيزيد يكمل عليها وكل واحد فيهم كيشوف راسو عندو الصح
دام غواتها وبكائها لمدة دقائق عاد حس بها كتحبس تدريجيا وكتنخصص..حس بدموعها على يديه كيتقطرو حيت حانيا راسها وكتبكي مكتشوفش فيه..كيعض فشفايفو ويلويهم بعصبية كيتسناها تحبس بمرة ياش يهضر ساعا هي كتافها عاد.مكيترعدو وكيتهزو بدون وعي منها
هبط.يدو قاس يديها لقاها مكمشاها ومزيرة عليها قربات تطرطق ليها عروقها ..دخل يدو فيدها لي تفكات ليه بزز قايل:طلقيييهاا(حيد ليها الشال)
بقات كتنخصص وتشهق عزات عليه وقطعات ليه فالقلب حيت هو جيه حتى لهدى تبكي كيتقاداو ليه..هز ليها راسها بيدو باش يجيو عينيه فوجهها الباكي وعيونها لي ولاو حمرييين بلا نيوفها لي دايزيين وشفاهها كيترعدو ..منظر ضرو بزااف فخاطرو حيت موالف يشوفها قوية قاسحة مكتهدش وكتقابح وتجابه وتغوت لكن تبكي كتجي قااسحة على قلبو وهو لين غي معاها
مسح ليها دموعها بصمت حيت باش يهضر ميمكنش..مغيعرف مايقول ليها..بعدات عليه باغيا تنووض وهو يحسبها:فين غادية
تنطرات منو وناضت كتزرب للحمام مجاش فين يتبعها كانت ردخات الباب ودوزات الساقطة..عقل كيقوليه ضرب فالباب وغوت عليها وعقل كيقوليه ثبث راه بكتيها..وبين فكرة وفكرة كان كيسمع بكاءها من جديد الشيء لي نرفزو..ودق فعلا الباب بعصبية قايل:حلي هاد القلاوي
مهضراتوووشش بقات كتبكي شادة على قلبها..كتحس بيه غيخرج من بلاصتو وشادينها النخاصي فصدرها..بكات حتى طاب قلبها من جديد وهو كيمشي ويجي كيتسناها ومرة مرة يدق ويغوت باش تخرج حتى قالها ليها راسها عاد.حلات لباب لقاتو فاص ليها عاقدهم..مهضراتوش مشات نيشان للبيت مخلياها وراها تابعها ..متهنى حتى شافها لاحت حوايجها بنطرة وتخشات فالفراش عاطياه بالظهر..زفر براحة ملي شافها تكات عرفها غتنعس..رجع خطوات لور باغي يخرج ومخلاتوش خاطرو وهو يعاود قرب ليها..حسات بالسرير حتى تحرك بحكم ضخامتو..سمعات أحبالو الصوتية كتحمحم قايلة:متنعسيش ونتي باااكية
فقصها وغددها ولكن سكتات حيت جهدها مشا فالبكا..مجاوباتوش تكات مكمشة وشاف حتى عيا وناض غطاها وخرج مخليها بعدما بدل حوايجو كيزفر ويعاود بحالا والدة ليه مشة فحجرو..مشا للثلاجة خدا قرعة تالما شرب منها ورجع جلس كيفكر فحريرتو وكي يدير يفكها معاها..فحين هي نعسات جبدات عليه مناضتش بفرط العياء كل مرة يطل عليها يشوفها واش عايشة ولالا حيت عقلو كيقوليه الى بكيتي ونعستي غيسكت ليك القلب..خلاصة الامر الشك واكلو
ناض طيب ليهم بجوج دار بالناقص من الخريج مدوز غي اتصالات من للبيت ..كل مرة معيط لشي واحد مسير كلشي من الدار خايف يمشي ويلقاها زادت خلفة ودماغو كيصور ليه بلي اصلا هي كانت خارجة يعني باغا تهرب
دازت العشية كاملة حتى تناص الليل ومفاقتش دخلات ليه الشك مخلا مدار وهي باقي جابدة عليه..مشا عندها مجبد كي السلوكي على مرفقو..لمس خدودها كانو حمريين وسخان بالدفء لي فالبيت وكذلك بالبكا والنعاس..نادى اسمها مرات عديدة عاد بدات كتحرك جسدها معلنة عن استيقاظها..فور ماحلات عينيها لاحظ انتفاخهم اما هي غي شافتو ورجعات بها الذاكرة للور وغوبشات فيه ياله غتهضر وقال:نوضي تعشااي
هدى:مبغيييتش(جرات الغطا)
عبدو:(عرا عليها الغطا)نوضي تاكلي ورجعي تنعسي
هدى:معاك نتا كليت السم(بعيون ناعسة)خليني ننعس ففففف
شاف اصرارها وخلاها تنعس براحتها واخا هو غيبقا بلا خاطر..وؤجعات بالفعل للنعاس بحالا مناعساش عام مفاقت حتال الصباح...مع حلات عينيها لقات بلاصتو خاوية ومخربقة دليل على انه نعس حداها..حكات عينيها لي كيحرقوها وناضت كتفوه نيشان للطواليط..خسرات سيفتها فوجهها ودارت ليهم مرطب حول العينين عاد مشات تتقلب على متاكل حيت مكلاتش من البارح..حلات الثلاجة هزات طوماط سوغيز غسلاتها وكلات ربعة تالحبات ورجعات كتشوف فداخل الثلاجة هزات الليمون وللبيض باغيا تبدع ظنا منها خرج كيف عادتو بلا ميقولها ليها ولا يتسوق ليها
تشهات كيكة وبدات كتحط فالمقادير كيفما كتشوف ختها كدير فابيل فيديو ودماغها مرون باغيا غي تشغلو ولهفتها على كيكة بالليمون كبيرة..حطات كلشي وخلطات كيف كتشوف ختها دارتها فالفران وبدات كتوجد لراسها فطور فانتظار تطيب الكيكة..مع بدات كتفطر تحل لباب ودخل هو عرقان لابس شورط وتيشورت مبين فومتو..شافت فيه وقلبات وجهها داز نيشان للدوش بعدما تفحصها بعينيه عرفاتو مشا كيجري وشحال طلباتو تجري هي وياه وكيرفض...كملات فطورها وكتسنا الكيكة طيب..جا هو مبدل عليه ومدوش فيديه كارو وبريكة ..عصر ليه قهيوة وهزها شاعل كاروه حاضيها كتحرك جبدات الكيكة لي دازت عليها عشرين دقيقة فالفران مفشوشة ماعندها حتى منظر..شافتها وهي تخسر سيفتها وزفرات بعصبية..هزاتهالاحتها فالزبل بتذمر تحت أنظارو شايفها معصبة مع حوايجها..
مشات جبدات المقادير من جديد وياله غتبدا تخلط شمات الكارو عند نيفها كان هو لي ساط عليها الدخان وقال بصوت مبحبح:مالك معصبة غي مع البيض
بعدات عليه وجهها وقالت:بعد علي..وماشي شغلك
طفا الكارو فالطفاية لي حداه وقال:حيدي نوريك.كي تصايبها!!!
هدى:(غوبشات فيه)ونتا شميشة؟؟
شاف فيها بنظرة هادئة وقال:اري شي حاجة فاش تخلطي
هدى:(عوجات فمها)مابغيتش..متعلمنييش
عبدو:هدىىىى
ديما نبرة صوتو فاش كينطق اسمها كترعبها حيت بحالا كيقوليها صافي عيقتي..جبدات فاش تخلط وقال بامر:هرسي البيض
هرساتو متذمرة وفنفس الوقت باغيا تبقا مجمعة معاه..ولات حافضااه فاش كيبغي يحزر كيدير موقع والو..شافها كتخسر سيفتها فالبيض وقال:اري
شد من عندها كلشي وقال:جيبي السكر ..واري الفاني
عطاتو ببرود لي بغا وبدا كيحرك باحترافية تحت انظارها هي لي الى بغات تحرك باش تجانس المقادير كتبدا تعوج.كاملة وكتفيبري بجسدها..حاضية غي يديه لي طلاهم البرص كثرفالاونة الاخيرة..مسمعاتش صوتو حتى نطق:الزيت كتزيديها غي بشويا متخويش كلشي دقة وحدة
هدى:ونتا فين عرفتي هادشي؟؟
عبدو:علماتني ميي
لاح ليها قصدا ديك الهضرة كأنه كيفكرها فشنو دارت وهي تجاوبو حتى هي بنفس الطريقة :انا مي ماتت بكري ملحقاتش تعلمني
جوج.جمل تلاقاو باش كل واحد فيهم يحارب لاخر..سكت مهضرهاش وحتى هي عينيها بقاو فين كيخلط وقال:اري الليمون
هدى:منزيدوش تالخر
عبدو:باش تولي ما!!ديري الليمون مع السوائل
كباتو دقة وحدة وهو يضحك:بشويا
بدا كيخلط وكل مرة يقوليها زيدي حاجة ويعطيها نصيحة تا كمل وقال:خص تجي هاكا(قاستها بصبعها)
هدى:واخا
كملها ودارها فالفران وبدات هي كتجمع الرواين محاولة تجاهلو حتى حسات براسها ترفعات من الارض وتحطات فوق البوطاجي حتى حسات بالبرودة طالعة معاها..كان هو لي هزها وتخشا بين رجليها لاغي المسافات بيناتهم..عيونو الصقرية كيحومو على عويناتها البنية الخالية من الكحل مع شفيرات كثاف..بغات تهضر وهو يقول:مالك دافعة علينا ترمتك غالية
هدى:بصحتي..
عبدو:درتي معايا الفالطة أ هدى وبزاااف
هدى:انا؟؟
حرك راسو بالايجاب:علاش توصلي ليا مي؟؟كون وحدة خرا كون طلقتها
هدى:(خرجات عينيها فيه)تطلقني؟؟
عبدو:قلت كون وحدة خرا ..نتي عندي عزيزة بلا متكوني مراتي(لمس حنوكها)معرفتكش نهار درتي داك التصرف
هدى:منادماااش عليه حيت مك جبداتني ولقاتني ومع ذلك بوجهك عمي مشيت قلت ليها سمحي ليا واخا غلطات فيا وسول عليا تقوليك اش قالت
عبدو:(حط يدو على خصرها)واش انا مكنعرفش مي؟؟راه مي واخا معرفتش اش تقول
هدى:وتدوز فيا؟؟تجرحني بهضرتها؟؟(عيونها متأسفة)ترضى تشوفني كنتعاير وكتحشا ليا الهضرة وتسكت
عبدو:(حضن وجهها بيدو)كون شي حد اخر قالها ليك كون دفنتو حي ولكن جات فمي..وانا الواليدة عندي مريضة مكنقدروش نقولو ليها شي حاجة
هدى:دونك اللهم فيا انا ياك(حيدات ليه يديه)تجي تفقصني وتسممني انا ومتهضرش معايا ومتاكلش ماكلتي ..عطاتك خاطرك تنساني وتديرني مكايناش وتعايرني حتى انا بمي لي ميتة
عبدو:معايرتكش قلت الواقع..مك ميتة وعادي هادشي ديال الله(زفر)هدى غنعاود نقولها ليك.مرة خرا والديا خط حمر..انا فرعني علي غوتي هرسي شنو مابغيتي ديري ولكن مي وبا لا..تقول لي قالت خليني مني ليها
هدى:كون مي قالت ليك ديك الهضرة غتسكت؟؟
عبدو:(بجدية)والله منجاااوبها ...حيت مك
هدى:حتى منكونش كنعرفك الميكروب
تبسم بشويا وباسها ففمها :هاد الساعة نتي لي ميكروبة ومقلقة علي
هدى:مدرتيش فيا الزين مؤخرا
عبدو:(ضحك)زدت فيه ياك؟؟
هدى:كرهتك فاش قطعتي هضرتي
شقمها ببوسة عنيفة وقال:حبيني داباا (ضربها لجنابها)غلاضيتي الحلوفة
ياله غتجاوبو سمغو الصونيت فالباب مجهد وواحد ورا وااحد بحالا شي حد هاجم مع الخبطات فالباب
هدى:(بخوف)اويلي شكون ؟؟
عبدو:(تم غادي للباب)دخلي لداخل ليكون شي راجل
دارت شنو قال وبقات كتطل بشويا شافتو حل وقال:عليا
كانت عليا لي كتخبط الباب وكتبكي وتصوني كي شي حمقة..خلعاتو شدها من يديها بجوج وقال:عليا مالكي؟؟ضربك شي حد؟؟شكون بكاك
عطاها الاشارة باشؤ تزيد تبكي وتنووح بحالا راها فالعزو وفديك الاثناء خرجات هدى مخلوعة..دخلوها للدار وعلى الفوتوي جلسات كتبكي وتنخصص ..تحنى عبدو على ركابيه باش يتقاد.معاها وشد فيديها كيسولها:عليا مالك اختي؟؟اش واقع
هدى:عليا هضري واش تشفرتي ولا شنو؟؟راجلك طرات ليه شي حاجة
عليا:هءهءهء لالالا..موقعاتش شي حاجة(زيرات على عينيها كتبكي)هءهءهءهء مشيت لطبيب اليوم
عبدو:مريضة؟؟مقلتي ليا والو؟؟(بخوف)اش عندك؟؟
عليا:لا مشيت غي كونتروول (غلباتها البكية)قلباتني مزيان وقالت ليا بلي حاااملة
توسعو ملامحهم بجوج بدهشة وتسرطات ليهم الهضرة كيشوفوها كتبكي وتشهق...حتى نطق عبدو بصوت فرحان:حلفييي...حلفي حتى حاااملة(شدها من ذراعها)حلفي بلي حاملة
عليا:(غلباتها البكية والضحكة)هءهءهءهء والله مثيقتش هءهءهءهء غيولي عندي بب أ عبدووو ههههه غنولي ماما مابقيتش عاكرة
هدى:(زغرتات)لولولولوةولولولولو(بصوت رقيق)
عليا:(كضحك وتبكي)هءهءه ههههههه شفتي شفتي والله حتى غنولي ماما
عبدو:(عنقها مزير عليها وحتى هي عنقاتو)الحمد لله ربي كبير ...
هدى:(بورشها منظرها وهي كتبكي وتضحك)الله يفرحك اختيي..يتربا فعزك...ربي كبييير(عينيها غرغرو)
عليا:(عنقات هدى)غنطير بالفرحة معرفتش كيفاش حتى وصلت لهنا..مالقيتش راجلي وجيت تلفانة لهنا
عبدو عاود.حضنها بحب اخوي وقال:غتبداي توحمي علينا ولا هههه
هدى:لي تشهيتيها قوليها ليا
عليا:تصايبيها ولا تشريها؟؟
هدى:ههههه نشريها اما الى صايبتها مغتكونيش فخيير
عليا:(حطات يديها على كرشها)الحمد لله..ربي كبيير 14 لعام تالزواج حتى قلت صافي كرشي ماديالش الولاد
هدى:جارتنا ديك ساعة راه عشرين عام تالزواج عاد ولدات
عليا:غنقوليها ليه غيطير بالفرحة
عبدو:غيهرب ليه قوليها ليه بشويااا ههههههههه.
هدى:مشهية شي حاجة؟؟
عليا:لا مكنحس بوالو حتى الوحم مافياش داكشي علاش ماشكيتش
هدى:انا لي كنت شاكة هههه صدقتي نتي حاملة
عبدو:كنتي شاكة؟؟ونقلتيهاش ليا؟؟
هدى:شهيتي محلولة بزااف وكناكل وكنعس غي حيت الدار هههه
عبدو:(كيمسح لعليا الدموع)سكتي من البكا وعطي لراسك الراحة متبقايش غي ضوري ومن بلاصة لبلاصة..حتى يثبث داكشي فكرشك
عليا:غنجيب خدامة ومغنبقاش نخرج حتى نولد ان شاء الله...خص ماما تجي لعندي وحتى بابا متعرفو نحتاجهم
هدى:(ضحكان)هههه حنا معاك.حتى تولدي لينا شي خنفوس ولا خنفوسة بحالك
عليا:ولدي غيكون زييين ههههه نوض نمشي لعند حبيبي نقولها ليه
عبدو:زيدي نوصلك
عليا:واخا ههههه غيهرب ليا نااااري
هدى:هههههه سيري الحمقة ولي خصاتك قوليها ليا
عليا:الله يخليكم ليا..زيد زيد ا مجمر الغمة
عبدو:واتسناي نلبس علي هههه
عليا:(عاودات جلسات)دغيا متعطلش ماخصنيش نعيا ههههه
ضحكات عليها هدى ومن قلبها فرحات ليها اما عبدو دغيا لبس عليه وخرج قايل:مشينا(شاف فهدى)نحطها ونجي ..(حط يدو على شعرها)نخرجو شويا
هدى:(توحشات صوتو فاش كيدوي بالهداوة)اه
عبدو:نرجع نلقاك واجدة
هدى:اوك
مشاو وسدات الباب مبسمة فرحانة لعليا حيت هي لي شافت شوقها على الولاد..مشات خرجات الكيكة من الفران لقاتها منفوخة ومفشفشة ..حطاتها بحذر وقالت مغوبشة:مجمر الغمة كيدير كيكة حسن مني
زوقاتها بداكشي لي كتعرف وجمعات الروينة عاد مشات لبيتها كتقلب ماتلبس..وقفات امام مراة كبيرة كتشوف فذاتها غلاضت..كتلاحظ ترمتها تنفخات وحتى صدرها كبر على قبل مع الكريشة لي خرجات ليها ..حطات عليها يديها كتخيل راسها حاملة وكتحاول تستعقل على ايام حملها ببنتها مكستعقلش بزاف كتشوف غي شي ذكريات خفاف..كتفكر الى حتى هي حملات لكن سرعان ماتلاشات الفكرة فاش فكرات فعبدو..ختارت شنو تلبس وهاد المرة دجين عريييض مزير غي من الخصر اما جاي مرخوف بزااف دارت معاه تريكو فالابيض فيه فتحة فالصدر ومشات كتقاد ماكياج خفيف على وجهها لي كثر من جوج سيمانات محطات فيه نقطة..سالات ودارت فوقها كيمونو طويل فالاخضر مطروز من اليدين مع لي زيسكاغبون ..قادات فولارها باحترافية وجلسات حاطا رجل على رجل كتصور ضفارها ويديها وراسها بيدما دخل هو لي غي وصلها خلاها معاه تخبرو ورجع عندها كيزرب كأنه ماشي هو لي كان قاطع هضرتها
وبالفعلا كانت تسنات غي شويا كان صونا ليها عالمها بلي وصل برا..هزات صاكها ورشات وخرجات كضرب بالطالون كتبان كي شي خليجية..وميمكنش تفلتها عينيه هو لي غي حاضيها..مع طلعات حداه وهو ينطق ضاحك:كتباني بحالا جايا تشوفي ابو القحطاني
هدى:ههههه وليت نلبس كي الخليجيات هههه
عبدو:(شد يديها باسهم)بصحتها الميكروبة ديالي
هدى:فين غنمشيو؟؟
عبدو:نمشيو نقضيو واحد الغرض
هدى:فين؟؟
عبدو:شويا وتعرفي
دارت لسانتيغ وتبعاتو فريو ساكتين كتشوف بعويناتها براحة توحشات هاد الراحة بيناتهم بلا ميتعكر الجو بيناتهم..حسات ليه شعل كارو ووقف بيهم امام مبنى ضخم وقال:هبطي
نزلات برضى وجا شد فيها من يديها وقالت:اشنو جينا نديرو هنا
عبدو:شحال ماجبت ليك كادو
هدى:مكاين لاش هههه
عبدو؛ضروري
هدى:باغي تحزرني؟؟
عبدو:تسنيتك تحزريني حتى عييت ومدرتيهاش
ضحكات حتى تسدو عينيها وقالت:متستاهلش
دخلو للمبنى لي كانو فيه طبقات فيه غي لمحلات الراقية ديال المجوهرات والاكسسوارات وكذلك الصيكان..خلاها وسط ارقى واغلى البضائع وبدا كيتعزل معاها..تحط يديها على شنو ما بغات وتاخدو..ولي عجباتو فيها تاخدها..مخلا شنو شرا ليها وفالاخير خلص وخرجو مشاادين..كي.طلع حداها وقال:تصالحنا؟؟
هدى:(بهدوء محافظة على ابتسامتها)ماشي هادشي لي غيحزرني
عبدو:باغيا شي حاجة خرا؟؟
هدى:باغيا نهضرو
عبدو:غنهضرو الزين غنهضرو
تحرك لاحد المقاهي ملاهيين فالهضرة وغي هي لي كتعاود.حيت شحال ماجمعات معاه بدات كتسرسر ليه كلشي لي فاتو على ختها وعلى باها وخوها..حتى جلسو فمقهى راقي طلبو شنو بغاو وقال:نهضرو دابا
هدى:(بجدية)كنسمعك
عبدو:داكشي لي درتي مابغيتوش يتعاود..ديك السيدة مي منبغيش لي يضرها
هدى:مكاينش لي كيضرها كدكم..انا ضراتني هضرتها وجاوبتها ونتوما كتضركم وكتسكتو ليها!!!علاش بسلامة؟؟شنو هي بنادم وحنا لا..سي راها مك وعليك بالاحترام وترضيها ولكن ماشي على حساب ناس خرين
عبدو:كان عليك تسكتي وتخليني مني ليها
هدى:االى جيت عليك.نتا غتسكت ليها حياتك.كاملة..ياك.جات وعاملاتك.خايب ومكتهضرش معاك ومقللة منك وملي شافتك كتعاملني زوين تقرصات
عبدو:شكتخربقي؟؟
هدى:توريني فالعيالات وطيابتهم..مك أ عبدو ولفات تكون هي محور الكون..وتكون كلشي مهتهم بها ولفاتك.كتطلبها وتحزرها باش ترضى عليك وتعفر مزال ملي شافتك مبقيتش مسوق تنغزات
عبدو:(ببرود)هضرة خاوية هادي
هدى:هضرة ديال الصح..لي ماباغي حتى واحد يسمعها..مهم انا عتاذرت منها تقلبو ماتقبلوش شغلها هذااك انا راه مضرنيش خاطري قد هاكا(وراتو صبعها)حيت مظلمتهاش
عبدو:ماشي سبب..غيخصك تسكتي حتى تمشي ويحن الله..ماشي تنوضي تعطييها الهضرة وقدام الواليد
هدى:غي تجبدني ونسكت ايهااااي
عبدو:(ضحك)انا خفتك غي تضربيها ههه
هدى:(فخاطرها:مكرهتش)لا ويلي مالي مسطية انا فيا غي الفم
عبدو:فيك شلا حوايج..فيك الفم والزك والبزازل وحتى دوك ثقيبات الزين ...نووووضي فحالنا
وبالفعل كانت ديك الجليسة ديالهم هي جلسة الصلح بيناتهم..جبر بخاطرها وهي كذلك حيت لا هيا تقدر تستغنى عليه لا هو يقدر يفرط فيها..وبعدها توجهو لدارهم فين عاشو علاقة حميمية حلوة فداو فيها الشوق ديالهم
توالات عليهم الايام كيف عادتهم مرة مخاصميين مرة مصالحيين وتشغلو بوحم عليا لي بدا كيهبلهم كل مرة مشهية حاجة كل مرة باغيا حاجة..كل مكتكبر كرشها كل مكتزيد تهبل وراجلها غي كيهز ليها فهبالها مصاب غي تولد ليه
دازو ايام وتلاوها شهور وهدى فالغربة مشات مرةوحدة عند ختها للامارات ومعاها هو اكيد اما المغرب عمرها عتباتو كتهضر معاهم غي فالتيليفون مكتحبسش من الهضرة معاهم بتاتا..
عليا ولاا عندها تسع شهور قربات تولد ...كرشها بانت مكورة ولات غي جالسة وتسوط وتنكر وهدى مرة ناتفاها مرة شادا ليها الخاطر
كانو فليلة فضيلة عند الله الغد ليه غيكون رمضان..بغات هدى تولف تاهيا اجواءو وتعصرات هي وعليا قادو سليلو والشباكية لي كون معاوناتهاش عليا غتطلع قاسحة..مهم عندها دير الباروك
جالسة هي وعبدو على طبيلة معمر هو اتاي فيها صحراوي مخشية فيه معرية عليه سيقانها عاود عاد.مغلاضت وبانت عليها الصحة والتهلية والشعر طوال
هدى:غتفيق للسحور
عبدو:ضروري كيخصني نكمي
هدى:انا لا مكنفيقش باقي داك العام وىيت كنفيق وكنتقيا كلشي فالنهار
عبدو:ضروري تحاولي تاكلي غي شويا باش غتشدي النهار
هدى:معليش ولفت
باسها ففمها وقال:نهبطو فالعيد للمغرب
هدى:بصح؟؟؟
عبدو:الى بغيتي نهبطو
هدى:اه اه توحشت بابا وخوتي
عبدو:نهبطو احبيبة..وراقك راه خص غي شي شهراين ويوجدو
هدى:ان شاء الله(تكات فحضنو)اول رمضان لينا بجوج
عبدو:فرقيني عليك ونقصي التقحبيين ههههه
هدى:الله يمسخك
وبالفعل تعشاو وناضو نعسوو فانتظار يوم جديد لي هو اول يوم رمضان ..بالفعل هو فاق للسحور وجدو حيت هي عيا ينوض فيها مبغات..كلا ومبغاتش تفيق ليه عزات عليه ومشا هز التمر والحليب وتوجه عندها..فيقها بزز وكلها التمر وشربات الحليب بتذمر باغيا تنعس..عطاها تشرب الما ونوضها صحة للفجر..وكانت اول مرة فحياتهم يشاركو الصلاة بحكم حتى واحد مكيصلي فيهم وعمرهم ركعوها
كانت لحظة مؤثرة بالنسبة ليهم..هو واقف كيصلي بها بخشوع كتسمع صوتو لي مبحبح بالشراب والكارو كيقرا القرءان لي حافظ منو غي شويا وهي وراه مخشعة مبقاش فيها النعاس توكدات نييت
صلاو بجوج ودعاو وهي تنوض عنقاتو بحب وقالت:علاش مكنصليوش
عبدو؛ههه الشيطان
هدى:ياربي نشد فيها من رمضان
عبدو:ان شاء الله
رجعو ينعسوو على اساس صايمين حتى كيصوني تيليفونو بعد ساعة باش نعسو هزو لقاها نمرة عليا..مع شد الخط سمع الغواات صمكوووو قايلة:واااعتقني عتقنييي كنولد وهذا لي حدايا صمك معارفش اش كااااين
عبدو:(قفز)مالكي؟؟
عليا:غنولد هءهءهء غنولد عتقني عتقنييي اععععع
فيق هدى لي ناضت مرعوبة لاحت عليها عباية وفولار وتيليفونها وتبعاتو كيسمعو غواتها منين ومنين غي شافتهم نهارت باليكا..لقاو راجلها مفاهمش حيت كيشوف غي حركات وجهها صوتها مكيسمعوش حدو كيشوفها كتبكي
عبدو:(بالاشارات)غنديوها تولد
حرك ليه راااسو..وشدو فيها هدى كتسمح ليها وجهها بحب قايلة:ذكري الله ربي غيعطيك وقفة ساهلة
عليا:سكتي سكتييي علييي...غيخرج غيخررررج ليا من ثقبتييي
عبدو:(مسخو الضحك)سكتي لدلمك(شد فيها)دوزي تولدي
عليا:اللع ينعل جدك(عضاتو فكتفو)اعععععععع
هدى:عليا فين صاكك لي جامعييين
عليا:بيتي بيتي بيتييييي اععععع
مشات كتجري هزات كلشي حيت موجدييين ليها كلشي كان خص غي الوجع يجيها ...حيحات وغوتات ونتفات راسها تشوهو فالطريق ..هدى شحفات قبل كاع مايبدا النهار
دخلو للكلينك ومشا معاها راجلها فحين عبدو شد وراقها وكيقادهم ليها كيضحك عليها وهدى مطلعاها عليه
هدى:شبعات فيك عضاان
عبدو:غا بلاتي تنوض هههه(سنا ليهم)
هدى:مسطية ههههه شحفت من دابا
بغا يجاوبها وهو يشوفوها من جديد لكن ماشي كيف العادة بتاتا..موالفة تكون انيقة وضاربة الحطة والانوثة هاد المرة كانت شاحبة ولابسة لباس المشفى جارا السيروم ودايرا لراسها زيف خفيف مع ملامح متعبة..حقق فيها الشوفة وقال بعدم تصديق:تيتريت(نجمة)
تيتريت او نجمة بالعربية
هي الامازيغية لي حب قلبو اول مرة قرات معاه وكبرات قدامو وشافها فكاع مراحل حياتها لكن عمرو ظن يشوفها هاكا..باهتة ومريضة والصلع باين فراسها بالاضافة للضعف لي ضعافت هادشي.كولو ممنعوش انه يعرفها
تلفتات هدى ولقاتها هي لي صعاب عليها تعرف على ملامحها حيت شافتها مرة وحدة..اما تيتريت او النجمة لي طفات ومبقا فيها ضو بالمرض لي فتك بها..
تصدم من المنظر وبقا غي ساكت كيشوف فيها رفقة الممرضة وامها لي ميمكنش ينساها وهو وياها فحروبات..قرب منها يشويا وقال:مريضة؟؟
بابتسامة باهتة وعيون طافية بالاضافة للهالات السوداء المحيطة بيهم نطقات:غنموووت
كلمة واحدة كانت كفيلة باش تشهق مها لي كانت شادا فيها من جهة وكتكتم فدموعها لي غيهبطوو بدون وعي منها..هز حاجبو وقال:اشنو عندك؟؟
نجمة:كونصير
عبدو:فين(كيجاوبها دغيا)
نجمة:(كتلمحو بعويناتها كأنها كتسقي جوفها )الدم
عبدو:(زفر)من امتا؟؟
نجمة:شحال هذاا(تبسمات وشافت فمها)ماما عقلتي عليه؟؟
الام:(بعيون باكية)ولد.خيرة
مشافش فيها بتاتا حيت مكحملهاش حدو نطق مخاطب نجمة:خاصاك شي حاجة؟؟
نجمة:الحمد الله
عبدو:الله يشاافيك
شد فيد هدى لي كيف العادة متفرجة وزادو من حداهم..تبعات ليهم العين والدمعة كتجمع فيهم..عضات على شفتها وهي تنطق بصوت مرعود:عبد الدائم
تلفت ليها بشويا وتا هدى كذلك وشافها نطقات برجفة:سمح ليا بزااف
سكت للحظات كيحاول يجمع الهضرة وعينيه كيتفحصو حالتها..عزات عليه كانسانة لكن قلبو ميت عليها كمرا..نطق بثباث:الله يغفر لينا كاملين..والله يشافيك
نجمة:امييين..نقدرو منتشاوفوش مزال!!!تهلا فراسك
عبدو:الله يشافيك
جر هدى عاود وحيدو من تما..كتشوفو غادي بهدوء لقاعة الانتظار فسيرفيس الولادات ماداير حتى ملامح باش تقراه..جلسو فكراسا وهي تنطق:مسكينة بقات فيا
شاف فيها مكمش حجبانو وقال:شويا لباس؟؟
هدى:والله مكنطنز..المرض ماتبغيه لعدوك..عارفاها الاكس ديالك ولكن والله حتى بقات فيا
عبدو:حتى انا..الله يشافيها هذا منقولو
هدى:علاش قالت ليك سمح ليا؟؟شنو دارت ليك؟؟
عبدو:(دخل ليها زغيبات )داكشي فات..انا ديك السيدة مكنعرفهاش باقي غي شفتها هاكاك حشمت منهضرهاش
هدى:عاود ليا بغيت نعرف..اش لي حقدك عليها؟؟
عبدو:واش كتقلبي على الصداع ولا؟؟
هدى؛حسابك غرت؟والله ماتحركات فيا شي حاجة
عبدو:بااااز انا بعدا كتشدني الرعدة عليك
هدى:(ضحكات)حيت نتا فيك الشك انا لا..كنثيق فيك واخا يحطوها ليك عريانة
ضربها لراسها بمزح:وا ميكروبة مع راسك راك صايمة زعما
هدى:ومالي كذبت نتا فيك الشك(بمزح)أ باينا هربات حيت عرفاتك كي داير وخلاتني انا حاصلة
سكت لثواني ورحع شاف فيها قايل:تسمحي فيا نتي شي نهار؟؟
بنظرة بريئة نطقات:لا..ماشي حيت كنبغيك ولكن حيت انا وياك لاقين بعضياتنا
جرها تكا ليها راسها على كتفو قايل:الله يحفظك ليا
تسناو مدة من الزمن وهو دماغو مصفيه كيدعي معاها بالشفاء..حتى خرج زوج عليا فرحان بلباس المشفى وكيشرح ليه كيفرنس بلي ولدات
هدى:(مفاهماش)اش قال؟؟
عبدو:ولدات ولد ههههه(عنقوووو بحرارة)
هدى:(كضحك)مبروووك اشناهيا مبرووك بصباعي
عبدو:ههههههه مسطية
هضر معاه بالاشارات ومشا استفسر وعرف بلي طلعوها ترتاح بعدما نظفوها ونقاوها هي والبيبي وعتاناو بها عناية خاصة حيت حاطيين فلوس صحيحة..
طلعات عليا لاشومبغ نافسة بعدما فقدات الامل سنين كثيرة وتسنات الولاد بشوق...كانت شبه غافية وللبيبي حداها فيديها مزيرة علييه
تقدموو لعندها كيشوفو الوليد.غي حطو يديهم وهي تحل عينيها بفزع ونطق عبدو:غي بشويا..على سلامتك
عليا:(شافت ولدها)الله يسلمك..هدى ولدي زوييين
قربات هدى هزاتو بين يديها وغرغرو عينيها فالبلاصة حيت شهييب وبيييض نييت شبه باه..تبسمات بعذوبة وقالت:ماشاء الله غزااااال غي باباه
عليا:مجبت والو انا ههههه
عبدو:(كيلمس جبهتو)مبروووك عليك أخالو هههه زوييين
هدى:(باستو فجبهتو)زويين شهييب بحال بنتي الله يرحمها
دوز يدو على كتفها بحب وعينيه على الولد قايل:الله يرحمها(شدو من عندها)مال هادشي صفر
عليا:حط ليا ولدي
جا باه شدو طير ليه العقل كيبوس فيه ويراري بيه عجبو الحال..جلسو معاها كيسولوها كي بقات وهي سخفانة باغيا غي تنعس حيت الوجع بايت فيها
عبدو:انا غنعيط للحاجة نعلمها..وغنمشي نقضي شي اغراض
هدى:غي سيرو انا نبقا معاها
عليا:حوايجي؟؟
هدى:نمشي نجيب ليك
عليا:نصيفت راجلي (شافت فيه لقاتو منساجم)مسكييين
ناض زوجها حط الدري ومشا يجيب ليها ماتلبس بعدما قبلها ففمها قدامهم حتى دورات هدى وجهها حشمانة:المسخ
عبدو:(غمض ليها عينيها طانز)مراتي كتحشم متبقايش تديري هادشي قدامها
عليا:كون ما هادشي مغنولدش ههههه بقا معاه أ عبدو راه باقي تلفان
ضحك وجرو معاه مخليهم بجوج..قربات حداها وقالت بهدوء:فرحانة؟؟
عليا:(تنهدات)بزاااف..عرفتي شنو هي سنين ونتي بلا ولاد وفلخر ربي يعطييك
هدى:(مبسمة)الحمد لله الله يخليه ليك وتولدي ليه خوت خريين..حتى راجلك فرحان
عليا:راجلي احسن راجل فالعالم هههههه
هدى:بغيت نقول حتى انا ولكن راه عندي.مجمر الغمة ههههههه
عليا:ههههه أ بعدا هو كضربو النفس علييك
هدى:(فرنسات)كيبغيني عبدو ههههه عرفتي شكون تلاقينا
عليا:شكون؟؟
هدى:نجمة
عليا:(هزات حاجب)فين؟؟
هدى:هنا..مريصة فيها كونصير
تنهدات عليا وهزات عينيها للسقف:عارفة..كنت كنجي نشوفها ولكن ماشي هنا
هدى:تلاقيناها هنا..عرفتي مسكينة كي ولات بقات فيا
عليا:حتى انا(شافت فيها)دوات معاه
هدى:هو اللول شافها وهضر معاها
عليا:هذا عبدو؟؟وزعما مكيحملهاش
هدى:المرض هذاا..كانت معاها شي مرا واقلة مها قالت ليها ولد خيرة
عليا:ديك مها هي راس الحربة خرجات عليها
هدى:(بفضول)بغيت نعرف اشنو وقع بيناتهم؟علاش عبدو مكحملهاش؟؟ياك كان كيبغبها
عليا:قصة طويييلة
هدى:عاودي ليا دابا
عليا:هههههه راني والدة
هدى:ولدتي ماشي ميتة ههههه واعاودي
عليا:ولكن متقولي ليه والو
هدى:حسبي راسك معاودتييش
عليا:شوفي نجمة شلحة مأصلة وعايشة فكازا باها ميسور عادي بحال العالم وقرات هي وعبدو فنفس الليسي
هدى:قد قد فالعمر؟؟
عليا:لا كبر منها هو بشي ربع سنين..كانت كتعاود بزااف حيت معندهاش مع القراية..تعرف عليها تما هو كان زيين والفلوس باه ممخصووصش وكان كيقرا من نيتو ..راك عارفا لي غولاصيون ديال اليسي كيكونو فشكل ههه تعارفو ولاو كيخرجو بزاف فينما شفتي تيتريت تشوفي عبد الدائم.
هدى:اوا؟؟
عليا:مهم بقاو هاكاك وعبدو مغيااار نييييت عليها حيت هي زوينة وشهيبة ..كان مغيار نييت مكيحملش يهضر معاها شي حد ولا تجمع مع الدراري عكسها هي اجتماعية بزااف كان غي الى وقف شي صاحبو كتسلم عليه بحالا كتعرفو وتجلس تكركر معاه..
هدى:كان كيشك فيها؟؟
عليا:لا..هو كان كيغير ولكن الشك لا كان كيقول نجمةثقة..مهم كبرو هو مشا للجامعة وخلاها وراه ومع ذلك ديما كيجي يديها من الليسي ..عرفها على عمتي وعبد الله ووهيبة حيت باه كان هنا...وتقول ديك عمتي واش بغاتها..جنونها فيها حبدي ليها الشلحة تعووااج
هدى:هي الحمد لله مكيعجبها حد ههههه
عليا:لا هاديك بزاااف وكان عندها صح..نجمة زوييينة والفورمة والادب لكن كانت انانية ..كتشوف راسها وصافي..خصها هي تبان زوينة ولي معاها يكون زويين
هدى:اي وحدة كتبغي تكون زوينة
عليا:نتي لا...شوفي قبل مانعرفك كنقول كيفاش عبدو تزعط فوحدة دايرا الفولار وفشكل وبقا لاصقها..لقا فيك شي حوايج مكاينينش فنجمة لي كانت كتموت على البرستيج واللباس وهادشي مكانش كيقلق عبدو بالعكس كيشري ليها ومهلي فيها
هدى:كملي
عليا:مات عبد الله وعبدو دخل فحالة خايبة بزااف حيت مو كتلومو وحماقت واحد الوقت ولات كتهرب لينا وكتغوت وتضرب فراسها وتدعي فيه..وحتى هو كيحسابو واش هو السبب مهم كثارو المشاكل ولا كيبات فدار عمو باش ميشوفهاش ونجمة كتجي تشوفو مرة مرة..حيت نجحات فالباك وولات فالجامعة..موقفاتش معاه كيفما خصها دير
هدى:مفهمتش
عليا:مدارتش واجبها كصاحبتو ولا كوحدة كيبغيها..كانت كتشوفو ولكن مكتواسيهش كاع..كتجي كتسول فيه بحالا غي خصها ديرها..واحد المرة كيشكي عليها وكيبكي راك عارفة مساهلاش يموت ليه خوه وهي تضور فيه وكتغوت لا والرجال مكيبكيييوش ومخصكش تبكي ومك هبلات مالها فيييه مهم سمعاتو الهضرة
هدى :ويلي ههههه
عليا:تخاصمو وناض باه قاليه غتمشي نتا لاسبانيا وجا عبدو(تبسمات)خويا ديالي ونسني فالغربة ..وبقا معايا واخا تعذب حيت بعد على مو وباه ولكن كان احسن..بقات نجمة فالمغرب ومها كانت كتكرهو كتقوليها مافيدوش ماعندوش..باه لي هازو..خصك تشوفي شي حد عندو الفلوس عليه ونتي زينك يستاهل ما حسن
هدى:قبيلة مشافش فيها عبدو هه
عليا:كيكرهها ههه حيت عمرات ليها راسها
هدى:مكايناش شي حاجة سميتها عمرات ليها راسها كاينة هي اصلا مكانتش مقتانعة بعلاقتهم
عليا:ممكن..مهم بقاو هاكاك كيجي مرة فشحال كيعيط ليها مكتجاوبش على شحال كيبقا يصبفت شي حد يسول ليه عليه مكيلقاهاش وكانت هي كل مرة فقنت كتسافر وعايشة الحياة..تما تعرفات على راجلها لي هو كان صاحب عبدو
هدى:حلفيييي
عليا:ماشي شي صاحبو مي كيعرفو وهو لي عرفهم على بعضهم..هاد صاحبو كان كيعرف خوتي اوا وفغيابو تعارفو وخرجات معاه وقالت ليه تفارقت معا عبدو مهم خلوضات
هدى:وتجيه من لخر تقوليه افلان مابغيتش نكمل معاك مالها على هاد الفيلم
عليا:هادي هي نجمة..كتدور وتدور وتكذب..كانو فيها الكذوب بزااف وكيحصلهم عليها حتى مشات ثقتو فيها
هدى:باش ختموها؟؟
عليا:جا للمغرب على غفلة ومعلمهاش وتببعها تا خرجات مشات تلاقات بصاحبو فابارتمون..خلاها حتى دخلات دق عليهم لقاهم واخدين راحتهم
هدى:(خرجات عينيها)لقاهم فالفراش؟؟
عليا:لا غي بجوج فابارتمون اش غيكونو كيديرو؟؟سلخها مزياااان مخلاش فيها
هدى:دعاتو؟؟
عليا:لا...لقاتها فرصة تفارقات معاه وتزوجات بلاخر لي قالن ليه مبغاش يفرقني
هدى:ويلييي على هادي..داكشي علاش مكيثيقش فيا
عليا:(تبسمات)ثيقي بيا والله حتى كيثيق فيك حيت كيقوليا راه نشوفها بعيني ونقول عيني تعماو
هدى:ماشي هادشي لي كيبيين..هو مشكاك
عليا:كيشد فجنابووو عبدو ..راه فالخدمة مكيثيقش فالناس كاااع..كيقول كلشي غيغذرووو وكلشي منوي منو الا انا وراجلي ونتي
هدى:الصراحة هي عندها الحق تطج راه الغيرة خايبة ..ممجرباش نتي ديال عبدو غيرتو خااايبة بزاااف ولكن واش هي تطج وانا نخلص هههههههه
عليا:ههههه سكتي مضحكنيش قاعي مفرووع هههههههه اختي نتي لي غتخلصي وغتصبري ليه
هدى:(بتأكيد)انا راه كنحبوو ماعندي عليه فين غي كيعصبني وكيفقصني
عليا:الله يخليكم لبعضياتكم..مكتفكريش تولدي؟؟
هدى:كنفكر ولكن ماشي دابا مزال انا وياه دايرين بروكرام نسافرو بجوج بزااف
عليا:غيفرح الى ولدتي ليه
هدى:اليوم نخدمو عليه هههههه(صونا تيليفونها)ماماك كتعيط
عليا:ارايها ليا
عطاتها هضرات معاها وقلبوها كاميرا ولوخرا كتبكي على بنتها حيت كانت عوالة تجي حتى ولدات بلا وقت..وهدى كتفكر فعلاقتو كبف كانت وكتقول واش كان كيعاملها بحالي ...دوزات الصباح غي تما حتى جا زوج عليا جاب ليها تلبس وخرجات باش تخليهم براحتهم..جلسات برا كتهضر مغ ختها فالتيليفون حتى شافتو من بعيد جاي..وقف عليها وهي تبسم:فين كنتي؟؟
عبدو:الخدمة(مغوبش)كي بقات؟؟
هدى:مزيانة كتبدل...مالك؟؟
عبدو:تقطعت ففففف ياله تمشي ترتاحي
هدى:لا خليني مع عليا نونسها حتى يقرب الفطور نمشي نوجدو
عبدو:غنقطرو فالريسطو بلا متعذبي اليوم لول
هدى:اوك(حمحمات)مشيتي شفتيها؟؟
عبدو:شكون؟؟
هدى:نجمة
عبدو:هي لي خصاتني فهاد الصباح..مريضة الله يشافيها وانا مالي؟؟
هدى:مالك كتغوت؟؟صافي غي سولتك ففف يااااه
عبدو:غيبي علي راسي كيطبخ
سكتات مجاوباتوش بقات كتراسل مع غزلان وخوها ميساجات وهو عين هنا وعين لهييه ختى حطاتو ليه فيديه وقالت:هاهو كتب بلاصتي
عبدو:فين غادية؟؟
هدى:نبووول فففف بنادم.حضااااي
تبعها بعينه تا غبرات ورجع لتيلفونها دارو فجيبو نقربش ليه عيا كل مرة كيقلب ومكيلقا والو حاضية غي الحوايج والاكسسوارات..رجعات دغيا وقالت:جاني الجوع
عبدو:ياله تغداي
هدى:هه باسل
دوزو يومهم تما معاها وهي كل مرة تعيط ليها نمرة حيت مها دارت الاشهار لعالم قالتها ليه ومرة تجاوب هي مرة هدى تطمنهم عليها ..مخرجو من عندها حتى فات العصر مطمنين عليها ناويين يرجعو مورا الفطور..وحتى هي اصرات باش يمشيو يرتاحو
بالفعل مشاو للدار توضاو وصلاو لي فاتهم هزات القرءان قرات شويا ..تكات ترتاح حيت منعساتش مزيان مفاقتش حتى قرب المغرب على مناداتو عليها وناضت لبسات عليها ومشاو للريسطو لقاوهم موجديين ليهم الفطور واكيد للناس المسلمين لي تما دايرين ليهم بيفي ديالهم
جلسات هي وياه فطبلة وحدة حداه طبعا كيتسناو المغرب وهو ساكت كيهزز رجليه راسو غيتقطع عليه وكيعض فشفايفو حتى نطقات:فيك الحريق فراسك
عبدو:بزااف
تسناو لحظات واذن المغرب عند الاغلبية ...هزات تميرة فرقاتها معاه مشافش فيها كاع خداها كلاها شرب الما بزربة وقال:انا جاي
هدى:فطر.معايا
تحنى باسها فحنكها:عشرة دقايق نكمي ونجي
هدى:(بعتاب)على الريق؟؟
عبدو:يا نكميه يا نتفركع عليك
مشا وتنهدات كملات فطورها وعينيها كيضورو على المكان كتشوف فعلا مسلمين كيكسرو صيامهم وكيفطرو لكن جو المغرب ابدا واش حسات بيه ومحساتش بجو رمضان بتاتا..مشماتش الحريرة كطيب ولا تسمع صوت الاذان والناس تغبر..شداتها البكية بقات كتفطر بصمت وغي كتنقب بشويا عليها حتى جا كيدوز بريحة الكار ومبسم وقال:بصحة فطورك
هدى:بصحتك
سمعها بصوت مغنغن وهو يهز فيها عينيه وقال بتشكيك:مالكي؟؟(قرب ليها وجهها عندو)علاش كتبكي؟؟
هدى:(سرطات الريق)عاد غنبكي...قنطت ماكاينش جو رمضان
شداتو الضحكة ودرعها عندو قايل:راه الغربة هاكا دايرا ههه نتي مزال هاد العام مونساني انا راه كندوزو بوحدي
هدى:(تسرحو دموعها)مظنييتش يكون خايب هاكا...شوف مكاينش الجو كاع
عبدو:ههههه واصافي(كيدوز على حنوكها)فطري دابا وغدا ندير ليك تلفازة فيها النفار
هدى:مابغيييتش
مسحاتهم وجلسات كتاكل وتنكر وتشكي عليه ..مرة يجاوبها مرة يتنهد عليها حيت مولفاتش ليه بتاتا جاتها الغربة صعيبة بزااف خاصة هي اصلا عندها نقص وزادت اسبانيا كملات ليها
فطرات براحتها وقالت:بغيت نصلي
عبدو:ياله لبيرو عندي وصليي
نوضها وصلى بها وغي كملو باس راسها وقال:غي صبري غتولفي
هدى:حتى عليا مكايناااش
عبدو:ههه انا معجبتكش
هدى:ماشي هاكاك غي كتونسني
عبدو:ياله نديك عندها
هدى:واخا
بالفعل خداها عند عليا جلسو معاها ونسوها وبقاو كيهزو الدري حيت راجلها فطر تما بحكم كيصوم معاهم
عليا:غدا غتجي.ماما وبابا وخوتي
هدى:الله بعدا غنتونسوو ههه
عبدو:معرفنش اش ندير معاك؟؟نجيب ليك المغرب كامل لهنا
هدى:كنقنط ففففف مكرهتش نخدم والله
عبدو:(هز حاجبو)واشوف مع هادي(هز كارو)كتقطعيني حتى فالليل
يتبع...
التنقل بين الأجزاء