أقوى مما أدرك الجزء 22

بالفعل فاليوم الموالي عائلة عليا المقربة شدو الطيارة بعجالة باغيين يوصلو عندها دغيا فحين هي كانت فاليوم الموالي كترضع ولدها بحب وهدى واقفة جنبخا مبسمة وكدوزيديها على شعرو..كملات ليه وحطاتو وعاوناتها تلبس عاد.دخل عبدو وزوجها لي هز ولدو وخرجو مجموعين مبسميين

ركبات عليا مع ولدها لور وبغات تركب هدى حداها وهو يجرها قايل:اجي نتي معايا

هدى:(بوجه مافيهش نقطة تالماكياج)لا نمشي مع عليا

عبدو:(جرها)أ زيدي..معاها راجلها

ساطت بعدم رضى وطلعات حداه كتنفخ وتنكر:مافهمتش مالك...اش فيها؟؟

عبدو:تركبي نتي وراجلها فنفس الطوموببل؟؟شويا لباس؟؟

هدى:(شوكاها)واش شويا لباس؟؟السيد مكيهضر مكيسمع

عبدو:(مركز فالسياقة)واخا يكون عمى...تركبي معايا شي حد اخر لا

هدى:واش نتا مرييض؟؟

عبدو:سدي الهضرة هنا..نتي عارفاني كي.داير

هدى:كل نهار كنكتاشف فيك شي حوايج مكاينينش قبل..واش واعي اش كدير؟؟راه كتنخنق فيااا

عبدو:(شاف فيها هاز حاجبو)كنخقنك؟؟حيت مباغيكش تركبي معاه؟؟شكون هو حتى تريح معاه مراتي

هدى:قهرتييينييي بهاد الهضرة ديالك وفعايلك ديال ااحماق..الى مريض سير تعالج وبعد.مني انا وليت كنتوا من كلشييي

عبدو:(ساط)سدي الهضرة هنا

هدى:غنسدها بمرة متبقاش تهضر معايا وقلب على نمرتي

حرك راسو بلا حول ومجاوبهاش اما هي راه رعدها ولات على القرص من فعايلو...كتهزز فرجليها بعصبية حتى وصلو هبطات رادخة عليه الباب خلاتو غي كيبرق عينيه..شافها حتى مشات عاونات عليا تنزل وهو يهبط تاهو لاصق ليها فجدارة وذنها ما برد حتى خرج معاه زوج عليا

تأنسطالات بلاصتها وولدها حداها كتشكي ليها:ياختي قاعي مشا مشا

هدى:راك والدة...اش غندبرو للفطور؟؟

عليا:كلشي يتكوموندا

هدى:(كضور فعينيها)تفووو مكنعرفش نطيب

عليا:لا طيابك زوين غي مكتركزييش وصافي هههه أصلا ماما جايبة لينا كلشيي

هدى:توحشت المغرب(تنهدات)خوتي وبابا

عليا:الغربة صعيبة غنولفي

هدى:محال نولف أ صاحبتي(وقفات)نصايب ليك تاكلي

عليا:واخا نفطر

هدى:انا نوجد ليك كلشي غي رتاحي

عليا:(صيفتات ليها بوسة هوائية)يخليك ليلي الميكروبة

تبسمات ليها ومشات كتقاد ليها متاكل اما هي راه صايمة وبالفعل عطاتها تفطر وتنشرات حداها مجمعين النهار كامل حتى غفاو مفاقو غي على صوت التيلي دياال هدى كيصوني..هزاتو جاوبات بصوت ناعس:الو

عبدو:فين كاينة؟؟

هدى:عند عليا

عبدو:هاني جاي جايبهم من المطار

هدى:واخا

عبدو:عيانة؟؟

هدى:ممممم اه

عبدو:نجي ونهضرو

قطع معاها وهي تخاطبو أم عليا:ولفات هدى شويا؟؟

عبدو:لا..كل مرة تبقا تبكي باغيا المغرب ههه

الحاجة:ساعف اولدي سااعف هههه

ناضت هدى علمات عليا ومشات لدارها دغيا دوشات دوشحفيف ولبسات مخور خليجي فاللوينات ودارت فولار على راسها مبين بعض الزغيبات فشعرها ..مدايراش ماكياج انما معتانية ببشرتها بكثرة ماجلسات فالدار ولات عاطياها لماسك والمنتوجات التجميلية من كل نوع وطرف حتى رجعات بشرتها كتلمح..تخلات على العطور وعلى الصبايغ حيت صايمة ..

ميمكنش عينين عبدو يفلتو هدى ديالو من بعييد ..كان وقف قدام الدار ديالهم وهبطو معاه جوج خوت عليا مها ومع زوجها كان باها ...كمش عينيه فيها كتبان هادئة وفور ماشافتهم مشات ناحيتهم او بالاحرى ناحية الحاجة لي ستقبلاتها بالاحضاان وبروح مرحة ..حمحم عبدو وهمس لخوت عليا الذكورة:بلا متسلمو عليها راه مكتسلمش

..:بصح؟؟صافي اخويا كون هاني

عنقات الحاجة ام عليا هدى بحب وقالت:اهلا بنتي(باستهت فحنوكها)ماشاء الله وتبارك الرحمان..زيانيتي

هدى:(حشمات)الله يكبر بيك اخالتي

شافت فخوت عليا وحركات راسها قايلة:مرحبا بيكم

تنهد عبدو براحة حيت مسلماتش..متوقعهاش منها حيت عارفها كتسلم عادي مي فاش دارت الجيست رتاح ومكرهش يبوسها عليه...دخلو كامليين للدار مبسمين باغيين يشوفو علي ..وبالفغل غي شافوهابداو سلسلة العناق والبوسان..هزو البيبي شبعوه بووسان وتعناق..تهزو جداه ويحطوه خوالو مكاين غي التبادل..الهضرة كثرات فالبيت عندها والضحك واصل فين وفين..والديها فرحانين ليها حيت عارفين شوقها للدراري

ناضو خوتها وباها يصليو رفقة عبدو لي كيصليو غي من رمضان لرمضان وخلاو العيالات بيناتهم

الحاجة:اري نكمطووو

عليا:حيدي علي داك التشعوييد ديالك

الحاجة:تي اري نكمط الدري ميخسرش ليه صدرو

هدى:عندها الصح..الكماطة زينة

عليا:(حاضنة ولدها)بعدو من ولدي..

الحاجة:غي نتي والجران لي والدين(حلات صاكها)سلمات عليك عمتك بزاااف وكتبوووسك وصيفتات ليك هذااا(عطاتها بواطة حمرة)

حلاتها لقات براصلي ديال الذهب ولويزة لولدها..تبسمات بحب وقالت:عمتي مسكيينة منساتنييش

الحاجة:كدعي معاك وتعاود..فرحات ليك وحتى الحاج مسكين ووهيبة

عليا:مساكن ...غي نولي شويا نهبط لمغرب ندير لولدي سبوع فالمحمدية مكاينش لي داير بحالو

هدى:غي ولي شويا نهبطو نحيحو ههههه حتى انا توحشت المغرب

الحاجة:بلادنا مابحالها بلاد..جبت ليكم كلشي من المغرب سلو والشباكية..بشنييخة وكلشييي

هدى:الله يكبر بيك اخالتي..

الحاجة:نوص نصلي ونجي نكمط هاد الشهب

عليا:حلمييي هههه

مشات معاها هدى عاوناتها ورجعات كضحك قايلة:مك عالام..معرفت كي.طرا مجاتش خيرة معاها

عليا:خيرة ضربات ليك الطر فالمغرب..كاع العائلة قالت ليهم مراتو عايراتني

هدى:(ضحكات)العقبة مانسلخها وديك الساعة تمشي لتلفازة هههههه

عليا:مسخوطة نتي ههههه

هدى:واختي نكذب عليك مكنعرفش نحزر بنادم ومدرت ليها والو

عليا:كتهضر معاك وهيبة؟؟

هدى:مرة مرة الى سولت انا واقلة مها عاودات ليها وتقرصات

عليا:مديريش فبالك

هدى:(تنهدات)كيف شفتي ياربي انا من همهم منعست هههههه الحمد لله مصفية بيني وبين الله مظالما حد

عليا:نوضي طلي على مي لتكون عوجاتها الطواليط

دوزو يوم زوين جدا بالنسبة لهدى لي نساجمات مع أم عليا وعجباتها حيت جايبة معاها ريحة المغرب لي هي مشتاقة ليها..تلاهات ونسات عبدو كاع..بقات كتوجد هي وياها الفطور وكتحط معاها ومع قرب الاذان كانت الطبيلة عامرة بأشهى المؤكولات لي أغلبها صيفتها عبدو من الريسطو ديالو باش متعدبش ليه..هوما غي حطو وضافو شنو جابت الحاجة

وعلى اذان المغرب بتوقيت اسبانيا تجمعو على الطبلة وكان اخر طبق جايباه هدى لي كتشايل بالمخور ديالها والشال مليوح على راسها مبين بعض الزغيبات ووجها حمر ..طلعات معاها الصهدة..لمحها عبدو بعينه وتبعها حتى حطات الطبسيل وجلسات حداه كتسمع فيهم كيهضرو

حط يدو على ركبتها وقال:مالك حمرة؟؟

قاست حنوكها وتبسمات:صهدت وصافي

عبدو:ممعيقش هادشي لي لابسة؟؟

هدى:(شافت فاص ليها)لا..طويل ونتا براسك لي ختاريتهم معايا

عبدو:شمتيني حسابني غتلبسيهم غي ليا

شافت فيه وقلبات وجهها..اذن الاذان وهز تمرة قسمها عطاها منها ..مع كسر شرب الما وبغا ينوض يكمي وشداتو حالة الشك مباغيش يخليها معاهم وخوتها كاينين..بقا صابر كيفطر وهي كتبعكك كتفطر بشويا عليها فقصاتو..حتى حس بها كلات وهو بنوض مستأذن حافضينو عارفينو باغي يكمي فلبالكون..ياله ناض بدقيقة ناداها وناضت..باقي كتمدغ خرجات عندو لقاتو كيتكيف وقالت:مالك

جرها وسد البالكون قايل:جلسي حتى نكمي ونمشيو بجوج

رسمات على وجهها ملامح غريبة وقالت:حيد.خليني نمشي نفطر فيا الجوع

جرها من يديها جابها قدامو مع البالكون وكينفث الكارو:ياك كسرتي..خليك معايا(كينفث بزربة)نكمي ونمشيو بجوج

سكتات لثواني كتحاول تفهم وهي تنطر منو وعقدات حجبانها :رجعنا عاود للشك؟؟

عبدو:توريني انا فخوت علياااا...مكيزكلو حتى وحدة

هدى:(خرجات فيه عينيها)وانا اي وحدة؟؟انا مراتك مغيشوفوش فيا

عبدو:انا كنثيق فبا بوحدو وفبات عليا شي حد اخر لا

هدى:وانا مغتسطينيش معاك..والله وماتحيد.حتى نجمع عليك الناس وراك عارفني نديرها

ساط الدخان بزربة ولاح الكارو عاسف عليه:دوزي

هدى:تفووووو على جنس

مشات قدامو معاجبهاش الحال كيحطها فمواقف هي كتكرههم..حيت كتحرج بزاف..رجعات كتاكل ممسوقاش ليه حيت الى دارت فيه راسها غيديو عارهم..أكيد ملامح وجهها تغيرو مبقاتش مرتاحة ولات كتاكل غي قريب ليها الى طبسيل محطوط حداهم مكتوصلووش ولاحظها هو ىي غي حاضيها..تجبد هز طبسيل ديال البريوات وحط ليها منهم بهدوء وهي تحيدهم بشويا بحالا غضبانة ..

عليا:(جالسة على الشوك)عيييت

هدى:نوضي نديك ترتاحي صعيب عليك نجلسي

عليا:وا عييت بالماكلة هههه(مدات لزوجها الشباكية)كول احبيبي كوول

الاخ:ياربي تولي تحشمي ههههه

شدها من عندها مبسم وكيوكل فيها بحالا غي هي لي كاينة وباها حشم وهي ممسوقاااش كاع عايشة الحياة

عبدو:اش غتسميو؟؟

عليا: محمد

الحاج:زوينة...على سمية نبينا اللهم صلي عليه وسلم

الحاجة:ايييه زوينة..سولي راجلك واش قابل

بدات كتهضر معاه بالاشارات وعينيه كيتبسمو وجاوبها بنفس الطريقة وهي تقول:موافق ههههه نولي شويا وورا العيد نهبطو للمغرب ندير السبوع

هدى:ان شاء الله

الحاجة:لعقبة ليكم ان شاء الله..

عبدو:ان شاء الله

كملو الفطور ونساحبو الرجال للصلاة وبقاو بيناتهم هوما تناوبو على الصلاة ورجعات جلسات حداهم كيهضرو بعدما حولات الماعن للكوزبنة وكلشي دارتو فلماشيين وطرفات الدنيا

الحاجة:عذبناك ابنتي

هدى:اشمن عذاب ههه دغيا داكشي(حيدات الشال)

عليا:(هازا ولدها)ايدعينا عبدو الصكعة

هدى:هههه مسالي

دوزو امسية بيناتهم ورجعو تعشاو معطليين وطول الوقت والهضرة غي بين الرجال مع تدخل عليا والحاجة الا هدى وزوج عليا..هو صمك مايدوي مايعلم وهي طاير ليها وحتى خافت تهضر ويتنوا لاخر لي منشور حداها حتى تعسعس اللليل وقال:تصبحو على خير

هدى:انا غنبات مع عليا

عقدهم فالبلاصة وقال:لا..ياله

هدى:ولكن

عبدو:(قاطعها)هدى

سكتات وجمعات التنهيدة ..ودعاتهم ومشات تابعاه كتجر فصندالتها للدار معاجبها حال حيت بغات تبقا معاهم وتجمع وتضحك ومبغاتش تجادلو قدامهم..

كي.دخلو مشات نيشان لبيتها هزات اغراضها باغيا تدوش..والنقا لي مكانش فيها قبل هو لي لبسها دابا..كدوش جوج مرات فاانهار والى غي خوضات كيكة تبدل عليها

وهذا ماكان ..دخلات رادة الباب..بدات كتحيد.حوايجها حتى بقات بالسترينك كيف العادة وعريانة كلها وهو يدخل هو..تلفتات ليه ورجعات متوجهة للرشاشة باغيا تدوش ممسوقاش ليه حتى شافتو كيقلع حوايجو وجاي جيهتها..محسات غي يديه تحطو على خصرها وعيونو كياكلوها بالنظرات المخلة للحياء قايل:ضاربة سترينك تحت داك العجب لي لابسة وباغياني نخليك معاهم

هدى:(ساطت)سير بعد مني...الى ماطجييت شي نهار ها وجهي وها ديالك

طلق الرشاشة تا تكب عليها الما وقالت؛خرج

عبدو:شحال مكناا بجوج

هدى:(خرجات فيه عينيها)طاااير ليا مني..بقا غي نبووسك

عبدو:(عصر عليها)أجي لدلمك ونتي وليتي قد البكرة غادية وتبومبااااي(باسها بجهد ففمها)شهاد الزك ولى عندك؟؟(قاسها فمؤخرتها)

جمعاتهم علاقة حميمية بجوج تحت الدوش بعدما دوبها بلمساتو وهضرتو وكذلك حركاتو ستسلمات ليه وعاشت معاه الحب كيف ديما بكل اريحية وحتى هو ستمتع والى على الاقتناع راه مقتنع بها ولي بغاها كديرها معاه مكتصدووش نهائيا وبالمقابل هو كذلك.كيمتعها وكتبان فملامحها وفحركاتها معاه

خارج من الدوش هازها بالبينوار وهو لاوي عليه فوطة كيقطر..والضحكة فالتة ليها جايبة عليه فشوشها:ثقاليتي الحلوفة

هدى:غلاضيت وهادشي مكيضحكش(حطها)بغيت ندخل للصال

شاف فيها هز حاجبو وقلب وجهو مشا كيقلب على مايلبس وهي تنطق:غي سكت حتى تشوفني مشييت ليها راسي حسابك مزال تغمق علي

عبدو:(كيلبس)فين غنلقا ليك صال ديال العيالات؟؟

هدى:(كتلبس)كاينين..غنسول علياا

عبدو:كرهت انا هاد عليا

هدى:واهاني علمتك الى بقيت تابعاك فالنهار كناكل وفليل كنهز رجلي حتى كنحمد الله ونضربها بنعسة غنولي فيلة

عبدو:واش انا عاجباني؟؟اش باقي باغيا؟؟

هدى:اخر وحدة تقاد شي حاجة فراسها على ود راجل هي انا(كتنشف شعرها)كنبدل شي حاجة ماعاجبانيش انا

عبدو:القميع بعدا كتعطيه قتلة

هدى:مقمعتكش ..نتا عارفني كي.ديرا..ولصال غنمشي ليها

عبدو:يكون خير

تلاح فالفراش وهز تيلي شاف الساعة وقال:هادي الوحدة ونص مبقا والو للسحور

هدى:(كدهن جسمها نحت نظراتو)انا غنمشي نجيب شويا ديال الديسير لينا بجوج براكة

عبدو:سيري

كملات ومشات كتمخطر وتعوج وعينيه غياكلوها..زيانت مشكلة خيابت مشكلة..ساط وهز تيليفونو كيقلب فيه حتى جات مقطعة ديسير مشكل ومنوع وربعات رجليها حداه كتاكل وتوكلو وعينيه فالتيلي وقالت:اش خبار داك الشكام

عبدو:(ضحك)هههه ولدات ليه مراتو

هدى:بصح!!!اش ولدات؟؟

عبدو؛بنت

هدى:ياله يتلها معاها وينسا الفضول ههههه حسن عوان مراتو معاه

عبدو:علاش؟؟

هدى:فيه التبركيك وكثرة الضحك كي الشياخ ههههههه

عبدو:تمشي للمغرب؟؟

هدى:اه ملي تبغي عليا تهبط دير السبوع نزلو كامليين ونجلس باش نشوف بابا وخوتي(حلات تيليفونها بانت صورة يوسف)توحشت هاد الخانز

عبدو:كلشي ولد بقيتي غي نتي

هدى:(كطنز)ياله خدمنا عليه بلاتي يثبث ههههههههه

*****

وكيف توقع كيف طرا..دوزو ايام رمضان كلها عائلة وفطورات وتجمعات خاصة ملي كل مرة كيجي شي فرد من العائلة يزورهم او بالاحرى يزورو عليا..حيت اغلبية افراد عائلتهم فالغربة ..تلاهات هدى معاهم والنهار كامل كدوزو فدار عليا من جهة مأمن عليها وماكد بلي مكتقنطش ومن جهة غي كيوصل الليل كتقوليه باغيا نبات كتشعلو...دوزو رمضان كولو نكير وغضييب

عيد الفطر على الابواب والعيد فالغربة بدون طعم..واخا كيوجدو حتى كيعياو ويخلقو الجو كيبقا عيد فبلاد.ماشي بلادك..صيفتات هدى البركة لي قدرات عليها لباباها من الكونط لي عاطيها عبدو تصرف فيه واخا بسميتو..شاف la transaction ومعلقش عادي وباركات العيد للجميع متحمسة حيت كتوجد الحلوة مع ام عليا لي دوزات معاهم الشهر الفضيل

هدى:(كدوز الحلوة فالشكلاط)أ خالتي باش غنعرفوها جات هشيشة

الحاجة:عطي لديك الشحاطة ذووق ليك ههههه

هدى:معرفتش واش غنعيدو غدا ولا بعدو

الحاجة:وقتما كتاب ابنتي

دخل عبدو لعندهم كيقلب عليها بعينيه بانت ليه مخشية فالكوزينة وكضحك فحين هو وجهو مظلم ..شافتو ومشات سلمات عليه قالت:لباس؟؟

عبدو:اجي معاياا

غسلات يديها ومشات معاه برا فين كان كيمشي ويجي وهي تقول:مالك؟؟اش واقع عاود

عبدو:خصنا نزلو للمغرب

هدى:راه غنزلو

عبدو:الواليد عياان دار اوبيراسيون

هدى:(تشد قلبها)ياك لباس؟؟اش وقع ليه؟

عبدو:(مسح وجهو)حيد لتيغوييد..

هدى:واش دارها ولا عاد يديرها

عبدو:داارها يوماين هادي وانا اخر واحد تكون فراسي

هدى:علاش معلموكش؟؟وهيبة مقالت والو

عبدو:حتى حد (ساط)غنقطع نهبطو غدا

هدى:واخا نهبطو احبيبي(حطات يديها على وجهو)كي بقا دابا؟؟

عبدو:قالو شويا هضرت مع وهيبة ابيل فيديو وشفتو

هدى:الله مسكيين الله يكون فعوانو ويشاافيه ياربي..متفقصش رااسك غداا نمشييو واخا يكون العيد

عبدو:انا غنمشي..علمتك باش تجمعي حوايجك

هدى:واخا(شدات وجهو)الله يشاافيه مادير فبالك والو

عبدو:يكون خير..سيري دخلي ونقصي من الكوزينة

مشا فسيارتو مخليها غي كتشوف وتحسر..عز عليها الحاج وفنفس الوقت حيت معلمووهش..دخلات وقالت مخاطبة الحاجة:خالتي فراسك واش عمي دار عملية؟؟

توقفات على شنو كدير وقالت:شكون عمك

هدى:باباات عبدو

شرحات ليها كلشي وربطو الاتصال بوهيبة حيت هي لي تقدر تجاوبهم رنات عليها جوج مرات عاد تشد الخط ببرود:الو

هدى:وهيبة لباس؟

وهيبة:حمد لله

هدى:كي بقا عمي؟؟شويا؟؟

وهيبة:هاهو جبناه للدار

هدى:لهلا يضرو والله يشافيه ..واش غي شويا

وهيبة:شويا وصافي

هدى:(حسات بيها كتهضر منفخة)الله يشافيه ولهلا يضرو ..غدا غنجيو ان شاء الله

وهيبة:بصح؟نتي وخويا؟؟

هدى:اه..ان شاء الله..بقا فيا مسكبين عمي

وهيبة:داكشي ديال الله وصافي

هدى:كي دايرا خالتي ؟؟كي دايربن مع الصيام؟؟

وهيبة:صافا اختي..نخليك.غنمشي نشوف ماما

هدى:تهلاي فراسك اختي وسلمي على عمي

قطعات عليها ومشات جهة مها لي كتناديها ..لقاتها كتقشر فاللوز وقالت:كنعيط ليك فينك

وهيبة:كنت كنهضر مع هدى

خيرة:هدى هدى؟؟

وهيبة:(بدات كتقشر معاها)اييه هدى مرات خويا..وراه غدا جاييين

خيرة:(حطات من يدها اللوز)علاش؟؟

وهيبة:شويا لباس؟؟باه مريض ميجيش؟؟

خيرة:من لول قلت ليكم متعلموهمش..هاهو غيجي.يبقا جالس هنا

وهيبة:واقلة راه دارهم هادي..واش كتقولي هاد الهضرة من نيتك؟؟

ساطت خيرة وقالت:سربي سربي...مربم مرريييم(جات البنية)طلي على عزيزك لتخصو شي حاجة

بغات تمشي وهي تناديها مرة اخرى قايلة:مريم ابنتي خصنا نتكعدو ورا الفطور نقادو الحلاوي

مريم:ديال العيد؟؟ياك صايبنا؟؟

خيرة:لا ابنتي راه عزيزك خرج من السبيطار وحبابو كثار غيجيو الناس عندنا وخصنا مانضايفوهم

مريم:(مبسمة)واخا أ خالتي كوني هانيا

خيرة:الله يرضي عليك ابنتي

مشات مريم الخادمة ديالهم او بالاحرى فرد من عندهم لي والديها مفحالهمش وخدامة معاهم كتعاون خيرة فالشقا وكتونسها

وهيبة:خصنا نخملو بيت عبد الدائم!!

خيرة:الى بغا البيت يجيبها تخملو ليه

وهيبة:على وجه خويا غدوز اما هي اه وصلات معاك العيب

خيرة:غانوريها فعايلها..انا تعايرني وتغوت عليا قدام راجلي

وهيبة:(ضحكات)مخليتي لمن عاودتيها

*****

اذن المغرب فانتظار الاعلان على خبر دليل العيد..تجمعو بغير نفس على الطبلة كيكسرو صيامهم وعبدو غي ساكت..عطاتو تميرة والما عرفاتو غيبغي يكمي وبالفعل مشا دغيا يكمي..تنهدات وقالت:عز علي

عليا:عزاز عليه والدييه كيضرو خاطرو عليهم

هدى:(عينيها غرغرو)الوالديين راه هوما الدنيا(حطات اكلها)نمشي نشوفو

الحاجة:جلسي فطري دابا يجي

هدى:واخا

جلسو كيفطرو حتى جا غي نقب وستأذن مشا لدارو صلى وجبد عليه نااعس دخلات هدى لدارهم لقات السقيل قلبات عليه كيبان ليها مجبد فوق السرير ياله بغات توجه لعندو وصلها ميساج من ختها فيه:مبروك عيدك غدا معيديين كامليين الا المغرب كي.ديما

تبسمات وكتبات ليها:شحطونا نهار..هادشي باش كيعجبك المغرب ديما كيجيبو الهلال نيشاان

حطاتو ومشات مبسمة ليه تلاحت حداه دوزان على شعرو يديها عارفاه غي تقيسيو غيفييق وبالفعل حل عينيه ورجع سدهم وهي تقول:مبروووك العيد أ مريود عينيا

تبسم مغمض عينيه وقال:قالوها؟؟

هدى:مممم مبروك عيدك(باستو فحنكو)الله يحفظك ليا ويخلي ليك والدييك

ذرعها بيدييه وقال:غدا الفول مع الطناش ديال النهار نفطرو ونشدو الطريق

هدى:(بحب)متقلقش راسك غيبرا ان شاء الله

عبدو:ضرني خاطري حيت مقالوهاش ليا

هدى:(معرفات ماتقوليه)يمكن حيت مبغاوش يخلعوك

عبدو:ويمكن حيت مبقاوش حاسبييني ولدهم

دوزات يديها بحب على لحيتو وقالت:بالعكس..واحد الفرحة كنشوفها فوجه عمي فاش كيشوفك عمري شفتها فشي أب..باباك.عندو نتا عزيز وكيعزني انا حيت مراتك..غي مبغاكش تشوش وصافي

عبدو:ومي؟؟

هدى:الله يهديها عليك هذا مانقولو..غترجع تهضر معاك وترضي عليك...اجي عندي

كانت جملة كفيلة باش يفهمها شنو قصدات..ديما فاش كيكون عيان ولا مقلق فخاطرو كيجي عندها كيتخشا فحضنها لي مقارنة بجسمو راه والو لكن كيرتاح ملي كيحط راسو على صدرها..

وبالفعل تكات وتخشا بين رجليها حاط راسو على صدرها وغمض عينيه براحة ..كيحس بيديها كيتخللو شعيراتوبحب وبعض القبلات الخفيفة على راسو ..اما هي كتسمع غي صوت تنفسو القوي حاسة به مهموم وخاطرو مزير ومعارفا مدير ليه باش تتفس عليه..كيف لا وهو لي يموت وميشوفهاش كتبكي ..معارفاش كيفاش تحيد.همو واخا تعرف تهزو هي

بقا لمدة من الزمن مستمتع بالهدوء لي ضاير بيه وبصباعها لي كيماصيو فروة راسو حتى حس براسو رتاح نييت ..صونا تيليفونو وناض بشويا هزو شاف المتصل ورجع تكا على صدرها قايل:الو

عمر:مشيت شفتو..راه مزيان..مكيهضرش ولكن حال عينيه مزيان

عبدو:والواليدة؟؟مخلوعة

عمر:بانت ليا عادية..رحبات بيا انا والمدام عادي

عبدو:ان شاء الله غدا نكون تما

عمر:الله يجيبك على خير.

قطع عليه ولاح التيلي باهمال ورجع مغمض عينيه وهي تقول:صبفتي عمر يشوفو

عبدو:ممممم

هدى:غيولي لباس ان شاء الله

عبدو:(هز فيها راسو)نعسي ترتاحي غدا تابعنا السفر

هدى:غنوض نجمع حوايجي وحوايجك

عبدو:واخا

بغا يبعد وهي تشدو قايلة:خليك الى باقي بغيتي

تبسم وباسها ففمها بشهوة:نوضي راه غنعيد بييك

ناضت كضحك كتجبد شوانط تلفانة كتجمع وتحط وتحبد غي راسها ..مخلات ماخدات وكذلك فحوايجو جمعات ليه لي غيحتاج مسالات حتى للثلاثة ديال الصباح..تلاحت حداه كتفوه وقالت:تصبح على خير

عبدو:ممممم

غمضات عينها ومشاات كتشخر حتى صبح صباح العيد والاجواء المغربية مكايناش نهائيا..ناضت قبل منو لبسات عليها قفطان مغربي بامتياز بماكياج خفيف ركزات على عيونها فقط..ومع بدات كدير الفاغاجو فاق هو كيشم فريحتها لي ملي تحركات من حداه كيحس بها ..تبسم وقال:أ ديك الميكروبة

تلفتات ليه وتبسمات:صباح النور لاحلى مجمر الغمة فالعالم

ناض مبسم.كيرمقها بعويناتو الناعسيين وبديك الكسدة كيشوف الزين منشور على الصباح..مسرحة الشعر على طولو والقصيصة مقطعة على حقها مع حلقة فالنيف ..كترد لبال لتفاصيل زوينة فيها منهم الاظافر..الشفار..العيون..ملمس يدها وجسدها..باسها بدون ماتستوعب ففمها مطول وقال:بسلامتك على زين فيك

هدى:(رجعات ليه البوسة)عجبتك؟؟

عبدو:مكرهتش فيك شي ح***** على الصباح نقاد بيك.دماغي

هدى:هههههههه سير تلبس وياله نفطرو تابعنا الفول

مشا بالفعل غسل وجا لبس عليه حوايج.جداد اكيد لكن ماشي البلدي..لاحت عليها فولارها وعباية ديالها الاسود.منبثة وخرجو لعند عليا لي لقاوهم فايقين ولابسين مكشطييين..تسالمو وتباركو العيد وناض عبدو وزوج عليا للجامع يصليو صلاة العيد مخلينهم جالسين كيوجدو الطبلة كيحاولو يخلقو جو العيد حتى رحعو الرجال..تجمعو على الفطور وتوانسوو فالاخير ودعوهم ومشاو بدلات عليها هي وخرجو شوانطهم والوجهة المطار قاصدين البلاد"المغرب"

الطيارة حطات على الاراضي المغربية لي باقي سكانها عايشيين اجواء رمضان حيت ممعيديين تال اليوم الموالي عكس اسبانيا لي عيدو قبل فعبدو وهدى كملو شهرهم وفطرو فطارهم..كي نزلو ستنشقات هواء المغرب الحبيب وقالت:البلاد.كتبقا بلاد

عبدو:دخلات معاك الغربة احبيبة ههه

جرو باكاجهم وخرجو للااجراءات وعبدو كيشوف بنادم معصب ومكنزز حيت صايميين ..كملو كلشي وخرجو برا جار هو كلشي وهي كتمختر..تلفت ليها وقال:تقحبني عليا تما بمشييتك

ضرباتو لكتافو بمزح وقالت:التاويل التاويل هذاا هههه

فاش غنمشيو

عبدو:عمر

خرجز برا وبالفعل لقاو عمر كيتسناهم ضارب قميص مغربي رجالي وكيتسنا حدا حديدة فاخرة غي شافهم تبسم وحيد نظاراتو الشمسية وتوجه عندهم مفرنس:عشيري

تسالم معاه عبدو بحرارة حيت مدة مجاش كيربتو على أكتاف بعضهم ..شاف فهدى وبغا يمد يديه وهو يحبسو عبدو قايل؛راه قلت ليك.مكتسلمش

عمر:(دفعو كيضحك)هههه حيد اصاحبي كون مكنعرفهاش

هدى:هههه لباس عليك؟؟

عمر:لباس اختي ونتي

هدى:حمد لله..مبروك عليك الزيادة

عمر:الله يحفظك اختي

عبدو:واتحرك ونتا جمعتي ليا معاها ههه

عمر:(كيعاون فيه)بشااار كي داير ههه

داهم للسيارة طلعات هي لور وهوما لقدام عبدو لي سايق كيجمع هو وياه ويتبادلو اطراف الحديث عادي بلا تخصار الهضرة حتى وصلو حدا دارو وقال:نزل فحالك منشوفكش حتى يصبح العيد

عمر:ياك.نتوما معيديين ههههه

عبدو؛هبط فحالك هههه تسالني الزرورة

عمر:مابيناتناش ههه ختي هدى تهلاي

عبدو:اجي.حدايا

هبطات فعلا طلعات حداه كضحك وقالت:مفروح هاد عمر

عبدو:مسطييي عرفتي اش دوزت انا وياه هههههه

هدى:نية مسكين مافيهش الغدر

عبدو:وايييه

واصل السياقة حتى لحدا دارهم..نزل هو وتبعاتو مبسمة وفرحانة حيت رجعات للمغرب وفنفس الوقت هازا لهم لخيرة وبنتها

تحل الباب من طرف مريم لي عارفة بقدومهم..تبسمات وسلمات على عبدو باليد اما هدى راه بالوجه..هبطات وهيبة كدردرك بخيوراتها مع الدروج..شافت خوها وطارت عليه بتعنييقة كضحك وفرحانة بييه..

عبدو:واش نتوما غي كتغلاضو هههه

وهيبة:توحشتك توحشتك(باستو فحنوكو)فرحت حيت جيتي بابا من قبيل وهو كيتسناك

عبدو:فينو

وهيبة:فالصالون

شافت فهدى وجمعات ابتسامتها خلاتها خفيفة تسالمات معاها بالوجه ببرود عكس كيف موالفها تعاملها وقالت:على سلامتك أ ختي

هدى:(بابنسامة)الله يسلمك احبيبتي على سلامة عمي

وهيبة:الله يسلمك..طلعو

طلعو معاها شاد فيديها حيت عارف غيكونو مزال شادين موقف منها ومرضاش عليها انه تعامل معاملة ناقصة..طلعو عيونو كتقلب على مو واخا غي يشوفها مبانتش ليه مشاو نيشان للصالة شاف باه ناعس ضرو خاطرو وتزير عليه..توجه بزربة عندو تحنى قبل راسو ويديه بحب واحترام كبير كيكنوو ليه ولاخر عيونو فرحو ووجهو نو رفالبلاصة بقدوم ولدو

الحاج:ولدي الله يرضي عليك ويمتعك بالرضااا(عنقو)تبارك الله ماشاء الله الله يحفظك(شاف فهدى لي مبسمة)بنتييي

جات عندو وبحرارت باست يدو وراسو وقالت:على سلامتك أ عمي الله يشافيك لينا

الحاج:امين ابنتي(صوتو مبحبح)جلسو جلسوو على سلامتكم

هدى:كي بقيتي اعمي؟؟

الحاج:الحمد لله الشرف هو هذااك ههه

عبدو:بطولة عمرك أ با الله يخليك لينا

هدى:(بتساؤل)فينها خالتي؟؟

الحاج:خرجات تقدا شي حاجة(بابتسامة ودودة)مرحبا ببنتي عندي

هدى:(مكرهانش تبوسو على تعاملو الزوين)الله يكبر بيك أ عمي والله الى بقا فيا الحال حيت مرضتي

وهيبة:مريم اجي اختي نجيبو ليهم ياكلو

مريم:(ببلاهةة)مصايمينش

وهيبة:ههه لا كملو شهرهم تما

مشات هي وياها وبقاو بثلاثة كيسول فباه كيفاش وعلاش ولاخر كيقوليه غي قضاء الله

الحاج:انا لي مبغيتش نعلمك غنبرزطك وتخلع على والو..هاني الحمد لله مابيا والو

عبدو:تبرزطني؟؟مالك ماشي با؟؟ حاسبني ماشي ولدك

الحاج:حاشا اولدي..نتا راك ولدي لي بقا ليا واحد دفنتو وواحد بقا ليا..الله يرضي عليك ماتقيد علي والو غي مابغيناش نبرزطووك

هدى:الله يشافيك أ عمي..تبع غي الدوا وراه تبرا..فاش كنت خدامة مع واحد السيد.مراتو حيداتهم.دغيا برات

الحاج:حنا عند الله ابنتي..مرحبا بيييكم..نوضو ترتاحو وكولو حيدو العيا ديال السفر

عبدو:(متأسف لحالة باه)ماعليش الواليد

دخلو ليهم ماكلتهم وجلسو معاهم..كياكلو عادي الا وهيبة لي مكلاتش اما الحاج راه مكيصومش بسباب المرض

وهيبة:خويا نسخن ليك كاسك

عبدو:هه حاس براسي يهودي هههه

وهيبة:اوا راكم صايميين لهيه هههه كي دايرا عليا

عبدو:داكشي لي خصها فالحماق كملاتو بالولادة هههه

هدى:حشومة عليك هههه مسكينة فرحانة بزاااف بيه كضل هازاه

وهيبة:اوا مزيان

كلاو وهزو الطبلة وناضت وهيبة تعاون فتوجاد الفطور خلات ليهم بنتها لي فاقت..هازها عبدو كيبوس فيها ويلعب بيها اما هدى حماقت عليها..كتجرها من حنوكها حتى كتبكيها...حتى جات خيرة مثقلة وسخفانة كتلهث كي الكلب..تلقات ليها وهيبة قايلة:كون فطرتي تما وتهناي

خيرة:جاوو؟؟

وهيبة:جاو

خيرة:ففففف سخفت اربي الحبيب

وهيبة:مغدخلييش

خيرة:لاا..ميميتي واش غنوصل النهار كنحس براسي فاشلة

وهيبة:مقدرتيش كولي الطبيب قاليك الى مقدرتيش تصومي بالسكر كولي

خيرة:لا غا خليني نمشي نخوي علي الما ونتكا ملي يوجد الفطور جيبوه ليا لبيتي

وهيبة:ويلي أ ماما الطبلة الاخرة ومتاكلييش معانا حشووومة

ناضت مخلياها تطبل حتى تعيا متسوقش..خرجات غادية للحمام حتى كتلاقا مع هدى لي بدورها غادية لحمام..تلاقاو العيون خيرة ضربات ليها تخنزيرة ولوخرا عاطياها البارد..تبسمات وقالت:خالتي لباس

خيرة:لباس

دازت فيها وهي تقول هدى:على سلامة عمي

خيرة:الله يسلمك

بغات تقرطسها هدى وهو يبان عبدو لي سمع صوتها ناض باغي يشوفها واخا عارفها غتصدو..دق قلبو دقات كثار وهو كيشوفها بنفس النظرات لي كيرمقها بيهم..نطق بادب:الواليدة

شافت فيه وطولات الشوفة كأنها كتسكانيه..وقالت:مرحبا

دازت فيه مهضراتوش خلاتو متبع ليها العين بشوق مكرهش يعنقها..مفيقو غي هدى لي شدات فيه وقالت:الله يهديها

عبدو:امييين..غنمشي ننعس متفيقونيش للفطور

هدى:علاش؟؟

عبدو:نخلي الواليدة براحتها مغتبغيش تفطر الى كنت

هدى:اوا حتى انا منهبطش

عبدو:لا غي نزلي غي هذاا(قرصها فشفايفها)سديييه عاودي عطييها الهضرة عاود

ميقات فيه وقالت:مزينك..حيد علي جيب ليا حوايجي

هبط جاب الحوايج طلعو للطبقة الاخرى حط ليها اغراضها دخل دوش مخليها كتراسل مع خوها كتعلمو بقدومها..تلاح نيشان ينعس فحين هي دوشات حيدات العيا ديال السفر ولبسات عليها كاندورة بلا فولار خلات شعرها مهزوز للفوق..وهبطات نيشان عند باه..جلسات حداه كتعاود هي وياه ويقرقبو الناب حيت بان ليها هو الوحيد لي فرحان بها...

طلات عليهم خيرة ولوات فمها ومشات عند وهيبة للكوزينة قايلة:ديك الماسخة جالسة ليا مع راجليي

وهيبة:(كتحط.طباسل الشباكية)خليها اللهم تمشي لتما ولا تجي هنا

خيرة:مكتحشمش عايراتني وكتقول ليا خالتي

وهيية:نساي ا ماما نسااي ففف غنبدا نحط عيييت

خيرة:انا نمشي نشوف باباك

مشات بالفعل كضرب بخيووراتها دخلات عليهم لقاتو كيعاود ليها بتأني على ايام زمان فالغربة وهي تنطق:الحاج.خاصاك شي حاجة

الحاج:جيتي(بابتسامة ودودة)خاصنا نتي الالة خيرة

خيرة:(بابتسامة حب)هاني الحاج..راك عارف العيد.وتمارتو..مرتاح؟؟

الحاج:الحمد لله..ولادي.دايريين بيا ومنكونش مرتاح؟؟

خيرة:اوا مزيان

دخلات وهيبة ومريم كيحطو الطبلة بهدوء وخيرة شادو الحاج بالهضرة والجموع كأنها كتشغلو عليها هي لي كانت كتهضر مع ختها ميساجات حتى نطق الحاج:نوضي ابنتي عيطي لعبد الدائم

هدى'حممم نعس ا عمي ووصاني منفيقووش للفطور عيان

الحاج:ميمكنش ..عمرو فطر معانا نوضي الله يرضي عليك فيقيه قوليه باك لي صيفتني

خيرة:خليه مالك..خلينا نفطرو بخاطرنا

هدى:وهو غيحيد ليك الخاطر اخالتي(تنهدات)خليه أعمي ينعس يرتاح باش كلشي يفطر بخاطرو

وهيبة:(سمعات الرنين فالباب)هذا غيكون سعييد حلي ليه امريم عفاك

هدى:(وقفات)هانا جايا

الحاج:وا جلسي ابنتي نتي بعدا فطري

هدى:(بابتسامة)غنمشي نلبس علي..راجل وهيبة غيدخل وانا كندير الفولار

مشات من حداهم وخاطب الحاج خيرة:مالك فهاد الهضرة؟؟حشوومة مراتو تسمع هادشي

خيرة:هاكا كنهضر..الى هو جلس فالطيلة انا مغنفطرش

الحاج:نعلي الشيطان يا هاد المرا..باغيا طججي ليا ولدي

خيرة:(ناضت)شلااا

دااتها هدى فوذنها وطلعات كتنهد معرفاتش اشمن حقد هازا هاد السيدة عليه ومكتحملش تسمع عليه الخايب..دخلات لقاتو ناااعس حاولات تهز ملابسها بشويا دارت فولارها ونزلات مخلياه ناعس..وبالفعل غي هبطات لقات زوج وهيبة فمقتبل العمر هاز بنتو..حياتو براسها وقالت:خويا لباس

سعيد:حمد لله اختي..نتوما مزيان؟؟

هدى:الحمد لله

تجمعو على طبلة الفطور وحتى الحاج جالس حداهم مونسهم..خيرة غي كتضور فعينيها محاملاش هدى ووهيبة كتهضر مع زوجها حتى اذن الاذان وبداو كيفطرو وهي غي كتنقب وكتحضي تصرفات خيرة..كتمد لنسيبها وكول اولدي هز اولدي مكليتيش والو..وتتميق معرفات منين تشدها

الحاج :مبارك عيدكم اسياادنا

هدى:باشما تمنيتي اعمي

خيرة:سربيو ناكلو غتجي النقااشة

وهيبة:حسابني نسيتي

خيرة:نعواج الى محنييتش

مريم:توحشت نحني نهنه

خيرة:غنحنيييو كامليين

كملاتها ودخل هو مبوق بنعاس عاقد سبعة فربعة كيخزر فالجميع قول واكلينو فالورث..شافت فيه خيرة وقلبات وجهها تسالم مع سعيد بادب وقال مخاطب وهيبة:قهيوة كحلة

كباتها ليها شدها وقال مخاطب هدى:هدى اجي معايا

هدى:علاش؟؟(شافت فيه)

ضربها بلطف لجبهتها:أ نوضي الميكروووبة

رجعات ليه الدقة ليديه قايلة:ريييح

عبدو:واا شوف مع هادي

نوضها وتم غادي.بيها والحاج.كيضحك وقال:غيسلخها ههه

خرج بها قدام الباب شعل كااارو وهي تقول:مغتحيدش هاد القاعيدة

عبدو:ناشرة ليا ترمتك مع راجل وهيبة

هدى:(ميقات فيه)مالي انا سوقي فيه

عبدو:(كينفث)هضرتي مع الواليدة

هدى:لا..مدويتش معاها اصلا مكتشوفش فجيهتي لا هي لا ختك غي باك لي كيدوي معايا

عبدو:صبري غي حتى لغدا نمشيو لدار خرا كريتها باش منديرونجيوش الواليدة

هدى:وااخاا فففف دابا انا اش كندير هنا؟؟نتا كتكمي وانا مالي

ساط فوجهها وقال:مونساني خهههههههه غتحني؟؟

هدى:بلا عراضة؟؟

عبدو:فيك واحد النفس مقووودة يا بنتي يا هدى

عوجات فمها وقالت:يا حسرة راني عرووسة ومعرضوو علي نحني

عبدو:عروسة؟هههههه نتي راه قدااميتي

هدى:اوا بدلنيي

عبدو:(ذرعها بيديه)منقدرش هههه اشنو بغا الزين فالعيد

هدى:(ضحكات ليه)والو ههههه الراحة وصافي

عبدو:دوزي ندخلو غيبداو الناس يدوزو للجامع فينما كان شي كفايتي عارف العيد غدا يدوووز فففف

هدى:تفوووو على ماااركة يعععععععع

دخلو وريحو حداهم كينقب من الفطور ومجمع مع باه وراجل ختو..ناضت وهيبة ومها ومريم خرجو بقات هي غي كضور فعينيها..جالسة حداه وساكتة شداتها القنطة وهو يديه ضارين عليها حتى قال:تخرجي؟؟

هدى:واخا

ناضت من حداهم خارجة ودازت من حدا الكوزينة كتسمع وهيبة كتهضر مع مها:حشووومة أ ماما متنقشش ويلي

خيرة:انا متنقشش معايا خليوني رااسي

وهيبة: انا غنحني ونمشي لدار شيخي غنعيد تما غنشد الطريق

خيرة:(جاتها الصدمة)وانا شكون يعيد معايا؟؟

وهيبة'بابا وراه بعد غدا غنجي

خيرة:(ساطت)ففففف غتشدني القنطة

وهيبة:(ضحكات)هههه ها هدى تونسك

دخلات هدى عليهم ديك الساعة مبسمة ببرود خلاتهم.كيشوفو بعضهم بحالا كتقوليهم الله يمسخكم..حمحمات وهيبة وقالت:هدى!!بغيتي شي حاجة

هدى:(كمشات عينيها فخيرة)لا غي بغيت نعطيكم شنو جبت ليكم

خيرة:انا مخصنيش

هدى:الكادو مكيترجعش ونتي مولات الدار الكبيرة

وهيبة:عذبتي راسك(حشمات من الموقف)

هدى:مابيناتناش..انا غنجيبهم ليكم دابا حيت خارجة انا وخوك

خيرة:(ضحكات)شفتي لي قلتي غتدوز معايا العيد

هدى:(مبسمة ابتسامة مستفزة)بغيت نخليك تحني على خاطرك اخالتي..غي تهناي راه مكنديرهاش بزااف حني بخاطرك نتي مولات الدار الكبيرة

دازت فيهم وخلاتهم كيبلقو حيت حشاتها فيهم غ بالفن..ماشي هدى لي تسمع شي حد يهضر عليها وتسكت..تقلقات وبقا فيها الحال حيت صعيب الواحد يكون كيوشوش عليك كتحس براسك غي مرحب بيك وعاد الحنة راه كتشوفها الوحدة كتشهاها..طلعات لبيتها معاجبها حال هزات شنو جابت ليهم ونزلات لعندهم

خيرة:اش كدير لحشبان الهضرة

وهيبة:حشوومة أ ماما قسحنا معاها..شوفي هي جايبة لينا كادوات

خيرة:بفلوووسوو باش شارياهم مالها جايباهم بفلوسها

وهيبة:مهم تفكراتنا

دخلات عليهم هازا بزااف ديال الساشيات وقالت:كل وحدة مكتوب ليها لداخل سميتها..بصحتكم وبراحتكم

وهيبة:(شداتهم)شكراا

دازت فيهم وخلاتهم وهي كتقلى فداخلها..طلعات من جديد تبدل عليها وهي تنطق خيرة:دي علي هادشي

وهيبة:(كطل)هادشي زوييين

خيرة:(دازت فيها)حيدي علي...مريم مريم امتا غتجي الحناية ابنتي

مريم:شويا وتوصل اخالتي

وهيبة:راه حشوومة غنقوليها تجلس تحني

خيرة:حني ليها نتي اما انا لا

ساطت وهيبة لي تحطات بين نارين من جهة حتى هي معاجبهاش الحال فموقف هدى ومن جهة عزات عليها حيت سمعات داكشي حيت هي براسها طلقات جوج مرات حيت المشكل تالعدوزة واللوسة..ساطت وخرجات من الكوزينة وهي تمشي عند عبدو قايلة:خويا خارجين

عبدو:قنطات هدى نخرجها شويا

وهيبة:خليها تخرج معاايا نتقدا شي حاجة بيدما تحني ماما ونجيو نحنييو حنا

عبدو:لا معندها فين تخرج بلا بيياا

الحاج:اوا لواه اولدي راه غي مع ختك

عبدو:(بجدية)لا غي خليوها معايا غنتبرزط

سعيد:مافيها بااس اخويا

دخلات هدى لابسة جوايجها ومعطرة ومقادة ومصايبة..وقالت:مشينا

وهيبة:حممم عفاك خليها معانا

هدى:(بجدية)لا احبيبة غي خليني نمشي معاه

وهيبة:جي بكري باش تحني

هدى:غي بصحتكم..كتحرقني فيدي

عبدو:(وقف)ياله(ذرغها بيدو)الواليد تهلا

هدى:خليناك على خير اعمي

الحاج:(ناض من بلاصتتو)اجي اجي ابنني

مشا هز بزطامو من حدا راسو جبد بزاف تزرقات كتحصر ف 2000 درهمومدهم ليها قايل:مبروك عيدك ابنتي

ضحكات بفرحة وتحنات باست ليه يدو قايلة:الله يكبر بيك اعمي ..بلا متعذب راسك

الحاج:(كمدهم ليها فيديها)تستاهلي ابنتي..راك بوحدك لي عروسة..بصحتك وبراحتك

وهيبة:اوا غنبدا نغير ههه

عبدو:حياتي كاملة كيعطيييك ههههه

هدى:(عنقات بحب ابوي)الله يطول لينا عمرك اعمي ويخليك لينا

عبدو:(باس ليه يديه)الله يعطييك الخير الواليد

هدى:حتى حنا جبنا ليك.كادو

الحاج:حتى تجي وعطيييه ليا نمشي نبارك لخيرة الله لتمشي تقلق علي

وهيبة:انا نعيط ليها ههه

ذرع هدى وخرجو مبسميين بحالا ماشي غي هي لي عاد دابا مغوبشة..كي طلعو دارت السمطةوقالت:باباك حلووو أ عبدو ضرييف

عبدو:دروييش حتا الواليدة راه الخير والضرافة وتعرفي شحال حنيييينة أ هدى..كنعقل كيجيو بنات عمي ومتخلي مادير ليهم..تتهلا وتشري وتطيب وتحط ليهم..عمامي راه خيرة هي عينيهم كلهم كبحتارموها..جدة مسكينة ماتت وهي كترضي عليها

هدى:ومعاك؟؟

عبدو:كنت انا وياه كي صحاب(ضحك)ديك ساعة كانت كتصايب لينا القراشل وكينوض عبد الله يضرب كلشي وكتنوض تعاود تطيبهم ليا

هدى:الله يهديها عليييك(باستو فحنكو)معارفاش عندها ولد زويين بحالك

شاف فيها وهز حاجبو:فين باغيا تمشي؟؟

هدى:نشوف غزلان عفاااك نبارك ليها ..بابا مكاينش مسافر مشا لصفرو عند ولاد عموو

عبدو:يرجع ونديك عندو

هدى:غتخصك شي حاجة بلدية للعيد

عبدو:عندي داكشي ديالنا..خاصاك شي حاجة نتي

هدى:عطاني عمي فلوس غنشري لي بغيت منبقاش نسعاك

ضربها لراسها كيضحك:ياك لمك!!!وليتي تسعاي

هدى:رزقك كتجمع فيه نتا وانا كنشتت فيه

عبدو:بالصحة مكاين لي يضيعو من غيرك راه خدام غي عليك حتى الوليدات مكاينينش

هدى:غنديرو الوليدات ان شاء الله

وبالفعل داها تشوف غزلان لي غي شافتها بداو كيتعانقو ويتغاوتو حتى طلع ليه الدم ..شافتها شي نص ساعة وهو واقف ليها عند راسها عاد دوزها تقدا شنو بغات والزنقة عامرة كلشب مخلي التقدية تال ليلة العيد ..كلشي خارج زكلشي فرحان

اما خيرة راه شدات فلوس العواشر وباست يد الحاج لي منسااش حتى بنتو عايدها..هاد الاخيرة لي وجدو الجليسة ديالهم باش تجي النقاشة ديالهم وجلسات كتحني باش تنوض تمشي مع راجلها وخيرة شادة ليها بنتها

من هنا ولهيه ومن حانوت لاخر عطاها الخاطر المهم متقولش ليه بغيت نخرج بوحدي مخلات ماشرات حتى وصلات الوحدة تالليل دازو تعشاو ورجعو فحالهم للدار

عبدو:غتحني!!

هدى'لا

عبدو:كتعجبك الحنة علاش ماباغاش

هدى:غا خليني مرا خرا ونحني ماعندي ليها كانة

عبدو:(فهم الوضع)واخا

هدى:معرفتش واش نلقا عمي فايق

عبدو:ممكن كيسهرو ليلة العيد

دخلو بعدما فتحات ليهم مريم مشاو للصالة فين متكي الحاج لقاوه كيقرا القرءان سلمو عليه وعطاوه الباروك لي شرااو ليه وهي تدخل وهيبة مودعاهم حيت غتمشي مع زوجها..سلمات على خوها وباس بنتها زتسالمات مع هدى عادي ومشات فحين خيرة ناشرة رجليها بيضين ومطبزيين للحنة والبنت كتحني ليها

توجهات هدى باغيا طل عليها هي ومريم لقاتها ميسمة كتشوف فالحنة بفرح وقالت:بالصحة

خيرة:(هزات فيها راسها)شكراا

هدى:(حمقها النقيش)تصبحو على خير

مريم:جلسي تحني اختي راه الحناية دايرا بحسابك

هدى:لا غي بصحتك

خيرة:وغا بركي تحني اش يقولو؟؟محنيناش ليك؟؟مافينا صواب

هدى:لي بغاو يقولوه يقولوه حاجة بزز بلاش منها

تلفتات على صوتها الحناية وهزات فيها عينيها سكاناتها كلها من ساسها لراسها وعقلها مباغيش يستوعب بلي هادي هدى..نطقات بصدمة:هدى

هدى:(بصدمة)عائشة!!!!

الصدمة بانت على ملامحهم بجوج..عائشة كتطلع وتهبط فيها ولوخرا كتشوف فوحدة من الماضي ديالها الاليم لي مكتبغيش تفكرو تا بالضحك...تبادلو النظرات المصدومة والحلق لي يهضر مكاينش..حتى تبسمات عائشة وقالت:تي اش كديري هنا؟؟

هدى:حممم نتي لي شنو كديري(حيدات صندالتها ودخلات)وليتي كتنقشي

عائشة:(يديها مصبوغين بالحنة وهازا شوكة)اه ياختي

هدى:(بتساءل)اش وصلك ليها ياختي

عائشة:(رجعات كتخطط ضاحكة)اوا اختي الروق وصافي..كنعاون مول الدار..ونتي اش باقي دايرا؟؟خدامة هنا عند هاد الناس

هدى:(تبسمات)مسطية نتي هههه لا هادي دار راجلي

هزات راسها وخيط الحناء رقيق هابط من شوكتها على رجل خيرة البيضين والمطبزيين وقالت:كطنزي؟؟

هدى:هادي راه عدوزتي

عائشة:(شافت فخيرة)بصح الالة؟؟

خيرة:(من فوق قلبها)ممممم

عائشة:ياختي هزيتي قلوعك نتي وداركم معرفتك فين زدتي

هدى:ماتت مي وختي تزوجات وخوالي بغاو الدار

عائشة:اويلي مك ماتت؟؟اححح ياربي مسكيينة الله يرحمها

هدى:نتي درتي شي وليدات ؟؟

عائشة:ربعة ياختي ههههه(كضحك)ونتي

هدى:هاد الساعة مزال..

عائشة:صعيب تولدي ورا كية اسرااء

هدى:(تزير خاطرها)الله يرحمها ياربي(ناضت)خليتك على خير مرحبا بيك الزين

عائشة:سيري اختي سيري ..سلمي على ختك

مشات هدى بهدوء مخلياهم بجوج..خيرة لي كتسمع باش تستنتج وتفهم ..غي تفاوتات هدى وقالت:كتعرفيها؟؟

عائشة:(من تبرة صوتها فهماتها)ويلي قرات معايا ماخليت مدوزت معاها

خيرة:اش دوزتو؟؟

عائشة:هههههه الخير والربح..شحال مشفتها..

خيرة:شكون اسراء؟؟

عائشة:بتتها

خيرة:(خرجات عينيها)عندها بنت

عائشة:(مركزة فالنقيش)ماتت ليها

خيرة:(ضرها خاطرها)بصح؟؟!!!!باش ماتت؟؟

عاىشة:كيقولو والله واعلم(شافت وراها لتسمعهم)هي سبابها

خيرة:كيفاش؟؟عاودي عاودي لييا ونعطيك الضوبل ديال هادشي لي غتخلصي

عائشة:(تحلو ليها العينين)ههه باينة ممقاداش نتي وياها..انا عدوزتي كنهزها فوق راسي مكتحطش يديها فالشقا وكنتهلا فيها و...

قاطعها خيرة بعدم اهتمام لهضرتها:عاودي لا..كيفاش سبابها

عائشة:وا راجلها قاليك البنت طاحت ليها من يديها وماتت

خيرة:(شهقات)اويليي على طاحت ليها

عائشة:(بتأكيد)هو لي قال..وطلقها بسباب هادشي

خيرة:طلقها ولا طلقاتو

عائشة:كاينة شي وحدة كطلق راجلها؟؟ لي لقات راجل خصها تشد فيه بسنانها..هويدة غا مصبرااتش الالة اما كون دابا عايشة مزيان..كي شفتي راجلها لول سهل عليه الله مشا للخاريج ورجع دار هري كبيييير فمراكش

خيرة:طلقها حيت قتلات ليه البنت؟؟

عائشة:ويلي شوهها فالعزو مخلا فيها غي لي نسا ..كيجي راجلي من العائلة ديالو وانا لي توسطت ليهم حتى نزوجو ودغيا نسات خيري غي تزوجات به قلبات علي أما ملي حملات معقلاتش علي

حيت زعما انا تعطلت باش نولد

خيرة غي ساكتة وكتحلل فهضرتها وقالت:قولي طلقها..مممم

عائشة:بيني وبينك هدى صعيبة وواعرة مديالش الزواج والله

كملات جملتها ودخلات هدى هازا صينية فيها اتاي لقاتو عامر وقالت مبدلة حوايجها بكندورة مطرزة ووجه نقي..شعر مجموع للفوق والحلقات كيبانو كيبريو كلشي ذهب..شافتها عائشة وبلعات وقالت:عذبتي راسك

خيرة:دخلتي للكوزينة خلاص!!

هدى:فيها شي حاجة!!!

خيرة:غا قضي قضي

كبات ليهم اتاي مداتو لعائشة لي تبسمات ليها بحالا ماشي هي لي كتهضر فيها وقالت:شكرااا

هدى:هاكي اخالتي

خيرة:مخصنيش

شربات منو هي وقالت مخاطبة عائشة:ملي نتي لي غتحني والله حتى نحني ههه

عائشة:هههه نحني ليك علاش لا!!!ختك باقا فيها تبعصيص

هدى:هههه مشات لامارات

عائشة:قويتي علي..شويا نتي عروسة هنا سرطتها شويا ختك مشات برا هههههه

راني غا عويشة

هدى:والله مكنكذب ههه(حسابها كضحك)وانا نيت معايشاش هنا عايشة فاسبانيا

عائشة:غا تفرقتي نتي والزوبير وهو يسهل عليكم الله فالخارييج

فلمغرب كيقولو شركنا الطعام تقديسا للعشرة لي كتجمع بين الناس ...فاش كتسمعي راه شركنا الملحة والطعام كتعني راه شركنا العشرة وولينا حباب وعائلة ومكيخون الطعام غي لي نيتو ناقصة ولي مافيه خير ونوع عائشة هو هذا...ياكل وينسا.الى كنتي معاها راك صاحبتها وتشرك معاك كلشي غي ديري شي حاجة راه غتولي عدوتها

بالنسبةليها هدى راه صاحبتها قديمة ومسافتهاش شحال ومغتجمع بيناتهم والو..وهدى ماشي غبية انما تصرفات عادي وشكون فيهم لي ميكروب راه هدى اما عائشة غي سوء نيتها وقلبها الكحل لي مخليها تصرف هاكاك

هدى:(قالبة الموضوع)تعلمتي تحني شكون علمك!!!وعلاش خرجتي تنقشي

عائشة:اختي الوقت صعابت ويد وحدة مكتصفقش..راجلي مسكين كلشي منو وخرجت نعاونو ..كيقوليك الصنعة الى ماغنات كتستر اوا هاحنا مستورين

هدى:مافيها باس..

عائشة:(كتنقش وتهضر)ونتي شنو درتي ورا ماطلقتي

هدى:ههههه تزوجت

عائشة:عبرتي اختي الزواج ماكاين ماحسن منو وسترة للبنت

هدى:مكتبدليش اصاحبتي باقي كيحسابك الراجل هو كلشي

عائشة:ومالو ماشي هو كلشي (شافت فخيرة وغمزاتها)

خيرة:الراجل هو كلشي

هدى:(بهدوء)نتي اخالتي عندك عمي تحطيه على الجرح يبرا

خيرة:(خمسات ليها)خمسة والخمامس

هدى:(معحبهاش الحال)الله يخليه ليك..

عائشة:حتى انا راجلي زيين

هدى:لا باين ملي مخليك تخرجي تخدمي

عائشة:اوا اختي نتعاونو على الزمان المرا لي متعاونش راجلها علاش محسوبة عليه

هدى:(حطات الكاس)اوا نتي تعرفي..غنعاود نرجع ملي تكملي لخالتي

مشات مخلياهم غي بجوح وعائشة كلاها فضولها:فين عرفتوها؟؟

خيرة:معرفتهاش..عرفها داك لي واخدها..ديري شي نقيش زوييين فففف كتحرق

طلعات هدى للفوق لقات عبدو مليوح فالفراش مغمض عينيه بعدما بدل ..تلاحت حداه والنعاس طاير من عينيها..حطات يديها على شعرو وهو يحل عينيه معسليين فالبلاصة وقال:فين كنتي

هدى:مع مك كتحني..صدقات الحناية صاحبتي من ايام القراية

عبدو:(مستحلي لمساتها على شعرو)هبطي حني

هدى:غنحني..عجبني نقيشها

عبدو:بالصحة

سكتات شويا وهي تنهد بحرارة حتى حل عينيه وقال:مالنا

هدى:توحشت ختي وبا وخويا

عبدو:غدا نديك لعندهم مممم

غرق فالنعاس من جديد فحين هي هبطات لتحت معاهم لقات حتى مريم..جلسات ساكتة متلاتش دوات نهائيا مع عائشة لي غي كتميق وتشووف اشنو تزاد عليها وهدى عايقة بها وجالسة على قلبها

كملات ليها وجات نوبتها جلسات وحطات يديها على المخدة وقالت:ديري ليا شي واحد خفيف غي نقيشة خفيفة

عائشة:أصلا يديك ضعاف ماشي ديال الحنة(شيرات ليدين خيرة)شوفي كي.جات فيها

هدى:يدين وحدة فعمري هوما هادو..

خيرة:(عجبها الحال)اوا راه كلشي باين

هدى:(شافت فيها)ديري شي حاجة خفيفة وصافي

دارت ليها نقش خفيف فيديها ورفضات دير رجليها وقالت عائشة:اختي راه هاد الحنة مديالش المزوجات

هدى:(طلقات ضحكة عالية حيت هرباتو ليها )ه‍هههههخههخخهههههههههههههههههههه

تسمع صوت عبدو من البيت المجاور معرفاتوش امتا نزل ..كان هبط يطل على باه عارف كلشي مشغول قايل:هدىىى

هدى:(جمعاتها)ههه صافي صافي

عائشة:تي مالك

هدى:ملي جلستي ونتي كتنكفي فالرجال.؟واش الناس يتبدلو ونتي باقي هي نتي..كون اختي هاد الراجل معيشك.شي عيشة واعرة شي ذهب مكاينش شي حاجة هاااي كلاص واخا حتى قلتيها ههههه راه ساليتي معايا

عائشة:ههههه اوا اختي المهم مزوحة وراجلي حاسديني عليه

هدى:هههههههههه ياك اختي!!!اوا سعدااتك.حاسديينك عليه انا بعدا حتى حد.ماحاسدني

عائشة:وريه ليا

خيرة:مكيتشافش ابنتي..كملي حنتك ابنتي وسيري راه مشا عليك الحال

بدون وعي منها قالت هاكاك باش تجمع وتطوي حيت بان ليها معدنها وعرفاتها كطير فحشيان الهضرة..وحتى هدى ممقصراش

هدى:زوينة هه الله يعطيك الصحة أ مرات الراجل

عائشة:بصحتك

خيرة:مريم عطي ابنتي للسيدة خلاصها

عائشة:نعيط لراجلي يديني الليل هذا

هدى:كيخاف عليك.د هههههه

عيطات ليه وتخلصات وهي تقول:اري نمرتك

هدى:عاد.بدلتها محافضاهاش

عائشة:ممم اوا بسلامة متغبريش

هدى:تهلاي فراسك هههه

مشات عائشة وناضت هدى منساحبة بلا متهضر مع خيرة لي دوخها النعاس تلاقات عبدو خارج من عند.باه..خزر فيها وقال:اش ديك الضحكة؟؟

هدى:لي شاف اش عند العيالات يحمد الله عليك أمجمر الغمة هههههه كي.جاتني الحنة

؟؟

طلعات سابقاه عارفاه غينكر مداتهاش فيه يطبل ولا يغني..كي.دخلو بدا كيعطيها فالاسطوانة:شهاديك الضحكة؟؟

هدى:غدا نطلب السماحة من عمي عيقت عليه ياك

عبدو:ماشي عليه علي انا..كضحكي للناس هاكاك؟؟

هدى:كتغير من العيالات أ مجمر الغمة

قرب منها وشدها من ذراعها بلطف كيشوف الحنة وقال:علاش مكثرثيش

هدى:مكتعحبنيش كثيرة..خالتي عمرات رجليها

عبدو:كون غي درتي بحالها

هدى:ونزيدها بالسواك والصابو هههههه غنوض نغسلها صافي قيا النعاس

مشات غسلاتها ورجعات تخشات حداه حطاتهم ليه عند نيفو وقالت:شممم

عبدو:خليني ننعس غنفيق بكري غندي الواليد يصلي

هدى:وانا؟؟

عبدو:المرا كتصلي فدارها كتدي الاجر كثر(غلباتو الضحكة)

هدى:ياك الفقيه؟؟كاع هادشي كتعرف ليه قول المصلى عامرة وخايف نتخلط ليك مع الرجال

عبدو؛(جرها خشا وجهو فعنقها)مممم هانتي فهمتي..ريحتك زوينة احبيبة

هدى:عطيني بوسة وننعس

عبدو:غنوض نح****ومنعسش كاع ههههه

هدى:لا غي بوووسة

تلاحت عليه كتبوس فيه وتعاود وتضحك راشقة ليها ممسوقاش حتى غفات فيديه زيرها عندو كيبوس فيديها المحنينين وكيحمد الله عندو هدى

صباح العيد

والعيد فالمغرب غير كل البلدان..كيدوز بشكل اخر..بتقاليدنا المغربية العريقة والمعروفة من حلويات والشاي المغربي..بالاضافة للقفطان والجلابة المغربية بلا مننساو الكرم وصلة الرحم لي كنديرو

وفبيت خيرة دار الخير والكرم مفتوحة على طول اليوم..فاقو مع الفجر او بالاحرى منعسوش بزاف ناض عبدو عند.ياه عطاه يتوضا وهو يتلاقى مع مو وقال بابتسامة خافتة:مبروك العيد الواليدة

دازت قيه هازا حوايج الحاج حطاتهم ليه فالصالون فين كيبات حيت كيجيو الناس بزااف فضل يبقا تما..تنهد ومشا طلع للفوق لبس عليه لبسة صحراوية كيف ديما عرييضة مع بلغة ..

حلات عينيها عليه بحنينة حمرة فيديها وقالت:اش هاد الزين أ مجمر الغمة

تلفت ليها ومشا باسها فحنوكها وففمها وقال:كتشوفيني زوين

هدى:سي..زوييين(باستو ففمو بحب)معرفتش شنو جاني عليك.كنبغي غي نبوسك

عبدو:شداتك الز**** انا اليوم نحيدها ليك

هدى:عنههههههههه

عبدو؛نوضي لبسي عليك وبقاي مع الواليدة ورا الصلاة غيجي عمي وغتعمر الدار

هدى:واخا(تفوهات)

ناضت صونات لباها باركات ليه ولختها عاد مشات كتحلق على الحالة...ضربات قفطان بحزامو خفيف فالموف بارد مع صنديلة خفيفة بضفيرات مصبوغين بلون بارد.بزااف وشدات وجهها قاداتو مزيان عاودات البوكل من لتحت لشعرها ولاحت عليها الشال وتمات هابطة وريحتها عاطية..جات عليها عرووسة نييت..مشات للكوزينة نيشان فين لقات خيرة لا تقل عنها اناقة كتبان هي وياها كرانات...نطقات بصوت هادئ:صباح النور

مريم:(باعجاب)صباح النور اختي

هدى:(باستها)مبروك عيدك الفنكوووشة

مريم:(كتعجبها)الله يبارك فيك.حيتي زوينة

هدى:عويناتك الزين(شافت فخيرة)خالتي مبرووك عيدك تعيدي وتعاودي

خيرة:(كتقاد فلحلوة فالبلاطوات)شكراا

هدى:(بهدوء)مغتسلميش علي؟؟

دارت خيرة كتزفر باغيا تسلم وماباغياش فنفس الوقت وقالت:شفتك غا البارح

هدى:حيتي زوينة..حتى الحنة طلعات ليك فيديك زويينة

مريم؛عاد.قلت ليها خص عزيزي يزيدك فالصداق

خيرة:هههه يزيد ليه ربي غي فالعمر

هدى:نعاونكم نحطو كلشي

مجاوبتهاش ويداو كيحولو للصالون فانتظار يجييو كاملين ناضت هي كتصورهامريم وتبووزا قدام خيرة لي غي كتشووف وتسوط..حتى دخلو من المصلى شافها كتصور وقال:نلقاك حاطاها فشي بلاصة(حقق فعويناتها وهمس ليها )شهاد الزين

قلبات عليه شفارها ومشات كي الفارة سلمات على الحاج وقالت:مبروك عيدك.اعمي..رتاح ليك شويا

الحاج:الله يبارك فيك ابنتي(جلس حدا خيرة)لالة خيرة اش هادشي؟

خيرة:اوا نزيانو العيد هذا ههههه(كتكب اتاي)اتاي صحراوي كيف كتبغيه

اما عبدو راه كيشوف فمو بكل حب عجباااتو كثر ماعجباتو هدى..جلس موالي ليها هدى ومعاهم مريم..وبداو كيفطرو بهدوء حتى نطق الحاج:عطاك تفكيدة ديال العيد

هدى:شنو هادي

الحاج:اوا ضروري شي حاجة يشريها ليك ولا خادك غي يديك يكمي.حداك

هدى:(شداتها الضحكة)خمممممم ولاهيلاااا

عبدو:أ ديما كنعطيييها ..نسييت ولله حتى نسييت

الحاج:اوا لا ماهيا عادة..حنا فعوايدنا كنعطييو للنسا فالعيد شي حاجة

هدى:كنتسالها ليه كون هاني اعمي ههههه ونتي خالتي شديتيها

خيرة:ممممم

هدى:خالتي مالكي؟؟

شافو فيها كامليين كان وحهها محقووون وحمر واليكية حابساها خلعاتهم وهو ينطق عبدو:الواليدة مالك

مجاوباتوش طلقات دموعها لي تسرسبوو ليها فالطبلة..زفر الحاج وقال:واصافي اخيرة نعلي الشيطان العيد.هذااا

هدى:مالها؟؟

الحاج:الله يهديك اخيرة ..واه نبقاو حنا كل عواشر هاكة

خيرة:(شهقات)هذا هو العيد 11 باش ولدي مات هءهءهءهء كون غي متت أنا وبقا هو

الصمت سيد الموقف كيتسمع غي صوت شهقاتها ودموعها لي تسربو بحال خيوط شي حكاية فوق خدها..شاف عبدو المنظر وتزير خاطرو..حط الكاس بهدوء وناض خارج مهضر ماتكلم تبعات ليه هدى العين بحزن وهي تحط كاسها وسمعات الحاج:خيرة نعلي الشيطان

خيرة:مغتحسووش بيا..مغتعرفووش مالي

الحاج:واش انا ماشي ولدي؟؟ وانعلي الشيطان العيد هذاا دعي معاه ربي يغفر ليه ويلاقيك معاه فالجنة

مريم:(ناضت كتبوس فيها)صافي احبيبتي واصافي

خيرة:(كتنخصص)كنتفكرو فالعيد وكل نهار كون بقا ليا ولدي كون مانكونش هاكا

بغات تهضر هدى ونعلات الشيطان بالها مع هذاك لي خارج ..وقفات وهو ينطق الحاج:غي خليك..غا يبرد ويرجع..

خيرة:(كتمسح دموعها)هو السبب كون مجراش عليه داك النهار مكان غيوقع والو

الحاج:(بجدية)خيرة..مليون مرة كنقوليك متبقايش تقولي هاكا

خيرة:نتا معارفش

قاطعها بحدة:خيرة برااكااا

جمعات دموعها بزز تحت عيون هدى لي مكرهاتش تنوض تنتفتها حيت نكداتها عليهم..ومكرهاتش تنوض تتبع عبدو لكن حشمات من باه...

مريم:نسخن ليك كاسك اختي

هدى:شكرا الزين بلاش شربت

الحاج:انا جاي

خيرة:(بعيون باكية)فين غادي

الحاج:نشووف ولدي الى واحد مات ماغنصبعش لاخر

زاد وخلاها كضور فعينيها وساد الصمت بيناتهم..مهضروش باقي حيت الجو تكهرب..اما الحاج هبط لتحت لقاه شاد كارو كيكمي فيه غي شافو لاحو بعييد وكخب باش تحيد الريحة احتراما ليه

الحاج:رااك مفضووح غا خلييه ههه

عبدو:علاش هبطتي؟؟خليك معاها

الحاج:سااعف اولدي ساعف..مك راك عارفها مريضة

عبدو:(كمش عينيه من الشمش)مي مريضة غي علي اما الناس لا...غندوزو اليوم باشما عطا الله ونزيد

وقفو سيارات كبيرة من النوع الفخم فاللون الابيض والاسود وقال:عبد المولى وعمي جااو

تلفت وفعلا كانو كاملين بعيالاتهم وبولادهم شي كبير شي صغير كينزلو كي الصرب ديال الحمام..توجهو جيهتهم وبدا السلامووالعناق والترحيب خاصة تجاه عبدو لي اول عيد.غيعيدو فالمغرب مورا مدة طويلة...رحبو بيهم ودخلو للدار ..سمعات خيرة الهضرة وقالت:جاااو(شافت فمريم)البرارد ابنتي..كلشي يوجد

هدى:شكون جا؟؟

مريم:(ناضت)خوت عزيزي

قادات فولارها على راسها ودخلات خصلات شعرها بروية والصوت كيتقرب..ناضت خيرة كتمسح وجهها ستقبلات ضيوفها بكل حب..لوايسها راه كيبوسو ليها يديها ويعنقوها وكذلك ولادهم..قربات هدى ناحية العيالات سلمات عليهم والرجال موصلاتهمش حتى بالضحك تحت نظرات عبدو الصارمة...تجمعو فصالون واحد.معندهمش العزيل ولا محافظيين لا هوما كابرين مجموعين خصهم يبقاو مجموعين..كيعيدو مجموعين ويدوزو النهار عادي

ناضت مريم وتبعاتها هدى لي قررات تعاونها وتلهى ولا تجلس معاهم ويبقا حاضيها..وبالفعلا تلاقاو صحراوة والى تلاقاو كيحضر اتاي لي ناضت خيرة كتعري على مجامع اتاي لي مكيحيدوش من الطبلة مغسولين ممسوحيين خص غي لي يعمر ..دخلات الكوزينة لقات هدى كتستف الحلوة فالطباسل وقالت:ستفي مزيان وبالتاويل

هدى:(عاطياها بالظهر )واخا الالة نزهة(تلفتات)هاكا..ويلي سيؤي غسلي وجهك كحلك مجلخ

خيرة:ويلييي..كاع مقالها ليا شي حد

هدى:اوا سيري غسلي وجهك

خيرة:(شافت الطبسيل)ستفييه مزياان..مريم غي نحطو تبداو تصايبو الخضرة لشلاضة

هدى:(ضحكات)تصايبو؟؟تحمستي لا تحمستي ههههههه(شافت فمريم )واخا غنصايبو ليك الخضرة غي سيري قابلي ضياافك

خيرة:مالك كتضحكي علي؟؟

هدى:هههههههه وا ش باغياني نبكييي مالي تسطييت...

خيرة:(عوجات فمها)دابا يدير ليك علاش تبكي

ميقات فيها هدى وقالت:الله يستر

مريم:ختي غي سيري جلسي انا نقضي

هدى:خليني معاك نمشي نجلس ومجمر الغمة حاضيني

مريم:(ببلاهة)اشنو اختي

هدى:والو ههههه

وبالفعل ستفتات الحلوة هي لي كتعرف دير ..وخيرة داخلة خارجة كتهز فالصواني وفالطباسل ..هضرات منفخة مقابلاهم:زيدي بغاو يشوفوك

هدى:محوزاني على الشتا(كتقاد فولارها)زيدي نتي

خيرة:وا زيدي نتييي

زادت قدامها كتعوج ولوخرا كتطلع تتهبط فيها..مع وصلو حدا الباب قالت:حشمت

خيرة:لاا بااااينة

دخلات بادب حانية راسها مشافتش جيهة الرجال كاع جلسات حدا النسا بحال شي نسمة كتهضر على قد السؤال وتبسم وتضحك بشويا لينوض لاخر يدير ليها زوبعة وهي في غنى عنها..تفرق اتاي الصحراوي والحلاوي واللغيط كثير كلشي مجمع وكيهضر..حتى نغزات خيرة هدى وهوما ينوضو مستأذنين مع تفاوتو قالت:نتي غي مشيتي وجلستي ياك قلتي غتعاوني مريم

هدى:واخا..نمشي نبدل علي

طلعات بدلات عليها بكندورة خفيفة مستورة ونص كم كيبان لحمها بيض وعنقها مزين بسنسلة مجمر الغمة لي هاديها..جلسات فوق كرسي وحطات ليها خيرة الخضرة كثيرة بطاطا وخيزو وغيرها لي غيقادو لشلاضة وقالت:ياله ساعة نلقاها واجدة

هدى؛(هزات الموس)سميتها عفاااك

خيرة:وانتي لي بغيتي ياك كتقولي للناس عرووستي وا كوني عرووستي وديال القلب شقااي

هدى:عروستك ماشي ماكينة..سيري حتى نسالي ورجعي

مشات كتعوج وهي تقول مريم لي داز على مسامعها:متديش عليها شفتي حبيبتي ضريفة بزاااف والله ماشي هاكا

هدى:(بدات كتنقي)كتخرج فيا حر ولدها(زفرات)نصبرو ليها باش مانتسماش خايبة تاني وممصواباش

مريم:والله حتى ضربفة انا مسكينة كتهلا فيا

هدى:سعدي حار عارفاه ههههه

بدات لالة هدى كتنجر فداك خيزو وشاداه بالقرون كتنجر فيه وتنقي بطاطا وخيرة داخلة خارجة كتنكر:اويلي مالك شاداه هاكا(شدات خيزو مقاد)ها كي.كنديرو

هدى:اري ليا خيزو ديالي كلها يحضي خيزووه..ياك باغياه يتنقا اوا غيتنقا

خيرة:على هاد الحساب غنحطوها للعشا(خاطبات مريم)مريم كتعرفي شي وحدة تجي تخدم اليوم

مريم:شكون غيجي فالعيد احبيبتي

خيرة:يعطييك الستر ابنتي قلبي وسولي ..نعطيها الضوبل

هدى:(ميقات فيها)عطيني غي كلمة زوينة غنقي كلشيي اييييييي

خيرة:(خرجات عينيها)اش درتيي..جرحتي رااسك

هدى:(خرج ليها الدم حيت تفلح ليها لحمها)اححححح اربيي شفتي النكير اش كيدير

خيرة:نوضي نوضي غسلييه نوووضي

ناضت معوجة سيفتها..كتغسل فيه ولوخرا مكمشة فيها عينيها:بنات الفشوش مكيعرفوش يقضيوو الشغل

هدى:غتمشي ولا غنقطرو ليك فعينيييك فففف ويلي على جرحة كدااااش

خيرة:سيري غي جلسي اش بينك وبين شي شقا

هدى:خليتها ليك...غنمشي نجلس مالي اختي فيها..ن

خيرة:اجي لهنا..خارجة هاكاك مبقيتش كديري الفولار

هدى:سيري جيبي ليا فولاري

خيرة:كتسخريني؟

هدى:ومالك كبرتي عليها من قبيلة ونتي كتسخري عليهم

خيرة:مالي قدي قدك

هدى:واش باغيا مجمر الغمة يقلب علينا الدار

خيرة:ماسمماهش بااه مجمر الغمة..اش هاد قلة العفة

هدى:(عوجات فمها)لا باين منين جايب الغمة غا منك فففففف(بألم)شوفي قداااش

خيرة:(كطل)كطيييري سيري اختي جلسي فجالك متشقاي ليا مانشقا ليك

هدى:واديري الخير نتي فهاد خيرة(كتخاطب مريم)

خيرة:(خرجات عينيها)هدىىىى

هدى:(جاها الضحك حيت نفس الطريقة باش كيعيط ليها عبدو )وا صافي ههههعهعع سيري اختي مريم جيبي ليا فولاري من بيتي ونطلع نبدل علي مالي فيه

خيرة:الصبر ياربي

جابت ليها فولارها وطلعات بزربة رجعات حوايجها ..عدلات ماكياجها وهبطات تاني شادة صبعها وهي تلاقى مع عبدو ..شافها وتبسم:الميكروبة فين غاطسة

هدى:(مدات ليه يديها)شوف تجرحت

شد يديها شاف الجرحة وقال:اش كنتي كدبري؟؟

هدى:كنقي خيزو وضربت راسي

عبدو:(مغوبش)اش وصلك لبه؟؟مكاين لي ينقييه

هدى:وا حشمت مريم بوحدها ومك راه غي كتمشي وتجيي كي القايد متقضي حاجة ماتقول تبارك الله

خزر فيها وهو يتسمع صوت خيرة قايلة:وااسري جايبة ليه ماديري ليها

هدى:غا الى مبغيتش(خزر فيها عبدو )واا اري صافي

خيرة:(بنفخة)شدي شدي..ملي مكتعرفيش علاش غادية مخشية

هدى:عزات علي مريم وصافي

شد عبدو سبالادرا كيقادها لبها بهدوء وقال:ردي البال..سيري تجلسي ماعندك.ماديري بشي خيزو

خيرة:وشكون يعاون(شافتو كيفاش محاول عليها)

عبدو:(شاف فيها بهدوء)الى خاصك لي يعاونك نجيبوه الواليدة...هاد المرة يديها والمرة جايا راسها

خزرات فيه وقالت:هزها اسيدي وسيرو علي من داري

مص شفايفو كاتم غضبو وقال:غندير راسي ماسمعتش(جر هدى)زيدي

داها مخلي مو غي كتشوف وكتكردد شافتو كيفاش هتم بها وكيفاش شد يديها وخاف عليها ...رجعات ادراجها عند ضيوفها كتغل وتعاود..اما عبدو داها لبيتهم بصمت كي دخلو نطق:أش داك لشي خضرة ؟؟موالفة كتقاديها ليا ؟

هدى:مالك معصب؟؟(قربات ليه ولمسات ذراعو)

عبدو:بغيت نمشي من هنا(زفر)هي مقلقة وانا مباغيش نقلق راحتها

هدى:(باستو فحنكو وبعيون بنية رمقاتو)مجاتش نمشيو وباك مريض مغيلقا حد حداه..هاحنا صابريين

عبدو:انا غنصبر شوفي غي نتي

هدى:غنميك نميك حتى نقندش ون(شافت فيه)ونسكت هههه

عبدو:(هز يديها باسها من الوسط)لي قالتها دوزيها فيا معليش

هدى:داكشي ههه

عبدو:بدلي عليك هادشي كيبينك

هدى:(زادت وخلاتو)والله منحيدوو واخا تعواج

هربات ليه خلاتو كيبول فالطواليط ونزلات لتحت جلسات مع النسا مجمعة معاهم حاطة رجل على رجل وخيرة غبرات غبرة وحدة حتى اذن الظهر عاد بانت مبدلة..خزرات فيها وتبسمات للضياف مستأنسة بيهم

فنفس الوقت مريم تدركات ومالقاات لمن تعيط وهي تصوني لعائشة وعلماتها بشنو كاين وهي تقبل وجات تضرب ضربتها بحكم دوزات صباح العيد مع راجلها..مهم تجيب الفلوس وحتى هو ممانعش ناض وصلها بخمارها دقات حلات ليها مريم قايلة:عتقينييي لعار

عائشة:زيدي زيدي هنه

دخلات للكوزينة نخلصات من خمارها وقالت:ياكما غيدخل شي راجل!!

مريم:لااا غا قضي

دخلات خيرة وقالت:مريم

مريم:حبيبتي هاهيا عائشة جات تعاوني

عائشة:(فرنسات ليها)صبحات ليك الحنة زوينة

خيرة:شكرااا...صافي كلشي وجد انا نقاد شلاضة بالطباااسل الكبار

عائشة:اري نعاونك

وبالفعل تعاونو على ديك شلاضة لي شي تسلق شي تشحر مهم قادات جوج بلاطوات كبااار مزيناهم على حقهم وطريقهم بمساعدة عائشة اما مريم راه كتغسل الماعن

وجد الغدا وتعزلو الرجال وحدهم فطبلة والنسا فطبلة وبدات خيرة ومريم كيسربيو..تحطات كل حاجة وتلمو على الطيالي

عبد المولى:لالة خيرة الله يعطيك الصحة

خيرة:بصحتك ..كول كول متحشمش

حسناء:هادشي بنين يعطيك صحة طيابك ديما بنين

خيرة:بصحتكم ومرحبا بيكم

كلاو وشربو من خيرهم وبدات مريم كتجمع الطبلة وحدها وكتعطي لعائشة لي واقفة بعيد.مكتبانش كتبان ليها غي هويدة ناشرة زينها وجالسة كي الضيفة..تجمعات الطبلة وتجمعو فالكوزينة يغسلو ماعنهم

عائشة:اجي نسولك..هدى فين عرفات ولدهم؟؟

مريم:معرفتش اختي ولكن راه كيحمااق عليها ياختي سعدااتها

عائشة:شلا ..حتى هدى تحمق الناس .

مريم:غزالة ياختي ماعندنا مانقولو فيها

عائشة:جيتيها دابا تقادات..أرا ليك أيام العفن والوسخ وريحة الصنان منين ومنيين..سوليني انا شفتي هدى راه كانت معفوووووونة من داكشيي وتلقايها مزاال معفوووونة

يتبع...