أقوى مما أدرك الجزء 23

مريم:(شهقات)سكتي سكتي واش عارفا اش كتقولي؟؟باغيا تخرجي علي

عائشة:(كتغسل الماعن)مبقا حد يقول الحق

مريم:واش شغلك؟؟سكتي اصاحبتي..راه مولات الدار

عاىشة:حتى هدى ولات علي مولات الدار...عطاتها الايام

مريم:سكتي صافي علي..كماي شغلك وسيري

سكتات كتبركم وتعوج فسيفتها خلات مريم غي كضورها فعقلها..العشية تعاشات وبدا المجمع كيتفرق ..ناض عبد المولى مودعهم خرج معاه عبدو لبرا قايل:امتا غادي؟

عبدو:شي سيمانة ونزيد

عبد المولى:تهلا..بان قبل نديرو شي جليسة

عبدو:(ضحك)نحطو شي عشرة بارديين(البيرات)

عبد المولى:ههههه سكت راني قربت للتقاعد

عبدو:الله يعفو عليك من السكرة

عبد المولى:نتا ثبثي؟؟

عبدو:اه ههه ملي تزوجت شربت غي شي جوج مرات بلا خبارها

عبد المولى:كتحكمك المرا ا ولد خويا

عبدو:هههه غا خليها تحكمني هههه

توادع معاه وبداو كيتسرسبو واحد واحد حتى مبقا حد..ناضت هدى كتجمع لي بقا فالطبلة وهي تنطق خيرة:لا دابا غي جلسي

مجاوباتهاش حيت عيانة..هزات كلشي داتو للكوزينة لقات عويشة كتسمح يديها وقالت :نتي هنا؟؟اشنو كديري

عاىشة:(طلغاتها وهبطاتها)ايهاي على هويدة هههه بانو فيك الفلوس اصاحبتي

هدى:دوزي معاك هادو عفااك

دازت فيها وخلاتها معندهاش ليها الجهد تلاقات بعبدو فالكولوار وقالت:مشاو؟؟

عبدو:اه(حيد ليها الفولار وبدا كيدلك ليها فروة راسها)عيتي؟

هدى؛شويا منعسناش بكري لبارح

عبدو:(باسها فحنكها)وانا عوال نسهروو بجوج

هدى:(بعدات)ويلي غيجي شي حد ههه ريح

جرها بعنف باسها ففمها وطلقها دغيا:لي كيتسالني شي حاجة نعطيها ليه...حلالي حلالي ندير لي بغيييت

ضحكات ليه بخفة وضرباتو لكتفو:فبيتنا ماشي هنا هههه نمشي نحيد علي العيا ونهبط

عبدو:نريح مع با شويا

هدى:واخا

مشات وتبع ليها العين بابتسامة عذبة وكمل طريقو عند باه ..وهادشي كولو شافتو عويشة لي سمعات الحس وطلات بشويا ليكون شي راجل حتى كتشوف غي طرف من اجسادهم وفاش تحركو وباسها وكيفاش كيهضر معاها وهي تميق ورجعات اللور معاجبها حال كتشوف هدى فين ولات وهي فين بقات..كملات شغلها وجات خيرة خلصاتها ومشات منكورة ومعاجبها حال

خيرة:الحمد لله سالا النهار

مريم:(كترجع الماعن)واييه

خيرة:سيري ابنتي نعسي رتاحي ليك شويا

مريم:واخا احبيبتي

خيرة:صاجبتك شغلها زيين تبارك الله ماشي بحال ديك عروسة الذل

مريم؛حممم عرفتي احبيبتي قالت ليا عليها شي هضرة

خيرة:اش قالت(بتركيز)

مريم:قالت ليا معفوووونة ومكلكلة ..واقلة بيناتهم شي حسااب

خيرة:معفونة؟؟هاديك لي كضل تبدل وتحط؟؟انا لي معفونة اما هي مقابلة غي راسها مطيب ماتحط يديها فالما

مريم:يمكن غي غايرة منها ..غنمشي ننعس عييت تصبحي على خير

خيرة:تلقاي الخير ابنتي

مشات مريم وجات هدى مدوشة ومبدلة نظامات ليهم فجليسة الحاج لي كيدوي مع ولدو مساخيش بيه وحتى وجهو نور ملي رجع عبدو وشاف عائلتو

الحاج:عيتي ابنتي!!

هدى:الحمد لله..شويا

عبدو:قواو عليها صحراوة ههههه

هدى:نبارك الله كثار حنا لا

الحاج:الخير هوما يبقاو مجموعين ابنتي..العائلة زوينة أنا مكرهتكمش تجيو تعيشو معايا هنا تونسوونا

عبدو:والخدمة تما؟؟

الحاج:نتا بقا تما كتجي مرة مرة

عبدو:نخلي هدى هنا؟؟لالا ميمكنش

الحاج:اولدي انا عييت ومبقاش عندي جهد باغي نرتاح..بيع كلشي ودخل دير ديالك هنا وعيشوو معاايا نشوف ولادكم معايا

هدى:انا ماعنديش مشكل أ عمي..

عبدو:طالبة عليها مولفاتش تما ههه نفكر الواليد ونرد عليك

الحاج:نتا تعرف انا غي قلت ليك شنو بغييت..هدى دارت بلاصة دغيا بيناتنا غتونسنا

عبدو:والواليدة؟

الحاج:واش ندييو عليها؟؟؟صبر وصافي

هدى:الله يهديها ياربي

عبدو:امييين(شاف فهدى)غنمشي ننعس عييت

الحاج:تصبحو على خير

طلعات هدى وحب قلبها لييتهم مذرعها بيدو ومع وصلو اخر الدروج بدا كيبوس فيها فحنكها وفعنقها وهي كضحك حتى كيقرصها باش تجمع..مع دخلو للبيت شدها من خصرها وخشاها فيه كيلتاهم شفتيها بحب وعشق كأنه معمرو ذاقهم ..فكل مرة كيشوفها انيقة كيزيد يحبها كثر..قادتهم قبلتهم للسرير لي جمعهم فعلاقة حميمية من نوع اخر كل مرة مجربيين حاجة جديدة طبعا هو الاستاذ وهي التلميذة ليي ديما كتنجح فعينيه

هدى:(كتبوس فيه بحب وهو فوق منها)معمري قلت ليك كنبغييك

عبدو:(مينم عينيه كيبادلها نفس شغف القبلة)لا..كتبينيها ليا

هدى:(عضاتو فشفايفو بجعرة)حسن

عبدو:جهلتي ولا هننن(صرفقها لفخضها العاري)مالنا؟؟

هدى:بغيييت ههههه

تلاح حداها خشاها فيه من جديد ويديه كينبشو فيها حتى قالت:غدا نمشي نشوف بابا

عبدو:نديك احبيبة(كيسرح شعرها)

هدى:(عينيها كيتسدو)تصبح على خير غنموت بالنعاس

عبدو:تصبحي على خير

****

فصباح اليوم الموالي فاقو دوشو ومهبطات حتى تأنقات كيف العادة باينة خارجين..صبحو على باه اما مو صابحة قالبة وجهها..وتجمعو على الفطور

الحاج:خارجين؟؟

عبدو؛ندي هدى تشوف باها وخوها

الحاج؛تمشي وحدها؟؟ماهيا عادة

عبدو:غنبقا معاها مغنخليهاش

الحاج:لا خصنا نمشيو معاها اشنو تمشي بوحدها ماعندها ناس

خيرة:انا مغاديااش

هدى؛(ميقات فيها)بلاش اعمي ماشي مشكل نتا باقي عياان

الحاج:(شاف فخيرة وخزز وحول نظرو لهدى)اوا سمحي لينا ابنتي..لقيتيني مريض اما نمشي معاك

هدى:بحالا درتيها أ عمي الله يشافيك.لينا

الحاج:خليها تجلس معاهم شويا

عبدو:لا لا ميمكنش

الحاج:وعلاش؟بقا حتى نتا نيت معاهم راه نسابك هادوك

عبدو:اش غندير عند.نسابي أ با..تشوفهم وتجي

هدى:أ عمي راه غتحفي معاه الحجرة شفتي هذاا رااه مجمر الغمة هههههه مسموووووم أ عمي

الحاج:(ضحك)مجمر أش ؟

هدى:مجمر الغمة هههه(صرفقها عبدو بالضحك)رييح

الحاج:كضربها؟؟؟

هدى:(رجعاتها ليه لكتفو)هههه شوف الظلم ا عمي ديما كيعطيني التصرفيق غي بالضحك

الحاج؛وراك مجمر نييت هههههه هههههههه

مريم:(كضحك)ععهههههه ضحكتيني

هدى:كيجبدني ههههه

الحاج:لقات ليك السمية هههه

عبدو:خصها العصا واش هاد الكسدة كاملة ومجمر الغمة

الحاج؛علاش كتقوليها ليه؟؟

هدى:حيت كيبغي يتحكم فيا بزااف ومكيخلينيش نخرج بوحدي والى مشيت لشي بلاصة كيبقا يعيط ليا ههههه

عبدو:زيدي زيدي غرقيني هههه

هدى؛هادشي ليكاين أعمي كيحكر علي

عبدو:واش هادي تحكر عليها؟؟

الحاج:نعل الشيطان .راه تحبسها غتطج ليك ههههه حسابك نسيت فاش ديتيها معاك تكمي ولا شنو

هدى:(شداتها الضحكة)ياك شفتي ا عمي شفتي ههههههههه

الحاج:حيد منك الشك أ ولدي راه ممزيانش

عبدو:(كيشرب اتاي)انا لي عارف..مراتي متجلسش ليا مع راجل

الحاج:راجل ختك.منا وفينا

عبدو:واخا هاكاك ماتجلسش معاه..

هدى:(هزات املو كتطليه فخبيز وكتلذذ)غتحفي غي عقلك معاه أ عمي..

عبدو؛نوضي نتي لداركم ههههههههه لقيتي علامن تشكي

هدى:صبر نفطرر..بنين هاد أملو

فطرو والجماعة غي بيناتهم اما خيرة غي كتشوف وتنزل راسها ..لاحظات كيفاش مرتاح معاها وكيصليها غي بالضحك وكتردها ليه..فاش كيقرب ليها الخبز ولا يزيدها اتاي..تفاصيل هي وحدها كأم غتلاحظها..يديه لي بقات على فخضها ورا ماسالا ...كانت غتفلت ليها ابتسامة وهي كتشوفهم كيهضرو ويضحكو فرحانييين وغريزتها الداخلية تحركات عليه..هو لي كان اول فرحة ليها وأول مولووود

فالطريق غادي بها كتوريه الطريق حافضاها كثر من الحلوف..طالق ليها نوسيقى مستمتع بوجهها المحبوب عندو وهو كيضحك

هدى:غنبات

عبدو:هادشي لي مبغيتش

هدى:واشنو!!نشوف عائلتي سكوتي ولا؟؟توحشت بابا وخويا

عبدو:عندهم شي راجل(كيمص حناكو)

هدى:لا..كاين عمي وموالدش الدراري واخا كاع يكون والدهم غنبات(صلاتو لقرفادتو)

عبدو:(ضحك )ههههه ريحي..اوا شنو نبات معاك!!!

هدى:بغيتي تبات بات مبغيتش سير شوف حتى نتا صحابك

عبدو:باغيا تهناي مني!!!

هدى:وا كيف درت وحلة...راه غتمل وغتبقا تسووط وتنكر عليا اللهم سير

عبدو:حتى نشووف

وصلو لدارهم واكيد دادو تقدااو ميمكنش يدخل بيديه خاويين..لقات خوها وباها فانتظارها..مع شافتهم مشات كتجري تلاحت فحضن باها وعنقاتو بفرحة وتاهو مترع فموو بالضحك

هدى:توحشتك توحشتك أ بابا(مزيرة عليه حتى دمعو عينيها)

باعدي:(حتى هو مزير عليها)ايهاي على السبليونية...(ضحك)الله يرضي عليك

احمد؛(جرها عندو عنقها)توحشتك

تعانقات معاهم بحب وكتبوس فيهم سلمو على عبدو لي تعامل بالادب ...حتى خرجات مرات باها هازا يوسف لي غي شافها تلاح عليها بجغاتو بوووسان حتى بكاتو ودازت للوخرين كلشي عنقاتو وباستو حتى من غيثة عصراتها..كانت باينة فوجهها بلي فرحانة بشوفتهم وبلقائهم وحتى هوما كذلك رحبوو بها وبراجلها أشد الترحيب وبقات بيناتهم بلا فولار كيتعاودو ويضحكو وضرسة العقل كتبان ليها ولاخر غي حاضيها بحب فرحان ليها..دارو معاهم الصواب..كلاو وشربو وضحكو وحس الراجل الغريب متحركش من غير عمها وخوها وباها هادشي لي خلاه مطمن

حتى تهنى بالو عاد عتاذر منهم وغادر موصيها بلي الغد ليه غيجي ليها..عياو فيه يجلس لكن رفض عطاها كاع شنو شرات ليهم وفرقاتو عليهم بحب كل واحد اشنو جايبة ليه...

باعدى:(هز مكانة )واه واه تي هادي شحال ساوية

هدى:3000 درهم

باعدي:(مركز فالمكانة كبشوف فيها باعجاب)شحال بالريال

احمد:(حابس الضحكة)ستين ألف ريااال

باعدي:(غوتت)هااااااا وااااهيا ناري(حيدها من يديه)شدي شدي مايغيتهاش..هاويلييي على ستيين الف ريال..كيمة (قيمة)ضحية

تفرشخو عليه بالضحك على رد فعلو وهي تنطق مراتو؛يا وجه الزلط بنتك مكبرة بيك ونتا مصغر راااسك...يعطيك الخير اختييي منسييتش خوك

هدى:(باست يوسف)اححح وانا نسا هاد الخوينز

غيثة:شكرا احبيبتي لهلا يخطيك

هدى:بصحتكم وبراااحتكم

باعدي:(كيضور عينيه)راه المنكر هذااا(شاف المكانة)ياربي راك عالم انا مشريتش

دوزات معاهم يوم كامل فالبيت كيضحكو ويتعاودو وسعيدة مرات عمها غي كتشوف وتميق..صونات لبنتها وبدات كتعاود ليها:تي اجي.تشوفي هويدة المعفونة حتى هي بشانها ومرشانها جايبة لينا الكادواات

مريم:جات؟؟ديك ساعة عيطي ليا نجي

سعيدة:راها بايتة غا جي

مريم:وكي ندير لخواتاتو جايين مصبحيين علي

سعيدة:حسن عوانك ابنتي..غا صبري صبري زهرك بحال ميمتك غا صبري..

فاليوم الموالي ..فاقت هدى بكل نشاط وحيوية وسط دار باها مرتاحة وفرحانة حيت دوزات معاهم يوم وليلة زوينين مافيهم لا صداع لا مشاكل فيهم غي الصونيت ديال عبدو لي كيضل يصوني اش كديري فينك اش لابسة ياكما شي راجل مبرد تا صبح الصباح وتم جاي على بونبر بوجه قاسح...سلم عليهم ونظم ليهم لوجبة الفطور

عبدو:ولفتي؟؟

هدى:علاه خليتيني

نجية:(العمة)كون غا تبقاي نحنييو ليك يديك ورجليك وسيري

هدى:مكرهتش أ عمتي..مرة خرا ان شاء الله

احمد:بقاي شويا نسافرو لشي مدينة ندوزو فاكنص زوين

هدى:(شافت فعبدو)شنو بان ليك؟؟

عبدو:ميمكنش خصنا نرجعو خليت خدمتيي

احمد:غا خليها نصيفتوها ليك حنا وحنا نقطعو ليها

عبدو:ماشي قضية البيي غي منقدرش نخليها ورايا

المكي:ابنتي سيري مع راجلك..حنا تشاوفنااا

هدى:(معجبهاش الحال)مرة خرا ان شاء الله

فطرات ودار ليها النار فالمسمار ناضت لبسات عليها توادعات معاهم بالدموع ومشات معاه كتنخصص وكيسمع ليها شاعل كارو

عبدو:مالكي.كدمعي؟

هدى:بعد مني..جايبني نشوف دارنا نهار واحد ياك لباس؟؟

عبدو:باغيا تعزبي عندهم؟؟

هدى:شنو هاد تعزبي تاني؟؟ختك.كتبقا فداركم شحااال وانا منجلسش

عبدو:حتى تكوني مزوجة بواحد سميتو سعيد وجلسي فداركم..شفتيهم وبتي معاهم صافي براكة

هدى:(كدمع)كتحكر علي..ومكتخلينش نشوف دارنا كيف بغيت

عبدو:واهضر مع هادي تاني..شويا لباس؟؟واش واكلة شي حاجة؟؟ياك درنا تباتي وصافي

هدى:لغيت نسافر مع خويا ومراتو وبابا

عبدو:نديرو شي مرة نهبطو ونسفرك معاهم دابا مكاينش كي ندير

هدى:علاش؟؟(عينيها كيتغرغرو)مشبعتش من يوسف

شاف فيها ومد يدو مسح ليها دموعها وقال بهدوء:هدى ...واا صافي ..متبكييش ..واش تعطيك خاطرك تباتي بعيد علي؟؟

هدى:(شافت قدامها كتنخصص )اه تعطيني حيت نتا كتساافر ومكتدينيش معاك..

عبدو:كنسافر للخدمة وعاد وراقك مطالعينش

هدى:ناعسة على وذني..عندي فيزاا لي تدخلني اوروبا كاملة ولكن نتا ديك هولندا مباغيش تديني ليها..علاش؟؟الله واعلم

زمطاتو فهادي وعرفها عايقة وهو يسكت حيت عارفها حجتها قوية وهي تبدا كتنكر: معندي زهر ...كاع العيالات كيجلسو عند دارهم بالسيمانات انا لا ..مخليني ليلة وحدة

عبدو:دابا شنو نرجعك؟؟

هدى:اااه

عبدو:والله لرجعتي...

بقات كتنكر وتنخصص تنخصص تا طابت حتى وصلو لحدا الدار وهبطات كتمسح وجهها مقلقة وباينة فوجهها مع دخلو تلاقات خيرة هازا تسبيح ديالها...حنى عبدو راسو وداز مخلي هدى وراه وهي تنطق خيرة:شفتكم دغيا رجعتو؟؟حسابني غتمشيو بمرة

هدى:مثقلييين عليك؟؟

عبدو:(سمعها)هدىدددددى

هدى:(تغرغرو عينيها)واش انا دويت؟؟؟

دازت فيهم كتدمع وهي تخرج خيرة عينيها مستغربة وزادت كتساءل مالها..مخليا عبدو غي كيسوط مالقاها من حتى بلاصة لا من مو ولا من مراتو

اما هي طلعات مقلقة غي مع راسها..بدلات عليها وتخشات فالفراش كتكمع وتقلب على النعاس حتى غفات مجاش فين يتبعها بعدما شاف باه حتى كانت نعسات..طل عليها وباسها وخلاها براحتها هي لي جبدات عليه مفاقتش حتى الثلاثة تالعشية مبجقلة وفيها الجوع..غسلات وجهها وهبطات باغيا غي تاكل ..بلا فولار هابطة مع الدروج كتحك فعينيها مع غتخطي اخر درجة خرج فوجهها راجل عمرها شافتو طويل وعامر ..طلعها ونزلها باعجاااب ..تصدمات وخرجات عينيها ..حطات يديها على راسها مكاينش فولار وتمات طالعة بزربة كتويل عاطياه بالظهر مخلياه متبع ليها العين باستغراب باغي يعرف شكون هي

طلعات معصبة من الوضع هي عند بالها مكاين حد من غير باه وهبطات بعدم انتباه..حتى كتلقاه قدامها وقشعات الشوفات باش شافها..دخلات معصبة وقالت:مكيعرف ليهم غي عبدو..عارف دلمهم الرجال اش ساويين

هزات شالها لبسات مع كاب طويل مجرجر وهبطات من جديد منتاابهة اكثر مالقات حد..مشات نبشان للكوزينة ووذنيها كيلقطو أصوات رجال كثار وعيالات..عرفات عندهم الضياف مع دخلات لاكوزبنة كتلقا وهيبة..وقالت:جيتي؟؟

وهيبة:(كي ديما متألقة بالزي الصحراوي)اه هه كي راك؟؟

هدى:الحمد الله(كتفوه)شبعت نعاس هه

وهيبة:سولت ماما قالت ليا ناعسة..عيانة؟؟

هدى:لالا غي كيكون فيا النعاس..كي دوزتي العيد؟؟

وهيبة:زوين..مع سواسا كيدوز زويين عندهم تقاليدهم غزالين

هدى:بصحتك احبيبتي شكون كاين؟؟

وهيبة:ناسي جاو معايا..

هدى:فينو عبدو؟؟

وهيبة:مع الرجال لداخل

هدى:واخا..غنمشي نبدل وندخل نسلم على الناس

وهيبة:سولو عليك ههه سيري

هدى:واخا فففف فيا الجوع..مشفتيش أ ملو؟؟

وهيبة:(بابتسامة)كلشي فالطبلة غي بدلي عليك واجي

هدى:كاينين الرجال؟؟

وهيبة:لا عازليين

هدى:اوك

مشات وهيبة وناضت هي كتقلب على أملو ملقاتوش وزادت طلعات ..بدلات عليها من جديد تعطرات ودارت ماكياج خفيف وهبطات كتشالي بجلايلها ضاربة قفيطين خفيف فالاسود ومنسمة العوينات كي.ديما..وقفات قدام باب الصالون شداتها الرهبة تبسمات ومشات كتسلم عليهم واحد واحد كدير الصواب ووهية كتعرفها على كل واحد

حتى جلسات حدا خيرة لي غي كتشووف ..وهي تنطق وهيبة:خالتي كي جاتك مرات خويا؟؟

العدوزة:زيينة تبارك الله(لهجتها شلحة)الله بحفظك ابنتي.

هدى:(بحب)الله يكبر بيك اخالتي

اللوسة:كيحسابني غي انا لي مرات خويا زوينة هههه حتى نتي ا وهيبة مرات خوك زويينة

هدى:حشمتوووني ههههه الله يحفظك الزين عويناتك لي زوينين

وهيبة:هدى قهيوة؟؟

هدى:(عينها طاحو فأملو)اتاي احبيبتي

العدوزة:ولفتي شويا فالغربة؟؟

هدى:الصراحة لا هههه كنقنط بزااف

اللوسة:وبقاي هنا وخليه هو تما

هدى:ههه ميمكنش تاني..

العدوزة:شفتي انا ولدي عايش غي فطنجة ومخلي مراتو معايا فاكادير راه بحال بنتي ههه لالة خيرة مولات الدار الكبيرة ديرك فعينيها

هدى:(شافت فخيرة حابسة الضحكة)خالتي مسكيينة هازاني فكفوف الراحة الله بعطييها صحتها ويطول لينا فعمرها(باست كتفها علاين تمسخ بالضحك حيت خيرة عايقة بها)

وهيبة:(ورقات البلان)ههههه الله يخليكم لبعضياتكم

خيرة:(شافت فهدى)حتى نتي الله يخليك لينا (بزز منها)

تشاركو الطعام وكذلك الحديث ..وجماعة اهل وهيبة ميسخاش بيها الواحد مأدبيين وضريفين وكيتعاملو زوين حباتهم هدى لي ملي جلسات وهي شادة داك ا ملو وتطلس فيه وتاكل ..محشمات موالو وخيرة حاضياها..مخلياها مهضراتش مجمعة مع الضياف

هدى:(مخاطبة مريم)هاد املو زوين منين كتجبيوه

مريم:بصحتك عهه ياكما كتوحمي

هدى:لواااه..مكاين وحم غا عجبني

خيرة:اوا الالة الحاجة قربات شي عراسية !!!

الحاجة:مزال شويا..راك عارفا البنات كيبغبو يوجدو نييت

خيرة:(ضحكات)واغي بشويا عليك..البنات خصهم الوقت والتاويل..انا بنتي راه حمقاتني فاش كتوجد ولكن بلاصتها بقات خاوية

الحاجة: ها هدى تبارك الله تعمرها..راه بحال بنتك

خيرة:هدى!؛!!!ويلي هدى ىاه بنتيييي(خبطاتها على كتافها)الله يحفظها

هدى:(كحبات)باغيا تقتلنيني كح كح كح خالتي مسكيينة عزيزة عليها انا(قرصاتها فحناكها طانزة)

خيرة:(متوقغاتهاش منها)اوبلي

تفرشخات هدى ووهيبة بالضحك مقدرووش يشدوووها وخيرة غي كتشوف صدماتها حيت خضرة..دوزات يديها على كتف خيرة وقالت:كنضحك معاك الزيين هههههه

ضحكو كاملين وخيرة غي كتشوف ولات هدى كتخلعها حيت مكتحشمش منها..طاح الليل والضياف رفضو يباتو بخجة غيباتو فدار ولدهم..بعدما تعشااو خرجو الرجال سابقين وتبعوهم العيالات..كبرات بيهم خيرة ومسخااتش بهم نهائيا

وقفو عند الباب كيتسالمو وبقات هدى واقفة حدا للباب فحين لوخرين خرجو حتى لحدا الطوموبيلات..كتقلب على عبدو حتى قشعاتو ..وتبسمات بهدوء كتشوفو كيهضر بالثقالة خاشي يديه فجيبو ومكمش عينيه. معرفاتش علاش عجبها وبقات محنززة فيه غير دارية بلي حاضيها من بعيد

كانو عيون خفيفة كيلاحظوها باعجاب عادي غي باغب يتاكد واش هي نيت لي شاف ولالا...وفهاد اللخظة بالضبط قلب عبدو عينيه باغي يودعو مع بغا يهضر شافو ساهي فهدى لي شدات من وهيبة بنتها وكتبوس فيها..حول نظرو مرة اخرى ليه ومرة اخرى ليها..وهي تضرب ليه النقشة فدماغو والشك وللغيرة تأكتيفا ليه..كتم غضبو كيحاول ميزربش ليكون فهم غلط...مع شاف فيه لاخر لقاه محنزز فيه وقال مخاطبو ببرود خطير:عجباتك؟؟

...:حمحم لالا اخويا متفهمش غلط غي بغيت نشوف واش هي نييت لي شفت قبيل

عبدو:(بدا صدرو كيطلع وكيهبط وحجبانو تقرنو:فين شفتيها؟؟

..:قبيل كنت غادي نتوضا وشفتها غي شافتني هربات خلعتها واقلة ولا يمكن مدايراش فولارها..واش هي لي سميتها مريم؟؟؟ دوات ليا مرات عمي عليها و...

مزال بغا ينوي يكملها كانو يدين عبدو صلاوه وخشا ليه رااسو فالزاج ديال الطوموبيل حتى تسمع بشاااخ خلات كلشي يتلفت ويشهق

صوت راسو لي تضرب مع الزاج ديال الطوموبيل لي كان واقف حداها خلى الجميع يتلفتو بدون استثناء..كلشي خرج عينه وكاين لي غوت ولي اغللبهم نساا..محسش الحاج حتى مشاا جر ولدو لي داير كي الجماد عينيه حمرين كيشوف غي فهذااك لي قداامو لي راسو تضرب حتى تهرس الزاج...غوتات هدى وخيرة وباقي للنساء فور ماشافو دمو كيشرشر. ختالات ليه المشية بغا يهضر لكن راسو داخ من حر الدقة..بغا يهضر الحاج كان عبدو هز رجليه عطاها ليه لكرشو حتى طاح الارض

الحاج:اش كدييير؟؟؟عبد الدائم

هدى:(جات كتجري)ويلي اش كدير؟؟؟علاش ضربتييه؟؟؟(شدات فيدو)

عبدو:(صاح فوجهها)غبريييي من قداامي

حيد باه وهبط لهذاك عطاه جوج بونيات عاد بدا بنادم كيتسوعب..وناضو كيجرو فيه ويشدووه وهو فمو كيقطر غي الكلمات الخاسرة ..مخلا تا كلمة مقالهاش ولى مجعور وجااهل كيجرووه وكيغوت عليهم يدفع هذا ويبغي يمشي ليه

تجمعات الجوقة والعاىلة ترونات بيناتهم شدوه الرجال والنسا هبطو كيقلبو فالاخر لي معاقلش باقي دايخ ..

غوتات مو لي هي خت العدوزة والدموع فعينيها:اويلي باغي يقتل لياا ولديي هءهءهءهء ولدي ولدي ...اميمتيييي وااا ربييي

خيرة:(مخرجو عينيها)اش درتي؟؟(غوتات عليه)اش درتي المسخوووط اويلي باغي تقتلوووو؟؟

الحاج:(ضربو لكتافو)اش هاد الروينة داير ليا؟؟علاس ضاربو؟؟

عبدو:(صاح فيهم بجوج)هو لي ولد القح .بة عارف علاش ضربتوو..ملي مدخلو لداارنا ومجلسو وسطها وغادي هو كيتسارا فيها وكيشوف ليا فمراااتييي بلا ميحشمم ماشي ولد القحب ة..خص موو القتيييلة...نلقا الز****** لي حطز كيشوووف ليا فييييهاااا(شد راسو من الاعصاب)ندوووز على دلمووووو ومنحننننش(دفع باه)حييييد علييي نوري القو**** لي حطووو يشوف ليا فيها

كان كلامو كافي باش ياخدو فكرة على شنو واقع لكن معارفينش تفاصيل الواقعة لي أصلا حتى حد محضرليها من هدى براسها معارفاش ومواعياش اش واقع..

وهيبة:واش تسطيتي؟؟الدري غيببب

عبدو:يمووووت كاااع(كيضرب فالطوموببل)نكمل على دلمووو الى غي فكر يهز عييينو فيييييها...جالس حاضي ليا مرااتي بحالا ماخصو حتى خيررر..ماشي القو***** هادي هاااااا ...مدخلو لقلب داري وكيشووف ليا فمرااااتيييي

الحاج:واش عارف اش كتقول؟؟الدري مدااار والو

عبدو:(غوت)انا ضالللمووووو!!!!حصلتو كبشوف فيها وبفمو قاليا تلاقيتها قبييييل..يخفاو علي انا فعاااايل الز******

خسر الهضرة قدام مو وباه لي عمرهم سمعوه خسرها..خيرة غي ساكتة معرفات متقول فداخلها راه متافقة معاااه ولكن ننبينااش..الغوات والحيحة كيفيقو فلاخر..فحين عبدو باغي يكمل عليه..نوضوه دارهم داروه فالطوموبيل وداوه وخسرات العزومة بيناتهم..بقاو غي هوما اما حتى وهيبة رافقاتهم.حشمانة من شنو دااار

الحاج:دووز تدخل نشوفو هاد الفضيحة

دخل مقندش متسوقش باقي ليها ولا للناس كيسوط كي الحنش معصب لاقصى درجة وتبعو باه اما هدى لصقات حدا خيرة خايفة يصليها معاها..غي دخلو بدا صوتو كيعلى وهو كيشرح لباه وكيغوت بلوححتو غتخرج وففمو جملة وحدة"حصلتو كيشوف فيها"

عبدو:وااا ثيق نتا ودخل الرعاويين للدار باش يمشي يشووف فيها ويحفظها(ضرب بيديه رااسوو بعصبية)يعلم الله اش شاااف ..اش غيكون شااف حتى بقا مطول فبها الشوفة

هدى:عبدو عفااك

صاح فوجهها :سدي علي فمك..ديما كنهضر وكتردينيي معقد ومرييض معارفااش نتي جنس الرجال كي.داااير

الحاج:وتنوض تشخشخ ليه راسو؟؟باغي تمشي للحبس

عبدو:الحبس كيمشيو ليه غي الرجال...وهذاااك الرعواني الى بقات فيه راني مراجلش..نوري الز***** بوووه يشوووف فيها

الحاج:(بغضب)عبد الدااائم جمع فمممك

داز فيهم معصب وبقاو كيبلقوو عينيهم غي كيشوفو..الحاج زفر وقال:لا حول ولا قوة الا بالله ففففف اش هادشي

خيرة:(شافت فهدى)واش شاف فيك؟؟

هدى:(بعيون بريئة كتمسكن)لا..مشفتووش تلاقيت معاه قبيل فاش هبطت ومكنتش دايرا فولاري وهربت دغياا

دخل عاود كي العجاجة بالغوات وبلحوحتو خارجة:اشنااااااهوووووو

كان راجع باغي يجرها معاه يسمعهم ليها حتى سمعاتهم ليه هي نيت..فاش سمع ديك شافني بلا فولار..شداتو الصعرة مضووبلة..هو لي دوز أيامو كيتمنى غي يحصلها بلا فولار ويشوفها ومشافها حتى بغا يتسطا ..زائد انه تعب باش يتزوج بيها جاه واحد مكيعرفووش عارضين غي عليهم شافها بلا فولار...

تسمعات كلمتو وتلفتو ليه وهي تقفز وقالت دافعة الجبهة:عيقتييي نتااا واش مغتسكتش من الغوات..الشوهة وشوهتينا..واش نتا فينما جا شي واحد كتضربو؟؟

تم غادي ليها حبسو ياه وقال:ريح الارض ...من الصباح ونتا كتغوت ...وحنا ساكتييين

ضرب التلفازة لي معلقا فالحيط بيديه وقال بالغوات وكشاكشو خارجيين:واش باغيين تسطييوني؟؟؟باغييين تحمقوووني...كيفاش شافك بلا فولار؟؟؟كيفااااش شافك به؟؟علاش محيداااه

هدى:باش باغيني نعرف واش معانا البراني

عبدو:(متوجه ليها شقمها من ذراعها)وااا متهبطييش بلا بيييه..علاش هابطة بلا بييييه

شافت خيرة الوضع تفاقم وهي تمشي بدون شعور حيداتها ليه وصاحت فوجهو :مالك؟؟كتغوت ليا فداري ومشوهني مع نسااابييي واش شويا لباااس؟؟؟اش هاد الترابي؟؟

هدى:ضربتي يقين وسكتت ودابا هذاا؟؟واش باغي العالم يكرهني وميبقاوش يشوفو فيا

جاتو الصعرة عاود ضرب برجليه الكراسا وصاح فوجههم:الى مدرت ليك الخمار راني مراجلش..نوري دلمك تهبطي بلا مديري فولارك

الحاج:تحرك قداامي ...مخسر الهضرة قدامي وقدام مك وضارب السيد ...لا غي ضربها هي نيييت

خيرة:راه مولفها..اسيدي الى باغي تضربها سلخها بعييد علي..شوهتينا مع النااس اش غيقولو علي؟؟

عبدو:(غوت فوجهها)يمشييييو يتقاااودووو الناس أنا مالي فالنااااس!!!!واش انا هاد هدى العالم تابعني عليها؟!!!!كلشي ناحسني فيها؟؟؟نخنقها انا باش ميشووفها حد

بقا كيدخل وكيخرج فالهضرة وجرو بااه كيهدن فيه عارف عبدو وعبد الله فاش كيتعصبوو كيوليو غي يخربقو فالهضرة...بقات هي وياها الراس فالراس وهي تزفر بعصبية قايلة:عيييت عيييت عيييييييت من هاد الطبع لي فييييه تخننننقت(فكات الشال)

خيرة:أنا تقهررررت أختي...اش هاد الجهل؟؟مالو ولى هاكة؟؟

هدى:(كتخفف على راسها الشال)عيييت من الشك لي فيه..وليت كنتنوا الى جلست فشي مجمع ...ياربي تلطف بناا

خيرة:(جلسات وشدات حنكها)غيدعيه!!!؟؟

هدى:مافيها شك..راه وجهو مشا ليه فيها

خيرة:(تزير خاطرها)يتشد؟؟؟

هدى:(شافت فيها بخوف)معرفتش..وا ربي واش مكيفكرش فاش كيدير شي حاجة

خيرة:(لصقات فديك يتشد)مشااا فيها هاد المرة

هدى:نطلبوو لاخر ميدعييهش!!!

خيرة:(خزرات فيها)لهلا يحيييك حتى نمشي نطلبوو..عبر عليه لي كيشوف لي ماديالوش هذااك سرووو..

هدى:ياك اختي؟؟معرفتش منين نشدك؟؟ انا عييييت وتخنقت كون غي بقيت فدااارناا

خيرة:حتى دابا غا جمعي حوايجك راه غيديك لداركم

هدى:(كمشات فيها عينها)كتهضري من نيتك اخالتي؟؟باغياه يطلقني

خيرة:اش باغياني نقول؟؟مشفتييهش كي معصب؟؟؟

هدى:هضري معاه نتي كيسمع منك..مغيقول والو

خيرة:وتقووول..انا داري عمر ناضت فيها الشوهة حتى اليوم وجاي يضرب ليا ضيافي

هدى:وياك عاد قلتي عبر عليييه

لمطات فمها هي براسها مفاهماش اش تتقول دماغها كيفكر غي فديك.يتشد حتى دخل الحاج وقال:نوضو تنعسوو

هدى:فينو؟؟

الحاج:خرج يبدل الساعة بخرا

خيرة:وا ليلة واشمن ليلة..دويتي مع وهيبة الله

الحاج:عيطت ليها قالت ليا شدووه وحهو خصر

هدى:غيدعييه!!؟؟

الحاج:نعولو عليهاا...مفهمتش انا هاد الولد منين جايب هاد العصبية

هدى:والشك؟؟انا عيييت وقهرني بالشك.مكيثيقش فحتى واحد

خيرة:منهارو هاكا الله يخليها سلعة ففففففف ميمتي غيطيح ليا السكر

الحاج:دوزي تنعسي ترتاحي

هدى:غتنعسو!!!

خيرة:خلا فيها راجلك شي نعاس

شدات فيها هدى شدة العما فالظلمة:غنعس حدااك

خيرة:ويلييي

هدى:لعاار خليني حداك..يجي يكمل بياا

خيرة:ياك فايت سالخك وا زيدي هادي على لوخرا وكمديها لقلبك

هدى:(باصرار)وتقووول واش نبات فبيتي..نتي كيحشم منك(كنززات عليها)ياله نعسي معايا

الحاج:بقاي معاها..راه يقدر يجي ويقوليه عقلو شي حاجة

خيرة:واش انا هاد الولد.مغنهناش من هموو

هدى:ماشي سوووقي..بقاي معايا غي حتى لغدا وجري علي

الحاج:(ضحكاتو)ههه كثرة لهم كتضحك...دارك هادي ابنتي مكاينش لي يقرب ليك

خيرة:(جراتها)زيدييي ...خطية يا سيدي ياربي

هدى؛(زيرات عليها)زيدي نتيي نييييت

دازو بجوج قدام الحاج لي غي كيتسغفر وهي تنطق هدى:نمشي نجيب حوايجي ونجي

خيرة:(ساطت)واخا

هدى:(غادية)وابقاي تسوووطي

خيرة:(مع راسها كتبركم)اليوم نتفها

مشات هدى بدلات عليها هزات تيليفونها وهبطات ممرتاحاش للوضع لي دار عبدو خايفاه يدعيه..حتى دخلات لبيت خيرة لي مجموع ومقاد بحال ديال شي عروسة ..وكل عام كتجدد لبه الفراش والديكور..لقاتها كتمشط شعرها لي غازيه الشيب شويا وقالت:ايهاي انا لي عدوزة اما نتي لا

خيرة:(شافت فيها من المراية)علاش اختي

هدى:(جلسات فطرف السرير)الببت زويين..مفرش بطريقة عصرية حبيييتووو

خيرة:اوا وشنو باغياني نموت؟؟ندير فراش الشارفات

هدى:(كتقلب فتيليفونها)بالعكس نتب كاع مكتبان فيك كبيرة

خيرة:(هزات حاجبها)حلفي

هدى:(مركزة فالتيلي)والله...فيا النعاس وهذا لي خرج طيروو علي

خيرة:غيشدوه زعما؟؟

هدى:معرفتش..محال..عبدو دبما كيدير الزبايل ومكيتشدش

خيرة:(جمعات شعرها)دوزي تنعسي..منهار جيتو وحنا فالزبايل

هدى:(تخشات فالفراش)ومالي انا لي درتهم؟؟ياك ولدك؟؟

خيرة:(تخشات حداها حتى تحركات الناموسية)مولدييش

هدى:بشويا اختي راه زلزال هذاا..تبااارك الله هذاا كولو خيير

خيرة:(لمطات فمها)بسم الله علي كيف شفتيني تخليني

هدى:(متكية على جنبها كتشوف فيها ولوخرا كذلك)العين زعما؟؟نعلي الشيطان هههه كاع منقولها انا

خيرة:علاه مالكي نتي مزيودة فزيف بيض

هدى:مزيودة فالدار هههه نتوما الصحراويات كلكم عندكم الطرف

خيرة:علاه بحالك؟

هدى:ولدك باغيني هاكا غا تهناي

خيرة:(ميقات فيها)كيكذب عليك

هدى:مكيكذبش علي ..ربيتيه مزيان(شافت صورة فوق الكوافوز)هذاا عبد الله

خيرة:(بهدوء)باش عرفتيه؟؟

هدى:عبدو وراني تصاورو..(تبسمات)كيشبه ليك

خيرة:ولدي زوبيين(تنهدات)كان كي الشمعة..جايب مني كلشي

هدى:حتى هاد النفخة الخاوية جايبها منك؟؟؟

خيرة:(ضربات ليها يديها)تعلمي تحتارمي لي كبر منك ففففف على مرا شحال ممربياش

هدى:هههههههه والله مغندي علييك..فياا العطش

خيرة:نعسييي(غمضات عينيها)

هدى:وابغييت نشرب

خيرة:نوضي جيبيه

ناضت بالفعل بلا فولار مشات للكوزينة حلات الثلاجة وهي تهز قرعة مع غتسد بان ليها املو فبواطة وهي تهزها..جرات كرسي وهزات معلقة وبدات هادي تتفع هادي تضر..هادي مابيهاش هادي زوببنة حتى دوزات عشرين دقيقة تما..خيرة غي بانت ليها تعطلات وهي تنوض تقلب عليها حتى كتلقاها قربات تسالي البواطة...خرجات عينيها فيها وفالبواطو وقالت:كلتييها كاملة؟؟

هدى:(كتشرب)لا..مكانش فيها بزااف(نكرات)

خيرة:ياويلي غيدير ليك الحنااش!!!

هدى:كلييت غي شويا(بتساؤل)باقي كااابن؟؟

خيرة:نوضي الحلوفة نوضي تنعسي..اويلي استغفر الله كليتي كلشي

هدى:مالكي كتحسبي ليا الماكلة؟؟؟ولبتي مسمومة أخيرة الله

ضربات فخاضها وبدات تنوح:اويلي..وليت خيرة الله..مبقيتش خالتي؟؟؟ولينا بحال بحال؟!!!

هدى:كتنوحي فالليل غبصليها معاك شي جن

خيرة:ومالو ميصليها معاك نتي نييت لي كتاكلي فالليل

هدى:دوزي قداامي ياك كنتي ناعسة اش فيقك

خيرة:راه داري هادي

هدى:دار راجلي حتى انا

خيرة:كان كيبني فيها!!!

هدى:(ميقات)زيدي نعسووو

دازت سبقات كتلوي فخيرها وعينيها غيحوالو ..مع دخلو قالت:كتشخري اخالتي؟؟

خيرة:حشاااك

هدى:اوا راه انا كنشخرر

خيرة:نوضي لبيتك

هدى:(وسدات مخدة)والله منمشي..يجي مجمر الغمة يكمل بيا

خيرة:(تكات)متبقايش تقولي ليه مجمر الغمة ..

هدى:(غمضات عينيها)راجلي هذااك نقوليه لي بغييت حتى تعتابريه ولدك وديك الساعة حاسبيني(حلات عينيها)تصبحي على خير

مجاوباتهاش تكات هي الاخرى كتقلب على النعاس..هدى دماغها مشغول بعبدو وخيرة كذلك كتفكر الى دعاه..وكتبقا تقلب شحال وهي تنطق هدى:واش مغتنعسيش .كتحركي الناموسية كلها كتزعزع كاع هادا غلض(ليعاتها خيرة فيديها)اححححححح ايييي

خيرة:سكتي ولا داكشي لي غيديرليك مجمر الغمة نوض نديرو ليك ففففف أ ستغفر الله

هدى:(ضحكات)مجمر غمتي بوووحدي هههههه

فوسط الليل قرابة الجوج وصل قدام دارهم من جديد بعدما خرج يبدل ساعة بخرا..كانو عيينه حمرين ضارب كويسات مع راسو وشي جوانات خلاوه يترفع وينسا شنو وقع لكن فور ما وقف قدام باب دارهم تفكر الواقعة..بتاتا واش همو انه ضرب السيد ولا شوههم هو همو الشاعل انه شاف ليه هدى بلا فولار...هبط من طوموبيلتو وخطوتو راصية مبايناش فيه شارب لانه مضربش بزاف لكن ريحتو كتعطعط

حل لباب بالساروت لي عطاه باه ودخل كيضرب باكتافو نيشان لبيتو على اساس غيلقاها حتى كيلقا يدو والريح..فالاول حسابو غي الشراب لعب عليه لكن غي برزات الاضاءة خرج عينيه وبدا الوسواس خدمتو فعقلو..فجزء من الثانية ضربات ليه كثر من فكرة فبالو

"هزات حوايجها ومشات"

"خلاتك"

"مصبراتش ليك"

محس براسو حتى رجع باللور حيهة البلاكار لقى حوايجها كيفما هوما..لكن أبدا واش يثيق..حيت نهار حصلها غتخرج خرجات بلا متهز شي حاجة..دور عينيه مزيان وعاود.خرج كيضرب برجليه بجهد..نيشان لبيت مو وباه باغي يسولهم.

خطواتو زربانين وقلبوو كيضرب من خوفو انها تمشي ...حل باب غرفة واليديه بالجهد كينهج ..مرتاح حتى شعل الضو وشاف هدى ناعسة حدا مو كيشخروو عاد بدا نفسو كيتقاد وكينتاظم وكيتهدن..مفكرش يسول علاش مراتو ناعسة تما بقدر مافكر فقط انه مخرجاتش..مسح على وجهو وطفا الضو بشويا وبقا واقف كبشوف فيهم فالظلام كيتسمع صوت نفس هدى حيت رجعات كتشخر مؤخرا...زفر وقرب جيهتها كأنه باغي يتأكد واش هي..تحنى بشويا حتى شد يديها عندو وبااسها من الوسط ورفع عينو لمو لي مغمضة عينيها..مفهمش بتاتا علاش ناعسين بجوج لكن منظرهم عجبوو بزااف...جوج تالعيالات لي كيموت عليهم ...رجع نظرو لهدى وقرب منها بشويا عارف مو نعاسها ثقيل نوعا ما لكن مكانش عارف بلي راها فايقة انما دارت راسها ناعسة

لمس خدود هدى بشويا وقرب كيهمس فوذنها باش تفيق مرارا وتكرارا حتى حلات عينيها بشويا عليها وسمعاتو كيهضر عاد توكدات..بغات تهضر وهو ينطق:اجي معايا

هدى:(بصوت ناعس)اش باغي..خليني نعس

سد ليها فمها بشويا وقال:شش الواليدة ناعسة غتفيقها

تبعاتو بمشية مخربقة حيت نوضها من النعاس حتى خرجها وغادي بها للبيت وهي توقف فالكولوار قايلة:حراام عليك خليني ننعس

تلفت ليها والظلام مالي المكان..طلعها وهبطها وقال:علاش نعستي تما؟؟

هدى:بغيبيت(بصوت ناعس)

قرب منها وشدها من وجهها بحب..كيتنفس عند فمها وعيونو كيبانو وسط الظلام هايمين فيها. كيف لا وهي هدى ديالو كيف كيقول من ديما...تبسم وهو كيداعب حنوكها وطبع قبلة على فمها خفيفة:حسابني مشيتي

هدى:(,وكداتها البوسة)فين غنمشي؟؟

رجع قبلها من جديد بالمهل كأنه كيطمن قلبو بلي راه بالفعل ممشاتش..ومن المهل رجعات قبلة جامحة فقلب دارهم كيبوس فيها بلهفة وشهوة كبيرة ويديه محاوطيين خصرها باغي ياكلها بيهم..كانه كيفتارس شي حاجة طاح فيها مباقيش نزل حتى بدات كتبعد فيه قايلة:شربتي؟؟

عبدو:(ريقو مزال تابع ريقها)توحشتك بزاااف..(خشا وجهو فعنقها)ميمكنش منوضش الحرب على ودك..كلك بهاد الزين(قبلها فعنقها حتى بورشها)كنبغي نموت فاش كتتفكر بلي شافك شي حد

هدى:(بعداتو بشويا شادا فدراعو)شربتي؟؟(كتشمشم)

عبدو:لا(قلبها بعنف ففمها وعضها)ياله للبيت

هدى:(بعداتو)هضر معايا شربتي؟؟فيك ريحة الشراب

عبدو:(قطب حجبانو )ونتي فين عارفا ريحة الشراب

هدى:(حسات براسها تخورات)لي يعرف جنسك غيعرفووو(دفعاتو من عليها)مصدقتييش اولد خيرة

دازت باغيا تمشي وهو يجرها بجهد حتى قرب يفلعصها وقال:مالنا؟؟شكون خصو يتعصب انا ولا نتي لي نازلة بلا فولار

هدى:انا لي خص طاسيلتي العصا لي ثايقة فيك اما نتا غتموت سكايريي

عبدو:(بغضب وصوت منخافض)هددددددى

هدى:يتهدو علي الجبال الى باقي ثقت فيك...قلت ليك الى غنتزوجو حبس الشراب..ومشيتي شربتيي؛!!!اوا بصحتك القالب أ سيدي عبدوو

الوعد

فاش كيقوليك شي انسان مغنديرش هادي وكيديرها وعارفها كضرك ومع ذلك كيديرها كتفهم نيشان بلي معندكش قيمة عندو..وهذا حال هدى ونفس الشيء لي حسو هو نهار عايرات خيرة هو نفسو لي حساتو دابا هي..

خزر فيها وقال:دوزي تنعسي

هدى:(بحدة)غطلق مني ولا غنغوت ونجمع عليك الناس يعرفوو نيت راك سكااايري وراك عارفني نديرها

زير على ذراعها:شفتك هضرة جوج وليتي تقوليي راك عارفني نديرها...

هدى:(تنطرات منو)حيت ماعندي مانخسر. النهار لول قلت ليك الشراب لا..الشراااب لا ونتا مشيتي شربتي ..بصحتك اسيدي..فرقني عليك مدامك ختاريتي الشراب سير ليه

بغا يجرها وفلتات منو ورجعات للبيت عند مو ..بقا متبعها كيترعد غي بوحدو..حصل حصلة خايبة وبان فيها مفراجلش حيت موفاش بوعدو...اما هي راه دخلات للبيت من جديد وخاطرها مزير عليها بزاف..الدمعة وقفات فطرف عينيها وحلفات لنزلات..دخلات فالفراش وتسربو دموعها على خدها بحال شي خيط من خيوط الحكاية..فحين هو رجع أدراجو طالع للفوق مطمن انها غي حدا مو معندها فين تمشي وكيلوم راسو حيت عاقت بيه...ديركت لبيتو خدا دوش وتلاح ينعس

خيرة:(شافت الفيلم كامل بقات مغمصة عينيها)ديك الساعة باتي حدااه

هدى:(بعيون دامعة)نعسييي حتى نتي

خيرة:(حلات عينيها فيها فالظلام)علاه خليتونا ننعسوو

هدى:(تقلبات عطاتها بالظهر)تصبحي على خير

سكتات شويا خيرة وهي تنغزها بصبعها:ممزيانش تعطي لشي حد بالظهر

هدى:(تكمشات)واش انا راجلك؟؟نعسي براكة من النكير

خيرة:(ساطت)على مرا كيدايرااا..ممصواباااش

هدى:براكة غي الصواب لي فيك...(تلفتات ليها)هاني اش خصك

خيرة:(غمضات عينيها)كي شفتي راني حايرة فيك..تعاودي تشخري نخنقك بالمخدة

هدى:ياربي ماحيلتي ليه هو ولا لموو..قهرتووونييي فففففف

خيرة بعد صمت طويل قالت:كتسناي منو يتبدل؟؟عمرو يتبدل..لي بدا الشراب معطل مكيحيدووش

هدى:انا باغيا غي نعرف واش محشمتيش كتسنطي علينا؟؟؟فضولية مع راسك

خيرة:هو ليشاعل علي الضو ..مفيقني فنص الليل غدا فالصباح هزيه وسيرو اختي عيشيو قلة العرض فبلاصة خراا ماشي فداري

هدى:(قربات ليها حتى قفزات خيرة)شفتينااا؟؟؟؟؟ ويلييييي

خيرة:(نغراتها بكتفها)الجهل..لا غا بوسيني نبييت

هدى:مكتحشمييش غدا والله حتى نقولها لعمي

خيرة:(كمشات فيها عينيها)قليلة الحيا

هدى:ونتي لا!!!حشووومة اصاحبتي تطلي علي انا وولدك

خيرة:(ميقات فيها)ماشفت والو...سمعت غي هضرتكم

هدى:(تغطات مزيان)لا غي انا ميكروبة نتي فضوولية

خيرة:مبغيتش لي يكون فضولي هزيه علي وسيرو فحالكم

هدى:(تنهدات)غنمشي فحالي غي بوحدي غا تهنااااي

خيرة:(شافت فيها)متنساايهش..ديه معاك تخليه ليا هنا

هدى:(عصباتها)غتنعسي ولا نوض ليك ويلي...قول عدوووك راع ولدك ولدك

خيرة:(خزرات فيها)ماعندي ولاد انا...

هدى:ايييه نتي غي ولديهم ونكري(غمضات عينيها)فين غنعطي الراس انا هو فاقصني ونتي فاقصااني..نمشي ننعس حدا عمي

خيرة:(كنززات عليها)دوزي تجلسي اويلي ميمتييي هادي باغيا ترزييني فراجلي

هدى:(جاها الضحك بالطريقة باش شاداها)هههههههه ويلي طلقي هههههههه ميمتي خنقتيينيييي ففففف(طلقاتها)

خيرة:الله يعميها لييييك(عطاتها بالظهر)بحالو بحال مراتو

هدى:واهانتي غطيتيني بالظهر (كتنغزها)واااخيرة

خيرة:يخراااو عليك ان شاء الله

فاليوم الموالي فاقت هي اللولة شابعة نعاس..خلات خيرة منشورة ومشات نيشان لبيتها لقاتو ناعس هزات حوايجها ودازت للدوش..دارت روتينها الصباحي ودماغها خدام كيفكر فقط فالشراب...حتى حل عليها الباب عاقد.سبعة فربعة ومبجقل بالنعاس وقال:صباح الخير

مجاو باتوش شللات فمها وقادات شعرها دغيا كتسمع فيه كيبول مشافتش جيهتو كاع حتى تم جاي حداها كيغسل يديه..دازت فيه خلاتو غي كبشوف وهو يتبعها كيمسح وجهو بفووطة وعاقدهم فيها كيتسناها تهضر باش يعطيها

شافها كتلبس عليها من جديد وقال:مالنا؟؟

هدى:الصمت

عبدو:وليتي كتسكتي؟؟(جرها من يديها)هاضر معاك

هدى:(ببرود)غتحيد علي يديك ولا مايعجبك حال

عبدو:نهار اخر نلقاك بايتة فشي بلاصة من غير بلاصتك غتشوفي شكل اخر ديال التمكريب

هدى:سطاج التمكريب انا لي غنوريه ليك...ركبتي ليا فوق كتافي حتى حسابك صافي شديتيني فيديك..سمع نقوليك(هزات صبعها فوجهو)راه والله حتى نزيد وننسا اش دوزت معاك..تحكم فيا وصبرت..تغوت علي وصبرت تجي تشرب منحسبش راسي عرفتك...الرااجل ا ولد خيرة هو الكلمة..ونتا عطيتيني كلمة وموفبتيش بها..اشنو باغيني ندير؟؟نصفق ليك؟؟ ولكن راه انا لي درتها لراسي لي قبلت نهار الاول ناخد واحد سكايري

عبدو:سكايري وبفلووسي مكيشريه ليا حد..كنخلصو على راسي

هدى:السكايري كيبقا غي سكايري شربتيه فبار vip ولا شربتيه فالقنات..الشراب غي شراب والحرام غي حراام واخا تعيا تزوق فييه..لقيتيها مسلكااك ودايرو برستييج...الى فلوسك باغي تخليهم فالشراب سووقك هذااك انا ماليااش فيه والو...ولكن مديرهاش وانا مراتك..طلقني ودير لي بغيييت

خرج فيها عينيها ومص شفايفو من لداخل من كلمتها وقال:الطلاق كاع!!!غي أ جي وطلق!!!غي اجي وتفك مني؟؟

هدى:الى على الطلاق راني مولفة بيه..نعيش مطلقة ولانعبش تحت جناح سكايري ..كيشرب مايعقل..اشنو باغيني نولد معاك الدراري يكبرو يلقاو باهم كيضرب فالطاسة حتى هوما يخرجو حاااشية

عبدو:(باستفزاز)على اساس انا با كان كيضربهاا

هدى:باك راجل متقي الله مكيمشيش للحرام ..نتا لي خرجتي ليه حااشية وباغي تخرج الطريق

عبدو:(زفر)هادشي كولو على جوج جغمات ضربتهم؟؟

هدى:انا هضرت دابا ...نهار لول شرطتي علي والديك لا وانا درت الغلط وندمتيني ..وخنت شرطك ونتا البارح رجعتي ليا الصرف وخنتي شرطي..وتعادلنا دابا..أقسم بالله أ عبدو نعاود نشموو فيك حتى نزيد خلفة ومعمري نعاود نشوف فوجهك...تطيح بهضرتي الارض منعقلش عليك

الحدة كانت واضحة فنبرة صوتها..عارفها ماشي ديما كيحكمها قلبها ديما كتخدم عقلها كتفضل تعذب وتمرمد ومتحنيش الراس لشي حد..دوز معاها وقت طويل باش يحفظها بلي مكتجيش بالمعاندة كتجي بالمهل..حيت شحال من حاجة كدوزها ليه

دور وجهو متجاهلها حيت معندوش باش يدافع على راسو ومشا كيلبس عليه..قادات فولارهاونزلات مطمرة كأن شيئا لم يقع...تصادفات مريم صبحات عليها ومشات للصالة لقات حتى وهيبة وبنتها ..سلمات على الكل وحتى خيرة وريحات هزات بنتها فيديها وقالت:شنو هذاا؟؟شنو هاد الزين

البنية غي كتشوف وتفرنس وترفس والاجداد فرحانين بها حتى نطق الحاج:العقبة ليك ابنتي بشي حفيد ولا حفيدة

هدى:فحياتك أ عمي ان شاء الله وسمي لي بغيتي

وهيبة:من بحالك أ بابا..عطاتك تسمي

هدى:سمي اللول والثاني انا والثالث خالتي هههههه

خيرة:لي ولد شي يسمييه

الحاج:خيييرة

سكتات كتميق وهي تمد هدى يديها للخبز داقت املو ورجعات البنت لمها..خواو ليها اتاي وجلسات لداك الطبسيل حتى نشفاتو ومسحاتو وخيرة غي كتشووف حتى دخل عبدو كيعطعط بالكارو..لقى السلام بفمو وريح حداها هي لي مهزاتش فيه راسها..شاف فالبنية وباسها وقال:خالو

وهيبة:أرا لهنا غتخنقها بالكارو

مدها ليها ونطق باه:اوا الشريف..اش نديرو فحريرتك؟؟

عبدو:سربيها للناس..يجري طوالو(كب قهيوة)مالو الحبس يغلبنا

وهيبة:واش تسطيتي؟؟راك حشمتبني مع ناسي...عرفتي اش خليتي ليه فوجهو؟؟!!!

عبدو:الى بقا فيك نوضي سيري لعندهم...

الحاج:نوضتي الصداع على والو..فهم عاد هضر مع السيد

عبدو:(خبط الكاس)ملي يدخل لقلب داري ويشوف ليا فمراتي داكشي لي باغي راه لقاه

وهيبة:راه غيدعيييك

عبدو:يدعيينيي..الى مقلبت علبه القفة راني ماشي راجل(ناض حاقد)يدعيني قاليك

خلاهم غي كيشووفو وهي تنطق هدى:عمب خليييه يبرد وهضر معاه دابا معصب غيقول شي هضرة

وهيبة:زاد فيه ويليي

هدى:نتوما عاد شفتوه هاكا انا راه ديما

خيرة:(فعالم اخر)الحاج عيط لخوك القاضي سولووو اش نديرو

وهيبة:خليه نييت بمشي يترباا

خيرة:(نهضات فيها)اللقوة(حطات الكاس وسكتات)

هدى:(غمزات وهيبة مبسمة)هه

وهيبة:هايهاي على ماما ضرباتها النفس على خويا

الحاج:راه ولدهاهذاااك

بقات ساكتة كضور فعبنيها ودماغها كبفكر غي واش غيدخل للحبس حتى طاحو عينيها على هدى كتغلف فاملو تاني ونطقات:براااكة علييك نتييي غيدير ليك الحناش

هدى:(حطات الخبز)بنييين بزاااف

الحاج:كولي ابنتي متحشميش

خيرة:البارح كليتيه واليوم تاني غيضرك

هدى:(ميقات فيها)شديتي فيا أ خيرة!!!

خيرة:ياك شفتوها كتعيط ليا خيرة بلا حشمة بلا حيااا

الحاج:(ضحك)جاب ليك الله ضرتك(ناض)دوزو بخير

خيرة:قليلة الادب

هدى:واقولي كنجبدها راه كتحك علي هههههههه

وهيبة: الله يهدييكم ههههه تشهييت غي شي تحمحييمة

هدى:حتى انا

وهيبة:نمشييو؟؟؟

خيرة:خلي نفكو الحريرة ونمشييو

وهيبة:حريرتو باينة غا خلينا نمشييو..غنمشيو لحمام بابا

هدى:عمي عندو حمام(بحمااس)نمشيييو نمشيييو

وهيبة:جمعي حوايجم وياله

هدى:بلاتي ناكل خبيز فيه أملو ونمشي نجمعهم

وهيبة:(طلقات ضحكة)هههههههههههه غيكونو فيك الحناش

بالفعل كملات ماكلتها وناضت تجمع حوايجها بدون ماتعلم عبدو لي خرج معرفاتو فين صد..ناضت حتى وهيبة تجمع مخلية البنت لمها...هزات زويتة شققاا بها شعرها عطاتها ليها عمتها فاش مشات وجمعات كل مستلزمات الحمام وهبطات كتمختر تلاقات خيرة:مغادياش اخالتي؟؟؟

خيرة:لا

هدى:ياله معانا عفااك

خيرة:لا غي سيرو

هدى:واغي ياله حشووومة عليك

خيرة:(ستغربات)تي مالك فيه!!!مابغيييتش يااااه

هدى:(دازت غضبانة)بلاش عليييك فففففف

خيرة:يا ويلي مال هادي غا تسووط علي..نخافها غي تضربني شي نهار

وهيبة:كتهضري مع راااسك(كتنادي)هدى هدى

هدى:(جايا كتشرب)مشينا!!!

وهيبة:ياله غنديو طوموبيلتي..ماما معاك بنتي

خيرة:بصحتك ابنتي..كوني هانيا نديرها فعيني

خرجو بجوج هازين قشهم طلعو لطوموبيلة وهيبة وقالت:علمتي عبدو

هدى:لا

وهيبة:عنداك يتقلق

هدى:لا معاكم نتوما ماشي مشكل

وهيبة:غا صبري وصافي

هدى:غنطرطق ففففف

وهيبة:مخاصميين؟؟

هدى؛(نكرات)لا غي خايفة عليه وصافي

وهيبة:متخافي والو ..معندو مايصور

هدى:راجلك تقلق؟؟

وهيبة:راجلي دروييش حطيه على الجرح يبرا..مقال والو بقا كيسايس الله يحفظو ياربي

هدى:كتبغيييه ههه

وهيبة:ضروري..بابات بنتي

شدوها نيشان للحمام كيتعاودو غي وصلو هبطات هزو سيكانهم وقالت:عيطت للسيدة غيفركوونا

هدى:شحال ماتحمحمت نييييت

دخلو وتلقات ليهم السيدة حيت كتعرف بنت مول الشي..سلمو علبها ومشاو بدلو عليهم ودخلو الحمام دافي وخاوي وباقي نقي حيت الصباح..لقاتهم موجديين ليهم بلاصة وقالت:غنتكسل براحتي

وهيبة:(كتخوي الما )اشنو دايرا لشعرك؟؟

هدى:زيت الكيف عطاتها ليا عمتي..ولا شعري كيطيح

وهيبة:ااااه..ياله باش نسخنو ونحكوو

بالفعل دوزو الصابون ودخلو للسخون كل وحدة تفرشات لوحدة وبداو كيحكو ليهم والباخ كيضربو فيهم من كل جوايه..هدى راسها داخ ودوخها الزيت كثر كتحس بدماغها كيذووب..مجاتش فين تكمل ليها حتى عينيها ضببو...ناضت شللات وخرجات لبرا كتنهج وتخوي على راسها الما حتى جات وهيبة قايلة:مالك

هدى:فففف معرفتش مالي..سخفت

وهيبة:ويلييي...ختي خديجة ..عتقيني بالما مرات خويا سخفات

جابو الما كيرشووها ويعاودو وعينيها نااعسييين وهي تقول بصوت متعب:راسي راسي فففف

وهيبة:طولتي بالزيييت ففففف نوضي نوضي غسليها

هدى:غنموووووت

اخر كلمة قالتها وهي تغيب شدوها غي الكسالات كيرشووها خرجوها لبرا وبداو العيالات القلال كيطالو وهي راسها غيطرطق عليها كتحس بحالا شي حد كيجبدها من قاع راسها...كبو عليها الما باارد وشللو ليها شعرها بزز عاد.حلات عينيها شويا والسخفة شاداها..

غسلات ليها وهيبة شعرها مزياان حتى تحيدات منو الزيت عاد غسلات ديالها وخرجاتها ملبسينها بنوار وفوطة متكية فالجلسة وعينيها مضببين بالدوخة والسخفة متملكاها كتسمع غي التصفار فوذنيها. عطاوها الما والسكر وعاونوها تلبس عليها بيدما خرجات وهيبة..خرجووشدوها للدار وهي غي مسندة..مع دخلو تلقات ليهم خيرة وعاودات ليها بنتها اش كاين..تكات هدى فاقرب سداري مغمضة عينيها ووذنيها كيلقطو هضرتها

خيرة:اتي مالك فيه...الكيف دقة وحدة؟؟

وهيبة:خليها ترتاح اماما مسكينة علاين تموت

خيرة:مريم جيبي ليها شي عصير يوكدها(قربات كطل عليها)باغيا شعر هاينة!!؟؟؟دوك جوج زغبات مقنعوووكش

هدى:الصمت

مشات مريم تجيب العصير ومع خارجة من الكوزينة تلاقاتو داخل مخنزر وقالت:خويا جابك الله ..ختي هدى سخفات فالحمام

خرج عينيه من كلامها ونطق بزربة:اش وقع؟؟؟فينها؟؟

مريم:(تخلعات من صوتو)فالصالة لولة

مشا كيزرب يشوف اش كاين حتى بعث عليهم من حيت لا يدرون جالسين حداها كيشوفو وهو ينطق بصوت مبحوح:هدى

حلات عينيها بشويا حتى شافتو هو ورجعات سداتهم حتى حسات بيه عند راسها..تحنى على ركابيه ومد يدو بخوف لحنوكها:هدى مالكي؟؟كتسمعيني؟؟

هدى:ممممم(حلات فيه عينيها سخفانة)

عبدو:مالكي؟؟(شاف فختو)مالها؟؟

وهيبة:سخفات لينا فالحمام..دارت شي زيت لشعرها ودوخها

عبدو:هدى نوضي نديك لطبيب نوووضي(تحنا باسها فحنكها)متخلعينيش عليك

هدى:حممم مابيا والو باغيا غي ننعس

عبدو:ياله لطبيب

وهيبة:مكاين لاش راه غي داخت..(شدات العصير من مريم)عطيها تشرب هذا شويا تولي بخيير

عبدو:نوضي تشربي العصير

شد فيديها حتى ناضت دايخة جلسها وجلس حداهاوشد العصير كيشربو ليها ويمسح ليها جناب فمها..ملامح وجهو مخربقة متعرفها غضب او قلق او حتى حب..المهم عندو توكد

وهيبة:انعطيك واحد الفيتاميين زويين غيوكدك دغيا

هدى:(بصوت متعب)لا..باغيا غا نعس راسي باقي دايخ

تكاها على كتفوو وداعب حنكها قايل:نديك للطبيب

هدى:لااا فففف عيني مضببين

وهيبة:اختي دوك الزيوت راه خايبين

عبدو:اشمن زييت دارت؟؟

وهيبة:الكيف..قالت كتنبت الشعر (ضحكات)هههه

هدى:عطاتها ليا عمتي مكنتيش عارفة

عبدو:(عاد بدا كيطلع معاه القالب)مشيتو للحمام؟؟(هز ليها راسها شويا)علاش انا مفراسيشش؟؟

هدى:عفاك بلا نكير دابا راسي غيتشق..باغيا غا نعس من بعد وارا متغوت

سكت كاتم الهضرة والغضب اما هو مكرهش يسلخهم بجوج..وقف وقال:اجي نديك لبيتك ترتاحي شويا

هدى:واخا(وقفات)

هزها دغيا بين يديه وقال مخاطب مربم:مريم جيبي عصير اخر باارد ليها

زاد بها مخلي خيرة غي مبلقة عينيها فيهم مهضرات ماتكلمات ..غي كتسرط فريقها حتى نطقات وهيبة مخاطباها:مالكي مصدومة؟؟

خيرة:واش شفتيه؟؟اويلي السيد ولى كي المش قداامها وكيترعد

وهيبة:راه مراتو ههههه

خيرة:هذاا خوك لي كيدير هادشي؟؟فين عمرو هو بين شي حاجة قدامنا!؟!!ياك ديك الشلحة كان حتى بديها مكيشدهمش قدامنا هادي بقا ليه شويا ويعبدها

وهيبة:راه مراتو ...وهدى راه عزيزة علييه حت بنت الناس وكتعاملو زويين

خيرة:العجب أ بنتي..ويلي السيد مشاف حد غا كيقيس فيها

وهيبة:خويا حنيييين وكيبغي مراااتووو

خيرة:(باقي مبهوضة)دقتها صحيحة هاد هويدة والله

وهيبة:ههههههه نوضي خلاص فين بنتي

خيرة:ناعسة..دوزوو تغداااو

طلعها لبيتها حطها وغطاها وقال:شويا؟؟

هدى:مممم شويا ..هبط داك الريدو

هبطو ليها وقال:تاكلي شويا؟؟

هدى:لا حمممم راسي غيتشق

عبدو:(جبد دوليبران)شربي هادي(مد ليها الكاس ذوبها فيه)رتاحي دابااا

هدى:ممممم

بقات ساكتة حتى ذابت شرباتها مخسرة سيفتها وقالت:يععععع

عبدو:ها خلاص لي بمشي للحمام بلا خبااااري

خرج جاب ليها العصير شربو ليها بزز جالسة كتعوج عليه لا حامض لا مبنينش وهو صابر مكرهش.يكبو عليها حتى سالات بعيون دامعة طيحات ليه العحب..تحنى باسها ففمها بوسة خفيفة وقال:رتاحي

هدى:واخا

بالفعل حطات راسها لي كي البيضة الخاسرة ..بدل عليه ونزل لتحت لقى باه جا سلم عليه وجلسو على طبلة الغدا بعدما عاودات وهيبة لباها شنو صرا

عبدو:متبقايش تخرجيها لشي بلاصة بلا خباري

وهيبة:غا الحمام مافيها والو

عبدو:هاني قلتها ونعاودها ..متخرجش بلا خباري اليوم جات فالحمام غدا تجي مهرسة

الحاج:لوااه متزيرش بزااف اولدي..رخف رخف شويا..مراتك مثبثة مافيهاش الخفة لي تزير عليها

عبدو:واش انا هضرت على الخفة؟؟؟راني عارف بمن مزوج غي مكنبغيش تخرج بلا منكون معاها

خيرة:الخير لي غدير تهزها علي وتزييد نتا ويااها منهار جيتو وحنا فالصداع

الكل سكت كيتسنا جوابو هو لي هضر بلا مبشوف فيها:غا تهناي غداا غنمشييي

وهيبة:مجلستووش بزااف

عبدو:نخليو الواليدة ترتاح مع راسها شويا

الحاج:لواه ا بني..الدار دارك ..متديش على مك

خيرة:اسيدي هزها وسيرو علي

حط الخبز وقال:هي اللولة

وهيبة:حرام عليك أ ماما..واش كتجري عليه؟؟

خيرة:ماباقيش حاملة نشوفو لا هو لا هي

الحاج:(خزر فيها)الدار دااري والولد ولدي ..انا لي كنقرر شكون يجلس وشكون يمشي

خيرة:نمشي انا ؟؟؟

سكت مجاوبهاش كمل ماكلتو بغير خاطر وهي تنطق وهيبة:الى دعاه لاخر منظنش يخليوه يخرج

الحاج:مغيدعييهش..فاريناها معاهم

وهببة:اوا الحمد لله

طلع منير للفوق يطل عليها كانت ناعسة بهدوء..مشا كيجبد الشوانط وكيجمع حوايجهم بجوج بنترة عارف نعاسها ثقيل مغتحسش..حط كلشي مخلا حتى حاجة مجاش فين يسالي كانت حلات عينيها على صوت التيليفون..هزاتو بشويا جاوبات ختها جمعات معاها شويا تحت نظراتو هو لي كيتكيف حتى سالاات وقالت:فففف خنقتيني

عبدو:نتي راه درتيه كاع لشعرك

هدى:(شافت الشوانط)مسافرين؟؟

عبدو:غنرجعو لاسبانيا

هدى:(مغبنة)فففف علاش؟؟

عبدو:صافي شفنا الواليد ..الخدمة كتعيط

هدى:سير وخليني واخا غي سيمانة ونتبعك

عبدو:راه ضساريتي..فين عمري خليتك ورايا!؟؟؟جينا بجوج نمشيو بجوج

هدى:مسخيييتش(دمعو عينيها)

عبدو:مسخيتيش بخيرة ولا!؟؛!

هدى:كتفقصني ولكن مسخيييتش بحتى واحد فففففف(نزلات دميعة)

عبدو:(هز حاجبو)مالك وليتي هضرة جوج كدمعي؟؟؟(طفا الكارو وناض ليها)علاش الدموع؟؟؟

هدى:مبغيتش نمشي..انا مكتعجبنيش اسبانيا

عبدو:نمشيو لبلجيكا!!!غي واحد شهر وندييك

هدى:بغييت المغرب (مسحات دموعها)معندي زهر تفوووو

ناضت حاقدة باقي راسها ضارها وقالت:جمعتي كلشي؟؟واش غنلبس انا دابا اش؟؟؟

عبدو:راه سورفيت ديالك

هدى:مبغيتهاش..متجمعش ليا حوااايجييي ففففف(فكات شعرها السارد)

شافها مضاربة غي مع حوايجها وناض شدها بشويا من خصرها دورها لعندو وقال بهدوء:مالك أ هدى وليتي غي على سبة؟؟

هدى:معرفتش فففف معصبة من والو

عبدو:داكشي باش حسن نمشيو من هنا

مرريدو بحب على خصرها وقال:توحشت دارنا فيها غي انا وياك ميتزاد علينا حد

هدى:(خشات فوجهها فصدرو)حتى اناااا

ذرعها بحب مزير عليها وكيبوس فوق راسها:مرة خرا ونجيييو

هدى:(هزات فيه راسها)واخ

هبط لمستواها خداها فقبلة حميميمة حلوة بزااف لي قادت بيهم للسرير فعلاقة لذيذة جامعاهم من جديد كتزيد توطد جميع أسس علاقتهم

قادها للفراش وعاشرها كيف ديما بحب وبمتعة..عمرها حساتو بلي عنيف او كيجبرها دير لي مبغاتش ديما حنين فتعاملو..دازت ساعات كثيرة عاد حبسو..كل مرة يقول براكة وكيعاود ينوض ليها من جديد وهي غي كتكركر

عبدو:(كيعض فيها)ممممم الواحد يشدك ياكلك

هدى:براكة هنههههههه كلي طبت هههه اشمن وقت قطعتي؟؟

عبدو:(جابها على صدروكيلعب فخصرها كيعجبو يقيس مؤخرتها بثقيباتها)الصباح بكري

هدى:تديني نشوف بابا اليوم(باستو فحنكو)عفاااك

عبدو:(هز التيلي)هادي الخمسة نوضي دوشي وندييك

هدى:الى مافيكش لي بمشي عطيني غي الطوموبيل

عبدو:(هز حاجبو)باااااااز

صرفقاتو وناضت قايلة:ندوش دغبا ونمشبيو

تبع ليها العين بفورمتها الرشيقة..عدوه الغلض بزااف كيبغي يشوفها رشيقة وخفيفة ..من ديما جسمو كيعجبها ماشي حيت واو ولا احسن ماشااف ولكن حيت ديال هدى فقط

خلاها براحتها حتى دوشات وخرجات كتنشف شعرها لقاتو كيتكيف وقالت:نوض ياله باش نمشييو

عبدو:لبسي مزيان غيضربك البرد

صيفتات ليه بوسة خفيفة ودازت تلبس عليها بيدما دوش كانت واجدة تسناتو حتى لبس وهبطو كيقاد ليها كاب خفيف على كتافها وينكر

هدى:انقولها لوهيبة ونجي

عبدو:انا كنتسناك لتحت

مشات كتعيط ليها خرجات ليها غي خيرة وقالت:فينها وهيبة؟؟

خيرة:ناعسة..اش باغا؟؟

هدى:(بعفوية)غنمشي نشوف بابا..غدا غنمشيو مهم هاني قلتها ليك

خيرة:وعلاش كتقوليها ليا؟؟

هدى:نسيييت هههههه

دازت فيها مشات للكوزينة كتقلب على املو ولوخرا غي حاضياها حتى لقاتو هزات جوج معيلقات وخرجات كتفرنس مخلية خيرة غي كتشوف

مريم:خالتي ياكما كتوحم

خيرة:واقلة...السيدة ضور وتمشي تقلب على املووو

مريم:غيفرح خويا عبدووو

خيرة:(تنهدات)الله يدير لي فيها الخير(سكتات شويا)منين كتجيبو ليك ختك

مريم:من عند وحدة كتبيعو فالانسطغرام اخالتي

خيرة:واش غي لي سولتها تقوليا راه تما ويلي ههخه مبقاو محالات

مريم:كلشي ولى فالتيليفون..هاد السيدة راه كتخدم بالنية وداكشي باليد..كتخرج غي الحلاوة من يديها

خيرة:الصراحة زويين وبنين كناكلو وكنتذوق الكاوكاو

مريم:سلعتها زوينة راه غي فكازااا

خيرة:عيطي ليها قوليها تجيب ليك اليوم الى ميسرة ليها تديه معاها..

مريم:(عنقاتها من لول)نتي أخالتي حنييينة غي مكتبغببش تبيني

خيرة:(تنهدات بحسرة)الى كانت كتوحم ماتديهش فخاطرها..كتبقا مراا وحشوومة تشهاه ومتلقااه

مريم:دابا نعيط ليها هههههه

خرجو مشاديين وشدو الطريق لعند أهلها صونات لباها علماتو..وقفها امام مطعم وقالت:شنو جينا نديرو هنا؟؟

عبدو:متغديتيش؟؟

هدى:مافيااش

عبدو:ضروري..

هبطو عاصر عليها عاود.ختار بلاصة بذوقو فالمطعم وخلاها تطلب شنو بغات وحتى هو كان فيه الجوع..خلاهم السرباي براحتهم وهو ينطق:علاش مفراسيش مشيتي للحمام؟؟

هدى:(كتكتب لختها ميساج)علاش نقولها ليك وانا مع ختك

عبدو:(بجدية)تكوني مع با قوليها ليا...باغي نعرف اش كاين وفين غادية

هدى:كنت غندخل انا وياك فسين وجيم وانا راسي ضارني وخاطري مضيق ..وديجا كنا مخااصميين

عبدو:معاقلش بلي مخاصم معاك؟؟مخاصم معاك هي منهضرش معاك ومنتسوقش ليك

هدى:بحال نهار تعايرت مع خالتي وقطعتي هضرتي وانا نهار شربتي مقطعتش هضرتك!!!!

عبدو:كتخلطي ليا بين المواضيع...حنا دابا فالخريج لي خرجتي بلا بيا!!!كترجعيني معاك لنقطة الصفر..

هدى:ماشي ذنبي الى نتا مشكاك..رجع لنقطة الصفر ولا طلع لمية(ضحكات)ههههههه نتا راه نكون كنصلي غتقوليا شكون كتعبدي

عبدو:(ضحكاتو)مال مك ميكرووبة

هدى:بصحتييي...كيديرو أ ملو هنا؟؟

عبدو:صافا با علاش يديرو املو هنا!!

هدى:كون عندي الوقت ناخدو كيعجبنيي بزاف

عبدو:(كيدوز اتصال)خلي حتى نمشيو ونكومونديوه يوصلك حتى لدار

هدى:واخة

خلاتو مع اتصالاتو لي مكيتسالاوش حتى تحطات الماكلة وبدات كتاكل حتى نظم ليها ..وتغداو فجو حميمي ..خلص وناضو بجوج مشاديين كيف ديما ..مع طلعات حداه قالت وهي كتلبس السمطة: زوينة هاد l golf 7

عبدو:ونتي باش عرفتيها كولف 7 ولا 8 ؟؟؟امتا ركبتي فيها

هدى:(على نيتها)باااينة

عبدو:كيفاش بااينة؟؟انا معامن كتركبي وعلى حد علمي ديما كنجي بطوموبيلاات كباار اول مرة نشد هادي هي اليوم باش عرفتيها

هدى:اوا خلاص علي تبقا تحقق معايا نتا زكي ولصقتي فيه

عبدو:الله يعميها ليك

ساق بها بصمت باقي عقلو خدام حتى دوزها تقدات مدخل فيديها..وداها للدار عند باها ولصق لبها فجنابها حتى شافتهم ودارت معاهم كاسكرووط وداها بزز اما هي باغيا تبقى..توادعات مع الكل ومشات معاه كتنخصص ليه حتى نعساات

عبدو؛غا بقاي تاكلي وتشربي وتنعسيي

هدى:(بصوت ناعس)ونتا تحرار عليييك

وصلو للدار نزلو وتوجهو ليهم نيشان لقاتهم.حاطيين اتاي..سلمات وجلسات حدا خيرة كتنقب فاللوز ولوخرا غي كتشوف

الحاج:كي لقيتي باك ابنتي؟؟

هدى:سلمو عليكم بزاااف أعمي

الحاح؛هادي ماشي مجية ا ولدي..خطفتي وصافي

هدى:كون غا يخلييني انا بعدا مونساكم

عبدو:يااك؟؟

وهيبة:مافيها والو شي جوج سيمانات وتبعك

عبدو:لا

الحاج:شفت فالتكنزيز حتى عييت بحالك ماشفت

هدى:(هزات لويزات)مجمر الغمة هههههههه

مريم:(جات)خالتي خيرة راه جابت ليا البنت أملو لي بغيتي

خبرة:(لمطات فمها)صافي غي سيريي

وهيبة:كومونديتي املو

خيرة:ممممممم

مريم:بغاتو لختي هدى حيت تشهاتو

الكل تصدم وخرج عينيه فخيرة لي غي كضور فعبنها مرضاتش وهي تنطق هدى:ايهاي هاي على خالتي خيرة ولات تتهلا فيااا(قرصاتها بشويا فحناكها)حنيييينة مع راااسك

خيرة:حيدي علي...غا عزيتي علي تضلي تاكلي فيه كون غا يبان فيك(ساطت مرضاتش)فففف متعرفيش تسكتي نتي

ناضت من حداهم خلاتهم غي.كبشوفو وهو ينطق عبدو ضاحك:تهلات فيك الواليدة

الحاج:مك.كرييمة وبنت الدار الكبيرى

وهيبة:هههههههه عرفتي نتي وياها راه كي المش مع الفار هههه كيضلو يتراادووو فالهضرة

شربات اتاي ديالهم وناضت متمنية ليهم امسية سعيدة هي غي باغا تهرب تقلب على خيرة لي لقاتها فالكوزينة كتقاد البنان لراسها...تنشرات حداها فكرسي وقالت:شكرا على أملو

خيرة :درنا غي الصواب(مكتشوفش فيها)

هدى:وا صدقتي مصوابة معليكش هههه تصبحي على خير

مشات هدى بدلات عليها وتخشات ففراشها حتى دخل عبدو تلاح حداها بلا مايبدل عليه وجرها كينعكش فيها راشقة ليه حتى مرمدها عاد ناض بدل عليه وتخشاو فحضن بعض باش ينعسو

اليوم الموالي

فاق هو لول وفيقها بدل عليه وهبط الشوانط لتحت لقى كلشي فايق الا خيرة مبانتش وعرفها علاش..فطروو معاهم وناضت هدى عنقات الحاج وقالت:الله يعطييك الخير ا عمي وسمح ليا الى درت شي حاجة

الحاج:داركم هادي ابنتي..تهلاي فراسك وفراجلك والله يعطييك الذرية الصالحة

هدى:(بشوق)اميييين

عنقات وهيبة وباست بنتها حتى بكاتها عاد تسالم معاهم عبدو وقال:الواليدة فينها؟؟

الحاج:ناعسة(غمزو)خليها براحتها

عبدو:(زفر)واخا على راحتها

عنق باه وختو وخرج هو وياها ركبو فالسيارة وشدو الطريق للمطار وقلبها مزير عليها مكتحملش تخوي المغرب بتاتا..كتخلي كلشي وراها فسبيل باش تبني أسرتها حتى هي..

كي وصلو كيف ديما تكلف هو بالاجراءات وبقات هي كتدوز غي حداه...كي.حطو رجليهم فالطيارة تلفتات وتزيرو عينيها بالدموع مطلقاتهم حتى جلسات..شاف فيها بنص عيين وجرها دارها فحضنو وقال:واصااافي غتبقاي تبكي نردك عندهم

هدى:مافيك نفس اما كون غي درتيها

عبدو:وتسخاي بيا؟؟انا بعدا منسخاش بيك مونساني فالغربة وكتعمري علي

هدى:(زادت زيرات عليه)كنحس بالقنط تماا

عبدو:غتولفي راه غي العام اللول

هدى:ياربي غي نولف

عبدو:غمضي عينيه وقراي شويا تالقرءان

هدى:واخ

دارت شنو قاليها رتلات بعض الايات قصد الطمأنينة وقلعات الطيارة مغادرين التراب الوطني والوجهة ديار المهجر اسبانيا

مسافة الطريق والاجراءات فالمطار كانو وصلو لدارهم هازين سيارتو لي خلاها فلباركيينغ ديالو..التعب ناايل منها وغي كتسوط موصلو حتى بغات تطج

نزلو اغراضهم ودخلووهم وهي تنطق براحة:واخا الغربة هادي داارناا

عبدو:دخلي دوشي رتاحي شويا

هدى:ونتا؟؟

عبدو:غندوش فلاخر

تعلقات فيه من جنب جاراه عندها وقالت:دوش ليا بلزز

عبدو:صبري ههه(حط كلشي وهزها)ثقالينا أ مدام

هدى:(كتزول الشال)غندخل للصال نقاد فورمتي هاد الغلض معاجبنيش

لاحها فالسرير وقال كيحيد حوايجو:انا عاجبني

هدى:(وقفات على ركابيها وتعلقات فيه من عنقو كتبوس فيه بحب فشفايفو)باغيني نكون بحال خالتي

عبدو؛بااغيك غي نتيي(منتااشي لبوسة معاها)ولاو عندك شي بيسات احححححح(عضها)دوزي دوشي

هدى:جيب ليا حوايجي..وبغيت ماساج

عبدو:(زول السروال)ضساريتي

هدى:(غي كتمخشش فيه)ماباغيش تخليني نمشي للصالون اوا دير خدمتهم

هزها من جديد غادي بها للحمام:نديرووها الزين

بالفعل دوش ليها غي بجيل حيد عليها العرق ودار ليها ماساج لكتافها تحت الما وهي غي كتوحوح ليه

عبدو:غنقلب مك هنا...كنمااصي ولا كنجيبو فيك

هدى:عظامي معقودين علي

عبدو:اش هاد الكريشة الزين(قاسها)

هدى:(تلفتات لبه كلها ساردة)هي غي الكريشة

هز يدو وضربها بشويا بمزح حتى غوتات بجهد وتحنات شاداها..خرج عينيه مخلوع من غوتتها وقال:مالك

هدى:اش هاد الضحك اعععع ضريتبني

عبدو:زدتي فيه ههه وليت غا كنقيسك كتنوضي تغوت

هدى:ضريتيني(شادا كرشها)الضو كيضربني فيها

عبدو:(طلق عليها الرشاشة من جديد)بغيت غي نضحك معاك..اجي لبسي عليك ندوموندي الماكلة

هدى:(باستو فحنكو)شكراا الحبب

هبط دغيا عضها فمؤخرتها حتى غوتات بالم وقال:سيري رله غناكل مك

هدى:الجهل تفووو ههههههه

خرجات كتفرنس كي الدري الصغير وتبعها هو بعد دقائق لقاها لبسات ..طلبو الماكلة وتخشاو فمانطة خفيفة دافية حدا التلفازة داير ليها فيلم تونس به اما هو كيهضر فالخدمة فمبساجات

******

أيامهم دازت عادية جدا..فيها هو كيمشي لخدمتو وهي كتمشي عند عليا كضل معاها حيت مقابلة ولدها..شهبتها مفتوحة بزااف كتاكل بزااف خاصة املو لقات راسها سالاتو فجوج سيمانات وشبعات فقصة عليه..علاقتها بعبدو عادية مرة نكير مرة مناقشيين وفاخر الليل مخشية فيه

دخل من الخدمة مالقاهاش من جديد عقدهم وصونا ليها خبرها بلي جا وهي تدخل مغوبشة..وقال:واش مغتحطيهاش للارض؟؟كل مرة عند عليا.

هدى:(باستو فحنكو وتخشات فيه حاضناه)كنقنط أ عبدو ..

عبدو:(ذرعها)كل مرة خارجة وكل مرة مسافرة معايا لشي بلاصة وكتقنطي..نتي راك باغيا تسيبي

هدى:نسيب غي هنا ونجي ههههه كي ضليتي(كتبوس فيه)

عبدو:(كطيح ليه العجب)مزبان ونتي؟؟

هدى:الصباح فاش خرجتي جاتني لغيكل

عبدو:فيك الوجع؟؟شربتي شي حاجة؟؟

هدى:لا مدارتش ليا الوجع...غي نغيزات خفاف..تبغي تاكل طيبت طاجين زوين

عبدو:زيدي نشوفو هاد زوين ديالك

هدى:زوين بحالك نتا نيييت هههه

حطات ليه الماكلة وجلسات مونساه كتنقب معاه مجمعيين عادي ختى قالت :عليا غدير السبوع وختانة

عبدو:فراسي(شرب الما)مزيان تختنو صغير ياله برا

هدى:نتا مختن؟؟

عبدو:لا باقي هههههههه

هدى:قلتها مع راسي..غنهبطو للمغرب تاني(بحماس)

سكت شويا وقال:محال..الخدمة كثيرة وراك عارفة غنحل كافي اخرى

هدى:(جمعات ضحكتها)حتى تسالي شغالك ونديروه

عبدو:نشد انا السيدة على السابع ..غي خليها

هدى:(كتقيس نبض جديتو بهضرتها)انا غنمشي معاها خصها لي يعاونها

عبدو:ها الهضرة لي مكنحملش ...تمشي بلا بياا!!!

هدى:غادية لبلادي ومع داركم عادي

عبدو:لا(ناض)

تبعاتو حتى مشا يغسل سنانو وداز كيعمر اتاي صحراوي كيف كيبغيه ديما وهي تمشي حداه وقالت:ومغيبقاش فيها الحال؟؟حشوومة منحضرووش ختك هاديك

عبدو:(كيشحر اتاي)أ حبيبة راه ختي وعلى راسي وعيني ولكن ممسلكنييش نمشي

هدى:اوا نمشي انا ونوب عليك

عبدو:(ضحك)هههههههههه وليتي قايدة ولا..ريحي الارض معندك فين تمشي

هدى:(نفخات شفايفها)واش نتا متنشط ماتخلي لي ينشط!!!! انا راه غنمشيي بغيتي ولا كرهتي

عبدو:(هز كارو شعلو)مالك فيه ابنتي عزيز عليك الزكير..علاش تمشي وانا مكااابنش

هدى:حيت بغيييت

عبدو:(كيبخ عليها)انا بعدا ماتحلاش ليا المشية بلا بيك

هدى:(كتبعد الدخان)انا كتحلى ليا غا خليني نمشي...الى على البيبي انا نقطعو لراسي أصلا وليت كنفهم الاسبانية!!

عبدو:(بالاسبانية)وليتي كتفهمي ال****

هدى:(مفهماتش)شنو هادي؟؟

عبدو:شفتي ههعهههه (جغم من اتاي)واعر

هزاتو جغمات منو وقالت:حااار ولكن زوييين(جغماتو كولو دقة وحدة)اللله

عبدو:(تبهض)شويا لباس؟؟غيحرقك

هدى:لا زويييين..نمشي نبدل علي

مشات للدوش تبدل علي لقات نقيطات خفاف وهي تنطق بخفوت:مالها مهبطاتش؟؟

دارت فوطة صحية اخرى وخرجات مريحة بسبراي ديال الجسم وقالت:لغيكل كاع منزلات غي نقيطات

عبدو:يمكن ياله غتنزل(ذرعها بيدو وباسها فحنووكها)علاش عزيزة علي؟؟

هدى:(بنظرة حب)حيت انا مراااتك هههههه

عبدو:(كيشم شعرها)الحلال زوييين معاك..دوزي تنعسي راسي غيتفركع علي يا نعس يا نشرب

هدى:(جاراه)دوز تنعس السكايري هههه

وبالفعل تخشاو فبعض كيتعاودو وبضحكو حتى داهم النعاس بجوج

اليوم الموالي

فاق هو لول وخرج لخدمتو بلا ميفيقها حيت شافها غارقة فيه حتى فاقت براحتها ..فطرات وبدلات عليها لقات فوطتها خاوية..ستغربات ومعارتش الامر اهتمام ..ونيشان خرجات عند عليا لي لقاتها كترضع ولدها

هدى:(كتبوس فيه)حبيب طاطا..الزين دبال طاطا(باستو)ياربي غناكلو

عليا:حيدي علي شايفاه على وجع الى كليتيه اش يبقا ليا الله بحفظ ليا ولدي

هدى:فراسك عبدو مبغاش يخليني نمشي للسبوع قاليك عندو الخدمة

عليا:صبح علي هاد الصباح بالهضرة(بانزعاج)ولى كيقلقني بتصرفاتو..بحالا مكيثيقش فينا

هدى:مكيثيق فحد!!!

عليا:تخاصمنا...غوت علبه حيت بقا علي نتي لي كتقولي ليها ونتي لي كتعلميها

هدى:بحالا انا هابطة من ورا الشمس..باااز ليييه

عليا:باز ليك نتي والله..راه صعيب هاكاك

هدى:(كتشرح بيديها)الخنقة واصلة ليا فين بغات غنطج

عليا:الله يكون فعوانك أ ختي...اشنو أماما نبدلوو كوشة احبوبيي

هدى:سيري بدلي ليه انا نصايب اتاي

بالفعل مشات عليا تبدل لولدها وهي مشات تعمر اتاي كيف علمها عبدو حتى ولات كتصايبو زوين ماشي بحالهم هوما صحراوة لكن اتاي ممكن يشربو الواحد ودماغها كيفكر وغي كتنهد كتسترجع تصرفاتو وخنقتو ليها وحكامو فيها وكتلقا راسها كتغوت وتجابه فالاخير كتنصاع ليه وهي بتاتا مكانتش هاكا كانت وحدة اخرى كلمتها بكلمتو..معرفاتش واش كيف قال هو حكمها ولا شنو بغا يدير

حطات اتاي وتسنات عليا تجي حتى صونا عليها..ردات ببرود:وي

عبدو:(بالاسبانبة)فينك؟؟

هدى:عارفني فين غنكون علاش كتسول؟؟

عبدو:واش مغتشديش دارك شويا؟؟

هدى:مغتبعدش مني شوياا؟؟؟عيقتييي وااااه

قطعات عليه ولاحت التيلي مبغاتش تهضر معاه حتى جات عليا تلاهات هي وياها فالهضرة وهي ماعندها خاطر حتى صونا اعليا وناضت حلات عليه دخل عاقدهم كيقلب عليها ..مقال لا سلام لا كلام حدو نطق:نوضي تهزي

هدى:(شافت فيه وعقدات ححجبانها كتعلن على ظهور التمكريب ليي فيها)نعام؟؟

عبدو:دوزي لدار

عليا:جلس شرب معانا اتاي

عبدو:نوضي فحالك

هدى:مجالساش فدارك باش تقوليا نمشي..مابغيتش نمشيي

عبدو:(جرها من يديها)كنتشاور معاك انا؟؟

عليا:(تدخلات)عبدوووو

عبدو:دخلي سووق راسك نتي..تحركي نتييي

جرها بعنف من يديها وبدات كتناطر معاها بغات تبعهم لكن خافت تخلي ولدها بوحدو..مع دخلو للدار ردخ الباب وقال:شهاداك الاسلوب باش كتهضري معايا؟؟

هدى:(غوتات ليه فوجهو)نفس الاسلوب باش كتهضر معااياا

عبدو:ولينا واحد!!!!علاش مشيتي عند عليا؟؟متحطييش رجلييك فالدار شويا

هدى:جيب حبل وربطنيي حسن ليك؟؟واش باقي ترجعني مريضة فراسي؟؟باغي تحبسني فالدار منخرج ماندرج

عبدو:(علا صوتو)راجلها داخل خارج أش كديري تما؟؟

هدى:حتى السيد ماقلتيه عليك؟؟كلشي عندك كلاب بوحدك درويييش؟؟؟؟ أ سيدي انا عييت وطلع ليا هادشي فراسي مبقيتش قادرة نصبر لهاد الهبال ديالك الى شي وحدة عقداتك وخلات فيك الضبرة خرجها فراسك ماشي فيااا انا ماشي ق***** بحال الخانزات لي كنتي كتعرف

شدها من راسها وكاود ليها راسها بعنف مع راسو وقال:هضرة جديدة هادي؟؟؟فين علموها ليك؟؟وليت انا هبيييل

دفعاتو عليها بكل قوتها وصاحت فوجهو:الهضرة والواقع لي كنغمص عليه عيني..كتدير فيا مابغيتي كتحكم فيااا متحرجيش ماتلبسيش ماديريش متجلسيش ورجليك مهزوزة مديريش كحل..السلام وحيدتي علي ولاو الناس مكيسلموووش علي بحالا فيا الجربة!!!هادشي كولو باش سيادتك ترضي داك الشك لي عندك فالداخل...وكل مرة كنطلع ورقة بيضة وكتنقص منيييي(بدات كترعد)أش زايدني؟؟اش عاطيني؟؟خانقني وحابسني وجايبني للغربة وباغي تزيد تغرب دلمي هنا ميشوفني حد حتى يولي فيا التوحد عاد تبرد!!!

عبدو:اهاه قلبك عاااامرررر

هدى:(ضرباتو فيدو)عااامر وغنخويييه عليييك ...عيتيني فصحتي عييت ماندير لخاطر وكنبقا انا بلا خاطر..بنت خالك بحال ختك وكتعزك ولبتي تعيط لبها تعايرها!!!قربو الناس يوليو يكرهووني..خوها ضربتيه ..لوس ختك ضربتيه!!!شكون بقااا ضربنييي انااا

عبدو:(بعصبية)الى مسدتيتيش فمك غنديرها ونرجعوو مكاااريب كيف كنااا

هدى:باغي ترجع رجع بوووحدك..انا معندي فين نرجع اىى غنرجع غنمشي لبلادي حسن ليا من هاد العيشة تالخرا معااااك(هزات صبعها فوجهو)باغي تدفني وانا حية بحجة مكتعرفيش الرجال بحالي!!!ها عليا مراا وكتغير منها واش باغيني ليك بوحدك؟؟مالك فيها؟؟كتكره الناس فيا

عبدو:الالة مايبغيك حد اش غتق***** بشي حد يبغيك!!!ياك كنبغيك انا براكة عليييك...النهار لول عرفتيني هاكة

هدى:(غوتات)نددددمت علاش عرفتك هاكا وتزوجت بييييك..واش باغي تسطيني(غوتات حتى دمعو عينيها)باغي تصيفتني للسبيطار؟؟واش لاقيني فابفراش مع شي واحد ...الدارلي هي داري ومعمرها كاميرااات ممخليش ليا فين ناخد راحتييي(بدات كتبكي)والله منبفا فيهاا باغيا نمشي للمغرب

عبدو:(خرج فيها عينيه)المغرب دقة وحدة!!!غي اجي وسير

هدى:ااااه وغنمشي ومغنبقاش مع واحد بحالك سير داوي راااسك عاد.تزوج والى بقيت قيها اليوم عرفني راني ق******

مبقاتش تسوقات لوالو..مشات لبيتها كتبكي وتنخصث وتغوت مخلات فيه غي لي نسات هزات شانطتها كدير فيها حوايجها تا دخل عليها كيحيد لبها الشراوط وطلقات حلوقها كتغوت باغيا تخرج ووفمها "عطيني وراقي"

فلحظة تقلب كلشي وبمحادثة بسيطة مع عليا جبدات المستور عليه فقلبها وفرغاتو برااحة وزادوها الهرمونات ولى كيبان ليها كحل...الصوت بح بالبكا والغوات..صوتها وصوووتوو كيتراادووو..ملي شافتو مصر دفعاتو عليها وهربات باغيا غي تخرج بلا فووولار المهم تهرب..

مع حلات الباب تالزنقة وخرجات كان جرها دغيا وهي تطلقها بغوووتة عالية تسمع صيييتها فأركان الحييي ونطقات بعصبية وصوت رقيق مبحووووح:وااا بعددد.منييييييييي واعععععععععععععععععع

يتبع...