أقوى مما أدرك الجزء 27

القلق والخوف بان على ملامح الكل الا هي لي كتحس بالجناوا بداو كيتخشاو فيها..هي مجربة الولادة وجربات ألم الوجع وعرفات انه وجع الولادة لكن لي حداها ممستوعبيينش

خيرة'(شافت الما)هدى ...الحاج عتق غتولد

الحاج:(توتر)كيفاش تولد؟؟؟

احمد:(مخلوع)دبا للسبيطااار

هدى:(كتزير)واااااععععععع غنولدووووو اعععععععع دغيا

غيثة'غنعطييط لومبيلووونص

الحاج:مبقاش الوقت..هدى شدي فيا نمشيو لسبيطار

هدى:عتقنييي أعمي غنولدهم هنا

شدو فيها هاكاك بحوايجها مدارت فولار مالبسات عليها خرجات هاكاك ولي يفكرها ويقوليها افلانة ديري زيفك مكاينش..كانو عوالين على غديوة حنينة صدقوو فالوجع

خيرة:(شاداها من جهة والحاج من جهة)عضي فالصبر نوصلوووو ليكون غي شي وجع

هدى:(بدات كتبكي)غنوللللد غنزوووولد ماشيي وجع اعععععععع السقية طرطقاااات وكنحس بشي حاجة غتنزل منييي

داروها فالطوموبيل للور والحاج كيعرق كثر منها كيسمعها كتغوتتت وفأقل من نصف ساعة كانت تشنتفاات وشعرها وقف ...يديها كيزيرو على خيرة بجهد وتعض فشفايفها قربات تطيرهم ورغم دلك عاضة فالصبر حابسة راسها متزحمش حيت فيها الزحمة باغيا تدفع...كطلق غوتات كيقفزو الحاااج لي كتوريه غيثة الطريق لاقرب سبيطااار

وصلوها بالكشاايف وغواتها مالي الطوموبيل..هبط كيجري واخا معندو جهد جابو ليها كرسي متحرك داروها فيه مزيرة على يد خيرة وصوتها ثقب الوذنييين...كتحس انه الاجنة كيدورو فبطنها وكيغوتو باغييين يخرجو

هدى:متخلينيش عفاااك خالتييي اعععععععععع واربيييي والله ياخد الحق يااااربييييي

خيرة:(كتجارا معاها وملحفتها غتعثرها)انا معاك انا معاك

الحاج:(كيتجارا معاهم)ذكري الله ابنتي ذكري

هدى:اربي اربيي اععععععععع

دخلوها للفحص نيشان وجا طبيب كيزرب دخل عندها لقاهم بدلو ليها بالكشايف بلبسة تالسبيطار ورفعو ليها رجليها وهي كتغوت باغيا توقف على رجليها..دار ليكات ومبقات لا حشومى لا والو..قلبها لقا الوالدة محلولة وقال بتركيز:الوالدة محلووولة...غتولد داااباا(حيد ليكات)خمسة دقايق يكون كلشي واجد خصها تولد

الممرضة:داكوغ دكتوغ المريضة عندها سبع شهور وشي ايام

الطبيب:دابا يكون عندي تقريرها داابااا

بالفعل بسرعة البرق توجهات لغرفة الولادة كتوجع وخيرة غي تابعاها مع غيثة والحاج حتى الجهد باش يتجاراو معندهمش غي كيكابروو ولاو سخفانين ...

هدى:متخليونيي اعععع غنموت غنموووت

الحاج:انا معاك انا معاك ابنتي

الممرضة:عفاكم حد هنا

خيرة:لعار ابنتي خليني ندخل معاها عفاااك

الممرضة:ميمكنش الالة

هدى:(زيرات عليها)لالا(غوتات)واااا لاااااااااااا اععععععع وابغيت لعبدو مصييييبة هووو لي حملني بجووووج وااااربييييي

الوجع تزادها بزاف وكتحس براسها بحالا غتقيا او غتخرج منها شي حاجة بحالا فيها الاسهال ومعندهاش الفرانات..دخلات لغرفة الولادة والممرضة عند راسها وهي الوجع كيقطع فيها وكتبكي بالغوات ..واحد اللخظة بدات كتنخصص ملي دخل الطبيب وخاطبها بححدة:عندك.جوج وليدات..غنحسب ليك من واحد حتى لثلاثة وغدفعي

جمعات النفس حتى تزنكات وعروقها تتراسطاو فوجهها وهي تزحم الزحمة الاولى وبدات كتنهج..النفس كتحس بها قلالت ليها..معرفاتش منين دخلات خيرة بلباس طبي شدات فيديها مخلوعة كتشجع فيها:هاني معاك...سمعي لطبيب وزحميييي

زيرات على يديها ومكانش عندها وقت فين تقول علاش وكيفاش يكفي الوجع..زحمة ورا زحمة وكان كيحسابها بحال ولادة اسراء كتزحم وكتسهال الولادة ...

الطبيب:(رفع صوتو)زحمييي مزال شديييت الراسس..خودي النفس(كيوريها)وطلقيها وزحميييي

نفذات شنو قالت وكتزحم مع صرخات عالية كانهم كيعطيييوها العصا...زحمة ورا زحمة والراس فيدووو كيتسناا غي تعطيه القوة باش يجر..

خيرة:(مضهشرة كثرمنها)دفعييي غي دفعيييي

هدى:غنموووووت اععععععععععع واغنمووووت

زادت دفعة اخرى حتى بانت ضرسة عقلها وشعرها لصق عليها بالعرق عاد.خرج الجنين الاول وباحترافية رفعو الطبيب للفوق وكمل شغلو..خيرة لمعو عينيها وقالت:الحمد لله ها اللول..

هدى:(كتشوف وتبكي)مقااادراااااش

طبيب:سمعييي ليا(يديه لتحت)غتزيدي تدفعي بقااا واحددد

فنفس الوقت تسمعات صرخة ديال البيبي الاول ولي كانت البنت لي طلقات اولى حروفها على شكل صرخة وهادي هي الحياة كنبداوها بصرخة من تلقاء نفسنا وكنساليوها بصرخة من طرف احبابنا فاش كنموتو

الولادة بالنسبة لهدى مكانتش ساهلة كتحس براسها كلها محلولة وشي نتيجة مشافتها عكس الطاقم الطبي لي كان متفائل بولادتها لانها متعطلاتش فالسقية..مع خرجات مع الاجنة تقبلو ناحيةباب الرحم باش يخرجو..وحتى هي جاتهم يجهدها باختصار عطاها ربي وقفة ساهلة

الغوات لي سمعاتو وسط وذنييها وعيونها المدمعة كتشوف الجنين كيغوت كيلفوووه فثوب طبي خلاها ترجع لوور كتنهج والوجع باقي فيها ...

خيرة'باااقي الولد...زححمييي زحمييييي

طبيب:ان دو تخوااا ...دفعيييي

جمعات قوتها من جديد ودفعات ظنا منها انها دارت جهد.كبير لكن غوات الطبيب لي فيقها:كتخنقي البيبي...بغييت كثررر

كان صارم معاها لانه هوومولف هاد الحالات وكيفضل يكون قاسح باش تتتم الولادة سهلة وهدى جاتو واجدة خصها غي تزحم متعذب معاها فوجع اصطناعي ما عندها مشكل يمنعها تولد

مرارا وتكرارا كيتتسمع غواتها وبكاءها والجهد والو حتى غوت الطبيب:شديت الرااااس عطيني دفعة يخرج البيبي..دفعي مرا وحدة متحبسييش

هدى:(كتعصر)مقدييييتش هءهءهء كنتخنق

ط:كيجيب ليك الله كتخنقي..مابيييك والووو...دفعيييي

دفعات دفعة اخرى حتى حسات روحها غتخرج من بلاصتها عاد بان ليها الجنين الاخر خرج تاهو والطبيب شخصيا لي تكلف ضربو حتى صرخ حتى هو معلنا انه جا للدنيا

مدو للممرضة ومسح بذراعو على وجهو العرقان قايل ميسم:براافووو عليييك ...ولادة زويينة وساهلة

هدى رجعات راسها للور كتنهج ورجليها فالسما..صدرها طالع هابط كتسمع غي صوت الاجنة كيغوتو وصوت خيرة كيفيق فيها..طول الولادة شدات على يديها مزيرة لكن غي سالاا كانت رخات يديها وسخفات بالعيااا

اما الحاج راه غادي جاي قول مراتو لي غتولد وغيثة كتصبر فيه وكتطمن احمد بتيلي حيت ميمكنش يجي...خبرات ختها باها والحاج هز التيليي صونا لعبدو مرارا وتكرارا عاد جاوبو

عبدو:الواليد

الحاج:دااابا تكون فالمغرب

عبدو:علاش اش وقع!!

الحاج:مراااتك.كتولد

ققز من بلااصتو حتى كاع الناس شافو فيه..ونطق بلا ميحس:كتولد!!!!كيفاش كتولد

الحاج:جاها الوجع وجبناها تولد راه دخلات

عبدو:(خارج كيجري لطوموبيل)واش تسطسيتو؟؟؟معندهاش تسع شهووور

الحاج:عندها سبع شهووور...خود طيارة وجيي دغييااا

عبدو:متخلعنيييش الواليد...بها شي حاجة؟؟

الحاج'مابها والو دخلات تولد ومعاها مك

عبدو:قطع قطع انا نشوف شي فول

وبالفعل الخلعة ركباتو كثر منها..كيفاش مخليها ومعول تجي حتى كيعيطو ليه كتولد ..فيزبيلاتو تسووطااو ..كيخمم ويزفر ويمشي ويجي فالدار كي الحمق هز وراقو ومشا كيقلب على أقرب فول ولو يكون غالي وبالفعل لقا واحد بعد ثلاثة ديال السوايع بدقة على النيف اي بثمن بااهض جدا ومع ذلك مترددش خداه..وكل شويا يصوني لباه ندمو علاس قالها ليه

****

خرجو التوام للحياة وتسمع غواتهم فالغرفة..حرك لطبيب راسو وقال:كملي الخدمة...مكاينش غراز مكاين والو

الممرضة:سبحان الله..خمس سنين وانا هنا معمري شفت شي حالة بلا غراز

الطبيب:كتوقع مرة فشحال..السيدة ربي وقف معاها

وقفات على راسها وحدة اخرى كضرب ليها فراسها بصباعها حتى فيقاتها سخفااانة ورجليها للسما مهزوزين..نظفاتها وحدة مزيان ولوخرا كتمسح ليها وجهها

هدى:(فشلانة)ولادي

هزات ممرضة منهم التوأم وقالت:شوفيهم خصنا نديوهم للفحص

حطوهم ليها على صدرها بجوج صغار بزااف وكيسمع صوتهم عذب فوذنها وتنخصص هي الاخرى..بدات كتبكي فصمت والجهد باش تبووسهم مكاينش حدها دوزات عليهم يديها

خيرة:(بفرحة)تبااارك الله تبااارك الله زوينييين

هزات البنية:ماشاء الله الشعر الشعر

هدى:(صفرة وفشلانة)واش مزيانين

الممرضة:repose toi الالة حنا غنتكلفو

وبالفعل خرجو خيرة لي عينيها مدمعيين وتأثرات بلحظات الولادة..لقات الحاج وغيثة فانتظارها

الحاج:امدرااا!!

خيرة:(كتمسح دموعها)تفكااات على خيرر الحاااج (ضحكات )وليداات على مزيناتهم الحاج

الحاج:(عتالات الفرحة وجهو)الحمد لله الحمد لله هههههه(عنق خيييرة)ولاو عندي حفااايد...حفايدي بخيير

اخيرة:داوهم يشوفو اش عندهم

غيثة:(بابتسامة عريضة)وهدى؟؟؟

خيرة:عطاها ربي وقفة ساهلة..متعطلااتش فيهم وعطاها ربي الجهد ...

غيثة:هههه عاودات ليا قالت ليا هي كتولد عادي ومكتعذبش

خيرة:الحمد لله ففففف خصنا الحوايج ونشرييو ليها ولدراؤي ميلبسووو

الحاج:(كيدوز نمرتو)نعلم باااهم بعداا ههههه الو عبد الدائم..المرضي ديالي مراتك تفكاااات

عبدو:(زفر براحة)ولداتت؟؟؟هي مزياانة؟؟تعذباات؟؟؟

الحاج:مك قالت لا ..دغيا ولدااات غي تهنى

عبدو:(قلبو واكلو عليها الى مشافهاش فوجهها مايهنااش)واش مزيانة!!الواليد مكتكذبش علي!!

الحاج:مزيانة مزيانة المرضي انا راضي عليكم

عبدو:الواليد بحالا انا تما..عفاك رد البال

الحاج:كون هاني

فرحة الحاج لا توصف مفرحهاش فاش ولدات وهيبة يمكن حيت الدم كيغلب وكيبقاو من صلبو غيحملو اسمو..مخلا لمن صونا..خوتو وولادهم والعائلة كاملة خبرها..اما خيرة راه غي جالسة ومبسمة لانها عاشت تجربة فريدة من نوعها بحضورها لولادة التوأم..قلبها كتحس به كينبض من جديد كانها عاد تولدات

تكلفات غيثة طمنات احمد واكرام وعائلتها والفرحة عمات المكان مكاين غي"الو عبد المولى ولاو عندي حفايد..الو مرجانة ولدات هدى...."

نظفو هدى لي فشلانا وففمها غي ولادي..حولو لبيت بوحدها حيت الحاج حطهم صحاح وأصر على راحتها وفاش كتحطهم كيتضرب ليك الحساب ...مخلاش ليها من سبل الراحة ولي غيديرو عبدو دارو هو ...

محطوطة فبيت وحدها دافية وعينيها ناعسين شيه مغيبة بالعيا حتى دخلات خيرة وغيثة عندها

خيرة:علل سلامتك!!!

هدى:شفتي الدراري؟؟

خيرة:لا داوهم

هدى:بهم شي حاجة(دمعو عينيها)ولادة سبع شهور ماسهلاش

غيثة:شششش متبكيييش...راهم بخير راك عارفة ضروري الكونتروول

خيرة:ولدتي وليدات كي العسل..الشعر تبارك الله كحل

هدى:(شدات يديها قربتتها لفمها باستها)عمري ننسا وقفتك معايا أ خالتي ...الله يعطييك الجنة يارب

تأثرات خيرة بكلامها وقالت:امين يارب..وعلى سلامتك انا غنمشي انا وغيثة نجيبو ليك حوايج ولدراري جا كلشي على غفلة معندك والو

هدى:(كتسرطريقها)واخا...عبدو فراسو

خيرة:علمو الحاج وراه جاي فالطريق نتي غي نعسي

وعليه خرجات خيرة وغيثة لانها هي عارفا اكثر المكان وخلاوخا بوحدها وكيف كيقولو أحسن نعسة فالعالم فتاريخ الانثى هي النعسة لي ورا وجع العادة الشهرية ونعسة ديال ورا الولادة...رغم انه كتحس ببعض الالم فبطنها وهادشي راجع للوالدة لي كترجع بلاصتها لكن بسبب التعب لي فيها غفاات بلا ماتحس والسقيل فالكلينك خلاها تلازم النوم لمدة طويلة كأنها عام منعساتش

خرجات غيثة وخيرة وتقداو ليها كلشي من الاف للياء ..من ملابس داخلية وفوط.صحية..وحوايج لدراري..خيرة بلاصة اللبسة تشري ربعة لكل واحد فيهم ولي لقاتو قدامها تهزو عطاهل الحاج لي يقدها ويزيد كثر...محاساش براسها شنو كدير ..فرحتها كانت فطرية ونابعة من القلب هي من يوم يومها وهي طيبة ومعروفة فالعائلة بطيبتها مع الصغير والكبير وقساوتها بيناتها فعبدو فقط اما حتى هدى بكثرة ماولفاتها راه كتحبها بحال بنتها حيت كتونسها

من كل فن طرب..تكسات هدى وولادها وكاع احتياجاتهم جايتهم من المانط شراتهم ليهم صغييورين وقلبها كيضرب بالفرحة خلات غيثة غي كتشوف..دوزو قرابة ثلاثة ديال السوايع كيدورو برغم انه المدينة صغيرة مالقاتش فين تعزل لكن خدات لي يخصها واكثر

وصلات وهيبى للسبيطار مع ام غيثة وأحمد لي جاو فطاكسي وعكازو فيديه ميقدرش يخلي ختوو..طمن عليها نعم لكن يشوفها ويهنى بالو وهادشي علاش رباتهم ربيعىة..رغم طبع هدى لي كان قاسح ورغم هشاشة احمد والجعرة ديال اكرام الا انه لقاو فبعضهم الملاذ والدفء

سولو على غرفتها وطلعو لقاوها مزال ناعسة براحة رغم انه وجهها صفر مقطر من الدم وشعرها فبوني ديال السبيطار تحت طلبها هي ملي كانو كينظفوها عاد عاقت بشنو وقع وشنو صرا..عاونوه حتى قرب ليها باسها فراسها وجلسو كيهضرو غي بشويا ويتهامسوو فرحلنين ليها حتى فاقت اثر هضرتهم..حلات عينيها بتعب مزال باغيا تنعس مساخيااش خاصة انه كتحس بوجع فكرشها مزال

هدى:خويا

وهيبى:(وقفات عليها)مرات خويا الفنة لي والدة لينا الفن(باستها فحنوكها )على سلامتك

هدى:(تبسمات)الله يسلمك احبيبة

أحمد:ختي

هدى:متنوووضش خلييك علاش جيتي نتا أصلا مريض

احمد:على سلامتك...مبروووك عليك

هدى :الله يبارك فيك اخويا لعقبة لعندك(بترجي)وهيبة سولي ليا على ولادي

وهيبة:واخا

مع بغات تمشي مع دخلات الممرضة مبسمة لقات السلام وقالت:مرتاحة أ مدام!!

هدى:ولادي فينهم!!

الممرضة:صحتهم مزيانة..البنية صحتها مزيان مكتعاني من والو الولد لي شويا تزاد سخفان وراه تحت الكونترول

هدى:(بدون شعور)ياكما غيموت

الممرضة:لا ..متعمريش راسك بهادشي..رتاحي ليك نتيي

هدى:عفااك غي قولي ليا اش كاين واش ولدي فيه شي حاجة(غتبدا تبكي)

الممرضة:(عزات عليها)والله أ مدام مافيه شي حاجة..البنية شويا لحد الساعة كلشي غيبقا تحت المراقبة

وهيبة:شنو الخطر لي ممكن يوقعو!!

الممرضة:انا نعيط لطبيب دابا يشرح ليكم الحالة..كتحسي بشي حاجة؛!

هدى:كنحس بالفشلة وفيا الوجع

الممرضى:غنعطيك كالمون مي قبل غيخصك تاكلي أ مدام

وهيبة:تنفس بعدا!!!

الممرضة:(مبسمة)الحمد لله مدام هدى ولدات عادي بلا غراز بلا حتى حاجة

وهيبى:(تفاجاءات)سبحااان الله ههههه

خرجات الممرضة وخلاتها كتشوا من داخلها مقنعاتهاش بهضرتها بتاتا باغيا شي جواب شي حاجة تبردها..مدازتش حتى خمسة دقايق دخل الطبيب مبسم وقال:كي بقات لامامون ديالنا

هدى:عفاك بغيت غي معرف حالة ولادي!!!واش غيعييشو؟؟غنشوفهم

الطبيب:مدام نفسيتك حتى للولادة كانت مزيانة..منبغيش نشوفها كتهدم دابا..غنحطكم فالصورة ولادة السابع بتاتا ماشي سااهلة ..وكان خصك تعرفي بلي غتولدي على السابع وتخبري الطبيبة ديالك

هدى:انا ماشي من هنا جيت غي على وديت خويا وممشيتش للطبيبة ديالي

الطبيب:واخا نسولك شنو االاعراض لي كانو فيك ففترة الحمل؟؟كتحسي بوجع فكرشك!!كيهبط منك ما غريب

وهدى:ولغيكل كتحيني فوقتها

الطبيب:فوالا ..هادو كلهم اعراض كيدلو على انك غتولدي فالسابع...certes ولادتك طبيعية ومزيانة ومتعذبتيش لكن مكيمنعناش نحطو لي بيبي تحت المراقبة

هدى:هي شنو!!

الطبيب:هي تهناي ورتاحي امدام..وليداتك مزيان غي كونترول..البنت مزيانة صحتها غي نكملو الفحوصات والولد لي شويا خصو الاكسجيين تخنق فالولادة

هدى:(تهز قلبها)اويليي

الطبيب:pas de stress...كلشي فامان الله..نتسناو فربعة وعشرين ساعة ونشوفو شنو كاين..انا شفت حالات ديال سبع شهور محتاحوش يكملو النمو بالعكس تزادو نوغمال

احمد:ان شاء الله يكونو بحالهم

الطبيب:اكييد..نخليك ترتاحي..الانفيغمييغ غتكلف بييك..بونسوااغي

كلام الطبيب مريحهاش خصها تشوف بعينيها باش ثيق دخلات فتساؤلات مريضة فعقلها..كتسول وتعاود خايفة توقع ليهم شي حاجة حتى دخلات خيرة محملة هي وغيثة سلمو عليها وخداو حتى هوما الجديد فالاحداث

خيرة:كتمرضي راسك على والو...شفتي مرجانة لوستي بنتها ولدات على سبع شهور كاع مداروه فحتى بلاصة دغية عطاوه ليها

هدى:(بدات كتبكي)خفت ا خالتي هءهءههء

مسحو ليها دموعها وطبطبو عليها حتى جمعاتهم جابو ليها تاكل تقوت شويا ودوزو ليها دوا يهمد عليها الحريق عاد تساءلات:عبدو فينو؟؟

وهيبة:جاي دابا غيكون فالطيارة قاليا غينزل فمراكش وراه بايا مشا يجيبو

هدى:بغييت نشوفووو

أحمد:مابقييتو كتحشموو هههه

ام غيثة:هههههه

وهيبة:ماما نمشييو نشوفو الوليدات

هدى:عفاك اوهيبة صوري ليا

وهيبة:كوني هانيا

ناضو كاملين بلا عجز عليهم الا احمد وام غيثة بقاو معاهل مونسينها..والباقي توجه لقسم الاطفال بعد السؤال عرفو فين كاينين وتلاقاو الممرضة نفسها وراتهم فين كاينين فغرفة محايدة فيها بزاف ديال الاجهزة او مايسمى يالداريجة"القرعة"فيه بزااف ديال الولييدات وقالت:هذاا الوليد تزاد ضعييف وهادي البنية بصحتها مشاء الله

وهيبة'وينووووو(دارت فيديو)فنييين

خيرة:شوفي شوفي الينية على شعيير عندها

وهيبة:كحل بحال ديالك

خيرة:غي الى مبغاش يخرح ههه وهي سبع شهور وهي تتوحم فيا

وهيبة:(عنقاتها بجنب)ولاد عبدو خداو بلاصة بنتي!!

خيرة:كلها وبلاصتو أ بنتي..انا مابقيتش عرفت ماندير ولا مانقول..البنت ضريفة وعندي عزيزة ولفتها بزااف عمرات علي داري وونساتني..ضحكت كعاها وبكات علي..خرجنا يجوج ودخلنا بجوج ماشفت منها غي الخير..والحق يتقال ولادها شفتهم بعيني حتى تزادوحسييت بقلبي تفاجاا وتفكرت ولدي عبد الله الله يرحمو

وهيبة:الله يرحمو ياربيي..ديما ربي كيعوضنا ياله مشييناا

رجعو لعندها وراتها الفيديوات مشبعاتش منهم بتاتا حتى عيات من جديد وهي تغفى عاود بهدوء وبالها خدام كيخمم فولادها

****

فمطار مراكش المنارة نزلات طيارة عبدو لي جاي طويل حدو جامع غا تبديلة ولا جوج..دار الاجراءات بنرفزة وغي كيسوط مكرهش يهرب ليهم..دوز ساعتين ديال الطيارة كلها مستريسي وعلى أعصابو لدرجة اول مانزل شعل تيليفونو ودوز الابيل لباه كيطمن عليها

والى كان عبدو سواق وكيزرب فسوقانو راه الحاج هو الشجرة فاش نبث..حتى هو بسوقانو المحترف كان وصل قبل موعد نزول طيارتو بنصف ساعة وبقا كيتسناه فلباركينغ ديال المطار حتى سالا وبان ليه جاي كيزرب..نزل مبسم عندو تلقاه بالاحضان ووفمو غي المباركات فقط ولاخر ماسول على شنو ولدات ولا على صحتو ففمو غي هدى

عبدو:انا لي غنسووق

الحاج:ياله كول بعداا ونتا غطيح هههه راه غي ولدات ماشي ماتت

عبدو:(شد منو السوارت)كطلع وتنزل فيا هاد ولدات !!!أنا فين فهادشي؟؟كيفاش تولد على سبع شهووور

الحاج:مالها هي لي باغيا..داكشي ديال الله..هي وولادك مزيانين

عبدو:(كسيرا)مانعرفها مزيانة حتى نشوفها

الحاج:نصونيو لوهيبة راه كاينة معاها فسبيطار

عبدو:معاها!!دوز ليا ابيل فيديو نشووفها

بالفعل صونا الحاج لوهيبة مكالمة فيديو وطلب منها تعطيه يهضر معاها جاوباتو قائلة:راه نعساات

عبدو:(عين فالطريق وعين فالتيلي)نشوووفها

دورات ليه الكاميرا ليها كانت ببوني ديال السبيطار ناعسة وكتبان فاشلة والسيروم فيديها..تزير خاطرو عليها حسابو معرفت اش ولدووها..محس براسو حتى حبس جنب الطريق مزال مخرجش من مراكش وشد التيلي فاتح فمو شويا بخوف:مالها؟؟

وهيبى:ناعسة ههه راها مزيانة غي عيااات

عبدو:فيقيها ليا دابا نسمع صوتها

تسمع ضحك الناس لي معاها فالبيت ومنهم وهيبة لي قاات:واش تسطيتي

عبدو:(بحدة)مكنضحكش..نسمعها كتهضرر

وهيبة:نقلقو راحتها !!! سير حتى تجي ههه

قطعات معاه كضحك اما خيرة كتلوي ففمها قايلة:اويلي هذاا مابقاااش مربييي..ويلي ويلي اش غيقولو مربيييت والو

مهناش يتاتا وبنفس الريتم عفط لصويرة وهو كاره..هو اصلا كيكره هاد المدينة حيت جا مزرووب فاش خوها مرض وجاي دابا مبقاش كيتفاءل بطريقها..الطريق كلها وباه كيطمن فيه وهو والو كيضور ويرجع لنفس الهضرة"كيفاش تولد وهي ممكملاش تسع شهور"لدرجة محشمش قدام ياه جبد كارو كيسف فيه مبقاش قال عيب وحشوومة خصو غي يبرد ولباس

طاح الليل وجاب معاه السكون لمدينة لا تعرف الضجيج وهي "الصويرة"..كيتسمع غي صوت البريد الخفيف والبحر..ناسها بساط وفيها الأمان..فاقت مم جديد هدى وعاودات سولات على ولادها ونفس الجواب تعطاها..بغات تمشي لطواليط وناضت عاوناتها غيثة ووهيبة

بزز باش ناضت كتحس بقاعها مفروع ودايرين ليها حفاظة باش تشد الدم لي غتنزل منها وهي دم النفاس..وصلوها سخفانة وقالت:بغيت نبدل علي

غيثة:لالة خيرة مخلات مجابت ليك..كلشي شراتو ليك ..

وهيبة:الى باغيا دوشي ندوشو ليك!!

هدى:لا غي نطرف غيفرعني البرد ففففف

وهيبة:ندير ليك ما سخووون وغسلي تحتك بيه نشفي وديري شي الويز

هدى:واخ

عطاتها غيثة شنو خداو كاع لي غيطيح فبالك شراتو ليها من مزيل العرق جابتو..كابرات وطرفات راسها وخدات بيجامة فالغوز ببيبي فيها خطوط بيضاء لبساتها دافية سخنات بها عظامها جمعات شعرها وغسلات وجهها وسنانها من شنو جايت ليها خيرة لي منسات حتى تفصيل

وخرجات كتهد وتعاود وفيها الدوخة..رجعات لسريرها غي كتشوف بعينيها وتكمشهم فبلاصة السيروم لي حيدو ليها وخلا الزروقية

وهيبة:غنهضر معاهم ف l'accueil على وديت المباتة

خيرة:انا نياات معاها

وهيبة:صيفت ليا خويا هو لي باغي يبات معاها

هدى:(بتعب)علاش وصل؟؟

وهيبة:وصل وصونينا ليه هههه شافك اببل فيديو عاد برد

هدى:(بابتسامة خفيفة)مجمر الغمة صافي

وبالفعل مدازتش نصف ساعة كان هو داخل بشحمو ولحمو كي السبع والخوف واضح عليه..كلشي لتافت ليه ونطق هو بصوت خايف كانه هربان من شي حاجة..عيونو كانت كتلقطها بحب وخوف وحنان على حالتها وقال:هدىىىى

هي الاخرى كتضعاف أمام حبو ليها وخوفو عليها ..دغيا تجمعو الدموع فعينيها ونطقات:عبدو

محس براسو حتى كان فوق سريرها جالس وجارها لحصنو خاشييها فيه مزير عليها كيدوز يدو على شعرها بحب وخوف..ومرة مرة كيقبل راسها محشم مارمش..باه ضرب دومي تور وخرج اما احمد راه معطوووب ميقدرش..ام غيثة حمارت وخيرة غي كتشوف

عبدو:الحمد لله(شدوجهها بين يديه)شويا!!باش كتحسي

هدى:الحمد لله دازت على خير

عبدو:(بقلق)مالك صفرة!!تعذبتي؟؟

هدى:لا...ماشي بزاااف

قبلها فراسها بحب وقال:على سلامتك!!!علاش صفرة؟؟اش وقع

هدى:راني عاد ولدت والجهد معندييش

عبدو:كليتي!! باش كتحسي

هدى:فيا غي شويا ديال الوجع

وهيبة:عادي كترجع الوالدة لبلاصتها

عبدو:(مزاحش عينو عليها)كيفاش تولدي فالسابع!!!ماشي الحماق هذاا

هدى'(سندات على المخدة وبعيون متعبة كتشوف فيه)داكشي لي بغا الله(كحبات)كح كح

عبدو:(هز الما من حدا راسها)جاك وجع بزاااف

هدى:(شربات)حممم شوياا..جاني وجع دقة وحدة معذبنييش بزااف

عبدو:(كيمسح على وحهو)الحمد لله خرجات على خير

أحمد:أسي عبد الدائم مغتمشيش تشوف ولادك؛!

تلفت ليه عاد خرجات ليه التبسيمة شويا وناض مرتاح سلم عليه قايل:نشوفو مهم بعداا..كي بقيتي شويا!!

أحمد:نتا لي كي بقيتي هههه

عبدو:كنمشي سيمانة كنجي نجري

سلم على ام غيثة بيديه اما غيثة موصلهاش حدو هضر بفمو ...تعانق مع ختو لي بحرارة باستو فحنكو قايلة:مبروووك عليك اخويا

عبدو:يححفظك

داز لمو لي كان متردد واش يسلم ولالا..تحنا هز يديها تحت نظراتها الهادئة على غير عادتها وقال:الواليدة لباس

خيرة:على سلامتها

عبدو:الله يسلمك ..عذبناك معانا

خيرة:بالخير

هذاا هو جوابها ولسانها ومانطق..واش تغيرات شي حاجة حتى واحد فيهم مقدر يفهمها...رجع لحدا هدى من جديد كيسول فيها دار ليها لونكيييط حتى جابو ليها العشا وبيديه كيوكل فيها ويمسح جهة فمها عايش معاها مايسمى بالرحمة والالفةولي ولاو كيسميوه الغرام

ربي نهار حلل الزواج قال"وجعلنا بينكم مودة ورحمة"بتاتا واش قال حب او رومانسية..قال الرحمة والالفة والمودة..كان تعاملو للبعض حشومة وللبعض لطافة اما للبعض راه عيب وهذا عيب مجتمعنا مخصش الراجل يبين حبو وخو فو على مراتو حيت غيطلعوها عليه..عكس عبدو قدام العالم مكيقولش كنبغييك لكن كيبنها

دار ليها شعرها ورا وذنيها وقال:زيدي مزال

هدى:(بامتناع)ماقدييتش ففففف خايفة نرجع كلشي

عبدو:معجباتكش!!!نكوموندي ليك

هدى:(ضحكها)ههههه واش انا عاد والدة ونكوموندي ماكلة الزنقة هههه

وهيبة:خويا واش شويا لباس!!!!(شافت فساعتها)ماما مشينا

هيرة:غي سيرو انا نيات معاها

هدى:(بلطف)خالتي سيري ترتاحي ليك شويا عذبتك اليوم وكرفصتك سمحييي ليا بزاااف

خيرة:ماشي مشكل ابنتي..الواحد يصبر انا نبات معاك

عبدو:غي سيري الواليدة انا بايت باايت..رتاحو نتوما

غيثة:غدا تلقاينا عندك نشوفو الفنااكييش ههه

هدى:ياربي غي يعطيييوهم ليااا

عبدو:(كمش عينيه)كاين شي مشكل!!!

شرحات ليه هدى كلشي من لول وقال كيزفر:كنت باغيهم يتزادو تما..اسبانيا فيها لكيلينك واعرين وكاينة العناية

هدى:حتى هنا مقصرووش..عاملوني زوييين والله..مسكين عمي كيوصي ويعاود

عبدو:بغيت نشوووفهم

وهيبة :انا نوريك

عطاتو الفيديو لي فور ماشافو بانت التبسيمة على وجهو حتى قشعو ضرسة العقل ولي شحال مضحكها..كيسمع صوت وهيبة كينعت ليه البنت من الولد وعيونو كيلمعو بحب من شوفتهم..وقال:صيفتيه ليا (مبسم)البنية شعرها كحل بحال ديال الواليدة

هدى:غا هي محطوطة ههههههه

خيرة:اوا الى ماشبهاتني شكون تشبه (وقفات)هههههه تصبحي على خير..نعسي رتاحي ونقصي الهضرة الجهد الى مشا فالنفااس مكيرجعش

هدى:اجي اجي نبوووسك وسيري

ضحكات خيرة ومشات باستها بحب وعبدو غي كيشووف وفداخلو فرحان..معارفش امتا تطورات علاقتهم لهاد الحد ووصلات للبوسان لكنو فرح بزاااف

ودعوها متمنيين ليها الراحة التامة وخلاوها معاه لي بمجرد ماغبرو قبلها ففمها بعشق وجر شفتها معاه قايل:نموت انا على هاد الزين الصفر ههههه والدة ليا قبل الوقت

هدى:(تخشات فحضنو)كنت مخلوعة بزاااف

عبدو:ربي حفظك وصافي..نمشي نشوف الدراري

هدى:سول لانفيغمييغ تورييك سينو الطبيب

عبدو:الطبيب!!!ولدك طبيب

هدى:اه واحد الطبيب غزااال وتعامل معايا مزيان

جمع غوباشتو فيها وعقد سبعة فربعة من هضرتها كيحاول يكتم لسانو داخل سنانو ومينطقش كيتسنا تفسير وهي تقول:بلا متعصب..انا ناافسة تعصبني اقسم بالله ماتشووف وجهي

عبدو:ولدك طبيب؟؟

هدى:ااه

مع نطقاتها ناض وقف بحالا شي حد خشا فيه شي شوكة..زفر وعض فشفايفو باغي يعرعر وحشم منها حيت مريضة..عطاها بالظهر ومشا وجاا مرارا وتكرارا وهو ينطق بصوت عال:داابا انا مراتي ولدها طبيب

هدى:يكون فيك الوجع لي دوزت وديك ساعة دوز تولدك حتى الكلبة

دخلات ديك ساعة خيرة ناسية تيلليفونها وسمعاتو اش قال وهي تشعل معاه:واش نتا مباغيش تنعل الشيطان؟؟واش مراتك والدة وكتغوت؟؟

مسح على وجهو بعصبية وقال:بيني وبيينها..

دخل الحاج لي كان راجع معاها وقال:مالكم

خيرة:انا تقهرت وهي بااااز...كيغوت عليها الحاج

الحاج:(جرو من ذراعو)دوز كدااامي هادشي علاش كتزرب

خرجو معاه منيرفي وخلى خيرة كتنكر:الحمار لاخر

هدى:قاليك علاش يولدني طبيب!!!واش هذا ماشي مصرفق

خيرة:خصو لي يصرفقو(هزات تيليفونها)خلييه منو للحاج حيت عييق

هدى:سيري تنعسي اخالتي ترتاحي

خيرة:رتاحي نتيي وهو يمشي يطرطق

جرو الحاج لبرا مع خرجو شعل كاارو وبدا كينفث وينكر:خليتها الحاج أمانة عندك!!فلخر يولدها طبيب

الحاج:واش نتا قاري؟؟نخليوها تموت بالوجع حتى تجي مرا تولدها!!!السيد لي ولدها من أحسن طبة هنا وشد ليها الخاطر..كنتي باغيها تكرفص ..كون شفتيها كي كانت كتغوت غتخليه يولدها

عبدو:واش انا منهناش مع هاد هدى!!!دماغي يزنزن ربعة وعشرين ساعة يااك!!!نتهنا من الرجال يخرج ليا طبيب

خيرة:(جايا)راه غنعاود لطاسيلتك الترابي...

عبدو:الواليييدة

خيرة:جدااك هادي..مالك فهاد الترابي؟!!كتفقص فيها وهي والدة ومحنة..انا لي دخلت معاها وشفتها شحال تعذبات(كتزيد فيخرات)كانت غتموت وتخنقاات غا عتقوها ونتا كتسولها واش راجل ولا مرا

عبدو:(لاح الكارو محرج منو قدامو..وزفر)تعذبات!!!

خيرة:تكرفصااات بزااف..واش عارف شناهيا تولد جوج؟؟مبقيتش كنعرفك؟؟وليتي كتشك فمراتك

الحاج:هذا راه مازواج موالو فففف فرق عليك البنت

سكت كيسمع ليهم..تصبنو خيرة من هنا ويعطيه خو من هنا دارو ليه تأنيب الضمير بقا غي ساكت وقلبو كيتعصر عليها حتى سالاو وقال:غنمشي ناكل دغيا ونرجع عندها

الحاج:الى قلتي ليها شي حاجة غتشووف مني لي مايعجبك

مشاو فسيارتهم مخلينو برد شويا اما كان غيطلي الطبيب ويدعي السبيطار ويكمل بهدى..مشا لاقرب بلاصة قصا فيها ورجع عندها كيعطعط بالكارو...دخل للبيت لقاها مغمضة عينيها كترتاح وباينة فيها مناعساش..وبشويا عليه كي الحنش قرب ليها قبلها فراسها وحط صباعو على شفايفها قال:شويا!!

حلات عوينات البن كيف كيسميها فيه وسرطات ريقها:عيانة

عبدو:اشنو كيضرك؟؟

هدى:والو...عيانة من جهة الولد..صحتو ماهياش

عبدو:(جر كرسي وشد يديها باسها من الوسط)كلشي هو هذاك..ماشي ديما ولاد سبع شهور كيتزادو ناقصين ..

هدى:شفتيهم؟؟

عبدو:لا(تبسم بشويا)جيت نشوفك نتي لولة

هدى:سير شوفهم غيحمقوووك أ عبدو

عبدو:(قبل يديها مرارا وتكرارا )هاد الساعة نتي لي محمقاني ..جات معاك تكوني ماما

هدى:نتا بعدا مجاتش معاك هههه

عبدو؛كليتي!!

هدى:اه..كليت مخصنيش نكثر نخاف يجيني القبط

عبدو:قالو ليا ولدتي عادي!!!

هدى:ديما ههه انا ولادتي ساهلة ماكنديرش الغراز غي كنتكرفص فاش كترجع الولدة لبلاصتها

مد يدو حيد لبوني لي دايرا وبان شعرها مخربق وقالت:باقي عرقان شعري

عبدو:كنت باغي نحضر معاك

هدى:دخلات معايا خالتي مسكيينة مخلاتنيييش..

عبدو:الواليدة حنينة(قرب باسها ففمها)

هدى:بحالك ههه(هزات يديها قاست لحيتو ونيوفهم محطوطين على بعضهم)

عبدو:(عضها فشفتها الفوقانية)اشنو الالة هدى نديرو شي سبوع زوين

هدى:يهنى بالي عليهم ونديرووه(قاست فمو بصبعها)كلك تطليتي برص ههه

عبدو:كنزيااان

هدى:الله يمسخك ههه

بقا هو وياها فالاحاديث الليلية حتى غفات وتعبها مبغاش يسالي وهو الاخر بالسفر والطرقان لقى راسو غافي فالكرسي ويديه شادا يدها وضو القمرة مضوي عليهم وفالجهة الاخرى كاينين ولادهم ...ثمرة حب كولو تمكريب وكولو زاند

"شامة وعبد الله"

أكثر شيء كيقوي الرباط بين جوج كيبغيو بعضهم هوما الولاد..كيتعتابرو هوما ثمرة العشرة والحب لقوله تعالى"المال والبنون زينة الحياة الدنيا"

يوم جديد فحياة التوأم وفجو السبيطارات فاقت هدى على صوت الممرضة لي عاوناتها حتى وقفات وداتها للحمام ساعداتها فكل مكيخصها ومنذ دخولها وهو حال عينيه ميمكنش ينعس والحس معاه لكن كان باقي ممصحصحش

خرجان من الحمام مبسمة ليها وقالت:شكرا احبيبة

الممرضة:هذا واجب شويا نجيبو ليك الفطور

مشات لبلاصتها عاد حل عينيه وقال بصوت باح:صباح الخير

هدى:صباح النور..نوض الزين عطيني شي بووسة

تبسم بزز عليه حيت هضرتها عجباتو..جا قبلها ففمها وراسها وقال:مزيانة؟؟

هدى'الحمد لله..خصني غي نشوف ولادي

عبدو:(داعب حنوكها)اليوم شويا لبارح كنتي صفرة

هدى:راني ولدت زعما ههه

عبدو:(طل على تيليفونو)صونات ليا ختك وا مكتنعسش

هدى:غتكون جات ههه وحتى بابا

عبدو:نكمي ونجي عندك..غيجيبو ليك الفطور فطري مزيان

هدى:سول على الدراري

عبدو:(بوسة فجبهتها )ضروري

دخل غسل وجهو وشلل فمو عاد خرج لبرا نيشان شد كافي من الماشين لي محطوطة فالسبيطار وشعل كارو على الريق حل بيه دماغو..يقدر انسان عادي يهلكو لكن هو لا الى مريقش بيه ميصبحش فوجهك..سالاه وتوحه للاستقبال سول على جناح الاطفال ومشا ليه نيشان ناشط

وقف امام كولوار كولو مزين على حساب الدراري الصغار..سول على فين بغا ومن قنت لقنت حتى وقف امام الزجاج كيشوف وليدات صغار فالقراعي لتكملة النمو ..خرجات ممرضة وقال:واحد التوام تزاد البارح فينهم؟؟

الممرضة:بنت ولد؟؟

حرك راسو بالايجاب وهي تنعت ليه من الزجاج:راه البنت فيها براسلي فالموف فيديها والولد راه داك الضعيف شويا لي داير براسلي صفر

باش يقوليها شكرا معندوش ...عبنيه لصقو على ولادو كأنه كيشوف هدى قدامو..بلابز عينيه كيتحولو من واحد للاخر وهو كيراقب حركات البنية لي كتحرك غي يديها بشويا وعينيها شبه مغمضين اما الدري راه زاكي مكيتحركش بزااف...معرفش شحال دوز تما المهم بقا من وحدة لواحد حتى شبع عينيه عاد تحرك من تما والوجهة الاستقبال والى قالت عليه مجمر الغمة راه مجمر الويل ..بدل ليها الطبيب ورجع ليها طبيبة سول على حالتهم الصحية لدراري مع الطبيب نييت

عبدو:دونك البنت مزيانة؟؟

الطبيب:صحتها مزيان ..تقدرو تاخدوها الولد غيبقا تحت المراقبة

عبدو:نقدر ناخدها دابا

الطبيب:معلووم

خرج معاه برا البيرو ديالو وعيط لممرضة مشات معاه لنفس الجناح..وهو كولو حماس يشدها بين يديه..

الممرضة:غنلبسووها شنو جابو ليها

الممرضة:شكون جاب!!

الممرضة؛الناس لي معاكم

وبالفعل كانت خيرة عطاتهم كلشي من ابسط التفاصيل..وتسنا ليه برا كيشوف فيها خرجاتها وبدات كتلبسها باحترافية لبيسة غوز وكتقاد ليها طاقية خطفات قلبو..كيشوف فيها هدى الصغيورة فقط ومتحمس يشدها بين يديه..عينيه كيترقبو بشوق الجزء الصغير من هدى يهزو...وبشويا بشويا حتى خرجات الممرضة مبسمة وقالت:هاهيا أ موسيو

شدها بين يدو صغيرة وكتبان بصحيحتها مغمضة عويناتها ويادوب كتقدر تحلهم وفمها محلول غي شويا كيبان ليك لسانها..رطبة ناعمة وبييضة بياض اكثر من مها ..بياض ديال خيرة الله..والشعر أسود كثيف مقارنة بها هي

سطاتو فلحظات قليلة وخدات عقلو..كيعحبوه الدراري الصغار حيت كيجيوه أبرياء مافيهم الغدر لكن هادي ماشي اي طفلة هادي بنتو"شامة"لي ولداتها ليه المرا لي كيحب..قربها منو بشويا محاول عليها طبع بشفايفو قبلة عل راسها حتى حس بنعومة بشرتها..وبيد وحدة متحكم فيها وليد لوخرا شد صبيعاتها كيفكهم ليها وكيبوسهم..

لحظة لا تساوي عمرا كاملا

توجه بها وعيونو غي عليها هي فقط لجيهة غرفة أمها عارفها غتكون مشوقة تهزها كثر منو...دفع الباب بيد واحدة فقط وكيسمع أصواتهم حداها عرفهم جاو وبغير مايردو البال قال:هاا لالة شاامة جاات

كلشي دوز عينيه ليها لقى باها وختها لي وصلو بالليل وعائلتو هو اكيد مع خوها ومراتو..ومن صوتو عرفو بلي البنيا لي جاب..

هدى:(مكرهاتش تنوض)أراها ليا اراا

الحاج:عطيني عطيني نهزها اولدي

مدها ليه بشويا وغي هزها مسكين قلبو كيترعد ..والضحكة ترسمات فوجهو وقال:تبارك الله تباارك الله على بنتييي(باسها فراسها)الله يصلح ياربي

مدها لهدى لي شداتها برجفة وضماتها عندها بحب وبدات كتبووس فيها وتعري ليها كثر على شعرها لي كيبان منو شويا كحل وكثيف..تجمعو عليها كامليين كيقربو ويقيسوها وهي غيخرج ليها العقل بها

الحاج:هاد شامة كتشبه لخيرة

خيرة:(ضحكات)اري اري نشوف

مداتها ليها مبسمة وقالت:الشعر غي نتي انا شعري مكحلش

شداتها خيرة والابنسامة مفرقاتش وجهها..وباحترافية قربات ليها باستها فحنوكها وقالت:الصصلح ياربي الصلح(شافت فهدى)فين حنووكي هااا تضلي تقرصي فيهم

ضحكو كاملين جيت عارفين وحمها جا على خيرة وتضل تشد فيها..ضماتها خيرة لصدرها بحب خلات عبدو باغي ينقز ويطير بالفرحة...رغم انه مخاصمة معاه هازا بنتوو

اكرام:(شداتها)ايهاي كون عولو عليك متولدييش هاد الزين ههههه

دوزروها بيناتهم كل واحد يهزها شويا ويبوووسها وهي غي مغمضة عينيها شويا وهي تكسيري بدات كتبكي وقالت خيرة:خصها ترضع

هدى:معرفتش واش نرضعها؟؟

عبدو:رضعي عادي

أحمد:(هز عكازو)حنا برااا

نوض باه لي مبيض ليه تما وكلشي خرج بقات غي خيرة وعبدو وهي تنطق هدى:عاونيني اخالتي الى فيا شي حليب

خيرة:(هازا شامة)بشويا عليك ..شدي مزيان من الراس باش متفكش من صدرها

هدى:واخا

خيرة:ونتا مغتخرجش؟؟

عبدو:لا

خيرة:كون تحشمم)(خرجات فيه عينيها)

عبدو:الواليدة راه مرااتي

ميقات فيه ومداتها ليها خرجات بزولتها وحطاتها ليها ففمها كتحاول تدخلها ليها حتى شداتها وبدات كتجبد وهي تبدا هدى كتوجع

عبدو:مالكي؟؟

هدى:ضرااتني

خبرة:غي اللول غتولفييي..بسلامتها كترصع

هدى:(حيدات ليها الطاقية)الشعر الالة خيررة ههههه

خيرة:لا هادي غي انا

عبدو:(مبسم لمو)انا المبارك الى شبهات فيك

شافت فيه وتبسمات نصف ابتسامة وسكتات مجاوباتوش وهو المبارك لي فرنسات ليه...رضعاتها حتى شبعات وقالت:عبدو والوليد!؟

عبدو:مزال شويا!!(شدها منها)اري نحطها تنعس ترتاح

هدى:خليها ليا عفااالك مسخييتش بها

خلاها براحتها وعيط للوخرين دخلو معمريين عليها البيت والهضرة كثيرة ضاحكين ناشطيين كأي عائلة حتى نطق باعدي:غتسمييوها خديجة

هدى:تسمااات..شاامة

باعدي:تي اش هادشي!!!شاامة!!ومالها خديجة ماسميااش على سمية مك

أحمد:كنتي مفرش ليها الحرير ههههه شامة زويينة والولد

الحاج:عبد الله على سمية ولدي الله يرحمو

الكل:الله يرحموو

*****

قضاو معاها النهار كامل وتطمنو عليها وعلى صحة شامة لي كتضل هازاها وتبوس فيها والشوق مزال مابردش من جهة عبد الله

دوزات هدى ثلاثة ايام فالسبيطار هي صحتها مزيانة كتاكل وتشرب وتنعس مقابلة غي شامة فالرضاعة فقط اما عبد الله تحت المراقبة..مشات شافتو مرارا وتكرارا غي من بعيد ومتحسرة عليه باغيا تشدو بين يديها

بيتها مكيخواش حتى لليل والكل فعائلة عبدو عرفو بولادة التوأم وكيتسناو رجوعها لبيتهم باش يهجموو عليهم

اليوم الرابع ليها فالسبيطار وعبدو ممفارقاهاش مشا طل على عبد الله وخبروه بلي راه صحتو مزيان ونفس الشيء دارو معاه حتى هو..لبسوه وعطاوه ليه..نفس الاحساس بنفس الحدة والروعة عاشو من جديد ..حضنو وضمو وبااسو ومسخااش بيه..توجه بيه للغرفة ديالهم ودخل عليهم قايل:هاا العيان فااق

هدى:ولديييي

عبدو:أ صبري

توجه لموو نيشان لي عيونها كيبرييو حيت عارفة شنو غيسمييوه وبابتسامة عذبة نطق:مي ها ولدك..عبد الله

شافت فيه بعيون مضببة بالدموع وعينها نزلو نيشان لبيبي لي هاز ولي كانت صحتو ضعيفة ومكمش يادوب كيحل عينيه...سبقها بين كلشي حيت عارف حرقتها تجاه ولدها وشافها كبفاش فرحات بشامة وكيفاش علاقتها بهدى تحسنات

قلبها بدا كيضرب بجهد فاش قال جملتو ..تمناتها لو كانت بالفعل كتخص ولدها..يكون فعلا "عبد الله"لي جا وغتشوفو لكن القطعة من القطن لي جاب ليها خلى قلبها يخفق ليه..وسرعان ما عينها خرجو دميعات خفاف طاحو على حنيكاتها المدورين ..راقبات عبدو كيحط ليها "عبد الله"بين يديها بشويا وكيتسنا يقرا رد فعلها لي كانت كيف متوقعها ..شدات فيديه الصغار وعيونها كيحومو عليه كتحفظ ملامحو ورجعات بها الذاكرة فلحظات ليوم ولادة عبد الله وبدات كتحس بنفس الاحساس رغم انه مكيشبهش ليه

باستو فراسو وفيديه وضماتو لصدرها والدموع هابطيين من عينيها والكل كيشووف فيها حيت كلشي تقريبا عارف قصتها مع ولدها لي فقدات ...

رجعاتو ليه بهدوء وقالت:عطييه لمووو فيه الجوع

شدو منها وباسها فراسها وداه لهدى لي شداتو بحب هو الاخر كتبووس فيه وتضمو ليها...جا الحاج حدا خيرى وقال:ياله يضربك شويا ديال البرد

خرجها معاه كتسمح دموعها مذرعها بيدو لي شافهم فعمرهم ميقولش بيناتهم داك الحب والمودة ...لكن لي كيعرفهم غيعرف انه الحاج هو خيرة والعكس صحيح

برا السبيطار واقف حداها كيشوفو فالشارع فلي غادي ولي جاي وقال:خيرة الولد عطاااك ولدو ديريه ولدك معلي الشيطان وحني عليه

خيرة:(الهدوء على وجههها)حسييت بداك الوليد بحال ولدي...مكيشبهش ليه ولكن بحال ولدي

الحاج:راه ولدك هذااك..معز من الولد غي ولدو ربي عطانا جوج حفايد دقة وحدة ...شامة وعبد الله نعلي الشيطان وبراكة...مبقا قد مافات فالدنيا وحنا غادييين غادييين معرفنا شكون السابق

خيرة:يكون خيررر

فالداخل كان عبد الله هو محط الانظار هزوه كاملين وبااسوه وهو غي كيتعجز يادوب كيحل عويناتو...خرجو حتى رضعاتو مع عبدو لي معاونها فيه

عبدو:جاب ليا الله لي ينحسني فصدرك ولا؟!

هدى:ههههعه نتا أصلا محسوس هههههههه أشنو درتي !!!غنخرج

عبدو:غداا...مزال هاد البرهووش غيدير شي تحاليل

هدى'البرهوش هو نتا(صرفقاتو)يعني غدا

عبدو:ان شاء الله...(باسها فعنقها)شويا الوجع!!

هدى:شوياا(بحنية)فاش كنشوفهم كنقول عادي كلشي يهووون ههه

عبدو:غنبداا نغيير هاا

هدى:شنو غنديرو السبوع!!

عبدو:هادي غي باغيا تقوليها (باسها من جديد فعنقها)

هدى:ان شاء الله

دخل الحاج وخيرة ورمقها عبدو بعينيه كانت سالات هدى الرضاعة وقال:عطيه ليا ابنتي

مداتو ليه مبسمة وقال مخاطب خيرة:مكيشبهش ليه!!!ياك اخيرة

خيرة:لا..حتى واحد فيهم

هدى:المشكلة حتى انا والو!!! لمن شبهو

خيرة:(مشات هزات شامة)هاد الخوينزة غي أنا

الحاج:غنمشييو دابا حنا نشدو الطريق لكازا نرتاحو شويا وغدا ملي تخرجهم جيبهم نيشان للدار

عبدو:داكشي لي غندير

هدى:سمحو ليا عذبتكم معايا بزااف(ناضت وقفات باست خيرة وعنقاتها)

خيرة:هذاا واجب..تهلاي فروحك غدا نتشاوفو

هدى:ان شاء الله

عنقات الحاج كذلك وباسو الدراري بحرارة عاد خرجو وهي تقول خيرة:مسخييتش ههه

هدى:ديهم معاك

وكيف تافقو كيف تنفذ ..خرج ليها قرار تخرج من السبيطار فاليوم الموالي..بعدما طمنو على صحة عبد الله وكذلك شامة..جاب ليها لبسة جديدة عبارة عن سوفييت سخونة تدفي بها روحها والداراري راه كيخرج وكيجيب معاه..

عاوناتها غيثة حتى لبساتهم وهز عبدو واحد واكرام واحد وخرجوه..طلعات لور حدا ختها لي معاوناها شادة الدراري بجوج اما غيثة عاد غتبعهم مع أحمد

هدى:سوق بشوياا عفااك

عبدو:واخ

شد بها الطريق لكازا غادي بشويا على قبلهم وهدى لور محنة ..ترصع هذا ينوض هذا..تعذبات واخا كل مرة يوقف بها حتى وصلو لكازا واخيرا ...مع وقفو لقاو الحاج كيتسناهم والباب محلول هذاا دليل على انه الدار عامرة بزااف وبالفعل كانو حباب عبدو كلشي جااو من عماتو وبناتهم وعمامو..لي سمعو بزيادة التوأم لاول مرة فعائلتهم

خرجات خيرة بلباسها الانيق كيف العادة تعجبك فالحداكة وفالزين..ملقية ليها بصينية مذهبة فيها الحليب والتمر رفقة لويساتها وحبابها..خلات هدى تضحك ..قربات منهم وعنقاتها وكلات من التمر والحليب فرحانة

الحاج:على سلامتك؛!!!

عبدو:الله يسلمك(مد ليه شامة)

الحاج:تبارك الله تباارك

خيرة :اري اري ليا عبد الله

مدات الصينية لي لحداها وهزات عبد الله فرحانة وهاهو ما الدقايقية جاو بطعارجهم ولباسهم المبهج كيطبلو ويغنييو معرفووهم منين خرجو..جر هدى حدا وقال فوذنها:متفووتيش ولادك

أجواء الفرح باينة فدار الحاج..الدقايقية كيضربو ويغنيو والعمام والصحاب كيغرمو باسم شامة وعيد الله...جرهم عبدو لور خلا الناس نااشطة هو المهم عندو هدى متفااوتش نهائيا من حداه

دوزو حقهم وضحكو ونشطو ودخلو الدراري للبيت ديال مهم تحت طلب عبدو باش ميتضرروش بالصداع..طلعات مهاها خيرة وقالت:العشية غيجيو النوامس ديال الدراري

هدى:علاش عذبتو رااسكم!!

خيرة:فين غنحطهم؟؟؟خصهم فاش ينعسووو

بدات شامة كتبكي وشداتها كترضع فيها وناض حتى عبد الله وقالت:اش ندير معاهم؟؟

اكرارم:غيخصك.تعاوني بالرضاعة

هدى:مبغيتش نولفها ليهم بغيتهم ياخدو داكشي طبيعيي(باست شامة)حبيبة ديال ماما

خيرة:(باست عبد الله)سعدي بولييديي هههه

اكرام:هاد الدراري راه شبعو فشوووش ههه

هدى:بزاااف

دخل عبدو مدرم وقال:متبقايش تهبطييهم الطبيب كيوصي ويعاود على صحة الدري

هدى:خاصيني حوااايج(دارت راسها مسمعاتش)

شاف فيها وخرج وهي تزيد.كضحك وقالت:مكاين غي ننقلب الهضرة هههه

خلاهم ومشا للبالكون كما ليه كارو ورحع لقاهم مشاو ..جر فاليز ديلو من لي طلع ولي فيها بعض الملابس من لي شرا فصويرة حيت ميقدرش يبقا بلاش وقال:غندوووش(تحنا بغا يبووس شامة)

هدى:عبدو راك كااامييي

عبدو:نسييت ههه

*****

الفرحة عمت دار الحاج وخيرة وعرفو توافد بزااف ديال الناس خيرة تهلكات وبلاصة الخمسة يجيوها عشرة وحبابهم كثار هادشي مزال مدارو لا سبوع لا والو..دوزات هدى عشر ايام اخرى رتاحت فيها وسترجعات صحتها بعد ولادة متعبة بالنسبة ليها..فيها ختها عاوناتها فبزاف هي لي كتخرج تقدا ليها لي خصها وخيرة راه ضيافها هلكوها وكتطلع تعاونها فيهم

اقررو يديرو امسية يديرو فيها صدقة وشويا ديال القرءان قبل من السبوع..دخل عليها لقاها كتبدل ليكوش وكتهضر معاهم:هاد الخنوزة هادي

عبدو:واش تسطيتي!؟وليتي كتجمعي معاهم؟؟

هدى:ههههه غيهضرو بلا وقت!!!جاو الناس؟؟

عبدو:قراب..غنمشي نلبس علي منشوفش حسك لتحت

هدى:مسالية انا!!نتا غي قنبلتيني بجوج توام ومزال باغيني نسالي

عبدو:(باسها فحنكها)واهاكاك

مشا ضرب الحطة صحراوية من جديد مع ضخامتو جاتو قتالة...ضحكات هدى لي مربعة رجليها على الناموسية وقدامها ولادها طالقا ليهم الكماط يتنفسو شويا وكتحك على كريشتهم:زيانيتي أمجمر الغمة

عبدو:جيت فسر!!

هدى:(صيفتات ليه بوسة هوائية)ما حلاااك يا بن عمي هههه

هز التيلي صورها بديك الجلسة وقال:العيالات يخيابو فالنفاس ونتي عاد.مكتزيااني تفوووو

خرج وخلاها كتموت بالضحك عليها حتى طلعات عليا عندها لي كانت جات من يوماين هازا ولدها وجلسو مجمعيين بيناتهم اما ختها راه يدها من يديهم لتحت

فالاسفل..دخل عبدو للصالون الكبير كيرحب بالناس رفقة باه وعمو ..صونا ليه تيلفونو كانو صحابو لي فالمغرب لي جاو ولي كان عرضهم للوليمة ومنهم عمر..خرج برا سلم على كل واحد فيهم

عبدو:ياكما شااربيين !!!

مروان:وتقووول!!!قلنا حتى نخرجو من عندك ونمشيو نحطو شي عشرة يارديين

عبدو:هاكاك هههههه

دخلهم مرحب بيهم وحطهم وسط الطلبة والقرءان كيبانو ملائكة صافي وهوما راه غي السكايري على خوه مكيصليو مكيركعو مقابلين غيالزوهو والنشااط

دارو الطلبة حقهم وتحط العشا تعشااو الناس ودعاو معاهم بالتيسير وهو ينطق عبدو:جيب لينا ولادك نشوفوهم

عبدو:واخا

طلع للفوق هز عبد الله وخلى شاامة وهبطو مكمط وتاهو كيحل عويناتو وكيبوس فيه..نزلو ليهم وبداو كيهزوه واحد ورا لاخر مطلعينها عليه حتى نطق واحد:فين البنية؟؟

عبدو:باغي تشوف بنتي؟؟عمرك شفتي البنات!!

عمر:سير جيب الينية حتى هي

عبدو:برب لشفتيييها..الينت باقي صغيرة باغيها تولف ليا العزارا

الحاج:(ضربو لراسو)كون تحشم هههه

خلاه شويا وعاود طلعو لمو ورجع هبط لعندهم مدوز امسية زوينة رجالية مخرجو حتى لطناش حتى قرب ينعس كلشي الا هدى لي كينعس واحد وينوض ليها لاخر..دخلات خيرة عندها مهدودة هازا طبسيل فيه الديسير وقالت:نعسوو

هدى:(تلفانة)ينعس واحد ويبقا واحد ففففف

خيرة:(ضحكات)الحمل سااهل ارا الترابي

هدى:بغيت غي ندوش

خيرة:دوشيتي الصباح!!

هدى:كنعيف راسي كتكون فيا ريحة الحليب

خيرة:اوا سخنييه مزيان عاد دخلي ودخلي معاك حوايجك تمشي تلعقي البرد

هدى:عينيك معاهم اخالتي..ها السكاتة ديالهم

خيرة:غا سيري

هزات كل ماتحتاح وقالت:كلشي مشاا!!

خيرة:كلشي مشا وكلشي نعس

مشات للدوش دفاتو مزيان عاد تخشات تحت الرشاشة حيدات عليها العرق ديال الرضاعة ورطبات راسها مباغياش تعاود نفس التجربة...فهاد الاثناء كانت خيرة جالسة حداهم كتلعب معاهم..تنشرات فوق الناموسية وجراتهم حداها..كتلعب معاهم وتحرك ليهم يديهم ورحليهم وتبوووس فيهم باغيا تاكلهم..منظر لي دخل عليه عبدو لي ودع كلشي وطالع يرتاح حتى كيشوف منظر ثلج قلبو وفرحو..كيشوف مو كتبووس فولادو وتلعب معاهم وتضحك كأنه دارتو معاه هو

تبسم وقال :الواليدة

هزات فيه راسها وحناتو مكملة مع عبد الله كتفرك ليه كرشو وقالت:ضعيييف

عبدو:سبع شهور

مشا هز شاامة باسها ودارها على كتفو:أ بابا مالكي ماباغيتش تنعسي

خيرة:ميتقادش ليهم النعاس دابا خص شحال

عبدو:كيسهروها بزااف..نعاسهم مخربق

خيرة:الدراري الصغار هاكا دايريين..الحمل ساهل الترابي لي صعاب

عبدو:مزال حتى مدارو شهر واش دارو فيها!!(باغي غي تهضر معاه الله يجعلهم يهضرو على النووي)

خيرة:واش نتا غا حاضي هاد هدى

عبدو:(ضحك وهو كيهز رجل شامة لي وضعها فالسرير باسها)تابعيني فيها

خيرة:على هاد الطبع ديااك خصهم يحيدوها ليك

عبدو:مالو طبعي الواليدة

خيرة:(شافت فيه )على زينو طبع..مالك وليتي هاكا الغوات والصداع ونخراج العينين..من امتا وليتي تخسر الهضرة

عبدو:الله يهدينا

خيرة:والله ومهديتي راسك لهداك شي حد ...(شافت فعبد الله )هذاا نعس نحطو

عبدو:هادي باغيا تعس معااياا ياك أ بابا

داتو لبلاصتو وهي دخل هدى قايلة:نعسو؟؟

خيرة:بقات شاامة مافيها نعاس

هدى'هاهو يشدها شويا ههههه سيري اخالتي تنعسي رتاحي ليك شويا ..عيناك معانا

خيرة:كولي شويا تالديسير ونعسي ..تعشيتي بكري

هدى:(جراتها من حنوكها)ياااختي على هاد خيرة هادي

خيرة:(ضرباتها ليديها)ههههههههه ريحي

هدى:تصبحي على خير

خيرة:تباتو فراحة الله(مشات باست عبد الله)الزين

خرجات كضحك ونطق عبدو:ولادي هوما لي غيصالحوني مع مي

تبسمات هدى وقالت:مك بدات كتنسى كلشيي(كتاكل فديسير)عبد للله هو عينيها كتكون ممسالياش وتطلع تبوسو وتشوفو

عبدو:(دار ابتسامة عريضة)الله يخليها لينا

جات تخشات فيه هو لي باقي بحوايجو وخشا نيفو فشعرها قايل:دوشتي!!!

هدى:سي (بالاسبانية)الرضاعة كتخليني فيا ريحة الحليب

عبدو:(حط يدو على صدرها)كنت كنقول محال يكون فيك حليب

هدى:فولادتي الاولى مكانش بزااف(باستو فحنكو)جاو صحابك!!!

عبدو:سي كامليين حتى عمر(ضحك)ههههه

هدى:جاب مراتو!!

عبدو:هذااك ماعندو سوق يجيبها ههه جمعت غي الرجال

هدى:هههه طالقها حتى هو كنت شفتها شحال هذا محملاتنيييش

عبدو:مزيااانة هههه ميحملك حد

هدى:(كتقلب فشفارها)عزيزة انا غي على عمي وخالتي شوف خصني ندير عراضة لخوالي وعائلتي

عبدو:(كيلعب فشعرها)ضروري. عيطي ليهم وقتما بغاو

هدى:والسبووع!!

عبدو:حنا مزال مريحين هنا حيت خصني وراق الدراري ..نيت يولي عبد الله شويا ونمشييو

هدى:ان شاء الله ونولي حتى انا شويا باغيا ندير سبوووع غزااال

عبدو:نديررروه(خشا وجهو فعنقها)انا هاد الساعة مشهي شي ليلة معاك مافيهاش براكة

هدى:(ضحكات ليه )حتى انا ههههه

عبدو:عمري تخيلت غنصبر كثر من شهر بلا ****** حتى عرفتك

هدى'هههههه الحلال زويين

*****

بالفعل جلستهم فالمغرب طوالت بحكم عبد الله مزال مشد صحتو وعاد الوراق ديالهم غيتعطلو ولى عبدو خدمتو مقابلها غي من التيليفون..

معاملة خيرة بنت الكرم تدوبلات بقدوم الاحفاد..وجدات رفيسة النافسة وعرضات صحابها وحبابها وناسها وكبرات بيهم ..يشري الحاج لبيسات وتلبسهم هدى وتنزلهم ليهم وتهبط معاهم هي الاخرى بزينها البسيط وبعيون البن لي كيحمقو عبدو

حبابهم كثار وكبرات بعائلتها هي الاخرى دارت ليهم عراضة خاصة فيها خوالها لي كانو ضدها واحد الوقت وعيالاتهم وحتى ولادهم مخلات حتى فرد بحكم الدار كبيرة واغلبها صالونات..دارت ليهم عراضة فين يحلو فمهم ويديو ميعاودو وهبطات عندهم بقفطانها الهماوي لي كان هدية من وهيبة مع شعرها لي طالقاه بوكلي وماكياج ناعم خلات "عيون البن" يزيدو يبرزو..جلسات مع عائلتها فاطار محارمها والباقي راه لاحت عليها فولار

هادشي كولو غي عرايض اما السبوع تأجل هو والختان ديال عبد الله

الايام كدوز على هدى فالدار ..بين السهير والرضاعة والتربية ويتقاد النعاس..حياتها ولات دايرا على بدل خرق ورضع والى جاو الناس كتقاد وتصايب وتهبط عايشة الابهة..مهليين فيها ومدوزة نفاسها كيف حبات واكثر...عائلتها داحلين خارجين والحاج مكبر بييهم بزااف

هزات عبد الله بين يديها حاطاه على كتفها وقالت مخاطبة عبدو:غندوش ليه

عبدو:نعاونك؟؟

هدى:اه

شدو منها ومشات كتوجد الدوش يكون دافي مخلين شامة عند الحاج لتحت..دخلاتو وحيدات ليه حوايجو ويدات كتغسل ليه بالما دافي وتمسح ليه غي بشويا وعبدو لي شادو ليها كيشوفو كيتقاتل يحل عينيه

عبدو:معرفتووش شكون شبه ههه

هدى:شابهني هههه ياربي شوف توحيمة فيه ففخضو

عبدو:ديالاش!!!

هدى:وشكون عرف!!واقلا أملوو حيت شوف قهوية

عبدو:كضلي تاكلي فيه وفلخر خرجتي فيه وحدة...تاكلي فيه السم

هدى:(صرفقاتو)هههههههههه بنادم

لفاتو فبينوارو ودارتو فحضنها وخرجو تلاقاو خيرة مطلعة شامة وقالت:دوشتي ليه!!

هدى:اه..غنلبسوو وندخل شامة

خبرة:خليني ندوش ليها

هدى:اه سيري كلشي واجد(شافت فعبدو)عاونها

زادت وخلاتو منو ليها باغيا تلاقيهم وهي تقول خيرة:واخا

دخلات وتبعها تاهو كي الدري الصغير وقال:حيدي ليها حوايجها

جلسات فكرسي وبدات كتحيد ليها حوايجها والبنية بلقة كي الحليب..مها بيضة وهي فايتاها والحروف كحليين خيرة محطوطة...باست ليها رجليها وهو يقول:غا رجلييك الواليدة

خيرة:حتى اليدين حضاتني هدى ديالك حتى جابتني

عبدو:(طالق الما)داك البرهوش لي معرفتو شكون شابه

خيرة:متبقاش تقول برهوووش ..الولد زيين

عبدو:اشنو يديو بلاصتنا انا ووهيبة

خيرة:(بدات كتخوي الما عليها باحترافية)معز من الولد غي ولدو...اربي على بنتييي وشحال زويينة وبيييضة والرجيلات

ضحك عبدو وخلاها كتغسل ليها بحب معاونها حتى سالاو ولواوها فبينوارها داوها لهدى لي كترضع عبد الله وقالت:ساليتو ليها

خيرة:هاهيا لالة شاامة ههههههه رضعيها وحطيهم ينعسووو

هدى:داكشي لي غندير

عطاتها عبد الله وبدات كتلبس لشاامة وترضعها حتى هي وعبدو واقف عليهم كي قباض الرواح...قالت:مكرهتش شي تحمحييمة

خيرة:ياله نمشيو غدا..

هدى:بصح!!!والله حتى نمشيوو

خيرة:نعلم وهيبة والبنات نديوك حمام ديال النافسة

عبدو:(عقدهم)تمشييو مجموعين!!مالو الدوش.مراجلش

هدى:غتبدا عاود؟؟والله حتى نمشيي

عبدو:(تم خارج)باغيا بنادم يعبرك؟؟ريحي الارض

هدى:وادابا تشووف

عبدو:(تلفت)وشكون يشد الدراري؟؟

هدى:(كطنز)نتا نييت مالك

عبدو:ممساليش

خيرة:انا نشدهم

هدى:ياله

عبدو:الواليدة عفينا من هاد المشية لحمام

خيرة:علاش؟؟ماتستاهلش ترتاح

عبدو:ضروري مع كاع دوك البنات..سيري نتي وياها ووهيبة

هدى:راه قلت ليك مسوووطي هههههههه حق الرب

خيرة:سير سير الله يرد بيييك

*******

يوم السبوع

تقرر بعد.عدة مشاورات بلي غيديرو السبوع للوليدات قبل مايمشيو اما الختانة تأجلات حيت الدري مزال ميصلاحش ليه...فاقت هدى مبوقة بالنعاس غلى صوت مناداة عليا ليها ..تعجزات وخرجات عندها كتفوه:ممممم

عليا:فيقي نفطرو خصنا نمشيو للصالون

هدى:منعست حتى لستة سهراتني شاامة

عليا:السكايرية بنت سكايري هههه

هدى:(كتفوه)ننعس غي شي ساعة خرا

عليا:وتقوووول ههههه

تم عبدو طالع كيعطعط بريحة الكارو..ضرب عليا لراسها وهدى باسها ففمها:مالكم

عليا:خصنا نمشيو للصالون السبوع فالليل

عبدو:لمن غتخلي الدراري!!

هدى:غتقابلهم خالتي..وراه الرضاضع كاينين

عبدو:واخا(معاحبوش الحال)جيتي تاني أ عليا

عليا:بصحتي

هدى:متقربش منهم فيك ريحة الكااارو

دخل وتبعاتو لقاتو هاز عبد الله كيبوس فيه وقالت بتذمر:عبدو غبفيق نعاسوو خفيف هفففف

عبدو:مبوقع والوو ..هاهو ناعس

هدى:غنفطر ونمشي

سكت مجاوبهاش حيت مباغيش هاد المشية فحين هي مشات دارت روتينها الصباحي من نظافة وعناية وجات كتفوح منها رائحة النعناع من فمها..بدلات عليها من جديد ولبسات مزيان وقالت:ننزل نفطرو

عبدو:هبطي انا معاهم

نزلات لقات الكل تما منهم ختها لي ولات تيتي نيني معاهم وعاجبها الحال كيجي راجلها ويمشي..صبحات عليهم وبدات كتفطر فانتظار تجي وهيبة

الحاج:فطري مزيان ابنتي هااا املو

هدى:فاتني الحال أ عمي هههههه عرفتوو راه خرجات فعبد الله مسكيين توحييمة

خيرة:ميمكنش تفوتيه ههههه

عمرات كرشها مزيان وهو يهبط صاحب دعوتها وقال:نوصلكم

هدى:ياك وصيتك تبقا مع ولادك!!

عبدو:مي تبقا معاهم انا نتسناك حتى تجي

خيرة:وااااباااااااازززز

وصلهم جملة للحمام هبطو كاملين وجرها من يديها حداه وقال:تسالي صوني ليا

هدى:اش فيها كون خلتينا نمشيو فطوموبيلة وهيبة

عبدو:اش فيها الى وصلتك

هدى:حتى منكونش كنعرفك

جر يديها باسها من الوسط وقال خودي وقتك ..رتاحي وريحي رااسك الدراري مع الواليدة

هدى:(كمشات عينيها)شهاد الثقة كاملة

عبدو:ربطك دااابااا غا تهناي

خرج بزطاموو وجبد فلوس كثيرة ومدهم ليها:غيخصوك

هدى:عندي

عبدو:شدي

شداتهم باستو فحنكو ونزلات لقاتهم كيتسناو وهي تنطق اكرام:عطيتيه بوسة!!

هدى:مجمر الغمة مكيقنعش ببوسة ههههه

دوزات صباحها بين الحمام والصالون..عتانات براسها وتهلات فيه وصدرها كيضرها خصها تخويه..دارت ميكاب حفيف جدا مع عيونها الجميلة جات زوينة ..مع صونات ليه قالها راه برا داهم للدار فين لقاو المدعويين كيجيو حيت مغيديروش السبوع فالليل انما فالنهار...طلعات نيشان للفوق فين لقاتهم محطوطين فالناموسية وحداهم مرجانة..خرجات صدرها وبدات كترضع جوج دقة وحدة ...

وقت السبوع وصل وخصها تلبس وتقاد..تأنقاات هدى فقفطان سامبل فالبيج مع شدة عصرية مزينة عنقها بسنسلة ديال الذهب وماكياج ناعم مع وزن يناسب سنها جات حلوة فعيون الجميع الا هو لي جاتو زوينة بزاف وقاليه راسو عكس عليها تنقص..تناكرو وتغاوتو وهزو ولادهم وخرجو كينكر كينكر حتى فقصها ومشات لخيرة تشكي ليها..غرقات ليه وهي تمشي ليه

خيرة:واش مغتحشمش

عبدو:دابا انا لي خايب!!داك العنق محسووب على شكون(هاز شامة بين يديه)

خيرة:خلي البنت عليك...الاختلاط وحيدناه اش باقي باغي

عبدو:والواليدة!!!واش انا رجل كرسي

خيرة:(شدات الينت)سير بعد منها...ضساااريتي نتااا

مكاين لي كيقاديهم ليه قد خيرةكتعطيه جوج كلمات وكتزيد..مخلية هدى فرحانة لقات لي يهنيها منو

يتبع...