صفحة القصةقصة شرف للبيع
مؤلف القصةقصص Ghazal trust
جلسات شيماء كترعد عطاوها كاس دالماء بردات عاد هبط جلول مع الدروج كيترعد عليهم ويديه فالسما ..
وااا يق٠٠٠٠ودو عليااااا… يق٠٠٠٠ودو عليا مابغيتهمش اعبااااد الله ..وامبغيتهمش واسعطيوني التيسااااع
نزل عندهم للدار حداهم مخرج عينيه كيتفتف بكثرة الشراب اللي كيشرب مابقاش متبت قاليهم وا معديييي ولااااد اناااا ..وماعدي ولااااد يخرجو عليا
جلسات حداها حنان قالت ليها ماتخافيش منو راه هوا هوكاك داير كنس الله يعطيه الموت
دخلات سكينة كتجري قالت ليهم داااوه البوليس
ضار ليها جلول قاليها واعايديووه…كاع لايرضوه هاديك هي بلاصتو …الق٠٠٠د لاخر
شدات زوييدة راسها كتشالي بيه قالت ليهم هااااا ناري الله يعطيني لموت … اللهم القبر ولا هاد الحيااة
شدات فيها شيماء قالت ليها صافي دابا صافي ..
جلسو تقول ماطرا والو بقوة ما مولفين بداكشي غيا تجمعو يديرو كتسروط .
تنهدات شيماء واخا الخلعة مزالة شاداها قالت ليهم
المهم ..انا راني شريت واحد الدار فبوسكورة
هزو البنات عينيهم سمعوها شرات دار وبالصمة طل الخبز من فمهم بقاو كيشوفو فبعضياتهم
اما زبيدة من الدهشة برقو عينيها بالفرحة وشافت فيها لاكن جلول خلعها قاليها
بشحااااال شريتي هاد الدار هاناري!!! شريتي دااار كاااع ؟!!!
شيماء: ماشريتهاش ليا انا ..شريتها ليكم نتوما
هيطات زبيذة راسها جاتها البكية مللي سمعاتها قالت شريتها ليكم نتوما والبنات من الصدمة ماقدروش يخرجو منها. .
جلول: لينا حنا!!! وحنا عدنا دارنا هاهي كوعطيطيها ليا فلوس بعدا لاااش ضيعتيهم فالدار
شافت فيه زبيدة قالت ليه اييه كو عطاتهم ليك تا اللهم فالقمر والشراب ولا فالدار
ناض هز واحد الكاس تا طل عليها كان غينزل عليها ورجع شاف فشيماء وهي كتشوف فيه مخلوعة وتراجع بشوية حطو فوق الطبلة ورجع جلس قاليها
كتقلقيييني ازبيدة مالكي باركة تخصري فالهضرة
ربعات شيماء يديها شافت للجنب كتسوط من ديك الحياة وشافت فيه هاد المرة حمرات فيه نيشان وقالت
مي غتمشي تسكن فالدار الجديدة ..اللي تبعها لتما غياكل ويشرب ومايهز هم لا لماكلة لا ضو لا ما..واللي بقا هنا يضبر راسو ويصرف على راسو
حنان : انا بعدا داااابا غنجمع شطايطي ماعدي ماندير هنا
بقا جلول غير كيشوف فيها ويشالي براسو اللي ماعرف يقول ييه ولا يقول لا قاليها اييه ابنيتي ..وفين جات الدار
شيما: بوسكورة
زبيدة: الله يرضي عليك ابنيتي انا لاقلتي نمشي نمشي لاقلتينبرك نبرك
نهط فيها جلول قاليها واش عرفتي بودكورة فين جات
زبيدة: واتجي تا فالصحراا المهم شراتها لينا غنسكنو فيها
تنهد جلول تهد وصابر لزبيذة اللي ولات تعطيه عشرة مقابل كلمة وقال
وا بعدا كو شريتي عا هنا فبرنوصي ولا حي محمدي ولا درب سلطان.. لاش بوسكورة
هزات يديها قالت ليه هادشي اللي عطا الله ..بغيتو تمشي تسكنو فيها مرحبا نمشي نفرشها..مابغيتوش ماتسالوني مانتسالكم غتسالي العطلة نمشي وضبركم راسكم
جلول: خيييت مصيبة هادي!!! كي ندير انا دابا نجي من تما لهنا عند صحابي خاصني موطور
شيماء: بقات غير فالموطور نشويوه لك .. هادي غتبقا جي وجلس فيها شحال مت قد ك..ولاكن لاخرى غتعيشو فيها وحسن من هادي ونقية
هزات زبيدة راسها قالت ليها الله يسخر …زيدي ..غدا نمشيو نفرشو الله يبعد علك ولاد احرام
حنان: تا انا غنمشي معاك
جلول: فييين عتمشي فيين!! تسحابيها قريبة !
حنان: غنبقا نجي مالها ..واخا نرحل من هنا راه غنبقا نضرب لهنا حومتنا هادي واللي دوا الجنوي يدوي
هزات شيماء حاجبها فيها قالت ليها مكانيش الجنوي دوي تما ماشي هوا هنا دخلي وقتما بغيتي وتخرجيوقت ما بايتي سيوكوريتي يبيت فالزنقة ويجيبو ليك البوليس يهزوك من الغوتة اللولة
حنان : وعا ضاحكين اشمن الجنوي..اويلي مالنا حنا ديال الجناوا !
ناضت حطات الفوطة اللي كانت شادة قالت ليهم ماتجمعو رحيل ماتجمعو ماعن خليو هادشي هنا اللي بغا يقضي يلقا باش يقضي فاش يجي لهنا جمعو غير حوايجكم
خرجات مع الباب بقا جلول متبعها بعينو وناض كيجري موراها للطموبيل قاليها عدك شي خمسين درهم ؟؟ عدي شي نويمرات..
قبل مايكمل الهضرة هزات واحد مية درهم ملاوحة قطموبيل سكتاتو خلاتو كيسرح فيها وزادت مع الطريق حلفات ماتعاود ترجع لداك الحي اللي كن ما الله وقف معاها كن راهم كيسيقو دمياتها لدابا.
هيطات الزاج راجعة بحالها عاد قدرات تنفس وتشم الهوا وترتاح ..عيطات لفاتي عاودات ليها اش وقع واش دارت وأيداتها وقالت
مزيااااان ..هانتي شوية بشوية غتردعيهم بلا ميحسو غا بالفن. صافي خلي ليهم قزادرهم تما باش متيلقاوش السبة بشي حاجة..كنس قصيف الله يخليها سلعة المقرقب لاخر ..كن دابا دوز عليك بداك الجنوي..خلي مو تما عنداك تخرجيه من هادي للعمارية يولي يتفرعن مايخفاش يقول كاينة ختي تخرجني..الى قالك خرجيني قوليه مابغاوش ماعندي كي ندير مكنعرف تا واحد وخليه تماسدوز الشهر ديالو باش يتعلم مكاين اللي يفكر لا هوا لا لخرين تاهما اما الى خرجتيه دابا صاافي مشيتي فيها عولي عليها. مع مكاين اللي يفكو فحياتو مولف يتشد ويدوزها دابا غتكمل الباهية .. زيدي الضسارة على التفرعين
شيماء: مغنخرجوش تا ماما قالت لي خليه ماتخرجيهش راه مواااالف اصلا ..ضرب عام فثلت شىنين فخمس شهور فعام قالت لي راه ر داخل خارج دارهم تانية هاديك مابقاتش كتهول عليهم
فاتي: هاااا هاشقلت ليك صافي مك راه خي منهم ..غدا غنجي نمشي معاك نشريو الاتات صافي حبي
شيماء:كتسالي معايا بهاد حبي
فاتي: واسيري تا لغدا راني داخلة للحمام دابا ..غدا نجي نعاود ليك على لعكوزة بنت٠٠٠٠ تاهي لعقربة
شيما: بالصحة الحمام ههه
قطعات ورجعات بحالها للاوتيل كلات شوية ويالاه جات تكا صونا يازيد ..شدات راسها وتنهدات تنهيدة بالتنخصيص وقلباتو على وجهه دارت ليه صامت وسدات عينيها كتقاتل مع النعاس
جري عليا نجري مللي حطات وجلها وهي غادية جايا كطير بغات غير تجلس تشوف البلاد وتخرج دور شوية كي الناس وتمتع وتحيد الشوق ديالها فبلادها مالقات الوقت
صبحات فبوسكورة كملات عقد الشراء ديالها للدار وجمعات الوثائقة وطلعات ليها كتشوف فيها بابتسامة .. وليفام دميناج كيسيقوها ويمسحو ليها السراجم والغبرة على الخشب ويلمعو الكوزنية المجهزة .
وصلات عليها فاتي لتما للدار وطلعات عندها فواحد الكسيوة بالسميطات قصيورة فيها الصدياف القدام تعانقات هي وياها ودخلات كتشوف الدار وقالت
تباارك الله ياختي غزااالة ..ماكرهتش الصراحة شي وحدة .. انشوف المنضر
طلاه من البالكون لقات الطبيعة والبحر من لهيه ورجعات طلات من الجهة العكسية لقات الجردة لتحت ولابيسين دايرين بيه العمارات والناس ساكنين . غادية وتقول تبارك الله وتحسب قالييوت وقالت
وهانتي هادي الصراحة مزيانة ..دوك خواتاتك عطيهم هاد البيت هادا يتخشاو فيه شري ليهم واحد جوج ناموسيات ..اما تا البلاكار موجود ماتحتاجي كاع ماريوات … لكوزينة تاهي زوينة مقادة تجيب غير ميعناتها ..بلاصة الثلاجة بلاصة الماكينة ..الفران .شري ليها الفران العادي تا تبدا تولف مع هادشي عاد بداي مرة مرة تشري ليها حاجة لا تمشي تنوض فيهم العافية
شيما. لا راني عارفة ماتخافيش..كي جاتك الدار
فاتي: ويلي غزاالة سا صاحبتي انا ماكرهتش شي وحدة هنا ..الهوا دالبحر ..الواحد يبدل شوية واخا نجيو ليها عا فالويكاند
مشات شيماء كطل على البلاكارات من لحتحت وجات خارجة كتسمع فاتي فالبالكون كتهضر وتقول
غزااالين يا اناس انا حمقوووني ..تشهييييت شي وحيدة هنايا احبيبة والله ماكرهتك تشوفهم ..تا دراري غتعجبهم فيها بيسين والبحر قريب …ولاهيييييييلا نبقاو نجيو بعدا نبدلو هنايا الجو بلا منبقاو فين ما بغينا نجيو لكا زا نشدو اوتيل ..اللهم لواحد دارو بعدا…. هانتا حبيبة هانا نصور ليك تشوف الدار والمنضر بعدا ورد عليا صافي كبيدة ديالي جوتيييم العمرررر
صورات فاتي المناضر والدار وسيفطات لانس يشوف ورجعات خرجات تابعة شيماء خارجين ونازلين مع الدروج قالت ليها
انس عجباااانو دااار بوعزة
ضارت عندها شيماء كضحك قالت ليها ياختي مكضيعيش الوقت
تحل لاسانسور ومشاو كيضهرو للطومبيل
فاتي: ياختي عجبااتني ..نبقاو نجيو الويكاند لهنا ..
شيماء: ماقلتيش ليا شنو درتي مع عدوزتك
فاتي: يخخخ جايا عندي فالوقيتة دالوحم .. كنكره يجي عندي شي واحد و مكنحملوش ولا نشوفو وقيتة دالوحم ..
فاتي: قلتي ليها واكي حاملة
فاتي: معلوووووم هاء!! سبقتها ليها هي اللولة قبل متغدا ..قلت ليها حاملة عرفتي اللون تبدل فوجهها ..قالت لي داكشي اللي مقابلة غير ولد وحط.خليتها ماديتهاش فيها حيت الى رديت عليها وبقات تجاوب معايا غتعصبني ونحيد عليها سروالي مايفكني معاها لا انس لا عساس
شيماء: وضرتك مزال ماولدات؟؟
فاتي: لا مزال ..قالت ليك الاللة بلااااتي عليها حتى تكون جاهزة نفسيا عاد تولد..كتقول ليهم الحب ماشي هوا الاولاد..كتمعني عليا …انا بعدا كاااع مكنجبدها ولا نحاشيها ليها هي اللي فين ماتهضر تجيدني وتبغي تبان كلاص وانا زعما ديكولاص..بقات فلاكلاص..انا راه لاكَلااااص باش مابغات ..كلاص بالشكلاط بالفاني بالفريز باللي حلات عليه فمها السامة لخرى ..غنوصلها ليها لعدوزة تقوليهم تاهي داكشي اللي مقابلة العروبية..كتهزني بالعروبية وتحطني بالعروبية
شيماء: جاوبيها …ناري كن انا تبقا ترطا عليا نبقا عليها للراس..قولي ليها كن كنت عروبية مانجيش الثانية ونجلس عليك
فاتي: كنعطييييها ..غا من بعيد ..كنغسلها بعدا قدام اناس كيكون هاني كينسا ويحبد ليا شي بلان فعائلتو كبدا عليه حتى كنكرهو فيها ..اما هي عمرني تلاقيت بيها فاص كتعرفني ونعرفها غير من البعيد
شيماء: حسن دارت فيك خير
طلعو فالسيارة مشاو لاحدى المتاجر الكبرى اللي ي كتبيع الاثات وبقاو كيدور من فراش لفواش..شافت شيماء واحد الفوطوي زوين عجبها وهي تحيد ليها فاتي يدها جراتها قالت ليها
زيدي زيدي شري لهم السدادر ..مك كاع متعرف للفوطوي غتبغي كل شوية تكا ميقنعاش هادشي شري ليها السدارد ..دوري الصالة بالسدادر والطلامط والبيت لاخر ديري ليه سدادر عاديين بلا متبقاي تخسري فالفلو هادشي غدا يجلس عليه باك يبغي يشعل كارو يشعل فيه العافية فهاد الجلد ولا يشرك يبقا مدلي..اللهم السدادر عندهم قيمة عند المغاربة كيوقروهم
وكيصبرو
شيماء: وايييه ولاهيلا
فاتي: خخخ ريحة الخشب ماقدرت نبقا هنا روعاتني
سدات نيفها خرجات وقفات بعيد وشيماء كدور وتشوف ومشات لحقات عليها طلعو لبلاصة الاسرة كيدور وقالت ليها فاتي ها ناموسيات اللي خاص خواتاتك
حركات ليها شيماء يدها قالت ليها مايصلاحش ليهم البيدي إف الحديييد اختي الحديد الدق والسكات انا عارفة خواتاتي مرونات وكيجلوس بالجهد ..اما با كيجي سكران بحال لا نازل من السما كيهبط على الناموسية تا كيتهز هوا وياها
فاتي: لالا بصح الخشب لا الحديد حسن ..
شراو الناموسيات ديال الحديد جوج صغار ومالقاوش الكبيرة شراو ديال الخشب والماطلات والفراش وكلشي ونزلو شرات ليهم تلفازة كبيرة ماركة عادية وباقي الفراش ومشات خلصات داكشب تافقات مع الشركة يجيبو ليها كلشي يفشروه ليها لغد ليه .
خرجات مشات تغدات هي و فاتي وجلسو تغداو معطلين يجوج كيتجمعو ويشوفو الغروب
صونا ليها يازيد فتيليفون وتنهدات شافت ففات قالت ليها
يازيد…كيصوني عاوتاني..بغا نتشاوفو لبارح قلت ليه حتى لغدا ..ودابا صونا عليت الصباح ودابا مابغيتش نجاوبو ومابغيتش نتلاقا بيه
فاتي:وعلاش مابغيتيش تلاقايه؟
شيماء: اش غيقول ليا؟؟؟ يبقا يشوف ليا ونشوف فيه ونمرض راسي؟؟ براكة تلاقيتو اول مرة وكان ضريف وخلا ذكرى فحياتي خايبة كتمرضيني..مافيا اللي يزيد هاد اللقاء تا هوا ونبقا نتفكرو ..صافي مايشوفني مانشوفو
فاتي: وا الى كنتي اختي مابغاش تشوفيه قوليها ليه نيشان ماتبقايش تنشريه غيشد معاك الزكير ..انا ومنحملش اللي ينشرني..ينشرني نشر مو
شيماء: تقطعات لابيل… انا تاداك المجهود باش نقوليه اه ولا لا ماعنديييش ..فهمتي..السوفل ديالو ماعنديش غير الموضوع ديالو كيفشليني…بقا غير نجلس معاه فاص افاص ونشوف فيه ويشوف فيا ..الكمااارة اللي نوريه ماعنديش من ورا داكشي اللي دوز عليا . راه بحال الى خورك شي واحد فالزنقة وزاد وماقدرتي ديري والو وعاودتي تلاقتيه فاص تبقاي تفكري تخويرة
فاتي: واعيطي ليه اختي..دوزيه هاد اللقاء الخراوي ديالكم حيت صافي قلتي ليه نتلاقاو ..تلاقايه وقوليه ليه ماتعيط لي منعيط ليك ولا قولي ليه نتي مخطوبة..لالا غتباني ق٠٠٠ حيت كنتي مخطوبة اصلا ماتقوليش ليه نتلاقاو من اللول..قولي ليه شي حاجة اخرى صدريه بيها… سيري لابسة ومقادة مانبيينيش راكي مقهورة ومن دتك النهاو ونتي اللور اللور ..دوزتي ماكفس وصبرتي صافي كملي
شدات شيماء تيليفون كتشوف فيه قالت ليها ماعرفتش
فاتي:عيطي لخرا راه ماشي ولد دربكم هادا ..الزمو نفسو عافية يصدق جاينا من وراه شي عجب.فكري فهادشي
تنهدات شيماء كتفكر فكلام فاتي وهزات تيليفون تاصلات بيه وسدات عينيها كتسناه يرد..تعطل ما رد حتى حركات ليها فاتي راسها قالت ليها مكيجاوبش ؟ حركات شيماء راسها بالنفي فجأة ردت بتركيز
الو وو…ويي يازيد صافا …صافا الحمد لله ..كنت مشغولة خليتو قطوموبيل عاد شفت ليزابيل ديالك…لالا بلاش نديرو غير كافي..لا ولاهيلا كافي وصافي الى كان ممكن ..حسن .اوك باي
قطعات وقالت
قالك علاش مكتجاوبيش
فاتي: علاش مابغيتيش تعشاي؟؟
شيماء: لالا ختي داك العشا وديك الاجواء منقدرش عليها على عارفة راسي..من بعد العشا غنمرض ونبقا نتفكر ..براكة على نفسيتي نرحمها شوية واخا ماكرهتش ولاكن فديك الرغبة كاينة أديك لنفسي اللهم بلا ش مندم من بعد..براكة شي كافي فشي بلاصة عادية فيها الناس بلا موسيقى وبلا اجواء غومونتيك نهضرو جوج كلمات وصافي نرجع بحالي
فاتي: ويالاه نوضي نمشيو يالاه توجدي
شيماء: بلاااش اختي والله ماقادراش كاااع ندير شي مجهود نبقا عاقلة عليه ..مابغاش ندير شي حاجة بدافع الحب والرغبة ..هاد اللبسة براسها غنسالي بيها هاد اللقاء نرميها ماتبقاش دور عندي فالماريو
فاتي: نوضي. نوضي نوضي اشمن نمشي هاكا من الصباح ونتي دوري بهاد اللبسة وتمشي تلاقايه دابا!! نوضي غنمشي معاك لوتيل تلبسي وغطلقي شعرك ..الى مافيكش الحماس انا نحمس ختي مالكي غادية تلقاي خوك ..فقصي مو خليه يندم ..بعدا حتى الى قلتيه لي تقوليهها وتجي معاك ونتي شهوة منك ماشي مجرتلة يبقا يشوف فيك يقول ليه راسو شو كي دايرة بعدا وزايداها بالنفخة ..نوضي احنينتي نوضي
دارت ليها قاتي خدمة مكانتش عوالة عليها ولا قادة عليها ومكانتش حتطة فيالها غتقابلو .
لاكن فاتي دفعاتها بالمنخاز باش دوش على قبل هاد الخريجة ودفعاتها تاني تصاوي شعرها واخا طاحو ليها الكتاف فاش سمعات الصالون وهي مافيها اللي يعاود النعار من الاول والعشا كتأذن .اضطرت تهبطهي وياها وفاتي واقفة ..وحدة كتقول سامبل باش تنوض دغيا والثانية كتقول ويفي هوا اللي كيجي كلاص ويجي معاك
فالاخر ربحات فطوم وطابت شيماء بالجلاس وهما كيلويوه ليها شعرها بالبابيليز حتى جاها النعاس
بقات فاتي وراها باش تلبس وتقاد وجهها وجبدات ليها ليزاكسيوار اللي مخبية بقات عليها ديري ديري حتى لبسات وسالات ووقفات قدامها لابسة سوميجة بيضا ناصعة توبها ناعم جدا فيها زغبات رقاق مع التوب نازلين فالكولد والبيج وكتافها شي شوية طايحين وكمامها واسعين ومحموعين من الكمام بصدايق اكثر من اربعة فالكولد بصدايق محلولين من الصدر والسنسلة هابطة خيط طويل من الوسط
سروال بيج توب ساتان حتى هوا ناعم كلاسيكي واسع بتنيات من السمطة المجموعة فوق القميجة جمعات ارتخائها الناعم.سروال واسع حرير مع سندالة عالية وصاك ديور كحل صغير فاليد..الساعة فيد وليزاكسيوار قاليد الاخرى والحلقات مربعين صغار والعنق رقيق والدقن منحوت والوجه مرايا مع مكياج زهري بارد جدا وايلاينر وكلوس دنوي بلون الفم ..الشعر مطلوق كامل والفرقة الوسط. صغيرة
فاتي كدور بيها وترش ليها الريحة وتردد
خمسا والخمامس والشبة والحرمل فالكمامس ..
شيماء:صافي براكة جيت اصاحبتي ارفر تقولي غنتلاقا مع الوزير
فاتي: الوزير ميفهمش فهادشي احبيبة اما يزيد كيفهم فالزاز
شيماء: باقا تابعاك الطريق للرباط المسخوطة
فاتي: لا غنبات هنا غنعبط دابا نحجز ..قلتها لانس قلت ليه باغا نفوج شوية وخليت الدراري مع ماما
شيماء:سعداتاااااتك ياختي ..تبارك الله لا نضربك بالعين
صونا تيليفون وردت كترعد قالت ليها وييلي غير كاافياصاحبتي هادي وغادية ليها هاكا تقولي عندي تكريم
فاتي: مابقاتش فالكافي بقات فشكون غيشرب هاد الكافي..يالاه جاوبي
ردت كتنهد قالت
الووو..وي..وي داكوغ ..فين غنتلاقاو؟ دوز عليا؟؟ لالا بلاش عندي طموبيلتي غير قولي فين نتلاقاو.. اوكي واخا
قطعات كتنهد قالت: قالك راه فكازا سيفطي ليا لوكاليزاسيون فين نتي نجي ندوز عليك..شنو دابا وانا قلت ليه جالسة مع دار ؟؟
فاتي: شوفي ..سولك جيه من اللخر ..اخويا انا عائلتي شالوطية فحي شالوطي وبينا قشلة وجوطية دالبز وخرجي من باب واسع ..الى ماتاقش يمشي يقلب من وراك ديك الساع راه يدو طويلة
جلسات شيماء كتنهد بعتات العنوان وبقات كل شوية طل على الشارع غادية جايا متوثرة وتسوط على راسها حتى بانت ليها واحد الطموبيل فاخرة رمادي كتملع بحال المرايا ضايرة مع الرومبوان وتلفتات قالت
طموبيل كري دو بوخط ديالو ؟
فاتي: اه ديالو وصل ؟
شيماء: اه
صونا ليها ردت متوثرة قالت ليه انا جايا وقطعات حلات فمها كتنفس وخرجات هي وفاتي نزلات معاها حتى فاتت الباب ومشات تشد ليها غرفة حداها .
خرجات شادة الصاك بسنسلتو فيدها والتيليفون حلات الباب طلعات جلسات وتلفتات لقاتو عاطيها وجهه يسلم عليها ويدو على المقود وعينو على لوتيل لابس كلاص بالسوميج بياض والستعة والسنسلة فالعنق سلم ليها وقال
شنو كديري هنا فلوتيل؟؟
سلمات وحطات يديها على صاكها قالت ليه
جالسة هنا علاش؟
يازيد: علاش مجالساش مع لافامي ديالك
شيماء: لا غادي يرحلو من تما الدنيا مرونة ..داكشي علاش جيت لاوتيل باش نرتاح ..كاين شي مشكل؟
حرك راسو بالنفي وتحرك ضار على داك الرمبوان كيشوف فيها قاليها
ايوا .. دابا الى بغينا نشدوك خصنت معاك محاولات ولا كيفاش
سدات يديها مع بعض فتوثر كتشوف فالطريق والضلام قالت ليه لا غير نسيت تيلفون وصافي.
حرك ليها راسو بالايجاب قاليها
امممم
دورات عينيها يمين يسار كتشوف غير الغابة والضلام ويدا الخوف يدخل قلبها وعينيها كيترعدو قالت وهي كتحاول تخفي التوثر
فين غاديين؟
قاليها : علاش مابغيتي نشريو كافي؟
تزاد معاها الزايد من برودتو فالهضرة وقلبها بدا كيزدح يغا يسكت وعقلها كيدي ويجيب وكتشوف ياكما سيان ليها مخرح ديك الطريق الكبيرة المضلة ..سكتات على اعصابها ويدها بدات كترعد وهي كتشدهم فوق صاكها وجبدات تيليفون بغات تشدو فيدها لاكن طاح ليها فالجنب ..مد يدو حاداها وهوا متكي مرتاح مايل جهتها وهي تقفز من بلاصتها لسقات مع الزاج وغوتات حتى بقا مبلوكي هاز يدو كيشوف فيها ويشوف فالطريق وجبد تيليفون مابيناتهم مدو ليها وقال
مالكي؟ علاش تخلعتي؟
بعات ريقها رجعات جلسات كنود الشعر ورا ودنيها وبدات كتشوف فدفارها وتحكم بتوثر قالت ليه فين غادين؟
تكا على الباب اللي جيهتو كحز من حداها ودار يدو حدا فمو قاليها غنمشي غير هنا ونرجعو
حبات عينيها مخلوعة قالت ليه بصوت متقطع
فق فين ؟ فين هنا ؟
بقا ساكت كيشوف قدامو وهي تخشي تيليفونها فالصاك قالت ليه رجعني عفاك ..عادي نتعطل حسابني غنبقاو غير حدا لوتيل … عفاك رجعني ماما غتخلع عليا الى عيطات لوتيل مالقاتنيش
ضرب الدورة مع ااطريق بان واحد المعطعم كبير راقي كله اضواء فديك المنطقة والدخلة دياله كلها حراس ودخل معاه وهي مفاهمة والو غير كتشوف وخايفة وداخلة فبعضياتها .
وقف الطموبيل بين ااسيارات الفخمة اللي تما ونزل وهي متبعاه بعينيها وصذرها طالع نازل فتح ليها الباب قاليها
يالاه ..نزلي !
لاحت رجلها على برا فديك الاناقة اللي غاطسة فضلام الخوف نزلات بحدر ويدها كتفتف زادت خطوة قدامو ..سد الباب وتهزو كتافها مع ديك السدة ورمشو عينيها لاكن بقات تابتة وقدامها صاكها شاداه بجوج يديه وعينيها الكبار كيبرقو بالخوف
زاد قدامها خلا ليها مساحة منين دوز ومشات حداها فاستقامة وهدوء كتبعد منو وتخلي بيناتهم مسافة حتى دخلات لقات مطعم كبير راقي بستيل خشبي ولقاتهم في استقبلاهم قادوهم لطاولتهم مباشرة بالترحيب والابتسامة حتى جلسات وجبدات تيليفونها كتبات مسج لفاتي
كنتي متافقة نتي ويازيد على العشا؟
فاتي: لا اختي متافقتش معاه من نيتك !! اتفق العرب الا يتفقو كي درتي لهاد الاتفاق؟ فينك دابا
شيماء: حيت جابني لواحد المطعم بعيد ..انا خايفة
فاتي:مناش خايفة
شيماء: غنموت بالخلعة..هادي لوكاليزاسيون خليها عندك
فاتي: اوييلي مالكي شواقع
شيماء: ماوقع والو.. غير انا مامرتاحاش خايفة
تنهد كيشوف فيها ويطلع ويهبط وهي كتكتب تحت الطاولة بسرعة وعلى اعصابها وقال
حطي دابا تيليفون نسايه كي نسيتيه النهار كامل
حطات تيليفون فوق الطبلة وجمعات يديها كتشوف فيه وتبسم بزز منها وكل شوية تحك عنقها من الترثر والخوف
قالت ليه بالابتسامة في فمها والحدر والخوف فعينيها
علاش بغيتي تلاقا بيا؟
تكا يديه على الطبلة قاليها كيفاش علاش بغيت نتلاقا بيك؟؟ بغيت نجلس معاك شوية ونهضرو شوية …فيها شي حاجة؟
حطو ليه مشروب حداه وحطو ليها حتى هي مشروب كحول وخلاتو محطوط تما مقاستوش
بقات ساكتة ورجع تكا على ضهرو فتح لائحة الطعام وقاليها مابغاش تعشاي؟
تبسمات ومدات يدها حلات الائحة بقات كتشوف فيها وعقلها مرفوع .. حتى وصل النادل ووقف طلب منو يزيد الاكل اللي بغا وقال ليه شوف الانسة شنو بغات
النادل:شنو بغيتي مادموزيل؟
ماجاوباتوش وبقات كتشوف فالكتاب وهوا كيتسناها وهي شاردة
يازيد: شيماء؟
مارداتش عليه وقرب من الطاولة هز يدو شد ليها فيده ا اللي شادة بيه اللائحة حتى قفزات من بلاصتها شافت فيدو وهو كيقول ليها
مالكي ياك لاباس؟
بلعات ريقها وتبسمات من بعد ما بعدات يدها دغيا وشافت فالنادل بارتباك ورجعات حلات اللائحة شيرات على اول سمية طلعات ليها بلا حتى متقرا وسداتو ورجعات تكات على الكنبة وحطات صاكها جنبها كتشوف فالناس وتنسوط بتعب
تلفتات بعينها شافت فيه لقاتو كيشوف فالطبلة شارد وتنهد هز عينو شاف فيها وتبسم قاليها
وقتاش تصالحتي مع واليديك
شيماء: ماشي بزاف غير فهاد المجية
يازيد: وكي لقتيهم ؟ مزيانين ؟ماماك لاباس عليها
تنهدات وقربات من الطبلة قالت
انا واليديا الله يحسن العوان .. با ماما لا بابا لا خوتي كاملين ..ادنى مستوى دالمعيشة اللي يقدر يخطر ليك فبالك عايشاه عائلتي..الوحيدة اللي قرات وهزات راسها هيا انا..يعني ماتشوفنيش هاكا قدامك تقول راه عائلتي بحالي وكتهضر بحالي
استغرب من طريقتها كلامها كأنها موجدة ليه الهضرة وقال
علاش كتقولي هاد الهضرة ؟ شنو المشكل؟
ردت بتعب كأنها كتجري قالت
غير باش تعرف طينتي..تعرف لمن كنتمي والمحيط الاصلي اللي كنتمي ليه..انا بابا كيسكر كيقمر ماعندو حتى ماياكل ..كلهم ماعندهم ماياكلو..خواتاتي اكفس حياة عايشينها وجوج منهم مطلقات مشرملات ..وخوتي داخلين خارجين للحباسات هادا مشرط هادا مزوق..دارنا بحال الغار وحتى حاجة مامسكدة ..وانا هربت من داك المحيط ونسيت عليه ونسيت على عيشتهم ..ولاكن فاش رجعت وشفتهم كيفاش عايشين والجوع والفقر والوسخ فين غارقين لبساتني المسؤولية ومابقا عندي عليهم لاين ..انا اللي هازاهم دابا وكنحاول نصلح ..بلا ماتشوفني انا تقولحتى هما هاكا ..راه لاعلاقة وفرق كبير.. يعني انا دابا مكرسة وقتي وحتى نفسي ليهم وهاد المسؤولية الكبيرة اللي على ضهري مكتخليني نفكر فحتى حاجة اخرى ومكتخلي ليا خاطر لحتى حاجة ..حتى الخروج والعلاقات ماعندي ليهم خاطر وكنتقاتلو مع الزمان باش نتقادو معاه …انا ماديالش التكرفيس وتجرير انا عندي عائلة دابا معولة عليا ..كيبان لي غير المعقول فهاد الدنيا واللي هوا مستقبلي عائلتي فقط لاغير..نتا تبارك الله الله يزيدك ..واصل وعندك قيمة يدك واصلة ..انا غير درويشة حتى لا منقدرش نقولها ليك ..
تنهد كيضحك قاليها غيير بشوية ..بشوية عليك .. شنو السبب اصلا اللي خلاك تقولي هاد الهضرة؟؟ وكيفاش يدي واصلة ونتي دوريشة؟؟ مافهمتش
تنهدات بتعب وهزات راسها قالت ليه: حيت انسيستيتي عليا باش نخرجو ..وانا مافهتش علاش خرجنا وشنو بغيتي مني؟ الى كان ممكن تقولي؟؟
يقات كتشوف فيه والخوف فعينيها وهوا يهبط راسو ضحك قاليها :انا مابغيت منك والو ..بغيت نجلس معاك شوية ..نعرف اخبارك فين وصلتي كيفاش دايرة حياتك ..شغف المعرفة فهمتي
تنهدات بارتياح قالت ليه واخا ..شنو بغيتي تعرف نقوليك
عاود ضحك وحك جبهتو قاليها ماشي يهتد الطريقة؟!! مالكي جايا دوزي كونكور؟ رتاحي كنحس بيك مستريسية ..خلينا نتعشاو ونجلسو ونهضرو ..بشوية
تنفسات كترتاح من نيفها كتخفي الستريس ديالها وجمعات شفايفها لداخل ورجعات شافت فالناس بابتسامة كتفادا تشوف فيه وفين ماتخطف نضرة كتلقاه جالس وكيشف فيها واخا يكون قالب وجهه
تحط العشا وهز كاسو قاليها سونطي
تبسمات ليه وحركات راسها بالايجاب كتقاد فالجلسة وخلات كاسها بلاصتو ..خدا شرقة والكاس حدا فمو كيشوف فيها بتساؤل وقال
خودي كاسك!!
تبسمات قالت ليه
مااا..ماكنشربش
استغرب قاليها ياك كنتي كنتي كتشربي ولا؟ مابقيتيش؟
حركات راسها بالنفي كتشتت النضر ومصبرة راسها قالت ليه
لا مابقيتش
حط الكاس قاليها حتى لكارو حيدتيه؟
عيات من اسئلتو المحرجة وقالت : كلشي تحيد..كوولشي خمس سنين دابا الحمد لله ومرتاحة هاكا.. كاع اللي فالماضي بقا فالماضي
بقا ساكت وشار للنادل يعطيها مشروب اخر من ختيارها ومشا جابو حطو ليها وبداو العشا .. شد الشوكة والسكين كياكل بشوية وهي قدامو شادة السكين كتدي وتجيب فديك الماكلة وتخربقها وبقات هاكا ماوصلاتش الشوكة لفمها حتى وقف الشوكة ديالو وبقا كيشوففيها مطولا وقال
علاش مكتاكليش ماعجباتكش الماكلة؟
تبسمات كضحك قالت ليه لااا لالا بلعكس زوينة هانا كناكل
بدات كتقطع فاللحمة وتحط وتهزها من هاد الجهة وتفتتها فهاد الجهة حتى حط الشوكة والسكين سلا من الاكل ورجع اللور شد كاسو فيدو وحطات حتى هي الشوكة والسكين رجعات اللول ومسحات فمها بالمنديل
قاليها ماكليتي والو !! يجيب ليك شي اخرى تاكليها ؟
ردت بالنفي قالت ليه لالا كلييت الحمد لله
يازيد:وا خودي العصير ديالك
ردت: اه غناخدو
هزاتو من ليمن حطاتو على ليسر كتلعب فالكاس بيدها حتى رجع النادل هز الماكلة ودفعاتو ليه قائلة يخفوت
خود حتى هادا ..ميغسي
تجمعات الطبلة وخطفات واحد النضرة لقاتو ساهي فدي ك الطبلة
هزات صاكها بابتسامة قالت ليه غنمشي للحمام ونجي
ناضت مشات بالزربة دخلات الحمام وجلسات كتنفس جاتها البكية ومابغاتش تبكي باش مايحماروش عينيها ..طولات فالطواليط بزاف كترتاح حتى دازت شي نص ساعة وسمعات الدقان ويزيد كيعيط ومشات حلات ليه بابتسامة ..شاف فيها قاليها مالكي تعطلتي؟
خرجات من الحمام قالت ليه والو غير عاودت مكياجي
مشا موراها كيشوف فيها قاليها هادا كاع مكياج !
رجعات للطاولة بغات تجلس لاكن جرها من يدها وهي دور بالزربة شافت فيه شوفة مفزوعة
قاليها اجي نجلسو هنا
مشات جلسات على كنبكي جهة الحط فيه طاولة قصيرة وجلس حداها قاليها
ولفتي شوية طبيعة العمل
حركات ليه راسها بالايجاب وكتشوف فالناس وبقات ساكتة ..
قال: ماتوحشتيش بلادك غبرتي عليها هاد المدة كاملة
ردت: توشحتهاا
قال: وشنو دابا غتبقاي تجي من ااصيف للصيف؟
ردت: ماعرفتش
بقا ساكت وقاليها هضري..مالكي..غنبقا نجبد منك الهضرة بزز
ضحكات قالت ليه هانا كنهضر
قاسها بركبتو بابتسامة قاليها
ومالكي مزيرة؟؟ خايفةناكلك
ضحكات وقالت ليه :لااا حاشا
رد: ومالكي مزيرة … كي دوزتي ديك السنوات دالقراية
ردت: مزيانة
عاود قاسها بركبتو قاليها وا هضري مالكي!! شنو كاين؟
ردت :وااالو
شاف فيها مطولا كيشوف فلباسها ويديها جر ليها واحد اليد يشدها كيشوف على ركبتو
رجعات صفرا بالخلعة تفكرات نهار الدفار وكمشات يدها قالت ليه شنوو؟
حل ليها يدها حطها على راحة يدو وهي ماحليتها لمعدتها اللي كتقلص وقلبها اللي كينجارف ولا للخوف والخلعة اللي غيقتلوها
هز واسو وتكا على ضهرو بقا شاد ليها فيدها واخا بغات تجرها زير عليها وخلاها محطوطة على ركبتو ويدو فوقها
شافت فيه كترمش وعينيها كيغرغرو وعيات ماتصبر فالاخير طيحاتهم حجر قالت ليه
بغيت نمشي بحالي
تقاد ديك الساعة فالجلسة طلق ليها يدها وشاف فيها قاليها مالكي كتبكي
بدات تسمح وهما كيهبطو وكتشت النضر قالت ليه بغيت نمشي بحالي عفاك وصلني
استغرب تقلب جيهتها شد ليهافي ها قاليها قولي ليا علاش؟ كتبك ي ؟؟؟ مالكي شنو اللي بكاك
هزات ليه يدو رداتهم لعندو وقالت
انا منقدرش نبقا جالسةهنا
قال: علاش شنو كاين؟؟
جمعات يديها مع بعضقالت ليه عقاك غير خليني نمشي دابا عييت
حط ايليفون على الطبلة قاليها لا حتى نعرف علاش كتبكي؟. من الاول حااس بيك ماشي هي هاديك ودابا كتبكي !!علاش
شافت فيه وعينيها مدمعين قالت ليه علاش بغيتيني نخرج معاك وبغيتي تعرف خباري؟؟
قال:وشنو فيها الى خرجت معاك وهضرنا شوية؟ فين كاين المشكل
قالت: لا كاين شي سبب..غيكون شي سبب..هانتا شوف ..انا باش نقولك ..انا مابقيتش كي كنت ..انا مابقيت كنهضر حتى مع واحد من نهار مشيت من المغرب… صافي الى كانت فبالك شي حاجة قولها لي..خصني نعرف..علاش بغيتي تخرج معايا مكايناش غير انا !! انا غير بنت جلول بنت البرنوصي بحال كاع بنات الشعب مانقدر كاع نقوليك شي حاجة..يعني باش نكون فلاليست ديال معارفك خاص يكون عندك بيا شي غرض.. البنات موجودين ..وانا علاش؟ علاش ؟؟ …نتا عارف وانا عارفة ماشي اول مرة غادي نتعارفو ..يعني بالنسبة ليا مكان لاش هاد اللقاء اصلا ومدام لحيتي عليا فراه باغي شي حاجة ؟
تنهد قاليها والله مابغاي منك شي حاجة نتي خايفة ..نتي اصلا خوافة وكتخافي من والو
تنهدات بتعب قالت ليه: دابا نتا عاوتيني واحد الوقت ..درتي فيا خير خير وخمس سنين ماسولتيش فيا..غير سمعتي الامارات قلتي لي عطيني النمرة علاش ؟
هز راسو فالسما ضحك قاليها هادشي مناش خايفة!! ونفرضو كاع كديري اللي بغيتي فالامارات !! شغلك هاداك
جا في بالها مباشرة الجلسة ديالهم فالبواط وهوا يحاول الصلح معاها بعد عدة محاولات فالاخير مشات معاه اللدار من بعد داك الصلح وطر ا اللي خلاها تمنا الموت
داز المشهد وهي كتشوف فيه مبلوكية حتى فيقها قاليها اماالكي؟
رمشات بالزربة وناضت وقفات هزات الصاك قالت ليه خصني نمشي ..اصلا فاطمة الزهراء جات عندي لاوتيل وخليتها بوحدها ..تعطلت
وقف مشا تبعها وهي غادية كتفتف وتقلب فتيليفون حتى بان ليها النادل ووقفاتو قالت ليه عفاك ممكن طلب لي طاكسي
جرها يازيد من يدها ديك الساعة داها قاليها هانتي خلتي فالتخربيق..
وقفات حدا السيارة كتشوف فيها وجميع الهواجس نزلات عليها ماقدراتش طلع وفضلات تبقا هاكاك واقفة وهوا فاتح ليها الباب
يازيد: طلعي براكة من الشوهة الناس كيشوفو فينا ..طلعي
تراجعات باللور كترعد قالت ليه
خليني نمشي راسي عفاك انا مابغيتش نعدبك.. غير خليني نمشي بوحدي بلا متوصلني..صافي غير سير
ضار بغا يقرب عندها شافتو جاي وهربات معنقة صاكها دخلات للمطعم كتفتف مشات كتجري دخلات الطواليط وسدات عليها كتنهج وجبدات تيليفون عيطات لفاتي
شيماء الو .. فاتي عتقيني ..عتقييني
فاتي: اويييلي مالكي !!! شكاين ؟؟ ملكي كتسرطي الهضرة
شيما: يازيد باغي يخطفني..كيستدرجني غير بالفن ..
فاتي: دابا اناس جا عندي لهنا. وو..بلاتي انا نفيقو ونجيو دابا
شيما: متعطليش عفاك ..عفاك فاتي الى وقعات ليا شي حاجة غنموت ..سربي عتقيني قلبي غيسكت
سمعات الدقان على برا وقفزات جات واقفة تقول وحش وغياكلها
صونا ليها فتيليفون مبغاتش تجاوب وقال من برا
حلي اشيماء ..حلي مكاين لاش هاد الخوف هادا كله ..يالاه خرجي من تما شيما: لا غير خليني ..
يازيد: واش صعيب عليا نحل عليك هاد الباب؟ خرجي بخاطرك يالاه
تراجعات اللور كتفتف بقات ساكتة شوية وبدات تلفو بالهضرة هوا يقول خرجي وهي نقول بلاتي ندير ها دي حتى صونا ليها تيليفون وردت فالحين
شيماء: فاتي فينك
فاتي: هاحنا وصلنا فين نتي؟
شيماء: دخلي الطواليط ..دخلي عندي دغيا
ماهيا الا تواني ختى سمعات صوت فاتي برا جايا وكتعيط قالت ليها شيماء حلي
سمعات صوت اناس ومشات حلات بالزربة لسقات ففاتي وعاودات لسقات فانس ويازيد كيشوف فيها قاليها
شهادشي دابا؟
تخبات ورا ضهر انس كتنهج قالت ليه انس ديني بحالي
تلفت انس وراه قاليها مالكم ؟ شنو وقع
يازيد دار فيها شوفات هما وزاد خلاهم ومشا خرج طلع فسيارتو وقلع مشا ..اما فاتي عنقات شيماء متهدنها وقاليها وانس
مالكي؟ ياك لاباس؟
شيماء: يالاه نمشيو بحالنا ..سمحوي ليا جبتكم حتى لهنا
تنهد انس مالقا مايقول وخرج معاهم ركبو فسيارتو ومشاو
رجعو للاوتيل لاكن مارجعوش باش ينعسو ..كان ليهم نقاش طويل عريض .
جلسو فقاعة الاستقبال على الفوطويات كل واحد فين كيشوف حتى هضرات فاتي وضارت عندها قالت ليها شنو وقع؟؟؟ عاودي لينا شنو وقع ؟
هزات شيماء يديها على وجهها قالت ليها
ماعرفتش علاش جاني احساس فشكل خفت
استغرب انس قاليها :مناش خفتي؟!!
شيماء:خفت وصافي
نخزاتو فاتي وغمزاتو غير بغمزة فهم المقصود وقال
علاش هاد الخوف كله ..راكم كبرتو مابقيتوش براهش واش غنرجعو لعشرينات عاوتاين؟؟
تنهدات بتعب وقالت
ماعرفتش. اناس..ماعرفتش انا بديت كتخايل بديت كنشوف شي حوايج وقلبي بدا كيضرب..خفت
انس: الله يهديك اشيماء.. مللي نتي خايفة منو لهاد الدرجة علاش مشيتي خرجتي معاه؟ من اللول ماتخرجيش معاه !
شيماء: ماشي لخاطري … خفت نقول ليه لا يشد معايا شي حسيفة ويخرج عليا .
انس: واش نتي بعقلك؟؟مالها سايبة ؟!! وهوا مالو تسطا ..نتي زعما متقفة وواعية وكتفكري بهاد الطريقة !! مافهمتش
شيماء: انا براسي مابقيت فاهمة والو
فاتي: انس راك معارف وااالو غير كتهضر..عنداك يحساب ليك الدنيا هانيا والسما صافية!! راه كتشرب الدوا على داك الباسي..واه نفسيتها مازاكياش والهضرة كتيييرة
انس: كيفاش كتشرب الدوا
شيماء: والو غير فيتامينات وصافي..سمحو ليا بزااف …سمح ليا انس والله .تصبحو على خير
هزات صاكها طلعات وجلسات فاتي فتحات المذكرة كلها وبدات تعاود ليه وتحاجي ليه من الاول
اما شيماء حطات راسها على المخدة فبيجامة خفيفة وعنقات المخدة كتنهد وسدات عينيها بدات كتفكر داكشي اللي وقع وديك الجلسة ديالها هي وياه ولمسة يدو والقرب ديالو منها
درفات دمعة وتقلبات للجهة لاخرى تغطات ونعسات.
الصباح صبحات فاتي كدق عليا وحلات الباب دخلات عليها مع الدخلة قالت
قركعت مهاااا
شيماء:شنو هي؟
فاتي: الرمانة ديالك …حطيت كوووولشي لانس بقا مصدوم حال فمو قالي وايلي واش بصح؟؟ قلت ليه بصح وكتر من بصح البنت من نهار خوات المغرب تا سلام ما سلماتو على شي راجل بسبب يازيد وجلست نفصل ليه ..قالي واهادشي داز ليهم بزااف باقا عاقلة؟؟
قلت ليه معلوووم تعقل .. ايوا خليتو صابح سر فررر على يازيد مك وهوا مكايجاوبش خليتو باقي كيصوني ليه قالي غادي نعيط ليه نشوفو خصو يعرف هادشي راه معارف كاااع واقع هاد الفيلم كامل كيقول راه عايشة حياتها نسات كاع سميتها..
شيماء: نااري وعلاش قلتي ليه..علاش اصاحبتي قلتي ليه كااع راني دايرة هاكا
فاتي: راه خصووو يعرررف.. راه هوا عايش مشاف ماسمع بهادشي.. ..واش نتي كتعيشي المرار بسببه وحياتك غادة جنب وكتنزلي وتنوضي واللي سبابك فهادشي ماعارفش..خصو يعرف باش يعرف شنو داير وفاش تسبب وباللي مخلي وحدة وراه كتعاني بسبابه..خليه يعرف بعدا ويتشارك معانا هادشي اللي كيدور بيناتنا وديك الساعة الله يعاون منو لضميره
صونا لفاتي تيليفون ديك الساعة وجاوبات ويدها على جنبها
الو انس؟؟..صافي سير انا غنبقا مع شيماء يقدر نخرجو نمشيو لشي بلاصة ..لالا مززززيان خصو يعرف كولشي ويعرف باللي عندها عقدة من كنس الرجال ..قوليه راك ركبتي فيها بوتفتاف وكتشرب الدوا ..قوليه راه كنتي غتسطيها ..وامهم ..يالاه بسلامة كبيدة
قطعات وقالت: هاهوا غادي يتلاقاه راه عامر عليه تا لفم ..خليه يقولها ليه اصلا نس كيعرف يهضر
شيماء: اففف..انا مابغيتش يعرفني اصلا ..راه مكنرضاااش افاتي راه عندي نفس ماشي لكاز ..منحملش ديك الشفقة ولا شي شوفة ماشي هي هاديك
فاتي: دابا نتي خرجي هاد السوق..داكشي االليطرا البارح راه فشكل ..غيكون شك ولا حاس بشي حاجة وانس غادي يحل ليه عينيه لعور لاخر ..يالاه نخرجو منها اختي نبروفيتيو شوية كي خلاها انس ..ماحدك باقي عندك الكونجي
تنهدات شيماء قالت ليها
ليوم غيمشي لفراش للدار ويتفرش
فاتي: يالاه نمشي معاك
خرجو بجوج مشاو وقفو على الفراش حتى تفرش وتاصلات بامها باش تشد كورسة لدار بوعزة وجلسات فالدار كتجمع هي ويسرى حتى صونا ليها باها ونزلات مشات هزات مها وبها خواتاتها بجوج جابتهم للدار
مها دخلات وقالت تباااارك الله
اما باها دخل وقال : كو عا خليتينا فدارنا ..تي راه بعيد الحال اناري !
حنان: فيها لابيسيييين!!
سكينة: انشوف
مشاو كيطلو ويهضرو وهي عادية كدور وتوري لمها الدار والفراش وقالت
السدادر قالك الخشب خصو عاد يوجد ..ضيو بالماطلات تا يوصل
الخشب
صونا تيليفون لفاتي وهي معاهم فالدار قالت ليه اجي عندي انا مه شيماء .. اجي باش تشوف الديور … واخا شفتها انا تا نتا خاصك تشوفها…وااايلي انس على نجيب ليك النموذج تا جي لهنا براكة من العكز ..يالاه هنا كنتسناك
قطعات وجلسات على واحد الكرسي دايرة رجل على رجل وخواتات شيماء كيدورو تما قدامها عاجبهم وباها غادي جاي كيفتخ فواحد الجوان ويهضرو بالجهد
شيماء: صافي دابا ماما مابقا عندك ماديري لهيه غتبقاي هنا ..كلشي عندك هنا حتى الى بغيتي تقداي راه تقداي غير من هنا
..هابيتك وهادا بيت البنات
جلسو البنات على النموسيات كيجبربوهم وقالت سكينة شوية
هزات فاتي واحد الحاجب بقات غير كتشوفيها وكملاتها طالعة عليها برجليها شابعين غبرة ووسخ
بقاو يدورو حتى صونا لفاتي تيليفون وخرجات من تما خلاتهم كيهضرو ويتنسمو بريحة الحشيش حتى سمعو صوتها على برا ومعاها شي راجل حدا الباب كتقوليه
انا بغيت بحال هادي ماشي هادي اللي حداها..هادي كطل على جوج جيهات
خرجات شيماء للباب اللي كان اصلا محلول لقات انس واقف تما قالت
اهلاان. انس صافا شخبارك
سلم عليها من الوجه ومها كتشوف من لداخل وطل وجات حنان تاهي كطل من بعيد وتبعاتها سكينة يشوفو شكون ..ردات عليهم شيماء الباب وراها خلاتهم اللور وسداتها قالت ليه هي غنوليو جيران
ضحك قاليها: وااا قالك بغات الدار هنا جايباني من الرباط .
شدات فيه فاتي كضحك قالت ليه ايوا بنتك بغات الدار هنا شغندير ليك انا
تلفت شاف فيها قاليها بنتي!! نتي اللي باغا الدار دابا كل شوية تقولي بنتك بغات بغات الله يدوز هاد الوحم على خير..مزال حتى ماعرفنا بنت ولا ولد
ضحكات شيماء وهما كيتجمعو حتى صونا ليها تيليفون وطلع ليها يازيد..مع الشوفة خبط القلب وشافت في فاتي قالت ليها يازيد
هز انس عينو قاليها عاد الصباح كنت معاه .. كيحلف ويعاود ما كان ناوي يدير ليك شي حاجة .. قالي اصلا نسااا ماحسبلوش باقا شادة فخاطرك لدابا كاع هاد السنين اللي فاتت
فاتي:جاوبي دابا ..متبقا عندك ما تبرري جاوبيه
بقات شيماء ساكتة وفتحات الخط قالت ليه
الو..
رد: فيك مانتلاقاو ولا غاديري لينا بحال البارح
بقات ساكت قالت ليه : علاش شنو كاين؟
رد: خرجي وتعرفي شنو كاين ..يالاه اجي
بقات كتشوف فانس وفاتي وكتسمع حتى قطع وقالت ليهم
قالي نمشي عندو لحياة رنجنسي
انس:سيري فاريوها هادشي ميمكنش يستمر بحال هاكا..غيهضر معاك على داكشي اللي فات
فاتي: يالاه اصاحبتي سيري..وجدي راسك وحدي نفسيتك تفاريو هادشي اللي ممشكل حياتك
فكرات حتى عيات فلاخير خرجات وخلات عائلتها فالدار ومشات تلاقا بيه
وصلات لاوتيل حياة رجنسي ودخلات مع الباب لابسة شورط قصير ديال التوب تصفر بالصدايف و بودي بني لاسق بحال ديباردور و كتقاد شعرها المطلوق وهادة صاك صغير سنسلتو طويلة هازة بالجنب وصندالة دالصبع بنية وغادية كدهن يديهت بواحد الكريم ومشات عند موضفين الاستقبال وثفات قالت
مسيو يازيد صقلي عفاك
تقدم واحد ببدلة كحلة قاليها مرحبا مدام
رافقها لجهة المسبح الكبير ديال الاوتيل والمقهى مفتوحة عليه حتى للكنبة فين جالس ورجع بحال
لقاتو تما كيشرب قهوة وشاد تيليفون كيتسناها بوحدو فتيشورط كحلة ودجينز ونضاضر الشمس ووقف سلم عليها وجلسات بابتسامة جنبو ساكتة
سكت مطولا متكي على ركابيه وقال
لبارح دويت انا وانس قالي شي حوايج مااا ماااا ماكنت عارفهم ..مكانتش عارفك اصلا واصلة لهاد النيفو
ربعات يديها ساكتة وتكات على ضهرها كتنهد وعينيها كيغرغرو وهي قاطعة النفس فيها وكدور وجهها
كنل كلامو كيشوف فالارض وقال
قلت صااافي اللي فات صافي مشا وغتكوني بديتي حياة جديدة ونسيتي كلشي..مي داكشي وقع لبارح بين شحال من حاجة ..شحال من حاجة كاع عارفها
هبطات راسها حيدات واحد الدمعة بصبعها وتنفسات كتشتت النضر قجهة اخرى وتسمع
يازيد: دازت خمس سنين ولا ماعرت شحال دابا كاع ..قلت مايمكنش تبقا كتفكر فشنو داز …صاااافي وقع اللي وقع وقبل ماتمشي كنا تلاقينا عندنا فالدار وهضرنا عادي ..شفتك خدامة على راسك غادية مزيان ..قلت راه بدات صفحة جديدة …
وقف النادل عليها قاليها مدام
هزات راسها قالت ليه جي دو سيتخو عفاك
مشا يلبي الطلب وبقا يازيد قالب وجهخ كيشوف جهة لابسين حتى مشا وتنهد قال
ماكنت اصلا متوقع كتجيك شي كريز ولا كتشربي شي دوا ولا متبعة مع شي بسيكولوك .. ولا كتخافي لهاد الدرجة
بقات ساكتة ماهضراتش وسكت مطولا كيشوف فجهة وتلفت شاف فيها بأسى مطولا وجرها من دراعها عنقها ونفاجرات عليه بالبكى حتى بانت على وجهه الندم ومسح على ضهرها وهوا معنقها وقال
سمحي ليا ..صافي ؟ سمحي ليا واخا حتى نتي درتي علاش ..مرضتيني وخرجتي مني اللي مايخرج
بعدات وجهها كتمسح وجهها ساكتة وهوا كيشوف وقال
كنتي عريزة عليا وتا دابا باقا عزيزة واخا …بلا. منبقاو نجيدو شي حوايج ماديالش الهضرة كاع … صافي خلينا نساو داكشي اللي فات ..ماعندك علاش تخافي مني ..كن من الاول كنتي هاكا عمرك تشوفي داك الفاص..واخا مافحالكش وداركم حتى هما مافحالهمش وهاربة ..علاش لكدوب علاش؟ علاش تخليني نكتاشف شي حوايج العقل مقادرش يتقبلهم
مسحات نيفها قالت
شنو كان اصلا بيناتنا ؟ كنل تلاقينا مرة وحدة صافي
حط يدو على كتفها بعفوية قاليها
تلاقينا مرة وحدة ولاكن لقاء عادي..راك كنتي فاهمة داك اللقاء ..ونهار تلاقينا قلت صافي هادي اللي باغي انا مابقيت باغي تاوحدة تا قلنا صافي لقينا البنت اللي نرتاحو ليها وتغطي على البنات كاملين فاللخر طلعي ليا ااا….طلعي كدابة…شفارة ..نصابة..ااااي حاجة الا تخرجي تفسدي باش نجيك نييشان..هادي راه ماميمكنش ..كن ختي بلاصتك نقتل مها الى منشرحها حية ماشي يازيد
دورات وجهها قالت ليه صافي صافي براااكة ..انا اللي فيا كفيني
رد: لاا تا نتي خاصك تعرفي فاش تسببتي ليا ..اصلا مللي ماقتلكش رااه ..راه فشكل !
ردت بانزعاج: ماعندكش الحق ربي بوحدو اللي كايحاسب نتا ماعندكش الحق كاع تحط عليا يدك وضمر ليا حياتي
رد: علاش حياتك مكانتش مدمرة!!! كنتي مرتاحة عاجبك الحال؟؟ ماكنتيش غاطيح فشي واحد يدوز عليك العداب الشديد كتر من هاداك ويصفيها ليك بشي قتلة معتبرة ويلوحك جثة؟ الدمار درتو ليك غير انا !!
دورات وجهها لجهة اخرى كتنخصص وتمسح ورجعات شافت فيه قائلة
مع الاسف ماوقع ليا والو حتى جيتي نتا …مال فاتي وانس علاش ما داهاش عدبها ؟
رد: نتي دابا كتقارني شي مع شي ماديالش المقارنة ..واش عارف انس شنو كان عندو فراسو؟. نهار الاول خرجنا وضحت ليك ..ديك الساعة كنتي تقولي ليا الحقيقة ..ولا نتي كنتي باغا طبقيها عليا وتمشي تلعبي فجهة اخرى
ردت:كنت باقا صغيرة ..تسعطاش العام داكشي اللي كان كيقول ليا عقلي
يازيد: عطاك الله الزين قلتي اجي ندير بيعة وشرية؟؟
قلبات وجهها سادة عينيها :واصااافي صاااافي براكة واش باغي تكمل عليا؟؟
رد بغضب وحط الكاس بالزعفة فوق الطبلة وقال
واكنعياااا نلقا ليك اعذار ونلوم نراسي ماكنلقااااش كي ندير ليها ..غنقلب مها هاد الطبلة ..صافي خلينا نساو المرض نسيناه خمس دابا عاوتاني غنرجو ليه
هزات صاكها فصمت قالت ليه صافي .. انا غنمشي بسلامة
جرها جلسها قاليها فين غتمشي؟ سالينا ؟
قالت :شنو غنساليو صافي هادشي اللي كاين
بقا غير كيشوف فيها وقال ليها
صافي؟؟ ماااا ماااا ماااا…ها؟
بقات كتشوف فيه قالت ليه شنو بغيتي مني؟ قلتي نساو هاحنا غنساو
يازيد: مابان ليا نسيان لحد الساعة..
هزات راسها كتنفس قالت ليه تخنقت هنا بغيت نمشي
هز السوارت قاليها يالاه نتحركو
ناضو خرجو لياركينغ السيارات كانت غتمشي لطموبيبتها وجرها قاليها قلتي تخنقتي؟ يالاه نبدلو البلاصة
سكتات مشات معاه جهة سيارتو ويالاه حلات الباب بغات طلع فتح الباب اللوراني قبل وخرج منو بوكي دفلوغ كبير وشافي فيها بابتسامة وهي متفاجأة ووقفات كتشوف فيه ..عطاه ليها ليدها شداتو وعنقها قاليها
والله تا عزيزة عليا ..ماعرفتش كيفاش غنتصرف معاك اول مرة يحفاو ليا مع شي وحدة
سكتات حشمات من داك لوجيست وطلعات ركبات حداه مشاو لجهة البحر ونزلو للرملة ..حيدات صندالتها وحيد سبرديلتو وتقاشرو كفض على رجليه ومشا هوا وياها كيتمشاو جنب البحر وكل واحد داير يديه قدامو ..بعدو تا يقاو كيبانو غير بجوج من لعبيد وهما كيتحاورو والايادي تلامس بعضها فالمشية حتى شيد ليها فيدها وزادو شوية وعنقها وبداو شوية بشوية كيهضرو ..بعدات واحد اللحضة كأنها خافت من شي حاجة لاكن شدها هزها مشا بيها جيهة الماء كان غيلوحها ورجع للرملة بغا يحطها ..عاود هزها هاد المرة وداها للماء لاحها نيشان وجراتو شادة نيفها قلباتو وسط الموجة
رجعو للطموبيل كيقطرو بجوج ووقفو ..هوا جاتو ساهلة حيد تيشورط بقا عريان ومشا للكوفر كان عندو صاك دالسبور تما خدا منو شورط كحل ورجه عندها هي اللي واقفة كتقطر شاف فيها كيضحك قاليها
حيدي الى كنتي لابسة من لتحت
خرجات عينيها قالت
نحيد!!!
يازيد: غنطلع ليك الزاج مكيبيش اصلا
شيماء: لالا غير خليني
شافت فراسها كتقطر ورجع للكوفر لقا عندو فوطة فداك الصاك كحلة كبيرة وجبدها قاليها لوي عليك هادي
شداتها وتخبات قالت ليه دور وجههك لهيه
ضار قاليها
واايلي !! غتوريني ااا….يالاه حيدي
تنهد ودار يديه عاطيها بالضهر قاليها
توحشنا البحر ..غدا نديرو شي تبحيرة نبدلو بيها الجو
سمع الباب تسد وتلفت لقاها طلعات جلسات لقدام ملوية فالفوطة وطلع حداها قال
نمشيو غدا نتبحرو؟
ردت مكمشة فوق الكرسي طاوية رجليها
ماعرفتش
رد: ماعرفتش وبلاتي وحتى نشوق و و و و ..ومامسالياش حتى هي
ردت: خاصني نرصي الامور مع مالين دار مزال مارصيتش..
رد: باباك شنو كايدير غير جالس؟
ردت:بابا كان شيفور ديال الكار شحال هادي..دابا غير جالس
رد:شحال ديال خوتك. عندك ؟
شيماء: تلاتة دراري وربعة البنات انا الخامسة
حد يدو على المقود وتلفت قاليها
خوتك مكيدرو والو؟
تنهدات:راني قلت ليك شنو كاين…واحد غير هادي يوماين شدوه عطاوه شهر ولخرين شمكارية . راه
رد:شماكرية نيييت ولا غيير شميكير
شيماء: شماكرية ديح مايسواش واحد راه مغتاصب شحال من وحدة
سكت بقا كيشوف ويرمش .شافت الوشمة لقات تغيير بسيط فالحروف مغيرة من
فتى فتن في فاتن فتاه ل فتى فتن في فتاة فتاه .
بقات كتشوف فيها وسكتات نسات حتى شنو كانت غتقول وبغات تقول
يازيد : شحال مزال ليك وتوجعي لدبي؟
وقالت وعينها على ديك الوشمة كتخطف منها شوفات
خمسة وعشرين ونرجع
يازيد: ولفتي تما ؟
شيماء: عادي غير الخدمة والدار والروتين مكاين تا جديد
يازيد:مكاينش مكاينش
شيماء: وااالو سكنت قريبة للخدمة ..الوقت مكاينش وهادا اول كونجي ناخدو
يازيد: شنو دابا ماتجيش تخدمي فالمغرب
ضحكات قالت ليه ميمكنش
استغرب:علاش ميمكنش؟
شيماء: الضومين ديالي ماخدامش ليا هنا
قاليها:خدام علاش شكون قالك متخدامش؟
ضحكات بسخرية قالت ليه فين خدام انا ماباش ليا هنا خدمة
قاليها:وانتي ما سولتيش..غنخدميييغي غير هوا ماشي فنفس البوسط
قالت: قالت ليه مغيعطيونيش نفس الصالير اللي كنشد تما راه الرواتب هنا المعرب باينة
تلفت شاف قدامو حرك السيارة وقال
غتخدمي بنفس الصالير ولا احسن الى شديتي بوسط حسن من هاداك اللي عندك..قولي نتي مابغيتيش تبقاي هنا وصافي
مارداتش على كلامو وهوا سايق وكل شوية يدور يشوف فيها ويتسنى اشنو تقول
يتزيد: امم؟؟ اش بان ليك ؟ ترجعي للمغرب
سكتات شوية وبعدها قالت
الصراحة مرتاحة تما وولفت ماعنديش فكرة كاع باش نرجع للمغرب
تبسم قاليها : لالاااا نتي عندك شي حااااجة تما شاداك ..غير قولي
جاتها الضحكة وقالت: الصراحة البعد زوين ..الراحة الاستقرار حتى واحد مكيعرفك وماشي بزز دير علاقات ولا اصدقاء..وحتى الاصدقاش المشتركين مكاينينش
يازيد: وا هادا راه اكتآب ماشي راحة نفسية..اما حسن ترجعي لبلادك عندك صاحبتك عندك عائلتك ..تخدمي وتعيشي اوميم طو ولا تبقاي غير خدامة ؟؟ علاش كنخدمو ؟ باش نعيشو
سكتات وهوا كيشوف فيها وقال اشنو قلتي؟؟ صافي؟ترجعي؟
ضحكات كتهرب من كلامو وقالت
خصني الوقت نفكر حيت حاليا مامستعاداش…ومابغتيض نترون مع الخدمة ونبدا عاوتاني
يازيد: مكاين روينة ..غير قوليها من غدا تبداي هنا منك للشاف ..ايوا شنو قلتي؟
سكتات مطولا وقالت : ايوا نفكر ونوجد راسي ونتستاعد ونشوف
على اثر هاد الجملة وصلو للاوتيل فين جالسة وقالت
صافي غير سير انا غنطلع ندوش ونبدل وناخد طاسي نمشي نجيب طموبيلتي من الاوتيل
يازيد: سيري انا هنا تا تنزلي
شيماء:غنتعطل
يازيد: شحال دالوقت؟
شيماء: ايوا راك عارف..الدوش ..الشعر خصو ساعة وزيد وزيد
يازيد: وا طلعي دوشي وفاش توجدي قوليها ليا نمشيو نتعشاو بحوج اوك
بقات كتشرف فيه وقالت: واخا المهم دابا الستة ..تمنية عاد نسالي وندوز نشوف مالين دار وديك العشرة عاد نتلاقاو
يازيد: نتسناك تعيطي اوك؟
حركات راسها بالايجاب وتبسمات. طلعات ملوية عليها الفوطة لييتها وسذات عليها وتكات على الباب كتنفس..قاصت قلبها كان كيضرب بالجهد و سدات عينيهت رتاحت من ديك المشاعر الجياشة كتفكر لمسة يدو والهزة والعومة معاه بين الامواج كبيرة وتنهدات مابقات فاهمة فراسها والو ..ولات بين نارين ما بقات عارفة اش تقدم ولا اشت توخر ولا قادرة تفهم مشاعرها المتناقضة اللي كل مرة اشنو كيطلبو منها ..باغا تبعد وتعيش فالامارات وماقدراتش تنسا داك الوجه والمعاملة ديالو ومامأمناش ليه رغم الصلح والاعتذار ..
وباغا تصالح معاه وترضي قلبها تخليه يرتاح ويقرح ويسعد وتجلس فالمغرب تشوفو صباح وعشية من كثرة الشوق والحب . العقل ماعندو قلب. والقلب ماعندو عقل وهي واقفة ماعارفة شنو تبع ..راحتها معاه عاتزيد تغرق معاه فالحب ولاكن ماقادراتش تأمن ليه وتيق فيه تيقة عمية بحال من قبل.
مشات كمدات مشاعرها فالماء وناضت عصرات شعرها بالفوطة ودهناتو بزيت بكريم شعر خفيف ونشفات يسوشوار الحمام مزيان وجمعاتو مشات كتقلب على شنو تلبس وهي مجايباش معاها الحوايج بزاف دارت بحساب السهرة باش متبقاش غادة جايا وتبدل
هزات كسوة موطارد قطنية بتوب خفيف مجموع كلها حتى للركبة ومربعة على الصدر بسميطات مربعين مع الكتاف وحطات سنستبة مع الدورة دالعنق وساعة فالسد وخاتم قالصيع وحويلقات صغار مدورين وطلقات شعرها كامل خلاتو على طبيعتو من بعد ما نشف عطا فوليم وتموجات طبيعية ..قلباتو للجنب وهزات صباط طالون فصاك صغير ولبسات صندالتها البرتقالية دارميس وصاكها وتعطرات كلها عاد خرجات نزلات حطات الصاك حداها وتاصلات بفاتي
شيماء: فاتي فينك
فاتي: نتي اللي فينك كنتسناوك تعيطي مابغيناوش نوقفو ليك النعمة فالحلق ونتبعوك عليها
شيماء: هههه بااااز ..خاصني نعاود ليك
فاتي:اول مرة ضحكي مو شي لقاء ديازيد
شيماء: ايوا راه خصني نعاود ليك ..فينك ؟
فاتي: رجاااعت احبيبة للرباط ..اهه اخر الاخبار ..شريت البرطمة اللي فوق منك
شيماء: ايوا مبروووك
فاتي: الله يبارك فيك احبي المهم ..شنو كنت غنقول ليك ..ااه راه غندير شي حفلة لسيف الدين ..ختنتو ومادرت والو دابا فاش جيتي بغيتي نديرها ..ومع مادرت لا عرس لا والو راكي عارفة الكرادة وحلاتها ليا ..والسبوع حتى هوا مادرتوش وكنا فشد ليا نقطع ليك ..والولادة اللولة تا هي درت ديك الكسيدة بديك الطموبيل اللولة المنحوسة تجبدت شحال كنتفكرها كينوضو عليا عضامي ..قلت نجمع وندير كلشي فدقة وندير. ختامة ينتاحرو فيها اش قلتي؟
شيما: اللي درتيه سمن وعسل ..نيت شحال ماحضرنا فشي عرس
فاتي:وا هاهيا فبالك ..ضربي عندي شوفي معايا راني بوحدي .. عاونيني فالدوق
شيماء:صافي واخا كوني هانيا غدا نجي عندك لقتيني غادة للدار نشوف اش كيديرو. يالاه بيزو
وصلات للمجمع ودخلات السيارة والليل كيطيح نزلات غادية مع الجردة كتشوف في الفستان ديالها وتقاد شعرها حتى سمعات صوت الغوات وخرجات نيشان فالصدع ولقات خواتاتها منوضين قربالة بالسبان والمعيور والجيران كلشي كيطل والراجل واقف بالكوستيم والكرافاطة باين يالاه رجع من الخدمة ووراه مرى رقيقة زعرة كتغوت وتهضر ورا ضهرو وتقول ليه عيط ليهم للبوليس..عيط ايهم
حنان : هااا البوليس الق٠٠٠٠٠ مخبية ورا هاد ز٠٠٠٠ ديااك عند بالك قضيتشيها
سكينة : فيناهوا الجننننوي…فيناهوا علااااااش ماتشريوهش هوا اللول ..
زبيدة : الله يا ربي اش درت فحياتي حتى نتيلى هاد البلا ..اش درت فحياتي
قربات شيماء مصدومة كتشوف فديك الحالة حتى وقفات قدامهم وهزات يديها حاللة فمها قالت ليهم
اوييلي!!! اش هادشي؟…اش هاد الحالة
شاف فيها الجار طلعها وهبطها مزيان وكيترعد بوحدو قاليهم البوليس اللي غيصلاح ليكم
تدخلات شيماء قالت ليه
اش واقع اسيدي ؟؟ علاش البوليس؟
سكينة :خااليه يعيط للبوليس ..تشا راه بربي تشاااااا غنمشي علك …سمعتي
شافت فيها شيماء بغضب قالت ليها : سكتيييي…سيري خرجي عليا من هنا ..يالاه
سكينة بقات فثر كتشوف فيها تصدمات وقالت
ياااااك اختشي…كتجري عليااا من دارك ..يااااك ..الله يحفضك
الجار: واش نتي مولات هاد الدار
شيماء:ااه انا مولاتها شنو واقع
الجار: واش هادو كاريين عندك ؟؟
هضر معاها قاصح وهي تخرج عينيه قالت ليه
ااسي..حتارم راسك الله يخليك وعرف تهضر معايا ..هادو راه عائلتي
طلع فيها وهبط هوا ومرتو مزيان وشاف فخواتاتها اللي رجعو اللور كل وحدة دارت يد على جنبها كيشوفو بواحد تخنزيرة وقال
مابايناش كاع عليك
شيماء: ونتا شغلك؟!!! وا دخول الصحة هادا!!!
الجار : مهم ها البوليس جايين تفاهمو معاهم ..الى كانو هادوك خوتك واه خصهم الحبس!!! منين حايين نتوما منين؟ اش هاد الهمج ؟ اش هاد الخنز
طارت عليه حنان جراتو من حوايجو قالت ليه
اجي نوريك الخنز وناضت القتيلة بيناتهم ..سكينة شدات المرى هيطات ليها راسها فالارض وحنان شادة الراجل حلفات ماطلقو والجيران كلشي خرج وتخلع ..اما العساسا ماعرفو منين يدوزو فداك الكولوار ..شيماء كتغوت ومها كتفك .الجار دفع حنان باش يفك مرتو و لاكن بالغضب مشات حنان كتجري للدار ..تيليفون كيصوني والروينة نايضة ..شدات شيماء تيليفون مع حلاتو والغوات نايضجات فيه كتجري فيه حنان هازة قرعة دزاج ضرباتها مع الحيط تهرسات وكلشي هرب رجع اللور
يازيد: هادي عي غنعيط ليك مع العشرة
غوتات شيماء شافت الزاج تهرس قالت ليه عتقنيييييي …
سمع الغوات والهرس قاليها اش كاين فينك فيين نتي
شيماء: دار بيب بوبو عبدة .. لالا يو وعزة خويا ..اقامات دلال طرونش الثالت دغيااااا الرووح غطيح دغياااا
جات حنان تنزل عليه هز يدو جاتو الضربة فاليد والدم طوش وطار على الحيط وزبيدك سخفات فالارض.
طلعو البوليس كيجريو فكو القضية والراجل شاد يدو ومرتو سخفانة من كترة النتيف..اشنو المشكل اشنو الاول الله واعلم .
طلع وسط ديك الروينة يازيد مفركس عوال على العشا حتى لقا راسو فالكرنة ووقف هضر مع البوليس قاليه يازيد الصقلي
ضرب ليه البوليسي السلام وحمع لاخر يريه مع رجليه ضرب ليه السلام وقال
اش واقع هنا ؟
شيماء جلسات فشلانة حدا مها فلارض كتفيقها وتجلسها
اش وقع ما وقع حنان هبطات لابيسين عامت وطلعات جلسات على واحد الرولاكس ..جات مولاتو قالت ليها نوضي هادا ديالي مخلياه فالمستودع كيجيبوه ليا نجلس وحنان قالت ليها انا ليقتو هنا ماشي شغلي ديالمن .بقاو مني منك حتى ناضت الروينة
نترات حنان يدها من البوليسي قالت ليه
واا نمشي راااسي..هانا غااادا طلك مني
وقفات شيماء ونوضات مها وقفاتها وشافت فيازيد كتنهد قالت ليه بأسى.شفتي على عائلة عندي شتي على خوت
تبتها بيدو وهوا كيشوف فمها ويشوف فخواتاتها وقاليها
غير هداي هداي بشوية
مزال ما كملش هضرتو سمعو صوت جاي من لبعيد جهة باب العمارة كيتلوى ويقول
اولاد لق٠٠٠٠ب …دار بوووعاززة..تا شبغااات بيها انا دار بو عاازززة
ضرات شيماء وراها لقات باها جاي سكران رجل فجهة ورجل فجهة كيسب البعد والطريق حتى وصل عندهم ووقف ،كانت شيماء غتسخف وشدات فواحد الحيط مارضاتش وحطات راسها كتبكي وجلول كيشوف فالبوليس مصدوم قاليهم
تا راااااه والله ماداير شي حااااجة… قريييعة …قرييييعة مافتهاااااش ..واااا الضلم هاااادا..واش ميجي تا واحد لدارو ها اللي سكر خاصو يبات فالزنقة
جراتو زبيدة كتسمتو وهزات شيماء راسها شافت فيازيد قالت ليه نعرفك ب دونتسيت..بابا
هزات صاكها وطيحات يديها زادت من تما خلاتهم مع البوليس ومها كتغوت
دعيتكم لله…دعيتكم لله ياهد فيكم الحق ..حررتو عليا العيشة الله يحررها فيكم كاملين بيكم
الاسعاف وصلات دات الراجل المضروب فيدو والبوليس طلعو كلشي للكوميسارية من غير مها .اما يازيد تبع شيماء حتى لطموبيلتها جرها من يدها قاليها تسناااي..
ضارت عندو كتبكي قالت ليه شتي بعينك حياتي..شتي على حياة وعلى مستنقع كنتمي ليه؟؟ سير ايازيد سير ..انا ونتا مستحيل نتلاقاو ..مستحييل حتى فالاحلام
بغات تركب تمشي ورجع دورها قاليها واش غلبوك؟؟؟ غلبو عليك نقادو ليهم الشغل ! انا ماشغلي لا فشكون باك لا فشكون خوتك
ردت بحرقة وعينيها خوخر قالت ليه
حنا عائلة مكتشرررفش.. عائلة ماديال جورة ولا عشرة ولا صحبة..انا كنتمي ليهم وهما كينتميو ليا مايمكنش هادشي يتنكر ..قرابتك بينا راه حشومة حتى فحقك وغتنزل من قيمتك
رد بانزعاج قاليها : شكتخربقي دابا شنو كتقولي واش عارفة اش كتقولي؟؟؟ واش عائلتك اللي كتحكم فحياة ولا فحياتي ولا فمصيري انا وياك ؟!!! نتي اللي باغا تخليهم يتحكمو فيك ومخلياهم يركبو عليك وشارية ليهم دار وسكن وفوق هادشي ساكتة مخلياهم دايرين ما بغاو
ردة في حيرة : شنو غنديييير شنو ..راه هادشي شوووووية من والو ..مزال تشوف الويل مزال ماشفتيش الدراري كيف دايرين ..راه المشكل كبير والقضية مشبكة ماعندهاش حل
شار بيدو وراه قاليها تربيهم؟ واش باغا تكاديهم مع الطريق؟؟
شيماء: انا مابغيت نآديهم كيبقاو مني لحمي ودمي اللي وقعات ليه شي حاجة كنتعكر ايازيد راه ميمكنش تقطع الدم
رد بنفاد الصبر: واهادا هوا الحل يا اما تكمديها وتخليهم يتبراو ماحد عندهم منتيفولا غادي تحني فيهم نخرجوهم وغدا عاودي جيبي البوليس. وهي غادية عمرها تسالي ..تكمشي خرجي هاد السوق ماتبقايش تهضري فتيليفون معاهم باش متعرفي كاع فين خرجو ..راه والله تا يترباو النفس ميطلعوهاش ..دوي ؟؟ تخرجي سوقهم ؟
شيماء: وبابا؟ مدار والو هاداك غير سكران
يازيد: راه عندو السكر العلني راه تهمة هاديك ..
شيماء: لالا الا بابا ..عفاك بابا يخرج راه كبير ..خوتي نصبر عليهم ولاكن بابا لا
تنهد حبد تيليفون هز راسو وعقد حجبانو قاليها مؤدب كينتكم ياك ؟
ردت : اه
رد: غلطو ليكم فالكنية كان خصهم يقيدو مأبد ..الو وييي .. السي شفيق ..واحد الجوج راه غيتقدمو للدائرة 12 (شافيها) السميات؟
شيماء:حنان وسكينة
يازيد: حنان مأب..مؤدب وسكينة مؤدب… شي ترابي شي ترابي مزياين بلا ما توسخ ليهم الضوسي.. ماطلقهم تا يرطابو تهلا فيهم ..
شيماء كتشرف فيه ويدها على فمها عاك شنوفتها كتسمع غير وي مون جنيرال … داكوغ مون جينيرال .
قطع وقاليها
يالاه دابا نمشيو نتعشاو
شافت فيه مصدومة قالت ليه واش كتهضر بصح!! اشمن عشا بقا
هز حاجبو قاليها تافقنا نتعشاو ؟؟ والمشكل تحل؟ شنو بغيتي؟ تجلسي تبكي شوية ؟ ولا تابعاك شي طيارة دابا؟
شيماء:راه مابقاتش عندي الخاطر راه ربي اللي عالم بيا
جرها قاليها نتسناو خاطرك تا يجي على خاطرو !! نجيبوه بزز
داها لسيارتو طلعها كتغبن مافهمات راسها من رجليها وركب حداها قلت وزاد
دارت يدها على جيتها قالت ليه شتي على عائلة؟؟ اكفس ما يمكن تشوف فالعائلات..ادنى مستوى
هز حجبانو كيشوف قدامو قاليها واشنر غيدير تا واحد مكيختار واليديه..المشاكل غين ما مشيتي حتى عند الطبقات للل..لاكخيم اللي كتعرفي
شيماء: لا واخا هاكاك ..المشاكيل كتختالف واش المشاكل على الوسخ والزلط هما المشاكل على النقا والفلوس !!اش جاب شي لشي
يازيد: وما عندك ما ديري ..النص فالمغرب بحال هاكا..يا اما تعايشي ولا تنتاحري..راه الواليدين هادو نتا وزهرك وشكون تلقا هازك
تنهدات قالت: مابقيت عارفة ما ندير..شريت ليهم فبلاصة نقين نبعدهم على المحيط الخانز خنزو ليا المحيط وتشوهنا قدام الناس دابا وزيد الراجل مسكين تضرب فيدو
يازيد: هاداك غتغطي ليه الضرر بالتعويض المادي وهانتي تهنيتي
شيماء. راه بقا فيا مسكين ماشي قضية التعويض
يازيد: وكتاب عليه اشنو غنديرو؟ بغا يشد التعويض مرحبا مابغاش سوقو هاذاك مكنتسناوش منو يتنازل ..خواتاتك اصلا معيخرجوش دابا واخا يحط مليون تنازل
شيماء: بقات فيا ماما بقات بوحدها
يازيد: ها باك غيمشي يونسها راه غترضوالسطافيط تا لتما..
شيماء: كن غير خليتيني نبقا مع ماما
جر ليها يدها شدها قاليها وانا اللي عوال نتعشا معاك وجاي من الرياط
دخلات للمطعم مابقات لبسات لا طالون لا هم يحزانون .. جلسات وماعندها كانة وجلس جنبها لاح يدو وراها عنقها وقال
وصاافي ..اللي وقع وقع اش غتردي..عيطي لماماك الى كنتي مشطونة عليها
حبدات تيليفون كتنهد عيطات ليها ويزيد مع جالس حداها كيسمع كولشي
شيماء: ماما لاباس؟ اش كتعاودي؟
زبيدة:اش غنعاود ابنيتي هانا باركة نطيب في العشا
شيماء: وبابا رجع ؟
زبيدة: رجااع راه ناعس
شيماء: ونتي لاباس عليك ماخصك والو
زبيدة: خاصني غا راحة البال ابنيتي ..ندور ندور ونقول الله ينعلها ولدة.. الناس والدين الدرادي وانا والدة السخط..مكاينش النهار الزين اللي نرتاحو فيه
شيما: ياكما بقات فيك سكينة وخنان
زبيدة: يبقا فيا رااااسي يا بنيتي..يبقا فيا رااسي اللي مكيبقا فحتى واحد فيهم…الله يعطيهم شي موصيبة تهزهم عليا كلهم ..عيييت وتهديت وهزيت يدي ندعي الله يدير ليا تاويل ديال الخير
شيماء: وصافي تعشاي ماديريش فخاطرك ..
فاق جلول وسط الخط قاليها
قوليها تشري ليا موطور اللي قالت ليااااا
زبيدة: نعس نعس ينعسو عليك الاعوام ..بقا لك غا الموطور شتي تا طريق كي دايرة عاد بقا ليك تمشي فيا
شيماء: يالاه امي بسلامة ..تهلاي فراسك والى بغيتي شي حاجة عيطي ليا راني شارجيت ليك تيليفون صافي
قطعات وتنهدات قالت ليه ماما عياات مسكينة
يازيد:بسيف ماتعيا ..واحد هاز الدار كلها راه غتعيا بزز منها
تنهدات وتحط العشا كيتعشاو وبدا مرة اخرى فمحاولة الاقناع باش تجلس فالمغرب وهي كل شوية تقوليه حتى نفكر ختى سالا العشا وجلسو كيشبو مشروبات وقاليها فودنيها
نمشيو نجلسو شوية
ضارت مخلوعة قالت ليه فينن؟؟
قاليها نجلسو شوية انا وياك
صفار وجهها بدات تقلب على تيليفونها قالت ليه خصني نرجع مشا الحال ..الوحدة هادي
وقفات وناض حتى هوا سكت معاودش جبد ليها الهضرة وعنقها خرجو بجوج ومع ذلك ركبات مخلوعة وكتشوف فالطريق وتنفس..شد ليها فيدها تبسم وحطها على ركبتو فصمت حتى وصلات لاوتيل عاد تنفسات والفتات قالت ليه شكرا
جرها باسها فحنكها قاليها لا شكرا على واجب ونزلات بالزربة مشات دخلات ويدها على صدها كتنفس وطلعات بحالها للبيت .
صبحات شادة طاكسي مشات تجيب طموبيلتها من دار بوعزة وطلعات طل على مها لقاتها فلكوزينة كتصاوب المسمن فهدنة
شيماء: بقاي تسدي عليك باب الدار ماتبقايش تخليها محلولة
زبيدة:قوليليا بنيتي خواتاتك باقي كاع مارجعو ؟؟ شنو دارو معاهم؟
شيما: مغيرجعوش دابا حيت داروها قد راسهم ..عادي يديوهم اصلاحية
زبيدة:ياك عا اصلاحية ماشي حبس
شيماء:عا اصلاحية وصافي
سمعها جلول وناض حفيان على كدامو قاليها
تي شري ليا الموطور انااري..تي راه معدب غادي جاي فالطريك
حلات شيماء الصاك جبدات الفلوس قالت ليه ها فلوس الموطور ..ها ..سير شري موطور
زبيدة: لاكتي غادا وصليني بينتي للدار
خرجات شيماء عينيها : علاش غتمشي للدار وهادي مالها ماعجباتكش؟
زبيدة: راه عيطو ليا خوتك قالك اجي جمعي الدار راه مقلوبة ..وانمشي نشوف اش وتقع تم ونجمع ليهم الدار
تعصبات شيماء قال قالت ليها بغضب: تي كيفااااش نمشي نجمع ليهم الدار واش غتسطيييوني؟!!! واش بقيتي ليا غا نتي امي طرطقي فيا الشيب !!! ديك الدار سالينا منها والله لا رجعتي ليها…هاي هااااي توما ماتخليوش بنادم يبقا ساكت باغين تقتلوني وغتقتلوني بالفقصة
زبيدة: وابنيتي راه كيغوتو عاد كي عيط الصباح قالك جي راه الدار خنازت جمعيها واشن دير نخليها خانزة !!
هزات شيماء يديها فالسما حتى بغات الرغوة تخرج ليها قالت ليها
يجمعها ولا يخليها ولا يجيبو صحاباتهم يجمعوها !!! حادكين غا فالسهير ويضلو قصارين فيها ونتي خدامة على بوهم تمشي تحمعث ليهم خراهم .. والله وتزيدي مع هاد الباب غا لما تفاهمت معاك نتي اللولة
زبيدة: وشغندير ؟!! غيعيط يبدا يغوت
شيماء: يعيط ولا يمشي يت٠٠٠٠ود. مرضتوني…ونساااااي. ديك الخربة نسااايها ماشي ديالك ..ها دارك ..هادي هي دااارك
هزات صاكها مشات حتى للباب ورجعات قالت ليها اري داك تيليفون
حيدات ليها تيليفون وقالت
تفوتي هاد الباب مانتي مي ما انا بنتك هاني فين قلتها ليك ..والله لا عاودتي شتي وجهي هاد المرة واخا تجيبي جورج قرداحي
خرجات نزلات وتبعها جلول من الطواليط كيسد سروالو ويعيط ختى للزنقة
وا شيمااااء…واشيماء..وا تي تسناي
ضارت عندو واشمس ضاربة فعينيها مشا لحق عليها قاليها فين غادا
ردت:غادا للجايحة للي ضربني
جلول:واوصليني معاك في الطريك
مشات خلات طموبيل وطلع حداها بدا عليها
واتي دابا يالاه ..وادابا هادي تا هي سكنة!!! خاصنا القايد يعطينا الرخصة ندخلو لمدينة !! واتي بعدتي هاناري
ردت: راه عندك فلوس الموطور شري موطور وخلي علك السكنة فتيقار مدارت لك والو..ولا بقا تبات فالبرنوصي مالك على حالتك غادي جاي
جلول: ومناااكلش!!
شيماء: وا هي لا جلستي من خيطي زيطي
جلول: وا وليتي قبااايحة هاه!!! عاد كي كنتي دريويشة تسيفتي تا تي؟!!
دورات وجهها كملات طريقها حطاتو فالمدينة وزادت مع الطريق للرباط عند فاتي.صونا ليها تيليفون ديال مها وحلات قبل ماتقول الو سمعات بصراخ
وادابا حنا غنبقاو سر فر سر فررر واش مغتجيش تجمعي داك النم الدار رجعات كي زبااالة ..
قاطعاتو : هاا. ايه إء إيء هامالنا على الغوات ياك لاباس؟؟
رد:شكون شيماء؟؟
ردت:اه شيماء..مالنا شكاين ؟؟
رد:واختي راك عارفة الدار ناض فيها الدود..دودت ومي مابغاتش تجي تجمعها
ردت: مغتجيش مي تجمعها ..باغي الدار تجمع غنبقا نعطيك خمسين درهم فالسيمانة جيب ليا اللي تجمعها وفوت عليك مي
رد: وخمسين درهم باش كيجمعوها ؟
ردت: غا بعشرين درهم كيجمعوها ليفام دميناج انا ردتك ستمية دريال من سيمانة سيمانة نعطيها ليك جيب ليها اللي يجمعها مزيانة
رد: صاافي مزيانة ..دابا شنو ندير؟؟
ردت: سير عند الخضار دوزو ليا نهضر معاه يعطيك الف ريال جمع بيها الدار تا ندوز عندو راه كيعرفني
رد: داابا نيت خليك انا غا خداه
دوز ليها الخضار قالت ليه
عطيه خمسين درهم انا غنعيط لبا يعطيها ليك ..شكرا
جاوبها: صافي عطاها ليا
ردت: عطيها ربعمية وخود ستمية صافي؟
رد: صافي الله يحفضك
ردت:يالاه بسلامة
قطعات ولاحت تيليفون قالت
يخخ تفو على كنس..الحبس كي داير
وصلا سخونة عند فاتي للفيلا مع الدخلة سلمات عليها كتنهج
فاتي:امالكي جايا على رجليك؟
شيماء:فقصوني..غيقتلوني.. لبراح عاى شوية طيح البطانة فالدار الجديدة..تشوهت اختي تشوهت
فاتي: جلسي جلسي رتاحي عاد عاودي. ليا…فتيحااااا..اري لهنا الضيافة لصحيبتي
شيماء: لبارح ناضت مع حنان وسكينة والجيران مضاربة وجاو البوليس وكنت دايرة مع يازيد نتعشاو تا هوا صدق جاي عندي تفرج فالاداب والاخلاق ديالنا وبا حا سكران والصطافيت حمعات كولشي ..ليلة كحلة مافيها مايتعاود والصباح صابحة على الصدع. خويا قال لمي والو تجي تجمعي لينا الدار وبا صابح عليا الموطور مت الموطور باغي يشري موطور .عطيتو فلوس الموطور ونوضتها مع مي وحيدت ليها تيليفون وهضرت مع لق٠٠٠د قلت ليه فوت عليك مي ونعطيك خمسين درهم جيب بيها فام دميناج
فاتي: هاوييلي غلى خمسين درهم !! والله لا جات ليه وغيرجع يعيط لمك عاوتاني
شيماء: ونتي من نيييتك غيجيب فام دميناج !! يجيب لخرا ماشي فام دميناج والله لا طلق الريال غا تبتو بديك خمسين درهم
فاتي: عنداك غير يمشي بصح يبغي يجيبها
شيماء: مغيفكر فيها تا التفكير .. لقا تا باش يشري كارو بقا ليه غايجيب فان دميناج. لحتها ليه باش يعطينا تيقار مايلقا منين يدوز لماما ..خمسين درهم غيشدها يتحشش بيها وغيبات فالدود والخنز راه مابيهش الوسخ بيه يصدع ليا مخي..يمشي يجيب شي صاحبتو تجمع ليه
فاتي: المهم دابا..باش نبداو!
شيماء: باش مابغيتي .. غديري لختانة هنا
فاتي.": اه هنا ..بلاتي بلاتي لعكوزة كتصوني..ماعرفت اش بغات ..غيكون انس قاليها على لختانة حيت ليوم قلت ليه غنخرج مع شيماء نوجدو للحفلة وقالي ندي الدراري لواليدة ..سيفطتهم ليها مع رحيمة المربية وفايزة يقابلوهم
شيماء:وا جاوبي
فاتي: سكتي غندير اهوت بارلوغ تسمعي العقروشة كي كتهضر
فاتي:الووو
لعدوزة: معامن تشاورتي الاللة باغا ديري هاد الختانة؟؟؟ الدري تختن عماين هادي نتي نايضة عاد باغا تبداي
فاتي: مالها اخالتي اش فيها
لعدوزة: كيفااااش اش فيهاااا؟ بمن بعدا دايرة هادشي لمن باغا تعرضي؟
فاتي: غنعرض عائلتي وصحاب انس وعائلتو لا بغات تحضر مرحبا بيهم !!
لعدوزة: الااااا لاللة مكاين حفلة !! قالك نعرض عائلتو وصحابو هاد الحفلة فمعدوزش
فاتي: ايوا خالتي هادشي كنقررو انا وانس
العدوزة: كيفاش كنقررو انا وانس اش هاد تخربيق هادا؟؟ معامن تشاورتي من الاول كديري اللي فراسك ديما ومشوهانا وفاضحانا ..هانا قلت وكنعلمك ..الفلة انوليي..سمعتي ولالا؟ ولا راه مغيعجبك حال ..مزيان تبارك الله هادشي اللي بقا ..وماتعاودي تقولي ليا لا خالتي لا عمتي سمعتي .
قطعات عليها وبقات فاتي ساكتة وشيماء مصدومة كتشوف فيها وقالت ليها
شنو دابا غديري؟؟
تنهدات فاتي وناضت قالت ليها ماعندي مندير هانتي كتسمعي العقروشة… يالاه يالاه نشوفو القاعة
حلات شيماء عينيها قالت ليها اشمن قاعة ؟؟!
فاتي: قاعة فين انديرو الختانة!!! واش نتي شوية لاباس !! تجي العقروشة تحكم فيا وتهددني هادشي اللي بقا
شيماء: ايوا قلتي غديري فالفيلا مافهمتك فيك والو
فاتي: كاااانت غندير فالفيلا قبل متعيط العقروشة دابا غنمشي ندير فالقااااعة واحسسسن قاعة ولا شي قصر ..على الله يجيب الله التيسير وتمشي فيها هاد المرة
شيماء: اويييلي واش ياغا طيحيها كارديااك!!
ركبات شيماء مع فاتي الرانج روفر وزادو كيتجمعو
فاتي: ايييه ياختي درت ليك واحد الكسيدة ماتبغيهاش لعدوك ..خمساط ليوم وانا مكسلة فماريفي
شيماء: كي طرا ليك المسخوطة ؟!!
فاتي: جاب ليا واحد كليو صغيرة ..سيمانة اللولة عفو سيمانة تانية عفو السيمانة التالتة دخلت بيها للرباط لداخل خليت كاع الطرقان وقلت نختاصر وهبطت مع واحد الحدورة فيها الفيراجات وهي تقلب بيا تلاحيت.. الحمد ليهت بقيت عايشة اما رجلي كانت غتمشي.. بقيت كنشهد ونعيط ياربي الحبيب..ركبتي دخلات فيها حديدة خرجوها ليا بقات تما تقية تخشي فيها صبعك ..راه شحال وانا طالقة رجلي مخيطاها ودرت الكبص فيدي ..الحمد لله بقيت حية وماجاتنيش الضربة فيدي..اما ليرباك تحلات عطاتني للصدر كانت غتقتلني ..لعدااب ياختي الحمد لله مكان معايا ولدي كن مشا
شيما: الله يحفض يا ربي السلامة
فاتي: طموبيل تعجات مشات لفوريان مابقا فيها مايصلح ..وكان قدامي واحد الشارف سايق داسيا كنت غنقتلو ..نجا منها بمعجزة . بقيت كنعيط ونبكي فسبيطار و يازيد كيغرز ليا رجلي وكيقول ليا ها رجلين اللي كيطيرو من المقلة المرة جايا يديوك للقبر نيشان ..اما انس تخلع عليا رجع صفر حساب ليه غنموت …غاااا برد احنيني باقا نعيششش..باقا نضرب الله يزيد ليا فالعمر تا نسيفطكم كاملين عاد نمشي مرتاحة
شيماء: ناااري ياختي راه ميمكنش نتي والله
فاتي: نتي راه كنتي كتر مني نسيتي راسك..عا الخدمة والبعد بدلوك اما كن بقيتي هنا كن راكي بحالي
شيماء: اختي كنحس براسي عندي خمسين عام
فاتي: فخبارك انا كنحس براسي غادية وكنصغار…مافهمتش !! الناس كيكبرو ويتقالو انا كنحس براسي فيا واحد الجهد غير مالقيت فين نفرغو ..
شيماء: واشوفي قدامك تمشي تقلبينا عاوتاني
فاتي: اويلي لاا ..دابا صافي وليت محترفة
شيماء: واغير ردي بالك لا تنحارفي بينا
سبقات من احسن قاعة وتمات داخلة كتهضر هي وشيماء قالت ليها
عرفتي السيمانا كللللها وانا حاضا العراسات ..هادا تزوج ..هادا سبع..هادا ختن ..مقابلاهم غا هما ونقيد فالسميات والعنوانين تا بغا راسي يتفركع ..بغيت ندير شي عرس مطططنطططننن
شيماء: ختان ختاانة ااا لعرس
فاتي: وا مهم ..
استقبلوهم فالباب بالترحيب
مرحبا مدام سدراتي ..مرحبا مرحبااا
مشات نيشان للمكتب مع مول القاعة وجلسات بالترحيب بقاو ليهم شوية يهزوها فوق الراس
مول القاعة : تاصلات بيا الكاتبة د مسيو انس سدراتي قالت ليا غتجي عندكم مدام سدراتي تشوف القاعة ..مرحبا والف لاللة
فاتي: شكرا اسيدي الله يجازيك بلخير
مول القاعة: اشمن مناسبة مدام ؟
فاتي: ختانة اسيدي..
مول القاعة: حددتي النهار ديالك
فاتي: لا دابا عاد غنخددو…بغيتو السبت ان شاء الله
شيماء: هاد السبت؟!!
يتبع...
بغينا قصص غزال تراست كاتبة واعرة