فاتي: راه نتي اللي غالطة اما انا شفتهوووم كيفاش كيديرو كتجي واااعرة ..شيماء: خاصك ترقاي شوية اصاحبتي اللبس والاناقة والزين راه ماعمدو علاقة بالرقي!! راه الدمااغ الدماغ هوا كلشي ..تكوني كما كنتي يحتااارموك ولاكن اينوفوا دوي تجي باط على راسك تا واحد مايديها فيك
طلعو فالطموبيل وحدة كتنكر على وحدة
فاتي:شوو بغيتي نقوليه نبقا نتبعكك عليه!! مسيو سدراتي ولا سداري يديها فكرو.ك سخدم الى بغا يخدم
شيماء: وانتي مافهمك فيك وااالو!!! اويييلي هوا كيشرح ليك شنو كاين ونتي كتقزي عليه ،،متأ وادير لي هادي..ودير ليا تا هادي!! باقي مشالا معاك الماكلة نضتي ليه لحوايج!! كن غا بقيتي اختي فدااارك امرت البرجوازي ويجي عندك هووما تا للدار كي كيديرو الناس ليبوغجوا ..نتي باغا طوطحي عليهم واحد واحد!!! من نيتك باغا تلاقاي بالجوق شخصيا!! تسطيتي ولا مالك غتبهدلي بأنس
فاتي: خلييينيي اختي انا هادشي اللي كنبغي..نطوطح ونتشطر ونقلب ..اما الى جابو ليا داكشي واجد مغنخسش بيه خصني نطوطح عليه
يازيد: لااا ..ماتقولي لثا لا تشطنت لا منعرف شنو..نفيق الصباح نهز تيليفون نصبح عليه جوج كلمات صافي باي..اما نتي ماحاطانيش اصلا فراسك باش تفكري تعيطي ليا
فاتي: فكري مزيااااان ..فكري مزياان قبل ماديري شي خطوة تندمي عليها..نسيتي نهار قالك قطعي مع فاتي وخرجك من الدار داك للافاك..من تما باين البلان غيبقا يحركك كيف بغا..اللي فيه شي طبع راه فيه بلا متقولي نبدلو انا مع الوقت
مشاو لطمهم شرقي وجلسات فاتي تتشهى وريوكها سايحين بغات تاكل كلشي وبدات طلب شوية من الحاجة ماخلات لشيماء ماطلب ..حطو ليها صحن طوييل فيه جميه انواع المأكولات ومن حل حاجة شوية ومشروب الخيار والقصب السكري هبطات عليه بحال القدر وحطاتو بدات تاكل فورق العنب وتبنن وتقول
-عندااكي تزربي ياختي..تخرجي على راسك ومستقبلك..انا راه ماعندي مستقبل الى منتفتش من انس ماينتف مني..ماعندي مانخسر اما نتي راكي بخدمتك ومستقبلك وعلى برااا ماعندو علاش يتحكم فيك هنا ..اما الى دخلتي لهنا وتوسط ليك عولي عليها يخرجك منها الوقت اللي بغا وراسك فالارض..اللهم بلاش رجعي فحالك ولخدمتك ..
شيماء: مابقيت عارفة ماندير..الصراحة نقول ليك واحد الحاجة تيقيني
فاتي:غا قولي قولي
شيماء: بردت …كنحس براسي تفكيت من العقدة اللي كانت عندي ..كنت كنحس براسي مربوطة
فاتي: كتوقع..فاش كتصاحبي مع شي واحد ويدير ليك شي حاجة كتبقا طلع وتهبط فيك ..ونهار كيرجع يطلب السماحة ويتبعك كتبردي وتحرري
فاتي: عندك دابا فرصة تخليه يبعد منك..قالك الى ماعيطتيش منعيطش صافي ماتعيطيش خليه يفهم راسو..نااااري شهوتي نهبط ليه زنافرو للارض ..دابا هوا عند بالو راه شخصية وماعرفت فين واصل تا وحدة ماتقدر تنساه ..انا بغيتك ماتعيطيش ليه ضربي ليه احساسه كااامل فالزيرو وخصوصا دابا غيكون كيتسناك تعيطي..ناااااري غيبغي يتفركع ويندم علاش قالك منعيطش ..بغيتو يحس براسو مايسوا تا خرية ماحاسبهاش كاع واش كاين ومامسوقاش ليه ولا لهضرتو ..والى عيط جاوبيه عادي بحال الى مادرتي والو وعايشة وخليه يتفققققققص..لحكام لخاوي..ننننن ماتمشيش مع فطومة نينينينيي..الق٠٠٠د لاخر
حطي مو سطل ضهشري ليا البشار بردي قلبك على السفريط خليه يهبط كواريه الله ينعل ٠٠٠بوهم كاملين
فكرات شيماء فكلام فاتي اللي كلات الصحن كله بقات ليها غير الطبلة وتكات كتسرط وتمسح يديها قالت ليها
عنداك تمشي تعيطي ليه؟!!
شيماء: مزال كنفكر..حيت الى ماعيطش دابا صافي خصني نعول على الفراق مرة باش الى جابتها الوقت نقوليه مصالحينش..ماعرفتش شنو ندير
فاتي: وانتي شهوة منك وغزالة سيري تزوجي بشي كاوري حسن ليك ودفعي شبابك غاالي وعطي قيمة راسك..مافهمتش ربي كينعم عليك بالخير ونتي عادة برجليك للعافية!! كاين شي واحد يخلي خدمتو ويرجع يخدم بالوصاية تبقاي ديما دين عليك وخير دارو ليك. وتجلسي حدا داركم وصداعهم ..تخلي ليا دوووباي والحياة كي دايرة تما وتجي لهنا لوجوه الحبس الله ينعل ٠٠٠بوهم.
سيري سيري رجعي فحالك تمتعي مع راسك ..صافي صاحب دعوتك شتيه وتلاقيتيه وطلب منك السماحة وتابعك كي الكرادة وهوا معارفش راسو كرادة صافي راه نيفو ديالك طلع راسو دابا مابقا عندك ماديري بيه..شو كي داير تا الزين مازوينش..يخخخ والهضرة والحكام ..نتي احسسسن منو بالف درجة واااعرة عليه فين يبان هوا ..عنداك تحاشيها ليه خلي مو يتمرمد ماحدو كيتمردمد ونتي كتكرهيه وتهربي منو
شيماء: ناري ياختي سكتي شوية..خليني غير نتشاور مع اعضائي
فاتي: هانتي اختي تشاوري ..خويا ارا ليا شي حلوة الله يسهل علك ..لالا ديك اللي فرقها لكاوكاو ولكركاع..ارا ليا تي كنافك …فيها الحبن ؟ اراها تاهي..دردد عليها شوية بيطاش الله يحفضك..شوووكرا
دارت شيماء يد على خد كتخمم وفاتي كتاكل فالحلوة وناضت ليه قالت ليه
جمع ليا واحد الخمسة من ديك كنافة.. وداك العش تا هوا جمع ليا واحد الخمسة ..واخد الستة ..ولا دير عشرة مع صغار دغيا كيمشيو …مكديروش ليفيزو ؟ اوا النمرة تا نعيط ليكم جيبو ليا ..ندي شي موني معيا؟؟؟؟ ااه عندكم باج ارا الفايس بوك ..هاكا قيدها
فاتي: كيتسناك كتر من هادشي مع داك بوصفير الى مشيتي تا تزوجتيه.. وتا الهضرة ماتقدري طلعيها معاه
شيماء: ناري ياختي كرهتيني فيه..نزيد معاك شهر نعيفو
فاتي: انا عا كنحل ليك عينيك مع نتي عورة تقب ليك عينيك شحال هادي عاد دابا بديتي تشوفي وتوضاح ليك الصورة..راه والله مايليق لك انا نقولك ..متكبر وكيحساب راسو شاد السما ..ويعاودها لمو لا كان لاباس عليه وواصل ..يعطينا غا تيساع ويوصل تا للفضاء كاع
وصلات شيماء مع فاتي للفيلا وقررات تبات معاها .لاكن فاش نزلو دخلات فاتي وبقات شيماء واقفة
فاتي: مالكي؟؟ وادخلي
شيماء: واخا ..غير سيري انا غنمشي نقضي واحد الغرض ونجي
فاتي:اشمن عرض؟
شيماء: غير شي حاجة وصافي
ركبات سيارتها مشات بعدات ووقفات فجنب الطريق شدات تيليفون كتشوف فيه مطولا وتفكر وتلعب بصبعها بتوثر فالاخير خدات قرار وتاصلات بيازيد ..طولات الاتصال لاكن بدون رد..حاولات للمرة الثانية وكذلك بدون رد.. حسات بقابها تكمش وبدات تراجع عن قرارها والحرن مالي قلبها ..شوية غرغرو عينيها وبدات ضعاف وبدات تواعدها نفسها عمرها تصوني ليه ولا تتاصل بيه وغتقطع الاتصال فمرة والعلاقة قبل ماتبدا ..ديمارات السيارة غادية كتنخصص بلا دموع وتفكر ورجعات وقفات قالت اجي نسيفط ليه مسج نقوليه سالينا .
هزات تيليفون بدات تكتب ليه جريدة ديال الوداع الابدي والفراق وحتى كانت غتسيفطها وهوا يصوني عليها خلعها وردت فالحين
الو يازيد؟؟
يازيد: كنت فالبلوك ..ساليتي؟
شيماء: اه ساليت صونيت عليك مكنجاوبش ..
يازيد: كانت عندي اوبيغاسيون خرجت لقيت لابيل ديالك ..عطيني نص ساعة نخرج من هنا نمشي ندوش وتلاقاو اوك
قطعات وبدات ضحك بوحدها وساطت تقول كانت فالعدو الريفي ومسحات داك المسج كامل ومشات كطير لاوتيل فرح دخلات للكافي وجلسات كتتسناه على نار حتى تم داخل بشورط دجينز وتيشورط رمادية وكاسكيط كحلة حط يدو على ضهرهرا خلعها وسلم عليها وجلس كيضحك عنقها وقال
فين كنتي ؟؟ فين مشيتي نتي وفاتي
شيماء: فخبارك راه غيديرو لختانة ؟
يازيد: لا مافخباري والو!! شكون غيتختن؟
شيماء: ولدها الصغير
يازيد: مختن هاداك اش غتخن فيه؟!
شيماء: بغات غير الحفلة ..داكشي علاش مشيت معاها كنوجدو للحفلة
يازيد: اااه مزيان .. الله يكمل باخير
بقات ساكتة مطولا كتشرب مشروب ديطوكس ..رجع ليها شهرها اللور كيشوف فيها بابتسامة ناعمة وقال
زيانيتي
جاتها الضحكة قالت ليه علاش كنت خايبة
قاليها :لا زوينة..مي تزادت فيك شي حاجة زوينة
شافت فيه قالت ليه: شنو هي هاد الحاجة؟
تنهد قاليها : ماعرفتش ..المهم انا بعدا كنحس بشي حاجة زوينة جديدة فيك .. مابغيتكش ترجعي للامارات
تنهدات قالت ليه: شنو غندير هنا؟ ها انا رجعت وهنا خدمت وهانا بقيت فالمغرب؟ شنو من بعد ؟ صافي هادا هوا المستقبل؟ نتا مغتزوج ما غدير ولادك مادير عائلة ؟
تكا على ركابيه كيتنهد وشد ليها واحد اليد بيد يديه وغطاها وهما جالسين على كنبات حادرين وهز راسو شاف فيها مطولا مصغر عينيه كيفكر وهي كتنسا الجواب وكتمنى مايتجاهلوش ولا يبدل الموضوع.
تأمل فيها مزيان ثم قال: شوفي .. نكونو صاريحين مع بعضياتنا . . انا من قبل منك عمرني فكرت فالارتباط ..ونهار عرفتك ..وجلست معاك ..مافكرتكش فالارتباط ديك الساعة .ولاكن تخيلتك مرتي..تخيلت حياتي معاك كيفاش غتكون ..من بعد فاش مشيتي .. تعرفت على بنات اخرين من موراك ..مي عمر ديك الصورة اللي جاتني لبالي معاك مجاتني مع شي وحدة ..حتى فاش خطبت لعام الفايت ما قدرتش نتخيل راسي مزوج ..خطبت على قبل السمية المستقبل الانسان خاصو يدير وليدات ماحدو صغير يتزوج مرى مزيانة ويستاقر وداكشي ..سي توو . هادشي اللي فكرت فيه اما الراحة النفسية مكايناش ..ومالقيتهاش واخا حاولت وجربت مالقيتش..قلت علاش غنبقا هاكا صافي ماشي ضاروري داك لاموغ ودوك ليسومنيتمو اموغوه..وليدات مهمين فالحياة والاستقرار اكثر . واخا كنت كنتمى نتزوج بنت كنبغيها كنرتاح ليها كنحس معاها بشي حاجة كنشوف فيها شي حوايج يسعدوني..ولاكن حتى لفوقاش غنبقا كنستنى هاد البنت تبان ؟ والى مابانتش؟..اللهم الانسان يفكر بعقلو وميبقاش يضيع الوقت .خطبت..مارتاحيتش ماقدرتش نكمل كل جلسة كنبغي فوقاش نوض صافي سالينا..
جيتي نتي نعاام الاللاااااا…شيماء!! شكون هاد شيما؟ شكون غتكون فملك الله اصلا! شكون هي باش انا نرتاح ليها ونبغي نجلس معاها ونهضر معاها ونتعاون معاها وهادشي كيفرحني ماشي كيقلقني..منكدبش عليك..انا ماكنت باغي معاك تا علاقة..تا شي قرابة وقلت نسييتك ومشيتي ..فاش بنتي ليا لقيت راسي ماناسي والو..لقيت راسي موحشك بزااف باغي نجلس معاك نهار كامل مانتفرقش انا وياك ..شيماء اللي انا ماباغيش نفكر فيها من دون كاااع دوك البنات ..هي نيت اللي كنلقا راسو كندور بيها ! وكنرتاح ليها ..وعزيزة عليا..مرضتيني فحياتي دوزتيها عليا كرهتيني فالبنات فين ما كانت شي وحدة زوينة كنكرها ..وها هادشي كامل كنلقا راسي كندور بيك كنقلب عليك على اعذار على شحال من حاجة ..حسيت بيك واخا هادشي كله بنت الناس وبنت طموحة وبدراعها باغا تغيير حياتها باغا توصل.. باقا نية و باقا نقية من لداخل وماراضياش بشنو كانت كدير.. مامتقبلاش طريقها ومامرتاحاش فيها..كنقول عقل الصغر ..المراهقة ..الطيش كيخلي لواحد يخرج على راسى ..وكندور ندور ونقول ماشي مشكل..حتى اللي مامشات بلفلوس راه مشات فابور .. المهم قلب الانسان وكي داير
كتسمع وعينيها كيغرغرو حتى دمعات وقالت
شنو اخر؟
شاف فيها باسى مطولا. وقال: انا شخصيا متقبل الواقع كا هوا ..بيك بعائلتك ..بكولشي ..وباغي نكمل معاك ..مع شيماء سوا القديمة ولا الجديدة.. بوجهها بصوتها باحاسيسها بكلشي ..واخا يجيبو ليا مية بنت بغيت هادي اللي ماكنتش باغي..
ردت: عائلتك ..صحابك ..شنو غيكون جوابهم
رد: حتى واحد معارف شنو كاين..لاطالما الضوسي ديالك عند البوليس نقي وماعندكش وراق مسخة حتى واحد مغيعرف شنو فات ..
شيماء: وعائلتي؟ وخوتي
تنهد وقال:شوفي..هادشي خليه فالجنب..انا غنجيك نيشان ..باغي نتزوج بيك ..ونديرو دار ونديرو وليدات ..خيت نتي اللي بغيت..الى تدوجت وحدة اخرى على الاستقرار غنبقا كنقلب على الحب والراحة فجوايه اخرى ونهرب من الروتين والضغط .دونك باش بلا منمرض راسي ونضحي براسي على قبل شي واحد اخر باش يبقا على خاطرو ..غنتزوج بيك واللي بغا يوقع يوقع
شيماء: باباك ميقبلش ..وعائلتك ..وكلشي حتى واحد ما يقبل بينا
يازيد:نتي ماعندك حتى علاقة بعائلتي..زايدون الواليد والوالدة اللي غيعرفو والشي لاخر يعرف راسو مكيهمنيش..باش نرضي نفسي ونرضي الواليدين ..غنتزوجو انا وياك ..وحياتنا غتبقا غير ليا انا ونتي ..بعيدة على واليديك وعلى واليديا ..التجمعات واللقائات مغيكونوش.. حياتنا الخاصة غنسدو عليها بعيد على كلشي ..بغيتي عائلتك غتمشي تشوفيهم. وانا كذلك . يعني لا انا لانتي غنتشاركو حياتنا مع واليدينا
بقات ساكتة مطولا كتنهد وقالت
خاصك تهضر مع والديك عاد تقرر
رد: هضااارت..
شيماء:شنو قالو؟
يازيد: راك عارفة بلا منبقا نفسر ليك..المهم من هادشي كامل حياتي كتخصني ..غنبعدها على كلشي ونطرفها ..انا كولدهم راه غيبقاو يشوفوني عادي بحال ديما كي مزوج كي مامزوجش.. زواجي وحياتي التانية خاصة بيا كتبقا خاصة بعيدة وحتى واحد ماغيقرر بلاصتي ولا غيختار ليا شنو يناسب وشنو مايناسب وحتى واحد ماغيعيش بلاصتي باش يرتاح ولا كاع لايرتاح.تفاهمنا ؟
سكتات مطولا كتسمع ليه في حيرة ويدها بين يديه وقالت
حتى حاجة مغضيع..واش نتي غتولي مرت يازيد الصقلي وعاضيعي!! مزاال غتشوفي حوايج اخرين وحياة اخرى متبقاش تبان ليك كاع ديك جوج دريال اللي كيعطيوك تما فدبي ..عطاا الله مايدار هنا فالبلاد
شيماء:واخا ..ووو وداركم
يازيد:دارنا دابا يتقبلوها مع الوقت ماشي كلشي كيجي بالزربة ..شوية بشوية غتبدا الامور تستاقر البدية اللي صعيبة ..المهم من هادشي كامل ..كتبغيني؟
تزنكات رجع وجهها احمر ودوراتو للجهة الاخرى
طل عليها كيضحك قاليها : انا كنبغيك اشيماء
شافت فيه مصدومة وبرقو عينيها قالت ليه بصح!!
قال: علاش غنتزوج بيك الى مكنبغيكش؟ هادي احسن حاجة فحياتي ..غنتزوج عن حب واقتناع ..نصبح عليك ونمسي عليك حسن مانبقا عليك صوني عليا عيطي ليا او لالا
دارت يدها على نيفها كضحك شوية بدات كتبكي مامصدقاش راسها طلب منها الزواج ..حلات يديها غنقاتو بقوة ورخات المشاعر ديالها بعيدا عن الخجل والقمع والخوف وبكات دموع الفرحة ورجعات شافت فيه كضحك وعاودات عنقاتو بقوة ..
فاتي:حطي يا ختي حطي لا لقيتي ما تحطي..هانا علمتك ..دابا تندمي
ناضت شيماء كتأفأف من حداها مشات بدلات حوايجها وودعاتها بالزربة باش متأثرش عليها بكلامها وزادت خلفة مع الطريق نيشان لكازا والطريق كلها وهي فتيليفون مع يازيد حتى وصلات لدارهم .غير دخلات لقات باها جالس وسط الدار داير رجل على رجل مقوس وحداه واحد الميكة صغيرة وشاد السبسي كيعمر ويتكيف ..
جلول: على سلامتك ابينيتي ..ت فين كتغبري هاناري!!
شيماء: ارا ليا الحالة المدنية بغيتها
جلول:لاش بغيتيها ؟
شيماء:باغا نخرج منها شي وراق .
مشا عند زبيدة للكوزينة قاليها عطيها الحالة المدنية طلقي راسك
شافت يمين يسار مستغربة مالقاتش يازيد لاكن لقات الشيفور ..حققات فيه مزيان وتفكرات يوم هزها من الدار وفرقها على فاتي وداها للجامعة ..تبسمات ليه قالت ليه لاباس اسيدي
حدر راسو قاليها :لاباس الاللة..مسيو يازيد كيتسناك
ضحكات قالت ليه مزال مابغاش يسالي من هاد الحركات ..ضاروري يدير ليا شي هزة ماشي هي هاديك
طلعات معاه للور فسيارة مرسيديس فخمة وداها مباشرة لاوتيل شيراطون ونزل حل ليها الباب قاليها مسيو يازيد فالغيسطو كيتسناك
مشات معاه داها للمطعم وكانت عندو واجهة كبيرة على المسبح والطبيعة وبقات غادية حتى وقفها قدام طاولة فيها مرى شقراء لابسة كسوة قصيرة بسميطات موردة ونضارات شمسية وشعرها مطلوق ..جمعات شيماء الاسبتسامة وحيدات المرى النضاضر شاف فيها مزيان من راسها لرجليها وشيماء في صدمة كانت غتسكت ليها القلب.
كيفاش؟. مدام صقلي بشحمها ولحمها !؟؟ الله يجعلو خير !
تبسمات مدام صُريا ودارت رجل على رجل قالت ليها شيماء مؤدب !! سي سااا
طلات مدام الصقلي على الملف وقالت : واخا امدموزيل.. نكملو الملف ديالك ونشوفو…هربتي من داركم فسن تمنطاش. لسنة..وقريتي فالجامعة الدولية اللي التكلفة ديالها كتوصل حتى لطناش لمليون ..قريتي الهندسة الميكانيكية للطائرات وتخصص فضاءات الى اخره ..لحد لان هادشي مزيان ..ولاكن منين قريتي ؟ منين جاك باش قريتي؟ تقدري تجاوبيني؟
بقات شيماء ساكتة كتنهد وقالت ليها يازيد عاوني
عاودات مدام الصقلي قراية الملف وقالت
تلاقيتي بيازيد على سن تسعطاش لسنة فشهر ستة فبواط سوفيتيل ..تقدري تقولي ليا شكون خلص عليك المدرسة العام الاول؟
هبطات شيماء راسها تحت الضغط ماعرفات شنو تقول وبدات تمتم قالت ليها منحة
مدام الصقلي:اوك .. منحااا..
وقع بينك وبين يازيد مشكل ..ومشكل كبير خلاه يحبسك فالفيلا فهرهورة لمدة اسبوع ..ضرب وجرح واغتصاب ..زائد محاولة انتحار ..اشنو السبب اللي خلاه يدير هادشي كله تقدري تقولي ؟
داخت شيماء طاح عليها السقف مالقات باش تجاوب وبدات كتنهج وتبلع ريقها وقالت ليها بتوثر
سوليه هوا
مدام الصقلي: اوك …نكملو .. عطاك مبلغ ستة دالمليون ..علاش ؟ كتبقا فضروف غامضة..من بعد توسط ليك باش تاخدي منحة للسنة الدراسية الثانية حتى للاخير..وخديتي المنحة بما فيها السكن والنوم والاكل والشرب ..وكملتي السنة ولتاحقتي ب université de Toulouse ففرنسا ..نرجعو لموضوعنا ..قلتي المنحة تعطات ليك باش قدرتي تقراي..بلا مندخلو فتفاصيل المنحة تاضح كيفاش خديتيها وفوفقاش.. ونرجعو لقبل متكملي قرايتك في فرنسا وفي الاشهر لاخيرة ديالك فل uir تصابيتي بتسمم ..تنقلتي للكلينيك من بعد حولك يازيد لوبيتال مليلتيغ ..دار ليك اوبغاسيو راكي عارفة ديالاش بلا تفاصيل ..من بعدها بدو موا ..كان ليه يد فالقبض على خليك كبيرة كتاجر فالبنات وعندها شبكة لا يستهان بيها ديال الدعارة.. هاد الحدث لايستهان به ..وهاد الشبكة حارباتها السلطات وكترجع من بعد كل مداهة للنشاط ديالها…كيفاش تعرف يازيد على هاد الشبكة..وعلاش تدخل بهاد الطريقة الكبيرة فالقبض ديالهم ودسهم كلهم فالحبس
..علاش اهتم بهاد الوسط لهاد الدرجة ومنع عليهم كاع الجهات الداعمة ؟ تقدري تجاوبيني؟
هبطات شيماء راسها كتفرد يديها وترعد على اعصابها قالت ليها ماعرفتش …انا ماعندي دخل فحتى حاجة من هادشي
رن الهاتف ديالها وطلع يازيد وشدات ايليفون كتفتف ومدام الصقلي كتشوف فيها ..تبسمات قالت ..نكملو فالموضوع ديالنا بلا ديغنجمو الله يخليك..الوغ .. الشلحة كتقول:
ديك البنت كانت معانا وكتمارس الدعارة وانا اللي ديتها نهاو الاول ..عرفتها على البلاصة من بعد عجبها الحال كملات فالمسار ديالها ومكانتش كتحملني وتقامنات مني اش د انتقام ..ودساتني فهاد الحبس انا والبنات وكاع الوسطاء.
قاطعاتها شيماء بانفعال : كداااابة..كدابة هي اللي خرجات عليا النعار الاول وباعتني وخدات الثمن ديالي وشرات بيه فيلا.. هي السبب فهادشي كله ويازيد عارف كاع التفاصيل
مدام الصقلي: ها الضوسي هادا…
هز يازيد من وراها كامل قال
هاد الضوسي غتسديه ..(حط ليها ضوسي اخر) وها الضوسي الحقيقي اللي خاص يقرا الواليد
ناضت ديك الساعة حمرا قالت ليه ارا الضرسي
ردو وراه وقال: الضوسي اللي غيقرا الواليد هوا هاداك اللي قدامك..هاد الضوسي غيتحرق ومايعاودش يتجبد مرة اخرى ..كما خديتي الملف بالتخبية من وراه وهوا يالاه حط الشكارة غادي تحطي بلاصتو هاد الضوسي ..اللي فيه كاع داكشي اللي باغيه ااانا يعرفو عليها ..وغتقنعيه من لفوق
ردت بغضب : عطيييني الضوسي…باك اللي طلق مسطرة البحث وكيتسنا هاد الضوسي يفارغ الصبر..عطيني الضوسي بلا مشاكل
دار يديه وراه بجوج وقال: هادا هوا المشاكيل بحث داتها ..علاش بغيتي تعطيه ليه؟
ردت: انا خديتو باش نوقف هاد الزواج بطريقتي..حسن مايوقفو باك بطريقتو ا يازيد
قال:غتكملي فالخدمة ديالك دابا باش ميوقع ختى مشكل يشتت لافامي كلها ..اما الزواج مغاديش يوقف واخا يكون ميات ضوسي من هادا
قرب منها قاليها هاد الضوسي هوا اللي غيقادها ..والى جينا نتحاسبو نبداو بيهم هما نيت. مالها هاد البنت ؟ شنو عندها ؟؟ فساد؟؟ كلشي كيفسد واللي ماعندو ضوسي راه ريحتو عاطية!! شمرن غيخاسبها ؟؟ الفسايدة اللي كتر منها؟؟ اللي كيتجمعو على الفساد ديال بصح من كاع الجوايه؟!! ولا اللي مربي فيهم اللحية وكيشهد قبل مايهضر وهوا بحال المنشار طالع واكل نازل واكل وطاحن النص فالبنات؟!! هااا؟ دوي؟!! باغين تجبدو النحل نجبدوه نبداو المعارضين هما اللولالة ..نشوفو شكون اللي فيهم اكبر فسايدي..ياك بعدا ما شي من شي خلية ار ..بية .. ولا قتالة ولا كتاجر فالمننوعات ..داكشي خاص بيها هي ومتر منها راه مزوجين بيهم غير شكون شكون..مبداو نسمير فيهم بالواحد؟!! خلينا ساكتين وكل واحد يديها فشغلو واش فاش كينوض شي واحد يتزوجها شيخة ولا رقاصة كنجي نقوليه لا !! ولا الواليد براسو واش عمرو قال لا لشي واحد فيهم!!
رد:بحالي بحال لخرين بلا ماديرو لينا هاد الفتنة ..البنت احسن من كاااع هادوك اللي جابهم من البيران تا وحدة ماقارية ..مهندسة ..قارية متقفة اشنو بغيتو بطاسيلتها ولا ماضيها
تنهدات مو قالت ليه تبدل سميتها وكنيتها والله يطليك بيها
يازيد: من هنا لفوق غتولي مدام الصقلي..رتاحيتو ؟
هزات مو داك الملف بغضب قالت ليه من اليوم ما انا ماماك مانتا ولدي .. سير دابا تندم وتجي ندمان
جرها من يدها خرجها لبرا وشعل العافية حرق داك الملف وشاف فيها كيوريه ليها هازو والنار شاعلة فيه
شتي هاد الملف..مغيتحرقش غير فيدي غيتحرق حتى فحياتنا
شيماء:ماماك عندها الحق ..انا ماشي من مسواك وو..
قاطعها وخرج عينيه فيها بغيض قاليها من المستوا ديالي..وغدخلي فالمستوى ديالهم صحة وغتجلسي معاهم على لكراسة ضد فز٠٠٠ بوهم كاملين.. الفسايديا مكيشوفوش فسادهم كيشوف غير فساد لي تحت منهم .
طلعات فالسيارة معاه غادية على اعصابها جالسة حداه وقالت ليه
واش هاد لدواج م يأديكش ايازيد؟ ماعندكش مشكل مع داك المحط ديالك والناس اللي معارضين
قال كيهر بيدو واليد لاخرى كيسوق بيها
اش عندهم مايعارضو المخير فيهم كيشرب الدوا باش يقدر يشد شي وحدة..الواعر فيهم راه مرتو طاحت مع صاحبي ومصورها وراني الفيديو ديالها شتو بعيني ..غير دابا الواليدي معصب وكيحركهم عليا اما تا واحد مايقدر يعضر حيت كاملين مق٠٠٠٠ ودينها ..وداك اللي مرتو طاحت مع صاحبي صغر منها عارفها ومادار والو خلاها حيت تا هيا يدها طويلة ومعروفة كطيح وتنوض وراه ..غير دابا هادشي مكيتقالش ولاكن راه كنشموه وكنعرفوه وكنشوفوه من لفوق..
وهوا كيهضر دازت طوموبيل جهة شيماء كطير قاصداها وعطات السيارة ديازيد صوت الحدر الشي اللي خلاه ينتابه وفرمشة عين شد الفران وقلب الطموبيل لجهة اخرى ودازت لخرى قدامو دخلات فواحد الصور دخلة خايبة
غوتات شيماء غوتة خايبة بالخلعة ومشات وجات خدا يازيد بجهد الدورة ..تلفت وراه بقا كيشوف فديك الطموبيل وقال
مقصووودة
شافت فيه شيماء مخلوعة ويديها على راسها قالت ليه شنو اللي مقصودة ؟!!!!
قلب السيارة بدل الطريق مشا بحالو قاليها والو غير داك الحمار سكران ولا مقرقب
كمل طريقو قاليها قلتي نمشي نجيبو ماماك ياك
شيماء:صافي خلي هادشي لمنبعد مابقيتش قادرة نوقف
هز حاجبو قاليها : كيفاش خليه من بعد !! مكاينش من بعد .
كسيرا مشا نيشان حتى لدارهم ونزل معاها قاليها يالاه غنطلع معاك ..غنديرو العقد فداركم مابقيناش غنمشي عند العدول
شكون غيعتارض اصاحبي مالك مزوج بمدينة ..بنت وصافي تا نتا باك كيكبر الموضوع
يازيد: هاحنا غنشوفو هاد الاعتراض فين غيخرج
انس: شووف ..ايون فوا يدوز الشهر الاول غيقلبر عليك ..صعيبة غير هاد البدية من بعد غيديوها فشغلاتهم ويولفو
فاتي: اوييلي على كنتو غديرو كسيدة الله يحفضك
زبيدة: اهلا بنيتي مرحباااا بيك مرحبا بيكم
دقو العدول مشات حلات ليهم زبيدة دخلو جلسو فالصالون وبدا يازيد يعيط على شيماء مشات هي ومها وفاتي جلسو معاهم وبداو العدول فالطقوس ويازيد كيشوف فالساعة ..عطاوها توقع ووقعات والشال على راسها وجر يازيد داك الدفتر راسو وقع
العدول: الله يجعل كلشي مبارك ومسعود
يازيد: يالاه اسيادنا توكلو على الله طلقونا بديك الورقة
عطاه العدل توصيل وناضو من بعد ما يأسو وكان يحساب ليهم غيضربو الخرفان والبساطل.. مع خرجو مع الدروج تكا يازيد على ضهرو دار رجل على رجل وجبد تيليفون كيعيط
شرف للبيع الجزء الثامن
محتوى القصة
مول القاعة: حددتي النهار ديالك
فاتي: لا دابا عاد غنخددو…بغيتو السبت ان شاء الله
شيماء: هاد السبت؟!!
سبت؟!!
فاتي: مالو عندك فيه شي حاجة ؟
شيماء: لا غير فاجأتيني
فاتي: بغيت نشوف القاعة كلها ..كديرو تريتور ؟
خرجات شيماء عينيها وجرات حنكها كتندب مالقات فين تخبي وجهها ورجعات شافت فمول القاعة قالت ليه. كديرو لوغكانيزاسيو دي فيت؟
تبسم ليها وقال:وي بيان سيغ ..شوفي تخيتوغ اللي بغيتو. نكافة لجوق اللي بغيتو نجيبو ليكم نضم ليكم كلشي ماتحتاجوش كاع تهزو الهم لشي حاجة
فاتي: انا بغيتي صويري يغني ليا وواحد الواحد كيغني الشعبي كيكون معاه وبغيت عبيدات رمى وعيساوا ونكافة واحد الوحدة مشهورة فكازا انا نوريك فتيليفون شكون …
خرجات شيماء جاراها كتنكر وتقول: اوييلي على مدام سدراتي بهدلتي براجلم اصاحبتي ..واش هوا كيوريك القاعة ونتي غادية ليه لابسين كتقولي ليه دير ليا خيمة !!!
فاتي: راه نتي اللي غالطة اما انا شفتهوووم كيفاش كيديرو كتجي واااعرة ..شيماء: خاصك ترقاي شوية اصاحبتي اللبس والاناقة والزين راه ماعمدو علاقة بالرقي!! راه الدمااغ الدماغ هوا كلشي ..تكوني كما كنتي يحتااارموك ولاكن اينوفوا دوي تجي باط على راسك تا واحد مايديها فيك
طلعو فالطموبيل وحدة كتنكر على وحدة
فاتي:شوو بغيتي نقوليه نبقا نتبعكك عليه!! مسيو سدراتي ولا سداري يديها فكرو.ك سخدم الى بغا يخدم
شيماء: وانتي مافهمك فيك وااالو!!! اويييلي هوا كيشرح ليك شنو كاين ونتي كتقزي عليه ،،متأ وادير لي هادي..ودير ليا تا هادي!! باقي مشالا معاك الماكلة نضتي ليه لحوايج!! كن غا بقيتي اختي فدااارك امرت البرجوازي ويجي عندك هووما تا للدار كي كيديرو الناس ليبوغجوا ..نتي باغا طوطحي عليهم واحد واحد!!! من نيتك باغا تلاقاي بالجوق شخصيا!! تسطيتي ولا مالك غتبهدلي بأنس
فاتي: خلييينيي اختي انا هادشي اللي كنبغي..نطوطح ونتشطر ونقلب ..اما الى جابو ليا داكشي واجد مغنخسش بيه خصني نطوطح عليه
شيماء: واطوطحي يا ختي تا تشبعي
رم تيليفون لشيماء وقال
يازيد كيصوني …الووو
يازيد: زعما الى ماعيطتش انا نتي متعيطيش؟!!! ماتسوليش غنبقا انا بوحدي كنعيط!!
شيماء: راه تشطنت راك عارف جري عليا نجري عليك
يازيد: لااا ..ماتقولي لثا لا تشطنت لا منعرف شنو..نفيق الصباح نهز تيليفون نصبح عليه جوج كلمات صافي باي..اما نتي ماحاطانيش اصلا فراسك باش تفكري تعيطي ليا
بقات ساكتة كتشوف قدامها وسكت حتى هوا مطولا وقال
دابا فينك نتي شنو كديري؟
شيماء: انا مع فاتي فالرباط
قاطعها : فالرباااط!!! وجيييتي للربااط وماقلتي ليا والو وانا كيحساب ليا نتي باااقا فكازا!! دابا كن ماعيطش ليك كن ضرتي حتى شبعتي ورجعتي بحالك مانعرفش كاع واش جيتي وماتقولي حتى نشوفو جيت جيت !!!
بقات ساكتة مالقات ماتقول وزفر قال
شوفي: اااخر مرة غنعيط ليك الى ماسولتيش نتي المرة الجايا مغنعاودش نعيط ليك مرة اخرى تفاهمنا ..زيد نتفاهمو دابا علاش ماقلتيش ليا جايا؟؟
شيماء: راني مشطونة ربي اللي عالم بيا
يازيد: واعييطي ليا قولي ليا غنمشي للرباط..غتعلميني نعرفك فين كتمشي فين كتجي..اخر مرة تزيدي لشي قنت بلا ماتقوليها ليا تفاهمنا
شيما: علاش مالي والى مشيت اشنو فيها
يازيد: فيها تعلميني.. تشاوري ماديريش اللي قالك راسك
شيما: مافهمتش انا علاش كتقول لي عاد الهضرة!!
يازيد: هاد الهضرة هي اللي كاينة خليها راسك ….ودابا فينك شنو كديري؟
شيماء: والو كندور انا وفاتي
يازيد: تسالي الدوران عيطي ليا اوك ..قبل ماترجعي ..غتعيطي
شيماء اوك صافي
يازيد: يالاه باي
قطعات وشافت ففاتي وقالت
اختي الحكام ..فين مشيتي فين جيتي اش هاد الزمر!!.. دابا خصني ندير لغابيل باش نبقا كل شوية نعلمو
فاتي: اختي كنكره الراجل اللي فيه قوة الحكامات ..الله يخلي ليا سيدي انس عيطت ليه نقوليه صافي قاديت الامور قالي بالصحة بلا متبقاي كل شوية سر فر هاشنو درت هاشنو مادرت صافي سيري قضي داكشي اللي خصك مامساليش لقوة تيليفونات
شيما: انا ختي بديت كنقط منكدبش عليك ..بديك كنضيق وبديت كنحس بحريتي كتسلب مني
فاتي: فكري مزيااااان ..فكري مزياان قبل ماديري شي خطوة تندمي عليها..نسيتي نهار قالك قطعي مع فاتي وخرجك من الدار داك للافاك..من تما باين البلان غيبقا يحركك كيف بغا..اللي فيه شي طبع راه فيه بلا متقولي نبدلو انا مع الوقت
سكتات شيماء وسهات الطريق كلها .
فاتي: تشهيييت اكل شامي اختي..ناااري ريوكي شالو على داك. ورق العنب..نمشيو ناكلوه
شيماء: يالاه
مشاو لطمهم شرقي وجلسات فاتي تتشهى وريوكها سايحين بغات تاكل كلشي وبدات طلب شوية من الحاجة ماخلات لشيماء ماطلب ..حطو ليها صحن طوييل فيه جميه انواع المأكولات ومن حل حاجة شوية ومشروب الخيار والقصب السكري هبطات عليه بحال القدر وحطاتو بدات تاكل فورق العنب وتبنن وتقول
-عندااكي تزربي ياختي..تخرجي على راسك ومستقبلك..انا راه ماعندي مستقبل الى منتفتش من انس ماينتف مني..ماعندي مانخسر اما نتي راكي بخدمتك ومستقبلك وعلى برااا ماعندو علاش يتحكم فيك هنا ..اما الى دخلتي لهنا وتوسط ليك عولي عليها يخرجك منها الوقت اللي بغا وراسك فالارض..اللهم بلاش رجعي فحالك ولخدمتك ..
شيماء: مابقيت عارفة ماندير..الصراحة نقول ليك واحد الحاجة تيقيني
فاتي:غا قولي قولي
شيماء: بردت …كنحس براسي تفكيت من العقدة اللي كانت عندي ..كنت كنحس براسي مربوطة
فاتي: كتوقع..فاش كتصاحبي مع شي واحد ويدير ليك شي حاجة كتبقا طلع وتهبط فيك ..ونهار كيرجع يطلب السماحة ويتبعك كتبردي وتحرري
شيماء:بصح ..نفسي هادشي اللي كانت باغا..كانت مجروحة وعايشة على الماضي وديما كتفكر اللي جرحها ..دابا نالت مرادها وتشبعات ..خصوصا فاش كيبدا يقولي عيطي ليا سولي فيا ..وليت كنحس براسي مامرتاحاش معاه
فاتي: وافكري اختي فكري شنو غيجي من بعد
تنهدات شيماء وقالت: الصراحة مابقيتش مرتاحة معاه ..كنحس براسي متبوعة ..عرفتي شنو افاتي ..ولات عندي رغبة نسافر ونشري حوايج جداد ونبقا ندور من بلاصة لبلاصة ..توحشت حياتي توحشت راسي..عرفتي كنحس براسي كنتعانق مع نفسي موحشة لايامي ..ولاكن هاد المرة ايام احسن مللي فاتو بعيد على داك المستنقع ..وليت كنحس براسي باغا نبان ..كنت اصاحبتي كنمشي مع الحيط مكنبغي حتى راجل يشوف فيا..دابا وليت بااغا نشوف داك الاعجاب ونحس بأنوثتي ونستمتع بيها
فاتي: واعيشي اختي شكون حبسك..سيري. ضربيها بشي تسافيرة تا لنهار السبت واجي
شيما:ويازيد اللي فكل مرة يصوني ليا تجيني الخنقة؟
فاتي: عندك دابا فرصة تخليه يبعد منك..قالك الى ماعيطتيش منعيطش صافي ماتعيطيش خليه يفهم راسو..نااااري شهوتي نهبط ليه زنافرو للارض ..دابا هوا عند بالو راه شخصية وماعرفت فين واصل تا وحدة ماتقدر تنساه ..انا بغيتك ماتعيطيش ليه ضربي ليه احساسه كااامل فالزيرو وخصوصا دابا غيكون كيتسناك تعيطي..ناااااري غيبغي يتفركع ويندم علاش قالك منعيطش ..بغيتو يحس براسو مايسوا تا خرية ماحاسبهاش كاع واش كاين ومامسوقاش ليه ولا لهضرتو ..والى عيط جاوبيه عادي بحال الى مادرتي والو وعايشة وخليه يتفققققققص..لحكام لخاوي..ننننن ماتمشيش مع فطومة نينينينيي..الق٠٠٠د لاخر
حطي مو سطل ضهشري ليا البشار بردي قلبك على السفريط خليه يهبط كواريه الله ينعل ٠٠٠بوهم كاملين
فكرات شيماء فكلام فاتي اللي كلات الصحن كله بقات ليها غير الطبلة وتكات كتسرط وتمسح يديها قالت ليها
عنداك تمشي تعيطي ليه؟!!
شيماء: مزال كنفكر..حيت الى ماعيطش دابا صافي خصني نعول على الفراق مرة باش الى جابتها الوقت نقوليه مصالحينش..ماعرفتش شنو ندير
فاتي: وانتي شهوة منك وغزالة سيري تزوجي بشي كاوري حسن ليك ودفعي شبابك غاالي وعطي قيمة راسك..مافهمتش ربي كينعم عليك بالخير ونتي عادة برجليك للعافية!! كاين شي واحد يخلي خدمتو ويرجع يخدم بالوصاية تبقاي ديما دين عليك وخير دارو ليك. وتجلسي حدا داركم وصداعهم ..تخلي ليا دوووباي والحياة كي دايرة تما وتجي لهنا لوجوه الحبس الله ينعل ٠٠٠بوهم.
سيري سيري رجعي فحالك تمتعي مع راسك ..صافي صاحب دعوتك شتيه وتلاقيتيه وطلب منك السماحة وتابعك كي الكرادة وهوا معارفش راسو كرادة صافي راه نيفو ديالك طلع راسو دابا مابقا عندك ماديري بيه..شو كي داير تا الزين مازوينش..يخخخ والهضرة والحكام ..نتي احسسسن منو بالف درجة واااعرة عليه فين يبان هوا ..عنداك تحاشيها ليه خلي مو يتمرمد ماحدو كيتمردمد ونتي كتكرهيه وتهربي منو
شيماء: ناري ياختي سكتي شوية..خليني غير نتشاور مع اعضائي
فاتي: هانتي اختي تشاوري ..خويا ارا ليا شي حلوة الله يسهل علك ..لالا ديك اللي فرقها لكاوكاو ولكركاع..ارا ليا تي كنافك …فيها الحبن ؟ اراها تاهي..دردد عليها شوية بيطاش الله يحفضك..شوووكرا
دارت شيماء يد على خد كتخمم وفاتي كتاكل فالحلوة وناضت ليه قالت ليه
جمع ليا واحد الخمسة من ديك كنافة.. وداك العش تا هوا جمع ليا واحد الخمسة ..واخد الستة ..ولا دير عشرة مع صغار دغيا كيمشيو …مكديروش ليفيزو ؟ اوا النمرة تا نعيط ليكم جيبو ليا ..ندي شي موني معيا؟؟؟؟ ااه عندكم باج ارا الفايس بوك ..هاكا قيدها
ناضت عندها شيماء قالت ليها صافي مشينا
فاتي:صافي يالاه
شيماء: لحساب عفاك
فاتي: صافي عطيتو
شيماء: وعلاش عطيتيه كليتيه بوحدك!!
فاتي: وصافي تانتي…صافي عا خلي ليك الصرف ..غاش نقولك مدام سدراتي عقل عليا صافي بسلامة
خرجو وشافت شيماء السعاة قالت ليها
وصليني لطموبيلتي مشا الحال خصني نرجع
فاتي:باتي معايا ليوم بايتة بوحدي
شيماء: وانس ؟
فاتي: غيبات مع ديك ال٠٠٠٠ة ..
شيماء: نااري ياختي كتجيك عادية ؟!
فاتي: كااانت فالاولكنبدا نبكي ونصوني ونمرض ..دابا صافي عادي ولفت ..يجيب ليا ولادي ويمشي
شيماء: ناري ياختي منقدرش
فاتي: كيتسناك كتر من هادشي مع داك بوصفير الى مشيتي تا تزوجتيه.. وتا الهضرة ماتقدري طلعيها معاه
شيماء: ناري ياختي كرهتيني فيه..نزيد معاك شهر نعيفو
فاتي: انا عا كنحل ليك عينيك مع نتي عورة تقب ليك عينيك شحال هادي عاد دابا بديتي تشوفي وتوضاح ليك الصورة..راه والله مايليق لك انا نقولك ..متكبر وكيحساب راسو شاد السما ..ويعاودها لمو لا كان لاباس عليه وواصل ..يعطينا غا تيساع ويوصل تا للفضاء كاع
وصلات شيماء مع فاتي للفيلا وقررات تبات معاها .لاكن فاش نزلو دخلات فاتي وبقات شيماء واقفة
فاتي: مالكي؟؟ وادخلي
شيماء: واخا ..غير سيري انا غنمشي نقضي واحد الغرض ونجي
فاتي:اشمن عرض؟
شيماء: غير شي حاجة وصافي
ركبات سيارتها مشات بعدات ووقفات فجنب الطريق شدات تيليفون كتشوف فيه مطولا وتفكر وتلعب بصبعها بتوثر فالاخير خدات قرار وتاصلات بيازيد ..طولات الاتصال لاكن بدون رد..حاولات للمرة الثانية وكذلك بدون رد.. حسات بقابها تكمش وبدات تراجع عن قرارها والحرن مالي قلبها ..شوية غرغرو عينيها وبدات ضعاف وبدات تواعدها نفسها عمرها تصوني ليه ولا تتاصل بيه وغتقطع الاتصال فمرة والعلاقة قبل ماتبدا ..ديمارات السيارة غادية كتنخصص بلا دموع وتفكر ورجعات وقفات قالت اجي نسيفط ليه مسج نقوليه سالينا .
هزات تيليفون بدات تكتب ليه جريدة ديال الوداع الابدي والفراق وحتى كانت غتسيفطها وهوا يصوني عليها خلعها وردت فالحين
الو يازيد؟؟
يازيد: كنت فالبلوك ..ساليتي؟
شيماء: اه ساليت صونيت عليك مكنجاوبش ..
يازيد: كانت عندي اوبيغاسيون خرجت لقيت لابيل ديالك ..عطيني نص ساعة نخرج من هنا نمشي ندوش وتلاقاو اوك
شيماء: اوك ..فين عنتلاقاو
يازيد:فين مابغيتي..سيري لفرح تسناني هانا جاي عندك دابا
شيماء:واخا
قطعات وبدات ضحك بوحدها وساطت تقول كانت فالعدو الريفي ومسحات داك المسج كامل ومشات كطير لاوتيل فرح دخلات للكافي وجلسات كتتسناه على نار حتى تم داخل بشورط دجينز وتيشورط رمادية وكاسكيط كحلة حط يدو على ضهرهرا خلعها وسلم عليها وجلس كيضحك عنقها وقال
فين كنتي ؟؟ فين مشيتي نتي وفاتي
شيماء: فخبارك راه غيديرو لختانة ؟
يازيد: لا مافخباري والو!! شكون غيتختن؟
شيماء: ولدها الصغير
يازيد: مختن هاداك اش غتخن فيه؟!
شيماء: بغات غير الحفلة ..داكشي علاش مشيت معاها كنوجدو للحفلة
يازيد: اااه مزيان .. الله يكمل باخير
بقات ساكتة مطولا كتشرب مشروب ديطوكس ..رجع ليها شهرها اللور كيشوف فيها بابتسامة ناعمة وقال
زيانيتي
جاتها الضحكة قالت ليه علاش كنت خايبة
قاليها :لا زوينة..مي تزادت فيك شي حاجة زوينة
شافت فيه قالت ليه: شنو هي هاد الحاجة؟
تنهد قاليها : ماعرفتش ..المهم انا بعدا كنحس بشي حاجة زوينة جديدة فيك .. مابغيتكش ترجعي للامارات
تنهدات قالت ليه: شنو غندير هنا؟ ها انا رجعت وهنا خدمت وهانا بقيت فالمغرب؟ شنو من بعد ؟ صافي هادا هوا المستقبل؟ نتا مغتزوج ما غدير ولادك مادير عائلة ؟
تكا على ركابيه كيتنهد وشد ليها واحد اليد بيد يديه وغطاها وهما جالسين على كنبات حادرين وهز راسو شاف فيها مطولا مصغر عينيه كيفكر وهي كتنسا الجواب وكتمنى مايتجاهلوش ولا يبدل الموضوع.
تأمل فيها مزيان ثم قال: شوفي .. نكونو صاريحين مع بعضياتنا . . انا من قبل منك عمرني فكرت فالارتباط ..ونهار عرفتك ..وجلست معاك ..مافكرتكش فالارتباط ديك الساعة .ولاكن تخيلتك مرتي..تخيلت حياتي معاك كيفاش غتكون ..من بعد فاش مشيتي .. تعرفت على بنات اخرين من موراك ..مي عمر ديك الصورة اللي جاتني لبالي معاك مجاتني مع شي وحدة ..حتى فاش خطبت لعام الفايت ما قدرتش نتخيل راسي مزوج ..خطبت على قبل السمية المستقبل الانسان خاصو يدير وليدات ماحدو صغير يتزوج مرى مزيانة ويستاقر وداكشي ..سي توو . هادشي اللي فكرت فيه اما الراحة النفسية مكايناش ..ومالقيتهاش واخا حاولت وجربت مالقيتش..قلت علاش غنبقا هاكا صافي ماشي ضاروري داك لاموغ ودوك ليسومنيتمو اموغوه..وليدات مهمين فالحياة والاستقرار اكثر . واخا كنت كنتمى نتزوج بنت كنبغيها كنرتاح ليها كنحس معاها بشي حاجة كنشوف فيها شي حوايج يسعدوني..ولاكن حتى لفوقاش غنبقا كنستنى هاد البنت تبان ؟ والى مابانتش؟..اللهم الانسان يفكر بعقلو وميبقاش يضيع الوقت .خطبت..مارتاحيتش ماقدرتش نكمل كل جلسة كنبغي فوقاش نوض صافي سالينا..
جيتي نتي نعاام الاللاااااا…شيماء!! شكون هاد شيما؟ شكون غتكون فملك الله اصلا! شكون هي باش انا نرتاح ليها ونبغي نجلس معاها ونهضر معاها ونتعاون معاها وهادشي كيفرحني ماشي كيقلقني..منكدبش عليك..انا ماكنت باغي معاك تا علاقة..تا شي قرابة وقلت نسييتك ومشيتي ..فاش بنتي ليا لقيت راسي ماناسي والو..لقيت راسي موحشك بزااف باغي نجلس معاك نهار كامل مانتفرقش انا وياك ..شيماء اللي انا ماباغيش نفكر فيها من دون كاااع دوك البنات ..هي نيت اللي كنلقا راسو كندور بيها ! وكنرتاح ليها ..وعزيزة عليا..مرضتيني فحياتي دوزتيها عليا كرهتيني فالبنات فين ما كانت شي وحدة زوينة كنكرها ..وها هادشي كامل كنلقا راسي كندور بيك كنقلب عليك على اعذار على شحال من حاجة ..حسيت بيك واخا هادشي كله بنت الناس وبنت طموحة وبدراعها باغا تغيير حياتها باغا توصل.. باقا نية و باقا نقية من لداخل وماراضياش بشنو كانت كدير.. مامتقبلاش طريقها ومامرتاحاش فيها..كنقول عقل الصغر ..المراهقة ..الطيش كيخلي لواحد يخرج على راسى ..وكندور ندور ونقول ماشي مشكل..حتى اللي مامشات بلفلوس راه مشات فابور .. المهم قلب الانسان وكي داير
كتسمع وعينيها كيغرغرو حتى دمعات وقالت
شنو اخر؟
شاف فيها باسى مطولا. وقال: انا شخصيا متقبل الواقع كا هوا ..بيك بعائلتك ..بكولشي ..وباغي نكمل معاك ..مع شيماء سوا القديمة ولا الجديدة.. بوجهها بصوتها باحاسيسها بكلشي ..واخا يجيبو ليا مية بنت بغيت هادي اللي ماكنتش باغي..
ردت: عائلتك ..صحابك ..شنو غيكون جوابهم
رد: حتى واحد معارف شنو كاين..لاطالما الضوسي ديالك عند البوليس نقي وماعندكش وراق مسخة حتى واحد مغيعرف شنو فات ..
شيماء: وعائلتي؟ وخوتي
تنهد وقال:شوفي..هادشي خليه فالجنب..انا غنجيك نيشان ..باغي نتزوج بيك ..ونديرو دار ونديرو وليدات ..خيت نتي اللي بغيت..الى تدوجت وحدة اخرى على الاستقرار غنبقا كنقلب على الحب والراحة فجوايه اخرى ونهرب من الروتين والضغط .دونك باش بلا منمرض راسي ونضحي براسي على قبل شي واحد اخر باش يبقا على خاطرو ..غنتزوج بيك واللي بغا يوقع يوقع
شيماء: باباك ميقبلش ..وعائلتك ..وكلشي حتى واحد ما يقبل بينا
يازيد:نتي ماعندك حتى علاقة بعائلتي..زايدون الواليد والوالدة اللي غيعرفو والشي لاخر يعرف راسو مكيهمنيش..باش نرضي نفسي ونرضي الواليدين ..غنتزوجو انا وياك ..وحياتنا غتبقا غير ليا انا ونتي ..بعيدة على واليديك وعلى واليديا ..التجمعات واللقائات مغيكونوش.. حياتنا الخاصة غنسدو عليها بعيد على كلشي ..بغيتي عائلتك غتمشي تشوفيهم. وانا كذلك . يعني لا انا لانتي غنتشاركو حياتنا مع واليدينا
بقات ساكتة مطولا كتنهد وقالت
خاصك تهضر مع والديك عاد تقرر
رد: هضااارت..
شيماء:شنو قالو؟
يازيد: راك عارفة بلا منبقا نفسر ليك..المهم من هادشي كامل حياتي كتخصني ..غنبعدها على كلشي ونطرفها ..انا كولدهم راه غيبقاو يشوفوني عادي بحال ديما كي مزوج كي مامزوجش.. زواجي وحياتي التانية خاصة بيا كتبقا خاصة بعيدة وحتى واحد ماغيقرر بلاصتي ولا غيختار ليا شنو يناسب وشنو مايناسب وحتى واحد ماغيعيش بلاصتي باش يرتاح ولا كاع لايرتاح.تفاهمنا ؟
سكتات مطولا كتسمع ليه في حيرة ويدها بين يديه وقالت
غنتزجو فالسر زعما هادشي اللي قصدتي؟
يازيد: لاااا..غنتزوجو عادي مالنا علاش غنخبيو؟ غير داك الاحتكاك ميكونش وصافي
تنهدات قالت ليه:خايفة.خفت نغامر
يازيد:مناش خايفة؟ واش انا معاك ونتي كتقولي ليا خايفة !!
شيما:خايفة رجع للمغرب ونتزوجو ويوقعو شي مشاكل..نضيع كولشي ونضيع مستقبلي
شاف فيها بتبسيمة خفيفة قاليها
حتى حاجة مغضيع..واش نتي غتولي مرت يازيد الصقلي وعاضيعي!! مزاال غتشوفي حوايج اخرين وحياة اخرى متبقاش تبان ليك كاع ديك جوج دريال اللي كيعطيوك تما فدبي ..عطاا الله مايدار هنا فالبلاد
شيماء:واخا ..ووو وداركم
يازيد:دارنا دابا يتقبلوها مع الوقت ماشي كلشي كيجي بالزربة ..شوية بشوية غتبدا الامور تستاقر البدية اللي صعيبة ..المهم من هادشي كامل ..كتبغيني؟
تزنكات رجع وجهها احمر ودوراتو للجهة الاخرى
طل عليها كيضحك قاليها : انا كنبغيك اشيماء
شافت فيه مصدومة وبرقو عينيها قالت ليه بصح!!
قال: علاش غنتزوج بيك الى مكنبغيكش؟ هادي احسن حاجة فحياتي ..غنتزوج عن حب واقتناع ..نصبح عليك ونمسي عليك حسن مانبقا عليك صوني عليا عيطي ليا او لالا
دارت يدها على نيفها كضحك شوية بدات كتبكي مامصدقاش راسها طلب منها الزواج ..حلات يديها غنقاتو بقوة ورخات المشاعر ديالها بعيدا عن الخجل والقمع والخوف وبكات دموع الفرحة ورجعات شافت فيه كضحك وعاودات عنقاتو بقوة ..
يازيد: كتبغيني؟
دورات وجهها قالت ليه لا
هز حجبانو قالها ياااك
بقات ساكتة ومسحات وجهها قالت ليه غادي نتزوج بيك حيت عزيز عليا وصافي
يازيد: ههه بحال خوك.
ميلات راسها كضحك قالت ليه بحال داكشي
يازيد: جمعي وريقاتك نديرو لاكط
شيماء:مانديرو لا خطبة لا عرس!!
يازيد: دابا حنا فالخطبة والعرس…ياربي نطرقو هاد المسمار بالزربة وديري اللي عجبك من بعد..وجدي وراقك دغيا
شيماء: صافي واخا
يازيد: ثلت ايام تكوني موجدة لاوراق تفاهمنا
حركات ليه راسها وعنقها بيدو كيضحك وشد ليها يدها كيجمعو ويتناقشو
بالفرحة دخلات على فاتي كتجري قالت ليها عتقيييي..عتقيي يازيد غيزوج بيا
فاتي:هاويلي؟! كيفاش يازيد غيتزوج بيا؟
شيماء: هوا طلب مني ازواج وقبلت ..غنطير بالفرحة ..ناري غنسخف..غنتزوج حتى انا
فاتي: اويييلي !! وفرحانة ؟! مالقيتي بيمن !!
شيماء: بعدي مني اختي خليني نفرح تا لغدا وهضري…عطيني شي بيجامة نلبسها وريني فين نبات ومادويييييش معايا غتخرجي عليا هليني نفرح واحد شوية
صبحات نازلة لقات فاتي جالسة كتفطر لابسة واحد الشورط قصير وديباردور واولادها فالجردة كينقزو فالمسبح والمربيات تابعينهم ..غير جلسات قالت ليها
كيفاش اختي لبارح!! زواج ما الزواج
ضحكات شيماء: قالت ليها مامصدقاش اختي ..ققت الصباح حسابني كنحلم ..لبراح طلب مني الزواج واانا قبلت
فاتي:ودارهم !!!
شيماء:ماشي سوقي ..هوا ضحا علو قبلي وعائلته هاديك ماشي عائلتي هوا الاول اللي غيوصلو الصهد ..اما انا بعيدة عليهم مغاديش نتعاشر معاهم
فاتي:مازواج ما سا حمص هادا اختي !! غيتزوج بزز على والديه !! اوييلي وباه بعدا فيه عشرة كي غيدير معاه
شيماء: ومالكي نتي تزوجتي سكوتي مكوتي انا بعدا قالي نتزوجو ونعيشو حياتنا عادي بعيد على الصدع وماسوقيش فالبشار
فاتي:واختي مللي قاليك هاد الهضرة كنتي بعدا تسوليه واش غتزوج بيا غير انا ولا غديرني فالدار ودير وحدة للمجتمع!! هادي سولتيه عليها
شيماء:الصراحة لا!!
فاتي:واهادي اول حاجة تبداي بيها لايكون ناوي يتزوج بيك ويتزوج بوحدة اخرى لواليديه ..وتصدقي مشاركة الراجل مع الضرة
شيماء: الله يستر اختي الله يحفض انا اللي الشركة مانقبلشبيها
فاتي:واسيري اختي غيزي الشغل راه مافديلمو تيقة كيبان مزيان ويديك الواحد ويجيبو تا يطلعو معاه .. كي طلعو دابا مع دارهم بهاد الزواج غدور الايام ويطلعها معاك تا نتي بشي صاروخ كبر من ترتمتك ..انا هاداك ماكيدوزش ليا ..يخخخ كنس قصيف
تخلعات شيماء من كلام فطومة وقالت ليها
غنشرطها عليه اختي فالعقد
فاتيي:واهناتي شرطتيها عليه زعما غيعقل عليك نتي وداك الشرط !! غيشرط ليك ايامك يوريك الشرط كي داير تسحابيه عسكري دوزيام حلوف! راه السيد جينيرال وعندو العروق صحاح يضمسك نتي والعدول اللي عقدو ليكم
شيماء: وا نجمع بعدا الاوراق وفاش نتلاقاه عادي نحط معاه النقط على الحروف
فاتي:حطي يا ختي حطي لا لقيتي ما تحطي..هانا علمتك ..دابا تندمي
ناضت شيماء كتأفأف من حداها مشات بدلات حوايجها وودعاتها بالزربة باش متأثرش عليها بكلامها وزادت خلفة مع الطريق نيشان لكازا والطريق كلها وهي فتيليفون مع يازيد حتى وصلات لدارهم .غير دخلات لقات باها جالس وسط الدار داير رجل على رجل مقوس وحداه واحد الميكة صغيرة وشاد السبسي كيعمر ويتكيف ..
جلول: على سلامتك ابينيتي ..ت فين كتغبري هاناري!!
شيماء: ارا ليا الحالة المدنية بغيتها
جلول:لاش بغيتيها ؟
شيماء:باغا نخرج منها شي وراق .
مشا عند زبيدة للكوزينة قاليها عطيها الحالة المدنية طلقي راسك
مشات زبيدة كتجري جبداتها عطاتها ليها وخرجات عندهم قالت ليهم
انا راه غنتزوج
جلول:تزوجي!!! كي درتي ليها هادي؟؟؟ بيمن؟
زبيدة:كيفاش تزوجي ابنيتي وشكون هادا وشكون دارهم !!
شيماء:غنتزوج داك الراجل اللي جا فك ليكم لحريرة اللي نوضتو
قرب منها جلول قاليها
وعدو شي شي ورث ..عدو شي فلوس!! ياكل ليك رزقك ويزيد
شافت فيه شيماء كتجمع الاوراق وتستف قالت ليه
شي فلوس!!.. عدو البلاد كاملة ..المهم انا راه بغيت نعلمك بالزواج وصافي
زبيدة: وا بنيتي ما جا ما شنااه ما درنا خوطبة!؟؟ تي فينا هما اااا…خاصو يجي يجيب دارهم والسكر واتاي والحلوة والصزداق فيديه ويجي يخطوب
جلول:اييه مالكي تي عتمشي تزوجي بيه عا وحدك !! خصو يجي يدوي مع باها وانا نعطك ليه
شيماء: مكاينة خطبة مكاين لا سكر لاسنيدة…صافي تفاهمنا انا وياه غنجمعو الاوراق ونديرو لعقد نيشان ..ونزيدك ..غنجي للمغرب مابقيتش غنرجع لامارات وغنخدم هنا وغنسكن هنا ..المهم هاهي دابا فراسكم
بقا جلول غير كيشوف فيها وتابعها بالسبسي وهي غادية جايا ….تبعات مها للكوزينة قالت ليها بهمس
نعار العقد نديك معايا ..ماتقوليها لحد
زبيدة: واشعانقوليك ابنيتي هاد الزواج جا كيطير كي درتي ليه الله واعلم
شيماء: هاد الراجل راه كنعرفو سبع سنين هادي وهوا اللي خلص عليا المدرسة عاوني تا وليت خدامة ورجعت دابا باش نتزوجو ..
زبيدة:ولاكان هاكا ابنيتي الله يسعدك ويسهل عليك ..بالفرحات عليا نشوفك بي دارك وبي ولادك
دخل عليهم جلول كتفتف جرها قاليها
..مالكاش عدك شي ميات درهم ؟ قهرني عا المركوب
خرجات عينيها قالت ليه ياك عطيتك فلوس الموطور فين هوا الموطور
جلول: علاش ماكتش ليك ؟؟ كريساوني ولاد ل٠٠٠ب وانا غادي عند مول لماطر
هزات حاجبها : دابا تا يكريسيوك!!
دار يدو على قلبو كيتفتف قاليها
وابنيتي ولاد لحرام عطاهم الله عا هما ..رزاوني بغيت ليهم رزية ..
تنهدات بتعب جبدات مية درهم عطاتها ليه وهزات صاكها خارجة وتبعها كيجري تاني وعيط تا للطموبيل
جلول: واتي عا تسنااااي اناري..وصليني معاك للمدينة
شيماء: زيد زيد
طلع حداها زادو فالطريق وقاليها
وابنيتي دابا فلوس الميطير مشاو وانا باقي في تكرفيس..اش ندير دابا نا؟
شيماء:واش نديرك ليك تا انا عطيتك الفلوس مشاو اش ندير ليك
جلول: ودابا شت واحد الميطير قلت ليه خليه ليا خفت يكون طار
شيماء: مابقاو عدي فلوس دابا تقاداو
جلول: عانتسناك تاا تصرفي داك دوران وعطيني نشريه صافي بينيتي ؟؟
بقات ساكتة كتشوف قدامها وقلت ليه وتسنا تا ندوز هادشي بعدا هوا الاول ويحن الله فالموطور
وصل بغا يحل لباب وضار عندها كيتوجع: مالقاش عدك شي ميةد…
قاطعاتو مخرجة عينيها :وا عااد كي عطيتها ليك هاناااري!! وجبتك معايا كاع ماخلصتي طاكسي ماركبتي كرويلة
خرج كيتفتف:صافي صافي راه عا نسيت اعودو بالله من الشيطان الرجيم ..كي شتي وليت نسا هاد ليامات ..الله يعاونك ابنيتي .
رن هاتفي ..رد الماضي وقال:اشتقت لك .
بعد الجرا وجميع الاوراق بدون مساعدة اي احد وهي فرحانة كتجري على راسها ناضت فاليوم الثالت على موعد مع يازيد باش طيح العقد ديالها كما تافق معاها .
.
ناضت لبسات جلابة شراتها جديدة
فالابيض مطروزة بالباج ديال العرايس وبلغتها وبحال اي عروسة بغات تفرح براسها وخدات شال رقيق ابيض حطاتو على شعرها المطلوق باش تقابل العدول ..جاها اتصال من الغيسبسيون وردت بابتسامة
الو وي..
مادموزيل مؤدب مسيو يازيد في انتضارك
تبسمات وحطات تيليفون هزات صاكها وخرجات شادة جلابتها نزلات عندو فرحانة والبريق فعينيها وتيليفون فودنها كتوصي مها
الو ماما ..وجدي راسك لبسي الجلابة اللي شريت ليك والبلغة صافي..شوية ندوزو عندك تمشي معانا . يالاه بسلامة
شافت يمين يسار مستغربة مالقاتش يازيد لاكن لقات الشيفور ..حققات فيه مزيان وتفكرات يوم هزها من الدار وفرقها على فاتي وداها للجامعة ..تبسمات ليه قالت ليه لاباس اسيدي
حدر راسو قاليها :لاباس الاللة..مسيو يازيد كيتسناك
ضحكات قالت ليه مزال مابغاش يسالي من هاد الحركات ..ضاروري يدير ليا شي هزة ماشي هي هاديك
طلعات معاه للور فسيارة مرسيديس فخمة وداها مباشرة لاوتيل شيراطون ونزل حل ليها الباب قاليها مسيو يازيد فالغيسطو كيتسناك
مشات معاه داها للمطعم وكانت عندو واجهة كبيرة على المسبح والطبيعة وبقات غادية حتى وقفها قدام طاولة فيها مرى شقراء لابسة كسوة قصيرة بسميطات موردة ونضارات شمسية وشعرها مطلوق ..جمعات شيماء الاسبتسامة وحيدات المرى النضاضر شاف فيها مزيان من راسها لرجليها وشيماء في صدمة كانت غتسكت ليها القلب.
كيفاش؟. مدام صقلي بشحمها ولحمها !؟؟ الله يجعلو خير !
تبسمات مدام صُريا ودارت رجل على رجل قالت ليها شيماء مؤدب !! سي سااا
بقات شيماء واقف وجرات داك الشال بتتاقل على راسها مصدومة .كملات مدام الصقلي كلامها شرات ليها بيدها
جلسي يا شيماء
جلسات شيماء بحدر كتشوف فيها فصمت وكتساؤل بعينيها على هاد المفاجأة اللي غير سارة .
تمعنات فيها مدام الصقلي مزيان وهزات كاس دالعصير فيدها شربات منو رشفة وحطات كو قالت ليها
ماعندي منقول…معدور مسكين يازيد ..شاف الزين ومشافش شنو وراه
بلعات شيماء ريقها وقالت :مدام الصقلي..!!!
هزات واحد الملف اصفر حداها حطاتو على الطبلة حلاتو وقالت
ماعنديش الوقت بزاف اللي نضيعو معاك ..
شيماء مؤدب..خمسة وعشرين سنة ..الاب جلول مؤدب والام زبيدة الديش..خمسة دالبنات جوج مزوجات حوج مطلقات وحاليا محبوسين ..ثلاتة دالخوت كلهم بسوابق ..السرقة الاعتداء الضرب والجرح الاغتصاب الممنوعات الى اخره ..
واش كتشوفيه راسك لايقة بمستوى يازيد الصقلي امادموزيل
بقات شيماء كتشوفي فيها وترمش وقالت
انا عارفة راسي ملايقاش بالمستوى ديالو ولاكن هوا قابل بالمستوى ديالي بخاطرو
طلات مدام الصقلي على الملف وقالت : واخا امدموزيل.. نكملو الملف ديالك ونشوفو…هربتي من داركم فسن تمنطاش. لسنة..وقريتي فالجامعة الدولية اللي التكلفة ديالها كتوصل حتى لطناش لمليون ..قريتي الهندسة الميكانيكية للطائرات وتخصص فضاءات الى اخره ..لحد لان هادشي مزيان ..ولاكن منين قريتي ؟ منين جاك باش قريتي؟ تقدري تجاوبيني؟
بقات شيماء ساكتة كتنهد وقالت ليها يازيد عاوني
عاودات مدام الصقلي قراية الملف وقالت
تلاقيتي بيازيد على سن تسعطاش لسنة فشهر ستة فبواط سوفيتيل ..تقدري تقولي ليا شكون خلص عليك المدرسة العام الاول؟
هبطات شيماء راسها تحت الضغط ماعرفات شنو تقول وبدات تمتم قالت ليها منحة
مدام الصقلي:اوك .. منحااا..
وقع بينك وبين يازيد مشكل ..ومشكل كبير خلاه يحبسك فالفيلا فهرهورة لمدة اسبوع ..ضرب وجرح واغتصاب ..زائد محاولة انتحار ..اشنو السبب اللي خلاه يدير هادشي كله تقدري تقولي ؟
داخت شيماء طاح عليها السقف مالقات باش تجاوب وبدات كتنهج وتبلع ريقها وقالت ليها بتوثر
سوليه هوا
مدام الصقلي: اوك …نكملو .. عطاك مبلغ ستة دالمليون ..علاش ؟ كتبقا فضروف غامضة..من بعد توسط ليك باش تاخدي منحة للسنة الدراسية الثانية حتى للاخير..وخديتي المنحة بما فيها السكن والنوم والاكل والشرب ..وكملتي السنة ولتاحقتي ب université de Toulouse ففرنسا ..نرجعو لموضوعنا ..قلتي المنحة تعطات ليك باش قدرتي تقراي..بلا مندخلو فتفاصيل المنحة تاضح كيفاش خديتيها وفوفقاش.. ونرجعو لقبل متكملي قرايتك في فرنسا وفي الاشهر لاخيرة ديالك فل uir تصابيتي بتسمم ..تنقلتي للكلينيك من بعد حولك يازيد لوبيتال مليلتيغ ..دار ليك اوبغاسيو راكي عارفة ديالاش بلا تفاصيل ..من بعدها بدو موا ..كان ليه يد فالقبض على خليك كبيرة كتاجر فالبنات وعندها شبكة لا يستهان بيها ديال الدعارة.. هاد الحدث لايستهان به ..وهاد الشبكة حارباتها السلطات وكترجع من بعد كل مداهة للنشاط ديالها…كيفاش تعرف يازيد على هاد الشبكة..وعلاش تدخل بهاد الطريقة الكبيرة فالقبض ديالهم ودسهم كلهم فالحبس
..علاش اهتم بهاد الوسط لهاد الدرجة ومنع عليهم كاع الجهات الداعمة ؟ تقدري تجاوبيني؟
هبطات شيماء راسها كتفرد يديها وترعد على اعصابها قالت ليها ماعرفتش …انا ماعندي دخل فحتى حاجة من هادشي
رن الهاتف ديالها وطلع يازيد وشدات ايليفون كتفتف ومدام الصقلي كتشوف فيها ..تبسمات قالت ..نكملو فالموضوع ديالنا بلا ديغنجمو الله يخليك..الوغ .. الشلحة كتقول:
ديك البنت كانت معانا وكتمارس الدعارة وانا اللي ديتها نهاو الاول ..عرفتها على البلاصة من بعد عجبها الحال كملات فالمسار ديالها ومكانتش كتحملني وتقامنات مني اش د انتقام ..ودساتني فهاد الحبس انا والبنات وكاع الوسطاء.
قاطعاتها شيماء بانفعال : كداااابة..كدابة هي اللي خرجات عليا النعار الاول وباعتني وخدات الثمن ديالي وشرات بيه فيلا.. هي السبب فهادشي كله ويازيد عارف كاع التفاصيل
مدام الصقلي: ها الضوسي هادا…
هز يازيد من وراها كامل قال
هاد الضوسي غتسديه ..(حط ليها ضوسي اخر) وها الضوسي الحقيقي اللي خاص يقرا الواليد
ناضت ديك الساعة حمرا قالت ليه ارا الضرسي
ردو وراه وقال: الضوسي اللي غيقرا الواليد هوا هاداك اللي قدامك..هاد الضوسي غيتحرق ومايعاودش يتجبد مرة اخرى ..كما خديتي الملف بالتخبية من وراه وهوا يالاه حط الشكارة غادي تحطي بلاصتو هاد الضوسي ..اللي فيه كاع داكشي اللي باغيه ااانا يعرفو عليها ..وغتقنعيه من لفوق
ردت بغضب : عطيييني الضوسي…باك اللي طلق مسطرة البحث وكيتسنا هاد الضوسي يفارغ الصبر..عطيني الضوسي بلا مشاكل
دار يديه وراه بجوج وقال: هادا هوا المشاكيل بحث داتها ..علاش بغيتي تعطيه ليه؟
ردت: انا خديتو باش نوقف هاد الزواج بطريقتي..حسن مايوقفو باك بطريقتو ا يازيد
قال:غتكملي فالخدمة ديالك دابا باش ميوقع ختى مشكل يشتت لافامي كلها ..اما الزواج مغاديش يوقف واخا يكون ميات ضوسي من هادا
تقدمات مدام الصقلي كضحك قالت ليه
زعما باك مغيعرفش !! زعما هاد الضوسي هادا هوا اللي غيقادها
قرب منها قاليها هاد الضوسي هوا اللي غيقادها ..والى جينا نتحاسبو نبداو بيهم هما نيت. مالها هاد البنت ؟ شنو عندها ؟؟ فساد؟؟ كلشي كيفسد واللي ماعندو ضوسي راه ريحتو عاطية!! شمرن غيخاسبها ؟؟ الفسايدة اللي كتر منها؟؟ اللي كيتجمعو على الفساد ديال بصح من كاع الجوايه؟!! ولا اللي مربي فيهم اللحية وكيشهد قبل مايهضر وهوا بحال المنشار طالع واكل نازل واكل وطاحن النص فالبنات؟!! هااا؟ دوي؟!! باغين تجبدو النحل نجبدوه نبداو المعارضين هما اللولالة ..نشوفو شكون اللي فيهم اكبر فسايدي..ياك بعدا ما شي من شي خلية ار ..بية .. ولا قتالة ولا كتاجر فالمننوعات ..داكشي خاص بيها هي ومتر منها راه مزوجين بيهم غير شكون شكون..مبداو نسمير فيهم بالواحد؟!! خلينا ساكتين وكل واحد يديها فشغلو واش فاش كينوض شي واحد يتزوجها شيخة ولا رقاصة كنجي نقوليه لا !! ولا الواليد براسو واش عمرو قال لا لشي واحد فيهم!!
قاطعاتو: نتا راك ولدنا ايازيد ولدناااا حنا ماشي سوقنا فلخرين
رد:بحالي بحال لخرين بلا ماديرو لينا هاد الفتنة ..البنت احسن من كاااع هادوك اللي جابهم من البيران تا وحدة ماقارية ..مهندسة ..قارية متقفة اشنو بغيتو بطاسيلتها ولا ماضيها
تنهدات مو قالت ليه تبدل سميتها وكنيتها والله يطليك بيها
يازيد: من هنا لفوق غتولي مدام الصقلي..رتاحيتو ؟
هزات مو داك الملف بغضب قالت ليه من اليوم ما انا ماماك مانتا ولدي .. سير دابا تندم وتجي ندمان
مشات هازة الملف اللي عطاها ومشا هوا عند شيماء عنقها كيسكتها وتنهد قاليها
صافي نساي هادشي..يالاه نمشيو بحالنا
جرها من يدها خرجها لبرا وشعل العافية حرق داك الملف وشاف فيها كيوريه ليها هازو والنار شاعلة فيه
شتي هاد الملف..مغيتحرقش غير فيدي غيتحرق حتى فحياتنا
شيماء:ماماك عندها الحق ..انا ماشي من مسواك وو..
قاطعها وخرج عينيه فيها بغيض قاليها من المستوا ديالي..وغدخلي فالمستوى ديالهم صحة وغتجلسي معاهم على لكراسة ضد فز٠٠٠ بوهم كاملين.. الفسايديا مكيشوفوش فسادهم كيشوف غير فساد لي تحت منهم .
طلعات فالسيارة معاه غادية على اعصابها جالسة حداه وقالت ليه
واش هاد لدواج م يأديكش ايازيد؟ ماعندكش مشكل مع داك المحط ديالك والناس اللي معارضين
قال كيهر بيدو واليد لاخرى كيسوق بيها
اش عندهم مايعارضو المخير فيهم كيشرب الدوا باش يقدر يشد شي وحدة..الواعر فيهم راه مرتو طاحت مع صاحبي ومصورها وراني الفيديو ديالها شتو بعيني ..غير دابا الواليدي معصب وكيحركهم عليا اما تا واحد مايقدر يعضر حيت كاملين مق٠٠٠٠ ودينها ..وداك اللي مرتو طاحت مع صاحبي صغر منها عارفها ومادار والو خلاها حيت تا هيا يدها طويلة ومعروفة كطيح وتنوض وراه ..غير دابا هادشي مكيتقالش ولاكن راه كنشموه وكنعرفوه وكنشوفوه من لفوق..
وهوا كيهضر دازت طوموبيل جهة شيماء كطير قاصداها وعطات السيارة ديازيد صوت الحدر الشي اللي خلاه ينتابه وفرمشة عين شد الفران وقلب الطموبيل لجهة اخرى ودازت لخرى قدامو دخلات فواحد الصور دخلة خايبة
غوتات شيماء غوتة خايبة بالخلعة ومشات وجات خدا يازيد بجهد الدورة ..تلفت وراه بقا كيشوف فديك الطموبيل وقال
مقصووودة
شافت فيه شيماء مخلوعة ويديها على راسها قالت ليه شنو اللي مقصودة ؟!!!!
قلب السيارة بدل الطريق مشا بحالو قاليها والو غير داك الحمار سكران ولا مقرقب
كمل طريقو قاليها قلتي نمشي نجيبو ماماك ياك
شيماء:صافي خلي هادشي لمنبعد مابقيتش قادرة نوقف
هز حاجبو قاليها : كيفاش خليه من بعد !! مكاينش من بعد .
كسيرا مشا نيشان حتى لدارهم ونزل معاها قاليها يالاه غنطلع معاك ..غنديرو العقد فداركم مابقيناش غنمشي عند العدول
سكتات طلعات معاه للدار وهوا كيهضر فتيليفون ..حلات ليها مها الباب وبقات كتشوف فيه وتبسمات قالت ليه مرحبا وليدي مرحبااا زارتنا البركة
سلم عليها بيدو قاليها الله يكبر بيك الحاجة
دخل جلس فالصالون ومشات شيماء مع مها للكوزينة كتجري وتقتف وتوجد قالت ليها قولي لداك الجاردينيي يطلع يتسخر لينا دغيا
بدات كتوجد وسيفطات مها تبدل خوايجها تلبس شي حاجة نقية وسمعا يازيد كيهضر فالصالون بالفرنسي ويردد مقصوودة ما مقصودة
ومعصب يعلم الله معامن كيهضر وكيهدد ..سمعات الدقان فالباب ومشات كتجري حلات لقات فاتي وانس ..دخلو بالترحيب للدار استقبلاتهم شيماء وفاتي كضحك قالت ليها بدلتو البلاصة!..قاليها يازيد اجيو لهنا جينا
دورات شيماء راسها عاضة شنايفها ومشات للكوزينة تبعاتها فاتي كتسول مالها ..بدات تعاود ليها على صباحها لكحل وسمعو انس كيقول ليازي.
شكون غيعتارض اصاحبي مالك مزوج بمدينة ..بنت وصافي تا نتا باك كيكبر الموضوع
يازيد: هاحنا غنشوفو هاد الاعتراض فين غيخرج
انس: شووف ..ايون فوا يدوز الشهر الاول غيقلبر عليك ..صعيبة غير هاد البدية من بعد غيديوها فشغلاتهم ويولفو
فاتي: اوييلي على كنتو غديرو كسيدة الله يحفضك
زبيدة: اهلا بنيتي مرحباااا بيك مرحبا بيكم
دقو العدول مشات حلات ليهم زبيدة دخلو جلسو فالصالون وبدا يازيد يعيط على شيماء مشات هي ومها وفاتي جلسو معاهم وبداو العدول فالطقوس ويازيد كيشوف فالساعة ..عطاوها توقع ووقعات والشال على راسها وجر يازيد داك الدفتر راسو وقع
العدول: الله يجعل كلشي مبارك ومسعود
يازيد: يالاه اسيادنا توكلو على الله طلقونا بديك الورقة
عطاه العدل توصيل وناضو من بعد ما يأسو وكان يحساب ليهم غيضربو الخرفان والبساطل.. مع خرجو مع الدروج تكا يازيد على ضهرو دار رجل على رجل وجبد تيليفون كيعيط
- بشير ..تبعو العدول فالطريق تا يساليو شغالهم
قطع وناض تنهد وناض هوا وانس قال لشيماء.
يالاه هوا هدا ..تا لعشية ونتشاوفو ..الحاجة ..بسلامة عليك
زبيدة: جلس اوليدي تشرب عا كويس داتاي
زاد مع الباب قاليها نشربو مرة اخرى الحاجة
خرج هوا وانس وضارت فاتي طلقاتها بواحد التزغريتةوشيماء كتبكي وتعنقهم ودوزو العشية غير بثلاتة وحتى داكشي اللي كومونداوه كلاوه غير هما .دارت ليها فاتي مفاجأة جابت ليها نقاشة حتى للدار فرشات ليها الجلسة ولبساتها قفطان خضر ونقشات ليها خنجر فيدها ..تصورو وغناو وفرحو حتى شبعو وخرجو بجوج كيضحكو
شيماء: فيا واحد الخلعة وخايفة..ماعرفتش علاش
فاتي: عادي الزواج كيخلع وكيسمت القلب…واها مابغيتكش تزوجي بداك السفريط ..هانيا مهم بغيتك تفرحي..ودابا احبيبة اري ليا شي حمام عروس وشي مساج ..شي عرس مكاين ولاكن دلع العروس موجود ههه
وصلات للحمام هي وفاتي ..جلسات تسناها ضرباتها يتحميمة و خرجات نشفات شعرها وقادات دفارها وزادت مع الطريق رجعات للدار كضحك .
لقاو زبيدة مصايبة جوج دجاجات محمرين والشلايض والفريت وجلسو يتعشاو
شيماء:وقتاش مشيتي تقديتي؟
زبيدة:مشيت لبارخ وجبتهم ونقيتهم وحطيتهم في الفريكو ..كتلبو فهاد ضريب صداق
رن هاتفها وكان يازيد اللي قاليها تنزل .اما فاتي سلمات عليها وقالت
ان ااختي غنطلع لداري
شيماء:فرشتيها؟
فاتي؟ وييلي فرشتها وقاديتها ..مالك مكتعرفنييش !!! غا مابغيتش نصدعك بسرفر براكة عليك شحال طوطحتي معايا على لختانة ..ااه خالتي دبيدة مرحبا بيك بعد غدا هانتي معروضة من دابا..يالاه تصبحو على خير
طلعات فاتي لدارها ونزلات شيماء بجلابتها بخال العروسة فرحانة ركبات حداه وسلمات عليه ..بقا كيشوف فيها قاليها فيك ريحة زوينة
بدات كضحك وهما غاديين ودار يدو فجيبو حبد واحد لبواطة زرقة صغيرة حلها فيها خاتم مربع ابيض كيبري شد ليها يدها بابتسامة كيركبو ليها فصبعها قاليها
كنت غنعطيه ليك الصباح ونسيت ..
باس يدها وقال
مبروك احبيبة ديالي
شدات صبعها كتشوف فيه وضحك ومشات الطريق كلها شاداه كتشوفيه وقالت
فين خاتم نتا؟
خشا يدو فالجيب كيقلب قاليها فكرتيني
جبدو عطاه ليها كيضحك وحلاتو ركباتو ليه فصبعو وهوا سايق ومشاو للاوتيل ..شد ليها فيدها وطلع هوا وياها لغرفتها ودخل رد وراه الباب وتنهد بعمق هز يديه فالسما كيضحك قاليها
اااااححححح اححح ..ااححح عليك
يتبع...
الجزء الأخير بعد قليل..
التنقل بين الأجزاء