صفحة القصةقصة شرف للبيع
مؤلف القصةقصص Ghazal trust
دورات وجهها كضحك حشمانة ومشات كتلف فياليزتها ..مسح على شعرو قاليها اري شي فوطة ندخلو ندوشو النهار كامل كنجريو
مدات ليه الفرطة دخل للدوش واستغلات دوك الدقايق تاصلات بفاتي
شيماء:وصلنا لاوتيل..فيا واحد الرعدة والخلعة خفت ..عضامي بداو ميضروني من دابا
فاتي: واتي طلقي راسك واخا مايستهالش الكنس القصيف..بعدي مني اختي خليني نعس راجلي كيتسناني
قطعات شيماء كتنهد وحيدات ديك الجلابة علقاتها وجبدات بيجامة خفيفة شورط وديباردور ساتان فالاسود لبساتهم وجلسات كدهن يديها ورجليها وتمسح ديك الحمورية دالخنجر الصغير اللي رسمات ليها النقاشة فواحد اليد كفال للعروسة.
خرج من الدوش ملوي عليه فوطة ضربوه لعطور للنيف ومشا عندها عنقها من اللور شدها من خصرها وهمس فودنها
الزين ديالي.. نقتل انا على ودك ماشي غير نجري
بقات مصدومة كتشوف قدامها وتقول
وييلي واش هادا كيهضر عليا؟؟!!! واش هادا يازيد اللي مكيعرف تا يقول حبيبة!!!
تصدمات وبدات كترمش وضارت عندو تتأكد منو وهزات راسها كتشوف فيه وفالعضامة ..السيد خادم راسو خدمة على الصح كل عضلة كي الحجرة ماتنفخ ماتفش
حققات فيه مزيان وبدات تأمل جسدو وعنقو العريض وهوا كيقرب ليها يبوسها ..فجأة جا ليالها السوط بالسمطة ومر المشهدكيجري ورجعات اللور لسقات مع الطبلة كتهبط ليه يديه مع جنابها وقالت
ياازيد..انا ..انا ..خفت
شد ليها فيدها جرها قاليها علا غنخافي؟انا راجلك ونتي مرتي ..مناش خايفة
شيماء: ماعرفتش حاسة براسي مامستعداش
جرها من يدها عنقها وباس عنقها قاليها توحشتك ..نتي متوحشتينيش
بقات ساكتة كتمرش وقالت توحشتك ولاكن ..
باسها وشد عنقها من الوراء قاليها وسط البوسة مكاين ما ولاكن
زيرها عندو يد على خصرها كتجمعها ويد ورا راسها واصباعه وسط شعرها كيجرها وقبلات متتالية كتمص الانفاس الملتهبة ..حطها على السرير وطلع كيمرر يديه على جسدها ويرد د
توحشتك ..توحشتك اكبيدة ديالي
هزات راسها كتنفس حيدات ليه يديه على جنابها قالت ليه منقدرش..منقدرش
تراجع بشوية شاف فعينيها ومرر يدو على وجهها بشوية وقال
كنبغيك اشيماء ..وا حتموت عليك ..علاش غنضرك بشي حاجة وانا مزوج بيك..ياك قلنا غنشاو كلشي ونبداو صفحة جديدة شدات ليه فدراه قالت ليه ماعرفتش مالي..
باسها فشفايفها وقال
تفكري اول مرة ..ماكنتيش خايفة وماآديتكش
سكتات كتشوف فيه وكتحاول تجاوب ..شوية شوية بداو دقات قلبها كيتحاوبو وبداو يديها كيتحركو ورجليها ويدات ترجع لرغباتها وتنوض مشاعرها وبدات تبادلو القبلات وتعطيه راسها بيديها مع انين وهي كتجرد من ملابسها حتى تلاحمات الاجساد وبدات المعاشرة فالاول سطحية ..كانت عايشة ومرتاحة حتى فجأة كتحل عينيها وبصوت تقيل قالت ليه شنو هادشي
همس فودنها قاليها والو ورجعات سكتات لاكن جمعات رجليها فجأة قالت ليه شي كنضر!! شي حاجة ماشي هي هاديك
يازيد:غير تزيرتي
رجعات مرة اخرى وهي فكل مرة كتبغي تعيش معاه كيزيد الالم يكبر ختى حسات براسها تجراحات وغوتات قالت ليه شنو هادا!!! شي حاجة ماشي هي هاديك
شد ليها يديها قاليها والو احبيبة غير تزيرتي
جرات يديها قالت ليه لالا كنحس براسي تجرحت كنضر بزااف
بغات تقيس بيدها لاكن ماخلاهاش وهز ليها يدها قاليها بشوية صافي..غير بشوية
صبرات كتشوف فيه وتقول مالي علاش هاد الحريق!! كنحس بيه وحاولات تجاهلو حتى سخن فيها الدم ومابقاتش قادرة تمنع راسها وترخات حتى انتهت المعاشرة وتكا حداها عاد دارت يدها كتألم بغات تنضف ولقات الدم
ناضت بالزربة كمسح وكتلقا الدم حتى ناض جرها من يدها ردها حداه غطاها وعنقها بيدو قاليها انا غنفهم
قالت مخلوعة:شنو غتفهمني؟!!!
رد وهوا عنقها ويقاد نعستو: وابلاتي وغتفهمي…
باسها فخدها وبعد ليها الشعر على عنقها وقال
فاش درت ليك لوبيغاسيون درت ليك معاها ترقيع البكرة
تصدمات وشافت فيه قالت ليه
اويلي على ترقيع البكرة
ضحك وهز راسو كيتأمل ملامح وجهها الجميلة وكيمرر يدو على خدها وقال
ماكنتيش عارفاها؟..ماعمرك ماشفتي طبيبة ولا درتي كونطرول ؟
ردت:لاا!!..اصلا ماكان عندي والو ماضرني والو ومامشيت لا لطبيبة لاطبيب!!
مرر صبعو على شفاها باسها وقال
قالي راسي داك الوقت نرقعها ليك..طحتي بين يدي قلت ماتعرف واش نعاودو نتشاوفو ولالا ولا تقدر تبدا حياة جديدة وتزوج وماتقدرش تصارحها راجلها ولا تزوج شي واحد يمرضها على ديك البكرة.قلت مدام جيتي بين يدي ورجعتي الطريق احسن نرقعها ليك وماتبقايش تحسي بالنقص وتبداي من جديد..قلت دابا نهار دير شي كنطرول ولا تشوف شي طبيبة تما غتعرف..هادا ماكان
دارت يدها على فمها قالت ليه علاش ماقلتيهاش ليا!! كان خصني نعرف ..كن دابا بصح تزوجت وقلت الصراحة وفالاخير نتكتاشف كدابة ولا نصابة
شد ليها وجهها قاليها دابا تزوجتي بيا ..بيها ولا بلا بيها نتي دابا مرتي ..كنت حاط احتمال اخر نعاودو نتلاقاو شي نهار بااصدفة.. وكنت كنتمنى نتلاقاو بلا منقلب عليك ولا تقلبي عليا..تجمعنا الاقدار بطريقتها وتكوني كما واعدتيني..عمرك تعاودي تخرجي الطريق..الحمد لله الاحتمال اللي كنت كنتمنى هوا اللي صدق
بقات ساكتة كتشوف فيه مطولا وقالت
ماتقتيش فيا واخا قلت ليك منعاودش وحلفت ليك
تنهد قاليها ماعرفتش شنو قالي راسي ديك الساعة..تهور ولا كنت كنتمنا ما تكونيش. كاع مشيتي فديك الطريق وبغيت نحقق ديك الامنية واخا غير بلكذوبعلى راسي.. وفنفس الوقت بغيتك تبداي حياة جديدة براسك مرفوع بلا حتى شي بصمة فحياتك ..المهم بزاف ديال الحوايج والاحتمالات قكرت فيهم
ردت:خيطتيني ولاشنو درتي ليا؟!! حيت ماحسيت بحتى حاجة من بعد
رد: لا مخيطتهاش ..كويتها من جنابها وجريت شي انسجة دموية لاقيتهم ودوك الانسجة كيتجمعو مع مرور الوقت راسهم وصافي..مي نتي تزيزتي بزاف كتر من القياس..
ردت: كنت كندير رياضة شد المهبل كل ويوم
رد:ااه..جمعتي العضلات ..حتى الوقت كيساهم فالتزيار ماشي ضاروري الرياضة..
ردت:دابا ديك البكارة شنو الدور ديالها الاساسي؟!!
رد: ماعندها تا دور من غير تميز بين البكر والمرى هادا هوا الدور ديالها ..من غير هادشي مكتنفع فوالو ..نعسي نشوف واش تجرحتي بزاف
نعسات على ضهرها ونزل عند رجليها شعل الضو مصغر عينيه كيشوف وقال
جرحاااا واشمن جرحااا
جات تجمع رجليها تسول لاكن باسها وبدا فمعاشرة معاها وهاد المرة تأكدات انه مغيعنفها مايضربها مايآديها وخرجات الشوق ديال خمس سنوات كله دفعة وحدة وماتسوقات لا لجرحة لا غيرها واخا كان الابم لاكن الشهوة غطات عليه ..طاح الشوق على الشوق تا كانو غيهبطو للطبقة اللي تحت منهم
كانت ليلة طويلة صبحات على بداية قصة جديدة ..قصة حب فعيون كل واحد من هم
نزلو لابسين حوايجهم والنور على وجههم كيضحكو وشادين اليدين وطلعو فالسيارة وحط ليها شنطها فالكوفر طلقات موسيقى من كثرة الفرحة بدات كتشطح عليها وتلعب فشعرها وهوا سايق بيها كيضحك ويشوف فيها وختماتها بتعنيقة كضحك حتى تسدو عينيها
عنقها بواحد اليد قاليها
ماعندك ماديري دابا هنا فكازا غتمشي تعيشي معايا فالرباط
شيماء: الا ديك الفيلا اللي فهرهرورة مانعيش فيها
مسح على راسها كيضحك قاليها لاالا هاديك ماشي ديالي دالي لافامي وكنت عايش فيها ..دابا راه عندي دارييي وعندي حياتي بوحدي واستقلييت..باقا عاقلة على يازيد ديال شحال هادي المستهتر
ضحكات بخجل قالت ليه لااا ماقلتش ليك مستهتر .
باسها فخدها ومشا شد الطريق للرباط مباشرة لحي الفيلات ووقف قدام فيلا باقا جديدة بأحدث تصميم بني ورمادي وزاج وحديقة كبيرة
وقفات شافت فيها قالت ليه هي هاديك دارك؟!!
شد ليها فيدها قاليها دارنا هادي
ردت :دارك زوينة
رد:دارنا زوينة
عنقها وبغا وهبط الشنطة من طموبيل اللي حط فالشرع حدا الباب وعطاها للعساس وشد فيدها بغا يدخل لاكن فجاة وقفاتهم بنت بصوتها وقالت
يازيييد
تلفتو بجوج وراهم كانت بنت طويلة لابسة سروال دجينز وسبرديلة وتيشورط مايلة على الكتف وشعرها قصير كاري بلونجو قالت ليه
بغيت نهضر معاك
بقا كيشوف فيها ومسح على دراع شيماء قاليها دخلي هانا جاي
دورات شيماء عينيها غادية وكتشوف فديك البنت ولخرى حتى هي كتشوف فيها وطلع وتهبط فشكلها وهي لابسة شورط كلاسيكي قصير من التوب قهوي والبودي البرتقالي وصندالتها ارمي وصاكها .
دخلات لاكن ما فاتتش الباب وبقات واقفة كطل وتسمع شنو كيقول
البنت: يازيد خاصنا نهضرو
رد: اش غنهضرو؟؟ علاش جيتي لهنا؟
ردت:جيت نهضر معاك ..خاصنا نجلسو ونهضرو
ربع يديه قاليها مكاين فاش نهضرو صافي سالينا
ردت: غادي نهضرووو ايازيد..غنهضرو غلى علاقتنا …انا جالسة كنتسناك تعيط ليا ونتا مشيتي تصاحبتي ولا منعرف اشنو درتي..
جرها من دراعها بقوة قاليها حتى تقداو ليك عاد جايا تهضري معايا وتبكي عليا.. ماعندي ماندير بحمقة بحالك سمعتي.. وصلات بيك الدرجة تقتليني انا ووحدة اصلا مكتعرفكش وبعيدة عليك
ردت: نتا خليتني ندير هادشي..نتا صدمتيني واش كتسمع ..صدمتيني انا مقادراش نتيق..مستحيل . . شنو درت ليك ياك كنا مزيانين وعادي كيفاش تقلبتي
طلق من دراعها وقال
مامرتاحش واش مكتفهميش..مادرتي ليا وااالو انا اللي فيا المشكل فهمتي دابا..سيري نسايني بداي خياة جديدة عطا الله الرجال..حسن ما نسيفط ليك لي يدخل فيك بشي كار ..مرييضة نتي ولا مالك !!
ردت بغضب كتبكي: نتا اللي مرضتيني..نتا اللي غتحمقني..من الاول ماتهضرش معايا ماتجيش عندي وماتخطبنيش اصلا
رد: واش كنت عارفك مزنزنة وغادي تفكري تقلي كاع!! اصلا كن كنت عارفك هاكا عمرني كنت ندور بيك ..تخطبنا وسالينا شنو بغيتي خر؟ صافي سيري كملي حياتك ونساااااي ونسااااايني خرجي ليا من حياتي شحفتينا كاااع
ردت: شنو كاع اللي فيها مافياش انا؟؟ علاش بدلتيني بهادي؟؟ دارت ليك السحور؟!! انا متأكدة دارت ليك شي حاجة
رد: دابا نتي بهاد العقلية وهاد النيفو كتآمني بشي تخربيق!! بقات فطبيبة وبنت التازي ياحسرة شوف كي كتفكر !!
ردت بهسترية : ماماك عندها الحق.. عندها الحق ماشي بخاطرك كدير هادشي..مستحيل شي واحد بحالك ينوض يسمح فواليديه وعائلته ويبغي يتزوج
هز يدو مسح على لحيتو بغضب وشافت الخاتم فصبعو وتصدمات بقات كتشوف فيه وقالت
تزوجتي؟؟!! تزوجتي ايازيد ؟!!
تلفت وراه ورجعات شيماء اللور تخبات وطلعات للدار دخلات وبقات واقفة كاتسناه حتى دخل وقالت
شكون هادي ؟ علاش بغات تهضر معاك
رد: هادي هي اللي كنت خاطب وفرتكناها ..
ردت: وعلاش كيقولو عليا ساحرة ليك!!!
رد: وهادا هوا بنادم نقوليه انا علاش ؟!! صافي يقولو اللي بغاو ..خلينا من لبشار
عنقها كيضحك قاليها اجي نوريك وداها
طلعات تشوف بيت النعاس ديالهم وتبسمات من شدة اعجابها لاكن تفكرات الحوار ديالو هوا وديك البنت وقالت
سمعتك كتقول ليك لديك البنت اكسيدون ما اكسيدون؟ واش هي اللي بغات تقتلنا لبارح
شد فوجهها كيتنهد قاليها هاديك حمقة ..وقريب غادي تمشي تعالج ماتديهاش فيها.. نساااي كولشي راني قلت ليك نسااي صافي تزوجنا وسالينا
شيماء: و باباك وماماك وو
تنهد بنفاد الصبر وقال
ونسااايهم ..صافي تزوجنا دابا مع الوقت يتعودو ..نتي دابا وجدي ليا راسك تستاقري فالمغرب فمرة حيت عندي ليك واحد البلان ناضي ومابقاش الوقت بزاف
استغربات:اشمن بلان!!
رد: حتى تستقري هنا وتعرفيه ..السيمانة الجاية غنمشيو بجوج لامارات تاخدي الاوراق ديالك وكلشي ديالك وترجعي وديك الساعة غنبداو بديك صحيحة ..حسن من كثرة الهضرة بلا فايدة
ردت بالايجاب وتبسمات وقالت
فاتي غدا عندها الختانة
رد: عارف المهم غندوزو هاد الختانة ديالهم ونتحركو عندنا بزاف مايدار
عنقاتو ورتاحت على صدرو وسدات عينيها
حلاتهم على الاهازيج والفرح وفاتي فالعماريك..كما بغات الختانة تمشي مشات..القاعة عامرة غطرطق والمغنيين فالخشبة كينقزو ..القاعة كلها كحلة كبيرة والسقف معري بالقياطن فالباج والاضواء والتريات والورد فكل جهة.. الدنيا مقلوبة واللي قال الشبعي غير عند ولاد الشعب يطل على ليبوغجوا اش. كيديرو فالشعبي.
القعدة ماخواتش تنزل وحدة يطلعو جوج ..زادهم القعدات وطلعات ليك فاتي فوق الكعدة بالتاج والنكشيطة كتقطر بالعقيق ..طلعات حداها شيماء بتكشيطة حمرا والمشطة كبيرة فالشعر وليزاكسيوار وبداو يشتفو ويضحكو ..
بصراخ باش اسمعها فاتي قالت ليها
واا شفت عائلة راجل ومعارفو جاااو كي طرااا وجراااا
فات: واااا راه عرض لييييهم هوااااا بزز منهم يجيو ولا يغضب عليييهم هههه هااو شتف على بوهم هاااه شتف على بوووهم هاااه شتف على بوووهم هااه
بقاو هاك بالاك هاك بالاك وانس بالبذلة هاز ولدو الصغير كيشطح بيه والكبير عليه فرق الكعدة منع شحال من مرة من رجلين فاتي اللي كل مرة تجرو للحنب وتقول
واحييد..حيييد غنشطح
شيماء: خلي الدري يشطح
فاتي: غيطيح الزمر يمشي يجلس حدا حناه
جاد: ماااماا مامااما هزيني
دفعاتو كضحك مراهاش فهاد العالم ويديها فالسما عطاها المغني الميكرو تغني معاه وجاد كيجرها تا تعصبات تسمعات فالميكرو " حيييد عليا"
جراتها شيماء كضحك قالت ليها الشوهة كنتي عروسة ولا ناعسة
ضارت عندها فاتي كضحك وكلشي مزاحم حداها حتى من ناكافات والنكافة لكبيرة لاسقة حدا المغني وقالت
شوفي شوفي الوزير كيلوز هههه
شيماء: فيين؟!! فاتي: رااه لهيه
جرها يازيد من يدها هبطها كيضحك قاليها براكة عليك
نزلات الاحت عليه قالت ليه
واعمرني حضرت لشي عرس من نهار شديت الباك
رد:شطحي شكون شدك
هزات تكشيطة كتشطح وهوا وراها كيسفق ليها حتى جرو انس غلى غفلة للوسط يشطح وقدامهم فاتي فرق القعدة مع المغني كتبرح وتغني وشي صوت مامسموع
شيماء حساب ليها يازيد غيحشم ولا ميشطحش صدق بعد ديك لافيست الكحلة على جنابو وبدا يتمايل ويشطح ويدورها على كانتها وهز يديه كيشالي بيهم وشدها من يدها جابها قدامو تشطح .بقاو هاك بالاك كلهم حتى عرقو كلشي حيد لافيست ولا واحد فيهم جلس والمشروبات غادية جايا ماحبساتش وكملوها ليهم باش خلاو كلشي يتهز طلقو ليهم السامبة وناضو عائلة انس الشويرفات هزو الجلايل وكل وحدة مع راجلها ولا ولدها كيطحنو فالسامبة وبقات فاتي كتشرف فيهم فوق الكعدة وتمايل براسها ماعرفات كي دير ليها وكتشوف انس هوا ولدو لكبير شادو كيشطحو ويازيد مع شيماء كيديها ويجيبها وضارت عند النكافة قالت ليها يالاه اختي نبدلو ..
ليلة واشمن ..ليلة معتبرة كانو فيها بعض الشخصيات المهمة اللي تلاقاهم يازيد وجلسو مجموعين كيتناقشو في غياب شيماء وهي كتشطح وتردح مع فاتي وغادية جايا ..تحط ليهم مشروب كحولي خاص بيهم وجلسو كيهضرو ويضحكو ويتناقشو وكان تما من بين دوك الشخصيات اللي عرض عليهم انس واحد الشخصية مهمة بمنصب كبير حاطو يازيد فبالو وبطلب منو لانس استغل المناسبة وعرض عليه. ولبا الدعوة ..بقاو كيتجمعو ويهضرو بحال العادة وفأي تجمعات ويضحكو حتى قال
.. وادابا فاش كيقربو كيبدا الصلح ويبدا التلاحم والمحبة كتفرق راك عارف.. غير هوا الانسان عاوتاني خصو يميك شوية ..يدير للماء منين يدوز
ضحك يازيد قاليه والتمياك لحد الساعة راه كاين ..حنا نديرو ليه منين يدوز ونتوما ديرو ليه الطريق ..
الس: ايوا دابا السي يازيد راه الدعوة بدات كتنوض ..الفلوس كتفرق وتشتت
يازيد: اييه يييه عارفين هادشي ..علاش دوينا معاك السي رفيع نتا من دون لخرين..نتا اللي تعرف تكحز شي فين يدوز شي ..اما الا جات غير على لفلوس..راه حالها ساهل
بقا السي رفيع ساكت كيخمم وقاليه..باغي دخل شي واحد السي يازيد
ضحك يازيد قاليه المدام السي رفيع ..
الشي رفيع بتعجب:تزوجتي السي يازيد؟!
رد يازيد: ايوا شبان ليك ؟!!
س.رفيع: ايوا مادرتي زردة ماعرضتي حسي مسي عاوتاني بحال لل..قولي مايخرج من الجماعة غير الشيطان
ضحك زايد قاليه : هانتا فهمتي السي الرفيع.. ايوا دابا شنو نعولو عليك تنضي لينا القضية بلا منبقاو سر فر فتيليفونات
س.رفيع: كاين شي ديبلوم شي ..
يازيد: مهندسة طيران ..خلينا من هادشي.. شوف ليها شي دخلة والباقي خليه عليا
س.رفيع:وا خاص شوية دالوقت السي يازيد
يازيد: داكشي يبقا بيناتنا مانتا سمعتيني مانا قلت ليك ..قضي غدا يدوز ليك الشيك
س. رفيع: ماقلتي عيب السي يازيد ..شنو السمية ديالها
يازيد: غدا يوصلك الملف ناضي نضي لينا الدعوة
س.رفيع: علاش مادخلها لشي ..
قاطعو يازيد: خليني مانخليك السي رفيع نبقا شد ليا نقطع.. قضي الى فيك اصاحبي ماتقضي. الى مكاين والو نشوفو جهة اخرى
س.رفيع: الالالا كون هاني..وا ميكو علينا نتوما شوية العدسات الخفية ..
يازيد: غيز لينا القضية دغيا
س.رفيع: هي غير نرتاح !! مايسلاطو علينا مانسلاطو عليهم
يازيد: غير تكا على جنب الراحة وطلقنا للفراجة خلينا ندخلو لداك الحمام نشدو لينا بلاصة قبل ميعمر
طرق المسمار فالحفلة وصبح كيكمل على تطراقو وزاد خلفة لكازا وصل شيماء عند واليديها تسلم عليهم لقات غير مها فالدار عنقاتها وسلمات عليها وخلات ليها مصروف وخلات لباها باش يشري موطور وزادت مع الطريق شدات الطيارة ومشات .
دازت خمسطاش ليوم على المشية ديالها جاها اتصال فايليفون مها كتبكي ..اتصال خلاها ترجع بحالها وهي جايية معاها جميع اغراضها وكلها حزن واسى .
حلات ليها مها الباب عنقاتها وكانت معاها خالتها لداخل استقبلاتها دخلات وسلم عليها يازيد غير فالباب عزاها ومشا بحالو
جلسات شيماء فالدار كتسول على شنو طرا وكيفاش وقع وجلسات قدامها زبيدة بالابيض كتنهد لاكن فتها الحال ورتاحت من ديك الازمة اللي دازت عليها بوحدها
زبيدة: خرج ابنيتي الصباح كي عادتو ..لعشية مع لحدعاش تاع الليل كيجيو البوليس عدي للدار ..اش كاين مكاين راه دخل في طوبيس بداك الموطور ودا مول الامانة امانتو .. فاش هزوه لقاوه كان سكران وهوا اللي داير الغلط..الله يرحمو ويوسع عليه
تنهدات شيماء قالت ليها : مكاينش اللي ضارني فخاطري قد السكرة ..كن غا ماكانش سكران
زبيدة:وابنيتي هادا ماكان اش غنديرو ..
شيماء: راه غيطلقو لحنان وسكينة ليوم يجيو ..وقتاش دفنتوه !
زبيدة:دفناها ول لبارح مع الضهر ابنيتي ..عييت مالقيت جنبي تا واحد عا انا والله ..لا ولاد لا بنات
شيماء: وقين الدراري؟؟!!!
زبيدة:علاه هوا بان فيهم شي واحد!!! عيطت لمواد قلت ليه باك مات قاليه الله يرحمو اش ندير لثه انا !!! ايوا لاخر راه باقي مشدود من نهار حيح عليهم فراس الدرب. . ولاخر مكاينش كاع يعلم الله فيناهوا ..ماعندو تيليفون ما عندو والو قالي خوك راه مشا سافر مع الدراري شي شهر دابا من نهار رحلنا
صونا ليها تيليفون ديك الساعة وبدات تشوف فالنمرة وناضت قالت ليها
شوفي ليا بنيتي هاد النمرة ديالمن؟!!
استغربات شيماء قالت ليها هادي ماشي مغربية ! بلاتي نشوف شكون!!
ردت:االو!!!
رد:وااالووو وافيييين اخشي شيماء صاافا!! ..
ردت مصدومة:اوييلي شكون؟!! الياس!!
رد:واييييه خخخخخهه..واتي قولي للواليدة رانا حركت لسبانيا …باي باي لومارووك ..وبيييس الحياتش هنا اختشي شيماء غنضبر على شي قوقة نتجوج بيها ..وتشهلاو ..قايدي نمرشي راه ماديش شارج دابا عا ضبرنا فيه
تقطع وبقات مصمرة كتشوف فتيليفون وقالت لمها
اوييلي على البرهووش!! الياس امي مشا حرك وصل لسبانيا !!!
زبيدة: هاوييلي حي!!! حرك !!
شيماء: حرك !! ووصل وراه كيدور قالك غنتزوج شي وحدة دير ليا الاوراق
ردت خالتها:وا علا سلاااامتو عا اللي وصل
زبيدة: اااهيا ناري على تريكة ..يصبح وينوض يصبح وينوض على الخاريج..هاهوا دابا نشوفوه واش يبرد…قولي ليا بنيتي اش قالك لاباس عليه !!
شيماء: وا كيضحك تا لودنيه ..بغيت نقول ليه باك مات تقطع تيليفون
وهما جالسين سمعو الدقان وناضت خالتها تحل تادخلو عليها حنان وسكينة زلعوها وزادو وحدة طاحت على مها كتبكي ولاخرى بالغلض والجلابة كحلة كدردك وتشالي وتردد
هااااهااااه ومشيتي ياالصكع سكرااان..هااااهاااااه وخليتي بلاصتك ياا باااا..هااااهااااه ولمن خليتيناااا ويااابااااا..هاااااااهااااه ودفنوك ماشناك ابااا..هاااهااااا الله ياخد الحق فاللي كان حيلة وسباااااب…واااياااا حنييينييي ياباااا..وتا فين مشيتي وخليتينا
بقات شيماء غير كتشوف فيها ودورات وجهها كتسوط ومها كتشير بيدها وتقول
سكتييينا..واتي سكتينا اتااااري
حنان: الله يااااخد الحق فاللي شتت لينا العائلة …الله ياخد الحق فاللي نسانا ولاحنا ماسول فيييينا
ناضت ليها شيماء خرجات عينيها قالت ليها زيييدي زيييدي..هاااهااااه ياشيماء يا بنت الحرام ماخلصتي علينا تا ريال تخرجينا..زيييدي زيدي
هزات حنان صبعها قالت ليها:مكنحبدكش…. سيري بعدي مني مكنجبدكش
شيماء: جبدتيييييني اختي جالسة تنوحي عليا وتغني وتحشي ليا فالهضرة ..اصلا اللي كان جامعني باك مشا اللع يرحمو يوسع عليه مي غتمشي معايا وهاد الدار غنبيعها وسيرو عيشو فالدار لاخرى !!!
ناضت زبيدة وخالتها يفكر الجرة وسكينة كتجر حنان وتقوليها
صااافي وصاافي.. شغااتقضي دابا بهاد الهضرة ماعندك ماتقضي بيها ..صافي خليونا نبكو فخاطرنا
زبيدة : مالكم اناري!! اش وصلنا لهاد الهضرة وهاد الغوات
شيماء: هي جااالسة دخل ليا فالهضرة مع الباب وتقول ليها الله ياخد الحق!!! انا اللي قلت ليها ضربي الراجل ليدو !!! بغيت ندير فيهم خير يعيشو بحال الناس ويتنقاو من الوسخ
حنان:دابا نتي غتنقيني انااا؟!! اجي نوريك النقى
طارت عليها بغات تريشها ومهم بيناتهم وحتى شيماء مكانتش من العاكزين نقزات عليها وبقاو يتشادو كل وحدة تجر من جهة كانو غيتناتفو ..فرقوهم بزز جلسو وحدة بوحدها كتنهج وقالت شيماء
سحاب ليك غنخاف منك !! والله تا نريش دلمك
حنان :لاكتي مرى اجي
شيماء: وازيدي وتشوفي ..المعفونة يا المسسسخة .
حنان : واسيري يالق٠٠٠٠ يا الو٠٠٠٠ ة …يا الم٠٠٠٠٠جة
شيماء: بزاااااف عليك… يا كبيرتهم ..يا الخانزة…. غا حشمت قدام مي اما نعطي لمك نوريك ..
جرات سكينة حنان سدات ليها فمها للكوزينة كتسكتها وزبيدة شادة راسها وشيماء كتنهج لابسة جلابة والشال على كتافها وشعرها كعكة ..
شيماء: زيدي خالتي وريني قبر با نمشي نطل عليه ..
هزات صاكها وصلات تا للباب سمعات الزديح فلكوزينة وقالت بصراخ
والله وهرستي شي حاجة ولا قستي شي حاجة غير الى ماردتيك تخنازي بشي تهمة سمعتي.. واقيسي شي حاجة والله تانجبدة من تحت الارض
مشات زارت باها هي وخالتها ورجعات للدار حلفات لا خلات مها تما..عياو فيها نعلي شيطان مانعلي الشيطان وهي كتحلف وتعاود حتى خلات مها تجمع حوايجها فباليزتها ..اما حنان وسكينة كان فمهم عامر كيسدو الجوع فلكوزينة وساكتين ماهضرو مانطقو وحتى المضغة كيمضغوها حشمانين عارفين راسهم كياكلو فرزقها ماصلاح ليهم كي يديرو يهضرو.
عيطات شيماء لسيوريتي طلع هز الحوايج لمها وتاصلات بيازيد علماتو باللي مها غتمشي معاها ووقفات فالباب كتسنا الدار تخوا ..
خرجات سكينة ساكتة ووراها حنان كتنفخ بحال الحنش مشافتش فيها وخرجات حتى خالتها معاها .
سدات الباب بالسروت ونزلات عند العساس عطاتو الدوبل قالت ليه جيب ليها مرى تجمعها وداكشي اللي فلكوزينة خويوه وسدوها بالساروت ورد ليها الباب. ومشات كتشوف فمها تابعة البنات مفقوصة وكنجتجبد من البزطام وتقول
شدي ..شدي يا المسخوطة غا باش تركبي يعيطكم الويل ..
حلات شيماء باب طموبيل قالت
الحمد لله خليت طموبيل هنايا ..طلعي اماما..طلعني تا نتي اخالتي نوصلوك
طلعات مها وخالتها وركبات زادت مع الطريق خرجات الطموبيل مع الباب لقات حنان وسكينة غاديين مع الجنب كيجرو صنادلهم وتراميهم مهزوزة شافو الطموبيل زادت مشات
زبيدة:راه خواتاتك ابنيتي ..حشومة
شيماء:خوتاتي كن جاو خواتات كن عاونتهم مانخليهمش هاكاك..ولاكن هما شادين زكير مابغاوش يترعدو غيلقاو خو جوابهم ..ماشي انا ندير لخاطر وهما يتفرعنو عليا..كي كيديرو معايا غندير معاهم..النهار الاول جاو ساكتين قلنا خليهم تا نشوفو ليهم شي حل ..ولاكن فاش بداو يطلعو للسما تا انا غنطلع كتاااااار منهم
زبيدة:وفين غيمشي دابا؟ فين ابنيتي؟
شيماء: راه دارهم اللي غتقبل عليهم راهم فران وقاد بحومة ..ماشي عاد كيرضعو صبعهم ..حساب ليهم بنادم غيبقا هاز ليهم هبالهم!!..وايتواطاو دابا ويمشيو يجمعو لخنز لتما لصحابات ولادك اللي كيجيو يقصرو..بقاو فيك. هااا؟ بقاو فيك !!!
تنهدات زبيدة قالت ليها واش ندير ابنيتي
شيماء: نديك عندهم تنقي ليهم خنزهم ويصبحو عليك بالمعيور !!تمشي!!! توحشتي تا نتي داك الهيت !!
سكتات زبيدة ونطقات خالتها اللور قالت
لا عساك ابنيتي..دي مك معاك اما لاكانو غا بحال ولادها وولادي الله يقطعهم..تريكة ناقصة ..وقااااادين براسهم ماخصهم تاحاجك خاصهم غا اللي يشقا عليهم ويطيب ليهم ويغسل ليهم خنزهم هادشي اللي خاصهم اما الشي لاخر قادين عليه ويفوتوه لهيه
شيماء: واخليهم ..انا اصلا عارفاهم ماسوقينش ليها..مكيسولوش فيها حتى كيبغيو شي حاجة ..عمر شي واحد قاليها واش خاصك شي حاجة؟ باغيينها خدامة فابور وصافي .
وصلات شيماء خالتها قرباتها للحومة وتوادعات معاها ومشات شدات الطريق للرباط نيشان ماوقفات حتى دخلات السيارة للفيلا وتعرض ليها واحد المخازني دخل ليها البالز شداتهم الخدامة ودخلاتها كتجر الشال على كتافها وسط الفيلا وتواسعها العصرية وقالت
مرحبااااا بيك اماما ..مرحبا..ماتشقاي ماتهزي ماتحطي…كولشي ونعسي وحيدي داك تيليفون ..اريه ليا نيت دابا اصلا لابغيتك نعيط فالفيكس مابقا عندك ماديري بيه
زبيدة: غا خليه ليا كنبغي ندوي مع خالاتك
شيماء: اريه دابا خليك من الدوي..شوفي.. راكي شفتي المخازنية عند الباب..لا تقولي نعيط لشي واحد فولادي يجي عندي ولا شي واحد فالعائلة..راه دار لجينيرال هادي امي..نتي مرحبا بيك على الراس والعين دارك وديري اللي بغيتي شي واحد اخر لا ممنوع
زبيدة: واشعندير ابنيتي …الصبر وصافي
شيماء: حيدي عليا هاد الابيض لبسي كي الناس عادي.. الحزن فالقلب انا هاد الابيض غا عادة
زبيدة:عا خليني بنيتي عا خليني
شيماء: واهرسيه باللوان شوية ..كيجيب الغمة ..ربي كيصبرنا على الفراق وحنا كنخنقوها على راسنا ..تنفسي صافي هانتي غير فالدار ماشافك خد ماخرجتي مع حد … يالاه اجي نوريك البيت ديالك
حلات ليها الباب فرحانة وقالت: ايوا هانتي اماما..ها البيت ديالك ..وها الحمام ديالك والبالكو تا هوا ..البحوايجو نشريهم من بعد..كي جاك
سرحات زبيدة عينيها وتبسمات وقالت ليها
تبااارك الله ابنيتي..هادي دار ماشي عا بيت
شيماء: ايوا ربي بغاك وهوا اللي عطاك ..من ليوم هادا هوا بيتك ..ماتهزي كاك ماتحطي كاس هناك الله من الشقا..بغيتي طيبي ولا تشهيتي تصاوبي شي حاجة راه نادية وبهيجة يعاونوك
زبيدة:سيري بنيتي الله يبعد عليك ولاد لحرام…كي هنيتي وهزيتي بيا لفوق بغيت ربي يهزك فوق عبادو والبلاصة المخيرة يجلسك فيها..انا بغيتك بنيتي عمرك ما تخيبي..وعمرك تبكي وعمرك تشوفي النهار الخايب
وصل يازيد فلعشية ودخل بابتسامة للدار زبيدة جالسة على الكرسي وقدامها الطبلة فيها الماكلة دكاسكروط..حشمات فاش لقاها جالسة كتاكل وحطات الخبز بتخبية دفعاتو عليها وسدات فمها كتشوف فيه ..جا عندها مد يدو سلم عليها وقال
الحاجة..مرحبا بيك نهار كبير هادا ..
بلعات بزز قالت ليه
ترحب بيك الجنة اوليدي
رد:بالصحة والراحة الدار دارك
ومشات طالع وكيحل صدايف القميجة مع الدروج حتى تمات شيماء جايا زربانة لابسة واحد الكسوة كحلة قصيدة بالخيوط وبانطوفة هازة فيديها الميكات وشدها جرها من كرشها قاليها
شتك نتيا غاديا مكتسلمييي ماا..
شافت فمها بنص عين وباستو قال ليه هانا جايا ..هانا غنجي
شدها باسها فعنقها حتى ولات حمرا وقالت ليه
ماما غتشوفنا
دور عينيه وراه شاف فمها وطلقها طلع واحد الدرجة وهي زادت بغات تنزل وضربها لمؤخرتها وقال
متعطليش
مشات كتجري عند مها وقفات قدمها كتحل فداكشي وقالت
شوفي هاد الحوايج اماما شريتهم ليك ..شريتهم ليك من الامارات ..
ناضت زبيدة وقفات نسات اللبس الابيض وجلسات تقيس فوق بيجامتها ودور وتشوف فالعبايات والكنادر فالالوان وقالت
غزااالين بنيتي الله يرضي علك ..الله شحال شحال عجبوني
شيماء: جيت ليك بزاف تا طلعي للبيت تقيسيهم
جبدات واحد البواطة رقيقة مربعة وكبيرة تحت باطها حلاتها ليها وكانت فيها شبكة من الذهب الاحمر ديال الامارات بالبراسلي ديالها قد المهراز والخاتم والحوالق كبار والكوليي فالعنق قدو قداش وقالت ليها
كي جاتك هادي؟!!!
تصدمات زبيدة هزات داكشي فيدها قالت ليها ذهب هادشي؟!!!!
شيماء:علاه مالي غنشري لك الجالوق!!!
زبيدة: هاناااري بنيتي انا عمرني لبست شي ذهب فحياتي هادشي خلعني
شيماء: ايوا من ليوم مكاين غا الدهوبات .. مالبستيهش فصغرك تلبسيه فكبرك
لبساتو ليها وزبيدة مصدومة كدوز يديها عليه وبدات كتبكي وشيماءكتعنقها
زبيدة:سيري بنيتي لهلا يحرق فيك شي عضم ..المرضية ..الله يعطيك مانويتي ويفرحك يا ربي الحبيب كي فرحتيني في هاد النهار
تنهدات شيماء متأثرة وقالت
ماتبقايش تبكي..ماشي نتي اللولة ولا اللخرة اللي عمرهم لبسو الذهب..دابا غتلبسي فالذهب تا تشبعي .. ونسيفطوك ديري شي حاجة كي كيفايل عليك يازيد غتحجي ان شاء الله.. وغتعيشي بحال الاميرة وكاع اللي عمرك درتيه فحياتك ديريه ..تا مت فاتي كانت هاكا..سيري طلي عليها مي ولات لك دابا وصبغات لك الشعر وقطعاتو وولات تاهي تسوق ليك الرانج دفاتي.. تا نتي دابا تولي حسن منها غاتسناي دقة دقة
هزات الحوايج هي ومها طلعوهم للبيت ودازت لبيتها لقات يازيد كيهضر فتيليفون ..مشات نيشان تشرف شغلها معاه وخطات ليه الفوطة داللحم والفوطة دالشعر ونزلات ليه حوايجو فاش يرتاح مللي يدوش.
قطع تيليفون وضار عندها قاليها
كي بقات ماماك صاف شوية
تنهدات قالت ليه شوية وصافي كنحاولو نسيوها
حلات صدايف القميجة وهوا كيحيد الساعة من يدو وقال
الله يصبرها وصافي..
شيماء:ياكما تقلتي حيت جبتها عندي؟
رد :لاالا مكاين علاش نتقلق
شيماء:قلت عنداك مايعجبكش الحال حيت تافقنا مايجي عندنا حتى واحد فهمتي
رد: ماشي تاااا واحد مي غير نبغدو على صدع الراس والمشاكيل هادشي اللي قصدت
حيدات ليه القميجة قلباتها وشماتها وقالت
باقا نقية
طواتها رداتها فالماريو وضارت عندو مد ليها السروال والساعة جمعاتهم وهز فوطتو داخل للحمام ..داز حداها باسها فعنقها وقال
دخلي دوشي معايا
ضحكات كتسد البلاكار وقالت
واخا هانا غنجي
باسها فحنكها وزيد عليها من جنبها ودخل وهزات حتى هي فوطتها ودخلات تبعاتو .
نزلات مع الدورج لابسة بيجامة بسروالها خفيفة فالغوز وبانطوفة دالريش بيضا وجامعة شعرها الفازك جات مع فاتي داخلة لابسة صاية بالفرافر قصيرة وديباردور وشعرها مطلوق والمكياج والنضاضر والدفار
مشات عندها عنقاتها وقالت
فاتي:ليركة فراسك ياختي..الله يرحمو يوسع عليه
شيماء: مامشا معاك باس احبيبتي دخلي
دخلات فاتي جلسات دارت رجل على رجل وحطات صاكها قالت ليها توحشتك ..ناري ياختي كنت هازة ليك الهم كنقول غتمشي غترجع ..الحمد لله اللي رجعتي
شيماء
شيماء: ماماك مسكينة صافا عليها ؟!!
شيماء:صافا جبتها معايا..كان خصها شوية ديال التهلو وصافي
فاتي: اوييييلي انا راني غنطرق غنموووت ..طرقات فيا عوينة قديك الختانة
شيماء:اويلي ياك لاباس؟!!
فاتي: ماشي لقيت ماما مصاحبة ..مصاحبة ليك مع واحد البرهوش فالسونطر دابيل ..حييييحت عليها ضرباتها بنكرة قالت ليك مكنعرفوش
شيماء: هضرتي معاه ؟
فاتي:مزال ولاكن جبت نمرتو
شيماء: اجي نخرجو للجردة يازيد راه كاين ..خليتو ناعس فأي لحضة يهبط
فاتي: دوي معاه نتي عطي لمو بلا ميزرب عليا بديك الفرنسي دالخرا..عند بالو مي لاباس عليها جالس يضحك عليها وهي متيقاه
خرجو للجردة وصونات عليه فاتي كتسناه يرد ودارت مكبر الصوت عطاتو لشيماء
شيماء:الو ويي بونجوغ
-وي بنجوع شكون معايا
طيراتو لثها فاتي وقالت ليه
سمع السي بونجوع ..غتفرق عليك ماما وتعطيها بالتيساع ولا غنوريك بونجوغ
-ختي واني دويت معاك انا ومك كنبغيو بعضياتنا ماكنضحك عليها ماكضحك عليا..نتي مريضة فراسك
ندبات فاتي قالت ليه :كتبغي فلوسها وكتبغي رزقها..عند بالك ديك الرانج ديالها!! راه ماشي ديالها
خدات ليها شيماء تيليفون قالت ليه
قلتي كتبغيها!! ..واخا اسيدي صرف عليها ها حنا غنشوفو دابا واش كتبغيها بصح ..غنهزو يدينا ونخليوك نتا تهز المسؤولية نشوفو الرجولة ديالك فين غتوصل
قطعات عليه وقالت
قطعي على مك الماء والضو والطموبيل تا هي..الريال ماتعاود تشوفو ياك واكلة شاربة صافي
فاتي:كتصدعني ب اري اري كل مرة
شيماء: دابا صافي قالت ليك اري قولي راكي مصاحبة فين صاحبك مصاحب معاك غير هاكاك الصرف مايصرفش عليك!! وخليها نشوفو اش يديرو .. وهانتي على خالتي ميلودة تا هي طلعات مساهلاش
فاتي:راه فيا مايحرش عليه خويا يشدو يدير ليه زائد فكمارتو ويكشطو يوريه ميلودة ..يسيق الخبار كتصرف على البراهش يشدها فالزنقة يعريها ويخليها ويزيد غا خليها راه كتقلب عليها تا شي نهار يحصلها ويدير ليها العرس هي وياه ..تفووو كنت اختي باغا ندير ديك حفلة جنس الجنين روناتني..انموت ونعرف شنو عندي
شيماء مشيتي للطبيبة؟!!
فاتي عطاتني الورقة اختي مكتوب فيها الجنس ويدي كياكلوني بغيت نعرف شنو عندي ..هاكي نتي تكلفي دابا ملي جيتي جيتي ديري لينا المفاجأة ..بغيت شي حفلة مطررررطقة ..ياربي البنت يااربي غنموت على البنت كنحلم بيها بالليل وبالنهار ..طلع ليا بر ق٠٠٠٠وة فراسي
شدات شيماء الورقة حلاتها فوجه فاتي قالباها جيهتها وقراتها وتبسمات من عينيها وفاتي كتشوف فيها قالت ليها. نااري ماتصدمينيش
شيماء: تسناي درز ربعين دابابا ونوجد ليك الحفلة
فاتي:نتسنااا اويلي ياختي مالي مانسواش..تا دوز الربعين وقوليها ليا نخوي الفيلا وتكلفي ليا بالشغل ..انس كل شوية يجي يقول ليا وريني شنو فالورقة ..قلت ليه سير بعد مني باغي ضيع ليا المفاجأة والله لاشتيها .
شيماء: سعدااتك ياختي عند الكانة للزرود. ماتقوليش ليا غديري حتى سبوع!!!
فاتي: وعلاش مالي منديرو اختي مالي زرقة ولا خضرا!!! ندير سبع الشهوووور فالفيلا ونجيب اللعابات ونجيب عيساوا وندير الفيشطة ونولد ان شااااء الله ونتفك وندير ليك العقيقة بالدبيحة وندير السبوع فين تبان الختانة …خلاتها عدوزتي قالت ليا عنداك يقول ليك راسك ديري سبوع صافي براكة .قلت ليها كوني هانيا ماندير والو..خليها تا هي تااا نعرض عليها نقول ليها مرحبا بيه خخخخ
جلسو كيضحكو بجوج لعشية كلها قرلها وضحك عليها حتى عيات فاتي وناضت مشات بحالها وطلعات شيماء لبيتها طل على يازيد لقاتو ناض من النعاس كيلبس حوايجو
تبسمات قالت ليه فين غادي؟!
رد: غادي نمشي عندي شي شغل ..المهم مغنتعطلش بغيتي شي حاجة ؟
شيماء: لا غير سولتك وصافي
شد ليها فيدها جلسها قدامو شاف فيها مطولا وقال
وجدي راسك غدا تمشي تعرفي على الفريق والاعضاء ديالك اللي غتخدمي معاهم من هنا لفوق
استغربات قالت ليه فين
قال: غدا تعرفي .
باس جبهتها وخرج خلاها كتفكر مشطونة وتخمم رن الهاتف ديالها وردت قائلة
الو السي براهيم
براهيم: اعلا لاللة شيماء لاحوال لاباس يهنا الحال
شيماء: الحمد لله السي براهيم..ياكما عمر الكارني
ابراهيم: واييه يعمر ..جاتك راحد الربعين الف
شيماء: ياك غير المواد الغدائية السي براهيم
براهي: اييااه الاللة شيماء.. غير الطون البيض الحليب ساانيداا..الفرماج الخبز الصابون شومبوان ..هادا ماكايدير وشي حاجة دالغيدااا..
شيماء:صافي هانا غندوزها ليك فلكونت السي براهيم .غير عطيهم اللي بغا ياكل ولا يشرب عطيه .
سي براهيم: واخا لاللة شيماء… ايوا البراكة فراسك من جهة السي جلول الله يرحمو
شيماء:مامشا معاك باس .
قطعات وعيطات على لخضار ختى هوا نفس الشيء لقاتو كيتسالها غير شي حاجة قليلة دوزاتها ليه وقطعات معاه مشات مرفوعة وعقلها مشطون كتفكر غير فالخدمة وهوا مابغاش يقول واخا عيات فيه ..الليل كامل وهما ناعسين معنقها وراسها فعنقها وهي ساهية كتفكر مابغاش النعاس يجيها حتى صبح الحال وناضت هي وياه الصباح بكري
شيماء: فين غنمشيو باش نعرف شنو نلبس
يازيد: لبسي كلاص غنتقابلي الصحافة
شيماء:الصحافة!!
رد: ويالاه لبسي دغيا باش نخرجو
دخل للدوش خلاها مصمرة كتشوف قدامها ..جبدات بدلة انيقة واكثر من رائعة وتصميم خيالي عبارة عن صاية مزيدة من الكرش حتى الركبة فيها فتحة للور صغيرة وقميجة كلاسيكية مخشية فالصاية بيج وصباط بني عالي والصاك بني.. تاصلات بالصالون لي فالحي ديالهم جا مولاه شخصيا. رتب ليها شعرها ودار ليها تسريحة انيقة ..جمعو ليها فالرقبة كامل ولواه من لتحت وملس ليها الفرقة مزيان ورا ودنيها وقاد ليها الشعر في حين كان يازيد جادي جاي كيهضر فتيليفون حداها حتى سالات وناضت سدات ربطة القميجة اللي فلعنق ولبسات محوهراتها الخفيفة ونزلات مشات معاه .
ركبات كتساؤل وهي فكامل اناقتها حتى لقات راسها قدام البر٠مان نزلات مستغربة شادة فيدو ودخلات مبسمة فهمات باللي شي حاجة عندها علاقة بهاد القبة ..لقات راسها فمكتب كبير باستقبال الصحافة والاداريين والاعضاء واخا مافهماتش اشنو كاين ..لاكن فاش تقدمو ليها الاوراق وقراتهم ووقعات عاد هزات عينها فيازيد ضحكات وبقات كتشوف فيه تحت تسفيقات الجميع ووقفات باست الراية وجمعات يديها قدامها كتصور مع الاعضاء في اناقة وتبات ..موراه مباشرة دوزات ندوة صحفية تكلمات فيها بكل تلقائية وتقة فالنفس كونها ماشي اول مرة دوز فبرنامج او تقدم تقرير او تهضر امام الكامرة.. كان كلامها موزون واسئلة الصحفيين فمحلها وبينات على الوعي ديالها والادب والرقة فالكلام والثقافة ديالها واخا كان نص كلامخا التعبيري فالفرنسية لاكن ماخلات ليازيد مايقول..حدر راسو كيضحك ويسفق عليها وناض الجميع يغادرو القاعة وتلقات الورد والتهنئات وبداو يبانو ديك الساعة الوجوه اللي كتحاول دير بلاصتها معاها ماحدها مزال فالبداية كتحشم ومازال ماتغلغلات فداك الوسط.لاكن فور خروجهم شد ليها يازيد فيدها وقال
ماضسري عليك حتى واحد..تقولي هادا معقول هادا يخدم معايا ..يخدم معاك اللي غتستافدي منو لاحقا وينفعك فشي حاجة اما داك المعقول راه مكاينش..كل واحد كيحاول يدير بلاصتو ..غير الشلاهبية اللي هنا مزال تفهمي اش كنقوليك
دارت يدها على صدرها قالت ليه
صدمتيني والله ماتوقعتش ندخل هنا
يازيد: هادي هي بلاصتك..يديها شي واحد غيرك؟!! زايدة فمرتي علاش تعطا لواحد اخر
شيماء:عنداك نكون ديتها لشي واحد مسكين داخل ليها بعرق كتافو
يازيد:مكاينش هنا عرق الكتاف اشيماء اش كتخربقي!! كن ماديتيهاش غيديها واحد اخر موصيين عليه من شي جهة ولا عاطي فلوس صحيحة واش حساب ليك غير اجي ودخل !! تا يخليوك بعدا توصل لهنا عاد قول عرق كتافي..القتيلة كتنوض على الكراسا وكل واحد منين كيجر راه ماحيدناها ليهم تا كنا غنخرجو معاهم فجورنال ..حيت مكيعرفوكش باغيين يعطيوها لواحد ليعقوبي مدور بيه كاع الاعضاء كيقضي ليهم المصلاح باش يطلعوه .حساب ليك ساهلة وديناها بالنزاهة .مكاينش النزاهة عقلي على هاد الهضرة مكاينش هنا ولاد الناس باش تكوني بنت الناس.عطي لبنادم علاش يقلب ما تقضي لشي واحد شي مصلحة فيهم تا يرغب ويزاوك باش يعرف راسو معامن ماشي يضسر يديروك لتحت ..راك وسط الريوس الكبار الى ماكبرايش راسك مغيبانش
شيماء: ههه هادي حرب اوييلي
يازيد: دابا نفكرك ..نعطيك عام ..الى مامشات ليك الس٠اسة فالدم مع العروق تولي تجري بسنانك ماتعقلي انا ماشي يازيد
شيماء: اويلي الله يستر
يازيد: هانتي غتشوفي الفيروس ديالها كي داير
ابواب جديدة تحلات فوجه شيماء ..دخلات لعالم واخا بعيد عليها وماعندها عليه حتى فكرة لاكن كلها طاقة اجابية وحماس وداخلة ليه بتحدي وقوة ودعم معنوي من جهة يازيد..واخا شافت راسها مكتنتمشي ليه لاكن هزات كتفها بلا مبالات وقالت
وعلاش لا مالهم هادوك اللي تما حسن مني!! قاريين ؟. قارية حتى انا ؟ مطورين ؟ غنتعلم حتى انا !! باش فايتييني؟ الى عندي انا ماضي هما راه عندهم حاضر وحاضر خانز وكلهم لابسين اقنعة الطبقة البجوازية النضيفة..اما انا داخلة بوحه مكتشوف وماشافني حد اشنو كنت كندير ماعندي ادلة ..الى جات غير على ورقة وملف نألف عليهم قصص وملفات ..اما هما دايرينها وبالتسجيل من الفوق. لحسن حضي كانو تيليفونات كيتمنعو فدخول اي سهرة وماعند حتى واحد باش يهددني ولا ينشرني يتفرج فيا كلشي.
رمات الماضي هاد المرة وهزات راسها لاعلى ..الماضي اللى مابقاش كيأثر عليها واخا كتفكرو وتذكر شنو دوزات ولا شنو داز عليها مكيتحرك فيها حتى احساس وماعندها حتى شي تخوف..الراجل اللي تخاف منو يعرف راه عارف وطمس القضية ..وعائلتو اللي تخاف يسيقو الخبار حتى هما جبدو الضوسي ورجعو سدوه على وجه الصمعة وكونها ولات مرت الولد وزوقات الواجهة ودخلات لعالم بصورة زوينة ونقية .
ضحكات فاتي وهزات راسها فالسما قالت ليها
تخياااالي كن دابا تزوجنا شي مكرررد..كن راه يصبح علينا ويمسي علينا بالمعيور ومو تقولها للحومة كلها
ضحكات شيماء حتى شبعات وقالت ليها
ايوا الحمد لله بعدا هزينا راسنا شفنا لفوق ..واخا لفوق راه كتااااار منا حنا فين نبانو ومولفييين بهادشي داكشي علاش جاهم عادي
فاتي: ياختييييييااااي الناس ولاو يبانو فتلفازة
شيماء:هههه ايوا كي جيتك ؟!
فاتي: لالا ماعندي منقول
حطات فاتي يدها على كرش شيماء اللي مكركبة رك وقالت ليها
وهاانتي غنولد انا ونتي فعام واحد..
شيماء: بردتي دابا فاش جاتك البنت؟
فاتي: اويييلي ماشتينيش فالبييبي شاور كيفاش نقزت اصاحبتي كنت غنتقلب..ونتي فوقاش ديري لينا حفلة دالجنس
شيماء: بلاتي ندوز واحد الجلسة راه كنوجد ليها ..عاد ديك الساعة نديرو هاد الحفلة
فاتي: كوراه يازيد فرحاان
شيماء: هييه!! هوا غير فرحان!! غيطير ..نهار درت تيست ولقيت راسي حاملة مشيت فيقتو من النعاس ناض جمع الرقفة جلس قالي اري نشوف
عطيتو تيست بقا غير كيشوف فيا ..عنقني كان غيتقلني
فاتي: ياختي كاع مايحساب ليا هوا هاكا داير
رن تيليفون لشيماء وردت قائلة
الوو:
سكينة: ختي شيماء صافا ؟!!
شيماء: الحمد لله اش كاين؟
شكينة: ختي الى بغيتي خلينا نرجعو للدار فبوعزة تقهرنا .. والله ماتسمعي صداعنا
شيماء: نسيتو شنو درتو ليا اخر مرة ..هاد المرة باغين تشوهوني كلشي الناس يقولو عليا خواتات مؤدب دايرين حالة
سكينة: هاكي ها حنان بغات تهضر معاك
شيماء: اريها
حنان : ختي شيماء الله يخفضك ماتنسايناش..اللسان راه مافيه عضم راه عايشين فواحد الحالة لا الاه الا الله ..مسك عليك الله فكينا معاك ولا سفطينا شي قرينة مانرجعوش حنا كاع لهاد المغرب
شيماء: انا غنعطيكم الدار والصروف غيوصلكم ..ولاكن تشوهوني مع الناس راه والله منعقل عليكم
حنان: صافي اختي الله يحفضك..تل ضبري لينا فشي خرجة حنا كاع نتهناو من هاد القنتش
شيماء: وا تا لتما ويحن الله
قطعات كتنهد وفاتي كتشرف فيها قالت ليها
كن غا سيفطتيهم لبرا اصاحبتي..حسن مايبقاو يتمشكرو هنا
شيماء: بغاو يمشيو الامارات باش يشهروني تما
فاتي: سيفطيهم غا لتركيا ..خليهم يمشيو والله تا يتنقاو ..شحال من شمكارة خرجات لبرا وتنقات
شيماء: باش غيهضرو فهاد تركيا بزيزوار؟
فاتي: وا سيفطيهم تانتي..ولا خليهم يمشيو لامرات وهني مخك مالهم هادوك اللي مشاو حسن منهم
شيماء: غنقطع ليهم لتركيا يمشيو يتخاكو معاك الزمان ..خليهم يتكعدو ويعولو على على راسهم شحال غنبقا ليهم انا كنصرف عليهم
فاتي: حسن .. خليهم يمشيو يضبرو على راسهم يتزوجو تما خواتاتك ماتخافيش عليهم قادين
شيماء تا نشوف اش ندير معاهم .
هم وتقل الاخوة على الكتاف مابغاش كاع ينزل ..زيدو حتى هوا على الخدمة والطموح للوصول لما هوا اكثر والكفاح والجهاد بدون ملل.
دخل يازيد للدار بسرعة بالكوستيم لقا مها جالسة كتفرج فتيليفون ومشا شعل تلفازة ووقف داير يدو على جنبو جا مع المباشر نيشان ديال البر٠مان بادي والحوارات والنقاشات والروينة نايضة وصغر عينيه كيتفرج وتلفت وراه لقا بلاصة خاوية جلس.
كانت شيماء جالسة فاعلى كرشي مترأسة الجلسة وجامعة شعرها كعكة ولابسة بدلة قدامها ميكروفونات ويدها على جبهتها كتسنط وتدخلات قاطعات الوزير وقالت
انتهى الوقت سيدي الوزير ..انتهى ..الكلمة للسيد رئيس المندوبية السامية للتخطيط السيد جعفر حماصي
الوزير: مزال مانهيت كلامي و…
بدا كيهضر و ورئيس المندوبية كيهضر حتى ناضو كيتعاطاو وشيماء كدق وتعيط
سيد الوزير…سيد الوزييير ..سيد الوزييير انا اللي كنعطي الحق.. ماشي من حقك ..ماشي من حقك
الوزير:ماشي من حقك
رئيس المنودبية
سخفتي لينا الرئيسة وهي حاصلة فراسها السي يعقوبي شوية ديال المراعات ..اش هاد المستوى
يازيد: اسسسيير تخرا تا نتا
الوزير: ماعندكش الحق تقولي هادالهضرة ..المستوى هوا اللي مازال ماوصلتيه قالك المستوى
شيماء: السي الوزير شوية دالنضااام ..الوقت كيضيع على الفاضي شوية دالنضام ..وا النضاااام ..النضاااام ..
يازيد: غيفقصها ولد لكلبة
زبيدة: نعام اوليدي
تفرج فديك الجلسة حتى قربات تسالي وجاه اتصال مهم خرج مشا .. انتهت الجلسة وخرجات شيماء من القاعة فيدها ملف لابسة كسوة كحلة مجموعة حتى للركبة وصباط وفيست قصيرة لقات الصحافة قالبا وقدامها صحفية هازة الميكرو قالت ليها
هاي هاي هاي على الزين بالب٠لمان منورة بالكحل
ضحكات شيماء وهي غادية والصحفية حداها قالت ليها
فقصوك ياختي سمعتك من هنا
شيماء: ايوا شغادير دير هادشي اللي عطا الله
الصحفية: مشااااو ياكلو الحلوة ونتي علاش مامشيتيش معاهم تاكلي الحلوة
شيماء: مكتعجبنيش الحلوة ههه
الصحفية: قولي ليا غديري لينا شي سبوع ولا غديري لينا حتى نتي من هنا دازو ؟
شيماء: هههه حتى لتما وحين الله
الصحفية: عنداك يشد الوجع بالفقصة فالبر٠مان وترلدي لينا وسط الجلسة
رجعات شيماء حمرا بالضحك وهي خارجة نازلة مع الدروج والصحفية حداها
-ماكتخافيش تلبسي الطالون ونتي بالكريشة؟ قالك خايب للمرى الحاملة
شيماء: اللي متعرفش تمشي بيه
الصحفية: نتي تبارك الله تعرفي تلعبي بيه شريطة ههييهي غير كنضحك معاك
شيماء:ضحكي مع راسك بصحتك
الصحفية: مولف يجي معاك السي الدكتور هاد المرة خلاك جيتي بوحدك
شيماء: نقزت لا بتيت طلعت لا كغونض هههه
الصحفية: يخليلي الضحيكة ياختي ..قولي ليا نتي متافقة معاهم ولا مع لخرين
شيماء: لا معاهم لا مع الخرين انا فكاكة الوحايل هههه
الصحفية: ياختي وشحال غزالة انا بعدا كتحمقيني مامعقداااش بحال شي وحدييين
كملات شيماء طريقها للسيارة كضحك ودارت ليها باي باي مشات بحالها وتيليفون كيصوني ليها فتحات الخط ردت
الو يازيد ؟
يازيد: وي صافا خرجتي؟
شيماء: اه انا غادية للدار
يازيد: ياكما عصبوك
شيماء: لا عاادي
يازيد: ماتعصبيش غير بشوية عليك
شيماء: مامعصبا ما والو فينك ؟
يازيد: هانا عندي واحد لكوغ للاطباء نسالي ونجي
شيماء: واخا اللي يعاونك .
قطعات ومشات للدار دخلات عطات للخدامة الملف والصاك وتعرضات ليها بالبانطوفة فالباب دارتها فرجليها ومشات باست لمها راسها وطلعات لبيتها بدلات حوايجها لبسات لبسة واسعة قصيرة ونزلات جلسات عاودات ليها مها على يازيد فاش دخل وتفرج فالجلسة حتى للوقت فاش خرج
سرحات وجليها كتشرب العاصير وعيطات لفاتي كضحك
الو حبيبتي.. ايوا شنو ماديريش ليا شي سوربرايز ديال جنس الجنين
فاتي: حلفييي!!! انا دابا غندوز عندك عطيني الورقة نعيط لداك المنضم ينضم ليك الحفلة ..غديريها غير تما فالدار
شيماء اه غير هنا
فاتي يالاه هانا جايا
بلا عكس عليها تقول ماحاملاش . ناضت قلبات ليهم الجردة كلها بالزواق وديكور وجابت ليها كروب يزينها وبدات كطير وتنزل وتوجد
اما شيماء غبرات مشات تريح اعصابها وترخا وتحمم ودير ايوغا والمساج ..دوزات النهار كله على برا حتى للعصر عاد رجعات لابسة كسوة بيضا قصيرة وصندالة وشعرها ملوي ودفارها مصايبين ..لقات الحفلة واجدة و انس جايب ولادو تابعهم ومها برا جالسة كتمع هي وميلودة وفاتي شادة طبسيل كتاكل
دخلات سلمات عليها قالت ليها
يازيد مكاينش؟
فاتي: لا باقي مجاش
شيماء:تعطل!! لعجب؟!
صونا ليها تيليفون ردت عليه قائلة
الو حنان ؟!!
حنان: ختي شيماء قالت ليا سكينة قطعتي لينا تيكي لتركيا بصح
شيماء: اه سيمانة الجايا تمشيو ..ياك قلتي باغيين تمشيو
حنان:اه اختي نمشيو تما البنات كنعرفوهم مشاو وتعلمو اللغة وعادي ..
شيماء: ايوا مزيان المهم سيمانة عندكم الطيارة ..يالاه بسلامة
قطعات وهزات راسها شافات يازيد داخل كيضحك بشورط دجينز وتيشورط بيضا ودخلات وراه مدام صوريا وراه شاد ليها فيدها ووراها مرى اخرى لابسة سروال ابيض طويل وقميجة بلا يديه كتشبه ليها والشعر والنضاضر .وقفات شيماء مصدومة شافت فيهم وجابهم حتى لعندها تبسمات مدام صوريا وسلمات عليها من الوجه ورخبات بيها شيماء قائلة
..مرحبا بيك مرحبا والف مرحبا
يازيد: ماطونط سامية
سلمات شيماء عليها من الوجه ورحبات بيهم بتوثر وخجل وجلسات معاهم حدا يازيد اللي عنقها من اللور وشد ليها فكرشها قاليها
صافا ..ياكما عيانة
ردت بخجل قدام مو : لا الحمد لله
مدام صوريا: مبروك يتربا فعزكم
شيماء: الله يبارك فيك
عيطات ليه فاتي من ليه كدور بالحلوة وناضو اتاجهو ليها ..مشا انس كيضحك هاز ولدو الصغير فيدو عند مدام صوريا سبم عليها ووقف كيهضر هواياها وشيماء ويازيد كيتقادو قدام البالون الاسود ..السوسيانس وكلشي كيتنسا وهما كيحسبو بالعد التنازلي وطرطقوها وانفجرت بجوج الوان ..الازرق والغوز وحتى واحد مافهم شنو واقف حتى طرطق الدخان واحد وراه واحد زرق واخد غوز وتلفتو كيتسائلو شنو الجنس!! !!
عرا عليهم التريتور على راس الحلوة وكان مكتوب عليها توينز ..ماصدقاتش شيماء وغوتات دارت يدها علىفمها شافت فيازيد اللي هوا براسو بقا مصوم كيشوف فيها وعنقها بقوة تحت تسفيقات الجميع و هشتهم .
كانت مفاجأة غير متوقعة .. كانت رابع اجمل ما تلقات شيماء فحياتها بعد نجاحها فالدراسة ولقائها بيازيد لاول مرة وعودتها لعائلتها وزواجها بحبيب القلب
انتهت.❤️
مشات خبيرتنا من واد لواد وبقيت مع بنات الناس لجواد.
قصصك وعرييييين