لكيريا حرب الهوية الجزء 16

_قادر : واش ! مرتاااح ؟

تيتو: ( نزل راسو لارض ) بشوفتك تيوو ،خيرك عمرني نساه

_حاضنو جنب داخل للقصر ، نفس القصر لي تيتردد عليه فإيطاليا دائما ، قصر كبير و واسع من الدخلة يسوده ديكور القرن التاسع عشر افرشة قديمة العهد ، تحف فنية عريقة ، و رمز الصليب من الحجم الكبير معلق فالحيط و شموع مضاءة فالرواق برائحة الصندل، وصوت موسيقى البيانو مسموعة فارجاء القصر ،ولو تمر سنين و سنين يبقى نفس الوصف و الشكل

تيتو : هاد القصر ديالمن ؟

قادر : ( شعل سيكار تيذخن ) ديال فابيو

تيتو : ( تنهد ببطئ) صمت

قادر : ارتاح مع روحك ، جا الوقت لي نجاوب على اسئلتك

تيتو : ( دار يديه فجيب ) شنو الفرق بين زمان و اليوم ؟ كنت ديما كترفض تجاوب ،مع العلم كنت عارفك مع المافيا تيو

قادر : ( بنظرات حادة ) الفرق هو انت ! تيتو اليوم ماشي هو تيتو البارح !! تيتو البارح مستحيل ندخلو فعالمي و يكون الخليفة تاعي ، الناس لي خدامين معاهم ماشي ناس عادية فالبلاد و المافيا لي داخلين لها تقدر تقول عليها راقية مختصة فالأعمال و السياسة ،وانتوما كنتو منوضين لكيرا غير بيناتكم على سلعة العرب

تيتو : ( تيدوز يدو على رقبتو تيتنهد) صمت

قادر : اليوم يكون حفل على شرفك و من بعدها نرجعو لمارساي نورمال ..( تيشير باصبعو للأرض ) ولي شفتي هنا ! و عرفتي هنا !! ( تيشير لجهة العقل فراس ) يبقى هناا ،كما هزيت السر معايا سنين ولا عبد عارف السر انت تاني تهزو معاك

تيتو : ( تيحرك راسو بفهم ) و بخثة ؟

قادر : بخثة عرفت بالصدفة هادي قريب تلاثين سنة اني معاهم ! مي شكون هما ؟ وكفاش تنخدمو ؟؟، ماعندها ماتعرف فيه

تيتو : و روزا ؟

قادر : ( دور وجهو بجمود ) ريح روحك ، الوقت لي يوصل موضوع روزا نسلكوه!!

تيتو : ( تحرك يديه فالهواء بشرح ) انت عارف و العالم كلو عارف بنت وحدة فحياتي و لي باغي نكمل حياتي معاها هي روزا ! ماضي والديها واش يجبد لنا شي صداع ( آشار لجهة داخل القصر ) هنا؟

قادر : ( بحدة ) روزا بعيدة كل البعد على الصداع ! ( ضرب فكتفو ) تيتوو !! ماعليه نأجلو موضوع لفاميلا ، روح ارتاح ، الليلة ندوزو الحفلة نشدو طيارة لمارساي

تيتو : ( طبطب على يديه ) يطول عمرك تيوو

_بما انه الخليفة لقادر ،لازم يعرف اسرار العائلة ، و سر حب حياتو ،تعب من تفكير و هو باغي يعرف اصل روزا و اب روزا و هل والديها الحقيقين ليهم علاقة بالمافيا ..دخل الغرفة يرتاح و استلقى على السرير حاط ذراعو على راسو مغمض عيونو و الشوق يقتلو للقاء عائلتو لي تيشوفهم فقط فصور ....

مرت ساعات و القصر انارت انوارو للحفل ، خدا دوش خفيف و لبس بذلة سوداء كانت معلقة فالغرفة حتى دق عليه شخص من الخدم علمو ينزل ... نازل للتحت ، و عيونو تتفحص الحضور لي معظمهم من النخبة ، انهم الايطاليين أصحاب الأناقة و البروطوكول من الطبقة الراقية ، انهم لاكامورا ...

قادر : ( هاز كاس نبيد فيديه ) فابيوووو

فابيو : ( بنفس النبرة ) تيوووو

_لقاء الاباطرة "فابيو" "البوص" "القسيس" ، لقاء اليوم ليس فالكنيسة بل في القصر ، واقفين مع بعض حتى حولو انظارهم لتيتو لي تجه نحوهم و جميعهم تفكرو حوارهم قبل سنوات

🔙🔙🔙

تيو : ( دخل يدو فجيب الكوستيم و حط صورة تيتو نطق بجدية) Lui è mio figlio ( انه ابني )

القسيس : ( من بعيد لمح الصورة ) ولدك ولدنا!!( شاف فالاثنين ) امممم فابيو ؟

فابيو : ( هز حواجبو بقلة حيلة ) محتاجين طاقة شبابية !!

قادر: ( قرب لهم بصوت منخفض ) محتاج ناس تيفهمو فالعلم و التسيير مستعدين يدخلو الحبس!

البوص: ( تنحنح ) ايطاليين ؟

تيو : فرنساويين

🔙🔙🔙

القسيس : ( فتح ذراعو لتيتو ) امممم ولدنااا تيتو

تيتو : ( انحنى برأسو للقسيس و نطق بالايطالية ) padre !

القسيس : ( بضحكة عالية ) الرب يحميك !

فابيو : ( خداه بالحضن ) ابن تيووو ! معاك فابيوو

تيتو : ( بادلو حضن رجولي ) كراسيااس فابيوو

البوص : ( مد ليه يديه بتحية ) نقدرو نكولو الحظ وقف معاك ؟

تيتو : ( شاف فقادر بنظرة نقدر نجاوب و غمض له قادر عيونو بموافقة ) نقدر نكولو صنعت حظي بيدي !

فابيو : ( بصبعو تيشير ليه كانه اصاب الهدف و بلهجة تأكيد نطق ) ايخووو دو تيووو ( ابن تيووو )

_حفلة كلها شرب نبيذ و ضحكات متعالية و كلام مشفر ! كواليس الحفل توضح ان تيتو هو ابن قادر وانه محمي من المافيا من بعيد و من قريب و اعمالو تحت حمايتهم والوجوه لي شافهم تيتو كدالك هما شافوه ، منهم وزراء و رجال اعمال و بعض الفنانين منهم لي سبق شاهدهم على التلفاز و منهم لي تيسمع بيهم فقط ..كانهم تيقولو لو : مرحبا بك في لاكامورااا

قادر : ( بهمس ) وقت العائلة قرب !!

تيتو : ( شاف فالساعة ) توحشت الواليدة بزاااف...

_ مع طلوع الفجر نفس الموكب لي وصلهم القصر نفسو لي وصلهم المطار و تيتو عيونو على شوارع نابولي

تيتو : علاش ممرحبينش بالسياح فإيطاليا ؟؟؟

قادر : ايطاليا بلاد السياحة و السياح لانها فيها اعرق المدن الأوروبية ،لكن فنابولي الامر مختلف كفضلوا المهاجرين لانها ببساطة مدينة الاعمال لي محتاجة لناس مكقولوش لا و حاجتهم أكبر من شروطهم اما بالنسبة للسياح فإيطاليا كبيرة او واسعة يروحو وين يحبوا !!!

تيتو : ( حرك راسو بفهم ) اليوم الاحد يكونو مجموعين ؟

قادر : البارح ساهرين جميع ! ان شاء الله يتجمع الشمل

تيتو : ( نزل راسو مزير ) ان شاء الله

_الشمل واضح افرادو ، من ثلاتي الامهات و ماريا لسيدح و روزا و عائلة مامادو معاها ، هدا هو الشمل لي لازم يتجمع .. كالعادة بالطائرة الخاصة التابعة لقادر ركبو راجعين لفرنسا و بالضبظ للمدينة الساحرة مارسيليا ، على متن الرحلة قادر خدا قسط من النوم عكس تيتو لي كنتاظر على احر من الجمر و نتظارو طال ،و كل ساعة فاتت عليه و كانها سنين !!راجع فذاكرتوا صور لأحدات و مواقف مرت و لي كلها تبتتلوا بأنه فعلا كيف كقولوا تيو العائلة مقدسة !!! ساعات بين الجو و نزول الطائرة و الإجرائات كانو خارج المطار مع تمام الساعة التامنة صباحا..ركبو مباشرة مع الشيفور لطريق القصر ...

تيتو : ( تيحس بقلبو تيضرب ) يكونو مجموعين ؟؟

قادر : ( شاف فالساعة ) وي ! ( طبطب على فخدو ) ريح روحك

_تنهد بقوة تيحس بضلوع صدرو تيتزيرو ، ميل راسو مع الطريق لي تتآدي للدخلة دبال القصر كحفظها شبر شبر ! حتى وقفت السيارة و تعطى كلاكصون للحارس ثواني و تفتحت البوابة اتوماتيكيا و كل مرة يميل راسو يكتشف الدخلة و المكان حتى وصلو لباب الداخلي للقصر وفتح الباب نزل تيحيد لافيسط حطها فالسيارة منتظر قادر يوقف جنبو يدخلو بجوج

قادر : ( طبطب على كتفو ) زمان ماسمعت الغوات فالقصر منين كان ريان بيبي ! اليوم لكيرا دماغساي، كي جاك لْباليّ(le palais) ؟

تيتو : ( بابتسامة هز نظرو فالقصر ) ناضي تيوو !

_فتحو الباب داخل قادر و كل خطوة تيخطيها تيتو تيخطيها ورائه و تيتعرف على القصر من الداخل و كان اول المستقبلين هيا مدبرة المنزل مانويلا لي رحبت بيهم بإبتسامة

مانويلا : مسيو قادر ! مسيو تيتو ،على سلامتكم

تيتو : ( حرك لها راسو بتحية ) صمت

قادر : وينها المدام ؟

مانويلا : المدام تتلبس فبيتها ..

قادر : وجدو الفطور !

آشار براسو لتيتو يتبعو ! طالعين فلاسونسور للطابق الأول و زادو للطابق الثاني و بعد متمشاو فممر طويل دق على الغرفة و فتح الباب تاتسمع صوتها الرقيق

بشرى : ( بحب و إبتسامة ) على السلاااامة مسيو قادر

_كانت فقمة آناقتها كما تعودت مع قادر ! لايدي و اميرة فقصرها ،اللحظة لي خطت خطوتين تحضن قادر و ترحب بيه تتلمح شخص آخر داخل وراه من شدة الدهشة وقفت تحقق فيه وترجع تشوف فقادر لي غمزها و ضرب على كتفو هو واقف جنبو صدرو تيطلع و ينزل

قادر : هااا ولدك !!

_دموع نزلو بسرعة لدرجة النفس نقطعت لها ، هو !! هوو ولدها البكري اسمر اللون ،حظنت نفسها من قوة الصدمة و الكلام مشى ليها ،فين الرجلين لي يزيدو ولا اليدين لي يشدوه ! بتسم لها بود وقرب لها بكل حب حاضنها مقبل راسها

تيتو : هانا جيت الواليدة ! هانا معاك

_طلقت يديها و حضناتو من ظهرو و تتنخصص بالبكا و فمها غير : ولدي حبيبي و لدي حبيبي ...

بكاء من الشوق ، دموع من الحسرة عليه و من المكان لي كان فيه ، هز يديه تيقبلها و ينزل راسو يقبل راسها

تيتو : ودابا علاش تتبكي ؟

بشرى تتزير عليه كانها تتاكد منو و تشد وجهو و تفحصو و تقبلو فراسو و ترجع تحضنوو و تمسح فيه دموعها

بشرى : حمدتك آربي و شكرتك ! حمدتك اااسيدي اربي رجعتي ليا حبييي وليدي

تيتو : ( طبطب عليها ) آسميحيلي آماما ، عذبتكم معايا

بشرى : ( بنبرة منهارة ) الحمد الله آولدي لحمد الله ...مكتااب هدا مانقولو

تيتو : ( قبل راسها ) فين اختي ؟ و فين بخثة وكارين و ريان ؟؟؟

_يلاه توكدت تتمسح دموعها لقات قادر داخل بريان لي وماريا معاه غير شافتو و هي تجمد

ماريا : ( بتأتأة) تتت تتتت

تيتو : ( شد يديها جارها عندو حاضنها بقوة تيمسح على شعرها ) توحشتتتتك اختي ! توحششششتك

ماريا : ( قلبها تيضرب بشدة خاصة من الكلام لي سمعت تتشوف فبشرى تاتبكي و مدت يديها حضنت تيتو بدات تبكي ) اااء تيتوووو !

تيتو : ( مسك وجها بكفيه متفحص ملامحها ) صافا ؟ صااافااا !!!

ماريا : ( تتهز راسها بنعم و الدموع نازلين ) صااافااا ! ( تيمسح لها دموعها ) توحشتك بزااف

_كان صوتو تيبكي وقالب شفايفو من منظر ماريا و تيمد يديه ليها تشدو و قادر تيهدنو

ريان : ( بخوف ) نو طاطا داموووغ ماتبكيييش

ماريا : ( مسحت دموعها تتضحك ) نوو ماتنبكيش!!

تيتو : ( مد يده يهزو و ريان متخوف ) اووووه ! (تيبوسو ) شكون انا ؟

ريان : ( صدرو تيطلع و ينزل و يشوف فماريا تتضحك و يشوف فقادر مطمنو ) انت طون طون

تيتو : ( حضنو بحب ) انا طون طون ؟ وفين pAPA

ريان :( حط صبعو ففمو ) اااء اااي pAPA ااا لوس انجليس مع صابرينة

تيتو : ( بابتسامة واسعة ) تاتبغي طون طون ولا PA PA سيدح ؟

ريان : ( شاف فيه و رجع شاف فيهم ) طاطا دماموووغ ماتبكيش مااتبكيش

ماريا : ( شداتو من عندو ) نوو بيبي ! انا فرحانة بزاااف!!

ريان : ( بضحكة تتطرد الخوف ) ههه ههه طون طون تيتو

ماريا : ( اشارت لتيتو ) وي ! هو هداا

تيتو : ( تيشوف فارجاء ) فين طاطا بخثة ؟

_كانت فآخر درجة ليها و كارين وراها تتلهث ، بخطوات سريعة تتبحث عليه و تتمنى مايكونش شي كاميرا خفية

بختة : بشراااا ! بشراااا

بشرى : ( تتمسح دموعها ) صمت

_خرج من البيت يتلاقاها فالممر ،بمجرد وقف وشافتو فتحت ذراعها تتصرخ بفرحة بإسمو ،يقدر دائما كانو على خلاف ،او دائما تتربص بأعمالو لكن فقلبها كان اعز اولاد بشرى ،حضنها بقوة وهي كدالك

بخثة : على سلامتك ولدي تيتو

تيتو : ( هز يدها قبلها ) يسلمك بخثة ! يسلمك

بخثة : ( بفرحة طبطبت على صدرو ) الله على فرحة ههه

كارين : ( بفرح ) تيتووو ( عنقاتو غطير بالفرحة ) تيتو:واش كارين ؟ ( سلم عليها بلوجه ) صافا ؟

كارين: ( تتحرك راسها مثل الطفلة ) اووو لاللا لوبكوووص ! رجعتي بوكوص

تيتو : ( حرك راسو بلاحول ) ميغسي ميغسي ...

_فطور دافى و هادي معاشوهش من سنين ، لو ترجع بهم الذاكرة امتى تجمعو هكا على شي وجبة؟ الجواب يكون بتحديد من التسعينات او بالاحرى فاش كانو الدراري صغار ...كما عادتو تقيل فالحركة و اغلب لوقت تينزل راسو و تيسمع اكثر ما تيتكلم، اي حديث عن السجن ماذكروهش واي حديث عن روزا تفاداوه ، تكلمو عن اشتياقهم ليه و كوارث سيدح و اطفالو ،الجلسة كانت طويلة حتى وضح عليه التعب نتيجة عدم نومه

بشرى : ولدي حبيبي ، بيتك واجد ،طلع ترتاح؟؟

تيتو : ااه شكرا ! (دار عندهم حرك لهم راسو ) انطلع ارتاح شوية نخليكم

ريان : ( شدو من رجليه معنقو ) طون طون تبقى معانا ؟

تيتو : ( هزو عندو ) حتى انا ماما هنا ، و بابي تيو هنا ، ماعندي فين نمشي !

ريان : ( بفرحة تيطل على ماريا ) ههه اي اااأي ااا طافام ( مراتك ) ؟

_خلا كولشي يضحك ،لان الحساب لي حسبوه على ذكر روزا ! ضربو ريان فزيرو ، قبلو و حطو فكرسي و دار طالع تابع بشرى حتى طلعو للطابق الثاني و فتحت ليه الباب ودخل متفحص الغرفة لي كانت واسعة و كبيرة و بيها بالكون تيطل على لابسين

بشرى : لي ماعجبكش اولدي فلاشومبر ، من بعد و بدلو!

تيتو : ( بإعجاب ) لامزيانة ! ( نزل راسو تيحك رقبتو بخجل ) حتى نتي غي ارتاحي

بشرى : ( حضناتو ) راحتي اولدي بيك كملات، كنت هازة ليك هم كبير ،و الحمد الله على كولشي

تيتو : ( بتنهيدة ) حمد الله ، كولشي داز

بشرى :ندير لولدي احسن حفلة ، ( تتمسح على صدرو ) من نهار تحولنا لهاد القصر وانا بطى عليا وقتاش تجمعو معايا وبهاد المناسبة اولدي نفرح بيك و رسل لخالتك فيزا تجي عندنا

تيتو : ( متبع كلامها ) اش نقول ليك الواليدة ! خالتي مرحبا بيها مي الحفلة عفيني ،ديروها نتما لي طاطات !!

بشرى : وعلاش ولدي ؟ ماتكونش ؟

تيتو : ( هز حاجبو ) والو ! بفف انا قلت ديرو لي بغيتو وصافي ، الواليدة من غدا تابعاني خدمة و تيو بركة عليه العذاب لي دوز معانا و مع داك لهبيل دولدك الصغير ،جا لوقت لي نهز الحمل

بشرى : ( بحسرة ) اااه آولدي اش داز عليا معاه ، منين دخلتي انت لحبس نهار زوين ماشفتو و زاد كملها بكارثة كنا نمشيو فيها كاملين ، اولدي خير قادر عمرني نقدر رجعو كن باااكم لي ولدكم الله يرحمو و مايوقفش لكم هاد لوقفة

تيتو : ( مسح على وجهو ) كولشي يتعوض و يتقاد الواليدة ( طبطب على كتفها ) اترتاحي ومن بعد ديرو لي بغيتو ،الا ماكنتش معاكم داك لوقت دوزو الحفلة بلا بيا

بشرى : ( تبثث فيه الشوفة ) فين غادي آولدي ؟

تيتو : ( نزل راسو و نطق بغصة ) عند روزا !

بشرى : ( نزلت راسها بصمت ...عاد نطقت ) انت مول لعقل من شحال ماشي عاد اولدي ! شفتي على عينك كي مجموعين و ضاحكين ، الله يرضي عليك ماديرش شي حاجة لي تشتت شمل ..

تيتو : ( تنهد بحسرة ) يكون الخير ..انعس شوية

_خلاتو على خير و خرجت وهي مزال عندها مايتقال ،باغة تعاود ليه و تخوي عليه قلبها و لكن ردة فعلو واضحة ان لا كلام حتى يقاد امورو، حيد لاشوميز و صباطو و ترمى على السرير منيم عيونو فذارعو لي مليئ بالوشام و للحظة بدا يغمض عيونو حتى اغفى ...لاول مرة ينام بطمأنينة ، لا تفكير فيوم الخروج ولا هم و لا ضيق التنفس لي تشدو بليل ،ولا الم اللحاف لي تينام عليه ، لاول مرة ينام بين عائلتو وفراش مريح ..

***** مساءا

_فتح عيونو على صوت خربشة و صوت تنفس قريب منو ! فتحهم بصعوبة تيشوفو بين رموشو حاط صبعو ففمو تيشد الضحكة حتى تقلب على ضهرو و رجع فتح عيونو فيه و ابتسم ليه

تيتو : هربتي ليهم ؟

ريان : ( تيضحك ويشير براسو بنعم ) طون طون ( دار جنب تيهز البوم الصور ) شوف انا كنت بيبي

تيتو : ( تحرك جالس على كادر النموسية و هزو حطو عندو ) اوبااااا ! ( بدا يفتح الألبوم ) اووو زوين هاد ريان

ريان : ( تيضحك و يشير لصور ) سي ماما ميسا ، سي papa ، سي فخيخو جونيور

تيتو قرب الألبوم تيحقق و بدا يقلب فالصور ، كلهم عبارة عن اعياد ميلاد او دخول مدرسي إما لريان او جونيور او إحتفالات راس السنة،كل الصور عبارة عن مناسبات لا وجود لأحدات يومية تجمعهم كعائلة

تيتو : تتهضر مع خوك جونيور كل نهار ؟

ريان : ( تياكد براسو ) وي ! اي طاطا ميلا و لي لي

تيتو : ( عقد حواجبو ) اي روزا ؟

ريان : ( هز يدو تيسوط ) تتغوت علينا ( تيحط يدو على فمو يقلدها ) سيلوووونص

تيتو : ياك ؟ ( ناض هزو تيقفزو ) اجي نوريك سيلونس

_تيهزو يقفزو فالهواء و ريان عقلو يخرج بضحك ، لانه كبر على سيرة عمو و منتظر مجيئو معاهم و دراري الصغار خاطرهم تيمشي مع لي ارتاحو ليه ؟ ريان حب عمو من اول لحظة ، هزو نازل لتحت عريان فصدرو و بلحفا ،تا لقاهم مجموعين و كلها شاد تلفون

تيتو : ( حط ريان لأرض ) بونسواغ

_ردو عليه التحية ! و بشرى مدت ليه التلفون سيدح باغي يتكلم معاه

تيتو : (شاف فتلفون حطو على وذنو بعد عليهم ) وااش ؟

سيدح : ( مطول الهضرة ) صاااافااااا ؟

تيتو : سي طي زافيغ ( سوقك ) ؟

سيدح : كالمااا كالما ! مهم على سلامتك ، تشاو ( قطع عليه )

تيتو : ( بهمس ) الدجاجة لفازكة ! ( مد لبشرى التلفون ) تعشاو برا ؟

ماريا : ( تتفوه بنوم) ديزولي انا منقدرش

كارين : ( عنقاتها ) آليييي ! ماريا

بخثة : اوسي ! غدا عدنا الخدمة ، خلي لويكاند جاي

تيتو : ( حرك لها راسو ) يلاه بون نوي ! انا نخرج

بشرى : ( بفضول ) فين آحبيبي ؟

تيتو : مع تيو ! ندوز عندو لريسطو

_الوقت يمضي ! و العائلة تأقلمت مع وجود تيتو وهو اكثر منهم ، حاضر فالوجبات و جلساتهم ، كانه تيتعرف عليهم ، كان اول مشوار ليه يشري ملابس و هاتف وكل مايلزمه و تاني شيء مشى لعند ماريا لمقر عملها و شرب معاها قهوة و للحديث بقية ،وتالت شي فصباح وصل ريان للمدرسة وقف كأي عم مع باقي الاباء لوح ليه بيديه و دخل فرحان ، ورابع شيء مشى لعند بخثة للمقر جمعيتها لي كان داك نهار عندهم حفل فقط سلم و تعرف على مقرها لي كان فوسط الحي الشمالي و ضرب دورة بالسيارة متفكر الذي مضى و المغامرات لي دوز و حروب الشوارع لي دوز ،اما بشرى و كارين فعالمهم وحدو ...

"بعد اسبوعين"

تيتو : ( تيمضي على اوراق مدهم لقادر ) صمت

قادر : ( شدهم مدهم لمحامي ) بهاد لاسنياتيوغ ،تيتو هو الرئيس الرسمي لفرقة الكرة ***

المحامي : مفهوم ! نقررو نهار لي تكون فيه الندوة و نتصلو بالصحافة

تيتو : ( هز ليه يديه ) حاليا سرب خبر للصحافة بان رئيس جديد للفرقة قريب يتعين ،و الندوة تكون بعدما نشوف مدرب جديد و نضم لاعبين جداد ، الندوة نبغيها تكون من الملعب و ( كتب اسم جمعية بخثة ) هاد الجمعية تكون حاضرة

محامي : اوك مسيو تيتو ( بتحية وداع ...مشى )

قادر : الجمعية تتهتم بالنسا بدرجة اولى ، بعيدة كل البعد على الكرة!!!

تيتو : اولاد دوك لعيالات تيضيعو فلكاختيي دونوغ ، شحال من ولد كانو معايا تيبيعو لادروك و هما الكرة فرجلهم(الموهبة) مي مالقاوش لي يرشدهم!

قادر : ( ضرب فالمكتب ) بون !! ندوزو لسيدح !

تيتو : ( حرك راسو بنفي ) يدوز لكومبا لولى و يرجع

قادر : هادي مانختالفوش عليها ، مي لازمو يكمل

تيتو : يكمل بسيف عليه ! امورو تنقادها من دبا ، لمدرب لي يدربو و لاصال خاصة ليه

قادر : داكوغ ! بالنسبة لآية ؟

تيتو : ( تنهد بنفس طويل ) الواليدة شحال قدها تخبع ؟ عام ! عامين اخرى ؟ يتحط كولشي فوق الطبلة ، لنفرض ختارها و يعيش معاها ( حك وذنو ) ولو تنشك فهاد الهضرة ! شكون يقدر يقرب لبشرى ؟ ولا لوااحد فوخوتي ؟

قادر : ( تكى وراء ذراعو براحة ) توااااحد ، مي بشرى باقة فيها ديك لافوبي منهم ، وراك عارف لي فامي دلعرب ،صداعهم يوصلك يوصلك ،اما راه كلمة وحدة مني يتصفاو كلهم ، مي هههه نتصرفو نوغمال

تيتو : ماتخممش! وي سي لافامي ديال بَّا ! مي لي تيجمعنا مااات ، ولي زاد قتل ديك لاغولاسيون دقتهم لي تديها معها لواليدة لعند الله

قادر : ربي ينجيها ! ماعليه ، مور الحفلة ديالك و على ماتجي خالتك زهور ، عندي سفر مع بشرى

تيتو : ( شاف فساعة ) طيارة عندي لسويسرا ! عندي ميم بَّا سانك جوغ ورجع

قادر : ( هز ليه صبعو بلوم ) مانوصيييكش ! رطب حتى يحن مولانا ،روزا ماتعرفهاش فااش تتفكر

تيتو : ( مد يديه سلم عليه ) طانكييط ! ماطالب والو غير ترجع !

قادر : نهار تسد عليك الدنيا ! تفكر هاد العبد اسمو قادر ،اتسنى سطاش لعام فيماك ..

تيتو :(بإبتسامة خفيفة) تهلا قااادر ! تلفون بيناتنا ...

_اسبوعين مرت عليه بمارساي ،تيشوفها فكل مكان ،و يتفكر لحظاتهم و تمردها و هروبها منو فشواريع و ضحكتها و بكاها و عصبيتها ، واخر يوم ليهم نهار عيد ميلادها حين توحدت الأرواح و الاجساد ، غارق فتفكيرو حتى توقفت السيارة بيه فالمطار ...

شيفور : ( حط ليه لافاليز ) رحلة سعيدة مسيو تيتو ! علمنا بوقت رجوعك انكون فانتظارك

تيتو شاف يمين ويسار ! و شكرو بتحية راس و دخل من باب المطار ، مثل العادة دوز الإجرائات و الطيارة الخاصة ديال قادر فإنتظارو لتحلق في الأجواء من مارسيليا لسويسرا ...على ماجلس فمكانو على ماتحلق الطيارة دوز الخط لصديقو

تيتو : الو

مامادو : تيتووو ! ( شاف فساعة ) جاي ؟

تيتو : روزا كاينة تما ؟

مامادو : اااه روزا !! باه ايكوت ! روزا فإيطاليا

تيتو : ( عض على شفايفو ) ايطاليا ؟ ( بانفاس تتضارب ) علاش ؟

مامادو : جاتها خدمة ! تيتو ايكوت ، جونيور تيهضر مع ريان و سمعت على خروجك ، تنظن مشات تخدم و تنسى شوية ،هادي عادتها ماتتبغيش تعصب قدام لي لي بالأخص

تيتو : عاااامين ! عااااامين وانا نوصيك و نعاااود نوصيك عليها ! باش نخرج لقاها طارت لإيطاليا ؟

مامادو : إي مونامي ! تبعها ، انا لي عليا شديت ليك في إنا مدينة و لوطيل و دار الأزياء معامن خدامة

تيتو : ( تنهد بقوة ) تلاقاني فالمطار من هنا ساعتين ! عاد نرجع لإيطاليا ، باش نغير لفواياج نتسنى اربعة وعشرين ساعة ...( بتحذير )خليك معاها فالخط ...

_صدق قول قادر حين قال روزا ماتعرفهاش فاش تتفكر ! حلقت طائرة فاجواء و طلب من مضيفة كاس نبيذ للتهدئة الاعصاب ..لكن مايهدأوه غير عيونها زرقاء ، خوفو انه يبقى تابعها من البلاد لبلاد ، طيح في لا يحمد عقباه ..خرج تلفونو من جاكيطو دخل لفصحتها فانستغرام تيعاود يشوف صورها و يدوزهم وحدة وحدة و انفاسو تتضارب بين عصبية و توتر الى حين نزول طائرة و نزل يكمل اجرائات الخروج ..

مامادو : ( هاز بنتو تيبوسها ) بابي ..بابي

جونيور : طون طون تعطل ! انا فيا بيبي

مامادو : ( تيشوف فيه ) اصبر اصاحبي ! صبر

لي لي : ( تتشير لبااب ) طاطا طاطا

مامادو : ( هز عيونو لمح وحدة زعرة تتشبه روزا ) ماشي هيااا ( شد فيد جونيور ) زيد انت دير بيبي

جونيور : ( تيحك نيفو ) وفيا جوع ! و بغيت ماما

مامادو : وي ! وي ، و باغي شكلاط و لبلاي و تمشي لبحر

جونيور : ( تيقفز بفرحة ) وووووي !

مامادو : هاطواليط دخل يلاه ! مسح كما علماتك ماماك

جونيور : اوووكي

_وقف تينتظرو يخرج ! جونيور كثير طلبات والا شدتي لعكس معاه يتجبد لك فارض ،و مامادو باش يتفادا صداعو تيسايرو وهدا طابع اخر ورثو جونيور من سيدح لان ميلا مهدنة ، رجعو لجهة خروج مسافرين ملاهي مع لي لي و جونيور حتى سمع صوتو هو تينادي عليه ..كان هو ! "تيتو" صديقو من صغر،صديقو فالإجرام و مراهقة الطائشة ونهار قرر يغير حياتو ختار هو يخلص كولشي و بسبب تضحيتو هو الآن اب صالح و زوج كدالك واحسن عم لجونيور

مامادو : ( بحضن رجولي ) تيتوووووو ! فخيغووو

تيتو : ( ضرب على كتفوو ) واااش ! درتي لافافا ( عائلة ) ؟

مامادو : ( متأثر تيتنهد اشار لي لي و جونيور ) لي لي و جونيور آدم

_تحنى على ركابيه عندهم و حضنهم برفق و لي لي فاتحة فمها فيه و جونيور تينقز بفرحة

جونيور : تيتووو تيتووو

تيتو : ( شد وجهو صغير قبلو و اكد ليه بكلمات ) طوون طوون

جونيور : ( ضرب يديه بجبهتو ) بااغدووون

تيتو : ( هز لي لي لحضنو ) صافا لي لي ؟

لي لي : ( تتحرك راسها بنعم وترجع تشوف باها ) اي طاطا ؟

مامادو : ها هيا جاية !

تيتو : ( بنظرات حب ) بغات رزوا ؟

مامادو : ( حرك راسو بدون تصديق ) الحب ديالها روزاا

_مجموعين ركبو فسيارة ! صوت دراري كان ضاخب و مامادو ماكاينش هنا شاد الحديث مع تيتو خصوصا على روزا وخدا منو معلومات على خدمتها فايطاليا و رسل مساج لقادر ! طريق كلها مرة ضاحكين مرة يهضرو مع دراري حتى توقف بسيارة امام لفيلا و نزل تيتفحص المكان ومامادو فتح لباب دراري من سيارة للداخل رجع عند تيتو

تيتو : ( بنبرة هادئة ) هنا فين عشتو ؟

مامادو : وي ! ( اشار ليه الباب ) ندخلو ..

كانت ميلا فانتظارو رحبت بيه ! و جلسو فصالة حطت لهم قهوة وجلسو مجموعين حتى رن هاتف لخبروه بتوقت رحلة لإيطاليا

مامادو : صباح تمشي ؟

تيتو : وي ! ( مسح وجهو بتعب ) فين بيت روزا

مامادو : ( اشار ليه براسو الفوق ) لاشومبغ تانية حداها شومبغ لي لي

تيتو : ( بابتسامة ) سمحولي نطلع ارتاح

_طال الانتظار ! ليلة او ساعات يزيد ينتظرها فيهم ! فتح باب غرفتها و صدرو طلع ونزل برائحتها تقدم خطوات ويديه فجيابو يعيونو تفحص لغرفة ! كانت عصرية بلون ابيض ، مرر عيونو على مستلزماتها و صورها لي معلقة على حائط من عروض أزيائها ،تاكد ان روزا ديال ماغساي لي كانت تلبس بحالها بحال لعزارة ايرمكاس و توني ديال ماغساي تطمست ولا اثر لها ، لي تيشوف امامو الان فصور و غرفتها و ملابسها ليدي رزوزا المشهورة قمة الاناقة و الجمال

تيتو : نشوفو واش لعقلية مزالة ماغسايِّيٍ و تهبلي جدي ولا رجعتي سويسرية و نفكوها فليلة على شموع و لي فلوغ داموغ ...

_إيطاليا ! بلد الموضة و الازياء و رمز الاناقة في العالم ، من روما مدينة البنايات التاريخية و الشوارع المليئة بدور الأزياء و الماركات العالمية ،كانت هي و رفيقة لها فالازياء جالسين بمطعم فاخر يطل على منظر خرافى و صوت موسيقى الجاز يملأ المكان

جيسي : ( تتلعب بكاس النبيذ باصابعها و تتبتسم بحزن ) قلبي تيضرني

روزا : ( مدورة وجها تتنظر لمنظر ) جيسيي ! ماعندكش صحابات ؟

جيسي : ( هبطت فدقة على الكاس و تتعمرو من جديد ) ونتي عندك صحابات ؟

روزا : ( هزت حواجبها بنفي ) النفاق و الحسد ماناقصنيش

جيسي : ( هزت لها كاس بتحية) الجواب المناسب ، الا قلت ليك على سر ...

روزا : ( قاطعاتها ) هاااا المرض لي ماتنبغيش ( اشارت لنفسها ) شتي انا !!! اكبر بنت لقحب_ة من فعايلها عرفاتها مارساي ، صدفة جمعاتنا فالخدمة و لاجونس نزلاتنا فشومبر وحدة فالاوطيل وانا باااغة نخرج نتلف الجو ماتجيش تمرضيني فكري

جيسي : ( ماحد روزا تتهضر وهيا تتضحك ) عرفتي كن كان عندي ( هزت جمعات مسافة صغيرة بإصبعها ) شووية ! شوووية من قوتك ( بسرعة نزلو دموعها ) مااكنتش نطيح فاكبر ولد لحرام

روزا : ( حطت يديها على حنكها تتنظر لها بشفقة ) نتي ماشي غير هداك لي خرج عليك ! حتى البنات فلخدمة تيطنزو عليك !!

جيسي : ( دموعها تيزيدو ينزلو ) اكثر حاجة فحيااتي تنبغيها هي الازيااء و ( اشارت لطبق لعشا ) كنت تنسمع مصارني تيغوتو و ماناكلش باش نحافظ على لاطاي ، نهار لي نتعشى مزيان تنخاف نزيد كيلو و نوض ندير صبعي ففمي رجع لي كليت

روزا : ( تترمش فيها ) صمت

جيسي : اناا ماشي بحالكم بيضة و عينيا خوضر ولا زرقين أو وارثة لاطاي على ماما ! انا وحدة لونها حنطي و عيونها كوحل و بشرتها فيها لحبوب ( تشير لوجها ) خسرت فلوسي على المسامات و توحيد اللون و سناني و لكن ...

روزا : ( تننهد ) اعتزلي

جيسي : ( بدات تسكر ) مصاحب معايا غير حيت انا عارضة الا عتزلت يخليني بمرة

روزا : (مسايراها ببرود ) ماتعتزليش

جيسي : ( بانهيار و دموع ) تنبغيييييه ! تنمووووت عليه

روزا : ( حققت فيها الشوفة ) جيسي ! شنو مشكلتك بضبظ ؟

جيسي : ( مسحت وجها و تتشرب فشراب ونطقت بنبرة بين الضحك و البكاء ) هوو ! مشكلتي هو !

روزا : ( ساطت بحنق ) ميااامادري على ذل

جيسي : ( بقهقة تضحك حطت يديها على صدرها ) معاك شخصيااا ! فلوسي خسرتها عليه ،طموبيل لي تيركب !!! بفلوووسي شريتها ليه

روزا : بسلامة شحال تاتربحي ؟ اكثر من العارضة عالمين ؟

جيسي : ( قربت لها و سكرة بدات تخدم ) ماقلتش ليك ؟ ( تزلعت بضحك و رجعت همست لها ) كان تيضبر ليا فكليان نعس معاهم ( رمقاتها روزا بإشمئزاز ) نفس النظرة لي تنشوف بيها راسي

روزا : ( هزت يديها للناذل ) تمشي ولا تبقاي ؟

جيسي : ( مسكت يد روزا بقوة ) روزااااا !

خليني نزيدك سر واحد ، ( هزت صبعها بتوسل ) واااحد غير واااحد

روزا : ( جرت يديها بغضب ) جيسي ! جمعي كرك مااابغيت نسمع والو ...راه حياتي قود منننك

_دائما تترفض علاقات الصداقة من صغرها مشي غير دبا، كانت مكتفية بسيدح و عائلتها ،لانها منعدمة تقة فالناس بالفطرة وليس عن درس او تجربة ..خلصت الفاتورة و هزت صاكها و قفت جيسي جاراها معاها خطوة خطوة ،دائما كانت حزينة للحظة ، بقات فيها جيسي ،دائما كانت عرضة للتنمر من العارضات و عرضة للإنتقادات من المشرفة ديالهم ، و دائما كثيرة الدموع بسبب خيانة حب حياتها لي تيحترف نفس مهنتها ،لكن روزا كانت تتكتفي بالنظر و مرات قليلة مثل هاد العشاء كان تيجمعهم ، العالم الان اصبح يعرف ان عالم الأزياء يشبه الحرب في المنافسة و النزاعات و الغيرة ..

روزا : ( شدت فظهرها بتعب من ثقلها ) واااخااصك تنقصي لماكلة

جيسي : ( تتقلب فيعونها ) روزااااا !

_نزلت على ركابيها تتحيد لها صندلة و حيدت لها الكسوة لي كانت مزيرة عليها خلاتها بدوبياس و جرت عليها الغطا و تلاحت فسريرها تترد انفاسها و صورتو بين عيونها

روزا : ( بنبرة استهزاء ) خاصنا نعيطو ليه دبا بتيو تيتو ( العم تيتو )

شافت جهة النافذة كانت سماء شديدة سواد و تتفكرها بعيونو ، عندنا عتاب كبير ليه ، و لكن الشوق لي تتحس بيه فقلبها اكثر ، شافت فجيسي تتهترف بكلمات و دموع مزاال نازلين

روزا : جامي كنت نظن لاموغ يسهر ليالي و يخليني نشوف تيتو فجميع رجال

_بصعوبة غيرت ملابسها ،بيجامة حريرية و استلقت مكانها وهي تتفكر غير فيه ،فكرة انه خرج من السجن و فاي لحظة تشوفو تتخلي قلبها يخفق بقوة ....

مرت ساعتين من الزمان ، فتحت عيونها وهي تتنظر بسهو و كانها تتنظر للفراغ ، و تتحس بتنفسها تضياق ، جرت الغطاو خدات وضعية الجلوس و دموعها من العدم نفجرو فعيونها حطت يديها على بطنها و خرجت نخسة خلاتها تحبس التنفس توجهت لحقيبتها و فتحتها خرجت منها دواء ..ماترددتش كثير خواتو بالكامل فيديها قذفاتو فمها و تبعاتو بكاس ماء و حطت يديها على الحائط مستندة عليه تتلهث ، شافت ورائها وضربت الدورة على سرير و استلقت جنبها قربت لها حتى حضناتها و هي فغرق النوم ...

جيسي : ( بلسان ثقيل و صوت ضعيف ) السر الثاني هو انا حاملة وماعارفاش شكون باااه..( بنظرات حتى غفت )

_مع الصباح ، احساس بالبرد شديد خلاها تفتح عيونها وتهز راسها تبحث عن الغطاء ظنا منها انها برودة الجو لكن لمحت يديها حاضناها من بطنها وهيا توسع عيونها بصدمة و حست بجسمها ورائها لكن دهشتها كبرت و السؤال لي تتطرحو علاش جسمها تقيل و بارد ...تتسرط فريقها و تتمد يديها لي تترعد تهز يدين جيسي و اللحظة لي مسكتها كانت باردة و تقيلة مثل خشبة من وزن تقيل

روزا : ( بخوف و دقات قلبها تتسمعهم فاذنها ) جيسي ..( بمجرد هزت يديها بقفزة وقفت من السرير تتشوف فيها ) جيسسسي

_من النظرة الأولى حطت يديها على فمها من هول الصدمة وهي تتشوفها بيضاء اللون لدرجة الشحوب و نفسها مقطوع و البرودة تتعطي منها ...تتقرب لها و تتبعد بيديها و دموع الخوف نزلو لها وهي رافضة فكرة انها ماتت ،حطت يديها على ظهرها مزال تتحس بالبرودة

روزا : ( ببكاء شديد ) جيسييييي ! جيسسسيي ( نزلت على ركابيها تتشهق بالبكا و تتنخسس ) وعلااااه و علاااااه

_شدت فراسها تتحس براسها تنهار ولا قلبها يوقف عن الخفقان فثانية سمعت دقات فالباب وقفت بالخلعة تتجري ناحية الباب تطلب النجدة ربما للحظة تمنات انها تكون مزالة حية و غير تتخيل او غلطت و تقدر تنقدها ،فتحت الباب بسرعة حتى لمحاتو واقف امامها بعيونو السود و طولتو المهيبة بنظرة حادة لي مجرد مشاف حالتها تحولت لنظرة خوف و ريبة سؤال طرحوا بلما يفكر

تيتو : (شدها من كتفها ) كيسطا ( مالكي ) ؟

_شهقت بقوة كأنها كانت غريقة فبئر و هزت يديها تتشير ورائها لداخل الغرفة و تأتأء فالكلام

روزا : ج يي جججسي ...( صدرها تيطلع و ينزل ) ججججج..يييسي

تيتو : (شدها من كتافها تيحاول يفهم ) ششش ! روزاااا ( تيفحصها بعينيه فوجها و جسمها و يرجع يركز معاها و فكرة انها تتبكي بشدة تتبغي تصعرو ) روزااااااا

روزا : ( تتغمض عيونها و شدت فيديه منهارة و تتحس بالبرودة فظهرها ) جيسيي ماتت..

_تيشوف فيها و يرجع يشوف لداخل ،بخطوات شديدة الحذر دخل تيفحص الصغيرة و الكبيرة فالغرفة حتى لمحها على السرير ناعسة على جهة وحدة مثل الجماد قرب لها تيشوف وجها وتيسمع بكا روزا تيحاول يفهم اش واقع حتى قرب لها مباشرة من شكلها عرفها انها جثة...حط يدو على فمو تيلعن وخرج عندها تيحيد لاجاكيط ديالو لبسها لها وهيا تترعد

تيتو : شوفي فيا !! روزااا

روزا : ( تتبغي طيح لارض و يشدها ) انااااا ماقتلتهااااش ! مااااا قتلهااااش

تيتو : ( غمض عيونو بأسف و قربها عندو حاضنها ) سي بووون !!! شششش انا هنااا انااا هنااا

_لقاء ولا فالبال ،كان مستعد لجميع انواع الرفض و البرود و قلة الإهتمام و العصبية.....تخيل كل سيناريوهات فبالوا حتى كلماتها النابية جاتوا فلبال و انه يمكن يسمع منها كل مصطلحات السب و الشتم كانت محاولة انه يتهيأ نفسيا للقاء !!!! لكن القدر كان له كلام آخر ! حضنها بقوة تيشم رائحتها و تيتلمس ضهرها محاولة منو يهدأها

تيتو : ( شد وجها امامو ) ضروري نعلمو لابوليس ! ماتت راسها نتي مادخلكش

روزا : ( تتشوف جهتها و تبكي تبكي تبكي ) مااقتلتهاااش ! مابغيتهاش تموووت ، فقت لقيتها معنقاني و ميتة

تيتو : ( تيحرك راسو مسايرها ونفس لوقت تيكتب مساج ) طاننكييط !

_ خرجها لبرا جالسة فالارض وشد راسو لثانية و دخل لداخل تكلم مع مسؤولي الأوطيل و بعدها هما اتصلو بالشرطة و فدقائق طوقو مكان الجثة و الاوطيل تملأ بعناصر الشرطة و الاسعاف و الصحافة لان الهالكة شخصية مشهورة فسوشيل ميديا و طول هاد الوقت كانت فحضنو شبه منهارة حتى وقف عليهم ضابظ الشرطة

ش : لازم السيدة تمشي معانا لمركز الشرطة!!!

روزا : ( زيرت على ذراع تيتو ) مادرت والو

تيتو : ( تكلم فوذنها ) انا معاك ، طانكييط ، غير لونكيط عادي و تخرجي

الشرطي مسكها من يديها يديوها و هو يشوف رجليها حافية طلب منهم دقيقة و تجه للغرفة لي طلب اذن من الشرطة العلمية يدخل بش يجيب لها صباط و سروال و عطاوهم ليه وخرج تيلبسهم لها فالرواق و الشرطي واقف عيلهم تاكمل

تيتو :(حضن وجها بين يديه و خاطبها بنظرة مطمئنة ) انا معاك ! تلقايني تما

روزا : ( حركت راسها بنعم ) اوك !

_هما داينها هو تابعها من وراء حتى ركبت سيارة الشرطة و نفس الوقت وقفت عليه سيارة مرسديس من اصدقاء قادر و ركب تابعها

تيتو : ( تيتنهد هز يدو ضرب يديه مع نافذة ) بيتاااان دووميغد ..

_واقف مربع يديه تيشوف فالارض و على عيونو نظارات شمسية حامي عيونو من شمس الظهر ومرة مرة يهز عيونو جهة مكتب العدول بعدما دوزو جلسة تانية تأكدت فيها القاضية من قرارهم و حكمت ليهم بالطلاق الإتفاقي لإستحالة العشرة بينهما!!! منتظر دورو

رضوان : الشمس هاد النهار قاصحة

سند : هاد مكناس تدوز من البرد لصيف ديريكت ، ( شاف الساعة تعطل ) واش نمشيو حتى رجعو؟؟

رضوان : ( تيشوف جهة لمكتب) حتى انت ا صاحبي ساكت ، دخل عندو سولو

سند : وايه تنحشم ! الله يخليها قاعدة فيا

_قصد لعدول دخلو عندو و استفسر منو الوقت ، وبما ان الطلاق لازمو فقط توثيق ، طلب منو التوقيع و نسخة البطاقة الوطنية ليه و لعذرا

العدول : دوز من هنا تلتيام ! من بعد رسل لطليقتك نسخة!!!

سند : ( مد ليه الفلوس ) ان شاء الله ! الله يعاونك

العدول : اللهم يسر

_مع اخر مسمار طرق خرج عند رضوان وهاتفو تيرن ، بدون مايشوف الرقم كان عارفة هيا ،خلاه تيرن و ركب فالسيارة مع رضوان متجه للبرطمة و لحظة من الصمت فدماغو و كأنه لاغي التفكير من كترت التخمام لي دوز فهد سنتين الأخيرة دام الصمت حتى وصلو

رضوان : شووف !

سند : ( شد تلفون فيديه ) صافي غير اسكت

رضوان :(بتحذير) هانا ساكت ! الا شفت خوها ولا ديك امها جاية راه انطلع دوك التريكة راه مولفين الشوهة و الحبس

سند : الله يبعدهم علينا قد ما بعد ربي الارض على السما !!!

_حالة و موقف غريب ، كن طلقو كسائر الناس !!! كنا نقولو المكتاب و لا البعد فرض نفسو، لكن طلاقهم كان مشروع او صفقة وهو مطالب بتحويل هاد الطلاق من صفقة إلى حقيقة لأن نقط كتيرة مفروض تحط فوق حروف ظلت حبيسة فدواخلوا لمدة !!! ..دور الساروت فالباب ودخل للداخل لقاها لابسة جلابتها ووتوجد راسها للخروج

سند : سلام !

عذرا : ( تتبحث فصاكها ) من الصباح وانا تنصوني عليك ! فين لايح داك تلفون ؟ ونهيلة تتسول فخروج طلاق !

سند : ( جلس ردخ تلفون على طاولة ) جلسي اااا اااه ( ماعرف باش ينادي عليها ) جلسي عندي معاك شي هضرة

_قلبها مشى وجا ، غالبا هاد الجملة تتسمعها من شريكك تتأهب للأسوء ! اول فكرة خطرت لبالها هيا :

عذرا : مك عرفت شي حاجة ؟

سند : ( هزز راسو بحسرة متجاهل سؤالها و تبث الشوفة فيها هاز يدو مصاحب كلامو) سمعي ابنت الناس ، نهار عرفتك !! عرفتك بالصفى و نية ، و دخلت منين تيدخلو الرجال ، دخلت من باب داركم و درت الواجب و الشرع ! ( اشار لوذنو ) درت وذن ميكة على كلام الواليدة و قلت مانظلمش بنت الناس سنين وانا مجرجرها فالقهاوي و الشوارع و الجيران والمدينة لقديمة كلها عارفة عذرا مع ولد المعلم ! ( ضرب باصابعو على صدرو ) رغبت خالتي توسط ليا عند الواليدة باش نضربو لكحل فالابيض ولو فليلتنا ناض الصداع وقلت مع نفسي ( هز صبعو للسما ) وربي شاهد عليا ،قلت شنو ذنبها ؟ كملناااا ، و تقاتلت باش نعيشك سوا بلقيل سوا بالكثير ، ولو هضور هما دازو مور ظهري

عذرا : ( قلبها يسكت و دموع فعيونها ) شمن هضور ؟ وعلاااا ( بدات تترعد ) اااا اااه

سند : ( ضرب باصابعو فالطبلة ) بزاااف هما ولكن نهضر فلي ضرني انا ، كنت تنقول يجي نهار و تحشمي على علاقتك مع الواليدة و ديري الما منين يدوز ! لكن زدتي فالعمية حتى رجعتيها عدوتك ، و زدتي رديتيني بيدق نتي واختك و خدمتوني فالكونطرا

عذرا : امممممك ماااااتتحملنيييييش ! اممممك كانت باغية لك بنت ام الخير وانا عمرهاااا عتبرتني عروووستها ، عمرهااااا كبرت بيااا ولا شافت فيا شوفة العروسة

سند : ( بنبرة عالية ) ديري بوجهي اناااا !! ديري بوجه راااجلك لي وقف فوجه امو و تزوجك و قولي راه وحيد امو و غير وحدانية و ندير الصواب و ندير ماتيديرو الحرات بنات الاصل ، فاش قاصتك هاد امي ؟ تاتجي تفرع عليك لباب ؟ تااتدخل بيتك تقلبو ؟ تتدخل كوزينتك ولا ركانيك تقلبهم ؟ ( هز يديه بحركة سطوب ) وااالووو ! عاطياك تيسااع و ماتتقرب لك ماتتهضر فيك مااتتوصلك ،،عالله نتي تفهمي راسك

عذرا : ( تتحس براسها غتسخف ) هيااا ! هيااا مااتتحملنييش و مبرية فيا مانقرب لها

سند : ( غمض عيونو محرك راسو بنفي ) ربي لي خالقنا و تيتوب و يعفو على عبدو ولو مذنب ، شكون تكون زهور لي تمدي ليها يد الصواب و تجري عليك ، على اي حال !

عذرا : ( تتمسح دموعها وبغات تنوض عندو هو خنزر فيها تجلس ) ياك غير امك ؟ نمشي نبوس على راسها

سند : الا فاتك الكلام قول سمعت ! لمهم

عذرا : وعلى لكونطرا ؟ والله مابيذقناااك ، الا مول كونطرات لي صدق نصااب

سند : عاامين والصرف عااد ختك عرفاتو نصاب ؟ ولا حتى تقاريتو و خططتو و غرقت كريدي عاد صدق نصاب ؟ انا غادي بنية ! و نيتي عمرها تخيبني ،ماصرفت فيك غير الخير ، ( بآصابعو تيحسب ) ماا ضربتك !!! ماااحررت عيشتك ! من لخدمة لدار و من دار للخدمة و خروجي محسوب !

عذرا : ( تسطى بالبكا و تتضرب على صدرها ) وانا ؟ حتى انا تنبغيييك وعمرني خرجت بلا شوارك و غادة معاك على قد الحاال و صابرة

سند : (بنظرة حسرة)ماكاينش لي كان صابر قدي !! ندخل مالقى الغدا واجد فوقتو ، حوايجي مزلعين ، شحال من عيد دوزنا ؟ كولشي نشريوه واجد ، باش عذرا تشد لحديث مع اختها بسوايع و تمشي لحمام بسوايع مع صحاباتها و على ذكر اختك !!

عذرا : ( بصدمة تتشوف فيه ) بلااا مااااتكمل ، خلينا نفسخو الطلاق بنااقص من هاد فرنسا

سند : هو بناقص راه بنااقص !(بصرامة ) ولكن ابنت النااس راكي مطلقة!!

_مطلقة ! مطلقة !...تتردد فاذنها و قلبها تيضرب و تتسمع صفارة فوذنيها و تتحاول تبث للدفاع عن نفسهااا و تتهز يديها تترفض كلاموو

عذرا : غذرتيييني ( ببكاء شديد ) نويت لينا الخير

سند : غذرتك ؟ اوا راه ربي شاهد ، (اشار لنفسو)انا ماجبدت طلاق !!! ماا ذكرتو على فمي ، انا لي ضعت ففلوسي و كنت ناخد سخط الواليدة ونتبع كلام لي مسالين قبهم ! ختك يلاه تسير راسها فديك فرنسا وجاية طمعني تديني انا ؟

عذرا : اختي بغات لينا الخير !و بغات تنقذك و قااادة تديك راها بوراقها

سند : انا لي كن تبعتكم كن رجعت مسطي بالوراق ( وقف ) هاد شهر مخلص كراه ، صاك باش دخلت بيه هو نخرج بيه ،خليت لك الفراش و الدار و الله يسهل عليا ويسهل عليك ابنت النااس

عذرا : ( بهستيرية جرت شنقات عليه ) حنااا مزااال مزوووجين ! كفاش هاااد الطلااااق؟؟؟

سند : ( تيبعد وجهو ) طلقي مني ! ماتخليناش نقودو سوااايع!!

عذرا : (بصوت عالي)ونقوووودهم آسيدي ! غذرتيييننننني اسند ، غذرتيييييني ، انا مممطلقااااش ممامطلقاااااش

سند : ( بنترة دفعها ) مطلقة بالشرع و القانون وجري طوالك

عذرا : ( نهارت تتبكي و تتضرب فصدرها ) بغيت لينا غير الخير ! بغيت لينا غير الخير!!!

سند : ( بنظرة باردة ) ماغاديش نحل فمي فالحومة و نخرج طلاقنا هاد شهر ! حتى تعلمي والديك

عذرا : ااااشمن وااالدددين ؟ ااااشمن عااااائلة نعلم ؟ ااااربي ياااربي

سند : باش تعرفي شنو كنت هاااز و ساااكت ( هز تلفونو دخل الصالون هز صاكو لي كان موجدو قبل حط سوارت بالطرمة و حدر راسوا خارج ) الله يعاونك ...

_فالاصل كانت تتوجد تمشي لجلسة لمعلمة مع لبنات شائعة عند لمكانسة ، تيتفارضو فيها تتكون فيها لمعلمة باغاني شعبية و دواز آتاي و الحناء ، لكن فلحظة تقلبت حياتها و هو خارج امام عيونها على صرخاتها مزال مامصدقة الامر ...

مرت ساعة من الزمن وهيا بلاصتها ماتتحرك ماااتتكلم ، الصدمة جمداتها ورنين هاتفها لايتوقف و للحظة شهقات و جاوبات بطبيعة الحال كانت نهيلة

نهيلة : الو ! فينك ازمر البنات تيصونيو عليك ماتتجاوبيش ! واش ماتمشيش للعشية ؟

عذرا : ( بنخسة بكاااء وصوت تيرجف ومنهار) واااااا نهيلة ! وااااا نهيلة

نهيلة : ( وقفت بالخلعة ) اويلي مالكي ؟ امك طرات لها شي حاجة ؟ خوووك قتلوه ؟

عذرا : ( تتهبط راسها حتى الأرض و تهزووو تتنوح ) واااااا ماشي امي وماااااش خوياااا وااااا عتقيني وااااا رحمييني وااااا بنت ميمتي ديري جوانح واجيني وااااا نهيلة راه زرب عليا وماافهمت وااالو وااااا اختي بنت امي وابااا راه لاوح راسي و نمووووت وباااااغة نمووووت

_نهيلة شداتها تقنديشة و ترعيدة و هزت الفيكس تصلت بصديقتهم لي جاوباتها وصوت الموسيقى غالب و طلبت منها بالحرف الووااحد وهيا فقمة الخوف

: عتتتتقي عذراااا ادير شي حاااجة فراااااسها ...

الصديقة شدت بتي طاكسي فالحال بإتجاه دار عذرا و نهيلة شادة جوج تلفونات فوذنها ماحيلتها لعذرا ونواحها و فنفس الوقت مع الصديقة لي حطاتها الطاااكسي وبجرية طلعت الدروج و تتدق فالباب

نهيلة : ( بصراخ ) هررررسي دلمووووو داك البااااب و اااختي تتموووووت

الصديقة : ( بعصبية هيا الأخرى ) واااش انااا فيا عشرة باش نهرسو ؟ ( تتدق و تركل برجليهااا ) عذراااا حللللي اختي اناااا مزاااوكة الا ماااحلي

نهيلة : ( تتصرخ فتلفون ) وااااحلي اختي ! هااناااا جيييت و ااااا عذرااااا

_دقائق من العذاااب عاد قدرت توقف و فتحت الباب وطاحت على ركابيها و البنت جراها حتى لزربية و نهيلة تتصرخ و البنت بين نارين

البنت : ااانهيلة ! ختك مامضروبة ما مقموشة راها غير تتبكي

نهيلة : ديري واتساب فيديووو اختي

_فثانية تفتحت المكالمة وهيا تبان لها اختها بجلابتها فوق الزربية شبه غائبة و البنت تاتشد فيديها تعرف سبابها كانهم مجموعين

نهيلة : ( تتبكي بالدموع و تقرب لكاميرا ) عذرا ! واش ولد زهور السبب ؟

عذرا : ( غير سمعت سيرتو هيا تبدا تركل و تنوح ) واااااا طلقني ووااااغذرني وااااا امي ااااجي طلي عليااااا وعلى موصيبتي واااا طلقني و ماااحنش فيا

_شدوها عظامها و بدات تركل و طلع يديها لشعرها و تنتفووو كلوووو و تنوووح و تغوووت و تجذب ونهيلة تتبكي بحرقة على ختها و البنت تتشد فيديها و تتبكي معاها

البنت : رجوووع الله ! رجوووع الله

عذرا : ( تتطلع تنخسيسة بقوة و تآوه ) اااااااه ! امممممم وااا خوتي واااا حببااااابي واااا نهيلة وااااختي وااا راه طلقني وكانتش ليا فالحسااااب ولا فالبال ولا فالخاااطر و سلمت ليه و سنيت ليه على طلاااقي وربي الحبيب

نهيلة : ( تتبكي وشادة راسها ) مالقيت ليك جهد

البنت : (تاتشدها بقوة بغات ضرب راسها مع خشب السدادر ) واااانهيلة اش ندير لها

نهيلة : خاصها لحنة ! ( تتقرب كاميرا و تبكي ) شوفي فالكوزينة فالبلاكار و شوفي الزهر فالثلاجة رونيها

_ناضت البنت تترعد و تشوفها تتجذب و تركل قلبات داك البلاكار كلو مع الخلعة مالقات والو عاد تبعت الريحة و لقاتها خواتها فزلافة و خوات زهر و رجعت لعندها

نهيلة : جلسيها شربيها لها غير تشمها تغيب باش تهدن

البنت : الله يعفو عليها ( بصعوبة جلساتها وهيا تتنتر وغير قربت زلافة لفمها بدات تحل فمها و شرباتها عاد بدات تمذقها و تنين ) لعفو الله لعفوو لله

_غابت عن الوعي للحظات و البنت جلست جنبها متحسرة و نهيلة فالتلفون تتشوف فيها و تبكي ،هدا حال لولية سوا ظالمة ولا مظلومة... فيهم لي بعظامهم ومنهم عذرا ،مر وقت لابأس به عاد ناضت جالسة مهدنة و تتبكي

عذرا : جيبي ليا باش نحزم راسي عفاك

نهيلة : ( بصوت شاحف ) وصلتي على كلامي ؟ هاا ولد لمعلم !!!

عذرا : ( شدت زيف من البنت تتحزم راسها ) تغذرت اختي ! طلقني بالمعقول

البنت : ( ضربت ضربة ف فخدها ) اويلي سند !!

عذرا : ( تتمسح دموعها ) صمت

نهيلة : ( مابغااش تفشي سرهم وهيا تكعد ) بكيييتي ؟ بردتي ؟ طلقووك جوادك ؟ اوا نوووضي شوفي شنو تابعك

عذرا : ( بضعف ) اش نصنع ؟ طلاق و طلقني ؟

البنت : ( بحسرة ) شوفي الساكت ، الظريف ، الله يعطيه شي موصيبة

_دائما تبقى كواليس القصة عند الأبطاال لحقيقين ، دعاوي بالمصائب و تشويه السمعة من طرف جاهل نص الحقيقة ..

نهيلة : الله يعطيها ليه مضوبلة هو و ديك امو لي صحاب كرها هي وزيرة المغرب

عذرا : ( بتنخسيسة ) دبا نوض نمشي للمحكمة نشوف الطلاق الا مزال عند لمحكمة ندير تعرض ...

نهيلة : الطلاق يكون خرج ابنتي سيري تجلسي ، مدام جا طلقك بفمو راه جرا و عاود وسول على راسو

البنت : اش يسول ؟ وعلاش نتي وافقتي اصاحبتي ؟

عذرا : ( هبطت راسها ) تمشي معايا لسيدي علي ؟

البنت : عند الشوافة شريفة ؟

عذرا : بغيت نهز الخط ! نشوف لايكون ترمى علينا سحر

نهيلة : نوضو دبااا ، وردو عليا الاخبار ! اسمعي جلسي فدارك وسدي فمك ماذكري لاطلاق لا محكمة ، (بتوعد) ولد لمعلم يا بيااا يااا بيه

_ليلة باردة ، ريااح قوية ، على باب مركز الشرطة لكل من يهمه الامر واقف منتظر الاخبار ، صحافة و اصدقاء ، دائما جرائم الرأي العام تتكون تحت ضغظ كبير و المجتمع متبعها ،هاز فيديه جاكيط و تيتكلم مع المحامي هما داخل المركز و مرة مرة تيشوفو فلخاريج

المحامي : ( هز حواجبو باسف ) مشات ضحية للأسف ( تيحك حنكو) روزا تخرج دبا مي الصحافة تنتظرها

تيتو : ( غمض عيونو بهدوء ) لمهم تخرج ! شنو شروط لي عطاوك ؟

المحامي : روزا بعيدة كل البعد عن الشبهة وهادشي بتقارير طبية من الشرطة العلمية و اقوالها مطابقة للحقيقة و كاميرات المطعم تبثث كلامها و هاتفها تعرض للفحص ، لايوجد اي اتصال يثير الشبهة لا بعد ولا قبل الواقعة ولكن نتظرو الجديد

تيتو : ( فتح عينيه و هو يلمح مكتب تفتح ) تبعني

_من الواقعة و هو فالمركز متبع او واقف على خروجها و بوساطة المحامي تنظر فملفها فساعتها و طلبو خروجها بشرط الاقامة لكن عند وصول تقرير بسبب الواقعة و انه فعلا انتحار سقطت التهم ، خارجين بعض رجال الشرطة وهي ورائهم اللحظة لي بغى يشدها من يديها تعرض ليه شرطي ..

ش: ممنوع اللمس ! تمضي على الخروج الاول

_تنهد بقوة محافظ على اعصابو و غمز المحامي يمشي معاهم و بقى واقف تيشوف فالتجمع على الخارج و خروج بعض مسؤولي الشرطة للتصريح وقف تيسمع بالحرف الواحد

تصريح : الهالكة انتحرت على الساعة الخامسة صباحا بجرعة ادوية مما ادى لسكتة قلبية و بعد تحاليل الاولى تتبين ان الهالكة كانت حامل في شهورها الاولى و تتعاطي بعض المخدرات و لي هي عبارة عن نوع حبوب طبية خاصة تعطى في حالات معينة ...

روزا : ( بعيون ذابلة و صوت ضعيف ) تيتو !

تيتو : ( دار بسرعة تيشوف فيها ) اخيراااا ! ( حضنها بجنب تيطبطب عليها و تيخاطب المحامي ) صافي ؟

المحامي : ( حرك راسو بنفي ) تطرح شرط جديد ماتغادرش البلاد لمدة تلاثة ايام

تيتو : ( حرك ليه راسو ) الاتصال بيناتنا ( شاف يمين و يسار ) كاين باب لور ؟

للمحامي : كاين ! تسناوني تما انجيب طموبيل

_هادئة ! نظرة فراغ كبيرة فعيونها ، ولو هي فموقف تحسد عليه ولا قوة لها بالرفض لتيتو الا ان وجودو اكبر امان ليها ، فتح لها باب السيارة ركبها و ركب جنبها و تحركت السيارة و بعد مسافة لا بأس بها توقفت امام الاوطيل مول لواقعة هيا تنطق

روزا : نموووت وماندخل ليه

تيتو : كالما ،نهز وراقك و حوايجك لي بقاو تما و نتحركو ..

_نزلت راسها مغمضة عيونها و الاحساس لوحيد لي غادي يهبلها هو لبرودة لي لصقت فجسدها بعد لحظات تحركت السيارة وحطت راسها على كوسان مغمضة عيونها حتى وصلو لمكان اقامة على شكل فيلا صغيرة بحى راقي عليها لافتة مكتوب عليها انها تابعة لوكالة لكراء و بيع العقارات

تيتو : ( نزل ومد لها يديه ) فازي روزا !

روزا خلات يدو بلاكة ونزلت مربعة يديها داخلين للفيلا هو وراها مدخل باليزتها وباليزتو و اغلق لباب تيشوف فيها وهي جالسة مغمضة عيونها

تيتو : تنعسي ؟

روزا : خطيني عليييك يرحم باباااك !

تيتو : ( دور لسانو حط لها تلفونها و وراقها ) هضري مع بخثة عقلها يخرج علييك

_هزت تلفون و تتحس بحلقها شاحف و سخانة بدات تشدها و راسها تيتزير ، مزال تتنتظر يكون كولشي حلم او كابوس فاقت منو لكن بصوت بخثة فاذنها تاكدت ان لي واقع حقيقة مرة

بخثة : حمد الله آبنتي خرجت طريفة ! راه قلبنا كان يسكت ومتبعين الاخبار غير فلانترنيت

روزا : ( بدات تبكي ) مامتيقااش اماما ، ( حطت يديها على ظهرها وبدات تنخسس ) كانت ميتة وناعسة معايا

بخثة : ذكري الله روزا ! وقولي ياربي ياربي ، هو صعيبة مي تفوت ، انا ميم ابنتي كنت نخدم زمان فدار العجزة غسلت كاورية ميتة وماطرا ليا والو

_منزلة راسها تتسمع حست بيه جلس جنبها تيحك مكان البرودة ورمقاتو بنظرة هادئة و قرب لها كاس الما وحيد لها التلفون من يديها تيتكلم مكانها

تيتو : الو بخثة

بخثة : تيتو ! قولي راها بخير ؟ مااتخبعش عليا ؟

تيتو : راه حلقي شحف معاكم لانتي لا الواليدة ، راها بخير و عندنا طخوا جوغ نرجعو سويسرا ، شدة ودوز

بخثة : الله يرضي عليك آولدي ، مانوصيكش تيتو

تيتو: وي راني عارف ! نخليكم راه من الصباح وحنا واقفين

_اللحظة لي كانت فالمركز الإتصالات ماتحبستش ، كل العائلة تتسول و حتى من سيدح تيتصل ولو تيسبو تيتو اهم شيء يطمأن على روزا ، لان الراي العام روج انها لها علاقة مع جيسي و أول المسألة لمعاني بعيدة كل البعد عن الحقيقة

روزا : ( تطرطق صباعها ) انعس هنا انا

تيتو حرك لها راسو بقبول تيحيد لاجاكيط و قف طالع لغرفة لفوق يجيب لحاف ومخدات للنوم و نزل قاد لها بلاصتها ونعست تما هو جالس جنبها طالع نازل فتلفون للحظات بدات تحرك وتعاود ،حط التلفون وطلع جنبها جارها من خصرها ملصق ظهرها مع جسدو عاد بدات تهدا على الحركة

تيتو : ( قرب لرقبتها مرورا بادنها قبلها ) خايفة ؟

روزا : ( فعز نومها و هوسها و خوفها ) جاتك الفرصة استغلها اما ماتحلمش تنعس معايا

تيتو : ( بشفايفو تيدوزهم على كتفها و يطبع قبلات ) نحيد لك برودة الميت ؟

روزا : ( حست بمعدتها تقلبات من سيرة جيسي نزلت راسها مبعدة منو ) ياااربي ياااربي

تيتو : ( قلبها عندو وحضنها بقوة ) نعسي ماتخاافيش ، تفيقي وتلقاايني مزال معنقك

_زيرت عليه بيديها بقوة كانها تتأكد على كلامو ، خوف رهيب متربص بيها و محتاجاه معاها و جنبها ولو خلافاتهم ،اما هو غطس فنوم عميق وهيا بين يديه و رائحتها فجوانح انفو كانها اكبر راحة لقلبو لي محروم منها سنين ...

*** صباحا

_على رنين الهاتف فتحو عيونهم ! للحظة تتشوف فيه و ترجع تغمض عيونها و تتزيد تاكد ان فعلا وقعت كارثة لبارح وجيسي ماتت حست بقبلة على شفايفها و ريحتو لقوية فانفها و دفئ جسمو معاها..

تيتو : بونجوغ شوشوط

روزا : ( قلبت فيه عيونها ناضت جالسة ) فيا جوع !

تيتو : نخرجو ؟ ولا تاكلي هنا ؟

روزا : هنا !

تتشوف مكالمات فائتة من الوكالة و مامادو و ميلا و ماريا و ميسا رقم نيكاتيف امريكا غير هاد الصباح ، اول مكالمة جرات كانت للوكالة وكان رئيسها المتكلم

ر : الو روزا ! نتمنى تكوني بحال جيد ، البارح خطيبك منعنا من اي تواصل معاك

روزا : ( اللحظة لي هزت فيه عيونها هو كدالك شاف فيها ) حالتي مغتغيرش بين ليلة و نهار ! سؤالي لي عندي هو شكون عائلة جيسي ؟

ر : عندها عائلة وحيدة هيا اختها و صديقها

روزا : ( قلبها طلع من سيرتو ) فين تكون جنازتها او فين تذفن ؟

ر : ماعنديش فكرة ! عائلتها تقرر،على حسب ديانتها ! مهم روزا تنتظرو رجوعك للوكالة لحفل تأبين جيسي

روزا : ( قلبت شفايفها باشمئزاز ) من بعد موتها لي تعذبت فيه ؟ تتنظر مني نهز وردة بيضة ولا شمعة بيضة و نطيح جوج دمعات على اساس ان الوكالة بريئة ؟ بسبب تمييزكم البنت تعرضت لتنمر و بسبب داك صديقها فكرت تنتحر ، انا مانشاركش و لكن التزم الصمت ونتوما و ضميركم

ر : نتمنى تلتزمي صمت ! لانك نتي بنفسك ماكنتيش صديقتها او دافعتي عليها!

روزا : ( بغضب مكتوم ) اوغوفواغ ...

تيتو : ( بنظرة حادة ) شكون ممرضك فديك لاجونس ؟

روزا : ( شدت راسها تتنهد ) فنظرك ايقيد عليا شي واحد ؟

تيتو : ماتتفكريش تخرجي منها ؟

تيتو : ( بنظرة تتعني من نيتك ) جيتي مع لكارثة وقفتي معايا ؟ وي ، ميغسي ، مي باش تقرر بلاصتي ولاااا ناااوي ترجعني معاك ؟ و تحكم فحيااتي ؟ ( بتحرك شفايف دون كلمات ) نيييييك طاااا مييييييغ

_من داخل الجمعية النسوية من مكتبها تتدوز فطلبات و اوراق الناس لي طالبين الدعم وتقرا و تنهد من الحالات الإنسانية حتى تطرق لباب و اذنت بالدخول

المساعدة : مدام الخمسي ( نسبة للقب ابيها ) الفاكتور برا باغيك

زهور : اااه الفاكتور وصل

_ فتحت بزطامها هزت البطاقة الوطنية و ابتسامة ترسمت على محياها،اخيرا وصلت بيرجمة (aubergement)لي رسلت لها بشرى و تمشي عند اختها ، خرجت لباب و تسلماتها و شكراتو ورجعت لمكتبها تتفتحها و تقرا الوراق لي راسلة لها و هيا تفكر صديقة لها وتصلت بيها

زهور : الو

ص :(ببشاشة) اهلا سيدتي الجميلة ! عاش من سمع صوتك او رأى صورتك هههه شاعرة صافي

زهور : ( بضحكة الفرحة ) لهلا يخطيك وصافي ، راكي عارفة المشاغيل ، تنغرقو مع الناس حتى تنساو راسنا ، الله يجعل هاد الأعمال فميزان حسناتنا

ص : هدا لي كاين آلالة زهور ! لمهم الصحة و وليداتنا يكونو بخير !!

زهور : اللهم آمين ، بغيت نسقسيك الله يخليك

ص : مرحبا !

زهور : لالة بشرى اختي رسلت ليا ضيافة من فرنسا، اوا اول مرة ليا ، بغيت نسولك شمن اجرآت دوزت ختك لي يلاه مشات عند بنتها لفرنسا ؟

ص : اوا بصحة مسبقا و بلغي سلامنا لعزيزة بشرى ! اياه اختي مشات عند بنتها و لفرنسا كما قلتي ولكن دوك الإجرآت لي دوزت هداي عليا ، نسولها

زهور : اياه الله يخليك الا ماسوليها تقولي عل الأقل منين نبدا ؟

ص : شوفي لالة زهور ! انا لقيتني غادة عندها واش ندوز عليك فطريقي تسمعي بنفسك؟؟

زهور : اهاه دوزي عليا ، انا واجدة ..

_حسب الاتفاق ، جمعت زهور وراقها دارتهم فملف و هزت صاكها و غلقت المكتب بساروت و عطات خبر ليهم انها خارجة ومع خروجها للباب وقفت سيارة صديقتها و ركبو غادين ...

ص : سيري ان شاء لله وفوجي ، اوروبا غزالة

زهور : اوا جات بصواب ، اختي دير شي حفل و تحولت لعتبة جديدة ،اوا عاد كتاب

ص : مبروك عليها ! وااافين لقاو بلاصة نحطو طموبيل فهاد محكمة ؟؟!!!

زهور : ( تتقلب معااها بعيونها ) هاهوو هادا خارج

ص : ايااه يسهل عليه ..

_نساء مثل زهور و صديقاتها لي غالبا لباسهم انيق و بسيط و بسيارتهم و مناصبهم ، تيكونو نساء حوارهم قيم و جماعتهم على لحاجة المهمة و وقتهم ثمين ..دخلو لمحكمة الاسرة فين تتخدم اخت صديقتها ، واقفين منتظرينها حتى خرجت عندهم هازة ملفات كثيرة مبتسمة لتحيتهم و مشاو لمكتبها و جلسو تيتحدثو عن الأحوال عاد تجهو لموضوعهم

اخت ص : اااه انا ابنتي فمدينة ليون ! ولكن غالبا اجرآت ضيافة وحدة !!!

زهور : انا اختي فمارساي ! اوا على هاد الإجرآت جيت نسولك !!

اخت ص : تيطلبو وراق الخدمة الا خدامة و اوراق البنك ديال لخلاص و ملكية المنزل الا عندك و فطوكوبي باسبور ولاكارط ونتي تتدلي بحالتك الإجتماعية ، نتي ارملة ؟

زهور : لا مطلقة ! ( هزت يديها بتقدير ) فاش كان ولدي مزال صغير طلقت راسي!!

اخت ص : ( سكتت تتشوف فيها ) على ذكر ولدك ! بقى فيا على مكتوبو حتى هو اطلق مسكين

صديقة زهور لي من الصباح تاتسمع و غمضت عيونها بمعنى اااختي ااش درتي!؟؟

زهور : ( تتشوف فيها وتشوق فالاخرى و اشارت لنفسها ) ولدي اناااا ؟ اطلق ؟

ص : ( باسف و حمرار ) راه ماشي حطيتك بوجهك مع اختي ! ولكن راه وصيتها تشد فمها ، قلت ممكن مابغيتيش تجبدي موضوع ولدك اما اختي راها شافتو مع مراتو تيطلق هنا فالمحكمة

زهور : ( بعدم تصديق ...وضرب ف فخدها ) شمن نجبد موضوع ؟ واش غادي توصي؟ ياك طعام عرسو شركتكم فيه ؟ كفاش نخبع موضوع طلاقو ؟ ويكوووون ولدي تيطلق ومااانحضرش ؟ وماااانحضركمش ؟ ( تتاكد بصبعها على المكتب ) شي غلط هداااا

اخت ص : ( ناضت سدات لباب و تاتبرد ) آلالة زهور ! واش وجهك ديال لمزاح ؟ واش انا نضرب فاعراض الناس ؟ راني بولادي ونسابي ؟

زهور : ( ضرباتها لقوة ) صمت

صديقتها : شي إن تما !! اولاد ليوم صعاااب!!!

زهور : ( بحرارة و لوم ) الااا ولدي سند !! الا ولدي سند

اخت ص : تهدني الالة زهور ! مااديريهاش مني قلة الصواب ولا باغة ندير لك شي مشكل مع ولدك ، ولكن كلامي بدليل

زهور حطت يديها على قلبها و التلفون تيرن كان رقم بشرى مالقات جهد باش تجاوب و هيا تشوف فيهم

زهور : آتيوني بدليل و خيركم عمرني نسااااه راه الا زدت شوية طيح ليا اليد مع رجل ...

_بقات معاها صديقتها تطمأنها و نزلت اختها للمكتب الخاص بالسجل العدلي و خرجت نسخة عن طلب الطلاق الإتفاقي و نسخة عن تاريخ اصدار الحكم و رجعت طلعت عندها و طلبو منها تهدن اولا لكن زهور كانت رافضة تسمع همها غير تقرا الدليل و تقتل شك و بدات تهجى ...

زهور : سند السامرئي ! اياااه ولدي حبيبي ( بدات تكمل ) هادشي يلاه تاريخ جديد !

صاحبتها : شوفي دليل عندك و لي وقع وقع ! ولدك ناقشيه و عرفي منو السبب ، ياك زواجهم كنتي رافضاه ؟؟؟

زهور : ( قلبها تيضرب و تضرب فصدرها بحرارة و فقصة) مااااهمااانيش مراتووو ! ماهاامنييييش ولدي يطلق ؟ هااامني لمبدأ ؟ هاااامني التقة لي داااايرة فولدي ! ( بدموع خانوها ) وووولدي

_تعب ! انفاس ضعيفة ، تداريب مضاعفة ، هدي اخر ايامو للاستعداد لأولى مبارازاتو ،فتح قرعة الما خوا على راسو هاز راسو للأعلى تيحاول ينتعش عاد شرب الباقي و هز فوطة تينشف و عاقد حواجبو من اربع ساعات لي مزالة كتسناه ديال تدريباات

كوتش : ( واقف مبرد تيتفرج فيه ) طلعتي لميزان فصباح ؟

سيدح : ( وقف تياخد انفاسو ) ريجيم لي عطيتيني هو لي خدام عليه

كوتش : ( اشار براسو )طلع لميزان نشوف

_تعلميات لكوتش اوامر ! طلع لميزان لقاه محافظ على لوزن ...بقى تيتدرب حتى كمل أربع ساعات و خدا دوش دافئ و لبس ملابسو و ركب السيارة موصلو لكوتش لمكان إقامتو ..

كوتش : ( عينيه فتلفون ) غدا ستة الصباح تكون واجد ندربو فالبحر

سيدح : ( شاف الساعة لقاها العشرة ليل ) اووك ..

_شحال ينعس ؟ شحال يرتاح ! راسو تيزدح و عضلات جسمو كدالك ، باغي غير يتكسل ينعس لكن مع دخولو للفيلا سمع صوت موسيقى واصوات ضحك ، عرفها مع صحاباتها دخل من جهة المطبخ طلع مباشرة لغرفة النوم غيى رمى صاك و تلاح هاز التلفون طالع نازل و تيجرب فسميات

سيدح : ( تيسوط ) نجرب آية ناناط ! انجرب آية فخونس ....

_جميع الأسامي جربهم تيدخل للفيسبوك يبحث نواحي مارساي و مدينتها ناناط مالقاش لها اثر ..يلاه حط التلفون دخلت عندو مبتسمة و تتميل فمشيتها لابسة فقط ملابس سباحة من قطعتين ، بإغراء قربات ليه و نعست فوق جسدو مقبلة شفايفو بلهفة

صابرينة : ( تتقبلو قبل مثيرة و دوز بلسانها على شفتيه ) توحشتك ماي بيبي

سيدح : ( منيم عينيه ماعندو ليها جهد ) عيااااااان !

صابرينة : ( تتمحكك بكل انوثة و تتلعب باصابعها فملامحو ) خااصك تحس بيا

سيدح : ( حل عيونو بتركيز فيها ) شحال شربتي من كاس ؟

صابرينة : ( هزت جوج اصابع ) غير جوووج ! منغمة ليييك

سيدح دخل اصابعو الخشنة ففروة شعرها و دخل معاها فقبلة بلسان خلاتها ترفع لكن ختمها بقبلة دافئة و حضنها ،كانه تيوقفها ..

صابرينة : ( شداتها لبكية ) سيدح ! باغاك

سيدح : قلت لك راني عيان وغدا فايق مع ستة الصباح !!

صابرينة : ( بغضب جرت اصابعها على صدرو حتى قمشاتو ) جومنفوو

سيدح : ( قفز شاد صدرو ) مال دلمك فهاد ليل ؟

صابرينة : ( بدموع حزينة ) مااابقتيش تاتبغيني ، مااابقتييش معتبرني ! تتخليني نتسناااك نهار كامل و فليل تتنخلني ! خاااصك تفهم بلي انا مشاركة معاك حياااتك و من حقي تعطيني شنو تنحتااج

سيدح : ( ناض لها بوجه غاضب و عروق يديه تطراساو هز داك التلفون تيهدد بيه انه يخبطو ) هااااد ديسك عندك راه حفى !! وااناااا ماغااديش نبقى نحمق كري معاااك كل مرة اناا سمحت فحياتي ! اناااا فعلت على ودك ودرت ودرت ( هز صبعو بتحذير ) انااا مااااشادكش !!! وماااربطكش !! وماااا طلبت منك والو طلقتي و كنا اون غولاسيون الوغ نتحملو مسؤوليتنا فيها بجوج ، نهار لي دخلتي من هاد لباب كنتي عارفة طريقي فين غادة و شنو هدفي فهاد لاس فيكاس لي مرمي فيها ! مااااخبعت عليييك والو ، و الوقت لي قربات لي لكومبا وخاصني ركز باش نربح و نرجع لبلادي و عند ولادي نايضة تتمرضني بهدرتك و فعايلك

صابرينة : ديماا معاااك و ديما تندعمك ، ماكلتك و شرابك و حوايجك حتى من الوقت لي تهضر مع اولادك اناااا ترتبو ليك ، انت هكدا دااير ، ديما تتبدا بحمااس و تاتبرد فلاخر و مااتتحنش فيا ، انااا تنبغيييك وتنموووت عليك ، كفاش باغيني نعيش معاك و مايجمعناش فراش واحد و مانتمتعوش ! انت مااابقتيش كما لول ،شي حاااجة تتبعدك عليااا و تتخليك بارد من جهتي

سيدح : الحماس !!! زوينة عندك هاد لحماااس، تبدلت وي ! تبدلت باش نكون احسن ،باغسكو سيدح لقديم مايشرح ليك مايبرر ليك ، نخسر عليك كلمة وحدة ! سيري تقااااودي

صابرينة : ( تتبكي ) طلعت انا الغالطة ؟ اناا لي بغيت ليك غير الخير ،وعايشة معاك فالغربة و متحملة جميع حالاتك!!

سيدح : ( هز يديه بإستسلام ) ماااشاادااكش ! شوفي حياتك ، انا هاد الساعة تتنشوف لكومبا و الرباح ! ( سكت منهد ) بون ! يقدر كلامك يكون نصو صح ، الوغ جربي تسافري ولا رجعي فرنسا ، غير ندوز لكومبا و نتبعك

صابرينة : ( شدت وجها تتبكي و تاتشهق ) نوووو !! حاااسة بيك تتهرب مني ، قلبك مابقااش معايا ، ( بعيون جريحة تتستعطفو ) بليييز بلييييز ماديرش فيا هكا وتكون تتخوني

سيدح : ( بجنون الغضب ضرب التلفون مع الأرض ) فيييين نخوووونك ؟ معاااامن ؟ تتشوفي لوقت لي عندي يلاه ناكل و نعس ! فييين نشوف فغيرك ؟؟

صابرينة : ( قربت ليه ودموع تيتساقطو من عيونها و ضربت باصبعها على قلبو ) تتخوني بهدااا !( تضرب بقوة ) هناااا تتخوني

سيدح : ( غمض عينيه متنهد بقوة و حضنها بقوة مانع دموعها ) ششششش ! بركة من دموع

صابرينة : ( معنقاه تتبكي بقوة ) آي لوفيوووو ! آي لوفيوووو

سيدح : ( تيحس بقلبو مزير من كلامها و نطق بكلمات غير لي فقلبو ) مي تووو

_مشاكل كوبل لغرب او الاوروبين جديدة على مسمع المجتمع مغربي ، المراة او الانثى تقدر تصرح بكل شكوكها و مشاكلها و حتياجاتها بدون خجل و الرجل مطالب بالنقاش و ذلكلا ينقص من كرامته ،فهم متساوين فالأحاسيس علاش ما تكونش مساواة فالاحتياجات ؟؟!

صابرينة : ( بصوت خافت ) بغيت منك بيبي

سيدح : ( فتح عيونو فيها رجع سدهم ) اوك !

صابرينة : ( بخيبة امل ) اوك ؟

سيدح : ( خنزر فيها تا نزلت نظرها ) تزيدي هضرة واحد فينا يخوي هاد لفيلا ، ماتخرجيييش داك لمارسيليٍّ لمقود لي فيااااا ...

يتبع...