فين ما كانت عندو شي قوة جمعها لاخر ساعة شاف راسو يقدر يدوزها من عمرو .. وبقا كيبان ليه يا يقتل … يا يموت.. ومادوزش عليه داكشي اللي مضمرين ليه الحباسا.
تقاتلو معاه وتقاتل معاهم هما كيجرو وهوا كيجر باغي غير يوقف كيطيحوه قبل ماهز راس ..عينيه حومر كيبكيو بلابزار كيشوف غير الضباب والضو طافي كيتسمع غير صوت .. .. البيت تقلب وتقاتل حس بواحد كيجر ليه البوكسر ..جات يدو على يد اللي كيجرو وجرو طيحو قدامو لوا ليه الكيت مضوبل على عنقو قجو وشدو بين رجليه فالارض وكولشي كيضرب فيه وهوا صابر خانق هاداك اللي بين يديه حتى طاح مابقاش كيتحرك .
الروح طاحت
الحباسا حسابهم الكابران اللول دالبيت سخف ..كملو على ما بداو ودارو اللي فجهدهم وتميم دار اللي فجدو يوقف..
عاونو جسدو العاري بالرغم من تلقي الضربات لاكن ناض وقف اخيرا على رجلو وشد اس واحد قدامو طواه عطاه بركبتو للكرش طيحو والثاني خشاه فالحيط والثالت هبط عليه بالطبلة طيحو وبغا يهبط عليه مرة اخرى وتصدته تميم برجلو لاحو وناض كيحك عينيه ويكحب وكله دمايات ماحاسش بالضربات مع الدم سخون بغا غير يفيق ويتنفس.. هز قرعة دالماء شلل نيفو وبدا كيضرب فالباب بالجهد بغا يفرعو عاد جاو الموضفة كيجريو حلو ودخلو عرام بيهم شعلو الضو ولقاو كارتة فالبيت.. الحالة ماهي حالة واخا متعودين على ماكتر .
تدخلو كل واحد فين منشور .. الحباسا منشورين واحد شاد كرشو تزوا لاخر جبهتو تحلات واحد طاحو ليه سنانو وواحد مجبد فالارض بلا روح وكلشي مشقلب والاخير اللي هوا تميم جالس مع واحد الحيط مدمي كيكحب حتى تقيا .
دوروهم الموضفة اللي هما العساكرية تما ومسمينهم الموضفة بالاسئلة .. وصلوها للمدير جا شاف داكشي بقاو شكون قتل شكون ماقتلش الحباسا شهدو فتميم كاملين هوا اللي قتل هوا تعدا هوا دار كولشي والموضفة شهدو واخا ماحضروش باللي ماشي هوا وفاراوها تما .. شكون قتل ؟ الحباسا؟ شكون نوضها ؟ الحباسا؟ شكون غياكل العصا؟ الحباسا
خرجوهم دارهم لواحد البيت تما شدوهم واحد بواحد قتلوهم عصا مزيان كملو عليهم وخرجو تميم من تما غادي كيرد حتى لعند الطبيب.. اش وقع ليه مالو ؟ ياكما تعداو عليه؟ لا .. فين تضربتي؟ واش غير مجروح ؟. غير مجروح . تكيوه هنا .. هاهوا تجبد .. اراك للخياطة
بنج بنج بنج. دوز عليه الطبيب غرز ليه سد ليه لحمو عطاوه ما غسل نيفو غسل صدرو مابقاش كيرد قدر يحل عينيه كي الناس ويشوف فاللي قدامو عاد تكا وحل عينيه فالسقف كيلهت عرف بقيمة الرياضة اللي كيدير والفنون القتالية اللي علمو باه وعلاش علمو وعلاش كان كيضغط عليه يتعلم . عرف بحق الصحة وحق القوة وحق العضلة فاش كتقصاح وتغطي على الغضم كتهز الدقة وتكمل عادي
كولشي وقع فالحبس وكولشي بقا فالحبس وكولشي تسالا فالحبس. وتقلبات صفحة جديدة وشرقات الشمس يعد ليلة كحلة.. اسوء ليلة فحياة تميم.. داز عليه الويل نهار الاختطاف لاكن ماشي اكثر من هاد الليلة المشؤومة .. خوفها كان كبير اثر على نفسية تميم وعلى عقلو وتفكيرو وماقدرش يدوزها وينسا كأن شيئا لم يكن .. دازت سالمة لاكن فعقل تميم مزال مادازت.. لزم الصمت وعقلو وتفكيرو كله كيألف ويعاود عكس داكشي اللي وقع تماما . وصل لحافة عمرو توقعها ولا فكر فيها ولا كانت ليه فالنواية.. حتى داك البيت كره يرجع ليه ولا يشم ريحتو ولا يشوفو حتى كي داير.. خلا كولشي تما باللي فيه ومابغا حتى حاجة تفكرو فشنو عاش. اعادة الاحداث كتخنقو وكتنوض ليه قلبو وأعصابو وكل مشاعره . صراع نفسي بكتر ماهوا داتي .. والصعب انه كيصارع ينسى وماقادرش ينسى..كل لحضة كل احساس كل لمسة يد كل ضربة كل مقاومة كلشي بالتفصيل. حتى الجرج اللي على جسده كان ميت ماحسش بيه
خلاوه على واحد البياص متكي ساد عينيه كيتخايل حتى وصلات وقيتو .. خرجوه داوه للمحكمة وكانت جلسة خاصة بعيد على قوة الناس فيها اسماء فوق رؤوس الاصابع. مو غير شافتو فديك الحالة جاها اغماء وماحضارتش للجلسة اما فاش فاقت وشافتو خارج عندها على رجليه وطالع برائة عاد رجعات ليها الروح وخرجاتو من تما نيشان للكلينيك ذخلوه عاودو ليه كاع ديك الخياطة اللي دارو ليه فالحبس بخياطة تجميلية وردوه اخيرا للدار
كلشي كيعنق كولشي فرحان مو خالو عائلتو كلها منهم جداتو وخالتو بنت خالتو سلمى اللولة والكل كان في انتضارو دارت ليه جداه طقوس الهروج من الحبس فالباب قبل ميزيد عاد دخل . ماهضر مانطق حتى من صحابو كلهم كانو حاضرين الا بيان وسلمى اما حتى لجين كانت فالباب دالعمارة حتى هي كتسناه .
هبط راسو شاد جنبو ودخل لفواشو تكى ومابغا لايتكلم لا يهضر لا يسمع . حطات ليه مو حوايج جداد وكانت باغا تعاونو ورفض . سدات عليه الباب خلاتو بوحدو ومشا وقف قدام المرايا شاف راسو مزيان وشاف فيديه والضربات المغطية بالفاصمات وصبرو راسو وقال
على الاقل حسن من حوايج اخرين .
بالنسبة ليه داكشي اللي عاش اكثر من القتل واكتر حتى من الانتحار . فكل مرة يتفكر كيفكر فالانتحار مباشرة ويقول مع راسو
لو وقع داكشي اللي كانو ناويين ليه عليه لا تبعو بشي انتحار مايفكر موراه حتى دقيقة . لاكن هادي تزادت فالراس .
دخل للدوش طلق الرشاشة وحط راسو على واحد الحيط قدامو سد عينيه وبقا تحت الماء دافي كيضرب من كل جهة غسل القرف وغسل الساعات والريحة وكل حاجة متعلقة بداك المستنقع اللي كان فيه.. اللي واخا يفرشوه بالذهب ويصبغوه بالورد كيبقا مستنقع
خرج من داك الحمام طايب بالحرارة اللي نزلات عليه ونضيف كما كيعرف راسو .. ريحة نقية سنان نقيي كلشي نقي وراحة نفسية نوعا ما كن مور داك الحمام
مشا لفراشو النضيف الناعم والرايح المريحة واستلقى على ضهرو ساهي فالسقف حتى نعس
مالو شنو وقع ليه علاش تضرب علاش ماتضربش؟ حتى واحد ماعرف. سولات مدام بهية المدير دالسجن فتيليفون بغات تعرف لاكن مسح السما بليكة كذام امها ماعرفاتش من ولدها فمن الاحسن متعرفش تفاديا لسين وجيم واخا بغات طرطق وتعرف علاش وصل لديك الحالة وشكون سبابو وشنو مخليين عليها .
حتى واحد ماعطاها خبار وجلسات كمداتها وسكتات ورجعات ابتسمت مللي تفكرات ولدها حداها و جنبها
كلشي كيهضر كولشي كيلغي بلغاه. صحابو كانو متوقعين يخرج يعنقنهم يشوفوه يجلسو معاه لاكن وقع العكس.. خلاو على خاطرو وخرجو وبقات العائلة جالسة فقلب الدار فرحانين بخروجو
الجدة: ايوا هنييية عليك ابهية .. ولاهيلا هنيييية اللي خرج ليك سالم غانم الحمد لله عليها نعمة
بهية: الحمد لله
رن تيليفونها ناضت خرجات للشرفة ردات وكان جان. اللي كيسول على تميم ..لقا بهية مفكوعة عليه وخلاتو جنب مافكراتش فيه همها ولدها يخرج ودابا مللي خرج حيدات تميم وحطات جان بلاصتو وفتحات ليه الخط جاوباتو ببرودة مطلقة وقالت
جان … خرج .. مزيان.. ماكاين حتى مشكل.. كوولشي مزيان.. وحياتنا غتستامر … المهم دابا هوا خرج
ناضت الخالة حتى هي بغات تمشي لاكن بنتها سلمى شداتها من يدها ترجاتها يبقاو غير نهار اخر على الاقل ولبات ليها الدعوة اما الجدة بغات تبقا مع بهية وترتاح ليها شي يامات فالرباط وتبدل الجو عاد ديك الساعة الى بغاو يديوها يديوها
واحد سلمى لو مافكاتهاش الهام من يدين سميرة لا كانت طحناتها ورداتها كفتة على الليلة اللي باتت برا وقطعات عليهم تيليفون . دوزاتها من عين الابرة وكملات ليها الجدة بالنكير وفاراوها بالنكد . تنكدات عليهم فديك الدار لاكن تفاجات على الهام فاش سمعات منها بأن ولدها خرج من الحبس برائة
ايام كحلة دازت وحرب قامت وبردات وبدات الاوضاع كتستاقر . وبدات بهية كتوجد لولدها ماكلتو بيدها بكل حب وسرور بالمساعدة ديال سلمى معاها فالمطبخ
اشهى طعام واصناف بحرية من محار وبلح البحر وكافيار واخطبوط وكركند و كراب ربزاف دالانواع جهزاتهم بيدها فطبق لذيذ مع كوكتيل لذيذ من العصائر اللي كيبغي .
ردت فتيليفون : ماشيغيي..معاك مدام بهية بن موسى البيستي.. انا فطريقي عندك الى كنتي فلأوتو هاوس؟.. مكايناش ؟ ااه داكوغ نتلاقاك تما … ترحب بيك الجنة كبيدة ديالي مع السلامة
قطعات وداتو لأفخم دار للسيارات الفاخرة فالمدينة ودخلات بسيارتها وقفات قدام بابها الزجاجي الكبير وهوا كيشوف بعينيه من النافدة وتلفت عمدها جاتو الضحكة ونزل فرحان عاض شافاهه سبقها كيشوف ويديه فجيابو داخل لاوتو هاوس .. طابيات فالاحمر والفخامة والمرايا واللمعان فكل مكان واصناف السيارات الفاجرة بجميع الالوان . كانت قدامو على المنصة بين جوج وايات كبار مغربية افخم سيارة دخلات حديثة معروضة للبيع باللون الازرق مايل لبلو سييل لامعة من نوع. "برايوس" جديو اللون عندها ومشا كيدور بيها وزاد جديو اللون الداخلي البيج فاتح والذهبي مع شوية دال
ضرب دورة على ديك البرابوس وهز عينيه كيشوف السيارات وبهية موراه داخلة من بعد ما صفات سيارتها كضحك فرحانة شافتو مهبط راسو وجالس القفرفصاء حدا جوانط ديال واحد الفيراري مجبدة بيضاء كيشوف فيها وقالت
شوف اللي عجبك اولدي
مشات جلسات قدام واحد البيرو فخم مقابل مع دوك السيارات الفخمة ودارت رجل على رجل كتشوف فالساعة وسلمى كدور من سيارة لسيارة وضحك معاه
سلمى: هادي هادي… كتحمممق
رد بالنفي: تتأ..كانت عندي
سلمى:وهادي!! غزاالة
رد بالنفي كيضحك مابغاش يصدع راسو معاها فالشرح ومشا كيقلب على اللي تناسبو حتى داخلات صاحبة الاتو هاوس مشات عند مدام بهية شلمات عليها بحرارة ورحبات بيها ورسلات ليهم على اتاي وحلوة البيت وشافت فتميم وهوا كيقلب بين السيارات و قالت
كي بقيتي شوية
تنهدات بهية وقالت: على ماداز علينا .. عمرو يتنسا .
مدام سناء: ايوا شغنقوليك ان شاء الله ماتعاودش . تبارك الله على ولدك عندو الدرق
اخر ماخرج فمرسيديس برابوس .. هانتا دخل نوريك المزايا ديالها.
حلات ليه الباب دخل جلس والسيدة كتمرر صبعها على كل جهاز وتوريه وتشكرها ليه وقال
فايت ليا جربتها فالسياقة عند واحد البنت كنعرفها
وقصد بكلامو بيان اللي عندها بحالها كحلة من برا وغوز من لداخل
السيدة سناء: هادي يالاه خرجات شهر دابا تقريبا زايدة بزاف لافموديل لا فالخاصيات ديالها
تميم: امم.. بصح
ركبات حداه سلمى كتشوف فيها من لداخل وفلمعانها ولونها المريح الراقي البيج مع الذهب مختالفة على اللون الخارجي وقالت
فننة.. كتحمق وعالية
نزل منها شاف سيارة اخرى منبطحة فالارض حتى هي زوينة بجوج ابواب ورجع جلس قدام مدام بهية محتار بين السيارتين وكل واحد كيعطي رأيو والسيدة سناء فرحانة كتشوف فيه وقالت
خليو هوا يختار ..الدراري دوقهم خاص متقدروش توقعوه
شكت كيشوف فالسيارات ومدام بهية كتشوف فيه مبتسمة وقالت
جبدات الكارني دشيك بينما ناض تميم للسيارة حلها من اللور شافها ورجع سدها ومشا ركب فيها وشعل الاضواء لداخل ورجع طفاهم
ونزل تكا على الباب بيدو كتأمل فيها بإعجاب. ناضت مدام بهية وقفات بسعادة عيطات ليه مشا عندها جلس فالكرسي بلاصتها ووقع اوراق السيارة وناضت مدام سناء عند سيارتو الجديدة حيدات
لافتة اسمهم الاشهارية على الماتريكيل وعطاتو باك مفاتيحها الازرق ورجعات اللور باركات ليهم خلاتو يخرجها هوا . طلات منهم تصورو خارج من عندها لاكن رفضات مدام بهية وشدات ليها فيدها برقة قائلة
السيدة سناء: تفهمتك ومن حقكم .. بصحتو وراحتو وعقبة لسيارات اخرى ان شاء
خرجها دوبلفي كتشهق واللون كيلفت النضر مع الشارع ومدام بهية موراه غادية .. شار ليها بيدو بغا يمشي وقلب الطريق خلا معاها سلمى ومشا فحالو
فالطريق غادي سايق بيد وكيحل علبة فيها تيليفون جديد بيد خرجو ابيض ولاح العلبة حداه
شعلو بدا يعيط على صحابو بغا يقصر جمعهم كاملين يسهر معاهم فديسكو ودار معاهم الوقت ومشا لباب الفيلا دبيان ووقف
صونا فالباب وحلات ليه خدامة جديدة شولها على بيان ودخل لداخل صادفها فالباب الثانية نازلة لابسة ومقادة والشعر مطلوق والروايح باغا تخرج ، شافتو قدامها ورجعات اللور حطات يدها على فمها مصدومة وطارت عليه عنقاتو بقوة وبادلها نفس العناق هزها من الارض وضار بيها وبالفرحة بقات لاسقاه وقالت
فوقاش خرجتي!!!
تميم: الصباح .. توحشتك ..فين كنتي غادا
رمشات كتمتم وقالت: كنت خارجة قنطت
جرها بدون شابث انذار بعد الشعر على وجهها وباسها على شفاها قبلة ىموراها قبلة اخرى وتبعوها قبلات مخطوفة متسارعة وهي مصدومة مافهماتش معنات هاد القبلات .. تخطف وعنقاتو بيديها
تأملات تعابير وجهه وبادلتو القبل بكل شغف حتى بدا كيطلب أكثر من داكشي لاكن توقفات وحبساتو وقالت
تميم… خاصني نقوليك شي حاجة
هزها وقال: من بعد.. ماشي دابا
بيان: لالا دابا..
قاطعها بقبلة وطلعها للبيت مرة يسمع ليها كلمة مرة يسكتها بالقبلات.
كان مشتاق ماخلاش ليها فرصة حتى تبدا ليه شي موضوع .
فغرفتها نومها عاشرها للموة الثانية وكانت اطول من المرة الاولى بكثير وبأدق التفاصيل وبدون قيود.
مرت ثلاتة ساعات قاطعهم اتصال من جهاد وكان متكي عليها كيهضر معاها فعلاقتو بيها
رد على جهاد اللي كان كيتسناه فالديسكو هوا وصحابو كاكملين ومعاهم سلمى وحتى لجين .ك والكل ناشط وفرحان كيتسناه .
باسها فعنقها وناض من بلاصتو دخل لحمامها وجرها معاه من يدها دخلها وقال
غنمشيو داير مع الدراري صحابي نقصرو هاد الليلة
دخلات معاه في حين كانو الاصدقاء كلهم في حفل خاص وخاص جدا بمناسبة خروج تميم من الحبس. سهرات ابناء الاغنياء وطاولاتهم الخاصة اللتي تفوق مليون السنتيم فالليلة الواحدة .. سطولة الوسط ديال القراعي دالشراب والكيسان والمأكولات فالجناب واللي كيكمي شاعل كارو والبنات باللباس كل وحدة كتبان على الاخرى والدراري بالقمياجات محلولين ها اللي صدرو مزغب ها اللي صدرو ناعم ها اللي لابس سنسلة ها اللي معلق عقيق رقيق وها اللي هاز سيكار فيدو وها اللي شاد كاس. شي كيشطح حنب الطبلة شي كيضحك شي حداه صاحبتو كيبوسها ويهضر معاه. طاولتهم كان فيها الحماس .شوية دخل تميم بقميجة بيضاء محلولة جار معاه بيان لابسة سروال سهرات كيتجبد وواسع من لتحت فيه الوان باردة مندمجة كيبري من افوق كيبين كرشها شوية مشدود بسناسل على الكتاف والهدب من الجناب والشعر مطلوق كضحك . شي فرح شافو جاي وبيان فيدو وشي تصدم بحال لجين ووقف مامتيقش اشنو شافت عينها.. اما بيان غير وصلات تلقاو ليها بالاحضان هي وياه ومع الصخب والموسيقى والاضواء كلشي مشطون كل واحد اش كيدير . جابو ليهم الشامبانيا قدها قداش شدها تميم مخضها مزيان وطرطقها فالسما بحال شي تيو حدا كرشو ترشات فالارجاء وكلشي كيغوت وكلشي كينقز ويصفر ويصور . دخلات بيان بينو وبين جهاد عنقاتهم بجوج وفيدها كاس كتنقز وتشطح . طارت صورة ليهم فالبلاصة انتشرت عبر مواقع التواصل الاجتماعي ليهم وليه هوا خصوصا حداه بيان معنقاه وفيدو الشامبانيا محلولة فالسماء. صورة كلها نشاط وضحك واحتفال قلبات السوشل ميديا عليه من جديد وكل واحد كيلغي بلغاه ويسبو ويعايرو
بيان كطيح عليهم غير هما هاهيا شحال ما بنت مع شي واحد دابا خرجات ليها نيشان
عطيوني غير كاس تشربو فيه السم
هادي هي حياة البرجوا الحقيقية لحرام كيمشي فالحرام
تجمعو غير ولاد لق٠٠٠٠ فلوس الشعب فين كتمشي
السهرة كانت طويلة وكلشي سكر وشاد فراسو بزز. سلات الحفلة وخرج الجميع ..جهاد اللي جر سلمى داها معاه وتميم ركب بيان حداه وصحابو كلهم ركبو سيارة وحدة الا لجين مشات ركبات سيارتها وانفجرات فيها بالبكا بغات تموت من شدة قهرتها عليه والرد اللي عطاها بلا مينتاثه كان قاصي جدا وكان عندها امل يعطيها رد يريها من بعد اخر لقاء ليهم فاش طلب منها شوية دالوقت عاد ياخد قرارو بخصوص علاقتو معاها .
اما هوا كانت كتبان ليه غير بيان والقرعة من بيان للقرعة من القرعة لبيان .شد الطريق فسيارتو الجديدة معاها غادي كيبوس فيها حتى خرجات ليها من فمها بدون شعور وقالت ليه وهي حاطة يدها على وجهو بحنان
تميييم.. انا حاملة
توكض وشد الفران وقف جنب الطريق حتى تهزات بيان من بلاصتها وضار شاف فيها طلعها وهبطها كلها وقال
شنو؟؟ ماسمعتش مزيان
تكات عليها كتلمس وجهه وقبلاتو بشوية وقالت
انا حاملة
تصدم بقا فيلاصتو كيشوف فيها وهي كتجر ليه فمو بالبوسان ماقدرش يستوعب.. بعد وجهه رجع شاف فيها وقال
حاملة؟؟ معامن؟
رجعات اللور تصدمات شافت فيه مخرجة عينيها وقالت
كيفاش معامن!!!
هبط الراج من حداه حل عينيه مزيان وقال بصرامة
دابا قلتي ليا حاملة؟!! كيفاش حاملة؟؟؟ ومعامن؟؟؟
خرجات عينيها مزيان فيه وقالت : معامن!!!! علاش انا كنت كنعس قبل منعرفك؟!!! كيفاش معامن باغي تسوطيني؟؟
سكتات كتشوف فيه مصدومة تقلب عليها تقول ماشي تميم اللي كتعرف..واحد اخر لا كلاما لا شكلا لا عصبيتا واخا سبق ليه تعصب ودابز لاكن ماشي نفس المنضر ولا نفس النضرات
النهار كيطلع خفيف على برا فداك الصباح و بعد سكوت مطولا بردات النفس وشافت فيه باحتقار وقالت
غمض عينيه معصب ورجع قاليها واش غتسطييني!!! واش كتسطاي عليا ابيان!!! عارفة شكتقولي ولا غير كتهضري واش سكرتي ولا مالك!!
بإحباط وقلة حيلة هزات راسها كتشوف فيه مبيوعة بائسة وقالت:
غييير بشوية عليك… انا ماكنتش غنقوليك كاع هادشي..كن ماجيتيش عندي للدار .. بهاديك الطريقة حسيت بيك بصح باغيني.. وبقيتي كتقول لي ديك الهضرة الزوينة وانا كنبغييك.. وانا ماعرفتش كيفاش حتى وليت كنبغيك.. وانا ماقادرش منفكرش فييك.. ونتي كنحس معاك باحساس فشكل..وانا اول مرة نحس هاد الاحساس.. وبلابلا بلا ..تيقتك .. قلت صافي غنقولها ليه.. صدق كولشي غير هضرة غير نزوة ودازت
دور وجهه خرج يدو من السرجم كيغزز سنانو وهي كتعبر ليه بهدوء وتبكي فصمت غزز سنانو وتلفت ليها قال
ماتخلطيش هادي مع هادي.. الى كنتي كتخايلي والشراب لاعب عليك دابا غنوصلك غتنعشي الصباح توكضي غنتفاهمو بالعقل.. دابا انا عقلي مغيستوعبش هادشي
بيان: علاش؟ اشنو اللي خلاك متستوعبش.. ياك شهر قبل من ليوم كنا انا وياك فداركم ..عقلتي؟؟ وانا كنت فييغج..قلتيها لي بفمك ..يعني ماعمرني مارست مع شي واحد من غيرك .. ولقيت راسي حاملة
زادت صدماتو وصار عندها كامل هز رجلو على الكرسي ديالو طواه وقال
حاملة من ديك المرة !! ساعة دازت كتجري حملتيها فيها نتي ماحملو حتى اللي كانو هازين رجليهم ليلة كاملة!! واش باغا تحمقيني ولا حماقيتي ولا مافهمتش
هزات حواجبها فيه مصدومة وقالت
يااك!!! وانا باش غنعرف؟؟ واش انا مولفة؟؟ واش انا اللي خاصني نعرف ولا نتا اللي عندك خبرة ؟؟ ياك عرفتيني فييغج .. والطبيبة قالت لي شهر وعطاتني التاريخ اللي كيدل على هاداك النهار المشؤوم اللي جيت فيه عندك للدار.. ..هاداك النهار فين حملت .. انا ماعرفتش شنو درتي نتا وماكنتيش داير احتياطك اصلا. نسيتي
تميم: ميمكنش.. هادشي متيدخلش للراس.. تحملي من المرة اللولة مستحيل.. ا نتي مسافرة مع جهاد لغد ليه فالصباح وجلستي سيمانة معاه!!! وداخل خارج عمدك للدار وشوفي واش عاقلة ولا معاقلاش ولا كنتي شاربة ولقيتيها مسرحة دوزتي معاه شهر النم فباغي وجايا كتقولي لي حاااملة!!! اهاه؟ كيفاش وفرقاش شهر!! …شوفي ماباغيش نسمع حاملة سيري عند جاد قولي ليه هاد الهضرة.. انا وياك هنا سالينا .
صدمها وديمارا سيارتو خلاها كتشوف وصلها للدار مصدومة ووقف كيشوف قدامو كيتسناها تنزل .. شافت فيه اخر نضرة باحتقار وهزات صاكها نزلات بالزعفة وزاد هوا فالبلاصة كيطير. دخلات كتبكي وتميل حلات ليها الخدامة الباب وشداتها كانت غطيح .. طلعاتها لبيتها بزز باغا تموت وغير دخلات كرهات داك البيت وداك الفراش وبدات كتفكر اللحضات واللقطات وطلعات بصندالتها كتجر وتغوت وتشتت وضرب هنا ولهيه قلبات داك البيت كامل بالغوات والتهراس وفالاخير طاحت فالارض غابت .
الخدامة تخلعات وهزات تيليفون عيطات لمها كترعد وجلسات حداها كتفيقها ..اما تميم كمل طريقو كينهج ويشرب من القرعة حداه وغادي داك الصباح والدنيا خاوية بوحدو كيطير.. طير القرعة من فمو لاحها فالشارع تشتات وهز تيليفون مسح نمرتها ومشا للدار وقف سيارتو ونزل كيميل سكران ..طلع للدار فتح الباب بزز ودخل سدها بالجهد تزدحات .. خرجات بهية كتد بينوارها شافتو كيميل ويسكت الباب بهدوء وشداتو كتهضر بشوية
وصلات مدام سارة داك الصباح للدار كتجري ىكان جنبها حبيب القلب جاي معاها ودخلو كيجريو للدار.. دخلات للبيت لقاتو كامل مهرس.. حتى حاجة مابقات صحيحة فيه وبيان فالارض . هزوها بسرعة للمستشفى دخلوها
وبقاو برا كيتسناوها .
خرج الطبيب عند مادام بهية تأسف وقال
مدام بن موسى .. مع الاسف بنتك كانت حاملة.. وخسرات الجنين..والشراب كيسخن وبنتك شربات بزاف الانهيار العصبي .. هاذو اسباب كافية للاجهاض
شدات فيدو بصبر ودخلات عند بيان لقاتها مسطحة على ضهرها سخفانة وغير وقفات عليها مدام سارة شدات فيدها وقالت
مابغيتش نبقا هنا اماما … مابغيتش نبقا بغيت نرجع لسويسرا
شدات مدام سارة فيدها بصبر وقالت: غير بشوية عليك..بشوية وغيكون غير داكشي اللي طلبتيه
بيان : انا بغيت نمشي من هنا .. خرجيني ..خرجيني
تنهدات مدام سارة وباست راسها وقالت: احسن حاجة تهنيتي من داك الحمل.. احسن حاجة
دورات بيان راسها وقالت: مابغيت نسمع حتى حاجة .. بغيت نخرج من هنا دابا
مشات مدام سارة استشرات مع الطبيب وخرجات بنتها من المست شفى داتها لشقة وحدة اخرى غير الفيلا بطلب منها نعساتها فبيت جديد خلاتها ترتاح وقررات ترسلها لسويسرا تكمل قرايتها تما
بدون تفكير او تردد.. خرجات مكسورة من المستشفى فقمة ضعفها رفضات توجع للفيلا بصفة نهائية. داتها مدام سارة لشقة اخرى خلاتها ترتاح تما وحزمات ليها امتعتها وشنطها وكل ما كيتعلق بيها وقررات تسفرها لسويسرا .
كان سفر عاجل لبسات فيه بيان ملابس سوداء كتعبر على مدى حزنها وانكسارها وفشلها فأول حب فحياتها . فضلات البعد على مدلة الحب .نزلات جامعة شعرها ولابسة نضارات كبار سوداء طلعات مع امها فالسيارة وحمل ليها الشيفور امتعتها كلها فالكوفر واتجهات لطيارتهم الخاصة اللي كانت في انتضارها للإقلاع. طلعات شادة المونطو على صدرها وجلسات على كرسي كبير جنب النافذة وهبطات نضاراتها بحزن والدمعة نازلة على خدها ..مسحاتها وحيداتها المونطو حطاتو حداها وبقات بالبودي من دونتيل كامل اسود من لتحت وطلقات شعرها يرتاح .جلسات جنبها مدام سارة بابتسامة عنقاتها بحنان وابتسمت قائلة
هانتي غترتاحي .. وغتنساي كولشي
ردت بيان فسهوة وهي فحضن امها وقالت
شحال خاص دالوقت باش يشفا الانسان. من جروحو؟
مسحات مدام سارة على راسها وقالت:
الى لقا محيط جديد وحياة جديدة كيشفى بسرعة..الانسان بطبعو كينسى
بيان: والى منساش؟
مدام بهية: كيتعايش.. وهو نوع من النسيان
بيان: غنرجع شي نهار كما كنت؟
مشحات مدام سارة على خدها بابتسامة وقالت:
كل واحد عندو تجربة فهاد الحياة.. مرة وحلوة.. انا ابنتي لحبيبة ..كنت كنبغي باباك حد الجنون.. فاش مات كنت كنقول كن غير مت معاه .. كان هوا ميت تحت الارض وانا ميتة فوق الارض.. تعذبببت..تعددددبت بزاف..وتفطر قلبي . تعدبت فمرضو وتعدبت فموتو وتعدبت على فراقو..جات دازت ايام العذاب اللولة القاصحة..وقلت مستحيل نحيا ونرجع من جديد..وجات ايام العذاب الباردة..اللي تقبلت فيها فراقو وبديت كنحاول نوقف ..وكنت كنتعدب باش نبني نفسي وتعدبت بزاف..جات ايام الصبر ..اللي خاصني نصبر فيها وكنت قادرة نصبر من بعد ما قدرت نرمم نفسي..صبرت راسي.. من بعد جات ايام اللي فيها بديت كنتعايش..وكنحاول نعيش.. مانسيتش لاكن تعايشت..تعايشت مع الحالة ديالي .. ومن بعد جات ايام جديدة نساتني فكاع العذاب اللي عشت.. نساتني فالعذاب والايام الكحلة..لاكن مانساتنيش فباباك.. تسلل حب جديد لقلبي..بلامنقبل اولا نوافق..لقيت قلبي كينيض من جديد.. وحسيت بالرغبة فالحياة..بالرغبة فالجمال ..والتفاؤل..وبدا عندي طموح ..وامل..واحاسيس ومشاعر.. دابا تفكرت كل مامريت منو ورجعتي ليا الذاكرة اللور .. قلت كيفاش ديك الفراشة الميتة فالارض لفراشة بجناح مكسورة قدرات تنوض تدريجيا وطير من جديد بحرية
ردت بيان فسهوة وتعب: ياربي ننساه..ونعيش حياتي…
تنهدات مدام سارة بابتسامة وقالت:
غتنسايه .. ومع الوقت كلشي كيمشي وكلشي كيتبدل … فالاول مغتاكليش ..غتضعافي..متقديش تنعسي..تبقاي تذكري..من بعد الذكريات ييدار يتنساو وحدة وحدة.. ترجعي تاكلي..تنعسي مزيان.. من بعد ماتنساي غنبداي تقصاحي.. وترجعي ثقتك بنفسك…. من بعد غيتمحا ليه الاثر فمرة..وتبداي من جديد..قوية .. ناضجة..عندك خبرة فالحياة
بيان: ماما…
مدام سارة: نعام احبيبة؟
مدام سارة: الحب خلاك تبعدي عليا بزاف
تنهدات مدام سارة وقالت: لاا .. انا الحب تسلل لقلبي فالوقت اللي كان خاصني نكون جنبك ونتي فأول تجربة ليك.. كان خاصني نكون معاك ومنهربش من عصبيتك .. واخا كنعيش احساس زوين
ياريت لو يمر الوقت هادا كله فساعة ونفيق نلقى كلشي رجع ماضي وتنسى
صباح الحال على سلمى وجهاد ناعسين فالفيلا.. فاقت براسها تقيل من ثملان الليلة الماضية.
شافت الساعة ونوضات جهاد فيقاتو ناض بزز لبس حوايجو وراسو تقيل ماقدرش يهضر والنعاس مزال غالب عليه. وصلها فالسيارة لدارهم وقال شاد عينيه
كنحس براسي بحال البيضة.
سلمى:سير رجع تنعس حتى انا كنحس براسي تقيل غيتفركع
نزلات هزات صاكها حالتها حالة بالسهير. دخلات للعمارة شافت وجهها فالمرايا دالعمارة مشنتف و مزيت وصفرا بالتعب والكحول سايح وريحة البارفان مع ريحة الكارو مع ريحة الرجال.. عطاو ريحة بحال الكافور فشعرها وحوايجها اي واحد مولف السهير ودوك الاجواء كيشم ديك الريحة كيعرفها
مسحات عينيها والهالات منفوخين اثار النعاس على وجهها وخيوط بيضاء حدا فمها مشات كتجمع شعرها ودفارها طوال فالاحمر ..حلات الباب بشوية طلات سمعات الحس مقطوع ..دخلات كتسرح عينها مالقات حتى واحد من غير جداتها محنية فلكوزينة تحت البوطاجي كتنكر بوحدها
سلمى: فين طاطا الهام ؟ وماما؟
ضارت عندها جداتها طلعات فيها وقالت بغضب
صباح لخير لاللة لعروسة.. عندمن بايتة هاد الليلة عاود؟؟ عاد صبح عليك الحال!
سلمى: دابا سولتك جاوبيني مالك على هاد الهضرة
الجدة: انا اللي كنقولو كنشوفو بعيييني.. غتبقاي حتى تجيبي لينا شي كرش تفضحنا .. والله ابنيتي الى بحال الى كتشوفي فيها بعينيييك.
مدام بهية: بيكم ول ابيكم هوا هاكاك .. من صغرو عزيز عليه يخرج يمشي مع صحابو يدير كولشي راسو بلاا مايجيكم عجب.. خودو راحتكم
ناض تميم فهاد الاثناء من النعاس تقيل.. حل عينيه بزز لقا راسو مزال بحوايجو وأول حاجة دارها مشا دخل للدوش طلق الماء ووقف كيشوف فالحيط ومتكي عليه بيدو بدا يعاود الاحداث دالبارح من الاول وطاح فبالو المشهد ديالو مع بيان فطموبيل وبدا يتذكر كلامها كلمة بكلمة
انا حاملة
دابا قلتي ليا حاملة؟!! كيفاش حاملة؟؟؟ ومعامن؟؟؟
علاش انا كنت كنعس قبل منعرفك؟!!! كيفاش معامن
منعستش مع شي واحد من غيرك.. انا حملت منك نتا ..كنت بغيت نقولها ليك الصباح فاش جيتي فاش شفتك دخلتي عندي بديك الطريقة هاكاك توحشتيني حتى انا فيضتي ليا مشاعري..توحشتك ومابغيتش نجبد الموضوع حتى نشبعو من بعضنا
حل عينيه مسح على وجهه كيصحصح عاد بدا يستوعب والاحداث كتنزل عليه شي مور شي
نشبعو من بعضناا!!! حتى نشبعو من بعضنا عاااد خرجي ليا عقلي انا قلبي لز٠٠٠٠ مي انا الليلة كلها بهاد الكلمة
غييير بشوية عليك… انا ماكنتش غنقوليك كاع هادشي..كن ماجيتيش عندي للدار .. بهاديك الطريقة حسيت بيك بصح باغيني.. وبقيتي كتقول لي ديك الهضرة الزوينة وانا كنبغييك.. وانا ماعرفتش كيفاش حتى وليت كنبغيك.. وانا ماقادرش منفكرش فييك.. ونتي كنحس معاك باحساس فشكل..وانا اول مرة نحس هاد الاحساس.. وبلابلا بلا ..تيقتك .. قلت صافي غنقولها ليه.. صدق كولشي غير هضرة غير نزوة ودازت
شوفي ماباغيش نسمع حاملة سيري عند جاد قولي ليه هاد الهضرة.. انا وياك هنا سالينا .
شد راسو كيتذكر وجهها وعينيها ويونتها فالحوار معاه باش تفهمو بشوية وحتى اشمأزازها فالاخير منو واكتقارها ليه وطريقة تعاملو معاها فالاخير فاش نزلات ونمرتها اللي مسح
كل شي رجعو حدث بحدث .. كلامو اللي قال فاش كان معاها فاللحضات الحميمية احساسيهم ضعفهم كل لقطة وكل كلمة وحتى اول معاشرة ليهم فبيتو
خرج من الدوش مصحصح لاوي عليه فوطة..تقابل مع المرايا كيشوف فراسو وتكا بيديه على الطبلة قالب وجهه جيهة كتفو كيقشر فشفافه حتى دخلات عليه مدام بهية وتلفت عندها مرفوع
مدام بهية: صباح النور.. الى بغيتي تفطر فطورك موجود انا غنمشي الكازينو دابا من بعد غنجي نجمع حوايجي غدا مسافرة
تميم: مسافرة؟؟ فين؟
مدام بهية: عندي شي غرض مهم ففرنسا.
تميم: بحالاش هاد الغرض؟!
مدام بهية: غنمشي لواحد الاجتماع خاص ..المهم سفر عمل وصافي. مك لاللاك وطاطاك وسلمى غيبقاو معاك مغيرجعوش لفاس حتى نجي.اوكي
بقا كيشوف فيها وحرك راسو بالايجاب وقال
انا اصلا غنمشي عند صحابي
مدام بهية: ود بالك اتميم.. عنداك تتهور
جات خارجة ورجعات قالت ليه..ااه تفكرت..كاع الاغراض ديالك اللي كانت فطموبيلتك اللولة هاهما فهاد البلاكار مجموعين فواحد الكرطونة.. باش متبقاش تقلب عليهم وصافي
خرجات خلاتو واقف عقلو مرفوع ومشا مباشرة هز تيليفون نمرتها اللي مسح وتيليفون جديد ماعيطش ليها منو اصلا ولاحو فوق الناموسية كينفخ ومشا لبس حوايجو الرياضية وهز شكارتو لاح القب على راسو داز قدام جداه تبسم ليهم بادب وصبح عليهم قال
صباح الخير
الجدة: صباح الخير الحبيب اجي تفطر.. ها الفطور ديالك
قاطعها قبل ماتحطو وقال : لالا مابغيتش نفطر ..غناخد غير هادا صافي
هز تيرموس ديالو فيه العصير المعروف اللي كيشرب زاد عليه بروتينات وخرج فحالو . موراه مباشرة خرجات سلمى من البيت عاد فايقة مشات جلسات صبحات عليهم بغات تفطر وقالت
تميم باقي ناعس؟
الجدة: تميم فااااق وخرج مشا نتي اللي صبحتي ناعسة
سلمى: الجو عندهم هنا تقييل كيجيب النعاس.
شد الطريق غادي سايق وكيعاود الفيلم من اللول ومن جديد والحوار كامل.. جبد تيليفونو تاصل بجهاد وقال
الو..جهاد .. تقدر تجي عندي لاصال؟.. نتلاقاك تما؟ يالاه
قطع ومشا لاصال مع الدخلة كولشي كيتغامز عليه والاصابع تشير اليه وهوا كأنه معايشش معاهم ولا على بالو بنضراتهم .مشا حط حوايجو وتاجه للقاعة شد ودنيه بالكيت وشاف فالزاج قدامو كيجري ويسخن حتى سخن مزيان. ولبس قفازات عبارة عن باندات فيديه وفرجلو وتاجه لواحد الشكارة معلقة برغبة جياشة فالقتال وشغف كبير وشوق بدا كيضارب معاها ويعطيها بيديه ورجليه وينقز ويلتف ويهز رجلو حتى للسما حتى كتوصل لجيته ويعطيها بقوة حتى كيوصل صوتها لتحت ..بقا هاكاك حتى رجع كيقطر ويلهت وبقا مكمل الى حين وصول جهاد بسورفيت رياضة دخل لقاه فواحد القنت كيضارب بوحدو وصوت اللكمات واصل حتى للباب ووقف كيضحك ويشوف فيه وقال
صابح ساخط شي حلمة هادي
وقف تميم سخفان حيد دوك البنادات من يديه وقال
حلمة مافيها مايتعاود
جهاد: مالك اش كاين؟. من ضهرتك عرفت شي بلان تما
شاف تميم بنص عين فجنابو لا يكونو شي ودنين حداه وقال
بيااان اصاحبي
جهاد : مالها بيان؟؟
تميم. بقات كتقول ليا شي هضرة لبارح ماعرفتش واش بصح ولا سكرانة ولا مابقيت فاهم والو
سولها واش متأكدة واش ماشي جاد قوليها ميمكنش تحمل مع تميم قلقلها
فتح جهاد الصوت وقال: ااه واجي نقوليك.. وهي متأكدة حملات مع تميم ؟؟ كانت مصاحبة مع جاد
سلمى: لاالالا انا كنت ديما معاها جاد اصلا فاش كيمشي عندها كتبدا هي شد ليا نقطع ليك.. وداك النهار نيت اللي جينا من الحبس جا ومابغاتش تهضر معاه وكتصدرو.. كاع مشاكيلها تقريبا كانو من طرف تميم ونتا شفتي نهار بغات تنتاحر .. عمرها دارت شي حاجة مع شي واحد ونهار مشات مع تميم قطعات العروق ديديها .. مكاين لا جاد لا والو
جهاد: مشكيييلة!!! تا نتا ستحليييتيها تا جبتي دابا الربحة مديوانية!!
تميم: بلاتي..وعلاش متكونش مشات مع جاد زعما؟؟ مالها ماكتسكرش مامرة ماجوج سكرات معايا كنشدها لاوية معاقلاش على راسها
جهاد: سولها واش كتشكر حتى تلوى مع جاد.. سكرات معاك نتا لوات عليك نعسات معاك عجبتيها باينة للعور اصاحبي؟ شمن فائدة عندها هي تحمل مع واحد وتجي تحطو ليك نتا
تميم: تقدر ماتكونش عارفة معامن!
جهاد: هادي حاجة اخرى !! الحل دابا اللي عندك هوا تسناااااو عليه حتى يجي وديرو ليه ليزاناليز هما غيبينو شكون باه نتا ولا ماشي نتا
عقد تميم حواجبو وقال: شنوو!! شكون قالك انا اصلا باغي شي ولاد مريض تا نتا. اصاحبي!! تنتسناه تا يجي!!
جهاد: هه صافي بررد اصاحبي كلشي عندو حل.. شتي عندك الزهر طحتي مع بيان ..والله لا خلاتو فكرشها دابا تشوف.. بغيتي ولا كرهتي ماشي من النوع اللي غتنوض تولد وتربي ودير فيها امومة كي شي وحدين كيتسناو غا يولدو ويربيو ها ا هوا هدفهم ويلسقوو..اهم حاجة اللسقة.. اما بيان غتكون حيداتو قبل ماتوصل عندها لتما لكلينيك..
تميم: الصمت
جهاد: صافي هاهوا لكلينيك حبس هنا … يالاه نزلو وبلا متنوضها مع شي واحد بنتي ليا فايض وعلى سبة .. مشكل غيتحل فالسكات بلا منوصلو للفضيحة والتصاور ونتا م للي جيتي لهاذ المغرب ونتا من بوز لبوز مابغيتيش كاع تنزل من هاد العمارية
دخلو كيسولو على بيان العلوي خبرهم انها خرجات من لكلينيك .. علاش وكيفاش حتى واحد مابغا يخرج ليهم شي كلمة واحتافضو بالاسباب.. سخن تميم بقا غادي جاي حدا الباب كيسوط وينكر وجهاد داخل خارج ..خرج عند تميم كيسوط وقال
والو مابغاوش قالك اسرار الدولة هاد ولاد لق٠٠٠
شار ليه تميم بصبعو وقال: سير تيري شي خمسية درهم عطيها لشي وحدة تجيب لنا خبارهم نمشيو فحالنا من هنا
شرح جهاد عينو كيقلب بانت ليه بنكة قدام الكلينيك مشا تيرا منها الفلوس ودخل صيد واحد الممرضة خرجها برا ضور معاها وقالت
مات دخلات خلاتهم واقفين كل واحد فين كيشوف ورجعات بسرعة كتشوف فجنابها عندهم وقالت
مادموزيل بيان العلوي مع الستة دالصباح جات كان عندها انهيار عصبي.. كانت حاملة وفاش وصلات لهنا مع الاسف وصلات معطلة ووقع ليها نزيف جهضات. ومع الطناش العشرة خرجات من هنا هادشي اللي كاين
جهاد: صافي ختي شكرا
الممرضة: عفاكم هادشي ممنوع عليا نخرجو كنتمنى يبقا غير بيناتنا
جها د: صافي كوني هانيا
دور تميم وجهه لجهة اخرى عطاهم بالضهر كينفخ ويسوط بينما جهاد تنفس الصعداء وقاسو فدراعو قاليه
رد: عيطي ليهم فتيليفون غتعرفي شكيديرو .. يالاه تا لعشية
مدام بهية: مالك معصب ؟ ياك لاباس ؟
تميم: ماا معصب ما والو .. عيان حيت من لاصال صافي
مدام بهية: امم
تميم: يالاه بسلامة .
قطع ولاح تيليفون حداه كيردد
مالي انا محمق راسي .. تمشي تجي تعاود راسها
يعد عواصف ممتالية عم الهدوء والراحة وبدات المياه ترجع مجاريها شيىءا فشيءا ، عاد بدات العطلة والرفاهية عند تميم وخرج مشا عند صحابو للفيلا يكمل ما تبقى ليه من ايام العطلة ، انا مدام بهية خدات طيارتها مباشرة لإيطاليا بدون علم حتى واحد وحتى تميم نفسه . نزلات اول خطوة من الطائرة مع الركاب وماستعملاتش الطيارة الخاصة او علمات على وجهتها شي واحد باش ماتوصلش الخبار لجان بالمرة وتكتاشف بنفسها اشنو اللي مخبي عليها
ركبات فطاكسي خاص من بعد ما خرجات من المطار ومشات واتجهت لبيتها الفخم الراقي بلباسها الفخم ودخلات لقات الخدم فالباب تفاجأو بحضورها وكلشي هبط ليها الراس منين مادازت وهي هازة يدها بهدوء بدون اصدار اي صوت . تلفتت سولات على مسيو جان واش كاين وخبروها انه فالغرفة وانه دخل قبل منها بساعة . مشات طلعات للطابق الاعلى بخطوات بطيئة فاتجاه غرفتو وقلبها كيضرب بالجهد واحساسها انها تقدر تشوف شي حاجة تصدمها . جمعات النفس ومشات للباب حلاتو بالشوية ودخلات هزات عينيها مباشرة فسريرها شافت بنت فمقتبل العمر واقفة بوزرة بيضاء محنية على السرير وفيدها كاس دالماء . تلفتات الفتاة شافت فيها وبعدات وقفات وهنا بان ليها جان ناعس فالفراش وبصفة غيير الصفة اللي كتعرف هي.. تخلعات فالاول ماضناتوش يكون هوا وقربات مخلوعة ويدها على قلبها كتشوف قدامها راجل نحيف جدا ببشرة مايلة للاصفر بدون حواجب وبدون شعر ومتغير تماما .. حل عينيه فيها تصدم وقال بهية!!
قربات حتى عندو ويدها على فمها والدموع محجرة فعينيها قالت ليه
جاان!!!
خرجات الممرضة خلاتهم بجوج وحانت ساعة الحقيقة المرة .. كان جان مجرد هيكل عضمي فمو رجع كيبان كبير وعينيه زورق كبار ونيفو وودنيه.. تبدل كأنه ماشي هوا .. الصحة مشات بقات منو غير السمية .. جلسات جنبو وشدات فيديه مخلوعة ماقدراتش تهضر .
ضحك ولعب وسهرات كل ليلة مع الاصحاب داخل الفيلا وخارج الفيلا نساو فيها كل الهموم ومامرو بيه من ازمات .
لهو طول الوقت ومن نشاط لنشاط حتى قربات العطلة تسالي وقررو الاصدقاء يرجعو لبلدهم يكملو دراستهم .. وكل واحد رجع يجهز نفسه لبداية فصل جديد من السنة الدراسية و اول حاجة رجعو ليها هي الاختبار اللي عندهم واللي غيبداو بيه فأول يوم عندهم .
بعد غياب على الدار اللي كيرجع ليها من الليل لليل وشي مرات مكيرجعش رجع اخر ليلة فتح الباب وبحال العادة الحس مقطوع .. خل لبيتو سكران حيد حوايجو بزز ومشا لبلاصتو نعس
الصباح صبح اتصال رقم غير معروف..هز راسو بزز جاوب وعينيه مسدودين
تميم: الو؟؟وي؟
جاد: الى ماكنتيش باغي تلاقاني حتى انا بحالك واكثر ومستاعد نكتب عليك اللي بغيت
ضحك تميم بسخرية وقال: نتا هادا..عيطتي فوقتك .
جادءي مع الربعة غنكون فالدار. الى بغيتي تجي.. الى مابغيتيش تجي نجي انا ماعنديش مشكل المهم نفاريوها مع هاد الاختبار
تميم: سيفط ليا لوكاليزاسيون
جاد: فالطريق
قطع عليه وفالحال وصلاتو ..شاف فيها تميم بتمعن وناض نفض راسو وقال
جا وقتك تخلص على كاع داكشي اللي درتي ..والى كانت عندك يد فديك الدخلة للحبس غنقطعها لك
مشا للدوش دوش ومسح ولبس حوايجو وخرج مالقا حتى واحد فالدار ..تنفس بارتياح فاش لقا راسو بوحدو ويقدر يتخرك على راحتى ومشا دخل ابيت مدام بهية كيقلب فالمجورة ديالها وبين الملفات حتى طاح على الملف ديالو دالقضية الفاتيك وحلو كيقلب وسطو لقا اليوسبي علاش كيقلب وخداها ورجع لبيتو جلس وحط الحاسوب قدامو وصحصح ليه مزيان ..دخل ديك اليوسبي وجبد الفيديو ديالو اللي ضرب فيه دوك الجوج شفارت..زوما عليهم مزيان وهما مخبيين فالقب وبدا كيحاول يشوف الوجه مابانش ليه .. حاول وماخلا حتى طريقة فالاخير حول لفيدييو من لحاسوب لتيليفون وجلس مقابلهم داك الصباح غير هما . شداتهم الكامرة من القدام لانهم جاو تميم من اللور وتميم كان واقف قدام باب بيان لاكن مع الليل والقب بانت الصورة مضببة .. دخل كيقلب على برنامج يصحح الصورة والفيديو وجرب عدة يرامج حتى طاح فواحد وضح ليه الفيديو مزيان ووضح ليه الملامح .. خدا سكرينات للشفار الثاني اللي هرب وزوما على وجهه تعرف عليه وحرك راسو كيتحلف فيه .. دخل للصفحات اللي نشرات على عائلة الهالك رجع لديك الضجة اللي ناضت عليه وبدا كيقلب ويجبد فالملفات حتى طاح على العنوان والحي وناض نزل هوال على خزيت .
مشا خدا سيارة الشيفور اللي كيتسخر بيها ركب فيها باش ميلفتش الانضار وتاجه للحي ديال الهالك .
غير وصل لداك الحي جبد تيليفونو فين جامع كاع المعلومات
ونزل لايح القب على راسو دخل لداك الحي الشعبي كيقلب على الدار . لقا شي براهش مجمعين تما سولهم على الشخص اللي كيسول عليه ولاح لواحد واحد خمسين درهم وقال
شدها الولد دالحومة كمشها ومشا كيجري لوحدة من دوك البيوت المهمشة بدا يدق حتى خرج اخ الهالك اللي سبق وبان فالتلفازة مضهشر بالنعاس حال عين وساد عين كان غيسرفقها مع هاداك اللي كيدق عليه لاكن الولد بسرعة قال
احمد: كخخخ وااايلي.. تا راه كن ما شراب كوراه ..ماعرفت وصافي
قلب تميم الطريق داه لوحدة من الحانات ديال الشراب اللي فالمدينة ووقف صف السيارة ودخلو ليها كانت خاوية غير هما اللي مصبحين على الشراب اما السكايرية كلهم صابحين ناعسين.
جاس فالكونطوار وجلسو حداه وقاليه
هانتا غتشرب وغتكمي يالاه
احمد: على الريق؟
تميم: وغتاكل
طلب ليه ماكلة والشراب اللي بغا حطو ليه الوجبة قدامو وعطاوه بكية دالكارو جديدة حلو ليه عينيه وبدا مقالش بسم الله
جبد تميم مليون من جيبو مجموعة بسمطة حطها قدامو وقال
يالاه دوي
شاف فيها احمد وتحلو عينيه بانت ليه كلها طرف وحد داحشيش وبدا يعاود ويهضر جبد اللي كاين واللي مخبي وحتى اللي حاس بيه .
عرف تميم داكشي اللي باغي يعرف ونزل على الكرسي خرج خلاه تما كيشرب ومشا فاتجاه سيارتو ركب ومشا نيشان للعنوان ديال
جاد لقا راسو قدام غيلا فحي الفيلات
صونا جوج مرات فتحات ليه خدامة الباب وكان شاعل نار شاف فيها شوفات ماشي عاديات .. سولها على جاد خبراتو انه لداخل فالفيلا وسمحات ليه دخل ومشات طلعات تكلم ليه جاد
نزل جاد مستغرب كيضحك فيدو واحد الكاس قاليه من الدروج
اوووه ههه جيتي بكري ابرو
نقض عليه تميم فقلب دارو شدو تكرفس عليه بالعصا بلا مايقوليه حتى علاش. الخدامة تخلعات مشات كتجري هزات تيليفون كتعلم في حين جاد كيتلاح من قنت لقنت وتميم تابعو كيرمي فيه من حيط لحيط..من باب لباب من طاولة لطاولة وكامل دمايات.. تعدا عليه بكل ماتحمل الكلمة من معنى خلا دمو كيسيل وسخفان ماقادرش يطلع النفس ولا يوقف على رجليه.. جر ليه تميم بغضب سروالو حيدو وقطع ليه حوايجو وعراه كامل خلاه بلا حوايج وكمل عليه بالعصا مزيان حتى مابقا فيه ميتجمع وختمها جبد تيليفونو صورو بديك الحالة عريان . انتهى من التصوير الفيديو ومشا خنقو بيديه حتى شاف الموت وقاليه
هادا شوية من داكشي اللي مزال غندير ليك… وشوية قدام داكشي اللي درتي لي نتا .
خلاه مرمي فقلب الفيلا وخرج كينهج بغا يفتح باب سيارتو يالاه وقفات سيارة مرسيديس قدامو شدات الفران ونزل منها راجل طويل عامر بكوستيم مخلوع شاف تميم حوايجو مطبعين بالدم .. حقق فعينيه مزيان وحتى تميم حقق فيه مزيان بحقد وركب ودخل الراجل كيجري للفيلا لقا الخدامة مقنتة كترعد وتبكي ويديها على فمها كتفتف وتردد..
السي كمال..السي كمالللل.. جج ججاد
دخل السي كمال كيجري لقا ولدو فالارض عريان مقادرش يهز الراس والفيلا مقلوبة كلها مهرسة.. كلها مشتتة.. طاح على ركبتو مصدوم كيشوف فولدر ماقدرش يشوفو فديك الحالة والروح باغا طلع ..بكا بزز منو ومن خاطرو ويديه كيترعدو وجاب ليه الاسعاف فالحال وغطاه قبل ميهزوه ومشا معاه فالاسعاف اللي هزاتو حتى للكلينيك ودخلوه للمستعجلات في حالة حرجة
انتقام شنيع جسديا. برد القلب لتميم خلاه فالكلينيك مجبد مابداش الفصل الدراسي بحال جميع الطلبة من اللول .
تفتحو ابواب الجامعة والطلاب دخلو والكل مستعد لبداية فصل جديد . ابناء الاغنياء والاثرياء كلشي داخل بسيارة جديدة ملابس جديدة وفصل الربيع على الابواب كلشي فاتح الفيستات كلشي بدا يعري الصدر والدراري بالقاميجات والشميسة ساطعة وريحة الوبيع بدات كتفوح .
وصلات لجين بسيارتها الحمراء الفيراري لابسة بوت عالي كحل وميني فالبني من توب الثعبان وقميجة من الحرير فالخزي باردة وصدرها كيبان .. دخلات لابسة النضاضر وموراها وصل جهاد سايق سيارة رياضية من بيضاء فخمة نزل لابس شميز بيضاء والصدر مفتوح والدجين والنضارات بنية
تلفت شاف تميم جاي فسيارتو الجديدة الزرقاء وضحك كيتسناه ..نزل تميم لابس تيشورط بالكول مطوي نص كم من لاكوسط فبلو سييل ودجين وحداء رياضي ابيض ونضارات بني فتح من الشمس .. تصافح هوا وياه وضحك بالجنب خرج لسانو وشار بعينيه جهة السيارة وقال
بالصحة .
جهاد: عجباتك
تميم: وااعرة.. جات معاك
جهاد: كادو دالواليد.
دخلو كيهضرو وجبدو حس الاختبار وقال جهاد
جهاد: مادرت تا ورة
تميم: حتى انا .
جهاد: شنو غنديرو دابا؟
مشات نسرين كتجري عند تميم وضحك هادة كتاب فيدها وقفات قدامهم وقالت
هاااي.. تميم ..جهاد
حيد تميم نضاضر كيشوف فيها وقال
نسرين!
مدات ليه الدفتر وقالت: هاك
شدو حلو كيشرف شنو فيه وقال:شنو هادا ؟
نسرين: هادا تحليل الشخصية.. ديالي.. انا عرفتك مريتي من ضروف صعيبة فهاد العطلة ..ومابقاش ليك الوقت باش تحلل شخصيتي.. انا خرجت ليك هاد الدفتر فيه اي حاجة كتعلق بشخصيتي انا بالصور والتسجيلات وحتى الوصف والتحليلات
تفاجأ بقا كيشوف فداك الدفتر وسدوز وضحك شاف فجهاد وشاف فيها حتى هي وقال
شكرا بزاف نسرين..ماتوقعتش منك هادشي
نسرين: ماشي مشكل.. لاشكرا على واجب.. كي بقيتي من داكشي اللي دوزتي
حط تميم الكاس بيرودة وقال: رديت ليه غير شوية من داكشي اللي كيتسالني
السمين: حتى انا .. تصدمت فاش مشيت نحط شكوى ضد بيان فالادارة على قبل الاختبار قالو لي مابقاتش هنا وتحولات تكمل قرايتها فالخاريج
ضربة قلب موجعة كالسهم اذ اخترق صدره وكالنار اذ اشتعلت في جسمه ..
وقف تميم وحط يدو على صدره كأن تعرض لقلب اللي نهض فجأة وبغا يهرب من بلاصتو. تصدم كيشوف فسمير وهبط يدو تلقائيا والكل مصدوم معاه ووقفو فجأة بقا شي كيشوف فشي
باهتمام مفرط ونضرات الصدمة مع الدهشة مع الرفض التام لشنو سمعو ودنيه وقال بصعوبة فالاستعاب
شنو ؟؟ عاود اشنو قلتي؟؟
جهاد: كيفاش تحولات اش كيخربق هادا
هز تميم يدو وسد عينيه كيحاول يركز ويسكت كلشي باش يتوعبها مزيان .. وعاود طرح نفس السؤال لسمير
سمير بتدمر وحزن: انا مشيت لادارة نقدم شكوى.. قالو لي بيان مابقاتش غتكمل فهاد الجامعة وحولات الملف ديالها من هاد الجامعة لجامعة اخرى فالخارج
جهاد: واش نتا مستوعب اشنو كتقول اسمير ؟!! متأكد؟
سلمى: اويييلي!! اوييلي صافي مشاات!! فيين مشات مغنعاودش ترجع كاع
جلس تميم بفشل ونفس النهضة حس بيها فقلبو وحط يدو كيشوف قدامو تجمع النفس كأنه بغا يتكرع لاكن ماشي تكريعة هادي.. بقا مصدوم شحال وناض غفلهم مشا للادارة مباشرة كيشوف قدامو وحتى حاجة ماكتبان ليه من غير باب الادارة ..دق فالباب ودخل كيتسائل بهدوء على صحة الخبر اللي سمع وتأكد بنفسو لاكن حتى واحد ماعطاه المكان اللي تحولات ليه ولا حتى لمح ليه خوفا من هروب الطلبة كلهم لنفس الجامعة . حاول لاكن من بين القوانين دالجامعة عدم الاعلان على اي جامعة اخرى فقلب جامعتهم باش حتى طالب ميفكر يلتاحق بيها نهائيا
خرج من تما والافكار كتتحول من مكان لمكان فدماغو والاحداث كتعاود والصور كتكرر حتى لقا راسو فسيارتو جالس كيشوف قدامو مافاهم ماعارف حتى شنو واقع ليه.. علاش هاد الدوخة وهاد التلفة وهاد الاحساس والألم اللي حس بيه فجأة وهاد الوخز فقلبو بحال الابر .. عدم تقبل الامر وعدم الرضى النفسي والفشل البدني احاسيس يصعب وصفها .. فجأة بدا يتدكر الحوار ديالو معاها تدريجيا وبدا الندم اللي كان ناقصو فجأة كياكل فيه .
خرج من الجامعة مشا اتاجه مباشرة للدار وغير دخل لقا مدام بهية جالسة وجهها شاحب متعبة وقدامها ملف .. ماتفاجأش بقدر ما بقات المفاجأة اللولة مأثرة عليه ومشا باش يتاجه لبيتو لاكن عيطات ليه مدام بهية وقفاتو وهزات الملف مشات عندو ابتاسمت ابتسامة حزينة وقالت
تميم…
رد بتعب: باغي نبقا بوحدي.. عفاك
شد ليها فيدها حتى هوا بتعب وهبط راسو سل يديه بهدوء مشا سد عليه خلاها واقفة متبعة ليه العين وفيدها ملف شافت فيه وفتحاتو تنهدات كتشوف فيه وتتذكر
فلاش باك
جان بتعب : بهية…انا حولت الثروة ديالي كلها لولدنا تميم.. كلشي فهاد الملف.. قانونيا..
جان: انا مابغيتش نعيشكم الحزن .. وكنحس براسي قريب غادي نمشي… ومابغيتكش نتي وولدنا تعانيو من بعدي ..انا عندي عائلة كبيرة مقاطعهم بسبب التبني ديالي لتميم.. كولشي رافض الفكرة .. على هادشي انا عطيت كل املاكي ..وثروتي قانونيا لولدي.. وكولشي فهاد الملف..هاكا نكون حميتكم من عائلتي ..تميم كان ولدي الحقيقي وغيبقى ولدي الحقيقي فالحياة وحتى فالممات وهوا وريثي الوحيد بسيف على كلشي
إغفر يا تميم الجزء العاشر
محتوى القصة
فين ما كانت عندو شي قوة جمعها لاخر ساعة شاف راسو يقدر يدوزها من عمرو .. وبقا كيبان ليه يا يقتل … يا يموت.. ومادوزش عليه داكشي اللي مضمرين ليه الحباسا.
تقاتلو معاه وتقاتل معاهم هما كيجرو وهوا كيجر باغي غير يوقف كيطيحوه قبل ماهز راس ..عينيه حومر كيبكيو بلابزار كيشوف غير الضباب والضو طافي كيتسمع غير صوت .. .. البيت تقلب وتقاتل حس بواحد كيجر ليه البوكسر ..جات يدو على يد اللي كيجرو وجرو طيحو قدامو لوا ليه الكيت مضوبل على عنقو قجو وشدو بين رجليه فالارض وكولشي كيضرب فيه وهوا صابر خانق هاداك اللي بين يديه حتى طاح مابقاش كيتحرك .
الروح طاحت
الحباسا حسابهم الكابران اللول دالبيت سخف ..كملو على ما بداو ودارو اللي فجهدهم وتميم دار اللي فجدو يوقف..
عاونو جسدو العاري بالرغم من تلقي الضربات لاكن ناض وقف اخيرا على رجلو وشد اس واحد قدامو طواه عطاه بركبتو للكرش طيحو والثاني خشاه فالحيط والثالت هبط عليه بالطبلة طيحو وبغا يهبط عليه مرة اخرى وتصدته تميم برجلو لاحو وناض كيحك عينيه ويكحب وكله دمايات ماحاسش بالضربات مع الدم سخون بغا غير يفيق ويتنفس.. هز قرعة دالماء شلل نيفو وبدا كيضرب فالباب بالجهد بغا يفرعو عاد جاو الموضفة كيجريو حلو ودخلو عرام بيهم شعلو الضو ولقاو كارتة فالبيت.. الحالة ماهي حالة واخا متعودين على ماكتر .
تدخلو كل واحد فين منشور .. الحباسا منشورين واحد شاد كرشو تزوا لاخر جبهتو تحلات واحد طاحو ليه سنانو وواحد مجبد فالارض بلا روح وكلشي مشقلب والاخير اللي هوا تميم جالس مع واحد الحيط مدمي كيكحب حتى تقيا .
دوروهم الموضفة اللي هما العساكرية تما ومسمينهم الموضفة بالاسئلة .. وصلوها للمدير جا شاف داكشي بقاو شكون قتل شكون ماقتلش الحباسا شهدو فتميم كاملين هوا اللي قتل هوا تعدا هوا دار كولشي والموضفة شهدو واخا ماحضروش باللي ماشي هوا وفاراوها تما .. شكون قتل ؟ الحباسا؟ شكون نوضها ؟ الحباسا؟ شكون غياكل العصا؟ الحباسا
خرجوهم دارهم لواحد البيت تما شدوهم واحد بواحد قتلوهم عصا مزيان كملو عليهم وخرجو تميم من تما غادي كيرد حتى لعند الطبيب.. اش وقع ليه مالو ؟ ياكما تعداو عليه؟ لا .. فين تضربتي؟ واش غير مجروح ؟. غير مجروح . تكيوه هنا .. هاهوا تجبد .. اراك للخياطة
بنج بنج بنج. دوز عليه الطبيب غرز ليه سد ليه لحمو عطاوه ما غسل نيفو غسل صدرو مابقاش كيرد قدر يحل عينيه كي الناس ويشوف فاللي قدامو عاد تكا وحل عينيه فالسقف كيلهت عرف بقيمة الرياضة اللي كيدير والفنون القتالية اللي علمو باه وعلاش علمو وعلاش كان كيضغط عليه يتعلم . عرف بحق الصحة وحق القوة وحق العضلة فاش كتقصاح وتغطي على الغضم كتهز الدقة وتكمل عادي
كولشي وقع فالحبس وكولشي بقا فالحبس وكولشي تسالا فالحبس. وتقلبات صفحة جديدة وشرقات الشمس يعد ليلة كحلة.. اسوء ليلة فحياة تميم.. داز عليه الويل نهار الاختطاف لاكن ماشي اكثر من هاد الليلة المشؤومة .. خوفها كان كبير اثر على نفسية تميم وعلى عقلو وتفكيرو وماقدرش يدوزها وينسا كأن شيئا لم يكن .. دازت سالمة لاكن فعقل تميم مزال مادازت.. لزم الصمت وعقلو وتفكيرو كله كيألف ويعاود عكس داكشي اللي وقع تماما . وصل لحافة عمرو توقعها ولا فكر فيها ولا كانت ليه فالنواية.. حتى داك البيت كره يرجع ليه ولا يشم ريحتو ولا يشوفو حتى كي داير.. خلا كولشي تما باللي فيه ومابغا حتى حاجة تفكرو فشنو عاش. اعادة الاحداث كتخنقو وكتنوض ليه قلبو وأعصابو وكل مشاعره . صراع نفسي بكتر ماهوا داتي .. والصعب انه كيصارع ينسى وماقادرش ينسى..كل لحضة كل احساس كل لمسة يد كل ضربة كل مقاومة كلشي بالتفصيل. حتى الجرج اللي على جسده كان ميت ماحسش بيه
خلاوه على واحد البياص متكي ساد عينيه كيتخايل حتى وصلات وقيتو .. خرجوه داوه للمحكمة وكانت جلسة خاصة بعيد على قوة الناس فيها اسماء فوق رؤوس الاصابع. مو غير شافتو فديك الحالة جاها اغماء وماحضارتش للجلسة اما فاش فاقت وشافتو خارج عندها على رجليه وطالع برائة عاد رجعات ليها الروح وخرجاتو من تما نيشان للكلينيك ذخلوه عاودو ليه كاع ديك الخياطة اللي دارو ليه فالحبس بخياطة تجميلية وردوه اخيرا للدار
كلشي كيعنق كولشي فرحان مو خالو عائلتو كلها منهم جداتو وخالتو بنت خالتو سلمى اللولة والكل كان في انتضارو دارت ليه جداه طقوس الهروج من الحبس فالباب قبل ميزيد عاد دخل . ماهضر مانطق حتى من صحابو كلهم كانو حاضرين الا بيان وسلمى اما حتى لجين كانت فالباب دالعمارة حتى هي كتسناه .
هبط راسو شاد جنبو ودخل لفواشو تكى ومابغا لايتكلم لا يهضر لا يسمع . حطات ليه مو حوايج جداد وكانت باغا تعاونو ورفض . سدات عليه الباب خلاتو بوحدو ومشا وقف قدام المرايا شاف راسو مزيان وشاف فيديه والضربات المغطية بالفاصمات وصبرو راسو وقال
على الاقل حسن من حوايج اخرين .
بالنسبة ليه داكشي اللي عاش اكثر من القتل واكتر حتى من الانتحار . فكل مرة يتفكر كيفكر فالانتحار مباشرة ويقول مع راسو
لو وقع داكشي اللي كانو ناويين ليه عليه لا تبعو بشي انتحار مايفكر موراه حتى دقيقة . لاكن هادي تزادت فالراس .
دخل للدوش طلق الرشاشة وحط راسو على واحد الحيط قدامو سد عينيه وبقا تحت الماء دافي كيضرب من كل جهة غسل القرف وغسل الساعات والريحة وكل حاجة متعلقة بداك المستنقع اللي كان فيه.. اللي واخا يفرشوه بالذهب ويصبغوه بالورد كيبقا مستنقع
خرج من داك الحمام طايب بالحرارة اللي نزلات عليه ونضيف كما كيعرف راسو .. ريحة نقية سنان نقيي كلشي نقي وراحة نفسية نوعا ما كن مور داك الحمام
لبس سروال وبدل الفاصمة وودنو كتسمع الهضرة برا كلشي كيهضر كلشي مزال جالس
مشا لفراشو النضيف الناعم والرايح المريحة واستلقى على ضهرو ساهي فالسقف حتى نعس
مالو شنو وقع ليه علاش تضرب علاش ماتضربش؟ حتى واحد ماعرف. سولات مدام بهية المدير دالسجن فتيليفون بغات تعرف لاكن مسح السما بليكة كذام امها ماعرفاتش من ولدها فمن الاحسن متعرفش تفاديا لسين وجيم واخا بغات طرطق وتعرف علاش وصل لديك الحالة وشكون سبابو وشنو مخليين عليها .
حتى واحد ماعطاها خبار وجلسات كمداتها وسكتات ورجعات ابتسمت مللي تفكرات ولدها حداها و جنبها
كلشي كيهضر كولشي كيلغي بلغاه. صحابو كانو متوقعين يخرج يعنقنهم يشوفوه يجلسو معاه لاكن وقع العكس.. خلاو على خاطرو وخرجو وبقات العائلة جالسة فقلب الدار فرحانين بخروجو
الجدة: ايوا هنييية عليك ابهية .. ولاهيلا هنيييية اللي خرج ليك سالم غانم الحمد لله عليها نعمة
بهية: الحمد لله
رن تيليفونها ناضت خرجات للشرفة ردات وكان جان. اللي كيسول على تميم ..لقا بهية مفكوعة عليه وخلاتو جنب مافكراتش فيه همها ولدها يخرج ودابا مللي خرج حيدات تميم وحطات جان بلاصتو وفتحات ليه الخط جاوباتو ببرودة مطلقة وقالت
جان … خرج .. مزيان.. ماكاين حتى مشكل.. كوولشي مزيان.. وحياتنا غتستامر … المهم دابا هوا خرج
ابتاسمات ببرودة وقطعات معاه تأملات فالوداية اللي قدامها مطولا وقالت
غير تسنا.. نطمن على ولدي وهانا معاك
بعد نهار طويل داز عندهم فالدار اطول نهار ناض الخال باس راس مو وقال
الواليدة.. الحمد لله على سلامتنا دابا غادي نمشي
بهية: جلس غير حتى يفيق تميم ..
الخال: خليه يرتاح خاصو الراحة براكة غير هاد الثلت ايام اللي دارت لينا بحال تلت سنين.. مزال الايام جايا وارا منهضرو
ناضت الخالة حتى هي بغات تمشي لاكن بنتها سلمى شداتها من يدها ترجاتها يبقاو غير نهار اخر على الاقل ولبات ليها الدعوة اما الجدة بغات تبقا مع بهية وترتاح ليها شي يامات فالرباط وتبدل الجو عاد ديك الساعة الى بغاو يديوها يديوها
واحد سلمى لو مافكاتهاش الهام من يدين سميرة لا كانت طحناتها ورداتها كفتة على الليلة اللي باتت برا وقطعات عليهم تيليفون . دوزاتها من عين الابرة وكملات ليها الجدة بالنكير وفاراوها بالنكد . تنكدات عليهم فديك الدار لاكن تفاجات على الهام فاش سمعات منها بأن ولدها خرج من الحبس برائة
ايام كحلة دازت وحرب قامت وبردات وبدات الاوضاع كتستاقر . وبدات بهية كتوجد لولدها ماكلتو بيدها بكل حب وسرور بالمساعدة ديال سلمى معاها فالمطبخ
اشهى طعام واصناف بحرية من محار وبلح البحر وكافيار واخطبوط وكركند و كراب ربزاف دالانواع جهزاتهم بيدها فطبق لذيذ مع كوكتيل لذيذ من العصائر اللي كيبغي .
دخلات البلاطو لبيتو فرحانة بيه حطاتو ليه على الطبلة وموراها سلمى حطات العصير
فاق من صوت حركاتهم وناض بتعب مهدود شاف داكشي اللي حطو وقرب ليه كان واقف عليه يرجع طاقتو
مسحات بهية على كتفو وقالت ليه
بالصحة كول مزيان انا وجدتو ليك بيديا .
تبسمات سلمى وقالت : انا غنبقا معاه اطاطا
جلسات على كرسي قدامو وخرجات بهية ردات الباب وخلاتو مع سلمى اللي كانت كتشوف فيه بأسى وقالت
على سلامتك .شطنتينا عليك
هز عينو شاف فيها وقال : شكرا ااا.. ماا هه ماعقلتش على سمتك
سلمى: سلمى
بالرغم على نساها
تبسمات سلمى بنت خالتو وقالت كتشوف فيه وهوا كياكل قدامها
نجيب ليك الماء؟؟ بلاتي نجيب ليك الماء
ناضت بسرعة خرجات متحمسة عند مدام بهية قائلة
طاطا بغا الماء
شارت ليها بهية صبعها ومشات هزات بلاطو صغير دخلاتو ليه حطاتو وجلسات كتشوف فيه مبسمة .. شاف فنضراتها وابتسامتها وقال
هانيا؟؟
ضحكات بخجل وقال: كي بقيتي؟؟ رتاحيتي شوية
شرب الماء وناض وقف كيهضر معاها بغا يهز البلاطو وحيداتو ليه من يديه قائلة
خليه انا نهزو .. غير رتاح راك عيان
تميم: لالا ماشي مشكل انا نخرجو
خرجو راسو حطو وافتو جداتو خارج وقالت
وليييدي.. على سلامتك اوليدي رتاحيتي شويوشش
تميم: الحمد لله اميمة
حلات يديها عيطات ليه قائلة
اجي ولدي عندي اجي عند مك لاللاك
مشا كيضحك هبط لمتسواها عنقها وشداتو كتبوسو وترضي عليه وبهية كتشوف فيه بحب وافتخار وختها حداها كتردد بابتسامة
كلشي غيبقا تعاويد ان شاء الله ماتبقاش تعاود.. الله يبعد عليه ولاد الحرام
الجدة : تبعوه بالعين .. وليدي كيجيب العين الله يحفضو وينجيه
بيهة: اميين اماما
رجع مشا لبيتو سد عليه وجبد حواجيو بدا وخرج مفركس والروايح والعطور كتفوح .. وقفات سلمى شافتو خارج وقالت: تميم ؟ غتخرج
تلفتات بهية عندو وقالت نايضة: فين غادي؟؟ جلس ترتاح !!
تميم: غنخرج ..
الجدة: خرج اوليدي خرج .. خرج شوف الدنيا الله يرضي عليك
شار بيدو خرج وسد الباب وخلاهم جالسين وبهية كتشطح برجلها
بهية: باقي عيان وخرج
اختها: يكون توحش صحابو
بهية: عاد كانو هنا معاه ..اه ويلي ويلي ويلي مافراسوش طموبيلتو ديتها لفاس..
ناضت يالاه بغات تبعو رجع فتح الباب لقاها قدامو وقال
سوارت طموبيل
بهية: نسيت ماقلت ليك .. ديتها لفاس.. يوصلك سعيد فين غادي
تميم: صافي غنمشي فطاكسي عطيني الصرف
شافت بهية فجنابها يمين وشمال وهزات عينها فالساعة كانت الربعة دالعشية وقالت
بلاتي بلاتي .. ديك الطموبيل منحوسة .. تسناني انا جايا
رجعات كتجري هزات صاكها والمونطو فيدها وشارت ليهم قائلة
انا غنمشي نقضي شي غرض ونرجع
سلمى: نمشي ماعاك اطاطا؟
بهية: يالاه زيدي.. يالاه بغيتي تمشي يالاه
ناضت سلمى بسرعة هزات صاكها لابسة كسوة دافية قصيرة بنية ولبوط و خرجات
مع بهية عند تميم اللي شافهم جايين عمدو لتحت وبقا كيتسائل بعينيه .. شارت ليه مو لسيارتها قائلة
طلع ..
تميم: فين غنطلع؟
بهية: طلع وغتعرف..ماتكونش معكس غير طلع
طلع جنبها فسيارتها الفاخرة وسلمى ركبات اللور وساقت مدام بهية والنضارات فعينيها وهوا جنبها كيتسائل
فين غاديين؟
ردت كتشوف فتيليفون
غتعرف غير تسنا ..متكونش زربان
ردت فتيليفون : ماشيغيي..معاك مدام بهية بن موسى البيستي.. انا فطريقي عندك الى كنتي فلأوتو هاوس؟.. مكايناش ؟ ااه داكوغ نتلاقاك تما … ترحب بيك الجنة كبيدة ديالي مع السلامة
قطعات وداتو لأفخم دار للسيارات الفاخرة فالمدينة ودخلات بسيارتها وقفات قدام بابها الزجاجي الكبير وهوا كيشوف بعينيه من النافدة وتلفت عمدها جاتو الضحكة ونزل فرحان عاض شافاهه سبقها كيشوف ويديه فجيابو داخل لاوتو هاوس .. طابيات فالاحمر والفخامة والمرايا واللمعان فكل مكان واصناف السيارات الفاجرة بجميع الالوان . كانت قدامو على المنصة بين جوج وايات كبار مغربية افخم سيارة دخلات حديثة معروضة للبيع باللون الازرق مايل لبلو سييل لامعة من نوع. "برايوس" جديو اللون عندها ومشا كيدور بيها وزاد جديو اللون الداخلي البيج فاتح والذهبي مع شوية دال
ضرب دورة على ديك البرابوس وهز عينيه كيشوف السيارات وبهية موراه داخلة من بعد ما صفات سيارتها كضحك فرحانة شافتو مهبط راسو وجالس القفرفصاء حدا جوانط ديال واحد الفيراري مجبدة بيضاء كيشوف فيها وقالت
شوف اللي عجبك اولدي
مشات جلسات قدام واحد البيرو فخم مقابل مع دوك السيارات الفخمة ودارت رجل على رجل كتشوف فالساعة وسلمى كدور من سيارة لسيارة وضحك معاه
سلمى: هادي هادي… كتحمممق
رد بالنفي: تتأ..كانت عندي
سلمى:وهادي!! غزاالة
رد بالنفي كيضحك مابغاش يصدع راسو معاها فالشرح ومشا كيقلب على اللي تناسبو حتى داخلات صاحبة الاتو هاوس مشات عند مدام بهية شلمات عليها بحرارة ورحبات بيها ورسلات ليهم على اتاي وحلوة البيت وشافت فتميم وهوا كيقلب بين السيارات و قالت
كي بقيتي شوية
تنهدات بهية وقالت: على ماداز علينا .. عمرو يتنسا .
مدام سناء: ايوا شغنقوليك ان شاء الله ماتعاودش . تبارك الله على ولدك عندو الدرق
مدام بهية: ايوا قلت نساو شوية دالهم ومادزنا منو
ناضت مدام سناء بابتسامة مشات عندو قدام ديك البرابوز الزرقاء وقالت
اخر ماخرج فمرسيديس برابوس .. هانتا دخل نوريك المزايا ديالها.
حلات ليه الباب دخل جلس والسيدة كتمرر صبعها على كل جهاز وتوريه وتشكرها ليه وقال
فايت ليا جربتها فالسياقة عند واحد البنت كنعرفها
وقصد بكلامو بيان اللي عندها بحالها كحلة من برا وغوز من لداخل
السيدة سناء: هادي يالاه خرجات شهر دابا تقريبا زايدة بزاف لافموديل لا فالخاصيات ديالها
تميم: امم.. بصح
ركبات حداه سلمى كتشوف فيها من لداخل وفلمعانها ولونها المريح الراقي البيج مع الذهب مختالفة على اللون الخارجي وقالت
فننة.. كتحمق وعالية
نزل منها شاف سيارة اخرى منبطحة فالارض حتى هي زوينة بجوج ابواب ورجع جلس قدام مدام بهية محتار بين السيارتين وكل واحد كيعطي رأيو والسيدة سناء فرحانة كتشوف فيه وقالت
خليو هوا يختار ..الدراري دوقهم خاص متقدروش توقعوه
شكت كيشوف فالسيارات ومدام بهية كتشوف فيه مبتسمة وقالت
ايوا شنو قررتي
تميم في حيرة: كتعرفتش..بجوج واعرين.. ولاكيننن.. دازو عندي طموبيلات سبور بزاف ..غنبدل ..لبرابوس؟
مدام بهية: هي الصراااحة البرابوس عمرها دازت عندك..اما لخرين واه باقيين عندك فإيطاليا جوج غييير محطوطين بحال هاد الشكل نيت ..والثالتة راها ففاس من بعد الى بغيتي جيبها جيبها..ولاكن بحال البرابوس هاكا عالية ماسبقش ليك دوزتيها ولالا
تميم: داكشي دونك البرابوس
ضارت مدام بهية عند السيدة سناء وقالت
صافي البرابوس..حتى انا عجباتني ولون دراري داكشي اللي كيبغيو..نشوفو تمنها هه
جبدات الكارني دشيك بينما ناض تميم للسيارة حلها من اللور شافها ورجع سدها ومشا ركب فيها وشعل الاضواء لداخل ورجع طفاهم
ونزل تكا على الباب بيدو كتأمل فيها بإعجاب. ناضت مدام بهية وقفات بسعادة عيطات ليه مشا عندها جلس فالكرسي بلاصتها ووقع اوراق السيارة وناضت مدام سناء عند سيارتو الجديدة حيدات
لافتة اسمهم الاشهارية على الماتريكيل وعطاتو باك مفاتيحها الازرق ورجعات اللور باركات ليهم خلاتو يخرجها هوا . طلات منهم تصورو خارج من عندها لاكن رفضات مدام بهية وشدات ليها فيدها برقة قائلة
بلاش اسناء الله يخليك باااركة… بااااركة مكاين لاش راكي عارفة علاش…شكرا بزاف حبيبة
السيدة سناء: تفهمتك ومن حقكم .. بصحتو وراحتو وعقبة لسيارات اخرى ان شاء
خرجها دوبلفي كتشهق واللون كيلفت النضر مع الشارع ومدام بهية موراه غادية .. شار ليها بيدو بغا يمشي وقلب الطريق خلا معاها سلمى ومشا فحالو
فالطريق غادي سايق بيد وكيحل علبة فيها تيليفون جديد بيد خرجو ابيض ولاح العلبة حداه
شعلو بدا يعيط على صحابو بغا يقصر جمعهم كاملين يسهر معاهم فديسكو ودار معاهم الوقت ومشا لباب الفيلا دبيان ووقف
صونا فالباب وحلات ليه خدامة جديدة شولها على بيان ودخل لداخل صادفها فالباب الثانية نازلة لابسة ومقادة والشعر مطلوق والروايح باغا تخرج ، شافتو قدامها ورجعات اللور حطات يدها على فمها مصدومة وطارت عليه عنقاتو بقوة وبادلها نفس العناق هزها من الارض وضار بيها وبالفرحة بقات لاسقاه وقالت
فوقاش خرجتي!!!
تميم: الصباح .. توحشتك ..فين كنتي غادا
رمشات كتمتم وقالت: كنت خارجة قنطت
جرها بدون شابث انذار بعد الشعر على وجهها وباسها على شفاها قبلة ىموراها قبلة اخرى وتبعوها قبلات مخطوفة متسارعة وهي مصدومة مافهماتش معنات هاد القبلات .. تخطف وعنقاتو بيديها
تأملات تعابير وجهه وبادلتو القبل بكل شغف حتى بدا كيطلب أكثر من داكشي لاكن توقفات وحبساتو وقالت
تميم… خاصني نقوليك شي حاجة
هزها وقال: من بعد.. ماشي دابا
بيان: لالا دابا..
قاطعها بقبلة وطلعها للبيت مرة يسمع ليها كلمة مرة يسكتها بالقبلات.
كان مشتاق ماخلاش ليها فرصة حتى تبدا ليه شي موضوع .
فغرفتها نومها عاشرها للموة الثانية وكانت اطول من المرة الاولى بكثير وبأدق التفاصيل وبدون قيود.
مرت ثلاتة ساعات قاطعهم اتصال من جهاد وكان متكي عليها كيهضر معاها فعلاقتو بيها
رد على جهاد اللي كان كيتسناه فالديسكو هوا وصحابو كاكملين ومعاهم سلمى وحتى لجين .ك والكل ناشط وفرحان كيتسناه .
باسها فعنقها وناض من بلاصتو دخل لحمامها وجرها معاه من يدها دخلها وقال
غنمشيو داير مع الدراري صحابي نقصرو هاد الليلة
دخلات معاه في حين كانو الاصدقاء كلهم في حفل خاص وخاص جدا بمناسبة خروج تميم من الحبس. سهرات ابناء الاغنياء وطاولاتهم الخاصة اللتي تفوق مليون السنتيم فالليلة الواحدة .. سطولة الوسط ديال القراعي دالشراب والكيسان والمأكولات فالجناب واللي كيكمي شاعل كارو والبنات باللباس كل وحدة كتبان على الاخرى والدراري بالقمياجات محلولين ها اللي صدرو مزغب ها اللي صدرو ناعم ها اللي لابس سنسلة ها اللي معلق عقيق رقيق وها اللي هاز سيكار فيدو وها اللي شاد كاس. شي كيشطح حنب الطبلة شي كيضحك شي حداه صاحبتو كيبوسها ويهضر معاه. طاولتهم كان فيها الحماس .شوية دخل تميم بقميجة بيضاء محلولة جار معاه بيان لابسة سروال سهرات كيتجبد وواسع من لتحت فيه الوان باردة مندمجة كيبري من افوق كيبين كرشها شوية مشدود بسناسل على الكتاف والهدب من الجناب والشعر مطلوق كضحك . شي فرح شافو جاي وبيان فيدو وشي تصدم بحال لجين ووقف مامتيقش اشنو شافت عينها.. اما بيان غير وصلات تلقاو ليها بالاحضان هي وياه ومع الصخب والموسيقى والاضواء كلشي مشطون كل واحد اش كيدير . جابو ليهم الشامبانيا قدها قداش شدها تميم مخضها مزيان وطرطقها فالسما بحال شي تيو حدا كرشو ترشات فالارجاء وكلشي كيغوت وكلشي كينقز ويصفر ويصور . دخلات بيان بينو وبين جهاد عنقاتهم بجوج وفيدها كاس كتنقز وتشطح . طارت صورة ليهم فالبلاصة انتشرت عبر مواقع التواصل الاجتماعي ليهم وليه هوا خصوصا حداه بيان معنقاه وفيدو الشامبانيا محلولة فالسماء. صورة كلها نشاط وضحك واحتفال قلبات السوشل ميديا عليه من جديد وكل واحد كيلغي بلغاه ويسبو ويعايرو
قاتل روح وخارج. يسكر مع صحابو
مصاحب مع بيان صافي كلشي تفرش
واش هاديك بيان اللي معنقاه؟؟ اذا مصاحب معاها داكشي علاش خرجات كتبكي وتشكي علينا وحنا تيقناها
بيان كطيح عليهم غير هما هاهيا شحال ما بنت مع شي واحد دابا خرجات ليها نيشان
عطيوني غير كاس تشربو فيه السم
هادي هي حياة البرجوا الحقيقية لحرام كيمشي فالحرام
تجمعو غير ولاد لق٠٠٠٠ فلوس الشعب فين كتمشي
السهرة كانت طويلة وكلشي سكر وشاد فراسو بزز. سلات الحفلة وخرج الجميع ..جهاد اللي جر سلمى داها معاه وتميم ركب بيان حداه وصحابو كلهم ركبو سيارة وحدة الا لجين مشات ركبات سيارتها وانفجرات فيها بالبكا بغات تموت من شدة قهرتها عليه والرد اللي عطاها بلا مينتاثه كان قاصي جدا وكان عندها امل يعطيها رد يريها من بعد اخر لقاء ليهم فاش طلب منها شوية دالوقت عاد ياخد قرارو بخصوص علاقتو معاها .
اما هوا كانت كتبان ليه غير بيان والقرعة من بيان للقرعة من القرعة لبيان .شد الطريق فسيارتو الجديدة معاها غادي كيبوس فيها حتى خرجات ليها من فمها بدون شعور وقالت ليه وهي حاطة يدها على وجهو بحنان
تميييم.. انا حاملة
توكض وشد الفران وقف جنب الطريق حتى تهزات بيان من بلاصتها وضار شاف فيها طلعها وهبطها كلها وقال
شنو؟؟ ماسمعتش مزيان
تكات عليها كتلمس وجهه وقبلاتو بشوية وقالت
انا حاملة
تصدم بقا فيلاصتو كيشوف فيها وهي كتجر ليه فمو بالبوسان ماقدرش يستوعب.. بعد وجهه رجع شاف فيها وقال
حاملة؟؟ معامن؟
رجعات اللور تصدمات شافت فيه مخرجة عينيها وقالت
كيفاش معامن!!!
هبط الراج من حداه حل عينيه مزيان وقال بصرامة
دابا قلتي ليا حاملة؟!! كيفاش حاملة؟؟؟ ومعامن؟؟؟
خرجات عينيها مزيان فيه وقالت : معامن!!!! علاش انا كنت كنعس قبل منعرفك؟!!! كيفاش معامن باغي تسوطيني؟؟
تميم بعصبية : نتي اللي غتسوطيني دابا كتقولي ليا حاملة انا داب عاد نعست معاك مزال مضارتش عليها ربعة وعشرين ساعة.. فوقاش حملتي؟؟ ومعامن !!!
قالت بصوتها التقيل الرقيق معصبة: واش غتحمقينييي!! انا كنقول منعستش مع شي واحد من غيرك.. انا حملت منك نتا ..كنت بغيت نقولها ليك الصباح فاش جيتي فاش شفتك دخلتي عندي بديك الطريقة هاكاك توحشتيني حتى انا فيضتي ليا مشاعري..توحشتك ومابغيتش نجبد الموضوع حتى نشبعو من بعضنا
حل عينيه فيها مزيان معجب وقال: نشبعو من بعضناا!!! حتى نشبعو من بعضنا عاااد خرجي ليا عقلي انا قلبي لز٠٠٠٠ مي انا الليلة كلها بهاد الكلمة
هزات كتافها ويديها مصدومة وقالت: اش هاد الاسلوب هادا باش وليتي كتهضر معايا ؟؟ شهاد قلة الاحترام وقلة الاداب؟؟ انا قلت ليك الصراحة !
ضار جهة النافدة تنفس بغا يطرطق ماقدرش يفهمها كيتنتر بوحدو وشاف فيها وقال
قلتي حاملة!! ..فهمناها .. معامن ؟؟؟ هادي اللي باغي نعرف انا !! (كيحسب ليها فصباعو) متقوليش ليا انا .. وماتقوليش ليا حملتي فستة دسوايع هادشييي مابغاش يدخل ليا لعقلي والى كتفلاي غنخليك هنا ونزيد ماتعاوديش تشوفيني .. هاد الضحك هادا مكيعجبنيش.. بلااااا متهربيه ليا فهاد الليلة الخمسة هادي باغي نعس ومابقيتش باغي كاع نمشي معاك للدار باغي نمشي فحالي نعععسس مدوز ليلة كييي زززز…غنبدا نتعصب نقول شي هضرة تصدمك ماتكمليش ليا ابياااان
سكتات كتشوف فيه مصدومة تقلب عليها تقول ماشي تميم اللي كتعرف..واحد اخر لا كلاما لا شكلا لا عصبيتا واخا سبق ليه تعصب ودابز لاكن ماشي نفس المنضر ولا نفس النضرات
النهار كيطلع خفيف على برا فداك الصباح و بعد سكوت مطولا بردات النفس وشافت فيه باحتقار وقالت
انا تصدمت فيك اتميم.. صدمتيني واخا توقعت كاع انواع الرد ماتوقعتش هاد الرد هادا منك بمرا!!
غمض عينيه معصب ورجع قاليها واش غتسطييني!!! واش كتسطاي عليا ابيان!!! عارفة شكتقولي ولا غير كتهضري واش سكرتي ولا مالك!!
بإحباط وقلة حيلة هزات راسها كتشوف فيه مبيوعة بائسة وقالت:
غييير بشوية عليك… انا ماكنتش غنقوليك كاع هادشي..كن ماجيتيش عندي للدار .. بهاديك الطريقة حسيت بيك بصح باغيني.. وبقيتي كتقول لي ديك الهضرة الزوينة وانا كنبغييك.. وانا ماعرفتش كيفاش حتى وليت كنبغيك.. وانا ماقادرش منفكرش فييك.. ونتي كنحس معاك باحساس فشكل..وانا اول مرة نحس هاد الاحساس.. وبلابلا بلا ..تيقتك .. قلت صافي غنقولها ليه.. صدق كولشي غير هضرة غير نزوة ودازت
دور وجهه خرج يدو من السرجم كيغزز سنانو وهي كتعبر ليه بهدوء وتبكي فصمت غزز سنانو وتلفت ليها قال
ماتخلطيش هادي مع هادي.. الى كنتي كتخايلي والشراب لاعب عليك دابا غنوصلك غتنعشي الصباح توكضي غنتفاهمو بالعقل.. دابا انا عقلي مغيستوعبش هادشي
بيان: علاش؟ اشنو اللي خلاك متستوعبش.. ياك شهر قبل من ليوم كنا انا وياك فداركم ..عقلتي؟؟ وانا كنت فييغج..قلتيها لي بفمك ..يعني ماعمرني مارست مع شي واحد من غيرك .. ولقيت راسي حاملة
زادت صدماتو وصار عندها كامل هز رجلو على الكرسي ديالو طواه وقال
حاملة من ديك المرة !! ساعة دازت كتجري حملتيها فيها نتي ماحملو حتى اللي كانو هازين رجليهم ليلة كاملة!! واش باغا تحمقيني ولا حماقيتي ولا مافهمتش
هزات حواجبها فيه مصدومة وقالت
يااك!!! وانا باش غنعرف؟؟ واش انا مولفة؟؟ واش انا اللي خاصني نعرف ولا نتا اللي عندك خبرة ؟؟ ياك عرفتيني فييغج .. والطبيبة قالت لي شهر وعطاتني التاريخ اللي كيدل على هاداك النهار المشؤوم اللي جيت فيه عندك للدار.. ..هاداك النهار فين حملت .. انا ماعرفتش شنو درتي نتا وماكنتيش داير احتياطك اصلا. نسيتي
تميم: ميمكنش.. هادشي متيدخلش للراس.. تحملي من المرة اللولة مستحيل.. ا نتي مسافرة مع جهاد لغد ليه فالصباح وجلستي سيمانة معاه!!! وداخل خارج عمدك للدار وشوفي واش عاقلة ولا معاقلاش ولا كنتي شاربة ولقيتيها مسرحة دوزتي معاه شهر النم فباغي وجايا كتقولي لي حاااملة!!! اهاه؟ كيفاش وفرقاش شهر!! …شوفي ماباغيش نسمع حاملة سيري عند جاد قولي ليه هاد الهضرة.. انا وياك هنا سالينا .
صدمها وديمارا سيارتو خلاها كتشوف وصلها للدار مصدومة ووقف كيشوف قدامو كيتسناها تنزل .. شافت فيه اخر نضرة باحتقار وهزات صاكها نزلات بالزعفة وزاد هوا فالبلاصة كيطير. دخلات كتبكي وتميل حلات ليها الخدامة الباب وشداتها كانت غطيح .. طلعاتها لبيتها بزز باغا تموت وغير دخلات كرهات داك البيت وداك الفراش وبدات كتفكر اللحضات واللقطات وطلعات بصندالتها كتجر وتغوت وتشتت وضرب هنا ولهيه قلبات داك البيت كامل بالغوات والتهراس وفالاخير طاحت فالارض غابت .
الخدامة تخلعات وهزات تيليفون عيطات لمها كترعد وجلسات حداها كتفيقها ..اما تميم كمل طريقو كينهج ويشرب من القرعة حداه وغادي داك الصباح والدنيا خاوية بوحدو كيطير.. طير القرعة من فمو لاحها فالشارع تشتات وهز تيليفون مسح نمرتها ومشا للدار وقف سيارتو ونزل كيميل سكران ..طلع للدار فتح الباب بزز ودخل سدها بالجهد تزدحات .. خرجات بهية كتد بينوارها شافتو كيميل ويسكت الباب بهدوء وشداتو كتهضر بشوية
مدام بهية.: ويلي ويلي ويلي باغي يفضحني.. اوييلي زيد.. زيد بشوية ششششش.. سكت سكت
تميم: ناعس معاها سسساعة..سااعا وحملات!!! كن دابا نعست معاها ثلاتة ساعات!!! واحد جوج ثلاتة!!! حملاتات!!! اااو
ضارت مدام بهية كتشوف وراها واش شي وا حد سمع وداتو للبيت بالزربة لاحتو فوق الناموسية وسدات الباب بدات تحيد ليك سبرديلتو وتقول
سكت… سكووووت اوييلي..سكوت
بدا كيدخل ويخرج فالهضرة دخل ليها الشك ومشات حدا راسو وقالت
اش كتقول؟؟ شنو هادي اللي حاملة
سد عينيه منشور الوسط وقال
بيااااان
حلات مدام بهية عينيها وقالت: شنوووو؟؟؟ اويلي؟؟؟ نعس نعس.نعس هادشي اللي بقا.. الى ماحمقاتك هاد بيان هانا نتا عقل فين قلتها ليك..نعس
غطاتو وخرجات سدات الباب خلاتو ومشات كتردد
ولاهيلا.. هادشي اللي بقا ناقص
وصلات مدام سارة داك الصباح للدار كتجري ىكان جنبها حبيب القلب جاي معاها ودخلو كيجريو للدار.. دخلات للبيت لقاتو كامل مهرس.. حتى حاجة مابقات صحيحة فيه وبيان فالارض . هزوها بسرعة للمستشفى دخلوها
وبقاو برا كيتسناوها .
خرج الطبيب عند مادام بهية تأسف وقال
مدام بن موسى .. مع الاسف بنتك كانت حاملة.. وخسرات الجنين..والشراب كيسخن وبنتك شربات بزاف الانهيار العصبي .. هاذو اسباب كافية للاجهاض
غمضات مدام سارة عينيها وقالت : المهم بنتي لاباس عليها؟ حالتها كي بقات؟
الطبيب: الحالة مستقرة.. تقدرو تشوفوها
ضارت مدام سارة عند حبيبها وقالت
خليك من الاحسن ندخل بوحدي ..
شدات فيدو بصبر ودخلات عند بيان لقاتها مسطحة على ضهرها سخفانة وغير وقفات عليها مدام سارة شدات فيدها وقالت
مابغيتش نبقا هنا اماما … مابغيتش نبقا بغيت نرجع لسويسرا
شدات مدام سارة فيدها بصبر وقالت: غير بشوية عليك..بشوية وغيكون غير داكشي اللي طلبتيه
بيان : انا بغيت نمشي من هنا .. خرجيني ..خرجيني
تنهدات مدام سارة وباست راسها وقالت: احسن حاجة تهنيتي من داك الحمل.. احسن حاجة
دورات بيان راسها وقالت: مابغيت نسمع حتى حاجة .. بغيت نخرج من هنا دابا
مشات مدام سارة استشرات مع الطبيب وخرجات بنتها من المست شفى داتها لشقة وحدة اخرى غير الفيلا بطلب منها نعساتها فبيت جديد خلاتها ترتاح وقررات ترسلها لسويسرا تكمل قرايتها تما
بدون تفكير او تردد.. خرجات مكسورة من المستشفى فقمة ضعفها رفضات توجع للفيلا بصفة نهائية. داتها مدام سارة لشقة اخرى خلاتها ترتاح تما وحزمات ليها امتعتها وشنطها وكل ما كيتعلق بيها وقررات تسفرها لسويسرا .
كان سفر عاجل لبسات فيه بيان ملابس سوداء كتعبر على مدى حزنها وانكسارها وفشلها فأول حب فحياتها . فضلات البعد على مدلة الحب .نزلات جامعة شعرها ولابسة نضارات كبار سوداء طلعات مع امها فالسيارة وحمل ليها الشيفور امتعتها كلها فالكوفر واتجهات لطيارتهم الخاصة اللي كانت في انتضارها للإقلاع. طلعات شادة المونطو على صدرها وجلسات على كرسي كبير جنب النافذة وهبطات نضاراتها بحزن والدمعة نازلة على خدها ..مسحاتها وحيداتها المونطو حطاتو حداها وبقات بالبودي من دونتيل كامل اسود من لتحت وطلقات شعرها يرتاح .جلسات جنبها مدام سارة بابتسامة عنقاتها بحنان وابتسمت قائلة
هانتي غترتاحي .. وغتنساي كولشي
ردت بيان فسهوة وهي فحضن امها وقالت
شحال خاص دالوقت باش يشفا الانسان. من جروحو؟
مسحات مدام سارة على راسها وقالت:
الى لقا محيط جديد وحياة جديدة كيشفى بسرعة..الانسان بطبعو كينسى
بيان: والى منساش؟
مدام بهية: كيتعايش.. وهو نوع من النسيان
بيان: غنرجع شي نهار كما كنت؟
مشحات مدام سارة على خدها بابتسامة وقالت:
كل واحد عندو تجربة فهاد الحياة.. مرة وحلوة.. انا ابنتي لحبيبة ..كنت كنبغي باباك حد الجنون.. فاش مات كنت كنقول كن غير مت معاه .. كان هوا ميت تحت الارض وانا ميتة فوق الارض.. تعذبببت..تعددددبت بزاف..وتفطر قلبي . تعدبت فمرضو وتعدبت فموتو وتعدبت على فراقو..جات دازت ايام العذاب اللولة القاصحة..وقلت مستحيل نحيا ونرجع من جديد..وجات ايام العذاب الباردة..اللي تقبلت فيها فراقو وبديت كنحاول نوقف ..وكنت كنتعدب باش نبني نفسي وتعدبت بزاف..جات ايام الصبر ..اللي خاصني نصبر فيها وكنت قادرة نصبر من بعد ما قدرت نرمم نفسي..صبرت راسي.. من بعد جات ايام اللي فيها بديت كنتعايش..وكنحاول نعيش.. مانسيتش لاكن تعايشت..تعايشت مع الحالة ديالي .. ومن بعد جات ايام جديدة نساتني فكاع العذاب اللي عشت.. نساتني فالعذاب والايام الكحلة..لاكن مانساتنيش فباباك.. تسلل حب جديد لقلبي..بلامنقبل اولا نوافق..لقيت قلبي كينيض من جديد.. وحسيت بالرغبة فالحياة..بالرغبة فالجمال ..والتفاؤل..وبدا عندي طموح ..وامل..واحاسيس ومشاعر.. دابا تفكرت كل مامريت منو ورجعتي ليا الذاكرة اللور .. قلت كيفاش ديك الفراشة الميتة فالارض لفراشة بجناح مكسورة قدرات تنوض تدريجيا وطير من جديد بحرية
ردت بيان فسهوة وتعب: ياربي ننساه..ونعيش حياتي…
تنهدات مدام سارة بابتسامة وقالت:
غتنسايه .. ومع الوقت كلشي كيمشي وكلشي كيتبدل … فالاول مغتاكليش ..غتضعافي..متقديش تنعسي..تبقاي تذكري..من بعد الذكريات ييدار يتنساو وحدة وحدة.. ترجعي تاكلي..تنعسي مزيان.. من بعد ماتنساي غنبداي تقصاحي.. وترجعي ثقتك بنفسك…. من بعد غيتمحا ليه الاثر فمرة..وتبداي من جديد..قوية .. ناضجة..عندك خبرة فالحياة
بيان: ماما…
مدام سارة: نعام احبيبة؟
مدام سارة: الحب خلاك تبعدي عليا بزاف
تنهدات مدام سارة وقالت: لاا .. انا الحب تسلل لقلبي فالوقت اللي كان خاصني نكون جنبك ونتي فأول تجربة ليك.. كان خاصني نكون معاك ومنهربش من عصبيتك .. واخا كنعيش احساس زوين
تنهدات بيان يرعدة فصدرها وتلفتات جهة النافدة شافت فالسحاب بسهوة وسدات عينيها قائلة
ياريت لو يمر الوقت هادا كله فساعة ونفيق نلقى كلشي رجع ماضي وتنسى
صباح الحال على سلمى وجهاد ناعسين فالفيلا.. فاقت براسها تقيل من ثملان الليلة الماضية.
شافت الساعة ونوضات جهاد فيقاتو ناض بزز لبس حوايجو وراسو تقيل ماقدرش يهضر والنعاس مزال غالب عليه. وصلها فالسيارة لدارهم وقال شاد عينيه
كنحس براسي بحال البيضة.
سلمى:سير رجع تنعس حتى انا كنحس براسي تقيل غيتفركع
نزلات هزات صاكها حالتها حالة بالسهير. دخلات للعمارة شافت وجهها فالمرايا دالعمارة مشنتف و مزيت وصفرا بالتعب والكحول سايح وريحة البارفان مع ريحة الكارو مع ريحة الرجال.. عطاو ريحة بحال الكافور فشعرها وحوايجها اي واحد مولف السهير ودوك الاجواء كيشم ديك الريحة كيعرفها
مسحات عينيها والهالات منفوخين اثار النعاس على وجهها وخيوط بيضاء حدا فمها مشات كتجمع شعرها ودفارها طوال فالاحمر ..حلات الباب بشوية طلات سمعات الحس مقطوع ..دخلات كتسرح عينها مالقات حتى واحد من غير جداتها محنية فلكوزينة تحت البوطاجي كتنكر بوحدها
سلمى: فين طاطا الهام ؟ وماما؟
ضارت عندها جداتها طلعات فيها وقالت بغضب
صباح لخير لاللة لعروسة.. عندمن بايتة هاد الليلة عاود؟؟ عاد صبح عليك الحال!
سلمى: دابا سولتك جاوبيني مالك على هاد الهضرة
الجدة: انا اللي كنقولو كنشوفو بعيييني.. غتبقاي حتى تجيبي لينا شي كرش تفضحنا .. والله ابنيتي الى بحال الى كتشوفي فيها بعينيييك.
ميعات سلمى بقرف مشات خلاتها كتنكر وتردد
تفووو..بقيتي ليا غير نتي العقروشة
تبعاتها جداتها للبيت شاعلة معصبة كتغوت عليها مابغاتش تسكت بقات تعضر تهضر فاللخر قالت ليها
باك اللي عبر زاد وخلاك تهناااااا فدماغو. وحنا حصلنا فيك هناا
ناضت ليها سلمى بالغرات نفضات داك الصاك وبدات عليها
نتي ربي بناااتك بعدا عااااد اجي شوفيني انا شوفي غير راسك شرفتي ماعندك حتى فين تسكني الى خطاتك الهام تمشي لدار العجزة ..حتاااا واحد فولادك ماعقل عليك مابغيك تمشي عندو اما انا با الى سمح فيا عندي مي وقادة براسي نتي اللي شرفتي غتبقاي دوري تقلبي فين تباتي .. ولادك خلاوك تزوجو حتى واحد مكيهز تيليفون يسولك فيك ..العقروشة الله يعطيك الموت
خرجات الجدة عينيها مصدومة فيها وطارت عليها بغات تشدها لاكن سلمى دفعاتها برا وزدحات الباب خلاتها كتغوت بغات تموت وبدات تحيد فحوايجها وتبدل قدام المرايا وتردد
الشارفة الهاترة .. يالاه شدي ضربي دورة وعايريني بابا
بدلات وسالات وخرجات للطواليط غسلات وجهها وطرفات حالتها كتشوف فصدرها مطبع كامل وغطاتو بالبيجامة
دخلات سميرة ومعاها الدراري دالحي مطلعين الهام والكرسي ديالها دخلوها لقاو الجدة فالبيت جالسة كتلوح وتمسح فصدرها بوحدها وناضت بالزربة عند بناتها سخونة بغات تموت قالت لسميرة
شووووفيي.. شووووفي اللي نهار ومطال دايعة تبات مع هادا وتبات مع هادا قالت ليااا ولادك سامحين فيك وغتلا بيك فدار العجزاااا
تصدمات سميرة ومها كتشكي وتغوت حتى كانت غتشعل وتمشي عند سلمى لاكن خرجات الاخيرة كتبكي من البيت ناضت نوضة وحدة معاهم
سلمى: علاااش تقولي باك سمح فييك؟؟ علاش ديما تعايريني انا قلت ليه سمح فيااا؟؟ قلت ليه سييير تزوج وولد وخليني؟؟ واش لقيتيني فطارو دالزبل فين ما نبان ليك تبقاي تسبي فيا وتعايري.. انا كن كان عندي فين نمشي مانبقاش معاك هناا.. انا كنبات برا باش منبقاش نسمع هاد الهضرة وكل مرة تحشي ليا كلمة وكن كانت عندنا دارنا بوحدنا مغنمشيش نبات مع البنات فديورهم
ضارت سميرة عند مها بغضب وقالت
مالك مع هاد البنت؟؟؟ علاش تقولي ليها باك سامح فيك واش جالسة عندك؟ جالسة على قلبك. علاش تسبيها وتعايريها انا غنمشي بحالي كااع من هاد الدار .. خليتها ليكم .. يالاه جمعي حوايجك
مشات سميرة كتجمع حوايجها والهام كتعيط وتزاوك
الجدة مشات للصالة جلسات متسوط من مناخرها وتردد
خلييها..خليها تمشي نشوفو حتى لفين حدها.. اناا ولادي سامحين فيا ونمشي لدار لعجزة .. هاي هاي هاي هاي
ضارت عندها الهام بغضب قالت
صافي سكتيييي..سكتي تا نتي لسانك مبري منك. علاش تجبدي ليها باها … علاش ؟
شداتها الهام بزز ماخلاتهاش تخرج هي وبنتها ورداتها للبيت و شي تنفخ على شي شي غضب من شي شي
الاجواء كانت مختالفة فدار بهية.. كلشي فرحان كلشي ناشط كلشي مرتاح
الجدة : مافيها باس.. وليد واحد شوي ليه وتهلاي فيه
مدام بهية: علاش عندي منو ..على قبلو كندير المستحيل اماما وكولشي ديالو
الاخت : ايوا كن أجلتي هاد السفر هادا غير حتى دوز هاد السيمانة. ولدك يالاه خرج من ازمة
مدام بهية: هاهوا خرج كنشدو؟؟ ديما خارج ديما مع صحابو .. ا كن مكانتش هاد السفرة مهمة ليا مكنتش غنمشي فهاد الوقت ..ولاكن ماعنديش حل.. خاصني ضاروري نمشي
الجدة: فوقاش ناوية تمشي؟
مدام بهية: غدا ان شاء الله .
الاخت: على هاد الحساب حنا واقيلا خاصنا نرجعو لفاس اماما.. اولا؟
مدام بهية: وعلااش؟؟؟ لا بلعكس خليكم مرحبا بيكم .. الدار داركم . ماشي معناتها ترجعو ماما مزالة بغات تبقا فالرباط تبدل الجو
الاخت : ولاكن نتي دابا مسافرة حتى ترجعي ونرجعو
مدام بهية: لالا مكاين ما ولاكن. انا عندي شغل غنقضيه ونجي.. الدار هاهي رتاحو مع راسكم ماشي برانيين . الا مشيتو عاد غيبقا فيا الحال..
الاخت : ويلى ولدك بغا يبقا بوحدو جاني ماعندوش مع الزايد ابهية!!
مدام بهية: بيكم ول ابيكم هوا هاكاك .. من صغرو عزيز عليه يخرج يمشي مع صحابو يدير كولشي راسو بلاا مايجيكم عجب.. خودو راحتكم
ناض تميم فهاد الاثناء من النعاس تقيل.. حل عينيه بزز لقا راسو مزال بحوايجو وأول حاجة دارها مشا دخل للدوش طلق الماء ووقف كيشوف فالحيط ومتكي عليه بيدو بدا يعاود الاحداث دالبارح من الاول وطاح فبالو المشهد ديالو مع بيان فطموبيل وبدا يتذكر كلامها كلمة بكلمة
انا حاملة
دابا قلتي ليا حاملة؟!! كيفاش حاملة؟؟؟ ومعامن؟؟؟
علاش انا كنت كنعس قبل منعرفك؟!!! كيفاش معامن
منعستش مع شي واحد من غيرك.. انا حملت منك نتا ..كنت بغيت نقولها ليك الصباح فاش جيتي فاش شفتك دخلتي عندي بديك الطريقة هاكاك توحشتيني حتى انا فيضتي ليا مشاعري..توحشتك ومابغيتش نجبد الموضوع حتى نشبعو من بعضنا
حل عينيه مسح على وجهه كيصحصح عاد بدا يستوعب والاحداث كتنزل عليه شي مور شي
نشبعو من بعضناا!!! حتى نشبعو من بعضنا عاااد خرجي ليا عقلي انا قلبي لز٠٠٠٠ مي انا الليلة كلها بهاد الكلمة
اش هاد الاسلوب هادا باش وليتي كتهضر معايا ؟؟ شهاد قلة الاحترام وقلة الاداب؟؟ انا قلت ليك الصراحة !
متقوليش ليا انا .. وماتقوليش ليا حملتي فستة دسوايع هادشييي مابغاش يدخل ليا لعقلي والى كتفلاي غنخليك هنا ونزيد ماتعاوديش تشوفيني .. هاد الضحك هادا مكيعجبنيش.. بلااااا متهربيه ليا فهاد الليلة الخمسة هادي باغي نعس ومابقيتش باغي كاع نمشي معاك للدار باغي نمشي فحالي نعععسس مدوز ليلة كييي زززز…غنبدا نتعصب نقول شي هضرة تصدمك
انا تصدمت فيك اتميم.. صدمتيني واخا توقعت كاع انواع الرد ماتوقعتش هاد الرد هادا منك بمرا!!
غييير بشوية عليك… انا ماكنتش غنقوليك كاع هادشي..كن ماجيتيش عندي للدار .. بهاديك الطريقة حسيت بيك بصح باغيني.. وبقيتي كتقول لي ديك الهضرة الزوينة وانا كنبغييك.. وانا ماعرفتش كيفاش حتى وليت كنبغيك.. وانا ماقادرش منفكرش فييك.. ونتي كنحس معاك باحساس فشكل..وانا اول مرة نحس هاد الاحساس.. وبلابلا بلا ..تيقتك .. قلت صافي غنقولها ليه.. صدق كولشي غير هضرة غير نزوة ودازت
شوفي ماباغيش نسمع حاملة سيري عند جاد قولي ليه هاد الهضرة.. انا وياك هنا سالينا .
شد راسو كيتذكر وجهها وعينيها ويونتها فالحوار معاه باش تفهمو بشوية وحتى اشمأزازها فالاخير منو واكتقارها ليه وطريقة تعاملو معاها فالاخير فاش نزلات ونمرتها اللي مسح
كل شي رجعو حدث بحدث .. كلامو اللي قال فاش كان معاها فاللحضات الحميمية احساسيهم ضعفهم كل لقطة وكل كلمة وحتى اول معاشرة ليهم فبيتو
خرج من الدوش مصحصح لاوي عليه فوطة..تقابل مع المرايا كيشوف فراسو وتكا بيديه على الطبلة قالب وجهه جيهة كتفو كيقشر فشفافه حتى دخلات عليه مدام بهية وتلفت عندها مرفوع
مدام بهية: صباح النور.. الى بغيتي تفطر فطورك موجود انا غنمشي الكازينو دابا من بعد غنجي نجمع حوايجي غدا مسافرة
تميم: مسافرة؟؟ فين؟
مدام بهية: عندي شي غرض مهم ففرنسا.
تميم: بحالاش هاد الغرض؟!
مدام بهية: غنمشي لواحد الاجتماع خاص ..المهم سفر عمل وصافي. مك لاللاك وطاطاك وسلمى غيبقاو معاك مغيرجعوش لفاس حتى نجي.اوكي
بقا كيشوف فيها وحرك راسو بالايجاب وقال
انا اصلا غنمشي عند صحابي
مدام بهية: ود بالك اتميم.. عنداك تتهور
جات خارجة ورجعات قالت ليه..ااه تفكرت..كاع الاغراض ديالك اللي كانت فطموبيلتك اللولة هاهما فهاد البلاكار مجموعين فواحد الكرطونة.. باش متبقاش تقلب عليهم وصافي
خرجات خلاتو واقف عقلو مرفوع ومشا مباشرة هز تيليفون نمرتها اللي مسح وتيليفون جديد ماعيطش ليها منو اصلا ولاحو فوق الناموسية كينفخ ومشا لبس حوايجو الرياضية وهز شكارتو لاح القب على راسو داز قدام جداه تبسم ليهم بادب وصبح عليهم قال
صباح الخير
الجدة: صباح الخير الحبيب اجي تفطر.. ها الفطور ديالك
ناضت خالتو بابتسامة كضحك وقالت : ماماك خلات ليك الفطور ديالك هنا
قاطعها قبل ماتحطو وقال : لالا مابغيتش نفطر ..غناخد غير هادا صافي
هز تيرموس ديالو فيه العصير المعروف اللي كيشرب زاد عليه بروتينات وخرج فحالو . موراه مباشرة خرجات سلمى من البيت عاد فايقة مشات جلسات صبحات عليهم بغات تفطر وقالت
تميم باقي ناعس؟
الجدة: تميم فااااق وخرج مشا نتي اللي صبحتي ناعسة
سلمى: الجو عندهم هنا تقييل كيجيب النعاس.
شد الطريق غادي سايق وكيعاود الفيلم من اللول ومن جديد والحوار كامل.. جبد تيليفونو تاصل بجهاد وقال
الو..جهاد .. تقدر تجي عندي لاصال؟.. نتلاقاك تما؟ يالاه
قطع ومشا لاصال مع الدخلة كولشي كيتغامز عليه والاصابع تشير اليه وهوا كأنه معايشش معاهم ولا على بالو بنضراتهم .مشا حط حوايجو وتاجه للقاعة شد ودنيه بالكيت وشاف فالزاج قدامو كيجري ويسخن حتى سخن مزيان. ولبس قفازات عبارة عن باندات فيديه وفرجلو وتاجه لواحد الشكارة معلقة برغبة جياشة فالقتال وشغف كبير وشوق بدا كيضارب معاها ويعطيها بيديه ورجليه وينقز ويلتف ويهز رجلو حتى للسما حتى كتوصل لجيته ويعطيها بقوة حتى كيوصل صوتها لتحت ..بقا هاكاك حتى رجع كيقطر ويلهت وبقا مكمل الى حين وصول جهاد بسورفيت رياضة دخل لقاه فواحد القنت كيضارب بوحدو وصوت اللكمات واصل حتى للباب ووقف كيضحك ويشوف فيه وقال
صابح ساخط شي حلمة هادي
وقف تميم سخفان حيد دوك البنادات من يديه وقال
حلمة مافيها مايتعاود
جهاد: مالك اش كاين؟. من ضهرتك عرفت شي بلان تما
شاف تميم بنص عين فجنابو لا يكونو شي ودنين حداه وقال
بيااان اصاحبي
جهاد : مالها بيان؟؟
تميم. بقات كتقول ليا شي هضرة لبارح ماعرفتش واش بصح ولا سكرانة ولا مابقيت فاهم والو
جهاد: اش قالت ليك ؟؟
تميم: قالت ليا حاملة !!
تصدم جهاد وشد فالفك ديالو وقال: حاملة!! لبارح عاد كنا ناشطين ماشطين كيفاش ششش
تميم: ماعرفتش المهم البارح رونتها معاها.. عصباتني فاريناها..ولاكن واش حاملة ولا مافهمتش .. يمكن بغات تجربنيي ولاا ..تتأ .. هاد الايام كلها اللي كنت فالحبس كنبات شاد معاها الهضرة بالليل كانت كتلمح ليا.. بقات عليا صاحبتك حاملة!! قالو ليا حملتي شي وحدة المهم شي هضرة ماتفهم فيها والو!!
جهاد: مابايناش عليها حالة الحاملات لبارح طيسات حتى خرج من ودنيها تكون سكرات وبدات كتخرا فالهضرة بحال ديما
جلس تميم على واحد الحديدة هز قرعة دالماء شرب وقال كيشوف قدامو ويفكر
لالا .. قبل كانت كتلوح ليا الهضرة ماديت ماجبت .. كانت كتيستيني واش تقولها ليا ولالا.
جهاد: لالاميمكنش تكون بصح!!
تميم: فكلتا لحالتين قودتها معاها.. الى غير كتهضر والشراب لاعب عليها فراه تقبت معاها الورقة..اما الى كانت بصح هاديك هي القوادة ديااال بصح
جهاد: عرفتي شكون اللي غيعطينا لخبار دبصح.. سلمى ..غتكون عارفة حيت ديما معاها صباح وليل
عض تميم شفاهه كيشوف قدامو وسفكر وشعرو فازك نازلين زغبات على جبهتو الحمرا بلرياضة
جهاد: سلمى صافا ؟؟
غمز تميم وجلس القرفصاء قدامو كبر الصوت وصغر عينيه وقال
سلمى: بلاتي تسنا
جهاد: كنتسنا
بعد لحضات: الو جهاد..
جهاد:صافا كولشي مزيان ؟
سلمى: صافا الحمد لله ..ونتا
جهاد: بيخير هاد الساعة..اجي نسولك ..بيان دابا كانت معانا فلاصال..قالت لتميم حاملة ماحاملة ومشات قالت ليك شي حاجة نتي
سلمى: اه واه حاملة
خرج جهاد عينيه وتميم حتى هوا شاف فيه وضرب السنة مع السنة بقا ساكت وقلب وجهه
جهاد؛ كيفاش حاملة يمكن كتفلى
سلمى: لالا بصح …انا كنت معاها نهار سخفات حدا الحبس وديتوها لكلينيك وخرجات كتبكي راه تما قالو ليها راكي حاملة..عقلتو
تصمك جهاد عقد حواجبو وقال: وااايلي!! ولاكن ديك الساعة كانت غير كتمتل
سلمى: قبل مادخل لكلينيك اللي كانت كتمتل..اما فاش خرجات من لكلينيك وركبات معانا كانت كتبكي بصح ..ياك انا نزلت معاها قبت ليكم غنبقا نشوف مالها عقلتي..وداك النهار اللي عرفات راسها حاملة واصلا متاقتش ومشيت انا جبت ليها تيست من الفرماسيان دارتو قدامي وطلع بوزيتيف
جهاد: لا متقوليهاااش!! علاش مقلتيش ليا هادشي؟
سلمى: هي مابغاتش قالت ليا هادشي يبقا بيناتنا ..صافي ديك الليلة خليتها كتهضر مع تميم فتيليفون قلت ليها تقولها ليه قالت ليا منقولهاش ليه..ماعرفتش الصراحة فاش كتفكر ..مكانتش غتقولها ليه اصلا
جهاد: ااه…
شار ليه تميم بيدو يقطع الصوت ديالهم وقال
سولها واش متأكدة واش ماشي جاد قوليها ميمكنش تحمل مع تميم قلقلها
فتح جهاد الصوت وقال: ااه واجي نقوليك.. وهي متأكدة حملات مع تميم ؟؟ كانت مصاحبة مع جاد
سلمى: لاالالا انا كنت ديما معاها جاد اصلا فاش كيمشي عندها كتبدا هي شد ليا نقطع ليك.. وداك النهار نيت اللي جينا من الحبس جا ومابغاتش تهضر معاه وكتصدرو.. كاع مشاكيلها تقريبا كانو من طرف تميم ونتا شفتي نهار بغات تنتاحر .. عمرها دارت شي حاجة مع شي واحد ونهار مشات مع تميم قطعات العروق ديديها .. مكاين لا جاد لا والو
جهاد: اممم…تقدري تمشي عندها دابا شوفي شنو بغات دي وفاش حتفكر
جهتد بقا مصدوم كيشوف فالارض اما تميم ناض قلب وجهه وشد فيه مقادرش يستوعب ..
سلمى: دابا منقدرش نمشي عندها الصراحة يالاه جيت باقا مسخنت بلاصتي
جهاد: امم..اوكي.. صافي قطعي من بعد نعاود نعيط ليك
قطعات وناض وقف شاف فتميم وقال
هادشي مابغاش يدخل ليا لراسي
ضار عندو تميم وقال: نتا واش مستوعب وحدة تحمل من مرة وحدة وهي فييغج؟؟ يعني يالاه اول مرة ليها حملات فيها؟؟
جهاد: وعلاش لا؟؟ الى كنتي رميتي فيها اصاحبي غتحمل عادي شوف نتا راسك اش درتي
دور تميم وجهه وشد فيه وهز راسو فالسمى وقال: نارييييي انا حمار ..حماااار
جهاد: هي داكشي دابا اللي كاين؟؟!! نعستي معاها مادرتي تا لعبة وهي ماشربات لا كينة لا والو؟
سد تميم عينيه وتكا على واحد الحديدة شاد فيها وقال: تكلللخت..ناري على تكليييخك عمرها طرات ليا
جهاد: وانتا اصاحبي ماشي غا مكلخ!! واش ناعس بلا احتياط واش مالها مراتك؟؟؟ كي درتي ليها هادي فين كان عقلك
ضرب تميم بيدو فواحد الحيط وضار شاد فراسو
ماعرفتش .. ماعرفتش كيفاش وعلاش ماطراتش ليا حتى وانا سكران مبيييل.
جهاد: مشكيييلة!!! تا نتا ستحليييتيها تا جبتي دابا الربحة مديوانية!!
تميم: بلاتي..وعلاش متكونش مشات مع جاد زعما؟؟ مالها ماكتسكرش مامرة ماجوج سكرات معايا كنشدها لاوية معاقلاش على راسها
جهاد: سولها واش كتشكر حتى تلوى مع جاد.. سكرات معاك نتا لوات عليك نعسات معاك عجبتيها باينة للعور اصاحبي؟ شمن فائدة عندها هي تحمل مع واحد وتجي تحطو ليك نتا
تميم: تقدر ماتكونش عارفة معامن!
جهاد: هادي حاجة اخرى !! الحل دابا اللي عندك هوا تسناااااو عليه حتى يجي وديرو ليه ليزاناليز هما غيبينو شكون باه نتا ولا ماشي نتا
عقد تميم حواجبو وقال: شنوو!! شكون قالك انا اصلا باغي شي ولاد مريض تا نتا. اصاحبي!! تنتسناه تا يجي!!
جهاد: مالو .. غيجي يقوليك بايا ههخخخ
تميم بتحدير: مكنضحكش اجهاد
جهاد: غا بغيت نخفف عليك
تميم: بففففف … غنشوف معاها تحيدو ..هادشي اللي كاين ..عطيني نمرتها
شاف فيه جهاد كيضحك وقال: تا نمرتها مسحتيها!
تميم: طلق ماضحكش معايا دابا راسي غيتفركع ..
صونا فنمرتها وعاود ومشا وجا وعيا يحاول والو
تميم: طافي تيليفون .. جرب صوني ليها نتا تقدر تكون بلوكاتني
وقف جهاد كيصوني ويعاود وقال
طافي .. انا اللي مابغاش يتفهم ليا هوا شنو الهدف ديالها تجي عندك نتا بالبضبط تقول ليك حاملة!.. كوولنا كنعرفو بيان ..ماشي شي وحدة كتلسق تلقاها حتى هي كارهة هاد الحمل
تميم: واسيير ..لبراح قالتها ليا بواحد الطريقة تقول كنا كنتسناوه غير هوا !!..راه هي فاش كتسكر كتنسا راسها هادشي اللي ماخلانيش نتيق بهاد الحمل يكون مني
جهاد: تا دابا ماطرا والو غتمشي تحيدو وصااافي.. كتوقع ومرة اخرى رد بالك
ود تميم وهوا كيحاول يوصل ليها من خلال التيليفون وقال
وافيين هي دابا مكتجاوبش.. تجاوب نشوفو شغنديرو فهادشي
جهاد: غتلقاها فالدار ضاربة شي قرعة مكايناش فهاد العالم .. باغا غير تفك خصوصا الى كنتي قلتي ليها شي كلمة ماشي هي هادي لبارح ترمي راسها من السطح
تخلع تميم شاف فيه مخرج عينيه ومشا كيجري خرج لاح عليه القب وتبعو جهاد كيطير ..ركب كل واحد فسياتو وتبعو للفيلا عند بيان وقبل مايدخل جهاد معاه قال
انا هاد الدخلة هادي كتخلعني.. فين ما ندخل لهاد الدار كندخل على شي كارتة
بانت الخلعة على تميم ماترددش باش يدخل ..كان عساس حال الباب كيسقي الجردة سولهم شنو بغاو وهز تميم عينو شاف سيارتها محطوطة فالقنت لداخل .
خرجات الخدامة عندهم وسولها تميم بسرعة
بيان كاينة؟
الخادمة: لا مكايناش من لبارح مللي خرجو مجاو
تميم: شكون هما ؟
الخادمة: هي ومها وواحد الراجل جا معاهم حتى هوا
جهاد: ماطرا والو لبارح ؟؟
الخادمة: شكون نتوما اللي كتسولو؟
جهاد: حنا صحاب بيان ..
تميم: انا اللي حليتي ليا لباب لبارح
شافت فيه وهوا داير القب كحل عاد عقلات عليه وقالت
ااه اسيدي سمح ليا .. لبارح مع الستة دالصباح وقعو شي مشاكيل هنا فالدار
تميم: بحالاش؟؟ وضحي لينا اكتر
الخادمة: رجعات مادموزيل بيان فواحد الحالة خايبة بزاف.. جاها انهيار عصبي وطلعات لبيتها هرسات كولشي فالاخير غيبات.. تاصلت بمدام سارة جات معاها واحد الراجل داوها للكلينيك .. من تما ماشفتهمش .. ليوم فالصباح تاصلات مدام سارة قالت لي باللي العساس غيجي لهنا وباللي خاصني نرد البال تقدر تعطل شي يامات
جهاد: هاا شتي شقلت ليك.. تانعراااف بيان توريني فيها.. دابا كتعرفي اشمن كلينيك ؟؟ فين مشاو بالضبط؟
الخادمة: انا معارفاش ولاكن الشيفور عارف
تميم: فين هوا الشيفور؟
الخادمة: مشا يخلص الضو .. ويجيب السخرة
جهاد: اجي نخرجو برا .. شكرا
ضربو ليدو باش يتبعو وخرجو بجوج وقفو حدا سياراتهم وقال تميم
نتسناو هاد الشيفور حتى يجي.. هوا اللي غيقولينا اينا كلينيك مشاو ليه
جهاد: مشاكيييل…
جلسو فسيارة تميم بجوج كيتسناو .. بدا تميم كينكر بوحدو ماخلا ماقال وجهاد ساكت شاد تيليفون حتى وقف الشيفور بالسيارة قدامهم وفتح تميم الباب بغا ينزل لاكن شذو جهاد وقال
غا رييح انا غنهبط.
نزل جهاد عند الشيفور وتميم جالس كيشوف حتى رجع عندو طلع وقاليه
صافي عرفت سمية الكلينيك.. يالاه نتحركو
تميم: طموبيلتك
جهاد: خليها تما تا نرجعو (طل على العساس من النافدة) المعلم..هاهي تما .. تا نرجع ..الله يحفضك …عندك شي مية درهم ولا ميتين
تميم: لا عندي ليكارط كيشي علاش؟
جهاد: نعطيها ليه ..تا انا معنديش..صافي سير تا نرجعو
قلع تميم غادي سايق وجهاد جالس كيجرب السيارة فالجلسة ويقول
واعدة بالجهه ..الركبة فيها ناضية اصاحبي ماكانش عندي معاها تا جربتها..شحال خديتيها هادي؟
تميم: واش انا واحل الق٠٠٠٠ ونتا كتقوليا طموبيل ولا٠٠٠٠. ..غنقلب ز٠٠٠بوها
جهاد: هه صافي بررد اصاحبي كلشي عندو حل.. شتي عندك الزهر طحتي مع بيان ..والله لا خلاتو فكرشها دابا تشوف.. بغيتي ولا كرهتي ماشي من النوع اللي غتنوض تولد وتربي ودير فيها امومة كي شي وحدين كيتسناو غا يولدو ويربيو ها ا هوا هدفهم ويلسقوو..اهم حاجة اللسقة.. اما بيان غتكون حيداتو قبل ماتوصل عندها لتما لكلينيك..
تميم: الصمت
جهاد: صافي هاهوا لكلينيك حبس هنا … يالاه نزلو وبلا متنوضها مع شي واحد بنتي ليا فايض وعلى سبة .. مشكل غيتحل فالسكات بلا منوصلو للفضيحة والتصاور ونتا م للي جيتي لهاذ المغرب ونتا من بوز لبوز مابغيتيش كاع تنزل من هاد العمارية
نزل تميم كينفخ وقال: صافي ماتزيدش شي كلمة.. صافي نفختي ليا ك٠٠٠ تا نتا
دخلو كيسولو على بيان العلوي خبرهم انها خرجات من لكلينيك .. علاش وكيفاش حتى واحد مابغا يخرج ليهم شي كلمة واحتافضو بالاسباب.. سخن تميم بقا غادي جاي حدا الباب كيسوط وينكر وجهاد داخل خارج ..خرج عند تميم كيسوط وقال
والو مابغاوش قالك اسرار الدولة هاد ولاد لق٠٠٠
شار ليه تميم بصبعو وقال: سير تيري شي خمسية درهم عطيها لشي وحدة تجيب لنا خبارهم نمشيو فحالنا من هنا
شرح جهاد عينو كيقلب بانت ليه بنكة قدام الكلينيك مشا تيرا منها الفلوس ودخل صيد واحد الممرضة خرجها برا ضور معاها وقالت
انا ماعرفتش عاد جيت دابا .. ولاكن تسناوني دابا غنمشي نشوف ونجي
تميم: طلقينا ختي الله يحفضك مزروبين
مات دخلات خلاتهم واقفين كل واحد فين كيشوف ورجعات بسرعة كتشوف فجنابها عندهم وقالت
مادموزيل بيان العلوي مع الستة دالصباح جات كان عندها انهيار عصبي.. كانت حاملة وفاش وصلات لهنا مع الاسف وصلات معطلة ووقع ليها نزيف جهضات. ومع الطناش العشرة خرجات من هنا هادشي اللي كاين
جهاد: صافي ختي شكرا
الممرضة: عفاكم هادشي ممنوع عليا نخرجو كنتمنى يبقا غير بيناتنا
جها د: صافي كوني هانيا
دور تميم وجهه لجهة اخرى عطاهم بالضهر كينفخ ويسوط بينما جهاد تنفس الصعداء وقاسو فدراعو قاليه
يالاه نتحركو ابرو .. على سلامتك
رجعو للطموبيل وبقا تميم جالس كيشوف قدامو فصمت وجهاد كيشوف فيه
درتي مشكل من والو صافي هاهي تحلات.. هانتا تهنيت مالك دابا مافرحانش
تميم: وهي دابا فين؟؟
جهاد: تلقاها مشات لشي بلاصة تبدل الجو .. دابا صافي خلينا نتحركو ..هادي دير ليك الراس
هم وازاح كان شوية غيطرطق الراس لتميم.. رد جهاد لطموبيلتو تفارق معاه ومشا شد الطريق فحالو ورجع الحوار كيتكرر ليه مرة اخرى فذاكرتو وتعابير وجهها وطريقة كلامها كتعاود .. بدا كيتناذم معاه الحالة على ردة فعلو معاه وفنفس الوقت رتاح من جهة الحمل اللي طاح غزز شفاهو فالطريق كيفكر ويخمم كي يدير يصلحها وهوا كفسها ماخلا فيها مايتصلح .وصل للدار وطلع مباشرة مشاف لا يمين لا يسار دخل لبيتو وقصد الدوش خدا ليه حمام بالماء بارد من الرشاشة ليه هوا . خرج كينشف وجلس فطرف الناموسية هز تيليفون كيصوني ويعاود لاكن بدون جدوى تيليفون طافي. بدل حوايجو وخرج للمطبخ بغا يصاوب مكالتو لاكن خالتو مشات عندو بغات تعاونو .. عيات فيه مابغاش طلب منها تخليه على راحتو هوا كيعرف ريجيم ديالو وفعلا خلاتو ومشات عند الجدة جلسات حداها وقالت
مابغاش يخليني نعاونو قالك هوا متبع الريجيم .. يالاه تخرجي اماما دابا العشية تمشاي لتحت شوية وتجلسي تشوفي البحر
سلمى: انا مافياش اللي يمشي الصراحة..غير سيرو
الجدة : نمشيو نطلقو رجلينا شوية
ناضو خرجو وناضت سلمى عند تميم للمطبخ وقفات مبسمة وقالت
نعاونك فشي حاجة؟
وقف يدو وقال: غير خليك.. هادشي مغنعرفيش ليه
تحرجات رجعات اللور كتشوف فيه كيطيب ومكيضحكش ماشي كما العادة وكيشوف قدامو .. شوية بدا ينكر بوحدو ويهضر مع الماعن بصوت منخفض كان باين عليه معصب.. ت مشات سلمى برقة قالت ليه
انا نقلب ليك قولي شنو اللي كتقلب عليه
رجع اللور تنهد وقال
شوفي.. عفاك.. غير خليني انا مااا.. مع هادشي ..غير رصاي
رجعات اللور مشات خلاتو وجلسات مزنكة كتشوف فيه بنص عين وتيليفون فيدها ..هز داك البلاطو دخلو للبيت حطو وجلس حداه هز الشوكة كياكل وتاصل بمدام بهية
تميم: الو.. لا جيت ..شوفي مدام سارة واش كاينة فالاوتيل
مدام بهية: لالا مكايناش علاش؟
تميم: ماعرفتيش فين غتكون ؟
مدام بهية: علاش؟
تميم: كنسول ..واش عارفة؟
مدام بهية: ليوم ماجاتش ماشفتهاش ..شنو كدير ماما وطاطاك ؟
رد: عيطي ليهم فتيليفون غتعرفي شكيديرو .. يالاه تا لعشية
مدام بهية: مالك معصب ؟ ياك لاباس ؟
تميم: ماا معصب ما والو .. عيان حيت من لاصال صافي
مدام بهية: امم
تميم: يالاه بسلامة .
قطع ولاح تيليفون حداه كيردد
مالي انا محمق راسي .. تمشي تجي تعاود راسها
يعد عواصف ممتالية عم الهدوء والراحة وبدات المياه ترجع مجاريها شيىءا فشيءا ، عاد بدات العطلة والرفاهية عند تميم وخرج مشا عند صحابو للفيلا يكمل ما تبقى ليه من ايام العطلة ، انا مدام بهية خدات طيارتها مباشرة لإيطاليا بدون علم حتى واحد وحتى تميم نفسه . نزلات اول خطوة من الطائرة مع الركاب وماستعملاتش الطيارة الخاصة او علمات على وجهتها شي واحد باش ماتوصلش الخبار لجان بالمرة وتكتاشف بنفسها اشنو اللي مخبي عليها
ركبات فطاكسي خاص من بعد ما خرجات من المطار ومشات واتجهت لبيتها الفخم الراقي بلباسها الفخم ودخلات لقات الخدم فالباب تفاجأو بحضورها وكلشي هبط ليها الراس منين مادازت وهي هازة يدها بهدوء بدون اصدار اي صوت . تلفتت سولات على مسيو جان واش كاين وخبروها انه فالغرفة وانه دخل قبل منها بساعة . مشات طلعات للطابق الاعلى بخطوات بطيئة فاتجاه غرفتو وقلبها كيضرب بالجهد واحساسها انها تقدر تشوف شي حاجة تصدمها . جمعات النفس ومشات للباب حلاتو بالشوية ودخلات هزات عينيها مباشرة فسريرها شافت بنت فمقتبل العمر واقفة بوزرة بيضاء محنية على السرير وفيدها كاس دالماء . تلفتات الفتاة شافت فيها وبعدات وقفات وهنا بان ليها جان ناعس فالفراش وبصفة غيير الصفة اللي كتعرف هي.. تخلعات فالاول ماضناتوش يكون هوا وقربات مخلوعة ويدها على قلبها كتشوف قدامها راجل نحيف جدا ببشرة مايلة للاصفر بدون حواجب وبدون شعر ومتغير تماما .. حل عينيه فيها تصدم وقال بهية!!
قربات حتى عندو ويدها على فمها والدموع محجرة فعينيها قالت ليه
جاان!!!
خرجات الممرضة خلاتهم بجوج وحانت ساعة الحقيقة المرة .. كان جان مجرد هيكل عضمي فمو رجع كيبان كبير وعينيه زورق كبار ونيفو وودنيه.. تبدل كأنه ماشي هوا .. الصحة مشات بقات منو غير السمية .. جلسات جنبو وشدات فيديه مخلوعة ماقدراتش تهضر .
ضحك ولعب وسهرات كل ليلة مع الاصحاب داخل الفيلا وخارج الفيلا نساو فيها كل الهموم ومامرو بيه من ازمات .
لهو طول الوقت ومن نشاط لنشاط حتى قربات العطلة تسالي وقررو الاصدقاء يرجعو لبلدهم يكملو دراستهم .. وكل واحد رجع يجهز نفسه لبداية فصل جديد من السنة الدراسية و اول حاجة رجعو ليها هي الاختبار اللي عندهم واللي غيبداو بيه فأول يوم عندهم .
بعد غياب على الدار اللي كيرجع ليها من الليل لليل وشي مرات مكيرجعش رجع اخر ليلة فتح الباب وبحال العادة الحس مقطوع .. خل لبيتو سكران حيد حوايجو بزز ومشا لبلاصتو نعس
الصباح صبح اتصال رقم غير معروف..هز راسو بزز جاوب وعينيه مسدودين
تميم: الو؟؟وي؟
جاد: الى ماكنتيش باغي تلاقاني حتى انا بحالك واكثر ومستاعد نكتب عليك اللي بغيت
ضحك تميم بسخرية وقال: نتا هادا..عيطتي فوقتك .
جادءي مع الربعة غنكون فالدار. الى بغيتي تجي.. الى مابغيتيش تجي نجي انا ماعنديش مشكل المهم نفاريوها مع هاد الاختبار
تميم: سيفط ليا لوكاليزاسيون
جاد: فالطريق
قطع عليه وفالحال وصلاتو ..شاف فيها تميم بتمعن وناض نفض راسو وقال
جا وقتك تخلص على كاع داكشي اللي درتي ..والى كانت عندك يد فديك الدخلة للحبس غنقطعها لك
مشا للدوش دوش ومسح ولبس حوايجو وخرج مالقا حتى واحد فالدار ..تنفس بارتياح فاش لقا راسو بوحدو ويقدر يتخرك على راحتى ومشا دخل ابيت مدام بهية كيقلب فالمجورة ديالها وبين الملفات حتى طاح على الملف ديالو دالقضية الفاتيك وحلو كيقلب وسطو لقا اليوسبي علاش كيقلب وخداها ورجع لبيتو جلس وحط الحاسوب قدامو وصحصح ليه مزيان ..دخل ديك اليوسبي وجبد الفيديو ديالو اللي ضرب فيه دوك الجوج شفارت..زوما عليهم مزيان وهما مخبيين فالقب وبدا كيحاول يشوف الوجه مابانش ليه .. حاول وماخلا حتى طريقة فالاخير حول لفيدييو من لحاسوب لتيليفون وجلس مقابلهم داك الصباح غير هما . شداتهم الكامرة من القدام لانهم جاو تميم من اللور وتميم كان واقف قدام باب بيان لاكن مع الليل والقب بانت الصورة مضببة .. دخل كيقلب على برنامج يصحح الصورة والفيديو وجرب عدة يرامج حتى طاح فواحد وضح ليه الفيديو مزيان ووضح ليه الملامح .. خدا سكرينات للشفار الثاني اللي هرب وزوما على وجهه تعرف عليه وحرك راسو كيتحلف فيه .. دخل للصفحات اللي نشرات على عائلة الهالك رجع لديك الضجة اللي ناضت عليه وبدا كيقلب ويجبد فالملفات حتى طاح على العنوان والحي وناض نزل هوال على خزيت .
مشا خدا سيارة الشيفور اللي كيتسخر بيها ركب فيها باش ميلفتش الانضار وتاجه للحي ديال الهالك .
غير وصل لداك الحي جبد تيليفونو فين جامع كاع المعلومات
ونزل لايح القب على راسو دخل لداك الحي الشعبي كيقلب على الدار . لقا شي براهش مجمعين تما سولهم على الشخص اللي كيسول عليه ولاح لواحد واحد خمسين درهم وقال
سير كلمو ليا فاش يجي نعطيك وحدة اخرى بحالها .. انا كنتسناه فراس الدرب
شدها الولد دالحومة كمشها ومشا كيجري لوحدة من دوك البيوت المهمشة بدا يدق حتى خرج اخ الهالك اللي سبق وبان فالتلفازة مضهشر بالنعاس حال عين وساد عين كان غيسرفقها مع هاداك اللي كيدق عليه لاكن الولد بسرعة قال
احمد..واحد البنت كتسول عليك.. قالت ليك كتسناك فراس الدرب
احمد: بنت؟؟ اينا بنت هادي؟ مقالتش ليك شكون؟
الولد: لا قالت ليا كتسناك فراس الدرب.. قووقة اصاحبي قنبووولة
تعجب احمد ووجهه مكمش فمو فيه جوج سنات مباعدين صوفر وضعيف كلبس السمطة دالسروال ويسول .. رما عليه واحد الجاكيطة ومشا كيجر فواحد الصندالة غا ي وكيوسل حتى لراس الدرب وقال
فين هي ها. البنت عرفتي تكون كتسطا عليا نح٠٠٠مك
الولد: غتكون غا هنا
وقف قدام رجليه تميم بسيارة كحلة عادية هبط ليه الزاج وقال كيكلاكصوني عليه
طلع طلع
طل عليه احمد كيشوف فيه وخرج عينيه تصدم قاليه
سييير اخويا شباغي عاااندي فهاد الصبااح..سيير عطيني شير تيسااع
تميم: طلع غنهضر معاك مالك تخلعتي.. وغيير طلع
فتح لباب ورماها ليه وقال
بووحدي مامعايا تا واحد.. غا طلع
ضار عندو الولد خدا من عندو الفلوس مشا وبقا احمد كيحقق فطموبيل من لداخل بتردد طلع حداه كيهضر والدفال كيخرج بين دوك جوج سنات
احمد: خوويا راااه بلاا مديرها مني قلة صواااب وكدا.. انا خوياااا خاطييييني المشاكيييل.. بوليدااتي وبالدرية ديالي خدام تنضرب بريكولات وكدا كنصرف عبى امة
تميم: ومالكي مخلوع هااا..بووحدي .. غنجلسو فقهيوة غندوي معاك وغترجع عند الامة ديالك صااافي
احمد: الله يحفض اخااي..باقي تا ..ماكامي
تميم: غتكمي وغتشرب…كتشرب بعدا؟
احمد: كخخخ وااايلي.. تا راه كن ما شراب كوراه ..ماعرفت وصافي
قلب تميم الطريق داه لوحدة من الحانات ديال الشراب اللي فالمدينة ووقف صف السيارة ودخلو ليها كانت خاوية غير هما اللي مصبحين على الشراب اما السكايرية كلهم صابحين ناعسين.
جاس فالكونطوار وجلسو حداه وقاليه
هانتا غتشرب وغتكمي يالاه
احمد: على الريق؟
تميم: وغتاكل
طلب ليه ماكلة والشراب اللي بغا حطو ليه الوجبة قدامو وعطاوه بكية دالكارو جديدة حلو ليه عينيه وبدا مقالش بسم الله
عمر كرشو وبدا يشرب وقال منعس عينيه
ابا غاااقول ليا. اخاي تميم..تميم ياك
تميم: شوف نتا ! طلعتي كتهضر عليا ما مرة ماجوج
احمد: وراه غاااا الحرقة هاديك دالخوادري
تميم: كول وشرب وهز معاك لداركم .. ولاكن هاد الوجه غنقوليا فين نلقاه
جبد تيليفون وراه ليه وشافو حكد مع الشوفة قاليه
وااايلي هادا عزووز ولد دربنا .. عللللق مشاا حرك مابقاااش هنا
تميم: حرك ؟؟ كيفاش حرك ؟
احمد: حرك اصاحبي؟؟.. ماعرفتيش حرك ؟؟
تسائل تميم بعينيه ورد. احمد عليه وقال: حرك مشا هجرة سرية..ضبر على واحد الخمسة وزاد فحالو بات ماصبح
تميم: خمسة دالمليونن؟؟ياك؟
احمد: خمسة دالبريكات وزااد للسبليون
جمع تميم القبضة. يدو بفشل بقا ساكت كيشوف فيه ورجع شاف فاحمد وقال
دابا مللخر.. هادا نقولو مشا حرك كي قلتي..ونتا
احمد: انا ماااالي اخويا اش بيني وبينهم
تميم: عارف شي حاجة؟ دفعكم شي واحد باش طلعو تهضرو فالاعلام .. علاش رفضتو المبلغ اللي عطيناكم؟
احمد: الوالييدة اخويا.. عييينا معاها والو ..
تميم: غير الوالدة؟ غير قول دابا شنو كاين دابا فات الفوت باغي نعرف شكون اللي مور هادشي وصافي
احمد: واخوويا انا والللله متقاد على هاد المشاكيل دالآليييباا.. انا غا دروييش
تميم: غتبقا بيناتنا.. مايعرفها حتى واحد.. غير دوي
جبد تميم مليون من جيبو مجموعة بسمطة حطها قدامو وقال
يالاه دوي
شاف فيها احمد وتحلو عينيه بانت ليه كلها طرف وحد داحشيش وبدا يعاود ويهضر جبد اللي كاين واللي مخبي وحتى اللي حاس بيه .
عرف تميم داكشي اللي باغي يعرف ونزل على الكرسي خرج خلاه تما كيشرب ومشا فاتجاه سيارتو ركب ومشا نيشان للعنوان ديال
جاد لقا راسو قدام غيلا فحي الفيلات
صونا جوج مرات فتحات ليه خدامة الباب وكان شاعل نار شاف فيها شوفات ماشي عاديات .. سولها على جاد خبراتو انه لداخل فالفيلا وسمحات ليه دخل ومشات طلعات تكلم ليه جاد
نزل جاد مستغرب كيضحك فيدو واحد الكاس قاليه من الدروج
اوووه ههه جيتي بكري ابرو
نقض عليه تميم فقلب دارو شدو تكرفس عليه بالعصا بلا مايقوليه حتى علاش. الخدامة تخلعات مشات كتجري هزات تيليفون كتعلم في حين جاد كيتلاح من قنت لقنت وتميم تابعو كيرمي فيه من حيط لحيط..من باب لباب من طاولة لطاولة وكامل دمايات.. تعدا عليه بكل ماتحمل الكلمة من معنى خلا دمو كيسيل وسخفان ماقادرش يطلع النفس ولا يوقف على رجليه.. جر ليه تميم بغضب سروالو حيدو وقطع ليه حوايجو وعراه كامل خلاه بلا حوايج وكمل عليه بالعصا مزيان حتى مابقا فيه ميتجمع وختمها جبد تيليفونو صورو بديك الحالة عريان . انتهى من التصوير الفيديو ومشا خنقو بيديه حتى شاف الموت وقاليه
هادا شوية من داكشي اللي مزال غندير ليك… وشوية قدام داكشي اللي درتي لي نتا .
خلاه مرمي فقلب الفيلا وخرج كينهج بغا يفتح باب سيارتو يالاه وقفات سيارة مرسيديس قدامو شدات الفران ونزل منها راجل طويل عامر بكوستيم مخلوع شاف تميم حوايجو مطبعين بالدم .. حقق فعينيه مزيان وحتى تميم حقق فيه مزيان بحقد وركب ودخل الراجل كيجري للفيلا لقا الخدامة مقنتة كترعد وتبكي ويديها على فمها كتفتف وتردد..
السي كمال..السي كمالللل.. جج ججاد
دخل السي كمال كيجري لقا ولدو فالارض عريان مقادرش يهز الراس والفيلا مقلوبة كلها مهرسة.. كلها مشتتة.. طاح على ركبتو مصدوم كيشوف فولدر ماقدرش يشوفو فديك الحالة والروح باغا طلع ..بكا بزز منو ومن خاطرو ويديه كيترعدو وجاب ليه الاسعاف فالحال وغطاه قبل ميهزوه ومشا معاه فالاسعاف اللي هزاتو حتى للكلينيك ودخلوه للمستعجلات في حالة حرجة
انتقام شنيع جسديا. برد القلب لتميم خلاه فالكلينيك مجبد مابداش الفصل الدراسي بحال جميع الطلبة من اللول .
تفتحو ابواب الجامعة والطلاب دخلو والكل مستعد لبداية فصل جديد . ابناء الاغنياء والاثرياء كلشي داخل بسيارة جديدة ملابس جديدة وفصل الربيع على الابواب كلشي فاتح الفيستات كلشي بدا يعري الصدر والدراري بالقاميجات والشميسة ساطعة وريحة الوبيع بدات كتفوح .
وصلات لجين بسيارتها الحمراء الفيراري لابسة بوت عالي كحل وميني فالبني من توب الثعبان وقميجة من الحرير فالخزي باردة وصدرها كيبان .. دخلات لابسة النضاضر وموراها وصل جهاد سايق سيارة رياضية من بيضاء فخمة نزل لابس شميز بيضاء والصدر مفتوح والدجين والنضارات بنية
تلفت شاف تميم جاي فسيارتو الجديدة الزرقاء وضحك كيتسناه ..نزل تميم لابس تيشورط بالكول مطوي نص كم من لاكوسط فبلو سييل ودجين وحداء رياضي ابيض ونضارات بني فتح من الشمس .. تصافح هوا وياه وضحك بالجنب خرج لسانو وشار بعينيه جهة السيارة وقال
بالصحة .
جهاد: عجباتك
تميم: وااعرة.. جات معاك
جهاد: كادو دالواليد.
دخلو كيهضرو وجبدو حس الاختبار وقال جهاد
جهاد: مادرت تا ورة
تميم: حتى انا .
جهاد: شنو غنديرو دابا؟
مشات نسرين كتجري عند تميم وضحك هادة كتاب فيدها وقفات قدامهم وقالت
هاااي.. تميم ..جهاد
حيد تميم نضاضر كيشوف فيها وقال
نسرين!
مدات ليه الدفتر وقالت: هاك
شدو حلو كيشرف شنو فيه وقال:شنو هادا ؟
نسرين: هادا تحليل الشخصية.. ديالي.. انا عرفتك مريتي من ضروف صعيبة فهاد العطلة ..ومابقاش ليك الوقت باش تحلل شخصيتي.. انا خرجت ليك هاد الدفتر فيه اي حاجة كتعلق بشخصيتي انا بالصور والتسجيلات وحتى الوصف والتحليلات
تفاجأ بقا كيشوف فداك الدفتر وسدوز وضحك شاف فجهاد وشاف فيها حتى هي وقال
شكرا بزاف نسرين..ماتوقعتش منك هادشي
نسرين: ماشي مشكل.. لاشكرا على واجب.. كي بقيتي من داكشي اللي دوزتي
تميم: صافا مزيان . شكرا
نسرين: امم.. انا.. انا نخليك تشوف الدفتر والى حتاجيتيني غتلقاني .
شارت ليه بيدو باي باي مشات وكتشوف فيه وترمش وجهاد كيضحك وقال
هانتا نتيجة اعجاب البنات بيك اتميم.. الخدمة اللي غدير كلها دارتها ليك هادي
ضحك تميم ومشا هوا وياه كيهضرو وسرح عينيه مزيان بانت ليه لجين جالسة بوحدها فالكافي وقال
مابانتش ليا بيان
جهاد: دابا شوية تجي كتنقز وتبدا بيك نتا اللول
نزلات سلمى من الطاكسي حتى هي بلباس جديد من ملابس بيان والشعر مطلوق والمكياج دخلات كترمي شعرها لور مشات للكافيتيريا مباشرة كتقلب على صحابها لقات تميم وجهاد جالسين كيشربو قهوة ..بسعادة مشات عندهم سلمات عليهم بجوج وجلسات جنب جهاد اللي عنقها ولاح يدو وراها باسها فخدها وقال
اش هاد الزين هادا .. توحشتك فين غبرتي عليا
سلمى: كانو وقعو شي مشاكل فالدار ماكنتش كنخرج بمرة.. فين بيان
جهاد: نتي اللي صاحبتها وحنا اللي خاصنا نسولوك
سلمى: انا ماشفتهاش من ديك المرة فالسهرة .. وحتى تيليفونها طافي!! مافهمت والو
تلفت تميم اللي كان كيتأمل على برا من الزاج لهيه وقال
غتكون مسافرة .. الى مجاتش ليوم تجي غدا ولا بعدو
جهاد: بففففف شحال عزييييز عليها تخلق الجدل ودير السوسباانس..
تبسمات سلمى بتنمر وقالت كتشوف فلجين
لجيين؟؟ مالكي جالسة بوحدة بحال الى شي واحد هرب عليك؟
تلفتات لجين شافت فيها بابتسامة وقالت
هاد الساعة انا اللي هاربة من هاد الواحد احبيبة!!
سلمى: اممم.. غير بقيتي فيا جالسة بوحدك وقلت نهضر معاك
قاطعهم السمين اللي طاح فالاختبار هوا وبيان ومشا كيجري عندهم فحزن وأسى وقال
ماقدرتش نخرج التحليل ديالي العطلة كلها كنقلب على بيان ما لقيتهاش. ودابا كولشي مشا حط التحليل ديالو الا انا ..
جهاد: ومالك معصب الزين حنا كلنا تقريبا ماخرجنا تحليل ما درنا والو ..ياك اسلمى
سلمى: انا ماعرفتش شنو ندير طحت مع جاد فالتحليل وماحللت والو
ضحك تميم بسخرية وقال: ماتخافيش عندك غذر ..
هز حاجبو كيضحك ويشرب قهوتو وسلمى كتشوف فيه باستغراب وقالت
اشمن عذر؟
تميم: جهاد منشور فالسبيطاو وتقدري تخرجي راسك فهمتي دابا
جهاد: منشور؟ شكون نشرو ؟. ياكما نتا
حط تميم الكاس بيرودة وقال: رديت ليه غير شوية من داكشي اللي كيتسالني
السمين: حتى انا .. تصدمت فاش مشيت نحط شكوى ضد بيان فالادارة على قبل الاختبار قالو لي مابقاتش هنا وتحولات تكمل قرايتها فالخاريج
ضربة قلب موجعة كالسهم اذ اخترق صدره وكالنار اذ اشتعلت في جسمه ..
وقف تميم وحط يدو على صدره كأن تعرض لقلب اللي نهض فجأة وبغا يهرب من بلاصتو. تصدم كيشوف فسمير وهبط يدو تلقائيا والكل مصدوم معاه ووقفو فجأة بقا شي كيشوف فشي
باهتمام مفرط ونضرات الصدمة مع الدهشة مع الرفض التام لشنو سمعو ودنيه وقال بصعوبة فالاستعاب
شنو ؟؟ عاود اشنو قلتي؟؟
جهاد: كيفاش تحولات اش كيخربق هادا
هز تميم يدو وسد عينيه كيحاول يركز ويسكت كلشي باش يتوعبها مزيان .. وعاود طرح نفس السؤال لسمير
سمير بتدمر وحزن: انا مشيت لادارة نقدم شكوى.. قالو لي بيان مابقاتش غتكمل فهاد الجامعة وحولات الملف ديالها من هاد الجامعة لجامعة اخرى فالخارج
جهاد: واش نتا مستوعب اشنو كتقول اسمير ؟!! متأكد؟
سلمى: اويييلي!! اوييلي صافي مشاات!! فيين مشات مغنعاودش ترجع كاع
جلس تميم بفشل ونفس النهضة حس بيها فقلبو وحط يدو كيشوف قدامو تجمع النفس كأنه بغا يتكرع لاكن ماشي تكريعة هادي.. بقا مصدوم شحال وناض غفلهم مشا للادارة مباشرة كيشوف قدامو وحتى حاجة ماكتبان ليه من غير باب الادارة ..دق فالباب ودخل كيتسائل بهدوء على صحة الخبر اللي سمع وتأكد بنفسو لاكن حتى واحد ماعطاه المكان اللي تحولات ليه ولا حتى لمح ليه خوفا من هروب الطلبة كلهم لنفس الجامعة . حاول لاكن من بين القوانين دالجامعة عدم الاعلان على اي جامعة اخرى فقلب جامعتهم باش حتى طالب ميفكر يلتاحق بيها نهائيا
خرج من تما والافكار كتتحول من مكان لمكان فدماغو والاحداث كتعاود والصور كتكرر حتى لقا راسو فسيارتو جالس كيشوف قدامو مافاهم ماعارف حتى شنو واقع ليه.. علاش هاد الدوخة وهاد التلفة وهاد الاحساس والألم اللي حس بيه فجأة وهاد الوخز فقلبو بحال الابر .. عدم تقبل الامر وعدم الرضى النفسي والفشل البدني احاسيس يصعب وصفها .. فجأة بدا يتدكر الحوار ديالو معاها تدريجيا وبدا الندم اللي كان ناقصو فجأة كياكل فيه .
خرج من الجامعة مشا اتاجه مباشرة للدار وغير دخل لقا مدام بهية جالسة وجهها شاحب متعبة وقدامها ملف .. ماتفاجأش بقدر ما بقات المفاجأة اللولة مأثرة عليه ومشا باش يتاجه لبيتو لاكن عيطات ليه مدام بهية وقفاتو وهزات الملف مشات عندو ابتاسمت ابتسامة حزينة وقالت
تميم…
رد بتعب: باغي نبقا بوحدي.. عفاك
شد ليها فيدها حتى هوا بتعب وهبط راسو سل يديه بهدوء مشا سد عليه خلاها واقفة متبعة ليه العين وفيدها ملف شافت فيه وفتحاتو تنهدات كتشوف فيه وتتذكر
فلاش باك
جان بتعب : بهية…انا حولت الثروة ديالي كلها لولدنا تميم.. كلشي فهاد الملف.. قانونيا..
بهية بدموع: علااش ماقلتي لي والو اجاان علاش؟؟ تواعدنا نتشاركو الحلوة والمرة علاش خبيتي عليا وجيتي لهنا عزلتي راسك علاش
جان: قلت الى مت غتعدبو غير مرة ..حسن متتعدبو كل يوم معايا
بهية: ولاكن حنا اسرة.. والاسرة هي اللي كتتقاسم الافراح والاحزان ..
جان: انا مابغيتش نعيشكم الحزن .. وكنحس براسي قريب غادي نمشي… ومابغيتكش نتي وولدنا تعانيو من بعدي ..انا عندي عائلة كبيرة مقاطعهم بسبب التبني ديالي لتميم.. كولشي رافض الفكرة .. على هادشي انا عطيت كل املاكي ..وثروتي قانونيا لولدي.. وكولشي فهاد الملف..هاكا نكون حميتكم من عائلتي ..تميم كان ولدي الحقيقي وغيبقى ولدي الحقيقي فالحياة وحتى فالممات وهوا وريثي الوحيد بسيف على كلشي
يتبع...
التنقل بين الأجزاء