تلقا تميم خبر دراستو بالمغرب بصدمة وماقدرتش يتقبلها حتى بالضحك .. ماخلات بهية منين دازت لاكن هاد المرة غير كل المرات ..تشبت برجوعو ومابغاش يخضع لقراراتهم وبحزم واصرار قال
انا راجع إيطاليا بغيتي تبقاي هنا نتي حرة ..صاافييي..براكة ماتقررو فحياتي كيف بغيتو هاد المرة انا اللي غتختار فين نقرا وفين نعيش وفين مرتاح ..مستحيل نبقا هنا فهاد المغرب واخر كلام عندي
ضار بغا يمشي لاكن بهية طاحت فالارض فقدات الوعي الشيء اللي خلاه يرجع عندها كيجري جلس حداها مخلوع وكيضرب ليها فوجهها ويتفتف وهي بحال شي ورقة دابلة فالارض.. هز تيليفون كيترعد ويعنق فيها وتاصل بالاب ديالو والهضرة كتخرج من فمو مخربقة ..هزها من الارض حطها فوق الكنبي وبدا كيشد ليها فيدها وفوجهها وكيتسنط لدقات قلبها .فتح جان الباب ودخل كيجري مخلوع لقاها غايبة وبسرعة هزوها فالسيارة لاقرب كلينيك ودخلوها حطو ليها اكسيجين وبقا جان وتميم فالكولوار بالشورطات دالصيف وكلاكيطات
جان :اشنو وقع مالها كيفاش حتى طاحت
رد تميم بتوقر وهلع والبؤبؤ دعينو كيترعد وقال
انا انا انا انا السبب ..انا اللي غوت عليها حتى جاتها كريز كاردياك ..انا بسبابي.
خرج الطبيب عندهم شاف فمسير جان بنص عين وتكلم معاه انجليزي باش يتفاهم هوا وياه وطلب منو يهضرو على انفراد ..هاد الحركة خلات خوف تميم يزيد يكبر كأنه شي حاجة وقعات ماشي زوينة ومابغاوش يقولوها قدامو ..شد فواحد الممرضة كانت خارجة هازة بلاطو من لحديد فيدها بدا كيسول فيها وهي كتشوف فيه ماعرفات باش ترد عليه..شد ممرض اخر كيسول و وحتى واحد ماعرف يجاوبو لا بالايطاليا ولا الانجليزية..شد فراسو تعصب وبدا كيغوت ويقول
واش حتى واحد هنا ماكيفهمني؟؟؟ اش هادااا؟؟؟ شي واحد يشرح ليا شنو واقع اش هادشي؟؟
رجع مس جان كيجري عندو جرو من يدو وقاليه
انا غنشرح ليك غير بشوية
نتر تميم يدو وقال : بغيت نشوف ماما طلق مني
جرو جان بقوة قاليه : وانا غنشرح ليك مالك معكس اصاحبي يااه
جرو خرجو من تما باش ميزيدش يدير الفوضى اكثر وخرجو برا وقفو وقاليه
ماماك مريضة جاتها كريز من التعب..الطبيب قال خاصها ترتاح ماخاصش حتى واحد يعصبها ولا يقلقلها ..كريز وحدة اخرى تقدر يوقع ليها ما اكثر..ماخصهاش نهائيا تعصب
سد تميم عينين كمدها وبلع ريقو حتى كمدها مزيان وتلفت فاتح كفوفو وعصب صبعانو وعروق عنقو مع الفك ديالو خرجو وقال تحت سنانو بجنون
قلت ليكم مانمشيووويش لهاد المغرب من اللول ماكنت باغي نجي..من اللول مكانش اصلا خاصني نجي. اش هاد البلاد الملعوووونة ندمت حتى درت ليكم خاطركم ندمت
خلاه جان حتى عواج على خاطرو وكشكش عاد قاليه
دابا اللي وقع وقع الاهم هي ماماك ترجع صحتها ..صحتك ماماك اهم من كلشي ولالا ؟ وحتى دابا ماشي مشكل الى بغيتي ترجع رجع ..الطيارة راها فالمطار واقفة كتسناك فيك غي نتا شكون شادك
عطاه تميم بالضهر خلاه كيضهر ومشا كيضرب برجلو ويشتف ويسب تحت لسانو رجع لداخل حتى للباب ديال الغرفة ورقف هاز راسو كيشوف منين يطل ولا يبان ليه شي حاجة ..خرجات من تما ممرضة بابتسامة وقالت ليه تقدر دخل دابا مكاين حتى مشكل
شارت ليه بيدها دخل كيجري عند مو شد ليها فيدها وهي كتشوف فيه بابتسامة والسيروم معلق ليها
ماوقع والو صافي غير بشوية عليك .
رد بأسف شديد وقال: انا السبب انا كن غيير مت
هبط على يدها باسها ودوزات على شعرو وقالت
نتا ماشي السبب انا اللي كترت على راسي ..ماتعاودش تقول بحال هاد الهضرة غنتقلق منك . اخر مرة نسمعك كتقول بحال هاد الكلام
بقا ساكت وحاط راسو على يدها حتى برد وفنفس الوقت دخل جان .
تميم:غنخرج برا نشم شوية دالهوا
خلاهم بجوج وخرج مشا ..اما مش جان بقا مربع يديه وقال
درتيها بلعاني ولا بصح ؟
تنهدات وقالت: مالقيت حتى شي حل اخر ..بزز مني ..وندمت بناقص كاع ماشفتيش حالتو كي رجع اول مرة واخر مرة
تنهد مس جان وقال: اخر مرة تعاوديها ..حتى انا تخلعت والطبيب زاد خلعني كتر .. واخا بقيت فالشك كنقول يمكن وصات الطبيب يمكن دارتها بلعاني..اما تميم راه كان غيخرج لو عقلو حتى فالهضرة نسى راسو راش كيهضر عربية شوية ولا كيشير بالايطاليا ولونكلي ويدخل ويخرج فالهضرة خلعني!!
مسيو جان: بديتي بديتي كملي وخليك فالفراش شي يامات حتى تبرد القضية ..مابقا والو تبدا القرايا باش نديرو ليه انتقال لهنا .. انا غنشوف المدارس اللي كاينين هنا ونسجلو فشي وحدة فيهم .
مكانش عند تميم خيار اخر واضطر انه يخضع لقرارهم واخا فوق نفسه وخارج ارادته .. دخل عندو مس جان بابتسامة وسرور لقاه فالشرفة جالس مقابل مع الوداية وحداه قرعة وكاع شادها بجوج صباع كيشطحها فتأمل وهدوء..لاح ليه الملف قدامو وقال
على سلامتك ..سجلتك فأحسن كلية فالعاصمة ..طبعا كيبقاو كليات لندن شي حاجة كبيرة لاكن حتى هادي كلية زوينة وغتلاقا الشباب اللي بحالك ..حتى حنا تقدر تكون صداقات وعلاقات جديدة ..مهم ماهوا غير عام واحد بقا ليك وتودع الكلية اصلا .
تكا حداها مشيو جان وقال كيضحك: صبري غير شوية مابقا والو .. ليوم سجلتو فالكلية اللي قلتي لي عليها وسديت الملف ديالو ..كنتمناو تعجبو
ربعات بهية يديها كتنهد وقالت: كنتمناو.. زعما راه شكراتها ليا مدام سارة بزاف وقالت ليك فيها اقريبا نفس السيستيم الاروبي..وتابعة لاروبا وكيقراو فيها ولا النخبة ..وحتى بنتها اللي مكيعجبهاش العجب كتقرا تما ومرتاحة فيها
مسيو جان: حتى ولدك اللي مكيعجبوش العجب كنتمناو تعجبو كما عجبات هاد بنت مدام سارة اللي مكيعجبهاش العجب هههه باينة هاد الكلية مجموعين فيها غير اللي مكيعجبهمش العجب
على سلامتك حبيبة..اخيرا نضتي من لفراش فرحت مللي شفتك ..
تبسمات مدام بهية وقالت: حتى انا فرحانة غنبقا نشوفك تقريبا كل يوم ونخدم انا وياك..شخبارك لاباس عليك ؟
تنهدات وقالت: بحال ديما .. بنتي شاطناني ..شطنتي الوحيدة هي بنتي ..راكي عارفة ليوم اول نهار عندها فالكلية ايوا منقولكش صبحات كتنكر وحتى حاجة معاجبها.. دريسينغ عندها قد هاد القاعة تقول مول وهي قالك ماعندها ماتلبس ..وااالو يالالا
ضحكات بهية وقالت: كلنا كنا بحال هاكاك وهي دابا راه فسن العطاء والجهد ..بحال ولدي ..ضاروري خصنا نصبرو معاهم شوية
مدام بهية: ليوم فلعشية عاد غيمشي .. قلت ليه هاد الصباح بلل متمشي بيني وبينك موجدا ليه مفاجأة .. المهم قالك فقت فقت نمشي نتيريني شوية هاد الصباح بلا منرجع نعس..هادو هما الاولاد
سارة:ايوا خليتك تشوفي شغلك بلا منشدك اكثر الحمد لله على سلامتك حبيبة
تفارقو كل وحدة مشات فجهة وبينما كانت مدام بهية داخلة للبيرو اللي كان فمكان سري داخل الكازينو من بابو الخاص جاها اتصال من مسيو جان وهي كتجلس على الكرسي الكبير ديالها وقدامها حاسوب كبير بشاشة كبيرة فيها مربعات كتار كل وحدة ناقلة مكان فالكازينو من خلال الكامرات المنتشرة ..
بهية: ليوم تاصلو بيا من الوكالة قالو ليا الكدو وصل وواجد .. كنتمناو يعجبو ..ماخليتوش يمشي هاد الصباح غير باش نوريه الوحش اللي رسلتي ليه. انا دابا جيت نشوف الاحوال فالكازينو حتى لديك طناش ونمشي نتلاقاه بيه.. من بعد ونعاود ليك احبيبي .. يخليك ليلي بسلامة
قطعات تيليفون وتلفتات لاشغالها بدات العمل ديالها .. اللي شافها كتهضر بشوية قد النملة ورقيوقة وكيوت ميقولش هادي اللي كتحكم فأسطول ديال الموضفين عندها فداك الكازينو وكتعرف فأنواع المشروبات والالعاب وكل ماكيتعلق بالكازينو ..وحافضة شغل المحاسب و كتر منو واخا قايم بالواجب ديالو وكتحسب ليه الاموال الطائلة بلا آلة حاسبة ..جنبها كوفر من لحديد كبير قد لكبير فموضفينها مليان امواال مستفين شي فوق شي.. وكيزيدو يستفو اللي تحسب ويراجعو الحسابات.
وصلات طناش وخرجات من لكازينو مشات لمارينا ووقفات فالهواء على برا قدام المقاهي واليخوت ..كانت الدنيا خاوية فديك الوقيتة والشمس قاصحة ساطعة فالسماء.. جابت تميم من الدار باتصال من تيليفونها وحضر قدامها بدجينز كحل وتيشورط كحلة وصبادري لوي فيتون بنية وفيدو كلاسور صغير كحل ..شعر كحل ممشوط للوراء باقي مبلل شوية ونضرات شمسية مستطيلة الشكل .. منين داز كيخلي ريحتو عاطية جدابةشدات من كتافو لعراض وهزات عينها فيه وقالت
عنداك تقوليها ليا قدام شي واحد من معارفنا وصافي..بيني وبينك قولي اللي بغيتي
دوراتو قدام مقابل مع اليخوت وقالت
خليك دابت وشوف الوحش اللي سيفط ليك باباك
بقا كيشوف قدامو مافهم والو حتى تفاجأ بسيارة سوداء سواد فاحم ولمعان وبريق كيعمي لعينين .. سيارة كما قالت عليها بهية وحش..وحش صوت وصورة بجوج بيبان كبار وروايض عراض واكلين من جناب السيارة.. انها البوغاتي ياسادة.. هز حواجبو شاف فيها وقال
ركب فالسيارة وعرا ليها السقف وقال كيضحك ويدو على المقود
وقال: طياح ولا ماشي طياح هه
ردت كضحك: بلا بيها طياح غير سير
ديمارا الطموبيل ضوتها زعزه الارض ..طارت من قدامو وبهية متبعة ليه العين فرحان حتى غبر بين السيارات فشوارع الرباط
ومشا لجامعتو اللي اول مرة غيتعرف عليها .
وصل ليها والكل تلفت كيشوف شكون هاد الصوت ؟ شكون هادا اللي شرف الجامعة هاد النهار .. اووه طالب جديد ..وسيم ..ثري عام زين هادا
نزل من سيارتو وهز عينيه شاف فالجامعة اللي ناضت الحرب عليها وبقا كيتأمل والكل كيشوف فيه .. وبينما هوا سارح كيشوف فبنياتها جات مع الشارع سيارة مرسيديس كلاس جي سوداء لامعة ..مربعة الشكل وعيونها دائرة وقفات كتبومبا جنب سيارتو بفران مسموع ..تفتح الباب وكان الداخل ديال السيارة كامل باللون الزهري..ن زلات منو بنت متوسطة القد نحيفة طاي مانكان شعرها اشقر حرير لاكن بتسريحة متكوجة محلول وطويل للخصر …حاطة نضرات مربعين كبار ووجهها صغير بيضاء البشرة وحاطة احمر شفاه زهري واضح . هزات صاكها الصغير بحركات سريعة كتبومبا شيه سيارتها وزدحات الباب ومشات دازت حداه ضرباتو بالكتف بدون ماتنتابه فيقاتو وزادت قدامو كتقرقب بخطوات خفيفة وصندالة عالية كومبونزي وسروال دجينز فضفاض ومن لتحت قصير ديق شوية ..شاداه سمطة من لكرش ولابسة معاه طوب من لفوق ابيض قصير على كرشها وغادية بكل ثقة فالنفس هازة راسها دخلات للجامعة . تلفت تميم لقا الطلبة حولو نضرهم ليه من بعد ما تبعو النضر لبنت اللي دخلات ولفتات انتباههم حتى هي.
دخل للجامعة بكل ثقة فالنفس والبنات كيهضرو عليه فمجمعات ويوشوشو ..هادا هوا اللي باه فتح كازينو!! اه هوا ..هادا تميم البيستي.. يااه غيقرا معانا فالجامعة!؟؟ واااو مامصدقاش.
كلشي تفاجأ خصوصا انه دار ضجة مؤخرا على جميع المواقع.. دخل بحالو كاع الطلاب
جلس فالقاعة بحالو بحال اي طالب فصمت وكيدور فعينيه والكل كيتهامس عليه ويشوف فيه ..تلفت حداه لقا واحد دابر نضارات قاع الكاس حال فمو فيه ..حرك ليه تميم راسو بمعنى ياك لاباس؟ رد الطالب وقال بغباء
نتا هوا تميم البيستي؟!!!
تنهد تميم ودور وجهه فصمت وبقا ساكت شاد واحد الستيلو فيدو حتى دخل البروف ابتاسم ولقا التحية للجميع والجميع حياه ..
دوز ديك الساعة بزز ماقدرش يصبر وخرج يتنفس ولا يشرب ليه شي قهوى فالكافيتيريا ..خدا معاه كاس دالقهوى وخرج على برا فالهواء الطلق هز راسو وتنفس ومع الهبطة لقا البنت الشقراء غادية زربانة قدامو وموراها شاب تابعها كيشد ليها فيدها بزز منو وسط حركة الطلاب. مشات جهة سيارتها كتنتر يدها ودافع هي وياه لاكن كان قوى منها وشدها بقوة كأنهم فشجار ونقاش حاد .. شجارهم قار انتباه تميم لاكن دور وجهه مشا جلس فجهة اخرى وكيشوف بعينو شنو واقع .. كبر الشجار بناتهم وكان كيبان ان البنت بغات تمشي بحالها لاكن الشاب ماخلاهاش ..بقا تميم كيشوف حتى عيا وشاف حتى واحد ما تدخل فالطلبة والكل كيشوف غير بنص غين ويدوز وساكتين ..ناض مشا عندهم وتدخل بيناتهم قائلا بالانجليزية وشاد للشاب فيدو
ماشي اسلوب هادا تتعامل بيه مع البنات
تصدم الشاب وهبط عينو شاف فيدو كيف مشدودة ورجع هز عينو بحدة وقال
ونتا سيادتكم جاي تعلمني كيفاش نتعامل مع البنات
الشقراء بقات واقفة مصدومة وحيدات النضارات على عيونها الجميلة الزرقاء وبياضهم كبياض الثلج وبقات كتشوف فتميم وفالجرأة ديالو
الشاب متمالكش نفسو كالعادة ودفعو من صدرو وقاليه
شكون نتا اللي جاي كتدخل بيني وبين صاحبتي؟؟
هضرات الشقراء وقالت بغضب بغات تمشي
هادشي اللي بقا ليا غير فيلم اخر مع النهار الاول فالجامعة
شدها الشاب من يدها بقوة وقال بغضب
قلت ليك مغتمشيش حتى نكمل هضرتي
بقا تميم كيشوف فيهم بجوج وتراجع مللي سمع انها صاحبتو فماليه داعي يتدخل بيعندو فكها منو وقاليه
واخا صاحبتك تعلم كيفاش تعامل معاها ..ماشي بهاد الطريقة !
بغضب شديد وكان الشاب على سبة معصب تلفت ورجع دفعو مرة اخرى ولكمو لكمة سيلات لتميم الدم من فمو حتى قفزات البنت مخلوعة شدات حناكها والطلاب كلهم تخلعو وتجمعو ..جرات الشقراء صاحبها مخلوعة بعداتو لاكن تميم كان ليه رد اخر ..حط صبعو على فمو لقا الدم وجمع القبضة ديالو تبعو وجرو دورو عندو ودخل فيه بدماغ لوسط وجهه طيحو قدام الطلبة فالارض وطلع عليه هز يدو بغا ينزل عليه لاكن الشقراء طاحت حداه شدات ليه فيدو بالخلعة وقفاتو كتقوليه لالا ..لاا .
هنا تدخل شاب اخر خرج من الجامعة كيجري وكان قوي كفاية باش يفارقهم …. نوض تميم بعدو ومشا عند الشاب الملثى فالارض وقفو وبدا كيفارق فيهم..الشاب غير جمع الوقفة بغا يهجم على تميم وناضت معركة بيناتهم والشاب الثاني كيفك فيهم والشقراء كتغوت مخلوعة والنضاضر فالارض ..جاو الحراس فكوهم وجمعو كلشي فالارادة وجلسوهم على الكراسا مصافين حالتهم حالة .
وقفات وحدة من الادارة بصرامة ضربات فالبيرو وضاغت فالشقراء اللي مهبطة راسها فصمت وقالت
عاوتااني نتي بيان ؟؟ انا مستغربتش بصراحة ..مستحيل بيان تبدا عام جديد بلا مشاكل مستحيل
ردت بيان بصوت منخافض: انا مادرت والو ..
قاطعاتها المديرة وقالت:
نتي ديما مادرتي واالو .. والسي جاد حتى هوا مادار والو؟؟ بحال ديما المضاربات والصدع ومادار والو اولا لا
تلفت جاد للجنب بعينيه منفوخين والدم فنيفو شاف فتميم بنص عين وقال
هادا اللي تدخل كن ماتدخلش مكانش غيوقع اللي وقع
حلو الملف ديال تميم طلو عليه وقال واحد من الادارة : تميم البيستي..بما انك اول سنة ليك هنا فلازم تلتازم بالقواعد والاحترام ..للمدرسين والطلبة كذلك وهادشي مانحتاجوش نقريوه ليك
هز تميم عينيه وفمو منفوخ من الجنب وقال
انا عارف حدودي ..شفت الضلم قدام عيني وماقدرتش نسكت عليه
ودت المديرة: هادي اخر فرصة ليكم بثلاتة ..شجار اخر او خصومة غيتوقف مولاها عقوبة ليه . كنتمنى كلامنا يكون واضح .. ونتي ابيان .. كنتمنى من قلبي مانعاودش نسمع سميتك ولا نشوفك فهاد البلاصة مرة اخرى ..والا غنعمل معاك اللازم
بقات بيان ساكتة مهبطة راسها مارضاتش وكتشوف فجنابها وترمش ..خرجو من الادارة كل واحد قالب وجهه كان الشاب اللي فكهم واقف عند الباب كيتسناهم يخرجو .. تلفت جاد خزر فعينين تميم وقال: اخر مرة توقف فطريقي فهمتي
رد تميم هاز راسو وقال: نتا مقادرش على العصى ماتبقاش طير
شدو جاد من حوايحو بغيض وقال
انا نوريك مقادش ..
فكهم الشاب الثالت من جديد وقاليهم
واش نتوما باغيين تخرجو على راسكم عاد خرجتو من الادارة
نتر ليه تميم يديه وبقا واحد كيخزر فلاخر من بعد انصرف جاد وبقا تميم واقف مع الشاب اللي فكهم .. قال الشاب بجدية وتودد
كنصحك تبعد على طريق جاد.. ماشي انسان اللي كيتفاهم ولا كيفكر بعقلو هوا هاكا ديما اللي قاصو كيلسق فيه..المهم ماعلينا ..انا جهاد..ادارة اعمال ومعاك فنفس الصف .. ليوم شفتك فالقاعة
مد ليه تميم يدو وقال : متشرفين ..انا
قاطعو جهاد وقال: تميم بن موسى البيستي..كنعرفك مزيان ومؤخرا شفت تصاورك فالصفحات..تشرفت بمعرفتك. اول عام عندك هنا ياك
تنهد تميم وقال غادي هوا وياه كيتجمعو .. اول عام واخر عام .
ضحك جهاد وقال: ههه لقرايا هنا ماشي بحال لقرايا فلندن
تلفت تميم وقال : شكون قاليك انا كنت كنقرا فلندن
ضحك جهاد بسخرية وقال: حتى حاجة مكتخبا اصاحبي.. دابا كولشي رجع مكشوف و باين ..نقدرو نعرفو شوي حوايج الاناسن المعني بالامر شخصيا معارفهمش على راسو
تلفت تميم كيحرك راسو شاف بيان واقفة مع البنات بعيد وقال
شنو بينو وبين ديك البنت علاش حتى واحد ماتدخل يفكها منو؟
هز جهاد حواجبو وقال كيتنهد: ااههه.. هاديك سندريلا الجامعة كلها ..بيان العلوي.. هي وجهاد فعلاقة شي عماين دابا ولاكن ديما مشادين ..حتى واحد مكيقدر يتقرب منها او يطلب ليها النمرة..كيخافو من جاد حيت كما قلت ليك واحد مكيخافش ومكيعقل على حتى واحد.
وبيان حتى هي بنت مشاكسة وكما شفتي ..هاهما من اول نهار وصلو للادارة
كانت بيان واقفة مع البنات صحاباتها ووحدة فيهم كانت هازات نضارات فيديها وقالت بأنوثة ودلع
انا بغيت نعرف غيير علاش كنسكتو ليها؟؟ حاسة براسها كيحسابها هي محور الكون .. طيرات جاد ودابا بغات طير حتى تميم لااا والزوينة مدابزين عليها !! ديما بيان اللولة فكلشي باش حسن منا باش
هزات وحدة اخرى كتفها كضحك وقالت
ايوا حبيبة خاصك تكوني بيان ..ماشي ساهل باش تكوني بيان اما الفلوس والزين كاين عند بزاااف ديال البنات هنا فالجامعة . كوني بيان باش يدابزو عليك الاباطرة هههخخ
مشات كضحك وخلاتها في حين لحقات بيان بتميم ووقفات وراه كتمتم كتقلب باش تبدا ..تلفت عندها هوا وجهاد وشاف فيها طلعها وهبطها وبقا كيتسائل بعينيه ..مدات ليه نضاضرو وقالت
هادوو ..مم. نضاضرك طاحو ليك .
شد من عندها النضاضر وقال بميوعة :امم..شكرا عدبتي راسك
شافت فجهاد بنص عين وحولات عينيها لتميم وقالت: بغيت نقوليك سمح ليا على داكشي اللي وقع معاك بسبابي.. بصراحة …ماعرفتش كفاش نعتادر منك
صغر هينيه كيشوف فيها وقال:
هادا واجب..اوكي..واجب لا اقل ولا اكثر
سد عينيه وابتاسم ومشا خلاها واقفة بلاصتها وجهاد كيشوف فيها مربع يديه وقال
رجع تميم بحالو للدار وتلاقا مع بهية فالباب دالبناية كتوقف سيارتها ..نزلو بجوج دقة وحدة وغير شافت شافتو تخلعات وقالت
هاااه مالك ففمك شكون ضربك؟
دور وجهه وقال: والو غير مدابزة مع واحد فالسطوب وصافي
هرجات عينيها مخلوعة وقالت :واش مغانساليوش من هاد المضاربات رجعنا لنفس العادة عاوت ؟؟ المضاربات والسهير والمشاكيل وكل نهار من اول تجي مزوق؟؟ طلع طلع ..زيييد قداامي حتى للدار ونتافهمو
ضرباتو لكتفو بالبونية مغددة عليه وضارت ضهرها هي وياه بغاو يدخلو للعمارة لاكن وقفها صوت مرى من اللور قائلة
بهية بن موسى…
تلفتو بجوج وراهم وكانت الصدمة التاريخية لبهية .. لقات الهام واقفة وراها بشعر كحل مطلوق وتزادت وزن على اللي خلاتها هادي عشرين عام . حتى ملامحها تبدلات وبان عليها النضج .. حاطة مكياج ولابسة كسوة حد الركبة وفيست قصيرة وصندالة عالية وصاك فيدها وواقفة رافعة راسها للأعلى
بهية كانت غتسخف شدات فراسها ومشات بيها الارض وجات وبقات مصمرة وعينيها خارجين وحداها تَمِيم كيشوف فيهم بجوج باستغراب..الهام حلات فمها فتميم وعينيها عمرو بالدموع ووجهها تلون ..بجوج كانت صدمة ليهم ..بهية اللي ثلاتة وعشرين عام ماشافت وجه الهام ..والهام اللي ثلاتة وعشرين عام ماشافت وجه ولدها.. وليوم واقف قدامها بشحمه ولحمه وطول وقد شاب فرعيان شيابو غريب عليها .
شد تميم فبهية من دراعها وقال: ماما.. واش لاباس ؟؟
رمشات بهية وبلعات ريقها قالت ليه بصوت مبحوح
طلع نتا..انا غنجي موراك ..غير طلع
شدات ليه فيدو وهوا شاد فيها كيسول مالها وهي عينيها فإلهام خارجين ..طلبات منو يطلع و لقا اخر نضرة فإلهام طلعها وهبطها ومشا خلاهم بجوج ..تلفتات بهية وراها شافت واش مشا وتقدمات قدام الهام مخرجة عينيها وصدرها كيتنفض وقالت
تجلطات بهية تقول قنبولة وبغات تخرج من جسدها ..كتترعد وسنانها ملاسقين وعروق عنقها خارجين ويديها كترعدو ..لاحت الصاك فوق الطبلة وقالت وهي كتجيد الكارني دشيك
بهية: انا عارفة اشنو بغيتي وعلاش جيتي.. كنعرفك مزيااااان ..هانتاي ومابغيتش نشوف وجهك عشرين عام اخرى
مشكييلة هادي.. عليها الولد ماجاش كيقلب باش يعرف مو ..هي مقالت ليه والو..
قالت بنتها سلمى وهي واقفة فواحد القنت كضحك من عينيها
مزال مامتيقاش تميم ولد خالتي!! اويييلي واش كنحلم !! ميمكنش
سميرة: الحل هوا الولد يعرف..ماحدو ماعارفش منقديرو والو.. تقدر دير لينا شي حاجة ولا تسيفط ليك شي واحد يصيفها ليك..هادوك توقعي منهم اي حاجة.. حياتهم ماشي هي حياتنا.. كازينوهات وفلوووس وسلطة ومافيات .. كاع صحاب الكازينوهات كيكونو مافيات مايغروكش المضاهر ..يصفيوها ليك نتي وكاع اللي عارفين بلمح البصر .. وحتى واحد ميجيب خبارنا .. الحل الوحيد هوا الولد يعرف..واللد باش يعرف ويتيق فعلا باللي مو هي نتي خصو شي طريقة..
سميرة: وا عباد الله ..راه خاص الولد يتيق باللي مو هي الهام.. والى تاق باللي نتي مو وتقبلك ديك الساعة مانخافيش ..بهية ماتقدر دير والو .. متقدرش تخسرو والى دارت شي حاجة ليك غتكون باينة علاش.. وولدك اصلا يقدر يصدها ديك الساعة مايخليها دير حتى حاجة .. انا متأكدة الى عرف باللي غير مربي غيبغي يعرف شكون هي مو ..
الهام :والى متقبلنيش؟؟ وصفاتها ليا بهية ؟؟
سميرة: خاصو يتقبلك قبل متعرف بهية..خصك تقربي ليه بشي طريقة وبهية متسيقش الخبار..الى جريتيه ليك ديك الساعة تقدري تحكمي فبهية وحتى فباه عن طريقو هوا ..اما دابا متقدريش تزيدي شي خطوة فأي لحضة تقدر بهية طيرك .. دابا ماتعاوديش تمشي عند بهية ولا تباني ليها ..اصلا درنا خطأ خليناك تمشي تباني عندها
كل واحد كيخطط فجيهة..بهية مللي رتاحو اعصابها وتهدنات وشربات ليها دوا الراس نزلات للمقهى وجلسات فلاتيراس كتنفس وهزات تيليفون تاصلات بجان عاوداتو ليه شنو وقع وقالت
خايفة تعاود ترجع ..شوف ليا فين وصلات وشنو دارت فهاد السنين كلها..واش عندها شي ولاد واش تزوجات كيفاش عايشة؟ شنو اللي خلاها ترجع..بغيت نعرف عليها كولشي
قررات بهية ونفدات ..جمعات حوايجها ورحلات ..مشات هي وسلمى للرباط وبقات سميرة مع واليديها مقابلاهم . تسجلات سلمى فالجامعة وخرجات مع بهية شرات ليها الحوايج باش تمشي وكساتها مزيان .رجعات سلمى للدار ودخلات كتجري لبيتها لبسات وقيسات بغات تسطى ..تحمسات كتر من لقياس وبدات تقاد اللبسات مع بعضياتهم وختارت اللبسة اللي تمشي بيها للجامعة .. مع السبعة دالصباح كانت سلمى واجدة ..وحيت كان البرد بدا كيتحرك شوية لبسات كسوة بلخيط قصيرة وكونفيرس وهزات محفضتها وطلقات شعرها وتزوقات بالمكياج تقول غادية تحضر. وقفات قدام الهام اللي كانت فايقة منفوخة بالنعاس كتوصيها تبت وترزن وماديرش شي زبلة تخرجها من الجامعة .سيفطاتها فطاكسي وغير وصلات ونزلات تصدمات ..عالم غير العالم اللي كتعرف..ناس مختالفين وحتى حوايجهم اللي لابسين بعاد وهاربين على حوايجها ..شافت فراسها لقات راسها لا علاقة ليها بيهم.. فئة قليلة بزاف اللي بخالها كتبان عليهم مقاتلين مع الوقت .. مابقاش كاع كيبان ليها شكلها قدامهم وكاع فرحتها تضربات فزيرو وبقات غير واقفة وكتشوف ..كملات عليها بيان اللي جات كطير بطموبيلتها الفخمة وقفات قدامها ونزلات كي الريشة لابسة من وشط ديك الكريمة الوردية اللي ملونة سيارتها من الداخل.. وقفات برا لابسة شورط قصير بحزامو من الجلد وليبوط بكعب قالي اسود من الجلد مكرش وطالع فوق الركبة وقميجة بيضاء داخلة فالشووط واكسسوارات راقية ..حاطية بيرية من الجلد على راسها وقفازة واحدة من الجلد فيدها الايمن بدون اصابع ..هزات صاك برتقالي اللون من ارميس ولاحت شعرها الاشقر للوراء ومشات قدامها كتقرقب وتتمشا بسرعة . دخلات ..مزال سلمى ماستوعباتش المشهد وصل تميم بسيارتو النارية وقف جنب سيارة بيان ونزل لابس فيست من الجلد بلو مارين ودجينز وكاط رجالي اسوط فرجلو ونضرات كحلة ومشا رافع راسو بحال عارض ازياء ..وصل موراه جهاد بسيارة مرسيديس رياضة صف حداهم ونزل حتى هوا بلباس راقي دخل لتاحق بتميم ..بقات شلمى غير حالة فمها وتقدمات كدور فعينيها من هنا ومن هنا ودخلات كتقلب عليه فين مشا ومنين داز
ااه الجامعة وشكون مجموع فيها.. الوان اشكال الملل مكيدورش فيها .. كلها انشطة ولا تخلو من المشاكل.
فالكافيتيريا جالس جاد وصحابو واثار الضرب مزالة على وجهه.. طالع ليه الدم وزاد طلع مللي جا اميم وجهاد وجلسو مقابلين معاه .. ضحك ليه تميم ضحكة مستفزة الشيء اللي خلاه يزيد يحقد وكملو ليه صحابو ولاد الفشوش اللي دايرين بيه وقاليه واحد
انا ونتا سالينا..سالينا قلب ليك على وحدة اخرى دوز معاها العام وخطيني عليك منصلاحش ليك ..وماتبقاش دور بيا عطيني تيساع
دارت مشات معصبة ودازت فسلمى اللي كانت واقفة كتفرج فالمهشد كامل دفعاتها بكتفها ومشات خلاتها واقفة تما مافاهمة والو ..قربات سلمى من الطبلة اللي جالس فيها تميم وجلسات كتسمع الحوار ديالو هوا وجهاد بتركيز
جهاد: خطيك منو راه معندو ميخسر.. هما كلهم عائلة مشبوهة والمشاكل مكتخطيهمش.
تميم: الى كان راجل يزعم .. يجرب ويشوف اش غيوقع فيه
جهاد: غدخل راسك فمشاكل نتا بعيد عليها وماعندك مادير بيها وعلى والو ..شنو السبب؟ والو!!
بقا تميم ساكت مهبط راسو وعينيه فجاد بحدة وقال
شكون هاد البنت؟وشنو بيناتهم؟
دور جهاد وجهه كينفخ وقال:هادي واحد البرهوشة العام الثاني عندها فالجامعة.. كطير وكما قلت ليك مشاكسة وهي سبب اغلب البلاوي اللي كتنزل على الجامعة ..قد ما بعدتي منها غتبقا مرتاح .. ومايغركش الزين وتشوفها تبان ليك بحال الملاك ..راه واحد الشيطانة بحالها مكايناش
سلمى مافهات والو..حتى كيفاش دير تتقرب من تميم ماعرفاتش..ربعات يديها كتفكر من بعد دخلات للمحاضرة ديالها وعقلها مرفوع كتشوف غير فالطلبة حتى خرجات .
ضربات دورة فالجامعة مابانش ليها وشافت الساعة لقات الحال مشا وخصها ترجع
خرجات من الجامعة طالعة مع الشارع بوحدها لجهة الطاكسيات وكتخمم فشي طريقة تقربهها من تميم ..فالاول كان كيبان ليها المسألة ساهلة لاكن فاش تحطات امام الامر مابانت ليها حتى سهولة.. سمعات صوت سيارة جاي من موراها وتلفتات شافت سيارتو جايا ..ماترددات حتى دقيقة وقالت هادي هي الفرصة..قطعات الشارع بسرعة خلات السيارة ضرباتها ولاحتها فالارض ..نزل تميم كيجري لقاها مجبدة وهبط على ركابيه يشوف شنو واقع ..بدات كتبكي وتتألم وشادة فرجلها وهوا كيبسولها مالها ويخلط العربية مع لونجلي .. قبطات رجلها كتبكي وغوتات
هز راسو تنهد وقال: كنتي جاي وخرجات ليا وحدة فطريقي دزت فيها
حطات يدها على فمها وقالت:شنوو؟ اويلي؟
وقف حط داك الكاس وقال: ماتخافيش ماوقع والو ..غير تقصحات فرجلها واضطريت نديها للكلينيك..طلعات بنت الجيران وساكنة حتى هي هنا.. يمكن كتقرا فنفس الجامعة حيت كانت راجعة من نفس الطريق عادا ماكان
جلسات بهية مخلوعة وقالت ليه: عفاك اولدي بقا ترد البال..رد البال راه السياقة فالمغرب ماشي هي لندن واطاليا.. يخرج ليك كلب يخرج ليك موطور وتخرج ليك حتى كروسة بالحمار .. توقع اي حاجة حتى من الجنون كيخرجو هنا.
تميم: انا مافهمتش كيفاش حتى دخلت فيها اصلا ماعرفتش فاش دخلت ماشفتهاش كنت كنهضر معاك فتيليفون والطريق كانت خاوية..منين نزلات مافهمتش!!
بهية: والله يرضي عليك مرة اخرى رد بالك.. رد بالك فالطريق وماتزربش .
مسح على راسو وقال كيسوط: بغيت نمشي لشي صال درياضة من غير هادي اللي لتحت ..مازويناش ومخنوقة مارتاحيتش فيها. قلبت فالانترنت طلعو ليا بزاف ماعرفتش فين اللي حسن مكتعرفيش شي وحدة مزيانة مهوية؟ والى كانت كطل على الطبيعة يكون حسن
بهية: تميم بغا شي صال زوينة وكبيرة تكون كطل على الطبيعة .. راكي عار فة الولاد فهاد السن كيبغي داكشي شبابي ولومبيونص والتيساع فين يترينيو وفنفس الوقت مايملوش .. ولاصال اللي حدانا صغيرة وفيها غير الناس الراشدين بحالنا هه فهمتيني شنو كنقصد
سارة: فهمتك حبيبة .. بنتي كتريني فواحد لاصال من لعام اللي فات وكتشركها ومافكراتش تبدلها ..ونتي عارفة بنتي عزيز عليها الهايلالا والرواج والصدع ..تقدر تعجب ولدك
بهية: واخا سفطيها ليا نوريها ليه ..متكونش غير عامرة ومن هب ودب داخل ليها راكي عارفة داك الاكتضاض بزاف كيجيب غير الصدع
سارة: لالا ماعامراش اصلا هما مستهدفين غير الفئة اللي عندها الفلوس وزايدين فالثمن بزاف .. داكشي علاش واخا كبيرة معامراش
بهية: عرفتي كنحاول ما امكن نخليه يتقبل المغرب ويرتاح فيه..
سارة: فهمتك ونفس الشيء دزت منو حتى انا .. فاش توفى باباها واضطرينا نخليو سويسرا ونرجعو لهنا دزت من نفس الصعوبات اللي كدوزي منها .
بهية: الله يقدرنا عليهم..على العموم شكرا بزاف حتى لغدا ونشوفك فالاوتيل
سارة :اوك حبيبتي مع السلامة
سلمى ولات كتشوف بعيد.. بالعكاكز خرجات بهية فالويكاند دوراتها اكدال كامل كتقلب على الحوايج اللي بغات مالقاتهمش ..وقفات فالشارع كتعرج والرجل مكبصة وقالت : اوففف.. حتى بلاصة مكيبيعو فيها الحوايج زوينين واالو.. ك
نفخات بهية وقالت: راني قلت ليك دوك الحوايج اللي نتي باغا واللي شفتي عند هاد بيان باش نفختي ليا راسي راه كيشريوهم من برااا..من لخاريييج ماشي من هنا.. نتي اصلا بااقا كتعرجي وباغا ليبوط دالجلد فرق الركبة شحال من واحد لقينا عندو هاد ليبوط عاليين وحتى واحد ماعجبك
سلمى. لا ماشي متيير بحال خاداك اللي كانت لابسة بيان .. عرفتي كيفاش لابسة بسيف ما يدابز عليها ولدك ويلسق فيها
دارت بهية يد على يد كتسوط وقالت ليها: واش انا سيفطتك تقراي ولا ديري ليا عرض الازياء؟ هاا؟
خرجات سلمى عينيها وقالت: ايوا كيفاش بغيتيني نتقرب من ولدك ونتلاقا بيه. هاا؟ راه خصني باش نجدبو .. شوفي غير من هضرتو هوا وصاحبو يبان البلان كان كيقوليه واخا تبان ليك هاكاك زوينة راها شيطانة..يعني ولدك عجبو الزين ولاسق فهاد بيان دالزمر ..خاصني حتى انا نبان شوية ..ماشي نبان بحال الخدامة تما واش عرفتي البنات والدراري كي دايرين !!! فييين هما وفين انا
بهية: الى خدمتي دماغك غاتقربي منو بلا حوايج وبلا تجرجير..هانتي غير بحوايج السويقة درتي اخم خطوة فحياتك ..زيدي خدمي دماغك اكثر من هاكا غطفريه. اكثر
سلمى: ايوا نتي حركي جيبك شوية باش يتحرك دماغي انا ..انا مطلبتش ليك طموبيل قد السخط اللي عند بيان ..بغيت غير بحال حوايجها باش نفرح شوية ونحرك ليك دماغي دماغي مغيجيش ويتحرك غير هاكاك.
قابلهم ليها باش ضرب فيهم ورجعات اللور كتستاعد وبدات ضرب بقوة بيديها ورجليها وهوا كيتعرض للكمات ديالها وحدة مور وحدة حتى عرقها وردها حمرا ووقف كيشوف فيها بميوعة وقال
شهاد اللعب؟؟ واش هاداهوا الطوب ديالك ؟؟
وقفات كتشوف فيه بغيض وكتنهج وقالت ليه
هانا غنوريك الطوب ديالي
بدات ضرب وتاكم وتعطي برجليها ويديها ودور فبلاصتها وهوا كيصد دوك اللكمات حتى بدات كتقال وورجعات كتعيا وكضرب ضربة وتحني !!على ركابيها حتى سخفات وجلسات فالارض ماقدرات لا تهضر لا تهز يدها وحلقها نشف. وقف كيشوف فيها ويضحك وقال
شفتي.. طالعة على الخوا الخاوي . مزال خاصك بزاف
لاح دوك القفازات ومشا نعس على واحد البارا كيهز لحديد وهي حتشوف فيه والنفس مقطوعة فيها ..جلسات ردات النفس وهزات قرعتها شربات منها ومشات وقفات مور راسو جبدات الحديدة الرقيقة اللي بحال المسمار كيختارو بيها التقل وبدلاتها ليه لما اكثر من داكشي وهوا كيدور فعينيه وناعس على ضهرو مافهم والو والى رخاها طيح عليه .. بقا كيتعصي ويتعصر حتى عروقو خرجو ورجع حمر وصدرو تضاعف طلع لفوق وجميع عضلاتو تزيرو بغاو يطرطقو ..وقفات عليه ويدها جنبها كضحك وقالت
يالاه الزين بين ليا ..ولا فيك غير الهضرة ..بيالاه زيد واحد..جوج..زيييد
يبس تميم وبغا يتفركع وقال بصوت كيتعصر والدفال خرج ليه من فمو
لاا… حيدي..حيدي داكشششششي
شافت فالسما كضحك وقالت
يالاااه.. ماشي شي حاااااجة ..يالاه الزعيم
عض على سنانو والعرق كيهبط معاه ماقادر حتى يهضر وهي كضحك .. خلاتو هاكاك حتى تمكنات منو مزيان عاد رجعات اللور ببرودة نقصات ليه وفالحال حط البارة وناض جلس كيقطر مفصول وكينهج وهي واقفة واقفة عليه كضحك وقالت
اممم مزااال خاصك بزااف
مشات وخلاتو مهبط راسو كيلهت ويديه على ركابيه كيردد
مسخوطة هادي!!
هزات صاكاها كضحك وتشوف وراها وخرجات من لاصال ..رن ليها التيليفون فيدها وشافت شكون المتصل وبميوعك قلبات عينيها وقطعات .. عاود رن مرة اخرى وطفاتو فمرة وخرجات لابسة عليها مونطو فوق لباسها الرياضي والصاك على كتفها ركبات سيارتها الفخمة حطات نضارات مرعين ومضببين بالاسود ومشات مباشرة على الاوتيل الفخم .. نزلات من سياراتها وعطات السوارت للموضفين اللي على برا ودخلات طويلة حيدات النضارات ومشات للاستقبال وقفات بالجنب وقالت
تلفتات شافت مدام سارة خرجات من الاسانسور والدنيا عامرة شي داخل شي هارة والاوتيل كبير وفخم كأنه سي مول من لداخل .. مشات عندها مدام سارة كانت غتبوسها من الحنك لاكن بيان رجعات اللور وقالت
بلا متبوسيني وجهي عرقان ..عاد خرجت من لاصال .. جاد على بالي ندير على مام ومساج
م.بهية: قرايتو قدام عيني نعرفو اشنو كيدير ونحضيه اهم من لقرايا فلندن..حتى فاش كان فلندن كنت تما معاه ..وبحضوري وقعو كوارت كثيرة ..اما فغيابي يعلم الله شنو يوقع كاع ..ونيت فرصة نبعدو على الشلة ديالو ونتهنا من المشاكيل …هه والله هانتي شفتي حتى حاجة مساهلة وكاع اللي عندو الاولاد مامرتاحش
تنهدات م .سارة وقالت : هادشي ديالهم مكيساليش..قولي لي علاش جيتي اما الموضوع ديال الاولاد عمرو مايتسالاش
م.بهية: جيت على قبل الحفلة دراس السنة .
استغربات م.سارة وقالت: ولتكن الحفلة دراس السنة باقا بعيدة وحنا يالاه فآواخر شهر تسعة
م.بهية: داكشي علاش جيت عندك .. باش مقادو بروكرام انا وياك الى بغيتي.. بما اننا شركاء فأنا غنستافد من الاوتيل ديالك ونتي تستافدي من لكازينو ديالي.. انا غندير حفلة كبيرة لراس السنة تكون حافلة بالمعقول.. الشيء اللي غيخلي الكليان بكثرة يجي..ونتي ديري تخفيظات فالاوتيل باش دور الحركة اكثر ..تستافدي من الكليان ديالنا ونستافدو من النزلاء ديالك اش بان ليك؟
ضحكات م.بهية وقالت: ولاهيلا فكرة ..عندك الحق انا نيت عندي كنوجد جناح جديد فالجهة المقابلة فيه مايقارب ربعين غرفة صغيرة..هادي هي الفرصة فين يجيو يجربو الخدمات الجداد
م.بهية: وبطبيعة الحال اهم حاجة من هادشي والنجاح الكبير هوا الاشهار..ماشي ضاروري يعمرو كاملين او انا نربح بزاف فراس السنة..الاهم هوا الاوتيل يدير ضجة والكازينو يزيد يتشهر ..ماشفتيش الضحة اللي درنا فالافتتاح صارت على كل لسان والاوتيل بان فالواجهة ..وباش نعاودو نديرو البوز ونخليوه حدث راس السنة خاص الكازينو يدير خدمتو ..ويدير حفلة نستقطبو بيها كليان جداد والصحفة بطبيعة الحال
ضحكات سارة وقالت: خاصنا نوجدو راسنا من دابا خاصني نزرب دغيا باش نوجد الغرف الجديدة ..اما قضية الصحافة انا عارفة شكون نكلف..
م.بيان: وشكون كتعرفي شي واحد يتكلف؟
م.سارة: هه بيان بنتي هادا هوا شغلها ..كتعرفهم كاملين .وعندها صفحة مليونية على الانستغرام ..وهي بوحدها كافيك دير البوز لهاد الافتتاح وكتعرف اغلب المشاهير والصحافة ..بنات ليوم هادشي اللي تابعين
مدام سارة:هه..متهزيش الهم من هاد الناحية..وجدي راسك حيت غتجيب ليك مشاهير المغرب كامل ..طحتي ليها على نقطة ضعفها ..حتى هي كتقلب غير على البوز وفين تسلى وتستمتع وهاد الحفلة غطيح بحال نقطة العسل على قلبها ..لاكن غنخليها ليها فاجأة فاش يقرب راس العام ..اما الى عرفات دابا غادي تخلي اللي موراها واللي قدامها وتركز عليها وتنفخ ليا انا راسي صباح وعشية هه
فالسبا فين الضوء خافت والديكور والضائة مستوحى من ااطبيعية الاسيوية خرجات بيان من الحمام خلات الفوار موراها بالبانطوفة رقيقة بيضاء ديال الاوتيل وبينوار غليض ابيض والفوطة عالية على راسها وحناكها حومر مزنكة وفيدها مكعب ثلج صغير غادية وكتمررو على وجهها .. مشات على واحد رولاكس فمكان خاص بالراحة كانو فيه ناس كيرتاحو قدام مسبح متوسط الحجم بمياه دافية وجلسات طلقات رجليها وهزات تيليفون لقات مليون اتصال من نفس الشخص.. هزات عينيها كتسوط وحدفات كولشي وتاصلات برقم الخدمات المنزلية التجميلية وقالت
الوو. بيان علوي .. بغيت ندير مانيكير وبيديكور خدمات منزلية الله يخليك..اممم نديرو الساعة ستة؟ .. اوك واخا خليها الساعة سبعة على نفس العنوان ..شكرا
قطعات وتلفتات لقات عصير وحلوى محطوطة حداها وهزات العصير شربات منو وتكات غمضات عينيها حتى رتاحت وناضت لواحد البلاصة فيها سوشوارات معلقة صغيرة قدام مرايات نشفات شعرها وخرجات لبسات واحد العباية بيج مخططة ومشات جامعة شعرها الاشقر فالاعلى وموراها موضف هاز ليها الصاك دالحوايج ..لقات مدام سارة واقفة مع رئيس الموضفين وسط الساحة وفيدو اوراق ودازت من حداها مشافتش جيهتهم ..تبسمات مدام سارة وقالت للموضف بصوت منخفظ
صافي كمل داكشي اللي تافقنا عليه بخصوص الغرف الجديدة
تقدمات مدام سارة وقالت ليها :
بالصحة
ختطبت بيان الموضف وقالت : خود الصاك لطموبيلتي الله يخليك ( ضارت عندها ك كتلوي راسها وتأفف وقالت:شكرا
وقفات قدام مدام سارة قدامها وقالت: على الاقل عطيني احترام الامومة قدام الناس فاش تجي لهنا
هزات بيان عبايتها وقالت : لابسة عبايتك اللي جبتي ليا من دبي.. هادا ماشي احترام واهتمام؟ على الاقل ماخليتهاش مهمشة
ربعات مدام سارة يديها وقالت: مكنهضرش على هادشي.. كنهضر على طريقتك اللي كتعاملي بيها معايا
ما احلى ايام الدراسة وما اجمل الاصدقاء الى كانت فيهم منفعة..وما أجمل الصباح الباكر والشتا كطيح وريحة التراب كتفوح من الجرادي
صبحات سلمى واقفة على عكاكزها فالدار لابسة مونطو جديد بالقب فيه الزغب وليبوط فواحد الرجل والرجل الاخرى مغطياها وملبساها تقشيرة من الصوف فوق الجبص وكتنكر
واش غنمشي بهاد الحالة للجامعة كلشي غيضحك عليا
الهام وهي كتجمع ليها شكارتها: هادي هي الفرصة .. ديري داكشي اللي تافقنا عليه يالاه سربي دغيا
شدات فيها خرجاتها وركبو فطاكسي نيشان لمارينا فالبلاصة اللي تفارقو فيها مع تميم ووقفو .
سلمى: واخا نجلس نرتاح ضاروري نمشي للجامعة كما كتشوف الجبص ماشي شي حاجة اللي ساهلة تحيد.. على الاقل واحد الشهر وانا ميمكنش ليا نجلس شهر كامل على القرايا
تميم: امم .. واخا الى كان هاكا يالاه نوصلك
شهقات بالفرحة وحققات داكشي اللي بغات وقالت
ااه..واخا .. نيت الطاكسي مكيقربش بزاف للجامعة
تبعاتو كتعجرج والهام كطل عليها وتشوف حتى طلعات حداه ومشات السيارة للجامعة ..
فديك الاثناء نزلات بيان من سيارتها بجادبية لابسة مونطو قصير كتوسطو سمطة رقيقة وليبة غليضة وبوط عالي جلد سطحي ونيفها وحناكها حومر وعينيها مع البرد والجو مغاير كيبريو بحال الثلج .. شافت تميم جاي ووقفات كتبسم ىتهز صاكها فيدها حتى وقف مقابل معاها ونزل ضرب الدورة فتح الباب اللي حداه عاون سلمى نزلات ..تلاشات ابتسامة بيان وبقات كتشوف فيهم مطولا ومن بعد سدات باب سيارتها ومشات عندو وقفات قدامو كضحك وربعات يديها كتشوف فيهم وقالت كتنمر عليه
شوفو شكون جا ..البطل ديالنا حامل الاتقال صاحب العضلات الفولادية
هز عينيه كيشوف فيها وقرب منها كيضحك بسخرية وسلمى واقفة كتشوف فيهم بغيض
تكات بيديها على الطاولة كتشوف ليه فعينيه وقالت حيت كلنا بحال بحال وعندنا نفس التفكير..كنقوليك اللي كاين ..ماتيقش بزاف
دخل جاد مع صحابو لقاها جالسة مع تميم وتصمر مصدوم كيشوف فيها … بغضب مشا قاصدهم بجوج ووقف شد بيان من يدها بقوة وقفها مخلوعة قدام تميم وقال
تحركي اجي معايا ..تحركي
ناض تميم شنق عليه ودفعو طيحو على واحد الطبلة وقال بغضب
شنو كيحساب ليك راسك هاا
بغا يطير عليه لاكم وقفات قدامو بيان وشعرها فالسما كتخيدو على وحهها وعينيها خارجين بالخلعة وقالت بخوف
صاافي تميم..صافي عفاك ماديرش راسك فيه هادا مسطي ماديرش فيه راسك
ناض جاد بقوة دفعها تلاحت بعيد وهز يدو بغا يلكم تميم لاكن الاخير صدها فالهوى وعطاه للوجه سيل الدم .. تدخل من جديد جهاد كيجري وجر الدراري فكوهم وفرقوهم على بعض . شد جهاد فيقمو اللي كينزف وقال رافع صبعو
بقيتي غير نتي فالحساب.. منين خرجات ليا هادي حت هي تفوو
رجعو للكافيتيريا فوقت لغدا ضدق حتى واحد فيهم مخارج.. تميم مشا جلس بوحدو تقابل مع واحد السرجم ويدو على قمو معبس وبيان مشات جلسات فطبلة بوحدها حتى هي ماقدراتش تقرب منو وسلمى مشات جلسات فجهة اخرى بوحدها وبقا شي كيشوف فشي بنص .. صبرات بيان حتى عيات لاكن ماقدراتش تزيد تبت اكثر وقالت
لااا صافي ..بزاف
هزات صاكها مشات عندو لاحتو فوق الطبلة وجلسات حداه قائلة
شنو وقع يااه؟؟؟ مالك قلبتي وجهي هاكا اللي شافك يقول انا حرشتو عليك
سد عينيه وهوا على نفس الوضعية ماجاوبهاش خلاها كترطى بوحدها وتشطح فبلاصتها ..طلات عليه شافت فيه وقالت
مالك كتعاملني بهاد الطريقة. انا شنو درت ليك؟؟؟
حرك عينيه شاف فيها وقال :كفاش بغيتي نعاملك؟ حتى دوقك فالدراري مزفت
دورات وجهها ميعات كتنفخ ورجعات شافت فيه وقالت
دابا خليني من هادشي..انا بغيت نقوليك شي حاجة مهمة ..عنداك يحساب ليك تابعاك على زينك وكحل عيونك بحال بنات لافاك.(دورات عينيها) شووف.. جاد كيخطط لشي مصيبة ..سمعتو كيهضر فتيليفون مع شي واحد كيوجدو ليك شي حاجة
دور وجهه كيضحك وقال: ونتي خايفة عليا من صاحبك. ياك؟؟
خزرات فيه وساطت من نيفها وقالت : انا جيت علمتك ..داكشي اللي سمعت قلتو ليك باش ترد بالك..داك الكيدار مكيخاف من والو وعندو زايد ناقص من موصيبة لمصيبة
وقف شاف فيها بابتسامة صفرا وقال
خافي غير على راسي اما انا قاد بشغلي
مشا وخلاها جالسة غطرطق وزاد بحالو ..دورات عينيها كتفكر حتى عيات وناضت تبعاتو من بعيد كتراقبو وماحيداتش عينيها عليه..وحتى سلمى مادخلاتش تقرا ديك العشية بقات حاضياهم ومنين مادازو كدوز كتعرج حتى تعاشات لعشية وبدا الكل كيخرج وهنا مشات بيان كتجري عند سلمى وقفاتها وهي نازلة مع الدروج وقالت
الو .. داكشي اللي قلتي ليك عليه ..قاد ليا الشغل مزيان خصوصا وجهه ..يالاه بسلامة
قطعات ورجعات اتصالات مرة اخرى :الو البوليس
وصلات للنقطة اللي سمعاتو هضر عليها فتيليفون ووقفات بعيدة بين الشجر كتشوف..بانت ليها سطافيت وقفات تما والبوليس نزلو جروهم واحد واحد طلعوهم فسطافيط مجموعين ومشاو ..تبسمات حتى تسدو عينيها وقالت
الله علييك ابيان ..كنحبنييي. غدا نتفرج عليك ابا جاد وعلى عياقتك
هزات تيليفون كضحك وتقلب على رقم سلمى اللي خدات من عندها وتاصلات بيها قائلة
وصلات بيان للفيلا ووقفات .. وقبل ماتنزل جاها مسج فالوتساب وفتحاتو لقات ليان وصلها ودخلات تشوف بحماس طلع ليها الانستاغرام وجريدة الكترونية حاطة خبر حصري مكتوب عليه
فضيحة ولد الفشوش جاد العمراني شدوه البوليس هوا وصحابو ومعاه السلاح الابيض من نوع جنوية
خرجات لسانها برا كتعض على شنايفها وضحك وقالت
ايوا دابا نشوفوك فين غتخرج مع باك على هاد الفضيحة اللي درتي ليه وسط المجتمع . يالاه فكها دابا
ضربات طلة لقات كاع الصفحات مطرطقين الخبر اللي دار البوز ديك العشية من صفحة لصفحة والتعاليق عليه كيعايروه والمشاهير كل واحد حاط عليه سطوري عاطي رأيو والكل ركب على الموجة بغا يدير البوز والحالة حالة بردات الجوف لبيان اللي شعلاتها ورجعات اللور تنهدات وقالت
ااااححح والله باك غيتعشا بيك هاد الليلة و فضيحتك فضيحة وباك مغيدوزهاش ليك هاد المرة
إغفر يا تميم الجزء الثاني
محتوى القصة
تلقا تميم خبر دراستو بالمغرب بصدمة وماقدرتش يتقبلها حتى بالضحك .. ماخلات بهية منين دازت لاكن هاد المرة غير كل المرات ..تشبت برجوعو ومابغاش يخضع لقراراتهم وبحزم واصرار قال
انا راجع إيطاليا بغيتي تبقاي هنا نتي حرة ..صاافييي..براكة ماتقررو فحياتي كيف بغيتو هاد المرة انا اللي غتختار فين نقرا وفين نعيش وفين مرتاح ..مستحيل نبقا هنا فهاد المغرب واخر كلام عندي
ضار بغا يمشي لاكن بهية طاحت فالارض فقدات الوعي الشيء اللي خلاه يرجع عندها كيجري جلس حداها مخلوع وكيضرب ليها فوجهها ويتفتف وهي بحال شي ورقة دابلة فالارض.. هز تيليفون كيترعد ويعنق فيها وتاصل بالاب ديالو والهضرة كتخرج من فمو مخربقة ..هزها من الارض حطها فوق الكنبي وبدا كيشد ليها فيدها وفوجهها وكيتسنط لدقات قلبها .فتح جان الباب ودخل كيجري مخلوع لقاها غايبة وبسرعة هزوها فالسيارة لاقرب كلينيك ودخلوها حطو ليها اكسيجين وبقا جان وتميم فالكولوار بالشورطات دالصيف وكلاكيطات
جان :اشنو وقع مالها كيفاش حتى طاحت
رد تميم بتوقر وهلع والبؤبؤ دعينو كيترعد وقال
انا انا انا انا السبب ..انا اللي غوت عليها حتى جاتها كريز كاردياك ..انا بسبابي.
خرج الطبيب عندهم شاف فمسير جان بنص عين وتكلم معاه انجليزي باش يتفاهم هوا وياه وطلب منو يهضرو على انفراد ..هاد الحركة خلات خوف تميم يزيد يكبر كأنه شي حاجة وقعات ماشي زوينة ومابغاوش يقولوها قدامو ..شد فواحد الممرضة كانت خارجة هازة بلاطو من لحديد فيدها بدا كيسول فيها وهي كتشوف فيه ماعرفات باش ترد عليه..شد ممرض اخر كيسول و وحتى واحد ماعرف يجاوبو لا بالايطاليا ولا الانجليزية..شد فراسو تعصب وبدا كيغوت ويقول
واش حتى واحد هنا ماكيفهمني؟؟؟ اش هادااا؟؟؟ شي واحد يشرح ليا شنو واقع اش هادشي؟؟
رجع مس جان كيجري عندو جرو من يدو وقاليه
انا غنشرح ليك غير بشوية
نتر تميم يدو وقال : بغيت نشوف ماما طلق مني
جرو جان بقوة قاليه : وانا غنشرح ليك مالك معكس اصاحبي يااه
جرو خرجو من تما باش ميزيدش يدير الفوضى اكثر وخرجو برا وقفو وقاليه
ماماك مريضة جاتها كريز من التعب..الطبيب قال خاصها ترتاح ماخاصش حتى واحد يعصبها ولا يقلقلها ..كريز وحدة اخرى تقدر يوقع ليها ما اكثر..ماخصهاش نهائيا تعصب
سد تميم عينين كمدها وبلع ريقو حتى كمدها مزيان وتلفت فاتح كفوفو وعصب صبعانو وعروق عنقو مع الفك ديالو خرجو وقال تحت سنانو بجنون
قلت ليكم مانمشيووويش لهاد المغرب من اللول ماكنت باغي نجي..من اللول مكانش اصلا خاصني نجي. اش هاد البلاد الملعوووونة ندمت حتى درت ليكم خاطركم ندمت
خلاه جان حتى عواج على خاطرو وكشكش عاد قاليه
دابا اللي وقع وقع الاهم هي ماماك ترجع صحتها ..صحتك ماماك اهم من كلشي ولالا ؟ وحتى دابا ماشي مشكل الى بغيتي ترجع رجع ..الطيارة راها فالمطار واقفة كتسناك فيك غي نتا شكون شادك
عطاه تميم بالضهر خلاه كيضهر ومشا كيضرب برجلو ويشتف ويسب تحت لسانو رجع لداخل حتى للباب ديال الغرفة ورقف هاز راسو كيشوف منين يطل ولا يبان ليه شي حاجة ..خرجات من تما ممرضة بابتسامة وقالت ليه تقدر دخل دابا مكاين حتى مشكل
شارت ليه بيدها دخل كيجري عند مو شد ليها فيدها وهي كتشوف فيه بابتسامة والسيروم معلق ليها
ماوقع والو صافي غير بشوية عليك .
رد بأسف شديد وقال: انا السبب انا كن غيير مت
هبط على يدها باسها ودوزات على شعرو وقالت
نتا ماشي السبب انا اللي كترت على راسي ..ماتعاودش تقول بحال هاد الهضرة غنتقلق منك . اخر مرة نسمعك كتقول بحال هاد الكلام
بقا ساكت وحاط راسو على يدها حتى برد وفنفس الوقت دخل جان .
تميم:غنخرج برا نشم شوية دالهوا
خلاهم بجوج وخرج مشا ..اما مش جان بقا مربع يديه وقال
درتيها بلعاني ولا بصح ؟
تنهدات وقالت: مالقيت حتى شي حل اخر ..بزز مني ..وندمت بناقص كاع ماشفتيش حالتو كي رجع اول مرة واخر مرة
تنهد مس جان وقال: اخر مرة تعاوديها ..حتى انا تخلعت والطبيب زاد خلعني كتر .. واخا بقيت فالشك كنقول يمكن وصات الطبيب يمكن دارتها بلعاني..اما تميم راه كان غيخرج لو عقلو حتى فالهضرة نسى راسو راش كيهضر عربية شوية ولا كيشير بالايطاليا ولونكلي ويدخل ويخرج فالهضرة خلعني!!
بهية: وشنو بغيتي ندير ؟!! هادشي اللي بقا ليا..صافي براكة عليا من هادال سيروم قولهم يحيدوه نرجع بحالي
مسيو جان: بديتي بديتي كملي وخليك فالفراش شي يامات حتى تبرد القضية ..مابقا والو تبدا القرايا باش نديرو ليه انتقال لهنا .. انا غنشوف المدارس اللي كاينين هنا ونسجلو فشي وحدة فيهم .
مكانش عند تميم خيار اخر واضطر انه يخضع لقرارهم واخا فوق نفسه وخارج ارادته .. دخل عندو مس جان بابتسامة وسرور لقاه فالشرفة جالس مقابل مع الوداية وحداه قرعة وكاع شادها بجوج صباع كيشطحها فتأمل وهدوء..لاح ليه الملف قدامو وقال
على سلامتك ..سجلتك فأحسن كلية فالعاصمة ..طبعا كيبقاو كليات لندن شي حاجة كبيرة لاكن حتى هادي كلية زوينة وغتلاقا الشباب اللي بحالك ..حتى حنا تقدر تكون صداقات وعلاقات جديدة ..مهم ماهوا غير عام واحد بقا ليك وتودع الكلية اصلا .
تبسم وناض ضرب على كتفو وخلا ليه الملف قدامو ..حليه تميم الورقة اللولة شاف سمية الكلية ورجع سدو وقلب وجهه كتنهد.
دخل مسيو جان لغرفة نومه هوا بهية لقاها متكية وسد الباب وراه
بهية وهي كتقاد جلستها :جنابي تسلخو بالنعاس..سيمانة وانا فهاد الفراش صافي عييت
تكا حداها مشيو جان وقال كيضحك: صبري غير شوية مابقا والو .. ليوم سجلتو فالكلية اللي قلتي لي عليها وسديت الملف ديالو ..كنتمناو تعجبو
ربعات بهية يديها كتنهد وقالت: كنتمناو.. زعما راه شكراتها ليا مدام سارة بزاف وقالت ليك فيها اقريبا نفس السيستيم الاروبي..وتابعة لاروبا وكيقراو فيها ولا النخبة ..وحتى بنتها اللي مكيعجبهاش العجب كتقرا تما ومرتاحة فيها
مسيو جان: حتى ولدك اللي مكيعجبوش العجب كنتمناو تعجبو كما عجبات هاد بنت مدام سارة اللي مكيعجبهاش العجب هههه باينة هاد الكلية مجموعين فيها غير اللي مكيعجبهمش العجب
ضحكات بهية وقالت: عرفتي الى عاق بهاد الفعايل..راه متتصورش شنو غيدير
مسيو جان: صافي دابا مابقا ش عندو الوقت يفكر..القرايا هاد الاسبوع غتبدا..انا هاد الويكاند غنرجع ايطاليا ونتي تقدري تنوضي من هاد الفراش وديري الرياضة مع راسك .
رجعات المياه لمجاريها ..لاكن حسب مكيشوف الانسان ..اما المخبي مامعروفش حالو واش فمجراه ولا فمجرا من غير ديالو..
شالات العطلة الصيفية ..اللي خدام رجع لخدمتو واللي كيقرا رجع لقرايتو ..وجان رجع لبلاطو واشغالو وخلا بهية وكيلتو فالكازينو. لبسات سروالها التوب لكلاسيكي الرمادي وقميجة مخططة سماوية ..هزات صاكها البني ارميس وحدائها العالي ونزلات قدام الاوتيل بكل رقة مشات فاتجاه الكازينو ..صادفات فطريقها مدام سارة بميني وكوستيم ابيض وحداء عالي وقفاتها وسلمات عليها بابتسامة وقالت
على سلامتك حبيبة..اخيرا نضتي من لفراش فرحت مللي شفتك ..
تبسمات مدام بهية وقالت: حتى انا فرحانة غنبقا نشوفك تقريبا كل يوم ونخدم انا وياك..شخبارك لاباس عليك ؟
تنهدات وقالت: بحال ديما .. بنتي شاطناني ..شطنتي الوحيدة هي بنتي ..راكي عارفة ليوم اول نهار عندها فالكلية ايوا منقولكش صبحات كتنكر وحتى حاجة معاجبها.. دريسينغ عندها قد هاد القاعة تقول مول وهي قالك ماعندها ماتلبس ..وااالو يالالا
ضحكات بهية وقالت: كلنا كنا بحال هاكاك وهي دابا راه فسن العطاء والجهد ..بحال ولدي ..ضاروري خصنا نصبرو معاهم شوية
مدام سارة: اه فكرتيني..تميم ولدك عجباتك الكلية بعدا ؟ مشا ليها؟
مدام بهية: ليوم فلعشية عاد غيمشي .. قلت ليه هاد الصباح بلل متمشي بيني وبينك موجدا ليه مفاجأة .. المهم قالك فقت فقت نمشي نتيريني شوية هاد الصباح بلا منرجع نعس..هادو هما الاولاد
سارة:ايوا خليتك تشوفي شغلك بلا منشدك اكثر الحمد لله على سلامتك حبيبة
تفارقو كل وحدة مشات فجهة وبينما كانت مدام بهية داخلة للبيرو اللي كان فمكان سري داخل الكازينو من بابو الخاص جاها اتصال من مسيو جان وهي كتجلس على الكرسي الكبير ديالها وقدامها حاسوب كبير بشاشة كبيرة فيها مربعات كتار كل وحدة ناقلة مكان فالكازينو من خلال الكامرات المنتشرة ..
بهية: ليوم تاصلو بيا من الوكالة قالو ليا الكدو وصل وواجد .. كنتمناو يعجبو ..ماخليتوش يمشي هاد الصباح غير باش نوريه الوحش اللي رسلتي ليه. انا دابا جيت نشوف الاحوال فالكازينو حتى لديك طناش ونمشي نتلاقاه بيه.. من بعد ونعاود ليك احبيبي .. يخليك ليلي بسلامة
قطعات تيليفون وتلفتات لاشغالها بدات العمل ديالها .. اللي شافها كتهضر بشوية قد النملة ورقيوقة وكيوت ميقولش هادي اللي كتحكم فأسطول ديال الموضفين عندها فداك الكازينو وكتعرف فأنواع المشروبات والالعاب وكل ماكيتعلق بالكازينو ..وحافضة شغل المحاسب و كتر منو واخا قايم بالواجب ديالو وكتحسب ليه الاموال الطائلة بلا آلة حاسبة ..جنبها كوفر من لحديد كبير قد لكبير فموضفينها مليان امواال مستفين شي فوق شي.. وكيزيدو يستفو اللي تحسب ويراجعو الحسابات.
وصلات طناش وخرجات من لكازينو مشات لمارينا ووقفات فالهواء على برا قدام المقاهي واليخوت ..كانت الدنيا خاوية فديك الوقيتة والشمس قاصحة ساطعة فالسماء.. جابت تميم من الدار باتصال من تيليفونها وحضر قدامها بدجينز كحل وتيشورط كحلة وصبادري لوي فيتون بنية وفيدو كلاسور صغير كحل ..شعر كحل ممشوط للوراء باقي مبلل شوية ونضرات شمسية مستطيلة الشكل .. منين داز كيخلي ريحتو عاطية جدابةشدات من كتافو لعراض وهزات عينها فيه وقالت
لكبيدة ..
قاطعها كيلوي عنقو وقال: متبقايش تقولي ليا لكبيدة الشحيمة كنحس براسي كنرضع
بهية: غتبقا ديما فعيني صغير ..كبيدة وشحيمة وهبيرة
خل اصبع يديه فجيابو وقال رافع كتافو
عنداك تقوليها ليا قدام شي واحد من معارفنا وصافي..بيني وبينك قولي اللي بغيتي
دوراتو قدام مقابل مع اليخوت وقالت
خليك دابت وشوف الوحش اللي سيفط ليك باباك
بقا كيشوف قدامو مافهم والو حتى تفاجأ بسيارة سوداء سواد فاحم ولمعان وبريق كيعمي لعينين .. سيارة كما قالت عليها بهية وحش..وحش صوت وصورة بجوج بيبان كبار وروايض عراض واكلين من جناب السيارة.. انها البوغاتي ياسادة.. هز حواجبو شاف فيها وقال
اووه.. عليها ماخليتينيش نمشي للكلية هاد الصباح هه
نزل السائق منها وعطا المفاتيح للسيدة بهية وقال
تفضلي سيارتكم امدام .
شدات السوارت ولاحتهم فالسماء ليه وقالت
يالاه الوحش..سيري لكليتك ..ااه وبلا بسالة ..دير عقلك
ركب فالسيارة وعرا ليها السقف وقال كيضحك ويدو على المقود
وقال: طياح ولا ماشي طياح هه
ردت كضحك: بلا بيها طياح غير سير
ديمارا الطموبيل ضوتها زعزه الارض ..طارت من قدامو وبهية متبعة ليه العين فرحان حتى غبر بين السيارات فشوارع الرباط
ومشا لجامعتو اللي اول مرة غيتعرف عليها .
وصل ليها والكل تلفت كيشوف شكون هاد الصوت ؟ شكون هادا اللي شرف الجامعة هاد النهار .. اووه طالب جديد ..وسيم ..ثري عام زين هادا
نزل من سيارتو وهز عينيه شاف فالجامعة اللي ناضت الحرب عليها وبقا كيتأمل والكل كيشوف فيه .. وبينما هوا سارح كيشوف فبنياتها جات مع الشارع سيارة مرسيديس كلاس جي سوداء لامعة ..مربعة الشكل وعيونها دائرة وقفات كتبومبا جنب سيارتو بفران مسموع ..تفتح الباب وكان الداخل ديال السيارة كامل باللون الزهري..ن زلات منو بنت متوسطة القد نحيفة طاي مانكان شعرها اشقر حرير لاكن بتسريحة متكوجة محلول وطويل للخصر …حاطة نضرات مربعين كبار ووجهها صغير بيضاء البشرة وحاطة احمر شفاه زهري واضح . هزات صاكها الصغير بحركات سريعة كتبومبا شيه سيارتها وزدحات الباب ومشات دازت حداه ضرباتو بالكتف بدون ماتنتابه فيقاتو وزادت قدامو كتقرقب بخطوات خفيفة وصندالة عالية كومبونزي وسروال دجينز فضفاض ومن لتحت قصير ديق شوية ..شاداه سمطة من لكرش ولابسة معاه طوب من لفوق ابيض قصير على كرشها وغادية بكل ثقة فالنفس هازة راسها دخلات للجامعة . تلفت تميم لقا الطلبة حولو نضرهم ليه من بعد ما تبعو النضر لبنت اللي دخلات ولفتات انتباههم حتى هي.
دخل للجامعة بكل ثقة فالنفس والبنات كيهضرو عليه فمجمعات ويوشوشو ..هادا هوا اللي باه فتح كازينو!! اه هوا ..هادا تميم البيستي.. يااه غيقرا معانا فالجامعة!؟؟ واااو مامصدقاش.
كلشي تفاجأ خصوصا انه دار ضجة مؤخرا على جميع المواقع.. دخل بحالو كاع الطلاب
جلس فالقاعة بحالو بحال اي طالب فصمت وكيدور فعينيه والكل كيتهامس عليه ويشوف فيه ..تلفت حداه لقا واحد دابر نضارات قاع الكاس حال فمو فيه ..حرك ليه تميم راسو بمعنى ياك لاباس؟ رد الطالب وقال بغباء
نتا هوا تميم البيستي؟!!!
تنهد تميم ودور وجهه فصمت وبقا ساكت شاد واحد الستيلو فيدو حتى دخل البروف ابتاسم ولقا التحية للجميع والجميع حياه ..
دوز ديك الساعة بزز ماقدرش يصبر وخرج يتنفس ولا يشرب ليه شي قهوى فالكافيتيريا ..خدا معاه كاس دالقهوى وخرج على برا فالهواء الطلق هز راسو وتنفس ومع الهبطة لقا البنت الشقراء غادية زربانة قدامو وموراها شاب تابعها كيشد ليها فيدها بزز منو وسط حركة الطلاب. مشات جهة سيارتها كتنتر يدها ودافع هي وياه لاكن كان قوى منها وشدها بقوة كأنهم فشجار ونقاش حاد .. شجارهم قار انتباه تميم لاكن دور وجهه مشا جلس فجهة اخرى وكيشوف بعينو شنو واقع .. كبر الشجار بناتهم وكان كيبان ان البنت بغات تمشي بحالها لاكن الشاب ماخلاهاش ..بقا تميم كيشوف حتى عيا وشاف حتى واحد ما تدخل فالطلبة والكل كيشوف غير بنص غين ويدوز وساكتين ..ناض مشا عندهم وتدخل بيناتهم قائلا بالانجليزية وشاد للشاب فيدو
ماشي اسلوب هادا تتعامل بيه مع البنات
تصدم الشاب وهبط عينو شاف فيدو كيف مشدودة ورجع هز عينو بحدة وقال
ونتا سيادتكم جاي تعلمني كيفاش نتعامل مع البنات
الشقراء بقات واقفة مصدومة وحيدات النضارات على عيونها الجميلة الزرقاء وبياضهم كبياض الثلج وبقات كتشوف فتميم وفالجرأة ديالو
الشاب متمالكش نفسو كالعادة ودفعو من صدرو وقاليه
شكون نتا اللي جاي كتدخل بيني وبين صاحبتي؟؟
هضرات الشقراء وقالت بغضب بغات تمشي
هادشي اللي بقا ليا غير فيلم اخر مع النهار الاول فالجامعة
شدها الشاب من يدها بقوة وقال بغضب
قلت ليك مغتمشيش حتى نكمل هضرتي
بقا تميم كيشوف فيهم بجوج وتراجع مللي سمع انها صاحبتو فماليه داعي يتدخل بيعندو فكها منو وقاليه
واخا صاحبتك تعلم كيفاش تعامل معاها ..ماشي بهاد الطريقة !
بغضب شديد وكان الشاب على سبة معصب تلفت ورجع دفعو مرة اخرى ولكمو لكمة سيلات لتميم الدم من فمو حتى قفزات البنت مخلوعة شدات حناكها والطلاب كلهم تخلعو وتجمعو ..جرات الشقراء صاحبها مخلوعة بعداتو لاكن تميم كان ليه رد اخر ..حط صبعو على فمو لقا الدم وجمع القبضة ديالو تبعو وجرو دورو عندو ودخل فيه بدماغ لوسط وجهه طيحو قدام الطلبة فالارض وطلع عليه هز يدو بغا ينزل عليه لاكن الشقراء طاحت حداه شدات ليه فيدو بالخلعة وقفاتو كتقوليه لالا ..لاا .
هنا تدخل شاب اخر خرج من الجامعة كيجري وكان قوي كفاية باش يفارقهم …. نوض تميم بعدو ومشا عند الشاب الملثى فالارض وقفو وبدا كيفارق فيهم..الشاب غير جمع الوقفة بغا يهجم على تميم وناضت معركة بيناتهم والشاب الثاني كيفك فيهم والشقراء كتغوت مخلوعة والنضاضر فالارض ..جاو الحراس فكوهم وجمعو كلشي فالارادة وجلسوهم على الكراسا مصافين حالتهم حالة .
وقفات وحدة من الادارة بصرامة ضربات فالبيرو وضاغت فالشقراء اللي مهبطة راسها فصمت وقالت
عاوتااني نتي بيان ؟؟ انا مستغربتش بصراحة ..مستحيل بيان تبدا عام جديد بلا مشاكل مستحيل
ردت بيان بصوت منخافض: انا مادرت والو ..
قاطعاتها المديرة وقالت:
نتي ديما مادرتي واالو .. والسي جاد حتى هوا مادار والو؟؟ بحال ديما المضاربات والصدع ومادار والو اولا لا
تلفت جاد للجنب بعينيه منفوخين والدم فنيفو شاف فتميم بنص عين وقال
هادا اللي تدخل كن ماتدخلش مكانش غيوقع اللي وقع
حلو الملف ديال تميم طلو عليه وقال واحد من الادارة : تميم البيستي..بما انك اول سنة ليك هنا فلازم تلتازم بالقواعد والاحترام ..للمدرسين والطلبة كذلك وهادشي مانحتاجوش نقريوه ليك
هز تميم عينيه وفمو منفوخ من الجنب وقال
انا عارف حدودي ..شفت الضلم قدام عيني وماقدرتش نسكت عليه
ودت المديرة: هادي اخر فرصة ليكم بثلاتة ..شجار اخر او خصومة غيتوقف مولاها عقوبة ليه . كنتمنى كلامنا يكون واضح .. ونتي ابيان .. كنتمنى من قلبي مانعاودش نسمع سميتك ولا نشوفك فهاد البلاصة مرة اخرى ..والا غنعمل معاك اللازم
بقات بيان ساكتة مهبطة راسها مارضاتش وكتشوف فجنابها وترمش ..خرجو من الادارة كل واحد قالب وجهه كان الشاب اللي فكهم واقف عند الباب كيتسناهم يخرجو .. تلفت جاد خزر فعينين تميم وقال: اخر مرة توقف فطريقي فهمتي
رد تميم هاز راسو وقال: نتا مقادرش على العصى ماتبقاش طير
شدو جاد من حوايحو بغيض وقال
انا نوريك مقادش ..
فكهم الشاب الثالت من جديد وقاليهم
واش نتوما باغيين تخرجو على راسكم عاد خرجتو من الادارة
نتر ليه تميم يديه وبقا واحد كيخزر فلاخر من بعد انصرف جاد وبقا تميم واقف مع الشاب اللي فكهم .. قال الشاب بجدية وتودد
كنصحك تبعد على طريق جاد.. ماشي انسان اللي كيتفاهم ولا كيفكر بعقلو هوا هاكا ديما اللي قاصو كيلسق فيه..المهم ماعلينا ..انا جهاد..ادارة اعمال ومعاك فنفس الصف .. ليوم شفتك فالقاعة
مد ليه تميم يدو وقال : متشرفين ..انا
قاطعو جهاد وقال: تميم بن موسى البيستي..كنعرفك مزيان ومؤخرا شفت تصاورك فالصفحات..تشرفت بمعرفتك. اول عام عندك هنا ياك
تنهد تميم وقال غادي هوا وياه كيتجمعو .. اول عام واخر عام .
ضحك جهاد وقال: ههه لقرايا هنا ماشي بحال لقرايا فلندن
تلفت تميم وقال : شكون قاليك انا كنت كنقرا فلندن
ضحك جهاد بسخرية وقال: حتى حاجة مكتخبا اصاحبي.. دابا كولشي رجع مكشوف و باين ..نقدرو نعرفو شوي حوايج الاناسن المعني بالامر شخصيا معارفهمش على راسو
تلفت تميم كيحرك راسو شاف بيان واقفة مع البنات بعيد وقال
شنو بينو وبين ديك البنت علاش حتى واحد ماتدخل يفكها منو؟
هز جهاد حواجبو وقال كيتنهد: ااههه.. هاديك سندريلا الجامعة كلها ..بيان العلوي.. هي وجهاد فعلاقة شي عماين دابا ولاكن ديما مشادين ..حتى واحد مكيقدر يتقرب منها او يطلب ليها النمرة..كيخافو من جاد حيت كما قلت ليك واحد مكيخافش ومكيعقل على حتى واحد.
وبيان حتى هي بنت مشاكسة وكما شفتي ..هاهما من اول نهار وصلو للادارة
كانت بيان واقفة مع البنات صحاباتها ووحدة فيهم كانت هازات نضارات فيديها وقالت بأنوثة ودلع
حبيبة هادو نضاضرك طاحو ليك ..وهادو نضاضر تميم انا غنمشي نعطيهم ليه
غمزاتها وبغات تمشي لاكن بيان شداتها من دراعها وعينيها كيدورو كتفكر وتلفتات شافت فتميم غادي هوا وجهاد وقالت
اري دوك النضاضر .. انا غنعطيهم ليه
بعداتهم صاحبتها وقالت بعناد
لا حبيبة انا اللي هزيتيهم من الارض انا اللي غنعطيهم ليه
نتراتهم ليها بيان وقالت
ونتي فين كيعرفك اصلا ؟؟ تعطيهم ولا ماتعطيهمش ليه يااه!!
هزات بيان حاجبها وتلفتات بكبرياء مشات وخلاهم واقفين وصاحبتها غطق من غيضها وسنانها كيتحاكو وقالت
انا بغيت نعرف غيير علاش كنسكتو ليها؟؟ حاسة براسها كيحسابها هي محور الكون .. طيرات جاد ودابا بغات طير حتى تميم لااا والزوينة مدابزين عليها !! ديما بيان اللولة فكلشي باش حسن منا باش
هزات وحدة اخرى كتفها كضحك وقالت
ايوا حبيبة خاصك تكوني بيان ..ماشي ساهل باش تكوني بيان اما الفلوس والزين كاين عند بزاااف ديال البنات هنا فالجامعة . كوني بيان باش يدابزو عليك الاباطرة هههخخ
مشات كضحك وخلاتها في حين لحقات بيان بتميم ووقفات وراه كتمتم كتقلب باش تبدا ..تلفت عندها هوا وجهاد وشاف فيها طلعها وهبطها وبقا كيتسائل بعينيه ..مدات ليه نضاضرو وقالت
هادوو ..مم. نضاضرك طاحو ليك .
شد من عندها النضاضر وقال بميوعة :امم..شكرا عدبتي راسك
شافت فجهاد بنص عين وحولات عينيها لتميم وقالت: بغيت نقوليك سمح ليا على داكشي اللي وقع معاك بسبابي.. بصراحة …ماعرفتش كفاش نعتادر منك
صغر هينيه كيشوف فيها وقال:
هادا واجب..اوكي..واجب لا اقل ولا اكثر
سد عينيه وابتاسم ومشا خلاها واقفة بلاصتها وجهاد كيشوف فيها مربع يديه وقال
اشنو كتحاولي ديري الاللة بيان؟ هاا؟ ماكفاتكش هاد القنبولة اللي تفركعات فاول يوم بغيتي تزيدي تشخديها كثر؟
هزات حاجبها وقالت ليه بصرامة
انا وجاد مابيناتنا وااالو فهمتي..عنداك ياكلك لسانك وتمشي تعاود عليا شي حاجة مكايناش..انا عارفاك اجهاد .. اجي..بنتي ليا دغيا درتي صداقة معاه ماشي من عوايدك؟! امم
ضحك ليها ضحكة صفرا وقال: حيت طلعتو ليا فراسي كاملين.. طلعتو ليا فراسي وخريتو عييت منكم وبغيت نبدلكم عجباتك هادي ؟ همم؟
مشا وخلاها واقفة معبسة كتسوط من مناخرها بحال الرابوز. خرجات من الجامعة مشات جلسات فكافيتيريا وتكمشات دايرة رجل على رجل بوحدها ومربعة يديها ..دخل جاد لقاها جالسة بوحدها والفاصمة فنيفو ومشا جلس قدامها ..يالاه جلس ناضت هزات صاكها خيخات وزادت فحالها
النهار الاول داز حامي لاكن العشية كانت حمى منو بأضعاف الاضعاف.
رجع تميم بحالو للدار وتلاقا مع بهية فالباب دالبناية كتوقف سيارتها ..نزلو بجوج دقة وحدة وغير شافت شافتو تخلعات وقالت
هاااه مالك ففمك شكون ضربك؟
دور وجهه وقال: والو غير مدابزة مع واحد فالسطوب وصافي
هرجات عينيها مخلوعة وقالت :واش مغانساليوش من هاد المضاربات رجعنا لنفس العادة عاوت ؟؟ المضاربات والسهير والمشاكيل وكل نهار من اول تجي مزوق؟؟ طلع طلع ..زيييد قداامي حتى للدار ونتافهمو
ضرباتو لكتفو بالبونية مغددة عليه وضارت ضهرها هي وياه بغاو يدخلو للعمارة لاكن وقفها صوت مرى من اللور قائلة
بهية بن موسى…
تلفتو بجوج وراهم وكانت الصدمة التاريخية لبهية .. لقات الهام واقفة وراها بشعر كحل مطلوق وتزادت وزن على اللي خلاتها هادي عشرين عام . حتى ملامحها تبدلات وبان عليها النضج .. حاطة مكياج ولابسة كسوة حد الركبة وفيست قصيرة وصندالة عالية وصاك فيدها وواقفة رافعة راسها للأعلى
بهية كانت غتسخف شدات فراسها ومشات بيها الارض وجات وبقات مصمرة وعينيها خارجين وحداها تَمِيم كيشوف فيهم بجوج باستغراب..الهام حلات فمها فتميم وعينيها عمرو بالدموع ووجهها تلون ..بجوج كانت صدمة ليهم ..بهية اللي ثلاتة وعشرين عام ماشافت وجه الهام ..والهام اللي ثلاتة وعشرين عام ماشافت وجه ولدها.. وليوم واقف قدامها بشحمه ولحمه وطول وقد شاب فرعيان شيابو غريب عليها .
شد تميم فبهية من دراعها وقال: ماما.. واش لاباس ؟؟
رمشات بهية وبلعات ريقها قالت ليه بصوت مبحوح
طلع نتا..انا غنجي موراك ..غير طلع
شدات ليه فيدو وهوا شاد فيها كيسول مالها وهي عينيها فإلهام خارجين ..طلبات منو يطلع و لقا اخر نضرة فإلهام طلعها وهبطها ومشا خلاهم بجوج ..تلفتات بهية وراها شافت واش مشا وتقدمات قدام الهام مخرجة عينيها وصدرها كيتنفض وقالت
اشنو بغيتي؟؟ اش جابك لهنا ؟
دمعات الهام وبلعات ريقها وعينيها مزالين خارجين وقالت بصوت متقطع
ولدي….هادا ولدي ..كبر
جراتها بهية من يدها بالجهد بعداتها وبالطالون عترات كانت غطيح والهام عقلها مرفوع هبطات معاها طاحو بجوج ورجعو ناضو بالزربة..شداتها الهام بعداتها وداتها لقهوى فلاتيراس على برا ونتراتها قدامها بغضب وقالت
ماعندك ولد ..(بجنون) نتي شنووو اللي جااابك عندي شنووو؟ هضري اشبغيتي علاااااش مطلعة ليا خليييقتك اشنو بغيييتي ؟؟؟
ودت الهام وقمها كيترعد وقالت : بب بغيت ولدي..بغيت نشوف ولدي..
تجلطات بهية تقول قنبولة وبغات تخرج من جسدها ..كتترعد وسنانها ملاسقين وعروق عنقها خارجين ويديها كترعدو ..لاحت الصاك فوق الطبلة وقالت وهي كتجيد الكارني دشيك
بهية: انا عارفة اشنو بغيتي وعلاش جيتي.. كنعرفك مزيااااان ..هانتاي ومابغيتش نشوف وجهك عشرين عام اخرى
كتبات ليها شيك بعصبية وترثر خرمزاتو ليها وقطعاتو لاحتو ليها وقالت
شدي.. شدييي وغبري منعاودش نشووف وجهك ..ماعندك ولد سمعتي..واااش سمعتي
شدات الهام الشيك كتبكي قطعاتو وقالت بهستيرية
انا مابغيتش لفلوس..انا بغيت نشوف ولدي.. بغيت نشم ريحتو
ضربات بهية الطبلة بجنون وقالت
ماتقوليش ولدييي ماتقوليييش. سمعي .. انا مزالة كنهضر معاك بعقلي.. الى خليتيني نفقد اعصابي … شووفي..انااااا ..انااا روحي وحياتي فولدي.. بلا ولدي انا منقدرش نعيش حتى ثانية.. وعلى قبلو راه ندير اللي ميخطرش ليك على بالك ..كنصحك تبعدي مني وتاقي شري .. ماتخلينيش ندير شي حاجة انا ماباغاش نوصل ليها..نتي ماشي قدي.. حسن ليك بقاي بعيدة ومتفكريش تقربي خطوة
حطات الهام يدها على فمها كتبكي وقالت : انا مابغيتش المشاكل..انا بغيت غير نشوف ولديييي
بدات الهام كتبكي وبهية كتزيد تشعل والدموع نازلين ليها وقالت
ماتقوليش ليا ولدييي..ماشي ولدك ..هاداك الولد انا ربيتو بيدي سمعتي..بهاد اليدين انا داويتو انا وكلتو انا لبستو وانا بقيت سهرانا الليالي حداه وكبرتو بيدي وماخليت حتى وحدة تقرب منو ولا تحط يديها فيه ..انا كبرتو بيدي وحتى من الدم انا تبرعت ليه فمرضو وكنت مستاعدة نعطيه ديم كلو ..يالاه رجعي منين جيتي وماتعوديش تباني
طاحت الهام براسها على الطبلة كتبكي وقالت
منقدرش ماشي بخاطري..منقدرررش انا تعدبت ثلاتة وعشرين وباقي كنتعدب على فراق ولدي.. حسي بيا راني كنتحرق كل يوم
مسحات بهية وجهها من الدموع وقالت بصرامة
انا قادرة نهنيك من هاد العداب فمرة وترتاحي ..عتابريه تهديد سمعتي.. اول مرة واخر مرة تباني ولا راه غنوريك الوجه الثاني اللي مكتعرفيش عليا لا انا لا باه
هزات بهية صاكها ومشات خلاتها فالقهوى منهارة ورجعات بحالها مصدومة كلها كترجف
دخلات مرعودة للدار كتفتف لقات تميم قدامها كيلسق الفاصمة لفمو وكيتسارا غير بالشورط ..شافها فديك الحالة وفنح يديه كيتسائل ..قبل مينطق ترمات فحضنه عنقاتو كتبكي وهوا معجب مافهم والو..عنقها وتنهد وقال
ماوقع والو ..غير مدابزة عادية ماعندك علاش تخلعي
شدات ليه فوجهه كتنخصص وقالت: انا منقدرش نعيش بلا بيك..انا حياتي واقفة عليك الى وقعات ليك شي حاجة غنطيح انا. الدنيا كلها فعينيك
عنقها وباس يدها وراسها وقال: نفديك بحياتي ..ربي يخليك ليا ويحفضك ليا
وصلات بهية لفاس صفرا بالبكا .. خلات للفيلا سخفانة لقاتهم مجمعين كلهم كيتسناوها .. غير دخلات كلهم جراو عندها شدو فيها وجلسوها وعطاوها الماء شربات ودارو بيها خلاوها حتى رتاحت وبداو يطرحو الاسئلة كلهم بغاو يعرفو شنو وقع . ضربات فخادها وقالت كتبكي
وااالو..وادي مشا عمرني نحلم بيه ..صافي مشا ليا وغريب عليه انا مكيعرفنيش ..شفتو وشافني وماعرفنيش.
وقفات مها بديك الكرش مدلية محزماها بخيط وقالت
هي يماه مقالتلوش الحقيقة..الولد معارفش شكون مو
مطق باها من واحد الركنة جالس مريض مكيتحركش وقال بصوت مريض
ااااه … ماتفرطييش..ماتفرطيش
شدات بهية راسها وقالت: واش انا كراااهت واش انا كراهت .. جرات عليها وحلفاتها فيا .. هدداتني
وقفات ختها كتاكل دفارها وتمشي وتجي وقالت
مشكييلة هادي.. عليها الولد ماجاش كيقلب باش يعرف مو ..هي مقالت ليه والو..
قالت بنتها سلمى وهي واقفة فواحد القنت كضحك من عينيها
مزال مامتيقاش تميم ولد خالتي!! اويييلي واش كنحلم !! ميمكنش
سميرة: الحل هوا الولد يعرف..ماحدو ماعارفش منقديرو والو.. تقدر دير لينا شي حاجة ولا تسيفط ليك شي واحد يصيفها ليك..هادوك توقعي منهم اي حاجة.. حياتهم ماشي هي حياتنا.. كازينوهات وفلوووس وسلطة ومافيات .. كاع صحاب الكازينوهات كيكونو مافيات مايغروكش المضاهر ..يصفيوها ليك نتي وكاع اللي عارفين بلمح البصر .. وحتى واحد ميجيب خبارنا .. الحل الوحيد هوا الولد يعرف..واللد باش يعرف ويتيق فعلا باللي مو هي نتي خصو شي طريقة..
ناضت الهام وقفات وقالت ليها : وشنو هي الطريقة شنووو؟ نمشيو نوقف قدامو نقوليه انا هي مك؟ نقوليه انا ولدتك وبهية رباتك… غيكرهني ..ويقدر مايتيقكش كاع.. وبهية تنكر ..والى نكرات الولد غيتيق بيها ..
سميرة: وا عباد الله ..راه خاص الولد يتيق باللي مو هي الهام.. والى تاق باللي نتي مو وتقبلك ديك الساعة مانخافيش ..بهية ماتقدر دير والو .. متقدرش تخسرو والى دارت شي حاجة ليك غتكون باينة علاش.. وولدك اصلا يقدر يصدها ديك الساعة مايخليها دير حتى حاجة .. انا متأكدة الى عرف باللي غير مربي غيبغي يعرف شكون هي مو ..
الهام :والى متقبلنيش؟؟ وصفاتها ليا بهية ؟؟
سميرة: خاصو يتقبلك قبل متعرف بهية..خصك تقربي ليه بشي طريقة وبهية متسيقش الخبار..الى جريتيه ليك ديك الساعة تقدري تحكمي فبهية وحتى فباه عن طريقو هوا ..اما دابا متقدريش تزيدي شي خطوة فأي لحضة تقدر بهية طيرك .. دابا ماتعاوديش تمشي عند بهية ولا تباني ليها ..اصلا درنا خطأ خليناك تمشي تباني عندها
مشات سلمى كتجري جلسات حدا الهام وقالت. بحماس: طاطا الهام .. دخليني نقرا فالجامعة اللي كيقرا فيها تميم .. نمشي انا وياك نسكنو فالرباط غتجيك ساهلة تلاقاي بيه ..انا ديك الساعة فاش ندخل نقرا فديك الجامعة غنبقا نتلاقاه ديما ونتعرف عليه ونقدر نلاقيك معاه
ضارت الهام شافت فيها وبقات مخرجة عينيها وكتحرك راشها بالايجاب ..اما سميرة وقفات مخرجة عينيها وقالت
نتي بالضيط خليك بعيدة على هادشي.. والله وشمعتك قلتيها لشي واحد حتى نحرك هادشي مافيهش الضحك.. يمشيو يسيفطو ليك شي واحد يشد يتكرفص عليك فشي غابة ويلوحك .
الهام: عندها الصح..هادي الطريقة باش نقربو منو. غنمشي للرباط نسكن تما وهي غندخلها للجامعة
سميرة: اويلي لجامعة راه كيخلصو فيها الملاين
الهام: غنخلصوهم عليها.. كاع اللي كدخلو ليا القهوى غنحطو ليها ..على قبل ولدي نبيع كلوتي
كل واحد كيخطط فجيهة..بهية مللي رتاحو اعصابها وتهدنات وشربات ليها دوا الراس نزلات للمقهى وجلسات فلاتيراس كتنفس وهزات تيليفون تاصلات بجان عاوداتو ليه شنو وقع وقالت
خايفة تعاود ترجع ..شوف ليا فين وصلات وشنو دارت فهاد السنين كلها..واش عندها شي ولاد واش تزوجات كيفاش عايشة؟ شنو اللي خلاها ترجع..بغيت نعرف عليها كولشي
قررات بهية ونفدات ..جمعات حوايجها ورحلات ..مشات هي وسلمى للرباط وبقات سميرة مع واليديها مقابلاهم . تسجلات سلمى فالجامعة وخرجات مع بهية شرات ليها الحوايج باش تمشي وكساتها مزيان .رجعات سلمى للدار ودخلات كتجري لبيتها لبسات وقيسات بغات تسطى ..تحمسات كتر من لقياس وبدات تقاد اللبسات مع بعضياتهم وختارت اللبسة اللي تمشي بيها للجامعة .. مع السبعة دالصباح كانت سلمى واجدة ..وحيت كان البرد بدا كيتحرك شوية لبسات كسوة بلخيط قصيرة وكونفيرس وهزات محفضتها وطلقات شعرها وتزوقات بالمكياج تقول غادية تحضر. وقفات قدام الهام اللي كانت فايقة منفوخة بالنعاس كتوصيها تبت وترزن وماديرش شي زبلة تخرجها من الجامعة .سيفطاتها فطاكسي وغير وصلات ونزلات تصدمات ..عالم غير العالم اللي كتعرف..ناس مختالفين وحتى حوايجهم اللي لابسين بعاد وهاربين على حوايجها ..شافت فراسها لقات راسها لا علاقة ليها بيهم.. فئة قليلة بزاف اللي بخالها كتبان عليهم مقاتلين مع الوقت .. مابقاش كاع كيبان ليها شكلها قدامهم وكاع فرحتها تضربات فزيرو وبقات غير واقفة وكتشوف ..كملات عليها بيان اللي جات كطير بطموبيلتها الفخمة وقفات قدامها ونزلات كي الريشة لابسة من وشط ديك الكريمة الوردية اللي ملونة سيارتها من الداخل.. وقفات برا لابسة شورط قصير بحزامو من الجلد وليبوط بكعب قالي اسود من الجلد مكرش وطالع فوق الركبة وقميجة بيضاء داخلة فالشووط واكسسوارات راقية ..حاطية بيرية من الجلد على راسها وقفازة واحدة من الجلد فيدها الايمن بدون اصابع ..هزات صاك برتقالي اللون من ارميس ولاحت شعرها الاشقر للوراء ومشات قدامها كتقرقب وتتمشا بسرعة . دخلات ..مزال سلمى ماستوعباتش المشهد وصل تميم بسيارتو النارية وقف جنب سيارة بيان ونزل لابس فيست من الجلد بلو مارين ودجينز وكاط رجالي اسوط فرجلو ونضرات كحلة ومشا رافع راسو بحال عارض ازياء ..وصل موراه جهاد بسيارة مرسيديس رياضة صف حداهم ونزل حتى هوا بلباس راقي دخل لتاحق بتميم ..بقات شلمى غير حالة فمها وتقدمات كدور فعينيها من هنا ومن هنا ودخلات كتقلب عليه فين مشا ومنين داز
ااه الجامعة وشكون مجموع فيها.. الوان اشكال الملل مكيدورش فيها .. كلها انشطة ولا تخلو من المشاكل.
فالكافيتيريا جالس جاد وصحابو واثار الضرب مزالة على وجهه.. طالع ليه الدم وزاد طلع مللي جا اميم وجهاد وجلسو مقابلين معاه .. ضحك ليه تميم ضحكة مستفزة الشيء اللي خلاه يزيد يحقد وكملو ليه صحابو ولاد الفشوش اللي دايرين بيه وقاليه واحد
شنر كيقصد هادا ؟ جاي جالس قدامنا زعما شنو بغا يقصد
زير جاد على قبضة يدو وقال بغضب وصوت منخفض
غيخلص على داكشي اللي دار ..غيتعلم يدخل سوق راسو .
ناض جاد مشا فاتجاه تميم والاخير شافو جاي عندو ناض ولاح الكرسي اللي قدامو ووقف مستاعد ليه ..تقابلو بالعينين وبغيض قال جاد
انا ماشي شي واحد اللي كيدوزها بالساهل.. مزال غنوريك كون انا
ضحك تميم وقال باستفزاز
الى عندك شي وجهه اخر جيبو معاك احتياط..هاد الوجه بان ليا مابقا فيه اللي ياكل العصى
اندافع جاد شنق عليه وتدخل جهاد بسرعة كيفك وتميم هاز يديه ببرودة كيضحك عليه ماردش عليه .. الكل اللي فالكافيتيريا وقفو كيتفرجو اما السندريلا عاد جايا كتلوى لقاتهم مشادين ومشات كتجري جرات جاد بعداتو ودفعاتو من صدرو قدام عينين تميم .. بعداتو بقوة وقالت بغضب
شنو بينك وبينو مالك معاه ياك صافي فكينا الموضوع
جرها من دراعها وقال :نتي اللي شنو بينك وبينو وعلاش كيدافع عليك؟؟ نتي اللي غتقولي ليا شنو بيناتكم
عوجات شيفتها وقالت ليه:واش نتا مريض؟؟ انا فين كنعرفو اصلا ؟؟ ومابيني وبينو والو بلا منحطو فدماغك وبعد عليه..سمعتي
لوا دراعها حتى شهقات وقال ليها فودنها بهمس وعينيه كيدورو
الى عاودتي دافعتي عليه غنهرس ليك الضلوع ..سمعتي.. نتي وياه غندكدك ليكم الضلوع
رخاها خلاها شادة فيدها كتألم ..جمعات قوتها وجراتو بغيض وقالت
انا ونتا سالينا..سالينا قلب ليك على وحدة اخرى دوز معاها العام وخطيني عليك منصلاحش ليك ..وماتبقاش دور بيا عطيني تيساع
دارت مشات معصبة ودازت فسلمى اللي كانت واقفة كتفرج فالمهشد كامل دفعاتها بكتفها ومشات خلاتها واقفة تما مافاهمة والو ..قربات سلمى من الطبلة اللي جالس فيها تميم وجلسات كتسمع الحوار ديالو هوا وجهاد بتركيز
جهاد: خطيك منو راه معندو ميخسر.. هما كلهم عائلة مشبوهة والمشاكل مكتخطيهمش.
تميم: الى كان راجل يزعم .. يجرب ويشوف اش غيوقع فيه
جهاد: غدخل راسك فمشاكل نتا بعيد عليها وماعندك مادير بيها وعلى والو ..شنو السبب؟ والو!!
بقا تميم ساكت مهبط راسو وعينيه فجاد بحدة وقال
شكون هاد البنت؟وشنو بيناتهم؟
دور جهاد وجهه كينفخ وقال:هادي واحد البرهوشة العام الثاني عندها فالجامعة.. كطير وكما قلت ليك مشاكسة وهي سبب اغلب البلاوي اللي كتنزل على الجامعة ..قد ما بعدتي منها غتبقا مرتاح .. ومايغركش الزين وتشوفها تبان ليك بحال الملاك ..راه واحد الشيطانة بحالها مكايناش
سلمى مافهات والو..حتى كيفاش دير تتقرب من تميم ماعرفاتش..ربعات يديها كتفكر من بعد دخلات للمحاضرة ديالها وعقلها مرفوع كتشوف غير فالطلبة حتى خرجات .
ضربات دورة فالجامعة مابانش ليها وشافت الساعة لقات الحال مشا وخصها ترجع
خرجات من الجامعة طالعة مع الشارع بوحدها لجهة الطاكسيات وكتخمم فشي طريقة تقربهها من تميم ..فالاول كان كيبان ليها المسألة ساهلة لاكن فاش تحطات امام الامر مابانت ليها حتى سهولة.. سمعات صوت سيارة جاي من موراها وتلفتات شافت سيارتو جايا ..ماترددات حتى دقيقة وقالت هادي هي الفرصة..قطعات الشارع بسرعة خلات السيارة ضرباتها ولاحتها فالارض ..نزل تميم كيجري لقاها مجبدة وهبط على ركابيه يشوف شنو واقع ..بدات كتبكي وتتألم وشادة فرجلها وهوا كيبسولها مالها ويخلط العربية مع لونجلي .. قبطات رجلها كتبكي وغوتات
اااي رجلييي..رجليييي كضرني
هزني من الارض طلعها فالطموبيل كتغوت برجلها وداها للكلينيك كيجري دخلها ليهم وبقا برا . سلمى كلاتها فرجلها وكمداتها ..واخا تهرسات وكبصوها ليها ماهماتهاش بقدر ما همها تقرب من تميم..هزات تيليفون تاصلات بالهام كضحك وقالت
طاطا لولو..اجي دااابا عندي لكلينيك ..دغيا راني موجدة ليك داكشي اللي تسنيتي هادي.ثلاتة وعشرين عام ..بلاتي نشول فرملية سميتو ونسفطو ليكولازياسيو فواتساب دابا
خرج الطبيب وفتحو الباب لتميم دخل بالزربة عند سلمى لقاها كتبكي وتنين على رجلها . وقف حداها كيشوف فيها وقال بأسف
ختي..سمحي ليا بزااف ماعرفش كي طرا..واش غير رجلك اللي تقاست؟؟
ردت سلمى كتبكي: رجلي وكضرني بزااف وشوية من ضهري
تميم بأسف: ماعرفت منقوليك ..انا كنعتادر بزاف الغلط ديالي كنت كنشوف فتيليفون ..هانتي انا نخلص ليك الضرر صافي..سمحي ليا ماقصدتش
دخلات الهام كتجري بالجلابة والبلغة والشعر مشموع بمقبط صغير غير شافتو شدات فالباب وبقات مصمرة وصدرها كيتنفض .. تميم كيعتادر وهي كتشوف فيه وكتقرب منو وعينيها كيغرغرو حتى بدات كتبكي وتشوفيه ..حتى هوا تفاجأ فاش شافها وبقا كيحقق فيها مطولا وقال
ماعرفتش فين شفتك..وجهك مؤلوف ليا
رمشات بسرعة ومسحات عينها وقالت
انا جارتكم ساكنة فمارينا حداكم .
هز راسو وقال:ااايه تفكرت .. نتي ماماها يمكن؟
تبسمت وقالت كتشوف فيه..لا انا خالتها.
بلا متحس ترمات عليه عنقاتو بقوة وبدات كتبكي وهوا شاد ليها فدرعانها مافهم والو ..حشم من راسو وبعد وقاليها
سمحو ليا بزاف..انا ماقصدش نضربها بطموبيل
قالت الهام والصوت كيقطع ماقدراتش تصبر
ماشي مشكل..شكرا وصلتيها لهنا
تراجع باللور كيرمش وقال: المهم انا غنتكلف بالمصاريف وكلشي ..والى كنتو باغيين نوصلكم ماعنديش مشكل حتى انا غادي للدار
هضرات سلمى وقالت: اه اه ..صافي قالي الطبيب تقدري تمشي
خرجات عينيها فالهام باش تسكت وماتبقاش كدمع وتشوف فيه وناضت هازة رجلها ..شدو فيها بجوج وهي طايرة بالفرحة كتشوف فيه حداها وشاد فيها ..خرجوها وطلعهم فالطموبيل اللور وركب لقدام .نخزات سلمى الهام وقالت بجدية
براكة عيقتي صافي سكتي وحمدي الله شفتيه ليوم
وصلهم حتى لمارينا ووقف السيارة فين موالف كيوقف ونزل عاونههم حتى نزلو وقال
كنعتادر مرة اخرى ماعرفتش كفاش نقدر نصلح الغلط ديالي..المهم انا غنخلي ليكم كارط ديالي اي حاجة بغيتوني نعاونكم فيها انا واجد.
تبسمات الهام وقالت كتشوف فيه بشوق: مابغينا والو ..باين عليك ولد الناس غير معرفتك كافية.
هبط راسو وابتاسم وقال:
المهم غنخليكم ..وسمحو ليا مرة اخرى
رجع باللور وتلفت مشا خلاهم واقفين ودخل للبناية ديالهم وبقات سلمى هازة رجلها متكية على الهام وقالت
ايوا كي جيتك ؟
جلسات الهام على واحد الكرسي برا وقالت: غنسخف .. صافي ماقديتش نصبر اكثر
سلمى: واسيري جيبي لينا طاكسي تدينا ..وكنتسالك بزااف..غادي تشري ليا لحوايج حسن من هادوك اللي شريتي ليا ..باش نعاود نلاقيكم مرة اخرى هيييهييي
دخل للدار للسخفان ..يالاه دوش مشا للكوزينة خلط واحد العصير وداه حداه للبالكو جلس يتسنط على عضامو ويرتاح دخلات بهية كتقرقب السوارت شافتو من للباب بان ليها لهيه جالس ومشات عندو كضحك
رجعتي بكري قلتي ليا فتيليفون انا جاي عمدك الكازينو؟؟
هز راسو تنهد وقال: كنتي جاي وخرجات ليا وحدة فطريقي دزت فيها
حطات يدها على فمها وقالت:شنوو؟ اويلي؟
وقف حط داك الكاس وقال: ماتخافيش ماوقع والو ..غير تقصحات فرجلها واضطريت نديها للكلينيك..طلعات بنت الجيران وساكنة حتى هي هنا.. يمكن كتقرا فنفس الجامعة حيت كانت راجعة من نفس الطريق عادا ماكان
جلسات بهية مخلوعة وقالت ليه: عفاك اولدي بقا ترد البال..رد البال راه السياقة فالمغرب ماشي هي لندن واطاليا.. يخرج ليك كلب يخرج ليك موطور وتخرج ليك حتى كروسة بالحمار .. توقع اي حاجة حتى من الجنون كيخرجو هنا.
تميم: انا مافهمتش كيفاش حتى دخلت فيها اصلا ماعرفتش فاش دخلت ماشفتهاش كنت كنهضر معاك فتيليفون والطريق كانت خاوية..منين نزلات مافهمتش!!
بهية: والله يرضي عليك مرة اخرى رد بالك.. رد بالك فالطريق وماتزربش .
مسح على راسو وقال كيسوط: بغيت نمشي لشي صال درياضة من غير هادي اللي لتحت ..مازويناش ومخنوقة مارتاحيتش فيها. قلبت فالانترنت طلعو ليا بزاف ماعرفتش فين اللي حسن مكتعرفيش شي وحدة مزيانة مهوية؟ والى كانت كطل على الطبيعة يكون حسن
جبدات بهية تيليفون وقالت : انا غنسول ليك دابا ماتخممش.
تاصلات بمدام سارة وجلسات فالبالكون كتهضر معاها وقالت
المهم ..عيطت ليك عاوتاني نسولك ههه.. نتي مضطرة تتحمليني مؤقثا حتى نتعرف على الاماكن هنا
سارة: ماشي مشكل كلشي كيبدا هاكا. انا معاك علاياش كتسولي؟
بهية: تميم بغا شي صال زوينة وكبيرة تكون كطل على الطبيعة .. راكي عار فة الولاد فهاد السن كيبغي داكشي شبابي ولومبيونص والتيساع فين يترينيو وفنفس الوقت مايملوش .. ولاصال اللي حدانا صغيرة وفيها غير الناس الراشدين بحالنا هه فهمتيني شنو كنقصد
سارة: فهمتك حبيبة .. بنتي كتريني فواحد لاصال من لعام اللي فات وكتشركها ومافكراتش تبدلها ..ونتي عارفة بنتي عزيز عليها الهايلالا والرواج والصدع ..تقدر تعجب ولدك
بهية: واخا سفطيها ليا نوريها ليه ..متكونش غير عامرة ومن هب ودب داخل ليها راكي عارفة داك الاكتضاض بزاف كيجيب غير الصدع
سارة: لالا ماعامراش اصلا هما مستهدفين غير الفئة اللي عندها الفلوس وزايدين فالثمن بزاف .. داكشي علاش واخا كبيرة معامراش
بهية: عرفتي كنحاول ما امكن نخليه يتقبل المغرب ويرتاح فيه..
سارة: فهمتك ونفس الشيء دزت منو حتى انا .. فاش توفى باباها واضطرينا نخليو سويسرا ونرجعو لهنا دزت من نفس الصعوبات اللي كدوزي منها .
بهية: الله يقدرنا عليهم..على العموم شكرا بزاف حتى لغدا ونشوفك فالاوتيل
سارة :اوك حبيبتي مع السلامة
سلمى ولات كتشوف بعيد.. بالعكاكز خرجات بهية فالويكاند دوراتها اكدال كامل كتقلب على الحوايج اللي بغات مالقاتهمش ..وقفات فالشارع كتعرج والرجل مكبصة وقالت : اوففف.. حتى بلاصة مكيبيعو فيها الحوايج زوينين واالو.. ك
نفخات بهية وقالت: راني قلت ليك دوك الحوايج اللي نتي باغا واللي شفتي عند هاد بيان باش نفختي ليا راسي راه كيشريوهم من برااا..من لخاريييج ماشي من هنا.. نتي اصلا بااقا كتعرجي وباغا ليبوط دالجلد فرق الركبة شحال من واحد لقينا عندو هاد ليبوط عاليين وحتى واحد ماعجبك
سلمى. لا ماشي متيير بحال خاداك اللي كانت لابسة بيان .. عرفتي كيفاش لابسة بسيف ما يدابز عليها ولدك ويلسق فيها
دارت بهية يد على يد كتسوط وقالت ليها: واش انا سيفطتك تقراي ولا ديري ليا عرض الازياء؟ هاا؟
خرجات سلمى عينيها وقالت: ايوا كيفاش بغيتيني نتقرب من ولدك ونتلاقا بيه. هاا؟ راه خصني باش نجدبو .. شوفي غير من هضرتو هوا وصاحبو يبان البلان كان كيقوليه واخا تبان ليك هاكاك زوينة راها شيطانة..يعني ولدك عجبو الزين ولاسق فهاد بيان دالزمر ..خاصني حتى انا نبان شوية ..ماشي نبان بحال الخدامة تما واش عرفتي البنات والدراري كي دايرين !!! فييين هما وفين انا
بهية: الى خدمتي دماغك غاتقربي منو بلا حوايج وبلا تجرجير..هانتي غير بحوايج السويقة درتي اخم خطوة فحياتك ..زيدي خدمي دماغك اكثر من هاكا غطفريه. اكثر
سلمى: ايوا نتي حركي جيبك شوية باش يتحرك دماغي انا ..انا مطلبتش ليك طموبيل قد السخط اللي عند بيان ..بغيت غير بحال حوايجها باش نفرح شوية ونحرك ليك دماغي دماغي مغيجيش ويتحرك غير هاكاك.
بهية: مصيبة هادي..ويالاه زيدي نقلبو على هاد الحوايج ماعرفت منين غنجيبهم ليك انا
جراتها كتعرج طالعين هابطين مع الشارع وداخلين خارجين من المحلات برجلة وحدة ورجل مكبصة النهار كامل حتى طاح الليل
اما تميم صبح الصباح هاز شكراتو ونازل بالشورط وتيشورط للصال .. ركب سيارتو ومشا لهاد لاصال اللي شكرات ليه بهية ووقف السيارة جنب السيارات قدام واحد الوسعة..كان لاصال فبلاصة دايرة بيهت الخضورية وكبير دخل قدم اشتراك ودخل للاصال بشورط نايك وتيشورط نايك مزيرية رياضية وسبرديلة كحلة . كان لاصال كبير وفيه طبقات اخرين . ومحلول على الشجر والطبيعة وكله داير بالزاج . طلع على لكارديو كيجري ويسخن والكيت والسماعات فودنيه وبدا كيجري ويشوف قدامو فالمنضر الطبيعي. فديك الاثناء دخلات بيان والفوطة على كتفها كتمسح وجهها لابسة كولون كحل رياضي وديباردور رياضي عليهم علامات رياضية وكرشها عريانة دايرة فيها بيرسينغ .. كان جسدها مخدوم بامتياز ومتساوي الصدر مع المؤخرة وكتافها رقاق واقفين وحركاتها انثوية ..جامعة شعرها كوب شوفال فالاعلى وجايا وجهها احمر بالرياضة ..كانت كتشرح عينيها حتى بان ليها كيجري قدامها ..فالاول ماتيقاتش لاكن فاش قربات منو عرفاتو هوا ووقفات حداه كتشوف فيه وكضحك وتحرك راسها ..تلفت لقاها حداها وتفاجأ حتى هوا وخفف السرعة وبرك على الكيت فودنو شكت الموسيقى ونزل كيمسح يديه بالفوطة ويطلع ويهبط فيها والعرق كيتصبب مع عنقو وقال
بيان!!
دورات وجهها كضحك وحطات يدها على الاألة اللي كان كيجري عليها وقالت
اخر واحد كنت كتوقعة نلقاه فلاصال هنا ليوم هوا نتا !!
هز حواجبو ضحك وقال: بحالي بحالك .. اخر وحد نفكر فيها ونلقاها فنفس البلاصة اللي كنتريني فيها
قلبات وجهها وعينيها وحمشات شنوفتها وقالت
امم..على اساس انا كنفكر فيك غير نتا وكنتسنا نتلاقا بيك.. (ربعات يديها) فالصراحة ماعرفتش مالك معايا ..الاجوبة ديالك جيهتي ناقصة بزاف
هز حاجبو وقال: ااه ..حيت دافعت عليك ماخليتش صاحبك يخسر ليك وجهك؟ بغيتي نغني ليك؟
ردت بميوعة : هاداك ماشي صاحبي.. ويحصليه الشرف .
حط يدو على جنبو وقال: ااه.. تابعك حتى هوا من المعجبين ديالك
دورات عينها لجهة اخرى وقالت: وانا علاش كنشرح ليك اصلا ونبرر ليك؟ شكون نتا
ميقات فيهويديها مربعيم ودارت خلاتو ومشات جلسات عل واحد العجلة كتشوف فيه وتقلب عينيها
كل واحد فين كيتريض بوحدو والسماعات اللاسلكية فوديه .. ناضت لواحد الصاك معلق ولبسات قفازات خفاف جلد بحال السماطي وبدات كتلعب وضرب فيها بقوة .. لفتت انتباه تيمم ونزل من الكارديو كيضحك مشا وقف قدامها وشد فداك الصاك المعلق وقال
مابيكش.. راك غادية
ضربات جوج ضربات فالصاك بالجهد والثالتة عطاتها ليه للوجه رداتو اللور وقفات كتلهت وقالت
دابا عاد عندك الحق تقيمني
شد فعينو كيرمش ورجع اللور هز قفازات مسطحين لبسهم فيدو ورجع عندها قاليها
اجي نشوفو دابا الجهد ديالك حتى لفين غيوصل
قابلهم ليها باش ضرب فيهم ورجعات اللور كتستاعد وبدات ضرب بقوة بيديها ورجليها وهوا كيتعرض للكمات ديالها وحدة مور وحدة حتى عرقها وردها حمرا ووقف كيشوف فيها بميوعة وقال
شهاد اللعب؟؟ واش هاداهوا الطوب ديالك ؟؟
وقفات كتشوف فيه بغيض وكتنهج وقالت ليه
هانا غنوريك الطوب ديالي
بدات ضرب وتاكم وتعطي برجليها ويديها ودور فبلاصتها وهوا كيصد دوك اللكمات حتى بدات كتقال وورجعات كتعيا وكضرب ضربة وتحني !!على ركابيها حتى سخفات وجلسات فالارض ماقدرات لا تهضر لا تهز يدها وحلقها نشف. وقف كيشوف فيها ويضحك وقال
شفتي.. طالعة على الخوا الخاوي . مزال خاصك بزاف
لاح دوك القفازات ومشا نعس على واحد البارا كيهز لحديد وهي حتشوف فيه والنفس مقطوعة فيها ..جلسات ردات النفس وهزات قرعتها شربات منها ومشات وقفات مور راسو جبدات الحديدة الرقيقة اللي بحال المسمار كيختارو بيها التقل وبدلاتها ليه لما اكثر من داكشي وهوا كيدور فعينيه وناعس على ضهرو مافهم والو والى رخاها طيح عليه .. بقا كيتعصي ويتعصر حتى عروقو خرجو ورجع حمر وصدرو تضاعف طلع لفوق وجميع عضلاتو تزيرو بغاو يطرطقو ..وقفات عليه ويدها جنبها كضحك وقالت
يالاه الزين بين ليا ..ولا فيك غير الهضرة ..بيالاه زيد واحد..جوج..زيييد
يبس تميم وبغا يتفركع وقال بصوت كيتعصر والدفال خرج ليه من فمو
لاا… حيدي..حيدي داكشششششي
شافت فالسما كضحك وقالت
يالاااه.. ماشي شي حاااااجة ..يالاه الزعيم
عض على سنانو والعرق كيهبط معاه ماقادر حتى يهضر وهي كضحك .. خلاتو هاكاك حتى تمكنات منو مزيان عاد رجعات اللور ببرودة نقصات ليه وفالحال حط البارة وناض جلس كيقطر مفصول وكينهج وهي واقفة واقفة عليه كضحك وقالت
اممم مزااال خاصك بزااف
مشات وخلاتو مهبط راسو كيلهت ويديه على ركابيه كيردد
مسخوطة هادي!!
هزات صاكاها كضحك وتشوف وراها وخرجات من لاصال ..رن ليها التيليفون فيدها وشافت شكون المتصل وبميوعك قلبات عينيها وقطعات .. عاود رن مرة اخرى وطفاتو فمرة وخرجات لابسة عليها مونطو فوق لباسها الرياضي والصاك على كتفها ركبات سيارتها الفخمة حطات نضارات مرعين ومضببين بالاسود ومشات مباشرة على الاوتيل الفخم .. نزلات من سياراتها وعطات السوارت للموضفين اللي على برا ودخلات طويلة حيدات النضارات ومشات للاستقبال وقفات بالجنب وقالت
بغيت ندير حمام ومساج توتسويت .
ردت الموضفة قائلة: توتسويت مادموزيل. بيان . الو .. حمام ومساج لمدموزيل بيان فالحال
تلفتات شافت مدام سارة خرجات من الاسانسور والدنيا عامرة شي داخل شي هارة والاوتيل كبير وفخم كأنه سي مول من لداخل .. مشات عندها مدام سارة كانت غتبوسها من الحنك لاكن بيان رجعات اللور وقالت
بلا متبوسيني وجهي عرقان ..عاد خرجت من لاصال .. جاد على بالي ندير على مام ومساج
ضحكات مدام سارة وقالت : اييه مزيان بالصحة ..فاش تسالي اجي عندي للبيرو ..بغيت نوريك لكازينو اللي تحل عندنا فالجناح اللوراني. خسارة ماحضرتيش للافتتاح كان شي حاجة خيال
بيان: كن كنتي كتفكري فيا كنتي تخليه حتى نرجع من هونغ كونغ باش نحضر معاكم ..ولاكن بحال ديما كولشي كديريه حسب كانتك وانا اخر من يعلم ..اماما
تكلمات موضفة وقفات عليهم وقالت
مدموزيل بيان .. الحمام واجد تفضلي معايا
شافت بيان فأمها بنضرة ناقصة وقالت : خليت ليك الراحة
دورات عينيها ومشات كتحيد المونطو فالطريق والموضفة وراها وقالت
مساج تايلاندي الله يخليك وبغيت على السخون .
حلات ليها الموضفة باب كبير بني فواحد الزاوية وقالت : مرحبا مدموزيل بيان هي اللولة
بيان:شكرا
دخلات مدام بهية للاوتيل سولات على مدام سارة خبروها انها فالمكتب ديالها ومشات عندها لقاتها جالسة كتبكي بوحدها ..بسرعة مسحات مدام سارة نيفها وابتسمت بارتباك وقالت
ااه مدام بهية .. تفضلي
دخلات بهية كتشوف فيها وقالت .. جيت فشي وقت ماشي مناسب؟ نقدر نمشي من بعد ونتشاوفو
هزات مدام سارة وجهها كضحك وقالت: لا. مكاين غير تفضلي..
جلسات بعية وكتشوف فعينين سارة بتساؤل وقالت : كتين شي مشكل امدام سارة؟
تنهدات م . سارة وقالت:
والو هادي غير بنتي.. ديما حنا هاكا هادا هوا حالنا
م. بهية : بنتك وقعات ايها شي حاجة؟
م. سارة : لا .. غير لسانها طويل وبعد المرات كتقول شي كلام كيجرح.. ماكنبغيش ندي عليها ولاكن شي مرات كتقيسني
تنهدات م:بهية وقالت : البنات والولاد فهاد السن كيكونو حساسين .. ومتمردين .. والبنات بلخصوص كيكونو حساسين ونتي وانا دزنا من هاد التجربة.. ونتي عارفة باللي هاد العمر كيكون مجهد ..كيكون فيهم الجهد وغير كيبلزو معارفينش اش كيقولو ولا شنو كيعملو ومعارفينش راسهم حتى شنو باغيين.. وحنا ماخصناش نخليوهم يأثرو علينا
سارة: انا حرت ..شنو مابغات كنجيب ليها..شنو ما طلبات واخا يكون فبلاد اخرى كنجيبو ليها ..ماخصها حتى حاجة ..ومكنغوتش عليها واخا كطير من المقلة وكدير ليا المشاكل..كنحاول نفهمها ونشرح ليها .. ولاكن هي لا.. معكسة ومكنبغيش كاع تفاهم معايا وكتصرف معايا بحال الى انا عدوتها
م.بهية : لااا حبيبة متقوليش هاكا.. اصلا اغلب المراهقين كيشوفو والديهم على انهم اعداء ليهم.. حيت المراهقين بصفة عاامة افعالهم مامقبولاش بالمرة عند الواليدين وهادشي اللي كيخليهم راحد فالشرق ولاخر فالغرب حيت ديما الوالدين ضد داكشي اللي كيعملو ولادهم هادا ماكان .
سارة : ولاكن انا ماشي ضدها!! بلعكس كنحاول نمشي معاها فنفس التيار واخا داكشي اللي كدير بعد المرات مكيعجبنيش..كنقول خليها تعيش حياتها وتعيش سنها منحرمهاش
م.بهية : شوية دالصبر احبيبة .. نتي على الاقل عندك بنت تقدري ضبطيها ..انا راه عندي ولد والاولاد صعاب اكثر من البنات.. الى مامشيتش معاه فالعايل والتشيطين حتى انا مايتضبطش ليا ..بلا منقوليك اش دوز عليا واشنو مزال كيدوز عليا ..كيخليني ندير شي حرايج فحياتي ماتخيل راسي نديرهم..غير مؤخرا باش نشدو يبقا فالمغرب اضطريت نسخف ليه ونمشي لكلينيك ونعلق السيروم ونشد الفراش ونتخلى على كاع الانشطة ديالي ..ماتصوريش هادشي شحال خدا مني ديال الجهد والخاطر. انا ونتي مضطرين نسايسو معاهم باش نتغلبو عليهم ..والا راه غيخرجو على راسهم ويغلبونا
تبسمات سارة وقالت : علاش كاخليتيهش يكمل قرايتو فجامعتو فلندن ماشي احسن ليه من لقرايا هنا؟
م.بهية: قرايتو قدام عيني نعرفو اشنو كيدير ونحضيه اهم من لقرايا فلندن..حتى فاش كان فلندن كنت تما معاه ..وبحضوري وقعو كوارت كثيرة ..اما فغيابي يعلم الله شنو يوقع كاع ..ونيت فرصة نبعدو على الشلة ديالو ونتهنا من المشاكيل …هه والله هانتي شفتي حتى حاجة مساهلة وكاع اللي عندو الاولاد مامرتاحش
تنهدات م .سارة وقالت : هادشي ديالهم مكيساليش..قولي لي علاش جيتي اما الموضوع ديال الاولاد عمرو مايتسالاش
م.بهية: جيت على قبل الحفلة دراس السنة .
استغربات م.سارة وقالت: ولتكن الحفلة دراس السنة باقا بعيدة وحنا يالاه فآواخر شهر تسعة
م.بهية: داكشي علاش جيت عندك .. باش مقادو بروكرام انا وياك الى بغيتي.. بما اننا شركاء فأنا غنستافد من الاوتيل ديالك ونتي تستافدي من لكازينو ديالي.. انا غندير حفلة كبيرة لراس السنة تكون حافلة بالمعقول.. الشيء اللي غيخلي الكليان بكثرة يجي..ونتي ديري تخفيظات فالاوتيل باش دور الحركة اكثر ..تستافدي من الكليان ديالنا ونستافدو من النزلاء ديالك اش بان ليك؟
ضحكات م.بهية وقالت: ولاهيلا فكرة ..عندك الحق انا نيت عندي كنوجد جناح جديد فالجهة المقابلة فيه مايقارب ربعين غرفة صغيرة..هادي هي الفرصة فين يجيو يجربو الخدمات الجداد
م.بهية: وبطبيعة الحال اهم حاجة من هادشي والنجاح الكبير هوا الاشهار..ماشي ضاروري يعمرو كاملين او انا نربح بزاف فراس السنة..الاهم هوا الاوتيل يدير ضجة والكازينو يزيد يتشهر ..ماشفتيش الضحة اللي درنا فالافتتاح صارت على كل لسان والاوتيل بان فالواجهة ..وباش نعاودو نديرو البوز ونخليوه حدث راس السنة خاص الكازينو يدير خدمتو ..ويدير حفلة نستقطبو بيها كليان جداد والصحفة بطبيعة الحال
ضحكات سارة وقالت: خاصنا نوجدو راسنا من دابا خاصني نزرب دغيا باش نوجد الغرف الجديدة ..اما قضية الصحافة انا عارفة شكون نكلف..
م.بيان: وشكون كتعرفي شي واحد يتكلف؟
م.سارة: هه بيان بنتي هادا هوا شغلها ..كتعرفهم كاملين .وعندها صفحة مليونية على الانستغرام ..وهي بوحدها كافيك دير البوز لهاد الافتتاح وكتعرف اغلب المشاهير والصحافة ..بنات ليوم هادشي اللي تابعين
تبسمات بيان وقالت. بسعادة: امم يالاه خلينا نشوفو شطارتها ..وتعرض علامن بغات فالحفلة مرحبا بالجميع
مدام سارة:هه..متهزيش الهم من هاد الناحية..وجدي راسك حيت غتجيب ليك مشاهير المغرب كامل ..طحتي ليها على نقطة ضعفها ..حتى هي كتقلب غير على البوز وفين تسلى وتستمتع وهاد الحفلة غطيح بحال نقطة العسل على قلبها ..لاكن غنخليها ليها فاجأة فاش يقرب راس العام ..اما الى عرفات دابا غادي تخلي اللي موراها واللي قدامها وتركز عليها وتنفخ ليا انا راسي صباح وعشية هه
فالسبا فين الضوء خافت والديكور والضائة مستوحى من ااطبيعية الاسيوية خرجات بيان من الحمام خلات الفوار موراها بالبانطوفة رقيقة بيضاء ديال الاوتيل وبينوار غليض ابيض والفوطة عالية على راسها وحناكها حومر مزنكة وفيدها مكعب ثلج صغير غادية وكتمررو على وجهها .. مشات على واحد رولاكس فمكان خاص بالراحة كانو فيه ناس كيرتاحو قدام مسبح متوسط الحجم بمياه دافية وجلسات طلقات رجليها وهزات تيليفون لقات مليون اتصال من نفس الشخص.. هزات عينيها كتسوط وحدفات كولشي وتاصلات برقم الخدمات المنزلية التجميلية وقالت
الوو. بيان علوي .. بغيت ندير مانيكير وبيديكور خدمات منزلية الله يخليك..اممم نديرو الساعة ستة؟ .. اوك واخا خليها الساعة سبعة على نفس العنوان ..شكرا
قطعات وتلفتات لقات عصير وحلوى محطوطة حداها وهزات العصير شربات منو وتكات غمضات عينيها حتى رتاحت وناضت لواحد البلاصة فيها سوشوارات معلقة صغيرة قدام مرايات نشفات شعرها وخرجات لبسات واحد العباية بيج مخططة ومشات جامعة شعرها الاشقر فالاعلى وموراها موضف هاز ليها الصاك دالحوايج ..لقات مدام سارة واقفة مع رئيس الموضفين وسط الساحة وفيدو اوراق ودازت من حداها مشافتش جيهتهم ..تبسمات مدام سارة وقالت للموضف بصوت منخفظ
صافي كمل داكشي اللي تافقنا عليه بخصوص الغرف الجديدة
تقدمات مدام سارة وقالت ليها :
بالصحة
ختطبت بيان الموضف وقالت : خود الصاك لطموبيلتي الله يخليك ( ضارت عندها ك كتلوي راسها وتأفف وقالت:شكرا
وقفات قدام مدام سارة قدامها وقالت: على الاقل عطيني احترام الامومة قدام الناس فاش تجي لهنا
هزات بيان عبايتها وقالت : لابسة عبايتك اللي جبتي ليا من دبي.. هادا ماشي احترام واهتمام؟ على الاقل ماخليتهاش مهمشة
ربعات مدام سارة يديها وقالت: مكنهضرش على هادشي.. كنهضر على طريقتك اللي كتعاملي بيها معايا
ميلات بيان راسها كضحك وقالت : طريقتي هه .. اوكي غنحاول.
قلبات عينيها ومشات خرجات ركبات سيارتها اللي لقات فباب الاوتيل ودورات المقود مشات بحالها لحي من ارقى الاحياء فشارع كبير عامر بالفيلات الحديثة ويالاه بغات دور دخل طموبيلتها لقات جاد واقف ليها قدام الفيلا متكي على سيارتو .. كشرات وجهها ونزلات عندو ربعات يديها وشافت فجهة اخرى وقالت
شنو بغيتي؟ علاش واقف قدام داري ؟
هز تيليفون فوجهها بغيض وقال بجنون
علاش مكتجاوبيش فتيليفون ؟؟ مولفين كندوزو الويكاند انا ونتي وهاد الويكاندات كلهم اللي دازو من نهار بدات القرايا كطفي عليا تيليفون .
افأفات وقلبات وجهها بيرودة قائلة: اوووف مكتعياش اجااد؟؟. انا عييت بلاصتك .. فوقاش غتبعد مني وتخليني نرتاح فحياتي؟؟ هاا؟
دور وجهه بغا يطرطق وقالت: واش انا كنقوليك ..كنصوني عليك مكتجاوبيش ونتي كتلواي عليا …ولابسة ليا العباية وليتي خليجية
قلبات عينيها قالت ليه : نولي خليجية نولي يبانية نتا مالك؟ السفارة ديالي!! وزايدون كتعاود شي حاجة انا اصلا عارفاها . عارفاك طرطقتي ليا تيليفون فالصونيت ديالك ومابغيتش نجاوب ..بغيت نرتاح
عبس كيشوف فيها مطولا وقال: علاش وليتي هاكا؟؟ شنو اللي تبدل ؟. مللي رجعتي من سويسرا ونتي مبدلة حتى انك. ماتوحشتينيش كما انا توحشتك
لاحت يدها بيملل وقالت: اش توحشيتيني ما توحشتك اش هاد الوحش يااه!… صافي خليني نرتاح مابقيت باغا علاقات بغيت نتسنط لعضامي.. ماطلعتش ليك فراسك؟؟
هز حاجبو : دابا صافي طلعت ليك فراسك؟ ..نسيتي كاع اللي دوزنا؟ نسيتي الحب؟؟
قلبات عينيهت وقالت: اس دوزنا اش ..؟دوزنا كاع اللي دوزوه كاع الناس ..اللي سمعك يقول كنا مزوجين وولدنا الولاد..
شافت كروب الخدمات المنزلية وصل ونزلو من الطموبيل دخلو للفيلا وقالت
سمحي ليا عادي نمشي.. دفاري كيتسناوني
دارت ليه حركة بدفارها مع ابتسامة صفرا ومشات ركبات فسيارتها دخلات للفيلا خلاتو واقف.. بقا متبع ليها العين ودخل وراها تبعها لداخل ووقف قدام طموبيلتها رافع راسو حتى نزلات ودورات عينيها ضحكات وقالت
حتى نتا بغيتي تصبغ دفارك ؟
ضحكات ومشات قدامو وهوا وراها تابعها معصب ..خدا ليها تيليفون من يدها وهي حتصوني فالباب ضربو مع الارض بقوة عصبها وضارت عندو خرجات عينيها فيه وقالت
صافي؟؟ بردتي؟؟ على الله هاد تيليفون يكون برردك وتعطيني تيساع
حلات ليهت الخدامة الباب ودخلات تعصبات عليها قائلة
فين كانو ودنيك نتي خاصني ساعة قدام الباب عاد تحلي
دخلات كتكشكش والخدامة فالباب سداتو وقالت معبسة
غير طلع ليها لكناويك نبان ليها انا ..تهنيت منها تلت شهور هاهيا رجعات عاوتاني..الله يعطيك غبارة
مشات بيان حيدات العباية فقلب الصالون لاحتها بعصبية وجلسات بعصبية فالبلاصة اللي قدو ليها البنات باش تصاوب دفارها وحطات رجليهت فالبانيو الالكتروني ويديها فوق الطاولة وقلبات وجهها معصبة وقالت
اصلا هنيتيني منو باش ماتبقاش كل دقيقة تصوني ليا فرعتي ليا راسي ماعرفتش حتى نرتاح هاد النهار كي الناس ضاروري يكمل النهار بموصيبة
جلس حداها على الكنبة مخرج عينيه وقال
بلا متلقايها سبة وتهربي.. غتلقايني قدام باب الدار كل يوم
انا عارفك مزيان وحتى واحد مكيعرفك كتر مني
شافت فيه وقالت ليه: من بعد ..هانتا كتعرفني مزيان شنو غادي تخرج ليا حسن السيرة ؟ ولا غتشهد ليا فالمحكمة؟ اش غاديير ااش؟
سد عينيه وزير على سنانو فصمت ورجع شاف فيها بهدوء وقال كيكحز عندها
الزين ديالي.. قولي ليا شنو المشكل؟ شنو اللي خلانا مرجهو هاكا؟ واش انا درت ليك شي حاجة؟؟واش شفتي عليا شي حاجة؟
طرطقات عينيها فيه وقالت : واش غنبقا معاك آفي؟؟ صافي براكة بدلني شحال غنبقا معاك شحال ؟ بعد مني انا حرة فحياتي عطا الله البنات … اااي اختي غير بشوية تقبتي ليا لحمي؟؟ غير بالحنان
هبطات البنت راسها وقالت :سمحي ليا مدموزيل بيان ماقصدتش
دور ليها جاد وجهها وقال: انا مغنتفارقش معاك..ماشي بهاد السهولة .. حطي هادشي فراسك ابيان هادا راه جاد ماشي لعبة فيديك ..ونتي حبيبة جاد وغتبقاي حبيبتو ..واللي فكر يقرب منك غنمحيه فهمتي..عقليه على هاد الهضرة
ناض خلاها جالسة متبعك ليه العين كتعييو وتردد
ننناناناا …نناناانانا.هااا
قلبات عينيها شافت فدفرها وقالت
ياختي قتلتيني ركزي شوية فشنو كديري شهاد الخدمة هادي يااه!!
رن الهاتف الارضي ومشات الخادمة ردات وجات عندها هازة تيليفون وقالت
مدموزيل بيان .. مادموزيل اريج فالتيليفون
مدات يدها بجوج صبعان شدات تيليفون وردت
الو اريج ..
اويج: كنصوني عليك فتيليفون ماكترديش ياك لاباس؟
ساطت بيان وقالت:داك البغل هرسو ليا
اريج: فينك واش مغنمشيوش نسهرو هاد الليلة
بيان: لا والله مافيا ما يخرج ليوم تسخست واللحم مقطع فيا .. وعاد مشيت للحمام ودرت مساج بصح مدكدكة بزاف بغيت ناكل شي حاجة غير خفيفة ونعس
اريج: عيقتي اصاحبتي لبارح ماسهرناش وليوم مانسهروش وغدا الاثنين غنصبحو على القرايا
بيان: هانتي قلتيها غدا الاثنين غنصبحو على القرايا داكشي علاش خاصني نعس..واصلا مزالة خدامة فدفاري ماعرفت فوقاش نسالي.. حتى لغدا ونتلاقاو يالاه باي
قطعات وتكات راسها اللور على المخدة سادة عينيها .. داز قدامها مشهد لاصال وهي كتريني مع جاد وابتسمات ..حلات عينيها وهزات راسها بابتسامة ومزاح اخر تقلبات مية وتمانين درجة وقالت
حبيبة ساليتي؟ اووه شكرا عجبوني جاو زوينين
تلفتات البنت عند صاحبتها كيجمعو اللوازم ديالهم من الارض وقالت بخفوت
اول مرة تعجبها شي. حاجة وتشكرها ماعرفت فين مات شي حمار
ردت البنت :قولي فين مات شي بغل شوفي كي كتشوف فيهم
شافت فيهم بيان كتبسم وعينيها مسدودين وهزات ضرف فيه الفلوس عطاتو ليهم وقالت
شكرا البنات الله يعطيكم الصحة
خرجو كيجرو شنطهم ويضحكو قائلات
- كتسيف كي تاتا الله يستر بحال داك الحمق اللي كيدوز حداك ساهي وكيعطيك بحجرة للوجه
- - ههه انا ياختي بغيت غير زينها وفلوسها ولباسها وحياتها اللي كتعيش واللي بغا يوقع يوقع ماشي غير غنتسيف غنهضر بلغة خاصك بيا…الله يعطيني سعدها
ما احلى ايام الدراسة وما اجمل الاصدقاء الى كانت فيهم منفعة..وما أجمل الصباح الباكر والشتا كطيح وريحة التراب كتفوح من الجرادي
صبحات سلمى واقفة على عكاكزها فالدار لابسة مونطو جديد بالقب فيه الزغب وليبوط فواحد الرجل والرجل الاخرى مغطياها وملبساها تقشيرة من الصوف فوق الجبص وكتنكر
واش غنمشي بهاد الحالة للجامعة كلشي غيضحك عليا
الهام وهي كتجمع ليها شكارتها: هادي هي الفرصة .. ديري داكشي اللي تافقنا عليه يالاه سربي دغيا
شدات فيها خرجاتها وركبو فطاكسي نيشان لمارينا فالبلاصة اللي تفارقو فيها مع تميم ووقفو .
الهام: انا غنمشي اللور ونطل عليك حتى تمشي..كوني مرى يالاه منخافش عليك .. هانا مشيت
مشات الهام بعدات وتخبات كطل على سلمى اللي واقفة ومتكية على عكازها وكتشوف الساعة..نزل تميم دابر القب على راسو لابس كابيتشو وفوق منو دودون منفوخة كحلة قصيرة ودجين وصبرديلة كوتشي لقاها واقفة تما ومشا عندها قصدها بابتسامة كيشوف فيها وقال
صباح النور
برقو عينيها وقالت بارتباك :صباح الخير ..
تميم: كي بقات رجلك شوية؟
سلمى: شوية .. كنحاول نولف عليها
تميم: غادية لافاك؟
سلمى: اه كنتسنى الطاكسي تجي عندي لهنا ..كما شفتي منقدرش نمشي بيها فالشتا .
تميم: وعلاش ماجلستيش ترتاحي شوي حسن
سلمى: واخا نجلس نرتاح ضاروري نمشي للجامعة كما كتشوف الجبص ماشي شي حاجة اللي ساهلة تحيد.. على الاقل واحد الشهر وانا ميمكنش ليا نجلس شهر كامل على القرايا
تميم: امم .. واخا الى كان هاكا يالاه نوصلك
شهقات بالفرحة وحققات داكشي اللي بغات وقالت
ااه..واخا .. نيت الطاكسي مكيقربش بزاف للجامعة
تبعاتو كتعجرج والهام كطل عليها وتشوف حتى طلعات حداه ومشات السيارة للجامعة ..
فديك الاثناء نزلات بيان من سيارتها بجادبية لابسة مونطو قصير كتوسطو سمطة رقيقة وليبة غليضة وبوط عالي جلد سطحي ونيفها وحناكها حومر وعينيها مع البرد والجو مغاير كيبريو بحال الثلج .. شافت تميم جاي ووقفات كتبسم ىتهز صاكها فيدها حتى وقف مقابل معاها ونزل ضرب الدورة فتح الباب اللي حداه عاون سلمى نزلات ..تلاشات ابتسامة بيان وبقات كتشوف فيهم مطولا ومن بعد سدات باب سيارتها ومشات عندو وقفات قدامو كضحك وربعات يديها كتشوف فيهم وقالت كتنمر عليه
شوفو شكون جا ..البطل ديالنا حامل الاتقال صاحب العضلات الفولادية
هز عينيه كيشوف فيها وقرب منها كيضحك بسخرية وسلمى واقفة كتشوف فيهم بغيض
تميم: اااه .. هادي نتي
هزات راسها كتشوف فيه وضحك وقالت: انا .. شكون هاد البنت اللي معاك؟
تلفت وراه شاف فسلمى لقاها مزالة واقفة كتسناه وقال
واش مقدرتيش تمشاي؟
شافت فيها بيان وقالت بابتسامة
مايكون عنداك باس.
تبسمات سلمى بزز منها وقالت: شكرا
دورات وجهها غادية بشوية كتشوف فيهم بنص عين وكتتعطل باش تسمع
بيان: شنو مالك عجبك الجو كتسنا الدكاترة يجيو يقريوك هنا ؟
ضحك وهز راسو فالسمت وقال: مارشقاتش ليا ندخل هاد الصباح ..
خلات يدها فيدو وهوا كيشوف فيها متفاجأ وهاز حاجبو وقالت
ايوا يالاه خلينا نمشيو نشربو قهوة فالكافي..ماتخافش انا غنخلص عليك
دخلات هيا وياه شادة ليه فيدو ودازت حدا سلمى اللي كتعرج شافت فيها وقالت ليه
ماقلتيليش..شكون هاد البنت ؟
شاف فسلمى وهوا داخل وابتسم وقال
بنت جيرانا ساكنة فنفس البلاصة فين ساكن انا
بيان: اممم مسكيينة.. ونتا بطبيعة الحال حنين قلتي نوصلها ..سبحان الله كلكم كتكونو حنان فاللول
ضحك بسخرية وقال: جربتينا كاملين؟
ردت بميوعة : اممعع.. وشنو اللي خلاك تولي شيفور عندها بالسلامة ؟
تميم: انا اللي ضربتها بالطموبيل..وعلى شوية كنت غنطحنها
حلات عينيها شافت فيه مصدومة وقالت: هاا!! فوقاش؟
تميم: الجمعة فلعشية فاش كنت راجع للدار ..هي كانت قاطعة الطريق وانا غادي كنهضر فتيليفون .. ماشفتهاش ودخلت فيها
وصلات هي وياه للكافيتيريا فين بزاف الطلبة جالسين ووقفات كضحك قدامو مسحات ليه على كتفو وقالت كضحك
اااه..البنات… ساكنة حداك ..وخرجات ليك فالطريق..وعلاش نتا بالضبط؟ انا كيبان ليا ماتبقاش تيق بزاف
غمزاتو وقال: غنمشي نجيب القهوى ونجي (مع غميزة)
دور وجههو كيسوط وقال: ناريي.نتوما البنات ميمكنش.. واش كلكم بحال بحال
تكات بيديها على الطاولة كتشوف ليه فعينيه وقالت حيت كلنا بحال بحال وعندنا نفس التفكير..كنقوليك اللي كاين ..ماتيقش بزاف
دخل جاد مع صحابو لقاها جالسة مع تميم وتصمر مصدوم كيشوف فيها … بغضب مشا قاصدهم بجوج ووقف شد بيان من يدها بقوة وقفها مخلوعة قدام تميم وقال
تحركي اجي معايا ..تحركي
ناض تميم شنق عليه ودفعو طيحو على واحد الطبلة وقال بغضب
شنو كيحساب ليك راسك هاا
بغا يطير عليه لاكم وقفات قدامو بيان وشعرها فالسما كتخيدو على وحهها وعينيها خارجين بالخلعة وقالت بخوف
صاافي تميم..صافي عفاك ماديرش راسك فيه هادا مسطي ماديرش فيه راسك
ناض جاد بقوة دفعها تلاحت بعيد وهز يدو بغا يلكم تميم لاكن الاخير صدها فالهوى وعطاه للوجه سيل الدم .. تدخل من جديد جهاد كيجري وجر الدراري فكوهم وفرقوهم على بعض . شد جهاد فيقمو اللي كينزف وقال رافع صبعو
وجد راسك ..
مشا خلا تميم واقف كيردد
انا وااجد يالاه وريني
وقفات بيان قدامو كتنهج وتشوف فيه وهزات صاكها مشات كتجري تبعات جاد وكتردد بخوف
شنو ناوي يدير هاد ولد لحرام ..
خرجات لبرا يالاه بغات دور لقاتو واقف غاضب وتيليفون فودنو ورجعات اللور بالزربة شدات لفران لراسها وحطات يدها على فمها كتهج والصاك معلق فيدها عوج كتسنط ودور فعينيها
جاد: جمع ليا الدراري.. ليوم فطريق لافاك بالليل عندنا واحد البرهوش ناقصها تربية
حلات عينيها وتراجعات كترعد وتفتف دخلات ومشات كطير عند تميم لقاتو جالس هوا وجهاد فالكافي ووقفات عليه كتشوف فيهم بجوج وقالت
تميم… بغيت نهضر معاك …ضاروري نهضر معاك
وقف شاف فيها بغضب وقال : سيري تبعي صاحبك داك الحمار . . الى كنتي خايفة عليه قوليه يبعد من طريقي حسن ليه
بلعات ريقها كتنفس وقالت : خاصني نهضر معاك .. ضاروري
وقف وشدات ليه فيدو لاكن نترها ومشا خلاها واقفة..تبعاتو من اللور وهوا غادي وهي كتحاول معاه يوقف باش يهضرو لاكن تلفت وهز يديه. فالسما وقال
ماتشديش فيا.. الى بيناتكم شي مشكلة سيري فكيها نتي وياه .
خلاها ومشا دخل للقاعة ديالو وبقات هي برا كتمشي وتجي فبلاصتها وطقطق بصبعها على فمها .. ماتحركاتس من تما حتى خرج ومشات عندو شداتو وقالت ليه
فين غادي؟؟؟
سد عينيه وهز يدو قائلا: ااخر مرة تشدي فيا..انا كنعلمك
خلاها واقفة ومشا خرج لبرا فاتجاه سيارتو لاكن تبعاتو مشات كتجري سبقاتو وركبات حداه وهوا غير كيشوف ..حتى كان غيطلع ورجع سد الباب وبقا واقف ..نزلات تقابلات معاه من الجهة لاخرى للسيارة وقالت
مغتمشيش حتى بلاصة ..
كانت ناقصاهم غير سلمى فديك اللحضة اللي وصلات عندو كتعرج وقالت بابتسامة :
تميم..الى كنتي غادي للدار نمشي معاك
قلب عينيه فالسما ونفخ حناكو وهز يديه على راسو نفخ ومشا على رجليه رجع للافاك خلاهم واقفين حدا الطموبيل.. بقات شلمى كتشوف فبيان بنص عين وبيان كتشوف فسلمى وقربات منها كطلع فيها وتهبط ووقفات كضحك وتشتت النضر وقالت
صافي براكة .. مشا بحالو غير عري على وجهك الحقيقي ..هاد الفعايل احبيبة راني كنعرفهم مزيان .. وهاد البرائة المسطنعة ماديريهاش عليا انا .
دورات سلمى وجهها مابغاتش تجاوبها وقلبات علينيها بغات ترجع للافاك لاكن وقفات قدامها بيان وقالت
يالاه..سيري لداركم..نطلب ليك طاكسي؟؟ ياك كنتي غادا فحالك اولا لا ؟؟ ها؟
شافت فيها سلمى ببرودة وقالت
مغاديش نجاوبك.. واصلا ماشي شغلك فيا
ضحكات بيان بسخرية وقالت : منك عداااد احبيبة ..ولاكن ماشي ادكى منك على الاقل نتي قدرتي تكوني صداقة ..وغير صداقة لا اقل ولا اكثر .
قلبات عينيها ورجعات لافاك خلات سلمى راجعة بشوية كتعرج وتردد
بقيتي غير نتي فالحساب.. منين خرجات ليا هادي حت هي تفوو
رجعو للكافيتيريا فوقت لغدا ضدق حتى واحد فيهم مخارج.. تميم مشا جلس بوحدو تقابل مع واحد السرجم ويدو على قمو معبس وبيان مشات جلسات فطبلة بوحدها حتى هي ماقدراتش تقرب منو وسلمى مشات جلسات فجهة اخرى بوحدها وبقا شي كيشوف فشي بنص .. صبرات بيان حتى عيات لاكن ماقدراتش تزيد تبت اكثر وقالت
لااا صافي ..بزاف
هزات صاكها مشات عندو لاحتو فوق الطبلة وجلسات حداه قائلة
شنو وقع يااه؟؟؟ مالك قلبتي وجهي هاكا اللي شافك يقول انا حرشتو عليك
سد عينيه وهوا على نفس الوضعية ماجاوبهاش خلاها كترطى بوحدها وتشطح فبلاصتها ..طلات عليه شافت فيه وقالت
مالك كتعاملني بهاد الطريقة. انا شنو درت ليك؟؟؟
حرك عينيه شاف فيها وقال :كفاش بغيتي نعاملك؟ حتى دوقك فالدراري مزفت
دورات وجهها ميعات كتنفخ ورجعات شافت فيه وقالت
دابا خليني من هادشي..انا بغيت نقوليك شي حاجة مهمة ..عنداك يحساب ليك تابعاك على زينك وكحل عيونك بحال بنات لافاك.(دورات عينيها) شووف.. جاد كيخطط لشي مصيبة ..سمعتو كيهضر فتيليفون مع شي واحد كيوجدو ليك شي حاجة
دور وجهه كيضحك وقال: ونتي خايفة عليا من صاحبك. ياك؟؟
خزرات فيه وساطت من نيفها وقالت : انا جيت علمتك ..داكشي اللي سمعت قلتو ليك باش ترد بالك..داك الكيدار مكيخاف من والو وعندو زايد ناقص من موصيبة لمصيبة
وقف شاف فيها بابتسامة صفرا وقال
خافي غير على راسي اما انا قاد بشغلي
مشا وخلاها جالسة غطرطق وزاد بحالو ..دورات عينيها كتفكر حتى عيات وناضت تبعاتو من بعيد كتراقبو وماحيداتش عينيها عليه..وحتى سلمى مادخلاتش تقرا ديك العشية بقات حاضياهم ومنين مادازو كدوز كتعرج حتى تعاشات لعشية وبدا الكل كيخرج وهنا مشات بيان كتجري عند سلمى وقفاتها وهي نازلة مع الدروج وقالت
تسناي نتي.. بغيت نهضر معاك
ميعات سلمى وقالت. مافيا اللي يهضر اختي زربانة خصني نمشي بحالي
رجعات بيان قاطعات طريقها وقالت
انا عارفاك كتسابقي باش تمشي معاه فالطريق.. اللي غنقوليك هوا حاولي تعطليه ..عطليه ولا غتمشي فيها نتي وياه فهمتي..جاد موجد ليه سلخة فالطريق ونتي طبعا غتكوني معاه وتقدري دوقي شي طريحة ..وهادي راني قلتو ليه وهوا مابغاش يسمع مابقا ليا حتى حل اخر من غير هادا ..
بقات سلمى مصدومة كتشوفيها وقالت
اويلي؟!!
بيان :اويلك الى مشيتو دابا فهاد الشتا والضلام طاح ..عاد غتشوفي الويل ..سربي راسك حاولي تعطليه فطموبيل قدر الامكان .
تخلعات سلمى ومشات كتعرج بالزربة لحقات عليه ركبات حداه فازكة وقالت
سمح ليا تعطلت عليه .. عرفتك كتسناني باش توصلني معاك
ديمارا الطموبيل وقال ببرودة
ماعليش
شوية بدات كتفتف وقالت : واقيلا خليت سوارت الدار فالقاعة !! وييلي غنبقا فالزنقة
سد عينيه كيتنفس وشكت الطموبيل كيشوف قدامو وقال
شنو دابا؟
سلمى: خاصني نرجع نقلب عليهم ..بحال والو يكون شي سيكوريتي لقاهم
تكا راسو على الكرسي شوية ورجع قال
يالاه نشوفو هاد السوارت ..ن المهار مغيساليش
فهاد الاثناء كانت بيان فالطريق غادية سايقة وتيليفون فيدها كتردد
اهاد الدرجة اجاد.. واخا هانا غنوريك اللعب على حقو وطريقو
فالشتا كطيح والطريق مضلمة والدنيت خاوية سايقة وكتهضر فتيليفون
الو .. داكشي اللي قلتي ليك عليه ..قاد ليا الشغل مزيان خصوصا وجهه ..يالاه بسلامة
قطعات ورجعات اتصالات مرة اخرى :الو البوليس
وصلات للنقطة اللي سمعاتو هضر عليها فتيليفون ووقفات بعيدة بين الشجر كتشوف..بانت ليها سطافيت وقفات تما والبوليس نزلو جروهم واحد واحد طلعوهم فسطافيط مجموعين ومشاو ..تبسمات حتى تسدو عينيها وقالت
الله علييك ابيان ..كنحبنييي. غدا نتفرج عليك ابا جاد وعلى عياقتك
هزات تيليفون كضحك وتقلب على رقم سلمى اللي خدات من عندها وتاصلات بيها قائلة
الو سلمى… صافي تقدرو تمشيو الطريق خوات
قطعات سلمى وهي مزالة كدور فالجامعة وتميم بنفاد الصبر غادي معاها وقالت
عيطات ليا خالتي دابا قالت ليا راني فالدار ..صافي غير نمشيو حتى لغدا وندير عليهم الكوبي
تنفس وقال: اوكي يالاه نمشيو ..ومرة اخرى ردي بالك
ركبات حداه فالطموبيل دارت السمطة وقالت : سمح ليا بزااف .. نتا مجبر باش توصلني انا عارفة راسي ضاغطة عليك.. وكتحس بتأنيب الضمير اتجاهي …
قاطعها وقال: مكنحس لا بتأنيب الضمير لا والو.. انا غير تعصبت شوية ليوم وصافي
ردت بهدوء: مابغيتش ندخل..ولاكن من منضوري الخاص كنشوف انه معندكش علاش تدخل فمشاكل ماليها معنى
رد ببساطة وقال: هانتي قلتيها ماليها معنى يعني علاش نعطويها اكثر من حجمها
سلمى: تقدر نتا تكون مكتعطيهاش كتر من حجمها ومامهتمش..ولاكن واحد اخر يقدر يكون عاطيها اكثر من حجمها ويتسبب ليك فالمشاكيل. خاصك ترد بالك
بقا ساكت كيشوف قدامو مطولا وقال
غدا معاياش داخلة؟
بقات ساكتة مطولا وقالت : معاياش داخل نتا؟
تلفت وقال: انا اللي سولتك .
بقات ساكتة كدور عينيها وقالت: 8 ؟
هز يدو على المقود وقال:شوفي نتي؟
ردت : المهم ..غدا غنوصلك مع 8
سلمى: ونتا؟
تميم:حتى لعشرة مي نوصلك ماشي مشكل.
تلفتات عندو وقالت:. انا مابغيتش تعامل معايا على اساس كتحمل غلطك .. اصلا هادشي كيوقع وانا مابغيتش نزيد نضغط عليك اكثر..غدا غنمشي فطاكسي ماشي مشكل
رد وقال. وانا ماعنديش مشكل الى وصلتك .. غدا مع ثمنية فنفس البلاصة
وقف قدام السيارات فين ساكن ونزل لقا امه نازلة حتى هي من سيارتها وشافت فيه بابتسامة قائلة
عاد وصلتي؟ كي كانت الطريق بالشتا؟
شافت سلمى نازلة من سيارتو وميلات راسها كتحقق فيها فصمت ..تمشات شلمى كتعرج قدامها شافت فيها وابتسمت ليها هنا تميم رد عليها وقال
بنت الجيران اللي قلت ليك عليها
تبسمات بيان وقالت: ااه ..متشرفين كي بقات رجلك شوية؟
سلمى:الحمد لله شكرا
بيان :ميكون عندك باس
سلمى لهلا يوريك باس
تلفتات شافت فتميم وقالت: شكرا ..سمح ليا عدبتك معايا
تمشات بشوية دخلات فالعمارة اللي قدامهم وبقاو هما على برا داخلين بشوية عليهم
بيان: ماعندي مانتسالك راك قايم بالواجب ديالك
رد ويديه فجيابو كيشوف قدامو: متبغات تاخد لا تعويض لا والو هي ومها وكتمشي تقرا برجلها هاكاك فهاد الشتا شنو خاصني ندير. انا تسببت ليها فداكشي
طبطبات عليه وقالت بابتسامة : حتى انا ماقلت والو بلعكس..برافو عليك دابا مللي وليتي كتحمل مسؤولية افعالك نقدر نقول عليك كبرتي وبديتي كدير عقلك .
وصلات بيان للفيلا ووقفات .. وقبل ماتنزل جاها مسج فالوتساب وفتحاتو لقات ليان وصلها ودخلات تشوف بحماس طلع ليها الانستاغرام وجريدة الكترونية حاطة خبر حصري مكتوب عليه
فضيحة ولد الفشوش جاد العمراني شدوه البوليس هوا وصحابو ومعاه السلاح الابيض من نوع جنوية
خرجات لسانها برا كتعض على شنايفها وضحك وقالت
ايوا دابا نشوفوك فين غتخرج مع باك على هاد الفضيحة اللي درتي ليه وسط المجتمع . يالاه فكها دابا
ضربات طلة لقات كاع الصفحات مطرطقين الخبر اللي دار البوز ديك العشية من صفحة لصفحة والتعاليق عليه كيعايروه والمشاهير كل واحد حاط عليه سطوري عاطي رأيو والكل ركب على الموجة بغا يدير البوز والحالة حالة بردات الجوف لبيان اللي شعلاتها ورجعات اللور تنهدات وقالت
ااااححح والله باك غيتعشا بيك هاد الليلة و فضيحتك فضيحة وباك مغيدوزهاش ليك هاد المرة
يتبع...
التنقل بين الأجزاء