بيان. حاول تتعرف على صحاب جداد يكونو مربيين .. باش تحسش بالملل
تميم: امم ..ان شاء الله ..غنوض نعس تصبحي على خير
ناض دخل لبيتو سد عليه الباب وضلم الغرفة وحيد حوايجو بقا بسروال خفيف وشعل واحد تلفازة كبيرة بزاف قدامو فجنابها لبيفان كبار طاكتيل وتلاح على جنبو وسط الفراش بصدرو عريان ورقبتو مزينة بسنسلة بيضاء رقيقة والوشام كيبان فجنتب رقبتو شوية وفالمعصم ديدو ..هاز طابليط كبيرة كحلة شعلها وعطاتو الضوء فوجهه مباشرة .. بدا كيدور ويتابع الصفحات المغربية لكبيرة اللي كتنشر الاخبار ولقا نضرة على النشاط المغربي اللي فالانستا شوية من بعد بدا يفكر ويقشر شفاهه السفلية ودخل كيكتب سمية ..بيان العلوي.
طلعات ليه هي اللولة حاطة سطوريات.. دخل للصفحة ديالها تفاجئ وهز حاجبو فاش لقاها فايتة المليون متابع ..شاف السطوريات ديالها لقاها حاطة كاس دالقهوى وكاتبة عليه .. لا مساء بدون قهوى .
شاف سطورياتها واحدمور واحد لقاها مصورة راسها مع الصباح فالطموبيل كضحك والباقي غير تصاور عاديين مرة ديال الطريق مرة ديال شي اشهار .
نزل كيشوف تصاورها وتفاجئ بعد الناس اللي متابعينها والتعاليق ديالهم .. عاطية للتصاور قتلة وكتبان بريئة وضحكتها جميلة .. طالعة فالعمارية الف مرة بالتكاشط ومنزلة كم هائل من الاشهارات لماركات كبيرة معروفة والمفاجئة انها عندها ماركة بسميتها ..
تبسمات كتسد السمطة وقالت: وعلاش لا منها نتعرف على عائلتك
ديمارا كيحرك راسو يمين يسار وديمارا السيارة كيضحك
ربعات يديها كتشوف قدماها وقالت: شهاد الملل ياه.. دير لينا موسيقى
صغر عينيه وقال: على الصباح ؟
بيان: ومالو !!
تميم: يالاه ديري اللي عجبك
طلقات موسيقى جهدات فيها حتى شد عينيه ومشات كتموسق حتى للدار ونزلات معاه هزات عينيها وقالت
كتسكن فمارينا؟؟
تلفت عندها وقال: ونتي فين كتسكني؟
بيان: حي الرياض
تميم: شحال بعيد على هنا؟
بيان: بعيد شوية .. كتسكن فهاد العمارة ؟
رد بالايجاب ودخل وهي وراه حتى للدار ..فتح الباب دخل لقا مد.بيهية جالسة كتشرب قهوتها ولابسة مونطو ازرق غامق وسروال وبوط بكعب عالي وقفازات ..لباس الطبقة المخملية واتيكيت فشرب القهوى والحركات .. شافتو داخل وموراه بيان وسد الباب بابتسامة
صباح النور
ناضت م.بهية بابتسامة عندو وقفات قدامو وقالت
بان ليا دغيا ربطتي صداقات
طلات عليها بيان من مور تميم وقالت : تقريبا عاد كنحاولو
شاف فيها تميم كيضحك وقال
بيان .. كتقرا معايا فنفس لافاك
طلعات فيها م.بهية من راسها لرجليها كانت لابسة كولون من الجلد وتريكو صوف عريض مدلي على لكتاف كحل ويغ فرجليها اصلي وصاك لوي فيتون اصلي وشعرها مطلوق .. تبسمات بهية وقالت : بيان؟!!.ياك؟
مدات ليها بيان يدها وقالت: بيان العلوي
ضحكات بهية وقالت ماداة يديها : بيان العلوي.
هزات بهية حجبانها والابتسامة على وجهها وقالت
امم.. كنضن كتريني نتي وياه فنفس لاصال اولا لا؟
بيان: تماما.. عاود ليك عليا ههه
هركات بهية راسها وقالت: حدسي .
بقا تميم كيشوف فيها كيفاش عرفاتها كتريني معاه وهي اول موة تشوفها وقال
ماشي كنتي خارجة؟
حركات راسها بالايجاب وقالت
كنت خارجة ..
جراتو من يدو حدا الباب وقالت : بلا بسالة ..هااا.. بلا بسالة
سد الباب وتلفت عندها لقاها فالبالكون كطل ومشا عندها
ضارت شافت فيه وقالت: منضر غزال عندك هنا..
حط يديه فجيابو وقال: الى عجبك اجي سكني معايا هنا
ضارت كضحك وقالت: بلا بسالة.. اجي وريني بيتك
جراتو من يدو وهوا تابعها. قاليها
شنو بغيتي ببيتيي؟
بيان: عزيز عليا نعرف لخصوصيات
حل ليها باب البيت ودخلات لقات الفراش باقي كما هوا والضلام وريحة مريحة عندو فالبيت ممزوجة ببارفان رجالي ..دخل قدامها فتح الابواب الزجاجية وطلع ريدوات دخل الهوا والضوء
دورات عينيها وقالت: بيتك زوين.. كبير واطلالة زوينة
جلس على واحد الكرسي كبير دائري كيدور فبلاصتو وقال: تشري؟
مشات كدور فالبيت وقالت: الصراحة موقع زوين يستاهل .. ماكنتش عارفة المنضر والجو هنا زوين بحال هاكا
تكا على ضهرو والقبية على راسو وقال: يالاه اجي سكني هنا عا واحد الدار فوق كتباع خت هادي
بيان: امم بلا متفلا عليا زعما انا اللي كنتحكم فالفلوس.
وصلات مدام بهية للاوتيل ومشات مباشرة للبيرو عند مدام سارة ودخلات كضحك صبحات عليها قائلة
..صباح النور
مدام سارة: صباح النور لقيتيني مشطوونة مع الغرف الجديدة
جلسات بيان على الكرسي وقالت دايرة رجل على رجل
شخبار بنتك.. لاباس عليها
مدام سارة: لاباس هاد الايام عايشين فهذنة .. الله يستر من اللي جاي
مدام بهية: وفين خليتيها دابا ؟
مدام سارة: مشات للجامعة
ضحكات بهية وقالت: بيان ياك قلتي ليا؟
استغربات شارة وقالت: اه علاش شي مشكل؟ انا مستعدة لاي مشكل اصلا هاد الهدنة اللي عايشة فيها متشي طبيعية
ضحكات بهية وقالت: لا والو .. غير الصدف سبحان الله كتجمع .. تخيلي شكون جا مع تميم للدار
شافت فيها مدام سارة وقالت: بيان؟؟
ضحكات بهية وهزات راسها قالت ليها: تماما .. خليتها معاه فالدار ..اه على فكرة ..بنتك فنة ..والفنات ديما تابعينهم المشاكيل
تنهدات مدام سارة وقالت: مابقيتش كنتصدم مع بيان ولليت كنتوقع اي حاجة .. هي مادخلاتش تقرا هاد الصباح رجعات لعوايدها
جالسة دايرة رجل على رجل فرق طرق الناموسية وشادة طابليط كتفرج فالتصاور ديالو وديال لعائلة .. هاهوا فالطاليان. هاهوا فلندن ها هوا فالصين هاهوا في فرنسا .. كل صورة فدولة .. وحتى صور الطفولة واغلبهم بين واليديه .. كيبان الدفئ والحنان والتلاحم الاسري من خلال الصور ديالو .. ابتسمت وقالت ليه وهوا جالس على واحد البيرو كيقلب على البوم الصور
بيان: عائلتك زوينة بزااف.. حتى باباك كيبان حنين … ماماك زوينة باينة كانت كتخاف عليك
تلفت هاز الالبوم وقال : هانا لقيت ليك لالبوم اللي فيه التصاور ديال الطفولة .. تشربي شي حاجة؟
شافت فيه وقالت : انا مزال مافطرت ونتا ؟
تميم: حتى انا .. شكون قادر يفطر مع التمنية داصباح .. باش بغيتي تفطري؟
ضحكات وقالت: ناوي توجد ليا نتا لفطور سينيور تميم ؟
هز راسو بسخرية وقال: من نيتك .. غنعيط لكافي اللي تحت منا يجيبو لينا لفطور
هز تيليفون وجلس تاصل بيهم خدا معلومات على لفطور وطلب ليها لفطور وقطع .. ناض دخل للحمام وهي كتفرج فالطابليط فالصور حتى دوزات ملف مكتوب عليه خاص. هزات عينيها فالدوش ودخلات للملف من باب الفضول تعرف شنو هادشي اللي خاص.
خرج من الدوش وبسرعة قلبات الطابليط على وجهها حطاتها وقالت كتحك رقبتها : اممم .. مزالين معطلين؟
صونا صونيت الباب وقال: هاهما ..سمعوك
مشا يفتح الباب وهزات طابليط بسرعة كملات البحث ديالها كتقلب وفجأجة طلعو ليها مجموعة ديال الصور ديالو هوا وجماعة ديال صحابو وبدات كدوز وتشوف دكرياتو مع صحابو كل صورة فين حتى بداو يدوزو صور ليه مع بنت بشعر بني مايل للاشقر جميلة الملامح معنقا هي وياه ومصورين سلفيات ، صور اشكال انواع مرة كيتبادلو القبل مرة كيضحكو مرة عينيهم حمرين باينة عليهم سكرانين..اعياد الميلاد وذكريات كتفوح منها رائحة الحب والسعادة والمتعة الحقيقية .بقات مصمرة كتشوف فيها وحتى فلباسها كتبان بنت ناس آكابر . سمعاتو جاي جهتها وبسرعة حيدات كلشي وحطات الطابليط وبدات كتحك فرقبتها بارتباك ووجها احمر تلفات ماعرفات منين تكمل.
مدام سارة: علاش نتي كتجي وتصاحبي مكتعرفيش راسك معامن وولد من ؟؟ .. مافراسكش باللي ولد مدام بهية شريكتي فالاوتيل
هبطات بيان الرغوة على عينيها ووجها وقالت
شنووو؟؟
مدام. سارة: مابغيتش مشاكل مع مدام بهية ومسيو جان البيستي .. حنا شركاء دابا وكنتعاملو مع بعضينا وجامعانا خدمة ..يعني مصالح وارباح .. ويااك تمشي ديري زبلة تخرجي على هاد الشراكة اللي بيناتنا فهمتي.
شافت فيها مدام سارة بصرامة ومشات خلاتها وسط الرغوة كتشوف قدامها مصدومة وتردد بوحدها
تميم؟؟؟ ياااه شهاد الصدف هادي كلها !!.. وهوا عارف انا بنت شريكتهم ؟!! لالا موحال واش عارف حتى هوا؟. يعني انا غادة جايا مع تميم وهوا فالاصل ماما..مممم..هااا.. هاااكاك … على هاد لحساب خاصنا نعملو ليه شي مفاجأة ديازها لكلام بهاد المناسبة ..وحبادا لو تكون مفاجأة صاخبة ههه
قلب تميم الطريق مشا للكازينو ودخل فاتجاه المكتب..دق الباب ودخل لقا مدام بهية جالسة ومعاها الناس اللي خدامين فالكازينو مشغولين
هزات راسها شافت فيه وتبسمات قائلة
تميم.. انا مشغولة شوية تقدر تسناني؟
شار ليها بجوج صبعان حدا راسو بمعنى تهلاي..ومشا كيدور كانت الدنيا خاوية عامرة بحال كل ليلة ..نفس الوجوه كيجيو يلعبو على نفس الطاولات ..نفس البنات واقفين عليهم ونفس السربايا ونفس الموسيقى .. روتين بالنسبة ليه هوا .. جلس على واحد الطاولة خاوية وشار بصبعو للنادل جاب ليه مشروب وبقا كيلعب فتيليفون حتى وقف عليه رجل كبير وقال طويل وعامر وقال
تلعب ؟
بقا تميم كيشوف فيه متردد فالاخير قال اجي نلعب شي طرح على بيدمن سالات مو
رد بهدوء وقال: اوكي .
جلس الراجل قدامو وهزو اشارة بدئ اللعب وبدات القاعدة بترتيب من احد الموضفات اللي خدامين تما واللي واقفين على الطاولات .. شاف فيه الراجل وقال : باش تراهن ؟
حط لبلاطو ومشا عندها وقف قدامها وقال: علاش كتخدمي؟؟؟ علاش ماتحطيش مدير يتكلف بالكازينو بحال كاع الكازينوها .. علاش كل صباح خارجة غادية لتما وفلعشية نتي اخر وحدة كدخل لهدا الدار
بقات مصمرة كتشوف فيه وفالحدة باش كيهضر معاها ماتوقعاتش اصلا يوصلو لهاد الدرجة ..حفضات صوتها بهدوء وتفاهم وقالت
وشنو فيها الى قابلت لكازينو ؟ ياك ديالنا ماشي حسن نقابلو فهاد البدايات ديالو ؟
هز يدو فجهة اخرى وقال بغضب: لا ماشي خدمتك وماعندك علاش تبقاي تمشي لتما.. وانا الى بغيت نلعب غنلعب ماغتجيش توقفيني ووقتما بغيت نمشي لتما ناعب غنمشي اوكي .
بقات كتشوفيه مصدومة وقالت بغضب: لا مغتمشيش لتما..واخر مرة تحط رجليك تما فداك الكازينو سمعتي..انا اللي كنقرر هناا
زاد رفع صوتو وقال : كتقرري فحياتك ماشي فحياتي مفهموم.. ونلعب مع من مابغيت ووقت ما بغيت وغنمشي لتما.. ومرة اخرى الى لقيتين تما ديري راسك دوزي من حدايا وديري راسك مكتعرفينيش حسن كااااع
عاود عنقها كيتنهد ويمسح على راسها وقال : صافي ماديريش فبالك ماوقع والو .. صافي تهدني .. تهدني
شد ليها يديها المرعىدين باسهم وهي كتشوف فيه وبقا كيعنق فيها حتى بردات وقالت بصوت منخفض
انا غنمشي لبيتي .
طلقات منو مشات لبيتها كتفتف وخلاتو وشط الدار جلس على واحد الطبلة وهبط راسو مسح بيديه وناض مشا دخل لبيتو
حتى تنصص الليل وهدات الاوضاع وترخاو الاعصاب عاد خرجات من بيتها بخطوات بطيئة طالقة شعرها ولابسة بينوار دافي ومشات حلات الباب بشوية بان ليها ضوء زرق خافت مضوي البيت ودفعاتو ببطئ طلات عليه لقاتو فوق الناموسية متكي والكيت فودنيه والطابليط قدامو والتلفازة قدامو ودخلات عندو بشوية مع ابتسامة ..ابتسم ليها ومشات جلسات حداه بأسف كتشوف فيه وقالت
تميم… انا ماعرفتش علاش …
هز راسو شافيها وقاليها مقاطع كلامها : الى جيتي على داكشي اللي وقع قبيلا ..انا اصلا ماعقلتش عليه ..بحال الى عمرو ماوقع ماتهزيش همو
شد ليها يدها وقال بابتسامة : صافي ماتبقاش شادة فخاطرك..انا قلت ليك نسيت..والله حتى نسيت ..و حتى انا تماديت على والو ..ماكانش كاع خاصني نوض الصدع على حوايج تافهين
تنهدات ومشات عنقاتو ومسحات على راسو قائلة : الله يرضي عليك.. والله يحفضك ليا .. بغيت ..بغيت غير نقوليك واعدني..ماتبقاش تلعب
شد ليها فثدها وقال كيضحك: كنواعدك ..مغنبقاش نلعب ..صافي
تبسمات ومشات خرجات سدات موراه الباب وخلاتو6“
لفطور على الطبلة والساعة الثامنة صباحا .. الجو ممطر والشتا خيط من السما ..جو مغيم بزاف والريح كيضرب والمياه فالشوارع كتجري.
خرج تميم من بيتو لابس دجينز اسود سليم وليبوط ديال الجلد اصلي رجالي كلاسيكي من لفوق قميجة بيضاء فوقها تريكو من الصوف اسود مثلت كن العنق وفيدو فيزت كوير كحلة .. اناقة رجولية واختيار موفق لهاد الجو الكئيب . جلس على طاولة الافطار بابتسامة قدام بهية اللي جالسة بكل اناقتها وعلى الكرسي ديالها مونطو اسود. شافت فيه بخجل من داكشي اللي وقع البارع وقالت بابتسامة
انا ليوم طلبت لفطور من لتحت.. ولاكن غنحاول نلقى خدامة دير الامور ديال الدار وحتى الكوزنية .. كما نتا كتعرف ماشي غير اجي ودخل شي واحد براني للدار
سلمى: قالي شهر ونص عاد نحيدو .. مشكيلة هادي دابا غندوز الشتا كاملة بيه
تميم: انا عارف راسي درت خطأ ولاكن حتى نتي بقاي تنتابهي فالطريق.. كن ماكنتش انا كان يكون شي واحد اخر سكران ولا معصب
سلمى خصنا نعدرو الناس المعصبين والسكرانين ياك ..الحق على الراجيلين بغيتي تقول
تميم: لالا ماقلتش هاكا كنقصد باللي المخاطر كاينين فين مامشيتي حتى واحد ماينتابه لحياتك اكثر منك ..خافي على حياتك وعلى راسك من المخاطر اللي كنصادفوها كل يوم ماشي كنبرر للسكرانين ولا لمعصبين
بقات ساكتة كتشوف قدامها مطولا وقالت
انا ليوم صبحت معصبة شوية .. رجلي قاصها البرد وباتت كتحرقني الليل كامل ماتيديش عليا
تميم: الى بغيتي نوصلك للسبيطار نوصلك
سلمى: لالا ماشي حتى لديك الدرجة
وصلو كيتجمعو فالطريق حتى للكلية ونزل فالوقت اللي الجميع داخل فيه ..تلاقاو مع بيان نازلة من سيارتها وشعرها كيطير فالسما لابسة مونطو مجموع ومسدود رمادي غامق بالسمطة ديالو حد الركبة والفرو رمادي محيط بالعنق واليدين وكولون اسود من لتحت مكيبانش ولبوط اسود طالع فوق الركبة من برادا وفيه سماطي من لتحت هازين محفضات صغيورين لاسقين مع جنب البوط.. ليكات من الجلد فيديها وبيرية على راسها رمادية فلون المونطو ونيفها حمر نازلة وكطلع وتهبط فيهم ..جراتها صكها الرمادين من ارميس هزاتو فيدها وقلبات عينيها مابغاتش تهضر معاهم .. زدحات باب السيارة ومشات قدامهم ساكتة وهما موراها وجهاد حتى هوا لتاحق بيهم وقال بابتسامة
ميعات فيه وقالت: انا عارفة راسي حرة فحياتي الدكيي.. عرفتو نتوما شنو المشكل ديالكم..مشكلتكم مكلخين ..كتفهمو غير داكشي اللي كتشوفو ..خصكم كلشي بلخوشيبات ماكتفكروش من دماغكم.
مجاوبهاش ورجع اللور بغا يمشي لاكن وقفاتو وقالت
تميييم…تسنا
تلفت شاف فيها وقال: سيري فحالك سيري
بيان: تمييم..طلع
هز حاجبو وقال: فين غنطلع؟ عاد دابا كتسبي ..مغنردش عليك
بيان: طلع يالاه ..طلع غنعرف على شي واحد واخا نتا متستاهلش
بقا كيشوف فيها باستغراب وهي طالعة فسيارتها وطلات عليه قائلة
طلع براكة من لعياقة
دور عينيه تنهد ومشا ركب حداها وقال
فين غاديين
دورات المقود قائلة
سكت
خرجات من الجامعة كطير مشات سايقة السيارة وكل شوية كتخلعو هتى كيخرج عينيه ..لا سطوبات كتوقف فيهيم لا بمبوان كتحتارمو..غير غادة ومرونة فسياقتها كتشد الفران الجهد وتقلع بالجهد تقول حالفة فالطموبيل..تكا اللور تنفس وقال
انا اصلا ماعرفتش علاش جاي معاك
بيان: سكت معاديش نخطفك
تميم: واش هاكا كتسوقي ديما؟؟
بيان: لا غير حيت نتا معايا
تميمي: لا بصح كنهضر واش هاكا كتسوقي؟؟
بيان: صافي سكت يااه.. هاحنا وصلنا
طل كيشوف وقال : فين حنا ؟؟
حلات الباب نزلات وقالت: نزل براكة من الهضرة .. شحال غتعيش كاع كي متي دابا كي غادي تموت من بعد المهم غتموت
نزل كيردد: شهاد الصباح هادا انا اصلا اش جابني ليها
حلات الباب اللوراني هزات الورد وتمات غادية وهوا وراها كيشوف الدنيا خاوية ويسول
فين غادية؟؟
تلفتات شافت فيه وقالت : وايالاه !! دابا تعرف
رد كيضحك: دايرة مع شي واحد هنا وخفتي يخطفك
ميعات وقالت: صباح لخير ..كنقوليك دكي بزاف
وقفاتو قدام واحد الباب من جدار مقشر وعطاتر الورد قائلة : شد وسكت .
شد الورد وجبدات شال من صاكها لفاتو على راسها بعشوائية وخدات الورد و دخلات مع داك الباب وهوا موراها كيستكشف المكان لقا راسو قدام مقبرة .. تفاجئ وسكت تابعها حتى وصلات لواحد القبر مزوق بالورد ونابت حداها الغرس ونقي ووقفات قائلة ..بابا .. انا جيت .
تلفت تميم شاف فيها مصدوم وحدر راسو كيرمش بخجل وقال بتردد
..باباك
تحنات على ركابيها حطات داك الورد حداها وبدات كتحيد الربيع اليابس من حداه وجلسات كتستف الوريدات وحدة بوحدة والقفازات فيديها .. جبدات قرعة دالماء من صاكها وبدات كترش دوك الوريدات وتميم واقف وساكت كيشوف فيها . وقف عليهم واحد بجلابة يقرا ليهم لقرآن وتبسمت بيان ليه باش يقرا وبدا فالقرآة وبيان ساكتة كتشوف قدام فسهوة و الحزن مخيم على وجهها .. كمل القاري قرايتو وجبدات بزطامها من الصاك عطاتو صدقة وناضت وقفات كتمسح الدمعة من عينيها فصمت وتميم كيشوف فيها .. جرها من يدها عنقها وكانت حركة كافية خلاتها كتبكي وتنخصص وهوا هاز راسو بأسف فالسما ويمسح على شعرها فصمت ..بدات الشتا كتنقط وكحزات كتمسح نيفها قائلة..يالاه نمشيو ..قبل متشدنا الشتا
حط يدو على كتافها عنقها وقال بأسف ..
يالاه
خرجو من المقبرة وركبو فالسيارة ..حيدات الشال على راسها والشتا بدات كطيح بغزارة قوية وهما لداخل كيشوفو فيها بصمت . تلفت شاف فيها وقال : انا كنتأسف…
قاطعاتو :مكاين علاش تتأسف..بلعكس شكرا حيت جيتي معايا..اول مرة يرافقني شي واحد من نهار مامات بابا
تميم: شحال دابا باش مات؟
بيان: عام ونص.. وانا كل جمعة كنجي لهنا نزورو فهاد الوقيتة.. اصعب احساس واصعب حاجة ممكن توقع لاي انسان ..انه يققد شي شخص عزيز عليه..بلخصوص واليديه
بقا ساكت كيشوف قدامو وهي ساهية فالشتا وقالت
كن رجع بابا للحياة ..ماكنتش غنفترقو حتى دقيقة.. كان اقرب شخص ليا واعز واحد عندي.. الموت ديالو اكبر صدمة بالنسبة ليا
تميم: واش كان مريض ؟
بيان: كان عندو سرطان.. انا بطبيعة الحال ماكنتش عارفة حيت حتى واحد ماقالها ليا ..قالو ليا عندو خدمة فبلاد اخرى ومامساليش ..وحتى واحد ماقالي باباك مريض وكيتعالج . .قالو باللي مابغاوش يخلعوني وكان عندهم امل يبرا..ولاكن انا عمرني نسامح ليهم حيت حرموني نشوفو ثلت سنين ..حتى جاوبوه فالثابوت ميت
بقا ساكت مالقاش الكلمات باش يعبر .. فجأة ضارت عندو تبدلات عليه وقالت بحدة وغضب وصوت منخفض
انا مغنسامح لحتى واحد فيهم .. كاع اللي كانو عارفين ..واللي بقاو ساكتين . مغنسامحهمش.
بقا تميم كيشوف فوجهها هاز حجبانو حتى كملات كلامها ورمش شاف قدامو وقال: ماعندكش خوتك؟ قصدي زعما واش غير نتي الوحيدة اللي عندهم ؟
مسحات عينها من الدموع فصمت وتكات قائلة:
انا الوحيدة .. تولدت وحيدة ..كبرت وحيدة وهانا باقا وحيدة
قال بتساؤل :ماعندكش ماماك؟
تلفتات بسخرية وقالت. عندي..ولاكن ..
تنهدات وقالت: خلينا منهم ..انا اصلا مامسوقاش ليهم ..والحياة مستمرة بغينا ولا كرهنا .. يالاه نمشيو
ديمارات الطموبيل رجعات باللور غادية وفالطريق شافت فيه وقالت
غدا شنو عندك؟
تميم: والو شنو فيكون عندي؟ غدا السبت غالبا غنمشي للكازينو
بيان: جاك الملل ياك.. مزال متأقلمتي
تميم: ماشي هاكاك..غير حيت صعيب دير صحاب جداد..فلندن عندي صحابي بزاف ومنهم اللي كبرو معايا من الابتدائي
بقات ساكتة مطولا وقالت: كيقولك جو لندن جو رمنسي.. زعما ماحرك فيك والو
ضحك وقال:شنو غيحرك فيا.. عادي
بيان: عادي…زعما ماعشتي لا قصة حب لا والو..ميمكنش
تلفت شاف فيها وقال:ونتي؟
دورات وجهها كضحك وقالت: انا اللي سولتك بلا متجاوب بسؤال.
بقا ساكت كيشوف قدامو ماهضرش وهي كتسوق وتشوف فيه وقالت: خليني نشوف..نتا غتكون دوزتي على الاقل شي ثلاثة ديال قصص الحب فحياتك ..اقل حاجة
ضحك وقال: بزاف..
بيان: وشنو زعما مادرتي حتى شي علاقة
رد ببساطة: علاقات حاجة والحب حاجة..
بيان: بحالاش؟ هوا كاين شي حاجة سميتها علاقات وشي حاجة سميتها حب
تميم: الحب ماعندو حتى علاقة بالعلاقات..تقدر تحب ..وماديرش علاقة..وتقدر دير علاقة ونتا مكتحبش فهمتي.
بيان: مثلا؟
تميم: مثلا تصاحب مع شي وحدة ..تخرجو دوزو وقت زوين تعيشو فترة بجوج موانسين ..وتفارقو عادي وتعاود دير علاقة اخرى ..المهم كتكسر داك الروتين ديالك
بيان:اممم.. غير كتكسر الروتين ؟؟ زعما علاقة خالية من الحاسيس؟
تميم: كيكون الاعجاب… داوك المشاعر اللولة فهمتي..صافي من بعدا كيطفا كلشي وكل واحد كيمشي بحالو..بان ليا كتفهمي بزااف فالحب
بيان:فالصراحة ماشي بزاف..انا بحال الى قلتي كنجرب..ولا كنتعلم
تميم: وتعلمتي مع جاد شي حاجة ولا والو
شدات الفران وضارت عندو شافت فيه مزيان وقالت
جاد كان هوا البوكوص ديال الجامعة ..وطبعا هوا بوكوص وانا بوكوصة تصاحبنا ..ولاكن انا ماحبيتوش ودرت ليه من هنا دازو ..هوا يمكن حبني ولسق فيا
تميم:جا وحبك غير هاكاك بلا اسباب؟؟
صغرات عينيها وقالت: لا حبيبة انا ماشي كما نتا كتفكر ..غندير علاقات غير شرعية مع التيتير ديال لافاك ونخليهم يمسحو بيا الارض.تتأ ماشي داكشي اللي فبالك. اصلا كنا قلت ليك يالاه بديت كنتعود على بخال هاد النوع دالعلاقات واول واحد تصاحبت معاه هوا جاد..قبل منو ماكنتش كنعرف هادشي حيت بابا كان فالحياة وكان هوا الحب الحقيقي.. وحتى دابا باقي الحب الحقيقي وعمرو يتبدل(مع غميزة)
كملات الطريق للكلية ولقات سلمى واقفة حدا سيارة تميم..نفرات من نيفها وقالت
صاحبتك كتسناك توصلها
نزل كيقلب عينيه مجاوبهاش ومشا عند سلمى فتح ليها باب السيارة باش طلع لاكن قاطعهم جهاد ووقف عليهم قائلا
سلمى.. فين كتسكني؟
سلمى : فمارينا حدا تميم
جهاد: تميم شنو بان ليك غدا نخرجو نسهرو ؟
تميم: وعلاش لا ..
جهاد: صافي غدا نخرجو ..سلمى تمشي معانا؟
سلمى: بهاد الحالة؟
جهاد: عادي ..هادشي كيوقع لأي واحد …باقي عاقل درت حادثة وبقيت شاد عنقي مدة طويلة ..هادشي ما منعنيش باش نعيش حياتي عادي
سلمى: ماعرفتش غدا نرد عليكم
جهاد: اوكي خلي ليا نمرتك نتواصلو
عطات ليه سلمى النمرة وطلعات مع تميم فطريقهم للدار وقالت
غبرتي نتا وبيان ليوم فين كنتو
شاف فيها كيتسائل بعينيه على نوع تلسؤال اللي طرحات عليه وفهمات راسها وقالت
غير حيت كانت عندنا محاضرة مهمة وبيان مكانتش.
تميم: تقدري تهضري معاها وتسوليها
سكتات سلمى وكملات طريقها فصمت حتى للبلاصة وتوادعات معاه .. مشا بحالو ورجعات كتلعن وتسب جاتها البكية وحسات بالحكرة من طريقة تعامله ومشات كتبكي شدات طاكسي رجعات بحالها ودخلات على الهام فديك الحالة قائلة
الله يعطيني الموت .. الله يهزني ..
تبعاتها الهام كتشد فيها وهي كتبكي وتسول مالها لاكن سلمى انفاجرات ولاحت العكاز وجلسات كتبكي مسرحة رجلها
انا ماعندي زهر .. انا علاش كنحس براسي منبودة .. كل مرة كيقمعني .. كل مرة كيبين ليا باللي انا عالة عليه.. تفوو تفوو تفوو
جاتها نوبة من الغضب والبكاء وبدات كتبكي والهام كتصبر فيها وتسكتها حتى بردات وجلسات مكمشة عاودات ليها كولشي .. ربعات الهام يديها فوق واحد المخدة وقالت
لاالالالا هادشي مامسلكش.. خاصنا نشوفو شي حل اخر ولا شي طريقة اخرى .. هادشي الى بقا هاكا غيرجع ضدنا
سلمى ببكاء : بياان هي السبب..هي اللي كتجرو وكتديه كيضل معاها النهار كامل.. انا غير زايدة اصلا شكوون انا حتى يديها فيا مالي با برجوازي..با غير شماتة سمح فيا انا وماما وخلانا مرميين عندكم حتى درهم مكيصرفها علينا.. ماشي بحالها هي باها برجوازي ومها برجوازية شاريين ليها طموبيل فايتة ميات مليون و كتلبس اللبسة طالعة بلملايين وكل مرة فصالون وكل مرة كي جايا مقادة والروايح اللي كدير ديال سبعين الف بحالي انا ..بسيييف مايديها فيها ويشبع فيا انا قميع مالي شكون انا
عنقاتها الهام كتسكت فيها وقالت: نتي حسن منهاا.. مالها شكون غتكون هاد بيان.. اجي قلتي لي شي واحد سميتو جهاد طلب ليك النمرة
سلمى:انا اول مرة نخرج نسهر ماعرفت فين غنمشيو.. باينة غنمشيو شي بلاصة واعرة خاصني نبان بنت عائلة .. غدا الصباح نخرجو تشري ليا شي حاجة واعرة.. وتديني للصالون حتى انا قادي ليا شعري ودفاري انا دايرة معاك فوق المجهود حتى رجلي هرستها على قبلك
موسيقى مجهدة وكل واحد كيجري فجهة والدنيا زاهية فلاصال.. دخل كيهضر فتيليفون والشكارة على كتفو قائل
عاد وصلت..فين نتي مغتجيش؟ اجي نتهلا فيك انا غنتسناك. هه
قطع ومشا حط حوايجو فالفيستيير ورجل بملابس رياضة كيجري..داخلة كيف العادة كضحك مخرجة لسانها والقرعة دالماء فيدها وكرشها عريانة مشات وقفات وراه وهراتو ..تلفت بسرعة شاف فيها ووقف ضار عندها بابتسامة وقال
قبل منضور عرفتك نتي ..
طلعات على كارديو حداه كتمشى وقالت
مصيح بكري ليوم
رد تميم كيجري حداها: نتي اللي ديما معطلة.
بيان: هاد الايام وليت كنعس مع التسعود فراسك..وكنفيق الصباح بلا صونيت
تميم: حتى انا .. مكنل مندير كنعس..لبارح مانكونيكطيتيش
بيان: كان عندي دريسيتغ مرون حالتو ضطريت نعاود ليه الترتيب من الاول باش الويكاند يبقا ليا .. شنو بان ليك نديك لواحد البلاصة زوينة..اما متأكدة غتعجبك
تميم: دابا؟ يالاه بدينا
بيان: حتى نساليو ..نمشيو نتغداو تما وندوزو العشية تما اش بان ليك
تميم: مرحبا ..نشوفو بلاناتك كي دايرين
بيان: غنديك غير حيت بقيتي فيا ..وحيد ماعندكش الصحاب وجديد هنا
شدها عصرها ورجليها كيشطحو بالتقل وهي كدفع بزز منها .. من الالة لآلة مرة ناعسة على ضهرها مرة على كرشها مرة على جنبها وهوا حداها كيشد معاها التقل باش الى عيات ميطيحش عليها وكل مرة كيوقف فجهة قريب منها ويعلمها حتى سخفات وناضت قالت ليه براكة عليا تميم يالاه نمشيو ..صافي عييت جاني الجوع
جراتو سخفانة وشدات ليه قدراعو تكات عليه وخرجو كل واحد وقف حدا سيارتو
خلاتو واقف ودخلات زدحات الباب مشات كتعوج وجهها بقرف طلعات لبيتها مباشرة للحمام كتغني
خدات دوش ناعم وخرجات نشفات شعرها ومشات كتقيس عليها شنو تلبس . تعطرات وحطات كلوس على شفاها خفيف ونزلات لابسة البني..بوط بلاستيكي غليض عالي بدون كعب و كولون غليض اسود ومونطو كاشمير مجموع ومسدود وقفازات جلدية بنية وخرجات فرحانة دازت لاقرب صالون جلسات صاوبات شعرها سامبل وخرجات هازة تيليفون جديد فيدها كضحك صونات لتميم من الانستاغرام وقالت كتركب سيارتها والنضارات فعينيها
الو بب… ساليتي
رد كيركب سيارتو: لبارح… تعطلتي بزااف
بيان: نتلاقاو حدا لاصال دابا اوكي
تميم: اوكي
كان الملتقى حدا لاصال.. نزل عندها شاف فيها بابتسامة وهز خصلة من شعرها وقال: شعرك كيرلي كيجيك حسن
لاحت شعرها اللور وقالت
شعري اصلو بحال هاكا .. غير عزيز عليا نديرو وايفي
تميم: وايفي
بيان : اه بحال هاكا
تميم: وايفي… كلشي عندك وايفي
بيان: يالاه طلع .. غيمشي لحال على لغدا
ركب حداها وقال: فين غنمشيو ؟
بيان: هانتا غتعرف
قلعات كطير مشات سايقة السيارة خرجات على المدينة ودخلات فمجمع ديال الفيرمات كبار والطبيعة ووصلات قدام واحد الباب خشبي داير بيه الغرس والشجر وبدات تكلاكصوني.. فتح ليها العساس ودخلات سيارتها لداخل ووقفات
حاول مرة اخرى وماقدرش وبقات كدور من هنا ومن لهيه كتوريه حتى طلع .. هزات راسها سخفانة وقالت
زير بركابيك على السرج مزيان ودفع برجليك بقوة على هادو فين حاطهم .. باش تشد التوازن ديالك مزيان ..متزيرش على جوليا متجرش بزاف باش مدرورش وجهها وتهز رجليها فالسما
تميم.. اوكي..هاكا مزيان
الفرس كتحرك بيه وهوا فوقها وبيان كتوريه فالتالي قاليها
ماعرفتش خفت طيحيني
دارت يديها على جنتبها وقالت: خفتي؟!! اويلي!
تميم: اجي طلعي..وريني
بيان: غطيحني منقدرش نشدك
تميم: انا غنحاول غير طلعي معايا
بيان: خصني نجي موراك.. لالا منقدرش منلحقش
مد يدو كيستدرجها حتى شدات فيه وطلعات قدامو قائلة : هادشي بدا كيخلعني عنداك تجرني..بقا غير شاد ف…
ماكملاتش ضرب برجليه وانطالقات الفرس كتجري وبيان مخرجة عينيها داخت وهوا شادها هي واللجام ..حتى زادو مسافة عاد استوعبات كفاش هوا متحكم فالفرس وفالتوازن وهي غير جالسة بين يديه وقالت كضحك والريح كيضرب وجهها
هاااا… درتيها بياا
خرجو بالفرس من الفيرما وانطالقو حتى وصلو لواحد الضاية كبيرة ووقفو ..نزل وشد فيها حتى نزلات وكانت لحضة مثيرة فنزولها بحيث تقاربات الاجسام وتبادلو نضرات غير النضرات العادية..لاكن بسرعة تباعدو كأن شيئا لم يكن وكل واحد قلب وجهه شارت بيدها كتوريه المناطق وهوا غادي جنبها وسط الطبيعة والهدوء والبرد قارص كل واحد خاشي يديه فجيابو وراسو بين كتافو .. بدات كتعاود ليه على راسها وهما كتمشاو وقالت
قول تبدلات حياتي تقريبا من مور موت بابا.. كانو وقعو بزاف دالمشاكيل بخصوص الارث.. فالمغرب الى مكانش الولد الارث كيتخدوه الاعمام ولا ولا. العم ..المهم كيتفرق هلى كلشي
تميم: وشنو وقع ؟ تفرق؟
بيان: انا فديك الفترة كنت فحداد على بابا مكنسول على حتى حاجة.. ولاكن بابا قبل مايموت او يمكن فديك الفترة اللي كان مريض فيها كتب ليا جميع الاملاك فسميتي ..وخلا ماما وكيلة عليا حتى نقد بالمسؤولية حسب منضورو هوا.
تميم: وشنو وقع مع عائلتك؟
بيان: كلشي حقد.. حقدو بزاف وطعنو .. ولاكن ماوصلو والو حيت بابا كنب ليا كلشي ماخلاش غير الوصية..قول كان عارف عائلتو كيف عاملين..غيطمعو فينا
تميم: وعلاقتكم دابا؟
بيان: باردة..قول جافة..جامعينا المصالح وصافي..مشات العائلة وحتى الباقايا ديالها مشاو ..بصراحة هادشي مكيهمنيش بمرة عندي كي مشاو كي بقاو زايد ناقص..من بعد بابا اللي بغا يمشي يمشي اللي بغا يبقا بقا..مشا اعلا واهم عنصر فحياتي الباقي غير فتات
بقا ساكت كيشوف قدامو وتلفتات عنذو بابتسامة وقالت
ونتا؟
رد ببساطة: انا .. ؟؟
بيان: علاقتك مع عائلتك ..مع واليديك ..
تميم: علاقتي بماما قريبة.. نقولو حيت كدوز معايا بزاف دالوقت وبابا ديما مسافر ..ديما مشغول ..العائلة الكبيرة كنت كنعرفهم غير فالتصاور والكامرة صافي من بعد تعرفت عليهم..طلعو مزيانين ..ماقريبش منهم بزاف باش نعرف
بيان: نتا عندك ماماك يمكن بحال لي عندي انا بابا يمكن
تميم: عندي بجوج عزاز ولاكن ماما اكثر ..نقطة ضعفي
تبسمات وقالت: الله يخليها ليك..نرجعو ؟ علمتهم قبل منجيو يوجدو لينا لعدا هنا
شار براسو وابتسامة ورجعو كيجيريو ويضحكو لعند الفرس .. ركب وشد ليها فيدها ركبها وانطلقت الفرس كنسابق الرياح وشعر بيان كيغطي ليه وجهه ..هزات راسها كتعانق الرياح وفتحات يديها كليا والقفازات حتى للمعصم وبدات كتغوت وضحك
رجعو لمكانهم اللي نطالقو منو ، ونزلو عطاو لفرس لحارسها ومشاو دخلو لبيت كله خشب ومستوحى من الطبيعة .. جلسو بجوج حدا بعضياتهم قدام شوميني كبير شاعل بالعافية فوق اريكة تلفتات عندو كضحك وقالت
غتكون عندكم حتى نتوما فيرمة بطبيعة الحال
تلفت كيشوف فيها وقال: عندنا فايطاليا .. ولاكن هنا ماعرفتش
بيان: اوييلي معارفش اشنو عندكم ؟
ضحك بسخرية وقال: تيقيني الى قلت ليك حتى الدار اللي ساكنين فيها دابا ماكنتعارفها ،، ماما كتشري بوحدها وبابا كيشري بووحدو .. هما كيتافقو بيناتهم انا ماعندي دخل وكنسولش
بيان: عندك شي خواتات ولا خوت ؟
تميم: لا غير انا
ضحكات وقالت:بحالي
سرح يديه على الكنبة تكا وهز راسو فالسما تفوه وقال
الجو ديال النعاس.. عندكم هنا واحد الهدوء رهيب
تكات بهضرها على يدو وربعات يديها كتشوف فالشوميني بضحيكة
انا واحد البنت مدمنة عطور.. كنحماق على شي حاجة اسمها العطر.. ب بعد المرات الروايح كيكون ليهم لسان وكيهضرو..مثلا الى تحرقت الغدا الريحة كتقول ليك راه تحرق ههه.. المهم انا كدمنة عليهم بزاف وهادشي اللي كيخلني مشريهم بكثرة ونميز بيناتهم ..مسألة خبرة وصافي
تميم: حتى الوالدة بحالك .. عندها ادمان للعطور وكتشريهم بزاف..كتعرف تميز العناصر غير من الريحة .
بينما هما كيهضرو حطو ليهم مشاوي مشكلة وسلطات منوعة
بيان : الطبيعة ماتكملش بلا شوا ..اولالا
جلسو بجوج يتغداو وشافها كتهز من الاكل الدسم وقال
الصباح عاد كنتي كتعصري فلاصال ولالا؟؟
انا زات واحد الطرف ديال اللحم صغير مشوي بالشوكة دارتو ليه ففمو وقالت
هادي عراضة خاصة .. كول وسكت من بعد نتحاسبو ههه
كانت جولة دايزها الكلام ..بدلو فيها الجو والمنضر وحتى الناس.. عشية انضمت الى دفتر الدكريات بذكرى زوينة وطاقة اجابية .. ركبو السيارة راجعين فالطريق مع غروب الشمس وبيان طالقة الموسيقى فسيارتها وكتسوق بلا عقل بحال ديما حطاتو فباب لاصال جنب سيارتو وقالت
نشوفك حتى غدا الى مكان عندك والو… عندي ليك سوربرايز ماطيحش ليك على البال
تميم: عطيني نمرتك نعيط ليك فيها وسيفطي ليا لوكال..
ردت بارتباك : يالاه واخا دابا نيت
قطعات ولقاتو رسل ليها نمرتو دخلاتها بالزربة ورسلات ليه الموقع ونزلات كتعتر من الناموسية والفراش ملوي ليها على رجلها
بدات كطير من جهة لجهة بوحدها ومشات شعلات الاضواء وهزات شراوطها دخلات للدوش مباشرة تحت الرشاشة طلقات عليها الماء وبدات تغسل بالزربة .. خرجات فالبينوار وتيليفون فيدها كتصوني على الخدمات المنزلية التجميلية حتى واحد ماقدر يجي عندها فديك الوقيتة وبدات تأفف
بقا كيشوف فيها هاز حجبانو وقال: مزال مالبستي؟؟ قبيلة عيط ليت
قالت كتجمع فشراوطها من قدامو بالزربة: دغياا دغياا منتعطلش..جلس تسناني
حيد المونطو حطو فالجنب وجلس على كرسي كبير زهري اللور كيدور فبلاصتو وبقا كيشوف فبيتها اللي كتنبع منو الانوثة والاوان الهادية وصورها محطوطين على الطاولة وفراشها الزهري الناعم بالوان هاديك وريحت الشامبو مع الجيل دوش مع الكريمات و العطور مخلطة عندها فالبيت..سرح بعينيه حتى جات على واحد سليب كحل مشبك مرمي فوق واحد الكرسي.. حطات عليه يدها هزاتو بالزربة كمشاتو داتو وقالت
انا غنلبس حوايجي ونجي
تميم: مزاالة معطلة
بيان: لا مغنتعطلش.. كن قلتيها ليا الصباح فاش كنا بجوج
تميم:نسيت
بيان يالاه انا كنلبس
وصل جهاد للحي فين ساكنة سلمى وهز عينيه كيشوف فالمنطقة ..نزلات عندو من واحد العمارة كتعرج وغير شافها جايا نزل بسرعة لابس مونطو حتى هوا وقميجة من لتحت ودجينز وشعرو اسود ممشوط للور تعرض ليها بابتسامة شد فيدها ركبها بشوية وخدا من عندها لعكاز وقال
صافي ماتحتاجيش لهادا انا معاك دابا
تبسمات ليه وقالت
شكرا
ركبها حداه وركب حتى هوا كيشوف فيها وهي حشمانة وحاطة مكياج ..تبسم وقال
جيتي زوينة .. كيوت
ذورات وجهها بخجل وقالت:شكرا
هز عينو فالعمارة وقال
كتسكني هنا؟
سلمى: امم غير كنجي عند خالتي
جهاد: ااه . صافي مشينا ؟
سلمى : يالاه
وصلو لاوتيل كبير فجنبو باب معزول كبير وعليه حراس ووقفو السيارة جنب السيارات ..حيدات المونطو بشوية كدور فعينيها بخجل ونزلات بمساعدة منو لابسة صبيبيط كحل ..شد ليها فيدها معاونها وقال
غير بشوية عليك .
خرجات بيان من ديريسينغ عند تميم كتقرقب بواحد الصباط الطالون كحل فيه شبر ونص ماضي من لتحت وكسوة كحلة فوق الركبة كلها مزيرة والضهر دائري عريان كلو والصدر مهزوز باين هازينو سميطات دايرين على لكتاف وصاك صغير فيدها بالسنسلة ..حاطة مكياج لاول مرة باين ومكحلة عينيها مع احمر شفاه ناشف مايل للبرتقالي
هز عينيه فيها تبدلات عليه عمرو شافها بهاد الشكل من قبل ..بقا كيشوف فيها من رجليها حتى لراسها وهي كتحرك بالزربة ..جلسات قدام المرايا كتقرقب وتقول
قلت ليك مغنتعطلش
رد كيشوف فيها عاطياه بالضهر وشعرها مبلل مطلوق اللور
درتي ساعة لحد الساعة
هزات عطر مربع كبير زجاجة بنية وبدات ترش هنا وهنا على كتافها قائلة
ياك غير بواط ماشي عرس ..وصااافييييي
دق الكافور فالباب هاز الصاك وتلفتات بيان بسرعة قائلة
هبط خلاها كتكمل شغلها ومشا كيدور فقلب الفيلا ويتمشى .. لقا تصاورها فالصالون معاقين ومحطوطين على الطاولات وبقا كيتمعن فيهم حتى تحل الباب ودخلت مدام سارة كتقوقب لابسة مونطو لقاتو قدامها واقف
بقات مصمرة كتشوف فيه وبتساؤل قالت
تميم؟؟
تفاجأ وهوا كيشوف فيها وقال :مدام سارة؟!!
قربات منو بابتسامة وقالت : كتسنا بيان
استغرب كيشوف فيها وقال : اه .. كتجيك شي حاجة ؟
نزل الكوافوو بالشنطة ديالو مع الدروج وبيان موراه لابسة واحد المونطو كامل فرو ناعم بني طويل وشعرها الذهبي مدلي على جناب كتافها بنعومة وتموج وقالت بابتسامة
هز واحد القرعة وقال : فخاطر السي تميم .. والصداقة الجديدة
بيان: وانا مدوز بالماء ولا شنو؟
جهاد: نتي اللولة وايلي.
عمر ليها كاسها وصب لسلمى حتى هي اللي جالسة كتشوف فداك الجو الغريب عليها .. والبنات كيشطحو والدنيا كتلمع بالاضواء.. هزات بيان كاسها وهي جالسة حاطة رجل على رجل وقالت: فخاطر الشلة الجديدة.. والصداقات الجديدة
هزو كيسانهم وسلمى كتشوف وتقلد.هزات كاسها حتى هي كترمش بابتسامة وشربات منو مالي شافت كولشي شرب..هبطاتو مع حلقها بزز حتى تزنك وجهها وحلات فمها تنفسات .. شافت فيها بيان بنص عين وقالت
بان ليا مامولفاش تشربي..ولا اول مرة
هزات سلمى الكاس وقالت: لالا ..عادي..
مد ليها جهاد تقاوت وقال : هاكي ..خففي
تبسمات ليه وخدات واحد الحبة دالخيار مقطع وقالت
شكرا
جهاد بلا رسميات..حنا دابا ولينا كليكة وحدة
بيان رجعات اللور تكات على بضهرها على صدر تميم اللي فاتح يديه ورجليه وقالت شادة الكاس كتشوف فيهم
تواتيتو مع بعضياتكم .. تجيو كوبل رائع
هزات الكاس لجهاد وشربات منو في حين تميم جالس وكيشوف فالبنات كيرقصو .. جات عينيه على وحدة بشعر كحل جالسة بعيد وكتشوف فيه والكاس فيديها وبقاو شوف فيا نشوف فيك .. رجع كل شوية يدور وجهه وهي كضحك وتشوف فيه وبيان حاضية سلمى وجهاد وكتجمع معاهم وضحك
السهرة غادية مزيان وبيان بدات كتقال هي وسلمى .. سلمى قلباتها ضحك ودغيا سافرات بقات كضحك مع جهاد وتلوى عليه حتى تلاقات معاه فقبلة شدوها بجوج فداك القنت وبيان كتفرج فيهم ..تلفات شافت فتميم لقاتو كيشوف فجهة اخرى ومشاو عينيها لديك الجهة بانت ليها البنت اللي كضحك وتشوف فيه وضارت عندو قائلة
الى ماكناش حنا كافيينك سير عندها .
تلفت شاف فيها وقال:شنو؟
حطات الكاس وناضت وقفات كتميل قالت ليه
حيد رجلك ..حيد
ناض وقف معاها شد ليها فيدها قبل ماطيح على الطبلة لاكن جمعات يدها وتمات غادية فاتجاه البنت .. لمحها تميم غادية وتبعها بالزربة لاكن كانت وصلات ووقفات قدامها كتشوف فيها بعيون معسلة وكتميل وتميل بالطالون وتميم شاد فيها مكاليها عندو كيشوف فدوك البنات وهي كتقول
اجي جلسي معانا..
جرها تميم وقال:بياان..
مابغاتش تمشي وشدات للبنت فيدها وقالت:اجي…ماجاتش تبقاي كتشوفي فينا من بعيد
جرها شادها حتى لبرا وركبها السيارة غادي بيها وكيوقف كل دقيقة كيهبطها تقيا ويردها للطموبيل ..صونات ليه بهية للمرة الثالتة كتسول فيه وكيجاوبها وبيان كتشوف فيه وضحك
ماماك كتخاف عليك
شاف فيها وقال:شوفي كي وليتي
بيان: مانكونش كفس منك
وقف قدام دارها وقال: وصلتي.. يالاه نزلي على سلامتك
إغفر يا تميم الجزء الثالث
محتوى القصة
طلات سلمى من باب العمارة لقاتهم مشاو وخرجات كتقفق بالبرد وتعرج والشتا كطيح وقالت
يخخخخ…شنو غندير. دابا فين غنلقا هاد الطاكسي..خاصني ساعة ديال الطريق . غنشوف اندرايفر تفوو على حالة
رجعات للدار حالتها حالة وطلعات كدق على الهام حلات ليها كتجري دخلاتها وقالت
فين تعطيلتي؟؟ علاش مكتجاوبيش فتيليفون؟
ردت سلمى كتحيد خوايجها : وااحد الكارتة …واااحد الموصيبة
الهام: شنو وقاع اويلي ؟؟ ياكما ولدي
سلمى: كان غيكون ولدك وستر الله.بلاتي نرتاح بعدا
جلسات لقات كاسكروط محطوط قدامها فوق الطبلة وبدات تاكل وتعاود لالهام كولشي بالتفاصيل حتى للاخير وقالت
هادشي كله بسبب ديك اللفعة دبيان .. حاسة برااسهااااااا… مانقوليكش شحال وبسببها دابز وبسببها كانو غيتعرضو ليه فالطريق
ضربات الهام حناكها وقالت :اوييلي.. وشنو بينو وبينها هادي غتخرج عليه
سلمى: انا جاني مابينهم والو غير لاسقاه حتى هي..وداك جاد حتى هوا لاسقها وتاني مرة كنشوفهم مدابزين بجوج عليها ..مافهمتش اصلا علاش تميم كيدايز عليها
الهام: هضرتي معاه ؟ قربتي منو شوية؟ كي جاك؟ كي دايرة الشخصية ديالو بغيت غير نعرف
سلمى: مزال مباينش ..مرة كيبان معصب مرة كيبان مهدن ..ماتقدريش تعرفي كي داير والطريق اللي دوزي ليه منها .. ..خاص شوية دالصبر ..المهم غدا غيدوز عليا مع الثمنية يديني للمدرسة
بيان:وحاولي تقربي منو كصديقة تعمقي معاه دغيا
سلمى: ماشي بالساهل .. كيبان ليك ساهل .
طلع لخبر لتميم فتيليفون وهوا متكي فوق الكنبي بسورفيت ديال الدار .. وعقد حجبانو كيرد
تتتتتتأ..هه
تلفتات بيان جيهتو وهي مخشية فالمانطة والبيسي حداها وقالت :اشنو شفتي ياك لاباس؟
تميم: لا والو ..غير تخربيق
بيان: ااه ..ماقلتيش ليا ..كي جاتك لاصال؟
حط تيليفون وقال: عادي مابهياش
بيان: الى ماعجباتكش نشوفو شي صال وحدة اخرى
ود بالنفي: لالا ماشي ضاروري حتى هادي قاضية الغرض
تنهدات بابتسامة وقالت: بديتي كتولف شوية على الجامعة؟ درتي شي صحاب جداد امم؟
تميم: نهار كامل جالس حداك والليل كندوزو فالدار .. هادشي كافي يبين باللي ماعندي صحاب.
بيان. حاول تتعرف على صحاب جداد يكونو مربيين .. باش تحسش بالملل
تميم: امم ..ان شاء الله ..غنوض نعس تصبحي على خير
ناض دخل لبيتو سد عليه الباب وضلم الغرفة وحيد حوايجو بقا بسروال خفيف وشعل واحد تلفازة كبيرة بزاف قدامو فجنابها لبيفان كبار طاكتيل وتلاح على جنبو وسط الفراش بصدرو عريان ورقبتو مزينة بسنسلة بيضاء رقيقة والوشام كيبان فجنتب رقبتو شوية وفالمعصم ديدو ..هاز طابليط كبيرة كحلة شعلها وعطاتو الضوء فوجهه مباشرة .. بدا كيدور ويتابع الصفحات المغربية لكبيرة اللي كتنشر الاخبار ولقا نضرة على النشاط المغربي اللي فالانستا شوية من بعد بدا يفكر ويقشر شفاهه السفلية ودخل كيكتب سمية ..بيان العلوي.
طلعات ليه هي اللولة حاطة سطوريات.. دخل للصفحة ديالها تفاجئ وهز حاجبو فاش لقاها فايتة المليون متابع ..شاف السطوريات ديالها لقاها حاطة كاس دالقهوى وكاتبة عليه .. لا مساء بدون قهوى .
شاف سطورياتها واحدمور واحد لقاها مصورة راسها مع الصباح فالطموبيل كضحك والباقي غير تصاور عاديين مرة ديال الطريق مرة ديال شي اشهار .
نزل كيشوف تصاورها وتفاجئ بعد الناس اللي متابعينها والتعاليق ديالهم .. عاطية للتصاور قتلة وكتبان بريئة وضحكتها جميلة .. طالعة فالعمارية الف مرة بالتكاشط ومنزلة كم هائل من الاشهارات لماركات كبيرة معروفة والمفاجئة انها عندها ماركة بسميتها ..
وهوا طالع نازل كانت اثنائها بيان متكية شادة تيليفون فالدار بوحدها وطالعة نازلة ..بالصدفة دخلات سطوريات تشوف شحال وصلو طلع ليها تميم هوا الاول..ماتوقعاتش يطلع ليها ويشوف سطورياتها وحتى هي معطلاتوش.
ترن وصلاتو دعوة وطلعات ليه سميتها عرفها شافتو وقبل الدعوة ومن بعدها وصلو مسج من عندها كتبات ليه
انا سهرانة حيت انا قمر ..ونتا شنو مسهرك ؟
هز راسو كيضحك وكتب ليها
حاضي القمر … الوجه وجه القمر والفعايل فعايل البقر
رن التيليفون لبيان وهي كضحك فالشاط مع تميم وخرجات من المحادثة ردات فايليفون قائلة
الو ماما..
سارة: نعستي ولا مزال؟
بيان بسخرية: كنتسناك
سارة: غير نعسي بلا متسنايني ايقدر نرجع معطلة
بيان : اممم كنت حاسة ..واحساسي ديما فمحله
سارة: يالاه حبيبة تصبحي على خير
قطعات ورجعات للمحادثة مع تميم لقاتو خرج وخرجات حتى هي لاحت تيليفون وتقلبات نعسات
السبعة دالصباح وقفات سلمى حدا الباب ديال الدار هي والهام
سلمى: اوففف غنبقا دابا كل صباح نفيق قبل الناس نمشي حتى لمارينا باش نركب معاه من تما .. يالاه نمشيو نسكنو تما اصلا من اللول كان خاصك تمشي تسكني تما
هزات الهام خاجبها وقالت: باش بغيتي نسكنو تما باش؟ عرفتي الديور تما شحال كيديرو ولا ماعرفتيش
سلمى: غير نكريو مالي انا قلت ايك نشريو؟
الهام : والكرا. كل شهر سهلتيه ؟؟ سيري سيري وتبتي .. شوفي كي ديري تلاقيني بيه بغيت نجلس معاه شوية ونشوفو
سلمى: وانا وكنقلب لراسي على الفرص غير بزز عساك نتي نجلسك معاه..صبري شوية راه عاد بدينا
الهام : هانا صاابرة …صبرت ثلاتة وعشرين عام نزيد نصبر
خرجات سلمى شدات طاكسي ومشات لمارينا. لحسن حضها الجو مشمس ماشي شتوي اما كن رجعات كي لقردة
وقفات كتسنا والمضل معلق فيدها واللي داز كيشوف فيها بنص عين ويمشي..وقف قدامها تميم بالطموبيل وهزات هزات خنافرها للبنات اللي كانو مقابلنيها كيتسناو طاكسيو ومشات ركبيات حداه كتعرج وقالت
كنت كنتسنا غير شي طاكسي تبان ليا تمشي مابغيتش نعديك
رد والنعاس مزال شاد فيه لابس قبية وداير القب كحل كيشوف قدامو .. ستنشقات سلمى ديك الريحة والجو اللي عندو فالطموبيل رجع عندها ادمان وتكات كتشوف فالنافدة وتقول بخفوت
الله ياربي اللي كيقول على الفلوس خنز الدنيا بغيت ليه الزلط ..الله يعطي العز للعز
تكا راسو على الكرسي كيطير فالطريق ساكت ..بقات سلمى كدور فعينيها وتقلب كيفاش تجبدو وقالت بابتسامة
كي جاك المغرب ولفتي شوية؟
حرك راسو بالايجاب وقال: مسلكيين
ضحكات وقالت كتشوف فيه: غتكون ولفتي صحابك فلندن
تنهد وشاف جهة النافدة وقال : عاادي.. فين مامشيتي كاين الصحاب
تبسمات وقالت: بعدا ماماك زوينة بزاف.. وضريفة .. كتشبه ليها بزاف
تبسم وقال : كولشي كيقولها ليا
هزات حواجبها : كيقولو لك كتشبه ليها؟
تميم: كيقولو كنشبه ليها هي ونتي شبان ليك ؟
شافت فيه وشافت قدامها وقالت: الصرااحة ..الصرااحة.. كتشباااه ليها بزاف ..سبحان الله
شد الفران قدام الباب وقال: على سلامتك..معاياش خارجة ؟
بيان: اووهوووو..شفتك خدام شيفورو سينيور تميم.
تلفت على ليسر لقا بيان متكية ليه على الزاجة كذل عليه وضحك وتشوف فيهم
هز عينيه وقال: ااه .. كي صبح القمر ..باينة تحلمي بيا على ما اضن
ضحكات بسخرية وقالت: لا والله مابقيتش كنحلم من شحال هادي .. حيت الواقع قايم بالواجب
رجعات اللور خلاتو نزل ونزلات حتى سلمى معاهم كتعرج ..تبسمات بيان وقالت ليها .. كيقول ليك واحد المثل ..عندما تعطي للشخص اكثر من حجمه يستقحب تلقائيا
ضار عنها تميم شاف فيها وقال
هادا كينطايق غير على الزعرات
قربات عندو كتشوف فعينيه وقالت : لا غلط .. الى كنتي كتقصدني ..بغيت نقول ليك باللي انا كل ما رتاحيت ليك كنقلل عليك الادب عليك ماشي بيدي.. وانا رتاحيت ليكم بجوج ماعليكم غير تصبرو معايا
شاف فيهم بجوج وهما كيشوفو فبعضياتهم وقال
مخبيين شي حاجة؟ نتوما بجوج مخبيين شيحاجة .. ( شاف فبيان) نتي ماشي غير شاك فيك ..ولاكن متأكد باللي نتي اللي مور داكش دلبارح .. كتقراو فنفس القاعة نتي وياها ياك؟
ربعات بيان يديها وسلمى خرجات عينيها بغات تسلت ونيت سلتات مشات وخلاتو
بيان: ماشي حيت كنقرا انا وياها فنفس الصف غنكون مفاهما معاها ولا كنتافق انا وياها
تكا على الطموبيل وربع يديه كيشوف فيها وقال
شنو درتي لجاد؟ ياك قلتي ليا غيتعرض ليا وكدا.. هاا؟
خشات يديها فجياب المونطو ديالها وقالت كضحك وتشتت النضر
جاد دابا فيكون تحت الرحمة دباه ههخخ.. ماعندوش الكمارة باش يجي لافاك ..فضيحتو فضيحة
عقد حجبانو وقال: غير قولي شنو كاين انا عارفك نتي اللي مور هاد الفضيحة .
تنفسات بعمق وهزات حاجبها بجدية وقالت
اولا انا عييت مانشد فيك ونتا داير فيها باطمان زعما مكتخافش.. قلت ليك راه ناوي ليك على يخخ وكن شدك كن شرملك هوا ربعاتو ..عييت نوصيك مابغيتيش تسمع
تميم: اييه ونتي خايفة عليا ياك
سرحات ليه ابتسامة حتى بانو سنانها وقالت ليه : انا قمت بالواجب على اكمل وجه هههييي
قرب منها وقال: تبارك الله عليك.. موهوبة
ربعات يديها وقالت: مزال شافتي والو من مواهبي.. المهم ماعلينا .. اشبان ليك نشميو نفطرو اما وياك سنيور .. ونيت نعاود ليك شوية على مواهبي
شار براسو جهة الجامعة وقال: مغدخليش تقراي؟
هزات كتفها وطلعات فسيارتو وقالت: منقدرش ندخل ونخليك وحيد
ركب حداها وقال: انا راجع للدار تمشي معايا للدار
تبسمات كتسد السمطة وقالت: وعلاش لا منها نتعرف على عائلتك
ديمارا كيحرك راسو يمين يسار وديمارا السيارة كيضحك
ربعات يديها كتشوف قدماها وقالت: شهاد الملل ياه.. دير لينا موسيقى
صغر عينيه وقال: على الصباح ؟
بيان: ومالو !!
تميم: يالاه ديري اللي عجبك
طلقات موسيقى جهدات فيها حتى شد عينيه ومشات كتموسق حتى للدار ونزلات معاه هزات عينيها وقالت
كتسكن فمارينا؟؟
تلفت عندها وقال: ونتي فين كتسكني؟
بيان: حي الرياض
تميم: شحال بعيد على هنا؟
بيان: بعيد شوية .. كتسكن فهاد العمارة ؟
رد بالايجاب ودخل وهي وراه حتى للدار ..فتح الباب دخل لقا مد.بيهية جالسة كتشرب قهوتها ولابسة مونطو ازرق غامق وسروال وبوط بكعب عالي وقفازات ..لباس الطبقة المخملية واتيكيت فشرب القهوى والحركات .. شافتو داخل وموراه بيان وسد الباب بابتسامة
صباح النور
ناضت م.بهية بابتسامة عندو وقفات قدامو وقالت
بان ليا دغيا ربطتي صداقات
طلات عليها بيان من مور تميم وقالت : تقريبا عاد كنحاولو
شاف فيها تميم كيضحك وقال
بيان .. كتقرا معايا فنفس لافاك
طلعات فيها م.بهية من راسها لرجليها كانت لابسة كولون من الجلد وتريكو صوف عريض مدلي على لكتاف كحل ويغ فرجليها اصلي وصاك لوي فيتون اصلي وشعرها مطلوق .. تبسمات بهية وقالت : بيان؟!!.ياك؟
مدات ليها بيان يدها وقالت: بيان العلوي
ضحكات بهية وقالت ماداة يديها : بيان العلوي.
هزات بهية حجبانها والابتسامة على وجهها وقالت
امم.. كنضن كتريني نتي وياه فنفس لاصال اولا لا؟
بيان: تماما.. عاود ليك عليا ههه
هركات بهية راسها وقالت: حدسي .
بقا تميم كيشوف فيها كيفاش عرفاتها كتريني معاه وهي اول موة تشوفها وقال
ماشي كنتي خارجة؟
حركات راسها بالايجاب وقالت
كنت خارجة ..
جراتو من يدو حدا الباب وقالت : بلا بسالة ..هااا.. بلا بسالة
سد الباب وتلفت عندها لقاها فالبالكون كطل ومشا عندها
ضارت شافت فيه وقالت: منضر غزال عندك هنا..
حط يديه فجيابو وقال: الى عجبك اجي سكني معايا هنا
ضارت كضحك وقالت: بلا بسالة.. اجي وريني بيتك
جراتو من يدو وهوا تابعها. قاليها
شنو بغيتي ببيتيي؟
بيان: عزيز عليا نعرف لخصوصيات
حل ليها باب البيت ودخلات لقات الفراش باقي كما هوا والضلام وريحة مريحة عندو فالبيت ممزوجة ببارفان رجالي ..دخل قدامها فتح الابواب الزجاجية وطلع ريدوات دخل الهوا والضوء
دورات عينيها وقالت: بيتك زوين.. كبير واطلالة زوينة
جلس على واحد الكرسي كبير دائري كيدور فبلاصتو وقال: تشري؟
مشات كدور فالبيت وقالت: الصراحة موقع زوين يستاهل .. ماكنتش عارفة المنضر والجو هنا زوين بحال هاكا
تكا على ضهرو والقبية على راسو وقال: يالاه اجي سكني هنا عا واحد الدار فوق كتباع خت هادي
بيان: امم بلا متفلا عليا زعما انا اللي كنتحكم فالفلوس.
وصلات مدام بهية للاوتيل ومشات مباشرة للبيرو عند مدام سارة ودخلات كضحك صبحات عليها قائلة
..صباح النور
مدام سارة: صباح النور لقيتيني مشطوونة مع الغرف الجديدة
جلسات بيان على الكرسي وقالت دايرة رجل على رجل
شخبار بنتك.. لاباس عليها
مدام سارة: لاباس هاد الايام عايشين فهذنة .. الله يستر من اللي جاي
مدام بهية: وفين خليتيها دابا ؟
مدام سارة: مشات للجامعة
ضحكات بهية وقالت: بيان ياك قلتي ليا؟
استغربات شارة وقالت: اه علاش شي مشكل؟ انا مستعدة لاي مشكل اصلا هاد الهدنة اللي عايشة فيها متشي طبيعية
ضحكات بهية وقالت: لا والو .. غير الصدف سبحان الله كتجمع .. تخيلي شكون جا مع تميم للدار
شافت فيها مدام سارة وقالت: بيان؟؟
ضحكات بهية وهزات راسها قالت ليها: تماما .. خليتها معاه فالدار ..اه على فكرة ..بنتك فنة ..والفنات ديما تابعينهم المشاكيل
تنهدات مدام سارة وقالت: مابقيتش كنتصدم مع بيان ولليت كنتوقع اي حاجة .. هي مادخلاتش تقرا هاد الصباح رجعات لعوايدها
ناضت بهية وقالت: المهم خليت ليك الراحة .. نخليك تكملي شغلك
جالسة دايرة رجل على رجل فرق طرق الناموسية وشادة طابليط كتفرج فالتصاور ديالو وديال لعائلة .. هاهوا فالطاليان. هاهوا فلندن ها هوا فالصين هاهوا في فرنسا .. كل صورة فدولة .. وحتى صور الطفولة واغلبهم بين واليديه .. كيبان الدفئ والحنان والتلاحم الاسري من خلال الصور ديالو .. ابتسمت وقالت ليه وهوا جالس على واحد البيرو كيقلب على البوم الصور
بيان: عائلتك زوينة بزااف.. حتى باباك كيبان حنين … ماماك زوينة باينة كانت كتخاف عليك
تلفت هاز الالبوم وقال : هانا لقيت ليك لالبوم اللي فيه التصاور ديال الطفولة .. تشربي شي حاجة؟
شافت فيه وقالت : انا مزال مافطرت ونتا ؟
تميم: حتى انا .. شكون قادر يفطر مع التمنية داصباح .. باش بغيتي تفطري؟
ضحكات وقالت: ناوي توجد ليا نتا لفطور سينيور تميم ؟
هز راسو بسخرية وقال: من نيتك .. غنعيط لكافي اللي تحت منا يجيبو لينا لفطور
بيان: حساب ليا غتتكرم وطيب ليا
حرك راسو كيضحك وقال: غنطيب ليك ههه
بيان: شنو كيصايبو ؟. عندهم ماكلة زوينة؟
تميم: هادو اللي كيجيبو لينا الماكلة عندهم شاف كويزينيي
بيان: اممم اوكي نشوفو شنو عندهم فالفطور
هز تيليفون وجلس تاصل بيهم خدا معلومات على لفطور وطلب ليها لفطور وقطع .. ناض دخل للحمام وهي كتفرج فالطابليط فالصور حتى دوزات ملف مكتوب عليه خاص. هزات عينيها فالدوش ودخلات للملف من باب الفضول تعرف شنو هادشي اللي خاص.
خرج من الدوش وبسرعة قلبات الطابليط على وجهها حطاتها وقالت كتحك رقبتها : اممم .. مزالين معطلين؟
صونا صونيت الباب وقال: هاهما ..سمعوك
مشا يفتح الباب وهزات طابليط بسرعة كملات البحث ديالها كتقلب وفجأجة طلعو ليها مجموعة ديال الصور ديالو هوا وجماعة ديال صحابو وبدات كدوز وتشوف دكرياتو مع صحابو كل صورة فين حتى بداو يدوزو صور ليه مع بنت بشعر بني مايل للاشقر جميلة الملامح معنقا هي وياه ومصورين سلفيات ، صور اشكال انواع مرة كيتبادلو القبل مرة كيضحكو مرة عينيهم حمرين باينة عليهم سكرانين..اعياد الميلاد وذكريات كتفوح منها رائحة الحب والسعادة والمتعة الحقيقية .بقات مصمرة كتشوف فيها وحتى فلباسها كتبان بنت ناس آكابر . سمعاتو جاي جهتها وبسرعة حيدات كلشي وحطات الطابليط وبدات كتحك فرقبتها بارتباك ووجها احمر تلفات ماعرفات منين تكمل.
حط الفطور على الطبلة هوا واالنادل اللي جابو ليه وانفردو بجوج
تميم: يالاه اجي تفطري ..مالكي؟
بلعات ريقها كتمتم وقالت : بصراحة ماعنديش الشهية.. خاصني نمشي
هز عينيه فيها وهي كتفتف كتجمع حوايجها وقال
نتي اللي طلبتي لفطور اولا لا
هزات صاكها وقالت: ماما عيطات ليا خصني نمشي مرة اخرى باي
تبعها للباب بسرعة قائلا
تسناي نوصلك ..بيان
نزلات قبل مايهز سوارتو وهبط تبعها ختى للتحت مالقاهاش ومسح على راسو ومشا ركب سيارتو .
رجعات فطاكسي للجامعة ونزلات مشات لسيارتها وركبات وسدات عليها وبقات كتشوف قدامها ودور فعينيها قائلة
وانا مالي؟!! انا شدخلني فحياتو ياااه!! مالي على حالتي اللي شافني سقول ضريت معاه عام ونص.. شهاد الزمر
قلبات عينيها كتنفخ وشافت جاد نازل من طموبيلتو .. دورات وجهها كضحك ونزلات عندو كتمختر وقالت
قالك واحد المثل … ناس مقلقلة عليا على اللي عملوه فيا ههه ونتا مقلق مناش؟. ياك نتا اللي درتيها لراسك
لاح واحد العود من فمو ومشا وقف حداها وقال
واعرة فالامثلة
ضحكات وقالت : الصراحة تنت بلاصتك منقدرش نعاود نجي للجامعة.. زعما برافو ليك
وقف كيشوف فيها وقال : علاش شكون اللي فهاد الجامعة باش منجيش ،. اللي راجل يوريني شطارتو
بيان : شنو كنتي كدير نتا وصحابك حتى جاو البوليس البوليس جمعوكم
جاد: وعلاش كتسولي؟؟ عارفة شكون بيع بينا للصحافةشهقات كضحك وقالت: علاش نتا خاص يبيع بيك شي واحد؟ نتا الصحافة كتنسناك غير دير شي زبلة باش يهزوك ..
وقف حداهم تميم حداهم وهزا كيشوف فيهم بجوج وهي كدور فعينيها ومشا هز راسو كيشوف فيها وقال
كي بقات ماماك؟ سلمي لي عليها
انا زر فيها وزاد خلاها هي وجاد واقفين كتمتم فبلاصتها .. شاف فيها جاد وقال
اش بينك وبين هادا ؟
دفعاتو قائلة : مابيني وبينو والو بلا منص ع راسك على اخوا الخواوي
دورات وجهها ومشات دخلات للجامعة ..تعرضات ليها صاحبتها قائلة وقالت
بيان عيقتي بالغياب …
شدات فيها بيان وقالت: صافي حتى نتي غديري ليا بحال ماما..هانا غندخل يالاه
خرجات سلمى كتعرج لقات تميم دايز حداها وقال بلا ميتلفت
يالاه نوصلك الى ساليتي
تبعاتو كتعرج مشات ركبات حداه وشافت فيه عاقد غوباشتو وقالت
تميم ؟ واش كاين شي مشكل
ديمارا الطموبيل فصمت مجاوبهاش وهي كتشوف فيه وبتردد قالت
تميم.. واش كاين شي مشكل؟
رد ببرودة : مكاين والو
دورات وجهها شافت فالطريق وقالت : صافي وقف ليا هنا
وقف بلا ميهضر ونزلات من الطموبيل خلاتو مشا وبقات واقفة حساب ليها غيقولها علاش وكفاش..
نفقصات وشدات طاكسي رجعات عمد الهام للدار ودخلات معصبة قائلة
واخا نكون قاتلة ليه باه مايديرش بيا بحال هاكا
الهام: مالكي شنو كاين ؟؟
سلمى: حطني فالطريق بلا ميسولني حتى علاش… بزااف على هاد العياقة مرضني ماعرفت كي غندير معاه.. باش يدي معايا فالهضرة ويجيب والو ..مالقيت منين ندوز. ليه
الهام: نتي كتمشي نتي وياه فالطريق ومالقيتي كي دوزي ليه ؟. وشكون غيدوز ليه الى مادزتيش ليه نتي
سلمى : ماعرفتش وحلت .. ماعرفت كي ندير صافي حصلت
بقات الهام جالسة كتفكر وتخمم وقالت: عرفتي شنو .. غادي نديرو عيد ميلاد تما فديك القهوى وغادي تعرضي ليه يجي .
سلمى: والى جات معاه مو ؟
الهام: لالا موحال داكشي اللي بقا ليها هاديك كاع مكتسالي باينة فيها .. نميكو واحد ثلت ايام من بعد نديرو هاد عيد ميلاد
سلمى: بصح .. حتى هادي فكرة .. وغتحضري ؟
الهام:معلوم .. عرضي على شي صاحبتك ولا شي واحد مانبانوش دايرينو غير انا وياك
سلمى : انا غنشوف واحد البنت واش تبغي تجي.. تعرفت على شي وحدات ولاكن مزال ماتصحبنا مزيان
الهام: هادي الفرصة فين تصاحبي معاهم مزيان
سلمى: ايوا وفاش يوصل عيد ميلادي الحقيقي ؟
الهام: كولي حلوتك فالدار وسكتينا ..حنا واش باغيين نجيبو الدري ولا نحتافلو بيك نتي
سلمى بحماس: هي غديري ليا شي عيد ميلاد وااعر ..وتشري ليا شي لبسة
الهام: وداكشي اللي شريت ليك مكافيكش؟؟ عاد شرينا طون ديال لحوايج هاد سيمانة
سلمى: ضاروري خاصني باش نحضر؟؟. خاصني شي كسوة واعرة
الهام: اشمن كساوي فهاد البرد ونتي لابسة الكبص اصلا فرجليك
سلمى: غنديروه فمارينا نيت؟ حيت زعما ساكنين تما
الهام: اه غنشوفو شي قهوى نديروه فيها
سلمى: تما لقهاوي وااعرين .
دخلات بيان للدار كتحيد المونطو فلعشية وتيليفون كيصوني ليها .. ردت قائلة بنرفزة
شنووو؟
جاد: غير بشوية عليك مالكي؟؟ نسهرو الليلة؟
بيان : فايقة مع 8 منقدرش..
جاد: شنو بان ليك نتفرجو فشي فيلم بجوج ؟
بيان: عندي لحفاضة
جاد : اممم..عندك الحفاضة ..اوكي
قطعات ودخلات لبيتها مباشرة لواحد الدريسينغ عندها بحال المول عامر حوايج وكبير كيشع بالاضائة والمرايات وبدات نبدل حوايجها .. حيدات كولشي وهزات مساحيقها مشات فطريقها للدوش لاكن لقات امها واقفة كتسناها قائلة
درتي صحاب جداد على ما بان ليا
ردت وهي داخلة للحمام
وشنو بان ليك ؟. نبقا بوحدي باش ترتاحي
حيدات الباقي من لحوايج بنرفزة ودخلات فواحد البانيو عامر رغوة حتى للعنق ..تبعاتها مدام سارة وقالت
عنداك تمشي ديري شي زبلة مع تميم البيستي هانا فين علمتك
طلعات بيان راسها شافت فيها مصدومة وقالت
وفين كتعرفيه؟؟
مدام سارة: علاش نتي كتجي وتصاحبي مكتعرفيش راسك معامن وولد من ؟؟ .. مافراسكش باللي ولد مدام بهية شريكتي فالاوتيل
هبطات بيان الرغوة على عينيها ووجها وقالت
شنووو؟؟
مدام. سارة: مابغيتش مشاكل مع مدام بهية ومسيو جان البيستي .. حنا شركاء دابا وكنتعاملو مع بعضينا وجامعانا خدمة ..يعني مصالح وارباح .. ويااك تمشي ديري زبلة تخرجي على هاد الشراكة اللي بيناتنا فهمتي.
شافت فيها مدام سارة بصرامة ومشات خلاتها وسط الرغوة كتشوف قدامها مصدومة وتردد بوحدها
تميم؟؟؟ ياااه شهاد الصدف هادي كلها !!.. وهوا عارف انا بنت شريكتهم ؟!! لالا موحال واش عارف حتى هوا؟. يعني انا غادة جايا مع تميم وهوا فالاصل ماما..مممم..هااا.. هاااكاك … على هاد لحساب خاصنا نعملو ليه شي مفاجأة ديازها لكلام بهاد المناسبة ..وحبادا لو تكون مفاجأة صاخبة ههه
قلب تميم الطريق مشا للكازينو ودخل فاتجاه المكتب..دق الباب ودخل لقا مدام بهية جالسة ومعاها الناس اللي خدامين فالكازينو مشغولين
هزات راسها شافت فيه وتبسمات قائلة
تميم.. انا مشغولة شوية تقدر تسناني؟
شار ليها بجوج صبعان حدا راسو بمعنى تهلاي..ومشا كيدور كانت الدنيا خاوية عامرة بحال كل ليلة ..نفس الوجوه كيجيو يلعبو على نفس الطاولات ..نفس البنات واقفين عليهم ونفس السربايا ونفس الموسيقى .. روتين بالنسبة ليه هوا .. جلس على واحد الطاولة خاوية وشار بصبعو للنادل جاب ليه مشروب وبقا كيلعب فتيليفون حتى وقف عليه رجل كبير وقال طويل وعامر وقال
تلعب ؟
بقا تميم كيشوف فيه متردد فالاخير قال اجي نلعب شي طرح على بيدمن سالات مو
رد بهدوء وقال: اوكي .
جلس الراجل قدامو وهزو اشارة بدئ اللعب وبدات القاعدة بترتيب من احد الموضفات اللي خدامين تما واللي واقفين على الطاولات .. شاف فيه الراجل وقال : باش تراهن ؟
هز تميم يديه كيشوف باش وقال :
باش كتراهن ؟
شار ليه الراجل ليدو وقال :هاديك السنسلة الماس؟
هز تميم يدو كيضحك وقال: واخا تراهن بالتروة ديالك كلها ماتوصلش لقيمتها
الراجل: بان ليا هادي اول مرة عندك هنا
تبسم تميم وقال: يمكن
الراجل: نبداو باضعف عدد .. باش منخسركش بزاف
تميم: اللي هوا؟
الراجل: عشرالاف درهم مزيانة
هز تميم كتفو وقال : اوكي
بدا كيلعب معاه حتى سالات بهية شغلها وخرجات هارة صاكها فيدها من البيرو كتقلب عليه لقاتو جالس كيلعب..جمعات الضحكة ومشات عندو وقفات عليه وقالت
تميم ؟.. شكادير؟؟
انتهت فديك اللحضة وقال الراجل..خسرتي.
ضحك تميم وقال :الخسائر كيكونو غير فالاول
جراتو بهية من دراعو قائلة: زييد..تحرك
ناض بغا يمشي ووقف الراجل قاليه ..فلوسي؟؟
تلفتات بهية وقالت
سير للكيشي تخلص فيهم ..ولا معارفش القواعد
جرات تميم معصبة خرجاتو من تما ووقفاتو وقالت
شنو كدير؟؟؟ واش حماقيتي؟؟
تميم: وشنو فيها لعبت معاه عاادي
زفرات معصبة وقالت: حنااا مكنلعبوووش..سمعتي.. حنا مكنلعبوش وحط هادشي فراسك ..عمرك شفتيني كنلعب ولا شفتي باباك كيلعب؟؟. هااا؟ هضر..
تميم: ومالي غير لعبت وصافي فين كاين المشكل اصلا ماخسرتش بزاف غير عشرالاف درهم ..بان لي حتى هوا ماواجدش باش يلعب بأكثر
ردت بهية بغيض غطرطق وقالت: مزال زايد فيه.. سمع .. القمر كيبدا بالضحك وكيسالي بالحزقة ..فهمتي دابا هضرتي.. واخا يكون عندك مليون كازينو ..واخا تكون اغنى واحد فالعالم ..عمرك تفكر ترمي شي درهم وتقول نجرب.. القمر كياكل الفلوس كما كتاكل العافية لحطب.. دخل هادشي لدماغك واخر مرة تحاول تجرب ولو بالضحك ..يالاه زيد..قالك باغي يقمر نتا نيت اللي خاصنا الساعي يسعى ومرتو تصدق
الطريق كلها وبهية كتنكر وتميم صابر ليها عاقد غوباشتو ..وصلو ودخلو كما خلاو الدار لقاوها..دخل لبيتو لقا الفطور محطوط وتلفت كينفخ وخرج عند بهية قاليها
واش غنعيشو فهاد الحالة؟
ردت قائلة : دابا نشوف شي وحدة فيكس تبقا تجي ترتب مورانا .. بحالي بحالك حتى انا يالاه حطيت رجليه فهاد المدينة مزال مكنعرف فيها حتى واحد
تميم: شوفي شي وحدة فأقرب وقت .. هادشي زاد على حدو
ضارت عندو بغضب وقالت : ماتزيش عليا حتى نتا اللي فيا يكفيني .. مكنساليش وفاش نرجع لدار نرتاح لقا نتا قدامي تكمل عليا
رد عليها هاز البلاطو وقال بصوت عالي رجالي مسموع
اصلا علااش تخدمي؟؟
تلفتات شافت فيه وقالت : كيفاش؟ مافهمتش اش كتقصد؟
حط لبلاطو ومشا عندها وقف قدامها وقال: علاش كتخدمي؟؟؟ علاش ماتحطيش مدير يتكلف بالكازينو بحال كاع الكازينوها .. علاش كل صباح خارجة غادية لتما وفلعشية نتي اخر وحدة كدخل لهدا الدار
بقات مصمرة كتشوف فيه وفالحدة باش كيهضر معاها ماتوقعاتش اصلا يوصلو لهاد الدرجة ..حفضات صوتها بهدوء وتفاهم وقالت
وشنو فيها الى قابلت لكازينو ؟ ياك ديالنا ماشي حسن نقابلو فهاد البدايات ديالو ؟
هز يدو فجهة اخرى وقال بغضب: لا ماشي خدمتك وماعندك علاش تبقاي تمشي لتما.. وانا الى بغيت نلعب غنلعب ماغتجيش توقفيني ووقتما بغيت نمشي لتما ناعب غنمشي اوكي .
بقات كتشوفيه مصدومة وقالت بغضب: لا مغتمشيش لتما..واخر مرة تحط رجليك تما فداك الكازينو سمعتي..انا اللي كنقرر هناا
زاد رفع صوتو وقال : كتقرري فحياتك ماشي فحياتي مفهموم.. ونلعب مع من مابغيت ووقت ما بغيت وغنمشي لتما.. ومرة اخرى الى لقيتين تما ديري راسك دوزي من حدايا وديري راسك مكتعرفينيش حسن كااااع
حلات عينيها ماتوقعاتش هاد الرد القاسي وبلا متشعر هزات يدها للسما طرشاتو وجمعاتها عندها حدا فمها مصدومة من ردت فعلها وهوا حنكو كيشوف فجهة اخرى وقالت كتردد
مممم..انن اا مم
تلفت شاف فيها وهي كتبكي وترعد وغررو عينيه بأسف ومد يدو قاليها
اجي.. ماعليش
جرها عنقها بقوة قائلا: ماوقع والو صافي.. صافي تهدني
هزات راسها كتشوف فيه وتبكي وقالت مكمشة يديها عندها : ماقدصدتش انا .. مااا
عاود عنقها كيتنهد ويمسح على راسها وقال : صافي ماديريش فبالك ماوقع والو .. صافي تهدني .. تهدني
شد ليها يديها المرعىدين باسهم وهي كتشوف فيه وبقا كيعنق فيها حتى بردات وقالت بصوت منخفض
انا غنمشي لبيتي .
طلقات منو مشات لبيتها كتفتف وخلاتو وشط الدار جلس على واحد الطبلة وهبط راسو مسح بيديه وناض مشا دخل لبيتو
حتى تنصص الليل وهدات الاوضاع وترخاو الاعصاب عاد خرجات من بيتها بخطوات بطيئة طالقة شعرها ولابسة بينوار دافي ومشات حلات الباب بشوية بان ليها ضوء زرق خافت مضوي البيت ودفعاتو ببطئ طلات عليه لقاتو فوق الناموسية متكي والكيت فودنيه والطابليط قدامو والتلفازة قدامو ودخلات عندو بشوية مع ابتسامة ..ابتسم ليها ومشات جلسات حداه بأسف كتشوف فيه وقالت
تميم… انا ماعرفتش علاش …
هز راسو شافيها وقاليها مقاطع كلامها : الى جيتي على داكشي اللي وقع قبيلا ..انا اصلا ماعقلتش عليه ..بحال الى عمرو ماوقع ماتهزيش همو
تنهدات وقالت بأسف: فهمتك اولدي وعندك الحق..انا مكانش عليا نخاصم عليك قدام الموضفين .. شي مرات كنسا باللي كبرتي ومابقيتيش صغير باش نعاملك بحال شي دري صغير..ولاكن خاصك تعرف..الام ديما كتشوف ولادها صغار واخا يكبرو .. ديما كتبقا تصرف معاهم بلا متشعر كأنهم باقين صغيورين.. انا ليوم غلطت وماكانش عليا ندير ليك هاكاك فالكازينو ولا قدام الموضفين فالاوتيل.
شد ليها يدها وقال بابتسامة : صافي ماتبقاش شادة فخاطرك..انا قلت ليك نسيت..والله حتى نسيت ..و حتى انا تماديت على والو ..ماكانش كاع خاصني نوض الصدع على حوايج تافهين
تنهدات ومشات عنقاتو ومسحات على راسو قائلة : الله يرضي عليك.. والله يحفضك ليا .. بغيت ..بغيت غير نقوليك واعدني..ماتبقاش تلعب
شد ليها فثدها وقال كيضحك: كنواعدك ..مغنبقاش نلعب ..صافي
تبسمات ومشات خرجات سدات موراه الباب وخلاتو6“
لفطور على الطبلة والساعة الثامنة صباحا .. الجو ممطر والشتا خيط من السما ..جو مغيم بزاف والريح كيضرب والمياه فالشوارع كتجري.
خرج تميم من بيتو لابس دجينز اسود سليم وليبوط ديال الجلد اصلي رجالي كلاسيكي من لفوق قميجة بيضاء فوقها تريكو من الصوف اسود مثلت كن العنق وفيدو فيزت كوير كحلة .. اناقة رجولية واختيار موفق لهاد الجو الكئيب . جلس على طاولة الافطار بابتسامة قدام بهية اللي جالسة بكل اناقتها وعلى الكرسي ديالها مونطو اسود. شافت فيه بخجل من داكشي اللي وقع البارع وقالت بابتسامة
انا ليوم طلبت لفطور من لتحت.. ولاكن غنحاول نلقى خدامة دير الامور ديال الدار وحتى الكوزنية .. كما نتا كتعرف ماشي غير اجي ودخل شي واحد براني للدار
شدفيدها وقال: بشوية عليك مازربانينش ..هاحنا كندبرو راسنا حتى تلقاي الحل
شافت فيه بابتسامة وقالت: ليوم عندي بزاف دالخدمة نتا عارف نهار الجمعة كتكون عندنا الخدمة ..كنوجدو للويكاند باش منلقاو مشكل
تميم: اوكي ..نخرج من لافاك ونجي عندك..الجو فالمغرب واخا مضبب وفيه الشتا مكاينش البرد بزاف
تبسمات وقالت: لا الجو زوين معتدل..كاين مناطق فيه الثلج والبرد ..وكاين مناطق دافية
مسح يديه وناض: انا غادي.. وقتما ساليت غندوز عندك
هز لافيست ديالو وخرج من الدار مشا فاتجاه سيارتو ..سمع سميتو وتلفت لقا سلمى مدرقة تحت واحد السقيفة والريح كيطير ..صغر عينيه وشار بيديه بسرعة ليها باش تبعو ومشا طلع فسيارتو فتح البيبان وطلعات حداه كتلعت بتعب وقالت
عرفتي كن ما جيتي كن بقيتي هنا.. ماقدرتش نتحرك حتى باش نشد طاكسي
ديمارا السيارة خرج من بلاصتو وقال غادي فالطريق
نتوما عارفين هاد المنطقة معزولة والطاكسيات مكيدخلوش هنا غير الى وصلو شي واحد.. علاش مادروش ليك طموبيل وتهناي
بلعات ريقها كتكمم وقالت: صراحة كانو غيديروها ليا ولاكن فاش وقع دابا اللي وقع ..كما شفتي منقدرش نسوق.
بقا ساكت شوية وقال: فوقاش قالك الطبيب غنحيدي الكبص؟
سلمى: قالي شهر ونص عاد نحيدو .. مشكيلة هادي دابا غندوز الشتا كاملة بيه
تميم: انا عارف راسي درت خطأ ولاكن حتى نتي بقاي تنتابهي فالطريق.. كن ماكنتش انا كان يكون شي واحد اخر سكران ولا معصب
سلمى خصنا نعدرو الناس المعصبين والسكرانين ياك ..الحق على الراجيلين بغيتي تقول
تميم: لالا ماقلتش هاكا كنقصد باللي المخاطر كاينين فين مامشيتي حتى واحد ماينتابه لحياتك اكثر منك ..خافي على حياتك وعلى راسك من المخاطر اللي كنصادفوها كل يوم ماشي كنبرر للسكرانين ولا لمعصبين
بقات ساكتة كتشوف قدامها مطولا وقالت
انا ليوم صبحت معصبة شوية .. رجلي قاصها البرد وباتت كتحرقني الليل كامل ماتيديش عليا
تميم: الى بغيتي نوصلك للسبيطار نوصلك
سلمى: لالا ماشي حتى لديك الدرجة
وصلو كيتجمعو فالطريق حتى للكلية ونزل فالوقت اللي الجميع داخل فيه ..تلاقاو مع بيان نازلة من سيارتها وشعرها كيطير فالسما لابسة مونطو مجموع ومسدود رمادي غامق بالسمطة ديالو حد الركبة والفرو رمادي محيط بالعنق واليدين وكولون اسود من لتحت مكيبانش ولبوط اسود طالع فوق الركبة من برادا وفيه سماطي من لتحت هازين محفضات صغيورين لاسقين مع جنب البوط.. ليكات من الجلد فيديها وبيرية على راسها رمادية فلون المونطو ونيفها حمر نازلة وكطلع وتهبط فيهم ..جراتها صكها الرمادين من ارميس هزاتو فيدها وقلبات عينيها مابغاتش تهضر معاهم .. زدحات باب السيارة ومشات قدامهم ساكتة وهما موراها وجهاد حتى هوا لتاحق بيهم وقال بابتسامة
سلمى..كي بقيتي شوية.. قالي تميم خبطك بطموبيل
تبسمات سلمى وقالت: ماكانش قاصد . بحال هادشي عادي كيوقع
شاف جهاد فبيان عكغادية قدامهم وقال كيضحك
شي ناس نساو لسانهم فالدار وجاو .
ضحكات سلمى وقالت : يمكن نهار الجمعة كيديرو الحداد ههه
تلفتات بيان عندهم ووقفات كتشوفيهم ومشات وقفات قدام سلمى وقالت بتحدير
ضحكات الوقت ساعة دالمكانة ماترتاحيتش ليها .. فأي لحضة ممكن تقلب عليك
عقدات سلمى حجبانها وقالت: امم..خلعتيني
بيان: ايوا خافي مني .
سلمى رجعات حمرا وقالت : وشكون نتي اصلا .
بيان: نتي اللي كتجبديني
سلمى: ماهضرتش عليك ..
بغاو يتشادو لاكن تدخل تميم بيناتهم بعد بيان على سلمى وقال : صاافي..براكة بدلو الساعة
نترات بيان يدها وقالت: نتا خليك شيفور ديالها ..مكلخ
مشات وخلاتو دخلات فحالها وقبقات سلمى جايا معاهم بشوية ويدها كترعد من الشجار اللي وقع
سلمى: حساب ليها غنخاف منها .
دخل تميم كينفخ خلاها هي وجهاد اللي وقف حداها وقال
ماديريش راسك فيها هي كتقلب على المشاكيل ..نتي بنت زوينة ومتبتة ماتخليهاش تحطك فراسها
سلمى : انا اصلا ماحاطاهاش فراسي باش تحطني فراسها
جهاد: نتي ماشي من مستواها ..خليك بعيدة ..اجي نعاونك طلعي فالدروج
كل واحد دخل للمحاضرة ديالو .. دوز الساعة اللولة ومع التسعود خرجو كانت الشتا حبسات والريح حبس لاكن الجو مغيم والشمس مكدورش. مشات بيان كتشوف قدامها وخنافرها فالسما دازت حدا تميم وجهاد ..موراها حرجات سلمى من القاعة لقاتهم واقفين قدامها وتبسمات ليهم بجوج ووقفات حداهم .. تلفت جهاد عندها عطاها وقتها لاكن تميم تراجل قائلا
انا غادي لكافيتيريا
نزل مع الدروج بسرعة مشا فاتجاه الباب شاف بيان غادية جهة سيارتها وتبعها داير يديه فجيابو وقف عليها وهي باغا طلع فالطموبيل وقال
علاش كدبتي؟
تلفتات متفاجئة ووقفات كتشوف فيه قائلة : فاش كدبت ؟
تميم: قلتي ليا ماماك عيطات ليك .. مامشيتيش عمد ماماك جيتي لهنا عند جاد
بقات ساكتة كتشوف قدامها وتربط الاحداث وقالت كترمش
كفاش؟؟
تميم: مكانش عليك تكدبي اصلا ..قولي ليا غنمشي عند جاد وصافي علاش زعما لكدوب
بيان: انا مكدبتش عليك
تميم: مزال كتزيدي تكدبي
تنهدات وقالت: انا مامسالياش دابا لهاد الهضرة لخاوية.. بغيتي تيق تيق مابغيتيش ماتيقش شغلك هاداك
ضارت بغات تركب لاكن لمح باقة ورد عندها اللور كبيرة وقال بسخرية
الورد!… هه مافهمتش واش كنبان ليك واقف فطريقك؟ واش مانع عليك شي حاجة؟ نتي اصلا حرة فحياتك
ميعات فيه وقالت: انا عارفة راسي حرة فحياتي الدكيي.. عرفتو نتوما شنو المشكل ديالكم..مشكلتكم مكلخين ..كتفهمو غير داكشي اللي كتشوفو ..خصكم كلشي بلخوشيبات ماكتفكروش من دماغكم.
مجاوبهاش ورجع اللور بغا يمشي لاكن وقفاتو وقالت
تميييم…تسنا
تلفت شاف فيها وقال: سيري فحالك سيري
بيان: تمييم..طلع
هز حاجبو وقال: فين غنطلع؟ عاد دابا كتسبي ..مغنردش عليك
بيان: طلع يالاه ..طلع غنعرف على شي واحد واخا نتا متستاهلش
بقا كيشوف فيها باستغراب وهي طالعة فسيارتها وطلات عليه قائلة
طلع براكة من لعياقة
دور عينيه تنهد ومشا ركب حداها وقال
فين غاديين
دورات المقود قائلة
سكت
خرجات من الجامعة كطير مشات سايقة السيارة وكل شوية كتخلعو هتى كيخرج عينيه ..لا سطوبات كتوقف فيهيم لا بمبوان كتحتارمو..غير غادة ومرونة فسياقتها كتشد الفران الجهد وتقلع بالجهد تقول حالفة فالطموبيل..تكا اللور تنفس وقال
انا اصلا ماعرفتش علاش جاي معاك
بيان: سكت معاديش نخطفك
تميم: واش هاكا كتسوقي ديما؟؟
بيان: لا غير حيت نتا معايا
تميمي: لا بصح كنهضر واش هاكا كتسوقي؟؟
بيان: صافي سكت يااه.. هاحنا وصلنا
طل كيشوف وقال : فين حنا ؟؟
حلات الباب نزلات وقالت: نزل براكة من الهضرة .. شحال غتعيش كاع كي متي دابا كي غادي تموت من بعد المهم غتموت
نزل كيردد: شهاد الصباح هادا انا اصلا اش جابني ليها
حلات الباب اللوراني هزات الورد وتمات غادية وهوا وراها كيشوف الدنيا خاوية ويسول
فين غادية؟؟
تلفتات شافت فيه وقالت : وايالاه !! دابا تعرف
رد كيضحك: دايرة مع شي واحد هنا وخفتي يخطفك
ميعات وقالت: صباح لخير ..كنقوليك دكي بزاف
وقفاتو قدام واحد الباب من جدار مقشر وعطاتر الورد قائلة : شد وسكت .
شد الورد وجبدات شال من صاكها لفاتو على راسها بعشوائية وخدات الورد و دخلات مع داك الباب وهوا موراها كيستكشف المكان لقا راسو قدام مقبرة .. تفاجئ وسكت تابعها حتى وصلات لواحد القبر مزوق بالورد ونابت حداها الغرس ونقي ووقفات قائلة ..بابا .. انا جيت .
تلفت تميم شاف فيها مصدوم وحدر راسو كيرمش بخجل وقال بتردد
..باباك
تحنات على ركابيها حطات داك الورد حداها وبدات كتحيد الربيع اليابس من حداه وجلسات كتستف الوريدات وحدة بوحدة والقفازات فيديها .. جبدات قرعة دالماء من صاكها وبدات كترش دوك الوريدات وتميم واقف وساكت كيشوف فيها . وقف عليهم واحد بجلابة يقرا ليهم لقرآن وتبسمت بيان ليه باش يقرا وبدا فالقرآة وبيان ساكتة كتشوف قدام فسهوة و الحزن مخيم على وجهها .. كمل القاري قرايتو وجبدات بزطامها من الصاك عطاتو صدقة وناضت وقفات كتمسح الدمعة من عينيها فصمت وتميم كيشوف فيها .. جرها من يدها عنقها وكانت حركة كافية خلاتها كتبكي وتنخصص وهوا هاز راسو بأسف فالسما ويمسح على شعرها فصمت ..بدات الشتا كتنقط وكحزات كتمسح نيفها قائلة..يالاه نمشيو ..قبل متشدنا الشتا
حط يدو على كتافها عنقها وقال بأسف ..
يالاه
خرجو من المقبرة وركبو فالسيارة ..حيدات الشال على راسها والشتا بدات كطيح بغزارة قوية وهما لداخل كيشوفو فيها بصمت . تلفت شاف فيها وقال : انا كنتأسف…
قاطعاتو :مكاين علاش تتأسف..بلعكس شكرا حيت جيتي معايا..اول مرة يرافقني شي واحد من نهار مامات بابا
تميم: شحال دابا باش مات؟
بيان: عام ونص.. وانا كل جمعة كنجي لهنا نزورو فهاد الوقيتة.. اصعب احساس واصعب حاجة ممكن توقع لاي انسان ..انه يققد شي شخص عزيز عليه..بلخصوص واليديه
بقا ساكت كيشوف قدامو وهي ساهية فالشتا وقالت
كن رجع بابا للحياة ..ماكنتش غنفترقو حتى دقيقة.. كان اقرب شخص ليا واعز واحد عندي.. الموت ديالو اكبر صدمة بالنسبة ليا
تميم: واش كان مريض ؟
بيان: كان عندو سرطان.. انا بطبيعة الحال ماكنتش عارفة حيت حتى واحد ماقالها ليا ..قالو ليا عندو خدمة فبلاد اخرى ومامساليش ..وحتى واحد ماقالي باباك مريض وكيتعالج . .قالو باللي مابغاوش يخلعوني وكان عندهم امل يبرا..ولاكن انا عمرني نسامح ليهم حيت حرموني نشوفو ثلت سنين ..حتى جاوبوه فالثابوت ميت
بقا ساكت مالقاش الكلمات باش يعبر .. فجأة ضارت عندو تبدلات عليه وقالت بحدة وغضب وصوت منخفض
انا مغنسامح لحتى واحد فيهم .. كاع اللي كانو عارفين ..واللي بقاو ساكتين . مغنسامحهمش.
بقا تميم كيشوف فوجهها هاز حجبانو حتى كملات كلامها ورمش شاف قدامو وقال: ماعندكش خوتك؟ قصدي زعما واش غير نتي الوحيدة اللي عندهم ؟
مسحات عينها من الدموع فصمت وتكات قائلة:
انا الوحيدة .. تولدت وحيدة ..كبرت وحيدة وهانا باقا وحيدة
قال بتساؤل :ماعندكش ماماك؟
تلفتات بسخرية وقالت. عندي..ولاكن ..
تنهدات وقالت: خلينا منهم ..انا اصلا مامسوقاش ليهم ..والحياة مستمرة بغينا ولا كرهنا .. يالاه نمشيو
ديمارات الطموبيل رجعات باللور غادية وفالطريق شافت فيه وقالت
غدا شنو عندك؟
تميم: والو شنو فيكون عندي؟ غدا السبت غالبا غنمشي للكازينو
بيان: جاك الملل ياك.. مزال متأقلمتي
تميم: ماشي هاكاك..غير حيت صعيب دير صحاب جداد..فلندن عندي صحابي بزاف ومنهم اللي كبرو معايا من الابتدائي
بقات ساكتة مطولا وقالت: كيقولك جو لندن جو رمنسي.. زعما ماحرك فيك والو
ضحك وقال:شنو غيحرك فيا.. عادي
بيان: عادي…زعما ماعشتي لا قصة حب لا والو..ميمكنش
تلفت شاف فيها وقال:ونتي؟
دورات وجهها كضحك وقالت: انا اللي سولتك بلا متجاوب بسؤال.
بقا ساكت كيشوف قدامو ماهضرش وهي كتسوق وتشوف فيه وقالت: خليني نشوف..نتا غتكون دوزتي على الاقل شي ثلاثة ديال قصص الحب فحياتك ..اقل حاجة
ضحك وقال: بزاف..
بيان: وشنو زعما مادرتي حتى شي علاقة
رد ببساطة: علاقات حاجة والحب حاجة..
بيان: بحالاش؟ هوا كاين شي حاجة سميتها علاقات وشي حاجة سميتها حب
تميم: الحب ماعندو حتى علاقة بالعلاقات..تقدر تحب ..وماديرش علاقة..وتقدر دير علاقة ونتا مكتحبش فهمتي.
بيان: مثلا؟
تميم: مثلا تصاحب مع شي وحدة ..تخرجو دوزو وقت زوين تعيشو فترة بجوج موانسين ..وتفارقو عادي وتعاود دير علاقة اخرى ..المهم كتكسر داك الروتين ديالك
بيان:اممم.. غير كتكسر الروتين ؟؟ زعما علاقة خالية من الحاسيس؟
تميم: كيكون الاعجاب… داوك المشاعر اللولة فهمتي..صافي من بعدا كيطفا كلشي وكل واحد كيمشي بحالو..بان ليا كتفهمي بزااف فالحب
بيان:فالصراحة ماشي بزاف..انا بحال الى قلتي كنجرب..ولا كنتعلم
تميم: وتعلمتي مع جاد شي حاجة ولا والو
شدات الفران وضارت عندو شافت فيه مزيان وقالت
جاد كان هوا البوكوص ديال الجامعة ..وطبعا هوا بوكوص وانا بوكوصة تصاحبنا ..ولاكن انا ماحبيتوش ودرت ليه من هنا دازو ..هوا يمكن حبني ولسق فيا
تميم:جا وحبك غير هاكاك بلا اسباب؟؟
صغرات عينيها وقالت: لا حبيبة انا ماشي كما نتا كتفكر ..غندير علاقات غير شرعية مع التيتير ديال لافاك ونخليهم يمسحو بيا الارض.تتأ ماشي داكشي اللي فبالك. اصلا كنا قلت ليك يالاه بديت كنتعود على بخال هاد النوع دالعلاقات واول واحد تصاحبت معاه هوا جاد..قبل منو ماكنتش كنعرف هادشي حيت بابا كان فالحياة وكان هوا الحب الحقيقي.. وحتى دابا باقي الحب الحقيقي وعمرو يتبدل(مع غميزة)
كملات الطريق للكلية ولقات سلمى واقفة حدا سيارة تميم..نفرات من نيفها وقالت
صاحبتك كتسناك توصلها
نزل كيقلب عينيه مجاوبهاش ومشا عند سلمى فتح ليها باب السيارة باش طلع لاكن قاطعهم جهاد ووقف عليهم قائلا
سلمى.. فين كتسكني؟
سلمى : فمارينا حدا تميم
جهاد: تميم شنو بان ليك غدا نخرجو نسهرو ؟
تميم: وعلاش لا ..
جهاد: صافي غدا نخرجو ..سلمى تمشي معانا؟
سلمى: بهاد الحالة؟
جهاد: عادي ..هادشي كيوقع لأي واحد …باقي عاقل درت حادثة وبقيت شاد عنقي مدة طويلة ..هادشي ما منعنيش باش نعيش حياتي عادي
سلمى: ماعرفتش غدا نرد عليكم
جهاد: اوكي خلي ليا نمرتك نتواصلو
عطات ليه سلمى النمرة وطلعات مع تميم فطريقهم للدار وقالت
غبرتي نتا وبيان ليوم فين كنتو
شاف فيها كيتسائل بعينيه على نوع تلسؤال اللي طرحات عليه وفهمات راسها وقالت
غير حيت كانت عندنا محاضرة مهمة وبيان مكانتش.
تميم: تقدري تهضري معاها وتسوليها
سكتات سلمى وكملات طريقها فصمت حتى للبلاصة وتوادعات معاه .. مشا بحالو ورجعات كتلعن وتسب جاتها البكية وحسات بالحكرة من طريقة تعامله ومشات كتبكي شدات طاكسي رجعات بحالها ودخلات على الهام فديك الحالة قائلة
الله يعطيني الموت .. الله يهزني ..
تبعاتها الهام كتشد فيها وهي كتبكي وتسول مالها لاكن سلمى انفاجرات ولاحت العكاز وجلسات كتبكي مسرحة رجلها
انا ماعندي زهر .. انا علاش كنحس براسي منبودة .. كل مرة كيقمعني .. كل مرة كيبين ليا باللي انا عالة عليه.. تفوو تفوو تفوو
جاتها نوبة من الغضب والبكاء وبدات كتبكي والهام كتصبر فيها وتسكتها حتى بردات وجلسات مكمشة عاودات ليها كولشي .. ربعات الهام يديها فوق واحد المخدة وقالت
لاالالالا هادشي مامسلكش.. خاصنا نشوفو شي حل اخر ولا شي طريقة اخرى .. هادشي الى بقا هاكا غيرجع ضدنا
سلمى ببكاء : بياان هي السبب..هي اللي كتجرو وكتديه كيضل معاها النهار كامل.. انا غير زايدة اصلا شكوون انا حتى يديها فيا مالي با برجوازي..با غير شماتة سمح فيا انا وماما وخلانا مرميين عندكم حتى درهم مكيصرفها علينا.. ماشي بحالها هي باها برجوازي ومها برجوازية شاريين ليها طموبيل فايتة ميات مليون و كتلبس اللبسة طالعة بلملايين وكل مرة فصالون وكل مرة كي جايا مقادة والروايح اللي كدير ديال سبعين الف بحالي انا ..بسيييف مايديها فيها ويشبع فيا انا قميع مالي شكون انا
عنقاتها الهام كتسكت فيها وقالت: نتي حسن منهاا.. مالها شكون غتكون هاد بيان.. اجي قلتي لي شي واحد سميتو جهاد طلب ليك النمرة
سلمى: اه ..غير باش نتواصلو وصافي بغاو يسهرو غدا وعرض عليا
الهام: ايوا هانتي ها هما عرضو عليك.. غير بشوية.. شوية بشوية يتكال بودنجاال
سلمى: وراه مللي تبرا رجلي راه مغيعقلش عليااا
الهام: ماتجي فين تبرا رجلك حتى تكوني. خشيتي صبعك وسط منهم .. غنكونو لقينا شي حل اخر غير بالخاطر
مسحات سلمى عينيها وقالت : دابا غدا شنو نلبس بهاد الجبص؟ هاهما عرضو عليا يالاه؟؟
الهام: صافي لبس عادي اصلا البرد
سلمى:انا اول مرة نخرج نسهر ماعرفت فين غنمشيو.. باينة غنمشيو شي بلاصة واعرة خاصني نبان بنت عائلة .. غدا الصباح نخرجو تشري ليا شي حاجة واعرة.. وتديني للصالون حتى انا قادي ليا شعري ودفاري انا دايرة معاك فوق المجهود حتى رجلي هرستها على قبلك
موسيقى مجهدة وكل واحد كيجري فجهة والدنيا زاهية فلاصال.. دخل كيهضر فتيليفون والشكارة على كتفو قائل
عاد وصلت..فين نتي مغتجيش؟ اجي نتهلا فيك انا غنتسناك. هه
قطع ومشا حط حوايجو فالفيستيير ورجل بملابس رياضة كيجري..داخلة كيف العادة كضحك مخرجة لسانها والقرعة دالماء فيدها وكرشها عريانة مشات وقفات وراه وهراتو ..تلفت بسرعة شاف فيها ووقف ضار عندها بابتسامة وقال
قبل منضور عرفتك نتي ..
طلعات على كارديو حداه كتمشى وقالت
مصيح بكري ليوم
رد تميم كيجري حداها: نتي اللي ديما معطلة.
بيان: هاد الايام وليت كنعس مع التسعود فراسك..وكنفيق الصباح بلا صونيت
تميم: حتى انا .. مكنل مندير كنعس..لبارح مانكونيكطيتيش
بيان: كان عندي دريسيتغ مرون حالتو ضطريت نعاود ليه الترتيب من الاول باش الويكاند يبقا ليا .. شنو بان ليك نديك لواحد البلاصة زوينة..اما متأكدة غتعجبك
تميم: دابا؟ يالاه بدينا
بيان: حتى نساليو ..نمشيو نتغداو تما وندوزو العشية تما اش بان ليك
تميم: مرحبا ..نشوفو بلاناتك كي دايرين
بيان: غنديك غير حيت بقيتي فيا ..وحيد ماعندكش الصحاب وجديد هنا
تميم: ياك هه.. اصلا نتي فيك الكفاية ..فيك كاع الصحاب
نزل سخون شافها كتعرق وقال: صافي سخنتي اجي ندير ليك عقلك شوية
نزلات وهزات الفوطة كتمسح عنقها مشات معاها داها لواحد الآلة وقال: نتي بنتي ليا كتجي لهنا غير تصوري وتلعبي وتمشي..ماكتعمري مكتنشفي
بيان: انا اصلا حوتة شبغيتي نعمر ولا نشف
تميم: جلسي وبراكة من الهضرة عاجبة راسك هاا
جلسها فوق الالة كتنكر:وشكون يعجبني نتا
تميم: سكتي
بيان : هادشي تقيل
تميم: هزيي.. يالاه فيك غير الهضرة
بيان. اوييلي هادشي تقيل عليا ..براكة عليا نمشي نشطح
تميم:تمشي شنو
بيان: نشطح ههه كيشطحو لتحت
تميم: جلسي هزي الحديد قالك تشطحي
شدها عصرها ورجليها كيشطحو بالتقل وهي كدفع بزز منها .. من الالة لآلة مرة ناعسة على ضهرها مرة على كرشها مرة على جنبها وهوا حداها كيشد معاها التقل باش الى عيات ميطيحش عليها وكل مرة كيوقف فجهة قريب منها ويعلمها حتى سخفات وناضت قالت ليه براكة عليا تميم يالاه نمشيو ..صافي عييت جاني الجوع
جراتو سخفانة وشدات ليه قدراعو تكات عليه وخرجو كل واحد وقف حدا سيارتو
بيان: غنمشي للدار نبدل ندوش ونبدل حوايجي … غنصوني ليك من الانستا اوكي
تميم: اوكي
بيان : تشااو
لواحت ليه باصابعها وطلعات فسيارتها مشات وحتى هوا مشا
فالطريق تاصل بيه جهاد قاىل
تميم.. ماتنساش فلعشية نخرجو نقصرو
تميم: مانسيتش كون هاني
قطع وكمل طريقو للدار مباشرة
اما بيان غير وصلات للفيلا لقات جاد كيتسناها فالباب بحال العادة ..هاد المرة ماوقفاتش دخلات بسيارتها ودخل وراها تبعها خلاها حتى نزلات وجرها من دراعها
بلعاني ماباغاش تشري تيليفون
بيان : ماشي شغلكك مابغيتش … وبلا متعدب راسك مغنرجعش انا وياك اوكي.
خلاتو واقف ودخلات زدحات الباب مشات كتعوج وجهها بقرف طلعات لبيتها مباشرة للحمام كتغني
خدات دوش ناعم وخرجات نشفات شعرها ومشات كتقيس عليها شنو تلبس . تعطرات وحطات كلوس على شفاها خفيف ونزلات لابسة البني..بوط بلاستيكي غليض عالي بدون كعب و كولون غليض اسود ومونطو كاشمير مجموع ومسدود وقفازات جلدية بنية وخرجات فرحانة دازت لاقرب صالون جلسات صاوبات شعرها سامبل وخرجات هازة تيليفون جديد فيدها كضحك صونات لتميم من الانستاغرام وقالت كتركب سيارتها والنضارات فعينيها
الو بب… ساليتي
رد كيركب سيارتو: لبارح… تعطلتي بزااف
بيان: نتلاقاو حدا لاصال دابا اوكي
تميم: اوكي
كان الملتقى حدا لاصال.. نزل عندها شاف فيها بابتسامة وهز خصلة من شعرها وقال: شعرك كيرلي كيجيك حسن
لاحت شعرها اللور وقالت
شعري اصلو بحال هاكا .. غير عزيز عليا نديرو وايفي
تميم: وايفي
بيان : اه بحال هاكا
تميم: وايفي… كلشي عندك وايفي
بيان: يالاه طلع .. غيمشي لحال على لغدا
ركب حداها وقال: فين غنمشيو ؟
بيان: هانتا غتعرف
قلعات كطير مشات سايقة السيارة خرجات على المدينة ودخلات فمجمع ديال الفيرمات كبار والطبيعة ووصلات قدام واحد الباب خشبي داير بيه الغرس والشجر وبدات تكلاكصوني.. فتح ليها العساس ودخلات سيارتها لداخل ووقفات
نزل كيسرح عينيه وقال
فيرمة
وقفات حداه كضحك وقالت؛ اه فيرما ديالنا.. اجي نوريك
جرات من يدو داتو لاسطبل فيه الاحصنة كتار مستفين وقالت ليه
نركبو على الخيل
تبسم كيشوف فالخيول مستفة وقال: هادو كلهم ديالكم؟
بيان: لا.. غير واحد الباقي ديال الناس حاطينهم هنا مشات حدا فرس كحلة واقالت كتمرر يدها بحنان
هادي ديالي … جابها ليا بابا فعيد ميلادي
قرب مرر يدو عليها بابتسامة وشاف فبيان كفاش كتشوف فالفرس ديالها وقال
كتعرفي تركبي ؟
بيان معلوم
تميم: هي غتعلميني
بيان : على هاد الحساب نخرجو غير جوليا. ضارت كضحك خلاتو واقف كيشوف فيها ومشات عمد اللي مكلف تما خرج ليها الفرس ولبسها وقادها وعطاها ليها جات عندو جاراها وقالت
يالاه ركب نوريك كيفاش تعامل معاها
شد فالفرس وقال : نشد فيها من هنا ؟
بيان: حط رجليك هنا ..وشد هنا ودير بحال غتنقز
تميم: هاكاك..؟ صعيبة
بيان: يااالاه اشمن صعيبة..عاود ودفع بحال داكشي دالافلام
حاول مرة اخرى وماقدرش وبقات كدور من هنا ومن لهيه كتوريه حتى طلع .. هزات راسها سخفانة وقالت
زير بركابيك على السرج مزيان ودفع برجليك بقوة على هادو فين حاطهم .. باش تشد التوازن ديالك مزيان ..متزيرش على جوليا متجرش بزاف باش مدرورش وجهها وتهز رجليها فالسما
تميم.. اوكي..هاكا مزيان
الفرس كتحرك بيه وهوا فوقها وبيان كتوريه فالتالي قاليها
ماعرفتش خفت طيحيني
دارت يديها على جنتبها وقالت: خفتي؟!! اويلي!
تميم: اجي طلعي..وريني
بيان: غطيحني منقدرش نشدك
تميم: انا غنحاول غير طلعي معايا
بيان: خصني نجي موراك.. لالا منقدرش منلحقش
مد يدو كيستدرجها حتى شدات فيه وطلعات قدامو قائلة : هادشي بدا كيخلعني عنداك تجرني..بقا غير شاد ف…
ماكملاتش ضرب برجليه وانطالقات الفرس كتجري وبيان مخرجة عينيها داخت وهوا شادها هي واللجام ..حتى زادو مسافة عاد استوعبات كفاش هوا متحكم فالفرس وفالتوازن وهي غير جالسة بين يديه وقالت كضحك والريح كيضرب وجهها
هاااا… درتيها بياا
خرجو بالفرس من الفيرما وانطالقو حتى وصلو لواحد الضاية كبيرة ووقفو ..نزل وشد فيها حتى نزلات وكانت لحضة مثيرة فنزولها بحيث تقاربات الاجسام وتبادلو نضرات غير النضرات العادية..لاكن بسرعة تباعدو كأن شيئا لم يكن وكل واحد قلب وجهه شارت بيدها كتوريه المناطق وهوا غادي جنبها وسط الطبيعة والهدوء والبرد قارص كل واحد خاشي يديه فجيابو وراسو بين كتافو .. بدات كتعاود ليه على راسها وهما كتمشاو وقالت
قول تبدلات حياتي تقريبا من مور موت بابا.. كانو وقعو بزاف دالمشاكيل بخصوص الارث.. فالمغرب الى مكانش الولد الارث كيتخدوه الاعمام ولا ولا. العم ..المهم كيتفرق هلى كلشي
تميم: وشنو وقع ؟ تفرق؟
بيان: انا فديك الفترة كنت فحداد على بابا مكنسول على حتى حاجة.. ولاكن بابا قبل مايموت او يمكن فديك الفترة اللي كان مريض فيها كتب ليا جميع الاملاك فسميتي ..وخلا ماما وكيلة عليا حتى نقد بالمسؤولية حسب منضورو هوا.
تميم: وشنو وقع مع عائلتك؟
بيان: كلشي حقد.. حقدو بزاف وطعنو .. ولاكن ماوصلو والو حيت بابا كنب ليا كلشي ماخلاش غير الوصية..قول كان عارف عائلتو كيف عاملين..غيطمعو فينا
تميم: وعلاقتكم دابا؟
بيان: باردة..قول جافة..جامعينا المصالح وصافي..مشات العائلة وحتى الباقايا ديالها مشاو ..بصراحة هادشي مكيهمنيش بمرة عندي كي مشاو كي بقاو زايد ناقص..من بعد بابا اللي بغا يمشي يمشي اللي بغا يبقا بقا..مشا اعلا واهم عنصر فحياتي الباقي غير فتات
بقا ساكت كيشوف قدامو وتلفتات عنذو بابتسامة وقالت
ونتا؟
رد ببساطة: انا .. ؟؟
بيان: علاقتك مع عائلتك ..مع واليديك ..
تميم: علاقتي بماما قريبة.. نقولو حيت كدوز معايا بزاف دالوقت وبابا ديما مسافر ..ديما مشغول ..العائلة الكبيرة كنت كنعرفهم غير فالتصاور والكامرة صافي من بعد تعرفت عليهم..طلعو مزيانين ..ماقريبش منهم بزاف باش نعرف
بيان: نتا عندك ماماك يمكن بحال لي عندي انا بابا يمكن
تميم: عندي بجوج عزاز ولاكن ماما اكثر ..نقطة ضعفي
تبسمات وقالت: الله يخليها ليك..نرجعو ؟ علمتهم قبل منجيو يوجدو لينا لعدا هنا
شار براسو وابتسامة ورجعو كيجيريو ويضحكو لعند الفرس .. ركب وشد ليها فيدها ركبها وانطلقت الفرس كنسابق الرياح وشعر بيان كيغطي ليه وجهه ..هزات راسها كتعانق الرياح وفتحات يديها كليا والقفازات حتى للمعصم وبدات كتغوت وضحك
رجعو لمكانهم اللي نطالقو منو ، ونزلو عطاو لفرس لحارسها ومشاو دخلو لبيت كله خشب ومستوحى من الطبيعة .. جلسو بجوج حدا بعضياتهم قدام شوميني كبير شاعل بالعافية فوق اريكة تلفتات عندو كضحك وقالت
غتكون عندكم حتى نتوما فيرمة بطبيعة الحال
تلفت كيشوف فيها وقال: عندنا فايطاليا .. ولاكن هنا ماعرفتش
بيان: اوييلي معارفش اشنو عندكم ؟
ضحك بسخرية وقال: تيقيني الى قلت ليك حتى الدار اللي ساكنين فيها دابا ماكنتعارفها ،، ماما كتشري بوحدها وبابا كيشري بووحدو .. هما كيتافقو بيناتهم انا ماعندي دخل وكنسولش
بيان: عندك شي خواتات ولا خوت ؟
تميم: لا غير انا
ضحكات وقالت:بحالي
سرح يديه على الكنبة تكا وهز راسو فالسما تفوه وقال
الجو ديال النعاس.. عندكم هنا واحد الهدوء رهيب
تكات بهضرها على يدو وربعات يديها كتشوف فالشوميني بضحيكة
كنتسالك عراضة .. شي ويكاند نمشي انا وياك لايطاليا تعرفني على صحابك
حط يدو على كتفها كي ر خصالات شعرها بتأمل فداك الشوميني وقال: علاش لا .. بنمشيو ايطاليا فين كتين المشكل
بيان: زعما ماعندكش مشكل ؟
تميم: فين كاين المشكل؟
دورات عينيها فالسما وقالت: زعما.. تكون عندك شي حبيبة مثلا ..وتقلق الى شافتك معايا
بقا ساكت وهي عاضة على لسانها لاكن ماردش شاف فشعرها الاشقر اللي كيتموج بين اصابعه وقال
علاش جاد مزال كيتبعك؟
ربعات يديها وعينيها كيتقلبو وقالت
اففف.. عاوتاني جا د.. شحال من مرة قلت ليك هاداك المسخوط مابيني وبينو والو .. هوا هاكاك خاصو حتى يمل من الحاجة عاد يرميها وينساها
تميم: بيناتكم شي حاجة اللي ماخلاتوش ينساك
تلفتات شافت فيه عن قرب وفتعابير وجهه وقال هازة حاجة
علاش انا بسهولة كنتسنى ؟
هز عينيه كيشوف فعينيها بتأمل وفشفايفها ويديه وراه بين خصلات شعرها ..نفس الشيء بالنسبة ليها حتى هي بقات كتأمل ملامح وجهه وعيونو الكبيرة وقالت سادة عينيها باستنشاق
ريحتك زويينة
قربات حدا عنقو بانجداب من العطر وقالت كتستنشق: مسك..عنبر … فانيي..
نعسو عينيه بتتاقل ودور وجهه جهتها تى لمس انفه شعرها المدلي على خدودها .. فلحضات انسياب رمنسية وقفات خادمة قطعات السحر اللي كان كيتسلل بيناتهم ويحوم حواليهم ويزيد يقربهم وقالت
لغدا واجد امادوموزيل بيان
رجع تميم لوعيو وحل عينيه ووسع حجبانو مزيان وتقاد فالجلسة هوا بيان اللي تلفتات كترمش ودور فعينيها وشافت فالخادمة بغيض بغات طير عليها لاكن بلعات الغصة وابتسمت بزز منها وقالت
الى واجد حطيه..حنا هنا باش نتغداو
الخادمة : واخا مادموزيل بيان
مشات الخادمة وكحز تميم بعد شوية كيحرك رقبتو وبيان قابلة وجهها كنقاد شعرها وقالت كضحك وترمش بارتباك
جيرجيو ارماني ياك
حرك راسو بالايجاب كضحك وقال: باش عرفتيها ؟؟ كيفاش قدرتي تعرفي مكووناتها
هزات كتفها وقالت
انا واحد البنت مدمنة عطور.. كنحماق على شي حاجة اسمها العطر.. ب بعد المرات الروايح كيكون ليهم لسان وكيهضرو..مثلا الى تحرقت الغدا الريحة كتقول ليك راه تحرق ههه.. المهم انا كدمنة عليهم بزاف وهادشي اللي كيخلني مشريهم بكثرة ونميز بيناتهم ..مسألة خبرة وصافي
تميم: حتى الوالدة بحالك .. عندها ادمان للعطور وكتشريهم بزاف..كتعرف تميز العناصر غير من الريحة .
بينما هما كيهضرو حطو ليهم مشاوي مشكلة وسلطات منوعة
بيان : الطبيعة ماتكملش بلا شوا ..اولالا
جلسو بجوج يتغداو وشافها كتهز من الاكل الدسم وقال
الصباح عاد كنتي كتعصري فلاصال ولالا؟؟
انا زات واحد الطرف ديال اللحم صغير مشوي بالشوكة دارتو ليه ففمو وقالت
هادي عراضة خاصة .. كول وسكت من بعد نتحاسبو ههه
كانت جولة دايزها الكلام ..بدلو فيها الجو والمنضر وحتى الناس.. عشية انضمت الى دفتر الدكريات بذكرى زوينة وطاقة اجابية .. ركبو السيارة راجعين فالطريق مع غروب الشمس وبيان طالقة الموسيقى فسيارتها وكتسوق بلا عقل بحال ديما حطاتو فباب لاصال جنب سيارتو وقالت
نشوفك حتى غدا الى مكان عندك والو… عندي ليك سوربرايز ماطيحش ليك على البال
نزل برا كيضحك ونزلات معاه كتشوف فيه قائلة
فحر فشنو سوربرايز اللي موجدة ليك غدا والى جيتي فيه شرط عليا الشرط اللي بغيتي
هز يديه وقال: انا من دابا هاز يدي .. معاك نتي منقدرش نتوقع ..كنت كنتوقع دابا لا
بيان: ايوا بب وجد ليا راسك غدا
مشات عندو باستو فخدو ورجعات ركبات سيارتها وطلات عليه قائلة
تشااو
مشات بحالها وركب سيارتو حتى هوا كيضحك رجع للدار ودخل كانت خاوية .. سد الباب برجلو وتلاح على واحد الكنبي ويديه ورا عنقو كيضحك ويشوف فالسقف حتى داتو عينو ونعس فبلاصتو .
دخلات مدام بيان كتقرقب لقاتو مجبد على الكنبي وتقدمات كتشوف فيه وتردد
وييلي وييلي وييلييي … مالك كنتي هربان؟ ناعس بصباطو هدا كااع
خلاتو هاكاك وحطات صاكها مشات هزات مانطة صغيرة ورجعات باش تغطيه .. غير قاستو حل عينيه وناض كيشوف فجنابو وقال
ماما ..جيتي؟؟
بهية: مالك فين كنتي ؟ نعستي بحوايجك
جلس كيحل فعينيه وقال: علاه شحال دابا فالساعة ؟
بهية: العشرة هادي ديال الليل مالك
دخل يديه فجيابو كيقلب على تيليفونو وبهية كتهزو من الارض وقالت
سكرتي عاوتاني؟؟ ها علاش كتقلب
رد بالنفي : الاا!!
بهية: ومالك ؟
تميم: والو عييت شوية مشيت الصباح لا صال وتحركت بزاف .. صافي غير سيري ترتاحي
بهية: فين دوزتي لعشية؟
تميم: فالفيرمة
بهية: الفيرمة؟؟ً ديالمن ؟
قال كيشوف فتيليفون لقا مكالمات من جهاد
مع بيان
ناض كيصوني خلاها واقفة كتشوف ق امها وتردد
بيان؟.. اهااه بيان
خرج للشرفة كيهضر: الو جهاد.. كنت ناعس ماسمعتوش عرفتي شنو غنتعطل شوية صافي سبقوني وسيفط ليا لوكاليزاسيو غنجي عندكم لتما .. يالاه باي
قطع ورجع كيحيد حوايجو وبهية تابعاه حتى للبيت قائلة
تميم..سمعني نهضر معاك
تلفت بصدرو عريان كيحيد الساعة من يدو وقال
شنو؟
بهية: شنو نوع العلاقة اللي بينك وبين وبيان؟
رد ببساطة : عادي صداقة
بهية: وشنو مشيتو درتو فالفيرما؟ًكنت غير بجوج ؟
تميم: وابزاف.. صافي قلت ليك صداقة
حركات راسها بالايجاب وقالت: اوكي.. كنتمنى…
دخل للدوش قبل ماتكمل هضرتها وخلاها واقفة كطقطق برجلها فالارض ثم مشات لبيتها .
لبسات سلمى كسوة قصيرة كحلة ولبسات رجلها بانضة كحلة كاملة ووقفات قدام المرايا قائلة
زعما كنبان لاباس عليا؟؟
الهام: عنداك تمشي ديري شي فضيحة ..مك تسيق لخبار لهادشي تقتلني انا وياك
سلمى : ودابا قولي كي جيت زوينة؟
الهام: فنة غير ردي البال راسك وماتعطليش بزااف مغنعس حتى تجي
سلمى : اففف تعطلو هادو
رن الهاتف وكان المتصل جهاد اللي على الخط .. توثرات سلمى وقالت
جهاد ! .. وتميم؟؟ ااه واخا نسيفط ليك لوكاليزاسيو
قطعات والهام واقفة ك كتشوف فيها وقالت: هادا جهاد اللي قلتي غيمشي معاكم ؟
سلمى: اه هوا اللي غيدوز عليا ..
الهام: وكتعرفيه مزيان؟… عمداك يديك لشي بلاصة
سلمى: واش على قلتهم فلافاك غيديني انا راهم شابعين بنات فين نبان انا
الهام: وغيجي عندك لهنا نيت؟
سلمى : ويجي الو بغا يجي اصلا تميم غيلحق علينا مغيعرفنيش منين ركبت ..اما هادا ماعندي سوق فيه يعاود لمخو ..بلاتي نتأكد واش بصح تميم غيجي ولالا
صونات لتميم اللي كان خارج من الدوش لاوي عليه فوطة وكيمسح شعرو ..هز تيليفون من فوق الناموسية ورد
الو سلمى.. لا جاي غير ماكنتش واجد انا قلت ليه غنلحق عليكم .. خفتي منو؟ لا ماتخافيش انا غنجي ..يالاه باي
قطع وصونا لجهاد فالحال قائل : الو جهاد.. عنداك تديها لشي قنت .. المهم وصيتك عارفك مغتاكلهاش .. وا المهم وصيتك وصافي يالاه تهلا
لاح تيليفون فوق الناموسية وتلفت بغا يمشي لاكن رجع اللور وهزو كيشوف فيه متردد .. يصوني ولا مايصونيش؟؟ دخل انستا كيقلب على بيان وصونا ليها . كانت فهاد الاثناء مرمية فوق الناموسية والاضواء فبيتها خافتة وغارقة فسابع نومة .. جرات تيلفون بزز بيدها جاوبات واخا ماعارفاش شكون وقالت بصوت ناعس
الوووو..
تميم: بياان.. ناعسة؟
بيان: شكووووو؟
تميم: تميم الي معاك
حلات عينيها بزز كترمش وقالت بتتاقل : تميم؟
تميم: تبغي نخرجو نسهرو الليلة خارج مع جهاد وسلمى
هزات راسها كترمش وقالت : سلمى؟؟
تميم: درت معاهم الصباح نخرجو نسهرو الليلة فيك اللي يخرج
ناضت كطير ويدها على جبهتها وشعرها كل خصلة فجهة كتمتم وتشوف فجنابها
ها؟؟ .. دابا؟؟. عرفتي.. واخا ..شوف عرفتي شنو دوز عليا ..بغيت نقول دوز عندي غتعطل باش نوجد اوكي
تميم: عطيني نمرتك نعيط ليك فيها وسيفطي ليا لوكال..
ردت بارتباك : يالاه واخا دابا نيت
قطعات ولقاتو رسل ليها نمرتو دخلاتها بالزربة ورسلات ليه الموقع ونزلات كتعتر من الناموسية والفراش ملوي ليها على رجلها
بدات كطير من جهة لجهة بوحدها ومشات شعلات الاضواء وهزات شراوطها دخلات للدوش مباشرة تحت الرشاشة طلقات عليها الماء وبدات تغسل بالزربة .. خرجات فالبينوار وتيليفون فيدها كتصوني على الخدمات المنزلية التجميلية حتى واحد ماقدر يجي عندها فديك الوقيتة وبدات تأفف
اووووف شعرييي شعريييشعري شغندير فيييه دابا مشكييلة
تفكرات الصفحة ديال كوافور كتصايب عندو ودخلات ليها هزات الرقم وتاصلات بيه على وحه السرعة قائلة
سمير معاك بيان ..بيان علوي ..مزيان مزيان واقفة على شعري دابا شكون يصاوبو ليا دغيا ماتقردش تجي عندي للدار غيير شعري..دابااا دابا نسيفط ليك الشيفور دماما حتى اعندك يجيك ويردك .. صافي بلاش غتجي ..يالاه كنتسناك فالدار متعطلش..باي
قطعات وبدات كدور تلفات مشات للدريسينغ يالاه بدات كتقلب على شنو تلبس رن الصونيت فالباب وفتحات الخدامة لقات تميم واقف لابس دجينز وقميجة بياض محلولة من الصدر شوية وسنسلك رقيقة كتبان والمونطو من لفوق مع لبوط دالجلد الرجالي كلاسييكي وشعرو كيبري وريحتو سابقاه . شاف فيها بتساؤل وقال
دار بيان ؟
الخادمة : ااه شكون نقول ليها
طلات عليه بيان من لفوق قائلة
تميم.. طلع
حيدات من طريقو الخادمة ودخل كيشوف فالدار ومشا طلع عندها للبيت ..دخل لقاها كدور بالبينوار قصير دالحمام وشعرها مهزوز فالفوطة والبانطوفة فرجليها وغادية جاية كتزرب قالت ليه
انا دابا غنسالي
بقا كيشوف فيها هاز حجبانو وقال: مزال مالبستي؟؟ قبيلة عيط ليت
قالت كتجمع فشراوطها من قدامو بالزربة: دغياا دغياا منتعطلش..جلس تسناني
حيد المونطو حطو فالجنب وجلس على كرسي كبير زهري اللور كيدور فبلاصتو وبقا كيشوف فبيتها اللي كتنبع منو الانوثة والاوان الهادية وصورها محطوطين على الطاولة وفراشها الزهري الناعم بالوان هاديك وريحت الشامبو مع الجيل دوش مع الكريمات و العطور مخلطة عندها فالبيت..سرح بعينيه حتى جات على واحد سليب كحل مشبك مرمي فوق واحد الكرسي.. حطات عليه يدها هزاتو بالزربة كمشاتو داتو وقالت
انا غنلبس حوايجي ونجي
تميم: مزاالة معطلة
بيان: لا مغنتعطلش.. كن قلتيها ليا الصباح فاش كنا بجوج
تميم:نسيت
بيان يالاه انا كنلبس
وصل جهاد للحي فين ساكنة سلمى وهز عينيه كيشوف فالمنطقة ..نزلات عندو من واحد العمارة كتعرج وغير شافها جايا نزل بسرعة لابس مونطو حتى هوا وقميجة من لتحت ودجينز وشعرو اسود ممشوط للور تعرض ليها بابتسامة شد فيدها ركبها بشوية وخدا من عندها لعكاز وقال
صافي ماتحتاجيش لهادا انا معاك دابا
تبسمات ليه وقالت
شكرا
ركبها حداه وركب حتى هوا كيشوف فيها وهي حشمانة وحاطة مكياج ..تبسم وقال
جيتي زوينة .. كيوت
ذورات وجهها بخجل وقالت:شكرا
هز عينو فالعمارة وقال
كتسكني هنا؟
سلمى: امم غير كنجي عند خالتي
جهاد: ااه . صافي مشينا ؟
سلمى : يالاه
وصلو لاوتيل كبير فجنبو باب معزول كبير وعليه حراس ووقفو السيارة جنب السيارات ..حيدات المونطو بشوية كدور فعينيها بخجل ونزلات بمساعدة منو لابسة صبيبيط كحل ..شد ليها فيدها معاونها وقال
غير بشوية عليك .
خرجات بيان من ديريسينغ عند تميم كتقرقب بواحد الصباط الطالون كحل فيه شبر ونص ماضي من لتحت وكسوة كحلة فوق الركبة كلها مزيرة والضهر دائري عريان كلو والصدر مهزوز باين هازينو سميطات دايرين على لكتاف وصاك صغير فيدها بالسنسلة ..حاطة مكياج لاول مرة باين ومكحلة عينيها مع احمر شفاه ناشف مايل للبرتقالي
هز عينيه فيها تبدلات عليه عمرو شافها بهاد الشكل من قبل ..بقا كيشوف فيها من رجليها حتى لراسها وهي كتحرك بالزربة ..جلسات قدام المرايا كتقرقب وتقول
قلت ليك مغنتعطلش
رد كيشوف فيها عاطياه بالضهر وشعرها مبلل مطلوق اللور
درتي ساعة لحد الساعة
هزات عطر مربع كبير زجاجة بنية وبدات ترش هنا وهنا على كتافها قائلة
ياك غير بواط ماشي عرس ..وصااافييييي
دق الكافور فالباب هاز الصاك وتلفتات بيان بسرعة قائلة
دخل دخل جيتي فرقتك
شاف فيه تميم متفاجئ وهز راسو وقاب وجهه كيسوط وقال
عاد غتصاوبي شعرك
بيان: وشنو غنبقا بيه هاكا!!..وصافي بالزربة .. واايفي عفاك خويا…شي ناس كيبغيوه وايفي
ناض تميم ز المونطو وعينيه ضاحكين وقال
انا غنتسناك لتحت
هبط خلاها كتكمل شغلها ومشا كيدور فقلب الفيلا ويتمشى .. لقا تصاورها فالصالون معاقين ومحطوطين على الطاولات وبقا كيتمعن فيهم حتى تحل الباب ودخلت مدام سارة كتقوقب لابسة مونطو لقاتو قدامها واقف
بقات مصمرة كتشوف فيه وبتساؤل قالت
تميم؟؟
تفاجأ وهوا كيشوف فيها وقال :مدام سارة؟!!
قربات منو بابتسامة وقالت : كتسنا بيان
استغرب كيشوف فيها وقال : اه .. كتجيك شي حاجة ؟
نزل الكوافوو بالشنطة ديالو مع الدروج وبيان موراه لابسة واحد المونطو كامل فرو ناعم بني طويل وشعرها الذهبي مدلي على جناب كتافها بنعومة وتموج وقالت بابتسامة
حرقتي ليا سوربرايز …. تميم .. نعرفك على … احممم. ماما
شاف فيها تميم واندهش وقال : ماماك؟
مدام سارة بقات غير ساكتة كتشوف فبنتها وشنو طابخة عاوتاني حتى وصلات عندهم ووقفات كتشوف فيهم وقالت
تميم مكانش عارف باللي انا بنتك.. وخليتها ليك سوربرايز حتى لغدا ونديرها ليه فالكازينو ..ولاكن ماشي مشكل.. ولا حتى دابا مزيانة
شاف فيها تميم وقال: واش بصح!!
وقفات حداه عنقات ليه دراعو وصباعها البيضين خاوجين من كل الفرو بادافر حمرا اللون وقالت
يالاه نمشيو ..ياك تعطلنا
شاف فمدرم سارة وقال: متشرفين فرصة سعيدة مدام سارة ..
هزات بيان يدها بالصاك وقالت ليها
نشااو ماامي
مشات خرجات معاه ومدام سارة فبلاصتها سادة عينيها سمعات الباب تسد وقالت هازة عينيها فالسما
يااربي عطيني الصبر .. الصبر مع البنت غتجلطنيييي
فتح ليها تميم الباب ومزال مندهش فيها وهي طالعة فسيارتو قائلة
كي جاتك السوربرايز ..مكانتش ليك على بالك ياك
سد الباب عليها وركب حداها شاف فيها وقال
ميمكنش!!! بزااف نتي والله.. عاشرت قوم ديال البنات ماطحتش فشي وحدة فحالك
قربات منو شافت فيه كضحك وقالت
وعلاش انا كاين بحالي؟!! هه
عض على شفاهه كيشوف فيها وقال
لا
رجعات اللور تكات وربعات يديها قائلة : علاش ماقلتيش ليا الصباح باللي غاتمشيو تسهرو
حرك السيارة وانطلق فالطريق كيهضر معاها وقال
نسيت حتى لآخر لحضة وتفكرت
حركات راسها بهدوء تام. وقالت: امم .. نسيتي.
بقات ساكتة كتشوف قدامها مطولا حتى تلفت شاف فيها وقال
فاش كتفكري
ردت بالنفي : والو …عرفتي شحال هادي ماسهرت .. مللي رجعت من سويسرا
تميم: شوفي هاد لوكاليزاسيو واش كتعرفي هاد البلاصة اللي سيفط ليا جهاد
شدات تيليفون كتشوف وقالت : امم عرفتو ..
ختاصر الطريق ودوز من هنا
وصل لاوتيل وصف جنب جهاد اللي كان جالس هوا وسلمى على كنبات فالاسود عراض والطبلة قدامهم فيها سطل ه كبير من لحديد عامر بالثلج والقراعي
سلمى: تعطل تميم بزاف ! اففف
جهاد: هانا معاك . انا
هزات راسها كتأفف وتسنا شافتو جاي وكيشوف موراه ويضحك ..تقادات فالجلسة باحماس لاكن تصدمات فاش ضهرات بيان من وراه شادة ليه فيدو والمونطو فيديها وجايا معاه كتمايل . وقفات عليهم كتشوف فيهم وقالت
اهلا وسهلا.
ناض جهاد سلم عليها من وجهها وقال لتميم اللي كسلم على سلمى من وجهها
تعطلتو
تميم: ها اللي تعطلات شوفو معاها هي
جهاد: ماحسابليناش غادي تجي معاك بيان
ضحكات ليه بيان وقالت: غير يحساب ليه من هنا لفوق الزين..غتبقا دير بحسابي
تخشات لوسط فواحد القنت جلسات وجلس حداها تميم حيد المونطو حطو حداها وتكا لاح يديه اللور وراها وهي كتشوف فسلمى وفشكلها وقالت
دايرة مجهود مضاعف اسلمى
قلبات سلمى عينيها وقالت : ماشي بحال المجهود اللي دايرة نتي
وقف جهاد كيضحك وقال لتميم :ويسكي؟
تميم: عمر
هز واحد القرعة وقال : فخاطر السي تميم .. والصداقة الجديدة
بيان: وانا مدوز بالماء ولا شنو؟
جهاد: نتي اللولة وايلي.
عمر ليها كاسها وصب لسلمى حتى هي اللي جالسة كتشوف فداك الجو الغريب عليها .. والبنات كيشطحو والدنيا كتلمع بالاضواء.. هزات بيان كاسها وهي جالسة حاطة رجل على رجل وقالت: فخاطر الشلة الجديدة.. والصداقات الجديدة
هزو كيسانهم وسلمى كتشوف وتقلد.هزات كاسها حتى هي كترمش بابتسامة وشربات منو مالي شافت كولشي شرب..هبطاتو مع حلقها بزز حتى تزنك وجهها وحلات فمها تنفسات .. شافت فيها بيان بنص عين وقالت
بان ليا مامولفاش تشربي..ولا اول مرة
هزات سلمى الكاس وقالت: لالا ..عادي..
مد ليها جهاد تقاوت وقال : هاكي ..خففي
تبسمات ليه وخدات واحد الحبة دالخيار مقطع وقالت
شكرا
جهاد بلا رسميات..حنا دابا ولينا كليكة وحدة
بيان رجعات اللور تكات على بضهرها على صدر تميم اللي فاتح يديه ورجليه وقالت شادة الكاس كتشوف فيهم
تواتيتو مع بعضياتكم .. تجيو كوبل رائع
هزات الكاس لجهاد وشربات منو في حين تميم جالس وكيشوف فالبنات كيرقصو .. جات عينيه على وحدة بشعر كحل جالسة بعيد وكتشوف فيه والكاس فيديها وبقاو شوف فيا نشوف فيك .. رجع كل شوية يدور وجهه وهي كضحك وتشوف فيه وبيان حاضية سلمى وجهاد وكتجمع معاهم وضحك
السهرة غادية مزيان وبيان بدات كتقال هي وسلمى .. سلمى قلباتها ضحك ودغيا سافرات بقات كضحك مع جهاد وتلوى عليه حتى تلاقات معاه فقبلة شدوها بجوج فداك القنت وبيان كتفرج فيهم ..تلفات شافت فتميم لقاتو كيشوف فجهة اخرى ومشاو عينيها لديك الجهة بانت ليها البنت اللي كضحك وتشوف فيه وضارت عندو قائلة
الى ماكناش حنا كافيينك سير عندها .
تلفت شاف فيها وقال:شنو؟
حطات الكاس وناضت وقفات كتميل قالت ليه
حيد رجلك ..حيد
ناض وقف معاها شد ليها فيدها قبل ماطيح على الطبلة لاكن جمعات يدها وتمات غادية فاتجاه البنت .. لمحها تميم غادية وتبعها بالزربة لاكن كانت وصلات ووقفات قدامها كتشوف فيها بعيون معسلة وكتميل وتميل بالطالون وتميم شاد فيها مكاليها عندو كيشوف فدوك البنات وهي كتقول
اجي جلسي معانا..
جرها تميم وقال:بياان..
مابغاتش تمشي وشدات للبنت فيدها وقالت:اجي…ماجاتش تبقاي كتشوفي فينا من بعيد
البنت وقفات وبقات كتشوف فتميم وفبيان متفاجئة وقالت
انا!!
جراتها بيان وقالت:اه نتي..يالااااه ..يالاه اجي
تعكلات كانت غطيح لاكن تميم شدها وزيرها مزيان باش مطيحش وقال بصوت منخفض
بياان..شكديري
جرات البنت معاها داتها جلساتها قدامهم وقالت
دابا تقدري تفرجي فينا عن قرب ههه
تلاحت فوق الكنبي جلسات وتميم : شاد فيها وكيشوف فديك البنت ويردد
سمحي لينا ختي.. سمحي لينا .
البنت بقات غير كتشوف وناضت بنرفزة مشات وجعات بلاصتها وبيان كضحك .. رجع تميم لبلاصتو كحز حداها وقال
شهادشي درتي دابا ؟؟ علاش درتي هاكا
ضارت عندو بعينيها مقلوبين وقالت: باش تعلم تشوف فالبنات وانا جالسة حداك…شنو انا ماشي بنت؟؟
قلب عينيه ودور وجهه كيسوط ورجع شاف فيها وقال
وحيت شفت فيها انا تمشي تجيبيها
بيان: شفتها مسكينة جالسة تما وحيدة بقات فيا وبغيت نجيبها .
تميم: بسلتي.. ماتبقاش تعاودي بحال هاد الفعايل
رجع اللور تكا وسكت هوا وياها كل واحد فين كيشوف.. دورات عينيها شافت سلمى عايشة اللحضة هي وجهاد قدامها وقلبات عينيها قائلة
صافي عييت..بغيت نمشي بحالي
حطات الكاس وضارت شاقت البنت جايا جيهتهم وتحنات حدا ودن تميم هضرات ليه فودنو ومشات خرجات بحالها..بقات بيان مخرجة عينيها وقالت
واش هادي مكتحشمش؟؟
ناض تميم وقف وقال .. هز ليها صاكي وقال : قلتي غتمشي..يالاه نوضي
نوضها دايخة كطيح غير بوحدها تقول رجليها ملاسقين .. شاف فجهاد قاطعو وقال
انا غنمشي..نوصل بيان .. شنو غدير مع سلمى؟
جهاد: صافي غنشوفو شنو نديرو
سلمى تقلبو عينيها ومابقاتش عاقلة متكية على كتفو وكتميل.. ضارت بيان كتفتف قالت ليه
صاكي..لمونطو
جرها وقال هاهما ..يالاه زيدي
جرها شادها حتى لبرا وركبها السيارة غادي بيها وكيوقف كل دقيقة كيهبطها تقيا ويردها للطموبيل ..صونات ليه بهية للمرة الثالتة كتسول فيه وكيجاوبها وبيان كتشوف فيه وضحك
ماماك كتخاف عليك
شاف فيها وقال:شوفي كي وليتي
بيان: مانكونش كفس منك
وقف قدام دارها وقال: وصلتي.. يالاه نزلي على سلامتك
نزلها شادها كتهبط حتى لارض ويرجع يوقفها .
صونا فالباب فتحات ليه الخدامة ودخلها كيقول للخدامة : انتابهي ليها.. طلعيها لبيتها تنعس.
ضارت بيان عندو عاطياه يدها باغا تبوسو لاكن هوا كيرجع اللور وقالت
غدا نتلاقاو عاوتاني صافي..تمييييم
سدات الخدامة الباب ورجع كينفخ ويسوط ركب سيارتو وجبد واحد القرعة رقيقة حطها قدامو كيشرب منها وغادي فالطريق والليل والدنيا خاوية.دخل يدو فجيب سروال جبد واحد الورقة شاف فيها النمرة والسمية وصوناها ليها قائلا
معاك تميم..فين نجي عندك؟
يتبع...
التنقل بين الأجزاء