سلمى يا سلمى يا اللي مالقيتها من حتى جهة .. بنت في السن ديالها قادتها الايام لجامعة عمرها حلمات بيها.. كتشوف حوايجها ولباسها وتشوف خوايجهم ولباهن وتكمدها .. هي تمشي فالطاكسي والطوبيس وهما فآخر ما كاين في السيارات .. هما بديورهم وهي لا دار لا حيط مستور . كتشوف وتشها وتكمد.. تجيب معاها خبز معمر تاكلو بالتخبية وتجلس تشوف فيهم كيفطرو ويتغداو بأشهى الاطباق وبلا حساب. ساكتة وعلى كبريائها محافضة.
مشات المسكينة تجري على رجلها بلا منحس بألمها والدموع كطير من عينيها وجهاد تابعها كيعيط .شدها من يدها جرها وقال
سلمى: اه ماما.. الخدامة جلستو كتهضرو عليها وضحو عليها …اه ماما…وتميم ولد خالتي.. ومو باه وباه ماشي حقيقيين وغير رباوه ومو الحقيقية هي خالتي..
مسحات نيفها كتبكي بحرقة وجهاد مصدوم .. بقا مصمر كيشوف فيها حبسات ليه الهضرة وتصدم طيحات ليه اليد مع الرجل و مشات بحالها شدات طاكسي شافتو حطو واحد طالبة وزادت خلاتو فبلاصتو والدنيا كدور بيه.
رجع للجامعة ساهي وكيهضر بوحدو ماقدر يلقا حتى تفسير.. جلس على واحد الكرسي كيشوف قدامو شحال عاد ناض باش يدخل للمحاضرة ديالو .. هوا غادي وبيان جايا كتهز يالاه غضحك باش طنز عليه شوية وقفو تيليفون وضار قبل مايشوفها كيهضر باهتمام قائلا
صدمة كانت قوية .. قوية لبيان وهي واقفة كتسمع وعينيها خارجين … حلات فمها من شدة الصدمة وطيحات الكتاب فالارض وجهاد كيهضر ويقول… صافي صافي ..صافي كوني هانيا حتى ميعرف .. متخرجش من فمي ولاكن غتجي تفهميني شنو واقع بالضبظ وتشرحي ليا بالتفصيل..هادشي اللي قلتي خطير..وتميم واش عارف؟ ماعارفش!!!! ناري شهاد البلاد. قطع وحط يدو على جبهتو وضار لقا بيان موراه واقفة كتشوف فيه تخلع وتصدم فيها وقال كيرمش
وقفات بيان ورا الطاكسي قدام الكوميسارية ونزلات هي وجهاد وقف قذامها قال
انا مغنزيذش معك اصلا ديك السيدة كتعرفني وغير مانتابهاتش ليا وهي هابطة فالدروج ..غنرجع بحالي عومي بحرك .خلاتو و مشات كتجري تبعاتهم حتى وقفها واحد البولوسي قائلا هي وجهاد
مشات كتجري وجهاد موراها استسلم مالقا مايشد فيها .. مع الدورة شافتهم واقفين قدام واحد الباب ووقفات كترمش وتشوف فيهم .. ماعرفرهاش وكانو مشطونين وسلمى مكايناش معاهم وهما مدابزين
الهام: مكايناش هنا قابت ليك سلمى راه جات لهنى قالو ليها هادالسمية ماعندناش ومشات لكوميسارية وحدة اخرى .. تما فين لقاتها
خرجات هي وبيان ومشات طلعات معاها فالسيارة وجلسو .. تلفتات بيان عندها ودارت يديها على المقود وقالت
هاه!!؟؟.. علاش بغيتي نهضرو؟
بتبات ونبات شافت الهام قدامها وقالت
انا ام تميم الحقيقية
هبطات بيان راسها وعينيها خرجو بقات كتشوف فيها وصمت وطلعاتها من راسها لرجليها وقالت
نتي!!!!
شافت فيها الهام وقالت: اه انا
ضحكات بسان وشافت قدامها وقالت
اه انا .. بلا متستغربي.. انا ماشي من نفس طبقتكم المخملية ..
بيان: ميمكنش!!! مقادراش نصدق ! مستحيل
تلفتات ليها الهام وقالت: انا غنعاود ليك كولشي…
تنهدات العام تنهيدة مدوجة مرعودة كلها حرن وعمق وحمل تقيل وقالت
ثلاتة وهشرين عام هادي..طلقت انا وباه حيت ماتفهمناش.. وخلاني حاملة ومشا ماعودتش شفتو مرة اخرى .. كنت صغيرة فديك الوقت .. وعائلتي مابغاوش يتقبلوني بولدي اللي فكرشي واخا ولد الحلال.. وفاش ولدت ولدتو مريض بزاف بسبب المشاكيل والضغووطات اللي كنت كندوز منها ديك الساعة .. كان خاصو يتعالج ..وانا كنت صغيرة وعقل الصغر وماعارفة شنو ندير ..كنشوف راسي كنتلاح انا وياه للزنقة. حتى جات واحد الطبيبة وقتارحات عليا نخليه لشي ناس ميسورين احسن ليه يعيش معاهم.. فكرت فيه وفمصلاحتو وزطمت على كبدتي ..تما عرفاتني ببهية حيت مكتولدش.. وحيت محيدة الوالدة وعمرها تعاود تولد.. قالت لي غادي نشدو وتقدري تجي تشوفيه من حقك .. وغيعيش معانا ولاكن غيكبر عارف شكون مو .. قلت ليها واخا .. قالت لي ولاكن وقعي ليا على الرغبة ديالك فأنكي موافقة باش قانونيا مايكونو حتى مشاكيل.. قلت ليها واخا عطاتني اوراق باش نوقعهم وانا كنت صغيرة معارفة والو .. وقعت وبغيت غير ولدي يعيش مرتاح .. لاكن هي كدبات عليا وهربات من المغرب وماعاردتش تشفت ولدي.. وثلاتة وعشرين عام وانا كنبكي..وكنصلي.. وكنوض قالفجر وندعي .. حتى عرفت انها رجعات للمغرب ومشيت قلبت على العنوان ديالها وقابلتها..شحال بكيت عليها ورغبتها لاكن هدداتني.. قالت لي الى هضرتي غنقول لولدك نتي تنا زلتي عليه مقابل واحد المبلغ .. ديك الساعة فهمت انني وقعت على ورقة التنازل ..مااشي الموافقة.. هدداتني وخوفاتني وانا عارفاها تقدر دير المستحيل باش تحيدني من طريقها .. رجعت بحالي وفكرت نقري منو انا بطريقة اخرى
جبت سلمى ..بنت ختي .. ودخلاتها للجامعة ديالكم .. وشوية بشوية تعرفات على تميم ..وعلى ماماه ..ولقينا فرصة باش دخل ختي تخدم بحال خدامة فالدار عندهم ..اللي هي مامات سلمى .. هادشي كامل باش نلقاو ديك الورقة ديال التنازل ونرد حقي من بهية .. بهية قهراتني.. عدباتني حياتي كلها..استغلت النفود ديالها باش تبعدو عليا وماتخليهش يعرف الحقيقة.. الحقيقة اللي من حقو يعرفها . والمشكل الل وقع هوا ختي فاش كانت خدامة عندهم مشات للكوفر فور بغات تقلب فيه وحصلوها وجابوها..كما سمعتي الضابط كيقول . صافي هادشي اللي كاين
بقات بيان مصمرة كتشوف فيها لفترة طويلة وباش تستوعب داكشي اللي سمعات خاصها وقت وتجلس وتحلل كلشي بشوية عليها .. سكتات شوية وقالت
الى كان ممكن بغيت ندوز عمدك للبيرو فشي حاجة طارئة..اوكي استاذ شكرا انا فطريقي عندك
وصلات عند المحامي واستقبلها بصدر رحب ..مدات يدها سلمات يلباقة وجلسات بابتسامة قدامو .. من بعد ماسولها على احوالها واحوال ماماها خلات معاه فالموضوع نيشان وقالت
جيت عندك بغيت معلومة ..واستشارة قنونية
المحامي: انا رهن الخدمة مادموزيل بيان العلوي
بيان: اوكي.. بغيت نعرف..واش الى شي واحد بغا يعطي ولدو لشي ناس يتبناوه ..قانونيا خاصو اوراق الموافقة على هادشي ولا يقدر يعطيه بسهولة لشي واحد اخر يتبناه عادي؟؟
المحامي: لا ماشي بهاد السهولة واجب التيليغ عنه عند السلطات وكاين اجرائات وقوانين ومسطرة خاص يتابع اي شخص باغي يتبنى شي طفل
بيان: مافهمتينيش..كنهضر على مرى عطات ولدها داكشي غير بيناتهم .
المحامي… على حسب كاين انواع.. الى هاد الناس بغاو يعطيوه سميتهم غادي يظطرو ياخدو ورقة من عند شي كلينيك على انه هداك الولد تزاد تما وهوا ولدهم وهاكا يقدرو يقيدوه فالحالة المدنية..عادي..او شي مرى تشهد انها مثلا ولدات ديك المرى وتعطيها واحد الوريقة يوثقوها وصافي هاهوا ولدهم ..اما الى كانت الام شخصيا بغاش تعطي ولدها لشي ناس وخاص يعطيوه السمية فهي ليها حرية الاختيار ..يا اما يتلغى الوجود الام الحقيقية كما قلت ليك ويبقاو الواليدين فقط يتكلفو بها. يا بورقة من كلينيك. يا مولدة تشهد كأنها ولداتها فالدار وتعطيها ورقة اما الي مابغاتش الام تلغي وجودها نهائيا هنا خاصها تبع المسطرة مع الواليدين خطوة بخطوة وهادشي فيه بزاف ديال المشاكيل وغياخد بزاف دالوقت
بيان: امم.. قلتي غياخد بزاف ديال الوقت باش يعطيوه العائلة الثانية النسب
المحامي: كيتطلب صلات ايام فقط..بحال اي واحد وبد فكلينيك ومشا يشجل ولدو ..اما الحالة الثانية فكتاخد بزاف ديال الرقت كتوصل لستة اشهر تقريبا على حسب الوضعية.
دخلات بدات كتقلب وتبحث وربطات السن ديال تميم بالموضوع الشيء اللي خلاها تحسب وترجع لتاريخ الولادة والسنة ديالو ورجعات اللور كتقلب على اخبار عائلة مدام بهية بن موسى وحتى مشيو جان البيستي كونهم اشرة معروفة فأي حدث وقع غيكون عمل ضجة ..بدات البحث فجميع الشبكات حتى طلعات ليها الجريدة اللي تنشرات فيها العقيقة ديال تميم وحبسات مخرجة عينيها كأنها لقات طرف الخيط اللي غيبين ليها كولشي
صبح الحال ووصل مسيو جان .. ودار ليها ليهم مفاجأة ماخبرهمش حتى حل الباب ودخل لقا كلشي ناعس.. دخل على مدام بهية فيقها من النعاس بواحد البوسة فاجآها وماخلاهاش تنوض دخل جنبها وعنقها.
تمنية ديال الصباح فاق تميم يمشي للجامعة. .لبس حوايجو كالعادة واستعد يخرج مع الباب لاكن سمع الباب تحل وتلفت شاف باباه خارج من البيت ..حل عينيه مافاجأ وضحك مشا لاح يدو ليه وتعانقو بجوج ورتب جان على كتفو وقال بالايطالية
كي غادي مع جامعتك الجديدة
رد تميم بابتسامة وقال
مزيانة .. مابيهاش المهم كنتعايش
رتب مسيو جان على كتفو وهوا لابس بينوار ازرق بسروالو وقال
مابقا ليك والو ..قريب تسالي وترتاح..هادشي الى مابغيتيش تزيد للدكتورة مثلا
ضحك تميم بسخرية وقال: لا صافيي.. حتى لهنا وبراكة الى كانت شي قرايا اخرى حتى لمن بعد..باغي ناخد بوز
صغر مسيو جان عينيه كيشوف فيه بابتسامة وقال
درتي شي .. صديقة فهاد المغرب ولا ماطرباتك حتى وحدة
دخل تميم يديه فجيابو كيضحك وقال : حاليا باقي مع لجين ..لتاحقات بيا لهنا
ضحك تميم وقال: ااوه لاا ميمكنش ماشي من دابا .. مكنتخيلش راسي فعلاقة جدية من دابا مستحيل
مسيو جان: الى كان هاكا حاول ماتخليهاش تعلق ب بيك بزاف.. التعلق كيدير المشاكيل..يالاع سير منعطلكش على الجامعة ديالك..فوقت لغدا اجي نتغداو مجموعين فلاوتيل شحال هادي ماتغدينا بحال شي عائلة..ونيت نعرفك على شي واحد مهم جبتو ليك معايا
استغرب تميم وقال: شي واحد مهم؟؟ شكون؟
مسيو جان: كل حاجة فوقتها مزيانة ..يالاه بالتوفيق
خرج تميم من الدار وموراه خرجات مدام بهية فالبينوار ابيض عنقات جان بيديها بحب ودلع وشدات ليه فيدو مشات جلسات هي وياه مقابلين مع الزاج اللي كيبن البحر والوداية وقالت
مدام بهية: كنشوف تميم مرتاح هنا .. عجبو المنضر وحتى الموقع رائع وكيهبط يتمشى غير هنا وبعد المرات كترشق ليه يعوم كينزل على رجلو..وحتى انا كنشوف هاد البلاصة احسن بلاصة نقدر نسكن فيها واخا الدار بدات كتجيني ديقة وولفت لقصر فأيطاليا
مسيو جان : اذا تميم كايبغيش يبدل ..على هاد الحساب نوسعو غير هنا
مدام بهية: مثلا
مسيو جان: هاد الشقة اللي حدانا . . الى كانت كبيرة بحال هادي نشريوها ونشعو الدار.. خاص قاعة دالرياضة هنا
مدام بهية: انا كتمشي لاصال..وتميم حتى هوا!! الصراحة مامحتاجينش قاعة فالدار وكنفضل نمشي ونجي هاكا الحياة احسن ..مابغيتش كولشي يكون عندي فداري.. كنحتاج نبدل البلاصة ونقابل ناس ونتحرك
بيان: هما خداو ليها ولدها بزز منها ..اصلا مكايناش شي ام كتسمح فولدها ..
هز جهاد يديه وقال: حنا ماشي شغلنا ..صافي خرجي من هاد المعمعة ومادخليش فيها .. بلا والو انا كتوصر مقادر حتى نتصرف عادي قدام تميم..حنا ماشي شغلنا اوكي هانا وصيتك
مشا هلاها واقفة مربعة يديها كتخمم ومشات خرجات من الجامعة ركبات سيارتها ومشات مباشرة للاوتيل.. صفات السيارة ونزلات فاتجاه الاوتيل كتسول على مدام بهية واش موجودة ومن بعد مشات للبيرو يالاه بغات دخل سعات حوار لفت اتنباهها وحبسات ويديها على البواني حالة الباب من شق صغير
مسيو جان : غادي نهنيك منها فمرة .. وغتبقا درس لاي واحد كيخشي نيفو فهاد القضية كوني هانية
تحل الباب وبيان عاضة على شفاها من الخوف وطاحت لداخل قدام رجليهم وبهية واقفة ويدها على الباب ويد على جنب كتشوف فيها وراسها مرفوع .. وقفات بيان بسرعة كتفتف وهزات صاكها مالقات ماتقول وبدات كتمتم ..
مدام بهية: يمكن فهامتك فالانجليزية تقيلة ..غادي نعاودها ليك بالدارجة
اي واحد ..كيخشي نيفو فهاد القصية غيلقا نفس المصير..اوكي..لخبار فراسك بلامنلعبو اكثر من هاكا
تخلعات بيان وبقات كتشوف فيها فصمت وبهية هارة حاجبها وكتقرب منها وتقول
شنو ماعرفتي..او سمعتي.. غتخليه فراسك وتسدي فمك تفاهمنا.. وماتخليش فضولك يخرج عليك الغزالة .. صغيرة ..وزويينة..حراام هاد الجمال يضيع وهاد العوينات ..وهاد النضرة الجميلة ماتعاودش تشوف النور
قالتها وهي كداعب خصلات شعرها الناعم المتموج وكملات بابتسامة
بهية: يمكن خاصك شي سوان لشعرك.. ولوجهك باش يزيد ينور .. اهتمي بيهم احسن ليك احبيبة
هبطات بيان راسها كترمش فالارض وقالت
سمحو ليا.. غادي نمشي
خرجات من البيرو مخلوعة ويدها على صدرها وعينيها كيترعدو من الخوف لاول مرة فحياتها ومشات هربانة في اتجاه مكتب امها .. دفعات الباب بالجهد ودخلات عليها لقاتها واقفة مع راجل فوضعية مخلة بالاداب كتتبادل معاه القبل، كات صدمة قوية لبيان رداتها اللور وبقات واقفة كتشوف فيهم والدمعة نازلة على خدها ..امها تصدمات رجعات اللور والراجل حتى هوا تفاجأ.. رجعات بيان اللور كترعد وسارة كتعيط ليها لاكن مشات بيان كتبكي وقلبات واحد البلاطو ديال المشروبات فطريقها كان واحد النادل هازو ومشات كتبعد بيدها اي واحد فطريقها وهي فحالة انهيار تام والكل كيشوف فيها منين مادازت حتى لباب الاوتيل.. تما تلاقات تميم جاي مرتاح وراشقة ليه حيت باه جا وغيتغداو مجموعين فالاوتيل، لاكن فرحتو دغيا تبخرات فاش شافها غادية جهة سيارتها فديك الحالة وبدا كيعيط ليها ماوقفاتش ومشا تبعها لاكن كانت ركبات سيارتها وخرجات بواحد الطريقة قوية حتى تسمع صوت انزلاق الروايض مع الارض.. مشا لسيارتو كيجري ركب وخرج بنفس الطريقة يالاه يلحقها وتبعها كيطير وهي كطير كتر منو وكتسوق بلا عقل ..بدا كيكلاكصوني عليها توقف ويدوز ليها مع جنابها لاكن هي كانت كأنها غادية فالطريق بوحدها .. ماوقفاتش فالسطوب وحتى البوليس فاش تعرضو ليها فالطريق على المخالفات اللي خلات وراها لا هي ولا تميم اللي حتى هوا غادي وراها بنفس الوتيرة وكيشوف فيها كدور مع الشوارع بطريقة قوية تقول السيارة غاتقلب بيها .. عيا يكلاكصوني عليها ومشا قدامها وخفض السرعة باش تخفض حتى هيا لاكن كحزات للجنب دوبلات وكملات بنفس الطريقة.. عاود مشا جنبها وهبط الزاج كيكلاكصوني ويعيط ليها وكيشوف فيها كتبكي بهستيرية وتمسح عينها بسطح يدها حتى وصلات للفيلا ونزلات زدحات باب السيارة ودخلات بيديها فالسما غير كتكبكي ودفع لقات الخادمة قدامها حتى هي دفعاتها ..مشات الخادمة تسد الباب لاكن دفعو تميم ودخل عندها تبعها حتى للبيت لقاها فالارض شادة التصويرة دياها وكتبكي لربي اللي خلقها
وقف كيشوف فيها كتبكي وتقطع قدامو وقرب منها جاس القرفصاء كيسول مالها لاكن هي تحصرات وسط إعصار من البكاء والحزن وماقدراتش تخرج منو .. مانفع معاه حوار ولا كلام واكتفا يهدئها .. حيد المونطو عليه حطو فالارض بقا بتريحو خفيف من الوف حول مثلت جمعو على يديه لفوق شوية وجلس حداها كيسكتها ويعنقها ..حيد ليها المونطو عليها ورجع ليها شعرها اللور وبدا كيمسح ليها وجهها وهي معنقة صورة باها مابغاتش تفرق عليها
هزات بيان عينيها بتعب اللي حمارو وتنفخو بالبكا ووجها فازك وهي فحضن تميم شاف فيها كأنه ملك الموت وجا يقبط ليها روحها لدرجة النفس بدات تصارع فصدرها وناضت وقفات والصورة فيدها وقالت بغضب شديد
خرجي .. خرجي ماتعاوديش تجي لهاد الدار ..خرجي برااا براااااا
غوتات بصوت رقيق كيصمك الودنين ومدام سارة كتبكي وتشوف فيها باغية تشرح ليها وتهضر معاها لاكن بيان ماعطاتهاش فرصة ..كتغوت وتميم شاد فيها كيحاول معاها تتهدن وتيفونو كيصوني تقول ناقصهم صدع كمل ليهم اللي بقا .. مشات بيان دفعاتها وتميم مصدوم كيجرها لاكن بقات كدفعها وتبعدها حتى نزلو لتحت وشارت ليها جهة الباب وقالت
خرجي عليا من داري.. خرجي وماتعاوديش تجي عندي ..خرجييي
رجعات مدام سارة باللور كتبكي وخرجات مشات كتجري وجلسات بيان على الارض كتبكي والصورة ديايها فحضنها .. قرب ليها تميم كيشوف فيها وقال
علاش درتي هاكا لماماك؟؟ علاش جريتي عليها وا حماقيتي
شاف فيه كتبكي وقالت: ماشي ماما… ماشي ماما انا ماعنديش ماما .. صافي من ليوم مابقاتش عندي ماما
تكورات فجسدها كتبكي فواحد القنت من الكنبي والخادمة كتشوف فيها بأسى ..مشات جاب ليها الماء حطاتو مالقات ماتقول من غير تبقا ساكتة حسن ليها .. جاوب تميم على اتصال باباه وهوا جالس حداها وقال
لا تشغلت شوية.. ماقدرتش نجي خلي حتى لعشية ونتعشاو مجموعين اوكي.. سمحو ليا بزاف ..شكرا بسلامة
قطع ورجع ليها كيتنهد وجلس قدامها شد ليها فيدها وقال
مد ليها الكاس شداتو كتنخصص شربات منو وشافت فيه بحزن كتأمل فيه وقالت
ماماك ضحات شي مرة على قبلك ؟ باباك دار شي حاجة فحياتك فرحاتك؟
تنهد كيشوف فيها وقال : علاش هاد الاسئلة.. واخا يكونو عندك مشاكل مع ماماك ماجاتش تجري عليها بهاد الطريقة كتبقا ماماك
بيان: نتا الى شي نهار تآديتي من واليديك وتجرحتي.. وشفتي حياتك كلها كدبة تقدر تسامح ؟؟ ها
قرب براسو عندها وقال: واخا يوقع اللي وقع ..مستحيل نجري على واحد منهم بهاد الطريقة ابيان
ردت والدموع فعينها : واخا يكونو متبنيينك مثلا؟
بقا ساكت كيشوف فيها مطولا وقال: واخا يكونو ميتبنييني..يكفي انهم حتاضنوني..شنو ماكانو الاسباب ..الواليدين خط احمر
مسحات الدمعة قالت: هانتا قلتيها .. يعني الحضن اهم من كلشي.. انا حتى واحد ماحتاضني من غير بابا.. حتى اللي يخليني نحس بالدفئء اللي كتحس بيه نتا ماعنديش.. انا تيتمت اتميم..تيتمت من الام والاب..وبقيت بوحدي فهاد ال دنيا
قتح ليها يديها وضمها وقال
انا غنحضنك … وقكل مرة حتاجيتي للحضن غتلقايني واجد كنتسناك
عنقاتو كتبكي وضمها بقوة حتى بردات وحطات الصورة ورجعات اللور بهدوء وقالت
تميم.. علاش كتعاملني بهاد الطريقة؟ شنو السبب؟
ضحك وقال: ماعرفتش.. بصح ماعارفش علاش؟! ولا حتى شنو السبب
ردت بأسى : كتشفق عليا
سد عينيه مطولا وقال: مكنشفقش عليك .. حتى والى شفقت عليك غندير معاك الواجب و مغنتعمقش معاك بزاف
بيان: وشنو السبب؟؟
هز كتفو: قلت ليك ماعرفتش.. فاش غنعرف غنعلمك رجعات مدام سارة للاوتيل كتمسح عينيها ومشات مباشرة كتسول على مدام بهية تشكي عليها خبروها انها فالمطعم هي وزوجها كيتغداو ورجعات للبيرو ديالها سدات عليها وجلسات كتبكي بحرقة حتى دقات عليها مدام بهية ودخلات لقاتها فديك الحالة وقالت
مدام سارة؟؟…قالو ليا سولتي عليا يا لاباس؟ علاش كتبكي
مدام سارة: جرات عليا من الدار ..خرجاتني وقالت ليا ماتعاوديش تجي.
مدام بهية: ويلي!!
مدام سارة: كنت متوقعة منها اكثر .. يمكن حيت كان تميم معاها عاونها باش تهدا شوية.. انا كنتوقع منها الاسوء ديما .. هادي بنتي مجنونة مجنونة ابهية تقول عندها شي حبل فراسها وكيتقطع مرة مرة وكتفقد عقلها .. ماتصوريش شحال انا محروقة دابا
مدام بهية: سارة .. سمعيني.. ماتبيينيش ضعفك قدام بيان اوكي.. قربي منها..حني فيها ..ولاكن ماتبانيش ضعيفة قدامها .. نتي من حقك تبداي حياتك وتعيشي من جديد.. من حقك تحبي الموت علينا كاملين..وراحلك اللع يرحمو كن كان بلاصتك كان غيدير نفس الشيء..بيان خصها تقبل هادشي وكما هي عندها حق تحب حتى نتي عندك حق تعيشي قصة حب ..مع الشخص اللي يستاهلك ..خليها تبرد.. وتحاوري معاها بشوية وبالحنان
مدام سارة: غنحاول..غنحاول
مدام بهية: غنخليك جان كيتسناني ..ماتقلقيش كلشي غيتصلح
خرجات مدام بهية وتنهدات بعمق قائلة
هانتي درتي لراسك فاش تلهاي دابا على الله تنساي اللي سمعتي وديري عقلك ابيان
فهاد الاثناء كانت بيان فالدار واقفة كتعاود لتميم وفيدها الكاس عامر كتشرب وهوا جالس كيشوف فيها وقدامو القرعة والكاس كيشرب معاها ..ضحكات كتميل بسخرية وضربات فخدها قائلة
مشيت نعنقها ..نقوليها ماما انا خايفة..ها علاش خايفة ونخوي غليها قلبي.. ههه لقيت البلاصة عاامرة هههخخ.. لقيتها شادة واحد معنقاه يمكن حتى هوا كيخوي عليها قلبو..تخيل!!
شي شارب كيشكي وشي حدا باب الكوميسارية كيبكي.. مكاينش اللي محروق قلبو على سميرة قد بنتها سلمى.. اما الهام وامها رجعو للدار يشوفو اش يديرو ويقلبو على حل لديك الموصيبة.
شافت الهام حتى عيات وفكرات مزيان من بعد قررات تمشي تواجه بهية وجها لوجه هاد المرة وماتبقاش مخبية وتبين ليها انها مخايفاش منها. فعلا لبسات حوايجها وهزات صاكها وخرجات من الدار شدات طاكسي حطها حدا مارينا .. يالاه جات تقطع الشارع للجهة لاخرى دازت سيارة كاط كاط ضرباتها وهزاتها حتى للسما ولاحتها ومشات كطير قلبات الدورة . تخلعو الناس والعساس وكلشي مشا كيجري وتجمعات الجوقة وحتى واحد ماقدر يقيسها .. اما هي بقات مرمية وعينيها محلولين وفمها محلول مقادراش تهضر والروح واقفة فالحلق. جات الشرطة وجات الاسعاف وناضت الروينة وحتى واحد مانتابه للسيارة اللي ضرباتها او رد البال للماتريكيل..وحتى فاش سولو العساس اللي تما على شنو وقع
قاليهم اسيدي انا كنت كنتخلص من واحد السيد كان مخرج سيارتو .. ماشفتش كيفاش وقع حتى سمعت الضربة وضرت كنجري لقيت المرى مليوحة وبانت ليا غير الطموبيل كاط كاط كبيرة كحلة غادية كتجري ماق درتش نرد البال للارقام .
سولو الناس اللي كانو تمتا حتى هما نفس الشيء وكلشي قال انهم شافو غير الشكل ديال السيارة لانها بسرعة ضارت مع الطريق ماقدروش يشوفو الرقم .
صبح الحال وصبحات مدام بهية على تميم فالبيت لقاتو كيدوش .. وقفات لابسة لبسة من الجلد مختالفة على المعتاد مع سروال كوير اسود وبوط عالي وفيدها مونطو وشعرها مطلوق كتسناه يخرج تعطيه واحد الدرس مقاد عاد تمشي.
خرج بالفوطة وراسو فالارض كيمسح شعرو لقاها قدامو كطقطق فالارض محلفة عليه وقال
ماما!!
مدام بهية: ماما؟؟؟ كن كنت ماماك كن ضربتي ليا الحساب ماتجيش شكران ورجليك تالفين مقادرش حتى توقف .. خليتي حتى جا باباك عاد جيتيني فديك الحالة؟!! هاا… حشمتييينيي
مدام بهية: غنزييد فيه.. غتخطي بيان .. فهمتي.. علاقتك بيها متفوتش الكلية واخر مرة نشوفك معاها فشي مجمع ولا جلسة.. وهاد الهضرة منعاودهاش
ضارت بغضب خرجات خلاتو كيشوف فيه بتدمر حتى عيا ومشا جبد حوايجو من البلاكار كيبدل عليه ..دخل مسيو جان لابس واحد المونطو طويل بني وقي الجيب الصدري خاشي قفازات من الجلد مع سروال توب كلاسيكي وحداء وريحتو تعطعط.. هز راسو فيه وقال
معاياش خارج؟
تميم: عاوتاني محاضرة اخرى علو الصباح
وجه نسيو جان اصابعه ليه وقال
مغنهضرش على لبارح ..غنهضر على ليوم .. عارف غنقوليا مانبقاش نعاود ومتأكد متعاودش ..هادا علاش غتسمعني مزيان.
البنت: القاعة ولات خاصة بمسيو تميم فقط. تفضلي معايا
وصلاتها حتى للباب ورجعات بسرعة عند البنت اللي معاها وقالت
ماتعاوديش تردي بهاد الطريقة على بيان واللي بحالها.. هادو اللي لاباس عليهم خاصك رتدي بالك منهم
- امممم..اش فجهدها مادير كاع .. حاسة براسها.
- غير وصيتك.. وفكرة انك طيحي تميم البيستي غير حيديها من دماغك ..فييين هنا وفين حنا
- لا احبيبة شحال من وحدة غيير بسيييطة تزوجات واحد خانز فلوس… بنت جيرانا ماعندها حتى الباك وباها غير عسكري ودات واحد خاااانز فلوس .
- ايوا ضبري راسك انا غير نصحتك .. بغيتي ديري بحال بنت جيرانكم شغلك هاداك
دخلات بيان للقاعة ومع الدخلة شافت تميم ضار فالسما ركل واحد الخشبة وطاح للارض فرجلو بانضة ملوية وعلى يديه كذلك وكيقطر ومعاه مونيطرو كيخلع وصوتو بحال الرعد..حلات عينيها وتقدمات قائلة كضحك
واااو… هادشي كاع خرج منك اتميم !!
ضار شاف فيها ووقف هوا والمدرب ديالو ..حطات الصاك وقالت : شهاد الجديد ؟
رد تميم والسوفل كيجري فصدرو عرفها وقال
كيفين.. قائد متقاعد في الجيش الايطالي المدرب ديالي حاليا
مدات يدها لكيفين سلم عليها ورجعات شدات فيها كتسوط وقالت
ناوب دخل للجيش اتميم !
تميم: لا …غير الواليد قالك خاصك تدرب على الفنون القتالية بأنواعها.. وانا عجباتني الفكرة
بيان. اييه ومن فوقاش بديتي هادشي
تميم:من لي كنت صغير..
تكلم كيفين وقال بالاطالية : يالاه قبل متبرد
تميم: خاصني نكمل.. جلسي تفرجي الى بغيتي
بيان: غندير لكارديو.. هنا نيت ونتفرج
حطات صاكها وطلعات كتجري وتفرج وكل مرة تخرج عينيها مخلوعة ولا تسدهم وكتفرج فالمدرب كيدربو بمعدات من حديد وكسد عليه ويحسب ليه الوقت باش يحل على راسو .. عدبو اشد العداب فداك التدريب القاصي حتى مابقاش تميم قادر يوقف على رجليه وعلامات الحديد على يديه ..ساعاتان من القتال عاد سالات الحصة وهز المدرب الامتعة ديالو عنقو ولقا ليه موعد فاليوم الموالي وخرج هاز صاكو .. اما تميم جلس فالارض كيرتاح وبيان كضحك عليه، مشات عمدو بالضحك حطات يدها على كتفو وقالت
نوض نوض..نوض دوش تقول طاحت عليك الشتا ..نوض نمشيو ناكلو شي حاجة سخفت حتى انا
جراتو من يدو مشاو للفيستيير ودخل كل واحد للدوش الخاص بالجنس ديالو دوشو وخرجو هازين صيكانهم.. لايح القب على راسو اسود وغادي كيعرج ومعنق بيان بيدو كيضحك هوا وياها دازو من قدام الاستقبال فين واقفين البنات وخرجو خلاوهم كيشوفو
درويشة على قد الحال بغات تعيش ساعة شافت الويل.. شكون ينوضها من حدا الكوميسارية. .. ليل نهار قدامها كتبكي وتشكي.. شافت حتى عيات ومشات للجامعة كتقلب على بيان .. ماقرات ماحضرات لمحاضرات.. شافت بيان وتميم وصلو وصفو سياراتهم فنص النهار دالعشية ومشات كتجري وتبكي شدات فبيان وقالت بترجي
عفاك اختي بغيت نهضر معاك.. عفاك غير دقيقة
قرب منها تميم مستغرب وقال:
سلمى !! مالكي ؟؟
شاف حالتها كي ولات وعينيها بالبكا حومر والتعب على وجهها ..اش ديك الحالة وصلات ليها مسكينة.. اما بيان خرجات عينيها فيها مصدومة وبارتباك شافت فتميم وقالت
تميم.. انا غنلحق عليك
شد تميم لسلمى فدراعها وقال: مالكي شوقع ليك؟؟ تعدا عليك شي واحد
شافت فيه مسكينة بنضرات حزن والم لاكن بيان تدخلات وقالت
انا غنشوف مالها يمكن شي حاجة خاصة وبغات تعاودها ليا
جراتها بيان للسيارة وتميم داخل لقا لجين كتسناه بنضرات غيض
لجين : علاش متجاوبش؟؟ عييت نتسناك
رد بتعب: عياان.. مهلوك .. مافياش اللي يهضر
تبعاتو شدات فيه : بعيني شايفاك جاي نتا وبيان فوقت واحد .. شنو هادشي اتميم
زاد وخلاها كينفخ في حين شافت بيان فحالة سلمى وقالت
شهاد الحالة مالكي؟
سلمى ببكاء: ماما.. ماما حولوها لوكيل الملك.. عدا عندها المحاكمة وقالي المحامي لقليلة غيحكمو عليها بخمس سنين
بيان: ماماك دارت علاش.. نتي عارفة هادشي
سلمى: لاا.. ماما مشات تاهد الورقة ديال التنازل لخالتي.. وهادشي كامل غير باش انا نكمل قرايتي حيت خالتي اللي كتخلص عليا الجامعة .
سكتات بيان كتشوف قدامها بأشى وقالت
وشنو غندير ليك انا ؟
سلمى: نتي تقدري تهضري مع شي واحد يخرجها .. غتكوني كتعرفي الناس يقدرو يتساعدو معاك
بيان: هييه!! لالا انا منقدرش .. شنو غنقول لهاد الناس كاع فاش يسولوني شنو التهمة ؟؟.. هي تهمتها اكبر من هاد الهضرة
سلمى: شوي ندير ليك اللي بغيتي غير خرجي ليا ماما من الحبس غنتسطا
تنهدات بيان كتشوف قدامها ويعد تفكير طويل قالت
شوفي..الحل هوا تعتارفي لتميم..قولي ليه باللي هاديك راها ماماك..ونتي درويشة مافحالكش وبغيتي تقراي.. خبيتي هادشي حيت كبريائك مثلا ماسمحش ليك ..ودخلتي ماماك تخدم حيت محتاجة خدمة ..ومشات تسرق حيت هددوك بالطرد الى ماخلصتيش.. واظطرات تسرق باش تخلص عليك الجامعة .. نتي بكي وشكي وانا غنكون حاضرة نعاونك ..ديك الساعة هوا غيضفط على مو تنازل ليه وهي غتنازل حيت خاصها تنازل بزز منها باش مايعرفش علاقتها الحقيقية بالموضوع .. الى سمعات عاد القصة الجديدة وتحس شوية بالراحة من جهة الموضوع دولدها وغتسد الموضوع ..تقدر تهددكم ولا تخلعكم ولاكن متأكدة الى ضغط عليها تميم وخنقها غتنازل ماغتبغيش تبان لفعة قدامو
سلمى: خفت
بيان: ايوا خلي مك ضرب خمس سنين ورتاحي نتي..انا مالي ومال هادشي كامل ياااه واش انا ناقصة !
بيرودة وابتسامة ردت بيان: موضوع كيخصنا حنا بثلاتة .موضوع عائلي حبي ماعندوش علاقة بالبراني
زربات عليها بيان دغيا جلسات بلاصتها وحطات الصاك خلاتها كتشوف بغات تنفاجر ..تلفتات جهة تميم وقالت
تميم؟؟؟ شهادشي واش كتشوف وساكت؟
رد تميم وقال: الله يخليك .. الى جات على خاطرك
هضر معاها بهدوء ماخلا ليها ماتقول ..بلعاتها وشافت فبيان وهي دايرة رجل على رجل كتودعها باصابعها من تحت الدف . هزات صاكها ومشات كتحلف عليها خلاتهم جالسين
تميم باهتمام: اش هاد الحالة ؟؟ مالكي واش مريضة؟
خبطات سلمى راسها كتنخصص بخجل وقالت
انا غنعاود ليك… كنتمنى تقهميني
شدات فيها بيان وقالت : ماتخافيش ..تميم ماشي متفهم غير شرحي ليه .
غمزاتها بخفة وهوا كيشوف فيهم ويتشائل بعينيه مالهم كيتغامزو ..بذات تشرح ليه سلمى وتبكي وقالت نفس الكلام اللي حفضاتها بيان ..واخا تصدم فالاول ماتوقعهاش لاكن تقبلها وقال
وعلاش من الاول ماقلتيهاش؟؟ علاش خبيتي هادشي؟
بيان: عادي راه البنت مارضاتش وعندها كبرياء..هادشي كيوقع
تميم: ولاكن المسألة فيها السرقة!! حنا تقنا فيها وأمناها وخانت الامانة
مسيو جان: سمع اولدي.. من هنا لفوق غادي تعلم تربط علاقات مع الناس اللي يتنفع منهم ويتنفعو منك .. الصداقة بوحدها و علاقات المصلحة بوحدها .. تافقنا .. غادي تحتافظ بالصداقة ديالك ماشي تحدفها من حياتك..ولاكن غضيف ليك الجانب الثاني والمهم فعالم رجال الاعمال ..واللي هوا هاد النوع من الصداقة او العلاقات.. تفضل نزيد نشرح ليك فطريقنا
كما قلت ليك اولدي.. المال ..الماااال كله .. مكافيش ..نزيد نفهمك .. هانتا مثلا عندك ثروة .. عمدك الفلوس اللي متتعدش.. لاكن بغيتي تقضي واحد الغرض ولو بهاد الفلوس اللي عندك..خاصك شكون .. ولمن ..ومعامن.. اذا ..الاشخاص هادو مهمين فحياتك وعندهم نسبة كبيرة من الارباح ديالك وحتى النجاح ديالك .. حنا كما كتشوف جداد فالمغرب..كإسم وشهرة معروفين.. لاكن علاقاتنا محدودة .. لهاذا نضمنا هاد المأدبة وختارينا نعرضو فيها على واحد الشخص اللي هوا مهم فهاد البلاد.. وبما انه لبى الدعوة فحتى هوا مهتم بالتعارف ديالنا وطبعا غيكون عندو هدف كما حنا عندنا هدف .. هادي هي القاعدة اولدي.. فعالم الثراء خاص يكون الريزو ديالك فالمعارف ثقيل.. بمعنى عامر بالشخصيات المهمة ..هاد الاشخاص هما اللي غيقضيو ليك المصالح ديالك. نزيدك ..مثلا ..ماماك اقترحات عليا نفتحو كازينو فواحد المدينة هنا سياحية سميتها طنجة.. طبعا بعد دراسة لقينا انها فكرة ممتازة وناجحة لان هاد المدينة هادي سياحية ومدينة غنية بزوارها . لقينا الموقع المناسب وشريناه لاكن السلطات واصحاب المناصب العليا هنا منعو هاد الكازينو وعطاو اسباب تافهة .. الملخص من هادشي.. مهما كنتي غني..هنا كيبغيوك تبقا فقير ..تحت السيطرة والاوامر ديالهم.. اذا شنو غيخصك باش دير بلاصتك بيناتهم ..خاصك معارف ..وانا جيت لهاد السبب .. باش نصطادهم واحد بواحد وغنفرجك فيهم وكيفاش غنخليهم يشوفو لتحت ويحشمو يهزو الراس .. وهاد النقطة خاصك تحافظ عليها وديرها فبالك..ماعمرك تعاند او تتكبر على المحمية مهما كنتي قوي او ثري .. دائما بين تواضعك فالساحة باش ميحطوش فبالهم و عطيهم مهلة للنسيان باش ترجع تسحبهم و نساحب بهدوء ماحس بيك حد .. ومتحاربش بوحدك مجموعة كبيرة .. الانسحاب والهدوء سلاحك .. والتواضع هوا الطعم اللي غيجيبو عندك. الى حس بيك كبير عليك يقدر يرفض هاد التعارف..ديما بين ليه باللي نتا بحالو او اقل منو واخا يكون عارفك كبير عليه بالالف الاضعاف..حسسو انه مهم بزاف ونفخو حتى يرجع هوا يستعرض القوى ديالو ويحاول يبين ليك صدق توقعاتك اتجهاه .. الباقي اولدي غنوريه ليك وتشوفو بعينيك ليوم مع هاد النوع
فالمطعم كان مكان خاص بالضيوف المهمين شكلا ومضمونا .. كان الضيف جالس على اريكة بكرش كبيرة لدرجة ماقدرش يدير رجل على رجل .. لابس قميجة زرقاء وبدلة سوداء وجهه مكرفص وشكله تقول شاوش ماشي مسؤول.. اش هاد الفرق الشاسع اللي بان فجأة ..فالاول كانت عندو هبة لاكن فاش حضر الطالياني مسيو جان هربات الهبة ورجع كيبان قدامو بحال السائق ديالو.. علاياش غنهضرو ..واش على الكاريزما.. او على الهندام واللباس ..او على طريقة الكلام وتعابير الوجه .صدق من قال المال يجعلك ثري..لاكن لن يجعلك نبيل.
وقفو الثلاثة للتعارف وقدم مسيو جان ابنه لهاد الشخصية وجلسو في تعارف وتبادل الحوار .. طريقة كلام مسيو جان خلات من هاد الشخصية اضحوكة فضرف عشر دقائق ، اما تميم فكان لازم الصمت وكيسمع ويتعلم من الاب دايالو طريقة الكلام والحوار وقن السخرية بكل ادب وبدون هه!
نزل الغداء وتغداو. ومن بعد الفاكهة تكلم مسيو جان وقال
شنو رأيك فشي جولة شطرنج
مع الاسف. الضيف مكيعرفش يلعب الشطرنج .
كانت الضيافة غتزيد تطوال لو كان الضيف كيعرف يلعب.. لاكن ميسو جان اكتفى وتوادع معاه يكل احترام وتقدير وخلاه مشا فرحان وسعيد بهاد التعارف . جلس دار رجلعلى رجل وتلفت عند تميم وقال: شنو رأيك فشي جولة
ناضو خرجو كلهم وتقفل الباب عليهم وقفات مدام سارة بابتسامة محرجة تقدمات قدام بيان .. لاكن الاخيرة مشات جلسات على كرسي الرئاسة ولاحت الصاك على البيرو وحطات رجل على رجل وهزات راسها بتكبر وقالت
هزات بيان راسها طلقات واحد الضحكة فالسما وجلسات على جنب المكتب بواحد النص وقالت بسخرية
ماما..اممم..مااما.. واخا لاللة ماما..نسولك فوقاش كتكوني ماما؟ واش فاش كنكون فرحانة؟ ولا غضبانة؟ ولا فعيد ميلادي؟ ولا فنجاحي..؟ هممممم ههه؟ فوقاش كتكوني ماما؟ فاش كنبغي نشكي همي؟! امم؟؟ هه ولا فاش كنكون غايبة بالايام ؟ بغيتي غير نوضحو الامور ..اوكي نوضحوهم يالاه جاوبي
مدام سارة :بيااان..
بيان مقاطعة: بلا ماتجاوبي.. انا مامحتاجاش الجواب ديالك امدام سارة.. جيت غير باش نفكرك
جلسات على الكرسي بيرودة وانوثة دارت رجل على رجل بتتاقل وقالت بابتسامة
الى مكانش عندك الوقت تسيري هاد الاوتيل الكبييير… غنبيعو
حلات مدام سارة عينيها وقالت: شكتقولي واش حماقيتي؟ وشكون اصلا غيشريه منك حساب ليك الشاري موجود
بيان: نتي غير بقاي مع حبيب القلب ديالك وتشوفي ديك الساعة شكون الشاري .. كنواعدك ..غنبيعو فخمسة دقايق وبأحسن ثمن ..طبعا الى نتي ماقيديتيش عليه..نوضحك ليك اكثر.. مستاعدة نبيعو الى عاودت شفتك مع شي راجل.وهاذا اخر انذر عندك
هزات صاكها بصبع ومشات خرجات خلاتها واقفة مصدومة
مدام بهية كانت هانية ومرتاحة وهي فطريقها مع تميم و ناوية تجدد البلاكار ديالها مللي توصل للدار ..لاكن تميم قلب ليها المزاج مللي قاليها
شنو درتي فالقضية ديال الخدامة
تلفتات عندو فجأة كترمش وقالت
وعلاش ؟؟ شنو اللي فكرك فيها ؟
تميم: عادي سولتك.. واش غتحبسيها
مدام بهية : وهادشي عندك فيه الشك؟!! نتا براسك كنتي كتأيد قرار حبسها
تميم: تراجعت.. ومكاين لاش ..صافي خدات درس
تصدمات وقالت: كيفاش؟؟ شكتقول؟
هز حاجبو وقال: ومالكي انفاعلتي هاكا ؟ ياك غير خدامة
بلعات ريقها وردت بهدوء: حيت .. حيت صدمتنيي مع ما مولفاش ليك تدخل فهادشي
تميم: كنشوف انها خدات جزائها .. وحبسها ماعندو باش يفيدنا حنا..وبنتها كتقرا معايا فلافاك والصديقة ديالي ..هادا علاش بغيتك تنازلي
وقفات الروح فحلق بهية وبقات مصمرة كتشوف فيه ووجها اصفر وبصعوبة باش قالت ليه
ب..نتها.. ما..مافهمتش
تميم بهدوء: عارفك مغتفهمي والو ..وغتصدمي.. سلمى عقلتي عليها ..البنت اللي ضربت بالطموبيل.. هي بنت الخدامة.. وكتقرا معايا ومارضاتش تقولها .. توسطات لمها باش تخدم عندنا وامها كانت مظطرة تسرق باش تخلص لبنتها الجامعة..هادا مكان .. هما ماشي عائلة خايبة كنا توقعنا بلعكس..السيدة على قبل بنتها ضحات ..وتعلمات وتربات ..هادا علاش بغيت هادشي يحبس هنا وتنازلي قبل ماتوصل عند الوكيل غدا
ماكمل هضرتو حتى كانت الروح غطلع لبهية واللون غير من وجهها .. سدات عينيها اخيرا وتنفسات الصعداء وكاتمة احساسها بصعوبة قائلة
صافي…غير هادشي
تميم: صافي هادا مكان .. بلا منزيدو نكملو عليها اللي فيها كافيها
مدام بهية: ايلا كان هاكا …ميكون غير خاطرك… بشرط
تميم: اشمن شرط؟
مدام بهية: تقطع علاقتك بينتها
تميم: وعلاش ؟ مدارت والو
مدام بهية: باش انا نرتاح ..بحال النوع مكنرتاحش ليه…يقذر يدير اي حاجة
تميم: مثلا؟
مدام بهية: بحال حادثة سير ..
تلفت شاف فيها وقطب حواجبو فهم قصدها .. وقال:
لهاد الدرجة
مدام بهية: واكثر… انا غنتنازل..بشرط تقطع علاقتك بيها بصفة نهائية
تميم: تافقنا
مدام بهية بانهيدة عميقة: وعد
تميم: وعذ غير فكي السي ة ترجع لبنتها اصلا ماعندي عرض بيها غير بقات فيا
ربعات يديها وبلعات الغصة فصمت وشافت قدامها كتزفر حتى وصلات ونزلات سبقاتو كتردد
هاد الشطبة هادي دابا خرجات لي من الجنب
تحضرات وتجهيزات والقيامة قايمة فالاوتيل وحتى فالكازينو .. زينة رأس السنة فكل مكان فالداخل وفالخارج.. ساعات قليلة على استقبال سنة جديدة..بأحداث جديدة.. بحلوها ومرها .. يا ثرى باش غيدعوها ..وباش غيتقبلوها . الكل مشغول ومشطون ..العالم كيوجد لهاد الحدث ويتسناه بفارغ الصبر ..كل واحد باش كيستقبل هاد السنة ..صباح مليىء بالاعمال والاشغال ..مدام سارة صابحة واقفة على شغلها وبدات بالمطعم كتراقب الاكل والتحضرات للضيوف اللي غيتعشاو عندهم ..الموضفين كيفرشو ويعطرو ويجهزو الغرف مع الزينة .. البستانيين كيرشو الماء ويسقيو الحدائق وينضفوهم واخرون كيزينو الاشجال ويحطو اضائة وديكوات .. اما فقسم الكازينو الخاص بمسيو جان ومدام بهية ..فكان صباح مختالف على غيرو .. عمرو الخزنة الضخمة بالفلوس ودخلو موضفين جداد و كثار وبدلو البدلة الرسمية للجميع .. مدام بهية فالمكتب مشغولة بالحسابات ومضغوطة بالحجوزات الكثيرة ديال الزبائن وكتحاول تنضم الوقت كل زبون ..اما مسيو جان فكان فالبار دالكازينو كيتدوق من كل مشروب كاس صغير مستفين قدامو وكيختار بعناية انواع المشروبات اللي غتقدم .
فهاد الصباح عند الشباب اللي مهازين هم لحتى حاجة .. صبحات بيان فباب بيت تميم كتصوني وتعاود بنشاط ورشاقة شعرها كوتشوفال وملابس رياضية مع جاكيط غليضة كحلة وقصيرة فوقها . فتح ليها الباب وشعرو منكوش ..صدرو عريان والسروال مدلي وساد عين وحال عين . دخلات عليه بحيوية ونشاط لقلب الدار وقالت
براكة من النعاس.. المدرب ديالك كوراه كياكل جنابو فلاصال ونتا هنا مزال ناعس
وصلات للباب وقفات غمضات عينيها وحلاتها بسرعة ولقات نضرة فالدار .. كانت الدار خاوية لاكن الجاكيط دبيان مرمية على كنبي.. مباشرة مشات عينها لغرفة النوم ديالو وهي كتحط الصاك بتتاقل وكتخيل شنو ممكن يكون كيوقع لداخل.. واش جات فالوقت؟ ولا جات معطلة؟
جمعات النفس وهزات راسها بصرامة ومشات حلات الباب بقوة دفعاتو ووقفات قدام مشهد تمنات لو يكون حلم وتفيق منو
إغفر يا تميم الجزء الخامس
محتوى القصة
سلمى يا سلمى يا اللي مالقيتها من حتى جهة .. بنت في السن ديالها قادتها الايام لجامعة عمرها حلمات بيها.. كتشوف حوايجها ولباسها وتشوف خوايجهم ولباهن وتكمدها .. هي تمشي فالطاكسي والطوبيس وهما فآخر ما كاين في السيارات .. هما بديورهم وهي لا دار لا حيط مستور . كتشوف وتشها وتكمد.. تجيب معاها خبز معمر تاكلو بالتخبية وتجلس تشوف فيهم كيفطرو ويتغداو بأشهى الاطباق وبلا حساب. ساكتة وعلى كبريائها محافضة.
مشات المسكينة تجري على رجلها بلا منحس بألمها والدموع كطير من عينيها وجهاد تابعها كيعيط .شدها من يدها جرها وقال
مالكي شواقع وقفي غير نهضر معاك
نترات يدها وبالبكا قالت ليه
بعد مني.. بعدو منييي عييت منكم
عاود شدها وقال : شكون حنا؟؟ اش درنا ليك وقفي نهضر معاك
نترات يدها كتبكي وقالت بنفاد الصبر: ديك الخدامة اللي جالس تميم كيهضر عليها ماشي شفارة… هاديك ماما …ماما ماشي شفارة
بقا مصدوم كيشوف فيها وقال:
كيفاش؟؟ كيفاش ماماك؟؟
سلمى: اه ماما.. الخدامة جلستو كتهضرو عليها وضحو عليها …اه ماما…وتميم ولد خالتي.. ومو باه وباه ماشي حقيقيين وغير رباوه ومو الحقيقية هي خالتي..
مسحات نيفها كتبكي بحرقة وجهاد مصدوم .. بقا مصمر كيشوف فيها حبسات ليه الهضرة وتصدم طيحات ليه اليد مع الرجل و مشات بحالها شدات طاكسي شافتو حطو واحد طالبة وزادت خلاتو فبلاصتو والدنيا كدور بيه.
رجع للجامعة ساهي وكيهضر بوحدو ماقدر يلقا حتى تفسير.. جلس على واحد الكرسي كيشوف قدامو شحال عاد ناض باش يدخل للمحاضرة ديالو .. هوا غادي وبيان جايا كتهز يالاه غضحك باش طنز عليه شوية وقفو تيليفون وضار قبل مايشوفها كيهضر باهتمام قائلا
الو سلمى… الو شديك الهضرة قلتي ليا قبيلا يقا عقلي مرفوع ..واش بصح تميم ولد خالتك؟؟ وكيفاش والديه ماشي والديه غير مربينو ؟؟ واش متأكدة تميم تميم؟؟ تميم اللي كنعرفوه
صدمة كانت قوية .. قوية لبيان وهي واقفة كتسمع وعينيها خارجين … حلات فمها من شدة الصدمة وطيحات الكتاب فالارض وجهاد كيهضر ويقول… صافي صافي ..صافي كوني هانيا حتى ميعرف .. متخرجش من فمي ولاكن غتجي تفهميني شنو واقع بالضبظ وتشرحي ليا بالتفصيل..هادشي اللي قلتي خطير..وتميم واش عارف؟ ماعارفش!!!! ناري شهاد البلاد. قطع وحط يدو على جبهتو وضار لقا بيان موراه واقفة كتشوف فيه تخلع وتصدم فيها وقال كيرمش
بيان!!
هزات حاجبها وقالت: هادشي اللي سمعت دابا…ماشي بصح ياك؟
جهاد: شنو سمعتي؟؟ مافهمتش هه
حركات راسها بالايجاب وقالت: تميم… سمعن كلشي ماعندك ماتخبي عليا نتا وسلمى …ودابا غتشرح ليا شهادشي سمعت ..دابا
جهاد: ههه نتي واش كتحلمي؟؟ لا صافي تسطيتي!!
بغا يمشي وشداتو خرجات فيه عينيها وقالت: ماتسطيش..ودني صحاح كيسمعو مزيان ..وانا عارفة شنو كنقول.. الى ماشرحتيش ليا انا عارفة شكون يشرح ليا
زادت وخلاتو لاكن تبعها شدها وقال بترجي: حبسي.. عفاك الى ماحبسي.. هادشي خطير .. تميم معارف والو وحتى انا مفاهم والو ..كنتسنى سلمى تشرح ليا
بيان: هيا هادشي اللي سمعت بصح !!!
فشلات وجلسات على واحد الدرجة كتشوف قدامها مصدومة حتى وجع وجهها اصفر..وقفات شافت فيه وقالت
هادشي راه كارثة!!! انا مقادراش نتيق؟؟؟ شكون هي سلمى؟؟شكووون تكون وكيفاش عرفات هادشي !!
بقا جهاد ساكت ويدو على فمو كيشوف فيها ويرمش وهي ساهية كتحلل وتفكر .. جراتو من يدو وقالت: غنمشيو عند سلمى دابا.. يالاه تحرك
وقفها وقال: شنوو؟ كيفاش غنمشيو شكتخربقي
بيان: غنمشيو عندها لدارها هي غنمشيو عندها ياك شحال من مرة وصلتيها..
جهاد: غدا غتجي وغتشرح لينا تسناي علاش هاد الزربة!! يقدر فهمنا غلط..يقدر ماشي بصح
بيان: هادشي علاش غنمشيو داابا وكلشي غنعرفوه دابا فهمتي وهادشي مغخلهيش حتى لغدا
شداتو من يدو داتو معاها وطلعات فالسيارة ركبات وطلع حداها جلس وديمارات السيارة قائلة
لعنوان … سربي دغيا
وصلات للعمارة فين كتسكن سلمى وهزات عينيها فالحي وفالبناية بتعجب ودهشة وجهاد حداها شاد وجهه بيديه فصمت
بيان: سلمى كتسكن هنا؟؟ ياك كتسكن حدا تميم وهما جيران؟!! شنو اللي واقع وحنا مافخبراناش ؟؟ كيفاش هادشي ؟؟؟
جهاد: يالاه نرجعو بحالنا حنا مالنا اصلا الى بيناتهم شي حاجة شغلهم هاداك
بيان: بزاف دالاسرار مخبيين وانا مغنمشي حتى نعرفهم كاملين… كيفاش سلمى ساكنة هنا وتميم قال باللي هما جيران وكيوصلها.. وكيفاش هي عارفة بحال هاد السر الخطير وساكتة عليه.. شنو علاقتها بتميم..وبزاف دالخبايا فهاد القضية وانا خاصني نعرف سمعتي
جهاد: شوفي انا واعدتها حتى واحد مايعرف… ونتي دابا جايا حتى لعندها شنو كيعني هادشي؟! انا ماشي راجل شماتة خلف بوعدي
طلعات فيه بيان وهي نازلة وقالت: الى بغيتي تبقا راجل فعينيها زيد قدامي.
تبعها كيلوم فراسو ومالقا ليها جهد وهي طالعة مع العمارة كتشوف ومشات دقات على واحد الباب وشافت فيهم بابتسامة وقالت
هادي دار سلمى؟؟
ردت السيدة وهي حطلع فيها وقالت: لا العنوان غلط !!
بيان: امم.. فين كتسكن سلمى ؟؟
السيدة: شكون سلمى؟؟؟
بقات بيان كتشوف فيها وقالت : اوكي .. ماشي مشكل كنعتادرو
سدات السيدة باباها وبقات بيان كدور بتتاقل وتشوف فالبيان لخرين وجهاد حداها وسدو على جنبو
جهاد: غدقي البيان ديال العمارة كلهم؟؟!!!
بيان: الى اقتضى الحال غندقهم باب ب باب
سمعو صوت مع الدروج هابط كيجري ديال النسا والغوات وكحزات للجنب خوات الطريق ..كانت هادي إلهام نازلة كتهضر فتيليفون وامها تابعها كتلبس الجلابة فالطريق. شافتهم بيان بالجلالب كيتسابقو والهام كتهضر فتيليفون مخلوعة وتقول
ماتخافيش… ماتخااافيش هاحنا جاااين.. اينا كوميسارية ؟؟ … تسناي هاحنا جايين ..الو سلمى …سلمى … قطعات عليا اوييلي غتسطا
الام بغضب وصراخ: قلتها لللللك … قلت لك غتديها فالرجلين هاهي مشات مادايرة لا بيديها لا برجليها الله ياخد فيك الحق.. اجا مافكنا مع هاد بهية كنا هانيين حتا فاق علك راسك قلتي نردي ولدي…ها ولدك وافكيها دابا والله ومافكيتيها لا دوزتها لك زيدي
الهام: وصافي..صافي سكتي سكتي شوية هاحنا غاديين نشوفو شنو كاين وشنو نديرو
دازو قدام بيان اللي لاسقة مع الحيط مخرجة عينيها وجهاد حداها ويدو على فمو كيشوف مصدوم .. نزلو كيجريو وتبعاتهم بيان كتجري وجهاد وراها كيعيط ليها وهي حرام واش شافت وراها .. ركبات سيارتها وتبعاتهم فالطاكسي غادية كطير ودوز من هنا ومن لهيه كتساابق مع الناس ولكلاصكون خدام ماسكتش
بيان: روينة… قلتها ليك… عندهم علاقة بمدام بهية .. ليوم غنعرفو شنو كاين
جهاد: كن جلستي وتسنيتي حتى ترجع سلمى وهي تشرح. لينا
بيان: سلمى تشرح ليك غا نتايا اما انا باغا نعرف شواقع بيدي .. فهمتي
وقفات بيان ورا الطاكسي قدام الكوميسارية ونزلات هي وجهاد وقف قذامها قال
انا مغنزيذش معك اصلا ديك السيدة كتعرفني وغير مانتابهاتش ليا وهي هابطة فالدروج ..غنرجع بحالي عومي بحرك .خلاتو و مشات كتجري تبعاتهم حتى وقفها واحد البولوسي قائلا هي وجهاد
مادوموزيل ؟؟
كاين فاش نعاونك
وقفات كتشير بصبعها وتمتم مالقات ماتقول وقالت :انا مع هاد الناس.. عندي مشكل معاهم
الشرطي: غدوزي من هنا لبيرو الشكايات على ليمن
بيان: ااه اوك شكرا
مشات كتجري وجهاد موراها استسلم مالقا مايشد فيها .. مع الدورة شافتهم واقفين قدام واحد الباب ووقفات كترمش وتشوف فيهم .. ماعرفرهاش وكانو مشطونين وسلمى مكايناش معاهم وهما مدابزين
الهام: مكايناش هنا قابت ليك سلمى راه جات لهنى قالو ليها هادالسمية ماعندناش ومشات لكوميسارية وحدة اخرى .. تما فين لقاتها
الام: فخر يااامنا ولينا ندورو على كوميساريات .. زيدي طلقي راسك
تدخلات بيان بسرعة وقالت : اشمن كوميسارية غاديين ليها ؟؟
جاوباتها الهام بالشطنة وردت بيان قائلة حتى انا غادية لتما الى بغيتو نوصوبكم معايا
الام: الله يرضي عليك ابنيتي.. لمصايب كينزلو علينا كي شتا
بيان: ماشي مشكل نوصلكم
تبعوها بعقل مرفوع مخلوعين ركبو معاها اللور وكيدابزر وهي كتشوف فيهم فالمرايا .. تبسمات وقالت
مايكون باس ..شفتكم مخلوعين عندكم شي مشكل نقدر نعاونكم
جاوبات الام اما الهام شادة راسها كتنفس وصدرها طالع هابط
الام ويدها بالزيف تللي على راسها حدا فمها : خليها على الله … نعاودها لحفار قبري مشات ليا بنتي فالرجلين شدوها قالو شفارة ..دابا بنتها غتسطى..
هزات بيان عينيها فالمرايا مصغراهم وقالت
علاش غيتاهموها ؟؟ اشنو السبب
الام: اييه..ا.. اللي نعاودو ليك مانعاودو لحد.. خلي هاداك الجمل راكد
بيان: الى كانت مضلومة نقدر نعاونكم
هضرات الهام وقالت: مضلومة اختي مضلومة.. انا عندي حساب مع شي ناس شاديني على شي وراق وختي خدمات عندهم فالدار باش تجيب ليا هاد الاوراق..حنا بغينا غير الوراق وفاش بغات تاخدهم شدوها وردوها شفارة وداوها للبوليس.
حركات بيان عينيها كتفكر وتخمم وقالت : كيفاش خدمات عندهم علاش هما مكيعرفوهاش
الهام: القصة طويلة ومعقدة بزااف.. اكتر من اللي تقدري تخيلي
بيان: امم.. وهاد الوراق ديالاش؟
الهام: غير ديال شي تنازل وصافي.. انا كنت تنازلت ليهم على شي حاجة .. ودابا كيهددوني بيها هادشي اللي خلاني ندير هادشي ..
بيان مافهمات والو وبقات كدور عينيها باش تزيد تفهم اكثر وسكتات خلاتهم كيدايزو موراها وكتحاول تحلل كلامهم حتى وصلات
نزلو ونزلات معاهم بيان حتى هيا تقول وحدة من العائلة .. الشطنة رفعاتهم ماننبهوش ليها غادية حداهم وكتقول ليهم وعينيها كيدورو
غيكون خير يكون خير .. انا كنعرف الناس هنا
لسقات فيهم حتى دخلات معاهم للمكتب ديال الضابط وسكتات كأنها منهم .
لقات تما سلمى كتبكي عليهم وترغب وخرجات عينيها فيها وكذلك سلمى تصدمات وناضت وقفات فاش شافتها وبقات حالة فمها وسط الحوار ديال البوليس مع الهام وامها .
خرجات سلمى بغضب وتبعاتها بيان كتجري شدات فيها وقالت مخرجة عينيها
انا عارفة كولشي… صافي مابقا مايتخفا .. حسن ليك تعتارفي
نترات سلمى يدها وقالت: نتي بوليسية وانا مافخباريش؟
بيان: ايييه!!! ايوا هانا غادية داااااابا عند تميم نقوليه اش كاي
ضارت غادية لاكن سلمى تبعاتها وشداتها من يدها بغضب وقالت
فييين غادية؟؟ ونتي مالكي اختي ماالك ؟؟ واش سوقك ؟.
ربعات بيان يديها وقالت: سمعي.. سوقي ولا ماشي سوقي هادشي ماكيخصكش .. دابا المطلوب منك الى جات على خاطرك بالخاطر .. غتقولي ليا شكون ام تميم الحقيقية؟ وفين هيا؟؟ وكيفاش حتى عرفتي هادشي وشنو علاقتك بيه؟ يالاه سربي
سلمى: اختي انا مناقصاكش..ماما مرمية هنا وغدا غيقدموها لوكيل المليك.. شوفي غير حالتي واش مابقيتش. فيك؟؟ هاا واش مابقيتش فيك؟
بيان: شوفي بلا مدوخي عليا بهاد الفعايل نتي واحد اللفعة من مكاينة.. عارفة هاد الموصيبة وساكتة وبلا حشمة كتلاقاي بتميم ؟؟ هااا؟ كيفاش قدرتي تشوفي فيه ونتي عارفاه غير تبانوه والديه؟ كيفاش قدرتي تبقا ساكتة على هاد الحقيقة وكضحكي علينا كاملين …انا النهار اللول شميتك .. شميتك وحتى واحد مايقول ليا درويشة وبنت الناس.. حيت انا .. كنعرف اللي درويش واللفاعي بحالك
سدات سلمى عينيها وتنهدات وقالت : اااختي..راكي غاديري شي موصيبة حسن عليك بقاي بعيدة على هادشي.. انا ماعنديش الحق نهائيا نهضر .. وماشي انا ونتي اللي خصنا نقررو فهادشي
تنفسات بيان بنفاد الصبر وبلعات ريقها وقالت : دابا بهية عارفة هادشي؟؟ اوكي .. انا غادي نمشي عندها ..ويااااويييييبك مني.. ياوييييلك مني سمعتي ..لانتي لا عائلتك ولاحتى ديك مك
تنفضات بيان بغات تمشي لاكن سمعات صوت وراها قال
تسنااي
تلفتات لقات الهام وراها وتقدمات ناحيتها وقالت
شكون نتي ؟؟ واشنو دخلك فهادشي؟
ربعات بيان يديها هارة راسها وضحكات قائلة
اللي دخلني كيخصني بوحدي.. زايدون عندنا صديق مشترك .. اللي هوا تميم ..هوا وعائلتو شركائنا وفوق هادشي حنا اصدقاء…فهمتي دابا
حدقت فيها الهام متمعن وطلعات فيها وهبطات وقالت
اجي على برا ونهضرو
خرجات هي وبيان ومشات طلعات معاها فالسيارة وجلسو .. تلفتات بيان عندها ودارت يديها على المقود وقالت
هاه!!؟؟.. علاش بغيتي نهضرو؟
بتبات ونبات شافت الهام قدامها وقالت
انا ام تميم الحقيقية
هبطات بيان راسها وعينيها خرجو بقات كتشوف فيها وصمت وطلعاتها من راسها لرجليها وقالت
نتي!!!!
شافت فيها الهام وقالت: اه انا
ضحكات بسان وشافت قدامها وقالت
اه انا .. بلا متستغربي.. انا ماشي من نفس طبقتكم المخملية ..
بيان: ميمكنش!!! مقادراش نصدق ! مستحيل
تلفتات ليها الهام وقالت: انا غنعاود ليك كولشي…
تنهدات العام تنهيدة مدوجة مرعودة كلها حرن وعمق وحمل تقيل وقالت
ثلاتة وهشرين عام هادي..طلقت انا وباه حيت ماتفهمناش.. وخلاني حاملة ومشا ماعودتش شفتو مرة اخرى .. كنت صغيرة فديك الوقت .. وعائلتي مابغاوش يتقبلوني بولدي اللي فكرشي واخا ولد الحلال.. وفاش ولدت ولدتو مريض بزاف بسبب المشاكيل والضغووطات اللي كنت كندوز منها ديك الساعة .. كان خاصو يتعالج ..وانا كنت صغيرة وعقل الصغر وماعارفة شنو ندير ..كنشوف راسي كنتلاح انا وياه للزنقة. حتى جات واحد الطبيبة وقتارحات عليا نخليه لشي ناس ميسورين احسن ليه يعيش معاهم.. فكرت فيه وفمصلاحتو وزطمت على كبدتي ..تما عرفاتني ببهية حيت مكتولدش.. وحيت محيدة الوالدة وعمرها تعاود تولد.. قالت لي غادي نشدو وتقدري تجي تشوفيه من حقك .. وغيعيش معانا ولاكن غيكبر عارف شكون مو .. قلت ليها واخا .. قالت لي ولاكن وقعي ليا على الرغبة ديالك فأنكي موافقة باش قانونيا مايكونو حتى مشاكيل.. قلت ليها واخا عطاتني اوراق باش نوقعهم وانا كنت صغيرة معارفة والو .. وقعت وبغيت غير ولدي يعيش مرتاح .. لاكن هي كدبات عليا وهربات من المغرب وماعاردتش تشفت ولدي.. وثلاتة وعشرين عام وانا كنبكي..وكنصلي.. وكنوض قالفجر وندعي .. حتى عرفت انها رجعات للمغرب ومشيت قلبت على العنوان ديالها وقابلتها..شحال بكيت عليها ورغبتها لاكن هدداتني.. قالت لي الى هضرتي غنقول لولدك نتي تنا زلتي عليه مقابل واحد المبلغ .. ديك الساعة فهمت انني وقعت على ورقة التنازل ..مااشي الموافقة.. هدداتني وخوفاتني وانا عارفاها تقدر دير المستحيل باش تحيدني من طريقها .. رجعت بحالي وفكرت نقري منو انا بطريقة اخرى
جبت سلمى ..بنت ختي .. ودخلاتها للجامعة ديالكم .. وشوية بشوية تعرفات على تميم ..وعلى ماماه ..ولقينا فرصة باش دخل ختي تخدم بحال خدامة فالدار عندهم ..اللي هي مامات سلمى .. هادشي كامل باش نلقاو ديك الورقة ديال التنازل ونرد حقي من بهية .. بهية قهراتني.. عدباتني حياتي كلها..استغلت النفود ديالها باش تبعدو عليا وماتخليهش يعرف الحقيقة.. الحقيقة اللي من حقو يعرفها . والمشكل الل وقع هوا ختي فاش كانت خدامة عندهم مشات للكوفر فور بغات تقلب فيه وحصلوها وجابوها..كما سمعتي الضابط كيقول . صافي هادشي اللي كاين
بقات بيان مصمرة كتشوف فيها لفترة طويلة وباش تستوعب داكشي اللي سمعات خاصها وقت وتجلس وتحلل كلشي بشوية عليها .. سكتات شوية وقالت
وانا علاش عاودتي ليا هادشي بالضبط.. مدام هاد المدة كلها ونتي ساكتة .. وعلاش ماقلتيهاش لتميم ديريكت
ردت الهام كتبكي وكترعد وقالت: خفت نضيعو ومايتيقش بيا .. ويحساب ليه انا خليتو ونخسرو فمرة وحدة
بيان: امم.. وانا علاش عاودتي ليا؟ سقدر حتى انا منتيقش بيك
الهام: هادي هي الحقيقة.. نتي ماشي هوا تميم .. نتي تقدري تجلسي وتفكري وتقولي مع واسك واش كاينة شي ام كتخلي ولدها !! وعلاش بهية ماكانتش كدخل بيه للمغرب؟ وعلاش بغات تبعدني.. بزاف ديال الاسئلة..حيت كن ماهرباتش فيه مغتخافش نفضحها .. ونتي مرى بحالي بحالك واحد النهار غتولدي..وتحسي بالكبدة..وحنا بالفطرة كنحنو .. انا خسرت ولدي لسنوات ..وماعندي منخسر .. هدفي فالحياة هوا يرجع ليا ولدي والاهم انه يعرف حقيقة شنو وقع
بلعات بيان ريقها مصدومة وقالت
غادي تخلي ليا نمرتك وتمشي.. يقدر نعاودو نهضرو مرة اخرى وغالبا غنعاودو نتلاقاو..انا دابا محتاجة نجلس بوحدي شوية
شدات فراسها وعطات تيليفون لالهام كتبات فيه النمرة وشداتو صونات عليها وحطاتو .تنهدات الهام بحزن وقالت
شكرحيت سمعتيني.كنتمنا تفهميني وتعاوني معايا.. نتي تقدري توقفي بهية عمد حدها وتواجهيها ..اما انا ضعيفة وماعنديش جهدها ..
سدات بيان عينيها والدوخة شاداها وقالت
غيبقا الاتصال بيناتنا..
الهام: غنطلي منك واحد الطلب… الى كان ممكن تعرني ختي تخرج ..ماليها حتى دنب فهادشي.
بيان: يكون خير يكون خير
نزلات الالهام مشات كتمشح دموعها وجلسات بيان شادة راسها شحال وشربات ليها الماء وهزات تيليفونها تاصلات بالمحامي ديالهم بدت كتهضر معاه وقالت
الى كان ممكن بغيت ندوز عمدك للبيرو فشي حاجة طارئة..اوكي استاذ شكرا انا فطريقي عندك
وصلات عند المحامي واستقبلها بصدر رحب ..مدات يدها سلمات يلباقة وجلسات بابتسامة قدامو .. من بعد ماسولها على احوالها واحوال ماماها خلات معاه فالموضوع نيشان وقالت
جيت عندك بغيت معلومة ..واستشارة قنونية
المحامي: انا رهن الخدمة مادموزيل بيان العلوي
بيان: اوكي.. بغيت نعرف..واش الى شي واحد بغا يعطي ولدو لشي ناس يتبناوه ..قانونيا خاصو اوراق الموافقة على هادشي ولا يقدر يعطيه بسهولة لشي واحد اخر يتبناه عادي؟؟
المحامي: لا ماشي بهاد السهولة واجب التيليغ عنه عند السلطات وكاين اجرائات وقوانين ومسطرة خاص يتابع اي شخص باغي يتبنى شي طفل
بيان: مافهمتينيش..كنهضر على مرى عطات ولدها داكشي غير بيناتهم .
المحامي… على حسب كاين انواع.. الى هاد الناس بغاو يعطيوه سميتهم غادي يظطرو ياخدو ورقة من عند شي كلينيك على انه هداك الولد تزاد تما وهوا ولدهم وهاكا يقدرو يقيدوه فالحالة المدنية..عادي..او شي مرى تشهد انها مثلا ولدات ديك المرى وتعطيها واحد الوريقة يوثقوها وصافي هاهوا ولدهم ..اما الى كانت الام شخصيا بغاش تعطي ولدها لشي ناس وخاص يعطيوه السمية فهي ليها حرية الاختيار ..يا اما يتلغى الوجود الام الحقيقية كما قلت ليك ويبقاو الواليدين فقط يتكلفو بها. يا بورقة من كلينيك. يا مولدة تشهد كأنها ولداتها فالدار وتعطيها ورقة اما الي مابغاتش الام تلغي وجودها نهائيا هنا خاصها تبع المسطرة مع الواليدين خطوة بخطوة وهادشي فيه بزاف ديال المشاكيل وغياخد بزاف دالوقت
بيان: امم.. قلتي غياخد بزاف ديال الوقت باش يعطيوه العائلة الثانية النسب
المحامي :تماما
بيان: فالحالة الاولى شحال كيتطلب هادشي ديال الوقت؟
المحامي: كيتطلب صلات ايام فقط..بحال اي واحد وبد فكلينيك ومشا يشجل ولدو ..اما الحالة الثانية فكتاخد بزاف ديال الرقت كتوصل لستة اشهر تقريبا على حسب الوضعية.
بيان: اوكي استاد شكرا .. هادشي اللي بغيت نعرف
المحامي: لاشكرا على واجب..بابي مفتوح ليك فأي وقت
تنهدات وخرجات مشات بحالها ركبات فالسيارة ورجعات للدار ..كان الوقت تأخر ودخلات لقات مدام سارة كتسناها ويالاه بدات تعاتبها على فعلتها الاخيرة وغيابها طلعات بيان لبتيها وخلاتها ماهضراتش معاها وسدات بابها .. جلسات كتفكر وتخمم ثم جلسات على كنبي مريح بسروال حرير وديباردور ديالو فالاسود ناعمين وتفرغات لهاد المسألة كليا..حطات الحاسوب قدامها وحلاتو قائلة
دابا غادي نشوفو اشنو قصة هاد التبني..
دخلات بدات كتقلب وتبحث وربطات السن ديال تميم بالموضوع الشيء اللي خلاها تحسب وترجع لتاريخ الولادة والسنة ديالو ورجعات اللور كتقلب على اخبار عائلة مدام بهية بن موسى وحتى مشيو جان البيستي كونهم اشرة معروفة فأي حدث وقع غيكون عمل ضجة ..بدات البحث فجميع الشبكات حتى طلعات ليها الجريدة اللي تنشرات فيها العقيقة ديال تميم وحبسات مخرجة عينيها كأنها لقات طرف الخيط اللي غيبين ليها كولشي
معلومة مهمة شداتها بيان وتكمشات ختفكر وتخمم ماداهاش النعاس ديك الليلة .
صبح الحال ووصل مسيو جان .. ودار ليها ليهم مفاجأة ماخبرهمش حتى حل الباب ودخل لقا كلشي ناعس.. دخل على مدام بهية فيقها من النعاس بواحد البوسة فاجآها وماخلاهاش تنوض دخل جنبها وعنقها.
تمنية ديال الصباح فاق تميم يمشي للجامعة. .لبس حوايجو كالعادة واستعد يخرج مع الباب لاكن سمع الباب تحل وتلفت شاف باباه خارج من البيت ..حل عينيه مافاجأ وضحك مشا لاح يدو ليه وتعانقو بجوج ورتب جان على كتفو وقال بالايطالية
كي غادي مع جامعتك الجديدة
رد تميم بابتسامة وقال
مزيانة .. مابيهاش المهم كنتعايش
رتب مسيو جان على كتفو وهوا لابس بينوار ازرق بسروالو وقال
مابقا ليك والو ..قريب تسالي وترتاح..هادشي الى مابغيتيش تزيد للدكتورة مثلا
ضحك تميم بسخرية وقال: لا صافيي.. حتى لهنا وبراكة الى كانت شي قرايا اخرى حتى لمن بعد..باغي ناخد بوز
صغر مسيو جان عينيه كيشوف فيه بابتسامة وقال
درتي شي .. صديقة فهاد المغرب ولا ماطرباتك حتى وحدة
دخل تميم يديه فجيابو كيضحك وقال : حاليا باقي مع لجين ..لتاحقات بيا لهنا
مسيو جان: امم هاد لجين بانت ليا متعلقة بيك بزاف..كتخطط معاك لعلاقة جدية مستقبلا
ضحك تميم وقال: ااوه لاا ميمكنش ماشي من دابا .. مكنتخيلش راسي فعلاقة جدية من دابا مستحيل
مسيو جان: الى كان هاكا حاول ماتخليهاش تعلق ب بيك بزاف.. التعلق كيدير المشاكيل..يالاع سير منعطلكش على الجامعة ديالك..فوقت لغدا اجي نتغداو مجموعين فلاوتيل شحال هادي ماتغدينا بحال شي عائلة..ونيت نعرفك على شي واحد مهم جبتو ليك معايا
استغرب تميم وقال: شي واحد مهم؟؟ شكون؟
مسيو جان: كل حاجة فوقتها مزيانة ..يالاه بالتوفيق
خرج تميم من الدار وموراه خرجات مدام بهية فالبينوار ابيض عنقات جان بيديها بحب ودلع وشدات ليه فيدو مشات جلسات هي وياه مقابلين مع الزاج اللي كيبن البحر والوداية وقالت
احسن حاجة جيتي توحشتك
عنقها بيدو وقال: مرتاحين فهاد الدار؟. ماحسيتوش بالديق
مدام بهية: كنشوف تميم مرتاح هنا .. عجبو المنضر وحتى الموقع رائع وكيهبط يتمشى غير هنا وبعد المرات كترشق ليه يعوم كينزل على رجلو..وحتى انا كنشوف هاد البلاصة احسن بلاصة نقدر نسكن فيها واخا الدار بدات كتجيني ديقة وولفت لقصر فأيطاليا
مسيو جان : اذا تميم كايبغيش يبدل ..على هاد الحساب نوسعو غير هنا
مدام بهية: مثلا
مسيو جان: هاد الشقة اللي حدانا . . الى كانت كبيرة بحال هادي نشريوها ونشعو الدار.. خاص قاعة دالرياضة هنا
مدام بهية: انا كتمشي لاصال..وتميم حتى هوا!! الصراحة مامحتاجينش قاعة فالدار وكنفضل نمشي ونجي هاكا الحياة احسن ..مابغيتش كولشي يكون عندي فداري.. كنحتاج نبدل البلاصة ونقابل ناس ونتحرك
مسيو جان : اوكي اللي يريحك .. شنو درتي فمضوع الخدامة ؟
دار رجل على رجل جبد سيكار كيسمع ليها وهي كتلعب فشعرها وقالت
ليوم غيجي عندي المحامي ..قلت ليه يجي عندي للكازينو حيت غنكون تما..يعطيني اخر الاخبار على هادي حيت خاطري مارتاحش ليها
كسيو جان ..امم..اوك ..نفطرو ونمشيو انا وياك
باسها فحنكها
وصلات بيان هي وتميم قد قد.. نزلات من السيارة لقاتو قدامها سد الطموبيل وبقات واقفة كتشوف فيه بتأمل ساهية.
بعطف قرباتو منو وهوا كيشوف فيها ويبعد مستغرب وعنقاتو خلاتو حال فمو مصدوم مافهم والو .. حط يديه ورا ضهرها بادلها العناق والكل كيشوف و السيارات كيوقفو وحتو لجين وجاد وصلو وشافوهم فديك الوضعية العاطفية ومن الصدمة بقاو فبلايصهم مانزلوش
تراجعات بيان بهدوء وشافت فيه قائلة
لاباس؟
ود باستغراب ويديه مزالين على دراعها وقال
مزيان!! ونتي؟
شدات ليه فيدو وقالت: مزيانة.. نقدرو نجلسو شوية ونهضرو
كتفهم فيها والو لاكن تصرفاتها المبدلة خلات عندو فضول يعرف شنو كاين وقال
اوكي
بيان: انا مزال مافطرت..نفطرو انا وياك ونهضرو
ود بالايجاب ومشا معاها للكتفيتيريا طلبات فطور ليهم بجوج وجلسو على انفراد بجوجهم كيفطرو وواحد كيشوف فالتاني ..ابتسمت بعطف كتشوف فيه بعيونها البراقة اللي اول مرة يبان عليهم الاحساس وقالت
ماماك لاباس عليها ؟
رد بالايجاب وهدوء وقال : لاباس؟!
بيان: وباباك؟
زاد استغرب وقال: مزيان!!..بيان ؟! واش عندك شي مشكل
بحنان قالت: لاا..ماعندي والو..غير بغيت نسولك .. كنحس بيك مرتاح وسط ماماك وباباك
شاف فيها مطولا وقال: وشنو اللي خلاك تقولي هاد الهضرة
تنهدات وقالت: حيت الواليدين مهمين بزاف فهاد الحياة .. انا كنعرف بقيمتهم بزاف خصوصا من بعد موت بابا
هبط عينو بأسف وصمت وهي ساهية كتشوف فالجنب ..قاطعات هدوئهم لجين ووقفات بضجيج وقالت
صباح النور… تميم؟؟
شافت فيها بيان وتحولو تعابير وجهها بسرعة للنرفزة وقالت
ماتعلمتيش تحتارمي جوج كيتاقشو مواضيع خاصة بيناتهم ؟؟
هزات لجين راسها بغيض وقالت: المواضيع الخاصة ناقشيها مع صاحبك اللي جالس برا بوحدو.. وتعلمي تحتارمي العلاقات ديال جوج مفاهمين
وقفات بيان كضحك وقالت كطلع فيها. ولسانها تحت سنانها
ااه..اوكي … عندك الحق الجامعة ماشي بلاصة ديال النقاش..(شافت فتميم) فوقت لغدا نتلاقاو فالاوتيل..تما غناخدو راحتنا اكثرً
غمزاتو ومشات خلاتو كيشوف فيهم بجوج ..جلسات قدامو لجين وقالت بغيض
شنو كتقول هادي؟؟
اشنو بينك وبينك انا شفتك كتعنقها شنو بيناتكم اتميم؟
ببرودة قال تميم: الى عندك مشكيل معاها سيري عندها حليه اوكي.. هاد المشاكيل ديال البنات ماعندي مندير بيهم
ناض خلا داك الفطور حتى هوا ومشا ص مها خلاها واقفة ، تصا ف مع جهاد داخل للمحاضرة ووقف ليهم بابتسامة
صباح الخير
شاف فيه جهاد وتصمر بقا كصدوم حتى هوا اكثر من بيان وعلى مهل عاد استوعب وماعرفش كيفاش يتصرف ..بان التغيير فتصرفاتو وهاد التغيير لفت انتباه تميم وقال
مالك ليوم صبحتي ساكت.. عندك شي مشكل
جهاد: لا… لا والو غير لبارح دوزت واحد النهار عامر بالستريس.. نتا مزيان؟؟
تميم باستغراب: مزيان!! .. مالكم هاد الصباح صبحتو مصاوبين .. كتهضرو بالرسميات
جهاد: شكون حنا ؟!!
تميم: نتا وبيان ..صبحتو فشكل !! شنو كاين ؟
توثر جهاد وقال: بيان!!! شفتي بيان هاد الصباح ؟؟
تميم: فطرت انا وياها علاش ؟!
جها بارتباك: ااه ..اوكي ..امم حاس براسي باغي نمشي لطواليط..انا راجع
تسل جهاد ومشا كيجري ويقلب على بيان لقاها فالباب ديال القاعة ديالها باغا دخل وجرها من يدها ردها اللور وقال
اجي..بغيت نهضر معاك
بعدها ووقفها قال
شنو وقع لبارح؟ شنو اللي وصلتي ليه؟
تنهدات كتشوف قدامها وقالت
هضرت مع ماماه الحقيقية … عتارفات ليا بكلشي..كنفكر نواجه مدام بهية ليوم .
جهاد: باش اعتارفات ليك ؟؟؟
بيان: هما خداو ليها ولدها بزز منها ..اصلا مكايناش شي ام كتسمح فولدها ..
هز جهاد يديه وقال: حنا ماشي شغلنا ..صافي خرجي من هاد المعمعة ومادخليش فيها .. بلا والو انا كتوصر مقادر حتى نتصرف عادي قدام تميم..حنا ماشي شغلنا اوكي هانا وصيتك
مشا هلاها واقفة مربعة يديها كتخمم ومشات خرجات من الجامعة ركبات سيارتها ومشات مباشرة للاوتيل.. صفات السيارة ونزلات فاتجاه الاوتيل كتسول على مدام بهية واش موجودة ومن بعد مشات للبيرو يالاه بغات دخل سعات حوار لفت اتنباهها وحبسات ويديها على البواني حالة الباب من شق صغير
المحامي: هادشي اللي كاين امدام بهية كتقول باللي هي اخت الهام
مدام بهية بغضب: الله يعطيهم موصيبة .. انا كيفاش حتى دازت عليا بحال هاد الفعلة هادي..تغلغلو فحياتنا وفقلب دارنا وحنا ماعسين..ياك قلت ليك تحرى ليا عليها وشوف ليا جديدها ها نتجية اهمالك اجان فين وصلاتنا هاهما كانو غادي يسرطونا وحنى كنشوفو
مسيو جان : ومناش خايفة؟ ماعندهم مايديرو
مدام بهية: لا غايديرو.. غيقلبو حياتي ولدي اللي خدمت عليه انا وياك وسهرنا على راحتو ونمينا شخصيتو وخدمنا على مستقبالو.. منقدرش نشوف تميم مكسور ولو غير شوية.. منقدرش.. نتا عارف شحال خدمنا على هاد الولد باش نكبروه ونقويو ليه شخصيتو ونربيو ليه الثقة فنفسو وتعبنا على استقرار النفسي كتر ماتعيو بزاف ديال الوالدين..وركزنا على ابسط اللمور فحياتر وماهملنا حتى جانب.. فالاخير يجيو بحال هادو يقررو ويخططو ويدخلو ليا لقلب داري
خاطب مسيو جان المخامي وقال: دير اللي فجهك باش هاديك اللي ماتسما بقا فالحبس والتهمة تبقا لابساها ..واي جديد وقع تاصل بينا
جمع المحامي اوراقو وقال : كون مرتاح من هاد الناحية امسيو جان البيتسي
جمع المحامي الاوراق وهز المحفضة ديالو بغا يخرج وهنا بيان هربات تخبات حتى مشا ورجعات حلات لباب ببطى ء شديد كتسمع
مدام بهية: هاد خيتي بغيتها تبات ماتصبح اجان ..وجودها كيوترني
مسيو جان : غادي نهنيك منها فمرة .. وغتبقا درس لاي واحد كيخشي نيفو فهاد القضية كوني هانية
تحل الباب وبيان عاضة على شفاها من الخوف وطاحت لداخل قدام رجليهم وبهية واقفة ويدها على الباب ويد على جنب كتشوف فيها وراسها مرفوع .. وقفات بيان بسرعة كتفتف وهزات صاكها مالقات ماتقول وبدات كتمتم ..
مدام بهية: يمكن فهامتك فالانجليزية تقيلة ..غادي نعاودها ليك بالدارجة
اي واحد ..كيخشي نيفو فهاد القصية غيلقا نفس المصير..اوكي..لخبار فراسك بلامنلعبو اكثر من هاكا
تخلعات بيان وبقات كتشوف فيها فصمت وبهية هارة حاجبها وكتقرب منها وتقول
شنو ماعرفتي..او سمعتي.. غتخليه فراسك وتسدي فمك تفاهمنا.. وماتخليش فضولك يخرج عليك الغزالة .. صغيرة ..وزويينة..حراام هاد الجمال يضيع وهاد العوينات ..وهاد النضرة الجميلة ماتعاودش تشوف النور
قالتها وهي كداعب خصلات شعرها الناعم المتموج وكملات بابتسامة
بهية: يمكن خاصك شي سوان لشعرك.. ولوجهك باش يزيد ينور .. اهتمي بيهم احسن ليك احبيبة
هبطات بيان راسها كترمش فالارض وقالت
سمحو ليا.. غادي نمشي
خرجات من البيرو مخلوعة ويدها على صدرها وعينيها كيترعدو من الخوف لاول مرة فحياتها ومشات هربانة في اتجاه مكتب امها .. دفعات الباب بالجهد ودخلات عليها لقاتها واقفة مع راجل فوضعية مخلة بالاداب كتتبادل معاه القبل، كات صدمة قوية لبيان رداتها اللور وبقات واقفة كتشوف فيهم والدمعة نازلة على خدها ..امها تصدمات رجعات اللور والراجل حتى هوا تفاجأ.. رجعات بيان اللور كترعد وسارة كتعيط ليها لاكن مشات بيان كتبكي وقلبات واحد البلاطو ديال المشروبات فطريقها كان واحد النادل هازو ومشات كتبعد بيدها اي واحد فطريقها وهي فحالة انهيار تام والكل كيشوف فيها منين مادازت حتى لباب الاوتيل.. تما تلاقات تميم جاي مرتاح وراشقة ليه حيت باه جا وغيتغداو مجموعين فالاوتيل، لاكن فرحتو دغيا تبخرات فاش شافها غادية جهة سيارتها فديك الحالة وبدا كيعيط ليها ماوقفاتش ومشا تبعها لاكن كانت ركبات سيارتها وخرجات بواحد الطريقة قوية حتى تسمع صوت انزلاق الروايض مع الارض.. مشا لسيارتو كيجري ركب وخرج بنفس الطريقة يالاه يلحقها وتبعها كيطير وهي كطير كتر منو وكتسوق بلا عقل ..بدا كيكلاكصوني عليها توقف ويدوز ليها مع جنابها لاكن هي كانت كأنها غادية فالطريق بوحدها .. ماوقفاتش فالسطوب وحتى البوليس فاش تعرضو ليها فالطريق على المخالفات اللي خلات وراها لا هي ولا تميم اللي حتى هوا غادي وراها بنفس الوتيرة وكيشوف فيها كدور مع الشوارع بطريقة قوية تقول السيارة غاتقلب بيها .. عيا يكلاكصوني عليها ومشا قدامها وخفض السرعة باش تخفض حتى هيا لاكن كحزات للجنب دوبلات وكملات بنفس الطريقة.. عاود مشا جنبها وهبط الزاج كيكلاكصوني ويعيط ليها وكيشوف فيها كتبكي بهستيرية وتمسح عينها بسطح يدها حتى وصلات للفيلا ونزلات زدحات باب السيارة ودخلات بيديها فالسما غير كتكبكي ودفع لقات الخادمة قدامها حتى هي دفعاتها ..مشات الخادمة تسد الباب لاكن دفعو تميم ودخل عندها تبعها حتى للبيت لقاها فالارض شادة التصويرة دياها وكتبكي لربي اللي خلقها
وقف كيشوف فيها كتبكي وتقطع قدامو وقرب منها جاس القرفصاء كيسول مالها لاكن هي تحصرات وسط إعصار من البكاء والحزن وماقدراتش تخرج منو .. مانفع معاه حوار ولا كلام واكتفا يهدئها .. حيد المونطو عليه حطو فالارض بقا بتريحو خفيف من الوف حول مثلت جمعو على يديه لفوق شوية وجلس حداها كيسكتها ويعنقها ..حيد ليها المونطو عليها ورجع ليها شعرها اللور وبدا كيمسح ليها وجهها وهي معنقة صورة باها مابغاتش تفرق عليها
دخلات مدام سارة كتجري وتقرقب بالطالون مخلوعة على بنتها سولات الخدامة عليها ومشات طلعات كتجري عمدها للبيت لقاتها سخفانة بالبكا فالارض ومعاها تميم كيواسيها .
غرغرو غينين سارة وقالت ويدها على فمها
بيان…
هزات بيان عينيها بتعب اللي حمارو وتنفخو بالبكا ووجها فازك وهي فحضن تميم شاف فيها كأنه ملك الموت وجا يقبط ليها روحها لدرجة النفس بدات تصارع فصدرها وناضت وقفات والصورة فيدها وقالت بغضب شديد
خرجي .. خرجي ماتعاوديش تجي لهاد الدار ..خرجي برااا براااااا
غوتات بصوت رقيق كيصمك الودنين ومدام سارة كتبكي وتشوف فيها باغية تشرح ليها وتهضر معاها لاكن بيان ماعطاتهاش فرصة ..كتغوت وتميم شاد فيها كيحاول معاها تتهدن وتيفونو كيصوني تقول ناقصهم صدع كمل ليهم اللي بقا .. مشات بيان دفعاتها وتميم مصدوم كيجرها لاكن بقات كدفعها وتبعدها حتى نزلو لتحت وشارت ليها جهة الباب وقالت
خرجي عليا من داري.. خرجي وماتعاوديش تجي عندي ..خرجييي
رجعات مدام سارة باللور كتبكي وخرجات مشات كتجري وجلسات بيان على الارض كتبكي والصورة ديايها فحضنها .. قرب ليها تميم كيشوف فيها وقال
علاش درتي هاكا لماماك؟؟ علاش جريتي عليها وا حماقيتي
شاف فيه كتبكي وقالت: ماشي ماما… ماشي ماما انا ماعنديش ماما .. صافي من ليوم مابقاتش عندي ماما
تكورات فجسدها كتبكي فواحد القنت من الكنبي والخادمة كتشوف فيها بأسى ..مشات جاب ليها الماء حطاتو مالقات ماتقول من غير تبقا ساكتة حسن ليها .. جاوب تميم على اتصال باباه وهوا جالس حداها وقال
لا تشغلت شوية.. ماقدرتش نجي خلي حتى لعشية ونتعشاو مجموعين اوكي.. سمحو ليا بزاف ..شكرا بسلامة
قطع ورجع ليها كيتنهد وجلس قدامها شد ليها فيدها وقال
براكة عليك من البكا .. صافي هداي شوية وشربي شوية دالماء
مد ليها الكاس شداتو كتنخصص شربات منو وشافت فيه بحزن كتأمل فيه وقالت
ماماك ضحات شي مرة على قبلك ؟ باباك دار شي حاجة فحياتك فرحاتك؟
تنهد كيشوف فيها وقال : علاش هاد الاسئلة.. واخا يكونو عندك مشاكل مع ماماك ماجاتش تجري عليها بهاد الطريقة كتبقا ماماك
بيان: نتا الى شي نهار تآديتي من واليديك وتجرحتي.. وشفتي حياتك كلها كدبة تقدر تسامح ؟؟ ها
قرب براسو عندها وقال: واخا يوقع اللي وقع ..مستحيل نجري على واحد منهم بهاد الطريقة ابيان
ردت والدموع فعينها : واخا يكونو متبنيينك مثلا؟
بقا ساكت كيشوف فيها مطولا وقال: واخا يكونو ميتبنييني..يكفي انهم حتاضنوني..شنو ماكانو الاسباب ..الواليدين خط احمر
مسحات الدمعة قالت: هانتا قلتيها .. يعني الحضن اهم من كلشي.. انا حتى واحد ماحتاضني من غير بابا.. حتى اللي يخليني نحس بالدفئء اللي كتحس بيه نتا ماعنديش.. انا تيتمت اتميم..تيتمت من الام والاب..وبقيت بوحدي فهاد ال دنيا
قتح ليها يديها وضمها وقال
انا غنحضنك … وقكل مرة حتاجيتي للحضن غتلقايني واجد كنتسناك
عنقاتو كتبكي وضمها بقوة حتى بردات وحطات الصورة ورجعات اللور بهدوء وقالت
تميم.. علاش كتعاملني بهاد الطريقة؟ شنو السبب؟
ضحك وقال: ماعرفتش.. بصح ماعارفش علاش؟! ولا حتى شنو السبب
ردت بأسى : كتشفق عليا
سد عينيه مطولا وقال: مكنشفقش عليك .. حتى والى شفقت عليك غندير معاك الواجب و مغنتعمقش معاك بزاف
بيان: وشنو السبب؟؟
هز كتفو: قلت ليك ماعرفتش.. فاش غنعرف غنعلمك رجعات مدام سارة للاوتيل كتمسح عينيها ومشات مباشرة كتسول على مدام بهية تشكي عليها خبروها انها فالمطعم هي وزوجها كيتغداو ورجعات للبيرو ديالها سدات عليها وجلسات كتبكي بحرقة حتى دقات عليها مدام بهية ودخلات لقاتها فديك الحالة وقالت
مدام سارة؟؟…قالو ليا سولتي عليا يا لاباس؟ علاش كتبكي
ناضت مدام سارة من بلاصتها والمنديل فيدها كتمسح نيفها عنقاتها وقالت
بنتي..بيان
شدات فيها مدام بهية بأسى وقالت: مالها شنو وقع عاوتاني
جلسات مدام سارة ومدام بهية على الكراسا وبدام مدام سارة كتشكي وقالت
دخلات لقاتني مع كريم.. اوو..وكنا كنبوسو بعضياتنا
شدات مدام بهية عينيها ودورات وجهها بأسف ..تلفتات شافت فيها وقالت :
قلت ليك هضري معاها.. شرحي ليها..فهميها واخا متبغيش فهميها حسن ما تشوفك بعينيها وتفهم شي حوايج من راسها
مدام. سارة: كنت بغيت نقوليها وكنت كنتسنا الوقت المناسب..وكل مرة كنبغي نفاتحها بالموضوع كنخاف من ردة فعلها ..نتي مكتعرفيش بيان .. مكتعرفيهاش مزيان
ابتسمات مدام بهية وقالت: يمكن وليت كنعرفها .. ايوا ..وكيفاش كانت ردة فعلها ؟
مدام سارة: خرجات بحال الحمقة مشات للدار .. فاش تبعتها لقيت معاها تميم
مدام بهية: تميم؟!!…ااه ..الشغل
مدام سارة: جرات عليا من الدار ..خرجاتني وقالت ليا ماتعاوديش تجي.
مدام بهية: ويلي!!
مدام سارة: كنت متوقعة منها اكثر .. يمكن حيت كان تميم معاها عاونها باش تهدا شوية.. انا كنتوقع منها الاسوء ديما .. هادي بنتي مجنونة مجنونة ابهية تقول عندها شي حبل فراسها وكيتقطع مرة مرة وكتفقد عقلها .. ماتصوريش شحال انا محروقة دابا
مدام بهية: سارة .. سمعيني.. ماتبيينيش ضعفك قدام بيان اوكي.. قربي منها..حني فيها ..ولاكن ماتبانيش ضعيفة قدامها .. نتي من حقك تبداي حياتك وتعيشي من جديد.. من حقك تحبي الموت علينا كاملين..وراحلك اللع يرحمو كن كان بلاصتك كان غيدير نفس الشيء..بيان خصها تقبل هادشي وكما هي عندها حق تحب حتى نتي عندك حق تعيشي قصة حب ..مع الشخص اللي يستاهلك ..خليها تبرد.. وتحاوري معاها بشوية وبالحنان
مدام سارة: غنحاول..غنحاول
مدام بهية: غنخليك جان كيتسناني ..ماتقلقيش كلشي غيتصلح
خرجات مدام بهية وتنهدات بعمق قائلة
هانتي درتي لراسك فاش تلهاي دابا على الله تنساي اللي سمعتي وديري عقلك ابيان
فهاد الاثناء كانت بيان فالدار واقفة كتعاود لتميم وفيدها الكاس عامر كتشرب وهوا جالس كيشوف فيها وقدامو القرعة والكاس كيشرب معاها ..ضحكات كتميل بسخرية وضربات فخدها قائلة
مشيت نعنقها ..نقوليها ماما انا خايفة..ها علاش خايفة ونخوي غليها قلبي.. ههه لقيت البلاصة عاامرة هههخخ.. لقيتها شادة واحد معنقاه يمكن حتى هوا كيخوي عليها قلبو..تخيل!!
شي شارب كيشكي وشي حدا باب الكوميسارية كيبكي.. مكاينش اللي محروق قلبو على سميرة قد بنتها سلمى.. اما الهام وامها رجعو للدار يشوفو اش يديرو ويقلبو على حل لديك الموصيبة.
شافت الهام حتى عيات وفكرات مزيان من بعد قررات تمشي تواجه بهية وجها لوجه هاد المرة وماتبقاش مخبية وتبين ليها انها مخايفاش منها. فعلا لبسات حوايجها وهزات صاكها وخرجات من الدار شدات طاكسي حطها حدا مارينا .. يالاه جات تقطع الشارع للجهة لاخرى دازت سيارة كاط كاط ضرباتها وهزاتها حتى للسما ولاحتها ومشات كطير قلبات الدورة . تخلعو الناس والعساس وكلشي مشا كيجري وتجمعات الجوقة وحتى واحد ماقدر يقيسها .. اما هي بقات مرمية وعينيها محلولين وفمها محلول مقادراش تهضر والروح واقفة فالحلق. جات الشرطة وجات الاسعاف وناضت الروينة وحتى واحد مانتابه للسيارة اللي ضرباتها او رد البال للماتريكيل..وحتى فاش سولو العساس اللي تما على شنو وقع
قاليهم اسيدي انا كنت كنتخلص من واحد السيد كان مخرج سيارتو .. ماشفتش كيفاش وقع حتى سمعت الضربة وضرت كنجري لقيت المرى مليوحة وبانت ليا غير الطموبيل كاط كاط كبيرة كحلة غادية كتجري ماق درتش نرد البال للارقام .
سولو الناس اللي كانو تمتا حتى هما نفس الشيء وكلشي قال انهم شافو غير الشكل ديال السيارة لانها بسرعة ضارت مع الطريق ماقدروش يشوفو الرقم .
لحاصول ومافيه هزو الهام للمستعجلات ودارو الواجب وتفرقات الجوقة وكلشي كيقول غتموت وماتقدرش تهز الضربة ..
طاح الليل وبيان وتميم سكرو حتى مابقاوش كيعقلو .. جلسو فلارض حدا ديك القرعة الخاوية اللي مرمية وتكا واحد على واحد وبدات بيان تشكي وتبكي حتى فشات قلبها ونعسات فبلاصتها.. سمعها قطعات الحس وطل عليها وهي متكية على رجلو لقاها ناعسة وعيط للخدامة ديالهم هزاتها معاه طلعوها مع الدروج بزز.. شادها وكيميل حتى وصلها وهبط فحالو هز المونطو ديالو وخرج طلع فسيارتو غادي كيسوق ويشوف بنص عين .
جاه اتصال فتيليفون ورد كيحل عينيه بزز لقا باه فالخط ورد
اه..اا..واخا.
وصل لمارينا دخل السيارة وكانت الدنيا عامرة .. شي كيتصور شي كيتقهوى وشي كيتسارا ..نزل كيميل ويحل عينيه وطلع فالاسانسور دايخ حتى للدار ..بدا كيخربق باش يحل الباب لاكن حلات ليه مدام بهية من لداخل وخرجات عينيها لقاتو قدامها كيضحك وكيميل قاليها بصوت تقييل وعينين ناعسين
كتفهمييييينيييي
بقات حالة فمها فيه وشداتو دخلاتو كتردد
ويييلي وييلي على الراجل ديال الدار علامن معوليين!!
دخلاتو وكان مسيو جام جالس فجلسة ديال الضياف ومعاه راجل ضخم تقول محارب.. اسمر اللون وقرع وكامل كتل صلبة من العضلات. شافوه هاكا ووقفو مصدومين كيطلعو فيه..اما تميم كام واضح انه كيعرف داك الراجل حيت غير شافو ضحك وعطاه اشارة وطلق من بهية مشا عندهم بغا يسلم وتعكل طاح عليه حتى عنقو الراجل ووقفو كيضحك وقاليه بالايطالية
باك عندو الحق فاش قالي راه مزال خاصو ترابي
مسيو جان بقا غير كيشوف فيه وفحالتو وقال بجدية
غاتبدا التدريب من غدا .. وجد راسك سمعتي
تكا تميم على كنبي حداهم وقال: وعلااش زربانين !! واش نايضة الحرب؟
مسيو جان : غتنوض الحرب الى مادرتيش عقلك.. سير تنعس دابا حتى لغدا عاد نهضرو
وقف تميم بزز وضرب على بى يد الراجل وقال: احسن حاجة درتي..غدا نتلاقاو
الراجل: وجد راسك .. نشوف واش مزال شاد ولا ما كولشي
رد تميم كيضحك وقال: شاااد..شاد
مسيو جان : شد غير راسك ..
مشا تميم لبيتو وناض مسيو جان ودع الراجل اللي معاه وجلس داير رجل على رجل ويدو حدا فمو كيشوف قدامو بصرامة .. مشات بهية جلسات حداه كدور فعينيها وتبتاسم وقالت
تشهيتي شي حاجة .. نصاوبها ليك
تلفت شافيها بصرامة وقال: مشهي نشوف ولدك شاد الطريق.. ومعقول.. شهادالحالة راجع بيها كن دار كسيدة فالطريق فين غنوليو ؟؟
ردت بهية ببرود وقالت: ماشي ديما كيجي هاكا اول مرة يدخل فهاد الحال.. من نهار جينا للمغرب وهوا عامل عقلو ماعرفت اش جاه ليوم
مسيو جان: مابقاش صغير.. اللي قدو راهم مسيرين شركات وهازين مسؤوليات..فوقاش غنشوفو انا راجل ديال بصح ؟؟ هاا؟ هادشي غيحبس هنا ..ومن هنا لفوق انا اللي غنتكلف بيه .. وماتدخليش بيني وبينو
بهية بهدوء : بلا عكس .. غير بشوية ..راني قلت ليك اول مرة يدخل سكران من نهار جينا وغتكون اخر مرة
وقف وقال: وانا كتقوليك غنتكلف بيه من هنا لفوق
طفا داك السيكار وناض مشا لبيتو وتبعاتو بهية كتهدن فيه .
صبح الحال وصبحات مدام بهية على تميم فالبيت لقاتو كيدوش .. وقفات لابسة لبسة من الجلد مختالفة على المعتاد مع سروال كوير اسود وبوط عالي وفيدها مونطو وشعرها مطلوق كتسناه يخرج تعطيه واحد الدرس مقاد عاد تمشي.
خرج بالفوطة وراسو فالارض كيمسح شعرو لقاها قدامو كطقطق فالارض محلفة عليه وقال
ماما!!
مدام بهية: ماما؟؟؟ كن كنت ماماك كن ضربتي ليا الحساب ماتجيش شكران ورجليك تالفين مقادرش حتى توقف .. خليتي حتى جا باباك عاد جيتيني فديك الحالة؟!! هاا… حشمتييينيي
تميم: وخليني نبدل ونهضرو
مدام بهية: كن كنتي كتحشم ماتجيش فديك الحالك.. هاهوا دابا عول عليك ايوا وجد راسك دابا انا غنخليك منك ليه ..
سد عينيه فالسما ميأفف وينقخ حناكو وبهية كتغلي وتشوف وقالت. مصغرة عينها
حساب ليك معارفاش فين كنتي ومعامن سكرتي؟؟
تميم: مازدتيش فيه شوية؟
مدام بهية: غنزييد فيه.. غتخطي بيان .. فهمتي.. علاقتك بيها متفوتش الكلية واخر مرة نشوفك معاها فشي مجمع ولا جلسة.. وهاد الهضرة منعاودهاش
ضارت بغضب خرجات خلاتو كيشوف فيه بتدمر حتى عيا ومشا جبد حوايجو من البلاكار كيبدل عليه ..دخل مسيو جان لابس واحد المونطو طويل بني وقي الجيب الصدري خاشي قفازات من الجلد مع سروال توب كلاسيكي وحداء وريحتو تعطعط.. هز راسو فيه وقال
معاياش خارج؟
تميم: عاوتاني محاضرة اخرى علو الصباح
وجه نسيو جان اصابعه ليه وقال
مغنهضرش على لبارح ..غنهضر على ليوم .. عارف غنقوليا مانبقاش نعاود ومتأكد متعاودش ..هادا علاش غتسمعني مزيان.
كيفين كيتسناك دابا فلاصال فين كتريني.. فلعشية مع الربعة غنتسناك فالاوتيل عندنا غداء تعارف وخاصك ضاروري تحضر . غنتسناك
عطاه بالضهر خلاه واقف كيشوف وضحك بسخرية وقال
اوكي.. حتى التوقيت ديالي حتى هوا خديتيه
فسخ ديك القميجة وداك السروال اللي كان لابس وحبد ملابس ريايضية والصاك ونزل ركب سيارتو غادي لاصال وبيان كتصوني
تميم: ااالو
بيان: ماقدارش نمشي لافاك هاد الصباح تقدر تجي عندي
تميم: كنت جاي ولاكن تبدل البروكرام ..المونيتور ديال فإيطاليا جا مع بابا وليوم غنبداو التدريب فلاصال.. الى قدرتي تجي اجي
بيان: راسي..كنموت اتميييم
تميم: شربي شي حاجة وتبعيني.. يالاه
وصل لاصال ودخل للاستقبال سول على كيفين رشدوه للقاعة فين كيكون ومشا خلا البنات فالريسيبشن كيشوفو فيه بنص عين ويهضرو
هادا هوا .. باه كرا ليه القاعة التحتية كلها وجاب ليه مونيتور من الطاليان
- ولد من هادا شكون باه؟
-باه واحد طالياني مو اللي مغربية بنت شي شخصيااا.. هما اللي فتحو داك الكازينو مؤخرا
-هانتي ياختي سعداتو ..على الله غير يشوف فينا واش حنا مكنبانوش ليه
-ههه كتباني ليه الزين غير هوا ماغيشوفش فيه داكشي اللي على بالك.. بلا متحاولي ..حتى الى شاف فيك غيقضي حاجتو ويلوحك ماتحلميش يتزوج بيك
-امم.. شحال تحطي حتى نطيحو
- نحط ليك كلوتي هه
- ايوا هانتي.. غتشوفي
دفع تميم واحد الباب كبير ودخل لقا كيفين ..نفس الراجل اللي كان لبارح فدارهم واقف لابس شورط وتيشورط كحلة ويديه كيار قاصحين معاه جوج رجال كيحطو المعدات ديال الحديد فالمكان اللي كيوريهم كيفين . ضحك تميم ومشا عندو لاح الصاك وعنقو قاليه
اوووووه.. شحال توحشتك
كيفين: توحشت نسلخك. حتى انا .. بان ليا غير ر جيتي للمغرب ترخيتي
تميم: لالااا.. فرحان بالمجية ديالك
كيفين: وحتى انا ..يالاه وجد تسخن .
بعد لحضات دخلات بيان مع باب لاصال يملابسها والصاك على كتفها جامعة شعرها فالاعلى والنضاضر على عينيها ووقفات قدام البنات كتسول
لفوق؟
شافو البنات فبعضياتهم وقالت البنت الثانية بابتسامة صفراء
تميم شكون؟
هبطات بيان النضارات بصبع شافت فيها وهزات حاجبها وقالت
نتي جديدة هنا…تميم البيستي ..شوفي ليا واش كاين
نخزاتها اللي حداها وقالت : كاين امدموزيل بيان ..هوا فالقاعة التحتية
بيان: القاعة التحتية؟؟..علاش فتحو تما صال جديد؟
البنت: القاعة ولات خاصة بمسيو تميم فقط. تفضلي معايا
وصلاتها حتى للباب ورجعات بسرعة عند البنت اللي معاها وقالت
ماتعاوديش تردي بهاد الطريقة على بيان واللي بحالها.. هادو اللي لاباس عليهم خاصك رتدي بالك منهم
- امممم..اش فجهدها مادير كاع .. حاسة براسها.
- غير وصيتك.. وفكرة انك طيحي تميم البيستي غير حيديها من دماغك ..فييين هنا وفين حنا
- لا احبيبة شحال من وحدة غيير بسيييطة تزوجات واحد خانز فلوس… بنت جيرانا ماعندها حتى الباك وباها غير عسكري ودات واحد خاااانز فلوس .
- ايوا ضبري راسك انا غير نصحتك .. بغيتي ديري بحال بنت جيرانكم شغلك هاداك
دخلات بيان للقاعة ومع الدخلة شافت تميم ضار فالسما ركل واحد الخشبة وطاح للارض فرجلو بانضة ملوية وعلى يديه كذلك وكيقطر ومعاه مونيطرو كيخلع وصوتو بحال الرعد..حلات عينيها وتقدمات قائلة كضحك
واااو… هادشي كاع خرج منك اتميم !!
ضار شاف فيها ووقف هوا والمدرب ديالو ..حطات الصاك وقالت : شهاد الجديد ؟
رد تميم والسوفل كيجري فصدرو عرفها وقال
كيفين.. قائد متقاعد في الجيش الايطالي المدرب ديالي حاليا
مدات يدها لكيفين سلم عليها ورجعات شدات فيها كتسوط وقالت
ناوب دخل للجيش اتميم !
تميم: لا …غير الواليد قالك خاصك تدرب على الفنون القتالية بأنواعها.. وانا عجباتني الفكرة
بيان. اييه ومن فوقاش بديتي هادشي
تميم:من لي كنت صغير..
تكلم كيفين وقال بالاطالية : يالاه قبل متبرد
تميم: خاصني نكمل.. جلسي تفرجي الى بغيتي
بيان: غندير لكارديو.. هنا نيت ونتفرج
حطات صاكها وطلعات كتجري وتفرج وكل مرة تخرج عينيها مخلوعة ولا تسدهم وكتفرج فالمدرب كيدربو بمعدات من حديد وكسد عليه ويحسب ليه الوقت باش يحل على راسو .. عدبو اشد العداب فداك التدريب القاصي حتى مابقاش تميم قادر يوقف على رجليه وعلامات الحديد على يديه ..ساعاتان من القتال عاد سالات الحصة وهز المدرب الامتعة ديالو عنقو ولقا ليه موعد فاليوم الموالي وخرج هاز صاكو .. اما تميم جلس فالارض كيرتاح وبيان كضحك عليه، مشات عمدو بالضحك حطات يدها على كتفو وقالت
نوض نوض..نوض دوش تقول طاحت عليك الشتا ..نوض نمشيو ناكلو شي حاجة سخفت حتى انا
جراتو من يدو مشاو للفيستيير ودخل كل واحد للدوش الخاص بالجنس ديالو دوشو وخرجو هازين صيكانهم.. لايح القب على راسو اسود وغادي كيعرج ومعنق بيان بيدو كيضحك هوا وياها دازو من قدام الاستقبال فين واقفين البنات وخرجو خلاوهم كيشوفو
درويشة على قد الحال بغات تعيش ساعة شافت الويل.. شكون ينوضها من حدا الكوميسارية. .. ليل نهار قدامها كتبكي وتشكي.. شافت حتى عيات ومشات للجامعة كتقلب على بيان .. ماقرات ماحضرات لمحاضرات.. شافت بيان وتميم وصلو وصفو سياراتهم فنص النهار دالعشية ومشات كتجري وتبكي شدات فبيان وقالت بترجي
عفاك اختي بغيت نهضر معاك.. عفاك غير دقيقة
قرب منها تميم مستغرب وقال:
سلمى !! مالكي ؟؟
شاف حالتها كي ولات وعينيها بالبكا حومر والتعب على وجهها ..اش ديك الحالة وصلات ليها مسكينة.. اما بيان خرجات عينيها فيها مصدومة وبارتباك شافت فتميم وقالت
تميم.. انا غنلحق عليك
شد تميم لسلمى فدراعها وقال: مالكي شوقع ليك؟؟ تعدا عليك شي واحد
شافت فيه مسكينة بنضرات حزن والم لاكن بيان تدخلات وقالت
انا غنشوف مالها يمكن شي حاجة خاصة وبغات تعاودها ليا
جراتها بيان للسيارة وتميم داخل لقا لجين كتسناه بنضرات غيض
لجين : علاش متجاوبش؟؟ عييت نتسناك
رد بتعب: عياان.. مهلوك .. مافياش اللي يهضر
تبعاتو شدات فيه : بعيني شايفاك جاي نتا وبيان فوقت واحد .. شنو هادشي اتميم
تميم: بففف… ميمكنش!! والله ميمكن هادشي اللي كيوقع ليا باغي نرتاح واالو
زاد وخلاها كينفخ في حين شافت بيان فحالة سلمى وقالت
شهاد الحالة مالكي؟
سلمى ببكاء: ماما.. ماما حولوها لوكيل الملك.. عدا عندها المحاكمة وقالي المحامي لقليلة غيحكمو عليها بخمس سنين
بيان: ماماك دارت علاش.. نتي عارفة هادشي
سلمى: لاا.. ماما مشات تاهد الورقة ديال التنازل لخالتي.. وهادشي كامل غير باش انا نكمل قرايتي حيت خالتي اللي كتخلص عليا الجامعة .
سكتات بيان كتشوف قدامها بأشى وقالت
وشنو غندير ليك انا ؟
سلمى: نتي تقدري تهضري مع شي واحد يخرجها .. غتكوني كتعرفي الناس يقدرو يتساعدو معاك
بيان: هييه!! لالا انا منقدرش .. شنو غنقول لهاد الناس كاع فاش يسولوني شنو التهمة ؟؟.. هي تهمتها اكبر من هاد الهضرة
سلمى: شوي ندير ليك اللي بغيتي غير خرجي ليا ماما من الحبس غنتسطا
تنهدات بيان كتشوف قدامها ويعد تفكير طويل قالت
شوفي..الحل هوا تعتارفي لتميم..قولي ليه باللي هاديك راها ماماك..ونتي درويشة مافحالكش وبغيتي تقراي.. خبيتي هادشي حيت كبريائك مثلا ماسمحش ليك ..ودخلتي ماماك تخدم حيت محتاجة خدمة ..ومشات تسرق حيت هددوك بالطرد الى ماخلصتيش.. واظطرات تسرق باش تخلص عليك الجامعة .. نتي بكي وشكي وانا غنكون حاضرة نعاونك ..ديك الساعة هوا غيضفط على مو تنازل ليه وهي غتنازل حيت خاصها تنازل بزز منها باش مايعرفش علاقتها الحقيقية بالموضوع .. الى سمعات عاد القصة الجديدة وتحس شوية بالراحة من جهة الموضوع دولدها وغتسد الموضوع ..تقدر تهددكم ولا تخلعكم ولاكن متأكدة الى ضغط عليها تميم وخنقها غتنازل ماغتبغيش تبان لفعة قدامو
سلمى: خفت
بيان: ايوا خلي مك ضرب خمس سنين ورتاحي نتي..انا مالي ومال هادشي كامل ياااه واش انا ناقصة !
وقفو بجوج على تميم وهوا متكي فالكافيتيريا كيتسنط لعضامو وقدامو لجين كتنفخ وتشطح برجليها وزادت كحلات بالعمى فاش شافتهم وتصدمات اكثر فاش حالة سلمى اللي مابلادتش حوايجها ثلات ايام وشعرها حالتو مزيت
مزال مافاقتش من صدمتها كملات ليها بيان بابتسامة وادب اصطناعي وقالت
لجين حبيبة.. ممكن تخلينا بوحدنا عندنا موضوع نهضرو فيه
خرجات لجين عينيها وشافت فتميم وقبل متهضر شدات سلمى فتميم والدموع فعينيها وقالت
تميم بغيت نهضر معاك
جر ليها الكرسي كيشوف فيها جلسات ولجين وقفات شافت فبيان وقالت بغضب
اش هاد الوقاحة هادي؟؟؟ شكون نتي؟؟
بيرودة وابتسامة ردت بيان: موضوع كيخصنا حنا بثلاتة .موضوع عائلي حبي ماعندوش علاقة بالبراني
زربات عليها بيان دغيا جلسات بلاصتها وحطات الصاك خلاتها كتشوف بغات تنفاجر ..تلفتات جهة تميم وقالت
تميم؟؟؟ شهادشي واش كتشوف وساكت؟
رد تميم وقال: الله يخليك .. الى جات على خاطرك
هضر معاها بهدوء ماخلا ليها ماتقول ..بلعاتها وشافت فبيان وهي دايرة رجل على رجل كتودعها باصابعها من تحت الدف . هزات صاكها ومشات كتحلف عليها خلاتهم جالسين
تميم باهتمام: اش هاد الحالة ؟؟ مالكي واش مريضة؟
خبطات سلمى راسها كتنخصص بخجل وقالت
انا غنعاود ليك… كنتمنى تقهميني
شدات فيها بيان وقالت : ماتخافيش ..تميم ماشي متفهم غير شرحي ليه .
غمزاتها بخفة وهوا كيشوف فيهم ويتشائل بعينيه مالهم كيتغامزو ..بذات تشرح ليه سلمى وتبكي وقالت نفس الكلام اللي حفضاتها بيان ..واخا تصدم فالاول ماتوقعهاش لاكن تقبلها وقال
وعلاش من الاول ماقلتيهاش؟؟ علاش خبيتي هادشي؟
بيان: عادي راه البنت مارضاتش وعندها كبرياء..هادشي كيوقع
تميم: ولاكن المسألة فيها السرقة!! حنا تقنا فيها وأمناها وخانت الامانة
هبطات سلمى راسها كتبكي بحرقة وبيان كتشوف فيها وكحزات شدات لتميم فيدو وقالت
تميم: الام مسكينة بغات تقري بنتها وماعندهاش.. الام راه كدير المستحيل على قبل ولادها بلعكس انا كنحيي ماماهها ضحات براسها على قبل بنتها ..واش هادشي مكافيش باش نسمحو ليها ونعطيوها فرصة؟
بقا ساكت كيشوف قدامو فصمت وسهوة وتلفت شاف فسلمى ..جرها عنقها وهي كتموت بالبكى وقال
صافي.. صافي متبكيش .. صافي براكة
رجعات بيان اللور ربعات يدها وقطبت حواجبها وبدات تنفخ من نيفها قالبة وجهها . شافت فيه سلمى وقالت
انا كنواعدك ..عمرها تعاود تمد يدها ..اول مرة وآخر مرة
تميم: صافي سيري ترتاحي.. دابا تخرج ماتخافيش
سلمى: بصح؟!!!
تميم: وعد
عنقاتو بقوة وهنا بيان وقفات وقالت : انا مااالي اناااا ماااالي تفووو
هزات صاكها تمات غادية وهوا كيغيط ويضحك خلااها حتى مشات وناض بشوية عليه رتب على كتف سلمى وقال
صافي تهناي على ماماك .. غترجع ليك
مسحات دموعها وقالت: شكرا .. شكرا بزاف وسمح ليا
مشا تبعها وهي منفخة شدها من يدها دورها وقال كيضحك
مالكي مجنونة راه كنعيط عليك
نترات يدها وقالت: وعلاش؟؟
تميم: كيفاش علاش؟!!
ربعات يديها: نتا واش وليتي حضن الام الحنون ؟؟ واش غير غادي وكتعنق ناقصك الحنان
رجع بعينيه اللور باستهزاء وقال: بيان!! شهاد الاكتشاف الخطير ؟!
بيان : يااك!! كتفلى
تميم: عنقت غير سلمى
بيان: وانا حداك مصور ؟؟ شوية ديال الاحترام ياه!!
عنقها بيدو وقال: واااخا .. فين كنتي غادية ؟
بيان: للمحاضرة
تميم: حتى انا
تكا عليها كان غيطيحها وهي كتميل ومشاو كيضحكو قدام عيني لجين .. سدات عينيها وبدات كتبكي فصمت وبلعات ريقها
فلعشية خرج تميم من الجامعة بعد انتهاء المحضارة ومشا مباشرة في اتجاه الاوتيل حيث لقا باه واقف كيحسب ليه الوقت ويشوف فالساعة .
مسيو جان : مزيان ..جيتي فالوقت المناسب
تميم: ديالاش هاد الاجتماع وعلاش؟
مسيو جان : هادا ماشي اجتماع على الخدمة .. هادي مؤدبة غداء مع شخصيات مهمة غنتعرفو فيها على بعضنا
تميم: وانا علاش خاصني نكون ؟!! نتوما بيناتكم وانا مالي
مسيو جان: سمع اولدي.. من هنا لفوق غادي تعلم تربط علاقات مع الناس اللي يتنفع منهم ويتنفعو منك .. الصداقة بوحدها و علاقات المصلحة بوحدها .. تافقنا .. غادي تحتافظ بالصداقة ديالك ماشي تحدفها من حياتك..ولاكن غضيف ليك الجانب الثاني والمهم فعالم رجال الاعمال ..واللي هوا هاد النوع من الصداقة او العلاقات.. تفضل نزيد نشرح ليك فطريقنا
شار ليه مسيو جان بيدو وتقدم هوا وياه كيفسر ليه بهدوء وحكمة
كما قلت ليك اولدي.. المال ..الماااال كله .. مكافيش ..نزيد نفهمك .. هانتا مثلا عندك ثروة .. عمدك الفلوس اللي متتعدش.. لاكن بغيتي تقضي واحد الغرض ولو بهاد الفلوس اللي عندك..خاصك شكون .. ولمن ..ومعامن.. اذا ..الاشخاص هادو مهمين فحياتك وعندهم نسبة كبيرة من الارباح ديالك وحتى النجاح ديالك .. حنا كما كتشوف جداد فالمغرب..كإسم وشهرة معروفين.. لاكن علاقاتنا محدودة .. لهاذا نضمنا هاد المأدبة وختارينا نعرضو فيها على واحد الشخص اللي هوا مهم فهاد البلاد.. وبما انه لبى الدعوة فحتى هوا مهتم بالتعارف ديالنا وطبعا غيكون عندو هدف كما حنا عندنا هدف .. هادي هي القاعدة اولدي.. فعالم الثراء خاص يكون الريزو ديالك فالمعارف ثقيل.. بمعنى عامر بالشخصيات المهمة ..هاد الاشخاص هما اللي غيقضيو ليك المصالح ديالك. نزيدك ..مثلا ..ماماك اقترحات عليا نفتحو كازينو فواحد المدينة هنا سياحية سميتها طنجة.. طبعا بعد دراسة لقينا انها فكرة ممتازة وناجحة لان هاد المدينة هادي سياحية ومدينة غنية بزوارها . لقينا الموقع المناسب وشريناه لاكن السلطات واصحاب المناصب العليا هنا منعو هاد الكازينو وعطاو اسباب تافهة .. الملخص من هادشي.. مهما كنتي غني..هنا كيبغيوك تبقا فقير ..تحت السيطرة والاوامر ديالهم.. اذا شنو غيخصك باش دير بلاصتك بيناتهم ..خاصك معارف ..وانا جيت لهاد السبب .. باش نصطادهم واحد بواحد وغنفرجك فيهم وكيفاش غنخليهم يشوفو لتحت ويحشمو يهزو الراس .. وهاد النقطة خاصك تحافظ عليها وديرها فبالك..ماعمرك تعاند او تتكبر على المحمية مهما كنتي قوي او ثري .. دائما بين تواضعك فالساحة باش ميحطوش فبالهم و عطيهم مهلة للنسيان باش ترجع تسحبهم و نساحب بهدوء ماحس بيك حد .. ومتحاربش بوحدك مجموعة كبيرة .. الانسحاب والهدوء سلاحك .. والتواضع هوا الطعم اللي غيجيبو عندك. الى حس بيك كبير عليك يقدر يرفض هاد التعارف..ديما بين ليه باللي نتا بحالو او اقل منو واخا يكون عارفك كبير عليه بالالف الاضعاف..حسسو انه مهم بزاف ونفخو حتى يرجع هوا يستعرض القوى ديالو ويحاول يبين ليك صدق توقعاتك اتجهاه .. الباقي اولدي غنوريه ليك وتشوفو بعينيك ليوم مع هاد النوع
فالمطعم كان مكان خاص بالضيوف المهمين شكلا ومضمونا .. كان الضيف جالس على اريكة بكرش كبيرة لدرجة ماقدرش يدير رجل على رجل .. لابس قميجة زرقاء وبدلة سوداء وجهه مكرفص وشكله تقول شاوش ماشي مسؤول.. اش هاد الفرق الشاسع اللي بان فجأة ..فالاول كانت عندو هبة لاكن فاش حضر الطالياني مسيو جان هربات الهبة ورجع كيبان قدامو بحال السائق ديالو.. علاياش غنهضرو ..واش على الكاريزما.. او على الهندام واللباس ..او على طريقة الكلام وتعابير الوجه .صدق من قال المال يجعلك ثري..لاكن لن يجعلك نبيل.
وقفو الثلاثة للتعارف وقدم مسيو جان ابنه لهاد الشخصية وجلسو في تعارف وتبادل الحوار .. طريقة كلام مسيو جان خلات من هاد الشخصية اضحوكة فضرف عشر دقائق ، اما تميم فكان لازم الصمت وكيسمع ويتعلم من الاب دايالو طريقة الكلام والحوار وقن السخرية بكل ادب وبدون هه!
نزل الغداء وتغداو. ومن بعد الفاكهة تكلم مسيو جان وقال
شنو رأيك فشي جولة شطرنج
مع الاسف. الضيف مكيعرفش يلعب الشطرنج .
كانت الضيافة غتزيد تطوال لو كان الضيف كيعرف يلعب.. لاكن ميسو جان اكتفى وتوادع معاه يكل احترام وتقدير وخلاه مشا فرحان وسعيد بهاد التعارف . جلس دار رجلعلى رجل وتلفت عند تميم وقال: شنو رأيك فشي جولة
تميم: مرحبا
هز يدو طلب الطاولة وبداو كيلعبو ويتحاورو.
تميم: فنضرك غادي نستافدو شي حاجة من هاد بو كريشة؟
مسيو جان: هاد الكامبو هوا اللي رفض لينا الرخصة دالكازينو فطنجة..ك
تميم: وكضن انه غيبدل رأيو
مسيو جان: خلي ليه مهلة تفكير .. الى تعكس غنخدمو معاه خطة ب
تميم: كيفاش؟
مسيو جان : عادي .. هادا من النوع اللي كيبغي يكسب بسهولة .. وياكل بوحدو .. بالمختصر هادا كرشو كبيرة وحنا غنعمروها ليه
تميم: علاش متفتحش ليه باب الكازينو؟
هز فيه مسيو جان حاجبو باعجاب وقال
دابا بديتي كتفكر.. هانتا بديتي كتعجبني.. تماما .. غنفتحو ليه باب الكازينو.. نعمرو ليه كرشو مزيان من بعد هوا غيبدا يطلب بلا عراضة… هاد الاسبوع قالت ليا ماماك كاينة حفلة دراس السنة .. انا ونتا غنمشيو ايطاليا لويكاند
تميم: علاش؟
مسيو جان: غنحضرو للمزاد.. عائلة فرانكو دارت فاييت.. وعندهم بزاف ديال الممتلكات اثرية وثمينة.. من بينها هدية ماماك لرأس السنة
تميم: اوك.. علاش لا
مسيو جان: غكلف بلكازينو اللي فطنجة مباشرة بعد التخرج ديالك
ضحك تميم بمكر وقال: انا واجد من دابا
بابتسامة دخلات عندهم مدام بهية لقاتهم كيلعبو وقالت كضحك
شكون الغالب
تميم: هاد الساعة هوا
مدام بهية: انا غادية للدار ..صافي نتا غتبقا هنا جان ؟
جان: صافي انا هنا
مدام بهية: نيت نمشي نرتاح شوية.. عند بزاف ماندير
تميم: بلاتي شوية ونمشيو بجوج
مدام بهية: الى جبتي طموبيلتك تتسناك بلا منعيط لشيفور ..حيت جيت مع بابا الصباح
تميم: اوكي تسنايني
مدام بهية: انا لتحت
بعد الجولة اللي فاز فيها مسيو جان ناض تميم مقطب حواجبو ماعجباتوش الخسارة وقال
فير مزروب ماما كتسنا اما انا منخسرش
رد مسيو جان كيضحك: انا جاي فلعشية ورريني شطارتك .. ااه شنو درتي مع كيفين ؟ ختصك تبقا تمشي كل يوم
تميم: بزاف كل يوم
مسيو جان: غتمشي كل يوم .. بلا متناقش معايا فهادشي حسب راسك كتوجد لشي كومبا
تميم: عندي مايدار ماعمديش الوقت نمشي كل يوم
مسيو جان: عندك ساعة فالنهار الى كنتي مشغول كاع النهار كامل نقوليه يبدا ليك مع الستة دالصباح
تميم: بففف عندك الحلول لكلشي.. صافي صافي.. يالاه باي
هبط عند مدام بهية لقاها جالسة شادة قهوة .. غير شافتو جاي ناضت هزات صاكها بابتسامة وقالت
شكون اللي غلب
تميم: لقاني زربان
مدام بهية: هههه زربان ؟!! هه
تقدمات خارجة هي وياه وبيان داخلة عاقدة شوكتها والصاك فيدها كتقرقب جات معاهم نيشان .. تبسمات ووقفات قدامهم وباست تميم فحنكو ومدام بيان كتشوف فيها بنص عين
بيان: تميم.. ماقلتيش ليا نتا هنا
تميم: مجيىء اظطراري
مدام بهية: بيان… شخبار شعرك ؟ درتي ليها سوان اللي قلت ليك
قلبات بيان عينيها وتبسمات قائلة
اممم
مدام بهية: مزيان.. ايوا منعطلوكش ..ماماك فالبيرو الى جيتي عندها .
شدات فتميم اللي ابتسم ليها مع غميزة ومشا خلاوها واقفة عاطياهم بالضهر مزيرة وكتردد بغيض
هادي واش كتهددني.. واش بنت ليها ساكتة حساب ليها غادي تآمرني كما عجبها .
زفرات بغضب ومشات طلعات للمكتب لقا امها جالسة خدامة ومعاها مسيريين الاوتيل ..غير شافتها وبلعات ريقها وبدات كدور فعينيها وبسرعة قالت بابتسامة
نكملو من بعد.. تقدر تمشيو
ناضو خرجو كلهم وتقفل الباب عليهم وقفات مدام سارة بابتسامة محرجة تقدمات قدام بيان .. لاكن الاخيرة مشات جلسات على كرسي الرئاسة ولاحت الصاك على البيرو وحطات رجل على رجل وهزات راسها بتكبر وقالت
عجبك الكرسي الل كان كيجلس عليه بابا.
تهدات مدام سارة بأسف وقالت: بيان… بلا هاد الحركات ديالك ..انا ونتي خاصنا نوضحو بزاف ديالك لحوايج
ناضت بيان وقفات وحطات يديها على البيرو وقالت
وانا بانش نوضح ليك ..ونفكرك .. بان ليا نسيتي يمكن ..ماعليش الى نسيتي انا واجدة نفكرك
مدام سارة بجدية: بيان… انا ماماك ماتنسايش هادشي..ونتابهي لطريقتك فللهضرة معايا…انا ماشي صاحبتك
هزات بيان راسها طلقات واحد الضحكة فالسما وجلسات على جنب المكتب بواحد النص وقالت بسخرية
ماما..اممم..مااما.. واخا لاللة ماما..نسولك فوقاش كتكوني ماما؟ واش فاش كنكون فرحانة؟ ولا غضبانة؟ ولا فعيد ميلادي؟ ولا فنجاحي..؟ هممممم ههه؟ فوقاش كتكوني ماما؟ فاش كنبغي نشكي همي؟! امم؟؟ هه ولا فاش كنكون غايبة بالايام ؟ بغيتي غير نوضحو الامور ..اوكي نوضحوهم يالاه جاوبي
مدام سارة :بيااان..
بيان مقاطعة: بلا ماتجاوبي.. انا مامحتاجاش الجواب ديالك امدام سارة.. جيت غير باش نفكرك
جلسات على الكرسي بيرودة وانوثة دارت رجل على رجل بتتاقل وقالت بابتسامة
الى مكانش عندك الوقت تسيري هاد الاوتيل الكبييير… غنبيعو
حلات مدام سارة عينيها وقالت: شكتقولي واش حماقيتي؟ وشكون اصلا غيشريه منك حساب ليك الشاري موجود
بيان: نتي غير بقاي مع حبيب القلب ديالك وتشوفي ديك الساعة شكون الشاري .. كنواعدك ..غنبيعو فخمسة دقايق وبأحسن ثمن ..طبعا الى نتي ماقيديتيش عليه..نوضحك ليك اكثر.. مستاعدة نبيعو الى عاودت شفتك مع شي راجل.وهاذا اخر انذر عندك
هزات صاكها بصبع ومشات خرجات خلاتها واقفة مصدومة
مدام بهية كانت هانية ومرتاحة وهي فطريقها مع تميم و ناوية تجدد البلاكار ديالها مللي توصل للدار ..لاكن تميم قلب ليها المزاج مللي قاليها
شنو درتي فالقضية ديال الخدامة
تلفتات عندو فجأة كترمش وقالت
وعلاش ؟؟ شنو اللي فكرك فيها ؟
تميم: عادي سولتك.. واش غتحبسيها
مدام بهية : وهادشي عندك فيه الشك؟!! نتا براسك كنتي كتأيد قرار حبسها
تميم: تراجعت.. ومكاين لاش ..صافي خدات درس
تصدمات وقالت: كيفاش؟؟ شكتقول؟
هز حاجبو وقال: ومالكي انفاعلتي هاكا ؟ ياك غير خدامة
بلعات ريقها وردت بهدوء: حيت .. حيت صدمتنيي مع ما مولفاش ليك تدخل فهادشي
تميم: كنشوف انها خدات جزائها .. وحبسها ماعندو باش يفيدنا حنا..وبنتها كتقرا معايا فلافاك والصديقة ديالي ..هادا علاش بغيتك تنازلي
وقفات الروح فحلق بهية وبقات مصمرة كتشوف فيه ووجها اصفر وبصعوبة باش قالت ليه
ب..نتها.. ما..مافهمتش
تميم بهدوء: عارفك مغتفهمي والو ..وغتصدمي.. سلمى عقلتي عليها ..البنت اللي ضربت بالطموبيل.. هي بنت الخدامة.. وكتقرا معايا ومارضاتش تقولها .. توسطات لمها باش تخدم عندنا وامها كانت مظطرة تسرق باش تخلص لبنتها الجامعة..هادا مكان .. هما ماشي عائلة خايبة كنا توقعنا بلعكس..السيدة على قبل بنتها ضحات ..وتعلمات وتربات ..هادا علاش بغيت هادشي يحبس هنا وتنازلي قبل ماتوصل عند الوكيل غدا
ماكمل هضرتو حتى كانت الروح غطلع لبهية واللون غير من وجهها .. سدات عينيها اخيرا وتنفسات الصعداء وكاتمة احساسها بصعوبة قائلة
صافي…غير هادشي
تميم: صافي هادا مكان .. بلا منزيدو نكملو عليها اللي فيها كافيها
مدام بهية: ايلا كان هاكا …ميكون غير خاطرك… بشرط
تميم: اشمن شرط؟
مدام بهية: تقطع علاقتك بينتها
تميم: وعلاش ؟ مدارت والو
مدام بهية: باش انا نرتاح ..بحال النوع مكنرتاحش ليه…يقذر يدير اي حاجة
تميم: مثلا؟
مدام بهية: بحال حادثة سير ..
تلفت شاف فيها وقطب حواجبو فهم قصدها .. وقال:
لهاد الدرجة
مدام بهية: واكثر… انا غنتنازل..بشرط تقطع علاقتك بيها بصفة نهائية
تميم: تافقنا
مدام بهية بانهيدة عميقة: وعد
تميم: وعذ غير فكي السي ة ترجع لبنتها اصلا ماعندي عرض بيها غير بقات فيا
مدام بهية: اوكي .. اللي بغيتي…بخصوص بيان حتى هي..
قاطعها: خلينا فموضوعنا شرطتي عليا وقبلت صافي تافقنا
ربعات يديها وبلعات الغصة فصمت وشافت قدامها كتزفر حتى وصلات ونزلات سبقاتو كتردد
هاد الشطبة هادي دابا خرجات لي من الجنب
تحضرات وتجهيزات والقيامة قايمة فالاوتيل وحتى فالكازينو .. زينة رأس السنة فكل مكان فالداخل وفالخارج.. ساعات قليلة على استقبال سنة جديدة..بأحداث جديدة.. بحلوها ومرها .. يا ثرى باش غيدعوها ..وباش غيتقبلوها . الكل مشغول ومشطون ..العالم كيوجد لهاد الحدث ويتسناه بفارغ الصبر ..كل واحد باش كيستقبل هاد السنة ..صباح مليىء بالاعمال والاشغال ..مدام سارة صابحة واقفة على شغلها وبدات بالمطعم كتراقب الاكل والتحضرات للضيوف اللي غيتعشاو عندهم ..الموضفين كيفرشو ويعطرو ويجهزو الغرف مع الزينة .. البستانيين كيرشو الماء ويسقيو الحدائق وينضفوهم واخرون كيزينو الاشجال ويحطو اضائة وديكوات .. اما فقسم الكازينو الخاص بمسيو جان ومدام بهية ..فكان صباح مختالف على غيرو .. عمرو الخزنة الضخمة بالفلوس ودخلو موضفين جداد و كثار وبدلو البدلة الرسمية للجميع .. مدام بهية فالمكتب مشغولة بالحسابات ومضغوطة بالحجوزات الكثيرة ديال الزبائن وكتحاول تنضم الوقت كل زبون ..اما مسيو جان فكان فالبار دالكازينو كيتدوق من كل مشروب كاس صغير مستفين قدامو وكيختار بعناية انواع المشروبات اللي غتقدم .
فهاد الصباح عند الشباب اللي مهازين هم لحتى حاجة .. صبحات بيان فباب بيت تميم كتصوني وتعاود بنشاط ورشاقة شعرها كوتشوفال وملابس رياضية مع جاكيط غليضة كحلة وقصيرة فوقها . فتح ليها الباب وشعرو منكوش ..صدرو عريان والسروال مدلي وساد عين وحال عين . دخلات عليه بحيوية ونشاط لقلب الدار وقالت
براكة من النعاس.. المدرب ديالك كوراه كياكل جنابو فلاصال ونتا هنا مزال ناعس
مشا لبيتو ترمى على الناموسية وقال
باقي الحالي.. شحال الساعة
بيان: تمنية هادي ابب.. عندنا بزاف مايدار يالاه نوض
طلع عليه الغطا وقال: باقي الحال مالكي فايقة بكري
ضارت فالبيت كتفرج فاغراضو قائلة
الليلة حفلة دراس السنة .. عندنا بزاف مانقضيو.. وماتنساش انا داخلة مع العشرة عندي محاضرة
لفت انتباهها البوم صور محطوط على طاولة وهزاتو قائلة
ماشي هادا البوم الصور اللي كنتي غتوريني ديك المرة
حلاتو كتفرج فيه لقات تصاور كثيرة ليه فالصغر كل صورة فين .. تبسمات وهي كتشوف فمجموعة صور ليه كيلعب فنون . قتالية وقالت
هااه!! عندك السمطة كحلة فتكيواندو ؟؟ جيدوو!! كراطي!! .. وهدو مداليات حتى هما دايالاش!! ..فروسية!! هه لالا ميمكنش هادشي بزاف عليا.. لا والزوينة تيقتك فاش قلتي ليا مكنعرفش نركب على الخيل..بقا ليك غير ركوب الامواج مادرتيهش
رد تحت الغطاء:قلبي تما غتلقايه
ضحكات ب هشة وحطات الالبوم ومشات ترمات حداه قائلة : وعلاش هاد الاهتمام كله فالفنون القتالية واش حالف فشي واحد؟
خرج يدو من تحت الغطا جرها وغطاها وقال
حالف عليك
فجأة لقات راسها فعالمه الخاص تحت الغطا.. عطره الخاص.. انفاسه ..فراشه .. حلات عينيها كتشوف فيه عنقها من خصرها ودخل وجهه فعنقها وقالت
تميم!! مشا لحال
تميم: شششوو
سكتات وعم الصمت .. شيئا فشيئا بدات المشاعر كتحرك .. والانفاس كتسابق والوجوه كتقترب حتى اندمجو فقبلة عميقة فهدوء ودفئ مختالف على غيره .
رن هاتف مسيو جان وتركيزو كله فالعمل.. كان المدرب كيفين على الخط..رد مسيو جان وشاف فالساعة بابستغراب وقال
مازال ماجاش لدابا؟.. كتصوني ليه مكيردش..اوكي شحرا انا غنتصرف
قطع وبدا يتاصل بتميم لاكن التيليفون طافي.. هز راسو كيشوط وقال : فوقاش غتنضابظ اتميم؟؟ فوقاش
مشا للبيرو عند بهية لقاها غارقة فالخدمة .. هزات راسها شافت فيه وتنهدات بتعب قائلة
جيتي فوقتك ..عييت غناخد بوز اجي كمل على هاد الشيكات بلاصتي
مسيو جان: ولدك مكيجاوبش فتيليفون.. والمدرب ديالو تاصل بيا من تمنية كيتسناه ماجاش
شدات مدام بهية فراسها وقالت: عاوتاني.. انا فوقاش غنرتاح فوقاش هاد الولد غيكبر
مسيو جان: حتى انا هادشي اللي قلت .. تيليفونو طافي وليوم بالضبط ماخاصنيش شي مشكل ولا صدع معاه .
مدام بهية: انا غنمشي للدار .. غيكون مزال سيادتو ناعس .. غناخد معايا هاد الملفات
ناضت كتقرقب بالبوط هالي اسود ودجينز والجسم نحيف ممشوقة القوام ولابسة سمطة نحتات ليها خصرها مع تريكو خيط قصير تحت منو قميجة بيضاء كتبان من الكول والعنق مع اكسسوارات فخمة ورقيقة وشعرها كاري اسود بالفوليم منفوخ ومدرج
انا زات المونطو ديالها والصاك وخرجات كتقترب لبسات نضاراتها ومشات ركبات فسيارتها فتجاه الدار .
وصلات وهزات عينيها لقات سيارتو محطوطة فبلاصتها ..بقات كتشوف فيها مستغربة وشافت فالساعة ..كيفاش مزال لدابا ماخرجش من الدار
ضارت على غفلة ولقات سيارة بيان قدام عينيها واقفة وهنا حيدات النضارات متفاجأة وهزات عينيها فالسما ومخيلتها كتعطيها صور خلاتها تدخل بسرعة للعمارة .. وطلعات فالاسانسور سادة عينيها وكتردد بصبر
ياربي ميكونش داكشي اللي فبالي.. ياربي ميكونش داكشي اللي فبالي
وصلات للباب وقفات غمضات عينيها وحلاتها بسرعة ولقات نضرة فالدار .. كانت الدار خاوية لاكن الجاكيط دبيان مرمية على كنبي.. مباشرة مشات عينها لغرفة النوم ديالو وهي كتحط الصاك بتتاقل وكتخيل شنو ممكن يكون كيوقع لداخل.. واش جات فالوقت؟ ولا جات معطلة؟
جمعات النفس وهزات راسها بصرامة ومشات حلات الباب بقوة دفعاتو ووقفات قدام مشهد تمنات لو يكون حلم وتفيق منو
يتبع...
التنقل بين الأجزاء