كلشي كيدور على ودنين بيان .. حرف بحرف كتسمع وهي وسط الناموسية جالسة مغطية بالغطا وشعرها مدلي.. كأنها وحدة رخيصة ماتسوا حتى حاجة.. غرغرو عينيها لاكن كتمات احساسها ولاحت الغطا بالزعفة وناضت لبسات حوايجها وهزات تيليفونها وخرجات من البيت كتشوف قدامها هزات الجاكيط ديالها وخرجات زدحات الباب بقوة وراها خلاتهم فالصراع ديالهم بوحدهم
شارت بهية بيدها جهة الباب وقالت: مالقيتي غير بيان؟؟ غير شريكتنا فالخدمة؟؟ انا بصح كنضيع معاك طاقتي حيت نتا واحد كتفكر غير فراسك وغريزتك..حشمت نقول ليك شكون اللي كيفكر غير فغريزتو حيت فعلا كتشبه ليه
عطاتو بالضهر شادة فراسها وغمضات عينيها خلاتو مهبط راسو كيشوف قدامو فصمت. ويزفر.. ناض دخل للبيت ومشا نيشان للحمام زدح الباب عليه وطلق الماء..اما بهية بغات تاكل جنابها من الفقصة ومابرداتش.. وحلات ليها فالحلق ومادازتش ليها لا بالما لا بالمشروب. بقات جالسة شحال شادة راسها على ركابيها وشعرها مدلي عاد ناضت خرجات للشرفة شمات الهوا.. حسات بيه تعطل فالحمام وحلات عينيها مشات كتجري للبيت ترمات على باب الدوش مخلوعة كتسمع وحسات بحركاتو لداخل عاد رتاحت وغمضات عينيها كينفس بارتياح . حطات يدها على صدرها بتعب وضارت بعفوية حتى كانت غتخرج ولفت انتباها شيء غريب فوق السرير.. تراجعات بتتاقل قربات من المكان وهزات الغطا بصبعها لقات بقعة دم صغيرة فوق الفراش الابيض ..كانت الصدمة كبيرة ليها وهي كتشوف وجرات داك الغطا كامل بغضب شداتو فيديها كتشوف فيه مزيرة على سنانها .. خرج من الدوش ملوي عليه الفوطة لقاها شادة الغطا وكتشوف فيه بغضب شديد وحل عينيه فصمت ..وراتو هزاتو فوجهو بنضرات قاصية ورماتو بقوة قدام رجليه وخرجات من البيت هزات صاكها ومشات خرجات زدحات الباب وراها بقوة ونزلات.
تبعاتها للبيت كتجري لقاتها كتحيد حوايجها وترمي فوق السرير ودخلات للحمام زدحات الباب وراها ..
سعيدة: مكاينش شي نهار يدوز بلا فيلم.. مستحيييل
ب ات تجمع الحوايج وتنكر وهبطاتهم للصابون كتفسخ وتلوح فالغسالة حتى وصلات للملابس الداخلية ات تلوحهم ولقات فيهم نقاطي دم. صغار ..بقات كتشوف فيهم باستغراب وقالت
مشات عندو سميرة كتمسح عينيها وقالت : جيت ابا جيت .. جيت الحمد لله كلشي داز على خير
الام: واا الهاام.. والهاام ابنتي بقيتي غير نتي
شافت فيها سبمى بغيض وقالت: كتهمة غير بنتك الهام .. غير الهام اللي عندك ماما فاش كانت مرمية فالحبس ماغوتيش عليها..حيت خا عندها ماتعطيك ولا تصرف عليك.. بنتك الهام عندها الفلوس بالسيف ماتزوگي عليها
جراتها سميرة كتسكتها وداتها للبيت شدات عليها وقالت ليها
صافي..صافي براكة
سلمى: علاش براكة؟ علاش؟ حيت حنا ماعندنا فلوس ماعندنا والو كي متنا كي حيينا ماعندهم سوق فينا.. من نهار ذخلتي ماطيحات عليك شي دمعة همها كامل غير بنتها الهام
سميرة: مالها الهام اش واقع
سلمى: الهام فالسبيطار ضرباتها طموبيل..ليوم غتخرج من السبيطار .. انا كنت كنتسناك غير نتي مابقيتش حاملة هاد الدار
سميرة: صافي.. غنرجعو بحالنا لفاس
سلمى: مغنرجعش .. غنبقا هنا وغنكمل فديك الجامعة
سميرة: شكون غيخلصها ؟ شكون حساب ليك الهام غتخلص عليك شي ريال من هنا لفوق
فالفيلا طالعة سعيدة هازة تيليفون الدار دخلات عندها فيقاتها من نعاسها معطانها التيليفون قائلة
مدام سارة فالخط
مدات بيان يدها بتعب وهزات راسها ردت
الو..
مدام سارة: بيان…واش مغتجيش الحفلة؟؟ كاينة حفلة مختالفة على المعتاد وكاع الحضور جاو الا نتي ..قلت نسول فيك
بيان: اخيرا تفكرتي عندك بنت
مدام سارة: الله يهديك.. انا من مللي بدات الحفلة كنتسناك تجي..
بيان: شكون كاين؟
مدام سارة: كلشي كاين
بيان: من اللي كنعرفهم
مدام سارة: كولشي.. بدون استثناء
شدات بيان عينيها بتعب وناضت شافت الساعة كانت العاشرة ..قطعات تيليفون وناضت قائلة
جيبي ليا التلج ..
مشات سعيدة تجيب الثلج وبيان جلسات قدام المرايا كتشوف فوجهها وشعرها المبلل وي ها على عينيها كتبرد فيهم .
تنهدات مدام سارة وتيليفون فيدها وسط الحضور والنخبات فالكازينو اللي كان مزدهر بالزبائن والطاولات كلهم عامرين وكلشي جالس كيلعب نساء ورجال من الطبقات الراقية .. كانت مساحة الكازينو كبيرة بزاف والتنضيم اللي وقفو عليه زاد فجمال الحفلة .. رجال الاعمال ونساء بملابس راقية الكل كيلعب ويربط صداقات .. فالجزء الاول كانت مساحة خاصة بالاستعراض والموسيقى والغناء.. كان كروب من بنات اجنبيات بملابس الاستعراض كيبريو وعلى يديهم ريش كالاجنحة كيتساراو وينشطو الحفل .. مشروبات كتسارا وحتى مؤكولات خفيفة غادية جاية
..الحفل كان ناجح بامتياز والاهم انه كان حفل تعارف وصفقات بامتياز . دخلات مدام بهية بفستان اسود قصير وكعب عالي كلاسيكي وتسريحة خفيفة مع مكياج خفيف وقفازات فيديها مشيكين ..شادة فمسيو جان اللي جنبها لابس شروال توب ابيض وقميجة كلاسيكية مزخرفة خاصة بالحفلات اللي بحال هاد النوع وفيست بيضاء وفيدو وسيكار مشعول ..تعرضو ليهم الصحافة كيصوروهم فالباب وهنا داخلين كيرحبو بالحضور وكذلك كدام سارة كانت واقفة مع بعض الشخصيات المهمة فأبهى حلة بفستان ابيض راقي وتسريحة كلاسيكية فيدها كاس مشروب.. بالصدفة شافت شافت مدام بهية لجين ومشات مباشرة عندها طلعات فيها بابتسامة كتشوف فالفستان الاسود القخم والشياكة ديالها وقالت
اممم… شهاد الشياكة. هادي؟!! ماتوقعتش مشوفك
ابتسمت لجين وقالت : ميمكنش نرفض ليك عاد الدعوة شكرا
اممم.. الشطيبة كاع مكدور هنا هه.. علاش هي عندها الوجه بعدا
زادت بكل افتخار ورقة بينما طلقات لجين نضراتها كتشوف فالحضور وتقلب بعينيها على تميم حتى بان ليها جالس واحد القنت بسروال كلاسيكي اسود وحداء اسود داكن وقميجة بيضاء مع شاعة يدوسة ثمينة وسلسلة خفيفة فعنقو كتبان بين كول القميجة .. شعرو مرتب ووجهه مشرق شاد كاس فيدو وكيهضر مع جهاد اللي كان حتى وهوا جنبو بنفس اللباس.. كلاسيكي وزايد فيستة كحلة من الفوق داير رجل على رجل وكيقول
شنو دابا غندوزو الليلة هنا مع هاد الشوراف ؟ خليهم يطليو الحفلة ديالهم وخلينا حنا نمشيو للديسكو ديالنا نشطو فيه ميمكنش نبقاو هنا الليلة كلها فهادالملل..كنضور كنشوف غير العيالات
حط تميم اليتيلفون جنب وقال بتنهد: غنمشيو.. ضرب هاد الطناش الملعونة ونتحركو من هنا
جهاد: وغنبقاو كنتسناو فيها
تميم: ماعندنا منديرو حنا مجبورين نبقاو وسط هاد الشيب
سد عينيه بملل شديد كينفخ ودور وجهه جهة الباب بعفوية جات عينو على بيان داخلة خطوة تابعة خطوة فخط مستقيم بكعب عالي اسود فخم واقدام ناعمة نحيفة وفستان احمر اللون جذاب فوق الركبة مرتب ومجموع بفتحة اللور بارز جسمها المنحوث ومربع من منطقة الصدر ومشدود بسلاسل ذهبية فالكتاف والضهر عاري كامل ..صباغة حمرا فالدفار وشعر ذهبي مقلبو للجنب بتسريحة الويفي الناعمة منسدل لاخر الخصر وحلقات مدلية كتبري من الالماس وعيون براقة بضلال سوداء وعقد رقيق على الرقبة ..حاملة في ها حقيبة سهرات صغيرة م وذافرها طويبة بصباغة حمراء مع خاتم طويل فالسبابة . دخولها القوي لقت انتباه الجميع وراسها المرفوع بثقة فالنفس كسرات كل ترقعات مدام بهية فاش شافتها داخلة وطفات الثقة فالنفس اللي كانت كتنفس بيها حتى لجين
حطات خطوتها الاولى فالكازينو تعرض ليها راجل طويل ببدلة سوداء هوا الاول واعجاب مد ليها يدو وقال
مادموزيل
وقفات كتشوف فيه بتكبر عاد ابتاسمت ومدات يدها سلمات عليه ..بغا يتعرف عليها لاكن فاجأهم تميم اللي وقف حداها وعنقها من خصرها وتبسم ليه كيطلع فيه وقال
تميم البيستي.. شرفتينا بالحضورك ديالك
ميل ليه تميم راسو وقلب عينيه شاف فبيان اللي دورات وجهها كاتمة غيضها .. تبسم الضيف بخيبة ورد ليه التحية بادب ومشا خلاهم في حين زيرات بيان على سنانها وقالت
طللللق منييي
رد كيشتت النضر بلا ميلفت الانتباه: اجي معايا
بيان: مغنجييششش.
جرها بزز منها كيشوف يمين يسار فالحضور خرجها من تما ولسقها مع واحد الحيط فالجنب وسد عليها بيدو وقال
حوارهم مادازاش مرور الكرام .. من الناس المهتمين والمغيارين على تميم كانت لجين..اللي تبعاتهم من شدة حرقتها فاش شافتو عنقها ولحقاتهم سمعات حوار تميم وبيان اللي شعل النار فقلبها وموراه حوار مدام بهية بيان اللي صدمها صدمة العمر خلاها لاسقة بضهرها مع الحيط وفمها محلول وعينيها خارجين فصمت
الخرجة ديال تميم من الكازينو مكانتش مناسبة بالمرة .. خصوصا فوقت اعلان دخول السنة الجديدة واللي كاع الاجواء تقلبات فيها ..صخب وموسيقى والكل محتافل الا هوا اللي حس براسو خاصو يتنفس ويشم الهوا ويبعد على ديك الطاقة السلبية اللي متص فالكازينو .
مشا ركب سيارتو وهبط الزاج تكا شوية من بعد خرج السيارة من بلاصتها والزاج هابط والهواء كيضرب فيه .. الشوارع خاوية والبوليس فكل مكان كيدورو والسيارات غاديين جايين.. شد طريق البحر هاز راسو ساهي قدامو حتى انتابه لسيارة غادية جنبو كحلة كدايقو فالطريق.. تلفت المرة الاولى والمرة الثانية وبدا يتنرفز ..كل مرة ضرببو وتخفض السرعة حتى حماو ليه دمو وبدا كيتزايد معاهم فالهضرة من النوافد وبعصبية صف فالجنب وحتى هما صفو قدامو ونزل ليهم مشا نيشان ضرب واحد براسو والثاني حتى هوا لاكن الثالت ماعرفوش منين خرج ليه رش عليه كليموجين على وجهه كامل خنقو وضبب ليه الرؤية وزادوه رشو عليه مخضر مباشرة على وجهو ذوخو وبقا كيتمايل ويحاول يشد فراسو من هنا ومن هنا لاكن ماقدرش وطاح فالارض ..صفات سيارة كبيرة سوداء فالجنب نزبو منها ربعة اخرين هزوه طلعوه وانطالقو بيه للمجهول . فهاد الاثناء كانو سيارات الرطة كتسارا فكل مكان .. شافو السيارة فمكان وسط الطريق ممنوع فيه الوقوف ونزلو يشتكشفو .. يالمن هاد السيارة الفاخرة ؟!! شكون خلاها هنا ..بقاو واقفين كيقلبو مابان ليهم حتى واحد قالو يمكن شي واحد سكران نزل يبول وخلاها ..شافو جهة المنحدر اللي كيطل على البحر مالقاو والو ورجعو للسيارة قلبوها لقاو فيها الاوراق والتيليفون وكلشي فبلاصتو .
كانت مدام بهية جالسة هازة كاسها هي ومشيو جان مع الضيوف في احتفال رقص وموسيقى وضحكات في حين ان هاد خارج داخل كيسول على تميم ..اما بيان مشات جلسات هازة خنافرها ولجين من الصدمة خرجات من تما فمرة ومشات فحالها .
استغرب جهاد من غياب تميم اللي تافق هوا وياه يكملو السهرة فمكان اخر و مشا بادب عمد مدام بهية وقال بابتسامة
كنقلب على تميم .. ماعرفتيش فين يكون مشا
ردت بهدوء: يكون مشا للدار كنضن ..تقلق شوية
تنهد جهاد وجبد تيليفونو صونا ليه وهنا جاوبو شخص بنبرة حادة فاجآت جهاد اللي بدا يتحاول معاه باستغراب حتى تصدم فالاخير ورجع عند مادام بهية كيجري وتيليفون فيدو وقال
مدام بهية… البوليس فالخط
شافت فيه مستغربة وقالت
كيفاش البوليس؟؟
خدات تيليفون من عندو ردت قائلة
الو…الوش شكون معايا؟؟…كيفاااااااش!!!
تلفت مسيو جان عندها بانتباه يالاه غيسول دخل حارس من برا عندهم بسرية وخفوت وقال
مدام بهية.. البوليس فالاستقبال بغاوكم ضاروري
حطات يدها على قلبها ومسيو جان كيشوف فيهم مكيعرفش يهضر العربية مزيان وخرجو كيجريو لقاو البوليس واقفين تبعاتهم بيان كتقلب وتشد فالحيط تعرف شنو واقع ووقفات موراهم كتسمع البوليس كيقولو
لقينا سيارة ولدكم فالطريق خاوية.. وواحد من اصحاب السيارات اللي كانو دايزين من تما شهد انه شاف ولدكم فعراك مع شي ناس من بعدو سحبوه داوه ..واش كتشكو فشي واحد
حطات مدام بهية يدها على قلبها وطاحت ليهم تما غيبات حدا رجلين جهاد وبيان من الصدمة جلسات مع الحيط فشلات .. اما مسيو البيستي رجع اللور جبد تيليفونو خلاهم ومشا كيجري خارج ويتكلم الايطالية
تحقق لي من موقع تميم فالحال .. اوكي
وصلاتو اشارة فتيليفونو ومشا كيجري ويتكلم فتيليفون
كيفين .. لتاحق بيا لهاد الموقع حالا .
طلعو معاه رجال اخرين فسيارة كحلة وخرجو كيطيرو حكو الروايض حتى تسمعو فداك نص الليل ..اما البوليس بقاو واقفين كيستجوبو الاقارب والاصدقاء ديالو اللي تما فالاوتيل
فمنطقة خالية وسطها ديبو كبير كبير ديال لافيراي كان تميم جالس كرسي مكبل من رجليه ويديه اللور مكبلين حتى هما بالحبل.. صدايف القميجة مطرقين حتى للسمطة دالسروال وراسو مايل قدامو دايخ.. قدامو رجال كبار كل واحد قدو قداش على وجههم اقنعة من الصوف كلة كيبانو فيهم غير لعينين .. خواو عليه سطل ديال الماء بار من الحديد فيقوه ولاحو السطل للجنب بصوت قوي..
هزار راسو فازك وحل عينيه شاف قدامو ماهضرو معاه ماتكلمو نيشان ضارو بيه شدوه من اللور باش ميميلش وخلاوه لواحد فيهم كيضرب فيه. فالوجه والكرش حتى خبا دمو كيسيل .. هز تميم راسو كيزفر وقال
الى كنتي راجل. فكني.. فكني وواجهني..واجهني بوجهك
نزل عليه اللي قدامو بالضرب على كيعطيه وجبد وجبد ورقة من جيبو سرحها قدامو مكتوب عليها " بيان" ضحك تميم بسخرية وكمل عليه بالضرب والبقية ضايرين بيه .. كان تميم كياكل العصى وفنفس الوقت كيحل الحبل اللي في ديه حتى تمكن منو وحيد صباطو سل رجليه بطريقة بحيلة عسكرية علمها ليه كيفين وساعدوه التقاشر الناعمين ديال الصباط باش تسل ورجع لبسو تبت رجليه مزيان وطلق للحبل من يديه ..اللكمة الموالية اللي كانت جايا خوا ليها وهبط راسو وتقلب فالارض تكور ووقف كفض على يديه بجوج ضرب القبضة مع الكف في استعداد وبدا عليهم واحد واحد .. كيضرب الضربة ومكيعاودهاش.. قداك العراك اللي كان فيه الحديد ديال لافيراي كيتشاير و متوقعوش منو ديك القوة لدرجة بداو كيشكو فراسهم ويشوفو فبعضياتهم وققدراتهم اللي ماجابت حتى نتيجة معاه . سلخهم سليخ وبالاخص اللي كان كيضربو وهوا مربوط تكرفس عليه حتى ردو شرويطة وبغا يعري ليه على وجهو لاكن هاجموه الاخرين بالحديد شد الضربة بيدو في حين هرب اللي تشروط ومابقاش قادر ي وقف.. ناضت ضرب وجرح حتى تسمع صوت القرطاس وطاح واحد منهم مقتول والباقية هربو كل واحد فين زاد ..هبط جان يدو اللي فيها الفردي ومشا كيجري عند تميم اما كيفين والبقيية تبعو العصابة لاكن لقاوهم ركبو فسارتهم وهربو .
شد مسيو جان فتميم اللي كينهج وكامل مضروب والقميجة مقطعة وحالتو حالة بالبغيرة وفازك كيقطر .. مابقاش قادر يهضر وكيسد عينيه من التعب .. رجع كيفين كيجري قاليه
ماقدرناش نلحقو عليهم .. هربو
تلفت مسيو جان وقال لواحدمن رجالو: خرجو من الكلب القرطاسة
قلبو المقتول على ضهرو جبدو القرطاسة منو حطوها لمسيو جان فيدو صفرا صغيرة وشدو تميم يخرجوه ..داز على ديك الورقة المكمشة فالارض جمعها بيدو وداوه بسرعة طلعوه فالسيارة تكاوه كيسولوه واش ماوقع ليه والو .. كانو غيديوه لمستشفى لاكن رفض وفضل يمشي للدار.. تأكدو انه مافيه لا جرح خطير لا طعنة سكين وداوه للدار طلعوه وحطوه فوق فراشو وخرج الجميع بقا غير مسيو جان وكيليفن معاه ..تاصل مسيو جان بمدام سارة خبرها انه رجع وطلب منها تشد عندها بهية تما وتتحجج باي حجة باش تجلس فالاوتيل حتى يرجع يتاصل بيها وقطع رجع عمد كيفين اللي كان كيحيد لتميم حوايجو باش يغيرو ليه ويضمدو ليه جروحو والضربات اللي على وجهه ، حيد مسيو جان كاع حوايجو بقا واحد الشورط وتعاونو عليه دخلوه لحمام سخون يمتص السخونية وتما بداو ينقو ليه الدم بشوية
رجعات الروح لبهية فاش وصلاتها الخبار باللي ردوه .. وحتى بيان حطات يدها على قلبها وتنفسات .. اما مدام سارة قطعات تيليفون وجلسات جنبها فغرفة فالاوتيل شدات فكتقها وقالت
الحمد لله .. هاهوا رجع صافي عجاجة ودازت
هزات بهية راسها وفمها اصفر ناشف وقالت
فين ؟؟ فين ولدي؟
مدام سارة: هما دابا فالبحث على هاد العصابة..المهم هوا تميم معاهم …رتاحي
بهية مابغاتش تبرد وخدات منها التيليفون تاصلات بمسيو جان مامتيقاش كلامو وطلبات منو تسمع صوت ولدها ..دوزو ليها هضرات معاه جوج كلمات ويدها على صدرها ومن بعد رد عليها مسيو جان ودعها وقطع .شافت فيهم مخلوعة وقالت
خرجات بيان كتقرقب بالكعب وتجري والدموع نازلين دازت من قدام جهاد..شاف فيها بنص عين وتبعها للاسانشور وقف الباب قبل مايتس د ودخل معاها
جهاد: فين غادية؟؟
ردت كتنخصص: غنمشي نقلب على تميم
جهاد: وفين غتقلبي عليه؟؟ ها؟
بيان: ماشي شغلك ..غنمشي نقلب عليه
خرجات من الاسانسور كتجري وجهاد تابعها دازت خدات المونطو دالفرو ديالها من عند الموضفة لبساتو بالزربة ووكمشاتو عليها من لقدام وخرجات فالريح ديال الصباح ركبات سيارتها..ركب حداها جهاد اللي كانت غندو رغبة حتى هوا يشوف تميم وسد عليه مسح على وجهه وقال
عام زين هادا .. باين من اوله ..فين غنمشيو دابا
بيان: غنمشيو لدارهم هي اللولة..حسيت بشي حاجة مخبيها بيان مسيو جان على مراتو
انطالقات كطير لمارينا وصفات سيارتها ونزلات كتجري بالكعب طلعو للدار كيصونيو..فتح ليهم كيفين الباب وغير شافو عرفو ان تميم لداخل.. دخلو لقاو مسيو جان جالس شاد كاس فيدو فصمت والنهار كيطلع .. هز مسيو جان عينيه فيهم وقال بالانجليزي
تميم ناعس..
بيان: نقدر نشوفو؟
شار ليها مسيو جان براسو خلات للبيت بينما طلب من جهاد يجلس معاه .
حلات بيان الباب ودخلات لقاتو جالس لابس تيشورط كحلة وسروال كحل ومزير على قبضة يدو .. هز عينو شاف فيها ورد يدو اللور دخل ديك الورقة لمكمشة تحت الوسادة فصمت وبلا ميلفت انتباهها. قربات منو كتشوف فيه وجلسات قدامو حدا رجلي مخلوعة وكتشوف فنديات على وجهه ضماد حدا عينو وانتفاخ فالعين الاخرى زرق وقتح يدو شدات فيه ونوضها جلسها حداه ..عنقاتو كتبكي وبدات دوز يدها على وجهه وتسول
عنقاتو وسدات عينيها بتعب في حين كان مسيو جان فحوار مع جهاد كيسولو على علاقة تميم بالطلبة وراش عندو اعداء مع شي واحد ولا مشاكل . جاوبو جهاد ان علاقتو بالطلاب عادية وانه انهار الاول دابز مع شي واحد ومن تما ماعاودش دابز ولاكنالخصومة ديالو عادية متستدعيش كاع هاد الجريمة كلها . لاكن مسيو جان مع ذلك شد فابسط مشكل وخدا معلومة على جاد اللي هوا وتميم ديما مدابزين وعرف من خلال جهاد ان المشكل كامل طالع على بيان لاكن شار لنقطة اخرى ان اللي عمل هاد الجريمة هدفه ينتاقم من تميم .. يعني صاحب الفعلة مضرور من تميم وعندو معاه حساب كبير وبهاذ الكلام استبعد جاد من التهمة لاكن مسيو جان بقا مصر وبغا يعرف اكثر على خلافه مع تميم وحط جاد اول متهم فالقائمة
سنة جديدة دخلات بالزراوط من اول ساعة ليها .
وصلات مدام بهية كتجري ومعاها مدام سارة دخلو للدار بعد ما رسل ليهم مسيو جان باش يجيو .
دفعات الباب بلا عقل لقات معاه بيان جالسة ويدها على وجهه. ..مشات كتجري عندو عنقاتو كتشوف حالتو وتبكي في حين نات بيان تسلات بهدوء خرجات وتبعها جاد حتى هوا ومن بعد ما طمنات حتى مدام سارة خرجات لقاع الدار عند مشيو جان اللي بوحدو جالس كيخمم من بعد ما كلشي مشا غادر
مدام سارة: ماعرفتوش شكرن مول هاد الفعلة؟
مسيو جان في حيرة: ماعرفناش.. شكون اللي عندو حساب معاه وبغا يصفيه بهاد الطريقة
مدام سارة: البوليس حتى هما كيبحثر فهاد القضية.. انا عندي لوسي عندو سلطة كبيرة غنتاصل معاه باش يوقف بيدو على هاد القضية ونلقاو المجرم فأقرب وقا
مسيو جان: كنتمناو .. شكرا على وقفتك معانا
تنهدات وقالت: هادا واجب..ولادنا ديما مهددين بالخطف .. بزاف ديال المايفات كيخطفو ولاد الاثرياء على قبل الفدية..
مسيو جان: هادا علاش خاصنا نديرو احتياطاتنا ديما واهم حاجة نخليو ولادنا بعاد على الاضواء تفاديا لهاد المشاكيل
مدام سارة: كنتمنى بنتي تفهم هادشي..كنعيا نشرح ليها مكتبغيش تفهم ..وكملاتها حلات صفحة وكبرات الشعبية ديالها وكلشي دابا رجع كيعرفها كبير وصغير
مسيو جان: ديري احتياطك وصافي..حتى الى وقعات شي حاجة تنقديها فالوقت المناسب..اش غنديرو هادي حياتنا وحياة كاع اللي بحالنا..خوف الخطف والقتل والانتقام من افراد عائلتنا غيبقا ديما كيراودنا..الحل لهادشي نردو بالنا وناخدو احتياطاتنا قدر الامكان
مدام سارة: كما قلتي هادي ضريبة الثراء.. حنا هدف لبزاف دالعصابات وحتى الخصوم ديالنا والمنافسين ديالنا .على العموم كنتمن لتميم الشفاء العاجل .. والحمد لله كلشي داز على خير خليت ليكم الراحة
خرجات مشات للدار بارهاق وتعب شديد دخلات لقات بيان جالسة وسط الدار فداك الصباح وشادة راسها حتى هي وكل طاقتها تهدرات فليلة وحدة . وقفات قدامها مدام سارة سرحات رجلها وربعات يدها كتشوف فيها وقالت
شفتي ..شفتي شنو وقع لتميم
هزات فيها بيان عينيها و كتافها وقالت
اه شفت!!! وانا علاش كتهضري معايا بهاد الطريقة بحال الى انا اللي خطفتو!
كدام سارة: كنقوليك هاد الهضرة باش تحلي عينيك وتنتابهي .. ليوم تخطف تميم.. غدا تقدري تخطفي نتي.. دوك التصاور اللي كتحطي وداك الفشر غيجيب لينا غير المشاكيل.. اي واحد شاف داك اللباس اللي كتلبسي والطموبيلات والسفريات والحياة اللي نتي كتنشريها غادي يخطك فراسو ويخطفك مقابل فدية…علمتك ابيان قبل ماتباني فالساحة او يعرفك شي واحد ..علمتك نهار فتحتي ديك الصفحة ..لمن فتحتيها مافهمتش؟ لشوية ديال الناس ماعندهم مايدار ماعارفينش اصلا اش داكشي كتحطي ليهم وماعرفينشو حتى قيمتو !! علامن كتفشري علامن!!على العصابات والمافيات ؟؟ كتقولي ليهم انا بنت حسن العلوي رجل اعمال الوحيدة اجيو خطفوني باش راه با مليالدير مات من لا ليا تروة وماما تقدر تعطي الثمن اللي بغيتو باش تردني!! هاا؟؟ على قبل المكلخين اللي متابعينك كيصفقو ليك باغا ضحي براسك! شوفي ولد القباج ..وبنت السنوسي… وبنات العثماني واش فيهم شي وحدة كدور فالسرشل ميديا ولا كيعرفها شي واحد اصلا واش كاينة ؟؟ كلهم بعاد على الاضواء وعايشين حياتهم كما بغاو بلا ميسمع حت واحد حسهم خوفا على راسهم .
وقفات بيان بتعب صغرات عينيها كتشوف فيها وقالت
واش انا مظطرة نسمع هاد القصيدة على الصباح!! انا مالي ومال هادشي كامل باش نسمع بحال هاد الهضرة وتنفخي ليا راسي بيها!!واش ناقصاك !…..مغنجاوبكش دابا واخا فجوفي قنطار داالهضرة مغنجاوبكش
مدام سارة: انا خايفة عليييك
مشات بيان هزات المونطو ديالها طالعة ولاحت يدها بتعب وقالت: خافي على راسك..انا قادة براسي
تهدنات الاوضاع اخيرا .. رجعات المياه لمجاريها وشرقات شمس يوم جديد.. بخيوط ذهبية والارض فازكة بقطرات الشتا اللي باتت كتصب ..خرجات سلمى وسميرة من الحمام هازين سطولة والصاك وملوين فالحوايج من البرد غاديين فالطريق كيضحكو ومزنيكن بسخونية الحمام .وصلو للدار وحطو الصينية وهزات سميرة البراد فالسما عمرات واحد الكاس مشحر وقالت
الله يااااربي على نعمة .. الحمد لله اللي داز كلشي على خير وخرجت من ديك الحفرة ..ماتبغيهاش لعدووك
جهاد: من نهار جينا من باغي ونتي مدورة وجهك ومشغولة مع تميم ..متكونش هادي شي علاقة جديدة ؟ امم؟
ربعات يديها وقالت: انا ديجا قلت ليك وغنعاود نقوليك.. هادشي كيخصني انا .. انا ونتا مابقات حتى حاجة كتربطنا اجاد من الصيف.. اكتفيت بصدقاتنا وصافي
صغر عينيه كيشرف فيها وقال: كتافيتي؟؟ انا مكتافيتش…
بيان: داكشي كيخصك نتا .. ماشي انا
جاد: بيان … مزال ضاغط على راسي وصابر من جيهتك.. ولاكن الصبر واه عندو حدود.
بيان: واش الحب بالغصب اجاد؟
هبط راسو جمع تنهيدة عميقة وقال: بالغصب ماشي بالغصب انا كنبغيك.. انا حاولت نساك..حاولت نبدا من جديد وندير علاقات ولاكن حتى وحدة هاد الق٠٠ بات ماقدرات تنسيني فيك عاد مكنزيد نكره جد مهم .. ديري معايا شي حل
دورات وجهها كضحك وتلعب بشعرها وقالت
انا معندي مندير.. فعلا شي مرات كتحب ولاكن مكتلقاش نفس الحب المتبادل.. كتحسر وكتعدب ومكتبنيش .. ولاكن كتبقا ساكت كتسنى ..
جاد: شنو اللي غنتسنا؟؟
بيان: كتسنى الله يعفو عليك.. جاد انا راه مافجهدي مندير ليك .. هوا الصراحة انا ماشي شي وحدة اللي تقدر تنساها ومكنتعوضش وماعمرك تلقا بحالي.. ولاكن خاصك تلقا لراسك شي مخرج
تكا على ضهرو كيشوف فيها كاتم الغضب والحرقة وقال هاز يدو
اووووف الراحة النفسية.. ديك المكلخة دسعيدة مكتعرفش دير هادشي .. ولاكن نشيت منقوليك.. شحال من حاجة هنا خاصني نحيدها ..مكنلبسهاش
حلات سلمى عينيها وقالت: ماشي مشكل نعاونك
بيان: ايوا يالاه نبداو.. بلاتي.. نبداو بصبابط هما اللولين.. بعدا دوك الجوج غير زايدين ..ماعمرني لبستهم ومابقاوش عاجبيني شريتيهم وندمت
هزاتهم سلمى كتشوف فيهم باعجاب حالك فمها وقالت
هيييه!! هادو خايبين!! بلعكس واعرين عرفتي كي غيجيوك
بيان: لالا مابغيتهمش هادو حتى هما..وهادا وهادا وهادي
بدات تجبد وتحط شي جديد شي مستعمل غير مرة وكلهم ماركات و شكلا زوينين ..جمعات جبل حطاتو ودازت للحوايج بدات تخرج فيهم وتلوح فوق واحد الكرسي وسلمى مصدومة حتلة فمها غادية جاية بعينيها وترمش ..تبعات ليهم الصيكان والليبات والبيجامات وبقات تعزل حتى خوات دريسنيغ وقالت كتشوف فيه
اوف.. هاكا حسن..على الاقل يبان ليا شنو نلبس
شافت سلمى فداك الكم الهائل اللي فالارض وقالت
وهادو فين غديريهم
هزات بيان كتفها وقالت
شوفي فيهم الى عجباتك شي حاجة خوديها واللي ماعجبكش هبطيه لسعيدة هاديك كتلبس كولشي حتى تلامط
سلمى: غير اريهم ليا حتى انا كنلبس طلامط عطيني فاش نجمعهم ههه
هبطات كطير للكوزينة عند سعيدة طلبات ليها الصاك وعطاتها الصاك كبير دكونطربوند وقالت من وراها
دورات سلمى عينيها وقالت: انا مالي!! ما مالي والو هوا مسكين بقا معايا فاش كنت كنتسناك تخرجي وصافي..
سميرة: وشنو عطيتيه باش عطاك الساعة ؟؟ عنداااااك تكوني مشيتي معاه
سلمى: اويلي الله يستر !! راه غير كدينا عليه كنت درنا خطة باش يتلاقا تميم مع الهام وقلنا ليهم عندي عيد ميلاد وجاب ليا الساعة
سميرة: اممم جاب ليك الساعة بالملاين للع فسبيل الله
سلمى: والله مادرت شي حاجة فاش تخرج طاطا الهام سوليها
سميرة: امم طاطاك الهام .. الله يعميها ليك .. والله ماشديتي حش٠٠نك عندك على نشويه. ليك
كل واحد فيهم باش تشالا عندو النهار.. ها اللي تسالا عندو فديسكو مع صحابو بحال جهاد..وها اللي بات معنق الحوايج بالفرحة كيتسنا يصبح الصباح باش يمشي بيهم للجامعة .. وها اللي بات معنق تيليفون كيتسنا لجواب.. ومول الجواب بايت معنق لجين فغرفة فالفندق بو حدهم ..وبهية وجان ختموها بسهرة رمنسية فالاوتيل جددو فيها شهر العسل.
رن الرنان والجامعة فتحات ابوابها للطلاب.. كلشي صابح قاري مع التمنية .. شي مشا وشي صبح ناعس مامشاش.. من غير بيان وسلمى حتى واحد فالبقية ماجا داك الصباح .
جات سلمى فحلة جديدة عمرها فحياتها ضهرات بيها.. الشعر مصاوب مطلوق وتناسق الملابس رهيب.. لابسة تنورة باج قصيرة كع ليبة موس خفيفة وتريكو ابيض صوف داخل طرف منو فالثنورة من الامام والكول غليض وعليها مونطو بني طويل محلول حتى للركبة وبوط باج حتى هوا حد الركبة وهازة صاك مربع فيدها بني وحاطة مكياج ناعم وعطرها فايح ولابسة مجوهرات مناسبة مع الاوتفيت ديالها.. بابتسامة وبهجة كضحك بوحدها داخلة فرحانة كتشوف فكلشي كيطلع فيها و تصادفات مع بيان حتى هي داخلة مع الباب لابسة الازرق الغامق كما عادتها الفخامة والدوق الرفيع اللي كيخلي كلشي ينقل منو . كول مونطي خفيف مجبد لاسق بارز ليها صدرها فالاسود مع شورد من التوب بلو مارين قصير بصدايف فيرزاتشي النحاسية مشدود من الخصر بسمطة فيرزاتشي النحاسية وعلى كتافها فيست كلاسيكية بلو مارين مخططة بخطوط سوداء خفاف تابعة للشورط طويلة على قياس الشور بنفس الصدايف النحاسية وليبة كحلة ولبوط عالي فرق الركبة من برادا بدون كعب وشعرها مطلوق بتشريحتو المعتادة .. شادة الصاك فيدها ومتكية على واحد الرجل وطالقة لاخرى وكتشوف فتيليفون ..
لعبة جديدة مسلية طلعات لبيان قالت طلعها على جهاد شوية وتتسلى وداكشي اللي دارت .. المحاضرة كلها وهي كتعلم سلمى وتوجدها لجهاد باش تستمتع شوية بالفيلم ديالهم ومنها نيت تحيد التوثر وتشغل راسها بحاجة اخرى من غير تميم
نزلات هي وياها كيضحكو فالدروج ومشاو للكافيتيريا الرائعة اللي كلها الوان وطاولات وفوطويات بتصميم شبابي.. جلسو فواحد الطاولة فطوياتها فالاحمر وتكات بيان دايرة رجل على رجل وحطات صاكها بالجنب قائلة
دابا العشرة..كاع اللي بايت سكران صبح ناعس
سلمى: مم فوقاش ونتي كتعرفي جهاد
بيان: هوا فايتني .. ولاكن قريت انا وياه من الاعدادي.. تعرفت عليه. تما من بعد قرا شي سنين برا وانا كذلك.. عاود تلاقينا واحد العام فالثانوية.. ودابا هاحنا فهاد الخيرية.بغيت نقول الجامعة … بقا ليه هاد العام ويتخرج ..كيقرا مع تميم فنفس الصف احمم هاهوا جا هه
دورات بيان وجهها كتلوي شعرها والضحكة شاداها وجهاد فطريقو عندهم بقويميجة مسدودة وفوقها جيلي بني ولافييت فيدو .. وقف عليهم بابتسامة وقال
صباح الخير
طبعات فيه بيان بضحكة مخفية وقالت: صباح النور ..والسرور
عضات بيان شفاهها كتشوف فيهم وحركات ليها راسها بالايجاب بينما جهاد بقا مبلوكي فبلاصتو كيرمش.. تلفت بسرعة شاف فسلمى وهي غادية ومشات عند واحد من الطلبة اللي كتعرف وقفات معاه كضحك في حين جهاد مصدوم مفاهم والو.. ضار شاف فبيان اللي مستمتعة بالجو على الاخر وقال
هزات حاجبها فيه وقالت مهبطة راسها: ختك!!ًتفكرتي دابا عندك ختك!
شد جهاد لسلمى فيدها وقال: غنعضرو فيير بشوية راه كل حاجة وعندها حل ..
حطات بيان الكاس دالماء من فمها وقالت بهدوء: اممم.. كديروها قد راسكم وتلقاو ليها الحل بالزربة
جهاد بجدية: واش على السهرة دالبارح
حلات فيه بيان عينيها والضحكة غتنفاجر من وجهها وقالت: مااانعرف
شاف جهاد فسلمى وقال: شوفي.. راه والله ماوقعات شي حاجة بيني وبينها
ضارت سلمى مخرجة عينيها شافت فبيان وبيان طرطقات بالضحك وقلبات وجهها للجنب في حين سلمى خرجات فيه عينيها وقالت
اهاااه!!!
جهاد: اجي غير نتفاهمو .. انا نفهمك ماتمشيش غالطة
سلمى: ماتفهمني مانفهمك .. سير رجع عندها
دمعو عينين بيان وناض كتسوط على راسها وضحك فاتجاه مطبخ المطعم ..وهي غادية كضحك وعينيها دامعين تصادفات مع تميم داخل وآثار الكدمات على وجهه ويديه فالجياب.. وقفات دارت يدها على جنبها مصغرة عينيها فيه لاكن هوا داز من حداها صدمها كأنه مكيعرفهاش ..مشا نيشان للطاولة عند سلمى وجهاد وجلس معاهم .بقات بيان فبلاصتها ودوك الدموع ديال الضحك تحولو بسرعة لدموع من موع اخر وتكاثرو فعينيها وماتلفتات نهائيا تشوف فيه حتى دخلات لجين مباشرة موراه هازة راسها كضحك ودازت حداها طلعات فيها ومشات عندو نيشان .ضارت بيان شافت فيه كضحك مع لجين وهي كتبوسو فحنكو وجلسات حداها شدات ليه فيدو . هبطات واحد القطرة من عينها على خدها ومسحاتها بسرعة ومشات كتجري لحمام دخلات وهبطات على لافابو كتبكي وتنخصص بغات تموت . وجهها بغا يطرطق.. ماهمها لا شكون داخل لا شكون خارج. خرجات حدة من تما عند ضحاباتها وقالت ليهم
هبط خلاهم وجهاد كيجري يلحقو وسلمى تابعة بيان اللي اول مرة تبكي وسط الطلبة وكلشي مصدوم فيها وغادية بلاعقل ..شافتو خارج غادي جهة سيارتو وبقات واقفة كتشوف فيه بغضب ومشات كتجري عندو ضرباتو بالصاك ورا ضهرو ويدات كتغوت وعينيها خارجين
حك جهاد حواجبو متردد وقال: انا مع بيان .. خرجنا نبدلو شوية الجو ..حيت الحالة اللي خرجات بيها من الجامعة مكانش عادية … نتا علاش مهتم لأمر بيان شنو بينك وبينها
تميم: مامهتم لا ليها لا غيرها سيفطتي ليا مسج فيه انتحار سولتك علاش اشنو اللي غيربطني بيها
جهاد: شنو ماكان بيناتكم وشنو ماوقع مرة اخرى رد بالك حيت تقدر تندم من يعد
تميم: شنو كتقول واش وقعات شي حاجة؟
جهاد: دابا ماوقع والو .. كان يقدر يوقع.. غير نبهتك .. من الاحسن خطي عليك بيان وحيدها من راسك..تمشي مع جاد ولا مع غيرو هاد النوع اللي بحال بيان كنصحك ماتحداهش..والى عقلتي النهار الاول قلت ليك هاد الهضرة
تميم: شرف سمع سمع هادشي كامل ماعندي مندير بيه… بيان ولا مانعرف انا ماكتهمنيش.. ضحكنا شوية ودابا صافي صدع الراس اللي غيجي من جيهتها ماعندي مندير بيه وصل ليها هاد الهضرة
غزز جهاد سنانو ولزم الصمت كمدها وقال
اوكي..غنقطع دابا كيتسناوني
تميم: اوكي باي
رما تميم تيليفون على الناموسية وجلس على الطرف جامع يديه مع بعضياتهم كيشوف قدامو ويعض شفاهه بإكراه فصمت .
فلاش باك
في صباح ليلة رأس السنة مع الستة
جالس على ناموسيتو بسورفيت كحلة وشاد الورقة مكمشة بغضب في حين مسيو جان بهية والبقية برا جالسين من بعد ما عاونوه بدل وخلاو فالبيت ضنا انه نعس.
سرح ديك الورقة اللي مكتوب فيها اسم بيان شاف فيها مزيان ورجع كمشها وجبد تيليفون ديالو ربط الخط مع مجهول
الو… نتا لتحت.. فلاوتيل؟ غتجيب ماما دابا ..من بعد غتمشي على هاد العنوان اللي غيوصلك دابا .. غتراقب هادا اللي سميتو جاد ..فين ما حط رجليه ..والى ماقدرتيش غتشوف شي واحد يراقبو ويحط عليه العين . اي حركة و اي بلاصة حط فيها رجلو غتشيفط ليا بالتصاور والمعلومات كلها فتيليفون . يالاه .
فالكولف وهما كيلعبو كاملين ومعاهم لجين وصلاتو رسالة.. بعد عليهم وانفرد براسو لقا نضرة على الرسالة شاف صورة جاد وهوا كيهضر فتيليفون .. حدا البحر ..صورة اخرى لواحد من العصابة مشا عندو ..وتصاور اخرين فيهم خصام وعتاب ..وصرفق داك الشخص من بعد عطاه مبلغ مالي. . موراها وصلوه تصاور اخرين لجاد قدام باب الفيلا دييان كيتكلم مع الخادمة وعطاها مبلغ ودخل .. وصورة اخرى ليه وهوا خارج من عندها .
فلاش باك الثاني.
بعد خروج جاد من فيلا دبيان جبد تيليفون كيهضر .. وفديك اللحضة داز موطور بالكاسك كيطير طيرو ليه من ودنو خلاه غياكل جنابو وداه .
وفلعشية من بعد رجوع تميم مع عائلتو انساحب بابتسامة ركب سيارتو ومشا جنب البحر فين كان الموطور واقف كيتسناه ومد ليه تيليفون وقال
فاش خديتو كان كيهضر فيه..وباش ميتسدش حاولت نخلي اليوتوب خدام ونديرو فالشارج حتى توصل
تبسم تميم وقال: كان ممكن يتبعوك عليه ساهل يعرفو بلاصتك
خدا تميم التيليفون وركب بينما مول الموطور ضرب الدورة مشا فحالو .
تميم: اجي نشوفو شنو عندك هنا .
نهاية الفلاش باك
مسح على وجهو وبلل شفافهو بلسانو وناض كيردد
واخا جاد.. اللي غنديرو ليك ماتقدرش حتى تبقا عاقل عليه. كلشي بوقتو
خرج من البيت جبد واحد القرعة وهز واحد الكاس ومشا جلس كيشرب بوحدو فصمت حتى سمع الصونيت فالباب ..ناض حل لقا لجين واقفة ..قلي عينيه ودخل خلا ليها الباب محلول ورجع بلاصتو جلس كمل على كاسو.. تبعاتو جلسات حداه كتشوف فيه مطولا بغيض وقالت
شنو بينك وبين بيان
عاود قلب عينيه خرج النفس وقال
جايا تا لهنا باش تجبدي ليا بيان ..
لجين: سولتك اتميم جاوبني..انا جايا من لندن على قبلك حتى لهنا وماعندي حتى واحد فهاد المدينة من غيرك .. ونتا كتصوف معايا بهاد الطريقة ؟! فين هوا تميم اللي كان كيضحك.. كيسهر كل ليلة بلا ميعيا ولا يمل
ود بملل: شنو فايدة هاد الهضرة؟؟ تما حالة وهنا حالة انا اصلا جالس هنا بزز
ناضت جلسات جنبو عنقاتو وقالت بتعب
تميم.. العطلة هاهي قربات .. نمشيو لندن عند صحابنا؟؟ تاصلت بيهم ليوم كلهم توحشونا وكيتسناونا نتلاقاو.. شنو قلتي؟
حيد الكاس من فمو وتنهد بملل وقال
لجين.. انا راسي عامر ..مكنفكر لا فسفر لا فزمر دايا .. تفرقي عليا واحد الشوية
خرجوها ردوها للدار وتما توادع معاهم جهاد في حين بقات معاها سلمى حتى حطوها فوق الناموسية تكات
بيان: صافي غير سيرو .. بغيت نبقا بوحدي
مدام سارة : كيفاش نمشيو نتي مزالة عيانة
بيان: ماشي مشكل غير رجعي لشغلك ..سلمى غتبقا معايا
سلمى: اه امدام انا غنبقا معاها
مدام سارة: اوكي.. انا غندقع شهادة طبية لجامعتك باش ترتاحي هاد الاسبوع
بيان: حسن
مدام سارة : اوكي انا غنخليكم ردو بالكم
خرجات مدام سارة وبقات سلمى واقفة وقالت
غنعيط لماما نعلمها باش متخلعش عليا ونرجع
بيان اوكي.. عطيني معاك بيسي ديالي
سلمى واخا
مدات ليها بيسي وخرجات خلاتها جالسة كتشعلو وتردد
نتا جبدتيني اتميم واللي جيدني كيلقاني وجد راسك دابا للصرف
جن جنون بيان وقلبها شعل نار وبدات تقلب فالحاسوب على الرقام الهواتف ديال الصحافة الالكترونية.. اخيرا طلعات الرقم اللي كانت كتقلب عليه وهزات تيليفونها تاصلات قائلة
الو.. حسام..اه بيان العلوي.. سمع عندي ليك خبر حصري..غيقلب البلاد..ماشي غير البلاد العالم . تميم البيستي عرفتيه.. واليديه بهية بن موسى وباه جان البيستي..ماشي هما واليديه الحقيقيين ..هوا ولدهم بالتبني..وهاد السر مكيعرفو حتى واحد من غير واليديه ..وانا ..نشر هاد الخبر وتسنا مني القصة الكاملة من بعد. معلوم صحيح.. واش انا كنلعب هنا !! الدليل غيجيك بالصوت والصورة ..ولاكن من مور ما تنشر ليا هاد الخبر مع شي عنوان مطرطق ..بغيتها تكون قنبلة السنة الجديدة .يالاه
دفعات عليها سلمى الباب مخرجة عينيها وقالت: بيان!!! شنو دري؟!!!!اويلي شنو درتي؟؟؟
سلمى: بيان نتي راك دمرتي عائلة… دمرتيهم صافي مللي وصلتيها للصحافة..عرفتي شنو غيوقع من بعد! عرفتي شنو يقدر سوقع لتميم؟؟
ناضت بيان من بلاصتها وقفات وقالت بغضب
يموت ..ينتاحر .. علاش هوا باش حسن مني؟؟؟ هاا ؟ باش ؟؟ مافكرش فيا فاش هاني وسط الكلية بديك الطريقة وقدام جاد؟؟ مافكرش فشنو ممكن يوقع ليا؟؟. علاش انا روحي رخيصة وهوا ووحو غالية؟؟. خليه يشرب من نفس الكاس .. غنوريه شكون هي بيان ..
شدات فيها سلمى بترجي وقالت: غتنوضي. حرب خايبة عليك .. غتشعليها وتقدر طيح فيها الروح ابيان هادشي اللي درتي ماشي حاجة ساهلة.. داخل فيها بزاف دالحوايج ابيان
بيان: انا روحي كانت غطيح ليوم.. انا ماشي حشرة اسلمى كما مافكرش فيا انا حتى انا غندوقو نفس العداب ..
سلمى: بيان نتي خرجات عاقيبتك على خير وقادرة تكملي حياتك من هنا لفوق عادي ولاكن هوا غادي تبقا بصمة فحياتو عمرها تمحى
بيان: حتى انا خلا ليا بصمة فحياتي وعمرها تمحى .. انا سبمتو راسي.. سمعتي.. طول عمري هازة راسي والمهير كيتحنا ليا على رجلي.. وديما كنقول حتى واحد فيهم مايستاهل .. حتى واحد فيهم مايستاهل يمس شعرة مني… وتميم جا بين ليلة ونهار تعدا كاع الحدود.. حول ليا حياتي من عزبة لمرا ..علاش شكون هوا اللي يحول ليا حياتي وجسمي ونفسيتي .. علاش هادي ماشي بصمة !!! هااا؟ خلييه.. خليه انا مغنرتاح حتى نكويه كما تكويت ..
سكتات سلمى ويدها على فمها فصدمة طويلة وبيان كتنفض بلاصتها باش تجلس .. قربات ليها سلمى بهدوء جلسات حداها بأسف وردات ليها شعرها اللور وقالت
علاش مشيتي معاه؟
معات بيان وقالت: مامشيتش.. ماعرفتش كيفاش وقع ليا.. مافكرتش فيها ولا حتى تخيلتها
سلمى: ولاكن نتي قلتيها.. قلتي حتى واحد مايستاهل.. وشنو اللي خلاك تسمحي ليه يقيسك
كنت فدنيا تانية… كنت فعالم اخر..وصلني شعور مختالف .. كان قلبي كيدق بالجهد.. كانت عندي رغبة مسبقة.. كان احساس زوين .. اول مرة نحس بيه.. حسيت براسي ضعيفة..فقمة ضعفي.
تلفتات لسلمى: انا عمري حسيت بهاد الاحساس.. حتى مع جاد.. كان كيبغي يقرب ليا كنصدو تلقائيا.. هاد المشاعر كاتحركاتش فيا ابدا.. ولاكن فديك اللحضة مع تميم.. عقلي غاب كليا.. ستسلمت جسدا وروحا ..
هبطات راسها سادة عينيها على يدها كتنخصص وسلمى حداها كتشوف فيها فصمت وتمسح على راسها .. تنهدات وقالت
واش كتبغيه ؟
هزات بيان راسها بتتاقل شاف فيها والدموع فعينيها وقالت
كنرهووو.. كنكرهه لدرجة بغيت نفرسو بسناني.. بغيت نقتلو .. استخف بكاه داكشي اللي عشت معاه.. عايزني باحساس.. عايرني بشعوري ..عايرني بضعفي.. استهزأ بمشاعري..رخصني ورخص جميه احاسيسي وماهمو حتى حاجة. . مابادلنيش نفس الاحساس.. مبادلنيش نهائيا بحتى حاجة من داكشي اللي حسيتو معاه.. هاني واستحقرني ودوزني بحال اي وحدة دوزات معاه ليلة ولا. ساعة … انا صنعت معا ذكرى لاكن هوا لا.. عاش اللحضة ورماني بحال شي ق٠٠٠٠ مغنسمحش ليه واخا يبقا فيا عرق واحد كيضرب غنرد ليه الحساب بالدوبل ونعيشو نفس الدل ونفس القهرة ونفس الحرقة
عنقاتها سلمى كتمسح على راسها مطولا فصمت و جمعات النفس بغضب وقالت
انا معاك… فأي حاجة درتيها … انا معاك حتى تردي حقك
تكات بيان على صدر سلمى مدة طويلة حتى صونا تيليفون لسلمى وردت
ااالوو ماما.. وصافي قلت ليك بيان مريضة غنبات معاها ..صافي … والله حتى بايتة مع بيان ..انا غندير ليك ابيل فيديو كاع
فتحات سلمى الكامرة لمها اللي كانو عينيها خارجين ماتهنات حتى شافت بعينيها عاد قطعات .
طلعات سميرة عندهم هادة بلاطو فيه الماكلة والعصير دخلاتو حطاتو ليهم ونزلات شافت فالساعة كانت التسعود دالليل.. تنهدات وقالت
كتقطعي فالقلب.. والله الواحد مابقا عارف باش يحس فهاد الدار ..( الصونيت ) شكون هادا جاي عاوتاني هاد الباب مغيتسدش ليوم
مشات حلات الباب لقات تميم واقف بجاكيط كوير ويديه فجيابو هزها من رجليها حتى لوجهها استحقرها بنضراتو وقال
كاينة بيان
تبسمات سعيدة وقالت: واخا انا نقولها ليها
دخل فيها بخطوات بطىئة طلع فيها وقلب عينيه دخل لقلب الفيلا لقا السكات والاضواء طافية .. هز راسو لفوق وقال
دق فالباب دقة وحلو ودخل لقاها فالبيجامة كحلة من حرير مخشية فسلمى فوق الناموسية وشعرها الناعم مدلي على كتافها و والضوء خافت
حلات سلمى عينيها فيه تصدمات اما بيان باقات كما هي ضنات انها سعيدة .. هزات راسها بعفوية مسحات دمعة نازلة من خدها شافت فسلمى كتشوف جهة الباب ودورات وجهها ببرائة .. لاكن بسرعة تحولو دوك النضرات البريئة لشعلة من النار ولاحت الغطا عليها وناضت كتشوف فيه وطلع فيه
دفعاتو بقوة بيديها لاكن لحقاتها سلمى بسرعة شدات ليها يدها وقالت
بيان غيتحلو لغرار من يديك تهدني
تفتح البؤبؤ فعينين تميم وهوا كيشوف فيها وشاف فيديها المضمضة وقال بتقاطع الحروف
ب..بيان
طارت عليه بجنون وانهيار عصبي شدات فيه كتمشي وتجي من حر الدفيع وقلبات الدنيا غوات وهوا كيحاول يشد ليها يديها هي وسلمى باش تهدا لاكن البنت تجننات كتنقز عليه من الارض وتجرو وطارت عليه على يدو عضاتو حتى خرجو عروقها .. طلعات سعيدة كتجري شداتها من يد وسلمى من يد وهي كتلاح عليه وسنانها مضا بغات تاكلو .. بغا يهضر ماعرف منين يبدا وماخلاتش ليه فرصة .. توجاتو سلمى يخرج وخرج خلاها بيناتهم كتغوت حتى طاحت غابت
إغفر يا تميم الجزء السادس
محتوى القصة
سدات عينيها ورجعات اللور ويذها على نيفها ووقفات على برا كتمشي وتجي ويدها على جنبها .. خرج عندها تميم كيغزز سنانو حفيان ولابس شورط قصير ماعندوش الوجه باش يشوف فيها .. بتعبتم بدا يتمتم لاكن بدون شعور ضارت عندو وعطاتو بطرشة للوجه خلات ليه وجهو كيشوف لهيه ..
هزات صبعها فوجهو وعروقها خارجين وقالت : وصيييتك…وصيتك وواعدتيني.. واعدتيني وتقت فيك ..خنتي تيقتي .. خنقتي تيييقتي
دار يدو على دقنو كتمتم مالقا مايقول
تميم: انا..
ضرباتو بيديها بجوج كدفع فيه وهوا كيرجع اللور حتى جلس على الكنبي .. وبهية كتغوت وتقول
نتا شنووو؟…شنوووو؟؟؟ شغتقووولي.. انا شنو قلت ليك؟؟ هاااا؟؟ شنووو قلت ليك.. جاوبني..جاااوبني
دورات ليه وجهه بقوة شافت فيه وقالت: شووفيااا..دور وجهك شوف فيااا..ماعندكش الوجه ..طبعا ماعندكش الكمارة .. ماعندكش الوجه اللي يشوف فيا
كلشي كيدور على ودنين بيان .. حرف بحرف كتسمع وهي وسط الناموسية جالسة مغطية بالغطا وشعرها مدلي.. كأنها وحدة رخيصة ماتسوا حتى حاجة.. غرغرو عينيها لاكن كتمات احساسها ولاحت الغطا بالزعفة وناضت لبسات حوايجها وهزات تيليفونها وخرجات من البيت كتشوف قدامها هزات الجاكيط ديالها وخرجات زدحات الباب بقوة وراها خلاتهم فالصراع ديالهم بوحدهم
شارت بهية بيدها جهة الباب وقالت: مالقيتي غير بيان؟؟ غير شريكتنا فالخدمة؟؟ انا بصح كنضيع معاك طاقتي حيت نتا واحد كتفكر غير فراسك وغريزتك..حشمت نقول ليك شكون اللي كيفكر غير فغريزتو حيت فعلا كتشبه ليه
عطاتو بالضهر شادة فراسها وغمضات عينيها خلاتو مهبط راسو كيشوف قدامو فصمت. ويزفر.. ناض دخل للبيت ومشا نيشان للحمام زدح الباب عليه وطلق الماء..اما بهية بغات تاكل جنابها من الفقصة ومابرداتش.. وحلات ليها فالحلق ومادازتش ليها لا بالما لا بالمشروب. بقات جالسة شحال شادة راسها على ركابيها وشعرها مدلي عاد ناضت خرجات للشرفة شمات الهوا.. حسات بيه تعطل فالحمام وحلات عينيها مشات كتجري للبيت ترمات على باب الدوش مخلوعة كتسمع وحسات بحركاتو لداخل عاد رتاحت وغمضات عينيها كينفس بارتياح . حطات يدها على صدرها بتعب وضارت بعفوية حتى كانت غتخرج ولفت انتباها شيء غريب فوق السرير.. تراجعات بتتاقل قربات من المكان وهزات الغطا بصبعها لقات بقعة دم صغيرة فوق الفراش الابيض ..كانت الصدمة كبيرة ليها وهي كتشوف وجرات داك الغطا كامل بغضب شداتو فيديها كتشوف فيه مزيرة على سنانها .. خرج من الدوش ملوي عليه الفوطة لقاها شادة الغطا وكتشوف فيه بغضب شديد وحل عينيه فصمت ..وراتو هزاتو فوجهو بنضرات قاصية ورماتو بقوة قدام رجليه وخرجات من البيت هزات صاكها ومشات خرجات زدحات الباب وراها بقوة ونزلات.
وصلات بيان بدارها والدموع حتهبط بلاصوت .. ركنات سيارتها ونزلات بقوة ..شدات فكرشها وجمعات رجليها بألم كمدات وعينيها مغمضين عاد كملات طريقها دخلات للدار كتمسح عينيها مخبية فالجاكيط لغليضة وشعرها محلول..طلعات لبيتها وسعيدة واقفة كتشوف وتردد
اوييلي!! هادي مالها عاوتاني
تبعاتها للبيت كتجري لقاتها كتحيد حوايجها وترمي فوق السرير ودخلات للحمام زدحات الباب وراها ..
سعيدة: مكاينش شي نهار يدوز بلا فيلم.. مستحيييل
ب ات تجمع الحوايج وتنكر وهبطاتهم للصابون كتفسخ وتلوح فالغسالة حتى وصلات للملابس الداخلية ات تلوحهم ولقات فيهم نقاطي دم. صغار ..بقات كتشوف فيهم باستغراب وقالت
صافي.. جبتي الربحة..ايوا الصراحة انا حساب ليا جبتيها شحال هادي .
كانت غتصبنو وتراجعات كتفكر جمعاتو وضحكات قائلة
دابا غنخرج منك داكشي اللي دوزتي عليا الاللاهم بيان . هانتي غتشوفي
وسط الرغوة جالسة جالسة بيان مكمشة كتبكي وتنخصص فصمت .. طولات فالحمام جتى تفشات وخرجات ليسات بينوارها حزماتو عليها ومشات قدام مرايتها جلسات كتشوف فوجهها اللي شيع بكا وعينيها اللي تنفخو . شافت فتيليفون لقات اتصالات تميم وحدة تابعة لاخرى وطفاتو حطاتو جنب ومشات دخلات ففراشها نعسات
كانت الساعة الرابعة عصرا .. وقفات سلمى بشوق واشتياق قدام الكوميسارية .نزلات سميرة بوجه شاحب.. جسد متعب لقات غير بنتها قدامها..مشات كتجري عندها عنقاتها وسميرة كدلك بادلاتها العناق بشوق ودمووشدات ليها وجهها قائلة
صافي ابنتي.. متبكيش.. انا رجعت ..
سلمى: توحشتك اماما
سميرة: انا اكثر.. صافي كلشي داز الحمد لله.. كلشي غيرجع حسن من اللول
ركبو فالطاكسي معانقين رجعو للدار وتعرضات ليها امها ويذها على صرها
على سلاااامتك ..على سلااامتك رجعتي لبنتك .. حماقت هاد البنت هادي حماقت
الاب من الداخل: واش جات سميييرة
مشات عندو سميرة كتمسح عينيها وقالت : جيت ابا جيت .. جيت الحمد لله كلشي داز على خير
الام: واا الهاام.. والهاام ابنتي بقيتي غير نتي
شافت فيها سبمى بغيض وقالت: كتهمة غير بنتك الهام .. غير الهام اللي عندك ماما فاش كانت مرمية فالحبس ماغوتيش عليها..حيت خا عندها ماتعطيك ولا تصرف عليك.. بنتك الهام عندها الفلوس بالسيف ماتزوگي عليها
جراتها سميرة كتسكتها وداتها للبيت شدات عليها وقالت ليها
صافي..صافي براكة
سلمى: علاش براكة؟ علاش؟ حيت حنا ماعندنا فلوس ماعندنا والو كي متنا كي حيينا ماعندهم سوق فينا.. من نهار ذخلتي ماطيحات عليك شي دمعة همها كامل غير بنتها الهام
سميرة: مالها الهام اش واقع
سلمى: الهام فالسبيطار ضرباتها طموبيل..ليوم غتخرج من السبيطار .. انا كنت كنتسناك غير نتي مابقيتش حاملة هاد الدار
سميرة: صافي.. غنرجعو بحالنا لفاس
سلمى: مغنرجعش .. غنبقا هنا وغنكمل فديك الجامعة
سميرة: شكون غيخلصها ؟ شكون حساب ليك الهام غتخلص عليك شي ريال من هنا لفوق
مشات سلمى بغضب لحوايجها كتقلب جبدات الساعة اللي هداها جهاد وقالت
هادي غتخلص عليا هاد الربع شهور اللي بقات بعدا
فالفيلا طالعة سعيدة هازة تيليفون الدار دخلات عندها فيقاتها من نعاسها معطانها التيليفون قائلة
مدام سارة فالخط
مدات بيان يدها بتعب وهزات راسها ردت
الو..
مدام سارة: بيان…واش مغتجيش الحفلة؟؟ كاينة حفلة مختالفة على المعتاد وكاع الحضور جاو الا نتي ..قلت نسول فيك
بيان: اخيرا تفكرتي عندك بنت
مدام سارة: الله يهديك.. انا من مللي بدات الحفلة كنتسناك تجي..
بيان: شكون كاين؟
مدام سارة: كلشي كاين
بيان: من اللي كنعرفهم
مدام سارة: كولشي.. بدون استثناء
شدات بيان عينيها بتعب وناضت شافت الساعة كانت العاشرة ..قطعات تيليفون وناضت قائلة
جيبي ليا التلج ..
مشات سعيدة تجيب الثلج وبيان جلسات قدام المرايا كتشوف فوجهها وشعرها المبلل وي ها على عينيها كتبرد فيهم .
تنهدات مدام سارة وتيليفون فيدها وسط الحضور والنخبات فالكازينو اللي كان مزدهر بالزبائن والطاولات كلهم عامرين وكلشي جالس كيلعب نساء ورجال من الطبقات الراقية .. كانت مساحة الكازينو كبيرة بزاف والتنضيم اللي وقفو عليه زاد فجمال الحفلة .. رجال الاعمال ونساء بملابس راقية الكل كيلعب ويربط صداقات .. فالجزء الاول كانت مساحة خاصة بالاستعراض والموسيقى والغناء.. كان كروب من بنات اجنبيات بملابس الاستعراض كيبريو وعلى يديهم ريش كالاجنحة كيتساراو وينشطو الحفل .. مشروبات كتسارا وحتى مؤكولات خفيفة غادية جاية
..الحفل كان ناجح بامتياز والاهم انه كان حفل تعارف وصفقات بامتياز . دخلات مدام بهية بفستان اسود قصير وكعب عالي كلاسيكي وتسريحة خفيفة مع مكياج خفيف وقفازات فيديها مشيكين ..شادة فمسيو جان اللي جنبها لابس شروال توب ابيض وقميجة كلاسيكية مزخرفة خاصة بالحفلات اللي بحال هاد النوع وفيست بيضاء وفيدو وسيكار مشعول ..تعرضو ليهم الصحافة كيصوروهم فالباب وهنا داخلين كيرحبو بالحضور وكذلك كدام سارة كانت واقفة مع بعض الشخصيات المهمة فأبهى حلة بفستان ابيض راقي وتسريحة كلاسيكية فيدها كاس مشروب.. بالصدفة شافت شافت مدام بهية لجين ومشات مباشرة عندها طلعات فيها بابتسامة كتشوف فالفستان الاسود القخم والشياكة ديالها وقالت
اممم… شهاد الشياكة. هادي؟!! ماتوقعتش مشوفك
ابتسمت لجين وقالت : ميمكنش نرفض ليك عاد الدعوة شكرا
مدام بهية: امم..مرحبا .. فرحت بشوفتك
لجين: انا اكثر
مدام بهية: تهلاي ليا فتميم هاد الليلة .(مع غميزة )
لجين: طبعا .
مشات مدام بهية كضحك وتسرح عينيها وتردد
اممم.. الشطيبة كاع مكدور هنا هه.. علاش هي عندها الوجه بعدا
زادت بكل افتخار ورقة بينما طلقات لجين نضراتها كتشوف فالحضور وتقلب بعينيها على تميم حتى بان ليها جالس واحد القنت بسروال كلاسيكي اسود وحداء اسود داكن وقميجة بيضاء مع شاعة يدوسة ثمينة وسلسلة خفيفة فعنقو كتبان بين كول القميجة .. شعرو مرتب ووجهه مشرق شاد كاس فيدو وكيهضر مع جهاد اللي كان حتى وهوا جنبو بنفس اللباس.. كلاسيكي وزايد فيستة كحلة من الفوق داير رجل على رجل وكيقول
شنو دابا غندوزو الليلة هنا مع هاد الشوراف ؟ خليهم يطليو الحفلة ديالهم وخلينا حنا نمشيو للديسكو ديالنا نشطو فيه ميمكنش نبقاو هنا الليلة كلها فهادالملل..كنضور كنشوف غير العيالات
حط تميم اليتيلفون جنب وقال بتنهد: غنمشيو.. ضرب هاد الطناش الملعونة ونتحركو من هنا
جهاد: وغنبقاو كنتسناو فيها
تميم: ماعندنا منديرو حنا مجبورين نبقاو وسط هاد الشيب
سد عينيه بملل شديد كينفخ ودور وجهه جهة الباب بعفوية جات عينو على بيان داخلة خطوة تابعة خطوة فخط مستقيم بكعب عالي اسود فخم واقدام ناعمة نحيفة وفستان احمر اللون جذاب فوق الركبة مرتب ومجموع بفتحة اللور بارز جسمها المنحوث ومربع من منطقة الصدر ومشدود بسلاسل ذهبية فالكتاف والضهر عاري كامل ..صباغة حمرا فالدفار وشعر ذهبي مقلبو للجنب بتسريحة الويفي الناعمة منسدل لاخر الخصر وحلقات مدلية كتبري من الالماس وعيون براقة بضلال سوداء وعقد رقيق على الرقبة ..حاملة في ها حقيبة سهرات صغيرة م وذافرها طويبة بصباغة حمراء مع خاتم طويل فالسبابة . دخولها القوي لقت انتباه الجميع وراسها المرفوع بثقة فالنفس كسرات كل ترقعات مدام بهية فاش شافتها داخلة وطفات الثقة فالنفس اللي كانت كتنفس بيها حتى لجين
حطات خطوتها الاولى فالكازينو تعرض ليها راجل طويل ببدلة سوداء هوا الاول واعجاب مد ليها يدو وقال
مادموزيل
وقفات كتشوف فيه بتكبر عاد ابتاسمت ومدات يدها سلمات عليه ..بغا يتعرف عليها لاكن فاجأهم تميم اللي وقف حداها وعنقها من خصرها وتبسم ليه كيطلع فيه وقال
تميم البيستي.. شرفتينا بالحضورك ديالك
ميل ليه تميم راسو وقلب عينيه شاف فبيان اللي دورات وجهها كاتمة غيضها .. تبسم الضيف بخيبة ورد ليه التحية بادب ومشا خلاهم في حين زيرات بيان على سنانها وقالت
طللللق منييي
رد كيشتت النضر بلا ميلفت الانتباه: اجي معايا
بيان: مغنجييششش.
جرها بزز منها كيشوف يمين يسار فالحضور خرجها من تما ولسقها مع واحد الحيط فالجنب وسد عليها بيدو وقال
علاش مكتجاوبيش فتيليفون
خرجات عينيها وقالت: علاش غنجاوبك ؟؟ انا مكنجاوبش البراهش اللي مزالين تحت المراقبة دواليديهم
تميم: عندك الحق تقولي اللي بغيتي
قاطعاتو بغضب وصوت منخفض وقالت: سير عند ماماك .. جلس حداها وتعلم من الرجال اللي حاضرين كيفاش تكبر
تميم: متغلطيش ابيان
دفعاتو وقالت: منغلطش؟!! هاا؟؟ علاش ماهضرتيش قاش كانت مك كترخص فيا .. علاش بقيتي ساكت ؟؟ هااا؟؟ يالاه جاوب
هبط راسو بأسف وهي كتخاصم وتعطيه حتى تدخلات مدام بهية هازة راسها وراهم وقالت
تميم.. بابا كيقلب عليك
دور راسو كاتم الغضب لجهة اخرى وبعد يدو حكعلى الحيط بنرفزة مشا عكس باب الكازينو خارج في حين بقات بيان واقفة فبلاصتها ومدام بهية قدامها كتطلع فيها وقالت
انا فبلاصتك منقدرش نبين وجهي.. ولاكن ماعليكش.. متوقعتش تكوني عزبة هه
قربات منها بيان كتشوف فيها هازة حاجبها وقالت
خايفة مني؟؟؟…شوفي… كنشوف الخوف فعينيك … لهاد الدرجة كنخلعك؟
دورات مدام بهية راسها كضحك وقالت: علاش غنخاف منك؟ وحدة مراهقة كيقول ليها عقلها باللي كتفهم حسن من الكل .. واذكى من الاول
بيان باستفزاز: خايفة… حيت المراهقة تقدر تقلب ليك حياتك فدقيقة.. اشنو بان ليك الىىىىى…مشيت عند تميم ..وقلت ليه باللي ههه.. ماماك المثالية غير مربياك.. وباللي الهام هي مك الحقيقية..وسلمى بنت خالتك اللي يغات مك تحبسها.. امممم!!… شفتي!!… هانتي تبدلتي..
زيرات مدام بهية على يدها وقالت
سمعي.. الى فكرتي .. ولا غير وشوش ليك شيطانك ولمحتي ليه .. متخيليش ديك الساعة شنو نقدر ليك ابيان.
ربعات بيان يديها وقالت: امم.. مثلا؟ غتقتليني؟ هه خلعتيييني… حسن ليك بعدي مني ..لحد الساعة ماحطاكش فراسي.. اما الى حطيتك غنتكرفس عليك .
هزات حاجبها بنضرات مستفزة ومشات كتلوى خلاتها كتغلي فبلاصتها وسادة عينيها كتصبر راسها وتبرد عاد دخلات .
حوارهم مادازاش مرور الكرام .. من الناس المهتمين والمغيارين على تميم كانت لجين..اللي تبعاتهم من شدة حرقتها فاش شافتو عنقها ولحقاتهم سمعات حوار تميم وبيان اللي شعل النار فقلبها وموراه حوار مدام بهية بيان اللي صدمها صدمة العمر خلاها لاسقة بضهرها مع الحيط وفمها محلول وعينيها خارجين فصمت
الخرجة ديال تميم من الكازينو مكانتش مناسبة بالمرة .. خصوصا فوقت اعلان دخول السنة الجديدة واللي كاع الاجواء تقلبات فيها ..صخب وموسيقى والكل محتافل الا هوا اللي حس براسو خاصو يتنفس ويشم الهوا ويبعد على ديك الطاقة السلبية اللي متص فالكازينو .
مشا ركب سيارتو وهبط الزاج تكا شوية من بعد خرج السيارة من بلاصتها والزاج هابط والهواء كيضرب فيه .. الشوارع خاوية والبوليس فكل مكان كيدورو والسيارات غاديين جايين.. شد طريق البحر هاز راسو ساهي قدامو حتى انتابه لسيارة غادية جنبو كحلة كدايقو فالطريق.. تلفت المرة الاولى والمرة الثانية وبدا يتنرفز ..كل مرة ضرببو وتخفض السرعة حتى حماو ليه دمو وبدا كيتزايد معاهم فالهضرة من النوافد وبعصبية صف فالجنب وحتى هما صفو قدامو ونزل ليهم مشا نيشان ضرب واحد براسو والثاني حتى هوا لاكن الثالت ماعرفوش منين خرج ليه رش عليه كليموجين على وجهه كامل خنقو وضبب ليه الرؤية وزادوه رشو عليه مخضر مباشرة على وجهو ذوخو وبقا كيتمايل ويحاول يشد فراسو من هنا ومن هنا لاكن ماقدرش وطاح فالارض ..صفات سيارة كبيرة سوداء فالجنب نزبو منها ربعة اخرين هزوه طلعوه وانطالقو بيه للمجهول . فهاد الاثناء كانو سيارات الرطة كتسارا فكل مكان .. شافو السيارة فمكان وسط الطريق ممنوع فيه الوقوف ونزلو يشتكشفو .. يالمن هاد السيارة الفاخرة ؟!! شكون خلاها هنا ..بقاو واقفين كيقلبو مابان ليهم حتى واحد قالو يمكن شي واحد سكران نزل يبول وخلاها ..شافو جهة المنحدر اللي كيطل على البحر مالقاو والو ورجعو للسيارة قلبوها لقاو فيها الاوراق والتيليفون وكلشي فبلاصتو .
كانت مدام بهية جالسة هازة كاسها هي ومشيو جان مع الضيوف في احتفال رقص وموسيقى وضحكات في حين ان هاد خارج داخل كيسول على تميم ..اما بيان مشات جلسات هازة خنافرها ولجين من الصدمة خرجات من تما فمرة ومشات فحالها .
استغرب جهاد من غياب تميم اللي تافق هوا وياه يكملو السهرة فمكان اخر و مشا بادب عمد مدام بهية وقال بابتسامة
كنقلب على تميم .. ماعرفتيش فين يكون مشا
ردت بهدوء: يكون مشا للدار كنضن ..تقلق شوية
تنهد جهاد وجبد تيليفونو صونا ليه وهنا جاوبو شخص بنبرة حادة فاجآت جهاد اللي بدا يتحاول معاه باستغراب حتى تصدم فالاخير ورجع عند مادام بهية كيجري وتيليفون فيدو وقال
مدام بهية… البوليس فالخط
شافت فيه مستغربة وقالت
كيفاش البوليس؟؟
خدات تيليفون من عندو ردت قائلة
الو…الوش شكون معايا؟؟…كيفاااااااش!!!
تلفت مسيو جان عندها بانتباه يالاه غيسول دخل حارس من برا عندهم بسرية وخفوت وقال
مدام بهية.. البوليس فالاستقبال بغاوكم ضاروري
حطات يدها على قلبها ومسيو جان كيشوف فيهم مكيعرفش يهضر العربية مزيان وخرجو كيجريو لقاو البوليس واقفين تبعاتهم بيان كتقلب وتشد فالحيط تعرف شنو واقع ووقفات موراهم كتسمع البوليس كيقولو
لقينا سيارة ولدكم فالطريق خاوية.. وواحد من اصحاب السيارات اللي كانو دايزين من تما شهد انه شاف ولدكم فعراك مع شي ناس من بعدو سحبوه داوه ..واش كتشكو فشي واحد
حطات مدام بهية يدها على قلبها وطاحت ليهم تما غيبات حدا رجلين جهاد وبيان من الصدمة جلسات مع الحيط فشلات .. اما مسيو البيستي رجع اللور جبد تيليفونو خلاهم ومشا كيجري خارج ويتكلم الايطالية
تحقق لي من موقع تميم فالحال .. اوكي
وصلاتو اشارة فتيليفونو ومشا كيجري ويتكلم فتيليفون
كيفين .. لتاحق بيا لهاد الموقع حالا .
طلعو معاه رجال اخرين فسيارة كحلة وخرجو كيطيرو حكو الروايض حتى تسمعو فداك نص الليل ..اما البوليس بقاو واقفين كيستجوبو الاقارب والاصدقاء ديالو اللي تما فالاوتيل
فمنطقة خالية وسطها ديبو كبير كبير ديال لافيراي كان تميم جالس كرسي مكبل من رجليه ويديه اللور مكبلين حتى هما بالحبل.. صدايف القميجة مطرقين حتى للسمطة دالسروال وراسو مايل قدامو دايخ.. قدامو رجال كبار كل واحد قدو قداش على وجههم اقنعة من الصوف كلة كيبانو فيهم غير لعينين .. خواو عليه سطل ديال الماء بار من الحديد فيقوه ولاحو السطل للجنب بصوت قوي..
هزار راسو فازك وحل عينيه شاف قدامو ماهضرو معاه ماتكلمو نيشان ضارو بيه شدوه من اللور باش ميميلش وخلاوه لواحد فيهم كيضرب فيه. فالوجه والكرش حتى خبا دمو كيسيل .. هز تميم راسو كيزفر وقال
الى كنتي راجل. فكني.. فكني وواجهني..واجهني بوجهك
نزل عليه اللي قدامو بالضرب على كيعطيه وجبد وجبد ورقة من جيبو سرحها قدامو مكتوب عليها " بيان" ضحك تميم بسخرية وكمل عليه بالضرب والبقية ضايرين بيه .. كان تميم كياكل العصى وفنفس الوقت كيحل الحبل اللي في ديه حتى تمكن منو وحيد صباطو سل رجليه بطريقة بحيلة عسكرية علمها ليه كيفين وساعدوه التقاشر الناعمين ديال الصباط باش تسل ورجع لبسو تبت رجليه مزيان وطلق للحبل من يديه ..اللكمة الموالية اللي كانت جايا خوا ليها وهبط راسو وتقلب فالارض تكور ووقف كفض على يديه بجوج ضرب القبضة مع الكف في استعداد وبدا عليهم واحد واحد .. كيضرب الضربة ومكيعاودهاش.. قداك العراك اللي كان فيه الحديد ديال لافيراي كيتشاير و متوقعوش منو ديك القوة لدرجة بداو كيشكو فراسهم ويشوفو فبعضياتهم وققدراتهم اللي ماجابت حتى نتيجة معاه . سلخهم سليخ وبالاخص اللي كان كيضربو وهوا مربوط تكرفس عليه حتى ردو شرويطة وبغا يعري ليه على وجهو لاكن هاجموه الاخرين بالحديد شد الضربة بيدو في حين هرب اللي تشروط ومابقاش قادر ي وقف.. ناضت ضرب وجرح حتى تسمع صوت القرطاس وطاح واحد منهم مقتول والباقية هربو كل واحد فين زاد ..هبط جان يدو اللي فيها الفردي ومشا كيجري عند تميم اما كيفين والبقيية تبعو العصابة لاكن لقاوهم ركبو فسارتهم وهربو .
شد مسيو جان فتميم اللي كينهج وكامل مضروب والقميجة مقطعة وحالتو حالة بالبغيرة وفازك كيقطر .. مابقاش قادر يهضر وكيسد عينيه من التعب .. رجع كيفين كيجري قاليه
ماقدرناش نلحقو عليهم .. هربو
تلفت مسيو جان وقال لواحدمن رجالو: خرجو من الكلب القرطاسة
قلبو المقتول على ضهرو جبدو القرطاسة منو حطوها لمسيو جان فيدو صفرا صغيرة وشدو تميم يخرجوه ..داز على ديك الورقة المكمشة فالارض جمعها بيدو وداوه بسرعة طلعوه فالسيارة تكاوه كيسولوه واش ماوقع ليه والو .. كانو غيديوه لمستشفى لاكن رفض وفضل يمشي للدار.. تأكدو انه مافيه لا جرح خطير لا طعنة سكين وداوه للدار طلعوه وحطوه فوق فراشو وخرج الجميع بقا غير مسيو جان وكيليفن معاه ..تاصل مسيو جان بمدام سارة خبرها انه رجع وطلب منها تشد عندها بهية تما وتتحجج باي حجة باش تجلس فالاوتيل حتى يرجع يتاصل بيها وقطع رجع عمد كيفين اللي كان كيحيد لتميم حوايجو باش يغيرو ليه ويضمدو ليه جروحو والضربات اللي على وجهه ، حيد مسيو جان كاع حوايجو بقا واحد الشورط وتعاونو عليه دخلوه لحمام سخون يمتص السخونية وتما بداو ينقو ليه الدم بشوية
رجعات الروح لبهية فاش وصلاتها الخبار باللي ردوه .. وحتى بيان حطات يدها على قلبها وتنفسات .. اما مدام سارة قطعات تيليفون وجلسات جنبها فغرفة فالاوتيل شدات فكتقها وقالت
الحمد لله .. هاهوا رجع صافي عجاجة ودازت
هزات بهية راسها وفمها اصفر ناشف وقالت
فين ؟؟ فين ولدي؟
مدام سارة: هما دابا فالبحث على هاد العصابة..المهم هوا تميم معاهم …رتاحي
بهية مابغاتش تبرد وخدات منها التيليفون تاصلات بمسيو جان مامتيقاش كلامو وطلبات منو تسمع صوت ولدها ..دوزو ليها هضرات معاه جوج كلمات ويدها على صدرها ومن بعد رد عليها مسيو جان ودعها وقطع .شافت فيهم مخلوعة وقالت
ولدي وقعات ليه شي حاجة.. ولدي كيهضر بزز
وقفات بيان دار اي ها على صدرها مخلوعة
بيان: اويلي
جهاد: مقالوش فين هما ؟
بهية: لالالا دارو لولدي شي حاجة.. آداوه .. اولدي مكيهضرش سخفان.
عضات بيان على دفارها وغرفرو عينيها وقالت ليها
فين مشاو فين واش كلينيك واش الدار ؟؟ فين مشاو
بهية: سارة.. غنموت
قالت مدام سارة في حسرة وحيرة شادة ليها فيدها : ان شاء الله ميكون وقع ليه والو..
جهاد: غيكون غير دابز امدام وصافي مدام معه مسيو جان طمني وماعندك مناش تخافي..الصباح ونعرفو شنو واقع رتاحي
هزات راسها وقالت: لالالالالالا اويلي !!نخلي تا لصباح.. لالا لالا ميمكنش
شاف جهاد فالساعة وقال: اصلا الستة هادي..
خرجات بيان كتقرقب بالكعب وتجري والدموع نازلين دازت من قدام جهاد..شاف فيها بنص عين وتبعها للاسانشور وقف الباب قبل مايتس د ودخل معاها
جهاد: فين غادية؟؟
ردت كتنخصص: غنمشي نقلب على تميم
جهاد: وفين غتقلبي عليه؟؟ ها؟
بيان: ماشي شغلك ..غنمشي نقلب عليه
خرجات من الاسانسور كتجري وجهاد تابعها دازت خدات المونطو دالفرو ديالها من عند الموضفة لبساتو بالزربة ووكمشاتو عليها من لقدام وخرجات فالريح ديال الصباح ركبات سيارتها..ركب حداها جهاد اللي كانت غندو رغبة حتى هوا يشوف تميم وسد عليه مسح على وجهه وقال
عام زين هادا .. باين من اوله ..فين غنمشيو دابا
بيان: غنمشيو لدارهم هي اللولة..حسيت بشي حاجة مخبيها بيان مسيو جان على مراتو
انطالقات كطير لمارينا وصفات سيارتها ونزلات كتجري بالكعب طلعو للدار كيصونيو..فتح ليهم كيفين الباب وغير شافو عرفو ان تميم لداخل.. دخلو لقاو مسيو جان جالس شاد كاس فيدو فصمت والنهار كيطلع .. هز مسيو جان عينيه فيهم وقال بالانجليزي
تميم ناعس..
بيان: نقدر نشوفو؟
شار ليها مسيو جان براسو خلات للبيت بينما طلب من جهاد يجلس معاه .
حلات بيان الباب ودخلات لقاتو جالس لابس تيشورط كحلة وسروال كحل ومزير على قبضة يدو .. هز عينو شاف فيها ورد يدو اللور دخل ديك الورقة لمكمشة تحت الوسادة فصمت وبلا ميلفت انتباهها. قربات منو كتشوف فيه وجلسات قدامو حدا رجلي مخلوعة وكتشوف فنديات على وجهه ضماد حدا عينو وانتفاخ فالعين الاخرى زرق وقتح يدو شدات فيه ونوضها جلسها حداه ..عنقاتو كتبكي وبدات دوز يدها على وجهه وتسول
بيان: شكون دار فيك هادشي؟ علاش ؟
بعد وجهه اللور وقال: ماعرفتش.. دابا يبان ..بلا متخلعي ماوقع والو
عنقاتو وسدات عينيها بتعب في حين كان مسيو جان فحوار مع جهاد كيسولو على علاقة تميم بالطلبة وراش عندو اعداء مع شي واحد ولا مشاكل . جاوبو جهاد ان علاقتو بالطلاب عادية وانه انهار الاول دابز مع شي واحد ومن تما ماعاودش دابز ولاكنالخصومة ديالو عادية متستدعيش كاع هاد الجريمة كلها . لاكن مسيو جان مع ذلك شد فابسط مشكل وخدا معلومة على جاد اللي هوا وتميم ديما مدابزين وعرف من خلال جهاد ان المشكل كامل طالع على بيان لاكن شار لنقطة اخرى ان اللي عمل هاد الجريمة هدفه ينتاقم من تميم .. يعني صاحب الفعلة مضرور من تميم وعندو معاه حساب كبير وبهاذ الكلام استبعد جاد من التهمة لاكن مسيو جان بقا مصر وبغا يعرف اكثر على خلافه مع تميم وحط جاد اول متهم فالقائمة
سنة جديدة دخلات بالزراوط من اول ساعة ليها .
وصلات مدام بهية كتجري ومعاها مدام سارة دخلو للدار بعد ما رسل ليهم مسيو جان باش يجيو .
دفعات الباب بلا عقل لقات معاه بيان جالسة ويدها على وجهه. ..مشات كتجري عندو عنقاتو كتشوف حالتو وتبكي في حين نات بيان تسلات بهدوء خرجات وتبعها جاد حتى هوا ومن بعد ما طمنات حتى مدام سارة خرجات لقاع الدار عند مشيو جان اللي بوحدو جالس كيخمم من بعد ما كلشي مشا غادر
مدام سارة: ماعرفتوش شكرن مول هاد الفعلة؟
مسيو جان في حيرة: ماعرفناش.. شكون اللي عندو حساب معاه وبغا يصفيه بهاد الطريقة
مدام سارة: البوليس حتى هما كيبحثر فهاد القضية.. انا عندي لوسي عندو سلطة كبيرة غنتاصل معاه باش يوقف بيدو على هاد القضية ونلقاو المجرم فأقرب وقا
مسيو جان: كنتمناو .. شكرا على وقفتك معانا
تنهدات وقالت: هادا واجب..ولادنا ديما مهددين بالخطف .. بزاف ديال المايفات كيخطفو ولاد الاثرياء على قبل الفدية..
مسيو جان: هادا علاش خاصنا نديرو احتياطاتنا ديما واهم حاجة نخليو ولادنا بعاد على الاضواء تفاديا لهاد المشاكيل
مدام سارة: كنتمنى بنتي تفهم هادشي..كنعيا نشرح ليها مكتبغيش تفهم ..وكملاتها حلات صفحة وكبرات الشعبية ديالها وكلشي دابا رجع كيعرفها كبير وصغير
مسيو جان: ديري احتياطك وصافي..حتى الى وقعات شي حاجة تنقديها فالوقت المناسب..اش غنديرو هادي حياتنا وحياة كاع اللي بحالنا..خوف الخطف والقتل والانتقام من افراد عائلتنا غيبقا ديما كيراودنا..الحل لهادشي نردو بالنا وناخدو احتياطاتنا قدر الامكان
مدام سارة: كما قلتي هادي ضريبة الثراء.. حنا هدف لبزاف دالعصابات وحتى الخصوم ديالنا والمنافسين ديالنا .على العموم كنتمن لتميم الشفاء العاجل .. والحمد لله كلشي داز على خير خليت ليكم الراحة
خرجات مشات للدار بارهاق وتعب شديد دخلات لقات بيان جالسة وسط الدار فداك الصباح وشادة راسها حتى هي وكل طاقتها تهدرات فليلة وحدة . وقفات قدامها مدام سارة سرحات رجلها وربعات يدها كتشوف فيها وقالت
شفتي ..شفتي شنو وقع لتميم
هزات فيها بيان عينيها و كتافها وقالت
اه شفت!!! وانا علاش كتهضري معايا بهاد الطريقة بحال الى انا اللي خطفتو!
كدام سارة: كنقوليك هاد الهضرة باش تحلي عينيك وتنتابهي .. ليوم تخطف تميم.. غدا تقدري تخطفي نتي.. دوك التصاور اللي كتحطي وداك الفشر غيجيب لينا غير المشاكيل.. اي واحد شاف داك اللباس اللي كتلبسي والطموبيلات والسفريات والحياة اللي نتي كتنشريها غادي يخطك فراسو ويخطفك مقابل فدية…علمتك ابيان قبل ماتباني فالساحة او يعرفك شي واحد ..علمتك نهار فتحتي ديك الصفحة ..لمن فتحتيها مافهمتش؟ لشوية ديال الناس ماعندهم مايدار ماعارفينش اصلا اش داكشي كتحطي ليهم وماعرفينشو حتى قيمتو !! علامن كتفشري علامن!!على العصابات والمافيات ؟؟ كتقولي ليهم انا بنت حسن العلوي رجل اعمال الوحيدة اجيو خطفوني باش راه با مليالدير مات من لا ليا تروة وماما تقدر تعطي الثمن اللي بغيتو باش تردني!! هاا؟؟ على قبل المكلخين اللي متابعينك كيصفقو ليك باغا ضحي براسك! شوفي ولد القباج ..وبنت السنوسي… وبنات العثماني واش فيهم شي وحدة كدور فالسرشل ميديا ولا كيعرفها شي واحد اصلا واش كاينة ؟؟ كلهم بعاد على الاضواء وعايشين حياتهم كما بغاو بلا ميسمع حت واحد حسهم خوفا على راسهم .
وقفات بيان بتعب صغرات عينيها كتشوف فيها وقالت
واش انا مظطرة نسمع هاد القصيدة على الصباح!! انا مالي ومال هادشي كامل باش نسمع بحال هاد الهضرة وتنفخي ليا راسي بيها!!واش ناقصاك !…..مغنجاوبكش دابا واخا فجوفي قنطار داالهضرة مغنجاوبكش
مدام سارة: انا خايفة عليييك
مشات بيان هزات المونطو ديالها طالعة ولاحت يدها بتعب وقالت: خافي على راسك..انا قادة براسي
تهدنات الاوضاع اخيرا .. رجعات المياه لمجاريها وشرقات شمس يوم جديد.. بخيوط ذهبية والارض فازكة بقطرات الشتا اللي باتت كتصب ..خرجات سلمى وسميرة من الحمام هازين سطولة والصاك وملوين فالحوايج من البرد غاديين فالطريق كيضحكو ومزنيكن بسخونية الحمام .وصلو للدار وحطو الصينية وهزات سميرة البراد فالسما عمرات واحد الكاس مشحر وقالت
الله يااااربي على نعمة .. الحمد لله اللي داز كلشي على خير وخرجت من ديك الحفرة ..ماتبغيهاش لعدووك
سلمى: غدا خاصني نخلص المدرسة .. راس الشهر هادا
سميرة: وهانتي كاع بغيتي تبيعي ديك الساعة..شكون غيشريها من عندك ؟!! الذهايبي!!مغيشريوهاش
سلمى: انا عارفة لمن نبيعها..
سميرة: لمن
حطات سلمى الكاس قدامها كتشوف وتشطح برجلها وقالت
دابا تشوفي
فمارينا والجو رائع ..مزيج الشتاء مع الشمس والهوا نقي.. ناضت بهية بتعب من فراشها شادة فراسها لبسات بينوارها وخرجات جلسات على الكنبي كترتاح . عيطات لمرت لعساس طلعات عندها فالحال كتسخر عليها ..عطاتها كاس دالماء والدوا ومشات تجمع ليها البيت وتفوهو .
خرج تميم من بيتو لابس سورفيت رمادية وضمادة على نيفو مشا جلس قدامها وتنهد بتعب حط يديه على ركابيه وتكا براسو على الكنبي فصمت
بهية: علاش نضتي من فراشك خاصك ترتاح .. باقي مدكدك
تميم: صافي براكة عليا كيزيد النعاس يمرضني
شافت فيه بنص عين وقالت
تميم… ماعندكش شي عداوة مع شي واحد؟
قلب عينيه بتعب وقال: لا ..هضرنا فهادشي صافي خلينا نساو
سكتات دايرة رجل على رجل بينما جابت ليها مرت العساس القهوى عطاتها ليها ليدها.
بهية: شكرا ليك.دوري بالبيت ديال تميم حتى هوا
مرت العساس: واخا مدام
دخل مسيو جان مشا عندهم وقف وشاف فتميم طلع فيه وقال : كي بقيتي شوية؟
حرك تميم راسو وحط يدو على فكو كيشوف فجهة اخرى فصمت ..جبد مسو جان سلسلة الالماس اللي كانت فيد تميم وقال كيمدها ليه
شد… السنسلة ديالك طاحت ليك لبارح ..كانت ناقصاها واحد الماسة ودابا صلحناها .. رد البال طيح ليك مرة اخرى. راه الكادو دماماك فعيد ميلادك ماتنساش
شدها تميم لواها على يدو سدها وقال
شكرا
غنمشي ندوش
مسيو جان: جمع حوايجك تمشيو انا وياك للصونا ..يالاه
مشا تميم كيجر رجليه دخل لبيتو ومشا نيشان للحمام خلا مرت لعساس كتلمط الناموسية .. ناضت مدام بهية شافت فمسيو جان وقالت
قاديتي داكشي ؟
مسيو جان : تحققنا من جيبي اس لقيناه خسر ..يمكن ضرب يدو مع شي حاجة فاش مشاد مع دوك العصابة
مدام بهية: ودابا رجعتيه
مسيو جان: رجعناه غير رتاحي.. وحسن من قبل واقوى من قبل
مدام بهية : مزيان.. احسن مادرنا حيت كن ما فكرناش فهاد القضية من شحال هادي يعلم الله شنو كان غيوقع دابا..
مسيو جان: هادشي راني عارفو وارب ليه حسابو.. ماعلينا ماقدرتيش تعرفي منو واش عندو شي مشاكل مع شي واحد؟
مدام بهية: مكيبغيش يهضر.. فين مانسولو كيتلون ..باين عندو شي حاجة مخبيها
مسيو جان : حاولي معاه بالفن ..ضاروري خاصنا نعرفو …نعرف هادا اللي دار هاد الفعلة نشرب من دمو .نوريه اللعب مع سيادو
دور وجهه كينفخ بغضب مشا لبيتو في حين خرجات مرت العساس هازة الفراش المستعمل يتصين حطاتو فالمطبخ ومشات عند مدام بهية وجبدات ورقة مكمشة من الجيب ديال الطابلية عطاتها ليها وقالت
هاد الورقة لقيتها تحت الوسادة ديال السي تميم ..
رجعات بهية وقفات وحطات الكاس دالقهوى وخدات الورقة حلاتها لقاتها عامرة بالدم ومكتوب عليها اسم بيان
كمشات بهية الورقة بغضب فيدها وسدات عينيها مطولا ورجعات عطاتها لمرت لعساس وقالت
رديها فين لقيتها
رداتها مرت العساس لبلاصتها ومشات فحالها تكمل شغلها.
كلشي لبس اللباس اللي يليث بالمكان فين غادي وخرجو من بيوتهم تلاقاو وسط الدار كلهم .. هزات مدام بهية صاكها ولبسات المونطو ديالها وقالتهم
انا غنمشي لكازينو .. غنشوف الدنيا كي صبحات تما من بعد ونتغداو مجموعين .. نرتاحو شوية من داكشي اللي شفنا لبارح
مسيو جان : غنمشيو للصونا .. من بعد. غندوزو لعشية فشي بلاصة زوينة ..شنو ضهر ليك تمشي تلعب معايا لكولف
هز تميم شكارتو وقال: ماعنديش مع الكولف ونتا عارف هادشي
مسيو جان: بديتي كتكبر اولدي.. ولكولف هوا احسن مكان تتعرف عليه على اصدقاء جداد من المستوى ديالك.. غتبغيه مع الرقت تيق بيا..مشينا
مدام بهية: اصلا محتاجين نبدلو الجو ..غنحجز فاوتيل مزاكان فالجديدة..فيه الكولف وفيه اللي حبيتو
مسيو جان : على هاد الحساب بلا منمشيو للصونا حتى نمشيو لهاد الاوتيل اللي قلتي
مدام بهية: حتى انا غيرت رأئي مغنمشيش للكازينو .. فنبقا معاكم وندوزو هاد النهار مجموعين
رجعات للبيت هزات تيليفونها وتاصلات بلجين وقالت
صباح النور لجين.. نتي مزيانة؟ .. عارفة عارفة بلا متشرحي ليا وشفتها لبارح جات للحفلة.. المهم كنت كنقول.. ليوم غاديين لمزاكان شنو رأيك نتلاقاو تما صدقة اممم؟؟… ههه غنسيفط ليك العنوان توتسويت.. مع السلامة حبيبتي
قطعات وعضات على شنايفها قائلة
حسابي معاك من بعد ابيان.. والله لا دوزتها ليك الى ما خرجت منك كاع هادشي اللي وقع لتميم منكونش انا بهية بن موسى
جبدات الشانطة لاحتها فوق الناموسية وحلات البلاكار بداك تجمع حوايجها .
شدو الطريق فسيارتهم العائلية الفاخرة بالسائق غاديين كيتحمعو وكيحاولو ينساو اللي وقع .. شدات مدام بهية فدراع تميم باستها وقالت
الله يخليك ليا.. ليوم غندوزو نهار زوين بحال كما كنا من قبل فإيطاليا
ضحك مسيو جان وقال: شنو بان ليك فشي مساج سخون من شي يديدات شينوية بحال لكريمة
ضحكات بهية رقالت: بان ليا نتا اللي مشهي هاد اليديدات احبي.. ماتحلمش ..ااوكي
هز كتافو كيضحك وقال: وشنو فيها!!
مدام بهية: مافيها والو الى كنا وياك غنديرو هاد المساج..نتا يديدات شنوية وانا يديدات شينوي ..شنو بان ليك متافق معايا
عقد مسيو جان حجبانو وقلب تميم عينيه كيضحك .صونات ليه بيان وجبد تيليفون قدام بهية يشوف شكون .. هبطات عينيها شافت السمية ودورات وجهها دارت راسها مشافت والو .. قطع تميم وكتب ليها مسج
انا مع لافامي ..نوصل نعيط ليك
وصلها مسج وهي وسط فراشها بالبيجامة غوز ديال البنات كيوت وشعرها محلول وعينيها منقوخين صابحة مسهوتة . قرات المسج وبقات كتشوف ق امها مقطبة حواجبها وقالت
نوصل نعيط ليك!!! فين غادين هادو ؟؟ وعلاش مجاوبنيش شنو فيها الى كان مع عائلتو !! بفففف
لاحت تيليفون وهبطات راسها شداتو مطولا من بعد ناضت دوشات وخزجات لابسة بينوار .. صونا صونيت الباب وحلات سعيدة بابتسامة لقات جاد فالباب واقف ويديه فجيابو هاز حاجبو وقال
بيان هنا ؟
سعيدة : امم .. فبيتها
جاد: كاين شي خبار جديدة ؟
ردت سعيدة وكتشوف وراها: مكاين والو .. من غير لبارح جات حتى لستة دالصباح وبدات تناكر هي ومها على شي خطف ما خطف مافهمتش شنو واقع بالضبط
دخل جاد يدو فلافيست جبد واحد المليون مجموعة بلاستيك ضربها ليها مع صدرها وقال
لخبار اللي سيفطتي ليا اخر مرة كي وجهك .. طلقي ليا ودنيك مزيان ولا نقطعهم ليك
شدات داك المليون بالفرحة نشات هضرتو وعضات شنايفها وقالت
كون هاني امسيو جاد
خشاتها وسط حوايجها ودارت ليه الطريق دخل كيدور فعينيه وقال
سيري عيطي ليها تهبط
طلعات سعيدة كتجري ويقا هور واقف كيردد
طبقي عليا الكبرياء ابيان.. واخا
نزلات بيان بسورفيت بالقب وشعرها كوتشوفال لابسة الاسود لقاتو جالس داير رجل على رجل .. هزات عينيها فالسما كضحك وقالت
حسابني متي!! مال اخبارك تقطعات هاكا فجأة
ميل راسو كيضحك وقال: انا حاضر فكل مكان وزمان.. نتي اللي شوفي راسك ..شنو تبدل فيك؟ امم؟؟ شنو تبدل فيك ابيان جيتني فشكل ؟
هزات حاجبها وجلسات قدامو قائلة
شنو غيكون تبدل فيا؟؟ نتا اللي كتشوف ..سعيداااا.. سعيداااا.. جيبي ليا قهوتي
جهاد: من نهار جينا من باغي ونتي مدورة وجهك ومشغولة مع تميم ..متكونش هادي شي علاقة جديدة ؟ امم؟
ربعات يديها وقالت: انا ديجا قلت ليك وغنعاود نقوليك.. هادشي كيخصني انا .. انا ونتا مابقات حتى حاجة كتربطنا اجاد من الصيف.. اكتفيت بصدقاتنا وصافي
صغر عينيه كيشرف فيها وقال: كتافيتي؟؟ انا مكتافيتش…
بيان: داكشي كيخصك نتا .. ماشي انا
جاد: بيان … مزال ضاغط على راسي وصابر من جيهتك.. ولاكن الصبر واه عندو حدود.
بيان: واش الحب بالغصب اجاد؟
هبط راسو جمع تنهيدة عميقة وقال: بالغصب ماشي بالغصب انا كنبغيك.. انا حاولت نساك..حاولت نبدا من جديد وندير علاقات ولاكن حتى وحدة هاد الق٠٠ بات ماقدرات تنسيني فيك عاد مكنزيد نكره جد مهم .. ديري معايا شي حل
دورات وجهها كضحك وتلعب بشعرها وقالت
انا معندي مندير.. فعلا شي مرات كتحب ولاكن مكتلقاش نفس الحب المتبادل.. كتحسر وكتعدب ومكتبنيش .. ولاكن كتبقا ساكت كتسنى ..
جاد: شنو اللي غنتسنا؟؟
بيان: كتسنى الله يعفو عليك.. جاد انا راه مافجهدي مندير ليك .. هوا الصراحة انا ماشي شي وحدة اللي تقدر تنساها ومكنتعوضش وماعمرك تلقا بحالي.. ولاكن خاصك تلقا لراسك شي مخرج
تكا على ضهرو كيشوف فيها كاتم الغضب والحرقة وقال هاز يدو
النرجسية فأبهى حلة !!
بيان: لالا انا ماشي نرجسية .. انا قلت ليك غير الصراحة واش كدبت!!
جاد: لا مكدبتيش.. فعلا مكتعوضيش ومحاينش بحال ومكتتسايش..ومكتعاشريش ماانسايش حتى هادي زيديها فالقاموس ديالك
بيان: مللي انا مكنتعاشرش قلب ليك على اللي تعاشرك
جاد: ماكرهتش..والله ماكرهت.. ولاكن ماشي بيدي..كم بيدي كن جبت هاد القلب شويت مو ..ولاكن مع الاسف ماشي بيدي.
ناض وقف كيشوف فيها وقال : صبرت صبرت..غنزيد نصبر .. غنبقا نتسناك ونزيدك ..واخا تقلبي حتى تعياي متلقايش شي واحد يبغيك بحالي.. داك تميم ديالك غادي يشبع منك ويلوحك بحال غيرك ..ديك الساعة غتفهمي هضرتي مزيان ..ومع ذلك غتلقايني مزال كنتسناك
خرج خلاها جالسة مربعة يديها كتبري قشعرها وتفكر وهزات تيليفونها كتصوني على تميم وتعاود بقلق . كان هوا فهاد الاثناء مع مسيو جان واقفين بملابس انيقة لرياضة الكولف وكيلعبو بجوج وتيليفون فالجيب كيصوني.. حيد تميم القفازات دخل يدو فالجيب جبد تيليفون وحتى كان غيرد لاكن فاجآتو لجين وهي واقفة قدامو بملابس رياضية وجامعة شعرها كوتشوفال وقالت
صباح النوووور اش هاد المفاجأة !!
تميم!!
بقا كيشوف فيها وضحك سلم عليها ورد تيليفون للجيب وقال
لجين!!! شنو كديري هنا ؟
لجين: نتا اللي شنو كدير هنا!! انا جيت نبدل لحو نصحوني بهاد البلاصة.. تميم مالك فوجهك دابزتي مع شي واحد
تميم: لا والو… شوربرايز نييت هادي!!
لجين: هي غنلعبو انا وياك شي جولة.. اللي غلب يعرض لاخر على لغدا
شدات ليه فيدو بالهضرة نساتو فتيليفون ومشات معاه سلمات على مسيو جان ومدام بهية اللي كانت حتى هي واقفة كتلعب وعلى راسها كاسكيط . تفاجأ مسيو جان وقال
اوهوههه… لجين!!
مدام بهية: شهاد المفاجأة لجين ماتوقعتش نشوفك هنا !! جيتي حتى تبدلي الجو
لجين تماما ههه فرحت مللي شفتكم
مدام بهية: حتى انا فرحت ..اشنو بان ليكم نتغداو مجموعين
لجين: متافقة
مسيو جان : بما انه ولينا ربعة ..خلينا نلعبو من جديد
انفرد تميم ببهية والنضارات على عينيه كيشرف فلجين كتلعب وقال
بين ليلة ونهار تقبلتي لجين غريبة !!
شاف فيها بنضرات وابتسامة ومشا يلعب خلاها واقفة مربعة يديها كتشوف فيهم
لاحت بيان تيليفون من جديد فالجنب وربعات يديها كتنفخ حتى بدا يصوني وهزاتو ردت قائلة
الوو..شكون …سلمى؟!! …نعام شنو ؟ …فاش بغيتيني؟؟ ضاروري ضاروري؟؟ اجي عندي للدار ..غنسيفط ليك العنوان
قطعات وقالت وهي كترسل العنوان
اش بغات هادي عاوتاني!! ياك فكينا ليها مها
ربعات يديها وهزات تيليفون كتشطح برجلها وتسنى تميم يصوني لاكن والو بدون جدوى ..رن الصونيت فالباب وحلات سعيدة ودخلات سلمى هازة عينيها كتشوف فالدار بانبهار ..
بيان: اييه!! شنو كاين شنو جابك؟
ضارت سلمى لقاتها جالسة على كنبي اصفر جنب جدار من الزاج كيطل على لابيسبن ومشات عندها بابتسامة جلسات قدامها وجبدات الساعة من الصاك وقالت
الصراحة جيت بغيت… بغيت نبيع ليك هاد الساعة الى بغيتي
قربات بيان باستغراب وقالت: تبيعي لي الساعة؟!!!
مداتها ليها سلمى وقالت: هاد الساعة ديالي بغيت نبيعها ..باقا جديدة عمري درتها .. محتاجة لفلوس ديالها حيت غدا خاصني نخلص الجامعة
حلاتها بيان كتشوف فيها باستغراب وجبداتها بين اصابعها كتحقق فيها وقالت
ونتي منين جاتك هاد الساعة ياكما تكوني سارقاها!!
سلمى: لالالالا والله ماسارقاها جاتني كادو ..عطاها ليا جهاد فعيد ميلاد ديالي.. ودابا وقفت عليها ..هانتي هاهما الاوراق ديالها بسميتي
شدات بيان الاوراق كحلاتهم وقراتهم وبقا كتشوف مطولا.. هزات الساعة فيدها كتحقق وقالت
هادي يالاه تجيب ليك ربعة دالمليون
سلمى بخجل: ماتجيبش ليا خمسة؟؟ يالاه نخلص المدراسة فالخمس شهور اللي بقات
بيان: اصلا هي كدير ربعة .. ماشي الماس
سلمى: اه عرفت ولاكن راه ماركة
بيان: وانا شنو غندير بيها غندريها فيدي !! يحصلها عندي جهاد يشوهني فالجامعة!!
سلمى: قولي ليه عندك بحالها .. وصافي
تنهدات بيان وقالت: انا ماعرفتش شنو اللي كيخليني نتعاون معاك.. كنحس بيك كدخلي ليا فالعضم بتحلوين ديالك…اف..واخا المهم .. غنشريها منك غير باش نعاونك ..فهمتي
تبسمات سلمى وقالت: خمسة دالمليون ياكي
بيان: صافي فهمنا واش غنبقا لكلكللك ..اجي
ناضت سلمى فرحانة تبعاتها للبيت ودخلات حالة فمها كتشوف وقالت
واااو…بيتك شحال واعر !!!سعداتك!!! كاع هاد السوايع ديالك ماركة
بيان: عنداك طيحي شي وحدة وتولي نتي كتعطيني
مشات للدريسيغ كتتر فالحوايج اللي مشتتين فالارض والروينة وكتأفأف وتردد
اوووف. اوف اوف على روينة يخخخ
جبدات الفلوس من واحد المجر ورجعات عطاتهم لسلمى .. شداتهم سلمى كتشوف فيهم وبيان واقفة كتوزنها بواحد العين وصبعها فمها وقالت
اجي بلاتي.. عندي ليك واحد البريكوا
سلمى : ها!
خرجات سلمى من دريسينغ مكفضة يديها وقالت ببشاشة
هااه…صافي ساليت
ضارت عندها بيان اللي جالسة على طارلة مكياجها كترتب وقالت
ستفتيهم كاكلين!!
سلمى: اجي تشوفي…عاودتو من اللول
ناضت بيان دخلات للدريسينغ لقاتو مستف ومنضم احسن تستيفة وقالت فرحانة
اووووف الراحة النفسية.. ديك المكلخة دسعيدة مكتعرفش دير هادشي .. ولاكن نشيت منقوليك.. شحال من حاجة هنا خاصني نحيدها ..مكنلبسهاش
حلات سلمى عينيها وقالت: ماشي مشكل نعاونك
بيان: ايوا يالاه نبداو.. بلاتي.. نبداو بصبابط هما اللولين.. بعدا دوك الجوج غير زايدين ..ماعمرني لبستهم ومابقاوش عاجبيني شريتيهم وندمت
هزاتهم سلمى كتشوف فيهم باعجاب حالك فمها وقالت
هيييه!! هادو خايبين!! بلعكس واعرين عرفتي كي غيجيوك
بيان: لالا مابغيتهمش هادو حتى هما..وهادا وهادا وهادي
بدات تجبد وتحط شي جديد شي مستعمل غير مرة وكلهم ماركات و شكلا زوينين ..جمعات جبل حطاتو ودازت للحوايج بدات تخرج فيهم وتلوح فوق واحد الكرسي وسلمى مصدومة حتلة فمها غادية جاية بعينيها وترمش ..تبعات ليهم الصيكان والليبات والبيجامات وبقات تعزل حتى خوات دريسنيغ وقالت كتشوف فيه
اوف.. هاكا حسن..على الاقل يبان ليا شنو نلبس
شافت سلمى فداك الكم الهائل اللي فالارض وقالت
وهادو فين غديريهم
هزات بيان كتفها وقالت
شوفي فيهم الى عجباتك شي حاجة خوديها واللي ماعجبكش هبطيه لسعيدة هاديك كتلبس كولشي حتى تلامط
سلمى: غير اريهم ليا حتى انا كنلبس طلامط عطيني فاش نجمعهم ههه
هبطات كطير للكوزينة عند سعيدة طلبات ليها الصاك وعطاتها الصاك كبير دكونطربوند وقالت من وراها
يعلم الله دابا شنو بغات تعطيها !!
طلعات سلمى بدات تكيل فداك الصاك ودخل وخرجاتو كتجر فيه بزز لقات بيان جمعات شيكة دالمكياج فالجنب وقالت ليها
هادا راه مستعمل عنداك ديريه
هزاتو سلمى كامل وقالت
انا اختي راه كنماكي غير من تيستور فاش كنخرج نتسارا اري ليا لهنا يدير الحبوب ولا يدير التولال حنا الطبقة الكادحة مكيوقع لينا والو
خرجات سلمى الفيلا دبيان هازة اللي ماعمرها حلمات تهزو فحياتها.. جرات داكشي كامل داتو لدارهم وعيطات لمها طلعاتو معاها حتى للدار وهي كتسول شداكشي جايبة. دخلاتو لواحد البيت وجبدات الفلوس لمها وعينيها من الفرحة كيبرقو وقالت
بعت الساعة
سميرة مصدومة: لمن؟؟
سلمى: بعتها لواحد البنت كتقرا معايا لاباااااا عليها..مشيت عندها حتى للدار و خملت معاها بيتها وعطاتني هاد الحوايج .. شوفي
بالفرحة اللي عمر سميرة شافتها فعينين سلمى بدات كتجبد وتحط وبدات تلبس بالزربة وبحماس وتوريها وخشات رجلها فواحد البوط عالي طالع حد الركبة وقفات بيه وطاحت فالارض كضحك وسميرة كتشوف فيها
سلمى: هاد المسخوطة دبيان ماعرفت كيفاش كتمشي بهاد الطالون هادا تقول غادية بلحفا..شوفي كيجاني .. عرفتي هاد البوط شفتو عندها فاللول دالعام جات بيه رقلبت عليه سلا والرباط انا والهام مالقيناهش ..جابو ليا ربي حتى لعندي شوفي شوفي
بدات كدور وتحبد الحوايج وتحط عليها بالفرحة حتى بداو الدموع كيهبطو ليها .. شدات فيها سميرة تبتاتها وقالت ليها بأسى
وعلاش كتبكي؟؟ واش هادشي كامل على لحرايج !!
وقفات سلمى بحماس كتمسح عينيها وقالت
اوييلي والله ماعرفت مالي.. غنطير بالفرحة هاد الحوايج عمرني ماشريت بحالهم ..شوفي بلاتي بلاتي
مشات كتعتر لابسة فردة دالبوط حلات صاك كبير دالمكياج وراتها وقالت
شوفي شحال دالمكياج..شوفي شوفي هادا لعكار كيحمممممق.. بلا بلاتي شوفي هادا حتى هوا كي داير.. هييه نسيت ماوريتك ريحة شوفي على ريحة كي دايرة ناااااري كتحمممق تشميها طيري.. عطاتني حتى هاد الريحة وهاد الريحة حتى هي ..بلاتي بلاتي.. شوفي هاد السناسل وهاد الخواتم نااااري غنحمااااااق طحت على كنز عمري حلمت بيه… هييييه… تسناي نوريك غتصدمييييييي
سميرة داخت شادة فيدها الروايح والسناسل وسلمى كطير وتجبد طلعات ليها الصيكان وقالت
شوفي على صيكان… شوفي غير الماركة … اما وااااحد اللبسة!!! وا كاااع حوايجها عطاتهم ليا وعطاتني الليبات وطرابش كلشي كلشي كلشي كلشي شوفي شحال من لبسة ..شوفي على دجينات وعلى كساوي..شوفي هادو عمرها لبساتهم باقيت بتيكيتك..باش غنمشي غدا بهادي؟؟ لالا هادي.. لا نمشي بهادي.. غنضرب معاها هاد البوط.. لا نضرب معاها هاد السبرديلة ..غتجي مع هاد الدجين .. لا نلبس كلاس نصدمهم ..
الحاصول سلمى طاحت على كنز وحيرات سميرة معاها بقات جالسة حداها وكتشم ..وتقلب وتجبد الحوايج بالعلاقات وتستف ليها وتردد
هادشي اللي كيدي لعقل للبنات.. هادشي هوا اللي حمق شحال من وحدة خرجها على الطريق
سلمى: انا بعدا عرفت راسي مرضية هههخخخ
سميرة: هاد بيان بانت ليا غير نية ..تصاحبي معاه وقربي منها الى مانفعاتك ماضرك
وقفات سلمى قدامها شادة واحد لافيست عليها ودورات راسها وحولات عينيها وقالت
هيييييييه…لهلا يوريييك.. لهلا يطيحها فطريقك
سميرة: علاش؟؟؟ خايبة؟؟ خارجة طريق؟
سلمى: خارجة الكرة الارضية كلها.. قالك نية… توريك النية وعمت النية ههه
سميرة: ايوا شداك ليها؟؟ عنداك تمشي دير ليك شي موصيبة بسبب هاد الحوايج
سلمى: لالالا هي همها كامل هوا تميم ..
سميرة: تميم؟؟ علاش؟
سلمى: طاحت فيه الزغبية كيبان ليها غير هوا ..من الصباح وهي كتصوني عليه دا ليها العقل وهي مجايبة خبار.. بعدي ليها غير من تميم ولسقي فيمن ما بغيتي
سميرة: هااااكاك! ايوا ونتي الاللة غنو واللي شافتو بغات منو اشنو قصتك مع هاد جهاد
دورات سلمى عينيها وقالت: انا مالي!! ما مالي والو هوا مسكين بقا معايا فاش كنت كنتسناك تخرجي وصافي..
سميرة: وشنو عطيتيه باش عطاك الساعة ؟؟ عنداااااك تكوني مشيتي معاه
سلمى: اويلي الله يستر !! راه غير كدينا عليه كنت درنا خطة باش يتلاقا تميم مع الهام وقلنا ليهم عندي عيد ميلاد وجاب ليا الساعة
سميرة: اممم جاب ليك الساعة بالملاين للع فسبيل الله
سلمى: والله مادرت شي حاجة فاش تخرج طاطا الهام سوليها
سميرة: امم طاطاك الهام .. الله يعميها ليك .. والله ماشديتي حش٠٠نك عندك على نشويه. ليك
كل واحد فيهم باش تشالا عندو النهار.. ها اللي تسالا عندو فديسكو مع صحابو بحال جهاد..وها اللي بات معنق الحوايج بالفرحة كيتسنا يصبح الصباح باش يمشي بيهم للجامعة .. وها اللي بات معنق تيليفون كيتسنا لجواب.. ومول الجواب بايت معنق لجين فغرفة فالفندق بو حدهم ..وبهية وجان ختموها بسهرة رمنسية فالاوتيل جددو فيها شهر العسل.
رن الرنان والجامعة فتحات ابوابها للطلاب.. كلشي صابح قاري مع التمنية .. شي مشا وشي صبح ناعس مامشاش.. من غير بيان وسلمى حتى واحد فالبقية ماجا داك الصباح .
تلاقاو فالدخلة وحدة داخلة ناشطة فرحانة ولاخرى شادة تسليفرن فيدها فكعانة .
جات سلمى فحلة جديدة عمرها فحياتها ضهرات بيها.. الشعر مصاوب مطلوق وتناسق الملابس رهيب.. لابسة تنورة باج قصيرة كع ليبة موس خفيفة وتريكو ابيض صوف داخل طرف منو فالثنورة من الامام والكول غليض وعليها مونطو بني طويل محلول حتى للركبة وبوط باج حتى هوا حد الركبة وهازة صاك مربع فيدها بني وحاطة مكياج ناعم وعطرها فايح ولابسة مجوهرات مناسبة مع الاوتفيت ديالها.. بابتسامة وبهجة كضحك بوحدها داخلة فرحانة كتشوف فكلشي كيطلع فيها و تصادفات مع بيان حتى هي داخلة مع الباب لابسة الازرق الغامق كما عادتها الفخامة والدوق الرفيع اللي كيخلي كلشي ينقل منو . كول مونطي خفيف مجبد لاسق بارز ليها صدرها فالاسود مع شورد من التوب بلو مارين قصير بصدايف فيرزاتشي النحاسية مشدود من الخصر بسمطة فيرزاتشي النحاسية وعلى كتافها فيست كلاسيكية بلو مارين مخططة بخطوط سوداء خفاف تابعة للشورط طويلة على قياس الشور بنفس الصدايف النحاسية وليبة كحلة ولبوط عالي فرق الركبة من برادا بدون كعب وشعرها مطلوق بتشريحتو المعتادة .. شادة الصاك فيدها ومتكية على واحد الرجل وطالقة لاخرى وكتشوف فتيليفون ..
سلمى بسعادة: صباح النور
هزات بيان عينيها بعفوية وقالت: مكجابوبش.. فين غيكون من لبارح ؟
تنهدات كتشتت النضر عاد انتابهات لسلمى اللي واقفة كتمايل وضحك وكتشوف فيها بمعنى هانا كيجيتك .. سرحات بيان ابتسامة على وجهها وقالت باعجاب كطلع فيها
اوووووو .. كن ماكنتش كنعرفك كن غرت منك
ضحكات سلمى وقالت: كي جيت !!! زوينة
بيان: واقيلا غنتراجع ونقوليك ترجعي ليا حوايجي.. ماطاحش فبالي هاد الاوتفيت !!
جمعات سلمى الضحكة تخلعات وقالت: هاا؟؟
دورات بيان وجهها كضحك وقالت: عنداك.. غير كنضحك ..ماعليييكش.. راكي شاعلة كان ناقصك غير شوية دالمضهر
ضارت سلمى فبلاصتها وقالت: بصح!!
ردت بيان بالايجاب كتحرك راسها : اممم.. بقا فيا جهاد مسكين
سلمى: غنعجبو زعماا؟؟!!
بيان: المضهر بوحدو مكافيش.. خاصك شوية دالمراوغة
سلمى: هاا؟؟ بحالاش؟
بيان: مثلا تلعبي ليه على الغيرة.. يحس بالوجود ديالك اكثر.. تعلمي ليك شوية دالحركات الانثوية.. تحيي فيك الانوثة فطريقتك دالهضرة صوتك مثلا.. تعابيرك .. هادشي مهم بزاف .. ماتبقايش هاكا كتصرفي بحال الروبو خلي عندك حس الانوثة حيت كحل الراس كيعجبو هادشي ماشي هاد السلوك ديالك اللي بحال تران
سلمى: وا علميني علميني انا هادشي راه عاد بديت كنتعلم ليه ماكنتش عارفاه
عضات بيان شنايفها وخزجات لسانها كطلع فيها وشدات ليها فيدها قائلة
يالاه ندخلو للمحاضرة ونقوليك هه
لعبة جديدة مسلية طلعات لبيان قالت طلعها على جهاد شوية وتتسلى وداكشي اللي دارت .. المحاضرة كلها وهي كتعلم سلمى وتوجدها لجهاد باش تستمتع شوية بالفيلم ديالهم ومنها نيت تحيد التوثر وتشغل راسها بحاجة اخرى من غير تميم
نزلات هي وياها كيضحكو فالدروج ومشاو للكافيتيريا الرائعة اللي كلها الوان وطاولات وفوطويات بتصميم شبابي.. جلسو فواحد الطاولة فطوياتها فالاحمر وتكات بيان دايرة رجل على رجل وحطات صاكها بالجنب قائلة
دابا العشرة..كاع اللي بايت سكران صبح ناعس
سلمى: مم فوقاش ونتي كتعرفي جهاد
بيان: هوا فايتني .. ولاكن قريت انا وياه من الاعدادي.. تعرفت عليه. تما من بعد قرا شي سنين برا وانا كذلك.. عاود تلاقينا واحد العام فالثانوية.. ودابا هاحنا فهاد الخيرية.بغيت نقول الجامعة … بقا ليه هاد العام ويتخرج ..كيقرا مع تميم فنفس الصف احمم هاهوا جا هه
دورات بيان وجهها كتلوي شعرها والضحكة شاداها وجهاد فطريقو عندهم بقويميجة مسدودة وفوقها جيلي بني ولافييت فيدو .. وقف عليهم بابتسامة وقال
صباح الخير
طبعات فيه بيان بضحكة مخفية وقالت: صباح النور ..والسرور
جلس وكحز حدا سلمى اللي دغيا قلبات وجهها ..حط يدو على كتفها يالاه بغا يبوسها فحنكها ناضت وقفات وهزات صاكها وقالت
بيان.. انا غنمشي طواليط حتى نتلاقاو
عضات بيان شفاهها كتشوف فيهم وحركات ليها راسها بالايجاب بينما جهاد بقا مبلوكي فبلاصتو كيرمش.. تلفت بسرعة شاف فسلمى وهي غادية ومشات عند واحد من الطلبة اللي كتعرف وقفات معاه كضحك في حين جهاد مصدوم مفاهم والو.. ضار شاف فبيان اللي مستمتعة بالجو على الاخر وقال
مالها؟؟
هزات كتفها بيرودة وقالت: وانا منين غنعرف!! ماتكونش درتي ليها شي حاجة؟
عقد غوباشتو وقال: وشنو غنكون درت ليها ؟!!!
بيان: ماانعرف!!
تلفت شاف فسلمى والغيرة كتحرقو وناض مشا عندها مباشرة جرها من يدها وبيان كضحك بوحدها ..نترات سلمى يدها بغضب ورجعات للطبلة جلسات وهو تابعها وقالت بأنوثة مسطنعة جابت لبيان الموت ديال الضحك
سلمى: ماتهضرش معايا..مابغيتش نهضر
جلس حداها جهاد كيشوف فيها وقال: وشنو درت ليك غير جاوبيني واش درت ليك شي حاجة
هزات سلمى كتفها غضبانة عطاتو بالضهر وبيان حاطة يدها على جبتها شادة الضحكة وقالت سلمى : مابغيتش نهضر معاك يااه ..افف واش بزز
تلفت شاف فبيان عاقدهم وقال: ختي بيان .. واش كاين شي مشكل
هزات حاجبها فيه وقالت مهبطة راسها: ختك!!ًتفكرتي دابا عندك ختك!
شد جهاد لسلمى فيدها وقال: غنعضرو فيير بشوية راه كل حاجة وعندها حل ..
حطات بيان الكاس دالماء من فمها وقالت بهدوء: اممم.. كديروها قد راسكم وتلقاو ليها الحل بالزربة
جهاد بجدية: واش على السهرة دالبارح
حلات فيه بيان عينيها والضحكة غتنفاجر من وجهها وقالت: مااانعرف
شاف جهاد فسلمى وقال: شوفي.. راه والله ماوقعات شي حاجة بيني وبينها
ضارت سلمى مخرجة عينيها شافت فبيان وبيان طرطقات بالضحك وقلبات وجهها للجنب في حين سلمى خرجات فيه عينيها وقالت
اهاااه!!!
جهاد: اجي غير نتفاهمو .. انا نفهمك ماتمشيش غالطة
سلمى: ماتفهمني مانفهمك .. سير رجع عندها
دمعو عينين بيان وناض كتسوط على راسها وضحك فاتجاه مطبخ المطعم ..وهي غادية كضحك وعينيها دامعين تصادفات مع تميم داخل وآثار الكدمات على وجهه ويديه فالجياب.. وقفات دارت يدها على جنبها مصغرة عينيها فيه لاكن هوا داز من حداها صدمها كأنه مكيعرفهاش ..مشا نيشان للطاولة عند سلمى وجهاد وجلس معاهم .بقات بيان فبلاصتها ودوك الدموع ديال الضحك تحولو بسرعة لدموع من موع اخر وتكاثرو فعينيها وماتلفتات نهائيا تشوف فيه حتى دخلات لجين مباشرة موراه هازة راسها كضحك ودازت حداها طلعات فيها ومشات عندو نيشان .ضارت بيان شافت فيه كضحك مع لجين وهي كتبوسو فحنكو وجلسات حداها شدات ليه فيدو . هبطات واحد القطرة من عينها على خدها ومسحاتها بسرعة ومشات كتجري لحمام دخلات وهبطات على لافابو كتبكي وتنخصص بغات تموت . وجهها بغا يطرطق.. ماهمها لا شكون داخل لا شكون خارج. خرجات حدة من تما عند ضحاباتها وقالت ليهم
ويلي ويلي ويلي لهلا يوريكم حالة بيان لداخل بالبكا .. تسقي جردة
بداو كيهضرو عليها ويضحكو لاكن فجأة خرجات هازة راسها كأن شيئا لم يكن والبشاشة على وجهها
خرجات رافعة راسها دازت وسط البنات اللي بقاو متبعين ليها العين مصدومين وضارو كاملين شافو فصحبتهم اللي بدورها بقات مصدومة وشافت فيهم كترمش قائلة
مالكم كتشوفو فيا؟؟؟ ماتيقتونيش!!
ردت وحدة فيهم : وباااز ياختي..بااز الكدوب فالدم
كملات بيان فطريقها وخرجها جاد وقفها كيضحك وقال
شفتي..قلت ليك غيسالي منك ويرميك .. وقفتي على هضرتي دابا
ودورات وجهها كتنفس بعمق ورجعات شافت فيه وقربات حتى لعندو بغات ترد عليه لاكن شافت تميم ولجين موراه جايين كيضحكو وتوقفات لحضة شافت فيه بمكر وزادت قربات من جاد حتى لودنو وحطات يدها على وجههو بهمس وقالت
مكيعني ليا والو باش يرميني ابب.. ريح ليا راسك
بعدات كتبسم في حين تميم دايز شاف فيها بنص عين وضرب جاد بكتفو حتى دخل فبيان ومشا . رد عليه جاد بغضب وقال
واش عور..
ضار عندو تميم ولجين شادة ليه فيدو ونتر يدو رجع عندو قاليه
عاود شنو قلتي
ضحك جاد وهوا كيشوف فيه وقال
اوووه هه بان ليا كليتي شي قتلة هادالويكاند
هه
تميم: هاد القتلة كن كليتيها نتا منشوفكش واقف ليوم قدامي
جراتو بيان : جاد..يالاه نمشيو بحالنا حنا وسط الكلية بلا منخلقو مشاكيل من والو
عطاه تميم بالضهر حتى كان غيمشي ورجع عندهم وقف هاض على شفاهه كيشوف فبيان ويطلع فيها وقال لجاد
المسألة ما ماتحتاج عام ولا عماين .. نتا اللي ماشي راجل(غمزة)
خرج جاد عينيه وبيان تصدمات طارو عليه بجوج كيغوتو شدو فيه وهوا هاز يديه كيضحك
جاد شنو كتقصد الكلب هاااا جاوبني شنو كتقصد الى كنتي راجل تبعني نخرجو برا
بيان: حمااار.. شنو بغيتي تقصد !!! انا ندمت على النهار اللي شفت فيه تفوو
مشات كتجري وتبكي وجهاد كيجري والطلبة تجمعو بعدوهم وجرو جاد كيفركل ويحلف فيه اما تميم بقا واقف كيسممو بنضراتو وتلفت مشا بحالو ولجين تابعها كتجري حداه وتسول
شنو قصدتي؟!! شنو قصدتي بهضرتك شنو بينك وبينو ؟؟ وبيان اش دخلها بيناتكم ..تميم..تميم
هز يديه غادي وقال بنرفزة
تفرقي عليا تا نتي مناقصكش.
هبط خلاهم وجهاد كيجري يلحقو وسلمى تابعة بيان اللي اول مرة تبكي وسط الطلبة وكلشي مصدوم فيها وغادية بلاعقل ..شافتو خارج غادي جهة سيارتو وبقات واقفة كتشوف فيه بغضب ومشات كتجري عندو ضرباتو بالصاك ورا ضهرو ويدات كتغوت وعينيها خارجين
عمرني ماعرفت شي شماتة بحالك… عمرني مغنسامحك على هادشي اللي درتي.. احقر واحد عرفتو فحياتي ومغنسمحش لراسي . مغنسمحش لراسي ومغنسمحش ليك
مغنساااامحش ليييك
بدات كضرب وهوا كيرجع اللور حتى لحقاتها سلمى وجهاد فكوهم ونترات يديها مكسورة ومنهارة شافت فيهم وقالت
الله ياخد فيكم الحق.. الله ينتاقم منكم كاملين
مشات ركبات سيارتها وسلمى مخلوعة تابعاها بينما بقا جهاد مع تميم كيسولو على شنو واقع وشنو طاري.. ضار فيه تميم فالاول لاكن جهاد اصر اكثر وقال
انا اول مرة نشوف بيان فهاد الحالة!!! شنو اللي وصلها لهادشي واش نتا ؟؟
ضار عندو تميم بغضب وقال: كاع اللي وقع ليا لبارح سببو جاد.. كلشي سببو جاد وهي مزالة كتوقف معاه وكدخلو لقلب الدار وماعندها حتى مشكل..
جهاد مصدوم: شنو!!! جاد هوا السبب فهادشي؟!!
تميم: اااه جاد… كاع داكشي اللي عشناه كامل فالليلة دراس لعام بسببه .. ولبارح مشا عندها للدار وجلس تما ساعة ونص معاها هاد الكلب عيشنا الرعب فليلة وحدة… قلب حياتنا ليلة كاملة.
بقا جهاد ساكت مصدوم واميم كيزفر مشا دفل واحد القنت ورجع حل باب السيارة بغا يركب لاكن وقفو جهاد وقال
ونتا باش عرفتي هادشي؟ ومتأكد!
ضار عندو تميم وقال: ماشي غير متأكد
جهاد: تميم..سمع .. غنحلو الموضوع غير بشوية.. بلا متهور ودير شي حاجك تندم عليها
تميم: ماشي انا اللي غندم … هوا اللي غيندم .. مغندوزهاش ليه
كرك راسو بالايجاب والشر فعينيه وركب شيارتو خرج من تما بغضب ومشا
وصلات بيان للدار بمعجزة وسلمى معاها تابعاها .
نزلات ودخلات للدار كتبكي دفعات سعيدة ومشات لبيتها كطير.. زدحات الباب بقوة قبل ماتوصلها سلمى.
ضربات الصاك مع الحيط ومشات للطبلة دالمكياج شتتاتها كاملة وكلشي طاح فالارض تهرس وبدات كتغوت بحرقة ووتشتت اللي جا قدامها وسلمى برا كتسمع مدق بالجهد وترغبها تحل .
جبدات تيليفوتها كترعد بالخلعة صونات لجهاد و وقالت مفزوعة
جهاد.. جهاد انا مع بيان وجاها انهيار عصبي سدات عليها خفت دير شي حاجة فراسها .. شنو ندير تلفت كنسمع الزاج لداخل كيتشتت.. واخا واخا متعطلش عفاك
رجعات سلمى كدق بالجهد ومشات عند سعيدة كتسول على ساروت اخر يفتحو بيه الباب مالقاوهش وبقاو كيحاولو معاها بدون جدوى حتى وصل جهاد فتحات ليه شعيدة وطلع كيجري فرع الباب ودخلو عليها لقاو البيت مقلوب سفاه على علاه وكلشي مهرس وكلشي مدمدك حتى من دريسينك ديالها مهرس كامل.. شافو يمين يسار مالقاوهاش ومشاو للحمام كيجريو فرعو الباب عليها لقاو الدنيا عامرة بالدم وهي مجبدة فالارض.. منضر بشع سكت ليهم القلب بدار كيغوتو مخلوعين وتلفو ماعرفو مايديرو. هزها جهاد ويدها كتشرش بالدم هبط كجري بيها وسلمى موراهم تابعها. اما سعيدة دخلاتها الزيت هزات تيليفون تاصلات بمدام سارة خبراتها وقطعات ورجعات تاصلات بجاد لاكن مكيردش .
وصل جهاد على وجه السرعة للكلينيك خرجها من السيارة وداها مدلية يديها بجوج وشعرها وفمها محلول ووجهها فازك بالبكا تعرضو ليها سعفوها ودخلوها لمستعجلات وبقا جهاد وسلمى برا مخلوعين. ضار جهاد عند سلمى عنقها باش تهدا وجلس حداها هاز راسو كيسوط وجبد تيليفونو تاصل بتميم مرة وجوج وثلاتة ماردش عليه فالاخير خلا ليه مسج .
وصلات مدام سارة كتجري معاها حبيبها اللي شافتو بيان المرة الفايتة . لقات جهاد وسلمى جالسين وشدات فيه مخلوعة كتسول على شنو واقع .فسر ليها جهاد بشوية علاش هي فالكلينك لاكن خفا عليها السبب وجلسها كيهدن فيها. اما سلمى بقات ساكتة مهبطة راسها غير كتشوف وتسمع الراجل اللي معاها كيقول ليها
ماتخافيش احبيبة … كلشي غيفوت
خرج الطبيب بابتسامة عندهم طمنهم وقال
الحمد لله كلشي مزيان الحالة مستقرة وصلتوها فالوقت المناسب ..خسرات بزاف ديال الدم لاكن دابا تعوضو غير ترتاح وتاكل مزيان وغتولي بيخير
مدام سارة : ندخل نشوف بنتي
الدكتور : تقدرو دخلو عندها دابا .. هي محتاجة لشي واحد جنبها ومحتاجة اكثر لدكتور نفسي حيت مجرد التفكير فالانتحار فحد داتو مرض.
شحروه ودخلو عندها بشوية لقاهوها ناعسة على جنبها معلقة السيروم وطالقة يدها قدامها مضمضة وكتشوف فالحيط ساهية ووجهها شاحب والمدموع نازلين مع خدها .
تقدم جهاد وسلمى هما اللولين وبقات مدام سارة اللور طلبات من حبيبها مايدخلش حتى تصلح الاوضاع ،تبسم وشد بيدها وتقبل كلامها وجلس كيتسناها على برا
مشات عند بيان اللي كانت جثة بلا روح قربات منها كتمسح عينيها وقالت
بيان… بيان حبيبة
بيان: مابغيت نشوف حتى واحد
هبطات مدام سارة راسها بإحباط وسكتات ..شد ليها جهاد فكتقها كيواسيها ورجعات اللور بأسى وعم الصمت حتى واحد ماهضر.. فقط طمنو عليها وخرجو خلاو معاها سلمى جالسة وكتشوف فيها فصمت وخايفة تهضر.
بيان: مابغيت حتى واحد يعرف بهادشي اللي وقع
ناضت سلمى عندها
سلمى: هاا؟!!
حركات بيان عينيها وقالت: مابغيت حتى واحد يعرف شنو واقع.حتى حاجة ماتستاهل ..وعلمي حتى جهاد وماما
سلمى: واخا اللي بغيتي
خرجات فالحال كتجري عند جهاد كان جالس هوا ومدام سارة وحبيبها كيهضرو على حالتها ووقفات قذامهم وقالت
قالت لي بيان باللي… مابغات حتى واحد يعرف باللي وقع.
مدام سارة: شنو اللي وصلها للانتحار؟؟ شنو السبب؟
جهاد: حتى حنا ماعرفناش .. شنو اللي غيخليها تبغي تنتاحر وتنهي حياتها!!
سلمى: قالت لي باللي حتى حاجة ماتستاهل.
جهاد: مافهمتش.. انا كنعرف بيان.. واخا يوقع اللي وقع ماكتبغي تبين حتى حاجة ومكترضاش يشمت فيها شي واحد
رن الهاتف دجهاد وكان تميم..شاف فيهم وقال
سمحو ليا .. غنرد عندي اتصال
ناض بعد وجلسات بلاصتو سلمى مشا لبلاصة بعيدة ووقف رد على تيليفون والغيض والحسرة والحزن على تعابير وجهه وهوا كيهضر مع تميم
جهاد: الو ..
تميم: شنو كتعني بيان بغات تنتاحر؟
جهاد: والو .. غيررر.. لحضة غضب
تميم: مافهمتش لحضة غضب وسيفطتي ليا مسج ب بحال هادا؟؟فينك نتا دابا؟
حك جهاد حواجبو متردد وقال: انا مع بيان .. خرجنا نبدلو شوية الجو ..حيت الحالة اللي خرجات بيها من الجامعة مكانش عادية … نتا علاش مهتم لأمر بيان شنو بينك وبينها
تميم: مامهتم لا ليها لا غيرها سيفطتي ليا مسج فيه انتحار سولتك علاش اشنو اللي غيربطني بيها
جهاد: شنو ماكان بيناتكم وشنو ماوقع مرة اخرى رد بالك حيت تقدر تندم من يعد
تميم: شنو كتقول واش وقعات شي حاجة؟
جهاد: دابا ماوقع والو .. كان يقدر يوقع.. غير نبهتك .. من الاحسن خطي عليك بيان وحيدها من راسك..تمشي مع جاد ولا مع غيرو هاد النوع اللي بحال بيان كنصحك ماتحداهش..والى عقلتي النهار الاول قلت ليك هاد الهضرة
تميم: شرف سمع سمع هادشي كامل ماعندي مندير بيه… بيان ولا مانعرف انا ماكتهمنيش.. ضحكنا شوية ودابا صافي صدع الراس اللي غيجي من جيهتها ماعندي مندير بيه وصل ليها هاد الهضرة
غزز جهاد سنانو ولزم الصمت كمدها وقال
اوكي..غنقطع دابا كيتسناوني
تميم: اوكي باي
رما تميم تيليفون على الناموسية وجلس على الطرف جامع يديه مع بعضياتهم كيشوف قدامو ويعض شفاهه بإكراه فصمت .
فلاش باك
في صباح ليلة رأس السنة مع الستة
جالس على ناموسيتو بسورفيت كحلة وشاد الورقة مكمشة بغضب في حين مسيو جان بهية والبقية برا جالسين من بعد ما عاونوه بدل وخلاو فالبيت ضنا انه نعس.
سرح ديك الورقة اللي مكتوب فيها اسم بيان شاف فيها مزيان ورجع كمشها وجبد تيليفون ديالو ربط الخط مع مجهول
الو… نتا لتحت.. فلاوتيل؟ غتجيب ماما دابا ..من بعد غتمشي على هاد العنوان اللي غيوصلك دابا .. غتراقب هادا اللي سميتو جاد ..فين ما حط رجليه ..والى ماقدرتيش غتشوف شي واحد يراقبو ويحط عليه العين . اي حركة و اي بلاصة حط فيها رجلو غتشيفط ليا بالتصاور والمعلومات كلها فتيليفون . يالاه .
فالكولف وهما كيلعبو كاملين ومعاهم لجين وصلاتو رسالة.. بعد عليهم وانفرد براسو لقا نضرة على الرسالة شاف صورة جاد وهوا كيهضر فتيليفون .. حدا البحر ..صورة اخرى لواحد من العصابة مشا عندو ..وتصاور اخرين فيهم خصام وعتاب ..وصرفق داك الشخص من بعد عطاه مبلغ مالي. . موراها وصلوه تصاور اخرين لجاد قدام باب الفيلا دييان كيتكلم مع الخادمة وعطاها مبلغ ودخل .. وصورة اخرى ليه وهوا خارج من عندها .
فلاش باك الثاني.
بعد خروج جاد من فيلا دبيان جبد تيليفون كيهضر .. وفديك اللحضة داز موطور بالكاسك كيطير طيرو ليه من ودنو خلاه غياكل جنابو وداه .
وفلعشية من بعد رجوع تميم مع عائلتو انساحب بابتسامة ركب سيارتو ومشا جنب البحر فين كان الموطور واقف كيتسناه ومد ليه تيليفون وقال
فاش خديتو كان كيهضر فيه..وباش ميتسدش حاولت نخلي اليوتوب خدام ونديرو فالشارج حتى توصل
تبسم تميم وقال: كان ممكن يتبعوك عليه ساهل يعرفو بلاصتك
تبسم مول الموطور وقال: ماتخافش هادي خدمتنا .. مولفين بهادشي. ماتحتاجش توحل معاه باش يتحل هاهوا محلول
خدا تميم التيليفون وركب بينما مول الموطور ضرب الدورة مشا فحالو .
تميم: اجي نشوفو شنو عندك هنا .
نهاية الفلاش باك
مسح على وجهو وبلل شفافهو بلسانو وناض كيردد
واخا جاد.. اللي غنديرو ليك ماتقدرش حتى تبقا عاقل عليه. كلشي بوقتو
خرج من البيت جبد واحد القرعة وهز واحد الكاس ومشا جلس كيشرب بوحدو فصمت حتى سمع الصونيت فالباب ..ناض حل لقا لجين واقفة ..قلي عينيه ودخل خلا ليها الباب محلول ورجع بلاصتو جلس كمل على كاسو.. تبعاتو جلسات حداه كتشوف فيه مطولا بغيض وقالت
شنو بينك وبين بيان
عاود قلب عينيه خرج النفس وقال
جايا تا لهنا باش تجبدي ليا بيان ..
لجين: سولتك اتميم جاوبني..انا جايا من لندن على قبلك حتى لهنا وماعندي حتى واحد فهاد المدينة من غيرك .. ونتا كتصوف معايا بهاد الطريقة ؟! فين هوا تميم اللي كان كيضحك.. كيسهر كل ليلة بلا ميعيا ولا يمل
ود بملل: شنو فايدة هاد الهضرة؟؟ تما حالة وهنا حالة انا اصلا جالس هنا بزز
ناضت جلسات جنبو عنقاتو وقالت بتعب
تميم.. العطلة هاهي قربات .. نمشيو لندن عند صحابنا؟؟ تاصلت بيهم ليوم كلهم توحشونا وكيتسناونا نتلاقاو.. شنو قلتي؟
حيد الكاس من فمو وتنهد بملل وقال
لجين.. انا راسي عامر ..مكنفكر لا فسفر لا فزمر دايا .. تفرقي عليا واحد الشوية
سكتات كتشوف فيه مطولا وهزات راسها لاحت شعرها اللور وناضت شدات ليه فيدو قائلة
انا غنرخي ليك اعصابك .. اجي.. اجي يالاااه
جر يدو وقال: مافياش
هزات حاجبها وقالت: شنوو!!! جديدة هادي كيفاش مافياش.. خايبة فحقك ..نوض يالاه
جراتو للبيت كتمايل وتحيد المونطو وجات تحطو على واحد الطاولة قدام التلفازة ولفت انتباهها شي حاجة كتبري غريبة.. مشات بيدها لداك الكاس هزاتها كانت بانضة دالشعر فيها حديدة صغيرة ذهبية ..هزاتها فيدها كتشوف فيها مطولا وضارت عندو قالت
مقبط الشعر؟!!! شكيدير عندك هادا ؟
صغر عينيه شاف فيه والكاس فيدو وسرح فدحضة مشا عقلو ف لقطة مع بيان وهوا معاها فتلاحم ونضرات معبرة وهدوء تام ويدو كتجر المقبط من شعرها الذهبي الناعم .
رمش وشاف فيه قائلا بهدوء
رجعي داكشي لبلاصتو
لجين: لا مغنرجعوش.. ديالمن هادا؟ وشنو كيدير عندك هنا؟
تميم: ياك هضرت معاك..قلت ليك رجعيه
لجين: لا .. حتى تقول ليا شنو كيدير عندك
تميم: مكيدير عندي والو ..واخليه بلاصتو
ودات يدها اللور وقالت: مللي مكيدير عندك والو ماعندك مادير بيه .
غمزاتو ومشات رماتو فواحد السلة ورجعات حيدات حوايجها وقالت ليه
بغيت تميم .. تميم اللي خليت فلندن
دفعاتو على الناموسية وتكات عليه ..
فالكلينيك ناضت بيان بتعب وسلمى جنبها عاوناتها لبسات حوايجها وخرجو عند مدام سارة وجهاد اللي كانو كيتسناوهم ..شدات فيها مدام سارة وقالت
باش كتحسي؟؟
بيان: باش غنحس فنضرك؟؟ اكيد كاملة واكلة العصى وماقدراش نوقف
مدام سارة: اه فهمت فهمت غير كنسول ..ماعليش يالاه نرجعو فحالنا وكلشي غيكون مزيان
خرجوها ردوها للدار وتما توادع معاهم جهاد في حين بقات معاها سلمى حتى حطوها فوق الناموسية تكات
بيان: صافي غير سيرو .. بغيت نبقا بوحدي
مدام سارة : كيفاش نمشيو نتي مزالة عيانة
بيان: ماشي مشكل غير رجعي لشغلك ..سلمى غتبقا معايا
سلمى: اه امدام انا غنبقا معاها
مدام سارة: اوكي.. انا غندقع شهادة طبية لجامعتك باش ترتاحي هاد الاسبوع
بيان: حسن
مدام سارة : اوكي انا غنخليكم ردو بالكم
خرجات مدام سارة وبقات سلمى واقفة وقالت
غنعيط لماما نعلمها باش متخلعش عليا ونرجع
بيان اوكي.. عطيني معاك بيسي ديالي
سلمى واخا
مدات ليها بيسي وخرجات خلاتها جالسة كتشعلو وتردد
نتا جبدتيني اتميم واللي جيدني كيلقاني وجد راسك دابا للصرف
جن جنون بيان وقلبها شعل نار وبدات تقلب فالحاسوب على الرقام الهواتف ديال الصحافة الالكترونية.. اخيرا طلعات الرقم اللي كانت كتقلب عليه وهزات تيليفونها تاصلات قائلة
الو.. حسام..اه بيان العلوي.. سمع عندي ليك خبر حصري..غيقلب البلاد..ماشي غير البلاد العالم . تميم البيستي عرفتيه.. واليديه بهية بن موسى وباه جان البيستي..ماشي هما واليديه الحقيقيين ..هوا ولدهم بالتبني..وهاد السر مكيعرفو حتى واحد من غير واليديه ..وانا ..نشر هاد الخبر وتسنا مني القصة الكاملة من بعد. معلوم صحيح.. واش انا كنلعب هنا !! الدليل غيجيك بالصوت والصورة ..ولاكن من مور ما تنشر ليا هاد الخبر مع شي عنوان مطرطق ..بغيتها تكون قنبلة السنة الجديدة .يالاه
دفعات عليها سلمى الباب مخرجة عينيها وقالت: بيان!!! شنو دري؟!!!!اويلي شنو درتي؟؟؟
هزات بيان راسها قائلة: شنو درت ؟؟ درت داكشي اللي خاصو يداو
سلمى: بيان نتي راك دمرتي عائلة… دمرتيهم صافي مللي وصلتيها للصحافة..عرفتي شنو غيوقع من بعد! عرفتي شنو يقدر سوقع لتميم؟؟
ناضت بيان من بلاصتها وقفات وقالت بغضب
يموت ..ينتاحر .. علاش هوا باش حسن مني؟؟؟ هاا ؟ باش ؟؟ مافكرش فيا فاش هاني وسط الكلية بديك الطريقة وقدام جاد؟؟ مافكرش فشنو ممكن يوقع ليا؟؟. علاش انا روحي رخيصة وهوا ووحو غالية؟؟. خليه يشرب من نفس الكاس .. غنوريه شكون هي بيان ..
شدات فيها سلمى بترجي وقالت: غتنوضي. حرب خايبة عليك .. غتشعليها وتقدر طيح فيها الروح ابيان هادشي اللي درتي ماشي حاجة ساهلة.. داخل فيها بزاف دالحوايج ابيان
بيان: انا روحي كانت غطيح ليوم.. انا ماشي حشرة اسلمى كما مافكرش فيا انا حتى انا غندوقو نفس العداب ..
سلمى: بيان نتي خرجات عاقيبتك على خير وقادرة تكملي حياتك من هنا لفوق عادي ولاكن هوا غادي تبقا بصمة فحياتو عمرها تمحى
بيان: حتى انا خلا ليا بصمة فحياتي وعمرها تمحى .. انا سبمتو راسي.. سمعتي.. طول عمري هازة راسي والمهير كيتحنا ليا على رجلي.. وديما كنقول حتى واحد فيهم مايستاهل .. حتى واحد فيهم مايستاهل يمس شعرة مني… وتميم جا بين ليلة ونهار تعدا كاع الحدود.. حول ليا حياتي من عزبة لمرا ..علاش شكون هوا اللي يحول ليا حياتي وجسمي ونفسيتي .. علاش هادي ماشي بصمة !!! هااا؟ خلييه.. خليه انا مغنرتاح حتى نكويه كما تكويت ..
سكتات سلمى ويدها على فمها فصدمة طويلة وبيان كتنفض بلاصتها باش تجلس .. قربات ليها سلمى بهدوء جلسات حداها بأسف وردات ليها شعرها اللور وقالت
علاش مشيتي معاه؟
معات بيان وقالت: مامشيتش.. ماعرفتش كيفاش وقع ليا.. مافكرتش فيها ولا حتى تخيلتها
سلمى: ولاكن نتي قلتيها.. قلتي حتى واحد مايستاهل.. وشنو اللي خلاك تسمحي ليه يقيسك
شدات بيان راسها وشعرها شادة عينيها كتنخصص ومسحات خدها بزربة وقالت
ماعرفتش.. انا ماحسيتش براسي.. ماشعرتش مافهمش شنو وقع ليا
سلمى:حسيتي بشي حاجة ونتي معاه؟؟ كيف كان احساسك؟
هبطات بيان راسها على يدها سكتات مطولا ورجعات شافت فيها كتمسح دموعها والفاصمة على يدها وقالت
كن ماكنتش مرتاحة ..منخليهش يقيسني.. انا ديما كنت فوعيي وديما دايرة حد لهادشي.. هاد المرة الوضع مختالف
ضمات راسها بيديها كدوز يديها على دراعها ساهية قدامها بحزن وقالت
كنت فدنيا تانية… كنت فعالم اخر..وصلني شعور مختالف .. كان قلبي كيدق بالجهد.. كانت عندي رغبة مسبقة.. كان احساس زوين .. اول مرة نحس بيه.. حسيت براسي ضعيفة..فقمة ضعفي.
تلفتات لسلمى: انا عمري حسيت بهاد الاحساس.. حتى مع جاد.. كان كيبغي يقرب ليا كنصدو تلقائيا.. هاد المشاعر كاتحركاتش فيا ابدا.. ولاكن فديك اللحضة مع تميم.. عقلي غاب كليا.. ستسلمت جسدا وروحا ..
هبطات راسها سادة عينيها على يدها كتنخصص وسلمى حداها كتشوف فيها فصمت وتمسح على راسها .. تنهدات وقالت
واش كتبغيه ؟
هزات بيان راسها بتتاقل شاف فيها والدموع فعينيها وقالت
كنرهووو.. كنكرهه لدرجة بغيت نفرسو بسناني.. بغيت نقتلو .. استخف بكاه داكشي اللي عشت معاه.. عايزني باحساس.. عايرني بشعوري ..عايرني بضعفي.. استهزأ بمشاعري..رخصني ورخص جميه احاسيسي وماهمو حتى حاجة. . مابادلنيش نفس الاحساس.. مبادلنيش نهائيا بحتى حاجة من داكشي اللي حسيتو معاه.. هاني واستحقرني ودوزني بحال اي وحدة دوزات معاه ليلة ولا. ساعة … انا صنعت معا ذكرى لاكن هوا لا.. عاش اللحضة ورماني بحال شي ق٠٠٠٠ مغنسمحش ليه واخا يبقا فيا عرق واحد كيضرب غنرد ليه الحساب بالدوبل ونعيشو نفس الدل ونفس القهرة ونفس الحرقة
عنقاتها سلمى كتمسح على راسها مطولا فصمت و جمعات النفس بغضب وقالت
انا معاك… فأي حاجة درتيها … انا معاك حتى تردي حقك
تكات بيان على صدر سلمى مدة طويلة حتى صونا تيليفون لسلمى وردت
ااالوو ماما.. وصافي قلت ليك بيان مريضة غنبات معاها ..صافي … والله حتى بايتة مع بيان ..انا غندير ليك ابيل فيديو كاع
فتحات سلمى الكامرة لمها اللي كانو عينيها خارجين ماتهنات حتى شافت بعينيها عاد قطعات .
طلعات سميرة عندهم هادة بلاطو فيه الماكلة والعصير دخلاتو حطاتو ليهم ونزلات شافت فالساعة كانت التسعود دالليل.. تنهدات وقالت
كتقطعي فالقلب.. والله الواحد مابقا عارف باش يحس فهاد الدار ..( الصونيت ) شكون هادا جاي عاوتاني هاد الباب مغيتسدش ليوم
مشات حلات الباب لقات تميم واقف بجاكيط كوير ويديه فجيابو هزها من رجليها حتى لوجهها استحقرها بنضراتو وقال
كاينة بيان
تبسمات سعيدة وقالت: واخا انا نقولها ليها
دخل فيها بخطوات بطىئة طلع فيها وقلب عينيه دخل لقلب الفيلا لقا السكات والاضواء طافية .. هز راسو لفوق وقال
فبيتها
سعيدة : اه فبيتها !
طلع لفوق بينما رجعات سعيدة لور كتبات مسج لجاد ودخلات تيليفون فالجيب
دق فالباب دقة وحلو ودخل لقاها فالبيجامة كحلة من حرير مخشية فسلمى فوق الناموسية وشعرها الناعم مدلي على كتافها و والضوء خافت
حلات سلمى عينيها فيه تصدمات اما بيان باقات كما هي ضنات انها سعيدة .. هزات راسها بعفوية مسحات دمعة نازلة من خدها شافت فسلمى كتشوف جهة الباب ودورات وجهها ببرائة .. لاكن بسرعة تحولو دوك النضرات البريئة لشعلة من النار ولاحت الغطا عليها وناضت كتشوف فيه وطلع فيه
بيان: نتا!!!! ننن نننتا اشنو جابك عندي؟؟ هااا؟ شنو جابك
دفعاتو بقوة بيديها لاكن لحقاتها سلمى بسرعة شدات ليها يدها وقالت
بيان غيتحلو لغرار من يديك تهدني
تفتح البؤبؤ فعينين تميم وهوا كيشوف فيها وشاف فيديها المضمضة وقال بتقاطع الحروف
ب..بيان
طارت عليه بجنون وانهيار عصبي شدات فيه كتمشي وتجي من حر الدفيع وقلبات الدنيا غوات وهوا كيحاول يشد ليها يديها هي وسلمى باش تهدا لاكن البنت تجننات كتنقز عليه من الارض وتجرو وطارت عليه على يدو عضاتو حتى خرجو عروقها .. طلعات سعيدة كتجري شداتها من يد وسلمى من يد وهي كتلاح عليه وسنانها مضا بغات تاكلو .. بغا يهضر ماعرف منين يبدا وماخلاتش ليه فرصة .. توجاتو سلمى يخرج وخرج خلاها بيناتهم كتغوت حتى طاحت غابت
يتبع...
التنقل بين الأجزاء