لايف تحت عنوان " مافضلنا الصمت .. الا من اكاذيب المواقع "
من بعد ماسخناتها مزيان بالمشروب فتحات الكامرة وبدات كتسنا الايف يكبر .. نتاشر اللايف ديالها وتجمعو عندها الصحافة شي داخل مور شي والمأثرين والمدويين ومن هي ودب ومن كل مدينة وصحابها قدامها كيتفرجو فاللايف من تيليفونهم ويقراو التعاليق اللي كيطيرو بكثرة .. عض جهاد على شفافهه كينفض يدو من عدد المشاهدين اللي طلع ماتخيلوش يوصلو لداك العدد الكبير.
هزات عينيها مدمعين بدات الهضرة بصوتها الشجي المصحوب ببحة ورقة وصوت يأسر القلوب .. كانت البحة دصوتها كافيه تعبر على عمق جرحها وعلى الحزن والمأسات اللي كتعيش مع انه صوتها بصييعتو فيه بحة لاكن ساعدها بنسبة كبيرة فالتأثير على المشاهدين وقالت بنرتها الرقيقة كتمسح نيفها بألم
عارفاكم كتسائلو وباغين تسمعو منا حنا وعندكم اسئلة كثيرة ..كم حقكم .. كما حنا شعب واحد.. امة وحدة .. وقلوبنا على بعضنا.. انا عارفة باللي بزاف منكم كيهاجمني .. يمكن لاختلاف الطبقات واخا ديما كنقول ليكم انا وحدة منكم .. تشاركت معاكم الحلو والمر.. السراء والضراء.. ولاكن ليوم ماجيتش باش نهضر على راسي.. جيت نهضر على صديقنا صديقي وعلى عائلتو اللي كتعاني فصمت .. كتعاني وكتتهاجم فقط لسبب واحد!! لاختلاف الطبقات.. هادا غني وهادا فقير والغني هوا الله ..لاكن نهضرو بوضوح .. انا جيت ليوم ناقشكم الموضوع من قلب لقلب.. تعاطفتو مع واحد علاش؟؟ غير حيت خرجات عائلتو بكات وشكات وصورات ليكم دارهم وحياتهم وكنازتهم مع العلم ان اي جنازة كما كانت راه كيكون فيها الحزن والبكا والله يصبر جميع العوائل.. اليوم جيت نقول لأي واحد ..اي مغربي كيخرج يخرم فالصباح مع الفجر..لاي مغربية كترجع معطلة من الخدمة وهازة لوليداتها عشاهم … اي اب واو اخ كيخرج يتسخر ويرجع .. لاي واحد فهادو راه تقدرو مترجعوش ..لاي ام كتجي من الخدمة معطلة راكي تقدري ماتوصليش عند وليداتك..لاي اب كيمشي يتسخر تقدر ماترجعش لدارك ..لاي ولد جا من لاصال ولا من خدمتو تقدر مك ماتعاودش تشوفك.. هادشي كامل بسبب من؟ بسبب واحد يقدر يتعرض ليك ويخشي فيك موس على قبل تيليفون.. ولا على قبل درهم !! تقدري تمشي ضحية .. تقدر تخلي موراك وليدات .. تقدر تخلي مك كتبكي وتتعذب.. علاش؟ حيت تعرض ليك شفار! كلنا كنعرفو تميم..كنعرفو ولاكن مكنعرفوهش كشخص.. انا كنعرفو كشخص.. انسان محترم .. مربي ومخلق ومكيآديش الناس. بعيد على المشاكل..دنبو الوحيد تعرض ليه شفار بموس قد يدي.. ودافع على راسو وبلا نية صدق قاتل…واش كن كنتر فبلاصتو غديرو نفس الشيء؟ واش اللي دافع على نفسو كيتسمى مجرم ؟ واش المجرم عندكم رجع ضحية؟؟ كان ممكن تكون جنازة تميم بلاصة المجرم الحقيقي.. كان ممكن داك الموس اللي كان هازو المجرم يدخل فتميم .. علاش هاد الضلم؟؟ علاش واش حيت واحد عندو الفلوس وواحد ماعندوش؟. اشنو دنبو هوا الو تزاد فوسط غني مثلا واش ماشي من حقو؟؟ الله اللي كيرزق والله اللي كيعطي .. علاش هاد المجرم مشا عندو بغا ياخد ليه رزقو علاش؟ علاش هاد الحقد ؟؟ اشنو دار ؟ طنبو دافع على راسو ومشا للحبس دابا وادمرات حياتو بسبب مجرم تهجم عليه وخرج ليه فطريقو ..كان كيقرا وانسان نقي ما فيه حتى بلية شنو دنبو تمشي ليه حياتو واش هوا ختار يكون غني؟ تعاطفتو مع المجرم وهادا ضلللم ..ضللللم .. حتى تميم عندو مو .. عندو باه .. عندو عائلة كتبكي عليه الذم .. انا ماجيتش نهاجم العائلة دالمجرم .. ولاكن جيت نوضح ليكم نتوما ان العذاب اللي كتعيشو عائلة تميم مضوبل على اللي كتعيشو عائلة المجرم حاليا.. ليوم مشا تميم..غدا يقدر واحد فيكم يمشي.. وهادشي مافيهمش الغني ولا الفقير.. ماشي حيت الفقير فقير غنغفرو ليه اغلاطو.. هوا الفقر خلاه يسرق بلا رحمة بلا شفقة وكن مكانش تميم كان يقدر يكون واحد منكم .. نتا كأب كنتي تقدر ضيع فولدك.. ونتي كأم كنتي تقدري تشواي فكبذتك.. ونتي كزوجة كنتي تقدري ترملي صغيرة .. نتا كأين كنتي تقدر تردا فباك .. بسبب شفار فيدو موس بصوا نص ميترو.. واش ماشي ضلم هادا؟؟ انا مابغيت منكم والو ..بغيتكم تحلو عينيكم .. بغيتو تجيو مع الحق.. واحد خصر حياتو ومشتقبلو وترما فالحبس بسبب كريساج دافع فيه على نفسه..واش يخليه يقتلو ؟؟. هاد الناس ستاغلو نقطة ضعفكم وستاغلو نيتكم الصافية واستاقزونا وطلبو منا خمس مية مليون الى بغاو يتنازلو على القضية.. تصورو معايا ان هدفهم ماشي تحقيق العدالة.. وانما لقاو كنز ومابغاوش يضيعيوه من بين يديه وباش يتنازلو طلبو منا خمسمية مليون ..وغادي نحط ليكم التسجيل ديال ختو كتقول باللي الى ماعوضتوناش مغنتنازلوش. باش نأكد ليكم صدق كلامي. دابا انا بغيتكم كلكم ..كاع اللي مع العدالة وضد الكريساج .. يقول معايا .. العدالة لتميم البيستي.. العدالة لتميم البيستي. وشكرا ليكم وعندي تقة كبيرة فيكم .. وشكرا لجميع المؤثرين واحد واحد اللي وقفو معانا ومامشاوش مع الموجة شكرا ليكم بزاف
اديب: حتى انا الصراحة ماكنتش متوقع هاد الشخصيةً!!! بززاف قوية
بيان: دابا مزااال مللي خرجت خرجت وتفركعت عليهم. عاد غيشوفو العجب.. بغاو البكا والتمثيل هانا غنفرجكم ..غدا غنمشيو عند تميم نصور ليهم من باب الحبس ..شحال تحطو تا نسخف ليكم ههههه
جهاد: ديريها .. والله تا ديرها
بيان: ومالي منديرهاش والله تا نسخف .. جيبو ليا لومبيلونص ماتهزونيش نتوما .. بغيت نمشيو بالاشهار كما هما دارو اشهار للكنازة تا حنا نديرو اشهار للسخفة شنو بان ليكم
جيداء: هييه!!! غتشخفي!! ولاكن ماتنسايش راه غيشوفوك لألبة حتى هما ترضاي على راسك
هزات الكاس فالسما سكرات وقالت كضحك بصوت تقيل
تبا لكم يا ابناء الاغنياء المدللين … اليوم علي وغدا عليكم . عليكم اللعنة صبا صبااااا
تقلب جهاد اللور كيضحك وكلشي قلبها ضحك وأيدوها على السخفة وتافقو يمشيو معاها لاكن بلا ميبانو فالواجهة .
هادي بنت… حنا الريح اللي جا يدينا اصلا شداه ليه بغا يكريسيه اش كيدير واحد بحالو فحي راقي شداه لتما مامشا الا وكان غادي باش يكريسي شي واحد
بيان: دابا مزياان… حلو عينيهم شوية الاغبياء
جهاد: سمعو هادا … ما كي.. نا ماعرفت باش كيكتب هادا حيد عليا … هادا واحد اخر قالت .. المجرم خاصو الحبس كن بقا حي كن غتاصب شحال من وحدة وكريسا شحال من واحد انا مع تميم
اديب: هااا.. على سلامتهم.. شتي كن بقينا ساكتين مانديرو والو على الاقل السلطات تلقا كي دير تفكها بلا ضجيج..خاص الشعب يتعاطف… غدا غيطلع باه ولا مو ولا داك الخامج دخوه يبلبل فالصحافة
بيان: هوا يبلبل وانا غنرد..تانشوفو شكون غيعيا ياك انا قلت ليكم غنسخف..صافي غنسف عزيزة على متابعيني الى شافوني سخفت غينوضو يديرو حملة.. هادشي لصالحي حتى انا غيطلع ليا لكونط مزيااان كنحتاجو فيحال هاد المواقع والترويج للماركة ديالي هه
مدام بهية: ماشي وقتو دابا فكرني فيه فاش نرجع ..يالاه
انطلق الشيفور فاتجاه الحبس لاكن فسيارة داسيا كحلة باش متلفتش انضار الناس ليها .. وصلات للباب ونزلات بسرعة كتمشا داخلة ومهبطة راسها وتبعها خوها جنبها والمحامي اللي كانو كيتسنارها توصل كيجري بالمحفضة فيدو والشيفور هاز الصاك فيدو دخلو بلا مايشوفهم حتى واحد مشاو مباشرة استقبلهم مدير السجن اللي كان في انتضارهم فالمكتب ديالو من بعد ما تفارق معاهم الشيفور لداخل ودوز الصاك بالوصاية
جلسات مدام بهية
على الكرسي واستقبلهم المدير احسن استقبال هي وخوها والمحامي
حيدات النضارات ويان الشحوب والتعب على وجهها واخا مغطياه بالمكياج وحتى صوتها مشا ..بتعب قالت
كي دوز الليلة اللولة؟؟ ولدي مامولفش انا كنعرفو
المدير: ماتخافيش .. حاضين راه بايت العساس حدا الباب راد البال للغرفة اللي هوا فيا
جبدات واحد الشيك حطاتو ليه وقالت
هادا للموضفين اللي هنا مابغيت حتى واحد يقرب. ليه.. خايفة عليه من المجرمين اللي هنا .. ولدي نية والنية ديالو اللي وصلاتو لهنا .. راك سامع كولشي دابا حتى حاجة مابقات مخبية.. انا ولدي كاير فييئة نقيااا فمحيط نقييي مع ناس نقيين مافيهمش الخبث.. صريح مكيكدبش و مكينافقش ومكيغدرش.. خايفة عليه من وجوه الشر
المدير: حنا دايرين مافجهدنا واكثر:. لو عليا نعطيه غرفة خاصة..ولاكن راكم عارفين دابا المشكل فالصحافة اللي كتخرج الاخبار ..بغينا نبقاو حياديين بعيد على كلام الصحافة والتمييز بين الطبقات..كنت كنتمنو لو كان هادشي بيناتنا ما وصلش لاعلام كان غيكون الوضع مختالف .. ولاكن كلنا عارفين الاعلام ..عندو مصادره الخاصة منين كيلتاثط الاخبار وكيدير اللي فجهدو باش يجيب اخبار تعمل البوز
مدام بهية: لولا الفضيحة اصلا ماكانش غيوصل هنا .. انا ساكتة على قبل صورتنا ومكانتنا فالمجتمع اما بإمكاني نطلعو منها بحال الشعرة ..ولاكن بسبب الاعلام وقضية الرأي الهام هاحنا دابا كندوزو من هادشي ودايرين للناس خاطرهم بزز منا
قلبات وجهها كتغدد وخوها شاد فيدها جنبها كيصبرها ويقول
حنا دابا الهدف ديالنا نتبتو البرائة .. ياك هضرنا فها دشي بلا منعاودو ابهية ..شوية دالصبر ..
بهية: مايتضدر الحكم حتى يوليو ليا انا ولدي حباس!!و حتى تدمر نفسيتو !!
زير عليها خوها وقال: الصبرررر..خاصك تصبري ماعندنا حتى تحل.. حنا امام قضية رأي عام وماشي فمصلاحتنا نقومو بشي خطأ.. صبر ابهية الصبرر
وهما كيهضرو امر المدير يجيبو ليهم تميم ودخل عليهم وهما فنقاش بشعر منكوش وعينيه مجبدين باين عليه يالاه فايق. طارت عليه بهية تعلقات فيه وعنقاتو كتبكي وتبوس فراسو وفحنكو وتردد
ضمها بقوة زير عليها وماتفرقو حتى فرقهوم خوها و تعانق معاه وبهية كتبكي .. عطاوها قرعة دالماء صغيرة وخلاوها رتاحت في حين حط الخال يدو على ركبة تميم وقال
كي دوزتي الليلة ياكما تعدبتي
هبط راسو ويدو على فمو وقال: لا عادي عادي ..كاين شي جديد؟؟
شدات فه بهية وقالت: كاين… مغنخليكش هنا كنواعدك.. لبارح خرجات بيان فواحد اللايف قلبات كلشي لصالحنا وهادي خطوة ممتازة .. المعارضين كلهم فصفنا دابا وخاصنا نحافضو على هاد التعاطف حتى للساعة اللي تخرج فيها بريئ
تميم: اشنو قالت بيان؟؟
بهية: مقالتش شي حااجة ولاكن ضرباتهم للنخاع وقلبات الموازين كلها .. قولي نتا كي دوزتي الليلة دلبارح واش تعدا عليك شي واحد؟ قولي قولي متخافش قوليواش بسل عليك شي واحد
تميم: اش غيبسل .. انا بغيت شي معطر ولا شي حاجة للشومبر .. اي حاجة تنفس البيت كيخنق
شافت مدام بهية فالمدير وقالت
كيفاش البيت كيخنق مصبغتوهش قلتو غتصبغوه
تميم: وا مصبوووغ وبنادم كيخنق
زيرات عليه وقالت: غير صبر.. صبرررر غادي تخرج من هنا فأقرب وقت والمعطر ليوم يكون عندك .. كون هاني ..كليتي شي حاجة ؟
شدات ليه وجهه ودوره قال
مافياش
بهية: اويلي بغيتي تموت؟؟ ماجابوش ليك الماكلة
تميم: ماقديتش مسدودة ليا الشهية
مدام بهية : جيت ليك حوايجك باش تبدل ..فوطتك شمبوان صندالتك كولشي جبتو حتى الغطا جديد كاع اللي تحتاج والماكلة اللي دوز ليك هاد اليوماين .. اي حاجة بغيتيها قولها ليا نجيبها ليك
تميم انا خصني معطر ماقادرش نجلس فديك الشومبر
كمداتها بهية والجلسة مع ولدها دوزاتها بكا .. هضر معاه خالو والمحامي تفاهمو معاه على كلام واحد يقولو فالمحكمة ووصاوه وتوادعو معاه بزز وهرج مشا خلاهم فالمكتب جالسين
ناضت مدام بهية هزات صاكها وقالت قبل متخرج
انا ديجا وصيتك على الماء.. دخلو ماء معديني كيشرب الماء بزاف الله يخليك .
المدير: دخلناه ليه امدام لبارح .. ماعندك مناش تخافي عندو الماء موجود وكل نهار ندخلو ليه عشرة لتر والى حتاج اي حاجة حنا هنا نتكلفو وانا بيدي نتاصل بيك امدام رتاحي
صافحو خوها وقال
شكرا .. بلا منوصيك .. المحابسيا الله يجازيك بلخير
تبسم المدير وصافحو وقال: الله اودي اسي بن موسى نعس على جنب الراحة
خرجات العائلة وهز المدير راسو خرج عند الموضفين تما جمع واحد الربعة اللي كيعسو فالساحة وصاهم مزيان وقال بصرامة
الى وقع شي مشكل غتحملو المسؤولية .. هذاك بالضبط مايوصلو حتى واحد ..ضبطو ليا الحباسا وردو بالكم يالاه
خرجات مدام بهية مخبية شادة فخوها دوزها بلا ميشوفها حتى واحد لاكن بيان هبطات نضاراتها الشمسة كتحقق فيها وقالت
اجي..ماشي مدام بهية هاديك؟
تلفتو الاصدقاء اللي كانو تما ناويين يدخلو وقالو
ااه!!..هي
جهاد: وعلاش جات فداسيا !!
اديب: يمكن مابغات حتى واحد يعرفها من حقها ..الصحافة دابا غير كترصدها ماعندها شغل من غير هاد القضية.
بيان: ايوا عندها الزهر ماعلمناهمش دابا باش يجيو يصورو السخفة.. عندها الزهر خليناهم حتى نكونو خارجين اما كن جلطوها .
جهاد : يالاه يالاه قبل مايشوفنا شي واحد.. بلاتي..دخلو واحد بواحد ماتمشيش فدقة ماتعرفو الصحافة فين مخشية.. مافيا اللي يطلع فشي فيديو يورطني مع الواليد
اديب: خاصنا كود بيستو اصاحبي يدخلنا كلنا
جهاد: دويت مع واحد معرفة دوا مع المدير هنا علمو وعطاه سمياتنا .. حبد لاكارط فيدك ولاباسبور ديالك وريه ليهم ودوز دغيا..يالاه سربيو راه وصاني ندخلو بلا فضيحة بلا سين وجيم ولا حتى واحد ميعرف..بيان طيري نتي اللولة
بيان: والصاك ؟ غيقلبوه
جهاد: انا غنهزو غير دخلي وموراك
جيداء: انا غنبقا مع براد حيت نسا باسبور ديالو
جهاد: واخا طلعو فطموبيل ماتبقاوش واقفين .. اي حاجة بانت ليكم ماشي هيا هاديك عيطو لينا فتيليفون .. الصحافة لا الصحافة لا الصحافة لا انا كنوصيكم اي واحد شكيتو فيه ضاروري تعيطو
بيان: يالاه هانا مشيت
دخلات بيان مغطية شعرها بالقب لابسة كولون كحل بالطوب ديالو ودودون قصيرة كحلة منفوخة من الجلد رطب وبالونصياكة فرجليها وحاكلة صاكها قدامها بحزام طويل والقب على راسها ونضاضر . دازت بالزربة وتبعها اديب حتى هوا كيشوف فجنابو دخل وموراهم سلت جهاد مع جنب الحيط دخل مع الباب ومشا دوز الصاك هوا اللول بالوصاية حتى هوا واحق على صحابو للمكتب دالمدير دق فالباب ودخل بابتسامة لقاهم جالسين بادب ولباقة كيتسناو تميم والمدير كيشوف فيهم بابتسامة
ناض كتب ليه نمرتو فورقة وخداها المدير طواها وجبد بزطامو دخلها وقال
مادموزيل بيان… ماعرضتيناش فراس العام
رجعات ضارت عندو بابتسامة وقالت
من دابا لفوق راك مول الدار بلا ماتختاج عراضة.. مرحبا بيك نتا والمدام والوليدات
ضحك كيشوف فيهم وقال: غير كنضحك معاكم الشباب ها صاحبكم جاي
قالها وعينو على بيان دات ليه تركيزو بقا غير كيشوف فيها حتى دخل تميم وناض جهاد هوا الاول عنقو بقوة باسى وتبعو اديب بالحضن العميق
كيصبروه وبقات بيان جالسة فبلاصتها شافت فيه بأسى ويديها بين رجليها ..تبسم كيشوف فيها وقال
نتي مكتسلميش؟
ناضت بغات تسلم وجرها بقوة من يدها عنقها وكانت حركة كافية خلاتها تخرج مشاعرها رغما عنها ..هزات يديها على عنقو ووقفات على اطراف السبريلة معلقة فيه وبدات كتبكي بقوة بدون شعور
تنهد جهاد وقال مأثر: اوووو بياااان بياااان .. براكة من البكا
اديب بقا واقف كيشوف فتميم معنقها وشعرها مدلي اللور على القب الغليض ورتب على ضهرها برفق وطبب على كتف تميم وقال بابتسامة
راه خدامة معاك ماعندك ماتسالها
بعد تميم وحهه كيضحك وحنكو فازك بدموعها ومسح على ضهرها وهي بحال القطة كتبان قدامو .
بعدات وجهها كتمسح دموعها يخجل وضارت كتشوف فيهم بنص عين وترمش والنخصة كتطلع وتهبط فصدرها ونيفها احمر
جلسات واحد الاريكة بنية من الجلد قدام المكتب وجلس تميم على رجل الاريكة حداها مسح على راسها وقال كيغمز صحابو
توحشتيني ؟
دفعاتو ودورات وجهها : غير بقيتي فيا
خرج لسانو كيضحك وقال كيغمز لجهاد
اااه .
جهاد: كي دوزتي الليلة دلبارح ؟؟ ياكما دوروك ؟
ضار كيضحك عند بيان خبط يدو على القب المنفوخ اللي وراها وقال
بيان مافهمات والو والطبيبة كأنها شكات فشي حاجة وحيدو ليها سروالها وهي كتنين مخلوعة مافهمات حتى حاجة وحشمات تبين انه كتمتل .. نشرو ليها رجليها وهي كتسنا شنو ناويين يديرو وماحسات حتى دخلات فيها الطبيبة جهاز وقفزات بيان من بلاصتها خوتات غوتة وحدة ورداتها الممرضة قائلة
ناضت سلمى ومدات ليها بيان ميتين درهم من بزطامها وخرجات بسرعة شدات طاكسي كتقلب على صيديلة في حين جلسات بيان على اعصابها كتحلل وتناقش بوحدها فالفيلا حتى رجعات سلمى وجلسات حداها جيداتو ليها وقالت
هوا هادا
شداتو بيان كتشوف فيه وقالت: وهادا كي كيديرو ليه؟
سلمى: قالت لي خصها تبول فشي حاجة وتقطرو هنا ..الى طلعات شرطة راكي محاملاش..الى طلعو جوج راكي حاملة .
شداتو بيان كتشوف فيه مطولا وناضت طلعات لبيتها هي وسلمى دخلات للطواليط ورجعات خرجات شادة تيست حطاتو على طاولة المكياج وسنانها على شفاهها خايفة .. شداتو سلمى وقالت ليها
اري نجرب انا غير خليك نتي
قطراتو ليها سلمى وبداو كيتسناو ويشوفو فيه ودقات القلب كتسارع .. اما بيان السخفة شادها ومزيرة على يد سلمى حتى طلعات الشرطة اللولة وقالت بصوت فيه السخفة
ها شرطة
سلمى: ياربي ماتبانش التانية. ياربي يارب ياربي
ضهرات التانية لاكن ماواضحاش وبقاو كيشوفو فيها بتساؤل
بيان: اذا ماحاملاش!!
سلمى: مافهمتش؟؟
بدات الشرطة كتوضاح شوية بشوية وعينيهم كيخرجو معاها تدريجيا حتى رجعات الشرطة حمرا بزاف ..لاحت بيان التيست من يدها وسخفات على الكرسي ويدها على جبهتها كتردد
ناضت كتنقز فرحانة حلات باب الدريسينغ وتنفسات السعادة والانتعاش وبدات تسارا ويدها على قلبها فرحانة وعينها كدمع من الفرحة .. مشات للبيجامات اللي مطويين فواحد المجر بالالوان ناعمين وبدات كدوز يدها عليهم بنعومة وهزات واحد اللون احمر من لحرير ناعم شمات ريحتها وهزات وحدة اخرى بيضاء بحالها نفس الشكل كتشوف فيهم بجوج وخرجات عمد بيان عطاتها البيضاء وقالت
بيان: مافياش دابا باغا نرتاح مغندخل لا فبانيو لا فبير غندوش ونتكى اصلا مازال ماتيقاش
دخلات فشلانة في حين هزات شلمى البيجامة حطاتها عليها قدام المرايا كدور وضحك فرحانة
خرجات بيان ملوية عليها فوطة وفوطة على راسها هزات عينها لقاتها قدام المرايا واقفة لابسة الحمر وكترش الريحة وتلعب بشعرها .. ضارت سلمى عندها كضحك وقالت: كي جاتني
تنهدات بيان وقلبات عينيها بتعب مشات جلسات فطرف الناموسية هزات واحد الكريم دوزاتو على يديها ورج لها ومشحات عنقها بتعب ولبسات بيجامتها البيضا بلا حمالات الصدر ومشات تكات على وسادتها بالجنب والفوطة على راسها شدات تيليفونها فيدها وقالت
تميم صونا عليا ..ماجاوبتوش خلا ليا مسج
ردت سلمى وهي كتشوف فيها وقالت
جاوبيه ..
بيان:شنو غنقوليه ؟ حاملة!
سلمى: شوفيه شنو بغا وصافي
بيان : انا غنصوني ليك الى بقا فايق
حلات س صدايف على صدرها بيناتو وعينها على بيان كتقلذها وجرات السنسلة تبتاتها على صدرها حتى هي كتبين الاثارة وناضت خرجات من البيت صونات على جهاد
فتحات بيان الخط لتميم وحلات ليه لاكام طلع ليها متكي وهي على جنبها متكي وصدرها مدلي لجهة وحدة بلا حمالات صدر والفوطة على راسها طالع ليها الدم والغوباشة على وجهها وقالت
الو
شاف فيها ووجهه كيبان طويل بادي من الفك حتط تيليفون على صدرو وقال
كنتي فالدوش؟
بيان: اه ماسمعتوووشششش
تميم: اش ديك الشوهة درتي؟؟ تقنتي الدور
بيان: تقنتو وتقنيي.. بسبابو انا دابا مريضة كاع طاقتي هدرتها ليوم … دور ليا نشوف الحبس كي داير
ناضت كطير طلعات عند بيان اللي مزالة شادة الخط مع تميم حطات راسها على المخدة كتجمع وقالت ليها
بيان: جهاد جاي يشوفني..انا غنخرج عندو
طلعات فيها بيان وقالت: غتخرجي هاكا ؟!!!
سلمى: ماشي مشكل مغنمشي حتى بلاصة.انا غندير عليا جاكيطتك حتى نرجع صافي. يالاه هانا مشيت
خرجات سلمى سلتة عند جهاد طلعات حداه بالزربة و وحلات لافيست سلمات عليه من الوجه و لاكن جرها وغرقها بوسان وقال
توحشتك..
عض على شفاههو وديمارا جنب ماقدرش سبعد عليها حتى وصلو للفيلا ونزل شاد ليها فيها دخلها ومن الباب بدا كيبرس فيها ويحسد حوايجو وهي كحضحك وتلون قالت ليه
اويييلي بشوية عليك هههه
جهاد : مقادرش نصبر.. توحشتك
هزها هزة وحدة طلعها طاح هوا وايها فوق النموسية وطلع عليها كيبوس ويعنق بجنون تقول عمرو شاف البنات.. عجنها وسط ديك البيجامة وهي كحضحك حضات براسها ملكة فالدنيا .. دغيا حيد حوايجو ومع التحييدة تعرا عليها دابت وهي كتشوف فيه كامل اثارة وجادبية وعنقاتو مررات يديها على كتافو وعلى ضهرو فجو رمنسي
فالفيلا تقلبات بيان على الجهة الاخرى وحيدات الفوظة على راسها بقنط لاحتها وطلقات شعرها كتهضر مع تميم
تميم: يعد غدا الجلسة.. غنشوفو
بيان: ماماك مقالت ليا والو؟ غنكون عارفة القاضي باش غيحكم
تميم: ماعرني حملت شي وحدة ولا حتى ديفييغجيتها كااع
هزات حاجبها من كبر كديتو لاكن تدارك ال موقف يسرعة وقال
نتي… نتي بووووحدك اللي طلعتي فييغج
بيان: ومللي كانت عندك شطاش لعام
تميم: و وااملييي كانت فسطاش كاشي دابافالعشرين!
بيان: هااا يعني حملات منك شي وحدة من قبل
تميم: لااا .. كانو البنات كاملين يالاه اول علاقة ليهم فديك اللاج وكنت كندير علاقات مع اللي قدي!! مالها هادي يالاه عندها سطاش خمسطاش وغادي تكون ديفييغج كاملين يالاه اول علاقة ليهم بحالي بحالهم اما دابا بووحدك اللي طلعتي فييغج
بيان: دابا كنهضر على لحمل انا سمعت حملات منك شي وحدة
تميم: كدوب.. ماحملات معايا حتى وحدة حتى فالسطاش والخمسطاش
بيان: نتا على شحال بلغتي!!
تميم: شي ربعطاش ولا خمسطاش .. نتي دابا اللي جاوبي ..كيفاش تا بقيتي بنت حتى لدابا ؟
بيان: على سؤال!!! مالي شايط عليا راسي اللي جا نقوليه مرحبا
مدام سارة: اذا يتحمل مسؤوليتو .. هوا اول واحد كيتحمل هاد المسؤلية .
بيان: انا مابغيتوش يعرف غيقول بغيت نلسق فيه ولا مانعرف شي حاجة بحال هاكا
مدام سارة: ايييه!! ونتي قادرة بالسلامة تربي هاد البيبي بوحدك !؟ هاا؟ قادرة؟. يالاه عندك عشرين عام و كتقراي فالجامعة وباقي المستقبل قدامك .. باغا تكوني ام عازبة؟؟ مستعدة تمشي للجامعة بكرشك كبيرة ؟ مستاعدة تكوني ام ؟؟ مستاعدة تولدي؟؟ وااش مستعدة تولي ابيان وتكوني ام كتستوعبي شنو جاي مور هاد الحمل؟؟ واهم حاجة كيفاش غتواجهي المجتمع ؟؟ كيفاش غتواجهي العائلة ؟؟؟ فاش يعرفو بيان حاملة ومامزوجاش ؟؟ بيان ولدات وكتربي ولدها ؟؟ معامن ؟ شكون باه ؟ وهي عندها عشرين سنة.. ونفرضو بغيتي ديري علاقة جديدة فحياتك ولقيتي الشخص المناسب.. هاد الولد فين غديريه؟ لمن غتعطيه ؟؟ واش حساب ليك قطة !! راه بيبي هادا ابيان بيبي وغتولديه من كرشك ويبقا معاك الى الابد وخصو ام مسؤولة واش نتي قادرة على هادشي؟؟
هبطات بيان راسها كتبكي وتحركو بالنفي وقالت
لاا
مدام سارة: شخال عندو دابا هاد البيبي؟
بيان: شهر
مدام سارة: اذا عندك جوج حلول.. يا اما غيعتارف بيه باه ويتحمل مسؤوليتو ويدير معاك حل باش تقدري تواجهي المحيط ديالك يا اما هادشي غادي ينزل وفأقرب وقت ..
خودي مهلة للتفكير عندك ثلاتة ايام .. ثلاتة ايام وماعندكش الوقت بزاف باش تاخدي قرارك.. هادشي خصنا نحسمو فيه فاقرب وقت
جمعات داك التيست داتو معاها وخرجات من البيت مشات حتى للدروج وشدات فيهم جاتها السخفة.. دارت يدها على قبلها وفتحات يدها شافت فتيست ماقدراتش تصدق اللي كيوقع وكملات طريقها خرجات
فالفيلا دجهاد خرجات سلمى من الدرش ملوية عليها فوطة كضحك وتلعب على اصابع رجليها وموراها جهاد خارج ملوي عليه الفوطة ووقفها قدام المرايا عنقها من اللور وشم شعرها الفازك وقبلها فعنقها وقال
قبل ماتخرج عدها سميرة عيطات ليها الهام من البيت ومشات عندها سلمى كتجري لقاتها جالسة بالبيجامة جديدة وشعرها قصير كحل مجموع بمقبط كدوز يديها على رجليها وقالت
سلمى/. هانا بغيتني؟
طلات عليها سميرة وقالت : على السلامة… عاد طفات عليك الشمعة.. ايوا والله لا عودتي بتي برا سمعتي .. من ليوم واخا يعيطو ليك من ميريكان 
وصلات السيارة الفاخرة دييان وكان اوتيل فخم شامل لجميع انواع الرفاهية . تبعاتها سلمى كضحك بوحدها وتشوف فجمالية المكان والعطر ديالها وهدوئها .. غادية ساكتة وهازة راسها بكبرياء تابعة بيان اللي مكلفة بكولشي
وقفات بيان فالاستقبال جبدات تيليفونها كتشوف فالصفحة ديالهم وتوريهم داكشي اللي خلاها تمشي حتى لعندهم من بعد شارت بيدها لسلمى وقالت
اجي نجلسو..حتى يوجدو لينا لاميزومبلاص
دارت بيان رجل على رجل وهزات واحد الكارط ديال الاوتيل كتقرا فيه وسلمى كتصور حداها حتى جاو عندهم الموضفين استقبلوهم ودخلو لغرفة تغيير الملابس عطاهم بينوارات فالابيض من. بعد دخلو لواحد القاعة يحال شي جزيرة فالشكل ديالها . فيها مسبح كبير بشكل طبيعي واضائة خفيفة واجواء فقمة الروعة
كانو ناموسيات صغار مفرقين بشكل دائري ووسادات لكل واحد مشات بيان استلقاات على وحدة وسلمى كطبق داكشي اللي كتشوف حتى هي .. تكات جنبها على وحدة اخرى وطلقو ليهم شلال من المياء الدافية قدامهم كتدفق الماء لوسط المسبح وموسيقى هادئة
تبعاتها دخلوهم لغرفة خاصة بغسل الشعر على الطريقة اليبانية فيها بياصات طوال عند راسو مغسل واجهزة خاصة بالتدليك والتنضيف والبخار وتكاو بجوج كل وحدة على واحد..
بيان غير حطات راسها نعسات بسرعة فورما قاصو ليها شعرها اما سلمى الابتسامة على وجهها مافارقاتهاش وكل شوية كدور تبغي تشوف شنو كدير بيان
راحة واسترخاء ومتعة حقيقية.. تنضيف عميق و جلسة بخار ومساج تقشعر ليها الابدان.. بخااار ومسااج.. تنضيف فروة رأس .. صافوناج .. زيوت دافية ..مياه ساخنة .. اصوات يبانية تأسر القلوب.. كانت جلسة كاملة متكاملة شملات الشعر والقرقبة وناضت وراها بيان شادة الفوطة على راسها هي وسلمى في استرخاء ودازو بجوج لجلسة اخرى للوجه دامت لمدة ساعة.. تنضيف وماسكات طبيعية وتقشير ومساج وبخار كذلك تجددو فيها الخلايا وحياة البشرة من جديد وتوردات وسطعات بنور مشع ولمعان حقيقي. شافت بيان وجهها فالمرايا وقالت بميوعة
خرجو من تما مع العصر ركبو السيارة مشاو كيدورو ويقلبو فايليفون على مطعم كيصاوب الدنجال حتى طاحت واحد المطعم عربي ووقفات قدامو ونزلات حلات نيفها فالباب شمات الريحة كلها اللي فالمطعم ودخلات ويدها على قلبها قالت
هي هادي الريحة اللي كنت كنشم فلوتيل
سلمى: اجي اجي نجلسو هنا.. اجي بلاصة واعرة
جلسو بجوج وبلا متشوف بيان الموني طلبات دنجال معمر كما تشهاتو في حين سلمى شاحت قدام الموني كتشير وتشهى وظلب من كل فن طرب.
بيان: عرفتي شنو .. خرج اجاد.. خرج ماباغاش ننهار بسببك انا ليوم درت مجهود باش هاد المهار يدوز على خير ..
طلعات خلانو وقاف وحداه سلمى وحرك راسو بالايجاب وقال
اوكي بب… هاهوا خارج
بقات سلمى لتحت بوحدها عاد جبدات تيليفون. شعلاتو سيفطات مسج لجهاد وطفاتو قبل ماتصوني مها وخشاتو فالصاك
ثلاتة دالليل.. والحبس مافيهش الراحة واللي بغا الراحة كيلقاها فدارهوم .. الحباس كيبقا حباس ومافيهش التيقة .. يحدر الراس ويكون نعام خويا نعام سيدي.. لاكن ضور ويغفلك وتقدر تكون غفلة العمر اللي تقلب حياتك من ابيض لاسود
هنا الحباسا سكتو بزاف وقراو تميم مزيان .. دري نقي .. شاري الموضفة وعندو الفلوس. فلوسو ضارينهم لاكن هنا تميم مشاريش الحباسا.. حقدو وناضو ليه مع الصلاتة داليل وهوا ناعس والكيت فودنو . رشو عليه لابزار على وجهه وناض بسرعة كيعطس ماقدرش يحل عينيه وفهاد اللحضة ماحس يراسو حتى لقا راسو الرسط تحت لكمات الحباسا. ضرب من هنا ومن لهيه وكل واحد كيعطيه بأحر جهدو ولا من يسمع خبارو ولا من يفكو . باش كيضربوه كاقدرش يعرف و كيحس بالموس كيدوز مع لحمو سليخ .. كل هاذ الوقت و هوا صابر للدق والعصا حتى للساعة اللي غيحل فيها عنيها بصح هي اللحضة اللي حس فيها بسروالو تجر من رجليه عرف . قهاذ اللحضة مابقاش كيعقل وختار جوج طرقان . يا يموت يا قتلهم .
إغفر يا تميم الجزء التاسع
محتوى القصة
لايف تحت عنوان " مافضلنا الصمت .. الا من اكاذيب المواقع "
من بعد ماسخناتها مزيان بالمشروب فتحات الكامرة وبدات كتسنا الايف يكبر .. نتاشر اللايف ديالها وتجمعو عندها الصحافة شي داخل مور شي والمأثرين والمدويين ومن هي ودب ومن كل مدينة وصحابها قدامها كيتفرجو فاللايف من تيليفونهم ويقراو التعاليق اللي كيطيرو بكثرة .. عض جهاد على شفافهه كينفض يدو من عدد المشاهدين اللي طلع ماتخيلوش يوصلو لداك العدد الكبير.
هزات عينيها مدمعين بدات الهضرة بصوتها الشجي المصحوب ببحة ورقة وصوت يأسر القلوب .. كانت البحة دصوتها كافيه تعبر على عمق جرحها وعلى الحزن والمأسات اللي كتعيش مع انه صوتها بصييعتو فيه بحة لاكن ساعدها بنسبة كبيرة فالتأثير على المشاهدين وقالت بنرتها الرقيقة كتمسح نيفها بألم
عارفاكم كتسائلو وباغين تسمعو منا حنا وعندكم اسئلة كثيرة ..كم حقكم .. كما حنا شعب واحد.. امة وحدة .. وقلوبنا على بعضنا.. انا عارفة باللي بزاف منكم كيهاجمني .. يمكن لاختلاف الطبقات واخا ديما كنقول ليكم انا وحدة منكم .. تشاركت معاكم الحلو والمر.. السراء والضراء.. ولاكن ليوم ماجيتش باش نهضر على راسي.. جيت نهضر على صديقنا صديقي وعلى عائلتو اللي كتعاني فصمت .. كتعاني وكتتهاجم فقط لسبب واحد!! لاختلاف الطبقات.. هادا غني وهادا فقير والغني هوا الله ..لاكن نهضرو بوضوح .. انا جيت ليوم ناقشكم الموضوع من قلب لقلب.. تعاطفتو مع واحد علاش؟؟ غير حيت خرجات عائلتو بكات وشكات وصورات ليكم دارهم وحياتهم وكنازتهم مع العلم ان اي جنازة كما كانت راه كيكون فيها الحزن والبكا والله يصبر جميع العوائل.. اليوم جيت نقول لأي واحد ..اي مغربي كيخرج يخرم فالصباح مع الفجر..لاي مغربية كترجع معطلة من الخدمة وهازة لوليداتها عشاهم … اي اب واو اخ كيخرج يتسخر ويرجع .. لاي واحد فهادو راه تقدرو مترجعوش ..لاي ام كتجي من الخدمة معطلة راكي تقدري ماتوصليش عند وليداتك..لاي اب كيمشي يتسخر تقدر ماترجعش لدارك ..لاي ولد جا من لاصال ولا من خدمتو تقدر مك ماتعاودش تشوفك.. هادشي كامل بسبب من؟ بسبب واحد يقدر يتعرض ليك ويخشي فيك موس على قبل تيليفون.. ولا على قبل درهم !! تقدري تمشي ضحية .. تقدر تخلي موراك وليدات .. تقدر تخلي مك كتبكي وتتعذب.. علاش؟ حيت تعرض ليك شفار! كلنا كنعرفو تميم..كنعرفو ولاكن مكنعرفوهش كشخص.. انا كنعرفو كشخص.. انسان محترم .. مربي ومخلق ومكيآديش الناس. بعيد على المشاكل..دنبو الوحيد تعرض ليه شفار بموس قد يدي.. ودافع على راسو وبلا نية صدق قاتل…واش كن كنتر فبلاصتو غديرو نفس الشيء؟ واش اللي دافع على نفسو كيتسمى مجرم ؟ واش المجرم عندكم رجع ضحية؟؟ كان ممكن تكون جنازة تميم بلاصة المجرم الحقيقي.. كان ممكن داك الموس اللي كان هازو المجرم يدخل فتميم .. علاش هاد الضلم؟؟ علاش واش حيت واحد عندو الفلوس وواحد ماعندوش؟. اشنو دنبو هوا الو تزاد فوسط غني مثلا واش ماشي من حقو؟؟ الله اللي كيرزق والله اللي كيعطي .. علاش هاد المجرم مشا عندو بغا ياخد ليه رزقو علاش؟ علاش هاد الحقد ؟؟ اشنو دار ؟ طنبو دافع على راسو ومشا للحبس دابا وادمرات حياتو بسبب مجرم تهجم عليه وخرج ليه فطريقو ..كان كيقرا وانسان نقي ما فيه حتى بلية شنو دنبو تمشي ليه حياتو واش هوا ختار يكون غني؟ تعاطفتو مع المجرم وهادا ضلللم ..ضللللم .. حتى تميم عندو مو .. عندو باه .. عندو عائلة كتبكي عليه الذم .. انا ماجيتش نهاجم العائلة دالمجرم .. ولاكن جيت نوضح ليكم نتوما ان العذاب اللي كتعيشو عائلة تميم مضوبل على اللي كتعيشو عائلة المجرم حاليا.. ليوم مشا تميم..غدا يقدر واحد فيكم يمشي.. وهادشي مافيهمش الغني ولا الفقير.. ماشي حيت الفقير فقير غنغفرو ليه اغلاطو.. هوا الفقر خلاه يسرق بلا رحمة بلا شفقة وكن مكانش تميم كان يقدر يكون واحد منكم .. نتا كأب كنتي تقدر ضيع فولدك.. ونتي كأم كنتي تقدري تشواي فكبذتك.. ونتي كزوجة كنتي تقدري ترملي صغيرة .. نتا كأين كنتي تقدر تردا فباك .. بسبب شفار فيدو موس بصوا نص ميترو.. واش ماشي ضلم هادا؟؟ انا مابغيت منكم والو ..بغيتكم تحلو عينيكم .. بغيتو تجيو مع الحق.. واحد خصر حياتو ومشتقبلو وترما فالحبس بسبب كريساج دافع فيه على نفسه..واش يخليه يقتلو ؟؟. هاد الناس ستاغلو نقطة ضعفكم وستاغلو نيتكم الصافية واستاقزونا وطلبو منا خمس مية مليون الى بغاو يتنازلو على القضية.. تصورو معايا ان هدفهم ماشي تحقيق العدالة.. وانما لقاو كنز ومابغاوش يضيعيوه من بين يديه وباش يتنازلو طلبو منا خمسمية مليون ..وغادي نحط ليكم التسجيل ديال ختو كتقول باللي الى ماعوضتوناش مغنتنازلوش. باش نأكد ليكم صدق كلامي. دابا انا بغيتكم كلكم ..كاع اللي مع العدالة وضد الكريساج .. يقول معايا .. العدالة لتميم البيستي.. العدالة لتميم البيستي. وشكرا ليكم وعندي تقة كبيرة فيكم .. وشكرا لجميع المؤثرين واحد واحد اللي وقفو معانا ومامشاوش مع الموجة شكرا ليكم بزاف
قطعات ومحات دموعها وهي كتشهق بالبكا وهزات كاس دالماء خلات كاع اللي قدامها مصدومين ..شربات وتنفسات وقالت
هاحنا هضرنا معاهم دابا باللغة اللي كيفهمو ..غنشوفو فين غتوصل ..الله يعطيهم العذاب سخفوني
تصدمو فيها كاكملين وبقاو غير كيشوفو ماتيقوش اش شافت عينيهم اما جهاد كان متوقع منها اي حاجة ومجاتوش الصدمة كبيرة
صفر اديب كينفض يدو مع الهوا وقال
تقت بيك… انا كن ماكنتش عارفة داك كنت غنتعاطف معاك ودابا وقنعتيني
جهاد: الصراحة قنعتينا…اما فاش بديت عليهم بالدين هنا ماعرفتكش.. صافي
جيداء: ميمكنش!! ناري عيني دمعو البكية تقنتيها بزاااف !! الصراحة ماحسابنيش نتي هاكا علطت فيك النهار الاول فاش جيتي سكران
ضحكات بيان وهزات كاس مشروب فيدها ووجها مزال حمر ونيفها كيسيل وقالت
حساب ليك مكلخة ههه
اديب: حتى انا الصراحة ماكنتش متوقع هاد الشخصيةً!!! بززاف قوية
بيان: دابا مزااال مللي خرجت خرجت وتفركعت عليهم. عاد غيشوفو العجب.. بغاو البكا والتمثيل هانا غنفرجكم ..غدا غنمشيو عند تميم نصور ليهم من باب الحبس ..شحال تحطو تا نسخف ليكم ههههه
جهاد: ديريها .. والله تا ديرها
بيان: ومالي منديرهاش والله تا نسخف .. جيبو ليا لومبيلونص ماتهزونيش نتوما .. بغيت نمشيو بالاشهار كما هما دارو اشهار للكنازة تا حنا نديرو اشهار للسخفة شنو بان ليكم
جيداء: هييه!!! غتشخفي!! ولاكن ماتنسايش راه غيشوفوك لألبة حتى هما ترضاي على راسك
هزات الكاس فالسما سكرات وقالت كضحك بصوت تقيل
تبا لكم يا ابناء الاغنياء المدللين … اليوم علي وغدا عليكم . عليكم اللعنة صبا صبااااا
تقلب جهاد اللور كيضحك وكلشي قلبها ضحك وأيدوها على السخفة وتافقو يمشيو معاها لاكن بلا ميبانو فالواجهة .
هز جهاد يدو سكران وقال: تسناو.. نشوفو تأثر بيان على الناس.
دخل كيشوف لقا اللايف ديالها منتاشر فجميع الصفحات ومنين داز كيطلع والهاتطاق ديال العدالة لتميم. البراءة لتميم . هز راسو كيضحك وقال
صافي وصلات… بعدا البنات بالجهد مطلعين الهاتطاق..السب ناااري بنادم مطايف فالتعاليق .. تسناو نلقط ليكم شي وحدين
هادي بنت… حنا الريح اللي جا يدينا اصلا شداه ليه بغا يكريسيه اش كيدير واحد بحالو فحي راقي شداه لتما مامشا الا وكان غادي باش يكريسي شي واحد
بيان: دابا مزياان… حلو عينيهم شوية الاغبياء
جهاد: سمعو هادا … ما كي.. نا ماعرفت باش كيكتب هادا حيد عليا … هادا واحد اخر قالت .. المجرم خاصو الحبس كن بقا حي كن غتاصب شحال من وحدة وكريسا شحال من واحد انا مع تميم
اديب: هااا.. على سلامتهم.. شتي كن بقينا ساكتين مانديرو والو على الاقل السلطات تلقا كي دير تفكها بلا ضجيج..خاص الشعب يتعاطف… غدا غيطلع باه ولا مو ولا داك الخامج دخوه يبلبل فالصحافة
بيان: هوا يبلبل وانا غنرد..تانشوفو شكون غيعيا ياك انا قلت ليكم غنسخف..صافي غنسف عزيزة على متابعيني الى شافوني سخفت غينوضو يديرو حملة.. هادشي لصالحي حتى انا غيطلع ليا لكونط مزيااان كنحتاجو فيحال هاد المواقع والترويج للماركة ديالي هه
اديب: بيناتنا دابا واش بغيتي ديري البوز ولا بقا فيك تميم
بيان: طبعا بغيت تميم يخرج ودوك المسخين ستافزوني عصبوني ماكرهتش نسد عليهم كاملين فشي فران ونشوطهم كي دار هتلر لليهود
خرجات جيداء عينيها فيها وغمزاتها على براد لاكن بيان هزات كتفها وقالت
هييه!! ناري عندي الزهر قلتها بالدارجة
جهاد: اجي واش تميم عندو تيليفون ؟ نعيطو ليه يجاوبنا؟
اديب: تيليفون فالحبس ميمكنش
بيان: اممم كيدخلو حتى الايباد ماشي غير تيليفون ..كنضن موحال حيت كن كان عندو كن عيط..ولاكن غدا ندخلو ليه تيليفون فشي طرف دالخبز
جهاد: راه ميمكنش نتي ابيان اللي شافك يقول مدوزاه
بيان :واش نتا ماعايشش؟ مكتفرج ش فالناس… تأ ماعرفت شنو يكون تميم كيدير دابا ؟
فالزنزانة والطناش دالليل..شعل واحد الموسيقى وطلق الواي واي لاكن ناض ليه اميم طل عليه وقال
نعس
الحباس: كيفاش نعس!! غنتفركعو اصاحبي
تميم: وانعسسسس غنوض نهرس مو..طفي عليا داك الضو وقطع الحس ..وبلا ميشعل فيكم شي واحد كارو مع ثلاثة دليل هانا دويت
صبح الحال وخرجات مدام بهية خلسة بلا حتى واحد مايعرف .
ركبات سيارتها لابسة كلشي اسود كلاس ونضارات كبار مربعية وتنفسات بعمق قائلة للشيفور
داكشي كله اللي وصيتك عليه جبتيه؟
سعيد: كلشي فالكوفر امدام .. مدام .. داكشي اللي وصتيني عليه درتو جمعت كاع داكشي اللي كان فسيارة مسيو تميم وجبتو فهاد الصاك
مدام بهية: ماشي وقتو دابا فكرني فيه فاش نرجع ..يالاه
انطلق الشيفور فاتجاه الحبس لاكن فسيارة داسيا كحلة باش متلفتش انضار الناس ليها .. وصلات للباب ونزلات بسرعة كتمشا داخلة ومهبطة راسها وتبعها خوها جنبها والمحامي اللي كانو كيتسنارها توصل كيجري بالمحفضة فيدو والشيفور هاز الصاك فيدو دخلو بلا مايشوفهم حتى واحد مشاو مباشرة استقبلهم مدير السجن اللي كان في انتضارهم فالمكتب ديالو من بعد ما تفارق معاهم الشيفور لداخل ودوز الصاك بالوصاية
جلسات مدام بهية
على الكرسي واستقبلهم المدير احسن استقبال هي وخوها والمحامي
حيدات النضارات ويان الشحوب والتعب على وجهها واخا مغطياه بالمكياج وحتى صوتها مشا ..بتعب قالت
كي دوز الليلة اللولة؟؟ ولدي مامولفش انا كنعرفو
المدير: ماتخافيش .. حاضين راه بايت العساس حدا الباب راد البال للغرفة اللي هوا فيا
جبدات واحد الشيك حطاتو ليه وقالت
هادا للموضفين اللي هنا مابغيت حتى واحد يقرب. ليه.. خايفة عليه من المجرمين اللي هنا .. ولدي نية والنية ديالو اللي وصلاتو لهنا .. راك سامع كولشي دابا حتى حاجة مابقات مخبية.. انا ولدي كاير فييئة نقيااا فمحيط نقييي مع ناس نقيين مافيهمش الخبث.. صريح مكيكدبش و مكينافقش ومكيغدرش.. خايفة عليه من وجوه الشر
المدير: حنا دايرين مافجهدنا واكثر:. لو عليا نعطيه غرفة خاصة..ولاكن راكم عارفين دابا المشكل فالصحافة اللي كتخرج الاخبار ..بغينا نبقاو حياديين بعيد على كلام الصحافة والتمييز بين الطبقات..كنت كنتمنو لو كان هادشي بيناتنا ما وصلش لاعلام كان غيكون الوضع مختالف .. ولاكن كلنا عارفين الاعلام ..عندو مصادره الخاصة منين كيلتاثط الاخبار وكيدير اللي فجهدو باش يجيب اخبار تعمل البوز
مدام بهية: لولا الفضيحة اصلا ماكانش غيوصل هنا .. انا ساكتة على قبل صورتنا ومكانتنا فالمجتمع اما بإمكاني نطلعو منها بحال الشعرة ..ولاكن بسبب الاعلام وقضية الرأي الهام هاحنا دابا كندوزو من هادشي ودايرين للناس خاطرهم بزز منا
قلبات وجهها كتغدد وخوها شاد فيدها جنبها كيصبرها ويقول
حنا دابا الهدف ديالنا نتبتو البرائة .. ياك هضرنا فها دشي بلا منعاودو ابهية ..شوية دالصبر ..
بهية: مايتضدر الحكم حتى يوليو ليا انا ولدي حباس!!و حتى تدمر نفسيتو !!
زير عليها خوها وقال: الصبرررر..خاصك تصبري ماعندنا حتى تحل.. حنا امام قضية رأي عام وماشي فمصلاحتنا نقومو بشي خطأ.. صبر ابهية الصبرر
وهما كيهضرو امر المدير يجيبو ليهم تميم ودخل عليهم وهما فنقاش بشعر منكوش وعينيه مجبدين باين عليه يالاه فايق. طارت عليه بهية تعلقات فيه وعنقاتو كتبكي وتبوس فراسو وفحنكو وتردد
سمح ليا ولدي سمح ليا الحبيب ديالي .. سمح ليا خليتك هنا سمح ليا
ضمها بقوة زير عليها وماتفرقو حتى فرقهوم خوها و تعانق معاه وبهية كتبكي .. عطاوها قرعة دالماء صغيرة وخلاوها رتاحت في حين حط الخال يدو على ركبة تميم وقال
كي دوزتي الليلة ياكما تعدبتي
هبط راسو ويدو على فمو وقال: لا عادي عادي ..كاين شي جديد؟؟
شدات فه بهية وقالت: كاين… مغنخليكش هنا كنواعدك.. لبارح خرجات بيان فواحد اللايف قلبات كلشي لصالحنا وهادي خطوة ممتازة .. المعارضين كلهم فصفنا دابا وخاصنا نحافضو على هاد التعاطف حتى للساعة اللي تخرج فيها بريئ
تميم: اشنو قالت بيان؟؟
بهية: مقالتش شي حااجة ولاكن ضرباتهم للنخاع وقلبات الموازين كلها .. قولي نتا كي دوزتي الليلة دلبارح واش تعدا عليك شي واحد؟ قولي قولي متخافش قوليواش بسل عليك شي واحد
تميم: اش غيبسل .. انا بغيت شي معطر ولا شي حاجة للشومبر .. اي حاجة تنفس البيت كيخنق
شافت مدام بهية فالمدير وقالت
كيفاش البيت كيخنق مصبغتوهش قلتو غتصبغوه
تميم: وا مصبوووغ وبنادم كيخنق
زيرات عليه وقالت: غير صبر.. صبرررر غادي تخرج من هنا فأقرب وقت والمعطر ليوم يكون عندك .. كون هاني ..كليتي شي حاجة ؟
شدات ليه وجهه ودوره قال
مافياش
بهية: اويلي بغيتي تموت؟؟ ماجابوش ليك الماكلة
تميم: ماقديتش مسدودة ليا الشهية
مدام بهية : جيت ليك حوايجك باش تبدل ..فوطتك شمبوان صندالتك كولشي جبتو حتى الغطا جديد كاع اللي تحتاج والماكلة اللي دوز ليك هاد اليوماين .. اي حاجة بغيتيها قولها ليا نجيبها ليك
تميم انا خصني معطر ماقادرش نجلس فديك الشومبر
كمداتها بهية والجلسة مع ولدها دوزاتها بكا .. هضر معاه خالو والمحامي تفاهمو معاه على كلام واحد يقولو فالمحكمة ووصاوه وتوادعو معاه بزز وهرج مشا خلاهم فالمكتب جالسين
ناضت مدام بهية هزات صاكها وقالت قبل متخرج
انا ديجا وصيتك على الماء.. دخلو ماء معديني كيشرب الماء بزاف الله يخليك .
المدير: دخلناه ليه امدام لبارح .. ماعندك مناش تخافي عندو الماء موجود وكل نهار ندخلو ليه عشرة لتر والى حتاج اي حاجة حنا هنا نتكلفو وانا بيدي نتاصل بيك امدام رتاحي
صافحو خوها وقال
شكرا .. بلا منوصيك .. المحابسيا الله يجازيك بلخير
تبسم المدير وصافحو وقال: الله اودي اسي بن موسى نعس على جنب الراحة
خرجات العائلة وهز المدير راسو خرج عند الموضفين تما جمع واحد الربعة اللي كيعسو فالساحة وصاهم مزيان وقال بصرامة
الى وقع شي مشكل غتحملو المسؤولية .. هذاك بالضبط مايوصلو حتى واحد ..ضبطو ليا الحباسا وردو بالكم يالاه
خرجات مدام بهية مخبية شادة فخوها دوزها بلا ميشوفها حتى واحد لاكن بيان هبطات نضاراتها الشمسة كتحقق فيها وقالت
اجي..ماشي مدام بهية هاديك؟
تلفتو الاصدقاء اللي كانو تما ناويين يدخلو وقالو
ااه!!..هي
جهاد: وعلاش جات فداسيا !!
اديب: يمكن مابغات حتى واحد يعرفها من حقها ..الصحافة دابا غير كترصدها ماعندها شغل من غير هاد القضية.
بيان: ايوا عندها الزهر ماعلمناهمش دابا باش يجيو يصورو السخفة.. عندها الزهر خليناهم حتى نكونو خارجين اما كن جلطوها .
جهاد : يالاه يالاه قبل مايشوفنا شي واحد.. بلاتي..دخلو واحد بواحد ماتمشيش فدقة ماتعرفو الصحافة فين مخشية.. مافيا اللي يطلع فشي فيديو يورطني مع الواليد
اديب: خاصنا كود بيستو اصاحبي يدخلنا كلنا
جهاد: دويت مع واحد معرفة دوا مع المدير هنا علمو وعطاه سمياتنا .. حبد لاكارط فيدك ولاباسبور ديالك وريه ليهم ودوز دغيا..يالاه سربيو راه وصاني ندخلو بلا فضيحة بلا سين وجيم ولا حتى واحد ميعرف..بيان طيري نتي اللولة
بيان: والصاك ؟ غيقلبوه
جهاد: انا غنهزو غير دخلي وموراك
جيداء: انا غنبقا مع براد حيت نسا باسبور ديالو
جهاد: واخا طلعو فطموبيل ماتبقاوش واقفين .. اي حاجة بانت ليكم ماشي هيا هاديك عيطو لينا فتيليفون .. الصحافة لا الصحافة لا الصحافة لا انا كنوصيكم اي واحد شكيتو فيه ضاروري تعيطو
بيان: يالاه هانا مشيت
دخلات بيان مغطية شعرها بالقب لابسة كولون كحل بالطوب ديالو ودودون قصيرة كحلة منفوخة من الجلد رطب وبالونصياكة فرجليها وحاكلة صاكها قدامها بحزام طويل والقب على راسها ونضاضر . دازت بالزربة وتبعها اديب حتى هوا كيشوف فجنابو دخل وموراهم سلت جهاد مع جنب الحيط دخل مع الباب ومشا دوز الصاك هوا اللول بالوصاية حتى هوا واحق على صحابو للمكتب دالمدير دق فالباب ودخل بابتسامة لقاهم جالسين بادب ولباقة كيتسناو تميم والمدير كيشوف فيهم بابتسامة
مد جهاد يدو وقال
جهاد العمراني الشريف
المدير : متشرفين.. شخبار الواليد لاباس عليه
جهاد: لاباس شكرا
المدير : مزال برا مادخلش
جهاد: دابا خدمتو كلها برا قليل فين كيدخل
المدير:كيعرفني الواليد ديالك ..سلم عليه
جهاد: وا الصراحة هوا معارفنيش جيت هنا ..داكشي ههه داكشي مخفي
تبسم المدير وشاف فييان وقال
مادموزيل بيان العلوي..
ضارت عندو بابتسامة كتجبد شعرها قدامها وقالت
نعام اسيدي
تبسم وقال: كنعرفك..كنعرفك مزيااان .
بيان برقة: اصلا كلشي كيعرفن الحبس هانا وصلت ليه
ضوروها ضحك بيناتهم وتلفت المدير عند اديب شاف فيه وقال
صديقكم ؟
جهاد: اديب سميع طالب فالطب وصاحب كلينيك فلندن .. وقريب غيفتحو كلينيك خاص بالتجميل
المدير: متشرفين .. هي غنجيب المدام تصغروها ليا
ضحك اديب بخجل وقال: مرحبا فأي وقت نخلي ليك التيلفون ديالي تاصل بيا
ناض كتب ليه نمرتو فورقة وخداها المدير طواها وجبد بزطامو دخلها وقال
مادموزيل بيان… ماعرضتيناش فراس العام
رجعات ضارت عندو بابتسامة وقالت
من دابا لفوق راك مول الدار بلا ماتختاج عراضة.. مرحبا بيك نتا والمدام والوليدات
ضحك كيشوف فيهم وقال: غير كنضحك معاكم الشباب ها صاحبكم جاي
قالها وعينو على بيان دات ليه تركيزو بقا غير كيشوف فيها حتى دخل تميم وناض جهاد هوا الاول عنقو بقوة باسى وتبعو اديب بالحضن العميق
كيصبروه وبقات بيان جالسة فبلاصتها شافت فيه بأسى ويديها بين رجليها ..تبسم كيشوف فيها وقال
نتي مكتسلميش؟
ناضت بغات تسلم وجرها بقوة من يدها عنقها وكانت حركة كافية خلاتها تخرج مشاعرها رغما عنها ..هزات يديها على عنقو ووقفات على اطراف السبريلة معلقة فيه وبدات كتبكي بقوة بدون شعور
تنهد جهاد وقال مأثر: اوووو بياااان بياااان .. براكة من البكا
اديب بقا واقف كيشوف فتميم معنقها وشعرها مدلي اللور على القب الغليض ورتب على ضهرها برفق وطبب على كتف تميم وقال بابتسامة
راه خدامة معاك ماعندك ماتسالها
بعد تميم وحهه كيضحك وحنكو فازك بدموعها ومسح على ضهرها وهي بحال القطة كتبان قدامو .
بعدات وجهها كتمسح دموعها يخجل وضارت كتشوف فيهم بنص عين وترمش والنخصة كتطلع وتهبط فصدرها ونيفها احمر
جلسات واحد الاريكة بنية من الجلد قدام المكتب وجلس تميم على رجل الاريكة حداها مسح على راسها وقال كيغمز صحابو
توحشتيني ؟
دفعاتو ودورات وجهها : غير بقيتي فيا
خرج لسانو كيضحك وقال كيغمز لجهاد
اااه .
جهاد: كي دوزتي الليلة دلبارح ؟؟ ياكما دوروك ؟
ضار كيضحك عند بيان خبط يدو على القب المنفوخ اللي وراها وقال
يدوروني.. سميتي بيان؟
نترات يدو بنرفزة : بزاااف عليك … كوراه شبعوك عصا
جرها من راسها كيضحك وقال : كليت قتلاااااا
اديب: ضربوك ؟؟
تميم: اش غيضربو والله تانعوج مهم
ضارت عندو بيان مصدومة وقالت: هاي هاي هاي تفرماطيتي!! دغيا
ضربها لحنكها بصيعو وقال: حسابك كيهضرو بلونكلي لداخل؟
جهاد: وااايلي تخصاار ديال الهضرة نييت
تميم: وشنو حساب ليك؟؟ الجامعة هادي!
اديب: بااينة اصاحبي غيكون فمهم خانز راه الحبس هادا
تميم: قولها ليه..
بيان: شحال نتوما
تميم:ستة.. يالاه دخلي تجربي
نترات ليه يدو وقالت : الله ينجيني نتاحر قبل مانوصل
جهاد:بصح اصاحبي واش وقعو ليك شي مشاكيل لداخل؟
تميم: مكاين لا مشاكل لا والو
اديب: مزيان بعدا يعطيوك تيساع هاد الايام اللي غذوزها معاهم.
بيان: كي جاك الحبس؟!!
هز حاجبو فيها وقال: واعر فحال لوتيل ..يالاه تجربي
بيان: لاالالا الله يستر
تميم: تجربي مع البنات .. مع الدخلة يقرعو ليك هادالشعر الزوين ههه ( دوز يدو على شعرها )
جمعات شعرها قدامها وقالت: ناري كيجلب ليا الطاقة دالحبس.. بعد مني
شاف المدير الساعة وقال: الشباب.. مرة اخرى ان شاء الله
بيان: ان شاء الله مغتكونش مرة اخرى
ناضو حضنوه واحد واحد ووصل حتى لبيان الحضن مع باسها فعنقها دوخها وداز حضن جهاد اللي عنقو وهمس فوذنو
نتعايطو ..اوكي
ودعوه وخرجو وشكر المدير بابتسامة ومشا للشومبر ديالو لقا جوج موضفين السجوج تما حدا الصيكان .. كان الباب محلول والشومبر خاوية وكلشي خرج للساحة دخلو ليه الصيكان ومشاو خلاوه جالس على واحد الطبلة جر الصاك دصحابو هوا الاول لقا فيه الماكلة وقراعي دالمناضة.. سبق من كوكا حلها هي اللول بغا ينتاعش لاكن تفاجأ وبعدها على فمو كيشوف فيها وقربها لنيفو شم الريحة وضحك على الشراب ا دخلو ليه بلاصة الموناضة
بدا كيجبد ويحط قدامو لقا حلويات منشطة كلها بروتينات خاصة بالرياضة . بكيات كبار شي فوق شي مجموعين بلاشتيك كلهم بروتينات .. تفكر ماقاليه جهاد فودنو وبدا كيقلب ويجبد ويحل فكلشي حتى طاح على بلاستيكة طويلة ديال توست حلها وبدا يجبد وحدة بوحدة ..وصل لوسط لقا الوسط ديال توسط كامل خاوي غارق وسطو تيليفون ملوي فالسولوفان وفوقو شارجور وكيت خرجهم كيضحك وفتح القرعة دكوكا وكان معاها كاس فالصاك مغلف بالكارتون عمرو شراب وبدا يشرب .. لقات مع تيليفون جوج كارطات وورقة مكتوب عليها بلونكلي
جبنا لك جوج على حسب الريزو برو
كمشاها كيضحك وحل تيليفون كيجرب الكرطة اللي يشد فيها الريزو مزيان . غير شعلو صونا ليه تيليفون وفتح الخط كيضحك
جهاد: وافين ا برو .. وصلاتك الامانة
تميم: فكرتو فكلشي هه.. ماعندي منقول
جهاد: عيش ليا مع راسك ههه الى خاصك شي حاجة قولها
تميم: ماخليتو ليا مانقول مزيان دخلتو ليا تيليفون كان ناقصني
جهاد: القرعة وصلات
حط تميم الكاس وقال: وصلات
جهاد: يالاه رتاح ليا مع راسك ودخل تفرج ليا فاخر الاخبار غنسيفط ليك الليان دابا.
تميم: كنسمع صوت لومبيلونص
جهاد: دخل اصاحبي الليان غيوصلك دابا
قطع وتوصل بالليان على الفور دخل كيتفرج طلعات ليه بيان كتبكي وتمسح وجهها وتشكي قدام باب الحبس ..الفيديو كيقطع فالقلب تقطاع وبالدموع بقات كتبكي قدام الصحافة وكلشي كيصور حتى طاحت فالارض فقدات الوعي. وقف من هول المنضر كيشوف اشنو واقع فالفيديو والليان تابع ليان كيوصلو مصورة فلومبيلوص وقدام كلينيك مدخلينها بالاكسوجين غايبة وعينيها مقلوبين فالسما . تاصل على الفور بجهاد اللي كان فسيارتو على برا قدام باب الكلينيك هوا واديب وجيداء وبراد وقال
الو تميم شفتي داكشي اللي سيفط ليك
رد تميم على الفور : شنو وقع مالها بيان ؟. شكااين؟؟؟؟
جهاد: اابلا متخلع مكاين والو ..شوية ديال الدراما وصافي
تميم: كيفاش الدراما واش البنت خارجة كتبكي غتموت وطايحة فالارض وداخلة للكلينيك وكتقول لي دراما اشمن دراما
جهاد: ومكاين والو هادشي حنا متافقين عليه.. حنا دابا معاها كااملين وعيطت لسلمى دخلات معاها للكلينيك ومزال غتصورها من لداخل وفاش تسيفط ليا نسيفط ليك .. المهم هادشي كامل فيلم وكدوب وغنشرح ليك من بعد دابا الدنيا مقلوبة هنا .
تميم: مفاهمتش شرح ليا دااابا
جهاد: تافقنا باش بيان تسخف ونستعطفو الرأي العام حيت بنادم كان هابط عليك بالهاشتاق باغي يغرق وعائلة الهالك طاعلين كشوية كيستعطفو الشعب وهادشي أثر على السلطات ..حنا تافقنا نديرو معاهم خو لعبهم .. غير حنا مكنبانوش مي بيان ماعندهاش مشكل قالت ليك حتى واحد ماغيحاسبني انا نبان انا نعبر نشينا معاها فالخط ..دابا دخلوها ودخلو معاها شي صحفيين ينقلو الاخبار باش يبان داكشي بصح ماشي فايك
جلس تميم تنفس وقال: بففف كنتو تعلمونا اصاحبي.. حساب لي هادشي بصح
جهاد: كي جاتك تقنات الدور
تميم: وقفت اصاحبي!! حسابني بصح!! وامسخووطة هاد بيان
جهاد: قطع قطع سلمى سيفطات ليا شي حاجة
قطع جهاد وتميم وكانت سلمى مع بيان فلكلينيك دخلوها نعسوها وهي كتحل عينيها نص حلة ساكتة.. مافهموش الاطباء مالها علاش جات سخفانة وبداو. يفحصوها وهي كتحس بلا متشوف.. حسات بطبيبة كتقلب ليها صدرها ومتبرك عليه وحلات عينيها بتتاقل كتنين والطبيبة كتقوليها
باش كتحسي؟؟. كضرك شي حاجة
شدات بيان فراسها بدوك الطفار الطوال المصبوغين بلكرونة ومزوقين بالحجر وقالت فيا الدوخة
الطبيبة: واش كتشربي شي دوا؟؟ عندك شي مرض؟
بيان: ننن .. لاااا راسييي
شارت ليهم الطبيبة يردو الريدو وقالت
واخا … تعاوني معانا شوية… هزي لباسان ديالك نقلبك
بيان مافهمات والو والطبيبة كأنها شكات فشي حاجة وحيدو ليها سروالها وهي كتنين مخلوعة مافهمات حتى حاجة وحشمات تبين انه كتمتل .. نشرو ليها رجليها وهي كتسنا شنو ناويين يديرو وماحسات حتى دخلات فيها الطبيبة جهاز وقفزات بيان من بلاصتها خوتات غوتة وحدة ورداتها الممرضة قائلة
غي صبري ماتخافيش
بيان : شنو كديرو !!!! نمشي بحالي
الطبيبة : ماتخافيش.. صبري شوية قريبة نسالي.. صبري .. مزوجة ؟
بيان بخوف وفزع : الااا!!! مكيضرني والو كنتقصصصحح
الطبيبة: اممم… سبق ليك مارستي الجنس من قبل
دورات بيان عينيها فيهم وقالت: علاااش؟؟
الطبيبة : راكي حاملة امدام
خزجو عينيها فالطبيبة وضارت شافت فالشاشة مصدومة وقالت
ماسمعتش مزيان!!!
خرجات الطبيبة الجهاز وقالت
راكي حاملة … عندك شهر
رجعات اللور على ضهرها تكات كتشوف فالسقف وعينيها كيمشيو ويجيو وكتردد
ميمكنش.. ميمكنش.. كنحلم .. غير كنحلم وغنفيق دابا
شدات فيها الممرضة نوضاتها حتى لبسات كولونها ووقفات تابعة الطبيبة بهستيرية
بيان: ميمكنش نكون حاملة .. مستحيل … يمكن غلطتي ؟؟ يمكن ماشي انا
جلسات الطبيبة وضحكات بخفوت مستهزأة:
غلطت! هه
دورات راسها وهزات ورقة كتكتب فيها في حين بيان دايخة كتمشي وتجي وكتردد
مستحيييل .. لالالا ميمكنش !!! انا حااملة؟؟ كيفاش؟؟ كيفاش حاملة مستحيل(شافت فالطبيبة) شوفي مرة اخرى تقدري تكوني غلطتي؟؟
هزات الطبيبة حاجبها وقالت ببرودة
غلطت!!! واش نتي غتوريني خدمتي؟؟
شدات بيان وجهها مصدومة وفجأة تلفتات عند الطبيبة انتبهات لطريقتها فالكلام معاها وطلعات فيها باشمأزاز وقالت
نتي بعدا شكووون اللي تهضري معايا بهاد الاسلوب. ؟؟؟ هاا؟؟؟ سنو سميتك بعدا
هزات السمية قراتها ولاحتها ليها فوق البيرو وقالت باشمأزاز
عارفة راسك معامن كتهضري
وقفات الطبيبة وقالت
حتارمي راسك الاللة راكي فكلينيك
هزات بيان يديها مشمأزة وقالت
اييي..شكون المدير دهاد الكلينيك.. مغنهضرش معاك نتي نتي غير خدامة هنا الهضرة مع المدير اللي كاري ليك هاد المكتب
خرجات بيان ويدها على راسها لقات سلمى كتسناها وشافتها كتبكي وقلبها غيسكت ومشات كتجري عندها سولاتها لاكن بيان صداتها بيدها وقالت
حتى واحد ميهضر معايا… بعدي مني
شدات وجهها كتجري وتردد
ميمكنش.. غنتسطا ميمكنش نكون حاملة
وقفات فالاستقبال كتلهت وتبكي وي ها على حنكها سولات على المدير وفي الحال كلموه ليها مشا عندها بالطبلية حتى هوا مستغرب وهي فديك الحالة منهارة
هزات صبعها بقرف وقالت بغيض
انا عمرني شفتي شي ندالة وشي قلة اداب قد اللي شفت فهاد البيرو … انا مغنسكتش على قلة الاحترام اللي تعرضت ليها عندك هنا فهاد الكلينيك .. اللي اصلا ماعمرني جيت ليه ومغنجيش ليه وغنفضحو ادكتور
خرج عينيه فيها وكلشي كيشوف هدنها وقال
مادموزيل.. تهدني .. واجي معايا للبيرو نفهمو منك شنو واقع.
بيان: معنمشي معاك لحتى بلاصة… ومدام الصحافة هنا مزيان باش يعرفو شنو كاين انا دااابا غنخرج عندهم وغتعرف اشنو كاين
شدوها الممرضات بهدوء هدنوها وهي كتبكي وتنخصص ويدها كترعد وبشوية داها الطبيب للبيرو عندو جلسوها وعطاوها الماء.. قلبها بغا يسكت وراسها تزير ووجهها رجع احمر .. فهم منها بصعوبة سبب المشكل وسألها على اسمها وشارت لصدرها عرفاتو باسمها وللعائلة للي كتنتمي ليها وبلاصة مايجيب ليها قهوى جاب عصير حطوه ليها وهدئوها وناض بغضب خلاها جالسة كتبكي ومعاها الممرضات وحدة كتهدئها وحدة كتعير ليها الضغط. جاب ليها الطبيبة حتى لعندها وقفها مخنزر وعتادرات منها ونيفها فالارض وخرجات والدمعة فعينيها والطبيب وراها كيتكلم الفرنسية وبالزربة وبخها توبيخ كامل ورجع معصب اعتاذر من بيان وماخلاوهاش تخرج من تما فديك الحالة لاكن هي ماقدراتش تبقا اكثر وماقدرتش تسكت وفضلات تخرج .. خرجو معاها الممرضات وكانت الصحافة واقفة مجموعين صوروها خارجة فديك الحالة وسلمى تابعاها .. دفعات الميكرو من قدامها مغطية وجهها كتبكي ومشات كتجري ركبات فالسيارة اللور مع جهاد وركبات جنبها سلمى بسرعة وطارت السيارة من قدام الكلينيك . ضحكات سلمى كتشوف فيها وقالت
ناري انا تيقتك.. والله حتى تيقتك
جهاد: تستاهلي الاوسكار
اديب: بيان تعمقتي فالدور صافي راه مشينا
هبطات وجهها قدامها كتبكي وقالت
بغيت نمشي فحالي… وصلوني لداري مابغيت نهضر مع حتى واحد
جهاد: هههه غنعطيك الاوسكار
هزات راسها سخفانة بقوة البكى واديب كيدور عندها ويضحك وقال
وصافي عجبك الدور
عيات وميلات راسها قائلة
مابغيييتش نهضر.. بغيت نمشي لداري
وصلوها للفيلا كيشوفو فيها مافهمو والو ونزلات دغيا ماهضرات ماتكلمات وتبعاتها سلمى كتجري دخلات معاها كتسول مالكي مات مالكي وبيان فقلب الدار كدور فبلاصتها ويدها على راسها كتردد
مستحييل… مستحيييل شي حاجة ماشي هي هاديك ديك المكلخة كدبات عليا.. بغات تعصبني غاارت منييي… حسدااتني
سسلمى: شكون اللي حاسدك مالكي واش مع الطبيبة اللي دوزات ليك؟
بيان: اوييلي غنموووت … ميمكنش … ميمكنش
سلمى: شنو اللي ميمكنش؟؟ هضري غير نفهم
ضارت عندها بيان كتحيد الجاكيط وقالت
ديك بنت الحرام قالت لي نتي حاملة!!! واش انا حاملة ؟؟. هاا واش انا حاملة !!
فشلات سلمى وجلسات على الاريكة كتشوف فيها تقطع ليها ليها الحس.. اما بيان ضارت بيها الدنيا .. جلسات شدات وجهها وهبطات راسها كتشوف فالارض مطولا استندفات كاع طاقتها وسكتات بقات كتشوف فنقطة وحدة مصدومة ومعنقة مخدة فوق الاريكة وسلمى حداها ساكتة كتشوف قدامها وخافت تنطق وطير عليها بيان
عيات تسكت وقالت : واش نجيب ليك تيست من الفرمسيان ؟
دورات بيان عينيها شافت فيها وقالت : اشمن تيست؟
سلمى: تيست ديال الحمالة !! معروف كيقيلو ينشروه فلكروبات
بيان: انا اصلا ماحاملاش…ديك الكلبة غير غارت مني
سلمى: الصراحة ميمكنش كما قلتي.. واقيلا غير بغات تعصبك
بيان: حسيت بيها .. بغات تمرضني.. اصلا انا نعست غير مرة وحدة وكنت بنت كي غندير نحمل!! ميمكنش
سلمى: داكشي اللي قلت حتى انا … ميمكنش حيت خاصك تنعسي بزاف دالمرات وتكوني ماشي بنت
بيان: كدابة بنت الحرام .. سخفاتني
سلمى: علاش منديروش التيست ؟؟ حسن ونتهناو
بيان: اشمن تيست انا قلت ليك محاملاش انا حاسة. براسي محاملاش كن كنت حاملة كن حسيت بيها
سلمى: ايوا صافي نديرو هاد التيست.. احسن ونتهناو
سكتات بيان مطولا وقالت : يالاه سيري جيبيه
ناضت سلمى ومدات ليها بيان ميتين درهم من بزطامها وخرجات بسرعة شدات طاكسي كتقلب على صيديلة في حين جلسات بيان على اعصابها كتحلل وتناقش بوحدها فالفيلا حتى رجعات سلمى وجلسات حداها جيداتو ليها وقالت
هوا هادا
شداتو بيان كتشوف فيه وقالت: وهادا كي كيديرو ليه؟
سلمى: قالت لي خصها تبول فشي حاجة وتقطرو هنا ..الى طلعات شرطة راكي محاملاش..الى طلعو جوج راكي حاملة .
شداتو بيان كتشوف فيه مطولا وناضت طلعات لبيتها هي وسلمى دخلات للطواليط ورجعات خرجات شادة تيست حطاتو على طاولة المكياج وسنانها على شفاهها خايفة .. شداتو سلمى وقالت ليها
اري نجرب انا غير خليك نتي
قطراتو ليها سلمى وبداو كيتسناو ويشوفو فيه ودقات القلب كتسارع .. اما بيان السخفة شادها ومزيرة على يد سلمى حتى طلعات الشرطة اللولة وقالت بصوت فيه السخفة
ها شرطة
سلمى: ياربي ماتبانش التانية. ياربي يارب ياربي
ضهرات التانية لاكن ماواضحاش وبقاو كيشوفو فيها بتساؤل
بيان: اذا ماحاملاش!!
سلمى: مافهمتش؟؟
بدات الشرطة كتوضاح شوية بشوية وعينيهم كيخرجو معاها تدريجيا حتى رجعات الشرطة حمرا بزاف ..لاحت بيان التيست من يدها وسخفات على الكرسي ويدها على جبهتها كتردد
حاملة.. حاملة… ميمكنش .. انا حاملة.. كيفاش مافهمتش
هزاتو سلمى من الارض كتشوف فيه وجمعات داكشي لاحتو فالسلة وقالت
اوييلي!!! وشنو غنديرو؟؟ شنو غديري؟؟ ياك تميم ياك؟
ضارت عندها بيان مخرجة عينيها كتشوف فيها مطولا وقالت
كيفاش واش تميم؟؟؟ وشكون من غيرو الجنون؟
سلمى: ولاكن هوا نعستي معاه غير مرة كيفاش حتى حملتي
بيان: وكيفاش غنعرف انا انا مافهمت والو !!! انا مصدومة
الصدمة قطعات الحس فبيان وخلاتها مسهوتة على الفراش غير كتشوف ..اما سلمى عيات تقلب فقوقل وتحلل غير بوحدها حتى صونات ليها مها وناضت خرجات من البيت مشات للدروج جلسات وردت قائلة
الو ماما
سميرة: افينك الحاجة هادي تمنية دلليل
سلمى: انا غير مع بيان فالدار .. مسكينة مريضة
سميرة: الاللة اجي بحالك لداركم .. ونتي فين كانو المشاكيل تابعاهم وتابعة ليا هاد بيان نهار وماطال ونتي دوري معاها ..دابا تكوني هنا
سلمى: وامسكينة مريضة مامعاها حتى واحد هانتي ندير ليك كامرة ؟
سميرة: ماديري ليا مندير ليك .. انا كنتسناك
سلمى: وصافي اماما حشومة عليك البنت مادارت ليا والو ..
سميرة: ياك النهار كامل ونتي معاها .. ايوا الله يجعل البراكة اجي دابا فحالك اش كتسناي؟
سلمى: مسكينة طلباتني نبقا معاها نوسنها
سميرة: وحتى لامنى غتبقاي؟. هااا؟ شكون غيجيبك
سلمى بتردد: نبات معاها زعما.. والله ماكاني شي واحد غير انا وهي. هانا نصور ليك
فتحات الكامرة دوراتها قدامها من لفوق على الفيلا وقالت
شفتي.. حتى واحد غير بوحدها ..الصباح نجي ..والوقت اللي بغيتي تعيطي ليا عيطي ماعنديش مشكل غنجاوبك
سميرة: شوفي..الصباااح تلقايني حدا الباب كتسناك
بسعادة ردت سلمى: صافي كوني هانية.. الصباح نكون عندك
قطعات وناضت نقزات من الفرحة طلعات كتجري تلاحت حدا بيان وقالت
غنبات معاك ..صافي خلاتني ماما
تنهدات بيان كتنخصص والدموع نازليين مع عينيها وهي متكية ساهية ففراشها ماجاوباتهاش.. ردت سلمى بملل وقال
وصااافييي..صافي الى مابغيتيش حيديه وتهناي
سدات بيان عينيها بتعب فصمت بينما سلمى كدور عينيها هنا وهنا وقالت
بيان عطيني بيجامة .. حتى نتي خاصك بيجامة انمشي نجيبها ليك
ناضت كتنقز فرحانة حلات باب الدريسينغ وتنفسات السعادة والانتعاش وبدات تسارا ويدها على قلبها فرحانة وعينها كدمع من الفرحة .. مشات للبيجامات اللي مطويين فواحد المجر بالالوان ناعمين وبدات كدوز يدها عليهم بنعومة وهزات واحد اللون احمر من لحرير ناعم شمات ريحتها وهزات وحدة اخرى بيضاء بحالها نفس الشكل كتشوف فيهم بجوج وخرجات عمد بيان عطاتها البيضاء وقالت
هاكي لبسي نتي هادي وانا هادي ..نوضي يالاه
نوضاتها بزز عاوناتها تعرات قدامها بقات بلابس داخلية وقالت
عرفتي عندك لاطاي واااعرة ..
حيدات بيان السوتيان بقرف وقالت
اندخل ندوش..
سلمى : ندخلو انا وياك ؟؟!!!
بيان: هااا!!! اويلي!!
شافت فيها بيان بتشكيك وحطات يدها على صدرها بينما سلمى كضحك وقالت
لالالا مايمشيش عقلك بعيد…اوييلي دغيا تنويتي
تنفسات بيان بارتياح رخات يدها وقالت
خلعتيني!! طايتك زوينة شوية ندوشو انا وياك !!! خلتي ليا الشك
هبطات سلمى كتموت بالضحك وقالت
اوييلي لاااا .. زعما نشطو شوية نعمرو البانيو بالرغوة ونجلسو فيه انا وياك
بيان: مافياش دابا باغا نرتاح مغندخل لا فبانيو لا فبير غندوش ونتكى اصلا مازال ماتيقاش
دخلات فشلانة في حين هزات شلمى البيجامة حطاتها عليها قدام المرايا كدور وضحك فرحانة
خرجات بيان ملوية عليها فوطة وفوطة على راسها هزات عينها لقاتها قدام المرايا واقفة لابسة الحمر وكترش الريحة وتلعب بشعرها .. ضارت سلمى عندها كضحك وقالت: كي جاتني
تنهدات بيان وقلبات عينيها بتعب مشات جلسات فطرف الناموسية هزات واحد الكريم دوزاتو على يديها ورج لها ومشحات عنقها بتعب ولبسات بيجامتها البيضا بلا حمالات الصدر ومشات تكات على وسادتها بالجنب والفوطة على راسها شدات تيليفونها فيدها وقالت
تميم صونا عليا ..ماجاوبتوش خلا ليا مسج
ردت سلمى وهي كتشوف فيها وقالت
جاوبيه ..
بيان:شنو غنقوليه ؟ حاملة!
سلمى: شوفيه شنو بغا وصافي
بيان : انا غنصوني ليك الى بقا فايق
حلات س صدايف على صدرها بيناتو وعينها على بيان كتقلذها وجرات السنسلة تبتاتها على صدرها حتى هي كتبين الاثارة وناضت خرجات من البيت صونات على جهاد
فتحات بيان الخط لتميم وحلات ليه لاكام طلع ليها متكي وهي على جنبها متكي وصدرها مدلي لجهة وحدة بلا حمالات صدر والفوطة على راسها طالع ليها الدم والغوباشة على وجهها وقالت
الو
شاف فيها ووجهه كيبان طويل بادي من الفك حتط تيليفون على صدرو وقال
كنتي فالدوش؟
بيان: اه ماسمعتوووشششش
تميم: اش ديك الشوهة درتي؟؟ تقنتي الدور
بيان: تقنتو وتقنيي.. بسبابو انا دابا مريضة كاع طاقتي هدرتها ليوم … دور ليا نشوف الحبس كي داير
هز راسو شاف فيها وقال: شنوو!! اش غتشوفي
بيان: شكون معاك تما ؟ شنو كديرو؟
هز حاجبو وقاد الكيت قودنو وقال: سيييري شمن حبس باغا تشوفي..شوفي فيا انا ماقنعتكش!
تلفت جنب كيطل وسمعات صوت حداه مدعدع تقيييل كيقوليه
عشييري…شي كااااس الله يحفضااك
تميم: راها القرعة لهيه..قسموها ..داكشي اللي بقا فيها
بيان: دغيا تصاحبتي معاهم ؟
تميم: اه
سمعات تخصار الهضرة من السمطة للتحت ودارت يدها على فمها مخلوعة .. بسرعة قطع تميم الصوت وبان ليهم كيهضر معاهم مخرج عينيه ورجع حل الصوت
بيان: اويلي كي كيهضرو!!
تميم: كلشي مقرقب كلشي محشش مكاينش شي واحد بعقلو فهاد القبر
بيان: وشنو قلتي ليهم نتا!!!
تميم: يسكتو .. سكرو ولاد. لل…
سلمى متكية فالاريكة بتحت كتهضر مع جهاد فاتحة ليه لاكام وحدور السنسلة قعنقها وضحك حتى سمعات الباب تحل وجمعات الجلسة قطعات عليه مخلوعة ..سمعات حس الطالون ووقفات كتسنى تشرف شكون حتى بانت مدام سارة هازة الصاك وفيدها السوارت وشافت فيها باستغراب وقالت ؛ شكون نتي؟؟
سلمى بخجل :صاحبة بيان
مدام سارة : بيان هنا!!
سلمى: فبيتها .. كتهضر فتيليفون
مدام سارة: ااهمم..واخا ..بلا متقولي ليها انا جيت صافي خليها
سلمى: واخا .. اللي بغيتي
طلعات مدام سارة لبيتها ورجعات سلمى كتنفس بارتياح ويدها على قلبها رجعات عيطات لجهاد وجلسات
سلمى: مامات بيان جات
جهاد.دابا جات ماماها نجي نجيبك
سلمى: فينك دابا؟
جهاد: مع الدراري قصارين
سلمى: ياكما معاك شي وحدااا امم
جهاد: كن كانت معايا غنقوليك نجي عندك
سلم: يالاه اجي
ناضت كطير طلعات عند بيان اللي مزالة شادة الخط مع تميم حطات راسها على المخدة كتجمع وقالت ليها
بيان: جهاد جاي يشوفني..انا غنخرج عندو
طلعات فيها بيان وقالت: غتخرجي هاكا ؟!!!
سلمى: ماشي مشكل مغنمشي حتى بلاصة.انا غندير عليا جاكيطتك حتى نرجع صافي. يالاه هانا مشيت
خرجات سلمى سلتة عند جهاد طلعات حداه بالزربة و وحلات لافيست سلمات عليه من الوجه و لاكن جرها وغرقها بوسان وقال
توحشتك..
عض على شفاههو وديمارا جنب ماقدرش سبعد عليها حتى وصلو للفيلا ونزل شاد ليها فيها دخلها ومن الباب بدا كيبرس فيها ويحسد حوايجو وهي كحضحك وتلون قالت ليه
اويييلي بشوية عليك هههه
جهاد : مقادرش نصبر.. توحشتك
هزها هزة وحدة طلعها طاح هوا وايها فوق النموسية وطلع عليها كيبوس ويعنق بجنون تقول عمرو شاف البنات.. عجنها وسط ديك البيجامة وهي كحضحك حضات براسها ملكة فالدنيا .. دغيا حيد حوايجو ومع التحييدة تعرا عليها دابت وهي كتشوف فيه كامل اثارة وجادبية وعنقاتو مررات يديها على كتافو وعلى ضهرو فجو رمنسي
فالفيلا تقلبات بيان على الجهة الاخرى وحيدات الفوظة على راسها بقنط لاحتها وطلقات شعرها كتهضر مع تميم
تميم: يعد غدا الجلسة.. غنشوفو
بيان: ماماك مقالت ليا والو؟ غنكون عارفة القاضي باش غيحكم
تميم: هضرت معاها قبل منهيط ليك دابا قالت ليا غتخرج برائة
بيان: ايوا مزيااان!!! على سلامتك…صافي قررو؟
تميم: هادشي اللي قالت ليا غنشوفو واش غينقدو ولا غتخرج شي حاجة اخرى عاوتاني تمرضنا
بيان: مغيخرج والو غتخرج ان شاء الله
تميم: عييت هنا تخنقت
بيان: بقا ليك غير غدا دابا مابقا والو
خرج لسانو كيشوف فيها ويع على شفاهه وقال
توحشتيني
ميعات وجهها وقالت: علاش غنتوحشك بالسلامة!!
تميم: حسيت
بيان: احساسك فمحلو الغلط بحال ديما
دور وجهه ضحك وقال: عتارفي
بيان: قالو ليا حملتي شي وحدة من قبل صبح؟
عقد حواجبو وقال: شنووو!!!
بيان: اعتارف… سمعت باللي حملتي شي وحدة من قبل
تميم: حملات مني!!! شكون هادا الحمار اللي قالها ليك
بيان: اذا الهضرة صحيحة؟؟؟
تميم: ماعرني حملت شي وحدة ولا حتى ديفييغجيتها كااع
هزات حاجبها من كبر كديتو لاكن تدارك ال موقف يسرعة وقال
نتي… نتي بووووحدك اللي طلعتي فييغج
بيان: ومللي كانت عندك شطاش لعام
تميم: و وااملييي كانت فسطاش كاشي دابافالعشرين!
بيان: هااا يعني حملات منك شي وحدة من قبل
تميم: لااا .. كانو البنات كاملين يالاه اول علاقة ليهم فديك اللاج وكنت كندير علاقات مع اللي قدي!! مالها هادي يالاه عندها سطاش خمسطاش وغادي تكون ديفييغج كاملين يالاه اول علاقة ليهم بحالي بحالهم اما دابا بووحدك اللي طلعتي فييغج
بيان: دابا كنهضر على لحمل انا سمعت حملات منك شي وحدة
تميم: كدوب.. ماحملات معايا حتى وحدة حتى فالسطاش والخمسطاش
بيان: نتا على شحال بلغتي!!
تميم: شي ربعطاش ولا خمسطاش .. نتي دابا اللي جاوبي ..كيفاش تا بقيتي بنت حتى لدابا ؟
بيان: على سؤال!!! مالي شايط عليا راسي اللي جا نقوليه مرحبا
تميم: اااه نتي كتفكري هاكا… وشنو طرا ليك دابا جاك الملل
بيان: عجبوني ليزابدو ..واسيير
تميم: شراب سخن ..شد شد.. هاك
بيان: وكن دابا حملتي شي وحدة
تميم: الى درتها نتحملها ولاكن وحدة شفتها ساعة ولا ساعتاين وطناش لساعة لاخرى ماعرفت فين كانت ومعامن وتجي تقولي حاملة !!!
صبح الحال وضربات الطناش.. هزات بيان راسها بزز من فوق الوسادة وتيليفون حداها كيصوني وطلات لقات تميم المتصل سدات عينيها بتعب وردات عليه قائلة
الو وو
تميم: فتحي لا كام
بيان: الصمت
تميم: بياان!!
بيان : الصمت
تميم: يمكن مزالة ناعسة
بيان. انننن
تميم: فاش فيقي عيطي ليا
بيان : اممم
تميم: يالاه باي
قطع وخلاها ناعسة وتيليفون فيدها .. حلات مدام سارة الباب عليها بشوية طلات شافت فيها بأسى وحزن ودخلات عندها بخطوات تابتة والطالون فرجلها مشات حتى لعندها تأملات تعابير وجهها البريئة وهي ناعسة وبعدات الشعر على وجهها بحب وفبلات راسها بهدوء وناضت من حداها بحنان وابتسامة مليئة بالاسف والحزن .. تنهدات ولقات نضرة فالغرفة اللي كانت مرونة وكل حاجة فين محطوطة والبلاطو فيه كاس بالملعلقة ديال مأكول منو ومحطوط و الشكلاط محلول فوق الطبلة والكاغيط فالارض وحوايجها مرميين على الكرسي.. سدات مدام شارة عينيها بعمق وقالت بخفوت
انا السبب.. انا وصلت بنتي لهاد الحالة حتى دخلات فإكتآب.. تحنات بشوية هزات الكاغيط من الارض والحوايجة حتى هما لقطات كاع الغلافات المأكىلات اللي كلات بالليل ومشات بغات ترميهم فالسلة لاكم لفت انتباهها التيست المرمي تما وتحنات بصدمة هزات كتشوف فيه ..حققات فيه مزيان وحطات يديها على فمها وتلفتات عندها بيان شافت فيها وهي غارقة فالنوم .. غمضات عينيها تنفسات بعمق ورجعات خطوة اللور تعكلات وقاست بيدها علبة الفرش دالمكياج المحطوطة على الطاولة طيحاتها فوق الرخام بصوت مرتفع الشيء اللي خلا بيان تحل عينيها وناضت شادة راسها بتعب و وصدايف البيجامة من الصدر محلولين نص صدرها كيبان .. تلفتات مدام سارة عندها والايست فيدها كتشوف فيها في حيت كانت الرؤية عند بيان مزال ماواضحاش مزيان عاد بدات كتوضاح وانتبهات لامها اللي واقفة قدامها وتيست فيدها وقالت
ماما!!
هبطات سارة راسها شافت فتيست وهزات عينيها فيها وقالت بهدوء
هادا لقيتو فالسلة.. شنو كيدير عندك؟؟
حنات بيان راسها قدامها فصمت مطول واكتفت بالضر فوجه مدام سارة اللي فهمات جوابها من خلال ردة فعلها وبقات واقفة كتشوف فيه مطولا .. جمعات النفس والصبر معمق ومشات عندها جلسات حداها اكتفت بالنضر فوجهها فالاول خوفا من اي رد فعل عنيف يذكرها بأخر لقاء بيناتهم .. لاكن بيان بقات على ما هوا عليه وجراتها مدام سارة لحضنها ضماتها لصدرها وبادلاتها بيان الحضن مللي حوطات خصرها بيديها وبدات كتبكي فصمت وتمسح باصابعها .
باست مدام سارة راسها ومشحات على ضهرها بهدوء وقالت
شكون ؟؟
دورات بيان وجهها لجهة اخرى فصمت والدمعة مايلة على نيفها بقات شحال كتشوف ومدام سارة كتنسا تسمع منها عاد بلعات بيان ريقها وجرات شفتها السفلية بسنانها كتنخصص فصمت وقالت بصوت فيه بحة
تميم
الصدمة كانت قوية لمدام سارة وتفاجآت وقالت فدهشة
تميم!!!
اكتفت بيان بالصمت ومدام سارة كتشوف ودقق فداك التيست وقالت
واش متأكدة ؟؟ مايكونش هاد تيست غلط؟؟
مسحات بيان نيفها وقالت : متأكدة … مشيت دوزت .
ناضت مدام سارة من حداها ويدها على فمها لابسة بدلة كلاسيكية بيضاء بتنورة قصيرة فوق الركبة غادية جايا كتستوعب وقالت
متأكدة تميم؟؟؟ متأكدة مية فالمية
شافت فيها بيان بوضوح وقالت
مكنعرفش من غير تميم فهادشي
مدام سارة: انا اللي عارفة هوا نتي عندك بوي فراند واحد هوا جاد.. كيفاش تميم ؟؟ مافهمتش ؟؟ درتي شي مرة علاقة مع جاد؟؟!!
بيان: لا .. انا كنت فييغج
شدات مدام سارة فجيهتها تلقات اول جواب وجلسات على الكرسي سترعبات وتنفسات وقالت
مابقيتيش فييغج؟
بيان: انا حاملة … شوفي كولشي قدامك انا حاملة .. كيفاش غنحمل وانا فييغج !! انا غنتسطا !! كانت اول مرة وآخر مرة. مافهمتش كيفاش وقع لي مابقيت فاهمة والو
هبطات وجهها كتبكي ومدام سارة كتشد وتحل فعينيها كتحاول تستوعب وكل شوية تشوف فتيست وقالت
تميم عارف ؟؟ قلتيها لو ؟
بيان: ماقلتش ليه
مدام سارة: يعني عارفك فييغج ومع ذلك….
دورات بيان وجهها ويدها على نيفها فصمت مطولا وقالت : مغيتيقش بيا
انفعلات مدام سارة ووقفات قالت
كيفاش مغيتيقش بيك !! عارفك فييغج .. ياك عارف ماتقوليش ليا حتى هادي معارفهاش
بيان: عارف
مدام سارة: اذا يتحمل مسؤوليتو .. هوا اول واحد كيتحمل هاد المسؤلية .
بيان: انا مابغيتوش يعرف غيقول بغيت نلسق فيه ولا مانعرف شي حاجة بحال هاكا
مدام سارة: ايييه!! ونتي قادرة بالسلامة تربي هاد البيبي بوحدك !؟ هاا؟ قادرة؟. يالاه عندك عشرين عام و كتقراي فالجامعة وباقي المستقبل قدامك .. باغا تكوني ام عازبة؟؟ مستعدة تمشي للجامعة بكرشك كبيرة ؟ مستاعدة تكوني ام ؟؟ مستاعدة تولدي؟؟ وااش مستعدة تولي ابيان وتكوني ام كتستوعبي شنو جاي مور هاد الحمل؟؟ واهم حاجة كيفاش غتواجهي المجتمع ؟؟ كيفاش غتواجهي العائلة ؟؟؟ فاش يعرفو بيان حاملة ومامزوجاش ؟؟ بيان ولدات وكتربي ولدها ؟؟ معامن ؟ شكون باه ؟ وهي عندها عشرين سنة.. ونفرضو بغيتي ديري علاقة جديدة فحياتك ولقيتي الشخص المناسب.. هاد الولد فين غديريه؟ لمن غتعطيه ؟؟ واش حساب ليك قطة !! راه بيبي هادا ابيان بيبي وغتولديه من كرشك ويبقا معاك الى الابد وخصو ام مسؤولة واش نتي قادرة على هادشي؟؟
هبطات بيان راسها كتبكي وتحركو بالنفي وقالت
لاا
مدام سارة: شخال عندو دابا هاد البيبي؟
بيان: شهر
مدام سارة: اذا عندك جوج حلول.. يا اما غيعتارف بيه باه ويتحمل مسؤوليتو ويدير معاك حل باش تقدري تواجهي المحيط ديالك يا اما هادشي غادي ينزل وفأقرب وقت ..
خودي مهلة للتفكير عندك ثلاتة ايام .. ثلاتة ايام وماعندكش الوقت بزاف باش تاخدي قرارك.. هادشي خصنا نحسمو فيه فاقرب وقت
جمعات داك التيست داتو معاها وخرجات من البيت مشات حتى للدروج وشدات فيهم جاتها السخفة.. دارت يدها على قبلها وفتحات يدها شافت فتيست ماقدراتش تصدق اللي كيوقع وكملات طريقها خرجات
فالفيلا دجهاد خرجات سلمى من الدرش ملوية عليها فوطة كضحك وتلعب على اصابع رجليها وموراها جهاد خارج ملوي عليه الفوطة ووقفها قدام المرايا عنقها من اللور وشم شعرها الفازك وقبلها فعنقها وقال
شوفي كي كنبان انا وياك .. احسن كوبل فالعلم
هدات كتفها كضحك وقالت
اممم
جهاد: انا ونتي مرتاحين فعلاقتنا علاش مزالة دايرة حاجز بيني وبينك ؟ صافي مكاينش لاش
ضارت عندو عنقاتو كتميل بشعرها لور وقالت : منقدرش اجهاد.. منقدرش
شدها من خصرها قبلها على شفاهها وقال: وانا نتعدب؟؟
هربات من يدو كضحك وقالت : الاااااححح
مشا شدها كضحك طيحها على الناموسية وقال
انا باغي نتي… باغي نعيش معاك كوولشيي
سلمى: نونوووونووو
رن الهاتف ديالها وهزاتو طلات عليه وهوا شادها كيبوس ضهرها قالت ليه مفزوعة
هييه!! ماما .. قلت ليها انا مع بيان
رد وقال: جاوبيها
سلمى: شووو متهضرش.
تقلبات على كرشها فتحات الخط ردات وجهاد وراها معنقها كيبوس ضهرها وكتافها فصمت وقالت
الو ماما… اه عرفت راسي تعطلت انا دابا غنجي.. صافي دابا هانا جاياا… وصافي دابا.. غير قطعي انا جاي
قطعات وضارت عندو بغات تقولي وصلني لاكن شدها هز ليها يديها لفوق وقال
ماسخيتش بيك
غوتات كضحك وقالت: صاافي.. براااك .. براكة الى بغيتي تعاود تشوفني… يالاه وصلني دغيا
عضها من رقبتها وناض خلاها شاداها مشات كتجري للمرايا لقاتها طبعة وقالت كتمسحها
ويييلي كي غندير دابا نخبي هادي ياك وصيتك .. وصيتك اجهاد
جرها عنقها وقال: وامعندي منديير.. نتي خليتيني ندير هادشي
سلمى: ويالاااه .. غنتعطططل
دوزها جهاد لاقرب صالون نشفات شعرها عاد وصلها للدار .. مع الدخلة سمعات جداتها كتنكر وتقول
دابا ولات كل ليلة تبات برا … كب مرة هانا عند صاحبتي .. دابا تشوفي هاد الصحبة اش غتجيب غيير بلاتي
دورات سلمى عينيها وراسها محني شافت فجداتها اللس مقابلة مع الباب جالسة وقالت
سلام
الجدة: على السلامة .. هاهي جات لاللة لعروسة اكث صبحتييي؟؟ هااا؟
قبل ماتخرج عدها سميرة عيطات ليها الهام من البيت ومشات عندها سلمى كتجري لقاتها جالسة بالبيجامة جديدة وشعرها قصير كحل مجموع بمقبط كدوز يديها على رجليها وقالت
سلمى/. هانا بغيتني؟
طلات عليها سميرة وقالت : على السلامة… عاد طفات عليك الشمعة.. ايوا والله لا عودتي بتي برا سمعتي .. من ليوم واخا يعيطو ليك من ميريكان 
الهام: صافي سيري دابا خليني نهضر معاها
جلسات جنبها سلمى وجدها مركن فالقنت حتى هوا كينين بالنهار وبالليل
الهام: شي خبار على ولدي.. شنو دارو معاه ؟
سلمى: ماعرفتش.. اللي عارفة هوا راه كيهضر مع بيان من الحبس.. كيعاود ليها كولشي ..ومشات عندو هي وصحابو وانا فاش قلت لماما لبارح خليييني نمشي..خليني قالت ليا جلسي بقا ليك غير الحبس. ماخلاتنيش
الهام: ماعرفتيش تجري لبيان لسانها تعرفي شنو واقع عندهم؟ فوقاش غيطلقوه ولا شنو غيديرو معاه؟ وهي مزالة لدابا مقالتش ليه الحقيقة
سلمى: اوييلي اللي فيها يكفيها.. لبارح سخفات بلعاني قدام الصحافة وفاش ديناها كلينيك صدقات حاملة
خرجات الهام عينيها وقالت : هاااا؟؟؟
الجد بتعب: قوليييه راه جدك بغا يشوفك.. بغا يشوفك قبل مايموووت.
شافت فيه الهام بنص عين كتردد
واسييير تتت.. جدك بغا يشوفك شافتو تا موو .. خرا كي داير
سلمى: صافي سكت تسنط لعضامك
الهام: عاودي شقلتي؟؟
سلمى: وراها حاملة منو.. من تميم
شدات الهام راسها مصدومة وقالت: اويييلي!! كيفاش حاملة
سلمى: منعرف المهم داكشي فشكل قالت ليا حملات وصافي
الهام: هوا عارف ولا معارفش؟
سلمى: هادشي طرا غير لبارح مزال معارفش.. منعرفش فاش يعرف اش غيدير
صونا تيليفون لسلمى وطلعات ليها بيان وقالت
هاهي كتعيط.. بلاتي نشوف .. الو بيان… اااا!!! دابا؟؟ اه اه واخا .. واخا …دوزي عندي ؟ واخا انا نتسناك
قطعات وشافت فإلهام قائلة كترجاها: قولي لماما تخليني نخرج معاها عيطات ليا دابا قالت ليا انا قنطانة مغمومة بغيت نمشي نخرج نبدل الجو شوية ..قولي لماما تخليني نخرج معاها
الهام: غير سيري سيري ..نوضي سيري انا غندوزها ليك ..شوفي كي تجري ليها لسانها ماشي تمشي وتحلي فمك
ناضت سلمى بحدر وتردد مشات لبيتها لبسات بيجامتها وخوات حوايجها المستعملين وهزات حوايج جداد اخرين حطاتهم فالصاك ومشات بالسلتة هازة الشبكة دالحوايج خرجات مع الباب حطات الصاك حدا الدروج مور واحد الفاز ورجعات دخلات كأن شيئا لم يكن .. غير صونات ليها بيان هدات الشطابة كتشطب وجداتها كتنكر مشات حلات الباب كتشطب ودازت على الصاك هزاتو ونزلات كتجري خلات الشطابة فالباب مشات ركبات حدا بيان كطير متحمسة وقالت
سخفت
طلعات فيها بيان وقالت: مالكي خار جة بالبيجامة
سلمى: هربت لماما..فين غنمشيو بعدا ؟؟
بيان: نمشيو لكازا ؟؟ طلعات ليا واحد البلاصة زوينة فيها السبا ولابيسين وغيسطوغو جاتني زوينة نمشيو نشوفو كي دايرة .. تخنقت
سلمى بحماس: اهاه يالاه .. بلاتي نوجع اللور نبدل حوايجي دغيا
وصلات السيارة الفاخرة دييان وكان اوتيل فخم شامل لجميع انواع الرفاهية . تبعاتها سلمى كضحك بوحدها وتشوف فجمالية المكان والعطر ديالها وهدوئها .. غادية ساكتة وهازة راسها بكبرياء تابعة بيان اللي مكلفة بكولشي
وقفات بيان فالاستقبال جبدات تيليفونها كتشوف فالصفحة ديالهم وتوريهم داكشي اللي خلاها تمشي حتى لعندهم من بعد شارت بيدها لسلمى وقالت
اجي نجلسو..حتى يوجدو لينا لاميزومبلاص
دارت بيان رجل على رجل وهزات واحد الكارط ديال الاوتيل كتقرا فيه وسلمى كتصور حداها حتى جاو عندهم الموضفين استقبلوهم ودخلو لغرفة تغيير الملابس عطاهم بينوارات فالابيض من. بعد دخلو لواحد القاعة يحال شي جزيرة فالشكل ديالها . فيها مسبح كبير بشكل طبيعي واضائة خفيفة واجواء فقمة الروعة
كانو ناموسيات صغار مفرقين بشكل دائري ووسادات لكل واحد مشات بيان استلقاات على وحدة وسلمى كطبق داكشي اللي كتشوف حتى هي .. تكات جنبها على وحدة اخرى وطلقو ليهم شلال من المياء الدافية قدامهم كتدفق الماء لوسط المسبح وموسيقى هادئة
ضحكات سلمى بسعادة وانتعاش وحيوية وشافت الموضفات الشينويات داخلين خارجين .
كانت بيان كتقرا على جميع الباكات والخدمات وشارت لوحدة هضرات معاها انجليزي وقالت
بغيت جلسة علاج لشعري.. على هادالطريقة اليبانية
شارت ليها الموضفة بيدها وابتسامة رشداتها معاها وبقات سلمى كتشوف تلفات ماعرفات مادير وقالت
فين غادية؟؟ بياان!!
بيان: غندير ماساج لشعري
سلمى: غنبقا بوحدي
بيان: اجي حتى نتي الى بغيت
ناضت سلمى فالحال كتردد: نجي .. مالي مانجيش.. نجي دابا
تبعاتها دخلوهم لغرفة خاصة بغسل الشعر على الطريقة اليبانية فيها بياصات طوال عند راسو مغسل واجهزة خاصة بالتدليك والتنضيف والبخار وتكاو بجوج كل وحدة على واحد..
بيان غير حطات راسها نعسات بسرعة فورما قاصو ليها شعرها اما سلمى الابتسامة على وجهها مافارقاتهاش وكل شوية كدور تبغي تشوف شنو كدير بيان
راحة واسترخاء ومتعة حقيقية.. تنضيف عميق و جلسة بخار ومساج تقشعر ليها الابدان.. بخااار ومسااج.. تنضيف فروة رأس .. صافوناج .. زيوت دافية ..مياه ساخنة .. اصوات يبانية تأسر القلوب.. كانت جلسة كاملة متكاملة شملات الشعر والقرقبة وناضت وراها بيان شادة الفوطة على راسها هي وسلمى في استرخاء ودازو بجوج لجلسة اخرى للوجه دامت لمدة ساعة.. تنضيف وماسكات طبيعية وتقشير ومساج وبخار كذلك تجددو فيها الخلايا وحياة البشرة من جديد وتوردات وسطعات بنور مشع ولمعان حقيقي. شافت بيان وجهها فالمرايا وقالت بميوعة
امم.. مابيهششش
حلات سلمى عينيها فالمرايا مامصدقاش وجهها الزجاجي المتررد وقالت
وااااو!!! هادي انااا!!!
بيان: ماشي شي حاااااجة
سلمى: لالالا بلعكس..شوفي وجهك .. شوفي وجهي!! تحقق ليا الحلم ديالي
حركات بيان نيفها فالهوا وقالت: كنشمم.. ريحة اممم… شي واحد كياكل دنجال مشوي؟!!
دورات سلمى وجهها كتشم وقالت: لاا!! مكاينة حتى ريحة غير ريحة المعطرات والزيوت
الموضفة بالانجليزية: تفضلي مدام ديري مساج للجسم ديالك
بيان بتشكيك كتشم قالت ليها : كليتي شي …دنجال؟
استغربت الموضفة وقالت: نعام؟
بيان: صافي والو… يالاه نديرو مساج
غير تكات على سطح البياص وناضت سلمى تكات جنبها حتى هي وتجبدات فرحانة ..
طول جلسة التدليك وبيان ساهية فالسقف كتسول
ميمكنششش… ريحة الدنجال مشوي.. مع ليزيبينار وسيبوليت!!!
…ومهاه كفتااا… ميمكنش ريحتو هادي
هزات سلمى راسها شافت فيها وقالت: كتوحميي ابنتي
بيان: ماشميتي والو زعما !!
سلمى: ريحة الزهر اللي عاطية دابا
سكتات بيان وسدات عينيها كملات المساج وكل شوية تسول على. الريحة حتى سالات وناضت شللات مزيان هي وسلما بالصافوناج ولبسو بينوارتهم وخرجو لبلاصتهم كل وحدة تكات بلاصتها جنب المسبح
سلمى: الله ..الجنة
حطات بيان يدهت على قلبها وقالت: اوييلي عاد مزادت عطات ريحة الدنجال!!
رن ليها الهاتف وجراتو فشلانة كتخمم فالريحة شافت المتصل وقالت
تميم
فتحات ليه الخط وردات ابيل فيديو
بيان: الو ..تميم
تميم: ماعيطتيش واخا قلت ليك فاش تفيقي عيطي
سذات عينيها بتعب وقالت: عيييانة.. اصلا فايقة مريضة ليوم ..شنو كدير؟
تميم: عاد دابا دخلت كنت مع الواليدة والمحامي على حسب الجلسة ديال غدا .. نتي فالسبا
بيان: اممم
تميم. عايشة ليا مع راسك وانا محبوس هنا
هزات حاجبها وقالت: نتحبس فالدار حتى انا !! نتا درتيها بيدك
تميم: ايييه انا ذرتها جبت ليك الصاك ابنت لللل… تا للدار
بيان: نتا عتارفتي .. شداك تعتارف
تميم: ويمشي فيها واحد اخر بلاصتي؟؟ نتي كن كنتي شنو غديري؟
بيان: غنهرب.. والله منعتارف يمشي اللي بغا يمشي المهم مانمشيش انا
بقا ساكت كيشوف فيها وقال
لا والزوينة صريحة مع راسك
بيان: الزوينة هي حتى واحد ماغيعقل عليا كما انا دابا متكية هنا ونتا تما كان يقدر يكون العكس.. الصراحة راحة …انا دابا تشهيت غير شي دنجالة
قلب وجهه اللور خرج لسانو كيضحك قبل متكمل وقال
خااااصك دنجالة
ميعات وقالت: بشوية…مشوية الباسل لااااوية وبالشرمولة مع شوية دالكفتة وليزيبينار
قال كيضحك مصغر عينيه : ااااااننننه
هزات لائحة الاطعمة قائلة: بلاتي نشوف شنو عندهم هنا ..ماكرهتش يكون عندهم الدنجال … ناااري مكااااينش..ميمكننننش
تميم: غدا غنخرج مور الجلسة..نسافرو لشي بلاصة
دروات عينيها سداتهم مطولا وحلاتهم قائلة
حتى تفك مشكلتك مع هاديك اللي حملتي بعدا
عقد حواجبو وقال: مالك من لبارح ونتي كتجدبي طاقة القهر والمشاكيل ..كنهضر بصح .. نمشيو لمالديف ولا بالي
بيان: حتى انا كنهضر معاك بصح..
تميم: سيريحاى نخرج. ..ماتصلاحش معاك الهضرة فتيليفون
قطع ليها وضارت عند سلمى الي كتسمع قالت ليها
قوليها ليه نيشان..افلان انا حاملة
بيان: قطع ..قالك حتى نخرج
سلمى: غتقوليها ليه؟
بيان: واحد الراس كيقولي سيري حيديه وجمعي وطوي
سلمى: وعلاش؟ قوليها ليه بعدا.. والى مابغاش عاد حيديه
بيان: مابغيتش نتصدم.. انا نموت وما يدلنيش.
سلمى: واجربي بعدا ماضلميهش
بيان: غدا .. غدا غيبان شنو اللي خاصو يدار 
لاحت البينوار ونزلات للمسبح غطسات وتبعاتها سلمى هابطة كتردد
ماغارقش.. مكنعرفش نعوم ههه
بداو السباحة وشوية بشوية بدات بيان كتلعب وضحك هي وسلامة
حطو ليهم بلاطوات المشروبات الشهية والعصائر والمؤكولات اللذيذة مع الفواكه وطلعو لبسو بينوارات جلسو قدام داكشي
سلمى لتاهمات كولشي اما بيان شربات العصير ورجعات اللور يغات الدنجال ومالقاتوش.
خرجو من تما مع العصر ركبو السيارة مشاو كيدورو ويقلبو فايليفون على مطعم كيصاوب الدنجال حتى طاحت واحد المطعم عربي ووقفات قدامو ونزلات حلات نيفها فالباب شمات الريحة كلها اللي فالمطعم ودخلات ويدها على قلبها قالت
هي هادي الريحة اللي كنت كنشم فلوتيل
سلمى: اجي اجي نجلسو هنا.. اجي بلاصة واعرة
جلسو بجوج وبلا متشوف بيان الموني طلبات دنجال معمر كما تشهاتو في حين سلمى شاحت قدام الموني كتشير وتشهى وظلب من كل فن طرب.
كلات بيان ربعة دنجالات بالشراهة حتى تكهمات وناضت هزات معاها للدار وقالت. لسلمى
تمشي معايا ولا تمشي لداركم
دورات سلمى عينيها وقالت: يالاه نمشي معاك .. مافيا اللي يمشي للدار
ركبو السيارة مشاو رجعو للفيلا وغير دخلات بيان سرحات عينيهاوقالت
جاني اكتآب فهاد الدار.. بدات كتغبر .. خصها خدامة
سلمى: مالها نقية كتحمق
بيان: كنحسسس بيها توسخات
سلمى: غير كيبان ليك
بيان: حتى نقول لماما تشوف شي خدامة اخرى بلاصة ديك الكلبة اللي كانت هنا
رن صونيت الباب وردت سلمى
انا نحل
مشات حلات لقات جاد قدامها صدمها وقال
نتوما هنا .
دخل عند بيان للدار وقال
مال تيليفونك طافي؟؟
بيان: مالك علاش جيتي؟
جاد: راكي واقفة مع صاحبك دايرة مجهود
بيان: نننننننااانانا شنو بغيتي دابا انا مريضة مافيا اللي يهضر
جاد: مريضة حيت تشد فالحبس
بيان: عرفتي شنو .. خرج اجاد.. خرج ماباغاش ننهار بسببك انا ليوم درت مجهود باش هاد المهار يدوز على خير ..
طلعات خلانو وقاف وحداه سلمى وحرك راسو بالايجاب وقال
اوكي بب… هاهوا خارج
بقات سلمى لتحت بوحدها عاد جبدات تيليفون. شعلاتو سيفطات مسج لجهاد وطفاتو قبل ماتصوني مها وخشاتو فالصاك
ثلاتة دالليل.. والحبس مافيهش الراحة واللي بغا الراحة كيلقاها فدارهوم .. الحباس كيبقا حباس ومافيهش التيقة .. يحدر الراس ويكون نعام خويا نعام سيدي.. لاكن ضور ويغفلك وتقدر تكون غفلة العمر اللي تقلب حياتك من ابيض لاسود
هنا الحباسا سكتو بزاف وقراو تميم مزيان .. دري نقي .. شاري الموضفة وعندو الفلوس. فلوسو ضارينهم لاكن هنا تميم مشاريش الحباسا.. حقدو وناضو ليه مع الصلاتة داليل وهوا ناعس والكيت فودنو . رشو عليه لابزار على وجهه وناض بسرعة كيعطس ماقدرش يحل عينيه وفهاد اللحضة ماحس يراسو حتى لقا راسو الرسط تحت لكمات الحباسا. ضرب من هنا ومن لهيه وكل واحد كيعطيه بأحر جهدو ولا من يسمع خبارو ولا من يفكو . باش كيضربوه كاقدرش يعرف و كيحس بالموس كيدوز مع لحمو سليخ .. كل هاذ الوقت و هوا صابر للدق والعصا حتى للساعة اللي غيحل فيها عنيها بصح هي اللحضة اللي حس فيها بسروالو تجر من رجليه عرف . قهاذ اللحضة مابقاش كيعقل وختار جوج طرقان . يا يموت يا قتلهم .
مشا السروال بقا الكالصون ومالقاو منين يشدوخ وهبط راسو نصلو ليه تيشورط بقا عريان وماعرفو منين يشدوه.. الحباسا ماضربوش حسابهم وقالو هادا كليميني شاري كلشي بالفلوس غادي نعدبوه ونردوه كلب
يتبع...
التنقل بين الأجزاء