جوج اسابيع دازت عليهم فعلاقتهم هادئة و جميلة ، الدنيا ربيع و الجو بديع عندهم، قلال فيها الخروج بيناتهم تقريبا خرجو شي ربعة دالمرات حيت تا هي عمرات وقتها بلاصال و البيرمي و تا الخدمة و لكن فنفس الوقت الاتصالات بيناتهم مكايتسالاوش، و الاحترام اللي كايقدمه ليها كايخليها تزيد تبغيه، خصوصا انه كايعطيها بلا مايتسنى ولا يطلب منها شي حاجة، تا البوسة اللخرة عمرو باسها ففمها واخا كايلوحلها الكلام انه ماكرهش يديرها و لكنه كايخليها غير هضرة و مزاله ماتخطى داك الحاجز باش تزيد تبغيه اكثر و تا هي تعلق فيه فحال اللي تعلق فيها
حاليا كايوجدو لرمضان، باقاليه قل من سيمانة و هي مشطونة مع التوجاد مع مها و خوتها تا التليفون كاتهزو مرة مرة خصوصا ان الدار عامرة و ولاد خوتها تا هوما كاتحاول تعطي لكل واحد وقته و هي فرحانة معاهم
وصلات الخمسة دالعشية، بعدما تغداو و هزو المطارب للسطح و سيقو مزيان و نقاو حبة حلاوة و الزنجلان و حمصو اللوز، تنهدات بتعب و تحركات للبيت تطل على تليفونها اللي خلاتو كايتشارجا، بانلها عاد طفا بعدما كان كايصوني بصيلونص
عضات صبعها السبابة بثوثر و عاودات صونات عليه بعدما شافت انه صونالها اكثر من عشرة دالمرات بلا ماتجاوبو
يلاه دار فوذنها تيييت جاوبها و هو مغلغل كايعرعر
ناصر: فيييين مخشية و مبعدة على داك الزبل؟؟؟؟؟؟؟
رقية: راه غير الدار عامرة و حاطيتو يتشارجا، ماحسابليشي غاتصوني، حيت فهاد الساعة كاتكون خدام
ناصر: اهااه و انا اذا ماصونيتش انتي ماتصونيش؟
رقية: (بخفوت) واتينا عارف دابا العواشر و رمضان قريب خاصني نكون معاهم فالتوجاد احبيبي
ناصر: اهاه هوما توجدي معاهم و النص لاخر دوزيه فالخدمة و اللي يشيط سيري بيه للاصال وانا شنو يبقالي؟
عضات شفتها السفلية كاتفكر فشنو غادير تا تنهدات بلا ماتحس، لقات راسها تا هي توحشاتو و بزاف گاع
رقية: (باستسلام) واخا انا غانخرُج
ناصر: تلقايني مع الدورة
تقطع الخط بينهم و تحركات بسرعة، لبسات جلابة دالرانضة فالشيبي و جمعات شعرها ذيل حصان، صاوبات وجهها شوية، و هزات واحد العكر بريحة زويونة ، رشات ريحتها اللي ولفها فيها ناصر و خرجات كتسلت من قدامهم هازة شربيل بين يديها، تا دازت من واحد الكولوار و خرجات للپاسيو و هي تحدر لبسات الشربيل و دردگات فالدروج تا وصلات للباب و حلاتو، مع خرجات جرها من يدها، دارت مصدومة و هي تقفز اول مالمحات هشام هو اللي جرها، مع شافتو غوتات لربي اللي خلقها و جرات عندها يدها بالزربة
رقية: بعااااد منييي واش حمااقييتييي، تا تهاانيت منك و قلت مابقيتيشي كادور بيااا داااباا ماجييي ، ماقاداتكشي السلخة د داك النهار و الله تا نعيطلو يجي يعاودلك التربية
هشام: واشفتي معاك بالرررب لا تفاااكيت اليووومااا، زيد غانمشيو نعملو داك العقد دابا نتزوووجو دااابا كاتسمعنيييي
رقية:اواااعدي على حماااق هذاااا، (شافتو جارها و هي تطلق حلوقها) واااعيييباد الله عتقوووني والعااادااااو
كاتغوت و دفع فيه تا طلو عليها الناس من الديور و من بينهم مها و خوتها اللي غير شافوها نقزو يتبعوها و هي دارتليه الشوووهة فالزنقة كاتغوووت لربييي اللي خلقهاااا
رقية: واااااباااغي يخطاااخفنييي، اعبااااد الله
هز يدو و هو مغلغل، بغا يصرفقها و هي تشدليه ديك اليد بسرعة، و مع غايهز راسو مع دخل فيه ناصر براسو و زادو ركلة زواااه بيها تا طاح، زادو الركيييل على الجهد و عينيه خارجين فيه، بينما نزيهة و سلوى و سحر شدو رقية و عنقوها و هي كترجف مخلوعة كاتبكي و تمتم بخوف
جرقية: برااكةةة، ناااصر براااكة غاتقتلووووو
تفكات منهم بالزز و تلاحت عليه كاتجرو و تمتم بنبرة باكية
رقية: ناااصر صااافي انااصر، صااافييي
شاف ناحيتها مغدد و رجع شاف فهشام اللي تشروط قدامو و الناس تا هوما جاو يفكوهم مالقاو مايفكو
شدات فيه بقوة عنقاتو قدام كولشي كاتنهج مخلوعة، بغاتو غير يتهدن و هو شاف فهشام مخنزر ماكرهش يرجعليه و تا هي غير كاتحس بيه غايتحرك كاتشدو بقوة ، ماحساتش بنفسها اشنو كادير تا سمعات صوت مها
نزيهة: أديك المسخوطة شكاتعمل فوسط الزنااقيي
بسرعة بعدات عليه و هي مفعفعة و تمتمات بخجل
رقية: ا اه م ماما ه هذا ن ناصر ه هو هووو
ناصر: (شاف فنزيهة كاينهج و تمتم بجدية و هو عاقد حواجبه) خالتي سمحيليا على هاد الدخلة، غير هاد بنادم كان خاصو يتربى (دار عند هشام، بغا يرجعليه و هو ينوض بالزز و مشا هرباان) بفففف هاد الماركة اش كايدير هنا ثاننني؟ (شاف فيها مخنزر) شكووون هذاااا غير داك النهار سلختو و دابا راااجع؟
ناصر: (تحنحن و شاف فراسو و الحالة اللي دار قدام مها، ماعرف فين يخشي وجهو) لالة نزيهة احم نتمنى ماتفهمينيش غلط و لكن انا قصدي شريف و ان شاء الله المجية الرسمية ديالي ماتكونش فهاد الحالة، دابا غانستأذن منك (حدر راسو و شاف فيها هي بنص عين اللي بدورها كانت مزنگة، مشا من جنبهم راجع لسيارته اللي بقات فالدورة و هي جراتها مها دخلاتها للدار لداخل)
نزيهة: (مخنزرة) اشنو هاد الشوهة وقعاتت؟؟
رقية: والو امامّا غير خروجت نتسخر و هو يخروجلي داك الحمار و تينا شوفتي اللي وقع
نزيهة: امممم والله يجعلني نثيييق، بعدا شكون هدا اللي عنقتيه وسط الزنقة و الجيران؟ سباااقلي شوفتو و ماعقالتشي فاااين! ممممم؟ تقاضات الحشمة و الحياااا آااا (شداتها كاتقرصها و هي كتفركل قدامها مقصحة)
رقية: اي ااااي اييييي وامامااااا واااااي واااغير خااافت يقتلووو و شبارتو، ماحاسيتشييييي
ناصر: ههه لا لا هادي مامعانااش، انا عندي الرجلةةة و دابا تشوفيها كي دااايرة، واحد 19 سنتيم غاتفرعك امصورية نياني
رقية: (سكتات قارمة) هننننن
ناصر: هننن هاد هننن غاترجع اححح غا صبري
رقية: واناااصررر
ناصر: (تنهد) ها هيا بدات التحلوين ثاني، عرفتي شنو انا غانقطع لا نصدقو فشي حاجة مباغيينهاش راني على وضو
قطع معاها و هو كايضحك، بعدما كان معصب و جاوبها و هو ناوي يصبنها، زربات عليه هي بالضحك و غيير بالمهل كلاتو بحوااايجو و هادشي غير فآپيل، اما لا كانت قدامو ف هو اللي كان يقدر ياكلها بلا حوايج هههه
دخل للڤيلا، بانتليه عامرة و الضحك دالنسا جاي من الصالة، عقد حواجبه و قرب بشوية تا طل و هو يهز حاجبه فكثرة البنات لابسين و ملابسين و شي منهم كايشطح و الشي لاخر جالسين، كل وحدة و شنو كادير و معاهم كانت جوديا تا هي كاتشطح و تصور فالسطوريات محتفلين مع بعضهم و اللي لاحظ ان المشروبات محطوطين تما و باينة ماشي مشروبات عادية انما روحية
غير شاف داك المنظر ضرب يده مع واحد الزاجة قدامو تا تشخشخات و شافو فيه گاع دوك النسا و هو بالعصب قرب عند جوديا مباااشرة جرهاليه بالنترة تا شهقااات
ناصر: شهاااد الت**بيين هذااا؟ رادااالي الداار كبااارييييه؟ و الشراااب؟ واش فخباارك رمضان باقاليه قل من سيمانة ولا مافخبااركش؟ فعوض ماتوجدي ليه حاضيالي هاد الخرااااااا
البنات كولهم صقلو، حبسو الموسيقى و بداو كاينسحبو وحدة بالوحدة و جوديا ساكتة تا مشاو كولهم و هي تشوف فيه صااعرة تلاحت عليه شنقاتليه على حوايجو
ناصر: (شدها بغضب و دفعها من عليه) انا اللي بانليا غانقـ •ـتلك، اش هاد الحااالة دايرة فدااري؟ فينو جووود؟ فييينوووو؟؟؟
جوديا: مااشي سووقك، داااري تانا و نديير اللي بغييت و زايدووون انا ماشربتش هادوك جوج صحاباتي ماشي مسلمات بغااو يشربو و جبتوولهم
ناصر : مادخليييهش لدااارييي، مادخلييهش و مادخلييش دوك الق****اااب لداااري (صغر فيها عينيه) بلحق انا اش كانقوول، كانوصييك على الق***اب وانا ناسي راسي مع كبيييرتهم
خنزر فيها بنظرة اشمئزاز، كسرها بيها تا طاحت للارض كترجف و هو تحرك من تما مشا يقلب على ولدو، تا دخل لبيتو، بانليه ناعس فبلاصتو!
استغرب لنعاسو فهاد الساعة و عاد مع الصداع اللي كان لتحت مكانش يخليه ينعس، تا قشع قرعة دالسيرو جنب الفراش، هزو و بالاعصاب اللي فيه شخشخو مع الارض و بغضب نااض خرج من البيت غايطرطق
ناصر: جوووودياااااااا
غير سمعاتو كي نادااها وقفات تا هي كترجف و طارت على واحد القرعة دالزاج، هرساتها و تحركات لعندو تا بانلها نازل من الدروج و هي تهز القرعة فوجهو
جوديا: تقربلي والله حتى نقتـ •ـتلك
ناصر: لا صااافي هادشي اللي بقااااا؟ غير قتـ •ـليييني
جوديا: انت مريييض انسان همـ •ـجي و ماعندكش العقل، ماعرفت فين كان عقلي مللي بغيييتك ولا بغييت نتزوج بييييك، ماعرفت فين كاان عقلييي مللي جيييت نتصاالح معااك وانا عارفاااك كاتخوووني ولكن والله تا نشوهك و نوريييك، ا اناا جووديا الف واحد يتمناااني، تخووني انت مع موووسخة
ناصر: (تلاح عليها بغضب ضربلها الزاج من يدها و لصقها مع الحيط وراها و بعـ •ـنف زير على رقبتها تا تخنقات) ماتلعبيييش معااايا اجوديا و مغاتقيصيييهاااش هاااديك لاالاااااك
جوديا: (خرجات فيه عينيها اللي دمعو) كتعتااارف، ا انت انت كاتخوووني و كاتعتارفلي فوجهيييي
ناصر: (خرج فيها عينيه و نطق بمجااكرة) ااااه كانعتاارف ، كانخووونك و كانبغيييها و غانتزوج بيها و انتي سييريي تموووتي، و دااك الولد اللي ماكملش شهر باش خرج من كسيدة قد الخلاا و دابا مشربااه السيرو دالنعااس غانتفااهم معااك علييه
تحرك من جنبها طالع للبيت د ولدو خلاها هي شافت فيه مجننة ، هزات ديك الزاجة اللي ضربهالها و حيدهالها، و جرات ناحيته مغددة، ماحس غير بيها مغروزة فضهره تا قربات توصلهاليه للعضم
عقد حواجبه بوجع و شد على بلاصة الضربة و تمتم بغضب
ناصر: واااش مكاتقادااايش أز***
دار عندها مغلغل و هي لاحت الزاجة للأرض ، شنقات عليه و تمتمات بغضب
جوديا: ماتعاودش تحط صبعك عليااا، و مزاال غاندمك لا انت لا ديك الكلبة ديااالك، والله تا تندموووو
ناصر: (شاف فيها وجهه كحل بالأعصاب) هادي اللخرة ليييك معاايا، (الزاجة غرزاتها فيه النيت تا النفس تقطعليه، عض شفته السفلية بقوة كايحاول يشد فراسو و مايعطيهاش شي دقة تا هو تنسيها راسها، نترها منه تا تعكلات و طاحت للارض و تمتم بغل) من اليوم راك محرمة عليا مراااا، غاتمشي لدار باااك ماتعاوديش طووفي بملتيي حسن مانخسرليك هاد الكماااارة اللي فرحانة بيها
هد عليها فحالا غايضربها خلاها تراجعات للخلف بسرعة مخبية وجهها و هو تحرك من تما مكمل طريقه عند ولده و مازادش دوا معاها، خلاها هي مزالة فالارض مصدومة كتنهج، تنفسات بقوة حاسة بالدنيا كادور بيها!
هو كان مجرد شك و دابا ردولها يقين!
مزال مالقات عليه الدليل القااطع و لكن بكلامه خلاها تتأكد و دابا مغاتمشي تا تعرفها و تجبد مصاااارنها، غاتوريه هي شكاتسوى، لا كان هو خانها و ببرودة دم قالهالها و كايقولها غايتزوج بيها، ف هي قبل مايديرها غاتندمو على النهار اللي فكر يعرف غيرها فيه، مايبقاش قادر يخرج للزنقة ولا يدوي مع الناااس!
_______________________________
فاليوم التالي، اول ماخرجات من الخدمة مع البنات لقاتو واقف متكيلها على الطموبيل كايساينها، وجهه باين فيه ملامح التعب و لكنه مقدرش يجلس فالدار ولا يمشي ل حتى قنت من غير عندها، حس براسو محتاج يشوفها تبرد عليه شوية فقصة البارح و اعصابه مع جوديا، كايلقى ديما عكسهم معاها و هادشي اللي مخليه يزيد يتعلق بيها، اما هي ف بقات مقابلة معاه كتحاول تستوعب انه تجرأ و جالها للخدمة دابا و ماعندهاش منه مهرب
قربات لعنده حشمانة و تمتمات بين سنانها و هي كادور فعينيها
رقية: واش حماقتي ماجي عندي تا لهنايا؟
ناصر: (تبسم و شد فيدها ضمها بين يديه بجوج) انتي خليتيني نحماق و نجي عندك هاكا ، يا الهراابة
تبسمات بخفة و خجل و تمتمات و هي مزنگة
رقية: زيد زيد نغبرو من هنا، راه غدا غاتصباح خباري منشورة فحال جريدة الصباح
ضحك تا هو و طلعات جنبه، تحرك من تما تا وصلو لطريق خاوية و هو ينطق بتسائل
ناصر: فين وصلتي فالبيرمي؟
رقية: هانا ماشا معاه، عملت حِصة دالصوگان ولكن مزال كانتخلاع
حبس الطموبيل و شاف فيها
ناصر: اجي اجي دوزي نعلمك شوية دوزي
رقية: وااش بصاااح؟ (تبسمات بحماس, غاتصووگ رانج رووفر هادي تخايلاتها غير فأحلامها، و بقوة حماسها نسات اصلا انها مزالة مكاتعرفش و لكن واخا هكاك وافقاتو و بغات تحط يديها على الگيدون و رجليها على الفران دالرانج)
غير ركبات بلاصته و شدات المقود تمتمات بفرحة
رقية: احححح على ركبة شحال حلوة
ناصر: هههه يلاه ورينا حنة يديك
رقية: (شافت فيه) ولكن مكانعرافشي
ناصر: اش علموك الحصة الفايتة
رقية: (تنهدات) نسيت
ناصر: شديتي البيرمي بكرييييي امصورية هههه
رقية: (قلداتو كاتعوج) نينينينينيييي
ناصر: يلاه ارسوم متحركة، تحركيي
بدا كايوريها اش دير و كيفاش تحرك، عاطيها الخاطر و عينيه متبعين ملامحها الجميلة تا حركات الطموبيل، لصقات مع الڤولون و خرجات عينيها فالطريق بطريقة مضحكة و هي كتصوگ و تغوووت مخلوعة و مفافية غير بوحدها صايگة بعشرين و خايفة، اما هو ف شد وجهه كايضحك عليها و تمتم و هو حابس الضحكة بالزز
ناصر: (تبسم و بهداااوة قربلها و نفخ على وذنها بنفسه تا ضارت بسرعة شافت فيه و رمشات فيه بنظرة ساهية، بدوره سهى فيها مبسملها و همسلها بخفوت) منين كاتجيبي هاد الدلع كولو
رقية: (تبسمات بثوثر) هوووش (حطات يدها على فمه) ماتهضرشي دااابا تا لمن بعد
رجعات ركزات فالطريق كاتفرنس و هو حاضي فيها كايتنهد تا
بقى ساكت كايشوف فالفراغ بصمت تا نطق بعد داك الصمت الطويل
ناصر: بغيت نقولك واحد الحاجة أرقية انا كذبت عليك....
مع قال كلامه مع فرانات و غوتاات على غفلة و هي كاتشوف فواحد الكلب غادي كايجري فالطرييق، شافت فيه كترجف بفزع و تمتمات
رقية: اوااعدي كنت غاندوووز فيييه
ناصر: شششش ماتخافيش ها انتي مادزتيش فيه (جرهاليه و خشاها فحضنه و هي كترجف بالخوف) اششش هاد الخوف كولو على شي حاجة ماوقعاتش، ششش تهدني
رقية: خاافت بزاااف (تعلقات فيه اكثر كتنخشش و خشات وجهها فرقبته تا هزها لفوووق كايصرط ريقه بالزز و هي متشعلقة فيه)
ناصر: رُقية (همسلها بخفوت و يديه تخشااو وسط البودي اللي لابسة تا قاص لحم ضهرها من لتحت) راك كاتسخني الموطور هاكا
بعدات للوراء مستغربة، تا شافت فيه لقاتو كايشوف فيها بنظرة غريبة و حسات بلمسة يده المكهربة فوق جلدها تا شهقات .. حطات يديها على يده بغات تجرها و هو يهمسلها فوذنها مع بوسة خفيفة فيها ذوباااتها تا غمضااات عينيها بلا ماتحس
بقات مغمضة عينيها بقوة، حاسة بقلبها غايسكت، ذاتها سخنات سخونية ماشي طبيعية و ذاتها ترخات بين يديه و هو عينيه كانو كايشوفو بشوق فشفايفها
متلهف يبوسها و يطير معاها لعالم آخر يكونو فيه غير هوما بجوج
قربلها أكثر تا حسات بأنفاسه بورشوها، بلهفة حط مقدمة شفايفه على الخالة اللي فوق شفتها العلوية حطة خلاته يذوووب فيها، و خلاتها هي ترخى عليه رخوة غير طبيعية بشوق كبير نوا يتحرك بقبلته لشفايفها مباشرة و لكن رخوتها دخلاتليه العجب
بعد بشوية شاف فيها، لقاها مرخية و ذاتها سخونة بزاف، حط يديه على خذوذها و طبطب عليها و لكنها ماتجاوباتش معاه
عقد حواجبه و مد يده للطابلو دالطموبيل، هز واحد الريحة شممهالها تا حلات عينيها نصف حلة و راسها كايدور بيها
طبطب على خذها بخفة و همسلها بحنية
ناصر: حبيبة ؟ مالك؟
رقية: (بخفووت) انننن ش شبراتني السَّخفة
ناصر: (تبسم بلا مايحس و جرهاليه عنقها كايضحك) اااهيا على اللي ناويين نديرو معاها الولاد، هادي بستك غا جنب فمك سخفتيلي! اش غاديري لا بستك ففمك امممم؟ (هز راسها بيديه بجوج تا تقابلات معاه بوجهها مزنگ) اري نجرب نشوف
ناصر: الحلاااوة انتي ، مايغركش السن، راني واخا شارف باقي شباب و كاين فيا المعنى (غمزها و عض شفته السفلية بانحراف) مزال تحملي بالتوااام غا صبري
دفعاتو عليها كاضحك حشمانة و هو ينطق بمزاح
ناصر: راني لاحضت انك مزغبة شوية (شد يدها كانت فيها شعيرات مع هي بيضا بانو كحيحلين شوية، عض شنوفته و همسلها جنب وذنها بنبرة شحفاتها) عرفتي المزغبات كي كايكونو فالفراش أمصورية، اححححح غاندوزو الزهوووو
دفعاته من عليها مغددة و رجعات كولها حمرا بغات تعاود تسخفليه من كلامو تا بعد عليها كايضحك
ناصر: هههههه صافي صافي غير ضحكنا، دوزي دابا جلسي بلاصتك ، نديك تغداي تقوتي شوية و زيدي ربي هاد الطرف
تجننات عليه تا غوتات بلا ماتحس، نزلات من الطموبيل منخشسة فبعضها و دازت جنبه مغوبشة، تا بغات تطلع لبلاصتها تجلس و هو يجرهاليه وسط الشارع حاوط خصرها بيديه بجوج
تبسم و شاف فيها بنظرة مطولة تا استغربات، تبادلو النظرات بعمق بيناتهم تا همسلها بحنية
ناصر: غاتكوني رزقي و مكتابي و ديالي (قربلها لوذنها تا فشلات بين يديه و همسلها بخفوت) انتي ديالي بوحدي
تغداو فجو رومانسي جمعهم بالضحك و الملاغة و النفخة و الخجل، تا شبعو و وصلها للدرب فحال ديما
دخلات للدار و الفراشات كايتراقصو فبطنها من كثرة السعادة و الفرح، لقاتهم كايوجدو سلو و مع الدخلة نگرات عليها مها على التعطال و لكنها هي مداتهاش فيها و نخلاتها، داياها غير ففرحتها مع حبيب القلب
دازو ايام قلال فالتوجاد تا دخل رمضان و داز فيه ستيام، فهاد الشهر قررات تخرج من الخدمة، منها ترتاح و منها تصلي بخاطرها التراويح حيت التوقيت مناسبهاش دالخدمة، تقلب و تقلبو معاه مخططاتها، دوزات اياماتها الاولى غير فالدار، كل نهار كانت كاتخبيليه حقو من الشهيوات اللي كادير و فوقت التراويح كاتعطيهومليه غير بالزربة بلا ماطول معاه لا الوقفة ولا الكلام
الميساجات و ليزاپيل كانو كافيينهم ، مرة مناقشين مرة مهدنين واخا اصلا علاقتهم ماشي خايبة، هادئة و مهدنة حيت هي مافيهاش كثرة الغوات و تا هو طالعينليه المشاكل فراسو، كايلقى معاها الهنا و راحة البال
هاد النهار عولو يخرجو يفطرو مجموعين و قالت لدارهم انها غاتفطر مع صحاباتها دالخدمة
وجدات راسها فآخر ساعات بقاو للمغرب، لبسات عباية عبارة عن كسوة بيضاء من لتحت ثوبها رطب و من الفوق القطعة الثانية فلون زيتي و حزامها فالابيض، مع طالون قصير و دارت شال غير حطاتو فوق راسها و خلات القصيصة خارجة، دارت غير ريسيل لعويناتها و گلوز رطبات بيه شفايفها و خرجات من الدار لقاتو قريب غير مع الدورة كايتسناها فحال ديما
ركبات جنبه مبسمة فرحانة و انطلق هو فالطريق، كايسرق فيها نظرات كايذوبو
حمقاتو بهاد الستيل و طاح عليها واحد السر غريب، تا الغياب اللي غابتو عليه و شوفاتهم المسروقين لبعض فوقت التراويح خلاه يتوحشها، و تا هي اعجابها بيه تزاد اكثر، كاتشوفو لابس قنيديرة زرقاء مخيطة بالسفيفة و ثوبها كايبان زوين، مع بلغة صفرا فرجله و تقيشرات بويض كايحممق
بقات غير كاتشوف فيه تا شاف فيها و غمزها
ناصر: تا للمغرب و فطري بيا ماشي دابا
ضحكات بخفة و غمزاتو
رقية: كايجي معاك الصيام
ناصر: (تبسم) مكانتقطعش ياك؟
رقية: ههههه مبايناشي فيك، مهادن
ناصر: ايوا هذا شهر العبادة ماشي الدباز و العصب
رقية: (تنهدات و شافت فالطريق تا رجعات شافت فيه مبسمة) عائلتك كي بقاو، و رمضان كي دوزتوه
ناصر: مزياان عادي
رقية: اهاه و ولدك فينوا مع مامّاه؟
شاف فيها بنص عين و تنهد
ناصر: دابا مع الواليدة خليتو، هي سافرات و خلاتو عندي
رقية: (بحماس) بصااح شي نهار جيبو معاك نشوفو!
ناصر: (تبسملها) ان شاء الله
رقية: (تنهدات) فنظرك غايبغيني نكون معاك؟
هز يدها باسها تا خطفاتهاليه مزنگة و تبسم
ناصر: شكون مايبغيكش المصورية؟ غا لا كان هاد ولدي حمق و مكايشبهليش!
رقية: كايشباهلك تينا ولا لماماه؟ ماماه كي عاملة بيطا ولا سمرا؟
ناصر: (سكت و بعد مدة نطق بخفوت) رقية، يا رقية، ماديريش فبالك هادشي من الاحسن!
تنهدات و بلا ماتحس عبسات بملامحها و همساتليه
رقية: مرة مرة كايجيو هاد الافكار لذماغي و صافي
ناصر: ماتبقايش تفكري فيهم بزاف، خوي راسك من السلبيات كيفما خاويهم تا انا و مكانبغيش نفكر فداك طليقك اللي كل مرة شادو فشي قنت كانسلخو
تبسمات بخفة و شافت فيه
رقية: اصلا تينا الحاجة الايجابية فحياتي، احسن حاجة عملتا انني تعرفت عليك و احسن حاجة عملتا فحياتي كاااملة دابزت مع ختك هههههه
ضحك تا هو ضحكة مسموعة من اللي قالت و شاف فيها بغمزة
ناصر: غاتكون عندك لوسة مشرارة حضي راسك
رقية: امممم غانحاول نتفاهم معاها و نصلحو العلاقات
ناصر: اهاااه ألالة غاديري عقلك زعما
رقية: شعاندك، ياكما كانبانلك حمقة؟
ناصر: (بتنهيدة مسموعة) انتي هي مولات العقل و الفنة ديالي (شاف فيها و وسع ابتسامته) فخبارك ماعنديش مع كثرة الهضرة و انا صايم و لكن الهضرة معاك بحلاوتها
تبسمات بخجل كادور فعينيها و رجعات شافت فيه، ساهية بحب و عينيها كايلمعو بالشوفة فيه، يااااه لو كان يعرف شحال كاتحبو، كان يشدها و يخشيها فوسطو يخبيها من العالم كووولو فوسط صدره
فطرو فواحد المطعم خمس نجوم، فطور ملكي خلاها غير حالة فمها، حمقها الفطور و الاكلات اللي تحطو، ماخلات تا حاجة مذاقتهاش و تا هو كايهز و يوكلها و يعطيها تا تگوفلات، كملو و مشاو لواحد الجامع، قدام القهوة، صلاو كل واحد فجهة تا كملو التراويح و رجعو خرجو تساراو فديك الليلة تا وصلات الحداش دالليل عاد وصلها لجنب باب دارهم، هازة بزاف دالصيكان ، شرالها روايح و شيلان و جوج عبايات عجبوه و زادها واحد السلسلة فحال صدفات البحر مذهبة حمقاتها هي و براسلي خاص بيها و حلقاتها
توادعو و هوما مبسمين و فرحانين سدات باب الدار موراها و تنهدات بعمق كتهمس بأمل
فيوم من ايام رمضان، كانت مهلوكة وسط الطياب كاتصايب الحريرة بنفسها و دخلات بريوات للفران مع ليكيش و واحد الديسير بارد خشاتو فالثلاجة، صاوباتهم بالگانة عوالة تخبي حقو من بعد حيت واخا كانت كتذوقو، عمرها عطاتو حريرتها و هذا هو النهار اللي دارتها فيه هي بنفسها رمضان كامل، بقا بالها معاها لاماتكونش زوينة ولا ناقصة الملحة، خرجات من الكوزينة و هي حاسة بالعيا، دوشات بالخف تحيد الرخوة اللي شداتها و يلاه كملات و لبسات حوايجها فبيتها، سمعات الباب تحل بقوة عليها و دخل خوها مخرج فيها عينيه و بلا مايخليلها المجال فين تدوي ولا تستفسر منو اشنو كايدير، هز يدو و صرفقها تصرفيقة خلاتها طيح كاتغووت
رقية: ايييي واش حماااقققققتيييي (شافت فيه مصدومة و خذها كيوزوز و عينيها دمعو) واااش من نيييتكككك كاضرااااابنييي
ناضت وقفات و بغات تلاح عليه ضربو تا هي و هو يشدها من شعرها بنتفة وجعاتها و تمتم بحدة و نبرة صوت قاااسية
رضوان: عُمرييي كااامل وانا موااااقرييني الناااس، تا لليومااا عاد ترجاااع سيرتييي على لساان الزو**ل كااادورر، و بسباااب شكوون؟ بسبااابك انتييي، انتي اللي كانقوول عليك مراااابييية و عمرررر سيرتك سمعنااها دابا رجعووو خبارنا يوصلوك من الانستغرام و تصاورك مع الزلال مكاينش اللي مشافهمش، مصاااحبة مع واااحد مزوووج؟؟ مزوج بمرتوووو ناضت تشوه فيك ابنت الحراااام، سحررر و مدارتهاششش، انتييي اللي بقيتييينا تعملل هاد الشووهة، مااااجي فالحومة گاع الناس كايوشوشووو عليااااا و زييد علييها طلاقااوني كايقولولييي دايما كايجي يطلاقااك مع الدورة و كايجيلك تا نالبااااب دالخدمة (عاود صرفقها تا طاحت مصدومة كاتبكي، كلامه ماستوعباتوش و مافهماتوش) هضضضاااار ألحمااا •رة هضااااااااار، تسالاو الرجاال مابقالك غير واااحيييد مزواااااج
هزات عينيها فيه كاتنهج و ذاتها كترعد كاملة كترجف، دخلات عندو نزيهة كاتبكي و تبعدو عليها تا هي مافهمات اشنو طاري، كانت فالسطح كاتنشر تا هبطها غواتو
نزيهة: ابني حبيبي نعل الشيطان، بدل الساعة بأخرى، شعاندك مع ختك شعندك كاضربا
رضوان: جابتناااا الشوووهة بنتك، جابتنااااا الشووهة و مصاحبة مع راجل مزوج، ناضت مراااتو تبعاتو و صوراتووووم بجوج، جالسين كايتمعشقو و يتعانقو و يتشابرو باليدين، و حطاتااااا عندا فالسطوريات ديالاااا، كولشيي ساق خبار شوهتها، دابا العائلة تبدا تصوني عليك تسقسيك، خشاتنا وجاااهنا فالارض هاد الكلبة
هز يدو زااادها طرشة اخرى صمكاتها ، طاحت للارض كاترجف كاملة، شافت فالفراغ مصدومة و بين عينيها صورت ناصر و فوذنيها صوت خوها كايردد انه مزوج
النفس بدات كاطلعو بالزز و هي غاتحماق!
بغات تحماق ماتيقاتش اش تقال، تا شدات نزيهة ولدها خرجاتو بالزز من عندها و هي كتخيرو بين السخط و الرضى، غير مشاو ناضت رقية كتجري لتليفونها
هزاتو و دخلات للانستغرام كاتجري تشوف شنو طاري
تجاهلات كم الاتصالات اللي وصلوها منه بلا ماتنتابهلهم و تجاهلات تا ميساجاته اللي كايوصلوها حاليا فالواتساب
ردات البال ان الانستغرام عندها ولا عامر بليزابوني، لدرجة من 500 تحولها ل 5000 و هادشي كانت طلات عليه غير فالصباح مكانش هاكا، بانولها شي ناس مطاغيينها دخلات تطل على داكشي و هي تشهق اول مبانتلها، هى و شكون من غيرها، المودل المشهورة اللي كانت كاتحمقها و متبعاها و حاسداها على حياتها
جوديا كادوي قدام الكاميرا و الدموع فعينيها
جوديا: سلام عليكم، جيتكم اليوم ماشي فحال ديما، عمرني تشاركت معاكم مشاكلي و لكن دابا ماقدرتش! حيت المشكل فوق طاقتي، كنت اي حاجة كاطرالي كانخبيها و عمرني تجرأت نبوح بأسراري الشخصية امام الملئ، خصوصا اسراري مع راجلي و لكن دابا فاض بيا الكاس! فاااض بيا مللي عرفت راجلي كايعرف عليا وحدة اخرى، كايخرج معاها و هي واخداه مني بأريحية، سرقاتو و دارتو تحت باطها تا ولا كايهتهت بيها، راجلي كايحماااق عليا انا عارفة و لكن بسبابها مابقاش طايقني، على الاغلب غاتكون سحراتلنا ولا سحراتليه هو، انا وياه عايشين احسن حياة، عندنا وليد فعمرو ثمن سنين و حياتنا ديما آليز كنتو كاتشوفوني كانصورلكم و تا عيد الحب اللي مدازش عليه بزاف، شفتو كي دوزناه و حنا مزيانين تا جات هادي و فشهراين طيراتو ليا خلاتو كارهني و هارب مني، لدرجة واحد النهار ضربني و قالي انه كايبغيها و غايتزوجها!
هي غاتبني سعادتها على ضهري، يعلم الله شحال بقات تاكليه عقلو و سحرااتو بيها، خلاتو بين ليلة و نهار تسيف عليا، وانا غضبت منو فحال اي مرا و راجلها تناقشو جيت لدارنا قبل رمضان بغيت نرتاح باش نصفاو شوية و عوالة نرجع لداري من بعد تا كنتفاجئ بدعوة الطلاق وصلاتني اليووم
شحال وانا ساكتة و مكمداها، كنت عارفاها و سكت و مواجهتووش باااش مانخربش داري و مانشتتش شملي، مع ولدي و لكن دااابا فااض بيا الكاااس، درت گاع المحاولات و لكن هي اثرات فيه و سرقاتو مني (عينيها عمرو بالدموع كادوي و هي كتنخصص و تشهق) بسباب ديك السحااارة هو بغا يطلقني، انا راجلي عارفاه باغييني، و تزوجنا عن حب دابا تسع سنييين (هزات تصاور العرس بين يديها كاتوريهم للكاميرا و كولهم ضببات فيهم وجهه و هي غاتحماق بالبكا) و دااابا فااض بيا الكااس مللي هي ماحشمااتش و سرقااتلي راجلللي تانا مغانحشمش مزاال و غانحطهم بوجههم حيت حطمووني و الدعوة بيهم لله فهاد النهاااار هذا، انا خرجت عن صمتي و مغانتنازلش على حقوقي ولا على راجلي واخا يطرا اللي طرا، انا مابغيتش عائلتي دمر بسباب بنت تولدات فالألفيين!
مور داك السطوري مباشرة دخلات لطاغ آخر و هي غاتهبل عينيها خارجين، لقاتها حطات تصاورهم فسطوري آخر و المتابعين هزوهم و تداولوهم بين الصفحات، تصاورها معاه فآخر خروجة ليهم كان كايشريلها السلسلة و البراسلي كايقيسهوملها و بايسلها فيها يدها و فخرجة أخرى قبل رمضان فاش كان مقنتها مع الطموبيل و عنقها فاللخر كانو كايتصورو و مرادينش البال، بانت تا تصويرة اخرى مضببة من وسط الطموبيل فحالا مقربين كايتباوسو و كولهم كانو وجاههم مضببين ، واخا جوديا ماحطاتش تصويرتها بنفسها إلا انها صيفطات اللي يحطها فالباجات الكبار باش يعرفو شكون هي فعلا تصاورها بوحدها تنتاشرو بطريقة غير معقولة بعدما طاحو على كونطها اللي خلاتو عمومي من آخر مرة، اما تصاور ناصر ماعرفوهش كي داير فحالا كان هم جوديا انها تشوه غير رقية فقط، فحالا هي اللي تسلطات على الراجل و تلوات عليه فعلا بينما هي مكانتش عارفاه اصلا انه مزوج
قلبها بغا يسكت من الصدمة، كاتشوف فداكشي كأنها فكابوس عمرها فكرات انها تعيييشو تا فخياالها و دابا ها هي عايشاااه فالحقييقة
كابووس مر و قاااسي دمرها و كسر قلبها لقطع صغيرة، حسات بحريق خاايب فجانبها الأيسر و الدموع!
اادموع مابغاوش يحبسو فعينيها و رجليها حساتهم بردووو و واحد الرجفة شداتها غير طبيعية و غير معقولة فحالا الموت بغات تشدها!
ماعرفاتش باش كاتحس و لكن كانو فحال السكاكيين كايتغرزو داخلها و هي كاتقرا تعاليق الناس ليها فصفحتها على صورها، و تا ميساجات وصلوها و الباجات كايدويو عليها و يسبوها تا واحد محاملها و كولهم متضامنين مع الزوجة جوديا اللي مدارت لا بيديها ولا برجليها و بكاها فالفيديو قطعليهم القلب
لدرجة دخلات لشي صفحات لقاتهم حاطين صورها مع ديالها و كايقارنو بيناتهم و فالتعاليق مكاينليك غير السبان و كايعيبو فيها
👩🏻-تفووو شو كي دايرة، صفراا ولا علااقة، لا فورمة لا زين ماعرفت هاد الرجال فاش كايفكرو
👩🏻-راه بااينة مسحور كي قالت مرتو، شو هادي كي دايرة لاا مقارنة بيناتهم
🧔🏻♂️-ايييه ياليااام، انا تكون عندي فحال جوديا فالدار نشوف فرْقية؟ لا لا لا فين ذوق هاد الراجل
جاوباتو وحدة
👩🏻- واييه اخويا راها لا علاقة، بالحق الله يعطيه العما داك الراجل، السحوور يديرها
🧔🏻♂️- جاوبها ديك الساعة ب "دوزي بريفي"
دخلات لباج اخرى حاطين صورتها مع جوديا و كاتبين عليها بالضحك
"دقة السحور باينة 😹"
"فاش يزغبك الله و تبغي تخون مرتك بعدا ختار ماحسن منها 😹"
و الكثييير من التعليقات لقاتهم من هاد القبيل، حطمو نفسيتها و حطمو ثقتها فنفسها ولا كايبانلها راسها فحال شي حشرة، ماحملاتش تشوف وجهها فالمرااية، كرهات نفسها و هي كاتشوف فتصاورها كايدورو و شي كيخرمز عليهم برموز فحالا كايسحرولها زعما و الشي لاخر كايدعي فيها فالبريفي، شي بالموت شي بالكسايد تا ماحساتش غير بنقيطات دالدم نقطو من نيفها للتليفون
شافت فدوك النقيطات بعينيها المضببين بالدموع و مسحات نيفها بصعوووبة و هي كاتشوف تليفونها بدا كايصوني من رقمه
صونا مرة و جوج و ثلاثة و هي كتشوف فيه بعيون مشوشة و راسها ولا كايضرها بطرييقة خايبة، حاسة فحالا شي عرق طرطقليها فراسها، شهقات بالجهد كاتبكي بحرقة و ذاتها كاترجف بطريقة غير عادية تا بدات كاترعد اكثر و اكثر و يديها و رجليها بداو كايتعودو و كاتشهق على حالها شاداها الموووت
تا تحل عليها الباب بعنف، دخل باها و خوها ناويين يكملو عليها و مها كاتشد فيهم و ترغبهم باغا تهدنهم و لكن مع الدخلة، ضربات مها ففخاضها و غوتااات بحررررقة
نزيهة: بنتييييييييي
طار عندها رضوان كايجري و هي مخشبة كووولها كاترجف و نيفها كايشرشر بالدمااايااات
تخلعو و تفافاااو و مصطفى كايدور جنبهم و يترعد تا هو ماعرفو مايديرو، تا دخلات سحر عاد جايا بعدما شافت ديك الفضيحة .. دخلات عليهم للبيت مللي سمعات الغوات، سحابلها غير كايقتلوها، و لكن غير شافت فختها بديك الحالة، غوتاات غوووتة وحدة لربيي الللي خلقها و جرات ناحيتها تا هي مخلوووعة عليها
_______________________________
السبيطار عامر بعباد الله، المشافي العمومية المغربية تا واحد مايتمنى يمشيليهم ، خصوصا و هو فحالة خايبة فحال حالة رقية و لكن مكان عندهم مايديرو و داوها لتما، خلصو الصندوق و بالتدويرة باش دوزوها يسبقوها هي اللولة
دخلوها للبلوك ديريكت كانت مرخية بعدما هدنوها فلومبيلونص، غايبة عن وعيها و مع دخلوها للبلوك و ركبولها الاجهزة مع ذاتها باش يبداو يسعفوها سكتلها القلب وسط ديك الصدمة بسرعة بداو كايتجاراو بيها تا رجعلها النبض و هي محاساش بالدنيا حواليها
كولشي مخلوع عليها، واليديها و خوتها، خوها ندمان حيت ضربها الدموع فعينيه و مها غاتحماق بالبكا و باها مهدود شاد راسو بيديه بجوج و جالس فالارض مقرض كايترعد كااامل
الحالة اللي شافوها فيها عمرهم توقعو انهم غايشوفوها فيها فحياتهم كولها
ديك البنت الجميلة و الرقيقة فحال النسمة
اشنو دارت فحياتها باش تستاهل فحال هادشي؟
اشنو دارت فحياتها باش تتعاقب هاكا؟
و اشنو دارت باش تتشوه هاد الشوهة و كولشي يوقف ضدها و هوما معارفيينش اصلا اشنو وقع و شنو طرا و كيفاش هي تعرفات على داك الراجل!
كولشي طرا بسرعة و هوما كايساينوهم يخرجوها من البلوك تا سالاو معاها و خرجوها كانت عريانة كولها ، مغطيينها بليزار و كولها صفرا و ذاتها باردة كي الثلجة
___________________________________
خبارها فالسبيطار وصلات تا للصحافة اللي كانو كايساينو فباب دارهم فاش هزاتها لومبيلونص كانو باغيين يستجوبوها و ياخذو السبق الصحفي منها و يسمعو القصة من طرفها و لكن تفاجئو بيهم هازينها فلومبيلونص
بسرعة خبارها تنتاشرات و مكاينش اللي ماعرفش انها داخلة لمحمد الخاامس
داخل كايجري مخلوع عليها قلبو غايسكت و عينيه كايقلبو فكل جيهة، كان كايترعد كامل بعدما كان غايحماق بالصونيط عليها، شاف خبرها تهزات للسبيطار جا كايطير لعندها بلا مايفكر
وقف جنب الغرفة اللي خداوها ليها، كانت غرفة كبيرة بعدة اسرة جامعة عدة مرضى و هي بينهم مزالة فاقدة وعيها المسكينة
وقف جنب ماماها اللي شادة فيها مخلوعة عليها و تمتم بخوف
ناصر: ر رقية رقية ، شنو طرااالهاااا
بغا يقرب لعندها و هو يشوف فيه خوها، غير بانليه فحالا شاف شي جن، تلااح عليه ببونية قوية تا تردد جسده للخلف و تمتم بغضب
رضوان: شكووون انت الللي ماااجي لهنااايا، شكووون
ناصر: (كايشوف فيها ورا جسد رضوان اللي شدو و كايتمتم بلهفة) ان انا ، ش شووف داكشي اللي طراا كامل ماشي صحييح، ا انا اه مزوج و لكن هي مكانتش فخبارها، اششنووو طراااا باش وصلاات لهاد الحااالة مااالهااااا واااش ضربتوووهااا؟؟ (صعر باغي يشدها و لكن ماقدرش بسباب رضوان اللي دفعو بقوة مبعدو عليها) واخليييني نشوووفها اشنو درتووليييها!!
رضوان: مشييي تقاااا***د اولد الق****ة ، الرجلة بزاااف عليك انت ، ماااجي تشوفا فحالا مااشي تينا سباااباا، كانت غاتمووت سكتييلا القلب ماعتقوها غير بالزز، راسا كان غايطرطقلا فيه شي عررق و شبراتا نوبة دالاعصاب، رجعات حالتا حاالة بسبابك تينا و ديك مرااتك و لكن غير صببااار والله تا نجرجركم فالمحااكم، غاندعييوكم و نخرجو منكم هاد الحالة اللي دخلتوها ليها و بالزز منكم، سحابلك ختييي معانداشي اللي يوقف معاها ولااا؟ انااااا (ضرب بقبضة يده على صدره بعنف و حرقة) انااا خاااها الكبيير و غانعمل جووهدي ندخلكم فين ترباااو
ناصر: (تجنن) وابغييت نشووووفها، نشوووفها و انت عندك الحق فكولشي، انا ولد الحراام مقطر و مكانسوااش و لكن مابيدييش هادشي كانبغييها، وااارقية كانبغيييييك
غوت بحرر جهده و هو كايشوف فجسدها الممدد فوق السرير بلا حول ولا قوة ليها، خرجو خوها بالزز من تما و جاو تا السيكيريتي خرجوهم و هوما مشادين، ناصر تغدد و ضرب رضوااان تا هو باغي يرجع عندها و مللي شدوهم تا السيكيوريتي، زااد صعر كايضرب فيهم و رضوان تا هو ماخلاش من حقو فيه
الرويينة نايضة و تا الصحافة اللي تبعاتهم للسبيطار بداو كايصوروهم و حاولو يركزو على وجه ناصر اللي مبانش فالتصاور
ناصر: غانشوووفها، غاتخلييوني نشوووفها، وابعدووووو وااانا انا اللي ولد الحراام هي معاارفة وااالو معاارفةةة وااالووووووو
بغا يحمااق و يهبل، مكايتخيلش انها فديك الحالة دابا، و وصلات للموت بسبابه، عيشاتو احلى ايام حياتو و هو باش كايجازيها
غوتتت غوتة عاالية بشراسة خلعات اللي حواليه و بلا مايحس، قلع التيشرت اللي كان لابسها تا بقى بصدره عريان، مهياااب بان و كامل مگضر و عاامر، مع رمضان كولشي تجمع باغيين يبرگگو كايحماقو على المطايفات د رمضان و هو كايبغي يدخل لداخل و كايدفعوه مبعدينو
ناصر: واولاااد الق****ب والله لا فارقتووني معااها، اناا دياالها و هي دياالي، غانتزوجهاااا وبالزز منك انت (شير لرضوان و هو كايشوف فيه مغلغل بغا يضربو) بالزز منكم غانتزووجها كاتسمعووووو
رضوان: خاااليييك كااتحلم، ختي هي اللي عمرك تعاود تحلم بيها
ناصر: (غوت بصعرة و بانتليه واحد الحديدة فالارض هزها و قربليه ناوي يعطبو) ماااشي انت اللي كاتحكاااااممممم (قربليه تا لصق معاه كايشوف فيه بنظرة حادة و سيفتو ولات كاتخلع، كاينهج و يدوي بطريقة هستيرية) رُقَيَّة غاتولي مرااااتي، هي ماعرفاتنييش مزوج، انا خبييت عليها و لكن غانطلق، غانطلق و نتجمع معاها كاتسمع، كاتسمعووو نتوووما كااامليننننن، (دور عينيه فجنابه و نطق بانفعال) رووووقااااييياااا غناااخذها، غانتزوجهااااااااا و هانتومااا شاااهديييين
الفيديو تم تداوله بواحد السرعة خيالية، ولا غير هاشتاغات فمحرك البحث #كانبغيييهاااا #روقاااايا #فضيحة_المؤثرة_جوديا_وزوجها_وعشيقته #الزوجة_أم_العشيقة #نااااري_شحال_كايبغييها #شوهة_ماتبغيها_لعدوك
هادو هوما العناوين اللي ضايرييين ترند
التعاليق على الجهد و گاع اللي سبوها من قبل بقات فيهم خصوصا من واحد الصورة مضببة تحطاتلها و هوما واخدينها للومبيلونص
و تا الفيديو اللي تصورليه وضح انها مكانتش عارفاه مزوج و هادشي خلا شي يتعاطف معاها و شي مزاله ضدها و الاراء تختلف من شخص للثاني
بعدما باتت فمحمد الخامس واحد الليلة، فالليلة الثانية حولوها لكلينيكة اخرى فالرباط بعدما جا عندهم واحد عمها بخيره هو اللي تكلف بالمصاريف
فالكلينيك تما تلقات علاج احسن و فحوصات اكثر، فاقت فاليوم الثاني و هي مهدودة، عينيها حالاهم و بقات ساكتة
تصدمات صدمة نفسية كبيرة خلاتها غير ساكتة و كاتشوف بهدوء تا جابولها طبيبة نفسانية تهضر معاها و هي ماتجاوباتش معاها فخطرة
تا حد ما بقى عارف عليها شي خبار بعدما حولوها بسرية لداك الكلينيك، تا واليديها مارجعوش للدار بقاو معاها فالرباط كاينة تما دار عمها ، خلات موراها ناصر غايحماق يعرف خبارها و والو، غبرات غبرة وحدة
دازو ايام قلال ليها فالمشفى تا بدات كاتحسن شوية و تعطي ردود فعل مع الطبيبة النفسية، تهدنات شوية و تا واليديها بعدوها على گاع اللي يعصبها، تا تسالا رمضان
فصباح العيد صبحات حالة عينيها فغرفتها، ساهية فالفراغ و كاتذكر لقطات ليهم مع بعض، قلبها كايتعصر بالألم
الصدمة كانت قوية عليها لدرجة مزال مامستوعباش انه كان كايضحك عليها و قالها راه مطلق فالوقت اللي كان مزاله مع مرتو!
هي كل اللي دارته انها ثاقت فيه رغم أنها ماعرفاتوش لوقت كبير إلا انه هو انسان خلاها تحس انه صادق معاها
ماخلاش شي ثغرة اللي تخليها تقلب من وراه، رغم انها شكات انه مخبي عليها شي حاحة و لكن عمرها ضنات ان هاد الحاجة غاتكون انه مزوج!
فين الليالي اللي كان يبات يدوي معاها
و فين الخروج اللي كايدوز معاها نهارو كولو و خداها لشلا بلايص كايعرفوه الناس فيهم!
فين الاهتمام و الاتصالات و گاع دوك الوعود و فين هضرة غانتخطبو و غانتزوجو و نتي ديالي و عمرك تكوني لغيري!
حسات بنفسها عاشت فوهم و فكذبة
حسات بأنها إنسانة غبية و بسهولة تدارت بيها
ماعرفاتش كي وقعلها، مللي خرجات من تجربتها مع هشام مكانتش واقعة فالحب لهاد الدرجة!
فعلا كان عندو الحق داك اللي قال الحب أعمى
حيت لا بغيتي شي حد بصح من قلبك و أعماقك مكاتبقاش تقلب على عيوبه، بالعكس كاتقلب غير فمميزاته، كاتشوف غير فالايجابيات ديالو و گاع السلبيات كاتقمعهم و مكاتشوفهمش و هادشي اللي طرالها هي
تضبعات معاه و ختارت طريق الحب و تعلقات فيه لواحد الدرجة اللي تفلقات فيها!
ناضت بصعوبة من فوق سريرها، وقفات فالشرجم كاطل على الجردة دالفيلا د عمها، سهات كاتشوف فالخضورة و الطبيعة و الشميسة زاهية
رقية: تاحاجة ماتستاهل فهاد الدنيا، دابا گاع هادوك اللي سبو و زبلو غايكونو نساوني اصلا و انا عاملة فراسي هاد الحالة (تنهدات بحرقة) بلحاق انا السبب و انا اللي ثقت فواحد الانسان مايستاهلشي!
تحركات من مكانها و مشات لواحد المجر، كان محطوط عندها فيه تليفونها .. هزاتو و خرجات من البيت تا لديك الجردة، جلسات و قابلات التليفون معاها
لابسة كسيوة دالعيد جابتهالها ماماها و لبساتهالها فالابيض و فيها نويوشات ملونين، شعرها مطلوق على ضهرها و وجهها صافي دايرة مكياج خفييف بينها بويوضة و مع المرض و الدوايات، ضعافت و لكن واخا الضعف مزالها كاتبان مسرارة و البراءة فعينيها كاتلمع، مع شفايفها المحمرين بأحمر الشفاه الزهري، صورات لنفسها فيديو و هي جالسة تما و عينيها مبسمين للتليفون
رقية: سلام اخواني المغاربة....
رقية: سلام اخواني المغاربة....خرجو ناس مؤخرا هضرو فيا و قالو فيا اللي مكايتقالشي واخا انا كنت ضحية واحد الانسان غدار و خاين و كذاب و منافق، خرجات مراتو و تاهماتني اتهامات باطلة غانتابعها عليهم قانونيا و باقي تا دوك الناس اللي ماشيين مع الموجة و بداو يسبوني و يقارنو بيني و بينا، اه عندكم الصح هي مزيونة عليا و انا بنفسي كنت متابعاها و كتعجبني و لكن هادشي مكايعطيكمش الحق تتنمرو و تدويو فأعراض الناس بلا ماتسمعو من الطرفين (تبسمات كادوي بهداوة و راحة مع الكاميرا) اذا كانت هي عندا دوقما تهضر بيه و ترسمني فعاينكم بصورة الشيطانة اللي سرقاتلا راجلا و تخاليه هو فالهامش و تخابعو حيت كايبقى "راجلا" بين معقوفتين ، ف تا انا عاندي دوقمي اللي نهضر بيه و ندافع ليه على رسي!
اذا كانت هي تغدرات من راجلا اللي دوزات معاه تسع سنين، فحتى انا تغدرت من نفس الشخص و واخا دوزت معاه شهورة قلالين الا انني معاه عرافت شلا حواايج و طماعني بشي حوايج اخرين، خلاني نغرق فيه بلا مانحس براسي، رادني عايشة حياتي على قبلو
ورجاع هو المحور اللي كادور عليه حياتي كاملة، عراف كيفاش يستحوذ عليا و خلاني نتبعو مضهسسة، نتوما حكمتو غير من طرف واحيد و قلتو عليا سحارة و خرجتو عليا كلام مكايتقالشي و لكن انا و اليوما و قدام كولشي، كاندعيكم لله هو اللي غياخُذلي حقي منكم، و الناس اللي هَزو تصاوري و لعبو فيهم باقي غانتابعوم قضائيا كاملين ، كيفما مرطتوني فصحتي و طيحتوني خمسطاشر يوم فالفراش، غاتجي نوبتكم تا نتوما، هاديك اللي تقصحات حيت راجلا خانا معايا، خاصا بعدا تراجع نفسا و تشوف هي شني عملات باش خلاتو يدوز معايا انا سوايع نهارو كاملين كان كايهضر معايا، عمري كنت نشك انه مزوج، حيت وقتو كامل كان عاطيهلي، هاد الراجل مغايتقسمشي على زوج باش يهضر معايا و معاها! هذا دليل أن الهضرة ديالا اللي قالت انهم مفاهمين و مكاينشي شي كوبل فحالوم فالحب و الرومانسية غير زواق و كذوب و هو أصلا سباقلو و قالي مطلاق و عندو واحد العايل، يعني ديك المرا اللي خرجات كاتقول عليا انا سحارة و سراقتلا راجلا، انا اصلااا ماعرافتاشي تا واش عايشا ولا لاء! وانا راجلي اللي يكون معايا فنفس الدار و نشوفو شابار التليفون و مانمشيشي نطالل عليه شكايعمل، غير بلا مانتزوج بيه احسن حيت لو مكانشي لقى راحتو معاك مكانشي غايجي عندي واخا كانو عندو فرص انه يعملا و ما مرة ما جوج تفارقنا و لكنه فاللخر رجع عندي و بغاني أنا و تا انا بغيتو للأسف بلا مانفتش موراه و لا نسقسي عليه ولا نسقسيه هو براسو ( تنهدات بحرقة و سكتات ثواني حاسة بقلبها طايب) و لكن شغانقولكم، الله ياخذ فيكم الحق، المرط اللي مرطتو بسبابكم غانبقى نوكل عليكم الله بيه تا تخرج فيكم دعوتي
انا انسانة مزيانة و اللي فقلبي على لساني، مكانشكرشي راسي و لكن الفرق كايبان فالطريقة دالهضرة، و هي واخا هضرات عليا خايب انا مغانرجعالاشي حيت عذرتا و هذا اسوء موقف تقدر تعيشو شي انثى و كنصيحة مني مشي عند راجلك و شوفو المشكلة فين عندكم و بعدوني انا من طريقكم، حيت فاللخر انا اللي كليت فيكم الدق اما نتوما بانتولي ماخسارتو تا حاجة و فالاخير غانقولك حسبي الله و نعم الوكيل فيك
قطعات الفيديو و بهداوة بارطاجاتو فصفحتها اللي وصلات 50000 غير بسباب ديك الفضيحة و الناس كايحماااقو على الشوهة مساليين ، غير بانلهم الفيديو ديالها بسرعة بداو كايقطعو فيه و ينشروه و يطبلو و يغيطو بيه تا تطلا فالسوشل ميديا تا هو
بدات كادور من الباجات اللي كانو كايسبوها ديك الخطرة، هاد الخطرة ولاو كايسبو فناصر، كاين شي باجات هزو سكرين تصويرتو من الفيديو اللي صوراتوليه الصحافة عريان و صورة جوديا و صورة رقية و حطوهم فبوسط تحت عنوان
"البقاء للاقوى 💪🏼😹"
تنهدات تنهيدة مسموعة، كاتشوف الكمونطيرات اللي بداو كايوصلوها و كم المواساة تا هي و شي بعضين هزو صورها كايحطوهم فباجات ديال ليمودلز بعدما قادولها المكياج ب فيس آب و الروينة شعلاتها فالسوشل ميديا تا هي
فوسط كومة المنشورات و التعاليق اللي غرقات فيهم، وصلها آبيل فيديو فالانستا من حساب، اول ماركزات عليه عرفاتو ديالو!
بسرعة قطعات عليه و هي كترعد و قلبها بدا كايضرب بقوة، دخلات للصفحة ديالو تسارى فيها و تبسمات باستهزاء كاتفكر ايامها معاه و الوهم اللي عيشها فيه
كاتفكر كيفاش خلاها تتعلق فيه بلعاني طمعها بالحوايج و الذهب و الألماس و الطموبيل و المحل اللي واعدها بيهم باش تبقى ديما حاسباه هو الوحيد اللي يقدر يكون رجل فحياتها!
شهقات كاتبكي بحرقة اول ماطلعلها كايصوني عليها ثاني، و تالدابا عاد قادر يوصلها بعدما بدلات النمرة ديالها و ماعرفهاش
بعصبية دخلات بلوكاتو و خرجات من الانستغرام باغا تهدن نفسها و تنساه!
حاسة بقلبها مزاله كايبغيه رغم داكشي كولو اللي دارو فيها و هادشي خلاها تحس بالذل و القهرةةة على نفسها
مزالة ماتهنات تا وصلوها ميساجات مور بعضهم فالانستا، دخلات تشوف شنو داكشي و هو يبانلها كونط جديد داخل عندها كايسيفطلها عرفاتو هي من خلال الميساجات اللي وصلوها
-رقية خاصنا نطلاقاو و ندويو
- ماديريش فينا هاكا، انا كانبغيك كذبت عليك حيت مابغيتش نخسرك، كنت باغي نصارحك و ماقدرتش خفت تمشي و تخليني
-كانواعدك أحبيبة حياتنا غاتزيان و غانحققو گاع داكشي باش واعدتك انا اصلا كانطلق الجلسة قريبة و اكيد غايتم الطلاق بيناتنا حيت بجوجنا تافقنا عليه
-عرفتي فاش مرضتي بسبابي كرهت راسي و عرفت راني أسوء انسان فهاد الكرة الارضية، عفاك ماتحكميش علينا بالنهاية دابا، سامحيني و عطيني فرصة وحدة
غززات سنانها بغضب و نرفزة و دخلات بلوكات تا داك الكونط
ناضت مغددة و منرفزة من تما و دخلات للفيلا لداخل، هادي اول مرة تجي عند هاد عمها، كانت كاتعرفو غير فايامات العيد كايباركو لبعضهم فالتليفون و دابا كتابلها تجي عندو تجلس معاه
شافت فماماها اللي جالسة مع مرات عمها كايتهاودو فالصالون ، قربات عندهم مبتاسمة جلسات معاهم كاتصنطلهم و صافي و هوما كايدويو فعدة مواضيع تا نطقات نزيهة
نزيهة: ايوا انا الحبيبة ديالي براتلي هذا النهار الكبير، دابا غايخصنا نرجعو فحانا لطنجة، باها بقا تما و خوتا بواحدوم، (شافت فيها و حطات يدها على فخضها طبطبات عليها) ياك الحبيبة ديالي؟
تبسماتليها رقية و تمتمات بهداوة
رقية: اه نرجعو باش نتسجل فشي مدرسة، مابغيتشي نضياع تا هاد العام
نزيهة: اه بصح كانت غاتحماق على القرايا و جا داك ولد الحرام راجلا اللولاني حرما منا، و هي تبعاتو بسباب طيش المراهقة و دابا جاها ولد الحرام اخور عاوتاني الله ياخذ فيهم الحق
رقية: (تنهدات بحرقة) زَهري غير فيهم
تأفأفات و هي كاتشوف كونط جديد دخل عليها ثاني، تأفأفات معارفة مادير معاه و دخلات ثاني بلوكاتو، كاتسدليه الباب على صبعو بدوك البلوكات، كاتخليه باغي يحماق يدوي معاها و هي دايرة فيه مابغات و بدات كاترشقلها مللي شافتو كيفاش مصر يدوي معاها و هي كتجرجر فيه
نهار ثاني عيد رجعو فحالهم للدار فطنجة، مع وصلات لقات الدار عامرة بخوتها و ولاد ختها و باها، سلمو عليها كاملين و تا رضوان كان ديجا خدام فمراكش و لكنه رجع مؤخرا بعدما لقى خدمة فطنجة ، عنقها و باسلها راسها كايعتذر منها عينيه مغرغرين و تا هي عينيها دمعو اول ماتفكرات داك النهار
رضوان: سمحلي اختي الحبيبة، سمحلي ضلمتك
تبسمات ابتسامة خفيفة و همساتليه ببحة فصوتها
رقية: ماشي مشكل الحبيب ديالي، ماشي مشكل اكبيدة
دازت لباها و خواتاتها كاتعنقهوم تا وصلات لولد ختها فعمره 11 عام و هو يعنقها كايضحك
"خالتو الفيديو حاطيتيه الباراح فينما دخلت كانجبرو ههههه"
تبسماتليه و تزنگات حشمانة قدام العائلة اللي اكيد حتى هوما غايكونو شافوه و لكنها كان خاصها دير ديك الخطوة و تخرج تا هي تقول اللي عندها و ماتبقاش حاسة بالحگرة من جهة وحدة
دخلات لغرفتها ترتاح من عذاب السفر و تكات ، تا وصلات السبعة دالعشية، ناضت قنطانة من راسها، حسات بنفسها محتاجة شي تحمحيمة فاعلة تاركة و فعلا، دخلات للدوش سخناتو، وجدات حوايجها و كريماتها دخلاتهم معاها
بدات تطلي لحمها بتخليطات و تبريمات كاترطب و تقاد تا سالات خرجات مزنگة من الدوش ب بيجامة عبارة عن شورط و تيشرط فيهم سبونجبوب و بسيط ، الجو بدا كايسخن و البرد كايمشي، لوات شعرها ففوطة و خرجات لغرفتها، نشفات شعرها بالسوشوار ، خلاتو هكاك مطلوق و دارت مكياج خفيييف بانت فحال شي حمامة بالعوينات كوحل و زادت كحلاتهم و الرموش طوال و زادت طولاتهم و الفيم و الخدود حومر و زادت حمراتهم
بانت فتنة و هي كاتشوف فمرايتها و تتأكد من جمالها، الكمونطيرات اللي كانت قرات خلاو اثرهم فنفسيتها لدرجة مؤخرا ولات كاتشوف نفسها خايبة جووع و دابا عاد عجبها نفسها
لبسات واحد الجلابة كانت خيطاتها العيد اللي فات و منو معاودات لبساتها، فالبلومارين و الشيبي، جاتها مع فورمتها قتالة، صاوبات شعرها تا ولا مسبسب على ضهرها و عيطات لختها عندها للبيت
بدات كتصورها و تصور معاها و فاللخر حطات الصور فالسطوريات و طاغات ختها
جلسات كاتقرا الكمونطيرات اللي كايوصلوها و الصور اللي بداو كايتهزو و يحطوهم فليباج كبار ديال المودلز و يتغزلو بيها رغم انهم غير هوما اللي كانو كايعيبوها داك النهار
تنهدات بحسرة على داك الاحساس اللي حساته اول ماتفكرات داكشي، هزات عينيها فختها اللي دخلات عليها تا هي كانت لابسة و تمتمات بابتسامة
سحر: يلاه يلاه زيد نخرجو شوية نفوجو، اليوما ثاني عيد كنت خارجة مع البنات مللي جيتي تينا، غانمشيو مع بعطيتنا و ها تينا لابسة مسكسفة
تبسماتلها رقية و ناضت تا هي كانت قنطانة
رقية: يلاه اصلا انا عييت بالجلاس فالدار و المرط
تحركات من مكانها و مشات لواحد البواطة كاتحط فيها اكسيسواراتها، غير حلاتها سهات و هي كاتشوف فالكوليي اللي شراهلها
طولات الشوفة فيه مخنزرة و بسرعة عاودات سدات عليه البواطة و تحركات رشات عطرها، غير رشاتو تفكرات مللي كانت كاترشو بحماس باش تخرج تطلاقاه
تأفأفات على كم الذكريات اللي كايراودوها عليه و خرجات معبسة عند ختها اللي عنقاتها و باستها فخذها
سحر: بلا ماتغبن عليا، غانخرجو و غاتنسى داك الزبل، انا شحال كنت كانحماق على عمر و لكن غير شميت فيه الريحة دالغدر سمحت فيه واخا بكا عليااا و نتوما وقفتو فالصف ديالو و لكن انا عمري نسمحلو حيت الا الخيانة مانساماحشي فيها
رقية: (تنهدات بحرقة) شوية بشوية غانساه، ماشي فدقة وحدة
_______________________
خرجو هي و ختها مقابطات تا خرجو لعلى برا و هي تبانليهم سيارة فيها جوج بنات اخرين، كانو صديقات سحر، طلعو معاهم و تسالمو و هوما كايضحكو. . تحركو من تما و مباشرة مشاو لواحد القهوة كاطل على البحر عامرة غير بالشباب و البنات، الدنيا كانت فيها عامرة و كولشي خارج يفوج
جلسو فالطيراسة و هي بديك الجلابة بانت فنيونة، دايرة رجل على رجل و الشعر راضاه للجنب و الفرقة دالجلابة مبينة رجيلاتها البويوضين كايلمعو
طلبو كل وحدة واشنو بغات و تا هي خدات عصير اناناس، بدات كاتشربو و وحدة من البنات كاتصور الطبلة و الجو كي داير، تا بدات واحد الاغنية من واحد التليفون جنبهم تطلقات و هي تبسم رقية و بدات كاتغني معاها بلاما تحس
🎵كوياني كوياني كوياني مكوية
بالمكاتيب دالله و الحب غير بلية
من العزري دالحومة حسبالو كنبغيه
سروال واحد عندو يصبنو و يردو عليه
و السبنية ديالي طاحت و خمرتا
انا حالفة بالله تطوان لا عمرتا
طاكسي دالپرادة زيجانو كيبرقو
من العزارة داليوم ولا البنات و كيمحقو
صابون فلابابو صابون فلابابو
من العزري يتفلى الكصادورا د صحابو
السبنية ديالي طاحت و خمارتا
انا حالفة بالله تطوان لا عمرتا
عندي جوج د فويطات سلالكا ما مطويين
من المكاتيب دالله فرحو يالمكويين
من الصباط ديالي يعمل طاااق طاق
مانتيقشي بالعاايل واخا نضراااب الصدااااق🎵
كتغني بحركات انثوية و تلعب بشعرها و تشالي بيديها بحركات غنج و انوثة، تا انتبهلها الكل و تا صاحبة سحر اللي كانت كاتصور صوراتها فيديو و حطاتها عندها سطوري فالانستا ديالها مع طاغ للقهوى اللي هوما فيها مبينة اللوكال ديالهم
صوتها كان حنين و زوين و مع ديك الاغنية و لهجتها الشمالية و المعاطية و خشيان الهضرة اللي فيها، انتشر الفيديو ديالها فحالا باغيين منها غير حركة و ينبشوها
دوزات المساء مع البنات فالغنا و التفواج، تا عياو و قررو يضربو دويرة بالطموبيل و يمشيو للدار
يلاه تحركو و خرجو من القهوة، قشعات واحد الفيراري فالگري و فيها شي بلايص بالصفر، و زاجها فومي، الشوفة فيها بورشاتها بقات ساااهية فيها حمقاااتها ديك السيارة و تا البنات بقاو كايشوفو فيها و ينغزو بعضهم
رقية: الموت ساهلة زعما، اختي ماكراهناهاشي و لكن بلا موت
شدات فيها سحر و طبطبات عليها
سحر: غير هضرت و صافي ماشي بصح
تبسماتلها رقية ابتسامة حزينة اول ماتفكرات داكشي اللي عاشتو و الموت اللي وصلاتلها
وصلو لسيارتهم، ركبو و هي دور دور و تشوف فديك الفيراري اللي تحركات بعدما تحركو هوما و سلكات الطريق اللي سلكوها
فالطريق بداو كايحماقو بالتصاور و الفيديوهات و الاغاني و الضحك
البنت اللي كاتصوگ زااادت فالسرعة و رقية حلات الشرجم من جيهتها و خرجات بنص جسدها تا طير الريح شعرها براحته كان كايذاعب بشرتها و خصلاتها الناعمة و هي كتصرخ بمرح و بقوة و الطموبيل كاتلعب بيهم فالطريييق، دمعو عينيها بقوة الضحك و الريح اللي كايضرب فيها، تا سمعو صوت كلاكصوون قوي، دارت شافت وراهم و هي تلمح ديك الفيراري كاتكلاكصوني عليهم و تسني فيهم
شافت فالبنت اللي كاتصوگ بدات كاتخفف سرعتها تا حبسات فالجنب و البنات كايطلبو منها باش تاخذ حذرها
تا قرب مول ديك الطموبيل ناحيتهم و تحرك مباشرة للجهة فين راكبة رقية حل عليها الباب و هو مخنزر، غير علات فيه راسها و شافتو، عقدات حواجبها و تمتمات بغضب
رقية: انت شنووو كتعمل هنااايا، تابعني ولااا
ناصر: (عاقد فيها حواجبه) نزلي نوصلك لداركم
رقية: (شافت فختها اللي بقات غير كاتشوف و دور فعينيها و تا البنات خرجو فيه عينيهم، حيت لا هو و لا طموبيلته كايحمقو) واش انا شكيت علييك؟ راني مع البنات و ها حنا ماشين فحالنا
ناصر: (جرها من ذراعها تا خرجها من ديك الطموبيل بقبضة يده حرقها تا غوتات و قربهاليه تا تخبطات فيه بجسدها و تقابلو عيونهم بنظرات شرسة) غاتمشيي معااايا، نتوما غاديين كاتلعبو فالطريق، هادوو لا بغاو يمووتو يمووتو و لكن انتييي، مزال مغاتموووتي (قربلها اكثر انفاسه تخالطو مع ديالها) ماعنديش روحك رخيصة لهاد الدرجة أرْقية
دقات قلبها ولات خايفاه يسمعهم من عنده بقوة ما تجهدو، عينيها كايرمشو فيه بنظرة مثوثرة و كلامه و نبرة صوته الحنونة خلاوها تصرط ريقها بالسيف تا خرجات عندهم سحر و شداتها من عنده
سحر: واش اخاي تينا ماعاندك شغووول؟ مشيي عند مراتك قابلا و خلي عليك ختي فالتيقاااار
ناصر: (شاف فيها بحدة و ضار فيها ضورة وحدة) مادخليييش فهادشي مكايعنيكش بيني و بيينها
رقية: (خنزرات فيه) لااا مابقا بيناتنا والو، انا مغانرجاعلكشي واخا تموووت، غير مشي رجع لمراتك رابيو داك العايل ديالكم، عمل عقلك براكة من الفضااايح
دارت بوجهها باغا ترجع تركب فالطموبيل و هو يجرها بالجهد من وجهها تا خبطها فيه، و جبينه تعجن مع جبينها بلهفة و اشتياق
شفايفه تحطو على شفايفها بقبلة شرسة خلاتها تخرج فيه عينيها ، تصدمات من حركته و تا هو جرهاليه أكثر و مص شفايفها بقبلة عمييقة مستغل فرصة انها مصدومة فيه تا بدات تعيق و حسات بشنو كايدير فيها و هي تجمع كل القوى اللي عندها و دفعاتو عليها بكل جهدهاااا
دارت شافت فختها اللي بقات كاتشوف فيهم بدورها مصدومة من جرأته معاها و رجعات شافت فيه بغضب صرفقاته تا دارليه وجهه
رقية: (بغضب) حمااا •ار، عمرييي نشوووفك قريب مني مرة اخرى والله تا ندعيييك
خنزرات فيه بنظرة حادة بينما هو شد على شفايفه مسحهم و شاف فيها بنظرة شاعرية خلاتها تحس بالريق واحد فحلقها، دارت بسرعة رجعات طلعات للطموبيل جارة معاها ختها، نخزات البنت اللي كتصوگ باش تكمل بيهم الطريق و غير تحركو من تما، هزات يدها كاتحسس شفايفها بلمسة ساهية و مبورشة كتفكر اللحضة اللي جرها فيها
لمسة شفايفه لشفايفها كي كانت و انفاسه الحارة، شرارة قوية جمعات بينهم فديك اللحضة و تا دقات قلوبهم تسارعو بنبض غير معقول
غمضات عينيها و حركات نفسها بالنفي بسرعة باغيا تطرد ديك الفكرة
هي مغاترجعليهش
مغاديرهااااش
عمرها غاديرها
مكانتش كتسمع ختها و صحاباتها اش كايقولولها و تغزلهم بيه و بكي شدها و باسها هكاك و تا لدابا راهو تابعهم بالفيراري ديالو اللي حمقاتهم ، ماسمعاتهمش فحالا راها مصمكة
ذاتها كانت كترجف و انفاسها ثقااال، ساهية فالفراغ بصمت تا وصلوهم للباب ديالهم، نزلات مع سحر و هي مرفوووعة دخلات بلا ماتشوف وراها، بينما هو بقا تما قريب لبابهم، تا مشاو دوك البنات و تنهد فالسيارة
قلبه مزير عليه تا هو موحشها و خايف عليها، باغي يعنقها و يزير عليها وسط ضلوعه، باغيها تحس بيه شحال كايبغيها و شحال هو مساخيش بيها تمشي و تخليه، و اكيد هو مغايخليهاش تمشي و تخليه!
شعل الضو فتليفونه و هي طلعليه صورتها فالفوند ديكخون مبتاسمة!
هادي اول صورة صيفطاتها ليه و هي اغلى الصور على قلبه ليها هي
دخل للانسطا من جديد بحساب ثاني صيفطلها منه ميساج -توحشتك- و وراها رجع دخل للسطوري اللي عرف مكانها من خلاله، تبسم لداك الصوت ديالها اللي توحشو كايتصنطليه مبسم
تنهد بعمق و عنق التليفون لحضنه و هو كايسمع صوتها، فديك الحالة و فسكون الليل، عينيه ذبلو و غفى تما جنب دارهم!
_______________________________
صباح جديد بعدما دازو عليها يوماين، ناضت فالنهار الثالث و مشات مباشرة للپاتيسري عندي مروان اللي دوات معاه فالتليفون و طلب منها تجي عنده على حسب ترجع للخدمة، حيت باش ترجع للقراية خاصها تخدم باش تخلصها و تا البيرمي خاصها تكملو و لاصال، مصاريفها لمخلصاتهمش لراسها حد مغايصرف عليها
يكفي انهم خصرو عليها الفلوس فمرضها و الدوايات اللي خرجلها الطبيب راها كاتشربهم لدابا
مشات للمخبزة و دخلات من باب الموظفين لداخل، كانو جاو گاع الخدامة كولهم جاو كايسلمو عليها و يعنقوها البنات، اما الدراري فكايتملغو معاها و لا سلمو عليها غير سلام الاصدقاء بقبضة يدهم، تا سالات معاهم و طلعات للبيرو لفوق عند مروان اللي كان فالطبقة الثانية
دخلات عنده بابتسامة و جلسات قدامه، اتافق معاها باش تبدا الخدمة من اليوم فالعشية و غاتبدا معاه فلاكيص حيت واحد السيد كان فلاكيص مبقاش خدام معاهم و تافقو تا على الصالير اللي زادها فيه و تا التوقيت على حسب المعهد اللي غاتسجل فيه و تقاد وقتها فالخدمة على حسابو
خرجات من عنده و هي كاتبشر نفسها بمستقبل زاهر و زوين، نزلات لتحت و تهاودات شوية مع البنات صحاباتها، تا وصلات الطناش و توادعات معاهم، رجعات للدار وجدات حوايجها تخدم بيهم و صاوبات شعرها و تا المكياج، بغات تتهلا شوية فراسها و هي كانت غير ناعسة فالدار مكاتزين نفسها ولا دير تا حاجة تخليها تحس بأنوثتها
جلسات فالصالة كاتختار شي صورة من صورها تحطها بوسط فالانستا، تا ختارتها و پوسطاتها
خرجات منها و دخلات للميساجات اللي كايوصلوها، كتقرا فالغزل اللي كايوصل ليها من طرف الشباب، خلاها تحس بنفسها اكثر و كتفكر فخاطرها
رقية: انا كانموت بسبابو و هو مزوج و عايش حياتو ولد الحرام، كان كايغبر عليا تا كانشف وانا نتسناه و فاللخر كايدواخني بجوووج كلماات، تفووو على مذلولة كنت معاه تفوووو
دازت على الكونت اللخر اللي سيفطلها منو، ماداتهاش فيه و مابلوكاتو مادخلات قرات ميساجاتو، فضلات تتجاهلو احسن ليها، تحت منه مباشرة طلعلها واحد الكونت ديال واحد الواحد صورتو مبومبية فالبروفيل
باين تيتييز و فعلا غير دخلات للباج ديالو بانتليها عامرة بالمتابعين و الصور عندو كثار تما، تبسمات ابتسامة خفيفة و خرجات للميساج اللي كان مصيفطولها
"سلام رقية لاباس عليك، انا احمد من كازا، انجينيور، شفت حسابك و ماكرهتش نتعرف عليك اذا كان ممكن"
وسعات ابتسامتها من ميساجه اللي قراته و وسعات ابتسامتها اكثر و هي كاتحل الكلاڤيي و بتلقائية كتباتليه
"عليكم السلام أحمد، تشرفت بمعرفتك ، انا موافقة نتعرفو ☺️"
ردات عليه بالايجاب ناوية تا هي تتعرف على شي حد اللي ينسيها فيه و فذكرياتها المرة معاه!
محني الزين الجزء الخامس
محتوى القصة
جوج اسابيع دازت عليهم فعلاقتهم هادئة و جميلة ، الدنيا ربيع و الجو بديع عندهم، قلال فيها الخروج بيناتهم تقريبا خرجو شي ربعة دالمرات حيت تا هي عمرات وقتها بلاصال و البيرمي و تا الخدمة و لكن فنفس الوقت الاتصالات بيناتهم مكايتسالاوش، و الاحترام اللي كايقدمه ليها كايخليها تزيد تبغيه، خصوصا انه كايعطيها بلا مايتسنى ولا يطلب منها شي حاجة، تا البوسة اللخرة عمرو باسها ففمها واخا كايلوحلها الكلام انه ماكرهش يديرها و لكنه كايخليها غير هضرة و مزاله ماتخطى داك الحاجز باش تزيد تبغيه اكثر و تا هي تعلق فيه فحال اللي تعلق فيها
حاليا كايوجدو لرمضان، باقاليه قل من سيمانة و هي مشطونة مع التوجاد مع مها و خوتها تا التليفون كاتهزو مرة مرة خصوصا ان الدار عامرة و ولاد خوتها تا هوما كاتحاول تعطي لكل واحد وقته و هي فرحانة معاهم
وصلات الخمسة دالعشية، بعدما تغداو و هزو المطارب للسطح و سيقو مزيان و نقاو حبة حلاوة و الزنجلان و حمصو اللوز، تنهدات بتعب و تحركات للبيت تطل على تليفونها اللي خلاتو كايتشارجا، بانلها عاد طفا بعدما كان كايصوني بصيلونص
عضات صبعها السبابة بثوثر و عاودات صونات عليه بعدما شافت انه صونالها اكثر من عشرة دالمرات بلا ماتجاوبو
يلاه دار فوذنها تيييت جاوبها و هو مغلغل كايعرعر
ناصر: فيييين مخشية و مبعدة على داك الزبل؟؟؟؟؟؟؟
رقية: راه غير الدار عامرة و حاطيتو يتشارجا، ماحسابليشي غاتصوني، حيت فهاد الساعة كاتكون خدام
ناصر: اهااه و انا اذا ماصونيتش انتي ماتصونيش؟
رقية: (بخفوت) واتينا عارف دابا العواشر و رمضان قريب خاصني نكون معاهم فالتوجاد احبيبي
ناصر: اهاه هوما توجدي معاهم و النص لاخر دوزيه فالخدمة و اللي يشيط سيري بيه للاصال وانا شنو يبقالي؟
رقية: (تبسمات بخفة) هههههه كبيدة ديالي دابا علاش كتعصب راسك
ناصر: بغيت نشوفك لقايلي وقت
رقية: (تنهدات) واخا غدا نتلاقاو اشنو بانلك؟
ناصر: لا داااابا نتشاوفووو
رقية: زعما كتقولي انا اللي مغنانة، صدقتي تينا كثااار، اااااودي على الغماري ياودي
ناصر: و يلاه امصورية ديريلي خاطري
عضات شفتها السفلية كاتفكر فشنو غادير تا تنهدات بلا ماتحس، لقات راسها تا هي توحشاتو و بزاف گاع
رقية: (باستسلام) واخا انا غانخرُج
ناصر: تلقايني مع الدورة
تقطع الخط بينهم و تحركات بسرعة، لبسات جلابة دالرانضة فالشيبي و جمعات شعرها ذيل حصان، صاوبات وجهها شوية، و هزات واحد العكر بريحة زويونة ، رشات ريحتها اللي ولفها فيها ناصر و خرجات كتسلت من قدامهم هازة شربيل بين يديها، تا دازت من واحد الكولوار و خرجات للپاسيو و هي تحدر لبسات الشربيل و دردگات فالدروج تا وصلات للباب و حلاتو، مع خرجات جرها من يدها، دارت مصدومة و هي تقفز اول مالمحات هشام هو اللي جرها، مع شافتو غوتات لربي اللي خلقها و جرات عندها يدها بالزربة
رقية: بعااااد منييي واش حمااقييتييي، تا تهاانيت منك و قلت مابقيتيشي كادور بيااا داااباا ماجييي ، ماقاداتكشي السلخة د داك النهار و الله تا نعيطلو يجي يعاودلك التربية
هشام: واشفتي معاك بالرررب لا تفاااكيت اليووومااا، زيد غانمشيو نعملو داك العقد دابا نتزوووجو دااابا كاتسمعنيييي
رقية:اواااعدي على حماااق هذاااا، (شافتو جارها و هي تطلق حلوقها) واااعيييباد الله عتقوووني والعااادااااو
كاتغوت و دفع فيه تا طلو عليها الناس من الديور و من بينهم مها و خوتها اللي غير شافوها نقزو يتبعوها و هي دارتليه الشوووهة فالزنقة كاتغوووت لربييي اللي خلقهاااا
رقية: واااااباااغي يخطاااخفنييي، اعبااااد الله
هز يدو و هو مغلغل، بغا يصرفقها و هي تشدليه ديك اليد بسرعة، و مع غايهز راسو مع دخل فيه ناصر براسو و زادو ركلة زواااه بيها تا طاح، زادو الركيييل على الجهد و عينيه خارجين فيه، بينما نزيهة و سلوى و سحر شدو رقية و عنقوها و هي كترجف مخلوعة كاتبكي و تمتم بخوف
جرقية: برااكةةة، ناااصر براااكة غاتقتلووووو
تفكات منهم بالزز و تلاحت عليه كاتجرو و تمتم بنبرة باكية
رقية: ناااصر صااافي انااصر، صااافييي
شاف ناحيتها مغدد و رجع شاف فهشام اللي تشروط قدامو و الناس تا هوما جاو يفكوهم مالقاو مايفكو
شدات فيه بقوة عنقاتو قدام كولشي كاتنهج مخلوعة، بغاتو غير يتهدن و هو شاف فهشام مخنزر ماكرهش يرجعليه و تا هي غير كاتحس بيه غايتحرك كاتشدو بقوة ، ماحساتش بنفسها اشنو كادير تا سمعات صوت مها
نزيهة: أديك المسخوطة شكاتعمل فوسط الزنااقيي
بسرعة بعدات عليه و هي مفعفعة و تمتمات بخجل
رقية: ا اه م ماما ه هذا ن ناصر ه هو هووو
ناصر: (شاف فنزيهة كاينهج و تمتم بجدية و هو عاقد حواجبه) خالتي سمحيليا على هاد الدخلة، غير هاد بنادم كان خاصو يتربى (دار عند هشام، بغا يرجعليه و هو ينوض بالزز و مشا هرباان) بفففف هاد الماركة اش كايدير هنا ثاننني؟ (شاف فيها مخنزر) شكووون هذاااا غير داك النهار سلختو و دابا راااجع؟
نزيهة: (بجدية) فين سبقلي شوفتك ابني؟ (شافت فبنتها) و تينا شلادلقي هنايا ياك كونتي فالبيت ديالك؟
ناصر: (تحنحن و شاف فراسو و الحالة اللي دار قدام مها، ماعرف فين يخشي وجهو) لالة نزيهة احم نتمنى ماتفهمينيش غلط و لكن انا قصدي شريف و ان شاء الله المجية الرسمية ديالي ماتكونش فهاد الحالة، دابا غانستأذن منك (حدر راسو و شاف فيها هي بنص عين اللي بدورها كانت مزنگة، مشا من جنبهم راجع لسيارته اللي بقات فالدورة و هي جراتها مها دخلاتها للدار لداخل)
نزيهة: (مخنزرة) اشنو هاد الشوهة وقعاتت؟؟
رقية: والو امامّا غير خروجت نتسخر و هو يخروجلي داك الحمار و تينا شوفتي اللي وقع
نزيهة: امممم والله يجعلني نثيييق، بعدا شكون هدا اللي عنقتيه وسط الزنقة و الجيران؟ سباااقلي شوفتو و ماعقالتشي فاااين! ممممم؟ تقاضات الحشمة و الحياااا آااا (شداتها كاتقرصها و هي كتفركل قدامها مقصحة)
رقية: اي ااااي اييييي وامامااااا واااااي واااغير خااافت يقتلووو و شبارتو، ماحاسيتشييييي
نزيهة: ماحاسيتيشي اصلگوطة هممم؟ هااا ليماااك (قرفصاتها فطرمتها) شوااهتينا قدام عباد الله
رقية: (بوجع) واصافي الله يسامح ألحبيبة ديالي (تحدرات ليدها كاتبوسهالها) حمباباك صافي براكة
نزيهة: مشي مشييي نالبيت ديالك غبر عليااا
رقية: واخاا (شافت فخوتها كايضحكو عليها و هي تخنزر فيهم، طااارت لبيتها و مع الدخلة هزات تليفونها تصوني عليه)
مجاوبهاش فالصونيطة اللولة تا للثانية عاد فتح الخط و تمتمات و هي كاضحك
رقية: اوااعدي على تحشيمة ماما شبعات فيا تقرفيص ههههههه
ناصر: تستاهلي لمك على هاد التشوجيرة!
رقية: ههههه و تانا تسيبت عليك ديك التسييبة و عنقتك قدام كولشي، اويلي ويلي قلبي كان غايسكت
ناصر: شكون هداك خينا؟؟؟
رقية: (تنهدات و تمتمات بحرقة) هداك الماااضي الاليم (تأفأفات) هو طليقي
ناصر: (عقد حواجبه) طليقك؟
رقية: اه و لكن من داك النهار اللي سلختيه ماعاود بانلي تا ناليوما هههه و كتابتلو سلخة اخرى من يدك
ناصر: (بقى ساكت)
رقية: كبيدة؟
ناصر: رقية، عرفتي فاش غاطيحي فيدي اش غايطراااليييك؟
رقية: (بعبوس) واصااافي واش انا كراااهت
ناصر: اااودي، هكا كاتزيدي تخليني نجري وراك، واش ساحرالي اختي؟
رقية: (ضحكات بدلع) اه اخاي سحرتلك
ناصر: باش آتينا باش تانا نسحرليك و تجاراي مورايا تا انتي
رقية: (حبسات الضحكة بالسيف) عندك الانوثة اللي فيا احوبي؟؟؟
ناصر: ههه لا لا هادي مامعانااش، انا عندي الرجلةةة و دابا تشوفيها كي دااايرة، واحد 19 سنتيم غاتفرعك امصورية نياني
رقية: (سكتات قارمة) هننننن
ناصر: هننن هاد هننن غاترجع اححح غا صبري
رقية: واناااصررر
ناصر: (تنهد) ها هيا بدات التحلوين ثاني، عرفتي شنو انا غانقطع لا نصدقو فشي حاجة مباغيينهاش راني على وضو
قطع معاها و هو كايضحك، بعدما كان معصب و جاوبها و هو ناوي يصبنها، زربات عليه هي بالضحك و غيير بالمهل كلاتو بحوااايجو و هادشي غير فآپيل، اما لا كانت قدامو ف هو اللي كان يقدر ياكلها بلا حوايج هههه
دخل للڤيلا، بانتليه عامرة و الضحك دالنسا جاي من الصالة، عقد حواجبه و قرب بشوية تا طل و هو يهز حاجبه فكثرة البنات لابسين و ملابسين و شي منهم كايشطح و الشي لاخر جالسين، كل وحدة و شنو كادير و معاهم كانت جوديا تا هي كاتشطح و تصور فالسطوريات محتفلين مع بعضهم و اللي لاحظ ان المشروبات محطوطين تما و باينة ماشي مشروبات عادية انما روحية
غير شاف داك المنظر ضرب يده مع واحد الزاجة قدامو تا تشخشخات و شافو فيه گاع دوك النسا و هو بالعصب قرب عند جوديا مباااشرة جرهاليه بالنترة تا شهقااات
ناصر: شهاااد الت**بيين هذااا؟ رادااالي الداار كبااارييييه؟ و الشراااب؟ واش فخباارك رمضان باقاليه قل من سيمانة ولا مافخبااركش؟ فعوض ماتوجدي ليه حاضيالي هاد الخرااااااا
البنات كولهم صقلو، حبسو الموسيقى و بداو كاينسحبو وحدة بالوحدة و جوديا ساكتة تا مشاو كولهم و هي تشوف فيه صااعرة تلاحت عليه شنقاتليه على حوايجو
جوديا: واااااماااشي سوووقك وااااااااااماتشوهنييش قدااامهم واااغانقـ •ـتلاااك
ناصر: (شدها بغضب و دفعها من عليه) انا اللي بانليا غانقـ •ـتلك، اش هاد الحااالة دايرة فدااري؟ فينو جووود؟ فييينوووو؟؟؟
جوديا: مااشي سووقك، داااري تانا و نديير اللي بغييت و زايدووون انا ماشربتش هادوك جوج صحاباتي ماشي مسلمات بغااو يشربو و جبتوولهم
ناصر : مادخليييهش لدااارييي، مادخلييهش و مادخلييش دوك الق****اااب لداااري (صغر فيها عينيه) بلحق انا اش كانقوول، كانوصييك على الق***اب وانا ناسي راسي مع كبيييرتهم
خنزر فيها بنظرة اشمئزاز، كسرها بيها تا طاحت للارض كترجف و هو تحرك من تما مشا يقلب على ولدو، تا دخل لبيتو، بانليه ناعس فبلاصتو!
استغرب لنعاسو فهاد الساعة و عاد مع الصداع اللي كان لتحت مكانش يخليه ينعس، تا قشع قرعة دالسيرو جنب الفراش، هزو و بالاعصاب اللي فيه شخشخو مع الارض و بغضب نااض خرج من البيت غايطرطق
ناصر: جوووودياااااااا
غير سمعاتو كي نادااها وقفات تا هي كترجف و طارت على واحد القرعة دالزاج، هرساتها و تحركات لعندو تا بانلها نازل من الدروج و هي تهز القرعة فوجهو
جوديا: تقربلي والله حتى نقتـ •ـتلك
ناصر: لا صااافي هادشي اللي بقااااا؟ غير قتـ •ـليييني
جوديا: انت مريييض انسان همـ •ـجي و ماعندكش العقل، ماعرفت فين كان عقلي مللي بغيييتك ولا بغييت نتزوج بييييك، ماعرفت فين كاان عقلييي مللي جيييت نتصاالح معااك وانا عارفاااك كاتخوووني ولكن والله تا نشوهك و نوريييك، ا اناا جووديا الف واحد يتمناااني، تخووني انت مع موووسخة
ناصر: (تلاح عليها بغضب ضربلها الزاج من يدها و لصقها مع الحيط وراها و بعـ •ـنف زير على رقبتها تا تخنقات) ماتلعبيييش معااايا اجوديا و مغاتقيصيييهاااش هاااديك لاالاااااك
جوديا: (خرجات فيه عينيها اللي دمعو) كتعتااارف، ا انت انت كاتخوووني و كاتعتارفلي فوجهيييي
ناصر: (خرج فيها عينيه و نطق بمجااكرة) ااااه كانعتاارف ، كانخووونك و كانبغيييها و غانتزوج بيها و انتي سييريي تموووتي، و دااك الولد اللي ماكملش شهر باش خرج من كسيدة قد الخلاا و دابا مشربااه السيرو دالنعااس غانتفااهم معااك علييه
تحرك من جنبها طالع للبيت د ولدو خلاها هي شافت فيه مجننة ، هزات ديك الزاجة اللي ضربهالها و حيدهالها، و جرات ناحيته مغددة، ماحس غير بيها مغروزة فضهره تا قربات توصلهاليه للعضم
عقد حواجبه بوجع و شد على بلاصة الضربة و تمتم بغضب
ناصر: واااش مكاتقادااايش أز***
دار عندها مغلغل و هي لاحت الزاجة للأرض ، شنقات عليه و تمتمات بغضب
جوديا: ماتعاودش تحط صبعك عليااا، و مزاال غاندمك لا انت لا ديك الكلبة ديااالك، والله تا تندموووو
ناصر: (شاف فيها وجهه كحل بالأعصاب) هادي اللخرة ليييك معاايا، (الزاجة غرزاتها فيه النيت تا النفس تقطعليه، عض شفته السفلية بقوة كايحاول يشد فراسو و مايعطيهاش شي دقة تا هو تنسيها راسها، نترها منه تا تعكلات و طاحت للارض و تمتم بغل) من اليوم راك محرمة عليا مراااا، غاتمشي لدار باااك ماتعاوديش طووفي بملتيي حسن مانخسرليك هاد الكماااارة اللي فرحانة بيها
هد عليها فحالا غايضربها خلاها تراجعات للخلف بسرعة مخبية وجهها و هو تحرك من تما مكمل طريقه عند ولده و مازادش دوا معاها، خلاها هي مزالة فالارض مصدومة كتنهج، تنفسات بقوة حاسة بالدنيا كادور بيها!
هو كان مجرد شك و دابا ردولها يقين!
مزال مالقات عليه الدليل القااطع و لكن بكلامه خلاها تتأكد و دابا مغاتمشي تا تعرفها و تجبد مصاااارنها، غاتوريه هي شكاتسوى، لا كان هو خانها و ببرودة دم قالهالها و كايقولها غايتزوج بيها، ف هي قبل مايديرها غاتندمو على النهار اللي فكر يعرف غيرها فيه، مايبقاش قادر يخرج للزنقة ولا يدوي مع الناااس!
_______________________________
فاليوم التالي، اول ماخرجات من الخدمة مع البنات لقاتو واقف متكيلها على الطموبيل كايساينها، وجهه باين فيه ملامح التعب و لكنه مقدرش يجلس فالدار ولا يمشي ل حتى قنت من غير عندها، حس براسو محتاج يشوفها تبرد عليه شوية فقصة البارح و اعصابه مع جوديا، كايلقى ديما عكسهم معاها و هادشي اللي مخليه يزيد يتعلق بيها، اما هي ف بقات مقابلة معاه كتحاول تستوعب انه تجرأ و جالها للخدمة دابا و ماعندهاش منه مهرب
قربات لعنده حشمانة و تمتمات بين سنانها و هي كادور فعينيها
رقية: واش حماقتي ماجي عندي تا لهنايا؟
ناصر: (تبسم و شد فيدها ضمها بين يديه بجوج) انتي خليتيني نحماق و نجي عندك هاكا ، يا الهراابة
تبسمات بخفة و خجل و تمتمات و هي مزنگة
رقية: زيد زيد نغبرو من هنا، راه غدا غاتصباح خباري منشورة فحال جريدة الصباح
ضحك تا هو و طلعات جنبه، تحرك من تما تا وصلو لطريق خاوية و هو ينطق بتسائل
ناصر: فين وصلتي فالبيرمي؟
رقية: هانا ماشا معاه، عملت حِصة دالصوگان ولكن مزال كانتخلاع
حبس الطموبيل و شاف فيها
ناصر: اجي اجي دوزي نعلمك شوية دوزي
رقية: وااش بصاااح؟ (تبسمات بحماس, غاتصووگ رانج رووفر هادي تخايلاتها غير فأحلامها، و بقوة حماسها نسات اصلا انها مزالة مكاتعرفش و لكن واخا هكاك وافقاتو و بغات تحط يديها على الگيدون و رجليها على الفران دالرانج)
غير ركبات بلاصته و شدات المقود تمتمات بفرحة
رقية: احححح على ركبة شحال حلوة
ناصر: هههه يلاه ورينا حنة يديك
رقية: (شافت فيه) ولكن مكانعرافشي
ناصر: اش علموك الحصة الفايتة
رقية: (تنهدات) نسيت
ناصر: شديتي البيرمي بكرييييي امصورية هههه
رقية: (قلداتو كاتعوج) نينينينينيييي
ناصر: يلاه ارسوم متحركة، تحركيي
بدا كايوريها اش دير و كيفاش تحرك، عاطيها الخاطر و عينيه متبعين ملامحها الجميلة تا حركات الطموبيل، لصقات مع الڤولون و خرجات عينيها فالطريق بطريقة مضحكة و هي كتصوگ و تغوووت مخلوعة و مفافية غير بوحدها صايگة بعشرين و خايفة، اما هو ف شد وجهه كايضحك عليها و تمتم و هو حابس الضحكة بالزز
ناصر: زربي شوية
رقية: (بانفعال) واش بغيتيني نطييير، هانا كنزرب و زااايدون ماتهضارشي معايا دابا غاتشوشنييي
ناصر: (تبسم و بهداااوة قربلها و نفخ على وذنها بنفسه تا ضارت بسرعة شافت فيه و رمشات فيه بنظرة ساهية، بدوره سهى فيها مبسملها و همسلها بخفوت) منين كاتجيبي هاد الدلع كولو
رقية: (تبسمات بثوثر) هوووش (حطات يدها على فمه) ماتهضرشي دااابا تا لمن بعد
رجعات ركزات فالطريق كاتفرنس و هو حاضي فيها كايتنهد تا
نطقات بلا ماتحس بسؤال شوش تفكيرها
رقية: كي بقى بنك من ديك الكسيدة؟
غير تفكرو عقد حواجبه و تنهد بعمق
ناصر: مزيان
رقية: امممم و فين جالس هو؟ معاك ولا مع ماماه؟
شاف فيها بنص عين و نطق و هو مكايشوفش فيها
ناصر: مو
رقية: (بعد صمت طوييل همساتليه بحرقة) مني كتمشي تشوفو كاطلاقاها؟
بقى ساكت كايشوف فالفراغ بصمت تا نطق بعد داك الصمت الطويل
ناصر: بغيت نقولك واحد الحاجة أرقية انا كذبت عليك....
مع قال كلامه مع فرانات و غوتاات على غفلة و هي كاتشوف فواحد الكلب غادي كايجري فالطرييق، شافت فيه كترجف بفزع و تمتمات
رقية: اوااعدي كنت غاندوووز فيييه
ناصر: شششش ماتخافيش ها انتي مادزتيش فيه (جرهاليه و خشاها فحضنه و هي كترجف بالخوف) اششش هاد الخوف كولو على شي حاجة ماوقعاتش، ششش تهدني
رقية: خاافت بزاااف (تعلقات فيه اكثر كتنخشش و خشات وجهها فرقبته تا هزها لفوووق كايصرط ريقه بالزز و هي متشعلقة فيه)
ناصر: رُقية (همسلها بخفوت و يديه تخشااو وسط البودي اللي لابسة تا قاص لحم ضهرها من لتحت) راك كاتسخني الموطور هاكا
بعدات للوراء مستغربة، تا شافت فيه لقاتو كايشوف فيها بنظرة غريبة و حسات بلمسة يده المكهربة فوق جلدها تا شهقات .. حطات يديها على يده بغات تجرها و هو يهمسلها فوذنها مع بوسة خفيفة فيها ذوباااتها تا غمضااات عينيها بلا ماتحس
ناصر: محتااجك بزاف، حااس براسي مخنوق، انتي بوحدك اللي تقدري تبرديني شوية!
بقات مغمضة عينيها بقوة، حاسة بقلبها غايسكت، ذاتها سخنات سخونية ماشي طبيعية و ذاتها ترخات بين يديه و هو عينيه كانو كايشوفو بشوق فشفايفها
متلهف يبوسها و يطير معاها لعالم آخر يكونو فيه غير هوما بجوج
قربلها أكثر تا حسات بأنفاسه بورشوها، بلهفة حط مقدمة شفايفه على الخالة اللي فوق شفتها العلوية حطة خلاته يذوووب فيها، و خلاتها هي ترخى عليه رخوة غير طبيعية بشوق كبير نوا يتحرك بقبلته لشفايفها مباشرة و لكن رخوتها دخلاتليه العجب
بعد بشوية شاف فيها، لقاها مرخية و ذاتها سخونة بزاف، حط يديه على خذوذها و طبطب عليها و لكنها ماتجاوباتش معاه
عقد حواجبه و مد يده للطابلو دالطموبيل، هز واحد الريحة شممهالها تا حلات عينيها نصف حلة و راسها كايدور بيها
طبطب على خذها بخفة و همسلها بحنية
ناصر: حبيبة ؟ مالك؟
رقية: (بخفووت) انننن ش شبراتني السَّخفة
ناصر: (تبسم بلا مايحس و جرهاليه عنقها كايضحك) اااهيا على اللي ناويين نديرو معاها الولاد، هادي بستك غا جنب فمك سخفتيلي! اش غاديري لا بستك ففمك امممم؟ (هز راسها بيديه بجوج تا تقابلات معاه بوجهها مزنگ) اري نجرب نشوف
رقية: (شداتها الضحكة و رجعات للخلف كاضحك) هههه واقَلبي ضرَب بالزربة، طياحتيلي الطونسيو
ناصر: دابا غير نذوقك الحلاوة غايطلع، اري داك الفم لهنا اري
بعدات اللور كضحك:لااااء ماشي دابا
ناصر: و فوقاش اممم؟
رقية: (بدلع) تا نتزوجووو
ناصر: (بمزاح) نتزوجو دغيا نقزتي للزواج؟ خليني نذوق بعدا و نشوف واش تعجبني المقدمة عاد ندوزو للعرض و الخاتمة
رقية: (دفعاتو عليها كتبسم) واصااافي دابا غايسكتلي القلب
ناصر: (تنهد و شاف قدامو فالطريق) انا اللي غايسكتلي معاك القلب انااااا، 39 عااام من عمري عمرني بغيت نبوس شي وحدة و سخفاتلي تا ليك انتي
صغرات فيه عينيها و بشراسة نقزات عليه خبطاتو لصدرو بقبضة يدها
رقية: و كاتقولالي بوجهك حمرررر؟؟ شحال من وحدة بووستي؟
ناصر: (شاف فيها و غمزها) صافي الله يعفو دابا، انتي اللي كاينة و مكاين ماحسن
رقية: واخا فيك اشويييرف
ناصر: اهيااا اش هاد المعيووور؟
رقية: ايوا تينا غاتقفل اربعيين، انا باااقا يلاه قلت باسم الله فالعشرين بلاتي نحسب بيناتنا 16 عااام دالفرق، اوااعدييي يانا ، نتينا كنتي ففترة المراهقة انا عاااد ولداتني نزيهة
ضحك و جرها لعنده عنقها بقوة خشاها فيه
ناصر: الحلاااوة انتي ، مايغركش السن، راني واخا شارف باقي شباب و كاين فيا المعنى (غمزها و عض شفته السفلية بانحراف) مزال تحملي بالتوااام غا صبري
دفعاتو عليها كاضحك حشمانة و هو ينطق بمزاح
ناصر: راني لاحضت انك مزغبة شوية (شد يدها كانت فيها شعيرات مع هي بيضا بانو كحيحلين شوية، عض شنوفته و همسلها جنب وذنها بنبرة شحفاتها) عرفتي المزغبات كي كايكونو فالفراش أمصورية، اححححح غاندوزو الزهوووو
دفعاته من عليها مغددة و رجعات كولها حمرا بغات تعاود تسخفليه من كلامو تا بعد عليها كايضحك
ناصر: هههههه صافي صافي غير ضحكنا، دوزي دابا جلسي بلاصتك ، نديك تغداي تقوتي شوية و زيدي ربي هاد الطرف
تجننات عليه تا غوتات بلا ماتحس، نزلات من الطموبيل منخشسة فبعضها و دازت جنبه مغوبشة، تا بغات تطلع لبلاصتها تجلس و هو يجرهاليه وسط الشارع حاوط خصرها بيديه بجوج
ناصر: مالنا معصبين مالنا
رقية: (بخفوت و دلع) واتينا كاتقوولييي هاد الكلااايم، شوووف راك كتحشمني هايدا
ناصر: خليني نعبر ألالة، ياك رزقي واااخلييني
رقية: (قلبات عينيها) باااقي ماشي رزقك غير تهنى
تبسم و شاف فيها بنظرة مطولة تا استغربات، تبادلو النظرات بعمق بيناتهم تا همسلها بحنية
ناصر: غاتكوني رزقي و مكتابي و ديالي (قربلها لوذنها تا فشلات بين يديه و همسلها بخفوت) انتي ديالي بوحدي
تغداو فجو رومانسي جمعهم بالضحك و الملاغة و النفخة و الخجل، تا شبعو و وصلها للدرب فحال ديما
دخلات للدار و الفراشات كايتراقصو فبطنها من كثرة السعادة و الفرح، لقاتهم كايوجدو سلو و مع الدخلة نگرات عليها مها على التعطال و لكنها هي مداتهاش فيها و نخلاتها، داياها غير ففرحتها مع حبيب القلب
دازو ايام قلال فالتوجاد تا دخل رمضان و داز فيه ستيام، فهاد الشهر قررات تخرج من الخدمة، منها ترتاح و منها تصلي بخاطرها التراويح حيت التوقيت مناسبهاش دالخدمة، تقلب و تقلبو معاه مخططاتها، دوزات اياماتها الاولى غير فالدار، كل نهار كانت كاتخبيليه حقو من الشهيوات اللي كادير و فوقت التراويح كاتعطيهومليه غير بالزربة بلا ماطول معاه لا الوقفة ولا الكلام
الميساجات و ليزاپيل كانو كافيينهم ، مرة مناقشين مرة مهدنين واخا اصلا علاقتهم ماشي خايبة، هادئة و مهدنة حيت هي مافيهاش كثرة الغوات و تا هو طالعينليه المشاكل فراسو، كايلقى معاها الهنا و راحة البال
هاد النهار عولو يخرجو يفطرو مجموعين و قالت لدارهم انها غاتفطر مع صحاباتها دالخدمة
وجدات راسها فآخر ساعات بقاو للمغرب، لبسات عباية عبارة عن كسوة بيضاء من لتحت ثوبها رطب و من الفوق القطعة الثانية فلون زيتي و حزامها فالابيض، مع طالون قصير و دارت شال غير حطاتو فوق راسها و خلات القصيصة خارجة، دارت غير ريسيل لعويناتها و گلوز رطبات بيه شفايفها و خرجات من الدار لقاتو قريب غير مع الدورة كايتسناها فحال ديما
ركبات جنبه مبسمة فرحانة و انطلق هو فالطريق، كايسرق فيها نظرات كايذوبو
حمقاتو بهاد الستيل و طاح عليها واحد السر غريب، تا الغياب اللي غابتو عليه و شوفاتهم المسروقين لبعض فوقت التراويح خلاه يتوحشها، و تا هي اعجابها بيه تزاد اكثر، كاتشوفو لابس قنيديرة زرقاء مخيطة بالسفيفة و ثوبها كايبان زوين، مع بلغة صفرا فرجله و تقيشرات بويض كايحممق
بقات غير كاتشوف فيه تا شاف فيها و غمزها
ناصر: تا للمغرب و فطري بيا ماشي دابا
ضحكات بخفة و غمزاتو
رقية: كايجي معاك الصيام
ناصر: (تبسم) مكانتقطعش ياك؟
رقية: ههههه مبايناشي فيك، مهادن
ناصر: ايوا هذا شهر العبادة ماشي الدباز و العصب
رقية: (تنهدات و شافت فالطريق تا رجعات شافت فيه مبسمة) عائلتك كي بقاو، و رمضان كي دوزتوه
ناصر: مزياان عادي
رقية: اهاه و ولدك فينوا مع مامّاه؟
شاف فيها بنص عين و تنهد
ناصر: دابا مع الواليدة خليتو، هي سافرات و خلاتو عندي
رقية: (بحماس) بصااح شي نهار جيبو معاك نشوفو!
ناصر: (تبسملها) ان شاء الله
رقية: (تنهدات) فنظرك غايبغيني نكون معاك؟
هز يدها باسها تا خطفاتهاليه مزنگة و تبسم
ناصر: شكون مايبغيكش المصورية؟ غا لا كان هاد ولدي حمق و مكايشبهليش!
رقية: كايشباهلك تينا ولا لماماه؟ ماماه كي عاملة بيطا ولا سمرا؟
ناصر: (سكت و بعد مدة نطق بخفوت) رقية، يا رقية، ماديريش فبالك هادشي من الاحسن!
تنهدات و بلا ماتحس عبسات بملامحها و همساتليه
رقية: مرة مرة كايجيو هاد الافكار لذماغي و صافي
ناصر: ماتبقايش تفكري فيهم بزاف، خوي راسك من السلبيات كيفما خاويهم تا انا و مكانبغيش نفكر فداك طليقك اللي كل مرة شادو فشي قنت كانسلخو
تبسمات بخفة و شافت فيه
رقية: اصلا تينا الحاجة الايجابية فحياتي، احسن حاجة عملتا انني تعرفت عليك و احسن حاجة عملتا فحياتي كاااملة دابزت مع ختك هههههه
ضحك تا هو ضحكة مسموعة من اللي قالت و شاف فيها بغمزة
ناصر: غاتكون عندك لوسة مشرارة حضي راسك
رقية: امممم غانحاول نتفاهم معاها و نصلحو العلاقات
ناصر: اهاااه ألالة غاديري عقلك زعما
رقية: شعاندك، ياكما كانبانلك حمقة؟
ناصر: (بتنهيدة مسموعة) انتي هي مولات العقل و الفنة ديالي (شاف فيها و وسع ابتسامته) فخبارك ماعنديش مع كثرة الهضرة و انا صايم و لكن الهضرة معاك بحلاوتها
تبسمات بخجل كادور فعينيها و رجعات شافت فيه، ساهية بحب و عينيها كايلمعو بالشوفة فيه، يااااه لو كان يعرف شحال كاتحبو، كان يشدها و يخشيها فوسطو يخبيها من العالم كووولو فوسط صدره
فطرو فواحد المطعم خمس نجوم، فطور ملكي خلاها غير حالة فمها، حمقها الفطور و الاكلات اللي تحطو، ماخلات تا حاجة مذاقتهاش و تا هو كايهز و يوكلها و يعطيها تا تگوفلات، كملو و مشاو لواحد الجامع، قدام القهوة، صلاو كل واحد فجهة تا كملو التراويح و رجعو خرجو تساراو فديك الليلة تا وصلات الحداش دالليل عاد وصلها لجنب باب دارهم، هازة بزاف دالصيكان ، شرالها روايح و شيلان و جوج عبايات عجبوه و زادها واحد السلسلة فحال صدفات البحر مذهبة حمقاتها هي و براسلي خاص بيها و حلقاتها
توادعو و هوما مبسمين و فرحانين سدات باب الدار موراها و تنهدات بعمق كتهمس بأمل
رقية: الله يخليك ليلي دايما الحبيب ديالي، يااا ربي ماتحرمنيشي منك
____________________________
فيوم من ايام رمضان، كانت مهلوكة وسط الطياب كاتصايب الحريرة بنفسها و دخلات بريوات للفران مع ليكيش و واحد الديسير بارد خشاتو فالثلاجة، صاوباتهم بالگانة عوالة تخبي حقو من بعد حيت واخا كانت كتذوقو، عمرها عطاتو حريرتها و هذا هو النهار اللي دارتها فيه هي بنفسها رمضان كامل، بقا بالها معاها لاماتكونش زوينة ولا ناقصة الملحة، خرجات من الكوزينة و هي حاسة بالعيا، دوشات بالخف تحيد الرخوة اللي شداتها و يلاه كملات و لبسات حوايجها فبيتها، سمعات الباب تحل بقوة عليها و دخل خوها مخرج فيها عينيه و بلا مايخليلها المجال فين تدوي ولا تستفسر منو اشنو كايدير، هز يدو و صرفقها تصرفيقة خلاتها طيح كاتغووت
رقية: ايييي واش حماااقققققتيييي (شافت فيه مصدومة و خذها كيوزوز و عينيها دمعو) واااش من نيييتكككك كاضرااااابنييي
ناضت وقفات و بغات تلاح عليه ضربو تا هي و هو يشدها من شعرها بنتفة وجعاتها و تمتم بحدة و نبرة صوت قاااسية
رضوان: عُمرييي كااامل وانا موااااقرييني الناااس، تا لليومااا عاد ترجاااع سيرتييي على لساان الزو**ل كااادورر، و بسباااب شكوون؟ بسبااابك انتييي، انتي اللي كانقوول عليك مراااابييية و عمرررر سيرتك سمعنااها دابا رجعووو خبارنا يوصلوك من الانستغرام و تصاورك مع الزلال مكاينش اللي مشافهمش، مصاااحبة مع واااحد مزوووج؟؟ مزوج بمرتوووو ناضت تشوه فيك ابنت الحراااام، سحررر و مدارتهاششش، انتييي اللي بقيتييينا تعملل هاد الشووهة، مااااجي فالحومة گاع الناس كايوشوشووو عليااااا و زييد علييها طلاقااوني كايقولولييي دايما كايجي يطلاقااك مع الدورة و كايجيلك تا نالبااااب دالخدمة (عاود صرفقها تا طاحت مصدومة كاتبكي، كلامه ماستوعباتوش و مافهماتوش) هضضضاااار ألحمااا •رة هضااااااااار، تسالاو الرجاال مابقالك غير واااحيييد مزواااااج
هزات عينيها فيه كاتنهج و ذاتها كترعد كاملة كترجف، دخلات عندو نزيهة كاتبكي و تبعدو عليها تا هي مافهمات اشنو طاري، كانت فالسطح كاتنشر تا هبطها غواتو
نزيهة: ابني حبيبي نعل الشيطان، بدل الساعة بأخرى، شعاندك مع ختك شعندك كاضربا
رضوان: جابتناااا الشوووهة بنتك، جابتنااااا الشووهة و مصاحبة مع راجل مزوج، ناضت مراااتو تبعاتو و صوراتووووم بجوج، جالسين كايتمعشقو و يتعانقو و يتشابرو باليدين، و حطاتااااا عندا فالسطوريات ديالاااا، كولشيي ساق خبار شوهتها، دابا العائلة تبدا تصوني عليك تسقسيك، خشاتنا وجاااهنا فالارض هاد الكلبة
هز يدو زااادها طرشة اخرى صمكاتها ، طاحت للارض كاترجف كاملة، شافت فالفراغ مصدومة و بين عينيها صورت ناصر و فوذنيها صوت خوها كايردد انه مزوج
النفس بدات كاطلعو بالزز و هي غاتحماق!
بغات تحماق ماتيقاتش اش تقال، تا شدات نزيهة ولدها خرجاتو بالزز من عندها و هي كتخيرو بين السخط و الرضى، غير مشاو ناضت رقية كتجري لتليفونها
هزاتو و دخلات للانستغرام كاتجري تشوف شنو طاري
تجاهلات كم الاتصالات اللي وصلوها منه بلا ماتنتابهلهم و تجاهلات تا ميساجاته اللي كايوصلوها حاليا فالواتساب
ردات البال ان الانستغرام عندها ولا عامر بليزابوني، لدرجة من 500 تحولها ل 5000 و هادشي كانت طلات عليه غير فالصباح مكانش هاكا، بانولها شي ناس مطاغيينها دخلات تطل على داكشي و هي تشهق اول مبانتلها، هى و شكون من غيرها، المودل المشهورة اللي كانت كاتحمقها و متبعاها و حاسداها على حياتها
جوديا كادوي قدام الكاميرا و الدموع فعينيها
جوديا: سلام عليكم، جيتكم اليوم ماشي فحال ديما، عمرني تشاركت معاكم مشاكلي و لكن دابا ماقدرتش! حيت المشكل فوق طاقتي، كنت اي حاجة كاطرالي كانخبيها و عمرني تجرأت نبوح بأسراري الشخصية امام الملئ، خصوصا اسراري مع راجلي و لكن دابا فاض بيا الكاس! فاااض بيا مللي عرفت راجلي كايعرف عليا وحدة اخرى، كايخرج معاها و هي واخداه مني بأريحية، سرقاتو و دارتو تحت باطها تا ولا كايهتهت بيها، راجلي كايحماااق عليا انا عارفة و لكن بسبابها مابقاش طايقني، على الاغلب غاتكون سحراتلنا ولا سحراتليه هو، انا وياه عايشين احسن حياة، عندنا وليد فعمرو ثمن سنين و حياتنا ديما آليز كنتو كاتشوفوني كانصورلكم و تا عيد الحب اللي مدازش عليه بزاف، شفتو كي دوزناه و حنا مزيانين تا جات هادي و فشهراين طيراتو ليا خلاتو كارهني و هارب مني، لدرجة واحد النهار ضربني و قالي انه كايبغيها و غايتزوجها!
هي غاتبني سعادتها على ضهري، يعلم الله شحال بقات تاكليه عقلو و سحرااتو بيها، خلاتو بين ليلة و نهار تسيف عليا، وانا غضبت منو فحال اي مرا و راجلها تناقشو جيت لدارنا قبل رمضان بغيت نرتاح باش نصفاو شوية و عوالة نرجع لداري من بعد تا كنتفاجئ بدعوة الطلاق وصلاتني اليووم
شحال وانا ساكتة و مكمداها، كنت عارفاها و سكت و مواجهتووش باااش مانخربش داري و مانشتتش شملي، مع ولدي و لكن دااابا فااض بيا الكاااس، درت گاع المحاولات و لكن هي اثرات فيه و سرقاتو مني (عينيها عمرو بالدموع كادوي و هي كتنخصص و تشهق) بسباب ديك السحااارة هو بغا يطلقني، انا راجلي عارفاه باغييني، و تزوجنا عن حب دابا تسع سنييين (هزات تصاور العرس بين يديها كاتوريهم للكاميرا و كولهم ضببات فيهم وجهه و هي غاتحماق بالبكا) و دااابا فااض بيا الكااس مللي هي ماحشمااتش و سرقااتلي راجلللي تانا مغانحشمش مزاال و غانحطهم بوجههم حيت حطمووني و الدعوة بيهم لله فهاد النهاااار هذا، انا خرجت عن صمتي و مغانتنازلش على حقوقي ولا على راجلي واخا يطرا اللي طرا، انا مابغيتش عائلتي دمر بسباب بنت تولدات فالألفيين!
مور داك السطوري مباشرة دخلات لطاغ آخر و هي غاتهبل عينيها خارجين، لقاتها حطات تصاورهم فسطوري آخر و المتابعين هزوهم و تداولوهم بين الصفحات، تصاورها معاه فآخر خروجة ليهم كان كايشريلها السلسلة و البراسلي كايقيسهوملها و بايسلها فيها يدها و فخرجة أخرى قبل رمضان فاش كان مقنتها مع الطموبيل و عنقها فاللخر كانو كايتصورو و مرادينش البال، بانت تا تصويرة اخرى مضببة من وسط الطموبيل فحالا مقربين كايتباوسو و كولهم كانو وجاههم مضببين ، واخا جوديا ماحطاتش تصويرتها بنفسها إلا انها صيفطات اللي يحطها فالباجات الكبار باش يعرفو شكون هي فعلا تصاورها بوحدها تنتاشرو بطريقة غير معقولة بعدما طاحو على كونطها اللي خلاتو عمومي من آخر مرة، اما تصاور ناصر ماعرفوهش كي داير فحالا كان هم جوديا انها تشوه غير رقية فقط، فحالا هي اللي تسلطات على الراجل و تلوات عليه فعلا بينما هي مكانتش عارفاه اصلا انه مزوج
قلبها بغا يسكت من الصدمة، كاتشوف فداكشي كأنها فكابوس عمرها فكرات انها تعيييشو تا فخياالها و دابا ها هي عايشاااه فالحقييقة
كابووس مر و قاااسي دمرها و كسر قلبها لقطع صغيرة، حسات بحريق خاايب فجانبها الأيسر و الدموع!
اادموع مابغاوش يحبسو فعينيها و رجليها حساتهم بردووو و واحد الرجفة شداتها غير طبيعية و غير معقولة فحالا الموت بغات تشدها!
ماعرفاتش باش كاتحس و لكن كانو فحال السكاكيين كايتغرزو داخلها و هي كاتقرا تعاليق الناس ليها فصفحتها على صورها، و تا ميساجات وصلوها و الباجات كايدويو عليها و يسبوها تا واحد محاملها و كولهم متضامنين مع الزوجة جوديا اللي مدارت لا بيديها ولا برجليها و بكاها فالفيديو قطعليهم القلب
لدرجة دخلات لشي صفحات لقاتهم حاطين صورها مع ديالها و كايقارنو بيناتهم و فالتعاليق مكاينليك غير السبان و كايعيبو فيها
👩🏻-تفووو شو كي دايرة، صفراا ولا علااقة، لا فورمة لا زين ماعرفت هاد الرجال فاش كايفكرو
👩🏻-راه بااينة مسحور كي قالت مرتو، شو هادي كي دايرة لاا مقارنة بيناتهم
🧔🏻♂️-ايييه ياليااام، انا تكون عندي فحال جوديا فالدار نشوف فرْقية؟ لا لا لا فين ذوق هاد الراجل
جاوباتو وحدة
👩🏻- واييه اخويا راها لا علاقة، بالحق الله يعطيه العما داك الراجل، السحوور يديرها
🧔🏻♂️- جاوبها ديك الساعة ب "دوزي بريفي"
دخلات لباج اخرى حاطين صورتها مع جوديا و كاتبين عليها بالضحك
"دقة السحور باينة 😹"
"فاش يزغبك الله و تبغي تخون مرتك بعدا ختار ماحسن منها 😹"
و الكثييير من التعليقات لقاتهم من هاد القبيل، حطمو نفسيتها و حطمو ثقتها فنفسها ولا كايبانلها راسها فحال شي حشرة، ماحملاتش تشوف وجهها فالمرااية، كرهات نفسها و هي كاتشوف فتصاورها كايدورو و شي كيخرمز عليهم برموز فحالا كايسحرولها زعما و الشي لاخر كايدعي فيها فالبريفي، شي بالموت شي بالكسايد تا ماحساتش غير بنقيطات دالدم نقطو من نيفها للتليفون
شافت فدوك النقيطات بعينيها المضببين بالدموع و مسحات نيفها بصعوووبة و هي كاتشوف تليفونها بدا كايصوني من رقمه
صونا مرة و جوج و ثلاثة و هي كتشوف فيه بعيون مشوشة و راسها ولا كايضرها بطرييقة خايبة، حاسة فحالا شي عرق طرطقليها فراسها، شهقات بالجهد كاتبكي بحرقة و ذاتها كاترجف بطريقة غير عادية تا بدات كاترعد اكثر و اكثر و يديها و رجليها بداو كايتعودو و كاتشهق على حالها شاداها الموووت
تا تحل عليها الباب بعنف، دخل باها و خوها ناويين يكملو عليها و مها كاتشد فيهم و ترغبهم باغا تهدنهم و لكن مع الدخلة، ضربات مها ففخاضها و غوتااات بحررررقة
نزيهة: بنتييييييييي
طار عندها رضوان كايجري و هي مخشبة كووولها كاترجف و نيفها كايشرشر بالدمااايااات
تخلعو و تفافاااو و مصطفى كايدور جنبهم و يترعد تا هو ماعرفو مايديرو، تا دخلات سحر عاد جايا بعدما شافت ديك الفضيحة .. دخلات عليهم للبيت مللي سمعات الغوات، سحابلها غير كايقتلوها، و لكن غير شافت فختها بديك الحالة، غوتاات غوووتة وحدة لربيي الللي خلقها و جرات ناحيتها تا هي مخلوووعة عليها
_______________________________
السبيطار عامر بعباد الله، المشافي العمومية المغربية تا واحد مايتمنى يمشيليهم ، خصوصا و هو فحالة خايبة فحال حالة رقية و لكن مكان عندهم مايديرو و داوها لتما، خلصو الصندوق و بالتدويرة باش دوزوها يسبقوها هي اللولة
دخلوها للبلوك ديريكت كانت مرخية بعدما هدنوها فلومبيلونص، غايبة عن وعيها و مع دخلوها للبلوك و ركبولها الاجهزة مع ذاتها باش يبداو يسعفوها سكتلها القلب وسط ديك الصدمة بسرعة بداو كايتجاراو بيها تا رجعلها النبض و هي محاساش بالدنيا حواليها
كولشي مخلوع عليها، واليديها و خوتها، خوها ندمان حيت ضربها الدموع فعينيه و مها غاتحماق بالبكا و باها مهدود شاد راسو بيديه بجوج و جالس فالارض مقرض كايترعد كااامل
الحالة اللي شافوها فيها عمرهم توقعو انهم غايشوفوها فيها فحياتهم كولها
ديك البنت الجميلة و الرقيقة فحال النسمة
اشنو دارت فحياتها باش تستاهل فحال هادشي؟
اشنو دارت فحياتها باش تتعاقب هاكا؟
و اشنو دارت باش تتشوه هاد الشوهة و كولشي يوقف ضدها و هوما معارفيينش اصلا اشنو وقع و شنو طرا و كيفاش هي تعرفات على داك الراجل!
كولشي طرا بسرعة و هوما كايساينوهم يخرجوها من البلوك تا سالاو معاها و خرجوها كانت عريانة كولها ، مغطيينها بليزار و كولها صفرا و ذاتها باردة كي الثلجة
___________________________________
خبارها فالسبيطار وصلات تا للصحافة اللي كانو كايساينو فباب دارهم فاش هزاتها لومبيلونص كانو باغيين يستجوبوها و ياخذو السبق الصحفي منها و يسمعو القصة من طرفها و لكن تفاجئو بيهم هازينها فلومبيلونص
بسرعة خبارها تنتاشرات و مكاينش اللي ماعرفش انها داخلة لمحمد الخاامس
داخل كايجري مخلوع عليها قلبو غايسكت و عينيه كايقلبو فكل جيهة، كان كايترعد كامل بعدما كان غايحماق بالصونيط عليها، شاف خبرها تهزات للسبيطار جا كايطير لعندها بلا مايفكر
وقف جنب الغرفة اللي خداوها ليها، كانت غرفة كبيرة بعدة اسرة جامعة عدة مرضى و هي بينهم مزالة فاقدة وعيها المسكينة
وقف جنب ماماها اللي شادة فيها مخلوعة عليها و تمتم بخوف
ناصر: ر رقية رقية ، شنو طرااالهاااا
بغا يقرب لعندها و هو يشوف فيه خوها، غير بانليه فحالا شاف شي جن، تلااح عليه ببونية قوية تا تردد جسده للخلف و تمتم بغضب
رضوان: شكووون انت الللي ماااجي لهنااايا، شكووون
ناصر: (كايشوف فيها ورا جسد رضوان اللي شدو و كايتمتم بلهفة) ان انا ، ش شووف داكشي اللي طراا كامل ماشي صحييح، ا انا اه مزوج و لكن هي مكانتش فخبارها، اششنووو طراااا باش وصلاات لهاد الحااالة مااالهااااا واااش ضربتوووهااا؟؟ (صعر باغي يشدها و لكن ماقدرش بسباب رضوان اللي دفعو بقوة مبعدو عليها) واخليييني نشوووفها اشنو درتووليييها!!
رضوان: مشييي تقاااا***د اولد الق****ة ، الرجلة بزاااف عليك انت ، ماااجي تشوفا فحالا مااشي تينا سباااباا، كانت غاتمووت سكتييلا القلب ماعتقوها غير بالزز، راسا كان غايطرطقلا فيه شي عررق و شبراتا نوبة دالاعصاب، رجعات حالتا حاالة بسبابك تينا و ديك مرااتك و لكن غير صببااار والله تا نجرجركم فالمحااكم، غاندعييوكم و نخرجو منكم هاد الحالة اللي دخلتوها ليها و بالزز منكم، سحابلك ختييي معانداشي اللي يوقف معاها ولااا؟ انااااا (ضرب بقبضة يده على صدره بعنف و حرقة) انااا خاااها الكبيير و غانعمل جووهدي ندخلكم فين ترباااو
ناصر: (تجنن) وابغييت نشووووفها، نشوووفها و انت عندك الحق فكولشي، انا ولد الحراام مقطر و مكانسوااش و لكن مابيدييش هادشي كانبغييها، وااارقية كانبغيييييك
غوت بحرر جهده و هو كايشوف فجسدها الممدد فوق السرير بلا حول ولا قوة ليها، خرجو خوها بالزز من تما و جاو تا السيكيريتي خرجوهم و هوما مشادين، ناصر تغدد و ضرب رضوااان تا هو باغي يرجع عندها و مللي شدوهم تا السيكيوريتي، زااد صعر كايضرب فيهم و رضوان تا هو ماخلاش من حقو فيه
الرويينة نايضة و تا الصحافة اللي تبعاتهم للسبيطار بداو كايصوروهم و حاولو يركزو على وجه ناصر اللي مبانش فالتصاور
ناصر: غانشوووفها، غاتخلييوني نشوووفها، وابعدووووو وااانا انا اللي ولد الحراام هي معاارفة وااالو معاارفةةة وااالووووووو
بغا يحمااق و يهبل، مكايتخيلش انها فديك الحالة دابا، و وصلات للموت بسبابه، عيشاتو احلى ايام حياتو و هو باش كايجازيها
غوتتت غوتة عاالية بشراسة خلعات اللي حواليه و بلا مايحس، قلع التيشرت اللي كان لابسها تا بقى بصدره عريان، مهياااب بان و كامل مگضر و عاامر، مع رمضان كولشي تجمع باغيين يبرگگو كايحماقو على المطايفات د رمضان و هو كايبغي يدخل لداخل و كايدفعوه مبعدينو
ناصر: واولاااد الق****ب والله لا فارقتووني معااها، اناا دياالها و هي دياالي، غانتزوجهاااا وبالزز منك انت (شير لرضوان و هو كايشوف فيه مغلغل بغا يضربو) بالزز منكم غانتزووجها كاتسمعووووو
رضوان: خاااليييك كااتحلم، ختي هي اللي عمرك تعاود تحلم بيها
ناصر: (غوت بصعرة و بانتليه واحد الحديدة فالارض هزها و قربليه ناوي يعطبو) ماااشي انت اللي كاتحكاااااممممم (قربليه تا لصق معاه كايشوف فيه بنظرة حادة و سيفتو ولات كاتخلع، كاينهج و يدوي بطريقة هستيرية) رُقَيَّة غاتولي مرااااتي، هي ماعرفاتنييش مزوج، انا خبييت عليها و لكن غانطلق، غانطلق و نتجمع معاها كاتسمع، كاتسمعووو نتوووما كااامليننننن، (دور عينيه فجنابه و نطق بانفعال) رووووقااااييياااا غناااخذها، غانتزوجهااااااااا و هانتومااا شاااهديييين
الفيديو تم تداوله بواحد السرعة خيالية، ولا غير هاشتاغات فمحرك البحث #كانبغيييهاااا #روقاااايا #فضيحة_المؤثرة_جوديا_وزوجها_وعشيقته #الزوجة_أم_العشيقة #نااااري_شحال_كايبغييها #شوهة_ماتبغيها_لعدوك
هادو هوما العناوين اللي ضايرييين ترند
التعاليق على الجهد و گاع اللي سبوها من قبل بقات فيهم خصوصا من واحد الصورة مضببة تحطاتلها و هوما واخدينها للومبيلونص
و تا الفيديو اللي تصورليه وضح انها مكانتش عارفاه مزوج و هادشي خلا شي يتعاطف معاها و شي مزاله ضدها و الاراء تختلف من شخص للثاني
بعدما باتت فمحمد الخامس واحد الليلة، فالليلة الثانية حولوها لكلينيكة اخرى فالرباط بعدما جا عندهم واحد عمها بخيره هو اللي تكلف بالمصاريف
فالكلينيك تما تلقات علاج احسن و فحوصات اكثر، فاقت فاليوم الثاني و هي مهدودة، عينيها حالاهم و بقات ساكتة
تصدمات صدمة نفسية كبيرة خلاتها غير ساكتة و كاتشوف بهدوء تا جابولها طبيبة نفسانية تهضر معاها و هي ماتجاوباتش معاها فخطرة
تا حد ما بقى عارف عليها شي خبار بعدما حولوها بسرية لداك الكلينيك، تا واليديها مارجعوش للدار بقاو معاها فالرباط كاينة تما دار عمها ، خلات موراها ناصر غايحماق يعرف خبارها و والو، غبرات غبرة وحدة
دازو ايام قلال ليها فالمشفى تا بدات كاتحسن شوية و تعطي ردود فعل مع الطبيبة النفسية، تهدنات شوية و تا واليديها بعدوها على گاع اللي يعصبها، تا تسالا رمضان
فصباح العيد صبحات حالة عينيها فغرفتها، ساهية فالفراغ و كاتذكر لقطات ليهم مع بعض، قلبها كايتعصر بالألم
الصدمة كانت قوية عليها لدرجة مزال مامستوعباش انه كان كايضحك عليها و قالها راه مطلق فالوقت اللي كان مزاله مع مرتو!
هي كل اللي دارته انها ثاقت فيه رغم أنها ماعرفاتوش لوقت كبير إلا انه هو انسان خلاها تحس انه صادق معاها
ماخلاش شي ثغرة اللي تخليها تقلب من وراه، رغم انها شكات انه مخبي عليها شي حاحة و لكن عمرها ضنات ان هاد الحاجة غاتكون انه مزوج!
فين الليالي اللي كان يبات يدوي معاها
و فين الخروج اللي كايدوز معاها نهارو كولو و خداها لشلا بلايص كايعرفوه الناس فيهم!
فين الاهتمام و الاتصالات و گاع دوك الوعود و فين هضرة غانتخطبو و غانتزوجو و نتي ديالي و عمرك تكوني لغيري!
حسات بنفسها عاشت فوهم و فكذبة
حسات بأنها إنسانة غبية و بسهولة تدارت بيها
ماعرفاتش كي وقعلها، مللي خرجات من تجربتها مع هشام مكانتش واقعة فالحب لهاد الدرجة!
فعلا كان عندو الحق داك اللي قال الحب أعمى
حيت لا بغيتي شي حد بصح من قلبك و أعماقك مكاتبقاش تقلب على عيوبه، بالعكس كاتقلب غير فمميزاته، كاتشوف غير فالايجابيات ديالو و گاع السلبيات كاتقمعهم و مكاتشوفهمش و هادشي اللي طرالها هي
تضبعات معاه و ختارت طريق الحب و تعلقات فيه لواحد الدرجة اللي تفلقات فيها!
ناضت بصعوبة من فوق سريرها، وقفات فالشرجم كاطل على الجردة دالفيلا د عمها، سهات كاتشوف فالخضورة و الطبيعة و الشميسة زاهية
غمضات عينيها بأسى ، تنهدات تنهيدة مسموعة و همسات لنفسها بخفوت
رقية: تاحاجة ماتستاهل فهاد الدنيا، دابا گاع هادوك اللي سبو و زبلو غايكونو نساوني اصلا و انا عاملة فراسي هاد الحالة (تنهدات بحرقة) بلحاق انا السبب و انا اللي ثقت فواحد الانسان مايستاهلشي!
تحركات من مكانها و مشات لواحد المجر، كان محطوط عندها فيه تليفونها .. هزاتو و خرجات من البيت تا لديك الجردة، جلسات و قابلات التليفون معاها
لابسة كسيوة دالعيد جابتهالها ماماها و لبساتهالها فالابيض و فيها نويوشات ملونين، شعرها مطلوق على ضهرها و وجهها صافي دايرة مكياج خفييف بينها بويوضة و مع المرض و الدوايات، ضعافت و لكن واخا الضعف مزالها كاتبان مسرارة و البراءة فعينيها كاتلمع، مع شفايفها المحمرين بأحمر الشفاه الزهري، صورات لنفسها فيديو و هي جالسة تما و عينيها مبسمين للتليفون
رقية: سلام اخواني المغاربة....
رقية: سلام اخواني المغاربة....خرجو ناس مؤخرا هضرو فيا و قالو فيا اللي مكايتقالشي واخا انا كنت ضحية واحد الانسان غدار و خاين و كذاب و منافق، خرجات مراتو و تاهماتني اتهامات باطلة غانتابعها عليهم قانونيا و باقي تا دوك الناس اللي ماشيين مع الموجة و بداو يسبوني و يقارنو بيني و بينا، اه عندكم الصح هي مزيونة عليا و انا بنفسي كنت متابعاها و كتعجبني و لكن هادشي مكايعطيكمش الحق تتنمرو و تدويو فأعراض الناس بلا ماتسمعو من الطرفين (تبسمات كادوي بهداوة و راحة مع الكاميرا) اذا كانت هي عندا دوقما تهضر بيه و ترسمني فعاينكم بصورة الشيطانة اللي سرقاتلا راجلا و تخاليه هو فالهامش و تخابعو حيت كايبقى "راجلا" بين معقوفتين ، ف تا انا عاندي دوقمي اللي نهضر بيه و ندافع ليه على رسي!
اذا كانت هي تغدرات من راجلا اللي دوزات معاه تسع سنين، فحتى انا تغدرت من نفس الشخص و واخا دوزت معاه شهورة قلالين الا انني معاه عرافت شلا حواايج و طماعني بشي حوايج اخرين، خلاني نغرق فيه بلا مانحس براسي، رادني عايشة حياتي على قبلو
ورجاع هو المحور اللي كادور عليه حياتي كاملة، عراف كيفاش يستحوذ عليا و خلاني نتبعو مضهسسة، نتوما حكمتو غير من طرف واحيد و قلتو عليا سحارة و خرجتو عليا كلام مكايتقالشي و لكن انا و اليوما و قدام كولشي، كاندعيكم لله هو اللي غياخُذلي حقي منكم، و الناس اللي هَزو تصاوري و لعبو فيهم باقي غانتابعوم قضائيا كاملين ، كيفما مرطتوني فصحتي و طيحتوني خمسطاشر يوم فالفراش، غاتجي نوبتكم تا نتوما، هاديك اللي تقصحات حيت راجلا خانا معايا، خاصا بعدا تراجع نفسا و تشوف هي شني عملات باش خلاتو يدوز معايا انا سوايع نهارو كاملين كان كايهضر معايا، عمري كنت نشك انه مزوج، حيت وقتو كامل كان عاطيهلي، هاد الراجل مغايتقسمشي على زوج باش يهضر معايا و معاها! هذا دليل أن الهضرة ديالا اللي قالت انهم مفاهمين و مكاينشي شي كوبل فحالوم فالحب و الرومانسية غير زواق و كذوب و هو أصلا سباقلو و قالي مطلاق و عندو واحد العايل، يعني ديك المرا اللي خرجات كاتقول عليا انا سحارة و سراقتلا راجلا، انا اصلااا ماعرافتاشي تا واش عايشا ولا لاء! وانا راجلي اللي يكون معايا فنفس الدار و نشوفو شابار التليفون و مانمشيشي نطالل عليه شكايعمل، غير بلا مانتزوج بيه احسن حيت لو مكانشي لقى راحتو معاك مكانشي غايجي عندي واخا كانو عندو فرص انه يعملا و ما مرة ما جوج تفارقنا و لكنه فاللخر رجع عندي و بغاني أنا و تا انا بغيتو للأسف بلا مانفتش موراه و لا نسقسي عليه ولا نسقسيه هو براسو ( تنهدات بحرقة و سكتات ثواني حاسة بقلبها طايب) و لكن شغانقولكم، الله ياخذ فيكم الحق، المرط اللي مرطتو بسبابكم غانبقى نوكل عليكم الله بيه تا تخرج فيكم دعوتي
انا انسانة مزيانة و اللي فقلبي على لساني، مكانشكرشي راسي و لكن الفرق كايبان فالطريقة دالهضرة، و هي واخا هضرات عليا خايب انا مغانرجعالاشي حيت عذرتا و هذا اسوء موقف تقدر تعيشو شي انثى و كنصيحة مني مشي عند راجلك و شوفو المشكلة فين عندكم و بعدوني انا من طريقكم، حيت فاللخر انا اللي كليت فيكم الدق اما نتوما بانتولي ماخسارتو تا حاجة و فالاخير غانقولك حسبي الله و نعم الوكيل فيك
قطعات الفيديو و بهداوة بارطاجاتو فصفحتها اللي وصلات 50000 غير بسباب ديك الفضيحة و الناس كايحماااقو على الشوهة مساليين ، غير بانلهم الفيديو ديالها بسرعة بداو كايقطعو فيه و ينشروه و يطبلو و يغيطو بيه تا تطلا فالسوشل ميديا تا هو
بدات كادور من الباجات اللي كانو كايسبوها ديك الخطرة، هاد الخطرة ولاو كايسبو فناصر، كاين شي باجات هزو سكرين تصويرتو من الفيديو اللي صوراتوليه الصحافة عريان و صورة جوديا و صورة رقية و حطوهم فبوسط تحت عنوان
"البقاء للاقوى 💪🏼😹"
تنهدات تنهيدة مسموعة، كاتشوف الكمونطيرات اللي بداو كايوصلوها و كم المواساة تا هي و شي بعضين هزو صورها كايحطوهم فباجات ديال ليمودلز بعدما قادولها المكياج ب فيس آب و الروينة شعلاتها فالسوشل ميديا تا هي
فوسط كومة المنشورات و التعاليق اللي غرقات فيهم، وصلها آبيل فيديو فالانستا من حساب، اول ماركزات عليه عرفاتو ديالو!
بسرعة قطعات عليه و هي كترعد و قلبها بدا كايضرب بقوة، دخلات للصفحة ديالو تسارى فيها و تبسمات باستهزاء كاتفكر ايامها معاه و الوهم اللي عيشها فيه
كاتفكر كيفاش خلاها تتعلق فيه بلعاني طمعها بالحوايج و الذهب و الألماس و الطموبيل و المحل اللي واعدها بيهم باش تبقى ديما حاسباه هو الوحيد اللي يقدر يكون رجل فحياتها!
شهقات كاتبكي بحرقة اول ماطلعلها كايصوني عليها ثاني، و تالدابا عاد قادر يوصلها بعدما بدلات النمرة ديالها و ماعرفهاش
بعصبية دخلات بلوكاتو و خرجات من الانستغرام باغا تهدن نفسها و تنساه!
حاسة بقلبها مزاله كايبغيه رغم داكشي كولو اللي دارو فيها و هادشي خلاها تحس بالذل و القهرةةة على نفسها
مزالة ماتهنات تا وصلوها ميساجات مور بعضهم فالانستا، دخلات تشوف شنو داكشي و هو يبانلها كونط جديد داخل عندها كايسيفطلها عرفاتو هي من خلال الميساجات اللي وصلوها
-رقية خاصنا نطلاقاو و ندويو
- ماديريش فينا هاكا، انا كانبغيك كذبت عليك حيت مابغيتش نخسرك، كنت باغي نصارحك و ماقدرتش خفت تمشي و تخليني
-كانواعدك أحبيبة حياتنا غاتزيان و غانحققو گاع داكشي باش واعدتك انا اصلا كانطلق الجلسة قريبة و اكيد غايتم الطلاق بيناتنا حيت بجوجنا تافقنا عليه
-رقية عفاك جاوبيني، عفاك خاصني نشوفك راني خايف عليك بزاف
-عرفتي فاش مرضتي بسبابي كرهت راسي و عرفت راني أسوء انسان فهاد الكرة الارضية، عفاك ماتحكميش علينا بالنهاية دابا، سامحيني و عطيني فرصة وحدة
غززات سنانها بغضب و نرفزة و دخلات بلوكات تا داك الكونط
ناضت مغددة و منرفزة من تما و دخلات للفيلا لداخل، هادي اول مرة تجي عند هاد عمها، كانت كاتعرفو غير فايامات العيد كايباركو لبعضهم فالتليفون و دابا كتابلها تجي عندو تجلس معاه
شافت فماماها اللي جالسة مع مرات عمها كايتهاودو فالصالون ، قربات عندهم مبتاسمة جلسات معاهم كاتصنطلهم و صافي و هوما كايدويو فعدة مواضيع تا نطقات نزيهة
نزيهة: ايوا انا الحبيبة ديالي براتلي هذا النهار الكبير، دابا غايخصنا نرجعو فحانا لطنجة، باها بقا تما و خوتا بواحدوم، (شافت فيها و حطات يدها على فخضها طبطبات عليها) ياك الحبيبة ديالي؟
تبسماتليها رقية و تمتمات بهداوة
رقية: اه نرجعو باش نتسجل فشي مدرسة، مابغيتشي نضياع تا هاد العام
نزيهة: اه بصح كانت غاتحماق على القرايا و جا داك ولد الحرام راجلا اللولاني حرما منا، و هي تبعاتو بسباب طيش المراهقة و دابا جاها ولد الحرام اخور عاوتاني الله ياخذ فيهم الحق
رقية: (تنهدات بحرقة) زَهري غير فيهم
تأفأفات و هي كاتشوف كونط جديد دخل عليها ثاني، تأفأفات معارفة مادير معاه و دخلات ثاني بلوكاتو، كاتسدليه الباب على صبعو بدوك البلوكات، كاتخليه باغي يحماق يدوي معاها و هي دايرة فيه مابغات و بدات كاترشقلها مللي شافتو كيفاش مصر يدوي معاها و هي كتجرجر فيه
نهار ثاني عيد رجعو فحالهم للدار فطنجة، مع وصلات لقات الدار عامرة بخوتها و ولاد ختها و باها، سلمو عليها كاملين و تا رضوان كان ديجا خدام فمراكش و لكنه رجع مؤخرا بعدما لقى خدمة فطنجة ، عنقها و باسلها راسها كايعتذر منها عينيه مغرغرين و تا هي عينيها دمعو اول ماتفكرات داك النهار
رضوان: سمحلي اختي الحبيبة، سمحلي ضلمتك
تبسمات ابتسامة خفيفة و همساتليه ببحة فصوتها
رقية: ماشي مشكل الحبيب ديالي، ماشي مشكل اكبيدة
دازت لباها و خواتاتها كاتعنقهوم تا وصلات لولد ختها فعمره 11 عام و هو يعنقها كايضحك
"خالتو الفيديو حاطيتيه الباراح فينما دخلت كانجبرو ههههه"
تبسماتليه و تزنگات حشمانة قدام العائلة اللي اكيد حتى هوما غايكونو شافوه و لكنها كان خاصها دير ديك الخطوة و تخرج تا هي تقول اللي عندها و ماتبقاش حاسة بالحگرة من جهة وحدة
دخلات لغرفتها ترتاح من عذاب السفر و تكات ، تا وصلات السبعة دالعشية، ناضت قنطانة من راسها، حسات بنفسها محتاجة شي تحمحيمة فاعلة تاركة و فعلا، دخلات للدوش سخناتو، وجدات حوايجها و كريماتها دخلاتهم معاها
بدات تطلي لحمها بتخليطات و تبريمات كاترطب و تقاد تا سالات خرجات مزنگة من الدوش ب بيجامة عبارة عن شورط و تيشرط فيهم سبونجبوب و بسيط ، الجو بدا كايسخن و البرد كايمشي، لوات شعرها ففوطة و خرجات لغرفتها، نشفات شعرها بالسوشوار ، خلاتو هكاك مطلوق و دارت مكياج خفيييف بانت فحال شي حمامة بالعوينات كوحل و زادت كحلاتهم و الرموش طوال و زادت طولاتهم و الفيم و الخدود حومر و زادت حمراتهم
بانت فتنة و هي كاتشوف فمرايتها و تتأكد من جمالها، الكمونطيرات اللي كانت قرات خلاو اثرهم فنفسيتها لدرجة مؤخرا ولات كاتشوف نفسها خايبة جووع و دابا عاد عجبها نفسها
لبسات واحد الجلابة كانت خيطاتها العيد اللي فات و منو معاودات لبساتها، فالبلومارين و الشيبي، جاتها مع فورمتها قتالة، صاوبات شعرها تا ولا مسبسب على ضهرها و عيطات لختها عندها للبيت
بدات كتصورها و تصور معاها و فاللخر حطات الصور فالسطوريات و طاغات ختها
جلسات كاتقرا الكمونطيرات اللي كايوصلوها و الصور اللي بداو كايتهزو و يحطوهم فليباج كبار ديال المودلز و يتغزلو بيها رغم انهم غير هوما اللي كانو كايعيبوها داك النهار
تنهدات بحسرة على داك الاحساس اللي حساته اول ماتفكرات داكشي، هزات عينيها فختها اللي دخلات عليها تا هي كانت لابسة و تمتمات بابتسامة
سحر: يلاه يلاه زيد نخرجو شوية نفوجو، اليوما ثاني عيد كنت خارجة مع البنات مللي جيتي تينا، غانمشيو مع بعطيتنا و ها تينا لابسة مسكسفة
تبسماتلها رقية و ناضت تا هي كانت قنطانة
رقية: يلاه اصلا انا عييت بالجلاس فالدار و المرط
تحركات من مكانها و مشات لواحد البواطة كاتحط فيها اكسيسواراتها، غير حلاتها سهات و هي كاتشوف فالكوليي اللي شراهلها
طولات الشوفة فيه مخنزرة و بسرعة عاودات سدات عليه البواطة و تحركات رشات عطرها، غير رشاتو تفكرات مللي كانت كاترشو بحماس باش تخرج تطلاقاه
تأفأفات على كم الذكريات اللي كايراودوها عليه و خرجات معبسة عند ختها اللي عنقاتها و باستها فخذها
سحر: بلا ماتغبن عليا، غانخرجو و غاتنسى داك الزبل، انا شحال كنت كانحماق على عمر و لكن غير شميت فيه الريحة دالغدر سمحت فيه واخا بكا عليااا و نتوما وقفتو فالصف ديالو و لكن انا عمري نسمحلو حيت الا الخيانة مانساماحشي فيها
رقية: (تنهدات بحرقة) شوية بشوية غانساه، ماشي فدقة وحدة
_______________________
خرجو هي و ختها مقابطات تا خرجو لعلى برا و هي تبانليهم سيارة فيها جوج بنات اخرين، كانو صديقات سحر، طلعو معاهم و تسالمو و هوما كايضحكو. . تحركو من تما و مباشرة مشاو لواحد القهوة كاطل على البحر عامرة غير بالشباب و البنات، الدنيا كانت فيها عامرة و كولشي خارج يفوج
جلسو فالطيراسة و هي بديك الجلابة بانت فنيونة، دايرة رجل على رجل و الشعر راضاه للجنب و الفرقة دالجلابة مبينة رجيلاتها البويوضين كايلمعو
طلبو كل وحدة واشنو بغات و تا هي خدات عصير اناناس، بدات كاتشربو و وحدة من البنات كاتصور الطبلة و الجو كي داير، تا بدات واحد الاغنية من واحد التليفون جنبهم تطلقات و هي تبسم رقية و بدات كاتغني معاها بلاما تحس
🎵كوياني كوياني كوياني مكوية
بالمكاتيب دالله و الحب غير بلية
من العزري دالحومة حسبالو كنبغيه
سروال واحد عندو يصبنو و يردو عليه
و السبنية ديالي طاحت و خمرتا
انا حالفة بالله تطوان لا عمرتا
طاكسي دالپرادة زيجانو كيبرقو
من العزارة داليوم ولا البنات و كيمحقو
صابون فلابابو صابون فلابابو
من العزري يتفلى الكصادورا د صحابو
السبنية ديالي طاحت و خمارتا
انا حالفة بالله تطوان لا عمرتا
عندي جوج د فويطات سلالكا ما مطويين
من المكاتيب دالله فرحو يالمكويين
من الصباط ديالي يعمل طاااق طاق
مانتيقشي بالعاايل واخا نضراااب الصدااااق🎵
كتغني بحركات انثوية و تلعب بشعرها و تشالي بيديها بحركات غنج و انوثة، تا انتبهلها الكل و تا صاحبة سحر اللي كانت كاتصور صوراتها فيديو و حطاتها عندها سطوري فالانستا ديالها مع طاغ للقهوى اللي هوما فيها مبينة اللوكال ديالهم
صوتها كان حنين و زوين و مع ديك الاغنية و لهجتها الشمالية و المعاطية و خشيان الهضرة اللي فيها، انتشر الفيديو ديالها فحالا باغيين منها غير حركة و ينبشوها
دوزات المساء مع البنات فالغنا و التفواج، تا عياو و قررو يضربو دويرة بالطموبيل و يمشيو للدار
يلاه تحركو و خرجو من القهوة، قشعات واحد الفيراري فالگري و فيها شي بلايص بالصفر، و زاجها فومي، الشوفة فيها بورشاتها بقات ساااهية فيها حمقاااتها ديك السيارة و تا البنات بقاو كايشوفو فيها و ينغزو بعضهم
-ياااختييي شحال كتحمق ديك الفييراري، سعداات مولاها بيها
سحر: احححح غا شي ضورة بيها ولا بغات تجي الموووت
رقية: الموت ساهلة زعما، اختي ماكراهناهاشي و لكن بلا موت
شدات فيها سحر و طبطبات عليها
سحر: غير هضرت و صافي ماشي بصح
تبسماتلها رقية ابتسامة حزينة اول ماتفكرات داكشي اللي عاشتو و الموت اللي وصلاتلها
وصلو لسيارتهم، ركبو و هي دور دور و تشوف فديك الفيراري اللي تحركات بعدما تحركو هوما و سلكات الطريق اللي سلكوها
فالطريق بداو كايحماقو بالتصاور و الفيديوهات و الاغاني و الضحك
البنت اللي كاتصوگ زااادت فالسرعة و رقية حلات الشرجم من جيهتها و خرجات بنص جسدها تا طير الريح شعرها براحته كان كايذاعب بشرتها و خصلاتها الناعمة و هي كتصرخ بمرح و بقوة و الطموبيل كاتلعب بيهم فالطريييق، دمعو عينيها بقوة الضحك و الريح اللي كايضرب فيها، تا سمعو صوت كلاكصوون قوي، دارت شافت وراهم و هي تلمح ديك الفيراري كاتكلاكصوني عليهم و تسني فيهم
شافت فالبنت اللي كاتصوگ بدات كاتخفف سرعتها تا حبسات فالجنب و البنات كايطلبو منها باش تاخذ حذرها
تا قرب مول ديك الطموبيل ناحيتهم و تحرك مباشرة للجهة فين راكبة رقية حل عليها الباب و هو مخنزر، غير علات فيه راسها و شافتو، عقدات حواجبها و تمتمات بغضب
رقية: انت شنووو كتعمل هنااايا، تابعني ولااا
ناصر: (عاقد فيها حواجبه) نزلي نوصلك لداركم
رقية: (شافت فختها اللي بقات غير كاتشوف و دور فعينيها و تا البنات خرجو فيه عينيهم، حيت لا هو و لا طموبيلته كايحمقو) واش انا شكيت علييك؟ راني مع البنات و ها حنا ماشين فحالنا
ناصر: (جرها من ذراعها تا خرجها من ديك الطموبيل بقبضة يده حرقها تا غوتات و قربهاليه تا تخبطات فيه بجسدها و تقابلو عيونهم بنظرات شرسة) غاتمشيي معااايا، نتوما غاديين كاتلعبو فالطريق، هادوو لا بغاو يمووتو يمووتو و لكن انتييي، مزال مغاتموووتي (قربلها اكثر انفاسه تخالطو مع ديالها) ماعنديش روحك رخيصة لهاد الدرجة أرْقية
دقات قلبها ولات خايفاه يسمعهم من عنده بقوة ما تجهدو، عينيها كايرمشو فيه بنظرة مثوثرة و كلامه و نبرة صوته الحنونة خلاوها تصرط ريقها بالسيف تا خرجات عندهم سحر و شداتها من عنده
سحر: واش اخاي تينا ماعاندك شغووول؟ مشيي عند مراتك قابلا و خلي عليك ختي فالتيقاااار
ناصر: (شاف فيها بحدة و ضار فيها ضورة وحدة) مادخليييش فهادشي مكايعنيكش بيني و بيينها
رقية: (خنزرات فيه) لااا مابقا بيناتنا والو، انا مغانرجاعلكشي واخا تموووت، غير مشي رجع لمراتك رابيو داك العايل ديالكم، عمل عقلك براكة من الفضااايح
دارت بوجهها باغا ترجع تركب فالطموبيل و هو يجرها بالجهد من وجهها تا خبطها فيه، و جبينه تعجن مع جبينها بلهفة و اشتياق
شفايفه تحطو على شفايفها بقبلة شرسة خلاتها تخرج فيه عينيها ، تصدمات من حركته و تا هو جرهاليه أكثر و مص شفايفها بقبلة عمييقة مستغل فرصة انها مصدومة فيه تا بدات تعيق و حسات بشنو كايدير فيها و هي تجمع كل القوى اللي عندها و دفعاتو عليها بكل جهدهاااا
دارت شافت فختها اللي بقات كاتشوف فيهم بدورها مصدومة من جرأته معاها و رجعات شافت فيه بغضب صرفقاته تا دارليه وجهه
رقية: (بغضب) حمااا •ار، عمرييي نشوووفك قريب مني مرة اخرى والله تا ندعيييك
خنزرات فيه بنظرة حادة بينما هو شد على شفايفه مسحهم و شاف فيها بنظرة شاعرية خلاتها تحس بالريق واحد فحلقها، دارت بسرعة رجعات طلعات للطموبيل جارة معاها ختها، نخزات البنت اللي كتصوگ باش تكمل بيهم الطريق و غير تحركو من تما، هزات يدها كاتحسس شفايفها بلمسة ساهية و مبورشة كتفكر اللحضة اللي جرها فيها
لمسة شفايفه لشفايفها كي كانت و انفاسه الحارة، شرارة قوية جمعات بينهم فديك اللحضة و تا دقات قلوبهم تسارعو بنبض غير معقول
غمضات عينيها و حركات نفسها بالنفي بسرعة باغيا تطرد ديك الفكرة
هي مغاترجعليهش
مغاديرهااااش
عمرها غاديرها
مكانتش كتسمع ختها و صحاباتها اش كايقولولها و تغزلهم بيه و بكي شدها و باسها هكاك و تا لدابا راهو تابعهم بالفيراري ديالو اللي حمقاتهم ، ماسمعاتهمش فحالا راها مصمكة
ذاتها كانت كترجف و انفاسها ثقااال، ساهية فالفراغ بصمت تا وصلوهم للباب ديالهم، نزلات مع سحر و هي مرفوووعة دخلات بلا ماتشوف وراها، بينما هو بقا تما قريب لبابهم، تا مشاو دوك البنات و تنهد فالسيارة
قلبه مزير عليه تا هو موحشها و خايف عليها، باغي يعنقها و يزير عليها وسط ضلوعه، باغيها تحس بيه شحال كايبغيها و شحال هو مساخيش بيها تمشي و تخليه، و اكيد هو مغايخليهاش تمشي و تخليه!
شعل الضو فتليفونه و هي طلعليه صورتها فالفوند ديكخون مبتاسمة!
هادي اول صورة صيفطاتها ليه و هي اغلى الصور على قلبه ليها هي
دخل للانسطا من جديد بحساب ثاني صيفطلها منه ميساج -توحشتك- و وراها رجع دخل للسطوري اللي عرف مكانها من خلاله، تبسم لداك الصوت ديالها اللي توحشو كايتصنطليه مبسم
تنهد بعمق و عنق التليفون لحضنه و هو كايسمع صوتها، فديك الحالة و فسكون الليل، عينيه ذبلو و غفى تما جنب دارهم!
_______________________________
صباح جديد بعدما دازو عليها يوماين، ناضت فالنهار الثالث و مشات مباشرة للپاتيسري عندي مروان اللي دوات معاه فالتليفون و طلب منها تجي عنده على حسب ترجع للخدمة، حيت باش ترجع للقراية خاصها تخدم باش تخلصها و تا البيرمي خاصها تكملو و لاصال، مصاريفها لمخلصاتهمش لراسها حد مغايصرف عليها
يكفي انهم خصرو عليها الفلوس فمرضها و الدوايات اللي خرجلها الطبيب راها كاتشربهم لدابا
مشات للمخبزة و دخلات من باب الموظفين لداخل، كانو جاو گاع الخدامة كولهم جاو كايسلمو عليها و يعنقوها البنات، اما الدراري فكايتملغو معاها و لا سلمو عليها غير سلام الاصدقاء بقبضة يدهم، تا سالات معاهم و طلعات للبيرو لفوق عند مروان اللي كان فالطبقة الثانية
دخلات عنده بابتسامة و جلسات قدامه، اتافق معاها باش تبدا الخدمة من اليوم فالعشية و غاتبدا معاه فلاكيص حيت واحد السيد كان فلاكيص مبقاش خدام معاهم و تافقو تا على الصالير اللي زادها فيه و تا التوقيت على حسب المعهد اللي غاتسجل فيه و تقاد وقتها فالخدمة على حسابو
خرجات من عنده و هي كاتبشر نفسها بمستقبل زاهر و زوين، نزلات لتحت و تهاودات شوية مع البنات صحاباتها، تا وصلات الطناش و توادعات معاهم، رجعات للدار وجدات حوايجها تخدم بيهم و صاوبات شعرها و تا المكياج، بغات تتهلا شوية فراسها و هي كانت غير ناعسة فالدار مكاتزين نفسها ولا دير تا حاجة تخليها تحس بأنوثتها
جلسات فالصالة كاتختار شي صورة من صورها تحطها بوسط فالانستا، تا ختارتها و پوسطاتها
خرجات منها و دخلات للميساجات اللي كايوصلوها، كتقرا فالغزل اللي كايوصل ليها من طرف الشباب، خلاها تحس بنفسها اكثر و كتفكر فخاطرها
رقية: انا كانموت بسبابو و هو مزوج و عايش حياتو ولد الحرام، كان كايغبر عليا تا كانشف وانا نتسناه و فاللخر كايدواخني بجوووج كلماات، تفووو على مذلولة كنت معاه تفوووو
دازت على الكونت اللخر اللي سيفطلها منو، ماداتهاش فيه و مابلوكاتو مادخلات قرات ميساجاتو، فضلات تتجاهلو احسن ليها، تحت منه مباشرة طلعلها واحد الكونت ديال واحد الواحد صورتو مبومبية فالبروفيل
باين تيتييز و فعلا غير دخلات للباج ديالو بانتليها عامرة بالمتابعين و الصور عندو كثار تما، تبسمات ابتسامة خفيفة و خرجات للميساج اللي كان مصيفطولها
"سلام رقية لاباس عليك، انا احمد من كازا، انجينيور، شفت حسابك و ماكرهتش نتعرف عليك اذا كان ممكن"
وسعات ابتسامتها من ميساجه اللي قراته و وسعات ابتسامتها اكثر و هي كاتحل الكلاڤيي و بتلقائية كتباتليه
"عليكم السلام أحمد، تشرفت بمعرفتك ، انا موافقة نتعرفو ☺️"
ردات عليه بالايجاب ناوية تا هي تتعرف على شي حد اللي ينسيها فيه و فذكرياتها المرة معاه!
يتبع...
التنقل بين الأجزاء