دخل لسيارته جلس فيها دماغو يديه و يجيبو ، ينكر اذا قال الكلام لي سمع فالفيدو ما قلقوش كلثوم من نهارها عارفها تتصرف بلا عقل و دائما متسرعة تتخد قرارات هي ماشي قدهم و تتبغي تحط راسها بين ريوس شبعااانين سم ، من الأول كان خايف عليها من هاد الشركة و عارفها غاتتأثر من الول كان عارفها ماشي قدهم هاد الناس فحال الأخطبوط يدهم في كل مكان و هي ماشي قدهم ... دوز يده على جبينه تلف له الري .. خذا تيليفونو تيقلب فالريبيرطوار ديالو حتى طلع له الإسم لي كان عليه يقلب ..
قطع الإتصال و ديمارا السيارة حتى تسمعو روايضها تحكو مع الأرض بحدة .. شد طريق وحدة حتى وصل عند السيد فالمحل ديالو لي ما كانش بعيد عليه بزاف .. حط سيارتو فباركينغ قريب و نزل عندو فالحين كان تيوجد يسد حتى دخل عليه ايوب ..
ايوب : ( تسالمو بالراس) وا عاش من شاافك اصاحبي .. هانية؟
صلاح: (ضرب له على كتفه) والله إلى سانك سانك !! و نتا ياك هانية الحاجة لباس عليها الوليدات؟
ايوب : ( ضحك و دوز يده على راسو) مزال ما كاين وليدات هاد الساع
صلاح: ( رفع حواجبه) ايه نعرف ! ولايني هادشي فيه المشاكل!!
ايوب : ( دوز يده على وجهه) الثمن لي طلبتي نحطو لك غير هنيني من هاد الق..لاوي !!
صلاح: ( بعدم فهم ) ديالمن هاد القناة بعدا ؟
ايوب : ( زفر بضيق ) واحد بنت القح..بة عندها مشاكل مع واحد خيتي اخرى ناضت تكلاشي فالمرا ديالي و تشوه لها السمعة بنت الق..حبة عندها زهر ما جبداتهاش بالسمية !!
صلاح: ( حرك راسو بتفهم) ارا ليا السمية
ابوب : ( جبدها له فالتيليفون) هاهي اخاي..
صلاح: (كتب سميتها) مزيان ما عندهاش ليزابوني كثار يالله بادية؟
ايوب : (بملامح مشمئزة) ما نعرف القل..اوي .. باينة فيها من داك الخرا ديال كبسو كبسو !!
صلاح: ( ضحك تيحرك راسو ) عليها هاد الوجه ما غريبش عليا ..
ايوب : ( نطق باستفهام) نعول عليك اعشيري؟
صلاح: (بالايجاب) انا ندير جهدي ، غانصيفط ليها واحد الميساج على ربي دخل لليان نبيراطي لها الكونط و نسدو ..
ايوب : ( ناض وقف ) دير الثمن ديالك و ما ضرب حسبة .. المهم هاد بنت الق..حبة تبات ماتصبح،،
......تعذيب روحي ، خوف ، وحدة ... مشاعر مختلطة حاسة بيهم .. دوزت ليلتها فالصالون متكية على الكنبة .. قلبها منهار و عقلها كيقول لها شدي فراسك و ما تضعفيش امامهم كوني مرا و قادة و گفضي ذراعك امامهم لكن التعاليق لي كانت تتقرى فالفيديوهات ديال سناء خلاوها تنهار اكثر و دموعها يزيدو يسيلو على خدودها ويدان ، اصعب شيء فالحياة هو الضلم و الافتراء .. و الخوض في الأعراض من الكبائر الي حرمهم رسول الله لكن هاد الناس الشهرة و الفلوس عماو لهم العينين ، و كيف ما هي محرمة حتى سماعها من المحرمات و الجمهور لي كان مخبي وراء التعاليق كيقذف فأعراض الناس باستمتاع و تلذذ حتى هوما كان عندهم دور فتدمير الناس ...
الشعور بالألم ما بغاش يغادر صدرها رمات التيليفون و هي تتبكي خايفة تتهور و تفضح راسها اكثر خايفة تزيد الطين بلة بدل ما تطفي النار تزيد تشعلها ،بقات لمدة طويلة متكية على جنها و تتشوف فالفراغ حتى غفات فوق الكنبة...
نص الليل و هو عاد داخل مشاكلها بداو و هادشي مناش كان خايف رجع لعادته فالشرب بعد ما حاول ينقص منه ، وقف فباب الصالون كيشوف فيها ناعسة مكمشة فوق الكنبة كأنها جرو خايف .. تقدم لعندها بخطوات ثابتة و ابتسامة مريرة على شفايفه..
ايوب : ( خذا نفس عميق و نطق بلسان ثقيل) تديريها يغرق فيها جمل و تنعسي !!
ببطئ و خطوات ثقيييلة قرب لها و تحنى عندها قبل شفايفها و حملها بين يديه غادي بيها مدخلها للغرفة نزلها فوق الفراش و غطاها .. بقى لفترة كيشوف فيها و يده تتحسس وجنتها الحمراء .. عيونها ملتهبين بالبكاء و وجهها عليه آثار الدموع ، تنهد بقلة حيلة و نطق
ايوب : ربي فاش كيبغي يعذب النملة كيدير لها الجناح !!!( شاف فيها بنظرة طويلة و زفر بغضب) انا لي عارف علاش كنت سااد عليك !! نتي ديلمك تصلاحي غير للدار( ضحك بتهكم) البزنس قالك !!
"اليوم الثالي" ...
بمجرد ما فتحت عينيها قفزت من مكانها تتقلب على تيليفونها .. شافت جنبها ايوب ما ليهش اثر طلعت عينيها للساعة لقاتها العاشرة و النصف صباحا عرفاتو يكون مشا للخدمة لأنه مخلي حوايجو كيف العادة مرميين فالأرض جمعات شعرها بيديها و ناضت تتقلب على تيليفونها .. كان فوق الكوافوز دخلت مباشرة للانستغرام .. تتكتب اسم سناء لكن تطلع لها الصفحة غير موجودة و كذلك فاليوتيوب ...
كلثوم: ( دوزت يدها على جبينها) بنت القح..بة بنت الق.حباااا بلووكااتني؟
دخلت على صفحة معروفة بالفضائح و كانو متبعين الأخبار مع سناء و صفاء من البداية تيحطو فيديوهاتهم و.. لقات الكل تيسول على سناء و الكونطات ديالها لي باتو ما صبحو ما عارفين عليها خبار ولا على حساباتها .. في حين حفصة استغلت الوضع و طلعت بلايفات اخرى واحد مور لاخر .. تنهدات و ابتسمت بفرحة كأنه هم و انزاح من على قلبها .. بقوة الفرحة صرخت و هي تتضحك بتشفي.. لأنها عارفة سناء و امثالها شنو كتعني لهم قناة اليوتيوب إلى طارت ..لكن السؤال لي بقى كيدور لها فراسها هو شكون لي تكلف بهاد المهمة خصوصا انها عارفة حفصة ماشي من مصلحتها يطير حساب سناء لأنهم من كل فيديو كيطلعو رابحين !!!
كلثوم : ( اتصلت بأيوب فالحين) نتا لي درتيها ياك؟
ايوب : ( بعدم فهم) اش درت؟
كلثوم: ( عينيها لمعو) نتا لي طيرتي لها كونظ انستاغرام و القناة؟
ايوب : ( نطق بحدة) عنداك يگول ليك راسك تهنيتي منهم هادي غييير هدنة ترتاح لها شوية حيت لي دخل فداك الوسخ جامي يخرج منو نقي ..
كلثوم؛ ( قلبات عينيها) وااااخ كون هاني ما نطلعش لايف و ما نرضش عليها!!
كملت الاتصال مع ايوب و حطات التيليفون و تنهدت براحة و دخلات للدوش خذات دوش خفيف و خرجات لبسات بيجامتها القطنية متوجهة للمطبخ حتى تتبان لها كريمة جالسة و تتفرج فالتلفازة و حاطة حداها سطل و جفاف !!
كلثوم: ( تكات على الباب حاطة يدها على خصرها) اتبارك الله على مولات الدار !!
كريمة : ( ناضت وقفات) مداام فقتي؟
كلثوم : ( طلعت و نزلات فيها) لا مزالة ناعسة !! صاوبتي الفطور؟
كريمة: ( حركت راسها بالايجاب) ايه راه فالكوزينة ..
كريمة: ( دورات راسها تتشوف فالتلفازة كان مسلسل تركي مدبلج بادي ) وااخة ..
كلثوم: ( تتشوف فيها بعدم تصديق ) وااا شرييفة!! جاية تخدمي على راسك ولا تفرجي؟
ناضت بدون ما تجاوبها توجهت للمطبخ شافت فيها كلثوم رافعة حواجبها و حركت راسها يمين و شمال .. دخلت للصالون دفعت السطل برجليها و طفات التلفاز خذات تيليفونها و مقابلة انستغرام تتفرج فلايف حفصة حتى كملاتو و هي تتصل بها ..
كلثوم : ( ضحكت بعدم تصديق ) شفتك فحال لا تتجملي علياا راني مخلصاااك فلووسي ديال الشووتينغ و مزاال ما درتييه !!
حفصة : ( ضحكت باستهزاء) هاهاااي على فلوووسي !! اشمن فلوس انا غا دايرة فيك خير و دايرا لك بداك الثمن اما خلاص الشووتينغ بزااف عليك ياك ما تيقتي بصح البروجي ديالك؟ والله كون ما جليلة ما نتعامل معاك ولا نشووف فيك هه والله الى مسكينة قالت لك فلووسي ..
كلثوم: ( بصدمة) ياااك ابنت القح..بة يا النصااابة!! هاادي ااخرتها والله حتى نشووهك فالسووشل ميديا نخلي لي ما شراا يتنزه على خبارك
حفصة: ( بتهكم) عمرك سمعتي بلي تيتعلق فين يتفلق ؟ هو نتي مدامك دخلتي لعالم السوشل ميديا احبيبة خصك تديري قنااع من حديد هادي نصيحة نعطيها لك تنفعك فيامك الكحلة لي جاية!!
كلثوم : ( تتنفس بغضب) الله ياااخد فيكم الحق الموووسخااات ..
حفصة: ( تتكلم بدلال مصطنع و تشفي) وااقلة مزااالة ما شفتيش الكونط لي دار بسميتك راه جابد لك العرووق و الطاسيلة هههه سيري ربي عطاك فاش تلاهاي ولا كان عندك شي عقل استغلي هاد البوز لي طاح عليك من السما و ربحي شي ملينات مع الشعب المدوخ !!!
مرت خمسة عشر دقيقة بعد نهاية الإتصال، دخلت مباشرة للانسغرام تتبحث على الكونط لي حاط عليها اخبار، مدة و هي تتقلب حتى لقاتو فصفحة الفضائح .. دخلت له مباشرة كانت محطوطة صورتها و اسمها بالبند العريض حساب وهمي صاحبه من المؤكد انه كيتلقى اجر و بايع ضميره.. لقات عليه صورها لي كانو فانستغرامها القديم اول صور ليها كانت اول مرة تخدم موديل .. جابوها بالاسم و اللقب و المعلومات حتى فين ساكنة و عند من كانت ساكنة !!
حطو لها اللايف لي كانت مسحاتو و طلبت من القنوات كذلك يمسحوه كيفاش حتى وصلو ليه و شكون عطااهم الحق !! بلعت ريقها و نزلت للتعاليق لي كانو كيف السم ..
-لي شاف الزين و الطولة يقول هادي هي المرا و هي مخبية فيها قح..بة
-تريكة ال سعود ..
- باينة فيها من داك الك..ر تتعطيه للحوالا ...
و غيرها من التعاليق لي ما كيرحموش .. اي انسان مكانها ما غايقدرش يستحمل خصوصا و هي تتشوف صور اول مرة تشوفهم ...الشخص لي كان كيحط عليها الفيديوهات كان عاطي لراسو اسم مول الماسك و حاط على وجهه ماسك اسود و داير طاقية سوداء، كيبانو فيه غير العينين و حتى من صوته غيرو بالذكاء الاصطناعي ....
وصلنا لزمن تقدر تلبس و تعري فيه شخص بواسطة ما يسمى بالعلم ~الذكاء الاصطناعي ~ لي اصبح نقمة و ليس إفادة يستافدو منها الناس .. صورتها كانت فأجساد اخرى غير جسدها و لي شافها ما يصدقش انها مجرد فوطوشوب! استخدمو تقنية عالية الجودة و برامج مدفوعة قادرة انها تجرد الإنسان من شكه و يتأكد فعلا ان ذلك الشخص هو لي فالصورة وليست ابداع من فنان بدون ضمير او احساس!!
طاح التيليفون من يدها و طاحت هي على وقفتها جالسة على ركابيها من قوة الصدمة شنو غاتقول .. شنو غادير .. و هي تتشوف صورتها فجسد وحدة جالسة في وحدة من جلسات الوناسة مع الخليجيين بقوة ما هي حقيقية شكت فعلا أنها هي !!
- حراااااااااااام .....
صرخة اطلقتها على اثرها جات كريمة تتجري من المطبخ وقفات عليها وجهها مخطوف .. في حين كلثوم كانت تتبكي و تصرخ بحرررقة و قلب ممزق و هي تتشوف الظلم و الباطل تيتحط عليها من أشخاص ما عرفات لا شكون هوما ولا فاش آداتهم حتى يدمروها بهاد الطريقة .. الدنيا داارت بيها و رجليها ما بقاوش هازينها الجهد لي بقالها دارتو فالبكااء و الصرااااخ حتى كريمة تخلعات و مافهمات لا شنو واقع و لا علاش تتبكي كلثوم لأنها كانت في حالة هستيرية و هي عاد خلاتها صحة سلام..!
كريمة: ( تتحاول تفهمها علاش تتدوي ) صافي اختي ما نعيطلوش غير تهدني و قولي ليا ااش واقع لك كنتي صحة سلام ؟
كلثوم : ( ذااتها تترجف ) علاااش ماعندي زهر !! اش درت فحياتي انا حتى نصرف هاد المكتوووب رااني غييير يتيمة مكسورة الجناح لا حنين لا رحيم يا سيدي ربيييي ...
-كيقولو ملي تطيح البقرة تيكثرو الجناوا .. و كلثوم طاحت بين يدين لي ما كيرحموش ولا يعرفو طريق الله، الرأي العام دائما مع الكفة لي تتستعطف و طيح زوج دمعات ، يقدرو يسمعو من جهة وحدة و يصدقو و الجهة الثانية ينزلو عليها بوابل من الشتائم القذرة و التنمر بدوون رحمة فقط لأنه ما كيجاوبش او يستعطف الناس .. كلثوم كانت هي الطرف لي متعرض للهجوم الناس كانو كيقذفو فيها و يخوضو فعرضها بدون رحمة و باستمتاع يبين على انهم ناس مراض .. بدون أخلاق لسانهم سليط و قاطع قادر يلتف على عنق الضحية بكل فخر ..!
حاولات كريمة توقفها لكنها كانت ضعيفة..! ضلت البارح بدون اكل و هاهي اليوم كذلك فطرت بأخبار قهرتها و نزلت لها الضغط للحضيض ..تهاوت فمكانها و سقطت مغشى عليها على وقفتها .. طاقتها نفذت و هاد الشي لي شافت كان هو القشة لي قسمت ضهر البعير .. ما كانتش متعودة على الهجوم ولا على حياة السوشل ميديا !! يمكن وحدة منهم متعودة كانت غاتفرح بهاد البوز و تدير منو حبل و عمامة تحتل الصدارة و تبقى طالعة فما يسمى -الاكسبلور- لكن هي كانت تتحاول تبني اسمها و مستقبلها على نظافة و السوشل ميديا كانت عندها فقط مجرد أداة تتشهر بها المحل ديالها ....
كريمة تلفات ما عرفاتش اش دير و هي تتضرب على خدودها برفق و تنده باسمها تتحاول تفيقها حتى سمعتت الدقان فالباب و صوت انثوي تينده باسم كلثوم..
خلاتها فوق الزربية طايحة و خرجت تتجري فتحت الباب شافت فيها حنان باستغراب و نطقات بخوف..
حنان: شكون نتي فين كلثوم؟
كريمة: ( بصوت مرتجف ) انا الخدامة ديالها !! ختي والله ما عرفت مالها راها طايحة فالصالون !!
حنان : اويلي؟
دفعات الباب و دخلت تتجري لعند كلثوم لي لقاتها طايحة فالصالون و وجهها احمر و آثار البكاء باين عليها ..
حنان: ( هزات لها راسها) اري مخدة .. ( عدلت لها المخدة و بدات تتضرب ضربات خفيفة على وجهها و تنده باسمها) جيبي ليا شي بارفان و اري معاك كاس دالما سربييي.
دخلت كريمة تتجري جابت قرعة ديال الريحة من غرفة كلثوم و توجهت للمطبخ خذات منو قرعة ديال الماء من لي تيشربو محطوطين امامها و رجعت تتجري عند حنان خذاتهم منها بدات تترش عليها الماء و رشت العطر على يدها تتشممو لها حتى بدات تتفيق و ترمش عويناتها بثقاالة ...
حنان : ( تتشوف فيها بعدم فهم و هي تتبكي بصوتها المغنغن) مالك اكلثوم اش جرا لك؟ ( شافت فكريمة) مالها؟
كريمة: ( رفعت يديها ) اختي نكذب عليك انا كنت تنوجد لها الفطور خليتها صحة سلام حتى بديت نسمع الغوات و البكااا !! جيت لقيتها تتبكي !! ما فهمت والو
حنان : ( تتمسح لها وجهها بحنان ) مالكي واش تخاصمتي مع ايوب ؟
كريمة : اختي راجلها هو لي حل عليا الباب الصباح و قالي نوجد لها الفطور بيدما فاقت !
حنان : ( تتلمس لها شعرها بحنان) مالك احبيبتي شنو عندك؟
كلثوم : ( شافت فيها بعيون لامعة) ظلموووني اختي ظلمووني!!
حنان : ( ضمتها تتطبطب عليها) شكون احبيبتي ..
كلثوم : ( ناضت جلست و نطقت بخفوت ) فين تيليفوني ؟
حنان : (شافت فكريمة لي مداتو لها) هاهو !!
خذات التيليفون و بمجرد ما فتحاتو ببصمة الوجه طلع لها الحساب لي بسببه انهارت حست بالدموع تجمعو فعينيها و مداتو لحنان لي بمجرد ما شافت الصور و شنو كيكتب على كلثوم شهقت حاطة يديها على فمها ..
كلثوم: ( بلعت ريقها) هادي ماشي انا !
حنان: ( بصدمة) ما عرفتيش شكون دار هاد الحالة؟
كلثوم: ( ارتعشت شفتها السفلى و حركت راسها بنفي) تلفت عقلي وقف !
حنان : (زيرات على يدها) إلى كنتي شاكة فشي حد نوضي معايا نديك تديكلاري !! و منها نيت نديك لوبيطال نشوفو مالك؟
كريمة: ( حركت راسها و رامية عينيها للتيليفون) واخة هي الأولى !
نوضاتها حنان وقفات على رجليها و تمشات معاها حتى لغرفة النوم حطاتها على السرير و غطاتها جلست بجنبها تدعمها و تواسيها كانت مستعدة توقف معاها بأي شيء قدرت عليه لكن كلثوم رفضت اي مساعدة و طلبت منها فقط تخليها بوحدها لأنها محتاجة تجلس مع راسها و ترتب افكارها ...
بعد خروج حنان خذات كلثوم تيليفونها بمجرد ما دخلات للواتساب تيبانو لها ستوريات جليلة .. دخلات لهم لقاتها حاطة صورة امام محل مجوهرات cartier...
كلثوم : ( غززت اسنانها بغل ) بنت القح-بة الى تأكد شكي فيك ما يكفيني فيك ندوز عليك بجنوية حافية ...
مرت ساعتين بالتمام و الكمال حسبت منهم كل دقيقة مرت .. بعد ما شربت شوية من الصوبة لي جابت لها كريمة ناضت لبسات جلابتها فوق البيجامة و رمات عليها شال و هزات صاكها لي كانو فيه السوارت و المحفضة ما كانتش قادرة تكون كلثوم ديال ديما .. وراها خدمة و ضروري خصها تتسلم فالوقت و هادشي لي غادير ما غاتخليش مشاكلها تأثر على الخدمة لي كافحت و تقاتلت عليها .. لبست فرجليها صندالة بانت لها قدامها و خرجت ما جات كريمة فين تسولها كيف بقات حتى كانت ضربت بالباب و نزلت مباشرة لسيارتها على وجهها نضاراتها الكبار لي مغطيين النصف من وجهها ... الطريق كاملة و هي تتعض فشفايفها حتى تذوقت منهم طعم الدم .. خذات نفس عميق تتحاول تهدي البركان لي شاعل فقلبها لكن هيهااات ...
حطت السيارة فالباركينغ و بمجرد دخولها للمحل التفتو البنات كاملين كيتهامسو و يتغامزو حتى شافت فيهم بنظرة حادة !!! اخبارها عرفهم العادي و البادي و ماشي بعيد بنت خالتها حليمة غاتكون وصلات الأخبار لمها و للعائلة كاملة!!
كلثوم: ( موجهة كلامها للمساعدة) شنو الجديد ؟
م: مدام برادة اتصلت و انيلات لاكوموند ديالها !! قالت بلي خصنا نردو لها التسبيق ديالها..
كلثوم : ( رفعت حواجبها) شحال عاطية فالتسبيق؟
م: الفين درهم..
كلثوم : ( تتحاول تتماسك) غدا قولها تجي تاخد التسبيق ديالها .. ياك ما يصحاب لها غاتغنينا ؟
م : ( نزلت راسها و زمت شفايفها) ماشي غير هي لي انيلات !! كاينين خمسة اخرين فحال لا متفقين !!
كلثوم : ( ضحكت بعصبية و هزت الأوراق رماتهم من فوق البيرو ) لي ما عجبهااش الحال تقووود كثووو مووود ما واقفة على حتى واحد !
كلثوم : ( حركت راسها بالايجاب و هي تتحاول تاخد انفاسها ) عافااك و بلا سكر !!
دوزات نهارها و هي شادة التيليفون تتصل بجليلة كل شوية و هي وما تتجاوبش حتى الخدمة ما كانتش عندها گانتها حدها تتشوف الكوموند لي كيدخلو و يخرجو حتى من الزبائن ما قدراتش تجاوبهم فالتيليفون المساعدة ديالها فقط لي تكلفت ...
كلثوم : ( تطقطق بأصابعها على المكتب و هي ساارحة حتى طلع لها رقم من الإمارات تيتصل عليها جاوبات فالحين ) الووو !!
جليلة : ( بنبرة هااادئة) ماشيغي اتصلتي بيا راني مشغوولة بالفاكونص سمحي لي ما جاوبتكش !
كلثوم : ( ناضت قفزت من مكانها) ااايه اختي !!بصحتك الفاكونص نتي فوجي و انا نتشوه ..
كلثوم : ( ضحكت بعصبية و نطقت بحدة) زعما م عارفة والو ما شفتي والو فالسوشل ميديا ؟
جليلة: ( نطقت بنفي) ابدااا! انا ما مسالياش اصلا للسوشل ميديا!! راني قلت لك مشغولة بالفاكونص و معايا شخص مهم ما كنبغيش نخليه بوحدو !!
كلثوم : اختي راني تشوهت وجهي ما بقيتش قادرة نعطيه للناس دارو لي حااالة ! دخلي للواتساب انا نصيفط لك الليان و شووفي ..
دارت كيف ما قالت لها و هي مزالها معاها فالخط دخلت من تيليفونها الثاني و هي تتشوف و تسمع شنو تيقول صاحب الحساب و الإبتسامة العريضة مالية وجهها كأنه شفى غليلها من كلثوم لي كانت شوكة فحلقها ،.
جليلة: ( بصدمة مصطنعة) ويلي ويلي ويلي ولااد الحراام !! شنو بينهم و بينك يديرو لك هاد الحالة!! ناااري يا ختي بنادم خاايب ما بقاش يخاف من الله؟!
كلثوم : ( جلست فوق الكرسي منهارة) ما عرفتش شكوون عندو معايا حساب ؟ تنبني فسمعة زوينة و محل نقي شنو زعما يطيحوني بهاد السهولة؟
جليلة: ( نطقات بحدة مصطنعة) لا عاااشو ولا كاانو غاتوقفي على رجليك و غاتمشي دعييهم و انا نوكل لك اكبر محامي ما عارفينش راسهم مع من !!
كلثوم : ( عضت على شفتها) الله ياخد فيهم الحق ..
جليلة: ( صغرت عينيها و نطقت بلهفة) و ايوب اش تيقول فهادشي شااف لي فيديو ؟ شاف اللايف لي تعاود تحط لك؟؟
كلثوم : ( زيرات على يديها ) ما عرفتش !! ولكن ايوب ضامناه فجيبي ديما واقف معايا !!
جليلة : ( اهتزو شفايفها و لعنت فخاطرها) احياااني الرجال ما6فيهم ثقة !! سوليني انا ..
كلثوم: ( دوزات لسانها على شفتها) إلا أيوب !!!
جليلة : ( رفعت حواجبها بغل و ابتسمت ابتسامة ماكرة قبل ما تنطق بإستهزاء) اوا نتي تعرفي اش دوزتي معاه كثر مني !!!
اصعب انواع البشر هو الشخص ذو الوجهين، معسول اللسان لكنه ثعبان لابس عبائة سلام لسانه يسر و قلبه يضر ، حسود كيبين لك المحبة و هو كيتمنى زوال كل ما وهبك الرحمان، شخص منافق ما كيعرف غير راسو عايش بمبدأ أنا و من بعدي الطوفان ..هاد النوع بالذات يصعب معاشرتهم و من الاحسن الانسان يبعد عليه .. لانه يقدر يآديك بأي طريقة بدون ما يرف له جفن .. يقدر يظلمك و يطغى عليك بجمع الطرق .. لكن فوجهك ساهل يضحك و يجاملك بطريقة تخليك تصدق انه صاحبك و حبيبك ...
~جليلة~
كملت الإتصال مع كلثوم و رمات التيليفون فوق الطبيلة لي كانت أمامها ابتسمت ابتسامة عريضة ، وصلت لهدفها ، حياة كلثوم تتنهار امامها بأبشع الطرق و هي راجعة للوراء تتفرج و تضحك ، كانت تتلذذ بمعاناتها و بالطريقة لي تشوهات بيها امام الملأ صوت كلثوم المنغم بالبكاء كان كقطعة موسيقية بالنسبة لها ..
جليلة: ( ميلت زاوية شفتها و نطقت بتشفي) عاجبك زينك !! هاني غانشوف فيه كيفاش كيدبال يوم بعد يوم !! عاجباك حياتك !! هاهي غانهرسها لك طريفات قدامك !! عاجبك راجلك كتباهاي بيه !( زيرت على يدها و نطقت بمكر ) غيييير بالمهل غانديه ليك و نتي تتشوفي بعويناتك محلولين!!! سولو السم باش تتقتل !! قالهم بالثقاااالة ...!
رجعت خذات هاتفها الثاني و اتصلت بأول رقم طالع لها تسنات لثوانٍ قبل ما يجاوبها ..
جليلة : وي .. برافو عليك خدمتك نقية ! فلوسك دابا غانفيرسيهم لك و عليهم زياادة ! ( بابتسامة عريضة ناضت تتمشى حتى وقفت امام المراية ) مزال غاتكون خدمة بيناتنا انا بنادم فاش كيعجبني دماغو !! كنقدر مجهودو .! كي نتصل بيك جاوبني ..
قطعت الإتصال و ربعت يديها امام المراية تتشوف فراسها بانو لها خطوط من التجاعيد على جبينها و زاوية عيونها .. صغرات عينيها و رفعت حواجبها ..
جليلة: اوا دابا نباليو بالحالة و نديرو شوية الروتوش !! ( ضحكت بخفوت) البوتوكس ما قال عيب!!
~~~~
رجعت لدارها و التعب مالي عينها ..كانت حاسة بالألم في كافة انحاء جسدها كأنها سقطت من فوق جبل عالي ..
كي دخلات بانت لها كريمة جالسة فالصالون تتفرج غير شافتها وقفت و مشات عندها ..
كريمة: ( طبطبت عليها) ما قدرتش اختي نخليك بوحدك قلت نتسناك تا تجي !! و نبات معاك هاد الليلة لا تحتاجي شي حتجة ..
كلثوم : ( خذات نفس عميق و هي تتشوف فيها و حركت راسها) واخة .. شكرا ..
كريمة: راني وجدت العشا و إلى كنتي مشهية شي حاجة قوليها لي نوجدها لك ..
كلثوم : ( بنفي) ما بغيت والو ..
دخلت تتجر رجليها للغرفة رمات السندالة فجهة و الجلابة فجهة اخرى .. جلست فوق السرير و حطات تيليفونها امامها خايفة تفتحو و تلقى فيه شي حاجة لي ما تقدرش تستحملها !!!
لحظات قليلة مرت و سمعت باب الغرفة تفتح عليها فجأة و دخل منو ايوب ركل الباب برجليه حتى تسد باين على وجهه الغضب شاف فيها بنظرة حادة و نطق ..
ايوب : ( شير باصبعه للباب) هاد خيتي اش كدير عندي هنا تا لهاد الوقت؟
ايوب : ( نطق بجنون من برودها) مالك الق..لاوي بحالا ضاربة جوان؟ اتفقنا داري مة نبغي نلقى فيها حد كي نرجع!!
كلثوم: ( نطقت بخفوت لأن جهد الهضرة ما عندهاش..) ما بغاتش تخليني بوحدي !! فيها الخير مسكينة!
ايوب : ( بعدم فهم) خايفة من بوعو ؟
كلثوم .: ( بدمووع فعينيها) كثر من بوعو .. شفت موتي بعيني شفت شرفي كيتمرمد فالتراب شفت السمعة ديالي لي بديت نبنيها كتنهاار قدام عيني و انا ما قادرة ندير والو !!
أيوب : ( حط اصبعو على فمو ) ششششش ! خرجي جري على هاد خيتنا لي برا وصوتك ما نسمعوش ..انا طلعتي ليا فصحتي لا نتي لا هاد الدار لا صوتك لا هضرتك ! ندمت على النهار لي شديت فيك بسناني اما كنتي دوزي منين دازو خوتك!!!
فهاد اللحظة بؤبؤ عيونها توسع ، لسانها تعقد ماعرفات باش تجاوبو ، شنو غاتقول ! باش غاتبرر؟ ضمت شفايفها و هي تتعذب حابسة دموعها .. اما انفاسها كانت متحجرة غير ثابتة، التقطت نفس حساتو جرح صدرها قطع رأتيها ..و نطقت بصوت خافت ..
كلثوم: وااخة ايووب ...
خرجات فالحين عند كريمة و هي هازة فلوس فيديها .. وقفت عليها فالصالون و مدتهم لها ..
كلثوم : كريمة ختي غير سيري نتي اليوم هاكي فلوس طاكسي و شري شي حاجة لبنتك..
بعد ما خرجت المساعدة دخلت هي مباشرة للغرفة لقاتو مكينش و سمعات صوت الدوش عرفاتو دخل يدوش ... تنهدات و توجهت للمطبخ لقات العشاء موجود و محطوط فوق الطبلة دخلاتو للفران يسخن و جلست فوق الطبلة تتلعب بأصابعها و داخلها كيغلي .. كلام ايوب كان اكثر من صعب عليها ..حساتو كيف الرصاص اخترق قلبها بوحشية و بدون رحمة ..
ابتسامة لا محل لها من الاعراب استوطنت ثغرها و هي تتذكر كلامو لي كان كيقول لها ~ ماتفرقني عليك غير الموت ~
كلثوم : نستاهل !!!!
كلمة وحدة لي خرجت من بين شفايفها قبل ما توقف خرجت الاكل من الفران حطاتو فوق الطبلة و رجعت للغرفة لقاتو لبس بدلته الرياضية السوداء و كيمسح راسو بمنشفته ..
لحظات العشاء دازو فصمت كل ما كتبغي تتكلم تترجع تسكت و تحط ملعقة ففمها حتى كمل ماكلتو و ناض خرج للغرفة بدون ولا حرف .. بلعت ريقها بصعوبة و شربات الماء حاسة بصخرة فصدرها .. مقدراتش تتحمل مزال ناضت تبعاتو فالحين وقفات عليه فالغرفة..
كلثوم: صافي قلبتي عليا ؟؟ فين الحب و الغرام !!
ايوب : ( عقد حواجبه و شاف فيها) شنو هذا نوع جديد دلادروگ؟
كلثوم : ( حطات يديها على عينيها و طلعت راسها للفوق )ايوووب باراكا عليا لي فيني كافيني !!
ايوب : ( بهدوء مصطنع) و انا مدويت ماتكلمت باش نگولش شي حاجة تهزيها معاك حياتك كاملة !!
كلثوم : ( حست بالدموع غرغرو فعينيها) الله ياربي كيغاندير نتعايش مع الوضع هادشي كيقهرني مبقيتش قادرة نطل فالتيليفون!! مشفتيش شنو دارو ليا ؟ ( نطقت بسرعة) ياكما شفتي و متيق هضرتهم !! ماعندهم لا حجة ولا دليل و التصاور مادياليش !! الناس متيقينهم فحال لا شافوني بعينيهم!! و نتا زايدني بهاد الهضرة المسمومة!!
كلثوم: ( بصوت مغنغن بالسيف حابسة البكي) خليت ليهم الله !! السمعة لي تقاتلت باش نبنيها طيحوها لي فنهار !! عرفتي شحال من وحدة انيلات الكوموند من عندي اليوم؟
خذا تيليفونها فتحو و دخل للانستغرام تيشوف الصفحات الي تتحطو اخبارها بعد ما شاف كولشي و هي ساكتة تتسنى منو رد فعل ، كانت متوقعة و مجهزة نفسها لقتلة دالعصى كيف العادة ، مكانش عندها مانع لانها تجلدات بهاد الاخبار نفسيا .. و كانت تتسناه يجلدها جسديا لانها عارفاه مكيصبرش و متأكدة انه غايصدق كل حرف و غايصدق الصور لي شافو عينه ..
كلثوم : ( بلعت غصة فحلقة حاسة بيها كي الحجرة خانقاها) الى حلفت ليك واش مااشي انا هاديك غاتيقني؟
ايوب : ( رمى عليها تيليفون و ناض وقف) يالله نوضي تح***ي دابا !! جبتي الربحة ؟ خوروك !
كلثوم : ( مسحت دموع سالو من عينيها ) ماغانسكتلهمش!!
ايوب : ( رد بعصبية و صدره تبطلع و ينزل بعن-ف) ااااش عندك ماديري !! گلنا لك صبري و كولي لقمة على گد فمك !! مال جد مك عمرك تخصيتي معايا فشي قل**ة؟ علاش عزاز عليك المشاكل اليوم حطو ليك التصاور تسناي غدا يحطو لك فيديو البورنو !!
كلثوم : ( تتبكي و تتنخصص) غايرين مني !! حاسديني الله ياخد فيهم الحق ..
ايوب : ( خذا جاكيت ديالو الجلد و ناض وقف) نقود قبل مانقود معاك السوايع !!
كلثوم : ( ناضت وقفات ) تيقتيهم ؟ ايووووب !!
ايوب : ( زفر بضيق) قلبي عليا هاد الساعة الله يرحم باك!!
كلثوم : ( مسحت دموعها و ناضت وقت)واش انا ندير داكشي فنضرك؟ تتشوفني رخيصة لاش مزوج بيا و متشبت بيا ملي غاتصدق عليا اي حاجة ؟
ايوب : ( قرب لها و مد يده زير على فكها حتى تألمت) شفتي انا كون كنت متيق هادشي ندفن مك بالحياة !! باغي نخرج قلبي عليا مباغيش ندير فيك يدي حيت طيحتينا فمشكل مقاااود اجاا ما فكو ..
بقات ساكتة تترمش ، شنو غاتقول و هي دارتها بيديها و اجا ما فكها ليها عرفها ماعندها جواب طلق منها خدا سوارتو و خرج تينفخ و يسوط ، صدرو تنفخ بقوة الغضب لي تيحس بيه فهاد اللحظة !! تلف له الري مكانش متوقع المشكل يوصل لهاد الدرجة و وجهها يتلطخ قدام العادي و البادي ،تجمع عليه كولشي .. خدمتو لي مبقاش مركز فيها حتى ضاعت ليه صفقة بملايين ولا كلثوم لي منهارة امامه ماعرف واش يربت على جرحها و يقولها بلي راه على استعداد يدفع حياتوو و ياخد لها حقها لكن اذا حست انه سهل فيدها هذا ماخلاها تزيد تلعب كيف بغات .. قلبو حن لكن عقلو كان تيقول حاجة ثاانية لازمها تحس بغلطها لازمها تعيش تجربة قاسية باش تتعلم منها بالرغم انه غايساعدها فنهاية المطاف قلبها على قلبو و شرفها من شرفو ...
ركب فسيارته و توجه مباشرة لقسم الشرطة دخل عند واحد من معارفه على الاقل يتخدو طريق القانون قبل ما يتفاقم الوضع قبل ما يخرج من السيارة وصلو ميساج فالواتساب .. فتحو و طلعت له صورة جليلة بكسيرة قصيرة فالبحر و كاتبة له تحت منها
~ مكرهتكش تكون معايا هنا !! كنتي غاتونسني مزيان ~
زير على فكه بعدم تصديق و قبل ما يجاوبها رسلت له رسالة اخرى فيها زوج صور ساعات من كارتيي للرجال ..
~ختار لي عجباتك ولا ناخذ لك على ذوقي احسن؟ ~
طفى التيليفون و خشاه فجيبو بدون ما يجاوبها زفر بحنق و هو تيطلق وابل من الشتائم و المسبات مراتو غارقة مشاكل و هي مزالها تتودد له بكل حقارة ..!
غمض عينيه و جبد من جيبه كارو حطو ففمه مانع نفسه انه يتصل بيها و يندمها على النهار لي شافتو فيه لكن منع نفسه و حاول يتماسك فأعصابو مصيرو يلقى شكون مول الفعلة و غايتلذد في عقابه !! حتى ولو كانت هي !!
ايوب : ( خذا التيليفون طلع له اسمها كتتصل) بنت الق..حبة ( رجع التيليفون فجيبه) نعرفك نتي مولاتها نعذب حياة مك!!
خرج من السيارة متوجه مباشرة لمقر البوليس بمجرد ما دخل كان عارف طريقه لمكتب حفيض دخل بعد ما طرق الباب كان هاد الأخير جالس كيكمي و فيده ملفات.
حفيظ: ( طلع راسو) ازارتنا البركة !!
ايوب : ( تسالم معاه بالراس) هانية كولشي مزيان؟
حفيظ: ( بالإيجاب) والله الى بيخير ارا نتا ما عندك ما كتوصل عندي هنا حتى تيكون عندك شي بلان مگيح ..
ايوب : ( تنهد و دوز يده على راسو ) اودي اش غانگوول ليك البلان ماعنديش أنا عند المدام ..
حفيظ: ( ضحك تيحرك راسو) عااوتاني !! دگيتيها ولا ؟ والله اصاحبي مابقى عندي الوجه باش نشوف فيها عييينا نغطيو عليك ولا نتا بغيتي تجمع يديك !
ايوب : ( ضحك بتعب ) مااشي داكشي اجمي ...
حفييظ: اوا الحمد لله .. حيت هاد المرة نهبطك نتا وياها ( جمع الملف لي كان امامه) اش تم .. بنتي ليا ما هواش !! ( ناض وقف كيجمع مستلزماته) ولا عرفتي اش دير نوض نشدو شي كوان بانت ليا عندك القضية حامضة و انا ساليت الخدمة ..
ايوب : (ناض وقف) يكون حسن..
.....
خرج ايوب هز الأول بين ما كمل حفيظ شنو كيدير ، جلس فالسيارة و جبد سيجارة حطها ففمه و شعلها كيستنشق جرعته السامة من النيكوتين حتى وقف عليه حفيظ..
حفيظ: وا حديدة عندك الساط!!
ايوب : ركب ركب .. دورات عندي العام خصها تبدل ..
حفيظ: ( باستغراب) باش تبدل هادي ؟ طيارة؟
ايوب : ( ضحك و دور الروايض) لامبرگيني مثلا!!
حفيظ: ( دوز يده على لحيته) بشحال تبيع؟
ايوب : ( شاف فيه ) عندك شي ميتين و عشرين مليون حطها و خودها من غدا !
حفيظ: ( رفع حواجبه بصدمة) الله اودي !! كنبيع البيضة؟ !!
ايوب : ( ضحك تيحرك راسو) هذا ثمنك غير نتا !! واحد اخر ما يديهاش باقل من ميتين و اربعين .. الجديدة ساوية ميتين و تسعين !!
دخلو للبار لي موالفين يجلسو فيه توجهو للفوق مكان خالي من الناس نوعا ما كان كولشي نازل التحت تيشطح و الفوق فيه غير لي ما بغاش الصداع و الإكتضاض... طلبو شنو بغاو يشربو و بداو كياخدو و يجيبو فالهضرة و أيوب كيعاود له المشكل من الأول ..
حفيظ: زعما كنگولو عليك عايق ولد السوق !! خليتي مرتك دوق من حر الجمرة !!
ايوب : ( اطلق تنهيدة حارة) كون كتسمع مني كون راها هانية مع مخها كتوشي فلوسها حتى توصل ولايني عقلها هارب عليها !!
حفيظ : واش فراسك دوك الناس فين واصلين !! الدعارة من النوع لي ما يطيحش ليك على البال !! نعطيك ابسط مثال صحاب التيك توك!! عند بالك داك الداعمين تيعطيو الحاجة فابور !! كاينة لي خدامة باطرونة تتقود الدريات تجيبهم للداعمين !! يلوحو لها سبع ولا حوت !! رااهم وصلوو لسطااج الوحش فهاد السوشل ميديا !!
ايوب : ( دوز يده على وجهه) تفك ليا من هاد القل..اوي !! انا الفيسبوك هو اللخر ما نخليهش لديلمها !!
حفيظ: ( دوز يده على لحيته) عرفتي اش دير !! غدا الصباح تكون عندي فالبيرو غاندوي مع واحد دري صاحبي خدام فمديرية الجرائم الإلكترونية .. نعاودو ليه البلان و هو يوريك اش دير !!
حفيظ: ( ضرب له على الطبلة بخفة بالكاس) شفتي نجيك للصراحة.. تعديتي على راسك و على ديك الدرية !! زواجكم من الديبار بادي زيرو !!! راني مزوجكم على يدي فالكوميسارية !!
ايوب : ( ضحك حاس براسو بدا يثقال بالشراب) جريتكم جرية الخطية ينعل الزا... مل بوك و بوها !!
حفيظ: ( ضحك و رجع للوراء) نجيك من اللخر ما كاين ما حسن من زواج الواليدين !! تختار لك مك و تمشي تزوج بيها تجيبها تعيش معاها باش ما كان بيخير في الليل يتسد عليكم باب واحد ما كاين لي جايب خباركم تا هي تطلب معاك التعادل ولايني هادشي ديالكم هااد الجيل ماا هواش !! مدوزين الحروبات قبل الزواج و بعدو !
ايوب : ( دوز يده على وجهه) اودييي داكشي كيجي من عند الله !! فاش كتلاقى مع شي كوفرة تمشي ليك مع الدم ما كتقدرش تبعد منها !! هذا حالي مع كلثوم ...( طلع له كأس الويسكي ) دايرة بحال هذا !! عارفو سم و غايآديني !! ولايني ما نقدرش نبعد عليه !!!
حفيظ : ( نطق باستغراب) ما تغلبكش امرأة؟!
ايوب : مايغلبني غير لي خلقني ! ولكن راني بنادم دم و لحم ( بتنهيدة عمييقة حاارة ) الله يصاوب وصافي...
ليلتها كانت بيضاء كباقي ليالي هاد الأيام، التعب و الهالات السوداء باينين على وجهها بدقة و وجهها متعب بشدة، في كل مرة تتقول غاتغمض عينيها حتى تتقفز من مكانها كأن يد خفية كتفيقها من غفوتها ، كانت هادي اسوء ليلة دازت عليها يمكن في الليالي الأخرى ما كانتش حاسة بالخوف كيف اليوم لأنها كانت ضامنة وجود ايوب معاها لكن هاد المرة !! و بعد تفوهه بداك الكلام لي خلى لها علامة في قلبها حست بالخطر ، يمكن تعودها عليه و لأنه هو لي دائما تيفكها من اي مشكل خلاها ترمي الحمل كلو عليه و هاد المرة حست بالتقل .. حست بالخطر من انه يتعب من هاد الهم ، يتعب من حبه ليها لي كان كلو عطاء بدون اخد .. لأول مرة تتخاف ايوب يخليها بالرغم منها هادشي لي كانت تتمناه من اول زواجهم ...!
لعنت نفسها مليون مرة على افعالها ، على عقلها الصغير ، على عنادها ، على اي كلمة من ايوب ما سمعاتهاش و دارت بيها و هي غشيمة فحروب النسا خصوصا فالعمل ، اول مرة تعرف السوق كيف داير ، اول مرة تتلاقى مع فحال هاد الناس لي الباطل عليهم ساهل كيف جغمة الماء ... خذات هاتفها لي وصلتها فيه رسالة فالواتساب كانت من المساعدة ديالها .. مرة اخرى فتحت الليان لي رسلت لها ز
و هي متأكدة انها أخبار جديدة عليها ، بما ان النوم مجافيها و رافض يزورها قررت تشوف بالرغم من انها كانت خايفة و فداخلها كترتجف ...
لكن بمجرد ما فتحت اللايف لي كان بادي مسبقا قبل ما تدخل له تحول خوفها لغضب .. حست بقلبها بقوة ما كيضرب بعنف غايوقف .. او ينفجر ..
احاسيس كثيييرة حستهم و هي تتسمع الكلام لي تيتقال عليها .. لايف كلو على قبلها بعنوان ( اجيو تسمعو حكايتي مع القحبة لي دايرة فيها خياطة)
~سمر~
للي غايبدى يسب يخرج عليا من اللايف انا ماشي وحدة من دوك الناس ولا عندي علاقة بيهم انا بغيت نشهد شهاادة حق فحق ديك الخياطة !! و لكن الفرق بيني و بين سناء هو انا غانقول اسمها بالبند العريض .. ما غانخافش منها اااايه الخياطة كلثووم .. للي دايرة بووم فالانستغرام و التيك تووك هاد الأيام ، الصرااحة عجبنييي فيها مول الماسك جاااب لها التمام دقة بطلة.. حط لها گااااع ضواسااها الخاامجين .. اوا سمعووني مزيان باش تعرفو راسكم مع من و شكون هي هاد كلثووم لي منوضة الروينة هاد الأيام فالسوشل ميديا ..هادي احبيباتي تعرفت عليها فواحد الشوتينغ .. راكم عارفيني انا ميك اب ارتيست اوا قاديت لها ولينا نجمعو و نضحكو ولات تجي عندي للصالون تبادلنا نواامر و قوولو ولينا صحاباات ، ( جمعت شعرها للوراء و شافت مباشرة فالكاميرا مبتسمة بتشفي) اوا يا البنات السيدة ولات داخلة خارجة معايا انا داك الساع كانت عندي علاقة مع واحد الولد و طبيعي صاحبتي غانعرفها على صاحبي !! ولات تتخرج معانا و تنقولو مااعليش يتيمة و ما عندهاااش و وحداانية ولات حتى السفر تسافرو معانا و انا ناااعسة على جنب الرااحة ما فراااسيش وااش السيدة تصااحباات ليا مع الصااحب و دايرة فيها عشيييرتي و تمووت معاياا !!! ( ضحكت بخفوت و هي تتمثل بكل دقة و احتراف انها تدمع و تمسح دموعها) و انا كنت تنمووت عليييه اواا شوية السيدة ولات تتقول ليا واش ما تتسهريش !! واش ما تتمشيش للعراضات ديال العيالات !! ما تتمشيش للقصاير ، انا فالأول ما ديت ما جبت !! واحد النهار و هي تجي عندي قالت لي وجدي راسك و لبسي شي غووب سوااغي مفرگعة دوري بالحاالة و لبسي عليها العباية مع العشرة دالليل ندوز عليك كاينة واحد السهرة وااعرة نعرفك على شي بناات مودل تولي تصاوبي لهم.. انا على نيتي مشيييت معاها حتى لقيت راسي فدار القح..ااب !!! لقيت السواعدة و الكوييتيين !! لقييت حتى الباكيستانيين احبيباتي داك النهار كانت غاتمشي على عيني ضبابة كون ماااشي هربت و خليتها تما اوا من بعد عااد غانكتشف واش السيدة تتمشي لك مع الناس الهاااي و الهلابااي و تتخرج لك بمليييووون الفووق !! انا ديك السااعة هزييت عليها يدي تما غاتجيني الصدمة القوية ملي صااحبي تزوج بيييها يعلم الله اااش ملغجااه.. ما نكذبش عليييكم من تما مرضت رجعت حالتي حتى تلاقيت مع هاد ولد الناس تزوجنا و طلعني لكندا عاد وليت شوية... هادشي لي عاودت لكم غييير شوية من بزااف بالحق انا بغيت غير الحق يباان سنااء فضحات المستوور و جا مول الماسك كمل لي بقى هاد خيتي خصها الحبس على هاد الفسااد راه ما يمكنش شحال طغات ..!
كلثوم : ( صرخت بأقوى ما عندها) بنت الحرااااااام !!! سمييييرة دااارتها و خذااات و رضااات ليا الدقة بالدوووبل !! بنت الحرااام ...
رمات تيليفونها و هي مووسعة عينيها تتشوف فراسها فالمراية لي كانت امامها ما حسات حتى هزات الأباجورة لي كانت جنبها على الكومود و رماتها عليها تشخشخت فالأرض .. كانت في حالة هيجان و انهيار اي حاااجة جات امامها تتهزها تهرسها لدرجة روايحها الغالييين ما خلات فيهم حتى وحدة حتى مكياجها لي كان من ماركات عاالمية كلو هرساتو و هي تتصرخ بأعلى صوتها .. كمية الظلم و التعدو لي تعرضات لها من طرف نااس تتعرفهم و ناس اخرين ما تتعرفهمش خلاتها ما بقاتش تتشوف قدامها حتى من التيليفون هرساتو و بقوة قهرها و الألم لي كانت تتحس بيه تترميه على الجدار بأقوى ما عندها و تهزو و ترجع ترميه مرة اخرى حتى ما بقاش فيه مكان صالح ...
طاحت للأرض فوق الزجاج و بقوة ما كان دمها سخون ما حسااتش بيه مخترق رجليها و الدم نازل منها كون طبايع فالزربية ...
كلثوم : ( كلها تترجف) بنت القح..بة ... اناااا انااااا ديييتك لداار القح..اااب انااا؟ الله ياخد لياااا حقييي وريني فيييهم شي نهاااار يااسيدي يا ربي .. ( رفعت راسها للسماء ) ياااربي خووود ليااا حقيييي من عبااادك رااهم ظلمووني و قهروووني !! ( تتلفت فجنابها و هي تترتجف) اااش غاندير ؟ ااش غاندير !! فين نمشييي؟
كل شيء لا زال على حاله .. مر يوم و جاء يوم جديد
دخلت وهيبة بالصينية حطاتها فوق الطبلة دالفطور ، كانت خيرة تتفطر زهور و هشام كمل فطوره و جلس كيلعب مع ابنة وهيبة..
وهيبة: ( تتشوف فهشام) بشوية على البنت !!
هشام : ( كيطيرها فالهواء و هي تتضحك) غير نتي لي والدة
ايوب : ( زفر بضيق و نطق بتأكيد) مااشي هي هاديك اميمتي !! ماشي هي اللي فالتصاور !!
خيرة : ( طبطبت على كتفو ) تايق فيها نتا ؟ هذا هو المهم ..
ايوب : ( حرك راسو ) عجينة يدي هاديك وااخة عكوسية ولايني عارفها ما توصلش لديك الدرجة ..
خيرة : ( حطت يد على يد ) تعقل نهار قلت لك حكم مرتك غاتجيب المشاكل لراسها؟؟ اش قلتي ليا !!
ايوب : ( دوز يده على رأسه) هاهي جابتهم !! اشنو ندير انا نخليها فنص الطريق ؟
خيرة : ( طبطبت على ذراعه ) الله يرضي عليك اولدي وقف مع مراتك هادشي رااه صعييب نهار الأول ما كنتش باغياها تحط يدها فيد داك خيتي بالحق اش نديرو الله يهديكم ..
ايوب : ( دوز لسانه على شفته) الله يصاوب الحنينة ...
خرج من عند خيرة خلاها تتدعي لهم من وراه .. كان متوجه للدار لكن قبل ما يخطي لها خطوة جاه اتصال من حفيظ وفى بكلمتو و الغد ليه مع الصباح لقاه ايوب كيتسناه امام مقر الأمن .. دخلو و حول اتصالاته كما العادة جاب له موعد مع صديقه لي عاود له سابقا على المشكل و توجه عندو مباشرة للمقر
...
جهاز الأمن الوطني... مديرية الجرائم الإلكترونية
..
كل ما يتعلق بالحساب حطو لهم و اي فيديو او صورة خرجات من عندهم لكلثوم حطو لهم .. حط الديكلاراسيون ديالو و خرج من عندهم بعد ما قالو له -إلى توصلنا بأي جديد غادي نتصلو بيك -
حط السلاح .. رجع للوراء .. شنو غايدير من غير يتسنى و يشوف لاش غايوصل المخزن لأنه هو الحل الوحيد لي بقى له .. السوشل ميديا عالم غويييط .. و هو عمرو كان مهتم بيه او حتى داخل له بأي شكل من الأشكال ما كيفهمش فداك العالم لكنه عارفو عالم موسخ و لي دخل له عمرو غايخرج بوجهه نقي الا من رحم ربك ..
بكاء ... ضعف ... ظلم .. فخذلان الكون من حولها اصبح كعجلة دواارة في مدينة ملاهي صاخبة..ليلة سوداء ... ليلة دازت عليها و هي مرمية فالأرض جالسة على الزاج و ما حاساش بيه .. عيونها عامرين دموع و القلب غارق هموم .. الحياة كانت عليها قاسية و هادي ماشي اول مرة في كل مرة كانت تتبهرها بنوع جديد من القسوة ، فكل مرة كتحط احقر الناس امامها .. لكن هل هي فعلا ضحية؟ و اذا كانت ضحية .. هي ضحية من .. نفسها ام العائلة ام الناس !! ام هي غبية طاحت مع ناس اكبر منها ..!
الانسان بمجرد ما تديق بيه الدنيا كيبغي لي يطبطب عليه ، لي ياخدو فحضنه و يقول له انا معاك ،يحو راسك على كتفو و يبكي يفرغ كل ما عندو داخل قلبو حتى تبرد خاطرو ...
لكن .....
كلثوم ما كانتش عندها هاد الامكانية ..! ما كانش عندها كتف تسند عليه فهاد الليلة لي مرت كلها انهيارات ، صراخ و بكاء ، حست براسها وحيدة لا حباب لا صحاب حتى أيوب ما باتش فدار ، حتى هو ما بقاش مستحملها و لا مستحمل هاد الدار لي كلها كآبة ...
كيقولو الدقة لي ماتقتلك تعلمك لكن كلثوم الدقة هداتها ، حطت السلاح و ما تعطاتهاش الفرصة حتى باش تحارب .. كانت كالجندي لي عطاوه بندقية فارغة و دخلوه للحرب يتحاوب .. الضياع و الألم هوما كل ما كتحس بيه ... ماحسات براسها حتى كانت واقفة امام باب خيرة .. ما عرفات لا اش لبسات ولا كيفاش قدرت تسوق سيارتها و توصل لعندها ..!
طرقت الباب مرة و مرتين و التالثة فتحت لها وهيبة بمجرد ما شافتها حبساتها بذراعها ماتدخلش ..
كلثوم : ( طلعت فيها راسها و نطقت بصوت خافت ) وهيبة ..! كاينة خالتي ؟
وهيبة : ( رفعت حواجبها بزوج ) كااينة .. ( ابتسمت بمكر) ولكن ما مسالياش ..!
حست بالهواء كيتحرك بعنف حولها كأنها بداية إعصار و قلبها كيتعصر من الداخل .. بلعت ريقها و شافت فوهيبة بضيااع ..
كلثوم : غاتخليني فالباب ؟. قولي لها بغيت نشوفها !!
وهيبة : ( رفعت يديها و شافت فيها بنضرة ثاقبة) من اللخر قولي ليا اش بغيتي لاش جاية؟
كلثوم : ( وسعت عينيها) وهيبة واش تسطيتي ؟
وهيبة: ( ابتسمت رافعة حواجبها) تسطيت !! راه خوويا لي تسطى !! ما فهمتش لاش باقي تابعك فهباالك !!
وهيبة : ( ضحكت بغضب) و من بعد !! ( سكتت للحظات) شوفي نجيك من اللخر .. هاد الباب مدام انا موراه ديري عليه كروة حمراء !! ما تعاوديش دقي فيه ... اختي عطينا بالتيساع حتى نمشي لدار راجلي ما بغيييتش السمعة ديالي تلطخ بالسمعة ديالك!!
كلثوم : ( اسبلت اهدابها و شافت فيها بصدمة) اش تتقولي !!!
وهيبة: ( رفعت حواجبها) ما سمعتيش اش قلت ؟ نعاود لك من الأول .. سيري فحاالك سييييري فحالك و ما تعاودييش تدقي على هاد الباب لا انا ولا ماما باغيين نشوفوك بااارااكا غير دااك الولد لي ديتي و غصبتيييه فياامو ولاا عايش معاك المرار ، (طلعت و نزلت فيها) اشمن مرااا هادي لي عايش معاها كلها مشاكل !! شكون غايستحملك نتي ؟ واحد ااخر يشووف ديك الشووهة لي درتي يطلقك النهار الاول و يكركبك مع الدروج !! بالحق خلاتها مولاتها يعلم الله اش ملغجاه ..!
كلثوم: ( همست بصوت ضائع) هادشي كلو فقلبك من جهتي عامرة حتى ما قديتي !! ( صمتت للحظات) عرفتي اوهيبة بحالك نتي عمر ربي يسهل عليها!! الحقد و البغض معمر قلبك من جهة وحدة ما درت لك والو يمكن نكون غلطت فالطريقة باش وصلت ليك خيانة راجلك ولكن ماشي لدرجة تشفاي فيا !!
وهيبة : ( هزت راسها بعدم تصديق ) هادشي كلووو لي نتي فيه و مزال فيك تخراج العينين و رضان الهضرة !! بحالك نتي نسد على راسي فداري ما نخرجش !!
كلثوم: (ابتسمت بخفوت و الدموع فعينيها) هادشي لي بغيتي نتي و لي بحالك !! تشووفي الموت و ما تشوفيش داك النهار غانبقى واقفة شوكة فحلقكم لآخر رمق ..! (كانت غاتمشي و رجعت عندها ) كان عند بالي جاية عند عائلتي نحط عليهم الراس !!لكن عندهم الحق لي قالو بنادم لي ضاير بيك هو نفسو لي باغيك طيح و ما يبغيكش تزيد القدام ...
قبل ماتزيد تنطق وهيبة بأي كلمة خلاتها كلثوم واقفة و مشات لسيارتها ركبتها و ديمارات ما عارفاش الوجهة لفين مخلية وراها وهيبة تستشيط غضبا تتغزز اسنانها .. هي ماشي هكذا و عمرها كانت هكذا عمرها حست بالكره من جهة شي واحد حتى حساتو لكلثوم .. ابشع خبر فحياتها سمعاتو منها بطريقة خلاتها تحقد عليها و تعتبرها هي السبب الرئيسي فدمار زواجها حتى بعد ما بدات حياة جديدة ....
وقفت السيارة جنب الطريق و حاولات تاخذ انفاسها .. الدقيقة تدوز عليها عام و هي ما قادراش حتى تحرك لا يديها ولا رجليها .. شافت فكفوفها كانو مجروحين بالزاج .. الآن فقط حست بالألم لي فيديها و رجليها بسبب الزاج لي مزال مغروس فلحمها .
كلثوم : ( حاولاات تزول زاجة من دراعها) اااحح
الدموع نزلو من عينيها بقوة الألم .. ما كانش ألم جسدي فقط و إنما الألم العميق و الدقة الصحيحة جاية من الداخل ... اصعب احساس هو تطرق على احد عزيز بابه و يردها فوجهك كانت محتاجة فقط حضن من خيرة فقط طبطبة و كلام يدعمها و يخليها توقف على رجليها ، كانت محتاجة فقط كلمة بنتي تسمعها من اي واحد حتى لو من غريب ..!
كلثوم : ما غاتشوفوش دااك النهار !! ( ضربت على الفولون) كون ماجيتيش اختي !!ولكن الحساااب غايكون معاه .. ( طلعت عينيها للمراية ) معاه ..! فينو !!!
فين غاتلقاه حتى تيليفونها هرساتو و ما بقالهاش باش تتواصل معاه ..
عضات على شفتها و رجعات راسها فوق الكوسان ..حاسة بحلقها نشف و عينيها تيتغمضو وحدهم.. غفات بدون ما تحس فسيارتها وسط الشارع قدرت تنعس بعد ما جافاها النوم هاد الليالي كاملة ..
ساعة .. ساعتين .. تلاث ساعات و الظلام بدا كيطيح كانت في سابع نومة غافلة على الوقت و المكان و اي شيء اخر تيدور بيها ...
..........
اصعب احساس يقدر يحس بيه اي رجل هو انه يتقاس فشرفه ، شكه فجليلة كبير لكن المتهم بريئ حتى تثبت اذانته.. ما يمكنش ليه يتهمها بشيء حتى يلقى عليها الدليل ... خذا التيليفون كيشوف فرسالتها لي بعثت له زير على التيليفون فكفه و غمض عينيه .. داقت بيه الدنيا و الحل الوحيد لي بقى قدامو هو القرعة و الكاس ...
خذا سيارته توجه مباشرة للبار لي موالف يشرب فيه خذا زاويته المفضلة و نده على النادل لي جاه فالحين سلم عليه ..
ايوب: ويسكي صيك احمزة..
انصرف فالحين جاب له طلبه خذا من القرعة جرعته بدون ما يصبها في الكأس و غمض عينيه كأنها حرقاتو فجوفه.. زير على شفته بين اسنانه كيتلذد بداك الألم اللاذع حتى سمع تيليفونو كيرن .. كان رقم فيكس غير معروف بالنسبة له .. رد بصوت غامق حاد ..
ايوب : وي ...
****: معايا ايوب ؟ الزوج ديال مدام كلثوم ..
ايوب : ( زفر بضيق و نطق بصوت خشن) ايه هو هذاا ..
****: تقدر تجي للكلينيك $$$$ المدام ديالك عندنا هنا
وقف فآخر الممر مخلوع ، كيسمع الطنييين فراسو ما عرف اش واقع لها و ما تسناش موضفة الإستقبال توضح له علاش جات للمشفى من الأساس .. وقف عليها كيسول على كلثوم و واضح عليه من وجهو خايف عليها حتى طمناتو بابتسامة خفيفة ..
حرك راسو و توجه للمستعجلات كيف قالت له .. طل فجميع الغرف حتى لقاها متكية فوق السرير و مغطية عينيها بذراعها .. وقف فالباب للحظات تيشوف فيها قبل ما يخطو بخطواته اتجاهها .. حط يده على راسها و نزل قبل جبينها و هو كيلهث و تنفسه ثقيييل ..
ايوب : ( تنهد براحة نوعا ما و نطق بصوت خشن مدعدع و رجع تيشوف فرجليها و يديها لي ضايرة عليهم الفاصمة) اش طرا لك؟
كلثوم : ( اعتدلت فجلستها و هو ساعدها) سمر دارت عليا لايف !!
غمض عينيه و زير عليهم و هو مسند بيديه على حافة السرير نزل راسو تيحاول يتمالك اعصابه و نطق بصوت محشرج..
ايوب : ( نطق بهدوء) مال يديك و رجليك !؟
كلثوم : ( تتشوف فيه) هرست الزاج فالبيت .. و دخل فيا !!
ايوب : ( دوز يده على شعرها) ريبتي الدار تاني ؟
كلثوم : ( غمضت عينيها بألم تتحاول توقف ) حتى التيليفون هرستو !!
ايوب : ( تنهد ) ما عندك ماديري بيه ..!
كلثوم : ( بلعت ريقها) الفرملية قالت ليا نرتاح هنا غير حتى تجي و نقدرو نخرجو ..
ايوب : ( حرك راسو ) قادرة تمشاي و لا نهزك؟
كلثوم : ( نزلت عينيها لرجليها) قادرة ما دخلش فيا الزاج التحت
توجهو مباشرة للحسابات خلص في حين كلثوم خرجات و مشات مباشرة لسيارتو وقفات جنبها متكية ضهرها عليها تتسناه غارقة فهمومها حتى وقف عليها ..
ايوب : فين الطونوبيل ؟
كلثوم : ( اشرت له على مكانها فباركينغ الكلينيك) ما قادراش نسوق ..!
ايوب : ( رفع حواجبه باستفهام) سديتيها؟
حركت راسها بالإيجاب .. فتح لها السيارة و ساعدها حتى طلعات مخليين السيارة فالباركينغ بعد ما وصى عليها الگارديان لي كان جالس فالبارك .. شدو الطريق ما كانش متوجه للدار لأنه لا هو ولا هي قادرين يدخلو لديك الدار و محتاجين يتنفسو خارجها .. فتحت زجاج النافذة و تكات عليها براسها خلات الهواء يضرب فوجهها و هو غادي بسرعة قلييييلة مخليها تتنفس على راحتها و شعرها طاير حولها ... كان إحساس فضيع .. إحساس صعيب عليها ان الكل تخلى عليها ، حتى خيرة لي كانت تتقول عليها الحنينة ما نزلاتش تسلم عليها ولا غير تواسيها .. كانت متأكدة انها على علم بكل حرف و كل تصرف دارت معاها وهيبة ...
كانت سااهية حتى سمعات صوت هاتف ايوب كيرن ... شافت فيه تتسناه يجاوب و فعلا جاوب فالحين بصوت خشن و حاد ..
ايوب : وي !! اش كاين؟
وهيبة: شوف نقولك ايوب نتا خويا و عزيز عليا ولكن ديك مرتك ما تعاودش تجي تدق فبابنا !!! ما خاصني شبهات ياااربي غير نقدر نخبي هاد الفضيحة وما يعرفوش عائلة مالك وااش هاادي لي دايرة الشوووهة مرات خويا !
طفى التيليفون و شاف فيها كان صدره كيطلع و ينزل بطريقة غير طبيعية حتى نطق ..
ايوب : كنتي عند الواليدة؟
كلثوم : ( ابتسمت بزاوية شفتها) و جرات عليا ختك !!
ايوب : ( عقد حواجبه) لاش ماشية عندهم؟ ما تعرفيش تركني فدارك!
كلثوم : ( خذات نفس عميق و زفراتو و هي تتكلم بضييق) بغيت على من نحط الراس .. تلفت و الدنيا ضاقت بيا !! (مدت يدها بزوج امامها تتعبر بيهم) خرجت من الدار ما عارفاش لفين غادية !! شكون عندي نمشي لو يمسح على راسي و يطبطب عليا !؟ لا اخ لا اخت لا اب لا ام لا صحاب لا عائلة !! حتى راجلي ( ضحكت بالجنب و مسحت وجهها بيديها) ايوب من نهار طرا هادشي فكرتي شي نهار تعنقني و طبطب عليا ؟ عرفتيني باش كنحس ؟ ( شافت فيه و الدموع فعينيها) عرفتي فاش كنت تنفكر اليوم قبل ما نمشي للسبيطار (اشرت لمكان بعيد كيطل على البحر و ابتسمت بخفوت ) خالتي الوحيدة لي فكرت نمشي عندها تخفف عليا وااخة تلوومني و تقولي نتي الغالطة ما عليييش المهم نحس براسي عندي كتف نحط عليه الراس !!
ايوب : ( دوز يده على لحيته) و انا كنت كنلعب ياك ؟ مكنتش تنتقاتل نفك لك هاد القل..اوي دالمشكل لي غرقتينا فيه ؟
كلثوم : ( مسحت دموعها) ختك ما خلات فيا غير لي نسات .. قالت ليا ما تهنى حتى نتفارقو كيماف ما فارقتها مع راجلها !! ( شافت فيه بعيون لامعة بدموع) واش انا فارقتها على راجلها؟
ايوب : (تنهد تيشعل فسجارته، و هو كيهضر) ضبري كرك معاها !! صداع النسا خاطيني !!!
ما عاوداتش تكلمت .. كلامه لا فائدة منه و كلامها كذلك ما غايزيد ما غاينقص.. وقف السيارة أمام سناك معروف نزل خدا لها و ليه الماكلة و رجع مدهم لها ..
كلثوم : ( وفعت حواجبها) ما بغيتش ناكل !!
ايوب: ( ركب سيارته ببرود مصطنع و نطق بهدوء عكس البركان لي فصدره) غاتاكلي بالسيف عليك !!
كلثوم : ( خذات نفس و بدات تتقلب فداكشي لي جاب لها) نمد لك تاكل؟
ايوب : ( نطق بالإيجاب) واه ...
مدات له السوندويش ديالو كياكل منو و مرة مرة تتعطيه يشرب من الكانيطة حتى كملو و هي مزالة ما حطاتش الدغمة ففمها ...
ايوب : ( شاف فيها و اشر على الأكل) غاتاكلي هي غاتاكلي !!
ايوب : ( عقد حواجبه فيها) غانضرب مك نصور لك وجهك فداك الباربريز ..
خزات نفس و حطات الأوراق مربعة يديها ...الصمت مخيم على السيارة .. .. ايوب كان سااهي و سارح في ملكوته عينيه فقط على الطريق و كلثوم مترددة واش تنطق ولا تكمل على سكاتها و تخلي الحال على ما هو عليه
كلثوم : ( تتلعب باصابعها و مررت لسانها على شفتها ) أيوب !! ( دورات راسها عندو حتى شاف فيها و نطقت بصوت مرتجف) غاطلقني؟
ايوب : ( رفع حاجبه و ابتسم بزاوية شفايفه قبل ما يرجع شاف فالطريق امامه) بغيتي الطلاق ؟
كلثوم : ( بلعت ريقها و عضت على شفتها) تتجاوب سؤال بسؤال !!!
ايوب: ( حرك راسو و وقف السيارة و هو تيشوف امامه مباشرة و نطق بحدة و حزم) غانطلقك اكثو !!! غانطلقك كانتسناك غييير طلبيها نتي العدول لي جمعنا غايفرتك لديلمنا الشمل !!
حست بطنين في اذنيها .. كلمة غانطلقك بقات تتردد على مسامعها بصدى صوته كأنه كيعاودها مرارا و تكرارا .. ما ستوعبتش هاد الكلمة منو و هو لي دائما تيهددها بموتها اذا نطقتها و الآن كينطقها بكل سهولة !! و شحال كانت ثقييييييلة على مسامعها ..!
كلثوم : ( حست بغصة فقلبها .. عضت على شفتها كابثة دموعها ) لهاد الدرجة ؟
ايوب : ( دور وجهو لعندها و شاف فعيونها بتأكيد ) لهاد الدرجة ... و اكثر اكثو !
ابتسمت ابتسامة مريرة و رجعت رأسها للوراء تتضحك) علاش مزالة كنتصدم!! بعد هادشي لي شفتوو بحالي الصراحة ما خصهاش تصدم ولا تستغرب !!
ايوب : ( وافقها بتأكيد) فوااالا !! ما خصكش تصدمي من حتى ق..لوة دابا حطيتينا فوااحد الموقف مقاااود !!
كلثوم : ( علات راسها و شافت فعينيه مباشرة) فين الحب لبي كان ؟؟
ايوب : ( ضحك بصخب و رفع راسو للسقف) الحب ؟؟ فين عمري عشتو معاك اكثو!! من نهار سنيتي و نتي باغية طلقي هاني عطيتك الفرصة دابا !!
كلثوم : ( مسحت دمعة وحدة نزلت على خدها ) قلتي بغيتي تسمعها مني !! بغيتي نهنيك من هاد الصداع و السمعة المشبوهة !! ( دوزات لسانها على شفتها السفلية و نطقت بصوت مرتجف ) طلقني ا ايووب عطيني برااتي هذااا هو الجهد .. عندي و عندك !!
موشومة الصدر الجزء 23
محتوى القصة
دخل لسيارته جلس فيها دماغو يديه و يجيبو ، ينكر اذا قال الكلام لي سمع فالفيدو ما قلقوش كلثوم من نهارها عارفها تتصرف بلا عقل و دائما متسرعة تتخد قرارات هي ماشي قدهم و تتبغي تحط راسها بين ريوس شبعااانين سم ، من الأول كان خايف عليها من هاد الشركة و عارفها غاتتأثر من الول كان عارفها ماشي قدهم هاد الناس فحال الأخطبوط يدهم في كل مكان و هي ماشي قدهم ... دوز يده على جبينه تلف له الري .. خذا تيليفونو تيقلب فالريبيرطوار ديالو حتى طلع له الإسم لي كان عليه يقلب ..
ايوب : ( بصوت حاد خشن) خاي صلاح هانية ..يحفضااك اخاي ( دوز يده على وجهه) راك فالمحل اعشيري !! واه هاني جاي لعندك دابا ...
قطع الإتصال و ديمارا السيارة حتى تسمعو روايضها تحكو مع الأرض بحدة .. شد طريق وحدة حتى وصل عند السيد فالمحل ديالو لي ما كانش بعيد عليه بزاف .. حط سيارتو فباركينغ قريب و نزل عندو فالحين كان تيوجد يسد حتى دخل عليه ايوب ..
ايوب : ( تسالمو بالراس) وا عاش من شاافك اصاحبي .. هانية؟
صلاح: (ضرب له على كتفه) والله إلى سانك سانك !! و نتا ياك هانية الحاجة لباس عليها الوليدات؟
ايوب : ( ضحك و دوز يده على راسو) مزال ما كاين وليدات هاد الساع
صلاح: ( حرك واسو ) مزيااان ما زربان فين ... ياك لباس العشير اشمن غرض فاش بغيتيني؟
ايوب : تقدر طير ليا شي كونط؟ انستغرام و يوتيوب؟؟
صلاح: ( رفع حواجبه) ايه نعرف ! ولايني هادشي فيه المشاكل!!
ايوب : ( دوز يده على وجهه) الثمن لي طلبتي نحطو لك غير هنيني من هاد الق..لاوي !!
صلاح: ( بعدم فهم ) ديالمن هاد القناة بعدا ؟
ايوب : ( زفر بضيق ) واحد بنت القح..بة عندها مشاكل مع واحد خيتي اخرى ناضت تكلاشي فالمرا ديالي و تشوه لها السمعة بنت الق..حبة عندها زهر ما جبداتهاش بالسمية !!
صلاح: ( حرك راسو بتفهم) ارا ليا السمية
ابوب : ( جبدها له فالتيليفون) هاهي اخاي..
صلاح: (كتب سميتها) مزيان ما عندهاش ليزابوني كثار يالله بادية؟
ايوب : (بملامح مشمئزة) ما نعرف القل..اوي .. باينة فيها من داك الخرا ديال كبسو كبسو !!
صلاح: ( ضحك تيحرك راسو ) عليها هاد الوجه ما غريبش عليا ..
ايوب : ( نطق باستفهام) نعول عليك اعشيري؟
صلاح: (بالايجاب) انا ندير جهدي ، غانصيفط ليها واحد الميساج على ربي دخل لليان نبيراطي لها الكونط و نسدو ..
ايوب : ( ناض وقف ) دير الثمن ديالك و ما ضرب حسبة .. المهم هاد بنت الق..حبة تبات ماتصبح،،
......تعذيب روحي ، خوف ، وحدة ... مشاعر مختلطة حاسة بيهم .. دوزت ليلتها فالصالون متكية على الكنبة .. قلبها منهار و عقلها كيقول لها شدي فراسك و ما تضعفيش امامهم كوني مرا و قادة و گفضي ذراعك امامهم لكن التعاليق لي كانت تتقرى فالفيديوهات ديال سناء خلاوها تنهار اكثر و دموعها يزيدو يسيلو على خدودها ويدان ، اصعب شيء فالحياة هو الضلم و الافتراء .. و الخوض في الأعراض من الكبائر الي حرمهم رسول الله لكن هاد الناس الشهرة و الفلوس عماو لهم العينين ، و كيف ما هي محرمة حتى سماعها من المحرمات و الجمهور لي كان مخبي وراء التعاليق كيقذف فأعراض الناس باستمتاع و تلذذ حتى هوما كان عندهم دور فتدمير الناس ...
الشعور بالألم ما بغاش يغادر صدرها رمات التيليفون و هي تتبكي خايفة تتهور و تفضح راسها اكثر خايفة تزيد الطين بلة بدل ما تطفي النار تزيد تشعلها ،بقات لمدة طويلة متكية على جنها و تتشوف فالفراغ حتى غفات فوق الكنبة...
نص الليل و هو عاد داخل مشاكلها بداو و هادشي مناش كان خايف رجع لعادته فالشرب بعد ما حاول ينقص منه ، وقف فباب الصالون كيشوف فيها ناعسة مكمشة فوق الكنبة كأنها جرو خايف .. تقدم لعندها بخطوات ثابتة و ابتسامة مريرة على شفايفه..
ايوب : ( خذا نفس عميق و نطق بلسان ثقيل) تديريها يغرق فيها جمل و تنعسي !!
ببطئ و خطوات ثقيييلة قرب لها و تحنى عندها قبل شفايفها و حملها بين يديه غادي بيها مدخلها للغرفة نزلها فوق الفراش و غطاها .. بقى لفترة كيشوف فيها و يده تتحسس وجنتها الحمراء .. عيونها ملتهبين بالبكاء و وجهها عليه آثار الدموع ، تنهد بقلة حيلة و نطق
ايوب : ربي فاش كيبغي يعذب النملة كيدير لها الجناح !!!( شاف فيها بنظرة طويلة و زفر بغضب) انا لي عارف علاش كنت سااد عليك !! نتي ديلمك تصلاحي غير للدار( ضحك بتهكم) البزنس قالك !!
"اليوم الثالي" ...
بمجرد ما فتحت عينيها قفزت من مكانها تتقلب على تيليفونها .. شافت جنبها ايوب ما ليهش اثر طلعت عينيها للساعة لقاتها العاشرة و النصف صباحا عرفاتو يكون مشا للخدمة لأنه مخلي حوايجو كيف العادة مرميين فالأرض جمعات شعرها بيديها و ناضت تتقلب على تيليفونها .. كان فوق الكوافوز دخلت مباشرة للانستغرام .. تتكتب اسم سناء لكن تطلع لها الصفحة غير موجودة و كذلك فاليوتيوب ...
كلثوم: ( دوزت يدها على جبينها) بنت القح..بة بنت الق.حباااا بلووكااتني؟
دخلت على صفحة معروفة بالفضائح و كانو متبعين الأخبار مع سناء و صفاء من البداية تيحطو فيديوهاتهم و.. لقات الكل تيسول على سناء و الكونطات ديالها لي باتو ما صبحو ما عارفين عليها خبار ولا على حساباتها .. في حين حفصة استغلت الوضع و طلعت بلايفات اخرى واحد مور لاخر .. تنهدات و ابتسمت بفرحة كأنه هم و انزاح من على قلبها .. بقوة الفرحة صرخت و هي تتضحك بتشفي.. لأنها عارفة سناء و امثالها شنو كتعني لهم قناة اليوتيوب إلى طارت ..لكن السؤال لي بقى كيدور لها فراسها هو شكون لي تكلف بهاد المهمة خصوصا انها عارفة حفصة ماشي من مصلحتها يطير حساب سناء لأنهم من كل فيديو كيطلعو رابحين !!!
كلثوم : ( اتصلت بأيوب فالحين) نتا لي درتيها ياك؟
ايوب : ( بعدم فهم) اش درت؟
كلثوم: ( عينيها لمعو) نتا لي طيرتي لها كونظ انستاغرام و القناة؟
ايوب : ( نطق بحدة) عنداك يگول ليك راسك تهنيتي منهم هادي غييير هدنة ترتاح لها شوية حيت لي دخل فداك الوسخ جامي يخرج منو نقي ..
كلثوم : ( صرخت بفرحة) عرفتي نتا ما منكش زوج كنموت عليك احبي !!
ايوب : ( ميل شفته باستهزاء) عارف..!
كلثوم: هادي هي الضربة القاضية لديك بنت القح..بة بغات تطلع القناة على حسابي ما عارفاش راسها ورايا الرجال!!
ايوب : ( نطق بحدة) اجمعي كرك از..بي ماشي ديما غاتلقايني وراك هاد الخرا ديالك بدا يطلع ليا فكري !!
كلثوم؛ ( قلبات عينيها) وااااخ كون هاني ما نطلعش لايف و ما نرضش عليها!!
كملت الاتصال مع ايوب و حطات التيليفون و تنهدت براحة و دخلات للدوش خذات دوش خفيف و خرجات لبسات بيجامتها القطنية متوجهة للمطبخ حتى تتبان لها كريمة جالسة و تتفرج فالتلفازة و حاطة حداها سطل و جفاف !!
كلثوم: ( تكات على الباب حاطة يدها على خصرها) اتبارك الله على مولات الدار !!
كريمة : ( ناضت وقفات) مداام فقتي؟
كلثوم : ( طلعت و نزلات فيها) لا مزالة ناعسة !! صاوبتي الفطور؟
كريمة: ( حركت راسها بالايجاب) ايه راه فالكوزينة ..
كلثوم: ( جلست فالصالون) اوا نوضي تگعدي حركي ليا دوك الرجيلات و جيبيه ليا لهنا !
كريمة: ( دورات راسها تتشوف فالتلفازة كان مسلسل تركي مدبلج بادي ) وااخة ..
كلثوم: ( تتشوف فيها بعدم تصديق ) وااا شرييفة!! جاية تخدمي على راسك ولا تفرجي؟
ناضت بدون ما تجاوبها توجهت للمطبخ شافت فيها كلثوم رافعة حواجبها و حركت راسها يمين و شمال .. دخلت للصالون دفعت السطل برجليها و طفات التلفاز خذات تيليفونها و مقابلة انستغرام تتفرج فلايف حفصة حتى كملاتو و هي تتصل بها ..
حفصة : مالك اختي مصدعاني ترن ترن ترن يومين هادي ياك شي باس مكاين؟
كلثوم: ( وسعت عينيها بصدمة ) هاد الهضرة ليا انا ؟
حفصة : ( بتهكم) لا لخيالك.!
كلثوم : ( ضحكت بعدم تصديق ) شفتك فحال لا تتجملي علياا راني مخلصاااك فلووسي ديال الشووتينغ و مزاال ما درتييه !!
حفصة : ( ضحكت باستهزاء) هاهاااي على فلوووسي !! اشمن فلوس انا غا دايرة فيك خير و دايرا لك بداك الثمن اما خلاص الشووتينغ بزااف عليك ياك ما تيقتي بصح البروجي ديالك؟ والله كون ما جليلة ما نتعامل معاك ولا نشووف فيك هه والله الى مسكينة قالت لك فلووسي ..
كلثوم: ( بصدمة) ياااك ابنت القح..بة يا النصااابة!! هاادي ااخرتها والله حتى نشووهك فالسووشل ميديا نخلي لي ما شراا يتنزه على خبارك
حفصة: ( ضحكت بسخرية) سيري بقيتي غا نتي لا وصلتي لودنيك عضيها
كلثوم: الله يلقيها لك ابنت الحرام ...
حفصة: اسيري فكي حريرتك لي فيك كافيك ..
كلثوم: ( حست بجسمها كيترعععد) هاد الحريرة شكون دخلني ليها ماشي نتي بسببك دخلووني لهاد الرويينة؟
حفصة: ( بتهكم) عمرك سمعتي بلي تيتعلق فين يتفلق ؟ هو نتي مدامك دخلتي لعالم السوشل ميديا احبيبة خصك تديري قنااع من حديد هادي نصيحة نعطيها لك تنفعك فيامك الكحلة لي جاية!!
كلثوم : ( تتنفس بغضب) الله ياااخد فيكم الحق الموووسخااات ..
حفصة: ( تتكلم بدلال مصطنع و تشفي) وااقلة مزااالة ما شفتيش الكونط لي دار بسميتك راه جابد لك العرووق و الطاسيلة هههه سيري ربي عطاك فاش تلاهاي ولا كان عندك شي عقل استغلي هاد البوز لي طاح عليك من السما و ربحي شي ملينات مع الشعب المدوخ !!!
مرت خمسة عشر دقيقة بعد نهاية الإتصال، دخلت مباشرة للانسغرام تتبحث على الكونط لي حاط عليها اخبار، مدة و هي تتقلب حتى لقاتو فصفحة الفضائح .. دخلت له مباشرة كانت محطوطة صورتها و اسمها بالبند العريض حساب وهمي صاحبه من المؤكد انه كيتلقى اجر و بايع ضميره.. لقات عليه صورها لي كانو فانستغرامها القديم اول صور ليها كانت اول مرة تخدم موديل .. جابوها بالاسم و اللقب و المعلومات حتى فين ساكنة و عند من كانت ساكنة !!
حطو لها اللايف لي كانت مسحاتو و طلبت من القنوات كذلك يمسحوه كيفاش حتى وصلو ليه و شكون عطااهم الحق !! بلعت ريقها و نزلت للتعاليق لي كانو كيف السم ..
-لي شاف الزين و الطولة يقول هادي هي المرا و هي مخبية فيها قح..بة
-تريكة ال سعود ..
- باينة فيها من داك الك..ر تتعطيه للحوالا ...
و غيرها من التعاليق لي ما كيرحموش .. اي انسان مكانها ما غايقدرش يستحمل خصوصا و هي تتشوف صور اول مرة تشوفهم ...الشخص لي كان كيحط عليها الفيديوهات كان عاطي لراسو اسم مول الماسك و حاط على وجهه ماسك اسود و داير طاقية سوداء، كيبانو فيه غير العينين و حتى من صوته غيرو بالذكاء الاصطناعي ....
وصلنا لزمن تقدر تلبس و تعري فيه شخص بواسطة ما يسمى بالعلم ~الذكاء الاصطناعي ~ لي اصبح نقمة و ليس إفادة يستافدو منها الناس .. صورتها كانت فأجساد اخرى غير جسدها و لي شافها ما يصدقش انها مجرد فوطوشوب! استخدمو تقنية عالية الجودة و برامج مدفوعة قادرة انها تجرد الإنسان من شكه و يتأكد فعلا ان ذلك الشخص هو لي فالصورة وليست ابداع من فنان بدون ضمير او احساس!!
طاح التيليفون من يدها و طاحت هي على وقفتها جالسة على ركابيها من قوة الصدمة شنو غاتقول .. شنو غادير .. و هي تتشوف صورتها فجسد وحدة جالسة في وحدة من جلسات الوناسة مع الخليجيين بقوة ما هي حقيقية شكت فعلا أنها هي !!
- حراااااااااااام .....
صرخة اطلقتها على اثرها جات كريمة تتجري من المطبخ وقفات عليها وجهها مخطوف .. في حين كلثوم كانت تتبكي و تصرخ بحرررقة و قلب ممزق و هي تتشوف الظلم و الباطل تيتحط عليها من أشخاص ما عرفات لا شكون هوما ولا فاش آداتهم حتى يدمروها بهاد الطريقة .. الدنيا داارت بيها و رجليها ما بقاوش هازينها الجهد لي بقالها دارتو فالبكااء و الصرااااخ حتى كريمة تخلعات و مافهمات لا شنو واقع و لا علاش تتبكي كلثوم لأنها كانت في حالة هستيرية و هي عاد خلاتها صحة سلام..!
كريمة: ( مشات تتجري لعندها) ختي كلثوم مالك ياك لباس ؟؟
كلثوم : ( طلعت راسها تتشوف فيها و تبكي و هي تتضرب صدرها بيدها) شنووو درت لهم باغيين يطييحو بيااا و يهرسوووني ااااش هاد المكتوووب يا سيدي ربي ..
كريمة: ( شدات لها يديها و حاولات تسكتها) تهدني اخيتي الله يعطيك الستر نعيط لراجلك؟
كلثوم: ( تتضرب ففخاضها و تبكي ) اويييييلي ااااش اانقووول ليه اليوووم يدوووز عليا بمووس حااافي يشووف هادشي يقتلنييي
كريمة: ( تتحاول تفهمها علاش تتدوي ) صافي اختي ما نعيطلوش غير تهدني و قولي ليا ااش واقع لك كنتي صحة سلام ؟
كلثوم : ( ذااتها تترجف ) علاااش ماعندي زهر !! اش درت فحياتي انا حتى نصرف هاد المكتوووب رااني غييير يتيمة مكسورة الجناح لا حنين لا رحيم يا سيدي ربيييي ...
-كيقولو ملي تطيح البقرة تيكثرو الجناوا .. و كلثوم طاحت بين يدين لي ما كيرحموش ولا يعرفو طريق الله، الرأي العام دائما مع الكفة لي تتستعطف و طيح زوج دمعات ، يقدرو يسمعو من جهة وحدة و يصدقو و الجهة الثانية ينزلو عليها بوابل من الشتائم القذرة و التنمر بدوون رحمة فقط لأنه ما كيجاوبش او يستعطف الناس .. كلثوم كانت هي الطرف لي متعرض للهجوم الناس كانو كيقذفو فيها و يخوضو فعرضها بدون رحمة و باستمتاع يبين على انهم ناس مراض .. بدون أخلاق لسانهم سليط و قاطع قادر يلتف على عنق الضحية بكل فخر ..!
حاولات كريمة توقفها لكنها كانت ضعيفة..! ضلت البارح بدون اكل و هاهي اليوم كذلك فطرت بأخبار قهرتها و نزلت لها الضغط للحضيض ..تهاوت فمكانها و سقطت مغشى عليها على وقفتها .. طاقتها نفذت و هاد الشي لي شافت كان هو القشة لي قسمت ضهر البعير .. ما كانتش متعودة على الهجوم ولا على حياة السوشل ميديا !! يمكن وحدة منهم متعودة كانت غاتفرح بهاد البوز و تدير منو حبل و عمامة تحتل الصدارة و تبقى طالعة فما يسمى -الاكسبلور- لكن هي كانت تتحاول تبني اسمها و مستقبلها على نظافة و السوشل ميديا كانت عندها فقط مجرد أداة تتشهر بها المحل ديالها ....
كريمة تلفات ما عرفاتش اش دير و هي تتضرب على خدودها برفق و تنده باسمها تتحاول تفيقها حتى سمعتت الدقان فالباب و صوت انثوي تينده باسم كلثوم..
كريمة: ( تتحاول تفيقها) الله ياربي مااالك اختي فيييقي هالعاار .. واااشكووون كيدق ..
ردت حنان من وراء الباب بصوت عالي ..
حنان.: كلثووم حلي مالك ياك لباس ؟
خلاتها فوق الزربية طايحة و خرجت تتجري فتحت الباب شافت فيها حنان باستغراب و نطقات بخوف..
حنان: شكون نتي فين كلثوم؟
كريمة: ( بصوت مرتجف ) انا الخدامة ديالها !! ختي والله ما عرفت مالها راها طايحة فالصالون !!
حنان : اويلي؟
دفعات الباب و دخلت تتجري لعند كلثوم لي لقاتها طايحة فالصالون و وجهها احمر و آثار البكاء باين عليها ..
حنان: ( هزات لها راسها) اري مخدة .. ( عدلت لها المخدة و بدات تتضرب ضربات خفيفة على وجهها و تنده باسمها) جيبي ليا شي بارفان و اري معاك كاس دالما سربييي.
دخلت كريمة تتجري جابت قرعة ديال الريحة من غرفة كلثوم و توجهت للمطبخ خذات منو قرعة ديال الماء من لي تيشربو محطوطين امامها و رجعت تتجري عند حنان خذاتهم منها بدات تترش عليها الماء و رشت العطر على يدها تتشممو لها حتى بدات تتفيق و ترمش عويناتها بثقاالة ...
كلثوم: ( طلعت يدها لراسها) اااح راسيي ..
حنان : ( زفرت براحة ) الله ياختي خلعتينا عليك!
كلثوم: ( سدات عينيها تتبكي ) اش درت انا اااش درت !!
حنان : ( تتشوف فيها بعدم فهم و هي تتبكي بصوتها المغنغن) مالك اكلثوم اش جرا لك؟ ( شافت فكريمة) مالها؟
كريمة: ( رفعت يديها ) اختي نكذب عليك انا كنت تنوجد لها الفطور خليتها صحة سلام حتى بديت نسمع الغوات و البكااا !! جيت لقيتها تتبكي !! ما فهمت والو
حنان : ( تتمسح لها وجهها بحنان ) مالكي واش تخاصمتي مع ايوب ؟
كريمة : اختي راجلها هو لي حل عليا الباب الصباح و قالي نوجد لها الفطور بيدما فاقت !
حنان : ( تتلمس لها شعرها بحنان) مالك احبيبتي شنو عندك؟
كلثوم : ( شافت فيها بعيون لامعة) ظلموووني اختي ظلمووني!!
حنان : ( ضمتها تتطبطب عليها) شكون احبيبتي ..
كلثوم : ( ناضت جلست و نطقت بخفوت ) فين تيليفوني ؟
حنان : (شافت فكريمة لي مداتو لها) هاهو !!
خذات التيليفون و بمجرد ما فتحاتو ببصمة الوجه طلع لها الحساب لي بسببه انهارت حست بالدموع تجمعو فعينيها و مداتو لحنان لي بمجرد ما شافت الصور و شنو كيكتب على كلثوم شهقت حاطة يديها على فمها ..
كلثوم: ( بلعت ريقها) هادي ماشي انا !
حنان: ( بصدمة) ما عرفتيش شكون دار هاد الحالة؟
كلثوم: ( ارتعشت شفتها السفلى و حركت راسها بنفي) تلفت عقلي وقف !
حنان : (زيرات على يدها) إلى كنتي شاكة فشي حد نوضي معايا نديك تديكلاري !! و منها نيت نديك لوبيطال نشوفو مالك؟
كلثوم: ( حركت رايها بنفي) غير ما واكلاش
حنان : ( شافت فكريمة) وجدي لها شي صوبة عافاك اختي ..
كريمة: ( حركت راسها و رامية عينيها للتيليفون) واخة هي الأولى !
نوضاتها حنان وقفات على رجليها و تمشات معاها حتى لغرفة النوم حطاتها على السرير و غطاتها جلست بجنبها تدعمها و تواسيها كانت مستعدة توقف معاها بأي شيء قدرت عليه لكن كلثوم رفضت اي مساعدة و طلبت منها فقط تخليها بوحدها لأنها محتاجة تجلس مع راسها و ترتب افكارها ...
بعد خروج حنان خذات كلثوم تيليفونها بمجرد ما دخلات للواتساب تيبانو لها ستوريات جليلة .. دخلات لهم لقاتها حاطة صورة امام محل مجوهرات cartier...
كلثوم : ( غززت اسنانها بغل ) بنت القح-بة الى تأكد شكي فيك ما يكفيني فيك ندوز عليك بجنوية حافية ...
مرت ساعتين بالتمام و الكمال حسبت منهم كل دقيقة مرت .. بعد ما شربت شوية من الصوبة لي جابت لها كريمة ناضت لبسات جلابتها فوق البيجامة و رمات عليها شال و هزات صاكها لي كانو فيه السوارت و المحفضة ما كانتش قادرة تكون كلثوم ديال ديما .. وراها خدمة و ضروري خصها تتسلم فالوقت و هادشي لي غادير ما غاتخليش مشاكلها تأثر على الخدمة لي كافحت و تقاتلت عليها .. لبست فرجليها صندالة بانت لها قدامها و خرجت ما جات كريمة فين تسولها كيف بقات حتى كانت ضربت بالباب و نزلت مباشرة لسيارتها على وجهها نضاراتها الكبار لي مغطيين النصف من وجهها ... الطريق كاملة و هي تتعض فشفايفها حتى تذوقت منهم طعم الدم .. خذات نفس عميق تتحاول تهدي البركان لي شاعل فقلبها لكن هيهااات ...
حطت السيارة فالباركينغ و بمجرد دخولها للمحل التفتو البنات كاملين كيتهامسو و يتغامزو حتى شافت فيهم بنظرة حادة !!! اخبارها عرفهم العادي و البادي و ماشي بعيد بنت خالتها حليمة غاتكون وصلات الأخبار لمها و للعائلة كاملة!!
كلثوم: ( موجهة كلامها للمساعدة) شنو الجديد ؟
م: مدام برادة اتصلت و انيلات لاكوموند ديالها !! قالت بلي خصنا نردو لها التسبيق ديالها..
كلثوم : ( رفعت حواجبها) شحال عاطية فالتسبيق؟
م: الفين درهم..
كلثوم : ( تتحاول تتماسك) غدا قولها تجي تاخد التسبيق ديالها .. ياك ما يصحاب لها غاتغنينا ؟
م : ( نزلت راسها و زمت شفايفها) ماشي غير هي لي انيلات !! كاينين خمسة اخرين فحال لا متفقين !!
كلثوم : ( ضحكت بعصبية و هزت الأوراق رماتهم من فوق البيرو ) لي ما عجبهااش الحال تقووود كثووو مووود ما واقفة على حتى واحد !
م: ( حركت راسها بالايجاب ) واخة مدام .. غير رتاحي نجيب ليك كافي؟
كلثوم : ( حركت راسها بالايجاب و هي تتحاول تاخد انفاسها ) عافااك و بلا سكر !!
دوزات نهارها و هي شادة التيليفون تتصل بجليلة كل شوية و هي وما تتجاوبش حتى الخدمة ما كانتش عندها گانتها حدها تتشوف الكوموند لي كيدخلو و يخرجو حتى من الزبائن ما قدراتش تجاوبهم فالتيليفون المساعدة ديالها فقط لي تكلفت ...
كلثوم : ( تطقطق بأصابعها على المكتب و هي ساارحة حتى طلع لها رقم من الإمارات تيتصل عليها جاوبات فالحين ) الووو !!
جليلة : ( بنبرة هااادئة) ماشيغي اتصلتي بيا راني مشغوولة بالفاكونص سمحي لي ما جاوبتكش !
كلثوم : ( ناضت قفزت من مكانها) ااايه اختي !!بصحتك الفاكونص نتي فوجي و انا نتشوه ..
جليلة: ( كاتمة الضحكة و نطقت بتشفي) علاش احبيبة شنو واقع؟
كلثوم : ( ضحكت بعصبية و نطقت بحدة) زعما م عارفة والو ما شفتي والو فالسوشل ميديا ؟
جليلة: ( نطقت بنفي) ابدااا! انا ما مسالياش اصلا للسوشل ميديا!! راني قلت لك مشغولة بالفاكونص و معايا شخص مهم ما كنبغيش نخليه بوحدو !!
كلثوم : اختي راني تشوهت وجهي ما بقيتش قادرة نعطيه للناس دارو لي حااالة ! دخلي للواتساب انا نصيفط لك الليان و شووفي ..
دارت كيف ما قالت لها و هي مزالها معاها فالخط دخلت من تيليفونها الثاني و هي تتشوف و تسمع شنو تيقول صاحب الحساب و الإبتسامة العريضة مالية وجهها كأنه شفى غليلها من كلثوم لي كانت شوكة فحلقها ،.
جليلة: ( بصدمة مصطنعة) ويلي ويلي ويلي ولااد الحراام !! شنو بينهم و بينك يديرو لك هاد الحالة!! ناااري يا ختي بنادم خاايب ما بقاش يخاف من الله؟!
كلثوم : ( جلست فوق الكرسي منهارة) ما عرفتش شكوون عندو معايا حساب ؟ تنبني فسمعة زوينة و محل نقي شنو زعما يطيحوني بهاد السهولة؟
جليلة: ( نطقات بحدة مصطنعة) لا عاااشو ولا كاانو غاتوقفي على رجليك و غاتمشي دعييهم و انا نوكل لك اكبر محامي ما عارفينش راسهم مع من !!
كلثوم : ( عضت على شفتها) الله ياخد فيهم الحق ..
جليلة: ( صغرت عينيها و نطقت بلهفة) و ايوب اش تيقول فهادشي شااف لي فيديو ؟ شاف اللايف لي تعاود تحط لك؟؟
كلثوم : ( زيرات على يديها ) ما عرفتش !! ولكن ايوب ضامناه فجيبي ديما واقف معايا !!
جليلة : ( اهتزو شفايفها و لعنت فخاطرها) احياااني الرجال ما6فيهم ثقة !! سوليني انا ..
كلثوم: ( دوزات لسانها على شفتها) إلا أيوب !!!
جليلة : ( رفعت حواجبها بغل و ابتسمت ابتسامة ماكرة قبل ما تنطق بإستهزاء) اوا نتي تعرفي اش دوزتي معاه كثر مني !!!
اصعب انواع البشر هو الشخص ذو الوجهين، معسول اللسان لكنه ثعبان لابس عبائة سلام لسانه يسر و قلبه يضر ، حسود كيبين لك المحبة و هو كيتمنى زوال كل ما وهبك الرحمان، شخص منافق ما كيعرف غير راسو عايش بمبدأ أنا و من بعدي الطوفان ..هاد النوع بالذات يصعب معاشرتهم و من الاحسن الانسان يبعد عليه .. لانه يقدر يآديك بأي طريقة بدون ما يرف له جفن .. يقدر يظلمك و يطغى عليك بجمع الطرق .. لكن فوجهك ساهل يضحك و يجاملك بطريقة تخليك تصدق انه صاحبك و حبيبك ...
~جليلة~
كملت الإتصال مع كلثوم و رمات التيليفون فوق الطبيلة لي كانت أمامها ابتسمت ابتسامة عريضة ، وصلت لهدفها ، حياة كلثوم تتنهار امامها بأبشع الطرق و هي راجعة للوراء تتفرج و تضحك ، كانت تتلذذ بمعاناتها و بالطريقة لي تشوهات بيها امام الملأ صوت كلثوم المنغم بالبكاء كان كقطعة موسيقية بالنسبة لها ..
جليلة: ( ميلت زاوية شفتها و نطقت بتشفي) عاجبك زينك !! هاني غانشوف فيه كيفاش كيدبال يوم بعد يوم !! عاجباك حياتك !! هاهي غانهرسها لك طريفات قدامك !! عاجبك راجلك كتباهاي بيه !( زيرت على يدها و نطقت بمكر ) غيييير بالمهل غانديه ليك و نتي تتشوفي بعويناتك محلولين!!! سولو السم باش تتقتل !! قالهم بالثقاااالة ...!
رجعت خذات هاتفها الثاني و اتصلت بأول رقم طالع لها تسنات لثوانٍ قبل ما يجاوبها ..
جليلة : وي .. برافو عليك خدمتك نقية ! فلوسك دابا غانفيرسيهم لك و عليهم زياادة ! ( بابتسامة عريضة ناضت تتمشى حتى وقفت امام المراية ) مزال غاتكون خدمة بيناتنا انا بنادم فاش كيعجبني دماغو !! كنقدر مجهودو .! كي نتصل بيك جاوبني ..
قطعت الإتصال و ربعت يديها امام المراية تتشوف فراسها بانو لها خطوط من التجاعيد على جبينها و زاوية عيونها .. صغرات عينيها و رفعت حواجبها ..
جليلة: اوا دابا نباليو بالحالة و نديرو شوية الروتوش !! ( ضحكت بخفوت) البوتوكس ما قال عيب!!
~~~~
رجعت لدارها و التعب مالي عينها ..كانت حاسة بالألم في كافة انحاء جسدها كأنها سقطت من فوق جبل عالي ..
كي دخلات بانت لها كريمة جالسة فالصالون تتفرج غير شافتها وقفت و مشات عندها ..
كريمة: ( بقلق ) ختي كلثوم شوية؟
كلثوم : ( بالايجاب) الحمد لله .. علاش ما مشيتيش لدارك!!
كريمة: ( طبطبت عليها) ما قدرتش اختي نخليك بوحدك قلت نتسناك تا تجي !! و نبات معاك هاد الليلة لا تحتاجي شي حتجة ..
كلثوم : ( خذات نفس عميق و هي تتشوف فيها و حركت راسها) واخة .. شكرا ..
كريمة: راني وجدت العشا و إلى كنتي مشهية شي حاجة قوليها لي نوجدها لك ..
كلثوم : ( بنفي) ما بغيت والو ..
دخلت تتجر رجليها للغرفة رمات السندالة فجهة و الجلابة فجهة اخرى .. جلست فوق السرير و حطات تيليفونها امامها خايفة تفتحو و تلقى فيه شي حاجة لي ما تقدرش تستحملها !!!
لحظات قليلة مرت و سمعت باب الغرفة تفتح عليها فجأة و دخل منو ايوب ركل الباب برجليه حتى تسد باين على وجهه الغضب شاف فيها بنظرة حادة و نطق ..
ايوب : ( شير باصبعه للباب) هاد خيتي اش كدير عندي هنا تا لهاد الوقت؟
كلثوم : (ارتعدت بخفة و جمعت يديها ضمت نفسها) هضر بشوية !
ايوب : ( نطق بجنون من برودها) مالك الق..لاوي بحالا ضاربة جوان؟ اتفقنا داري مة نبغي نلقى فيها حد كي نرجع!!
كلثوم: ( نطقت بخفوت لأن جهد الهضرة ما عندهاش..) ما بغاتش تخليني بوحدي !! فيها الخير مسكينة!
ايوب : ( بعدم فهم) خايفة من بوعو ؟
كلثوم .: ( بدمووع فعينيها) كثر من بوعو .. شفت موتي بعيني شفت شرفي كيتمرمد فالتراب شفت السمعة ديالي لي بديت نبنيها كتنهاار قدام عيني و انا ما قادرة ندير والو !!
أيوب : ( حط اصبعو على فمو ) ششششش ! خرجي جري على هاد خيتنا لي برا وصوتك ما نسمعوش ..انا طلعتي ليا فصحتي لا نتي لا هاد الدار لا صوتك لا هضرتك ! ندمت على النهار لي شديت فيك بسناني اما كنتي دوزي منين دازو خوتك!!!
فهاد اللحظة بؤبؤ عيونها توسع ، لسانها تعقد ماعرفات باش تجاوبو ، شنو غاتقول ! باش غاتبرر؟ ضمت شفايفها و هي تتعذب حابسة دموعها .. اما انفاسها كانت متحجرة غير ثابتة، التقطت نفس حساتو جرح صدرها قطع رأتيها ..و نطقت بصوت خافت ..
كلثوم: وااخة ايووب ...
خرجات فالحين عند كريمة و هي هازة فلوس فيديها .. وقفت عليها فالصالون و مدتهم لها ..
كلثوم : كريمة ختي غير سيري نتي اليوم هاكي فلوس طاكسي و شري شي حاجة لبنتك..
كريمة: ( باستغراب) لالا بلاش غير خلي ..
كلثوم: ( زيراتها و حطاتهم فيدها) راني دويت معاك اكريمة تال غدا و اجي راك عارفاه كيبغي ياخد راحتو فدار ..
كريمة: ( بتفهم) واخة ختي ماشي مشكل ،..
بعد ما خرجت المساعدة دخلت هي مباشرة للغرفة لقاتو مكينش و سمعات صوت الدوش عرفاتو دخل يدوش ... تنهدات و توجهت للمطبخ لقات العشاء موجود و محطوط فوق الطبلة دخلاتو للفران يسخن و جلست فوق الطبلة تتلعب بأصابعها و داخلها كيغلي .. كلام ايوب كان اكثر من صعب عليها ..حساتو كيف الرصاص اخترق قلبها بوحشية و بدون رحمة ..
ابتسامة لا محل لها من الاعراب استوطنت ثغرها و هي تتذكر كلامو لي كان كيقول لها ~ ماتفرقني عليك غير الموت ~
كلثوم : نستاهل !!!!
كلمة وحدة لي خرجت من بين شفايفها قبل ما توقف خرجت الاكل من الفران حطاتو فوق الطبلة و رجعت للغرفة لقاتو لبس بدلته الرياضية السوداء و كيمسح راسو بمنشفته ..
كلثوم : ( قربت له و شدات فيده) اجي تعشى !!
ايوب : ( شاف فيها و زفر بضيق ) واخ ..
كلثوم : ( ارتعشت شفايفها) انا تنتسناك فالكوزينة ...
.....
لحظات العشاء دازو فصمت كل ما كتبغي تتكلم تترجع تسكت و تحط ملعقة ففمها حتى كمل ماكلتو و ناض خرج للغرفة بدون ولا حرف .. بلعت ريقها بصعوبة و شربات الماء حاسة بصخرة فصدرها .. مقدراتش تتحمل مزال ناضت تبعاتو فالحين وقفات عليه فالغرفة..
كلثوم: صافي قلبتي عليا ؟؟ فين الحب و الغرام !!
ايوب : ( عقد حواجبه و شاف فيها) شنو هذا نوع جديد دلادروگ؟
كلثوم : ( حطات يديها على عينيها و طلعت راسها للفوق )ايوووب باراكا عليا لي فيني كافيني !!
ايوب : ( بهدوء مصطنع) و انا مدويت ماتكلمت باش نگولش شي حاجة تهزيها معاك حياتك كاملة !!
كلثوم : ( حست بالدموع غرغرو فعينيها) الله ياربي كيغاندير نتعايش مع الوضع هادشي كيقهرني مبقيتش قادرة نطل فالتيليفون!! مشفتيش شنو دارو ليا ؟ ( نطقت بسرعة) ياكما شفتي و متيق هضرتهم !! ماعندهم لا حجة ولا دليل و التصاور مادياليش !! الناس متيقينهم فحال لا شافوني بعينيهم!! و نتا زايدني بهاد الهضرة المسمومة!!
ايوب : ( بعدم فهم) شكون هادو تاني اشمن تصور !! نبقى تابعك يضرب ديلمي سيزي !
كلثوم: ( بصوت مغنغن بالسيف حابسة البكي) خليت ليهم الله !! السمعة لي تقاتلت باش نبنيها طيحوها لي فنهار !! عرفتي شحال من وحدة انيلات الكوموند من عندي اليوم؟
خذا تيليفونها فتحو و دخل للانستغرام تيشوف الصفحات الي تتحطو اخبارها بعد ما شاف كولشي و هي ساكتة تتسنى منو رد فعل ، كانت متوقعة و مجهزة نفسها لقتلة دالعصى كيف العادة ، مكانش عندها مانع لانها تجلدات بهاد الاخبار نفسيا .. و كانت تتسناه يجلدها جسديا لانها عارفاه مكيصبرش و متأكدة انه غايصدق كل حرف و غايصدق الصور لي شافو عينه ..
كلثوم : ( بلعت غصة فحلقة حاسة بيها كي الحجرة خانقاها) الى حلفت ليك واش مااشي انا هاديك غاتيقني؟
ايوب : ( رمى عليها تيليفون و ناض وقف) يالله نوضي تح***ي دابا !! جبتي الربحة ؟ خوروك !
كلثوم : ( مسحت دموع سالو من عينيها ) ماغانسكتلهمش!!
ايوب : ( رد بعصبية و صدره تبطلع و ينزل بعن-ف) ااااش عندك ماديري !! گلنا لك صبري و كولي لقمة على گد فمك !! مال جد مك عمرك تخصيتي معايا فشي قل**ة؟ علاش عزاز عليك المشاكل اليوم حطو ليك التصاور تسناي غدا يحطو لك فيديو البورنو !!
كلثوم : ( شهقت تتبكي بحرقة) اااش درت لهم فاااش آديتهم ذنبي بغيت نكبر ندير اسمي و مستقبلي !! علاش متقبلونيش !!
ايوب : ( دوز يده على وجه) فرعتي ليا ك**ي اكثو بهاد القلا~ي ديالك .. داز النهار كلو نفكر فهاد الخراا ضيعت عليا افييير مقوودة بالملاين !!هادشي لي غانربحو من البزنس ؟
كلثوم : ( تتبكي و تتنخصص) غايرين مني !! حاسديني الله ياخد فيهم الحق ..
ايوب : ( خذا جاكيت ديالو الجلد و ناض وقف) نقود قبل مانقود معاك السوايع !!
كلثوم : ( ناضت وقفات ) تيقتيهم ؟ ايووووب !!
ايوب : ( زفر بضيق) قلبي عليا هاد الساعة الله يرحم باك!!
كلثوم : ( مسحت دموعها و ناضت وقت)واش انا ندير داكشي فنضرك؟ تتشوفني رخيصة لاش مزوج بيا و متشبت بيا ملي غاتصدق عليا اي حاجة ؟
ايوب : ( قرب لها و مد يده زير على فكها حتى تألمت) شفتي انا كون كنت متيق هادشي ندفن مك بالحياة !! باغي نخرج قلبي عليا مباغيش ندير فيك يدي حيت طيحتينا فمشكل مقاااود اجاا ما فكو ..
بقات ساكتة تترمش ، شنو غاتقول و هي دارتها بيديها و اجا ما فكها ليها عرفها ماعندها جواب طلق منها خدا سوارتو و خرج تينفخ و يسوط ، صدرو تنفخ بقوة الغضب لي تيحس بيه فهاد اللحظة !! تلف له الري مكانش متوقع المشكل يوصل لهاد الدرجة و وجهها يتلطخ قدام العادي و البادي ،تجمع عليه كولشي .. خدمتو لي مبقاش مركز فيها حتى ضاعت ليه صفقة بملايين ولا كلثوم لي منهارة امامه ماعرف واش يربت على جرحها و يقولها بلي راه على استعداد يدفع حياتوو و ياخد لها حقها لكن اذا حست انه سهل فيدها هذا ماخلاها تزيد تلعب كيف بغات .. قلبو حن لكن عقلو كان تيقول حاجة ثاانية لازمها تحس بغلطها لازمها تعيش تجربة قاسية باش تتعلم منها بالرغم انه غايساعدها فنهاية المطاف قلبها على قلبو و شرفها من شرفو ...
ركب فسيارته و توجه مباشرة لقسم الشرطة دخل عند واحد من معارفه على الاقل يتخدو طريق القانون قبل ما يتفاقم الوضع قبل ما يخرج من السيارة وصلو ميساج فالواتساب .. فتحو و طلعت له صورة جليلة بكسيرة قصيرة فالبحر و كاتبة له تحت منها
~ مكرهتكش تكون معايا هنا !! كنتي غاتونسني مزيان ~
زير على فكه بعدم تصديق و قبل ما يجاوبها رسلت له رسالة اخرى فيها زوج صور ساعات من كارتيي للرجال ..
~ختار لي عجباتك ولا ناخذ لك على ذوقي احسن؟ ~
طفى التيليفون و خشاه فجيبو بدون ما يجاوبها زفر بحنق و هو تيطلق وابل من الشتائم و المسبات مراتو غارقة مشاكل و هي مزالها تتودد له بكل حقارة ..!
غمض عينيه و جبد من جيبه كارو حطو ففمه مانع نفسه انه يتصل بيها و يندمها على النهار لي شافتو فيه لكن منع نفسه و حاول يتماسك فأعصابو مصيرو يلقى شكون مول الفعلة و غايتلذد في عقابه !! حتى ولو كانت هي !!
ايوب : ( خذا التيليفون طلع له اسمها كتتصل) بنت الق..حبة ( رجع التيليفون فجيبه) نعرفك نتي مولاتها نعذب حياة مك!!
خرج من السيارة متوجه مباشرة لمقر البوليس بمجرد ما دخل كان عارف طريقه لمكتب حفيض دخل بعد ما طرق الباب كان هاد الأخير جالس كيكمي و فيده ملفات.
حفيظ: ( طلع راسو) ازارتنا البركة !!
ايوب : ( تسالم معاه بالراس) هانية كولشي مزيان؟
حفيظ: ( بالإيجاب) والله الى بيخير ارا نتا ما عندك ما كتوصل عندي هنا حتى تيكون عندك شي بلان مگيح ..
ايوب : ( تنهد و دوز يده على راسو ) اودي اش غانگوول ليك البلان ماعنديش أنا عند المدام ..
حفيظ: ( ضحك تيحرك راسو) عااوتاني !! دگيتيها ولا ؟ والله اصاحبي مابقى عندي الوجه باش نشوف فيها عييينا نغطيو عليك ولا نتا بغيتي تجمع يديك !
ايوب : ( ضحك بتعب ) مااشي داكشي اجمي ...
حفييظ: اوا الحمد لله .. حيت هاد المرة نهبطك نتا وياها ( جمع الملف لي كان امامه) اش تم .. بنتي ليا ما هواش !! ( ناض وقف كيجمع مستلزماته) ولا عرفتي اش دير نوض نشدو شي كوان بانت ليا عندك القضية حامضة و انا ساليت الخدمة ..
ايوب : (ناض وقف) يكون حسن..
.....
خرج ايوب هز الأول بين ما كمل حفيظ شنو كيدير ، جلس فالسيارة و جبد سيجارة حطها ففمه و شعلها كيستنشق جرعته السامة من النيكوتين حتى وقف عليه حفيظ..
حفيظ: وا حديدة عندك الساط!!
ايوب : ركب ركب .. دورات عندي العام خصها تبدل ..
حفيظ: ( باستغراب) باش تبدل هادي ؟ طيارة؟
ايوب : ( ضحك و دور الروايض) لامبرگيني مثلا!!
حفيظ: ( دوز يده على لحيته) بشحال تبيع؟
ايوب : ( شاف فيه ) عندك شي ميتين و عشرين مليون حطها و خودها من غدا !
حفيظ: ( رفع حواجبه بصدمة) الله اودي !! كنبيع البيضة؟ !!
ايوب : ( ضحك تيحرك راسو) هذا ثمنك غير نتا !! واحد اخر ما يديهاش باقل من ميتين و اربعين .. الجديدة ساوية ميتين و تسعين !!
حفيظ: ( ضحك تيحرك راسو ) انا اخاي غا كوميسير درويش .. هادشي ما دياليش ..
ايوب : ( شاف فيه و ضرب له على كرشو و وقف السيارة فالباركينغ) زعما الطحشة ما واكلاش حقها؟؟
حفيض: ما واكلاش بالملاين !! داكشي خليه لماليه حنا كنديو غير لي شاط! (فتح الباب و خرج سدو) اصااحبي غير ديك السدة دالباب كتبورش!! ناااضية !!
ايوب : غاتقوص عليها!! دوز من هاد الجيه اودي مزال محتاجها !!
دخلو للبار لي موالفين يجلسو فيه توجهو للفوق مكان خالي من الناس نوعا ما كان كولشي نازل التحت تيشطح و الفوق فيه غير لي ما بغاش الصداع و الإكتضاض... طلبو شنو بغاو يشربو و بداو كياخدو و يجيبو فالهضرة و أيوب كيعاود له المشكل من الأول ..
حفيظ: زعما كنگولو عليك عايق ولد السوق !! خليتي مرتك دوق من حر الجمرة !!
ايوب : ( اطلق تنهيدة حارة) كون كتسمع مني كون راها هانية مع مخها كتوشي فلوسها حتى توصل ولايني عقلها هارب عليها !!
حفيظ : واش فراسك دوك الناس فين واصلين !! الدعارة من النوع لي ما يطيحش ليك على البال !! نعطيك ابسط مثال صحاب التيك توك!! عند بالك داك الداعمين تيعطيو الحاجة فابور !! كاينة لي خدامة باطرونة تتقود الدريات تجيبهم للداعمين !! يلوحو لها سبع ولا حوت !! رااهم وصلوو لسطااج الوحش فهاد السوشل ميديا !!
ايوب : ( دوز يده على وجهه) تفك ليا من هاد القل..اوي !! انا الفيسبوك هو اللخر ما نخليهش لديلمها !!
حفيظ: ( دوز يده على لحيته) عرفتي اش دير !! غدا الصباح تكون عندي فالبيرو غاندوي مع واحد دري صاحبي خدام فمديرية الجرائم الإلكترونية .. نعاودو ليه البلان و هو يوريك اش دير !!
ايوب : ( نطق بصوت خشن) يرحم لك الواليدين !! بغيت نفك هاد القلا..وي دغيا المرا عندي ما بقاتش تتشوف النعاس !!
حفيظ: ( ضرب له على الطبلة بخفة بالكاس) شفتي نجيك للصراحة.. تعديتي على راسك و على ديك الدرية !! زواجكم من الديبار بادي زيرو !!! راني مزوجكم على يدي فالكوميسارية !!
ايوب : ( ضحك حاس براسو بدا يثقال بالشراب) جريتكم جرية الخطية ينعل الزا... مل بوك و بوها !!
حفيظ: ( ضحك و رجع للوراء) نجيك من اللخر ما كاين ما حسن من زواج الواليدين !! تختار لك مك و تمشي تزوج بيها تجيبها تعيش معاها باش ما كان بيخير في الليل يتسد عليكم باب واحد ما كاين لي جايب خباركم تا هي تطلب معاك التعادل ولايني هادشي ديالكم هااد الجيل ماا هواش !! مدوزين الحروبات قبل الزواج و بعدو !
ايوب : ( دوز يده على وجهه) اودييي داكشي كيجي من عند الله !! فاش كتلاقى مع شي كوفرة تمشي ليك مع الدم ما كتقدرش تبعد منها !! هذا حالي مع كلثوم ...( طلع له كأس الويسكي ) دايرة بحال هذا !! عارفو سم و غايآديني !! ولايني ما نقدرش نبعد عليه !!!
حفيظ : ( نطق باستغراب) ما تغلبكش امرأة؟!
ايوب : مايغلبني غير لي خلقني ! ولكن راني بنادم دم و لحم ( بتنهيدة عمييقة حاارة ) الله يصاوب وصافي...
ليلتها كانت بيضاء كباقي ليالي هاد الأيام، التعب و الهالات السوداء باينين على وجهها بدقة و وجهها متعب بشدة، في كل مرة تتقول غاتغمض عينيها حتى تتقفز من مكانها كأن يد خفية كتفيقها من غفوتها ، كانت هادي اسوء ليلة دازت عليها يمكن في الليالي الأخرى ما كانتش حاسة بالخوف كيف اليوم لأنها كانت ضامنة وجود ايوب معاها لكن هاد المرة !! و بعد تفوهه بداك الكلام لي خلى لها علامة في قلبها حست بالخطر ، يمكن تعودها عليه و لأنه هو لي دائما تيفكها من اي مشكل خلاها ترمي الحمل كلو عليه و هاد المرة حست بالتقل .. حست بالخطر من انه يتعب من هاد الهم ، يتعب من حبه ليها لي كان كلو عطاء بدون اخد .. لأول مرة تتخاف ايوب يخليها بالرغم منها هادشي لي كانت تتمناه من اول زواجهم ...!
كلثوم : ( بصوت مبحوووح) يااربي فين غانعطي الراس !!!
لعنت نفسها مليون مرة على افعالها ، على عقلها الصغير ، على عنادها ، على اي كلمة من ايوب ما سمعاتهاش و دارت بيها و هي غشيمة فحروب النسا خصوصا فالعمل ، اول مرة تعرف السوق كيف داير ، اول مرة تتلاقى مع فحال هاد الناس لي الباطل عليهم ساهل كيف جغمة الماء ... خذات هاتفها لي وصلتها فيه رسالة فالواتساب كانت من المساعدة ديالها .. مرة اخرى فتحت الليان لي رسلت لها ز
و هي متأكدة انها أخبار جديدة عليها ، بما ان النوم مجافيها و رافض يزورها قررت تشوف بالرغم من انها كانت خايفة و فداخلها كترتجف ...
لكن بمجرد ما فتحت اللايف لي كان بادي مسبقا قبل ما تدخل له تحول خوفها لغضب .. حست بقلبها بقوة ما كيضرب بعنف غايوقف .. او ينفجر ..
احاسيس كثيييرة حستهم و هي تتسمع الكلام لي تيتقال عليها .. لايف كلو على قبلها بعنوان ( اجيو تسمعو حكايتي مع القحبة لي دايرة فيها خياطة)
~سمر~
للي غايبدى يسب يخرج عليا من اللايف انا ماشي وحدة من دوك الناس ولا عندي علاقة بيهم انا بغيت نشهد شهاادة حق فحق ديك الخياطة !! و لكن الفرق بيني و بين سناء هو انا غانقول اسمها بالبند العريض .. ما غانخافش منها اااايه الخياطة كلثووم .. للي دايرة بووم فالانستغرام و التيك تووك هاد الأيام ، الصرااحة عجبنييي فيها مول الماسك جاااب لها التمام دقة بطلة.. حط لها گااااع ضواسااها الخاامجين .. اوا سمعووني مزيان باش تعرفو راسكم مع من و شكون هي هاد كلثووم لي منوضة الروينة هاد الأيام فالسوشل ميديا ..هادي احبيباتي تعرفت عليها فواحد الشوتينغ .. راكم عارفيني انا ميك اب ارتيست اوا قاديت لها ولينا نجمعو و نضحكو ولات تجي عندي للصالون تبادلنا نواامر و قوولو ولينا صحاباات ، ( جمعت شعرها للوراء و شافت مباشرة فالكاميرا مبتسمة بتشفي) اوا يا البنات السيدة ولات داخلة خارجة معايا انا داك الساع كانت عندي علاقة مع واحد الولد و طبيعي صاحبتي غانعرفها على صاحبي !! ولات تتخرج معانا و تنقولو مااعليش يتيمة و ما عندهاااش و وحداانية ولات حتى السفر تسافرو معانا و انا ناااعسة على جنب الرااحة ما فراااسيش وااش السيدة تصااحباات ليا مع الصااحب و دايرة فيها عشيييرتي و تمووت معاياا !!! ( ضحكت بخفوت و هي تتمثل بكل دقة و احتراف انها تدمع و تمسح دموعها) و انا كنت تنمووت عليييه اواا شوية السيدة ولات تتقول ليا واش ما تتسهريش !! واش ما تتمشيش للعراضات ديال العيالات !! ما تتمشيش للقصاير ، انا فالأول ما ديت ما جبت !! واحد النهار و هي تجي عندي قالت لي وجدي راسك و لبسي شي غووب سوااغي مفرگعة دوري بالحاالة و لبسي عليها العباية مع العشرة دالليل ندوز عليك كاينة واحد السهرة وااعرة نعرفك على شي بناات مودل تولي تصاوبي لهم.. انا على نيتي مشيييت معاها حتى لقيت راسي فدار القح..ااب !!! لقيت السواعدة و الكوييتيين !! لقييت حتى الباكيستانيين احبيباتي داك النهار كانت غاتمشي على عيني ضبابة كون ماااشي هربت و خليتها تما اوا من بعد عااد غانكتشف واش السيدة تتمشي لك مع الناس الهاااي و الهلابااي و تتخرج لك بمليييووون الفووق !! انا ديك السااعة هزييت عليها يدي تما غاتجيني الصدمة القوية ملي صااحبي تزوج بيييها يعلم الله اااش ملغجااه.. ما نكذبش عليييكم من تما مرضت رجعت حالتي حتى تلاقيت مع هاد ولد الناس تزوجنا و طلعني لكندا عاد وليت شوية... هادشي لي عاودت لكم غييير شوية من بزااف بالحق انا بغيت غير الحق يباان سنااء فضحات المستوور و جا مول الماسك كمل لي بقى هاد خيتي خصها الحبس على هاد الفسااد راه ما يمكنش شحال طغات ..!
كلثوم : ( صرخت بأقوى ما عندها) بنت الحرااااااام !!! سمييييرة دااارتها و خذااات و رضااات ليا الدقة بالدوووبل !! بنت الحرااام ...
رمات تيليفونها و هي مووسعة عينيها تتشوف فراسها فالمراية لي كانت امامها ما حسات حتى هزات الأباجورة لي كانت جنبها على الكومود و رماتها عليها تشخشخت فالأرض .. كانت في حالة هيجان و انهيار اي حاااجة جات امامها تتهزها تهرسها لدرجة روايحها الغالييين ما خلات فيهم حتى وحدة حتى مكياجها لي كان من ماركات عاالمية كلو هرساتو و هي تتصرخ بأعلى صوتها .. كمية الظلم و التعدو لي تعرضات لها من طرف نااس تتعرفهم و ناس اخرين ما تتعرفهمش خلاتها ما بقاتش تتشوف قدامها حتى من التيليفون هرساتو و بقوة قهرها و الألم لي كانت تتحس بيه تترميه على الجدار بأقوى ما عندها و تهزو و ترجع ترميه مرة اخرى حتى ما بقاش فيه مكان صالح ...
طاحت للأرض فوق الزجاج و بقوة ما كان دمها سخون ما حسااتش بيه مخترق رجليها و الدم نازل منها كون طبايع فالزربية ...
كلثوم : ( كلها تترجف) بنت القح..بة ... اناااا انااااا ديييتك لداار القح..اااب انااا؟ الله ياخد لياااا حقييي وريني فيييهم شي نهاااار يااسيدي يا ربي .. ( رفعت راسها للسماء ) ياااربي خووود ليااا حقيييي من عبااادك رااهم ظلمووني و قهروووني !! ( تتلفت فجنابها و هي تترتجف) اااش غاندير ؟ ااش غاندير !! فين نمشييي؟
كل شيء لا زال على حاله .. مر يوم و جاء يوم جديد
دخلت وهيبة بالصينية حطاتها فوق الطبلة دالفطور ، كانت خيرة تتفطر زهور و هشام كمل فطوره و جلس كيلعب مع ابنة وهيبة..
وهيبة: ( تتشوف فهشام) بشوية على البنت !!
هشام : ( كيطيرها فالهواء و هي تتضحك) غير نتي لي والدة
وهيبة: ( بصوت مرتفع) حط ليا البنت واش حماقيتي؟
هشام : ( خزر فيها ) شدي ... ( شاف فخيرة) ايوب ناعس الفوق ..
خيرة : ( شافت فيه باستغراب) ايمتا جا ؟
هشام: ( هز كتافو ) تكون ديك تلاثة دالصباح جايب الكاو .. شرب تا ماگد ..
وهيبة: ( باستهزاء) بالسيف !! ديك الشوهة لي دايرة مرتو مااشي يشرب عليها غير الشراب..
هشام: ( بغضب) هضري مزيان على مرات خوك ..
وهيبة: ( رفعت حواجبها و ضحكت ) داروك عليها محامي ؟
هشام: ( طلع و نزل فيها) باز يصحاب لك طلعي للميريكان بهاد العقلية؟؟
وهيبة: ( ضحكت و حطت الكيك ففمها) غانطلع و غاندير لك باي باي من الطيارة ..
خيرة : ( بصوت عالي نهضت فيهم ) نوضو ديرو اليدين !!خوكم فمصيبة و نتوما تتضاربو عليا هنا!؟
وهيبة: ( هزت كتافها) ياك هو لي لاصق فيها؟ شفتي اختيارات ولدك دبا تاعت الله هادي وحدة يأمنها على اسمو ؟ هادي وحدة تصلح تكون ام لولادو ؟
خيرة: ( عقدت حواجبها) جمعي راسك اوهيبة هاد الهبال ديالك ما كاين لي يهزو غيرنا !! ولكن لا سمعك خوك غايطين عيشتك !!
وهيبة: ( قلبت عينيها) جبت شي حاجة من عندي ؟ راك شفتي كولشي بعينيك تا حد ما كيقولها فيها زينة!! شوهاتنا الله يلگيها ليها!!
خيرة: (شيرت عليها بفوطة) اش خليتي للبراني ؟
في هذه الأثناء ايوب دخل عليهم عاقد حواجبه و كيشوف فوهيبة بنضرات حارقة لو كانت رصاص كانت في عداد الموتى الان
ايوب : ( قبل راس زهور و خيرة) صباح الخير الواليدة !!
خيرة : ( طبطبت عليه) صباح الخير اولدي .. ( لمست وجهه بحنان) مالك اولدي !!
وهيبة : ( نطقت باستهزاء) مالو ؟؟ تتسوليه مالو !! والله إلى
خيرة: ( حمرت فيها عينيها) جمعي راااسك اديك اه !!
وهيبة: ( مدت العصير لبنتها) شربي اماما .. ( شافت فخيرة) تندوي على مصلحتو ! ديك المرا ما تصلاحش ليه !! على قلة البنات
خيرة : وا دخلي سوق راسك
ايوب : (ضرب الطبلة بيده) تزيدي كلمة هاد الفطور نگلبو على راسك ..!
وهيبة: ( هزت كتافها تتشرب اتاي ) عوم بحرك نتا نيت عزاز عليك المشاكل ..
شاف حتى عيا اكيد غاينوض يضربها اذا زاد دقيقة اخرى معاها .. وقف و خذا سترته الجلدية فيده .. تحنى على راس خيرة قبلو و نطق بتوجس ..
ايوب : ( اشار لوهيبة بتحذير ) غير ما بغيتش نضربك !! جمعي راسك ضسرتي عليا بزااف نتي ..
خيرة : ( تبعاتو تتشد فيه) اولدي ريح غير تفطر !!
ايوب : ( عاقد حواجبه) نمشي نفطر فداري !! عندي مانقضي الواليدة غير سيري تريحي
خيرة : ( تنهدات و شدات له فيده) كي ديارة كلثوم ؟
ايوب : ( زفر بضيق و نطق بتأكيد) مااشي هي هاديك اميمتي !! ماشي هي اللي فالتصاور !!
خيرة : ( طبطبت على كتفو ) تايق فيها نتا ؟ هذا هو المهم ..
ايوب : ( حرك راسو ) عجينة يدي هاديك وااخة عكوسية ولايني عارفها ما توصلش لديك الدرجة ..
خيرة : ( حطت يد على يد ) تعقل نهار قلت لك حكم مرتك غاتجيب المشاكل لراسها؟؟ اش قلتي ليا !!
ايوب : ( دوز يده على رأسه) هاهي جابتهم !! اشنو ندير انا نخليها فنص الطريق ؟
خيرة : ( طبطبت على ذراعه ) الله يرضي عليك اولدي وقف مع مراتك هادشي رااه صعييب نهار الأول ما كنتش باغياها تحط يدها فيد داك خيتي بالحق اش نديرو الله يهديكم ..
ايوب : ( دوز لسانه على شفته) الله يصاوب الحنينة ...
خرج من عند خيرة خلاها تتدعي لهم من وراه .. كان متوجه للدار لكن قبل ما يخطي لها خطوة جاه اتصال من حفيظ وفى بكلمتو و الغد ليه مع الصباح لقاه ايوب كيتسناه امام مقر الأمن .. دخلو و حول اتصالاته كما العادة جاب له موعد مع صديقه لي عاود له سابقا على المشكل و توجه عندو مباشرة للمقر
...
جهاز الأمن الوطني... مديرية الجرائم الإلكترونية
..
كل ما يتعلق بالحساب حطو لهم و اي فيديو او صورة خرجات من عندهم لكلثوم حطو لهم .. حط الديكلاراسيون ديالو و خرج من عندهم بعد ما قالو له -إلى توصلنا بأي جديد غادي نتصلو بيك -
حط السلاح .. رجع للوراء .. شنو غايدير من غير يتسنى و يشوف لاش غايوصل المخزن لأنه هو الحل الوحيد لي بقى له .. السوشل ميديا عالم غويييط .. و هو عمرو كان مهتم بيه او حتى داخل له بأي شكل من الأشكال ما كيفهمش فداك العالم لكنه عارفو عالم موسخ و لي دخل له عمرو غايخرج بوجهه نقي الا من رحم ربك ..
بكاء ... ضعف ... ظلم .. فخذلان الكون من حولها اصبح كعجلة دواارة في مدينة ملاهي صاخبة..ليلة سوداء ... ليلة دازت عليها و هي مرمية فالأرض جالسة على الزاج و ما حاساش بيه .. عيونها عامرين دموع و القلب غارق هموم .. الحياة كانت عليها قاسية و هادي ماشي اول مرة في كل مرة كانت تتبهرها بنوع جديد من القسوة ، فكل مرة كتحط احقر الناس امامها .. لكن هل هي فعلا ضحية؟ و اذا كانت ضحية .. هي ضحية من .. نفسها ام العائلة ام الناس !! ام هي غبية طاحت مع ناس اكبر منها ..!
الانسان بمجرد ما تديق بيه الدنيا كيبغي لي يطبطب عليه ، لي ياخدو فحضنه و يقول له انا معاك ،يحو راسك على كتفو و يبكي يفرغ كل ما عندو داخل قلبو حتى تبرد خاطرو ...
لكن .....
كلثوم ما كانتش عندها هاد الامكانية ..! ما كانش عندها كتف تسند عليه فهاد الليلة لي مرت كلها انهيارات ، صراخ و بكاء ، حست براسها وحيدة لا حباب لا صحاب حتى أيوب ما باتش فدار ، حتى هو ما بقاش مستحملها و لا مستحمل هاد الدار لي كلها كآبة ...
كيقولو الدقة لي ماتقتلك تعلمك لكن كلثوم الدقة هداتها ، حطت السلاح و ما تعطاتهاش الفرصة حتى باش تحارب .. كانت كالجندي لي عطاوه بندقية فارغة و دخلوه للحرب يتحاوب .. الضياع و الألم هوما كل ما كتحس بيه ... ماحسات براسها حتى كانت واقفة امام باب خيرة .. ما عرفات لا اش لبسات ولا كيفاش قدرت تسوق سيارتها و توصل لعندها ..!
طرقت الباب مرة و مرتين و التالثة فتحت لها وهيبة بمجرد ما شافتها حبساتها بذراعها ماتدخلش ..
كلثوم : ( طلعت فيها راسها و نطقت بصوت خافت ) وهيبة ..! كاينة خالتي ؟
وهيبة : ( رفعت حواجبها بزوج ) كااينة .. ( ابتسمت بمكر) ولكن ما مسالياش ..!
حست بالهواء كيتحرك بعنف حولها كأنها بداية إعصار و قلبها كيتعصر من الداخل .. بلعت ريقها و شافت فوهيبة بضيااع ..
كلثوم : غاتخليني فالباب ؟. قولي لها بغيت نشوفها !!
وهيبة : ( رفعت يديها و شافت فيها بنضرة ثاقبة) من اللخر قولي ليا اش بغيتي لاش جاية؟
كلثوم : ( وسعت عينيها) وهيبة واش تسطيتي ؟
وهيبة: ( ابتسمت رافعة حواجبها) تسطيت !! راه خوويا لي تسطى !! ما فهمتش لاش باقي تابعك فهباالك !!
كلثوم : ( غززت اسنانها ) وهيييبة راك تعديتي گااع الحدود معايا !!
وهيبة : ( ضحكت بغضب) و من بعد !! ( سكتت للحظات) شوفي نجيك من اللخر .. هاد الباب مدام انا موراه ديري عليه كروة حمراء !! ما تعاوديش دقي فيه ... اختي عطينا بالتيساع حتى نمشي لدار راجلي ما بغيييتش السمعة ديالي تلطخ بالسمعة ديالك!!
كلثوم : ( اسبلت اهدابها و شافت فيها بصدمة) اش تتقولي !!!
وهيبة: ( رفعت حواجبها) ما سمعتيش اش قلت ؟ نعاود لك من الأول .. سيري فحاالك سييييري فحالك و ما تعاودييش تدقي على هاد الباب لا انا ولا ماما باغيين نشوفوك بااارااكا غير دااك الولد لي ديتي و غصبتيييه فياامو ولاا عايش معاك المرار ، (طلعت و نزلت فيها) اشمن مرااا هادي لي عايش معاها كلها مشاكل !! شكون غايستحملك نتي ؟ واحد ااخر يشووف ديك الشووهة لي درتي يطلقك النهار الاول و يكركبك مع الدروج !! بالحق خلاتها مولاتها يعلم الله اش ملغجاه ..!
كلثوم: ( همست بصوت ضائع) هادشي كلو فقلبك من جهتي عامرة حتى ما قديتي !! ( صمتت للحظات) عرفتي اوهيبة بحالك نتي عمر ربي يسهل عليها!! الحقد و البغض معمر قلبك من جهة وحدة ما درت لك والو يمكن نكون غلطت فالطريقة باش وصلت ليك خيانة راجلك ولكن ماشي لدرجة تشفاي فيا !!
وهيبة : ( هزت راسها بعدم تصديق ) هادشي كلووو لي نتي فيه و مزال فيك تخراج العينين و رضان الهضرة !! بحالك نتي نسد على راسي فداري ما نخرجش !!
كلثوم: (ابتسمت بخفوت و الدموع فعينيها) هادشي لي بغيتي نتي و لي بحالك !! تشووفي الموت و ما تشوفيش داك النهار غانبقى واقفة شوكة فحلقكم لآخر رمق ..! (كانت غاتمشي و رجعت عندها ) كان عند بالي جاية عند عائلتي نحط عليهم الراس !!لكن عندهم الحق لي قالو بنادم لي ضاير بيك هو نفسو لي باغيك طيح و ما يبغيكش تزيد القدام ...
قبل ماتزيد تنطق وهيبة بأي كلمة خلاتها كلثوم واقفة و مشات لسيارتها ركبتها و ديمارات ما عارفاش الوجهة لفين مخلية وراها وهيبة تستشيط غضبا تتغزز اسنانها .. هي ماشي هكذا و عمرها كانت هكذا عمرها حست بالكره من جهة شي واحد حتى حساتو لكلثوم .. ابشع خبر فحياتها سمعاتو منها بطريقة خلاتها تحقد عليها و تعتبرها هي السبب الرئيسي فدمار زواجها حتى بعد ما بدات حياة جديدة ....
وقفت السيارة جنب الطريق و حاولات تاخذ انفاسها .. الدقيقة تدوز عليها عام و هي ما قادراش حتى تحرك لا يديها ولا رجليها .. شافت فكفوفها كانو مجروحين بالزاج .. الآن فقط حست بالألم لي فيديها و رجليها بسبب الزاج لي مزال مغروس فلحمها .
كلثوم : ( حاولاات تزول زاجة من دراعها) اااحح
الدموع نزلو من عينيها بقوة الألم .. ما كانش ألم جسدي فقط و إنما الألم العميق و الدقة الصحيحة جاية من الداخل ... اصعب احساس هو تطرق على احد عزيز بابه و يردها فوجهك كانت محتاجة فقط حضن من خيرة فقط طبطبة و كلام يدعمها و يخليها توقف على رجليها ، كانت محتاجة فقط كلمة بنتي تسمعها من اي واحد حتى لو من غريب ..!
كلثوم : ما غاتشوفوش دااك النهار !! ( ضربت على الفولون) كون ماجيتيش اختي !!ولكن الحساااب غايكون معاه .. ( طلعت عينيها للمراية ) معاه ..! فينو !!!
فين غاتلقاه حتى تيليفونها هرساتو و ما بقالهاش باش تتواصل معاه ..
عضات على شفتها و رجعات راسها فوق الكوسان ..حاسة بحلقها نشف و عينيها تيتغمضو وحدهم.. غفات بدون ما تحس فسيارتها وسط الشارع قدرت تنعس بعد ما جافاها النوم هاد الليالي كاملة ..
ساعة .. ساعتين .. تلاث ساعات و الظلام بدا كيطيح كانت في سابع نومة غافلة على الوقت و المكان و اي شيء اخر تيدور بيها ...
..........
اصعب احساس يقدر يحس بيه اي رجل هو انه يتقاس فشرفه ، شكه فجليلة كبير لكن المتهم بريئ حتى تثبت اذانته.. ما يمكنش ليه يتهمها بشيء حتى يلقى عليها الدليل ... خذا التيليفون كيشوف فرسالتها لي بعثت له زير على التيليفون فكفه و غمض عينيه .. داقت بيه الدنيا و الحل الوحيد لي بقى قدامو هو القرعة و الكاس ...
خذا سيارته توجه مباشرة للبار لي موالف يشرب فيه خذا زاويته المفضلة و نده على النادل لي جاه فالحين سلم عليه ..
ايوب: ويسكي صيك احمزة..
انصرف فالحين جاب له طلبه خذا من القرعة جرعته بدون ما يصبها في الكأس و غمض عينيه كأنها حرقاتو فجوفه.. زير على شفته بين اسنانه كيتلذد بداك الألم اللاذع حتى سمع تيليفونو كيرن .. كان رقم فيكس غير معروف بالنسبة له .. رد بصوت غامق حاد ..
ايوب : وي ...
****: معايا ايوب ؟ الزوج ديال مدام كلثوم ..
ايوب : ( زفر بضيق و نطق بصوت خشن) ايه هو هذاا ..
****: تقدر تجي للكلينيك $$$$ المدام ديالك عندنا هنا
وقف فآخر الممر مخلوع ، كيسمع الطنييين فراسو ما عرف اش واقع لها و ما تسناش موضفة الإستقبال توضح له علاش جات للمشفى من الأساس .. وقف عليها كيسول على كلثوم و واضح عليه من وجهو خايف عليها حتى طمناتو بابتسامة خفيفة ..
م: المدام ديالك غاتلقاها فالمستعجلات ما عندك مناش تخلع اسيدي ..
حرك راسو و توجه للمستعجلات كيف قالت له .. طل فجميع الغرف حتى لقاها متكية فوق السرير و مغطية عينيها بذراعها .. وقف فالباب للحظات تيشوف فيها قبل ما يخطو بخطواته اتجاهها .. حط يده على راسها و نزل قبل جبينها و هو كيلهث و تنفسه ثقيييل ..
كلثوم : ( فتحت عينيها شافت فيه) ايوب..! فين كنتي فين بتي !؟
ايوب : ( تنهد براحة نوعا ما و نطق بصوت خشن مدعدع و رجع تيشوف فرجليها و يديها لي ضايرة عليهم الفاصمة) اش طرا لك؟
كلثوم : ( اعتدلت فجلستها و هو ساعدها) سمر دارت عليا لايف !!
غمض عينيه و زير عليهم و هو مسند بيديه على حافة السرير نزل راسو تيحاول يتمالك اعصابه و نطق بصوت محشرج..
ايوب : ( نطق بهدوء) مال يديك و رجليك !؟
كلثوم : ( تتشوف فيه) هرست الزاج فالبيت .. و دخل فيا !!
ايوب : ( دوز يده على شعرها) ريبتي الدار تاني ؟
كلثوم : ( غمضت عينيها بألم تتحاول توقف ) حتى التيليفون هرستو !!
ايوب : ( تنهد ) ما عندك ماديري بيه ..!
كلثوم : ( بلعت ريقها) الفرملية قالت ليا نرتاح هنا غير حتى تجي و نقدرو نخرجو ..
ايوب : ( حرك راسو ) قادرة تمشاي و لا نهزك؟
كلثوم : ( نزلت عينيها لرجليها) قادرة ما دخلش فيا الزاج التحت
توجهو مباشرة للحسابات خلص في حين كلثوم خرجات و مشات مباشرة لسيارتو وقفات جنبها متكية ضهرها عليها تتسناه غارقة فهمومها حتى وقف عليها ..
ايوب : فين الطونوبيل ؟
كلثوم : ( اشرت له على مكانها فباركينغ الكلينيك) ما قادراش نسوق ..!
ايوب : ( رفع حواجبه باستفهام) سديتيها؟
حركت راسها بالإيجاب .. فتح لها السيارة و ساعدها حتى طلعات مخليين السيارة فالباركينغ بعد ما وصى عليها الگارديان لي كان جالس فالبارك .. شدو الطريق ما كانش متوجه للدار لأنه لا هو ولا هي قادرين يدخلو لديك الدار و محتاجين يتنفسو خارجها .. فتحت زجاج النافذة و تكات عليها براسها خلات الهواء يضرب فوجهها و هو غادي بسرعة قلييييلة مخليها تتنفس على راحتها و شعرها طاير حولها ... كان إحساس فضيع .. إحساس صعيب عليها ان الكل تخلى عليها ، حتى خيرة لي كانت تتقول عليها الحنينة ما نزلاتش تسلم عليها ولا غير تواسيها .. كانت متأكدة انها على علم بكل حرف و كل تصرف دارت معاها وهيبة ...
كانت سااهية حتى سمعات صوت هاتف ايوب كيرن ... شافت فيه تتسناه يجاوب و فعلا جاوب فالحين بصوت خشن و حاد ..
ايوب : وي !! اش كاين؟
وهيبة: شوف نقولك ايوب نتا خويا و عزيز عليا ولكن ديك مرتك ما تعاودش تجي تدق فبابنا !!! ما خاصني شبهات ياااربي غير نقدر نخبي هاد الفضيحة وما يعرفوش عائلة مالك وااش هاادي لي دايرة الشوووهة مرات خويا !
ايوب : ( زفر بضيق و نطق بصوت حاد) اااسيري تقاااودي نتي وياهم !!
طفى التيليفون و شاف فيها كان صدره كيطلع و ينزل بطريقة غير طبيعية حتى نطق ..
ايوب : كنتي عند الواليدة؟
كلثوم : ( ابتسمت بزاوية شفتها) و جرات عليا ختك !!
ايوب : ( عقد حواجبه) لاش ماشية عندهم؟ ما تعرفيش تركني فدارك!
كلثوم : ( خذات نفس عميق و زفراتو و هي تتكلم بضييق) بغيت على من نحط الراس .. تلفت و الدنيا ضاقت بيا !! (مدت يدها بزوج امامها تتعبر بيهم) خرجت من الدار ما عارفاش لفين غادية !! شكون عندي نمشي لو يمسح على راسي و يطبطب عليا !؟ لا اخ لا اخت لا اب لا ام لا صحاب لا عائلة !! حتى راجلي ( ضحكت بالجنب و مسحت وجهها بيديها) ايوب من نهار طرا هادشي فكرتي شي نهار تعنقني و طبطب عليا ؟ عرفتيني باش كنحس ؟ ( شافت فيه و الدموع فعينيها) عرفتي فاش كنت تنفكر اليوم قبل ما نمشي للسبيطار (اشرت لمكان بعيد كيطل على البحر و ابتسمت بخفوت ) خالتي الوحيدة لي فكرت نمشي عندها تخفف عليا وااخة تلوومني و تقولي نتي الغالطة ما عليييش المهم نحس براسي عندي كتف نحط عليه الراس !!
ايوب : ( دوز يده على لحيته) و انا كنت كنلعب ياك ؟ مكنتش تنتقاتل نفك لك هاد القل..اوي دالمشكل لي غرقتينا فيه ؟
كلثوم : ( مسحت دموعها) ختك ما خلات فيا غير لي نسات .. قالت ليا ما تهنى حتى نتفارقو كيماف ما فارقتها مع راجلها !! ( شافت فيه بعيون لامعة بدموع) واش انا فارقتها على راجلها؟
ايوب : (تنهد تيشعل فسجارته، و هو كيهضر) ضبري كرك معاها !! صداع النسا خاطيني !!!
ما عاوداتش تكلمت .. كلامه لا فائدة منه و كلامها كذلك ما غايزيد ما غاينقص.. وقف السيارة أمام سناك معروف نزل خدا لها و ليه الماكلة و رجع مدهم لها ..
كلثوم : ( وفعت حواجبها) ما بغيتش ناكل !!
ايوب: ( ركب سيارته ببرود مصطنع و نطق بهدوء عكس البركان لي فصدره) غاتاكلي بالسيف عليك !!
كلثوم : ( خذات نفس و بدات تتقلب فداكشي لي جاب لها) نمد لك تاكل؟
ايوب : ( نطق بالإيجاب) واه ...
مدات له السوندويش ديالو كياكل منو و مرة مرة تتعطيه يشرب من الكانيطة حتى كملو و هي مزالة ما حطاتش الدغمة ففمها ...
ايوب : ( شاف فيها و اشر على الأكل) غاتاكلي هي غاتاكلي !!
كلثوم : ( تنهدات ) ماعندي شهية !! خليه تا للدار ...
ايوب : ( حرك راسو مد يده للمجر لي جنبها خذا منه اوراق مدهم لها ) حطيت الديكلاراصيون !! غدا نعرف شكون هاد ولاد القح..اب !!
كلثوم : ( تتقرا و تعاود فالأوراق) و ديك سمر الكلبة!!
ايوب : ( دوز يده على لحيته) هاديك بنت القح..بة راها فكندة !! قلزات للمغرب عمرها ترجع ...
كلثوم : ( ميلت شفتها للجنب) عارف اخبارها بعدا تبارك الله عليك !! شفتي الهضرة لي قالت عليا ؟
ايوب : (حرك راسو ) نعاود نرجع نگول لك نتي لي عطيتي لبنات القح.. اب الفرصة اكثو !!
كلثوم : ( ابتسمت باستهزاء) ااه اناا هادي ماشي صحيبتك تتنتقم مني حيت تزوجت بيك !! داير ليا فيها آغا مدور بيك الحريم !!
ايوب : ( عقد حواجبه فيها) غانضرب مك نصور لك وجهك فداك الباربريز ..
خزات نفس و حطات الأوراق مربعة يديها ...الصمت مخيم على السيارة .. .. ايوب كان سااهي و سارح في ملكوته عينيه فقط على الطريق و كلثوم مترددة واش تنطق ولا تكمل على سكاتها و تخلي الحال على ما هو عليه
كلثوم : ( تتلعب باصابعها و مررت لسانها على شفتها ) أيوب !! ( دورات راسها عندو حتى شاف فيها و نطقت بصوت مرتجف) غاطلقني؟
ايوب : ( رفع حاجبه و ابتسم بزاوية شفايفه قبل ما يرجع شاف فالطريق امامه) بغيتي الطلاق ؟
كلثوم : ( بلعت ريقها و عضت على شفتها) تتجاوب سؤال بسؤال !!!
ايوب: ( حرك راسو و وقف السيارة و هو تيشوف امامه مباشرة و نطق بحدة و حزم) غانطلقك اكثو !!! غانطلقك كانتسناك غييير طلبيها نتي العدول لي جمعنا غايفرتك لديلمنا الشمل !!
حست بطنين في اذنيها .. كلمة غانطلقك بقات تتردد على مسامعها بصدى صوته كأنه كيعاودها مرارا و تكرارا .. ما ستوعبتش هاد الكلمة منو و هو لي دائما تيهددها بموتها اذا نطقتها و الآن كينطقها بكل سهولة !! و شحال كانت ثقييييييلة على مسامعها ..!
كلثوم : ( حست بغصة فقلبها .. عضت على شفتها كابثة دموعها ) لهاد الدرجة ؟
ايوب : ( دور وجهو لعندها و شاف فعيونها بتأكيد ) لهاد الدرجة ... و اكثر اكثو !
ابتسمت ابتسامة مريرة و رجعت رأسها للوراء تتضحك) علاش مزالة كنتصدم!! بعد هادشي لي شفتوو بحالي الصراحة ما خصهاش تصدم ولا تستغرب !!
ايوب : ( وافقها بتأكيد) فوااالا !! ما خصكش تصدمي من حتى ق..لوة دابا حطيتينا فوااحد الموقف مقاااود !!
كلثوم : ( علات راسها و شافت فعينيه مباشرة) فين الحب لبي كان ؟؟
ايوب : ( ضحك بصخب و رفع راسو للسقف) الحب ؟؟ فين عمري عشتو معاك اكثو!! من نهار سنيتي و نتي باغية طلقي هاني عطيتك الفرصة دابا !!
كلثوم : ( مسحت دمعة وحدة نزلت على خدها ) قلتي بغيتي تسمعها مني !! بغيتي نهنيك من هاد الصداع و السمعة المشبوهة !! ( دوزات لسانها على شفتها السفلية و نطقت بصوت مرتجف ) طلقني ا ايووب عطيني برااتي هذااا هو الجهد .. عندي و عندك !!
يتبع...
التنقل بين الأجزاء