موشومة الصدر الجزء السابع

ايوب : ( دفعو يبعد عليه تم غادي في اتجاه دارها ) واخة نعرف نبيع كلوتي عليهااااا كلوووتي غانعذبها فحياتهااا الله يجعلنا نوصلو معاها للحبس ..

منير : ( جرو من دراعو).. و بالرب ماديرها اصاحبي .. واش باغي تشوه ك..رك؟؟

ايوب : (نطر ليه يديه) .. تشوهني بنت القح..بة كنت هاااني مع ك..ري نح..وي لي بغيت وقتما بغيت تا قلزات ليا فمخي نوض نتصاحب .. !تفوووو ..

منير ( جاتو الضحكة ) .. و نعل الشيطان اصاحبي و ظفي الغضب .. بدل ساعة باخرى ..

ايوب : ( عض على حنكه من الداخل) .. الله ينعل جد بووه هاد بضاض.. طايح مع كذابة ديلمها تشوف فيك و تحلف على كذوبها !

منير : و الدريات هوما هادو اصاحبي ..

ايوب ( عقد حواجبه و تفكر شي حاجة شافها فالفيديو عاود رجع كيقلب ملي وقفات لابسة غير شورط قصيور رجليها و صدرها كلو باين ).. بنت الق....ة .. حطاتلهم يتفرجو فيها ..

منير : ( ضرب ليه على كتفه ) .. اجي تشرب شي قهوة و تهذن ..

ايوب : ( دفعو و اتجه مباشرة لسيارتو) .. خاصني نضرب على مها ويسكي صيك..

ضرب بالباب و ديمارا السيارة ديالو مخلي موراه غير العجاج و منير تيشوف فيه و يشوف فدار كثو .. شد راسو و مشى جلس فوق كرسي مقلوب ..

منير : ( عاود دخل للفيديو ) ولكن حتى نتي راه فلييفلة ما كتزگايش ..!!

... ... ... ...

رسائل كثيرة وصلوها مباشرة من بعد اللايف .. من بنات .. و من ولاد .. .. جلسات تتقرى التعاليق ها لي تيمدح فجمالها هالي تيسب و يقول تستاهلي ها لي تيعيب على طريقة كلامها و لبستها .. لكن لي كان كيهمها هي الفئة لي كانو كيشجعوها و يمدحو فيها على شجاعتها لأنها قدرات تخرج عن صمتها و تهدر على تجربة يقدرو بنات اخرين تعرضو للعن.ف يستمدو منها قوتهم ..

و لاول مرة ما تتحسش براسها بوحدها .. فقط لأن بعض الاشخاص وراء الشاشة شجعوها و وقفو معاها بكلامهم .. ما كانتش مهتمة بالمتنمرين و التعاليق السلبية قد ما كانت تتبحث فقط على لي يشجعها .. مدة طويلة و هي مقابلة التيليفون حتى رن فيدها ..

كلثوم : وي .. لباس عليك ..

آسية : ( غوتات بصوت مرتفع) .. واش نتي مرييضة فك..رك ؟ باغية تشوهي راسك اكلثووم .. السمعة ديالك ما بقاتش هاماك؟؟

كلثوم : ( حاطة رجل فوق رجل).. اشمن سمعة الله يهديك .. واش بحالي غايفكر مزال فالسمعة ..!

اسية : والله اصاحبتي ما كتفكري .. واش عرفتي شنو هي دخلي للسوشل ميديا راه القيامة غاتنوض عليك نتي الاولى .. و المشكلة كاذبة فكولشي.. راه يجبدو لك العروق ديااك اكلثوم و تطلعي نتي لي خايبة فاللخر كون غير تتشاوري ..

كلثوم : ( هزات كتافها و دلات شفتها) .. هضرو معايا البوليس .. شراهم ولد الحرام ..

اسية : لنفرض شراهم كااع .. و تصوري دابا ناضت عليك الروينة و البوليس حققو فالقضية و لقاوك كتكذبي .. اش غاديري داك ساع .. راك تمشي فيها ما يعقلوش عليك !

كلثوم : ( ضحكت بالجنب) .. اش عند المقص ما يدي من الضس .. الى غاندوز الحبس حيت دافعت على راسي غير مرحبا ..!

اسية : ( تأففت بغضب ) دابا الى جا ملخ ملتك عصا و الله مانلومو ..

كلثوم : ( ضحكت بصوت عالي ) ..يجي باش نشهد عليه الجيران ..

اسية : ( عصباتها بالبرود لي كدوي بيه) .. و خوك الكبير الى مشا حتى شاف الفيديو ؟

كلثوم : ( هزات كتافها بلا مبالاة ) .. هذاك عندو غا نوكيا بيل خليه مع نعاجو و البقر ديالو ..

اسية : حتى حاجة ما كتخبى و هاد الطريقة راك تتستفزي بيها ايوب مااشي تتاخدي بيها حقك لانه الى تعرفات الحقيقة نتي لي خاسرة حيت لقااك فداار الق..حاب اكلثووم .. و الدري دمو حامي حمدي الله ما6قتلكش ..

كلثوم : اسية قطعي اختي طلعتي لي الدم ..

قطعات عليها و ناضت مباشرة للمطبخ .. ما حاسة بأي ندم على الخطوة لي دارت على العكس ملي شافت كمية الرسائل و الناس لي بداو يدخلو عندها عاد عجبها الحال اكثر و حسات براسها مرتاحة و تفتحات لها الشهية على الاكل..

خذات من الثلاجة كفتة صاوباتها و جبدات شواية الضوء بدات تتشوي فيها و صاوبات معاها شلاضة خفيفة .. شافت فالساعة بانت لها الوحدة دالليل .. جبدات مشروب غازي من الثلاجة حطاتو و بدات تتاكل في امان الله حتى سمعات صوت رسالة واتساب فتيليفونها .. .. خذات تيليفون و طلعات لها نمرة غريبة دخلات للرسالة و وسعات عينيها تتقراها كلمة بكلمة ..

📨فينما نصيفط لك فشي نمرة بلوكي الق..بة .... غانعذب ماين مك فحياتك عاجبك زينك كتعراي فاللايفات ابنت الق..ة ..انا نوري مك على الكذوب اللي فيك ...

حسات برعشة خوف سرت فجسدها .. عارفاه ما كيتوعدش لها غير هكذاك .. رفعت كتافها و تجرأت ردت على رسالته بأخرى أكثر منها قبل ما تحضر رقمه .

📨 اعلى ما فخيلك ركبو يا الشمكاار .. ما خايفاش منك و عمري نخاف منك دابا ما بقيتش بوحدي الناس شافو حالتي و سمعو قصتي و نتا باااراكة عليك غير الشووهة ..

أسوء صفة فأيوب هي انه ما كيقدرش يتحكم فغضبه .. و كلثوم تتزيد تشد معاه الضد و تعطيه من التحت للتحت .. بتصرفها هاد المرة زادت الطين بلّة و هو يالله بدا كيبرد و يطفي غضبه ..

جاوبها على الميساج لكن طلع له بلي بلوكاتو .. شاف فالتيليفون مزير على اسنانه و نزل على الكاس ديالو فجغمة، عض على شفته كيتغدد عليها ..

ايوب : ( دوز لسانه و رمى السيجارة من السرجم ) شمكار ؟؟ تحل لديلمك الفم ..! بغيتي غير الشوهة هاحنا غانتشوهو كاملين...

خرج من السيارة مشنشط ألسنة اللهب تتخرج من عينيه .. ردخ الباب و توجه مباشرة لدار سمر .. وقف فالباب كيرن الجرس حالته ما كتبشرش بالخير .. و بمجرد ما فتحت الباب طار عليها بقجة و ردخ الباب موراه ..

ايوب : عاد ساليت للق..بة تمك ..

سمر : ( كتحاول تبلع ريقها و عينيها تيدورو فمكانهم ما فاهماش مالو .. نطقت بتلعثم من اصابعه الملتفة حول رقبتها ) .. ا..ايوب مالك؟؟ااش درت ..!

ايوب : ( زدحها على الحيط حتى تآوهت بالم من ضهرها) .. منين كتعرفي كلثوم؟

سمر : ( وسعت عينيها تتحاول بيدها تفك اصابعه من عنثها) .. ايووب .. حب...حبي عافاك كتخنقني طلقني ..

أيوب : ( طلق من عنقها و جذب شعرها حتى تقابلت عينيها مع عينيه) .. دوي لدين ديمااك دوي .. غانخصر لوا..سعة تمك الملامح ..

سمر : ( لمعو الدموع فعينيها و هي تتحاول تبعد عليه) .. والله ما كنعرفها ما كنعرفهاااش .. تهدن عافاك خلينا ندويو بالعقل ..

ايوب : ( طلقها و نزل عليها بطرشة حتى طاحت على ركابيها) .. خليتو لديلمي شي عقل ابنات الق....ب .. دوي از...بي كيفاش ما كتعرفيهاش اش كانت تدير عندك فالدار ..؟

سمر : ( طلعات فيه عينيها برجاء و بدات تتبكي) علاش كضربني دابا اش درت ليك .. كتخووني و كضربني من الفوق ايووب؟

ايوب : ( ضحك بصخب و رجع شاف فيها بعيون خطيييرة و نطق بهدوء رهيييييب ..) .. واش ابنت الق... حو..يناك و وحلنا معاك؟ .. اش بيني و بين الكلبة تمك؟؟

سمر : ( شافت فيه بعيون باكية و ناضت وقفات .. قربات ليه و لمست صدره بيديها تتحاول تهدنو) .. عارفني كنبغيك و كنموت عليك ونتا عارفني مزيان وااخة تنسهر عمري نعست مع شي واحد من نهار عرفتك ..

ايوب : ( دفعها و قبض على فكها بين يده مزير عليها كيشوف فيها باحتقار ) .. واش مريييضة فك..رك ( عاود صفعها مرة اخرى ) نعسي ولا مووتي كاع مال ديلمي انا !؟ ..

سمر : ( شافت فيه برعب شادة على حنكها).. مالك ايووب عمري شفتك فهاد الحالة .. ااش درت ليك ؟

ايوب : ( استقام فوقفته و نطق بهدووء مخيف) منين كتعرفي كلثوم ؟

سمر : ( عضت على شفتها و نزلات راسها عاود طلعاتو شافت فيه بحزن) ..تعرفت عليها فشوتينغ .. ..

ايوب : ( زير على نيابو ).. كتخرجيها ؟

سمر: ( حركت راسها بنفي ) .. لا ما كتخرجش .. اول مرة كنعرض عليها .. و عارفاها ما كتخرجش حيت ديجا قالتها لي .. و قالت لي مصاحبة مع شي واحد ( زيرات على شفتها باسنانها ) ما كنتش عارفاك نتا!

ايوب : ( دفعها و مشا جلس فوق الكنبة ).. جيبيلنا ما نشربو ..

توجهت للكوزينة كتمسح دموعها جمعات قراعي من الثلاجة جابتهم حطاتهم امامه و جلست جنبه حاطة يدها على صدره..

سمر : مالك معصب ايوب .. اش وقع كاع لهادشي كلو عمري شفتك فهاد الحالة ؟

ايوب : ( رفع حواجبه و خذا قرعة فتحها و جغم منها) نتوما بنات الق..اب .. تتشوفو بنادم غادي معاكم مزيان كتبغيو تخشيوه تحت السباط ..

سمر : ( طبعت قبلة على صدره) ..لا عاشت ولا كانت لهلا يحييها هادي لي ديرك تحت السباط احبي .. ( تخشات فعنقه تتقبل فيه) كون تشوف قلبي اش هاز ليك ما تقولش هاد الهضرة ..

ايوب : ( كيشرب ما مسوقتش).. نيك موو هاد الگلب لي يبادلنا تفوو ...

سمر ( طولات فيه الشوفة و نطقت بهمس ) .. كاتبغيها ؟؟

ما نطقش ما شافش جهتها .. حدو كمل الشرب .. و هو كيفكر فسؤال سمر "كتبغيها؟" .. ما قيمة الحب اذا كانت العلاقة ما صافياش .. ضحك باستهزاء و حرك راسو للجانبين ..كاس مور كاس و قرعة مور قرعة .. عينيه تعسلو و لسانو ثقال .. حس بتوازنه بدا كيختل و ما بقاش زاگي مزيان .. عينيه حماارو فحال جغمة الدم .. اول مرة يشرب لهاد الدرجة و يخلي العاطفة تلعب عليه لهاد الدرجة ..

ناض وقف هاز فيده قرعة كانت سمر مرمية حداه حتى هي تتشرب حتى نعسات .. جبد بزطامو خذا منه مبلغ مالي و رماه فوق منها و خرج مباشرة لسيارته غادي كيحاول يشد فراسو حتى وصل .. ديمارا مكسيري مخلي موراه غير العجاج غادي و كينگر و يسب بابشع الألفاض حتى وصل للدرب لي تتسكن فيه كلثوم ..

أيوب : ( نطق بثقالة عينيه مجبديين ) بغيتي غا الشووهة .. هاحنا غانتشوهوو مع الربعة تالصباح ...

خرج من السيارة كيحاول يشد فراسو و هو كيتطاوح يمين و شمال حتى وصل للباب و ردخو برجله ..وصل للدرب قاصد جهة الدار و دراري الحومة تيشوفو فيه من بعيد و شد راااسو فالوقفة ...

أيوب : ( غوت بصوت مرتفع) ..واااا كثوووووو ! كثووووووو ...

دراري : علامن تيغوت ؟

دراري : ( رمى البينتة تالكارو و عفط عليها برجلة) ديك توتة لي كارية عد بوجمعة

قاطعهم من ثاني صوتو بجهد كيغوت

ايوب : نااعسة؟! ... طيرتي النعااااس من عيني و نعستي ابنت الق...بة ..خرجي عندي الله ينعل ديلمك خرجي .. مال مك قطعتي الحس ...( تلاح على الحيط و رجع كيضرب بقبضة يده على الباب بع..نف) خرجي نوري مك فعايل الشماكرية اخرجييي ...( هز راسو تيشوف فديور جيران ) ااابربي لا نعس شي قو... ااد هاد الليلة ..

صوته عاد ما زايد يعلى اكثر مع الدقة لي عطى للباب فاقت كلثوم مفزوعة تتشوف فجنابها و هي تتسمع صراخه و الكلام البديئ لي كينطق بيه بدون وعي .. وسعات عينيها بعدم تصديق حاسة براسها تتحلم او فكابوس حتى سمعات دقة اخرى عطاها للباب برجله و غوت بحر جهده كيسبها و يعاير .. وسعات عينيها بصدمة كتفتف على التيليفون

كلثوم : اويلي .. اويلي على فضييحتي اويلي .. اليووم يقتلني ( توجهت للسرجم تتشوف مور الزاج بدون ماتشعل الضوء باش ما يشوفهاش ) اويلي سكران ..

ايوب : ( ضرب لها الباب برجليه..حتى زعزع الدار كاملة) .. انووضي ابنت الق..حبة ناعسة لديلمك اوجه الفقر.. بغيتي الشووهة هاني غانشوه طب...ونمك ...

كلثوم : ( تطل تحت الخامية نطقت بهمس ) اوووويلي ولد الحرام بغيت لك مصيييبة ..

زفرت نفس مختنق و بلعات ريقها حاسة بالدنيا كدور بيها .. عضت على شفتها بخوف .. اول مرة تحس بهاد الاحراج .. تشوهات امام الناس لي عايشة وسطهم و غاتلاقي وجهها بوجههم كل يوم .. نزلو دمووع حارين و هي تتسمعو تيسب و ينعتها بأبشع الكلمات .. هزات تيليفونها كتفتف حتى اتصلات بآسية كتبكي ..

اسية : ( بصوت ناعس ) مالنا مع الربعة دالصباح اودي..

كلثوم : ( كتبكي و تغوت تقفز فينما يضرب الباب و لا تسمع غواتو) .. عتقي غايقتلني الى مشا حتى دخل عليا غايقتلني ..

اسية : (قفزات من مكانها) .. اويلي اش واقع شكون ؟

كلثوم : ايوووب ولد الحرااام سكر و جا حيح عليا ..

اسية : ( شادة فمها ) اويلي على مصيبة با ما يخلينيش نجي .. شفتي ها شنووو كنقوولك كتلعبي بالعافية تا جبتيها فكرك هاهو سكر و جا يضرب بيك الطر ..

كلثوم : ( كتمسح دمووعها اول مرة تتحط فهاد الموقف ) ما عرفتووش يدير هاد الحالة .. ما عرفتوووش ..

اسية : (بصراخ) داباا تدخلي تمسحي داك الفيديو واش نتي مرييضة مسحي الخراا لعلا و عسى يتهذن ..

كلثوم : و كانقووولك سكراااان

اسية : وا مسحي الزبل اليوم سكر و غدا يعلم الله ااش يدير ..

قطعات عليها فالحين بقوة خوفها مسحات الفيديو و مسحات اي حاجة متعلقة بيه و اي بووسط حطاتو .. اما هو فمكانش باغي يتردع ولا يسكت .. حتى واحد من الدراري لي كانو واقفين تما ما قدر ينطق ولو بحرف ولا يقرب ليه يسكتو لانه عارفينو مزيان .... نزل ليه بوجمعة فالحين فتح الباب و جرو مبعدو على الدار

بوجمعة: اش كاين اولدي .. ياك لباس مالك على هاد الشوهة ؟؟

ايوب : ( دفعو ) مااالي جاي عندك .. جاااي عند مرتي اشريف ..

بوجمعة : ( طبطب ليه على ضهره) الله يهديك بدل ساعة باخرى شوهتي راسك فالدرب ..

ايوب : ( كيضرب فصدره بع..نف) .. باغة تشووهني فاللايفاات انا غانشووه مها فالواااقع خاطييينا الموااقع . ..( طلق منو و توجه للباب ) وا حلي نشووفك حلي لدييلمك تقاضااو لييك الله ينعل الجدر لي حطك ...

بوجمعة : (جرو حتى وصلو للطونوبيل) .. دير بحساب الناس لي ناعسين اولدي حشومة نعل شيطان ..

ايوب : (حرك راسو) .. شفتي نتا .. رااجل حيت قطعتي عليها الضوو .. تستااهل بنت الق...بة .. ( شدو من دراعو ) .. سمح ليا اناااا لي ولد الق...بة لي رضيتو ليها ..اناااا ..

بوجمعة : ( بغا يحل ليه الطونوبيل) .. نعل الشيطان و سير نعس تا للصباح و اجي ندويو ..

ايوب : ( دفع ليه يدو و سد الباب) .. كلااات ليا رزقييي .. عاطيها الملاااين كلاتني فرزقي .. واحلييي الشفااارة حلي ..

بوجمعة: ( شد راسو ) .. وا سير بدل ساعة باخرى عيقتي المنشار واايلي ..

ايوب : ( شنق عليه مخرج فيه عينيه ) ..علاش قطعتي عليها الضو اولد الق...ية نتاااا ماشي راجل كتحگر على الدريات... ( اشار له بسبابته) .. غانقتل ديلمك الى قربتي ليها ...

تجمعات الجوقة فالدرب .. هو كيهلل و الناس كيشوفو .. ها لي كيتفرج من السراجم ها لي خرج .. اما كلثوم تكمشات تتبكي و يديها كيرجفو بالخلعة ما كانتش متوقعة هادشي يوصل لهاد المواصيل .. كانت باغية دير ليه الشوهة صدقات دايراها لراسها وسط دربها و كيف غادير تقابل وجوه جيرانها .

.. الدراري لي كانو واقفين تما حتى واحد فيهم ما قدر يحبسو ..عياو ما يهضرو معاه و هو كلمة وحدة على لسانه تخرج لعندي .. عياو معاه فالاخير اتصلو بخوه مالقاو حتى حل فيديه لانه حتى منير صاحبو لي ساكن تما دقو عليه و ما لقاوهش ..

ايوب : ( شنق على بوجمعة) .. خرج ديلمها للزنقة من غدا نجيب ليك الراهن ..

بوجمعة : ( نطق بالايجاب ) .. واخة غدا ندويو فهادشي ..

ايوب : ( زير على فكه و صرخ من جديد ) وااااخرجي انعل ديلمك خرجي تشوفي الشووهة لي كتعجبك خرجي ..

ما هي الا لحظات حتى وقف عليه هشام كينهج شافو فديك الحالة بقى واقف مصدوم حتى شافو ايوب .. دار عندو مصغر فيه عينيه ..

ايوب : اش كدير نتا هنا؟

هشام: ( قرب ليه سندو) اش كندير عيطو ليا الدراري قالو ليا اجي دي خوك كيعربط علينا .. و الواليدة خليتها فايقة مخلوعة عليك ..

ايوب : ( شنق عليه ) .. لاااش تجي ؟ اش مفيقك تا لهاد الوقت ؟؟ ( شدو من فكو قرب ليه كيشم ليه فمو ) كااامي از...ل كاامي ؟؟

هشام : (حرك راسو بنفي) و الله ماضقتو !

ايوب : ( عطاه براس) .. توريني فيك از...ل ..

هشام : ( حاول يشدو) .. اصاحبي راك سكران غاطيح يالله للدار ..

ايوب : ( دفعو ) تا ناخد حقي من بنت القح..بة

هشام : ( شاف جهة راس الدرب) هاهو منير لي يعرف ليك ..

منير : ( جاي كيجري ما فاهم والو) .. اش كاين مالو ؟؟

هشام: ( هز كتافو ) سكران كيعربط على شي وحدة ..

ايوب : ( غوت بحر جهدو ) كثووووو وا كنبغيييك ابنت الحرااام كنبغييييك ..

بوجمعة : (شاف فمنير ) .. الى ما درتوش ليه الحل غانعيط للبوليس هاني علمتك ..

ايوب : ( شنق عليه و عطاه براس).. وا عيييط دابا للبوليس نوري ىمك البوليس غاتخلعني ؟

منير : ( شدو جرو غادي بيه ) مسحها فيا ابوجمعة .. الله يحفضك ما عارفش اش كيخور .. زيد از..بي شوهتي كرك فالدرب ..

ايوب : ( دفعو ) .. نوري لمها الشوهة .. ياك بغات الشوهة ورات لحمها للغاشي و تتبكي عليهم ..!!

منير: وااش مرييض فكرك .. عرفتي اش درتي للدرية ..!!

ايوب : ( حط يده على صدره و شاف فيه بعيون معسلييين) .. مراااتي هاديك ندير فيها مابغيييت ..

"ليلة في الجحيم" كان عنوان ليلتها .. قضت ليلة سوداء وحيدة تحدق في سقف غرفتها المظلم ..الليل كلو و هي تتسمع الهضرة من الفوق .. بوجمعة و بناتو ماخلاو ما سمعو لها من لي مشا ايوب و هوما عاطينها للسبان و المعيور من الفوق حتى نعسو ..سالو دمووعها على حالتها .. عينيها تنفخو بالبكاء و الكتف علامن تبكي و تحط الراس مالقاتوش .. حسات بغصة فحلقها مابغاتش تنزل ولا طلع .. بقات سارحة حتى قفزها صوت تيليفونها لي تعالى صوت رنينه طلع لها رقم ماعرفاتوش ..

كلثوم : ( جاوبات بحذر ).. وي شكون معايا ؟؟

المتصل : الوي مادموزيل كلثوم معايا ؟

كلثوم : ( رفعت حواجبها من الصوت الأنثوي الرقيق لي وصلها).. وي هي هادي ؟

المتصل : معاك فاتن معدة فقناة شوف تيفي .. كنتي حطيتي فيديو انك تعرضتي للعنف ..

كلثوم : ( وسعات عينيها بدهشة) .. ها .. ايه ..

المتصل: اذا كان ممكن بغينا نديرو معاك لقاء .. و منها بغينا نعرفو علاش مسحتي الفيديو بعد ما بدا كينتشر .. لانه كاع لي بارطاجاوه تمسح و صبحو كيتسائلو شنو السبب ...

كلثوم: ( بلعت ريقها و نطقات بهدوء ) .. شوفي ختي الله يخليك انا مسحت الفيديو و مابغيت حتى صداع كافييني مشاكلي لي فحياتي ماغانزيدش الصداع ديال السوشل ميديا حتى هو ..

المتصل : (نطقت باستغراب) .. اختي واش تعرضتي لاي نوع من انواع التهديد ؟

كلثوم : ( حطات رجليها فالارض ) لا اختي .. انا بغيت نمسح الفيديو حتى واحد ما هددني لقيت راسي ما قادراش على هاد المعمعة ..

المتصل : ولكن اختي الناس تعاطفو مع القصة ديال وبغ...

كلثوم : ( قاطعت كلامها ) ختي الله يخليك انا صافي مبقيتش بغيت لي يتعاطف معايا انا غانهز راسي براسي ما محتاجة حد .. و الله يخليك ماتعاودوش تتصلو بيا ..

قطععت الاتصال و حطات التيليفون جنبها تتحاول تاخد انفاسها عضات على شفتها و ناضت وقفات توجهت للمراية تتشوف فحالة عينها بدات تتهدن شوية بالدواء لكن كانو حمرييين بسبب قلة النوم

كلثوم : ( وضعات قطرة لعينها و دهنات مرهم لجفونها ) درت لايف دار لي الشوهة .. نوصلو للصحافة يدخل على ديلمي يقتلني ؟؟ ( ضحكت باستهزاء) قالك شوف تيفي..مع من طحتي اكثووو ..

.....

في هذه الاثناء ايوب يالله بدا كيفيق ... عاقد حواجبه حاس بالشقيقة فراسو غايتقسم نصفين من أثر الثمالة .. دور راسو فالارجاء كيحاول يستوعب فين هو لانه هاد الجذران ماكانوش ديال دارو ... رفع راسو و ناض وقف حتى استوعب انه فالبرطمة ديال منير .. خذا تيليفونو طل فيه لقاها العشرة دالصباح مع غايدخل للدوش بان له منير خارج من المطبخ هاز فيده كاس قهوة ..

منير : افين السكايري ديالنا !!

ايوب : (دفعو من صدره و نطق بغضب فايق خاسر) .. قود عند إناك ..

منير : ( ضحك و جلس فوق الكنابي ) .. درتي لنا الخدمة اصاحبي وحق الرب ..

ايوب : ( تيحك راسو) ما عقلتش على ك..ري اصاحبي ..

منير : ( كيعيب فيه و يضحك ) مراااتي نديير ليها لي بغيت ..

ايوب : (خدا قرعة الماء لي كان كيشرب منها شيرها عليه) .. سير تق..ود ..

منير : ( التقط القرعة بين يديه و انفجر بالضحك) .. الهربة السااط وحق الرب ..

ايوب : (حرك راسو) .. ماكنت عاقل على تا قل..وة لعب عليا الشراب ..

منير .. ( شاد فمو) المهم مبروك ما درتي اخاي .. كون عرضتينا للعرس ما ناكلوش بزاف ...

.

ايوب : ( فرك عينيه بارهاق شدييد ) .. اعوذ بالله .. اش بينا و بين شي زواج ؟؟ واش السكايري كيديو عليه الناس !

منير : كيقولو السكايري تيخرج غير لي فقلبو ( شداتو ضحكة ) دبا بيني و بينك اخا ايوب واش مزوجها ؟

ايوب : ( بدون مايشوف فيه .. نطق بكل ثقة ) علاه لي بحال كلثوم تيتزوجو ؟ ولا يبغيو يسترو كر..هم و يديرو وليدات ؟ لي بحالها صحابها راسها غاتزوح فقصر و تصوگ الرونج و تخدم لاكارط بلو صباح وعشية ( ضحك بالجنب و شاف فيه ) كيبغيو الراجل يكون گاوري مايهضر مايتكلم....

جدران البيت كانو كانهم كيطبقو على انفاسها .. حسات بالدار مضلامة و طايح فيها الضيم .. ما قدراتش تزيد فيها حتى دقيقة .. اكثر حاجة تتكرهها هي تستسلم لآلامها و حزنها لانها ماشي من البنات لي كيحطو يدهم على خدهم و يجلسو غير على البكى .. على العكس كلثوم في كل مرة تتطيح تتعاود تنوض و اي تجربة تتمر فحياتها تتخليها تزيد تقوى اكثر .. لبسات ملابس أنيقة و سرحت شعرها كما تحب ..حاولات تغطي كدمات وجهها بكريم الاساس و وضعات مكياجها لي برز ملامحها اكثر و حيد عليها الصفورية .. رشت عطرها كتحاول تنفتح على الحياة و تخرج من هاد الغمة .. طاوحت شعرها يمين و شمال و خذات صاكها .. قبل ما تخرج سمعات تيليفونها كيرن ..

كلثوم : الوو وي .

علي : ( بصوت جاد ) .. كلثوم انا حدا الباب خرجي عندي ...

كلثوم : ( وسعات عينيها) .. اويلي ؟

علي : ( تنهد تنهيدة طويلة) .. ماشي وقت تصدمي خرجي نريحو فشي بلاصة باغي ندوي معاك ..

كلثوم : واخة سير تا للشارع الثاني انا دابا غانلحق عليك ..

علي : ( زفر بحدة ) .. ما تعطليش ..

كلثوم : ( طلات عليه من السرجم) .. اويلي زهري غا فيكم .. !

خرجات بعد ما تأكدت أنها طفات الاضواء كاملين و سدات الباب بالساروت مع دارت كتبان لها بنت بوجمعة واقفة مع بنات اخرين ..

اميمة : ( بصوت مرتفع) يا لطيييف كثرو الخانزات و المشوهات فهاد الدرب ..

زيرات على نيابها ما حاولاتش دور عندها .. لبسات نضاراتها الشمسية و زادت مع طريقها مخلياها تتلوح عليها فالهضرة ما شافت فحتى واحد غادية و حاسة بعيون كل من مرت امامه كيتفحصوها كانهم كينعتو فيها حتى وصلات للدرب لاخر .. ركبات فالسيارة مع علي و نطقت بخفوث حاسة بقلبها مزير ..

كلثوم : تحرك من هنا بزربة عافاك ..

علي : ( ديمارا السيارة و دار شاف فيها ).. علاش ما قلتي لي والو؟؟ علاش نجيب الاخبار من الفيديو لي لحتي ؟؟

كلثوم : (غمضات عينيها و تكات راسها على المقعد) .. اااش غانقول لك واش انا عقلت على راسي ..

علي : ( تجرأ و لمس يدها) .. اش وقع ليدك؟؟

كلثوم : ( شافت فيها ) تفدعت ( لمعو عينيها بدعوع ) .. شوية كانت غاتهرس ..

علي : ( ضرب الفولون بقبضة يده) .. ولد الك. لب .. غانديه فين يتربى .. عطيني سميتو اتصال واحد نغبر لمو الجدر ..

كلثوم : ( حركات راسها بنفي) لا ما بغيتش الصداع .. باراكا عليك مشاكلك .. سد هاد الموضوع عافاك ..

علي : ( شاف فيها بعيون كلها غضب و نطق بحدة ) .. غاتستري عليه و هو داير فيك هاد الحالة ؟؟

كلثوم : ( ضحكت بالجنب) ..عييت من الصداع و المشاكل ما تصورش اش دار لي البارح .. شاف اللايف لي حطيت و جا عندي تا للدار تهجم عليا كون ما الناس شدوه يقت.لني!

علي : ( شد فران صيك و شاف فيها ) .. هادشي خصو يتوضع ليه حد .. ما يمكنش نتفرج فيك و نشد يدي اكلثوم !

كلثوم : ( ضارت عندو تقادات فالجلسة ) .. انا عارفاك قلبك عليا و حالتي ما عجباتكش ولكن الى درنا خطوة اخرى ضده غايزيد يجهل و انا ما مستعداش لشي دقة اخرى ..

علي ..(نطق بانفعال و حنق) .. غانديه فين يتربى ماعند الدقة منين تجيك ..

كلثوم : ( حركات راسها بنفي) .. نسى الموضوع عافاك اعلي ..

علي : ( حاول يتهذن و دوز يده على لحيته) .. واخة .. ندير لك خاطرك .. فين نتغداو ؟؟

كلثوم : ( خذات نفس ) نمشيو لمارينا .. ؟

علي : (خذا يدها قبلها) .. نمشيو فينما حبات خاطر لالة كلثوم ..

سلتات يدها باحراج و دورات راسها للسرجم نزلاتو و غمضات عينيها مخلية ريح دافية تلفح وجهها مطيرة خصلات شعرها للوراء بنعومة حتى وصلو لمكانهم دخل بسيارته لمارينا باركاها و خرجو مباشرة بعد ما فتح لها الباب .. توجهو لواحد من المطاعم المطلة على جهة الباطويات لي تما .. جر لها الكرسي بجنتلمانية جلست و هي مبتسمة .. اي انثى تتبغي تتعامل بحنية و بطريقة راقية تخليها تحس براسها انها مهمة عند الطرف الآخر ..

علي : (عطى طلبهم للسيرفور و شاف فكلثوم).. عندي ليك خبار وااقلة غاتفرحك!

كلثوم : ( وضعت يدها على خدها ) .. قول ليا واخة مابقات تا حاجة تتفرح .

علي : ( ضحك و عدل كول الشوميز ) .. حيدي دوك نضاضر خليني نشوف عويناتك! علاش مخبياهم عليا ؟

كلثوم : ( زولات النضارات و طلعات فيه عينيها الضربة واضحة و باينة فيهم) .. هاعلاش مخبياهم!

علي : ( ضرب بقبضة يده فوق الطبلة بغضب ) ولد ال...

كلثوم : ( شدات فيده مقاطعة كلامه) .. خلينا من هادشي و قولي اشمن خبار غايفرحوني؟

علي : (شاف فيها بابتسامة دافية و جبد من جيبه ورقة مدها لها) .. دفعت دعوة الطلاق .. ( خذا يدها كيلمس فاصابعها الطويلة) مابقى والو نطلق و نتزوجو انا وياك الوريدة ديالي ..!

شافت فيه مطولة و طوات الورقة حطاتها ليه .. خذات كاس ماء شربات منو و نطقت باستفهام ..

كلثوم : و ولادك؟

علي : ( هز كتافو) ولادي غايبقاو معاها .. و يجيو عندي فالويك اند و العطل ..

كلثوم : ( حركات راسها) .. ماكنسولكش فين غايعيشو .. كنسول على نفسيتهم كيف غاتكون ؟ ..

علي : ( اسبل جفنيه و تنهد بتعب) .. ولادي عايشين وسط الصداع .. كنضن الى تفارقنا غايرتاحو اكثر ..

كلثوم : ( ضحكت بالجنب ) ..يكذب عليك لي قال لك الدراري غايرتاحو ففراق واليديهم .. على العموم انت ادرى ..

علي : (خذا نفس و سكت حتى حط لهم السيرفور الاكل شكرو و عاود تكلم) ..كلثوم ..انا راجل و عندي طاقة تحمل محدودة .. و هاد الطاقة نفذات معاها .. عيت نسكت و ندوز .. عييت نعاتب ولكن ما كاينش مع من .. هي مابغاتش نصلحو هاد العلاقة لي خسرات هاد اربع سنين ..

كلثوم : (بدات تاكل فالباسطا ديالها) .. و شنو درتي معاها فالشركة ؟

علي : جلسنا مع العائلة و وصلنا لحل وسط ..

كلثوم : ( رفعت حاجبها) لي هو ؟

علي : كتبت لها الفيلا باسمها و تنازلت ليا على الشركة ..

كلثوم : ( حركات راسها بتفهم) .. فالحقيقة مدام هي ما متمسكاش بالعلاقة و انت كذلك من الاحسن تتفارقو ..

علي : ( بابتسامة عريضة تفيض حنانا .. ) .. اهم حاجة عندي هاد الساعة هي نكون معاك اكلثوم .. ..

كلثوم : ( طلعات فيه عينيها ) .. هاد الموضوع غانتكلمو فيه نهار تطلقو رسميا اعلي .. دابا غير قابل للنقاش نهائيا ..!

علي : ( تنهد) براحتك .. قرييب هاد النهار غايجي و ماغاتقدريش تتهربي مني مزال !..

مرت لحظات .. تغداو و طلبو حلوى و ديسير يحليو بيهم .. دخلو فعدة مواضيع .. علي كان حاسس بيها مخنوقة و ماشي كيف عادتها داكشي علاش كان مصر يخرجها من مود الكآبة و حاول يخليها تندمج معاه .. مرة يضحكها مرة يجبد معاها مواضيع خاصين بالخدمة .. مابغاهاش تمل نهائيا و حتى الجو كان مغمم و في نفس الوقت معتدل خلاها ترتاح نفسيا اكثر .. هادشي كلو كانو غافلين عن عيون كعيون الصقر في حدتهم مراقبينهم و اللهب يتطاير منهم .. ما شافتوش لانه كان وراهم و بعيد عليهم .. بعد ما كملات ماكلتها هزات صاكها و استأذنت من علي تدخل للطواليط .. .. توجهت ليها و هي هازة راسها بشموخ و بمشيتها المعتادة لي كتجيب ليه التمام ظل مراقبها بدون انفعال حتى وصلات للحمام وقبل ما تفتح الباب تدخل تفاجأت بيه مدور يده على خصرها و اليد الاخرى على فمها طلعات عينيها تتشوف شكوون .. و شكون غايكون من غيره .. جحيمها .. سارق افكارها ..بطوله الفارع و حدقتيه لي زادو كحاالو .. فتح الباب دخلها و سدو موراه قبل ما يحطها للارض و هي تتركل فيديه حت ردخها مع الحيط و لف أصابعه حول رقبتها محاصرها في زاوية المرحاض الضيقة و هو كيزمجر بجنون وغضب كينهش في صدره

أيوب: ما ناوياش توبي اكثو شهمتيني معاك ..!!

شافت فيه ببلاهة وتملكها الخوف فهاد اللحظة .. غيرته كترضو كالوحش تغرز أنيابها فيها و تخليه ما عارفش اش كيدير كيفقد كل ذرة عقل كانت عندو ..وزاد عليه خوفها لا يشوفهم شي حد لأنهم وسط حمام النساء و بهذا الوضع غايدير لها فضيحة جديدة و هاد المرة وسط مارينا كاملة ...!

حاولت تسيطر على دقات قلبها لي كانت تتسمع نبضاته فوذنها .. و شافت فيه ما بين الهلع و الغضب.. و بعد محاولات نجحات اخيرا في رسم ملامح الاشمئزاز على وجهها وهي كتغرس أظافرها في ذراعه و همست بين أسنانها في حين يديها كيدفعو ذراعيه لي محاوطينها..

كلثوم : مرييض نتا مريييض ؟؟

ايوب : ( زاد قرب لها كيستنشق عطرها) .. مرييض بيك اكثوو إينو..

كلثوم : ( غززت اسنانها ) .. باغي دير ليا فضيحة اخرى كثر من ديال البارح؟؟

ماتهزات فيه ولو شعرة واحدة بمقاوماتها و بابعادها أصابعه عن عنقها وماداهاش فنظرات النفور في عينيها لكنه حرك راسو بجمود يخفي عيناه الغامضة كعادته فاش كيغضب

أيوب : (همس لها بنبرة حادة مرعبة) فضيحة ؟؟ يالله غانبداو فالفضايح ازين فاش نخرج نفرع ليك داك الشارف لي مريحة معاه ..(صغر عينيه تيتفحصها كأنه كيحفض ملامحها) شي فيكتيم جديد هذا ؟؟؟

كلثوم : ( استفزاتها هضرتو .. علات فيه حاجبها ناوية تردها له فالحين و بدون تفكير همست بصوت رقيق مثير) لا اخويا هذا فيكتيم قديييم .. .. ( ضحكات بالجنب ) غير نتا يالله عرفتيه..

"يبقى الحب بدون إثبات حتى تؤكده المواقف"

تجاهلت وقفته المتأهبة كأنه ملاكم كيقلب على منافس يبارزو و يخرج فيه وحشية مشاعره... لكن كي رفعات راسها ارعبتها نظرة الجنون لي كانت فعينيه .. ما حسباتش حساب لكلامها و هو عصبيتو زايدة خصوصا عند غيرته عليها .. و هذا كان اكبر الاسباب لي كيخليوه ما يدخلش فعلاقات مع البنات لانه ما كيقدرش يتحكم في غضبه .. رفع يده كان غايعطيها صفعة للوجه كون ما هرباتش راسها و صرخت بخوف.. جات الدقة فالجذار زعزعاتها حتى سمعت الطنين في اذنيها ..

أيوب ( دور اصابعه حول رقبتها مزير عليها) .. باغاني نجيف ديلمك ؟؟ بردو عليك عضامك

كلثوم : ( حطات يدها على يده لي فعنقها و نطقت بنبرة مهتزة عينيها بداو يدمعو ).. هاد الدقة كانت غاتجي فيا ؟

ايوب : ( زير على عنقها حتى بدات تحمار من قلة الهواء ) .. كتنبشي عليا نح..يك .. بالرب مانحن فيك اكثو ..

كلثوم : ( كتحاول تاخذ انفاسها) غغ.. غانمووووت ..

ايوب : ( عض على شفته السفلية و رخف عليها) .. غانقتل ديلمك مافيهاش .. شكون هذااك ولد الق...بة غانخرج نگلسو على القرعة ..!

كلثوم : ( حركات راسها بنفي موسعة عينيها) .. ه..هذااك المدير ديالي .. كنا كندويو على الخدمة مابيني و بينو والو ..

ايوب : (جمع الكول ديال الكسوة الشوميز ديال و شنق عليها رافع يده على شكل قبضة )كنرضع صبعي ضحكي عليا؟؟

كلثوم : ( عمضات عينيها بخوف ) و الله حتى الباطرون ديالي هذاك و الله .. شاف الفيديو و بغا يعاوني داكشي علاش عرض عليا ..( فتحت عينيها و حطات يدها على صدره تتحاول تبعدو عليها ) .. قلت له يسد على الموضوع اصلا انا مسحت الفيديو و الله ..

ايوب : ( نزل يده و دوز لسانه على شفته ) .. مرضتيني معاك اكلثوم من نهار دخلتي لحياتي و انا فالصداع ..

كلثوم : (عينيها فعينيه) .. اوا دير بالناقص ااش لي مبززني عليك ايووب دير راسك عمرك عرفتيني و بااراكا علياا ماشفت منك عييت .. ما كاملاش شهر شووف شنو درتي فيا!!

أيوب : ( رفع حاجبه باستنكار ) ما درتيش علاش؟؟

كلثوم : ( حطات يديها على صدره تتحاول تبعدو ).. خليني نمشي .. السيد غايجي يقلب عليا يلقاني معاك فهاد الحالة اش غايقول عليا ؟؟

ايوب : ( قبط على فكها زير عليها ) مالو مزوج بيك لديلمك ! رااك مراااتي دخليها لك..رك

كلثوم : ( رفعت حاجبها تتكلم بصعوبة بسبب يده لي مزيرة فكها ) .. ايمتا ضربتي بيا الكاغط؟؟ هاد الساعة ضربتي بيا غا الطر !!

ايوب : (قرب لها وضع جبينه على ديالها كيتنفس من انفاسها) .. تستاهلي ..

كلثوم : ( تتحاول تبعد عليه ) بعد مني .. تفرق عليا

ايوب : ( ميل شفته للجنب و نطق بهسيس مرعب).. الموت قرب ليك من الفراق الكبيدة .. ( طلع يده كيتحسس خدها و على وجهه نظرة و ابتسامة جامدة ) .. يالله قدامي .. ..

كلثوم : ( بعدات عليه) .. فين ؟ و علي اش غانقول ليك ..

ايوب : ( جرها من السمطة ديال الصاية لي لابسة حتى لسقات على صدره) .. غاتحمقي ديلمي .. بغيتي نزرق لمك العين الاخرى ؟

كلثوم : ( عضات على شفتها تتحاول تسايره و تجاريه ).. ما ديرش ليا المشاكل عافاك ..

ايوب : ( كيتكلم فعنقها) .. غانعطيك هضرة وحدة ما عندها ختها .. تزيدي قدامي مريضنا ما عندو باس .. ديري معايا هاه ولا هاه نخرج نفلعص لك ديلمو واخة نوصل معاك للحبس مايبقاش فيا الحال ! .

كلثوم : ( بلعت ريقها و شافت فيه بقهر ) .. وااخة واااخة .. سير سبقني .. غانجيب تيليفوني خليتو فالطبلة و نتبعك ..

ايوب : ( بعد عليها و دفعها على الجدار ) .. خمسة دقايق .. ما تخرجيش نرجع لمك ..

خلاها واقفة كترجف و خرج مخلي عطره فالمكان .. تحركات لجهة المراية وقفات تتاخد انفاسها .. حاولات على قد ما تقدر ماتدورش فيه لأنها عارفة ان العواقب غاتكون وخيمة و داك المطعم كلو غايتفرج فيها و هي تتبهدل كيفما فرج فيها الدرب .. بلعت غصة تشكلت فحلقها و تبعاتو بهدوء إلى الخارج.. حاولات ترسم ابتسامة على وجهها ملي وقفت على علي و خذات هاتفها ..

علي : تعطلتي يالله كنت غانجي نشوف واش كولشي هو هذاك؟؟

كلثوم : ( بلعت ريقها ) علي .. سمحلي مضطرة نمشي دابا .. ( ضمت كفوفها مع بعض) و عافااك ما تسولنيش علاش .. و ما تقلقش مني ..

علي : ( رفع حواجبه بعدم فهم) .. كلثوم اش واقع .. ( وقف و قرب لها) عاد كنا ضاحكين ناشطين ياك لباس ؟

كلثوم : ( بعدات يده على دراعها و رجعات باللور ) ما تسولش عافاك و سمح لي بزاف مرة اخرى ..

خرجات فالحين .. بانت له من الباب و قرب عندها بسيارته كلاكصونا و انضمت له فالحين لانها متأكدة انه فحال داك الوحش المتعطش للدماء ماغاديش يتردد عن إشباع ديك

الحاجة إذا خالفت أوامره...

يالله كانت غاتسد الباب ديال السيارة حتى حسات بيه تفتح على جهدو .. مع طلعات راسها كيبان لها علي .. حسات بالدم برد فعروقها لانه اكيد بهاد الحركة جنى على نفسه ..

علي : ( عاقد حواجبه بغضب) .. شكون هذا؟؟ ( مد يده قبض على دراعها) نزلي ندويو !

كلثوم : ( جرات الباب لكنه حابسو ) ... علي سيير عافاك من بعد و ندويو ! ..

ما حساتش ايمتا خرج ايوب من السيارة و لا ايمتا وصل لعندو كل شيء مر فلمح البصر كل لي حسات بيه هو يدين ايوب لي التفو حول رقبة عليه و باغثه بضربة للراس حتى رجع للوراء..

أيوب : ( شاف فكلثوم و شاف فعلي ) .. لي يحط يديه على الدرية ديالي عرفتي اش كندير ليه ؟؟ ( عطاه بروصية و هو شاد له يده) .. كنهرسها لز...مل بوه ..

طلقو حتى كان غايجي طايح لكن لحسن حظه كان عمود الكهرباء جنبه تشبت بيه و عدل وقفته .. اما أيوب ثنى اكمام قميصه و قرب ليه بملامح جامدة وبدون ما يرسم اي تعبير على وجهه ..

علي : ( اندفع عندو عطاه بونية للوجه حتى رنح ) .. شكون تحساب راسك اولد الق...ية تهز عليا يديك !!

دوز لسانه على شفته حس بالبخار كيطلع ليه من راسو مانطق ماتكلم .. ضربو بمقدمة رجله لركبته جابو طايح و نزل عليه .. شدو من عنقو كيعطيه فاللكمات حتى بداو الناس كيتجمعو و كلثوم تتغوت و تترجاه يطلق منو لأنه غفلو غفلة وحدة طيحو للأرض .. مابعد عليه حتى جاو بعض الاشخاص لي كانو فالمقهى كيفكو فيهم هزوه من فوق منو بالكشايف ..

جيرون المقهى : .. نعل الشيطان اصاحبي ..

ايوب : ( تيتجر منو) .. طلق مني نح..وي ليه مو .. ولد الق..بة..

جيرون : بدل ساعة باخرى اسي ايوب الله يهديك ..

ايوب : ( كيشوف فايوب لي كان كيتوعد له بعيوون حمراا ) ابربي تا جا ربي من جهتك .. يطلقوني عليك نفلعص حياة مك ..

شاف فكلتوم لي كانت واقفة شادة فمها بصدمة .. دفعها حتى ركبات و ردخ عليها الباب .. توجه مباشرة لمقعد السياقة ركب و ديمارا مخلي موراه العجاج و الناس تينوضو فايوب .. اما كلثوم .. ضرباتها بصقلة و قرمات فمكانها كتلولب فعينيها

وقف السيارة فمكان خالي فلابيست ما كيوصلوهش السيارات... نزل منها و ردخ الباب صدره كيطلع و ينزل بقوة الغضب ما كرهش ينقض عليها من جديد يعطيها سلخة ديال العصى حتى تشد معاه الطريق .. دوز اصابعه بين خصلات شعره و زول القبية لي كان لابس بقى بالتيشرت كيسب و يلعن في حين كلثوم نزلت من السيارة و تشجعات حتى وقفات جنبه ..

كلثوم : ( بتساؤل) .. لاش جايبني لهاد الخلا؟

ايوب : ( دور راسو شاف فيها بنظرة مرعبة) .. باش نجيف ديلمك هنا و نرميك للكلاب ..

كلثوم : ( رجفة سرت فجسدها و بلعات ريقها كتدعي القوة ) .. تقدر ديرها تا حاجة ما بعيدة عليك .. لي يدير فبنت هاد الحالة لي درتي فيا ماشي بعيد يقتل ..

ايوب : ( دوز يده على وجهه بقلة صبر و شنق عليها ردخها بع.نف على السيارة) اش بينك و بينو؟؟

كلثوم : ( تتشوف فعينيه مباشرة ) .. غاتعاود تضرب ؟؟ غاتزرق لي العين الثانية ..شنو لي ما درتيش فيا ؟

ايوب : ( عض حنكه من الداخل ) سولتك جاوبي!

كلثوم : ( هزات كتافها ) صديق ..!

ايوب: (زير عليها حتى غوتات) .. كطنزي على ديلمي ابنت الق..بة ؟؟

كلثوم : ( حركات راسها بنفي و الدموع تحجرو فمقلتيها) .. و الله حتى بصح .. مدير ديالي و مرة مرة كنديرو كافي عادي .. و الله ما بيني و بينو شي حاجة ..

ايوب : ( صغر فيها عينيه ) نسيق لك الخبار بينك و بينو شي لعبة ندوز عليك نتي وياه ..

مسح ملامحها بعينيه .. الزروقية لي تحت عينيها الكدمات لي فصدرها و عنقها .. الفديع لي فيدها .. زير على اسنانه و مد اصبعه كيتحسس مكان الدقة تألمت شوية و بعد يده .. مدة و هو كيشوف فيها بصمت حتى قررت تقطع الصمت و تنطق ..

كلثوم : ( نطقت برجاء) .. ايوب خلينا نفاريو هاد المنامة و مريضنا ماعندو باس .. قلتيها بفمك انا وياك واحد فينا يمشي للحبس و واحد للقبر .. ما نليقوش و عمرنا نليقو ..

ايوب : ( ضحك بخفوث و دوز على شعرها بيده ) .. سمعتي غير هادي ما سمعتيش فاش گلت ليك الموت قرب ليك من الفراق !!

كلثوم: ( تنهدت بأسى كابحة دموعها) انا ماشي قدك .. انا ماشي ديال هاد التبهديل ..عمر شي ولد المراا ما حط عليا يده حتى بتصرفيقة و شووف حالتي دابا .. !!

ايوب : ( دوز خصلة من شعرها وراء اذنها) .. علاش خرجتي من الفيرما مخلياني باغي نحماق !؟

كلثوم : ( عضت شفتها) كتخوني و باغي تشري سكوتي بايفون.. ! الهضرة لي سمعتيني واش كاينة شي وحدة تصبر عليها الى ما كانتش ما عندها كرام دالكرامة ؟

ايوب: ( خذا نفس ) ..واش كدبت ؟ ..

كلثوم : ( دفعات صدره ).. انا ماتيرياليست اه ما كذبتيش .. حيت لقيت راسي يتيمة و ماعندي حد يوقف فضهري خصني نجيبها من فم السبع .. خاصني نوقف على رجلي و نجيب الفلوس بأي طريقة ..

ايوب : ( ضحك باستهزاء) .. داكشي علاش مشيتي تبيعي روحك عند سميرة ؟

كلثوم : ( ضرباتو لصدره) لهلا يحييك ..! هي لي قالت لك هاد الهضرة ؟؟

أيوب : ( مؤكد) بفمها ..

كلثوم : ( وسعات عينيها ) الله يمسخها .. انا مشيت لانيفيغسيغ ديالها قالت لي غاتلاقيني بشي واحد غانخدم معاه فديفيلي ..

ايوب: (قرب لها و لسقها مع السيارة) كتقود فيك و نتي ما جايبة خبار .. ( زير على فكه) ولكن انا لي قو.. اد ماسديتش على مك الفيلا داك نهار ..

تنهدات كتشوف فوجهه الوسيم ذو البشرة السمراء بلمعة مايلة للحمورية بسبب اشعة الشمس.. كانت غاتدفعو و تبعد عليه لكنه منعها بذراعه القوية و عاود سجنها بين ذراعه..

ايوب : ( قرب لها دوز انفه على رقبتها كيستنشق عطرها) .. باغي مصلحتك .. باغييك اكلثووم باغيك ولكن نتي الق..حوب كيجري لك فالدم .. !

كثو : ( هزت شفايفها بعند ) اخووويااا عطيني التسااااع ( هزت أصابعها تتحسبهم امامه ) ياك انا ماترياليست ! و كذابة ! و ق..حبااااااا اوا اش بغيتي عندي ؟

ايوب : ( دور وجهو تيعض لسانو و نطق بجموود ) صيفطني ليك لله نقادك ...

كثو : (نطقت باستهزاء) على بالي عهد الرسل انتهى و فات !

ايوب : (علا حواجبه) دبا عصر الرجاال ( ضرب فصدرو ) بربي تنقاااادك اكثو( تيسطر فالهواء بزوج اصابع ) اانمشيك على المسطرة

انتابتها فجأة نوبة عنيفة من الجنون و القهر كيزيد يستفزها بكلامه و تصرفاته معاها كورات قبضة يدها عطاتها ليه لصدره تجمع عليها كولشي ..

كلثوم: شوف انا قح...بة ما نصلاحش ليك عطيني بالتيقار ما يگرو فيا لا طبة ولا فقهة عااد تقول نتا گر فيا .. ( ضربات صدره و عضات شفتها مطلعة ليه عينيها تتشوف بنظرات حادة ) وااا بعد مني ..

ايوب: ( طلعات له الدم .. جمع يديه بزوج حطهم فوق راسها ) الى مابغيتش ؟

كلثوم : ( تتشوف فيه بغل) .. تكره روحك معايا .. حيت القلب لي يبغيك ما خليتيلوش فين !!

ايوب ( ضحك حتى بين نيابو ) .. بسيف على باباه يحبني ا اولينو ( قلبي )

كلثوم : (عضات على حنكها بغيض ) .. تا حاجة ما بزز ايووب .. و الى كنتي نتا منشار انا راه كثو .. غاتشوف معايا غير المرار حتى تكرهني ولا تكره راسك .. باغي تعاملني بحال الق...اب لي مواالف بيهم ... تنعس معايا و ضربني دير فيا ما عجبك ..و الله لا كانت ليك ..

ايوب : ( شد راسها بين يديه و وضع جبهته فوق جبينها ) .. درتي علاش اكثو كديري راسك براسي و انا ما عنديش مع قصوحية الراس ..(ضرب راسو براسها) لي تبين لحمها فاللايفات لولاد الق... حاب يتشهاو فيها اش كتسمى ؟

هزات كتافها و شافت فيه بلا مبالاة ..

كلثوم: ملي كتدق كاع البيبان ياخدو ليك حقك و كيتسدو فوجهك ما كتعقلش على راسك اش كدير .. (هزات يدها علامة استسلام) ..شوهت راسي اما نتا سميتك ما قديتش نطقها عارفاك تدير ليدي المينوط و تصيفطني بست اشهر ..!

ايوب : ( هز فيها حواجبه) تاخدي حقك مني ؟؟

كلثوم : (دفعاتو) نتا اكثر واحد آديتيني ..

ايوب : ( كور يده ضرب بيها السيارة حتى دخلات من واحد الجهة) لقيتك فدااار القح.. اااب اش بغيتيني ندير نصفق ليك دايراني دمدومة ؟

كلثوم : ( بغات تبعد خطات خطوة للامام) .. كيقول لك لي فراس الجمل فراس الجمال و نتا هادشي لي تتقول هو لي فراسك داكشي علاش حاسب كاع ناس فحالك .. انا نيتي كانت واضحة و الكادو لي ديت لها خير دليل على صدق كلامي ..

أيوب : ( جرها من يدها رجعها لمكانها و قرب لها .. دوز خصلات شعرها للوراء و شاف فعينيها مباشرة ).. دوك الق...اب ضربي عليهم .. هاد المرة دازت بالتبهديل المرة الجاية نلقاك فشي قنت دوز لك بالقتيلة !

قلبات عينيها للجهة الثانية كتحس بإبهامه كيمر تحت عينها الزرقاء .. كيلمس كدمات وجهها و هي كتميق فيه ما عاجبها حال ..

كلثوم : ( شدات له يده و زيرات عليها) .. كتعبر الدقة ؟

ايوب : (زير لها على يدها لصدره كيضحك) تستاهلي ديلمك...

كلثوم : ( زفرت بغضب باغية تسلت يدها ).. بعد مني .. ما معاك هضرة ..( شافت فيه بغللل) شفتي هاد القتلة لي كليت و الله لا دازت ليك .. غاتلحس التراب باش نسمح ليك و ما نسامحش ..

ايوب : ( رفع حواجبه بدهشة مصطنعة) وايلي كااع ( طلع يده الاخرى عطاها للقرفادة بشوية ) .. اش يصحاب لك كرك فملك الله؟

عضات شفايفها و طلعات فيه عينيها تتشوف بدلال و لاوحات شعرها ..

كلثوم : عارفة تتهز من الداخل على قبلي !

ايوب : ( عض شفايفه كيضحك و زاد قرب ليها حتى لصق معاها ) ماشي غير انا لي كنتهز ازين ..

و قبل ما تنطق اي كلمة .. هزها من خصرها وضعها فوق السيارة و جا وسط رجليها ..شهقت في صمت يالله غاتبعد عليه حتى كان لثم شفايفها بقبلة خفيفة .. مدات يدها تدفع صدره حتى زاد عمقها اكثر .. شد ليها يديها بيد وحدة حطهم على صدره و اليد الاخرى شد بيها راسها من الخلف .. دقات قلبها تسارعو .. ريحتو دخلات مع جيوبها الانفية خلاتها منتشية و كتعسل فعويناتها حتى غمضاتهم .. اما هو فكان فحال داك العطشان لي كيرتوي من رحيق شفايفها .. كيدخل لسانه يلعب داخل فمها باحترافية خلاها تستسلم لجنونه و رغبته حتى حس بيها بدات تتخنق عاد طلق منها .. فصل القبلة و وضع جبينه على ديالها كياخد انفاسه

أيوب (نزل وجهه كيستنشق عطرها بعمق ) دايرة بحال الكارو ابنت الحرام .. كيحرق الصدر ولكن ما تقدرش تبعد عليه ..

كلثوم : ( وسعات عينيها و دفعاتو حتى رجع للوراء .. نقزات من فوق السيارة تتسوس ملابسها من الوراء) .. ما تعاودش تحط عليا يديك ..

قاطع كلامها رنين هاتفه لي سمعاتو ما مرة ما زوج و في كل مرة كان كيسكتو لكن هاد الخطرة سبقاتو و طيراتو له من يده كي لمحات اسم سمر و جاوبات فالحين .. تا هو ربع يده تيشوف فيها بجمود بدون ما ينطق

سمر : حبيبي فينك من الصباح و انا نصوني !!.. ايمتا مشيتي البارح سكرتيني طحت كاااو.. .. الوو .. الو .. ايوب ..

ايوب : ( ميل شفته للجنب و مد لها يده تحط له تيليفون ) .. شفتي لي كيقلب على خلى دار عشتو !؟

.. حولات نظراتها ليه .. رافعة حاجب و منزلة الآخر .... ابتسمت ابتسامة واسعة و عريضة ابتسامة باردة جامدة .. حسات بصدرها تخنق بالرغم من ملامح وجهها لي كانت تتبين فيهم انها فرحانه انها اخيرا لقات النقطة الاخيرة لي غاتوضع فسطر علاقتهم ...

كلثوم : دازت القصارة زينة البارح؟؟؟ سكرتي عندها و ح...يتيها و جيتي كملتي بيا السهرة ؟؟ ( قربات له و ضربات صدره بالتيليفون ) .. شفتي شكون موالف بالقح..اب شفتي شكون معاشرهم؟ .. شفتي داك الدق لي عطيتيني شكون كيستاهلو؟؟

هالة من الرعب احاطت وجهه .. عقد حواجبه و عينيه بداو يحمارو بقوة الغضب لي ما قادرش انه يتحكم فيه .. استفزته بكلامها لكنه حاول يكبح غضبه كور يديه و شنق عليها باليد اخرى ..

ايوب : تحل ليك الفم اكثو ..

كلثوم : ( قبل ما يكمل هضرتو كورات يديها بزوج بقوة و عطاتهم ليه للصدر) .. ما تقييسنيييش .. ما تحطش عليا يديك ..

أيوب : ( طلق منها و هز يديه ) ما باغيش ندير فيك يدي اكثو ولكن راك تتطلعي لديلمي القردة للراس ..

كلثوم : ( بعدات عليه مزيرة على قبضة يده كتضحك بعصبية ) .. انا بغيت نفهم حاجة وحدة .. اشنو طينتك نتا وجهك قاصح لواحد الدرجة ما يمكنش ..!

ايوب : ( قرب عندها مدوز يده على عنقه من الوراء) .. واش غاتقارني راسك معايا؟؟ انا راجل عندي احتياجاتي .. و فين كنخويهم فالق.. حاب .. !

كلثوم : (فتحات الباب دالسيارة و شافت فيه كأنه مجنون واقف امامها) .. راه قلت ليك اقصح من وجهك مل كاينش .. كيفاش نتا متحمل راسك بهاد العقلية؟

ايوب : ( ميل شفته للجنب) .. انا صريح .. جيني غير گود نخويلك لي عندي ..

خذات نفس عميق تتحاول تهدن نفسها .. عضات شفتها حسات بدوار من كلامو دار ليها الشقيقة و عقلها ما بغاش يتقبل وجهة نظره و كيف كيشوف الامور .. قربات ليه مصغرة عينيها و ربعات يديها تتشوف فعينيه مباشرة

كلثوم : دابا بغيت نفهم حاجة وحدة .. ! انا شنو بالنسبة ليك؟؟

ايوب : (عض على شفته ) نتي الكبيدة ديالي اموشومة الصدر ..

كلثوم : (شافت فيه بتقزز) .. كتعيفني و الله ....

ايوب : ( كرز على اسنانه و شنق عليها) .. ما تشوفينيش شاد ليك الخاطر طلعي ليا فوق ك..ري .. نذفن ديلمك هنا نيت ..

كلثوم : ( تنحاول تفك منو و بدت كتصرخ بجنوون) بعد مني .. بعد مني الله يعطيك شي مصيبة من نهار شفتك ما شفت النهار الزين ..

حمحم بصعوبة ونظف حلقه الجاف كيحاول يتجاهل البرودة لي سرات فأطرافه .. .. عقد حواجبه و نطق بحدة

ايوب : تهدني ندويو بالعقل ! سمر ما بيني و بيينها والو .. بحالها بحال اي ق..بة كنبول فيها و تخلص .. خدمتها هاديك ..!

كلثوم : ( ضربات ليه يديه تتجننن باغية تبعد عليه) .. بعد مني الله يلگيها ليك خليتي فيا شي عقل بمسبتك نتا وليت نخرج فاللايفات كي الحمقة .. و نتا عايش ليا الحياة مع الق..اب و جاي تتحاسبني انا ..! شمن يح..اب انا لي قح..بة اما هي طلعك بحبي و تنزلك بحبي ..

ايوب : ( عقد حواجبه جابت ليه الضحك و هو كيدوز اصبعه على شفته مبتسم باستهزاء) كون كنتي شادة الركنة حامدة ربي و شاكراه حتى خير ما يخصك معايا ابنت الناس انا باغي غير مصلحتك

كلثوم : (ضحكات تتحرك راسها بالايجاب و دوزات شعرها للوراء معلية عينيها للفوق ) ..ههههههه اااه يا ربي اش درت تا تلاقيني مع ولد الحرام مقطر ؟ ( تنهدات تتحاول تهدن) شوف انا عارفة مصلاحتي مزيان و مصلحتي ماشي معاك .. تقبل الوضع .. سير عيش حياتك كيما قبل و انا نعيش حياتي .. نساااني ندمتيني على نهار لي قصدت فيه بابك ..كون بقييت فالظلام حسن ليا من هاد قلة القيمة ..

ايوب : ( قاطع كلامها) انا اكثر واحد دار لك القيمة .. و الحاجة قبل ما تطلبيها توصلك .. ياك داكشي لي بغيتي علاش تديري معايا الدغانيش ؟

كلثوم: ( ضحكت باستهزاء) و قالك انا بنت الق..بة .. ما نسواش استغلالية و ماتيرياليست .. اه اسيدي انا هادشي كلو .. و نتا نهار تصاحبتي معايا اش كنتي باغي مني .. ياك كنتي باغي غير تنعس ( بضحكة عالية) .. ولا كنتي ناوي المعقول ؟؟ الزواج عمرك ذكرتيه ليا واخة غا بالضحك؟؟ ..

ايوب : (بنظرة غامضة ) الزواج ما قادة عليه لا نتي لا انا ..!

كلثوم : ( شافت فيه باشمئزاز).. اوا خليك مع القح..اب ديالك لي من سهمك .. ان...

مزال ماكملات الكلمة جاتها صفعة للحنك خلاتها توسع عينيها و تترمشهم بسرعة و حالة فمها .. شدات على حنكها و ضارت شافت فيه .. تقابلو عيونهم و صرخت بكل قوتها و هي كتشوف فيه بحقد.. كانت في حالة هياج عصبي شديد .. انقضت عليه كضرب صدره و تدفع .. يديها مشاو لرقبته نزلاتها ليه بالقميش حتى سال الدم.. بدون مراعاة لهيئته الغاضبة لكنها كانت اكثر منه هاد المرة .. شد ليها يديها بزوج و دورهم ورا ضهرها حتى جات على صدره و شعرها كيضرب فوجهه زير عليها مزيان و انفاسه كضرب فعنقها ..

ايوب : ( غارس اصابعه فلحمها و نطق بنبرة تحذيرية ) ريحي از...بي مابغيتش نهرس ليك هاد اليدين ..!

نوبة الهيجان لي كانت فيها خلاتها تزيد تجنن عليه تتغوت و تجبد فيديه و تركل برجليها غبراتو كامل و غبرات حالتها و هي تتغوت من الم يدها المفدوعة لي ضاغط عليها و من الوضع لي وصل معاها للحد او كيف كيقولو بلغ السيل الزبى ..

كلثوم .. الله يعطيك الموت طلق مني نمشي فحااالي ..

هز يده حتى هزها عطاها صلية لفخاضها لي كانو باينين .. ثنورتها لي كانت لابسة طلعات .. صرخت صرخة متألمة و خففت من جنونها ..ارتجف جسدها بعنف و اصبح تنفسها فحال لا كتجري فمراطون ..اطرافها بردو فحال الجليد في حين شحب لون وجهها هرب الدم من عروقها بقوة الغضب و غمضت عينيها بقوة مترقبة ضربة من اصابعه لحلقها بين عظمتي الترقوة اليمنى واليسرى وأسفل الرقبة.. ضغط عليها حتى بدات تتلسق عينيها بهدووء و فقدت الوعي بين يديه ..تسببو اصابعه في الضغط على البلعوم و منع عليها التنفس..

هزها بين يديه توجه بيها للسيارة فتح بيد وحدة الباب و نزلها فالمقعد الامامي جنبه و توجه هو لمقعد السياقة ..

ايوب : ( ديمارا السيارة ) .. ما كنبغيش نمد يدي ولكن مرة مرة غانصرفق ديلمك باش تشدي معايا الطريق...

وصل للعمارة فين عندو برطمة كانت في حي راقي من احياء اكادير .. نزل اللاكاف فيه الباركينك وقف السيارة و نزل بشوية عليه خذا تيليفون والسوارت مع علبة سجائره .. و ضار عندها هزها بين يديه و ردخ الباب ..

توجه بيها مباشرة للمصعد .. فتحو و هو هازها حتى دخل و نزلها واقفة مكاليها بيديه حتى وصلو للطابق فين كيسكن .. رجع مرة اخرى هزها فتح الباب بمفاتيحه يالله كان غايسد الباب و حس بيها بدات تتفيق و تحل عينيها ..

كلثوم : ( هزات راسها تدورو يمين و شمال بشوية) ..انا ..اممم فين انا ..

ايوب : (عقد حواجبه و سد الباب توجه بيها للصالون نزلها فوق الكنبة) .. فداري ..!

كلثوم : ( بغات تنوض حسات براسها كيمشي و يجي و هي تجلس فالكانابي ) .. اااه اراسي .. بغيت نمشي ..

ايوب : ( جلسها بزز ) .. ريحي اللرض ما عندك فين تمشي .. !

كلثوم ( شادة راسها نطقت بتصميم) .. مانجلسش و الله ما نجلس ..

ايوب : ( رفع حاجبه) ريحي تا تفيقي مزيان راك مزال ما شادة فراسك .. ( مددها فوق الكنبة).. تكاي رتاحي نجيب لك الما؟؟

حركات راسها بدون ماتنطق بحرف .. حاسة بدوخة و صداع شديد .. هذا غير احساسها بالقهرة و التعسف لي كيمارس عليها ايوب بالضغط لي كيضغط عليها .. اصبحت الرؤية ضبابية بسبب الدموع لي تجمعو فعينيها.. حاولات تنوض من جديد لكن فينما توقف تتحس بالصورة مضببة فعينيها .. استندت على الجدار لي كان جنبها حسات بالارض تتميل تحت منها .. ما قدراتش توصل للباب حتى كان هو واقف جنبها معالم وجهه غير مفسرة ..

ايوب : دوزي تريحي و تركني ما بغيتش نحط عليك يدي و نتي فهاد الحالة سخفانه!

كلثوم : ( نطرات له يده و توجهت للكنبة جلسات عليها و طلعات فيه راسها) .. تديرها بلعاني ؟؟

ايوب ( جلس فوق الطبلة امامها و مد لها الماء) .. شربي الما و السكر غاتولي بيخير !..

كلثوم : ( شافت فيه بنظرة عميقة ) .. نتا مريض و خصك تتعالج.. تيعجبك تشوفني ضعييفة و ما قاداش عليك ..

ايوب : ( خذا يدها قبلها) .. مرضتيني بيك ..

كلثوم : ( جرات يديها و شربت الكاس تالماء كامل) .. ايوب فهمني .. انا قلبي ماشي بيدي ما غنقدرش نبغيك خصوصا و نتا تدير فيا هاد الحالة ..!

ايوب : ( رفع حاجبه ) اشمن حالة ؟

كلثوم : ( شافت فيه بنظرة استغراب) .. هاد الحالة .. الخيانة و العصا .. السكرة و التعربيط فنص الليل هادشي كلو ما عجبكش ؟؟

ايوب : ( سرح رجليه للامام جمع بيهم رجليها وسط ديالو ) .. سمعيني مزيان .. انا ماشي منافق .. ندير و گول ما درتش .. الح..وا كاانح..وي .. و داكشي للي ما نلقاهش معاك راه نديرو مع وحدة اخرى ولكن الفرق بيناتكم ما كيدوزش دااك لفيلينگ .. هي ق..بة و هاديك خدمتها تتخلص عليها .. ( دوز يده على لحيته) .. هادشي ماشي مزيان ولكن انا مقااود فرايي ..

كلثوم : ( حطات يدها على وجهها و سكتت .. مدة عاد طلعات راسها لقاتو مزال بنفس النظرة ) و الله تا تتأكد ليا بلي خصك تتعالج .. ايوب تا حاجة ما بزز اخويا نتا حياتك عاجباك دير ما بغيتي فيها ولكن باش تغلطني و تبغي تبدلني انا لي ما كنديرش ربع داكشي لي كدير هنا نقولك سطووب ..

ايوب : (رد كيزفر ) .. الفراق هو لي ما تلقايش ليه طريق معاياا ..

كلثوم : ( خرجات فيه عينيها) .. و الدق لي عطيتيني هو لي ما ندوزوش لك ايووب .. عاد ضربتيني و سخفتيني . يديك شايطين عليك ..

ايوب : ( ضحك بغضب ) .. كتشخضي ديلمي اش غاندير معاك

كلثوم : ( رفعت حواجبها ) انا اخويا عندي غير راسي الى خطاني تا حد ما يعقل عليا .. لا نتا ولا غيرك ..

ايوب : راني كلتها ليك غانقادك تولي تمشي معايا مسطرة طريق وحدة ..

كلثوم : ( بغات تنوض) .. انا ابناادم ما بغيتكش .. ما بغيتش نكون معاك .. لا معاك ولا مع غيرك كرهتيني فجن..س رجال ..

ايوب : ( جرها من خصرها جابها فوق رجليه عاطية بضهرها لصدره ) .. كرهي كوولشي و انا خلي ليا بلاصة بضاض فداک الگلب احبي ..

كلثوم : ( كتحاول تقاوم بغات تنوض) اللي كيبغي شي حد ما كيعطيهش العصا ..

ايوب : ( كيضحك حاكمها) نعصيك و مانخلي لي يعصيك .. مالنا دابا ريحي ..

كلثوم : ( حسات بالغضب يندلع داخلها و بغات تنوض لكنه عاد ما كيلسقها فوق رجليه دورات راسها تتشوف فيه ببرود عكس النيران لي داخل صدرها) .. سير ضبر لك على شي مراهقة قول لها هاد الهضرة اما انا ما نصلاحش ليك ..

ايوب : ( خشى وجهه فعنقها) .. دابا مال مك ما باغانيش ؟؟ اش فيا ما عجبكش ..!!

كلثوم : ( بدات تحسب ليه باصابعها) .. الهضرة الخاسرة .. قلة الاحترام .. باغي تحكم فيا .. كتعطيني العصا تسكر و تجي تعربط عليا .. و باغيني نسكت على هادشي كلو ؟ ياكما دايرني جارية عندك نكون تحت امرك فاي وقت !

ايوب : ( تنهد وسط عنقها) .. بدليني و نبدلك اموشومة الصدر ..

كلثوم : ( حركات راسها بنفي ) .. كرهتك و القلب لي يكرهك ما يعاودش يحبك المنشار ..

ايوب : ( عض على شفته و نطق تيهدن معاها ) .. اش بغيتي دابا ؟ واش بغيتي زواج تقدي عليه؟ تجلسي تقابلي دارك و راجلك اليد لي تمد عليك نطير مها من جدر ولكن تشدي معايا الطريق .. حيت لا حصلت عليك شي بلان ندوز عليك بجنوية حافية ..

لحظة صمت .. مرت دقائق بدون كلام .. بقات ساكتة و هو منتظر جوابها .. كلمة زواج لي كانت تتطلعو و تنزلو بيها كانت مجرد كلمة باش تهرب منو و تخليه يهرب منها .. لانها ولا مرة تخيلات راسها بجنبه الحياة كاملة .. و لا مرة تخيلاتو رفيق دربها .. كانت دائما معتبراه صاحب فقط .. باغية تدوز معاه الوقت تخرج دور تسافر تتمتع بالحياة معاه يصرف عليها و يحسسها انها انثى عندها لي يهتم بيها و يخسر عليها رزقو ...!

كلثوم : ( نطقات بصعوبة و هي تتنظف حلقها ..) ما كنفكرش فالزواج ..

ايوب : ( ضحك مرجع راسو للوراء) مافيها باس فكري دابا نيت ..!

كلثوم ؛ ( بلعت ريقها و نطقات بوهن ) .. المنشار الزواج ماشي ساهل ونتا ما باغيش مرا باغي عبدة تحبسها فدارك و تسد عليها البيبان و سراجم ..!

ايوب : ( دور راسها لعندو).. انا باغي مرا ديال الدار تقابلني و تقابل دارها ( حط راسو صدرها) باغي على من نحط الراس ..

كلثوم : ( بغات تبعد لكنه حكمها ) .. نهار نتزوج غانتزوج بلي يحترمني ماشي يهزني بالقح..بة و يحطني بالقح..بة .. بغيت لي يبغيني المنشار ..

ايوب : ( قرب لشفتها طبع عليها قبلة خفيفة ) .. كنموت على ديلمك ..

كلثوم : ( حركات راسها بنفي و هو مزال كيطبع قبله جنب فمها) .. لي كيبغي ما كيضربش .. لي كيبغي ما كيسبش لي كيبغي ما كيخونش و نتا فيك هادشي كلو كيبغيتيني نتزوج بيك ؟

ايوب : ( رفع حواجبه باستنكار) .. ياك گلتي ما ناويش معاك المعقول و رضيتيني خايب ؟

كلثوم: ( شافت فيه بنظرة عميييقة ) نتا غير ما تقبلتيش رفضي داكشي علاش باغي تشدني و تسد عليا دير فيا ما عجبك ..

ايوب : ( تحنى طبع قبلة في مقدمة عنقها) .. نتي ديالي بالخاطر و لا بالسيف .. ختاري بيناتهم .. مزوجة بعزك ولا مصاحبة ندير فيك ما بغيت و وقتما بغيت تا ولد الق..بة مايقد يفرقني عليك ؟

سكت للحظة تيشوف فيها تيتسنى ايجابتها لكنها سكتات تتحاول تاخد انفاسها و ما تضورش تصرفقو و ينوض لها ديال صح ...عضت شفتها السفلية و هي باغية تنوض من فوق رجليه لكنه حكمها مزيان .

ايوب : (امتدت اصابعه فك شفتها من بين اسنانها و همس بهدوء بينما يمسد شفتها بابهامه ) ماتعضيهاش خليهالي انا نخشيها بين سناني و نعضها ..!

كلثوم : ( التزمت الصمت و هي تتشوف في عينيه البنية المائلة للسواد ) .. هادشي لي تدير فيه ماشي معقول ايوب ..

ايوب : ( قاطعها ببرود) المعقول ما بغاه حد فهاد البلاد اموشومة الصدر .. طريق وحدة غاتدينا بزوج ...

كلثوم : ( خذات نفس ) .. اوا ما كاينة تا حاجة بزز و نتا عرضتي عليا عرض انا ما مسلكنيش من حقي نقبل ولا نرفض ..

ايوب : (ابتسم ببرود و هو كيداعب انفه مع انفها) نتي ديالي بغيتي ولا كرهتي ازينة البنات .. غير قبلي بخاطرك رتاحي و ريحيني معاك ..

كلثوم : ( بادلاتو نفس الابتسامة الباردة) ماعينيش فالزواج المنشار ..

ايوب : ( خشى يده تحت التيشرت لي كانت لابسة تحسس بطنها بينما يديه طالعين لصدرها) .. شحال طالبة فصداقك اموشومة الصدر ؟

كثو : كاين شي زواج بضحك ... و تتساوم فيا من الفوق ؟

ايوب : ( رفع حاجبه ) فين بان ليك الضحك ؟ ياك الصداق حلال و رزقك هداك؟ طلبي و تمناي لي بغيتيها تحضر ..!

كثو: ( زفرت بحنق) سير عند مك تخطب ليك

ايوب : ( تهز بضحك و شاف فيها مذيق عينيه ) حق الرب المعبود تيقي ولا ماتيقيش راه خطبت ليا و ما كتابش ..!

كثو : ( بنظرة شك و صدمة موسعة عينيها ) تتضحك ؟

ايوب : ( حرك راسو بنفي ) اوا نتي ما تتداخليش مع ناس الحومة و كتشوفي غير فالسما.. اما الخبار راه عطات ريحتها.. ايوب خطب بنت الفقيه..

كثو : ( حست بالعافية شعلت فيها ناضت بالجهد ) و نووووض دابااااا نيت قااااود عندها و الكاضووو من عندي .. (دفعاتو من ذراعه) الله يرزيني حتى نشطح ليك فعرسك المنشااار الحافي..

دورات راسها فالمكان تتقلب على صاكها حتى بان لها تحت الكنبة .. .. تحنات جبداتو مزال حاسة بالدوخة و راسها كيمشي ويجي .. وقفت لدقائق حتى تمشي الغمامة من على عينيها في حين هو مراقب تصرفاتها و حركاتها في سكون تاااام .. ناض وقف كيقرب لها حتى وصل امامها.. خذا يدها جرها عندو و قرباها ليه ..

ايوب : ( تصلب فكه) .. ااتجي لعرسي و تشطحي حيت غاتكوني نتي العروسة ازينة البنات . ؟

كلثوم : ( دفعات يده و نطقت بحدة ).. فأحلااامك ... سيير لعند بنت الفقيه بنت الاصل و المفصل انا غا بنت الق..بة جي عطيني الدق و رجع عندها ..

ايوب : ( دوز يده على وجهه) .. ما تندميناش تاني حيت گلناها لك ..!

كلثوم ( متوجهة جهة الباب ).. غانمشي فحالي .. عطيني تيسااع ما تعاودش تتصل بيا ولا تبان قدامي سالينا ..

ايوب : ( جرها من دراعها حتى لسقات على صدره) .. غرتي ؟

كلثوم : ( طلعات فيه راسها و ضحكت بعصبية ) .. نغير على شي واحد كنبغيه ماشي على واحد بزز عليا راسو ..

ايوب : ( رفع حواجبه و يده كتسورت الباب موراها).. شكون بزز عليك النهار الاول ؟

زيرات على قبضة يدها مغددة من تصرفاته المستفزة و طريقة كلامه الباردة .. خلاها واقفة مكنززة و توجه للمطبخ لي كان مفتوح على الصالون .. خذا كاس تالماء كيشرب و هي تتسوف فيه بعدم تصديق ..

كلثوم : واش يصحاب لك قبلت النهار الاول على زينك ولا كحل عينك؟؟

تجاهلها مره اخرى كيتلاعب ببرود بكأس الماء الي بين يديه الشيء لي خلا الدماء تثور بغضب في عروقها بسبب تجاهله و بروده فالكلام معاها .. ما حساتش براسها حتى مشات عنده كلها غضب دفعات بحده كوب الماء لي كان بين يديه رافعه لفمه تزلع فالارض و تهرس و شوية دالماء سقط فوق قميصه و صاحت بغضب

كلثوم : مااالك مستفز ابنااادم ..فتح ليا الباب نمشي فحالي عصبتييني ااا ..

لكنها قاطعت جملتها مطلقة صرخه بصوت مرتفع مفزوعة فاش صرخ عليها بنبرة قاسية و خذا كاس اخر ضربو فالحيط بغضب سقط علي الفور متهشم علي الارض كشظايا من

الزجاج..

زمجر بقسوه من بين اسنانه المطبقه بغضب

ايوب : غاتركني و لا غانوض لمك و بربي تا نقسمك على ربعة .. عيالات ديال ز..بي كضسرو شوية طلعو لبنادم فك..رو ..

اتخذت خطوه مرتجفه للخلف فاش حسات بالوضع غاينجرف لمنحى قاسي عن..يف ما غايعجبهاش .. لكنها سرعان ما ثبتت قدميها بالارض مرة اخرى كتحاول تستجمع شجاعتها رافضة الفرار من امامه و رافضة تبين خوفها ..

كلثوم : (ضحكات بطريقة مستفزة ) بنتي ليا متيق راسك بزاف شفتي انا كون ما كنتي عندك عووماار ( دارت باصابعها حركة الفلوس) .. و كوون ما كانو عندك المعارف لي عارفة راسي غانحتاجهم واحد النهار و الله مانكمل فيك تا الشوفة ماشي نتصاحب معاك !!

صرخت مبتلعة باقي جملتها ملي اندفع لعندها و قبض علي ذراعها لواه لوراء ضهرها بقسوة و هو تيزمجر في اذنها بهسيس لاذع

ايوب : داك اللسان عندك خصو يتقطع ازوينة ..

كمل كلامو هو كيعتصر ذراعها بقسوه حتى تأوهت متألمه بصوت مرتفع لم يثير به الشفقه و زاد من اعتصاره لذراعها اكثر كيتمتم بصوت قاسی حاد..

ايوب : غانتزوجك و غانوريك الويل غاتشوفي معايا العذااب جناابك غايطييبو حتى ترباي ابنت الق..بة ..

كثو : ( گمگمت بخفوت) سير ربي غير راااسك

ايوب: ( بضحكة غضب و تيهدد فراسو) عومااار !! تتگري بعدا؟

كثو : (صمت )

ايوب: (زير عليها اكثر ) جاوبي! وااا هضري ؟ صحابك ناعس على وذني ؟ نهار الاول لدلمك عرفتك مسايراني دخلتيني بديك خويا و الصواب ديال واالو و نقضي لك الغرض بالنهار طلعي ليا vu بليل ( تيدور فراسو و يضحك) وانا صابر مييك ..خدمت معاك شيفور ومحامي و عاشق ولهان و صرفت فلوسي فينك الفطور و الغدا ! و تنقول راها بنت الناس مظلومة ونتي حية تحت تبن ( تيأكدد بصبعو ) دبا مابقى رجوع ابتي اكثو حسبينا مزوجييييين...

وقف السيارة امام باب دارها متعمد .. عارف انه تيزيد يضغط عليها لانها طلبات منه يوقف بعيد ما جاوبهاش .. كان كانه كيتعمد يقول لبنادم انها على علاقة بيه .. عضات شفتها يالله بغات تخرج من السيارة و قبض عليها على دراعها ما كيشوفش فيها نطق بصوت خشن جااف غلييض ..

ايوب : ديك النمرة لي بلوكيتي تحيدي لها البلوك .. من هنا لساعة نصوني ما تجاوبيش نجي ندي مك بالمضا ..

كلثوم : ( تتجر يدها) داكشي لي بقى نيت ..!

ايوب : ( زير عليها أكثر حتى صرخت من الوجع لانه شادها من يدها المفدوعة .. ) و بربي ما نعقل عليك .. تحيدي البلوك ولا تلقايني وسط داركم ..

كلثوم : ( كتجر فيديها حاسة بالم ) و صاافي صافي غير طلق ازمر...

طلق منها هزات صاكها و خرجات من السيارة ضربات بالباب سمعاتو تيسب .. مباشرة كسيرا مخلي لها العجاج و مخليها تتلعن و تسب فيه بصوت مسموع ..

مع دورات راسها تيبانو لها مجموعة ديال بنات الجيران تيشوفو فيها .. خزرات فيهم و دورات راسها فتحات الباب .. مع الدخلة ضربات فيها ريحة الطياب عرفات خالتها جات .. بلعات ريقها و دخلات للمطبخ ..

كلثوم : ( تنحنحت ) السلام ...

فتيحة : ( ضارت عندها هازة مغرفة) اش هاد الهضرة ضايرة فالدرب الالة زينة ؟

كلثوم : ( رفعت حواجبها) .. اشمن هضرة؟

فتيحة : ( قربات لها تتحقق فوجهها ) اويلي مال عينك .. (جرات لها يدها).. شكون دار فيك هاد الحالة ؟

كلثوم : ( جرات يديها حاسة بالدموع فعينيها تجمعو) .. ما عارفة عليا والو اخالتي .. ما عارفاش كي درت مع مشاكلي كاملين جيتي دابا باغية تعرفي شكون دار فيا هادشي ..

فتيحة ( تنهدت) الله يرحم ليك الواليدين .. ديري عقلك غير هاد المرة و قولي ليا شكون دار فيك هاد الحالة و علاش ..

كلثوم : ( جرات كرسي جلسات عليه و نزلات راسها دموعها بداو ينزلو ) .. فين كان عقلي ملي قبلت بيه ما عرفتش .! ترفعت اخالتي ترفعت ..

فتيحة : ( ضربات فخاضها) .. اويلي شكوون هذا ..

كلثوم : ( شهقت بعذااب) .. واحد ولد الحرام كان يصحاب لي رااجل بقدو و قيمتو ..

فتيحة ( جلسات على كرسي ) اااش درتي ابنت الحرام ياكما نعستي معاه؟

كلثوم : ( حركات راسها بنفي ) .. ما وصلناش لديك الدرجة ..

فتيحة : ( تنفست براحة ) .. اش وقع علاش يدير فيك هاد الحالة ..؟

تنهدت كلثوم و بدات تتعاود لها باختصار شنو وقع كانت فحال داك لي باغي غير لمن يعاود و يخوي قلبو... تنفست بعمق و مسحت وجهها من الدموع لي مغرقينو ..

فتيحة : ( ناضت وقفات و توجهت عندها عنقاتها تتطبطب على يدها) .. مالها كاينة السيبة ما كاين مخزن فالبلاد .. ولكن تا نتي ابتي اكثو تتقلبي على خلا دارك ااش قربك ليه ..

كلثوم : ( حركات راها) هوا للي لقيتو واقف معايا .. ما كاين لا بو ولا خو .. خويا الحنين فيا مابيدو حيلة و بعيد عليا طبيعي نتلاح لاي واحد يعطيني شوية تالامل ..

فتيحة .. اوا هانتي جبتيها فراسك .. ( رجعات لمكانها).. شوفي انا راني بحال مك .. راه ما بيناتناش عام ولا عامين سنييين و نتي معايا .. كنضاربو و نتصالحو و هادشي ما نقبلووشاي عليك ابنت ختي ..

كلثوم : ( عضات شفتها ) .. قالك بغا يتزوج بيا. . والله لا كانت ليه .

فتيحة : ( رفعت حواجبها ) هاهاياوات غير اجي و تزوج .. اش خدام بعدا ؟

كلثوم : تعرفي داك لي تيقولو ليه المنشار ؟واحد السمسار معرووف هنا ..

فتيحة : ( وسعات عينيها بصدمة ) ولد ديك البيضة المراا البيضة خيرة .. تنشوفها فالحمام مكاين غا هز لالة خيرة حط لالة خيرة .. عندها زوج ولاد و بنت ..؟

كلثوم : ( هزات كتافها) ما نعرف مهم هو سميتو ايوب و كيعيطو له المنشار .. بغيت يدوز ليه على العنق ان شاء الله ..

فتيحة : ( رفعات راسها ) الى كان هو ولد خيرة غانعرف شغلي معاه مزيااان ..

كلثوم : ( ناضت وقفات متوجهة لغرفتها) معندك ما ديري اخالتي الى مافكاتها معاه الكوميسارية تفكها المحكمة نوصل معاه للبيت الابيض و ما نديهش ..

فتيحة : ( وسعات عينيها) اويلي وصلتو للكوميسارية ؟

كثو : ( ضحكت بالجنب) تشوهنا فالمغرب كامل اخالتي راه الصحافة عيطو ليا ولكن راه أكادير كولها تتعرفو ماصورت منو والو ..!

فتيحة : ( ناضت وقفات مشمرة ) ماكايناش السيبة فالبلاد ! الى والديك ماكاينينش ( ضربات على صدرها) اناااا كاااينة..!

"اليوم التالي"

واقف امام المراية كيعدل الشوميز ديالو سد الصديفات مخلي زوج الفوقانيين مفتوحين و سلسلة فضية فعنقه كتبان كتلعب فوق شعريات صدره ..مشط شعره للوراء و هو كيدندن .. خذا تيليفون و السوارت و جلس فوق السرير كيلبس حذائه حتى سمع التيليفون كيرن ..

ايوب : وي مدام .. صباح النور

جليلة : ( بصوت انثوي رقيق) .. صباح الورد .. صافا كي صبحتي؟

ايوب : (همس بصوت جوهري قوي ) الى كنتي نتي صافا انا موت صاافا ..

جليلة : ( ضحكت بدلال) .. ضحكتيني و انا مافيا ما يضحك ..

ايوب : علاش ياك لباس ؟ اش عندك!!

جليلة : ( تنهدت ) .. عندي مشاكل فواحد جنان ديال التفاح .. ايمتا مسالي تجي عندي ؟

ايوب : ( شاف فساعته و نطق بأسف ) .. اليوم عندي بلان .. كلو تمارا فالطريق .. غدا هاني معاك ..

جليلة : امم داكوغ .. غدا نتسناك ..

ايوب : وعليه ..

قطع معاها و مباشرة اتصل برقم كلثوم و ناض وقف تيتسنى ايمتا تجاوب .. اتصال مور اتصال حتى جاوبات..

ايوب : مال مك ميتة ؟

كلثوم: ( بصوت ناااعس ) .. اش بغيتي صبحنا عالله ..

ايوب : ( دوز على صدره) داكشي لي بغيت ما كيتقالش كيدار ..

كلثوم: ( بصوت خافث) تدار لك .. اش بغيتي لاش متصل؟

ايوب : (نطق بتساؤل ) مزال ناعسة ؟

كلثوم : ايه و مفيقني لااش .؟

ايوب : ( دوز لسانه على شفته) .. ديري لوكاليزاسيون اونديريكت صيفطيها ليا نعرفك فين ..

كلثوم : ( ناضت طافجة) .. لا هادشي لي بقى .. بصفتك اش بالسلامة ؟؟

ايوب : ( كيورك عليها زير على كل حرف) راجلك صفة ما كافياش ولا؟

كلثوم : (تتفوه) سير اخويا الله يبعد بلايا على بلاك

ايوب : ( أكد على كلامه بصوت حاد جاف و خشن ) .. داركم كنعرفها .. زوج خطوات هاني عندك ما توصلنيش لوكاليزاسيون اوديغيكت دابا و ديال تمنية دالسوايع ما نتفاهمش معاك حيت ااتلقايني عندك داك ساع ازينة البنات ..

كلثوم : ( تأففت بغضب عارفاه غايديرها) واااخ واااخ اصلا ما غادية فين ..

ايوب : ( ابتسم بالجنب ) دابا ديريها ..

قطع الاتصال و بقى واقف للحظات .. رش بارفانه و خذا علبة السجائر و بريكة .. ما هي الا دقائق وصلاتو اللوكاليزاسيون .. ابتسم بانتصار و خرج مباشرة للصالون .. كانت خيرة حاطة الفطور .. هشام فطر و خرج لليسي و الجدة جالسة شادة بين يديها زلافة تالحسوة كتشرب منها .. قرب ليها قبل راسها

ايوب : لالة ازين .. لالة زهيرو .. صباح الخير ..

زهرة : (دفعات ليه يده تضحك ) الله يعطيك متاكل فكرتيني فالحاااج ..

ايوب : ( بدا يفطر) .. مال الحاج..؟

زهرة : ( كتضحك) من نهار داني لدارو و هو تيعيط ليا زهيرو تتشبه ليه نتا ( حققات فيه الشوفة) نتا داك شفااار ولد خيرة .. ( مدات له يدها) ارا ميتين و ستين ريال ديالي الشفيفير ..

ايوب : ( كيضحك و يحرك راسو و هو كيغمس فأملو) ما شارباش دواك اجدة تاني ؟

خيرة : ( جلسات جنب زهرة) .. مي .. تاكلي شوية دالخبز؟

ايوب : ( رفع حواجبه و ناض باس لها راسها) مال لالة خيرة فايقة خاسرة ؟

خيرة : ( تنهدات ) . دوات معايا ماين مهى البارح ..

ايوب : ( رمى الخبز لي فيديه) سدينا هاد الموضوع ..

خيرة : ( حطات يده على يد) .. البنت و امها قابلين .. و الى ضغطو على باها راه يقبل ..! ..مهى مسكينة دويت معاها حتى بكات ..

ايوب : ( رفع حواجبه) الالة ماعندي ما ندير بيها .. باها وقف فرزقها الله يسهل عليها الله يجيب لها ما احسن.. ( ناض وقف ) ما تنسايش دوا دجدة و الى تسالا گوليها ليا ..

خرج مخليها جالسة تتنهد حاطة يد فوق يد .. تمنات مهى عروسة لولدها ولكن الرزق كيتفرق فالسماء ...بقات مع زهرة مرة مناگرين مرة ضاحكين حتى سمعات الانترفون ....

خيرة: ( جاوبات) شكوون

فتيحة : الالة خيرة هادي؟

خيرة : (نطقت بالايجاب) هي هادي شكون نتي الالة ؟

فتيحة : انا جارتكم هنا .. بغيتك فواحد الموضوع الله يسهل عليك .. على ولدك ايوب ..

خيرة : ( سمعات ايوب و هي تفتح لها من عندها) .. طلعي ..

طلعات عندها فتيحة تدور فعينيها هنا و هنا الدار ثلاث طبقات يرمح فيها الخيل بالتواسع .. وقفات عليها خيرة ببيجامة طويلة ديال جوهرة و شال بنفس لونها .. ن

خيرة : ( بابتسامة اشرت لها على الصالون ) .. مرحبا مرحبا .. زيدي دخلي ..

فتيحة : (دخلات و جلسات فوق سداري) .. اختي سمحي ليا على هاد الدخلة و الله ولكن ولادنا لي تيديرو لنا المشاكل ..

خيرة : ( جلست مخلوعة) اشمن مشاكل لهلا يجيب شي مشاكل ياك لباس ؟

فتيحة ( تنحنحت و نطقت بتباث) .. اختي ولدك شد بنت ختي عطاها سلخة ديال الكلاب ..

خيرة : ( وسعات عينيها ) .. واش تدوي على ولدي ايوب ولا غالطة ؟

فتيحة : ( نطقت بنفي ) .. على ولدك ..

بدات تتعاود لها القصة كيفما عاوداتها لها كلثوم .. خلات خيرة غارقة فحوايجها ما عارفة شنو تقول اول مرة شي حد يجي يتبرى من ولادها و من شكون من ايوب العاقل الكبير الرزين فيهم .. قلبها بدا يضرب فالتسعين و الموقف خلاها ما قادراش تنطق كلمة ..

فتيحة : سمحي ليا اختي ولكن ولدك الى ما عطاش تيساع لبنتنا غانديوه فين يتربى را المخزن كااين فالبلاد ماشي عايشين فالغابة ..

خيرة : ( تتشوف مصدومة) اختي و الله ما متيقة ولدي انا يدير هادشي لا هي تربيتو ولا هي اخلاقو .. ولدي معرووف ما يديرش هادشي ..

فتيحة : ( حطات يديها على جنابها) اوا هبطي للدرب وسوولي اش جا دار لها ولبارح ملي شرب .. شوهنا فالدرب اختي .. انا جيت تبريت .. نتوما ولاد الدار الكبيرة و حنا ولاد الاصل .. ولدك يعطي التيساع لبنتنا ولا ميعجبو حال .. ماشي يشوف واليديها ما ساكنينش معاها و يصحاب ليه ما عندها ضهر .. تيليفون واحد نعيط لباها و خوتها يجيو يجريو يدوزو عليه ولكن ما بغيناش المشاكل

خيرة : (حركات راسها بالايجاب ) لا اختي نفكوها بيناتنا لهلا يجيب شي مشاكل .. كوني هانية ما يعاودش يقرب منها .. سمحو لينا بزاف و قولي لها تسمح ليه .. انا الى قديت نجي غانجي نطلب منها السماحة ..

فتيحة : ( ناضت وقفات) ما كاين لاش اختي .. خليت ليك الراحة ...

ناضت فتيحة خرجات، و خيرة بدات تتفتف على التيليفون و ضرب فحناكها و فخاضها ..

خيرة: اويلي اويلي غايقتلووووني غايقتلوني هاد الولاد .. ( تلفات على النمرة) فين هاد نمرة فين .. هااهي (اتصلت بايوب ) .. الو .. ااجي اداك المسخوووط نتا شكون هادي لي سلختيها اش بينك و بينها باغي تحمقني نتا وخوك .. واش بااغيين تقتلووني وليتو تجيبو ليا التبرية ؟

ايوي : ( باستفهام) ااش تم الوليدة مالك تتغوتي ؟

خيرة : و جات عندي واحد خيتي قالك سلختي بنت ختها و تتسكر و تعربط عليهم اشوووف هاه ما قادة على مشاكل باغي دخل الحبس على اخر ياامي نولي تابعاك فالحباسااات ..

ايوب : ( بعدم فهم) شكون هادي اش تتقولي .. واش خالة كلثوم ؟

خيرة : ( ضرخت بصوت مسموع) هاااااا عرفتيييها اذا السيدة ما تتكذبش ماشي حراام عليك ما خفتيش من الله على ديك الحالة لي درتي لبنت الناس مزرق ليها عينيها و مهرس لها يدها؟ هادي تربيتي فيك؟

ايوب : ( دوز يده على وجهه بغضب) .. اش گالت ليك اوكان؟؟

خيرة : ( تتنهج بالفقصة ) قالت لك الى ما جمعتيش راسك تعيط على واليدين البنت و خوتها يجيو يتفاهمو معاك ..

ايوب : ( علا حواجبه بعدم فهم) واليدين شكون ؟؟ كلثوووم؟ خالتها گالت هاد الهضرة ( قرص بين عينيه ) .. الواليدة صافي قطعي قطعي ..

يتبع...