لكيريا حرب الهوية الجزء 25

_كل شخص لديه اسرار ! منها الصغيرة و الكبيرة، منها لي تقتل ومنها لي تحيي حقيقة ما ، والاصعب هو تكون متأمن على سر غيرك او بمعنى اصح شاهد على سر غيرك، حالتك مثل الجمر ،النار تتاكل فيك لا قدرة ليك على طفي جمرها ولا شعلة نارها هدا هو حال صديقة نهيلة وهيا تتسمع كلامها فالهاتف و دموع تينزلو من عينيها

_نهيلة : الو البنت تتسمعي؟

ص : ( بنبرة تعب ) اااختي ! آااا نهيلة، آش قلتي ؟

_نهيلة: امالكي اصاحبتي ؟ واش نوضتيها مع داركم ؟ صبري اصاحبتي على وجه الوالدين اما الخاوة حدها دنيا !!

_انفجرت صديقتها تتبكي و تتنخسس ! و نهيلة على الهاتف مافاهمة والو! عيات تسكتها و تصبرها ماحسات براسها حتى وصلت عندها لدارها وطلعت تتجري تتدق عليها فتحت عليها الباب

_نهيلة: ( طلعاتها وهبطاتها ) مالكي اصاحبتي ؟ طيرتيها مني

ص : (شادة كلينيكس تتمسح نيفها ) ساعة الله ! راكي عارفاني تنعمر تنعطيها البكا وصافي

نهيلة : ( حركت راسها بحسرة ) اودي كن لبكا يبرد كن نبكي صباح وعشية ! راه من وفاكاش لعندك صيفطت لهم فلوس العيد الكبير قرب، اما انا من نهار دخلت لفرنسا ماعيدت مانحلف على داك كيلو كبدة و كوطليط لي تنشري

ص : اوا ختي نتي بغيتي!!

_نهيلة: دبا نوضي يلاه معايا راه ضبرت فواحد الكاوري يعترف لعذرا بالبيبي

ص : ( خرجو عينيها فيها تتنفس بقوة ) شنو ؟ وشحال؟؟

_نهيلة: طلب جوج مليون ! السيد غير سكايري ماعرفش لافير شحال تتضرب!!!

ص : نو ! مانمشيش اختي

_نهيلة: ( بنظرات ضاحكة ) اويلي اختي !! اويلي على مانمشيش !!

ص : (نزلت راسها ) لي سمعتي ! فينها بعدا عذرا ؟

_نهيلة: خليتها فريسطو تتعاون فلكوزينة ! ضبر مصيريف حسن من البراني

ص : ( شدت فراسها بقوة تترعد ) اختي انا مابقيتش قادة نصبر! والطعام لي مشاركين و الصحبة و العشرة لي مشاركين مانقدر نشوف ونسكت

نهيلة: ( تقادات فالجلسة ) اش واقع ؟؟( قلبها تيضرب ) اهضري ازمر !!!

ص : ( غلبوها دموع ) صمت

_نهيلة : ( قلبها طايب دموعها بداو نازلين ) مااااتبكيش الخرا راه نطيح هنا ! قولي مالكي؟ مريضة؟ عندك مشكل ؟ ( تترعد و تقرب لها ) قولي راه نرمي راسي معاك فالعافية

_الا بغات تسكت ديك لبنت من الدموع ! تبكي تبكي ! و ترعد و تشد فراسها ، نهيلة امامها تتبكي و يديها تترعد حتى طرطقت عيونها و الحرارة طلعت معاها و هي تتسمع كلامها وتتشوف فيها بدون تصديق

الصديقة: ماكاين مانخبي عليك ! عذرا ختك طايحة ليك مع ااتركي

_نهيلة: ( بين الحلم و اليقظة لسانها تقال حطات يديها على فمها بصدمة ) اش تتكولي البنت ؟

ص : ( دموعها حبسو بقوة وحر تتعاود ) ماهانتش عليا العشرة أ نهيلة ! فيك اختي وصاحبتي و ربي عالم بلي كاين ! ولكن راه من نهار عرفت وانا مريضة، ختك طايحة مع التركي و حاملة منو ! كفاش بداو ؟ امتى بداو ؟ ماعرفتش ، لي متأكدة منو نهار سهرنا مجموعين و قصرنا فالأوطيل ختك ماكانش معاها سبليوني ( بتاكيد والعين فالعين ) ختك كانت مع التركي ! صاحبك

_رمشت بعين و فتحت فمها بإنش كانها تتحلم! غمضت عينيها و تتفتحهم و صاحبتها وقفت شدت فيديها

_نهيلة: ( تتضحك من الصدمة ) عاارفة اش تتكولي؟ واااش اختي ؟ ( تضرب فصدرها ) اختتتتتي ؟؟

ص : تمنينت نكون كاذبة ولا باغة نكون غالطة ولا نكون غير داك الوسخ لي كيدخل بين الظفر و للحم ولكن بعيني شفتهم

_نهيلة : ( شهقات شهقة طويلة ) ااااامييييييي !! واااا زهري!! وااااازهري وماداار فيا!! ( تتشوف فصاحبتها ونفس تتمشي لها وتنفس )واااا مابقااااش فيااا التركي! وااااا مابقااااش فيا القوووواد ؟ وااا مابقى فيا حتى ولد المرأة كما بغى يكووووون ؟ وااااااااااااا بقاااااات فياااااا اختي !( تتضرب ضرباات متعددة فصدرها وتفتح فمها تنفس ) بقات فيا بنت امي و ابااا

ص : ( تتحس بيها تتزلق و طيح ) نهيلة تبثي رااااسك !ماتستااهلش

نهيلة: (عرق تيضرب فراسها ) واااا بعت لحمى على ودها ( تتمد يديها تقطع القاميجة و تتجر السناسل فعنقها ) واااا عطيت ورااااقي عليهااا ! واااا مستقبلي ضيعتووو عليها !! وااا عذرا تلبس وانااا مالبسش ! وااا شريت الدار باش عذرا تسكن وانا فليزاشالان مع لفيران ! ( نهيلة تترشها بالما وهيا تتشهق ) وااااا انا ناكل الخبز و الما و عذرااا توصلها الخلصة ! وواااا خويت داري وو عشت مع زلاال وعذرا تسكن و توحم و تحمل فخاطرها واااا فالآخر تبيعني على زلال ؟ تبعيني ناااا ختها ؟

ص : (تتشد وجها و تفيقها ) فيقي معايا!! نهيلة تبثي راسك

_نهيلة: ( تتنين ) امممممم ! نستاااهل ! ( تتضرب فالأرض و تنين و تسكت تستوعب وتشوف فصاحبتها ترجع تنين ) غذرااااتني

ص : ماغاديش تربح ! والله ماتربح

نهيلة: ( تسكت مدة تسهى وتضرب فصدرها ) بغيت ليا يااااربي الموووت ! بغيت ليا اربي فقدان الذاكرة! بغيت ليا اربي ( تتهز راسها للسما و تخونها كلماتها ) شمتاتني مع زلاال

ص : نهيلة تبثي ! نهيلة

نهيلة: ( تتهز فيديها باغة تهضر و تسكت و تشير راسها تتحرك راسها و تمشي لها الهضرة ) اويلي راني ختها ! اويلي راه دوزنا زلط بجوج ! انا لي نقذتها ، انا لي لبستها ، انا لي جبتها لاوروبا !! انا لي قحبة مانسواش ! اناااااا نستاااهل

ص : ( تاترشها بالما ) الله يعطيها شي مصيبة ..

_ ساعتين من الصدمة و الشمتة تتاكل فيها! بكات وبردات و دخلت معاها الهضرة للعظم ! غسلت وجها و جمعت شعرها و بدلت حوايجها و خرجو بجوج بحال عندهم جنازة ركبو فسيارة

ص : شنو دبا ؟

_نهيلة: نشوفهم بعيني ! نشوفهم باش نبرد

ص : نهيلة اتمرضي راسك

_نهيلة: ( شافت فساعة ) دبا تكون فدار ! وهو قالي يشوف مع شي صاحبو شي باطة لي يغرق بدلمو ( سكتت تتحسبها ) رجعو ريسطو نثبث الخدامة ونرجع نحضيهم تيدخل

ص : واش دخلي عليهم ؟

_نهيلة: علاش ضارب بيا العقد؟ زلاال داير بجوج خوت قحاب اش نصور منو ؟ علاش انا اصلا كنت معشمة فيه بالحلال؟ راه كنت عارفة يجي نهار نفرقوه

ص : توار_كة صعاب ! ختك لي حاملة بولدو صحابك يسمح لها فيه؟ راه تولد يهربو تركيا

_نهيلة: عندي بلان مقود! نشوفهم بعدا....

_كانت صاحبتها لي تتصوك ! ضربو دورة جنب البحر وشراو كارو من تما _كملو طريق لريسطو لي مع دخلة تجهو للكوزينة كانو الدراري خدامين ، بدات تشوف هنا ولهيه مخلية التركي يتأكد من حضورها ، مرت ربع ساعة بضبظ وهي تسلت هي وصاحبتها ركبو فسيارة و تتصل بتركي ولكن ماتيجاوبش !

_نهيلة : ( تترع كلها ) باش نعرف هاد ولد القحبة راه عندها ؟

ص : (هزت تلفونها ) صبري انا نتصل بيها( دوزت الخط مرة وجوج ) صافي راهم بجوج ماتتجاوبش

_نهيلة: زيدي غادي نبوانتيو تحت العمارة!

_كملو طريق حتى للحي! و بلاصات سيارة فلباركينج و خرجو للجردة تما كماو كارو و طلعو العمارة وصلو لبرطمة ديالها وطلعو الدروج للطبقة تالية جلسو فنص مخبعين ! وبداو يصونيو و لا من مجيب ! مرت نص ساعة! زادت ساعة ! زادت ساعتين عاد تفتح لباب و هما يوقفو تيطلو من الصور هو يبان لهم التركي خارج نتظرو حتى دخلت ونزلو تابعينو وركب فسيارة ماشي ديالو و رجع خرج منها طالع للعمارة

نهيلة: ( تسندت على صور قلبها تيضرب ) نسى ماخلصها

ص: تأكدتي ؟ شفتي؟

_نهيلة: زيدي ركبو !

_ركبو فطموبيل و قلبها تيضرب فشلانة ! شعلت كارو تتكمي و تعاود و نطقت بدون ماتحس

_نهيلة: عرفتي ربي راه تبغي ولد المعلم لي هرب منها و ساسها وها لبونجور لمو لي عرفت ختي على حقيقتها

ص : حقيقة ظلمتو ولد الناس! ختك لي خانزة مطوطة

_نهيلة: لخنز و طوط و زادتها بالغدر ! ولكن راه لبرهان دولد المعلم خرج فيها وفيا ! هيا غدراتني ؟ وانا ارجع ضربتي الا سمعها ولد المعلم يدعي معايا صباح وعشية

ص : آش ديري؟

_نهيلة: ( سهات تتفكر و رمات كارو من الشرجم ) تزيدي معايا فالبلان ؟ نهبطو لاسبانيا

ص : نهبط !

نهيلة: ( بنظرة حقد ) وخ نعرف نبيع كلوتي ولا نخسر لي عندي فهاد لافيغ مهم! نبرد حري ( دارت صبعها فلسانها رسمت علامة اكس فوق زجاج السيارة ) انضرب على العائلة وعلى المغرب

صباح يوم جديد ! بعد سوء الفهم لا يحتاج إعتذار او تفسير ، فقط ابتسامة او لمسة يد و حضن كافيين لاذابة الجليد بين حبيبين !!

سند : ( عاقد حاجبو تيقرا فالأوراق ) واش هاد فرنسا ماعندها شغل من غير البراوات ؟ ( تيدوز بين يديه رسائل ) شكون كالهم باغي نقاد سناني ؟ ( فتح رسالة اخرى ) تنشوف تنشوف ماباغي نظاظر !!! نصاوبو نظاظر بمليون هنا فالمغرب رخص من لحوايج

ماريا: سند شوف ؟

سند : ( حول ليها نظرو تيحرك راسو باعجاب ) زوين جاك

ماريا : هاد تريكو عندي من لافاك ( تتحسب فراسها ) شي خمس سنين

سند جمع لبروات وشدها جارها عندو تيقاد فشعرها و يفرق قبلات على شفايفها ويحضنها برفق مخلي ريحتها دخل معاه

سند: شنو نتي ماكاين لا بيبي لا جوج

ماريا: ( ميلت راسها تتبتسم وحضناتو ) تظن يكونو عندنا دي زونفو ؟؟

سند : وعلاش لا ! نطلبو الله يرزقنا

ماريا : آمين ! اه وي تصلت بيا طاطا زهور لبارح نختار جلابة

سند : وي ! نتوما فهاد فرنسا ماتعرفو لا عيد صغير لا كبير !!!

ماريا : ( هزت حواجبها باسف ) المحيط مامساعدكش ، ممنوع هنا تذب_ح الحولي تيقولو الرفق بالحيوان و مشكل النظافة ! يلا بغتي تدبح بشرط خاص تمشي لفيرما تتكون ديك لفيرما مرخص ليها تبيع و تذب_ح وهادشي خاصو مصاريف و الناس لي عايشين عل حساب الدولة و المسلمين لي عندهم هنا لفلوس فيهم لي شاد فالدين وفيهم لي نسى دينو

سند : لهلا يرجعنا منهم ! الفلوس رزق من عند الله سوا عندك لقليل ولا لكثير سنة طبق ! حتى الا كان ماشي فالإستطاعة او ممنوع كاين طرق اخرى تربح بيها اجر مع الله ! تعيد لناس الفقراء فالبلاد و لا تخرج فلوس ليهم مهم الاجر ! واش حنا كمسلمين تنعيدو كل شهر ؟ هي مرة فالعام تنعيدو ونصومو

ماريا : ( تتسمع باهتمام ) وي فهمت ! سي طاطا بخثة لي فلافامي تدير هاد المعاونة

سند : اوا الله يجعلها فميزان حسناتها ! انا هاد العيد نرسل للواليدة لفلوس تعيد لشي عائلة

ماريا : ( حطت يديها على صدرها ) حتى انا نصيفط لها فلوس تعيد لجوج ديال لي فامي

سند : ( قبلها بحب ) ان شاء الله ! يلاه نوصلك الخدمة

_كما عادتهم غادين بالجوج داخلين بالجوج! وصلها وهو كمل الطريق لخدمتو ! مجرد مادخلت مكتبها دخل عندها زميلها بملف

زميلها: بونجوغ

ماريا: بونجوووغ ! ( وقفت تعصر ليهم قهوة جلسو بالمكتب )

زميلها: ميغسي ! الوغ بالنسبة لملف لإكس دراجلك تبغي تسمعي شنو كتبت فيه ؟

ماريا: ( تنهدت بقوة ) بون نجيك نيشان ! الحقيقة عرفتها من فم راجلي ، من طلاقهم عمرو شافها ، اون بليس وصلت لواحد استنتاج اخر

زميلها: لي هو ؟؟

ماريا : اول مرة نزلت لمغرب دوزنا لونكيط فالقنصلية و كنت متأكدة بلي الأمور غادة مزيان مي اون فان دكونط كان الجواب انهم شكو فزواجنا

زميلها: وي وي ! نوغمال جات ريكلاماسيون

ماريا: ( آشارت ليه بصبعها كانه اصاب الهدف ) فوالاااا ! لاسيغبخيز هيا مولات ريكلامسيون هيا ختها !! وهيا فضوسي نكرت ختها انه ففرنسا

زميلها : اااه وي ! ختها ماعندهاش الجنسية اما كن طلعناها ديريكت

ماريا : دبا السيدة لي روندات ليا سيرفيس فنانط ( مصلحة الزواج ) نصحاتني ناخد محامي و نرد حقي فادعائهم

زميلها: من حقك القانون معاك!

ماريا : وي راجلي دخل بفيزا اول حاجة! درنا طلب الزواج قانوني و عقدنا زائد عقد الزواج المغربي، حاليا راجلي خدام قانوني و مرسم ، تيخلص الضريبة ! اون بليس دوز تلت سنين عندو حق فالجنسية

زميلها: وي قل من ثلث سنين ماعندوش حق يطلبها !!

ماريا: الوغ نطلب حقي و الضرر لي سببوه بتأخر زواجي وأنها تتحمي ختها لي فوضعية غير قانونية!!

زميلها: ( ضرب على يدو فالملف ) سي بيان ! انا عمرت ان طلبها مرفوض للسكن و الإعالة من الدولة لحين ولادتها، و تنطالب بإتبات طريقة دخولها للأراضي الفرنسية سي نو يرحلوها

ماريا : ( دورات لسانها فمها ) الا ولدت ماترحلش ! قانون فرنسا مصادق على إتفاقيات حقوق الانسان فهد الحالة من غير الا كان عندها شي منتيف

زميلها: هادشي ناقشتيه مع راجلك؟؟

ماريا: وي ! ماعندوش اعتراض !

زميلها: بيان سيغ السيد واضح مع نفسو !!!

ماريا: فوالا! رسل انت لملف وانا نكلف المحامي ديال لافامي ديالنا يتبع الدعوة ! هي غتعطل مي نرجع حقي ونعطيهم درس يتعلمو يكذبو على الناس

_تفكير بسيط و صريح! لان الدولة تتدعم الناس بحال ماريا و ليس اشكال نهيلة لي كلهم طرافيك ! يكذبو على الدولة باش يشدو المعاونة ، يمرضوا راسهم وهما صحاح باش ياخدو لخلصة يمشيو يخدمو فنوار ! يزيدو لولاد بسبب الفلوس! يولدو مع لي كان و يعيشو مع لي كان بسبب الفلوس! عيشة اوروبا هي السهل الممتنع، مشيتي قانوني و تتخلص لي عليك و تستافد من لي عندك فيه الحق حياتك تتمشي بسيطة بديتي طرافيكي من هنا و تغش و تكذب تدخل فدوامة مشاكل تهلكك صحيا و نفسيا لان فرنسا تعتبر اكثر دولة قانونيا عنص__رية لانها تتحاسب معك على الريال الا شافت كونطك فيه حركة غير عادية او فلوس دخلاتك مجهولة المصدر او عندك شي فلوس وانت ماخدام ماردام تتحول لونكيط الا تبث عليك الغش ترد لهم السنتيم ديالهم ونت تضحك و زيادة بالخطية ..

_كل صباح فالقصر رجع له _مشهد خاص ! لان اكثر شخصين محبين للشغب تحت سقف واحد ! روزا و سيدح ! كانو هم اخر وحدين فوق طاولة الفطور و بخثة جنب آية تتساعدها فتصوير فساتين روزا لبيعهم عبر الأنترنيت و فلوسهم مثل العادة تتصدقهم على الفقراء و المحتاجين

بخثة: ( منزلة عينيها مع النظارات تتقرا ) طاي إس ! هدا كوتشي

_روزا نزلت نظاظرها شمسية لي دايراهم و لابسة جلابة ديال بشرى و دايرة زيف عاقداه تحت ذقنها جات بحال دوك الفاسيات !و نطقت بتكهن

روزا : هداك لبستو غير انا ومرات رونالدو و شي عشرة الناس فالعالم

بخثة : هدا !؟ مانعطي فيه حتى خمسة اورو

سيدح: ( تيدخل فمو لماكلة ) فلوس خويا

روزا : نييييك ....( سكتت ) واش جالس تقلي ليا السم ؟ فلوس خوك ، انا عندي دراهم على خوك مافخباركش ؟

بخثة : اسكتوو شوية ! و انت ماعندك خدمة ؟؟؟

سيدح : ( هز يديه بقبضة ) خذمتي نفرع للبشر وجهو ! اوا البشار مزال ماجا لكومبا ، ( تيضرب بصبعو على وذنو ) اطونسيوون بخثة راني نصور الملاين

بخثة : ( هزت الصاك ) صوري هدا اية ( شافت فسيدح و نطقت بتهكم ) الملايين ؟ اشفار العصير !!!

سيدح : ( جمع الضحكة ) كنت صغير

روزا : من صغرو هبيل ! دخلنا نسرقو جوي ديال لبخوشة لي كطير و نسى عصير فجيب

بخثة: وعاد تتكري ؟

روزا : ( تتحل زيف ) كن كنتي تشريها ليا مانشفرش !

اية : ( نزلت راسها تتضحك ) شفار العصير ههههه

سيدح: سي روزا سي با موا

بخثة: ااايه بنتي! واش دوزو علينا هاد جوج ! حرقو مدرسة ، شفارة يشفرو ليل ونهار، دايرين عصابة ماغسايي فلكاختيي ( بتنهيدة حارة ) ااايه كنا انا و بشرى و كارين نسمعو صوت لبوليس او لمبيلونص قلبنا يتهز

روزا: ( نزلت راسها ) صمت

سيدح: ( نفس الحركة ) صمت

بخثة: اسكتوو دبا ! ربي كبير راكم ولدتو لولاد وتجربو

سيدح: ( ناض معنقها ) حنووونة ! بخثة ! المسامح كريم

روزا: ( تتشرب عصير تبنن ) سي بون ! هانا كبرت ونعطيكم ففلوسي تبرعو بيهم للفقراء راه ربي يغفر ليا

بخثة : خاص الصوم و الصلاة و الزكاة

روزا : سي بون جوسي

سيدح: وي طاغيزون ! ( جر آية باغي يبوسها وهيا تدفعو )

بخثة: ( ضرباتوا بصاك ) ماتحشمش ! راه عليه نهضرو

سيدح: هضرتي على لبوسان ؟ ماسمعتش!!!

_كانت بشرى مع قادر مسافرين كما العادة و كارين فالعمل و الدراري فالمدرسة و بنت كارين بدات خدمة كدالك ! جالسين مع بعض مرة ضحك مرة إحياء الذكريات حتى نضم ليهم تيتو لي رجع يقطع وقتو ويجي يشوف روزا فرحة كبيرة تتغمرو كلما يتخيل بطنها يبدا يكبر و يستقبلو طفلهم لهدا تيحرص يكون معاها اكثر وقت ..تغداو مع بعض ! وروزا معظم الأكل رجع يروع لها قلبها تتكتفي بالما فقط ، حتى طلعت ترتاح و آية دخلت دوش وجلس تيتو و سيدح على فنجان قهوة

سيدح: اتصلو بيا من الضريبة

تيتو : سي نوغمال ! شوف شحال حسبو عليك رمي لهم جوج اورو ديالهم

سيدح: ( هز تيحك راسو بتفكير ) بوغ لاكط دوماغياج انا وآية قررنا نديروه فنويل ! شنو بان لك؟؟؟

تيتو : سي بون فازي ! شوف مع منادجر ديالك و لكونطابل لي نصحوك ديرو

سيدح : ( هز حواجبو ) مابغيت ندير لا إتفاق لا كونطرا ! فلوسي لولادي و لمراتي ، جوسي با مع الوقت اش يتبدل فيها ! مي تنشوف لفلوس اخر اهتمامي، اون فان دكونط راه نسكن فدار وحدة ونعس على فراش واحد و نصوك طموبيل وحدة !! ماعلاباليش بميات طموبيل ولا جوج فيلات دوزنا داكشي غير لاميرد وصداع

تيتو : الا متافق مع مراتك سير عالله

سيدح: مي الفكرة لي تنفكر فيها بزاف هيا باغي نعيش فالبلاد !!

تيتو : انت تعرف! مي حسبها مزيان ، كاين جونيور لي تقدر ميلا ترفض

سيدح: جوسي ! مي ماشي غدا ولا العام جاي نخوي فرنسا! هادشي تنفكر ليه ونخدم عليه ! تنشوف مشروع لي يدخل ليا فلوس تما و نعيش منو اليز

تيتو: شوف غير مشكلة اولادك اما المشاريع ضربهم عليا ماتخممش

سيدح : ديك لي كذبت على سند شنو درتي فقضيتها ؟

تيتو : سند هضر معايا قالي ماريا غتابعهم قانونيا ! مي عيني عليهم الا وحدة فيهم وصلت لماريا ترحم على كرها ماعنديش مع بحال دوك لقح_اب !

_يقال انه عند الانتقام احفر قبرين واحد لك واخر لعدوك ! لانه ممكن عند اخذ ثأرك تكون نهايتك كذلك، وهاد الحالة هي لي متلبسة نهيلة من البارح ! يا قاتل يا مقتول ، دوزت الليلة عند التركي ونظراتها كلهم كره و بغض غير صبح الصباح صبحت عند صديقتها ..

ص : ( حطت لها الفطور ) بركة عليك من الكارو..

_نهيلة: ( نترث نترة قوية تتشوف فيه تيشتعل حتى تناثر رمادو و تكلمت بحرقة ) اااااااه على زهري وايامي

ص : داك ولد القحبة ماهضرتي ما تكلمتي معاه ؟

نهيلة : نكذب عليك؟ انا حسابي معاها هي، اما هو غير زلال لي قالت ليه زيد يزيد ، وثاني حاجة انا ماشي قدو ، راه تريكتو مزلعة فماغساي واش عندي با ولا خوتي هنا ؟

ص : ( حطت يديها على فمها تتشوف ) شنو درنا دبا؟

_نهيلة: الفلوس لي نيطت منو هاد شهور نخسرها فهاد لافير ! اول حاجة تعيطي لها

ص : عذرا ؟

_نهيلة: ( مكرهة من اسمها ) اياه! تقولي لها لويكاند معروضين لعند بنت خالتك عندها عرس فاسبانيا ، باش تكيديها ، تقولي لها خدات واحد خانز فلوس العرس فاوطيل وراها مريزرفية ليا انا ونتي و نهيلة ! مهم عمري شوارج على دلمها ! كولها داكشي مقود منو تفويجة و مسافرة ونكونوا جمعة تما و السبت العرس الاحد رجعو بحالنا مهم ماتفاكيش حتى تشدي لاوكي و لي عكست لك قولها على حسابي

ص : ( تطلع نمرتها ) صافي اقطعي الحس

_نهيلة : ( جمعت لوقفة ) انا فالبالكو داك شوية جهد لي عندي نوجدو لها الا ضربت فكمارتها مافيا لي يسمعها

_مشات البالكو تتكمي و عقلها تيرسم و يعاود ! دقائق ودخلت عندها صديقتها

_نهيلة : اش قالت ؟

ص : آتمشي ! سيدة تخرج تشري لحوايج ، التركي مسخن لها جيب، ونتي تتحلب منك فلوس الضو و والما

_نهيلة: اوا لقاتني ضحكة ! ما علينا دبا نتحركو عند لميكانيسيان يشوف ليا طموبيل ويفيزيها على ود الطريق و ندوزو نضبرو عند دراري لي خاصنا

ص : صافي زيدي نقضيو الغرض ..

_اليوم من ايام الاسبوع الاربعاء و الجمعة باقي عليه يومان ! نهيلة تجري وتعاود وتضرب حساب كل حاجة و تتخدم اتصالاتها وصديقتها الوحيدة لي واقفة بجنبها و تجري معاها ....يوماين مرت بسرعة البرق عليهم والمسمار الأخير كان السيارة و خروجها من الكراج

نهيلة: قلتي لها ندوزو عندها مع ربعة دلعشية ؟

ص : وي ! السيدة راها بايتة معاه فاوطيل رجعو تيخويو دار فاش شافتنا خيطي بيطي وتابعنا السفر خافو ، شافهم صاحبي البارح كان مقصر

نهيلة: السيد طاح فيها بالمعقول ! ولكن الحساب قرب ! زيدي نتغداو باش نهزو الاميرة و نشدو الطريق

_قلبها كان تيتحرق وهي عارفة ختها بين احضان صاحبها، تتاكل و ماتتاكلش تتنفس وماتتنفسش .و هيا تتفكر منظرهم والحقيقة كان منظرهم مع بعض مثل العشاق و هما فالأوطيل ، كانت لابسة فقط سترينغ و صدرها واقف امامو وهيا تتجمع شعرها امامو بإغراء وهو شاد فعضو تيحك وهيا تضحك بغنج

عذرا : ماتكوليش تحلى الاعادة

تركي : ( دار عند بزطامو وجبد ورقة علة ختها حطهم لها ) تقدك هاد 500 اورو

عذرا : ( تكات عليه بجسمها هو تيتحرق من قربها ) تقدني احبييي

_شدها بقوة ماعاقلش على راسو وهو تيمص ويعض فيها وهيا تتهز راسها الفوق تتحاول تفك منو

عذرا: براكة بليييز تا نرجع ونبرعك

تركي: ( دخلو بقوة فيها ) مانصبرش ! شحال حلوة وحارة وعندك الطرف

_الدلع و الغنج لي كانت غير تتسمع بيه رجعت تتقنو ! ها علاش الرجال يموتو على المتمرسات فالفراش لايهمه هنا جمالها او ثقافتها او نظافتها مهم يعيش اللحظة كانت تتصرخ بقوة من شدة الممارسة ماطلق منها حتى برد راسو

تركي : ( رجعها فوقو تيلمسها كلها ) ماتمشيش ! نهربك تركيا تولدي وندير لك اقامة وتعيشي معايا اميرة

عذرا: ( بنظرة شك ) علاش تتبغيني بزاف ؟؟

تركي: ( تلمس عضوها ) تنبغيه كثر منك ( نعسها فتح لها رجليها ) خليني نتمنظر فيه

عذرا: شوفان ماشي فابور

تركي : ( فتح البزطام من جديد وتيميزي عليها لفلوس ) هااا االاورو لسمر اللوون

_وقت متعة تيطير ! و طيرت منو مليون فعشية ،دوشت ولبست ملابسها كسوة مزيرة منها سترينغ وشعرها مطلوق رمات كويرة و سبادري جارة باليزة صغيرة وصاك فيه لفلوس و التلفون زايدة قدامو هو مهبلو الطرف ركبو فالسانسور وشبكوها بوسان مثل العشاق حتى خرجت هيا لولى مودعاه ركبت طاكسي تحطها فالعمارة باش تموه نهيلة ولكن لي فراس جمل فراس جمالة

نهيلة: شتي القحاب علاش قادين ؟ ( طلعاتها وهبطاتها ) شتي هادي لي جاية قدامك ولد المعلم كان يحويها مرة فشهر تاتمشي لحمام و دور بالحالة ،رجعتها امرأة دازت ليا لزلال

ص : سكتي صافي

عذرا : ( ركبت ) بونسوااااغ

_نهيلة: ( ديمراات ) هاي هاي على الروايح اختي

عذرا : غير جيل دوش اختي

ص : شي ماتش هدا مع سبليوني ؟

عذرا: ( بضحكة صفرا ) ويلي على ماتش!! سبليوني راه قاود مع الطريق...

_شدو الطريق و المساء حل ! طريق كلها والماسق مطلوقين ومبيعينها لعجل !حتى دخلو اسبانيا فالليل وقفو فسطاسيون نزلو بجوج هيا بقات فطومبيل

نهياة : ( فتحت عصير خوات فيه الدوا بسرعة سداتو تتمخد فيه ) شدي عطيها هدا تشربو

ص : ( شدات العصير و الكاطاو ) الا حست بالمذاق ماشي تا لهيه

نهيلة: (بعيون حاقدة)كولها هو هكاك ! عطي لدلمها بغيت بنادم يتفرتت لها الليلة

_فتحت عليها باب السيارة مدات ليها العصير وبقوة العطش هبطات عليه حتى بقى شوية وهيا تخيب سيفتها

عذرا : تفووو ! مر

ص : هادشي لي لقينا فهاد السطاسيون

عذرا : مزال ما وصلنا للمدينة فين ساكنة بنت خالتك؟؟

ص : مزال شوية

_جات نهيلة و غمزاتها صديقتها بأن لبلان تقضى و شرباتو ! و البلان ملعوب من فرنسا ، تشرا الدوا لي تيطيح بنادم و محددين الوقت فين يتعطى لها وشحال لادوز ، ركبو فسيارة تياكلو سندويش و مدروينها بينااتهم على اساس العنوان و الطريق لعند بنت خالة صديقتها مزال مطلع لهم لكن فالحقيقة ماكاين لا عنوان لا بنت خالة ! واقفين فالسطاسيون منتظرين الوجع لول وغير تيتقراو بالعينين

عذرا : واش نبقاو هنا ؟

_نهيلة: جبي ايس (gps)ماعطاش العنوان! نصبرو شوية يطلع ريزو (جبدات كارو ) ريزو ثقيل

عذرا : بفففف خرجي كمي برا !

_نهيلة : ( نزلت راسها بأمر و بركت على كل كلمة بمرارة ) وخ اختي

_نزلت تكمي وبالفقصة الضحكة خرجت لها وتبعااتها صديقتها و تيتفاهمو غير بالعينين

_نهيلة: حضي دلمها لا تنزل وتهضر مع شي واحد ! الطريق فيها العرب لي طالعين المغرب

ص : لا خلعتها بالبوليس ! قلت لها ماعندك وراق تبتي

نهيلة: (تتشوف فالساعة ) ياك قال لنا داك لفرملي دوز وحدة ؟ شت هاد بنت القحبة تعطل فيها لوجع

ص : ( نزلت راسها تتطل نطقت بخوف ) هاهو بداها!! شنو نديرو ؟؟؟

_نهيلة : هزي قرعة الما من لكوفر راه فيها لادوز الثانية! باش تجيب ربحة ( دارت فتحت الباب عادي هيا تسمعها تتنين حاولت تبين الخوف عليها لكن ملامحها مطوعوهاش من عمق الجرح لي فيها ) مالكي ؟

عذرا : ( تتشد فكرشها ) اممم شدني الوجع البرد وقيلا !

_نهيلة: تمشي لطواليط؟

عذرا : ( تتحس بالعرقة ) اااه اختي

_ديك اختي لي تتنطق بيها ماكرهاتش نهيلة تصفيها لها هيا بيديها ! مكرهتش تسولها وش بصح انا ختك ؟؟وش نيت نتي ختي ؟؟وش هكا كيكونوا الخوت ؟ تفكرت بلي متحتاجش تسول لأن عذرا كفات او وفات و بيناتلها معنى الأخوة لي كانت هي غالطة فيها و لكن مشي مشكل ها هي غتبينلها بلي فهمت الدرس و غطبقوا بالحرف !!

وصلاتها لطواليط تاجلساتها وقفت فالباب هيا و تسمع شهقتها و ابتسمت بفرح و غذر

عذرا: (بذعر) نهيلة عتقي تندوز بالدم

_نهيلة: ( ببرود فتحت الباب تتصطنع الخلعة ) دم ؟ آويلاي!!! بزاف

عذرا : تنحس بكرشي تتقطع ! آش داني نشد طريق ؟؟!!!

_كما داتها جابتها جلساتها فطومبيل تتوجع وعطاوها قرعة الما فيها لادوز ثانية لكن بالوجع ماميزاتش المذاق هي تتشرب وهما واقفين تيتفرجو فيها ! تيشوفو فانتقامهم لحظة بلحظة لان متأكدين بعد هاد لادوز تجيب الكاو وماهي الادقائق بداث تصرخ بقوة الوجع والدم من تحتها بحال روبيني و تفتح و بقوة صراخها ماقدرتش تشوف ملامحهم الباردة !! خسرو عليها إتصال بالإسعاف و شادين فيها وهيا تتوجع على خاطرها لكن مايكونش اكثر من وجع نهيلة لي تنتقم من اعز ما عندها اختها و ولد أختها او بنت ختها !! يمكن كانت دايرها بمتابة الابنة المدللة عذرا تأمر و هي تنفد ! غامرت بكلشي في سبيل انها تهنيلها قلبها و تجبر لها خاطرها بعد طلاقها في حين ان عذرا متردداتش و لو للحظة انها تهرسلها القلب و الخاطر بكل برود فقط في سبيل انها توصل لمبتغاها !!! ماحساتش بدموعها فوقاش نزلوا و المسعفين تيهزوها غير صديقتها لي وكضاتها

ص : نهيلة تبتي ( تتحرك فيها بقوة ) نووووهاااايلة !!

نهيلة: (شهقت بقوة ) معاك انا معاك

ص : زيدي نتبعوها لصبيطار

_نهيلة: (بيأس و حسرة ) زيدي ! صوكي انتي انا يدي طاحو..

الساعة تشير للواحدة صباحا ، ظلام حالك و برد شديد ، من داخل قاعة المستعجلات كانو فريق إسعاف تيسلموها لفريق طبي و تيعطيو شفويا اسباب النزيف و درجة الحرارة و قياس الضغظ ، كان الوجع مخليها تصرخ و تلوى كلها و الدموع فعيونها وهما تيفحصوها ومن اول فحص تبين كولشي و تحولت لقاعة العمليات و الطبيية خرجت تسأل عن وصيها و كانت نهيلة و صديقتها جالسين حتى وقفت عليهم ، لكن كان مشكل اللغة فالفهم لحظات و حظرت فرميلة تتكلم الفرنسية قالت ليهم بصريح العبارة

ف : السيدة لي لداخل أدير فوس كوش ! اجهاض

نهيلة: ( حركت لها راسها ) داكوغ

ف : لازم عليكم تخلصو فالاستقبال ! الا عندكم لاكارط فيطال او تأمين عطيوه

_نهيلة: اوك ! ميغسي

_البطاقة الصحية او كما مكتوب عليها بالفرنسية vitale ...تتعطيك حق تداوا فاي دولة أوروبية! يعني تعرضتي لوعكة صحية أو حادث او ولادة مبكرة او او ! لاكارط فيتال تتخلي الدولة تخلص عليك ! تجهو للاستقبال و هما تيتشاورو

نهيلة: شنو نحط وراقي؟

ص : حطي ! الا عطينا سميتها نخلصو عليها!! كي والو يجيو بوليس يتضرب لنا كولشي فزيرو

_نهيلة: ( دارت تتشوف يمين و شمال و تتنهد ) هدا بلان وطرقناه ! خرجي لبرا عيطي لداك ولد القحبة مول لفوركو

ص : انا خارجة! زيري راسك و سدي فمك

_نهيلة : (سرطت الريق بقوة ) سيري سيري

_حطت باسبورها مع لاكارط فيتال و دلات ان عذرا هي نهيلة و قدو لها الضوسي ديالها! مرت ساعتين بالتمام و هوما برا جالسين فدوك ليغجونس بحال العساسة ، تيتناوبو على الطواليط و الكارو اما حتى الماكلة ماعندها منين دوز ! حتى جات عندهم نفس الفرميلة تتقولهم راها خرجت و صحتها مزيانة وتقدر تخرج عادي

_نهيلة: ( تتحس بقلبها تيضرب ) كورطاج داز نوغمال؟

فرملية : وي نوغمال ! راها فايقة تتسناكم

_شكروها وحدة تتشوف فوحدة بنظرات مشفرة بيخهم و دخلو عندها ! كانت بلباس طبي و ناعسة على ظهرها تبكي وتعاود وحاطة يديها على كرشها

_نهيلة:(مصطنعة الحزن) عذرا !! شوية ؟

عذرا : ( تتشهق بالبكا ) صمت

ص : (تتحاول تبين حزنها)ماتبكيش ! ماشي كرش الدنيا ، انا نمشي لطموبيل نجيب ليك الحوايج

عذرا : (تتحاول تجلس شدت فنهيلة ) صافي اختي رجع بحالي ! مابقيت باغة عرس ولا زمر ! ندمت حتى جيت ، كن ركنت بلاصتي ، حتى ثلث شهور ماضربتها بسيف ما الكرش طيح

_كلامها عليهم زبل زبل !! لبسوها الحوايج و جاكيط ديالها و خرجو درجة درجة حتى ركبو فطومبيل لي مزالة مطلية بدمها فرشو لها غير فوطات وحطو لها خنشة دوا حداها و هيا غير تتبكي وتنخصص !

_نهيلة: (شافت فالساعة ) قريب ربعة صباح! عذرا نعسي شوية اختي ارتاحي

عذرا : ( رمشت بتعب ) مافياش النعاس ، مزاال مامتيقة طيحت ! الله اربي كانو وراقي فيه

_نهيلة دوزت يديها على راسها و شافت صديقتها بمعنى نفذي الخطة جاية ! شدو الطريق غادية ببطئ شديد وتتدور فنفس الطريق تدير فيها آلي و روتور حتى بدات عذرا تديها عينيها كلما يشوفو فالمراية تيلقاوها تتفتح عينيها وتشوف فالخاريج من زجاج

ص : ( جبدات قرعة الما صغيرة من تحت الكوسان لي اصلا مفتوحة فيها منوم ) شربي اعذرا ، وصاتنا الطبيية دوز ربع ساعة تشربي الما مزيان

عذرا : ( شدت منها القرعة هبطت عليها ) صمت

_عين على الطريق وعين على لمرايا حتى شافو يديها ترخات وفمها تفتح !و هما يشدو الطريق بسرعة وصمت رهيب بينهم فقط تيتقراو بالعينين! وصلو لنقطة العبور بالبحر ونزلت صديقتها معاها جوج باسبورات ديالها و ديال نهيلة و وراق طموبيل و قطعت تذكرة و نهيلة واقفة بعيد وعينيها على عذرا لا تفيق ماهي إلا دقائق حتى رجعت تتجري ودارت رومبوان دخلت لطريق الباطو لي كان شبه فارغ امامها جوج د الناس، تتزيد و تحبس و تزيد وتحبس حتى ركبو فالباطو و توتر لي شدهم و الرهبة عمرها شداتهم فحياتهم عنقهم عواج بمراقبتها وهي ناعسة و الوقت تيدوز ثقيل ثقيل ! ماتنفسو الصعداء و الروح رجعت حتى تحرك الباطو و شد الطريق عاد رجعو يتنفسو عادي

_نهيلة: الموت هادي ( غمزت صاحبتها تنزل و خرجت من جيبها باسبور عذرا لاكارط ناسيورنال ديالها ) رمي معاك هادو فالبحر

ص : ( شداتهم ) سمعي انا غادة نشوف سيد لي هنا ! حطي لها باكاجها حداها

_نهيلة: ( فتحت جاكيط جبدت غلاف فيه الفين اورو هيا جوج مليون مغربية ) شدي ! يطبع لك وراقنا معاه و رمي لها وراقها هما اولين

ص : صافي خليك على بال

_كانت الخطة كما ترسم لها ! جبتك من المغرب بوارقي و فلوسي و لحمي و نقذتك من لميزيرية و كلام الناس و امك و خوك و دخلتك لداري و وكلتك و شربتك و ضبرت عليك و تشمتيني ؟ بفلوسي و وراقي من جديد رجعك لنقطة البداية ! المنوم خدام فيها ناعسة ماحساش ، الخوف لي عندهم هو تفيق قبل مايقلع الباطو ولا تعرف طريق الباطو وتهرب ! لكن مرو بجميع المراحل بسلام! والاتفاق الباقي هيا الدركي الاسباني يسلمها للشرطة المغربية و ينكر مجيئها مع نهيلة!و باش تحيي باش تموت ، مول الفوركو لي حركها هو لي مدخل بينهم وبين دركي باش ترجع ! ومخلصين دركي ومفهمينو يعترف عليها بحالها بحال اي واحد حارك ، غير هو تحرك من اوروبا لمغرب ساهلة شوية ولو يشهدوها تقولهم هادي اختي هيا جابتي مابقى عندها حتى وراق تبوثية

ص : ( مدت لها باسبور وراق طموبيل ) للحظة لي يجيو عندها نطلعو حنا الفوق

_نهيلة: ( شدها الوجع ) تنحس براسي نطيح

...بعد ساعات من وصول الباخرة للبحار المغربية بضبظ لطنجة و الوقت لي الكل تيطبع باسبورات ومريكلين الأمور تينتظرو وقوف الباخرة كان الدركي تيفتح السيارة على عذرا و معاه ربعة الدركيين بالكلاب وصوت عالي تيطالبوها تنزل تيصرخو فوجها بالإسبانية

الدركي : نزليييي ! نزليييييي

_كأنها تتحلم ! صوت الكلاب تيصرخو قفزها و ناضت قافزة تتشوف ولكن ممصدقاش ! مافاهماااش، حلقها شحف و دماغها حبس وتتشوف جنابها تتبحث على نهيلة

عذرا : ( تتمتم و اللحظة لي بغات تمشي لباب الاخر طاكاوها وجروها وهيا تتصرخ بأعلى صوت ) نووووووهاااايلااااااااااااا

دركي: ( كتفوها من يديها جارينها ) زيدي معانا زيدي

عذرا : ( عقلها يخرج وتتصرخ ) نووووهايلاااااا ! ( تتهز فسما و تتجار ) نووووو نوووو

_مثل هاد المنظر ليس بغريب على الجالية فالباخرة ! شحال شدو من واحد حارك و من واحد هارب قاتل!! واحد مهرب الحشيش! جروها وجارين باليزتها و صاكها و نهيلة و صاحبتها كانو من الفوق تيتفرجو فيها ! كانت ملامح جامدة على وجها! ليس بحزن ولا فرح ! ليس ندم ولا ظلم ، خرجوها هي لولى سلموها لسلطات كانت اول وحدة تنزل من الباطو إلى أيدي الجمارك المغربية

ص : صمت

_نهيلة: ( جلست بانهيار ) شوفي الباطو لي راجع لول رجعو فيه نقود بحالي

ص : اوك ( شافت فيها باسف وحزن ) نهيلة؟

_نهيلة: ( شهقت بدمعة ) كن لقى نبدل سميتي ! كرهت دلمها كرهت كري و هاد اوروبا لي جابت لينا ذل ! شوفي شنو صرفت وشنو رجعو ليا ، كاع لي درتو خير رجع ليا بالخايب ولكن راه ماشي غير صفحة وقطعتها راه كتاب وسديتو ( شافت فصديقتها بحرقة و دموعها مسابقين على خدها ) عرفتي كن قالت ليا ختي راه زلالك تيدور عليا و عيني فيه ولا مصلحتي فيه ؟ برب اختي تندوزو لها ولكن كان درس ليا وفهمتو

ص : روطار هاد الهضرة ! تعقلي شحال تبريت فيك وقلت لك بعدي من زمر !

_نهيلة: روطار و قلتي ليا و عاودتي ولكن راه تنشوف الناس متعاونين تما دارو الزمان و الخوت متحانين فالغربة ، قلت علاش لا ؟ اختي وماعندها زهر ، اختي وطلقت ، ختي والفقر قهرها ! شفتي حتى العتاب ؟(نطقت بغل و كأنها مزال مشفات غليلها) والله خسارة فيها! كرهت الشوفة فيها و صوتها ! دقتي عمرها تنساها و حياتها كلها تبقى تحلل شوية بشوية تعرف بلي نهيلة لي جابتها هي لي رجعتها ...الوداع يا بلادي

_كان اخر كلام لنهيلة و هما خارجين من الباطو وصاحبتها لي تتسوك ! اما هي حطت يديها على عينيها رافضة تشوف حتى شورايع البلاد ولا تشم حتى هوائها ، نفس الطريق الي شدو هما جايين شدوها من جديد يرجعوا فحالهم

_نهيلة : ( دارت شافت دم تطبع فالفوطة و خسرت وجهها ) شتي هاد الطموبيل غير رجع نخوي على دلمها يطرو ليسانس تحرك

ص : صافي نساي ! هيا يخصلها الله وخلي التركي ينفعها

_نهيلة: التركي نفع حتى مراتو جابها حداه بقى غير هي يجيبها ،؟؟!!! ذنوب لكاوري راجلي لول وذنوب ولد المعلم هانا تنخلص تنحط لملاين و روحي تاتبغي تزهق ! اما هي راه حتى لوجه باش ترجع لمكناس ماعندهاش ! ماترضاش!!

فالحياة كلها متناقضات و كل حاجة ليها ضدها ، الحياة ضدها الموت و الحب ضد الكر_ه و العقل ضد الجنون وبين كل ما سبق شعرة رقيقة! شعرة رقيقة تتفرق بين العقل و الجنون لي قربت تصاب بيه وهي جالسة على الرصيف فالأرض حاضنة صاكها و شبه غائبة عن الوعي ! كان انتقام قاسي عليها ، تتحس بعقلها ينفجر ، تتهز عيونها و تشوف الشواريع و الناس و تتسمع أصواتهم و السيارات دموعها تينزلو متابعين بصمت و لكن داخلها تيصرخ بل بركان بحمم تتحرق قلبها و حوار ضاير فداخلها في محاولة للإستيعاب :

_انا عاد كنت فإسبانيا! اش جابني المغرب؟؟

_شدات على فمها تتنخصص وهيا تتسمع اللهجة الطنجاوية بين الناس و حست بوجع فكرشها وتطوات على بطنها تتوجع و تبكي وتقول شي مابكيت ،لي داز من حداها تيشوف فيها وهي فعالم آخر ! وقفت بصعوبة و كل ماتوقف يطيح منها الصاك وتهزو و بخطوات متجهة جهة البحر عينيها على الباخرة و تتبكي و تنخسس حتى خارت قواها و جلست تتنذب و تبكي و تعد وتضرب فوجها و فكرشها

_ااااميمتي آش درت فحيااتي ؟ وااااا زهري فين رااك ؟؟؟

_واااا ربي حبيبي فين نعطي الراااااس ؟ ( تتهز راسها لسما و تضرب فالأرض و تنتف شعرها كولو بجنون ) وااااا فين نعطي اعباااد الله ، وااااا غاااادي نموووووت وااااا غير نمشي نتاحر وماااارجعش عند امي وخوياااا

_واااا نهيلة راني يهوووودية وسلمت بين يديك غير رجعيني!! وجهي ماتشوووفيهش وااااا نهيلة والبزيزلة لي رضعنا راني مانسوااااش و بنت الحرام

_تتشهق و وتتقول الموت هادي و الوجع تيقطع فيها ضربت فوجها ماخلاتش و قلبها يسكت بالصدمة و ترجع تبكي

_اناااااا !! ( ضرب فراسها ) انااااا لي حفرت قبري انااااااا لي عضيت اليد لي وكلاتني اناااااا اختي نهيلة ولكن حنييييي فيااااا وااااا ربي

_لا الدموع ولا الندم يرجعو مافات ! اختين فرقهما شر افعالهم ، كانو باغين يحفرو لسند حفرة لكن طاحو فيها بجوج و غذرو ببعض ، دعوات الوالدين و تدرعهم لله بأن يبعدو عليك أولاد الحرام تتقبل وانت ماعرفش لا امتى ولا كفاش تهزت عليك الدعوة وربي دار ليك الخير و طريق اخرى بعيدة عليهم ، و عذرا و نهيلة نموذج للناس لي تيطعنو و يغذرو و عاقبتهم عبرة و درس ...مرت عليها سبع ساعات وهي على نفس الهيئة و فنفس المكان و الظلام حل و الشتا تتطيح ، لا نهيلة رجعت ولا هي قدرت تستوعب ! جمعت شتات نفسها و ناضت تتمشى بخطوات تقيلة عيونها على اقرب اوطيل دخل ليه من بعد ماتأكدت بان الفلوس مزالة عندها

عذرا :(كمشت عليها فيديها بغل) فلوس ولد الكلب لي غرر بيا

_حتى وصلت اوطيل وبدات تفتش فصاك ما لفات لا لاكارط لا باسبور وهي دور بيها دنيا! الفقصة و الجوع و الصدمة لا اوراق لا والو وهي توقف فالشاريع تتشوف فالناس شكون تسول؟؟

عذرا: خويا عفاك فين جات الكوميسارية؟

الولد: اش عندك اختي؟ ( طلعها وهبطها )

عذرا : طاحو ليا لوراقي اخويا

الولد: اطلع اختي مع الشاريع طوالة وشبر تاكسي هي توصلك !!

_دارت تابعة النعث ! و اللحظة لي هيا غادة كانت نهيلة وصلت لفرنسا مع صديقتها دخلو لدارها و جلست تتشوف فالفراغ و التعب غالب عليها

ص : شنو قررتي ؟

نهيلة: ( بحرقة ) والله فرنسا لا زدت فيها ضربة! نخوي نمشي فين ماكان!!

ص : نطلعو لبلجيكا عند بنت خالتي؟

نهيلة: تشدنا ؟

ص : راه حنا بفلوسنا !

نهيلة: نتي عندك الجنسية!! وانا تشدني بلجيكا ؟

ص : المهم عندك اوراق !! نشوفو لك الحل

نهيلة: ( تكات ) خلينا نعسو ! الصباح نشدو طريق !!

ص : خايفة من التركي ؟

نهيلة: ( حركت راسها بالسلب ) ماعندو مايدير ليا ، من غدا نمرة تبدل ونبدا كولشي من جديد! (بتنهيدة)عيييييت و مرضت و سبابي؟(بتسمت بإستهزاء) دمي و لحمي

_الليالي ففرنسا بدات دخل بكري ! و البرد تيشتد ، لكن كما تنقولو حنا المغاربة اوروبا بقوامها ، كونك مواطن في فرنسا سوا ساكن بسكن الدولة او الخصوصي فالتدفئة حق لكل مواطن ، و تتلقى التدفئة فالسكن و المدرسة و فالاسواق فكل مكان هناك تدفئة ! و اقتصاد دولة منزل خطة لدعم المواطن كما تيوصل الصيف و ينزلو التخفضيات على الملابس الصيفية و لوازم السفر و يجشعو السياحة ديالهم كدلك فالشتاء تتكون تخفضيات لا فالملابس ولا السفر وخصوصا مع اقتراب السنة الجديدة فرنسا و اوروبا كلها مزينة بالإضواء و الالوان الحمراء و الخضراء وصور بابا نويل

بخثة : ( تتلبس جيلي اخضر ) كل حاجة حطوها وحدها ؟

السيدة : وي الرجال وحدهم و النسا وحدهم( تتشير الصناديق ) هادوك لي دراري

بخثة: ( تتلبس جاكيط ) سي بون ! هما يتبعونا بلافواتيغ فيها الماكلة

_ حياة بخثة! من نهار عاشت ففرنسا مند الثمانينات كرست نفسها للعمل الجمعوي ! كل ماتتعرف فحياتها بعد عائلتها هو مساعدة الناس بدون اوراق و المحتاجين بصفة عامة ! لا يهمها عرقهم او دينهم او اصلهم ، اهم حاجة تعطي و تمد و تصدق ! ودائما اي عمل جمعوي بإذن من الدولة ، لأن الدولة فالاصل قادة بالمواطنين من جميع النماذج منهم لي في وضعية قانونية او غير قانونية ولكن عينيها على الصغيرة و الكبيرة و عمل الخير عندهم بإذن من الدولة ماشي اجي وفتح جمعية بحال الدول العربية، هنا العكس! ببساطة ليس بسبب النصب او عدم الكفائة بل بسبب تخوفهم من استهدااف الناس بدريعة عمل الخير و انت فالاصل تتجندهم خصوصا الا كان صاحب الخير مسلم ....وصلو لتحت قنطرة فين دائما تيتجمعو و خرجت بخثة ولي معاها تينظموهم و بداو يعطيو كل واحد شنو محتاج وفنفس الوقت تيسمعو لاي شكوى او طلب عندهم حتى نهاية عملهم و رجوعهم لمقر الجمعية لي فالحي

السيدة: ( تتنهد ) الدولة لي مخلية دوك الناس تما ! تشوف معاهم حل !!!

بخثة: ( حطت يديها على كتفها تتمسد ) كن دير حل ! دير حل مع لي عايش ففرنسا سنين هادي بلا اوراق

السيدة: فرنسا عمرت !!

بخثة: (هزات حواجبها)مزال تعمر و تزيد تعمر مع هاد السوريين ولكن فرنسا السبب هي ديما مدخلة راسها فدول الأخرين

السيدة: ( بتأمل ) اايييه بخثة ! كي دخلنا فثمانين و ماغاساي كي كانت!! وكي رجعات!!!

بخثة: ااايه الدنيا ! كانت شباب و الحي الشمالي فيه جميع الناس ها لعربي و المغرابي و الفرنساوي و الاسباني مي مع الوقت رجعوه حي للعرب و ضربو عليه كروا

السيدة: مع هاد الجيل راه ينوضو معاهم لاكيغ !!

بخثة: فرنسا راها تخلص شر أفعالها

_هما جالسين وتيشربو قهوة حتى التحقو الجمعويين لي معاها و دارو اجتماع بينهم حتى وصل وقت الخروج و بخثة هزت صاكها ومعاها السيدة خارجين من الجمعية و تيتكلمو مارين على الحي لي مليئ بالساكنة و أصوات الأطفال تتعالى بلعب الكرة و النساء واقفين يتحدثو واصوات موسيقى الراب فالأرجاء تتعالى معاها اصوات الشباب تيرابيو ! دائما وابدا تتعشق الحي الشمالي لي عاشت فيه ذكريات و سنين منها السيئة و الجميلة لكن تيبقى عندو مكان خاص فقلبها و لو سكنت فقصر

السيدة: ( بابتسامة ) البساطة

بخثة: ( هزت يديها بإبتسامة و بحركة فالهواء تتمجد ) ماغسااااي راها فالقلب

_في نفس اللحظة تسمع صوت محركات السيارات دورو وجهم ناحية الصوت لمحو شخص جاي تيجري بسرعة دخل ضمن مجموعة من الأطفال تيلعبوا و فرمشة عين و بسرعة رهيبة سيارة جاية بسرعة خارج من نافذتها واحد تيحمل سلاح مصوبو على الشخص لي دخل بين الأطفال و تعالت الأصوات وصراخ المارة على الشخص لي حامل السلاح لي وجه سلاحوا ناحية الشخص الهارب وتسمع صوت قرطاس متتالي وصرخات الناس في حين السيارة مكملة طريقها بنفس السرعة مخلية ثلاثة الأشخاص مرميين على الأرض غارقين فدمائهم منهم الشخص الملاحق وطفل ناعسة عليه بخثة حامياه

السيدة: ( بصدمة ) بخثاااااا بخثااااا ( تتصرخ و الناس تيتجمعو ) بخثاااااااااااا

احد المارة : ( تيسمع بكاء الطفل تحتها ) راها حماتو ! حماتووووو ! إيلا بخوطيجي لونفوووو

_على شاشة التلفاز مر الخبر الأولي للحادثة بالحي الشمالي الذي راح ضحيته مواطنين و بدأ الخبر يتناقل بين القنوات و الهواتف !! يقال ان الجريمة تقع فرمشة عين وهدا لي وقع ! الحي طوق بالاسعاف و الشرطة و ساكنة الحي في ذهول شديد و السؤال لي تيتطرح هو واش اولادها فاخبارهم ؟! واش ساقو الاخبار !؟ شحال من عائلة تتكون فأمان الله حتى يوصلها اخبار اولادها او آبائهم مثل صاعقة ! شحال من عائلة بسبب مجرم_ين تيتمو و ترزاو فشبابهم و تركو ورائهم مستقبل فالبداية و تركو ورائهم فلذات كبدهم وزوجات بأمر الله تحولو لأرامل صغيرات ..ولكن مكتاب الله تيتصرف ...من داخل المكتب ديالو جالس هو و سند تيشوفو ماتش آميكال لفرقتهم حتى رن الهاتف وغير ظهر ليه الرقم عقد حواجبو وجاوب بنبرة جافة

تيتو : وي

الحارس الشخصي : مسيو تيتو ( تيسرط ريق ديالو من شدة هول الصدمة ) مسيو تيتو

تيتو : ( بصرخة عالية ) وااااش !؟

ح : مدام بخثة !!( قلبو تيضرب بقوة ) مدام بخثة فلوبيطال !!!

_هز السوارت وسند مافهم والو غادي تابعو وتيتو تيحس بقلبو تيضرب و شي حاجة ماشي عادية ! ماوصل السيارة حتى نهالت عليه مكالمات و غير تيقطع و يعاود محول الإتصال لقادر مجرد سمع صوتو الما فركابي حبس ليه

تيتو: واش تيووو !؟ مالها بخثة ؟؟؟

قادر: ( واقف امام الباب الحديدي بملامح منهارة ) بخثة حركت روووحي يااا تيتو

_مابقاش عارف اش تيدير فصوكان ! للحظة شد فران سيك وسند معاه تينبهو على الإشارات و الطريق لكن ماتيسمعوش حتى وقف فلوبيطال المعروف فماغساي هو تيلمح الصحافة و الشرطة وغير شكوكو ماتزيدو يتأكدو وخرج بسرعة وسند وراه داخل لوبيطال تيشوف يمين وشماال غير شاف السيدة لي تتكون معاها و شي عيالات تيبكيو و يتعانقو دور راسو يمين شمال رجليه تيحس بيهم تيخويو بيه ماحس براسو توقف عليه كارد كور وبدون كلام مشى تابعو طالعين فدروج بسرعة تتسمع غير صوت خطواتهم تتضرب بقوة مع الارضية حتى وقفو فممر كل زجاج وقادر واقف حانى راسو هالة من الإنهيار و الصدمة تتحوم عليه و يمكن اول مرة يشوفوه حاني الراس !!! حتى وقف عليه تيتو تيلهث و العرق نازل مع جبهتو وصدرو تيطلع وينزل يلاه يتكلم يفتح فمو و هو يشوف جهة زجاج قاعة الإنعاش و صوت الالات مسموع عندهم وشاف جسدها فوق السرير محاط بمجموعة من الاسلاك رابطينعا بالالات حلقو شحف و بصيص امل رجع ليه

تيتو : شنو وقع ؟

قادر: ( بعيون مثل جغمة الدم ) ربي بغاها

تيتو : ( بملامح صدمة مامصدقش ماباغيش يصدق تيشوف فيها و يشوف فيه ) بخثة راها عايشة قادر !!

قادر : ( حرك راسو بسلب ) قرطاسة تضربت فالراس و ليزاباغاي محافظين على حرارة الجسم ، حاولو معاها وحاولو مي مستحيل! دكاترة تينتظرو لافامي ويعلنو الوفاة

_ماحس براسو حتى كان يطيح وشدو غير سند لي هو الاخر مامصدقش ! نظرات هائمة غير مصدقة، تيشوفو فيها عبر النافذة و يهزو عيونهم للاعلى متمنين معجزة

تيتو : ( دموع نزلو ليه بدون إدراك وتيشهق بقوة ) آش نكول لروزا ؟! ( تيضرب بيديه فزجاج ) شنو نكول الواليدة و كارين شنووو نكول لخوتي ؟؟؟

قادر : ( نظرو ماتحركش عليها خاطب الكارد كور ) لي قتلها جيبوه ليا دروك !

تيتو : ( نهار تيكبي ) اااااا بخثة ماكانت على بال ولا خاطر !

سند : ( حط يدو على فمو تيبكي ) لا حول ولا قوة الا بالله اللهم آجرنا في مصيبتنا

قادر : ( حرك راسو بتأكيد لكلام سند ) اكرام الميت دفنو ! امر الله يتصرف ، جيبو العائلة وجيبو ميم ريان و جونيو !

تيتو : ( وقف بصعوبة تيمسح وجهو ) روزا !! ( جبد تلفونو تيشوف فيه ) الواليدة تتصوني ( مد التلفون لقادر )

قادر : الو

بشرى: ( تتغوت و تصرخ ) بخثاااااااا ! كولي بخثاااااا ( تتضرب فصدرها و مانويلا تتشدها والخادمات واقفين تتبكيو ) كوووووولي

قادر: ( بصوت مبحوح منهار ) بركات بشرى ! بركاااات ( اشار براسو لكارد كور ومشى تيجري باتجاه الخارج )

_تيتو: راني نشوف روزا( شاف سند ) اتصل بماريا

سند: ( تيدوز يديه على وجهو ) لالالا مانقدرش نهضر معاها بتلفون نمشي برجلي عندها

_خلاو قادر بوحدو تيشوف فيها و فداخلو عاصفة هوجاء ! و سند و تيتو ركبو فسيارة تيتصل بالكارد الكور الخاص لي حاط على روزا و ماريا و اخبرهم انهم فمول للمشتريات

تيتو : ( دموع تينزلو ليه رغم عنه ) لاحول ولا قوة الا بالله

سند : الموت حق ( طبطب على كتفو ) الا نت هكا ؟! كفاش نوقفو معاهم ؟

_تيتو: ( تيميسح بكمو ) جاااامي ! جااامي دلافي ظنيت فكرت دنيا تغدر بينا هاكا وفيمن ؟ فبخثة

_آخر حاجة فكرو يهزوها هيا تلفون ! ساعتين هادي بش دخلو المول بضبظ جهة ملابس الاطفال روزا بدات تأقلم مع الحمل و قررت تعيش كل لحظة بلحظة

ماريا: ( بحب ) اووووه سي منيون

روزا: ( تتلمس ثوب ) واو جولادووووغ ! ( هاتفها تيرن جبداتو تجاوب بدون ماتشوف ) الو

_تيتو: ( بصوت مبحوح ) انا فالمول روزا خرجي

_تيمرو من جنب التلفزة و الخبر تيتنقل لكن مانتبهوش ! كن للحظة تفحصو الهاتف كانو يلقاو الخبر بأسم بخثة و صورتها لكن شاء الخبر يتلقاوه من تيتو وسند لي وقفو عليهم وجهم يعطي الخبار ! بلا مايهضرو و يتكلمو تيتو حضن روزا بقوة جارها معاه غادي و ماريا شد فيها سند رغم أسئلتهم مالقاو مايقولو ركبو فسيارة شاد نفس الطريق

روزا : تيتو كيسك إليا ؟ علاش ماتتهضروش؟؟

ماريا: واقعة شي حاجة ؟

سند: ( ماعرف مايقول شاف فتيتو من لمرايا حرك ليه راسو بعدم البوح ) ماوقع والو

_تعبو بالأسئلة و توتر لدرجة روزا بدات تلف اعصابها لكن مجرد توقفت السيارة امام لوبيطال قلبهم نزل بالخلعة

روزا : ( تتصرخ و تجذب ) شكوووون فلوبيطال؟

_ تتشوف فصحافة جايين عندها وقوة السيارات لكن لي كارد كور حبسوهم دخلو بسرعة كلها حاضن مراتو طالعين نفس الدروج وبكاء بشرى كان واصل عندهم مجرد دخلو للممر كان الكل حاضر ! بشرى وكارين مصدومة ماتتبكي ما تتضحك و بنتها شادة فيها و آية هازة ريان و مانويلا هازة جونيور و سيدح معنق قادر تيبكي و ميلا ومامادو مع بنتهم تيبكيو ! هادي عائلتها ! هادو أفراد اسرتها لي قراب لها و شاركوها لحلوة و المرة! هادو الناس لي غير تيشوفو بخثة يضحكو ، هادو الناس لي بخثة تنصحهم و تنور عقولهم ويقولو لها

_سي بون حنونة

_سي بون بخثة

_بخثة الحنينة ! بخثة لي مدت يد العون لأرملة هاربة من بلادها مع جوج أطفال و حامل ودارتها ختها و جارتها! بخثة لي حتوات كارين لا من دينها لا من عرقها و رجعاتها من عائلة بخثة ! بخثة لي كانت خالة الجميع للفقراء و المحتاجين!بختة القلب الكبير لي كان يسمع لكبير و صغير!!بختة اليد الحنينة لي كانت طبطب على الكل!!بختة الحكيمة لي كانت تنصح الكل!! بختة بلسم كل من عرفها او شافها !! بخثة لي كانت أم بدون حمل او مخاض ولادة ام لأجمل فتاة رأت عيونها... وهي تتشوف فيهم واحد واحد تتبحث على شكون ناقص ! تتحسب باصابعها مثل فتاة صغيرة شكون ناقص من عائلتها و عيونها دمعو بدموع حارقة وهيا تتسأل عليها فعيونهم واحد واحد! تتبحث على وجها فيهم ! ابدا مابغاتش دور وجها لجهة النافذة الزجاجية لي جارها ليها تيتو

روزا: ( بحرقة و صوت متقطع ) ماما ! ( حضنها قادر بكل قوة ) تيووو ! جيب ليا ماما

قادر: ( تيطبطب عليها هو منهار اخر ) شششش الله يرحمها

روزا : ( تتشوف فالغرفة غير مصدقة ) ماما عايشة! ماما الصباح فطرت معايا وقالت ليا تهلاي فالبيبي

_تيتو : ( تيحاول يشدها عندو تهدن ) روزا

روزا : ( تتهز للسما تيشدوها ) واااااا بخثة فيقي! بخثااااا ( تتمشي تغيب عن الوعي ثانية وترجع تصرخ ) ماماااااا

قادر: مشات عند ربي! الانسان الزوين كامل يروح عند الله بكري

روزا: ماتقولللليش هاد الكلام! ماما جامي ظلمت احد الا آذات حد ماما ماتموووتش ( تتعنق بشرى و تجر كارين لي مصدومة بقوة ) طاطااااا ! طااااطااااا نوضو ماما

_بدات جنازتهم بدموع و اهات ! ماريا ماقدراتش تحمل و جاتها نوبة تنفس متقطع ! و بشرى تتقطع فالقلب مع بكاء سيدح لي نهار تماما

سيدح: ( تيشهق و يبكي ) وااااا حنونتي واااا بخثة فين مشيتي تتخلينا كي اليتامى وشكوووون يربي ليا اولادي ويدير ليا عقلي ( تيدور يعنقهم واحد واحد ) نعطيها عمري كن ترجع الحنونة ( يرجع يعنق روزا لي تتبكي دم فحضن تيتو ) واااش حتى زيانت لينا وتمشي و تخلينا

بشرى: ( تيشدوها يثبتوها تتبغي ضرب راسها مع الحيط ) وااا نص عقلي ونص روحي وااااا ختي ! وكانت تقولي اختي واااا عشرة عمري واااااا بخثة لحنينة واااا ربي ! واااا سيدي ربي وترزينا فختنا

_لااحد قدر يواسي احد! جنازة امام لوبيطال بتجمع الناس و جنازة عائلتها أمام غرفتها حتى وقف عليهم الدكتور بأسف متكلم مع قادر

دكتور: من الأحسن يودعوها نعلنو على الوفاة

قادر : ( حرك راسو بقبول ) صمت

دكتور: تعازية ليكم السيدة بخثة بطلة ! إنها ضحت بنفسها لانقاذ طفل الرب وحده يعلم قلبها الأبيض

_الموت حق !! شحال من انسان فقد نبع الحنان ! فقد السند! فقد عموده الفقري فالحياة وسلم امرو لله ! بداو يدخلو واحد واحد يقبلو جبينها و لحظة وداع معاها ،كان منظر تقشعر له القلوب، منظر يخليك تعرف الحياة كلنا فيها ضياف و دارنا فديك الدار وسعداتك ا فاعل الخير ! دخل مامادو و ميلا مع بنتهم بعدها لاورا مع بنتها و كارين جاراها بشرى

بشرى : ( تتبكي دم تتقبل جبينها ) الله يرحمك الحنينة الله يثبتك عند السؤال !!

كارين: ( مسكت يديها تتشوف فيها و بتسمت ) بخثة ! ( تتنادي عليها وبشرى تتبكي من حالتها ) بخثة نوضي، نتي ماتبغيش لوبيطال !!!

بشرى : ( هزت كفوفها للسما )ياربي ! ياربي ماترزينيش فالثانية ورحم لولى ياربي!!

خرجو كل خطوة يشوفو ورائهم كانهم خلاو روحهم ! دخل سيدح مع اولادو الدموع نازلين و ريان و جونيو فيديه هزهم واحد واحد قبلها فهمهم انها اخر مرة يشوفها بدا ريان يبكي

ريان: papa ناخدوها معانا

سيدح: ( هز يديها تيقبلها و روحو تزهق ) آسمحيلي حنوونة! ندعي معاك صباح وعشية حنوونة تعيشي فقلبي حتى الموت حنوونة

_كانت على سريرها كانها نائمة ! عيونها ذات رموش شقراء مغمضة و بياض وجهها لا زال فقط الالات متصلة بجسمها و بصوت دقات قلبها! دخلت ماريا مع سند شادين فيد بعض ! وقفو عليها بدون سابق إنذار سند انهار بالبكاء وعلاش لا هو تيعرف بحق الام ماقدرش يتخيل زهور مكانها ولو لحظة

ماريا: ( قبلت جبينها بحنية الدموع تيتقطرو من عيونها ) جوطيم طاطا ! جوطيم بوغ توجوغ ، ( حطت يديها فقلبها) تبقاي فقلبي بخثة ميغسي بوغ تو طاطا! ( بداريجة مهرسة ) الله يرحمك طاطا بخثة تمشي الجنة ياربي

سند : ( قبل جبينها )اللهم ارحم روحاً صعدت إليك و لم يعد بيننا وبينها إلا الدعاء.اللهــــم، أنزلها منزلةً مباركة و أنت خير المنزلين.

_كانو اخر وحدين هما اقرب الناس ليها لي مشاركة معاهم اسرار! دخل تيتو الظلام فعيونو حاضن روزا لي واقفة غير بزز و قادر لي تيحاول يصمد قدر الإمكان! تقربت عندها هازة يديها تتقبلها و تتبكي

روزا: ماما مزالة سخونة !

تيتو : ( تيقبل راسها و يحاول يهدنها ) دعي معاها بالرحمة

روزا ماصبراتش وطاحت عليها معنقها بكل جوارحها مخلينها على خاطرها ! تتعنق و تقبل فيها و تبكي و تعد كيات حزنها

روزا : كنت بغيتك تشوفي اولادي! كنت بغيت نعوضك على صغري لي ضيعت فالخاوي ( تتبغي طيح ويشدها تيتو ) فين لقى بخثة ؟ فين لقى لي تبغيني بحالك؟؟( شدت وجهها بين يديها تتحاول تحركها وتتمنى تفتح عيونها ) ماااماااااا

تيتو: ( تيشهق بصمت ) الله يرحمها! دعي معاها

روزا: ( نزلت حاضناها من جديد ) الله يرحمها! هي تمشي لبلاصة احسن( تتاكد عليهم كلامها ) ماما تمشي عند الله وانا لمن تخليني ؟ وانا ( تتشهق اتسطى بالبكا ) كن جات فيا ولا فيك

قادر: ( مابقاش قادر يتحمل ) روزا !! استغفري مولاك

روزا: الله يرحمك ماما! ( تترجع تقبلها وتحط حنكها عليها ) سمحيلي ماما! امممم ؟ ( تتشوف فيها بشوق لهفة ) ماما زوريني فمنامي اجي عندي ماما

_بصعوبة خرجوها من تما ولي خرج اما تيطيح مغمى عليه اما الصدمة تتلعب عليه ويسكت ! بقاو اخر وحدين واحد تتعتبرو ابنها الاول و الثاني هو خالها وابوها وخوها و عائلتها كلها ! هيا بخثة عدلي هو قادر شقرون ! هما لي الزمان عمرو نصفهم ، هما لي غير تيضيحيو و قلبهم من فصيلة الذهب الصافي ! كانت اخت ليه وام وصديقة وشاءت الاقدار يكونو مع بعض العائلة لي حلمو بيها و شاءت الاقدار ربي مايعطيهمش الدراري من صلبهم لكن رزقهم بلاصة الابن ؟ ابناء و بنات و احفاد

تيتو : ( قبل جبينها ) اسمحيلي بخثة الا يوم حسيتي نقصت منك آسمحيلي ! كنت امي الثانية و خالتي و كل فاميلتي ! ( مسك يديها ) نعاهدك روزا راها فعيني حتى الموت ( بدمعة حارة ) الله يرحمك حنونة

خرج مخلي اخر واحد هو قادر! تقرب ليها مبتسم بحر الموت لي تيحس بيه ! نزل وجهو قبل جبينها

قادر: كن مانخافش نعصي ربي نقول راكي ملاك! الله يرحمك بنت اختي! الله يرحمك بخثة يا زينة البنات، الله يرحمك يا وجه الخير ! الله يلاقينا فديك الدار !! ( بتنهيدة حارة حط يدو على راسها ) الله يرحمك الله يرحمك الله يرحمك

_كان اخر واحد خرج والدكتور فانتظارو مع تيتو و سيدح و سند ! وهكذا اعلنت الوفاة على ساعة الرابعة زوالا ..

قادر : _تيتو وجدو الجنازة و خبر إمام الجامع غدوة جنازتها

تيتو : تدفن هنا ؟

قادر: وصيتها تدفن فماغساي بمقابر المسلمين بيننا و بين ناسها ! حابة يزوروها بعد موتها! الا دفنت فدزاير شكون يزور قبرها ؟ من غير هويتنا مابقى عدنا احد تما ..الله يرحمها

يتبع...