_المرحومة !! عند لحظة موت الإنسان يرجع اسمه _المرحومة او المرحوم من كلمة الرحمة ، فكل مانفعله للميت و ينتفع به هو الدفن و الدعاء رحمة من عند خالقه سبحانه تعالى ! بما نص الإسلام و سنة حبيبنا الرسول صلى الله عليه وسلم غسلت و كفنت بايدي اخوات مسلمات تيغسلو لموتى النساء فسبيل الله ، و نحمد الله و نشكره على وجود مثل هاد الأخوات فكل ربوع العالم متعلمين من الفقه الاسلامي !
قادر : ( حرك لهم راسو بشكر ) الله يرحم الوالدين
الاخوات : ( بدون النظر إليه ) الله يرحمها و يوسع عليها و يسكنها فسيح جناته الله يرزقكم الصبر !
_وقت قليل على صلاة الظهر ! خرجوها من المستشفى بصندوق راكب معاها قادر و تيتو و سيدح و باقي السيارات عامرة بليكارد كور و سند بسيارة خاصة ، الى غاية القصر ، لي كان واضح عليه أجواء الحزن و الشجن مع وصولهم تفتحو الابواب الكبيرة مع دخولهم للباب الاول تسمع صوت القرآن وكان كافة العائلة فانتظارهم ! اولهم بشرى لابية جلابة بزيف و روزا كدلك بعباية وحجاب على الرأس و ماريا كدالك حتى من ميلا و كارين و بنتها مغطين شعرهم و باقي الصالونات مليئة بالمعارف و اصحاب الجمعية و الجيران القدام و اي مغاربي سمع على حادثة المرحومة ! قادر بغى يخرجها من دارها ! من قصر العائلة ، دخلو الصندوق لداخل وكانو معارف قادر من المسلمين و المافيوزين ايطاليين لي مكان خاص لانهم غير مسلمين و الامام معاهم فانتظارهم واقفين تيقراو الدعاء و صوت بكاء عائلتها من صغيرهم لكبيرهم يهرس الحجر ...بدا الإمام قرائة بعض الآيات من سورة ياسين
الامام : صدق الله العظيم! ( هز كفوفو للسماء ) اللهم اغفر لها و ارحمها و اعف عنها وعافيها ، اكرم نزولها و وسع مدخلها اغسله بالما و البرد و نقيها من الخطايا مثلما نقيت الثوب الابيض من الدنس، و انزلها دارا خيرا من دارها واهلا خيرا من اهلها ،و ابنة خيرا من ابنتها ، وادخلها الجنة و اعذها من عذاب القبر و عذاب النار
_أمين يا رب العالمين ! مسحت الوجوه بالاكفف و حمل الصندوق على الأكتاف و خرجو من القصر و الدموع تتلألأ في العيون و القلب تاركين انهيار ورائهم ! ماصبروش ، ماصبروش على زينة البنات، ماصبروش على خيرة الناس! ماصبراتش روزا على انها ماتعاودش تشوف امها و تسمع صوتها و تمتع بحضنها ، ماصبروش صديقات عمرها و جاراتها و معارفها على السيدة لكل وحدة فيههم دارت فيها خير أو احسان ! وسعداتك يا فاعل الخير، وصولها للمسجد لي كان اغلب الرجال فانتظارهم و آداو صلاة الجنازة ودموع تيتو نازلين جنبو سيدح ماحاسينش بنفسهم الى نهاية الصلاة و خروجهم للمقابر ، فإكرام الميت دفنه ، اللحظة لي حطوها فالسيارة وركب تيتو و سيدح و قادر اخر واحد ولقى نظرة اخيرة الى الوراء هو يلمح جماهير! جماهير من الرجال و الشباب و الاولاد ركب حاط يديه على الصندوق غادين بموكب الجنازة ورائها سيارات و دراجات نارية بدون عدد ! جنازة مهيبة ، من كثرة ما كانت محبوبة و معروفة بالخير مشاو معاها الناس غير سامعين بيها الى ان وصلو للمقابر وبداو مراسم الدفن و بقوة الحضور المقبرة عمرت على آخرها و فخارجها وهنا الشرطة كانت مراقبة الوضع من بعيد !
الإمام: الله أكبر! اللهم ارحمها
_ترددت بصوت مهيب آميييين
_دفنت فقبرها ! و ردم عليها التراب ، ورفع ليها الدعاء و الامام بدا يتكلم بحرارة شديدة و صوت حزين
الامام : السلام عليكم يا اخوتي فالله ! بغيت نقول اليوم كلام ! ربما موت أختنا فالإسلام لي الله يآجر عائلتها فمصيبتهم و خلفهم الله خيرا منها و الله يعوض محبتها بالصبر ! يااا اخوان ياااا اولادي و يا شباب الغد، اعزو الاسلام ، وسيرو فالخير ، سيرو على خطى اختنا المرحومة فالخير و الإحسان، سيرو فثتبيث هويتكم العربية و المغاربية و الاسلامية ، تسارعو للخير ، بعدو من الشرك والحرام ، اختنا فالله رحمها الله توفاها برصاصة الغذر ! اختنا فالله الله يسكنها فسيح جناته ضحت بروحها لانقاد طفل من رصاصة مسلم غرو الشيطان و دخل حرب العصابات من اجل النقود و الرفاهية الغير دائمة من اجل حرب المخدرات لي حرمها الله على امته من أجل صحته و عقله ودينه و ذويه ، ( اشار للقبر ) نهايتنا كلنا للتراب ، نموت على خير و احسان ولا اموت على حرام و ظلم ، الإنسان سيره فالدنيا محدود ببوابة الموت ، لا نعلم فاي وقت ولا اي مكان يقبض الله على روحنا ! سيروو ديرو الخير ! كاين يتامى ، كاين عجزة ، رجعو لهويتكم ، رجعو لبلادكم الام شوفو شنو ناقصهم الا انت مسك عليك الله هنا ، سيرو حفرو آبار لوجه الله منفعة لناس و صدقة لأمواتكم ، دخلو للكتاتيب تبرعو بكتاب الله ! و اوصيكم بالدعاء و فالاخير تنقول ان المرحومة ماماتش لعائلتها فقط؟ بل ماتت للجميع، ماتت للفقراء و المساكين كونو بخثة و خير بخثة ، واعطيو للغرب صورة حسنة على العرب و المسلمين ماتكونوش مثل قاتل بخثة
****بعد_خمس_شهور
_سبحانه وتعالى أنعم علينا بنعم كثيرة ، عليك فقط ان تكون مؤمن بالقدر خيره وشره ! انعم علينا بنعمة النسيان و التسامح لان لو كان للموت حل لا ما كان هناك سابقون و نحن لاحقون ! ولكن الفراق صعيب، الحياة تستمر فالحي ابقى من الميت و الميت يبقى في قلوبنا وروحنا ! العائلة تتعايش وليست تعيش و هده سنة الحياة ...بعد خمسة "شهور" ابرز الأحداث لي خلت العائلة غليلها يبرد نسبيا هو انتحا_ر القاتل قبل القبض عليه لانه عرف انه ميت ميت بسبب صلة بخثة مع تيتو قادر هد الاخير لي قدر يقطع جذر للديك العصابة ودارو اكبر خير فالحي و _هكدا الحياة تستمر لكن عند البعض توقفت تماما منهم "كارين"
بشرى : ( هزت زيف تتمسح لها فمها ) نزيدك ؟
كارين: ( بكلام متقطع ) م ميغسي
_كارين لي كان لقبها لاكغوس او لغليضة موت صديقتها هدمها لان الصدمة كانت قوية بقات صامدة حتى نهارت تماما و وتجاراو بيها فالمستشفيات بعد صراع مع الصدمة خرجت جليسة كرسي متحرك و نص جسدها مات لها! الكل معتني بيها ولكن تتحس بفراغ و تتشوف بخثة فكل مكان! وغالب الوقت ملتزمة الصمت
_تنهدت بشرى بقوة وقفت شادة كرسي متحرك ولو كهربائي تيتحرك راسو لكن تتفضل تجرها ، خرجو للفناء الخارجي مستمتعين بألوان الورود وخضرة الأشجار حتى لحقت عليهم مانويلا
م : مدام بشرى ، مسيو تيتو وصل !!
بشرى: داكوغ! ماطلعيش عند روزا حتى طلبكم !!!
مانويلا : وي مدام ! تحتاجو شي حاجة ؟
بشرى: المروض شوي يوصل علمينا ..
_جلسو جنب بعض بصمت، مابقى مايتقال ، تيحاولو يتكلمو فأمور تسعدهم لكن يدورو يدورو ويرجعو لسيرتها و لي شاغل بالهم هو روزا ! روزا لي مهددة بالولادة المبكرة وتقلت بزاف من نهار قرات الوصية و حنينها لأمها معذبها
🔙🔙🔙
بعد الجنازة بأسبوع! كانت فغرفتها جالسة كما عادتها شاردة الذهن وماريا ناعسة جنبها ، لانها ببساطة النوم ماتتشوفش ، دخل قادر بابتسامته المعهودة رغم ان القلب يبكي دم ! تقرب منها و ورائه تيتو وقبل جبينها بحب
قادر : واش خالو صافا؟
روزا: ( حركت راسها بنعم ) خرجتو اليوم الصدقة لي قال عليها الإمام؟
قادر : ( زير على يديه ) صمت
تيتو : ( قرب منها بحب وحنية ) طانكييط ، الجمعية خدامة كما قبل !!!
روزا :(بحزن) ماشي بحال كيف كانت ماما تخرج برجليها تعطي للناس المحتاجين
تيتو : يكون خير!
قادر: ماتفكريش بزاف خالو ! شدي صحتك وتولدي ولي حبيتيه نديروه ! ( شد يديها وحط لها فيها جوج اظرفة ) هادي وصية ماماك !
روزا : ( حست بقلبها ضرب بقوة ) وصية ؟!!
تيتو : ( حضنها ) وي وصيتها !
قادر: هد الوصية راها تهمك بزاف و السؤال لي ديما كنت تسوليه ليها جوابو هنا!!
_طبطب على راسها تارك تيتو معاها وتحنى هاز ماريا بين يديه لي كانت شاربة المهدئ ماحاسة بوالو خارجين من الغرفة مخليهم بجوج وهي مترددة تشوف فالاظرفة وتشوف فتيتو
تيتو : (طبطب على كتفها)امك تكون مرتاحة الاقريتي وصيتها
_تيتو حط يدو على دقنو بقوة من شدة التوتر والخوف على حالتها! اول ما فتحت الظرف كانت رسالة و معها صور شافتهم وهزت صوة بخثة قبلاتها بقوة و بدات تقرا الرسالة بصوت هادئ و منخفض مصحوب بالدموع
_راح نحكي ليك حكاية جميلة ، حكاية مثل الأميرات لي تحبيهم ! فالليالي و البرد و الشتاء قوية كانت ليلة نويل كل العائلات فرحانة بقدوم العام الجديد ! كانت سيدة عايشة فحي فيه ناس كثار وليها صديقتين و فنفس الوقت جاراتها وحدة فيهم إسمها كارين و الأخرى بشرى ، بقوة محبتهم لبعض كانو ديما تيتجمعو فدار وحدة! لكن ديك الليلة كانت عليهم حزينة، حزينة على بشرى بسبب موت اباها لي سمات ابنها الصغير على اسمه سيدي حمد و حزينة على كارين لان
بنتها هربت فديك الليلة ، وفنفس ديك الليلة الطويلة لي كانت كلها دموع وصلاتني بشارة ! جاتني بنوتة عيونها زورق مثل البحر و بشرتها بيضة مثل الثلج ! خديتها فحضني كأني عشت مخاضها و قبلتها وشميت رائحتها كأني ولدتها ، جبت البنية لعند صديقاتي وعرفتها عليهم واحد واحد حتى على ولادبشرى ماريا وتيتو ، وحياتنا رجع لها لون ! بنتي كانت تتكبر يوم بيوم ، اميرتي كانت تسرق جمال العالم وتزيد بجمالها ، بنتي رجع عندها صديق واخ هو سيدح و اخت لي هي ماريا ومع الاميرة تكبر اعلنت حبها للاخ الكبير لسيدح وماريا ، اميرتي تمردت و تتكبر ليل ونهار ! ولا عمري نقص حبي ليها و لا قلت تعباتني بنتي ! ولا قلت بنتي اسوء بنت!!! كنت نكافح على ود بنتي ترجع احسن الناس وربي ماخيبنيش ! ربي رسل لنا من جديد خالك! هو خالي و اخويا و حبييي و بويا ! قادر هو كل عائلتي هو لي شد بينا انا و نتي وخوتك و خالاتك ورجعنا عائلة من جديد وتجمعنا تحت سقف واحد اميرتي رجعت اميرة حقيقية! رجعت تباهى بجمالها وتدرس وتعوض سنين التمرد و جددت علاقتها مع الكل و فازت بحبها لتيتو ! ربي يحميك اميرتي ، لكن اميرتي قصتها كان عندها سر ! وهاد السر مانبغيش يأثر عليك او يكرهك فناس ولا تعاتبي ناس !
روزا : ( تنخصت بقوة ) اااااه يااا ماماااا
تيتو : ( حضنها بقوة ) شششش ! البكا غير يضرك اعمري
روزا: ( تتبكي الدموع مثل حجر ) مااابغيتش نعرف ! ماااابغيتش
_بعد ثواني رجعت فتحت الرسالة تتكمل قراية و قلبها تيضرب بقوة ونفسها تتحس بيه تقطع
مافي ! بْنْتي ! احسن حاجة طرات ليا فحياتي ، احسن هدية تجازيت بيها فالدنيا قبل الاخرة ! انتي قطعة من روحي ، وصيتي اكدت تقرايها من بعد موتي او الا ربي شاء ورزقك باولاد ، لان ماتعرف بحق الام غير الام ! كانت ليا اخت اسمها وردة، اجمل اخت فالعالم بالنسبة ليا وكانت على علاقة بشاب مغربي تيتشاركو نفس احاسيس ! حبو بعض و أنجبو بنية اسماتها روزا ! لكن القدر خدا وردة و حبيبها بسبب تصفية حسابات ! و وردة كانت وصيتها روزا تمشي عند ختها بخثة ! انتي فالاصل بنت اختي وردة لعدلي و باباك مغربي من اصول شمالية لمدينة يقولو ليها طنجة و اسمو جمال غمات ! هويتك مغربية جزائرية لكن انا ماماك بخثة هويتك روحية لي رابطني انا وياك اكثر من امومة لي رابطني بيك حب حياتي كلها...آسمحيلي بنتي الا طولت عليك الحقيقة و سمحيلي الا خيبت ظنك فيا ! لكن الحقيقة ماكانت تنفعك فلاشئ والديك الله يرحمهم وكنت دائما نعمل لخير لوجه الله رحمة الوالدين و والديك ! وصيتي ليك ابنتي انك تكوني انسانة صالحة و زوجة صالحة وام صالحة! صالح للناس الكل و الخايب لراسو ..
روزا : ( بشهقة ونظرة ضبابية بسبب دموع تتشوف صور ) كنت نظن ان بابا ممكن يطلع اي شخص لكن ماظنيتش بخثة ماطلعش ماما ! ( طيحت صور وهزهم تيتو وبقت معنقة رسالة ) عمرني شكييت ولا حسييييت انها ماشي مامااا
_ألم شديد تيطقع قلبها و احاسيس مثل العاصفة الهوجاء تجتاج و روحها و دواخلها، تتلوى بوجع الاشتياق و لوعة الفقدان وهي بين ايدي تيتو لي كان تيبكي معاها و ماكرهش يهز عليها كل مايؤذيها ! فلحظة تيحس بيها هدأت وشبه غايبة عن الوعي وترجع تنخسس تتحس بأضلعها تيتهرسو من شدة القهر و الحزن ! فلحظة جميع الذكريات مرو امام عيونها !! لحظة تمردها بعدم الاكل ! تمردها بعدم الإمتثال للأوامر! لحظة ضحكاتهم و صراعاتهم لحظة رنين هاتفها وهي تتسول عليها ،لحظة نومها هي وسيدح بعد سماع التوبيخات من طرفها ! اي ام هذه ؟ اي طاقة حنان عندها؟ خرجت من افكارها بقبل تيتو على راسها و هو تيمسح دموعها وهزت رسالة ثانية تتفتحها و تتسترجع انفاسها محاولة تقرا ، لكن كان فيها جوج رسائل ، فتحت الأولى حولت نظرها لتيتو
روزا : خطك ؟
تيتو : وي ! وي موناموغ
_بما انه جنبها قرات فنفسها و اعينها تتمشط الرسالة تتمنى ان لا تحمل سر آخر بدات تقرا بعيونها و قلبها تيضرب بسرعة
_حنونة ! طاطا بخثة الله يخليك لينا و يخليك بينا يارب ، كلمة ديزولي ماموفياش بخثة ، كانت اول رسالة نكتب و انا فالحبس ليك ، كتبت ليك لانك كنتي شاهدة على الصغيرة و الكبيرة فحياتي وحياة لافاميلا ، ياريت بخثة سمعت كلامك ماركبتش راسي ، ياريت !! لكن راني تنحاول نتصلح من اجلي و اجلكم و من أجل اجمل بنت عندك ! من اجل روزا لي خدات قلبي وروحي !! لكن عندي رجاء واحد بخثة هو عند خروجي من السجن و الوقت لي نتجمعو جميع هدا وعد قادر و وعدي العائلة تجمع تحت سقف واحد ، رجائي تعترفي لروزا بحقيقة انك امها الروحية واختك الله يرحمها امها البيولوجية ! هدا رجائي ، تمنيت نكون فسن ماريا او سيدح ماعارف والو ، مي انا شهدت ديك الليلة!! ليلة نويل و روزا فسن سيدح بين يديك وعارف وفاهم انها ماشي بنتك ! فالأخير سمحيلي بخثة بزاف على كل غلطة غلطتها فحقك فأي لحظة غضب و طلبي الله يهون عليا حبسي ونخرج نشرفكم جميع "تيتو"
_روزا : ( غمضت عيونها ضروها بقوة الدموع ) حبيبة ماما وشحال هزت من سر!!!
تيتو : الله يرحمها
_فتحت رسالة ثانية كانت عبارة عن صورة فيها تيتو و ماريا و سيدح و روزا و قادر و كارين و بشرى ورائها كاتبة هادي عائلتك
روزا : فين كانت ماما ؟
تيتو: ( تيحاول يذكر الذكرى ) هيا لي صوراتنا الله يرحمها
_هزت رسائلها و صورها وحضناتهم بقوة و تيتو حاضنها ، حست بنفسها انها باغة تنعس نوم عميق وتفيق تلقى كولشي مجرد حلم او خيال ! الحقيقة لي لطالما بغات تعرفها ؟ بردت عليها، مابقى عندها حتى أهمية بل فعز نومها تتنطق وتقول
روزا : ماما هي بخثة ! ماما هي بخثة
_بقى معاها حتى نعست و اتصل بمانويلا طلع تجلس جنبها ماتيخليوهاش حتى دقيقة وحدها! وخرج عند قادر لي كان بانتظارو فالمكتب ملامحو لاتقل حزنا عن تيتو
قادر : نعست ؟
تيتو : وي ! الله وحدو لي عارف اش ندوزو مع رزوا ولي جايينا!!
قادر: ( بنظرة غامضة و مهيبة ) قصة روزا عندها قصة اخرى ! ولكن المرحومة ختارت احسن قصة لأميرتها
تيتو : شنو وقع بالضبظ؟
قادر: لي وقع ؟ وقع !! كيف ما بخثة عرفت ان حقيقة روزا انها ماشي بنتها فحياتها ماتنفعها بوالو! اكيد حقيقة وردة و جمال بعد موتها ماينفعها بوالو!!!
تيتو : كنت نظن ان باها إيطالي من المافيا !!!
قادر: ( تنهد بقوة وحسرة ) كن كانت بنتو كن وردة ماتقتلتش هي وجمال ! كن وردة مزال عايشة و روزا كبرت وسط المافيا الإيطالية ! مي روزا بنت جمال واللحظة لي هربو لاسبانيا ناوين يدخلو المغرب ولد البوص وصلهم قبل مني وقتلهم و انا نقذت روزا و زورت موتها ! لان الى ولد البوص كان عارف بلي روزا مزالة حية يقتلها اليوم او غدا ، لكن نقذتها وعطيتها لبخثة لي بعدت كل الشبهات ولو ولد البوص بحث و قلب ماعرف والو حتى بين ليلة و نهار مات مقتول وتسالات قصتهم
قادر: جمال كان مبعد على عائلتو نهار دخل لمافيا ، لكن بنت اختي وردة لعبت بعداد عمرو وهدا لي كان سبابوا قالوها ومن الحب ماقتل
_رجعت حياتو محصورة بين القصر و العمل ، جل تفكيرو و اولوياتوا تتمتل فروزا ! ولو الكل مهتم بيها لكن تيحس نفسو المسؤول الأول، خمس شهور مرت عليهم سوداء، بالنسبة ليهم العالم نتهى و نقطة على السطر! لكن مدامك حي فلازم تعيش وتعايش ، فتح الباب ببطئ ودخل سدو وراه ، بخطوات هادئة مقرب ليها ، كانت ناعسة على سريرها و شعرها الأشقر مشتت على المخدة حاطة يديها على بطنها المنتفخ لي واضح امامها، كانت لابسة سوتيان و شورط قطني بدون غطاء ومخدة تحت رجليها! دوز اصابعو على وجها مقبلها فجبينها
_تنفست بصعوبة وهي تتشوف فبطنها ، شدت فيديه محاول معاها تجلس بصعوبة جلست دور عليها المخاد و هي التعب واضح عليها و الحمل كانه فآوخره رغم انها لا زالت في بدايات الشهر سابع ! ازداد وزنها بشكل كبير و ملحوظ و انفها تضخم وشفايفها كدالك
تيتو : صبري شوية ( دار بعينيه تيبحث على الشريط و جمع لها شعرها بشوية ) ندخلك لدوش ؟
روزا : سي بون ! خلي لانفغمييغ تعاوني
تيتو : نو ! انا هنا كاين
_ حيد لاشوميز علقها و السروال ولبس شورط بقى حافي القدمين وهزها بين يديه مدخلها لحمام جلسها فلبينواغ كل مرة يسولها شنو ضارها ولا شنو خاصها! بماء دافئ غسل لها شعرها وجمعو وحيد لها باقي ملابسها بصعوبة لان كرشها كبرت نزلت لتحت و الوزن زادها ، كمل لها الدوش و لبسها بينوار رجع هزها وحطها على السرير
تيتو : ( شاف حوايجها موجدين قبل من طرف مانويلا ) تلبسي دبا ولا ترتاحي ؟
_بمجرد مكالمة فظرف قصير طلعو لها الفطور و لبسوها ملابسها نشفو شعرها ! و رجع منزلها لتحت سلمت على كارين و بشرى
بشرى : كي صبحتي شوية ابنتي ؟
روزا : ( بتعب ) وي طاطا صافا، ماريا مزال ماجات؟؟؟
بشرى : حتى لعشية ابنتي ! عندها شي خدمة !!
كارين: ( تتبسم و تحاول تنطق ) رو روززا لي بيبي ؟؟
روزا: (حركت لها راسها بطمأنينة ) وي مي بيبي صافا
فرميلة: (جارة كرسي متحرك ) مدام روزا واجدة ؟
روزا: فين تيتو ؟
تيتو : هانا ! ( شد فيديها هزها من لفوطوي جلسها فلكرسي ) الي اونيفا ؟
روزا : وي ! ( شيرت لهم باي باي ) تشاو
بشرى : ربي معاك ابنتي! ( حبست الدمعة مزيرة على يد كارين ) ربي معاك
_خرجت مع تيتو نحو المستشفى مخلياهم تيبكيو ! كل ما عاد فاستطاعتهم هو البكاء، من نهار عرفو ان روزا حاملة "بتوأم" والفرحة عرفت لهم طريق و زادت فرحتهم نهار عرفو ان "توأم" هما "بنت" و "ولد" حتى من اسماء ختاروهم مع بعض
جونيور : ( بغيرة وغضب شد فراسو ) انا كن غير بقيت فسويسرا ) كنت انا لول عند ماما و روزا
ماريا: ( هزت حواجبها من كلامو جنبها سند مبتسم) اجي تكون نت لول عندي!!!
جونيور: دبا تولدي حتى نتي اون بليس تتبغي ريان عليا ( مشى عند روزا حضنها ) مزال تتبغيني اشوشوط
روزا : شوشوط سي طاميغ ! اي توجوغ جوطيم!!
_هكدا الفرح تسلل ليهم ! الأطفال هم ربيع القلوب !نعمة و فرحة ! روزا ماتغيراتش شخصيتها ولا رجعت انطوائية ولا عاتبات احد ! روزا هيا روزا لكن قلبها لي تغير ، قلبها ازداد حب و نقاء! كلما تنعس وتفيق تفكر بخثة وتحمد الله على تربيتها ليها والعائلة لي منحاتها
تيتو : قادر واش تسمي بيبي الولد
قادر: لي ولد شي يسميه
روزا : نو تيوو انت تسمي الولد وانا نسمي البنت
بشرى: الله يفكك على خير ابنتي
قادر: على بركة الله! اسميوه "ابراهيم"
سيدح: ناضية ( ضرب ريان بمزحة )
تيتو : ان شاء الله نسميوه ابراهيم
ماريا : ( شافت بسند ) شنو تتعني ابراهيم ؟
سند: اسم رسول الله لي دعاو البشرية للإيمان بالله و توحيده و دكشي علاش لقبه المسلمون بأب الانبياء لأننا في ديننا الاسلامي كنأمنوا بكل الرسل و هو النبي لي كندكروه فالصلاة الإبراهيمية لي كنختموا بيها صلاتنا من بعد الصلاة على نبينا محمد صلى الله عليه و سلم
ماريا : اه اوك! نسميو اولادنا اسماء مسلمة ياك ؟
سند : (بإبتسامة حب )ان شاء الله
كارين : ( بصعوبة تتكلم ) اي لا ف في
روزا: "لونا"
اية : اااه سي جولي ! تتعني وجه القمر
سيدح: ونتي اش تسمي اولادك؟
اية : طي ملاض ؟ جوفو با ديزونفو دبا ابخي ...
🔚🔚🔚🔚
_المستشفيات فاوروبا كدالك فيهم انواع مستشفى الدولة و العيادات الطبية الخاصة بناس في مستوى عالي ! هدا هو فين متبعة روزا لانها بفلوسها ماتتنظر من الدولة والو بلعكس هما حاليا تيتعتبرو من طبقة الأغنياء لي هما تيعطيو للدولة الضرائب ! استقبلوها دخلت للغرفة الخاصة بيها بداو لها الروتين الطبي حتى وصل الدكتور الخاص بيها ولقى التحية عليهم
_اتلكم الدكتور مع الممرضات يغيرو لها ملابسها ويدخلوها للقاعة ! تعامل ممتاز و الابتسامة على محياهم ! تيتو واقف عليهم حتى دخلوها بقى فالخارج والوقت تيمر ! مرة جالس مرة واقف حتى خرج عندو الدكتور
الدكتور: مسيو تيتو كما توقعنا اتولد فشهر السابع ! من المستحيل تقدر تمم اسابيع الحمل الباقية ! نفسيتها مدمرة والقوة عندها قليلة و فنفس الوقت لازمنا نقذو الام و لي بيبي مانغامروش
تيتو : ( منزل راسو تيسمع ) فوقاش تولد ؟
دكتور : من هنا 48ساعة ! نتصل بطبيبة النفسية تحضر معايا قبل على قبل نخبرو روزا ! و يبقى الوقت للعائلة تحضر معاها لانها مهمة بزاف ليها
دكتور : ( حرك راسو بالسلب ) مستحيل! مانغامروش بيها! روزا تتعاني من ضيق التنفس و دقات القلب المتسارعة ! تكون ولادة قيصرية و تخذر كاملة
تيتو : ماتشوفش ولادتها ؟ مايمكنش كانت تتوجد لهاد اللحظة
دكتور : نحاول ندرس مع الطبيبة النفسية ونقيمو نفسيتها ! كما سبق قلت لك راه عندنا تلاثة الأرواح !!!
_جلس متنهد تيدوز يدو على راسو ! اول من اتصل بيه كان قادر لي متواجد بإيطاليا وخبرو بضرورة الحضور وتاني شخص كان سيدح لي متواجد فبلجيكا بسبب زيارة ريان لميسا و عاد سند و بشرى باش يكونو حاضرين للولادة ومساندتها لانهم كل واحد فيهم محتاح للاخر ...
تيتو : ( قبلها فمها ) شوية ؟
روزا: بغيت غير نعس ! عييت قلبي مزير عليا!!
تيتو : ( جر لغطا عليها ) ارتاحي ! ( قبل راسها تيدعي معاها فخاطرو ) ...
_اصعب شعور هو الندم ! لا انت قادر ترجع لي فات ولا قادر تزيد للامام ! و الاصعب ان داك ندم لي تياكل فيك شوية شوية تكون انت تسببتي فيه لنفسك ! مرت خمس شهور عليها وهي تتلاوح فطنجة ! كل صباح تتستيقظ تتكره واقعها ، قبل كانت كتفيق فدار ختها معززة مكرمة حتى من التقضية تتوصلها للدار وطيب لي بغات وتوجد لي بغات و تلبس لي بغات ! ودبا رجعت تتفيق على أصوات النكير يوميا ، جرت عليها لغطا تتجمع شعرها ودوزت يديها على وجها حست بجفافو وحبوب خارجين فوجها خارجة من بيتها تتجر فرجليها تتحاول تجاهل الصداع
البنت الثانية: مالك الخرا تتهزي على الصباح؟ هزينا ليك زبلك دبا رجعوه ليك !!!
البنت الاولى : تمرضين حق الله! تفووو على صباح كي داير
البنت ثانية: ( سكتت تتشوف ) صمت
_خرجت من الحمام تتمسح وجها! من بنيتها تتبان ضعيفة ! كاع دك لغلض و الفورمة مشاو بسبب قلة الشي والجوع وتمارة ! دخلت لكوزينة فتحت التلاجة هزت حليب ملصقة فيه سميتها و دارت كاس قهوة دخلت بيتها جبدت كاطو من بلاكارها جلست تتاكل و تشوف فتلفون حتى رن عليها وجاوبات بسرعة
عذرا : بسبابك هادشي لي اناا فيه !! بغيتك وتبعت قلبي
يامان : وانا تنبغيك ! ولكن مانقدرش نجيبك لفرنسا على حسابي ، انا مزوج فتركيا و فرنسا مانعة التعدد ، ماعنديش منين نضبر لك كونطرا ! شوفي نتي ليحركك واجي عندي !!!
عذرا : ( تتمسح دموعها ) ماالقيتش ! خمس شهور و انا تنقلب غير لكذوب وهداك لي حركني فلول حلفت ليه نهيلة!
يامان : طلعي عيشي فتركيا ونبقى نجي عندك
عذرا : ( بحرقة ) انا بغييييت فرنسااااا
يامان : فرصة ضاعت منك !
عذرا : ( بالم تيعتصر قلبها ) صعيب نعيش هنا ! تنضرب تمارة صباح وعشية يلاه تنخلص لكرا و ماناكل عيييت
يامان: ( بهمس ) قلت ليك الحل احوبي نتي رفضتي !!!
عذرا : (بصوت غاضب)اجي عندي لمغرب نعس معاك فتلفون لا
يامان : اوا ماعندي ماندير ليك !
_غلطها تتخلص فيه غالي ! طلبت و زاوكات فالتركي لكن ماعطاها باش تنقي سنانها بقى غير يدخلها فرنسا! تتخدم فلمعمل تمارة الكحلة و تتكملها بصداع البنات لي كارين معاها ولا هي قادرة ترجع لمكناس بسبب الشوهة ولا زهر لعب معاها ترجع تحرك لفرنسا! حتى باش تلبس و تقاد وضبر مابقى لا مجال لا مال ! مسحت دموعها وهزت جلابتها تلبسها سدت البيت خارجة لخدمة مخلية عيون البنات ورائها
البنت التانية: كن غير خلاتها فسبيل الله تما ! سيدة تخوطرت تتسمع اوروبا تتكوانسا
البنت الاولى: اوا راها اوروبا! سمعتي الليلة لي كانت تتبكي وتغوت مها غوتات لها وهي تتبكي
البنت التانية: عاقلة ! ختها باعت لهم لبرطمة وحلفت على المغرب
البنت الاولى: بقات فيا ديك الليلة تترغب مها تسمح لها !
البنت الثانية: راه بقاو لها غ الحراكة ديال لفلوكة تما ياكلها لحوت
البنت الاولى : قالك تهبط لتطوان تكري ودير لاكارط على تما باش دخل سبتة من تما تحرك
البنت ثانية: لا هاد سبتة فين جات؟ راها فالمغرب خاصها تقطع البحر هيا هيا
البنت الاولى: لمهم هاد شهر تخرج تقاود عليا ماتسكنش معايا ! آويلاي ماضحك ماتهضر حتى سلام ماتكولهاش
البنت الثانية : قلبي عليها صافي ضبر كرها
البنت الاولى: والله تنخرجها ! شتي بلان ختها لي قالك حفرت لها بسبب الغيرة!!! برب تتكذب
البنت الثانية : (تكسلت تتفوه و هي تنوض بسرعة ) سمعتي داك التركي لي تتهضرمعاه تركية الفرنساوية
البنت الاولى: باين شي قرنابي غير الهضرة كن فيه نفع كاع ماتكري معانا! مهم انا ماحملتش دلمها ..
_اخرتها رجعو يشدو بيها الهضرة ! بنات فعمر الزهور كارية معاهم ! كلما كانت راس رجعت رجلين.... من داخل لمعمل وقت الاكل تتاكل جنبها زميلتها
زميلتها: واش مريضة؟
عذرا: ( بدموع ) تجمعو عليا! تنبكي على حياتي لي ضاعت ولدي لي قتلوه ليا و ختي لي خوات بيا ومي لي توحشتها مانعني لوجه نشوفها
زميلتها: لي مشا مشا! هداك ماسقات مغرفتك اصاحبتي ، صافي نساي راه غ تسطاي
عذرا: كنت مزوجة مستورة فداري اوروبا خرجت عليا
زميلتها: فينو راجلك؟
عذرا: ( تفكرت جنازة بخثة لي دازت فالأخبار مصورين قصر قادر ) مزوج بنت رجل اعمال جزائري خااانز فلوس
زميلتها: اختي حسن عوانك والله ...
_الحياة و الموت ! حدث مبكي وحدث مفرح ، سنة الحياة، من بعد ثمنية وربعين ساعة كان الجناح لي مقيمة فيه روزا مزين بقدوم التوأم بلونين الوردي و الازرق من طرف شركة خاصة بديكورات الولادة ! اما روزا فكانت تتكابر و تكابر بسبب حزن عميق داخلها و مالقات ليه حل ولا راحة ! عيونها و اذانها مع الدكاترة هما تيتكلمو معاها و يحضروها نفسيا للولادة و يشرحو لها الصغيرة والكبيرة و اي سؤال طرحاتو تيجاوبوها عليه حتى فهمت و قتنعت وخرجو مخلينها مع الفرمليات و مانويلا لي مراقبة الصغيرة و لكبيرة ، ودكاترة خرجو كانو تعلنو اخر قرار للعائلة لي كلها مجموعة من كبيرها لصغيرها اولهم قادر و ويتو و بشرى
دكتور: انضطرو نخدروها كاملة للاسف روزا تقدر تنهار لينا فأي لحظة
تيتو : ميم هضرتو و شرحتو ليها ؟
الطبيبة النفسية : مدام روزا تتمر بظروف صعيبة اي ردة فعل او نهيار نقدرو نخسروها او نخسرو لي توينز بسبب الضغظ او تسارع دقات القلب
_حياتهم اهم ! دخلو عندها بثنائي بثنائي ! سيدح و آية و ماريا وسند و ميلاا و مامادو مع بنتهم و كارين مع بنتها و حفيدتها و بشرى مع ريان و جونيور و اخرهم قادر لي بصعوبة قدر يتكلم لانه كان خايف عليها! سلمو عليها و تمناو ليها ولادة سهلة والسلامة ليها و لولادها اما تيتو فقرر يدخل معاهم مايخليهاش بمرة ، لبس ملابس طبية و تعقم كما طلبو منو ودخل شاد فيديها وهيا ناعسة فوق البياص نازلين فسانسور لغرفة العمليات!! الاطباء فانتظارها و مجهزين بكلةالتفاصيل الدقيقة لقدوم توينز أو لأي حالة طارئة ! كانت عيونها مستقرة فالسقف كانها مستسلمة ولمعة دموع تتبرق فيهم
تيتو : ( زير على يدها حتى شافت فيه و ابتسم ليها ) شوشوط
روزا: ( نزلو دموعها بسرعة مبتسمة ليه ) جوطيم تيتو
_قرب منها قبلها قبلة دافئة على شفايفها و الكل مبتسم ليهم و مقدرين حالة خوفهم ! دقائق بداو يركبو لها الالات و السيروم و بدا المخذر يلعب دورو حتى قلبت عينيها و طلقت من يديه و بداو العميلة القيصرية اما تيتو نزل راسو على راسها ماهزوش ...بقى على ديك الحالة شاد فيديها بقوة و تيسمع دقات قلبها من الالة و مرة مرة الأطباء تيتكلمو بينهم بكلمات طبية
تيتو : ( هز راسو شوية بتنهيدة عميقة ) صمت
_دقائق تتمر بطيئة عليه ! اول مرة يجرب الخوف الحقيقي على حب حياتو ، روزا البنت لي كبرت امام عينو وهي رضيعة لحين وصلت لسن المراهقة و قتحمت حياتو بقوة و استعمرتها بكل جرأة و متلكت قلبو و دوزو مع بعض سنين من الحرب و الحب و الفراق ولكن عمرها فكرت طلق يديه وعمرو فكر يغير قلبو عليها فاللحظة لي عقلو و قلبو فحالة خوف عليها حس بحركة الفرمليات فالقاعة
_فتح فمو تحت لابافيط واخد نفس عميق ونزل قبلها بقوة و قرب واقف امام الطبيب و لفرميلة موجدة ليه المقص واخرى تتسجل بالفيديو وهو مبعدينو مايشوفش الفتحة فالبطن حتى دكتور دخل يديه مخرج اول توينز مطلي بدماء ومادة بيضاء وفرحة عارمة عمت المكان وتيتو شبه مصدوم
تيتو : ( بصدمة مخلطة مع فرحة شد مقص متوتر وقطع بضبظ فين أشارت ليه الدموع فعينو ماحاسش بيهم وعيونو على البنية لي صغيورة بزاف تتحرك رجليها و يديها هو تيشوف فيها وقلبو تيضرب بقوووة ) صمت
دكتور: ( خرج الوليد ) فوالا لو كاغصون
_نفس الشئ قطع الحبل و الفرميليات طارو بيهم يغسلو ليهم ويشوفو التنفس و دقات القلب و طبيب تيكمل الخدمة
_تيتو : ( خرج تيحيد لابافيط وتيمسح دموعو بقات فيه روزا بزاااف ) الحمد لله
_بقى مدة بين القاعة لي فيها ولادو و القاعة لي فيها روزا! مرة يشوف هنا مرة يشوف هنا ، فرحان بفلذات كبدو انهم تزادو حيين بدون مضاعفات و مراتو كدالك حتى خرج عندو طبيب الأطفال
طبيب : مسيو تيتو! مبروك عليك ، توينز بصحة جيدة مامحتاجينش لا حاضنة لا والو! تقدر دخل تبع باقي المراحل
تيتو : ميغسي بوكو دكتورر
_رجع بافيط ديالو وعقم يديه و دخل لقاعة ! كانو ربعة لفرمليات كل وحدة هازة واحد فاولادو واخريات هازين ورقة تيطبعو لهم اقدامهم عليها و يعمرو باقي المعلومات الوزن و القياس وتاريخ الولادة و الساعة و اسم كل توينز ، عاد لبسوهم ملابسهم و طرابش صغار وكانت البنية لي تتبكي وتسكت اما الولد هادى ! هاد المشهد كلو شايفو متبع حركاتهم ونظراتهم وللحظة ظن انه تيحلم ، قرب ليهم ببطئ قبل البنية و قبل الوليد دموعو نزلو بقوة ماكرهش يهزهم لحضنو لكن كان خايف عليهم!بقى للحظة محقق فملامحهم فمهم صغيور و وانفهم منقط بنقط بيضة و لسانهم صغيور تيدخل ويخرج وعيونهم لي صغيرة ومسدودين ! كانو صغيورين مثل نقط عسل على قلبو ! كل مرة يقرب لهم يقبلهم
تيتو: papa لونا و ابراهيم ( حس بغصة قوية كأن قلبو تعصر مفكرها ) الله يرحمها كنتو تاخدو قلبها وروحها من اول شوفة
_ماسخاش بيهم ! لكن روزا شاغلة عقلو و خاصو يشوف العائلة
_مغمض عيونو و رموشو تيتحركو بسرعة هاز وجهو لبرياح الدافئة فاتح ايديه على طولهم وبإحدى يديه هاز نفاخة باللون الازرق مكتوب عليها ابراهيم مزير عليها بيديه وفتح نص عين بمكر ودار تيجري و ضحكاتو تتعالى و تتردد و فكل خطوة تيدور يشوف جونيور لي تابعو تيجري هاز فيديه نفاخة بنفس اللون و لي لي و بنت لاورا هازين نفاخة فالوردي فيها اسم لونا ،تيجريو متسابقين مارين بجنب مانويلا و بشرى لي تيعطيو التعليمات للخدم
بشرى : رياااان !! ماتجريييش
مانويلا: (شدات فراسها ) وي مدام بشرى نحطو الحلويات المغربية هي الاولى؟
_"مر شهر" على ولادة توينز و خروجهم من المستشفى بصحبة روزا للقصر و من تم هالة من الفرح دخلت معاهم! روزا لي فاقت من العملية بنظر أطفالها و فرحت بيهم وكانوا بلسم لجروحها ! الكل كان فرحان ليها ، لكن تيتو كان سندها و مساعدها فكل صغيرة وكبيرة ، من جوج الاسابيع الاولى روزا بمساعدة اطباء رجعت طايتها و نقص نفخ شفايفها بفضل فيتامينات خاصة للشعر و الاضفار و فقر الدم رجعت صحتها على مايرام و قررو يكون الاحتفال بتوينز اليوم...من داخل غرفتها لابسة شورط قصير و سوتيان واقفة تتشوف فالفستان و تتلمسو
روزا : ماريا!! شي حاجة ناقصاه ؟
ماريا : ( بنظرات طبية تتقرا كتاب الأطفال ) جو سي با روزا
ماريا: ( هزت شوفة فيها بتسمت ) وي سي مانيفيك ( هزت الكتاب امامها ) قالو هنا شهر اول تيبداو يشوفو ، لونا و ابراهيم تيشوفو ؟
روزا : ( جلست بتعب ) وي ! تيعرفوني انا وتيتو
ماريا: يلاه نمشيو للشومبغ عندهم
_غرفة خاصة بتوينز ! و مربيات خاصين بيهم ، ولو روزا تتمارس امومتها مثل اي ام لكن المربيات مساعدينها خصوصا لحظة تعبها او مرضها وهدذه حياة البورجوازيين ! كان الباب مفتوح دخلت بابتسامة عريضة تتلقي التحية على المربيات وماريا وراءها وقفو بين سرير لونا وابراهيم وكل وحدة هزت واحد فيهم فرحانين بيهم تيقبلهم
ماريا : ( قلبها تيفرفر بالفرحة ) اووو لونا ما بيل ( تتحقق فعيونها ) سي بلو ؟؟
روزا : ( طلت عليها ) جو سي با ! مرة بلو مرة فيغ ( قبلت ابراهيم ) وإبراهيم عينيه بلووو كوم لاميغ
ماريا : ( عضت على شفايفها من جمالهم ) مي زامووغووو ! مي زووونجل
_تتعشق الأطفال! ربت ريان والان فرحانة باولاد روزا و تيتو لكن بالنسبة ليها مزال مأذن رب العالمين تحمل ! نعسو توينز و روزا عطاتهم تعليمات انهم يغيرو لهم ملابسهم و يوجدهم للحفل وهما بنفسهم اتجهو للغرفة يغيرو ملابسهم منضمة ليهم اية و ميلا و لتحت كانت كارين مع باقي الاحفاد و القصر كان فابهى حلة الاحتفال بعقيقة الأطفال ، و بسبب توينز روزا و تيتو تبرعو بقدر مالي لجمعية بخثة الله يرحمها وقادر رسل صدقة للمحتاجين و بشرى تبرعت لجمعية ختها زهور! صدقة لروح المرحومة و شكر لله على سلامة روزا و تيونز
سيدح : ريان فياااان
ريان : نووو papa انا ماضربتوش
سيدح : ( فيه الرواح مريض مافيه لي يهضر ) مي فيااان لا
جونيور: ( تيكبي ) ضربني !
سيدح: سي بون جونيور كالمُ طوا ( ناض واقف عندو شدو ) فاش تكبر اش باغي تخرج انت كاع ؟ من دبا ضرب ؟
ريان: ( ببراءة ) كنت باغي نخرج بوليسي! ولكن خفت نقـ•ـتل خوتي مسلـ•ـمين؟! دبا رجع نخرج دكتور
سيدح : ( دور وجهو تيعطس راسو مزير عليه ) تحرك لبيتك عندك يينيسيون
تيتو : ( عقد حواجبو تيشوف و جبد تلفونو تحقق منها ) هادي رقم ديال بريفي هنا طالع ليا شي مصلحة خاصة ..
سند: ( قلب شفايفو ) ماعرفتش ..( دور وجهو للوراء لجهة الصالون ) الناس بداو يجيو
تيتو : ( وقف ) نطلع نشوف ولادي وروزا ! ( ضرب رجل سيدح ) تحرك دير شي حركة
سيدح: ( زاد تكسل ) كن ماقادر يسبني نمشي نعس ..
سند: اسبوع ولاد خوك وختك
سيدح: هادشي راه جديد عليا ! ولادي بجوج ماشفت سبوع
تيتو : ( بنظرة خاطفة ) سول امك! انت فين كنتي تتكون باش تشوف سبوع ولا ختانة ؟
سند: صافي مختنين ؟
سيدح: لاهادي عارفها ! فعامهم الاول عند الطبيب ، كنت وقيلا فالحبس ههه
_عقيقة التوأم مرت بسنة الاسلام فاول اسبوع! قادر و تيتو ذبحو الأضحية على اسماءهم و حضر الامام للاذان فاذنيهم على سنة نبينا محمد صلى الله عليه وسلم و ابينا ابراهيم و اليوم كان احتفال عائلي مع المعارف على الطريقة الفرنسية لان معظم الحضور اجانب !! روزا و تيتو فرحانين باولادهم و الكل فرحان معاهم، أفراح الأغنياء جد مريحة ! مايهزو مايحطو مايفكرو للعشا ولا الخبز سالا ، فقط مبتسمين تياخدو صور للذكرى و منسجمين مع بعض....هكدا مر الحفل في سلام و مر بعده اسبوع بالتمام
***بعد اسبوع
_سند : ( تيرش ريحتو و يقاد فشعرو ) صمت
_خرج من الغرفة بعد ما تأكد انها مرتبة متجه لطاولة الفطور و رمقها بنظرات توعد
ماريا: ( شدتها الضحكة ) دبا تبقى تفكرني كل مرة فيها
ماريا : ( بصوت هادئ تتشرح ليه ) انا شرحت ليك القضية مئة مرة اسند ، فاش كنت صغيرة كان تيقرا معايا واحد لولد وكنا اصدقاء بزاف وبين ليلة و نهار هاجرو من فرنسا ولكن فالمرض ديالي النفسي كان عايش فعقلي ، بصدفة لقيت لانونس فانسطا حاطين صورة لينا وحنا صغار مع بعض تيبحث عليا ! سي تو ، كان فماغساي قريب لخدمتي درنا آن كافي !! ( تتهز فكتافها ) سي غياااان سند
سند : (تنهد بقوة ) غيااان عندك نتي !! انا فهاد الأمور ماتنتفاهمش اماريا ! شفتي عندي شي صديقة ؟ شفتي عندي شي صديقات ؟ انا شخصيا نتي عندي فيك صديقة ( هز حاجبو بتاكيد ) فيييك اصدقاء ، باش تقهواي مع واحد ماتكونش فاخباري حتى لقاه مصور معاك مطاكيك راه خاصك العصا
ماريا: مادرتش شي حاجة غلط ؟ علاش تتضخم الامور؟
سند: اماريا الله يرضي عليك !! نتي مزوجة واحد مغربي مسلم ! نقدر نتجاوز اللباس ! الماكلة ! خدمتك تعطلي فيها ، تخرجي مع روزا دورو مارساي كلها ، تسهرو ! مي فإطار لافامي مع خوتك ، عارفهم يحطوك فعينيهم ونتي معقولة ! مي بحال هاد المسائل ديال صديق؟ راه مانتفاهموش ولا بقيت نافقك راه مابقات عشرة
ماريا: ( عمرو عينيها بدموع ) نو ! ماقصدتش ، كان خاصك تشرح ليا اسند
_دور وجهو تيشوف فيها من ملامحها بقات فيه! ماتيبغيش يخسرلها خاطرها من معزتها سلم عليها وحضنها وخرج بحالو راكب سيارته متجه للقنصلية ! من نهار الحفل تصل بيه رقم وكان من طرف القنصلية المغربية و حدد معاهم اليوم موعد....مسافة الطريق كان فقنصلية المملكة المغربية! مع الباب تيبان العربون ، وهنا تتكلم الإدارة المغربية ، للله يجعلك تكون فاليابان لي هي من الدول المتقدمة لكن تحط فيها ادارة مغربية الفشلة بمعنى الكلمة! سند واقف تيشوف ماعرف حتى معامن يتكلم و هما متجمعين تما حتى تقدم لعند واحد _اتكلم معاه بداريجة
سند: السلام عليكم اسيدي
موظف : عليكم السلام
سند : اتصلتو بيا وحددت معاكم موعد
موظف : السبب ؟ متاكد هاد قنصلية ؟
_سند حافظ هاد نماذج وشاربهم ما فالمغرب ! لكن ماغاديش يدوزوها عليه حتى هنا
قنصل : ( بابتسامة ) اش نقول ليك آولدي ! هادي سنة كاملة و بصدفة تطلب مني نبحث عليك، و رحلة البحث بدات من المغرب مع قوة المشاغيل و الالتزامات لقيتك ، بالمدينة لي انا خدام فيها سبحان الله
سند : ( حس بحلقو شحف ) شكون تيقلب عليا ؟
قنصل : ( رمش باسف وتنحنح ) الاخ ديالك( فتح الملف تيقرا الاسم ) جهاد السامرائي
_للحظة ماصدقش !! كفاش خوه ؟ شكووون خوه ؟! الحقيقة كسند نسى نهائيا قضية الاب ديالو ، فصغرو عاش مع احسن الناس ، الجد سيدي احمد الخمسي المعلم و الام زهور الخمسي، عاش احسن طفولة و تربى احسن تربية ، بين جيران و الناس الله يعمر بيهم ، بقوة محبة جيران ليه لقبوه بولد المعلم ، عاش مرفوع راس بسبب ام تُختصر فلقب امراة و كادة ، عمر زهور تشار ليها باليدين ولا توشوش وراها بالكلام، كانت سيدة عفيفة كافحات وصبرت على ولدها و نفس الوقت ولدها طلع مرضي ، لهدا قضية الاب ديالو نساها ، بساطة مامعقد منها ماتيحس بنقص لانه ولادتو بين ابويه حلال بعقد شرعي ..
قنصل : المكتاب اولدي تيتصرف ! كما سبق وقلت ليك الاخ ديالك جهاد هو لي تيبحث عليك ، وكان واحد تعرفت عليه فواحد ملتقى للاطباء بلا حدود ببريطانيا و كلام تابع كلام و قالي انه حاول يبحث و يعرف ماعرف منين يبدا وطوعت نبحث ليه عليك وانا اليوم خبرتو بانني تواصلت معاك لكن بقى ليا نتاكد
قنصل: ( هز حواجبو باسف شديد ) العمر لك اولدي ! على ماخبرني جهاد ان الاب ديالك استشهد فالحرب
_كأن نفس تقطع ليه ! دقيقة فصل عقلو عن الواقع تيحاول يذكر تفاصيل وجهو او صوتو لكن اكتشف ان مع الوقت تنسى ليه كولشي! مسح وجهو و جمع شفايفو بحزن متنهد بقوة
سند : اشمن سنة بضبظ ؟ اشمن حرب
قنصل : الا ماخانتنيش الذاكرة ! استشهد سنة 1993! يعني بعد مغادرتو من المغرب بشي خمس سنوات هكاك
_عقد حواجبو تيحسب ويقارن سنوات! فسنة 1993 كانت عند سند تقريبا تسع سنوات او اكثر! يعني هاد خوه الا كان كبير عليه راه زهور زوجة ثانية الا هو صغير راها زوجة اولى
سند: خويا شحال بعمرو؟
قنصل: جهاد ولد تسعين ! صغير عليك
سند : ( تحسر بقوة ) شنو مطلوب مني؟
قنصل : ( بتهدئة ) لا ولدي ما تقولش هكدا ! دنيا فايتة ، وخوك طالب صلة رحم معاك و يتعرف عليك ! الاب ديالك الله يرحمو استشهد بحرب وخوك مع امو غادرو عراق نفس السنة ودارو لجوء سياسي ببريطانيا وتبارك الله طلع دكتور و ماشاء الله مشترك بأعمال الخير يعني خلي الماضي للماضي
قنصل : وهدا عليا اولدي! هو وراني صورة ليك مع الاب ديالك و على مااظن الجد ديالك( جبد تلفون وراها ليه ) ياك بعدا؟
_اللحظة لي شاف الصورة بلون ابيض و اسود و شاف جدو و باه لي بجزء ثانية عقل عليه دموعو هبطو و تدريجيا بدا يفكر! عطاه قنصل يشرب و هداه و واساه و كان للحوار بقية حتى توادعو عاطيه رقم جهاد..خرج من تما بشعور غريب ، بين الحزن و الصدمة ركب فسيارة محول ليها الاتصال بمجرد سمع صوتها تهدن مباشرة
سند: الواليدة
زهور: الحبيب ديالي وليدي
سند: ماهداكش الله نصيفط ليك الفيزا ؟
زهور : لا وليدي انا فرحانة بمجيتك انت وماريا تجيو عندي اولدي بين ميمتك وناسك و حومتك
سند: ان شاء الله الواليدة! صيف الا كتاب! الواليدة....( هو سكت هيا سكتات ) سول فيا خويا من بَّا
_التزمت صمت ! بداخلها كانت عارفة بل متأكدة يجي نهار لي يبان اصل سند ولكن امتى او اين او عبر من ؟ ماكانتش عندها فكرة ، كانت تظن سند لي يبحث و يسول
زهور: باك لي سول فيك؟
سند : ( تردد فقولها ) خ ..خويا ، الواليد مات فالحرب شي عشرين عام هادي
زهور: ( غمضت عيونها براحة ) الله يرحمو ! اش نقول ليك الحبيب !؟ دير لي بغيتي لي ارتاحيتي ليه الحبيب !وانا راضية عليك
سند: ( تجمعو دموع فعينو ) الله يخليك ليا الوليدة
_من قال ان الهوية هيا فقط وطن ! الهوية هيا ماضي و حاضر ، هيا اصول و عروق و تاريخ ! الهوية هيا شجرة عائلة و تراب وطن وحب عائلة ! الهوية هيا بصمة كل إنسان ، كان اول واحد فافراد عائلة "لكيريا" تبث هويتو هو "تيتو" باول جواب للمعلمة يوم قال انا "مغربي مقيم بفرنسا" و كانت ثاني شخص هو سيدح يوم قرر يمثل المغرب و يحمل راية الوطن وكانت ثانية هيا ماريا بتخليها عن تربية فرنسا و اعتناقها لثقافة المغرب و زوج مغربي و ثالثة هيا روزا و معرفتها بحقيقة هويتها انها من ام جزائرية و اب مغربي و اخرهم هو سند بمعرفة اصول والده العراقي....
_بعد مرور ثلاث سنوات ! كل يوم يمر هو نقصان من عمرنا ، فالصغير يكبر و الكبير يزيد فالكبر ، ثلاث سنوات مرت بحلوه ومرها ! فسنوات كانت يواكبها تغير بكل المقايس و اكبر تغير يصاحب البشر هو تطور التكنولوجيا ، بعد ماكان الناس يتكلمو فسكايب صوت وصورة تحولو لواتساب و انستغرام صوت وصورة و مكالمات جماعية ! تغير طراز الهواتف و السيارات و تغير فالموضا و تغير فقوانين فرنسا ...."بسنة 2019" بالمدينة الإسماعيلية من داخل منزلهم جالس مع زهور و ام الخير والكل فرحان ومفتخر و طاير بسعادة بأمورة تتعالى ضحكاتها وهي فحضن ابيها ! هيا اميرة سند و ماريا ، هي فرحتهم و نور عينيهم، اتت بعد انتظار سنتين و نصف و اختارو لها من الأسماء "جوديا"
ام الخير : ماشاء الله! الله يبارك فيها غير ماريا اولدي
سند : هانتي تشوفي آ ام الخير! تسع شهور وانا نتسنى فيها وطلعت تشبه مها
زهور: شبهت الزين و التقالة ! تجلسي مع لميمة ؟
جوديا: ( تتضحك وتنقز فوق سند ) papaa
زهور: وخ ابنتي ! اولدي شفتها تتفهم داريجة ؟
سند : تنهضر معاها بيها ! اولاد سيدح فاش تيطلعو فالعطلة ماكاين غير داريجة واولاد تيتو هادوك شادين الداريجة و والدزايرية و لفرونسي _كملو مع كارين سبليونية
زهور: اوا ولدي الله يتاويكم و لهلا يخطيكم على بعض ! تهلاو فبعضياتكم
سند : داكشي لي كاين الواليدة ماعندنا علاين على بعضياتنا ، من عام لي ماتت المرحومة وتتحس الفرحة ماكملاش ولكن الحمد الله!
ام الخير: اولدي الموت حارة ! تهلاو اولدي
سند : ربي يتهلا ! اوا ام الخير هاد المرة لفيزا لي رسل الواليدة نزيدك فيها
ام الخير: ويلي شيطان ههه انا على كبري نمشي عند لفرنسيس ؟ اسيدي انا باغة بلاد الحج
سند : ( اشار لزهور ) هانتي ها الوليدة! شوفو الوقت لي بغيتو نصيفكم نتوما تاخدو الاجر انا اناخد الرضى
ام الخير : ( بالفرحة ناضت عنقاتو ) لهلا يخطيك الحبيب ! الله يشد ليك فلالة زهور ويخلي ليك لالة جوديا و ماريا الحبيب
سند : الله اودي يا ام الخير راكي عزيزة وغالية وراكي من وصية المرحوم لعزيز سيدي احمد
زهور : ( مسحت دموع الفرحة ) الله يرحمو اولدي ! الله يرضي عليك ، وماااسخيتش بيك الحبيب
سند : ( تيقبل جوديا فحضنو ) اوا الواليدة الغربة هي هادي ! حتى انا ما سخيتش ولكن ماريا خدمتها وانا خدمتي مع تيتو و جوديا عندها التلقيح ولكن الصيف ان شاء الله انا معاكم
ام الخير: اياه اولدي لكونجي فالبرد قاصح
سند : البرد هو لي تما ! هنا شوية!!
زهور: ماتصلش بيك خوك ؟
سند: من اخر مرة فاش بارك ليا على زيادة جوديا ورجعت انا تصلت بيه باركت ليه العيد وصافي ! مشاغيل الدنيا
ام الخير : اوا ضروري صلة الرحم اولدي ! ماعليش لي فات مات هو ماعندو ذنب
سند : داكشي فات ! غير كما قلتي صلة الرحم ، مرحبا بيه عندي سوا فالمغرب ولا فرنسا ونقدر نفكر نطلع عندو لبريطانيا اما باش نمشي لعراق حيدتها من بالي
زهور: اوا من الأحسن اولدي الا كتاب وطول الله فالعمر مزال تعرف على باقي العائلة
سند: ( شاف ساعة ) انا نشوف ماريا
_هاز بنتو فحضنو متجه للبيت يشوفها تعطلت حنت عندهم من دبا شوية سفر لمدينة مراكش حتى لقاها تتكلم وعاقدة حواجبها
ماريا : بسبب هاد لفيروس لي بان فشينوا و فرنسا البارح علنو على حالة الطوارئ ( عنقت بنتها بقوة ) مافهمتش
سند : ( جبد تلفونو طالع نازل تيقرا الاخبار و نكق بإستغراب) اااو من لبارح ليوم دنيا تقلبت ؟
_في نفس التوقيت بالمدينة الحمراء "مراكش" ...توقف النقل المدرسي امام فيلا وتسمع كلاكصون وتفتح الباب ليهم دخلو تيتجاراو مع بعض و المحفظات على ظهورهم و صوتهم مجهد غير مباليين بالصوت لي تينادي عليهم !! مدة عامين باش خدا قرار استقرارو فالمغرب وختار مدينة مراكش ، و شرا فيلا و استثمر فيها الفرع الثاني من مطعم ليهم بمارسيليا فتحو فمراكش ، كانت خطوة كبيرة انه يختار المغرب و يستقر فيه مع زوجة و اولاد لي ختارو يعيشو معاه وهي كدالك، سجلهم فمدارس خاصة و زوجة تتكمل دراستها بمراكش وعايشين حياتهم بين الحلوة تارة و المرة تارة
_ريان و ادم جونيور! ختارو سيدح يعيشو معاه، تيشوفو فيه الاب الدافئ و المشاغب و البطل لي تيتبعوه عبر التلفاز و حامل راية المغرب فالعالي ، ازدادو طولا و وسامة ، ريان شبه سيدح و جونيور شبه ميلا اما آية لي رجعت زوجتو على الأوراق شرعا وقانونا
_علاقتهم مع آية مثل اي خالة مع اولاد ختها ! عمرهم ناداوها بماما ، فقط طاطا آية ، تيضحكو مع بعض و يلعبو وتربيتهم تدخل فيها سيدح و ميلا عن بعد و كاين اساتذة متبعين دراستهم ! لان صغر سن آية و دراستها غير ممكن تربي جوج أطفال وليست مجبرة كدالك لانها تتبقى زوجة ابيهم ! كملو الغدا مع بعض وطلعو غيرو ملابسهم وحدهم منتظرين مجئ ماريا....مرت ساعات واذن العصر حتى تسمع صوتو فأرجاء الفيلا ناضو تيتجراو عندو ..
Paapaaaaa
_داخل هاز التقضية فيديه و سلم على آية من وجها يلاه باغي يزيد يعنقها و هما يتلاحو عليه تيضحكو معاه! سلامهم مع بعض كولو كاتش و هز وحط و لعب ، مع السنوات ازداد نضج فجسمو و الوشام بدا ينقص منو فالجسم
ريان: ( شاف فآية ورجع شاف فيه ) اشتي طاطا روزا احسن وحدة فالعالم
سيدح : شتي لونا ؟ (ريان شاف فيه بمعنى اه ) راه عمك يقتلك الا ما بعدتيش منها
جونيور : ( طلقها بضحك ) ههههههه هو تيعرف رحاب
_الحياة السعيدة و البسيطة! عمرو كان عارف هدفو فالحياة، كان ضائع ، مشتت ، ولكن ظروف الحياة قراتو او وعاتوو وفهماتو ان الحياة ولو توصل لاعلى المراتب و تكون من اغنى الأغنياء تتبقى هويتك وطنك و عائلتك ! وسيدح كلما تيشوف اولادو و زوجتو تينسى اي تعب فالخارج وتيفرح لفرحتهم
سيدح: ( لون مشى من وجهو ) الق__لاوي هاد الفيروس د والو ! انا غدا داير مع الدراري نمشي لحمام
آية: سي فغي راه كاين فيروس !
سيدح : (بغضب ) افيناهوا ؟ طنز هدا
_اوروبا ! بالجمهورية الفرنسية بالضبظ بمدينة الشمس و الرياح! مدينة الجمال و البحار ، مدينة ساحلية و من اكبر المدن الفرنسية مساحة ! اورويا عامة دائما سباقة للاخر اخبار و اخر تطورات، لكن هاد حالة لي تتمر بيها حاليا العالم عامة لا تحسد عليه ، الوعي بدول اوربية تيتجلى فقراءة المواطنين للاخبار و متابعاتها ، في مثل هاد الاجواء كل مواطن في فرنسا متبع اخبار بدقة و بلسان الحكومة و وزارة صحة يعني اخبار بدقة عالية ...من داخل القصر مثل العادة الخدم سهرانين على جمالية القصر و تنظيفه و خدمة العائلة
_علاقتهم لم تنقص ولا انش من الود ! بشرى وكارين مكملين صداقتهم مع بعض ضمن اطار العائلة ، مع هاد مدة بنت كارين تزوجت مشات استقرت فاسبانيا مع بنتها ! والقصر رجع فيه تيتو وروزا مع توينز لي عاطين حياة و فرح للقصر ...روزا ! الملقبة بشوشوط هيا الآن أم و زوجة و رئيسة جمعية امها سابقا ، اعتزلت مجال ازياء رجعت تتربي اولادها و تتساهم فالعمل الجمعوي مع زوجها تيتو اول داعم لها فكل شيء الا تربية اولادهم هو يفشش هي تنكر
ابراهيم: ( تيبكي ويشوف فيها ) وهياااا وااهيا لي ... ( تيمسح دموعو ) سي لونا
لونا: ( عضت على شفايفها ) انت بغيتي تلعب معايا
ابراهيم: ( بتوسل ) papa تغوت عليا شوشوط
تيتو : ( شداتو ضحكة ) هي ماغاديش ضربك على ماكياجها لي خسرتو ولكن تغوت عليك على كلمة شوشوط
ابراهيم : مانكولهاش ..
_توأمين من أعظم حب فحياتو ! تيتو تيتنفس الهواء و يتنفس معاه لونا و ابراهيم على حد شعورو ! للحظة لي دخلت روزا للدوش تبعوها و خربقو ماكياجها ولكن لونا لي بدات كما العادة تتلصق فيه الفعلة على مامسح لهم و داهم بيتهم يلعبو حتى دخلت كي لعجاجة
روزا : ( خنزرت فيه هو ضحك لها حتى ضحكت تعلات تبوسو ) اااه روحي ولدي
لونا: ( تتقز اماماها ) وانا مامي
روزا: ( هزاتها تتبوسها ) روحي ثانية
_كلما عطيتي اولادك حب تلقاي حب ! ولو تكوني صارمة او حنونة او معتدلة فالحنان تيوصل اولادك بشتى طرق! بقاو معاهم حتى نعسوهم و عطاوهم قبل كثيرة خرجو حاضنين بعض بكل حب جالسين فالبالكو تيتكلمو مع بعض على اولادهم حتى وصل قادر نادى على تيتو لي نزل عندو المكتب
قادر : سيدح وماريا غدوة راجعين؟
تيتو : وي !! ( اشار لتلفزة لي شاعل قادر ) هاد لفيلم اش بان لك فيه ؟
_بعد صمت للدقائق هز حواجبو باسف و نطق بنبرة جافة
قادر: الفيلم مزال طويل! هادشي مافيهش خير للناس العالم كلو راح يتغير مور هاد الح/(رب
تيتو : ( تيسمع ويحلل ) طلعتي لإيطاليا؟
قادر: وعلاه البوص هادي سنين غير من مجال الس/(لاح للما/(فيا الأدوية؟ ( اشار بيديه للتلفاز ) راه حرب لي جاية هيا على الماكلة و دوا باش يعيش انسان
تيتو : ( فهم قصدو ) هيا كل بلاد تكول راسي راسي ؟
قادر : وفرنسا اولهم ماراح تعقل على واحد! مهم خوتك يوصلو ويكونو بخير ، كولشي راح يتوقف الحياة راح توقف، صعيب تشرح و تفهم بنادم هاد ساعة لكن اعلام و سياسة راح تفهمهم بطريقتها الخاصة
تيتو : ( قلبو تعصر على اولادو وعائلتو ) الله يدير الخير
قادر: هدا الفرق بينا وبين الباقي ! حنا نآمنو بالله وهما يآمنو بالشي_طان ولكن لاغالب الا الله
تيتو : ونعم بالله ! شنو نديرو مع الخدامة فالقصر ؟
قادر : ليلة كلها يمشي بحالو وخلاصهم واصلهم و حنا نسيرو راسنا براسنا ماتيقش و ماتعرف دقة منين تجي
تيتو: ( وقف بحزم ) انا نتكلف بيهم
_يقال ان اعلام صناع الفرجة ! و زارع الر__عب والأمل و الانح/_راف لكن على حسب الشي_طان شنو طالب لان لو الدول العربية جمعا متبعة كلام الله و دول اوروبية فعلا متبعة قانون الإنسانية مانشوفوش فزمنا هدا ام_وات بالآلاف بسبب فيروسات مهجنة و اعلام مسخر الان__حراف و الميول جنس_ية مستهدفة أطفالنا و حروب تقام من اجل حلفاء تهمهم اثبات قوتهم وضحية اول والأخير هو مواطنين تيعانيو من نقص فتغذية و الصحة و مجتمع تيعاني من تضخم وغلاء اسعار ...
تيتو: ( طل على اولادو دخل غرفتو عند روزا ناعس جنبها ) شوشوط
روزا: امممممم
تيتو: فيروس ماشي ضحك ولا حالة ودوز ! فيروس كاين ، حضي اولادنا صحتهم ماشي للعب
_بعد مرور الايام و الشهور العالم بأسره غلق الحدود و العالم عرف بل تيقن و تأكد ان هناك مرض! شغل شاغل عند الناس هو الأخبار ومتابعتها دقيقة بدقيقة ، شغل شاغل هو كفاش يأمنو طرف الخبز و اغلب المهن غلقو ، كفاش يسير حياتو هو فدارو غالقين عليه ، كفاش انك الا بغيتي تخرح لازمك إذن و قناع طبي على فمك و أنفك! كفاش تعقم يديك فداخلة و الخارجة! كفاش اولادنا يقراو عن بعد....فاوروبا كان الكل مدعم ، الشهرية و المساعدات تتوصلهم كل شهر، و دراسة الأطفال تتمر فأريحية عن بعد رغم ارتفاع نسبة الوفيات وشبه إنهيار للمنظومة الصحية لكن دائما متحكمين فتسيير شؤون العباد و البلاد الا فمجتمعنا لي القانون تيمشي على الضعيف و المساعدات كانت ضعيفة وفيها تلاعب كبير ومع ذالك إيمان الناس القوي بالقدر و حامدين الله .....من بلجيكا من داخل الشقة كانت متوجهة للقبلة تتصلي صلاتها و تتسمع بكاء اطفالها تتحاول تشهد وتسلم بسرعة حتى نتهت حيدت الزيف هازة ولدها تتسكتو
_عثمان الصغير وفادي الكبير ! بعد مغادرتها فرنسا استقرت فبلجيكا و تعرفت على شخص مغربي فنفس مجال عملها وتعارفو و كتاب ليهم يتزوجو ، حكات ليه انها مطلقة و هو كدالك مطلق و شرط عليها الحجاب و تجلس فدار هي قبلت ...نعست اولادها وهزت هاتفها محولة مكالمة لصديقتها ، نفس الصديقة لي كانت معها فرنسا
نهيلة: الو زين صافا ؟؟
صديقتها : اهلا اخويتي صافا ؟ كي دارو لوليدات مول دارك ؟ كي درتي مع هاد كورونا ؟؟
نهيلة: جمعي كولشي قولي لباس ! كورونا راه شدت علينا اختي، راجلي راه تيخدم ليل ونهار مسكين عندهم نقص !!
ص : اوا ربي عوينو ! لقيتني انتصل بيك و الله ، نسولك على امك
نهيلة: ( بتنهيدة ) سوليني على راسي ! امي راه خاصها غير لفلوس
ص : والو ياختي ماتبدلوش ؟ وخ بعتي دارك و ضربتي على المغرب وسمعوك تزوجتي ودرتي جوج اولاد ماضرهم قلبهم يشوفو هاد دراري ولا راجلك؟
نهيلة: راه على عينيك ! امي وخويا خاصهم غير لفلوس ، مانكذبش عليك نهار لقاني ربي بهاد ولد الناس تبث و حصنت ونسيت الماضي لي نطلب من ربي هو يغفر ليا و يسمح ليا على لي فات ، كنت غادة فواحد الطريق مايبغيها لاربي لاعبدو ربي عطاني درس
ص : الله يسمح لينا جميع اختي نهيلة ! كما قلتي دنيا فايتة علاش بنادم تيجبد العيب، ماقلتش ليك راه عذرا سدو عليها فتركيا!!!
نهيلة: نكذب عليك؟ ماتتهمنيش ! الله يعاونها انا الا نطلب سماح؟ نطلبو من الله اما بنادم صعيب اختي !!
ص : اوا الله يهدي ماخلق بوسي ليا دراري والله يهز علينا هاد الوباء ويلقاو ليه دوا
نهيلة: امين ...
_لايصح الا الصحيح! ربما لي مر على نهيلة كان فيه خير ليها ترجع لطريق الصحيح و تنشأ عائلة وتبعد على الفساد ...مثل اي ام و زوجة مغربية فالغربة محافظة على تقاليد المغرب و مهتمة براجلها و اولادها ..
راجلها : السلام عليكم ! نعسو دراري؟؟
نهيلة: نعسو ! وجدت ليك دوش ودير حوايجك فلميكا لا يكون فيهم المرض
راجلها: المرض هو لي خرجوه ليه_ود راه قالك لقاو ليقاح ...
_كل مايسمع فالفقصر هو صوت الأطفال !! اصواتهم تتعالى بين الفرنسية و الداريجة المغربية، يسكت هدا يبكي هدا ، يضحك هدا يرجع يبكي لاخر...الكل مقيد بقانون الحجر الصحي لا طير يطير ولا وحش يسير فشوارع مارسيليا من غير الشرطة و العاملين فمجال الصحة و التغذية و النظافة هدا هو الحال فعز كورونا ...
_قادر هو قادر ! رغم ان القلب تملأه الأحزان لكن تيعيش كل يوم كأنه هو اخر يوم له ! عايش بين عائلتو لي أسسها و مهتم بيها وفرحان لفرحتهم و اولادهم معمرين عليه القصر ...بحلول الليل ، كروب نهار نعس مع الاولاد وكروب ليل ناض يشوف كي يدوز اوقاتو ، جالسين على طاولة الأكل كلها شاد تلفون وكلها اش تيشرب
سيدح: ( شاف فآية ) آتاي بارد
آية: سخنوو ! وماتهضرش معايا!!
سند: راه سخون اصاحبي! ياكما شداتك كورونا مشات ليك الحرارة ؟؟
سيدح: ( هز حاجبو فيه بشك ) لا سخون غير تنضحك معاها
_كانت فعالم بوحدها غارقة فتلفون وتيتو حاشي راسو معاها حتى شافت فيه
روزا : نوض من حدايا
تيتو : ( هز راسو تيضحك ) اري غير نشوف
سيدح: لقاو لقاح ؟
تيتو : يبداو بدلمك انت لول يضربو لك لفاكسان
سيدح: واش من نيتك نضربو انا يزرعو فيا تجسس!!!
ماريا : مي صافا با !؟ اش تتقول؟؟
سند: ( تيقتلو بضحك ) واش هدا من صغرو هبيل؟
روزا: باه وي ! من صغرو
سيدح : (بإبتسامة)كنت تنديرها بلعاني
روزا: تعقل فاش حصلوك فمارشي سارق عصير ؟!
سيدح : انتي لي كنتي سارقة اللعبة ! انا عصير غير نسيتو
_تشتتو بضحك كلهم هو تيحلف ويعاود و روزا تتفرش ماضيهم الاسود وسند و آية مصدومين بضحك من غير ماريا و تيتو لي عاشو معاهم كوراثهم ..مرت سنين من عمرهم بطفولتها و مراهقتها و شبابها وحلوها ومرها ..لحظات الحجر الصحي كانت ذكريات جديدة تتكتب في فصل جديد من حياتهم مع اولادهم..."لكيريا"
*** تمت و الحمد لله ***
تصنيف القصة
يرجى إختيار التصنيفات اللي يمكن يوصفو هاد القصة، التصنيفات كاتساعد بشكل كبير فتقسيم القصص وحتى لي كايقلب على قصة من نوع معين كايلقاها بسرعة.. (يمكن اختيار أكثر من تصنيف)
لكيريا حرب الهوية الجزء 26 والأخير
محتوى القصة
_المرحومة !! عند لحظة موت الإنسان يرجع اسمه _المرحومة او المرحوم من كلمة الرحمة ، فكل مانفعله للميت و ينتفع به هو الدفن و الدعاء رحمة من عند خالقه سبحانه تعالى ! بما نص الإسلام و سنة حبيبنا الرسول صلى الله عليه وسلم غسلت و كفنت بايدي اخوات مسلمات تيغسلو لموتى النساء فسبيل الله ، و نحمد الله و نشكره على وجود مثل هاد الأخوات فكل ربوع العالم متعلمين من الفقه الاسلامي !
قادر : ( حرك لهم راسو بشكر ) الله يرحم الوالدين
الاخوات : ( بدون النظر إليه ) الله يرحمها و يوسع عليها و يسكنها فسيح جناته الله يرزقكم الصبر !
_وقت قليل على صلاة الظهر ! خرجوها من المستشفى بصندوق راكب معاها قادر و تيتو و سيدح و باقي السيارات عامرة بليكارد كور و سند بسيارة خاصة ، الى غاية القصر ، لي كان واضح عليه أجواء الحزن و الشجن مع وصولهم تفتحو الابواب الكبيرة مع دخولهم للباب الاول تسمع صوت القرآن وكان كافة العائلة فانتظارهم ! اولهم بشرى لابية جلابة بزيف و روزا كدلك بعباية وحجاب على الرأس و ماريا كدالك حتى من ميلا و كارين و بنتها مغطين شعرهم و باقي الصالونات مليئة بالمعارف و اصحاب الجمعية و الجيران القدام و اي مغاربي سمع على حادثة المرحومة ! قادر بغى يخرجها من دارها ! من قصر العائلة ، دخلو الصندوق لداخل وكانو معارف قادر من المسلمين و المافيوزين ايطاليين لي مكان خاص لانهم غير مسلمين و الامام معاهم فانتظارهم واقفين تيقراو الدعاء و صوت بكاء عائلتها من صغيرهم لكبيرهم يهرس الحجر ...بدا الإمام قرائة بعض الآيات من سورة ياسين
الامام : صدق الله العظيم! ( هز كفوفو للسماء ) اللهم اغفر لها و ارحمها و اعف عنها وعافيها ، اكرم نزولها و وسع مدخلها اغسله بالما و البرد و نقيها من الخطايا مثلما نقيت الثوب الابيض من الدنس، و انزلها دارا خيرا من دارها واهلا خيرا من اهلها ،و ابنة خيرا من ابنتها ، وادخلها الجنة و اعذها من عذاب القبر و عذاب النار
_أمين يا رب العالمين ! مسحت الوجوه بالاكفف و حمل الصندوق على الأكتاف و خرجو من القصر و الدموع تتلألأ في العيون و القلب تاركين انهيار ورائهم ! ماصبروش ، ماصبروش على زينة البنات، ماصبروش على خيرة الناس! ماصبراتش روزا على انها ماتعاودش تشوف امها و تسمع صوتها و تمتع بحضنها ، ماصبروش صديقات عمرها و جاراتها و معارفها على السيدة لكل وحدة فيههم دارت فيها خير أو احسان ! وسعداتك يا فاعل الخير، وصولها للمسجد لي كان اغلب الرجال فانتظارهم و آداو صلاة الجنازة ودموع تيتو نازلين جنبو سيدح ماحاسينش بنفسهم الى نهاية الصلاة و خروجهم للمقابر ، فإكرام الميت دفنه ، اللحظة لي حطوها فالسيارة وركب تيتو و سيدح و قادر اخر واحد ولقى نظرة اخيرة الى الوراء هو يلمح جماهير! جماهير من الرجال و الشباب و الاولاد ركب حاط يديه على الصندوق غادين بموكب الجنازة ورائها سيارات و دراجات نارية بدون عدد ! جنازة مهيبة ، من كثرة ما كانت محبوبة و معروفة بالخير مشاو معاها الناس غير سامعين بيها الى ان وصلو للمقابر وبداو مراسم الدفن و بقوة الحضور المقبرة عمرت على آخرها و فخارجها وهنا الشرطة كانت مراقبة الوضع من بعيد !
الإمام: الله أكبر! اللهم ارحمها
_ترددت بصوت مهيب آميييين
_دفنت فقبرها ! و ردم عليها التراب ، ورفع ليها الدعاء و الامام بدا يتكلم بحرارة شديدة و صوت حزين
الامام : السلام عليكم يا اخوتي فالله ! بغيت نقول اليوم كلام ! ربما موت أختنا فالإسلام لي الله يآجر عائلتها فمصيبتهم و خلفهم الله خيرا منها و الله يعوض محبتها بالصبر ! يااا اخوان ياااا اولادي و يا شباب الغد، اعزو الاسلام ، وسيرو فالخير ، سيرو على خطى اختنا المرحومة فالخير و الإحسان، سيرو فثتبيث هويتكم العربية و المغاربية و الاسلامية ، تسارعو للخير ، بعدو من الشرك والحرام ، اختنا فالله رحمها الله توفاها برصاصة الغذر ! اختنا فالله الله يسكنها فسيح جناته ضحت بروحها لانقاد طفل من رصاصة مسلم غرو الشيطان و دخل حرب العصابات من اجل النقود و الرفاهية الغير دائمة من اجل حرب المخدرات لي حرمها الله على امته من أجل صحته و عقله ودينه و ذويه ، ( اشار للقبر ) نهايتنا كلنا للتراب ، نموت على خير و احسان ولا اموت على حرام و ظلم ، الإنسان سيره فالدنيا محدود ببوابة الموت ، لا نعلم فاي وقت ولا اي مكان يقبض الله على روحنا ! سيروو ديرو الخير ! كاين يتامى ، كاين عجزة ، رجعو لهويتكم ، رجعو لبلادكم الام شوفو شنو ناقصهم الا انت مسك عليك الله هنا ، سيرو حفرو آبار لوجه الله منفعة لناس و صدقة لأمواتكم ، دخلو للكتاتيب تبرعو بكتاب الله ! و اوصيكم بالدعاء و فالاخير تنقول ان المرحومة ماماتش لعائلتها فقط؟ بل ماتت للجميع، ماتت للفقراء و المساكين كونو بخثة و خير بخثة ، واعطيو للغرب صورة حسنة على العرب و المسلمين ماتكونوش مثل قاتل بخثة
****بعد_خمس_شهور
_سبحانه وتعالى أنعم علينا بنعم كثيرة ، عليك فقط ان تكون مؤمن بالقدر خيره وشره ! انعم علينا بنعمة النسيان و التسامح لان لو كان للموت حل لا ما كان هناك سابقون و نحن لاحقون ! ولكن الفراق صعيب، الحياة تستمر فالحي ابقى من الميت و الميت يبقى في قلوبنا وروحنا ! العائلة تتعايش وليست تعيش و هده سنة الحياة ...بعد خمسة "شهور" ابرز الأحداث لي خلت العائلة غليلها يبرد نسبيا هو انتحا_ر القاتل قبل القبض عليه لانه عرف انه ميت ميت بسبب صلة بخثة مع تيتو قادر هد الاخير لي قدر يقطع جذر للديك العصابة ودارو اكبر خير فالحي و _هكدا الحياة تستمر لكن عند البعض توقفت تماما منهم "كارين"
بشرى : ( هزت زيف تتمسح لها فمها ) نزيدك ؟
كارين: ( بكلام متقطع ) م ميغسي
_كارين لي كان لقبها لاكغوس او لغليضة موت صديقتها هدمها لان الصدمة كانت قوية بقات صامدة حتى نهارت تماما و وتجاراو بيها فالمستشفيات بعد صراع مع الصدمة خرجت جليسة كرسي متحرك و نص جسدها مات لها! الكل معتني بيها ولكن تتحس بفراغ و تتشوف بخثة فكل مكان! وغالب الوقت ملتزمة الصمت
بشرى : ( بتسمت بحزن تتمسد لها يديها ) صافا شوية ؟ نخرجو للجردة ؟
كارين : ( تاتحاول تكلم ) ر روزاا
بشرى: ( شافت فساعة ) شوية تفيق! تفكرتي عندها رونديفو اليوم؟
كارين: ( تتحاول تبتسم ) وي ! وي
_تنهدت بشرى بقوة وقفت شادة كرسي متحرك ولو كهربائي تيتحرك راسو لكن تتفضل تجرها ، خرجو للفناء الخارجي مستمتعين بألوان الورود وخضرة الأشجار حتى لحقت عليهم مانويلا
م : مدام بشرى ، مسيو تيتو وصل !!
بشرى: داكوغ! ماطلعيش عند روزا حتى طلبكم !!!
مانويلا : وي مدام ! تحتاجو شي حاجة ؟
بشرى: المروض شوي يوصل علمينا ..
_جلسو جنب بعض بصمت، مابقى مايتقال ، تيحاولو يتكلمو فأمور تسعدهم لكن يدورو يدورو ويرجعو لسيرتها و لي شاغل بالهم هو روزا ! روزا لي مهددة بالولادة المبكرة وتقلت بزاف من نهار قرات الوصية و حنينها لأمها معذبها
🔙🔙🔙
بعد الجنازة بأسبوع! كانت فغرفتها جالسة كما عادتها شاردة الذهن وماريا ناعسة جنبها ، لانها ببساطة النوم ماتتشوفش ، دخل قادر بابتسامته المعهودة رغم ان القلب يبكي دم ! تقرب منها و ورائه تيتو وقبل جبينها بحب
قادر : واش خالو صافا؟
روزا: ( حركت راسها بنعم ) خرجتو اليوم الصدقة لي قال عليها الإمام؟
قادر : ( زير على يديه ) صمت
تيتو : ( قرب منها بحب وحنية ) طانكييط ، الجمعية خدامة كما قبل !!!
روزا :(بحزن) ماشي بحال كيف كانت ماما تخرج برجليها تعطي للناس المحتاجين
تيتو : يكون خير!
قادر: ماتفكريش بزاف خالو ! شدي صحتك وتولدي ولي حبيتيه نديروه ! ( شد يديها وحط لها فيها جوج اظرفة ) هادي وصية ماماك !
روزا : ( حست بقلبها ضرب بقوة ) وصية ؟!!
تيتو : ( حضنها ) وي وصيتها !
قادر: هد الوصية راها تهمك بزاف و السؤال لي ديما كنت تسوليه ليها جوابو هنا!!
روزا : ( شافت فالأظرفة ببرود ) مابقاش يهمني نعرف بابا ! ( شدت فيد تيتو وحطت راسها على كتف قادر) نتوما فاميلتي
قادر: ( قبل راسها ) وصية امك لازم تقرا
_طبطب على راسها تارك تيتو معاها وتحنى هاز ماريا بين يديه لي كانت شاربة المهدئ ماحاسة بوالو خارجين من الغرفة مخليهم بجوج وهي مترددة تشوف فالاظرفة وتشوف فتيتو
تيتو : (طبطب على كتفها)امك تكون مرتاحة الاقريتي وصيتها
روزا : ( هزات الأظرفة قبلاتهم فتحت الأول بصعوبة تترعد ) ااااه ماما
_تيتو حط يدو على دقنو بقوة من شدة التوتر والخوف على حالتها! اول ما فتحت الظرف كانت رسالة و معها صور شافتهم وهزت صوة بخثة قبلاتها بقوة و بدات تقرا الرسالة بصوت هادئ و منخفض مصحوب بالدموع
_راح نحكي ليك حكاية جميلة ، حكاية مثل الأميرات لي تحبيهم ! فالليالي و البرد و الشتاء قوية كانت ليلة نويل كل العائلات فرحانة بقدوم العام الجديد ! كانت سيدة عايشة فحي فيه ناس كثار وليها صديقتين و فنفس الوقت جاراتها وحدة فيهم إسمها كارين و الأخرى بشرى ، بقوة محبتهم لبعض كانو ديما تيتجمعو فدار وحدة! لكن ديك الليلة كانت عليهم حزينة، حزينة على بشرى بسبب موت اباها لي سمات ابنها الصغير على اسمه سيدي حمد و حزينة على كارين لان
بنتها هربت فديك الليلة ، وفنفس ديك الليلة الطويلة لي كانت كلها دموع وصلاتني بشارة ! جاتني بنوتة عيونها زورق مثل البحر و بشرتها بيضة مثل الثلج ! خديتها فحضني كأني عشت مخاضها و قبلتها وشميت رائحتها كأني ولدتها ، جبت البنية لعند صديقاتي وعرفتها عليهم واحد واحد حتى على ولادبشرى ماريا وتيتو ، وحياتنا رجع لها لون ! بنتي كانت تتكبر يوم بيوم ، اميرتي كانت تسرق جمال العالم وتزيد بجمالها ، بنتي رجع عندها صديق واخ هو سيدح و اخت لي هي ماريا ومع الاميرة تكبر اعلنت حبها للاخ الكبير لسيدح وماريا ، اميرتي تمردت و تتكبر ليل ونهار ! ولا عمري نقص حبي ليها و لا قلت تعباتني بنتي ! ولا قلت بنتي اسوء بنت!!! كنت نكافح على ود بنتي ترجع احسن الناس وربي ماخيبنيش ! ربي رسل لنا من جديد خالك! هو خالي و اخويا و حبييي و بويا ! قادر هو كل عائلتي هو لي شد بينا انا و نتي وخوتك و خالاتك ورجعنا عائلة من جديد وتجمعنا تحت سقف واحد اميرتي رجعت اميرة حقيقية! رجعت تباهى بجمالها وتدرس وتعوض سنين التمرد و جددت علاقتها مع الكل و فازت بحبها لتيتو ! ربي يحميك اميرتي ، لكن اميرتي قصتها كان عندها سر ! وهاد السر مانبغيش يأثر عليك او يكرهك فناس ولا تعاتبي ناس !
روزا : ( تنخصت بقوة ) اااااه يااا ماماااا
تيتو : ( حضنها بقوة ) شششش ! البكا غير يضرك اعمري
روزا: ( تتبكي الدموع مثل حجر ) مااابغيتش نعرف ! ماااابغيتش
_بعد ثواني رجعت فتحت الرسالة تتكمل قراية و قلبها تيضرب بقوة ونفسها تتحس بيه تقطع
مافي ! بْنْتي ! احسن حاجة طرات ليا فحياتي ، احسن هدية تجازيت بيها فالدنيا قبل الاخرة ! انتي قطعة من روحي ، وصيتي اكدت تقرايها من بعد موتي او الا ربي شاء ورزقك باولاد ، لان ماتعرف بحق الام غير الام ! كانت ليا اخت اسمها وردة، اجمل اخت فالعالم بالنسبة ليا وكانت على علاقة بشاب مغربي تيتشاركو نفس احاسيس ! حبو بعض و أنجبو بنية اسماتها روزا ! لكن القدر خدا وردة و حبيبها بسبب تصفية حسابات ! و وردة كانت وصيتها روزا تمشي عند ختها بخثة ! انتي فالاصل بنت اختي وردة لعدلي و باباك مغربي من اصول شمالية لمدينة يقولو ليها طنجة و اسمو جمال غمات ! هويتك مغربية جزائرية لكن انا ماماك بخثة هويتك روحية لي رابطني انا وياك اكثر من امومة لي رابطني بيك حب حياتي كلها...آسمحيلي بنتي الا طولت عليك الحقيقة و سمحيلي الا خيبت ظنك فيا ! لكن الحقيقة ماكانت تنفعك فلاشئ والديك الله يرحمهم وكنت دائما نعمل لخير لوجه الله رحمة الوالدين و والديك ! وصيتي ليك ابنتي انك تكوني انسانة صالحة و زوجة صالحة وام صالحة! صالح للناس الكل و الخايب لراسو ..
روزا : ( بشهقة ونظرة ضبابية بسبب دموع تتشوف صور ) كنت نظن ان بابا ممكن يطلع اي شخص لكن ماظنيتش بخثة ماطلعش ماما ! ( طيحت صور وهزهم تيتو وبقت معنقة رسالة ) عمرني شكييت ولا حسييييت انها ماشي مامااا
_ألم شديد تيطقع قلبها و احاسيس مثل العاصفة الهوجاء تجتاج و روحها و دواخلها، تتلوى بوجع الاشتياق و لوعة الفقدان وهي بين ايدي تيتو لي كان تيبكي معاها و ماكرهش يهز عليها كل مايؤذيها ! فلحظة تيحس بيها هدأت وشبه غايبة عن الوعي وترجع تنخسس تتحس بأضلعها تيتهرسو من شدة القهر و الحزن ! فلحظة جميع الذكريات مرو امام عيونها !! لحظة تمردها بعدم الاكل ! تمردها بعدم الإمتثال للأوامر! لحظة ضحكاتهم و صراعاتهم لحظة رنين هاتفها وهي تتسول عليها ،لحظة نومها هي وسيدح بعد سماع التوبيخات من طرفها ! اي ام هذه ؟ اي طاقة حنان عندها؟ خرجت من افكارها بقبل تيتو على راسها و هو تيمسح دموعها وهزت رسالة ثانية تتفتحها و تتسترجع انفاسها محاولة تقرا ، لكن كان فيها جوج رسائل ، فتحت الأولى حولت نظرها لتيتو
روزا : خطك ؟
تيتو : وي ! وي موناموغ
_بما انه جنبها قرات فنفسها و اعينها تتمشط الرسالة تتمنى ان لا تحمل سر آخر بدات تقرا بعيونها و قلبها تيضرب بسرعة
_حنونة ! طاطا بخثة الله يخليك لينا و يخليك بينا يارب ، كلمة ديزولي ماموفياش بخثة ، كانت اول رسالة نكتب و انا فالحبس ليك ، كتبت ليك لانك كنتي شاهدة على الصغيرة و الكبيرة فحياتي وحياة لافاميلا ، ياريت بخثة سمعت كلامك ماركبتش راسي ، ياريت !! لكن راني تنحاول نتصلح من اجلي و اجلكم و من أجل اجمل بنت عندك ! من اجل روزا لي خدات قلبي وروحي !! لكن عندي رجاء واحد بخثة هو عند خروجي من السجن و الوقت لي نتجمعو جميع هدا وعد قادر و وعدي العائلة تجمع تحت سقف واحد ، رجائي تعترفي لروزا بحقيقة انك امها الروحية واختك الله يرحمها امها البيولوجية ! هدا رجائي ، تمنيت نكون فسن ماريا او سيدح ماعارف والو ، مي انا شهدت ديك الليلة!! ليلة نويل و روزا فسن سيدح بين يديك وعارف وفاهم انها ماشي بنتك ! فالأخير سمحيلي بخثة بزاف على كل غلطة غلطتها فحقك فأي لحظة غضب و طلبي الله يهون عليا حبسي ونخرج نشرفكم جميع "تيتو"
_روزا : ( غمضت عيونها ضروها بقوة الدموع ) حبيبة ماما وشحال هزت من سر!!!
تيتو : الله يرحمها
_فتحت رسالة ثانية كانت عبارة عن صورة فيها تيتو و ماريا و سيدح و روزا و قادر و كارين و بشرى ورائها كاتبة هادي عائلتك
روزا : فين كانت ماما ؟
تيتو: ( تيحاول يذكر الذكرى ) هيا لي صوراتنا الله يرحمها
_هزت رسائلها و صورها وحضناتهم بقوة و تيتو حاضنها ، حست بنفسها انها باغة تنعس نوم عميق وتفيق تلقى كولشي مجرد حلم او خيال ! الحقيقة لي لطالما بغات تعرفها ؟ بردت عليها، مابقى عندها حتى أهمية بل فعز نومها تتنطق وتقول
روزا : ماما هي بخثة ! ماما هي بخثة
_بقى معاها حتى نعست و اتصل بمانويلا طلع تجلس جنبها ماتيخليوهاش حتى دقيقة وحدها! وخرج عند قادر لي كان بانتظارو فالمكتب ملامحو لاتقل حزنا عن تيتو
قادر : نعست ؟
تيتو : وي ! الله وحدو لي عارف اش ندوزو مع رزوا ولي جايينا!!
قادر: ( بنظرة غامضة و مهيبة ) قصة روزا عندها قصة اخرى ! ولكن المرحومة ختارت احسن قصة لأميرتها
تيتو : شنو وقع بالضبظ؟
قادر: لي وقع ؟ وقع !! كيف ما بخثة عرفت ان حقيقة روزا انها ماشي بنتها فحياتها ماتنفعها بوالو! اكيد حقيقة وردة و جمال بعد موتها ماينفعها بوالو!!!
تيتو : كنت نظن ان باها إيطالي من المافيا !!!
قادر: ( تنهد بقوة وحسرة ) كن كانت بنتو كن وردة ماتقتلتش هي وجمال ! كن وردة مزال عايشة و روزا كبرت وسط المافيا الإيطالية ! مي روزا بنت جمال واللحظة لي هربو لاسبانيا ناوين يدخلو المغرب ولد البوص وصلهم قبل مني وقتلهم و انا نقذت روزا و زورت موتها ! لان الى ولد البوص كان عارف بلي روزا مزالة حية يقتلها اليوم او غدا ، لكن نقذتها وعطيتها لبخثة لي بعدت كل الشبهات ولو ولد البوص بحث و قلب ماعرف والو حتى بين ليلة و نهار مات مقتول وتسالات قصتهم
تيتو : و البوص عارف الحقيقة؟
قادر : ( حرك راسو ببطئ ) وفائي للبوص وخدمتي سنين معاهم خلاه يوقف معايا فهادي !
تيتو : الله يرحمهم جميع ! الا روزا قررت تعرف اصول جمال؟
قادر: ساهل تعرفهم ! مزال اخت وحيدة عندو عايشة فدار والديه !!!
تيتو : عارفين عندهم بنت خوهم ؟
قادر: جمال كان مبعد على عائلتو نهار دخل لمافيا ، لكن بنت اختي وردة لعبت بعداد عمرو وهدا لي كان سبابوا قالوها ومن الحب ماقتل
_رجعت حياتو محصورة بين القصر و العمل ، جل تفكيرو و اولوياتوا تتمتل فروزا ! ولو الكل مهتم بيها لكن تيحس نفسو المسؤول الأول، خمس شهور مرت عليهم سوداء، بالنسبة ليهم العالم نتهى و نقطة على السطر! لكن مدامك حي فلازم تعيش وتعايش ، فتح الباب ببطئ ودخل سدو وراه ، بخطوات هادئة مقرب ليها ، كانت ناعسة على سريرها و شعرها الأشقر مشتت على المخدة حاطة يديها على بطنها المنتفخ لي واضح امامها، كانت لابسة سوتيان و شورط قطني بدون غطاء ومخدة تحت رجليها! دوز اصابعو على وجها مقبلها فجبينها
تيتو: روزااا ( تيحك فروة راسها ) روزاااا
روزا : ( فتحت عيونها بصعوبة شافت فيه رجعت غلقتهم ) وي
تيتو: نوضي ! دكتور اتصل بيا على رونديفو!!
_تنفست بصعوبة وهي تتشوف فبطنها ، شدت فيديه محاول معاها تجلس بصعوبة جلست دور عليها المخاد و هي التعب واضح عليها و الحمل كانه فآوخره رغم انها لا زالت في بدايات الشهر سابع ! ازداد وزنها بشكل كبير و ملحوظ و انفها تضخم وشفايفها كدالك
تيتو: دخلي لدوش ؟
روزا : ( تتحط يديها تحت كرشها وتزيد على رجليها ) مانقدرش نوض ! ( بوجع ) ااااااي عييييت صايي جونيماغ
تيتو : صبري شوية ( دار بعينيه تيبحث على الشريط و جمع لها شعرها بشوية ) ندخلك لدوش ؟
روزا : سي بون ! خلي لانفغمييغ تعاوني
تيتو : نو ! انا هنا كاين
_ حيد لاشوميز علقها و السروال ولبس شورط بقى حافي القدمين وهزها بين يديه مدخلها لحمام جلسها فلبينواغ كل مرة يسولها شنو ضارها ولا شنو خاصها! بماء دافئ غسل لها شعرها وجمعو وحيد لها باقي ملابسها بصعوبة لان كرشها كبرت نزلت لتحت و الوزن زادها ، كمل لها الدوش و لبسها بينوار رجع هزها وحطها على السرير
تيتو : ( شاف حوايجها موجدين قبل من طرف مانويلا ) تلبسي دبا ولا ترتاحي ؟
روزا : فيا جوع! ( حطت يديها على كرشها تتحاول تنفس ) اممممم
_بمجرد مكالمة فظرف قصير طلعو لها الفطور و لبسوها ملابسها نشفو شعرها ! و رجع منزلها لتحت سلمت على كارين و بشرى
بشرى : كي صبحتي شوية ابنتي ؟
روزا : ( بتعب ) وي طاطا صافا، ماريا مزال ماجات؟؟؟
بشرى : حتى لعشية ابنتي ! عندها شي خدمة !!
كارين: ( تتبسم و تحاول تنطق ) رو روززا لي بيبي ؟؟
روزا: (حركت لها راسها بطمأنينة ) وي مي بيبي صافا
فرميلة: (جارة كرسي متحرك ) مدام روزا واجدة ؟
روزا: فين تيتو ؟
تيتو : هانا ! ( شد فيديها هزها من لفوطوي جلسها فلكرسي ) الي اونيفا ؟
روزا : وي ! ( شيرت لهم باي باي ) تشاو
بشرى : ربي معاك ابنتي! ( حبست الدمعة مزيرة على يد كارين ) ربي معاك
_خرجت مع تيتو نحو المستشفى مخلياهم تيبكيو ! كل ما عاد فاستطاعتهم هو البكاء، من نهار عرفو ان روزا حاملة "بتوأم" والفرحة عرفت لهم طريق و زادت فرحتهم نهار عرفو ان "توأم" هما "بنت" و "ولد" حتى من اسماء ختاروهم مع بعض
قادر: ( حضنها بحب ) مبروك عليك ابنتي
روزا : ميغسي تيوووو
سيدح: اي فوالا ! في دي زونفو
تيتو : ( هضرتو تتمرضو ) بحالك!
ريان : مي انا ديما لو بخوميي ( شاف فقادر ) ياك ابابي ؟
قادر : ( بابتسامة حادة ) انت و جونيور
جونيور : ( بغيرة وغضب شد فراسو ) انا كن غير بقيت فسويسرا ) كنت انا لول عند ماما و روزا
ماريا: ( هزت حواجبها من كلامو جنبها سند مبتسم) اجي تكون نت لول عندي!!!
جونيور: دبا تولدي حتى نتي اون بليس تتبغي ريان عليا ( مشى عند روزا حضنها ) مزال تتبغيني اشوشوط
روزا : شوشوط سي طاميغ ! اي توجوغ جوطيم!!
_هكدا الفرح تسلل ليهم ! الأطفال هم ربيع القلوب !نعمة و فرحة ! روزا ماتغيراتش شخصيتها ولا رجعت انطوائية ولا عاتبات احد ! روزا هيا روزا لكن قلبها لي تغير ، قلبها ازداد حب و نقاء! كلما تنعس وتفيق تفكر بخثة وتحمد الله على تربيتها ليها والعائلة لي منحاتها
تيتو : قادر واش تسمي بيبي الولد
قادر: لي ولد شي يسميه
روزا : نو تيوو انت تسمي الولد وانا نسمي البنت
بشرى: الله يفكك على خير ابنتي
قادر: على بركة الله! اسميوه "ابراهيم"
سيدح: ناضية ( ضرب ريان بمزحة )
تيتو : ان شاء الله نسميوه ابراهيم
ماريا : ( شافت بسند ) شنو تتعني ابراهيم ؟
سند: اسم رسول الله لي دعاو البشرية للإيمان بالله و توحيده و دكشي علاش لقبه المسلمون بأب الانبياء لأننا في ديننا الاسلامي كنأمنوا بكل الرسل و هو النبي لي كندكروه فالصلاة الإبراهيمية لي كنختموا بيها صلاتنا من بعد الصلاة على نبينا محمد صلى الله عليه و سلم
ماريا : اه اوك! نسميو اولادنا اسماء مسلمة ياك ؟
سند : (بإبتسامة حب )ان شاء الله
كارين : ( بصعوبة تتكلم ) اي لا ف في
روزا: "لونا"
اية : اااه سي جولي ! تتعني وجه القمر
سيدح: ونتي اش تسمي اولادك؟
اية : طي ملاض ؟ جوفو با ديزونفو دبا ابخي ...
🔚🔚🔚🔚
_المستشفيات فاوروبا كدالك فيهم انواع مستشفى الدولة و العيادات الطبية الخاصة بناس في مستوى عالي ! هدا هو فين متبعة روزا لانها بفلوسها ماتتنظر من الدولة والو بلعكس هما حاليا تيتعتبرو من طبقة الأغنياء لي هما تيعطيو للدولة الضرائب ! استقبلوها دخلت للغرفة الخاصة بيها بداو لها الروتين الطبي حتى وصل الدكتور الخاص بيها ولقى التحية عليهم
دكتور : (بإبتسامة)مدام غوزا طخانكيل مسيو تيتو ؟
روزا : صافا ! جو سيوي فاتيكي
تيتو: وي صافا ميغسي
دكتور : ( هز تيقرا ملفها ) الوغ ! مدام ندخلو لقاعة الفحص مستعدة ؟
روزا : وي
_اتلكم الدكتور مع الممرضات يغيرو لها ملابسها ويدخلوها للقاعة ! تعامل ممتاز و الابتسامة على محياهم ! تيتو واقف عليهم حتى دخلوها بقى فالخارج والوقت تيمر ! مرة جالس مرة واقف حتى خرج عندو الدكتور
الدكتور: مسيو تيتو كما توقعنا اتولد فشهر السابع ! من المستحيل تقدر تمم اسابيع الحمل الباقية ! نفسيتها مدمرة والقوة عندها قليلة و فنفس الوقت لازمنا نقذو الام و لي بيبي مانغامروش
تيتو : ( منزل راسو تيسمع ) فوقاش تولد ؟
دكتور : من هنا 48ساعة ! نتصل بطبيبة النفسية تحضر معايا قبل على قبل نخبرو روزا ! و يبقى الوقت للعائلة تحضر معاها لانها مهمة بزاف ليها
تيتو : ( تيحس بقلبو تيضرب ) داكوغ دكتور! والولادة طبيعية ؟
دكتور : ( حرك راسو بالسلب ) مستحيل! مانغامروش بيها! روزا تتعاني من ضيق التنفس و دقات القلب المتسارعة ! تكون ولادة قيصرية و تخذر كاملة
تيتو : ماتشوفش ولادتها ؟ مايمكنش كانت تتوجد لهاد اللحظة
دكتور : نحاول ندرس مع الطبيبة النفسية ونقيمو نفسيتها ! كما سبق قلت لك راه عندنا تلاثة الأرواح !!!
_جلس متنهد تيدوز يدو على راسو ! اول من اتصل بيه كان قادر لي متواجد بإيطاليا وخبرو بضرورة الحضور وتاني شخص كان سيدح لي متواجد فبلجيكا بسبب زيارة ريان لميسا و عاد سند و بشرى باش يكونو حاضرين للولادة ومساندتها لانهم كل واحد فيهم محتاح للاخر ...
تيتو : ( قبلها فمها ) شوية ؟
روزا: بغيت غير نعس ! عييت قلبي مزير عليا!!
تيتو : ( جر لغطا عليها ) ارتاحي ! ( قبل راسها تيدعي معاها فخاطرو ) ...
_اصعب شعور هو الندم ! لا انت قادر ترجع لي فات ولا قادر تزيد للامام ! و الاصعب ان داك ندم لي تياكل فيك شوية شوية تكون انت تسببتي فيه لنفسك ! مرت خمس شهور عليها وهي تتلاوح فطنجة ! كل صباح تتستيقظ تتكره واقعها ، قبل كانت كتفيق فدار ختها معززة مكرمة حتى من التقضية تتوصلها للدار وطيب لي بغات وتوجد لي بغات و تلبس لي بغات ! ودبا رجعت تتفيق على أصوات النكير يوميا ، جرت عليها لغطا تتجمع شعرها ودوزت يديها على وجها حست بجفافو وحبوب خارجين فوجها خارجة من بيتها تتجر فرجليها تتحاول تجاهل الصداع
البنت الاولى: قلت ليك حاجتي ماتهزش !!! ابنادم ازاااا_بي
البنت الثانية: مالك الخرا تتهزي على الصباح؟ هزينا ليك زبلك دبا رجعوه ليك !!!
البنت الاولى : تمرضين حق الله! تفووو على صباح كي داير
البنت ثانية: ( سكتت تتشوف ) صمت
_خرجت من الحمام تتمسح وجها! من بنيتها تتبان ضعيفة ! كاع دك لغلض و الفورمة مشاو بسبب قلة الشي والجوع وتمارة ! دخلت لكوزينة فتحت التلاجة هزت حليب ملصقة فيه سميتها و دارت كاس قهوة دخلت بيتها جبدت كاطو من بلاكارها جلست تتاكل و تشوف فتلفون حتى رن عليها وجاوبات بسرعة
عذرا : الو
يامان : ( بصوت ناعس ) وي الو
عذرا : صونيت عليك لبارح ماتتجاوبش ؟! شنو صافي قلبتي ؟
يامان : شنو قلبت ما قلبت ؟ راه خدام
عذرا : ( بدات تتبكي و تشكي ) قلبتي عليا وانت عارف ماعندي غيرك ، ولو عاودت كولشي وصارحتك بكولشي وشنو دارت فيا نهيلة ولدك لي قتلت ليا و لبلان لي دارت ليا !!!
يامان : ( شعل كارو مبعد التلفون على وذنو ) يااا آذرا ! ختك ماعندي ماندير ليها ، انا براسي خدام هنا ففرنسا بذراعي واش نمشي ليها دخلني الحبس ؟
عذرا : بسبابك هادشي لي اناا فيه !! بغيتك وتبعت قلبي
يامان : وانا تنبغيك ! ولكن مانقدرش نجيبك لفرنسا على حسابي ، انا مزوج فتركيا و فرنسا مانعة التعدد ، ماعنديش منين نضبر لك كونطرا ! شوفي نتي ليحركك واجي عندي !!!
عذرا : ( تتمسح دموعها ) ماالقيتش ! خمس شهور و انا تنقلب غير لكذوب وهداك لي حركني فلول حلفت ليه نهيلة!
يامان : طلعي عيشي فتركيا ونبقى نجي عندك
عذرا : ( بحرقة ) انا بغييييت فرنسااااا
يامان : فرصة ضاعت منك !
عذرا : ( بالم تيعتصر قلبها ) صعيب نعيش هنا ! تنضرب تمارة صباح وعشية يلاه تنخلص لكرا و ماناكل عيييت
يامان: ( بهمس ) قلت ليك الحل احوبي نتي رفضتي !!!
عذرا : (بصوت غاضب)اجي عندي لمغرب نعس معاك فتلفون لا
يامان : اوا ماعندي ماندير ليك !
_غلطها تتخلص فيه غالي ! طلبت و زاوكات فالتركي لكن ماعطاها باش تنقي سنانها بقى غير يدخلها فرنسا! تتخدم فلمعمل تمارة الكحلة و تتكملها بصداع البنات لي كارين معاها ولا هي قادرة ترجع لمكناس بسبب الشوهة ولا زهر لعب معاها ترجع تحرك لفرنسا! حتى باش تلبس و تقاد وضبر مابقى لا مجال لا مال ! مسحت دموعها وهزت جلابتها تلبسها سدت البيت خارجة لخدمة مخلية عيون البنات ورائها
البنت الاولى: هاد الخرا شي نهار تنتحر ! واتتبكي ليل نهار
البنت التانية : اوا ختي راها كانت ففرااااانسااااااا وجات
البنت الاولى : اه ختي نهار عاودات لينا وهيا تتبكي لحمي تشوك وبنت لقحبة هاد ختها
البنت التانية: كن غير خلاتها فسبيل الله تما ! سيدة تخوطرت تتسمع اوروبا تتكوانسا
البنت الاولى: اوا راها اوروبا! سمعتي الليلة لي كانت تتبكي وتغوت مها غوتات لها وهي تتبكي
البنت التانية: عاقلة ! ختها باعت لهم لبرطمة وحلفت على المغرب
البنت الاولى: بقات فيا ديك الليلة تترغب مها تسمح لها !
البنت الثانية: راه بقاو لها غ الحراكة ديال لفلوكة تما ياكلها لحوت
البنت الاولى : قالك تهبط لتطوان تكري ودير لاكارط على تما باش دخل سبتة من تما تحرك
البنت ثانية: لا هاد سبتة فين جات؟ راها فالمغرب خاصها تقطع البحر هيا هيا
البنت الاولى: لمهم هاد شهر تخرج تقاود عليا ماتسكنش معايا ! آويلاي ماضحك ماتهضر حتى سلام ماتكولهاش
البنت الثانية : قلبي عليها صافي ضبر كرها
البنت الاولى: والله تنخرجها ! شتي بلان ختها لي قالك حفرت لها بسبب الغيرة!!! برب تتكذب
البنت الثانية : (تكسلت تتفوه و هي تنوض بسرعة ) سمعتي داك التركي لي تتهضرمعاه تركية الفرنساوية
البنت الاولى: باين شي قرنابي غير الهضرة كن فيه نفع كاع ماتكري معانا! مهم انا ماحملتش دلمها ..
_اخرتها رجعو يشدو بيها الهضرة ! بنات فعمر الزهور كارية معاهم ! كلما كانت راس رجعت رجلين.... من داخل لمعمل وقت الاكل تتاكل جنبها زميلتها
زميلتها: واش مريضة؟
عذرا: ( بدموع ) تجمعو عليا! تنبكي على حياتي لي ضاعت ولدي لي قتلوه ليا و ختي لي خوات بيا ومي لي توحشتها مانعني لوجه نشوفها
زميلتها: لي مشا مشا! هداك ماسقات مغرفتك اصاحبتي ، صافي نساي راه غ تسطاي
عذرا: كنت مزوجة مستورة فداري اوروبا خرجت عليا
زميلتها: فينو راجلك؟
عذرا: ( تفكرت جنازة بخثة لي دازت فالأخبار مصورين قصر قادر ) مزوج بنت رجل اعمال جزائري خااانز فلوس
زميلتها: اختي حسن عوانك والله ...
_الحياة و الموت ! حدث مبكي وحدث مفرح ، سنة الحياة، من بعد ثمنية وربعين ساعة كان الجناح لي مقيمة فيه روزا مزين بقدوم التوأم بلونين الوردي و الازرق من طرف شركة خاصة بديكورات الولادة ! اما روزا فكانت تتكابر و تكابر بسبب حزن عميق داخلها و مالقات ليه حل ولا راحة ! عيونها و اذانها مع الدكاترة هما تيتكلمو معاها و يحضروها نفسيا للولادة و يشرحو لها الصغيرة والكبيرة و اي سؤال طرحاتو تيجاوبوها عليه حتى فهمت و قتنعت وخرجو مخلينها مع الفرمليات و مانويلا لي مراقبة الصغيرة و لكبيرة ، ودكاترة خرجو كانو تعلنو اخر قرار للعائلة لي كلها مجموعة من كبيرها لصغيرها اولهم قادر و ويتو و بشرى
دكتور: انضطرو نخدروها كاملة للاسف روزا تقدر تنهار لينا فأي لحظة
تيتو : ميم هضرتو و شرحتو ليها ؟
الطبيبة النفسية : مدام روزا تتمر بظروف صعيبة اي ردة فعل او نهيار نقدرو نخسروها او نخسرو لي توينز بسبب الضغظ او تسارع دقات القلب
قادر: ( ساط بحنق ) شكرا لمجهوداتكم ! ديرو لي عليكم !!
_حياتهم اهم ! دخلو عندها بثنائي بثنائي ! سيدح و آية و ماريا وسند و ميلاا و مامادو مع بنتهم و كارين مع بنتها و حفيدتها و بشرى مع ريان و جونيور و اخرهم قادر لي بصعوبة قدر يتكلم لانه كان خايف عليها! سلمو عليها و تمناو ليها ولادة سهلة والسلامة ليها و لولادها اما تيتو فقرر يدخل معاهم مايخليهاش بمرة ، لبس ملابس طبية و تعقم كما طلبو منو ودخل شاد فيديها وهيا ناعسة فوق البياص نازلين فسانسور لغرفة العمليات!! الاطباء فانتظارها و مجهزين بكلةالتفاصيل الدقيقة لقدوم توينز أو لأي حالة طارئة ! كانت عيونها مستقرة فالسقف كانها مستسلمة ولمعة دموع تتبرق فيهم
تيتو : ( زير على يدها حتى شافت فيه و ابتسم ليها ) شوشوط
روزا: ( نزلو دموعها بسرعة مبتسمة ليه ) جوطيم تيتو
_قرب منها قبلها قبلة دافئة على شفايفها و الكل مبتسم ليهم و مقدرين حالة خوفهم ! دقائق بداو يركبو لها الالات و السيروم و بدا المخذر يلعب دورو حتى قلبت عينيها و طلقت من يديه و بداو العميلة القيصرية اما تيتو نزل راسو على راسها ماهزوش ...بقى على ديك الحالة شاد فيديها بقوة و تيسمع دقات قلبها من الالة و مرة مرة الأطباء تيتكلمو بينهم بكلمات طبية
تيتو : ( هز راسو شوية بتنهيدة عميقة ) صمت
_دقائق تتمر بطيئة عليه ! اول مرة يجرب الخوف الحقيقي على حب حياتو ، روزا البنت لي كبرت امام عينو وهي رضيعة لحين وصلت لسن المراهقة و قتحمت حياتو بقوة و استعمرتها بكل جرأة و متلكت قلبو و دوزو مع بعض سنين من الحرب و الحب و الفراق ولكن عمرها فكرت طلق يديه وعمرو فكر يغير قلبو عليها فاللحظة لي عقلو و قلبو فحالة خوف عليها حس بحركة الفرمليات فالقاعة
تيتو : شنو واقع دكتور؟
دكتور: كن واجد تقطع الحبل السري لولادك ! ( بنظرة مطمئنة ) الأمور مزيانة
_فتح فمو تحت لابافيط واخد نفس عميق ونزل قبلها بقوة و قرب واقف امام الطبيب و لفرميلة موجدة ليه المقص واخرى تتسجل بالفيديو وهو مبعدينو مايشوفش الفتحة فالبطن حتى دكتور دخل يديه مخرج اول توينز مطلي بدماء ومادة بيضاء وفرحة عارمة عمت المكان وتيتو شبه مصدوم
دكتور : ( بفرحة ) اووو البنية لولى( اشار لفرملية تعطيه يقطع )
تيتو : ( بصدمة مخلطة مع فرحة شد مقص متوتر وقطع بضبظ فين أشارت ليه الدموع فعينو ماحاسش بيهم وعيونو على البنية لي صغيورة بزاف تتحرك رجليها و يديها هو تيشوف فيها وقلبو تيضرب بقوووة ) صمت
دكتور: ( خرج الوليد ) فوالا لو كاغصون
_نفس الشئ قطع الحبل و الفرميليات طارو بيهم يغسلو ليهم ويشوفو التنفس و دقات القلب و طبيب تيكمل الخدمة
_تيتو : ( خرج تيحيد لابافيط وتيمسح دموعو بقات فيه روزا بزاااف ) الحمد لله
_بقى مدة بين القاعة لي فيها ولادو و القاعة لي فيها روزا! مرة يشوف هنا مرة يشوف هنا ، فرحان بفلذات كبدو انهم تزادو حيين بدون مضاعفات و مراتو كدالك حتى خرج عندو طبيب الأطفال
طبيب : مسيو تيتو! مبروك عليك ، توينز بصحة جيدة مامحتاجينش لا حاضنة لا والو! تقدر دخل تبع باقي المراحل
تيتو : ميغسي بوكو دكتورر
_رجع بافيط ديالو وعقم يديه و دخل لقاعة ! كانو ربعة لفرمليات كل وحدة هازة واحد فاولادو واخريات هازين ورقة تيطبعو لهم اقدامهم عليها و يعمرو باقي المعلومات الوزن و القياس وتاريخ الولادة و الساعة و اسم كل توينز ، عاد لبسوهم ملابسهم و طرابش صغار وكانت البنية لي تتبكي وتسكت اما الولد هادى ! هاد المشهد كلو شايفو متبع حركاتهم ونظراتهم وللحظة ظن انه تيحلم ، قرب ليهم ببطئ قبل البنية و قبل الوليد دموعو نزلو بقوة ماكرهش يهزهم لحضنو لكن كان خايف عليهم!بقى للحظة محقق فملامحهم فمهم صغيور و وانفهم منقط بنقط بيضة و لسانهم صغيور تيدخل ويخرج وعيونهم لي صغيرة ومسدودين ! كانو صغيورين مثل نقط عسل على قلبو ! كل مرة يقرب لهم يقبلهم
تيتو: papa لونا و ابراهيم ( حس بغصة قوية كأن قلبو تعصر مفكرها ) الله يرحمها كنتو تاخدو قلبها وروحها من اول شوفة
_ماسخاش بيهم ! لكن روزا شاغلة عقلو و خاصو يشوف العائلة
تيتو : سيلفوبلي يبقاو هنا ؟
فرميلة: نو مسيو نطلعهم لصال الفوق، شوية خاصهم يرضعو
تيتو: ( هز حاجبو حكو ) داكوغ ميغسي !
_مغمض عيونو و رموشو تيتحركو بسرعة هاز وجهو لبرياح الدافئة فاتح ايديه على طولهم وبإحدى يديه هاز نفاخة باللون الازرق مكتوب عليها ابراهيم مزير عليها بيديه وفتح نص عين بمكر ودار تيجري و ضحكاتو تتعالى و تتردد و فكل خطوة تيدور يشوف جونيور لي تابعو تيجري هاز فيديه نفاخة بنفس اللون و لي لي و بنت لاورا هازين نفاخة فالوردي فيها اسم لونا ،تيجريو متسابقين مارين بجنب مانويلا و بشرى لي تيعطيو التعليمات للخدم
بشرى : رياااان !! ماتجريييش
مانويلا: (شدات فراسها ) وي مدام بشرى نحطو الحلويات المغربية هي الاولى؟
بشرى : اتاي و والحلوة هما الاولين للضيافة
مانويلا : مي مدام بشرى اصدقاء مسيو قادر تيفضلو نبيذ
بشرى: ولو ! ضيافتي اولا
_"مر شهر" على ولادة توينز و خروجهم من المستشفى بصحبة روزا للقصر و من تم هالة من الفرح دخلت معاهم! روزا لي فاقت من العملية بنظر أطفالها و فرحت بيهم وكانوا بلسم لجروحها ! الكل كان فرحان ليها ، لكن تيتو كان سندها و مساعدها فكل صغيرة وكبيرة ، من جوج الاسابيع الاولى روزا بمساعدة اطباء رجعت طايتها و نقص نفخ شفايفها بفضل فيتامينات خاصة للشعر و الاضفار و فقر الدم رجعت صحتها على مايرام و قررو يكون الاحتفال بتوينز اليوم...من داخل غرفتها لابسة شورط قصير و سوتيان واقفة تتشوف فالفستان و تتلمسو
روزا : ماريا!! شي حاجة ناقصاه ؟
ماريا : ( بنظرات طبية تتقرا كتاب الأطفال ) جو سي با روزا
روزا : ( جرات الفستان للجهة الاخرى وهزت قفطان ملكي تتحطو على جسدها ) نلبس هدا؟
ماريا: ( هزت شوفة فيها بتسمت ) وي سي مانيفيك ( هزت الكتاب امامها ) قالو هنا شهر اول تيبداو يشوفو ، لونا و ابراهيم تيشوفو ؟
روزا : ( جلست بتعب ) وي ! تيعرفوني انا وتيتو
ماريا: يلاه نمشيو للشومبغ عندهم
_غرفة خاصة بتوينز ! و مربيات خاصين بيهم ، ولو روزا تتمارس امومتها مثل اي ام لكن المربيات مساعدينها خصوصا لحظة تعبها او مرضها وهدذه حياة البورجوازيين ! كان الباب مفتوح دخلت بابتسامة عريضة تتلقي التحية على المربيات وماريا وراءها وقفو بين سرير لونا وابراهيم وكل وحدة هزت واحد فيهم فرحانين بيهم تيقبلهم
ماريا : ( قلبها تيفرفر بالفرحة ) اووو لونا ما بيل ( تتحقق فعيونها ) سي بلو ؟؟
روزا : ( طلت عليها ) جو سي با ! مرة بلو مرة فيغ ( قبلت ابراهيم ) وإبراهيم عينيه بلووو كوم لاميغ
ماريا : ( عضت على شفايفها من جمالهم ) مي زامووغووو ! مي زووونجل
_تتعشق الأطفال! ربت ريان والان فرحانة باولاد روزا و تيتو لكن بالنسبة ليها مزال مأذن رب العالمين تحمل ! نعسو توينز و روزا عطاتهم تعليمات انهم يغيرو لهم ملابسهم و يوجدهم للحفل وهما بنفسهم اتجهو للغرفة يغيرو ملابسهم منضمة ليهم اية و ميلا و لتحت كانت كارين مع باقي الاحفاد و القصر كان فابهى حلة الاحتفال بعقيقة الأطفال ، و بسبب توينز روزا و تيتو تبرعو بقدر مالي لجمعية بخثة الله يرحمها وقادر رسل صدقة للمحتاجين و بشرى تبرعت لجمعية ختها زهور! صدقة لروح المرحومة و شكر لله على سلامة روزا و تيونز
سيدح : ريان فياااان
ريان : نووو papa انا ماضربتوش
سيدح : ( فيه الرواح مريض مافيه لي يهضر ) مي فيااان لا
جونيور: ( تيكبي ) ضربني !
سيدح: سي بون جونيور كالمُ طوا ( ناض واقف عندو شدو ) فاش تكبر اش باغي تخرج انت كاع ؟ من دبا ضرب ؟
ريان: ( ببراءة ) كنت باغي نخرج بوليسي! ولكن خفت نقـ•ـتل خوتي مسلـ•ـمين؟! دبا رجع نخرج دكتور
سيدح : ( دور وجهو تيعطس راسو مزير عليه ) تحرك لبيتك عندك يينيسيون
_يلاه ايبكي هو يدخل تيتو معاه سند شدو عندو هازو
تيتو : مالك؟
ريان: واش ..( تيتممم) واش نهار لافيط ندير بينيسيون ؟
سيدح: قلت لك طلع
تيتو: بعد منو ! ( شاف فريان بحدة )شكون ضربتي ؟
جونيور: موا طون طون
تيتو : كوليه باغدون بركة من صداع
سند : ( لمح رقم طويل تيتصل بيه عقد حواجبو ) صمت
ريان : ( قبل خوه ) باغدون
جونيور: ماتعاودش راه نقدر نضربك
تيتو : وصافي سكااات ( جلس تيمسح وجهو بتعب ) فوقاش جيتي انت ؟
سيدح: بالليل !
سند: تيتو شوف هاد نمرة؟
تيتو : ( عقد حواجبو تيشوف و جبد تلفونو تحقق منها ) هادي رقم ديال بريفي هنا طالع ليا شي مصلحة خاصة ..
سند: ( قلب شفايفو ) ماعرفتش ..( دور وجهو للوراء لجهة الصالون ) الناس بداو يجيو
تيتو : ( وقف ) نطلع نشوف ولادي وروزا ! ( ضرب رجل سيدح ) تحرك دير شي حركة
سيدح: ( زاد تكسل ) كن ماقادر يسبني نمشي نعس ..
سند: اسبوع ولاد خوك وختك
سيدح: هادشي راه جديد عليا ! ولادي بجوج ماشفت سبوع
تيتو : ( بنظرة خاطفة ) سول امك! انت فين كنتي تتكون باش تشوف سبوع ولا ختانة ؟
سند: صافي مختنين ؟
سيدح: لاهادي عارفها ! فعامهم الاول عند الطبيب ، كنت وقيلا فالحبس ههه
_عقيقة التوأم مرت بسنة الاسلام فاول اسبوع! قادر و تيتو ذبحو الأضحية على اسماءهم و حضر الامام للاذان فاذنيهم على سنة نبينا محمد صلى الله عليه وسلم و ابينا ابراهيم و اليوم كان احتفال عائلي مع المعارف على الطريقة الفرنسية لان معظم الحضور اجانب !! روزا و تيتو فرحانين باولادهم و الكل فرحان معاهم، أفراح الأغنياء جد مريحة ! مايهزو مايحطو مايفكرو للعشا ولا الخبز سالا ، فقط مبتسمين تياخدو صور للذكرى و منسجمين مع بعض....هكدا مر الحفل في سلام و مر بعده اسبوع بالتمام
***بعد اسبوع
_سند : ( تيرش ريحتو و يقاد فشعرو ) صمت
_خرج من الغرفة بعد ما تأكد انها مرتبة متجه لطاولة الفطور و رمقها بنظرات توعد
ماريا: ( شدتها الضحكة ) دبا تبقى تفكرني كل مرة فيها
سند : ( تيشرب قهوة و يحرك راسو بعدم اعجاب ) نبقى نفكرك اماريا ، مافهمتش انا هاد قضية صديق ؟
ماريا : ( بصوت هادئ تتشرح ليه ) انا شرحت ليك القضية مئة مرة اسند ، فاش كنت صغيرة كان تيقرا معايا واحد لولد وكنا اصدقاء بزاف وبين ليلة و نهار هاجرو من فرنسا ولكن فالمرض ديالي النفسي كان عايش فعقلي ، بصدفة لقيت لانونس فانسطا حاطين صورة لينا وحنا صغار مع بعض تيبحث عليا ! سي تو ، كان فماغساي قريب لخدمتي درنا آن كافي !! ( تتهز فكتافها ) سي غياااان سند
سند : (تنهد بقوة ) غيااان عندك نتي !! انا فهاد الأمور ماتنتفاهمش اماريا ! شفتي عندي شي صديقة ؟ شفتي عندي شي صديقات ؟ انا شخصيا نتي عندي فيك صديقة ( هز حاجبو بتاكيد ) فيييك اصدقاء ، باش تقهواي مع واحد ماتكونش فاخباري حتى لقاه مصور معاك مطاكيك راه خاصك العصا
ماريا: مادرتش شي حاجة غلط ؟ علاش تتضخم الامور؟
سند: اماريا الله يرضي عليك !! نتي مزوجة واحد مغربي مسلم ! نقدر نتجاوز اللباس ! الماكلة ! خدمتك تعطلي فيها ، تخرجي مع روزا دورو مارساي كلها ، تسهرو ! مي فإطار لافامي مع خوتك ، عارفهم يحطوك فعينيهم ونتي معقولة ! مي بحال هاد المسائل ديال صديق؟ راه مانتفاهموش ولا بقيت نافقك راه مابقات عشرة
ماريا: ( عمرو عينيها بدموع ) نو ! ماقصدتش ، كان خاصك تشرح ليا اسند
سند: ( هز تلفون وسورات ) عندي شي شغل فالقنصلية نخليك
ماريا : ( وقفت تتشوف فيه ) ماتسلمش عليا؟
_دور وجهو تيشوف فيها من ملامحها بقات فيه! ماتيبغيش يخسرلها خاطرها من معزتها سلم عليها وحضنها وخرج بحالو راكب سيارته متجه للقنصلية ! من نهار الحفل تصل بيه رقم وكان من طرف القنصلية المغربية و حدد معاهم اليوم موعد....مسافة الطريق كان فقنصلية المملكة المغربية! مع الباب تيبان العربون ، وهنا تتكلم الإدارة المغربية ، للله يجعلك تكون فاليابان لي هي من الدول المتقدمة لكن تحط فيها ادارة مغربية الفشلة بمعنى الكلمة! سند واقف تيشوف ماعرف حتى معامن يتكلم و هما متجمعين تما حتى تقدم لعند واحد _اتكلم معاه بداريجة
سند: السلام عليكم اسيدي
موظف : عليكم السلام
سند : اتصلتو بيا وحددت معاكم موعد
موظف : السبب ؟ متاكد هاد قنصلية ؟
_سند حافظ هاد نماذج وشاربهم ما فالمغرب ! لكن ماغاديش يدوزوها عليه حتى هنا
سند : دبا انا اسيدي مالقيت ماندير ؟ مخلي خدمتي و وقتي ونجي هكاك زعما ؟ مشتاق فيكم ؟
موظف : و تسليم أ رجال البلاد مرجوعك لبلادك
سند : بلادي راها هويتي ! وتترجعني الواليدة الله يطول ليها العمر
موظف: الله يطول ليها العمر ! عطيني لاكارط عطيني !!!
سند : اشمن كارط؟ سيجور ولا مغربية ؟؟؟
موظف: (بتهكم)مغربية ! انت في حضرة المملكة المغربية
_جبد ليه لاكارط واتصل بالهاتف وناض عندو مبستم مدخلو للمكتب لداخل مستقبلو القنصل شخصيا محييه بحرارة و جلسو فمكتبو تيسأل عن الأحوال ..
قنصل : سيد سند السامرائي ياك ؟ جنسية عراقية ؟؟
سند : ( حس بقلبو تزير بشدة ) نعم
قنصل : ( بابتسامة ) اش نقول ليك آولدي ! هادي سنة كاملة و بصدفة تطلب مني نبحث عليك، و رحلة البحث بدات من المغرب مع قوة المشاغيل و الالتزامات لقيتك ، بالمدينة لي انا خدام فيها سبحان الله
سند : ( حس بحلقو شحف ) شكون تيقلب عليا ؟
قنصل : ( رمش باسف وتنحنح ) الاخ ديالك( فتح الملف تيقرا الاسم ) جهاد السامرائي
_للحظة ماصدقش !! كفاش خوه ؟ شكووون خوه ؟! الحقيقة كسند نسى نهائيا قضية الاب ديالو ، فصغرو عاش مع احسن الناس ، الجد سيدي احمد الخمسي المعلم و الام زهور الخمسي، عاش احسن طفولة و تربى احسن تربية ، بين جيران و الناس الله يعمر بيهم ، بقوة محبة جيران ليه لقبوه بولد المعلم ، عاش مرفوع راس بسبب ام تُختصر فلقب امراة و كادة ، عمر زهور تشار ليها باليدين ولا توشوش وراها بالكلام، كانت سيدة عفيفة كافحات وصبرت على ولدها و نفس الوقت ولدها طلع مرضي ، لهدا قضية الاب ديالو نساها ، بساطة مامعقد منها ماتيحس بنقص لانه ولادتو بين ابويه حلال بعقد شرعي ..
قنصل : المكتاب اولدي تيتصرف ! كما سبق وقلت ليك الاخ ديالك جهاد هو لي تيبحث عليك ، وكان واحد تعرفت عليه فواحد ملتقى للاطباء بلا حدود ببريطانيا و كلام تابع كلام و قالي انه حاول يبحث و يعرف ماعرف منين يبدا وطوعت نبحث ليه عليك وانا اليوم خبرتو بانني تواصلت معاك لكن بقى ليا نتاكد
سند : ( قلبو تيضرب وسؤال فحلق واقف ) احمم ! و الاب ديالي ؟
قنصل: ( هز حواجبو باسف شديد ) العمر لك اولدي ! على ماخبرني جهاد ان الاب ديالك استشهد فالحرب
_كأن نفس تقطع ليه ! دقيقة فصل عقلو عن الواقع تيحاول يذكر تفاصيل وجهو او صوتو لكن اكتشف ان مع الوقت تنسى ليه كولشي! مسح وجهو و جمع شفايفو بحزن متنهد بقوة
سند : اشمن سنة بضبظ ؟ اشمن حرب
قنصل : الا ماخانتنيش الذاكرة ! استشهد سنة 1993! يعني بعد مغادرتو من المغرب بشي خمس سنوات هكاك
_عقد حواجبو تيحسب ويقارن سنوات! فسنة 1993 كانت عند سند تقريبا تسع سنوات او اكثر! يعني هاد خوه الا كان كبير عليه راه زهور زوجة ثانية الا هو صغير راها زوجة اولى
سند: خويا شحال بعمرو؟
قنصل: جهاد ولد تسعين ! صغير عليك
سند : ( تحسر بقوة ) شنو مطلوب مني؟
قنصل : ( بتهدئة ) لا ولدي ما تقولش هكدا ! دنيا فايتة ، وخوك طالب صلة رحم معاك و يتعرف عليك ! الاب ديالك الله يرحمو استشهد بحرب وخوك مع امو غادرو عراق نفس السنة ودارو لجوء سياسي ببريطانيا وتبارك الله طلع دكتور و ماشاء الله مشترك بأعمال الخير يعني خلي الماضي للماضي
سند: بغيت نعرف فين كان خويا هاد المدة كلها؟! شكون قاليه عليا ؟
قنصل : وهدا عليا اولدي! هو وراني صورة ليك مع الاب ديالك و على مااظن الجد ديالك( جبد تلفون وراها ليه ) ياك بعدا؟
_اللحظة لي شاف الصورة بلون ابيض و اسود و شاف جدو و باه لي بجزء ثانية عقل عليه دموعو هبطو و تدريجيا بدا يفكر! عطاه قنصل يشرب و هداه و واساه و كان للحوار بقية حتى توادعو عاطيه رقم جهاد..خرج من تما بشعور غريب ، بين الحزن و الصدمة ركب فسيارة محول ليها الاتصال بمجرد سمع صوتها تهدن مباشرة
سند: الواليدة
زهور: الحبيب ديالي وليدي
سند: ماهداكش الله نصيفط ليك الفيزا ؟
زهور : لا وليدي انا فرحانة بمجيتك انت وماريا تجيو عندي اولدي بين ميمتك وناسك و حومتك
سند: ان شاء الله الواليدة! صيف الا كتاب! الواليدة....( هو سكت هيا سكتات ) سول فيا خويا من بَّا
_التزمت صمت ! بداخلها كانت عارفة بل متأكدة يجي نهار لي يبان اصل سند ولكن امتى او اين او عبر من ؟ ماكانتش عندها فكرة ، كانت تظن سند لي يبحث و يسول
زهور: باك لي سول فيك؟
سند : ( تردد فقولها ) خ ..خويا ، الواليد مات فالحرب شي عشرين عام هادي
زهور: ( غمضت عيونها براحة ) الله يرحمو ! اش نقول ليك الحبيب !؟ دير لي بغيتي لي ارتاحيتي ليه الحبيب !وانا راضية عليك
سند: ( تجمعو دموع فعينو ) الله يخليك ليا الوليدة
_من قال ان الهوية هيا فقط وطن ! الهوية هيا ماضي و حاضر ، هيا اصول و عروق و تاريخ ! الهوية هيا شجرة عائلة و تراب وطن وحب عائلة ! الهوية هيا بصمة كل إنسان ، كان اول واحد فافراد عائلة "لكيريا" تبث هويتو هو "تيتو" باول جواب للمعلمة يوم قال انا "مغربي مقيم بفرنسا" و كانت ثاني شخص هو سيدح يوم قرر يمثل المغرب و يحمل راية الوطن وكانت ثانية هيا ماريا بتخليها عن تربية فرنسا و اعتناقها لثقافة المغرب و زوج مغربي و ثالثة هيا روزا و معرفتها بحقيقة هويتها انها من ام جزائرية و اب مغربي و اخرهم هو سند بمعرفة اصول والده العراقي....
_بعد مرور ثلاث سنوات ! كل يوم يمر هو نقصان من عمرنا ، فالصغير يكبر و الكبير يزيد فالكبر ، ثلاث سنوات مرت بحلوه ومرها ! فسنوات كانت يواكبها تغير بكل المقايس و اكبر تغير يصاحب البشر هو تطور التكنولوجيا ، بعد ماكان الناس يتكلمو فسكايب صوت وصورة تحولو لواتساب و انستغرام صوت وصورة و مكالمات جماعية ! تغير طراز الهواتف و السيارات و تغير فالموضا و تغير فقوانين فرنسا ...."بسنة 2019" بالمدينة الإسماعيلية من داخل منزلهم جالس مع زهور و ام الخير والكل فرحان ومفتخر و طاير بسعادة بأمورة تتعالى ضحكاتها وهي فحضن ابيها ! هيا اميرة سند و ماريا ، هي فرحتهم و نور عينيهم، اتت بعد انتظار سنتين و نصف و اختارو لها من الأسماء "جوديا"
زهور: لالة حبيبتي ( طرطق ليها اصابعها ) لالة ابنتي الغزالة جوديااا
_كانت تتميل راسها و تضحك بخجل وترجع تخبع فسند وترجع تضحك معاها ام الخير وترجع تحضن سند !
سند: ( بنظرة حب و حنان ) شنو نخليد عند لميمة ونمشي انا وماماك ؟
"جوديا": ( تتفهم مغزى الكلام نزلت راسها ) اااااءااه
سند : اءاااه !! لا ؟ ماتجلسيش ؟
ام الخير : ماشاء الله! الله يبارك فيها غير ماريا اولدي
سند : هانتي تشوفي آ ام الخير! تسع شهور وانا نتسنى فيها وطلعت تشبه مها
زهور: شبهت الزين و التقالة ! تجلسي مع لميمة ؟
جوديا: ( تتضحك وتنقز فوق سند ) papaa
زهور: وخ ابنتي ! اولدي شفتها تتفهم داريجة ؟
سند : تنهضر معاها بيها ! اولاد سيدح فاش تيطلعو فالعطلة ماكاين غير داريجة واولاد تيتو هادوك شادين الداريجة و والدزايرية و لفرونسي _كملو مع كارين سبليونية
زهور: اوا ولدي الله يتاويكم و لهلا يخطيكم على بعض ! تهلاو فبعضياتكم
سند : داكشي لي كاين الواليدة ماعندنا علاين على بعضياتنا ، من عام لي ماتت المرحومة وتتحس الفرحة ماكملاش ولكن الحمد الله!
ام الخير: اولدي الموت حارة ! تهلاو اولدي
سند : ربي يتهلا ! اوا ام الخير هاد المرة لفيزا لي رسل الواليدة نزيدك فيها
ام الخير: ويلي شيطان ههه انا على كبري نمشي عند لفرنسيس ؟ اسيدي انا باغة بلاد الحج
سند : ( اشار لزهور ) هانتي ها الوليدة! شوفو الوقت لي بغيتو نصيفكم نتوما تاخدو الاجر انا اناخد الرضى
ام الخير : ( بالفرحة ناضت عنقاتو ) لهلا يخطيك الحبيب ! الله يشد ليك فلالة زهور ويخلي ليك لالة جوديا و ماريا الحبيب
سند : الله اودي يا ام الخير راكي عزيزة وغالية وراكي من وصية المرحوم لعزيز سيدي احمد
زهور : ( مسحت دموع الفرحة ) الله يرحمو اولدي ! الله يرضي عليك ، وماااسخيتش بيك الحبيب
سند : ( تيقبل جوديا فحضنو ) اوا الواليدة الغربة هي هادي ! حتى انا ما سخيتش ولكن ماريا خدمتها وانا خدمتي مع تيتو و جوديا عندها التلقيح ولكن الصيف ان شاء الله انا معاكم
ام الخير: اياه اولدي لكونجي فالبرد قاصح
سند : البرد هو لي تما ! هنا شوية!!
زهور: ماتصلش بيك خوك ؟
سند: من اخر مرة فاش بارك ليا على زيادة جوديا ورجعت انا تصلت بيه باركت ليه العيد وصافي ! مشاغيل الدنيا
ام الخير : اوا ضروري صلة الرحم اولدي ! ماعليش لي فات مات هو ماعندو ذنب
سند : داكشي فات ! غير كما قلتي صلة الرحم ، مرحبا بيه عندي سوا فالمغرب ولا فرنسا ونقدر نفكر نطلع عندو لبريطانيا اما باش نمشي لعراق حيدتها من بالي
زهور: اوا من الأحسن اولدي الا كتاب وطول الله فالعمر مزال تعرف على باقي العائلة
سند: ( شاف ساعة ) انا نشوف ماريا
_هاز بنتو فحضنو متجه للبيت يشوفها تعطلت حنت عندهم من دبا شوية سفر لمدينة مراكش حتى لقاها تتكلم وعاقدة حواجبها
سند : مارياا
ماريا : ( شافت فيه وكملت المكالمة ) وي ! تيتو هضر معايا قالي خاصنا رجعو لفرنسا !!
سند: اش واقع ؟
ماريا : بسبب هاد لفيروس لي بان فشينوا و فرنسا البارح علنو على حالة الطوارئ ( عنقت بنتها بقوة ) مافهمتش
سند : ( جبد تلفونو طالع نازل تيقرا الاخبار و نكق بإستغراب) اااو من لبارح ليوم دنيا تقلبت ؟
_في نفس التوقيت بالمدينة الحمراء "مراكش" ...توقف النقل المدرسي امام فيلا وتسمع كلاكصون وتفتح الباب ليهم دخلو تيتجاراو مع بعض و المحفظات على ظهورهم و صوتهم مجهد غير مباليين بالصوت لي تينادي عليهم !! مدة عامين باش خدا قرار استقرارو فالمغرب وختار مدينة مراكش ، و شرا فيلا و استثمر فيها الفرع الثاني من مطعم ليهم بمارسيليا فتحو فمراكش ، كانت خطوة كبيرة انه يختار المغرب و يستقر فيه مع زوجة و اولاد لي ختارو يعيشو معاه وهي كدالك، سجلهم فمدارس خاصة و زوجة تتكمل دراستها بمراكش وعايشين حياتهم بين الحلوة تارة و المرة تارة
آية: رياااااان !! ريااااان غسل يديك لول اوسي آدم جونيور
_ريان و ادم جونيور! ختارو سيدح يعيشو معاه، تيشوفو فيه الاب الدافئ و المشاغب و البطل لي تيتبعوه عبر التلفاز و حامل راية المغرب فالعالي ، ازدادو طولا و وسامة ، ريان شبه سيدح و جونيور شبه ميلا اما آية لي رجعت زوجتو على الأوراق شرعا وقانونا
ريان: ديزولي طاطا ( مشى يغسل يديه ) فيا جوووع
ادم : ( غسل يديه تيهضر بداريجة ) طاطا انا بغيت لاصوص مايو
آية : ( تجهت للمطبخ جابتو ) نخوي ليك شوية ! فاش تسالي هضر مع ماماك
جونيور: ( حرك راسو ) طاطا مانعسوش نتسناو طاتي ماريا
ريان : ووووي ! و طون طون سند ولابخانسيس جوديا
جونيور: لي لي سي مابخانسيس
آية : ( تتبتسم ) و انا ؟
ريان: لابخانسيس ديال سيدح
_علاقتهم مع آية مثل اي خالة مع اولاد ختها ! عمرهم ناداوها بماما ، فقط طاطا آية ، تيضحكو مع بعض و يلعبو وتربيتهم تدخل فيها سيدح و ميلا عن بعد و كاين اساتذة متبعين دراستهم ! لان صغر سن آية و دراستها غير ممكن تربي جوج أطفال وليست مجبرة كدالك لانها تتبقى زوجة ابيهم ! كملو الغدا مع بعض وطلعو غيرو ملابسهم وحدهم منتظرين مجئ ماريا....مرت ساعات واذن العصر حتى تسمع صوتو فأرجاء الفيلا ناضو تيتجراو عندو ..
Paapaaaaa
_داخل هاز التقضية فيديه و سلم على آية من وجها يلاه باغي يزيد يعنقها و هما يتلاحو عليه تيضحكو معاه! سلامهم مع بعض كولو كاتش و هز وحط و لعب ، مع السنوات ازداد نضج فجسمو و الوشام بدا ينقص منو فالجسم
سيدح : آشنو قريتو اليوم؟
ريان: تقافة بلادي
جونيور: ااايه مدينة فاس
سيدح : هادي عربية ؟
ريان: هاديك العربية مسمومة
آية: حشوومة
سيدح: ( شاف فآية ) قالك مسمومة راها مسمومة ! ( شدو تيضحك ) زوينة؟
ريان: ( شاف فآية ورجع شاف فيه ) اشتي طاطا روزا احسن وحدة فالعالم
سيدح : شتي لونا ؟ (ريان شاف فيه بمعنى اه ) راه عمك يقتلك الا ما بعدتيش منها
جونيور : ( طلقها بضحك ) ههههههه هو تيعرف رحاب
_الحياة السعيدة و البسيطة! عمرو كان عارف هدفو فالحياة، كان ضائع ، مشتت ، ولكن ظروف الحياة قراتو او وعاتوو وفهماتو ان الحياة ولو توصل لاعلى المراتب و تكون من اغنى الأغنياء تتبقى هويتك وطنك و عائلتك ! وسيدح كلما تيشوف اولادو و زوجتو تينسى اي تعب فالخارج وتيفرح لفرحتهم
آية: ( تتشوف فتلفون ) صمت
سيدح : ( قرب لعندها وباسها ) نشوفوك ليلة ؟
آية: ( تنهدت تتشوف فيه ) توحشتيني ؟
سيدح: لاء ! مالي هبيل ( وقف هاز تلفون تيرن ) انا فت لوحش لهيه ! الو
تيتو : وي سيدح! وصل سند ؟
سيدح : ( شاف فساعة ) شي نص ساعة يوصلو
تيتو : غير يوصلو يرتاحو ! غدا قادر يصيفط لكم طيارة ترجعو فرنسا
سيدح: علاش اصاحبي؟
تيتو : ماااتمرضنيش ! هضرة وحدة! راه اوروبا مقلوبة بهاد لفيروس
سيدح : اودي راه غير تيكبرو الموضوع ! عايشين طرانكيل فالبلاد أ صاحبي ماعندنا والو
تيتو : ( بنبرة عالية ) غدااا تشد الطيارة انت وختك ! هادي هضرة قادر
سيدح: ( لون مشى من وجهو ) الق__لاوي هاد الفيروس د والو ! انا غدا داير مع الدراري نمشي لحمام
آية: سي فغي راه كاين فيروس !
سيدح : (بغضب ) افيناهوا ؟ طنز هدا
_اوروبا ! بالجمهورية الفرنسية بالضبظ بمدينة الشمس و الرياح! مدينة الجمال و البحار ، مدينة ساحلية و من اكبر المدن الفرنسية مساحة ! اورويا عامة دائما سباقة للاخر اخبار و اخر تطورات، لكن هاد حالة لي تتمر بيها حاليا العالم عامة لا تحسد عليه ، الوعي بدول اوربية تيتجلى فقراءة المواطنين للاخبار و متابعاتها ، في مثل هاد الاجواء كل مواطن في فرنسا متبع اخبار بدقة و بلسان الحكومة و وزارة صحة يعني اخبار بدقة عالية ...من داخل القصر مثل العادة الخدم سهرانين على جمالية القصر و تنظيفه و خدمة العائلة
مانويلا: مدام بشرى شنو نوجدو للعشا؟
بشرى : ( شادة فراسها بحريق ) داكشي خفيف ! ( شافت فكارين ) اتصلتي بابنتك ؟
كارين: قربت تولد ! تبقى فاسبانيا مع فاميلتي
بشرى : ما نرتاح حتى نشوف اولادي كلهم هنا ! هادشي تيخلع ( شافت مانويلا ) نبغي تعقيم يكون يوميا
مانويلا: مدام روزا رفضت قالك ولادها تيضررو بالتعقيم
بشرى: ( شدت فراسها بتعب ) ادا ماينزلوش لهنا !
كارين: ( تتشوف فاخبار ) ماقدرتش نصدق هادشي! سي بابوسيبل هاد فيروس
_علاقتهم لم تنقص ولا انش من الود ! بشرى وكارين مكملين صداقتهم مع بعض ضمن اطار العائلة ، مع هاد مدة بنت كارين تزوجت مشات استقرت فاسبانيا مع بنتها ! والقصر رجع فيه تيتو وروزا مع توينز لي عاطين حياة و فرح للقصر ...روزا ! الملقبة بشوشوط هيا الآن أم و زوجة و رئيسة جمعية امها سابقا ، اعتزلت مجال ازياء رجعت تتربي اولادها و تتساهم فالعمل الجمعوي مع زوجها تيتو اول داعم لها فكل شيء الا تربية اولادهم هو يفشش هي تنكر
تيتو: ( شاد يديه تيمسح ليه ) اش تنكوليك على حوايج ماماك ؟
ابراهيم: ( تيبكي ويشوف فيها ) وهياااا وااهيا لي ... ( تيمسح دموعو ) سي لونا
لونا: ( عضت على شفايفها ) انت بغيتي تلعب معايا
ابراهيم: ( بتوسل ) papa تغوت عليا شوشوط
تيتو : ( شداتو ضحكة ) هي ماغاديش ضربك على ماكياجها لي خسرتو ولكن تغوت عليك على كلمة شوشوط
ابراهيم : مانكولهاش ..
_توأمين من أعظم حب فحياتو ! تيتو تيتنفس الهواء و يتنفس معاه لونا و ابراهيم على حد شعورو ! للحظة لي دخلت روزا للدوش تبعوها و خربقو ماكياجها ولكن لونا لي بدات كما العادة تتلصق فيه الفعلة على مامسح لهم و داهم بيتهم يلعبو حتى دخلت كي لعجاجة
روزا : الوغ ! شكون هرس ليا لعكر ؟
لونا : ( بحدة ) ابغااهيييم
تيتو : سي بووون روزا ! عكر مشا يجي عكر
روزا : انا لي غادي نمشي ( ابراهيم مخبع ) شوف فيا انت
تيتو : ( هزو حاضنو ) بعدي من ولدي
روزا : ( خنزرت فيه هو ضحك لها حتى ضحكت تعلات تبوسو ) اااه روحي ولدي
لونا: ( تتقز اماماها ) وانا مامي
روزا: ( هزاتها تتبوسها ) روحي ثانية
_كلما عطيتي اولادك حب تلقاي حب ! ولو تكوني صارمة او حنونة او معتدلة فالحنان تيوصل اولادك بشتى طرق! بقاو معاهم حتى نعسوهم و عطاوهم قبل كثيرة خرجو حاضنين بعض بكل حب جالسين فالبالكو تيتكلمو مع بعض على اولادهم حتى وصل قادر نادى على تيتو لي نزل عندو المكتب
قادر : سيدح وماريا غدوة راجعين؟
تيتو : وي !! ( اشار لتلفزة لي شاعل قادر ) هاد لفيلم اش بان لك فيه ؟
_بعد صمت للدقائق هز حواجبو باسف و نطق بنبرة جافة
قادر: الفيلم مزال طويل! هادشي مافيهش خير للناس العالم كلو راح يتغير مور هاد الح/(رب
تيتو : ( تيسمع ويحلل ) طلعتي لإيطاليا؟
قادر: وعلاه البوص هادي سنين غير من مجال الس/(لاح للما/(فيا الأدوية؟ ( اشار بيديه للتلفاز ) راه حرب لي جاية هيا على الماكلة و دوا باش يعيش انسان
تيتو : ( فهم قصدو ) هيا كل بلاد تكول راسي راسي ؟
قادر : وفرنسا اولهم ماراح تعقل على واحد! مهم خوتك يوصلو ويكونو بخير ، كولشي راح يتوقف الحياة راح توقف، صعيب تشرح و تفهم بنادم هاد ساعة لكن اعلام و سياسة راح تفهمهم بطريقتها الخاصة
تيتو : ( قلبو تعصر على اولادو وعائلتو ) الله يدير الخير
قادر: هدا الفرق بينا وبين الباقي ! حنا نآمنو بالله وهما يآمنو بالشي_طان ولكن لاغالب الا الله
تيتو : ونعم بالله ! شنو نديرو مع الخدامة فالقصر ؟
قادر : ليلة كلها يمشي بحالو وخلاصهم واصلهم و حنا نسيرو راسنا براسنا ماتيقش و ماتعرف دقة منين تجي
تيتو: ( وقف بحزم ) انا نتكلف بيهم
_يقال ان اعلام صناع الفرجة ! و زارع الر__عب والأمل و الانح/_راف لكن على حسب الشي_طان شنو طالب لان لو الدول العربية جمعا متبعة كلام الله و دول اوروبية فعلا متبعة قانون الإنسانية مانشوفوش فزمنا هدا ام_وات بالآلاف بسبب فيروسات مهجنة و اعلام مسخر الان__حراف و الميول جنس_ية مستهدفة أطفالنا و حروب تقام من اجل حلفاء تهمهم اثبات قوتهم وضحية اول والأخير هو مواطنين تيعانيو من نقص فتغذية و الصحة و مجتمع تيعاني من تضخم وغلاء اسعار ...
تيتو: ( طل على اولادو دخل غرفتو عند روزا ناعس جنبها ) شوشوط
روزا: امممممم
تيتو: فيروس ماشي ضحك ولا حالة ودوز ! فيروس كاين ، حضي اولادنا صحتهم ماشي للعب
_بعد مرور الايام و الشهور العالم بأسره غلق الحدود و العالم عرف بل تيقن و تأكد ان هناك مرض! شغل شاغل عند الناس هو الأخبار ومتابعتها دقيقة بدقيقة ، شغل شاغل هو كفاش يأمنو طرف الخبز و اغلب المهن غلقو ، كفاش يسير حياتو هو فدارو غالقين عليه ، كفاش انك الا بغيتي تخرح لازمك إذن و قناع طبي على فمك و أنفك! كفاش تعقم يديك فداخلة و الخارجة! كفاش اولادنا يقراو عن بعد....فاوروبا كان الكل مدعم ، الشهرية و المساعدات تتوصلهم كل شهر، و دراسة الأطفال تتمر فأريحية عن بعد رغم ارتفاع نسبة الوفيات وشبه إنهيار للمنظومة الصحية لكن دائما متحكمين فتسيير شؤون العباد و البلاد الا فمجتمعنا لي القانون تيمشي على الضعيف و المساعدات كانت ضعيفة وفيها تلاعب كبير ومع ذالك إيمان الناس القوي بالقدر و حامدين الله .....من بلجيكا من داخل الشقة كانت متوجهة للقبلة تتصلي صلاتها و تتسمع بكاء اطفالها تتحاول تشهد وتسلم بسرعة حتى نتهت حيدت الزيف هازة ولدها تتسكتو
نهيلة: صافي اماما صافي( بنظرة عتاب ) ياك ضربتي خوك ؟
طفل: نو نوو
نهيلة: ( جلست تتسوط جبدت ثذيها ترضع ولدها ) غير يجي باباك نقوليه ضربتي خوك
الطفل: ( قلب شفايفو ) باغدون ماما ( قرب خوه قبلو ) باغدون عثمان
نهيلة: ( بحب باست عثمان باست لاخر ) وانا فين بوستي اسي فادي ؟
_عثمان الصغير وفادي الكبير ! بعد مغادرتها فرنسا استقرت فبلجيكا و تعرفت على شخص مغربي فنفس مجال عملها وتعارفو و كتاب ليهم يتزوجو ، حكات ليه انها مطلقة و هو كدالك مطلق و شرط عليها الحجاب و تجلس فدار هي قبلت ...نعست اولادها وهزت هاتفها محولة مكالمة لصديقتها ، نفس الصديقة لي كانت معها فرنسا
نهيلة: الو زين صافا ؟؟
صديقتها : اهلا اخويتي صافا ؟ كي دارو لوليدات مول دارك ؟ كي درتي مع هاد كورونا ؟؟
نهيلة: جمعي كولشي قولي لباس ! كورونا راه شدت علينا اختي، راجلي راه تيخدم ليل ونهار مسكين عندهم نقص !!
ص : اوا ربي عوينو ! لقيتني انتصل بيك و الله ، نسولك على امك
نهيلة: ( بتنهيدة ) سوليني على راسي ! امي راه خاصها غير لفلوس
ص : والو ياختي ماتبدلوش ؟ وخ بعتي دارك و ضربتي على المغرب وسمعوك تزوجتي ودرتي جوج اولاد ماضرهم قلبهم يشوفو هاد دراري ولا راجلك؟
نهيلة: راه على عينيك ! امي وخويا خاصهم غير لفلوس ، مانكذبش عليك نهار لقاني ربي بهاد ولد الناس تبث و حصنت ونسيت الماضي لي نطلب من ربي هو يغفر ليا و يسمح ليا على لي فات ، كنت غادة فواحد الطريق مايبغيها لاربي لاعبدو ربي عطاني درس
ص : الله يسمح لينا جميع اختي نهيلة ! كما قلتي دنيا فايتة علاش بنادم تيجبد العيب، ماقلتش ليك راه عذرا سدو عليها فتركيا!!!
نهيلة: نكذب عليك؟ ماتتهمنيش ! الله يعاونها انا الا نطلب سماح؟ نطلبو من الله اما بنادم صعيب اختي !!
ص : اوا الله يهدي ماخلق بوسي ليا دراري والله يهز علينا هاد الوباء ويلقاو ليه دوا
نهيلة: امين ...
_لايصح الا الصحيح! ربما لي مر على نهيلة كان فيه خير ليها ترجع لطريق الصحيح و تنشأ عائلة وتبعد على الفساد ...مثل اي ام و زوجة مغربية فالغربة محافظة على تقاليد المغرب و مهتمة براجلها و اولادها ..
راجلها : السلام عليكم ! نعسو دراري؟؟
نهيلة: نعسو ! وجدت ليك دوش ودير حوايجك فلميكا لا يكون فيهم المرض
راجلها: المرض هو لي خرجوه ليه_ود راه قالك لقاو ليقاح ...
_كل مايسمع فالفقصر هو صوت الأطفال !! اصواتهم تتعالى بين الفرنسية و الداريجة المغربية، يسكت هدا يبكي هدا ، يضحك هدا يرجع يبكي لاخر...الكل مقيد بقانون الحجر الصحي لا طير يطير ولا وحش يسير فشوارع مارسيليا من غير الشرطة و العاملين فمجال الصحة و التغذية و النظافة هدا هو الحال فعز كورونا ...
ريان : ( جالس شاد طابليط تيلعب ) وااا قتلني تفووو
_جاي جونيور تيجري من الغرفة الاخرى ماد ليه طابليط تيهضر بهمس
جونيور: نوبتك نوبتك جاوب ميس
_ريان دخل المحادثة سمع اخر جواب لإحدى التلاميذ و هو يسجل اوديو بنفس الجواب
ميس : ريان تتعطل فالجواب!!!
ريان : لاكونيكسيون ميس ديزولي !!
جونيور: ( تيهضر فوذنيه ) قولها غدا يقطعو لكونيكسيون فرنسا!!!
ريان: ( عطاه طابليط ) نكذب عليها تسول papa ! سير فاش توصل نوبتي اجي وحضي papa لايجي
جونيور: هو عاد دخل ينعس
ريان: شكون فايق دبا؟
جونيور: طاتي ماريا مع جوديا و لميمة مع كارين تيفطرو لونا و ابراهيم
ريان : صافي سير خليني لعب فخاطري
جونيور: نبقى هنا
ريان : جلس هنا ! فاش نحصلو انا ينقذني تيو قادر انت تاكل العصا
جونيور: حتى انا قادر جدي
ريان: ( تعصب ) بعد مني
_الاوقات تخربقت بالنسبة للنوم ! ليل رجع نهار والنهار رجع ليل ..حتى وجبات الأكل كلها فين قاليه راسو ياكل
بشرى: ابراهيم جلس اطابل
ابراهيم : اي لونا ؟
كارين : هاهيا جلست! يلاه جلس
بشرى: الالة على اولاد روزا يهبلو
كارين : ( بنبرة حب ) اولاد الحبيبة بخثة!!
بشرى: ااايه الله يرحمها ويسكنها فسيح جناته بحال البارح! دازت تلث سنين
كارين : غير يمشي هاد لفيروس نمشيو نزوروها
قادر : ( داخل عليهم مبستم لدراري ) صحة لونا
لونا : ( تتضحك معاه ) بابي جيتي
قادر: ( قبلهم بجوج ) جيت بابي ! بشرى راني طالع نعس
بشرى : ( شافت فساعة ) نطلع معاك ؟
قادر: مايحتاجش خليكم مع الدراري
_قادر هو قادر ! رغم ان القلب تملأه الأحزان لكن تيعيش كل يوم كأنه هو اخر يوم له ! عايش بين عائلتو لي أسسها و مهتم بيها وفرحان لفرحتهم و اولادهم معمرين عليه القصر ...بحلول الليل ، كروب نهار نعس مع الاولاد وكروب ليل ناض يشوف كي يدوز اوقاتو ، جالسين على طاولة الأكل كلها شاد تلفون وكلها اش تيشرب
سيدح: ( شاف فآية ) آتاي بارد
آية: سخنوو ! وماتهضرش معايا!!
سند: راه سخون اصاحبي! ياكما شداتك كورونا مشات ليك الحرارة ؟؟
سيدح: ( هز حاجبو فيه بشك ) لا سخون غير تنضحك معاها
سند : ( فتح يديه لماريا جالسة على حجرو ) شوف تشوف
ماريا: ( هزت كاسها ديال القهوة ) ااااه اونفان نعست جوديا
آية : مقلوب لها النعاس ؟
ماريا : ضروس تينوضو لها
_كانت فعالم بوحدها غارقة فتلفون وتيتو حاشي راسو معاها حتى شافت فيه
روزا : نوض من حدايا
تيتو : ( هز راسو تيضحك ) اري غير نشوف
سيدح: لقاو لقاح ؟
تيتو : يبداو بدلمك انت لول يضربو لك لفاكسان
سيدح: واش من نيتك نضربو انا يزرعو فيا تجسس!!!
ماريا : مي صافا با !؟ اش تتقول؟؟
سند: ( تيقتلو بضحك ) واش هدا من صغرو هبيل؟
روزا: باه وي ! من صغرو
سيدح : (بإبتسامة)كنت تنديرها بلعاني
روزا: تعقل فاش حصلوك فمارشي سارق عصير ؟!
سيدح : انتي لي كنتي سارقة اللعبة ! انا عصير غير نسيتو
_تشتتو بضحك كلهم هو تيحلف ويعاود و روزا تتفرش ماضيهم الاسود وسند و آية مصدومين بضحك من غير ماريا و تيتو لي عاشو معاهم كوراثهم ..مرت سنين من عمرهم بطفولتها و مراهقتها و شبابها وحلوها ومرها ..لحظات الحجر الصحي كانت ذكريات جديدة تتكتب في فصل جديد من حياتهم مع اولادهم..."لكيريا"
*** تمت و الحمد لله ***
التنقل بين الأجزاء