وصلات لمكناس اخيرا وغالي كيصوني فتيليفون يتأكد واش كاين شي واحد فالدار وقطع
غالي: كاين غير با وهشام فالدار
سكينة: صافي ماشي مشكل غير يالاه
غالي: قلت ليك مكاين حتى واحد
سكينة: صافي يالاه ههه
بقات كتمنضر فمكناس حتى وقف قدام عمارة عبارة عن ربعة طبقات وكل طبقة فيها دار كبيرة وونزلات كتصرح عينيها فالحي الهادئ وطلعات معاه وهوا هاز الشنطة ديالها وديالو حتى لدار باه ولقا الباب محلول وباه واقف فرحان لابس سورفيت كحلة وماشط شعرو وروايح والبانطوفة تقول السيد عندو الخدم والحشم
سلم غالي باه من الوجه كيضحك وسكينة حشمانة باست ليه يدو وطبطب عليها ورحب بيهم فرحان وناشط ودخلو للدار اللي كانت واسعة ومصلوحة ومتولة ومفرشة وديكورات فكل مكان وعاد واحد البلازما فالحيط بحال التلفازات دالقهاوي تقول فيها مرى متولاها. دخلات حشمانة ومزنكة وجلسات على اقرب فوطوي كان وسط الدار ديال الجلد حتى تم هشام خارج من البيت بالسورفيت زرقا على وجهه الفوح والسرور وحدر راسو حشمان ومد يدو ليها
هشام: سكينة لاباس بيخير كولشي مزيان ؟ مالين دار ؟ الحمد لله على سلامتكم
سكينة: الحمد لله شكرا
السي رشيد: دخل اسكينة مرحبا بيك ماتحشمش
سكينة: بخجل )شكرا
اما غالي مشا تكا على واحد الفوطوي رتاح ونشر يديه ورجليه وتنهد
السي رشيد: بمزحة) فاش تجي نوبتك ماتحضرش خلي رانيا تعمل العرس ديالها على خاطرها
سكينة: هههه
السي رشيد: قالك العرس غير صدع الراس
ضحكات بمجاملة وخجل وهشام كيتعنكر قدامهم وقال
هشام: زعما تبززو عليا العرس!! والله ماتبززوه .. الى مابغيتش نديرو منديروش .. والمرى خصها تشوف الراحة ديالها راجلها حتى هوا ماتكونش انانية
تبسمات سكينة بزز وفخاطرها ماحملاش تشوف فيه وهوا كيستعرض رجولتو وشخصيتو القوية قدامهم .. اما غالي كان متكي ويدو على جبهتو وهشام كيعبر خدا الموضوع بجدية حتى حل غالي عينيه وقال
غالي: جلس اصاحبي جلس غادي جاي درتي ليا الدوخة
جلس هشام وكأنه تهرس وقال كيشوف فيه بالجنب ويضحك ضحكة كأنها كتعالج القمعة اللي دار ليه
هشام: بتي ليا شرفتي اخاي الغالي واطاك الزواج
ماردش عليه غالي وسد عينيه بتعابير مرتاحة حتى خرج باه من المطبخ مكفض يديه وقال
هشام: شحااال ديال طريق ساعتاين.. اللي سمع الطريق يقول نص نهار ههه
غالي: ناض) اجي تغداي
ناضت حشمانة وساكتة كدور عينيها في حين دخلها غالي لواحد البيت دنعاس كبير وفيه تلفازة كبيرة ونكوسية كبيرة مفرش فراش جديد .. بدلات فيه ولبسات سورفيت ديالها الكحلة اللي شرات بالقب وخرجات دايرة يديها فجيابها تقول خارجة من ماتش ديال السباحة بداك السفنجة اللي مدور وديك الهيئة..مشات جلسات فالطبلة والشي رشيد وهشام كيحطو بينما غلي كيصلي قدامهم فالزاوية ديال البهو عاد تجمعو كلهم على طاجين ديال الحوت والشلايض والعصائر كيتغداو ويتجمعو على الكورة .
من بعد الغدا وكلشي تجمع وهشام دخل لواحد البيت سد عليه بقا غير غالي جالس حدا سكينة وقال
غالي: غنمشي نشوف الواليدة ونرجع صافي؟ تمشي معايا ولا تبقاي هنا
طاحت الهضرة فودن السي رشيد وهوا كيمسح الطبلة وقال
السي رشيد: فين غتديها ابا ديالي خليها ترتاح راه عيات من الطريق…دخل دخل للبيت رتاح فيه ماعندك فين تمشي
غالي: وجهه ليها لكلام) تبقاي هنا حتى نجي
السي رشيد: تبقا هنا مهنية حسن ليها(حشا ليه الهضرة) فاين غتديها تمرض نتا العروسة تديها عند دوك السامات يدقو ليها فالسم
شدات تيليفون وشدات واحد الركنة فالقنت غير هي وباه اللي هوا شيخها ولوسها لي هوا هشام ،، اما غالي خرج فجو بارد شوية ..جو مكناس كيبداه الصيف بحري ويبداو البرد بكري.
كانت وجهتو مباشرة لدار مو ..وطبعا كمجتمع مغريبي كيبغي يحضر للحضات الغير عادية وغالبا كثكبرو المواضيع ويضخمو الامور.
كان كيضن انه غيمشي يشوف مو عادي بحال ديما ..لاكن غير وصل ومع الدخلة لقا العائلة كلها مجموعة جالسين على الطبلة والبرارد داتاي .. لاح السلام عادي وسبق من اللي رضى عليه ومن بعد شلم على العائلة اللي لقا تما وداز عند مو سلم عليها وهي مدورة وجهها ماعطاتو ما خيدات ليه.. سلم عليها من وجهها وجلس جنب جدو بقا كيدي ويجيب معاه فالهضرة وهضرة تدي هضرة والعائلة حتى هنا كلشي كيهضر شي مع شي تى حبدو الهضرة وقالت وحدة من خالاتو اللي جالسة تما زعرة وشعرها كاري ولابسة جلابة دلمليفة دافية
اسية: بتهكم ) دابا فضلتي بنت الناس على مك اللي ولداتك وتقطعات عليه وسهرات عليك؟؟
ضاو تقاد معاها فالطبلة وقال بجدية
غالي: كيفاش فضلتي بنت الناس واش دابا كتقارني راسك ببنت قد بناتك ونتي زعما مولات العقل .. وا الله يهديك امي الله يهديك نتي مولات العقل.. اشمن مقارنة هادي اش جابها ليك واش جابك ليها؟؟
سعيدة: بلا متحضر يماك درتي العرس تقول ما عندكشي يماك ؟
غالي: هز صبعو) عفاك اخالتي مدخليش فهادشي ماشي شغلك فيه
سعيدة: فدهشة) ويلي على ماشي شغلي؟؟
اسية: شغلها قالك ماشي شغلها
غالي: لا ماشي شغل حتى واحد اللي عندو الحق عليا هوا مي لا غير .. هضرة زايدة ماعندي مندير بيها
سدات سعيدة فمها ورجعات اللور مقموعة حشمانة وجدو كيردد غير لا حولة ولا قوة الا بالله ويهدي السوق. اما اسية تقول كانت كتسناه غير يوصل تغضب وتفش غليلها وحرقتها اللي كتشويها فصدرها ومابغات تبرد ليها . اما خواتاتو بجوج كانو جالسين ورال منال ختو حتى هوا لاكن الكل ساكت الا خوالاتو كلتوم وسعيدة اللي كيهضرو
اسية: خطبتي وعملتي العرس ودرتي اللي عجبك ! اذا مابقيت مك ما بقيتي تعني ليا ( مسخات يديها) سالينا
غالي: الله يهديك نغلي الشيطان ياك نتي مابغيتيش تمشي!! عييت فيك ماخليت كيف درت ليك مابغيتيش حلفتي كااع عليا ماتمشي
كلتوم: ايوا كنتي تجيب معاك مراتك فيدك عند مك واخا مامشاتش معاك للعرس كانت لعروسة تجي وتطلب رضى عكوزتها وتبادر بالخير هي اللي صغيرة وتحتارم اللي كبير عليها.. كيفاش جيتي نتا وياها حتى لمكناس وخليتيها فالدار وجيتي بوحدك فاين هي لعروسة ماتي تشوف عكوزتها هاا؟
كلتوم: وعلاش خويتي الدار اللي كتجي ليها مك ورحلتي بلا علمها ؟؟
غالي: وديك بنت الناس فين غتسكن؟؟؟ زايدون ديور لكرا وديك الدار مابقيتش انا مرتاح فيها كنت بااغي نبدلها من للول
كاشي بدا كيهضر وكلشي كيناقش ونفس الجمل كيتكررو ونفس المشكل كيتعاود فالاخير ما وصلو لحتى نتيجة وناض غالي هز يدو خارج وقال
غالي: حتاااا تكوني بوووحدك عاد نهضرو اما دابا مغنتفاهموش وسط هاد السويقة هادي
خرج وركب سيارتو وزاد مع الطريق في حين جالسة سكينة فالصالون وهشام مقابل معاها كيهضرو فهدوء وسلم وسلام وكيناقشو نفس المشكل
هشام: دابا اللي فات فاات منهضروش عليه واي بنت قبل متزوج كتصاحب عاادي .. المهم شنو جاي مور زواج
سكينة: ها نتا دابا قلتيها بفمك يعني اي بنت كتكون حرة ما من حق حتى واحد يحاسبها .. وانا مادرت اصلا حتى غلط ماتزوش بغالي بزز منو هوا طلب مني الزواج
هشام: متافق معاك .. ولاكن كنتي تقدري ترفضي وتخليه مع مو مزيان ماياخدش السخط دمو .. كن دابا كانت شي بنت الناس وبنت الاصل بييير غتقوليه لا اخويا حتى تجي مك وبلا رضى دمك منقدرش نتزوج بيك.. ماتبغيش دير عرس بلا ام راجلها وبلا عائلة مو والنص يحضر ليها غير بزز وبلا خاطر.. انا نقوليك الصراحة راك بحال ختي.. ختي كن جا شي واحد يخطبها بهاد الوضع منقبلش ليها ومنرضاهاش ليها
سكينة: الصمت
هشام: ماشي كنحاسبك .. حنا غير كنتناقشو .. بحال الى كيهضر معاك خو .. احم واخا هادي منهضروش عليها.. علاش دابا مامشيتيش معاه عند مو؟
سكينة: ماشي انا انا ماقلت والو بابا رشيد اللي مابغاش
هشام: لا سمحي ليا سكينة راك كنتي قالدرك تقولي ليه نمشي وتصلحي الامور وتمشي عند مو وماتخليش عاد الحساسية طول.. رضى عكوزتك على ولدها راه بحال رضى راجلك عليك .. بلعكس خاصك تصلحي بينو وبين مو وتقوليه لا نمشي معاك ونصالحوها بأي وجه كان .. واخا تكون مو ماعرفت كي دايرة .. نتي خاصك تصغري راسك وتكوني بنت الناس وبنت الاصل
قاطع حوارهم السي رشيد اللي دخل مع باب الدار فيدو كارطونة واطعمة دكاسكروط ومع الدخلة تبسم وكان ناشط راشقة ليه.. اما هشام ناض وقال
هشام: فحر فشنو قلت ليك .
تبسمات بأدب وناضت عند السي رشيد للمطبخ شافتو كيعمر اتاي وقالت
سكينة: نعاونك ؟
السي رشيد: لالا سيري ترتاحي ماتعاوني فحتى حاجة
سكينة: كضحك) لالا غير ارا نعاونك ..نستف ليك هادشي
هزات واحد الطبسيل بدات كتستف فيه وهوا كيعمر اتاي ويقاد الكيسان وحطو الطبلة دكاسكروط كتشهي بالبسطيلات صغار دلحوت والفرماج والدجاج واللوز وحلويات سواغي ملونة صغيرة وباناديجات معمرين بالطون والدجاج والمملحات فطباسل والحرشك والسمن وجلسو قدام الطبلة غير بجوج
السي رشيد: جبد تيليفون) نعيطو لغالي نشوفو فين وصل .. كن جات عليا مايزطمش عند العقروشة
سكينة: هههه علاش؟
السي رسيد: كيصفر ويدور راسو) فيييييفووو.. انا اللي كنعرفهاااا .. واحد الللللفعة.. واحد اللففففففعة مقطرة.. عرفتي شنو هي مقطرة.. مترحمش عزيز عليها راسها والباقي غير يموت(رد فالخط) الو غالي؟؟ وصلتي؟؟ قريب؟ يالاه حنا كنتسناوك (شاف فسكينة) يالله عتقول بسم الله حنا كنتسناوم على الطبلة.. يالاه الله يرضي عليك(قطع) قالي قولها تلبس تهبط عندي هه(جمع تيليفون بحماس) انا راجع
ناض بالزربة مشا للبيت وهي جالسة حتى رجع هاز فيدو جوج البومات كبار وجلس حداها فرحان فتح الالبوم اللول كيوريها التصاور ويعاود ليها القصة ديالو كل صورة .. كانو معضم تصاورو غير هوا و اولادو من الصغر.. تعرفات على حياتهم فالماضي والعز اللي كانو عايشين فيه وشحال من دار سكنو فيها من الديور الرفيعة واللباس المتول اللي كانو كيلبسو والالعاب اللي كانو عندهم وبيت النعاس اللي مزال حديث الساعة فعصرنا هادا وكان فداك الوقت كيديرو غير شكون وشكون ،، اشمن سفاريات وتباحر وبيسينات واوتيلات فخمة وسيارات فاخرة ونضاضر وملابس كلاسيكية .. صورة تنسيها فصورة حتى بقات مصدومة مامتيقاش انهم عاشو واحد الحياة اللي مكانتش قادرة حتى تتخيلها او تقول راه كاين ناس عايشين حياة اخرى واللي فعصرنا الحالي عاد قدرو بعض الطببقات يوصلو ليها وكيتباها بيها من لفوق.. مع العلم انه داكشي عاشوه ناس فالطفولة واصبح من الماضي اللي هوا حاليا حاضر بعض الناس.
بقا كيوريها ويعاود ليها حتى دخل غالي كيسوط مع السد دالباب قال مزير
السي رشيد: حتى نتي تحل ليك الفن البايرك رجعتي كتهضر و كتحاسب الولاد ماشي ولادك؟؟ هاا؟ هضر ا البايرة ماداها فيك ختى واحد حتى شرفتي .. ختك مطلقة ونتي بايرة .. يا ريا وسكينة .. كتهضر زعما عندك الحق .. كن كنتي مرى كوراك بالداار ديالك وولادك كتحكم فيهم وبالعز ديالك اا الشارفة.. وهادي قرصة اذن باش تعلم تسد فمك وتجمعو عندك المرة الماجيك نجي نشعل ف أ صال د يماك العافية ..واسير دابا تلعب
قطع عليها كيسوط وينفخ وعيط لسمير مغدد بقا كيصوني ويعاود لاكن بدون رد وطبع بحالو لقاهم مجموعين كلهم على الطبلة كيهضرو وغالي كيعاود على شنو طرا فالدار لهشام وهشام كيتنهد ويعاود ماقادر يقرل حتى كلمة وغير كيسايس
السي رشيد: قبيلة عيطت لخالتو.. واحد البايرة بقات بلا زواج تراسا كتشقا على يماهم اسية تما .. سديت ليماها الفم وكنت غنعيط ليماهم حتى هي
سكينة: غلباتها الضحكة) بلاش من الصدع. من الاحسن
السي رشيد: خرج عينيه) عندااااك يزغبك الشيطان وتقول نمشي عند لعكوزة نشوفها ولا نطل عليها ،، الااا مشيتي حتى صالحتيها عرف الزواج ديالك مشااا
سكينة: وعلاااش؟؟
السي رشيد: ماتسواش.. كن كان فيها الخير ماتشريش الدار بتخبية وتكريها حتى واحد ماجايب ليها الخبار.. هي دابا كتقول حتى واحد معارف وانا عاااارف والسيد عيط لي قالي فلانة شرات الدار ها فين فين مع معرووووفة كلشي كيعرفها كنت عامل ليها العززز وهي طغااات تكبرات على النعمة ، شحااال تبعاتني بالسحور والحجابات فاش طلقتها بغات تمووت وكتقول ليهم غنخليه ميكساب ما يعلام كما طلقني غنخليه على الضسسس،،،،مسخوطة لواليدين
كان عندها فضول تزيد تعرف اكثر شنو جامع السي رشيد لاكن دخل غالي على غلفة لابس سبرديلتو وجاكيطتو الزرقاء وقال كيشوف فيها وفلباسها
غالي: ما زال مالبسيتش حوايجك؟
السي رشيد: حيد ليها الكاس من يدها) سيري لبسي حوايجك باش تخرجي انا نكمل هادشي مابقا والو
مسحات يديها ومشات نيشان للبيت حلات باليزتها الصغيرة جبدات سرفيتة الثانية اللي شرات فالدهاز لبساتها ودفارات شعرها دفرة مرخوفة للجنب وحلقات على وجهها بشوية دلماكياج والريحة ونزلات كطير لحقات على غالي لقاتو جالس فالطموبيل كيتسناها وطلعات حداه ومشات كتفرج فالمدينة من النافدة وتتمنضر والدنيا خاوية لا سير يسير ولا طير يطير
سكينة: عليها الدنيا خاوية عندكم هنا مابان ليا حتى واحد كيدور
غالي: ماعندهم فين يدورو طالعة ليهم المدينة فالراس،، لي عندو شي غرض راه كيمشي ليه نيشان
سكينة: وحنا فين غنمشيو دابا ؟
غالي: غنديك ضربي دورة .. تشوفي المتحف وداكشي الثراتي والموسيقي .. و نديك للهديم تشوفي الدنيا تما ومن بعد نشوفو فين نمشيو عاوتاني
دوزها على الحي القديم فين كان ساكن وبدا كيوريها ممن الطموبيل وهوا دايز
غاليي: هاادا هوا الحي اللي كنا ساكنين فيه … هادا الجامع كنت كنصلي فيه صغيير… وهادي المدرسة اللي قريت فيها الابتدائي
بقات كطل وتتمنضر وهوا غادي بيها كيوريها المعهد اللي قرا فيه والاعدادي والليسي حتى وصلها للمدينة ونزلات كتسرح عينيها عاد بانو ليها الناس والرواج ودخلات شادة فيه لساحة لهديم وهوا خاشي يديه فجيابو كيوريها
سكينة: هاد البلاصة بحال جامع لفنا. زوينة صورني
وقفات وسط الساحة ورجع اللور كيصورها وهي غادية وهوا كيصور فيها فالاخير ختموها ببراد داتاي فإحدى المقاهي التقليدية وحديثهم غير على المدينة ..عطاها درس فديك العشية وهضرة كتجر هضرة ماحسوش بالوقت حتى وصلات تسعود والدنيا خوات رجعات كتسفر عاد ناضو رجعو للدار لقاو السي رشيد متكي شاد تيليفون والكوكوت كتسفر
السي رشيد: عجباتك مكناس اسكينة؟
سكينة: زوينة صغيرة
السي رشيد: شرا ليك شي حاجة ولا والو
شافت فغالي كضحك بقات ساكتة ومشات جلسات بحال الضيفة حتى ناض السي رشيد طحن الشربة اللي كانت كدور فالكوكوت وفرق عليهم زلايف ودخل لهشام زلافتو للبيت وكل واحد تعشا فسلم وسلام مع الحوار على الكورة ومن بعد تفروقو كل واحد فين دخل ينعس
مكان عندها لا بيجامة لا والو من غير شورفيتات اللي دات معاها فقط واللي دخلات بيها للفراش بغات تنعس. لاكن غير حطات راسها على لمخدة وتسدات عليهم الباب وبدا غالي كيدور بيها كحلات بلعمى و ضاق عليها الحال ولقات راسها فورطة
سكينة: لا مامرتاحاش وغيسمعونا وغنصبخ مكرفسة ومدوشة فهاد البرد مالي على هاد العداب والشوهة
غالي: علاش شوهة راحنا مزوجين !
سكينة: بتعب) مافياش والله مافيا راه المرض مكنحس بواالو غير الفقصة والمرض تفوووو(نصلات سروالها بعصبية) يخخخخخ (هزات صبعها) بشويييية… عرفتي وتقصحني والله لا عاودتي شمتيه سمعتي
بلا رضى وبلا خاطر تكات وبدا المعاشرة تحت التهديد وتخراج لعينين
سكينة: قلت ليك بشوية
غالي: شووو.. وا با كيسمع توشويش.. قرصني الى قصحتك ومتهضريش
سكينة: غنغوت حتى يسمعونا من لمدينة هانا علمتك .. والله ودير شي حركة تا نشوهك انا دايرة ليك خاطرك باش نعس مافيا اللي يتصادع معاك
غالي: ماشي بخاطرك؟ انا باغي بخاطرك
سكينة: واسربي دابا من لخرا دوالو عاد باغي تناقش معايا .. سربي راه كنتقصح
غالي: عضي هنا
جر كم لافيست حطو ليها فمها تعض فيه ونتراتو بغيض
سكينة: مالي كلبة !! من نيتك
غالي: واشتييي!! انا قلت ليك نتي ااا!!
سكينة: واسربي دغيا بلا متبقا تبنن عليا
سكت وبدا كيتفتف خاصي معاها لا تقصح وكمل داك الماتش بلا خاطر وتحت التهديد وناض ماعاجبوش احال
مسح السي رشيد يديه وناض من الطبلة وكذلك هشام فطر وناض دخل لواحد البيت.. اما سكينة ضرباتها الفيقة من وقت طوييل وكان الباب مايل وكانت متكية وكتسمع كولشي حتى دخل عليها غالي لقاها فايقة وقال
غالي: فقتي؟؟ ايوا على سلامتك…نوضي نوضي راه جيانك الضياف يالاه توجدي الغدا فالوقت
سكينة: شكون جاي؟
غالي: با عارض على العائلة ديالو اللي كانت معانا فالعرس
رجعات للدار هازة بلاستيكة ويالاه وصلات للباب سمعات الصوت لداخل ديال الغاشي رجال وعيالات ودخلات هي وغالي لقاو الدنيا مطرطقة والناس جالسين والعيالات فلكوزينة بجلالبهم كيطيبو .. بدات السلام حشمانة كتسلم وكعروسة جديدة كلشي كيطلع فيها ويفليها عن قرب حتى سلمات عليهم كاملين ومشات للبيت جبدات ديك لبيجامة بالبانطوفة ديالها لي شرات واللي كانت عبارة عن سروال بالبينوار ديالو قصير دافيين والشعر دفراتو ومشات جلسات فواحد القنت حدا مرت عمو اللي بدات معاها الحديث كيتجمعو ويهضرو ويكسرو الخجل بيناتهم
العشية كلها وهي حشمانة منهم وهما كل مرة تجلس حداها وحدة تجمع معاها ويديرو الصواب حتى تحط لغدا وتجمع الكل على الطبالي وتغداو وموراها دوزو بكاس داتاي ومن من بعد نوضهم رشيد بزز منهم جمعو لكوزينة عاد بداو يتفرقو شي مور مور شي ويمشيو .. تما تعرفات سكينة عليهم كلهم وعل بناتهم وخدات عليهم صورة ولاحضات انهم بعاد على لعيب ومافيهمش حشيان الهضرة وحتى الى ماعجباتهمش شي حاجة ماكيضربوش فالوجه .. كيضحكو عادي بحال كاع الناس وماحسسوهاش انها برانية بل بغاو يتعرفو عليها برغبة منهم ويربطو علاقة عائلية وداكشي اللي كاين.. دازت عشية زوينة ولغد ليه الصباح صبو شادين الطريق راجعين بحالهم للدار . دوزها غالي لدارهم قبل متنزل فدارها وطلعات كتجري لدارهم لقات لعائلة مزالين عندهم فالدار جالسين وبدات تسلم وكلشي ناض واللي كان ناعس ناض جلس وكلشي باغي يشوف وباغي يعرف. اما مونية كانت متشوقة تعرف التفاصيل المملة وزيد عليها حتى رانيا دخلات بيناتهم باغا تعرف الكبيرة والصغيرة وواقفة كطلع وتهبط بميوعة وابتسامة فسكينة اللي جالسة كتعاود ليهم على الاحداث حتى تكلمات رانية بسخرية وقالت
رانيا: وراني عاااارفة كولشي ..(كتشالي بيدها) ماهزيتي حتى كاس معاهم وصبحتي ناعسة حتى لطناش ومشيتي صايبتي شعرك هههه
سكينة: هزات حاجبها) عندك شي مشكل؟؟
مونية: واش بصح صبحتي ناعسة حتى لطناش
الجدة : فالباب ويدها على جنبها) هيييه!!! صبحتي ناعسة حتى لطناش؟؟!!! مانضتيش توجدي ليهم لفطور؟؟
سميرة: وشنو لبستي بعدا؟؟
سكينة: شرا ليا بيجامة لبستها
سميرة: شدات وجهها ) هييييه!!!! ويلي ويلي ويلي ويلي على بيجامة بين مكناسة (سدات عينيها) ويلي ويلي ويلي
سكينة: شنو فيها؟؟!!!
مونية: زيدي زيدي كملي ايوا (كضحك)
سكينة: صافي هادشي لي كاين
الجدة: وعلاش مامشيتيش معاه عند مو ؟؟؟ اينااا دلفضيحت!!! مشا بووحدو الراجل عند مو!!!
سكينة: هزات كتفها بنفور) ماشي شغلي انا اش دخلني
سميرة: اوييلي على ماشي شغلك اسكينة راه عكوووزتك بغيتي ولا كرهتي
سكينة: يربيوني نفيق قبل ناس نوجد لفطور ماعارفة لا كيسان لا ماعن !! لا شنو نحط لا شنو ندير!!! ندخل لكوزينة ماشي ديالي نخربق فيها !!! دخول الصحة
رانيا: هشام كان كيقول عليك هاكاك باش يفتااخر بيك قدام العائلة ..بغاك تنوضي وتقدي بيهم باش يفتاخر بيك يت عارفينك ختي ونتي هي وجهي انا دابا هادشي علاش قال ليهم تصبر زعما وتنوض هي تقوم بالضياف بووحدها ويجيو يلقاو كولشي وااجد.. يقولو تبارك الله على لعروسة ورانيا حتى هي باينة غتكون بحالها .. بغا يفتااخر بيك ويقوليهم انا وخويا تزوجنا احسن بنات ..ساعا نتي غير شوهتي راسك وشوهتينا معاك
سكينة: فاش تمشي نتي ديري هادشي وتبتي ليهم لعكس باش يقولو حسن من ختها .. هنا غتباني كتااااار حيت كن درت هادشي وجيتي نتي غتباني عادية داكشي علاش خليت ليك كولشي باش تفاجإيهم.. حتى نتي فاش تمشي غيديرو ليك ما كتر ..حيت نتي غتستقبلي ضيوف عند باه وعند مو بجوج غير تريني من دابا
كانت ناوية تزيد تجلس معاهم اكثر لاكن مللي بداو كيعيبو فيها ويتصدمو من تصرفاتها اللي كانت كتجيها عادية ناضت وخلاتهم ورجعات بحالها للدار ، دقات حتى عيات مالقات ختى واحد ونزلات مشات للمحل لقاتو خاوي والناس كيسولو فيها باغيين يدفعو عندها لعرس ، بدات تعيط ليهم واحد واحد وتقاد معاهم موعد وبدات الخدمة ديالها كما كانت واللي جات من لكليان كتبدا عليها فاش خدام راجلك ؟ منين هوا ؟ شكيدير؟ مابغيتيش تولدي؟ مكتفكريش فالاولاد.
بقات جالسة ملهية مع المراكشية كيضحكو ويتعاودو على لعرس حتى ضربات تمنية وصونا عليها غالي
غالي: فين؟ غتجي؟
سكينة: انا فالمحل فينك نتا راني جيت مالقيتكش
غالي: كنت فالمارشي تقديت شي لعيبات وصافي للدار
سكينة: صافي قطع انا جايا
ناضت جمعات النوضة وعاد حسات براسها عندها الكانة وغترجع للدار مرتاحة وتبدا الحياة الجديدة وتشوف كي دايرة وهي كلها حماس . شيرات للمراكشية كضحك بيدها هارجة وقالت
سكينة: اختي غير مانسمع لا نكير لا زمر نبقا نمشي للدار مع الستة انا كاع
خرجات من الحانوت وماهي غير جوج خلفات وكانت فالدار .. دخلات كتفرنس وتسرح عينيها لقاتو مجبد فوق الفوطوي كيتفرج فملل وغير دخلات ناض جاه الحماس فالحركة وقال
غالي: ماعرفتش علاش فاش جيتي عاد جاني نوض ندير شحال من حاجة بلا عكز … كنت شوية غنعس
سكينة: انا فيا الحماس نستف حوايجي ونضرب دورة فالدار
لقات الراحة وماصدقاتش انها غتبات تما ومتبقاش تمشي عند بناصر ،، واللي طل على إحساسها فديك اللحضة يقول كانت فالحبس ثلاتة وعشرين عام وعليها قوانين واعمال شاقة .لاكن مع الاسف غير دخلات لبيت النعاس بغات تستف حوايجها مالقاتش البلاكار ولقات حتى غالي مزال حاط حوايجو فالباليزات وخرجات عندو للكوزينة وهوا كيعمر اتاي
سكينة: اويلي مكاينش الماريو!!
غالي: بعفوية) لا مكاينش!!
سكينة: علاش ماجبتيهش!!!
غالي: مكانش عندي انا البلاكار !! هاداك اللي كان فالدار لاخرى مصاوب فالحيط .. انا شريت غير الناموسية
سكينة: اويييلي على غير النموسية!! وفين غنخطو حوايجنا!!
شدها دورها كيشوف فيها وهي كضحك حتى رجعات حمرا من رد فعله .. كانت بيخير وعلى خير عاجبها الحال كتوريه حتى فجأة شدها يالاه غيبدا يخربق فيها بالراقفية وهي ترون ديك اللبسة معصبة
غالي: اجيونشري ليك شوفاج (مع غميزة وجلس نشر رجليه)
سكينة: لا واخا تمووت
غالي: وعلاش غنشري الشوفاج الى مكناش غنتعراو بجوووج اش غيزيدنا
سكينة: غيسخني انا فالدار هه
غالي: وانا شكون يسخني والشتا وجايا؟؟ واجي ونشري لوك جوج واحد حطيه فالبيت واحد يبقا تابعك فالدار هه
هادا العشا اللول ليهم فدارهم من بعد الزواج .. فالحقيقة راحة نفسية وهدوء وسعادة لقاوها هما بجوج .. حتى الاستقرار لقاوه ووكأنهم لقاو نقطة الانطلاقة والساس اللي يمشيو عليه.
واخا مشكل النوم والمعاشرة كان اسوء ما فدبك العلاقة بالنسبة لسكينة لاكن من غير هاد المشكل فهي لقات الراحة التامة والطمئنينة والسكات واللي بغاتها كديرها..لدرجة بقات فايقة كتلعب فتيليفون حتى للربعة دصباح متخبية و خايفة يفيق يغوت عليها ولا يقول ليها شي كلمة دخلها فعضامها لاكن واخا فاق وتقلب لقاها مزالة شادة تيليفون حداه مقال والو ولاح يدو عليها ورجع نعس.
فأول فصباح ليه للخدمة فاق بكري بحال العادة ماحساتش بيه وكانت غارقة فالنعاس والبانضة على عينيها مرسومين عليها عيون ناعسة .. غارقة وسط المخاد وشعرها مشتت فكل مكان . غطاها قبل ميخرج للخدمة وهوا لابس ملابسه الرسمية بحال العادة وريحتو سابقاه وباسها فخدها لي جيهتو ومشا بحالو للخدمة .. حسات بالبوسة لاكن النعاس كان غالب عليها وبقات ناعسة حتى للوحدة..حتى فاقت على خاطرها وناضت دايخة لقات راسها بوحدها فالدار.. كانت خاسرة والمورال نازل لاكن غير لقات راسها فدار من غير دارهم ومامعاها تى واحد مباشرة طلع ليها المورال وتوكضات وفرحات وجاها الحماس والنشاط وطلقات البشرة كأنها شربات شي جرعة من هرمون السعادة.. يا سلااام .. دار جديدة !! فراش جديد.. ريحة جديدة!! ما اروع التجديدوالاكتشاف
غالي: خليت ليك كلشي تما ،، الى بغيتي شي حاجة اخرى راه خليت ليك لفلوس تما فوق الطبلة
سكينة: صافي شكرا.. حسيت بيك الصباح فاش جيتي عندي
غالي: غتمشي للحانوت ديالك ؟
سكينة: اه ضاروري بحال والو نمشي نشري شي تواب يالاه نبداو فيهم ويوجدو مع الربيع
غالي: اوك يالاه نخليك انا خرجت غير نتغدا ونرجع
سكينة: صافي.. بالصحة
فطرات على خاطرها وناضت شعلات الشوفو دخلات تخت الرشاشة بقات جالسة شحال كتكمد عضامها ودوش على خاطرها. خرجات من الدوش ولبسات حوايجها ومشات كتجري لاقرب صالون نشفو ليها شعرها ومن تما ضربات تيليفون لسارة ومشات تشوف التواب اللي تخيط للتكاشط دالكرا.. بقات كدور وتعاود بالسورفيت وسبرديلة على تواب رخاص .. كانت دواقة ومن توب دعشر دراهم تخرج موديل دايزو لكلام،، والحق يتقال الفن فالراس والدوق مامعطيش لكلشي اما التواب عطاهم الله بالغلا وبالرخا
طابو رجليها بالدوران ومنين دازت كتشري ماتاكل واخا تكون غير بتيبانة ، حتى تقدات اش بغات وتسارات السوق كامل عاد عيطات لغالي سولات فيه ودارت معاه يتلاقاو فالرباط .. من السوق تفرقات مع سارة وعطاتها التواب داتهم وشدات طاكسي للمدينة بقات جالسة حدا طرام كتسناه حتى وقف قدامها وناضت كتجري طلعات حداه كضحك
سكينة: فين خدام ؟ غير هنا ؟
غاليي مع هاد الطلعة .. شبعتي دوران؟
سكينة: بقيت كندور حتى مالقيت فين ندور ههه
غالي: حتى تقاداو ليك الفلوس
سكينة: والللله حتى جبتيها لااااسقة،، حتى تقاداو ليا لفلوس … شريت بعدا تواب اللي خاصني كلهم ودابا غنبداو فيهم واحد ثلت شهور ديال لهياطة وتنبات عاد يوجدو
غالي: الله يسخر
سكينة: اجي يالاه تمشي معايا لفاس
غالي: فاااس!!!
اش غديري ففاس!!!
سكينة: نشوفو شنو لجديد وشنو كيوجدو .. يالاه نعربنو لحوايج راه ثلت شهور ديال الشتا دغيا دوز وخاصني نلقا باش نبدا الخدمة فالربيع
سكينة: بإعجاب) واااعر !!! الصراحة احسسن واحد.. هاذ الطبلة دالمرايا وهادشي حتى هوا داخل فيه
غالي: كاامل كيمشي كومبلي
سكينة: بالناموسية؟؟
غالي: ناموسية لا عااد غنشوفو منين نشريوها .. اما ختى هاديك اللي عندنا ماتجيش فيه
سكينة: علاش
غالي: لعبار ديالها صغير .. شوفي العبار ديال هادا شحال غتجي فيه ديك النموسية لوسط لا علاقة
سكينة: فوقاش نمشيو نشوفوهم حمقنييي
غالي: كحيد حوايجو قدامها) حتى لغدا نكون خارج وندوزو نشوفوهم (بتعب) ماديريش ليا سي برااد اتاي
سكينة: انا!!! غنعمر ليك الماء اما اتاي ديالي لا علاااقة اتاي ديالك حسسسن
غالي: يالاه ديري غير لما غنمشي نصلي ونجي نعمرو (ضرب ليها القزيبة) يالاه يالاه دغيا باش نح٠ويك
بقات كتشوف فيه وضحك جاها لفوغيغ خصوصا الطريقة باش قالها تقول السيد كيهضر فالمعقول مافيهض الضحك
مشات بدلات حوايجها لبسات وخدة من سوميجات كانت خفيفة وسامبل ويالاه خرجات كدور بيها فالكوزينة كتعمر الماء يسخن مشا عندها قنتها تما وبداو من جديد مني منك مني منك حتى جاب الهدف بالواقفية وهي محنية وراسها قدام لافابو عاد بعد منها
سكينة: لعدااااااااب والعداااب
غالي: بارهاق) يالاه تولفي .. غنبقا نتسنا فيك حتى تولفي على خاطرك
سكينة: لا راه بصح هادشي بدا كيمرضني وهارة ليه الهم
مشا لوسط الدار تكا قدام البراد ودار واحد الفيلم تروا دي وعيط ليها تفرج حتى هي.. دخلات معاه فالكاشة مكمشين ويالاه بدا الفيلم ومع البدية بغات تقوليه شنو قالو ضارت لقاتو رما راسو ونضاضر على عينيه ونعس .. حيداتهم ليه وبقات كتفرج بوحدها عايشة مع الفيلم وتربطات ماقدراتش تنوض بلا متكملو ..بقات شاداه ساعتاين حتى سالا ونوضاتو مشاو للبيت نعسو.
نفس الشيء تكرر الصباح والامور هانيا .. طلعات لدارهم طل عليهم ويالاه دخلات بقاو كيطلو عليها ويتمايعو بالهضرة اللي كتكره وكل واحد كيردد
هااي هاي هاي هاي لا للة لعروسة جات طل علينا
شافت فيهم بنص عين ومع الدخلة للكوزينة بدا البحث والاسئلة …
مونية: واللع وسمعو باك غيعطي فبيت نعاس ثلاتة دلمليون ميخليه!! مالو عليها يقج راسو ويخسر فلوسو راه عطاا الله بيوت النعاس غير بميات الف ريال هااكا دايرين
سكينة: بصح!!! دابا نقولها ليه
سميرة: الصراحة بزاف .. ثلاتة دلمليون !! بزاااف على ولد ناس.. كن بعدا كتنوضي ديري ليه غير باش يفطر حشوومة تصبحي ناعسة وهوا اللي خدام ينوض يدير ليك لفطور!!
مونية: ولاهيلا !! هي ماتابعها لاشغل لا مشغالة غير النعاس وهوا يصبح كيوجد لفطور .. سبع دلباكور دغيا كدوز
سميرة: واخا تشوفيه مكيقول والو راه كيلاحظ .. غيطلع ليه الدم ويقول ليك الله يعاونك
سكينة: المهم انا غنمشي للحانوت يالاه بسلامة
خرجات كتجري خلاتهم باقيين مصدومين من شنو سمعو وكيتناقشو معاجبهمش الحال وزادت الجدة طلات عليهم من لباب كتسول اش واقع
الجدة: مالكم مخلوعين ياك لاباس؟؟
سميرة: فشرود) كنهضرو على سكينة.. كتشوفها غتخرب حياتها بيدها … طال الزمان ولا قصاو دابا ترجع وعقلو على هضرتي..يصبر حتى يعيا ويسيفطها لدارهم
مونية: بخوف) والله غير لاما رجعات نوريها .. بغات دير عليه داك الهبال ديالها يحسابها كلشي غيصبر ليها ويهز ليها عبالها
سميرة: انا قلتهاااا ليكم.. قلت ليكم مغتكملش وماشي ديال زوااج.. ماعندهاش عقل المسؤولية ماشي بحال رانيا… رانيا ماتخافيش عليها بعقلهااا وصبارة..(تنهدات) اما سكينة راه كنشوف فيها راجعة راجعة حيت حتى راجل ميبغي لمرا اللي بلا عقل بلا حس المسؤولية والى كملات العام ماقالها خد لحد
بناصر وصلاتو خبار البلاكار .. ومونية زااادت كملات عليه حتى هي بالهضرة!! لالالا ميمكنش.. ولد الناس يشري البيت بثلاتة دالميلون مالنا اش واقع متكون غير سكينة لي لسقات ليه عليه متقوليييش .. ويلي على ثلاتة دالمليون !؟ راه يفرشو بيها الناس الدار كاملة!!! اويلي ثلااتة !!!
ايوا بناصر غير سمع الخبر قال اجي نعتق الموقف قبل ماتوقع الفاس فالراس.. وديك العشية عيط لغالي فتيليفون عرض عليه للعشا هوا وسكينة.. ونيت كانت تابعاه عراضة ليهم قال مزيان جات فوقتها .. وهاد العراضة ماساقت ليها سكينة لخبار حتى كان غالي راجع للدار من لخدمة عاد قالها ليها ، حتى هي عجبها الحال وفرحات .. ماكرهاتش شي واحد يعرض عليها ومع ولفات الزرود والعراسات وهاد الايام تقطعات عليها المشية للعرس رجعات باغا غير فين تتعرض واخا غير دخل وتخرج . اش غدير الادمان والله غالب.. والادمان انواع وكل ها باش بلاه الله .
ديك العشية نيت من الحانوت لدارهم نيشان.. ماشافت غالي ماشافها وحتى هوا كان تابعو لاصال مشا خرج الطاقة السلبية ودوش ورتاح وعمر ليه براد ديال اتاي دااايزو الكلام بحال العادة وصلى العشا عاد داز عليها للمحل ومشاو بجوج لدار بناصر، دخلو بحال الضياف ومكيان غير مرحبا مرحبا تقول اول مرة دخل لدارهم، جلسات بال الضيفة بالسرفيت ديالها وغالي كان نوعا ما حشمان حيت جداتها وخالتها مزالين فالدار وعائلتها مزال ماتطلق معاهم مزيان.. اما بناصر كان عاجبو غالي قدااش.. تقول غير ولدو رجع ليه ومكاين غير مربا وزيد لقدام . ها الكيسان داتاي والحلاوي بقا كيدفع ليه حتى كهمو وهضرة تجيب هضرة وسكينة اي كلمة قالتها كتقولها بافتخار وعاجبها الحال خصوصا فموضوع بيت النعاس اللي طرخو الموضوع ديالو امام الملئ وكلشي جالس وكلشي باغي يعطي رأيىو
بناصر: الصرااحة الى جيتي عليا مكاين لاش تشري بيت النعاس بداك الثمن ،، غيدوز وقتو ويمشي وغتبدل من بعد
غالي: كيحك لحيتو) وا هوا غاليدوز وقتو واي حاجة كدوز وقتها وتمشي .. ضاروري من تجديد
بناصر: المخييير تديه بميات الف ريال الى غلاااا. .. راه ساويين غير خمسين ستين بالماريو بالخشب دناموسية بالمجورة
سكينة: لا انا بغيت اللي فيه المرايا كبيير ة
شاف فيها بناصر بواحد العين مخنزرة ماصلاح ليه كي يدور فيها يسكتها يوريها حلان الفم وتقاطعو فكلامو وتشرط من لفوق وقال بسياسة فيها شوية دلعصبية
بناصر: ااش غديري بهاد المرايا راه تشري اي مرايا تعلقيها فالحيط ارااا ماتشوفي فيها.. الزواق الخاوي(شاف فغالي)لا عساك الى بغيتي الصح والعمل غدا يالاه معايا نوريك ماينفعك .. اما داكشي ديال مرجان ولفيترينات وشيكي كيجيني غير لكارطون وصافي.. والفلوس من لفوق ثلاتة ديال لمليون تشري ليك المااريو وتعمرو ليك بالحوايج ويشيط لخير
كل واحد بدا كيعطي رأيو بلا سوالات .. عالجدة اللي قالت ليه بزاف عليك اولدي ضيعك راسك ،، ها سميرة اللي قالت ليه يمكن شهوتو هوا فيه واخا ثلاتة دالمليون قاااصحة.. ها مونية اللي مكاين غير اولدي اولدي وغيير سكينة ماعندهاش مشكل كما مات هاد بيت نعاس ،، اما رانيا غير ساكتة مكتهضر مكتتكلم بحال عادتها ، كتشوف اش كيدور وكتقارنو براسها هي اللي مزالة مجرورة وجات ختها من وراها تزوجات ودارت العرس وكتفرش فالدار ورعو عائلة وحد، بلا هشام اللي بدا كيطلع ليه الدم وماراضيش بالوضع نهائيا كتر من الاول بسبب خوه اللي دخل فالعائلة وتزوج وسالا وبناصر مادار ليه. حتى اعتراض وهادشي كاامل ومو ماحضراتش وبناصر مقال والو ،، هاد المرة هشام طلع ليه الدم بالمعقول وخرج الغضب ديالو فرانيا فتيليفون وهي جالسة فالبيت كتهضر معاه
هشام: لاا سمحي ليااا باااك مامزياانش ااه مامزيااانش حيت قبل لغالي شحال من حاجة وانا دار ليا السبة بالقرايا
رانيا: ماتقولش لبابا مامزيانش هوا بلعكس الله يعمرها دار غير مزال مكتعرفوش مزيان
هشام: لا من حقي نقولها حيت كات قادر يرفض هاد الزواج ويهني راسو ويهنينا ويخلي السيد مزيان مع مو وختك نتي تبقا فتيقار ما تعرفنا مانعرفوها هاانا دابا عييت نزوقها للعائلة حتى واحد ماحملها ماتستاهلش غالي
كثر الضغط على رانيا من طرف هشام ،، لاكن فالحقيقة اللي ماعارف تى واحد هوا ان اسية كانت حداه جالسة فاش كان كيهضر ومربعة يديها ،، وطبعا هوا خاصو يبان راجل ماشي ولد صغير قدام مو .
قطع المكالمة ولاح تيليفون فوق الطبلة بنرفز وقال كيقلب عينيه بصرامة
هشام: هاد البرهوشة بدات كتعصبني.. منونخة ماتعرف دير حتى حاجة
شافت فيه اسية وهي ملوية فواد البينوار وكتشالي برجلها فهدوء
اسية: راني قلت ليك هاديك غير هبيلة ماعندك مادير بيها لا هي لا طاسيلتها ، الطاسيلة دلويل اللي طيحنا فيها الله ضارو بالغالي لسقو ليه المصيبة دبنتهم وبلا حشمة بلا حيا عطاوها ليه وانا مكايناش
هشام: بتأمل) كيقول ليا واحد الراس رمي الزبل وشوف ليك ما حسن
اسية: هااانتا دابا هضرتي.. خلي عليك الويل بنات الناس راه موجووودين.. واش بقات فالزين!! هاديك راه غير هبيلة وكتجيني ياربي تسمح ليا حمقة.. تصرفاتها ماشي عاديين
هشام: تنهد) والله مابقيت مارتاح لهادشي..مرضت وكنحس براسي هاز وحد الحمل تقيل على كتفي
اسية: ايوا حط عليك الزبل وتهنى ،، مالها غير هي اللي بنت البنات عطاهم الله ا كوكو .. اللي سمع لقرايا يقول كتقرا الطب !! ياك غير لافاك
هشام: بففف ،، مكاين لا قرايا لا ستة حمص،، تاا هي كتدي الطريق وتجيبها زعما راه كتقراا.. ماعندها لا رأي لا قرار لا شخصية لا تا لعبة طلعات ليا فراسي تقول غنتزوجش باها ماشي هي
اسية: كن جيتي عليا كن شفتي بنت محمد النجار ..خدامة فرملية وزوينة وبعقلها هاديك اللي تجي معاك وفعمرها ستة وعشرين سنة وغزاالة.. كنعرفو واليديها وخوتها وجامعة راسها موكضة
هشام: بتخمين) شكوون؟؟ هناء؟
اسية: هناااااء عليييك نووور… هي هاديك
هشام: زوينة الصراحة كتبان معقووولة ولاك فرملية موحال تبغي تجلس من الخدمة وتقابل الدار
اسية: وعلاااش بغيتيها تجلس من الخدمة !! بغيتي تبدا تصرف عليها ها البيجامات ها الجلابات ها فلوس الحمام ها فلوس المرض!! باها يتهنا منها ونتا توحل فيها تزيد عليك غير المصاريف بلا حتى فايدة
هشام: لاالالالا انا ماعندي مندير بموضفة ولا خدامة .. باغي وحدة تشد الارض تجلس فالدار .. المرى الى خدمات كضسر ويكيتحل ليها الفم وكتقوى فيها الفهامة .. ماعندي ما ندير بوحدة ترجل عليا وتبدا تحل عليا فمها
اسية: ايوا تدوج بيها وجيبها تجلس معانا بزااف عليه تكري ليها.. مالها فيين ساكنة باش دير ليها دار بوحدها اش غتعطينا هاد المرى
هشام: نشوفو بعدا لحريرة درانيا ويحن الله .. بديت كنفر من هاد البرهوشة وطلعات ليا فراسي.. انا كنهضر معاها وهي حالة فيا فمها كتفرنس عاجبها الحال
اسية: هادية باغا غير تزوج ومنها عداااااد الى مشات هاديك يجيو عشرة منها .. قوليها غير نديرك مرتي تبات كتحلم .. خطية ويحسن عوان اللي غتلصق فيه مسكين
فهاد الاثناء من بعد ما مشات سكينة وراجلها كانت رانيا جالسة متكية هي ومونية وسميرة فبيت نعاس ديالهم على الناموسيات كيتمعو ويضحكو فرحانين كيخططو لعرس رانيا
رانيا: قاليا من الاحسن منديروش العرس وداكشي اللي غنخسروه فلعرس نفرشو بيه الدار
مونية: ونتي؟؟ باغا لعرس؟
رانيا: بالنفي ) حتى انا متافقة معاه ماعندي مندير بالعرس والفلوس اللي غيدير ليا بابا بيهم لعرس يعطيهم ليا حسن ونتعاونو نفرشو الدار
سميرة: تباارك الله الرجال دديال بصح .. شفتي هادو هما الرجال هاد النوع اللي كيعجبني انا هادا هوا الراجل
رانيا: بفخر) انا كيجيني يااربي تسمح ليا غالي ماشي بحال خوه سكينة حاكمة فيه
سميرة: لاالالا غيير كيحشم.. هوا درويييش حادر الراس وصافي،، وسكينة الى مادارتش عقلها غيزيد ويخليها واخا يكون ماعرفت كي داير يصبر ختى يتقهر ويهرب .. وانا عاارفة سكينة غتبقا تجبد وتجعوق وتبغي تبان واعرة وحاكمة حتى طججو نن يديها وتجلس
مونية: مهمومة) الله جاب ليها راجل تمناه اي وحدة وولد الناس ولاكن هي ،،،،،، (تنهدات) مكتقدرش النعمة وغتخرج على راسها حتى واحد ميقبل عليها
اسية ضربات على رانيا وبانت ليها فالمستحيل باش هشام ميتزوجش بيها.. وبما ان باها مريض كل مرة خصو اللي يعبر ليه الطونسيو ويضرب ليه واحد الشوكة فمشات قلبات على النمرة ديال الفرملية هناء بنت النجار، اييه نجار ولاكن فتازة وعائلتها كلهم فتازة الا هي اللي خدامة فمكناس .
هناء وحدة من بزاف ديال البنات اللي بدراعهم ومن الشوفة كتبان ليك مكافحة .. واخا بلدية لاكن اي وحدة مكافحة كتكون شخصيتها قوية ..وهناء وحدة من هاد البنات اللي قادات وخدامات وساكنات بوحدوهم لاكن فالمعقول معقولات ماكيلعبوش بديلهم . جبدات اسية نمرتها وتاصلات بيها،، وبحكم هما معرفة سطحية غير عرفاتها اسية بنفسها عقلات عليها هناء وجاوباتها باحترام وتقدير.. طلبات منها اسية باش تجي تعبر الطونسيو للحاج وضرب ليه الشوكة وهناء بطبيعة العائلة من باب الصواب قبلات. لاكن اسية حسابها فراسها وهادي كانت اول خطوة باش تقرب هشام من هناء وتعرفو عليها بلا خبارو .
حتى للعشية فاش رجع ودخل لقا هناء جالسة وسط الدار كتشرب اتاي مع اسية وحشمانة وعاجبها الحال .. كان عندها حقها من الزين وكان شعرها قهوي دايرة ليه ليميش ومتوسطة الطول وفصالتها عامرة شوية متناسقة، لباسها محترم بحكم جات عندهم بالجلابة والبلغة وهادشي ثار انتباه هشام والدوق ديالو،، وبحكم انه كيعرفها وسبق ليه شافها شحال هادي ما مرة ما جوج ومكانتش كتبان ليه هاد المرة تشلط عليها الضوء وبانت ليها وقرر يدير معاه الصواب ومشا سلم عليها .. مدات ليه يديها سلمات بعفوية وجلس معاهم كيشوف فيها ويسول على الاحوال واحوال العائلة وهي كتجاوب بخجل. حتى بغات تمشي وطلبات منو اسية يوصلها واخا رفضات هناء خجلا لاكن اسية اصرت وبدات كتغنز فهشام اللي ماترددش حتى ثانية.. كان باين عليه الاعجاب حتى هوا خصوصا فاش بانت ليه كاملة مكمولة.. ثقيلة مرزنة مأدبة وكتهضر بالثقالة تقول دات وجابت فالزمان.. الحاصول البنا بعقلها وماعندو ما يعيب فيها وماشي من متابعين الموضة والراكضين وراء ملذات الحياة.. انسانة بسيطة جد عادية . ركبات حداه فالسيارة وفالطريق جبد معاها الهضرة باش كيسرو الصمت فقط حتى وصلها للعمارة فين كتسكن وقبل ماتنزل تبسم ومد ليها تيليفون وقال
هشام: تخلي ليا نمرتك الى مكان عندك حتى مشكل
هناء: شافت فيه بنت عين) الى كان السبب مهم علاش لا؟
هشام: شوف الصراحة انا غرضي شريف ماشي ديال التفلية والدوران.. بنتي لي بنت معقولة وانا كنقلب على المعقول والاستقرار .. الى تفاهمنا نتوكلو على الله ونتزوجو اشنو بان ليك؟
شافت هنا يمين يسار بخجل وطبعا هشام ماشي ديال الرفض.. كمضهر وشخصية خارجية وجمال حتى وحدة متقدر تقول ليه لا او ترفضو..خصوصا انه كيبان معقول وولد الناس من عينيه وبرائة وجهه فالحوار . ماتردداتش حتى هي وعطاتو نمرتها ونزلات مشات بحالها . اما هوا جمع الدورة ورجع بحالو للدار لقا اسية فالباب كتسنا والبيضة حامية فيها وغير شافتو تعرضات ليه كتجري
اسية: اشنو هضرتي معاها؟؟ كي جاتك؟
هشام: ههه صافي هضرت معاها.. غنشوفو الى تفاهمنا نتوكلو على الله
فديك العشية كانت سكينة و غالي فكيتيا كيدورو ويقلبو من بين غرف النوم الجاهزة حتى لقاو بيت نعاس اللي جاو على قبلو .. غير شافتو سكينة وشافت المنضر وديكور لسقات عليه لسقة وحدة ومشات كتحل وتسد وتجلس على نموسية وتنوض فرحانة
غالي: برضى) زويين.. انا عجبني .. جاني مزيان
سكينة؛ واااعر ..صافي بغيت هادا هادا اللي تشري
غالي: شدي لتحت
سكينة: فين هنا؟
غالي: اه تما
هبطات يديها شدات فالخشبة اللي فطرف النموسية وضارت عندو قالت ليه هنا ؟ لقاتو شاد فيها من لور
غالي: صااافي هادا اللي غنديو
سكينة: ناضت بزربة) على باااسل.. حقيير
غالي: ههههه
سكينة: كن شافتا شي واحد
غالي: شافوك فالكامرة
سكينة: نااري على حقيير
غالي: بجدية) صافي عجبك؟؟؟
سكينة: هوا اللي بغيت..ختيييييير !
غالي: يالاه نتحركو فحالنا دابا راني عياان مسخسخ
سكينة: يالاه
خرجو من تما ردها للسيارة جلسات وعاود رجع بوحدو هاز كارني دشيك مطوي فيدو وخلاها شادة تيليفون كتهضر مع باها اللي صونا عليها
سكينة: الو بابا
بناصر: واش معاك لغالي ؟
سكينة؛ اه علاش؟
بناصر: اجيو لحقو علينا هاحنا فالشارع كنشوفو لبلاكارات وداكشي دبيت النعاس.. ولاهيلا الى هنا داكشي ديال لفريييع حسن من داكشي اللي بغيتو تشريو نتوما .. اجيو بعدا غير تشوفو
سكينة: واخا انا نقولها لغالي ونجيو
بناصر: يالاه اجيو انا كنتسنا ..راني قدام واحد الماريو من داااكشي
سكينة:صافي واخا
قطعات وربعات يديها حتى طلع غالي وقالت
سكينة: يالاه نمشيو عند بابا راه كيتسنانا بغا يورينا بيوت النعاس
لحقو على بناصر.. وفعلا لقاوه شاد واحد الماريو لايطيح وكيتسناهم ويتشاطر وداير ما فجهدو.. بقا غالي غير كيضحك ودار ليه الخاطر شاف معاه وضرب دورة وخدا نضرة وماقاليه والو لا شريت لا ماشريتش باش ميبقاش فيه الحال من بعد تفارقو كل واحد مشا بحالو ورجع لدارو .
الصباح مع العشرة كانت ناعسة وشابعة نعاس وعينيها مسدودين والبانضة عليهم بيضا فيها الغيوم .. الدقان فالباب والصونيت ولا كن ودنيها كانو مسدودين بالنعاس وبزز باش سمعاتو وناضت نوضة وحدة وقفات وقفات جا فبالها غير الماريو اللي وصل.. مع النوضة مع الدوخة ديال الجهد باش وقفات حتى مشات وجات وكملات الطريق دايخة كتميل فواحد الشورط قصير ناعم وديباردور ديالو والشعر مطلوق والبشرة بيضا بحال شي ملاك عاد فايق .
غادية وكتقلب على بانطوفتها وماتلبس وكتعيط وتسول شكون حتى ردات عليها مونية من الباب وعرفات شكون كيصوني وكملات طريقها قالت هادي غير ماما صافي بلا منلبس
دازت على بانطوفتها وحلات الباب لقات مونية قدامها وسميرة حداها متكية على لحيط وكطلع وتهبط فيها مصدومة وعينيها خارجين، اما مونية حشمات وكمشات قنانفها بقات فير كدور فعينيها وشيرات لسميرة بيدها باش يدخلو ودخلات حانية الراس في حين خلاتهم سكينة فالباب سدوها راسهم ومشات رجعات تنعس
تبعوها للبيت كيدورو عينيهم لقاو الدنيا مرونة وهي تقلبات للجهة لاخرى وخشات مخدة بين رجليها وغبرات فالكاشة مابقاتش كتبان
سكينة: مالي جالسة فالزنقة انا السك فالدار نلبس لي بغيت
مونية: ايوا بااااز!! واش ماجاكش البرد!!
سكينة: لا مافياش البرد غير متبقايش تشوفي فيا راه مغنلبس حتى شرويطة
مونية: خلييييك خلييك هاكاكحتى تجيك الدم وتوريك تقزاب ديك الساعة جلسي تبكي وتعوجي علينا .
ماهي الا لحضات حتى وصلو عاملين كيتيا وناضت بزز منها لبسات بيجامة بسروالها وتريكو باليدين وبقات واقفة فالجنب كتشوف فيهم حتى ركبوه وسالاو ومشاو بحالهم عاد جات الكانة دوز مسيحة لداك الخشب وتستف حوايجها راسها.. اما مونية عجبها الاتات وجاتها على تستاف وبدات توريها كي دير وشنو دير في حين سميرة واقفة ويدها على جنبها كتوصيها
سكينة: ماتجبديش ليا ل الدين اصلا كطبقون غير فالحاجة اللي كترتاخو فيها .. انا مرتاحة هاكا ماتنصحوني منصحكم
سميرة: ايوا غير ماتنسايش واه كان مزوج بطبيبة قبل منك وغيدير مقارنة بينك وبينها تباني ليه موصيبة وخطية ويندم على النهار اللي طلق فيه وتزوجك
سكينة: ماتهزيش ليا الهم غير رتاحو هوا اصلا عاجبو هاكا
مونية: خرجات عينيها) والله ماعاجبو … كاين شي راجل يبغي المرى تصبح ناعسة حتى للوحدة ؟؟؟ اش غيدير بيها اااش زاادتو هاد المرى اللي يطيب راسو ويخلي ليها وماتجمع ليه حوايجو ماتوجد ليه ماكلتو ما تنقي دارها ؟؟؟
النصائح اللتي لا تفارق اي متزوجة حديثة،، لاكن نفعو بعدا بديك الحداكة والجمعة اللي جمعو ليها الدار خلاوها كتشعل ومشاو ومشات حتى هي لشغلها بحال العادة ومها كتوصي وتعاود حتى ضربات العشرة دلليل عاد مشات للدار بحكم كان عندها عرس وكان خصها توقف عليه فتجهيزات قبل مايبدا وقبل ماتخلي المراكشية مقابلة الشغل الليلة كلها.
مشات بحالها مقسوم ليها الضهر ويالاه دخلات مع الباب سخفانة باقا متنفساتش خرج ليها غالي من بيت النعاس هاز قميجتو فيدو وكيدير فيها شي شوفات ماشي حتى لهيه وقال
غالي: هادي علاش درتي ليها هاد الحالة؟
سكينة: بتعب) اشمن حالة؟
غالي: بعيون غاضبة) هادي شكون دار ليها هاد الحالة بجافيل ؟؟
دفعاتو ومشات كتجري حيدات جاكيط لاحتها ودخلات للبيت هزات ليه حواجبو من لبلاكار بكمشة وحدة بغضب وهوا تابعها حتى هوا طالغ ليه الدم ، شداتهم بجنون لاكن شدها من للور بالقوة حيدهم ليها قبل ماتلوحهم وبغا يسيطر على الوضع لاكن الموضوع كبر وخرج على السيطرة وهاجت عليه حتى رجع كيشوف سكينة اخرى من غير اللي كيغرف.. بدات كدفع وتجر وتغوت باغا تهز ليه الحوابج وهوا كيشدها وشيئا فشيئا ساء الوضع وبغا يهدن الامور بدا كيهبط ورجع كيحاول يبرد القضية وندم كاع علاش طلع كتر من لقياس حتى خلاها تفقد عقلها مابقاتش كتعقل عليه وبقاو جر فيا نجر فيك وغواتها خارج للشارع فالاخير دفعاتو كترعد عليه ومشات خرجات مع الباب
طلعات كتنهج للسطح معصبة في حين خرج تابعها كلبس جاكيط ونزل كيقلب عليها فالشارع وتيليفون فيدو كيصوني ويعاود وهي فالسطح واقفة كتشوف فيه غادي جاي كيصوني عليها وكتقطع عليه
سكينة: انا غنوريك .. والله تا نوريك
طلات عليه لقاتو مشا مع الشارع كيقلب براسو ويشوف فتيليفون حتى غبر مابقاش كيبان .. جلسات كتنهج غير بواحد بتيشورط نص كم وسخونة بالغضب ماحاساش بالبرد وسروال سورفيت كيهبط فاش كتحلس وضهرها كيتعرا.. بقات شحال حتى رتاحت شوية وناضت طلات عل الاسفل لقاتو جاي ومعاه بناصر ومونية كيزربو ودخلو للعمارة مابقاوش كيبانو .. بقات هاكاك مربعة يديها كتزفر وبدا البرد يقرص فيها وعقلها كيدي ويجيب ماعارفة اش واقع فالدار ، لاكن صدق من قال ان الاولاد عجينة يدين واليديهم .. داكشي نيت اللي كاين بقات جالسة حتى بانت ليها مونية فالسطح كدور كتقلب ولقاتها جالسة حدا الصور بوحدها ومشات عندها
مونية: نوضي نوضي.. نوضي يالله هبطي بحالك
سكينة: خليني دابا نهبط راسي
مونية: نوضي يالاه نعلي الشيطان
سكينة: مشا كيجري عندكم يشكي ليكم
مونية: وانوضي دابا الله يهديك اشمن جا كيجري يشكي لينا راه بسيف ما يجي واش بغيتي حتااا توقع شي موصيبة وينوض باك يقوليه علاش ماقلتيش ليا راه هرجات من الدار؟؟ باش عرفك هوا طلعتي لهنا ولا مشيتي بلا رجعة ؟؟ راه مسؤولية هادي بلعكس خاصو يعلم باك
سكينة: وشنو قاليه؟
مونية: مقاليه وااالو عيط ليه فتيليفون قاليه واش سكينةفالدار وباك قاليه لا وحسسس بيه من هضرتو واقعة شي حاجة .. راكي كتعرفي باك
سكينة: ايوا؟؟؟
مونية: قاليه باك لا ماجاتش !! والعشرة ونص دليل هادي والدنيا كتخوا !! ونتي خارجة من الدار فالليل بغيتي يبقا جالس حتى دخلي على خاطرك!!
سكينة: شرا هي ليا مع بابا
مونية: ماشرا ليك وااالو راه باك ناض هبط عندو ولقيناه نشااا حتى للحانوت مالقاكش وتبعتهم لحقت عليهم …علاش دابا دابزتو ياك لاباس؟؟؟
سكينة: على قميجة تقاست بجافيل قالي نتي درتي ليها جافيل ودرتيها بلعاني باش منلبسهاش وبقا كيضهر عصبني .. انا ماقست ليه لا قميجة لا والو ماقربتش ليه كااع لحوايجو وياااربي نجمع غير حواجي بقا ليا حوايجو حتى هما
مونية: اينا قميجة ؟؟ ياكما شي قميجة من لحوايج لي صبناا؟
سكينة؛ مافهمتش !! مااعرفت اصلا هاد القميجة فين كانت وفوقاش شراها وفوقاش لبسها، هوا كيقوليا مالبسها حتى مرة وانا ماعارفاش حوايجو ماحافضاهمش اصلا.. خسرات ليه لقميجة جا قصدني انا
مونية: دارت يدها على فمها) عنداك سميرة اللي قاستها !! انا ماقستش جافيل صبعي شو كيداير مدبوح من لبارح
سكينة: ماعرفتش واش هي قاستها ولا هوا حطها فوق شي حاجة
مونية: هيييه(دارت يدها على فمها) سكتي سكتي عنداك تقولي هادشي قدام باك الى سمع حس سميرة غيمشي يدير ليها الزردة واخا تكون دايرة ولا مادايراش
حياة ثانية الجزء الخامس
محتوى القصة
وصلات لمكناس اخيرا وغالي كيصوني فتيليفون يتأكد واش كاين شي واحد فالدار وقطع
غالي: كاين غير با وهشام فالدار
سكينة: صافي ماشي مشكل غير يالاه
غالي: قلت ليك مكاين حتى واحد
سكينة: صافي يالاه ههه
بقات كتمنضر فمكناس حتى وقف قدام عمارة عبارة عن ربعة طبقات وكل طبقة فيها دار كبيرة وونزلات كتصرح عينيها فالحي الهادئ وطلعات معاه وهوا هاز الشنطة ديالها وديالو حتى لدار باه ولقا الباب محلول وباه واقف فرحان لابس سورفيت كحلة وماشط شعرو وروايح والبانطوفة تقول السيد عندو الخدم والحشم
سلم غالي باه من الوجه كيضحك وسكينة حشمانة باست ليه يدو وطبطب عليها ورحب بيهم فرحان وناشط ودخلو للدار اللي كانت واسعة ومصلوحة ومتولة ومفرشة وديكورات فكل مكان وعاد واحد البلازما فالحيط بحال التلفازات دالقهاوي تقول فيها مرى متولاها. دخلات حشمانة ومزنكة وجلسات على اقرب فوطوي كان وسط الدار ديال الجلد حتى تم هشام خارج من البيت بالسورفيت زرقا على وجهه الفوح والسرور وحدر راسو حشمان ومد يدو ليها
هشام: سكينة لاباس بيخير كولشي مزيان ؟ مالين دار ؟ الحمد لله على سلامتكم
سكينة: الحمد لله شكرا
السي رشيد: دخل اسكينة مرحبا بيك ماتحشمش
سكينة: بخجل )شكرا
اما غالي مشا تكا على واحد الفوطوي رتاح ونشر يديه ورجليه وتنهد
غالي: عييينا ولاهيلا عيينا ..باق الصدع دالعرس كيطبل فودنيا
هشام: العرس اصاحبي غير الصدع الواحد كيصبح مريض
السي رشيد: بمزحة) فاش تجي نوبتك ماتحضرش خلي رانيا تعمل العرس ديالها على خاطرها
سكينة: هههه
السي رشيد: قالك العرس غير صدع الراس
ضحكات بمجاملة وخجل وهشام كيتعنكر قدامهم وقال
هشام: زعما تبززو عليا العرس!! والله ماتبززوه .. الى مابغيتش نديرو منديروش .. والمرى خصها تشوف الراحة ديالها راجلها حتى هوا ماتكونش انانية
تبسمات سكينة بزز وفخاطرها ماحملاش تشوف فيه وهوا كيستعرض رجولتو وشخصيتو القوية قدامهم .. اما غالي كان متكي ويدو على جبهتو وهشام كيعبر خدا الموضوع بجدية حتى حل غالي عينيه وقال
غالي: جلس اصاحبي جلس غادي جاي درتي ليا الدوخة
جلس هشام وكأنه تهرس وقال كيشوف فيه بالجنب ويضحك ضحكة كأنها كتعالج القمعة اللي دار ليه
هشام: بتي ليا شرفتي اخاي الغالي واطاك الزواج
ماردش عليه غالي وسد عينيه بتعابير مرتاحة حتى خرج باه من المطبخ مكفض يديه وقال
السي رشيد: يالاه اجيو اجيو .. اجي اسكينة اجي تغداي لغدا واجد.. يكونو جعتو فالطريق
هشام: شحااال ديال طريق ساعتاين.. اللي سمع الطريق يقول نص نهار ههه
غالي: ناض) اجي تغداي
ناضت حشمانة وساكتة كدور عينيها في حين دخلها غالي لواحد البيت دنعاس كبير وفيه تلفازة كبيرة ونكوسية كبيرة مفرش فراش جديد .. بدلات فيه ولبسات سورفيت ديالها الكحلة اللي شرات بالقب وخرجات دايرة يديها فجيابها تقول خارجة من ماتش ديال السباحة بداك السفنجة اللي مدور وديك الهيئة..مشات جلسات فالطبلة والشي رشيد وهشام كيحطو بينما غلي كيصلي قدامهم فالزاوية ديال البهو عاد تجمعو كلهم على طاجين ديال الحوت والشلايض والعصائر كيتغداو ويتجمعو على الكورة .
من بعد الغدا وكلشي تجمع وهشام دخل لواحد البيت سد عليه بقا غير غالي جالس حدا سكينة وقال
غالي: غنمشي نشوف الواليدة ونرجع صافي؟ تمشي معايا ولا تبقاي هنا
طاحت الهضرة فودن السي رشيد وهوا كيمسح الطبلة وقال
السي رشيد: فين غتديها ابا ديالي خليها ترتاح راه عيات من الطريق…دخل دخل للبيت رتاح فيه ماعندك فين تمشي
غالي: وجهه ليها لكلام) تبقاي هنا حتى نجي
السي رشيد: تبقا هنا مهنية حسن ليها(حشا ليه الهضرة) فاين غتديها تمرض نتا العروسة تديها عند دوك السامات يدقو ليها فالسم
غالي: نايض) وخليك هنا انا غنمشي شوية ونرجع .. فلعشية نخرجو ضربيدورة تشوفي مكناس
شدات تيليفون وشدات واحد الركنة فالقنت غير هي وباه اللي هوا شيخها ولوسها لي هوا هشام ،، اما غالي خرج فجو بارد شوية ..جو مكناس كيبداه الصيف بحري ويبداو البرد بكري.
كانت وجهتو مباشرة لدار مو ..وطبعا كمجتمع مغريبي كيبغي يحضر للحضات الغير عادية وغالبا كثكبرو المواضيع ويضخمو الامور.
كان كيضن انه غيمشي يشوف مو عادي بحال ديما ..لاكن غير وصل ومع الدخلة لقا العائلة كلها مجموعة جالسين على الطبلة والبرارد داتاي .. لاح السلام عادي وسبق من اللي رضى عليه ومن بعد شلم على العائلة اللي لقا تما وداز عند مو سلم عليها وهي مدورة وجهها ماعطاتو ما خيدات ليه.. سلم عليها من وجهها وجلس جنب جدو بقا كيدي ويجيب معاه فالهضرة وهضرة تدي هضرة والعائلة حتى هنا كلشي كيهضر شي مع شي تى حبدو الهضرة وقالت وحدة من خالاتو اللي جالسة تما زعرة وشعرها كاري ولابسة جلابة دلمليفة دافية
سعيدة: ماجاتش معاك العروسة؟؟ علاش ماجبتيهاش لينا نشوفوها
ضار شاف فيها كيضحك وقال
غالي: كن بغيتو تشوفو لعروسة كن مشيتو للعرس
اسية: بتهكم ) دابا فضلتي بنت الناس على مك اللي ولداتك وتقطعات عليه وسهرات عليك؟؟
ضاو تقاد معاها فالطبلة وقال بجدية
غالي: كيفاش فضلتي بنت الناس واش دابا كتقارني راسك ببنت قد بناتك ونتي زعما مولات العقل .. وا الله يهديك امي الله يهديك نتي مولات العقل.. اشمن مقارنة هادي اش جابها ليك واش جابك ليها؟؟
سعيدة: بلا متحضر يماك درتي العرس تقول ما عندكشي يماك ؟
غالي: هز صبعو) عفاك اخالتي مدخليش فهادشي ماشي شغلك فيه
سعيدة: فدهشة) ويلي على ماشي شغلي؟؟
اسية: شغلها قالك ماشي شغلها
غالي: لا ماشي شغل حتى واحد اللي عندو الحق عليا هوا مي لا غير .. هضرة زايدة ماعندي مندير بيها
سدات سعيدة فمها ورجعات اللور مقموعة حشمانة وجدو كيردد غير لا حولة ولا قوة الا بالله ويهدي السوق. اما اسية تقول كانت كتسناه غير يوصل تغضب وتفش غليلها وحرقتها اللي كتشويها فصدرها ومابغات تبرد ليها . اما خواتاتو بجوج كانو جالسين ورال منال ختو حتى هوا لاكن الكل ساكت الا خوالاتو كلتوم وسعيدة اللي كيهضرو
اسية: خطبتي وعملتي العرس ودرتي اللي عجبك ! اذا مابقيت مك ما بقيتي تعني ليا ( مسخات يديها) سالينا
غالي: الله يهديك نغلي الشيطان ياك نتي مابغيتيش تمشي!! عييت فيك ماخليت كيف درت ليك مابغيتيش حلفتي كااع عليا ماتمشي
كلتوم: ايوا كنتي تجيب معاك مراتك فيدك عند مك واخا مامشاتش معاك للعرس كانت لعروسة تجي وتطلب رضى عكوزتها وتبادر بالخير هي اللي صغيرة وتحتارم اللي كبير عليها.. كيفاش جيتي نتا وياها حتى لمكناس وخليتيها فالدار وجيتي بوحدك فاين هي لعروسة ماتي تشوف عكوزتها هاا؟
غالي: رجع اللور: دابا الى غتهضرو كاملين فالدقة مغنتفاهموش.. واش ويك دالاحترام خليوني نحتارمكم (ناض وقف) مي اجي نهضر معاك
اسية: بكبرياء) عضر معايا هناااا. وسط اهلي وحبابي اللي مقالو غير كلمة دالحق
غالي: في حيرة) شنو دابا فين كاين المشكل؟
اسية: بصبعها) جاوب خالتك كلتوم ماقالت غير الحق
غالي: بحسم) لعروسة مغااتجيش .. ماعندكم ماديرو بيها وماعندها شغل هنا كن بغيتو تبقاو عائلة كنتو تمشيو للعرس .. ماتحطوني فموقف مانحطكم فموقف ماشي انا غادي طويل ومي حية و الناس كيسولوني فين مك وانا مالقيت منقول ليهم ودابا كتسولو على لعروسة .. انا اللي عندكم بيا الغرض هانا قدامكم اما العروسة غير نساوها حتى واش كاااينة على هاد الارض .. المشكل بسبب لعروسة ايوا هاحنا غنديرو ليها المحو
اسية: ايوا طلقها
غالي: علاش غنطلقها؟؟ دابا اشمن شغل عندك بيها علاش هادشي هادا كله؟
اسية: طلقها مارتاحيتش ليها .. وسمعت عليها هضرة خايبة
غالي: هضرة خاوية
اسية: بانفعال) هضرتي انا خاوية؟
غالي: هضرة خاوية اه .. سمعت قالو اا حقا ما نعرف شنو اا حقا مارتاحيتش ليها.. هضرة خاوية مغناقش انا هضرة خاوية ماعندها معنى … شفتو على هاد البنت شي حاجة؟
اسية: الهضرة كااينة متقولش ليا هضر خاوية
غالي: كتعرفيها؟؟ جيدات ليك شي حاجة وراتها ليك؟ كاين شي دليل؟؟ ولا غير لهضرة جابها البرد نبنيو عليها نا كستقبل
راجل منال: دابا غير بشوية مكاين علاش هاد التقليقة.. نتي اخالتي اسية نزلي شوية وهوا ينزل شوية وصفيو الخواطر
اسية: انا ماعندي فين نزل ماطلعتش باش نزل.. حط ليا وجهي فالتراب ومشا خطب وعمل لعرس ورحل من الدار وانا اللي موووو ماقالي وااالو ماشاورني تقول ميييييتاااا(كترعد)
غالي: بانفعال) عيييت فيك تمشي مابغيتيش وماخلا اللي هضر معاك واالو حلفتي ما تمشي والنهار اللخر عيينا فيك بالخاطر ودرنا ليك ليك خاطرك مابززتاش عليك المشية!!! مابغيتي تمشي مابغيتيني نمشي شنو بغيتي؟؟؟ فاللخر مشيت بووحدي بحال اليتيم .. فين مك مابغاتش تجي مع ولدها خلاتو مشا بووحدو وسط الناس برانيين .. وماقلت ليك واالو وماشي على هادشي جيت ولاكن نتي ضاروري تخاسبيني على كل خطوة وبلا منهضرو بزاااف كلشي يدي خبارنا
كلتوم: وعلاش خويتي الدار اللي كتجي ليها مك ورحلتي بلا علمها ؟؟
غالي: وديك بنت الناس فين غتسكن؟؟؟ زايدون ديور لكرا وديك الدار مابقيتش انا مرتاح فيها كنت بااغي نبدلها من للول
كاشي بدا كيهضر وكلشي كيناقش ونفس الجمل كيتكررو ونفس المشكل كيتعاود فالاخير ما وصلو لحتى نتيجة وناض غالي هز يدو خارج وقال
غالي: حتاااا تكوني بوووحدك عاد نهضرو اما دابا مغنتفاهموش وسط هاد السويقة هادي
خرج وركب سيارتو وزاد مع الطريق في حين جالسة سكينة فالصالون وهشام مقابل معاها كيهضرو فهدوء وسلم وسلام وكيناقشو نفس المشكل
هشام: دابا اللي فات فاات منهضروش عليه واي بنت قبل متزوج كتصاحب عاادي .. المهم شنو جاي مور زواج
سكينة: ها نتا دابا قلتيها بفمك يعني اي بنت كتكون حرة ما من حق حتى واحد يحاسبها .. وانا مادرت اصلا حتى غلط ماتزوش بغالي بزز منو هوا طلب مني الزواج
هشام: متافق معاك .. ولاكن كنتي تقدري ترفضي وتخليه مع مو مزيان ماياخدش السخط دمو .. كن دابا كانت شي بنت الناس وبنت الاصل بييير غتقوليه لا اخويا حتى تجي مك وبلا رضى دمك منقدرش نتزوج بيك.. ماتبغيش دير عرس بلا ام راجلها وبلا عائلة مو والنص يحضر ليها غير بزز وبلا خاطر.. انا نقوليك الصراحة راك بحال ختي.. ختي كن جا شي واحد يخطبها بهاد الوضع منقبلش ليها ومنرضاهاش ليها
سكينة: الصمت
هشام: ماشي كنحاسبك .. حنا غير كنتناقشو .. بحال الى كيهضر معاك خو .. احم واخا هادي منهضروش عليها.. علاش دابا مامشيتيش معاه عند مو؟
سكينة: ماشي انا انا ماقلت والو بابا رشيد اللي مابغاش
هشام: لا سمحي ليا سكينة راك كنتي قالدرك تقولي ليه نمشي وتصلحي الامور وتمشي عند مو وماتخليش عاد الحساسية طول.. رضى عكوزتك على ولدها راه بحال رضى راجلك عليك .. بلعكس خاصك تصلحي بينو وبين مو وتقوليه لا نمشي معاك ونصالحوها بأي وجه كان .. واخا تكون مو ماعرفت كي دايرة .. نتي خاصك تصغري راسك وتكوني بنت الناس وبنت الاصل
قاطع حوارهم السي رشيد اللي دخل مع باب الدار فيدو كارطونة واطعمة دكاسكروط ومع الدخلة تبسم وكان ناشط راشقة ليه.. اما هشام ناض وقال
هشام: فحر فشنو قلت ليك .
تبسمات بأدب وناضت عند السي رشيد للمطبخ شافتو كيعمر اتاي وقالت
سكينة: نعاونك ؟
السي رشيد: لالا سيري ترتاحي ماتعاوني فحتى حاجة
سكينة: كضحك) لالا غير ارا نعاونك ..نستف ليك هادشي
هزات واحد الطبسيل بدات كتستف فيه وهوا كيعمر اتاي ويقاد الكيسان وحطو الطبلة دكاسكروط كتشهي بالبسطيلات صغار دلحوت والفرماج والدجاج واللوز وحلويات سواغي ملونة صغيرة وباناديجات معمرين بالطون والدجاج والمملحات فطباسل والحرشك والسمن وجلسو قدام الطبلة غير بجوج
السي رشيد: جبد تيليفون) نعيطو لغالي نشوفو فين وصل .. كن جات عليا مايزطمش عند العقروشة
سكينة: هههه علاش؟
السي رسيد: كيصفر ويدور راسو) فيييييفووو.. انا اللي كنعرفهاااا .. واحد الللللفعة.. واحد اللففففففعة مقطرة.. عرفتي شنو هي مقطرة.. مترحمش عزيز عليها راسها والباقي غير يموت(رد فالخط) الو غالي؟؟ وصلتي؟؟ قريب؟ يالاه حنا كنتسناوك (شاف فسكينة) يالله عتقول بسم الله حنا كنتسناوم على الطبلة.. يالاه الله يرضي عليك(قطع) قالي قولها تلبس تهبط عندي هه(جمع تيليفون بحماس) انا راجع
ناض بالزربة مشا للبيت وهي جالسة حتى رجع هاز فيدو جوج البومات كبار وجلس حداها فرحان فتح الالبوم اللول كيوريها التصاور ويعاود ليها القصة ديالو كل صورة .. كانو معضم تصاورو غير هوا و اولادو من الصغر.. تعرفات على حياتهم فالماضي والعز اللي كانو عايشين فيه وشحال من دار سكنو فيها من الديور الرفيعة واللباس المتول اللي كانو كيلبسو والالعاب اللي كانو عندهم وبيت النعاس اللي مزال حديث الساعة فعصرنا هادا وكان فداك الوقت كيديرو غير شكون وشكون ،، اشمن سفاريات وتباحر وبيسينات واوتيلات فخمة وسيارات فاخرة ونضاضر وملابس كلاسيكية .. صورة تنسيها فصورة حتى بقات مصدومة مامتيقاش انهم عاشو واحد الحياة اللي مكانتش قادرة حتى تتخيلها او تقول راه كاين ناس عايشين حياة اخرى واللي فعصرنا الحالي عاد قدرو بعض الطببقات يوصلو ليها وكيتباها بيها من لفوق.. مع العلم انه داكشي عاشوه ناس فالطفولة واصبح من الماضي اللي هوا حاليا حاضر بعض الناس.
بقا كيوريها ويعاود ليها حتى دخل غالي كيسوط مع السد دالباب قال مزير
غالي: ندمت اللي مشيت اصاحبي.. شداني كاع نمشي بناقص من شي مشية كااع
السي رشيد: هز راسو بجدية) مالك شنو وقع تما؟؟؟
غالي: لقيت الطاسيلة مجموعة تما ها صعيدة ها واجلهاها راجل منال ها سليمان ها سمير..كوولهم نفخو ليا راسي (جبد تيليفون) غنعيط لسمير نسمعو واحد جوج كلمات حيت ماجاوبتوش تما وعاااد تفكرت
السي رشيد: لالا متعيط لو ماتهضر معاه . هاداك فمو خاسر غيخصر معاك الهضرة انا غنعيط لو (ناضجقد تيليفون على عجلة)
غالي: تفووو .. الارهاق اصاحبي.. ماعرفتش واش مشيت عند مي ولا عند … كلتوم حتى هي جالسة وتتحاسب زعم ال دفاع الوطني
السي رشيد: (غلى عجلة) جلس جلس ..جلس تاكل ماحدو سخون انا جاي
خرج لبرا كيهضر فتيليفون وبدا كلتوم مع الو مع ..
السي رشيد: حتى نتي تحل ليك الفن البايرك رجعتي كتهضر و كتحاسب الولاد ماشي ولادك؟؟ هاا؟ هضر ا البايرة ماداها فيك ختى واحد حتى شرفتي .. ختك مطلقة ونتي بايرة .. يا ريا وسكينة .. كتهضر زعما عندك الحق .. كن كنتي مرى كوراك بالداار ديالك وولادك كتحكم فيهم وبالعز ديالك اا الشارفة.. وهادي قرصة اذن باش تعلم تسد فمك وتجمعو عندك المرة الماجيك نجي نشعل ف أ صال د يماك العافية ..واسير دابا تلعب
قطع عليها كيسوط وينفخ وعيط لسمير مغدد بقا كيصوني ويعاود لاكن بدون رد وطبع بحالو لقاهم مجموعين كلهم على الطبلة كيهضرو وغالي كيعاود على شنو طرا فالدار لهشام وهشام كيتنهد ويعاود ماقادر يقرل حتى كلمة وغير كيسايس
السي رشيد: عرررقت لجد باباها البايرة الشارفة بلحق سمير مكيجاوبشي كن جاوب كن عرررقت ليه حتى جرو ديماه تابعها وكينبح المفلس لاخر
غالي: مصدوم) عيطتي لخالتي كلتوم ؟
السي رشيد: ومالها منعيط ليها كتصلي على هيضورك السبع؟؟
غالي: لااا لا والا. علااش اصاحبي علاش؟
السي رشيد: عبرت على يماها .
غالي: شد راسو) مشاكيييل
هشام: بسياسة ) علاش عيطتي ليها اصاحبي حشومة ولاهيلا
عيب
السي رسيد: سكينة كول بيوات هادو باللوز دوق دوق.. غزلاااان متشبعشي منهم
سكينة: كتشوف فيهم) اه اه دقتها زوينة .. كتكهم شوية حلوة
السي رشيد: هادا اللوز حقيقي.. هاك بسيطلات كولهم
من بعد كاسكروط جمعات الطبلة مع ااسي رشيد وبدات هي وياه كل واحد منين كيجر فالماعن
سكينة: والله حتى نغسلهم والله ماتغسلهم
السي رشيد: وا تولللفت انا غير سيري رتاحي انا ولفت ماشي شي حاااجة .. بارد عليك الماء
سكينة: لالا انا نغسلهم ماباردش والله ماتغسلهم
سي رسيد: ويالاه انا نستف لي غسلتيه عطيه لي نستفو
وقفات قدام لافابو كتغسل وتمد ليه وهوا كيعاود ليها بشوية
السي رشيد: قبيلة عيطت لخالتو.. واحد البايرة بقات بلا زواج تراسا كتشقا على يماهم اسية تما .. سديت ليماها الفم وكنت غنعيط ليماهم حتى هي
سكينة: غلباتها الضحكة) بلاش من الصدع. من الاحسن
السي رشيد: خرج عينيه) عندااااك يزغبك الشيطان وتقول نمشي عند لعكوزة نشوفها ولا نطل عليها ،، الااا مشيتي حتى صالحتيها عرف الزواج ديالك مشااا
سكينة: وعلاااش؟؟
السي رشيد: ماتسواش.. كن كان فيها الخير ماتشريش الدار بتخبية وتكريها حتى واحد ماجايب ليها الخبار.. هي دابا كتقول حتى واحد معارف وانا عاااارف والسيد عيط لي قالي فلانة شرات الدار ها فين فين مع معرووووفة كلشي كيعرفها كنت عامل ليها العززز وهي طغااات تكبرات على النعمة ، شحااال تبعاتني بالسحور والحجابات فاش طلقتها بغات تمووت وكتقول ليهم غنخليه ميكساب ما يعلام كما طلقني غنخليه على الضسسس،،،،مسخوطة لواليدين
كان عندها فضول تزيد تعرف اكثر شنو جامع السي رشيد لاكن دخل غالي على غلفة لابس سبرديلتو وجاكيطتو الزرقاء وقال كيشوف فيها وفلباسها
غالي: ما زال مالبسيتش حوايجك؟
السي رشيد: حيد ليها الكاس من يدها) سيري لبسي حوايجك باش تخرجي انا نكمل هادشي مابقا والو
مسحات يديها ومشات نيشان للبيت حلات باليزتها الصغيرة جبدات سرفيتة الثانية اللي شرات فالدهاز لبساتها ودفارات شعرها دفرة مرخوفة للجنب وحلقات على وجهها بشوية دلماكياج والريحة ونزلات كطير لحقات على غالي لقاتو جالس فالطموبيل كيتسناها وطلعات حداه ومشات كتفرج فالمدينة من النافدة وتتمنضر والدنيا خاوية لا سير يسير ولا طير يطير
سكينة: عندكم البرررد هنا
غالي: شي ماااشفيته .. بلاتي يدخلو ليالي وتفرجي فالبرد ديال بصح
سكينة: شافت فيه فدهشة) بصح ؟؟ كيكون البرد؟؟
غالي: تريبل ديال البرد اللي كيكون فالرباط
سكينة: عليها الدنيا خاوية عندكم هنا مابان ليا حتى واحد كيدور
غالي: ماعندهم فين يدورو طالعة ليهم المدينة فالراس،، لي عندو شي غرض راه كيمشي ليه نيشان
سكينة: وحنا فين غنمشيو دابا ؟
غالي: غنديك ضربي دورة .. تشوفي المتحف وداكشي الثراتي والموسيقي .. و نديك للهديم تشوفي الدنيا تما ومن بعد نشوفو فين نمشيو عاوتاني
دوزها على الحي القديم فين كان ساكن وبدا كيوريها ممن الطموبيل وهوا دايز
غاليي: هاادا هوا الحي اللي كنا ساكنين فيه … هادا الجامع كنت كنصلي فيه صغيير… وهادي المدرسة اللي قريت فيها الابتدائي
بقات كطل وتتمنضر وهوا غادي بيها كيوريها المعهد اللي قرا فيه والاعدادي والليسي حتى وصلها للمدينة ونزلات كتسرح عينيها عاد بانو ليها الناس والرواج ودخلات شادة فيه لساحة لهديم وهوا خاشي يديه فجيابو كيوريها
سكينة: هاد البلاصة بحال جامع لفنا. زوينة صورني
وقفات وسط الساحة ورجع اللور كيصورها وهي غادية وهوا كيصور فيها فالاخير ختموها ببراد داتاي فإحدى المقاهي التقليدية وحديثهم غير على المدينة ..عطاها درس فديك العشية وهضرة كتجر هضرة ماحسوش بالوقت حتى وصلات تسعود والدنيا خوات رجعات كتسفر عاد ناضو رجعو للدار لقاو السي رشيد متكي شاد تيليفون والكوكوت كتسفر
السي رشيد: عجباتك مكناس اسكينة؟
سكينة: زوينة صغيرة
السي رشيد: شرا ليك شي حاجة ولا والو
شافت فغالي كضحك بقات ساكتة ومشات جلسات بحال الضيفة حتى ناض السي رشيد طحن الشربة اللي كانت كدور فالكوكوت وفرق عليهم زلايف ودخل لهشام زلافتو للبيت وكل واحد تعشا فسلم وسلام مع الحوار على الكورة ومن بعد تفروقو كل واحد فين دخل ينعس
مكان عندها لا بيجامة لا والو من غير شورفيتات اللي دات معاها فقط واللي دخلات بيها للفراش بغات تنعس. لاكن غير حطات راسها على لمخدة وتسدات عليهم الباب وبدا غالي كيدور بيها كحلات بلعمى و ضاق عليها الحال ولقات راسها فورطة
سكينة: بخفوت كتكحز للطرف) لا لا لا لا عفاك … لالا
غالي: بخفوت) اجي ك غير نقوليك
سكينة: متقولي منقوليك (بنفور) ماتقربش ليااا خليني مرتاحة ماتعصبنيش
غالي: وعلاش غنعصبك ؟؟ انا جاي دابا نعصبك؟
سكينة: باااك باااك ناعس برا غيسمعنا ماحشمتيش منو
غالي: دابا فيين كتحكزي ؟؟ اجي هنا ونهضرو الهضرة كتسمع على برا
سكينة: ناضت وقفات) لا مكاينش داكشي واخا تموت
غالي: تكا) اجي دابا تنعسي غير كنضحك معاك يالاه اجي تنعسي
لاحت المخدة بلاصتها ومشات تكات وتغطات ولاكن تقلب عليها كيضحك حتى خرجو عينيها وبدات كتفتف وتردد بخفوت
سكينة: لااء ماشي هنا ختى نمشيو بحالنا
غالي: بحال بحال
سكينة: بدات كتعصب) قلت ليك ماشي هنا انا بديت كنسخن غتعصبني
غالي: وعلاش ماشي هنا ؟
سكينة: لا مامرتاحاش وغيسمعونا وغنصبخ مكرفسة ومدوشة فهاد البرد مالي على هاد العداب والشوهة
غالي: علاش شوهة راحنا مزوجين !
سكينة: بتعب) مافياش والله مافيا راه المرض مكنحس بواالو غير الفقصة والمرض تفوووو(نصلات سروالها بعصبية) يخخخخخ (هزات صبعها) بشويييية… عرفتي وتقصحني والله لا عاودتي شمتيه سمعتي
بلا رضى وبلا خاطر تكات وبدا المعاشرة تحت التهديد وتخراج لعينين
سكينة: قلت ليك بشوية
غالي: شووو.. وا با كيسمع توشويش.. قرصني الى قصحتك ومتهضريش
سكينة: غنغوت حتى يسمعونا من لمدينة هانا علمتك .. والله ودير شي حركة تا نشوهك انا دايرة ليك خاطرك باش نعس مافيا اللي يتصادع معاك
غالي: ماشي بخاطرك؟ انا باغي بخاطرك
سكينة: واسربي دابا من لخرا دوالو عاد باغي تناقش معايا .. سربي راه كنتقصح
غالي: عضي هنا
جر كم لافيست حطو ليها فمها تعض فيه ونتراتو بغيض
سكينة: مالي كلبة !! من نيتك
غالي: واشتييي!! انا قلت ليك نتي ااا!!
سكينة: واسربي دغيا بلا متبقا تبنن عليا
سكت وبدا كيتفتف خاصي معاها لا تقصح وكمل داك الماتش بلا خاطر وتحت التهديد وناض ماعاجبوش احال
غالي: زربتي عليا.. مانعاس ما والو هادا
تقلبات من بعد ماطلعات حوايجها وقالت كتهز كتفها
سكينة: ماعندي مندير ليك انا اصلا مجروحة صابرة ليك ومزال كتشرط
طلعات للغطا خلاتو وراها ساكت حتى حسات بيه عنقها من لور وهمس فودنها
غالي: ماشي هادشي اللي جابني عندك انا باغي نحس بيك
سكينة: ساد عينيها) حس بيا وانا مافيا لا ديدي لا حب ملوك ماشي نتحاسو وانا متقوبة ليا لعين كنوزوز
غالي: هههههه صافي الله يسامح
سكينة: هزات كتفها) يالاه هرني فيدي
رخات يدها وطل ليها الكم بدا كيهر باطراف اصابعو ويديهم ويجيبهم حتى نعسو
صبح مع الفجر والكل ناعس كيدوش ورجع فيقها بخفوت ونوضها قبل مينوض شي واحد . دخلات للدوش تالفة ودايخة كتقفقف بالبرد وبدات كدوش وحصلات فالشعر خدا ليها الوقت والنعاس قاتلها والعكز كرهات حياتها فداك التدويشة وماخرجات من الدوش حتى غفر ليها الله دنوب . مشات للبيت كترعد لاوية الفوط على راسها لقاتو يالاه جمع السجادة وقالت
سكينة: العداب .. على دقيقة دالمتعة عشت ساعة ونص دالجحيم
غالي: وصافي ماتزيديش فيه
سكينة: نتا خالك ساااهل غدخل تت رشاشة دوش وتخرج انا لي خاصني نبقا نسرح فشعري ونمشط ونعصر
دخلات بلاصتها بديك الفوطة رجعات نعسات بينما خرج غالي فالصباح مشا جاب الكومير سخون والفطور سخون وكلشي باقي يالاه خرج من لفران ودخل للكوزينة كيعمر اتاي
حط غالي لفطور ووجد كولشي على الطبلة وفاق موراه باه توضى وصلى ومشا جلس يفطر وتبعو هشام كذلك وتجمعو على الطبلة بثلاتة كيفطرو ويتجمعو
السي رشيد: عرضت على لعائلة يجيو عندنا للغدا هاد النهار
غالي: واايلي؟ عاد كتقولها دابا؟
السي رشيد: وشنو فيها؟؟ هما غيجيو يطيبو لغدا
هشام: عارض عليهم اصاحبي يتغداو ولا يطيبوه؟ (شاف فغالي) عمرني شفت هادي فحياتي
السي رشيد: كيدهن المسمن) مالهم برانيين .. شكون يطيبو ليهم ؟ هما لي عيالات يجيو يتعاونو
هشام: لا اصاحبي ماشي خدمة هادي.. نتعاونو عليه وصافي .. ها سكينة غتكون كتعرف طيب
غالي: سكينة طيب لغدا؟؟؟
هشام: وشنو ؟! كن كانت رانيا كن قلت ليها طيب لغدا هي لعروسة حشومة يجيو يطيبو ليها هما
غالي: كيضحك ويشوف فباه) قالك سكينة طيب لغدا ههههه
سي رشيد: البنت عاد جات عندنا نهربوها عمرها باقا تعاود ترجع .. خليهم يجيو يطيبوه وخليها تنعس حتاا تفيق علاا خاااطرها هي دابا باقا عروسة
هشام: من اللول اصاحبي ماتعرضش… انا بعدا كن كانت مرتي هي طيب لغدا وتقوم بالواجبات ديال مرى ديال الدار
غالي: بمزحة) حتااا تزوج اخاي هشام وجيبها دير بيها لي بغيتي هههه
هشام: زعما سكينة متقدرش توجد لغدا للضياف؟؟ كن جاو عندها لدارها ماتوجدوش؟
غالي: وا قلت ليييك.. حتااااا تزوج وجيب لمرى دير بيها اللي بغيتي(مسح يديه كيضحك) واش خاصني نتسخر ابا ؟؟
السي رشيد: لا ماتجيب وااالو.. كولشي غنجيبو .. انا عارف منين نتا متعرفش منين تسخر
مسح السي رشيد يديه وناض من الطبلة وكذلك هشام فطر وناض دخل لواحد البيت.. اما سكينة ضرباتها الفيقة من وقت طوييل وكان الباب مايل وكانت متكية وكتسمع كولشي حتى دخل عليها غالي لقاها فايقة وقال
غالي: فقتي؟؟ ايوا على سلامتك…نوضي نوضي راه جيانك الضياف يالاه توجدي الغدا فالوقت
سكينة: شكون جاي؟
غالي: با عارض على العائلة ديالو اللي كانت معانا فالعرس
سكينة: وشنو غطيبو ليهم؟
غالي: ماعرفتش قالك باك غيمشي يتسخر ماعرفتش شنو غيجيب … ويالاه بيني ليهم باش يقولو مرت غالي حادكة
سكينة: بعد النضر اليه طوييلا) يالاه شري ليا بيجامة نلبسها قدامهم ونصايب شعري .. منخرج بيه هاكا
غالي: دابا نتي تزوجتي صافي اشمن شعر واشمن بيجامة .. نوضي بيني ليهم لحداكة
سكينة: واخا
ناضت ملوية شعرها ولابسة سورفيت ديالها لقات لفطور واجد وحتى واحد ماميدور تما .. مشات جلسات فطرات على خاطرها حتى قاليها راسها نوضي وناضت جمعات ديك الطبلة ودوزات على لماعن بزربة وضارت لقات غالي كيلبس سبرديلتو
غالي: يالاه تصايبي شعرك دغيا
مشات كتجري لبسات سبرديلتها وخرجات هي وياه دوزها للصالون تنشف شعرها وهوا جلس كيهضر فتيليفون مع باه حتى خرجات وسمعاتو كيقول
غالي: با .. فين كيتباعو لحوايج داعيالات ..سكينة خصها شي بيجامة؟…. اه عرفتها …صافي يالاه ..
قطع وضار شاف فيها طالقة شعرها
غالي: جمعي شعرك غتخليه مطلوق؟
سكينة: ومالو؟؟
غالي: راحنا غاديين غير نتقداو ونرجعو
سكينة: ماعنديش باش نجمعو نسيت المقبط
غالي: لويه فشي حاجة حتى نشوفو ليه مقبط
دارت القب على راسها ونزلات كدور وتقلب
رجعات للدار هازة بلاستيكة ويالاه وصلات للباب سمعات الصوت لداخل ديال الغاشي رجال وعيالات ودخلات هي وغالي لقاو الدنيا مطرطقة والناس جالسين والعيالات فلكوزينة بجلالبهم كيطيبو .. بدات السلام حشمانة كتسلم وكعروسة جديدة كلشي كيطلع فيها ويفليها عن قرب حتى سلمات عليهم كاملين ومشات للبيت جبدات ديك لبيجامة بالبانطوفة ديالها لي شرات واللي كانت عبارة عن سروال بالبينوار ديالو قصير دافيين والشعر دفراتو ومشات جلسات فواحد القنت حدا مرت عمو اللي بدات معاها الحديث كيتجمعو ويهضرو ويكسرو الخجل بيناتهم
العشية كلها وهي حشمانة منهم وهما كل مرة تجلس حداها وحدة تجمع معاها ويديرو الصواب حتى تحط لغدا وتجمع الكل على الطبالي وتغداو وموراها دوزو بكاس داتاي ومن من بعد نوضهم رشيد بزز منهم جمعو لكوزينة عاد بداو يتفرقو شي مور مور شي ويمشيو .. تما تعرفات سكينة عليهم كلهم وعل بناتهم وخدات عليهم صورة ولاحضات انهم بعاد على لعيب ومافيهمش حشيان الهضرة وحتى الى ماعجباتهمش شي حاجة ماكيضربوش فالوجه .. كيضحكو عادي بحال كاع الناس وماحسسوهاش انها برانية بل بغاو يتعرفو عليها برغبة منهم ويربطو علاقة عائلية وداكشي اللي كاين.. دازت عشية زوينة ولغد ليه الصباح صبو شادين الطريق راجعين بحالهم للدار . دوزها غالي لدارهم قبل متنزل فدارها وطلعات كتجري لدارهم لقات لعائلة مزالين عندهم فالدار جالسين وبدات تسلم وكلشي ناض واللي كان ناعس ناض جلس وكلشي باغي يشوف وباغي يعرف. اما مونية كانت متشوقة تعرف التفاصيل المملة وزيد عليها حتى رانيا دخلات بيناتهم باغا تعرف الكبيرة والصغيرة وواقفة كطلع وتهبط بميوعة وابتسامة فسكينة اللي جالسة كتعاود ليهم على الاحداث حتى تكلمات رانية بسخرية وقالت
رانيا: وراني عاااارفة كولشي ..(كتشالي بيدها) ماهزيتي حتى كاس معاهم وصبحتي ناعسة حتى لطناش ومشيتي صايبتي شعرك هههه
سكينة: هزات حاجبها) عندك شي مشكل؟؟
مونية: واش بصح صبحتي ناعسة حتى لطناش
الجدة : فالباب ويدها على جنبها) هيييه!!! صبحتي ناعسة حتى لطناش؟؟!!! مانضتيش توجدي ليهم لفطور؟؟
سميرة: وشنو لبستي بعدا؟؟
سكينة: شرا ليا بيجامة لبستها
سميرة: شدات وجهها ) هييييه!!!! ويلي ويلي ويلي ويلي على بيجامة بين مكناسة (سدات عينيها) ويلي ويلي ويلي
سكينة: شنو فيها؟؟!!!
مونية: زيدي زيدي كملي ايوا (كضحك)
سكينة: صافي هادشي لي كاين
الجدة: وعلاش مامشيتيش معاه عند مو ؟؟؟ اينااا دلفضيحت!!! مشا بووحدو الراجل عند مو!!!
سكينة: هزات كتفها بنفور) ماشي شغلي انا اش دخلني
سميرة: اوييلي على ماشي شغلك اسكينة راه عكوووزتك بغيتي ولا كرهتي
رانيا: باحتقار) شنو قضيتي دابا فاش مامشيتيش عندها ؟؟ تزاد فيك شي حاجة!! المرى كبيرة اصلا بغيتيها هي تجي عندك !!
سكينة: فاش تزوجي نتي بهشام ديالك سيري بوسي ليها رجليها بلاصتي وطلبي منها السماحة وركعي عند رجليها راه كتسناك غير فوقاش تزوجي.. اما داك هشام طلع ماشي راجل.. حتى كنت غنتيق هضرتو .. بقا عليا بالموعضة حتى تيقتو فاللخر صدق واااحد المحررررش ،، جالسين كيفطرو وجالس كيحررررش فيهم عليا زعما باغي يبين ليهم باللي انا ماصالحاااا لوااالو غير خطية وتزرفو فيا
رانيا: وراكي خطية ههه كدبنا عليك! نتي ناعسة ومالين الدار كيفطرو خلاو ليك الطبلة محطوطة حتى نضتي على خاطرك وماقدرتي حتى تجلسي فالدار تستقبلي الضياف ويجيو يلقاوك فالدار
الجدة: ايناااا دلفضيييحت .. حشمتي باك ومك يقولو مارباو فيها والو
سكينة: يربيوني نفيق قبل ناس نوجد لفطور ماعارفة لا كيسان لا ماعن !! لا شنو نحط لا شنو ندير!!! ندخل لكوزينة ماشي ديالي نخربق فيها !!! دخول الصحة
رانيا: هشام كان كيقول عليك هاكاك باش يفتااخر بيك قدام العائلة ..بغاك تنوضي وتقدي بيهم باش يفتاخر بيك يت عارفينك ختي ونتي هي وجهي انا دابا هادشي علاش قال ليهم تصبر زعما وتنوض هي تقوم بالضياف بووحدها ويجيو يلقاو كولشي وااجد.. يقولو تبارك الله على لعروسة ورانيا حتى هي باينة غتكون بحالها .. بغا يفتااخر بيك ويقوليهم انا وخويا تزوجنا احسن بنات ..ساعا نتي غير شوهتي راسك وشوهتينا معاك
سكينة: فاش تمشي نتي ديري هادشي وتبتي ليهم لعكس باش يقولو حسن من ختها .. هنا غتباني كتااااار حيت كن درت هادشي وجيتي نتي غتباني عادية داكشي علاش خليت ليك كولشي باش تفاجإيهم.. حتى نتي فاش تمشي غيديرو ليك ما كتر ..حيت نتي غتستقبلي ضيوف عند باه وعند مو بجوج غير تريني من دابا
كانت ناوية تزيد تجلس معاهم اكثر لاكن مللي بداو كيعيبو فيها ويتصدمو من تصرفاتها اللي كانت كتجيها عادية ناضت وخلاتهم ورجعات بحالها للدار ، دقات حتى عيات مالقات ختى واحد ونزلات مشات للمحل لقاتو خاوي والناس كيسولو فيها باغيين يدفعو عندها لعرس ، بدات تعيط ليهم واحد واحد وتقاد معاهم موعد وبدات الخدمة ديالها كما كانت واللي جات من لكليان كتبدا عليها فاش خدام راجلك ؟ منين هوا ؟ شكيدير؟ مابغيتيش تولدي؟ مكتفكريش فالاولاد.
وسكينة كتشوف وتستعجب فالناس والاسئلة ديالهم اللي مالها تى فائد فحياتهم.
بقات جالسة ملهية مع المراكشية كيضحكو ويتعاودو على لعرس حتى ضربات تمنية وصونا عليها غالي
غالي: فين؟ غتجي؟
سكينة: انا فالمحل فينك نتا راني جيت مالقيتكش
غالي: كنت فالمارشي تقديت شي لعيبات وصافي للدار
سكينة: صافي قطع انا جايا
ناضت جمعات النوضة وعاد حسات براسها عندها الكانة وغترجع للدار مرتاحة وتبدا الحياة الجديدة وتشوف كي دايرة وهي كلها حماس . شيرات للمراكشية كضحك بيدها هارجة وقالت
سكينة: انا ختي مشيت فحالييي لدااريييي هههه انا متزوجة اذا انا حقييرة هههه
مراكشية: غير سيري دابا يطلع ليك فالراس
سكينة: اختي غير مانسمع لا نكير لا زمر نبقا نمشي للدار مع الستة انا كاع
خرجات من الحانوت وماهي غير جوج خلفات وكانت فالدار .. دخلات كتفرنس وتسرح عينيها لقاتو مجبد فوق الفوطوي كيتفرج فملل وغير دخلات ناض جاه الحماس فالحركة وقال
غالي: ماعرفتش علاش فاش جيتي عاد جاني نوض ندير شحال من حاجة بلا عكز … كنت شوية غنعس
سكينة: انا فيا الحماس نستف حوايجي ونضرب دورة فالدار
لقات الراحة وماصدقاتش انها غتبات تما ومتبقاش تمشي عند بناصر ،، واللي طل على إحساسها فديك اللحضة يقول كانت فالحبس ثلاتة وعشرين عام وعليها قوانين واعمال شاقة .لاكن مع الاسف غير دخلات لبيت النعاس بغات تستف حوايجها مالقاتش البلاكار ولقات حتى غالي مزال حاط حوايجو فالباليزات وخرجات عندو للكوزينة وهوا كيعمر اتاي
سكينة: اويلي مكاينش الماريو!!
غالي: بعفوية) لا مكاينش!!
سكينة: علاش ماجبتيهش!!!
غالي: مكانش عندي انا البلاكار !! هاداك اللي كان فالدار لاخرى مصاوب فالحيط .. انا شريت غير الناموسية
سكينة: اويييلي على غير النموسية!! وفين غنخطو حوايجنا!!
غالي: بهدوء كيحط نعناع ف اتاي) غيير بلاتي .. بلاتي وغنشوفو شي وقيتة ونمشيو نشوفو شي بيت النعاس زوين وناخدوه ..شوي بشوية
سكينة: ااه .. صافي
مشات رجعات للبيت تطل على حوايجها اللي توحشات تشوفهم وتشم ريحتهم وتعيش الشعادة شوية وربعات رجليها فالارض بالسروال دسورفيت وديباردور من لفوق كطوي وتعاود وتهز قدامها وتشوف بسعادة وقالت مع راسها
خاصني مازااال نزيد نشري من داك السيت اللي وراني.. هادشي كي وااالو
طواتهم وقاداتهم وناضت حيدات حوايجها لبسات واحد سوميج من دوك سوميجات بيضا بالبانطوفة ووقفات كتقاد شعرها قدام المرايا وتزوق بالبانضات على راسها فالابيضحتى سمعاتو عيط ليها تشرب اتاي ومشات فرحانة خرجات عندو صدماتو حتى بقا واقف فبلاصتو والكاس فيدو كيطلع ويهبط فيها
غالي: هااييي هاااي هااي هاييي
سكينة: هههههه(قلبات وجهها ) غنحشم الخرااااا ههههخخخ
غالي: اجي اجي اجي ههههه دور نشوف
سكينة: كدور ) كضحكنيي
شدها دورها كيشوف فيها وهي كضحك حتى رجعات حمرا من رد فعله .. كانت بيخير وعلى خير عاجبها الحال كتوريه حتى فجأة شدها يالاه غيبدا يخربق فيها بالراقفية وهي ترون ديك اللبسة معصبة
سكينة: هااا اللي مكنحمللللش ها نتا غتعصصببني يخخ شدااني كااع
رجات لور شادة الباندة اللي كانت فشعرها فيدها والكتف طايح وكتهزو بنرفزة وفردة فرجلها فردة حداها وغالي كيشوف فيها مصدوم حال يديه وكيضحك
غالي: هههه مالكي؟؟
سكينة: متقوليييش هاااه(دارت ليه صبع بيدها فدوارة خاوية ) مكااينش ..خليني نلبس ونجلس فراااحتي ماديرش ليا العذاب
غالي: وصافي صافي غير اجي.. يالاه اجي انا اصلا بغيت غير نبوسك
سكينة: لا نتا غتهبط لبلاصة اخرى انا عااارفاك .. تقول مع راسك مزوقة ليا باغا ننننن ستكستك
غالي: ههههه نيتك خااايبة
سكينة: ماباااغا وااالو .. لابسة هاكا حيت كيعجبني مريييح
غالي: غيفرع مك غير البرد
سكينة: ايوا شري لي شوفاج نسخن ههه
غالي: اجيونشري ليك شوفاج (مع غميزة وجلس نشر رجليه)
سكينة: لا واخا تمووت
غالي: وعلاش غنشري الشوفاج الى مكناش غنتعراو بجوووج اش غيزيدنا
سكينة: غيسخني انا فالدار هه
غالي: وانا شكون يسخني والشتا وجايا؟؟ واجي ونشري لوك جوج واحد حطيه فالبيت واحد يبقا تابعك فالدار هه
هادا العشا اللول ليهم فدارهم من بعد الزواج .. فالحقيقة راحة نفسية وهدوء وسعادة لقاوها هما بجوج .. حتى الاستقرار لقاوه ووكأنهم لقاو نقطة الانطلاقة والساس اللي يمشيو عليه.
واخا مشكل النوم والمعاشرة كان اسوء ما فدبك العلاقة بالنسبة لسكينة لاكن من غير هاد المشكل فهي لقات الراحة التامة والطمئنينة والسكات واللي بغاتها كديرها..لدرجة بقات فايقة كتلعب فتيليفون حتى للربعة دصباح متخبية و خايفة يفيق يغوت عليها ولا يقول ليها شي كلمة دخلها فعضامها لاكن واخا فاق وتقلب لقاها مزالة شادة تيليفون حداه مقال والو ولاح يدو عليها ورجع نعس.
فأول فصباح ليه للخدمة فاق بكري بحال العادة ماحساتش بيه وكانت غارقة فالنعاس والبانضة على عينيها مرسومين عليها عيون ناعسة .. غارقة وسط المخاد وشعرها مشتت فكل مكان . غطاها قبل ميخرج للخدمة وهوا لابس ملابسه الرسمية بحال العادة وريحتو سابقاه وباسها فخدها لي جيهتو ومشا بحالو للخدمة .. حسات بالبوسة لاكن النعاس كان غالب عليها وبقات ناعسة حتى للوحدة..حتى فاقت على خاطرها وناضت دايخة لقات راسها بوحدها فالدار.. كانت خاسرة والمورال نازل لاكن غير لقات راسها فدار من غير دارهم ومامعاها تى واحد مباشرة طلع ليها المورال وتوكضات وفرحات وجاها الحماس والنشاط وطلقات البشرة كأنها شربات شي جرعة من هرمون السعادة.. يا سلااام .. دار جديدة !! فراش جديد.. ريحة جديدة!! ما اروع التجديدوالاكتشاف
بدات بالكوزينة والشهية محلولة لقاتو مخلي ليها لحليب فالكاس والقهوى حداه وبتييان والخبز والبيضمقلي وكلشي مغطي.. يالاه بغات تبدا تسخن صونا ليها فتيليفون ضاحك
غالي: صباح نور.. عاد فقتي واقيلا
سكينة: غير دابا ههه كنسخن لفطور
غالي: خليت ليك كلشي تما ،، الى بغيتي شي حاجة اخرى راه خليت ليك لفلوس تما فوق الطبلة
سكينة: صافي شكرا.. حسيت بيك الصباح فاش جيتي عندي
غالي: غتمشي للحانوت ديالك ؟
سكينة: اه ضاروري بحال والو نمشي نشري شي تواب يالاه نبداو فيهم ويوجدو مع الربيع
غالي: اوك يالاه نخليك انا خرجت غير نتغدا ونرجع
سكينة: صافي.. بالصحة
فطرات على خاطرها وناضت شعلات الشوفو دخلات تخت الرشاشة بقات جالسة شحال كتكمد عضامها ودوش على خاطرها. خرجات من الدوش ولبسات حوايجها ومشات كتجري لاقرب صالون نشفو ليها شعرها ومن تما ضربات تيليفون لسارة ومشات تشوف التواب اللي تخيط للتكاشط دالكرا.. بقات كدور وتعاود بالسورفيت وسبرديلة على تواب رخاص .. كانت دواقة ومن توب دعشر دراهم تخرج موديل دايزو لكلام،، والحق يتقال الفن فالراس والدوق مامعطيش لكلشي اما التواب عطاهم الله بالغلا وبالرخا
طابو رجليها بالدوران ومنين دازت كتشري ماتاكل واخا تكون غير بتيبانة ، حتى تقدات اش بغات وتسارات السوق كامل عاد عيطات لغالي سولات فيه ودارت معاه يتلاقاو فالرباط .. من السوق تفرقات مع سارة وعطاتها التواب داتهم وشدات طاكسي للمدينة بقات جالسة حدا طرام كتسناه حتى وقف قدامها وناضت كتجري طلعات حداه كضحك
سكينة: فين خدام ؟ غير هنا ؟
غاليي مع هاد الطلعة .. شبعتي دوران؟
سكينة: بقيت كندور حتى مالقيت فين ندور ههه
غالي: حتى تقاداو ليك الفلوس
سكينة: والللله حتى جبتيها لااااسقة،، حتى تقاداو ليا لفلوس … شريت بعدا تواب اللي خاصني كلهم ودابا غنبداو فيهم واحد ثلت شهور ديال لهياطة وتنبات عاد يوجدو
غالي: الله يسخر
سكينة: اجي يالاه تمشي معايا لفاس
غالي: فاااس!!!
اش غديري ففاس!!!
سكينة: نشوفو شنو لجديد وشنو كيوجدو .. يالاه نعربنو لحوايج راه ثلت شهور ديال الشتا دغيا دوز وخاصني نلقا باش نبدا الخدمة فالربيع
غالي: فوقاش بغيتي تمشي؟
سكينة: وقت ما كنتي مسالي
غالي: لويكاند .. هوا اللي كنسالي فيه
سكينة: صافي لويكاند نمشيو .. دوزني على ماكدو بغيت شي بركر زوين
غالي: ماتغديتيش؟
سكينة: لا عاد جاني الجوع .
رجعو للدار كيمضغو بجوج فيديهم كيسان كوكا دماكدو وكانت فيد غالي مجلة مدها ليها
غالي: ها المجلة دكيتيا شوفيها
سكينة: شدات المجلة) شنو غنشوف فيها؟؟
غالي: شوفي راه عندهم بيوت النعاس ..وبان ليا واحد تما زويين
سكينة: ههه اه .. (كتقلب) الصراحة واعرييين
غالي: واقف حداها كوريها) ها اللي عجبني انا .. وداروه الوسط شاد جوج صفحات زعما كبروو بيه… جا كلاس ووو سامبل
سكينة: بإعجاب) واااعر !!! الصراحة احسسن واحد.. هاذ الطبلة دالمرايا وهادشي حتى هوا داخل فيه
غالي: كاامل كيمشي كومبلي
سكينة: بالناموسية؟؟
غالي: ناموسية لا عااد غنشوفو منين نشريوها .. اما ختى هاديك اللي عندنا ماتجيش فيه
سكينة: علاش
غالي: لعبار ديالها صغير .. شوفي العبار ديال هادا شحال غتجي فيه ديك النموسية لوسط لا علاقة
سكينة: فوقاش نمشيو نشوفوهم حمقنييي
غالي: كحيد حوايجو قدامها) حتى لغدا نكون خارج وندوزو نشوفوهم (بتعب) ماديريش ليا سي برااد اتاي
سكينة: انا!!! غنعمر ليك الماء اما اتاي ديالي لا علاااقة اتاي ديالك حسسسن
غالي: يالاه ديري غير لما غنمشي نصلي ونجي نعمرو (ضرب ليها القزيبة) يالاه يالاه دغيا باش نح٠ويك
بقات كتشوف فيه وضحك جاها لفوغيغ خصوصا الطريقة باش قالها تقول السيد كيهضر فالمعقول مافيهض الضحك
مشات بدلات حوايجها لبسات وخدة من سوميجات كانت خفيفة وسامبل ويالاه خرجات كدور بيها فالكوزينة كتعمر الماء يسخن مشا عندها قنتها تما وبداو من جديد مني منك مني منك حتى جاب الهدف بالواقفية وهي محنية وراسها قدام لافابو عاد بعد منها
سكينة: لعدااااااااب والعداااب
غالي: بارهاق) يالاه تولفي .. غنبقا نتسنا فيك حتى تولفي على خاطرك
سكينة: لا راه بصح هادشي بدا كيمرضني وهارة ليه الهم
غالي: ياك نتي كنتي كتفرفري وتقولي ليا خشيه خشيه !! عينيك كيتقلبو وكتشتتي ! وافين دابا تقاداو ليك
سكينة: بجدية) ماشي تقاداو ليا.. كن غيير ماكنش كيضر راه عضامي كيكركمو عليا مكنبقاش حاسة بحتى حاجة من غير ديك البلاصة كتوزوز وتغوت واقيلا خاصني ندير ليها دوا
غالي: نجيب ليك دواء؟
سكينة: دابا خاصها دوا من اللخر حيت مابغاتش تبرا.. تخيييل والله حتى كنحلس كنحس بحال الى جلست على مسمار
غالي: اجي نشوف
مشات للبيت كضحك ودارو بالضحك ونعسات قدام البولة اللي فالسقف وهوا كيشوف ويمكش وجهه
غالي: امممم عندك واحد الجهة حمرا
سكينة: حط صبعك نشوف
يالاه حط صبعو فيها نقزات بغوتة كترعد عليه
سكينة: هييا هيااا هيااا هيا بنت لحرام قتلاتني صورها ليها نشوفها
صور ليها فيديو وناضت جلسات كتشوف فيه وتكبر الصورة وتتألم
سكينة: هااااااد الحبة شو قداش.. قد الزقة ودايرة لعداب(شافت فيه عاضة شنايفها ) نااري كن مكانتش كضرني بففف لحيااااة نتبرررع هههه
غالي: هههههه(مسح على راسها وناض)
سكينة: غدا سير لفرناسيان جيب شي لعيبة البوكوص حيت ففييمو دايرة ليا مشكل وكتلعب ليا على نفسيتي نهار كاامل
غالي: كاااع لهاد الدرجة
سكينة: اااه لهاد الدرجة تخيل فير كنتفكر غنرجع للدار ونموت الحريق كتمرض ونهز الهم اففف
غالي: صافي غدا يكون عندك داكشي اللي قلتي
مشا لوسط الدار تكا قدام البراد ودار واحد الفيلم تروا دي وعيط ليها تفرج حتى هي.. دخلات معاه فالكاشة مكمشين ويالاه بدا الفيلم ومع البدية بغات تقوليه شنو قالو ضارت لقاتو رما راسو ونضاضر على عينيه ونعس .. حيداتهم ليه وبقات كتفرج بوحدها عايشة مع الفيلم وتربطات ماقدراتش تنوض بلا متكملو ..بقات شاداه ساعتاين حتى سالا ونوضاتو مشاو للبيت نعسو.
نفس الشيء تكرر الصباح والامور هانيا .. طلعات لدارهم طل عليهم ويالاه دخلات بقاو كيطلو عليها ويتمايعو بالهضرة اللي كتكره وكل واحد كيردد
هااي هاي هاي هاي لا للة لعروسة جات طل علينا
شافت فيهم بنص عين ومع الدخلة للكوزينة بدا البحث والاسئلة …
مونية: ايوا مزيان بعدا تهلا فيك شيخك
سكينة: ماتبقايش تقولي ليا شيخك .. قولي ليا باه نيشان
مونية: هههه هاء مالو ماشي شيخك
سكينة: بلا امرضين اماما ديك اللغة دلعيالات لحقيرات ماتبقايش تهضري معايا بيها
مونية: ببرووودة ) مهم مااعلينا.. فوقاش غتمشيو تشريو بيت نعاس؟ ليوم ؟
سكينة: اه ليوم غنمشيو لكيتيا ..رانيا فلافاك؟
مونية: اه.. ايوا شحال داير هاد بيت نعاس؟
سكينة: شي ثلاتة دلمليون
سميرة: شدات فمها) هيييه ثلاتة دلمليون كااع !! مالو عليها؟؟؟
مونية: مخلوعة) واش بصح!!! غيعطي فبيت نعاس ثلاتة دلميلون ؟؟
سكينة: داكشي اللي قاليا
مونية: واللع وسمعو باك غيعطي فبيت نعاس ثلاتة دلمليون ميخليه!! مالو عليها يقج راسو ويخسر فلوسو راه عطاا الله بيوت النعاس غير بميات الف ريال هااكا دايرين
سكينة: بصح!!! دابا نقولها ليه
سميرة: الصراحة بزاف .. ثلاتة دلمليون !! بزاااف على ولد ناس.. كن بعدا كتنوضي ديري ليه غير باش يفطر حشوومة تصبحي ناعسة وهوا اللي خدام ينوض يدير ليك لفطور!!
مونية: ولاهيلا !! هي ماتابعها لاشغل لا مشغالة غير النعاس وهوا يصبح كيوجد لفطور .. سبع دلباكور دغيا كدوز
سميرة: واخا تشوفيه مكيقول والو راه كيلاحظ .. غيطلع ليه الدم ويقول ليك الله يعاونك
سكينة: المهم انا غنمشي للحانوت يالاه بسلامة
خرجات كتجري خلاتهم باقيين مصدومين من شنو سمعو وكيتناقشو معاجبهمش الحال وزادت الجدة طلات عليهم من لباب كتسول اش واقع
الجدة: مالكم مخلوعين ياك لاباس؟؟
سميرة: فشرود) كنهضرو على سكينة.. كتشوفها غتخرب حياتها بيدها … طال الزمان ولا قصاو دابا ترجع وعقلو على هضرتي..يصبر حتى يعيا ويسيفطها لدارهم
مونية: بخوف) والله غير لاما رجعات نوريها .. بغات دير عليه داك الهبال ديالها يحسابها كلشي غيصبر ليها ويهز ليها عبالها
سميرة: انا قلتهاااا ليكم.. قلت ليكم مغتكملش وماشي ديال زوااج.. ماعندهاش عقل المسؤولية ماشي بحال رانيا… رانيا ماتخافيش عليها بعقلهااا وصبارة..(تنهدات) اما سكينة راه كنشوف فيها راجعة راجعة حيت حتى راجل ميبغي لمرا اللي بلا عقل بلا حس المسؤولية والى كملات العام ماقالها خد لحد
بناصر وصلاتو خبار البلاكار .. ومونية زااادت كملات عليه حتى هي بالهضرة!! لالالا ميمكنش.. ولد الناس يشري البيت بثلاتة دالميلون مالنا اش واقع متكون غير سكينة لي لسقات ليه عليه متقوليييش .. ويلي على ثلاتة دالمليون !؟ راه يفرشو بيها الناس الدار كاملة!!! اويلي ثلااتة !!!
ايوا بناصر غير سمع الخبر قال اجي نعتق الموقف قبل ماتوقع الفاس فالراس.. وديك العشية عيط لغالي فتيليفون عرض عليه للعشا هوا وسكينة.. ونيت كانت تابعاه عراضة ليهم قال مزيان جات فوقتها .. وهاد العراضة ماساقت ليها سكينة لخبار حتى كان غالي راجع للدار من لخدمة عاد قالها ليها ، حتى هي عجبها الحال وفرحات .. ماكرهاتش شي واحد يعرض عليها ومع ولفات الزرود والعراسات وهاد الايام تقطعات عليها المشية للعرس رجعات باغا غير فين تتعرض واخا غير دخل وتخرج . اش غدير الادمان والله غالب.. والادمان انواع وكل ها باش بلاه الله .
ديك العشية نيت من الحانوت لدارهم نيشان.. ماشافت غالي ماشافها وحتى هوا كان تابعو لاصال مشا خرج الطاقة السلبية ودوش ورتاح وعمر ليه براد ديال اتاي دااايزو الكلام بحال العادة وصلى العشا عاد داز عليها للمحل ومشاو بجوج لدار بناصر، دخلو بحال الضياف ومكيان غير مرحبا مرحبا تقول اول مرة دخل لدارهم، جلسات بال الضيفة بالسرفيت ديالها وغالي كان نوعا ما حشمان حيت جداتها وخالتها مزالين فالدار وعائلتها مزال ماتطلق معاهم مزيان.. اما بناصر كان عاجبو غالي قدااش.. تقول غير ولدو رجع ليه ومكاين غير مربا وزيد لقدام . ها الكيسان داتاي والحلاوي بقا كيدفع ليه حتى كهمو وهضرة تجيب هضرة وسكينة اي كلمة قالتها كتقولها بافتخار وعاجبها الحال خصوصا فموضوع بيت النعاس اللي طرخو الموضوع ديالو امام الملئ وكلشي جالس وكلشي باغي يعطي رأيىو
بناصر: الصرااحة الى جيتي عليا مكاين لاش تشري بيت النعاس بداك الثمن ،، غيدوز وقتو ويمشي وغتبدل من بعد
غالي: كيحك لحيتو) وا هوا غاليدوز وقتو واي حاجة كدوز وقتها وتمشي .. ضاروري من تجديد
بناصر: بغيتي نديك نوريك بلاصة الخشب وداكشي فين كيتباع ولاهيلا الفننن الفن. انا بعدا عجبوني
غالي: اييه ماشي مشكل
بناصر: المخييير تديه بميات الف ريال الى غلاااا. .. راه ساويين غير خمسين ستين بالماريو بالخشب دناموسية بالمجورة
سكينة: لا انا بغيت اللي فيه المرايا كبيير ة
شاف فيها بناصر بواحد العين مخنزرة ماصلاح ليه كي يدور فيها يسكتها يوريها حلان الفم وتقاطعو فكلامو وتشرط من لفوق وقال بسياسة فيها شوية دلعصبية
بناصر: ااش غديري بهاد المرايا راه تشري اي مرايا تعلقيها فالحيط ارااا ماتشوفي فيها.. الزواق الخاوي(شاف فغالي)لا عساك الى بغيتي الصح والعمل غدا يالاه معايا نوريك ماينفعك .. اما داكشي ديال مرجان ولفيترينات وشيكي كيجيني غير لكارطون وصافي.. والفلوس من لفوق ثلاتة ديال لمليون تشري ليك المااريو وتعمرو ليك بالحوايج ويشيط لخير
كل واحد بدا كيعطي رأيو بلا سوالات .. عالجدة اللي قالت ليه بزاف عليك اولدي ضيعك راسك ،، ها سميرة اللي قالت ليه يمكن شهوتو هوا فيه واخا ثلاتة دالمليون قاااصحة.. ها مونية اللي مكاين غير اولدي اولدي وغيير سكينة ماعندهاش مشكل كما مات هاد بيت نعاس ،، اما رانيا غير ساكتة مكتهضر مكتتكلم بحال عادتها ، كتشوف اش كيدور وكتقارنو براسها هي اللي مزالة مجرورة وجات ختها من وراها تزوجات ودارت العرس وكتفرش فالدار ورعو عائلة وحد، بلا هشام اللي بدا كيطلع ليه الدم وماراضيش بالوضع نهائيا كتر من الاول بسبب خوه اللي دخل فالعائلة وتزوج وسالا وبناصر مادار ليه. حتى اعتراض وهادشي كاامل ومو ماحضراتش وبناصر مقال والو ،، هاد المرة هشام طلع ليه الدم بالمعقول وخرج الغضب ديالو فرانيا فتيليفون وهي جالسة فالبيت كتهضر معاه
هشام: لاا سمحي ليااا باااك مامزياانش ااه مامزيااانش حيت قبل لغالي شحال من حاجة وانا دار ليا السبة بالقرايا
رانيا: ماتقولش لبابا مامزيانش هوا بلعكس الله يعمرها دار غير مزال مكتعرفوش مزيان
هشام: لا من حقي نقولها حيت كات قادر يرفض هاد الزواج ويهني راسو ويهنينا ويخلي السيد مزيان مع مو وختك نتي تبقا فتيقار ما تعرفنا مانعرفوها هاانا دابا عييت نزوقها للعائلة حتى واحد ماحملها ماتستاهلش غالي
كثر الضغط على رانيا من طرف هشام ،، لاكن فالحقيقة اللي ماعارف تى واحد هوا ان اسية كانت حداه جالسة فاش كان كيهضر ومربعة يديها ،، وطبعا هوا خاصو يبان راجل ماشي ولد صغير قدام مو .
قطع المكالمة ولاح تيليفون فوق الطبلة بنرفز وقال كيقلب عينيه بصرامة
هشام: هاد البرهوشة بدات كتعصبني.. منونخة ماتعرف دير حتى حاجة
شافت فيه اسية وهي ملوية فواد البينوار وكتشالي برجلها فهدوء
اسية: راني قلت ليك هاديك غير هبيلة ماعندك مادير بيها لا هي لا طاسيلتها ، الطاسيلة دلويل اللي طيحنا فيها الله ضارو بالغالي لسقو ليه المصيبة دبنتهم وبلا حشمة بلا حيا عطاوها ليه وانا مكايناش
هشام: بتأمل) كيقول ليا واحد الراس رمي الزبل وشوف ليك ما حسن
اسية: هااانتا دابا هضرتي.. خلي عليك الويل بنات الناس راه موجووودين.. واش بقات فالزين!! هاديك راه غير هبيلة وكتجيني ياربي تسمح ليا حمقة.. تصرفاتها ماشي عاديين
هشام: تنهد) والله مابقيت مارتاح لهادشي..مرضت وكنحس براسي هاز وحد الحمل تقيل على كتفي
اسية: ايوا حط عليك الزبل وتهنى ،، مالها غير هي اللي بنت البنات عطاهم الله ا كوكو .. اللي سمع لقرايا يقول كتقرا الطب !! ياك غير لافاك
هشام: بففف ،، مكاين لا قرايا لا ستة حمص،، تاا هي كتدي الطريق وتجيبها زعما راه كتقراا.. ماعندها لا رأي لا قرار لا شخصية لا تا لعبة طلعات ليا فراسي تقول غنتزوجش باها ماشي هي
اسية: خليها ليه وشوف ليك ما حسن
هشام: غندير معاها المحاولة لأخيرة الى مابغاتش دبر عقلها صافي غنلوح الزبل .. خلي قرايتها تنفعها نشوفو اش غتصنع بهاد القراية
اسية: كن جيتي عليا كن شفتي بنت محمد النجار ..خدامة فرملية وزوينة وبعقلها هاديك اللي تجي معاك وفعمرها ستة وعشرين سنة وغزاالة.. كنعرفو واليديها وخوتها وجامعة راسها موكضة
هشام: بتخمين) شكوون؟؟ هناء؟
اسية: هناااااء عليييك نووور… هي هاديك
هشام: زوينة الصراحة كتبان معقووولة ولاك فرملية موحال تبغي تجلس من الخدمة وتقابل الدار
اسية: وعلاااش بغيتيها تجلس من الخدمة !! بغيتي تبدا تصرف عليها ها البيجامات ها الجلابات ها فلوس الحمام ها فلوس المرض!! باها يتهنا منها ونتا توحل فيها تزيد عليك غير المصاريف بلا حتى فايدة
هشام: لاالالالا انا ماعندي مندير بموضفة ولا خدامة .. باغي وحدة تشد الارض تجلس فالدار .. المرى الى خدمات كضسر ويكيتحل ليها الفم وكتقوى فيها الفهامة .. ماعندي ما ندير بوحدة ترجل عليا وتبدا تحل عليا فمها
اسية: ايوا تدوج بيها وجيبها تجلس معانا بزااف عليه تكري ليها.. مالها فيين ساكنة باش دير ليها دار بوحدها اش غتعطينا هاد المرى
هشام: نشوفو بعدا لحريرة درانيا ويحن الله .. بديت كنفر من هاد البرهوشة وطلعات ليا فراسي.. انا كنهضر معاها وهي حالة فيا فمها كتفرنس عاجبها الحال
اسية: هادية باغا غير تزوج ومنها عداااااد الى مشات هاديك يجيو عشرة منها .. قوليها غير نديرك مرتي تبات كتحلم .. خطية ويحسن عوان اللي غتلصق فيه مسكين
فهاد الاثناء من بعد ما مشات سكينة وراجلها كانت رانيا جالسة متكية هي ومونية وسميرة فبيت نعاس ديالهم على الناموسيات كيتمعو ويضحكو فرحانين كيخططو لعرس رانيا
رانيا: قاليا من الاحسن منديروش العرس وداكشي اللي غنخسروه فلعرس نفرشو بيه الدار
مونية: ونتي؟؟ باغا لعرس؟
رانيا: بالنفي ) حتى انا متافقة معاه ماعندي مندير بالعرس والفلوس اللي غيدير ليا بابا بيهم لعرس يعطيهم ليا حسن ونتعاونو نفرشو الدار
سميرة: وباك الى بغا لعرس !!
رانيا: غنقنعوه ،، ياك تشاور مع سكينة قاليها بغيتي العرس ولا لفلوس قالت ليه لفلوس.. ايوا انا يعطيني لفلوس مابغيتش العرس نديرو لعشا وصافي .
مونية: بحماس ) هي هشام صافي عوول.. هههه ماقدرش يصبر مسكين هههه
رانيا: ههه ولاهيلا تقهر
سميرة؛ وباك علاش معكس ليكم دابا كن خلاك مشيتي ودرتي العقد ديالك وكملي قرايتك تما
رانيا: وا هشام اصلا ماباغينيييش نقرااا. بابا اللي مبزز عليا هاد لافاك طلعات ليا فراسي.. اما انا مانزم فيها حتى نهار .. ماعرفتشنو ندير واش ندير لخاطر لباباولا لهشام ،،حطوني لوسط وجلسو كيشوفو فيا
مونية: كن جات عليا كن جلسي من هاد لقرايا .. سيري تزوجي حسن ليك
رانيا: واش انا كرررهت وراه با اللي داير ليا هاد المشاكيل دابا وهشام رجع كيتعصب باغي غير فوقاش نتجمعو .. (بافتخار) هوا قاااااد بيا قاليا انا قاااااد بيك وبالدار وبكلشي غتعيشي معززة مكرمة ماخاصك حتى حاجة، نتي تجلسي وااانا نخدم ونتقاتل المهم نتي تبقاي فدااااارك تقابلي دارك وولادك وانا نصرف عليكم .. وحتى انا متاافقة معاه ومرتاااحة باغا نجلس فداري معززة مكرمة وكولشي يجي حتى لعندي
سميرة: تباارك الله الرجال دديال بصح .. شفتي هادو هما الرجال هاد النوع اللي كيعجبني انا هادا هوا الراجل
رانيا: بفخر) انا كيجيني يااربي تسمح ليا غالي ماشي بحال خوه سكينة حاكمة فيه
سميرة: لاالالا غيير كيحشم.. هوا درويييش حادر الراس وصافي،، وسكينة الى مادارتش عقلها غيزيد ويخليها واخا يكون ماعرفت كي داير يصبر ختى يتقهر ويهرب .. وانا عاارفة سكينة غتبقا تجبد وتجعوق وتبغي تبان واعرة وحاكمة حتى طججو نن يديها وتجلس
مونية: مهمومة) الله جاب ليها راجل تمناه اي وحدة وولد الناس ولاكن هي ،،،،،، (تنهدات) مكتقدرش النعمة وغتخرج على راسها حتى واحد ميقبل عليها
اسية ضربات على رانيا وبانت ليها فالمستحيل باش هشام ميتزوجش بيها.. وبما ان باها مريض كل مرة خصو اللي يعبر ليه الطونسيو ويضرب ليه واحد الشوكة فمشات قلبات على النمرة ديال الفرملية هناء بنت النجار، اييه نجار ولاكن فتازة وعائلتها كلهم فتازة الا هي اللي خدامة فمكناس .
هناء وحدة من بزاف ديال البنات اللي بدراعهم ومن الشوفة كتبان ليك مكافحة .. واخا بلدية لاكن اي وحدة مكافحة كتكون شخصيتها قوية ..وهناء وحدة من هاد البنات اللي قادات وخدامات وساكنات بوحدوهم لاكن فالمعقول معقولات ماكيلعبوش بديلهم . جبدات اسية نمرتها وتاصلات بيها،، وبحكم هما معرفة سطحية غير عرفاتها اسية بنفسها عقلات عليها هناء وجاوباتها باحترام وتقدير.. طلبات منها اسية باش تجي تعبر الطونسيو للحاج وضرب ليه الشوكة وهناء بطبيعة العائلة من باب الصواب قبلات. لاكن اسية حسابها فراسها وهادي كانت اول خطوة باش تقرب هشام من هناء وتعرفو عليها بلا خبارو .
حتى للعشية فاش رجع ودخل لقا هناء جالسة وسط الدار كتشرب اتاي مع اسية وحشمانة وعاجبها الحال .. كان عندها حقها من الزين وكان شعرها قهوي دايرة ليه ليميش ومتوسطة الطول وفصالتها عامرة شوية متناسقة، لباسها محترم بحكم جات عندهم بالجلابة والبلغة وهادشي ثار انتباه هشام والدوق ديالو،، وبحكم انه كيعرفها وسبق ليه شافها شحال هادي ما مرة ما جوج ومكانتش كتبان ليه هاد المرة تشلط عليها الضوء وبانت ليها وقرر يدير معاه الصواب ومشا سلم عليها .. مدات ليه يديها سلمات بعفوية وجلس معاهم كيشوف فيها ويسول على الاحوال واحوال العائلة وهي كتجاوب بخجل. حتى بغات تمشي وطلبات منو اسية يوصلها واخا رفضات هناء خجلا لاكن اسية اصرت وبدات كتغنز فهشام اللي ماترددش حتى ثانية.. كان باين عليه الاعجاب حتى هوا خصوصا فاش بانت ليه كاملة مكمولة.. ثقيلة مرزنة مأدبة وكتهضر بالثقالة تقول دات وجابت فالزمان.. الحاصول البنا بعقلها وماعندو ما يعيب فيها وماشي من متابعين الموضة والراكضين وراء ملذات الحياة.. انسانة بسيطة جد عادية . ركبات حداه فالسيارة وفالطريق جبد معاها الهضرة باش كيسرو الصمت فقط حتى وصلها للعمارة فين كتسكن وقبل ماتنزل تبسم ومد ليها تيليفون وقال
هشام: تخلي ليا نمرتك الى مكان عندك حتى مشكل
هناء: شافت فيه بنت عين) الى كان السبب مهم علاش لا؟
هشام: شوف الصراحة انا غرضي شريف ماشي ديال التفلية والدوران.. بنتي لي بنت معقولة وانا كنقلب على المعقول والاستقرار .. الى تفاهمنا نتوكلو على الله ونتزوجو اشنو بان ليك؟
شافت هنا يمين يسار بخجل وطبعا هشام ماشي ديال الرفض.. كمضهر وشخصية خارجية وجمال حتى وحدة متقدر تقول ليه لا او ترفضو..خصوصا انه كيبان معقول وولد الناس من عينيه وبرائة وجهه فالحوار . ماتردداتش حتى هي وعطاتو نمرتها ونزلات مشات بحالها . اما هوا جمع الدورة ورجع بحالو للدار لقا اسية فالباب كتسنا والبيضة حامية فيها وغير شافتو تعرضات ليه كتجري
اسية: اشنو هضرتي معاها؟؟ كي جاتك؟
هشام: ههه صافي هضرت معاها.. غنشوفو الى تفاهمنا نتوكلو على الله
اسية: يعني رانيا صافي باح
هشام: صافي ماتبقايش تجبدي ليا هاديك .. ماعارفاش اشنو باغا اصلا الله يعاونها
فديك العشية كانت سكينة و غالي فكيتيا كيدورو ويقلبو من بين غرف النوم الجاهزة حتى لقاو بيت نعاس اللي جاو على قبلو .. غير شافتو سكينة وشافت المنضر وديكور لسقات عليه لسقة وحدة ومشات كتحل وتسد وتجلس على نموسية وتنوض فرحانة
غالي: برضى) زويين.. انا عجبني .. جاني مزيان
سكينة؛ واااعر ..صافي بغيت هادا هادا اللي تشري
غالي: شدي لتحت
سكينة: فين هنا؟
غالي: اه تما
هبطات يديها شدات فالخشبة اللي فطرف النموسية وضارت عندو قالت ليه هنا ؟ لقاتو شاد فيها من لور
غالي: صااافي هادا اللي غنديو
سكينة: ناضت بزربة) على باااسل.. حقيير
غالي: ههههه
سكينة: كن شافتا شي واحد
غالي: شافوك فالكامرة
سكينة: نااري على حقيير
غالي: بجدية) صافي عجبك؟؟؟
سكينة: هوا اللي بغيت..ختيييييير !
غالي: يالاه نتحركو فحالنا دابا راني عياان مسخسخ
سكينة: يالاه
خرجو من تما ردها للسيارة جلسات وعاود رجع بوحدو هاز كارني دشيك مطوي فيدو وخلاها شادة تيليفون كتهضر مع باها اللي صونا عليها
سكينة: الو بابا
بناصر: واش معاك لغالي ؟
سكينة؛ اه علاش؟
بناصر: اجيو لحقو علينا هاحنا فالشارع كنشوفو لبلاكارات وداكشي دبيت النعاس.. ولاهيلا الى هنا داكشي ديال لفريييع حسن من داكشي اللي بغيتو تشريو نتوما .. اجيو بعدا غير تشوفو
سكينة: واخا انا نقولها لغالي ونجيو
بناصر: يالاه اجيو انا كنتسنا ..راني قدام واحد الماريو من داااكشي
سكينة:صافي واخا
قطعات وربعات يديها حتى طلع غالي وقالت
سكينة: يالاه نمشيو عند بابا راه كيتسنانا بغا يورينا بيوت النعاس
غالي: صاافي دابا قوليه شريينااه غدا غيجيو يركبوه فالصباح
سكين: واغير يالاه نشوفو وصافي دابا قلت ليه واخا
لحقو على بناصر.. وفعلا لقاوه شاد واحد الماريو لايطيح وكيتسناهم ويتشاطر وداير ما فجهدو.. بقا غالي غير كيضحك ودار ليه الخاطر شاف معاه وضرب دورة وخدا نضرة وماقاليه والو لا شريت لا ماشريتش باش ميبقاش فيه الحال من بعد تفارقو كل واحد مشا بحالو ورجع لدارو .
الصباح مع العشرة كانت ناعسة وشابعة نعاس وعينيها مسدودين والبانضة عليهم بيضا فيها الغيوم .. الدقان فالباب والصونيت ولا كن ودنيها كانو مسدودين بالنعاس وبزز باش سمعاتو وناضت نوضة وحدة وقفات وقفات جا فبالها غير الماريو اللي وصل.. مع النوضة مع الدوخة ديال الجهد باش وقفات حتى مشات وجات وكملات الطريق دايخة كتميل فواحد الشورط قصير ناعم وديباردور ديالو والشعر مطلوق والبشرة بيضا بحال شي ملاك عاد فايق .
غادية وكتقلب على بانطوفتها وماتلبس وكتعيط وتسول شكون حتى ردات عليها مونية من الباب وعرفات شكون كيصوني وكملات طريقها قالت هادي غير ماما صافي بلا منلبس
دازت على بانطوفتها وحلات الباب لقات مونية قدامها وسميرة حداها متكية على لحيط وكطلع وتهبط فيها مصدومة وعينيها خارجين، اما مونية حشمات وكمشات قنانفها بقات فير كدور فعينيها وشيرات لسميرة بيدها باش يدخلو ودخلات حانية الراس في حين خلاتهم سكينة فالباب سدوها راسهم ومشات رجعات تنعس
تبعوها للبيت كيدورو عينيهم لقاو الدنيا مرونة وهي تقلبات للجهة لاخرى وخشات مخدة بين رجليها وغبرات فالكاشة مابقاتش كتبان
مونية: كتشوف فالبيت) رجعتي تنعسي!!! ايوا نوضي عندنا
سكينة: بصوت مخنوق) مك واخا واخا دابا نوض
مونية: واشتيليفون ديالك طافي؟؟ راه غالي كيصوني عليك كيلقاه طافي … هوا اللي عيط ليا قالي سيري عندها راه غيجيو هادوك ديال كيتيا يركبو الماريو
سكينة: واخا دابا نشارجيه
سميرة: اجي بعدا نجمعو هاد روينة دغيا قبل مايوصلو هادوك
مشات نيشان سميرة للكوزينة كتجمع الماعن ديال كاكسروط دالقراح والعشا والفطور اللي فطر بيه غالي وخلا لسكينة حقها فوقالطبلة مغطي.. بدات من لكوزينة ومونية بدات من بيت النعاس كتجمع فلحوايج والماكلة مشتتة والسقاطة فالقنات . اما كلينيكس مكمش ومرمي فكاع القنات .. كتجمع ودور راسها وتولول ومشات كتجري للحمام قبل مادخل ليه سميرة ..لقات سليبات سكينة محطوطين حدا لافابو وحوايج غالي معلقين فالعلاقة وكلشي مقلوب شي فالارض شي حدا المرايا والكواغط واصلين حتى لتما .. بقات كدور عينيها وتجمع مالقات متقول وماعجبهاش الحال تلقا داكشي مرمي واخا تكون سكينة مييتة ولا مقطوعين ليها ليدين ماتخليهمش مرميين فكل قنت . زربات على داكشي ودوزات الشطابة ودات الحوايج يتصبنو .. اما سميرة بقات كدوز على البوطاجي بجافيل وتمسح حتى قاست القميجة دغالي الزقاء اللي محطوطة فوق الماكينة دصابون وغير حسات براسها قاستها زربات عليها دغيا كمشاتها فالماكينة دصابون وبعدات من حداها كنلات المسيح للسرجم غادية وكدوز شي كتشتتو شي كتجمعو، واخا شغلها مرون ومخربق ولاكن على الاقل عاونات مونية شوية ودارت شي حاجة.
اما سكينة مافاقت حتى ضرها راسها بالنعاس وناضت جلسات كتشوف قدامها لقات الدنيا نقية مجموعة فالبيت وتبسمات بارتياح وتكسلات مزيان عاد ناضت بنفس الحوايج مشات للطواليط غسلات وجهها وسنانها ولوات شعرها لور وخرجات كتفوه كي السنجاب غادية للكوزينة تشوف ما تاكل. سرحات عينيها لقات الدنيا كتبري !! تحلو ليها لعينين باعجاب وتفاؤل وجاتها على لفطور فداك لاتيراس ديال الدار واخا صغيور . قلات واحد البيضة وجلسات كتفطر حتى سمعات مونية وسميرة داخلين هازين الشبكة دلحواثج لي طلعو للسطح وضارت عندهم شافت فيهم وهما مدخلينها للكوزينة وابتسمت
سكينة: فين كنتو؟
مونية: بنص عين) كنا فالسطح… وا نوضي نوضي ستري راسك شوية شهاد اللباس هادا
سكينة: مالي جالسة فالزنقة انا السك فالدار نلبس لي بغيت
مونية: ايوا بااااز!! واش ماجاكش البرد!!
سكينة: لا مافياش البرد غير متبقايش تشوفي فيا راه مغنلبس حتى شرويطة
مونية: خلييييك خلييك هاكاكحتى تجيك الدم وتوريك تقزاب ديك الساعة جلسي تبكي وتعوجي علينا .
ماهي الا لحضات حتى وصلو عاملين كيتيا وناضت بزز منها لبسات بيجامة بسروالها وتريكو باليدين وبقات واقفة فالجنب كتشوف فيهم حتى ركبوه وسالاو ومشاو بحالهم عاد جات الكانة دوز مسيحة لداك الخشب وتستف حوايجها راسها.. اما مونية عجبها الاتات وجاتها على تستاف وبدات توريها كي دير وشنو دير في حين سميرة واقفة ويدها على جنبها كتوصيها
سميرة: ماتبقايش تخلي حوايجك مشتتين غيقول مال هاد الفنيانة واش هاكا كانت عايشة فدارهم
مونية: اودي ياربي تنوض تجمع غير راسها توجد ليه لفطور يحس براسو ختى هوا عندو المرى
سكينة: غنخسر الهضرة دابا … ماتبقايش تهضري معايت بعاد المسطلحات دالمزوجات اللي الحلم ديالهم يخدمو الراجل ويركعو ليه
ك.. كيكوموتو على على الدل
مونية: اسييري سيري
سميرة: دابا اللي كطيع راجلها وتهلا فيه مدلولة؟
سكينة: اه واللي ماعجبوش الحال ينطح راسو مع الحيط
مونية: مصدومة) هي دابا ضربتي الدين كامل فزيرو !
سكينة: ماتجبديش ليا ل الدين اصلا كطبقون غير فالحاجة اللي كترتاخو فيها .. انا مرتاحة هاكا ماتنصحوني منصحكم
سميرة: ايوا غير ماتنسايش واه كان مزوج بطبيبة قبل منك وغيدير مقارنة بينك وبينها تباني ليه موصيبة وخطية ويندم على النهار اللي طلق فيه وتزوجك
سكينة: ماتهزيش ليا الهم غير رتاحو هوا اصلا عاجبو هاكا
مونية: خرجات عينيها) والله ماعاجبو … كاين شي راجل يبغي المرى تصبح ناعسة حتى للوحدة ؟؟؟ اش غيدير بيها اااش زاادتو هاد المرى اللي يطيب راسو ويخلي ليها وماتجمع ليه حوايجو ماتوجد ليه ماكلتو ما تنقي دارها ؟؟؟
النصائح اللتي لا تفارق اي متزوجة حديثة،، لاكن نفعو بعدا بديك الحداكة والجمعة اللي جمعو ليها الدار خلاوها كتشعل ومشاو ومشات حتى هي لشغلها بحال العادة ومها كتوصي وتعاود حتى ضربات العشرة دلليل عاد مشات للدار بحكم كان عندها عرس وكان خصها توقف عليه فتجهيزات قبل مايبدا وقبل ماتخلي المراكشية مقابلة الشغل الليلة كلها.
مشات بحالها مقسوم ليها الضهر ويالاه دخلات مع الباب سخفانة باقا متنفساتش خرج ليها غالي من بيت النعاس هاز قميجتو فيدو وكيدير فيها شي شوفات ماشي حتى لهيه وقال
غالي: هادي علاش درتي ليها هاد الحالة؟
سكينة: بتعب) اشمن حالة؟
غالي: بعيون غاضبة) هادي شكون دار ليها هاد الحالة بجافيل ؟؟
سكينة: كيفاش جافيل واش تسطيتي؟؟(مشات للكوزينة وخلاتو
غالي: تابعها) القميجة عاااد شريتها اش داك ليها تصبنيها ؟؟ واش كديريها بلعاني ؟؟ بديتا لفعايل دوالو ؟؟؟ شداك تقيسيها اصلا؟؟؟
ضارت عندو مخرجة عينيها كتشوف فيه وحرارة الغضب كتيلع معاها والكاس دالما فيدها وقالت بانفعال
سكينة: اش غيديني ليها علااااش اصلا غادي نخسرها ليك بجافيل واش مريض ولا مالك
غالي: بسخرية) دابا انا مريض ؟؟ شاري قميجة جديدة مزال مالبستها حتى مرى هزيتيها صبنتيها ولا درتي ليها جافيل باش ماملبسهاش ..
سكينة: بغضب) اااه ااااه هييييه ااااشريف ااااا خويا اشمن بلعاني سير شوف فين حطيتيها واش باغي دالبز دابا ولا شنوو(قربات منو بتحدي) باغي داابز ؟؟
غالي: بغضب ضرب القميجة مع الارض) وشكون معانا فهاد الدار من غيري انا وياك
سكينة: دابا شنووو ؟؟ باغي دابز؟؟ هضر باغي الصدع؟؟ انا طبعتها ليك بجافيل شي حاجة؟؟ غنطبع ليك حوايجك كاملين
دفعاتو ومشات كتجري حيدات جاكيط لاحتها ودخلات للبيت هزات ليه حواجبو من لبلاكار بكمشة وحدة بغضب وهوا تابعها حتى هوا طالغ ليه الدم ، شداتهم بجنون لاكن شدها من للور بالقوة حيدهم ليها قبل ماتلوحهم وبغا يسيطر على الوضع لاكن الموضوع كبر وخرج على السيطرة وهاجت عليه حتى رجع كيشوف سكينة اخرى من غير اللي كيغرف.. بدات كدفع وتجر وتغوت باغا تهز ليه الحوابج وهوا كيشدها وشيئا فشيئا ساء الوضع وبغا يهدن الامور بدا كيهبط ورجع كيحاول يبرد القضية وندم كاع علاش طلع كتر من لقياس حتى خلاها تفقد عقلها مابقاتش كتعقل عليه وبقاو جر فيا نجر فيك وغواتها خارج للشارع فالاخير دفعاتو كترعد عليه ومشات خرجات مع الباب
طلعات كتنهج للسطح معصبة في حين خرج تابعها كلبس جاكيط ونزل كيقلب عليها فالشارع وتيليفون فيدو كيصوني ويعاود وهي فالسطح واقفة كتشوف فيه غادي جاي كيصوني عليها وكتقطع عليه
سكينة: انا غنوريك .. والله تا نوريك
طلات عليه لقاتو مشا مع الشارع كيقلب براسو ويشوف فتيليفون حتى غبر مابقاش كيبان .. جلسات كتنهج غير بواحد بتيشورط نص كم وسخونة بالغضب ماحاساش بالبرد وسروال سورفيت كيهبط فاش كتحلس وضهرها كيتعرا.. بقات شحال حتى رتاحت شوية وناضت طلات عل الاسفل لقاتو جاي ومعاه بناصر ومونية كيزربو ودخلو للعمارة مابقاوش كيبانو .. بقات هاكاك مربعة يديها كتزفر وبدا البرد يقرص فيها وعقلها كيدي ويجيب ماعارفة اش واقع فالدار ، لاكن صدق من قال ان الاولاد عجينة يدين واليديهم .. داكشي نيت اللي كاين بقات جالسة حتى بانت ليها مونية فالسطح كدور كتقلب ولقاتها جالسة حدا الصور بوحدها ومشات عندها
مونية: نوضي نوضي.. نوضي يالله هبطي بحالك
سكينة: خليني دابا نهبط راسي
مونية: نوضي يالاه نعلي الشيطان
سكينة: مشا كيجري عندكم يشكي ليكم
مونية: وانوضي دابا الله يهديك اشمن جا كيجري يشكي لينا راه بسيف ما يجي واش بغيتي حتااا توقع شي موصيبة وينوض باك يقوليه علاش ماقلتيش ليا راه هرجات من الدار؟؟ باش عرفك هوا طلعتي لهنا ولا مشيتي بلا رجعة ؟؟ راه مسؤولية هادي بلعكس خاصو يعلم باك
سكينة: وشنو قاليه؟
مونية: مقاليه وااالو عيط ليه فتيليفون قاليه واش سكينةفالدار وباك قاليه لا وحسسس بيه من هضرتو واقعة شي حاجة .. راكي كتعرفي باك
سكينة: ايوا؟؟؟
مونية: قاليه باك لا ماجاتش !! والعشرة ونص دليل هادي والدنيا كتخوا !! ونتي خارجة من الدار فالليل بغيتي يبقا جالس حتى دخلي على خاطرك!!
سكينة: شرا هي ليا مع بابا
مونية: ماشرا ليك وااالو راه باك ناض هبط عندو ولقيناه نشااا حتى للحانوت مالقاكش وتبعتهم لحقت عليهم …علاش دابا دابزتو ياك لاباس؟؟؟
سكينة: على قميجة تقاست بجافيل قالي نتي درتي ليها جافيل ودرتيها بلعاني باش منلبسهاش وبقا كيضهر عصبني .. انا ماقست ليه لا قميجة لا والو ماقربتش ليه كااع لحوايجو وياااربي نجمع غير حواجي بقا ليا حوايجو حتى هما
مونية: اينا قميجة ؟؟ ياكما شي قميجة من لحوايج لي صبناا؟
سكينة؛ مافهمتش !! مااعرفت اصلا هاد القميجة فين كانت وفوقاش شراها وفوقاش لبسها، هوا كيقوليا مالبسها حتى مرة وانا ماعارفاش حوايجو ماحافضاهمش اصلا.. خسرات ليه لقميجة جا قصدني انا
مونية: دارت يدها على فمها) عنداك سميرة اللي قاستها !! انا ماقستش جافيل صبعي شو كيداير مدبوح من لبارح
سكينة: ماعرفتش واش هي قاستها ولا هوا حطها فوق شي حاجة
مونية: هيييه(دارت يدها على فمها) سكتي سكتي عنداك تقولي هادشي قدام باك الى سمع حس سميرة غيمشي يدير ليها الزردة واخا تكون دايرة ولا مادايراش
سكينة: الى كانت جديدة علاش غتصبن ؟؟
مونية؛ واش تصبنات؟؟ واش هبطناها مع الحوايج ؟؟
سكينة: ماعرفتش هوا جابها من لبيت وراها ليا
مونية: مشكيييلة هادي.. عنداك غير نكونو حنا اللي درنا هادشي .. انا مابانش ليا تى قميجة مطبعة شفتها كوراني هضرت
سكينة: شكون جمع لحوايج من سطح؟
مونية: انا وسميرة بجووج كل وحدة حيدات سلك.. الا كانت هاد القميجة تنشرات مع الحوايج غنكون سميرة حيداتها اما انا ماشفتهاش
سكينة: يالاه نهبطو
مونية: دابا غير سكتي خلي هاد لحريرة دوز على خير مافينا اللي يهز شي صدع اخور .. ينوض باك يدير لينا شي فضيحة فالدار يقولينا درتو ليها المشاكيل
يتبع...
التنقل بين الأجزاء