إثارة شيطانة الجزء الثامن

مهدي ضحك على هضرتها و هي كتبان مشا منها لون فوجهها ....و ليني هي شنو غتقول لمها ؟؟ شكون غتقول ليها جاي لعندنا ؟

بلاما تحس زلقات الهضرة من فمها :و لكن انا شنو غنقول لمي ؟؟

مهدي بتاسم بنحراف و تكلم : غتقولي ليها غير اودي المدير ديالي بغا يكويني و بغا يجي هو و مو يتشاورو معاك هادشي لي تقولي

محساتش بالضحكة انتا خرجات ليها بالجهد

رسال : هههههههه

ضرباتو على كتفو و مزال كضحك : هههههه

مهدي : هههه عجباتك هادي ياك ؟؟!!

حسات براسها و كتحاول تجمع ابتسامتها لي كتزلق ليها طول الطريق بقات غير ساكتة و عقلها غايب كتخيل حياتها كي غتكون معاه .....اخر حاجة فكرات فيها هي مهدي يبغي يتزوج بيها شي حاجة لي مطاحتش على بالها نهائيا شوبة دارت لعندو عاقدة حجبانها " بلاتي ياكما كنحلم بعدا ؟؟"

شاافت فيه و هي دوي مغمضة عينيها : قرصني قرصني يا ربي منكونش كنحلم

دار شاف فيها كيف مغمضة عينيها بحال شي بنت صغيرة و جبد ليها شنايفة بعنف بصباعو حتى شدات فيهم مقصحة

رسال : أاااااي قصحتيني

مهدي : عرفتي راسك بعدا مكتحلميش

رجع السكات تاني مرة اخرى حتى وصلات لدربهم كان كيوقف فالشارع الرئيسي كيف العادة و لكن هاد المرة موقفش دخل مع الشارع الصغير المؤدي لدارها مباشرة الحاجة لي خلاتها تخرج عينيها

رسال : هااااويلي فين غااادي ؟؟؟!!!!!

مهدي : غادي نسلم على نسيبتي

خبطات على حناكها : اويلي واش تسطيتي ؟؟

مهدي : علاش انتا كنت بعقلي ؟

رسال : حبس حبس السيارة عنداك يشوفنا شي حد

مهدي حرك حجبانو بلا مبالاة :و يشوفو

رسال : عفاك عفااك حميمتك غادي تجبد ليا الصداع مع سعيدة تاااكلني

مهدي ضحك على هضرتهاا و عيونو لمعو بشيطانية : متشوق نشوف ردة فعل نسيبتي المستقبلية

وقف قدام بابهم الحاجة لي صدماتها كفاش عرف دارهم ؟؟ و لكن طالما راها مع مهدي توقع اي حاجة

نزل من سيارتو بغا يمشي يدق الباب و هي تجري جات قدامو معرضة يديها

رسال : ليرحم بااك دبا

بتاسم بشغب و حط يديه على الباب مايل لعندها محاوطها كتبان بحال قطة قدامو قرب ليها وجهو حتى نزل شعرو بشكل جانبي لي زايدو وسامة غطا ليه واحد من حاجبيه و جزء من عيونو

مهدي : و شنو المقابل ؟؟

رسال : لي بغيتي نديرها غا سير من هنا عافااك

مهدي قرب وجهو لعنقها : هادشي مكافيش

رسال : و صافي عفااااك

دورات عينيها كتشوف فجيران ياكما كيشوف فيها شي حد و كتهضر معاه فنفس الوقت ماحيتها لخوفها ولا لضغط لي كيمارسو عليها

غمض عينيه و قهقه بنصف ضحكة و نطق : عاوديها ؟؟

رسال :عفااااك

مهدي باستمتاع :مرضاتنيش

رسال نطقات هاد المرة بصوت خااافت كل مرة كيطلب منها تنطقها كتكسر درجة صووتها لي مرة مور مرة كيولي بحال لحن

رسال : عفاااااك

مهدي : مرة اخرى

رسال هاد المرة قربات ليه هي الاخرى وجهها و نطقات بشفايفها على حنكو بصوت اخفت و اعدب و الحن و شفايفها كيلامسو حنكو بحالا كتكتب كلماتها على حنكو و كأنها اللعنة كتوزعها على ملمسو الجلدي الخشن باش ترجع قلبو المتصلب يضرب : عفاااك

حس بالانتصاب من صوتها فقط و هو كيمارس طقوس ساديتو عليها و كيخليها ترغبو على اشياء هو باغيها ...شعورو فهاد لحظة صعب يتوصف .... بل فكل لحظاتو معاها الحاجة لي خلاتو دوز يديه على شعرو مرجعو للوراء و تكلم فوجهها

مهدي : مبقاش بزاااف

رسال تنفسها ولا مضطارب فهاد لحظات تأثيرو عليها شي حاجة لي ميقدر حتى شي واحد يوصلها ليه معارفاش بلي إثارتها عليه مضاعفة بتلاث اضعاف من داكشي لي كتحس بيه هي

طبع قبلة على حنكها و رجع للوراء مبتاسم و هي غير بان ليها كيرجع للوراء و ركب فسيارتو تنهدات براحة حاطة يديهاعلى قلبها و دقات الباب

هاادشي كامل و غافلة على العيون لي حاضينها من الفدريش

دقات و هي مبتاسمة اخيرا غادي تشوف مها بعد هاد المدة كاملة

تفتح الباب و سعيدة جايا بشوية عليها دقة دقة حتى فتحات لباب لي غير شاافت رسال توسعو عيونها و ترماات عليها

سعيدة : الله يا كبيدتي الله

شبعات فيها تعنااق و بوسان و كتشم فشعرها

سعيدة : خويتي عليا الدار و يا الكبيدة خويتيها عليا و توحشتك ا زين ديالي

شدات ليها فيديها : كتاكلي بعدا مزيان كيداز السفر

رسال : خليني بعدا غير ندخل ا مي

سعيدة : زيدي زيدي فين حوايجك ؟؟

هناا رسال وسعاات عيونها و هي لي خلات كوولشي ففرنسا و جات و عاد كملاتها و جملاتها مشرات لمها حتى كادو واحد على الأقل هناا دغيا ضحكات ضحكتها الصفرة و عقلها خدم كيقلب على شي حاجة منطقية

رسال : الحوايج هيهي اه راه شدوهم ليا فالمطار قاليك دبا يسيفطهم ليا

سعيدة : اوا دخلي بدلي حوايجك و رتاحي بعدا تلقى عييتي ا بنتي عياوك ليا

رسال : اه داكشي لي كاين عييت نيت هيهي

سعيدة : ندير ليك بعدا شي حاجة تاكليها تلقى فيك جوع

رسال : بلاما تعيي راسك انا غنقاد راسي

سعيدة : اويلي على تعييني هاد الهبيلة هادي سيري سيري

رسال توجهات لبيتها اول حاجة دارت دوشات غسلات غير شعرها بزربة و خرجات نشفاتو و لبسات غير شورط و سوفيطمة مشافتش حتى وجهها فالمراية خرجات عند مها لي توحشاتها تجمع معاها

جلسات حداها و كبات ليها كاس ديال اتاي

رشفات من كاسها و هي مرتابكة و ليني خاصها تجبد معاها الموضوع نطقات : مي بغيت ندوي معاك فواحد الموضوع

شافت فيها سعيدة ببتسامة : خبااار .....

بداات ابتساامتها كتدياق و ملامح وجهها كيتحولو لصدمة : شنووو داااكشي فعنقك ؟؟؟

هنا رسال خرجات عينيها و حطات يديها على عنقها : شنو داكشي ؟؟

ناضت لمراية و توسعو عينيها و هي كتشوف أثار قبلات مهدي الحميمية فيه و هادشي مضرباتش ليه الحساب و المشكل هاد القبلات تحطو فبلايص لي خصها دور عنقها عاد يبانو و نطقات بين سنانها بعصبية و هي كتضغط على الحروف

رسال : م......ه.......د....ي

تبعاتها سعيدة : رااني قلت ليك شنو دااكشي ؟؟

رسال : راه غير الكيس ا مي كنت كنحك و تطراسا ليا لحمي

سعيدة جمعاتها معاها بقرصة من يديها : الكيس ا بنت لحرام لي دار هادو كاملين بحال هاكا

رسال : آااااااااي

بدات كتقرص فيها و رسال كتغوت و سعيدة تخبط ففخاضها : هاوييلي اوييلي فين غنديير وجهي مع جيران

رسال : او الله مدرت شي حاجة ا مي

جمعاتها معاها بضربة لضهرها : سكتي يا بنت الحرام سكتي سيفطتك تخدمي ولا سيفطتك تق **** حبي

زاادتها ضرب على ضرب و رسال شافت راسها حصلات حصلات بغات تكحلها عماتها ضرباتها بجرية بعدات منها غا بستة و ستين كشيفة و مال كلاتها

رسال : وا مي المدير ديالي ايجي عندنا غدا هو و مو يخطبوني

سعيدة هنا خرجات عينيها كثر من ما هوما خارجين

سعيدة : هاااااااه هي كواك و بغيتو تسترو الفضيحة يا و الله ا بنت الحرام لبقات فيه

بعدما تفكات بستة و ستين كشيفة و ستة و ستين حيلة اخيرا سدات عليها البيت و فم سعيدة ولا بغا يحبس من نقير شواتها و خلاتها كلاتها فعضامها كان اول مرة تاكل لعصا من عند مها و سباب اش مهدي

غا تفكراتو تبعات ليه الدعاوي ليدير ليك و يفعل ليك حتى شبعات و هزات تليفونها مصورة ليه عنقها لي مطراسي

رسال : درتيها بلعاني ؟؟

وصلاتو الصورة فهاتفو لي هزو و بان ليه عنقها هكاك و بتاسم برضى : ههههه لا درتها بصح

رسال : شفتي شنو درتي ليا دبا جبدتي ليا الصداع مع مي شبعات فيا عصا

مهدي : ههههه اوووه الحبيبة ديالي كتاكل العصا على قبلي عجبني هاد التصرف منك

رسال : انا لي حمقة مسيفطة لحمق بحالك 😤

مهدي رجع كيتمعن فالصورة ديال عضات الحب الموزعة على عنقها

مهدي : و لكن احبيبة عرفتي جااو معاك زينو ليك عنقك

رسال هنا حطات الهاتف ديالها كتحس بصحتها تنملات عليها ناضت من بلاصتها و بدات كتحرك فرجليها و غوتات غوتات بحماس زائد

سعيدة لي كانت دايزة من حدا الباب : كوردة

ضحكات على الدعوة لي عطاتها و حطات يديها على حناكها المرة تالثة لي كيقول ليها حبيبة فيها واش فعلا هي دبا فعلاقة غرامية مع مهدي ؟؟ تغير ديالو معاها بهاد الشكل شي حاجة شوشاتها كثر ما فرحاتها و معرفاتش سر هاد التغير المفاجئ كثر من انها عارفة بلي عاجبها

قفزاتها سعيدة لي بدات كدق فالباب

سعيدة : حلي داك الباب المسخوطة دبا نمشي ندير ليك سرتافيكة

رسال : امي يهديك الله ديالاش سرتافيكة

عقدات غوباشتها و شافت فيها : و باقا كتسولي ؟؟ اوا و الى نكرك و قاليك متلاش جااي شنو نديرو ديك ساعة زيدي لباباك باش الى بغا يلعب معانا نلقاو باش نشدوه فدار المخزن نغرق والديه فالحباسات

رسال دوات من تحت سنانها : راه يغرق قبيلتنا كاملة امي لمفخباركش

سعيدة : شنو كتقولي اديك شيخة

رسال : راه مدار ليا تا حاجة امي باش غنقولها ليك ؟

سعيدة: اوا شنو داكشي لي فعنقك ؟؟

رسال حدرات وجهها و بدات كتشوف بنص عين كتسنى الدقة منين غتجيها : راه غير ...... باسني

سعيدة جمعاتها معاها بقرصة اخرى و المشكل فنفس البلاصة : و كتقولي فيها بوجهك حمر

رسال : و صافي ا مي راه غدا غيجي يخطبني

سعيدة هنا تكمشات فالسداري و ضربات طم قاطعة عليها لغة و جات رسال حتى هي كلسات حداها و هي منفخة عليها غير هاديك غيجي يخطبها لي برداتها شوية هي مزال مكانت باغا تعطي بنتها تزوج و ليني فاش القضية هاكا اللهم تزوجها قبل مدير شي فضيحة هي و ياه و تخلي لجيران فين يهضرو فيهم

بقاو فداك الوضع لساعات حتى وصلات لحداش د ليل عاد مشات عندها رسال

رسال : وا صافي ا مي غتبقاي منفخة عليا ؟؟

سعيدة هنا سكتات شوية دوات : يالاه سيري تنعسي غدا خااصنا نفيقو بكري يالاه نوجدو لضياف ضيافتهم

رسال : راه غير بزوج لي غيجيو ا مي دبا غير ايهضرو المرة الاولى

سعيدة : ضياف كيبقاو ضياف

رسال : اوا نتي تعرفي حسن مني منعرفش بحالك

سعيدة: خصكي تعرفي دبا راك غتزوجي زعما

النهار الموعود

بعد الجري و جميع و توجاد نهار كامل دااز غير من هنا لهنا جري عليا نجري عليك حتى اخيرا كولشي واجد طلعات رسال دوشات و قادات شعرها لبسات بيجامة جديدة بالأسود حتى غوتات عليها سعيدة بحجة فال خايب فهاد المناسبة تلبس هاد لون و بدلاتها بوحدة اخرى بالابيض و داخل فيها الصم كتعقد لور الحاجة لي خلات مؤخرتها بارزة عيونها جبداتهم بالأيلينز و فمها زيناتو بالوردي الفاتح .... جات بسيطة و انيقة كيف عادتها

الساعة تشير ل 4:30 تطرق الباب و سبقات سعيدة فاتحة الباب كتشوف امرأة تعطيها سن العشرين فكامل اناقتها بعبايتها الزرقاء المزينة و شالها لي حاطاه غير من الفوق كيبين شعرها الأشقر الذهبي ابتساامة بشوشة على وجهها غير شافتها نطقات بعفوية

ملاك : سلاام كيدايرة اختي لباس عليك

سعيدة : هههه اهلا مرحباا

ضرباتها ليها ملاك بواحد تعنيقة بحالا كتعرفها من زمان من طبعها اجتماعية و دغيا كدخل للخاطر هادي هي ملاك

سلمات حتى على مهدي لي كان هاز فيديه الورد و الشكلاط لي رمقها ببتسامة و رحبات بيهم يتفضلو لمنزلها

سعيدة : مرحبا بيكم الدار داركم متحشموش

كان مهدي فالوراء كيشوف فداكشي لي هاز مؤنتك بلباسو الرسمي لباسو الكلاسيكي كيعطيه رونق من نوع خااص بسباب بنيتو المفتولة ساعة ذهبية فيديه و عطر رجولي ضاف للمكان جادبية كانت سعيدة لي مجمعة مع ملاك كيتساؤلو على الحال و الاحوال كتشوف فيه بنص عين الضاهر خدا الرضى ديالها شكلا

حط الورد و الشكلاط فوق طبلة فآخر أيامو ولا كيهز بحال هادشي و لكن كولشي على قبل مييمتو لي معمرو ايخسر ليها الخاطر فحتى حاجة

كلام كيجيد كلام حتى تكلمات سعيدة موجهة كلامها لمهدي

سعيدة : فيت ماماك اولدي مجاتش معاك ؟

مهدي ضحك على هضرتها و نقزات ملاك لي كانت كضحك

ملاك : ههههه راه انا هي ماماه

مهدي : هههههه

سعيدة : ههههه اويلي يحساب ليا غا ختو كتباني صغيرة ههههههه و لاهيلا عندك الزهر اولدي بميمتك تهلا فيها

مهدي : هههه بلاما توصيني ا خالتي مهلي فيها

ملاك : اوا فين هي رسال مبانتش ليا

سعيدة: راها فالكوزينة كتوجد اتاي ....رسااال رساااال

رسال : نعام

سعيدة : الى ساليتي اجي

بعد دقائق داخلة رسال بالصينية لي حطااتها و مشات سلمات على ملاك مرداتش لبال بلي كوزات لمهدي محسات بيه حتى قرصها من طرمتها مقفزها بلاما يديو لوخرين ميجيبو سلمات عليه باليد حتى هو لي مبغاش يطلقها كيعجبو يشوف داك الارتباك فعينيها و هي كتحاول تسلت يديه منها هاد الحاجة لي كانت واضحة للجميع و خلات سعيدة تصغر عينيها بان ليها هاد خونا مكيحشمش

عفطات ليه ملاك على رجليه حتى طلقها و دارت بتاسمات لسعيدة ابتسامة صفراء

ملاك : هيهههه رسال جات زوينة مشاء الله كيجي معاك الابيض بزااف

هنا تكلم مهدي معندوش شي حاجة سميتها الحباسات ولا الفران لي بغا يقولها كيقولها نطق بالنفي

مهدي : لا الاحمر و الكحل لي كيجي معاها بزااف

هنا سعيدة دورات عينيها لرسال لي سرطات ريقها "زيغ داكشي علاش بغات تلبس الكحل "

نطقات تاني ملاك لي خنزرات فمهدي : هيهيهي و ليني تا الابيض جا معاها ولا لا ؟

مهدي لي شاف ملاك كتغمز فيه و مال كان يزيد يشرح ليها كفاش كتجيه رسال فاش كتكون لابسة الوانو المفضلة : اه عندك الحق

هضرة من مور هضرة و رسال وجدات ليهم الطبلة على حقها و طريقها بعدما شربو اتاي جبدو الهضرة الرئيسية علاش جايين هي واخا سعيدة بان ليها مهدي مكيحشمش و ليني غير كتفكر دوك المصات لي فعنق رسال كتسرطو بجغمة د الماء اللهم تزوجها ولا تبقا ديما رادة البال معاها و عاد جاتها ملاك ليعمرها دار و زيد عليها مهدي قتلها بالصواب مكاين غير خالتي خالتي بعدا

ملاك : اوا اختي سعيدة راكي عارفة لاش جينا لهنا حنا طالبين راغبين فيد بنتك لولدنا على سنة الله و مغيخصها معاه تا خير يديرها فعينيه

سعيدة : اوا اشغنقول ليكم انا جيتوني الله يعمرها دار

و ليني شوار شوار البنت واخا كتبان ليا قابلة اشنو قلتي ا بنتي

حركات رسال وجهها بالإيجاب واحد الحشمة ماعرت منين نزلات عليها فهاد الموقف

رسال : اه قابلة

ملاك : اوا مبروك عليكم من دبا ليكمل بالخير هي نضربها بشي تزغريتة

سعيدة : هههههه خودي راحتك

ضربااتها ليها ملاك بتلاثة التغريتات و جيران بداو كيطالو من ديور كولشي عرف رسال جاوها الخطاب و غير الحديدة لي واقفة قدام الباب دارو عليها حالة و كولشي شاد نميمة على هاد العريس لي ماعرت كي غيكون حتى نقزات لالاهم خديجة البركاكة د الحومة لي غيباتها سعيدة بطاوة و مبغات تحشم

خديجة : ويلي ويلي تومة غا خليو دااك جمل راكد توما راني شفتو باسها و باستو بعيني

صعاب زنقة كولشي حد يديه على خدو و نطقو دقة وحدة : اوييييييلي وااش رسال هادي ؟

خديجة : ااااييه راني قلت ليكم طاحت على غبار هاد طنوبيل نيت و راه هي لي كنت كنقول ليكم كتوصلها

داازو اجواء الخطبة بيخير و على خير و مهدي هو و مو خرجو من تما محددين موعد العرس و هادشي كامل غا

بسباب مهدي

..... تحناات سعيدة عند رسال كتهضر فودنها

سعيدة : واش متأكدة ا بنتي هدا لي بغيتي ؟؟

رسال : اه بغيتو ا مي

بتااسمات رسال و هي كتفكر شنو وقع و نطقات مرة اخرى : بغييتو كيما هو

** فلاش باك **

ملاك : اوا دبا مبقا لينا غا نحددو موعد الخطبة الكبيرة انتا مسلككوم نرجعو ؟؟

سعيدة : اوا شوفو نتوما تاني اشبان ليكم ؟؟

مهدي حك على راسو و تكلم : كنضن نديروها سيمانة الجاية

سعيدة :و ليني واش ماشي بزااف سيمانة راه متكفاناش لتوجاد ؟؟

اوا هنا ابتاسم مهدي : اذن بلاش من شي خطبة نديرو العرس نيشان

ملاك هنا من بعدما بدات الصدمة كتمكن منها بدات كضحك بزز : هي هيهي هيهي ولدي عزيز عليه يضحك

شااف فيها بجدية و نطق معارض كلامها : و لكن انا مكنضحكش

سكتو كاملين و بقا شي كيشوف فشي حتى دوات ملاك

ملاك : اولدي الخطوبة راه من العادات والتقاليد ديالنا ضروري تكون

مهدي هنا نااض من بلاصتو محسو بيه غير و هو من مور الكرسي د رسال و حاط يديه على كتافها

مهدي : الحب معندوش قوانين ..... الحب مكيعرفش الوقت او المكاان

قرب وجهو لرسال كثر بحالا بغا يقبلها و عيونو فعيونها و هي ضحكة باغا تخرج ليها من الودنينو و تكلم

مهدي : متافقة معايا ؟؟ ..... ا حبيبة " ضاغط على مخارج الحروف فالكلمة الاخيرة "

هنا قفزات سعيدة من بلاصتها كتفتف سيد بقا ليه غا يغتاصبها قدامهم و المشكل صورة عنق رسال بين عينيها تخااف تعارض هادشي و تصدق بنتها جايبة ليها شي فضيحة كون كان بانت ليها بلي كيجبرها على شي حاجة مكانت تخليه و لكن المشكل كتبان ليها حتى رسال عاجبها الحال ولات كطلب غا السلاك

سعيدة : صافي لي بان ليكم ليسر فيه الى حتى رسال موافقة على هادشي انا معنديش مشكل

رسال : انا معنديش مشكل حتى العرس كنفضل يكون غير شي حاجة بسيطة

ملاك : فهاد الحالة ا بنتي مضربي الحساب لحتى حاجة و لكن العرس متخمميش ايكون شي حاجة زوينة بزااف و مغينقصك فيه حتى حاجة

سعيدة : انا عندي ليهم طلب واحد فقط تهلاو ليا فبنتي راه واخا غير مربياها و بنت ختي و لكن الامومة مكتحتاجش لدم الرابط لي بيناتنا اقوى من هادشي ....رسال هي الوردة لي دخلات لحياتي و نوراتها بعد ما ماتت كاع عائلتي و خويا الكبير لي معرفتوش واش عايش ولا ميت ....رسال راه كثر من بنتي رسال هي الشمس ديالي و لي خرجاتني من العزلة ديالي

كلاامهاا و الصدق لي كان كيبان فعيونها خلا مهدي يشوف فيها ملاك اخرى ام اخرى خايفة على وليداتها و كترعاهم و تهتم بيهم

ملاك هنا شدات فيديها : بنتك على الراس و العين مغيخصها معانا حتى خير انشاء الله كوني هانيا من هاد الناحية عارفة الكبدة صعيبة و الوحدة اصعب و حتى نتي مرحبا بيك فاي وقت حاسة بيك

مهدي لي احاسيسو تبعثرو فهاد لحظات و بالخصوص جبدو شي حوايج لي كيقيصوه و لي هوما متعلقين بالأمومة هاد الكلمة لي كيختازلها فملاك النور ديال حياتو ...ياما تكرفسات على قبلو ...و ياما عارضات رحمان على حسابو واخا كان كيدير علاش كاانو امراء لبعضهم و رابطتهم قوية بزااف شااف فرسال مطولا كيظنها محظوظة بوجود ملاك اخرى فجانبها و معاها و لو تكون علاقتهم ماشي بالدم

قرب من مييمتو كيف العادة اي حاجة كتخليه يزيد كثر يبغي مو و اغانيه المفضلة مع ذكرياتها معاه هو اصلا لاش دااير كاع هاادشي من غير باش ياخد رضاها

تحنى لعندها و قبل يديها بحنية و تكلم

مهدي : شنو بان ليك الأميرة ديالي اي موعد حددتيه للعرس يكون

بتاسمات ليه ملاك هي الاخرى و شافت عند سعيدة : كنظن من الأحسن هي تقرر الوقت لي يكون مناسب

بتااسماات ليها سعيدة هي الاخرى و شاف فيها مهدي و نطق بأدب : شنو بان ليك ا خالتي ؟

قربات ليها رسال و دوات فودنها بخفوت : قولي سيمانة

تجاهلاتها سعيدة بحالا مسمعاتهاش و نطقات : من هنا لشهر مناسبكم ؟؟

ملاك : صافي وقت مناسب

جبدو مواضيع أخرى و ملاك و مهدي لي كانو بغاو ينساحبو مخلاتهومش شداتهم للعشا و شوية بشوية كان كيتحيد توثر لي بينهم و ولاو كيهضرو بأريحية مع بعضهم من قل مهدي لي كان واخد راحتو من لول

** نهاية الفلاش باك **

بابتسامة كترمق بيها ملاك نطقات و هي كلها فرحة تخوفها بدا كيتزال شوية بشوية من جهة مهدي و الفضل كيرجع لملاك حيث التعامل لي شافتو تعامل معاها كبرو فعينين سعيدة و عاد فاش زادت حكات ليها على الاهتمام الكبير لي كيقدم ليها

سعيدة : مسخييتش بيكم

ملاك : اوا هاحنا انبقاو نتلاقاو دبا دايمن المرة الاخرى الغداء عندنا حنا مرحبا بيكم جييو غدا

الأيام كتمر بسرعة و كأنه غير البارح لي جاو لعندهم والان تبقت تلاث ايام فقط على اليوم الموعود فهاد الايام كانو لقائات مهدي و رسال قلال و عاد مبقاتش كتمشي للخدمة مع توجاد على الرغم من ان ملاك قالت بلي كولشي غتوجدو هي و لكن سعيدة ضروري بغات تكبر ببنتها غادي دير لبنتها عرس مغربي معتبر و توكل جيران عاد ديك ساعة الى بغاو هوما يديرو شي حاجة يديروها ....خيطات ليها من كل ما تشهى النفس و مخلات مشرات ليها كأي عروسة مغربية

الخبر تنشر و كولشي عرف العرس قرب عند مهدي كان جالس فوق الفوطوي و هاز هاتفو فيديه كيلعب بيه تضاايق من هاد القضية سيمانة مشافهاش معرفش علاش و لكن حس براسو خاصو يشوفها

كان البيت عامر و شي غادي شي جاي كوولشي كيوجد راسو والوجهة مدينة الرباط كوولشي بدا كيركب فسياراتو و ملاك وقفات عليه

ملاك : يااك غتمشي حتى نتا ؟؟

مهدي : غير سيرو عندي ميدار

ملاك : اويلي الخطبة ديال ولد عمك زعما ؟؟ عيط لرسال و يالاهو نيت تزيد تعرف على العائلة

مهدي هنا بتاسم بانت ليه فكرة مزيانة ايشوفها نيت :

صافي غير سبقو دبا نتبعوكم

ملاك : ههههه وليتي دبا مسالي ؟؟ يالاه حتى نتلاقاو الى مدارتش ليك فالخوا تاني

مهدي : ههههه

سيفط ميساج فالبلاصة لرسال و دار معاها تخرج و يتعرض ليها و هي كتستعذر ليه حتى سيفط ليها اوديو من لكنة صووتو شداتها القفقافة و خافتو يدير شي حاجة و عرسهم مبقا ليه والو

مهدي :دبا غتخرجي ولا مغتخرجيش ؟؟

رسال : تسنى نلبس و غنتسناك فالشارع لي حدا حومتنا

لبساات حوايجها لي كانو عبارة على تريكو و سايا قصيرة بالاسود لبسات سبرديلتها و طلقات شعرها البني

غير وصلات وقفات سيارتو نيت و طلعاات فييها

ياالاه نطقات سلام محساتش بيه انتا بدا قرب ليهاا واخد من رحيقها العسلي رشفاات متص بييهم العسل المميز الوردي و يديه حطها على عنقهاا و بدا كيحرك فراسو لجميع الاتجاهات كيقبلها بكل احترافية باغي يعطي لكل شفتيها حقهم فالمضغ

كاانت حتى هي مستمتعة بالأمر كتحس بقلبها كيدق و حرارة جسمها بداات كترتاافع و هو بداا كيقبل جنب فمها حتى هو و يعضو عضات الحب الحميمية راافض جسمو يبعد عليها و كيزيد يلتاسق بيها كثر و كثر ....

بداا كيقبل جنب فمها حتى هو و يعضو عضات الحب الحميمية راافض جسمو يبعد عليها و كيزيد يلتاسق بيها كثر و كثر .... بعد منهاا بشوية كيتفحصها بعيونو حتى شاف فخاضها لي باينين بحكم الصاية لي قصيرة حط يديه على فخضها ضغط بيها عليه حتى قفزات من بلاصتها و زااد قرب ليها كثر ملتاسق بيها و كيدوي حدا شفايفها و عيونو فعيونها كتفصل بيناتهم مسافة صغيرة بزااف

مهدي : صايا قصيرة ؟؟؟

رسال : مقصيراش بزااف

مهدي : منبغيش شي حد اخر يشوف فيك حيث نتي وليتي ديالي دبا

كلامو دغدغ قلبها و خلااها تسهى فيه شي حاجة كتجدبها ليه

طبع قبلة سطحية على فمها و بعد منطالق بسرعتو الجنونية كيف عاادتو و طاالق المزيكة د lferda كيف العادة و هاد المرة طالق billiet و كيغني معاها مع انعطافاتو الخطيرة و ملاقيش لي يهضر معاه ولا يدير حد لتهورو و رسال كضحك عاجبها الحال تكون مع مجنون بحاالو و بداات كتغني تا هي مع الاغنية

عمر العطاي يولي fidéle حيث لي فيه شي vise راه فيه

Jamais العطار غيشم ريحتو حيث سحورو كيشد فيه

معايا رضاة الوالدين مغمض عيني و زايد فيه

انا و راب نعيشو طقوس حقاد سمو باين فيه

صاحبي قلبي كعما كيتيق عرفهم كلهم خونة

ولا قليل لي لقيتو فطريق معانا ولا مع غانا

صاحبي نسيت سميتك فكرني فشكون لي لقانا ؟؟

" كانو كيغنيو بالجهد غالقين السعادة مع بعضهم غا بوحدهم و فهاد اللحظة نيت لي كيتبدل ريتم د الموسيقى دار مهدي عند رسال مدوز صبعانها على وجهها و هي غمضات عيوونها و هو كيتمتم بكلمات الاغنية و يهضر بهمس

مهدي : كتجبدني باش نكلاشيك باش يتزادوك abonné نتيا فيك شي حاجة بيزار بحال لي فصوفيا طالوني

كاانو كينطقو بيها بزوج و هوما كيشوفو فوجه بعضياتهم حتى كملوها و ضحكو بالجهد كدليل على ارتفاع هرمون السعادة فدمهم

و كملو كلمات الاغنية و رسال كتشطح بيديها

رسال : من a l'époque تال دروكا on est la

انا لفوق و الكيم كيبانلي تحت سوميلا .....

بقااو هكااك من اغنية لأغنية حتى رسال جاتها طريق طويلة و سولاتو

رسال : و لكن فين غاديين

مهدي : غاديين لرباط ولد عمي ايخطب ليوم و دبا راه سبقونا

رسال هنا حركات راسها بالإيجاب و هي تشوف فيه و ضحكات فاش بانت ليها طريق لوتوروت خاوية

رسال : نزل خليني نسوق

مهدي : هههههه بااش تقتلينا يااك ؟؟

رسال : ههههه اوا نتا و زهرك

مهدي : ياالاه اجي فوقي الى بغيتي تسوقي

رسال هنا دلات شنايفها : لا صافي بلاش

مهدي ضحك بخبث و بتاسم و هو مطلع راسو لسماء : ههههه

مدينة الرباط ، عاصمة المغرب الشهيرة متميزة بلمستها الخاصة بحالها بحال كاع المدن المغربية لكل وحدة فيهم حاجة تميزها على الأخرى

وقفات سيارة مهدي قدام فيلا عصرية فاحد الاحياء الراقية و حداها كانو مجموعة من السيارات الفاخرة لخاصة بعائلة المنصوري جات رسال لحداه محسات بيه انتا حط يديه على خصرها محاوطها مقربها ليه و كيتمشى معاها دخلو لداخل و ليكارد لي شاافو كيحني راسو

حتى دخل بان ليه الكل مجموع كانو عاد باغين يتغداو نيت

بالنسبة لمهدي كتافى نطق غير : السلام

و مشا جلس داير رجل فوق رجل اما رسال فبقات كدور فعيونها ملاك غير شافتها هي و ريم ناضو لعندها كيعنقو فيها

ملاك : اااااه رساال توحشنااك

جات حتى ريم عنقاتها : غبرتي ا صاحبتي من داك النهار لي خرجنا فيه

رسال : ههههه اوا غير مع الوقت و توجاد راكي عارفة

هناا ملاك شافت لعند العائلة كاملة

ملاك : لي مزال مكيعرفش مرات مهدي هادي هي رسال

ناض الكل كيسلم عليها و يسولو فيها و هي كتعرف على لي مزال معرفاتش و فوسط هاد الناس كان شخص لي عنقها عناااق حااار خلاها مستغربة

بتااسمات ليها ابتسامة واسعة واخا عيونها باين فيهم حزن دفين و نطقات بكل هدوء و ادب : مرحبا بيك ا بنتي فعائلة المنصوري

الكل ستغرب و الاكثرية بقاو فاتحين عيونهم كفاش نسمة بتاسماات و بداو الشوشرات بيناتهم

سكينة لملاك : كثر من 20 عام مشفناش ابتسامتها معجزة هادي

سليمان : رحمان شفتي لي شفت ولا عيني كدبوني

بتاسم عصمان هو الآخر حس بشوية الأمل ....بالقليل من النور وسط عتمة الأحزان و الألام .... واش تقدر ترجع ليه شي نهار حبيبتو لي كيبغيكيف كانت ...واش يقدر مزاال يشوف الروح لي تدفنات يوم اختفاء بنتهم

حنان هاد الأخيرة لي بداات كترجع صحتها و ترجع لحياتها الطبيعية شهرين كانت كفيلة انها تسترجع ذاتها شرح ليها عثمان كولشي و شنو دار طريق و كأي وقت كتسنى فولدها انتا يجمع شجاعتو و يجي لعندها حيث توحشاتو شهرين بالنسبة ليها مدة طويلة بزااف كتاصل بيه و لكن دايمن لا مجيب بغات تشوفو تسمع صوتو و لكن كظن خاصو الوقت كيما قال عثمان بتاسمات ليهم و نطقات :الغداء واجد

كولشي ناض تجمع على طاولة الاكل الطويلة لي مزينة باشهى المأكولات الفاخرة الخاصة بالضيافة و مهدي جر لرسال كرسي تجلس حداه و داكشي نيت لي دارت

ندامجات مع الجو د العائلة و لكن حاجة وحدة لي ديرونجاتها و هي العيون لي حاضينها حتى نطق. مهدي فودنيها

مهدي : تصرفي عادي

بسهي كتشوف البنت لي امامها لي عمرها يمكن يكون بحال عمر بنتها المفقودة ....بعيون مشتاقة للماضي كتشوف فيها و عيونها كيبرييو و مركزة مع عيونها العسلية كان سليمان هو الآخر راد البال لتصرفاتها محسش بيها حتى دارت لعندو كتشوف فيه و فعيونو هو الآخر

ابتاسم برضى و تكلم

عصمان : توحشتيني ؟؟

نسمة : عيونها بحال عينيك ...عينين الرجل الشرقي الماكر

عصمان ابتاسم و حط يديه على عنقها ببتسامة مبغاش يعكر مزاجها و هو شحال مشافها ضحكت فوجهو

عصمان : خاصني نشكر خطيبة مهدي على هاد الحساب بسبابها تلقيت المديح من مراتي العزيزة

نسمة ببتسامة و نظرها رجعاتو لرسال : اه خاصك تشكرها

رجعو ركزو فأكلهم حتى سلاو و توجه الكل لصالة مجمعين اما مهدي هو الأخر فكان كيهضر مع سيف على المشروع جدييد لي باغي يديرو ناوي يشري جزيرة كاملة فدولة اجنبية و يرجعها مكان مخصص لسياحة و هادي خطوة كبيرة و مشروع ضخم يقدر يجني من ورائو اموال هائلة من طبعو معندوش مع العائلة بزااف و لكن سيف بحكم انه الابن الكبير لعائلة المنصوري و بفضل شخصيو المرحة قدر يكسب صداقة مهدي

عيونها منزلاتش عليها و رسال لي كانت مجمعة معاهم و كتهضر على التجهيزات و توريهم فالقفاطن لي خيطات ليها مها كانت متوثرة كلما شافت نظراتها كلما ارتابكات

نسمة : تكون قدها فالعمر دبا يااك ؟؟

هنا حنحن عصمان و شاف فيها بجدية : نسمة بهاكا كتوثري البنت

تداركات نسمة الموقف و دلات شنايفها بحزن

عصمان: و لكن يمكن ليك تمشي تهضري معاها سيري شوفي شنو كتوريهم

نسمة : بصح ؟؟

عصمان : علاش شنو لي غيمنعك ؟؟

حركات نسمة راسها بالايجاب و نااضت من تماك هاد المرأة لي اول مشافتها سماتها فذاتها بالمرأة الكبيئبة

نسمة :شنو كتشوفو ؟؟

الكل ستغرب فالعادة مكتبغيش تجلس معاهم غير بزز و دبا الان هي بنفسها جايا لعندهم و هنا عصمان ابتاسم و مشا يجلس حدا خوتو

ابتاسمها ملاك فوجهها هادي حاجة فرحاتها و تكلمات : ههههه غير كتورينا رسال شي قفاطن خيطاتهم

نسمة : انشوف معاكم

ابتاسمات ليها رسال و قربات لعندها تليفون بعدما دارو ليها بلاصة حداهم

نسمة : هاد لون لي ختاريتي زوين بزاف ايجي مع البشرة ديالك السمراء

رسال : حتى انا عجبني اول مشفتو

بقات كتوريهم حتى زلقات ليها تصويرة فيها لي دو بياس بالوان مختلفة و لي اغلبيتهم بالاحمر و الاسود دورات طوف دغيا حشمانة منهم حتى نطقات المقزدرة د سكينة من القنت

سكينة : اه اه اه مالك على كاع هاد الحمر و الكحل فيك الهوايش

هنا ضحكو كاملين حتى جاوبات ملاك كطنز عليها : ههههههه اوا اشغنقوليك لي مضروب على هاد لوان عارفينو رسال ناوية تهبل ليا ولدي كعما يبقا يخرج من بيتو

ضحكو تااني بييناهم حتى دوات ريم : هاااح شي ياكل الحلوى و شي ضايع بحالي

الكل : ههههههههه

ملاك : ههههه اوا اشغنديرو ليك نتي لي كتجري عليهم" داوية على الخطاب " و ماال رجاال ( ملاك ضاغطة على مخارج الحروف )

حتى كولشي تكرشخ بالضحك تاني و من ضمنهم نسمة

دااز نهار زااهي فالجماعة و التقشاب رسال محسات براسها برانية نهائيا و الفضل كيرجع ليهم لي خلاوها تندامج معاهم بسرعة مهدي فجأة و لأول مرة كيناقش شي حاجة د الخدمة مع باه لي تدخل حتى هو و الرجال الاخرين فالمشروع لي كان كيدوي عليه مهدي ....خلاصة القول كانت هادي اول مرة يتجمع مهدي مع عائلتو بهاد الشكل

اوا هنا بداا المعقول و بدا كلام الصح تجمع الكل فالصالون من بعد كاس د اتاي و لي من ضمنهم أية لي كانت يالاه رجعات لدارهم بحكم كانت فمحلها الخاص بالأحدية كتراجع الاوضاع فيه بعدما سلمات عليهم كاملين طلعات لبيتها و سيف غير متبع ليها العين و كيضحك عاد نزلات عندهم بلباسها الواسع و زيفها فوق راسها كيف العادة بعدما نتاهات السؤالات على الحال و الاحوال هنا حنحن سليمان المعروف هو امور الخطبة الرجال لي كيهضرو فيهم الى عند القليل بحال مهدي بحكم معرفتو بلي عندها غير خالتها فضل يدي مو كيما قتارحات عليه

سليمان : و صراحة ا سي راجل ختي

كوولشي هنا تكرشخ بالضحك الطريق مناش داايز و هو يقدر بكل بساطة يقول عثمان و لي ضحكهم كثر هو ديك سي لي زايد ليه زعما دليل على الاحترام و هو مولف كيعيط ليه غا عوتعوت

سليمان : هههه اوا خليوني نكمل راني كنهضر فالمعقول زعما

حنان : ههههه كمل كمل متديش عليهم ا خويا العزيز

سليمان : ههههه نتي لي كتفهميني ... احم المهم حنا جايين طالبين يد بنتكم أية لولدنا سيف

الصدمة كانت كبيرة عليها و وجهها تلون على إثر هاد الخبر لي سمعات حساات بالحشمة و قلبها ضرب و عيونها دارو لعند سيف لي لقاات عيونو هايمين فيها و كيبتاسم ليها ....دغيا نزلات ووجهها بخجل و كتبلع ريقها شي حاجة لي معرفاتش كفاش وقعات . ..كفااش خطبة و هي مفخبارها والو .....اذن هوما ليوم جاو على حسابها ماشي مشية عادية كيفما كيحساب ليها

سكتات و حدرات الراس و عثمان ضحك بثقالة : هههه اوا منلقااوش محسن من ولدكم لبنتنا و لكن كيف كتعرفو القرار كيرجع ليها ماشي ليا الى قبلات هي معنديش مشكيل

سليمان دار لعندها كيشوف فيها : شنو قلتي ا بنتي ؟؟

هناا اية تزادو الوان الطيف لي فوجهها و حشمات جاها هاادشي على غفلة مكانتش متوقعاه ولا مستعدة ليه هي و سيف عمرها فكرات فيها نهائيا بحكم شخصيتو و كفاش كل مرة كتلقاه مع بنت فشكل متنكرش بلي فالأخير لاحظات جمالو و شخصيتو المفروحة كتجدبها و لكن فتاة متدينة بحالها و واحد زهواني بحالو بحال شي زوج خطوط متوازيين عمرهم يتلاقاو

الكل ساكت كيتسنى جوابها و نطقاات كاسرة هدوء المكان بصوتها اللطيف : انا ......

هنا قاطعها سيف ممخليهاش تكمل كلامها موجه كلامو لباها

سيف : عمي واخا نهضر معاها على انفراد واحد العشرة دقايق

عثمان : اهاه مرحبا اولدي زواج هدا

هناا مهدي نطق فودنيه : الى مبستيهاش ماشي راجل

ضحك سيف بخفوت على كلامو وسط توثرو و خوفو من جوابها و خرج من البيت

كانت تابعاه بخطوات بطيئة حتى توجهو لبيت اخر جلس فوق سداري و هي بقات واقفة

حتى طلع فيها عيونو

سيف : جلسي

جلسات بعيدة عليه دايرة مساحة بينها و بينو و هو شااف فيها و كيدوي بجدية على عكس شخصيتو الفكاهية

سيف : شوفي انا عارف الفكرة لي غتكوني واخدة عليا

وسعات عيونها سارطة ريقها من كلامو حتى كمل

سيف : انا كنعتارف انا زهواني و كنت من بنت لبنت كندوز الوقت و لكن تيقيني عمرني تفليت على شي بنت الناس الواحد عادي كيدوز من داكشي قبل ميدير عقلو و صراحة انا درت عقلي و بنتي ليا نتي بنت الناس و من العائلة صراحة منين كنا صغار كنتي كتعجبيني و لكن كنت كنتجاهل هاادشي "سكت مطولا عاد كمل كلامو .... " فهاد الاشهر الأخيرة تبدلات فيا شحال من حاجة كل تفكيري كان فيك فقط

زيرات على يديها و كتحرك فيهم برتباك من كلامو و غزلو ليها ..وحدة فحالها ممولفاش الغزل الذكوري كلامو خلا قلبها يخفق بشدة و عاد الشوفات لي كان كيرمقها بيهم و كأنه مدرب على قانون الجدب سنين هادو

سيف : ثقي بيا الى تزوجتي بيا عمرني نخسر ليك خاطرك ..... حيث انا كنصلي و عارف بيني وبين الله ...و عارف حقوق الزوج على الزوجة

انا غنعطيك وقت تفكري و نتي شوفي شنو بان ليك الفترة د الخطوبة حللها الله و كنتمنى تعطيني فرصة اكيد غنتفاهمو و غنعيشو بيخير و على خير

طول فيها نظرو حتى نزلات عيونها كدورهم بارتباك محشات بيه حتى حط يديه على يديها و نطق بصوت خافت

سيف : اية شوفي فيا

طلعات عيونها فيه كتبغي تنزلهم و لكن عيونو و ديك الشوفة دااك لمعان مخليها مقادراش تنزلهم مزال

سيف : انا كنبغيك

خفقاات شديد فقلبها .... قطرة عرق نازلة من جبينها ...و شفايف كيترعدو على اثر الكلمة لي سمعاتها من فمو و مكفاهش هادشي بل كمل كلامو

سيف : واش تقبلي تزوجي بيا ؟؟ واش تقبلي تكوني معايا ؟؟

نظراات كيتفحصو كل انش فوجههو حسات بيه بحالا دار ليها التنويم المغناطيسي محسات براسها غير كيتحرك بالإيجاب الحاجة لي خلاتو يضحك بفرح و قرب ليها بغا يطبع قبلة فجبينها محسش بيها حتى بعدات منو هاربة من داك المكان فتجاه بيتها الحاجة لي خلاتو يضحك

سيف : هههههه غير هربي دبا ا لالة اية

رجع عندهم للبيت كيضحك غير شاافو مهدي وسع ابتسامتو عارف ولد عمو شنو كيسوا ميخفاش عليه

و هناا سيف شااف فمو و حنان : الواليدة نسيبتي شفتكم مزغرتوش ؟؟؟

سكينة : قبلات ؟؟

سيف : ههههه اه

اوا هناا تطلقو زغاريت فالداار و هادي فرحة دايزها الكلام

ملاك : و لاهيلا مبروك عليك ا ولدي كنا ففرحة ولينا فزوج

سيف : ههههه لهلا يخطيك انالتي العزيزة

عثمان : ليكمل عليكم بالخير

سيف : امين

حنان : و فين هي اية

سيف حك على راسو و ابتاسم و هو كيتفكر بلي هربات منو

سيف : حشمات و مشات لبيتها مقدراتش تجي لهنا

هنا مهدي تكرشخ بالضحك فهم الفيلم و العائلة بقاو غير كيشوفو فيه معارفينوش علاش كيضحك و دغيا وجه كلامو لرسال

مهدي : رسال تبعيني

شاافت فيه بإستغراب و ناضت ناطقة سمحو ليا

رسال : واش صافي غنمشيو ؟؟

مهدي يلاه بغا ينطق بان لييهم شي حد دااخل كولشي تبهر حنان ناضت و جلسات بالفرحة لدرجة عينيها اليمنى دمعت شحاال توحشاتو و توحشات ريحتو ....ولدها اخيرا جاا باش يشوفها بعد شهرين من الغياب

حطات يديها على فمها و دموعها كيجريو بالدموع و نطقات بحرقة

حنان : ولدي

عيونو تخلوضو هو الأخر و هو كيشوف مو قدامو ...مو لي عاقلة عليه ماشي مو لي كتقول ليه شكون نتا ؟؟ و هادشي كامل بسبابو ...كيشوف قدامو المرأة لي كبراتو و قراتو كيشوف شمس حياتو واقفة الآن و بكامل قواها العقلية

سرعان محولات ملامحها لغضب و تقدمات نحوو هو لي كان كيتقدم بضعف الخطوات و لكن لحاجة لي صدمااتو هي فاش رفعات يديها على لسماء و صرفقاتو بكل قوتها

صفعة تلاثية الابعاد خلاتو شاد فحنكو مصدوم و عيونو السوداء لي تغلغلهم اللون الأحمر فمكان بياضهم محسش بيهم و دموعو لي كان حابسهم تطلقو

جبدااتو لعندهااا كثر و شهقاتها تطلقو كثر و صوتها بدا كيتسمع الحلجة لي خلات كاع لي فالقاعة يتأثرو و منهم لي كيبكيو رسال واخا مفاهماش شنو واقع تأثرات هادالكمية د الاحاسيس لي كتشوفها حركات عاطفتها كأنثى

حناان : ااااااااااه هئ هئ متعاودهااش هئ هئ متغبرش مرة اخرى

حرك راسو بالإيجاب و دموعهم كينزلو و هو كيزيد يحتاضن مو اكثر فأكثر و هو كينطق غير ب : سمحي ليا .....سمحي ليا

بعد دقائق من العناق الحاار و من اطفاء شوقهم لبعضهم لي داام شهرين و لكن بالنسبة لحنان كان عمر باكملو صعيب تكون البعيد القريب من اقرب الناس ليك تعيش فعزلة على اشخاص كتقدر حياتك بحياتهم.... و هاكا كان بعد يوسف على حنان لي كان قريب لامو و فنفس الوقت بعيد عليها بحكم داكرتها لي كتخطف و مكتعقلش عليه هااادشي لي ولا من الماضي الآن و مجاي غير المستقبل

شاافت فوجهو لي توحشاتو و بداات كدوز على ضعرو بحنية

حنان : عرفتي ختك تخطبات ليوم

حرك راسو بالإيجاب حيث ديجا علمو سيف بلي بغا يمشي يخطب ختو قبل دور وجهو كتبان ليه واقفة فأسفل الدرج كتشوف فيهم و عيونها عامرين بالدموع هي الأخرى كيبقى خوها و معزتو كبيرة فقلبها ديما كانت كتصوني عليه و كتلقى هاتفو طافي و ديما كانت كتراسلو باش يرجع لدار طيلة هاد الشهرين .....حرك ليها راسو و بتاسم ليها فاتح دراعو الأخرى و هي مشاات لعندو كتجري تخشات فحضن خووها هي الأخرى الحاجة لي خلات تعابير سيف كانت كتبدل لتعابير غيرة هاد التعابير لي كيحاول يبدلهم فكل مرة كيحاول يتفكر بلي راه خوها و هادي حاجة عادية

مهدي لي كان كيشوف فيه بنص عين ضحك ضحكة جانبية ...الضاهر انه تفهم شعورو ...هاد الشخص لي هو براسو بيوم ما " كان كيستهزء و يستغرب من كفاش يقدر شي شخص يغير على فرد غريب عليه و ماشي من عائلتو "

دور وجهو لجهة الأخرى حتى كيلمح عثمان لي شاف فيه هو الاخر بملامح بشوشة كتدل على الاستقبال

قرب لحداه و ماطة ليه يديه و عثمان بقا كيشووف فييها مخليه بلاكة و كولشي راد ليهم البال حتى جرو لعندو معنقو و خبط على كتافو برجولة

عثمان : على سلامتك فاش رجعتي لدارك

اجوااء كتحمل فطياتها احاسيس و مشاعر مختلفة ....اشخااص برد قلبهم قليلا من ناار الاشتياق ....و اشخاص اخيرا لقاو فرصة و تجمعو مع نصفهم الآخر ، الحلم لي طالما راودهم .....و اشخاص عاطفتهم تحركات و وصلوهم المشاعر الصادقة لمعنى العائلة من هاد الأجواء و كتبقى كلمة أحاسيس ماشي كلمة عادية فقط .. بل كتحمل فطياتها بزااف د المعاني ...بزااف د القصص ... الحب... العطف ... الاحزان ..... الندم ..... ... السلم و الأمان .... و الانهيار كذلك كلمة لي من صعب اعطائها مفهوم معين

فنفس العتبة و فنفس الوقت كاان شخص لي مشاعرو و احاسيسو بالمفهوم الاخير او الجزء الأخير ...شخص لي على حافة الانهياار غادراات المكان و مشاعرها محطمة وصلات فيهم للحافة جرووحها كااملين لي كانو مدفونين شتعلو بهادشي لي شافت قداامها " حنان و يوسف " كانت أم لي فقدات ابنها لمدة شهرين فقط على الرغم من انها متابعة اخبارو و شوفو كمية المشاعر لي هازة فدااخلها فشنو غنقولو عليها هي لي فقدات بنتها منين كانت فعمر العامين.... 18 سنة للآن .....فكل يوم فكل ساعة فكل دقيقة فكل ثانية فكل برهة صورة ابنتها الصغيرة كتراود خيالها الصورة لي خايفة تفيق شي نهار و تنسى عليها واخا عارفة بلي اتكون كبرات و ملامحها تبدلو .....بل و شنو ضمن ليها اصلا بلي بنتها باقا حية ...واش بنتها بيخير ؟؟ ....واش بنتها عايشة ولا ميتة ....و الى كاينة فين هي ؟ حتى لين غتعااني من مرارة الاشتياق حتى لين غتصبر على هاادشي لي خلا قلبها يتمزق لقطع قصيرة ...لي خلا عيونها يدخلو و الهالات حولهم يباانو ....لي خلا دموعها بنزلو بدون انقطاع و خلا صحتها تولي بهاد النحافة كاملة فطريقها للخارج هزات بين يديها سكين من الطبسيل د الفواكه حتى شي حد ملمحها ولا رد ليها البال الكل كان مشغول بحنان و يوسف لي اخيرا تجمع شملهم و تحلو مشاكلهم

بصدفة فقط دورات وجهها كتبان ليها نفس المرأة الغريبة لي حيرها امرها خارجة من ضهرها فقط و من قطرات دموعها لي كانو كينزلو عرفات بلي بيها شي حاجة

تحركات من قدام مهدي لي شافها فين غادية و شكون تابعة بلا ما تكثارتولا تعطيه اي تفسير على مكان دهابها كل همها فضولها تجاه هاد المرأة لي كيبان ليها ضهرها كيهتز إثر شهقاتها لي قدرات تسمعهم و هي مكيفصلهاش الكثير عليها كاانت متوجه للحديقة الخلفية و رسال من مورااها زعما تكون غير تأثرات بشنو وقع لداخل ؟؟ و لكن ميمكنش تأثر لهاد الدرجة يعني شي حاجة بيها

رتاافعو الشهقاات كثر و كثر و هناا تسمعاات غووتة على إثرها كانت نسمة موجهة السكين لجهة قلبها باغا توضع حد لحياتها

رسال : آاااااااااااااااااه

بخطوات سريعة كاانت ناقدة الموقف شااادة ااسكين فيديها لي رمااتو لبعييد و هنااا نسمة شاافت فييها بنتها اتكون قدها يااك ؟؟ حتى بنتها اتكون فسن العشرينات ....علاش هي لي يوقع ليها هاادشي ...علاش هي لي تحرم من كبدتها طيلة هااد السنين ....و بحال البركان الخامد لمدة 18 قرن فاش كينشط كيكون نشااطو مدمر و قااتل هكااك وقع لييها و هي بداات فغوااتها بكل ماااا عندها من جهد

نسمة : اااااااااااااااااه بنتي لاااااااااااااااااااااااااااا ااااااااااهههههههههه ااااااااااااااا هئ هئ اااااااااااااه وااااااااه

صرخااات ممتالية من الألم صرخات من اعماق قلبها خرجاات شااهدة على 18 سنة من الصبر المؤلم و رسال حداه كتشوف فحالتها الهيستيرية معرفااتش بااش تساااعدها كتافات بعنااقها فقط بقوة واخا غواتها صمك ليها اذانها متسوقاتش و هي كتحاول تسكتها

رسال : شوووووووت صااافي انا معاااك

نسمة : اااااااااااااه ااااااااااااه بنتي بنتي

كلما زادت غوتات كلما زادت رسال عنقاتها عندها كثر حتى تقادا جهدها و بداات كتنطق بهدوء فقط

نسمة : بنتي .....بنتي

الأخرين لي سمعو صوت الغوات كاملين جايين كيتجاراو حتى لقاو نسمة فديك الحالة فحظن رسال و هنا بداات نسمة كتغمض عيونها بشوية بشوية و رسال شاداها من عندها

جاا عصمان تحنى عندها كيعيط ليها مخلوع باش تفتح عيونها

عصمان : نسمة ....نسمة ...فيقي كتسمعيني

لاا جواااب ولات فحال شي جثة هامدة مستلقية و اطرافها متدليين فاقدة وعيها منعازلة على العالم الخارجي لا وعيها فقط لي حاضر و هي فكل مرة تنطق كلمة بنتي

هزها عصمان ما بين يديه و جراا بيها غادي بيها لغرفتها و افراد العائلة الآخرين تابعينها حتى دخل لأحد الغرف و بداا كيرش الماء على وجهها بغاو يعيطو لدكتور حتى بدات كتفتح عيونها بتتاقل و هنا خرجات العائلة من عندها يخليوها ترتاح و بقا معاها غا سليمان لي كان شاد يديها بين يديه و عيونو حمرين شكلها فكل مرة كيمزق قلبو لأشلاء صغار و مكاانتش اول كلمة نطقات بيها و هو كيقبل يديها غير هي

نسمة : بغيت رسال

وسع عيونو مصدوم من طلبها خايف من تعلقها بالبنت و فنفس الوقت قبل يديها : لي بغيتي ؟

خرج من عندها منادي على رسال دخل لعندها لي غا دخلات شدات ليها فيديها

رسال : كيبقيتي ا خالتي لباس ؟

نسمة : رسال .....

مزال كعما كملات كلامها قاطعاتها

رسال : متخافيش مغنقولها لحتى واحد

نسمة : نعام ؟؟!!!!

رسال: مغنقول لحتى واحد بلي حاولتي تنتاحري و لكن متعاوديهاش مرة اخرى حيث حتى حاجة متستاهل ديري على قبلها ديك الحالة و الروح عزيزة عند الله تقدري متفكريش فراسك حاليا و لكن فكري فأخرتك واش تبغي تبقاي تعدبي فقبرك من بعد موتك ؟؟ فكري فأخرتك قبل متفكري فالدنيا لي غا فانية

نسمة كانت كتشوف فيها بتركيز فملامحها و تدقيق اكثر

نسمة : بنتي اتكون قدك فالعمر زعما نقدر نلقاها شي نهار ؟؟

رسال هنا بدات كتفهم بلي بنتها مودرة ليها : كولشي قريب عند الله نخليك دبا ترتاحي

يالاه بغاات تخرج من الباب حتى قاطعاتها تاني

نسمة : واش نقدر نبقا نقوليك بنتي ؟؟

حبسات هنا رسال و هي عاطياها بالضهر حتى نطقات

رسال : لي عجبك

فتحات باب الغرفة خارجة منها و هنا بدااو افراد العائلة كيدخلو عندها يطمائنو عليها كيف بقات و يحاولو يخففو عليها بضحكهم لي مكانش عندها الخاطر ليه كتبتاسم غير بزز

فالخارج كانت رسال كتمشى للكوزينة محسااتش غير بيد جرااتها خابطاها على حيط الغرفة حتى حسات بعضامها بحالا تهرسو ... غمضات عيونها بألم و فتحاتهم كتشوف فييه قريب بزااف لوجهها محاوطها بيديه من الجانب و يد خشاها تحت خصرها مقربها لييه

مهدي : بقاات يومين و غتكوني بين يدي

بتاسمات باعجاب من كلامو من ديما كيخليها تدوب فييه و تبتاسم بدون شعور و هنا نطقات بمكر و عيونها كيلمعو بشيطانية و هي غارقة فتفكيرها المنحرف ...هاد الأنثى الثعلبية نطقات بعكس رغباتها بهمس فودنيه

رسال : كتحلم

مهدي قرب ليها هو الأخر بخبث اكثر و هو كيبتاسم و متص من رحيق شفايفها البستقية

مهدي : غنحقق ليك احلامك

بشوية بشوية بدااو كينساو ولا يتناساو شنو وقع لنسمة و بدااو كيدخلو تاني فجوهم العائلي العامر بالضحك على الرغم من كل الأحزان و هنا حلفو حتى ينزلو معاهم نسمة و طلقو شعبي فالدار و سيف ستاغل فرصة ان اية فالكوزينة و خرج هباالو بعدما خدم الموسيقى

سيف : ياالاه ياالاه ا نااس زعما الخطبة ديالي و حتى شي حد مبغا ينوض يشطح معايا ياالاه يالاه لي عندها شي طرمة تحزمها

خرج الكل من داك الجو المتوثر و ولا كوولشي كيضحك حتى من نسمة بعض المراات كتكون تايهة و غارقة فالبحر لي مكيطلعها منو غير هاد العائلة المتناقضة لي جامعة افراد مميزين جمعهم القدر فمنزل واحد و جو وااحد بداا كولشي كيسفق و هنا سيف مشاا جر سكينة للوسط هي لي تحزمات معروف عليها من زمان شيخة بوراقها مكاين غا ليعطيك الصحة هي و ياه و حتى هو شي شطيح عندو كيدير شي حركة كيموتو بالضحكة و كل مرة يقوليهم ندير ليهم شطيح البطة هدا شطيح النعامة و شوية بشوية كولشي ناض يشطح تما مبقا حتى شي حد جالس عصمان مد يديه لنسمة كيحركها غير بشوية و يبتاسم ليها و عثمان شاد حنان .....

يالاه دخلات أية شافتهم كيشطحو حشمات و هنا نااض سليمان من فعايلو معروف بحالو بحال ولدو خلاوها السلعة لي متشبه لمولاها حرام كان حاضي الترمة د مرتو كيكتحرك حتى شاف اية داخلة هو يجمع لوقفة حيد لسليمان سكينة

سليمان : بعد ليا من مراتي خليني نشطح معاها " مع غمزة غا بيناتهم مشافها حد اولا غير جاب ليهم الله حيث كاينين عيون راقبو الكل من البداية لنهاية "

ضحك سيف على فعايل باه و هنا ماطا يديه لأية

سيف : تشطحي معايا ؟؟

حطات حتى هي يديها على يديه بحشمة و حناكها حمرين و هنا سيف نقص من شطيحو الهبيل و بدا كيشطح بحال الناس

بقات غير رسال و ملاك و مهدي و رحمان لي جالسين

يالاه مد مهدي يديه شد بيها اليد اليسرى د ملاك شدها حتى رحمان من اليد اليمنى و شاافو فبعضهم بشوفات نارية كلها تحدي فوسط هاد الأجواء

ملاك لي غا شافتهم نطرات يديها منهم بزوج و مشاات جرات رسال تشطح معاها

ملاك : يالاه شطح مع بااك

كع كانو نايضين شافو بعضهم و دورو وجههم لجهات المعاكسة لبعض و هوما واقفين هكاك شوية ركزو شوفاتهم فملاك و رسال حتى غمزاتها ملاك

ملاك : جري راجلك و نجر راجلي عمرني شفت ولدي كيشطح الشعبي

رسال : ههههه سير عالله

مشات رسال شدات مهدي من يديه و ملاك كذلك شدات رحمان و بدااو كيشطحو حتى هوما

رسال : ههههه كتعرف تشطح الشعبي بعدا ؟؟

مهدي هنا ضحك و هو كيتفكر ذكريات طفولتو : هههههه فكرتيني فواحد الصديق "غمزها " شوفي بعينيك

بدا كيتحرك رجليه حركات متناسقة مع الموسيقى

حتى حطاات رسال يديها على فمها مصدومة و نطقات : واااااااو

مهدي : ههههه وريني نتي علاش قادرة

وقفات حتى هي حركات طرمتها شوية محسات بيه حتى وقفها بيديه

مهدي : حبسي حبسي هاد النوع من الشطيح خاصاه شي ليلة ماشي هنا

ضحكات رسال على كلامو و شدات ليه فيديه

رسال : هههههه و منردوهاش فوجهك ا زين

مهدي : ههههه و مقلتيش ليا برعني و نبرعك ؟؟

رسال : ههههه ليمسخك و شحاال اتعطيني ؟؟" دايرة بيديها الحركة د النقود "

مهدي هنا غمزها : انعطيك داكشي لي بغيتي مني

رسال : ههههه و باش عرفتيني حتى انا باغا ؟؟

مهدي : و علاش بغيتي تزوجي بيا ؟؟ الزواج هو الكوا

مع ديك الكلمة لخرى تقطعات الموسيقى كدليل على انتهاء الأغنية تسمعات بجهد فارجاء الغرفة بحكم السكوت لي كان ولا و كولشي تلفت شاف فيه حتى حك على راسو

مهدي : اوبس كولشي سمعها ههههه

رسال كون صابت الأرض تنشق و تبلعها من الموقف لي طاحت فيه اما باقي العائلة كولشي تكرشخ بالضحك كتشوفي ليك بنادم مشتت بالضحك تماا

و هاكا داازو اجواء الخطوبة لي كانت مختالفة و فيها لمسة خاصة بيها من المعروف على عائلة المنصوري انها ماشي ككل العائلات .....حيث معروفة بالتميز

كانت راجعة لغرفتها ترتاح فيها مع فتحات لباب شدات على قلبها بخوف و نطقات ببتسامة فاش شافت شكون

نسمة : خلعتيني شنو كدير هنا ؟؟

مهدي ناض من فوق سريرها : ههههه جيت نطل على خالتو العزيزة كيبقات

بتاسمات ليه : شكرا وليت مزيان ربي يخليك

كان كاس د العصير تما كب منو شوية و رشف منو : و يمكن ماشي هدا هو السبب الرئيسي علاش جيت

شافت فيه بإستغراب و هنا زاد قرب ليها حاط وجهو حدا ودنيها

مهدي : بغيتك غير تدخلي هاد الفكرة لراسك رسال ماشي بنتك لي تودرات ليك

وسعات عيونها على أثر كلامو و هنا خواو بيها رجليها جا محنية على ركابيها حاطاهم فلارض

بتاسم و حط يديه على كتفها طبطب عليها : خليت ليك الراحة ا خالتي العزيزة

غير خرج من تماك باانت ليه رسال جاية نيت لناحيتو

رسال : كنت كنقلب عليك قلتي ليا بلي غنمشيو درت ملقيتكش

مهدي : ههههه اوا هاني حداك يالاه زيدي قدامي

رسال : ههههه دااز اليوم زوين ياك ؟؟

مهدي : ههههه زوين بيك

رسال : احم احم غادي نا نحس براسي

خربق ليه شعرها و جرها لعندو حاط يديه على كتفها : غا ديريها و تشوفي الى مدفنت موك

رسال : ههههه لا لا نخاف على عضاامي

مهدي : زيدي زيدي وكان

سلمات على العائلة ودعاتها و مهدي كتافى يلقي عليهم وداع جماعي و توجه لسيارتو راجعين لكازا حتى نطقات

رسال : عمرني عرفت عائلتك زوينة بحال هاكا

مهدي : ههههه حتى انا

رسال هنا شافت فيه بإستغراب: كفاش حتى نتا ؟؟

بتاسم ليها و ديمارا بأقصى سرعة كيما معروف عليه و رسال مدارت حتى ردة فعل الحاجة لي خلاتو يبتاسم

مهدي : مبقيتيش كتخافي العفريتة

مساافة ديال طريق و وصلو لكازا كان وااقف حدا دربهم يالاه بغات تنزل كان حاط يديه على فمو عاض صبعو السبابة و كيشوف قدامو حتى لقات الباب د السيارة مقفول

رسال : اوا حل الباب !!!!

مهدي : مسخيتش ههههه

رسال : اويلي تسطيتي بغيتي مي تخرجني فجورنال انا سالتة ليها غا بزز حطني نمشي لدارنا

كتافى ينطق كلمة وحدة فقط بدون تبريرات

مهدي : لاااا

ديمارا لوطو تاني و بدا سياقة اخرى غير مكثرت لكلام رسال لي كتستعذر ليه بمها موقف حتى لقدام البحر لي امواجو كضرب فجميع الاتجاهات موصلة قطراتها لأمام سيارتو

بقااو كيتفرجو فمنظر الأمواج و كيتأملو عمق و جمال المحيط حتى نطق مهدي و هو كيشوف فرسال

مهدي : اجي فوقي

هنا رسال وسعات عينيها : اويلي وااش من نيتك ؟؟

مهدي : اجي مغندير ليك والو

رسال : واش جايبني تغتاصبني هنا ؟

هنا بدا كيطلع فيها عاجبو و عيونو او كيتبدلو : بديتي كطلعي ليا الدم

غير سمعاتو سرطات ريقها و جا جلسات فوق رجليه بشكل جانبي

مهدي : عند بالك الى بغيت ندير شي حاجة انتشاور معاك ؟؟ راه الى بغيت ندير شي حاجة غنديرها و ليني كيعجبني نديرها فالوقت لي يقولها ليا راسي

هنا سكتات حيث كلامو فعلا صحيح الى بغا يدير شي حاجة مغيتشاورش معاها و هنا حسات بيه فاش حاوطها بيديه معنقها لعندو مبتاسم و كيشوف فالبحر كيرجع ذكريات هاد اليوم بحدافرو

بقاو لمدة هكاك و رسال كتحس براسها فقمة السعادة معاه و هي فأحظاانو معرفاتش كفاش داارت لييها و لكن حسات بالحرارة طالعة معاها و هي بهاد القرب كامل لرجل فحالو الرجل لي عشقاتو بتفاصيلو مهما كاانت شريرة و مهما كانت صغيرة

طلعات وجهها فوجهو و حطات يديها على عنقو جارااه لعندها بحال شي نحلة كتقرب لرحيقها شافها هو الاخر مقربة ليها و فتح شفايفو مقدمهم ليها بطابق من دهب مخليها متصاات شفتو السفلية و بعدات شوية كتشوف فعيونو عاد رجعات مصات شفتو العلى

طلعات وجهها فوجهو و حطات يديها على عنقو جارااه لعندها بحال شي نحلة كتقرب لرحيقها شافها هو الاخر مقربة ليه و فتح شفايفو مقدمهم ليها بطابق من دهب مخليها متصاات شفتو السفلية و بعدات شوية كتشوف فعيونو عاد رجعات مصات شفتو العليا حتى هي ....شوية بداات كتنقل من شفة للأخرى و حتى هو ممخليش من حقو حتى ولا هو المتحكم فالقبلة و يديه بداو كيتساارااو فأنحااء جسمهاا ....حتى ضغط بقوة على شفايفها خلاها تفتحم كثر ...حتى نقابض على لسانها و تحولات القبلة لقبلة فرنسية رومانسية ....

حس براسو مغيقدرش يصبر اكثر من هاكا لو كمل معاها و طبع قبلة فعنقها عاد بعد عليها هي لي مسخاتش تبعد بحالا كتقول لييه انا ليك ...لتاهمني ...كولني ....متحبسش ...خليني نطير بين يديك

حط يديه على وجهها و بتاسم ليها ابتسامة شقية بحال ديال شي طفل حصل مو مخبية الحلوى و لا النيدو فشي بلاصة لي مضناتوش يوصل ليها و عاق بيها فين مخبيان

مهدي : ههههههه كااع هادشي كنتي صابرة عليه و كتقولي باش عرفتيني باغا ؟؟

رسال هنا حطات يديها على وجهها : ضروري تحرجنس زعما ؟؟

مهدي : ههههه سبحان الله شحال من شخصية فيك ؟؟

رسال : ههههه بحالك تماما

مهدي : عرفتي اشنو خلينا نتحركو لنصدق محملاك هنا

تحركو و موقفها حتى لقدام دارهم لي نزلات و مشا هو خلاها غير دخلات لدار شيرات عليها سعيدة بسرفاقة د الميكا فلحمها

رسال : آاااااااااي

سعيدة كتخبط ففخاضها : فين بقيتي المصيبة حتى لهاد الوقت باغا تشوهيني مع الجيران

رسال : ماما راه كنت غير فالخطبة ديال ولد عم مهدي راني قلتها ليك

سعيدة : كااع هادي خطبة لي راجعة ليا فنصاصات ليل

هنا سعيدة وسعات عينيها و هي كتشوفها مطلعة قاميجتها على عنقها و صغرات فيها عينيها بتشكيك

سعيدة : شنو كتخبي ؟؟

رسال : اويلي ا مي من نيتك ؟؟

سعيدة : نحلف عليها بالله الى عنقك مطبع داكشي باش مغطياه

هنا رسال بدلات تعابيرها لتعابير كادبة مضلومة

رسال : وايلي ا مي زدتي فييه وااه عيقتي عليا

مشاات لبيتها و هنا سعيدة هزات يديها لسماء : يا ربي انتا دوز هاد اليومين خلاص مقادة على فضايح

نهار جديد و لي هو نهاار الحناء و لي معروف كيتواجدو فيه غا النساء ...... كاع البنات العازبات كيتجمعو فيه على قبل الفال على حسب اعتقداتهم الشائعة ...... كأي حي شعبي فهو مكيخلاش من العادات و التقاليد لي ثوارتناها ابا عن جد ....نهار لي كولشي كان كيوجد ليه ....و على حسب تفاق الفتيات قررو يلبسو كاملين قفاطن بيضين كدليل على الفرحة و سرور من قل العروس "رسال " كان كتوجد راسها فالبيت قفطان بالزيتي مغلوق مزين بمختلف الجواهر من الفوق و جا سامبل حتى فالتحت ديالو مع السمطة المخصصة ليه لي كانت بنفس لون و داخل فيها الصم الذهبي عاطيها ديكور من نوع خاص و راقي .....صبعانها لي كانو مقادين صبغاتكم بالبيض الحاجة لي زادت بيناتهم كثر و لبسات طالون بالأسود عادي و جا معاها ....شعرها مميز بالتمويجات الامامية لي دارت ليه و فالوراء فضلات تخليه سامبل ....و عاد المكياج لي كان خفيف و لكن كيركز على عيونها بألوان فاتحين فتحو ليها لون بشرتها .....جات عروس مغربية مية بالمية فليلة حنتها و هنا دخلات عندها مها للبيت لي طلعاتها و نزلاتها

سعيدة : تبارك الله تبارك الله تقولي زين كاين غا عندي

بتاسمات ليها رسال و هي كأي عروس مهما كانت جريئة فهاد المواقف كتقادا جرئتها و كتولي وحدة اخرى التوثر غالب عليها

رسال : جااو ؟؟

سعيدة : اه راه جااو هاهوما ايدخلو عندك راهم كيسلمو على الناس

رسال : صافي مزيان

تسمع الدقان فالباب لي مشات فتحات سعيدة و دخلو عند رسال كيسلمو عليها ملاك كانو عيونها كيطلعو و ينزلو فرسال و هي كتمدح فيها و فجمالها

ملاك : تبارك الله تبارك الله ولدي لي خدا زين

سكينة : لا لا غزالة غزالة اجي نتصورو

بقااو كل العائلة كيمدحو فيها ريم حنان و نسمة غير بتاسمات ليها و نزلات عيونها كتشوف فرجليها نبغاتش طول فيها شوفة تاني حيث هضرة مهدي باقا كدور فراسها و كانت رافضة تجي فلول

ريم : مامل ماما صوريني مع رسال

شدات من عندها الهاتف و بقااو كيتصورو معاها

و الآن جا الوقت لي غيخرجو فيه تجمعو كااع البنات فالبيت و رسال قدامهم منهم لي كيصورو لقدام و منهم لي من موراها و تسمع الصلاة والسلام على رسول الله كوولشي فرحاان كولشي نااشط و رسال كتبان وسط داك الكم د الورود البيضاء بحال وردة مخطط التنين الناذرة المميزة بلونها الفرييد الاسود

اجواء مليئة بالفرح و السرور طلقات على اثرها موسيقى الشعبي و رسال جلسات فمكانها مقدما يديها اليمنى لنقاشة من بعدما ختارت النقش لي بغات و لي كان خفيف ضرييف

شي نااض كيشطح و شي عطا يديه لنقاشات لوخرين جابوهم باش لي بغا ينقش ميتسناش بزااف

كاانت اجواء احتفالية بامتياز شبعو فيها ضحك و نشاط و هنا ريم سيفطات لرسال التصاور لي تصورو ختارت منهم وحدة جاتها واضحة و زوينة و سيفطاتها لمهدي

بقاات كتسنى شحاال عاد طلعات ليها بلي شافها و ابتاسمات محساتش بيه غير كيصوني عليها وسعات عيونها فاتصالو و قطعات كتكتب ليه غير بيدها اليسرى

رسال : راه البيت عامرة مكاين شكي ندير ندوي معاك

مهدي : غنجي عندك دبا و و غتنزلي عندي

رسال هنا خرجات عينيها : اويلي واش تسطيتي راه ليوم الحناء كيغندير نخرج و انا هي العروسة

و كيف معروف على مهدي غير غيصدمك فأجوبتو و الى بغا شي حاجة صعيب يغير رأيو بسهولة

مهدي : ماشي شغلي انا تشهيتك دبا و بغيتك

بقات غير كتبرق فعينيها و هي ادرا بشخصيتو و شنو قادر يدير الى بغا الحاجة ولات غير كتفتف معارفاش شنو تقدم ولا توخر خاصها ضروري تقنعو بأي طريقة

رسال : مهدي شوف زواجنا بقا ليه نهار خليها تال غدا عافااك مديرش ليا هاكا

قراا ميساجها و بقا كيضحك من طريقة حديثها

مهدي : هههههههه خفتي ؟!!! غير ضاحك معاك عنداك تسخفي

تنهداات براحة على كلامو و متلاتش جاوباتو مطلعة ليه vu اصلا هي لي كتقلب على الصداع حتى مسيفطة ليه

محساتش غير بميساج اخر رسلو ليها كيلعب ليها على اعصابها

مهدي : و لكن نقدر نبدل رأيي

رجعها تاني كتفتف و كتحاول تسيفط ليه تبدل الموضوع حتى طلع ليها هو vu مخليها كتمقلى غير بوحدها

اليوم لي كيسناه الكل

يوم الزفاف فقصرو الأسود الأحمر الدموي جاالس قرب المسبح متكي و كيشوف فالسماء لي اشعتها حارقة اليوم ..... دوز يديه على شعرو لي شعيراتو تمردو على وجهو الشيطاني و نطق

مهدي : هاد اليووم خاصو يدوز مميز

عند رسال :

التالثة زوالا

كاانت فالصالون الخاص بالنساء يالاه بدااو ليها فالمكياج من بعدما سالاو ليها من التجهيزات الأخرى حتى كتشوف شي حد من وراء الكوافورة تصدمات لدرجة عيونها وساعو...... و زادو توسعو كثر و هي كتشوف شخص بضخامتو بتاسم فوجهها و بخفو حط يديه بعنق الكوافورة مطرطقو ليها الحاجة لي خلات غواتها يتسمع

رسال : لااااااااااااا آاااااااااااااااه

يتبع...