لحظة ضعف الجزء 17

مكانتش متوقعة ان العلاج غادي يكون صعيب بزاف .. مكانتش عارفة انها غتبدا رحلة معانات كبيرة وفوق طاقتها باش تبرا وترجع صحتها السليمة .. مكانتش عارفة انه من داك النهار غتبدل حياتها ودخل فحرب وصراع مع المرض باش طرد السموم من داتها .

من داك النهار اللي رجعات فيه من تازة وفيدها الدوا وبناصر لاسقها وحاضيها واش شربات ليوم ؟ واش ماشرباتش؟ واش تقيات؟ واش ماتقياتش؟

من داك النهار وهي فالاستفراغ والمعدة تزيرات ومابقاتش كتقدر تاكل وبدات نهار على نهار كضعاف ويوم على يوم كيبان فيها الضعف وكيبان عليها علامات التوكال .. تحت عينيها زراق ووجها تفش وحناكها دخلو والشعر بدا كيطيح والدفار بداو كيضعافو بسبب فقدتن الشهية وكثرة الاستفراغ، رجعات تحشم تخرج للزنقة ولا تشوفشي واحد وزاد كمل عليها الجو المكروه .. اكثر حاجة كتقضي عليها هوا فصل الشتاء .. من اكثر الاسباب اللي كيديرو ليها لاكتآب هوا فصل الشتاء بحيثكتسد على راسها بحال القطوط وكتكره تخرج فالشتااو تحط رجلها فالماء او اصب عليها شي قطرة تفزكها كأنها صبات عليها ماء القاطع . داك الصوت ديال الشتا كيطيح فالزنقة كيحسسها بالبلل بحال نهار فاش كتصبح فازكة وحوايجها كيلسقو عليها كيتقبط قلبها وكتبغي تنتاحر غير باش تهرب من داك الاحساس ديال الفزوكية . انا نهار اللي فعلا كتصبح فازكة والشتا والبرد هاداك اسوء واكفس واسود شعور ويوم فحياتها . مكتبقا عندها رغبة ولا حماس ولا حتى لهفة للحياة وكأنها بولة كانت شاعلة وطفات ، حتى من غالي رجعات كتهضر معاه غير فتيليفون واخا ساكن غير حداها وعيا فيها تخرج غير يشوفها لاكن والو .. الرفض وسدات على راسها فالبيت ولقات راحتها مع تنبات التكاشط بحكم ان بناصر انادم معاه الحال نهار ريب الحانوت وبغا يرجع يصلح الوضع ومشا شرا تكاشط راسو حطهم فالمحل زعما باش يرجع يدور الحركة كيف كانت لاكن فالاخير مادخلش حتى فلوس الكرا كاملة وعيا يبحث باغي يعرف مناش؟؟ ياك التكاشط جداد جابهم من فاس والحانوت مقابلاه سارة وكيحسب معاها بالستسلو والمسطرة؟؟ عيا يقلب ويفكر ودوز شهر كمل فلوس لكرا من جيبو عاد فهم انه مابقاتش فالتكاشط وسير شريهم جداد وحطهم فالمحل! بقات فاشمن تكاشط وبقات فالدوق وصاحبة الدوق اللي مشهورة واغلب الزبونات كيمشيو عندها غير حيت مشهورة ومعروفة بحال الدرهم وعياقة على بعضياتهم على انهم كراو من عند سكينة .. سكينة اللي كتجيب اللباسي هاي كلاص وكضرب فالثمن حتى كيشوفو البرق واللي بغات تبان كتقصدها هي، عاد فهم انها مجاتش بالرخى ونقص الثمن باش يتكراو التكاشط وانما جات بالسمية وجات بالعياقة وهادشي كان صعيب عليه يفهمو وعيا فسكينة تهبط للحانوت على الاقل غير تجلس فيه ماتهضر ماتتكلم تشير غي بصبعها ومابغاتش ومارضاتش تمشي تشوف الناس واغلبهم كيمشيو عندها غير باش يبرككو ويعرفو هاد سكينة اللي فاضحة الدنيا وكلشي كيعاود عليها كي دايرة . ها اللي كيقول فتح ليها السعودي البروجي . ها اللي كيقول مصاحبة مع المغني٠٠٠٠٠٠٠٠٠ ها اللي. كيقول باها ولدها مع شينوية ومزيدة فالصين .. ها اللي كيقول مصاحبةمع انجينيور غندو مرسيديس . ها اللي كيقول شارية فيرمة فطريق قنيطرة .

الحاصول الهضرة كثيرة وهي كتبان ليهم من بعيد بحال شي ستار وكيشوفوها فيها العياقة والنفخة ومكتنفسش والواحد غير كيشوف غيرو زايد عليه وعندو ميزات كيبدا يحس براسو قليل قدامو وكيبدا يمسح ليه الكابة ويدير معاه زوين واخا ماعندو مايستافد. وهادا حال بزاف ديال البنات اللي كيعرفو سكينة واخا هي مكتعرفهمش كيبدا شي يتوسط عندها ويجيبو ليها كليان جداد وشي كيسيفط شي وكيحطوها فمقارنات مع غيرها وكيبداو يمجدوها ويهزوها وهي مافخبارها مايتعاود . كتبان ليهم غير فالمطور دايزة ولا مع غالي فالصيف غادية فالطموبيل وهوا حداها بالنضاضر كيبان شي حااااجة وكيبقاو حالين فمهم ويتناهزو هااا سكينة سكينة . اولا يقابلوها فالفايسبوك حاضين واش حطات شي صورة جديدة ومقابلين الحوايج اللي كتلبس كل مرة صادماهم بشي حطة الليهي براسها مكتعرف منين كينزلو عليها وكل حطة والضروفاللي جايباها

حلفات ماتمشي للحانوت ولا تحط رجلها فالزنقة والشارع فازك والغيام فالسما .. لاكن من بعد مكالمة غالي اللي اصر عليها تخرج غير يشوفها قررات تخرج شوية وبخبار دارهم اللي ماصدقو خرجات يضربها البرد .

وقفات قدام الحانوت مع جوايه الربعة دالعشية لابسة سروال بيجامة بيج وبانطوفة كحلة اللي كانت ك خدات لشيماء ومونطو فالكريمي حد الركبة بالحزام يالاه شراتو رانيا تمشي بيه لافاك ، جامعة شعرها كعكة مرخوفة ورجعات القصيصة كما كانت قطعاتها باش تخبا فيها وبقات مكمشة فالمونطو وشادة واحد المرطب زهري كدوزو على شنايفها من البرد وكتشوف فالشارع حتى شد الفران قدام رجليها وحلات الباب كتضحك وتشوفيه جاي من الخدمة نيشان عندها لابس سوميج وفوقها تريكو دالصوف خفيف بلو مارين وسروال ديال التوب بلو مارين والساعة فيدو والشعر ومرتب كيلمع بالنقا وريحتو عاطية وحداه المونطو كحل محطوط هزو مباشرة فاش حلات البابرجعو اللور وجلسات حداه كتفرنس وهوا كذلك

غالي: اهلااااااان اهلان اهلان

سكينة. مكمشة )حيد من هنا دغيا قبل مايدوز بابا

حرك السيارة وحيد السمطة باش يقرب عندها وعنقها كيوسها ويدو على المقود ناقص فالسرعة . مكانتش باغا تلاقا بيه لاكن فاش شافتو تبدل عندها المود وفرحات وعنقاتو بقوة باستو فخدو

سكينة: توحشششتك

غالي. باينة

سكينة: وصافي

غالي: هشششر وانا كنقوليك خرجي ، خرجي غير نشوفك

سكينة: كنت مريييضة

غالي: دابا تبراي.. دابا مزال كتقياي داكشي؟

سكينة: بااااقي.. مابغاش يحبس كااع

غالي: متأ !! لا حولة ولا قوة الا. بالله .. مااا… ماعرفتش هاد الناس كي غيديرو مع الله ،،، بنادم ترصل بيه الدرجة يسمم واحد اخر ولا يسحر ليه كاع !! هادا راه ماتدعيش ليه حتى بالرحمة نهار يموت ،

بقات ساكتة كتشوف قدامها ودخلات معاها الزيت والهم عكس قبل مكانتش كتعاني لاكن من بعدالتصفية والعلاج كلشي رجع كيضرها وكتسخف دغيا والجهد مابقاش وحتى غالي لاحظ التغيير وبقا كيشوف فيها بأسى تخلع وقال شاد فيدها

غالي: ضعافييتي!! نقصتي بزااف

سكينة. وا الخمد للع اللي باقا كاينة… هاحنا غاديين تا نشوفو هادشي فين غيخرج

تأسف وعنقها بقوة ودغيا بدل الموضوع باش مايزيدش يكمل عليها

غالي: ماتوحشتيش سوكي

سكينة: طبزااات تبارك الله!!! واش هاكا فالواقع ولا غير فالتصاور ؟

غالي: كتنعس بزززاف… وكتاكل بزاف

سكينة: رجعات فنننة فاش غلاضت كتحمق

غالي: سبحان الله فشكاال دايرين ماحسابنيش كاع غترجع عزييزة عليا لهاد الدرجة ..كنت كنفيق فاللول كنلقاها ناعسة حدايا .. دابا ولات بلاصتها حدايا نيشان ولا تجي طلع ليا هنا فوق جنبي الى كنت ناعس بالجنب و لا كنحل عيني كنلقاها قدام وجهي ناعسة على صدري ولا الى تقلب كتجي تكا على ضهري.. وشحال من مرة كنتقلب وكنقلبها حتى كتلاح وكتخليني حتى نقاد نعاسي وترجع تجلس

سكينة: غضساااار عليك دابا هههه

غالي: ضسرااااات ( جرها ) بحال مولاتها .. نمشيو نحلسو فشي بلاصة؟

سكينة: ديني جهة البحر بغيت نتنفس.. مكنخرجش من الدار راك شفتيني نهار كامل غير الدار

غالي: فين نمشوي؟ نمسيو هرهورة ؟

سكينة: يالاه شد الطريق لهرهورك والشتا كطيح وهي متكية بالجنب ناعسة عليه حتى وصلو ونزلات مخبية فالمونطو كتحر البانطوفة طلعو لمقهى كيطل على البحر والاضواء مزينة المنضر واخا النهار لاكن الجو مغيم ، جلسو فالاعلى على لاتيراس اللي مغطي كامل بالخشب ومفرش بالكنبات بخال الدار ومعري من الجوانب والبحر قدامهم كيبان والامواج كضرب فالصخر وشدو بلاصة فالانام على كنبك بالطبلة مريحة حداها عمود مضوي بديكور بحال النهار وجلسات حداه كضحك وهوا كيعنقها ويخشي راسو وعينيه كيبرقو باين عليه الاشتياق من نضرات عيونو ومكفاهش اللمس باش يشبع الشوق

لقاء بعد شهر من الغياب كان جد شيق وجاب ليها هدية جميلة معاه ، كان طقم من ذهب ابيض عبارة على سلسلة رقيقة فيها عمارة مستطيلة خاوية من الوسط باحجار رقاق وحلقات بنفس الشكل فالودنين باينين متوسطين الحجم ، فالاول حساب ليها نقرة لاكن تفاجآت فاش قاليها ذهب ابيض وهي عمرها لبسات الذهب من اللي كانت صغيرة وباعت معا سنسلتها وشرات ليها هي ورانيا طوينكات صغار ديال الذهب لاكن تلفو وحتى حاجة مابقات ، من ديك الساعة مالبسات الذهب وماعندهاش معاه ومكتعرفش ليه وعمرها فكرات فيه او شافتو ميزة او كيزيد للانوثة شي حاجة او حتى كيتهباو فيه الفلوس، لاعلاقة ليها بيه ومكتفهم فيه مكتعرف منين تجيه ، لاكن مللي جاها هدية فرحات فيه وحسات بقيمتها كبيرة لانها عارفة الذهب ماشي رخيص وغالي ومكيتعطاش لاي واحد وعمرها توقعات شي نهار غيجيها كادو ، عنقاتو والدهشة على وجهها وحتى هوا كان حشمان نوعا ما فاش قدمو ليها وحدو عطاه ليها شداتو ورجع اللور دور وجهه حتى لبساتو راسها وركبات الحلقات وشافت فيه كدور راسها

سكينة: كي جيت ههه

غالي:تلفت شاف فيها وتبسم بتقالة ) جاك زوين

سكينة: زين يامك دوقك اللي زوين الزين ههه

قرب ليها راسو كيضحك حتى قاس جبهتها وشد ليها نيفها كيعجبو يسمع دوك الكلمات وكيحب المدح والغزل واخا ماعندوش مع التعبير وتقيل من هاد الناحية لاكنه كيبغي يسمع كلمات الشكر والمدح وسكينة من هاد الناحية لسانها طويل لا خجل ولا حرج كيعجبها تمدح وتتغزل فالناس اللي عزاز عليها ومكتبخلش عليه بكلمات الحب والغزل سواء طالعين من القلب او من الحلق المهم عزيز عليها تبدا تشكر وتمدح وتتغزل وحاسة بيه كيعجبو الحال من هاد الناحية وكيتفخ واخا مكيبغيش يبين لاكن من تعابير وجهه والدفعة دالصدر كتعرفو فرحان وراشقة ليه وهادشي اللي كيعجبها هي وكيضحكها وكيجيها على كانتها .

سكينة: طلعتي دوااق التيتيز ههه

غالي: يااك التيتيزة ههه

سكينة: واييه .. عجبنييي الصراحة

غالي: حتى نتي عجبتيه

شافت فيه بنص عين كضحك عارفاه زرق فالتعبير و المجاملة والى زهقات ليه شي كلمة فتكون نابعة من شي درة فعل او فشنو كيدور ليه فراسو وفاش كيفكر .

طلبات قهوة ولاول مرة طلب شي حاجة بحال هاكا ومولفة تعمر الطبلة وتشبع لاكن هاد المرة مابغاتش وشدات فمعدتها وماقدرتاش واخا عيا غالي يوصف ليها باش تشهى لاكن اكتفت بداك الكاس دالقهوى اللي شربات منو النص وتكات عليه كتفرج فالشتا كطيح وهوا معنقها كيسمعو صوت الشتا كيهبط مجهد والضلام كيطيح والامواج كضرب حتى بدا البرد يعطي الجهد وناضو هربو رجعو فحالهم .

حطها قريبة من الدار والشارع خاوي والبرد وطلعات مكبطة دخلات لقات بناصر متكي شاف فيها بنص عين وشاف فالساعة كانت السبعة وشافها بسروال البيجامة والبانطوفة وسكت ماهضرش رجع دار يديه تحت راسو كيتفرج فالتلفازة حتى دخلات للبيت وسمع الصدع لداخل بينها وبين رانيا نوضوها على المونطو وبدا يهضر من ل بلاصتو

بناصر: اهيااا ديك رانيا.. ماتكونيش مسمومة عطي لختك تلبس معاك راكم خوت لبسو بجوج

مونية: من الكوزينة ) اللي شافهم غير جوج بنات واللي شافهم بحال الضرايرات الله ستر

رانيا: كتجر المونطو ) راه هادا اللي عندي وهادا اللي غندوز بيه العام كااامل

سكينة: اهاااه نسيتي فاش كنتي كتلبسيبيا حوايجي واباااز

رانيا: نتي بعدا راه كضبري عليهم اما انا ماعندي منين نجيبهم وبالاه شريتو باقا عمريييي لبستوووو!!! لبستيه نتي اللولة ؟!!

سكينة: ببرودة) ايوا بصحتي

رانيا: بغيض) الله ياخد فيك الحق.. حسبي الله ونعم الوكيييل

سكينة: مشات جلسات كتنبت ) سيري سيري نتي فين ما يهضر معاك شي واحد تبداي تشيييخي عليه

دورات رانيا وجهها حمرا بغات طرطرق وبغات تبكي وماعندها جهد لسكينة ولسانها السليط .. مشات توضات ودازت للسجادة طلقاتها يالاه بغات تقول الله واكبر ناضت سكينة قافزة مخرجة عينيها

سكينة: ياكما بغيتي دعي فيا ؟؟

رانيا: لا در

سكينة: وراه غييير مالقيت منلبس؟؟؟ اباااا باااا .. وبااااااا

بناصر: من بلاصتو) اش كااااين؟؟

سكينة: وبغات دعي فيااااا!!!

مونية: كطل)اسييير اش غدعي فيك اللي فيك يكفيك

سكينة: طاحت على راس رانيا كتبوس) وصافي ااخر مرة … صااافي

رانيا: بنفور) وابعدي مني بغيت نصلي المغرب مغندعيض فيك غير طلقي مني

الخطوات الاولى اللي بدات بيهم رانيا بسبب هشام اللي كيجبد ليها المواضيع ديال الحلال والحرام وبغاها كما كيتمنا خلاها ترجع للصلاة واخا كانت كتصلي وتقطع لاكن مؤخرا شداتها نيشان وبدات تبدل طريقة لباسها تدريجيا حتى صدمات سكينة نهار اللول عندها فلافاك بالحجاب. كان النهار زوين وعادي وكلشي بيخير وسكينة كتفطر لا شغل لا مشغلة لا دخوللا خروج و رجعات حالتها حالة بالضعف مابقا فيها مايتشاف من غير الشعر اللي رجع كيبان بخال الوحش لابسها ! عياو فيها تقطعو وتنقص منو لاكن اللي فراسها فراسها وماسخاتش بشعرها وكدير المجهود باش مايطيحش ليها ونهار ومطال وهي كطلي فالحنة والعشوب والزيوت حتى مابقاش راسها كينشف بقوة الوصفات دالشعر والجلد ، اما رانيا قزبات شعرها واحد تقزيبة من داكشي الرفيع حيدات ليميش اللي كانت دايرة ودارت الحجاب فمرة ودخلات عليهم للدار بغد العودة من لافاك لقات سكينة قدام البراد داتايوزيت العود كتنقب والشهية ماعندهاش وزاط طلع ليها فطور دارهم فالراس كل نهار تصبح على اتاي والزيت والخبز والزيتون والنهار لكبير كتسخن فيه الخبز باش يجي مكرمل ودهن فيه الزبدة اما الفرماج كيسالي فالسيمانة اللولة دالشهر وبناصر مكيعرفش الحانوت بتاتا من غير مول لهري اللي كيتقدا السلعة من الشهر للشهر وميكعاودش يرجع يشريها حتى يوصل الشهر واخا يكملوه بروز والشعرية . هادي قاعدته فالحياة وهادي طريقتو فالعيش .

سكينة: هزات راسها مصدومة) درتي الدرة !!!

رانيا: كضحك وتقلب عينيها ويدها على الصباط كتحيدو ) امممم … كي جاتني؟؟

سكينة: اوييلي من نيتك ؟؟

رانيا: نتي اللي واش من نيتك. واش الدرة عيب

سكينة: حلفي بالله كتهضري بصح!! صافي مغتبقايش تلبسي وطلقي الشعر وتقاديه !! اوييلي كنتي كتباني واااعرة غدفني راسك من دابا

رانيا: غير خليني هاكا مرتااحة .. دابا مغنبقاش كااع ناخد ليك حوايجك

سكينة: وا غا بصحة (بأسف) بقيتي فيا والله

رانيا: اوليي واش حماقيتي هههه

سكينة: جاك زوين حتى هوا فالصراحة ولاكن باقا صغيرة من. دابا ونتي خانقة راسك باز ليك انا منقدرش نموت

رانيا: دابا نولف .. ما الدنيا الا متاااااع .. خاصك دخليها راسك

سكينة: ايوا الله يقبل.. وليتي مؤمنة ههه

رانيا: انا اصلا مؤمنة من صغري ماشي حتى لدابا غير اللهفة دبال الدنيا اللي شداني.. اما انا ماااان صغري كنصلي وكنت دايراها ودابا رجعت للطريق اللي كنتمي ليها

سكينة: الله يسهل عليك

رانيا: امييييين ( مع ابتسامة مجبدة) كن نقصتي فداك الشعر حسن ليك

سكينة: غا خليه مرتاحة فيه

رانيا: ضبري راسك

الايام رجعات روتينية .. شي كيمشي يقرا وشي مقابل العلاج والجلاس فالدار وبناصر حاضي الحساب ويضل يحسب فالدرهم وشنو دخل وشنو خرج .

وصل نهار الامتحان عند سكينة اللي عيات تأجلو لاكن مابقا لييها فين تزيد.

خرجات من لوطو ايكول كتخمم فالامتحان والشتا كطيح وخاصها ربع ميات درهم تعطيها تدويرة باش يحطوها فالصفوف السااهلة!! ايييه حتى هادشي فيه الوجهيات وعاد اكتاشفات ان الامتحان عبارة عن سيديات مسجلة وكل وحدة ورقمها كيطلقوها ليهم فشاشة كبيرة . واللي كيعطي تدويرة كيحطوه فالصف ديال السيدية الساااهلة ماهلة واللي كيكونو مدارس السياقة على علم بالاسئلة اللي فيها وكيحفضوها لصحاب التداور . ومع سكينة مختفضاش ومكانتش اصلا كتمشي باينة غتسقط والفلوس غيميشو وبناصر غيطلقي عليها كتسيطتو . اش دير ما دير ؟؟ الريال مكيدور وماعندها منين تجيبهم !! كانت طالعة كتخمم حتى تلاقات بوحدة من صحاباتها القدام اللي قراو معاها وكانت كتخرج معاها من شحال هادي .. انها هاجر ! هجار واللث منها عدد كثيير وبحالها كانو بنات الناس وبنات ديررهم وغلطو مع الصاحب وتسترو فسن سطاش لسنة ، عرفو الزواج ودارو منو وداز من حرب العكايز وسبقو سنهم بسنوات كثيرة وفالاخير طلقو على عشرين عام وبقاو يعطيوها لاللة ومالي وسير مع هادا ورجع مع هادا ومن هادا لهادا ومن هادي لهادي وخروج الليل تعلمو العجب وخرجو الطريق نيشان ومابقا عندهم خوف ولا رجعة وبداو كيتصاحبو مع اللي بحالهم ! عشرين عام واللي شافها فالمدابزات كتهبط الراس لمولات ربعين عام وامسح بيها الارض ومعرفتها مع الشمكارة عميقة وخدات من الشمكارات اللي مدوزين الحبس صاحبة ليها .. وهاد الصاحبة حتى هي من البنات اللي قراو مع سكينة فنفس الاعدادية واللي كانت حتى هي كتخلع بنادم غير من سميتها واخا عمرهم تشاوفو لاكن كتسمع بيها بزاف وكتغبر بزاف حيت من صغرها وهي من اصلاحية لاصلاحية ومن حبس لحبس حيت كانت كلمة جوج كضرب البنت بزيزوار لوجها بلا متحن . تلاقاو هاد الجوج ودارو علاقة ولسوء حظ سكينة طاحت فطريقهم داك النهار ولسوء حضها السيء اكثر انهم كيسمعو بيها وهاجر كتعرفها لاكن مدة ماتلاقاتها .. سمعو بيها كما كيسمعو بيها كاع البنات وخدات شهرة على انها كتخرج والفلوس عندها كتشتت والزين والجمال كيطيح الزورور. الشيء اللي خلا عندها حساد كتار واعداء كتار كيزيد حقدهم فاش كتذكر قدامهم فكل مرة .

وهاجر وحدة منهم وكويتة حتى هي شعل فيها الشغف والحماس فاش سمعات هاحر نخزاتها وقالت

هاجر: ها شينوية هاهي هاهي( بصوت مرتفع ) سوكاااااا… واسكيناااااا

ضارت سكينة وراها شافت فيهم ووقفات كيبانو ليها جايين كيتسابقو عندها حتى وقفو قدامها . فير شافت هاجر رجعات اللور ودارت بالها منها حيت سمعات عليها ولات قبيحة ومكتخاف مكدهش. لاكن كيفاش تتفاداهم خاصها ماتبينش الخوف قدامهم واخا الرعدة شداتها من لداخل ودورات عينيها كتنمى تشوف شي واحد كتعرفو دايز وتشد فيه يدوزها . وزادت كملات فاش سلمات عليها هاجر من الوجه كضحك ديك الضحكة ديال اللي حسات بيها سكينة ضحكة سعادة فاش شافوها ووراها مخبيين ليها شي حاجة حيت مغيفرحوش غير هاكاك وقالت ليها

هاجر: هاكوييتة .. كتعرفيها

سكينة: بحدر وابتسامة) اه متشرفين

هاجر: كطلع فيها) وافين!! غبرتشيييي

سكينة: غير فالدنيا احبيبة

هاجر: ومالكي قلبتي وجهك !! صافي دايزة زعما ودايرة راسك مشفتينيش

سكينة: والله ماشفتك !

هاجر: ومالكي!!( مالقات متقول). فين شكتعاودي

سكينة: غير فالدنيا وصافي اختي

هاجر: واري لينا شي ميات درهم ولا شي خمس مية (غمزاتها) قالو لينا درتشييي لاباس

سكينة: خرجات عينيها مصدومة) اويييلي والله ماعندي!! لعشية ونتلاقاو ونعطيها لختي

هاجر: ماعندكش( بدات تقلب ليها جيابها) انشوف .. غا دوي فين مخبياهم ( كتقلب ليها ) هنا؟(خشات يدها فصدرها) وطلعي الفلوس

سكينة: والله ماعندي!!!! ( بدات تهضر بالجهد)

هاجر: غتغوتي ضرب مك كويتك للوجه راك كتعرفيها

ضحكات ليها كويتة ضحكة صفرا

سكينة: وا والله ماعندي

هاجر : شافت طبايع على لحمها ) مالكي فيك الحربة هههخخخخ شي سعودي لسق فيك الجربة( مزالة كتقلب ليها الجياب)

سكينة: لا ا ختي السيدة

رجعات هاجر بسرعة اللور تخلعات وكويتة حتى هي رجعات اللور حتى فكرة يقيسوها غبرات وخافو على راسهم وبقاو كيشوفو فيها

هاجر: بحقد) فيك السيدة ابنت ق!!! وساااكتة(بغات ضربها ورجعات اللور) تفووو الله ينعل ط٠٠٠٠٠ (شافت تيليفون فيدها ) والله لا ديتيه انوري ز٠٠٠ بوك باغا تلسقيها فينا

ضربات تيليفون مع الارض شتتاتو ليها وكويتة بعدات للجنب خافت من هاجر تقيسها بيدها وهاجر بقات غير كتشوف فراسها ومشات كتجري لواحد الضاية دالماء خلاتها الشتا فالارض وبدات تغسل وتعطي لراسها في حين سكينة كدور عينيها والقلب بغا يسكت بالخلعة حمدات الله اللي خرجات فتيليفون ماشي فوجهها ولا يشدوها يقطعو ليها الشعر كما سبق وتخاماو عليها بنات اخرين بغاو يقطعوه ليها .

هزات من الارض لاكارط ديالها وسلتات كطير جات مع الطوبيس دايز وقف قدامها وطلعات فيه بقات واقفة فالباب حتى لومتها ونزلات كتنهج بالخلعة ويديها كيترعدو

سكينة: بحدر وابتسامة) اه متشرفين

هاجر: كطلع فيها) وافين!! غبرتشيييي

سكينة: غير فالدنيا احبيبة

هاجر: ومالكي قلبتي وجهك !! صافي دايزة زعما ودايرة راسك مشفتينيش

سكينة: والله ماشفتك !

هاجر: ومالكي!!( مالقات متقول). فين شكتعاودي

سكينة: غير فالدنيا وصافي اختي

هاجر: واري لينا شي ميات درهم ولا شي خمس مية (غمزاتها) قالو لينا درتشييي لاباس

سكينة: خرجات عينيها مصدومة) اويييلي والله ماعندي!! لعشية ونتلاقاو ونعطيها لختي

هاجر: ماعندكش( بدات تقلب ليها جيابها) انشوف .. غا دوي فين مخبياهم ( كتقلب ليها ) هنا؟(خشات يدها فصدرها) وطلعي الفلوس

سكينة: والله ماعندي!!!! ( بدات تهضر بالجهد)

هاجر: غتغوتي ضرب مك كويتك للوجه راك كتعرفيها

ضحكات ليها كويتة ضحكة صفرا

سكينة: وا والله ماعندي

هاجر : شافت طبايع على لحمها ) مالكي فيك الحربة هههخخخخ شي سعودي لسق فيك الجربة( مزالة كتقلب ليها الجياب)

سكينة: لا ا ختي السيدة

رجعات هاجر بسرعة اللور تخلعات وكويتة حتى هي رجعات اللور حتى فكرة يقيسوها غبرات وخافو على راسهم وبقاو كيشوفو فيها

هاجر: بحقد) فيك السيدة ابنت ق!!! وساااكتة(بغات ضربها ورجعات اللور) تفووو الله ينعل ط٠٠٠٠٠ (شافت تيليفون فيدها ) والله لا ديتيه انوري ز٠٠٠ بوك باغا تلسقيها فينا

ضربات تيليفون مع الارض شتتاتو ليها وكويتة بعدات للجنب خافت من هاجر تقيسها بيدها وهاجر بقات غير كتشوف فراسها ومشات كتجري لواحد الضاية دالماء خلاتها الشتا فالارض وبدات تغسل وتعطي لراسها في حين سكينة كدور عينيها والقلب بغا يسكت بالخلعة حمدات الله اللي خرجات فتيليفون ماشي فوجهها ولا يشدوها يقطعو ليها الشعر كما سبق وتخاماو عليها بنات اخرين بغاو يقطعوه ليها .

هزات من الارض لاكارط ديالها وسلتات كطير جات مع الطوبيس دايز وقف قدامها وطلعات فيه بقات واقفة فالباب حتى لومتها ونزلات كتنهج بالخلعة ويديها كيترعدو

وصلات لحومتها سخفانة بالخلعة وطلعات لدارهم كتقلب على تيليفونها لقديم لقاتو مخشي فواحد المجر مغبر والحروف ممسوحين وجدباتر كتبرك عليه وضربو تشرف واش يشعل ولحسن الحظ شعل ودخلات فيه لاكارط ديالها ومشات جلسات مركنة وحرقة اليتيلفون كطلع وتنزل فيها .

صونا غالي فلعشية وبانت ليها فيه واحد خمس ميات درهم وحشمات تقولها ليه وبقات كتفكر كيفاش تقوليه عطيني؟؟ مجرد تفكير عرقها وحشمات ودارت بناقص وجاوباتو كطل من السرجم ديال دارهم كتهضر ختى زهقات من فمها بلا مافكر

سكينة: غالي بغيت خمس ميات درهم

قالتها وسدات فمها عاضة على لسانها ومزيرة على عينيها حتى رد عاد بردات

غالي: فوقاش بغيتيها دابا؟انا مزال فالخدمة

سكينة: حتى تجي

غالي: صافي نكون خارج نعيط ليك

سكينة :واخا شكرا

قطعات وعضات على شنايفها كضحك حشمانة وماحسابش ليها غيعطيها ليها بهاد السهولة وعمرها طلبات لفلوس لشي واحد وقالت ليه عطيني حتى ليه هوا ، مولفة تاكل وتسارا وتلعب خفة اليد احيانا وصافي براكة ليها .

فلعشية صونا ليها علمها انه خارج من الخدمة وناضت تقاد حالتها اللي واخا تكون فيها الموت وكتشهد كتنوض تقلب ديك الطواليط عندهم بالتقرقيب وترونها وتخوح منها مقادة ها السنان محكوكين اللي نعار ومطال مقابلاهم بالحكان ودوز على التقوييم كتنقيه وتفليه وتتسنى النهار اللي تحيدو وتهنا منو وتشوف سنانها مستفين بلااارين . اما الرجلين طيباتهم بكثرة الحكان والنقا حتى كتبقا مونية معجبة فيها هي ورانيا من كثرة مامقابلة غير الزغب والشعر والوجه والدفار وصنادلها دالصبع ديما محكوكين ومعلقين كينشفو وصبابطها ديما مجموعين فالميكات فردة فردة عكس عائلتها كلهم كيكركرو السبابط فدفة وحدة شي فوق شي.. كان بناصر كيعجبو الحال فاش كيشوفها هاكاوكيضرب بيها المثال لمونية ورانيا ويضل سارح بجملتو الشهيرة" واخا بوالة والله ماتلحقوها فالنقا .. نتوما سنانكم مكديرو فيهم الخير تغسلوهم " مع العلم حتى هوا كيحكهم مرة فالسيمانة وشاري ليهم الملحة الحية وعزيز عليه التاويل والنضافة ويشوف الزين كيرتاح ويتفاجا ، ونهار كيدخل ويلقا مونية مجبدة والعكسة على عينيها ومرمية فوق شي سداري مبرقة هاداك اكفس عشية عندو كيطيح عليه الضيم وكيكره يشوف شي واحد مجبد ناعس وهوا نشيط وشبعان حيوية

الخمسة دلعشية وبناصر داخل بالكوستيم من الخدمة و كان مشهي يشم ريحة المسمن ولا الحرشة من الدخلة لاكن لقا الضلام فالدار وخرج عينيه مافهم والو وزاد خطوة لداخل لقا مونية ناعسة فوق السداري بحال عادتها .. فمها محلول ويديها فالسما والشعر مشعكك كيطل من الجناب ولعكسة هربات لفرق الكَنة دالراس وتمشات والبيجامة فلسما والسروال فضفاض من لتحت كيطل .. غير شاف داك الجو بحال هاكاك كحل بالعما وتمنى كن بقا فالخدمة غادي جاي والناس قدامو بالكوستيمات والنشاط. نفخ وطلق حلقو للنكير وبدا

بناصر: خاامرييين… علاش نتوما بنادم باش يرجع لواحد يلقاكم فايقين وموكضين كي الناس… الخمسة دلعشية هادي عبد الله غير غايدين جايين ونتوما رديتو هاد الدار بحال السبيطار الله يخليه قاعدة فيكم يخخخ

ناضت مونية مضهشرة شادة فراسها كتجمع فمها وتنين وحاطة رجل فالشرق ورجل فالغرب

مونية: ءه. ءءءه انن

بناصر: بميوعة. وقرف) النووووضي نوووضي عشرين عام ونتي خامرة وعاطياها للنعاس اش قضيتي… غير ندخل نلقاك مهبطة الريدو( العكسة على عينيها) عيالات الناس كيخبزو ها اللي تخبز لملوي ها اللي كتهبز المطلوت ها اللي كدير بغرير وريحة اتاي طالع مع الدروج وكنشم فيها والضو شاعل فاديور والضحك والنشاط وحنا عندنا هنا الزاوية دالنعاس.. تهضروو اللي ميهضر يخخخ

داز كينكر وطل على البيت لقا سكينة مطلسة الدوا لوجهها ومحنية على واحد التوب متفصل فيه وقال زام فمو بشاشة

بناصر: اوودي … نتي اللي كاينة فهاد الدار والله العضيم… بعدا واخا مريضة فيك النفس الخدمة وخدامة كتنبتي وتفصلي ماعندي مانتسالك هادشي باش كتعجبيني وخا يوقع اللي وقع الخدمة عندك فالدم بحالي.. شتي نتي بحالي حتى انا الى ماخدمتش نمرض

سكينة: بسعادة) انا غنهبط للحانوت ونرجع

بناصر: الله يرضي عليك

مشا لبيت النعاس بينما ناضت مونية مدوخة بالنعاس مشات كتعجن المسمن وعينيها مقلوبين وسكينة فالبيت كتبدل وتقاد راسها باش تخرج عند غالي.. الزلطة خلاتها مشات حتى لسوق التوب شرات واحد التوب دالبيجامة دوين فالبني ومشات طلقاتو فالدار وبدات تفصل على سراولها كونها مقارياش على الفصالة المهم فصلاتو تقول قارية عليه وخيطات البيجامة بيدها على حقها وطريقها ودارت ليها لصدايف والسيور بحال السوفيت بدون قب نقلاتها من الانترنت وخرجات ختها وخباتها للخرجات الخفيفة المهمة باش تبات فيهم كيوت. غير لبساتها ودازت قدام بناصر وهوا خارج من البيت عقد حجبانو كيطلع فيها ويرمش وقال

بناصر: منين جبتي هاد اللبسة!!!

سكينة: كدور) زوينة؟ خيطتها… لقيت واحد التوب بواحدعشرين درهم وشريتو

بناصر: نتي خيطيتها!!

سكينة: ااه… ها الترب بقا شايط منو شوية

مشات بزربة بحماس وراتو ليه ورجعات فرحانة كدور وتوريه التفاصيل وهوا كيشوف فيها فدهشة

بناصر: سير الله يرضي علييك.. هادشي باش كتسالي معايا قاضية حاجة راسك… شتي نتي والله ماعمرك توقفي على شي حد

سكينة: ههه واعرة ياك

بناصر: اووواعرة.. منخاف عليك بعدا مانهز ليك الهم( قلب وجههو بقرف) هاا المنونخات.. لخرا لوكان ما دخلناها للجامعة تبقا ناعسة .. ماكرهاتش حتى هي ماتحركش تبقا غير ناعسة لا هي لا مك.. الا ماكانش المنخاز مايتقادوشمع الطريق

لاحت عليها الكاب كحل ولبسات بانطوفتها اللي مسحات ونقات وجمعات شعرها عشوائي ولقصيصة نازلة على عينيها ومشات كتزرب وتعكر فطريق بلا مراية حتى للبنك وطلعات كتجري فالسيارة مع ابتسامة شافت فيه وعشقات اللون الاسود الكلاسيكي عليه وقالت باعجاب كتعنقو

سكينة: هاي هاي هاي على الكحل

غالي: بسعادة) وافين الكبيدة

سكينة: ها انا القنيصة هههه توحشتيني احبيبة ( هبطات المرايا كتعكر)

غالي: بزاااف

تحرك من تما فرحان مشا بعدها على الحي جهة غابة خاوية فيها ساحة كبيرة ووقف قدام الشجر وحيد السمطة رتاح وتلفت شاف فيها وراسو متكي بتعبويدو على رجلها

غالي: كي بقيتي شوية؟

سكينة: كي كنبان ؟

غالي: انا بعدا كتبان ليا مزيانة .. واخا ضعافيتي جا معاك الضعف كتباني زوينة

سكينة: اجي نبوسك ههه

كحزات عندو ودلات وجهها على وجهه والعكار بين صباعها باستو فمو ورجعات اللور كضحك عاودات تعكيرة ورجعات عندو كتبوسو وهوا كيضحك وهي كتعكر وتبوس حتى تفكرات تيليفون وكحزات اللور ميعات شنايفها ودارت يد على يد

سكينة: تكريسيت هاد الصباح

غالي:هز راسو شاف فيها) شنو؟؟

سكينة: دار ليا تيليفون

غالي: فين داو ليك؟

سكينة: فاش كنت واجعة من البيرمي

جبدات عليها النحل فاش قالت ليه تكريسيت ومابغاش ينسا الموضوع وبدا يبحث فيها واصر عليها ديكلاري وبدا يعطيها فالدروس حتى ندمات علاش قالتها ليه ، وحتى تقلب ليه المزاج ماتسرطاش ليه وبغا يديها لمركز الشرطة تبلغ لاكن رفضات ورجعات بغات غير تفك من اصرارو وهوا كيزيد يبحث باغي يعرف علاش رافضة تبلغ ايوا فكها يا من وحلتيها وتقلب اللقاء لاخد ورد والهضرة على مشكل الكريساج وهي مابغاش تعاود ليه باش متنبانش فيها مسخة كتعرف داك النوع دالبنات وبقاو مني منك حتى عيات وبغات تمشي عاد قلب الموضوع وقلبوها بوسان فالطموبيل حتى سخن وحل عينيه شاف فيها وهي متكي عليه وشادة ليه وجهه كتبوسو

غالي: كيدورها فراسو) تقدري تباتي برا الدار هاد الليلة؟

سكينة: اويلي!! بابا يعلقني من شفاري.. ياك ماماك وخواتاتك معاك

غالي: تنهد) مشكييلة… قلت نمشيو لشي اوتيل ولا

سكينة: لالالالا … منقدرش

بعد الشعر على وجهها) توحشتك دابا شنو غندير؟

سكينة: دير راسك بندير هههخ بلا منكمل ليك

غالي: كنهضر بصح دابا شنو المعمول؟

سكينة: اصبررر يا عزيزي… ياك كتريني .. ايوا الرياضة راه كتعاونك فالصبر

غالي: زير عليها ) وانا عندي هاد الزين ونصبر

سكينة: اييوا ماعندي مندير ليك هه… الشتا والبرررد

غالي: يالاه نمشيو الويكاند لافران

سكينة: ايه وبابا نديوه معانا !!

غالي: دور وجه شاد جبهتو) وايييه… مغيسافرش؟

سكينة: مانعرف..يقدر يمشي للبلاد على قبل الزيتون .. شحال هادي مامشا دابا غيبغي يمشي يشوف

غالي: بتساؤل) شكون عندكم تما؟؟

سكينة: تما جداتي.. وعندنا دارنا بنيناها فيها لاكاف وجوج طبقات .. وعندنا الارض ديال الزيتون والارض ديال الزرع .. وعندنا العصارة اللي كتعصر والشجر دالخروب والحمص وماعرفت شنو اخر مهم هادشي علا قلت

غالي: اامم… ودابا راه خصو يمشي يشوف اش واقع تما

سكينة: غيمشي غيمشي غير مزال مافكر واقيلا

غالي: فكريه

سكينة: دابا يعيطو ليه

غالي: فاش خدام باك قلتي ليا؟

سكينة: فسي٠فارة… ولاكن هوا محسوب على لادي٠٠ ستي

غالي: شنو كيدير زعما شنو خدمتو اشمن كراد عندو؟

سكينة: والله ماعرفت … مكيعاودش لينا هادشي انا فاش كنت كنقرا كنقوليهم بابا عسكر٠ي وصافي هادشي اللي قالي نقول ، اللي عارفة دابا هوا راه شاف… شاف تما فشي حاجة ولاكن ماعرفتش بالضبط شنو هي؟(بتذكير) ااه فكرتيني.. هاد العام غيمشي للحج ويلي نسيت ماقلتها وغيدي معاه ماما على حسب الخدمة .. كيسفطو كل مرة كروب للحج

غالي: ونتوما؟؟ فين غتمشيو؟

غتبقاو فالدار؟

سكينة: قالك غتجي خالتي تجلس معانا وفالعيد غنمشيو للبلاد عند يما نعيدو تما

غالي: ااه.. والله يقبل

سكينة: على الله طلع حتى لماما .. حيت فالشك وبغات مسكينة تمشي حتى هي .. عرفتي دار مجهووود باش يديها

غالي: وراه مابقا والو للعيد للكبير فوقاش غيمشيو؟

سكينة: ماعرفتش مهم راه كيجمعو الحوايج ويوجدو

غالي: وا جمعي تا نتي حوايجك تمشي معايا لافران

سكينة: باااقي الحال على افران!! اويلي يالاه تلج مازال ماطاح شوية ديال الشتا اللي بدات كطيح

غالي: ماشي ضاروري التلج .. نبدلو شوية الجو

سكينة: وا نحيد بعدا هاد البيرمي راه نهار لاربع عندي الامتحان .. بابا غيبدا يخرجني نتعلم فالطموبيل باش ندوز مزيان

غالي: الله يوفق

هز يدو ورخا على رجلها بتنهيدة وبقاو كيتجمعو وهضرة تدي هضرة وهضرة تجيب هضرة وبوسة من هنا وبوسة من لهيه حتى دخلو فموضوع الطلاق وسولاتو على طلاق مو وباه

سكينة: علاش طلقو باباك وماماك؟

غالي: ببرودة) كان عندهم مشاكيل

سكينة: بحالاش؟

غالي: كان خالي مزوج بعمتي.. خو الوالدة مزوج بخت الواليد عاد تزوجات الوالدة بالواليد فهمتي البلان.. و صافي وقعات الخيانة بين عمتي وخالي هي خانتو وهوا خانها وفرتكوها بين العائلات والمشاكيلكبرو وناضت بين الواليد والوالدة وطلقو تا هما وفرقو السوق

سكينة: اه ااه ااه !! شعلات عندهم

غالي: ببرودة)وواييه

سكينة. وشحال كان فعمرك نتا فاش طلقو؟

غالي: غتكون كانت عنديييي شي عشر سنييين بحال هاكاك

سكينة: ومشيتي مع ماماك ؟

غالي: لا مشيت عند مت الواليد عشت معاها واحد شوية حيت الوالدة كانت ولدات فديك الوقت ختي الصغيرة اللي قدك وانا وهشام مشينا عند الواليد

سكينة: دارت بدها على حنكها) ايوا؟؟

غالي: صافي بقيت معاهم حتى شديت الباك ومشيت طنجة كملت قرايتي تما وسكنت مع صحابي

سكينة: اهاه … وشنو قريتي شنو درتي؟؟ شحال جبتي فالباك؟

غالي: سبعطاش

سكنية: حلات عينيها) هاي هاااي

غالي: وزكلت تمنطاش على نقطة فالفاصلة كنت غندير الطب وكانت مطلوبة تمنطاش ومادزتش..ماكتابش

سكينة: اهاه.. كمل

غالي: صافي جاتني منحة باش نكمل القرايا ففرنسا ومامشيتش.. كانو ضروف مادية عند الواليد ماقدرش يسيفطني وبقيت هنا قريت هنا فالاخويين فافران بديك المنحة

سكينة : اهاه زيد

غالي: موراها خديت الماستر وخدمت بيه فالبنكة

سكينة: هادشي كامل فاللخر خدمتي فبنكة!!

غالي: الارزاق

سكينة: اهاه !! كمل

غالي: درت واحد ثلت سنين ديال الدكتورة فاش كنت فلابنك كنت غااادي فيها مزيان فاش دفعت لكونكور ديال لفينونص هنا فالرباط طلعت من العشرة اللولين جيت انا الثاني فالرتبة.. (بحماس) كنت عارف راسي غنطلع عطيييتهم فداك الكونكور سكتهم .. كيعجبني نسكت بنادم مالقاو منين يشدوني وخرجت متأكد ميااا فالمية غيعيطو ليا حيت خدمت عليه شهر كامل ولاكن ماحسابنيش غنجي الثاني فالرتبة وخيروني فالبوسط اللي نبغي نخدم فيه انا واللول والثالت والباقي فرقوهم كيف بغاو

سكينة: والدكتورة؟؟

غالي: حبست ولاكن محسوبة ليا ثلت سنين اي وقت نرجع نكمل مع البروف

سكينة: اهاه وشنو ختاريتي ؟؟

غالي: ختاريت طيجي اغ بغيت نبقا فالسياج واللول اللي معايا مشا للديوانة هوا بغا والثالت يمكن حتى الخزينة بحالي والباقي فرقوهم فالمدن والنواحي ها اللي سيفطوه للضرائب واللي سيفطوه للقبضة.. المالية فيها بزاااف دالقطاعات

سكينة: امم… (بدات دور ليهافكرة الزواج) اممم… مناويش تشري دار ؟

غالي: حاى نسالي كريدي ديال الطموبيل عاد نشوف الدار

سكينة: اممم(كدور عينيها) ماماك كتعيش. معاك؟

غالي: دابا عايشة معايا.

سكينة: اممم .. مزيان. ايوا مابقيتيش كتفكر فالزواج

غالي: مسح على عينيه) بلاتي شوية يسالي هادالكريدي

سكينة: بمزحة) عاد كنتي باغيتزوج بيا ودرتي ليا حالة

غالي: عنقها) وشفتيني دابا مفرط فيك؟

قلباتها ضحكباش متعيقش باللي لاسقة فيه وقالت

سكينة: حتى انا مكنفكرش فالزواج وبااقا صغيرة عليه..

غالي: بااااقا صغيرة(مسح على ضهرها) صغيرة فعقلك اما البنات قدك كاين اللي مزوجة ووالدة

سكينة: ناضت كتنفخ) غير بالصحة .

ضحكات ضحكة حامضة مافهماتش شنو بغا يقصد.. مابقاش ملهوف على الزواج كيما من قبل وماعارفاش شنو كيدور عندو فراسو . وفالحقيقة فعلا برد .. صافي عندو صاحبتو كيبغيها عايش معاها ورجعات كشبع رغباتو مابقاش هامو كاع خرى اخرى وفديك الراحة اللي مرتاح بان ليه الحال باقي على الزواج ومواقفشعليه وماشي ضروريفهاد الساعة وهوا مزال فيه كريدي متقل عليه .. خاصو الصداق خاصو عرس خاصو دهاز خاصو الذهب خاصو يفرق مرتو على . الحاصول كاع هادشي مازال مانستاعد ليه ومابغايش يصدع راسو ويخرج من منطقة الراحة اللي هوا فيها وشاف سكينة بدات كتميل ليه وبدا كيحكمها خصوصا مع المرض جمعات رجليها من الدوران ودخلات سوق راسها تهنا من جيهتها

قلبات الموضوع بالضحك مافيها اللي يخمم ويحلل.. المهم دابا تمشي تعطي الرشوة لدوك لحلالف باش تهنى من البيرمي ويحن الله .

وصلها حدا العمارة ومد ليها غلاف فيه الفلوس شداتو كضحك ماراضتش وتبسمات ليه ابتسامة حامضة

سكينة: عقبة نردها ليك فالخير ان شاء الله

غالي: هز حاجبو فيها كيضحك ) ان شاء الله .. ديري عقلك عادا هوا الخير اللي تردي ليا

سكينة؛ ايوا تانكيو الفن دالعلام

نزلات بالزربة طلعات للدار كتجري لقاتهم فرحانين ناشطين والخبر وصل ومونية كتبكي بالفرحة ديال الحج .. كانت سكينة غاسمح ليها فالفلوس اللي جامع ليها باها لاكن بناصر مابغاش وكبرات فعينهم اكثر وتكلف بناصر بمصاريفها الثانوية اما الاولية كلها على حساب العمل.

كانو كيتسناو غير الرد وداك الرد كان ليه تأثير كبير عليهم فالدار قلب ليهم الجو سفاه على قفاه . وناضو كيتجاراو لغد ليه فالتقدية والمشتريات ديال مونية اما بناصر وجد راسو فاش عرف راسو غادي. كانو اجواء حماسية زوينة والشنط محطوطين وسط الدار وجو السفر والحج عندهم ضاف ليهم البهجة للدار .. كرط بناصر راسو واحد تكريطة دايزها الكلام وجات الخالة سميرة تجلس مع البنات وتقابل انس بلخصوص اللي كيقرا .

نهار السفر كانو ناس من عائلة بناصر ميسورين الحال شخصيات فالبرلمان كبار وقراب ليه وعندو قرابة عائلية بزاف وصداقة بيناتهم وقفو معاه ورافقوه حتى للمطار هوا ورانيا وسكينة فنهار كان مشمس وجميل وابيض بملابس الحج. تحمسات سكينة فديك الوقيتة بدوك الاجواء ولبسات الحجاب بحال رانيا وقررات حتى هي ديرو واخا كانت ضدو ورافضاه لاكن احساس الحج والخشوع اللي جاها خلاها تلبسو عن قناعة . ودعات واليديها اللي كانو غادين بالفرحة والسعادة والبريق فعينيهم بلخصوص مونية مسكينة كتجري مامصدقاش راسها غادية تحج وشكون قال غادي تمشي تدور داك المقام فحياتها.. شوف المكتاب كيف كيتصرف وكيفاش بين ليلة ونهار غيبدل الاحوال ورزقها حجة مكانتش ليها على البال واخا المشية ديالها دارت مشكل لبناصر مع مو وكاين اللي قال يسبقو مو ماشي مرتو لاكن بناصر ماوصلاتوش هاد الهضرة اللي دارت و من ديما كيدير اللي فراسو وهوا اللي بغا مونية تمشي وهوا اللي دفع ليها وهوا اللي طار ونزل باش تقبل وتمشي وماخلا معامن هضر حتى وصل للمدير لكبير .

قلعات الطيارة مشات ورجعات رانيا وسكينة والاقرباء ديالهم ادراجهم.. فرحو ليهم ووصلوهم حتى للدار وها الدار خوات وخلات وبقاو غير هما والهضرة والتعاويد وكأنهم ماشي غير البارح كانو كيجمعو الحوايج ويطيرو وينزلو

الامور بدات كتقاد لسكينة شوية بشوية ولقات الحرية اللي باغا فغياب الواليدين اما خالتها اللي جالسة معاهم وختها هم اخر وحدين تهز ليهم الهم ولا تخمم ليهم .

الاربعاء .

والامتحان وصل وسكينة تفركسات ودارت الحجاب. زعما دارت عقلها خلات رانيا وسميرة غير كيشوفو ويدعيو معاها بالثبات . سبحان الله غير لبساتو تقاد ليها العقل وبان عليها التبات والحياء اكثر وبانت شخصية جديدة فداك الحجاب غير الشخصية اللي كيعرفوها عليها.

مشات عند الكزار ديال حومتهم هوا اللول تشري الدجاج لسميرة طيب لغدا عاد تمشي للامتحان . غير وقفات بالحجاب قدام الكزار تزعط فيها وعجباتو اكثر ماكانت عاجبها ، كان شاب فالعشرينات باقي صغير وعندهم مجزرة عصرية كبيرة فيها لحم ودجاج وخضرة وكلشي مقاد كلشي مشرمل داكشي على حقو وطريقو وخدامين فيه الخوت واصلهم من سوس. حتى فالهضرة والضحكة بابن عليهم مضاسرينش ومربيين وبيناتهم واحد الوسيم كان كيعجب سكينة وكيجيها على كانتها كتبدا ضحك وتقشب معاه فكل مرة كتمشي تسخر . هاد المرة شافها بقا حال فمو وكيتسخر حادر راسو وبشوف فيها وهي كدور عينيها مزنكة زعما حشمانة وهي فالحقيقة موقرة داك الحجاب اللي دايرة وصافي. سولها فين وصلات فالمدرسة ديال السياقة وخبراتو باللي عندها اللمتخان داك الصباح وبقاو كيتجمعو بثلاتة ويضحكو بيناتهم هوا وخوه وهي حتى بدلو لحوايج وحيدو الطابليات وقررو يوصلوه من بعد ما خبراتهم باللي واليديها مشاو للحج وبقاو غير هما فالدار.

ركبات معاهم فسيارة السخرة كونكَو كبيرة وعطاوها البلاصة لقدام وداوها كيبسطو معاها وهي كتقشب وجيب يا فم وقول لاكن البرائة على وجهها كتجدب اللي مايهزش الراس من الارض.

مدخلات دوز وعينيها كيدورو مخلوعة والرعدة فيها لاكن فبالها انها غتقدر تجاوب بما انها عطات الرشوة وعطاوها الاجوبة على الاسئلة . داكشي اللي كاين دخلات وجلسات بقات كتفرج وكلشي كيشوف قدامو وبدات كتجاوب شي تفكراتو شي نسات عليه ونقلاتو من اللي حداها وكتشوف فين كيضغطو وكضغط حتى هي حتى كملو وبداو يبانو النتائج وطلعات رابحة بثمنية دالنقط زايدة لاكن مكانتش متوقعة يصوروها ديك الساعة وطلعوها ضربو ليها صورة جات زرقة فيها ومسلگمة بحال الكلب ماحملاتش راسها وبقاو على المصور عاود عاود ولو ما حشم على داك الزين والبرائة والوقار لا دار ليها كي دار للي قبل منها وقلب وجهه عليهم بالنفخة . لاكن عيا يدير ليها فالهاطر والصورة كطلع مسلگمة كتر من اللي سبقوها ومالقاو ليها جهد وطلباتو يدير ليها الفوطو شوب بقا كيضحك فاللخر خرجات من تما خلات الصورة كما هي وهبطات منغنغة عند الدراري كتشكي على الصورة وهما كيضحكو وردوها للحومة

لعشية جات وقيتة السياقة ومشاو معاها الدراري حتى هما يونسوها وبقاو جالسين فالطموبيل كيتسناو حتى صونا غالي وناضت بسرعة

سكينة: هييه. بابا!!

قطعو الحس بجوج وفتحات الخط كتهضر من مشقوفها القديم

سكينة: الو

غالي: وي بب .. دوزتي ؟

سكينة: عاد غندوز كنتسنا نوبتي

غالي: الكود دوزتيه؟

سكينة: اه نجحت جبت تمنية وثلاتين

غالي: وراكي مجتهدة ماعندي نتسالك

سكينة: الحمد الله

غالي: وازيري مابقا والو .. وبشوية عليك

سكينة: دعي معايا ههه

غالي: الله يوفق.. وازيري راسك.. فاش تسالي صوني ولا سيفطي ديك ابيل موا ديالك هههه

سكينة: صافي

غالي: يالاه اري شي بيسة

سكينة: بسلامة ههه

قطعات عليه ليه وضارت كتنهد شافت فيهم

سكينة: مسكين واخا فالحج عقلو معايا ههه

دورات وجهها كضحك وتشوف فالمتباريين كيدوزو واحد واحد حتى وصلات نوبتها وناضت عاضة شنايفها دخلاتها الزيت ومشات ركبات فالسيارة اللي تعلمات فيها ومعاها المدرب كيوصي مطيحش شي حديدة اما الى خرجات على الخط ماشي مشكل راه مدور معاهم باش يميكو ويديرو عين ميكة . وداكشي اللي دارت بقات كتمشي بشوية وتفتف والخلعة شاداها كتشوف قدامها والمدرب معاها كيتمشا على برا ويوريها بشوية حتى دخلاتها فالكراج وهاديك كانت اصعب تحدي خايفة منو وخرجاتها وسطاسيونات ونزلات فرحانة مشات عند الداري كتغوت وضحك .

اخيرا انتهى الكابوس والهم اللي كانت هازة لهادالبيرمي. دابا كتبان ليها غير الطموبيل .. بحالها بحال اي واحد دوز البيرمي كيسحاب ليه صافي البيرمي هوا كلشي وموراه غتنزل عليه الطموبيل من السما وخاصو يسوق وربي كبير .. ايوا شنو دابا راه هدات البيرمي واش هي خداتو تشوف فيه!! لا ، خداتو باش تسوق ودابا خاصها الطموبيل ضاروري ورجعا ت عندها من الضروريات استوطنا ت ليها عقلها وماعندها ماتسنا .. من ديك الساعة وهي غادية والطموبيل اللي دارت حداها لقاها للبيع كتوقف تجمع النمرة وتزيد زعما راه غتشري الطموبيلوهي مكتعرف فيها غير الشكل الخارجياما الموطور لهلا يلقب المهم ديكور

الفرحة بالنجاح ماتعطيها لحد فداك النهار .. فرحات وطارت وفرحات حتى خالتها وفرحات ليها رانيا اللي واخا مكتيقش بيها لاكن فاشت الكارطونة اللي عطاوها على بيدمن يخرج البيرمي ديالها عادصدقاتها وفرحو ليها لاكن ماطولاتش معاهم بزاف دغيا خرجات عند غالي للحومة اللي كان كيتمشى على رجلو مسخر وتلاقاتو حدا المخبزة بسورفيت وجاكيط عليه وحداء رياضي ماصدقش عينيه فاش شافها ، عقدهم حتى لسقات فيه كضحك ووقفات قدام العادي والبادي والقريب والبعيد ماعلا بالها لا بجيران ولا حومة والتبركيك عندهم كيتقب العضم، كانت عارفة الدنيا بركاكة وماعندها فين تخبا اللهم تعيشكي بغات واللي بغا يشوف يشوف.. تكون غير هي فرحانة وعاجبها الحال اما الناس يشوفو ولا يجلسو .. كانت كتكره الناس كرها جما لدرجة كدوز وتشوف فيهم شوفة ناقصة معيافة مقرفة وتمشي واخا ميدرو ليها والو كانت من الناس لكارهين للناس ولولا مشروعها اللي جامعها بيهم وكضحك ليهم بزز ماكانت تشوف فيهم حتى الشوفة ، اما فاش كدوز حداهم كدير راسها عورة مكتشوفش غير مايبقاوش عليها السلام لاباس بيخير ويشوفو فيها.

فاجآت غالي بالحجاب ديك العشية بقا غير كيشوف ويطلع فيها وقال مصدوم والكومير فيدو

غالي: وااايلي!!!! تحجبتي كاع ؟

سكينة: قاداتو بيديها كضحك ) صافي جمعت وطويت .. هههه كي جيت

غالي: بارتياح ) صرعتيها ، تهنيينا من داك التقزاب نقصتيعليك الدنوب

سكينة: ايوا الحمد لله

غالي: والصلاة كتصلي؟

سكينة: لا مزال

غالي: وهانتي بديتي صعيبة غير البدية .. يالاه كوغاج .. بداي تصلي

سكينة: ان شاء الله . فين كنتي مسخر؟

غالي: غادي ندي الخبز للدار .. شنو جمعتي حوايجك نمشيو لافران

دخلات يدها فيدو كتكمش وتمات غادية هي وياه مع الشارع جهة دارهم بشوية عليهم ووقفو قدام الباب وكانت شادة فيه كضحك حتى هز عينيه بعفوية وهبطهم كيشوف فيها وقال

غالي: بلا مادوري الوالدة كطل

سكينة: حمعات الضحكة) اوييلي شافتنا؟

غالي: امم… غير خليك مادوريش كتشوف هنا ..

اسية: دورات وجهها وراها بسرعة كتعيط بخفوت) هيييند هيييين د.. مناااال.. اجي. اجي اجي تشوفي

غالي: ولا عرفتي شنو طلعي تسنايني فطموبيل ( ضغط على جيبو اللي فيه المفاتيح حتى شعلات السيارة حداهم ) جلسي لداخل حتى نهبط

دورات وجهها جهة الطموبيل بلا ماتلفت دخلات وسدات عليها بينما دخل للعمارة طالع وشاف راس خواتاتو بنص عين كيطلو ويتخباو

اسية: كمشات فمها : فففففحححح بنت الحرراااااام منعرف شكون هاد خيتي ،،، طلعها فالطموبيل ماحشم ماستحيا

منال: دايرة الحجاب!!

هند: ياختييييي!!! وهااانتي على سيد الغالي هههه

اسية: رجعات حمرا) هادشي مكيضحكش( الباب كيتحل) حيدو حيدووو هييه.. سيرو وسكتو

دخل هاز الخبز داه للكوزينة في حين نخزات اسية منال ونزلات كتجري بالجلابة دازت راسها دايزة حدا الطموبيل كتهضر فتيليفون باغا تشوفها وسكينة لداخل كتبدل الاغاني بعفوية، هزات راسها قدامها شافت منال لاكن ماعرفاتهاش لفت انتباه الفورمة اللي عندها وهي كتتمشى بانوثة دايزة حتى وقفات قدام السيارة وتيليفون فودنها مقابلة مع الشارع كتشوف يمين يسار وضارت للسيارة كتشوف فسكينة اللي بدورها حسات بشي حاجة وشكات تكون ختو من النضرات الاستكشاف اللي كدير فيها وترمش وحطات عليها العين .. سكينة هزات راسها بكبرياء شافت فيها وجات العين فالعين وبدات تقول مع راسها الى كانت ختو راه غزالة تبارك الله باينة تقيلة .. حتى منال مدارت حتى ردة فعل كان باغا غير تشوفها ودارت راسها كتهضر وتقول " باي باي" وقطعات زعما ومشات دازت حدا الزاجة طلعات فين حيت كان غالي فبيتو بدل حوايجو وتفركس وتريح وداز قدام اسية كيعطعط بالروايح وهي كتشوف فيه ماقدراتش تسولو وماعندهاش الجرأة لانه من ديما ساد باب الضسارة وكيحتارم وفارض الاحترام ومامولفش المزاح والضحك مع العائلة وحتى هما موقرينو .. هادشي خلا اسية تبقا ساكتة وتشوف اش كيدوز على عينيها وتنهد حتى وصل الباب وقالت

اسية: ماديرش كاسكروط؟

غالي: لا بالصحة تا نجي

لاح الكلمة وخرج وموراه دخلات منال من بعد مامشات للحانوت باش ماتلاقاهش وهوا نازل حتى ركب فالسيارة قدامها واسية كطل عليه بنص عين هي وهند شافوه ركب وزاد . وتعرضو لمنال اللي داخلة شادة الضحكة

اسية: بجدية) شكون ؟؟؟ شفتيها ؟؟

هند: شتيها؟؟

منال: الصراحة زويينة حسن من سارة والله

اسية: مصغرة عينيها بتركيز) وكيفاش دايرة بيضا سمرا

منال: بيضاا .. حروفها كوحل وعينيها كبااار هاااكا مجبدين تبارك الله ولاهيلا وشي شفار واقيلا ديالها ولا تكون ملسقاهم والفم ( قرصات فمها) هاااكا صغيور .. وجهها صغير تقول بنت ربع سنين

هند: هاي هاي كاع هادشي شفتيه !!

منال: والله مكنكدب زويينة شفت فيها وشافت فيا

اسية: بالحرقة) هادشي علاش مابغاش يتزوج ومجرجرنا

منال: بعدا وجهها قماار عاااندو الدوق

هند: كتغمزها تسكت ) ايوا غير نتي عجباتك وصافي

اسية: هادي عاملة الحجاب زعما وكتمشي مع الراجل براني عليها !! عادو هما بنات الناس

هند: هزات حاجبها) شكوون باقي فهاد الوقت مكيهضرش مع الرجال اماما نتي عاود تقول فسبعينات حنايا

منال: ببساطة) عاادي تهضر معاه وتخرج معاه فين كاين المشكل زعما بنت الوقت وولدو الوقت غير طلقيديك العقلية اماما

اسية: تكون هي اللي دوشات فالحمام زعما؟( دارت يد على يد) قلتي الحروف كوحل؟؟ متكون غير هي

منال : كضحك) الى كانت هي كملاااات هههه بعدا داك الزغبة ديااال شي سالف تبارك الله

هند: طويلة؟

منال: حلات عينيها) هييييه تبارك الله ميترو هاااكا جبدناها

اسية: بغيض) وعلاش زعما جايبها قدام الدار علاش؟ ماخافش زعما نشوفو

منال: كن خاف ميدورش هنا

هند: والللله حتى ناوي معاها شي حاجة هانا فين كنقولها ليكم.. والله كن كان خايف وحاضي جنابو ماجيبها حتى لهنا ويوقفها

اسية: هزات يديها) ايوا راه شافني شافتو جات غيني فعينو وحل ليها طموبيل

منال: بحزم ) صافي ناوي يتزوجها .. تهضري دابا تقوليلو شكون هاديك وعلاش وكيفاش يقوليك هي دابا يالاه خطبي ي

اسية: هزات كتفها) والله منسولو .. مانعطيلوشي الفرصة

منال: دابا صافي عرفك عرفتيه وشفتيه وماتحركش الى سولتيه يقوليك باغي نتزوج بيها.. كن كان كيتفلا يحشم يجيبها

اسية: بنفس ) عمروووو جاب سي وحدة ولا دار هاكا.. ومللي مجرجرنا مابغاش يهضر مع سارة صافي هادي هااااد خيتي لوات عليه مزال ماضرب العام فعاد الرباط يالاه حط رجلو هنايا.. بغيت نعرف غيير شنو كدير طبيبة مهندسة تكون خدامة معاه؟؟

راس اسية زند ! بحال اي ام قلبها على ولدها كبر وكتشوفو راجل وكيبان ليها راسها غير هي اللي والدة وتجي وحدة تديه كامل مكمول بخيرو بخميرو واجد وتتبرع مع راسها ،، لا ثم لا .. خاصها هي اللي تختار ليه المرى بيدها وتدي وتعرف اشنو دات وتزوج ولدها وتحس براسها ام وكاينة وحاضرة وهاداك الانجينيور البكوص اللي كتهلص مزيان وقاري وبخيرو ولدها وهي مو وتفتاخر بيه وتهز راسها وتقول ولدي وزوجتو بيدي وانا مو وانا و حملتو وولدتو وكبرتو حتى رجع قلدة وشان وهمة .. كتشوف راسها هي اللي وصلاتو وهي اللي وقفاتو وعندها الحق فكولشي فيه وملكها وديالها هي تديه هي تجيبو هي تقرر ليه كونها هي مو فهي الكل فالكل. وهادشي كينطابق غير عليه تقريبا حيت الولاد لخرين لحد الساعة ماعندها باش تفتاخر بيهم كاملين مقجوجين من غير هشام اللي شوية وجا غالي غطا على كلشي ولربما كن مكانش هوا مكانتش غتخل عينيها على هاد الافتخار كامل وكانت غادي تشد فواحد اخر فولادها او يشغلها الابن المتزوج وكن راها ساكنة معاه حاصية مرتو اللي داتو ليها ومكانتش اصلا غتصدق ان عندها ولد بحال غالي مربي ومتدين وهادئ عمرها جاها منو شي مشكل او عيب او حسات بيه واش كاين اصلا وفوق هادشي قاري وواعي وداخل سوق راسو. كتشوف راسها هي سبابو فهاد التربية وهادا احساسها من جهة هاد النتيجة فقط لانها مو ، حرز عليهم غالي كاملين وجهات اهتمامها جيهتو وشطنها خايفة طيرو شي مصيبة وتديه وهي مامصدقا والدة بحال داك الولد اللي كتمناه اي ام .

لقائو بسكينة مدازش مرور الكرام ،، بل طير النعاس على اسية وبدات تدي وتجيب مع راسها وتقلبمن جهة لجهة وجاها الارق وتعدبات ديك الليلة كل مرة تنوض تجلس وسط الضلام تنهد وتشرب وتنعل الشيطان وترجع عاوتاني لنفس التفكير . علاش خباها؟؟ علاش كيخبي عليها؟؟ هي مو هي خاصها يكون كيعاود ليها ماشي يدير اسرار مع وحدة اخرى ويخلي مو متعرف عليه والو ، شنو بينو وبينها وعلاش مبررد لهاد الدرجة ياكما كيبغيها؟؟ ا ويلي ياكما كيحبها !!

ضرب قلبها بالجهد حتى عرقات وتخلعات وبدات تجر فمنال اللي ناعسة فالارض هي وهند فيقاتها وبدات تجمع شعرها كتنهد بتعب تقول فيقاتها شي حلمة

اسية: نوضي .. نوضي نوضي نعستي؟؟

منال: هازة راسها) شنو مالكيي؟؟ شنو واقع؟

اسية: ي حيرة كتدي راسها وتجيبو ) نوضي هضري معايا .. نوضي نهضر معاك ( صربات فخدها بارق) مابغاش يجيني النعاس تقول شي حاجة مكتفاني عضامي هاكا عليا

منال: اوييلي. مالكي خلعتيني؟؟ ياكما كنتي كتبكي

اسية: راني فلغبينة مابغيتش نعس.. من الساعة اللي شفت فيها ديك بنت لحررااااام وانا كنتكال هاكا هاكا

منال: تنفسات الصعداء) ناااري ياماما خلعتينيقلت غير شي حاجة

اسية: واش انا لخاااطري.. راه النعاس مابغاش يجيني هاكا مزييرة قلبي كيضرني.. ( شدات خدها) عنداك غييير يكون طاح حبو عليها

منال: والله يهديك اماما هههه اويييلي ولاهيلا كترة الهم كضحك

اسية: يكون طاح حبو عليها زعما؟؟؟ هيييه ( شدات قلبها) هييييه

منال: والى طاح حبو مايحبشي زعما ههه

اسية: كتشير بصبعها وتتحرك بقلق فبلاصتها) لالالالالا ماتقوليهاش.. لالا ماميكنش يحبها!! ماخصو حيب حتى واحد يحب راسو صافي ومو مالو شناقصو باش يحب !! فين هوا دابا مزال ماجا حتى لدابا!!

ناضت كتاكل فراسها لبسات بينوارها الدافي وحلات الباب مشات كطل بان ليها باب بيت النعاس مسدود ومشات تشوف واش دخل ،، بغات دور البوانيي لقاتو مسدود وحطات ودنها سمعات الموسيقى لداخل ودقات عليه كتسائل مستغربة مع راسها. امتى دخل وكيفاش ماحساتش بيه

عيات دق والموسيقى مزال خدامة حتى فتح الباب دايخ بالنعاس وعينيه محلولين بزز لابس سورفيت شاف فيها مالقات متقول وبدات تفرد يديها وتشوف فالبيت

اسية: سحابلي مزال فايق سمعت الموسيقى

غالي: دور وجهه اللور) نسيت تيليفون مطلوق وصافي

اسية: فوقاش جيتي ؟؟ ماسمعتكش؟ نحط ليك تعشا

غالي: بنعاس) لالا بلاش شكرا

رجع اللور وخلا الباب وراه مشا نعس فبلاصتو وردات الباب سداتو ومشات للفراش كتنعل الشيطان وتعاود نعسات بزز حتى صبح الحال وصبحات على نفس الموال حتى بناتها تنفخ ليهم الراس وهي ماقدراتش ترتاح .

اما سكينة كان عندهم الحو مختالف فالدار .. خالتها سميرة كانت من اكثر الناس خمول وزادتهم غير الجلاس فالدار وكانت من النوع البعكاك والهضرة بالتاويل .. طويلة وبيضاء لاكن عينيها داخلين وتحتهم زرق بكثرة السهير وبنت الوقت ولباسها محتارم وشعرها مطرطق بالشيب كتغطيهم ديما بالصباغة كحلة .. قريبة للاربعينات ومن البنات الزوينات اللي كانو طولة وزين وعاطييين للعين فزمناهم والخطاب عليهم على الجهد لاكن كيتشرطو بزاف وكل واحد كيخرجو فيه عيب فشكل وكيتسناو ديما ما احسن من اللي سبقو حتى وصلو الاربعين وتقطعو الخطاب.. بالنسبة لسميرة ماخدامة ما كدير والو وهي الصغيرة فخوتها كبرات مفششة وبقات هاكاك واي حاجة كتقلقها وكتبغي كولشي يتهلا فيها ويكبر بيها ويصرف عليها فين ما مشات . حتى من الماكلة مكتاكلش المرقة وكتبغي الناشف وعاشت كدير اللي بغات فدارهم عكس مونية اللي هي وخوتها فقط من الاب.. ماتت الام فاش ولداتها وخلاتها للجدة رباتها بين خوالها حتى تزوج الاب عاد مشات عند باها اللي كان اشد قسوة وضلم ليها هي بالخصوص.. عاشت الذل واخا كانت بيناتهم المسواة هي وخوتها لاكن تضلمات بزاف من طرف الاب اما زوجة الاب كانت علاقتها معاها مزيانة ودايرة بيناتهم العدل بحكم شداتها صغيرة بزاف على خمس سنين عاد بدات كتولد .. لاكن الاب كان من الاباب العصبيين فالعسكر وعلى ابسط حاجة كينوض يضرب ويسوط بالسمطة والتيو والكابل واي حاجة جات قدامو فقط الو كلمتو ماتسمعاتش. حتى خوتها العزارا ماسلموش من ديك المعاملة القاسية واخا كانو مرتاحين ماديا لاكن التربية كانت على الطريقة العسكرية وهادا حال بزاف ديال الاباء فداك الوقت.. وغير وصلات سطلش لعام تكلف خالها الكلونيل بزواجها واللي فالاصل كتقوليه خويا هوا وهوالعا كاملين وعمرها حسباتهم خوالها لانه عاشت معاهم خمس سنواتها الاولى وكانو كيديوها دوز العطلة عندهم فكل مرة شداتها حتى بلغات سطاش لسنة وزوجوها بدون ماتشوف العريس او تعرف عليه وكانت باغا غير تبعد من باها وتستاقر وبمجرد ما قالت قبلات كان بناصر قدرها واخا خطبوها قبل منو بزاف لاكن ماكانوش فالمستوى المطلوب وخوالها اللي كانو ضد زواجها حتى كتاب ليها المكتوب

بناصر اللي بدورو كافح وجاهد وعارف راسو ماعطاه حتى واحد شي حاجة ولا قدمها ليه بالسهل وهادشي خلاه فخور براسو وهاز خنافرو ديما وخا شاف راسو تزرف فالتزويجة اللولة لاكن عطا عذر راسو كونه كان صغير يالاه عندو تمنطاش لعام وزوجو باه حيت داكشي اللي عارفين .. غير يوصل الولد واحد السن معين وتبع العادة ديال قبيلتو بحالو بحال كاع عباد الله اللي كيتزوجو ويعيشو فداو وحدة بداكشي اللي قسم الله واحا حياة جبل قاسية جدا جدا جدا بلخصوص فوقت البرد والثلج ومنطقتهم جات بعيدة بزاف معزولة وحتى من المدينة دخنيفرة كانو غير كيسمعو بيها فقط . لاضوء لا ما وكيضويو غير بالفتيلة ويسقيو الما من العوينة ويجمعو الاعواد باش يضرمو النار والتدواش مكيدوشوش حتى يفوت البرد . حدهم كيطرفو شوية صافي داكشي علاش فيهم ريحة موحدة فيهم كاملين بحال ريحة الماعز حيت كينعسو على الهياضر والبطانيات ويجلسو قدام الفاخر والعواد وكتشد فيهم دبك الريحة اللي كتلقاها عند ناس الجبل كاملين.

بناصر بالرغم من الحياة القاسية ومرتو اللي ماتت وولادو بجوج اللي فين ما كان كيتزاد شي واحد فيهم كيموت بسبب البرد وقلة الشيء حتى تبعاتهم المرى فالول دة الثانية واللي كانت اصغر سنا يالاه بلغات دخلات على حياة زوجية واسرة ثانية بحالهم حتى هما مقاتلين على لقمة العيش وكيعيشو من داكشي اللي كيزرعو فقط . كانت الوضعية صعيبة لاكن متعودين عليها مكيعرفوش حياة اخرى من غيرها وماتخيلينش شي صورة فدماغهم على كيفاش عايشين الناس وكيضنو ان الكل بحالهم وهاديك هي الحياة .. حتى نهار مات اب الاسرة عاد تفتح صنبور الارزاق لبناصر.. بناصر اللي كان كيضرب اميال باش يقرا هوا وافراد عائلتو وكان كيحمل بنات عمو على ضهرو هوا والدراري اللي بحالو ويقطعو بيهم الوديان والانهار حتى دار بناقص من شي قرايا ونزل للمدينة لاول مرة شافها وشاف الناس كيفاش عايشين وقطع وعد على راسو غيهز الراس ويطلع من ديك الحياة القاسية .. من تما بدا يخدم ويتقاتل مع الناس فالمدينة حتى تهز فالعسكر وبدات حياتو كتبدل شوية بشوية وهاز اسرته كلها بمو وجداتو وخوتو وعاود خطب مرة وجوج وثلاتة وربعة وخمسة وستة وحيت كان عيب يهضر الراجل مع المرى كانت الهطبة هي الوسيلة الوحيدة للتعارف حتى وصل لحداش بنت خطبها منهم اللي من عائلتو ومنهم اللي برانيين ومكانت كتحلى ليه حتى وحدة وكان فكل مرة كيقبلو بيه كيشوف راسو فالمستوى ويستاهل ما احسن ويبدل رأيو حتى رفضاتو وحدة من العائلة ديالو لانها كانت عايشة فافيلاج وكتقرا وباها كان خدام مع الفرنسيس وتكبرات عليه من تما حقد عليها وكرها ورجعات كتبان ليه بحال الحرو المجراب وفين ما تبان ليه يقول فنفسو ياربي تبقاي هاكاك تبوري مايديها فيك حتى واحد. وداكشي اللي وقع تماما عاد برد ليه القلب ورجع غير كيشوف فيها كيعيفها وينفخ ويعيط ليها غير المقوسة حيت تقوس ليها الضهر وكبرات حتى سميتها نسا عليها بكثرة ما فين مايذكرها ينعتها بالمقوسة . فاش وصل فالخطابة عند مونية وعجباتو وعجباتو الكبرانية والعائلة وماترددش ودار اكبر عرس حضرات فيه حتى البنت اللي رفضاتو هي وعائلتها . مونية بنت المدينة اللي كانت تبان ليهم همة وشان وحسن منهم كاملين كانت كتبان مختالفة وسطهم واخا تبهدلات فاش عاشت معاه فالبلاد فاش هبط عائلتو من الجبل وسكنها معاهم وبقا هوا كيتنقل من مدينة لمدينة ماخلا حتى مدينة ماخدمش فيها حتى جال المغرب كامل ودوز السربيس فالصحرا والخيام والكحط وعاش المغامرات .. نهار تقدم فالسن وسمع بنات عمو اللي مانزلوش اصلا من الجبل كملو لقرايا ومشاو للمدينة توضفو وشدو المناصب العليا اللي مايقدر عليها حتى واحد تما زند وسخن وبغا يموت ويطير وبدا ينقز حتى دخل فالصح والمعقول وبدا يخرج على برا ويدير الفلوس ويشري الاراضي فالبلاد و عطا خوتو ارض بناو فيها وتزوجو فيها وولدو فيها وبقا معيل للاسرة. ديالو حتى ترقا ووصل فيين وفين وفين ما يسمع كلمة تقصير من شي راجل فالخدمة وينعتو بالعروبي كان بناصر كيضحك ويرد عليهم ديما بالسم ويقول " انا من الجبل وشاف عليكم اش درتو نتوما صحاب المدينة اللي كلشي حداكم "

هادا حال سميرة اللي عاطياها غير النعاس و لا الى كان شي دوران حتى هي ماتقولش لا .. اما الحداكة كتكحداك فاش تبغي فقط ومن ديما مكتفاهمش هي وسكينة حيت كتشوف ان سكينة ضاسرة وماربياش وكترد الهضرة ولازم عليها تحتارمها واخا تقول ليها اللي قالت كتبقا خالتها ومتردش عليها الهضرة. اما سكينة كتشوف انها حرة فحياتها وفشوش خالتها ماديرهمش عليها هي اللي هي براسها خاص اللي يهز عليها هبالها ويدير ليها خاطرها عاد تجي خالتها اللي ماطفراتوش حتى فحياتها تفهم عليها وتوريها الصح من الخطأ و هي عيبها منشور فالعائلة كلها وفين ما مشات كتخلي الهضرة موراها بسبب كسلها وشخيرها حتى للوحدة وسهيرها والناس ناعسين وزيد. عليها كثرة الضهرة والتعاودي اللي فين ما مشات كتبداو تعاود على فلان وفلان وفرتلان واللي شافتها زوينة وكيهضرو عليها للزواج كتبدا تعيب فيها وتقارن راسها مع بنات صغر منها قد سكينة .. هاد الطبع هادا اللي كيخلي سكينة تقابح معاها وماتهز ليها حتى كلمة وعلى ابسط الاسباب كينوضوها بحال فاش خرجات معاها تشري جاكيط.. سكينة كتقطع بالوجع ديال الدم اللي صبح كيشرك ويقطع فيها ومشات على سعدها ووعدها ضربات الشوكة فسبيطار الحومة عاد رتاحت وقدرات تمشي تشري جاكيطة باش تسافر لافران من الفلوس اللي عطاها غالي.. كانت كضن انه عطاها خمسميات درهم اللي طلبات حتى لقات الف درهم فاش بغات تعطي الرشوة وقالت جابها الله تشري بيها ماتلبس. زغبها الله وخرجات معاها خالتها للمدينة .. كانت باغا غير تشري جاكيط وترجع بحالها ماتزيدش دور لاكن سميرة عاد جاها الدوران وبقات عليها ايييه مابغيتيش تمشي؟؟ صافي قضيتي الغرض!! اما سكينة كانت مرهقة بالدورة اللي عليها وخلاتها فالمدينة بوحدها ورجعات فحالها للدار عند رانيا اللي كانت كتغدا باش ترجع لافاك حتى دخلات عليها سكينة هازة الميكات سخفانة ورانيا كتقلب موراها على سميرة وفمها عامر بالماكلة

رانيا: فين سميرة؟

سكينة: بتعب) بغات دور خليتها دور وجيت بحالي

رانيا: اوييييلي واش من نيتك ؟؟ خليتيها تما بوحدها وجيتي

سكينة: كتعرف الطريق دابا ترجع

رانيا: سمحتي فيها !!!

سكينة: قلبات عينيها) وصاافي تا نتي مشركة عليا فمك كي الحمار قلنا ليك خليتها وجيت مالكي كتورركيع الهضرة! بقات فيك سيري تبعيها انا قلت ليها مريضة غنمشي على سخرة ونجي وهي مامسوقااااش كااتساااارا ليا على خاطرها ماخصها خير واللي بغا يموت يموت

رانيا: مصدومة) وييلي وييليغيبقا فيها الحال

سكينة: ناضت ) سيري اختي بعدي مني يبقا ولا يمشي مامسالياش ليكم انا .. انا اللي مريضة يبقافيا الحال

ناضت دخلات للبيت سدات عليها وخلات رانيا جالسة كتشوف قدامها وبدات تجبد الجاكيط وتقيس عليها فرحانة بيها وكضحك بوحدها وجبدات واحد البوط "uGg“ حتى هوا وبدات تقيس

سكينة فيها السيدا !!

اشاعة وصلات عند اعدائها فالحرفة وجاتهم على قلبهم ساهمو بكل جوارحهم باش يزيدو ينشروها ويزيدو يشهروها حتى ولات على طرف كل لسان ..

كاين فالبنات اللي ماصدقش وكاين اللي قال مسكينة وكاين اللي تشفا وعجبو الحال وكيحلف ويعطي لقلبو ويقسم بالله بالليشافها بعينو وفيها السيدا!!

هاد الناس الله يرد بيهم والله يهديهم على نفسهم ومنهم عدد كبير. عزيز عليهميمضغو الهضرة ويدخلو اليقين لعقول الناسولو على سبيل حسناتهم ومكيهم حتى واحد. من اقبح خلق الله هما عاد النوع دالبشر .. واللي يعاود ليك ويحلف ويعطي لقلبو غير باش نتا نتيق وتصدق. الهضرة بقات كدور وطوف حتى وصلات عند رانيا وسمعاتها من البنات

واش بصح ختك فيها السيدا؟؟

منين مادازت فلافاك كتسمعها وهي نيفها فالسما ومكترضاش ماعجبهاش الحال ومارضاتش تقوليهم حتى راه غير التوكال. الحاصول مرضو رانيا بديك الهضرة وهي منين مادازت كتنكر وتنفيديك الهضرة حتى قهروها البنات السامات وخلاوها كتبكي وكرهات لافاك ومايجي منها بسبب الهضرة اللي ولات سيرة على كل لسان.

جلسات فالطوبيس فواحد القنت بعد رجوعها من لافاك وهبطات راسها مابغات تشوف فحتى طالب وطالبة اللي كانو معمرين الطوبيس ديك العشية. شدات راسها وتحنات على تيليفونها كتراسل هشام وقلبها طايب والدمعة على النيف لاكن مارضاتش تعاود ليه شنو كتسمع وشنو واقع ومامتعوداتش تعاود ليه مشاكلها بل النفخة والنيف الاليستقراطي كان كيمعنها ديما وكتبغي تبان هي وعائلتها فصورة مثالية قدام القريب والبعيد . اكتفت بشكوى التعب والارهاقمن الطريق باش تفش قلبها عليه ولقاتو وجد حتى هوا كرر ليها الجملة اللي كيقولها ويعاودها ليها ديما حتى ولات كتعكز على الجامعة وبدات تفشل وتقال وكتشوف انه مستقبلها معاه مايحتاجش اصلا هاد القراية

واتساب..

هشام: قلت ليك ماعندك ماديري بلافاك نتي مكتسمعيش وهضرنا وقلت ليك راه واخا تقرايواخا ضيعي وقتك فسير واجي مغتخدميش ونتي مكتسمعيش

كن بعدا هاد الوقت اللي كيضيعي فلافاك تمشي تقراي فيه الخياطة حسن ليك باش فاش تجلسي فالدار تخيطي راسك وتلفي الوقت

رانيا:حتى انا عييت صافي ماعندي مندير بهاد لافاك وماعندها ماتعطيني

هشام: ايوا شتي..وقفتي دابا على هضرتي؟؟ قلتها ليك قلت ليك ديبلوم دلافاك اصلا ماعندو مايدير ليك وماعندك ماديري بيه وانا اصلا ماغنخليكش تخدمي

رانيا: فاش يرجع بابامن الحج غتقوليه يدير ليا الخياطة

هشام: دابا مزياان.. دابا هضرتي وبديتي كتفكري معايا بالمنطق

حنا غنتزوجو غنولدو اصلا مغنبقاوش نتسناو بدوز عام ولا عماين بلعكس غنكونو اسرة بجوج ونربيو ولادنا بجوج ونتي تجلسي فالدار وانا اللي نخدم

نتي ربي لوليدات وانا نخرج برا ونصرف عليك وهادي هي الحياة الطبيعية ديال المرأة والراجل ..المرأة تخلقات باش تجلس فدارها وتربي ولادها وتستر راسها والراجل هوا المسؤول على المعيشة وكل واحد والدور ديالو فهاد الحياة

رانيا: ان شاء الله حتى انا هادشي اللي بغي بغيت المهم هوا نكونو بجوج

هشام: انا مغنفرطش فيك ارانيا ومغنتزوج حتى وحدة من غيرك شفتي واخا يجيبو ليا منعرف شكون منتزوجهاش

رانيا: مكاينش اصلا شي حاجة سميتها يجيبو ليك صافي كاينة انا ونتا مكايناش شي حاجة من غير انا وياك

هشام:ديري يدك فيدي مكاينش اللي يفرقنا وانامستاعد نخدم بالليل والنهار باش نتي تعيشي مرتاحة ومنبغيش نشوفك ناقصك شي حاجة ولا محتاجة

رانيا: ان شاء الله ياربي

هشام: حنا طامعين فالحلال وربي غيسهل ان شاء الله

رانيا:ياربي

هشام: انا دابا كنحس براسي عايش وكن كنتي شحال هادي ماكنتش غنضيع الدار ونهملها بلعكس كنت غنزيد نجتاهد ويزيد فيا الحماس وكن راحنا دابا مزوجين فيها وعايشين بييخير

يتبع...