قصة المدللة و المتوحش الجزء الأول

قبل منبدا نبغي نعرفكم على الابطال ديالنا

و نبداو بالبطلة :إلين مجاهد (elin)مغربية الام و الاب عمرها15 سنة عندها السانكيام . شعرها قهوي طويل عينين قهويين بشرة حنطية طول 1،60 فصالتها عادية مغليضاش و مرقيقاش المهم كل حاجة فبلاصتها . عايشة مع الام (نهيلة)و الاب(احمد) و هي البنت الوحيدة عندهم و المدللة تا فات القياس إلين من صغرها كانت مفششة بحكم انها الوحيدة عند واليديها بنت انانية (فحاجة وحدة ولي هي واليديها )كتبغيهوم ليها بوحدها و ماباغاش يكونو عندها اخوة لي يشاركوها ف واليديها . و فنفس الوقت شقية لدرجة كبيييرة كتقرا فالخصوصي (الباقي نكتاشفوه وسط القصة)

نخليو البطلة و ندوزو عند البطل ديالنا

مراد الهاشمي شاب فعمرو 25 سنة كبر ف اميركا و تما قرا و خدم وسيم بزاف (عينين مارو و شعر فنفس اللون لحية مطراسية و غمازات و طبعا متيكملش الزين بلا عضلات هههه و الطولة خلاص )

عندو غير الاب ديالو هو و مرتو

الام ديالو(سناء)توفات و هو فعمرو 15 سنة واخا دازت مدة طويلة باش خسرها ف حادث الا انها ديما ف بااالو عمرو قدر ينساها كانت هيا المثل الاعلى ديالو ف كلشي و موتها فحد داتو كان صدمة ليه و لي زاد صدمو كثر هو ان الاب ديالو (عمر) ما دازت حتى 4 شهور و تزوج ب صاحبت ماماه و لي كانت كتعتابرها بحال ختها و منين هو متقبلش الوضع قرر باه يسيفطو ل اميركا باش يبعدو عليه و تحجج ب أنه بغاه ينسا موت مو لي أزمو (هو كان باغي غير يتفك منو) قرا مراد الهندسة ف اميركا و ولا من المهندسين الكبار و ولات عندو سمعة خطيرة كلشي كيتمنى يتعامل معاه اسس شركات للهندسة و شركات للديكور بحكم انه قرا على هاد المجال شويا و عندو خبرة فيه .

نهيلة(الام):(شافت إلين داخلة كتسلت)اجي لهنا نتي

الين:(اففففف حصلت يا ربي تفكني منها دغيا تاني )نعام اماما

نهيلة:اش هاد الوقت ياك خارجة مع 3 راه 7 تالعشية هادي

انا:بقيت كنراجع مع سترة عاد سالينا

ماما:دوك الالاعيب ديالك مدوزيهمش عليا على نتي ايمتا عمرك هزيتي شي كتاب فالدااار ولكن كلشي من باباك هو لي مضسرك بزاااف

انا:وا صافي ا ماما هادي هيا بنتي توحشتك النهار كامل و نتي غابرة

ماما:مممم قلبيها عليا تاني راه بغيت ليك غير مصلاحتك .

انا:يخليك ليا يا احلى ماما فالعاااالم

ماما:فيك الجوع

انا:نن كليت على براااا .... غنطلع ندوش دابا

ماما:اوكي

سيفط ليها بوسة فالهواء و طلعت ل بيتي بينما توصفها ليكوم الكاتبة (نخليو الين دوش و اجيو نوصف ليكوم بيتها لي هو بيت تحلم بيه اي بنت فالعالم بيت كبير فالغووز و الابيض كيخليك تحس براحة نفسية كبيرة اول مدخل ليه فيه اي حاجة تمناها اي بنت سرير كبير ديال الماء فالغوز بارد كتنعس فيه و تحس راسك بحال ناعس وسط بيسين فوقو بزاف تالخديات عامرين بالريش كي تحطي راسك يغرق وسطهم هههه ف قدام السرير طابل مزوقة كبيرة فوقها مكياج حيت بطلتنا واخا صغيرة الا انها كتموت على المكياج و اللبس المهم الصورة توضح ليكوم كثر انا كنقول غير لي مباينش فيها

و حدا الدوش كاين باب آخر كتحس منين كدخل ليه انك داخا ل بوتيك تالحوايج النواع و الاشكال و حتى ليزاكسيسوار و الدوش كيحمق فنفس اللون مع الدخلة فالجنب كاين لافابو بيض كبير و فوقو مراية كبيرة بزاف مزخرفة فالغوز و القدام كاين جاكوزي فالبيض و حداه طابل صغيرة فيها كاع لي برودوي لي كتستخدم عاد لا شاص ف بلاصة خرا بوحدها و داير بيها الزاج .)

من بعد ما الين خرجات من الدوش نشفات حالتها و ضرباتها بنعسة تال الغد ليه عاد فاقت دارت روتينها و خرجات للثانوية

#نمشيو ل بلاصة خرا عند مراد

مجد:صباح الخير اصاحبي هههه نور المغرب منين زرتيه

مراد:جيت غير بزز باش نطل على المشاريع لي عندي هنا اما راك عارفني حياتي بنيتها لهيه

مجد:اه ايوا اش خبارك كاين شي تيتزة ولا كي ديما الليلة ليك يصبح الصباح نفيق منلقاكش

مراد:ماشي حتال هاد الدرجة اصاحبي و نتا و نجلاء اش كتعاودو

مجد:بيخير اصاحبي واخا مرة مرة كتفرع ليا راسي بالنكير ولكن كنبغيها

مراد:هههه عناااب

مجد:اووو تا مرتي لاااا

مراد:زيد قدامي اصاحبي نفطرو شي فطور مغربي اكثر حاجة كنتوحشها فهاد البلاد هيا ماكلتها

مجد:من ديما مضروب على كرشك اعشيري هههههه يالاه

نرجعو عند الين

الين:(كتهضر تحت السور على برا)سترة كتسمعيني

سترة:اه ابلية سيدي ربي سربي قبل ميجي السيكيريتي و يشدنا و نصدقو مقودينها انا و ياك

الين:اوكي انا نلوح ليك الصاك ديالي هو اللول عنداكي ما تشديه راه فيه مكياجي و نخاف يتهرس

سترة:واخا نحسب ل 3 و زفي

سترة:1......2.....3 اوباااااا شديتها يالاه سربي الين:(طالعة مع البوطو تالضو هاداك لي فيه دريجات حديد تا وصلات للفوق تالسور )صباح الخير الحب

سترة:وا اش من صباح الخير ولا صباح الخرا طلقي راسك ليشوفنا شي حد

الين:تف غير لي بغا يدوي معاك مقاد وجهك غير تالسبان حيدي باش نقز

سترة:يالاه

الين:بسم الله .....هووووووباااا .... (وصلات لحدا سترة لي قلبها غيسكت و سادة عينيها )يخخخ على خوافة بلاني بيها الله ...( هزات كفوفها للسما و سترة غير كتشوف)يا ربي انا عارفا راسي غلط ف بزاف تالحوايج ولكن باش تعاقبني بهاد القحبة.. الخوافة هادا كان اكبر عقاب ليا

سترة:ساليتي .... واخا سري انا لي هازة ليك الهم شدي صاكك و زيدي قدامي راه الناس دخلو

الين:غنسبقو للحمام نصاوب مكياجي غيكون خسر ياك

سترة:😨😨 شنوووو واااش تسطييتي اوكي سيري قاديه انا غندخل ما فيا ميسمع الهضرة من عند ديك المسلوتة تالانجليزية

الين:واخا ... سبقي انا نتبعك واحد الشويا

مشات سترة للقسم ديالها اما الين عاد دارت الدورة تالحمامات و تلاقات ليها المديرة

الم:الين .... فين غادة...وقت الحصة هادي و نتي عارفة بلي ممنوع الدوران وسط الحصص

الين:الدوران علاه شكون كيدور ...(بقات كتشوف فيها و تهضر)مدام الدوران هو هادا لي كديري فيه نتي ... يعني كدوري بمفهوم آخر كتسركلي اما انا غادة للحمام حاشاك

الم:اش هاد الاسلوب ... يا ربي ايمتا تعفو عليا نتهنا من وجهك

انا:نعم ا مدام شنو قلتي مسمعتش

الم:والو..... كي تخرجي رجعي للقسم تاعك ....(كانت غادا دور تا رجعات)شوفي مالك المدرسة جاي وقيت الغدا ... منبغيكش ديري شي تصرف هاااه ولا هاااه راه والله تا نطردك

انا:(مطلبتي غير الموجود )اوكي

خلاتني المديرة دخلت للطواليط قاديت حالتي عاد خرجت للقسم كان ضروري نسمع شوية تالنكير متسوقتش دازت الحصة مملة و تبعوها حصص اكثر ملل و اخيرا وصلات استراحة الغدا اللي كنتوكنتسناها ب فارغ الصبر

انا:سترة فراسك مول هاد الحبس جااي دابا ايلى ما كان وصل

سترة:اه اصلا كلشي كيدوي عليه

انا:اش بان ليك نديرو شي حاجة

سترة:فحال آش .... فاش كتفكري تاني

انا:شحال باقي باش يتحل المطعم

سترة:تقريبا 10 الدقايق

انا:تبعيني هههههههه (قلتها و انا كنجري و ندفع فالناس)

سترة:(تابعاني كتنهج)الين الميمة وقفي هاد المرة لا حصلنا و درتي شي موصيبا والله ميرحمونا راك عارفا خدينا آخر اندار ايلى تطردت بابا والله ما باقي يخليني نعتب شي مدرسة

انا:اففففف شحال فيك زيدي و سكتي شوفي ياكما تابعنا شي حد

سترة:لا ولكن الكاميرات

انا:(حبست الجرا تا دخلات فيا سترة من اللور و طاحو نضاضرها )نسيت قضيت الكاميرا

هزيت ل سترة نضاراتها و بقيت جاراها ورايا كنجريو تا وصلت ل واحد البيت كيحطو فيه عمال النضافة حوايجهم و كلشي دخلت و لبست لينيفورم ديالهم و حطيت البلاستيكة لي كيديرو على الشعر انا و سترة و لبسنا الكمامات تالبلاستيك جرينا كروسة فيها المنضفات و خرجنا للمطبخ ديال المطعم و منين وصلنا لقينا شي زوج مراوات كيوجدو و سالاو كلشي

انا:سلام

....:نعام

انا:سيفطاتني المديرة قالت ليا نعقم هنا ضروري قبل ميدخل ليه المالك تالمدرسة ممكن تخرجو و تخليونا نديرو خدمتنا

....:اه واخا غير بلاتي نغطي كلشي

انا:خودي راحتك الالة

بعد ما غطات كلشي خرجات هيا و اللي معاها

انا:سترة اجي حلي ليا هادو بينما نقلب على شي حاجة

سترة:ها لعار سربي راه غنحصلو

انا:اوكي

(هزيت الكتشوب و الحار و الموطارد و البزار و الملحة و المايونيز سترة كتحل الطناجر كبار و انا مكنتهنا تا كنتأكد بلي المداق ما فيه ميتشااف خلط كلشي و خرجنا كنضحكو بحالا ما طرا والو نزلنا بدلنا و لبسنا حوايجنا ما هي الا دقائق قليلة تا تحل المطعم و بداو التلامد كيدخلو و دايرين صفوفة و كل هاز البلا ديالو

انا و سترة خدينا غير عصير و كلسنا ف قنت كنتفرجو و انا كندور عويناتي بين التلامد حتى بان ليا واحد شكلو غريب اول مرة نشوفو و حنا فهاد الليسي شي كيعرف شي حيت قلال القسم كيكونو فيه 10 ولا 13 تلميد و بس . و هادا اصلا كبير

انا:سترة

هي:نعام شي موصيبة خرا

انا:وا لا الخرا .... شكون هاداك لي لهيه

هي:و باش غنعرف .....

بقيت كنبركك فيه تا شفتو هز بلاطو ديالو و غادي ياخد باش يتغدا تا شنقات عليا سترة

انا:مال مك .... وا طلقي

سترة:اهى اهى القحبة درتيها بيا

انا:وا الخرا جيفتيني ويلي مالك حماقيتي (نطرت يديها من الشوميز ديالي) قحبة مال مك مصعووورة مالك

سترة:دابا انا نبقا بلا غدا اهئ اهئ

انا:اويلي على شوهتي سكتي غتفرشينا سكتينا

سترة:اهى وا الخرية خرجتي عليا كرشي كتغوت

انا:سمعي الخرا جمعي دركومك و سكتينا

مزال مكملتش هدرتي تا كنسمع الهضرة بزاف و الغوات و شي كيرض

انا:و دابا بدا الفيلم

سترة:ايلى كتاشفونا غنقودوها

انا:فالك ف كرك العمر ايلى سديتي خنشوشك معندهم كي يعرفو

درت كنشوف و بان ليا هاداك ت قبيلة واقف فوق طابل كبيرة و كيدوي مع التلامد باش يسكتو صوتو خشن و رجولي بزاف اححح طحت انا تزعط فيه هاد الزين معندناش فالمغرب ولكن بان ليا كيدوي ب الداريجة عادي

.....:شبااااب تهدنوو شويا ... و باراااكا من الغوات

دخلو الحراس و عمال التنضيف نقاو القنت شوية بانو ليا 3 البنات طاحو الارض و كيتلواو و دري تا هو

انا:ناري اش هادشي

سترة:(بدات كتشهق تاني )هادي اللخرة لينا

انا:شششش تهدني

دخلو الممرضين دغيا بالباياصات و دخلوهوم للمصحة اللي التحت قالو طرا ليهم تسمم طبعا حنا غير كنسمعو الاخبار من عند التلامد الاخرين تا جات المديرة كتصفق تا كلشي انتابه ليها

الم:ولادي عافاكوم غير تهدنو كلشي تحت السيطرة حنا دابا غنديرو اجتماع باش نعرفو شنو طرا و كنواعدكم لي دار هاد الفعلة سواء كان من الطاقم اللي فالمطبخ او غيرو مغتخرجش ليه هاد الفعلة على خير .و بالنسبة ل صحابكم لي طرا ليهم تسمم راهوم لاباس دابا و مشاو ل ديورهوم

#فقاعة_الاجتماع

مراد كالس و شابك يديه و مغوبش

مراد:شكون دار هادشي و آش هاد قلت المسؤولية

المديرة:موسيو مراد صدقني هادي اول مرة يطرا هادشي فالمدرسة

مراد:اول او آخر مرة هادا آخر همي لي باغي نعرف دابا هو شكون المسؤول على الطبخ دابا حضريهم ليا

المديرة:واخا دقيقة و يكونو عندك

خرجات المديرة و جابت الطباخين تالمدرسة و حتى الناس اللي شراو المواد الغدائية و كلهم كيحلفو و يعاودو بلي خدمتهم ما فيها تا خلل لي يخلي الاكل يتسمم . تا نطقات واحد الطباخة

....:موسيو يمكن عمال النضافة لي سيفطاتهوم المديرة هوما لي طاحت ليهوم شي حاجة فالاكل

المديرة:على اينا عمال كتهدري نتي

.....:جاو عندي جوج بنات و قالو بلي نتي سيفطيهوم

المديرة:واش كانو عندهوم البادجات عرفتي شكون هوما

....:لا امدام

مراد:جييبو ليا دابا تسجيلات الكاميرات

المديرة:فنفسها متوقعة بلي الين و سترة السبب و لكن كتمنى يكون العكس جابو السيدي لي فيه تسجيلات اليوم و عطاوهم ليه

مع خدمو الكاميرات بانو الين و سترة غاديين فالكولوار و عاودو رجعو و عاوتاني رجعو لابسين اللباس ديالهم خصوصا ان مراد دقيق الملاحضة غير شاف الفصالة عرفهم هوما نفسهم و شافهم تا خواو كلشي فالطناجر الكبار تالاكل . بقا كيتعجب من هاد التصرف و مصدوم

مراد:ديني لعند هاد البنات دابا

المديرة:واخا تفضل معايا (و فخاطرها كتحلف على الين حيت عارفاها هي راس الحربة اما سترة هي مكدمة)

بقات المديرة غادة و مراد وراها تا وصلو للمطعم و لقاو الين كتغاوت مع وحدة من التلميدات

.....:مغنتفاجأش لا قالو بلي نتي لي درتيها اصلا كنت شاكة فيك و زدت تأكدت منين شفتك مكليتي والو

سترة:كتبكي

الين:شوفي نتي بلا متمرضيني بهاد الهضرة انا ما درت والو و اصلا شكون نتي و شكون عطاك الحق تحاسبيني هااا المدرسة مخليها باك ف سميتك و ما فراسيش

.....:كنتي غتقتلي صاحبتي و باقي عندك الوجه باش تهدري ... قليلة الترابي

الين:اوا اجي نوريك قلت الترابي كي دايرة

هجمات عليها الين كضرب و تنتف و لي جا يفارق كتصدق مخلطاه حتى دخلو الحراس كيفكو و هي حالفة لا طلقات للخرا من شعرها و المديرة و مراد كانو حاضرين لكلشي هو غير كيسمع و جامع يديه لصدرو تا فارقوهوم

مراد:(للمديرة)دوك الزوجات دابا يكونو ف مكتبي

الم:اوكي موسيو (و تاجهات لعندهم و هو رجع ل بيروه)

المديرة:تبارك الله على التلميدات ديال مدرسة الهاشيمي شنو دايرين الين سترة تبعوني دابا لمكتب المدير

قالت هاد الكلام و تمشات قدامهم و هوما تابعينها من اللور و كيوشوشو

الين:شوفي فيا القردة تقولي شي حاجة نتفك ... متفضحيناش

سترة:شفتي الموصيبة هالي قلت ليك اصلا نتي مكتسمعيش ليا بلحق انا حمارة حست تابعاك

الين:اووووف صافي صااافييي طيبتي دوك العينين ايلى بان ليك الموضوع كبر لصقيها فيا و سكتي

سترة:مستحيل لي يطرا ليك غيطرا ليا ههههههه عجبتيني ف هاديك

الين:تهجريه تجمعي الخرا دابا عاد محتاجين دموعك و بديتي تفرنسي

المديرة:دخلو

دخلات الين و سترة و هوما حادرين عينيهوم فالارض تا سمعات صوت مراد

مراد:مدام تقدري تخرجي

المديرة:واخا

خرجات المديرة و بقات الين و سترة و مول المدرسة الراس فالراس

مراد:شنو هادشي درتو ... شي وحدة منكم تشرح ليا اش هادشي و علاااش

الين غير سمعات صوتو هزات عينيها فيه بان ليها مخنزر هبطاتهم دغيا و كتهضر بشويا

الين:معرفتش علاش كتهدر

مراد:معرفتيش .... واخا هانتي غتعرفي

(خدم البيسي و حطو ليهوم قدامهوم و بان ليهوم كلشي لي غفلو عليه هو انه كاينة كاميرا فوق الباب تالتبديل و هوما مردوش ليها البال و تفرشو)

مراد:فهمتي دابا

سترة:اهئ اهئ شفتي ياك قلت ليك غنتفرشو

الين:اللقوة سكتي (كتهمس ليها بشويا)

مراد:و دابا غتقولو سبب هادشي ولا لا

الين:مكين حتا سبب غير حنا كنا باغيين نضحكو شويا مع زملائنا هادا ما كان

مراد:(ضرب يدو مع الطبلة)اش هاد برودة الدم لي فيك واش الضحك عندك هو تسيفطيهم للموت

الين:(هزات عينيها)متزيدش فيه مامات حد لهلا يطيح علينا شي باطل

سترة:الين سكتي

مراد:غنتاصلو بأولياء الامور ديالكم و غنفكو هاد الحريرة اه و غير ودعو صحابكم

سترة غير سمعات هاد الهضرة جمد ليها الما فالركابي عارفا باها ميدوزهاش ليها بالساهل و غيندمها بدات كتشهق و تبكي جراتها الين من يديها و خرجاتها كتسكت فيها و هي والو عاد ما زايدا فيه شافت حتا عيات و رجعات لعند المدير

الين:بغيت ندوي معاك ايلى كان ممكن

مراد:معندنا فاش ندويو تقدري تمشي تا تجي عندك المديرة

الين:(ينعلطبنمك استرة لي تخليني نجي نهبط كواريا لهاد الخراي)صاحبتي ما عندها تا دنب انا لي غلط انا لي بززت عليها تجي معايا هيا ما دارت والو

مراد:ممم باينة فيها اصلا وجهها ماشي ت هاد شي و حتى منين بحتت كاين فرق كبير بين نقطك و نقطها بحال الفرق بين السما و الارض

الين:(هادوك النقط طلعهم مع كرك)اه عارفا هادشي باش هيا متستاهلش تطرد طردوني انا

مراد:(كيشوف فيها و كيتعجب ) براا تا يوصلو واليديكم

الين:😲😲

مراد:مسمعتيش ولا شنو

الين:اوكي بالادن

خرجات الين عند سترة و هيا مصدومة و خايفة تكون سبب لي يدمر صاحبتها غير كالسة و كتشوف تا جات مها و باها كيسولو مالهم و حتا الاب و الام ديال سترة دخلوهم لعند المدير

الاب(احمد بات الين):شنو واقع هنا

المديرة :سي احمد بنتك تجاوزات حدودها (بدات كتعاود ليه كلشي و لي صدمهم انها مجبداتش سترة فالهضرة كلشي رجع على الين و تجبدو نقطها و الغياباات و كلشي لي دارتو من اول نهار ل دابا و حتى تسجيلات الكاميرا و هيا كل صباح تنقز السور الحاصول خلات باها حال فمو و مها كتحلف فيها بعينيها)

نهيلة:الين هادشي كامل واقع و مفراسناش و لكن علاش

الين:انا كنت غير كنضحك مفراسيش القضية غتوصل لهادشي

نهيلة:لا تبارك الله عليك ابنتي ضحكي نتي لي جات معاك

اب سترة(عثمان):ياكما حتا هادي معاها

الم:لا اسيدي بنتك تا هيا تضررات من الاكل لي كلات و جبناكم غير باش تديوها ترتاح

عثمان:يالاه ابنتي خرجها و خلا الين واحلة و غير كدور عينيها و باها معارف ما يدير حيت زادت فيه

هاد المرة

احمد:دابا شنو غديرو معاها

المديرة:سي احمد انا دوزت ل بنتك بزاف تالاغلاط على ود وجهك و وجه صاحبتي نهيلة ولكن انا غسلت عليها يدي و قانون هاد المدرسة معروف يا طرد يا عقاب و انا ما بيدي والو المالك ديال هاد المدرسة جا اليوم و حضر لهادشي و هو بنفسو غيهتم بخاد الامر تفضل معايا عندو

بعدما دخلو لعند مراد خلاتهم المديرة و خرجات

مراد:سي احمد بلا شد عارف ان بنتك صغيرة و طايشة و انا عادرها ولكن راه زادت فيه بزاف 4 تالزملاء ديالها دخلو للكلينيك بسبابها و هي ماعلابالهاش و كضحك

الين:(فخاطرها ولد القحبة ايمتا ضحكت باغي تزيد تغرقني كثر ما انا غارقة الله ينعل الزامل لي ولدك)

احمد:انا عارف ولكن بنتي مبغيتهاش تطرد راك عارف هادي احسن مدرسة هنايا و مباغيش نرجعها ل مدرسة اقل مستوى

مراد:منين كنا صغار كنا كنغلطو و فنفس الوقت كنتعاقبو على الغلط لي درنا و بنتك يا غتعاقب او تطرد حيت هادو قوانين هاد المدرسة واخا خصوصية ولكن انا حطيت فيها قانون العقاب للحالات اللي صعيب التعامل معاهم و بنتك من هاد الحالات

نهيلة:نتا دير معاها اللازم بصح حنا فششناها بزاف ولكن ف نفس الوقت راه هادشي بزاف على الضسارة

الين:(افففففف مليت من هاد الحوار تالبراهش ديالهم بغيت غير نعس)

احمد:الين يالاه غدا و ترجعي

دارت شافت الين ف مراد لقاتو كيحنزز فيها شدات ف باها و خرجات و ماماها الطريق كاملة كتخاصم و تنكر و لكن معا من هيا الين سرحات عجول لاخرة و نعسات و معلابالهاش اكيد كتسائلو واش لهاد الدرجة دمها بارد اه هيا هاكا عارفة بلي مها تنكر تا تعيا متقدرش تقلقها و باباها نفس الشي و هي تقتل الميت و تمشي ف كنازتو مكتسوقش للاغلاط لي كدير ب مرة

وصلات الين للفيلا دخلات ل بيتها ترمات ب حوايجها و نعسات مرتاحة بحالا مدايرة والو محسات غير و مها كتفيقها تاكل بدلات عليها و نزلات كلات ف جو من الصمت لا مها والا باها هضرو او ناقشو معاها الموضوع سالات عشاها و طلعات دوشات و بقات كتكونيكطا تال 6 تالصباح عاد ضرباتها بنعسة تال السبعة جات مها كتفيق و هي غايبة مفاقت تال 7 و نص فاقت كتعتر و دخلات للدوش بزربة طرفات حالتها لبسات لينيفورم تالمدرسة و خرجات كتجري لقات الشيفور واقف وصلها و بقات كتعيط تاني على سترة من ورا السور عاوناتها كيف ديما (نةصف ليكوم سترة بنت قد الين فالطول زوينة و زينها بريى و هادئ دايرا نضاضر و مكتفهم لا فالمكياج والا اللبس و السبب لي خلا الين تصاحب معاها هو قلبها البيض و برائتها)

سترة:ناري و تعرفي بابا شحال سمعني تالهضرة

الين:وا زربي راني باقا غادة عند داك راس التيمومة ديال المدير

سترة:(كتسرع ف خطواتها)و نتي

الين:مالي

سترة:شنو قالو واليديك

الين :والو مهضرناش ف داك الموضوع

سترة:كون غير كنت بلاصتك

الين:حسن بلاش المهم سيري دخلي انا غنمشي عند المدير

سترة"علاش باغا دخلي عندو

الين:من بعد و نقوليك باااي

فالمكتب كالس مراد تا كيسمع الدقان وقف بنفسو و حل الباب

مراد:تعطلتي ب 10 دقايق و زيدي عليها داخلة من وسط السور كان كيسحابلي دوينا البارح

الين:سمح ليا ا استاد غير فقت معطلة

مراد:واخا ا استادة تبعيني

بقات الين تابعة مراد و الطالون تاعها بوحدو كيتسمع طق طق طق فالكولوار لي خاوي

مراد:مكتشةفيش انك صغيرة على هادشي

الين:علا اشنو

مراد :الطالون راك باقا صغيرة عليه

الين:اه عارفة

مراد حل الاسانسور و هبط بيهوم تال الطابق اللي التحت و حل واحد الباب كبير غير دخلات الين بانت ليها طاولة وحدة لي تما و خزانة صغيرة

مراد:(كيدوي و داير يديه ف جيابو)دابا جا وقت الحساب ا انسة كاع الاغلاط لي درتي غتعاقبي عليهوم و هادا طبعا بموافقة واليديك (بدا كيعاود ليها على كلشي دارتو من اول لحضة ليها هنا تال اللحضة لي فيها هوما دابا ) بينما نسالي ليك و نحدد نوع العقاب ديالك غتبقاي هنا عطيني الصاك ديالك

الين:و علاش

مراد:(مجاوبهاش نطرو ليها من يديها و خرج و سد الباب موراه)

الين:اش هاد الزمر ... يخ على موصيبة (بدات كتعيبو)بينما نسالي ليك و نحدد نوع العقاب بنت 6 سنين انا و مكنتعاقبش عاد دابا اه ولكن كلشي من بابا و ماما بحالا غير هاد المدرسة لي كاينة

***بقات الين تمشي و تجي ف ديك البيت تا داها النعاس و نعسات

فمكان آخر و عند مراد

مجد:افين اصاحبي لبارح دزت عندك للدار و ملقيتكش

مراد:غير طرا واحد المشكل مع واحد البرهوشة فالمدرسة و بقيت تا حليتو عاد رجعت للدار و تا التيلي كان طفا ليا

مجد:و منيمتا نتا كتدخل فالمشاكل تالمدارس دياولك ياك مخلي لي يتكلف بيهم

مراد:بالصدفة لبارح مشيت نطل و كون تعرف ديك البرهوشة شنو دارت (عاود ليه كلشي) متصورش فاش دقت داك الدجاج باش حسيت معرفتش شنو خلطات كاع فيه صيفطات 4 تالتلامد للسبيطار

مجد:ههههههههههههه لا هااادي بزاااف تاني ههههههههههه و علاش واش عندها عداوة مع شي حد ولا شنو

مراد:هه معرفتش اصاحبي و هيا بنفسها معندها تا سبب مقنع لهاد الشي و لي زاد صدمني هي ردت فعل واليديها كون كان عمر (الاب ديالو مي كيقوليه غير عمر)و انا لي درت داك الشي كون علقني حدا الباب تالمدرسة الداخل و الخارج يتشفى فيا

مجد:ههههه و شنو ناوي دير معاها اصاحبي تبقا محبوسة تال ايمتا

مراد:معرفتش تا نرجع و نفكر و الله و تشوف وجهها ما تقول هادو فعايلها

مجد:صافي دوزها ليها غير على وجهي عجباتني هاد البنت فكراتني ف يامات الصغر فاش لحتي سراق الزيت للاستادة ف صاكها و عتقتك و حصلت انا

مراد:ههههه من بعد و نشوف يالاه تهلا خاصني نرجع

مجد:ممم مراد

مراد:شنو

مجد:باباك ايمتا غتشوفو راه مصر بزاف يشوفك

مراد:يكون خير تلاح راه تعطلت و منعرف ديك خيتي شنو تكون كدير تاني

تفارق مراد مع صاحبو و مشا للدار بدل عليه لبس شوميز بيضا و تاني ليها الكمام و حال الصدايف اللي الفوق مع سروال كحل و سبادري فنفس اللون رش البارفان ديالو و رجع للمدرسة و بالضبط لعند البطلة لي لقاها شادة الركنة و كتبكي

مراد:(واقف حدا الباب و كيشوف فيها)مالكي

الين:اهئ اهئ اهئ

مراد:(دخل و قرب لحدا الركنة لي كالسة فيها)جاوبي مالك كتبكي

الين:(الصمت كيتسمعو غير شهقاتها )

مراد:اوكي بان ليا مازال محتاجة شوية الوقت بوحدك باش تعلمي منين يدوي معاك شي حد تجاوبيه

الين:(جمعات الوقفة و بقات كتشوف فيه و تمسح عينيها ب كمامها)بغيت نخرج من هنا

مراد:هادشي علاش كتبكي

الين:لا اهى اهى

مراد:هضري معنديش الوقت لي نضيع معاك

الين:فيا الجوع اهى اهى و العطش من البارح مكليت والو اهئ و كا..ع مف..طرت

مراد:مممم واخا انا غنقول ليهوم يجيبو ليك ما تاكلي

*خرج مراد و ما هيا الا دقائق تا دخل هو و الطباخة و فيديها بلاطو فيه الماكلة .

مراد:خرجي نتي

.....:واخا اسيدي

خرجات المرا لي معاه و بقا هو و الين الراس فالراس وحط ليها الماكلة فوق الطاولة اللي كانت تما

مراد:اجي لهنا

الين:(تحركات ل حداه بلا متنطق)

مراد:كلسي

كلسات و شافت فالماكلة لي قدامها و تشوك عليها لحمها

الين:شنو هادا

مراد:هادي الماكلة لي طيبتي لينا البارح مبغيتش تبقاي بالجوع و قلت مكين ما حسن من دوقي طياب يديك

الين:ميمكنش ناكل هادشي ريحتو خانزة و غنمرض

مراد:(ببرود)بالنسبة للريحة سدي نيفك ولا ديري لي بغيتي ما سوقيش اما المرض كوني هانية انا ماشي قليل عقل بحالك باش نمرضك (مشا جاب السلة تالزبل و هي غير كتبقلل عينيها و الدموع كينزلو ممتيقاش بلي كيهدر بصح حط ليها مراد السلة حدا رجليها و نطق)

غتحطي الماكلة ف فمك و تمدغيها مزيان من بعد تلوحيها هنا(كيشير بيديه للسلة)

الين:ولكن... منقدرش اهئ اهئ ريحتها كتعيف

مراد:(غوت عليها تا قفزات ) ماشي كنتشاور معاك .. تحركي ديري داكشي لي قلت ليك ولا متحلميش تخرجي من هنا

الين:اهئ اهى واخا ... ولكن بغيت الما عافاك

مراد:و باااقى كتشرطي ...لا مزيان الماء مغيدخل مع هاد الباب تا تكوني ساليتي العقوبة ديالك و حمدي الله منين غير هادشي لي غيطرا ليك ..و دابا باراكا من كترت الهضرة كولي

***(الين)

فينما كنحط عيني على ديك الماكلة كتجيب ليا الرضان تخيلت جميع انواع العقاب الا هدا عمرت شويا فالمعلقة يالاه بيت نخشيها ف فمي و عيني مسدودين تا حسيت بيديه مزيرة على يدي و ردها للطبسيل عمر المعلقة تا بدات كتكب عاد طلقني

يدي كترعد تا قربتها ل فمي و هزيت عينيا كنشوف فيه و كنتسنا يقول ليا بلاش ساع هو عاد مكيخنزر فيا .

دخلت الماكلة الفمي يالاه بيت نردها و هو يغوت عليا

مراد:قلت ليك مضغيها مااااشي لوحيها يالاه

بقيت كنلوي ديك الماكلة ف فمي و الدموع هابطين و خاطري مروعة

مراد:لوحيها

كي لحتها حدرت راسي باغا نرض و لكن كرشي خاوية كنحس ب مصارني غيخرجو من بلاصتهم

مراد:دابا دقتي الدجاج شنو بان ليك فالسباكيتي

انا:😨😨

مراد:زيدي خرجيهوم فيا

انا:باراكا .... راه منقدرش نزيد

مراد:تتتتت.... غتزيدي تا انا نقول ليك باراكا عاد توقفي

انا:اهئ راه هاد المكالة الحيوانات و مياكلوهاااش عاد انا

مراد:و بانو ليك صحابك حيوانات بااش ياكلوها هاااااه شنوووو كان كيسحابليك راسك

انا:ميسحابليش هاكا و زيدون هادي راه بايتة و مكانتش هاكا قبل 😢😢😢

مراد:كولي و منسمعش حسك

بقيت كندوق من هنا و هنا تا دقت من كاع اللي محطوط قدامي الريحة ف فمي ولات خانزة مباغاش تا نحلو باقي ساليت داكشي كولو عاد عفى عليا الله

انا:نقدر نخرج دابا

مراد:(شير بيديه لجيهة الباب )تفضلي و عرفي بلي ايلى مازال سمعت شكوى وحدة من الاساتدة عليك او صحابك غيطرا ليك كثر من هكا

انا:(هاهيا ف مك الجيفة ايلى مرديتها ليك راه احمد مولد فيا هي الخلا )اوكي استاد

خرجت من عندو و كتبان ليا المدرسة خاوية بقيت غادة تال حدا الباب عاد تفكرت الصاك ديالي

انا:اوف نسيتو عند داك الحمار (داخلة كتجري تا تلاقاتو خارج من المكتب ديالو)استاد بغيت الصاك ديالي بقا عندك

مراد:(مكيشوفش فيها)دخلي هزيه راهو فالداخل (و زاد فحالو)

الين:يخ على مغرور اش يسحاب ليه راسو

دخلات الين و هزات صاكها عاد خرجات و ملقاتش الشيفور حدا الباب

الين:هادشي لي كان خاص فين هو هادا ..الو ماما فين هو الشيفور ملقيتوش

نهيلة:بنتي المدرسة غير حدا الدار جي على رجليك

الين:ولكن.... طوط طوط اوووووووف هاااادشي لي كان خاص باش يكمل نهاري انا نمشي هاد المسافة على رجليا و الطالون من الفوق الله يا ربي على عداب ايمتا يسالي هاد النهار خلاص اهئ اهئ(كلسات فالجنب تالطريق و بقات كتبكي ) دابا شنو غندير حتى الطاكسي مكيدوز من هنا

حيدات الين الطالون من رجليها و بقات كتمشى حفيانة تا وصلات ل سوبر مارشي صغير خدات منو الما و الشكلاط شللات فمها و بدات كتاكل الشكلاط فالطريق و تشهق تا وقفات عليها طوموبيلة من نوع جاكوار كان صايكها شارف

ش:الغزالة ياك ما نوصلك معايا

الين:شنووووو (هزات الطالون تاعها و زفات عليه جاه فوسط وجهو) نتا لي كنتي خاصني الشارف تلقاك والد كبر مني الحمار تفووو على تريكة

ش:عقلي على هاد الضربة البرهوشة

الين:حمد لله منين عرفتيني برهوشة و واقف عليا تفو على نهار ما عرفت على من صبحت

بقات الين كتمشى حفيانة تا وصلات لدارهم تلقات ليها ماماها و دازت فيها مدواتهاش طلعات لبيتها دوشات و غسلات سنانها خلات شعرها فازك و لبسات بيجامة عبارة عن مايو سميطات فوق الكرش و شورط قصير عاد هبطات للكوزينة و لقات ماماها و باباها كيشربو القهوة

نهيلة:الين كي داز نهارك

الين:(حلات الباب تالتلاجة هزات منو تفاحة شيبس و عصير مع سندويش و رجعات سداتها بلا متجاوب )

احمد:بنتي راه ماماك كتهدر معاك

الين:تا انا كنت كنهدر معاها تا قطعات عليا ف وجهي ماشي وقتما رشقات ليها تهدر و وقتما رشقات ليها متهضرش .

نهيلة:(كتغوت)الين حتارمي راسك انا راه ماماك تعلمي كي تهدري معايا

الين:(مجاوباتهاش و طلعات لبيتها).

نهيلة:شفتي ا احمد شفتي ديما كنقوليك راه دللناها كثر من القياس و نتا كتحجج بلي هي بنتنا الوحيدة شفتي دابا فين وصلنا بسبابك

احمد:متزيديش فيه راه الشي لي كديرو عادي فالسن ديالها

نهيلة:لا .... لا معاااديش كلنا دزنا من هاد السن و عمرنا تصرفنا هاكا هي راه خاصها تربى و تعلم بلي انا ماماها و تعلم كيف تهدر معايا

احمد:انا غندوي معاها صافي

نهيلة:شنو مازال درتي مع عائلا الولاد لي مرضو

احمد:بالكشايف باش رضاو ولكن الشكر كلو للمدير اللي مطردهاش طلع ولد اصل و مخلانيش نتعدب معاه

نهيلة:عندك الحق ... فعلا انسان طيب شي حد آخر من مور لي دارتو مغيقبلهاش شنو بان ليك ايلى عرضنا عليه هو و عائلتو شي نهار للعشاء و منها نعتادرو منو و نوصيوه على هاد البنت لي مشيبانا

احمد:واخا خودي نمرتو من عند صاحبتك المديرة و سيفطيهاليا انا نتاصل بيه .

نهيلة:واخا احياتي

احمد:(حط الكاس تالقهوة من يدو و وقف)انا غنطلع نشوف الين

نهيلة:دير لي بان ليك ... انا غنتاصل بالمديرة ناخد الرقم

**فبيت الين**

احمد:(كيدق)بنتي ممكن ندخل

الين:اه ا بابا تفضل

احمد:(حل الباب و دخل كلس حداها)بغيت نهدر معاك ا اميرتي

الين:بابا حبيبي الى كان على ود موضوع ماما بليز بلاش

احمد:تصرفاتك معاها ماشي ف محلها

الين:مممم اوك

احمد:(غوبش)اليييين

الين:شنو راه قلت ليك هاد الموضوع ما باغاش ندوي فيه

احمد:حرت معاك ابنتي واش باغانا نبدلو تعاملنا معاك حنا هازين ليك الهم و اي حاجة قلناها فهي لمصلحتك

الين:كون بغيتو مصلحتي كاع متخليوني نتعاقب عند داك الوحش اصلا الغلط كلو تاعكم (من نيتك هههه)علاه مالها غير ديك الثانوية لي كاينة ما عطا الله غير هوما .

احمد:شنو دار ليك المدير

الين:(بقات كتعاود ل باها و تهز و تحط و تنتف شعرها غير كملات و هو يطلقها باها ب ضحكة)

احمد:هههههههههه هههههههههه مزيانا فيك باش تعلمي المرة الجاية ديري هاد الفعايل

الين:بابا واش انا بنتك ولا عدوتك

احمد:بنتي ولكن هداك الشغب ديالك لي مبغاش يسالي كيخلينيي ندم حيت ضسرتك وجاب الله لي يعرف ليك كنتمنى كون يبقى داك الشاب هنا مباقيش نهز ليك الهم

الين:(كتخنزر و كدوي من تحت سنانها)بابا صافي خرج بغيت نرتاح

احمد:ههههههه اوكي هاني خارج بغيت نقوليك المدير يمكن يتعشى عندنا اليوم وجدي راسك و ايلى درتي شي حاجة غنخليه يتكلف بيك و نغسل يديا من جيهتك فحال ماماك

انا:هاااادشي لي كان خاص غير داك الوحش يجي تال دارنا انا اصلا منازلاش غير قول للخدامة طلع ليا عشايا لهنا مباغاش نشوف وجهو

احمد:(خرج و خلاها كدوي بوحدها غير عاقت و بدات كضرب بالمخاد لجيهت الباب )

الين:هادشي لي كان ناقص يجي تال الدار و باينا وجه جاي بعد اللي دارو فيا حقير و ميسواش اوووووووف(زفات على المراية ب كاس العصي لي شادة فيديها تا تشخشخات و ولات طروفة )منين خرج ليا هادا تاني

****بقات الين كتسوط و تغوت غير بوحدها تاصلات ب سترة و ما جاوباتهاش ضرباتها ب نعسة فهاد الوقت احمد تاصل ب مراد اللي وافق على العراضة بكل فرح قربات 10 تالليل و كلشي واجد فوق الطبلة نهيلة لابسة كسوة طويلة فالكحل بالكمام مشبكين مع مشطة سامبل واتاتها و ديال عمرها نيت اما احمد لبس كوستيم رمادي بلا كرافاط (حيت كتخنقو و هو عندو الضيقة) اما بطلتنا فاقت و ناوية الشر لبسات كسيوة عادية قصيرة فالكحل و فيها زوج سميطات من جيهت العنق و هابطة على الكتاف شعرها خلاتو مطلوق مع شوي تالمكياج و الخف ديالها .

بقات كتلعب فالتيلي تا سمعات صوت طوموبيلة حدا الباب طلات لقاتو نازل من رونج كحلة كتلمع لابس عادي تيشورت كحل و سروال جينز كحل مع سبادري بيضا و هاز معاه بواطة حمرا ف يديه و الورد

نهيلة :احمد حل الباب غيكون هو

احمد:(حل الباب)مرحبا بيك اولدي

مراد:شكرا اسيدي

احمد:تفضل كنا كنتسناوك

نهيلة:مرحبا بيك اولدي

مراد:شكرا هاد الورد ليك

نهيلة:شكرا بزاف كيحمق

الين:(واقفة فالدروج)و مالك بالسالامة جاي تخطب

نهيلة:😨😨😨

احمد:الين باقي معيطناش عليك واقيلا

الين:نزلت ناخد غير الماء (بتاسمات ابتسامة صفرا و دغيا جمعاتها)بصحتكم

جلسو الثلاثة ف صالون و الين دخلات الكوزينة كدندن هزات الما و الشكلاط شافت ل جهتهم لقات كلشي كيشوف فيها خنزرات و طلعات فحالها .

احمد:متديش عليها اولدي

مراد:مراد

احمد:اه مراد راه باقا صغيرة و طايشة

نهيلة:مصغيرة والو راه ضاسرة بزاف معرفنا منديرو معاها و حشماتنا معاك اولدي مراد بتصرفاتها

احمد:عاودات ليا شنو درتي ليها ههههههه و اخيرا جا للمدرسة لي تخاف منو

مراد:لا فصراحة انا قريب نرجع جيت غير على ود شي امور و غنكملها و نرجع لاميركا

نهيلة:اوووف و انا عاد ما قلت غنرتاح من جهتها

مراد:جبت ليها هادا 🍫🍫🍫 ممكن نديه ليها و منها نيت نهضر معاها

احمد:انا نوصلك لبيتها اولدي

احمد:هادا هو

رجع احمد للتحت و مراد حل الباب و لقاها كاع ما فهاد العالم شادا الايباد و دايرا الكيت سدالباب من وراه و دخل عاد حسات بيه

الين:(نطرات الكيت و كلسات على ركابها)هيي نتا اش كدير هنا شكون عطاكالادن دخل

مراد:(مجاوبهاش اكتفى انه يخنزر فيها بشوفات لو كانو قرطاس كون قتلوها)

الين:(توترات و خلعوها شوفاتو)ششششنو بغيتي

مراد:(بقا كيخنزر و كيقرب ل جيهتها )

الين:(كترمش بزربة و تحك فيديها مع بعض مبقا ليها والو و طلق البولة كتجمع فخاضها بقوة باش تحبسها)

مراد:عاودي شنو قلتي فاللول

الين:(الصمت)

مراد:(شدها بيديه من ودنيها تا حسات بيها غطير من بلاصتها)اش هاد الاسلوب باش كدوي معايا ...

الين:اي اهئ اهئ طلق راه ودني قصحتيني

مراد:لا مزيان باش دخل ليها هضرتي مزيان شوفي فيا

الين:(باقا حادرة راسها تا طلع ليها ودنها للفوق عاد طلعات راسها و دموعها هابطين)

مراد:انا ماشي هو باباك او ماماك باش تعامليني كي بغيتي واخا فالصراحة هوما اكثر ناس خصك تحتارميهم ولكن هوما لي غالطين مرباوكش على الاحترام و ايلى هوما كيسكتو ليك انا راه نقطعك طراف و ميسيق ليك حد الخبار سمعتي من اليوم يعاود صوتك يعلا على صوتي غتشوفي مني لي عمر شي بني آدم شافو فهمتي ولا نعاود بطريقة خرا

الين:فهمت غير طلق من ودني عاافاااك

مراد :ما زال ما ساليت باقا حاجة خرا ايلى باقي خرجتي فيا عينيك غنتقبهوم ليك و نخليهوم للدراري الصغار يلعبو بيهوم يا ويلك باقي تخنزري فيا حيت سياد سيادك و ما داروها بقيتي غير نتي البرهوشة و هادي فهمتيها ولا لا

الين:😭😭فهمت والله

مراد:(طلق ليها من ودنها و بقات حمرا شاف فيها و هيا حاطة يديها على الودن فاش كان شادها كتبكي )جبت ليك هادا

الين:(مدات يديها شداتو)شكرا

مراد:برافو هاكا نبغيك و دابا غسلي ديك الكمارة و هبطي تعشاي معانا متعطليش

الين:واخا (فين مشا الطيران ديالك ههههه)

*خرج مراد من عند الين و نزل التحت

الين:اهئ اهئ حكرني ولد الحرام و وسط دارنا 😢 😨اويلي غنطلقها ف سروالي (ناضت كتجري للطواليط البولة لي شداتها بالخلعة عاد تفكراتها )

قضات الين حاجتها لبسات بيجامة فالبيض و الكحل سروال و تيشورت ديالو مرسوم فيه ميكي ماوس مع بونضو على شكل ودينات الميكي ماوس فالكحل و الخف ديالها خلات شعرها مطلوق على راحتو عاد نزلات لقاتهم مجمعين و كيضحكو

الين:سلام

احمد:اجي ابنتي كلسي كنا كنتسناوك باش نتعشاو

الين:(كلسات حداه و مهزاتش راسها تا جات الخدامة تنوضهوم للطبلة )

مراد:الين شنو ناوية ديري منين تاخدي الباك

الين:(كتلعب بالمعلقة و الفرشيط و عسنيها على الطبسيل)معرفتش

احمد:انا كنت باغيها تكمل قرايتها برا ولكن من ورا فعايلها منقدرش نسيفطها حتى لمدينة خرا فالمغرب

مراد:مكنضنش واش غتلقا تما الحرية لي هنا انا ف سنها مشيت لاميركا و تما تعلمت المسؤولية و تعلمت نعتامد على راسي

الين:انا مكنفكرش نخرج من المغرب (كدوي بشوية بالكاد كيسمعوها)

نهيلة:و انا اصلا منقدرش نعيش بعيدة على بنتي صعيب عليا نخليها تمشي ل بلاصة خرا

الين:لا رد

احمد:ولدي مراد شنو قريتي تما

مراد:قريت الهندسة و عندي تما شركات تالهندسة و الديكور و فالمغرب عندي مجموعة مشاريع فحال المدارس الخصوصية و اسواق تجارية

احمد:تبارك الله عليك بلا شك عانيتي بزاف باش تحقق هادشي فهاد السن الصغير ..

مراد:لا المهم هو الارادة الباقي كلو يهون من بعد

احمد:كون غير كانت الين كتقرا ف حالك كنضن راك شفتي نقطها من نهار عقلت عليها و هي كتجيب غير 2 نقط على نظافة الورقة جيبي هو لي كينجحها

لين:باااباااا مكتشوفش بلي هادي مواضيع خاصة بالعائلة و ميمكنش تناقشها مع من ما كان و بالاخص مع البراني

احمد:مراد ماشي براني و من اليوم اعتابريه من العائلة و اصلا راه كلشي عندو انا غير كنتبت ليه داكشي

الين:شبعت بصحتكم

نهيلة:تصبحي على خير

الين:لا رد

مراد:تصبحي على خير اليين

الين:و نتا من اهلو

طلعات الين فحالها و مراد مشا لدارو و هو الطريق كاملها كيبتاسم ممتيقش كيفاش تعرفات عليه ف نهار واحد و كتخاف منو كثر من واليديها

وصل للدار دوش و نعس اما الين بقات الليل كامل كتقلب حيت نعسات بالعشية مغفات عينيها تال الفجر

***اصبحنا و اصبح الملك لله****

البطلة ديالنا باقا خامرة نمشيو لعند مراد لي فاق و نزل ل لاصال لي عندو فالفيلا ديالو كيتريني بما ان اليوم الحد قرر يمشي عند باباه يزورو

دوش و لبس سروال سيرفيت كري مع سبادري كحلة و تيشورت كري و كاسكيط و نضاضر هز سوارت اللوطو ديالو و خرج فطر فالريسطو و مشا للسوق تقدا شي حويجات غيخصوه فالدار و رجع حطهم عاد مشا ل دار باه

دخل و استقبلوه مزيان و باه كيدوي و ضروسو كيبانو بالفرحة

عمر:ايوا اولدي اش خبارك

مراد:والو الواليد غير الخدمة

عمر:مازال ما ناوي تكمل دينك اشنو راك مبقيتيش صغير و زيد عليها مخصك والو تقدر ت دي لالات البنات

مراد:هاد الساعة الزواج آخر حاجة كنفكر فيه و ايلى على العمر راه عندي غير 25 سنة ماشي كبير بزاف

عمر:واخا هكاك اولدي الزواج حلاوتو فالصغر بوحدها لكون مكنتيش انسان ناضج كاع منجبد ليك هاد الموضوع

مراد:اه عارف المهم عندي شي خدمة مازال مكملتها غير جيت نشوفك و نمشي تهلا فراسك(باس ليه على يديه و خرج)

يتبع...