وصل مراد الين لمدراستها و هو رجع لخدمتو اما الين دخلات كتقلب على ألاء غير لقاتها بقاو كيتعانقو و يتباوسو فحالا عام ما شافو بعضهم و بدات الين كتعاود كلشي ل الاء و الخرا مصدومة
الاء:يا ختي هادشي كامل طلع من ديك السفريطة انا من اللول ما رتاحيتش ليها
الين:نساااي عليا قولي لي نتي اش خبارك .
الاء:والو هاني كيف خليتيني ولكن عرفتي شنو تعرفت على واحد يااااي كيحمق
الين:هههههههه على سلامتك الالة
الاء:اش بان ليك مور 12 نتغداو انا و ياك ف شي بلاصة
الين:اففف راه غيجي ليا مراد ولكن نقدر نطلبو غدا باش نخرجو مغيردهاش ف وجهي
الاء:و منها نعرفك على حبيبي الجديد
الين:يالاه باي خاصني ندخل للكوغ بسلامة بب
دخلات الين للقسم حالا عينيها و كتحاول تفهم شي حاجة موصلات 12 تا غفر ليها الله خارجة كتجري لقات مراد كيتسناها ركبات معاه و مشاو تغداو العشية كاملة دوزوها على برا فينما تقول ليه عييت يعاود يديها لبلاصة خرا تا قربات 12 تالليل .عاد ردها للدار
كانو الضواو مطفيين داخلة الين و شادة صباطها ف يديها رجليها طابو عليها بالمشي غير دخلات شعلو الضواو ف دقة وحدة
الكل: مفاااااااجأة
الين:(حلات فمها و حطات يديها عليها اكيد كتقولو شكون الكل غير عفة و ألاء و جويرية و صحابها اللي معاها فالقسم واخا نصهم مكتعرفهم )اش هادشي ا مراد
مراد:كاين شي حد كينسى عيد ميلادو كل عام و انتي بخير البرهوشة ديالي
الاء:الين كيف جاتك المفاجأة
الين:(عنقاتها)كتحمق واااو (شافت الكاطو مرسومة فيه صورتها و مكتوب فيه كل عام و انتي برهوشتي ) دابا واش انا هاد اللقب مغيبعدش عليا او حتى فالحلوة مسميني برهوشة
مراد:(عنقها ) و احلى برهوشة فالدنيا كلها
الين:(عنقات جويرية و عفة و بدات كتسالم مع اللي كتقرى معاهم كانو مخلطين كبار و صغار يعني ف عمرها و كاينين بنات جايبين معاهم صحابهم كبار ) شكرا حيت جيتو شكرا بزاف
مراد:(بدا كيشعل الشمع )اجي تمناي امنية راه باقي دقائق و توصل 12
الين:اه اه واخا(مشات كتجري لجهة الكاطو لي كان فالغوز كبير مرسومة فيه صورتها و الشمع داير بيها .)
مراد:تمناي امنية .
الين:(سدات عينيها و بدات كتفكر ف شنو خاصها من غير حب مراد لقات تا حاجة تنهدات ب عمق و تمنات انه يبغيها من كل قلبو و عمرهم يتفارقو حلات عينيها و )هوووففف طفاتهم كاملين
قطعات طرف من الحلوة و عطات منو ل مراد هو اللول عاد عفة و الاء قطعو الضيوف تا هوما و بداو كلهم كياكلو و يشربو كانو دايرين طبلة كبيرة عامرة بما لذ و طاب طلقات موسيقا هادئة و الين بانت ليها الاء كترقص مع واحد دري شهب و زوين ملامحو فحالة مرسومة عيينين زرقين و بيض بزاف عينيه كبار و مشفرين واخا الشفار مكيبانوش مزيان حيت شهبين عندو بنية قوية لدرجة الاء كتبان فحال بنتو كانو كيرقصو باحترافية و عينيهم منزلوش على عينين بعضهم
الين:ممم ادن هادا هو حبيب القلب ههههه هاني شفتو قبل الوقت صراحة جاو مواتيين بزاف
مراد:اه
الين:يالاه تا حنا نرقصو
مراد:مكنعرفش و اصلا معنديش مع هادشي
الين:😢😢 ماغاديش دير ليا خاطري واخا غير فهاد الليلة
مراد:اووف يا ربي صافي زيدي نتي خاصك غير علاش تلوحي دوك الدموع
جرات الين مراد وراها و حاوطات عنقو بيدياتها بزوج و هو حط يديه على خصرها بقاو كيتمايلو على انغام الموسيقى
الين:هادي هي مكنعرفش نرقص
مراد:هههه تا نتي بنتي ليا كتعرفي و مزيان كاع
الين:عالاقل انا منكرتش فاللول
مراد:الين شنو درتي فيا
الين:(قلبها كيضرب)شنوو
مراد:معرفتش ولكن كنحس بيك قريبة مني بزاف لدرجة كبيرة كنبغي ندوز نهاري كلو معاك منملش منك واخا كتعصبيني و ندير فيك لي درت من بعد كيتنادم معايا الحال تيقيني الما دوزت عليها كثر من اللي تقدري تصوري ولكن عمرني تنادم معايا الحال او بقات فيا هههه
الين:شنو دابا كتقارني بيها
مراد:لا ماشي مقارنة نتي بلاصتك بوحدها خديتي قلبي عقلي و كلشي كنحماق عليك الشوفة ف عينيك كتنسيني الدنيا بلي فيها
الين:شنو نفهم من هاد الشي ههه
مراد:(حط يديها على قلبو)تقبلي تكوني ليا انا مكنتش باغي نعتارف دابا ولكن مقدرتش نمنع راسي خايف نخسرك و عارف ان السن لي نتي فيها صعيبة و غتبغي تجربي بزاف تالحوايج و منهم الحب ولكن مبغيتش نخلي شي حد اخر يمتلك هاد البرهوشة نتي ديالي بوحدي
الين:انا موافقة
مراد:هه كنت عارف ضني عمرو خاب(عنقها بقوة)ههههه شكرا حيت فرحتيني البرهوشة دابا اجي تحلي لي كادو دياولك
الين:اوكي
تجمعو الكل فوق الطبلة و بداو كيقدمو هدايا لالين الاء عطاتها خلخال من الدهب الابيض زوين و راقي اما جويرية عطاتها كتاب كبير و كاميرا حلاتو لقاتو فحال شي مدكرة فيه فين تحط الصور ديالها و فين تكتب و الاهم مكتوبة فيه ilin بطريقة زوينة على الغلاف
عفة عطاتها تريكو شتوي من صنع يديها عجبها بزاف و مراد هداها سنسلة مكتوبة فيها سميتهم بزوج مع حلقاتها سالات الحفلة و الكل خرجو تا من عفة مشات لدارها بقاو الراس فالراس
الين:شكرا بزاف على هاد الهدية كتحمق عجباتني
مراد:و باقي هدية خرا مازال مشفتيهاش اجي معايا
شدها من يديها و هي تابعاه من اللور تا دهل لبيتها تصدمات كتضحك و تبكي فنفس الوقت
مراد:(شافها كضحك)عجباتك (حطات يديها على فمها و بقات كتبكي ) معجباااتكش شنوو مالك
الين:دموع الفرحة الخرا
مراد:(قرصها بيدو من شنايفها)باقي تخسري الهضرة نطيرهم لمك من بلاصتهم
الين:(بعدات يديه) و اخيرااااا هاد البيت اووف متعرفش شحال توحشتو
مراد:حاولت نديرو نسخة على بيتك اللي فالمغرب ولكن حيت كلشي جا بالزربة و نهار واحد مكفانيش لكلشي مصبغتوش هادا غير ورق جدران من بعد ايلى بغيتي نصبغوه
مراد:و انا هادشي لي بغيت يالاه رتاحي شويا راه فات الحال
الين:(طلقات منو)اوكي تصبح على خير
مراد:و نتي بخير (باسها ف حنكها و خرج)
دخلات الين للدوش دوشات و هي كتغني خرجات لبسات عليها كسيوة خفيفة فالبلو سييل بوحدها على اللحم نشفات شعرها بالفوطة و هزات مدكرتها القديمة قطعات منها الوراق و لصقاتهم فالجديدة و بدات كتكتب فيها كاع التفاصيل اللي وقعو ليها فهاد النهار سداتها و حطاتها تحت راسها
خدات السعدان ديالها عنقاتو و نعسات و هي فرحانة
اما مراد دخل لبيتو دوش و لبس شورط بقا مدة كيشوف فالسقف و مرة مرة يبتاسم تا داه النعاس
/اصبحنا و اصبح الملك لله/
فاقت الين كتكسل هزات التيلي ديالها لقات 8 و نص تالصباح ناضت كتنقز لبسات بزربة لبستها تالمدرسة و نزلات كتجري بانت ليها الدار خاوية طلعات لعند مراد لقاتو مجبد فوق السرير تفكرات بلي اليوم الاحد و بلي هي و الاء يسحابليهوم قاريين هادشي لي دوخها رجعات لبيتها لبسات بيجامة غوز قطنية مع البوط تالدار ديالها و دخلات للكوزينة قلات البيض و حمرات الخبز قاداتهوم ف بلاطو حلات الثلاجة هزات الكاشير و الفرماج و الشكلاط و عصير (ايسحاب ليكوم غتديهم لمراد لا لا هادي كرشها اولا من كلشي ) دات البلاطو للصالون و كلسات هادي تنفع هادي ضر تا كملات كلشي عاد ناضت غسلات المواعن و رجعات لبيتها كتخمم فشنو غيجي مورا هادشي هاهوا عتارف بحبو ليها ولكن راه يقدر توقع شي حاجة بيناتهم خصوصا تا هي مرفضاتوش بقات فكرة تضرب فكرة ف دماغها تا تحل عليها الباب
مراد:صباح النور
الين:صباح الخير
مراد:فقتي بكري
الين:اه ايسحابلي قارية
مراد:اوكي انا غنزل ل لاصال اللي لتحت
الين:نجي معاك تا انا بغيت نلعب
مراد:ههههه بالبيجامة
الين:هيهيهي هاني غنبدل
مراد:اوكي انا التحت
الين:باي
لبسات الين و نزلات لعندو لقاتو كيهز الحديد
الين:تا انا بغيت ندير فحالك
مراد:(عطاها زوج صغارات)هاكي
الين:هيييه كي بنت ليك انا راه نقدر نهز فحال هدوك
مراد:(حطهم ليها فالارض )ايلى قدرتي تهزيهم كنواعدك غنفد لي بغيتي لاسبوع كامل
الين:كتحداني ياكاااا(تحنات باش تهزهم)هانتا غتشوف (حلات عينيها كتحاول تهزهم من الارض ساع تقال ) واش نقدر نهز غير وحدة بزوج يدين
مراد:هههههههههههههههههههه حيدي من هنا(دفعها) نتي مقادة تهزي حتى راسك
الين:طفرتيه نتا
مراد:هههههه
الين:و دابا شنو ندير
مراد:قربات العطلة تبغي نسافرو
الين:حلف حلف حلف فيييين
مراد:نمشيو للمغرب و من بعد ختاري نتي فين بغيتي
الين:الهند
مراد:😐😐 الصين لا
الين:عافاااك بغيت نمشي ليهاااا عافااااااك
مراد:اوكي هههه انا نيت عندي صديق تما من شحال هادي ما شفتو
الين: ياااااي و اخيرااااااااااا الههههند انااا جاااية
مراد:(صرفقها ب خف) باقي ما مشينا فيقي
الين:خههههه المهم غنمشيو
مراد:اوكي عرفتي شنو
الين:شنو
مراد:(دار وضعية بحالي بغا يدير تراكسيون )اجي كلسي فوق ضهري
الين:(نقزات عليه كلها)
مراد:اووووف ايسحاب لمك انا ناموسيتك تا كتنقزي عليا
الين:لعب لعب و نتا فيك غير الفم
مراد:اللهم طولك يا روح (بدا كيطلع و ينزل)
الين:1 2 3 4 5 6 .......
مراد:(طاح على كرشو) نزلي نزلي
الين:يالاه وصلنا 46
مراد:اش كتاكلي هيييشة
الين:كناكل رزقك
مراد:وا نزلي خلاص راك قسمتي ضهري
الين:(نزلات )هاهيا اووف عضلات منفوخين غير بالخوا الخاوي
مراد:(كينهج)
الين:مراد نوض وجد لينا مناكلو فيا الجوع
مراد:وجديه نتي اش كديري
الين:وا كون كنعرف كون وجدتو لراسي(الله يمسخني)
مراد:ههه واخا غنخرجو نفطرو اجي زعما راه ولات عندك 16 سنة مازال ما باغا ديري عقلك
الين:نهار ديرو يا حبيبي نديرو تا انا
مراد:(مد ليها يديه)وقفيني
الين:(كتجر ف يديه) اوووف شحال تقيل وقف دغيا ايلى انا كنت واكلة رزقك انا متأكدة بلي نتا شي سياسي مغربي واكل رزق المغاربة كاملين
مراد:(وقف بالزربة و لوا يديه على كتافها) ناري على لسان عند هاد البرهوشة
مراد:(طلق منها و نزل للارض ولا حمر بزاف و مكنزز على سنانو و ساد عينيه كيتوجع) اش درتي الهبيلة ت مك
الين:(تحدرات لعندو كضرب فخادها و حناكها)اميمتي قتلت ولادي لي باقي متزادو مراااد هانتا تنفس شهييييق زفييير والله ميسحابلي غتصدق معايا ديك الحركة
مراد:والله لا بقاات فيك اووووووف ااااي غير صبري تا نوض
الين:ويلي ويلي مشيت فيها شوف والله و تقرب ليا تا نزيدك وحدة خرا فحالها لا لا مباقيش نعاود غير نوض خلاص عااافااااك
مراد:(شد فالحيط باش يوقف)برهوشة اش قال ليك داك الراس
الين:(شدات فيديه باش يوقف)والو والله ما درتها بلعاني
مراد:و درتيها بالصح ياك
الين:باش كتحس دابا
مراد:(دفعها)قتليني و تهناي
الين:اويلي علاه القضية فيها الموت
مراد:(تمشا ل جهة بيتو و كينكر ) لي بغا يدير فيها شاروخان ها اش كيطرا ليه بنت الحرام شوي و طيرو من بلاصتو كاع هادا جهد فيها
دخل مراد ل بيتو و ردخ لباب خلا الين غير كتشوف و كضحك عليه دخلات دوشات و لبسات صاية قصيرة فالمارو و مزيرة مع تريكو واصل تال درعانها فالكحل لبسات بوط و نزلات للتحت كتقل على مراد ملقاتوش و طلعات للبيت كدق
مراد:دخليييي
الين:(كطل عليه من ورا الباب لقاتو مكسل و حاط وسادة على حجرو ) واش حنا مغناكلوش
نزلات الين للتحت لبسات طاقية تالشيف و حلات التيلي كتقلب على اسهل حاجة ممكن تصاوبها ليه
شدات واحد الزيف عقدات بيه راسها و خرجات الكفتة من الثلاجة سرحاتها مزيان عمراتها بالفرماج حمر من الوسط مع الزيتون و الكاشير و خدات البيض سلقاتو و حطاتهم وسطو لوات عليهم الكفتة و دخلاتهم للفران ربع ساعة خرجاتهم و حطاتهم فالطباسل زادت معاهم صلاد تالخضر و طلعاتهوم للفوق
مراد:الريحة وصلات تال هنا
الين:هاهوا فطورك
مراد:اش هادشي (كيشوف فيها)مالك دايرا هاد الحالة فراسك هههههه الطاقية و الزيف ههههههههه بزاف
الين:(سلتاتهم بزربة و تزنكات)غير نسيتهوم
مراد:ههههههه بقاي تربطي داك الراس ديما عالاقل مكيبقاش يفكر يدير شي حاجة خايبة هانتي ربطتيه و وجدتي لينا احسن فطور
الين:دوقو بعدا(حطات ليه البلاطو فوق فخادو)
مراد:و نتي مغتاكليش
الين:(اويلي على مكلخ قال ليك مغتاكليش و انا لاش حاطة زوج طباسل الخرا كون رومنسي و وكلني )لا مفياش الجوع
مراد:(خر البلاطو لجهة كرشو)اوكي
الين:😲😲 من نيتك
مراد:شنو
الين:لا والو عرفتي شنو غنوض نجمع بيتي
مراد:اوكي
الين:(بقات واقفة كتشوف فيه)
مراد:(على حاجبو) مالك
الين:تاكل جغديد نشاء الله (خرجات و ردخات الباب موراها)
دازت شي ساعة تقريبا تا قال ليها مراد تبدل باش يديرو شوبينغ ياخدو كادووات ل دارهم و يتقداو اللي غيخصهوم فالسفر
لبسات الين و نزلات فرحانة
مراد:زيدي طلعي ديك الصاية راه جاتك طويلة بزاف
الين:افففف فيك النكير كثر من ماما
مراد:(يالاه هز يديه ل جهة ودنها و هي طلق رجليها للريح)
الين:وا صافي انم مالك مامعاكش الضحك
مراد:طلعي راه من قبيلة و انا صابر لهبالك
الين:(دخلات للوطو و تا هو بقاو ساكتين مدة و هو مركز على الطريق تا نطقات) قول ليا بلي مكنتش كنحلم
مراد:ب شنو
الين:بلي نتا اعتارفتي بلي كتبغيني
مراد:ايمتا هادشي
الين:مراد متعصبنيش نتا قلتي بلي انا قريبة منك و كتبغي دوز حياتك كلها معايا و بلي خديت قلبك و عقلك شنو دااابااااا غتنكر
مراد: معقلتش
الين:(جمعات يديها ل صدرها و سكتات )
مراد:تفركعي كاع نتي باغاني نعتارف ب شي حاجة مقلتهاش
الين:الصمت
و هاكا بقا الصمت سيد الموقف تا وصلو مراد ف نفسو غينفاجر بالضحك حيت شافها ما بقا ليها والو و تبكي و الين غادة سابقاه اي بلاصة دخلات ليها مكتخرج تا كتاخد اللي تحتاج و لي متحتاج و كتخليه يخلص و ترجع دخل ل بلاصة خرا
مراد:اديك البرهوشة انا راه عييت من الصباح و نتي كتشري راه تسافيرة ت اسبوع ماشي قرن و الصرف
الين:(كدوي و تختار فالمكياج) سمع نتا لي قلتي ليا اجي نديرو شوبينغ ماشي انا دبا بلا متضرني فراسي زيد و سكت
خدات الين لي تحتاج و ما تحتاج غير باش تبرد على فقصتها تغداو برا عاد رجعو للدار
الين:(طاحت فوق الفوتوي فالصالون)عييييت و رجليا دروني
مراد:(كلس فالفوتوي لي مقابل معاها) اه امسكينة حيت نتي لي كنتي هازا التقل كلو
الين:غنطلع نعس
مراد:اوكي
طلعات الين تنعس و مراد بقا فالصالون كيفكر فعلاقتو معاها خايف يتقرب منها و هو باغيها غير حلالو و مبغا منها والو باش من بعد ايلى وقعات شي حاجة متقولش بلي استغلها و اصلا هي عندو امانة خاصو يحافظ عليها قلبو باغيها كلها تكون ليه و عقلو كيرفض و كيفرض على مراد قانون واحد و هو انه هاد البنت ميتلاعبش بيها و عوض ميدخل من السرجم يدخل من الباب ولكن هيا باقا صغيرة على الزواج يالاه عندها 16 سنة شنو غيدير هاكا بقاو الافكار كيدورو ف راس بطلنا تا نعس و هادي هي ثاني عبرة بغيتكم تاخدوها من قصتي يا بنات اول عبرة كانت هي الصحبة و هي انكم متيقوش فشي انسان و تقولو هاديك ختي او هداك عشيري من غير واليديك متعطي نيتك ل تاحد حيت ممكن صديق اليوم غدا يكون عدو و العبرة الثانية هي لي بغاك يبغيك كيف نتي و يبغيك حلالك ماشي شي حاجة خرا اي انه يتقي فيك الله و ميقربش منك الا و نتي ديالو ملكو و تحت سقف واحد فاللي كيرضي الله حيت كلشي ف وقتو زوين و حلو.
بقاو ابطالنا ناعسين تا غربات الشمس عاد فاق مراد دوش و خرج .
فاقت الين بقات كتقلب على مراد فالدار ملقاتوش دوشات و وجدات حليب بالشكلاط هزات مدكرتها كتكتب فيها و منين سالات ملات ملقات ميدار هزات مونطو ديالها و خرجات بقات كتمشى على رجليها مدة طويلة عاد صونا ليها التيلي
مراد:فينك
الين:مالك كتغوت غير بشوية انا خارجة
مراد:لفين تاااني
الين:كنتمشى و صاف مليت من الدار
مراد:فينك دابا انا جاي ليك
الين:و شكون نتا باش تجي ليا اصلا
و تسولني فيني ماشي سوقك
مراد:قطع عليها
بقات الين كتمشى و كلسات فواحد الكافي تا وقف عليها كي ملاك الموت
مراد:بصحتك
الين: كح كح كح باش عرفتيني هنا
مراد: جي ب س لي فالتيلي ديالك ياك كنقول ليك مباقيش تخرجي بلا خباري
الين:مطيح عليا العقد
مراد:😡
الين:كلس تشرب شي حاجة عاد نمشيو راه مليت والله
مراد:(جر الكرسي و خدا كافي كخيم بلا ميهدر معاها)
من بعد دقائق ناضو الين و مراد و ركبو فاللوطو رجعو للدار
الين:(كتشوف فلابيسين)مراد مراد عااافاااك نعومو
مراد:راه البرد
الين:عافاك راه والله ما فيا النعاس
مراد:غدا نعومو ولكن دابا راه الليل اجي نتفرجو
الين:واخا
دخلو الين و مراد لواحد البيت كان عبارة على سينيما صغيرة خدم مراد الفيلم و الين عمرات يديها بالشيبس بدا الفيلم و هوما كيتفرجو و كان فيلم رعب mama (نصحكم تفرجو فيه) عند بال مراد بلي الين غتخلع ساع مع من هو يد كتخشي بيها الماكلة ف وجهها و يد شادة بيها باقي الشيبسات و عينيها خارجين و عايشة مع الفيلم و هو عوض ما يقابل الفيلم مقابلها كيف كتاكل تحط وحدة ف فمها و يطيحو 4 بلا متحس تا سالا الفيلم
الين:واااو كيحمق
مراد:هي كيعجبك هاد النوع
الين:اه كيجيني حسن من افلام الرومنسية البايخة حيت كاين فيه تشويق بزاف
مراد:هههههه راه 1 تالليل هادي زيدي تنعسي غدا غنسافرو
الين:مراد بغيت هو اللول نشوف الاء عاد نسافر
مراد:اوكي غدا ناخدك لعندهم
طلعو ابطالنا ينعسو و كل واحد فيهم فاش كيفكر الين كتفكر ف واليديها و شوقها ليهم اما مراد كيفكر ف احمد واش غيقبل الطلب ديالو ولا لا
صبح صباح جديد فاقو معطلين تال 11 فطرو و خرج مراد البن لعند الاء و جويرية كلسو معاهم شويا و ناضو جمعو حوايجهم و مشاو للمطار
مراد:عرفتي شنو كنتفكر دابا
الين:شنو
مراد:اول مرة شفتك فيها و كلشي حتال هاد اللحضة
الين:و شكون انا باش تفكر فيا هكا
مراد:حبيبتي
الين:حبيبتك ههههههه رشقات ليك عليها تاني ياك عاد لبارح نكرتي كلشي
مراد:اش نكرت تاني
الين:(حطات الكبت فودنيها و مجاوباتوش )
مراد:حمقة
هاكا بقاو الرحلة كاملة الين نعسات على كتف مراد ام هو مرة مرة كيهز بواطة من جيبو كيقلبها و يردها تاني هاكا تا وصلو للمغرب
الين:و اخيرا وصلنا
مراد:يالاه اللوطو كتسنانا برا
خرجو من المطار و لقاو اللوطو ركبو فيها و توجهو لدار الين لي غير وصلات نسات مراد واش معاها و بقات كدق فالباب بغيت نقول كتردخ
نهيلة:الين(عنقاااتها)توحشتك ا بنتي توووووحشتك بزاف بزاف و اخيرا جيتي و اخيرا علاش مقلتوهاش لينا
الين:(كتبوسها و تهدر)تا انا توحشتك هههه كنت باغا نديرها ليكوم مفاجأة فين هو بابا
نهيلة :الداخل ابنتي
مراد:(مد يديه ل نهيلة و عنقاتو)شكرا بزاف شكرا ليك حيت حافضتي على بنتي الله ينور طريقك (نزلو دموعها)مخيبتيش ضني فيك شكرا اولدي
مراد:درت غير لي واعدتكم بيه
نهيلة:دخل اولدي للداخل
دخل مراد و لقا الين مخشية ف باباها كتعنق و تبوس
مراد:هههههه باينة بلي توحشتيه بزاف
الين:كلهم توحشتهم
نهيلة :الين بنتي ايلى كنتي عيانة طلعي رتاحي و تا نتا ا مراد غنقول للخدامة توريك البيت
احمد:(ناض تسالم مع مراد و ابتاسم ليه فوجهو) شكرا ا ولدي صدقتي راجل
مراد: مكين لاش تشكروني انا غنمشي لداري نرتاح
نهيلة:والله ما تمشي هادي هيا دارك و هنا غتبقى و ايلى كانت خاصاك فيها شي حاجة غدا سير جيبها ولكن من اليوم راك واحد منا
مراد:ولكن راه منقدرش
الين:ياك انا كلست ف دارك علاش نتا متقدرش
مراد:هههههه نتي غير سكتي نسيتي بلي ديتك بزز
الين:(كتغمزو زعما سكت)
احمد:اجي معايا اولدي نديك لبيتك ترتاح بينما يوجد ليكم العشا
مراد:واخا شكرا
طلع مراد للبيت لي عطاوه كان بيت ضيوف ما فيه تا حاجة كتنتامي لاي شخص من غير الحوايج لي ضرورية سرير كوافوزات خاويين مرايا و دوش خاوي و ماريو كبير كان البيت كلو بيج و متيسع بزاف دخل مراد دوش هو اللول لبس شورط جينز حد الركبة مع تيشورت كحل و نعس
اما الين بقات مجمعة معا واليديها فرحانة
فرحانة حتى وجد العشا
احمد:بنتي سيري عيطي على مراد
الين:واخا ا بابا
ف بيت مراد:
الين:(كدوز يديها على وجهو) شحال ولفتك مدة قصيرة باش عرفتك ولكن سكنتي قلبي بزربة (بدات كتحرك فيه بشوية و كتدوي ب صوت قريب للهمس)مراااد.. مراد .... فيق تاكل شي حاجة راك ما كليتي والو .....
مراد:مم سبقيني (كيدوي و هو ساد عينيه)انا نغسل وجهي و نتبعك
الين:اوكي
نزلات الين و شويا تبعها مراد كيتفوه
احمد:غتكون عيتي اولدي تفضل كلس
مراد:لا راه رتاحيت شوية ريحت الماكلة كتشهي ياكما الين لي مطيبة
نهيلة:هههههههههههههههههههههه ولدي واقيلا راك معارفهاش هادي راه بيضة هي اللخرة متقليهاش(تحية للام المغربية)
الين:ماماااا بدينا تاني
مراد:لا راها حادكة غير مكتبينش تما راه كانت كطيب و صراحة طيابها لديد
الين:ماشي تال هاد الدرجة غير كنتعلم
احمد:(شاف فنهيلة و ضحك) و شنو تعلمتي ا بنتي
الين:علمني مراد كيف نطيب البيتزا و قاديت الكفتة معمرة و مرة مرة شي حويجات خفاف
احمد:ايوا شتي ا نهيلة راه الغلط منك هاهوا مراد فشهرين علمها طيب و تهضر مزيان و كلشي
نهيلة:هههههه على سلامتنا
مراد:(غير حاني وجهو و كياكل )
الين:(كتشوف فيه و تبتاسم بوحدها كترسم ف بالها بلي صافي تزوجو و هادي مجرد زيارة ل دارهم)
احمد:احم احم بنتي كولي
الين:هاااا... لا ا بابا شبعت
نهيلة:واش عجباتك اميركا
الين:زوينة بزاف
مراد:سي احمد واخا ندوي معاك شويا على انفراد
احمد:اه اولدي يالاه معايا للبيرو ديالي
مراد:اهاه شكرا
احمد: مرحبا اولدي فاش بغيتي نهدرو
مراد:كيف بقيتي بعدا
احمد:الحمد لله
مراد:سبب مقنع باش تخليني ندي الين ولكن تيقني مكانش ضروري تكدب عليا
احمد:(تحرج) مكنتش عارف شنو ندير و ايلى عقلتي راه خليت الكدبة تال اللخر
مراد:(مبغاش يحرجو كثر ) هههه ماشي مشكل
احمد:ايوا ياكما عدباتك بنتي
مراد:فصراحة عدباتني ولكن راه دارت عقلها انا بغيتك ف حاجة خرا
احمد:اللي هيا
مراد:بنتك خليتيها عندي امانة و انا حافضة عليها و درتها ف عينيا و عمرني فكرت نآديها باي شكل من الاشكال و فهاد المدة القصيرة انا فصراحة تعلقت ب الين بزاف و بغيت نطلب يدها منك
احمد:(كيشوف فيه ب ملامح ممحية تماما و حيت مراد كيعرف يقرا ملامح الواحد و يفهمهم مبقا فهم معاه والو)
مراد:غنخلي ليك الوقت فين تفكر على خاطرك تصبح على خير
احمد:و انت من اهلو
خرج مراد من عند احمد و طلع للبيت مجاهش النعاس بقا مدة غير كيفكر و حاط يديه تحت راسو تا سمع الدقان فالباب و ناض يحل
الين:ايسحابلي نعستي
مراد:لا باقي شنو جابك فهاد الوقت
الين:فاش دويتي مع بابا
مراد:(باقي شاد فالباب)سيري تنعسي و باراكا من الفضول
الين:وا غير قول عاافاااك
مراد:دخلي دخلي
دخلات الين و مشات للبالكون كلسات فيه
الين:هضر
مراد:(كلس حداها) باغا نيت تعرفي
الين:اه والله
مراد:اوكي انا طلبت يديك منو
الين:م.ممم مفهمتش ا م..راا..د
مراد:يعني بغيت نتزوج بيك
الين:واش تسطيتي عمري 16 سنة كون غير سكتي و خليتي تا نتعرفو مزيان على بعضنا
مراد:(كيغوت بهمس)شنووووز مازااال باغااا تعرفي هااا .... راك اصلا عارفة كلشي عصبي مغيار معقد و كلشي ولكن كنبغيك
الين:(الصمت)
مراد:هضري قولي شي حاجة
الين:اهئ اهئ ويلا بابا ما وافقش شنو نديرو
مراد:هههههه غيوافق هو غيجي يسولك و نتي ايلى كنتي موافقة تيقيني غيوافق ب عينيه مغمضين اصلا فين يلقا عريس بحالي يقبل ليه على 36 لي والد
الين:هيييه شتك تيقتي راسك اصلا انا مغنقبل تا توافق على شروطي كاملين
مراد:و شنو هوما
الين:بيتنا تكون كلها غوزية ماشي كحلة كتسد النفس
مراد:نص كحل و نص غوز
الين:كنبيع معاك الحوايج هنااا كلها غووز ولا ما موافقاش
المدللة و المتوحش الجزء التاسع
محتوى القصة
التنقل بين الأجزاء