عندما يحب الامبراطور الجزء السابع

سمعت الباب تسد بالجهد .كان سيف خرج من بيتي 

تلاحيت فوق الناموسية كنبكي .كيفاش بغاني نبغيه وانا مفاهماااش راسي .اش غندير باش نعرف احساسي من جيهتو معرفتش واش كنبغيه ولا شنو .وليني قلبي كيضرب بالجهد فاش كنشوفو واش هدا هو الحب .لا ميمكنش 

بقيت فبلاصتي حتال الغدا و هبطت مكانش سيف كانت خالتي وليلی وليت كنكرهها 

جلست حداهم

انا؛ وحادرة وجهي علی الطبسيل(مبروك)

ليلی؛ وكضحك(الله يبارك فيك)

خالتي؛ مالكي ابنتي نضتي قبيلة 

انا؛ والو 

هبطت راسي ومقدرتش نشوف فيها .معرفتش علاش مبغاتوش يبغيني .حتی انا مكنتش متوقعة يكون كيبغيني وليني صدمني ردة الفعل دخالتي 

مشيت لبيتي وكنحس بحياتي تهددات السكينة ديالها مبقيتش كنحط راسي علی المخدة ونعس كيف قبل وليت ديما كنفكر فيه عااد النعس .شحال دوزت من ليلة وانا مخلوعة اش يكون وقع ليه حنت كان غابر .تفكرت فاش كنخرج للجردة علی امل نلقا طموبيلتو . واش خايفة عليه حنت خويا ولا شي حاجة خرا 

صفيت الدهن ديالي وقررت منديهاش فيه مرة خرا .

فالليل هبطت للتحت نشم شوية الهوا ديال الجردة حنت النسيم ديال الورد اللي فيها كيخليني ننسا جميع الحوايج اللي تعصبني .

جلست فالارض بغيت نحس بالبرودة ديال الارض .حيدت صندالتي وطلقا شعري و تسرحت فوق الارض .وطلقت يديا بحالة كنستجمع قوتي . شحاال وانا هكاك ومغمضة عينيا كنحس غير بالبرد حتی حسيت بشي يد كتحسس وجهي .حليت عينيا بفزع 

سيف؛ وهو جالس القرفصاء ( حوورية ).

انا؛ نضت من الارض ووقفت( شكون حورية)

سيف؛ نتي بحال الحورية 

وقف حداية كيطلع فيا ويهبط .حتی هزني من الارض 

انا؛ كنضرب فصدرو ( حماقيتي حطني .)

سيف؛ وهو غادي ( والا مبغيتش)

انا؛( غنغوت تسمعك خالتي وخطيبتك ) ووركت علی خطيبتك 

سيف؛ كان غادي وهبط وجهي للمستو ديالي ( جربي كاع)

انا؛ سيييف 

طلعني بالزربة ومدخلنيش لبيتي .تصدمت كان غادي لبيتو .خل دغيا الباب ودخلني لبيتو وسد من ورايا 

انا؛ هبطني .واش حماقيتي 

سيف؛ وقفني علی رجلي وجرني عندو وكيشوف فعينيا وفمي ( اه حماقيت بيك)

انا؛ علاش دخلتيني هنا 

سيف؛ بغييت 

انا؛ سيييف 

سيف؛ قرب وجهو حداية كتر ( كتعجبك سميتك .نعااام احبيبتي نعااام سيف كلو ديالك .سيف بحرف منك يبيع الدنيا كلها علی قبلك .)

انا بقييت شحال كنستوعب هاد الهضرة .مملفاهاش منو .وخصوصا هاد الكلمات اللي كيقول كنحس بيه كيعنيهم وكيضرب قلبي فكل كلمة 

سيف؛ دور يدو علی عنقي وقربني ليه وانا مزال مصدومة( باش كتحسي من جيهتي ؟)

انا؛ هضرت بشوية ( والو )

سيف؛ بترجججي ( وخا غير شوية )

انا؛ حدرت راسي 

سيف؛ مبروك النجاح 

انا؛ تصدمت كيفاش بدل الموضوع وحنا قراي من بعضنا بزاف حنی كنحس بالعافية اللي فيه كتلسعني .كنحس بالسخونية كتضرب منو .وهو كيقولي النجاح ( شكرا ).

سيف؛ طلقني شوية من حداه وتحرك بعيد عليا .وكان جدي هاد المرة (ومن بعد اشنو غديري؟).

انا؛ ارتاحيت ملي بعد ( غنمشي لامريكا نكمل القرايا )

سيف؛ بخطوة وحدة جا جرني من شعري نتقاد معاه ( معمرك تحامي غتبعدي )

انا؛ كندور فراسي باش يبعد ( حياتي هاديك )

سيف؛ زير علی شعري ( حياتي انا هاديك .حتی حاجة فيك مديالك .كلشي ديالي )

انا؛ بديت كنتألم من شدتو ليا ( طلقني قسحتيني ).

سيف؛ رخا ليا شعري ودوز يدو علی خدي و جاب صبعو لشفايفي وورك عليهم ( علاش انتي بحال هاكة )

انا؛ كنشوف فيه بعدم فهم 

سيف؛ وهو كيورك علی شفايفي ( كلشي فيك كيخلي قلبي يخرج من بلاصتو .شفتي هاد الشفايف معمري دقت بحال ومتأكد معمري ندوق بحالهم . وهاد الشفايف ديولي مغيمسهم حتی حد من غيري )

انا؛ تنترت منو وبعدت ( انت شوية هو هداك ؟ خاطب وحدة وجالس كتغزل فيا انا .معمري توقعت هدشي يوقع نهااائيا )

سيف؛

سيف ؛ ششش متبقايش تهضري اي كلمة كتقوليها كتشعل فيا العافية .

انا تمشيت بغيت نخرج من البيت ديالو يلاه غنحط يدي علی البواني حتی شدها سيف وصلقني مع الخيط .كان كينهج.صدرو كيطلع ويهبط .عينيه ديك النضرة اللي فيهم عرفتها بقا كيشووف ففمي برغبة باااينة فوجهو وعينيه 

انا؛ (وانا كنحاول نتفك من يدو)سيف لا متقربش ليا .

سيف؛ بصوت مبحوح( منقدرش ).

يلاه بغيت نهضر كان فمو علی فمي .كيزير ليا علی يدي وضورهم من ورا ضهري بيد وحدة جامع ليا يديا بجو ويد حاط فعنقي ملطلع ليا وجهي عندو .انا كندور فوجهي ويديه متحكمين فيا .مقدرتش نستحمل .كان كنغوت الداخل ديالي وهو عايم فبحر الشهوات ديولو .غمض عينيه وخلاني نكاتشف قبلات من صنعو هو طريقة باش كيشرح ليا احاسيسو كان مغمض عينيه وكيستمتع بكل لمسة منو ليا .حسيت بقلبي كيضرب بزااف .بحالة الدنيا كلها ديالي انا وياه حنا بوحدنا اللي عايشين .معرفتش كيفاش ووقتاش تجاوبت معاه .كيوورك علی فمي .دغيا تحولو لقبلات بعنف لصقت علی الحيط كتر .تزيرت معا الحيط حنت جسمو كامل كيضغط عليا .النفس مقدرتش نطلعو .عينيا دازو منهم الدموع .بقا شحال عاد انتابه لدموع حل عينيه من بعد مكان مغمضهم. شاف فيا بنضرات شي واحد عطشان ومزال مشبع باس ليا دمووعي وهو كيهمس فودني ( كنبغيك .كنبغيك كنبغيك)

معرفتش كيفاش طحت علی رجليا وبديت كنبكي بصوت مسموع هزني بين يديه وحطني فوق الناموسية ومسح ليا دموع بصباعو وجرني لصدرو ومعنقني وهو كيتنهد 

سيف؛ مقاادرش نصبر .انتي معارفاش اش كتديري فيا 

انا؛ كنبكي ومجوبتوش 

سيف؛ ششش متبكيش 

انا؛ طلعت وجهي ليه ( بغيت نمشي لبيتي )

سيف؛ وهو كيشوف فعينيا ( مكنشبعش منك )

انا؛ بغيت نمشي للبيت 

سيف؛ ديني معاك 

انا؛ سييف 

سيف؛ قلب سيف .روح سيف .العالم د سيف .سيف بلا بيك والو . 

انا؛ قول هدشي لخطيبتك 

سيف؛ حط يدو علی كتفي ( واش كتحسي بشي حاجة من جيهتي .تاني مرة كنسول)

انا؛ والو مكنحس بوالو 

سيف؛ وعلاش كتجاوبي معايا فاش كنب..

انا؛ سكتت انت واحد مستغل .دابة غتبقی تعايرني بهدشي 

سيف؛ شش مكنعيركش . هداك احساس ميمكنش يجي من فراغ .فتحي قلبك وقولي ليا اش فيه 

انا؛ نضت مفيه والو .

ومشيت كنجري للباب حليتو ومشيت لبيتي كنجري .حطيت راسي علی المخدة وانا حاطة يدي علی قلبي .ممستوعباش اش كيوقع ليا 

فقت الغد ليه عادي .كنت كنتمشی فالجردة وهي تجي عندي ليلی 

ليلی؛ اهلن 

انا؛طلعتها وهبطتها معرفتش علاش مكنحملهاش( لاباس)

ليلي؛ لاباس .مزال مغتمشيش لامريكا 

انا؛ وانتي اشنو دخلك 

ليلی؛ طبعا عندي دخل .حنت خطيبي غير تابعك بعينيه خاصك تمشي باش نرتاح .حنت انا اللي غنولي مراتو ماشي شي وحدة من غيري 

انا؛ حياتك هاديك .غير هو علاقتي بسيف صعيب عليك تفهميها 

ليلی؛ هههه صعيب. عرفتك كتبقاي تصرفي تصرفات ديول وحدة باغاه يشوفها غير هي .وتبقاي تبكي وتمسكني باش يتبعك ويحزرك .ووخا هكاك هو ديالي خطيبي انا 

انا؛ كون بغيتو خطيب ليا .مغيشوفش فيك .

مجيت نكمل كلمتي حتی سمعت صوتو جاي من ورايا 

سيف؛ شكون اللي مغيشوفش فيها 

انا؛ دورت وجهي ( سيف؟)

ليلی؛ مشات كتجري عندو( شفتيها كيفاش كتحتارقك بحالة انت معمرك شفتي البنات )

انا؛ سييف مقصدتش 

سيف؛ بجدية( انا وليلي غنتزوجو .ومكينش شي وحدة فحياتي من غير ليلی واللي فات سمعني مني شي هضرة زوينة قبل انا داية كنسحبها ونادم عليها)

بقيت مصدوووومة كيفاش طيح مني وكيفاش هاني هاكة وهاد الهضرة اللي جرحااااتني .متصورتوش يتعامل معاية هاكة .وهو اللي البارح كان كيسمعني اجمل عبارات الحب وهز اللي البارح مقدرش يبعد عليا وكيترجاني نبغيه 

مشيت منحداااهم .مهضرت متكلمت .شفت فسيف كان وجهو مكيتفسرش.وليلي علامات الانتصار والرضی باانو فوجهها

مشيت نيشان لبيتي وانا مبلوكيا معارفاش سر تغير سيف ولا شنو واقع ليه معاية .كيبغيني وخاطب وحدة خرا و ليوما نكر كلشي 

خديت قراري و مشيت بالزربة كنجري لييت خالتي بانت ليا فالصالون وكبجوج جالسين حداها .مبقيتش باغة نجلس دقيقة هنا .مبقاتش هاد البلاصة ديالي .كانت ملجئي الوحيد فالعالم وبلاصة دكريات زوييينين وليني دابة تخربقات حياتي كاملة ومنقدرش نجلس مع سيف فبلاصة وحدة .

وقفت علی خالتي وهي كتشوف فيا كنبان ليها معصبة 

انا؛ خالتي ممكن نوجد الفيزا نمشي عند خالي لامريكا .

خالتي ؛ علاش زربانة 

انا؛ بغيت نسبق وقت القرايا باش نولف 

خالتي ؛ واخا اللي عجبك ابنتي 

يلاااه كملت خالتي هضرتها وهو يوقف عليا سيف قدامها 

خالتي ؛ وقفات سيف

سييف؛ بالغوااات ( تااال هدشي وغنحبس كلشي )

ليلی؛ لا لا متقولهاش 

سيف؛ دفعها وكيغووت( انتتتتي مسووووقكش الدووور ديااالك سااالة .نسمعك نطقتي بكلمة عليها نحرك ).

انا؛ تفرقو مني كلكم .ومشيت بالزربة نطلع حتی جرني من خصري من الدرجة اللولة وهزني علی دراعو وانا كنغوت خرجني من الدار وسد من ورايا وصرفقنس حتی طحت

انا؛ حبببس باااركة .انا غنبغي واااااحد يبغيني ويحميني .ماشي واحظ بحالك انت يضربني .معمري غنكووون ليك وسير تهنا انت وخطيبتك 

سيف؛ جرني من عنقي( باغة تزوج من غيري .راااجل .انا مجيتكش راجل ).

انا؛ طلق مني .هاد طقوس التحكم مارسهم علی خطيبتك .انا مكنعني ليكم وااالو .انا غير مربيني .

سيف؛ جرني من شعري حتی توعت ( علاااش كتعقدي الامور علاش متكوننيش كيف الناس تسمعي الهضرة وتقدري اللي كيبغيك )

انا؛ طلق شعري .انت معمرك كنت ضمن مخططاتي ولا غتكوون فيهم 

سيف؛ يااااك وااخا 

جرني من شعري وانا كنغوت لاحني فالطموبيل وبغا يديماري بانت لينا خالتي خارجة من الباب مداهاش فيها ومشا .بقيت الطريق كلها كنبكي .حتی وقف قدام شي بنااية راااقية فحي رااقي .خرجني وانا كنغوت .شافو الكونسيغج ووقف سلم عليه وسيف مداهاش فيه .بقا كيشوف فيا الراجل بدون اي كلمة ولا حتی يعااوني 

طلعنا فالسانسور 

حتی حل وحد الباب ديال شقة كبيييرة وراااقية كون فكامل قواااي نبقا نشوف ونشكر فديكورها لاحني فالارض وسد الباب 

انا؛ نضت جيهة الباي كنحل فيه ونغوت) خرجني .خررررجني واااش حماااقيتي .خرججججني ).

سيف؛ وقف عليا وخنقني بيدو ( متحلميش بالخروج .وامريكا نسااايها شطبي علی الفكرة من اساسها )

انا؛ كنكرهك .كنكرهك .كنركهك .خرجني من هنا 

سيف ؛ مغتخرجيش حتی نتفاهمو علی شي حوايج 

انا؛ كنضرب فالباب ( خرررجني )

سيف؛ جا جرني من يدي ولاحني فوق الفوطوي ( تبتي .وسكتي ولا غتشوفي اسوأ مافيا ).

أنا؛ كنبكي .علااااش علاااش اشنو درت ليك .واش ضريتك فشي حاااجة.

سيف؛ كيشير لقلبو ضريتيني هنا .

أنا؛ مختخرجنيش (بترجي).

سيف: مناش خايفة مني .واش هدشي كامل خوف مني .واش مكتحنلينيش لهاد الدرجة 

انا؛ اااه مكنحملكش .سير لخطيبتك اللي دافعتي عليها 

سيف؛ مكتحملينيش 

انا؛ بغيت نخرررج 

سيف؛جا تال حداية وزير علی وجهي .( علاش مكتحملينش كتبغي شي واحد؟؟)

انا؛ فاش قال كتبغي شي واحد حا ليا هو فبالي .يمكن كنبغسه ومعارفاش .نطق فمي بوحدو بدون شعور ( اااه).

محسيت غير بضربة علی حنكي حتی دار وجهي طحت للارض ودازلي الدم من فمي . 

بقيت كنشوف فرجليه كيتحركو غادي وجاي وكينفخ هز الكرسي ضريو مع الارض .هز الطابلة فرقها علی جوج وكيغووووت علی جهدو 

أنا متحملتش دكشي .شوية بان ليا جاي جيهتي .نضت بزز كنجري مدخلت غير للكوزينة .بان ليا موووس كيبري فوحد البلاكار .هزيتو ووقفتو قدامي 

سيف؛ تبعها ودخل شافها هازة موس.عينيه خرجو .وقف فبلاصتو 

معرفتش هزيتو بدون شعور يقرب ليا ندير شي حاجة فراسي

سيف: نهی ( وعينيه كيترجاوني نطلق الموس).

انا؛ كنبكي ونشهق ومزيرة علی الموس ومقرباه لعنقي ( خطووة للقدام ندخلو غعنقي )

سيف؛ وكيمسح فوجهو بيدو اللي كترعد( حيدي دكشي من يدك)

انا؛ وموركة بالموس قريي لعنقي وكنبكي( تفرررق مني تقرب والله حتی ندخلو فعنقي)

سيف؛ حط يديه علی راسو ( اش بغيتي قولي .اللي بغيتيه نديرو ليك .غير حيدي الموس )

انا؛ وكنبكي (نمشي لامريكا نبعد عليك .ننساك ننسا هدشي اللي وقع .متبقاش تحكم فيا.خليني نعيش كيف بغيت .وااااش كنطلب بزاف؟).

سيف؛ نقص من حدة صوتو( صاافي غير حيديه) وهبط وجهو للارض 

انا؛ واعدني

سيف؛ وعد 

طلقت المووس من يدي وانا كنترعد .غير طلقتو وحسيت براسي تزعزعت بقوة الاصتدام بيني وبين سيف حنت جا عندي بسرعة كبيرة حتی تضرب صدري مع صدرو .عنقني وهو فخالة هستيرية .كل جزء من جسدو كيرجف. بقا مزير عليا حتی تخنقت . 

سيف؛ وهو معنقني ( غنموت بسبابك)

انا؛ غير كنبكي 

سيف؛ شحااال وهو معنقني عاد بعد عليا شوية وبقا كيشوف فيا ومسح ليا الدم من وجهي ( حتال هاد الدرجة ؟)

انا؛ شفت فيه وعينيا عامرين دموع مجوبتوش

سيف؛ بعد مني شوية وهو مخنزر ومحاملش راسو ( يلاه نرجعك للدار) 

تبعتو حتی خرجنا و ركبنا الطموبيل .عطاني كلنكس نمسح وجهي وعطاني الما نشربو بلا ميشوف فيا 

وصلنا للدار وخرجت من الومو وهو ديمارا وخرج بقيت شحال كنشوف فالفراغ 

دخلت للدار وبانت ليا عمتي جالسة غير شافتني ووقفت 

فريدة؛ كتجري عندي( بنتي بنتي سمحي ليا )

انا؛ صافي اخالتي موقع والو اصلن دكشي سيف هو سبابو ودابة وافق نمشي لامريكا يعني مبقا حتی مشكل بيناتنا 

فريدة؛ بصدمة( كيفااااش .هي غتمشي؟)

انا؛ ياك نتي موافقة نمشي 

فريدة؛ سكتات شوية ( صافي ابنتي اللي عجبك)

مشات وخلاتني واقغة وفعينيها علامات الاسی معرفتش لاش .انا فخباري هي موافقة وغير قبيلة وافقات 

طلعت لبيتي وجلست كنسترجع جميع اللحضات ديولي مع سيف .علاااش كنبقا نفكر فيه اش بيني معاه 

نعست غير بزز داك النهار 

خالتي بقات كتصوب لي الوراق باش نسافر 

سيف غببببر غبرة وحدة هو وخطيبتو اختاافات من الدار بمرة معرفت فين مشات .

خالتي كل مرة كنشوف الهضرة فعينيها وليني مقاادراش تقولها .

دازو ايام وجاو ايام سيف غابر لا هو لا خطيبتو .صافي جا النهار اللي غنسافر فيه 

جمعت حوااايجي وكلشي هو هداك. وصلني الشيفور للمطار هو وخالتي .بيني وبين راسي كنت كنقول كون سيف اللي موافق نسافر كون مشيت فطيارة خاصة هههه

سلمت علی خالتي من بعد مقالت لي راه خدات لي شقة فحي راقي ليا بوحدي يعني بلا منمشي عند خالي .معرفتش كيفاش حتی دارت هكا .سلمت عليهم وانا كنشوف فالمطار والناس .كنتخيل مرة مرة سيف جا عندي وحبسني نسافر حنت مولفا تصرفاتو .ساع موقع والو . جلست كنتسنا الطيارة حتی وصلات ومشاات بيا .ريحة بلادي غااادة وكتغبر.حسيت بخنقة فصدري.شي حاجة تقيلة حابساني ناخد راحتي .يمكن ندمت حنت مخاصمة مع سيف .فيناااهوة .بقيت كنتخايلو واقف حداية وكيغوت .تخيلتو فداك السيد اللي قدامي .تخااايلتو فشحال من واحد بان ليا .جالسة وكنتلفت وكندور فعينيا دابة يبان لدرجة غفيت وحلمت كنعنق فيه 

قلبي بحالة تباطئو دقاتو .بحالة خليتو فبلادي وسافرت بعيدة عليه 

محسيتش بالوقت من كترة تفكيري فسيف علااااش هو الوحيد اللي جالي فبالي.متفكرت حتی حد من غيرو .سيف كان الاب والام ليا .سيف كان كيحميني من راسي .كان السند ليا .كنفكر فاش العااائلة كنتسا وجودنا انا وخالتي ويتجمعو علی سيف حنن كيكون زربان كيوصلنا ويبغي يمشي .كلهم يبقاو يسولو فيه وهو كيحرك غير فراسو .كلهم كيتفننو فكلمات الاطراء .كن الصغير للكبير.كلهم باغين يتعرفو كتر عليه .كلشي بنات العائلة كيشوفوه بشووفات اعجاب والا خفت نكدب حب بحالة هو نجم مشهووور وممصدقينش وقف معاهم .كلشي عاااطيانو ديك الهيبة اللي هو كيفرضها علی الناس .الكلمة اللي قالها متعاود .شحال من مرة كيلغي اجتماعاتو ويبقا معايا يجيه شي اتصال من الخدمة يطفي التلفون ويواسيني علی امور بسيطة خلاتني نبكي . كان كلشي بالنسبة ليا .واش انا مستاعدة نلغيه من حياني .مستعدة نعيش مستقلة بلا منكون فحمايتو وتحت ضلو

يتبع