عندما يحب الامبراطور الجزء التاسع

انا؛ هدشي بزاااف 

سيف؛ وهو معصب( علاش سماوه الناس تلفون؟)

انا: اشنو تاااني 

سيف: ناض وحط يديه فجيابو ( كنت غنحماق وانا كنصوني .خرجت كنقلب فالزناقي كيف الهبيل .حتی قلبت تلفونك وعرفتك معمامن خرجتي .علاااش كتديري هدش علااااش واش بغيتي نبعد عليك .متبقاايش تشوفيني )

انا؛ نضت كنترعد ( بعد عليا .مبغيتش نشوفك .خنقتيني )

سيف ؛ تلفت ليا ووجهو مكيبشرش بالخير(هدا اخر كلام عندك؟)

انا؛ ااه .فرقني علييك 

سيف؛ مشا جلس فالفوطاي اللي بعيد عليا شوية( مقلتي عيب الالة )

بحااالتي هكاك .واكلة العصا وحوايجي مشرقين .تصدمت من هضرتو .كنت نتوقع اي حاجة يقولها غير يجاوبني بلا راه غينفد هضرتي .واش انا حمقا كنقول هضرة ولداخل هضرة خرا .انا خصني نعتارف ليه بحبي الكبييير ليه .من اول نهااار عرفتو وحبست دكشي لداخل ديالي ودفنتو خوف من سيف وخوف من خالتي وخوف من العااالم كامل .كنشووووفو مع بنات و نتحرق من لداخل ديالي .بقيت كل نهار نتقاتل مع راسي باش نساه وقدرت ندفن اي احساس من جيهتو وليني ماشي بسهولة .فاش اعتارف ليا كنت كنقنع راسي راه خوية وكنبغيه بحال خويا .وليني مقدرتش هو حبيبي وديما كان حبيبي .كنبغيبيه كنعشق ريحتو و كل مااافيه .منقدرش نتخيل حياتي بلا تحكمو فيا وغيرتو عليا كيحسسني بأنوثي .خلاني حتی استرجعت حبي ليه وبغا يتخلا عليا 

بغيت نوض خانوني رجليا وطحت معقلتش ..حسيت بريحتو قريبة حتی فقدت الوعي 

حليت عينيا فبيت جديد ماشي فيلا د خالتي ولا شقة دسيف .لا مكان اخووور 

حليت عينيا بشوووية كنتقااتل نرجع للوعي ديالي .كنسمع صوت بنت خالي كتهضر معاية .حليت عينيا مزيا كان خالي ومراتو وبنتهم دايرين بيا .قلبت علی سيف بعينيا ملقيتوش .

عاودت غمضت عينيا وبقيييت شحال نسترجع وعي بصفة كاااملة 

انا؛ كنهضر بشوية ونتقاد فجلستي( خالي انت هدا)

خالي؛ جا قرب حداية ( بنتي شويو دابة ؟)

مراتو؛ وقفات حداه( كيبقيتي شوية ؟)

بنت خالي؛ كتحرك يديها فوق شعر واقفة حداهم( خلعتينا عليك ؟)

انا؛ وكنشوووف فيهم وفالباب د الغرفة( فيناهوة سيف؟)

خالي؛ابنتي سيف جابك هنا من بعد معرفك غتفيقي جاب لينا حوايجك وكلشي ومشا ابنتي .

انا؛ وممتيقاش ومخرجة عينيا فيه( فين مشا؟)

خالي ؛ بنبرة حزن( ابنتي مشا للمغرب.قالية حسن تبقاي معانا وراه الكونط ديالك فيه الفلوس .وخا موافقتش وليني ختي فريدة حطات ليك شوية من فلوس ورتك تقراي بيهم هدا 3 سنين هنا حتی تاخدي ديبلوم ديالك )

انا؛ ومزال ممتيقاش وصوتي قريب لصوت باكي( فيناهوة سيف؟)

خالي؛ رجع ابنتي للمغرب و كلفنا بيك .نتي امانة فرقبتي دابة حتی تقراي وتقرري اش ديري فحياتك ومنها نيت تونسي بنتي راكن كيف الخواتات

انفاصلت علی العالم للحضة ورجعت للوجود .اااي قرااار ياخدو سيف كنعرفو غيرجع فيه حنت ولفت تحكمو فيا .وليني هاد المرة كان احساس قوي كيقولي ضيعتو من يدي .باقة ريحتو فيديا .باقة ريحتو ففمي وفشعري .باقة طعم شفيفو كنتلدد بيه .

واش غنبدا حياة جديدة مغيكونش فيها سيف .سيف هو الحامي ديالي هو رجل حياتي هو فتی احلامي.هو معنی د حياتي .واش تخلا عليا ومشا بكل سهولة .كون غير بقيت فبيتي ومخرجتش.ندمت علی اللحضة اللي قلت ليه يفرقني .معارفش بلا هو مجری الدم فعروقي .الا بعد عليا حياة غتفقظ المعنی ديالها .سيف هو الدراع اللي كنتسند عليه .معاه كنت كنحس بالامان .فاش كيغيب كنحس براسي ضيعة .مبقيت بغيت منة والو غير يرجع حداية ويتحكم يضرب يفرشخ غير نبقا نشم ريحتو ونستمتع بشوفاااتو .و نشوف مشيتو و طريقة هضرتو وحركات عينيه و كلشي فيه كيدل علی رجوولتو وشهااامتو .علاش هو يكون مصدر حياتي ومصدر فرحتي ويمشي ويخليني .لمن غنعيش .بلا بيه بحال تحبس لي الاكسجين .ياااربي رجعووو ليا نشبع عينيا منو .نحتافض بصورتو فقلبي. 

حاولت نعيط ليه خبراتني خالتي بدل النمرة وباغي يبدا حياة جديدة.قالت لي خدا فيلا بوحدو .عرفتو خرجني من حياتو ادن غنعيش بدكرياتو اللي فقلبي.قلبي محفور فيه اسم سيف ولا غير .معمري نحل قلبي لشي راجل من غيرو .وغنحاافض علی حبي بيني وبين نفسي 

****************

دازززو 3 سنين تبدلو بزاف الحوااااايج نهی ولات اكتر انوثة من قبل .شعرها رجعاااتو عسلي وكبر حتی وصل مؤخرتها .ازدادت جمال علی جمال .كانت حلم شحال من ولد معاها فالدراسة .كتصد جميع محاولات التقرب منها .حياتها منحاصرة فالدراسة ولا غير ((هبببببة قرااااي باش تولي بحال نهی هههه))

عاشت 3 سنين مع خالها وولفاتهم وولفات بنت خالها .كانت منغلقة علی نفسها مكتصاحب لا بنات لا ولاد .بالنسبة ليها القراية هي منفدها الوحيد .ودائما متخوفة من الرجوع للمغرب.كتحاول تعرف اخبار سيف وليني خالتها كتقلب الموضوع .خدات نهی الدبلوم ديالها بامتياز .بعد اصراار كبير منها و عتاب من خالها ومراتة وبنتو حنت غتخليهم .قررات ترجع للمغرب.وهدفها واحد .ترجع لحب سيف .

سيييف .كبر الشركاااات ديولو علی صعيد عاالمي.قوووة اقتصااادية هو بوووحدو .الامبرااااطور طبع اسمو بحروووف من دهب فالسوق التجارية والاقتصااادية.كان متال حي يحتدی به .جميع رجال الاعمااال كيفتاااخرو بيه وكيحتااارموه .الساحة فيهااا عدااااء وليني الحلفاء كتتتر وكتتتر .سيف ولا اقسسسی واعنف واشرس من قبل .سيييف هدفو توسيع اعمالو لا غير .غاااامض بالنسبة لمعضم الناس .علاقتو بالجنس الاخر منحاصرة فعلاقااات عااابرة . مؤخرا حياة علاقتو بليلی الممرضة د مو سابقا .وولاو عن علاااقة دامت لسنة .متقطعة بطبيعة الحال ودائما ليلی فارضة راسها عليه .

هو الان ففيلتو الخاصة .مكيدخليها حتی حد من غير الام ديالو 

الام ديالو كتحاول دائما تجبد موضوع نهی وليني سيف كيوقفها بشوفة منو باش تحبس الموضوع وكيبدلو فالحين

ليومة طيارتي لبلادي .توحشتها ريحتها وحرارتها واجوااائها وتوحشت لغتي الام . خليتها مفاجأة لخالتي حتی نوقف عليها

من بعد رحلة الطيارة.هبطت لمطااار بلادي .تووووحشتها بزاااف .عندي فيها دكريااات كتيييرة . خديت طاكسي من بعد مجمع الشيفور الباليزات .انطالقت لعنوان فيلا د خالتي .الدار اللي شهدات علی جميع لحضاتي مع سيف .غواات وضحك وحب وبكا .اي ركن فديك الدار عندي فيه دكری مع سيف .مكنتخيلهاش دابة بلا بيه.اكيد ولا خاوية ومفيها روح .وعلاش لا وهو الروح ديالي وديال خالتي وديال الدار اللي جامعانا .هو رجل البيت بكل معنی الكلمة 

دقيت ااباب حلات فاطمة مزال هي هي .كتبكي وتعنق .دخلات الباليزات حتی وقفت علی خالتي .بكااات وعنقاااتني .كتبكي وتمعن في وجهي .كلمة وحدة كترددها(سمحي ليا .سمحي ليا ).

طلعت لبيتي اللي توحشتو مزال هو هو .خرجت منو ومشيت لغرفة سيف .دخلت ضرباتني ريحتو .مفيهاش الحوايج اكيد هزهم كانت شوميز وحدة هزيتها بستها ودموعي علی عيني 

خالتي دارت حفلة بمناسبة رجوووعي .اكيد عرضات علی سيف وقالت لي مخبراتوش بلا رجعت 

لبست احسن معندي فستااان اسوود رااقي رسم تفااصيل جسمي .درت شعري بوكلي خفيف ومكياج خفيف 

الناس جاو الحفلة بدات .هبطت من الدروج كنسلم علی الناس حتی طاحو عينيا عليه .كنت شوية غنطلق كاس العصير من يدي .سييييف .3 سنين مدارت والو غير خلاتو يزيد فوسااامتو .كان واقف كيهضر بالعبار والناس فرحانين حنت واقفين معاه كوستيم كحل كتاف عراض الوقفة الراااقية تدل علی التقة فالنفس .تحركاتو المعبورة والمتيرة رجووولتو اللي كتميزو علی غيرو عينيه اللي فيهم الحزم والقوة .سيييف .هدا الكتلة د الرجوولة .كان بيدي وضيعتو كان كيبغيني .اكيد مزال كيبغيني 

خطيت خطوة القدام نمشي عندو نفاجئو حتی بان لي وجه مغريبش عليا جا عندو وشبكات يدها بيدو .كانت ااممرضة 

باستو فحنكو وهو كيشوف قدامو متجاوبش معاها 

رحليا فشلو .ميمكنش تزوجو .يديه مفيهم حتی خاتم . عرقوو ليا يدي كنشوووف فيه وهو مشااافنيش كانو ملامحو جامدة مكيهشرش بزاف كيكتفي يدير ايماءة بوجهو والناس محواطينو من كل جيهة والممرضة لاسقة فيه .سيييف اللي كان كيعلن حبو ليا باروع الكلمات اللي كان كيحسسني باني الوحيدة فدنيتو فحياتو فقلبو اللي ترجاااني نبغيه .دابة واقف مع مرا من غيري

خالتي وقفات حداية كتشووف فيا وانا مفيكسية عينيا عليه مقدرتش نحيدهم .كان فبالي نمشي عندو نعنقو نقوليه شحال توحشتكك وتوحشت كل حاجة فيك .كنت مشتاقة لريحتو اللي كتغيبني علی العالم .كنت غنحماااق باش نحس بالدفا ديال صدرو .كلشي مشا من بالي ملي شفت وحدة خرا شادة فيدو .معرفت مندير.رجليا وقفو فبلاصتهم كنحس براسي مقادراش نوقف.خالتي بغات تهضر معاية معطيتهاش فرصة 

مشيت كنجري بزز للبرا ديال بلاصة الحفلة حنت كانت فالجردة .مشيت لوحد البلاصة بعيدة علی الناس طحت علی ركابية كنبكي ودموعي مبغاااوش يحبسووو .وجهي كنحس بيه سخن بزاف .خرجات مني شهقة بدون منحس كنضرب علی قلبي اللي الضربات ديالو تزااادو كيقتلوني كيخنقوووني مقدرتش نحس بالنفس ديالي. انا مخلصة ليه فبلاد برانية.محااافضة علی حبي ليه .معمري خليت ولد المرا قاسني بيدو وهو فأقرب فرصة خطب .مقدرتش نتيق .واش هدا هو الحب اللي كان كيهضر عليه 

بقيت شحال علی ديك الوضعية حتی سمعت الضحك ديال شي بنت .هزيت راسي بانت ليا ديك ليلی كتلصق علی سيف وهو واقف كيكمي وكيشوف فالشجر .واش حتی هومة بعدو علی الناس باش ينفاردة ببعضياتهم .وقفت بدون شعور ويديا كيرجفو كنتفكرها شادة ليه فيدو وهو واقف معاها دابة واش بصح رجعو واش تخطبو .الا كانت غير نزوة انا معندي مشكل وليني ميمكنش تكون نظوة ودازت 3 سنين وهي معاه ميمكنش تكون وحدة كما الاخرينات اللي دازو فحياتو .انا غنتسطی صوتي مقدرش يخرج .طاقتي خدلاتني وكلماتي خدلوني .حبي ربيتو 3 سنين فقلبي حتی كبر وولا كيخنقني ودابة هو مبدلني بوحدة خرا وانا كنت كنتعدب كل نهار وانا بعيدة عليه 

بغيت نمشي حتی عيطات عليا خالتي كانت كتقلب عليا .

فريدة ؛نهی ( وهي كتقلب حدا الشجر الصغير اللي فالجردة 

سيف؛ سمع اسم نهی وتلفت لمصدر الصوت 

ليلی؛ شافتو تلفت وهي تلفت معاه 

فريدة؛ قربات حدا نهی( يلااه ابنتي الحفلة علی قبلك )

انا؛ واخا خالتي 

يلاه غنتحرك معاها حتی شداتني شي يد قاصحة من يدي دوراااتني كانت يدو مزيرة عليا ضرت كااملي تندو .عينيه خارجين .عروق وجهو بااارزين .جميع انواع الصدمة مجموعين فتعابير وجهو .كيشووووف فيا وكيتمعن فوجهي .طلعني من التحت للفوق .كان كيتحرك بعينيه علی كل انش فجسمي.كل تفصيل صغير فيا خداو عينيه وقتهم يكتاااشفو اش غيرات فيا السنين .بقاااا مكوااانسي فبلاصتوو .كيتمعن فيا .

جات ليلی وراه ووقفت حدا خالتي كيتفرجو فاللقاء ديالي معاه .صدرو كيطلع وينزل . يديو زااادت وركت علی المعصم ديالي .انا كنت كنشوف فيه بنضرة عتاب وكدلك الشوق اللي فيا مخبيتوش 

سيف؛بزز خرج الحروف من فمو(ن ه ی)

انا؛ حدرت راسي للارض وعاودت هزيتو فيه بعيون بريئة .ودورت عينيا لليلی اللي كتفرج فينا 

وهي تجي بخطوة سريعة شابكت يديها مع سيف ولصقات حداه .هو مزال مستووعب اش وقع كيشووف فيا وعينيه فيهم بزاف الكلام 

ليلی؛ وكتزيد تزير علی يد سيف اللي مرفوع( نهی جيتي مرحبا)

خليتهم واقفين ومشيت كنجري من حدااهم .دخلت للحفلة وسلمت دغيا علی الناس .بان ليا سيف كيقلب عليا وتابعاه ليلی وهو كيقلب بحال المجنون 

طلعت للفوق لبيتي وسديت عليا ودموعي فعينيا .علااش اقلبي علاااش كون غير بقيت دافنة احاسيسي من جيهتو .علاااش حيتيهم اسيف علااش باش تعدبني

سمعت الدقان

يتبع