عندما يحب الامبراطور الجزء الثاني

تلفت ليه عينيا خارجين .شفت فيه وكان هو كيشوف فيد الدري اللي محطوطة فوق يدي عينيه كيطلقو العافية حمدت الله ماشي انا اللي كيشوف فيا هكاك 

سيف؛ وهو كيهضر بزز بالاعصاب( ملقيتي علامن تحط يدك غير هي؟)

الولد؛ بصدمة( سيف الجوهررري)

سيف؛ كيشوف فيه باغي يقتلو .انا بعدت عليه بشوية وصاحب الولد بعد منو ولمياء غير كتشوف فسيف كون صابت تلاح عليه هاد البنت غتجيبها فضلوعها مزال معرفتو 

سيف؛ هز يدو بالزربة ضرب الدري علی وجهو حتی داز ليه نيفو بالدم وورك ليه علی صباعو اللي كانو شادين ليا فيدي 

الولد؛ كيطلب فيه يطلقو( والله معرفتها واش كتجيك سمح ليا والله منعاود)

انا؛ فخاطري( هدا اللي كان دابة كيقول معرفتيش شكون انا .ولا دابة كيطلب كالبنت)

سيف لوا ليه يدو حتی كان غيهرسها وهو يهرب الولد كيجري بزز وسيف بقا واقف كيشوف فيه مباغيش يتبعو حنت باقي مكمل الماتش .حنت غيكمل بيا انا 

تلفت ليا ووجهو كيخنزر فيا .ياااربي اش درت فحياتي باش يتسلط عليا هاد الراجل ينكدها عليا كلشي البنات فسني عايشين حياتهم الا انا .

انا؛ والدموع تجمعو فعيني ( انا مدرت والو راه هو اللي شد فيا)

لمياء؛ سيف والله مقصدنا شي حاجة علی قبلي سمح ليها 

انا؛ بيني وبين راسي( يهاد الهبيلة راك غكتخربقي لشمن علی قبلك وهو خاليتي اللي هي مو مكتقدر توقف بيناتنا .صحيبتي مسيكينة )

سيف؛ شد يدو وحركها فالهوا كيدير ليها حركة زعمة تمشي

لمياء؛ بقا فيها الحال حنت تصرف معاها خايب بحالة مكيناش وهو كيشوف فيا مخنزر 

انا؛ غنمشي مع لمي..مجيا نكملها حتی جرني للطموبيل ديالو وطلعني بالجهد حتی تقسم ليا ضهري

انا:هبطت وجهي كنبكي 

سيف ساق بالجهد حتال الدار وهو كيضرب فالفولون بيدو الطريق كلها 

وقف الطموبيل وشدني قجني حتی خرجو عينيا 

سيف؛ وهو معصب(خليتيه يشد فيك ؟ علاااش كتبكي.من ليومااا مكين لا صاحبة لا جوج شتي وخا نعرف نجيب ليك الاساتدة يقروك فالدار لبقيتي مشيتي مع شي بنت ولا نحيد ليك راسك نتي وكل واحد تبسل عليك .كيفاااش تجرأ يحط عليك يدو .)

انا؛ بديت كنشهق بالبكا وهو مورك ليا علی عنقي 

سيف: كيشوف فيها عينيها حمارو بالبكا .محملش راسو كيفاش تعامل معاها حيد يدو بشوية ( مسحي دموعك متبكيش مزال)

انا؛ حطيت يديا علی وجهي وكنبكي كيشي بنت صغيرة 

سيف؛ بشوية( صافي متبكيش .غير بعدي من صحبتك اخر مرة تشوفيها ولا تهضري معاها .راه كنخاف عليك)

انا؛ كنبكي وحليت الباب د اللوطو وخرجت كنجري ونبكي حتی شدني بيدو من اللور دور يدو علی خصري وقربني ليه .كانت يدو متمكنة بحالة ديما كيجر عندو البنات خطواتو مدروسين .بحالة عارف تقاسيم الجسم ديالي 

انا؛ وكنبكي( بغيت نمشي عيييت منك)

سيف؛ معمرك تعاودي تخرجي معاها تافقنا 

انا؛ كنبكي 

سيف؛ بقسوة شوية( اشنو قلت ليك)

انا؛ وكنشهق بالبكا ( صافي غنحبس راسي فالدار مغنشوف حتی حد .لا بنات لا ولاد لا قرايا .هادشي اللي باغي )

سيف؛ ياريت وكيتنهد 

انا؛ ضربتو فصدرو( عيقتتتتي عيقتتتتي تقهرت)

سيف؛ طلعي دابة ونشوفك مع ديك البنت نتفاهم معاك 

طلعت كتجري ومشيت لبيتي وتلاحيت فوق الناموسية كنبكي .وسديت عليا.كتطلع تدق عليا خالتي و الخدامة متكلمتش ليهم .بقيت كنبكي كنبكي .صافي عيييت 

فريدة: كتصوني لسيف فالتلفون

سيف؛ عندو اجتماع وكيشوف الام ديالو كتصوني 

فريدة ؛ جاااوب جااااوب هز التلفون 

سيف؛ مداهاش فيه حنت عندو اجتماع 

فريدة سيفطات ليه فمساج ( نهی حابسة راسها فالبيت .اش درتي ليها تاني)

سيف وهو كيعطي التعليمات ديالو لرجال الاعمال اللي معاه .حتی شاف المساج وقراه .تبدل وجهو .وهو ينوض .وبقاو دوك اللي فالاجتماع كيشوفو .حتی جات السكرتيرا خبراتهم غيتأجل الاجتماع لمرة خرا 

سيف كيسوق و معصب كان غيدير شحال من كسيدة .وصل للدار طلع كيجري لبيتها حتی وقفاتو فريدة 

سيف؛ وهو مخلوع(مكلات والو؟)

فريدة؛ مالكم تاني .هي مكتدير هاكة غير بسبابك .اش درتي للبنت تاني؟

سيف؛ عفاك جوبيني واش مكلاتش 

فريدة؛ من فطورها وسمعاتها الخدامة كتبكي 

سيف؛ خليني غنعرف كيفاش نخليها تحل الباب 

فريدة شافت فيه مزيان بحال كتأنبو وهبطات وخلاتو واقف قدام الباب وهو يتنهد عاد حط يدو علی الباب ودق بشوية 

سيف؛ كيهضر ورا الباب ( حلي انهی عندي منقول ليك)

عيييت من هدشي .دابة معندي حتی بنت نهضر معاها .بغا يبعد عليا حتی لمياء وهي الوحيدة اللي كتفوج عليا وخا مصاحبة معاية علی قبلو وليني كتفوج عليا شوية .حتی سمعتو كيدق .طلعاتني الخلعة من صبعي الصغير .معرفت مندير نحل منحلش .خالتي ماشي مشكل مكتعصبش .وليني هو غيقلب الفيلا كاملة الا محليتش 

انا؛ كنبكي(اش بغيتي تاني تكمل مبقا)

سيف؛ حلي بلا منعاود الهضرة 

انا؛ كنت حالتي حالة .عينيا وارمين بالبكا وجهي حمااار ونيفي حمااار وفمي حمااار .مشيت بشوية وحليت الباب وبقيت واقفة حتی دفع الباب وهو كيشوووف فية كيقلب فيا بعينيه بحالة واقعة ليا شي حاجة .

سيف؛ مالكي حابسة راسك؟

انا؛ اش بغيتي 

سيف؛ لاحض اتار يديه فعنقها ووجها حمر ونيفها حمر

كان شكلها متير لاقصی الحدود .هز يديه بشوية و حطهم علی عنقها .وتكلم بأسی( كيضرك)

انا؛ بعدت منو شوية (قول اش بغيتي؟)

سيف؛ قرب حداية وحيد شعري اللي كان مطلوق علی عنقي و جمعو بيدو ورايا ويد بقا كيمس بيها دوك الاتار اللي دار ليا وعينيه فيهم الندم يمكن وحاجة خرا مفهمتهاش .ديما سيف كيجيني غامض مكنفهموش .مرة حنين فيا مرة معصب عليا .مرة كنحس بيه احن شخص عليا فالدنيا وباغي يحميني وميبغيش اللي يقيسني وليني اغلبية يغوت وعايرني ويتحكم فيا 

انا؛ هدشي اللي باغي .تشوف راسك اش درتي فيا 

سيف؛ جرني بشوية وبخفة لفوق الناموسيی وجلسيني فجنبها وجلس حدا ركابيا .كيصدمني شي مرات 

سيف؛ انا معمري قلت ليك سمحي ليا ولا غنقولها وليني متبقايش تخرجي بلا خباري ومتقربي لحتی دري 

انا؛ شديت ليه فيديه بترجي(علاش كتدير معاية هاكة؟) بداو يديه كيرجفو .بقا كيورك علی شنايفو وسنانو كيورك عليهم .مفهمت والو . تقول معمر شي بنت مساتو 

سيف؛ حيد يدو بالزربة(انتي راك كتقلبي علی شي حاجة) وناض وقف حداها ( بقاي هنا هانة جاي 

انا؛ حدرت راسي وبقيت كنورك برجليا علی الارض بالغدااايد .معمري نوصل معاه لحل وسط 

جا عندي بزربة هاز الماكلة فيدو وشي حاجة . شد ليا فعنقي بشوية وانا غيكنشوف فيه .دار ليا شي بوماضة ودهنها بشوية علی عنقي.انا كنحس بالبرودة ديال البوماض فعنقي وكنشوف فيديه كيفاش كيتحركو علی عنقي . يديه كيتحركو بوحد الدقة علی عنقي .هو عارف لكلشي حتی كيفاش يخلي بنادم يهضر معاه وكيفاش يوقف الواحد عند حدو وكيفاش يخلي الناي يخافو منو .سالة من بوماضة وجاب الماكلة وحطها قدامي 

سيف؛ بحالة كيأمرها(كولي هادشي قدامي)

انا؛ مفياش جوع.وضورت وجهي بغيت نتكا 

سيف؛ شد ليها فوجهها و ضورها عندو .وهو مخرج فيها عينيه(كولي بلا كترة الهضرة)

انا؛ هزيت شوية وبديت ناكل وقلت ليه شبعت 

سيف؛ هز شيحاجة من الطبسيل وحل ليا فمي بصباعو وخشا ليا الماكلة ففمي.ونا غير كتشوف فيه وتنخنزر 

سد ليا فمي بيدو وقاليا ناكل بزز 

ممشا حتی كملت الماكلة . ناض وهز معاه دكشي ومشا حدا الباب وقبل ميسدو تكلم معاية 

سيف؛(تقدري تبقاي مع صحبتك)

انا؛ بالفرحة نضت من بلاصتي ووقفت كنشوف فيه .هو سد الباب ومشا .بقيت فبلاصتي فرحانة نسيت كلشي اللي وقع 

صافي تكيت حتی داني النعاس .جاتني الفيقی مع 2 د الليل وهبطت للتحت نشرب ونهز شي حاجة حنت مكليتش مزيان من فطوري والماكلة اللي وكلني سيف 

مشيت للكوزينا كان الضو طافي .شعلتو ومشيت هزيت دكشي اللي بغيت وشوية سمعت شي طموبيل جات . باينة سيف هدا . معرفتش علاش طفيت الضو وبقيت مقابلة الباب يتحل .كان كيهضر فالتلفون وباااينة شارب .هو اصلن اغلبية الوقت كيشرب ويسهر 

سيف؛ وهو كيهضر فالتلفون( اشنو باغة؟).....(ممساليش ليك)......(ايلا نتي كتبغيني انا لا )......(دابة شكون نتي فيهم؟).......(معقلتش عليك)....(يلاه سيري بلا متضيعي ليا وقتي)وقطع التلفون 

انا؛ باااينة شي بنت مسكينة كتحماق عليه .كيقوليها شكون نتي فيهم .يااااه البنات طيحو الدل وهو كيدل فيهم .اش عجبهم فيه

بان ليا حيد الكوستيم وهزها فيدو وحيد الكرافاط .ماشي يسهر بحوايج الخدمة الله يستر 

وهو يمشي لحدا الدروج ووقف . وانا نتخبا فالكوزينة .قلت واقيلة تفكر شي حاجة راجع ليها 

بقيت واقفة حدا باب الكوزينة .حتی شعل عليا الضو 

سيف؛ وريحتو مخلطة بالشراب والكارو والبارفان ديالو .بقا كيشوووف فيا شحال (لاش سهرانة لدابة؟)

انا؛ وريتو دكشي اللي فيديا زعمة شي حاجة بغيت ناكلها 

سيف؛ قرب حداها وتبسم وهو كيشوف فشكلها .كلشي فهاد البنت كيكسر الحواجز اللي كيدير .كلشي فهاد البنت كيقطع ليه قلبو كون يصيب يهزها ويهرب بيها لبلاصة ميعرفهم فيها حد .شعرها فمها نيفها خدودها جسمها تقاااسيمها ريحتها كلشي كيجدبو بحال المغناطيس .بنت متفجرة الانوثة .كلشب فيها كيعيط ليه .مكيعرفش كيفاش كيتحكم فراسو بالنسبة ليه هي الحلال والحرام فدات الوقت 

معرفت مالو سكت وكيشوف فيا وانا نطق 

انا؛ واش سكران تاني 

سيف؛ ضحك ضحيكة خفيفة( مبقاش كيأتر فيا.حاجة خرا اللي كتسكرني وليني صعيبة عليا)

انا؛ كنشوف فيه ومفاهمة والو(هانة طالعة تصبح علی خير)

سيف: شد ليا فيدي ( متعاوديش دكشي اللي درتي ليوما.راه مزال منسيت)

انا؛ مدرت والو راه الاصدقاء ديول لمياء واصلن كانت قالت ليهم سيرو علی قبلي 

سيف؛ دابة شنو نرجع فكلمتي ونقوليك متبقايش تقربي جيهتها 

انا؛ لا لا عفاك هي ضريفة هي اصلن قالت ليهم سيرو 

سيف؛ طلعي تنعسي راك تعطل الوقت غتصبحي عيانة 

انا؛ وها تصبح علی خير 

سيف؛ بقا كيشوف فيها وتكا علی باب الكوزينة وهو كيمس فيديه اللي مسو يديها وكيشم فيهم 

صباح جديد ليوما عندي حصة فالعشيا فالجامعة . هبطت الصباح فطرت مبانش ليا سيف ومشيت تحركت شويا فالجردة كيف ديما شوية السبور .طلعت دوشت ولبست حوايجي ومشيت للجامعة تلاقيت بلمياء جات كتجري عندي 

لمياء؛ اش قاليك .معصب مني .شوفي والله مباقي نتلاقاو بالولاد .غير ميتعصبش عليا

انا؛ هههه نتي مقاليك والو ومدار ليك والو وكتفتفي 

لمياء؛ اختي شوفاتو كيخلعو وليني بووووقوووووص توووووتة اختي معمري شفت بحالو .واش بحال داك الزين كينبت ولا كيتزرع ولا فين كينوووض 

انا؛ ضحكتيني الحمقة 

لمياء؛ ياك مقاليك متهضريش معاية .عفاك انا كنفرح فاش كنجي نسلم عليكم والله .خصوصا كنشم ريحتو كندوووووب 

انا؛ الله يستر زيدي زيدي .كون قال شي حاجة منوقفش معاك راك مزال مكتعرفيه .

مشينا ولمياء كتغزل ليا فسيف كيف ديما 

سالينا الحصة وخرجنا ووصلنا حدا الباب لمياء يلاه بغات تسلم عليا تمشي وهي تشوف فشي حاجة ولصقات فيا دارت يدها فدراعي وبقا غادة معاية مفهمت والو حتی بانت ليا الطمو ديال سيف واقفة وهو كيكمي الكارو ديالو وسطها ومحنزر وكيهضر فالتلفون 

انا: يلاه حبيبة بسلامة .راه سيف كيتسنا فيا 

لمياء؛ لا لا خاصني نعتادر منو 

انا؛ فخاطري( ويلي البارح تصرف معاها بحال شي حتالة ومشافش فيها وقالت تعتادر منو .تفووو علی الدل)

لمياء ؛ يلاه اصحبتي متخليهش يتسنی 

انا؛ بقيت غادة حتی وصلت حل ليا الباب من الداخل وهو مزال كيهضر فالتلفون .وطلعت وسديت الباب .وبانت ليا لمياء جاية باغة تدور للجيهة لاخرة تهضر معاه ساع هو ديمارا ومشا .تلفت ليها لقيتها مصدومة .كتشوووف الطمو ديالنا وكتلفت واش شافها شي حد .تلفت لسيف لقيتو سالة التلفون ولاح الكارو وغادي سايق بحالة مدار والو 

انا؛ علاش درتي ليها هكاك 

سيف؛ شكون؟ ببرود 

انا؛ صحبتي 

سيف؛ نعستي مزيان البارح؟

انا؛ شفت فيه مزيان .هدا السيد كيف داير .تتصور جميع الناس معمري نتصور هاد الشخصية ديالو

سيف؛ امتا عندكم العطلة 

انا؛ من هنا يوماين 

سيف؛ غادين نمشو للفيلا القديمة اللي فالجبل 

انا؛ بصح الله كاين تما كاين الخيل و كاين الفريخات .كيعجبني تما 

سيف؛ شاف فيا بنص عين (فرحانة؟)

انا؛ اه بزاف 

مجوبنيش وبقا سايق حتی وصلنا .هبطت وكنتسناه يهبط .

انا؛ واش مهابطش ؟

سيف؛ سيري دخلي 

انا؛ واخا 

مشيت للباب دخلت وبغيت نسدو بان ليا كسيرا ورجع وخرج من باب الجردة .اويلي واش جا من الخدمة باش يوصلني ويمشي .والله معمري نفهمو .وخا نقرا جميع الكتوبة ديال شخصيا الرجال 

هدا بعدا جمعهم كاملين 

دازو يوماين دغيا كيوصلني الشيفور ويجيبني . هو مبغاش يخليني ندير طموبيل قاليك انا نقدر ندير كسيدة وقاليك العيالات مكيعرفوش يسوقو .وديما ملصق فيا الشيفور .اصلن الشيفور ديالو وقاليه يولي يوصلني فين بغيت 

ليوما كنجمع حوايجي حنت عندنا سيمانة عطلة .وفرحانة غادين للفيلا د الجبل تما داير بحال المزرعة .كلو زوين كاين الاسطبل تما حنت عائلة خالتي فريدة مكلفين تما ومخلين ديك البلاصة بحال الجنة و عندهم البقر والغنم والدنيا تما عندهم زوووينة واصلن الفيلا ديال عمي الله يرحمو وليني مهلينها لخو خالتي فريدة مكلف تما وهو ضريف بزاف .مخلي الفيلا ديال خالتي وساكن فدار وحدا خرا ومهلي فكلشي تما .

هبطات معاية الخدامة باليزتي هزيت فيها حوايج اللي نحتاج ولقيت خالتي حتی هي هزات حوايجها .يلاه بغيت نحطهم مع خالتي فطموبيلتها حتی سمعت صوتو 

سيف؛ احمد(الشيفور) حط حوايج نهی عندي .

انا؛ كنشوف فخالتي ( واش مغنمشيش معاك )

فريدة؛ اه وليني ماشي مشكل سيري معاه .انا غندي معاية فاطمة(الخدامة) مكنكاكلش ماكلة شي واحد من غيرها 

انا؛ واخا 

مشيت جلست فالطموبيل ديال سيف ودرت الكيت فودنيا و جلست حتی ديمارا هو .تلفت ليه .كان داير نضارات شمسية .جات مع وجهو ولابس تيشرت فالبيض ودجين .كيبان شباااب زوووين .بصح لميا تشوفو دابة ريوقها يسيلو .ضحكت بيني وبين راسي 

سيف؛ مالكي 

انا؛ سمعتو قال شي حاجة وحيدت الكيت (مسمعتكش؟)

سيف؛ حيدي دكشي من ودنك غيطرطقو ليك 

انا؛ ياك محتی هوما غتمنعهم عليا 

سيف؛ محاوبنيش ودار شي اغنية فالطموبيل .وبقينا غادين .داني نعاس علی ديك الاغنية الهادئة اللي كان داير .حطيت راسي علی الكرسي د الطومو ومشيت فسابع نومة 

محسيتش بارسي حتی كنحس بشي يد كتمس ليا ففمي . حليت عينيا بان ليا سيف كيشوف فيا وليني محاطش يدو علی فمي وليني حماقيت وليت نحلم 

انا؛ واش نعست الطريق كاملة 

سيف؛ شاف فياا مزيان وجوبنيش وخرج 

مشا هز الباليزات وعاونو العساس اللي فالفيلا وهزو دكشي وكانت خالتي ورانا .حنت سيف كيسوق بسرعة .خرجت وطلعت نيشان للبيت اللي كنعس فيه .حنت شحال من مرا كنجيو هنا 

مشيت دوشت وتكيت شوية .حتی دقات عليا فاطمة نتغدا 

كانت ديك الساع 4 د العشيا تعطلنا فالغدا 

هبطت من بعد ملبست سروال و تيشرت كيف ديما وتغدينا وسيف كيف ديما مقابل شحال كناكل .باش الا مكملتش الماكلة يوحلو ليا و يبززني ناكل 

كملت وقلت ليهم غنخرج شوية حدا الشجر 

سيف؛ متبعديش 

انا؛ واخا 

خرجت قدام ااباب كنشوف فالشجر ودكشي بعيد شوية وانا نمشي للاسطبل .بان ليا داك اللي مقابلهم هو من عائلة خالتي فريدة كلهم صريفين كان دري عندو شي 24 سنة .

 دخلت حتی وقفت عليه كيوكل الخيل انا؛ واش نقدر نجرب نركب شي واحد الولد؛ شاف فيا وعينيه فيهم شي حاجة .واش حتی هو غيدير ليا فيها المعجب الولهان ( واش كتعرفي؟) انا؛ نتعلم ديما كنبغي نجرب ومكنقدرش الولد؛ اجي نعاونك تطلعي وقفت شوية حط يدو علی خصري وهزني حتی طلعت فوق الحصان وبقا شادو وكيضور بيا . انا؛ غنجرب بوحدي .نتمشا بيه شوية الولد؛ عنداك تلقيه وطيحي انا؛ لا لا متخافش طلقني الولد ومبقا مقابلني وانا كنضور بالحصان تما شوية بان ليا مشا الولد يدير شي حاجة وانا نتحرك بالحصان باش يمشي شوية .الحصان بدا كيزرب فالمشيا وبعد علی الجردة خرج من الباب الكبير وبقا كيجري فالخلا والشجر .انا كنغوت ونبكي وكنقوليه وقف وقف .تخلعت طلقت منو وجاتني الخلعة والبكية .يطيحني يرفسني برجليه مشيت فيها بقا كيجري بيا وضربوني اغصان الشجر فوجهي وعنقي وصدري ويديا وبقيت كنغوت .وكلي دمايات .حتی تلاح شي واحد حداية .حطيت يديا علی وجهي كنتسنا نطيح حتی شدوني شي يدين من خصري وزيروني وحنا فوق الحصان كان ورايا شميت ريحتو عرفتو كان كينهج .ضورت ليه وجهي وانا كنبكي . بغيت نشوف كيفاش دار ليها شفت حصان حداية مراكبو حد واش سيف جا علی شي حصان اخور وتبعني وتلاح من فوق هدا لعندي .بقيت كنبكي وشديت ليه فيديه اللي تحكمو فالحصان ديالي وبقا كيتمشا بشوية الحصان . سيف مهضرش معاية . وقفنا حدا الدار وتابعنا الحصان اللي جا عليه نقز سيف وشدني من خصري وهزني بين يديه ودخليني فريدة؛ وهي كتجري( ويلي ويلي .اش وقع ليها .اش هاد الدم) سيف مجاوبهاش وانا البكية مخلطة بالخلعة مخلطة بالخوف من سيف .قلبي كيضرب بالجهد داني حتی حطني فالبيت .جاب شي حاجة كيمسح ليا بيها حانو جروح خفيفة .كيمسح ليا وكيخنزر بعينيه بحالة كيقوليا بلاااتي .حتی تصحي ونوريك الخيل مزيان جات خالتي فريدة جابتلي الدوا .خرج هو وضرب الباب حتی غينقز فريدة؛ مالكي ابنتي درتي هاد الحالة انا؛ وكنبكي (كنت بغيت غير نجربو والله) فريدة؛ ابنتي كون ما سيف كون علم الله اش وقع ليك .مفكرتيش فينا تخلعنا .سيف شوية كان غيقتل الدري اللي فالاسطبل انا؛ راه مدار والو هو انا اللي مشيت للخيل فريدة؛ ايوة بنتي هضري مع سيف .راه حالف عليه .وها عائلتي وليني من حق سيف يغوت عليه .كون طحتي ولا لاحك فشي بلاصة و جا ليك شي حد تكرفص عليك اش داه يعطيك الحصان انا؛ نضت وقفت( لا لا والله مدار والو ) فريدة؛ ارتاحي دابة .دابة سيف معصب .راك عارفاه كيخاف عليك راك ختو .راه حتی انا منقدر نوقف فطريقو .شي مرات كنحس بيه كيدافع عليك كتر من اي واحد فهاد الدنيا .وهو معصب دابة انا؛ نضت كنجري وحليت الباب وهبطت كتجري وحالتي هكاك مشيت كنجري للاسطبل وشكي كان فمحلو .لقيتو ضرب الولد وهو طايح انا؛ وقفت قدامو( راه مدار والو كلشي مني انا) سيف؛ كان معصب الاعصاب اللي فعنقو خارجين (اش خرجك؟) انا؛حشومة عليك ضربتيه سيف؛ تعصب حنت كتدافع علی الولد ( علاش كتقلبي انتي دابة .مزاال حسابك معاية) انا؛ حرام عليك واش انت انسان سيف؛ تعصب .عطاها تسرفيقة حتی طاحت وهو يقجها حتی دخل يديه فعنقها ( اش قلتي ؟) انا؛ حيوااان معمري نسمح ليك حنت ضربتيني سيف؛ زاد زير عليا( لهلا تسمحي) انا؛ طلق مني سيف؛ جرني من شعري( كتداافعي عليه .اش بينك معاه .هضري؟) انا؛ طلق مني وكنغوت ضربني الضربة اللخرة طحت غيبت

يتبع