عندما يحب الامبراطور الجزء الرابع

انا؛حدرت راسي( واخا )

سيف؛ وريني اش غتلبسي فيه 

انا؛ حشووومة عليك حتی هدا غتحكم فيه 

سيف مداهاش فيا ومشا للباليزة وشافني اش حاطة فوقها .كانت كسوة فالغووز والتوب ديالها زوووين وغير سميطات من الفوق وكتلصق علی الجسم بطريقة زوينة .كتبين ليا طااايتي حوووتة 

سيف؛ (اهااااه)

انا؛ عفاك خليني نلبسها 

سيف؛ شاف فيا بنص عين وهو يجرها بيديه وشرقها قدامي 

انا؛ جيت كنحري ودفعتو وهزيتها فيديا وكنشوف فيها ولقيتها تشرقات( علاااش علااااش .حشوووومة عليك)

سيف؛ مداهاش فيا وحل الباليزة وجبد وحد الكسوة خرا فالزرق ملكي وشوية عريضة .علی مابان ليه هو عريضة .وليني هاي كتبين شكل جسمي واااعر بحالها بحال لاخرة 

انا؛ شفت فيه مزيان ومعصبة( واخا سيدي ماشي مشكل.ممكن تخرج )

سيف؛ ياك من ورا العرس غتجي .وجامعة باليزتك .غنديها معاية 

انا؛ فخاطري .( الله يديك لجهنم ) صافي هزها 

جات عندي خالتي ومرت خوها .وهزيت الكسوة وهبطت .قالو ليا نلبسها راه العرس شوية ويبدا .صافي .لبستها وطلقت شعري.ودرت الكحل والعكر مزياااان .كان عندي مكياج فالصاك .ولبست طالون .وشعري واصل ليا حتال خصري وعينيا بانو كبااار مع الرموش اللي عندي كتار .بنت فشكل حنت مكنديرش المكياج بزاف .

مشيت معاهم وخالتي كتقرا عليا القرأن من العين .الله يخليها ليا

وصلنا لداك العرس من بعد متأكدت سيف مشا ودا معاه الباليزة الوحش لاخور.باش منلبس شي حاجة خرا .وليني الكسوة جاتني كتحمممق .

هبطنا انا وخالتي كان العرس فالحديقة ديال دار خالي والدنيا عااامرة بالناس تما كلهم صحابهم اللي حداهم .كان عرس زوين 

مشات خالتي كتسلم علی الناس اللي كانو جالسين حتی جراتني خت العروس .الصراحة بصح محملت نبقا بوحدي حنت كلشي كيشوف فيا .

مشيت انا وياها .ودخلنا عند العروس كانت زوينة .سلمت عليها . وخرجت انا وختها بدات كتشطح علی الموسيقی حنت بلا كاين الديكور زوين والداخل كايني فوتاي جالسين عليهم الناس داك الديكور د العرس زوووين .وها هوما فالجبال وليني ديورهم كيحمقو وديكور د عرسهم حسن من الف قاعة افراح .

نوضاتني الشويطينة نشطح معاها .وانا كنحس بشي واحد مقابلني كنتلفت مكيبان ليا والو .وانا نتفكر هضرت سيف علی الشطيح .وليني هو مكينش هنا فين غيشوفني

يلاه نضت بغيت نشطح معاها باقي موقفت حداها بغات تشد يدي مديتها ليها حتی زيرات عليا شي يد .كان سيف .عينيه خااارجين فيا وهو كيطلعني ويهبطني من الفوق للتحت 

جرني من يدي وخرجني من تما صونا لخالتي وقاليها غيديني 

انا؛ كنتنطر منو ( طلقني بزااف هدشي طلقني )

سيف؛ وقف وعطاااني وحد التسرفيقة حتی ضار وجهي 

انا؛ كنكرهك .مكنحملكش .معمري مزال غنهضر معاك علی هدشي اللي كدير ليا .

سيف؛ وهو جارني( اش كنتي باغة تديري .باغة تديري ليهم عرض الازياء تما)

انا؛ مسووووقكش .طلق يدي 

سيف؛ بغاهم يشوفو لاااطاي ديالك است الحسن والجمال 

انا؛ طلق يدي مغاداش معاك 

سيف؛ وقف وتلفت ليا وعطاني تسرفيقة خرا وقجني وقرب فمي حدا وجهي وعينيه كيطلقو العافية ( تزيدي كلمة .نهرس ليك فمك .عاجبك لحمك .ولاااش لابسة هادي بحال هاكة .فين اللي اختاريت ليك )

انا؛ بالغوات .زدتتتي فيه .تزوج عاد حكم علی مرتك .وهادي اسيدي هي اللي اختاريتي . وهاد التصرفيق غندمك عليه 

سيف؛ زاد حكمني من يدي وجرني من خصري ولصقني عليه( ندميني دابة يلاااه)

انا؛ بديت كنبكي ونشهق .

سيف؛ متبكيش 

انا؛ كتضربني وتقول منبكيش .شكووون انت فحياتي .واش خويا لااا واش بابا لاااا واش راجلي لاااا.علااااش كتدير هاكة بغيت نفهم .واش مكتحملنيش .قولها نخرج من عندكم 

سيف؛ زاااد زير عليا وقربها ليه .كان فمو حدا فمها كان كيتأمل فشفااايفها .كيتعجب من هضرتها حنت معارفاش بلا هي النفس اللي كيدخل ليه .كيفاش كتقول تبعد عليه وهي بسبابها عااايش.كيفاش مكيحملهاش وهو كلام الحب كلو ميصوف دكشي اللي داخلو . كيفاش هاد كتلة الانوثة كتحرك قدامو ومباااغهش يتحرك .كيفاش يتحمل نضرة الناس ليها فالعرس وهو رجع من نص الكريق حنت كان غيحماق فمجرد يتعجب بيها شي حد . وكمل شافها بكل اناقتها بحال كتقووول للناس كلهم .شوفو الجمال لمن تخلق .تخلق ليا . كيفاش غيوصف ليها الخوف والرعب اللي عاشو قلبو فاش رجع ليها وملقاهاش وبقا كيقلب النهار كلو عليها .الا هي مكلاتش حتی هو مدااقوش .كان كيمشي ويرجع يسول واش جات حتی من الخدامة وقفات فالباب كتهضر معاه بالاشارات بلا مزال مجات .اش غيوصف ليها فاش شافها غتسخف وممتيقش بلا لقاها موضرة فالغابة البعيدة وكان قلبو غينفاااجر وتحكم فراسو ومدار ليها والو .وهو كل لمسة ليها كيتخربق ليه كياانو كامل 

سيف؛ اش كتخربقي 

انا؛ انت اناني .علاش خليتيني البارح كنتسنا فيك وخرجتي مع صاحبك وانا فرحانة حنت غتخرجني 

سيف؛ وهو كيتمعن فشفايفها( كنتي باغة تخرجي معاية .كنتي فرحانة)

انا؛ كنت باغة غير اللي يدورني ساع انت ممديهاش فيا 

سيف؛ وصلتو ورجعت ليك ملقيتك .ممشيتش معاه 

انا؛ دابة ماشي مهم .دابة انا كنتسنا غير نكمل الجامعة

نكمل الجامعة ونجبد ورتي ونبعد عليكم مكين لاش نعصبك مزال حنت مبقيتيش غتشوفني 

سيف؛ متيقش اش كتقول .زاااد زير عليها وعينيه خرجو .كيفاش تمشي وتخليه .اش كتقول هاد الحمقة .واش حماااقت بغاتو يشعل فيها العافية 

سيف؛بغضب( الا خرجتي من الدار والا فكرتي مجرد تفكري فهدشي .غيكون اخر نهار فحياتك )

انا؛ بعدت عليه شوية ( معندك حتی سلطة عليا .وانا ممعتارفاش بيك من عائلتي )

سيف؛ انا عائلتك كاملة .الا مفهمتيهاش لهلا تفهميها .

انا؛ حدرت راسي ومبغيت نزيد نتجاوب معاه .جرني للطموبيل وديمارا .بقينا غااادين فالطريق ديالنا للفيلا د المدينة 

معرفتش علاش كيتعااامل معاية هاكة .تخنقت .تقهرت .حريتي مكنعيشهاش .ديما ضلو تابعني .ندير تصرف بسيط غالط يبان ليا قدامي .كون غير هربت وتهنيت من هاد العيشة .بداو الدموووع كيهبطو ليا بوحده .شفت سيف شافني بنص عين .وهي يبلاصي الطموبيل فالجنب 

سيف؛ وهو كيحط يدو علی خدها كيمسح الدموع(ششش كنقوليك متبكيش)

انا؛ وكنحيد ليه يدو( شكون كيبكيني من غيرك)

سيف؛ وانتي عارفة اش كديري ليا 

انا؛ دورت وجهي ليه (قوليا راه معمري فهمتك؟).

سيف؛ معمرك غتفهمي .باس ليا جبيني و بقاااا شحااال مطلع النفس عاد هبطها وتنهد 

دار للفولون ودوز يديه علی شعرو وحط راسو علی الكرسي 

سيف؛ مزال مجربتي ولو شوية من دكشي اللي كنقاسي 

انا؛ كنشوف فيه ( اشنو .واش عندك شي مشكل معاية)

سيف؛ انتي اخر وحدة تسبب ليا المشاكل .المشكلة .نتي مدايرة والو .كتخليني نكون انسان اخور .شي حاجة عجباني ونفس الوقت مباغيهاش .وختا منبغيهاش .عششات فيا 

انا؛ شكون اللي عشش ولا بغيتيه ومبغيتيه 

سيف؛ تلفت ليا ( دابة شوية .مبقيناش غنبكو)

انا؛ مالك كتهضر معاية بحال البنت الصغيرة 

سيف؛ ومالكي كبرتي .راك باقة صغيورة 

انا؛ راني كبرت .غير انت اللي كتشوفني صغيرة

سيف؛ انتي كبيرة وصغيرة فنفس الوقت 

انا؛ بترجي (سيف متبقاش تضربني .كتقسحني وكنكرهك فداك الوقت).

سيف؛ نهی متبقايش تعانديني.كتقسحيني وكنكرهك فنفس الوقت 

انا؛ شفت فيه وانا معصبة وحدرت راسي وهو يديماري ومشينا 

وصلنا ديك الساع فاليل

هبطت من ااطمووبيل ومشيت نيشان حتی بانت ليا شي بنت لابسة لاباس معري بزااف ولاسق ودايرة مكياااج بزاف وكتبري كاملة وكتشوف فيا 

انا؛ وقفت عليها( شكون نتي ) وكنطلعها ونهبطها 

البنت؛ نتي اللي شكون 

انا؛ ههه هادي راه دارنا اللي نتي قدامها 

البنت؛ كيفاش داركم .سيف مقالش لي عندو شي اخت .

انا؛ نتي جاية علی قبل سيف هههع .طاح الحك وصاب غطاه 

بعدت عليها وحليت الباب وبغيت ندخل وهي تهضر 

البنت؛ ياك ما انتي شي وحدة كتضور بيه .نقوليك جوج كلمات .كيفما طيرت غيرك .نطيرك حتی نتي .سيف ديالي انا بوحدي .انا؛ رجعت وقفت قدامها وخنزرت ( سيف عندو ...وكنشوف فصباعي .1 2 3 4 وبقيت كنحسب ليها حتی سكتت .ااه نسيت مكيتعدوش البنات اللي عندو .بلاااما تعطي قيمة لراسك )

البنت؛ هزت يديها بغات تصرفقني حتی حبساتها شي يد 

هزيت راسي بان ليا سيف واقف حداية 

سيف؛ كيخنزر فالبنت( ضربك الله ولا مالكي )

البنت؛ سيف شكون هاد البنت 

سيف؛ دفها حتی تحركت من بلاصتها ( اش جابك ؟)

البنت ؛ جات لصقت علی صدرو ( حبيبي جيت عندك حنت قلتس غتجي بوحدك ومكيناش الام ديالك )

سيف؛ دفعها عليه ( اش كنتي باغة تديري ليها)..

البنت؛ كتشوف فيها وتنعت بصبعها( ممربياش احبيبي هاد الحمارة )

سيف؛ شدها من يدها ولواها ليها ( عاااودي اش قلتس عليها).

البنت؛ اااي حشومة عليك .شكون هادي 

سيف؛ بالغواااات( اش قلتي دابة عليها عاااودي نسمع .مسمعتكش)

البنت؛ مقصدت والو .وهي كتألم 

سيف؛ دفعها حتی طاحت علی الارض بطريقة خايبة ( اعتادري).

البنت؛ لا ميمكنش 

سيف؛ يلاه سيري .ومعمرك باقي توصليني نشوفك قدامي ندبحك 

البنت؛ علی قبل هاد المسخة 

سيف؛ مبقاااش كيشوف قدامو .جا حداها وعطاااها ضربة للوجه حتی طاحت وجرها من شعرها ( المسخة هي نتي .تووووصليها فتراااب رجليها .برررررا براااا .نشوفك شي نهار قدامي والله حتی نقتلك )

لاحها قدام الباب كتبكي ورجع لنهی اللي مصدومی وكتشوف فيه 

سيف؛ قرب حداها وكيتأمل فوجهها بحب ( بقا فيك الحال؟)

انا؛ لا وليني ضربتيها بزاف 

سيف؛ تكايست عليها حنت بنت .كون راجل نقتلها 

انا؛ شكون هي 

سيف؛ حتی واحد 

انا؛ حدرت راسي و كنشوف فصباعي ( متخليهمش يجو للدار .تشوفهم خالتي )

سيف؛ معمري جبت شي وحدة للدار .حنت كايني نتومة .ومعمري غنجيب شي وحدة .انا وحدة اللي كاينة فبالي وفقلبي .وليني بعيدة عليا .هدشي لاش كنسي بيهم شوية وها ميوصلوش لنقطة فبحر انوتتها وجمااالها 

انا؛ تصدمت .كيبغي شي وحدة.لا مكيبغيهاش كيتسطا عليهل .سييف واااش سيف كيبغي شي وحدة .شكوون هاد البنت .وانا مالي تكون اللي بغات تكون .

سيف؛ يلاه ندخلو 

انا؛ بغيت يضربني البرد شوية (معرفتش مالي .ملي قالي كيبغي شي وحدة .بقا فيا الحال .علااش واش ولفت نكون محور حياتو )

سيف؛ شدني من يدي ( مالكي؟)

انا؛ حدرت راسي والو 

سيف؛ نجلس معاك شوية

انا بلاش .

مشيت للكرسي فالجردة وجلست وخليتو واقف 

بقيت حتی حسيت براسي شوية وطلعت لبيتي .

فقت مع الصباح ومشيت للكوزينة .مكيناش فاطمة توجد الفطور .بقيت كنصوب فالفطور .وبغيت نصوب شلاضة نفطر بيها .بقيت كنقطع حتی ضربت يدي بالموس .بلا منخس غوت .مكيناش دقيقة هبط عندي سيف بيفوطة لاويها علی خصرو وشعرو مزال فااازك .لااا ميمكنش .لاااا ميمكنش .قلبي كيضرب بزاف . عجبني شكل جسمو .بقييت شحال كنشوف فيه .نسيت صبعي اللي كيدوز بالدم .كااان كاااان معرفتش كيفاااش كااان رجل رحل يعني رجل.بشعرو اللي كيقطر .بدرعاااانو .فمو كيتحرك وحميمر بالما يلااااه خارج من الدوش .كيهضر معاية ومنسمعوش 

سيف؛ جا كيحرك فيها (مااالكي نهی .قولي مالكي )

انا؛ عاد فقت وبقيت كنشوف فوجهو .عجبني .بزاااف .لا ماشي غعجبني .قلبي كيضرب بلااا قياس .بحال فاش كيكون عندي امتحان وكتر .قلبي وصل لمعدتي 

سيف؛ شاف صبعها وهزو وهو مخلوع( فين كتشوووفي )

انا؛ هااااا 

سيف؛ واش حمااقيتي اش داك للكوزينة .كنت غنخرجك تفكري .( هز صبعها وهو يبوسو بلا ميشعر .هز عينيه فيها لقاها كتشوف فيه هز كلينيكس ومسح الدم .وباسو عاود .)

انا؛ كن ن ن ت بغي ي ت نصو ب 

سيف؛ ششش متهضريش .اجي نطلعو ندير ليك فاصمة .واش بغيتي تقتليني شي نهار بالخلعة 

انا؛ معرفتش اش طر ليا .شديت ليه فيدو وطلعت راسي ليه ( متمشيش )

سيف؛ اشنو ؟

انا؛ حدرت راسي والو والو 

سيف؛ قرب ليها وهو هكاك عريان .كان صدرو حدا صدرها .كيحس بيها كتنفس بالجهد .وقلبها كيضرب وعويناتها كيشوووفو فيه بكل برائة 

سيف؛ بهمس ( مبقيتش قادر نتحمل .رحميني ).

انا؛ كنت بغيت نصوب الفطور وهزيت الموس جرحني .معرفتش مالي حمقة هاكی 

سيف؛ هي كتهضر وهو مقابل شفايفها كيف كتهضر وتورك عليهم بطريقة كتهااااوشو .مبقاااش قااادر يتحمل .دور يدو ورا خصرها وقربها كتتتر ليه حتی لصقااات عليه وهبط فمو لفمها .فاللول كان متردد .شوي حط .علی فمها .هزاتو الرعدة مت رجليه .دخل يدو فشعرها وقربها وجهها ليه كتر .كااان ممصدقش راسو كيبوسها .اخسن شفايف فالكون .كيدوز فمو علی فمها وممتيقش راسو .كان فاللول حنين شوية ولا كيجر بالجهد حتی جرحها ففمها وهي غير حالة عينيهل .هو سد عينيه وانتاقل لعااالم اخور.عالم المتعة .كان كيتخيل القبلة فشفااايفها ببزاف الاشكال وليني طعمها فااات توقعااااتو .دور يديه بجوج عليها ولسقها علی الطابلة شي 15 دقيقةة.كان غيكمل لحواج خراين حتی دفعاتو نهی وصرفقاتو

ميمكنش واش هدا سيف اللي باسني.علاش خليتو يبوسني ويتماادة . واش حماااق .معقلتش علی راسي وهو كيبوسني يمكن عجبني الحال .يمكن حتی انا بغيت وليني هدشي اللي كندير مخاصوش يدار.معقلت علی راسي حتی صرفقتو 

سيف؛ من بعد ما تدارك الموقف.حدر راسو ومعرف ميقول.كانو عينيه مضلمين بالرغبة .رغبتو لنهی اللي مخبيها سنين مقدرش يتحكم فراسو هاد المرة .كره راسو وكره هاد الاحساس اللي كيحس بيه .باشمن وجه غيواجهاا

انا؛ علاش درتي هاكة واش تخيلتيني صحبتك .(وجيت قربت حداه وكنهضر) انا نهی فيق .انا نهی 

سيف؛ مبقاش قدار يشوف فيها( سمحي ليا )

انا؛ اش هدشي درتي ا سيف .محشوماش عليك .انت خاصك تحميني ماشي تستاغلني 

سيف؛ تعصب وشد ليا فدرعاني( انا نستااغلك .اناااا اخر واحد يفكر يستاغلك)

انا؛ واشنو معنی هدشي اللي درتي 

سيف؛ حدر راسو وبعد عليها شوية ( كيما قلتي تخيلتك ديك البنت اللي كنبغي وكنطلب السماحة)

انا؛ بقا فيا الحال.كان اهون عليا يضربني يسبني يجرني من شعري ويدير اي حاجة .الا يطعني فانوثي .( انا نهی ا سيف) قلت هاد جوج كلمات ومشيت لبيتي تلاحيت فوق الناموسية وكنبكي .واش كنبكي حنت باسني ولا حنت ديك البوسة من الاساس ماشي ليا .ولا حنت اول مرة يبوسني شي واحد .

حطيت يدي علی شفايفي وتفكرتو .كان فشفايفو حرااارة زووووينة.ضربات فنيفي وففمي مع ريحة شمبوان وباندوش.وانفاسو الزوينة.معرفتش اشمن احاسيس ضربو فقلبي ديك الساع كان متمررس فالبوووسان يمكن مكينش شي واحد كيعرف يبوووس بحالو .حسيت بيه محتااارف البوساااان معندووووش مشكل .جدبني بلمسااتو .لا لا ميمكنش خاصني نسا هدشي بحالة موقعش

بقيت فناموسيتي .حتی بردت شوية وهبطت ناكل حنت جاني الجوع .لقيتو جمع الروينة ووجد الفطور و حطو ومشا .

فطرت ... تغديت ... تعشيت .. مجاش مطلش .تخلعت الليل هدا وكاينة غير انا والعساس وخالتي مزال مجات 

بقيت شحال حتی صونات ليا خالتي نهبط عندها حنت جات .فرحت بزاف .هبطت كنجري عنقتها 

انا؛ علی السلامة خالتي توحشتك 

فريدة؛ راه عيط ليا سيف قالية داك للدار كنتي عيانة 

انا؛ اه كنت عيانة شوية ( الكدوب ياربي السلامة )

فريدة؛ يلاه ابنتي ننعسو والله عيت 

انا؛ مغتعشايش

فريدة؛ لا تعشيت ابنتي .

انا؛ مغتسنايش سيف

فريدة ؛ سيف ابنتي سافر لبرا عندو شي خدمة 

انا؛ بصدمة( امتی؟)

فريدة؛ قبيلة يمكن عيط ليا ووصاني عليك 

انا؛ فخاطري( واش مشا مسافر حنت باسني ولا حنت بصح عندو خدمو .ولا توحش صحبتو ومشا عندها .حنت ولات كتخايل ليه؟)

فريدة؛ يلاه ابنتي نعسو والله عيانة 

انا؛ واخا خالتي

دازو يوماين ومن داك النهار مبقيت شفت سيف وولا الشيفور مكلف بيا وكيحكر عليا فالدخلة والخرجة بحالة موصيه سيف

فقت ليومة نشيطة .ليوما الجامعة .الله ليومة بعدة كنحس براسي عندي هدف اللي هو نقرا 

لبست لباسي عادي .سروال كحل تيشرت بيض صباط وهزيت صاكي درت نضارات شمسية 

وهبطت للشيفور كانت عني حصة وحدة ونخرج 

هبطت قدام الجامعة .وتمشيت شوية حتی وقفات عليا لمياء 

لمياء؛ وهي كتشوف فيا( كدااايرة حبيبة)

انا؛ بخير اصحبتي توحشتك .وعنقتها 

لمياء؛ اش كتعاودي فين مشيتي فالعطلة 

انا؛ والو دازت عادية 

لمياء؛ عرفتي توحشت سيف 

انا؛ تصدمت فيها .( واش دكشي كامل اللي دار ليك ومزال تقولي هاكة )

لمياء؛ اكيد مكانش قاصد يمكن كان مزروب .ولا ميسحابوش غنهضر معاه 

انا؛ ههه بصح بصح يسحااابو نيت 

لمياء؛ يختي شفتو البارح وقلبي قفز .ساع مكانش كيشوف جيهتي 

انا؛ (بصدمة)كيفاش البارح فين شفتيه 

لمياء؛ اوووف اختي متفكرنيييش غنموت ليك هنا 

انا؛ بعصبية( هضري اصحبتي فين شفتيه ؟).

لمياء؛ اويلي اصحبتي تسناي نوصف ليك المشهد .البارح سهرت مع صحبتي اللي جات من برا .ديك القرطاااسة .داتني لاحسن واغلی بواط .ومشينا كنشطحو شوية بانو ليا البنات كلهم حالين فامهم فشي بلاصة .حتی بان ليا سيف دجالس فبلاصة vip فطابلة بوحدو والبنات كيتلصقو عليه .كان كيشررب بزااف ويكمي .و البنات كلهم عيااااو يغمزو ليه متسوق .شوية ناض و مشا بقيت متبعاه بعيني .بانت ليا صحبتي حتی هي مقابلاه وشوية هي تدير راسها غادية باش تصادح معاه ساح ضربها بكتفو ومتلفت ليهل ومشا .عرفتي بغات تفقس معمر شي واحد دار ليها هكاك هي مالفة الولاد كيحماااقو عليها وهو مداها فيها .وانا نعاود ليها عليك .وعليييك .هههه سمحي ليا .حلفات حتی تعرض عليك 

انا؛ وانا ممستوعباش من صدمة لصدمة.صدمة سيف اللي ممسافر .وصدمة البنت اللي باغة تخدمني مرسول للحب .

وانا نتلفت للمياء وتعصبت عليها بالغوات( حماااقيتو لااا اللي بغاتو تمشي ليه انا مالي )

مشيت وخليتها مصدومة فيا .دخلت للحصة وانا مرفوعة .معرفتش شحال تاع الوقت داز.حتی خرجنا من الحصة .ومشيت نيشان للشيفور وركبت معاه .كنشوووف فيه .راس كيقول سوليه راس كيقول لا. حتی سكتت وهبطت للدار ومشيت نيشان لبيتي 

دازت سيمااانة نفس الروووتين .كنمشي للجامعة ونجي ومرة مرة نخرج مع خالتي . معرفتش كنت كنحس براسي مراقبة من شي جيهة