عندما يحب الامبراطور الجزء السادس

رجعت تاني كنشابك يديا بالتوتر .الجلسة حداه ولا كتجيب ليا التوووتر .كنحس بفمي نشف كنبقا نعض عليه حتی حسيت بالطموبيلة كانت غتقلب وقفها سيف بالجهد . ودار عندي وكلشي فوجهو كيعطيني اندار د الخطر 

سيف؛ حببببسي دكشي اللي كديري بفمك 

انا؛ سيييف مالك معاااية 

سيف؛ حبسسسي عفااااااك .حبسسسي خرجيني من هاااادشي راه غنحمااااااق ظغنتسطاااااا .حيااااااتي مبقيتش كنتحكم فيها .الدنب ديالي زاااايد وكيبر .كلشي فيا كيعيط بسمية وحدة وااااااش ماشي من حقي نبغي كيف الناس .واش هاد اللعنة مبغاتش تحيد .واش هدشي مغيوقفش .واش قلبي مغيدقش مرة خرا .واش هي اللي كاينة فهاد الكون .وااااش نقدر ننساها من بعد موليت كنتخايها فجميع النسا .لمممسة منها كتدوبني كترجعني طفل صغير.علااااش نتعدب بوحدي ونهز هاد الحمل التقيييل التقيييل بزاف فقلبي

انا؛ سيييف .علاااش كتهضر تاني 

سيف؛ شد ليا فيديا وقربهم لقلبو ( واش ماشي من حقي )

انا؛ مالك اسيف .واش مريض بشي حاجة قوليا .والله مبقيت نعصبك

سيف؛ مريييييض بزااااااف بزاااااف .ومرضي مليهش الدوااا.(هز راسو وشاف فيا ) نهی .واش عمرك حسيتي بقلبك تقيل .

انا؛ حيدت يدي من يدو وحطيتها علی قلبو ( واش عندك شي حاجة قوليا ) بخووف 

سيف؛ حيد يديا عليه وخرج من الطموبيل ( صافي هدا جهدي .هدا جهدي ).

انا؛ خرجت عندو ووقفت حداه ( سييف اش عندك خلعتيني؟)

سيف؛ دار عندها وكور وجهها بين يديه ( مقااادرش نتنفس .مقاااادرش نعيش حياتي .مقاااادرش علی هاد الاحساس اللي فقلبي.مقاااادرش )

انا؛ كنشوف فيه بلا جواب 

سيف؛ طلق من وجهها وشد يديها .هضر بهمس ( متضحكيش.كنغير .متلبسيش زوين كنغييير كنموووووت بالغيرة .متديريش ريحتك مكنحملش اللي يشمها من غيري .متورررركيش علی شنااايفك كنتفقس وكنحبس راسي بزز.متهضريش بصوت الهمس .جسمي كلو كيتبورش.متلعبيش بشعرك وتحطيه ورا ودنيك .كنبغيك نتلاح عليك نخبيك ونقول للعالم كلو نتي ديالي .متدوشيش وتهضري معاية ونتي شعري فازك .كنحسد قطرات الما اللي علی وجهك ودراعك .متهضريش مع صحاباتك كنغيييير منهم .متسلميش علی الرجال مبغيتهمش يعرفو يديك شحال رطبين . متهزيش عويناتك بحال قطيطة مكنتحكممممممش فراسي .متمشيش و تمااايلي كنمووووت باش منتبعكش بعينيا ).

انا؛ عينيا عمرو دموووووع معرفت منقووووول .بقاااو الدموع كيهبطو وانا حالة فمي فيه .بغيت نهضر تحبسات الهضرة فجوووفي .يديا بداو يترعدو .رجليا مبقيتش قادرة نوقف عليهم .كنشوف فيه بحالة عايشة فحلم وغنفيق منو 

سيف؛ جرها عندو ودور يدو عليها من خصرها حتی لصقااات عليه وهو كيشووووف فعينيها بكل حب ( متبكيش البكا كيزيد يتيرني من جيهتك .عينينك كيزينوهم الدموووع .مترمشيش بزااااف .ضلووووعي كتدوووبو .معممممرك ومعمررررررك تجربي ولو شوية من العشق والوله اللي انا فيه .مكينش كلمات توضف هدشي .كل جزء من التانية كنتاقاتل مع عقلي وقلبي وروحي باش منقيسكش .باش منكناااشفش جسمك .وخا عااارف كا إنش فيه .كل مكان .عبار خصرك رجلك .صبعك طول د عنقك وديناتك كيفاش شكلهم .شكل نيفك شكل خدودك شكل تقااااسيم وجهك .بالنسبة ليا نتي الكماااال .نتي لوحة مرسووومة .ونني قريبة .كنحط راسي علی الحيط كنتخيل ريحتك خارجة منو وكتضرب فنيفي .كنبقا ندير السبا باش نشوفك .كنكون فاجتماع تطيحي ليا فبالي نلغي كلشي حياتي ونجي باش نوصلك .نكون فبلاصة ديال الفرحة والسعادة .كيبان ليا خيالك .كنشرب باش نساك ونسا هاد الحب اللي عدبني . كنكووون مع بنات .يعيطولي يسولوني علی سميتك .عرفتي علاش.حنت كنتخايلهم نتي هدشي باش كنصبر راسي ونقدر ندير معاهم شي خاجة 

انا؛ بعدت منو شوية و بقيت كنستوووعب الهضرة اللي قاااال ميمكنش هادا سيف .لااا اكيد كنحلم وغنفيق .كيمكنش كيبغيني وهدشي بصح .ميمكنش.هو بحال خويا .لا ماشي خويا وليني معمري شفتو كيشوف فيا بحب .ولا يمكن انا اللي مباااغاش

سيف؛ كيشوووف فيها وعينيه ضلمووو بالرغبة فيها ( كنبغيك .متوصلش حتال لربع لهدشي اللي كنحس .كتحيني قليلة فحقك)

انا؛ لااااا لاااا ميمكنش هدشي اللي كتقوووول غير كتكدب 

سيف؛ وقف حداية وهز وجهي بين يديه وبقا كيتمعن فوجهي ( شوفي فعيني )

انا؛ حادرة راسي( لا لا ميمكنش )

سيف؛ هز وجهي وبقا مركز مع شفايفي اللي كنعض فيهم بالتوتر .شد يدو ولصقها عليا .حسيت بصدري تعصر مبين صدرو .بحركة من صبعو هز وجهي ودفن عينيه فشفايفي .حتی حسيت بيهم كيدوزو علی شفايفي .دخلني لعااالم اخووور .ترخيت ودورت يدي عليه .دخلت صباعي فشعرو .مكانتش عندي تجريبة .حاولت نجاريه فقبلاتو .وليني زيرررنس ليه مزيان .طلعو منو اهااات كتعبر عن اشتيااقو .كان بحالة لقا الحلوة المحرمة اللي هضر عليها .محبستوش حنت مشيت معاه .كان كينين بسميتي بكلمااات متقاااطعة .محاااولش يخاد النفس ديالو كيتنفس ففمي وانا حبست شوية وبغيت نتراجع زاد جرني عندو وكمل .حتی بانت ليا للضلمة فعينيا و ترخاو رجليا وكحسيت بوالو غير بيديه حواطو خصري وهزني من الارض قبل ما نطيح

كنحس بضربااات خفاااف علی خدووودي وصوووت بعيد كيقول حبيبتي 

حليت عينيا بشوية .بان ليا سيف مقرب وجهو لوجهي وعلامات الخوف باادية عليه .دورت وجهي .انا مزال فالطموبيل 

رجعت عينيا ليه .كنسترجع شريط دكريات اللحضات اللي فاتو .قلبي كيدق بجههههد .يديا عرقو عليا .كنحس بالسخونية طالعة معاية .سيف محبسش شوفاتو فوجهي .وهو كيحرك شفايفو ممركزاش اش كيقول .كنسترجع هضرتو بتفاااصيلها وتصرفاتو وبوستو ليا وانسجاامي معاه .كنحرك فعينيا كردة فعل بلا ممتيقاش اش وقع .واش دابة سيف اعتارف ليا بحبو .واش كيبغيني .امتتتی وقع هدشي .وعلاااش مقالها .بزااف الاسئلة فعقلي وليني ماشي الوقت المناسب .كنت بغيت نعرف كتر شعورو من ناحيتي .رجعو بيا الدكريات لاول مرة لبست الاكس وبانو درعاني بيضين .سيف بقا شحال مستووعباش كيشوف وجا جرني من يدي بدون مقدمات .طلعني نبدل ووقف كيف الحارس قدام باب غرفتي باش يتأكد نفدت اوامرو .تفكرت فاش ضرب جوج من رجال رجل أعمال مشهور .لمجرد ولدو علن عن اعجابو بيا قدام صحابو وهو سمعو .تفكرت نهار حبسني علی المكياج وانا كنبكي ونطلب فيه .تفكرت شوفاااتو الحنينة ليا وقت الي نكون معصبة منو 

دكرياااتي كلهم رجعوليا .تأكدت من كلامو انا اللي كنت حمقااا وممدياها فيه .

انا؛ وصوتي تقيل ( سيييف)

سيف؛ جا حط جبينو علی جبيني وبقا مركز فعينيا بكل حب( حبيبة)

انا؛ غمضت عينيا( واش كنت كنحلم )

سيف؛ لا حبيبة . انا حداك واي كلمة قلتها مكتوصفش ربع دكشي اللي هاز 

انا؛ هزيت عينيا فعينيه بحال بنت صغيرة( امتی.وكيفاش.وعلاش؟)

سيف؛ حيد راسو من حداية وجرني من الكرسي اللي انا فيه جلسني علی رجليه وقربني لحضنو .زير عليا بيديه كيتنهد ويطلع النفس بصعووبة .

انا؛ وخاشية وجهي فعنقو( عرق فعنقك كيضرب بالجهد)

سيف؛ وهو كيشم فشعري ويتنهد( كنبغيييييك .قليلة .قليييلة قليييلة بزاااف)

انا؛ بغيت نهز وجهي نشوف فيه .رجعني لعنقو بحركة من يديه .حركة حنينة .لمساااتو ليا كتدووبني .كتسحرني.كنحس براسي طايرة.واش حتی انا كنبغيه .ميمكنش.علاش متعصبتش فاش اعتارف بحبو ليا .علاش انا فحضنو دابة 

سيف؛ وهو معنقني( واش كنحلم .هاد اللحضة شحال تخايلتها وشحال حلمت بيها .تكوووني بين يدي .وتخشاي فيا بحال انا هو العالم ديالك .شحال بقيت كنختارع فالسينايرو اللي غنقول ليك باش نعبر علی حبي . انتي بالنسبة ليا كتر من بنت زوينة ولا جسد متير انتي بالنسبة ليا الدنيااا كاملة بالمعنی الحرفي .مكينش شي امرأة فالكون تقدر تاخد بلاصتك .المشاعر اللي كتكتبر فقلبي منقدرش نترجمها لكلمات حنت صعيب .)هز راسو وتكاااه علی كرسي د الطموبيل وهو معنقني .حيدت راسي من عنقو وشفت فيه 

انا؛ وكنشوف فيه ببراءة( معرفتش باش نبدا أسئلتي ؟)

سيف؛ وكيشوووف فيا .وشد فوجهي بيديه بجوج( هاد الشوووفة .هاااد العوينات .هديك البراءة .كلشيي كلشيي كيدوب الحديد اللي حابس بيه قلبي باش منمشي نجري عندك ونعنقك ونقولك شحال كنبغيك )

انا؛ سيف 

سيف: متهضريش .خليني نخرج شوية من دكشي اللي حابس فقلبي .خليني نبرد شوية علی قلبي.نحس بلا خففت عليا الحمل .حنت تقااال تقااال بزاف .نتي معارفاش شحال كيتطلب مني ديال القوة باش منجرك من يدك ونسرق منك العسل اللي فشفايفك 

انتي معارفاش شحال كنتضارب انا وقلبي باش منبقا مسمر عينيا علی كل تصرف بسيط منك .قربي كيتزحزح من بلاصتو الا ضحكتي والا برزو خدودك .والا شفت شفايفك خرجو علی شكل بوسة وانتي كتهضري.وخااا نجمع ليك جميع قصائد الشعر .قليلة .رحميييني رحميييني قلبي استنزف كل طاقتو وغادي نحماق الا بقيت علی هاد الحال .كنتخيلك حداية .وسمحي ليا علی تخيلاتي كتكون جريئة .كنتخايل ملمس جسمك المغطي . انحناااءات جسمك .انتي بالنسبة لية حلم صعيب .

انا؛ حدرت راسي وجوبتوش 

سيف؛ باسني فجبيني بكل حب ورجعني لبلاصتي وسكت شحااال( كنضن محتاجة ترتاحي)

انا؛ فخاطري( نرتاح من بعد هدشي اللي سمعت .)

سيف؛ دور وجهو ليا كيتسناااني نقول شي حاجة . وليني انا سكت .دور وجهي والندم باااين فيه حنت قال هدشي .ديمار الطموبيل ورجعني للدار .هبطنا ومشا لبيتو وحتی انا دخلت لبيتي بلا منقوليه حتی كلمة 

بقيت شحال كنتقلب فبلاصتي .مقدرتش ننعس.كيفاش هاز هدشي كلو ليا فقلبو وانل معقتش.امتی وقع هدشي .وعلاش شنو حبسو ميعتارف .كيفاش كيبغيني وكل مرة مع بنت .كيف دار لهاد الحب .تكوااانسة ليا عقلي بالتفكير وحد الراس كيقولي سيري دابة وسوليه .ساع فات الحال يمكن نعس .بقيت شحال هكاك .مقدرتش نواجهو وخا نبغي نسولو .معرفتش اش غنقول ليه .انا كنحس بشي حاجة من جيهتو وليني معندي حتی تفسير يمكن هو اول واحد باسني هادشي لاش انساجمت معاه .عقلي غيتبلوكا بالتفكير .معرفت كيفاش نشوف فيه من بعد هدشي كامل .كيفاش نتصرف معاه من هنا للقدام .بقيت الليل كلو هاكة .نفكر و نرجع لنقطة الصفر نفكر من جديد 

صبح الصباح .فقت مناعساش مزيان .هبطت للتحت نفطر وليني متخوفة من الشوفة فسيف 

دوشت وشفت راسي فالمرايا باااينة فيا مناعساش مزيان .نشفت شعري وهبطت للتحت وانا حادرة راسي بحالة كلشي الدار عارفين اش وقع بيني وبين سيف 

بانت ليا خالتي جالسة معانة ولات بخير شوية وسيف بلاصتو خاوية 

انا؛ صباح الخير خالتي .كيبقيتي شوية 

خالتي؛ بخير ابنتي 

انا؛ الحمد لله .

خالتي ؛ مبانش ليك ابنتي سيف 

انا؛علاه مزال مهبط 

خالتي لا ابنتي مباتش هنا .والبارح نسا ليلي مداهاش تجيب حوايجها 

انا؛ بصدمة( مباتش فالدار ؟؟).

خالتي؛ معمرو غيتبدل 

فطرت غير بزز .وطلعت لبيتي .ليومة قارية مع العشيا .لبست سروال دجين وشوميز نص كم و طلقت شعري ووصلني الشيفور ودخلت لقرايتي .هضرت مع لميا عاادي حتی ساليت وخرجت وانا مرفوعة كنفكر فدكشي ديال البارح و كنفكر فين مشا سيف .حتی بانت ليا طموبيلتو قدام الباب . حدرت راسي معرفت مندير مجيت نخطي خطوة وحدة حتی وقف حداية وهبط الزاج 

سيف؛ مناوياش تطلعي 

انا؛ حادرة راسي مكنشوفش فيه 

سيف؛ نههههی 

يلاه بغيت نهز راسي فيه .حتی وقف شي ولد معمري شفتو يمكن جاي علی قبل شي حاجة فالجامعة 

الولد ( ياك لاباس اختي كيتبسل عليك)

انا؛ شفت فيه كنتاكد كنتأسف علی ملامح وجهو اللي غيخسرو .مهضرت متكلمت 

الولد؛ شد ليا فدراعي ( ختي اجي نوصلك بلا ميبقاو يوقفو ليك .انتس مبايناش فيك ... )مجاش يكملها حتی ضرباتو شي يد حتی طاح 

تجمعو الناس .حتی واحد مقدر يفك الولد من يدين سيف .كلشي كيشووف ف الولد كياكل العصا وخايفين يوقفو فوجه سيف يجبدو عليهم طاقة جهنم .والا كاع قدرو يوقفوه دابة .غيندمو من بعد 

انا؛ كنغووت( باااركة بااااركة )

الودلد ولا كلو دماايات .وجهو قمو سنانو تهرسو.سيف ناض كيشووف فيا بنضرات جهنمية . وقف وقاد الكوستيم .وحرك عنقو وكيشوف فالناس اللي واقفين مصدومين .احتاقرهم بشوفاتو .ومشا وخلا الولد مليوح حتی عيطو الناس لاومبيلونص .وجرني انا من يدي ودفعني للطموبيل 

انا؛ كنبكي بالصوت .

سيف؛ ديمارا الطموبيل( سكتي سكتي سكتي )

انا؛ عاااد مزدت فيه .كنبغي نحبس البكية كتخرج شهقة مع بكية ( علاا اا ااش ) صوتي كيتقطع بالبكا 

سيف؛ بالغوات( حط يدو عليك .حطو يدو عليك .كيفاااش تجرأ يحطو يدو عليك .خاااص الدنيا كلها تعرفك انتي ديااالي .حتی حد معندو الحق يمسك من غيري .والا اااانا خااايف عيك ومكنمسكش .يجي واحد من الزنقة يحط يدو عليك )

انا؛ سيييف باااراكة .حنا معمرنا تكون بيناتنا شي حاجة .طريقنا مختالف

غير قلت ديك الهضرة .كسيرااا الطموبيل حتی بديت كنغوووت .بقااا كيمششششي بسرعة بزاااف .راسي كنحس بيه غيتقطع وضهري ضرني يديا كيرجفو 

وقفنا قدام الباب ديال الدار حل الباب ديالو بالجهد وخرجني وجرني من يدي ودخلني يجري وجارني وراه حتی دخل علی خالتي فالصالة .خالتي كانت يلاه كتحسن حالتها وقفات كتشوف فينا بجوج بعدم فهم 

خالتي ؛ وهي كدور عينيها مبيني وبين سيف وكتشوف فيديه اللي شادين فيا ووجهو المعصب 

خالتي؛ كتوجه كالمها لسيف( اش واقع )

سيف؛ كيهضر وهو معصب( كنبغيها)

خالتي؛ بقااات شحااال وهي حالة فمها فيه ومرة مرة كتدوز عينها ليا ( اش قلتي ؟)

سيف؛ بالغوات( كنبغيها وكنمووت عليها ومستاعد نحطها فرموشي العمر كلو )

انا؛ تصمكت و تزيزنت 

خالتي؛ جات حتال حداه سيف وهزات يدها عطاتها ليه للوجه حتی تسمعات التصرفيقة 

سيف؛ محركش وجهو .سرفقاتو ووجهو بقا فبلاصتو وعينيه مرمشوش 

خالتي جراتني منو ويدو مبغاتش تطلق مني .زير علی يدي حتی تحبس فيهم الدم 

خالتي؛ سييييييف 

سيف؛ وهو كيشوف فخالتي ( صافي صبري تقااادة .عيييت عيييت .علی قبل كلمة قلتها فصغري .ندمت حياتي كاملة ندمت حتی تحرقت .دمي كيغلي وانا حداها ومقادرش نقرب ليها . واااش نتسطا .هي ماشي ختي .معمري شفتها بحال ختي من نهار حطو رجليها لهاد الدار .من نهار شفتها قلبي ضرب ليها .. يتبع في الحل

خالتي؛ سكاااات .اش كتقووول 

سيف؛ وهو كيشوف فيا( كنبغييييك .كنبغييييك .كنبغيييييك .اش غندير باش تفهموها .ياخدها شي حد من غيري .نقتلكم كاااملين .مكينش اللي غيقرب ليها من غيري ) جا حداية وقرب وجهو ليا وشوفات خالتي تابعينو

سيف؛ هز يدي وحطها علی قلبو ( هدا كيدق بسميتك .كيدق ليك .لييك نتي بووحدك .هدا مكنتحكمش فيه .واش نموووت باش نتهنا .وليني انا اناني .بغيتك ومغنتخلاش عليك )

خالتي ؛ لاااااا 

طاحت للارض .مشيت كنجري وكنبكي وشديت فوجها ودموعي كيطيحو علی بشرتها 

انا؛ خااالتي خااالتي حرااام عليك خااالتي (بالبكا)

سيف؛ هزها بالزربة وداها للطموبيل .ومشينا نيشان للمشفی 

دخلوها الممرضات .وانا وسيف بقينا واقفين برا 

انا؛ وقفت قدام سيف( توقع ليها شي حاجة معمري غادي نسامحك .)

سيف عينيه كلهم ندم وحسرة علی خالتي .حدو قال جوج كلمات ( قلبي عيااا)

انا؛ بعدت من حداه وكنشير ليه بصبعي ( انت السبب)

مشا سيف من حداية وخلاني .خرج الطبيب .قالي رجعات نفس المشكل اخر مرة وخاصها متعصبش مرة خرا تقدر تجيها سكتة قلبية 

انا شديت فالحيط باش منطيحش .دخلت عند خالتي وانا كنبكي وبقيت دوك الايام كلهم كنمشي ونجي .مرة مرة كنشوف سيف ويخرج الا جيت انا وباينة فيه كيتعدب .واش حنت هو سباب الام ديالو ولا حنت رفضات

دازو ايام وخالتي رجعات للدار ورجعات معاها الممرضة اللي كانت و بدات كتهدن شوية .مبقيتش جبدت معاها الموضوع وحتی هي مبقاتش هضرات فيه 

سيف غبر غبرة وحدة .رجعت للجامعة كانو الامتحانات .دوزت شهر ديال الامتحانات وساليتهم صافي هادي اخر سنة يعني خاصني نكمل قیرايتي علی برا كيفما مخططة مع خالتي 

سيف شهر والزيادة معمرو بان ليا .انا عارفاه موصي الشيفور اللي مرافقني فين ما مشيت 

دازو ايامات العطلة و جاو النتائج الحمد لله خديت الاجازة وبميزة و كنخطط لحياتي من هنا للقدام

ليومة فقت باحساس غريب.بحالة غتوقع شي حاجة .هبطت نفطر وخالتي ولات كتجلس معانا الممرضة ديالها .اصلن انا معندي مشكل غير هاد الممرضة مكنتفاهمش معاها .كتصرف معاية فشكل . وخالتي كتصرف معاها مزيان .انا حاسة بيها كتمتل عليها .علاش الله اعلم 

جلسنا فالطبلة وحنا كنفطرو حتی دخل سيف .قلبي تحرك من بلاصتو .معرفتش باش نوصف داك الشعور اشتياق عتاب .معرفتش .فاش دخل الدنيا ولات زوينة عندي بحالة تزرعات فيا الروح من جديد .كانت حالتو حالة وخا هكاك محااافض علی وسااامتو .كان باااين فيه كيسهر .ديما كنت كنتسائل فين كيغبر.انا عارفاه عندو الفلللوس نيييت .وليني معمري تخيلتو يسكن فشي بلاصة من غير الدار هنا 

جلس سيف قريب ل ليلي وهي كتشوف فيه وكتضحك وخالتي كدلك .انا اللي كيف السطل بيناتهم .مفاهمة اش كيوقع حتی نطقات خالتي

خالتي؛وكتشوف فيا ( نهی قولي لسيف مبروك)

انا؛ مصدومة( علاش؟)

ليلي: نطقات .وهزات يدها وراتني خاتم ( تخطبنا) وكتضحك وتشوف فيا 

انا؛ شفت فسيف مفهمت وااالو .معرفت باش نجاااوب .مقدرتش نحبس دمووعي .سالو ليا قدامهم . شفت فسيف شفتو دار حركة بحالة بغا ينوض عندي وليني شاف فخالتي وجلس 

خالتي؛ مالكي نهی 

انا؛ نضت من تما ومشيت كنجري للدروج طلعت لبيتي 

بقيت وحد الشوية حتی تحل الباب 

انا؛ كنشوف وممتيقاش شكون دخل 

سيف؛ وهو كيسد الباب . وقف وبقا كيشوف فيا ويديه فجيابو 

انا؛ نضت عندو وكنبكي .ومعااارفاش علاش كنبكي 

سيف حيد يديه من جيابو وجرني ليه وعنقني عناق متملك خشا وجهي فصدروووو .استنشقت ريحتووو والدفا اللي كاين فصدرو وقلبو اللي كيضرب بالجهد .حسيت بانفاسو فعنقس وهو كيزير التعنيقة 

سيف؛ وهو كيتهند وهضر بهمس ( شحااال توحشتك )

شدني من كتافي وقابلني معاه كيتأمل في وجهي بطريقة حشماااتني .كيركز فتفاااصيل وجهي .هز شوية الشعر كان مطلوق علی وجهي .رضو ورا ودنيا 

سيف؛ وهو كيرض الشعر ورا ودنيها( هااكة زوين )

انا؛ كنشوف فيه ببراءة( خطبيتها) ورجعت وجهي للارض 

سيف؛ حيد يديه وتنهد ( الا قلت ليك نساء العالم تجمعو فيك .متقنعنيش وحدة من غيرك)

انا؛ وهزيت راسي فيه ( وعلاش خطبتيها .وعلاش رافضة خالتي ؟)

سيف؛ دور وجهو ليا بالزربة وهو كيشووف ففمي ( يعني نتي موافقة تكوني ديالي؟)وترسمو فوجهو علامات الامل والفرحة 

انا؛ بعدت عليه شوية ( لا لا ميمكنش .انا غير سولت حنت ..)

سيف؛ قطعني ( اش ندير باش تبغيني)

انا؛ مشيت جلست علی طرف ناموسيتي و حدرت راسي وكنورك علی صباعي ( مكين ميدار)

يتبع