(فمنزل خارج لمدينة كيبان عليه القدم من الواجهة الأمامية ديالو ..كتواجد بنت جالسة عند المدفئة كدفي راسها ببقايا لخشب لي جمعت من يومين ...كانت بنت فلعشرينات من عمرها شعرها زعر وعوينات خضر مراقبة المدفئة بعينيها ومكمشة فمانطا خفيفة....كتعاود نفس الجملة ..غادي ننتاقم منكم...غادي ننتاقم منكم)
***************
علي:احم...من يومين شفتك كتبكي قدام الشركة ..فاش سولت قالو ليا بلي كنتي مشاركة فمسابقة ديال الازياء ومدخلتيش على اللجنة
ماما:كون تشوف الظلم لي حسينا بيه اولدي..بنتي ظلموها مخلوهاش حتى تدخل على اللجنة
جواهر:ماما عافاك سكتي خليينا نشوفو سيد شبغا(درت عندو)عافاك شرح ليا شنو سبب زيارة ديالك
علي:انا جايب ليك واحد العرض
جواهر:أما هو؟؟
علي:غادي تكوني العارضة الرئيسية ديال شركة سيمارا فمختلف العروض العالمية
ماما:(حلات عينيها على جهدهم).كن. كتهضر بصح
علي:(،تبسم)وي كنهضر بالصح.ولكين...خاصك اجواهر توافقي على واحد الخدمة
جواهر:اينا خدمة
علي؛كاين واحد شخص عاجبو راسو شوية بغيتك طيحيه على زنافرو
جواهر:(كتشوف فماماها كلها مفاهمة والو)مفهمتش شنو كتقصد؟؟
علي:كلامي واضح غادي تلعبي على واحد خينا وطيحيه على راسو وانا نواعدك الى وافقتي على كلامي غادي ندخلك لعالم المشاهير...(جبد كارت فيزيت)هنا غادي تلقاي رقمي فكري وردي عليا غدا نبغي نسمع جوابك(هز تيلي ديالو وخرج)
جواهر:(بقيت كنشوف فماما وماما كتشوف فيا ..حتى نفاجرت بالضحك ) ههههه سمعتي شنو قال ههههه زوينة هادي بقاليا غير نضحك على عباد الله(هزيت صاكي ودخلت لبيتي اما ماما غير ساكتة وكتشوف فكارت فيزيت لي خلا.....سكوتها معاجبنيش )
جواهر..(فقت هاد الصباح كنتكسل ففراشي ..حليت عينيا ولقيت ماما جالسة عند طرف الناموسية )بسم الله الرحمان الرحيم..ماما مالكي؟؟
ماما:نوضي بغيت نهضر معاك
جواهر:ياك لاباس
ماما؛والو باس يلاه نوضي كنتسناك فصالة
جواهر:واخا هاني جاية(غسلت وجهي وسنيناتي ومشين لعتد ماما لي كتبان ليا ماشي على طبيعتها)شنو واقع ماما ياك لاباس
ماما:ا...والو باس والو باس..غير سي علي من هنا نصف ساعة غادي يجي
جواهر:م..مفهمتش؟؟علاش شنو بغا!!
ماما:اليوم هضرت معاه وقلت ليه بلي موافقة على شرط لي عطاك
ماما:واش عاجبك الحياة لي عايشاها مزال ممليتي من هاد التكرفيس وتمارا...مول الحانوت كيسال مول الخضار كيسال....تكرفيس ليل نهار ..هئ هئ مبغياش تخرجي من هاد الويل باغي تموتي هنا هئ هئ
جواهر:انا قادرة نوقف على رجليا وزايدون كنت هاد السيمانة غادي نقلب على خدمة تعاونا
ماما؛ههه بغيتي تقلبي على خدمة...شنو غادي تخدمي كاع...تخدمي على عباد الله..ضلي واقفة على رجليك نهار كلو وفلاخر يرمو ليك جوج دراهم
جواهر.....(لارد)
ماما:حبيبة شوفي فيا...انا بغيتيك تكوني لفوق..بغيتك تنقدي راسك من هنا ....شوفي حالتنا ...شوفي حوايجك شوفي فراشك شوفي دار لي ساكنة فيها... علاش نقبلو على عيشة بحال هادي وحنا قادرين نعيشو احسن عيشة بنتي..سمعي كلامي وخلينا نخرجو من هاد الجحيم الفرصة كتجي مرة وحدة اما تشديها بيديك ورجليك اولا تفوتيها وتندمي عليها من بعد
جواهر...(غير كنشوف وساهية فهضرت ماما.... مفيقني من سهوتي غير صوت شي حد كيدق)
(فمستودع كبير وباينة عليه القدم ...كيتواجد شحص مضروب فيدو وكيصرخ باعلى صوتو من شدة الالم ظايرين بيه سلاسل من الحديد وشي رجال كيتفنو فضربو حتى جاهم واحد من الكارد لي كانو برا...
_،صافي براكا ...لبووس جا
(رجعو لور وكلها حنا راسو ...كيتسمع غير صوت خطواتو الرجولية كيتقدم بكل تفاخر ريحة سيجارتو المطبوعة عليها اول حروف من سميتو كتشميها من مسافة بعيدة...لابس سروال اسود وتيشورت بلو لاصق على صدرو كتحسب من تحتو عضلات بطنو البارزة داير نضاضر وحاط كاسكيطة فوق راسو)
الشخص:حتى دابا موقع والو هوما هدوك اما انا غادي نكمل شي لي بداوه
....:هئ هئ لا لا عافاك عافاك هئ هئ
الشخص:(مد يدو لكارد لي حداه حطلو مسدس فيدو وتيرا عليه لراس جابو طايح)غادي تصيفطو راسو لجماعة لقوادة ..وغدا تكون سلعة فلبرازيل منبغيش نعاود كلامي والى غادي نتبعكم ليه (توجهت لسياراتو الرياضية لي كانت من نوع مكلارين الفضية وخلا وراها صوتها يتسمع من بعيد)
***********
ماما:مرحبا بسي علي
علي:شكرا(توجه لصالة لقا جواهر جالسة ساهية)سلام
جواهر:(طلعات فيه عويناتها لخضر لي كانو كافيين يسحروه ويخلوه ساهي فيها)اهلا(ناضت من بلاصتها ومدات ليه يدها)
جواهر ر:اوكي (شديت نفس وركزت مع كل كلمة كتخرج مع فمو)
علي؛كيف مقلت ليك المرة لي فاتت ...الشخص لي غادي لعبو معاه شوية متكبر وعاجبو راسو كيشوف دايما الفوق عمرو شاف فالناس لي اقل منو مستوى وحنا غادي نلعبو على هاد الاساس
جواهر:بمعنى؟؟
علي:بمعنى غادي نحطك فطريقو على أساس انك من الطبقة ديالو ..طيحيه فشباكك الوقت لي غادي يطيح فيك غادي يطلب منك الزواج حيت هاد الشخص معندوش مع زيكزاك..الوقت لي غادي يطلب منك الزواج غادي نفرقعو الرمانة ونخليه ياخذ درس فحياتو(كيهضر بكل مكر)
جواهر:ايوة بحلاش غادي نقنعو بلي انا من الطبقة ديالو وانا عايشة هنا؟؟؟
علي:انا كلشي درتليه حساب ..كاينة واحد الفييلا قريبة من القصر لي كيعيش فيه غادي تكون ليك(ماما فتحات عينيها ممصدقاش) ا..وغادي يكون عندك شيفور خاص بيك..و حواز السفر ديالك غادي يكون واجد هاد السيمانة
ماما:هههه سي علي كتهضر بصح
علي:هه وي كنهضر بصح.ولكين..العقد ديال انك تكوني العارضة الرئيسية لشركة ديالنا غادي يكون بشكل صوري يعني غادي نخليه يوقع عليه ويوافق تكوني العارضة الرئيسية كملتي مهمتك وطيحتيه غادي تكوني عارضة بشكل رسمي عندنا وقع لعكس غادي نفسخ لعقد
ماما:وافيلا ولوطو غادي تشدهم الى مكملاتش المهمة؟؟
علي:لا غادي يبقاو ليك
جواهر:(تنهدت)يكون خير...ولكين هاد الشخص بحلاش غادي تخرجني فطريقو؟؟
علي:كلشي بوقتو مزيان دابا غادي تجمعو حوايجكم من هنا لساعة غادي يجيكم الشيفور وغادي تمشو لفييلا ومن بعد غادي نبداو(ناض من بلاصتو)
علي:نخليكم دابا
ماما:سير اولدي الله يوفقك ويسر ليك مصعاب ..سير بغيتلك الرضى الله يفرحك بحال مفرحتنا..
جواهر:(بديت نجرها)ماما براكا فضحتينا(كنهضر من تحت سناني)
علي:(جا يمشي رجع...)الدين لي عليكم غادي يتكفل بيه الشيفور
ماما:(بغات تسخف بالفرحة)الله ينور طريقك الله يبعد عليك ولاد لحرام..الله....
جواهر:(جلست فوق صوفا لي حدايا وشديت راسي بيديا حاسة بقلبي غادي يخرج من بلاصتو)
يسرا؛ماما صباح الخير
مجدولين؛صباح النور
يسرا:(كتفطر )مم فيا جوع
مجدولين:يسرا ليالي مزال مجات من المانيا؟؟
يسرا:مزال اماما...قالتي غادي تجي مع العرض الافتتاحي ديالنا
يسرا:ههه(شدات بيدها)داكشي لي غادي يوقع اماما يلاه انا مشيت عندنا بزاااف ديال الخدمة
مجدولين:يلاه احبيبة شوفي شغلك
***********************
جواهر:(جمعنا حوايجنا وانا كل تفكيري فشي لي غادي ندير جمعنا حوايجنا وجانا شيفور حطيت راسي على زاج لوطو وبقيت سارحة كنفكر...بعد ربع ساعة ديال الطريق وصلنا لطرف الاخر ديال المدينة الطرف لي كيحلم يعيش فيه بزااف ديال الناس...بدات تبان ليا بنايات الشركات العملاقة ..تلفت لماما لقيتها فاتحة عينيها على جهدهم كتشوف بلهفة ...واخيرا وقفات بينا لوطو. نزلنا وبديت ندورو عينيا كيبان ليا صور طويل خارج منو الشجر والورد المزروع على طول الصور...جا سيكيريتي يجري حل لينا الباب الحديدي للفيلا توجهنا للفيلا والشيفور تابعنا بلفاليز...مع دخلا كنحس بماما شهقت باعلى صوتها ..
جواهر:(جربتها توجهنا لبابىالرئيسي للفيلا لي كانت اقل مايقال عنها رائعة....فتحات لينا الخدامة الباب الامامي لي كان من الزاج المنقوش..مع الدخلة كتشوف تريا كبيرة نازلة دايرين بيها دروج من ليمين وشمال فاش كتدخل كتلقا صالة مطلة على الجردة الامامية للفيلا مقابلة معاها صالة اخرى كطل على المسبح ....بدينا ندورو فهاد الجنة لي اول مرة كنشوفوها على المباشر طلعنا للطابق العلوي لي كان كيضم غرف نوم اخترت غرفة مطلية بلون الأبيض الملكي ومطلة على الجردة الامامية للفيلا ...كانت كضم غرفة ديال دريسينغ وحمام...رتبت حوايجي ودخلت للدوش نكمد عضيماتي ونطلق العنان لافكاري)
علي:(وقفت لوطو ديالو قدام الشركة..نزل بكل تفاخر مطلع راسو لفوق وراسم بسمة على وجهو توجه لغرفة فهد وجلس يستناه داير رجل فوق رجل وحاط يديه ورا راسو والبسمة مكتفارقش وجهو...واخيرا دخل فهد ريحة بارفانو كتشمها من مسافة بعيدة....بحال الى كتعطي اشارة على وصولو...)
علي:مرحبا اشاف ههه
فهد:ههه أهلا...
علي:(كيشوف ففهد ويتبسم)
فهد:خير انشاء الله....مالك كتبسم؟؟
علي:والو ...اولا تقدر تقول حاسة بحاجة زوينة غادي توقع فلعرض الافتتاحي
فهد:شنو كتقصد؟؟
علي:والو...مكنقصد والو..احساس
فهد:(كيدوز يدو على لحيتو وكيشوف فعلي لي حاسة بيه كيخطط لشي حاجة)
•*************
جواهر:(بعدما شديت دوش ونعست شوية نزلت نعمر لكريشة...لقيت ماما جالسة على الطابلة الطويلة وحالة فمها من الخير لي قدامها...جريت كرسي وجلست...ؤظ)
جواهر:اووف كولي كولي اماما(بدينا كنتغداو ..حتى سمعت صوت ميساج جاني.كان من علي كيقولي فيه بلي غادي يجي لعندنا...كملت غدايا بزربة وتوجهت لغرفتي غسلت سنيناتي وبدلت حوايجي ونزلت لصالة تحت كنتسنى سي علي)
ماما؛بنتي جواهر..كاع معرفنا شكون هادا لي غادي نلعبو عليه:
جواهر:عندك الصح اماما كاع مسولت علي
علي:(دخل عليهم على غفلة)على شنو غادي تسوليني!!
جواهر:(وقفت من بلاصتي)مرحبا سي علي
علي؛اهلا....على شنو كنتو كتهضرو قبل منجي؟:
جواهر:والو...ماشي حاجة مهمة
ماما:لا اسي علي..كنت كنقول لبنتي جواهر شكون هاد السيد لي غادي نلعبو عليه؟؟
علي:فهد الاسماعيلي
جواهر:(فتحت عينيا على جهدهم..ميمكنش )سم...سمحلي مسيو علي ولكين غادي نلعبو على فهد الاسماعيلي المعروف بهاديك التخنزيرة لي كلشي كيترعد منو...انا..انا منقدرش(قرصتني ماما)
ماما؛(كتهضر بشوية)سكتي بغيتليك لقوة ..بغيتي تكسري حلمنا لي يلاه بديناه
علي:ههه حتى نتي كتخافي منو هههه؟؟
جواهر؛شي لي كنسمعو عليه ماشي قليل!!
علي:ولكين مخصناش نصدقو اي حاجة كتقال عليه!!
جواهر:وعلاش نتا باغي تلعب عليه...ياك هداك خوك؟؟
علي:موضوعي مع فهد مختالف واصلا هاديك حاجة تعنيني معندكش الحق تسولي عليها..
جواهر؛(سكت وحدرا راسي)
علي:دابا غادي تكملي اولا غادي تنساحبي ...من هنا كنعطيك الاختيار بعد معرفتي الشخص لي غادي نلعبو بيه..نبغي نسمع قرارك النهائي حيت مغاديش نعاود نعطيك الاختيار مرة اخرى
جواهر:(طلعت وجهي فيه وماما كتوشوش فودني ...حاسة برأسي كنرميه لجهنم...حيت الشخص لي كدور عليه اللعبة ماشي ساهي...هادا راه فهد الإسماعيلي المعروف عليه الصرامة والغضب السريع وزيد عليه عدم الرحمة والنفخة من الفوق تي والله ويعرف بشي لي غادي نديروه والله ميخلي فينا عضم صحيح)
علي:شنو قلتي:؟
جواهر:احم...مع.معرفتش(جراتني ماما)
ماما:سمح لينا واحد دقيقة(جراتني لجهة اخرى)واش نتي حمقة ..باغيا ترجعينا للويل من جديد غادي توافقي على كلامو
جواهر:ولكين اماما راه الشخص لي غادي نلعبو عليه ماشي ساهل يقدر يقتلنا بدم بارد
ماما:الى كان بحال مكتقولي ..غادي يبدا بخوه هو لول.علاش خوه تجرأ ولعب من وراه؟؟؟
جواهر:(كلامها صحيح الحقيقة خلاتني نتراجع على قراري لي كان غادي يكون الانسحاب)
جواهر:اوكي(بعد مقطعت الإتصال مع علي ...بقيت ماشية جايا على طول غرفتي كنعض فضفاري وكنتخيل الشي لي غادي يوقع من بعد ميشوفني.فهد...خطة علي كانت اني نتوجه لصالة العرض الخاصة بالعارضات غادي نلقا تما اشخاص غادي يوجدوني باش نكون العارضة الرئيسية للعرض اما العارضة الرئيسية لي كان من المفروض تكون هي بلاصتي غادي يغبرها علي فاخر لحضات وغادي ندخل انا بلاصتها ...وشنو غادي يوقع من بعد معرفتش....
ماما:جواهر يلاه شيفور كيتسنى
جواهر:اوكي هانا نازلة جريت صاكي ورميت فيه تيلي ديالي وتوجهت نحو المجهول)
جواهر؛(حطيت يدي على قلبي لي حاسة بيه غادي يخرج ماما حدايا كتحاول تهديني وترفع من معنوياتي...واخيرا وصلنا ولكين مدخلاناش من الباب الرئيسي دانا شيفور لباب الخلفي تما لقينا علي كيتسنانا..).
علي:جواهر عارفة شنو غادي ديري ؟؟
جواهر:وي سي علي انشاء الله متوقع حاجة عكسية
علي؛مغادي يوقع والو دابا غادي تمشي مع سارا(واحد البنت كانت واقفة معاه)غادي تديك لواحد الغرفة معزولة غادي توجدك الوقت لي غادي تخرجي فيه غادي نعلمك
جواهر:اوووف اوكي(كنحس بالنفس بسيف كتخرج)
علي:اوكي يلاه..لالة حليمة(ماما)هادا كارت باش دخلي وتفرجي فلعرض مع الحضور
ماما؛واخا اسي علي
علي؛يلاه سيرو دابا قبل ميشوفكم شي حد
جواهر(مشيت مع سارا وماما معايا دخلتنا لواحد الغرفة معزولة وبدات توجدني بدات كتماكي ليا وانا سارحة فخيالي كنخمم غير فهاد ليلة...... كلشي غادي يتبدل فحياتي ...يمكن غادي تتغير للأحسن ويمكن للاسوء حسيت بشي حد كيعيط بسميتي...
سارا:جواهر جواهر...
جواهر:(تلفت لعندها )
سارا:هادي هي لكسوة لي غادي تلبسي فاش يخرجو كاع العارضات ويدخلو غادي يجي دورك غادي تخرجي بوحدك البسمة متفارقش وجهك وراسك يكون لفوق ...من بعد غادي توقفي فبلاصتك مباشرة مع لكاميرات لي غادي يشدو ليك الصور من بعد توقفي عند ب....
جواهر؛(قاطعتها)اووف صافي باراكا كلشي عارفاه اختي بلا متزيدي توتريني
سارا:اوكي مدامي سمحيلي
ماما:كلشي غادي بدوز مزيان احبيبة متخافيش
جواهر؛(بعد ملبست لكسيوة لي كانت قصيرة وبقصة عصرية شفت راسي فلمرايا وشديت نفس ..جريت كرسي وتقابلة مع واحد التلفازة كانت فلغرفة ...كانت ناقلة العرض على المباشر....بداو الشخصيات يدخلو لقاعة العرض والكاميرات متبعينهم..شخصيات من كل مجال رياضيين ممثلات عارضات مصميمين مغنين وطبعا اغنياء البلد....هادشي موالفة كنشوفو غير فتلفازة بقيت سارحة فلحضور والحوارات والأسئلة لي كانو كيتلقاوها من طرف الصحفيين ...حتى ركزت الكاميرات بشكل كلي على شخص داخل بكل هيبة لابس لكلاس وهاز راسو بحال ديما جامعة هاديك تغوبيشة لي مكتفارقوش وكيحي الضيوف غير براسو من بعيد...توجهات عندو الكاميرات وصحفيين كيرمو ليه الاسئلة وهو كيجاوب بمنتهى البرود اكيد عرفتو شكون...كان فهد لي غير شفتو حسيت بمصارني كيشطحو من الخلعة.... جات واحد خيتي زعرة فايتة شايفاها جراتو من دراعو...
_سمحوليا غادي نسرقو منكم العرض غادي يبدا تفضلو
جواهر:(حسيت بقلبي كيضرب خصوصا ملي شفت الاضواء فلمنصة ولفلاش كيضرب والعارضات بداو يدخلو نضت من على الكرسي لي كنت جالسة فوقو وحطيت يدي على قلبي كنحاول نهدي نفسي ونبعد عليا التوتر ...وانا فهاديك الحالة حتى سمعت....
سارا:جواهر مسيو علي قالك تخرجي مبقا والو على العرض ديالك
جواهر:(جغمت شوية ديال الماء وشديت نفس ..حليت الباب وتوجهت لمكان العرض)
علي؛(جالس مع الحضور ومرة مرة كيشوف فخوه وكيتسنى ردة فعلو ملي يعرف بلي العارضة الرئيسية تبدلات ....)
مجدولين:ولدي علي؟؟
علي:(تلفت لعندها)
مجدولين:علاقتك مع فهد هاد لايام معحابتيش كتبانو ليا ماشي تلهيه
جواهر؛(بقيت كنشد نفس ونطلقو الخوف لاعب عليا مبقا والو وندخل بنت وحدة لي قدامي دخلات لبنت بديت مغمضة عينيا وكنحاول نكالمي راسي..واخيرا جا دوري طفات الاضواء ودخلت..... بدات الاضواء كتطلق اشعتها لخفيفة وانا كل تركيزي خليتو مع لفلاش لي كيضرب فعينيا عزلت تفسي على العالم المحيط بيا خليت ودنيا يسمعو غير صوت لكعب العالي ديالي كلما قربت من الصحفيين كلما زاد الضوء .....واخيرا وصلت لنهاية الممر وتششعلو الاضواء حطيت يديا على خصري وتبسمت بداو العارضات يدخلو وانا مزال واقفة فبلاصتي على نفس الوضعية....حتى لمحتو عيني واقف من على كرسيه حاط يديه فجيبو وكيخنزر فيا مخرج فيا عينيه ...وكيشوف فيا بنضرات لاتبشر بالخير حسيت بقلبي غادي يطيح قلبت الدورة ورجعت مع العارضات تحت تصفيق الحضور خرجو المصميمين وبدينا كنشدو معاهم صور جماعية...رجعت شفت فجهة لي كان فيها ملقيتوش ....غير دخلنا عن الحضور هزيت طالون فيديا وعطيت رجليا لريح توجهت نيشان للغرفة لي كنت فيها وانا كلي كنترعد)
الساحرة و عالم المشاهير الجزء الثاني
محتوى القصة
التنقل بين الأجزاء