فهد:(جالس فغرفة كيشد النفس ويردو بسيف)اووف تكالما تكالما افهد تكالما ....اووف اوووف(كيمشي ويجي على طول الغرفة كيحاول يكالمي راسو مسح وجهو بيديه وجلس على كرسي حاط يدو تحت حنكو ويد اخرى كتلعب بطابلة لي قدامو مركز قدامو ومرة مرة كيغمض عينيه ويفتحهم ..واخيرا تحل الباب وجا الشخص لي كيتسناه)
*****************************
جواهر:(مشيت نجري للغرفة لي كنت فيها سديت لباب وبديت نشد نفس ونردو جغمت شوية ديال الماء وجمعت شعري كعكة مهملة حيدت لكسيوة لي كنت لابسة ولبست حوايجي لي كنت لابسة قبل...غير تحل الباب نقز قلبي معاه)
ماما؛اويلي بسم الله عليك ابنتي مالكي
جواهر:اووف والو والو اماما يلاه خلينا نمشو من هنا
علي:(حل لباب غلى غفلة)فين غادي تمشو؟؟
جواهر:ا...العرض سالا قلت نمشي نرتاح شوية
علي:اممم ماشي دابا
حواهر:وعلاش؟؟
علي؛حيت يلاه بدينا اللعب
جواهر:ولكين....(قاطعهم شي حد كيدق)
علي:دخل
البنت:مسيو علي مسيو فهد كيطلبك تجي لعندو نتا ولانسة جواهر
علي:(تبسم)اوكي
جواهر:ا..انا..انا منقدرش نمشي غير سير انت اسي علي
علي:(خنزر فيها حتى حدرت راسها)كتنسناك برا(خرج وخلاها مجمدة فبلاصتها)
ماما:سيري ابنتي معندكش مناش تخافي ملي سي علي معاك
جواهر:امري لله(خرجت مع علي وقلبي كيشطح بلخلعة شنو غادي تكون ردة فعلو؟؟..يمكن مكانش عليا نغامر براسي وندخل نفسي لهاد لحريرة كلها...شنو درتي يجواهر هادا راه فهد الإسماعيلي لي سمعتو سابقاه..فحديثي الداخلي مع نفسي نقزني صوت علي كيهضر)
علي:جواهر جواهر..
جواهر:...ا شنو..شنو كنت كتقول اسي علي
علي:قلت ليك متهضريش ملي ندخلو لعند فهد انا لي غادي نهضر اوكي
جواهر:واخا اسي علي(مشيت مع علي وانا رجل لور ورجل لقدام كنحسب الخطوات من كترة الخلعة واخيرا وقفتا قدام واحد الباب فتح علي ودخل ....تبعتو بخطوات متثاقلة وكل فكري فشي لي غادي يوقع)
(فلاش باك قبل لحضات)
فهد:(فغرفتو كيمشي ويجي والغضب باين على وجهو )
مساعدة ديالو:مسيو فهد
فهد:قولي شكاين ؟؟شكون هاديك البنت؟؟وفين هي العارضة الرئيسية؟
المساعدة:مسيو فهد العارضة الرئيسية طلب منها مسيو علي متطلعش وجاب فبلاصتها جواهر
فهد:شكون هاد جواهر ؟؟؟؟(كيهضر بكل عصبية)
المساعدة:العارضة لي جابها مسيو علي
فهد:طلبي منهم يجو لعندي بجوج حالا...
مساعدة:واخا امسيو
(الاحداث حاليا)
علي:(حل الباب ودخل وجواهر وراه)
فهد:اووووه مرحبا تفضلو
علي:قالو ليا بلي طلبتيني:؟
فهد:(ناض من على كرسيه خنزر فجواهر)كتعرف شنو اكره حاجة عندي اخويا لعزيز...
علي:(كيشوف فيه)
فهد:انو يحطني شي حد امام الامر الواقع وماشي غير هكا يلعب من ورايا
جواهر:(طلعت وجهي فيه وصرطت ريقي)
علي:انا ملعبتش عليك ولكين نتوما لي كتخلوني نتصرف هاكا...الرأي ديالي ماشي مهم عندكم ومكتخلوش ليا الفرصة نوضح شي لي بغيت
فهد؛(شاف فجواهر)من اليوم منشوفش كمارتك هنا(كيهددها بصبعو).
جواهر(حسيت براسي غادي نطلقها فاي لحضة)
علي:جواهر غادي تبقا هي العارضة الرئيسية ديالنا
فهد:(كيهدي نفسو)علي خليني شاد راسي ومكالمي نفسي حسن
علي:اخر كلام قلتو جواهر غادي تكون العارضة ديال الشركة ديالنا ونتا والاعضاء غادي توقعو على هاد العقد
فهد:علييبييي...متزيدش تعصبني حسن ليك(شاف فحواهر)نتي شنو مزال كديري هنا خرجي قو**عليا من هنا
جواهر:(غير صوتو لي كيزعزع طيح فيا النص حدرت راسي وجيت نخرج حسيت بشي حد شد دراعي درت.. كان علي)
علي:يمكن مسمعتش شنو قلت اخويا
فهد:(شاف فينا وجمع هايدك الغوباشة التي لاتبشر بالخير شاف فعلي وعطاه بونيةةلوجهو حتى طاح).
حواهر(انا غير شفت هداك المنضر حسيت بالموت...نزل فهد لعند علي وبقا كيهدو وكيغوت عليه ..وعلي مصر على قرارو وكيغوت حتى هو فضل هاد المعركة والمشادات الكلامية بين هاد الجوج دخلات واحد البنت ومعاها واحد لمراة كبيرة مشاو يجرو لعندهم وبداو يفكوهوم...انا بقيت غير حالة فمي وكنشوف ولخلعة كتزعزعني)
مجدولين:فهد علي شنو كديرو...فهد(جراتو من فوق علي)
يسرا:نتوما مالكم شنو واقع؟؟
فهد:مواقع والو ...(كيقاد لقميجة ديالو)
مجدولين:(انتابهات لوجود جواهر)شنو كديري نتي هنا؟؟
جواهر:سم. سمحولي انا غادية..(جات تمشي سمعت صوت فهد )
فهد:ايييييه ...
جواهر:(تلفت لعندو كننتاضر شنو غادي يقول)
فهد:(جامع غوباشتو)منشوفش كمارتك هنا مرة اخرى
جواهر:(حدرت راسي وخرجت)
علي:ههه اوكي...يعني مزال مصر على قرارك؟؟
فهد:مغاديش نعاود نهضر فهاد الموضوع
مجدولين:اشنو واقع هنا شي حد يفهمني؟؟
فهد:واخا الواليدة غادي نفهمك شنو دار ولدك طايش
يسرا::(غير كتشوف وساكتة)
فهد:(كيهضر بكل عصبية)ولدك المصون دار لي كيقول ليه راسو وممعتبرناش بلي كاينين اصلا....ضرد العارضة الرئيسية لي كنا خترناها فلاجتماع وجاب وحدة من عندو
يسرا:اهاااه حتى انا ستغربت ملي شفت هاديك البنت بلاصة ياسمين
علي:(كيهضر بكل بروود)مندمتش على اي حاجة درتها وغادي تسمعو هضرتي مزيان...من اليوم جواهر غادي تخدم معانا والى مسحو سميتي من شركة سيمارا(زدح الباب وخرج).
مجدولين؛ولدي فهد..هئ هئ تصرف هئ هئ شوف شنو دير علي ماشي بوعيو هئ هئ
يسرا؛صافي اماما تهدني يلاه نخرجو يضربنا البرد
فهد:(بقا شاد راسو بين ايديه وهاديك التغوبيشة مرسومة بوضوح على معالم وجهو)
جواهر:(نزلت لعند باب الشركة حانية راسي مزال مصدومة من الشي لي وقع هادا غير خلاف بسيط وسيد تحول لوحش يعلم الله الى وهمتو بالحب شنو غادي يدير فيا..ويلي ياربي فين رميت راسي..هزيت راسي كيبانو ليا الصحفيين مستفين قدام الشركة كيضربو الصور للعارضات لي كيخرجو جبدت نضاضري ونزلت شعري على وجهي شوية وتوجهت للوطو لي كانت فيها ماما كتسناني بديت كنزرب فلمشية ولفلاش كضرب فعيينا توجهت للوطو حل ليا الشيفور الباب وركبت ..)اووف
جواهر:(شفت فيها وحطيت راسي على زاج لوطو غمضت عينيا ومبقيتش فتحتهم حتى وصلنا لفيلا..دخلنا لفيلا وانا غير ساكتة)
ماما:بنتي جواهر مالكي ؟؟ياك مواقعة شي حاجة!!
جواهر:لا والو اماما فير عيانة انا نطلع لبيتي نرتاح(توجهت لغرفتي دوشت دوش سريع ولبست بنوار خفيف تحت كسيوة ديال نعاس حطيت راسي على المخدة وغمضت عينيا كنحاول نرتاح ونخرج الافكار من راسي لي غادي يتفاجر)
***************
فهد:(هاز تيلي ديالو)هضر شنو كاين؟:
شخص:سلعة وصلت فيينا
فهد:مزيان عينيكم على هاد الزا••الى شفتوه متعقلوش على مو
شخص:واخا امسيو
فهد:(حط تيلي وشعل تلفازة الموجودة فمكتب مقدرش يمشي للقصر خصوصا بعد المشكل لي وقع مع خوه ...فوسط سرحانو فتلفازة زاد صوت على جهدو وعقد هاديك الغوباشة من جديد)
***********
ماما:جواهر..واجواهر...جواهر
جواهر:(كنفتح عينيا بشوبة)اووف شنو اماما..
ماما:نوضي نوضي شوفي شنو دايرين فتلفازة
جواهر:ماما..عافاك طفي عليا هاداك لويل خليني ننعس(كنهضر وسادة عينيا من قوة التعب)
ماما:وتي نوضي راه كيهضرو عليك
جواهر:(قفزت من بلاصتي)(جريت من يديها روموت ديال التلفازة لي موجودة فغرفتي وزدت الصوت).
المذيعة:كيف مشفتو مشاهدينا فروبرتاج ..الجمال والانوثة الطاغية لعارضات شركة سيمارا الفائزات مؤخرا فلمسابقة لي نضماتها الشركة المذكورة لكين لي لفت انتباهنا اكثر ولفت حتى انتباهكم انتم مشاهيدينا هي العارضة الرئيسية للعرض المدعوة باسم جواهر..جمال هاد العارضة خلى العديد منا يسميها بفاتنة العرض او ساحرة العرض..وهادشي فعلا مااكده لنا احد مدراء شركة سيمارا مسيو علي حيت اكد بلي الساحرة جواهر هي العارضة الرسمية لشركة سيمارا...الشئ لي غادي يفتح امامها بيبان الشهرة الوطنية ةويمكن حتى العالمية....نخلوكم مع هادالفاصل ونرجعو من جديد....
جواهر:(بقيت ساهية فكلام المذيعة حتى سمعت زغاريت كانت ماما)اووف ماما شنو كديري
ماما:بسم الله الرحمان الرحيم عليك من كل حاسد ....سمعتي شنو قالو عليك ابنتي هه
جواهر:(تبسمت)سمعت
ماما:الله يحفضك ليا من العين (باست راسي)يلاه نزلي تاكلي شي حاجة من صباح مدقتي والو
جواهر:(اصبحنا واصبح الملك لله)(فقت هاد الصباح كنتكسل ففراشي عملت دوش درت ميك اب خفيف ولبست حوايجي ونزلت نفطر مع ماما)صباح الخير
ماما:صباح الورد ولعسل والياسمين صباح كل حاجة زوينة فهاد الدنيا هه
جواهر:اوووه كيطرا وجرا حتى وليتي كتهضري هكا
ماما:الفرحة احبيبة لي دخلات لقلبي وكنتي نتي مولاتها
جواهر:هههه الله يجعلك ديما ناشطة...(نضت من بلاصتي)
ماما:فين غادية كملي فطورك؟؟
جواهر:غادي نمشي لافاك اماما عيقت على قرايتي
ماما:واخا احبيبة الله ينور طريقك
جواهر:اه ماما قولي ليهم يوجدو شي غرفة على حساب مريم غادي نخطفها من عند ماماها شي سيمانة
ماما:هههه واخا احبيبة
جواهر:(توجهت لافاك وسونيت على مريم ودرت معاها نتلاقاو فجردة ديال لافاك حطني شيفور قدام باب لافاك دخلت رافعة راسي لاول مرة كنحس بدنيا كضحك ليا ..دخلت امام انضار الطلاب لي كنت كنشوف فنضراتهم الاستغراب والتعجب وحتى نضرات الإعجاب لي كانت كترمى ليا من عندهم...توجهت للجريدة لقيت لبقرة جالسة كتاكل الزريعة..تخبيت ورا الشجرة لي كانت حاطة عليها ضهرها وتسللت بشوية لعند ودنها وغوت حتى تهزات من بلاصتها)هععععع ويلي على شوهة ممعروفش عليك الخوف الشعيبية ههه
مريم:يعطيك مصيبة خلعتيني
جواهر:ههه اري شي عنيقة(عنقتها ومشينا لاونفي)
مريم:طلعتي بوكوسة فلعرض القحبة
جواهر:ينعل طواسك الكلبة سقمي فمك راه كتهضري مع عارضة أزياء احم احم
مريم:اووووه يمي على الديكورات(كدوز ايدها على كل قنت فلفيلا)
جواهر:يلاه يلاه نوريك بيتك(طلعتعا لبيتها وخليتها دوش ونزلت لعند ماما لي كانت كتعطي اومرها للخدم باش يوجدو لغدا)سلام
ماما:مرحبا ابنتي مريم لفوق؟؟
جواهر:اه خليتها كدوش.شنو دايرين لغدا..(بقيت مع ماما فلكوزينة حتى سمعت صوت ميساج من عند علي
«خرجي راني برا»
جواهر:ماما انا خارجة شوية ونجي(خرجت لعند علي لي كان كيتسناني فلوطو..ركبت وشفت فيه)سي علي ياك لا باس؟؟
علي:شي لي وقع ليك اليوم كان لصالحنا
جواهر:مفهمتش؟؟
علي:هضرات معايا الواليدة اليوم فهد ولاعضاء وقعو على عقد العمل وقبل ليك انك تخدمي معانا
جواهر:ميمكنش؟؟بغيتك تشوف الطريقة لي هضر معايا بيها
علي:هو اكيد طبعا غادي يحاول يخرجك من تما باي طريقة باش يبين بلي انا غالط ملي جبتك ..وليكن نتي غادي تبيني العكس وفتفس الوقت توصلي للمبتغا لي كنضربو عليه شحال هادي
جواهر:(حدرت راسي وسكت قلب ممرتاحش ولكين مبقاش الوقت باش نتراجع).
علي:غدا غادي تمشي للشركة غادي تستالمي العقد ديالك وفنفس الوقت غادي تكون عندك جلسة تصوير
جواهر:واخا انا ندير جهدي اسي علي
علي:اوكي لقئاتنا غادي يكونو قلال الى كانت شي حاجة مهمة بيناتنا تواصل
جواهر:اوكي(رجعت لدار وانا غير كنخمم فشي لي غادي يجمعني بهاداك خينا..عاودت لمريم شي لي وقع ولكين مقلتش ليها الإتفاق لي جمعني مع علي حيت نبه عليا ميعرفش طير طاير بالاتفاق)
اصبحنا واصبح الملك لله....نضت من فراشي وجدت راسي ونزلت نفطر مع ماما مريم خليتها مزال ناعسة..
جواهر:صباح الخير(واقفة وكناكل الزيتون)
ماما:جلسي ابنتي تفطري
جواهر:لا اماما خاصني نمشي تعطلت
ماما:الله ينقي طريقك من الشوك ابنتي
حواهر:امين يلاه بلي(خرجت لعند الشيفور لي كيتسناني جبدت واحد لمرايا من صاكي عاودت على كلوس لي كنت دايرة صايبت شعري بيديا وشديت نفس ..بعد لحضات وقفات لوطو قدام شركة سيمارا للازياء ..شحال غريبة هاد الدنيا غير لبارح رماوني منها بحال شي كلبة ودابا جايا ليها بكل عزة نفس وشموخ ...حل ليا الشيفور الباب هزيت راسي لفوق شديت نفس من جديد وتوجهت للشركة كنت لابسة لبس غالب عليه الطابع الرسمي كنتمشى بكل انوثة صوت الطالون ديالي كيتسمع من بعيد..توجهت لعند البنت لي فالاستقبال وراتني مكتب فهد لي كان فطابق العشرين...توجهت الاسونسير كتردد كلمة وحدة«ياربي عاوني»
************************
(خرجات كتمشى جنب البحيرة لي كانت حدا الكوخ ديالها ستنشقات الهواء الصافي لهاد الطبيعة الخلابة وجلسات بجنب البحيرة...غمضات عينيها وبدات تسترجع الحظات الزوينة لي جمعتها معاه...
الشخص:عمري حبيبتي لغزالة ديالي ..من الصباح كنشرح ليك وغادي نعاود نشرح ليك مقدرتش نديك معايا وتتي عارفة الوضع كيف دايررصبري عليا غير شوية ونواعدك كلشي غادي يكون كيف مبغينا
ربى:(دارت لعندو كتشوف فيه بهادوك لعوينات الزرق)قول والله
الشخص:ههه حميمقة ديالي ..والله اعمري حتى نضحي باي خاجة على قبلك (جرها لعندو وباسها ففمها بكل شوق ولهفة...)'(مسحت دمعة من عينها وناضت من بلاصتها توجهات للكوخ وسداتو عليها رمات لخشب الرقيق فلمدفئة وجلسات حداها كدفي راسها)
جواهر:(شديت الاسونسير وطلعت للطابق العشرين توجهت لعند السكرتيرة لي وراتني الغرفة ديالو بيدها رجعت شعري بيدي هزيت راسي الغوق ودقيت عليه ودخلت دورت عينيا فهاد المكتب الخيالي لي كان كيشعل من لمعانو ارضية بيضاء من السيراميك الغالي ومكتب من افخر انواع الخشب لي مصصم بطريقة عصرية وراقية كانت غرفة المكتب ديالو كبيرة وواسعة يجرو فيها الخيل مطلة على المدينة ..بقيت كندور عينيا ونسيت راسي حتى حسيت بشي حد وقف حدايا تلفت بشوية كان فهد صرطت ريقي وتبسمت ابتسامة خفيفة قدام تخنزيرتو لي كانت كتزرع فيا الرعب ..)احم مسيو فهد جيت على قبل العقد
فهد:(داير يديه فجيبو وكيشوف فيها بهاديك التخنزيرة المعروفة)
جواهر:...
فهد:(شاف فيها ورجع توجه للمكتب ديالو وهي تابعاه)
جواهر:(شفتو مشا للمكتب وتبعتو جلست على الكرسي لي جنب المكتب وحطيت رجل فوق رجل بحال الى موالفة كنجي هنا)
الساحرة و عالم المشاهير الجزء الثالث
محتوى القصة
التنقل بين الأجزاء