اللقيطة الجزء 12 و الأخير

ارسلان-(نعصب) شنو بغيتو نتوما
عصام-سيدي حنا تافقنا باش نقدمو استقالتنا ونمشيو بكرامتنا حسن
جواد-اه اسيدي هاكا حسن
ارسلان-وعلاش بالسلاما لاش باغين تقدمو استقالتكم
جواد-حيت البارح تحامينا فيك وضربناك
عصام-والله ماكنا باغين ولاكن نتا لي جبرتينا وطلبتي منا نضربوك
جواد-مافهمتش اسيدي واش كنتي باغي تعاقب راسك على شي حاجة
ارسلان-احم ...احم ...(شاف فايات كاتشوف فيه ومارضاش) الى مامشيتوش من قدامي غادي نخرج كل واحد فيكم فتابوت(بصراخ) تحركوووو من قدامي
عصام-ولاكن اسيدي
جواد-(جر عصام)زيد نمشيو بحالنا شوف كيف كايشوف فينا....(خرجو كايتمتو)
ارسلان-(ضار ولقا ايات كاتشوف فيه) لا كاتشوفي فيا ...(بصراخ)تخركي شوفي شغلك وحيدي عليا دوك شطايط

شافت فتخنزيرتو وحدرت راسها ومزادتش معاه نص كلمة
ارسلان-بلاتي ......
ايات-وقفة ورجعت عندو....اوامر سيد ارسلان
ارسلان-كلسي ... غادي تبقتي كالسا حتى نسالي فطوري
ايات-(كلسة والصمت مسيطر على المكان واحد الشوية وهي تنطق) فين هوا جعفر مابقيتش شفتو
ارسلان- (طلع عينيه فيها) علاش واش توحشتيه
ايات-(جاوبة بطريقة عفوية)صراحا توحشتو
ارسلان- ماتوحشتيش حبيب ااقلب حتى هوا اشنو بانليك نجمعهومليك
ايات-(بتالعة ريقها وحنات راسها وفهاد اللحضة صونا تلفونها شافة المتصل وقطعة عليه )
ارسلان-اري داك التلفون
تيات-لاش بغيتيه
ارسلان-(خطفولها من يدها وشعلو وشاف المتصل شكون)...امممممم ياللعجب ياكما دايرانا لعبة بين يديك من ادم لمراد لارسلان
ايات-اشنو كاتخربق عاود
ارسلان-(بصراخ) ادم لاش كايصوني عليك...
ايات-وباش غادي نعرف انا قطعت عليه قبالتك
ارسلان-(رجع صونا عليه وكايتسناه يجاوب) الو.....ولد لحرام قطع غير سمع صوتي ...
ايات-ونتا لاش مصوني عليه من تلفوني الى بغيتي تهضر معاه صوني عليه من تلفونك
ترسلان-تحلك الفم اشنيولة ياكما بغيتيني نوض نهرسو ليك
ايات-غادي يجي نهار لي تندم على هادشي لي كاديرلي وماغاديش تنفعك ندامة
ارسلان-منين يجي داك النهار فكريني باش نبكي واخا....هاد التلفون غادي يبقى معايا ....
ايات-عطيني تلفوني اارسلان بلاماتعصبني
ارسلان-ماغاتشديهش اشنو عندك ماديري
ايات-(ضربت على الطبلة اوقفة) عطيني تلفوني
ارسلان-(علاش واش فيه شي حاجة مابغيتينيش نشوفها....
ايات-اااه مابغيتكش تشوف اسراري الشخصية....
ارسلان-ماغاتاخديهش وماغاتحلميش بيه
ايات-اوكي خودو اصلا مايمكنلكش تعرف شنو فيه حيت كولو ارقام سرية وحتى رقم مكايشبه للتاني
ارسلان-تحركي سيري للكوزينة وجدي لغداء ...اه ونتي كاتوجديه فكري شنو غادي تلبسيلي هاد اليلة (غمزها) او حاولي تتعودي بلاماتبقاي تبكي وتنخصي عليا....سمعتيني ولا
ايات-(طلعت وهبطت فيه) غادي نلخصليك كولشي فربعة دلكلمات...الله ياخد فيك الحق
ارسلان-ناض لعندها وجرها.....كاتدعي عليا يابنت لحرام ...ولاكن انا لي دسرتك عليا
رقية-سيدي شي ناس فالتلفون كايصونيو عليك وبغاوك شي حاجة ضرورية كاتخص الشركة
ارسلان-(شاف فايات بقسوة وطلق منها ومشي)
رقية-سربي دخلي للكوزينة راني غير كدبت عليه حيت شفتو غادي يضربك عاود...

ايات دخلت بسرعة للكوزينة وتبعتها رقية وارسلان جاوب على المكالمة ومالقا حتى واحد....
ارسلان-كاتفلاي عليا يابنت الكلبة اليوما نشرككوم بجوج....

تم غادي بسرعة متاجه للمطبخ عوال عليهم....وفلحضة وقف مور الباب وسمعها كاتبكي

رقية-واصافي الحبيبة ديالي صافيي
ايات-ماتقوليليش صافي راه خدالي تلفوني ....الى مشا حتى عرف الكود كولشي غادي يتفرش ارقية
رقية-وخليه يتفرش فين المشكل عالاقل سي ارسلان يقدر هادشي لي درتي على قبلو نتي راه خاطرتي بحياتك مقابل يبقا هوا عايش وشوفي هوا دابا كيف كايتعامل معاك بحال شي ....
ايات-كمليها...بحالشي كلبة ....اااااه يارقية بغيت نرجع تلفوني باي طريقة....
رقية-ايااات سمعي مني هاد المرة وخليه يعرف ويقلب ويبحت ويتعدب كيف عدبك
ايات-رقية واش مكاتفهميش راه ارسلان مكاينش لي غايعرفو قدي الى عرف بموضوع الخنجر غادي ينوض القيامة انا على قبلو درت هادشي كامل باش هوا يبقى بعيد على المشاكل ومايأديوهش
رقية-شوفي انا غادي نقصح معاك هاد المرا....نتي ديما هازاليه الهم وخايفا عليه وهوا غير سمع عليك نصف كلمة صدقها وتهمك بتلخيانة وشوفي دابا كيف كايعدبك نتي اولدك ....
ايات-انا مكايهمنيش تعديبو ليا داز على راسي ماكتر كايحاول يعطيني تمارة وشقا زعما باش نتعدب هدا هوا جهدو عليا الالة غير مايقصرش....
رقية-مافهمتش كيفاش كادافعي عليه وهوا كايعاملك بهاد القساوة ..كانقسمليك مايتستاهلكش والله
ايات-اش غاندير حاولة نكرهو ولاكن ماقدرتش حاولة نتهرب منو ومن حبو ومامشيت حتى طحت لا وغراقية فعشقو مستاعدا نضخي بالغالي والنفيس على قبلو وعلى قبل ولدي ارقية ....
رقية- الله يهديك هدا مغانقوليك...كون مكانش داك الحقير ديال مراد كون راه دابا كولشي تمام الله ياخد فيه حتى هوا...

ايات-ماتهضريش عليه بهاد الطريقة ....تصوري ارقية كونت غالطا فيه بزال صحيح كايقولو المضاهر خداعة.....
رقية-اشمن مضاهر الله يخليك عداك لخبيت هوا سبابك فعدابك
ايات-فعلا عندو واحد الجانب من شخصيتو خبيت ولاكن عالاقل وضحلي كولشي بين عينيا وخلاني نعرف الصديق من العدو ....
رقية-الى كان بحال داك البشار رجال الله يغبرهم من الدنية
ايات-غااااالطة ارقية مراد حنين بزااااااف وقلبو كبيير... مسكين كان هازني على كفوف الراحة جوج دلمرات كونت غادي نفقد ولدي ولقيتو هوا لي وقف معايا وعاوني وشحال من ليلة بات فايق معايا وانا مريضة وحتى فالمهمات كايكون خايف عليا وكايتولى هوا الامور الصعبة (بتاسمة)تصوري ارقية جاني لوحم على ريحتو....كونت كانحماق نشم ريحتو وكانسرق ليه خوايجو باش نشم ريحتو فيهم ...فاش كنا فايطاليا شرالي حويجات لولدي والعاب ولاكن ماقدرتش نجيبعوم معايا بقاو فيلة داود فمصر....

(فهاد اللحضة ارسلان واقف والشر خارج من عينيه وكايصوط بحال شي تور ماستحملش الطريقة لي كانت كاتهضر بيها على مراد وخرج وهوا معصب ركب فسيارتو )
ارسلان-(شاد تلفونها فيديه) شنو مازال مخبية عليا اايات ....ومناش باغيا تحميني (دوز على وجهو بيديه بنفاد صبر) ماغادي نمشي حتى نعرف هادشي لي مخبيا عليا اايات ونهاية هاد ((( الرواية ))) مابقالها والو ويتكشف كولشي .....(كسيرا بسيارتو وزاد)
رقية-كاتهضري عليه بحالي كاتهضري على شي حد غريب عليا هدا طلع منو هادشي كامل
ايات-امممم وكتر عاد....
رقية-لي مابغاش يتفهملي علاش كدب على ارسلان فقضية الحمل وقالو ان الولد ولو هوا.....علاش يدير بحال هاد التصرف
ايات-الغرور والانانية وخب الامتلاك ...كتاشفة انه كان كايعرفني فاش كنت مازالة كانقرا وقالي انه اعجب بيا فديك الوقة وفاش رجعت لتاقية بيه زاد حبو ليا....
رقية-عجيييييب ياك هوا راس الحربة لي سيفطك لعند ارسلان بيديييه ورجع تنادم معاه الحال
ايات- كالي بلي مليكة كدبة عليه ومكانش عارفني انني انا هي بنت عمو وفاش كتاشف الامر حاول يصلح لي دار ولاكن بطريقة خايبا واداتني بزاف قالي هوا لي دخلني عند ارسلان وهوا لي غادي يخرجني من عندو وهانتي شفتي كيف خلاه يولي يكرهني بهاد السهولة ولاكن ارسلان طلع غير على سبا ....
رقية-شغادي نقولك (تنهدت)صراحا يحسن عواااانك كاع هادشي لي داز عليك ومازاال كايدوز ومازال كاتبتاسمي مرا مرا
ايات-(بتاسمة بتعب) ايييوا شغاندير ربي بغاني نتعدب هاكا وبتلاني بتلاتة ديال الرجال دخلو لحياتي وخربقوها ولاكن فتش كانتمعن فالامر كانلقى انني مع كل واحد عشة تجربة خلاتني نستاغل كل لحضة سعيدة نضحك فيها ونشط حيت عارفها ماغاظيش تتكرر ومور كل لحضة سعيدة لحضااااات من البكاء والوجع ....ااااه وماداز على هاد القلب ومازااال ماشاف والو....
رقية-(عنقتها)انا غادي نبقا معاك وغادي نعاونك اوكي غادي نساندك وماغاديش نخليك تغرقي غير وحدك
ايات-(بتاسمة) يكفي انني لقية لي نخوي عليه قلبي ولي يسمعلي ومايعاتبنيش داكشي لي بغيت لقيتو فيك.... نتي ختي وصاحبتي واخا كبيرة عليا بزااااف
رقية-(ضربتها لكتفها غير بشوية)اييييوااااا لحكرااا هادي مالي مازالة شاباب عندي غير 34 عام بحال ختك لكبيرة ....
ايات-ااايه بحال ختي لكبيرة ....ماتغضبييش ...ماقدرش على زعلك هههه
رقية- هههههههه الله يدومها ضحكة على وجهك
ايات-الى ماصوبتش لغدا ماغادي تبقا ضحكا غادي يوليو دموع
رقية-الله يستر غير كلسي نتي انا غادي نطيبو عليك غير رتاحي نتي
ايات-ارسلان مطاااور كايفرق طيابي على طيابك لخير لي ديري فيا هي شوفي الدار برا شنو خاصها
رقية-واخا ازينة لبنات...
ايات-ههههه سيري سيري....

خرجة رقية ودخلة مي عيشة من وراها...
ايات-(شافة فيها قالبة وجها عليها) مي عيشة نتي لي ربيتيني على يديك فترة ....واش كايبانلك انني نقدر ندير حاجة بحال هادي
مي رقية-(حانية راسها) لارد
ايات-مي عيشة جاوبيني سكاتك كايزيد يحطمني واذ انا نقدر نخون ارسلان
مي عيشة-(علات راسها والدموع شلال من عينيها) هئ هئ هئ (طارة عليها وعنقتها)سمحيلي يابنتي سمحيلييي
ايات-(مصدومة من ردة فعلها) مي عيشة علاياش غادي نسمحليك
مي عيشة-صونا عليا قبيلة ادم وقالي بلي صونا عليك وقطعتي عليه دويت معاه هوا وجعفر وحكاولي كاع لي داز عليك ابنتي ....هئ هئ هئ
ايات-يعني جعفر وادم عارفين بلي انا ....
مي عيشة-عارفين كولشي ابنتي....كولشي
ايات-(كلسة) ادم عمري نسمحليه اداني بزاااف امي عيشة
مي عيشة-غير سمعيلو حتى هوا ماشي لخاطرو ابنتي حتى هوا غير ضحية ....صدقيني ...
ايات-(حنات راسها) لارد
مي عيشة- بنتي ادم باغي يهضر معاك هوا وجعفر ضروري
ايات-ماعندي معاه كلام امي عيشة
مي عيشة-غير حاولي تفهميه ابنتي هوا ماباغي منك حتى حاجة سيوا تسمحيلو ....هاه هاهوا كايصوني جاوبيه....شدي ابنتي ماتردديش جاوبيه
تياا-(شدت من عندها سماعة الهاتف)الو...
ادم-ايات.....ماتقطعيش عليا عافاك خليني نكمل كلامي...

ايات-ختاصر شنو بغيتي....
ادم-بغيت نطلاقا معاك انا وجعفر....بغينا نعتادرو منك
ايات- (بعد صمت) مايمكنش ليا نخرج الى عندك شي هضرة قولهالي هنايا فتلفون....
ادم-مي عيشة عاودتلي على معاملة ارسلان وقسوتو عليكي....صدقيني عقلي وتفكيري كولو معاك محتاجين نشوفوك
ايات-بما انك عارف الوضع كيف داير فماطلبش مني نطلاقاك واصلا ماعنديش الوقة
مراد-انا غادي نهضر مع مي عيشة هي غاديرليك الطريق وتخرجك
ايات-اممم تمام بلحق ماشي دابا حتى نكون واجدا وماتعاودش تصوني فنمرتي
ادم-واخا اوو سمحيلي
ايات؛(قطعة عليه قبل مايكمل هضرتو)
جعفر-واش وافقة نطﻻقاوها
ادم-اه ولاكن ماعطاتناش الوقة بالضبط فقتاش....
مي عيشة-فطعتي عليه دغيا مسكين
ايات-وصل داكشي لي بغا يوصلو امي عيشة
مي عيشة-انا غادي نعاونك باش تخرجي من هنا بلامايعيق ولدي ارسلان....
ايات-خلي حتى لليل فاش ينعس ارسلان ويكون خير....
مي عيشة-صافي واخا انشاء الله....

ايات-مر الوقة وطيبة طاجين ديال الحم اوجدت شليضات والزيتون والعاصير لموهيم ماخليتش من جهدي ...وانا فالكوزينة وصلتني ريحو قبل منو وصوت خطواتو خلاو الخوف يسيطر على قلبي داخل بعجاجتو يغوت على هدا ويسب هدا....حتى وصل للمطبخ عندي وماخلاليش باسبان علاش يجي ومتيلقاش لغدا محطوط على الطبلة لموهيم سمعني لي عمري سمعتو من سبان واهانات ونضرات الاحتقار كونت خايفا داك لغدا مايعجبوش وكل لقمة كايحطها ففمو كاتخليني نرجف بالخلعة من ردة فعلو ولاكن هاد المرة عجبو وكلاه وسالى وحتى كلمة الله يعطيك الصحة والله ماسمعتها منو ..... كنت كانتفادا نهضر معاه او نجادلو خوفا من شي قتلة دلعصا عاوتاني شفتو الخوف ومايدير فييين ديك زعامة لي كانت فيا ولساني لي مايقد عليه حد جا هدا قاداهملي فمرة ... انا كاندير داكشي ديال ناس زمان لمرا كانت كاتصبر على راجلها يضربها يتكرفس عليها وهي كاتلقاها صابرة على وليداتها شحال هادي هي ايَّامْ لي كان فيها الخُوفْ يَتَّقْرَا وحروف باكية ما تَنْڨُطْ هي ايَّامْ كان الذَّلْ وَ الفضيحَة بَ البَرَّاحْ و فيها الحاضَرْ يَعْلَمْ الغايَبْ و لّي طالَتْ غَيَبْتُه... يا حَسْرَة امِّّيمْتُه تْرَابْ جْنَانُه يسَرَّجْ لْجامُه يحَفْرُوا وَسْطُه شَلَّة طُرْقانْ طريق الحُگرَة وَ طْريقْ التَّخْمَاسْ انا جمعتهوم بجوج لحكرة وتمارة وشكون يحس بيك ياااااقلبي الهضرة بزاف والسكات حسن😔😔😔......
رقية- شنو كاديري ...عجباتك شميشة ....بالحق عنداك ضرك غير تبرد كاتولي بحريق الراس...
ايات- اودي الى خفنا من سخونية الشمس شنو نقولو غدا يوم القيامة...الله يرزقنا مفتاح الفرج ويجعلنا من اهل الجنة ....
رقية-(كلسة حداها)اميييييين...
ايات- قولتيلي شنو كاندير....يالالة راني كالسا كانخوي قلبي على القراء لي كايقراو قصتي....طيبتلهم القلب مستكن معايا ههههههههه
رقية-ههههههه ولاكن راهوم مستمتعين معانا انا متأكدة
ايات-اكييييد ايوا جمجموني اوصلو قصتي لكل الناس 😁😁نعول عليكم صافي .....وماتنساااوش دكرو اسم الكاتبة ابتسام قراري .....عقلو عليها مزيان...ههههه😚😚😚😚
رقية-شكون لي كايصوني عليا ماعمري شفت هاد النمرة...
ايات-اري نشوف....(تصدمات )هادي نمرة ديال مراد
رقية-واش عطيتيه نمرتي ....
ايات-لا ماعطيتوش جاوبيه وشوفي شغايقولك
رقية-واخا....الو...
مراد-اهلا بالبوليسية ديالنا اولا نقولك الحنشة ....
رقية-(مصدومة)شكون نتا....
مراد-ماديريش راسك مكاتعرفينيش .....
رقية-(بتالعة ريقها)شنو بغيتي
مراد-كانصوني على ايات وتلفونها مطفي الى كانت حداك اري نهضر معاها....
رقية- (سدة التلفون بيدها)باغي يهضر معاك
ايات-اريه.....(شدة التلفون)الو مراد....
مراد-الله على هاد الصوة شحال توحشة نسمعو
ايات-هههههه وحتا انا توحشت نسمع صوتك المغامر ديالي....
مراد-ههههه ابات بغيت نشوفك ...
ايات-مايمكنليش امراد الوضع هنا مكهرب بزااااف
مراد-واش كايعاملك خايب عنداك يكون كايضربك ...ايات صارحيني...
ايات-(تغرغرو عينيها بالدموع)هههههه لا لا ارسلان مايقدرش يهز يدو عليا
مراد-خرجي عندي انا برا كانتسناك ....
ايات-مرااااد مانقدرش
مراد-الى ماخرجتيش انا غادي ندخل
ايات-اوووف منك امراد ....دور مور الفيلة وانا غانخرج عندك....
مراد(فرح واخا)

تافقة مع رقية باش تحضيلها الطريق وخرجة عندو بسرعة من الباب اللورانية ...غير شافها مراد طيرها من الارض عنقها بدا يدزر بيها
مراد-توحشتك بزاف
ايات-وحتى انا مادوزناش قليل انا وياك
مراد-كاتبانيلي حزينة
ايات-احم....لا بلعكس ....
مراد-عينيك دخلو وضعافيتي ماتكدبيش عليا اايات
ايات-مرضي تجاهلو ليا كايعاملني خايب بزاف
مراد-الى حط يدو عليك كانقسم ليك غادي نقتلو....
ايات-لا ماعمرو قاصني غير رتاح اصلا هوا مخلي بيناتنا مسافة ومكانتهاضروش بزاف
مراد- انا شفتليك واخد المحامي مجهد يطلقك من الجلسة الاولى....
ايات-لا مكاين لاش نهار نحتاج ليه داكساع نقولهالك قولي ...قلتيلي محتاجني فموضوع مهم اشنو هوا ياك لاباس

مراد- (تنهد) ماعرفتش باش غادي نبدالك....
ايات-سربيني دغيا عافاك قبل مايجي اسلان ومايلقانيش...
مراد-اممم....سيزار وداود ابراهيم ....تبعونا حتا للمغرب
ايات-(شدتها الدوخة بقوة الصدمة)
مراد-(شدها) ايات .....باش كاتحسي
ايات- قولتي تبعونا ....اويلي ودابا شنو غادي نديرو ياربييييييييي اش هاد الوحلة تقول ناقسين
مراد-طلبني لخنجر و مشيت عندو ....وطلب مني مقابل باش يبعد علينا سيزار وداود...
ايات-شنو هوا هاد المقابل...
مراد-المناقصة لي داخل فيها ارسلان داخل فيها حتى الخنجر ولاكن بسميتي.....
ايات-ومن بعد طلقني امراد شنو منبعد
مراد-بغا الضوسي لي فيه المشروع لي موجد ارسلان
ايات-(ضحكة باستهزاء)دابا على مافهمت باغيني نشفر المشروع ديال ارسلان ونعطيهلكم
مراد-غاتعطيه للخنجر....
ايات-(بصراخ)ماتصطاش عليا امراد انا مستحيا ندير شي حاجة بحال هادي ابدا
مراد-مضطرين اايات بسيف عليك خصك تنفدي هاد المهمة على قبل حياة ولدك....
ايات- ههههههه كاضحك عليا لقضية مافيها لاخنجر لاوالو رجعتي تلعب فلوسخ عاود امراد ....مستحيل ديرها بيا هاد المرة مستحييييل
مراد-كانقسم ليك بلي خلقني اايات مكانكدبش عليك سيزار محلف عليك وباغي يقتلك ولبارح وصلني خبارو بلي كايقلب علينا.....اما داود كالس مع الخنجر فالفيلة ديالو فاش مشيت عندو طلاقيتو عندو ....
ايات-(تكات على السيارة) الى كنتي كاتكدب هاد المرة كانقسم ليك والله مانسمحلك...
مراد-صدقيني اايات والله مكانكدب عليك.....
ايات-اووووف.....فهمني شنو هي هاد المناقصة وهاد الضوسي فين غادي نلقاه
مراد-ياغايكون دايرو فسيدي اولا فيوسبي واكيد غادي تكون النسخة ديالهم فلبيسي....
ايات-فهمة.....صافي امراد سير دابا خليني نفكر فهاد لحريرة لي جبتيلي...
مراد-(شدلها فيديها) كانترجاك ماتقلقيش مني ....
ايات-(زولة يدها ) سير امراد....(خلاتو ورجعة دخلة)

دخلة للدار وبقات الدور كيف الحمقة وكاتفكر اشنو غادي دير فهادشي لي غادي يحمقها ...دخلة للكوزينة وجدة لعشا لارسلان وجا عوا كيف العادة بعجاجتو نكير وشنيت تعشا وطلع ينعس وهي فاش شافتو نعس مشات عند مي عيشة وسلتتها لبرا ولاهات الخراس كانت سيارة كحلة وراكب فيها ادم وجعفر ركبت لور وكسيراو بالسيارة وبعدو على المكان....

ايات-طلقوني دغيا شنو بغيتو مني
ادم- كانترجاك تسمعي هادشي لي غادي نقولك وتفهميني ....

فالاول رفضت تسمعلو لاكن جعفر كان كايهدئها بكلامو المعسول ..وقدر يعاودلها شنو وقاع نهار لعرس وكيفاش تخطف وكيفاش فقظ داكرتو وداكشي لي دارلها مكانش بخاطرو والى اخره قدرة تتفهمو ولاكن ماسامحاتوش لانه جرحها بزاف ...اما جعفر طلب منها تستدعيه الى حتاجة للمساعدة وطبعا ايات فديك اللحضة طاحة عليهل فكرة ...وعاودتلهوم على طلب الخنجر الغريب باش ياخد المناقصة ..جعفر وادم قتارحو عليها يساعدوها فالامر......مر الوقة بسرعة ورجعو وصلوها للفيلة صةنات على مي عيشة باش تحلها الباب ولامن فييين هي مي عيشة غلبها النعاس ونعست.....

ايات-(بصوت خافة) مي عيشااااا ....مي عيشااا....اويلي هادي واقيلة نعسة....(شافة فالسرجم) غادي ندخل من تماك ماعنديش حل اخر ....
هزات واحد الكورسي كان فالحديقة وقفة عليه ودخلة من السرجم ....
ايات- عولة عليك امي عيشة نبات فالزنقة
ارسلان-(شعل الضوء وكان كالس على الاريكة)لاش دايرين الباب باش دخلي من السرجم...
ايات-(تصدمة وماقدرتش دور وكاتقول فنفسها ...)غادي نحسب من 1حتى ل3 ونهرب الى شدني غادي يقتلني....

ضاؤة باش غادي تجري وهي دخل فيه كانت غاطيح وهوا يشدها....ولسقها معاه
ارسلان-(بصوت مبحوح)فين كنتي
ايات-(بتالعة ريقها وهي كاتشوف فعينيه) ااااه...انااا كنت فالجردة ومي عيشة سدة عليا الباب...
ارسلان-(كايشوف فشفايفها)خرجة لجردة وماكنتيش فيها.....
ايات-ااااممم...يييمكن ....تخاطينا فالطريق...
ارسلان-امممم مكاتعرفيش تكدبي ديما كانقولك عينيك فاضحينك...
ايات-(بتالعة ريقها وكاتنفس بسرعة) اااااااا.... والله ماكدبة عليك انا خليتك ناعس وقنطة وخرجة نتمشا شوية.....
ارسلان-(بصوت خافة) وشكون قالك انا نعسة ....اممم امرت الراجل ماشي من لمفروض تشوفي راجلك واش محتاج لشي حاجة قبل ماينعس...
ايات- ماشي نتا باغي طلقني هم...ادن انا ماشي مرتك انا غير خدامتك...
ارسلان- غادي نسولك وغادي تجاوبي بصراحة...
ايات-امممم.
ارسلان-علاش خنتيني هممم.... شنو ندير فيك هملتك وماهتميتيش عدبتك وماتئترتيش مناش مصنوعة نتي....(كايشوف فشفايفها)واش بغيتيني نقتلك....
ايات-(كاتبادلو نفس النضرة) الى كنتي غادي ترتاح قتلني وريحني وريح راسك...
ارسلان-(بصوة خافة) علاش هجرتي العش الدافي ومشيتي همم قوليلي اشنو ندير فيك حيرتني افعالك لاعشرة اكترات فيك....لامحبة تمرات فيك لهوا لي جا يديك قوليلي اش ندير فيك...
ايات-اسكت،ولاتسألني عفــاك كية،على جبينك مكتوبة هذاسعدك ،وما اعْطاك الاحْزان والآلام ليك منسوبلا تتْأسّف اصْبر،واتْرجّى مُولاك...

ارسلان-ديما كانقول هادي وتوبة عيت نعمل فلخواطر وفحقي ديما صابر ياقلبي جات فيك النوبة كل شي ضهر وبان وحتى لعزيز غدر وخان... عاهدتك بلوفا وامنيت تكوني لحياتي سند ورفيق وشحال كنت بيك نتيق ماضنيت يجي شي نهار من حبك نصيح ونفيق وجعلتي من غيري عشيق طعنتيني بسكين لغضر وشعل فقلب لحريق كيف الحية وشربتيني سمك...
ايات- علاش عمرك ماقلتي يمكن نكون ضالمها...علاش عمرك مارجعتي باللور وقلتي مستحيل تخون دغيا صدقتي كلام الناس وكلامي انا لحتيه لور....
ارسلان-حيت نتي عمرك بادلتيني نفس الشعور وعمرك كنتي ليا بكل احاسيسك وديما كاتهربي مني...
ايات-(بصوت مثير)الى كان تفكيرك غبي انا اش دنبي عمرك لاحضتي نضراتي ليك هممم عمري تهربة من قبلة سقيتيهالي من شفايفك ...كنتي ليا الصدر لحنين والقلب لكبير خليتيني نحبك بزز مني... صعيب نرجع في كلامي لي غادي نقول حيت ماشي بالساهل غادي يخرج من لساني..حبيتك و وقفت الثواني ملي حبيتك عرفت للحياة بزاف د لمعاني
عرفت علاش ديما كانضحك فاش كانشوف وجهك و علاش انا ديما كانعاني فعدم وجودك
ملي حبيتك عاد عرفت علاش الهموم ولات فايتاني
ملي حبيتك عاد عرفت أن الحب هدية من الله و شيء مجاني ملي حبيتك عاد عرفت علاش من بعدك صعيب نحب ثاني كيفاش نقدر نخونك قلي..جاوبني على هاد السؤال علاش انا غادي نخونك....عمرك فكرتي فهاد السؤال
ارسلان-ديما كانفكر فيه وماعمرني لقيت ليه جواب...
ايات- ادن نتا ماتستاهلش حبي ليك كونت كانتهرب منك باش مانبقاش كانعاني من بعدك ...كونت حاسة غادي يجي شي يوم وغادي نلقا راسي بوحدي وغادي نتلاح للمجهول بحال ديمة ولاكن ماكنتش خايفة حيت الدنية ضربتني وعلمتني مانغلطش تاني .... ماكنتش باغيا نمشي ونخلي قلبي معاك كايعاني (نزلة دمعة من عينها) ومامشى حتى جا داك الوقة ولقية راسي وحدي وسط دائرة سوداء وفوسط منها نقطة بيضاء ضوات حياتي وخلات قلبي ينبض من جديد ربي كتبلي نطفة منك فقلبها روح تتحرك داخلي ودوقني بيها طعم الامومة

ارسلان-دفعها .....انا شفتك بعيني شفتك ونتي بين احضانو شفت قبلاتكم شفت خيانتك بعيني كيفاش نطفة مني مستحيل يكون لي فكرشك ولدي

ايات-نتا شفتي لي بغيتي تشوف ...وفعلا ماشي ولدك حيت هوا ولدي بوحدي كاتفهم زييد فعنادك وتعديبك واهناتك واحتقارك ماغادي تصور مني حتى حاجة قلبي صافي مات ونفسي برداات (خلاتو وخرجة من الغرفة وطلعة كاتجري لغرفتها)
ارسلان-كلس بتعب على الكنبة وكايفكر فكلامها.....

صبح الصباح والروتين اليومي كايتعاود ايات طيبت لفطور تبعاتو بلغدا و لعشا وخلاتو حتى نعس عاود ودخلة للمكتب ديالو وفتحة لابتوب ديالو اما مراد كان مور الفيلة وكايتسناها تعطيه الضوسي ديال المناقصة

ايات-تفو فيه الكود.... شنو غادي يكون داير فيه..نجرب تاريخ ميلادو.....(سمعة الباب تحلات وتخبات تحت المكتب...)ياربي ياربي مايشوفنيش
رقية-ايات....ايات...غير انا ماتخافيش
ايات-وقفة....بغيتي تسكتيلي القلب ارقية حشومة عليك....
رقية-سمحيلي ماقصدتش نخلعك...شنو درتي لقيتيه....
ايات-لا البيسي دايرلو الكود...
رقية-....جربي سميتك
ايات-سميتي انا....واخا...والو خاطئ ...
رقية-ديري سميتك وسميتو
ايات-وااالو.......بلاتي نجرب .....حبيبتي ايات.(كتبتها) هاااا والله الى سدقة...
رقية-مزيااااان اجي مقلبو دابا على هاد الضوسي...
امممم ....هاهوا المناقصة ....
ايات-ولاكن بلاتي راه كاينين بزاف ديال الضوسيات بنفس سمية....
ايات-نشوفو التاريخ ديال اخر ميلف......هاهوا هدا اخر واحد خدم فيه قبل 4ساعات ...
رقية-نيت من قبيلة وهوا محشي هنا اكيد كان كايخدم فيه....سربي كوبي الملف فاليوزبي
ايات-واخا .....(كوباتو )صافي سالينا...اجي حضيلي طريق وعنداك تنعسي بحال لي دارت مي عيشة
رقية-هههه هاديك راها خرفات وشرفات ... ماتخافيش غير خرجي.....

خرجات ايات خلسة من الباب الورانية وعطات اليوزبي لمراد لي كان كايتسناها وقفو شوية وهضرو شوية ورجعة دخلة .....
رقية-سربي راني سمعت الحس لفوق اكيد فاق عاوتاني.....
ايات-صافي كوبشي تمام ....رقية ......سمعيني مزيان فكرت فواحد الخطة وبغيتك تعاونيني....
رقية-على راسي وعينيا نعاون ختي...
ايات-انا مستحيل نخلي لخنجر يربح المناقصة
رقية-ايوا وكيفاش غادي ديريلها ...
ايات-مراد قالي بانه غادي يقدم العرض بعد غدا وارسلان حتا هوا....زكزي معايا مزيان غدا فليل غادي نتسلتو انا وياك وغادي نمشيو لفيلة مراد...
رقية-اويييلي علاياش عوالة ....
ايات-(بتاسمة ) غير الله يستر وصافي....انا مستحيل نخلي ارسلان يتهزم قدامو صافي اديتو بزاف ومانقدرش نزيد ناديه.....
رقية-صافي فهمت.....لي درتيه انا معاك

في الغد داز كدالك يوم روتيني نفس الخدمة نفس الشغل ....ولاكن فالليل ....خرجو ايات ورقية خلسة وهاد المرة مي عيشة لي حضاتلهم الطريق اواعدتهم انها ماغاديش تنعس حتى يرجعو ....خرجو ولقاو سيارة ادم وجعفر واقفة وركبو فيها وزادو حتى وصلو لفيلة مراد.....

طبعا رقية بمهراتها البوليسية قدرت تراوغ الحراس ولهاتهوم مع حاجة اخرى ودخلو بجوج غير بالحس

رقية-فين هوا المكتب ديالو
ايات-راهوا انا غادي ندخل ونتي حضيلي المكان....
رقية-اوكي صافي....

دخلة ايات من السرجم لمكتب مراد وبدات كاتقلب وتقلب على اليوزبي لي عطاتو وفلحضة دخل شخص للخرفة ودغية هي تخبات مور الستائر وكاترجف.....
مراد-نسيت ماسديتش الباب.....(كان غادي اوقف) الله يعفو عليا وليت كانشم ريحتها فينما مشيت(خرج وسد الباب بالساروت)
ايات-خرجة من مور الستائر وقبعا كايضرب اواصلة البحت حتى وصلة لواحد لمجر ولاكن مسدود بالساروت ....طبعا هي ماشي من العاكزين حيدت المقبط من شعرها وحاولة مع داك لمجر حتى حلاتو .....ولقات فيه اليوزبي لي كاضور عليها...
حلت شانطتها وجبدت واخد لبيسي صغير وركبت فيه اليوزبي وتاكدات منو ورجعة حيداتو وخباتو وحطتليه يوزبي اخر فبلاصة الثاني ....وشعلة لبيسي ديال مراد وطبعا تقاتلت ختى لقات الكود ومسحة النسخة لي فلبيسي ديال المناقصة ورجعة خرجوة من السرجم ولقات رقية كاتسناها....وخرجو بنفس الطريقة لي دخلو بيها وركبو فالسيارة وزادو
مراد-دخل اليوزبي فالبيسي وزاد على الضوسي بعض التحسينات موضوع ارسلان مع موضوع مراض مع التحسينات ديال ادم وطلع ولا اروع....وصلوهم للفيلة ودخلو وهاد المرة مي عيشة وفات بوعدها ومانعستش هههه😛😛 وكل واحد مشا لغرفتو كانه مكاين وااالو .....
ايات-فالصباح نضت وطيبة لفطور وقاديتو على الطبلة ونزل ارسلان فطر وهوا مشطون مع الاجتماع لي غادي يقدم فيه العرض ديالو بسرعة ماكملش 5دقايق وناض خرج حتى ااشوفة مكايشوفش فيا وانا خاطرت على قبلو باش مايتحشمش يوم الاجتمات ...ماشي مشكل الله يسمحلو ...عيطلي ادم وكان حتى هوا حاضر فالاجتماع وقالي على لي جرا فرحت بزاف وفنفس الوقة بقا فيا مراد ميكسن تحشم ....
جا لوقة باش يقدم مراد العرض ديالو وفاش عرض ااموضوع على الشاشة طلعة اغنسة ماما جابة بيبي....كولشي ضحك عليه داك النهار و تاكد من النسخة لي فلبيسي ولاكن كانت ممسوحة وعرف القضية فيعا إن ...اما ارسلان تصدم فاش عرض الموضوع ديالو على الشاشة حيت لقى بعض الاشياء زايدا هوا ماداراهاش ....وطبعا ارسلان ربح المناقصة وشركتو غادي تزيد للقدام ....تسأل وحار شكون لؤ ضاف التحسينات لاموضوع ودخل ادم وقالو بلي هوا لي ضاف دوك التحسينات اؤسلان مارضاش وغوت عليه وطلب منو مايبقاش يدخليه فخدمتو

الخنجر وصلو خبار المناقصة لي فشلات وكان غادي ينفاجر بالغضب وعرف ان ايات هي ورا هاد اللعبة اواعد نفسو بالانتقام منها ....
رقية-ايات...مراد باغي يهضر معاك
ايات-(تنهدت وشدة التلفون)الو
مراد-(بصراخ)ايات شنو هادشي لي درتي
ايات-درت لي كان خضو يدار
مراد-راكي عرقضتي حياتك للخطر.....
ايان-مكايهمتيش امراد تخر همي نفكر فهاد الموضوع...
مراد-الله يستر وصافي انا خايف عليك....
ايات-ماتخافش امراد ماحدي مع ارسلان مكاينش لي يقدر ياديني...مراد انا مشغولة دتبا بسلامة (قطعة عليه)

مرو بضعة ايام وشهور وارسلان رفع دعوة الطلاق ولاكن القاضي مابغاش يطلقهم وكل مرا كايئجل الجلسات وعطا قرار ان الطلاق غادي يتم بعد الولادة ديال ايات دازو داك الايام والشهور مشحونيني الاهانات والغيرة
ايات-(كالسة على الكرسي الهزاز فالبالكون )داك الشوية من الليل باقي تبخرت فيه خرجت من اعماقي نبان للكمرة الضو يكشف بصح الليل شاقي
انا نجدب وهو يخرَّفْ حتى بان الفرق ف وراقي
...شوية منِّي رسمتو علَّمت إحساس كان تالف عليَّا
جابو النسيم ف كف الصباح تنسمتو تفكرتني ملِّي كنت كاملة الشمش اللي غربات البارح شرقات على الطير الصداح ك يفيق نومي اللي فيَّا صاح انا نغرد
وهو يضمض الجراح (لمسة بطنها وبتاسمة) هاد الشهور دازو عليا صعاب ولاكن مع دالك كرشي كبرات اولدي كايتحرك داخلي ومرا مرا كايصدعني باينا فيه غايكون مشاغب بحال بباه ....على دكر بباه رفع دعوة الطلاق لاكن القاضي رفض وماغانطلقو حتى نولد انشاء الله مابقاش كايقرب مني مؤخرا ولا عاطيها غير للقصاير ومكايجيش للدار كانبات نستناه حتى كايقرب الصباح عاد كايجي وماكايشوفش حتى فيا ودغيا كاينعس مابقاش كياكل فدار ومابقاتش عليا ديك تمارة بزاف ماعرفتش واش بقيت فيه حيت متقلة اولا مل مني ومابقاش باغيني ....باقيلي شهر ونولد سيمانة لي فاتت دخلة فتمشهر وعرفة انني حاملة ببنيته كونت غانطير بالفرحة ماخليت ماشريتلها حويجات والعاب وشرتلها نموسية سغيورة قدها ههه متشوقة امتى نشوفها على خير(لمسة بطنها)كنتسناك تكبري ويكبر معاك زهري
يا زهرة ف مشموم غيري بحال الواد عمري كيرحل
تابع بسمة طالب نسمة ناسي حالُه وحالُه منُه مْبَرِّ
كنتسناك تكبري ويصغار صبري و نركب عل لفرحة
المغرقة عمري حتى نتخنق ويتخنق الهوا اللي خلا زينك يزيد وحياتي تْسَرِّي كنتسناك تكبري باش نكولك تواحشتاك فين تعطلتي حتى تبدل لون شعري وتقوس ضهري فين تعطلتي حتى يبسات الدمعة ف قصتي حتى سالات فرحتي

ونشوفك مورايا نجمة بعيييييدة كَتَبْرِي كنتسناك تكبري باش نندم اللي تزاديت بكري كيف نداري زماني اللي دَرَّا نجومي ب لَمْداري زماني اللي فاش
عيَى مني نساني وكحل جفاري ب خباري وخلاني بلا عنين كنشوفك و على خيالك كَنْبَرِّي كنتسناك تكبري وتخالطي سري وتْرَسِّي مرساك على بَرِّي
ونسولك عْلِيَ ملي كنت درية ما كان ف قلبي ما نْخَبي ما كان ف عيني ما نْوَري نصبح نحلم بيك
ونبات ف مجمر جمرُه من حرُه بقا بلا رماد مْعَرِّي
كنتسناك تكبري ونشاركك التمر ونسقيك حليب
و ب لون الحنة نهديك خواتم تَغْرِيك كنتسناك تكبري
و نْشُوفْك ف عينيك كِشَفْتْنِي ف صغري وتنسايْ
وتولفي وترضايْ وتولي ناري ومايا أرضي و سمايا وتْنَسِّيني ف الليالي اللي سهرت من بكري وأنا كنتسناك تكبري....يابنتي لحبيبة...
ارسلان-(كان واقف وراها وكايتسنت عليها ودخل عندها) احم....نوضي لبسي حوايجك سربي
ايات-(كاع مضارت عندو) علاش فين غادي نمشيو
ارسلان- واش نسيتي موعد ديال الطبيب....
ايات-ااااه لا مانسيتش غير كنت كانتسناك

ناضة لبسة حوايجها وخرجة معاه وركبو فالسيارة وتوجهو للعيادة عند الدكتورة لي مشاو عندها اول مرا فاش كان وقاعلهم المشكل وتقرقبو وفديك الليلة ...وصلو اوشدو النوبة وجات نوبتهم ودخلو

الدكتورة-تفضلو مرحبااا....
ايات-(بتاسمة)الله يبارك فيك ادكتورة
ايات-فاش تاصل بيا سي ارسلان وطلب مني نكون دكتورتك لي غادي تولدك فرحت بزاف شرف ليا انني نولد مرت سي ارسلان
ارسلان-(قلب وجهو)الشرف كولو لينا....
الدكتورة-تفضلي معايا نديرلك التلفازة....
ايات-(فرحات)واخا ...
الدكتورة-وحتى نتا اسي ارسلان..
ارسلان-لا مكاين لاش انا غادي نتسنا هنا...
الدكتور-الااااا ضاروري تدخل ..
ارسلان-صفافي واخا
ناض ارسلان ودخل معاهم للغرفة وبدا كايشوف فالشاشة ويبتاسم وفاش كاتشوف فيه ايات كايجمع الضحكة....
الدكتورة-فقتاش اخر مرا جاتك الدورة امدام....
ايات- اخر مرت م3 فشهر 10
الدكتورة -ومكتوب عندي فالملف اول مرة جيتو عندي ف15 فشهر 10 دفداك الوقة دخلتي بيها اسي ارسلان ....
ارسلان-(قلب وجهو)اممم
الدكتورة-(بتاسمة) سبحان الله على حسب العمر ديال البيبي تلقحات البويضة يوم 15بالضبط....هههههه نهار الدخلة هوا نهار الحمل ...ههههههه كون خليتو غير شوية علما تتمتعو بالحياة عاد فكرو فلوليدات ولاكن كولشي بالمكتاب دييما كايجيوني بحال هاد الحالات كايكونو مزوجين مكاملاش 15 ليوم وفاش كايكتاشفو الحمل كايطيرو بالفرحة....
ارسلان تصدم من كلامها ودخل لقلبو بحال السيوفا ونضرات ايات ليه زادة كملات عليه كتر كايشوف فيها ويشوف فالشاشة ويشوف فيها ويشوف فالشاشة
ايات-(شتفة فيه ورجعت دورة راسها) دكتورة فقتاش غادي يكون موعد الولادة ماكرهتش نشوف عوينات ولدي فاقرب وقت
الدكتورة-هههههه تقدري تولدي مابين 10 و 13 فشهر 7 كوني واجدا فاي وقت ...سي ارسلان غير يشدها لوجع جيبها للمصحة لي خدامة فيها وخوما غادي يتاصلو بيا وغادي نجي فينما كنت واخا
ارسلان-(مقادرش يشوف فايات) امم واخا ادكتورة

الدكتورة-صافي سالينا(عطاتها مناديل)
سالاو وخرجو من عند الدكتورة والصمت مسيطر على الوضع...حتى وصلو للسيارة وركبو....
ارسلان-ايات.....
ايات-اممم.....
ارسلان_اناااااا....

ماجا يمكل كلامو حتى وقفة عليهم 3 سيارات ونزلو منها رجال صحاح متاجهين عندم حلو الباب لي من جيهة ايات وخرجوها وهي كاتغوت باعلى صوتها ....ارسلان ماعرف باش تبلى خرج خرج من السيارة وبدا كايضارب معاهوم باش يطلقوها ولاكن كانو بيهم بزاف وشبعو فيه ضرب حتى سخفوه وداوها هي وخلاوه مليوح فالارض....كافح رغم الكدمات اوركب وتبعهم بحال شي مجنون واول واحد غادي يتاصل بيه كان جعفر وطلب منو المساعدة....
جعفر وصلو الخبر بحال شي صاعقة هوا وادم وتحركو فديك اللحضة تبعو ارسلان للمكان لي قالهوم ....ولحد الان ارسلان مازال تابعهم حتى خرجو فواخد لخلى السيارة لي فيها ايات زادة للقدام وجوج السيارات لخرين زاحمو سيارة ارسلان وداروه فالوسط وكايضربو سيارتو بسيارتهم مرا وجوج وتلاتة حتى كانو غادي يقلبوه وجاب الله كانت شجرة دخل فيها جهد وغاب عن الوعي من قوة الضربة....ومن بعد 20 دقيقة جعفؤ وادم فالطريق وهوما يشوفو سيارة ارسلان داخلة فشجرة

جعفر-حبس حبس سيارة ارسلان هاديك....
ادم-(وقف بواحد السرعة حتى نوضو لعجاج وخرجو من السيارة كايجريو) ارسلااااان ارسلااان
جعفر-(كايتاصل بسيارة الاسعاف) الو ....عتقونا صاحبي دار حادتة ......سربيو....غادي يموت (نعت ليهم المكان)
ادم-(خرجوه من السيارة ونعسوه على الارض وكلو دمايات)(كايبكي) ارسلان ....صاحبي....كانترحاااااك ماتموووتش...
جعفر-(كايضور بحال لحمق) غادي نحمااااق فين تعطلو هادو......
ادم-(بصراخ)رجع تاصل بيهووووم.....
جعفر-الو فين وصلتو ....سربيو الله يخليكم ....(قطع)ادم كاع مافكرنا فايات فين غاتكون وشكون لي غايكون خطفها....
ادم-مراد ....تاصل بمراد قولهالو يمكن يكون عارف شي حاجة

مراد كان كالس فالحديقة ديال الفيلة وكايقرا الاجريدة...حتى صونا تلفونو....
مراد-ديالمن هاد النمرة....الو....
جعفر-معاك جعفر.....سمعني مزيان ايات تخطفات
مراد-وقف بقوت الصدمة.....اشنو كاتقول ...
جعفر- اكيد نتا لي غادي تكون عارف شكون خطفها...
مراد-فين راك دابا نجي عندك
جعفر-ارسلان تصام وهوا تابع لي خطفو ايات وهالاسعاف وصلات خلط عليا لمصحة السعادة...
مراد-انا جاي دابا......

مسكين مراد داكشي لي كان خايف منو طاح فيه ركب فسيارتو بحال لمجنون اما ارسلان سترجع وعيو فسيارة الاسعاف وبدا يغوت وينادي على حبيبتو وحالتو حالة دريوليه حقنة خلاتو يتهدن وينعس حتى وصلوه للمشفي وكانو عندو ردود بساط وشي جريحات صغار نضفوهمليه وخرجة العاقبة على خير ....وفهاد الوقة وصل مراد للمستشفى ....
مراد-جعفر ... ماعرفتي عليها حتى خبر....
جعفر-والو كونا تابعينو للمكان لي نعتلنا وحنا فطريق شفنا سيارة سي ارسلان داهلة فواحد الشجرة...
مراد-وكيف بقا هوا شوية دابا ...
جعفر-مزيان دخلوه باش يرتاح
فهاد اللحضة دخل اىمحقق سفيان هوا والمخقق عدنان دخلو بعجاجتهم
سفيان-سلام عليكم....انا المحقق سفيان وهدا زميلي المحقق عدنان....
مراد-(بلهفة)مسيو كاين شي خبر على ايات....
سفيان-اولا كانتأسف على حالة سي ارسلان...
ادم-سربي طلقنى فين هي ايات
جعفر-تهدن اادم
ادم-(بصراخ)كيفاش غادي نتهدن كيفتاااش ويعلم الله فين هي دابا ومعامن (شنق على مراد)نتا هوا السبب فلي كايوقعلها الحقير ...
جعفر-(فكهم)ماشي وقة الدباز هدا تهدن...الي لمحقق واش كاينا شي خبار جديدة
عدنان-مع الاسف مكاين حتى خبر عليها تبعنا الكاميرات ولاكن هوما دخلو لمنطقة خالية ومافيهاش كمرات وفقدناهوم
مراد-ولاش صالحين نتوما هااا اش هاد الدولة كامرات هوما لخرين مدايرنهومش
سفان-تهدن اسي مراد حنا راه دايرين لي فجهدنا ....
فهاد اللحضة خرج عندهم ارسلان وشنق على مراد
ارسلتن-فين هي...فين هي مرتي الحقيييير

شدوه جعفر وادم وحاولو يهدنوه وداوه للغرفة باش يرتاح ولاكن شكووون يقدر يرتاح وايات مسكينة مجهول امرها....دق اسماعيل عليهم ودخل...

اسماعيل-على سلامتك اسي ارسلان سمعت بلي طرا وجيت نشوف الى قدرت نعاونكم بشي حاجة
ادم-(شنق عليه)غادي تمشي بحالك ولا قسما بالله غادي نخليك تنعس فالغرفة المجاورة
سفيان-تهدن اسي ادم خليه يمكن نستافدو منو بشي حاجة....
ارسلان-واش ماكفاتكش لعصا لي عطيتك ....
اسماعيل-(شاف فمراد وبتالع ريقو)انا تنادم معيا الحال وكانعتادر على لي تسببت فيه....هداك الحقير ديال مراد هوا السبب فكلشي لي طرا...
مراد-(عطاه ضربة للوجه وشنق عليه) شكون لي جا عندي وكايطلب المساعة باش ينتاقم الحقير صافي قلبتي ليا كلشي
ارسلان-طلق منو بجوج بيكم شياطين واحد كايكمل لاخر الله ينعلها سلعة....
عدنان- كانترجاكم تتهدنو هدا ماشي وقة لخصام ...كاينا واحد البنت مخطوفة ومجهول امرهل فكرو فيها ولي عندو شي حل يعطيهلنا ولي شاك فشي حد يقولو....
مراد-كاينين 4انا شلك فيهم
سفيان-(جبد ورقة وستيلو) قولي الاسامي ديالهوم
مراد-سيزار جيكلادوف....داود ابراهيم....الخنجر... سايمون موجيليفيتش....
ارسلان-(ستغرب)شنو هاد كترة الاسماء وشنو علاقتهم بايات...
مراد-(ضور وجهو وماردش عليه) سيزار اصلو ايطالي ...داود ابراهيم...اصلو مصري...الخنجر مغريبي...وسيمون روسي الاصل....
سفيان-شكون يكونو هادو .....هاد الاسماء غريبة
مراد-هادو من اكبر اباطرة المافية فالعالم....
ارسلان-(كلس بقوة الدهشة) واشنو علاقة ايات بهاد المافيات....
جعفر-دراري ارسلان من حقو يعرف الحقيقة كاملة ....
اسماعيل- انا نبدالو ....كيف كاتعرف انا لي دخلتها لدار ادم ولقصة لباقية كلها فدماغك ولاكن واحد النهار جانا امر من عند الخنجر باش نكلفو ايات دخل المخدرات من الديوانة ديال سبتة....
ارسلان-مايمكنش انا غادي نحماق اشنو هادشي لي كانسمع...
اسماعيل-خطفتها واحد النهار وهددتها الى مانفدتش غادي نقتلوك نتا يعني المهمة مقابل حياتك....وطبعا هي خافة عليك وقبلات ونهار 1فشهر 11 هوا الوقة باش غاتنفد المهمة....
سفيان-انا وعدنان كنا كانعرفو ايات وطلبنا منها تساعدنا نشدو الراس لكبير ولاكن فالاول وفاش تلاقات تهديدات ديال سماعيل لجئة لينا باش نعاونوها ....ونهار ديال المهمة عيطاتلي ايات وكانت فواحد الدار وسط الغابة وجيت موراها اوصلتها لحدى الفيلة ديالكوكانت باينا فيها مريضة بزاااف...
مراد-وانا كونت كانتسناها حدى الفيلة وركبت معايا حتى وصلنا لواحد المكان لي كانت غاتقلع منو...
ادم-وانا كنت فديك لبلاصة وستقبلتها وعاملتها معاملة خايبة حيت كنت كانكرهها وماعارف والو حيت فاقد الداكرة وهاد الحقبر هوا السبب...طلعت معاها فالهلي كوبتر حتى وصلنا للغابة ديال لفنيدق وكملنا بالسيارة لسبتة ....
عدنان-حنى كنا كانتسناوها حيت متافقين معاها ان المهمة غادي تنجح وكلشي وقنعناها باش ماتخاف من والو ....
سفيان-دخلة ايات لسبتة وستالمة البضاعة لاكن لي

سفيان-دخلة ايات لسبتا وستالمة البضاعة لاكن لي ماكناش عارفين ان الشاف لكبير ديانا امر الشرطة ديال الحدود باش يبدلو البضاعة بوحداخرا مزورا....مرة ايات بسلام من معبر الحدود
ادم-تصدمت فاش شفتها خرجة بديك السهولة وبقيت كانضايقها بملامي الجارح حتى ركبنا فالهلي كوبتر ورجعنا لفاس...
مراد-حتى انا ستغربة فاش شفت البضاعة فيدها وما فهمت والو مكناش عارفين انها معاونا مع لبوليس عليها خرجات بديك السهولة....لموهيم ركبت معايا باش نرجعها للفيلة ديالك لاكن فالطريق تزاد عليها الحال ومرضات بزاف ضطريت نديها لداري ونعالجها كانت كاتحرق بالسخانة بقيت معاها حتى صبح الصباح اوفاقة اولات بيخير .....شوية وهوا يجيني خبار ان البضاعة طلعة مزورة....
ادم-ماستحملتش داك الخبر والله يسمخلي ضربتها وعدبتها وقجيتها حتى كنت غادي نقتلها...
مراد-فديك اللحضة ضارب مع ادم باش يبعد عليها وامرت رجالي يحبسوه....لاكن فداك الوقة كنتي نتا كاتغوت برا وضطريت نخبعها فالقبو وهبطت عندك ولباقي راك عارفو....
ارسلان-(ناض عندو وشنق عليه) لحقير غادي نقتلاااااااااااك.....(فرقوهوم بجوج)
سفيان-سي ارسلان تهدن باش تعرف القصة كاملة ...
مراد- (بتالع ريقو)فاش مشيتي ....هبطت عندها للقبو عيت نفيقها لاكنها كانت غايبة على الوعي وكاتعاني من نزيف طلعتها للدار وجبت الدكتور ....لي قالي ان ايات حاملة والى ماديناهاش للطبيب غادي تفقد الجنين.....ماكناش عارف انها حاملة داكساع ولمت راسي على الشئ لي درتلها وكنت كانبغيها بزاف عشقتها من كل قلبي... ماقدرتش نيتحمل بعدها عليا فاش خرج الدكتور يحسابو انا هوا راجلها وقالي انها تعرضة لاغتصاب الشي لي خلاها تنزف بقوة وكان الجنين غادي يموت لقيتها فرصة وعجبتني وبغيت نلعب ضور الزوج والاب اوهمت راسي و الناس وكدبت عليهم وقلتلهم ان الولد ولدي....
ارسلان-(تصدم صدمة العمر) (بصراخ)مايمكنش لاااااااااااااااا مايمكنش....علاش درتي هكا علاااااااش
مراد-كنت كاتبغيها الغروري عماني وبغيتها تكون ليا وحدي مكانش يحسابلي انني غادي ناديها بهاد الحب وقنعت الدكتور بكلامي الشي لي خلاه يحكي الحقيقة فاش خطفتيه وقالك داكشي لي قنعتو بيه..ونتا صدقتيه ....كن كنتي كاتبغيها ماكنتيش غادي تيق بيه
ترسلان-(عطاه ضربة حتي شاف النجوم)الحقير الوم غادي نصفيهاليك ...
مراد-الى كنتي نتا غبي فالدنب دنبك بوحدك مكانش عليك تشك فيها.....
ارسلان-زادو ضربا وخداخرا.....ياالشيطان خليتيلي مجال مانشكش فيه والصور لي شفو
مراد-كانو مفبركين وبدون علم ايات بغيتك توصل ليهم وتكرها وتبعد عليا باش تبقالي هي اولدي ليا بوخدي
جعفر-(تعصب)مازال كاتقول عليه ولدك هاااه (عطاه ضربة وفرقوهوم)
عدنان -هادشي ماشي معقول تحكمو فاعصابكوم شيوية خاصنا نعرفو شنو وقاع من بعد كمل امراد

مراد-(مسح الدم من فمو) الخنجر لي هوا الراس لكبير قرر يعاقب ايات على المهمة لي فشلات وعاقبني معاها حيت انا كنت المسؤل على البضاعة ....وكلفنا بمهمة جديدة ...سيفطنا لاطاليا باش نسرقو الالماس وبعض المجوهرات فواحد الحفل الخيري فالعاصمة روما الايطالية وكان رئيس ديال العصابة ولي سميتو سيزار حاط عينو على المجوهرات وقدر يسرقهم لاكن انا وايات قدرنا نضحكو عليهم وخدينالهوم المجوهرات وهربنا سيزار مارضاش وفقلبو حقد كبير علينا وكايتحلف عليا باش ينتاقم...من وراها فالحفل كان حاضر زعيم المافية المصري ابراهيم داود وعجباتو خدمتنا وطلب من الخنجر باش نفدولو مهمة ونتاقلنا لمصر حيت ماعندناش خيار اخر انا كانو كايهددوني بختي وايات كانو كايهددوها بيك نتا اارسلان لموهيم مشينا لمصر وكلفونا نجيبو واحد الكتاب دهبي مع كنز ديال امون رع من واحد المقبرة الفرعونية ومشينا وعشنا العداب فداك النهار حيت المكان كان فواحد القرية وسط الصحراء وقدرنا نتسللو لديك المقبرة وبمشقة الانفس قدرنا نخرجو الكنز لاكن عصابة سيزار كانت واجدالنا وتعاركنا معاهم وهربنا وكانو رجال دادو موجدين الهلي كوبتر باش قدرنا نهربو من ديك القرية وفديك اللحضة ايات تزاد عليها الحال ورجعلها النزيف من جديد وعملولها عملية صعيبة باش توقف النزيف وموراها بشي يامات داود كلفنا نمشيو لروسيا نفدو عملية لزعيم عصابة روسي سميتو سايمون لاكن حنا رفضنا وكانكتاشفنا ان الخنجر باعنا لداود وداود باعنا لسيمون ...رفضنا نفدو العملية وكانو كايهددونا وقررنا نهربو ...وداكشي لي كان هربنا من مصر بمشقة الانفس وفاش وصلنا طلاقيناك فالباب ديال المطار اسي ارسلان وخديتيها مني وديتيها بالقوة....ومن بعد كتاشفت ان داود وسيزار تبعونا تالمغرب وبحال والو حتى سيمون يكون تبعنا حيت دفع مبلغ خيالي مقابلنا وحنا هربنا منو ورفضنا نخدمو معاه...

سفيان-تلاتة ديال الاسماء طلهوم باينين والاسم الرتبع لي هوا لخنجر شكون هاد الخنجر...
مراد-ماعرفتش ماعمرني شفتو
ارسلان-(بنبرة احتقارية)كيفاش نتا خدتم معاه ومعارفش شكون يكون هاد بنادم...
مراد-كانقسم ليك مكانعرفش لاسميتو ولا صورتو

تقاتلو ودابزو وتناقشو كلهم واحد كايرض اللومة لاخور ....وكلشي مسؤل على لي وقعلها....اما ايات مسكينة بدات كاتحل عينيها غير بشوبة وكاتشوف راسها فين كانت وسط واحد الغرفة كولها رفوف زجاجية وكل رف وسط منو قرعة ومقفول بالساروة والاضاءة خافتة باللون الاحمر وهي وسط الغرفة وكالسة على كرسي ديال لخشب ومربوطة وفمها مقفول بالشريط الاسق...

ايات-حليت عيني لقيت راسي فوسط غرفة كاتخلع لمناضر لي شفت خلا قلبي ينقض من مكانو بزاف ديال لقراعي وكل قرعة فيها عضو من اعضاء جسم الانسان لودن لقلب اليد الرجل وكان قبالتي قرعة فيها راس مقطع وعرفة راسي طحت فيد قاتل متسلسل.....ومصيري غادي يكون فقرعة من بين هاد لقراعي .....الصمت مسيطر على المكان دبانة ماتسمعتش حسها بديت كانحاول نفك يدي لاكن بدون جدوي حيت كانو رابطيني بالشريط الاسق كولي من راسي حتى لرجليها .....فديك اللحضة مر امام عيني شريط حياتي كامل وقلت قصتي قربة نهايتها.....
الشخص-(حل الباب ودخل وجا من وراها وسدلها عينيها بقطعة توب كحلة)
ايات-ششكون نتا......جاوبوني شكون نتوما وشنو بغيتو مني....
الشخص-(جر كورسي لحداها وفرق رجليه وكلس عليه بالمقلوب وسند يديه على التكتية ديال الكورسي وهوا قرييب من منها بدا يدندن ويغني)تيرا را راااااا اممم ام امم تيرا را رااااا...
ايات-مافهمتش وماعرفتش شكون هدا لي كالس قبالتي وكايغني وانا نسولو شكون نتا ولاكن بحالي ماسمعنيش كمل فالغناء ديالو شوية كانحس بيديه كايلمسو شعري اوجهي ماستحملتش دوك اللمسات القدرة وبديت نغوت بربي لي خلقني ولاكن كانني كانغوت فشي بير واحد شوير وضع يدو على بطني وبدا يتحسسها غير بشوية وانا ولين كولي فازكة بالعرق وكانرجف ونحاول نفك قيودي ولاكن بدون جدوى وهوا كايلمس بطني تحركات بنتي وسمعتو كايضحك باعلى صوتو بحال شي مجنون واحد شوية حسيت بيه وقف ولاح شي كرسي ونزل على ركابيه اوضع راسو على بطني وكايتسنت وبنتي متلقاتش فقتاش تتحرك غيرر فداك الوقة كايضحك ويتصنت ويغني ويدندن بكلام مامفهومش حسيت براسي طحت فانسان مختل عقليا مافقلبوش و الرحمة...
الشخص-(كايلمس خدها بطريقة شادة)كم انتي جميلة...
ايات-تكلم لاكن مافهمتش الغة لي كايدوي بيها بغيت نعرف شكون غادي نحماااق...ممكن يكون سيزار لاكن هادا ماشي صوتو داود مايمكنش لغتو مصرية وبتينة الخنجر كايهضر بالدارجة شكون غادي يكون ....واحد الشوية سمعة الباب تحلات وشي شخص دخل وسيطرة ريحة برفانو على المكان وصوت خطواتو زعزعوني بالخلعة وباين عليه كبير غير من صوتو وعلى مافهمت امر هداك المجنون يخرج وبقا غير هوا...سمعتو جر شي كرسي وكلس عليه وبدا كايتكلم بالانجليزية...(انا غادي نطرجملكم بالدارجة)
الشخص- مرحبا الااا ااالف مرحبا لغزالة لالة ايات...
ايات-شكون نتا...سيزار
الشخص-لاااااا غلطتي....
ايات-سيمون.....
الشخص-توتوتوتو لا ماشي هوا...
ايات-شكون نتاااا جاوبني
الشخص-انا سميتي مكونة من اربع احرف...ههههه هدا لغز يالاه حليه شكون انا...

ايات-كايتفلى عليا هاد بنادم قالي سميتو مكونة من اربع احرف لاكن صوتو ماغريبش عليا سبقلي سمعتو شي مرا لاكن ماعقلتش فين وشكون وحتى الانجليزية لي كايهضر بيها معلكة ومامفهوماش مزيان...

الشخص- نعاودليك على حياتي وتسمعيليا هممم انااا ماعمري قديت نعاود لشي حد على حياتي
ايات-فاش قالي يعاودلي على حياتو وافقة على الفور وقلت يمكن الى عاودلي نعرفو شكون هوا..

الشخص-(دار رجل على رجل وربع يديه)انا كان عندي اب وام وجوج خوتي بنات ولاكن تربيت فالخيرية هههه شفتي النقطة المشتركة لي بيناتنا ....
ايات-(فكرت انه يقدر يكون شي حد تربا معايا فالخيرية ولاكن لا مايمكنش الصوت ديال هاد الشخص كبير ماشي صوت ديال شي شاب)ومن بعد كمل...
ايات-عرفتي علاش تربيت فالخيرية حيت با ومي وكانو فاسدين هوا كايقيل مقلوب بالشراب ولحشيش وكايمشي يجيب لمي الرجال باش تنعس معاهوم باش يلقى باش يشرب ويتحشش ومي كانتةكفس منو قح...من لق....لكبار حتى هي كاتكمي وتشرب وحتى انا كنت كانشرب معاهوم واخا كان عندي غير 13 لعام وتبليت بااحشيش وهوما سبابي وحيت كنت كاندير لمشاكيل بزاف دخلوني للخيرية وتهناو مني وفواحد العطلة مشيت عندهم وكان الوضع اسوء بزاااف زااتدو فهبالهوم وفواحد النهار سخطت على الوضعية فاش شفة با جايب لمي راجل ودخلاتو معاها لبيت وهوا جاب قح...ودخلها للبيت خرجت خوتي بجوج وانا نشعل فيهم العافية فالدار هاهههههههههههههههههه تصوري تشواو بحال لحولي دالعيد.....

ايات-(قلبي بدا يضرب بسرعة الله ياربي معامن طحت انا اويلي المجانين قتل مو وباه وفرحان)
الشخص-مالكي خفتي....بلاتي نكمليك سمحة فخوتي فتلزنقة وهربة ههههه وانا مالي يحمدو الله منين ماقتلتهمش حتى هوما...ههههه...بقيت تالع فزناقي حتى تسالات العطلة ورجعة للخيرية وكان واحد ولد لحرام ديال المدير كايعاودو عليه لاباااس عليه كان غير كايشوفني كايتقلبوليه لعينين وكايولي يهترف اواحد النهار شدني فطواليطات

اواخد النهار شدني فالطواليطات وغتاصبني ولد لحرام وباش مانفضحوش داني معاه غراني بالفلوس والجاه وداني معاه لدارو كالك تبناتي لاكن هوا كان غرضو فيا وكان كل نهار كايجي عندي لبيتي ويمارس عليا الشدود لي فيه كانو عندو شركات واملاك وحتى الخيرية كانت ديالو وكان عندو ولد واحد كان قدي فلعمر كان كايخاف عليه من كلشي ومعيشو عيشة الامراء وانا كايتكرفس عليا كل نهار حتى درت 20 عام لاكن ماقدرتش نتفرق عليه حيت ولفت لفلوس والسيارات وزيد وزيد هههه اولفة حتى داكشي هههههه ولاكن واحد نهار عاق بينا ولدو ومارضاش وجرا عليا وهدد باه انه غادي يفضحو الى طمل معايا......ههههههه
ايات-(من طيقة كلامو اتبتلي فعلا انه عندو شدود جنسي كان مرا مرا كايتحلون فهضرتو حرت ياربي شكون هدا)
الشخص-فاش جرا عليا كونت داير بحال شي بنيتة كاتخاف من كولشي وانا نقرر نقلب راسي ونولي راجل...دهلت لنادي الكراطي اوليت صحيح ومجهد ولاكن تقاضاولي لفلوس ومالقيتش شي خدمة اخري من غير الاجرام خدمة مع واحد البزناس كنت كانبيع لحشيش وتشديت فالحبس....وخرجت ورجعت معاه حتى وليت يدو ليمينية وكايعول عليا فكلشي.... وانا يبانلي فيه لبلان قتلتو وقطعتو طراف ودفنتو وحتى حد ماجابليه لخبار...وخديت بلاصتو وليت انا هوا الرئيس ديال البزناسة شوية من لحشيش قلبتها هيروين وقرقوبي ومابقاااش كافيني المدخول وانا نقلبها الماس وسلاح اوليت كبيير وسميتي كاتخلع كول من يسمعهاهههههههه....وباش نتبت لراسي انني راجل وليت كانجيب لعاهرات للدار وفاش مكانقدر ندير والو كاندخل فمرجة غضب ككبيرة وكانقتلهم وكانحيد جزء من الجسد وكانحتافض بيه فهاد لقراعي لي فهاد الغرفة.....كانضن راكي شفتيهم هههه ولاو عندي لفلوس لي مايتحصاوش ومايجمعهم غير الفم وقررت ننتاقم من لي سببلي فهاد الشدود الجنسي لاكنو مات قبل مانتاقم منو وبقا غير ولدو وانا ننتاقم منو هههههههه بكل بساطة هههههههه

ايات- ماعرفت باش تبليت وخفت لايكون خطفني باش يدير لي بحال العاهرات لي دكرهم ويقتلني نقطة ديال الدم مبقاتش فيا بقوة الخلعا وهوا كايعاود ويضحك بدم بااارد
الشخص-(ناض وتقدم عندها وامس بطنها) اممممم
ايات-حيد يديك لموسخين عليا...
الشخص-وليد ولا بنيتا
ايات-ماشي صوقك
الشخص-باينا فيها بنيتا...وغاتكون زوينة بحالك ....لاكن ياخسااارة ماغاديش تشوف النور واا حتى مماها
ايات-(بصراخ) شنو باغي مني ابنادم شكون نتا وشنو بغيتي منييي
الشخص-( حيدليها عصابة العين و شدها بقوة من وجها) انا عزرائيل لي غادي يقتلك ويقتل هااااد البنيتة لي فهاد لكريشة هههههههه
ايات-غير شفتو قلبي تقبط عليا كان داير واحد القناع على وجهو كايخلع وغوت بربي لي خالقني اوهوا كايضحك بطريقة جنونية وهستيرية ....بقا يضحك ديضحك وفلحضة خرج وسد الباب من وراه وعاد رجعت فيا الروح ...

فهاد اللحضة ارسلان كان مازال فالمستشفى رغم رفض الدكاترة الى انه اصر يخرج ويقلب على حبيبتو لمخطوفة اوهوا دابا فالغرفة ديال المشفى ومازالين معاه الدراري حتى جاه اتصال....
ارسلان-شي رقم غريب كايتاصل بيا
سفيان-بسرعة جاوب...
ارسلان-الو...
الشخص-(كايهضر بالانجليزية وبصوت الكتروني باش مايتعرفش )مسيو ارسلان سمعني مزيان ....
ارسلان- شكون نتا
الشخص-مكايهمش سمعني مزيان الى فكيتي هاد شيفرا غادي تلقا مرتك ايات ....
انا قاتل و مفجر و غدا عندما يمشي الحصان في طريقه الاسود و الابيض سادمر البرج الاعلي A و انهي اسطورته
المطلوب
٠ وقت التفجير
٠ المكان الذي فيه القنبلة
٠ البلد المقصود
عندك فقط 24 ساعة غدا تكون فالمكان وفالوقة المطلوب (قطع عليه)
ارسلام-الو...الو...قطع
مراد-شنو طلب منك ...
ارسلان-عطاني شيفرا وطلب مني نفكو ونجي للمكان المطلوب
سفيتن-وشنو هي هاد الشيفرة
ارسلان-ماعقلتش قالو بسرعة....ولاكن بلاتي عندي التلفون كايسجل المكالامات وحدو
عدنان-سربي طلق نسمعو الشيفرة....(طلقو وسمعوه كاملين مرا وجوج وعشرة وتقول واش فهمو شي حاجة....
ارسلان- كانضن ان هاد الشي عندو علاقة بلعبة الشطرنج
مراد-الشطرنج ....ممكن لان حرف A كايمثل الصف الاول في رقعة الشطرنج والحصان حتى هوا...
عدنان -جمعو لوقفا غادي نمشيو لمركز الشرطة تماك كاينين محققين مجهدين هوما لي غادي يفكو لينا هاد اللغز
خرجو كاملين بسرعة وحتى ارسلان كافح رغم الكدمات والالم وركبو فسياراتهم متوجهين لمركز الشرطة...حتى وصلو ودخلو كاملين ادم مراد ارسلان جعفر سماعيل سفيان وعدنان...
سفيان-براهيم فين هوما المحققين...
الشرطي ابراهيم-راهوم فالمكتب مع العميد جهاد
توجهو كاملين للمكتب ودخلو....ولقاو تماك جوج محققين وعميد الشرطة جهاد وحكاولهم على الشيفرة وكلهم بداو يفكرو فالحل ديال الشيفرة

العميد جهاد-(كالس على الكرسي وحاط على الطبلة لعبة الشطرنج)معدر جدي كان كايقولي نتعلم نلعب الشطرنج هوا لي غايعلمني الصبر وفتحلي دماغ مامشيت حتى حتاجيتها ايييه ياجدي
ارسلان-(بنفاد صبر) واش حنا دابا فجدك اسي العميد

جهاد-تهدن اصاحبي مالك مقلق الى توترنا كاملين شكون غايلقى الحل للغز...
عدنان-سي ارسلان تهدن كلس هنا ورتاح
مراد-راه كانضيعو الجهد اسي جهاد عندنا غير 24 ساعة...
المحقق عمر-شووووو سكتو كاملين خليوني نركز....لقيت واحد الحل وعطيوني رئيكم فيه....
ادم-سربي سمعنا...
المحقق عمر- #المكان رقعة الشطرنج #مكان القنبلة مربع الملكة- #الوقت عندما يتحرك الحصانين الابيض و الاسود لتشكل عدد من قطع الحرف A
سفيان-انا بعدا مافهمت واااالو...
المحقق عماد-انا فهمت مزيان... قطعة حصان الشطرنج غادي تحرك على شكل L وعلى شكل حرف Lمحسوب 3 ديال الخانات ادن التفجير غادي يكون فساعة 3:00 ....
سفيان-مزيان الوقة اوعرفناه لاكن شنو لمقصود من التفجير
المحقق عماد- كانضن التفجير مقصود بيه الفجر يعني 3:00فجرا
ارسلان-فهمت والمكان شنو هوا.....
جهاد-(ضرب على الطبلة بالجهد)لقيتهااااااااا..هههههه
وقت التفجير:-وقت الفجر 3:00
المكان الى فيه القنبلة:- برج ايفيل لانه على شكل حرف A
والبلد المقصود:-باريس فرنسا...
عدنان- فعلا الحل هوا هدا وصحيح مية فلمية الوقت هو 3:00 L يطابقه البلد paris ( france) A tour eiffel
سفيان-سي ارسلان غادي نحجزو ليك اقرب رحلة متوجهة لباريس
ارسلان-(وقف بسرعة)واخا انا مستاعد من دابا
مراد-انا غادي نجي معاك
ادم-وحتى انا
جعفر وحتى انا غانجي معاكوم
(دارو كولهوم وشافو فسماعيل)
اسماعيا-احم ...اااااام ....ختى انا نمشييي معاكم الى بغيتو
ارسلان-لا مكاين لاش غادي نمشي بوحدي
مراد-لا مايمكنش ماعرفتي فاش توصل شنو يوقاع بعدا وحنا مجموعين غادي نتعاونو متافقين معايا ادراري...
جاوبو كولهوم متافقين....بسرعة خرجو وتوجهو للمطار وحجزو اول طيارة متاجهة لباريس .....ديك الساعة لي قلعو فيها كانت 4 ديال الصبح اوصلو مع
10ديال صباح فطرو تماك ورتاحو جسديا اما الدماغ مشغول وكلهم خايفين لماتطلعش الشيفرة صحيحة ويكونو عرضو حيات ايات للخطر....كلسو على نار حتى وصلت الساعة 3:00 فجرت ارسلان كان داير جهاز الاتصال خفي وكايتواصل مع جعفر ودراري ....

ارسلان-جعفر وصلت ومكاين حتى حاجة الدنيا هنا خاوية وكاتصفر...
جعفر-غادي يكونو حاضينك من بعيد غير صبر وحنا غادي نطاكيو عليك الى وقاعة شي مداهمة بالسلاح...
ارسلان-اوكي ....تلفوني كايصوني
جعفر-سربي جاوب
ارسلان -الو
الشخص-شوف على يمينك غاتلقا صندوق فتحو (قطع)
ارسلان-الو .....الوووو....
جعفر-شنو كاين
ارسلان-(ضار على يمينو شاف صندوق اسود مشا ليه كايجري وفتحو لقا فوسطو صندوق اخر عاود فتح لاخر لقى فوسطو وحداخر بقا يفتح فاصنادق حتى وصل لاخر صندوق صغير وحلو وتما كانة الصدمة اصبع الخنصر مقطع وفيه خاتم الزواج ديال ايات.....بغا يحماق ارسلان بالغوات وفاش شافوه الدراري خرجو من المكان لي كانو مخبين فيه ومشاو عندو وفاش شافو الاصبع بغاو يحماقو مساكن ....
مراد-(عينيه عامرين بالدموع ومشا هز ديك الكرطونة) دراري لكارطونة فيها واحد الورقة ....
ارسلان-طار عليه وحيد هالو من يديه وقراها....

سأظهر لأقبل يد ال {Q} فآخذ تاج ال {K} , عندما تبلغ الساعة {A} , فإن كنت {J} امنع هذه السرقة
؟؟؟؟؟؟؟
لديك ساعتين لتحل اللغز والتصل على الرقم المدكور لكي تعرف العنوان...
ادم-شنو هاد الشيفرة عاود ياربي غادي نحمااااااق....
ارسلان-طاح للارض وكايبكي (ويغوت بالجهد) ايااااااااااااااااااااات
جعفر-(حيدليه الورقة من يدو وقراها وعاود وعاود وهوا كايضور ويضور ويفكر ) لكارطا.....(بصراخ) لكارطة ادراري ...
مراد-حيدليه الورقة من يدو......فعلا الكارطة هي الحل....
ارسلان-حيدليه الورقة من يدو...بغيت كولشي يسكت وخليوني نركز فالحل
اسماعيل-انا شحال هادي كنت كانلعب الكارطة بزاف ممكن نفيدكم...
ارسلان-سكتنا نتا.....حرف {Q} فلعبة الاوراق هي الملكة
اسماعيل- وحرف ل{k} هوا الملك....
ادم-وحرف ل {A} هي الساعة ...
جعفر-وحرف ل {J} هي الجوكر....
ارسلان-الى جمعنا هادشي كامل غادي تعطينا الحل الاقرب لي هوا ساذهب لاقبل يد الملكة وساسرق تاج الملك ان كنت الفارس jockey فامنع هاذه السرقة
مراد-اشنو كانتسناو تاصل باالنمرة....
ارسلان- اوكي....هاهوا كايصوني...
الشخص-(بدون مقدمات)كلمة السر...
ارسلان-سادهب لاقبل يد الملكة واساسرق تاج الملك ادا كنت فارس شجاع فامنع هاده السرقة....
الشخص-ادهب انت واصدقائك الى متحف لوفر louver جناح دينون Denon weng وانتضر اتصالا مني .....(قطع)
ارسلان-سربيو طلبو منا نمشيو كاملين لمتحف لوفر
مراد- يالاه زيدو
ادم-يعلم الله الشيفرا لي غايعطيونا دابا شنو هي....
جعفر-شنو ماعطاونا غادي نحلوه اهم حاجة نرجعو ايات
شدو طاكسيات ونيشان لمتحف لوفر وكان ديك الساعة 9صباحا... وصلو للمتحف لاكن الحراس ماخلاوهمش يدخلو لان المتحف مكايحل حتى 12 كلسو تماك كايتسناو على نار ومرا مرا يتخاصمو ويتسابو ويتناكرو شي كايلوح اللوم على الثاني حتى وصل وقت الدخول هوما ومجموعة من السياح المتحف عمر بزاف بالناس

مراد -فين جا هاد الجناح لي سمييتو دينون...
ارسلان-اجي نشوفو هاد اليافطة شنو مكتوب فيها..(بدا يقرا) جناح سولي Sully Wing يضم رسوم من القرن 17- 19, آثار من مصر من عهد الفراعنة, وتحف ايرانية.
جناح ريتشليو Richelieu يضم رسوم فرنسية, ألمانية, وهولندية, نحوت فرنسية, تحف من شقق نابليون, وتحف ايرانية.
هاهوا هدا هوا جناح دينون Denon Wing يضم الفنون الاسلامية, تحف شرق أوسطية من زمن الامبراطورية الرومانية, رسوم وآثار فرنسية, ايطالية واسبانية.
جعفر-شكانتسناو يالاه نقلبو عليه.....
مشاو كايقلبو عليه حتى لقاوه ودخلو ....
ادم-وااااو هادشي كبير بزااااف.....شتو مازال ماتاصل...
ارسلان-هاهوا كايصوني..الو.....
الشخص-انضر الى يمينك هناك كتاب وفي جواره ورقة اقراها وكن متسعدا...(قطع)
ارسلان-(مشا كايجري لداك لكتاب وهز الورقة لي كانت فجنبو)اجيو هاهي
مراد-(تصدم) بلاتي ادريري
ادم-مالك شنو بغيتي..
مراد-هدا كتاب امون رع لي سرقناه انا وايات من المقبرة الفرعونية لي فمصر
ارسلان- يعني احتمال داود ابراهيم هوا لي خاطفها...
مراد-انا متاكد هوا مكاينش من غيرو...بلاتي قرا شنو فديك الورقة....
ارسلان-(بدا كايقرا فالورقة) .في 7:39 دقيقة يتقابل الاول بالاول لاكتمل أنظر إلي برج الليف في الرابعة مساءا فأنهار و أندثر فتغيب النجمة الخماسية و تختفي
فكو الشيفرا وكونو مستعدون في الوقة المطلوب فالجميلة ستختفى...ساضهر لاقبل يد الملكة واسرق تاج الملك فادا كنت فارسا شجاعا امنع هده السرقة...قبلاتي♡♡...
جعفر-(بنرفزة)اشنو هاد لخرا عاوتان
مراد-هادشي عندو علاقة بالساعة
ادم-تغيب وتختفي ...كانضن كايهضر على الشروق والغروب...
اسماعيل-(مربع ديو اواقف كايشوف) ماقال والو
ارسلان-شاف فسماعيل.....ونتا جبناك ضيف معانا تحرك فكر قول شي حاجة...
اسماعيل-فينما كانهضر كاتسكتوني حرت معاكوم...
ادم-(تنهد)يالاه اسيدي اتحفنى
اسماعيل-اواو ديك الورقة(شدها وبدا يقرا)امممممم....انا كايتهيئلي ان الموضوع كايتعلق بيوم القيامة ولا شي حاجة بحال هادي...
كولهوم غوتو فنفس اللحشة وحيدوليه الورقة من يديه
مراد- علما فهمت ان المقصود بالنجمة الخماسية تغيب و تختفي هو ان النجوم لا تظهر في النهار و لكن ماعرفتش معنى يتقابل الاول بالاول ولكن كانظن ان عندو علاقة بالساعة و العقارب
ارسلان-عندك الحق... الاول بالاول وتعني اول الليل ويشبه اول النهار لا شمس فيه وبرج الليف هو الشمس في الرابعة تغيب لتندثر وهي النجمة الخماسية نفسها وتنتهي من الاختفاء في السابعة وتسعة وثلاثين دقيقة
جعفر-يعني يقدرو يجيبولنا ايات مع 7 ياكو
مراد-ممكن ولاكن ماغاتجيش بيديها خاوية
ارسلان-بلاتي الساعة لكبيرة جاية مقابة مع جناح (ريتشيلو) يعني خصنا نمشيو لقبالت الجناح والساعة ونكلسو نتسناو شنو غادي يوقاع مع 7
مراد-فعلا عندك الحق يالاه نتحركو ادراري
خرجو كاملين اوقفو قبالت الساعة وقبالة باب الجناح كايتسناو الساعة 7 سماعيل لي مامنو فايدا هوا لي كان كايتصخر عليهم ويجيبلهوم ماياكلو ويشربو من 12 حتى 7

ايات-دوز يومين من اسوء الايام فحياتي مرا مرا كان لوجع كايشدني من ضهري بسبب لجلسة ديال الكورسي وكان مرا مرا كايدخل عندي داك المجنون لي دخل عندي فالاول وكايبقا يغني ويدندن وكان لابس نفس القناع ديال الرجل لي حكالي على قصتو فواحد اللحضة دخلو عندي جوج رجال صحاح ولابسين نفس القناع ديال (الانونيموس) وجه مبتاسم لاكن انا كان كايخلعني...خرجوني من الغرفة وماعرفتش فين دايني ومغمضيلي لعينين ماعارفا راسي اخر حاجة عاقلة عليها هي فاش خطفوني منين خرجنا من عند الدكتورة وصلوني لواحد المكان وتكلم واحد الشخص عندو صوت غليض وكايخلع وقالي ندخل لمتحف لوفر سولتو فين انا قالي حنا فباريس ....تصدمت واحد الصدمة فشكل كنت فالمغرب وليت ففرانسا لموهيم قالي داك الشخص

الشخص-استمعي الى جيدا ستدخلين الى متحف لوفر وستتجهين نحو جناح ريتشليو Richelieu وسوف تسرقين تاج الملك اليكساندر غابريل ....
ايات-ستغربت من طلبو ولاول مرا مانكرهش يكون معايا مراد هوا لي كايتولا هاد المهام رفضة فالاول لاكنهم قالولي الى سرقتيه غادي نطلقوك تمشي بحالك تسألت كيفاش غادي نسرقو والمتحف كايكون عامر فديك لوقيتة لاكنو قالي...
الشخص-استخدمي مهاراتكي كما استخدمتيها سابقا في سرقة الكتاب الدهبي من مصر....
ايات-دخلني الشك من كلامو وشكيت ان لي خاطفني هوا داود ابراهيم....لانه الوحيد لي عارف بقضية سرقة الكتاب اوكدالك شكيت فسيزار لانه تعرض لينا فاش خرجنا من المقبرة ...دورت كلامو فدماغي وفهمت ان هاد الناس ماغاراضهومش فالتاج وهوما عارفين ومتاكدين انني مانقدرش نسرقو ولمتحف عامر حيدولي لعصابة على عيني وخرجة من السيارة وكانت الشمس بدات تغرب تكون ديك 6 او7 بحال هكا دخلت للمتحف وكان مبير بزاف وعامر بالناس ....بانتلي واحد اليافطا مسيت كانقلب فيها على جناح ريتشليو لي فيه التاج....

مراد- اوووف(شاف فالساعة)عادي 7ومازال مبان وااالو (علا راسو كاتبانلو ايات داخلة) ....راهيا ايااااات....
ارسلان-(بصراخ)فين ...فين هي
مراد-(كايجري )راها....
مشاو كايجريو موراها ويعيطولها لاكنها ماسمعتهومش ...دراري كولهوم كايجريو ويدخلو فالناس باش يلحقوها لان المتحف عبارة عن قصر كبير وردوه متحف....دخلت ايات للجناح
ايات-دخلت للجناح وقلبت على تاج الكساندر غابريل حتى لقيتو اوقفت قبالتو كانتامل مدى جمالو والاحجار الملونة لي فيه حتى سمعت اصوات مالوفة ضرت كانلقا ارسلان ومراد وسماعيل ادم وجعغر واقفين من ورايا وكاينهشو ماحسيتش براسي حتى تلاحيت فحضنو وعنقتو ااااه وشحال توحشة ريحتو وحضنو

ارسلان-(كايعنق فيها ويبوس بشوق ودموع فعينيه)حياتي عمري ماوقعلك والو مدارولك والو ضربوك اداوك هاه جاوبيني (كايبكي ) سمحيلي احياتي سمحيلي
ايات-تصدمت عمري شفتو كايبكي قدامي عمري شفت منو هاد الجانب الضعيف فين هوا داك ارسلان لقوي والعصبي واخيرا نزلة دمعة مز عينيه بغيت ننطق لاكني شفة ضوء احمر مصوب....
من بعد ماشافة ايات نقطة حمراء مصوبة جيهة قلبو تلاحت عليه بدون شعور وجات فيها الرصاصة فضهرها.... الروينة ناضة فالمتحف كولشي كايجري وخايف وشي كايدخل فشي اما ارسلان كان شاد فايات وهي غايبة على الوعي وكايغوت ويبكي بحرقة وماشي غير هوا حتى مراد شادليها فيدها وكايبوس فيهم ويبكي ادم كدالك وسماعيل وجعفر كولهوم ضايرين عيلها ....فالحال تدخلت الشرطة الفرنسية وحاصرت المكان وجات الاسعاف ونقلو ايات للمستشفى بسرعة .....وسترجعة وعيها فاسيارة الاسعاف
ايات-حليت عيني لقيت راسي فسيارة الاسعاف وارسلان كايبكي داز من قدام عيني شريط حياتي كااامل ملي تولدت حتى تضربت بالرصاصة كانشوف ارسلان كايهضر ويحرك شفايفو لاكن ماسمعة حتى حرف من كلامو وكان ميسطر عليا الم المخاض عمري حسيت بشي الم بحالو غادي نولد بنتي وماغاديش نشوفها اشنو هاد الزهر لي عندي ..

وصلت سيارة الاسعاف للمستشفى ونقلو ايات للمستعجلات تجمعو الاطباء عليها
ايات-تصورو كاع ماحسيت بالام الرصاصة لي فضهري حيت الم المخاض نساني فالرصاصة كانتالم ونغوت بالحريق والممرضات كايواسيو فيا وفلحضة مابقيت حسيت بحتى حاجة....

دخلت ايات مسكينة فغيبوبة لام الالم والاصابة كانو اقوى منها ...
ارسلان-(شاف الدكتور خارج وتلاح عليه)دكتور طمني عليها كيف بقات غادي تبرا ياك
الدكتور-(تنهد)مع الاسف المدام ايات دخلت فغيبوبة
ارسلان-دكتور قولي انها غادي تعيش كانترجاك ماغاديش تموت ياك....
الدكتور- لي قدينا عليه درناه امسيو وقفنا النزيف لاكن كاين احتمال تموت هي والبيبي لان حالتهوم خطيرة....
ارسلان-دير لي فجهدك ادكتور بغيتها تعيش كانترجااااك تعاونها
الدكتور -ضروري غادي نولدها لان الجنين نبض قلبو نخافض لاكن كاين احتمال تموت المدام وسط العملية
مراد-(شنق على الدكتور)مايمكنش تمووت دير لي فجهدك باش تعييييش
الدكتور-تهدن اسيدي راه الى ماولدناهاش غادي نفقدو الجنين والام كدالك ....لهدا ضروري نولدوها فيها تموت هي ويعيش الجنين وفيها يموت الجنين وتعيش الام وممكن يموتو بجوج ...دابا لي ديرو عوا دعيو معاها.....بالشفاء (مشا وخلاهوم)

دخلوها لغرفة العمليات وبداو فالعملية فتحو ليها كرشها اولدوها بالعملية لاكن غير خرج البيبي وغوت اول غوتة وقف قلب ايات مسكينة .... نتافضو الدكاترة كاملين وعملولها انعاش للقلب بالصدمات الكهربائية وبعد عناء طويل رجع القلب ينبض من جديد الحمد لله...وقدرو يحيدولها الرصاصة من ضهرها....سالات العملية والحمد لله وقاعة معجزة وعاشو بجوج الام وبنتها نقلو لبنيتا للحضانة لانها تولدات قبل وقتها ونقلو ايات لغرفة الانعاش.....
الدكتور-(خرج من غرفة العمليات وجار معاه الحضانة لي فيها لبنيتا)
ارسلان-(مشا عندو كايجري) مرتي كيف بقات مرتي....
الدكتور-هادي بنتك ماباغيش تتعرف عليها...
ارسلان-(ضار عندها وبسرعة نزلو دموعو وقرب منها غير بشوية) بببنتي........بنتييي....زوينة بحال مماك...
مراد-دكتور ايات كيف بقات
ارسلان- كيف بقات مرتي ادكتور (شاف الباب تحلات ومخرجين ايات شدليها فيدها وتبعها) حبيبتي عمري (كايبوس ليها فيدها) الحمد لله رجعتيلي ...ايااات ...مالها ادكتور مكاتجاوبش
الدكتور- مسيو حنا مزال ماعارفينش واش غادي تقدر تعيش ولا لا حتى تفيق من البنج واحتمال ماتفيقش وتدخل فغيبوبة مامعروفاش مدتها...

ارسلان مسكين عنقها بقا يبكي بحرقة على حبيبتو مراد وادم وجعفر وسماعيل كايشاهدو من برا الزاج وكايتالمو من داك المنضر...

دازو شهراين وايات مازالة فغيبوبة لبنيتة كبرات وفرزات اولات تلعب برجيلاتها ويديداتها وكانت مي عيشة لي مقابلاها ومهليا فيها اما ادم وجعفر رجعو للمغرب باش يتولاو الخدما فالشركة كدالك سماعيل رجع للمغرب باش يقلب على ولدو هوا وكريم لي ماعارفش مكانو ....اما ارسلان مازالش من حدى ايات وكل نهار كايمشي عندها للمستشفى ويمسحلها وينضفها .ويعطرها ويمشطلها شعرها وفليل كايعاودلها لحكايات لي كانت مكاتنعس حتى كايعاودهوملها ..... ومرا مرا يجبد الدفتر لي كانت كتبت فيه الوصية لبنتها فاش كانت فدار مراد عطاهلو جعفر قبل مايرجع للمغرب وفينما يقراه كايلوم نفسو على الشك لي شك فيها وعلى المعاملة السيئة لي كان كايعاملها ونكرانو لبنتو وهي مازالة فكرشها....
مي عيشة-(حلت الباب ودخلت وهازا لبنيتة فيديها) السلام عليكم...
ارسلان-وعليكم السلام..اريلي لفنيكيشة ديالي (هزها)اوووبااا حبيبة ديالييي...هاماما مازال ناعسة قوليلها اماما فيقي توحشت نسمع صوتك...هههه كاضحكي البنوتة ديالي..
مي عيشة-مسكينة بنتي من نهار تزادت وهي فالعداب ولمحنة وحتى بنتها ماكتابلهاش تشوفها...
ارسلان-(حط لبنيتة فحضن ايات) غير تفيق امي عيشة وكانواعد نفسي امام الله غادي نعوضها على كل حاجة ضاعة منها وعلى كل نهار بكات فيه

ايات-فديك اللحضة حسيت بقرب بنتي ليا وسمعة صوت طالما حبيت نسمعو حبيبي وحياتي ترسلان وبنتي حليت عيني وشفتهم جاتني غريبة كيفاش بين ليلة ونهار لقيت بنتي كبرات وعندها شهراين فرحووكاملين وبالاخص ارسلان....
ارسلان-اممم ماتصوروش شحال فرحت داك نهار فاش فاقة ايات تجمعو عليها الاطباء وماخلاونيش نبقا معاها حتى سالاو الفحص وعاد سمحولي ندخل عنقتها وماقدرتش نتفارق معاها توحشت نسمع صوتها ونشوف حركاتها ندمت على كل حاجة درت معاها ندمت علاش ضربتها وعلاش هنتها لاكني نتاقمتلها من نفسي عاقبت نفسي على كل حاجة درتهالها واديتها بيها هي ضحات بنفسها على قبلي وخبات باش ماتادينيش وانا فبلاصت مانتفهمها ضلمتها .....كانواعدك احياتي غادي نبقا معاك حتى لاخر نفس وماعمري غادي ناديك....

فاش فاقة ايات من الغيبوبة قررات تسمي بنتها اسم (آيلا) رجعت الحيات لطبيعتها وايات وارسلان تقوات علاقتهم وارسلان كان ديييما خايف على ايات من العصابات الباقيا ادم تزوج بزينب ومراد قرر ينسى حبو لبنت عمو ايات ورتابط بواحد ااشابة اسمها ماجدولين اسماعيل رجع ولدو وسافر لامريكة مع مريم اما جعفر رجع كسب ثقة ارسلان من جديد اولا هوا رئيس الامن فمجموعة شركات ارسلان وباه ودازو ايام وشهور ...سي بوشتا جمع العائلة والاصدقاء وعزمهم لواحد المطعم حجزو خصيييصا ليهم

زينب-ههههههههه صافي كرشي حرقتني باضحك اادم
ايات-هههههههههه ادم ماعمرو يتبدل عندو كولشي بالضحك...
ادم- ههههههههه خليني نضحك ونفوج على قلبي...
ارسلان- هههههه مي عيشة اري نهز عليك (آيلا) وتعشاي فخاطرك
مي عيشة- لا غير خليها انا مرتاحة بيها اولدي...
ايات-مراااد بعد على لبنت خليها تاكل فراحتها
ماجدولين- ههههههه شفتي كيف معدبني
مراد-غير الحب هدا اختي ايات ماكانشبعش منها..
وهاكا عاشو ابطالنا حياة سعيدة وتوتة توتا خلصة الخدوتة

بلااااتي قصتنا مازاال ماتسالات

وهوما وسط العشاء والجو ممتع تقلبت الدنية ضباب ودخان وكلشي طاح واغمى عليهم كاملين ....وهزو ايات وارسلان وسي بوشتا ومي عيشة ادم ومراد

ارسلان-حليت عيني غير بالشوية ماعرفت راسي فين ضرت على جنبي لقيت مراد حدايا ومازال مغما عليه بقيت كانهزو برجلي حيت كنت مربوط حتى فاق ومراد فيق ايات وايات فيقة ادم حتى فقنا كاااملين واحد شوية ودخل واحد الشخص وعلى وجهو قناع الانونمونس

الشخص-(دخل وهاد بيديه آيلا)مرحباااا مرحباااا مرحباااا بضيافي
سي بوشتا -شكون نتا
الشخص -انا عزرائيل
ايات- بنتي اعطيني بنتي الحقير
الشخص-زوينة هاد البنت ومهدنة ماشي بحالك غير كاطيري
ارسلان-شكون نتا بين وجهك لاش مخبي
الشخص-انا اصلا جمعتكم هنا باش نحيد هاد القناع حيت عيت من التخباع(حيد القناع وكوولشي تصدم)
سي بوشتا-علاااال
علال-هوا علال بشحمو ولحمو انا لخنجر وعلال كبير الطباخين فقصرك اسي بوشتا
مراد-حنى شنو درناليك علاش خطفتينا بهاد الطريقة
علال-اجي كلسي نتي هنا ولعبي بهاد القناع وماتعصبينيش باش مانربطكش معاهوم....
ايات-الى اديتي بنتي غادي نقتلك
علال-مزيان الى قدرتي ماتقسريش من جهدك
سي بوشتا-علاش اعلال ....علاش باغي تنتاقم منا شنو سبب هاد الغل والكره لكبير....

علال-ايات عاوديلهوم على كولشي لي عاودتلك فاش كنت خاطفك فباريس
ايات-فراسهوم كولشي .....وعاودتلهوم كولشي غير فقة من الغيبوبة لي تسببتيلي فيها الحقير....
علال-براااااااااافووووووو ادن وفرتي عليا عناء الشرح ولاكن ماعارفينش شكون هوا لي سبابي فلي انا فيه...
ايات-سبابك هوا نفسك .... لي يقتل وليديه راه انسان ماشي طبيعي اسي لخنجر ولي وقاعلك تستاهلو وكتر...
علال-امممم (كايهز براسو بحال شي مجنون)هاهاهاهاهاها....انا مجنون...اه انا مجنوووون هاهاهاهاها ....(شوية وتقلب) انا شنو كاندير هنا....سي ارسلان سي بوشتا علاش مربوطين هكا .....هههههههههااااااههههه انا كايقولولي عندي انفصام فالشخصية لاكني مامصدقهمش فنضركم انا مريض هاه عندي انفصام فالشخصية انا كانكره الخنجر ....علال زوييين وضريف هداك الحقير ديال الخنجر غادي نقتلو غادي نعدبو كيف عدبني....
ايات-ارسلان هدا راه حمق وغادي يقتلنا كاملييين....انا خايفا على بنتي لايأديها...
ارسلان-تهدني احياتي ماغايكون غير الخير

فهاد الاثناء كان الخبر وصل للشرطة وتحركو سفيان وعدنان والهام(رقية)
رقية-بلاتي ....تفكرت شي حاجة
سفيان-شنو تفكرتي سربي طلقينا...
الهام-رقية-آيلا....هي لي غاتوصلنا لمكانهوم
عدنان- كيفاش آيلا لبنت صغيورة...
رقية-اه هي ...فاش تزادت كونت خايفا عليها لاتخطف بحالي دارو لماماها ولبست ليها واحد لكورميط صغيور فيديها وفيه جهاز تتبع...دابا الى كان مازال فيديها غادي نلقاو مكانهوم....
سفيان-فين كونتي من قبيلة....

دارو المحققين خدمتهوم ولحسن الحض الجهاز كان مازال فيد الصغيورة آيلا ... وقدرو يوصلو لمكان لي محتجزين فيه ... جمعو جميع القوات فريق من القناصة وفريق الموشات وهما دابا فالطريق للمكان

سي بوشتا- من هادشي كامل علاش باغي تقتلنا شكون فينا لي اداك ولا لي تعدا عليك ....راه نتا لي نتا لي تعديتي علينا اعلال
علال- ههههههههه مازال فقلبي غل كبير عليكم كاملين عيت نهد فيكم ماتهديتو دمرتكم واحد بواحد وماتدمرتو شنو غادي ندير فيكن هااااه طول مانتوما كاتنفسو انا ماعمري غادي نرتااااح (كلس على الكرسي) باين الكابوني تعدا عليا اولدو جرا عليا وفاش لجئتليك جريتي عليا بحال شي كلللب....

سي بوشتا-انااا جريت عليك نتا امتى لجئتيلي وسبكت عليك
علال-الى نسيتي نتا انا عمري ننسى صحيح كبرنا وتبدلنا ومابقيتيش عاقل عليا....انا هوا عليلو اسي بوشتا انا هوا لي سبكتو عليا نتا وداك الكابوني وهددتوني هانا تقويت ورجعت ليك تاني انا لي قتلت الكابوني وعادي نقتلك حتى نتا وغادي نقضي على سلالتكم واحد بواحد من لكبير (وشير بيديه للبنيتة) حتى للصغيير...
سي بوشتا-كيفاش نتا لي قتلتي الكابوني ماشي مصطفى...
علال-تعاونا عليه بجوج 10رصاصات ليا و10 لمصطفى حتى مات وبقيتيلي غير نتا وهاد النهار غادي نصفيهالكوم كامليييييين ....
الشخص-سيدي الشرطة محاصرة المكان....
علال-كيفاااش لا مايمكنش كيفاش عرفو مكانا مايمكاااانش
الشخص-سيدي خصنا نهربو من هنا...
علال-مايمكننننش.....

بقا علال كايغوت ويضيع فالاوقت وجبد سلاحو وفكل مرا كايحط سلاحو على واحد وكايبغي يقتلو وكايتراجع حتى قتاحمو الشرطة المكان وحاصروه وكلهوم هازين سلاح ومصوبين جيهتو....اما رقية جرات عند لبنيتة آيلا وهزتها وخرجت كاتسكت فيها

سفيان-رمي داك سلاح فالارض....
علال-ماغانرميييهش ماغاديش ضيعولي لي بديتو من زمان.....
سفيان-غادي نحدرك لاخر مرا حط سلاح فالارض.....
علال- (مرا يبكي ومرا يضحك) هههههه لاااااا هئ هئ هئ ...انا عبلااال ماعرفتونييييش سربيو شده شدو لخنطر قبل مايهرب لاااااا ماتخليوهش هوا مامزيااااانش .....لااااا...هاهاهاهاهاااااا سكت سكت نتا كاتحرشهم عليا غادي نقتلك حتى نتا اعلال غادي نقتلك معاهوم.....شدوه شدوه هوا مامزيانش لخنجر باغي يقتلني ماتخليوهش....انا غادي نقتلك اعلاااال

دار المسدس ففمو وضرب رصاصة وقتل راسو تجمعو عليه الشرطة وجات سيارة الاسعاف نقلاتو للمستشفى وفكو ايات ومراد وادم وسي بوشتا ومي عيشة وخرجوهوم من داك المستودع علال مات لان الرصاصة ختارقة الجمجمة والدولة صادرت جميع املاكو سيزار وداود ابراهيم مابقاش بانليهم الاثر بعد خبر موت الخنجر اما الحاج مصطفى دخل لحبس بسبب جرائمو المعدودة فالماضي

ودازو يام وشهور ودازو شخال من سنين والدكريات بقات فالبال براكين ....آيلا كبرات ولات عندها 5 سنوات وايات حملات من جديد اولدات وليد وسماتو محمد على اسم بباها محمد الكابوني مراد وماجدولين تزاد عندهم وليد وادم وزينب تزازولهو توام ولد وبنيتة غزيييولين اما جعفر واخيييرا قرر يرتابط ودا معاه ايات وارسلان خطبوليه واحد بنت الناس اسماعيل ومريم مارجعوش للمغرب من بعد لي وقاع وحتى هوما زادو ولدو بنيتا .....اما الحاجة صادرولها الشرطة دار الدعارة ديالها وماستحملتش وتشادات مع لبوليس وحكمو عليها ب10 سنوات سجنا نافدا....ومليكة حتى هي تدلات بيها ليام بعدما تحرقتليها تلدار ديالها وتشدت فالحبس

تشدت فالحبس لان الدار ماتو فيها بعض لبنات وتحكم عليها ب20 عام ديال الحبس مي عيشة مسكينة مرضات بالسكر لاكنها مازال الدك ودردك ههههههه ايلا ماكاتفرقش على خوها صغيور محمد سي بوشتا فرحان وسط وليداتو واحفادو وايات وارسلان زاد حبهم لبعضياتهوم اكتر واكتر وكايفكرو يزيدو لبيبي التالت لاكن ايات مابغاتش قهرها محمد كايبات يبكي كاينعس فالنهار ويفيق فاليل تربية الابناء صعيبة الله يسمح لينا من الوالدين...
ساوي.. تعيش هاني
ساوي.. كلشي هاني
ذوق حلاوة المعاني
وتبنن السوق الخاوي
ساوي حلقك
يغني ليك
يشطح لسانك
ساوي قلبك
يسخنك .. يذوب ثلجك
الساجن المحبه فيك
سرج غرامك
يسري بيك
يوصل تنهادك
للكلب اللي يبغيك
ساوي وداوي
واكوي الركن الخاوي
يفارقك لهلاك
تتشافى من بلاك
ساوي ميزانك
واعبر لكلام
صروف لكلام حروفك
حروف لكلام صروفك
وزن وشيط
وفصل وخيط
وخفف الذنوب عليك
ساوي وانسى التناوي
صاحب النيه
ديرها ابنيه
من اولادك
وتشوف كيفاش لكلام
شتا يصب عليك
جايب معاه لهديه
يبارك ليك
ويلا بغيتي تجرب
وتفهم لكلام المجراب
ساوي وكول اقوالهم
مدح وبرح
وتشوف كيفاش تصبح
على عيون الناس
يديرو ليك حراس
يوصيو عليك
بنادم يبندق ليك
يحسوك بالعنايه
وتدير لا باس
ما حدهم محتاجين ليك
يكسيوك ويسبطوك
يوريوك الجنه ف عين الديك
وحيت يجي وقت حصادك
يعصروك ويمصوك
ويرميو ف الخلا عظامك
تعيش قبر منسي
عافوه الناس
يشبه النكاسه
مغطي بحلاسه
مدركين لبلا والباس
وتحاول ترجع تساوي
تخلط عبارك
وتحاول تداوي
ظلام نهارك
الندامه لابساك
واللي كانو حاسدينك
نساوك
خلاوك ف بلاك......

وهكا حكايتي مشات من واد لواد وانا بقيت مع ولاد وبنات لجواد