زوجوني زوج اختي الجزء الثاني

حطينا الطبلة ديال العشا جا بابا من الجامع جلسنا بربعة نتعشاو اما هدى و راين كانو ناعسين ماما : اوى كي دازت الخرجة مع سيف الدين معاودتو لينا والو نورهان : عادي الحمد الله مقالت ليها والو اصلان هي مفاهمت والو حمزة : على نتما خرجتو مع سيف الدين انا : وي خرجنا معاهم نتا سوقك اجي شفت زهرة مبقات كتجي لعندنا مكانتش كتخوي الدار يكما مدابزين حمزة بقى يخنزر فيا : لا الحبيبة ديال زهرة غير مشغولة مع خدمة وصافي ماما : بصح هذي مدة مشفناها عرض عليها غدا تجي تعشى معانا حمزة : واخة الوليدة غنقولها ليها اذ كانت مسالية غتجي سمعنا الصوني فالباب ناضت ماما تحل الباب و حنا كملنا العشى بابا : اهلان بولدي سيف الدين كيف بقيتي انا غير سمعت سمية ديال سيف الدين بزقت الروز لي كان ففمي كلو على وجه حمزة لي كان اونفس معايا حمزة كيمسح وجهو : هيشة كولي بشوية عليك الماكلة مغديش تهرب ويلي ويلي على مصيبة اكيد غيعاود لماما شنو وقع وا مشينا فيها نوض نمشي نصلي العشا حسن ليا شاف فيا سيف باغة نهرب : هبة كيف بقبتي يكما باقة معصبة ناري ولد الحرام ضحتك ليه الضحكة الصفرة : لا انا بخير دابا علاش عذبتي راسك و جيتي لهنا ماما : على شنو وقع ياك عاد سولتكم قلتو ليا بلي كلشي لباس فهم سيف اننا معاودنا ليها والو وزدق ولد الناس شد فمو اوففف الحمد الله كنت كنفكر كيفاش نتفك من هاذ الوحلة مزبلها جوج مرات المراة لي شنتفتها و زايدها بالكذوب ماشية الحفلة بلا خبارها الحمدالله خرجات العاقبة على خير شافتني ماما نايضة و هي تنطق : بنتي هبة صوبي لسيف شي كاس ديال اتاي ولا تشرب قهوة سيف : قهوة حسن هههههههه سيد كيتشرط مزيان هاها اوى اليوم اسيدي غتشرب قهوة لي عمرك غتشرب كبحالها فحياتك عمرك غتنسى الطعم ديال القهوة لي غتصوب ليك نسيبتك هاها قاديت الطباسل فيهم الحلوة و صوبت ليه القهوة هو و ماما اما بابا صوبت ليه الويزة و انا و نورهان صوبنا كاس شوكولا سخون لينا بديت نعطي لكل واحد كاس ديالو وصلت لسيف حبست الضحكة بالزز جلسنا و بدينا نفرقو اللغى و انا حاطية غير ذاك الكاس ديال القهوة فقاش يهزو يشربو وااااا اخيرا بدا يشرب ناري شرب الجغمة اللولة موقع ليه والو الثانية اويلي واش هذا معندو ذوق محس بوالو حنززت فالفنجان مزيان ويلي ويلي مشي هذا هو الكاس لي صوبت ليه واهيا الملك و هيا سيدنا ناري ميمتي الكاس ديالو عطيتو

ويلي مشي هذا هو الكاس لي صوبت ليه واهيا الملك و هيا سيدنا ناري ميمتي الكاس ديالو عطيتو للوليدة بقيت حاضية ماما واش غتشرب ناري هزات الكاس شربات منو و انا نبدا نشهد بدات تكحب و تغوت عطيوني الما و بالزز انا مخليت زعفران مخليت ملحة مخليت حارة لي لقيتها حدايا درتها فذيك القهوة بغيت نوض نهرب قبل متهدر ولكن فات الوقت ماما : بنتي الحبيبة هبة فين ماشية تبعيني لكوزينة عاقلين ياك قلت ليكم مكاتقولي الحبيبة حتى يكون شي ظيف مهم ولا مزبلها نضت بشوية كنتمشى على البيض و بابا كيتحلف فيا اما نورهان غير كتموت بالضحك و ذاك سيف الله يسلط عليه القمل و الثونية بغيت ليه انا جربة و بوشويكة تصيبو تفو كيشوف فيا و كيضحك عليا ولد الحرام فلت منها ولكن غير صبر انا و انتا و زمن طويل دخلت عند امي الحبيبة لكوزينة لي زرقات ليا لحمي بالقريص ماما : دوي ابنت الحرام بغى تصفيها ليا انا بديت نمسكن عليا : والله مقصدت راه غير نسيت وحطيت الملحة بلاصة السكر ماما : غير صبري يمشي الضيف و نوريك شغال فينما نحطك ديري ليا فضيحة شوهتني مع راجل دابا كو كان هو لي شربها انا اصلان صوبتها ليه هو ولكن فلت تفووو نقات ليا وذني مزيان عاد طلقات مني و انا كنسب و ندعي فذاك سيف المرة الجاية والله حتى نتقم غير صبر عليا اسي سيف الدين

مشيت نعس بحيث عيت من الزبايل لي درت هاذ النهار كنت ناعسة معليا ما بيا و انا نسمع الدقان فالباب شعلت ضو مبقاش دقان و انا نضيف و رجعت نعس حطيت راسي على الخدية و هو يرجع الدقان طلعات معايا السخوية ناري يكما يكون شي جن هذا لا لا غير كنت كنضحك مبغيت لا جادين ( تحية للكاتبة لي كتكتب القصة ديال حبيبي جني تأثرت بذيك القصة ) لا غيرو تخبعت تحت الغطا و انا نسمع الاصوات الغريبة التقرقيب و الزعاريد و الضحك حسيت بقلبي غيوقف هزيت تليفون ديالي شعلت lamp و ضفيت الضو قربت الباب و انا نسمع صوت القرد ديال خويا حمزة هو و نورهان هاها بغاو يخلعوني غير صبرو اذا مخرجتهاش منكم هاذ الليلة منتسماش هبة خديت خيط فالبيض ربطتو معا الباب و خرجت من السرجم و شديتو خرجت الجردة و دخلت لدار من باب الكوزينة هزيت معايا موس درت فية كيتشوب و شنتفت شعري درت عليا لزار فالبيض هما دخلو البيتي منين تحلات الباب بوحدها مبقاو فاهمين والو لقاو فالحيط كتابة مفهمواش باينة كانها مكتوبة بالدم ( درت ليهم صباغة حمرة ) و فوق الناموسية كاين الدم ( صباغة حمرة ) شوية تضفى عليهم الضو ديال البيت و تشدات الباب بالجهد معرفو باش تبلاو و انا نخرج ليهم بقاو غير كيغوتو و ينقزو بديت نقرب ليهم و ظلام فالبيت و كنهدر بصوت غليط : نتما قلبتو عليا و انا بسبابكم فقت من نعاسي شنو بغيتو عندي دويو اااااا حمزة كيهدر و هو كيتفتف : حنا حن ا بغينا غير غير نضحكو مبغيناش نأذيوك نورهان كتقرى القران و اية الكرسي ناري مسكينة بالخوف كانت غديرها فرسوالها انا : يالله هز ذاك المكياج لي تما و ديرو فوجهك دابا حمزة : ااا شنو ندير المكياج لا انا بالغوات : شنو مسمعتش مسكين هز المكياج بدا يخربق فوجهو انا : و نتي خودي ذيك الصباغة لي تما و ديرها على شعرك مسكينة هزاتها خواتها كاملة على شعرها بقوة الخوف هزيت تليفوني و صورتهم و بديت نكركر بالضحك و هما محشين فبعضياتهم حتى تشعل الضو ناري سمعت صوت ماما و انا نكحل بالعمى ماما : شنو كديرو هنا علاش باقين فايقين هذي الثلاثة ديال الصباح حمزة كيشير لماما بيدو عليا و هو معنق نورهان : شوفي تما جنية ماما دوراتني لعندها : والله مكذبتي جنية حيدات ليا ليزار لي مغطية بيه و عاد رجعات فيهم الروح شبعو معيور فيا ههههه طيرتها منهم ناري دازت ليا ماما منين شافتهم بذيك الحالة

ماما شادني من وذني : واش نتي مكتهديش نهار ليل مصائبك مكيتسلاوش انا : اي اي ودني هما لي بداو خنزرت فيهم ماما : سيرو غسلو عليا ذيك الحالة و نتي لمك نلقى ذيك الصباغة فالحيط نزوق ليك وجهك بيها انا : واخة غنحيدها مشيت جبت الما ديال الصباغة مسحت ذيك الكتابة مساليت حتى داز ساعة حاب الله مشافتش الناموسية كو قالت ليا متنعسي حتى تصبني ذوك ليزور

صبح صباح جديد علينا و كيف ديما بديتو بالنكير ماما : اذيك الشخارة واش تنوضي من النعاس ولا لا انا : و ماما ها العار لما خليني نزيد غير قسم وصافي راه منعست حتى 4 ديال الصباح ماما : وشكون قاليك بقاي فايقة حتى لذاك الوقت رديت عليا الغطا بحيث عارفة هتلر كتبدا تنكر مكتسكتش اوى جا البوكوص ديال حمزة رد الصرف ديال البارح مي ولد الطيط مخداش كاس ديال الما بارد ولد الحرام جاب سطل ديال الما باقي فيه طروفة ديال الثلج و خواه عليا نضت من بلاصتي كيف المصدومة حمزة كتضحك : هههههههه صباح الخير شديت الفاز لي محطوط حدايا شيرت عليه بيه بلا منحس حمزة : ويلي واش باغة تقتليني هذي راها جريمة قتل مع سابق الترصد شنو ترصد لا لا هاذ خينا كيقلب عليا هاذ الصباح انا غنوريك جرائم كيف دايرين نضت من ناموسيتي لي ولات كلها فازكة بالما مشيت لبلاكر ديال هزيت حوايجي شفت فيه شوفات شريرة و بديت نبدل حوايجي حداه غير حيدت التريكو و الديباردور لي كنت لابساه بديت نغوت ماما بابا ماما جاو مساكن كيجريو و حمزة كيف السطل مفاهم والو ماما : اش كاين هنا انا بديت نتمسكن و نبكي : اهئ اهئ كنت كنبدل حوايجي و حمزة يدخل عليا فاش قلت ليه يخرج مبغاش و قال ليا غير بدلي حدايا ياك انا خوك حمزة غير كيشوف فيا و يشوف فالوليدة انا عارفة واخة يكون يقطر ليها من عنيها متسكتش ليه على تصرف كبحال هذا حمزة كيحلف و يعطي لقلبو و انا حابسة الضحكة بالزز : والله يا الوليدة مدخلت عليها و هي كتبدل راه ذيك سلعفانة هي قاطعتو بالزربة بحيث اذا مشى قال لماما شنو وقع غتيقو عارفني نديرها و نفوتها لهيه : كذاب و شنو كدير دابا هنا ياك نت لي جيتي برجليك لهنا ولا لا

بابا كيخنزر فيه : شرح ليا شنو واقع هنا حمزة : الوليد واش غتيق هاذ العقروشة و تكدبني انا بابا : شوف نقوليك هذي اخر مرة تدخل لبيت ختك قبل مدق و دابا عتذر منها على هاذ التصرف لي درتي حمزة مسكين تشدو عليه البيبان كاملين ملقى ميقول : صافي واخة سمحي ليا اختي هبة مكنتش عارفك كتبدلي اخر مرة ندخل بيتك بلا مندق الباب ههههههههه اوى باش تعلم تلعب معايا هاذ اللعب الباسل ناري ولكن اكيد غيرد ليا دابا الوراق الصحاح مشي الصرف حرقت ليه الطواسة معا الوليد و الوليدة ولكن هو لي قلب عليها مشي انا لي جبدتو اوفففف صافي اذا حاول يدير شي حاجة فانا له بالمرصاد دخلت خديت دوش خفيف و خرجت لبست حوايجي من بعد مصليت صلاتي مشيت نفطر واخة نبان ليكم هكذا مفروحة و مسطية فالصلاة مكنخطيهاش كليت عليها فصغري قتلة ديال العصا و دابا الحمد الله صلاتي هي لي منسمحش فيها المهم اليوم حتى هو غنمشيو نكملو الجهاز ديال ختي كان كيسحابلي بلي خدينا كلشي مي ماما قلت ليا ناقصهم شي فوض و شي منادل مفهمتش انا لاش ذوك الفوط بففف بابا : حمزة وصل معاك هدى و ريان المدرسة انا عندي اجتماع مهم منقدش نتعطل حمزة : لا والو الحاج راه خدام على قضية مهمة مخاصنيش حتى انا نتعطل نقزت انا من بلاصتي : اينا قضية خدام عليها يكما شي جريمة قتل حمزة دار ليا الضحة الصفرة حسيت بيه كعا ديال بصح : جريمة اغتصاب اخ غتصب ختو ماما على نياتها : سلامة يا مولانا عشنا و شفنا بابا حتى هو تيق : هاذ الزمان مبقات فيه تقة اذا البنت مبقاتش قادة تامن حتى لخوها فلمن غتأمن راسها حمزة : اوى هاذ المرة الغط مشي من الاخ و انما الاخت لي جبداتو ناري ولد الحرام هذا عوال على خزيت والله و يحاول يدير شي حاحة حتى نعاود لمو بالختانة ماما : صافي صافي شدو علينا هاذ الموضوع مبقيتش قادة نسمع هاذ الويل على الصباح هدى جات عند ماما كتبكي : اهئ اهئ اهئ ماما ماما كرشي كتحرقني هاها قاليك كرشها كتحرقها باينة مصوباتش شي تمرين و الاستاذة غتدور عليهم اليوم و دايرة هاذ السبة المدرسة لي كتقراي فيها انا كنعلم فيها : هدى حبيبة ديالي اوووو ميمكنش كرشك كضرك اوى صافي اماما بلا متمشي هدى المدرسة انا غنديها لطبيب ضربو ليها الشوكة ديال الحريق ماما مفهمات والو : اينا شوكة انا : ذيك الشوكة لي كيضربو لبقرة فاش كتمرض مفخباركش ولاو يضربوها لدراري صغار حتى هما

هدى بدات تدور فعنيها : ماما عرفتي شنو تذكرت بلي مشي كرشي لي كتحرقني و انما راسي هاها والله لفلتي المدرسة ماشية ليها ماشية : علاش مقلتش ليك كيضربوها لكلشي اي حاجة كتحرقك غيديرو ليك الشوكة و نتي غتبراي كلشي حابس الضحكة و هدى مسكينة مع كتخاف من الشوكة كثر مني بدات تبكي ماما عاقت بيها كتكذب و ناضت داتهم هي المدرسة و كيف ديما عطات الاوامر ديالها قبل متخرج ماما : هبة نتي قادي الدار و غسلي اللواني نورهان جمعي الطبلة و سيري طوي ذوك الحوايج لي خدينا البارح و وجدو راسكم بحيث ولدي سيف الدين عرض علينا لغدا و نتا الحاج غير تسالي من الخدمة مع الربعة لحق علينا لتما حمزة اذا تعطلتي عيط و خبرنا اويلي على معروضين عندهم كحلت بالعمى انا و نورهان انا والله لمشيت عندهم انا كنموت كرشي كتحرقني

ياك قلت ليكم مغديش نمشي مي شكون خلاك ماما حلفات عليا اذا ممشيتش تسخط عليا انا غير بغيت نفهم علاش بغاني نمشي لهاذ الدرجة ياك دايا معها نورهان لي عليها العمدة ولاش انا والله مفيا لي يشوف ذاك الغول كنشوف كمارتو كيدوز ليا النهار كيف الويل ولكن نشوفو الجانب المشرق نقد نشوف عمران و التتيز لاخور المهم معلينا نمشي نبدل حوايجي اوى مشيت لبست سالوبط جينز من جيهة ديال الركبة مشروط ( لاموض ) و من التحت ديالو لبست سوميجة فالبيض طلعت ليها الكمام صوبت شعري بوكلي و طلقتو درت شوية ديال الكلوز و ايلينر و شوية ديال فراجو و منساش كريم الاساس هذاك ضروري و الصباط لبست بالغين فالحمر سانبل و خرجت عند ماما لقيت ماما لابسة جلابة و ختي لابسة كسوة فالخضر الملكي طويلة جات بوكوصة انا شافتني ماما بدات تندب ماما : ويلي واش حنا معروضين عند الناس و شوف هي شنو لابسة ليا سيري ابنت الهم بدلي عليا ذيك الحالة لبسي شي كسيوة مقادة من لي شريت ليك البارح اودي ماما مشافتنيش فاش بدلت ذوك الكساوي ديال الحبس لي شرات ليا ناري ميمتي هذوك لي خديت كلهم مقزبين الطويلة فيهم حد الركبة ناري و تعرف تدبحني مشيت على سعدي و وعدي لبست وحدة من الكساوي لي شريت قصيرة فالزرق مع بالغين فالبيض و شديت شعري كعكة و خرجت عندها ماما : لا هذي قصيرة بزاف ياك قلت ليك لبسي من ذوك الكساوي لي شريت ليك اجي معايا انا نجبد ليك شنو تلبسي بديت نصرفق فراسي ويلي و تشوف ذوك الكساوي تشروطهم عليا دخلات لبيتي و انا كتشهد ماما حلات البلاكر : اجي لهنا فين حطا ذوك الكساوي دابا لا هروب من الحقيقة الصادمة : ماما دابا انا البارح فاش مشيتي تهدري مع الخياطة قلت نرجع نشري ذيك الكسوة لي عجباتني ياك اوى ماما كتخنزر فيا ناري هتلر عوال على خزيت : اوى شنو انا الله و اينا اليه لا راجعون ترحمو على ختكم : مشيت ناخدها و عجبوني كساوي اخرين و انا ندل ذوك الكساوي لي شريتي ليا و خديت هذوك لي معلقين بقات ماما كتشوف فيا و تشوف فالكساوي و هي تطير عليا غير نورهان لي دخلات فكاتني منها ماما : دوي ابنت الهم واش باغة تحمقيني ولا شنو ناس ولادين البنات انا والدة بروصي غير صبري لمك لقيتني تعطلت على الناس اما انا نشروط حداك هاذ الحوايج ديال جوج شبر حتى نرجعو دوزي لولديك لبسي اطول كسوة عندم مشيت هزيت كسوة فالحمر طويلة حد الركبة لبستها و خليت بالغين و خرجت عندها

ماما : دوي ابنت الهم واش باغة تحمقيني ولا شنو ناس ولادين البنات انا والدة بروصي غير صبري لمك لقيتني تعطلت على الناس اما انا نشروط حداك هاذ الحوايج ديال جوج شبر حتى نرجعو دوزي لولديك لبسي اطول كسوة عندم مشيت هزيت كسوة فالحمر طويلة حد الركبة لبستها و خليت بالغين و خرجت عندها ماما : و ذاك الشعر تففففففففو رجعت عاودت صوبت شعري بالزربة و طلقتو ماما : زيدي حدايا الله يجيب لي يهزك و يهنني من هبالك نطقات نورهان : نخاف غير ياخد حاجتو و يرجعها ليك نهار ثاني ديال العرس درت ليها الضحكة الصفرة : شدي فمك اصلان انا مبغاش نتزوج بقينا الطريق كلها كتناكرو وماما كتسوق داسيا ديالها العجيبة ناري نسيت الكساوي لي بدلنا البارح فالحفلة للور فالطومبيل جبر الله ان نورهان شافتهم و خبعاتهم وصلنا لدار ديال سيدهم سيف الدين وااااو فيلة قدها قداش كتحمق بالجردة ناري غنبقى نجي ندوز عندهم الصيف و نمشي نحسب راسي مشيت لتركيا و رجعت دارهم كتشبه لدار عثمان كوزان تسناو ناخد ليا شي سيلفي شافتني ماما كنتصور و عي تبدا تقرص فيا ماما : والله و ديري شي حاجة يحتىةنخلي دار بوك فاش نرجعو انا : ندير عقلي بشرط ماما داياني على هبالي : شنو باغة انا : الكساوي ديالي تخليهم ليا و نلبسهم فقماش بغيت ماما : كتحلمي ذوك الحوايج غنحرق بباهم شديت التليفون و بديت نصور الجردة و الدار و كنتبوزا حداها هي شافت فرح جاية و بدات تنغز فيا و الله ياماما و مقلتي ليا اه لحبست ماما : صافي واخة لبسيهم غير بلا شوهة انا : حلفي ماما كتهدر بشوية : وصافي قلنالك لبسيهم انا : لا حتى تحلفي ماما : والله حتى نخليك تلبسيهم يسسسسسس انتصرت ضد امي اراك الفراجة دابا

دخلت لدارهم واااو زوينة من الداخل كثر من برى ذيك الشي واعر اوى جلسنا فواحد صالون قدو قداش و جابو لينا العاصير و الحلوة و المقبلات ذاك الشي واعر بكل معنى الكلمة جات فرح جلساتني حداها و جلسات تشكر فيا و تبوس تقول انا العروسة اما ختي الحبيبة مشات هي و ذيك سيف الزين ديالها يهدرو بوحدهم راس فالراس بقينا فالصالون مجمعين و هو يبان ليا التتيز يا سلام و اخيرا مغنبقاش جالسة وسط ماما و فرح جا واحد البوكوص سميتو يحيى هو الاخ صغير لسيف و عندو خوه اخر هو الوسطاني سميتو مراد كلهم بواكص جلست انا و ذاك يحيى كنهدرو على القراية مع ختى هو كيقرى فالباك واخة مكنحملش نهدر فالقراية واللهم نهدر معاه فالقراية ولا منهدرش معاه كاع ناري كيبان ليا ناخد معاه شي سيلفي و نسيفطو لبنات يتفقصو شوية اوى بقى يعطيني نصائح كيفاش نبريباري خاصة الفزياء و قال ليا اذا بغتي شي مساعدة يعاوني يسسسس هاها اكيد غنشد فيه شدة ديال العمى فالظلمة وااو بوكوص و صغير قدي فالعمر شكون كبحالي يالله بدينا نبدلو الموضوع و سولني واش مرتابطة و الزينة ديال عمتي فرح ( وليت نحتارمها بحيث والدت غير تتيز ) فرح : بنتي هبة سيري عيطي على نورهان و سيف الدين بففففف ذاك الشي لي ناقص نمشي برجليا عند ذاك الغول : واخة انا غنمشي يحيى تمشي معايا يحيى : وي يالله نيت نوريك واحد كتاب غيفيدك فالمراجعة يسسسس غنشوف بيت البوكوص اول مرة نشوف شي بيت ديال دري من غير البيت المسخ ديال خويا اوى مشينا بجوج لقيت سيف هاز تليفون و كيهدر و نورهان من موراه مفهمت والو سيف : شكون نت و شكون هاذ حبيبة ديالك ( دار كيشوف فنورهان ) نورهان شكون هو هاذ حمد نورهان تدخلات بالزربة و كحلاتها : مولاي حمد هو ( بقات كتدور فعنيها و عي تشوف فيا ) مولاي حمد عو صاحب هبة اه هو الراجل لي كتبغيه هبة بقوة الصدمة بقيت غير كنشوف فيها : فقاش وليت انا هي حبيبة مولاك حمد نورهان كترغب فيا باش نسكت : اه راه لقى تليفونك مضفي و قال ليا غيعيط ليك من عندي عليهاش عيط دابا و نسيت مقلتها ليك بنت الحرام تفووو خسرات ليا كلشي حتى تتيز ديال يحيى طار من يديا الكلبة الله يلكيها ليك نتي و حمد الحبس ديالك : اه حمد هو حبيبي انا

خديت التليفون من عند ذاك سيف لي بقى يطلع و ينزل فيا عنيه تقول جالسة ليه على راسو الويل الكحل بديت نهدر مع حمد فالتليفون و كنسمع لختي مع هي مغيارة قليتها فسمها : الو حبيبي حمادة توحشتك فين غبتي عليا حمد غير كيسمع و ممتيقش ودنيه هو كيعرف صوتي حافضو بحيث فقماش نهدر معاه كنبدا نعايرو و دابا تقلبت 180 درجة : واش هذي هبة ولا كذبت انا جايحة لي ضربك : اه حبيبي ويلي نسيتي صوتي انا مقلقة منك نورهان كتشوف فيا و كتطلع و نتزل بالفقصة و ذاك الغول كيشوف فيا شوفات ديال القتيلة باينة عليه واحد ملتزم و انا مكحلة معاه الطواسة من اللول سمعت صوت ماما و انا نقطع على حمد و مشيت لعندها تفو فالتالي زدق لا يحيى لا زفت كلو بسباب ذاك الغول اش داه يجاوب على تليفون ختي و حتى عي الحيوانة فينما مشات لايحاه بفففف الله يدوز هاذ العشية على خير مشيت بردت الفقصة فالماكلة كليت حتى بدات كرشي تحرقني

 بقينا معاهم العشية كاملة غير عمتي فرح انا و نورهان سيف بقى شوية و مشى اما يحيى خرج مع صحابو لي حتى هما تتيز اوى مليت بزااااااف بغيت نبدل الجو و انا نطلق ليهم الزدحة بقات ماما تنغز فيا باش نظفي الموسيقى والو حلفت انا لظفيتها ام عمتي فرح زدقت مفروحة كثر مني فرح : طفي عليا ذيك الهم و اذا عندك شي شعبي طلقيه لينا مواح عليك ويلي ويلي و شحال نموت فبنادم الضحوكي طلقت ليها الاغنية ديال داودية عطيني صاكي و بقيت انا وياها نشطحو و نتحيرو طلقنا اغاني ستاتي و داودي و عادل الميلودي مخلينا حتى شي أغنية مشطحناش عليها و زدقات فرح حمقة من الدرجة اللولة ناري سعدات ختي بحماة كبحال هذي ماما بزز عليها نوضناها تشطح و ختي حتى هي ناضت تشطح واخة بينها و بين الشطيح غير الخير و الاحسان اوى الطوب هي فاش طلقنا الاغنية ديال سميرة سعيد محسلش حاجة كلشي جلس و بقيت غير انا و فرح خديت شابو و هزيت واحد العود داير بحال العكاز و بديت نشطح ليهم بحال شرلي شبلان ماما كتموت بالضحك اما ختي بدات تبكي و فرح مكملة معايا فحماقي وصلت لبارت لي كتقول فيه ( اسلوب حي يحير شوية انا اسية ولا ظروف اسية ........... بقولي طب كنتي ستنتي عليه شوية ........... مثمتليش انك مرتاحة و سعيدة ...) خديت كرسي جلس عليه و نزلت راسي كانني كنبكي غير تسلا البارت و بدات الاغنية ( بالعكس حتى انا حسة مرتاحة و سعيدة .......) حيدت شابو و دفعت الكرسي و بديت نشطح و مع كل كلمة فالاغنية كنبدل الملامح ديال وجهي شوية و هو يبان ليا بابا داخل و معاه حمزة و حتى ذاك سيف و البوكوص ديال عمران والله محشيتها لشي حد فيهم جريت البوكوص ديال خويا و بديت نشطح انا وياه مع هو مفروح حتى هو شبعنا ضحك قلبنها من بعد لاغنية ديال كريمة مطلع حاجبو و اغنية ديال عمر و رجاء مال الزين خليناهم شادين كرشهم و كيموتو بالضحك موقفنا حتى جات الخدامة باش تخبرنا بلي طبلة ديال العشا واجدة جلست حدا فرح كنت باغة نتحشى فخويا ساعة جراتني جلساتني حداها فرح كتهدر مع بابا و ماما : الله شحال ضحكت هاذ النهار سعداتكم عندكم بحال هاذ البنت فدار انا رزقني الله غير بالولاد ماما كتبتسم ليها و كتشوف فيا شوفات ديال خزيت : عندك الحق كل نهار جايبة لينا حاجة فشكل

فشكل بغات تقول جايبة ليها بروصي جديد بابا : لهلا يخطيها علينا هي لي منشطانة فذيك الدار انا حشمت ناري كو كنت قريبة ليه كنت نوض و بوس ليه راسو و يديه شحال كنحماق على بابا هو احن واحد فذيك الكوميسارية انا : لهلا يخطيك نتا علينا تاج راسنا بلا بيك نتا ذاك دار معندها معنا ماما بقات تشوف فيا جاتها الغيرة : ياك و انا شنو كندير تما بلا منحس نطقت : نتي شاف هتلر امر و انا نفد بقى كلشي كيضحك و ماما كتحلف فيا سالينا العشا فجو ولا اروع حسيت براسي كليت بزاف الشطيح جاب ليا الجوع نضت بغيت نتمشى مع هما عندهم جردة كبيرة و باقي مغنمشيو خرجت لجردة كنتمشى لقيت واحد البنت صغيرة تكون عندها شي خمس سنين كانت جالسة حدا بيسين و حاشية رجليها فالما مشيت لعندها انا : نقد نجلس معاك هي : لا سيري بحالك الهم الكحل دراري كلهم كبحال بحال تفو من خوتي الصغار يبان العربون مديتهاش فيها و جلست بقيت نلعب فالما برجليا و قست ذيك البنت البنت : واش باقة درية صغيرة ديري عقلك اجسام البغال و عقول العصافير لا لا هذي زادت فيه شديتها من ودنيها و جبدتهم ليها حتى بدات تنقز من بلاصتها و تغوت البنت : طلقي مني المتوحشة انا : انا متوحشة اسلعفانة بنت الحرام داعتني فالبيسين و بقات تقلي ليا فالسم البنت : باش المرة تلعلمي تلعبي مع لي كبر منك مجات فين تكمل هدرتها حتى زلقات حتى هي فلبيسين بحيث كانت حفيانة و الزليج كيزلق انا بديت نكركر عليها بالضحك و شوية و هي متبقلش تبان اويلي يكما مكتعرفش تعوم دخلت لداخل البيسين بحيث هو غارق بزاف لقيتها كتغرق خرجتها حاولت ندير ليها الاسعافات الاولية ولكن هي كانت زرقة و بديت نبكي و نغوت حتى سمعوني و خرجو لعندي

خرجو كيجريو لعندي فرح غير شافت ذيك البنت فذيك الحالة كانت غطيح غير عمران لي شدها جا عندي ذاك سيف و باينة فيه مخلوع سيف : شنو وقع انا كنمسح دموعي : كنت كنلعب انا وياها و شوية و هي .... مكملتش هدرتي حتى لقيت يدو مطراسية ليا فوجهي و بدا يغوت : واش نتي حمقة ولا شنو هي مكتعرفش تعوم و كتخاف من الما و نتي كتلعبي معاها هاذ اللعب ديال البناية اذا وقعات شي حاجة لبنتي غندمك على نهار لي تولدتي فيه انا بقيت كي المصمرة فبلاصتي كيفاش تجرأ انه يصرفقني و انا لي نقدت ليه بنتو صبرو كيفاش بنتو على هاذ الويل عندو بنت بدا بابا كيغوت عليا و ماما كملات عليا حتى هي فاش كملات شنو بدا ذاك الغول لاول مرة فحياتي كنحس بالاهانة لاول مرة دموعي كينزلو حارين كلهم ظلموني بلا حتى ميسمعو ليا بقيت ساكتة و ماما كتغوت ماما : واش مغديش ديري عقلك كو ماتت البنت شنو كنتي غديري ذيك الساعة غتولي قتالة عمران دار الاسعافات لاولية لذيك البنت لي حلات عنيها من بعد مسعلات ذاك الما لي شرباتو سيف : ملك بنتي واش نتي بخير ملك كتسعل : اه ابابا انا بخير توجه ليا مرة اخرى ذاك الغول لي وليت نكرهو كثر من اي حاجة فهاذ الدنيا : حمدي الله موقع ليها والو كنت غنوريك الويل الكحل كو وقعت ليها شي حاجة غبري من حدايا و اخر مرة نشوف وجهك ملك ناضت لعندو : بابا شنو كدير راه هي لي نقدات ليا حياتي انا زلقت و طحت فالبسين هي لي خرجاتني من تما كو مكانتش هي كنت غنموت كلهم تصدمو من هدرتها هزيت راسي و خرجت حاولت نحبس دموعي ولكن مبغاوش يحبسو تبعني عمران ولكن معبرتوش حمزة جا من مورايا عيا ميعيط ليا حتى هو معبرتوش جرا حتى وصل ليا شافني كنبكي عنقني و دخلني لصدرو عطيت الحرية لدموعي حسيت بالظلم و ذاك الغول زطم ليا على كرامتي حدا كلشي مرضيتش بقيت نبكي و نشهق و خويا غير كيسكتني واخة انا وياه كيف القط و الفار لكن هو حنين بزاف و مستحيل يخلي شي انسان يأذيني نعمة الاخ حمزة كيمسح ليا دموعي حيد جاكيت ديالو و عطاها ليا بحيث البرد و انا فازكة كاملة : صافي من البكا وليتي كتخلعي خنزرت فيه : معنديش كانة لضحك ديالك حمزة كيبرد : واخة واخة يالله ندخلو راه البرد انا : ذيك الدار هي لي عمري نعتب ليها واخة معرفت شنو يوقع اذا باغي تدخل دخل نتا بوحدك

جات ماما و بابا كيقلبو عليا شفتهم و انا نقلب وجهي مكناش كنظن بلي غيتعاملو معايا بذيك الطريقة مبغيتش نهدر معاهم باش منقولش شي حاجة خايبة فحقهم بحيث منين كنتعصب كنزبل لمها عنيها مكنعرفش شنو كنخرج من فمي ماما : بنتي هبة انا : الصمت بابا : عارفك معصبة منا ولكن حنا .... قاطعتهم : خويا حمزة تقد توصلني لدار سبقتو لطومبيل ديالو و خليتهم واقفين و فرح كانت جاية لعندهم مشى حمزة جات ساروت ديالو و مشينا قبل داني لمحل ملابس خديت منلبس واخة عارفة بلي غنمشيو لدار نقد نبدل تما حوايجي لاش غنشري شي حاجة حمزة : نزلي انا : لا علاش غنزل حمزة : باغة تبقاي بهاذ الحوايج فازكين و زايدون انا جاني البرد بغيت جاكيت ديالي لحت ليه جاكيت ديالو و دخلت للمحل خديت سروال جينز و تربكو كري مع كاسكيط فالبيض و سبارديل فالبيض و ملابس داخلية دخلت بدلت داخل و خرجت خلص و مشينا شدينا طريق اخرى غير ديال الدار انا : فين ماشي بيا ( شفت فيه شوفات شك ) راه والله و يزغبك الله ترد الصرف ديال الصباح حتى نخلي دار بوك هنا بقى كيضحك و دخل ليا الشك فراسي شوية و انا نلقى راسي حدا لفوار وااااااااااو بديت نعنق و نبوس فيه حمزة : خنقتيني بعدي مني عيشة بواسة خرجنا لعبنا فكلشي نسيت شنو وقع معايا هاذ الليلة و كملنا الخرجة بلاكلص واخة البرد من بعد دخلنا لدار لقبت ماما و بابا فايقين بصارحة معجبنيش طريقة لي تصرفت بيها معاهم ولكن منساش كيفاش عاملوني دخلت لبيتي بلا منقول كلمة وحدة دوشت لبست شورط و ديباردور و نعست

بديت نهار جديد باحداث غريبة بقيت شاكة واش باقة ناعسة كنحلم هتلر ياربي هتلر مصوبة ليا الفطور و جايباه ليا لبيتي دقات و دخلات و انا باقة مقلوبة بالنعاس ماما كتبتسم : بنتي الغزالة فيقي انا جبت ليك الفطور لبيتك باينة عليك عيانة ( كتقيس جبهتي ) الحمد الله مضربكش البرد يالله ابنتي نوضي تاكلي الله يرضي عليك ناري هذي الوليدة ولا كنكذب الله الله يكما مت و انا ما جايبة لدنيا خبار هي غنكون دخلت للجنة الحمد الله واخة الكوارث لي كنت كندير ربي سمح ليا و دخلني للجنة شفت خويا حمزة داخل كينقز : ياك الوليدة هي موجدت ليها الفطور و حنا مشي ديال وجهنا هاذ العقروش لاصق فيا فينما مشيت ياك كيقولك الخوة حدها الدنيا و علاش هاذ خينا كاين هنا مزاحمني حتى فجنة ماما : حيد يدك هاذ الشي ديال ختك انا بديت نحك فعنيا مبقيت عارفة واش هذي حقيقة ولا خيال هتلر مولفة تحيدها ليا انا وتعطيه هو و اخيرا نطقت : شوفي انا والله مدرت شي حاجة راه غير جيت نعست اذا وقعات شي مصيبة راه هو لي غيكون مولاها انا عاد فقت دابا والله يا ماما مدرت والو ( بديت ندمع ليها ) اهئ اهئ علاش ديما انا لي ظالمني فهاذ الدار اهئ اهئ حشومة عليكم ضرباتني ضربة خفيفة لجبهتي : دابا انا كيفما درت معاك وحلة كنت ظريفة تبداي تدمعي ليا كنت خايبة كتبقاي تخنزري زيدي حدايا الهبيلة ( عنقاتني ايييه هتلر عنقاتني و بدات تبوس فيا كدير هاذ الشي غير فاش كنكون مريضة ) حمزة : مبغاش هاذ الفطور ناكلو انا جريتو و هزيت بتيبانة حشيتها ليه ففمو : بصحة اخويا الحبيب

بستو من حنكو هو و ماما و نضت نغسل وجهي من الدموع و رجعت لعندهم حسيت بماما باغة تقول ليا شي حاجة و معرفاش كيفاش توصلها ليا : بنتي هبة بغيت نقولك واحد الحاجة انا : ماما اذا كنتي غتهدري على البارح فعافاك مبغاش نتذكر حتى شي حاجة من لي وقع البارح ماما : ولكن انا خاصني نطلب منك السماحة على الغوات لي غوت عليك و على التصرفيقة ( باست ليا حنكي لي صرفقاتني فيه ) سمحي ليا ابنتي ظلمتك واخة عارفك حمقة و هارب ليك ريزو ( ها هي بدا تعاير عاوتاني ) ولكن عمرك تأذي شي حد نتي راك بنتي و انا مربياك على يديا مستحيل تديري شي حاجة خايبة ولا تفوتي الحدود لي رسمتهم ليك و تنساي الاخلاق لي ربيتك عليهم واخة بعض المرات كتبداي تحوالي عليا واخة تشوفوني اننا و ماما ديما مدابزين و كنعيط ليها هتلر واخة هي صعيبة الا انها اروع انسانة هي نعمة الام ليا و لخوتي انسانة كتعرف الله كتخدم عائلتها و حاطة كل واحد فينا فعنيها هي انسانة فاعلة فالمجتمع و انسانة عظيمة ( الله يخليكم الامهات ديالكم كاملين و لي ميت ليه ماماها الله يصبرو على فراقها )

انا عنقتها و دموعي بداو ينزلو عاود بكيت بزاف هاذ الايام صافي والله لبكيت عاود باركة انا مشي من النوع لي كيبكي على اي حاجة : ماما حبيبة نتي راك احلى و اروع ام فهاذ الدنيا و مهما درتي فانا مستحيل نغضب منك انا البارح كنت مقلقة و صافي سمحي ليا على ذاك التصرف لي درت معاك و مع بابا نتما راكم كلشي فحياتي ماما : اذن مبقيناش مخاصمين ا كنمسح دموعي : لا هزات البلاطو ديال الفطور : اوى نوضي تفطري معانا لمك انا : ماما فين داية البلاطو اهئ اهئ بغيت فطوري لاول مرة كتصوبي ليا الفطور و مبغاش تخليني ندوق منو حتى دغمة حشومة عليك والله ماما: نوضي لمك حدايا مزيان تبارك الله باغة تاكلي ليا على الفراش يكما نتي لي كتصبني انا بديت نركل ففراش : وااااا ماما حشومة عليك بالناقص كو كليت الفطور هو اللول عاد سمحت ليك حمزة بقى كيموت بالضحك : احح فيك انا : درق وجهك نضت على سعدي و وعدي خرجت عندهم هكذاك بالحوايج ديال نعاس لي عبارة على شورط قصير فالغوز و ديباردور فالبيض شعري كان مطلوق و مصوباه درت الكريم دوجور و عطرت بيضاني و مشيت لصالون بحيث كانو كيفطرو تما غير انا دخلت و الضو يضربني بغيت نرجع لبتي ولكن غنتسما برهوشة مشيت و جلست نفطر كنت جالسة بالزز كانني جالسة على الشوك

يتبع