قصة زوجوني زوج اختي

بيب بيب بيب بيب بيب ( صوت المنبه ) طولت يديا موصلتش ليه اوفففف ذيك الكلبة ديال ختي ديما دايرة alarm و مكتفيقش ديما لمها مخسرة ليا نعاسي الله يطيرك و يهنيني منك بديت نضربها برجلي باش تسكت ذاك المشقوف و تقول واش تحركات ولا حسات بشي حاجة الله يخليها ماركة دايرة كيف الميتة يهزوها و يهربو بيها و شوف تشوف واش تفيق ليهم تقول شاربة منوم مي بالسيف الليل كامل و هي كتوشوش ليا فذاك تليفون مع مولاها حمد اويلي يا ويلي الناس يتعرفو على الناس لي بوكو عاقة معامن يعيشو و هي لاصقة ليا فذاك حمد و كيزيد يكملها ليا بذيك مولاي قليك شريف الله يلعن لي ميحشم سكايري لخر خنز كيف داير ناري كنكرهو من قلبي و مفهمتش شنو لي عجبها فيه هي كتحمق بالزين البيوضية و الزعورية و هو داير كيف وجه القادوس بففف تفو ها هو نعاس خسر ليا نوض نوجد الفطور حسن ليا و منها نمشي نراجع شوية مبقى ليا والو على الوطني غير دعيو معا ختكم نضت لقيت ماما واقفة فالكوزينة هذي يالله سبعة ديال الصباح مالها على حالها و اليوم زعما الحد بابا مخدامش و خوتي الصغار مقارينش مفهمتش مالها بستها من حنكها : صباح الخير يا احلى ام فهاذ العالم ماما : شبري على يديك و اجي تعاونني راه جايين عندنا الضياف هاذ العشية انا مصبحة عليها باحلى ام فهاذ الدنيا وهي كتقوليا الشغال ماما ديما قايسة ليا ليسونتمو ديالي : الضياف شكون هذو لي جايين عندنا على الصباح ماما : عاقلة على عمتك فرح انا : عمتي فرح شكون هذي نو معاقلاش عليها ماما : اه نسيت مشي نتي لي مشيتي معايا ذاك النهار نورهان لي كانت معايا انا : واااا ماما شكون هاذ فرح ولاش جاية عندنا على الصباح ماما : فرح هي مرات خو سي فيصل انا : كضحكي عليا انا عرفت حتى شكون هي فرح و زايداني دابا بسيك فيصل ماما : الله يصبرني عليك فيصل هو المدير ديال باباك انا : ايييه اوى خت خوه علاش جاية لعندنا جمعات معايا بضربة لراس حتى بديت نحسب النجوم لي كيدورو حدايا : واش انا كنقولك مرات خوه و نتي كتقولي ليا خت خوه معرفت لمن شبهتي فهاذ الكلخ لي فيك درت فيها عزة نفس و شديت فمي و غير شفت بابا و نورهان جاين للكوزينة باش يفطرو طرت على بابا بست ليه يدو و كيف كل صباح بديت نتناكر انا و ختي بابا : الحاجة نرمين الله يهديك راه مغدي يجيو حتى للعشية علاش كتعذبي راسك

بابا : الحاجة نرمين الله يهديك راه مغدي يجيو حتى للعشية علاش كتعذبي راسك نورهان : شكون غيجي انا : غتجي مرات خو سيدك فيصل نورهان : شكون هذي و شكون هاذ فيصل اصلان انا : ذاك الشي لي لقيتني كنسول عليه فيصل عرفناه هو المدير ديال بابا و لكن هاذ فرح شكون هي الله اعلم ماما : مشي سوقكم فطرو دغيا و نوضو طرفو الدار و ضربو ليها شي تسيقة فاعلة تاركة انا غنكمل هاذ الشي لي فيديا نورهان : ماما انا عندي امتحان منقدش نعاونكم انا : ماما انا عندي الوطني منقدش نعاونك نورهان : نتي فقما نقول انا شي حاجة قولي حتى انا اذا مشيت نتاحر حتى نتي تبعيني درت ليها الضحكة الصفرة : هاها ( الضحة ديال باتول لي فثمن الحب ) لا احبيبة انا باقة باغة نعيش نتزوج و نولد و نحج مزال مدرنا فالمقلة ميتحرق نورهان : انا اذا بقيت عايشة معا هاذ المخلوقة غيجيني شي مرض خطير ممعروفش الاصل ديالو ولا شنو هو انا : ويلي ويلي شحال حامضة الحموضة كتقطر منك نورهان : حبيبة الحامض راه بالثمن راه كيلو بخمسة دراهم يالله بغيت نجاوبها و بابا ينطق : والحمد الله غنتهنا من وحدة غتبقى ليا وحدة نصبر حتى يجي لي يهزها عليا حتى هيا خرجنا عنينا فيهم بجوج : شننوووووو بابا : اوى اليوم جايين الخطاب نورهان شدات كرشها بقات تموت بالضحك : هههههههههههه واخيرا غنتهنى من هاذ البروسي بقيت كنشوف فيها و مطلعة حاجبي : مسكينة بقيتي فيا راه لي جاينها الخطاب مشي انا واينما نتي نورهان بدات تغوت : كيفاش انا بابا ياك مولاي حمد هدر معاك و قال ليك الشهر الجاي يكون هنا جمعات معاها ماما بقرصة حتى بدات تنقز بوحدها كيف الجرانة : واش مغديش ترزني اهاذ البنت راه ذاك مولاك حمد هو لي مغديش تاخديه والله لدخل لداري ما نتي ليه ما هو ليك نورهان بدات تبكي : لا انا كنبغي مولاي حمد و مستحيل نتزوج بغيرو بغى بابا يهدر و هتلر تمرمق فيه و هو يسرط لسانو ناري و فاش كتعصب الوليدة كتولي كتخلع فين يبان حداها شي هتلر ولا جون سينا بابا مسكين و ميقدش يطلع النفس

ماما : سمعي مزيان الراجل لي جاي يخطب واحد لباس عليه جنرال قدو قداش مخاصو حتى خير بدارو و طومبيلتو و عائلتو الله يعمرها دار و انا عطيت للمرى كلمة وحدة و هما جايين يخطبوك اليوم و سالينا الهدرة و دابا نوضي وجدي راسك على وذ العشية مشات نورهان كتبكي لببتها و ماما ناضت تكمل شغالها اما بابا مشى يفيق خوتي الصغار اوى و انا وحلت فيها شي يتخطب و شي يخمل ليهم الدار اوى شديت ذيك الدار رديتها كتلمع تشوف فيها وجهك الله يمسخني توذنات الظهر و انا باقة كنمسح الغبرة ناري هتلر جات لعندي هاذ النهار ترحمو على ختكم هبة ماما : ولواه هاذ الشي كامل كتمسحي الغبرة انا بعدت شوية و وجدت راسي باش غير دير الوليدة شي حركة مشي حتى اللهيه نهرب : وااا ماما راه دار مغبرة كاملة يالله شفتها نزلات الارض بديت ندير فالحركات التسخينية ولكن دارتها بيا هاذ المرة شفتها هزات شطابة قلت غتعاوني و انا نريح قلت الحمد الله اوى و هي تنزل عليا بذيك الشطابة لراس هي كتضرب و ان كنشطح ليها الهيب هوب حتى دخل خويا الكبير حمزة عاد طلقات مني حمزة كيموت بالضحك : هههههه هبة وراك تعلمتي تشطحي معندي ميسالك انا كنبوس فراسي : اح اح الله يسلط عليك

لمتي تشطحي معندي ميسالك انا كنبوس فراسي : اح اح الله يسلط عليك التونية لما تسكت ماما : بعيد البلا و الباس على ولدي تجي لعدو و لي ميبغيه انا : ياك اماما ياك بغيتها يجي ليا انا على زين الشعر لي عندي ماناقصو غير الثونية هاذ الساعة تكافينا مع الحروشية و القشرة ماما شافت فيا واحد الشوفات يا عبد الله ناري : و قسما عظما و نوجد لخوك الفطور و منلقاك سيقتي دار و دروج و خملتيها يحتى نقرع لبنتي نيت ذاك الشعر سرو شي تحسينة ديال الصيرو اهيا ناري الوليدة مكانش عليها تكون حارسة عامة كان خاصها تكون مديرة سجن افضل و احسن ليها حسن عوان ذوك التلاميذ مساكن نمشي نخمل الدار حسن متزدق محسنة ليا ديال بصح

اوى بديت الشغال و اكيد منساش الموسيقى طلقت ليكم اغنية ديال روبي ليه بيداري كده كيحمقوني الاغاني القدام اوى مرجت الارض كلها بالتيد و الما و طلعت البيجامة فخداني باينين و جالسة نشطح و نتلولا دخل خويا حمزة و انا نهز عليه كراطة انا : حدك تما والله و تزيد خطوة وحدة حتى نسيفط خويا للخدمة مسيكاطريسي جبد ولد الحرام الكراطة و مع انا كنت شادها مزيان تجريت حتى انا معاها الكراطة جات فيديه و انا جيت على وجهي و اراك لدمايات لي كينزلو من فومي و نيفي بقيت ناعسة فالارض كنغوت و نبكي حتى جا بابا هزني و كيشوف فيا تخلط ليا الدم مع الدموع مع الخنونة و كلشي كيموت عليا بالضحك حتى من نورهان لي من صباح و هي دمع شافت حالتي شدات كرشها و بدات تبكي بالضحك نورهان : ههههههههههههههههههه واناري وليتي كتخلعي ههههههههههههه ماما بقات كتغمزها و انا كيف الطمة مفاهمة والو نضت كنعرج مشيت لمراية كنشوف شفت راسي و انا نطيح ليهم على طولتي بقاو يفيقو فيا مخلاو مدارو ليا الريحة البصلة و الساروت مبغيتش نفيق ليهم حتى جاب المسخوط ديال حمزة بودارع ( سراق زيت ) حمزة : مغديش تفيقي ياك اوى نتي لي قلبتي عليها شنو باغي يدير هاذ ولد الحرام ناري ولد ...... حطو ليا على وجهي حليت عنيا بشوية و انا يبان ليا نضت كنقز بوحدي و كنغوت كيف الحمقة و بابا كيخاصم عليه و ماما و نورهان حابسين الضحكة

ليسونتيمو ديالي كلهم خسروهم ليا بعض المرات كنخس راسي مشي بنتهم و انما مربيني تفوووو و زاد كملتها عليا شنيولة ديال هدى لي جابت ليا سناني لي طاحو ليا اويلي سناني طاحو اهئ اهئ نورهان كتضحك : ياك بغيتي الفلجة و ها هي جاتك احسن فلجة جيتي وقرطاسة دار حمزة يدو على كتافي و كيشوف فيا : ختي الحبيبة شنو غنقولك بقيتي فيا و كنت عوال نخطب ليك حميد مول المحلبة و لكن دابا اذا مشى حتى شافك فهاذ الحالة غيطج بحالو مسكينة بقيتي بايرة هنا طرت عليه بعضة بردت جنوني فيه حتى حسيت بسناني لوخرين غيطيحو حتى هما بديت بكي ليهم تما و درت جنازة بابا كيسكت فيا و ماما الحبيبة بالها غير مع تسياق شكون غيكملو اااااااااااااا واش هذي عائلتي ولا كذبت ماما : و صافي دابا يكبرو ليك وحداخرين نوضي دابا كملي تسياق انا : شنو يكبرو ليا اهئ اهئ ماما كتضحكي عليا بنت ليك كنبدل سنان الحليب اهئ اهئ بابا بابا بديت نبكي بالجهد حتى جا المصيبة ديال حمزة هزني على كتافو و بدا يدور بيا كيف دريات الصغار و الارض كلها كتزلق ولي خفت منو هو لي وقع جيت انا و ياه طايحين الارض هو جا على جبهتو خرجات ليه و انا جيت جالسة على قاعي مبقيتش قادة نوقف هاذ المرة ماما شافت حمزة طاح مشات كتجري عندو و جابت ليه الثلج و انا لي قاعي تهرس والله مداتها فيا مفهمتش ذاك حمزة شنو داير ليها اويلي عارفتو كنشوف راسي دابا فالمراية كنتخلع دخلت لبيتي شديت عليا و بديت نبكي على سناني جا خويا الصغير كاع ريان عندو خمس سنين هز ليا سنان لي فيديا مشى لجيهة السرجم لاحهم ريان : السمسة ( الشميشة ) هاكي تنان ( سنان ) حمار و عتي ( عطي ) لختي تنان ( سنان ) بغل هزيتو من القب ديالو : انا لي بغلة باقة صابرة عليكم خرج لمك ولا نلوح مك من هاذ السرجم لحتو برى البيت و شديت الباب بالساروت

دازت ساعتين مجى حد يسول فيا حليت الباب و مشيت بذيك الحالة لي كنت فيها الكوزينة لقيت نورهان تما لابسة قفطان فالبيض و مصوبة حالتها دخلت بلا متحس بيا غير دارت شافتني و هي تغوت و طيحات غطار الحلوة لي هازاه انا : مالك شفتي جن ولا شنو ( كنهدر و كنبزق مبقاو عندي سنان ) نورهان : الله يخد فيك الحق طيرتيها مني دخلت ماما كتجري تشوف شنو واقع ماما : اش واقع علاش غوتي نورهان : والو غير هاذ الويلة خلعاتني ماما شافتني بدات تكحل بالعمى : ويلي ويلي ناس جاو و هي شنو لابسة ليا سيري لمك بدلي عليك و لبسي شي حاجة مقادة و مشطي عليا ذيك الشعكوكة و وياك تهدري ولا ضحكي خلي شوهتك مستورة انا : و ماما و هذ شعر بوكلي بوكلي راه كيصوبوه بزبابل ديال الفلوس فالصالون ماما : سيري درقي وجهك من حدايا و غير يمشيو الظياف سيري معا باك صوبي ذوك السنان راه خدا ليك موعد مع الطبيب مشيت لبيت باش نبدل وحلت ملقيت منلبس جبدت واحد كسوة فالزرق قصيرة فوق الركابي و غير سميطات من الفوق مشطت شعري و شديتو سفنجة لبست بالغين فالبيض و درت شوية ديال كلوز عطيت ذوك الضربات لي فوجهي فاش طحت و خرجت لعندهم

اوى شنو غنقوليكم دخلت لصالون عندهم حسيت راسي داخلة لشي مجلة ديال عارضي الازياء ناري التتيز لي شفتو جالس عندنا فالصالون عنري شفت كبحالو فحياتي فين يبان شي كمال ولا رودرا ناري ذاك الشي حمقني ويلي ويلي غنتناسبو مع بواكص كبحال هذو مي صبرو شكون هو العريس ميكون غير ذاك المكلظم لي جالس تما ولكن حتى هو بوكوص ناري هاذ الخاي عندها الزهر كيهرس الحجر مي صبري حتى تزوجي و نضبر حتى انا لراسي على شي تتيز بدات واحد المراة كبيرة كتشوف فيا و كتضحك مفهمتش مالها تقول شافت كلون و هو يبان ليا حمزة كيضحك و انا نفهم البلان ولد الطيط عاود ليهم شنو وقع اكيد ماما : هبة بنتي الحبيبة دخلي سلمي على الضياف ناري ماما كتولي ضريفة فجوج حالات نهار يكونو عندنا ظياف مهمين ولا نهار نكون معورة لمها العنين ولكن دابا الحمد الله كدير هكذا غير كاينين الضياف اوى بغيت ندير الاداب مشيت سلمت على ذيك المراة لي هي عمتنا فرح لي من صباح و حنا نسولو عليها و من بعد دزت لبواكص نسلم و نبركك حتى وصلت لذاك الغول ناري سلامة عندو شوفات ديال ثور غينطح حسيت بيه محاملش الجلسة تقول جايبينو بالزز مديت ليه يدي بقى كيشوف فيا عاد سلم عليا تففوووو كرهت نهار لي مديت ليه فيه يديا بوكوص اه ولكن متكبر لا ديزولي هذي منستحملهاش حاسب فراسو معرفت شكون غيكون غير هو العريس اويلي غير وجد راسك لي تابعك عمرك حلمتي بيه اذا مخليتش راجل ختي يمشي و هو كيهدر بوحدو منتسماش انا هبة علوي هههههه

سمعت الصوني فالباب مشيت نحل وهيا عيشة و هيا الملك اجيو اجيو تشوفو شنو كنشوف واش هذا انس جان ملاك شنو هذا بالضبط لا لا انا حسيت بقلبي كيضرب يكما الحب من اول نظرة بقيت واقفة كنشوف فيه وحالة فمي ناري ريوكي نزلو مفيقني غير صوت ذاك الشارف لي كان معاه الشارف : بنتي هذي دار سي مروان العلوي انا قاديت حالتي : اه هي هذي تفضلو شفت ذاك البوكوص كيضحك قلت مع راسي واقيلة عجبتو ناري بديت نحلم براسي معاه فالعمارية و الناس كيلوحو عليا الورد حتى جا لي خارج ليا فعودي خويا الحبيب حمزة و فيقني من الحلم الزوين انا : مالك شنو بغيتي ( كنهدر و انا كنبزق ) حمزة بدا يموت بالضحك و كيمسح وجهو من البزاق : ههههههههه شدي فمك ها العار كتقتلي بالضحك يكما خلعتي الناس لي دخلو ناري ضربات ليا طم فراسي البوكوص كان كيضحك عليا مشي كيضحك معايا ويلي ويلي على شوهتك ا هبة ماما : هبة بنتي عيطي لختك نورهان و اجي مشيت نعيط ليها لقيتها كتهدر مع حبيب القلب مولاها حمد حيدت ليها تيليفون و قطعت عليه بدات تغوت نورهان : واش حمقة ولا شنو اري ليا ذاك التليفون انا : لا ماما قالت ليك اجي لصالون نورهان تبدل لونها : واش جاو كاملين انا : وي ومنقوليكش غتدخلي لصالون غتحسي براسك داخلة للجنة ويلي ويلي واحد ينسيك فلاخور غير تتيز لخوه مي باينة على بوركابي ديالك صعيب اطونسيو منو راه يعرفك كتهدري مع شي حد يقطع لمك رجليك نورهان : كلبة قلبي غيوقف و نتي مكملة عليا انا : ولكن حتى هو تتيز نورهان : الله يعطي لمك العكر لما تسكتي انا : على مك باقة تولد كملات بنتها غتزوج و تنوض هي تولد عصبتها : شوفي شدي ذاك الفم ولا غنكمل على لي بيه

ﺩﺭﺕ ﻳﺪﻱ ﻋﻠﻰ ﻓﻤﻲ ﻭ ﺳﺮﻃﺖ ﻫﺪﺭﺗﻲ ﻣﺸﻴﻨﺎ ﻟﺼﺎﻟﻮﻥ ﺩﺧﻼﺕ ﻧﻮﺭﻫﺎﻥ ﻭ ﺍﻟﻌﻨﻴﻦ ﻛﻠﻬﻢ ﻋﻠﻴﻬﺎ ﺍﺻﻼﻥ ﻫﻲ ﺑﻮﻛﻮﺻﺔ ﻭ ﺟﺎﺕ ﻛﺘﺤﻤﻖ ﺑﺎﻟﻘﻔﻄﺎﻥ ﺍﻟﺒﻴﺾ ﻓﺮﺡ : ﺍﺟﻲ ﺍﺑﻨﺘﻲ ﺟﻠﺴﻲ ﺣﺪﺍﻳﺎ ﺟﻠﺴﺎﺕ ﻣﺒﻴﻦ ﺍﻟﻐﻮﻝ ﻭ ﻋﻤﺘﻲ ﻓﺮﺡ ﻧﺎﺭﻱ ﻣﻨﻴﻦ ﺩﺧﻼﺕ ﻭ ﻫﻮ ﻛﻴﺸﻮﻑ ﻓﻴﻬﺎ ﻏﻴﻜﻠﻬﺎ ﺑﻌﻨﻴﻪ ﺑﺎﻳﻨﺔ ﻋﺠﺒﺎﺗﻮ ﻭ ﺑﺰﺍﻓﻒ ﻭ ﻫﺬﺍ ﻫﻮ ﺍﻟﻤﻬﻢ ﺍﻭﻯ ﺧﺎﻝ ﺍﻟﻐﻮﻝ ﻟﻲ ﺳﻤﻴﺘﻮ ﺳﻴﻒ ﺍﻟﺪﻳﻦ ﻃﻠﺐ ﻳﺪ ﺧﺘﻲ ﻣﻦ ﺑﺎﺑﺎ ﻟﻮﻟﺪ ﺧﺘﻮ ﻓﺮﺡ ﺑﺤﻴﺚ ﺑﺎﻩ ﻣﻴﺖ ﺍﻟﻠﻪ ﻳﺮﺣﻤﻮ ﺍﻭﻯ ﺩﺍﺯ ﻛﻠﺸﻲ ﺑﺨﻴﺮ ﺧﺘﻲ ﺑﺰﺯ ﻋﻠﻴﻬﺎ ﻭﻓﻘﺎﺕ ﻭ ﻗﺮﺍﻭ ﺍﻟﻔﺎﺗﺤﺔ ﺗﺎﻓﻘﻮ ﻋﻠﻰ ﺿﺮﻳﺐ ﺍﻟﺼﺪﺍﻕ ﻭ ﺍﻟﻌﺮﺱ ﻣﻦ ﺩﺍﺑﺎ ﺟﻮﺝ ﺳﻴﻤﺎﻧﺎﺕ ﻭﺍﺍﺍﺍﺍﻭ ﻣﻤﺘﻴﻘﺎﺵ ﺧﺘﻲ ﻏﺘﺰﻭﺝ ﻭ ﺍﺧﻴﺮﺍ ﻋﻨﺪﻧﺎ ﻋﺮﺱ ﻓﻬﺎﺫ ﺍﻟﺪﺍﺭ ﻛﻼﻭ ﺍﻟﺤﻠﻮﺓ ﻭ ﺷﺮﺑﻮ ﺍﺗﺎﻱ ﻭ ﻣﺸﺎﻭ ﺑﺤﺎﻟﻬﻢ ﺍﻣﺎ ﺍﻧﺎ ﻣﺸﻴﺖ ﻣﻌﺎ ﺑﺎﺑﺎ ﻟﻌﻨﺪ ﺍﻟﻄﺒﻴﺐ ﺑﺎﺵ ﻧﺼﻮﺏ ﺳﻨﻴﻨﺎﺗﻲ ﻭ ﺧﻠﻴﺘﻬﻢ ﻛﻴﺠﻤﻌﻮ ﺍﻟﺮﻭﻳﻨﺔ ﺩﻳﺎﻝ ﺍﻟﺪﺍﺭ

اوى مشيت مع الوليد لعند دونتيست واااو الكابيني ديالو كتحمق ديكور كيسطي ناري مول هاذ الكابيني غيكون بوكو عاقة ستقبلاتنا سكرتيرة ديالو : مرحبا تفضلو سي عمران كيتسناكم امممم سي عمران ناري من سمية باينة هاذ خينا شي تتيز اخر دخلنا لبيرو انا شفت الطبيب و انا يوقف ليا الما فالركابي حسيت بالدوخة منين شفتو ويلي على شوهة هو نفس البوكوص ديال الصوني بغيت نرجع بحالي نبقى هكذا حسن ولا نحل ليه فمي يشوف سناني تجيه ازمة قلبية كلهم مسوسين و شيتة ديال السنان نحلف مكتقيسهم غير من عيد لعيد كنتقي فيهم الله و كنغسلهم والله كو كنت عارفة بلي غنجي عند هاذ البوكوص كنت غنغسلهم بالما القاطع باش يبياضو تفوو اهئ اهئ تشوهتي ابنتي هبة عمران : تفضلو سي مروان نتا تقد تسنى فقاعة الانتظار الانسة هبة غتجي معايا شديت فبابا شدة ديال العمة فالظلمة مبغيتش نطلق منو شاف فيا عمران و بتسم : متخافيش راه غير مغديش تقرحي كلشي غيدوز دغيا مال هذا كيهدر كبحال الا غيدخل بيا واخة بوكوص باينة على ولديه عنيه زايغين ولكن وااااو نكون معا شي راجل كبحال هذا واااااو غنطير فالسما صرفت راسي بنت طيط فاش كتفكري المكبوثة بنت المكبوثة الله يخليها سلعة خاص غير لي يجبدني مشيت مع سي عمران جلسني على واحد الكرسي و قال ليا تكاي حليا فمي و بدا يبقشش تما شوية وهو يجيب ليبرة و انا نوض هربت ليه انا : شوف اي حاجة نتقبلها الا ليبرة لاش ذيك لبرة عمران حبس الضحكة : ولكن راه ضروري من لبرة باش نقدو اننا نحيدو ليك الجدور ديال السنان لي تهرسو ليك و اذا مدرناش البلج غتحسي بالم كثر انا : مكيناش شي طريقة اخرى غير لبرة باش دير ليا البلج عمران : لسوء الحظ لا ولكن غير تقي فيا مغديش تحسي بيها نتيق فيه ولا لا ناري ولد الحرام عندو واحد الضحكة كتنسيك فالقبلة فين جات مشيت عاودت جلست على كرسي و غمضت عيني بقيت شادهم حتى قال ليا حليهم بغيت نهدر لقيتو داير ليا شي حدايد ففمو ناري هذا تعذيب بقيت ساكتة بالزز عليا و كلما كنحاول نهدر كيغوت عليا نسكت ولا غنخسر ليه الخدمة كاملة بقيت معاه ساعتين عاد طلقني

كيغوت عليا نسكت ولا غنخسر ليه الخدمة كاملة بقيت معاه ساعتين عاد طلقني عمران : صافي سالينا يالله بالصحة سنان جداد خنزرت فيه : كتظنز عليا بدا يضحك : هههههه لا الالة هبة غير كنضحك بلا متقلقي انا : واخة خرجت عند بابا و تبعنا عمران خاصني نرجع عندو السيمانة الجاية باش يكمل ليا سناني و يقادهم بابا : شكرا اولدي عذبناك معانا وتخة اليوم مخدامش حليتي على وذنا عمران : الله اودي راه رجعنا عائلة وحدة بابا : ايه اولدي بقيت نفكر و نفكر فالتالي خرجت باستنتاج : اذن نتا ولد خال ذاك الغول قلتها بلا منحس بابا خنزر فيا اما عمران بقا يضحك عمران : وي انا ولد خالو مشرفين مديت ليه يدي : شرف ليا انا اسي عمران عمران : غير عمران ا هبة انا : واخة اعمران ودعناه و مسخيتش نخرج من تما الله اللع شحال زوين و بنين مكرهتش ناكلو داير بحال نوتيلا يمممم اوى رجعت لدارنا الغزالة كليت واخة كنت كنخس بالالم فسناني شوية مي قالي عمران بلي عادي و من بعد مشيت نعس باش فالصباح نمشي مع ختي و ماما نوجدو جهاز ديالها

صبح صباح جديد و بدينا كنوجدو باش نخرجو ناري تهلكت قبل حتى منخرج وجدت الفظور حطيتو و هزيت طبلة غسلت اللواني وجدت خوتي يمشيو للمدرسة و من بعد فيقت بو راس ديال خويا حمزة بديت نغوت ليه فوذنيه : واااااااا فيق الحبس غتعطل على الخدمة بديت نتقاتل معاه مبغاش يفيق خديت كاس ديال الما مجمد خويتو عليه و خرجت كنجري عند بابا تخبعت موراه و حمزة خارج من بيتو كيسب و يدعي حمزة : والله يذيك البرهوشة اذا مشديتش ختي و قرعت ليها منتسماش حمزة العلوي انا : هاها شنو نسميوك حميد بو طبسيل جا ليا و بابا وقفو : حدك تما تقيص فيها نخسر معاك حمزة ردها بستين كشيفة و مشى يبدل حوايجو و انا كنقلي ليه فالسم بابا : هذي اخر مرة نحامي عليك من خوك راه صعيب و غيفوت فيك شي ضربة شي نهار انا بقيت نتفشش عليه : واخة صافي اخر مرة بدات تعيط ليا ماما : هبة واااا ذيك المسخوطة فين مشيتي راه غنتعطلو مشيت كنجري لعندها قبل متبدا تنكر مشينا خدينا الذهب حتى انا خديت ليا سنسلة و براسلي مي ذهب بيض من بعد دزنا خدينا الحوايج فهمتش هي عندها بلاكار عامر بالحوايج علاين يطيح و دابا كتزيدها الحوايج و المصيبة العظمة مشي ختي لي كتقيس انا لي كنقيس قاتليك شادها سخفة مفيها لي يقيس و معا انا و ختي عندنا نفس طاي كنلبسو نفس الحوايج مخليت مخديت ليها و وصلنا لجيهة ديال الملابس داخلية و لي سومج دونوي مخليت مخديت ليها و غير المشوهين ناري نهار تشوفهم تكحل بالعمى من بعد مشينا خدينا الصبابط و السيكان الملايات و ليزور مطرزين و اخر حاجة دزنا عند الخياطة دينا ليها الثواب و خدات القياسات ديالنا بثلاثة باش تبدا الخدمة من بعد مدازت كثر من سبعة ديال السوايع فالدوران دخلنا للدار و بغيت نمشي نرتاح ولكن ماما حبيبة حالفة عليا منرتاح ماما : هبة هبة انا : نعام الالة نرمين اش حب الخاطر ماما : لبسي حوايجك خرجي مع ختك نخرج مع ختي بفففف مفيا لي يخرج : لا انا باغة نعس شتها كتهز السنطلة و انا نبرد القضية : واخة ولكن علاش بغى تخرج دابا واش نسات شي حاجة مشرتهاش

حاجة مشرتهاش ماما : لا سيف الدين بغى يشوفها هيهاي على سيف الدين بغى يشوفها ناري و يعرف مولاها حمد الخبار ينوض قربالة : و عي ماشية مع خطيبها و انا لاش ماما : عيب يمشيو بوحدهم انا : ماما الله يهذيك راه فهاذ الزمان مبقى معنى لكلمة عيب دابا راهم ولاو يسبقو ليلة الدخلة قبل حتى من الخطوبة هزات الصندلة شيرات بيها عليا : الله يمسخك مشيت بدلت حوايجي هاذ المرة قاديت حالتي مزيان معرفت علاش حاسة بلي غنشوف البوكوص ديال عمران اكيد ذاك الغول غيبغي انه ينفرد باختي الكريمة و غيجيب معاه شي تتيز من هذوك لي كانو معاه نهار جا يخطب اوى لبست كسوة كحلة طويلة و مشبكة من الفوق مع بالغين فالبيض و صوبت شعري مع ميك اب خفيف اما ختي الغزالة لبسات واحد الجلابة دايز عليها الحرب العالمية و شدات شعرها سفنجة و خلات وجها صفر هكذاك انا : ويلي واش ماشية تزوري شي حد فعوكاشة ولا تشوفي خطيبك نورهان : بغيت ليك نتي و ياه طيار من حدايا زيدي حدايا نشوفو هاذ الشي فين غيخرجنا هههههه اول مرة فتاريخ ماما الحبببة عطاتنا داسية ديالها نمشيو بيها جاب ليها الله كنحلم اوى ساكت ختي مشينا لواخد الكافي كبيرة و راقية دخلنا داخل بقيت حالة فمي على الاقل انا حالتي مقادة اما ختي باينة كبحال شي فام دميناج حشمت نمشي معاها

لقينا سيف و عارفتو شكون كان معاه وي وي بوكوص عمران غير شفتو مقديتش نشد فمي كنضحك بلا منحس واخة كنبغي نشد خربتي مكتبغيش تشد ليا سيف : مرحبا تفضلو نورهان جلسات بلا متهدر عمران : اهلان هبة لباس عليك انا حشمت شوية : وي الحمد الله و نتا لباس عمران : الحمد الله اوى كيف بقاو سنيناتك بخير خنزرت فيه و هو يجمع الضحكة : لا لا صافي بلا متقلقي غير كنضحك ... ولكن كيفاش وقعات ليك عاودي لينا نورهان تذكرات الموقف بدات تضحك : بصارحة قتلاتنا بالضحك ذاك النهار ....... عاودات ليه شنو وقع و انا كنقرص فيها باش تسكت و تقول متهنات حتى كملات ليهم كلشي عمران كيموت بالضحك اما سيف مكانش كيسمع شنو كتقول كان حال فمو فنورهان و كيشوف فيها المعلم طاح على راسو انا : اوى صافي عرفتي ضحكتي رتاحيتي عمران : لا لا متقلقيش راك عزيزة غير كنضحك وصافي بقيت غير انا و عمران لي مجمعين ساعة كاملة ختي شدات تليفوها بدات تكونيكطا و مرة مرة تبتسم عرفتها كتهدر مع مولاها حمد اما سيف كان حاطيها فكل حركة دارتها جا اتصال لعمران ناض باش يجاوب نورهان لقاتها سبة و ناضت مشات للحمام و بقيت انا و ذاك سيف راس فالراس هو ساكت و انا ساكتة بفففف هاذ بنادم دابا غيكون راجل ختي ناري شحال ممل ولكن معليش عائلتو واعرة فيها غير تتيز تعطلو ذوك الجوج علينا و انا جالسة مع هاذ الجماد جنابي بداو ياكلوني بغيت نهدر و نتحرك شوية و هي تجي واحد البنت لعندنا لابسة كسوة فالحمر الفوق عريان و التحت عريان و المكياج كيقطر منها و ريحة تشمها من على مسافة متر سلمات على سيف معرفت بعد انا واش كانت كتسلم عليه ولا كتوريه صدرها البنت : سيف توحشتك فين هاذ الغيبة سيف بقا يشوف فيا دورت وجهي و كنقول لا حولة ولا قوة الا بالله سيف : الحمد الله و نتي امدام نرجس لباس عليك كيف داير راجلك اويلي على هذي مزوجة ناري ايه نيلة ده نرجس : الحمد الله ( شافت فيا ) شكون هذي سيف : هذي خت خطيبتي نرجس بقات تطلع فيا و تنزل : على نتا خطبتي سيف : وي عاد البارح نرجس : اوى من الاخت باين العربون مفهمتش علاش خطبتي وحدة كبحال هذي

ضحت ليها الضحكة الصفرة : كيبان لي مدام باربي مكتسمعش مزيان راه قاليك بلي خت خطيبتو و مشي خطيبتو و نزيدك ا مدام ختي بزاف عليك فين تباني حدا وسخ يديها خنزر فيا سيف باش نسكت ولكن انا جعراتني بهدرتها مخليتش ليها و ذاك سيف غير كيشوف نرجس : انا مغديش نزل لمستواك نتي غير بنت زناقي هنا نضت ليها : ولكن انا احبيبة غنزل لمستوى ديالك و نعاود نطلع للمستوى ديالي شديتها من ذوك جوج زغيبات طيرتهم ليها من جدر كلشي كيشوف فينا سيف حشم من الموقف غير حراس الامن لي فكوها مني شدني سيف من يدي و زير و خرجني من القهوة و كيتمشى بالزربة و باينين العروق ديال راسو بقوة ما معصب جريت يدي من يدو بالجهد : طلق مني سيف دار عندي و بدا يغوت : واش حمقة اش هاذ المستوى لي وصلتي ليه كيفاش تجرئتي و تصرفتي مع المراة بذيك الطريقة كنسمعو كيغوت و قلبي كيضرب فالمية خايفة غير يفوت فيا شي ضربة يديه باينة قاصحة ولكن مغديش نسكت ليه واخة خايفة منو ولكن جمعت الشجاعة ديالي باش نرد عليه : مسمعتيهاش شنو قالت عليا انا و ختي كيفاش بغيتي انني نسكت ليها سيف : الحمد الله مشي نتي لي خاطبها الحمد الله كو كنتي نتي خطيبتي كنت غنفسخ هاذ الخطوبة قبل حتى متبدا عصباتني هدرتو شنو حاسب راسو : انا لي خاصني نحمد الله ليل و نهار بلي ممخطوباش لواحد كبحالك زير على يديه : حمدي الله انك بنت كو كنتي راجل كنت غنهرس ليك ذاك الفم لي مكيتشدش انا : شنو قيص فيا و تشوف اذا مفرجتش فيك لي يسوى و لي ميسواش بقى صابر صابر. و انا حسيت نار شاعلة معاه بغيت نهرب ولكن هو شدني من يدي و بانو ليا عنيه حومر ناري ميمتي اش داني نجعر هاذ الوحش متفكيت حتى جات ختي و عمران هما لي فكوني منو مشيت لطومبيل ديالنا كنجري و تبعاتني نورهان اما عمران بقى واقف مع ذاك الغول

نورهان : مالك نتي و ياه انا : مملناش عرفتي شنو من الاحسن تزوجي ليك بذاك حمد ديالك على الاقل هذاك خينا كدير لبنادم حساب و الف حساب مشي كبحال هاذ الغول ولكن والله لدوزتها ليه شنو حاسب فراسو المكبوث لاخر عاجبو يبقى يتمنظر فعيالات الرجال و حتى ذيك بنت ق...ة فارشة ليه راسها يتفرج كيف بغى تفو المسخ لخور نورهان مفهمات والو من هدرتي بقيت الطريق كاملة ساكتة و نورهان سايقة شوية طاحت عليا فكرة واعرة عرفت بلي نورهان غتوافق عليها وحدة من صحاباتي كانو دايرين حفلة فدارها باش ينساو شوية الروتين ديال الحفاضة و للوطني و هي كانت عرضات عليا انا : شنو بان ليك نمشيو للحفلة ديال لبنى نورهان : لا شوفي حالتي كي دايرة انا : مشي مشكيل شوفي اللور نورهان : بنت الحرام يعني كنت مخططة من اللول تمشي للحفلة انا : هههه عليك نور هزينا الحوايج لي خديت و خبعتهم قبل منخرجو من دار فالطومبيل مشينا لدار لبنى لبسنا تما انا لبست كسوة فوق الركبة فالحمر و عريانة من الظهر مع صباط طالون فالكحل و شعري كنت مصوبة ليه بروشينك طلقتو درت مكياج خفيف ولكن ركزت على عنيا اما نورهان لبسات كسوة قصيرة فالبيض بالكمام و مشبكة من الفوق طلقات شعرها حتى هي لبسات طالون فالكحل كبحالي درت ليها المكياج بحيث كنعرف ليه كنصرعو و تمينا خارجين كلشي كيشوف فينا بحيث بكل تواضع جينا قرطاسات بان ليا ذاك مولاها حمد بحيث هو صاحب خو صاحبتي لبنى مشات نورهان عندو و انا ترخيت مع الموسيقى بقيت نشطح نشطح مع اكثر حاجة كنعرف ليها هي الشطيح ختكم كتقيل حدا المراية كتشطح شي نهار يسكني شي جن عاشق ( غير يكون بحال ذاك الجن ديال قصة احببت جني ) معلينا راه حتى ختكم مبلية بالقصص اوى شطحت حتى بردت جنوني و ذيك الويلة ديال ختي معرفت فين مشات حتى هيا

جات عندي لبنى : جيتي قرطاسة الخويبة انا : شدي فمك و شطحي قبل ميشطحو علينا فالوطني لبنى : غير سكتي عفاك متدكريش الوطني بديت نشطح بطريقة مختلفة كلما تبدلا الموسيقى كنبدل بوزيسيون لبنى : اه مقلتش ليك ذاك الدري لي جالس تما بغا يهدر معاك بقيت نحقق فيه و هو تركبني الفواقة ناري ناري هذا خويا حمزة كيشوف فيا و كيبتسم ناري ميمتي الله الله كحلت لمها طواسي فين هي ذيك بنت طيط ديال ختي ويلي و يشوفها مع حمد ناري اليوم ينحرني انا و ياها جا عندي و انا كنرجع باللور هو كيقرب و انا كنرجع باللور حتى مبقى عندي فين نهرب قشعت ختي مع حمد شافت فيا حاولت نهدر معاها بعنيا البليدة مفهمات والو دار حمزة شاف جيهتها ولكن لحسن الحظ حمد كان مدور وجهو نورهان شافت حمزة غمزات لخمد فهم راسو و مشى بحالو و حنا تبعنا حمزة و هو ساكت ناري ميمتي صافي هذي تالية لينا الصمت ديالو كيقتلني غير يغوت يضرب و ميقولهاش لهتر راها دخلني لبيت مشدود و تطلق عليا الغاز المميت تقتلني و متحنش فيا اما ختي غتفلت بحيث غتزوج متقدش تقتلها

الطريق كاملة و حمزة ساكت عرفتو عوال على خزيت نورهان كتنغزني باش نهدر انا : حمزة سيد الرجال شتك ساكت مشي من عوايدك حمزة : على نتي خليتي ليا شنو نقول ناري اوففف علاش هاذ الزهر المكوز عندي غير انا بغيت غير نعرف علاش حمزة كان تما اويلي شنو كيدير وسط ذوك البراهش ديال الباك وصلني ميساج من عند صاحبتي صوفيا حليتو لقيت الحل لهاذ المصيبة لي طحت فيها هههه انا : عارفتي شنو ا نورهان صاحبتي صوفيا رتبطات مع واحد البوليسي شفت فحمزة بدا يسعل : كح كح مالك كتشوفي فيا انا كنشوف فيه و فالتصويرة لي سيفطات ليا فالميساج : بحيث ذاك البوليسي كيشبه ليك بزاف حمزة بدا يتهرب و مكيشوفش فعيني : شنو كتقولي نورهان فهمات بحيث وريتها التصويرة : ويلي ويلي و يوصل لخبار لخطيبتو زهرة بديت نضحك : لا لا لا متقوليش هكذا هذا لي فالتصويرة مشي خونا حمزة غير واحد كيشبه ليه ممتيقاش انا غنسيفط التصويرة لزهرة و هي تقول لينا هذا واش حمزة ولا لا وقف الطومبيل : اري ذاك التليفون لهنا بديت نهرب التليفون : لا مغديش نعطيه ليك غير تهنا حمزة : شوفي نتي راك كتهيني و كتطاولي على موظف دولة

شداتني ضحكة بذاك موظف دولة : ههههه ياك و شنو كتسمى هذي لي كدير دابا خاطب وحدة و كتفلوطي مع وحدة حمزة : دابا اجي لتالي شنو باغة هذا هو المعقول : سترني نسترك حمزة : واش حمقة باغني نسكت ليك على ذيك الحالة لي شفتك فيها انا غنقولها لمك و ضبر راسها معاك انا : و انا غنسيفطها لزهرة و ضبر راسها معاك عيا حمزة ميفكر ملقى حتى حل من غير انه يوافق على شرط ديالي : واخة ولكن مسحي التصويرة انا : هاها يكما كيسحاب ليك كنرضع صبعي بغي ديرها بيا حمزة : بنت ........ واهة ندرها ليك فساعة الخير انا : ههههه انا معلم و احنا منك نتعلم وصلنا لدار ولكن دابا المصيبة الكحلة هي كيفاش نبدلو حوايجنا حمزة تفكيت منو و هتلر كي غندير ليها ناري و تشوفني الوليدة بهاذ الحالة تكحل بالعمى انا : حمزة دخل لاهي ماما علما ندخلو حنا من الباب ديال كوزينة حمزة : واخة اذيك سلعفانة غير دريها فين تجيك نورهان : طلقنا قبل متدخل كوزينة دخلنا بسلتة لكوزينة حمزة بقى كيلهي ماما و انا و نرهان دخلنا لكوزينة غير بغينا نخرجو و هي هتلر تخرج فينا ماما : شهاذ اللباس و فقاش جيتو انا دغيا تدخلت : جينا قبيلا و مشينا جربنا الحوايج لي خدينا هاذ الصباح كي جيني توتات ياك ماما : فقاش جيتو مشفتكومش داخلين من الباب انا : فاش كنتي كتصلي لعشا دخلنا كيفاش غتشوفينا و نتي مركزة فصلاتك يا ربي تسمح ليا ماما تيقاتني ماما : سيرو بدلو عليا هاذ الشوهة قبل ميدخل باكم و اجيو تعشاو حمزة غير بقى كيتحلف فيا و انا كنقلي ليه السم ولد طيط بالعاني حتى بغينا نخرجو من الكوزينة و هو يخلي الوليدة تجي ولكن زدقت مطورة كثر منو

يتبع