بقا مضارب معاه و والو، فقصني صافي جيت حيدتو ليه و ما رضاش بغا يطرطق: صلاح صافي عيقتي اوف 😡😡😡 الضعف ماشي عيب
صلاح: صافي انا نحيد الشي الآخر، غير التيشرت الي كان واعر
خرجت وجدت الفطور، فطرنا و مشا جاب الدوا، بقينا جالسين فالدار هو كل ساعة جايو اتصال من الخدمة، دوزنا النهار غير فالدار، شوية جاني حتى انا اتصال من نمرة مجهولة، دخلت للبيت تأكدت بلي صلاح مغديش يسمعني و جاوبت: الو شكون معايا
المتصل: حبيبتي كي بقيتي لابأس؟
صوفيا: حسن؟!
حسن: وي حسن اروحي، توحشتك بزاف
صوفيا: حسن شنو بغيتي؟ لاش رجعتي؟! خاصك تعرف بلي انا مرة متزوجة
حسن: متزوجة بشماتة مكيستحقش للاسف، انا كنتحرق من الداخل فين كنفكر انا هداك ممكن يكون قاصك و بلي ناعس معك فنفس الناموسية؛ انا الي من حقي هدشي ماشي هو
صوفيا: حسن نتا الي خليتيني النهار الأول
صوفيا: عارف احبيبة ولكن كنت مجبور، مقدترش نديك معايا و لكن دبا غير، المهم نكمل شي شغال عندي و نديك معايا
صوفيا: قطع عفاك خاصني نمشي
حسن: وخا احياتي تهلاي فراسك
خرجت لقيت صلاح خدام فالبيسي و يهدر فالتلفون: وخا امم اوك مزيان لا من غدا راجع
قطع و سولتو: فين راجع؟
صلاح مركز مع البيسي: الخدمة خليت الكوميسارية مقلوبة
صوفيا جلست حداه: لا مغديش نمشي نتا مزال ما تعافيتي، خليتك تخرج من للصبيطار مي والله لا خرجتي من الدار
صلاح: بلا ما تحلفي، خاصني ضروري نمشي عندي شلا ما يدار
صوفيا: انا اصلا مع من داوية؟ اوف شحال راسك قاصح يا لطيف، خليتو و نضت نوجد العشا
الغد ليه فقت على صلاح مدابز مع شوميز كيلبسها: بلاتي نعاونك
صلاح: اوك
جيت بغيت نسدها ليه و ناري على جسم عندو كيحمق😍، سديتها ليه و لبستو الجاكيط: فين غادي؟
صلاح: الخدمة طبعا، صراحة توحشتك و لكن قلت حتى تبراي
صوفيا: هه هاد المرة نتسناك حتى تبرا نتا اما انا بريت
صلاح: اه ايد وحدة مكتصفقش
صوفيا: و لكن المعلم خدام ياك؟ حيت هو المهم 😂😉
صلاح: ههه الله يمسخك، انا راجل و حشمت فبلاصتك
صوفيا: بعد المرات كنحس براسي متزوجة نعيمة جارتنا 😂😂
صلاح: سيري الله نجاهد فيك ضربني 😠
صوفيا: اححح اي مالنا غير ضحكنا
فطرنا مشا صلاح بحالو، جمعت الدار وليت حادكة احم احم، شوية صونا التلفون، هدا حسن عاود: الو حسن
حسن: حياتي كي صبحتي؟
صوفيا: لابأس الحمد لله
حسن: بغيت نشوفك تقدري تخرجي
صوفيا: لا منقدرش خايفة من صلاح
حسن: ياكما كيضربك؟ 😠😠
صوفيا: اه اهئ اهئ غير دبا قتلني عصا عاد باش خرج اهئ اهئ
حسن: حبيبتي متبكيش كتقتليني، شوفي انا صيفطت الي يضربو مرة و غدي نعاودها
صوفيا: لا!! وياك خليه منو لله متوسخش ايدك فيه، انا بغيتك نتا تديني من هنا
حسن: دكشي الي بغيت ندير، اما من ناحية صلاح غير تهناي حسابي معاه عسير
صوفيا: لا حسن عفاك بلاش راه غير كضربو يجي يفش فيا غدايدو، انا عندي فكرة فين تسالي خدمتك، و تبغي تمشي قولها ليا باش نمشي معك بلا ما يسيق ليا أخبار
حسن: اوك غير تسالي الصفقة ديالي و نجي نديك
صوفيا: امتى هاد الصفقة؟
حسن: من هنا ل20 يوم
صوفيا: فاشمن بلاصة؟
حسن بشك: شبغيتي البلاصة؟
صوفيا: لا غير سولت، بغيت نعرف ياكما غدي تكون فخطر، انا خايفة عليك
حسن: ما تخافيش اعمري، هاد المرة غدي تكون غير
صوفيا: كيفاش غير؟
حسن: ماشي مهم، تهلاي فراسك كنبغيك
صوفيا: بسلامة حتى انا كنبغيك
وصل صلاح للكوميسارية، شافوه البوليس تخلعو
حميد: الشاف شنو وقع ليك؟! 😨
صلاح: لا والو غير اكسيدون، شنو خبار الخدمة؟
حميد: الشاف غير مشيتي ترونت الدنيا العميد مكيعجبو العجب و قالب لينا راسنا بيك، و جاتنا اخبارية بلي كاينة مخدرات فلوطو ديال البيمو فشارع **** من بوليس الطرق و دبا كنتوجدو باش نمشو
صلاح: و فين هو العميد؟
حميد: راه فبيروه
صلاح: وخا انا نهدر معاه و نلحق عليكم
حميد عطاه التحية: علم الشاف
دق صلاح باب بيرو العميد و عطاه الاذن: دخل
صلاح عطاه التحية: سي العميد
العميد: صلاح؟! شنو وقع ليك شنو هاد الحالة
صلاح: غير اكسيدون سيادة العميد، قالو بلي كنتي كتسول عليا
العميد: كنت باغي نعاتبك علاش خليتي الخدمة البارح و لكن فين شفتك دبا لقيت بلي الغايب حجتو معاه
صلاح: سمحلي كون هاني كلشي غدي يتصلح
العميد: شنو درتي فقضية حسن؟
صلاح: قريب نشدوه سيدي
العميد: عندك شي خطة؟
صلاح: بحال دكشي
العميد: ايوا انا معول على الله و عليك، ضرب كتفو: انا تايق فكفاءتك، دبا يمكن ليك تمشي
صلاح عطاه التحية: اوك سيدي
مشا صلاح عند الشارع الي لقاو فيه المخدرات: شنو الاخبار؟
البوليس: لقينا شي طن ديال المخدرات و القرقوبي، صادرناهم و لكن مكاين حتى اثر للمهربين
صلاح: غريب عملية فيها هاد الكم من المخدرات فوضح النهار و بلا مهربين؟
مشا عند شاف شرطة الطريق: سلام معك الكوميسير صلاح بنيس نتا الضابط أكرم؟
الضابط عطاه التحية: نعم الشاف تحياتي
صلاح بادلو التحية: ممكن تشرحلي شنو وقع هنا؟
الضابط: هدشي وقع مع الساعة 9 جات شاحنة ديال البيمو، شك الضابط أحمد بلي يمكن يكون فيها شي حاجة، فتشناها و لقينا هدشي فيها مكشوف بلا تخبية و مكاين حتى مهربين غير الشيفور بوحدو، فين استجوبناه قال بلي معندوش دخل بهدشي هو عطاوه الشاحنة و ساقها فقط
صلاح: هه و نتوما تيقتوه؟ راه باينة كيكدب؛ شكرا على مجهوداتكم، حنا غدي نتسلمو الأمور من هنا
الضابط: علم الشاف
صلاح: حميد لقي القبض على الشيفور، غدي نمشو نحققو معاه
حميد: حاضر سيدي
عند صوفيا↔↔↔↔
جالسة كنهدر مع ماما شوية صونا ليا حسن: الو صوفيا؟
صوفيا: حسن مالك؟
حسن: صوفيا انا ضروري نشوفك
صوفيا: حسن انا منقدرش راه صلاح الا علم
حسن: صلاح متعطل اليوم عندو شلا ما يدار ما تخافيش، عفاك بغيت ندوز اليوم معك
صوفيا بتردد: معرفتش..
حسن: تيقي فيا انا مغديش نخاطر بيك، شوفي خرجي غدي تلقاي واحد اوديو ركبي فيها فهد غدي يوصلك لحتى عندي بأمان
صوفيا: حسن واش متاكد؟
حسن: اه متاكد انا مغديش نخلي شي حد ياذيك، غير ساعتين و رجعي
صوفيا: و إلا جا صلاح؟
حسن: صوفيا تأكدي بلي صلاح دبا يصوني عليك و يقولك بلي ما مساليش
صوفيا: و بحالاش عرفتيها؟
حسن: ماشي مهم غير ديري دكشي الي قلت ليك
صوفيا: اوك
قطع معايا شوية صونا صلاح و فعلا قالي بلي ما جايش حتى العشية، باينة فيه دار شي حاجة تلاهيه
لبست كسوة حد الركبة فالبيج فوقها مونطو فالماغو و طالون ماغو، مكيجت و خرجت، لقيت واحد اوديو كحلة واقفة، ركبت فيها
وصلنا لواحد المزرعة فيها الخيل فيلا من الخشب و جنان دايرين بيه شي 50 كارد كور، كان حسن واقف فبالكون، غير شافني و فرح، جا عندي: أهلا بحبيبتي جا بغا يبوسني
خويت بيه بالفن: شكرا
حسن تقلق: ماشي مشكل عارفة بلي مزال واخدة مني موقف، مد ليا ايدو: زيدي ندورو شوية و نهدرو
شديت فدراعو: حسن؟ واش هاد المزرعة ديالك؟
حسن: اه احبيبة، و غدي تولي ديالنا فالمستقبل
صوفيا: علاش كذبتي عليا و مقلتيش ليا بلي نتا رئيس مافيا
حسن: حيت خايف لا نخسرك، كنت غدي نقولها ليك فالوقت المناسب، مي اشتد الأمر عن ذلك
صوفيا: و دبا شنو؟ غدي تبقى فالمافيا؟
حسن: اكيد المافيا ولات هي حياتي، هدشي كامل بنيتو منها هاد المجد هاد النفوذ، الفلوس و الاحترام
صوفيا: امم و فين غدي نمشو إلا ساليت مهمتك؟
حسن: فينما بغيتي، عرفتي هديك رحلة الباطو الي قلت ليك من شحال هدي، شريت باطو و سميتو عليك صوفيا، يخت كبير و زوين هداك ديالك و هو الي غدي نمشو فيه، و دبا عاودي ليا على راسك، اه و لا عرفتي شنو خلي الهدرة من بعد تعرفي تركبي الخيل؟
صوفيا: اه
حسن ابتسم: يلاه زيدي معايا
مشيت معاه للاسطبل، جابت ليا ليا الخدامة لباس الفروسية، خرجت لقيت حسن كيتساني و معاه جوج أحصنة واحد ابيض و واحد اصفر، قربت الأبيض و بقيت كندوز ايدي عليه، حسن كيشوف فيا باعجاب: عجبتك؟
صوفيا: اه بزاف
حسن: هادي ديالك شنو تسميها؟
صوفيا: اممم ليزا
حسن: سمية زوينة، و هدا روكي،
صوفيا قربت ليه: روكي ويتك شحال زوين
حسن: بجوجهم بغاوك، اصلا نتي شكون الي ما يبغيك
صوفيا ابتسمت ليه
حسن جا بغا يطلعني فوق الفرس: لا انا نطلع رأسي
حسن: اوك على راحتك
طلعت فوق ليزا و هو طلع فوق روكي، بقينا كندورو فالجنان، صراحة استمتعت بزاف، هدرنا ضحكنا، من بعد رجعنا تغدينا، ما خلاو ما حطو، أنواع و أشكال الماكلة و المشروبات، كلينا، من بعد جابو لينا قهوة و جلسنا فالبالكون ديال الفيلا كيطل على المزرعة كاملة و على واحد البحيرة كبيرة، شوية شعل حسن كارو شفت فيه باستغراب: كتكمي؟
حسن: اه مكنتش و دبا وليت مع كثرة المشاكل، كنعقل من الساعة الي بديت فالمافيا، كان كلشي مزيان و الخدمة غادية كيما بغينا، و دبا خرج لينا هاد صلاح من الجنب، ولات المشاكل مرافقانا فكل خطوة، علاش نتي مكيعجبوش الي يكمو؟
صوفيا هزيت رأسي بلا
حسن: غريب مع ان سعد كان كيكمي
تصدمت: بحالاش عرفتيه
حسن ضحك: هه صوفيا حبيبتي نتي كيسحاب ليك كنعرفك غير من الفيس، لا نتي غالطة، من شحال هادي مراقبك من ايامات القراية، كنتي شقية بزاف
انا تبلوكيت ما بقيت عرفت شنو نقول 😶
حسن: ياكما خلعتك بهاد الهدرة؟ قاد الجلسة: متخافيش هدا غير من حبي ليك
صوفيا: و إلا كنتي بصح كنتي كتبغيني هاد الفترة كاملة، علاش ما اعترفتي ليا من الأول
حسن: ديك الساعة كنت مزال كنبني الامبراطورية ديالي، و كنت باغي نوفر ليك كلشي، حيت نتي كتستحقيه، انا ماشي بحال هداك الكوميسير الحقير الي خلاك تكرفصي معك و زايدها بضربك 😡😠😠
سكت و بقيت كنشوف فيه و هو كيكمي، شوية شفت الساعة: خاصني نمشي
حسن: مزال الحال
صوفيا: لا الله يجعل البراكة، ما قاداش على مشاكل
حسن: اوك بلاتي نقولهم يعيطو على فهد
جا فهد: نعم البوس
حسن: وصل المدام
فهد: وخا
صوفيا: بسلامة
حسن: بسلامة حبي تهلاي فراسك
مشيت مع فهد وصلني للدار و مشا، دخلت بدلت لباسي و تلاحيت فوق الناموسية
فالعشية جا صلاح مسخسخ: اوف مشاكل صافي
صوفيا: شنو واقع؟
صلاح: سخسخني واحد فالتحقيق حلف لا قال الحقيقة
صوفيا: امم صلاح خاصك تمشي للصبيطار تبدل الفاصمة
صلاح: تقدري تبدليها؟ ساهلة، غير تحيدي الفاصمة تسواني الضربة بالبيطادين و ديري وحدة جديدة
صوفيا: اوك نجرب، مشيت جبتهم، حيدت ليه الفاصمة و ضرتني خاطري، و بديت نساونيها ليه: الله يعطيني بحال صبرك
صلاح: ههه فراسك انا مكنتش صبار نهائيا، غير مع الوقت اكتسبت هاد الميزة
صوفيا: اممم بغيت تبين راسك واعر زعمة
صلاح: لا و لكن مغديش نشد ركينة و نبكي وولا نتألم و الناس تشفق عليا، من الاحسن نوقف على رجليا
صوفيا: صلاح
صلاح: عيون صلاح
صوفيا: اممم صافي والو
صلاح: مالك؟ غير قولي انا كنسمع
صوفيا: لا والو غير بغيت نقوليك رد البال لراسك عفاك
صلاح: متخافيش، صافي ساليتي
صوفيا: اه دبا مزيان
صلاح: اه اري نبوس دوك الايدين
صوفيا: ههه صراحة هاد الضربة على الرأس جات فوقتها خلاتك رومنسي
صلاح: باز ليك علاش انا مكنتش رومانسي من قبل
صوفيا: لا، المهم نوض انا ندوش و نوجد ما ناكلو
صلاح: اوك
دازت أيام و حسن كل نهار يهدر معايا، و صلاح مكيساليش من الخدمة، فهاد الأيام اتخذت بزاف ديال القرارات الي غدي تغير مصير حياتي، و الي فيها غدي نختار بين جوج الطرق و خاص الاختيار يكون فمحلو
بعد 20 يوم، يوم العملية مع 9:30، كلشي شاد بلاصتو كيتسنا إشارة صلاح، شوية جاو 50 كميون دخلو للكراج، و دبا بدأ الجد
صلاح: حميد نتا و سعيد و عبدالله حرسو الباب انا و الآخرين غدي ندخلو و لكن بهدوء، مفهوم؟
البوليس: مفهوم الشاف
دخل صلاح و فريقو للكراج بشوية و الاخرين بقاو واقفين قدام الباب مستعدين لأي هجوم
كان الكراج عامر بالشاحنات، و الحراس واقفين حداهم هازين اسلحتهم، تسلتو البوليس من وراهم و غفلوهم، اعتقلوهم كاملين، و فتحو الشاحنات، لقاو صناديق كبار،فتحوهم و هنا كانت الصدمة لقاو دقيق فبلاصة الكوكايين
صلاح: شنو هدشي؟!! شي حد يشرح لي
البوليس: هاد شي الي قالو لينا، قالو بلي كاين الكوكايين
تفرع الباب و دخلو شي 20 واحد بالرشاشات، دخلو فمواجهة معاهم،
صلاح متخبي ورا كميون و كيضرب: حميد!!!
حميد تضرب فالرجل، مشا كيجري عندو: حميد؟ حول حول التدخل السريع دبا!!!!
عند صوفيا↔↔↔↔
بقيت جالسة على أعصابي نتسنى اتصال من حسن، شوية صونا: الو حسن؟
حسن: حبيبتي واجدة؟
صوفيا: اه واجدة
حسن: مزيان ها هو فهد جاي دبا
صوفيا: اوك
قطعت معاه لبست دجين و بودي و جاكيط، قاديت مسائلي، هزيت حوايجي و خرجت كان فهد كيتسناني، ركبت معاه و صلنا للمارينا، كان حسن واقف حدا الباطو: حبيبتي
صوفيا ابتسمت ليه: و أخيرا
حسن: ودعي المغرب حيت هدي آخر مرة ليك فيه
صوفيا: ههه اه احسن حاجة
دخلنا للباطو، ماهي نص ساعة حتى ولينا فعرض البحر
حسن خوا كأس ليه و ليا من الشمبانيا: بصحتنا
صوفيا: انا مكنشربش
حسن: على خاطري غير هاد المرة ضروري نحتافلو
صوفيا: لا حبيبي بلاش، عاود ليا شنو درتي فالعملية
حسن: ههه غدي نعاودها ليك بحال الخرافة، درت الدقيق فبلاصة الكوكايين كو راه صلاح دبا غدي يتسطى هدا إلا ما ماتش
انا تخوا ليا الما فالركابي: شنو؟!! قتلتيه؟!
حسن: مزال ما ردوش عليا رجالي مي غالبا غيكونو قتلوه
ناري ما يمكنش والله و نعلم بلي وقعت ليه شي حاجة يا حتى نرميك من البحر
حسن: يلاه خلينا نتهناو منو هدا هو جزاؤو
صوفيا زيرت على ايدها: اممم
بقينا جالسين و انا بغيت نتفركع شوية صونا تلفون حسن و معاه قلبي وقف: الو وي شنو؟! كيفاش؟! و الآخرين شنو وقع ليهم؟! الله ياخد فيكم الحق الحمير مكديرو حتى حاجة نافعة تفو؟!! رمى التلفون فالبحر و ضرب الطبلة حتى طارت من بلاصتها
صوفيا: شنو وقع مالك معصب؟!
حسن: هداك الحقير عندو 7 ارواح تفو؟!!!
اوف الحمد لله ما وقع ليه والو
عند صلاح↔↔↔
دا حميد للصبيطار و رجع للكوميسارية: فين هوما؟
البوليسي: كلهم فالاكاب
صلاح: مزيان، دخل عندهم: ههه حللتم أهلا و نزلتم سهلا 😈
شافو فيه فصدمة: هو و الله إلا هو
كانو هدوك الي ضربوه هوما الي دخلو عليهم بالرشاشات: و دبا شنو ندير معكم؟
هدر واحد فيهم: حنا ما خايفينش منك
صلاح: دبا تخافو غير بلاتي نسالي ليكم على خاطر خاطري عندكم نهار خاص
خرج و مشا جمع البوليس من جديد و مشاو لمارينا مستعدين للخطوة الجاية
عند صوفيا↔↔↔
برد حسن و جلس كيشرب، شوية جا عندنا واحد من الكارد كور: سيدي خفر السواحل!! 😨😨
حسن بلز الشراب من فمو: شنو؟!! صافي تصرفو عادي كلشي طبيعي
الكارد كور: وخا البوس
صوفيا: ههه بلا ما تصدعو راسكم عارفين بلي هازين الكوكايين
حسن: شنو؟! نتي إلي خبرتي بينا؟! قتلوها دبا
صوفيا دغية جبدت فردي و وجهتو لحسن: يقرب ليا شي حد نقتلو والله حتى نديرها
كلشي حط سلاحو و حسن بغا يهتر: ياك احسن هدي هي كنبغيك و نتا دغية بغيتي تقتلني بلا تردد
حسن: خائنة غدارة!!!!
وقف الباطو و جاو خفر السواحل: استسلمو!! معكم خفر السواحل معندكم فين تهربو!!!
اعتقلوهم و حسن كيشوف فيا بنظرة حقد
وصلنا لمارينا كانت البوليس معمراها، بان لي صلاح جريت عندو عنقني: نتي بخير ياكما وقع ليك والو؟!!
صوفيا: انا بخير خفت عليك بزاف ياكما تضربتي؟
صلاح: لا متخافيش معندي مانسالك البطلة ديالي كنبغيك
قاطعنا حسن مقيدينو البوليس للصطافيط: اووو ههه اجتمعو الاحبة، هدي هي الخطة ديالك بدل ما تواجهني مصيفط مرة دير شغالك الشماتة
صلاح تعصب و ضربو: و نتا الي مصيفط 7 رجال يتحماو عليا كتعتبر رجولة
حسن دفل الدم وناض يضحك: ههه ايديك ناعمين بحال البنت
صلاح زادو وحدة أخرى
صوفيا: صلاح خليه عليك راه غير كيستفزك
صلاح: حقير الآخر، جرني للوطو و وصا عليا البوليسي و مشا، لقاو الكوكايين فاليخت، صادروه و اعتقلو الي كان فيه
صلاح: حبيبتي حنا مزال متعطلين غدي يوصلك سعيد حتى الدار سدي عليك الباب و نعسي
صوفيا: لا انا نتسناك
صلاح: الي بغيتي(باس راسي) تهلاي فراسك
صوفيا: حتى نتا
مشيت للدار دخلت و تكيت فوق الناموسية نسترجع الأحداث
فلاش باك↔↔↔
النهار الي تضرب فيه صلاح و مشيت عندو للصبيطار:
صوفيا: صلاح قولي شنو وقع باينة شي حد ضربك
صلاح: بغيتي تعرفي؟! اوك حسن سيفط سبعة غفلوني ولاد الكلب
صوفيا: شنو؟! يعني فين جا عندي للصبيطار دكشي الي قال دارو
صلاح: بلاتي كيفاش؟ جا عندك للصبيطار؟!
صوفيا: اه جا عندي و كان كيهدر معايا بغيت نقولها ليك داك النهار و لكن خفت لا تعصب و دير شي حاجة نندموا عليها من بعد
الحقير كيفاش تجرأ!! 😡😡
صوفيا: الله يخليك إصلاح انا قلتها ليك باش ما تعصبش بغيتك تسمع هدي الي غدي نقول
صلاح: شناهوا؟
صوفيا: هو قال بلي غدي يديني معاه فين يسالي شي شغل باينة شي عملية ديال المخدرات
صلاح: اه عارف و دكشي الي كنحاول نوصل ليه
صوفيا: بحالاش عرفتي؟
صلاح: هددني بيك فين توفى باباك قالي نبعد عليك و هو غدي غير يسالي شي خدمة و يديك معاه
صوفيا: دكشي علاش تزوجتيني؟
صلاح: اه كنت باغي نحميك منو هداك مريض ممكن يدير أي حاجة
صوفيا: صلاح انا عندي خطة و لكن عفاك سمعني حتى الآخر
صلاح: شنو؟
صوفيا: هو قال بلي غدي يبقى يهدر معايا، انا غدي نبقى نشكي عليه نقوليه بلي نتا كتضربني و نمثل عليه بلي مزال كنبغيه
صوفيا: صلاح غير سمعني راه بحال هكا غدي نعرف ماشي على العملية و على خططو الجاية و نعاونك تشدو
صلاح: وخا يكون هدا آخر حل و هو الوحيد والله لا خليتك ديريها
صوفيا: و علاش؟!
صلاح: أولا حيت خطر على حياتك تانيا انا ماشي راجل إلا خليت مرتي تهدر مع راجل غيري و تبقى تعبر ليه، غير نمشي نقتل رأسي احسن
صوفيا: و علاش انا غدي نديرها بصح و لا غدي نتلاقا معاه راه غير فالتلفون، نبقى نجر منو الهدرة حتى يقولي كلشي، صلاح سمعني هدي راه فرصة من ذهب
صلاح الصمت كيخمم
بقيت معاه حتى اقنعتو: اوف و أخيرا عطشت نمشي نشرب شحفتني بالهدرة، بغيتي شي حاجة؟
صلاح: لا
دوزت أيام و انا كنهدر مع حسن، حتى النهار الي غدي نمشي عندو للمزرعة، هدشي مقلتوش لصلاح حيت عارفة ميبغيش، هداك الوقت فين كنا جالسين فالبالكون، حسن جاه اتصال و دخل يجاوب عليه انا تسلت من وراه و سمعت كلشي
حسن:متخافش السلعة غدي نديرها فالباطو الي غدي نمشو فيه، و غدي ندير الدقيق فالشاحنات ههه شفتي خطة زوينة هكا البوليس غدي تجيهم اخبارية بلي المخدرات فالبلاصة الفلانية و غدي يتوجدو و يمشو لتماك، فهديك الاتناء حنا غدي نكونو مشينا ههه اوك نتلقاو تماك
دغية رجعت لبلاصتي و تصرفت كأن شيئا لم يكن، رجعت و عاودت لصلاح على الخطة:واش قالها ليك؟
صوفيا: المهم خاصنا نتوجدو راه ما بقا والو على العملية
دوزنا الباقي من الوقت فالتوجاد و الترتيبات للعملية، دربني صلاح بحالاش نستخدم السلاح تحسبا لأي حاجة، و كل ساعة كيقول: لا لا هدشي معجابنيش، هدشي خطير عليك اصوفيا
صلاح: عفاك ردي البال و متهدريش حتى يجيو خفر السواحل صافي؟
صوفيا: متخافش حتى نتا رد البال لراسك
وقت العملية مشا صلاح للبلاصة الي فيها الشاحنات هو عارف بلي غدي يلقى غير الدقيق و لكن دار دكشي الي كان متوقع حسن باش ميشك حيت عارف بلي داير مراقبين تماك و لكن الي مكناش عارفين هو هدوك الي هجمو عليهم، الحمد لله جا التدخل السريع و انقذوا الموقف، غير حميد مسكين هو الي كلا الدقة، و الباقي راه فراسكم، ههه مزال ممتيقاش بلي رفعت السلاح فوجه حسن حتى لدبا ايدي كترعد
نضت حيدت لباسي و عمرت البانيو بالما و الباندوشات، دوزت نص ساعة متكية فالبانيو، لويت عليا الفوطة و خرجت كان البيت مظلم، شوية شدني حد من صدري من اللور
صوفيا: و لكن... مجيت نكملها حتى لقيت رأسي مهزوزة، حطني فوق الناموسية و ناض جاب الشمع شعلهم، و تواجه معايا، التهم شفايفي بالقبل و عضات خفاف، حيد التيشرت و حيدلي الفوطة، بقا كيبوس جسمي كامل و يتلمسو و يبوس عنقي صدري فمي، حسيت بالنشوة و المتعة، دوزنا ليلة رومانسية بزاف على ضو الشمع،من بعد هزني للدوش بقينا كنتباوسو
تحت الما، زدنا ماتش آخر شللنا و خرجنا، نشفت لبست بيجامة رقيقة وخا البرد مي سخنت مزيان، يلاه جينا باش نعسو إذن الفجر: نوضي نصلو الفجر ديك الساعة نعسو
صوفيا: وخا
نضنا توضينا صلينا و رجعنا نعسنا
الغد ليه فقت على صلاح معنقني خايفني لا نهرب، شديت ريشة من المخدة و دوزتها على نيفو، غوبش و فتح عين و وحدة مزال مسدودة: ههه صباح الخير المغوبش
صلاح: انا المغوبش؟! ناض جلس فوقي و بقا كيهر فيا و انا نموت بالضحك: ههههه بركة عفاك بركة ههه.
صلاح: ههه
ناض غسل وجهو و دخل الكوزينة، تبعتو: ايوا قولي شنو درتو فالتحقيق؟
صلاح: ما بغاش العميد يخليني نحقق معاه قالي حتى غدا غير سير ارتاح
صوفيا: اه و دبا شنو غدي ديرو معاه؟
صلاح: غدي نحققو معاه من بعد يتحول للمحكمة نشوفو باش يحكمو عليه
صوفيا: اممم انشاء الله يحكمو عليه مؤبد
صلاح: و لكن خاصنا نقضو على اتباعو كاملين باش نتاكدو بلي حتى حد مغدي يبقى وراه يكمل اعمالو
صوفيا: اه احسن حاجة
صلاح: شنو تبغي تاكلي
صوفيا: كتعرف دير بان كيك؟
صلاح: هههه لا
صوفيا: ههه اوك بلاتي نجربو انا عندي مقاديرو
صلاح: اوك
درنا بان كيك شي اعوج شي صالح، المهم رونا الكوزينة فطرنا مشا صلاح و خلاني فالروينة
عند صلاح↔↔↔↔
وصل للكوميسارية لقا العميد كيتسناه باش يبداو التحقيق، جاو لغرفة التحقيق لقاو حسن جالس و ايديه فيهم المينوط، بقاو كيحققو معاه و طبعا هو ما بغاش يعترف بحتى حاجة،شوية هدر العميد: شوف اجمال ياك هدا هو اسمك؟
حسن: سميتي حسن ماشي جمال
العميد: المهم إلا هدرتي غدي نخففو عليك الحكم
حسن: ههههه نتوما غدي تخففو عليا الحكم؟ قديمة هادي، عارف بلي هكا كتجبدو الهدرة و لكن مغديش ديروها بيا
صلاح: بالعكس حنا هما الي كنتحكمو، إلا قلتي الحقيقة غدي نعطو جرائم قليلة فحقك و هكا القاضي غدي يصدر حكم مخفف
حسن: نتا متهدرش معايا حيت نتا أكبر كاذب و منافق
صلاح: ههه
العميد: صلاح هدا باينة مغديش يهدر واه 4 سوايع و حنا كنستجوبوه، غدي ناخدو الاعتراف غير من اتباعو الي شدينا اما هذا جزاؤو فالمحكمة، انا غادي للبيرو تبعني
صلاح: وخا الشاف
جا صلاح بغا يخرج حتى هدر حسن: داير راسك راجل و نتا مسيفط ليا مرتك تغريني باش نهدر
صلاح تلفت عندو باستغراب: شنو قلتي؟!
حسن: ههه كنت كنسحابك شي حاجة ساعة فالسو، قواد من الدرجة الأولى
صلاح قرب ليه: كيفاش؟! هدر باحترام و بلا غموض😠😠
حسن: ههه داير راسك ما عارف والو، مسيفط مرتك عندي للمزرعة و خليتها دوز معايا وقيت زوين غير باش تأخد معلومات مني اودي على رجال آخر زمان
صلاح ممتيقش هدشي الي سمع شنق عليه: شكتقول نتا؟! فهمني شهدشي الي كتقول!!!!!
حسن: اوو متقوليش صوفيا مخبية عليك، ههه هدشي معناه خانتك، اه دوزنا نهار طوب ركبنا الخيل هدرنا ضحكنا و تغدينا فبلاصة كلشي درناه مشات من عندي ناشطة و عاجبها الحال
صلاح بقا كيضرب فيه و يضرب و الاخر كيضحك بحال المسطي و يستفزو بالهدرة، ولا كلو دمايات خسر ليه وجهو جاو البوليس فاخر لحظة فكوه و جا العميد: اشهدشي؟! صلاح شنو درتي؟!
الظابط الصارم و الجريئة الجزء 11
محتوى القصة
التنقل بين الأجزاء