الساحرة و عالم المشاهير الجزء العاشر

من تأليف ساريتا
2018

محتوى القصة

رواية الساحرة وعالم المشاهير

(توجهو لبواط فهد لي كان سميتو«فيفتين»..حل ليها الباب الخلفي وعطا لسيكيرتي سوارت لوطو يتكلف بيها..توجهو للجلسة لي كانت موجدة ليسرا وصحباتها..جلسات مع صحابتها وزيد جلس مطرف عليهم داير رجل فوق رجل وكيشرب من كاسو..كانت عيون لبنات لي ضايرين بيسرا كتختارقو من كل قنت الشي لي خلاها ممرتاحاش فلقعدة...كانت طول الوقت مجمعة ىمع صحاباتها وترقص بكتافها ومرة مرة كتسنابي ..زيد كان مراقبها ومراقب حركاتها البريئة الطفولية...سرح فيها وفتصرفاها ..جغم من كاسو ورجع بداكرتو فليوم لي تلاقى فيه بعلي:
****************
(فلاش باك يوم لقاء علي بزيد)
زيد:(كان واقف كيدرب شي رجال على تيكواندو..مركز فشغلو ومراقب حركاتهم ...حتى جاه دري من لاصال..هضر فودنو وتبعو:
زيد:شكون هادا لي بغاني؟؟
علي:انا...(مد ليه يدو)معاك علي الاسماعيلي
زيد:متشرفين اسي علي
علي:جايبك ليك واحد المهمة!!
زيد:خير إنشاء الله
علي: غادي ندخل فلموضوع نيشان ...كاينة واحد خيتي بغيتك طيحها فيك 
زيد:مكنلعبش بمشاعير الناس(جا يمشي وهو يسمع)
علي:10مليون كاش..زيد عليها العملية ديال الواليدة ديالك وعلاجها على حسابي...ولاصال لي فشارع الرئيسي من اليوم ديالك
زيد:(معرفش باش تبلى...شحال هادي كيحاول يعالج الواليدة ديالولي كيناضل على حسابها ليل نهار باش ترجع ليها صحتها من جديد...ومن احلامو انو يكبر العمل ديالو ويوصل بيه بعيد...وهاذشي كلو غادي يتحقف بعصا علي السحرية...غمض عينيه وحلهم ورجع للمحيط لي داير بيه صوت الموسيقى والقهقهات النسائية...تلفت عندها شافها مركزة معاها وكتبسم ليه..شرب كاسو فمرة وحدة وناض من بلاصتو ..خلاها كتقلى فزيتها.)

(دخل لغرفتو كيحيد لفيستا ديال لكومبلي حيد صباطو ونحى حوايجو دخل لجاكوزي غطس فيه كيريح نفسو من التعب وارهاق العمل ..لاو نصو تحتاني بفوطة..وخرج كينشف شعرو بفوطة صغيرة لبس سروال ديال النعاس..وهز كاس من شرابو..توجه لبالكون..وشعل سيكارو حط راسو على الكرسي ويد شاد بيها سياغار واليد لخرا هازا بيها شرابو كيجغم منو...غمض عينيه..وتفكر الماضي المؤلم لي عاشو مع البنت لي عشقها :
(فلاش باك علي وربى)
علي:(حاط تيلي على ودنو وكيهضر معاها)توحشتك
ربى:حتى انا اعمري...توحشتك
علي:مم مصابك تكوني معايا دابا
ربى:حبيبي ..هضرت مع عائلتك على علاقتنا؟؟
علي:مزال مجات الفرصة نهضر معاهم
ربى:علي...ولدنا كيكبر فكرشي..انا خايفة دارنا يعرفو..
علي:ميقدر حد يتجرأ يدير ليك شي حاجة..انا كنت غادي نهضر مع العائلة ولكين الواليد مريض نتسناه يولي شوية ونواعدك كلشي غادي يولي مزيان وغادي نتجمعو تلانة بينا
ربى :انشاء الله يا عمري
علي:احح شحال كتخرج من فمك لهضرا زوينة
(حل عينيه ورجع شرب كاسو دقة وحدة طفا سيجار..ودخل لبيت طاح على فراشو وحاول ينعس.)
***************
يسرا:(حسات بنار شاعلة معاها...كتشوفو واقف مع الزعرة وكيلمس ليها شعرها..بدات تشرب كاس ورا كاس..عينيها مفيكسين فيهم..وقلبها غادي يخرج من بلاصتو..شافت حتى عيات..وناضت كتعوج..حتى وصلاتهم...)شكديرو؟؟
زيد:يسرا...شواقع؟؟
يسرا:(كتعوج يمين وشمال بقوة الشراب)راني سولتكم زعمة
البنت:ونتي شكون(تلفتات عندو)كتعرفها؟؟
يسرا:اه كيعرفني ودابا سيري تق••لانفرج فيك عباد الله
البنت:'(هزات صاكها مغوبشة ومشات )
زيد:مدموزيل يسرا كاينة شي مشكلة؟؟
يسرا:اه كابنة
زيد:وشنو هي؟؟
يسرا:ممن...(جات تكمل هضرتها وسكتات شافت فيه مزيان ومشات فاتجاه طواليط..شافت راسها فلمرايا ومعرفاش شنو كيوقع ليها؟؟معرفاش هاد السحر لي رماه عليها حتى خلاها كتموت كلما شافتو محط أنظار شي حد..مسحات رقبتها بشوية ديال الماء ...وقفات مستقيمة كتحاول تشد فراسها جات ضايرة بغات تخرج..دخلات فشي حد..طلعات عويناتها شافتو واقف قبالتها..فجو النظارات المتبادلة بيناتهم ...بدا زيد يقرب منها حتى لصقها مع لحيط لي وراها ...قرب من عنقها وستنشق ريحتها الفريدة الممزوجة بريحة الياسمين...قرب من وجها وبدا يدوز صبعو على كل جزء فيه كيحفض حروف وجها...قرب من فمها وغمض عينيه ودخل معاها فقبلة طويلة كتحمل بزااف ديال لمعاني.)

(على صوت ريفاي فاقت جواهر مفزوعة..كتشوف ساعة خايفة لاتمشي عليها الطيارة مشات لطواليط قضات حاجتها..غسلات وجها بجيل..جمعات شعرها لفوق..وبدات تجمع حوايجها...خلات لي غادي تلبس فطريق ولي كانو عبارة عن كسيوة فوق ركبة كحلة دارت معاها ليبة وصبيييط طالون ولبسات مونطو ...خلات شعرها مفرود على كتافها..وحطات ميك اب خفيف...جمعات مكياجها وهزات تيلي ديالها جرات باليزتها وخرجات على صوت تيلي:
فهد:عمري فقتي!!
جواهر:(حسيت بتبوريشة طالعة معاياّ..قلبي كيضرب بجهد ولهضرا هربات ليا)ام..اه اه فقت
فهد:اوكي جوج دقايق ونكون عندك نمشو نفطرو
جواهر:لا ميمكنش الطيارة غادي تمشي عليا
فهد:غادي تمشي معايا فطيارة خاصة..دابا تسنايني حتى نجي اوكي حبي
جواهر:ا..اوكي(قطعت بشق الانفس كتحس براسها غادي يتقطع ليها النفس ملي يهضر ..جرات باليزتها ونزلات تتسناه تحت ..هزات تيلي ديالها وطلبات ماماها وطمناتها بلي غادي تركب اليوم..قطعت من عند ماماها وجاوباتو ..
فهد؛يلاه خرجي
جواهر:اوكي(هزيت صاكي وجريت باليزتي ورايا..جا شيفور يجري حيد لباليزا من يدي ودارها فلكوفر..بينما فهد كان واقف كيهضر فتيلي وعاطيني بالضهر وقفتو رجولية كانت كافية تخلق نوع من عدم السيطرة على نفسي..الشي لي خلاني نوقف وراها وندخل ايديا من ورا ضهرو...حسيت بيه جبد ايدي وباسها .وتيلي مزال فودنو.حطيت راسي على ضهرو وجمعتو بيديا مغمضت عويناتي وخايفة عليه ليهرب من بين ايديا....يعد لحضات قطع الاتصال ودورني لعندو:
فهد:(جمعني بين ايديه وكيشوف فيا)شتك زعمتي الشعيبية
جواهر:(حدرت راسي وتبسمت)
فهد:(هز وجها بين ايديه وطبع قبلة على خدها)كنموت فيك
حواهر:(كدور عويناتها)ا...فيا جوع...
فهد:هه اوكي يلاه طلعي.
جواهر:(توجهنا للوطو.وركبت حداه شاد بيديا وكيورني بعض الامكنة ملي كندوزو عليهم...وقفنا قدام واحد لكافي فطرنا فيه..وتوجهنا لمطار... بعد إجراءات بسيطة..توجهنا لطائرة فهد الخاصة..ستقبلنا كابتن الطائرة ولمضيفات ورانا توجهنا لمكانو الفخم لي كان فيه كراسى من الجلد الغالي على شكل كرسي وسرير فنفس الوقت...المضيفات ضايرين بينا..حطو مجموعة عصائر ومقبلات بسيطة..وعطاهم فهد اشارة يخرجو...
فهد:مرتاحة؟؟
جواهر:اه...امم.فهد بغيت منك واحد طليبة عافاك(كنلعب بصيباعاتي وكنتبعكك عليه)
فهد:وي مالك حبيية هضري
جواهر:(احح هلى حبيبة كيخارجة من فمو)بغ...بغيت غير نشوف مركز القيادة ديال الكابتن عافاك عافاك...
فهد:ههههه اوكي(جرها من ايدها ودخلها لغرفة لقيادة لي كان فيها الكابتن والمساعد ديالو ..بقات كتشوف فلبوطونات لمشتين فكل بلاصة والاضواء لشاعلين ..بقات غير حالة فمها حط ليها فهد كاسك ديال واحد من لي كابتن وجلسها فبلاصتو..بدات دوز ايدياتها على لبوطونات وتحل وتسد عويناتها جبدات تيلي وبدات تصور راسها وتعوج مع كل صورة وفهد ميت عليها بضحك ومرة مرة كيدخل راسو فصورها كيحرم عليها لبوز..لكابتن مستغرب من حركاتو وممصدقش بلي هادا فهد لي واقف حداهم المعروف عليه الصرامة والغضب السريع زيد عليه الخشونة فتعامل...ولكين مع جواهر كان غير..كان انسان مختلف كليا على الشخص المعهود...
فهد:(حيد ليها لكاسك وجبد ليها يدها)يلاه براكا خلي الكابتن يشوف خدمتو
جواهر:شكرا بزاااف سمحولي.
كابتن:نو مدام مرحبا..رحلة ممتعة
فهد:شكرا.يلاه(شد بيدها وخرجها من غرغة القيادة..توجه لمكانو.وقعد..يلاه جات جواهر تجلس بلاصتها..حسات بيه جرها من ايدها لعندو حتى طاحت فوقو...جمعها بين ايديه ونفسو السخونة كضرب فوجها...
جواهر:خ..خليني نجلس بلاصتي
فهد:شوووش ...هنا فين غادي تجلسي(كيشوف فيها وعينه مركزة على فمها...قرب من فمها لمنيفيخ وغطس فيه بقبلات هادئة حتى حس بيها كتجاوب معاه....)(نخلو الأبطال ديالنا عايشين لحضة ونمشو لمكان اخر بالضبط الى المانيا.)

(فغرفة خاصة الاجتماعات..كانو جالسين كيناقشو نسبة المبيعات ديالهم ديال هاد السنة..فنصف اجتماعم تسمع صوت الباب تحل بجهد...كلشي تلفت لجهة الباب كان شخص كبير فلخمسينات من العمر ..من لباسو كيبان شخص لاباس عليه..دخل كيدور عينيه وهاز فيدو جريدة..شاف فشخص الجالس على راس الطاولة الطويلة ولي كان الكس(الشخص لي تافق مع جون يرسلو ايلينا عقلتو عليه)
الكس:(ناض من بلاصتو وتوجه لعند الشخص )شاف مرحبا
الشخص:زيد قدامي(بكل غضب)
الكس:(حدر راسو ومشا قدامو..دخلو لغرفة وسد الباب)
الشخص :(رمى الجريدة على الطبلة)شهاد شي ؟؟
الكس:(هز الجريدة وبدا يقرا)شنو..كيبان ليا خبر عادي
الشخص:اشداكم تقربو لسلعة ديالو...شداكم تحطو يديكم على رجالو واش بغيتو تخلى دار عيشتكم
الكس:متخافش اشاف انا كلشي درستو وخططت ليه مزيان...انا رسلت واحد خيتي غادي تهنينا منو...
شخصّ:والى منجحات؟؟
الكس:الى منجحات غادي نشوفو الخطة (ب)وهي لعشيقة ديالو
شخص:باش غادي تتفعنا هاد العشيقة ..واش مخك مبقاش كيفكر اولا شرفتي
الكس:غير تهدن الشاف..الوقت لي غادي يسيق لأخبار بلي السلعة كنشدوها حنا غادي يكون اما ميت اولا خاضع لينا.
الشخص:بربي وتوقع حاجة لعائيلتي اولا لخدمة ديالي ..نقسم بلي خالقني االكس مغاديش نخلي فيك الروح(زدح الباب وخرج)
********************
(كانت واقفة فلبالكون ديال بيتها لابسة شوميز قصير فلكحل وكتشرب من قهوتها الصباحية البسمة مكتفارقش وجها والفرحة باينة عليها ...كتلعب بشعرها وكتفكر فقبلاتو ليها..حسات برعشة كتسارا مع جسمها وقلبها زادت نبضاتو ..معاقتش بالخدامة الواقفة على راسها كانت كتفكر فيه وفكل لحضة جمعاتها بيه...
الخدامة:لالة يسرا لالة يسرا
يسرا:(ضارت لعندها)شنو كاين
الخدامة؛باغينك تنزلي لفطور
يسرا:غادي نفطر برا تقدري تخرجي
الخدامة:واخا الالة
يسرا:(حطات كاسها ودخلات لغرفة دريسينغ لبسات كسيوة قصيرة دارت معاها صباط طالون خلات شعرها مفرود على كتافها وحطات شوية لمكياج ...هزات صاكها ونزلات لعندو...كان واقف مع لي كارد ديال القصر كيهضر معاهم حتى شافها جاية...تبسم ليها من بعيد وهي نفس الشي..
يسرا:صباح الخير
زيد:صباح النور...كتباني ناشطة هاد الصباح
يسرا:(ابتسامة جانبية)يمكن حيت وقعات حاجة زوينة 
زيد:مم (حل ليها الباب الخلفي)تفضلي
يسرا:نو..من اليوم بلاصتي غادي تكون ليهه(كتشير على الكرسي لي جنبو)
زيد:(تبسم ليها وسبقها حل ليها الباب..كان راجع لبلاصتو حتى شاف علي ماشي للوطو ديالو..رمالو ابتسامة من بعيد كيحيه بيها على هاذ التقدم لي وصل معاها وركب لوطو ديالو ومشا....توجه زيد لبلاصتو ونطلق بلوطو باتجاه الجامعة)

جواهر:(حسيت بيد كدوز على وجهي بشوية...حليت عويناتي لقيتو كيشوف فيا وبسمة على شفاهو..شفت راسي ناعسة على صدرو..
فهد:يلاه نهبطو راه وصلنا
جواهر:(نضت من فوقو وجهي كيتلون..هزيت صاكي وشديت بيدو..نزلنا من الطيارة وتوجهنا للوطو لي كانت وافقة كتسنانا..فتح لينا الشيفور الباب الخلفي ..ركبت وركب حدايا فهد:
جواهر:اووه... واخيرا رحيت بلادي
فهد:ههه(خشا راسو فعنقها )براكا عليا انا غير هاد الريحة
جواهر:(حنيكاتها تلونو بالحشمة حادرا عويناتها وبسمة على شفاها)
فهد:(طلع فيها عينيها وباسها فخدها)
جواهر:(كلما كان كيقرب ليها كلما كتحس براسها كضعف قدامو..قدات القعدة ونطقت)ممكن توصلوني للفيلا
فهد:(بسمة جانبية فهم توترها..تلفت على شيفور وطلب منو يوصلها هي لولة...)
******************
احمد:(توجه لطابق العشرين ..عينيه مركزة على الاسونسير لي طالع واخيرا وصل توجه بخطوت سريعة لعندها..كانت شادا تيلي بين ايديها وكتبقشش فيه...شافتو وقف عليها ناضت من بلاصتها:
احمد؛(تلفت يمين وشمال ّ..وهضر بشوية)هضر معاك جون؟؟
ايلينا:لا علاش؟؟
احمد:خاصك تخدمي فمدة اسبوع ...
ايلينا:ولكين كانو عطاوني شهر كيندير حتى نكمل المهمة فهاد المهلة؟؟
احمد:شوووش نقصي صوتك انا لي وصلني قلتو ليك...حاجة خرا المدير جا من السفر على الاغلب غدا يكون هنا دونك خدمي على هاد الاساس
ايلينا:(بحزن)اوكي

عائشة:بنتي ربى مالكي غير ساهية
ربى:والو اخالتي انا ندخل نرتاح لداخل
عائشة:واخا الى حتجتي لاي حاجة عيطي ليا 
ربى:واخا(مشات بخطى بطيئة ..وجها باين عليه الحزن )
عائشة:كون غير مشافتو اولدي...شوف حالتها كيولات
يوسف:معرفتش شنو وقع ليها ..يمكن مزال كتبغيه
عائشة:ايوة الله يصبرها..قتلو ليها وليدها ورماوها واليديها والشخص لي بغاتو مسولش فيها...كيغادير مسكينة
يوسف:يكون خير الواليدة...يلاه انا غادي لخدمة
عائشة:الله ينور طريقك اولدي(جمعات الطبلة ودخلات طل على ربى)
************
جواهر:صافي غير هنا...
فهد:صافي سخيتي بيا!
جواهر:(تبسمة)نو بلعكس..ولكين نمشي نشوف ماما راه سيمانة هادي غايبة عليها
فهد:واخا الالة ماشي مشكل..
جواهر:'(خرجات من لوطو وهزات صاكها..خرج فهد وراها وحاوطها بين ايده)
جواهر:(تخربقات معرفت مدير)فهد شنو كدير!!
فهد:محاوط حبيبتي...شنو فيها؟؟
جواهر:عافاك طلقني حشومة هكا تشوفنا ماما...
فهد:هه (باسها على غفلة وخلاها مبنجة فبلاصتها)
جواهر:(بعدات منو بزربة وجرات باليزتها...مشات فاتجاه باب لفيلا وخلاتو جامع ايديه وحابس الضحكة بزز على منضرها ..تلفات ليه ودارت ليه حركة بيدها باش يمشي..ركب فلوطو ومشا فاتجاه القصر)
جواهر:(حاسة براسها فحلم خايفة تفيق منو...جرات باليزتها والبسمة مرسومة على شفاهها.طلعات وجها وشافتها قدامها بديك الابتسامة المزيفة..وملامح وجها الماكرة:
صفية:(طارت عليها تنعنق وتبوس)الحمد لله على سلامتك ابنت خويا
جواهر:(هزات حاجبها فيها ومدرتش حتى ردة فعل من غير بسمة مصطنعة)
صفية:كون غير علمتيني بلي غادي تجي اليوم كنت مشيت لمطار نستقبلك
جواهر:مكان لاش...
صفية:اويلي على هضرة كتقولي...علاه شحال عندي انا من جواهر..راك غير عوينة وحدة واجبنا نحطوك فوق راسنا
جواهر:(شافت فيها ونطقات)شتك طولتي هنا...ياك متكون لمدينة عحباتك؟؟
صفية:(بمكر)وهي من ناحية زينة زينة...غير انشاء الله تشوفو فيها ايام تفرح..اما انا مغانديش ننسى اصلي واخرتي راجعة لدواري
جواهر:(جمعت حويجباتها من قوة لغضب...كانت غادي تجاوبها لولى مقاطعة ماماها لحديثهم)
ماما:بنتي جواهر جيتي
جواهر:'(طارت عليها كتبوسها)توحشتك اماما
ماما:حتى انا احبيبة ...خلينا ندخلو بغيتك تعاودي ليا كلشي.
جواهر:(جرات باليزتها وراها ودخلات مع ماماها خلات صفية واقفة فجردة وكتبسم حيت بدات توصل شوية بشوية لراس لخيط.)

( فسما...كانت يسرا ناعسة على فراشها حاطة تيلي على ودنها وكتبادل لكلام لمعسول مع زيد:
يسرا؛بصراحة بصراحة ومتخبيش عليا!!
زيد:وي حبيبة..مغاديش نكدب عليك غير قولي
يسرا:ايمتى بديتي تبغيني؟؟
زيد:(بقا ساكت شحال عاد نطق)،من اول مرة شفتك فيها..واخا كنت متخوف من الشي لي كنحس بيه يبقى غير اعجاب من طرف واحد
يسرا:اممم وعلاش ملي بستك فلاصال...ضربت الباب وخرجتي؟؟
زيد:(معرفش باش يجاوب...اصلا مزال معرفش الشي لي كيعيشو مع يسرا شنو هو...واش تطبيق لخطة علي...اولا فعلا بدا يبغيها)
يسرا:الو...زيد....الو..
زيد:وي..ا يسرا واخا تقطعي شي حد كيدق
يسرا:اوكي حبيبي...فاش تسالي صوني ليا الى منعست
زيد:اوكي باي(قطع الاتصال...وتوجه للدوش تقابل مع مرايا ديال لابابو ورش وجهو بلماء كيحاول يبرد راسو...شاف مزيان فلمرايا..ورجع لبلاصتو كيحاول يلقى حل فشي لي شرك فيه نفسو..لانو بكل بساطة يسرا متستهالش اللعبة لي لاعبها عليها.....
***********
'
جواهر(ناعسة على كرشها ورجليها كتلعب بيهم ...كتلعب بشعرها وتيلي على ودنها...
فهد:ايوة شنو كدير حبيبتي دابا؟
جواهر:والو فبيتي وكنهضر معاك
فهد:امم..توحشتك
جواهر:بلا سباغة راه غير صباح كنت معاك
فهد:انا متمني نشوفك فكل لحضة...متعرفيش شحال بدلتي فيا اجواهر...ممتخيلش بلي غادي يجي نهار منشوفكش فيه
جواهر:(حسات بحاجة خنقتها ملي سمعت كلامو...قادات القعدة..وحسات بدمعة من عينيها نازلة على خدها)
فهد:حبيبة فين مشيتي؟؟
جواهر:انا هنا ممشيت فين....(بصوت مدمع)
فهد:جواهر كتبكي؟؟
جواهر:هئ هئ لا ..
فهد:حلي فيديو واتساب
جواهر:.....
فهد:جواهر راه كنهضر معاك زعمة..حلي الواتساب فيديو
جواهر:اوكي..(مسحات دموعها وحلات لفيديو)
فهد:مالك شنو مبكيك؟؟
جواهر:والو مكنبكيش
فهد:جواهر(بنضرة صارمة)شنو مبكيك!!
جواهر:(مقدرتش تحبس دموعها كتر...شافت فيه ونزلو دموع عينيها)...هئ هئ متديش عليا هئ هئ كنبكي بلا سبب
فهد:.....الى كان السبب فدموعك هو كلامي ..فنبغيك تعرفي بلي اي كلمة خرجت من فمي فانا كنعنيها...انتي من اليوم ديالي واي حاجة ملكي استحالة نخليها ضيع مني.
جواهر:(مسحت دموعها ..وبقات كتشوف فيه عينيها مركزين على وجهو وودنيها خلاتهم يسمعو اي حرف يخرج من فمو...كانت احاسيسها مخربقة معرفاش واش تفرح بشي لي عايشتو معاه...اولا تلوم راسها على غبائها ملي وافقات على لعبة علي معاها....توادعو بكلمات غزلية ..وكلها تخشى ففراشو..حطات راسها على المخدة وحاولت تفرغ راسها من التفكير...جات تغمض عينيها سمعت صوت ميساج جاها...كان من علي:
«جواهر دوزي عليا غدا لمكتب..مقدرتش نهضر معاك هاد الفترة بغيت نعرف التطورات»
جواهر:اووووف(كلما هربت من هاد الموضوع كلما رجعت ليه من جديد.)

جواهر:'(فاقت على صوت ريفاي المجهد...طفاتو بصبعها..وناضت من فراشها شافت ساعة لقات راسها متعطلة بنصف ساعة على التصوير...جات تحط تيلي ونتابهات على ميساج جاها فيه...
فهد:«صباح الخير النعاسة...بغيت نفطر معاك هاد الصباح فاش تجي لشركة طلعي عندي لبيرو »
جواهر:(حطات تيلي وطارت لدوش ..قاضت حالتها ورتبات نفسها...هزات صاكها ونزلات لعندهم...
جواهر:صباح الخير
ماما:صباح النور..جلسي تفطري
جواهر:غادي نمشي اماما تعطلت....
صفية:شحال كتعياي ابنتي..راه غير البارح جيتي من سفر
جواهر:(كتفيت بتخنزيرة فيها وشفت فماما)ماما اليوم مرم غادي تجي..قولي ليهم يوجدو ليها لبيت لي حدايا
ماما:واخا احبيبة
جواهر:(خرجت لعند الشيفور وركبت فبلاصتي هزيت تيلي وجاوبتو بلي موافقة نفطر معاه.)
**************
عائشة:يوسف نوض تفطر راك تعطلتي على الخدمة
يوسف:(حيد لغطا عليه ودخل لدوش غسل وجهو ولبس حوايج الخدمة جلس قدام الميدة كيتسانهم يجو يفطرو مجموعين.)
يوسف:لواليدة فين ربى؟؟
عائشة:مزال مفاقت اولدي
يوسف:ماشي غريبة اول مرة كتعطل فالنعاس ماشي عادتها
الواليدة:انا ندخل نشوفها(دخلات عليها لبيت ملقاتهاش..فراشها كان مجموع وهي مكيناش..خرجت لعند ولدها قلبها غادي يخرج من بلاصتو)يوسف يوسف ربى مكيناش فبيتها
يوسف:كيفاش مكيناش...رجع دخل لبيتها يتأكد وملقاهاش...لبس صباطو وتوجه لشركة حيت متاكد بلي غادي تكون تماك.
*************
(كان حاط عينيه على شي وراق قدامو ...حتى تسمع صوت كعب مولاتو باينة فيها محترفة فيه كتمشي بطريقة كلها سيكسي...حطات قدامو لقهوة وتحدرات كلها لعندو حتى بانت لفرقة ديال صدرها...طلع فيها عينيه..وشاف نضراتها المغرية...عضات على فمها بطريقة خفيفة ونطقت:
ايلينا:انا السكيريتيرة الجديدة..ايلينا
فهد:(طلع فيها حاجبو)فين مشات كوتر؟(سكيرتيرة السابقة)
ايلينا:(كتهضر باغراء)معرفتش...
فهد:تقدري تخرجي...(جات تخرج عيط لها)هيه...دي هادشي لي جبتي مكنشربش القهوة فهاد الوقت..(حط عينيه على لوراق.وهضر)ثاني خطأ ديريه مصيرك الطرد..ودابا خرجي.
ايلينا:(بقات غير كترمش بعينها اول مرة كتصادف مع شخصية بحال هاكا صارم وكلشي عندو خاصو يكون محسوب...شافت حتى عيات وهزات لقهوة من قدامو عرفات بلي مهمتها مطولة كتر من شهر.)
********
جواهر:(نزلات من لوطو زربانة..حتى تضرب راسها مع شي حد طلعت وجها.بانت ليها بنت زوينة بزاااف عويناتها زرق ووجها بريئ كان باين عليها الحزن والالم...
جواهر:سمحيلي ختي
ربى:(كتفات بابتسامة جانبية ودخلات لشركة....وقفات عند الباب ومعرفاتش واش تدخل وتريح قلبها من هاد الوجع لي كتحس بيه..اولا ترجع وتكمل الشي لي بداتو فالانتقام منهم...
سكيرتي:شكون نتي؟؟
ربى:انا...انا..
سكيرتي:اه نتي لي كنتي مع يوسف داك النهار
ربى:اه انا...
سيكيرتي:يوسف مزال مجا...
ربى:اه عرفت راه هو طلب مني نوصل ليه واحد لحاجة لمدير علي
سيكيرتي:(باستغراب)شنو هاد الحاجة؟؟
ربى:كنقدرش نقول خاصني نشوف مسيو ..مسيو علي
سيكيرتي:واخا دخلي
ربى:(تبعاتو كدور عينيها فضخامة الشركة وكبرها وقف عند واحد الأسانسير وطلع)
سك:طلعي
ربى:(طلعات حداه وبدا الأسانسير يتحرك وصل الطابق 19 ووقف.خرجو منو وربى غير تابعاه وكتسرق نضارات فكل قنت...حتى وقفو قدام واحد المكتب فيه واحد البنت جالسة...باينة سيكيرتية ديالو..
سك:مسيو علي فلمكتب؟؟
سكر:اه ..شنو بغيتو؟؟
سك:ماشي انا..هاد البنت..شنو قلتي ليا سميتك
ربى:(بقات شحال ساكتة رجعت نطقت)ربى
سكر:اوكي(هزات تيلي وحولات الخط عندو)مسيو علي كاينة واحد البنت كتسول عليك سميتها ربى
ربى:(غمضات عينها وشدات فراسها ...صافي المها غادي يسالي ملي تنفاجر عليه.)

علي:(هز عينيه من على لوراق لي قدامو حس بقلبو كيضرب...وقف من بلاصتو ورجع جاوب)ر...ربى شكون؟؟
سكر:معرفتش امسيو ..تبغي ندخلها؟؟
علي:دخليها دخليها؟؟(حط تيليفون..وبقا كيمسح وجهو..اكيد ماشي هي؟؟ربى ماتت؟؟هادي ماشي هي!!...بقا ماشي جاي على طول المكتب كيتسناها تدخل...تقدا صبرو وخرج لعند سكرتيرة)
علي:فين هي؟؟
سكر:مسيو علي يلاه كنت جايا لعندك...هاديك البنت جا واحد دري وداها
علي:شكون هو؟؟
سكر:معرفتش!
علي:سمعيني مزيان..مزال عاقلة على شكلها؟؟
سكر:ا..حاجة لي مميزة فيها عويناتها الزرق
علي:(فتح عينيه على جهدهم)شعرها عسلي...صوتها رقيق ...مطويلة مقصيرة...عويناتها مغمضين..
سكر:فالحقيقة امسيو هادي هي مواصفاتها
علي:(حس بقلبو غادي يسكت...ضربها بجرية الأسانسير لي مبغاش يتحل...نزل على الدروج كيلهث قلبو غادي يسكت ..لعرق كيصب منو ولهفة بارزة فعينيه...نزل كيقلب عليها بعينيه..
سكريتي:مسيو علي...محتاج لشي حاجة؟؟
علي:لا...لا والو (كيلتقط انفاسو...دار عند سيكرتي)واحد البنت عويناتها زرق جات قبل لحضات هنا...مبانتش ليك؟؟
سكريتي:اه ربى...انا لي طلعت معاها لمكتب ديالك كانت قالت ليا بغات توصل ليك حاجة من عند يوسف
علي:شكون هاد يوسف؟؟
سكيرتي:سكيرتي جديد
علي:دابا يكون عندي ضوسي ديالو حالا(طلع لمكتبو مخريق مغادي يرتاح حتى يعرف واش هي لي فبالو او حد اخر.)
**********
يسرا:(خرجات من لافاك البسمة مرسومة على وجها كتشوفو مسند على لوطو وكيتسناها طارت عليه بتعنيقة وباستو فخدو...)توحشتك
زيد:حتى انا .(باس خدها ومحوطها بيده)فين بغات حبيبتي نمشو؟؟
يسرا:فيا لموت ديال الجوع...
زيد:هه اوكي يلاه طلعي نمشو تعمري لكريشة
يسرا:يخليك ليلي الحبان(مشات تجري ركبات حداه ومشا بلوطو طالقين الموسيقى ...ويسرا كتسنابي وعايشة اللحضة...)وقف وقف وقف..
زيد:مالكي؟؟
يسرا:رجع عافاك شوية..بغيت غزل البنات الله يخليني ليك
زيد:ههه وعلاش ميخليني ليك
يسرا:ههه واصافي دابا بحال بحال المهم معايا وانا معاك...
زيد:'(بسمة جانبية..حل لوطو وشرا ليها غزل البنات...رجع طلع ومدهم ليها)قبل متاخديهم فين خلاصي(غمزة)
يسرا:(شافت فيه عرفت علاش كيلمح...قربات منو بشوية غمضات عينيها...وحطات فمها على فمو كتبوسو بشوية وتبوريشة كتسارا فكل قنت من جسمها...حركات فيه الاعاصير ...وخلات الميت يحي...جبدها لعندو وجلسها فوق رجليه يديها كيلعبو فعنقو وفمها كيجبد فمو بشوية وتعضو عضات خفاف...كانو عايشين لحضة ممصوقينش للبشر لي كيدوز من حداهم...كيتسمع غير صوت قبلاتهم واهات اللذة لي معاهم...حسات بيه تزير ومقادرش يتحكم فراسو وخصوصا بعدما حسات بشي حاجة تحتها...بعدات راسها عليه...وحاولت ترجع بلاصتها:
زيد:(رجع جبدها)فين غادية'...(غطس راسو من جديد فعنقها وبدا يقبل ويعض عضات خفاف
بسرا:زيد...اه...زيد براكا(بعدات راسها عليه..ورجعت بلاصتها كتصايب عكرها)
زيد:(خرج من لوطو وزدح الباب بجهد...بدا يشد نفس ويرخيه...جبد جارو وبدا يكالمي راسو وكيبعد نضراتو عليها...خايف لابرجع لها ويكمل الشي لي بداه...اما هي كانت ميتة عليه بضحك..كتشوف حالتو كي ولات..طفا لكارو ورجع ركب من جديد..ويسرا حابسة الضحكة بزز)

جواهر:(طالعة لطابق العشرين كتشوف راسها فجاج الأسانسير بدات تقاد شعرها بيدها..حتى دخل عليها شي حد طلعت عينيها فيه كان شاب فمقتبل العمر ملامح وجهو زوينة وجسمو مقاد ومرتب باين فيه من صحاب لحديد:
هو:(بسمة جانبية)صباح الخير
جواهر:صباح النور...ا.اينا طابق(كتهضر وحاطة صبعها قدام الازرار ديال الأسانسير)
هو:الطابق عشرين
جواهر:اوكي(ضغطات الزر ورجعات لبلاصتها ..حاطة عويناتها على الارقام لي كيطلعو وكتسنى بلهفة ايمتا تشوفو..حتى سمعت صوت الشخص :
هو:عروضك متقونة...
جواهر:(تلفت عندو وبسمة على فمها)شكرا
هو:ومع ذالك مزال خاصك التدريب....
جواهر:(جمعات حويجباتها فيه ودارت قدامها)
هو:(حابس الضحكة وكيطلع فيها ويهبط رجع نطق بغا يستفازها)مكانش خاصهم يرسلوك لباريس ...هادا خطأ داروه المدراء
جواهر:(واخيرا تحل الأسانسير ...جمعت فيه غوباشتها جات تمشي وهي ترجع لعندو)ايوة ختاروني ومشيت لباريس على عينيك وعينين عدياني..(خرجات فيه لسانها ومشات....لقردة كتشطح فوق راسها..دخلات لعندو مباشرة ايلينا تابعاها كطلب منها ترجع وهي ممصوقاش ليها...
فهد:(كان كيهضر فتيلي وكيلعب بستيلو بين صباعو...كمل اتصالو وشافها داخلة باينة فيها معصبة...
ايلينا:مسيو فهد مخلاتليش الفرصة نمنعها ..
فهد:هادي اخرة مرة تمنعيها تدخل..واخا نكون ماشي هنا
ايلينا:(باستغراب كطلع فجواهر وتهبط..عتاذرات منو وطبعا كانت لغة التواصل بيناتهم هي الانجليزية)
فهد:(ناض من كرسيه وتوجه لعندها..حاوطها بين ايديه وكيشوف فيها ماشي على مودها)،مال حبي هاد الصباح شكون قلقك
جواهر:نو ممقلقاش ..غير حيت صباح هادا راك عارف كنوض جوي مقلوب وجوع قاتلني
فهد:متاكدة؟؟مكاين والو
جواهر:مكاين والو حبيبي
فهد:شنو؟؟مسمعتش!!عاودي
جواهر:(حلات عينيها على جهدهم اصلا خرجت من فمها بعشوائية الشي لي خلاها مستغربة من راسها)ش...ش..شنو غادي نعاود
فهد:الشي لي قلتيه من شوية
جواهر:ن..نسيت نسيت...شنو دابا مغاديش تفطرني
فهد:ههههه واخا غادي ترجعي تنطقهيا بوحدك...
جواهر:ااااا...يلاه نمشو نفطرو...
فهد:صبري شوية غادي يمشي معانا واحد الشخص..
جواهر:شكون؟؟
ايلينا:(دقات عليه)مسيو فهد..سي خالد جا ندخلو؟؟
فهد:دخليه(خطف قبلة بزربة وشاف فيها)مالك كتشوفي بروتيني الصباحي
جواهر:(حدرت راسها وحشمات بعدات راسها عليه ..وتبعاتو غادي تجلس حتى سمعات صوتو)
خالد:فهد...

يتبع

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.