مجدولين:اه كنهضر بالصح ولكين ...هادشي لي غادي نعاونك فيه حتى نتي غادي تعاونيني وديري الخدمة لي غاطي نعطيك...راه الى فتحت ليك الطريق قدام فهد بحال الى فتحت ليك طريق الجنة
ليالي:انا نسمعك..شنو المطلوب مني!!
مجدولين(تبسمة بسمة نصر رفعات راسها الفوق وبدات تهضر يسرا كتشوف وكتنتاضر شنو غادي يكون المقابل لي غادي تعرضو مجدولين على ليالي)
جواهر:سي علي..بان ليا سي فهد بدا يشك فينا اولا تقدر تقول بلي عرف. شي حاجة..اليوم عيط ليا فلمكتب ديالو ...بقا كيسولني شي أسئلة خاصة ..بان ليا ممتيقش المعلومات ديالي
علي:داكشي لي بان ليا حتى انا من هضرتو معايا كيبان ليا غادي يحط عليك لعين ويراقبك
جواهر:ش.ش...شنو قاليك؟؟
عليّ...(شاف فيها وبدا يعاودلها)
«فلاش باك...قبل لحضات»
فهد:(نزل من الأسانسير توجه لسيارتو..وقف بيه الشيفور عند الكافي لي ورا الشركة...نزل الشيفور كيجري من لوطو حل ليه الباب الخلفي ونزل فهد كيقاد لكوستيم ديالو ..حاط نضاضرو ووقف على علي لي شافو ونزل من لوطو مستغرب)
فهد:شتك وليتي كتخبى ورا لحيوط؟؟
علي:ههه..كنتسنا شي حد..شتك كتراقبني!!
فهد:هه نو بالعكس...انا مكنتسوق لحد ولكين لي كيدور بيا راه كيلقاني ونتا عارف هاد الشي (كيهضر معاه بكل جدية).
علي:شنو كتقصد!!.
فهد:قصدي واضح...كنتمنى غير متكونش غبي ودير شي حاجة لي غادي ترميك فجهنم
علي:هههه شنو هادا تهديد بدون سابق إنذار
فهد:(ضربو على كتفو)راك خويا و عزيز . .ولكين لي يتخطى الخطوط الحمراء ديالي كتعرف شنو هو مصيرو(رجع لوطو ديالو ودخل ديمارا شيفور وخلا وراه علي كيدورو فقعات أفكار فوق راسو)
علي:متخافي من والو ..فهد كوكان عرف شي حاجة مكانش غادي يسكت..واصلا انا غادي ندخل ونقطع عليه الشك من اليقين
جواهر:ش..شنو غادي دير؟؟
علي:غدا غادي تعرفي..يله نوصلك للفيلا..
(دازت هاد ليلة مليئة بافكار وسرحان فلخيال للابطال ديالنا...علي كيفكر بطريقة لي تخلي فهد يقتانع بلمعلومات لي وصلاتو على جواهر وبلي هي من الطبقة ديالو ...اما جواهر ضلت ليل كلو كتقلب ففراشها كلما تفكرات نضرات فهد ليها طار نعاس من عينيها...هو اصلا محملهاش بلا شي فمابالك الى عرف الشي لي جامعها بخوه ضدو اكيد غادي يعجنها وهي متأكدة من هاد الشي...فهد فلبالكون حاط رجل فوق رجل على الميدة الزجاجية المنقوشة قدامو هاز سيكار بين ايديه كينتر منو نترات ويرجع يطلق الدخان فلهواء...شاف فساعة لي فيدو ...حط سيجارا من يديه لبس سروال ديال النعاس وخلا صدرو عريان طاح على وجهو فوق الناموسية وغرق فنومو)
******************
مجدولين:(واقفة فالجردة كتهضر فتيلي)
ليالي:(فيقها صوت تيلي لي كان غادي يطرطق بالاتصالات...جاوبت بطريقة مدوخها النعاس)ّّّالو.....
مجدولبن:مزيان تبارك الله ...كتباني ليا نسيني شي لي هضرنا فيه
ليالي؛(نقزات من فراشها)لا لا امدام مجدولين.غير داني نعاس شوية
يسرا؛(ضارت عندو مستغربة)شتك حاط العين على هاد العارضة ياك معجباتك؟؟
علي:(ناض من بلاصتو ..وشعكك ليها شعرها)ديها فراسك البرهوشىة
يسرا:واععععع بعد مني ...ماما هئ هئ هضري معاه
مجدولين:اووف يلاه خلينا نوجدو راسنا هاد اليلى مهمة للشركة ديالنا.
جواهر:(نضت من فراشي بعد عناااااء طويل...حاسة براسي كيضرني وعينيا كيحرقوني ..بقوة التفكير فشي لي رميت فيه نفسي..توجهت للدوش كمدت فيه عضيماتي..وخرجت كنشف شعري سمعت صوت تيلي ديالي كيصوني:
_الو
جو:جواهر..فينك..؟؟
جواهر:انا فدار علاش مالك؟
جو:اويلي على فالدار...واش معرفاش بلي اليوم عندنا افتتاح ديال الموسم..سربي جي باش تدربي
جواهر:اوووف نسيت...اوكي هاني جايا(بدلت حوايجي لبست صولوبيط دجينز درت تحتو واحد تويشية جايا بحال دوني فيها زواق من لتحت لبست صبيبيط هابط ودرت نضاضري وهزيت صاكي ونزلت...)صباح الخير عليكم
ربى:شكرا بزاااف (ودعاتها وسدات الباب..توجهات لطبيسيل لي فيه لمسمن وبدات تاكل...جرات مجلة وبدات دوز الصفحات وكتشوف بعويناتها الزرق الصور وتقرا العنواين..حتى طاحت عينيها على صورة فوق منها عنوان مجبد مكتوب بالخط الاحمر:
«استعدادات شركة سيمارا للموسم الجديد»هبطات عينيها للصورة وبدات دقق فيها كان فهد وعلي والام ديالهم مجدولين متوسطتهم ...حطات لمسمن من يديها وقطعات هاديك المجلة بين ايديها ..كتصرخ وتغوت ولي قدامها كتشخشو...تلاحت فوق صوفا وجمعات رجليها لعندها وبدات تبكي فصمت.)
جو:واحد جوج...واحد جوج...متخرجوش على الخط المستقيم راسكم الفوق يلاه يلاه..
جواهر:صباح الخير
جو:تبارك الله وصلاة على النبي حتى لدابا عاد جايا
جواهر:راه داتني عيني ونعست فقت معطلة هاد الصباح
جو:سيري لبسي طالون الالة ودوزي دربي مع لبنات
جواهر:شتك تسيفتي عليا
جو:(هز فيها حاجبو ومشا لعند لبنات كيدربهم).
جواهر؛(شوف لمبنت حتى هو تزادت فيها ضلعة...مشات لابسات طالون وتبعات لبنات لي كانو دايرين صف مستقيم كيمشو على طول الممر ويرجعو ...بعد نصف ساعة سلاو تدريب)
جو:صافي باركا عليكم دابا غادي تمشو تاخدو دوش وغادي تقادو حالتكم حيت هاد ليلة غادي تشاركو فافتتاح الموسم الجديد...ومن بعد غادي ترجعو تلبسو لكسيوات لي خترت ليكم تكملو السهرة ديالكم.....اه اهم حاجة يكون كلامكم موزون قدام الصحافة ...يلاه يلاه تفرقو .
جواهر؛(كلشي طار كيجري...توجهت لدوش غسلت عليا عرق التدريب ولويت عليا فوطة...مشيت لبلاصة فين كاين ماريو خاص بلباس ديالي لبست دو بياس ودرت فوقهم بينوار حرير فالاحمر.....يلاه غادي نخرج وانا نلقا جو واقف على الباب)شنو؟؟
جو:غضبانة مني ياك؟؟
جواهر:(دورت وجهي لجهة لاخرى وجمعت يديا لعندي)
جو:صافي سمحيلي اتيتيزة والله غير كنت معصب من الخدمة راك عارفة ازين شحال عزيزة عليا
جواهر:(درت لعندو وانا نتفرشخ بالضحك)والمهبول واش انا نقدر نتقلق منك ..زيد زيد قدامي خليني نتوجد مبقاش الوقت
سكرتيرة:مسيو فهد جبت ليك الكوستيم ديالك كتامر بشي حاجة اخرى
فهد:(دارلها اشارة بيدو وخرجاتّّّ .ّّ..توجه للمكتب طفا سيكار وبدا كيخربق شي حاجة فلبيسي عندو حتى دخل عليه جو...كيلفريفرة كيتعوج يمين وشمال).
جو:زيونات توحشتك هادي نهارين مشتك
فهد:(طلع فيه عينيه)
جو:اوووف قلبي غادي يخرج مديرش فيا هاد التخنزيرات راه شي نهار غادي نطلقها ليك هنا
فهد:(رجع راسو ورا لكرسي وكيهضر ببرود)شنو بغيتي؟؟
جو:احم شوف البوكوس بما اني انا هو المسؤول عن العارضات ديال الشركة وكلشي كيدوز تحت عينيا ..انا كنشوف بلي العارضة صوفيا مليقاش تكون العارضة الرئيسية لعرض الافتتاح كلشي فيها مصطنع حتى من مشيتها كتحس بيها كتمشي بزز...وهو اصل....
فهد:(قاطعو)جو هضر فلمفيد...معنديش وقت لكترة الهضرة
جو:احم بسم الله ...(غمض عينيه)انا كنشوق بلي العارضة جواهر هي لي تصلح لهاد العرض قلت نخليها هي العارضة الرئيسية..(فتح عين وسد عين كيتسناه شنو غادي يقول).
فهد:قلت ليا جواهر؟؟
جو:اه جواهر هي لي تليق
فهد:شنو واقع ليكم مع هاد خيتي ....فين مضرت كدكروها قدامي...شنو كاين؟؟
جو:م...م..مكاين والو والله غ...
فهد:جوووووو...
جو:(بدا يبكي)هئ هئ هئ
فهد:(طلع فيه عينيه بحال شي وحش جامع هاديك الغوباشة وبان عليه الغضب)خرج من هنا خررررج
جو:(خرج مسيكين حابس البولة ليطلقها حل الباب ونزل طيارة لطابق لتحتاني)
فهد:انا متاكد بلي كاينة شي حاجة .منوضين عليها هاد الروينة كلها....غادي نعرف شكون نتي اجواهر.
جواهر:(هازا قهوتها بين ايديها ومخلياهم كيصايبوىليها شعرها بالها كلو مع جو وشنو دار..حتى كتشوفو جاي لونو صفر ولخلعة باينة فيه كيترعد غير بوحدو)
جو:(جر جواهر وعزلها على ضجيج الغرفة)
جواهر:شنو درت هضر؟؟
جو:اناااري اجواهر ملقيتي متبغي غير فهد
جواهر:هضر خلاص شنو وقع؟؟
جو:جرا عليا وتشوفي كمية الغضب فعينيه ملي سمع سميتك والله لابقيتي شفتي فيه..كنت غادي نطلقها فسروالي بالخلعة
جواهر:اوووف ياربي شهاد المصيبة ..صافي يلاه خلينا ندخلو مبقا والو للحفلة(رجعات تصايب شعرها وبالها مغيب كتفكر فشنو مزال تابعها...لبسات كسيوة حمرا لاصقة على جسمها مفتوحة من عند الضهر ومن لتحت مرخية خلاتها بحال شي حوتة... لبسات الكعب لي كانت كتدرب بيه....ووقفات حدا لماريا كتوضع لمسات الاخيرة حيت جا لكار لي غادي يديهم لمكان الحفل...ركبات فلكار مع لبنات وتوجهو لمكان الحفل لي كان فوسط جردة كبيرة مزينة بالورد وديكورات ..ودايرين منصة طويلة فين غادي يمشو من فوقها العارضات..وطوابل مشتيت فوقهم ورد وضايرين بيهم كراسا طوال وفجنب لاخر كاين مسبح قد السخط...توجهو لعارضات لغرفة تبديل وبداو يقادو نفسهم ويحطو لمسات الاخيرة حيت مبقا والو ويدخلو....بداو الشخصيات كيجو وكيمرو من فوق البساط الاحمر وكيشدو صور من طرف الصحفين...بدا ضجيج الحضور يزيد وقلب جواهر كيزيد فنبضاتو...صونات على مريم:
جواهر:زين ديالي فينك
مريم:هاني جاية
جواهر:اوكي راني صيفطت ليك شيفور معاه لانفيتاسيون
مريم:اوكي حبيبة نشوفك
جواهر:اوكي باي
جو:جواهر يلاه .....غادي نبداو
جواهر؛اوكي(شديت نفس ووقفت ورا لبنات دورت وجهي فين كاينة واحد تليفزة ناقلة الحفل على المباشر...خلعني كترة البشر والصحفيين...غمضت عيينا وشديت نفس درت قدامي وتسنيت دوري لي كان بعد أربع عارضات.)
************
(وقفات بيه ليموزين قدام الحفل كان لابس كومبلي كحل مرجع راسو الحريري للخلف...نزل كيقاد كيسد صدفت لكومبلي والصور كتلتقط ليه من كل بلاصة والاسئلة كترمى ليه من كل جهة توجه لقناة الرسمية للازياء أعطى لكلمة ديالو وتوجه للحفل....دخل كيرحب بالضيوف والشخصيات العالمية الحاضرة لي كانت من كل مجال....وقف مع شي رجال كيهضرو فامور خاصة بالعرض...حتى وقف عليهم علي لي كان لابس حتى هو لكلاس ...توجهو للقعدة لي كانت موجدة ليهم وبدا العرض الافتتاحي للحفل بداو العارضات كيدخلو تحت تركيز الكاميرات وصوت الموسيقى الخلفية....علي كان هاز كاس بين ايديه وكيتبادل أطراف الحديث مع مصمم عالمي جالس حداه...فهد بدورو كان مركز مع صاحب شركة عالمية الازياء وفنفس الوقت مركز فلعرض...فنصف حديثو مع الشخص لي جالس حداه سمعت ودنيه صوت كعب مغريبش عليه.. ...كانت قدامو كتتلوى فهاديك الكسيوة لي عاصراها ومخلية كل تضاريسها الجدابة باينة...كتمشي على طريقة العارضات ورافعة راسها للفوق والبسمة مكتفارقش وجها...علي بقا ساهي فيها وكيشوف هاد الجمال الخلاب لي عطاها رب السموات...اما فهد فكان مركز مع كل خطوة كديرها محيدش عينيه من عليها كانت بحال شي حورية قدامو كيطلع فيها من صباع رجليها حتى لراسها....الشخص لي جالس حداه كيهضر معاه وهو مغيب كليا...اول مرة كتقوع ليه هاد الحالة عمر شي وحدة قدرات تثير انتيباهو لهاد الدرجة كاملة.....مفاقش من الحالة لي فيها حتى غبرات عن انضارو .
جو:يلاه يلاه بدلو عليكم ولبسو لكسيوات لي خترت ليكم..وخرجو كملو السهرة واهم حاجة عندي الصحافة ثم الصحافة ثم الصحافة نقولها ونعاودها الهضرة تكون موزونة وتصرفو عادي قدام الكاميرا والبسمة مكتفارقش وجوهكم يلاه يلاه تفقرقو.....
جواهر:زين كيجيتك هاد اليلة؟؟
جو:طلعتي قرطاسة الصبيبصة...اكيد فهد طاح ملي شافك)!
جواهر:دكرنا الله والنبي رسول الله ...جاب هاد خينا لهاد الهضرا دابا
فهد:(واقف مع شي شخصيات كيهضرو على امور خاصة بالعمل...العارضات بداو يدخلو للحفلة كيسلمو على الشخصيات وفنفس الوقت كيعطو اجوبة لي كترمى ليهم من طرف الصحفيين....دخلت رافعة راسها الفوق لابسة كسوة سوداء عندها صميطات من ناحية الاكتاف ومعرية من الضهر ...كانت جاية لاصقة عليها وكتبرز جمال جسمها لفتان واخا بدا يبان عليها الكبر ولكين كانت جدابة خصوصا بمشيتها المحسوبة لي الكل عارفها بيها...شافت بنتها لي كانت حتى هي لاتقل جمالا عن الام ديالها لابسة كسيوة صفرة فلون المطاردي ...دايرة مجوهرات كتليق بسنها جامعة شعرها لفوق ومخلية شوية منو مطلوق....وقفو عند الفهد لي كان مندامج مع الحديث ديالو مع شي رجال سلمات عليه مجدولين بالوجه ويسرا نفس الشي:
يسرا:خويا حفلة الافتتاح واعرة كولشي زوين
مجدولين:اكيد غادي يكون فلمستوى(رجعت شعرها لور بتفاخر)بالنهاية حنا راه عائلة الاسماعلي
فهد:الواليدة..(كيهضر من تحت سنانو)سيروجلسو ..راه امرتهم يوجدو ليكم قعدة خاصة
مجدولين:غير خلينا هنا اولدي....نتشارك معاكم الحديث..اولا شنو اسيادنا(دارت عند الرجال لي معاه وتبسمة)
الشخص:مرحبا بيك امدام تشرفينا...
فهد:(جنون العصر كيشطحو فوق راسو...جامع يديه على شكل قبضة..ومزير عليها كيحاول يهدي نفسو وميديرش شي تصرف قدام الصحافة...الام ديالو عصباتو بحركاتها وخصوصا هضرتها لي كيحاول يلقا اجوبة لشي لي دارت..عمرها مشاركت فشي حوار اولا حديث عندو علاقة بالخدمة ديالو ودابا كيبان العكس...الشي الوحيد لي متاكد منو بلي كتخطط شي حاجة....مجا فين يكمل الفكرة لي كدور فوق راسو...حتى حس بشي يد تحطات على كتفو..دار نصف دورة شافها كانت لابسة كسيوة طويلة مفتوحة من لتحت..بلا كمام وفيها وريدات صغار....دار عندها مستغرب من تصرفها قدام الحضور وفنفس الوقت كيغلي من الداخل ديالو باغي غير فمن يفش جنونو....
مجدولين:(كتتبسم وفنفس الوقت كتشوف فليالي ).
فهد:شنو كديري هنا؟؟
ليالي:متنساش بلي حتى انا عارضة عندكم....واصلا(قربت لعند ودنو )توحشتك
مجدولين(هضرات فودن بنتها لي حطات الكاس من بين ايديها ومشات طيارة)
فهد:كضحكي عليا....(كارز على سنانو)شتو جابك هنا؟؟؟:
مجدولين:اه ليالي...مرحبا(مدات لها يدها)شحال هادي مشناكش
ليالي:(شافت ففهد)كنت مشغولة.امدام...
فهد:(قرب لعند ودنها و شد بيدها حتى عصرها)دابا نوري مك شكنسوا القحبة...كلامي كتفهميه من قفاك....(مجا فين يكمل كلامو حتى ترمات عليهم الصحافة كيصورو يديه لي شادها بيهم والقرب لي بيناتهم...تحولات الصور لاسئلة :
«مسيو فهد كاينة شي علاقة بينك وبين الانسة ليالي»«انسة ليالي أمتى بدات علاقتكم»«مسيو فهد شوف هنا »«.........
فهد:(سيد وجهو ولا حمر..عروق.الاعصاب بانو مرسومين على يديه وعلى جبهتو....هز تيلي ديالو وعطا جوج كلمات لشخص لي هضر معاه...ماهي الى ثواني حتى كيبانو سيكيرتي هاجمين على صحفين وخرجوهم من مكان الحفل...(.شاف فليالي واحد الشوفة لوكنت انا منها نحغر لارض بيدا وندخل وسطها هههه)
جواهر:(دخلت لمكان الحفل هازا كسيوتها بين ايديها...كانت كسوة بيج فيها وريدات مطرزين فلقدام...وفلوسط مدورة بيها سمطة ومن لتحت جايا واسعة كانت طالعة بحال شي اميرة...خصوصا معا داك المكياج لي كان بارز عينيها ومخليها سو كيوت...دخلت هازا كسيوتها ودايرة تيلي على ودنها ....
_افينك اصوبيصة..
مريم:راني كنشوفك احبي
جواهر:ولخرا فينك..راه مشفتكش!!
مريم:راني واقفة فلميدة لي حدا المنصة(كتشير بيديها)
جواهر:اه اوكي راني شتك(كانت مدابزة مع تيلي كنردو لبوشيطة ..يلاه طلعت راسي جيت داخلة فشي حد ..كنت غادي نتكركب ورايا حسيت بيد جبدتني من خصري طلعت وجهي كان فهد مطلع حاجب ومنزل لاخر...جار بيد ليالي من دراعها..وليد لوخرا جار بيها جواهر من خصرها..
جواهر:(رجعات لور وشافت فيه غير )سمحلي
فهد.......(خنزر فيها وجر ليالي)
جواهر:(ناري بغيتليه ضربة فهادوك ليدين المغرور..تفو على تريكة حتى كلمة منطقها يخ على بشار كيداير....توجهات لعند مريم لي كانت واقفة كدور عينيها ومخرجة داك صدر وكتعوج قدام شي وحدين جالسين كيحنزو فيها...)زين صافا
فهد:(عينيه حمر واعصابو بارزين ..كيهضر مع جن لي كيدور فراسو كان بركان هايج شوية وينفاجر....كرز على سنانو ويدو مزال مزيرة على دراعها...واقف فلباب الخلفي كيتسنى لوطو تجي..هضر من تحت سنانو..)سيري لوطيل حتى نجي..
فهد:(وقفت لوطو قدام رجليهم ...خرج عيينه فيها)سيري دابا من بعد غادي نهضرو مزياااااااان(ورك على هاديك مزيان)
ليالي:ههه واخا احبيبي متعطلش عليا ...غادي نتسناك
فهد:(خنزر فيها ورجع للحفلة...دور عينيه بان ليه علي شاد بيد جواهر ويدو لوخرا على خصرها كيتمايلو على انغام صلو توجه لطابلة ديالو وعينيه عليهم وقف مقابل معاهم ومجدولين على يمينو ويسرا على شمالو ...هز كاس وشربو دقة وحدة وعينيه كشي سيف مركز على حركاتهم ...خرجو من الحالة لي فيها صوت يسرا:
يسرا:خويا فهد ترقص معايا
فهد:(شاف فيها وجر ايدها..توجه بيها لمنصة الرقص وبقا كيتمايل معاها..ومرة مرة كيخطف نضرة عليهم).
علي:(نتابه لوجود فهد كيرقص حداهم) جواهر
جواهر:(طلعت عويناتها لخضر فيه)
علي:غادي نبادلك مع ختي يسرا باش ترقصي نتي مع فهد
جواهر:.(صرطت ريقها) ولكين....(مكملاتش كلامها لقات راسها واقفة قدام فهد ويسرا)
جو:اوف على ماركة كيدايرة مصحابش ليا كتمشي معا هاد النوع...زعمة راك بنت لفيلات والحالة
جواهر:اووف صافي نسا...فين غادي نمشي دابا
جو:يلاه انا نديك عند القناة الرسمية ديال الازياء طبقي داكشي لي تفاهمنا عليه
جواهر:اه اوكي(وقفت فوق واحد البساط احمر ومن ورايا واحد لافيتة كبيرة فيها شعار الشركة وسميتها بدا لفلاش كيضرب من كل تجاه.... درت يدي على خصري.. وبتاسمت لكاميرا وهزيت راسي لفوق رغم التوتر لي كنحس بيه.. حتى بداو الصحافة اسئلتهم المعتادة.. جاوبت على جميع اسئلتهم وضروري منزيد فيه شوية هه.. فاش كملت اللقاء ديالي مع الصحافة بان ليا علي كيشوف فياا ومبتاسم وغمز لي.. تبسمت ليه ومشيت عند مريم و جو لي لقيتهوم كيدابزو بحال لمش ولفار حتى قاطعتهوم بمجيئي
الساحرة و عالم المشاهير الجزء الخامس
محتوى القصة
التنقل بين الأجزاء