جراتها خولة بالجهد وجبدات البادج: معاك الشرطة قوليلي الحالة ديال المريضة دابا
الممرضة شافت البادج وهي توقف: المريضة وقعليهل نزيف ويمكن كانت حاملة وطاح ليها الجنين لي كتاشفنا بلي اصلا كان ميت فالرحم ديالها... دابا خسرات بزاف ديال الدم و خاصها عملية ضروري العملية بسيطة نورمالمون وديما كتنجح ولكن فهاد الحالة كاين نسبة صغيرة انها ماتنجحش.. حنا انديرو كل مافجهدنا العملية غاتدوز ساعتين رتاحيلك عافاك فقاعة الانتظار .. مشات الممرضة كتجري و خولة فشلو عليها رجليها...
جلسات للارض والكلمة الوحيدة لي كتعاود ليها فراسها هي كلمة *حاملة*
نهاد صاحبتها لي كتعرف عليها البراءة والطيبوبة العفة والصدق.. صدقات حاملة.. تغرغرو عينيها بالجمووع تصدمات ماتيقاتش شكون وصل صاحبتها لهاد الحالة مايمكنش دير هادشي بوحدها شروري يكون شي دافع ياكما غتاصبها شي حد..
عينيها ولااو حومر بالاعصاب.. بقات غاجة وهي مرفوعة لجهة قاعة الانتظار. دخلات بقات حالسة وعقلها طاير ... شوية تفكرات كمال مشى عند ديك الطبيبة تاني باو القرودة تايشطحولها فوق راسها ناضت اتاجهات للبيرو ديالها
كمال من بعد ماوصلو نهاد واطمان على خولة مشى عند الطبيبة ديالو للبيرو
الدكتورة : وي تفضل.
شافتو دغيا ناضت كتقاد: اه موسيو كمال دخل مرحبا
كمال مشى جلس فالكرسي: شكرا
الدكتورةّ ياكما كتحس بشي الان فصدرك ولا فكتفك
كمال: اه خاصة كتفي ويدي بزااف..
الدكتورة: امم خاصك تحاول على راسك دابا نورمالمون خاصك تكون كترتاح دابا ولكن سمعت بلي مكمل خدمتك واخا هاكاك.. اصابتك را ماساهلاش كل اسبوع غايخصنا نعاينوها وكل 3 شهور خاصنا نديرولك عملية الثقب لي فقلبك غادي تعايش معاه ولكن خاصك تحاول على راسك.. بالنسبة للدوايات نتمنى تكون كتلتزم بالموعد ديالهم..
بقات كتحاول تحيد الفاصمة ومرة مرة كتقيسو فظهرو بيديها كتحاول تثيرو وتسخنو.. ولكن شكون داها فيها كمال كاستناها غا ايمتى تسالي يمشي يشوف خولة ويعرف منها شكون ديك البنت وكيولات حالتها...
هزات الكبيبة صبعها ودوزاتو على عنق كمال لي مادار تاشي ردة فعل..
واحد اللحظة غفلاتو نزلات باستو فعنقو ومور ودنييه وفنفس اللحظة تحل الباب
دار كمال بالزربة شرب فوجه خولة المصدوم... كانت هي لي حلات الباب...
عند سارة
كانو هي وكيم معلقين فواحد السور ز تايطلو على واحد المعبد كبييييير بزااف فالقمة دجبل فوجي سان.. كان محاصر بالحراس والكاميرات...
كيم: هادو هما عصابة التشي تشي عندهم واحد السلاح تماك ممكن يدمر القارة كاملة ويقتل كاع السكان.. هاد العصابة كتستمد قوتها من روسيا هما لي تايخلصوهم باش يحضيو ليهم داك السلاح .. وتايسيفطولهم اسلحة اخرى ... وبيهم تايهددونا كل مرة .. السكان دهاد المناطق لي حدى الجبل كلهم تحت السلكة ديال هاد الوحوش تايستاغلو الناس وتايعدبوهم... هما لي قتلو ليا عائلتي ...
شير بيديه لواحد تماك: هاداك الشخص هو لي رباني.. حيوان مفترس كان ديما تايدربنا على القتال من صفرنا بابشع الطرق شحال من دري صغير مات بسباب التدريبات ديالو القاسية... اول واحد غايخصنا نتهناومنو هو هاداك
بغى ينوض ينقز السور وحبساتو سارة
سارة : اش باغي دير باغي تمشي تقتلو وداك العدد دالحراس شغادير معاهم... اصلا غا هو بوحدو وماغاتقدش عليه ياك قلتي هو لي دربك... فهاد آل الات خاصنا نخدمو العقل كتر من الجسد... دابا خاصنا نستدرجوه بشي طريقة للحت خرجوه من بلاصتو ونديوه للبلاصة فين بغينا حنا .. ماعارفش ايمتى تاينزل من الجبل ومشحال من حارس تايمشيو معاه
كيم شاف فيها شوفة فشكل بهراتو : اه عارف وبالصدفة غدا غاينزلو هو وشي حراس للقرية يجيبو المؤونة.... مهم دابا يالاه نرجعو للمعبد ونقوليك التفاصيل...
نقزو للتحت ومشاو بالخف تايجريو وينقزو فوق الاغصان دالشجر ويتقلبو كل واحد وحركاتو.. شوية بداو كايتسابقو تاني تاوصلو للمعبد الصغير... مشاو للحديقة فين موالفين تايجلسو وبداو فالتخطيطات سارة هي لي كتفكر كما العادة وتخطط...
ياسين كان مشى قدام العمارة فين ساكنة نهاد وسيفك السكريطير ديالو يسول عليها واحد تماك
الشخص: خرجات فالصباح ولدابا باقي مارجعات
السكريطير: ماعندكش الرقم ديالها ولا شي شخص كتعرفو
الشخص: لا هي بنت داخلة سوق راسها ماكنعرفو عليها والو من غير انها جات لهنا تقرا
السكريطير: تايجي عندها شي واحد لهنا ولا لا؟
الشخص : شكون نتا اصلا لي تاتسول عليها ماشي بالضرورة نجاوبك على اسئلتك
السكريطير فهم شنو بغى وكان موجد اصلا.. جبد واحد الزرف فيه الفلوس ومدهم ليه : يلا كان ممكن تعاونا وماغايخصك والو
الشخص : لا سمحلي مانقدرش نخرج معلومات علة الناس لي هنا
السكريطير جبد ظرف اخر ومدو ليه: هادا اخير واحد
الشخص : لا سمحلي
السكريطير : صافي بلاش كاع
الشخص: بلاتي بلاتي... كانت كتحي عندها واحد البنت بزاف يمكن صاحبتها وقبل سيمانة جا عندها واحد الرجل بزااف دالمرات
السكريطير : ممكن تجبدلينا الصور ديالهم من الشرائط المسجلين دالكاميرات
الشخص شاف فيه وهو يجبد السكريطير ظرف اخر تالت: هاك غا سربينا
الشخص : واحد نص ساعة وهانا جاي . ..
مشى كايجري والسكريطير رجع عند ياسين للسيارة
ياسين: شنو درتي
السكريطير: قالي كانو كايحة عندها واحد الرحل وواحد البنت صاحبتها. هاهو غايجيب لينا الصور من هنا لنص ساعة باش نتاكدو واش سي ياسر ولا لا.
ياسين تنهد براحة: امم اه ماتفكرتي تاشي حاجة .. مارجعاتليكش الذاكرة ولا شي احداث
سارة لا ماتفكرت والو كنحاول ولكن راسي تايضرني
ياسين دق عليه شي واحد فالزاج: يالاه سيري رتاحي دابا ودخلي را البرد عليك
قطع
السكريطير شد الظرف لي فيه الصور ومدهم لياسين
ياسين حل الظرف جات عينو نيشان فالصورة دياسر و اشراق بنت عموو تصدم
خولة حلات الباب وهي ضرب فديك الطبيبة كتبوس فعنق كمال وهو واحد راحتو ومرتاح
تغرغرو عينيها بالدمووع مع نيت كانت على سسبة وقلبها طايب من جيهتو وحتى على صاحبتها لي غارقة مشاكل وهي مافراسها والوو...
نزلاات دمعة سخوونة على خدها حسات بيها دغيا مسحتها وقلبات الدوورة مع دارت مع دموعها بداو تايسيلوو .مشات كتجري لشي بلاصة فين ترتاح وتبكي على خاطرها
كمال شافها بقى غا مصدوم خاصة فاش شاف دموعها على خدها .. بغى ينوض يتبعها شداتو الطبيبة من يدو
الطبيبة: بلاتي نقاد ليك الفاصمة
كمال دار شاف فيها واحد الشوفة كون كانت قرطاس كون قتلاتها .. الشيء لي خلاها تجمع يديها عندها وتحني راسها بالخوف
مشى كمال تايقلب على خولة لي لقات واحد البلاصة فالجردة دالمستشفى تحت واحد الشجرة ورتاحت فيها بدات كتبكي وتنخصص وتشهق شحاال هادي مابكاات بحال هاكا يمكن منين كانت صغيرة..
كتبكي وكتقول فنفسها مالها على هاد الحالة لاش هاد البكا كلو . ولكن واخا هاكاك ماقداتش تحبس دموعها او شهقاتها .. بقات كتبكي بحال شي دري صغير
اصلا كانت على سبة تجمعوو عليها ةقلبها كان طايب خاصاها غا السبة باش تبدا تبكي
جلساات تابردااات مسحات دموعها دارت واحد النظرة فعينيها نظرة قوة وتحدي لاي صعوبة من الصعاب جمعات راسها وناضت كتمشى وكتفكر
خولة فنفسها: اوف راتااحيت الله مرة مرة البكا زوين صافي جمعي راسك دابا اخولة خاصك توقفي مع اختك وصاحبتك فهاد الوقيتة.. هي الاهم نساي هليك داكشي لاخر نساي عليك كمال مايصلاحش ليك
كمال عيا مايقلب عليهاا والوو مالقاهااش ماليهاش اثر داخل المستشفى واحد اللحضة حس بكتفو ضروو والجرحة لي ديالو كتفتح بالشوية قاسها لقى الدم تايسيل منها .. واخاهاكاك كمل طريقو باش يقلب على خولة تفكر الجردة ديال للمستشفى و خرج كيجري باش يقلب عليها براا شوية تايكايبان ليه ياسين او البوص العدو اللذوذ الشخص لي وصاه عليه العميد كان داخل مع السكريتير ديالو للمستشفى.. هاد السيد هو السبب الرئيسي فكاع مشاكيلو نسى راسو فين كان غادي وتبعهم بالخف ...
السكريتير: سيدي دخلت كنقلب على الاسم ديال هاد البنت فالفايس باش نعرف عليها كتر.. سميتها نهاد هي مغربية الاصل جات تكمل قرايتها هنا داير اداب انجليزية فنفس الحامعة ديال الانسة اشراق
ياسين حاط يدو على دقنو: دونك تماك عرفات اشراق ولكن شنو علاقتهم بياسر والاختفاء ديالو هادشي لي بغيت نفهم
السكريتير: لقيت واحد الصورة حاطاها الانسة اشراق هي ونفس البنت مع سي ياسر
ياسين؛ ارا داك التيلي نشوف
شد ياسين التيلي تايقلب واحد اللحضة تصدم بدى قلبووو تايضرب بالجهد ويديه تايترعدوو عينييه تحلو بقوة الصدمة
كانت سارة ونهاد واشراق مصوريين واشراق مبارطاجية تص.يرتهم فالفايس
ياسين بدا تايضحك: ههههههههههههههههه لا لا ماكفاناش ياسر لي ماعرفناش علاقتو بهاد الزوج دابا زدنا تا سارة فالحساب
السكريتير هاز التيليفون دياسين فيديه : سيدي السي احمد تايصوني عليك
ياسينّ اه حيتاش كنت فاليابان .. دابا قولي مالك هجم عليك شي واحد ياكما تآذيتي
سي احمد : لا ولكن خاصني نعتارف ليك بواحد الحاجة.. جا الوقت المناسب. قبل كان تايسحابلي راني بصحتي وعمرني غانمرض وغانحافظ على عاد السر للابد ولكن دابا قررت انني نفشي بيه لشي واحد كنتيق فيه ونتا هو هاد الشخص
ياسين دار شاف فالسكريتير لي مافهم والو حيتاش تايهضرو بالدارجة .. : خرج نتا
السكريتير خرج
ودار ياسين عند سي احمد....
نرجعو عند سارة
كان الظلام والشتا يط من السكا .. الشتاء لي كتكون فاسيا بوحدهااا مكتحبسش ومجهدة بزاااااف *بحال الشتا دالهنود* خططات هي وكييم شغايديرو لبسو اللباس الخاص بالنينجاا وهزو السلاح ديالهم لي هو السيف تخباو فوق واحد الشجرة ومستعديين
سارة ففترة وجيزة قدراات تعلم بزااف دالحوايج وكييم فنفس الفترة الوجيزة قدر يطييح فسارة ويبغيها وناوي غي يسالي من انتقامو للقتلة لي قتلوليه عائلتو وخرجوليه على حياتو غايتقدم ليهاا..
كان الظلام حالك ولكن سارة و كيم ديحا حافضين البلاصة
كيما اقتارحات سارة عليه من قبل غايجيبو العدو تال بين يديهم غايجيبوه لبلاصتهم و يقضيو عليه تماك فكرو وخططو مزياان وماشي غا بالصدفة اختارو هاد الوقت بالضبط
كانو مجموعة من الرجال من العصابة نازلين من جبل فوجي سان ولكن اضطرو يبدلو الطريق لي موالفين يدوزو منو للمدينة بسباب الشتا والغيس وقررو يدوزو من طريق اخر ولكن ماكانوش عارفين بلي غاديين فطريقهم للهلاك...
كيم بهمس: كون غا خليتيني انا نجي بوحدي
سارة بالانجليزية : شوت كيغادير تغلب الشخص لي دربك هادي اولا تانيا سكت ماتدويش غايسمعونا ونتفرشو القدرات ديال داك الشخص كيما وصفتيلي فشكل يعني غايكون قوي خاصنا نتعاونو عليه شووف.....
قاطعها كيم وحط صبعو على فمها .. حز صبعو وحطو فوق فمو زعما شووت
بقاو تايسمعوو خطواات تايقربوو من خلال الخطوات قدرو يعرفو شحال من واحد جاي
فاش قربو ليهم قطعو النفس ديالهم حيتاش لابقاو كايتنفسو غايسمعوهم .. القدرات داليابانيين وخاصة المحاربين منهم فشكل خاصة السمعية تايعتامدو بزاف على السمع ...
اين فوا وصلوو للبلاصة المعلوومة قطعاات سارة واحد الحبل بالسيف وتجمهو كاملين فواحد الشبكة الا المدرب ديال كيم وجوج اخرين لي عندهم ردود فعل قوية قدرو ينقزو قبل ماتجمع الشبكة ولاخرين بقاو معلقين
نقزات سارة هي وكيم من اللور غفلو دوك الزج قتلةهم بالسيف
دار المدرب لعندهم مع الظلام مابانوليهش ونيت كانو مقنعين بقناع النينجا..
دارت عند المدرب وخنزرات فيه هاد المرة دوات بالدارجة: يا بيا يا بيك الشارف لي حطك
تأهب المدرب وشد السيف زير علييه بيديه مزيااان
سارة تاهي نفس الشئ بقات حاضة معااه وحاضة عينيه وتحركاتو فنفس الوقت
كانت خايفة حيتاش عرفاتو قوي بزااف وذكي وتايعرف يتعامل مع السيف وهي عاد جديدة ومتدربة حدييثة ولكن ماتثجرش تستسلم وتتراجع هادي هي سارة واخا فقداات ذاكرتها مافقداتش شجاعتهاا معاها ببعاات ريقهااا و ف
واحد اللحظة نقز عليها المدرب وهو هاز سيفووو فالسما.......
سي احمد: هادشي لي غانقوليك نبغييه يبقى بيناتنا ... خاصك تواعدني ماتمشيش تفرش هاد السر لي عشت حياتي كاملة محافظ عليه
سي احمد : قبل سنوااات كان باك الله يرحموو خدام فالصحافة.. وكان صديق مقرب للعميد يونس داك السيد لي تابعك وتايقلب علييك .. كانو اصدقاء بزااف من الجامعة من بعد كل واحد تبع تخصص ديالو ولكن بقاو صحاب... واحد النهار كان الاب ديالك فواحد المهمة كان تابع واحد السياسي بطوموبيلتو حيتاش كان شاك فييه تاجر اسلحة وتايهرب المخدرات ...
بقى تابعو تال الميناء وتخبع خداليه بزااف دالصور متلبس وهز يصوني على صاحبو يونس لي كان ديك الساعة ضابط فالشرطة وعميل فالمخابرات..
ولكن حصل .. كان حصلو واحد من الرجال ديال دوك السياسيين شافو من بعيييد وعيط على الرجال يتبعوه
قدر الاب ديالك يهرب منهم ولكن من تمااك وهما تابعينو وتايهددوه بيك وبماماك يلا نشر شي حاجة..
فالتالي الجأ لصاحبو يونس وعاودليه كولشي ووراه الصور وطلب منو المساعدة ... خدا منو يونس الصور وغبرهم.. صدق يونس خائن و متواطئ مع داك السياسي خدى الصور كاملين من باك وخانو..
تعاونو بيناتهم وسببو للاب ديالك بانو يتطرد كن خدمتو وعمرووه ديوون ومن فوق هادشي لفقو ليه جريمة قتل كان بريء منها
كان باك هارب من الشرطة وبغى يحميكم نتا و الام ديالك صونا عليا ورغبني باش نجي نديكم ونتكلف بيكم وديك الساعة يسلم راسو للشرطة .. وفاش كان جاي يطلاقا بياا وجايبكم معاه فسيارتو وصل خبر للشرطة فين كاين وتبعو داك العميد مع البوليس... بالخوف والخلعة الاب ديالك دار حادثة لي مات فيها فالبلاصة و الام ديالك بقات فغيبوبة لمدة عام ومن بعد ماتت ونتا سلكتي منها....
(تغرغرو عينين احمد بالدموع ونزلات دمعة سخونة على خدو) افاش جيت عندك كنت كتسولني على باباك ومامام فين مشاو وكنت كنتحرق من الداخل .. فالجنازة جا داك الحقير دالعميد بوجه. احمر تايمثل الدور دالبريء لي فقد اعز صديق عندو وبقى تايبكي ولكن ماتيقتووش كلفت شي ناس يتحراو وقالولي انه كان متواطئ مع داك السياسي وهو السبب حلفت حتى ننتقم منو
ياسين عينييه ولاو حومر بالاعصااااب وعرقو ولاو بارزيين فجبهتو خوضر قربو يطرطقووو هضر وهو كايرجف ومعصب كان مزير على سنانو : كمل نتاقمتي منو ولالا؟؟؟
واحد اللحظة نقز عليها المدرب وهو هاز سيفووو فالسما دغيا حسات بيه طاكات سيفو بسيفها نقدها رد الفعل السرييع دياالها
بداو تايتقاتلو بزوج سارة اي دقة كطاكيها بيسفها وتاخدم ترجليها باش ضربو بنص طيحو والو خطير تاخوي ليها وسرييع بزااف .. ولكن حتى سارة سريعة واحد اللحضة غفلها وهو يجرحليها رجلها بالسيف ودفعاتو ورجعات اللور تاخد انفاسها ... بقى تايشوف فيها وتايضحك
هضر باليابانية: ههههه اول مرة ليا نضارب مع امراة والصدمة انهل قدرات تستحملني وتقاتل معايا كتر من 10 تواني راك مدربة مزيان وعندك ردود فعل سرييعة شكون دربك ااا ضروري غايكون اقوى منك وصراحة شحال هاجي تانقلب على شي خصم قوي نتقاتل معاه تايموت واحد فينا ههههههههههههه بغيت نموت على يد شي واحد قوي ولا نقتلو خخخخخخ
سارة ضراتها رجلها قلباتها لقاتها جرحة ماغارقاش بزاف وتقدر تستحمل الالم ديالها وعاودات ناضت على رجليها وموركة على رجل وحدة.. شافت فيه تايضحك وسنانو الكوحل عيفهاا .. مافهمات والو بطبيعة الحال من داكشي لي قال.. شدات سيفها مزيان ووجهاتو جيهتو
كيم من قبيلة تايغووت والو شوية سكت ويدا كايحاول يجبد واحد الموس من صباطو يقطع بيه الشبكة لي تجمعات علييه...
هاد المرة سارة لي هجمات على المدرب ومعولة انها تسالي معااه
بدااو تاني القتاال شي ربع ساعة وهما تايضاربو واحد اللحضة قطع كيم الشبكة وجا طايح فالارض .. المدرب تشتت ليه الانتباه وغفلاتو سارة جرحاتو فجنبوو هادشي وقع فجزء من الثانية بالطبع
ناض كيم جاهل مشى هز سيفو ورجع تايجري يهجم على المدرب لي كان معصب وبضربة وحدة خشاليه السيف فكرشو وجبدوو طاح كيم للارض وهو نادم علاش جاب سارة معاه
سااارة تصدماات و جهلاات مابقات كتشووف قدامها والوو هزات سيفها للسما وهجمات على المدرب لي تاهو كان معصب بقاو تايضاربو تاني ولكن هاد المرة سارة بقات غي كضرب وتزكل بقوة ماتعصبات والمدرب تايطاكي فواحد اللحضة جرحها فصدرها ودفها برجليه جات طايحة فالارض..
حيدات سارة القناااع دالنينجا لي كانت دايرة وحطات يدها على صدرها ...
كان كايقرب ليها المدرب خطوة بخطوة ومع كل خطوة قلبها كايزييد يضرب بالجهد..
عند ياسين لي معصب والعافية شاعلة فيه
ياسين : دابا دوي وقولي شنوو درتي تانتاقمتي ليه
احمد:، قتلت ليه عائلتو كاملة وخطفت ليه ولادوو و زدت سيفطليه واحد الشاذ غتاصبوو. خليتو عايش باش يتحرق
احمد: ياسر كانت عندو خمس سنين فاش جبتو سيفطتو لواحد الخيرية تماك فالمغرب تاكبر تكلفت بقرايتو وبكولشي فاش كبر انا جبتو لعندي ودخلتو للمدرسة ديال الشرطة ومع المعارف لي عندي قدرت ندخلو للمخابرات المغربية وفنفس القسم ديال بااه وزرعتو تماك كمخبر و جاسوس.. وبالنسبة لبنتو مرتي كانت حاملة ببنت من بعد معاناة طويلة حملات بيها فعمر كبير كان عندها 45 سنة ولكن طاحتليها نهار كانت كتولد وماتت البنت ودخلات هي فغيبوبة من بعد شهر جبت ليها اشراق على اساس بنتها باش ماتبقاش تصدعني بالسبيطارت والدوايات
ياسين بالصدمة بدى كايضحك باستهزاء : دابا بغيتي تقولي بلي اشراق ماشي بنتك وانما بنت العميد لي قتلي با وياسر خوها هههههه هادشي كايضحك ههههههههه
احمد: انا هارفك تصدمتي.. دابا المشكل الحقيقي هو..
احمد: المشكل الحقيقي هو اشراق من بين كاع الرجال بغات ياسر
انا كنت كنشوفهم مرة مرة كايتلاقاو ياسر كان منخلها ولكن هي تابهاك قلت ماعليهش نخليهك فراحتهم حيتاشتايبقاو فالتالي خوت يلا كان ليها صديق ماشي مشكل ولكن اعتارفات ليا بلي كتبغيه .. كتبغي خوها ؟؟؟ داكشي لاش صونيتليك نتا خاصك تفرقهم والطريقة الوحيدة باش تقدر تفرقهم هي نزوجك بيها..
ياسين ماكفاوهش هاد الصدمات كامليين زادليه حتى هادي: كيييفااااش واش منيتك اشراق بحال اختي الصغييرة من ديما معتبرها هاكل ومن ديما كنت كنعاملها بحال ختي
احمد بدا كايكح وهو شاد فصدرو شوية بدات واحد الالة كتغوت عشرة دالتواني دخل الطبيب وممرضة تابعاه
شوية احمد بداا جسدوو كايترعد بالجهد بحالا ضربوو الضوو عينييه خرجو من بلاصتهم
الممرضة شداتو من يدييه وزيرات عليهم والطبيب دارليه واحد اللعيبة ففمو بين سنانو حيتاش مزير على سنانو خاف يهرسهم ... ضربليه ابرة عاد بدا كايتكالما بالشوية بالشوية
ياسين غي كايشوف مازال مااستوعبش هادشي
الطبيب: عافاك المريض خاصو يرتاح ممكن تخرج
ياسين ماتسوقش ليه كان كايشوف فنقطة وحدة ووجهو مافيه تاشي تعبيير كااان بااارد...
احمد لي جاتو نوبة عصبية من بعج الابرة بدا كايحس بسنانو ضارينو ويدووو حتى هما بكترة مازير عليهم انطق بصووت خافت وكايترعد: ب.....لااتي.... تايجا.. وبني بع...دا... يا...سين..... قو
قاطعو ياسين ببرود: ماشي دابا تاتقد تهضر ونكملو
خرج ياسين وسد عليه الباب خرج لبرا وماتوسوقش للشخص لي كان واقف حدا الباب وسمع كولشي بالحرف
كمال مصدوم من الهضرة لي سمع : العميييد مايمكنش ههادشي لي سمعت؟؟
المدرب باليابانية: ضاربت مع اقوى المحاربين فكوريا والصين وحتى اليابان عمر شي واحد خلى فيا ولو جرحة بسييطة
سارة مافاهمة والو كعادتها ولكن طاحت عليها فكرة زوينة
بدات كتزحف للور بيدها وشادة السيف بيد اخر ولبستها عمرات دمايات
المدرب : هاهاهاهاهاهاههههههههههههههههه تايعجبني الحال فاش الواحد تايكون مقسح راسو ومنين كايعرف الهلاك ديالو قرب تايهبر على الخوف ديالو هههههههه فين شوفات التحدي ديال قبيلة ااا
سارة بقات كتزحف وهو تابعها بخطوات بطيئة باغي يخوفها اكتر ولكن هي مخططة لهادشي وكتمتل دور الخوافة تاوصل للنقطة فين بغاتو يوقف وهي تردع شوفة دالتحدي ومع ابتسامة استهزاء خفيفة
جاوباتو بالدارجة لي عارفاه ماكايفهماش : ديما كاينة خطة ب
نقزات قطعاات اخر حبل بقى وطارت اخر شبكة جمعاتو كلو وتعلقات فغصن دشجرة بالصدمة طيح السيف فالارض .. هاد الشبكة كانت صغييرة جمعااتو كلو ماقادرش يتحرك
سارة زحفات هزات سيفو بقات كتشوف فيه وكنامل دمها ودم كيم لي لاصق فيه وهضرات بالدارجة: ماعرفتش شحال من واحد قتلتي هاد السيف .. بزااف دالناس غالباا ولكن غادي تكون نتا اخير واحد غايقتلوو هاد السيف
شيرات عليه بسيفو وماقدرش يتحرك دخليه نيشان فجيهة صدرو
بقى كايضحك بالفقصة ومبين دوك السنان المقززين ديالوو حتى فقد الوعي او مات الله اعلم
سارة بقات كتزحف تاوصلات حدا كيم لي فقد الوعي ديالو وكلو عامر دمايات خاصة الجنب لي دخل ليه السيف فيه جيهة الكلوة ديالو
قاستو سارة فوجهو كان كتلة لحم باااااردة فمو زراااق بكترة مابرد.. خسر بزاف ديال الدم بداااو دموعها تايسيلو بلا ماتحس هو الشخص الوحيد لي تاترتاح معاه وتاتحس بيه قريب ليها بزااف.. بقات كتعيط ليه بصوت خفييف محال واش تاهي تكون كتسمعو
بغات تنوض تحركو تزعزعو ضربو تغوت مهم دير اي حاجة ولكن ماقاداش
رجلها لي تجرحات بدات كتعطيها الصدااع و صدرها عامر بالدمايات لي نازلين مع كرشها .. وهادشي غامجروحة من الفوق... بقات كتفكر ماعرفات مادير يلا ناضت تجري تال المعبد بالاصابة لي فرجلها ماغاتوصل تايموت كيم وتموت تاهي وتا الجهد لي يخليها تنووض والوو... خاص شي واحد يجي ينقدهم ....
قلبات جيبها وخدمات تيليفونها لقات ماعندها تاشي نمرة من غير ديال ياسين
دورات ليه على الاقل تعلمو هو ممكن يصوني على الكاهن يجي ينقدهم
ندمات علاش خلاو هاد العملية سر وماعلماتش الكاهن على الاقل ولكن عرفاتو غايقولها لياسين لي غايمنعها وهي كانت باغة تعاون كيم..
صوناتليه واخا عارفاه غايتعصب حيتاش ماعلماتوش
نرجعو عند نهاد لي دوزات العملية بيخير زعلى خير كانت كتحل عينيها الناعسين بالشوية بالزز باش قداش تحلهم البنج باقي داير خدمتو فيها
مع فتحات عينيها دماغها ضربات فالاشعة دالشمس مجهدة حجبات عليها الرؤية
نهاد حساات بالبكيية ونزلاات دمعة خائنة من جنب عينيها وجات فوق الوسادة.. لاول مرة فهاد البلاد كتحس بلي فعلا شي واحد كاين جنبها وغادي يحميها .. لاول مرة كتحس براسها مرتاحة وكاين علامن تعول ماتحتاجش تفكر ولا تخدم كاين علامن توقف كاين لي يفكر بلاصتها كاين لي يعتني بيها وكاين لي يحميها. ماشي ديما الرجل هو لي كايلعب هاد الدور.. صديقة وفيية واخت لي تحسي بيها بجنبك واقفة وغاتحمييك شي مرات كتكون احسن ليك من الف رجل ...
تناسات البيبي لي فكرشها او بالاحرى لي باقة تايسحابلها راه عايش فالرحم ديالها وغمضات عينيها وهي كتخايل راسها راخية صحتها وفشي وااد هازها الما ودايهااا معااه فطريقوو
خولة تنهداات براحة قبات ليها فيدها وباستها وبقات جالسة كتامل فوجهها الطفولي البريء فعلا الصدااقة شي حاجة لي مكتعوضش لا بالحب لا المال لا بتاشي حاجة
كان ياسين سايگ طوموبيلتو معصب تايفكر فهاد الاسرار لي نزلو عليه كي الصاعقة وماحاسش بالتيلي لي تايصونيي ولا بغى يطرطق بلي زابييل حداااه
واحد اللقطة حس بييه عصبووو هزوو طفااه بلا مايشوف شكون تايصوني ولاحو اللور
سارة عيات ماتصوني واللووو ماكايجاوبش شوية مابقاش تايصوني اصلا فقداات الامل فييييه بقات كتحاول تتفكر شي نمرة شي حاجة ولكن ذاكرتها لي تفقدات مامساعداهاش
شوية تفكرات كيم يقدر يكون عندو تيلي ناضت بالزز كتكاافح بدات كتقلب جيابو حتى لقاتو كان باليابانية ولكن سيسايم اندرويد باين فخدمتو
لقاتو داير كود مشات للجهة ديال اتصال المستعجل تايكون فالجنب ولكن مالقات تاشي نمرة وهي خاص تحل الكود .. جربلت جميييع المعلوميلت السمية العمر نهار تزاد البلاصة فين تزاد اليابان الرئيس داليابان من الكاهن والسمية دمرات الكاهن حتى من السمية دالعصابة والمافيا جرباتهم والووو حتى بلوكاتو ...
طاحت باغة تغوت وماقاداش بقات كتهضر وبالزز باش كطلع النفس صدرها تايحرقهاااا بلاا قياااس بكترة الالم وصحتها كاملة لي مهدودة مابقاتش كتحس بالالم ...: كيم ؟ كييييم قولي.....شن..و داي...ر فالك...ود؟؟؟
تفكرات سمية ياسين وسميتها ماجرباتهمش واخا لا علاقة قالت ماتبقاش غي متكية مكدير والو تسنات تاسالاو دوك التةاني لي تايتحسبو وجربات سميتها هي اللولة والصدمة انو تحل فالبلاصة
ماعندهاش الوقت فين تفكر علاش داير سميتها فالكود ولا حتى الصورة جيالها فالفونديكخون لي مارجاتش ليها البال او ماتسةقاتش ليها المهم عندها ينقدها شي واحد
رجع عند الطبيبة باش تجمع ليه الجرح لي بحالا بغى يتفتح ليه تاني
هي كتهضر معاه ولكن عقلووو طاير وتاخمم فحوليج اخرى
كمال تايفكر فنفسو فجوج دالافكار لي مابغاوش يخرجوليه من بالو : دابا العميد خائن خان صديقو المفضل على قبل الفلووس ؟؟ لا مايمكنش يديرهاّ. و و و ياسر .... ياااسر .. ياسر ولدووو لا مستحييل شهادشي سمعت مابقيت فااهم والووو
يااسر ولد العميد و العمييد خان صاحبو على قبل الفلوس وصاحبو هو الاب درئيس المافيا ياسين .. لااا مايمكنش هادشي.. خاصني نمشي عند العميد يشرحلي شنو كاييين
ناض كمال وحبساتو الطبيبة: عافاك دقيقة غي دقيقة قربت نسالي عاافاك
كمال جلس بنفاذ صبر: سربي الليخلييك مامساليش عندي شي خدمة
هز كمال تيليفونو وتايفكر واش يقول هادشي للعميد ولا لا؟ ولكن يلا غلباتو العاطفة وسمح لياسر لي اصلا صدق خائن تاهو بحال بااه وصدق من العصابة؟ لا لا مانقولهاليهش؟ ولكن نتا بهاد التصرف غادي تحرم اب من ولاادو .. لي عاش سنين بلا بيهم؟؟
الكاهن مافهم والو: مهم را باقي فاقد الوعي ديالو تضررات الكلوة ديالو اضطريت نحيدها ليه ولكن راه مزيان دابا مستقرة الحالة ديالو
سارة تصدمات : هاد الخراا طبيب ومافراسيش ولا كيفاش ااه نسيت هو لي داواني فاش طحت على راسي
سارة بالانجليزيةّ واخا ممكن تحيدلي هاد الابر نوض
الكاهن : لا خاصك ترتاحي الجرح لي فرجلك غارق شوية مايمكنش تنوضي
سارة رجعات تكات وهي معصبة بغاات تمشي تشووفوو كيولاا واكلينها رجليها بغات تنووض تشووف وجهوو البارح كانت مخلوعة عليه بزاااف حسات براسها اول مرة تجرب هاد الاحساس دالخوف على شي واحد من مور مافقدات داكرتها لي ماعرفاتش ايمتى غاترجع ليها...
عند ياسين النهار كامل دوزو غا فبيتو طلب من الخدامات مايدخلوش عندو ولو يجيبوليه الماكلة مايدخلوش.. دخل عندو غا السكريتير ديالو مرة وحدة حطليه الشرااب فبلاصتوو وباكية دكارو ومشى خلااه من تماك وهو ساد عليه مظلم وغي تايفكر فعائلتوو الام ديالو وباه وفحيااتو كيكانت غاتكون لوكان بقاو عايشين ماكرهش كون غا عقل على شي ذكرى بسيطة ولكن والو كانت وقعاتليه حادثة سير وفقد الذاكرة فعمر 8 سنوات ... عاش بلا ام وبلا اب بدون اخوة.. بنت وحدة لي كايعتبرها ختو دابا بغى عمو يزوجهاليك
تفكر هاد الموضووع هز الكاس تالسماا وزدحوو مع الارض...
نمشيو عند نهاد
خولة بقات جالسة حداها كتشوف فيها وكتاسف على حالتهااا كتسناها تفيق وكتفكر كيفاش تقولها الخبر
قبيلة زاخل فاقت كانت مدروكية بحالا ماغاتعقل على والو
شوية بداات كتحل نهاد عينيهااا...
خولة : شدات ليها فيديهاا... حمد لله على سلامتك احبيبة
شدوهاا من يديهااا او واحدة دكاات ليها برة باش تهدن وهيااا ترخااا....
عند ياسر لي ضعااف ولاا حالتوو لحيتوو ولات طول من شعرو وجهو كحال وذباال و صحتو تساسست بمرة كان فسجن انفرادي مظلم قل فين تايطل عليه شي واحد الماكلة وماتايدخلوهاليهش الاا مرة مرة
ديما كان تايفكر فشنو داااار وشنو المصيير ديالو
كان علرف بلي ياسين غايكون تايقلب عليه وغايخرجو غايخرجو واخا يكون تحت الارض... هادشي لي مخلييه مرتاح شوية وعندو امل الداخل ديالو
فهاد اللحضة بالذات طاحتليه نهاد فبالو
تفركرها وقال فنفسو: اتلقاها كتقول فبالها بلي هو ماشي رجل مشى وتخلى عليها... هرب وخلاها واحلة بوحدها
سارة بدى قلبها كايضرب وتزنگات خاصة فاش تفكرات سميتها لي مودباس فتيليفونو وتصويرتها ففونديكخون ..بلعات ريقها وقلباتها ضحك وهو تايشوف فيها .. فاش شافها غيياجات بهاكاك هز يدو شدليها يدهاا وابتسم ليها .. سارة تصدمات وتخلطو عليها المشاعر تفكرات بلي هي مزوجة ولكن مكتبغييهش واصلا صوناتليه وهي فحالة خطر وماتسوقش ليها هزات راسها فكيم وابادلاتو الابتسامة تاهي اشارة على تقبلها لييه...
عند ياسين لي باقي ساد عليه فبيتو يوماين ماهرج منها عاطيها غا للشراب والكارو تايحاول يتقبل هادشي دديد عليه
تفكر غا الوقيتة فاش كبر شوية و حط عليه عمو التقل دخدمة صعيبة عليه
كان يالاه تخرج وماكشاش لاحتفال التخرج كان اي طالب عادي عندو طموحات واهداف نبيلة غا هو مرفح بلا قياس عيطليه عمو داك النهار بالليل وتماك عرفو على العصابة ودخلو لعالم المافيا كان صعييب علييه يولف هاد العالم وينسجم ولكن بما انه البوص الجديد ديال العائلة الثلاثية كان عليه يتحمل المسؤولية وتمكن من انو يفرقهم بصعوبة ولكن على الاقل تحرر «المافيا دالعائلة الثلاثية بدات فاش تلاثة دالصحاب تجمعو وحمعو عصاباتهم وكونو مافيا كل مرة تايحكمهم حفيد جديد لي كايكةن كابابل وقاسح.. تختار ياسين لان الافراد الاهرين ماكنش عندهم لا ولد لا حفيد .. وحيتاش عمو لي كان حاكم قبل منو.. ولكن ياسين بغى يفرقهم حيتاش شافووه صغير وبغاو يتحكمو فيه وفالنهاية دابز العائلات مع بعضياتهم وفككهم وفك البشرية منهم ومن خططهم البشعة الاغلبية دافراد العصابة بقاو معاه بحكم هو الرئيس وتخلاو على العائلات لاخرين لي ولاو ضعاف....قدر يدير شركاات فاللول بفلوس المافيا ولكن من بعد ماولى تايربح من الشركات ...قلييل فين تايعطي وقتو لداكشي وولا تايفكر يرد القوة لي عندو لصالح الخير خاصة فاش ولا عمو ضعيف وتخلص من صحابو لي يوقفو معاه ضدو.. جردو من كاع القوى لي عندو وكلفو بشركة من شركاتو
داكشي علاش باغي يحصل على هاد الصارووخ باش يحطو فبلاصة امنة بين ايدي امينين لي ماغايستاغلووش ضد البشرية ولا للتهديد...
نرجعو ليه وهو باقي تايفكر تحل الباب بالجهد ودخل عليه شي حد.. مع البيت مظلمة دخلات اشعة الشمس قويية دفعاتو يغمض عينيه.. هز راسو لقاه السكريتير
ياسين تعصصب وناض شدو من الكول ومع كان سكران بزااف كان كيتمايل : شجااابك لهناا ياك قلتلييك مايدخل عليااا حددد
السكريتير: سيدي كون ماكانش ايغجون ماندخل.. اتصل بيا الكاهن قالي بلي مادموزيل سارة تعرضات للضرب المبرح
ياسين طلقو: كيييفاش؟؟
كان دايخ تمايل وجا طايح على الفوتوي شد راسو لي ضرو بزاف بيديه
ياسين عينيه كانو معسليين وفيه دوخة خفيفة :تقول ماكفاونيش المشاكل لي عندي زادتلياا هي.. مايصلاحلييش نمشي لتماك خاصني نبقى هنا نقلب هلى ياسر نشوف شندير مع هاد الز*مل د عمي وبنتو..... كيفاش تاتضربات تاني؟
السكريتير: كانت مع واحد السيد سميتو كيم..
ياسين غي سمع كيم زاد تعصصب: وجد طيارة دابا خاص نمشي عندهم
السكريتير: وجدتها اسيدي
ناض ياسين يدوش ويوجد راسو شوية تفكر شي حاجة تم راجع: ياسر مالقيتو عليه والو؟؟
ياسين: انا متاكد بلي العميد عندو يد فهادشي.. شاف فالسكريتير : قلب حتى فالحباسات وخاصاات المرتبطيين بالمركز ديال المخابرات المغربي_كندي بغييتك تلقاه ليااا فين كاين ؟ سول كاع الناس ديالنا حتى المحؤميين القدام لي دازوالحبس سولهم ضروري غايكون عندهم شي سجن خفي بغييتك تلقاااه
السكريتير: واخا سيدي
كانت واحد البنت راكبة فسكوتر قدام القصر دياسين تاصونالها التيلي: وي شاف
العميد حسن: بنتي را ماكايجاوبش
ريحانة: يقدر يكون فشي بلاصة مافيهاش الريزو
ع حسنّ مايمكنش را اليابان هاديك ماشي المغرب
ريحانة : ماتخافش انا قدام القصر ديال داك المجرم و معايا الكرزب ديالي فسيارة قريبة شوية يلا بانتلي غانصونيلهم نشدةها قبل مادخل للقصر
ع حسن: ّ ردي بالك مزيااان انا نعاود نشوف يونس
نرجعو عند سارة كانت خارجة هي وكيم مشادين اليدين وماتيهضروش كانو خارج المعبد ..... بغى كيم يقوليها بلي هي ماشي مرات ياسين ولكن ماقدرش هاداك تايبقى ياسين يلا عرف بالامر يقتلوو فالبلاصة .. بقى تايفكر واش يقولهالها ولا لا..
وسارة غادة معاه وهي مافاهماش احاسيسها قلبها تايضرب بالجهد خاصة فاش كتحس بيديه الكبيرة شادالها فيدها الصغييرة .. ماقدراتش تشوفليه فوجهو مامولفاش هادشي معاه .. بقاو تايتمشاو والصمت هو سيد الموقف حتى وصلو لواحد الواد نازل مع الجبل....جلسو تماك يرتاحو و يشوفو المنظر زيستمتعو بيه.. كان واحد الشخص تابعهم من المعبد حتال الواد وهو مراقب سارة وكايتسنى غا الفرصة فين يطير علييها
وواحد الشخص كان دايز من تماك وطالع لفوق الجبل شاف الفورق لقى القمة باقة بعييدة سااط وجلس بلاصتو عيى بزااااف ليلة وهو طاالع ... بانليه واحد الواد تماااك شافو فرح مشى باش يشرب منووو .. كان من الجهة الأخرى للواد وسارة وكيم من الجهة المعاكسة
عمر القرعة ديالو بالما وجلس تما تايشرب شويية دور وجهو وهو يتخنق ورد داك الما مولو من فموو.. بقى تايحل عينيه ويسدهم بالصدمة.: سارة؟؟؟؟؟؟
هز تيليفونو لي قرب يموتليه الشارج طفاه غي باش يحافضليه على شوية الطاقة.. شعلة باش يصوني يعلمهم بلي لقاها مع تشعل جاه ابيل قلب لقى كتر من 50 ابيل شي وحدين من كمال وشي وحدين من العميج حسن صاحبو .. دابا تايصونيليه العميد حسن جاوبو
ع حسن: الو يونس اخبار طارئة علاش ماكنتيش كتجاوب
ع يونس: شواقع دغيا غايطفى التيلي
ع حسن: ديك المجرمة دالوولف هربات..قلبنا لقيناها قدرات تركب فشي باطو من الباطويات انا متاكد غاتمشي لكندا تلاقا بالمافيا ... را سيفطليها ريحانة تقلب عليها تماك فين سارة خاصها ترجع...
بقى كايجري تاضرب فواحد الحجر مقاد تماك بدا كاينقز من وحدة لوحدة حتى قطع..
مشى كايجري للبلاصة فين كانو تصدم فاش مالقاهمش بقى كايدور تماك كيشي حمق من بلاصة لبلاصة وكايشوف فكاع الجهات ماعرف اينا جهة قصدوو غبر ليهم الاتر تفقص وبقى كايضرب برجلو للارض ولكن المهم تاكد بلي سارة ماكايناش مع العصابة
العميد فنفسو: مايمكنش تكون مع العصابة وتجي تجلس فالواد ولا دير شي علاقة .. ولكن شكون هاداك لي كان معاهاا وشنو كدير معااه علاش كانت جالسة معااه ومشادين اليدين ياكما ولات معاهم لا مايمكنش ديرها ساارة
تفقص وبداا كايغووت بالفقصة .. مشى رحع لبلاصتو الللو ةهز صاكو وتيليفونو لي طافي .. حتى باش يطلب الدعم واالو .. تحنسر بما تحمله الكلمة من معنى
العميد: نمشي نقلب على شي بلاصة فين نرتاح
هنا تايكونو المعابد بزااف نمشي نشوف شي واحد
رجع قطع تاني للحهة لاخرة وبقى غا كايتمشى وهو كايتمنى فاعماق نفسو يلقى سارة ويعرفها لاش كتخطط
ريحانة صونات على باها
ريحانة: شاف البوص خرج من القصر ديالو ولكن الهدف مابانش هنا
ياسين: وهو مخنزر: شرحيليي شكنتي كديري مع كيم؟ ياك قلتليك ماعمري نشوفك معاه
سارة: ماشي شغلك فاش كنت كنصونيليك نطلب مساعدتك فين كنتي ااا عييت مانصونيلك تنقدني داك الساعة ماكنتيش مسالي ليااا تال دابا عاد جاي تحاسبني انا هنا بسبابك وفقدت داكرتي بسبابك (ابتسامة سخرية) قالك مراتي هه داكشي لاش مشيتي لكندا وخليتيني هنا انا متاكدة غي كادب عليا فشي حاجة كون كنا بالصح مزوجيين وكتبغيني كيما قلتيلي فدابا كنطلب الطلاق منك مايمكنش نبقى مع واحد ماكنهموش ومامسوقش لياا
ياسين شدها من دراعها وجرها ليه بالجهد تاضربات فصدرو هزات راسها خنزرات فيه وجات عينيها فعينو
بقى كايقرب ليهاا بالشوية وانفاسهم تاتخالطو كتشوف فعينيه لي وتروها ولكن ماقاداش تنزل عينيها منهم فنفس الوقت كانو كايغلييو حسات بيهم بغاو الدموع يطيرو منهم بقات ساهية فيهم وفلونهم الاسود لي كايزيدهم غا غمووض كتر وكتر بقى ياسين تايقرب ليها وهو حاس براسو مخنووق من الداخل غارق مشاكل وزادتليه بهاد الهضرة ماعرفش علاش ماحملهاش تقةليه ديك الهضرة واخا هو عارف بلي مامزوجينش ولكن ماتقبلش فكرة انها تكرهو واخا فاقدة الذاكرة غمض عينيه وحط شفايفو السخونين على شفايفها وبوحدهم بداو كايتحركوو
سارة داتها كاملة كترجف وياسين حس بيها وزاد عنقها اكتر واحتواها ضمها ليه بقوة وغرقوو فالقبلة ديالهم...
كيم سد على الوولف فواحد البيت بعدما ربطها وخرج تايجري تايقلب على سارة
بقى كايدور تاضرب فييهم وتصدم .. شاف كيفاش حتى سارة منسجمة معااه حس بالبكيية اول بنت تعجبو او بالاحرى يبغيها اول بنت كتجييه قويية و دكيية امراة ونص .. بغاها من قلبو وتاهي حسساتو بلي باغاه دابا كايشوفيها مع واحد اخر ماشي اي واحد اكتر شخص تايكرهو ماحملش راسو حس براسو مكلخ وقولبااتوو بنت
قلب الدورة ومشى
خولة شادة نهاد بيد ومعنقاهغ بيد اخرى: دخلي احبيبة مرحبا بيك واخا مرونة را من البارح مادخلتليهاش
ياسين فنفسو : فاتها فكروني فسارة اللولة قبل ماتفقد ذاكرتها...
سارة: طلق مني ولا ماغايعجبك حال
ياسين: فكرتيني فواحد الشحص شحال هادي ماشفتو
سارة توتراات : خليني نمشي داكشي لي عندي قلتولييك بغيت الطلاق بغيت نكمل حياتي مع الشخص لي مناسب ليا لي كايخاف عليا ولي يقدر يضحي براسو على قبلي ماشي واحد كاع مادايها فيا بحاالك
ياسين صافي سخن بالمزياان وجعر عليها: ساااااااا رة بلاماتكمليي على دييلمييي لي فياااا كاافينييي عاااد غانتكاافا مع القصة دالعمييد لي قتل ليااا واليديياااا ولا القصة دبنت عمي لي فارضين علياا نتزوج بيها ولا القصة دصاحبي لي مختفييي من شحاال هادي بلاماتزيدييليي تا نتييي .. اهه كنعترف انا بغييتك صاافيي واخاا كنت عارفك عمييلة من شحااال هادي وجاية باش تنتقمي ليااا و طيحيني فشبااكك بغيتك واخا عاملتك باسوء الطرق وتانتي ماخليتيليااش بغييتك وداابااا ماتجييش وتقوليلياا كيم ولا شي زلال اخر انا عارفك كتبادليني نفس الشعوور وغي كضحكي على الوقت ولا على راسك حاس بيك والدليل انه كون كان داك كيم لي قربليك يبوسك كون دفنتييه نتي عارفة هادشي الوحيد لي خليتيه يقيسك هو انا لا وتجاوبتي معاياا مالفوق ودابا جاية تقوليلي كيم .. انا تانقول غا امتى نسالي من هادشي ونرتااح امتى غانتهناا ونتي عاد مكتزيديلي
سكت وبقى كاينهج ونزلات دمعة سخوونة من عينوو مع خدووو كان على سبة مابغاش يبكي قدام شي واحد اصلا عمرو بكى ولكن هاد المرة تعرمو عليه
سارة تخلطو عليها المشاعر وخاصة فاش اعترف ليها وشافت دمعتو
ياسين:.. اااه غلطت حيتاش ماجاوبتكش ولكن كان عندي العذر دياليي فهمتي
سارة بغات دوي وقاطعها
ياسين: ماتزيدي تاكلمة بركة دويتي تاعييتي دابا نوبتي انا باش نهضر.*مسع دمعتو الخائنة بالخف ورجع التخنزيرة*.. سيري قدام الباب الخارجي دالمعبد انا انشةف هاد السيدة لاش جاية تقتلك ونتبعك
سارة بغات تسمع لاش غايقول مشات لخارج المعبد وهي كتفكر فهادشي لي قالها تخربقات بمعنى الكلمة مابقات فاهمة والو مابقاتش فاهمة شكون المزيان شكون الخايب .. بزاف دالجمل كيتعاودولها فمخها *العميد لي قتل واليديا.. كنت عارفك نتي عميلة سرية.... كنبغييك..*
بقات غادة ساهية يالاه خرجات من الباب ضربات فيه للمرة التانية شحاااال هادي ماشافتو كانت باينة فيه عياان بزااف
عند نهاد لي كانت معلقة وشادة بيديها فالحديدة دالبالكون... مشااات خولة كتجري لعندها وهي كتبكي مداتليها يديها
هزات نهاد اليد لاخرة بالزز ومداتها ليهاا شدااتها خولة من يدهابيديها بزوج وحكماتها مزيااااان
بقات كتجرهااا وهي كتبكيي باقصى طاقتهااا واحا ماواكلين والو بزوجات نهار كامل ولكن القضية قضية حياة او موت.. بقات نهاد كطلع راسها برجليها وكتحاول تعاون خولة تاجرااتها للفوق ...
نهاد فاللقطة قررات فيها تنقز قررات قرار اخر انها تعيش وتتقاتل ولكن كان فات الفوت وتلاحت كان عندها الزهر الغريزة ديال الانسان ضد الموت خدمات فاخر لحضة وشدات فالحديدة
ندمات علاش حاولات تنتحر وفنفس الوقت عطلت لراسها حافز جديد باش انها تكمل وتعييش وتقاااتل على قبلها هي اولااا وقبل اي واحد وعلى قبل عائلتها وصحاباتها فالمركز التاني ...
العميد كان غادي بلامايعرف الوجهة المهم اي معبد يجي باسم الله(خخخخ) كان كايموت بالعطش والعسا ظاهر ليه على وجهو بقى غادي تابانليه واحد المعبد قريب فرح بزااف واحيييرااا..... بالفرحة بقى كايجري واخا مابقا عندو جهد.. قرب للباب وهي تبانليه سارة خارجة شافها بوحدها تصدم سد عينيه وعاود عليهم تاكد بلي هيي فرح ومشى كيجري باتجاهها
سارة اول حاجة دارتها دارت تشوف ياكما تايعها ياسين بقاتو باقي ماجا مشات كتجري
العميد يونس: ساااااارة
سارة جرااتو لمور المعبد: شوووت سكت
تخباو فواحد القنت
العميد: واخيرااا لقييتك كنت كنقول راك متي مال الجهاز دالتتبع مابقاش خدام؟؟ وعلاش ماسولتيش بما انك فالمعبد وماشي مع لعصابة
سارة: شوووت غا بالشوية كنت فاقدة الذاكرة واحد المدة وعاد اليوم استرجعتها فاش لمحتك فالجهة لاخرة دالواد وتفكرت يزاف دالحوايج
العميدّ كيفاش؟؟ فاقدة الذاكرة؟؟
سارة: قصة طويلة مهم را قربنا للهدف ديالنا دابا خاصني نكمل بهاد التمتيلية بلي انا باقة فاقدة الذاكرة باش نوصلو لي بغينا.. نتا غاتمشي تانخرج انا والبوص ورجع طلب المساعدة من الكاهن انحاول نعطلو ما امكن
العميدّ:وديك المجرمة فيناهي
سارة: را محبوسة فواحد البيت مزيان فاش بانت تاهي كان عندها دور باش ترجعلي ذاكرتي.. مهم دابا غانمشي لايجي ياسين بقى هنا تانمشيو ودير داكشي لي قلتليك
رجعات سارة حدا الباب والعميد بقى مخبي مور المعبد
عند ياسين
ياسين: لاش باغة تقتليها جاااااوبييي
الوولف: البوص عي را من المخابرات دخلات للسجن متعمدة باش تكسب تقتي وندخلها معانا فالتالي ضرباتني وحبسوني عندهم هربت ليهم وبغيت ننتقم ليها حيتاش ضحكات عليا داكشي لاش بغيت نقتلها
ياسين نترها: اااه داكشي علاش غايخصك من هنا للقدام تحميها ماشي تحاولي تقتليها تفاااهمنا
الوولف حنات راسها: وي بوص
ياسين: ماغانطلقكش دابا زرباان تانرجع
مشى وخلاها وقلبها مكسووور الوولف لي الشر كون كان بنادم كان غايتشكل فسيفتها قلبها هرسولها ياسين زطم علييه وشتتو كلو...
كلمة وحدة لي كتعاود ليها فراسها هي مراتي ماتقبلاتهاش ... نزلو دموعها على خدها لي شحاال هادي ماداقت طعمهم ولا حسات بسخونيتهم نازلين مع وجهها..
عتد ياسين لقاها واقفة كتسناه قرر ايعاودليها كولشي على حياتو من الف تال ياء خاصو يكسب تقتها قبل ماتسترجع ذاكرتها بقى كايتأملهاا وكايتأمل وقفتها كتباان منتصبة ظهرها مسطح شعرها المبوكلي لي تايطير فالسما مع الريح يدي كتشد بيها لافخونش لي تايدوزها الريح على عينيها وترجها مور ودنها .. كولشي فيها فشكل كولشي فيها تايجدبوو ليها اكتر وكتر.. هو تايقرب وقلبو تايزيد يزدح.. واخيرا قدر يعترف ليها واخا ماكانش معول كان تايقول ايسالي شغالو ويفك مشاكلو عاد يعترفليها ولكن لساانوو مقلبوو ماقدوش يزيدو يصبرو اكتر
ياسين وصل لعندها: يالاه نمشيو لشي بلاصة نهضرو
سارة شافت فيه وهي كتحاول تحكم فملاميحها وشوغاتها باش مايحسش: اوكي يالاه
مشاو لقرب الواد فين مولفة سارة تاتمشي.. الطريق كاملة وهما ساكتين ياسين تايرتب افكارو وسارة ترونو افكارها اكتر شافت البلاصة فين كانت جالسة مع كيم قبيلة ومشادين اليدين لعناات راسها وقالت فنفسها: يخ تفوو من نيتي تانا ماعرت كيفاش تاعجبني داك كيم لا وتشادينا اليدين تف غمضاات عينيها بحالا باغة تنسى وبقات كتلعن فراسها دار وشاف فيها ياسين هز حاجب وقال: ماالك؟ سارة عاد حسات بلي كاين حداها: اا لا والو يالاه نجلسو لهيه سارة فنفسها: غانستغل هاد القضية وندير راسي فاقدة داكرتي ونشوفو واش غايعاودلي الاحداث بصدق ولا غايكدب جلسو تحت ظل واحد الشجرة ياسين تايشوف بعيييد بحالا ساهي شوية بدا تايدوي كان فعمري 8 سنين فاش فقدت واليديا فحادثة سير وتانا فقدت ذاكرتي داك النهار خداني عمي ورباني بحال ولدو... كنت ديما شاك عمي تايدير اعمال غير شرعية وماتاكدت تانهار كبرت وعطاني مهمة اني ناخد بلاصتو.. لا وكتر من هادشي نحكم العائلات الثلات.. ثلاتة دالصحاب كل واحد بعصابتو تجمعو وكونو مافيا كان واحد وريث تايحكمهم كاملين.. داك العام ختاروني انا وفرضو عليا نحكمهم.. ولكن انا كنت كنفكر بعييد كنت باغي نكون راسي بوحدي .. بقيت حتى فرقتهم وخليت اتباعهم يتبعوني .. كونت شركتي بوحدي واملاكي كلهم ديالي بعيدا عن المافيا... بقالي غا واحد الشريك خطير بغيت نطيحو بين يدين البوليس باش نتهنى منو هو جون المكسيكي(عقلتو عليه؟) .. نتي عرفتك عن طريق ياسر شكرك بزااف وقالي ذكية بزاف وقوية..كان هو المدرب ديالك يعني انا ماللول كنت عارفك من البوليس سارة تصدمات ماللول كان عارفها حسات براسها حمارة ومكلخة ياسين: كنت قلبت عليك تاعييت ولكن غبرتي فواحد الوقت من بعد كتشفت بلي كنتي فالسجن السري وكنتي كتقلبي على شي طريقة باش تقربي من المافيا .. ديك الوولف لي شفتي قبيلة كانت اليد اليمين ديالي او بالاحرى ديال البوص دالمافيا .. كان خاصني نتخلص منها وخلصت عليها باش تقبر فداك السجن.. ونتي كنتي كتقربي منها باش دخلك معانا.. سارة: وعلاش كنتي كتقلب عليا ياسين: كيما قالولي نتي ذكية وانا كنت كنقلب على شي وحدة ذكية نكلفها بمهمة اخير مهمة ليا فهاد المجال لي هي سرقة صاروخ الشيطان.. كنت باغي ندخلك للعصابة تولي معاهم وتشوفي شي طريقة تسرقي الرقاقة منهم.. فاللول قلت محال تقدري ديريها ولكن فاش عرفت بلي هربتي من السجن السري لي انا براسي ساعدت فتصميمو و تاكدت بلي ماعندو تامخرج ولكن نتي قدرتي تخرجي منو وترونييه.. تماك عرفت بلي نتي المناسبة.. كنت اختطفتك ولكن حاولتي تهربي مني كان خاصني نهددك باش تقبلي حيتاش وحدة من المخابرات مايمكنش تتشارك مع واحد من المافيا.. ولكن عمري شفت فحياتي شي بنت ذكية شخصيتها قوية بحاالك تماك بديت كنحس بشي حاجة من جيهتك ولكن واخا هاكاك كان خاصني نسيفطك لاخر عملية واخا بالي بقى معاك وبقيت مشوش عليك خفت لاتفشلي فالمهمة ويقتلوك.. تنكرت بصفتي شخص اخر باش نعاونك ونحميك فنفس الوقت
مهم تماك فقدتي الذاكرة وجبتك لهنا وقررت ماغانخليكش تشاركي فالعملية .. كان جاني خبر بلي ياسر المدرب ديالك تختطف.. ياسر لي هو اصلا فرد من افرااد العصابة كان طامع فالاول فبلاصة البوص ولكن من بعد سيفطو عمي للمخابرات يخدم كجاسوس للمافيا ..واخا قريب ليا ولكن ماعارفش بلي كنخطط نحبس المافيا و نشتتها.. يسحابليه باغي نسرق الصاروخ باش نحكم ولكن انا باغي ناخدو لبين ايدي امينة او ندمروو لحد الان مزيان .. فاش مشيت لكندا نقلب عليه مابغيتش نديك معايا خوفا من انو يشوفك العميد لي سنين هادي وهو تابعني وانا ماعارفش علاش وشنو السبب... قلت يمكن حيتاش من المخابرات وعاطيينو هاد الضوسي دالمافيا ولكن لمجة عشرين سنة بزااف زلكن عمري بحثت على الدافع لي خلاه يتبع عمي ويتبعني من موراه هاد المدة كاملة.. مي دابا عرفت الدافع هو تابع عمي لي اختطف ليه ولادو لي هما ياسر واشراق سارة تصدماااات وتزنكااات حاولات ماتبينش ولكن باانت فيها الحمد لله ياسين تايشوف بعييد وباقي ساهي ماشافليهاش فوجهها ياسين: وصدق العميد هو السبب باش مات الاب ديالي كان صاحبو بزااف ولكن خوى بيه وسبب فموتو الشيء لي خلا عمي ينتقم ليه ويقتليه عائلتو ويخطف ليه ولادو... سارة شافت فيه: ونتا فاش كتفكر ياسين: كنفكر نهضر معاه فاص ونتاكد من هضرة عمي ماكنتيقش فييه باينة عنجو شي عداوة قديمة مع هاد العميد وكايعرفو مزيان وباغي يعمرني انا ضدو باش ننتقم منو سارة : علاش قلتي بلي نتا رجلي ياسين شاف فيها وهو هاز حاجب: من هادشي كامل هاد السؤال لي جاك فبالك ؟ سارة: اه بغيت نفهم علاش؟ ياسين: فاللول قلتها غا هاكاك ماعرفتش علاش ولكن من بعج عرفت بلي بهاد الطريقة نقدر نتحكم فيك وعلى الاقل نفرض عليك شي حوايج سارة: صافي غي هادشي ياسين: اه وحيتاش.... كلات نهاد وخولة غداهم وتكاو فوق الناموسية بزوج معانقين طاحو كاو عياو هاد النهار كان مليء ببزاف دالاحداث ليهم.. عند اشراق كانت مع الاب ديالها كتعاونو يلبس باش تخرجو اشراق : بابا متاكد الطبيب لي قاليك تخرج ؟ شفتو بحالا زرب شوية سي احمد: اييه هو لي قالهالي دابا سربي نخرجو خرجو ولقاو تريفور تايساينهم سي احمد بالفرنسية: اووه تريفور سمحلنا بزااف صدعنااك تريفور: لا ماكاين صدااع على سلامتك خرجو وداهم وصلهم للفيلا عاونات اشراق باها تاجلس سي احمد : اشراق بنتي جيبيلي شي كاس دالما اشراق: واخا بابا مشات كتحري للكوزينة سي احمد شاف فتريفور: موسيو تريفور انا لاحظت بلي. تقربتي من بنتي ففترة غيابي تريفور حشم: ويي سي احمدّ :داكشي لاش بغيتك تعاوني فواحد الحاجة تريفور: اما هي ؟ احمد: بغيتك تساعدني نقنعو بنتي اشراق تزوج بولد عمها ياسين تريفور تصدم بحالااا صرفقتييه بقى ساكت ماجاوبوش كانت جاية اشراق هازة البلاكو فيه كيسان وقرعة دالزاج دالما.. فاش سمعات اش قال باها طيحاات كولشي فالارض بالصدمة
ياسين دار شاف فيها بعينيه الكحلين الذابلين تحت ولا عينيه كحل بكترة ماسهر هاد الاواخر...و لحيتو السوداء كبرات وزادتو وسامة اكتر : حيتاش كنعرفك مزيااان وحافظك انا عرفتك استرجعتي الذاكرة من اللحظة لي جيت وشفتي فياا .. عينييك وليت حافظهم وكنقراهم فالسما .. شوفاتك هاد الشوفات لي كديري فيا دابا هما لي خلاوني نطيح فيك ونبغييك اما سارة لي فاقدة ذاكرتها ساهلة كان بامكاني نستغلها بذريعة اني رجلها وندير مابغيت مي لا تسنيتك نتي حيتاش انا بغيتك نتي بشخصيتك هادي وبقوتك .. الرجال اغلبية تايبغيو البنت اللينة لي يركبو عليها و يعفطو عليها .. وتانا هاكاك تاانفكر ولكن نتي بنتي وقلبتيلي الموازيين مابقيتش عارف شباغي وشنو ماباغيش.. انا ماعاودلكش باش تعاونيني وماغانخليكش تمشي للعملية .. انا عاودتلك حيتاش ماعنديش لمن نعاود اول مرة نحس براسي بوحدي اول مرة نحس بلي محتاج شي حضن يحضني اول مرة نحتاج نبكي ومانلقاش شي حد لي يمسحلي دموعي .. اول مرة نحس براسي ضعيييف لهاد الدرجة اول مرة نحس بلي عييت من هاد الثقل لي هاز ونبغي نتفك باغي نهرب لشي بلاصة ونرتاح ولكن خاصني نسالي مهامي بعدا.. مكنطلب منك والو غير تكوني معايا.. انا عارفك من النوع لي ماعمرو كان مع شي حد ومن النوع لي مكيعترفش باحاسيسو بسهولة هه(بابتسامة جانبية مستهزئة) تانا كنت بحاالك واحد النهار دابا لا
سارة غي كتسمع وكتشوف فيه حسات براسها تاثرات بهضرتو هي كانت توقعات قبل بلي غايعيق بيها استرجعات ذاكرتها ولكن ماشي بهاد السرعة يمكن هي ماشي ممثلة بارعة كما كايسحابليها.. او داكشي ماينفعش مع هاد السيد لي يمكن بالصح ولا حافظها مزياان...
ماعرفاتش علاش قنعها واا كيفاش ومافهماش علاش حاسة براسها تيقاتو او باغة تيقو واخاا حاولات ما امكن هضرتو دخل من ودن وتخرج من احرى ولكن بقات كتعاود فالذهن ديالها.. ياسين باقي ماسكتش مازال تايهضر ويعبر ولكن سارة طفلت ودنيها وعقلخا مابغرتش تزيد تسمع كتر بقات غا ساهية كتشوف فيه وطتحازل ماتقتانعش خاص مايقنعهاش .. خاص ديما نسبة الارتياب والشك تبقى واخا تكون قليلة .... خايفة تتبع قلبها وتجيبها فراسها ديما فاش تاتبعز مشاهيرها كتجيبها فراسها .. اصلا هاد الدوامة دخلاتليها حيتاش بقى فيها العميد فاللول ووافقات بسباب مشاعيرها.. استفزها عاطفيا
بصوت سارة الداخليّ سارة ماتسمعيش ليه ماتيقيش سارة ماتصنطيش لهضرتو بما انه عاق بيا هو بلعاني بغى يقنعني بلي كايبغيني باش ندير ليه مابغى بلعاني قالي مايخلينيش نمشي للعملية باش نقوليه لا انمشي بغى يكسبني باش نعاونو .. لاش غايبغي هاد الرقاقة دالصاروخ متلا.. سارة خدمي عقلك... ماتيقييهش....
بقات هاكا فصراع داخلي بين العقل والقلب اوو بالضبط بين العقل العملي والعقل العاطفي اما القلب مسكين ماعن و تاشي علاقة بالمشاعر غا ظالمينو..
اشرااق مصدومة وحابسة البكيية بالزز ولكن دموعها لي على سبة خانوها وبداو تاينزلوو شلال على خدودها المتوردة
جاية عند باها : بابا انا مانقدرش نتزو..
قاطعها سي احمد: سكتيي نتي دسرتك تامابقيتيش كتحتارميني ولا كتحتارمي قراراتي ماعمري قلتلييك لااا تانتي اليوم ماترفضيييش ويلا ماعجبك حال خرجي عليااا مهم داك ياسر عمرك تحلمي تكوني معاه ويلا عاودت شفتك معاه انا مبري منك مانتي بنتي مانا باك....
رجعات سارة وياسين للمعبد مور ماسالاو او سالة ياسين هضرتو اما سارة بقات غاتفكر تاقالتليه يات وبغات ترجع ... قلبات بعينيها ومالقاتش العميد وتنهدات براحة تفكراات القضية ديال ولادو باقيين عايشين وهما ياسر واشراق خاصها تقولهاليه ضروري ولكن ايمتى غايتلاقاو تاني وفين غايكون هو دابا مشات لييتها ولقاتو تماك كايتسناها كان مخنزر ومعصب كايشوف فيها كون كانو نظراتو قرطاس كون قتلووها...
سارة فهمااات مالو جا الوقت باش توضح الامور معاه
عند العميد
من بعد ماشاف ياسين بعد هو وسارة دخل للمعبد وطلب المساعدة من الكاهن لي بصفتو كاهن ماخصةوش يرفض حيتاش المعبد للكل
عطااه كلااا و بدل على راحتو شارجا تيليفونو والطابليط وشارجا حتى الشارجور المتنقل باش يبقى يشارجي بيه مشى تايقلب على البيت ديال سارة بالتخبية بغى يحط فيه جهاز اخر ديال التتبع والاتصال لقى بيتها لي عرفها بحوايجها لي معمرين المكان
حطو فبلاصة مخبية وفنفس الوقت تقدر تلقاه سارة ومشى خرج فطريقو ضرب فكيم جاي شاعل ومعضب دغياا سلت وهو حاني راسوو....
بقى كايدور من بيت لبيت يتعرف على المعبد ونيت هو غادي وكاغرس كاميرات.. تاضرب فالبيت فين كاينة الوولف لي شافتوو وحلات عينييها بالصدمة مايمكنش لقاااهااا ...
العميد بغى يديها ولكن خاصو دعم بقى كايشوف فيها وتايفكر شنو يدير جاتو فكرة شريرة فبالو جبد صاكادو ديالو وهز واحد القرعة ديال الدوا صغيرة وحلها
حيد ليها السكوتش بالزربة على فمها ودخل القرعة قبل ماتغوت بقى خانقها وساد ليها نيفها تاسرطات الدوا... رجع ليها السكةتش لفمها بالخف وخرج وعو نااشط عرف راسو شنو دار...
شكر الكاهن على تعاونو وخرج قبل مايرجع ياسين...
دابا خاصو غا يضبر فين يبات
كان غادي وهاز صاكادو ديالو المتقل ب بزاف دالاجهزة والاسلحة الذكية والمتطورة...
شعل تيليفونو وبقاو تايجيوه الاتصالات ديال كمال عرف شي حاجة مهمة وصوناليييه فالبلاصة يشوف مالو...
خولة ونهاد فاقو من النعاس لقاوها 3 دالصباح
خولة: وييلي ويليي نسييت خدمتي
نهاد كتفوه: امم الليل هادا معاياش خدامة
خولة قفزات دغيا من بلاصتها كتلبس وتمشط: نسيتي راني مع البوليس كنت داخلة مع 00 غايتسيف عليا الشاف كمال
اشراق: تريفور ماكنتش عارفاك هاكا شكرا بزااف حيتاش بغيتي تعاونن ولن مايمكنش نضيعليك فرصة انك تاخد شي بنت الناس مزيانة لي تناسبك غا باش تعاوني شكرا بزااااف ونعم الصدييق
تريفور بقى غا حال عينيه هو بالصح طلب منها الزواج وتاقرر يعترف ليها بحبو ليها وهي تخسر كولشي.. ولكن هو من النوع الصرييح ماشي لي تايخبي فخاطرو عندو نيشان نيشان
حيد ليها يديها وبقى شادهم وشاف فيها بحدة
تريفورّ :انا باغي نتزوج بيك بالصح حيتاش كنبغيك ومابغيتكش تكوني لشي احد اخر من غيري
عند سارة لي كانت غادة دخل لبيتها ترتاح شوية راسها ضارها... هاد النهار داز عندها حاافل
مع الدخلة كضرب فكيم كايتسناها كان مربع يديه ومتكي على الحيط مخنزر وجهوو كان حمرر وعينييه الصغييورين ديال اليابانيين الحادين لي زادو صغارو مع التخنزيرة وحمارو من الداخل
سارة كتفكر فنفسها: كيغاندير مع هاد السيد مانكرش انو نقدني وؤكن را هو اصلا لي دااني لتماك .... واصلا انا كنت فاقدة ذاكرتي.. خاصني نصاارحوو ماشي شغلي وكيفاش تجرأ يقيسني ... بفف اصلا انا لي خليتو دابا كيغاندير ليه غايصاحابلو ضحكت عليه.. سارة خدمي عقلك من نيتك من ايمتى ونتي كتسوقي لبنادم وكيغايفكر بيك ... اصلا ماشي لخاطري
خداتت سارة نفس عميييق يالاه بغات تهضر وهو يدوي
كيم قرب ليها بغى يشد ليها فديها وهي تخوي ليه ودارت يديها ورا ظهرها
سارة: بغيت نقولك واحد الحاجة
كيم مافهم والو قاطعها قبل ماتكمل خاف تقوليه بلي هي مع ياسين: سااارة خاصك تعرفي واحد الحاجة.. ضرووري عافاك سمعيلي بعدااا
سارة كتعصر على الحروف: خخوووياااا عاجي ماشي سارة لي كتعرف دونك ديك البسالة ديالك خليها عندك .. ودابا خرج من بيتي بغيت نرتاح
طلقاتوو وبدا كياكمد يدوو لي ضراتوو..
شاف فيها وهو مصدووم تاكد بلي بالصح استرجعلت ذاكرتها وبلي سارة الحقيقية ماشي هي سارة لي كايعرف.. هادي اقوى منها بدرجااااات زادت عجبااتو كتر وكترر وقرر انها غاتكون ديالوو طوال الزمان ولا قصار
كيم برد: صافي واخا على خاطرك.. سمحيلي
مشى وهو مدهشر من سارة الجديدة بالنسبة ليه والقديمة بالنسبة لينا سارة الاصليية... زادت عجباتو كتر وشخصيتها اقوى باضعاااف وقااسحة... ابتسم ابتسامة جانبية وخرج من بيتها ..
سارة تكات على ظهرها ورخات راسها باش تبداا تخدم عقلها لي شحاال ماخدماتو...
ظلام الحاال كان ياسين مع الكاهن
ياسين: خاصنا نعجلوو نبداو العملية تعطلنا بزااف
الكاهن: وجدت كولشي فهاد الاسبوع.. مهم الشخص الخذير تخلصنا منو هو داك المدرب ولكن زادو شددو الحراسة حيتاش عرفو راسهم مهاجمين
ياسين دار يدوو فذقنو وكايفكر: اممم مهم كولشي واجد ياك .. صاف هضر نتا مع كيم
الكاهن: علاش ماتهضرش معاه نتا حتى لاش غاتبقاو هاكا
ياسين يالاه بغى يدوي سمع شي حد كايضحك بالجهد من الغرفة المجااورة... كانو قهقهااات قويية عرفها هيي
شاف فالكاهن وناضو بزوج
دخلو عليها لقاوهاا كتمووت بالضحك
كانت الوولف مسرحة فالارض يديها مكتفين السكوتش لي كان ففمها طاير منو النص وكتخرااا بالضحك
دهاء امرأة الجزء التاسع
محتوى القصة
التنقل بين الأجزاء