رعد: لا نتي خاصك الراحة والناموسية صغيرة.. غادي نقيسك وتضري
صوفيا: لا غير اجي عفاك... كحزات وناض رعد تحشا حداها بشوية خاف لا يقيسها.... تكا وحطات راسها على صدرو وهو بدا كيدوز يديه على شعرها
صوفيا: بغيت نشوف ولادنا
رعد: واخة احياتي غذا الصباح تشوفيهم
صوفيا: واخة... بقاو هكاك حتى نعسو... دخل علي يطل على صوفيا لقاهم هكاك ابتاسم وخرج...... صبح الصباح فاق رعد كيف العادة هو اللول.. لقا حبيبتو مزال ناعسة وشعرها مليوح على وجهها... ابتاسم وناض بشوية قادها فبلاصتها ودخل للحمام غسل وجهو وقضا حاجتو عاد خرج.... لقاها حالة عينيها
رعد: (باسها بقوة فحنكها) صباح الورد
صوفيا: ههه صباح النور... اش هاد البوسة على الصباح
رعد: نتي مراتي ندير فيك مابغيت
صوفيا: هههه خود راحتك... عاوني نمشي للطواليط
رعد: هي لي متعاودش... هزها وهي محشية فصدرو عاونها ورجعها... شنو مشهية حبيبتي فالفطور
صوفيا: عادي لي كاين... بغيت فاقرب وقت نمشي نشوف ولادي عفاك
رعد: واخة احبيبة.. تفطري ونديك تشوفيهم
صوفيا: اوكي... دخلات الفرملية هازة الفطور ديال جوج دالناس... خداه من عندها رعد واستأذنات... فطرو ياله بغا يديها حتى دخل علي ومن موراه الفرمليات جارين قريعات فيهم الولاد
صوفيا: اوكي... حطات يدها على حنكو وقرب منها.. غرقو فقبلة مليئة بالمشاعر والحب.. تحل الباب وهما غايبين عن الوعي... كانت ماماها رجعات سدات الباب مي قبل مايتسد هرباتليها عشق ودخلات...
عشق: (دفعات رعد) ماماا
رعد: (زير على سنانو) ناااري اعشق وشنو غندير فيك
عشق: (مدات يديها) مامااا
صوفيا: (حابسة الضحكة) هز البنت مدهالي... هزها ولا نقولو شنق عليها وحطها فوق الناموسية... عشق بقات كتخنزر فيه وكتحاول تقاد حوايجها لي خربقهم
صوفيا: رعد راه بنتك هادي.. اويلي على هزة دايرليها واش بغيتي تقتلها
رعد: خارجة فعودي هاد البنت.... عشق شافتو كيشوف فيها وهي تخرج لسانها... دار راسو غينوض عندها وهي تعنق ماماها بجنب وحشات وجهها فيها
رعد: تخاف ماتحشم
صوفيا: (شدات راسها) نتوما غادي تقتلوني قبل الوقت مافيهاش شك.. الله ياربي اش درت فحياتي حتى بليتيني بهادو
عشق: (ابتاسمات) واحة.... نعس جاد وحطاتو غير حداها اما جود كان ناعس.. عشق فاش شافتها حطاتو حتى هي ناضت حطاتو حدا جاد وكانت صوفيا كتعاونها..... تكات حداهم عشق كتشوف فيهم وصوفيا فرحات حيت كان سحابليها غتواجه مشكل كبير معاها مي الحمد لله..... بعد ساعات قليلة رجع رعد طلع نيشان لعندهم.. لقاهم كاملين ناعسين ابتاسم وقرب من مرتو باسها فراسها وهي تحل عينيها
صوفيا: فوقاش جيتي
رعد: عاد دبا.. ياكما سخفوك
صوفيا: لا بالعكس.. بانتلي عشق الحمد لله تقبلاتهم
رعد: ايوا مزيان... حدر عندها رعد وغرقو فقبلة
عشق: (هزات راسها) ماما... مد يديه رعد هز مخدة وحطها فوق راس عشق.. حيداتها وهي مغوبشة قربات منهم.. وقربات وجهها حتى ولا حداهم.. صوفيا كدفع رعد ووالو.. اما رعد كيخنزر فعشق وتقول واش خافت ولا حشمات... مدات يديها وحشاتها بين فمهم.... شدها رعد بعضة
رعد: ها لي كيحرمها على باباه
عشق: (شدات يديها) هئ هئ هئ
صوفيا: والله حتى زدتي فيه.. واش جعرتي عاض بنتك
رعد: تستااهل.... ناض مشا يجيب حوايجهم من التحت وصوفيا عنقات بنتها وكتسكت فيها
صوفيا: (باست يديها) صافي احبيبة سمحيلي.. عنقاتها وكتبوس فراسها حتى سكتات.... دخل رعد شاف فيهم وضحك.. عشق شافتو وخبعات وجهها فصدر ماماها
رعد: (هزها) زعما كتخافي مني المجنونة
صوفيا: حشومة عليك والله
رعد: ههههه شدي بنتك انا داخل ندوش
صوفيا: اوكي.... حطها ودخل للدوش ياله حيد الحوايج وبغا يحيد البوكسر وهو يسمع الدقان.. حل غير شاف شكون مات بالضحك... كانت عشق مدورة عليها فوطة وكدق
صوفيا: ههههه دوشليها معاك
رعد: (جرها من يديها) اووه الاميرة ديالي باغا دوش دخلي دخلي... سد الباب وهزها جلسها وبقا كيلوح عليها الما وهي كتموت بالضحك.... شحال وهو كيلعب معاها... جا يحيدليها الفوطة وبدات تغوت
رعد: راني غير باباك الحمقة
عشق: اععععع
رعد: مكدبتش فاش قلت عليك مجنونة... حل الباب لقا مراتو لبسات كولون وديباردور وكتستف الحوايج فالماريو... حياتي اجي دي بنتك عليا.... جات عندو كضحك لقاتها مزال ملوية فالفوطة
صوفيا: علاش مدوشتيلهاش.. وفزكتي الفوطة
رعد: راه هي لي مبغاتش... دخل للدوش وسد عليه وبقات مع بنتها حيداتليها الفوطة دوشاتليها وخرجات جابت فوطة جديدة لواتها فيها وخرجاتها
صوفيا: (حطاتها فوق الناموسية) الخايبة جلسي نجيبليك الحوايج..... لبساتها ونشفاتليها شعرها وحطاتها فالارض كتلعب وهي كملات شغلها.... خرج رعد ملوي على نصو الفوطة لقا عشق ناعسة فالارض هزها حطها حدا خوتها ومشا عنق صوفيا من اللور
ولد عمها: الدنيا هانية ياله نخليك دبا.... مشا ورعد جالس من بعيد كيضحك عجبو الحال...... تسالا السبوع رجع رعد وصوفيا وولادهم لدارو.. وطلعات ريم وولدها للبيت مقلقة.. تبعها سيف وهو يعنقها من اللور
سيف: مال حبيبتي
ريم: (معوجة فمها) والو
سيف: هههه اجي معايا... حيدليها جهاد حطو بلاصتو وجرها.. بقات تابعاه حتى دخلو لواحد البيت شافتها وهي دير يديها على فمها وعينيها غرغرو
سيف: (قرب لودنيها.. بهمس) عيد ميلاد سعيد روحي... سحابليك نسيتو
ريم: (حركات راسها) اه
سيف: هههه حمقة.. كنت باغي نخرجو مي مع جهاد منقدروش وقاديت هادشي غير هنا..قبلي عليا
ريم: بالعكس هادشي كيحمق..... كانت طبلة ديال جوج دالناس فيها ماكلة والشموع.. وفالارض مرسوم قلب بالورود ومن الداخل ديالو مكتوبة ريم وحداها بواطة.... قربات وخدات البواطة حلاتها ولقات عقد زوين بزاف.... خداه سيف من عندها وركبوليها
سيف: (باسها فعنقها) كنبغيك
ريم: حتى انا... جرها جلسو فداك الجو الرومانسي وسيف طلق موسيقى هادئة.. زادت من جمالية المكان.... جلسو كياكلو ويتعاودو ويضحكو
وصل رعد وصوفيا للدار... طلعو حطو ولادهم ومشاو لبيتهم
صوفيا: ايوا هنية علينا.. واخيرا.... نااري الولاد كيبكيو انا غادة... مشات كتجري خلاتو كيضحك.... دخل غسل وجهو وحك سنانو وهز عشق غسليها وجهها.. بدليها حوايجها ومشا عند صوفيا لقاها واحلة مع ولادها... حط عشق ومشا هز جود كيسكت فيه... صوفيا كانت كتبدل لجاد.... كملاتلو وشدات جود بدلاتلو... عطاتهم يرضعو عاد رجعاتهم لبلاصتهم.... مشات غسلات وجهها وبدلات حوايجها عاد نزلات وجدات الفطور... اما رعد وعشق كانو كيلعبو... كملات وعيطاتليهم تجمعو على الفطور بالضحك والتقشاب........
دازت #عامين عشق كبرات تبارك الله ورجعات هي وباباها صحاب مي تقريبا ديما محرمها عليه فاش كيقرب لصوفيا.... حتى من الوليدات جاد وجود وجهاد كبرو... صوفيا مكملة فخدمتها وعندها مربية وخدامة لي كيعاونوها... رعد رجع لخدمتو وهو مرتاح لأنو الماضي ديالو مغيبقاش مطاردو.. وملفو ابيض دابا.... رجع من شركتو للدار... تعرضولو الدراري حدر لمستواهم وعنقوه
رعد: الله على تعنيقة... توحشتكم..... جات عشق كتجري بعداتهم وعنقاتو
عشق: توشحتك
رعد: هههههه لا سميتها توحشتك
عشق: توشحتك
رعد: ههههه حتى انا توشحتك
عشق: زبتيلي الشكلاط
رعد: (جبد من جيبو) هاكي الالة... باستو فحنكو ومشات كتجري.. ياله وقف وهو يسمع الباب تحل... كانت صوفيا لي جات
رعد: (جرها من خصرها وطبع قبلة فحنكها) توحشتك
صوفيا: حتى انا... فوقاش جيتي
رعد: عاد دبا وولادك تعرضولي فالباب
صوفيا: (صغرات عينيها) عنداك تكون جبتي لعشق الشكلاط
عشق: حتى انا منبقاش نهضر معاك.... مشات كتجري وخلات صوفيا كضحك...... طلعات لبيتها بدلات حوايجها وهو يخرج رعد من الدوش لاوي على نصو الفوطة
صوفيا: (باستو ففمو) اش هاد التبوكيصة
رعد: هههههه كتغازليني
صوفيا: وييي
رعد: هههه كتغازليني
صوفيا: وييي...جرها رعد من خصرها
رعد: مممم هي نسد الباب.. حركاتلو راسها بالايجاب.. ضحك ومشا ياله وصل للباب باش يسدو وهو يتحل.... دخلات عشق كتجري جلسات فوق الناموسية وبدات كتشوف فيهم وضحك... رعد بقا مسمر قدام الباب وصوفيا حابسة الضحكة... دار رعد وهو مغمض عينيه بالاعصاب
رعد: عشق خرجي
عشق: لا
رعد: انا شنو قلتليك على الدخول للبيت بدون إذن
عشق: ممنوع
رعد: اوى مزيان منين عارفها... ياله خرجي
عشق: (تكات) لاء..... رعد كان غادي لعندها وهي تشدو صوفيا
صوفيا: خليني انا نتفاهم معاها بلا مدابزة... قربات لعندها.. حبيبة عشق تقدري تمشي تحضي خوتك على ماندوش.. حيت نتي تبارك الله كبيرة وفاش كتكوني حاضياهم مكنخافش.. ممكن
عشق: (حركات راسها بالايجاب) واخة اماما... نزلات من فوق الناموسية وصلات عند رعد وهزات راسها... حل باب...... حل رعد الباب وهو كيضحك.. سدو ومشا نقز على صوفيا
رعد: الله يخلي لينا عقلك ياربي
صوفيا: ههههههه حمق.............. طلقها ودخلات دوش وهي كتنكر.. تبعها كيضحك... دوشو ولبسو حوايجهم... عاد نزلو لقاو جاد وجود جالسين مكمشين ودموعهم فعينيهم.. وعشق واقفة عليهم وشادة عصا
صوفيا: اويلي اش هادشي كنشوف.. عشق واش ضربتي خوتك
عشق: لا اماما انا غير كنخلعهم
صوفيا: منين جبتي العصا
عشق: بابا جابهالي... دارت صوفيا كتخنزر فيه وهو كيدور فعينيه.. جات تهضر وهو يقاطعها
رعد: اييه اولدي.. نجيبليك العصا تزيد ضرب...... صوفيا حطات جاد وهزات جود طلعاتو للبيت.. جلساتو وجلسات قدامو مخنزرة وحتى هو كيشوف فيها مخنزر
صوفيا: شحال من مرة كنقوليك ممنوع ضرب خوتك.. واش كتفهمني.... وزايدها ضارب باباك ماشي حشومة
جود: ماما انا بيت زهاد (بغيت جهاد)
صوفيا: (تنهدت) باش طيحولينا الدار... واخة راه غذا غادي يجي....................... اليوم عيد ميلاد جاد وجود لبسو بحال بحال وجا عندهم جهاد رونوها عاد شدو الارض.. وريم شادة راسها فقصها ولدها وهي كرشها واصلة لفمها
سيف: اجي جلسي متعصبيش راسك معاه
ريم: اففف غادي يحمقني هاد الولد
صوفيا: اجي نتوما بجوج طفيو الشمع... تشاد جاد وجود ومشاو وقفو قدام طارطة بقاو مدة وهما كيحاولو يطفيو الشمع..... تطفا وبداو كيصفقو.... وجهاد مشا كيجري عندهم هزو طارطة بيديهم وبداو كيدابزو بيها وقربو عند عشق لي كانت لابسة فستان بيض... طلسوليها وجها
عشق: هئ هئ باباااااا شد عليا هادو... جا رعد كيجري جر بنتو عندو
رعد: بعدو من امييرتي
رعد: بعدو من اميرتي... صافي احبيبة اجي نغسليك وجهك
عشق: خسرولي مكياجي ابابا هئ هئ
رعد: (بصدمة) علاش ابنتي كنتي دايراه
عشق: اه
رعد: زيدي قدامي نتوما غادي تشيبوني..... داها غسليها وخلا سيف وعلي كيموتو بالضحك عليه.. حتى وقفو عليهم ريم وزينب
ريم: اجي نتا شد ولدك راه غادي تنوض الروينة ونتا عارفو فاش كيتلاقا مع جود اش كيوقع.. وانا مقداش عليه
سيف: واخة هانا غادي
زينب: (مخنزرة) كضحك عاجبك الحال ومخليني انا واحلة مع بنتك... هاك شدها راه صدعاتني بالبكا
علي: صافي صافي.. مالك كتغوتي اريها..... شدها.. مال حبيبة باباها
عشق بقات كتشوف وتفكر حتى طاحو عليها افكار وبدات كضحك..... كان رعد وسيف وعلي كيهضرو منتابهوش للبنات لي مكاينينش حتى سمعو الغوات دارو لقاو عشق جالسة فالارض وشعرها منتوف وكتبكي... طار عندها رعد
رعد: عشق حبيبتي مااالك شكون دار فيك هكا
عشق: هئ هئ جووووود.... رعد دار شاف فيه وهو مخنزر.. غير دار عشق بدات كضحك... كان جود جالس كيلعب حتى جاتو دقة لراسو دار وهو مخنزر لقا باباه وهو يطلق غوتة.. ناض بلا عكز هز واحد الطبسيل وشير على باباه وهو يخوي.. (كلشي عارف بلي جود مكيحملش يتضرب وهو مداير والو اما فاش كيدير شي زبلة راه كيسكت ودبا هما جبدوه وهو مسكين كان غير كيلعب)
رعد: (بصدمة) كضرب باباك المسخوط.... جهاد شافو هز طبسيل وناض حتى هو بلا عكز هز وشير على باباه... علي مات عليهم بالضحك ماحس براسو حتى جاه صباط لراسو كانت عشق لي شيرات عليه...... ناضت الفوضى وجود وجهاد وعشق كيضربو علي ورعد وسيف لي تصدمو ومقدرو يديرو والو... كيعيطو على صوفيا وزينب وريم مي مكايجاوبهم حد... دار علي وهو يلقا جاد تيبوس ياسمين
علي: (بصدمة) بنتييي.... سيف ورعد دارو غير شافو داكشي وهما يتفرشخو بالضحك.... قلبو على البنات ملقاو حتى وحدة عرفوهم خرجو كيعيطو مي شكون يجاوب وهما مخليين تيليفوناتهم فالدار..... رجعو للصالون لقاو الدنيا مقلوبة والطارطة مطلسة فالارض... المخاد كلهم طايحين وشي فوتويات مبقاوش بلاصتهم... بالصدمة جلسو كيشوفو... دارو عليهم الدراري كلها كيبكي من هنا ويشكيو... كيهضرو فدقة داخو وشدو راسهم.... شوية شافو فبعضياتهم وهما يضحكو....... عند البنات لي جالسين فكافي كطل على البحر
صوفيا: الله على راحة شحال هادي مخرجت بوحدي وفهاد الهدوء... بكثرة الصداع لي كيكون فالدار كنقول كون غير بقيت صمكة
البنات: ههههههههه
ريم: عندك الحق اختي... انا دبا غير جهاد ومحمقني كنفكر شنو غندير فاش تجي الاخرى
صوفيا: ليك الله هادشي لي غنقوليك
زينب: انا البنات مغاديش نزيد براااكة عليا غير ياسمين حبيبتي وهي اصلا مهدنة
ريم: كلنا كنا كنقولو هكاك.. ودبا ياسمين عندها غير عام بلاتي تزيد شوية وتشوفي اش غيوقعليك
صوفيا: ههههه ويي.. انا صافي قربت نفوت هاد المرحلة ونتهنا......... بقاو البنات مجمعين كيتعاودو ويضحكو حتى شبعو وهما يرجعو غير قربو للدار شداتهم الخلعة مي حتى وحدة مرضات تقول للاخرى راني خايفة..... دخلو مشادات غير شافو اش كاين وهما يشهقو اما صوفيا طاحت سخفات
كان السفلي كولو مطلي بالصباغة.. مبقاو لا فوتويات لا حيوط لا طبالي كولشي مطلي... اما جود وجاد وجهاد وعشق حتى من الصغيرة ياسمين كيبان فيهم غير العينين.... بلا مانشوفو فالكبار رعد وسيف وعلي لي حتى هما مطليين...... وكيتمرغو فالارض ويضحكو والولاد كيشوفو فيهم بصدمة... سمعو شي حد طاح لقاو صوفيا ناض رعد بغا يجي وهو يزلقولو رجليه وطاح على سيف وعلي.... حاول ينوض مي والو... شوية ناضو بثلاثة شادين فبعضياتهم تمشاو جوج خطوات وهما يطيحو... بقاو متكيين فالارض وصوت ضحكهم كيتسمع من بعيد.... الدراري الصغار كيشوفو فوالديهم مصدومين وكيشوفو فراسهم لي مطلي بالصباغة وهما مساكن كانو غير كيلعبو... حتى جاو باواتهم طلاوهم وهما يجلسو..... زينب وريم بقاو مصدومات نساو هاديك لي طايحة فالارض........... جاو كيزحفو لعندهم... لبسو مشايات كانو تما عاد قدرو يوقفو..... رعد قرب عند صوفيا كيحاول يفيقها.... حلات عينيها بتتاقل شافتو وبدات كتبكي
صوفيا: الله يا ربي.. اش درت فحياتي.. واش انا قادة على دوك الثلاثة باش تزيدني هاد الرابع وقدو قد الخلا منقدر حتى عليه هئ هئ... داري مشات اعباد الله هئ هئ.. داري مشات وكلت فيكم الله كلكم.. الله يخليكم بالخلا
رعد: صافي احبيبة متبكيش انا غنجمع هادشي غير تهدني
صوفيا: بعد عليا يديك الموسخين
عشق: ماما جبتيلي الشكلاط
صوفيا: (بعصبية) لا مجبتوش
عشق: هى هئ باباااااااا
رعد: صافي متبكيش احبيبة انا نجيبوليك
عشق: (كتمسح دموعها) بابا عرفتي ماما هي وخالتي زينب وعمتي خرجو وقالولي نديرليكم الصداع.. ونفقصكم ونضربكم وندوخكم..... البنات كيسمعو اش كتقول وهما مطرطقين عينيهم.. غير سلات هدرتها وهو يطير علي على زينب وسيف على ريم
زينب: طلق مني هانتا سمعتي راه صوفيا ماشي انا... صوفيا شافت فيهم والصدمة باينة على وجهها
عشق: لاء اعمي راه حتى هما قالولي انجيبوليك الشكلاط.... غير سالات هدرتها وهي ضحك صوفيا مي جمعاتها بالزربة فاش لقات رعد كيخنزر فيها.. جرها من حوايجها وقفها ووقف.... وقفو حدا بعضياتهم بثلاثة... والرجال كيخنزرو فيهم
رعد: ممممم خرجتو وخليتونا مع البراهش قلنا ماشي مشكل
سيف: مقلتولناش راه خارجين وقلنا ماشي مشكل
علي: مي باش تحرشوهم علينا
رعد/علي/سيف: كاااااين مشكل.. ومشكل كبيييير
ريم: (خافت مي حاولات تقوي راسها) شوفوو راني حاملة انطيحليكم هنا ونتسبا عليكم... واصلا ماشي انا مولات الفكرة.. انا مسكينة غير مجرجرة....... زينب وصوفيا شافو فيها وهما مطرطقين عينيهم
زينب: احم شوف انا مدرت وااالو واصلا خليتك غير مع ياسمين... وبنتي مهدنة مكديرش الصداع.. يعني مدرت حتى حاجة
صوفيا: (كتشوف فدارها مفقوصة) شوفو نتوما... كتشير للرجال وريم وزينب.. والله وداري ماترجع كيف كانت لاعتبتو برى... حيدات صباطها ديال الطالون وشداتو بيديها... نفلقكم والله حتى نديرها.. ياله دبااا ترجعو داري كيف كانت وولادي كيف كانو عاد تمشيو... تحركوووووو... كلشي قفز من غواتها حتى الدراري الصغار تكمشو
ريم: ياك انا ختك وحاملة مغندير والو
صوفيا: نتي بالذات والله ماتعتبي باب الدار الى متنقاتش.. اصلا نتي مولات هاد الفكرة الغبية... ياله اش كتساينو بدااااااو
صوفيا: اجيو ادوك الجنون لهنايا... جا جود وتبعو جهاد ومن موراهم جاد.. عشق كانت واقفة حداها وجات حتى ياسمين كتحبو..... زيدو قدامي نيشان للحمام.. ونتوما بداو فالشغل
ريم: (كتغبن) وااع حرام عليكم انا حاملة
صوفيا: منسمعش صوتك ياله تحركي..... دخلات صوفيا للحمام لي كاين فالسفلي مع الدراري ب5... نتوما عطيوني بالظهر دورو نعطيكم العصا... دار جاد وجود وجهاد وهما مخنزرين... حيدات للبنات الحوايج وحشاتهم فالبانيو بدات كتفرك فيهم وتغسليهم حتى رجعو حومر خايفات منها مقدروش يهدرو ولا يبكيو.. كملات ولوات كل وحدة فالبينوار
صوفيا: بقاو واقفين هنا ونتي قابلي ختك ياسمين على مانجي.... خرجات لقات كل واحد وشنو كيدير ها لي كيمسح الحيوط ها لي كيمسح الطبالي ها لي كيمسح الارض.. المهم كل واحد وشنو كيدير... طلعات لبيت عشق هزات حوايجها وشي حوايج صغارين عليها.. نزلاتهم دخلات مسحاتليهم وسبقات ياسمين لبساتها عاد لبسات عشق دارتليهم الطرابش باش ميمرضوش وخرجاتهم... هازة ياسمين وجارة عشق... طلعاتهم للبيت وجلساتهم
صوفيا: حضيها ووياااك نشوفك لتحت
عشق: واخة اماما.... دازت لبيت الدراري هزات حوايجهم ولجهاد حتى هو ونزلات..... دخلات لقاتهم جالسين وكيدورو فعينيهم عارفين راسهم مكحلينها معاها وخا هما مدارو والو..... دخلاتهم ب3 فالبانيو غسلاتليهم مزياان وبدات تلبس لكل واحد كملات وخرجاتهم... غاديين قدامها مشادين.. طلعو للفوق ودخلاتهم عند عشق
صوفيا: جلسو هنا نسمع دبانة كتزنزن نجي ناكلكم كاملين فهمتونيي... حركوليها راسها بالايجاب وهي تخرج... هبطات عند الاخرين كانو مزال واحلين... مشات نيشان للكوزينة وجدات كاسكروطات وماكلة لياسمين وطلعاتهم.. عطات لكل واحد وشدات ياسمين وكلاتها.. فرشاتليهم فالارض وجلسو
صوفيا: اليوم غتنعسو هنا كلكم.. منبغيش الصداع.... طفات عليهم الضو وخلات الضو ديال الفيوز لي شاعل..... نزلات عاوتاني عند الاخرين بدات كتعاونهم حتى كملو وداكشي رجع كيشعل... اما الفوتويات خرجهم الدراري للجردة حيت صافي ضاعو... كانو جوج حمامات فالسفلي كل واحد دخل مع مراتو.. طلعات صوفيا هزات من حوايجها ومن حوايج رعد هبطات لكل واحد عطاتهم.. عاد طلعات لبيتها لقات رعد دخل للحمام.. دخلات عليه لقاتو واحل مع الصباغة لسقاتليه.. حيدات حوايجها ودخلات لعندو بدات تفرك فيه وهو شاداه الضحكة اما هي مخنزرة.. حتى كملاتلو عاد بعدات عليه
علي: (ناض كيجمع الطبلة) نوض اخويا.. هادي ممعاها مزاح..... ناضو كيغسلو الماعن ولاخرين جالسين فوق الطبلة كيشربو العصير.. وصوفيا متكية على كتف رعد وهو كيدوز يديه على ظهرها
ريم: (دلات شفايفها) بغيت حتى انا راجلي يديرلي هكا
زينب: شو على محسادة كيدايرة.. سكتات شوية.. الصراحة حتى انا غرت... هادي نوضات رجالنا وخلات راجلها حداها
صوفيا: (حلات عين) سكتونا شوية
ريم: سيييف اجي لهنا حدايا... اييي
زينب: مالك
ريم: (شدات كرشها) ايي.. امييمتي كنولد ااااااااااااااا.... ناضو كيتجراو هزوها ومشاو نيشان للكلينيك... داخلين وهي قالبة الدنيا بغواتها وتغوت كانت زينب ركبات حداها شبعاتها نتيف.. خرجات زينب وشعرها طالع للسما... بعد ساعة كانت ولدات بنية نقلوها لغرفتها ودخلو عندها طلو عليها وباركوليهم
صوفيا: اويلي الولاد خليناهم بوحدهم
ريم: اويلي ولدي مشا هئ هئ... الله ياخذ فيكم الحق يا الكفرة هئ هئ
زينب: كاع مدرت هاد الحالة لي خليت بنتي مزال صغيرة مقادة حتى تمشى مع الحتارف ديال ولادكم
علي: اويلي بنتي كاينة مع جاد بوحدهم... الرجال تفكرو ديك اللقطة وهما يتفرشخو بالضحك..... رجعو وخلاو سيف معاها............... وصل السبوع كانت جات ام صوفيا وسيف من الحج.. وهي فرحانة بحفيدتها الخامسة.... عشق حلفات حتى دير المكياج قدات الحالة وكلشي.. وبدات كتعاون خوتها فاللباس......... داز السبوع مزيان فجو عائلي بامتياز من غير زينب لي جالسة مغبنة
بعد مرور سنواات.. ريم ولدات ولد اخر.. اما زينب عطاها الله توام ولد وبنت.. مسكينة تصدمات وشيبوها ولادها..... اما سي رعد ولالة صوفيا متزاد عندهم والو... ولادهم كبرو تبارك الله عشق عندها دبا 16 العام وجاد وجود عندهم 13 العام.. رعد بدا كيبان فراسو شوية ديال الشيب مي مزال محافظ على لياقتو البدنية.. صوفيا كتبان بحال ختهم الكبيرة.. كلشي كيتعجب فاش كيعرفها ام...
صوفيا: (بابتسامة) هادي هي قصتي مع باباك
عشق: (كتشهق) تعدبتو بزاف
صوفيا: (مسحاتليها دموعها وعنقاتها) هذا هو الحب الصامت ابنتي.. كان تولد عند باباك هو اللول مي مقدرش يصارح بيه بسبب حالتي.. وحتى انا رجعت كنبغيه مي بسبب انني مكنتش كنسمع مقدرتش نقولهالو.. ومن بعد ماعترفنا وتزوجنا وتفارقنا.. تولد حب ولا نقدرو نقولو عشق مي عاوتاني كل واحد فينا كتم حبو فنفسو
عشق: (باست يديها) كنبغيكم اماما وانا مفتاخرة بيكم
صوفيا: (دوزات يديها على شعرها) الله يخليك ليا ابنتي الحبيبة
عشق: (تحشات فيها) انعس حداك هاد الليلة
صوفيا: ههههه واخة... تكاو وهوما محشيين فبعضياتهم
عشق: ماماتي فين وصلتي فتصميم الفستان ديالي
صوفيا: غذا نجيبو لبنتي واجد
عشق: (بفرحة) شكراااا.... محسات براسها حتى تجبدات من رجليها.... بابااااا طلق مني بغيت نعس حدا ماما
رعد: ديكور انا.. وفين غادي نعس بالسلامة
عشق: هاهي الناموسية كبيرة.. انا غادي نعس فوسطكم
رعد: الشيطان لي كيكون فالوسط... هزها ولاحها فوق كتفو وهي كضربو فظهرو
عشق: وااااع.. طلق منييي نتا ممزيانش
رعد: نتيي لي ممزياناش ابنتي بغا تحرميها على باباك... حل الباب ولاحها فوق ناموسيتها.... واجي فالصباح بكري عاوتاني صدعينا.. هاد المرة ديريها نلوحك من البالكون ها ودني منك
عشق: (عوجات فمها) واخة....... خرج من عندها رعد وهو كيضحك طل على ولادو.. لقا جود شاد البلاي كيلعب وجاد هاز كتاب كيقرا
رعد: نتا مزال مهداك الله تبعد شوية من هادشي
جود: وا الواليد راه ياله شديتو
رعد: (ضربو لراسو) شحال من مرة كنقوليك انا باباك ماشي الواليد البرهوش
جود: اففف
رعد: (بابتسامة) تعلم غير من خوك بعدا.. شوف هاهو كيقرا ومرزن ماشي بحالك لي يشوفكم يقول مخارجينش من كرش وحدة
جاد: (باس يديه) متعصبش راسك معاه ابابا
رعد: الله يرضي عليك اولدي.... خرج من عندهم دخل نيشان للبيت لقا صوفيا جالسة قدام المراية كدهن كريم ليديها
رعد: (عنقها من اللور) ميس يوو
صوفيا: (بابتسامة) هانا غير حدااك
رعد: (هزها بين يديه) بغيت نزيدو شي وليد
صوفيا: لا لا والله لا كانت ليك
رعد: (بشر) هاحنا غنشوفو...... هزها وهي كتنطر من بين يديه............... اليوم هو عيد ميلاد اميرتنا عشق كملات 17 العام لبسات فستان لي صمماتليها ماماها... قداتليها ماماها شعرها ودارتليها مكياج خفيف...... هبطات اميرتنا وكلشي مبهور من جمالها..... كانت ريم وسيف وولادهم وعلي وزينب وولادهم حتى هما ومامات صوفيا... زيد عليها صحاب عشق وحتى صحاب الدراري.... كانو مجمعين والموسيقا العالية كتسمع.. كلشي فرحان وناشط.. كانت صوفيا ورعد جالسين كيشوفو فولادهم وفرحانين
رعد: خاصنا دبا غير شي فنيكيش ونكونو هما هادوك
صوفيا: (بصدمة) البارح قلتيهالي ودبا عاود.. واش من نيتك
رعد: وييي علاش اش فيها
صوفيا: حتى كبرو الولاد عاد نوض انا نولد واش ساطليك الريح فالودنين
رعد: (باس يديها) عادي.. ومنها تكوني مهتمة غير بواحد ماشي بحال يكونو كلهم صغار اتوحلي معاهم هكاك
نمشيو عند المحترم جاد جالس وعينيه تابعين ياسمين لي كانت مجمعة مع اخت جهاد وكضحك.. هزات راسها شافت فيه وهي تعاود تحدرو..... ابتاسم ابتسامة خفيفة وناض.. كيقرب لعندها وهي كتشوف فيه بنص عين ومتوترة... شدها من يديها وجرها خرجو للجردة.. وقفها حدا الحيط وحط يدو كلاها
جاد: (باسها فحنكها) ياله دخلي.... دخلات كتجري وبقا متبعليها عينيه كيضحك حتى وقفو عليه الجنون ديال جود وجهاد وداروه فالوسط
جهاد: اييه عايش قصة حب وحنا مفخبارناش
جود: مصدقتيش اصاحبي
جاد: (خنزر فيهم) داك اللعب ديالكم ديروه بعيد عليا فهمتو
جود: والله بابا ظالمني وكيسحابلو انا الشرير ونتى الابن المطيع
جاد: (بابتسامة جانبية) حيت نتا مكتخدمش هدا.. شير لعقلو.. وانا معندي منديرليك...... دخل وخلاهم مصدومين فيه.. من ديما كيسحابليهم هو الدرويش مي كانو غالطين هو كيضرب غير من التحت...... نرجعو عند الاميرة ديالنا عشق... غير شافت الشاب لي داخل وهما يتحولو عينيها لقلوبة
كرم: (باس يديها) عيد ميلاد سعيد عشقي
عشق: ميرسي... جمعات الضحكة فاش شافت باباها واقف من موراه وهو مخنزر
كرم: نو متخافيش باباك مغادي يعيق بوالو انا كنعرف نتفلا على الرجال الكبار... كيف كتعرفي هما ماشي من الجيل ديالنا دونك مغيفهموش بزاف دالحوايج.. وانا قادر نلعب عليه
عشق: باباااا
رعد: (شدو من عنقو) عاود اش قلتي
كرم: حيد اصاحبي.. ماالك
عشق: اويلي راه بابا هدا
كرم: احم عمي لباس..... رعد مهضرش جرو من عنقو حتى خرجو من الدار
رعد: نشوفك مع بنتي مرة اخرى غادي نوريك ياله تلاح.... دخل لعندها وهو مخنزر
عشق: (متوترة) بابا.. ها
رعد: (قاطعها) ديها فقرايتك وديك البسالة ماعندي مندير بيها.. راك مزال صغيرة على داكشي
عشق: (دلات شفايفها) واخة... جات صوفيا لي عرفات شنو وقع هدنات رعد وصيفطاتو وشافت فبنتها
صوفيا: (تنهدت) انا البارح عاودتليك قصتي ومنبغيكش تكوني بحالي.. وقعت فالحب اولا لي كان كيسحابلي حب وانا مزالة مراهقة.... العمر مزااال قدامك.. دبا قراي واجتاهدي وكوني راسك عاد شوفي الحب.. تكوني واعية وعارفة راسك اش كديري.. قادة تحملي المسؤولية... 17 العام راك مزال بنتي الصغيرة لي غير فاش كيجيها الوجع ديال ليغيكل كديرلي حالة.. ايوا وفاش يتجرح قلبك شنو غديري... بنتي وعشقي الحياة مافيهاش غير الحب وفارس الاحلام.. الحياة بحال الدروج ميمكنش نقز درجة راه كنطلع درجة درجة... وفهاد السن هادا الدرجة ديال الحب مزااال بعيدة... نتمنى احبيبة ديري بنصيحتي انا ماماك وبغيتلك غير الخير
عشق: (باستها فحنكها) عندك الحق اماما.. وانا كنواعدك غندير بنصيحتك........ جا رعد عنق مراتو وبنتو حيت سمع الحديث وكل مرة كيزيد يتأكد بلي اختيارو لشريكة الحياة كان صحيح
بعد مرور سنتين فاقت صوفيا على صداع بنتها جوري.. مدات يديها كتفيق فرعد
رعد: ممم شنو
صوفيا: نوض شوف بنتك ياك بغيتيها وقابلها.... ناض رعد وهو مقلوب بالنعاس هزها كيراري بيها حتى نعسات ورجعها وهو يتلاح نعس....... صبح الصباح كانو مجموعين على مائدة الفطور مترأسها رعد بجنبو حبيبتو صوفيا حداها كاينة الصغيورة ديال العائلة جوري فكرسيها جالسة وفالجهة الاخرى كاينة عشق وجاد وجود كيفطرو فجو عائلي ضاحكين وفرحانين
عشق: اي اي اغير كنضحك... طلق منها وهي تهز صاكها وهربات.... تبعوها جاد وجود من بعد ماسلمو على والديهم.... خرج رعد وصوفيا للجردة جلس وهي تحشات فيه
رعد: اعشقك اميرتي... الدعاء لي كنقول ديما هو يحميكم ليا وميبعدنيش عليكم.... عشت حياة كلها خطأ فخطأ مي الحمد لله بسببك نتي عرفت النور والحب.. وبسبابك رجعات عندي عائلة كبيرة من بعد ماكنت وحيد... كنبغيك وغادي نبقا كنبغيك
صوفيا: (مسحات دموعها) حتى انا كنبغيك.. والله يخليك ليا نتا هو سندي فالحياة وراجلي وحبيبي وخويا وبابا وطفلي لي عمرو مغادي يكبر... انا بدونك نكرة.. انت ماشي نصفي انت كلي... اعشقك....... باسها فعنقها وزاد حشاها فيه
الحب الصامت الجزء العاشر والأخير
محتوى القصة
التنقل بين الأجزاء