ناض احمد ونوض معاه رقية لي دابا فمقام الوالدة ديالهم معاونها توقف بكل لباقة هازة تكشيكتها... وتقدمو ... واسد ناض كيشد الفيست ديالو وناضضت لامار شد فيديها وزادو اما قسم بقات مع يووونس مكلسها حداه فطابلة... وتقدمو جيهة كلسة د العدول ... ومبارك غير يدوز يدوز ويسلم على ناس ويقوليهم انا هو بو العوسة .. لابس كوستيييم فالكحل ومأنتك ... كلسو كل واحد فبلاصصتو ... وناس كولشي كيشوفو لعندهم ورتاج بقد مافرحانة جااها توووتر كبييررر ... عكس عدنان لي مرتااااح وفرحان من داخل ...
العادل : كنشهدو ليوم على زواااج .. السيد عدنان الاسماعيلي... بالسيدة رتاج الباني ... على سنة الله ورسوله .. قدام الحظور الكرام من أهل وأصدقاء وأحباب ... بحظور الأب وولي أمر العروس السيد أحمد الباني ... وبحضور ولي أمر العريس السيد أسد الاسماعيلي
سفيان ويونس لور كيتكرشخو بضحك وعدنان غير كيضور فراسو واسد مبتسم .. دابا صغييرر ولا ولي امر الكبيير ... مامشا حتى دارها بصح ملي قال لعدنان انا لي غانربيييك ههه ... رتاج العادل كيهضر وهي مرفووووعة قلبها بدا كيضضضرب بزاف مزال مامتيقاش هادشي ... واش صافي غاتزوج بيه ? هو نفسو ? عدنان ... لي كانت كادير المستحيل غير تنساه وتعيش حياتها بلا بيه ... علات شوية راسها كتشوف فيه بحالا باغا تأكد ... غير شافت فابتسامتو وفواسمتو وفأناقتو وفروجولتو لي باينة على وجهو ....باغا بحال شي حد يقرررصها الى كان حلم تفييق منو .. عاد سرا معاها الامر الى ليوم زواجها .... تفكرات الماضي بكل تفاصيلو .. تفكرات اول لقائهم فطيارة ....تفكرات كيفاش كان كيستغلها ..تفكرات نهار اول مرة شافت وشام اسمها فيدو فالباطو ... تفكراتو وهي كدير ليه العملية وقلبو شداتو بين يديها ...الحب لي بغاتو بيه حب خرافي ماكيتكررش ... بغاتو رغم كل سلبياتو ..رغم كاع اش داار فيها... كل ماتحدات راسها تنساه .. غير كتشوفو ويوقف قدامها كتحيا جميع الجروح ...مزالا مامتيقاش الى ليوم غايولي راجلها ... وحلالها ... وديالها بوحدها .. وفازت بيه .. كيفيقها من سهواتها نداء العادل باسم عدنان
العادل : السيد عدنان الاسماعيلي ... واش نتا موافق تزوج بالسيدة رتاج الباني .. على سنة الله ورسوله .. بدون اي ضغووطات ولا اكراه ...
عدنان تقلب شاف فيها وهي كتلعب بعينيها بتوتر .. وزاد زيررر على يديها ونطق بكل هدوووء
عدنان : موااافق ...
العادل : السيدة رتاج الباني .. واش نتي موافقة تزوجي بسيد عدنان الاسماعيلي .. بدون اي اكراه او ضغوطات
رتاج غير ساكتة وقلبها كيضضضرب راسها ولا سخوووون من داخل ومن برا بااارد .. ماعرفاتش اش وقع ليها وعدنان شاف لعندها جاتو متوووترة ودموع واقفين فعينيها ولامار قربات ليها شوية
لامار : رتااج ... واش نت بيخير?
رتاج غير سمعاتها طلعات راسها وتنفسها ولا كيتسع فالميكرو كولشيي كيشوف ... وتقلبات عند عدنان كتشوف فيه وهو فااااهم باش كتحس ...
العادل : أعييد ... السيدة رتاج لب
مزال ماكمل هضرتو تاكانت تلاحت على عدنان ومعنقاه مزيييييرة علييه وكتتتبككككي خلات كل مافالقاعة فذهووول تام ... وهي معنقاااااه وكتشهق البكا واريج بكات معاها كاااع وكولشي غير كيشوف ... شي فاهم .. وشي مفاهمش ... وشي حاس بها كاع ...
رتاج : انا مواااافقة ... موافقة نتزوج بعدنااااان ... بلا اي ضغوووطات ولا اكرااااه ( كتشوف فيه) بححححب كبييررررر ... وكون كان هاد نهار يتعاود .. كل نهار غانعاود نقوووول موااااافقة
احمد دمعو عينيه عل بنتو لي طااااحت على زنافرها مسكييينة ... وقرب ليها لعادل وسنيييااات ... وعدنان عاد تنننفس بعععمق فااااينالي ... وكولشي بدا كييييصفق وعادل وقف سلم عليهم
كيضحكو ويتعانقووو والمصورين كيصوورهم لحظة مؤثرررة بين صدييقااات ولاو كولشي فحيات بعضهم .... وهي تخرج أدييييل بالميييكرو ... ولفرقة الموسيقية بدات بالعزف .... جايا كتغني اغنية the one and only ... وقلالت الااااضاااءة ...جايا ضاااحكة ليهم .. ولامار مشات حدا اسد ... ويونس ناض تاهو بارك ليهم لاسقة فيه اريج ... اما قسم فيد جداتها ... وسفيان شاد فحيااة كيتمايلو مع الموسيقى وعدنان مع رتاج ... واديل كتغنني كل مرة تمشي عند كووووبل ...
اخيرا هاد العائلة شهدات على التقاء كل نصف مع نصفو الاخر ... وسارة لوور كتشوف فيييهم ودموع على خدها فرحااااانة ... حداها عمراااان معنقها ...
واسبرو فالكارافان لي كيبدل فيها مهشي وسط ليكوستيم كيتفرج فالايف ... وحزن كبيييرررر على وجهو ...دموع مابغاوش يحبسووو تاولا وجهو فااااازك وعاض على شفتووو .. تووووحشششهم وكيزيد تشعل نارو ملي كيفكر بلي راه داير تحدي على راسو مغايرجعش للمغرب دابا .... كيشوف فيهم كلهم مع لي كوبل ديالهم وكيضحك ويبكي بجوج ...كل وحدة عندو معاها قصة كان دييما هاز همهم ودقتهم ومشااااكلهم كل مرة يسمع لشكوى ديال وحدة ... كيحل فمشاكيل لامار وفمشاكيل اريج وفمشاكيل رتاج ....ما تاحياة ماتعاشرش معاها بزاف ... وشاف شيماء ناضت لعندهم تاهي كتبارك ليهم وشاف شحال جات زويييينة باللون الاحمررر ..وكيوووت ... وو يطططفي داك طابليييط باش مايصدقش شاد طيااارة ... ومسح دمووعوو وبدا كايخوي الما على وجهو باش مايبقاش عليه آثار البكاء .... قاد شعرو وخرج يكمل التصوير ....
ولامار جرااات اسد لمنتصف لاصااال ... باش يررقصو وهو داير ليها الخاطر ... يديه على خصررها وهي دارتهم فعنقو بجوج وكضحك ليه
حطات راسها على كتفووو واريج ويونس تاهوما وانضم حتى سفيان وحياة وعدنان ورتاج ...واديييل اكتغني ضايرة بييهم وهوما كل واحد كيشوف فوجه حبيييبو لي تجمع بيييه من بعد الصعووووبات والعراقيل .... ولكن عمرهم تخلاو ... ولي كان عوج عمرو تلاح ... سرحووووه .... فرق كبير بين شخصتهم فلول وبين دابا ....وكل واحد زرع خصال جديد فاكوبل ديالو .. لامار زعات فاسد الحيوية والحيااااة والعفوية ....وعلماتو يقول ويفصح على شنو فقلبو ...ويتواصل ويهضر ومايبقاش معزول ... وهو رد منها فاام دافيغ ...مراااة نااااضجة ومسؤووولة وفقمة الررررقي واوعي ... رتاج علمات لعدنان الحب .. علماتو يبغييي من قلبو ويتصنط ليه علماتو ان الحب ممكن يتوفق على كولشي .. حيدات ليه ضلام الماضيي وخرجاتو لنور لحياة ..... علماتو التساااامح .. ومعن الواحد يصصصفح ... وهو عملها الصبر .. علمها تششببت بالحاجة ومتستسلمش ... علمها عمرها تيق فالحظات السعيدة ... وزرع فيها مشاااعررر الحب ايضا بعد مكانت عايشة فقط لزهو ونشاط ... اريج علمات ليونس ان ماشي لي كنبغيوه هو لي كيكون صالح لينا ... وراتو الفرق بين اختيار القدر .. وبين اختيارو ... وراتو معنى الحححب الحقيقي كيفاش داير ...وعطاتو حياة عمرو ضن انه غايعيشها شي نهار ... وتاهو عاها حنان الام .. عطاها الطمئنينة والامان وكان ليها الصديق قبل من الزوج ....وعلمها حتى هي تشببت وماتسسلمش وعلمها ان عمرنا نبدلو حبنا الطفووولي ولا نساوه حيت مكيتنساش ... حياة زرعات فسفيان البسااااطة علماتو يتحكم فيدييييه ومايهزهاش على المراة ... زرعات فييه المسؤووولية ... وعلماتو يتحكم فراسو كتر وهو علمها النضج .. علمها انها عمرها تخلا على شخصيتها الحقيقة باش تعجب شي واحد علمها الواحد يرضى باصلو ونسبو .. وعلمها تشت بطموحاااااتها بدون ماتنحرف ..... وهوما كلهم علمو بعضيااااتهم .... معنى #الاخلاااااص_للعائلة .... و#الحب_الصادق
سلاووو الرقص ديالهم وكل واحد رجع لبلاصتو ... اما العرسان كيضورو على الحضور كيرحبو بيهم ....وسفيان وعدنان كيتمشاااو ثقااااال حاسين بالخخخخنقة كيتسناو غا امتى يسالو هادشي .. والمشروبات كتفررررق ... ولامار ااريج عاطينها لحديث والضحك ... واسد كان حاني راسو على تيليفون ... تاطلع راسو ... لقا كاع الانظار عليهم وخصوصي على لامار ... كيشوف مطلع حاااجبو ... كولشيي كايشوف فيها غاياكلوها بعينيييهم ... بدا غير كيتنححححن ... خسر ليه الجووو .. ماعرفش واش يدييها لدار ويديرو بناااقص ولا ينوض يحيح ... السخووونية طلعات معاه ... خصوصي ملي شاف لجيهة صدرها بانليه كيبان شوووية وهي تشعل فيه العافية كرز عللى سنانو مع بعضهم .. غير كالس وكيبخ النار وتاحد محاس بيه كيبان عاااادي ....وهي ضارت شافت فيه كتضحك
لامار : قسسسم نعساتها ماما ماعندك ماتسالها
هي كتهضر وهو عينيه على صدرها ودوا بينو وبينها تحت سنانو
لامار : والله تاعييييييقتي بالله ... والله مكيبباااان كاع غير لي حنيت عند اريج
اسد :واتحيدي داك الفيييست وتكون هضرة اخخخرى ..
لامار قلبات راسها معصصصبة ... وهو شد تيليفونو مرة مرة كيطلع عينيه فنااااس طلع ليه الخرااا لراس ... واريج كتسولها بعينيها اش واقع ... وتاهي شدات على الفيست وصقرات حيت عارفاه غايرجعها لدار .... وهي تجي آنااايدا كتعووووج لعندهم بواحد لاغوووب قصيييرة .. باغا تبارك ليهم ومعاها واحد من معارفها ومعارفهم ... وسلمو عليه واسد ماعندو خااططررر ماشافش تالعنهم ... وكلسو معاهم
آنايدا : عرررفتووو الححفل كان كلو على بعضو حلو ... فغيييييمون دووو ليُّيكس ... تباركالله ششكون المصصمم ??? حتى تعطييوني ليمايل ديالو تانا كتسناااني واحد لافييط بمنااسبة غادوز عاااام على التحاقي بالشركة ديالك اسي اسسسد
اسد : باغدون ?!!
لامار : ( بالحس ) هادي راه شريكة معاك ... هي داك آنااايدا ....
اسد طلعها وهبطها ووما غير براسو
السيد لي معاها : كيف قالت انايدا الحححفل كان راااائع قمة فالفخاااامة والاتقااااان ... وحت العرسان تباركالله عليهم ... بالمناسبة كنتشررف بيك امدام لامار ( اسد غي كيحك فسنااانو ماعارفش اش وقع ليه كيجيب ليه كاع العنيينين غاياكلوها) حكات ليا عليك انايدا بزاف وعلى انجازاتك ... انا راني كليوون عندك غير ماتلاقيناش ...
لامار : ااه مرحبا بيك
- رررربي يخليييييك امادم ...
اسد ررما يدو موراهاا جبددها لعندو عنقها على الله يهبط شوووية عينيه ويتفكر لاراجلها حداها كالس .... وهي مسايراه وكتبتسم وخا راه مزير عليها كتفها غايطيررر من بلاصتو.... مرة مرة يشوف عند صدرها كيلقاه مغطي بلافيييست وانايدا غاادوووووووب مكرهاتش تكون بلاصة لامااار فهاد تعنييييقة لصدرو العريييييض غير كتغزز فشفايفها بشششهوة الشوفة فوجهو كتشهي ... والكاريزمااااا ديالو وحاحبو المرتفع ...ويونس غير كالس ويشوف فيه عرفو غااار ههههه وعلاش لي مايغييرش راه كولشي كيشوف فيها ... عندها واحد الجادبية خطييييرة .... هي ماشي كتلفت الانتباه ... نووو ..الانتباااه بنفسو لي كايلتفت لييييها .... جاتو السعرة دالغييييرة وزعما راه كولشي عارفها مررتو واخا هاكاك شعل من داخل معنقها مزززيررر على كتفها بحالا كيقوليهم ديالي ... وعاد عمرو طاح فشي موقف ديال يتحرشو بيها لانه داير عليها الحصاااارر ومخليها بعييييييدة على لباشار .... هو غير هاكا واش دار ...ما كون وصل لوقف يتحرش بيها شي حد كون طاحو الارواح .....
اسد : نزيييييد نقولها .... مممنوع يشووووف فيك شي حد من غييييري
يلاه غاتهضر تلاح على شفااايفهااا كيبوووس وهي خايفة غير يخرج ش حد ما تاهو مقزززدررر ... كيبوووس فيها ويدو فعننقهااا ماعارفش اش جااااه عليها ليوووما ورجع بعد كيشوف فيها ولا حمرررر
قلبووووها ضحك ومبارك شد يد حياة زايد بيها عند سفيااان وودارها فييييدو ...وعنقو كنوع من التهنئة.. وحل ليها لباب طلعات لطمووبييل وتاهو طلع ... وزاد عففففططط مابقاش عاد تسنا خلا موراه غير لعجاج.... واحمد قرب يد ررتاج لعند عدناااان .. لي واقف كيف شي سسسبع ... بواحد لهببة خطيرة عندو ... ودارها فيدووو ...
حبيبي الأصم الجزء 340
محتوى القصة
التنقل بين الأجزاء