قصة أسقطته في شباكها فعذبها حتى أذاب فؤادها

من تأليف ندى علامي
2020قصة كاملة سفالة مرتفعة

محتوى القصة

رواية أسقطته في شباكها فعذبها حتى أذاب فؤادها

لعنوان كيوحي لبزاف دلمعاني طبعا كل واحد وكي غيتصورو فدماغو يقدر يكون وصل ليكم جزء بسيط من فكرة القصة ولكن كونو متأكدين انكم فاش اتقراو القصة غاتعرفو المعنى الحقيقي دلعنوااان ..فكرت فيه بزاااف طاحو فبالي عناوين كتيرة حتى وقفت على هدا واخة طويل ولكن مناسب لمضمون القصة..

قصتي مختالفة بشخصياتها وابطالها .هنا لبطالة ماشي هي روان او منى او هدى او رزان طاهرة # او نعمة لاا هاد لبطالة ماشي بحالهم مختالفة عليهم شخصيتها بعيدة عليهم .

ومانساوش شخصية لبطال لي غتكون متنوعة ماعندهاش طبع محدد يقدر يدوخكم

قصتي هي جزء تاني لقصة حب طاهرة_ناصر .بحلة جديدة غيتبدلو بزاف دلحوايج حيت ايتزادو بزاف دشخصيات جداد ..صراحة متشوقة كتر منكم لهاد القصة ومتحمسة نعرف رأيكم فيها وتقييمكم ليها..وان شاء الله تعجبكم وتكونو أوفياء للقصة بتفاعلكم ماتبخلووش عليا بتشجيعاتكم باش نعطي كتر وكتر وماتحبطونييش بقلة تفاعلكم ..

💞 قلوب نقية 💞

كانت جالسة فبيتها ودفاترها وكتوبها دايرين بيها كتحاول تركز فلحفاضة وتفهم شي حاجة تنهدات ..مافهمات تاشي لعبة .مامركزاش .هزات ورقة وبدات كتكتب فسميتها وتزوقها ودور عليها لقلوبة..وترجع ترسم قلب فيه سهم وترسم وريدة..سمعات لباب تحلات وهي تقلب الصفحة تنهدات براحة فاش شافت ختها صغيرة:لاش جيتي..صيفطاتك ماما تشوفيني شكا ندير ياكي
ماداتهاش فيها هزات تعريجتها من فوق الماريو وخرجات كتجري
عائشة:اوووف شي يشطح وينشط وشي يجلس و يحفض
ناضت وهي كتسوط لبسات صندالتها وخرجات من لبيت ..طلات من لفوق على صالة كتبنان من لفوق.. الدار كانت عبارة على رياض .ساكنين فيه جيران .المهم شافتهم جالسين مجمعين ولبنادر وتعارج فيديهم وكيطبلو ويغنييو ..شافت مها فالوسط وكتشطح عيطات على حر من جهدها:ماااااما
ماسمعوهاش رجعات غوتات:وااااا ماماا
حبسو من تطبال وشافو فيها
كانت محزمة بحزام شيخات ولابسة بيجامة لاسقة عليها ومبينة فرمتها.وكتشطح علات راسها وشافت فيها:ياك لاباس اش واقع
عائشة:بغيت نهبط تا انا ..مالك حبستيني فداك لبيت
وحدة من لعيالات:خليها تهبط براكة عليها
عائشة من لفوق:عفااك اماما..
نفس لمرة:زاهية يهديك الله خليها تنزل
زاهية شافت فبنتها:هبطيي يا لموصيبة
عائشة بتاسمات وهبطات كتجري فدروج كانو ضيقين ومزلجين بزليج البلدي..وصلات لعندهم خدات بندير وبدات كطبل:وا طبلو مالكم حبستو
بقاو كيضحكو .وكملو تطبال ولغنا...شوية ناضت وحدة من لعيالات وفيديها حزام دشيخات:وا نوضي اعويشة فرجينا
ماكانتش من لعاكزين حطات لبندير وحزمات وناضت كتشطح مع مها ..ولعيالات كيطبلو ويزغرتو ويغنيو بسمياتهم ..الزاهية عيات وجلسات وهي كتفرج فعائشة مشخداها بالشطيح.ومرات كتحير بشعرها بتاسمات ..شافت لعيالات حالين فيها فمهم خافت عليها من لعين:عاائشة اجي لهنا براكة عليك
عائشة:غير شوية اماما
زاهية خنزرات فيها :تي دوزي تجلسي
جارتهم:خليها تشطح مالك
زاهية:تا تكونو كتقولو تبارك الله وتشوفو فيها بعين الرحمة..راه انا لي كنوحل فيها فليل فاش كطلع ليها سخانة..بنتي دغية كتشد فيها لعين
الجارة:بغيتي تقولي كنعينولك بنتك
زاهية:اياه فهميها كيف بغيتي اجي نتي تجلسي
عائشة حيدات لحزام وجلسات حدا مها
الجارة التانية:تبارك الله عليك وخلاص. طالعة لمك فشطيح..زاهية بان ليا غتاخد بلاصتك ملي غتكبر اتولي شيخة عائشة
زاهية خنزرات فيها:لا حبيبتي بنتي بعيدة على هدشي ..عائشة اتكمل قرايتها وتوضف..وتزوج بشي راجل لي ييهزها من لهنا..باش نبقاو مزيانين ماتعاوديش تجبدي هاد الهضرة على فمك
الجاارة:صافي صافي غا ضاحكين
شوية جات مرا كبيرة فالسن خرجات من الكوزينة محزمة بالفواطة ديال شقا عاقدة راسها بدرة حياتي..:ايوا يا لعيالات كسكسو واجد شي وحدة تنوض تحطو ضهري تقسم مانقدش نهز لقصرية 
ناضت وحدة من لعيالات ..شوية دخل برهوش صغير كيجري:خالتي زاهية..خالتي زاهية
زاهية:ياك لاباس شواقع
الدري:والو غير عصام قالك خرجي ليه قصرية دكسكسو ياكلها هو ودراري برا
زاهية ناضت:فين هو بعدة نهار كامل وهو غابر
عائشة:ماما عصام خاص ديريلو شي حل
كلتوم خنزرات فيها وخرجات وقفات حدا باب دار وهي تشوفو مجمع هو ودراري ولكارو فيديه كيضحك وطالقين الموسيقة عيطات ليه:عصااام 
شاف فيها:نعام الواليدة
زاهية قربات لعندو شوية:اجي لهنا
عصام مشا لعندها :الوليدة شحال من مرة كنقولك منين نكون مع الدراري ماتخرجيش عندي هكااا
زاهية رجعات اللور :هنااا..يلاه قولي فين كنتي غابر نهار كامل
عصام:اغا مع دراري..جاو شي gور ساريناهم فلمدينة لقديمة شوية وجبنا مصيريف
زاهية:كتقلب على المخزن يشدوك
عصام:شمن مخزن الله يهديك ..دعي دعي يا لميمة ربي يسهل ليا ونمشي على برة.حياتي خسرتها فهاد المغرب ماكاينش لي كيبغي ليك لخير
زاهية:واش مزال هاد لحريg مابغة يخرج من دماغك.شنو فيها بلادك لي باغي تهاجر منها
عصام:بلادي ماعطاتنيش هانتي كتشوفي كلشي ضدي 
زاهية تنهدات:شغا نقولك اولدي الله يهديك
عصام:امين..واخرجي لينا كسكسو 
زاهية:واخة..شوية ودخل بحالك راه ليل هدا
عصام وهو غادي:واخة.
بقات حاضياه تا وقف حدا دراري دخلات مشات لكوزينة صبات ليه فغطار خرجاتلهم لزنقة تجمعو عليه وكلاوه..وهي دخلات تجمعات مع لعيالات وبداو يتعشاو..سلاو وكل وحدة طلعات لبيتها ..كيجمعهم رياض واحد عايشين فيه.كيخلصو لكرا من شهر لشهر ..مولاه راجل ساكن على برا داير معاهم مزيان.ناقص ليهم فتمان لكرا
عائشة طلعات لبيتها لي متشاركاه هي وختها صغيرة وعاد بيت ديال زاهيةو مها كلثوم..وبيت ديال عصام
زاهية كانت متكية فوق النموسية ومها قدامها كتصلي الاجر..سلات وشافت فزاهية ساهية وكتفكر ناضت وتكات حداها:بنتي مالك ساهية
زاهية تنهدات:شغا نقولك اميمتي.بغيت وليداتي يعيشو مزيان ..عصام ولا صعيب مابقيتش قادرة نتحكم فيه وليت غير كنسايس معاه كي كتشوفيه تبلا ولبلية صعيبة.خرجو عليه ولاد لحرام.ضيعو ليه حياتو الله ياخد فيهم الحق

تنهدات وكملات هضرتها :وزيدي ديك المسخة لي لاسقالي فيه مابغاتش تبعد منو اميمتي لحبيبة راني مقوية راسي بزز مني بناتي كبرو وخاص نأمن ليهم مستقبالهم عائشة تاهي هاد لعاماين مابقاتش بغات تقرا ماعرفتش مالها كانت كتجي هي لولا فالقسم مابقاتش مركزة ولات باغة تجلس من لقراية كنقولها خودي غير لباك ديالك ماكاتسمعليش وهاد لخدمة ديال شيخة عييت منها الهضرة دناس ماكاتسالاش 
كلثوم(الام):صبري ابنتي صبري كلشي غيدوز ربي كبير 
الزاهية:كوكان لمرحوم عايش ماكانش غيوقع هدشي كامل كان هاز عليا لحمل الله يرحمو فهاد النهار
كلثوم:جي ابنتي ترتاحي ماتفكريش دابة يحلها مولانا
الزاهية تكات حدا مها..كي لعادة كلثوم كتلعب ليها فشعرها حتى كتنعس
واخة فعمرها 38عام مزالة كترجع لمها فاش كدور عليها ليام..وما كاترتاح حتى كتنعس حدا ميمتها

فجيهة لوخرا

كانت جالسة فلبيت كتلعب فطليفون شافت فختها ناعسة ..دخلات للانستقرام وتنهدات وهي كتشوف فشي تصاور:هوما لي مهنيين عايشين حياتهم ..حطات طليفون وناضت كتجري فاش سمعات صوت لغوات حلات للباب خرجات طلات على صالة ..بدات كضحك ولفات هاد االمنضر..كانت سكرانة وداخلة محيحة بلباسها لمعري من نهار سكنات معاهم فالرياض وهي دايرة ليهم النشاط خخخ كيكتقولها عائشة..
عائشة عيطات ليها:سارة
سارة علات راسا وشافت فيها هضرات بصوت تقيل بشراب:مزالة فايقة المشة
عائشة بصوت منخافض:اجيي طلعي
سارة:فياا نعااس
عائشة:وغا اجي قصري معايا ماجانيش نعاس.
وحدة من جارات طلات عليهم:سيري تنعسي ابنت الزاهية سهمك ماشي من سهمها هادي ماتصلاحش ليك
عائشة خنزرات فيها
سارة شعلات:مال مك نتي شكون دواااك وحشاه لطاصيلتك.وكاتقولولي علااش كنحيح على طب. دمكم.شي نهار انحيد سروالي عليكم هنايا غا صبرو
الجارة :يخليها سلعة تفوو
وزدحات الشرجم
عائشة :طلعي طلعي ماتديش عليها
سارة :هاهي طالعة
عائشة دخلات للبيت سبقاتها..بقات شحال حتى كتشوفها داخلة كتميل..جلسات فوق النموسية..عائشة ناضت وشدات لباب وجلسات حداها:ياختي فوقاش ايعفو عليك الله
سارة شافت فيها:تاواحد مالقاها كيف بغاها .
عائشة:سارة نتي زوينة تبارك الله لاش دايرة هاد الحالة فراسك 
سارة:اودي راك عارفة بلا مانقولك ..
عائشة:ايوا تكايسي راك غتندمي على هدشي
سارة:شوف شكون كينصحني برهووشة
عائشة:واخة مزال صغيرة كنعرف نفرق بين الصح والغلاط
سارة بتاسمات:كتفكريني فصغري فاش كنت بريئة راسي خاوي من اي حاجة مسخة .عرفتي شنو خليك هكا ماترميش راسك للوسخ دفعي زينك غالي..نتي تبارك الله زوينة الف واحد يتمناك زين سويدي مغريبي هههه
عائشة:باش فادني زيني ربي لما تسكتي
سارة:ومالك اش ناقصك دابة ربي يجيب ليك زهرك تا لدارك هنا فين قلتها ليك 
عائشة:ساارة نتي كتقراي الكف عفاك قرايلي مستقبالي كيف غيكون
عائشة مدات ليها يديها..سارة ضرباتها ليديها:جمعي يديك علياا ماشفتوش حتى لراسي بقالي نشوفولك غا نتي
عائشة:كدابة..ودوك ناس لي كيجيو عندك ويعطيوك لفلوس باش تشوفي ليهم
سارة:ههههههه تي سيري هادوك فلوسهم شايطة عليهم كندير ليهم خاطرهم وصافي 
عائشة:نصاابة 
سارة:ايوا يستاهلو 
عائشة:وهادوك لي كيجيو باش يسحرو لرجلاتهم كي كديري ليهم يلاه
سارة:امم كنعرف واحد لفقيه هو لي كيقاد ليهم انا غا وسيطة تعلمت منو شي حوايج كنقضي بيهم وصافي
عائشة:ياختي وماكتتخافيش من ربي
سارة:الضروف ..عرفتي شنو بدلي لموضوع جبدتيلي لساني العفريتة خلي هدشي بيناتنا صافي
عائشة:واخة..سارة عمرك قلتيلي شحال فعمرك 
سارة:25
عائشة:ولاش جيتي من امريكا كوغا بقيتي فيها
سارة:وانا كرهت راه هوما جراو عليا ماصبروش لهبالي ههههههه صيفطوني للمغرب هو لي غيهز ليا هبالي هههه
عائشة:ههههههه هبيلة و الله
سارة:شنو كنتي كديري 
عائشة هزات طليفون ودخلات للانستقرام:كنت كنشوف فبنت عمي كي عايشة 
سارة:اري نشوف هاد بنت عمك
عائشة وراتها تصاور:عمي لاباس عليه لفلوس كيلعب بيها 
سارة:نتي حسن منها لا علاقة اجي وعلاش ماكايعاونكمش
عائشة:بغيتي مراتو دبحو كيخاف منها بزاف.لاساقت ليهه لخبار تلوحو من شرجم
سارة:هدي خسها شي وحدة طيرو ليها وتخليها تحماق..مابقات رجلة فهاد الدنيا مخلي ولاد خوه كيتكرفسو وهو عايش حياتو
عائشة:مابقاش كيهم
سارة:اصلا الزاهية مامخلياكم مخصوصين من والو كتلبسو احسن لبس وتاكلو وتشربو ومقرياكم..
عائشة:داكشي لي كاين 
سارة ناضت:غنمشي نعس عيني كيتغمضو
عائشة:تصبحي على خير
سارة:ونتي من إهلووو
وخرجات. عائشة رجعات تكات طفات الضو كملات تخنتيش فطليفون..تا جاها النعاس ونعسات

صبح صباح🌞

الزاهية كانت جالسة فصالة هي وشي جرات .كيفطرو مجموعين ..حيت متشاركين صالة وحدة..كل نهار وحدة كتوجد لفطور عندهم داكشي بالنوبة..
سارة نزلات وجلسات دارت رجل على رجل وهي كتفوه لابسة سوميج كحلة معرية وفوقها بينوار من نفس اللون حازماه باهمال . :ختي الزاهية كاينة شي قهوة راسي ضرني
الزاهية كبات ليها كاس دلقهوة ومداتو ليها: بالسيف مايضرك ونتي ماكادخلي تاكيقرب صباح


سارة خدات كاس دلقهوة:دعي معايا ربي يلاقيني مع شي ساعودي مضبر يكون زوين وبوقوص يهزني من الهنا
الزاهية:ههههه ايوا الله يجيبو ليك نتهناو من صداعك
سارة شعلات كارو:اميييييين
الجارات جالسين وحاضيين رجلاتهم كيخافو منها
سارة :غا هنيونا من داك شوفات ماكايهمونيش رجالاتكم حيت مافيهم مايتشاف مصابهم يصرفو غا عليكم 
وحدة من جرات:علأقل ستري غا راسك حتارمينا شوية ..
سارة حيدات لبينوار بقات غا بسوميج:هكا حسن
الزاهية غلباتها الضحكة 
رجال كاملين خرجو عنيهم فيها خصوصا انها هازة فورمتها زوينة كلشي حاضر خخخ 
وحدة من جرات شافت فراجلها شوية وياكلها بعنيه:نووض سير تخدم
سيد فاقد الشعور ماسمعهاش ضرباتو برجليها:وتا نوض 
رجال:هاا واخة..واخة
ناض طاير
سارة:كون كنتي كتلبسي لراجلك هدشي كاع مايشوف فيا ..ولكن لابغيتي نسلفك شي حاجة مرحبا ههههه
الزاهية نغزاتها:احم سارة
سارة:هاهي ساكتة..اجي فين هي عائشة ماغاتمشيش تقرا
الزاهية:فكرتيني من صباح وانا نفيق فيها..نطلع نشوفها فين وصلات..
ناضت وطلعات تشوفها دخلات للبيت لقاتها مزال ناعسة حيدات عليها لحاف:تهزي نوضي 
عائشة :ماااما قلت ليك ماغاداش نمشي
الزاهية:وعلاش بالسلامة اش واقع لاش هاد الحالة كلها دويي
عائشة:حيت مابقيتش باغة نقرا 
الزاهية:نهار اطلعلي لقردة لراس غنشدك غنشتف عليك مزيااان وغا زيدي عصبيني
عائشة ناضت جالسة:اووووف 
الزاهية :ما تأفأفيش عليا 
عائشة بقات غير ساكتة
الزاهية:نوضي وجدي راسك 
عائشة شافت فساعة:مشا لحال
الزاهية:سيري مع 9 ..هنا غنزل اقسم بالله وماتنوضي . 
قاطعاتها عائشة:وصاافي فهمنا
الزاهية خرجات وزدحات لباب..عائشة ناضت غسلات وجها ولبسات حوايجها وهزات ساكها ..وقفات حدا لمراية كتلبس طابليتها ..وخرجات دازت من حدا لبيت دخوها..رجعات جوج خطوات اللور حلات لباب دخلات لقاتو ناعس قربات لعندو تحنات لعندو وباستو حل عنيه وشاف فيها
عائشة:صباح لخير
عصام :صباح النور 
عائشة:كنتي فايق.
عصام:اه غير كنت متكي
عائشة:ايوا مزيان.انا غنمشي نقرا
عصام تقلب لجيهة لوخرا:سيري واخة ماباليش باغة تقراي
عائشة حلات لباب:قولها لزاااهية
شدات لباب هبطات لتحت جلسات كتفطر
كلثوم:بنتي عائشة لاش ماباغاش تقراي اش واقع
عائشة:والو اجدة

الزاهية:غا خليها دابة تا لمن بعد واندير معاها شي جلسة نعرف اش كاين 
عائشة ناضت:انا مشيت
الزاهية جبدات بزطامها:هاكي هادي لاحتاجيتي شي حاجة
عائشة:بلاش 
وخرجات ماحاملاش تمشي للمدراسة ..كانت غادة وكتفكر كتبني وتريب بحال اي بنت حتى كيفيقها صوت لكلاكسون علات راسها كانت طوموبيل من نوع رونج روفر ..كتحمااق على الرونج شافت فمولاها بوقووص دار ليها حركة باش تركب خنزرات فيه وكملات طريقها عمرها دارتها ماباغاش الديرها..شافتو باقي تابعها ماداتهاش فيه حتى كتشوفو وقف ونزل عندها شدها من يديها:اتخليني نبقة تابعك
تنترات منو:ببعد منيي ماتقيصنيش
الولد:كاالم غا بشوية
عائشة:وهي لا مشيتي بحالك
الولد:بغيت غير نتعرف عليك وصافي .
عائشة:وانا ماباغاش
الولد:دابة اجي ركبي معايا داك ساع نتي قرري 
عائشة:تفو على صبااح شوف اخويا انا خارجة من دار معصبة ماتزيدش تكمل عليا ..انا ماشي ديال طوموبيلات وداكشي لي على بالك..عطا الله شكون تركب معاك سير قلب فشي جيهة خراا.
كملات طريقها وهي كتصووط..الولد بقة غير كيشوف فتالي ركب فطوموبيلتو ومشا 
عائشة وصلات للمدراسة دخلات مشات نيشان للقسم شافت الاستاد واقف كيشرح الدرس دقات ..شاف فيها:مرحبا بلالة عائشة عاد فقتي 
عائشة غير واقفة وكتشوف فيه عارفاه غيمرمدها..وعاد تلاميد كيضحكو 
الاستاد:جبتي لورقة 
عائشة:لا
الاستاد:نمشي نجيبهالك ولا شنو
عائشة حنات راسها وهبطات للادارة .الحارسة العامة عندها عزيزة 
عائشة:مشا عليا لحال يلاه جيت دابة
الحارسة العامة:واخة ابنتي وشنو عندك دابة
عائشة:سعتاين دلماط 
الحارسة:اه مادخلتيش فساعة لولا.
عائشة:اه
الحارسة العام عطاتها ورقة:هاكي وسيري قراي على راسك راه مابقيتيش كي كنتي
عائشة:ان شاء الله نخليك دابة
طلعات للقسم عطات للاستاد الورقة خنزر فيها ومشات جلسات بوحدها ..كان الاستاد كيشرح وهي مامركزاش معاه مابقاتش عندها لكانة لوالو..هازة ستيلو وكترسم فلورقة حتى كتسمع صوتو:عائشة
شافت فيه.
الاستاد:نوضي خرجي هاد المعادلة
عائشة شافت فصبورة درس جديد وهي مافاهماهش حيت ماكانتش متبعة بقات غير كتشوف
الاستاد :وقفي بعدة
وقفات وهي كتشوف فيه .هاد الاستاد ديما هاز معاها الضد زلايلي وفاش ماعطاتوش وقت تسيف عليها ولا حاضي ليها غا سبة فين يمرمدها 
الاستاد:ملي ماباغاش تقراي جلسي فداركم لاش جاية .ديريلي زحام فلقيسم
عائشة ببرودة:دابة شنو من تالي
الاستاد عصباتو:خرجي هاد المعادلة
عائشة:ماعرفتش
الاستاد:وشكا تعرفي ديري بالسلامة
وحدة من تلاميد:كتعرف تشطح ههه مها شيخة باغة تولي بحالها
كلشي بقة كيضحك ..والاستاد ماقال والو بالعكس كيتشفة فيها ..مارضاتش.ولات كتكره تجي تقرا غير على ود هدشي .كيشوفو فيها شوفة ناقصة..


كلشي بقة كيضحك ..والاستاد ماقال والو بالعكس كيتشفة فيها ..مارضاتش.ولات كتكره تجي تقرا غير على ود هدشي .كيشوفو فيها شوفة ناقصة .وكل مرة كيلوحو ليها هضرة على مها..شافت فالبنت لي هضرات:شحال من مرة خاص نقولك دخلي سوق راسك.
لبنت:مالي كذبت.ياك مك شيخة كيعيطو ليها تجي تشطح فلحفلات.
بنت وحدا خرا:تاتعطيني نمرتها عندنا واحد العرس تجي تشطح فيه هههه اولا اجي غا نتي 😉
عائشة شافت فالاستاد ساكت . زادت تعصبات ماحساتش براسها تاطارت على وحدة فيهم وبدات كضرب فيها وتجرها من شعرها تمجنات عليها خرجات فيها داك الاعصاب كلهم لي فيها ..بغاو يبعدوها وماقدروش يديها ماتت على شعرها مابغاتش ترخي
الاستاد:جري عيط للادارة
خرج دري كيجري
طلع المدير والحارسة العامة 
الخارسة العامة:عاائشة رخي منها
عائشة مرفوعة ماحاساش براسها شكا دير ..لبنت ولات كلها خباشي ودم كيسيل من فمها وشعرها كلو تشعكك ومزال مابغات ترخي منها
المدير هز يديه تا لسما وضربها لوجها:رخيي منها
عائشة غوتاات:لااااا 
الحارسسة العامة:عائشة حبسيي هدشي راه اتموت بين يدييك رخي منها
بقاو كيجروها من يديها كيحاولو يفكو ليها شعر من بين يديها..بقاو معاها تابعدوها عليها 
المدير كيغوت:لا هدشي لي بقة وليتي شمكاارة ..وجدي راسك للمجلس التأديبي..
لبنت كانت كتبكي وجالسة فالارض..عائشة كترجف غير بحدها وقلبها كيضرب فلمية شافت فالمدير كيهضر مع مها فطليفون .بقات غير واقفة مانطاقت تاشي كلمة شافت مات لبنت جات ..غير شافت بنتها فديك لحالة بدات كتغوت وتسب فيها:ياابنت لحرااام شوفي شنو درتيلي فبنتي يالمسخة
بغات ضربها وهو يشدها لمدير
لمرة:خلييني نربيها لماعرفاتش مها تربيها..مك كتقيل كتشطح ومخلياك كتكرفسي على بنات ناس .
عائشة ماقدراتش تستحمل خرجات كتجري من القيسم ماداتهاش فالمدير لي كيعيط ليها ..نزلو دموعها حارين على خدها حسات بالقهرة وقفات وهي كتبكي تكات على لحيط وحطات يديها على فمها باش مايتسمعش صوت شهقاتها ..شافت مها جاية من لبعيد ..مسحات دموعها كتسناها عارفاها اتحيح عليها.
الزاهية وقفات حداها:اش واقع شنو درتي دوي
عائشة حسات برجليها فشلو عليها ترخات وطاحت صخفانة
الزاهية:عااائشة
بقات كضرب ليها على وجها باش تفيق وهي كتغوت..كلشي تجمع عليهم ..نزل المدير وهزوها دخلوها لغرفة الاستراحة دلاساتدة 
الزاهية كضرب فحناكها وهي كتبكي:اميمتي على بنتي عمرها وصلات لهاد الحالة 
رشو عليها لما بقاو معاها شحال تا حلات عويناتها غير شافت مها بدات كتبكي ناضت جالسة وعنقاتها:مااااما
الزاهية عنقاتها تاهي:صاافي ابنتي ماتخافيش هنا معااك 
عائشة غير كتبكي محتاجة غير لمها فهاد اللحضة
الزاهية:عاودولي اش وقع لاش بنتي وصلات لهاد الحالة
المدير:بنتك ضربات واحد لبنت وسط لقيسم كانت اتقتلها
الزاهية شافت فعائشة:علاش ابنتي قوليلي نتي.عارفاك مااتجيش وضربيها
عائشة عاودات للمها كلشي
الزاهية ركبها الجن لكحل ناضت:فيين هي هاد البنت ومهااا 
المدير:مشااو
الزاهية :نوضي اجي معايا
عائشة ناضت
الزاهية شافت فالاستاد:لا كنتي نت استاد يحرق جد بوها هاد المدراسة..لي غنقري فيها بنتي.شهاد المستوى وصلنا ليه 
شافت فالمدير:بنتي كيسبوها وسط لمدراسة وقدام الاساتدة اش بغيتيها دير.وكيف بغيتوها تركز فلقراية..شنو دنبها هي دوي اسي المدير
المدير:انا راه ماعارفش هدشي راه تا كنسمعو دابة
الزاهية شافت فعائشة:زيدي نمششيو من لهنا زييدي
عائشة ناضت وتبعات مها خرجو من لمدراسة شدو تاكسي نيشان للحومة
اول حاجة مشات لدار دلبنت لي سبات عائشة ساكنين فحومة وحدة دقات بالجهد شوية وتهرس لباب:حلييي لباااب المسخة ديال بصااح حلييي
نزلو وحلو لباب
لمرة:ياااك لاباس مالنا على هاد الشوهة
الزاهية:الشوهة هي لي غندير ليك داابة ..حكرتوولي على بنتيي ماحشمتووش..
لمرة:هههههه لا لا بزاف هدشي شوفي بنتك شنو دارت فبنتي شوهاتها فوجها
الزاهية:كوكنت حاضرة كنت اندير ليها كتر.. اييييه انااا شيخة كنشطح وكنغنيي ..والحمد الله كلشي عارفني شكا نسوة انا وبناتي غا ضروف لي جابتها كنشطح باش نصرف على وليداتي ماكانديرش شي حاجة خرااا ..شوفي راسك نتييي شادين عليك السربييس على ود جوج دريال وياحصرة راك مزوجة وكتخونيه. كلميليي راجلك نعااود لييه 
لمرة ولات كتلون:صافي ازاهية الله يسامح ..
الزاهية:دابة عرفتي شكون لمسخة فينا 
لمرة:انا انا هي لمسخة سمحيلي...شوفي راجلي دابة وهو جا لا عرف غيطلقني 
الزاهية :كنقسم ليك بالله وتولي شي قحبة تهضر فيا انا وبناتي نخرج فمها عررض..هاد الهضرة ماشي غير لييك .هاد لهضرة لكاااع دوك لمسخاات لي كيقيلو مجمعين عليا .وهااا ودني منك
جيران كلهم كيتفرجو وقعات الجوقة .الزاهية جرات بنتها ومشاو لدار..دخلو.جيران وصلاتهم لخبار اش وقع كلشي تجمع عليهمفالصالة.الزاهية عاودات ليهم كلشي..
سارة:هادي خاص لي يصيفط لديلمها شي شمكار يخرطها هي وبنتها 
الزاهية:راه انا لي انخرطها لما بعدوش من بنتي


سارة شافت فعائشة:عطيتيها شي قتلة بعدة
عائشة:هههه داكشي دلغدايد
سارة:هههه ايوا مزيان المهم خليتي ليماارة فيها باش ماتنساش.الزاهية راها مرة مزيانة خاص تحمدي الله حيت عندك ام بحالها.واخة قسات عليها ليام ماباعتش لحمها وخرجات ضبر وتلاوح بين رجال..واخة كتشطح جامعة راسها..كتمشي تشطح غا قدام لعيالات ..ماخاصش تحشمي حيت هي مك بالعكس خاص تفرحي كون لقيت انا ام لي تجمعني وتصبر على زمان على ودي والله ماتلقايني هكا 
الزاهية تنهدات:راكي شتي ابنتي خدمت فديور وماقالونيش رجال طمعو فيا .وزيدي لغيرة لي كتكون فمولات دار ..كدمر عليك نهار كامل على جوج فرانكات ..واش نخلص بيها لكرى ولا نقريكم ولا نوكلكم .وخوك خرجو عليه ولاد لحرام ماخلاوهش يقرا ويبني مستقبالو..تا لمشروع لي دار بقاو عليه تا لبقو ليه منتيف ودخلوه لحبس كان هاز عليا الحمل ضيعولو حياتو الله ياخد فيهم الحق مالقيت ماندير .من غير هاد الخدمة لي قبلات عليا سمحيلي ابنتي لا حطيتك فهاد الموقف 
عائشة ناضت وعنقات مها:ماما بالعكس نتي لي سمحي لينا .عارفاك كديري هدشي على ودنا وهدشي مخليني نحتارمك كتر وكتر .
الزاهية باستها على خدها:وعلاش ماعودتيليش هدشي لي كيوقع ليك
عائشة:مابغيتش نشطنك معايا اماما لي فيك كافيك قلت خليني نخرج من لقراية ونتهنا 
الزاهية:لا ابنتي لا خرجتي من لقراية عاد اتزيدي تكملي عليا انا باغاك تقراي وتولي شي حاجة زوينة فالمستقبال 
سارة:ااايه وتدي شي راجل لاباس عليه يجي ينقدنا كاملين من هاد الفقر ههه
كلشي بقة كيضحك
طل عليهم ملفوق:واش ماكاتسالييوش من الضحك
سارة شافت فيه:عصاام جابك الله لقيت ليك واحد لمريكانيين باغين يتسراو فالمدينة وخاصهم شي g ييد
عصام:هادي همزة زوينة هنا نازل

سارة شافت فزاهية:زاهية زوجيني ولدك
الزاهية:دييه حسن من ديك لمسخة لي لاسقة فيه
سارة:زعمة انا نقية 
الزاهية:مافهمتينيش هاديك راها بنت لحرام باغة تخرج عليه
سارة:ايوا الله يدير شي تويل دلخير وصافي
عصام جلس حداها:شنو
سارة:عصام.ماتزوجش بيا
عصام:اعود بالله اجابنا لزواج اختي
سارة:ههههه مالي مانستاهلش
عصام:ولا ماشي هكا غير راك عارفة بلا مانقولك
سارة:غا كنضحك معاك نت تستاهل شي وحدة حسن مني شغا نقولك الله يسهل عليك
عصام:اميين نمشي لكندا ونخدم
سارة:ايوا على الله ..المهم غدا فصباح هاد لمريكانيين ايكونو كيتسناوك فلباب ديال اوطيل زلاغ انا ريكلت كلشي..غيتهلاو فيك
عصام:ايوا صافي يحفضك اختي سارة
سارة:ماشي مشكل راك عزيز
عصام:اجي بعدة مالكم مجمعين هنايا
زاهية غمزات سارة باش ماتقول والو:أوالو غا داويين
عصام:ااه ايوا مزيان نوض نضبر على راسي ..لوليدة اجي بغيت ندوي معاك
تبعاتو للباب :الله يسمعنا خبار لخير ياك لاباس
عصام جبد شي فلوس من جيبو:خودي قضي بهادو علامن تحرك القضية شوية 
الزاهية:لا اولدي ماخاصينيش لفلوس غا خليهم ليك نت
عصام:وصافي الواليدة خوديها بلا زيادة فلهضرة واش ديما نفس الهضرة..خلصي منهم لكرة وشوفي شنو ناقصكم نتوما
الزاهية خداتها:الله يعطيك الخير اولدي
عصام:الله غالب كلشي على عنيك ولكن كوني هانية غيجي واحد نها انهزك نتي وخوتي من لهنا..كومادخلتش الحبس ماكانش ايوقع هدشي كامل.كون سمعت لهضرتك كون راني بيخير دابة ومزال شاد مشروعي خدام بيه 
الزاهية بتاسمات:كلشي بلمكاتيب اولدي ماديرش فبالك
عصام:الواليدة كون غا جلستي و عطيتي راحة راسك 
الزاهية:سير اولدي تشوف شغالك ديما فاش كنهضرو فهاد لموضوع كندابزو ..شوف ماتغبرش بحال لبارح اجي بكري
عصام:واخة
خرج بقات حاضياه تا مابقاش بان ليها تنهدات ودخلات لدار لقات غير سارة جالسة.وكلثوم..جلسات حداهم 
سارة:ايوا صافي مالك عاقدة غوباشتك
الزاهية بقات ساكتة شحال عاد دوات:ماغاتبغيش ترجع تقرا من بعد هدشي لي وقع..وانا باغاها تقرا وتضمن مستقبالها
سارة:وغا سايسي معاها ولا عرفتي ديري ليها نتقال لشي مدراسة خرا
الزاهية:لقيتيني كنفكر فيها..صراحة بغيت ندخلها للمدراسة دلفلوس تكمل هاد لعام لي بقة ليها 
سارة:وعندك فلوس هاد لمدراسة 
الزاهية:عندي شي براكة وعاد نخدم ماشي خصارة فيها..راه باقة صغيرة مسكينة خليها تعيش حياتها يلاه عندها 16 لعام


سارة:ايوا لي بان ليك وانا نعاونك الالة كي قلتي ماشي خسارة فعائشة تستاهل
الزاهية بتاسمات:احياني فين غتزيدي بلمصاريف ونتي همك كتر من همي 
سارة:تانتي ماشي مشكل انا غا ديال راسي ماكانصرف على حد ..المهم من لهنا لتماك يحضر جود الله 
الزاهية:نوض نمشي لسوق فلعشية عندي لخدمة
سارة :تا انا نطلع راني تعطلت 

فجيهة وحدا خرا .هاد لبلاصة توحشناها بزاف وتوحشنا اصحابها..

كانت واقفة قدام لمراية كتقاد فشعرها لكحل كيلمع وتعدل مكياجها بتاسمات فاش شافتو داخل لبيت بكامل اناقتو وبخطواتو الموزونين ونفس النضرو لحادة..دازو اعواام مزال هو نفس الشخص لي بغاتو مزال حبها ليه ماتبدل بلعكس زاد على لي قبل .واخة ولادهم كبرو ولاو رجال قرب لعندها وبتاسم شد ليها فيديداتها وباسهم وبعد ليها شعرها على وجها وقرب وستنشق ريحتو مزال كيحماق على ريحتو ولونو لكحل مزال كيعشقها هي ام ولادو ..بعد وشاف فعويناتها لحد الان شوفاتها كيدوخوه..واخة كبرو وراسو ولا فيه شيب ولكن باقي الزعيم هو الزعيم بشخصيتو القوية وشكلو الوسيم.
ناصر:واجدة نمشيو
طاهرة بتاسمات:اه .ناصر كبرنا وغنزوجو ولادنا
ناصر بتاسم:دنيا كطير
طاهرة كتقاد ليه لكول :صراحة ولدنا يوسف محضوض غيدي وحدة بحال نرجس .كنت باغاهالو من شحال هدا
ناصر:اه بعقلها 
طاهرة:سبحان الله لا علاقة هي ومها ملاك ماتقولش بنتها مهدنة تبارك الله
ناصر:ايوا على الله يوسف يعرف بقيمتها
باستو على خدو:راه تربيتك وانا بان ليا باغيها حيت هو لي حتارها
ناصر تنهد:يكون خير..زيدي تابعنا طيارة
طاهرة حلات لمجر وجبدات واحد لبواطة حلاتها:ولدك كلفني نختار ليه انا خاتم الخطوبة كي جاك
ناصر ببرودة باغي فوقاش يخرج:زوين
طاهرة خشات لبواطة فساك:انقولها يوسف لي ختارو حشومة
ناصر جرها من يديها:زيدي دابة 
طاهرة :واخة

خرجو من لبيت لقات طاهرة الام كتسناهم
طاهرة:ماما فين هو يوسف
طاهرة الام:قالك ايسبقكم 
طاهرة:ديما كيدير غا لي فراسو
طاهرة الام:الله يهديه ندوزو هاد الخطوبة على خير بعدة
طاهرة:داكشي لي كاين
ناصر:اتبقاو واقفين ولا شنو
طاهرة شافت فيه:يوسف ماخلا منك والو تا تصرفاتك خداهم 
بتاسم:غرتي 
طاهرة:لا بالعكس بغيتو يشبه ليك
دور يديه على خسرها وهمس ليها :كنبغيك
بتاسمات وهي كتشوف فطاهرة الام حشمانة منها
طاهرة الام:الله يدومها محبة
ناصر وطاهرة:اميين
طاهرة:ليلى وعماد ايكونو فلمطار تعطلنا عليهم
ناصر قوليها راسك 
تفتح المصعد وركبو باش ينزلو لتحت 
وصلو لطابق لتحتاني خرجو من المصعد ..بتاسمات وقربات لعندهم:
ناصر عنقها:فوقاش جيتي
اكرام:عاد جيت دابة مانقدش مانحضرش للخطوبة ديوسف ونرجس أبابي
طاهرة:على سلامتك
وعنقاتها تاهي 
اكرام:توحشتكم
طاهرة:كي داز العرض
اكرام:زوييين كلشي عجبو تصاميمي وتاسمية ديال لمراكة ديالي عجباتهم.
وسكتات عاد.كملات هضرتها:لارا مالقيت تاشي سمية من غير سمية ماما الله يرحمها
كلشي بقة ساكت
اكرام:احم راه تعطلنا
طاهرة عنقاتها:لهلا يحرمني منك ابنتي
اكرام:ولا منك امامي.
وخرجو ركبو فلوطو نيشان للمطار ايسافرو لمدينة خرا فين ساكنة ملاك وكمال باس يخطبو نرجس ليوسف 


فالمطار

وقفات طموبيل حدا طيارة الخاصة بيهم حلو ليهم رجال لباب نزلو..شاف فولدو واقف ومتكي على طموبيل بلباسو سبور جاي مع فورمتو طويل عريض وكيدوي فطليفون قرب لعندو ووقف حداه..بقة كيشوف فيه كيف كيدوي فطليفون بكل تقة وكيشوف لبعيد بشوفات حادين مركز مع المكالمة بتاسم فكرو فراسو حتى من شدة ديال طليفون بحالو .واخة مختالفين فبزاف دلحوايج.بحال ستايل دلباس .يوسف من النوع لي لباسو كلو سبور قليل فين كيلبس لكلاس ذوق ديالو شوية بعيد على الاب ديالو..خدا من عماد طريقتو فاللبس .عندو شركة خاصة بلباس سبور دوريجين .وبزاف دالاختلافات مزال فشخصياتهم 
قطع وشاف فالاب ديالو :الوليد ياك لاباس
ناصر تكا حداه على طموبيل :يوسف نت لي قررتي تزوج ونت بنفسك ختاريتي البنت لي غتكمل معاك حياتها..
يوسف قاطعو:الولييد..
ناصر :خليني نكمل هضرتي
يوسف تنهد :تفضل ازاعيم
ناصر:نرجس بحال بنتي مانبغيكش تآديها ولا نسمع شي حاجة ماشي هي هديك.
يوسف:الوليد كون هاني انا عارف راسي شكا ندير.ماكاندير لحاجة حتى كنفكر فيها مزيان .مليت من لحرام بغيت نأسس حياتي ونرجس هي لبنت لي بغيتها.. من شحال هدا وانا عيني عليها تربينا مجموعين وعارفها شكا تسوة 
ناصر بتاسم:عرفتي تختار وتهلا فيها
يوسف بادلو الابتسامة:انديرها فعيني 
طاهرة من لبعيد:راااه تعطلنا
يوسف هز راسو باه وشاف فباه:مشينا
ناصر تقاد فالوقفة:مشينا 
تمو غاديين بجوج وبلا مايحسو دارو نفس الحركة دوزو يديهم على لحيتهم بطريقة رجولية..طاهرة مراقباهم بتاسمات حتى وقفو بجوج حداها 
طاهرة:يوسف سخيتي بيا 
ناصر شاف فيوسف:غيعيشو معانا فدار
طاهرة شافت فيوسف:بصاح
يوسف :مانقدش نقلقك 
تعلات عنقاتو هزها بين يديه باش توصل ليه 
طاهرة:الله يخليك ليا اولدي 
باس ليها راسها ونزلها:مزال ماخلاقش هدا لي يقلقك بغيتيني نعيش معاكم ادن غنعيشو معاكم
تنهدات براحة:هدشي لي بغيت مانقدش نعيش ونتوما بعاد عليا
يوسف باس ليها يديها
اكرام:شتك نسيتيني
يوسف جرها وعنقها .عنقاتو تاهي بالجهد بغة يبعد ولكن متمسكة بيه بالجهد 
يوسف :مالكي
اكرام غير ساكتة ومعنقاه 
بقاو كيشوفو فيها عارفينهم شحال قراب من بعضهم..خلاها على راحتها .حتى نطقات:الله يكمل عليكم بالخير اخويا تستاهل وحدة بحال نرجس
بعدات وهي كتمسح فدموعها:فرحت ليك 
يوسف وهو كيمسح ليها فدموعها:ولاش لبكة 
اكرام قلبات وجها:بالفرحة 
بتاسم ليها وشاف فمو كتشوف فلباسو فهمها:راكي عارفاني ماعنديش مع داكشي.ملي نوصلو لتماك غنلبس 
وراها واحد ساك سبور فيديه:هنا كلشي
اكرام خشات يديها فدراعو:بوقوس فجميع حلاتك
يوسف جرها من دراعها وشاف فناصر:ها حنا مشينا نتشاوفو تماك..اكرام اتمشي معايا

ناصر دار ليه اشارة بيديه وطلعو فطيارة كانت طاهرة الام تماك كل واحد شد بلاصتو باش اتقلع طيارة
طاهرة الام:احمد راه وصل لتماك هو بدر يلاه قطعت معاهم
ناصر:ايوا مزيان
وقلعات طيارة

دازو ساعات

الزاهية كانت واقفة فصالة بجلابتها ملبوسة عليها وجامعة شعرها لفوق وملوية عليه فولار خفيف بشكل عشوائي عاقداها لفوق ونص دشعرها باين ..ماكاديرش لفولار:وفيينكم العيالات تعطلنا على الناس والهوندة واقفة كتسنة
نزلو تلاتة دلعيالات وحدة مور وحدة:ها حنا ازاهية ..كنت كنسخن هاد لبندير شتو بدا يترخة
الزاهية:تانشريو واحد جديد وزيدو
عائشة جالسة وعنيها على تلفازة دايرة سبايستون وكتفرج فروسوم كتحمااااق على شي حاجة سميتها الرسوم حافضة اغانيهم كاملين:ماما ديني معاك عفاك
الزاهية:فين غتمشي عطي الراحة راسك
عائشة:شغا نبقة كندير فدار متلا
الزاهية:قابلي ختك حفضيها نوضي طوي بلاكارك جبدي كتوبك راجعي عطا الله مايدار
عائشة تنهدات
الزاهية:شوفي عيطي لخوك لا تعطل يقدر نتعطل فليل صافي
عائشة:واخة 
الزاهية:يلاه هنا مشيت
شافت فكلثوم:الواليدة ردي لبال
كلثوم:غير سيري ابنتي كوني هانية
الزاهية يلاه اتخرج وهي تسمع صوتها:تسناو
كانت نازلة بلباسها لمعري كيف لعادة كسوة لاسقة عليها وفوقها كاب محلول وشعر مقاد وكتعوج فلمشية :الزاهية وصلوني فطريقكم
الزاهية:زيدي يلاه
خرجو وركبو كاملين فالهوندا
سارة :شي نهار نمشي نحيح معاكم شوية 
الزاهية بتاسمات:ماقدكش هاد لحيوح لي دايرة 
سارة:هههههه عرفتي شنو مليت من شطيح فلكباريهات انقلب الحرفة ونولي شيخة معاكم 
الزاهية:ههه نتي حبك رجال غتملي دغية 
سارة:اودي مابقاو رجال
شيفور شاف فيها من لمراية:اماتجمعيش كلشي
سارة ضحكات:ههههههه طالق ودنيك مالي كذبت بقاو شي رجال فهاد الزمان
الشيفور:ماعجبتكش انا راجل وسيد رجال
سارة:ههههه لا نت حالة خاصة صراحة مرجل
بقاو لعيالات كيضحكو
سارة هزات واحد من لبنادر:ايواا اجي نشخدو الطرح شوية
بدات كطبل وتبعوها لعيالات بتطبال .والزاهية كتغني..وشيفور عاجبو لحال محيح معاهم ختموها بأغنية ضرب شيشة وصبح منك مك يامك خخخ
وصلو للكباري
الشيفور:زين راك وصلتي
سارة:والله ماسخيت بيكم
شيفور:تا انا ماسخيتش بيك
الزاهية:كون تحشم
شيفور:لي شاف هاد الزين عاد ايحشم
سارة ضحكات:ههههه الزهواني لاخور تسمعك مراتك طير لمك لمعلم وتعلقو ليك فبلاصة داك دعاء لي معلق فطوموبيل هههه
كلشي بقة كيضحك نزلات وهوما مشاو لخدمتهم

مسافة طريق وكانو قدام الدار لي ايخدمو فيها ..الحنة ديال شي عروسة بغات ديرها بالعونيات ..ستقبلوهم ودخلو رحبو بسهم بدواز اتاي والضيافة من بعد بداو خدمتهم بدلو عليهم لبسو قفاطنهم موحدين بنفس القفطان..وبداو بتطبال الزاهية مرة كتغني ومرة كتشطح..شخدو ليهم الطرح ولعيالات فرحانين كيغنيو معاهم ويشطحو وطبعا لغرامة دايرة .وحدة كتحط 20 درهم ولخرا 50 ..ولوخرا 200 درهم ..وكاينة لي كتحط 200 درهم غير على عنين الناس من بعد كتاخد منها داكشي لي باغة وتخلي لهم داك 
20 درهم منها


دازو ساعات 

كانت فبيتها كتفرج هي و ختها فسبايستون ماجاهمش النعاس 12 دليل وهوما مازالين فايقين
عائشة شافت فساعة:نوضي نوضي تنعسي 
مريم:اوووف بلاتي تسالي بعدة غير ايروكا
عائشة طفاات تلفازة:تهزي تنعسي غدا عندك 8
مريم كتأفف:اووف ماشي سوقك
عائشة:بلا ماتعصبيني وتخليني نقول لماما راك ماحفضتي ماوالو ونوضي تنعسي
مريم:عفاااك كتعجبني الاغنية ملي كتسالي ايروكا
عائشة :صراحة تا انا كتعجبني .اوكي غير ايسالي اتنعسي
مريم:واخة
عائشة مزال ما قدرات تستغني على جزء بسيط من طفولتها ولي هي الرسوم لحد الان مزال كتبعهم وكتحماق على اغانيهم واغاني طيور الجنة خخخ ..بقاو كيتفرجو حتى سلا الرسوم ..مريم بقات كتغني مع الانشودة وعائشة كتشوف فيها وهي مبتاسمة حتى بدات تغني معاها تاهي..شوية ناضو كينقزو فوق النموسية ويغنيو ويشطحو 

حين أعود للوراء تأتيني صور من الماضي 
أطياف ذكرايات قد صارت حكايات 
تأتي ثم تمضي 
أنظر بعيون أخرى قد تغيرت الألوان 
تحدثني تعلمني 
أن قد كان كان 
يازمان سأرسمك في النسيان زهور بستان 
تتفتح عندما يأتي الأوان 
يا زمان سوف أكتب الدموع و الأحزان 
في كتاب ليس له عنوان 
لن أعود للوراء لن يكون لي معه لقاء 
لن أعود للوراء لن أعود للوراء 
لن أعود للوراء لن يكون لي معه لقاء 
لن أعود للوراء لن أعود للوراء 
(من احسن الرسوم المتحركة لي تفرجت ليهم فطفولتي والحد الان مزال كتفرج فيه #ايروكا )

مريم ناضت تخشات فبلاصتها :هنا نعست 
عائشة هزات طليفونها وجلسات كتخنتش فيه حسات بلملال حطات داك طليفون وناضت خرجات من لبيت .جيران كلشي ناعس ضواو مطفيين يلاه اتنزل من دروج وهي توقف رجعات اللور باش مايشوفوهاش ..كان واحد من جيران مزوج داخل لبيت ديال وحدة من جارات تاهي مزوجة راجلها عسكري .كتلعب من موراه ماتشات علامن يجي..دخلو وشدو لباب..عائشة تنهدات وكملات طريقها نزلات لتحت كيعجبها فكل ليلة تسارة فرياض كتشوف العجب .ولات عارفة كلشي شي كيخون شي ..وقفات وهي كتسمع صوتهم خارج من لبيت .نفس شي كل ليلة .وحدة كدابز مع راجلها على المصروف وفين كيقيل نهار كامل حتى كيلبس صباطو ويخرج طافج
الراجل زدح لباب موراه:يحرق طاسيلتك ديما منكداها عليا تا راحة ماكايناش
شاف فعائشة واقفة وكتشوف فيه ساط بالجهد وخرج من رياض ..عائشة يلاه بغات ترجع لبيتها وهي تحل باب رياض كان داخل وعنيه عليها وهو مبتاسم:الزين
عائشة خنزرات فيه وبغات تطلع وهو يشدها من دراعها:فين غادة خليني ندوي معاك وسيري ديما كتهربي مني
عائشة شافت ليه فيديه لي على يديها وهو يرخي منها :سمعيني
رجعات اللور:شنو بغيتي اهيثم
هيثم:راكي عارفني كنبغيك وباغي نتزوج بيك غير نتي لي ماباغاش ماعرفتش علاش
عائشة تنهدات:حييت ماباغاكش اويلي فهمها
هيثم:علاش ماباغانيش واش كتبغي شي حد
عائشة:لاا ماكانبغي حد غا بعد مني
هيثم قرب ليها:والله تاندير اي حاجة بغيتيها غير قولي اه
عائشة:لا لا لا فهمتيها
يلاه ايهضر وهوما يسمعو صوت من لفوق
مي كلثوم:عائشة شكا ديري
كلثوم:والو هنا طالعة اجدة
وخنزرات فهيثم وطلعات لفوق ومي كلثوم كتنكر .دخلات لبيتها وتكات فوق النموسية 

فجيهة لوخرا

كان فوق سكوتور ديالو وقف حدا دارهم وعلا راسو كانت فشجرم بتاسم ليها
حياة دارت ليه اشارة بيدها فهمها وقف الموطور فالجنب دفع لباب كانت محلولة وطلع فدروج بشوية تا وصل لدارها حلات لباب ودخلاتو وعنقاتو وعنقها تاهو
حياة:توحشتك
باسها على خدها:تا انا ولكن فين هوما
حياة:جدة ناعسة وماما مشات لشي عرس
عصام:وخوك 
حياة جراتو من يديه نيشان لبيتها:ماكاينش
شدات لباب 
عصام كيشوف فيها عاد نتابه للباسها ..بيجامة شورط غوز قصير وديباردور سميطات فنفس اللون وصدرها كلو باين
عصام جرها من خصرها لعندو وخشا راسو فعنقها وطبع قبلة دافية:كنحماق عليك
حياة بنفس الهمس:وانا كنموت عليك
عنقاتو وهو خاشي راسو فعنقها كيبوس فيه بشوية وهي مرخية مخلياه على راحتو ..حتى طلع لشفايفها بدا كيبوس فيهم وهي متجاوبة معاه حتى كيقفزو بجوج فاش تحلات باب لبيت ..كانت جداتها
الجدة:شكا ديري
حياة دارت ليه اشارة باش مايدويش:والو اجدة 
الجدة:بحاليلا سمعت شي صوت ديال شي دري
حياة قربات وباست عصام على شفايفو بشوية:لا اجدة ماكاين حد غا جاب ليك الله
عصام كيبوسها من عنقها :جدة سيري تنعسي هنا غنعس
الجدة:واخة وانعسي 
وشدات لباب وخرجات
عصام:احسن حاجة فهاد الدار ان جداك ماكاتشوفش
حياة :ههههه وياه
وجراتو لعندها:فاش بقينا
عصام حط يديه على شفايفها وجمعهم بين يديه وباسها بالجهد:هناا
ورجعو تاني شبكوها بلبوسان حتى كتحس بيه باغي يهبط ليها شورط وغيلوحها فوق النموسية رجعات اللور وهي كتلهت:عصام لا
عصام قرب لعندها وجرها لعندو مزال باغيها :علاش ياك كنبغيك شنو فيها
حياة:لا مانقدش حتى نتزوجو
عصام:ايوا راني قلت ليك غير قولي اه من غدا هنا عندك


حياة دورات يديها على عنقو:بغيت غير نكمل هاد لعام دلقراية داك ساع اجي خطبني
عصام كيشوف فيها بكل حب:حياة واش عرفتي علاش باغيك
هزات راسها بلا
عصام:بغيت نضمن انك ليا وعمرك اتكوني لشي حد من غيري باش يبقة بالي هاني ..ماعرفتش حاس بشي حاجة ماشي هي هديك
حياة باستو على خدو:انا كنبغيك ومواعدة راسي ماغانكون غير ليك.راك شتي ماما شحال عندها نت عزيز وخويا تاهو ..غير مك الله يهديها ماكاتحملنيش نخاف نت لي دور عليا وتسمح فيا
شد يديها وباسها:الواليدة نهار انجيبك لدار واتعرفك شحال قلبك بيض اتبغيك تاهي..وتانتي اتبغيها.وانا مستحيل نسمح فيك 
عنقاتو وعنقها تاهو كيبغيها بزاف وحالف من غيرها مايدي .جلسات هي وياه فوق النموسية شعل كارو وشاف فيها وبتاسم وبدا كيغني ليها وهي كضحك عارفاه هبيل:كتروو عليا لبناات جيبولي حيااة 
وجرها لعندو وعنقها ..بقاو هكا شحال من بعد ناض باش يمشي:نمشي قبل تجي مك
حياة:واخة
باسها وحلات لباب تأكدات ماكاين تاشي حد عاد خرج ..ركب فسكوطور ديالو ومشا لرياض دخل طلع لفوق شاف فبيت خواتاتو ضو مشعول حل لباب ودخل لقاها فايقة مشا وجلس حداها:شكاديري اعويشة
عائشة:وا عائشة ماشي عويشة
بتاسم :عويشة دويبة فخبارك فيك لقفازات ولحركات ديال عويشة دويبة 
عائشة بتاسمات:وجايين معايا بعدة
عصام:كاينة غير نتي
عائشة وراتو طليفون:شوف عمي كي معيش ولادو 
عصام خدا منها طليفون:دابة نديرو تاحنا لاباس ماعطالينش عليهم..خوك ماغايرتاح حتى يدخل الفيراري الحومة ونعيشكم فلفيلة 
عائشة:ان شاء الله
عصام:داك ساع نزوجك بولد لوزير 
عائشة:ههههههه لا ماخاصنيش ولد وزير يبدة يتعفر عليا
عصام:وكي بغيتي هاد راجل لي غتزوجي بيه
عائشة رجعات اللور وهي كتفكر:مايهمنيش يكون لاباس عليه وعندو بزاف دلفلوس.وخانق راسو بلكرفاط.وديما كلاس ومجبد لا ماشي هكا. انا بغيتو يكون كيبغيني ويحن فيا واهم حاجة مايخونيش..امم يكون زوين ولكن انا حسن منو .
شافت فخوها وبتاسمات:يكون كيشبه ليك اخويا 
حطات يديها على دراعو:يكون واشم بحالك وعندو سكوتور يبدا يدورني بيه وتكون عندو دار قريبة ليكم مانقدش نعيش بعيدة عليكم ماشي مشكل نعيش مع مو ولا باه اهم حاجة كي قلت يبغيني وصافي
عصام بتاسم:سعدات هدا لي غيديك اختي عرفتي هاد الراجل لي غيكون راجلك غيتعدب معايا بزاف .حيت نهار غيبكيك ولا يأديك غنفرع مو نصيفطو طرونس فيري لانعاش
عائشة عنقاتو:الله يخليك ليا
عنقها تاهو:ماجاكش نعاس
عائشة:لا
عصام:تا انا..تسناي نمشي نجيب لبيسي نتفرجو
ناض مشة لبيتو جاب بيسي ديالو ورجع خدم فيلم وجلسو كيتفرجو

عند الزاهية

سلاو القصارة ديالهم على خير كلشي نشط كلشي فرح معاهم جمعو براكة كتيرة من لغرامة..جات مولات دار خلصاتهم 5500 درهم مع التدويرة لي زادتهم حيت حمرو ليها وجها قدام لعيالات
مولات الدار شافت فزاهية وجراتها من يديها ودخلاتها لكوزينة مدات ليها واحد ساشية:هدا حقك من لعشة شتك ماتعشيتيش عرفتها وقفات ليك على ود وليداتك ماقدرتش نخليك بلاش هنا حقك وحق وليداتك 
الزاهية:الله يكتر خيرك الالة شكرا بزاف
مولات الدار:تستاهلي ازاهية نتي قلبك بيض ووجهك ماشي ديال التكرفيس
الزاهية:ايوا الله غالب الالة ربي يخليك
سلمات عليها وخرجات لحقات على لعيالات ركبو فلهوندا ورجعو لدار عيانين كل وحدة طلعات لبيتها ترتاح
الزاهية جلسات فصالة رجليها كيدروها شطيح ماشي ساهل وحلقها تجرح بلغنة وزغاريت .وصبعانها كيضروها بتطبال بلبندير.تنهدات حتى كتسمع صوت بنتها:ماما جيتي
علات راسها شافت عصام وعائشة :جيت ابنتي مالكم باقين فايقين
عصام:ماجاناش نعاس طلعي الواليدة ريحي معانا
هزات ساشية:واخة وهضرو بشوية ناس ناعسين
طلعات لعندهم ودخلو لبيت وجلسو
عائشة:شنو هنا اماما
الزاهية :حقكم دلعشة
عصام كيفتح ساشية:هي شي بسطيلة
الزاهية:بحاليلا علمك الله ديال الحوت
عائشة:الله شحال كنت مشهياها
الزاهية:كولو وخليو لختكم ولجداكم تاهوما
حلات لباب ودخلات :كتاكلو بلا بيا
عصام شاف فيها:مك ضارباك بمغرف
سارة:بسطيلة يا لمساخط
الزاهية:اجي جلسي ديري يديك
قربات وجلسات حداهم:لا سلام على طعام
وبدات كتاكل معاهم
الزاهية:جيبو غا طبسيل كي ناس
عائشة:ماشي مشكل..ماما كليتي
الزاهية:كليت ابنتي غير كولو بصحة
كلاو وشبعو ناضت عائشة جمعات داكشي وجلسو كيهضرو
سارة:عصام عنداك تنسة غدا
عصام:الا كوني هانية ابونووور تلقايني حدا لوطيل
سارة:ايوا مزيان نوض نعس
الزاهية:تا انا راني عيانة رجلي كيزدحو
ناض كل واحد دخل لبيتو ونعسو

جا نهار جديد
فعلا كان فالوقت قدام لوطيل لقا مجموعة من لمريكانيين لي ضبرات ليه عليهم سارة كيتسناوه .كانت عندهم لوطو ديالهم كبيرة داكشي ديال توريست .هو طبعو بهجاوي وكيدخل لخاطر بشخصيتو المرحة دغية رتاحو ليه ولكن فاش كيتقلب يالاطييف كيولي اعصار 😡.ركبو فلوطو وهو لي كيسوق داهم لمدينة لقديمة سراهم فكل بلاصة دخلهم لجميع الدروبة المهم سراهم مزيان .وراهم لبلايص زوينين ديال لمدينة جبال وكلشي..عصام كيعرف يهضر بجميع اللغات تا من شنوية ولهندية عارف منهم شوية بحكم انه ولد لمدينة لقديمة عاش وسط لgور والاجانب ملي كان صغير وهو كيهرب من دار ويمشي يدور مع الاجانب ..ما كانش دايها فلقراية كيركز غير على اللغات والمواد العلمية دكي بزاف غير هو الزهر ماعندوش ورت من عند باه محال كبير .كان باه دايرو بزار ديال الجلد ..ملي مات قلب الحرفة ودارو محل ديال الالكترونيات ..طليفونات بسيات ومشتقاتهم قدر بفضل ذكاؤو ينمي المشروع ولا معروف فلمدينة لقديمة ديما كيجيب الجديد وسلعة دبرة حيت عندو علاقات مع نصرانيين داكشي دلبزنس..ولكن الاعداء ديالو لي هوما صحابو لي كان كيتيق فيهم مابرداتش ليهم انه يدير لاباس دارو ليه طيحة وستغفلوه وحطو ليه كمية كبيرة د لكوكايين فلمحال وعيطو لبوليس جاو فتشو لمحال ولقاو لكوكايين تاهموه بانه كيتاجر فلكوكايين ومستغل المحل فهدشي وداوه الحبس مسكين دوز تلت سنين كوما دخلش المحامي كون خدا 7سنين وكتر كاع ..الزاهية باعت لمحال باش دير ليه المحامي مزيان لي يقدر يتكلف بهاد القضية ويخفف عليه العقوبة .ضيعو ليه حياتو مسكين..دوز تلت سنين وخرج لقة لمشروع ديالو مشى وهو بقة على الضص كانت صعيبة عليه يخرج ويلقة مو ولات شيخة كتشطح وتغني فلعراسات وحالتهم المادية تدهورات هو لي كان هازهم من بعد موت باه ولكن شكون خلاه ..دابة هادي شهراين باش خرج من الحبس مزال ماكون راسو خاص يبدا من صفر...المهم سلا نهار ديالو تخلص بجوج دلمليون تهلاو فيه مزيان رجع لدار وهو فرحان من بعد ماتقدة لدار داكشي لي خاصهم كلو ..
الزاهية:الله يرضي عليك اولدي علاش عدبتي راسك 
عصام:الوليدة ماتبقايش تقولي هاد الهضرة..هدشي راه واجب عليا غير خليني نوقف على رجليا ونعوضكم على كلشي .ولدك غيرجع عصام لقديم ولكن ماشي نية هاد لمرة ماكاينينش الصحاب الواليدة كي قلتي كلشي غدار
باس ليها يديها:عندي غير نتي وخوتي وعائلتي من بعد ربي الله يخليكم ليا
عنقاتو وباستو على راسو:الله يرضي عليك
عائشة نزلات وطليفون فيديها غير شافت ساشيات قفزات:وهيا ناري هدشي لينا
بتاسم:ولمن من غيركم
بدات كتحل فميكات هزات قرعة دنوتيلا:هادي ديالي انديرها عندي فلبيت
عصام:خوديها
مريم كتحل تاهي فميكات:واااو كونفلكس ديالي ياك اخويا
عصام:ديالك الفنكوشة
عائشة:نهار زين هدا 
وناضت عنقاتو:فكرتيني فليامات لي كنتي مرفح فيهم
عصام:اودي مزال لخير لقدام
جد من جيبو كارط دروشارج:وهادي ليك اري ماتكونيكطتي
خداتها بزربة:نااري شهر دلكونكسيو
وتلاحت عليه عنقاتو:الله يخليك لينا
عصام شاف فمو كيف مبتاسمة :هاد شاسيات للرياض وجيران ديريهم فلكوزينة
وحدة من جرات كانت كطل من لفوق:سيير اولدي عصام الله يرضي عليك ويخليك ديما لفوق لفوق ويبعد عليك ولاد لحرااام 
بقاو كيضحكو 
عصام:يتوب عليك امي فاطمة
بقاو جالسبن مجمعين ..طاهرة ناضت وجدات لعشة عاوناتها وحدة من لععيالات وتجمعو كاملين كيتعشاو فأجواء زوينة جيران كانو فرحانيين بزاف وكلشي كيدعي مع عصام 


دازت هاد ليلة ودازو ايااام
كانت غطيير بالفرحة جالسة فبيتها وكتقيس لحوايج لي شرى ليها عصام جداد باش اتبدا تمشي للمدرسة جديدة ديال لفلوس..عجبها لحال بزاف خصوصا وانها هي نفسها لمدرسة لي كيقري عمها بنتو ادن اتولي تقرا مع بنت عمها جلسات فوق النموسية وسارة جالسة حداها
عائشة:كان حلمي نقرا فهاد المدراسة 
سارة:ايوا لهلا يخطي عليك ميمتك 
عائشة بتاسمات :ماتصوريش شحال فرحانة هاد لمدراسة كيقراو فيها غا شكون وشكون .حتى بنت الزعيم صغيرة كتقرا فيها
سارة:وهانتي ضحكات ليك ليام شوووفي قراي مزيان باش تفرحي ماماك
عائشة:كوني هانية انحمر ليها وجها اناخد لباب بنقطة زوينة
سارة:ان شاء الله ..امم هاد لبيسة سيري بيها غدا جاتك مقييودة
عائشة وقفات قدام لمراية:بصااح مانلبسش لبسة لوخرا
سارة:تاهاديك زوينة ولكن هدي حسن
عائشة:صافي واخة 

نمشيو لجيهة لخرا

كانت متكي فوق النموسية وهي ناعسة على صدرو ويديه كتلعب على شعرها 
طاهرة ويديها فيديه:نااصر
ناصر:نعام
طاهرة بلعات ريقها شوية بدات كتبكي تنهد وهز ليها راسها لعندو وباسها على عنيها:لاش لبكة
طاهرة :أمونة مازال ماستوعبت انها تاهي اتزوج وتمشي لدار راجلها..صعيب عليا نزوح ولادي بزوج يوسف دار لعرس ومشة لشهر العسل توحشتوو..وامونة مابقالهاش بزاف لعرسها

ناصر بتاسم :وانا ودينيز وبدر فين خليتينا
طاهرة مزالة كتبكي:راه كلكم طرف مني مانقدش نعيش بلا واحد فيكم صعيبة عليا بزاااف
عنقها :وصافي غنحبس انا هاد زواج كااع ارجعهم لعندك غير ماتقلقيش
بتاسمات وسط دموعها 
ناصر:راه نديرها
طاهرة:عارفاك قاد
ناصر جبد.طليفون:غنعيط ليوسف غدا فصباح يكون هنا
شدات ليه فيديه:لا خليه مع مراتو ماتظيش عليا غير ماسخيتش بولادي
عنقها:دعي ليهم
طاهرة تنهدات:الله يكمل عليهم بلخير 
بقاو ساكتين شحال
طاهرة:ناصر واش باقي مالقيتو على تاجدين والو 
ناصر:والو تقول الارض بلعاتوو
طاهرة:ختي مسكينة مزال مابردات ليها كنحس بيها غتحمااق
ناصر:ولكن غنلقااوه
طاهرة:ان شاء الله بغيتها تاهي مسكينة تفرح ترجع ليها ضضحكة لوجها..عماد صابر عليها هو وبنتو ..هملات بنتها وراجلها على ود ولدها كل همها تلقاه 
ناصر:دابة تقاد الامور
طاهرة:داكشي لي بغيت
بقاو كيتحتوو ليل كامل .على ولادهم وعلى العرس ديال أمونة باغيين يفرحو بيها ويديرو ليها عرس فالمستوى


جا نهار جديد

كانت واقفة قدام لباب وماماها وسارة واقفين حداها وشي جرات تاهوما
الزاهية:سمحيلي ابنتي كنت باغة نخلص ليك تا طرونسبور دلمدراسة يبقا يجي موراك تا لدر ولكن بحرة نتكافل مع مصارييف لقراية.علامن تقاد الامور ونخلص لك طرونسبور
عائشة عنقاتها:ماما ماتقوليش هكاا ماعنديش مشكيل نمشي فطوبيس راه قريب لتماك
الزاهية باستها:الله يرضي عليك ابنتي 
وحدة من جرات جبدات 20 درهم:هاكي شدي طاكسي وسيري حشومة اول نهار تمشي فطوبيس والمدرسة غير ديال شكون وشكون
الجارة التانية:وهادي 20 درهم دروطور باش ماتقوليش ماعزيزاش علينا
عائشة :الله يخليكم ليااا
سارة جبدات 50 درهم:وهادي لا حتاجيتي شي حاجة تاكليها ..عارفة دوك لمداريس ماماين غا بانيني وشوارما
بقة كلشي كيضحك
عائشة:لهلا يحرمني منكوووم والله..راه عندي لفلوس عصام خويا عطاني لي يكفينيي لسيمانة
سارة:ايوا لفلوس كتقادة خبيهم 
الزاهية:نتي غير قراي وجيبي لينا شي نقطة تحمر لينا لوجه 
عائشة:كونو هانيين 17 ديال لباك مضمونة
سارة:وزيدي نوصل معاك للماحطة
الزاهية:سيري ابنتي الله يرضي عليك 
سلمات عليهم ومشات هي وسارة كيهضرو
سارة:هاي هاي هدشي زين العفريتة ..ادوخي لينا بنادم فداك المدراسة
عائشة :هههه جيت زوينة ياك
سارة:جيتي طبو... هاد بنت عمك ايجيها شلل نصفي
عائشة:لا حرام عليك اتكون ضريفة اصلا باغة نتعرف عليها ملي كونا صغار ماشتها 
سارة:ايوا على الله
وصلو للماحطة شدات طاكسي
سارة كتهضر مع مول طاكسي:تهلا فيها حطها حدا باب المدراسة شوف راني حفضت رقم طاكسي لايمشي يبان ليك لبلان فيها هاودني منك
بقة كيضحك:كوني هانية اختي راني ولد ناس ماشي دهادشي
عائشة غير كضحك
سارة:ايوا مانعرف
وجبدات لفاوس خلصاتو:رد ليها صرف لاشاطت شي حاجة
عائشة:اصاحبتي راه عنديي
سارة:تي سيري ستاغلي الفرصة ماحدي مرفحة..يلاه سوق اشيفور قبل يمشي عليها لحال راه مابقة والو ل8
وشدات لباب ومول طاكسي كسيرا وهو كيضحك
عائشة فرحانة بزاف باغة غير فوقاش توصل ..حتى كيوقفو قدام باب لمدراسة 
مول طاكسي:هاكي صرف
بتاسمات ليه:غير بصحة
ونزلات وهي كتشوف فلمدراسة عجباتها بزاف ..دورات وجها كتشوفهم بطوموبيلاتهم وشي جايبو شيفور .تنهدات ماكايهمهاش هدشي المهم غتقرا مزيان وصافي..قدات شعرها طويل لجنب واحد وحلات تجاكيط باش يبان تريكو لي لابسة ملتحت نزلات نضاضر على عنيها وتمات داخلة بكل تقة ..عارفة راسها زوينة ..كانت لابسة سروال كحل لاسق عليها فيه تقاطع مع تريكو بيض كيجي محزوم من الجنب ومرسوم عليه.لكريشة كتجي باينة..وفوقها تجاكيط سبور على حساب صباح لجو كيكون شوي بارد.جات كيووت مع فورمتها لمنحوتة واخة قصيورة شوية المهم هي هدييك ..عاجبها لحال كتشوف كلشي كيشوف فيها خصوصا وانها ضايرة نضاضر كتشوف فيهم كيف بغات ..وقفات شوية جبدات طليفونها تأكدات من لقاعة لي اتقرا فيها وتوجهات ليها والانضار عليها تا وصلات للقاعة ..تنهدات باقي مادخل تاشي حد ..دخلات وجلسات فبلاصتها داكشي بالارقام ..شافت فساعة مابقة والو وتضرب 8 ..شوية شافت تلاميد كيدخلو واحد بواحد لي كيدخل كيشوف فيها عاد كيجلس فبلاصتو دخل كلشي..من بعد دخل الاستاد مشة نيشان للبيرو جبد لماطريال ووقف دار لابيل تنهد:داك تلاتي غايبين عوتاني
قيدهم ووقف حدا سبورة باش يشرح يلاه ايبدا وهي تحل لباب بالجهد كلشي شاف لجيهتهم 
الاستاد:على سلامة حسابلي ماجاينش
لولا:ههه حوشوما مانقدش مانجيش نحضر لحصتك 
الاستاد:دينيز(بنت ناصر صغيورة) راه عندكم لباك واش نتوما كل عام اتعاودوه قراو وخودو لباك ديالكم داك ساع تفلاو
فاتي(بنت ليلى ) كتهضر بطريقة شوية مقمقمة:اصافي كون هاني هاد لعام ماكاين غا لقراية غنجيبو ربحة 
دينيز كضحك:ههههه نتي سكتي 
الاستاد تنهد:جلسو جلسو
كل وحدة شدات بلاصتها ..دينيز دورات وجها وبتاسمات:عندنا الجديد البنات
فاتي دلات راسها وسطهم:تيتيييز مافخباريش
دينيز مدات ليها يديها:انا دينيز الزعيم ونتي
عائشة بقات كتشوف فيها مدات ليها يديها مزال مامصدقة:وانا عائشة
فاتي ضربات يد دينيز:حيدي خليني نسلم وانا فاتي احم بنت خالتها 
عائشة:تشرفت بيكم
الاستاد:لا هادشي لي بقة 
فاتي حاطة يديها على فمها:ششششش ساد كيشرح كمل استاد هنا معاك 
كلشي بقة كيضحك 
الاستاد شاف فعائشة:نتي تلميذة جديدة
هزات راسها باه 
الاستاد:عوالة تقراي
عائشة:اه
الاستاد:ادن تبعي وماتديهاش فدوك تلاتة
فاتي:اواااه اش بنا ليك كنديرو 
دينيز:صافي سكتيي
كلشي سكت وكمل الاستاد الشرح ..وعائشة مركزة معاه مرة مرة كتشوف فلبنت تالتة لي دخلات معاهم بتاسمات حيت هي بنت عمها ..سلات الحصة لولا وخرجو يلاه ادور وجها باش تقلب على بنت عمها وهي تحس بشي يد دخلات بين دراعها وجراتها
دينيز:زيييدي نفطروو ..من لهنا.. باينة عليك ضريفة صراحة رتاحيت ليك غا من شوفة 
وشافت ففاتي:صافي عائشة اتولي معانا
فاتي:مرحبااا 
دينيز:اممم اجي ماتديش على سااد كيضلمنا 
فاتي:تسناي فين هي ياسمين
دينيز وقفات:اتكون مع داك خينا لي كتحماق عليه

شوية شافو ياسمين جاية عندهم وقفات 
حداهم طلعات وهبطات فعائشة خنزرات فيها
فاتي:مالنا على هاد شوفات
ياسمين:واالو شتكم زدتو علينا لبراني
دينيز:عائشة من ليوم اتولي معانا ابب ماشي براني
عائشة بتاسمات:ماعرفتينيش
ياسمين كتشوف فيها:لا
عائشة:بنت عمك عائشة كونا كنلعبو بجوج فاش كنا صغار
ياسمين بقات كتشوف فيها :اااه هدي نتي اش جابك لهنا
عائشة:انكمل هاد لعام هنا
ياسمين بتاسمت بحاليلا كتستهزأ:هه تانتي اتولي تقراي هنا كي درتو ليها 
عائشة:كيفاش
دينيز:واااو نتوما بنات لعم..ياسمين واش ماعرفتيهاش ولا شنو
ياسمين كتلعب فطليفونها مامسوقاش:لا اعوام ماشتها زيدو فيا جوع
فاتي:تسناي تسناي اعوام ماشتيها كتقوليها ببرودة ماغاتسلمي عليها ماوالو
ياسمين شافت فعائشة:مابيناتناش شي علااقة باش نسلم عليها 
عائشة مصدومة من ردة فعلها :كيفاش
ياسمين:امم شغا نقولك ديري راسك ماكاتعرفينيش اوكي 
دينيز:شكا تخربقي نتي
عائشة غير مصدومة 
ياسمين:نتوما ماعارفين والو غير طماعين من الاحسن ميكو على على بحال هاد النوع اجي بعدة منين جبتو لفلووس اااه نسيت مك شيخة ياكي والله ماكاتحشمو 
فاتي : ولايني قحييبة مع راسك طلعاتلك سخانة
دينيز:زدتي فيه شهاد لهضرة
ياسمين:ااه دابة اتجيو معاها ضدي ولا شنو 
دينيز:اه حيت بنتيلي غا كتخربقي
ياسمين:يااك هادي هي صحبة واش ماتيقتونيش
دينيز:مكاتهمناش حياتها حنا كنعرفوها هي
ياسمين:وايلي يلاه سعتاين باش عرفتوها
دينيز:بااز بنت عمك ودايرة فيها هاد لحالة عارفاك انانية مكبرة ولكن ماشي لهاد الدراجة
ياسمين:اه مكبرة وانانية مع لي قل مني فالمستوى 
فاتي ضرباتها على كتافها:ااه دابة نتي تابعة المستوى اجمتي..كون كنا قل منك ما اتكونيش واقفة معانا دابة ياك
ياسمين رجعات اللور عارفة فاتي لاتعصبات شغادير فيها:لا ماشي هكا 
فاتي:والله يعميها لختي قادي فمك حسن نقادو ليك بطريقتي 
ياسمين:عجبك لحال خليتيني نتخاصم مع صحاباتي 
عائشة مزالة مصدومة حنات راسها:سمحولي مابغيتكمش تخاصمو انا غنمشي
تمات غادة وهي تجرها دينيز:ياك قلنا اتولي صاحبتنا حنا ماكانرجعوش فكلمتنا .حنا هنا ماشي على المستوى دبنادم هدشي ماكاايهمش ولي فبالو حاجة خرا ماعندنا مانديرو بيه..ياك اعائشة
عائشة شافت فياسمين باغة ترد ليها صرف:اه من اليوم انا وحدة منكم 😉
ياسمين:ياااكي فوجهي
فاتي:راك سمعتيها اتقادي معانا مرحبا اتبداي تعوجي وديرينا فيها لاميرة سيري راه كاينين لبنات من هاد النوع 
ياسمين ولات كتغلي كون صابت تخشي عائشة فلعافية :غنمشي نضرب دورة
فاتي :سيري فكري
ياسمين مشات كطير
فاتي:وازيدو راه فيا الجوووع راه غا نص ساعة دلاستراحة
عائشة:مابغيتش ينوض صداع بسبابي وتخصرو صاحبتكم
دينيز:ماكااين لاصداع لاوالو هاديك يلاه تعرفنا عليها لاسقة فينا قلنا ماشي مشكل ولكن باش دير هكا مووشكييل هههه
بقاو كيضحكو
ومشاو للكافي لي كاينة فلمدراسة طلبو شغا ياكلو 
عائشة كتشوف فيهم ..خصوصا ف فاتي مقطعة شعرها بحال لولد وستايلها فشكل واخة فيها لمسة انثوية ولكن مختالف جاي معاها حتى شخصيتها فشكل قوية زعيمة..عويناتها عسلين وشعرها صابغاه زعر وبيضة بزاف كيوووت..ودينيز صابغة شعرها بلون مارو مايل لاورونج بشرتها شوية بيضة عويناتها واسعين ومجبدين .ضحوكية وخفيفة فطبعها. عفوية بزااف.هبيلة رتاحت ليهم..تنهدات كان كيحساب ليها غيكونو مكبرين حيت بنات الزاعيم ..ولكن طلع للعكس متواضعين كانت ناوية تستقبلها بنت عمها بالاحضان ولكن تصدمات ماحسابليهاش انانية لهاد الدراجة بقات كتفكر دنيا شحال دوارة لغريب رحب بيها ولي من نفس دمها نزلات بيها 
دينيز:هيهو فين مشيتي
عائشة:غير معاك
دينيز:فخباركي كتحمقي شعرك سطاني وعويناتك صراحة زوينة
عائشة:هههه شكرا تانتي غزالة والله نتي وفاتي
فاتي:انا قرعة ماشي غزالة
عائشة:ههههه لا جاي معاك والله..صراحة ماحسابليش اتكونو هكا زعمة متواضعين
دينيز:وعلاش زعمة حيت لاباس علينا..بالعكس هدشي ماشي شي حاجة..
عائشة:تبارك الله عليكم
دينيز:شوفي داك االهضرة لي قالت ياسمين ماكاتهمناش كل واحد وضروفو حنا هكا تربينا كاملين بحال بحال..امم نقولك واحد السر
عائشة:اه
دينيز:ماما كانت عايشة فحي شعبي هي وخالتي ليلى لي هي ام فاتي..كانو مافحالهومش..ونزيدك ماما حكمات عليها ضروف تغني فلكباري وسط سكايرية ..يعني راه كلشي عندو مااضي ماتحشميش من ماماك او من حياتك 
فاتي:اه بصااح تاواحد مالقاها كيف بغاها
دينيز:امم رتاحيت لييك ماعرفتش علاش 
عائشة عجبوها بزاااف بصراحتهم وتعاملهم الزوييين :تا انا رتاحيت ليكم بزااف والله
جاب ليهم سيرفور لماكلة ..كلاو .عائشة ناضت باش تخلص
ديينيز:فين غادة
عائشة:نخلص 
دينيز جراتها:تي زيدي شمن خلاص شفتينا خلصنا حنا
عائشة:لا
دينيز:ادن علاش اتخلصي نتي
عائشة:ولكن حشوومة خاص نخلصووه
دينيز:هاد المدراسة راه ديال خويا..هههه ادن لاش انخلصو .ماكاين غا لفابوور
عائشة:دخوك ماشي ديالي
دينيز:لا عادي والله تاحنا ماكانخلصوش
عائشة مارضاتش تاكل فابور:لا مايمكنش

قلبات دورة ومشات خلصات:دابة يلاه نمشيو
خلاوها على راحتها
دينيز:شحال فعمرك
عائشة:16 لعام
دينيز شهقات:اويلي كيفاش 16 
بعدات وهي كطلعها وتهبطها:متأكدة
عائشة:هههه وي غير كنبان كبر من سني
دينيز دارت راسها اتسخف:صافي انا ضعت لا ضعت اويلي فعمري 19 لعاام وكيقراو معايا صحاب 16 لعام .فاتي ضعناا
عائشة:ههههه نتوما مضوبلين
فاتي :ولكن باقة صغيرة على لباك اوااه 16 لعام
دينيز:انا غادة نتاحر باااي 
بقاو كيضحكو ومشاو للقيسم ..عائشة كي لعادة مركزة مع الاستاد ودينيز جالسة حداها كتلعب فطليفون وموراهم فاتي ناعسة فوق الطاولة ..وياسمين فجيهة لوخرا اتموت بلفقصة ..دازو ساعات سلاو الحصص خرجو باش يرجعو لديورهم 

خرجو لقاو شيفور كيتسنة وقفو كيتسنلو فاتي بقات معطلة حتى كيشوفوها جاية ومعاها ياسمين
فاتي:عائشة فاتي بغات تقولك شي حاجة..ياسمين دوي
ياسمين بقات ساكتة شحال ماقادراش تنطقها بلعات ريقها:سمحيلي على قبيلة ماتديش عليا
عائشة بتاسمات:ماشي مشكل
ياسمين قربات لعندها وعنقاتها بدلاتها لعناق عائشة
دينيز:فاتي فين اتمشي
فاتي:معاك لدار 
دينيز:اوكي
شافو فعائشة:ونتي
عائشة:انشد تاكسي ونمشي لدار 
دينيز:ها ياسمين توصلك فطريقها
ياسمين:كيفاش
دينيز:وصلي بنت عمك فطريقك
ياسمين:واخة 
عائشة:لا بلا مانعدبك انشد تاكسي
ياسمين:لا غازيدي ماشي مشكل
تسلامو على بعضهم خداو نوامر ومشاو
عائشة كتشوف فطوموبيل دبنت عمها ميني رونج ركبات معاها
ياسمين :ديري سمطة
عائشة دارتها..وكسيرات بالجهد خلات لعجاجة موراها..كانو ساكتين
ياسمين :فين هاد الدار 
عائشة نعتات ليها 
ياسمين طلقات الموسيقى على الجهد ومشات فتجاه لعنوان حتى كتوقف:نزلي
عائشة كتشوف هاد لبلاصة بعيدة على دار
ياسمين شافت فيها كتهضر وهي كتعوج:امم كنخاف من داك الحومة اوكي بب
عائشة مابغاتش تكبر الموضوع:اوكي شكرا
ياسمين :عادي..راني تعطلت نزلي عفاك دغية
عائشة نزلات وياسمين كسيرات طايرة..عائشة بقات كتمشة كتقول مع الوقت اتولي تعاملها مزيان .كتبقة بنت عمها بتاسمات فاش تفكرات دينيز وفاتي.. وصلات لرياض دخلات 
الزاهية:بنتي جيتي
سلمات على ماماها ..سارة كانت مجبدة فصالون وفيديها كارو طفاتو و ناضت جالسة:اجي عاوديلنا كي داز نهارك
تجمعو عليها وعاودات ليهم كلشي
سارة:وليني قحبة هاد بنت عمك
عائشة:ولكن راه طلبات سماحة ماشي مشكل دابة نتفاهمو
الزاهية:سمعيني ابنتي حاولي تبعدي منها قبل دير ليك شي مشكل
عائشة:علاش ماعندها مادير راها بنت عمي زعمة
سارة:نتي غالطة فبنادم راه لغيرة تخليها دير اي حاجة
عائشة:زدتو فييه المهم صافي يكون خير
زاهية:فيكي جوع
عائشة:اه اماما
زاهية:هنا نحط لبنتي تاكل 
ناضت تجيب ليها تاكل

نمشيو لجيهة لوخرا
دازو ساعات

كانو جالسين فصالة
دينيز:ماما بابا تعطل
طاهرة كتشوف فساعة:عندو جتماع
دينيز:ااه وبدر
طاهرة:راه معااه مابقة ليهم والو ويدخلو
حتى كيشوفوهم داخلين
دينيز ناضت كتجري عنقات ناصر:تصور نهار كامل ماشتك كونت غنموت
بتاسم وباسها على خدها:هبيلة
شافت فبدر وباستو على خدو:خويا لعزيز نت لي مصبرني لفراق خويا يوسف
بتاسم ليها :فوقاش اديري عقلك
خشات يديها فدراعو:امم نهار تزوج نت
بدر:ههه ياك كنقولك مسطية
دخلو لصالة .بدر تحنة باس يد طاهرة:الوليدة كي بقيتي
طاهرة :الحمد الله اولدي ونت
بدر جلس حداها من بعد ماسلم على فاتي وحط راسو على كتافها:عياان
ناصر جلس حداها من جيهة لوخرا وباسها على راسها
طاهرة:باينة شي جتماع طويل هدا 
بدر:ماتصوريش شحال طويل ..
طاهرة:نحطو لعشة ياك باش تنوضو ترتاحو
ناصر:تسناي عماد وليلى ايجيو
فاتي:اه ماما وبابا جايين
ناصر:اه
بدر:سمحولي نطلع ندوش عليا ونصلي لعشا راه فاتني
طلع لبيتو دوش باش يخفف عليه وتوضة ووخرج لبس عليه وتحنا كيسلي بكل خشوع هادي اعوام وهو وفي لصلاتو ..سلا وناض دار لقبية فوق راسو على ود لبرد ونزل يجلس معاهم شوية

سمعو الجرس حلات الخدامة لباب ..شافوهم داخلين 
وقفات طاهرة ستقبلاتهم وجلسو فصالة
عماد داير رجل على رجل وليلى جالسة حداه شاف فبنتو فاتي غمزها:مال زين مكشر
فاتي شافت فليلى:أوالو الواليد
عماد :اجي اجي حدايا اساطا
بتاسمات وجات جلسات حداه دور يديه مور ضهرها:غضبانا علينا ولا شنو
فاتي:لا
عماد :تي دوي 
فاتي شافت فليلى:اااه..تصور نهار كامل ماجيت لدار وماعلمتهاش اني جاية لعند خالتي طاهرة.ماتشوشات ماخافت عليا..ماعيطاتش تاتقولي فين راكي.بزاف هدشي
ليلى شافت فيها:ملي ماجتيش عرفتك اتكوني هنا
فاتي:وكوماكنتش هنااا
ليلى تنهدات:ماتكبريش الموضوع راكي ماشي بنية صغيرة راك كبرتي
فاتي:اه بعدة عرفتي ان بنتك كبرات لاحضتيها
عماد:فاتي براكة 
فاتي شافت فباها:هنا ساكتة
ليلى تنهدات وشافت فعماد:شنو قالكم داك الكوميسير ياك قالك هو غيتكلف باقي ماشفنا والو 
عماد شد ليها فيديها:راه عاد بدا لخدمة وكمال راه كل شوية كيعيط يأكد عليه نهار انعرفو شي حاجة نتي لولا انقولوهالك
ليلى حنات راسها وسكتات
طاهرة كتشوف فختها كتبقة فيها بزاف:دابة ربي يفاجيها صبري
ليلى علات راسها وهضرات بصوت محطم:تا لايمتى .نخاف نموت ومانشوفش ولدي .غنموت وقلبي محروق اختي هانتي كتشوفي لعمر كيطير
عماد زير ليها على يديها:شششش ماتبقايش تقولي بحال هاد الهضرة 
ليلى:سمحولي نمشي لحمام ونرجع
ناضت دخلات للحمام ونفاجرات بلبكة وهي حاطة يديها على قلبها كتحس بيه كيضرها .مكوي على ولدها لي دابة غتكون عندو تقريبا 26 عام وهي باقي ماشافتو مزال نار شاعلة فيها ماغاطفة تا تلقاه وتعنقوو ...كانت واقفة حدا باب لحمام نزلو دموعها حارين وهي كتسمع مها كتبكي ..تحرمات من مها وهي باقة حية..بعد لمرات كتحس براسها كتكره خوها لي باقي ماشافتو حيت بسبابو مها فهاد الحالة وعمرها حنات فيها او عاملاتها كأم مع بنتها..ولكن دغية كترجع تاهي باغة تعرف شكون خوها .وباش نيت ترجع الفرحة للقلوبهم..قفزات فاش تحلات لباب
ليلى كتمسح وجها:شكا ديري كتصنتي عليا
فاتي دورات وجها ومسحات دموعها:لا اجي تعشاي
ومشات وخلات ليلى واقفة ..تنهدات ومشات لحقات عليهم جلسات باش يتعشاو .
ليلى:فين هي أمونة واكرام والحاج والحاجة 
طاهرة:راهم فباريس .امونة كتوجد لعرسها ومابغيتهاش تمشي بوحدها هي واكرام ايوا مشاو مجموعين يبدلو الجو
ليلى:ايوا مافيها باس
عماد:فوقاش نتزوج تانا بنتي
فاتي بقات كتكح:كح كح الولييييد شمن زواج
عماد:هههه شي بوكسور 
فاتي:انا ماغانتزوجش
دينيز:زوجوني انا بعدة
طاهرة:الله يمسخك ماكاتحشميش
دينيز:زواج ماشي عيب
ناصر:قراي قرايتك بعدة 
دينيز:احم اجاب لقراية لهضرة
ناصر:غا فكرتك
دينيز سكتات عارفة راسها مزبلاها فلقراية وهو ماكاتفوتو تاحاجة 
عماد:هانت خلعتينا لبنت اصاحبي .صافي غنزوجوك غا ضحكي 
دينيز قربات وهمسات لعماد فوجهو:نت لي كتفهمني 
عماد:ههه اودي راه واخة شرفت باقي عقلي عقل واحد ديال 25 عام
دينيز:هههه والله ماكذبتي ..امم عرفتي راجل لي غنديه انا شكون
كلشي بقة كيشوف فيها
دينيز:اممم تاج دين ياك اخالتي نهار اتلقاي ولدك اتزوجيني بيه
طاهرة خنزرات فيها:دينيز سكتييي
دينيز عضات على شفايفها:سمحووولي ماقصدت والو
ليلى بتاسمات:ماغانلقاش ماحسن منك لولدي..غير دعي نلقاااه ابنتي
دينيز ناضت وعنقات خالتها ليلى:كنحماااق عليك أخالتوو لعزيزة وان شاء الله غنلقاو راجلي هههههه
ليلى بقات كضحك..كلشي بتاسم..من غير فاتي لي تمنات فهاد اللحضة ديك الابتسامة وديك الضحكة لي على وجه مها تكون ليها هي فبلاصت دينيز
عماد بقة كيشوف فدينيز كتفكرو فليلى لقديمة بتاسم وهو كيتفكر ايااام دازو عمرو ينساهم..أيام كانت ليلى ديما ضاحكة بحال شي بنت صغيرة تنهد وشد ليها فيديها وهمس ليها:كلشي غيتقاد
ليلى بتاسمات ليه بلا تا كلمة
كملو عشاهم
عماد:نوضي نمشيو لدار
فاتي خشات يديها فدراع ناصر:لا بغيت نبات هنا
عماد:ربي لما قولي شنو داير لبنتي كتبغيك كتر مني
ناصر عنق فاتي:انا راه باها تاني 
فاتي:ااه
عماد:ايوا الله يدومها محبة
فاتي تلاحت على باها عنقاتو عنقها تاهو وبعدات:بغيت نبات مع دينيز
عماد:صافي على خاطرك
ليلى:عماد زيد نمشيو راه عييت
سلمو عليهم وجر مراتو ومشاو

فاتي:انا غنطلع نعس عييت
طاهرة:فاتي ماتديش على ماماك ابنتي
فاتي:ولفت يلاه تصبحو على خير
دينيز ناضت كتجري:تسناي تا اناا غنعس تصبحو على خير
فاتي :لا شديتيني حكمي عليا باش ما بغيتي
تمات طالعة فدروج كتجري ودينيز تابعاها وصوت ضحكاتهم وغواتهم مسموع فدار كاملة
بدر:مسطيين
طاهرة:الله يخليهم ديما ضاحكين 
بدر ناض:تصبحو على خير
وطلع تاهو ينعس
طاهرة:وحنا ماغانعسوش
ناض وجرها من يديها زرب عليها وهزها بين يديه
طاهرة متشبتة فيه:ويلي نزلني دابة يشوفنا شي حد
بتاسم وباسها على خدها :مراتي 
طاهرة بدلاتو الابتسامة وصلو لبيت حطها فوق النموسية وتكا حداها على كرشو من بعد ماحيد تيشيرط ناضت وكي لعادة بدات كدير ليه فلماساج حتى حسات بيه ترخة ونعس غطاتو وناضت بدلات عليها وتخشات حداه


دازو يوماين

كانو جالسين فصالة 
دينييز:دابة بقاتلك سيمانة للعرس العروسة
امونة:وياه مابقة والو
اكرام:قلتي غديري لحنة بحدها ولارس بوحدو
امونة:ااه بغيت نفرح براسي.غندير لحنة غير بيناتنا صحاباتنا وناس لقراب لينا غير لعيالات ولبنات وصافي 
دينيز شافت ففاتي:اااه جيبيلنا لعونيااات شنو بان ليك
امونة:كيفاش
فاتي:اه فكرة زوينة
دينيز:كانعرف واحد البنت راني كنت عودت لكم عليها عائشة صاحبتنا جديدة..مها عندها فرقة دلعونيات كينشطوو الحفلات علاش لي مانجيبوهومش 
طاهرة:فكرة زوينة هدي 
امونة:صافي جيبوهم 
دينيز فرحانة:انا غنهضر مع صاحبتي ونرد عليكم
فاتي:وانوضي راه مشا علينا الحال 
دينيز:يلاه
ومشات كطير هي وفاتي 
دينيز:انا غنسوق
فاتي:لا انا
دينيز:لا ختي سوقانك حمق مزال باغة نعيش
فاتي فكات ليها سوارت:تي زيدي خلاص
ركبو وكسيرات بالجهد تاشهقات دينيز ..وصلو للمدراسة..ووقفو كيتسناو ياسمين وعائشة باش يدخلو مجموعين ..شوية جات ياسمين سلمات:يلاه نزيدو.دابة تبعنا
دينيز:لا حشومة غنتسناوها
ياسمين:شتكم وليتو غا كتهترفو بيها بزاف على هادشي
فاتي:بديتي تاني
ياسمين هنا ساكتة..ها حبيب قلبي جا
تقادات فالوقفة فاش جا وقف حداهم سلم عليها بلبيز :حبيبتي صافا
ياسمين:صافا بي بي ونت
أيوب:بخير
دور عنيه على لبنات:فين هي بنت عمك
ياسمين خنزرات :لاش كتسول
أيوب:مجرد سؤال
يلاه اتجاوبو وهوما يسكتو فاش شافوها وقفات حداهم وهي راكبة فوق سكوتور مع شي حد بقاو غا حالين فمهم
دينيز:شكون هاد لبوقووص لي موصلها
فاتي:لاقلتي بوقووص بوقوص متيتز زايد زيت 
ياسمين كتحقق فيه عاد عرفاتو:نااري عصام
دينيز:كتعرفيه
ياسمين:خوها ولد عمي زعمة..ولا كيحمق
ايوب:كيفاش
ياسمينن:والو والو ابب

عائشة:شكرا اخويا
عصام:اهانية فوقاش ما لقيت الوقت نوصل ختي 
عائشة باستو على وجهو:ربي يخليك
عصام:يلاه هنا مشيت
وكسيرا وهي مشات عند لبنات سلمات عليهم
دينيز:خوك كيحمق
فاتي:مقنبل 
عائشة:ههههه طحتوو
دينيز:ااااح طحت ومت كااع وليت كنبغيه
عائشة:ههههه هبيلة
أيوب:زين صافا
عائشة ماعندهاش معاه:صافا
ايوب:ومالك كتقوليها هكا
عائشة:ماعحباتكش هضرتي ولا شنو
ايوب:معفرة مع راسك
ياسمين كتقلة بسمها خصوصا وانها عارفاه كتعجبوو :أيوب زيد نمشيو
جراتو ودخلو وهو مزال كيشوف فعائشة
عائشة:زيدو ندخلو
دينيز:فكرتيني فواحد لموضوع
عائشة:شناهوا
دينيز:كي كتعرفي ختي سيمانة بقة ليها لعرس ياكي.وصراحة بغات دير لحنة بلعونيات وماكرهناش ماماك لي تجي تفرح معانا غيكونو غير لعيالات .
عائشة بقات ساكتة
فاتي:صافي نساي الموضوع عتابريها ماقالت والو
عائشة عارفة ان نيتهم حسنة:لا عادي .ماشي مشكل انقولها لماما ويكون خير ان شاء الله
دينيز عنقاتها:ياااس نتي طووووب..وغتجي تانتي تحضري معاناا ياكي 
عائشة كضحك:ههههه ان شاء الله
فاتي:وزيييدو ندخلوو
ودخلو نيشان للقسم يقرااو على راسهم

نرجعو عند طاهرة
طاهرة:يوسف هضر معايا هاد الصباح ..غيجيو نهار الحنة باش يحضرو.
أمونة:وعﻹش مايجيوش قبل
طاهرة:نرجس بغات دوز تشوف مها وباها
أمونة:علاه خالتي ملاك وعمي كمال ماغايحضروش
طاهرة:لا كمال عندو لخدمة بزاف فهاد الويكاند عتادرو منا وقالولك غيزورونا فأقرب وقت
أمونة:كنت باغاهم يحضرو
طاهرة:ايوا شغاديري الضروف..ايوا علي ونور غياخدو بلاصتهن
أمونة بتاسمات:مرحبا بيهم 

وكملو هضرتهم على تفاصيل العرس كي غيدوز


نهار جديد

كانو فالاستراحة جالسين كيهضرو 
دينيز :اه عائشة غدا اتجي لحفلة
عائشة:شمن حفلة
دينيز شافت فياسمين:ماقلتيش ليها على عيد.ميلادك
ياسمين ببرودة:نسيت
فاتي:كيفاش نسيتي اشعيبية ونتي عرضتي لعلام مانسيتي تاشي حد جيتي حتى لعائشة بنت عمك نسيتيها
ياسمين شافت فعائشة:اه اجي غدا لعيد ميلادي .رتاحيتو
دينيز نغزاتها ماعجباتهاش طريقة باش عرضاتها 
ياسمين فهماتها:سمحيلي اعائشة كنت مرونة نسسيت .غدا مرحبا بيك مع 6 دلعشية اوكي زين
عائشة:اوكي ان شاء الله
ياسمين:غنتسناك عنداك ماتجيش
عائشة بتاسمات :كوني هانية غنجي
دينيز:ونوضو لحال غيمشي شفت كلشي دخل لقيسمو
ناضو كيتجراو من حسن حضهم الاستاد كان يلاه دخل كل وحدة شدات بلاصتها 

دازو ساعات
الزاهية:سمعيني ابنتي داك البنت ماكانرتاحش ليها من الاحسن خليك فداركم ابنتي
عائشة شوية وتبكي:راها بنت عمي مافيها والو لاحضرت لعيد ميلادها عفاك اماما بغيت نفوج شوية 
الزاهية:وا بنتي واش انا كرهتك تفوجي ولكن خاطري ماهانيش هي اصلا ماكانتش باغة تعرضك
عائشة:غير نسات..وعفاك اماما خليني نمشي الله يخليك
سارة نزلات وجلسات حداهم:اش واقع مالكم
الزاهية:اجي هضري معاها يقدر تسمع ليك .ديك بنت همها دايرة غدا عيد ميلاد وعرضاتها .وزيدك كوما فكروهاش لبنات ماكانتش اتعرضها.دايرة ليها لعراضة ديال بسيف
عائشة:ماما ماتندمينيش حيت عاودت لييك
سارة تنهدات:واا عائشة راه مك كتخاف عليك.وداك ياسمين غا لفعة اللهم سلامة ولا ندامة
الزاهية:قوليهالها.راه ماكانرتاحش ليها ولعائلتها
عائشة تنهدات ونزلات راسها لتحت:صافي مابقيتش غادة
وناضت باش تطلع لبيت
سارة بقات فيها:الزاهية غا خليها تمشي راه اتبقة غضبانة من لهنا سيمانة يقدر تكون لبنت ضريفة غا حنا ضالمينها 
الزاهية تنهدات:سمعي اتمشي مع 6 ادن 8 تكوني فدار سمعتيني
عائشة قلبات دورة ومشات عنقات مها:صاافي كوني هانية اماما شكرا بزاااف
ومشات كتجري لبيتها دخلات لواتساب قالتها لفاتي ودينيز وهي غطير بلفرحة عمرها حضرات لشي عيد.ميلاد متحمسة بزاف 

نهبطو لتحت
كانو مزالين جالسين حتى كيدخل عصام جلس حداهم
الزاهية:فين غابر اولدي
عصام:غا هنا الوليدة 
الزاهية:نحط ليك تعشة
عصام:لا تعشيت
الزاهية:كنتي مع هديك ياك
عصام شاف فيها:اه
الزاهية:باقي مابغة يهديك الله
عصام:وا الوليدة الله يهديك عليا البنت مادايرة ليك والو لاش كتكرهيها
الزاهية:من ديما كنقوليكك ماكانسمعليش لهضرتي 
عصام:هادي راها البنت لي كنبغي ماشي لخاطري
سارة:صافي ازاهية لاكان كيبغيها غا رجعي اللور لقلب ماكايشاورش
الزاهية تنهدات:الله يدير لي فيه الخير هدا مكان
عصام:اميين.نخليكم عيان
وطلع لبيتو
سارة:وا زاهية راه كبير وكيفهم
الزاهية:مشكيلتي ولادي ماكايسمعوش لهضرتي حتى كيفوت لفوت
سارة:ايوا صبري هادو هوما لولاد 

دازت هاد ليلة وجا نهار جديد
عائشة:شكرا بزااف عجباتني لكسوة
سارة:بصحة وراحة جاتك كتحمق
عائشة كتشوف فلمراية وعاجبها لحال:بصاح
كانت كسبوة كحلة سامبل ملبوسة عليها وشعرها مطلوق على جنب ومكياج خفيف..جات كيوووت زوينة
هزات كاب طويل ولبساتو مستور :صافي هدا هو الوقت
سارة:اه طاكسي برة كيتسناك
نزلات هي وياها لقاو زاهية جالسة فصالة
الزاهية:خلي طليفونك مشعول و8 تكوني هنايا سمعتيني لاوقعات شي حاجة عيطيلي صافي
عائشة تحنات باستها:واخة اماما يلاه هنا مشيت
خرجات معاها سارة ركباتها فطاكسي ودخلات
الزاهية:بالي ايبقة معاها
سارة جلسات حداها:ماغايوقع والو..ماخداماش اليوم
الزاهية:حتى لغدة ليوم ماعندي والو ونتي
سارة:تا انا 
الزاهية:ايوا نرتاحو شوية


فعيد ميلاد
وصلات حل ليها لعساس لباب كانت فرحانة بزاف ..بتاسمات .شافت لباب داخلانية محلولة دخلات ووقفات كتشوف فيهم.كلشي ناشط ودار مقادة مزيان كلها نفافخ وورد والوان وضواوات ملونين ديكور زوين.شافت دراري وبنات لقاضية مخلطة وكلشي كيشطح ..دورات وجها حتى كتبان ليها دينيز .جات عندها
دينيز كتهضر بالجهد على ود الموسيقى:على سلامة جيتي كتحمقي
عاىشة:شكرا تانتي غزالة
دينيز:شكرااا..حيدي لكااب
عائشة حيداتو وعلقاتو فبلاصتو
دينيز وهي جاراها من يديها:زيدي الفونون
دخلو لداخل جات عندهم فاتي سلمات عليها.وعاد.جات ياسمين .تمنات ليها سنة سعيدة ومدات ليها لكادو:نتمنة يعجبك
ياسمين بدون اهتمام :شكرا
دينيز:اجيييو نشطحو
عائشة:لا مافيا لي يشطح بلاتي انجلس شوية
دينيز:واخة
عائشة جلسات وهي كتفرج فيهم عجبها الجو سهاات وهي كتشوف فيهم حتى بدات كتميل مع الموسيقى وهي مبتاسمة..حسات بشي حد.جلس حداها دورات وجها كان ايوب 
أيوب:زين نتي لي منورة كتحمقي
عائشة ببرودة:شكرا
أيوب ناض وجرها من يديها:اجي نشطحو
عائشة تنترات منو:لا
ايوب رجع جرها تاتضربات فيه:علاش ديما كتهربي مني شنو درت ليك
عائشة يلاه اتهضر وهي تسمع صوت ياسمين:مالكم
عائشة رجعات اللور دغية:والو
ياسمين:ومالكم قراب لبعضكم
أيوب غياكل عائشة بعنيه:مابغاتش تشطح معايا
ياسمين خشات يديها فدراعو وهمسات ليه فودنيه:ياك كنقولك ماتعاودش تقرب لجيهتها
شاف فيها:بنت عمك طبو..
وباسها على خدها خلاها كتغلي
ايوب:ولكن ماشي مشكل
وشاف فعائشة:مابغيتش تشطحي ماشي مشكل
وجر ياسمين ومشاو للوسط وبقاو كيشطحو ومرة مرة كيشوف فيها 

دينيز:مالكي
عائشة:ماعرفتش ماكانحملوش وياسمين غير كتشوفو معايا ماكايعجبهاش لحال
دينيز:هداك عنيه زايغة وهي هبيلة غادة تصاحب معاه
عائشة:اتفهمني غلاط
دينيز:اجي نشطو ماتفكريش
وجراتها الوسط وبقاو كيشطحو نسات كلشي باغة غير تستمتع بوقتها وماداياهاش فلبشار كي كيشوفو فيها بكل اعجاب..
دينيز مشات جلسات عيات بشطيح هزات كاس دلما وشرباتو يبرد عليها .شوية جات جلسات حداها ياسمين
ياسمين:دينيز ماعرفتش علاش حاسة بايوب باغي يتقرب من عائشة مابقاش دايها فيا .
شافت فعائشة وكملات هضرتها:زعمة تكون هي..
قاطعاتها:عائشة ماكاتحملوش راه هو لعنيه زايغة
وناضت وخلاتها اتموت بالفقصة..ياسمين مابقاتش حاملة عائشة كتحس بيها كتاخد بلاصتها فكلشي..مع صحاباتها وفلمدراسة ودابة صاحبها بقات كتشوف فيها وكتقارن راسها بيها..شافت أيوب مزال كيشوف فيها وعنيه مانزلوش عليها تنهدات وناضت ماباغاش تبين..جراتو من يديه وهي كتشطح معاه باغة تنسيه فعائشة ويرجع معاها كيف كان 
داز الوقت وجا وقت يقطعو لحلوة باش كل واحد يمشي لدارو بكري 
كلشي تجمع عليها وكيغنيو سنة حلوة ياجميل والمصور كيصور وكلشي كيضحك
ياسمين:أيوب اجي قطع معايا الحلوة
قرب لعندها وقطع معاها لحلوة هزات شوية بلفورشيط ووكلاتو وبتاسمات:كل عام ونت معايا
أيوب بتاسم لليها وهز شوية فلفورشيط وهي مزال مبتاسمة ودور وجهو وقرب عند عائشة وقرب ليها لفورشيط لفمها:كولي من يدي
عائشة زرب عليها لفورشيط فوق فمها ضطرات تاكل داكشي
أيوب قرب لعندها :كتسالي معايا
ياسمين كون صابت الارض تنشق وتبلعها مارضاتش ولات كتغلي شوية وتنفاجر..دينيز باش تلف الجو بدات كتصفق :هييييي سنة حلوة يا ياسمييين سنة حلوة يا ياسمين
بقة كلشي كيسفق وهي مزال مابردات ليها..حاسة بحاليلا عائشة خدات الجو كامل رجعات اللور وهي كتشوف فيها كي كضحك كرهاتها فهاد اللحضة.خصوصا فاش شافت كلشي كيبغيها ولبنات دايرين بيها ..باغة تبرد باي طريقة..شافت فلميكرافون لي مع ديدجي..مشات هضرات معاه فودنيه يدير ليها أغنية..وهزات الميكرافون وهضرات وعنيها على عائشة:ششش شوية دسكات احم بغيت نختمو الحفلة ديالنا بشوية دناشاط..امم شكون كيعجبوه الشيخات
كلشي بقة كيسفق ويقول انا انا 
عائشة تزيرات وياسمين كضحك:وااش بغيتو شيخات
كلشي كيقول اااه
ياسمين:عائشة الكادو ديالي فعيد ميلادي هي تشطحيلي بحال كي كتشطح مك فالعراسات ..اه نسيت نقول ليكم عائشة مها شيخة وتاهي اتكون كتعرف تشطح.يلاه عائشة فرجينا..صفقو لعائشة
كلشي بقة كيصفق ويصفر ويشجعوها باش تشطح..وحدة من لبنات لاحت ليها شال:هاكي شطحيي
عائشة تمنات الارض تنشق وتبلعها ولات كلها كترجف مارضاتش
ياسمين ماال هازة لميكرافون:يلااه اعائشة كلشي كيتسنة
عائشة غرغرو عنيها بدموع وطلعات معاها سخونية 
فاتي مشات خدات لميكرو من يديها وجراتها:شكا تخربقيي شهاد تبرهيش دوالو
ياسمين:علاه مالها مها ماشي شخة
فاتي:بربي وماتشدي فمك نضرب لختي نتفة قدام الخلق
ياسمين :هدشي كااامل على ودها ياكي بدلتوني فرمشة عين


ياسمين دفعات عائشة:دخلتي كي سوسة بيناتناا بلعاني باغة تاخدي مني صحاباتي وضرتي لصاحبي حتى هو .شنو كيحساب ليك راسك نتي راك ماكاتسواي وااالو .نتي راكي بنت شييخة فهمي هاشي ماغاتوصليييش لينا وعمرك توصلي مانتشرفش تكوني كتجيني من العائلة اصلا مامعتارفاش بيك انك بنت عمي .فرق كبير بينا وبينك لي عايش فالوسخ عمرو يتنقة.سيري تكمشي حدا مك تعلمك شوية داكشي لي غيدوملك
كلشي كان كيتفرج وكيتهامس خصوصا وانهم ماكانوش عارفين هادشي قوات الهضرة وشي كيضحك كاع
عائشة ماقدراتش تصبر هزات يديها تا للسما وجمعات معاها بصقلة تا دار وجها:عرفتي كوماكنتيش بنت عمي كونت غنشطب بيك هاد الارض مزيان.ولكن مزيان ملي عرفتك على حقيقتك كنت كنقول كتبقة من العائلة مانديش عليها..ولكن انا لي حمارة ماكانسمعش للهضرة نستاااهل
نزلو دموعها لا اراضيا ..
ياسمين بقات كتغوت:خرجييييي من دارنا المسخة غندمك خرجييي 
عيطات للخدامات:خرجووها علياااا 
جاو لخدامات :تفضلي خرجي لبرة
دينيز:بلا ماتقيصوها هاحنا خارجين.
ياسمين:ياك اتخليوني وتمشيو معاها
فاتي:من ليوم حنا ماكانعرفوكش
ياسمين:ولكن 
قاطعاتها:ششش تزيدي كلمة نكمل على باقي سكتي
جرو معاهم عائشة وخرجو 
أيوب تم خارج تاهو
ياسمين:فين غادي
أيوب:نتي بنتيلي تسطيتي تشاااو مابقة مايعجب
بقات كتعيط ليه وهو مادايهاش فيها ..
برة كانت غادة وهوما تابعينها وساكتين
فتالي وقفات وشافت فيهم وعنيها دامعين:عرفتيو نستااهل والله لي بحالي خاص يجلس فدااار مانصلحالو لاقراية لا والوو شوهة تابعاني فين مامشيت والهضرة اتبقة لاصقاني فاي بلاصة.مك شيخة مك شيخة..حياتي كاملة انبقة كنسمعها كون غا سمعت للهضرة دماما وبقيت فدار
سكتات وهي كتبكي...دينيز بقات فيها عنقاتها:صافي ماتبكيش.هاديك غير لغيرة 
عائشة غير كتبكي مارضاتش بداكشي لي وقع
بقات كتبكي من يعد بعدات:غنشد.طاكسي ونمشي بحالي 
دينيز:لا شمن طاكسي ها خويا غيجي دابة باش يوصلنا أنوصلوك فطريقنا
عائشة ماقدراتش تقول لا اصلا باغة غير فوقاش توصل لدار وقفو فجنب كيتسناو خوها يجي 
فاتي:شوفي لا جيتي تدي على الهضرة دبنادم راكي تنتاحري .ماتسوقيييش سمعتيني 
عائشة:مايمكنش نتوما ماغاتحسوش بداكشي لي كنحس بيه فكل مرة كنسمع مك شيخة مك ماكاتسواش خاص تجربو باش تحسو بيا
دينيز:لا ماشي بضاروري نجربو باش نحسو بيك..ماتشوفيش غير ناس لي كيكرهوك شوفي تا ناس لي كيبغيوك.ماخاصش تهمك لهضرة دناس لخاوية ديما كنقولك كل واحد وضروفو ونتي كوني غا مع لي كيقدر ضروفك وماتديهاش فتباقي
عائشة غير ساكتة عياات 
شوية وقفات حداهم مرسيديس مجبدة كحلة كتبري نزل زاج:شكا ديرو هنا
دينيز:قنطنا خرجنا لهنا نتسناوك
بدر:واركبو هاد لبلاصة خاوية
ركبات فاتي وعائشة اللور ودينيز لقدام
دينيز:واخة نوصلو صاحبتي لدارهم هي لولا
بدر:مرحبا فين جا العنوان
دينيز:عطيه لعنوان
عائشة قالت ليه العنوان من صوتها باينة كانت كتبكي هز راسو لمراية اونفاص معاه وشاف فيها لقا عنيها حومر بلبكة طول شوفة فيها وهو مستغرب وكمل سوقانو للعنوان دخل للحومة لداخل وبقات كتنعت ليه دار بالضبط حتى وقف قدامها 
عائشة:شكرا بزااف سمحولي صدعتكم
دينيز:تسناي غنزل معاك
فاتي تا انا
دينيز:خويا واخة تسنة واحد شوية
بدر:واخة
عائشة نزلات ومشات لجيهتو:شكرا اخويا
شاف فيها وبتاسم:ماشي مشكل
بتاسمات ليه واخة مافيها لي يبتاسم ودخلات ودخلو معاها لبنات للرياض 
دينيز:ناري رياض واعر
فاتي:كنحماق على ديور بحال هكا
عائشة:ماااما ماما
الزاهية طلات من لفوق:جيتي ابنتي
عائشة:اه نزلي سلمي على لبنات
الزاهية شافتهم:اه واخة
قدات شعرها ونزلات:مرحبا بيكم تفضلو دخلو 
سلمات عليهم 
دينيز:ربي يخليك اخالتي
زاهية:اجيو تجلسو
دينيز:مرا خرا خويا برا كيتسنة 
زاهية شافت فعائشة:اويلي مالك واش كنتي كتبكي
عائشة ماقدراتش تصبر نفاجرات بالبكة وعنقات مها:كوغا سمعت لهضرتك اماما
الزاهية عنقاتها عرفات وقعات شي حاجة:صافي ماتبكييش وعاوديلي
عائشة ماقادراش تحبس من لبكة
دينيز:انا نعاود ليك اخالتي
عاودات ليها كلشي
زاهية تنهدات:اصلا داك العائلة عندهم هدشي وراتي انهم يهينو عباد الله صافي ماتديش عليها كي قالت لبنت غا من لغيرة 
عائشة مسحات دموعها:ظارتلي شوهة قدام لبنات ودراري
دينيز:لا هديك راه كلشي عارفها هبيلة تاواحد ماغايديها فيها..اصلا غير خلي شي حد يجرب ويقول شي حاجة ايلقة راسو برة يشوف داك ساع فين يقرا غير كوني نتي على خاطرك 
عائشة:سمحولي صدعتكم
دينيز:لا ماكاين لا صداع لا والو راك بحال ختي حنا غنمشيو دابة ونتي رتاخي نتشاوفو غدا
فاتي:ياويلك وماتجيش نغضب منك صافي غتجي ياكي
دينيز:لا ماجتيش نديرو اضراب يلاه
ضحكات :ههه صافي غنجي 
دينيز عنقاتها:شتي ضحكة شحال زوينة 
وبعدات وشافت فازاهية:خالتي اتكون دينيز هضراتلك على لحنة دختي اتحضري معانا ياكي
الزاهية بتاسمات رتاحت ليهم:ان شاء الله ابنتي 
دينيز:راني قلتها لماما وختي وخالتي كلشي غيتسناكم عندااكم ماتجيوش
الزاهية:هههه غنجييو كوني هانية


دينيز عنقاتها:مرحبا بيكم والله
الزاهية:ربي يخليك ابنتي
سلمو عليهم باش يمشيو ..دينيز حلات لباب وهي تضرب فشي حاجة قدامها كانت غطيح وهو يشدها شهقات وعلات راسها شافت فيه بلعات ريقها وعنيها فعنيه
عصام كيححقق فيها حيت ماعرفهاش رجع اللور :كنتي غطيحي
دينيز تلفات:اه شكرا
عائشة:دينيز وفاتي كيقراو معايا
عصام شاف فيهم طلعهم وهبطهم مزيان حقق ففاتي وفستايل ديالها:مرحبا
ودخل 
دينيز همسات لعائشة:كيحمق خوك ناري انا دبت
عائشة بقات كضحك
دينيز:يلاه بسلامة
وركبو فلوطو ومشاو

بدر:احم مال صاحبتكم
دينيز شافت فيه ماموالفالوش كيسول:غير شي مشكل لاش كتسول
بدر:غا سولت
دينيز:ياك ماعجباتك
بدر:بديتي تاني
دينيز:والله حتى ضريفة وزوينة ماتلقاش بحالها
وصلو لدار:نزلي نتي طلعاتلك صخانة
فاتي:هههه بان ليا جابتها لاصقة عاقت بيك
دينيز:ههههه وياااه
بدر بتاسم على هبالهم ودخلو لدار 

دازت هاد ليلة وشي يامات طايرين
جا نهار الحنة ..أمونة ادير لحنة غير بيناتهم طبعا غير مع صحاباتها ولبنات ..كلهم كانو لابسين كسيوات وامونة جالسة فبلاصتها الخاصة بقفيطين دجوهارة ملبوس عليها مع مكياج مقاداه بيديها عندها مع هادشي .وصوت الموسيقى مسموع وسيرفورا غاديين جايين بدواز اتاي والمشروبات ..
طاهرة جالسة حدا بنتها فرحانة بيها بزاف
دينيز:عائشة تعطلات
فاتي:ايكون زحام فطريق
شوية سمعات طليفون كيصوني
جاوبات:فينكي..اه وصلتي ..هنا نحل لباب
خرجات كتجري هي وفاتي حلو لباب ستقبلوهم بتعناق 
دينيز:دخلو مرحبا بيكم ماما اجيي 
طاهرة ناضت عندهم وهي مبتاسمة:اهلان تفضلو مرحبا بيكم
وسلمات عليهم كاملين 
عائشة غير حالة فمها فدار اصلا من لي دخلات من لباب لبرانية وهي حالة فمها فجردة وزادت دابة فاش شافت دار من لداخل دات لليها عقلها كتقول مع راسها بحال داكشي دلافلام
دينيز جراتها:اجي تشوفي ختي
وصلاتها تا لعندها:هاهي عائشة
أمونة بتاسمات:مرحبا بعائشة واخيرا تعرفنا علييك ديما هاد جوجات كيعاودو لينا عليك 
عائشة:شكرا والله يكمل علييك بالخير
امونة:أمييين جلسو
جلسو حداها وعائشة غير كتشوف هاد الخير لي هوما عايشين فيه ..
طاهرة :نورتونا هاد النهار نهار كبير هدا دينيز غتحماق عليكم
الزاهية:ربي يخليك اختي تاهي غزالة تبارك الله الله يحفضها ليك
طاهرة:أمين
عيطات للخدامة جابت ليهم ضيافة ورحبو بيهم مزيان
الزاهية :عفاك شي بلاصة نبدلو فيها حوايجنا
دينيز:اجيو معايا اخالتي
ناضو لعيالات معاها دخلاتهم للبيت بدلو عليهم لبسو قفاطنهم دلخدمة وقادو لماطريال وخرجو بداو خدمتهم كيف لعادة كلشي كينشط معاهم كلشي عاجبو لحال
دينيز :ناااري ماحسابلييش هدشي زوين بحال هكا ماكرهتش تا انا نكون كنعرف نشطح بحال هكا
عائشة :هههه اجي نعلمك
جراتعا وبدات كتعلمها شطييح شيخات ودينيز كتحاول دير بحالها وطاعرة كتضحك عليهم

ليلى:تبارك الله داك لبنت زوينة
طاهرة:اه عائشة غزالة 
عائشة كانت ناشطة هي ودينيز بكسيوة فلغوز بارد كلها مزون كتبري نص كم وقصيرة ملبوسة عليها وشعرها مطلوق على طولتو مع مكياج زوين جات هي هديك مزيونة
جات لخدامة همسات لطاهرة فودنيها:سي يوسف راه وصل هو ولالة نرجس راهم لفوق 
طاهرة بتاسمات:الحمد الله على سلامتهم
الخدامة:لالة نرجس قالتلك شوية وأتنزل
طاهرة عاد رجعات فيها روح توحشات ولدها بزاف

عائشة رجعات جلسات هي ودينيز وشافت فأمونة طايح عليها سر وجاية زوينة كلشي حاضيها:ختك زوينة بزاف كتشبه لماماك 
دينيز:ويااه خاص تشوفي ماما فاش كانت صغيرة فوطوكوبي ديال أمونة
عائشة شافت فطاهرة:باقة صغيرة وزوينة 
دينيز:هههع الحب ابب هداك. متهلية فراسها على ود بابا.وتا الحب كيخلي واحد.ديما شباب
عائشة:ههههه ايوا الله يعطينا تاحنا لي نبغيو نبقاو صغار
دينيز:اااااح امييييييين
عائشة:شكون هديك لي جالسة حدا ختك
دينيز:هديك اكرام 
عائشة:كتجيك من الاعائلة
دينيز تنهدات:قصة طويلة تانكونو مساليين ونعاود ليك
عائشة:واخة
جاو سيرفورا فرقو عليهم دواز اتاي وناس ناشطين 

نطلعو لفوق شوية 
كانت واقفة حدا لمراية كتشوف راسها كيفجات... 
ضارت فاش شافتو داخل من لبالكون وهو كيسوط دخان بتاسمات:كي جيت
طلعها هبطها :زوينة
قربات لعندو ودورات يديها على عنقو وباستو على خدو:دوزت أسعد أيام حياتي معاك ماتصورش شحال انا فرحانة 
قرب وطبع قبلة على شفايفها
نرجس جراتو من يديه وحلات لفاليز جبداات واحد سوميج فلبوردو ختارها لها هو :غنلبسها هاد ليلة
يوسف بتاسم:تجي معاك
نرجس:اكيد حيت نت ختاريتيها
يوسف:نزلي قبل نبدل رأيي
ضحكات وقدات سوميج فوقف النموسية وباستو على خدو ونزلات وهي فرحانة 
سلمات على كلشي..وكلشي كيبارك ليها.جلسات حدا امونة واكرام
امونة:زيانيتي اجنية دوي كي داز داككشي
نرجس حمارت طبعها حشومية:مزيان
اكرام:هههه وينو كتحشم 
امونة:عطيني فكرة باش نتعلم هههه
نرجس:اووف شحال فيكم دلاسئلة 
طاهرة جلسات حداهم:مالكم مع عروستي
نرجس:خالتي والله ماكايحشمو
طاهرة بتاسمات:ماتديش عليهم.قوليلي مهلي فيك ولدي قلقك ولا شي حاجة
نرجس بتاسمات:بالعكس كيعاملني مزيان مامخصرليش خاطري
طاهرة:ايوا الحمد الله .الله يكمل عليكم بالخير
نرجس:امييين..سمحولي نوض نجلس مع فاتي ودينيز شووية توحشتهم
ناضت جلسات حداهم
دينيز:عاد تفكرتيني الموصيبة
نرجس:واندير شوية دصواب 
دينيز:قوليلي قوليلي كيداز هاد شهر العسل لي غير كنسمع بيييه..عارفة خويا ماشي رومانسي ولكن قاضي لغراض دوي
نرجس بتاسمات وتنهدات براحة:ناري داكشي دلافلام واخة قليل فين كيعبر على شي حاجة من جيهتي ولكن تعامولو زوين بزاف .أول مرة انكون قريبة ليه نااري غنطير بلفرحة .سافرنا لبزاف دلبلدان تركيا فرنسا امريكا ..واخة هكاك ماحسيتش بالوقت وانا معاه
وراتهم لكولي لي دايرة فعنقها كلو مصنوع من الالماس كيبري :شوفو لكادو لي جابلي .عرفتي كنحماق على شي حاجة سميتها يوسف 
فاتي:وهيا ناري هدشي كامل
نرجس:وكتر كاع
دينيز:اووه خويا ماساهلش 
نرجس الفرحة باينة على وجها..عائشة كتشوف فيها وكتخايل راسها هي لي فبلاصتها فيقها من سهوتها صوت دينيز:هادي عائشة صاحبتي كتقرا معايا
فاتي:صاحبتنا بجوج ماشي غير صاحبتك نتي
نرجس:مشرفين عائشة مرحبا بيك.وانا نرجس مرات خوهم
عائشة بتاسمات ليها:مشرفين 
دينيز :نوضوو نشطحوو
بقاو كيضحكو وناضو يشطحو وفاتي كتصورهم


فجيهة لوخرا
كانو جالسين حدا لبحر كاملين 
يوسف:الوليد شنو درنا فالصفقة 
ناصر حط كاس دلويسكي من يديه وشاف فيه:كي لعادة ناجحة
يوسف:مايقدروش على الزعيم
ناصر:وولادو
بدر:هههه فاش كتلاقاو بجوج غا الله يتسر
ناصر بتاسم فرحان بولادو لي كبرو قدام عنيه .فرحان انه خلاهم يكبرو بعيد على حياتو لقديمة قراهم وضمن ليهم مستقبالهم وولاو رجال كيتضرب بيهم لمتال هازين سميت الزعيم لفووق محمرين ليه وجهو قدام العلام تنهد
عماد:واحد حمزة ماباليش
يوسف:عاد قطعت معاه شوية وغيجي 
بدر:ناقصنا غا علي 
عماد:راه غيجي ليوم راه كان فواحد الكومبة ماعرفتوش اش دار
شوية شافوه داخل هو وحمزة سلمو عليهم وجلسو
حمزة شاف فيوسف:على سلامة
يوسف:الله يسلمك
علي :مولاي سلطان راك منور كي وصلتو
يوسف:الحمد الله
علي:نرجس لاباس عليها
يوسف:راها بيخير
علي:تقول واش سولات فخالها 
يوسف:راك عارف
علي:ماشي مشكل
عماد:شنو درتي فداك المبارة
علي:مربووحة 
عماد:ايوا مبرووك علينا 
علي:راه انا المدرب مستحيل مايربحش هههه
عماد:وشكون لي عطاك هاد الدكاء
علي:ههه ضاروري تفكرني
عماد:هههه باش ماتنساش
علي:عمري نسة اعشيري نت هو كلشي
عماد:يتوب عليك
حمزة:فوقاش اديرو عقلكم لولاد ودرتوهم 
عماد:حاسديناا
علي:هانت كاشوف
كلشي بتاسم..عارفين هاد زوج واخة.كبرو مزال ضحوكيين واخة عماد ربي لي عالم بيه باقي ماتبدل كيخبي ومامكايبينش

نرجعو لبلاصتنا خخ
عائشة كانت جالسة..غا بوحدها فاتي ودينيز مشغولين مع ضياف تنهدات دورات عنيها على دار باغة تعرف كي داير هاد لقصر شافت مع جنابها كلشي مشغول ومها ماداياهاش فيها..جمعات الوقفة ومشات كتسارة على القصر دخلات لكوزينة وهي حالة فمها بزاف دلخدامات وكبيرة بزاف جميع الالات ديال المطبخ فيها تفكرات كوزينتهم لي مشاركينها جيران كاملين ..قلباات دورة دارت على صالات كاملين وهي تشوف المصعد اول مرة تشوف مصعد فشي دار بتاسمات ومشات ضغطات على زر تحل وركبات..بقات كاتشوف فالارقام ضغطات على اخر ايطاج مدة وهو يتفتح خرجات وهي كاتشوف عجبها بزاف هاد.الايطاج فيه جوج دلاجنحة ديال بدر وديال يوسف .بقات كتسارة فيهم واحد بواحد .كانت فلجناح الثاني دخلات ونسات راسها وهي كاتشوف فتصميم ديالو..دخلات للحمامات للصالة لبيت تبدلال المهم.كلشي..حسات براسها تعطلات بغات تخرج وهي تلمح سوميج لي فوق ناموسية جدبها لونها قربات وهزاتها عجباتها بزااف وقفات قدام لمراية وهي حاطاها على صدرها تشهات تلبسها بقات كتفكر ماقدراتش تصبر حيدات لكسوة بالخف ولبساتها ووقفات كتشوف راسها .بتاسمات:جاتني كتحمق ههه ويلي تسطيت
سوميج كانت كلها معرية ونصها شبكة مبينة مفاتينها بطريقة كتجدب سهات وهي كتشوف فراسها

لتحت
يوسف وقف:عييت غنطلع ندوش ونرتاح شوية باقي مارتاحيت
حمزة:سير ونتشاوفو غدة نديرو شي جليسة
يوسف وهو غادي:ضاروري
كان عيان وباغي يوصل لبيتو يدوش طلع فالمصعد يلاه ايتشد وهي تدخل معاه وتشد باب المصعد
نرجس:غادي تنعس
يوسف حط يديه على خسرها وجرها لعندو:ونتي ماعوالاش تجي تنعسي
نرجس بتاسمات:عوالة
تحل لباب المصعد خرجو وهو مزال مدور يديه على خسرها وداخلين للجناح

عند عائشة
ماسخاتش تحيد سوميج واقفة حدا لمراية وكتعكر بواحد لعكار لقاتو تماك وتقاد فلماكياج ناسية راسها شافت واحد لعطر هزاتو وبدات وكترش عجبها بزاف ديال رجال قفزات فاش سمعات شي حركة بدات غير كتفتف رجعات لعطر وشافت فالارض هزات كسوتها ومشات كتجري حلات واحد لبلاكار ودخلات فيه هو لي كان قريب ليها تحلات لباب وقلبها كيضرب فلمية 

نرجس:نوجد ليك لحمام
يوسف كيحرك عنقو يمين وشمال وهو كيشوف فلعطر ديالو كيفكر انه ماقاصوش ومادارش منو ولكن ريحتو مجهدة فلبيت:لا غا هبطي جلسي معاهم
نرجس هبطات ليه سنسلة ديال لكابيتشو لي لابس وحيداتولو بدات كتشوف فعضلاتو لمطراسيين ولوشام لي مطراسي على دراعو:لا خليني معاك
يوسف كان داير واحد الكاسكيط قلبها اللور بالخف وهضر بنبرة مايلة للأمر:قلت لليك غير نزلي
نرجس:واخة لاحتاجيتيني عيطلي
هز راسو باه قرباات وباستو على خدو:كنبغيك
ماتسناتوش يقولها حيت عارفاع ماغايقولهاش اصلا ماعمرو قالها..كينطقها بطريقة غير مباشرة..بحال هاد الكلام ماكايقولوش ليها ديما حتى كيجي وقتو ونهار كيتغزل فيها كتحس بقلبها غيوقف واتموت بالفرحة..خرجات من لبيت ونزلات عند ضياف
عائشة كترجف بالخلعة ندمات علاش تبعات فضولها
يوسف تنهد ودخل لاطيراس 
عائشة يلاه اتحل بابا لبلاكار باش تخرج وهي تحس بيه راجع..دغية رجعات لبلاصتها وهي كتمتم:اوووف نستاهل هدشي الله ياربي شغا ندير
يوسف رجع البيت وهو هاز فيديه لكلب ديالو روكي بدا كيلعب بيه .ولكلب فرحان شحال ماشافو توحشو
يوسف كيحماق على شي حاجة سميتها لكلاب عندو جميع انواع لكلاب مربيهم فواحد الفيرمة ..جلس على جنب النموسية وهو مزال شادو فيديه :دابة غدير عقلك وانا غنوض ندوش صافي
لكلب حنا راسو بمعنى اه ..نزلو وناض باش يدخل لدوش رجع جوج خطوات اللور وشاف فلبلاكار نسة لفوطة

جلس على جنب النموسية وهو مزال شادو فيديه :دابة غدير عقلك وانا غنوض ندوش صافي
لكلب حنا راسو بمعنى اه ..نزلو وناض باش يدخل لدوش رجع جوج خطوات اللور وشاف فلبلاكار نسة لفوطة تنهد ولكلب تابعو وقف حدا لبلاكار..عائشة كتحس بلحراكة قريبة لعندها غمضات عنيها وهي اتموت بلخلعة وجالسة معدبة غير اتحل لباب اتجي طايحة...بلعات ريقها وهي كتحس بلباب كتحل
يوسف حل لباب بالجهد ورجع اللور بالزربة فاش شاف شي حاجة طاحت ..عائشة غير تخحات لباب جات طايحة فالارض قدام رجليه ولكلب كينبح..صافي حسات براسها اتسخف بالخلعة لدرجة ماقدراتش توقف او تعلي راسها تشوف فيه
يوسف باقي مامستوعب شهادشي قدامو بقة شحال كيشوف فيها كي طايحة ومنزلة راسها لتحت وشعرها مغطيها 
عائشة شوية وتبكي بلعات ريقها وجمعات قوتها ووقفات وهي مزال كتشوف فالارض حشمانة بزاف وخايفة من ردة فعلو وعاد لابسة حوايج مراتو 
يوسف علا حاجبو مافاهم والو..تشجعات وشافت فيه غير جات عنيها فعنيه حسات بقلبها قفز ضطرات تزيد تعلي راسها تا لفوق باش تشوفو مزيان .تلفوها شوفاتو لحادين تزنكات ونزلات عنيها كتشوف فعضلاتو والوشام لي فدراعو وطالع على عنقو ..شافت فيديه واشم بنت بقات كتشوف فيها عاد عرفاتها شكون ..واشم صورة الام ديالو طاهرة على دراعو 
عائشة ولات شافت فوجهو وفعنيه بالضبط:ااا.اا.انا غنمشي
يلاه اتقلب الدورة باش تمشي وهي تحس بيه جرها بالجهد تاتضربات فيه وزير على دراعها هضر بنبرة حادة خلات قلبها يرجف: فين غادة.شكاا ديري هنا وشكون نتي
عائشة مابقاتش قادرة تصبر لخلعة سيطرات عليها وقلبها كيضرب بالجهد ترخات وسخفات ليه بين يديه ..شدها مزيان باقي مافاهم والو هزها بالخف وحطها فوق النموسية تحنة لعندها وضرب ليها على وجها ماتحركاتش تنهد ومشا جاب كاس دلما رشها وشوية بشوية حلات عنيها وجات عنيه فعنيها .بقة كيشوف فيها وبلخوف لي فعنيها 
عائشة :اناا غير .ماقصدتش.
بقات غير كتخربق فلهضرة..يوسف وقف وعطاها بالضهر:تهزي حيدي داكشي لي لابسة وخرجي من لبيت
نزلات من فوق النموسية ودازت من حداه وهي كترجف تحنات وهزات كسوتها وشافت فيه لقاتو كيطلعها ويهبطها وكيحقق فتفاصيل جسمها .تفكرات ان سوميج معرية بزاف بدات كتغطي صدرها بشعرها ودخلات دغية لبيت تبدال وشدات عليها وهي كترجف تنهدات بالجهد:ويلي انا شنو درت يعطيني موتة الله ياربي انا هبيلة..
حيدات داك سوميج ولبسات كسوتها وخرجات شافتو واقف حدا لبابكون وكيكمي ولكلب حداه 
نزلات راسها وحطات سوميج فوق النموسية يلاه اتخرج وهي تحس بيه جرها من دراعها غمضات عنيها وهي كتحس بحرارة انفاسو على وجها ويديه مزيرة على دراعها وصوتو كيتحفر فدماغها:حمدي الله جيتيني فوقت انا فيه مكالمي .اما كون تحاسبنا على هاد الدخلة 
ودفعها:تحركي خرجي
شافت فيه:مايمشيش بالك لبعيد انا ماجيتش نسرق غير
قاطعها:قلت خرجي
حنات راسها وخرجات وهي كطير
يوسف تنهد وشاف فلكلب ديالو بتاسم ليه سمع طليفونو كيصوني جاوب:الو الوليد واخة ندوش ونزل 
وهز فوطة ودخل يدوش

لتحت.
غير هبطات جلسات فبلاصتها وهزات كاس دلمة وشرباتو كتسترجع انفاسها 
دينيز:فين كنتي
قفزات بقات شحال كتشوف فيها عاد فهمات:اا كنت فجردة وصافي
دينيز:اه واجي نشطحو
عائشة:غير بلاش عييت
دينيز تحنات باستها:يخليلي زين
ومشات كتشطح
عائشة كتسترجع داكشي لي وقع مزال كتحس بحرارة انفاسو على وجها .علات راسها وشافت فنرجس ..تفكرتو هو وشوفاتو والوشام وحروفو لحادين وروجولة لي باينة على وجهو وعاد صوتو لي كيتردد فسمعها حسات باحساس فشكل وقلبها غيوقف ..بقات كتفكر فداكشي نسات كلشي مركزة غير فديك اللحضة شهقات فاش حسات براسها انها مبتاسمة ..رجعات هزات كاس دلمة وشربات منو

داز الوقت 
صافي تسالات الحفلة ..كانت واقفة على برا هي ودينيز كيتسناو الزاهية مزال ماخرجات يلاه كتلبس عليها
دينيز:مالكي كنحس بيك مرفوعة
عائشة:لا غير جاني نعاس
دينيز يلاه اتهضر وهي تشوف يوسف خارج ومعاه ناصر
دينيز:بابا فين غاديين
ناصر:غير لشريكة 
دينز:فهاد ليل
كانت كتشوف فيه وكتحقق فملاميحو ماقدراتش تنزل عنيا عليه ..حتى كيهز عينيه وكشوف فيها دغية حدراا راسها وقلبها كيدردك..يوسف طلعها ونزلها بقة كيشوف فيها شحال عاد ركب فلوطو وناصر حداه ومشاو لشريكة 

خرجات زاهية سلمو عليهم ومشاو بحالهم لدار ..طريق كاملة وهي ساكتة..حتى وصلو لرياض نزلات وطلعات نيشان لبيتها دخلات وشدات لباب وتكات على حيط مزالة تحت تأتير ديالو اول مرة تحس بهاد الاحساس .عمرها طولات فتفكير فشي حد لهاد الدراجة لحد الان صورتو بين عنيها تا ريحة دلعطر ديالو مزال كتشمها..ترخات وبتاسمات فاش تفكرات شحال كانو قراب لبعضهم وانفاسو على وجها وشادها من يديها..حطات يديها فلبلاصة فين كان حاط يديه بقات كتحسس فيها..ودغية تفكرات راه مزوج ويلاه جا من شهر العسل ضربات راسها بيديها:نتي هبيييلة حيدي هاد الافكار انا باقة صغيرة على هدشي يلاه بنت 16 لعام..وهو مزوج ولاباس عليه دخلي هدشي لدماغك اوووف ههههه صافي تسطيت 
نفضات راسها من هاد الافكار ومشات بدلات عليها وتخشات فبلاصتها غمضات عنيها ونعسات ماباغاش تفكر كتر من هكاا..

نرجعو لدار الزعيم
كلشي طلع ينعس من بعد ماتجمعات الروينة
دخل لبيت ماشافهاش ..حيد تيشيرط بالخف وتحنى حيد سبادرين حتى كيشوفها قدامو واقفة بنفس سوميج مقادة المكياج جا مع ملاميحها ..جات كيوت
طلعها وهبطها مزيان وبالو مشا لبعيد..قربات لعندو دورات يديها مور عنقو وتعلات باستو على خدو:على سلامة
يلاه ايهضر وهي تدخل معاه فقبلة طويلة تجاوب معاها وجرها لعندو كتر وهي مسايراه تاوصلو لنموسية بعد وشاف فيها وفسوميج طلعها ونزلها جاتها زوينة .ولكن فللحضة جات صورتها بين عنيه فاش كانت هي لابساها.لا مختالفين بزاف.تفكر كيكانت ملبوسة عليها ولاسقة عليها مبينة مفاتنها وشعرها طوييل نازل على كتافها..فيقو صوتها دغية نفض هاد الافكار من راسو :فين سهيتي ماحسابليش سوميج اتعجبك تا لهاد الدراجة
بقة كيشوف فيها ماخاصش يفكر هكا نطق:سيري بدليها
نرجس:كيفاش
يوسف:سيري بدليها ماعجباتنيش
نرجس:ولكن
يوسف بعد عليها:راني هضرت
نرجس:واخة
دخلات لبيت تبدال مافاهمة والو ..يوسف خرج للبالكون شعل كارو وبدا كيكمي حتى كيحس بيها وقفات حداه شاف فيها بدلات لباسها جرها لعندو ويديه على خسرها حطات راسها على كتافو بقاو ساكتين
يوسف:اجي نعسوو
دخلو تكاو فوق النموسية وراسها على صدرو ويديه كتلعب على شعرها بقاو هكا شحال حتى حس بيها نعسات قادها فبلاصتها ونعس تاهو


يتبع...

التنقل بين الأجزاء

صفحة القصة
سيتم تشغيل صندوق التعليقات بعد لحظات
معظم التعليقات تم إخفاءها بواسطة الفيسبوك، نحاول بكل الوسائل المتاحة إستعادتها في أقرب وقت ممكن.