ناعسة ممدة فوق ناموسية و شعرها الطويل مفرش موراها على طولتو عطاها منظر زوين و نسمة انثوية رائعة ..... داخلة في سباااااات عمييييق ....فنفس الوقت يد بنت صغييرة مطبزين امتدت لشعرها و كمشاااات عليه و جراااااااات عليها منووو بكل جهدها حتى غوتااااات و ناضت مفزوووعة..... جلسات مكالية بيدهااا و حيدااات شعرها من على وجعها تستوعب اشنو وقع حتى شافت ختها الصغيرة نرجس واثفة قدام ناموسية كتشوف فيها عاضة على شفايفها بطفولية كانها عارفة راسها شنو دارت ..
جمعااات شعرها و شاف فيهاااا كتحلف : بلاتي على حسك الشنيولة غي بلاتي نجمع شعري. نوريك.... ؟؟
ضحكات نرجس بطففولية كتلعب بشفايفها : سنو غديرلي حبسات سمر ضحكتها بصعوبة و نااضت ليها مخنزرة زعما شداتها من ودنيها. بشوية : غنخليك مع خالتو فاطمة و نجي بحالي و نتينا غتبقى معاها بوحدك و يلااه .....
نرجس شهقااات بخوف: هىء لا لا اشمر مخسنيشي تمااا ...... سمر بهذوء كتشوف فيها : يلاه تعاود ديرلي هيدا مم؟؟
نرجس : لاء.... باستها سمر : الرضى .....
نرجس كتلعب بشعر سمر و تلوي فيه بصبعانها و تشبكو : حبيبو سعد جا و نتنيا ناعسة ....
سمر بفرحة : حلفف حبيبو سعد جاا فوقاش جاا؟؟؟
نرجس هزات كتافها و مجاوبتهاش .....
حطاتتها و مشاات بدلات عليها بالزربة و مشطااات شعرها و مشاات للطواليط تغسل و جهها و سنانها عادد هزاات نرجس الطبووزة لعمرها ثلات سنين تقريبااااا كتشبه لليلى زعرة شوية و كيوووت...
هبطاات ووجها منووور و عينيها كيبريووو سمعااات صوت ضحكتو من الباب و تيقنااات انه فعلا جااااا ..... دخلات و الضحكة مرمسومة على وجههااا فهاذ السنتين زادت كبرااات و نضجاااات و حتى تفكيرها نضج نوعا مااا..... سمر : خالللللللووووووو !!!!!
سعد كان كيضحك مع ياسين و يقشبو كعادتهم حتى سمعها دفع ياسينن من قدااامو و نااض فاتح يدبه ليهاااا و شحال توحشها ختى هو .......
ضحكااات و ترمااات فصدرو كضحك : واااع والله حتى بصح جيتي ....
سعد كيضحك: والله حتى بصح هز ليها راسها من على صدرو : خلينا نشووفو الزييين هاي هاي عندنا التيتيز فالعائلة...... ضحكات سمر بخجل : توحشتك والله عجباتك اسبانيا على هناااا عليها غبرتي هاذ الغبرة....
سعد كيطبطب عل راسها : تنا توحشكم و بزاااف...
رشيدة هازة صنية اتاي خارجة من الكوزينة : سحابليك جا موحش فينااا جااا قاليك ناااوي يخطب.......
على اثر هاذ الهدرة ضحك ياسين شاد على كرشو : حتى الحمااق دارو عقلوم قاليك غيزوج ..... الوليدة اذا زوج سعد تنا غنتوكل و نحيب المراة تنا ....ملينا من الوحدة و القهرة ... ضحك سعد : شووف هذا عااوود كيتعاند معايا .....
سمر : شافت فيه بدهشة : حلف غتخطب اواعدي و انا اخر وحدة غنعرف ياااك احبيبو هيدا وخاااا ...
سعد دار يديو على راسو : طاااالب. العفووو ابنتي ختي ... دوخاتني الفاسبة حتى مابقيت عاقل على حد.....
سعد جلس و عطاتو رشيدة كاس د اتاي : مسمية نسرين فاسية تعرفت عليها عن طريق خااها صااحبي، اوى يالالة هاذ صاحبي تعارفناا ففرنساااا فواحد الصيف اوى تبادلنا الارقاام و ملي جيناا للمغرب عرض عليا نمشي لعندو لفاااس و تما شفتها اوى صافي باركة عليك هادشي ههه .....
سمر ابتاسمات بمحبة : مبروووك علليك والله فرحتليك حق الله ياسين بلقي كيطنز عليه: خربقاتلو عقلو الفاسية ..اجي بعدى عندى شي ختهااا و لاوالو ؟؟؟
سعد عطاه بالمخدة للوجه: عندى هي لا جمعتي راسسك و توكل على الله....
ياسين هااز يديه: لا خاي ديالي خليني هكااااا سووبر باقي ممعولش دابا
سمر : كتشوف فسعد : و دابا فوقاش غتخطب؟؟
سعد : غي فهاذ الشهر ان شاااء الله غتمشي ياااك؟؟
سمر شافت فماها : انا معرفتشي شوف مع ماما واش تبغي رشيدة : لا والو غتمشي نجوى و نجلاء و نوفلل و سمر و ليلى لا بزاااف عااااود !!!!
سعد بجدية : لا عااود سمر ماشي سوقي انا غتمشي معانا رشيدة : اوى منعرف حتى نشوفو....
سمر: هزاات تليفونها بلاتي نعيط على ليلى تجي
رشيدة : ليلى وقيل موحال تقدر تمشي معاانا مع ديك العايل لعندى مكتمشي لعند حدد....
سمر : و شكون قاليها ولد هااء....
سعد : مهم عندي سمر ماشة و سالينا....
فرحااات سمر و ضحكات و ترماات فصدرو : يخليك ليلي.... داز الصباااح
و جاات ليلى وولدها فعمرو عااام و كملات الجميعة ...دوزو العشية مع بعضهم ناشطين و سعد و ياسين منشطين ضاحكين و خاصة مع سعد لطبعو ضحوكي و منفاتح بزااف قدو قد ياسين فالعمر اختلفو فقط فالملامح بحكم ياسين ملامحو سوداء عكس سعد اشقر شوية ... كمستقر فالمغرب . جاتو الخدمة على برااا هاذي عماين و هو فالغربة ...و دابا رجع لبلادو يدير دارو ووليداتو مع البنت لختارها....
ناضت لالة رشيدة تجمع الطبلة و لحقااات عليهاا سمر كتعاونها و تهز معاها حطاات الصينية من يديها و شاف في ماماها بعويناتها الكحلين كلها امل خفضاات صوتها و دوااات بهمس بنبرة مترجية: ماما غنمشي مع حبيبو سعد نخطبولو ياك ؟ وقفات رشيدة شغلها و شافت فيها مدة قليلة بدون جوااب و رجعاات كملات شغلها بلا ماتجاوبها خلاتها حايرة معرفات واش وافقااات و لا رفضاات معطاتعاش راش الخيط .....
خرجاات مفقوصة من الكوزينة شادة البكية .... ليلى شافتها هكاك هزاات ولدها و لحقات عليها : مالك نتينا بحال داخلاك الموت ....
سمر شادة البكية بالسيييف حاسة على شوية و تغلبها: ماما وقيلة مبغاتشي نمشي مع حبيبو لفاس يخطب....
ليلى : اهيا العجب ...علاش مابغاتشي .. ياك غتمشي معاكم حتى هي .. ؟؟
سمر هزاات كتافها : منعرف شوف هي ماقالت لي اه لا لاء.... ليلى ميقات فيها : اوى صافي ختى نتينا سحابلي قالت ليك لا ..بما انه معطاتكش جوابك اذن كاين امل مالك مسبقة العييب .. سمر بامل : مكرهتشي انا قنطت هنايا خصني نفووج هاذ العام عندي الجهووي زعما يعني نبدل الجوو شوية باش يدوزلي العام بنفسية زوينة مي مع من نتينا .. ..
خلاتها و طلعات لبيتها .... ... بعد ساعات ناضت سمر بعد ما سمعات الدق فباب بيتها ...فتحاتها لقات ماماها مخنزرة فيها : مالك شادة الباب بالساروت شحال من مرة كنقوليك متشدشي الباب ..
دفعاتها رشيدة و دخلات كتنكر على الفوضى لي فالبيت : جمع بعدى غي البيت ديالك و نتينا بحال الزوفري طل على قرانك كيف عاملين فالشغل طلل يماهم مكيحطوش يديهم فالمااء و انا والدة العزري ماشي البنت ....
وهاذ المرة ايضا سمر غي واقفة بدون جوااب جلسات رشيدة كتطوي فالحوايج و شافت فيها بنص عين: شنو غتلبس عليك فالخطبة د خالك اسمر ؟ ...
علات راسها فيها كتاكد واش ديكشي لسمعات بصح و لا غي كتخايل : شنووو؟؟!
نووض وجد راسك من دابا فتش شنو غتلبس عليك الخطبة بعد سيماانة...
هزاات يديها فوق راسها تالفة : اواعدي يانا على بعد سيمانة منيتكم ...
رشيدة : لا مزيان نتينا لغتويريهم شنو غيديرو تبارك الله على العايلة ..انووض جمع راسك دغيااا و لا جلس مع باك مكاين مشية ..
بعد اسبووع
داز اسبوع غي فالتوجاااد من طرف عائلة سعد اخوااتو و ماماه لمخلاوش من جهدهم و لما لا ،و خوهم الصغير لشحال وهوما كيتمناو يفرحو فيه قرر يدير داررو اكيد غيفرحو مغااه و يتعاونو حتى يدوز كلشي على خير و فاحسن الاحواالل .. ...... داك الصبااااح نايضة سمر لاول مرة فحياتها بدون مايفيقها حد فصباااح بكري قاادات راسها و هي غطير بالفرحة معرفااش السبب بالظبط؟؟! ممكن لانها فرحانة لخالها !!! و ممكن حيت اخيرا غتبدل جوو الشمااال و تزور مدينة خرى من غيررها !! الفرحة لكانت حاسة بيها داك النهااار خلات وجهها يتنور و عيينيها يبريو بدوون اي مجهووود ...
شاافت فالمراااية كتشووف شكلها كيف طللع بعد عدة مشااورات مع راسها ..فالاخير ابتسمات ابتسامة عرييضة دليل على الرضى على شكلها النهائي........ شعرها الاسود الطويل طلقاتو على طولتو جمعاتو كلو على الجنب ... مع كسيوة بيضة حد الركبة فيها وريداات فالغووز و سنيديلة فالغوووز... دارت طليلة على شكلها لاخر مرة و خرجات بكل ثقة فالنفس راضية على شكلها ........
رشيدة كتشوف فيها و طلع و تهبط كتقيمها: جمع داك الشعر ابنتي حمع حتى لتما عاد طلقو دابا غيصهدك غي مع الطريق سمر برفض: لا مغنجمعوشي خليه غيتخربقلي ....
رشيدة بقلة حيلة : مع من غتركب مع خااك و لا خالك؟؟
سمر بتساؤل: شكون راكب مع خالي ؟؟!
رشيدة : معاه يمة و ختي زينب و نجوى....
عوجات فمها سمر على ذكر نجوى : صافي غنركب مع خاي منركبشي مع الجنون انا بسم الله الرحمان الرحيم ...
بعد سااعات دوزوها غي فالطرييق بحكم المساافة بعيدة من تطوان للفاس دوزاتها سمر غي النعااس مفاقت حتى حسااات بمامها كتفيقها كتعلمها انهم وصلو ...
صايبات شعرها بيديها و هبطااات ..حطات رجلاتها الصغيورين و ظفيراتها مصبوغين ....كان الظلااام فقط اظوااء الشواارع لكتضوي ...حي راقي هادىء ... علات راسها كتسرح عويناتها حتى نغزاتها مامها : دير عقلك و زيد قداامي باركة من البهلان ديالك و نقص من التفرفير كتسمعني؟؟
سمر ابتسامة صفراء: وخا اماما و طلق مني باركة من الشوهة حتى هنايا ...؟؟
طلقااات منها و دخلو و سمر غي مخشية فمامها و كتشوف بعويناتها مركنة ....
دخلو تحت ترحيب و زغااريت د عاىلة العروسة .....
. جالسة دايرة رجل فوق رجل كتعبر لواقف و لي جالس و كتحلل فعقلها شادة فمعا و تيقاارها ملي حلسات متحركاتش من بلاصتها غي ودنيها و عينيها لخداامين لضحك معاك تضحك معاه لهدر معاها تجاوبو برزااانة و بالتقالة ...
حتى سمعاات ام العروس مشاركة الحديث مع الام ديالها طلعاتها و هبطاتها دغيا بلا متعيق .....
كانت امراة بشوشة طالقة شعرها الاحمر المصبوووغ قصير لابسة قفطاان بسيطط و انيق فنفس الوقت من طريقة كلامها و ضحكتها كتبين انها مراة مثقفة وواعية ...
شافت فيها الام العرووس و ضحكات معاها ضحكة ودودة و رحعات ليها الابتسامة حتى تشدو عينيها ..
تجمعو العائلتين بجوح في اطار الترحيب و التعارف ... بعد مدة دخل شااب فالعشريناات سميمر شوية طويلل و مكلضم ....سلم عليهم ووصل لعند نجوى بقى كيشوف فيها مطولا وسلم عليها بيديه و دااز عند سمر لحتى هي مسلماتش من نظراااتو ....ابتسم ليها و هي كذلك ابتسامة اصطناعية لا حياة لها .... غي تخطاها شافت جهة خوها واش كيشوفها لقاااتو مخشع مع اب العروس كيضحكووو ........
الملل هو الشعور الوحيد لكانت حاسة بيه فديك اللحظة حسااات ان هاذ الاحوااء مكتستاهلش ديك اللهفة لكانت فيها باش تجي و تحظر معااهم ... الاجواااء كانت رسمية مع البعض و حميمية مع االبعض..... بحال سعد لنظراتو كتخونو كتااجه لا اراديا لخطيبتو نسريين عند هنااا ابتاسمات سمر بمحبة نسرين فعلا بنت زوينة بزااف عيينيها فيههم لمعة مميزة غااالب عليهم الاسود اكثر من البياااض و كبااار جمااالعا ياسبحااان الخااالق حتى انه من ابتسامتها لكتشبه ابتساامة ام ديالها نوعا ما كتخليك ترتاااح لييها بدون هواااك ..
بدون قصد رماات عينيها لجهة دااك الشااب لدخل .. كان كيشوف فيهااا شوفات مافهماتش تفسرهم لكن مارتاحتش ليه ...قلباات وجهها و تافففاا بصوت ..... سمعااتها ام العرووس و حطات يديها على شعرها بحنية وع دووات بصووت هادئء بزااف يجيك النعاس بلا هواااك : عيتي احبيبة؟؟
شافت فيها و ابتسماات بمحبة: شوية و صافي
سامية : غتكونو عيانين مع الطرييق ..اذا جاك النعااس ندخلك. لبيت ولدي لمسافر خاااوي تنعسي فيه ..
على اثر هاذ الكلام هدرااات رشيدة : ربي يخليك اختي سامية و الله يكمل بالخير و يسر ليهم ياربي...
سامية بابتسامة ودودة: اميين ياربي شافت فسمر و قاستها فحناكها بلطف: بنتك الكبيرة هاذي ؟؟
رشيدة بنفي: لا بنتي الكبيرة مزوجة و موراها ياسين عاد هي ونرجس الصغيرة ..
سامية ضحكاات بهدوء: لا جوج بناات و حوج ولاد.. ولدي سفيان الكبير مكتابش يحضر معانا للاسف ،موراه ولدي يونس هذاك لجالس؛ وعاد نسرين و يسرى لتقريبا يسرى قد بنتك سمر فالعمر على ماأظن !!!
رشيدة : الله يحفضهم ليك ياربي...
سامية مباسمة: اميين احبيبة....
سمر سرحات عينيها فيسرى كتشوفها كيفاش جالسة شادة تليفونها كتصور فقط مكتهضر مع حتى واحد و مكتشارك الحديث مع حد منعاازلة بوحدها مع تليفونها عكس نسريين للخجل غالب عليها مع دلك الابتسامة الجميلة مكتخطاهاش وكذلك يونس لفمو غي مشررك و عينيه غي كيدورو ... كل هذا لحضاااتو سمر ففترة تاملاتها لكل وااحد فييهم ..
نااضو العرساان يتصورو مع بعض و مع الاقااارب سعد جر سمر من يديها وقفها قدااامو و درعها بيديه كيضحك و من الاخرى خطيبتو نسرين ولحتى هي ضححات مع سمر طلبات من يسرى تصورهم بثلاثة و لباات طلبها و ضوراتهم عدة صور لكانت فيهم سمر غي مبتاسمة .....
بعد ماسالاو التصوير جا وقت المغاادرة بحيت الوقت كان اواااخر الليل ... وبعد مشااادااات بين العائلتين فالاخير قررو انهم يجلسو و يباااتو فالصباااح. يشدووو الطرييق للشماال لعن قريب غيرجعو على قبل عقد النكاااح....😱
نااضت سمر داايخة بالنعااس بحكم نايضة فالصباااح بكريي زائد العياااء د الطريق ...عينيها حمرين بالنعااس و غي مخنزرةبلا هوااهااا دخلاتهم سامية لبيت ولدها الكبير المسافر يباتو فيه ، و زينب وبنتها فبلاصة اخرى ..
كانت الغرفة زوينة مرتبة بطريقة منظمة ملفتة لفتات انتباهها حتى رفوف الكتب فركن البيت .... عطاتها نسرين من حوايجها تحت نظرات سامية لكانت معاهم فالبيت واقفة على راحة ام سعد و رشيدة ...حاررت سمر شنو غدير و حشمااات تبدل قدااامهاا ..في العادة قداام امها و مكتقدرش. تبدل ... عاد دابا قدام مراة غريبة ...حمارو حنووكها و حكات شعرها بتوتر و. زعماات و بدلات عليها دغيااا و الحشمة غالباها و نعسااات
...غي حطااات راسها على المخدة مشااات في سبااات عمييق ...الصباااح
........ فااقت سمر قبل الكللل بقاات شحاال كتامل السقف حتى استوعباات راسها فين هي ..و شكدير هنا... و علاش هناا....ا عاد هزاات تليفونها لقات بعض ميساحات من الواتساب جاوبات عليهم .. كاان كلشي شاااد فديك الوقت ..ناضت طواات الفرااش و شدات شعرها و وقفات كتامل الغرفة شبر بشبر حتى قربات لركن الكتب المحطوطة..... هزاات كتاب ضمن تلك الكتب بفضوول كان باللغة الانجليزية ... فتحاتو كتشوف فيه و تقرى منيتها مافهماااات والو حطااتو هكاك مفتوح و فتحات المجر لهدوووء و بدون صوت.... لفت انباهها قلم ذهبي هزااتو بتساؤل: واااو زعما يكون د الذهب!!!
حاولات تفتحو و مافهاتش كيفاش بقات معافرة معاه حتى شاافت المداد فيديها و البعض تهرق على الكتتاب فوسط صفاخاتو شهقاات بخفووت وهي كتشوف الفوضى لخلفاتها من موراها ... حطات داك الستيلو وسط الكتاب و شداااتو و رجعاتو لبلاصتو و هزات ساكها شدات لانجيت مسحاات الاثاار د المداد لعلى المكتب و مسحااات يديها و هي كتندب على زهرها كون غي بقات ناعسة و لا هاذ الزبلة ....
خرجات من البيت هكاك بالبيجامة لعطاتها نسرين لجاتها لاصقة ليها على جسمها لولا الفوقي د يالها طوييل فايت المؤخرة مكانتش غتلبسو
سمر (بخجل من ديكشي لداارت): وي ضرباتني الفيقة بكري
سامية : نعستي مزياان بعدى
سمر( بابتسانة ): اه شكرا اخالتو
سامية : بغيتي توضااي هالحماام من هنااا
وراتها الحمااام و هي نيت كانت باغية تدخل ليه تقول كان عالمة عليهااا ...
بعد ما فاقو الاخرين و فطرو نااضو مودعين اهل العروس باش يشدو الطريق باش يوصلو بكري
سمر لطريق كلها و بالها غي مع ديكشي لداارت فالاخير طمنات راسها انه حتى حد ماشافها و حتى حد مغيشك انها هي اصلا هي شنو دارت ؟؟!واللو!!!!هههه
هزاات تليفونها لقااات نمرة داخلة عليها فالواتساب و من الميساج توضح انها نسريين ..
نسرين: سلام انا نسرين ..سمحلي ليا خديت نمرتك من سعد بلا مانشاورك
سمر : هه لا ماشي مشكل احبيبة هانية
نسرين: وصلتو بعدى
سمر : لا مزاال ماوصلنا باقيلنا شوية
نسرين : اه اوى طريق ااسلامة ... نصيفط ليك تصااور؟؟
سمر : اه مكرهتش
نسرين : هه اوك اطط
بعد دقيقة صيفطات ليها تصاورها د الخطبة شكراتها و طفات كونيكسيون و نعسااات على مايوصلو .
بعد فتترة قصيرة وصلوو لتطوااان مهلوووكين عيااانين لقاوو ليلى موجدة الغذاااء ....سمر دخلات ديركت لبيتها تنعس رفضاات انها تغدى معاهم و ليلى كتسول على الخطبة كيفااش دازت و شنو وقع عاودات ليها نجوى التفااصيل الصغيرة و الكبيرة ...
ليلى بنفي: لا ماشي لديك درجة ...كتقلال و صافي ماشي لدرجة تنعاادم ...
قاطعاتها رقية: شووف خلااصة ديكشي على حسب الراجل ديالك كي عامل فعقلو ... ماعندوش دخل بالعيال لا والو ...
ليلى : مهم الوصية لنعطيكم هو الولاد خليهم اخررر حااجة حتى تعاارفو على بعضكم كثااار و تعيشو مدة غي بجوجكم عاااد فكري تولدي ...و كيف قالت رقية كل وحدة و زهرها تقدر طيح فراااجل ماعندوش الرمانسية فقاااموسو و تقدر العككس يعني نتينا و شنو مخبع لك زهرك احبيبة ديالي .....
سمر كالعاادة غي سااكتة و كتسجل ودنيها مطلووقة معااهم و عينيها فالارض طالقة شعرها كتمشط فيه ...دايرة راسها انها كااع مامسوقة ليهم و لا لشنو كيقولو ... حتى هدراتها رقية كطنز عليها : و نتينا العايلة د باها معندكشي شي سؤال ... الفرصة مكتجيشي دايما ...
حطات المشطة من يديها و رمات شعرها اللور و ربعات قداامهم كتلعب بطرف توبها كعادتها ملي كتبغي تسول و لا ملي. كتبغي تقول شي. حاجة و هي مترردة كتلف باي حاحة قدامها
ليلى شافت فيهم و خنزرات و هي شادة الضحكة : و صافي سكتوو دابا تفيقو مجد و مابقات قصاارة ...
سمر خنزرات فيهم : انا لخمقة كنسقسيكم بعدو مني انا غنمشي ننعس ..تمات نايضة : تصبحو على خير
رقية : اهيا اسمر ماشة تنعس دابا ...غي كنضحو و صافي مالك تعصبتي ..
سمر بنفي: لا ممعاصباشي شي خصني ننعس ...
ليلى : و جلس بعدى نجاوبوك على سؤال ديالك ...
سمر خنزرات فيعا : لا ماتجاوبني مانجاوبك بعدو مني ...
ناضت ليلى حتى هي : يلاه البناات لعندو شي فراش يمشي ليه حتى انا غننعس تصبحو على خير
داازو اياااام و شهورر و بالظبط ثمانية اشهر .... لا جديد و لا تغيرر فخخبااة بطلتنااا مركزة فقراايتها و اللهم الوحيد لعندهااا هو تنجح فالجهوي. بنقطة مميزة طموووحة بالتفووق ....من الليسي للداار و مرة مرة كتزور اختها ليلى مراات متتالية ... فالليل كتحط راسها على المخدة كتنعس بدون اي مجهود او تفكيير و لما لا و القلب هااني و عقلها خاااوي من اي تفااهة او مشاااغيل اخرى لتقدر تسبب ليها بالارق .
خااارجة من الليسي معنقة كتابها و شعرها المموج بفعل قطرااات الشتااء الغير المتوقعة فديك الفترة كتحركو الريااااح بعشواائية كتى كيغطي على وجهاااا الدائري .... صوت بنت كتنادي عليها هو لخلاها توقف و دور كانت صحبتها سندس ماشي مقربة و انما صديقة لها فالليسي فقط علاقتهم سطحية
سندس بود : سمر طالعة للدار دابا ؟
سمر باستفهام : اه دابا علاش ؟؟ ياك مقرينيشي عند الماط و لا ؟؟
سهاام : اه مقرينشي عليها قلت اذا بغيتي يلاه معانا ندورو فالكورنيش شوية نفوحو شوية و نطلعوو ؟؟
سمر بحيرة : سعدااتكم مكرهتشي نمشي و لكن كنخااف يشوفني خااي منقدرشي
سهاام بحسرة : خساارة و الله ...هي اصلا حنا غنمشيو غي دويرة و نرجعو مغنتعاطلوشي
سمر(بعد تفكير) : عرفتي شنو يلاه ياربحة ياذبحة
سندس بسعاادة : ياااي .. دااابا الخرجة غدوز زوينة
جالسين فوسط الرملة كيلبعبو و يضحكو ناسيين هم الجهوي لي على الابواب
سمر( هاازة عود كتسرحو فوق الرملة) : عرس خالي قرب و انا مفرحاناشي بالي غي مع الجهوي ...
سندس : اووف حتى كنت نسيت كتفكرني شحومة عليك
سهااام (فتاة من المجموعة) : سعداتك اسمر مشي فووج باش تجلس فخطرة تحفظ على الاقل تكون بنفسية مزيونة باش تبريباري و نتي مرتاااحة
سندس : و لاهيلا فبلاصتك غنكون طايرة بالفرحة ياختتي
سمر خسرات ملامح وجهها ملي حساات بالم فيديها شافت فديها لقااات جرحة صغيرة الواضح انها بسباب زجاج
سمر :اووف يدي
فين مانجبد حس هاذ العرس كنندم مرة جارحة يدي مارة ضاربة رجلي مع الباب بزااف هادشي
سندس : صافي نقلبو السيرة ديالو حسن ههههه
سمر نااضت واقفة كتنفض الرمل من خوايجها: لا يلاه نمشيو بحالنا ..خفت ننسى راسي و نتعطل ..
سندس(بانصيااع): واخا صافي يلاه
ناضت سمر كتفقد الخرج لفيديها و تكمش فهما بالم ..علات راسها و هي تصااادف مع خليل دايز و كيشوف فيها مخنزر فيها عقدات حجبانها بحيرة من تعابيرو علاش مخنزر فيها شنو شافها كدير بسلامة لكن سرعاان ماقلبات وجهها علييه بدون اهتمااام ، وصلات لباب دارهم و هي خاايفة كتفحص لباسها و تنفض فيه و تعااود خايفة تكون باقية فيها الرملة .. دخلات سلماات عليهم و باست باها من حنااكو كي عادتهااا
رشيدة : مال ديك شعر بديك الحالة بحال الهداااوية (الغولة)
سمر : وماما الشتاااء طااحت و تفزكلي و رجع هيداااا كانا درتو هيدااا
شاف فياسين و خنزر فيه : مالك داخل كتعرعر مكتحتارم حتى واحد نتينا
ياسين نقص من صوتو كاحتراام لباه: الوليد جمع بنتك و سولها فين كانت هاذ العشية ياك كانت قاارية و شنو كانت كدير فالبحر عاد شوية مم ؟؟ يجي لعندي خليل و يشمت فيا انا يقولي شوف ختك كتلعب موراااك ؟
سمر (كترحك راسهتا بنفي و كتبكي و تشهق): و باااا كيكذب عليك اذا متيقتنيشي سقسي الحارس العاام و شوفلي الغيااب ديالي ماغيبت حتى مرة والله حتى كيكذب ابااا
محمد بهدووء: و صافي الله يرضى عليك سكت غتشدك السعلة عااود سكت
رشيدة شاف فسمر : هادشي لقال بصح و لا ؟؟ هدر لحسك ..جراتها من قدااام باها و وقفاتها و هي مكمشة فراسها كتبكي
سمر: كيكذب اماما انا عمرني غيبت حق الله الله يعطيني كسيدة الا عمرني غيبت ..
ياسين مخرج غينيه فيها : كتحلف الحماارة هاا؟؟ خليل غيكذب ؟ ها علاش غيكذب خليل
سمر بصوت باكي : منعرفلو اصلا هذااااك غي كذاااب مابغيتشي نتصاحب مغااه و كيجي يلصق فيا الكذووب ديالو ..قالتها و عضاات على لسانها كدعي انها متفرشش
ياسين : والله الحماااااارة و الله لابقااات فيه
شدااتو رشيدة كتطلب و تعااود يتهدن وهو فهاذ الحالة يقدر يدير شي موصيبة
رشيدة : و الله يرضي عليك العايل ديالي الله يرضى عليك لا ماا جلس و تهدن و نعل الشيطااان غتسكتلي فلبي والله حتى تقتلوني شي نهاار ..
ياسيين زير على يديه و باس راس ماماه و جرووو محمد طلعو للسطح كيهدن فيه و رشيدة شافت فسمر جراتها من شعرها
سمر : والله يابنتي و تكذب عليا حتى نجرج حسك مع الدرووج ..
سمر(بخوف رجعت صفرااء غي كتفتف) : مكنكذبشي اماما اذا مكتيقوشي بيا و كتيقو بالبراني سقسي الحارس العام و شوف واش عمرني غيبت
رشيدة (طلقات من شعرها و دفعاتها) : خشي فدقمك شوو كي رجعتي صفراء نقطة د الم مافيكشي
جلسات و شداات على راسها : ياربي غيخرجولي عقلي ياربي الصبر
سمر حنات راسها كتبكي فصمت سمحات فديك الماكلة و طلعاات لبيتها كتبكي سااعة وحدة لضحكات فيها و فوجات فيها بحال النااس ندموهااا و كرهووها فيهاااا بحال كانت كتفسد دايما كطلب ماماها تخرجها تفوج كل مرة خارجة ليها بعذر مافيا ، عجزاانة ، انا مريضة حتى لشي مرة .. سلسبيل صاحبتها من زمااان مشغولة بامتحاناتها و حياااتها مامسالياش و حتى اذا كانت مسالية ماشي دايما كيكون عندها الزهر و توافق ماماها ترخج معاها ، شنو فيها اذا خرجاااات و ضحكاات بحال النااس بقات هكاك حتى شافت ياسين داخل عندها
دوات بصوت مخنوق و كتسعل
سمر : طفي الظوء خليني نموت بوحدي
تجاهل هدرتها ..هز يديه كيسرحهم على شعرها
ياسين: وخااا الالة قلت زعما نطلع نعيط ليك تاكل معايا ..حشومة ناكل رغايييف بوحدي و هي مسكينة ماواكلة والوو و ناكل حقهااا
سمر(حيدات ليه ييده من على شعرها و بعدات من عليه) : ماخصنيشي كولوم نتينا بوحدك
سمر : طلق مني و مشي لبيت ديالك و نعس مالك عزيز عليك الزحاام
ياسين( بصوت غالب عليه النعاس ): شووو سكت باركة من الهدرة بغيت ننعس
بعد مدة قصيرة كانو نعسسو وهو بديك الشكل معنقها و خاشي راسو فشعرها و هي مزيرة عليه ماطلقاتش منو ....
فالصباح اليوم الموالي 🌞
فاقت سمر طافجة بسبب رنين الهاتف جلساات كتكسل و تفوه جمعااات شعرهااا و حكااات عينيها عااد شافت جيهة الصوت .. ابتاسمات بشر بمجرد ما تضح ليها انه تيليفون خوهااا هزاااتو و زااادت و سعااات ابتسامتها ملي شافت اسم المتصل لكانت مسجل بسكينة و حدااه قليب احمر دارت يديها على فمها حابسة الضحكة ، عضااات على شفتها و رمات عينيها لخوها لكاان ناعس و كيتنفس بانتظااام و حبسااات الضحكة و جاااوبااات
المتصل : الو ياسين
سمر( غيرات نبرة د صوتها و غلضاتها ): نعاام اختي؟؟؟!! شكون نتنينا كتسقسي على ياسين على الصباااح ؟؟
لكن لا جواااب كان الطرف الاخر قطع الخطط ، ضحكااات فخااارطها حتى شبعااات و دارت تنزل تليفونو قدامو و هي مزال مبتاسمة حتى خرجااات عينيها و تفزعااات من بلاصتها ..ملي شافتو فايق مكالي بيديه كيشوفها شنو كتحااول تصنع ...رمات التليفون على كمااارتو بخووف و بالزربة حتى قصحااتو فنيفو و هربااات خلاتو نايض كيتحلف عليها و يديه على نيفو كيتحسسها بالألم
ياسين (بتهديد): حتى لين غتهرب حتي لين غنشدك غنشدك الفااارة ...
هابطة فالدروج كتجري هاربة حتى تخباات مور خالتها زينب
سمر : و خالتو شود عليا داك الزلايلي الاخور كيضحك على بنات الناااس و يجي يغوت عليا يانا
هابطة فالدرووج كطييير هاربة خاايفة منووو ..درااات شافت موراها واش باقي حتى شافتو كيهز سندالتو شيرهااا عليها جابها ليها فوق راسها كانت على شوية و تجي رجع هز سندالة الاخرى كيضربها فيدو كيخوفها
ياسين : نشدك ياابنتي نشددك
زينب (كضحك): و الله يرضى عليكم واش باقين صغااار ... شافت فياسين : و صافي نتينا مول العقل خليهااا دابا سمحلا مسكسنة متعاودشي خليهاا ..
ياسين(مخرج عينو فسمر): غي بلاتي قيد عندك قيد ... خلاهم و طلع الفوق ....
شافت زينب فسمر و ضربات مع يد بقلة حيلة: و نتينا ملي ماموقيداشي لاش متنبشو لاش ..
سمر ببرائة : مادرت والو اخالتو ..
رشيدة خارجة من الكوزينة : نتينا دايما مكدير والو زيد تفطر نعستي بلا عشاااء زيد باش نشوفو داك التكشيطة ديالك فين وصلاتت العرس قرب و التكشيطة مابغااات توجد العكس يابنتي ...
زينب : و لاهيلا ديكشي لكنشووف يانا التكشيطة هاذي شحال دفعتيها و باقي ماوجدااات ..
سمر( تمتمات فخااركها): الزهر عاطيني ب*كووو من دايما
ناااضت سمر من بعد مافطراات و شبعاات بدلات عليهاا و خرجو لعند الخياااطة فطريقها تصاادفو مع خليل شافت فيه سمر و خنزراات فيه شافت فماها بنص عين و هزاات يديها بالزربة و صبعااات ليه ..خلاتو غي مشوكي رمى السلام ردااتها عليه رشيدة ببرود و زاادو مع الطرييق
وصلو لعند الخياااطة و الزهر لعندها لقااوها شااادة تاففات رشيدة : و بزاااف هادشي ياك عاد صونيت عليها كاانت فاتحة غي سمعاتنا ماجين شدااات
زينب : انا مباليشي فهاذ الخياااطة كتهررب منكم ..
سمر (جلسات فالدريجة): و دابا شني نمشيو بحالنااا ..
رشيدة هزاات تليفونها كدوز رقمها: بلاتي نصوني عليها .... العرس غذاا و التكشيطة مكايناااش شنو هاذ اللعب
مر بعض الوقت عاد جات حشمانة و كدخل و تخرج فالهدرة ..
الخيااطة : غي سمحوولي والله باقي ماساليتاشي ...
رشيدة بغضب: اوى ابنتي ادا كنتي ماموقيداشي لاش فاتحة هاذ المحل من الاول زعما متكلين عليك تعملنا هاذ الخدمة دواالو هذا ماشي منظر
الخيااطة : اخالتي كانو عندنا شي مشاااكيلل و..
قاطعاتها سمر: و دابا انا شني حتى قرب العرس عاااد كتقولا باااز ...
زينب (كتساوي الامور) : و صافي اسمرر زيد نكرييرو شي حاجة اخرى ممكتابش و صاافي
سمر ساطت بغضب: و خالتو انا هاذ العرس منمشيشي ليها حسن كلشي معكسلي فيهاااا
رشيدة خنزرات فيها: نعل الشيطان و سكت
سكتات سمر و طريق كلها كتاكل جنابها على الفقصة ديالها حتى حاجة ما بغات تيسر ليها
هاذ المرة عكس المرة الاولى ...المرة الاول كانت فرحااانة و متشووقة و متلهفة للحظور كانت بحال الفراشة طايرة بالفرحة لسبب غير مفسر و هاذ المرة ؟؟! هاذ المرة العكس ممسوقاش حتى انها مكانتش عندها رغبة للحظور لولا اصرار ماماها انها تحظر ...ماهمها لا بنات خالتها لكتشوفهم مجهزين راسهم على اكمل وجه لابسين و مقاادين حتى فاتو الجهد مكلفاتش راسها تعاند معااهم كتافت فقط بكسوة خفيفة نص كم سوداااء و سندالة ذهبية و جامعة شعرها بعشوائية و حتى نقطة د الميكاااب.....
توقفات السيارة معلنة الوصوول قدااام الداار نزلو اهل العريس لكانو عدد رؤوس الاصابع و من ضمهنم سمر لواقفة كتلعب بسنسلة لفعنقها كتشوف ببرود فهاذ الاجواااء، الكل فرحااان و ضحكاان كيسلمو و و يرحبووو و العريس حشمااان و المصورة كتسجل هاذ اللحضااات الحميلة لمكتكون الا ناااذرااا......
فقااعة كبيرررة مزينة بشكل خاطف للانظااار، جالسة سمر دايرة رجل على رجل طالقة شعرها على طولتو مع قفطااان اسود كيبري رغم بسااطتو الا انه جاهااا زويين كلشي عحباااتو بيه و خااصة مع اندماااج شعرهااا الاسود و عيينها سودااء و لون القفطااان لزااد برز كل حااجة اكثر .. كتشوف و تعبر كل وااحد ببرود و ساكتة كي عادتهاا... فهاذ المناسبااات غالبا كتتفضل فقط تلتازم الصمت و تحول نظاارتاها للبرود و الجمووود و مرة مرة تبتااسم بمجاااملة ... متجاااهلة الهدرة الخاوية د بنااات خالتها و خاصة مع الحضور مخلط؛ نسااء و رجااال ،كمالت القضية لقاااو مبتغاااهم و كل واحد كتبغي تبين راسها كل مايشوفو شي واحد فيه الظوء كينوضو يشطخو و يحركووو خيرااات ربي باش يجلبو الانظاااار .....
قاااطع تاملها للحضور ضحك د بنت خالتها نجلاء ..دارت شاافت فيها لقات يونس اخ العريس و بناات خالتها كيضحكو و يشوفو فيهاا .. عقدات حجبانها باستفهااام : مالكم ؟؟
يونس ناض من بلاصتو و جلس فبلاصة خاوية قدامها: والو مكاين والو ! نتي مالك باينة فيك قنطااانة نوضي تشطحي معانا ..
سمر ابتاسمات بمجاملة : لا مابغيتشي اخاي شكرااا على العرض
نجلاء كضحك بسخرية: مابغيتيشي و لا مكتعرفشي؟؟
سمر بابتساانة دواات ببساطة : مكنعرفشي....
خلاتها معرفاات ماتقوول و لا تجاااوب ضرباات الطم...
بشرى غمزاتها : سر المهنة مكيتقال غي للعزيز الحبيبة ناضت بشرى تشطح و تبعوها نجوى و نحلاء كل وحدة كتبين راسها حسن من الاخرى ....شيرات ليها بشرى تنوض تشطح معاهم هزااات رلسها بالرفض مع ذالك جات تنيضها و نيضاتها بزز .....سمر هزات جلايل قفطان كتهدر فودنين بشرى: الزمر مكنعرفشي نشطح علاش نيضتيني؟؟
بشرى : و غي حرك مالك معقدة كاملين مكنعرفوشي .. !!
سمر : انا غنمشي نجلس مغنشطحشي ندير شوهة لراسي .. جلسات فبلاصتها مكتافية كتصفق بيديها و تفرج ...رمات عينيها لجهة الاخرى بعفوية ...لكن نظراتها تبدلات من اابرووود لشيى اخر !!!! مجهووووول !! ... نظرها مركزين لمدة و عينيها محيداتهش من ديك الشاااب الواقف قدام سامية ام العروس كيضحك معاها كحتى كيتشدو عيينه؛ طويييل و كتتااافو عراااض و لفتت انتابهها اكثر هو لبااسو فعرررس و مناسبة احتفالية و هو لابس سبورت عكس باقي الشبااب و مع ذالك ممسوقش داير يديه فيجبو و كيضحك و كيهدر و يحرك. يديه كيعبر ....مسراااااار!!... به جاذبية خاصة زوين بطريقة مختلفة .. حيداات نظرها منو بصعوبة ملي حساااتو على عينيه لجيهتها .... وقفاات نجلاء و خنات على ودنيها : سمعي ماماك قالت اجي جلس قدامى ماتبقاشي جالسة بوحدك تمااا .. نااضت بتوتر و هي حاسة انه مزااال كيشوف فيها... لامت راسها اكيد انه حاس بيها هي كانت قريبة تاكلو بعيينها اكيد غيحس ... شتمات راسها و هزااات جلايلها و تمشااات لطبلة فين كاين مامها و باش دوز لعندها خصها تدوز من قدااامو و اذا دازت من قدااامو وهو مزال كيشووف اكيد بالتوتر غتجي مطيحة وسط البشر و يصدقو مدزوين اليلة كيضحكو عليهااا ...
نفضات هاذ الافكااار من راسها بضيق ... و حاولات تجاااهل نظراااتو.... تمشااات بثقة مصنعة هي كتقرب و دقاات قلبها وحدة اسرع ومن الاخرى ماقدراتش تمنع عينيها انهم يشوفو فيه ...زاد التوتر بان على ملامحها و هي كتلمح نظراااتو ليهاا و كأن شبه ابتسااامة ارتااسمت على شفتيه ..اكيييد كتخايل مبتاسمش غي هي كيتهىء ليها و لا بداات تهلوس و لا طلعات ليها السخانة هاذ اليلة .. حولات نظرها و قلباات وجهها بسرعة و سرعااات خطوااتها لتختاافي من تحت عينيه المهلكة و كأن الطرييق صبحااات طويلة اكثر من اللزوممم!!!!
ماقدراتش تعلي راسها مزال و ماعندهاش القدرة تخوض معاه معركة العيييون لاعلنها عليها بدون موافقة ...
لكن !!!!!
غذروها عينيها مرة اخرى شافت ناحيتو ....... نفس النظرااات و نفس الوقفة الغير المبالية!! و حتى انه نفس شبه الابتسااامة مرسومة على وجهو!!! للمرة التانية كتنفض تفكيرها و تنهي فكرة انه يكون فعلا كيبتااسم معااها .. ملي لاحضاات انها طولات شوفاتها اكثر من الازم قلباات نظرها بسرعة و شفايفها بدون وعي رسمو ابتسااامة جمييلة ..
فلحظة اختفى كاع داك الملل لكانت خاسة بيه لو فقط يرحم خدودها و يزيح نظرو شوية من عليها حتى يهداااو دقااات قلبهااا و تكون مستعدة للمعركة ا.... تكون مستعدة للمعركةة.....
رداات خصلاات شعرها الحريري مور ودنيها... و حناات عينيها بتوتر و خجل فاااااتن حتى تراااصو رمووش عينيها الاسرة ... اما دقااات قلبها حكاااية اخرى .... متجاااهلة حدييث ماماها معاها فقط كتخااول تهدىء نبضااتها... مرت بضع دقاىق و حرب العيون مزااال قائمة فين ماتعلي عويناتعا كتلاقها ديك النظرة العميييقة من عينيه المميزة ليل اسوود .... كريش الغراااب بيه جاذبية ممييزة و السر كااامل كاااين فعيينه!!
لكن دااك الشعوور المميز لنتاابها و اللحضاااات القصيرة دغياا انتاااهت فور ماا لمحاااتو خااارج من القاااعة و عااطيها بالظهر بمشية واثقة متواازنة ... واثق الخطى يمشي ملكاااااا... e تبعااتو بعيينها و عينيها كيلمعو ببريق خفي تمتمات فخطاارها: يخ على مشى .. كون غي بقى شتيتو غي نشبع منوو شوية ...وقيلة بقى فيه الحال ملي ماابتاسمتشي معاااه ... لامت راسها : يخ كون غي ضحكت معاه كون بقى ...اصللا زهري عاكيني ب*كو من دايما ...
جمعااات شعرهاااا بضيق ماابقى عندها للكانة لحتى حااحة ...ديك النظرااااات البريئة و الامعة لكانت مرسومة فعييها كلهاا اختفت ملي اختفى سببهاااا ..و حل مكاانها البرووود و الحمووود فقط ..و فدااخلها كتلعن خظهااااا بشتائم لا اصل و لا فصل لها....
ملل في ملل .....
تأففات بمللل و شافت فماماها و حنااات على ودنيها كدوي : ماما غنمشي نجلس مع البنااات انا قنطت هنايا ...
رشيدة حركاات راسها بموافقة: و مشييي و عدل عقلكك ماطيرشي بزاااف ...
سمر عوجاات فمها كتكره هاذ العباارة لكتسمعها كل ما كيكونو فشي مناسبة او مجمع ...
هزاات قفطانها الاسود بحااال سوااد شعرها و تخطااات الطبااالي هاازة قفطانها مبينين رجلاتها البيضين و رامية شعرها اللور دافعة الصدر و حانية عينيها كثيفة الرموش...
تضربااات بدوون قصد مع ساامية أم العرووس ...عضاات على شفايفهاااا و شدااات عينيهااا و فتحاتهم بخجل ....: سمحلي اخالتو ماشفتكشي ..
سامية ابتساامة هادئة كعاادتها: هانية ابنتي .. طبطبات على خدودها بلطف : تباارك جيتي فنة الله يحجبك ..
سمر بخجل و بهدووء: شكرااا عينيك الزوينين .. سمحلي عطلتك على شغلك
سامية بنفي: لا ماشي مشكل احبيبة ..نيت كنت كنقلب عليك و على البنااات بغيتو تصورو مع العروسة بوحدهااا دخلو لعندها دابا ...
سمر ابتساامة حميلة و بريئة: وخااا شكرااا ..
اكتافات سامية باابتساامة بشوشة صاادقة و مشااات ..
بالمقابل سمر قلبااات الدورة للباب القااعة فاتجااه بيت فين كاينة العرووس ..
وقفااات بتردد ملي لقاات الباب مشدود ...فالاخير زعمااات و دقاات دقة خفيفة و تجنبااات ..حتى تفتح الباب
طلعااات عينيها من الصبااط الريااضي الرجوولي لليد لكتوسطها سااعة رجالية مخشية فالجييب ...للصدر العرييضضض ... ثم لسنسلة د التقرى لعنقو و لتفااحة ادم علامة الرجووولة ...عند هنااا ماقدراتش تعلي راسهااا اكثررر و تشوف وجهووو بل حناات راسها اكثر و رجعات خطوة للور و عضاات على شفتيها ....اكيد استعقلات عليه ..هو نفسو الشااب لرونها مند لحضااات و خربق احساسها و اختفى فجاةة...تكااد تحزم انه كيشوف فيها دابا بنفس النظرااات لكان كيشوفها بيهم فالقااعة ! نظرااات ساحرة!
عمم السكاااات لمدة ليست بطويلة ..حتى قاطع الصمت القاتل و المحرج صوتو المبحوح الرجوولي : دخلي و لا تبقاي واقفة تما احسن؟؟
سمر بصووت رقييق و بخجل بلا ماتعلي فيه راسها مخلية ليه الفرصة فين يسبح فتفاصيلها: ندخل ....
ابتسم و تكى على الباب متجااهل ندااء العرووس من الدااخل : فين غدخلي بعدى؟؟
سمر علات راسها غيه و اخيراا ... اكثر ماشتت ركيزها هي لحيتو السودااء المصصففة بدون ذكرر عيونو العميقة السوداااااء !!
نطقاات واخيرا بعد مارجعاات تركيزها: خالتو سامية قالت لي نسرين بغاتناااا حكاتها راسها بتوتر : زعمااا العرووس ..
وسع ابتساامتو اكثر و دوى بلا مايتحرك من بلاصتو: شكون نتوما !! كتشوفك غي نتي بوحدك ؟؟
سمر خدودهااا تزنكوو معرفاش مالها غي حواار عاادي مع شخصص عاادي و خلاها هكا متوترة ماعارفة شنو كتقول : دابا قولي واش نقدر ندخل و لا نمشي بحالي ؟؟..
انحاااز ليها و اخيرااا من الباب مخلي ليعا مساافة فين تدخللل ...هزاات قفطاانها و حنات راسها و دخلات بهدووء بخطوااات خجوولة.... شعرهاااا مجموع بربطة غير محكمة مرخووف . . شافتها نسرين و ابتااسماات : سمر دخل احبيبة ...
نسرين : اه اما قلت ليها تصيفطكم ليا باش نتصورو هنااا ... هزاات تليفونهاا و عطااتو لختها يسرى لجالسة و غي كتشوف : هاك ايسرى صورنااا حتى يجيو اخريين ... هزاات يسرى التيلي بانصياااع و خدات ليهم صور جميلة للذكرى ...
نسرين لديك الشاااب : سفيااان خويااا اجي تصور معانا ؟؟ سفياان ابتسم و شاف فسمر لمدهووشة متوقعاتش انه يكون خوهااا و زاادت تدهشاات ملي تفكراااات شنو دارت ليه فبيتووو و ديك روينة لدارت ليه : سفيااان : بصوت رزيين: سولي الانسة بعدا ...
سرعاات سمر هزااات كتاافها و شافت فيه و رمشات بخجل: انا ماعنديشي مشكل ....
نسرين بابتسامة : اوى صافي يلاه اجي .. تقدم بخطواات واثقة و شاف فسمر ووقف حداها كيبتااسم جر نسرين مدرعها بكتاافو كيضحك و سمر زاقفة حدااه و قلبها كيضرب و خاصة ملي حساات بكتافها قريبة تقيس كتااافو ...
خدات ليهم يسرى بعض الصوور و عطات تيلي لسمر تصورها معااهم و لبااات طلبهااا ...
حتى دخلوو البقية و تحولات الاجوااء للاظوااء الفلاشات الكاااميرة و النظراااات الخفية لكديرهم سمر لسفياااان لي حتى هو كل ما سمحاات ليه الفرصة كيتبعها بعينيه و غي كيحس بيها علات عينيها جهتو كيقابل نظراتها بنظرااات عميييقة مبهمة !!!
بغفلة منها طاحت ليها ربطة الشعر بلا ماترد ليها البال....تحت نظراااات سفيااان ، لهزها و خبااااها فجيبو بلا مايرد ليه البال حد و ابتسااامة جميلة ترسماات على شفتيه وهو كيتحسس الربطة فجيببو كانه كيتحسس خصلات شعرهااا السوداااء و عينيه العميييقة متبعينهاااا و متبعين حركاتها المدللة ..."مرااة كااملة الانوثة من الخااارح و طفلة مدللة حلوة من الداااخل"
رجعاات سمر لبصلاتهااا و وجهها منور بابتساامة فاتنة...مجرد حوااار صغيير خلات قلبها يفرفر ..صوت بشرى لي انساااب مع ودنيها هو لفيقها من خلوتها مع نفسها ...
سمر ميلة راسها كتلوي فشعرها و جاوبات ببرود: وي مزياااان
... انتهت اجواااء العررس و حاان وقت توديع العرروس تحت الحااان حزييينة ... سامية ضامة بنتهااا و كترضي عليهااا و الاب كذالك ،و اختهااا يسرى و خوهااا يونس، فالاخيررر سفيااان لحضنهاااا دااخل صدرووو العرريض تحت نظراات سمر ..... شاااد ليها راسها بين يديه و مركز عينيه فعينين اختووو كيهدر بجدية ....
باسهااا فرااسها مراات متتالية و شد ليها يدييها و شبكهاااا مع يدين سعد و شاف فيه : تهلى فيهاااا ...
سعد بتاكيد: فعينيااااا .. اومأ ليه راسو بالايجاااب و انساااحب بلا ما يجاااوب ب ولا كلمة ...
الصبااااح اليوم موااالي ..
شااادين طريق الرجعة للشمااال و فدااخلها حسرة كانت كتنمنى لو رجعاااات تلاقاااتو و لا هدرااات معااه مرة تاانية ..لكن مكانتش حتى فرصة ...من الباارح ملي شاافتو انساااحب و اختفى بين الحظور بعد مااودع اختوو ... مارجعاات شاافتوو ... و فضووول كبير انتاابها اتجاااهو علاش ماحضرش لخطوبة اختو و علاش كانت ختو كتقوليه سمحليااااا .. سعد قاليهم انه صديقووو المقرب لكن كلامهم الباارح كانت بمنتهى الرسمية .... عضااات على شفتيهااا كتصبر راسها على مايوصلو و تحاااول تلقى اجوبة على اسئلتهاا. .. . . . . . .
.
.
.
.
.
. بعد مااوصلو و ارتااحو لفترة ... فاقت كان الظلام يلاه بدى يطيح ...خرجااات من البيت و شعرها مطلووق بحرية كيضرب فمؤخرتها الافريقية على قولة اختهااا ليلى لكان هااذ التعلليق كيكرهها فرااسها حيت مكتحملش لكيعلق على مؤخرتهاا .. هزاات راسها فماماها و ميلات شفايفها بطفولية و كتمنى فخااطرهااا متلقااش نفس الجوااب : ماما خصني القهوة !!! ررشيدة شافت فيها مضيقة عينيها فيهم: عندك يديك و مشي عدلها لرااسك يابنتي قرااانك مزوجين و نتينا حتى القهوة مكتعرفش تعملها...
سااطت سمر بضيق و خااصة مع تعليق ليلى : ديكشي لكنشوف انا مكتفهم لوااالو نهاار تزوجها يردهاااا فنهارها رشيدة: مع من نتينااا ملي نقولا لهاا تقولك انا اصلا غنجيب الخدااامة دعدلي كلشييي...
على اثرها ضحكااات ليلى ... زفرااات بصوت مرتفع و شافت فيها و عوجاات عليهافمها: بالنااقص كاااع مابقى خصني والو ....
دخلات لبيتهااااا ... هزاات تليفونهااا دخلات للفايس لقااات اشعااار طلب صداالقة من يونس ..عقداات حاحبها بحيرة : كيفاااش عرف الفايس ديالي؟!!!
ليلى : اوى راه من حقوو الصراااحة...ماشي حبيبو سعد تصااحب مع ختوو لمدة مور ظهرووو و هو كاع مكان سايق الخبااار .. ملي عررف صاحبو مصااخب مع ختتو قططع الهدرة معاااهم بحووج .. انا عااودلي غي ياسين اما التفاصيل بالظبط معرفاشي ...
دااازو ايااام و بدى التوتر يسيطر على سمر كل نهاار كيقتاارب موعد الجهوي .... داابرة جهدها كلووو باش تحصل على نقطة زوينة .. نهاااار كللو كدوزو مع الحفااااظة و المرااجعة ..... حتى كااان باقي نهاااار على الاختباااار .... المفروض انها تصبح كتحفظ بحالها بحال صحابهااا.. لكن فضلات انه دوزو راااحة ترتاااح من عياااء المراااحعة و الحفظ باش تدوز الجهوي بنفسية زوينة...
دااااز نهار الاول مزيااااان جاوبااات مزياااان و خرجااات فرحااانة نااشطة ....تلاقااات مع سلسبيل كتستناها على براااا .... سمر بفرحة : ولاهيلا نتيناا رجوولة جيتي حتى تلاقاااني سلسبيل ضرباتها على راسها بخفة : كيف دوزتي ؟؟
سمر بفرحة ضربااات على صدرها: الحمد لله تهنيت هاذ النهااار دوزت كلشي مزياااان الفرنسية داااازت ساهلة بزااف
وقفاات و شافت فيها نص عيين دارت يديها فنصها: شنو شنو الحبيبة ديالي؟؟؟ حتى نكون حمقة و نخليك تهدر معااه الزلايلية ..
سلبيل ميقات فيها: شوف شكون كيهدر ...السيدة كتغير عليه من دابا الله يمسخك يابنتي ...انا قلت غي نجربوه حيت كيف قلتي مزوين و خدااام اكيد غيكون فيه شي نقص اماا مقاااريشي و لا زلايلي اما باش يكووون مزوين و خدااام و قاااري و مرزن خصك تكون مزغرتة عليك يماااك عشرين مرة يابنتي ...
سمر دارت يدبها على فمها: لا كاينين بزااف منهم بلا ماتعلب لي فعقلي ..اصلا من هدرتو باينة مرزن ماشي فرفر و باينة فيه قاافز ماسويهلش ..
شافت فيها و ضربات يد مع يد بحمااس و عضات على شفايفها : عرفتي غندخل نقلب على الفاايس ديااالو ضروررري .... خاه صيفطلي انفيطااسيون غنقبلها و نشوف واش معاه فلي زااامي؟؟
بعد مهلة ضرباات راسها بخفة: اواعدي يااك صااحبو د خااالي يعني غيكوون معاه فليزااامي اولا لا ....و علاش عمرو طلعلي الفايس ديالو ؟؟
سلسبيل باستفهاام : مافهمت منك حتى حرف شكتخوور ...
سمر زاادت مع الطريق : والو والو نسى انا غي كنخور ..
لييلة كااملة كتفكر نساااات الامتحااان لعندهاااا غذااا همها غي تلقى فايس ديالو ...فالاخير قررات تقبل طلب د خوه.... و دخلات كتقلب فلي زامي ديالو حتى لقاااتتووو ..ضحكااااات بانتصاار ...الظلاممم فالبيت غي ظوء تليفون لمظوي المكااان ... جلسااات جالسة بحال موكة و ربعات رجليها و دخلات لبروفيلو و هي حاضية راسها عندها تزلق ليها شي جيم و تصدق مشوهة.... تمعناااااات ففوطو د البروفيل و قلبها اكيضرب ....كان جالس لابس لباس رسمي داير صبعو على ذقنو برجولية كيشوف بتمعن فاحد الحظور الظااهر انه كاان فشي لقاااء رسمي و لا شي حاجة من هاذ القبيل ... لقااات عدد لاباس بيه من لايكااات و اغلبو رجااال قرااات بعض تعليقاات ... تباارك الله على استاذنا العزيز"
بارك الله في عمرك ياشاعرنااا ... "
الله عليك اسي سفيااان "
كلها تعليقااات فهمااات منهااا انه رجل مثقف و بالاخرى استاااذ ... لكن التعليق الاخير هو لخلاها تعقد حجبانها بغضب و تعض على شفايفها كتحلف ..كان تعليق بنت مكتافية فقط بايموجي فيه القلوبة فعينيه ....زيراات على يديها و دخلات كثقلب فبروفايلهاااا من صورها كتبين انها بنت مرااهقة ...كل صورة كتفليها و تحمل معااها سيللل من السباااان و الشتااائم و البنت مادارت ليا والو ....
خرجاات من بروفايلها و رجعت لبروفيل سفيااان تكمل جولتها التفتيشية ... اثااار انتبااههااخر منشووور
لكاان محطوط يلاه بضع دقائف قصيرة "حديثووني عن حرب العيون يااناس"
خرجااات من بروفيلو و هي ماساخياش مكرهاتش تصيفط ليه طلب لكن مرضااااتش وخافت ينويها فشكل لذلك فضلات انها تصيفط طلب صداقة لبعض اصدقااائه بذالك يقدر يبان ليه فايس ديالها و اذا بغى هو يصيفط ليهااا
أميرتك أنت الجزء الثاني
محتوى القصة
التنقل بين الأجزاء