وجهها صفر و شفايفها مشى منهم اللون الاحمر الداكن لي كاان كيباان فيهم.....،كترمش بتعب....و تنهد.....و مها رشيدة جالسة حداهاا كتبزز عليها تااكل....: و سمر الله يرضي عليك كول غي هاذي....
شاافت فيهاا و هزات كتافها مغوبشة: و لا اماما...خصك نتفركع كليت باركة..واش غنحشم منك اويلي.....
رشيدة عضاات شفايفهاا و نطقاات بصوت منخافض : ليمااك غي حشمت من راجلك ديالك اما انا نطلع معاك بشي قرصة...ديك اللساان والو بحال كنتي مريضة بحال صحيحة ...بغيتي يتاصلك فقر الدم التالفة....
قلبات سمر من عليها وجهها كتبركم....التالفة" مصطلح من صغرهاا وهي كتنعتها بيه....وخا تزوحات وولدات مزالت التالفة عند مهاا......
نااضت رشيدة كتنهد مخلية سمر غي كتشووف ....كتحس براسها بحال الى كانت فشي حلمة و عاد فاقت....فوقاش كانت حاملة ؟ و فوقاش طااح؟؟ كبفاش ماحسااتش على رااسها؟.....تنهداات بعمق و رجعات تكات على مخدتها.....حمدات الله انه طاح لراسو بلا مادير هي حتى محاولة....لو كانت عرفاات راسها حاملة كون تسطااات....يكفي غي شااادن لي خارجة عليهاا .....و تربيتها صعيبة...و مزال باغية تقرى و مااشي قد مسؤولية تربي جوج .....سرحات عينيهاا لبعيد كتخمم و تفكر....خصها تولي ترد بالها مرة اخرى و تااخد حبوب منع الحمل فالوقت و مبقاش مستهترة...حيت فاغلب المرات مكتاخدهمش فالوقت و كتنسااهم.......،سمعاات صووت بكاء شاادن لي فارعة الدنيا بالغوات كتنادي علييها.....،
دخلات لعندها نسرين لي غي سمعات اشنو وقع ضرها قلبهاا على خوها و حتى على سمر حيت اكثر وحدة مجربة احساس الاجهااض و تمارتو ..... فين ماتحمل كيطيح ليهاا ......
هازة شادن كتبوسها و تضحك معاها وهي عينيها غي على سمر.....لي هاذ الاخيرة ابتاسمات بحب و مداات يديها بجوج ليهاا....حتى ضحكات شادن فوسط دموعها كتفركل برجليها على نسريين و تمد يديها ليها باغية طير لعندها......
نسرين: هههه شوف الخايبة شافتك و نساتني انا....
تخشاات شاادن فخضن سمر مخشيه فصدرها بحال القميلة.....باستها سمر فرااسهاا و مدات يديها كتحك ليها ففروة شعرهاا و طبطب على ظهرها بحناان .....
بقات نسرين غي كتشوف فيهم و تبتااسم..: الله يخليها ليك ياربي و تشوفيها كي بغيتي...
سمر بادلاتها الابتساامة و نطقات: اميين ياربي و الله يفرحك حتى نتينا بشي وليد و لا شي بنيتة.....
نسرين لمعو عينيها بحزن و نطقاات من اعماق قلبها: اميين ياربي.......
بقاو كيهدرو فامور نسائية....علاقتهم مااشي فداك العمق ...مع ذلك مزيانين مع بعضهم...و محتارمين بعض....، حتى دخل سفياان و خرحات نسرين مخلياهم بوحدهم....،شد الباب و قرب منها كتافو مهدودين ومن عينيه باين عليه التعب....جلس حداهاا رغم كلشي مبتااسم فوجهها كيسرح يديه على وجههاا : كلشي كيتعوض اسمر ماديريش فبالك المهم هي نتي بخير
كمشات فمها كدور فعينيهاا كتمتم...وااش سحابليه بقى فيها حيت طااح و لا كانت مشوقة تولد مرة اخرى....اكيد هو اكثر واحد عارفهاا مابغاتش تولد ...من بعد شاادن.....
شافت فيه و بااستوو فباطن يديه كتبتاسم: باينة فيك النعاس عينيك رجعو ستيتوين ...
ابتاسم بتعب و حيد من رجليه و تكى حدااها كيتفوه بلا مايزيد حتى كلمة اخرى......
الاتصال الخامس .....داك النهار وكل يوم كيمر عدد الاتصالات كتزااد ....شافت فشاشة التليفون ببرود....رماتو فصااكهاا و زاادت مع طريقها ...مشية انثوية رزينة......دخلات مع دربهم كتمشط خصلات شعرها بيدييها...حيت ترون مع الريح....، علات عينيهاا و ماتجي غي على طنوبيلة يوونس وااقفة قدام باب الداار......وهو متكي عليها عاطيها بالظهر....كيبان ليهاا لي السورات لي كيترماو الفوق و يرجع يتلقطهم....انسان حركي بلا قياس مايجلس هااني... اما يلوي السنسلة لي فيدو و لا يلعب بالسوارت ...المهم يديه مكيرصااوش....،و كثاار ملي ميكون كيستنى شي حاجة...و لا شي واحد ......رجعات خطوات للور و بدلات الوجهة لمحل د الخياطة......خوها مكيكونش فهاذ الوقت اذن غيبقى يستنى و يستنى حتى يمل و يمشي بحالو.....،و حتى على اتصالاتو مغتجاوبش......،تقلبات عليه قلبة وحدة....كاان فين مايصوني كتجاوبو و فين مايصيفط ليها ميساج كتقراه و تصيفط ليه ديك الدقيقة...كتجاوبو و تعطيه الوقت لي بغى .....لكن الوضع غيختالف دابا...اكثر حاجة تقدر تشطن البنادم هي الحيرة ....كيف الواحد.كنتي معاه مزيااان كتعطيه ووقت و تهدرو و كتعطيك امل كبيير فالمستقبل...كتقلب خطرة وحدة و بدوون مبرر و لا سبب مقنع.....و هذا حال يوونس ...زادتو حيرة على حيرة بحال هو ناقصو تخماام.....كيصوني عليها مكيلقى حتى جوااب منها ....كيبقى يصوني حتى يقطع لراسو ...ماشي هي لي كتقطع عليه .....شي لي خلاه يتعجب ...وااش مريضة؟ و لا تليفونها ضايع؟؟ اذا كان ضايع شحال مابقى غادي يتطفى ملي ينقص ليه الباتري، و لكن هو ملي كيصوني غليها مكيطلعش ليه طاافي؟ ....و حتى احتمالية انه تسرق مايمكتش يتسرق و يبقى التلي شااعل! .....زعما تقدر تكون مريضة فعلا؟
مسح على وجهوو و شااف فساعتو د الجلد فيساار يديه....سااعة وهو كيستنى و مابان لاخوها و لا هي....، رجع دخل لطنوبيلتوو و داار النظارات الشمسية ...و شغل السيارة....غادي بحالو....ملامح وجهو مشوشة كيتنهد دابا و ساعة......مامريضة ماضايع ليها تليفون مامسروق...هي لي مكتبغيش تجااوب عليه.....، عض فكوو بغضب غير معهود....
اصوات و ضحكاات طفوولية ....الصالة مقلوبة سفاها على علاها.......مجد ولد ليلى و إليااس كيلعبو مع بعض ...و لعب د الداري معروف و شاادن فوسطهم كتكور بحال الكورة و تلوى فالايزار كتحماقق تخشى فيه و تخبى.......
ليلى و سمر و نسريين و حيااة و لمياء و البااقي جالسين حدااهم كيهدرو.....
صوت مجد و إليااس بدى يجهااذ و يرتاافع....شي لي خلى حيااة تغووت على إليااس و توبخو: إليااس سكت قطع الحس بلا صدااع.....
نطقات رشيدة كتشوف فيه و تبتاسم: خليه كيلعب راه هذا هو لعب الداري مكيعرفوشي الهداوة بحال البنات سبحان الله....
نطقات ليلى بتأييد: وي الصراحة عندك هاذي البنات لعبهم غي بالسكاات و الدكورة سبحان الله ضروري من الدق و الصداع و المضاربة..انا مجد خرج علياا ...كل نهار كنعطيه قتلة و مكيهداشي....
لمياء شافت فيهاا و نطقات كتشالي بيديها: اصحبتي خدمي معاه التيكنيك لاش الضرب لاش غيوليو متعودين على العصى حتى توحلي معاهم من بعد...
حياة: ههه الجن لي عندي ماكتقضي معاه عصى ....
قاطعاتها لميااء كتشوف فسمر و تضحك: ههههه عرفتي اسمر باش كتعصبو و تخليه يقرم...كتقوليه سكت و لا نزوجك لشاادن....كيبقى يغوت و يصعر و يحماار منتزوجش بيها **راية هاذيك....
ضحكو الكل على تفكير إليااس ..من غير سمر لي مارضااتش معلية نيفهاا وتعوج ففمها: و علاش اختي كتخلعو ببنتي مالها بوعو كيخلعو بيه العيال ستيتوين؟؟ (صغارين)
لميااء شاافتها مارضاتش و قلباتها ضحك: هههه والله الداري الصغار ماعندهم عقل...
شافت فيها سمر كضحك من فوق قلبها و قالت : ههههخ دابا تجيبوو اليااام و يرجع كيرغب و يطلب غي يشو ف فيها و نفكرو فهاذ الهدرة ......
حيااة : هههههه اودي سبحان الله قبل حتى ماتولديها كاان مشى يقتلها فكرشك بديك الضربة لي عطاك.....
نسرين عينيها غي على شاادن كتضحك معاها و حاضية حركاتها غتسطيهاا .....نااضت ليها بلا عجز هزااتهاا و بجغات ليها حنووكهاا : ياختي على خوياا والد السكر السكر....
اياام كثييرة داازت...و الحال على ماهو عليه.....ماتغير والو.....يوونس رجع اتااصل بخوهاا و كيجاوبو بالجواب المعتااد....عطيها وقت!!......بدى يطلع الزمر لراسو و تعصب .....،ولى مرة مرة كيوقف فالدخلة د الدرب حاضي عليهاا..مكيعرفش وقيتة خدمتها فوقاش كتخرج و فوقاش كدخل .....،بغى غي يدوي معاها و تعطيه هدرة وحدة ...هادشي مامسلكش.و حتى تليفونها حالفة لا جاوباات...ماعرف مالها تقلباات هكاا....،
اميمة واقفة فالطوبيس...جنب الزاجة....شاادة فالحديدة وواحلة مع الصاك لي كيطيح ليها من على كتافهاا....بسباب ثوب القميجة الزيتية لي لابسة.....،الطوبيس كاان عامر دااك النهار بلا قيااس ....الخنقة و الصهد وخا السم د البرد على برى.....و اكثر ما خانقها هو داك الرحل السمين العريض لي لاصق مع جنبهاا كيتمايل غي بوحدو مكيشدش التوازن و كيبرزطهاا.....كتسووط و الانزعاج بااين على وجهها....و اكثر ماعصبها هو ملي كيقرب يدو ليديهاا لي شادة بيها فالحديدة....،هي كتبعد و هو كيقربهاا.....حتى علات رااسها فيه مغوبشة و عاقدة حجبانهاا......لكن تخنزيرتها الناعمة....ماحركات فيه حتى شعرة ...بالعكس ابتاسم ابتسامة مقرفة بحال اسنانو...لي كيروع و تجيب الردة لي كل مكيشوف فيهم....صفررين و خانزين و حتى ريحة عرقو قتلاتهاا...واش هاد الناس مكيدوشوش؟ مكيغسلوش سنانهم؟ وااش مكيفكرش انه كيزعج و كيجيب الردة للناس الاخرين...اكيد.غيكون خداام ؟ وكيتعامل و يهدر مع الناس ، شحال من واحد.مسكين غيكون تغيلف و طلع ليه قلبو غي بسبابو.....،
رجعات قلبات وجهها مغددة كتحك سنانها مع بعضهم و بعدات من قدامهو و لصقات فالزاجة اكثر....و ها اللعب بدى ...قرب منها اكثرر ....حتى غطاها بجسمو العريض كتحس برجليه خاشيهم وسط رجليهاا.......منظرهم بحال الجميلة و الوحش..
هو بمظهرو الوحشي...العريض و الضخم وقباحة منظرو و هي كثلة من الرقة و النعومة واقفة قداامو........
هاذ الموقف كلو دااز قدام عينبه....يديه كيزيرهم بغضب....وااقف قدام الشيفوور و عينيه عليهاا....فالاول ملي شافها حس بيها ماشي نوغمال ملامح وجهها كتعكس كاع داك القرف و الخنقة لي حاسة بيها....، و اكثرمااخلاه يرد البال هوو شوفاتهاا و تخنزيراتها لي دارتهم فداك الضحخم لي واقف قدامها... كيلاحظ انه كيغطى عليها من اللور و بحال محتويهاا.....،، تحرك من بلاصتوو بلا مايفكر حوج مراات....كيدخل بين النااس لي واقفين فالممر....طبطب على كتاف وااحد الراجل و دار ليه اشارة بعينيه يعطيه يدووز.....و كان له ذلك....حتى كان قرب منهم...لكن وقف بمجرد....شافها قدراات تفك منو و تبعد من عليه سامحة ليه فالبلاصة كلها و بقات هي واقفة كترمش بخوف مالقات فين تشد و حتى فالحديدة فوقها عالية بزاف و طولها مكيسمحش
ليها تلحقو.....، شداتها البكية حاسة براسها غطييح كتمايل لليمين و مرة للشمال ......قرب. منهاا كيتزااحم مع الراكبيين يلاه غطييح شد لييها يدييهاا بالجهد حتى وقفاات منتصبة...كتنهج و قلبها كيضرب....مزيرة على يديه بلا شعوور.....،
على اليد الاخرى و شد فالحديدة فوقو...كيشوف فيهاا من تخت رموشو و يديه مزال شادة معصم يدييها الرقيق....حتى علات راسها فيه كترمش بارتبااك و صاكهاا طايح مع مرفق يدييهاا....يلاه غتفك يديها من يديه...زااد.زير عليهاا و نطق بصوت مرتافع شوية بااش تسمعو بسباب الضجيج لي كاين فالطوبيس: فتحي رجليك ....
شاافت فيبه باستغراب و عدم استوعااب....شي لي خلاه يكرر كلامو مرة اخرى: فتحي رجليك امدموزيل متجمعيهمش هكا تقدري تشدي التوازن شوية....
شافت فييه و هزات راسها بفهم ....حاولات تفتح رجلييهاا و تقلد وقفتوو هوو...لي وااقف منتصب و بثباات و رجليه مفتوحيبن....، لكن هو راجل جات معاه و هي منظرها غيكون سخيييف......،مع ذلك فتحاتهم شوية فقط ....و رجعات شافت
فيه كترمش بسرعة : صافي طلق من يدي....
باقي ماكملاتهاش طلق منها على غفلة حتى بدات كتمايل و رجعات هي لي شداات فقب الجاكيط لي لابس...بتلقائية و بدون تفكير رد فعل لاارادي.....شاف فيها بنص عين معلي فيها حاجب و منزل الاخر...وعلى فمو شبه ابتساامة.....رجع قلب وجهووو و ماقال والو ....حتى صوبات وقفتهاا و تنهداات بعمق عاد طلقات مننوو .....كتدعي غي فوقاش ييوصلوو ....و عينيها كيدورو حواليهاا ...على الله تلقى شي حديدة خاوية تشد فيهاا......خاطرات و بعدات من قدامو بصعوبة وقفات جنب واحد المراة ....على الاقل اذا حسات براسها غطييح تششد فيهاا...احسن ماتشوه معاه ثااني......
وقف الطوبيس و تمو الناس ناازليين.......ستنات حتى خرجوو الهجيج لي مزاحمين على الباب بحال الدخول بحال الخروج.....،شاافت في فالمراة لي برزطاتها بالشدان و اعتاذرات منها بلطف: سمحليا اختي برزطتك
المراة: هانية احبيبة هذا هو حال الطوبيسات....
ابتسامات معاها و رجعات رمات عينيهاا لايووب لي وااقف كيشوف فيها بنص عيين....، قرباات منو و نطقاات بلطف: سمحليا اخويا....
شااف فيها بغرابة مكانش متوقع اعتذراها.....هز راسو بادب و نطق: ماشي مشكل امدموزيل.....
حنات عينيهاا و و عطاتو بالظهر خاارجة بحالهاا. ...و كالعادة عينيه بقاو متبعينها حتى اختفت وسط النااس......،
كيمشي و يجي و يضرب بصبعاانو فظهر التيلي كيزفر بغضب و عصبية....غي شافها خارجة من الدار...تفتحو عينيه و تعرض ليهاا....كيعض فشفايفوو وعينيه عليها...كتمشى بهدوء علات راسها و شافتو بحال الى ماشافتووش...تخطااتوو و تمات غادة......
بحال شي صخرة و لا شي حاجة مرئية مكتبانش...
زعماا مشافتوش و لا غي كتبوهل عليه.....، لحق عليها و شدهاا من درااعهاا مزير علييهاا....كيشوف فيهاا عاقد.حجباانوو....: شنو هاذ التبرهيش لي كديري فيه......
حيدات دراعها من قبضة يدييه ببهدوء و علات عينيها فيه و قالت: شنو وقع؟ مالك ؟
طلق منها كيعض فشفايفو و يضحك بالفقصة....و هي عينيها غي مع الجيراان لي بداو يفيقو و يفتحو فالسراجم ....تنهدات و شافت فيه: تعطلت خصني نمشي...
.
خلاتو و بدات كتزرب فمشيتهاا بقى غي كيشووف و يسووط ....سد الاوطو و تبعهاا ...كيغزز فسنانوو بعصبية غي خرجو من الدرب...دورهاا لعندو حاني راسو كيشوف فعينيهاا بغضب و فكو بارز: مالكي اميمة ؟ علاش مكتحاوبيش على تليفونك؟
شاافت فيه عاقدة حجبانها و نطقات ببرود : مامالي والو شوف نتا اش درتي و غتفهم....
رمات ليه داك الكلام و حيدات دراعها من يديه بالزعفة و مشاات...مخليه غي كيشووف ...كيفاش ؟ شنو كتخور هاذي؟ اشنو دار ليها؟؟ حتى تقلبات فجاة؟ .....
دار يديه فنصوو كيزفر و شااط فواحد.الحجرة بالجهد.....، ورجع تبعهاا كيخلف بالزربة بااش يلحق عليها قبل ماتلف ليه ....خصو يفهم منها شنو وقع..
لحق عليهاا و دورها لعندو...كيحاول يبقى مكالمي و يتبت رااسو ...: اوك وخا فين غادية دابا ؟
رجعات شعرها مور و دنيهاا و نطقات بهدووء: علاش كتسول؟
يونس طلق من درااعها و مربع يدييه كيغزز فشفايفوو.....:نوصلك و منها نيت نهدرو ؟؟
شافت فيه بغرابة كتطلع الصاك على كتافهاا و نطقات: ماافهمتش نتاا شنو بااغي ؟ شرح ليا الله يعطيك الستر...
كيلعب بلساانو داخل فمو ....مزير على قبضة يدييه : لا نتي كتروني عليا و لا كتبوهلي لا؟ داابا عطيني هدرة وحدة متبقايش كتخربقي؟ اه و لا لاء....
بعداات عينيها من علييه و حناات كتشووف فالساعة لي فيدييها شي لي خلى بعض من خصلات شعرهاا تهبط على جانب وجههاا و تحجبو عليه...و بتلقائية مد يدييه و لمس شعرهاا بصبعاانوو كيتحسس رطوبيتوو .....
حساات بيه و بسرعة ميلات راسهاا كإشارة ليه يبعد يدييه....كتشوف فيه مغوبشة....، شي لي خلاه يحك حجباانوو بحرج......
ساااط بنفااد صبرر و قرب منهاا اكثرر...غير مبالي بالنااس لي كيدوزو و يرميو عينيهم لجيهتهم ..رغم قلتهم حيت عاد الصبااح و قليل لي فايق.....خفض نبرة صوتو و عينيه مضيقين فيها .....: علاش تبدلتي هكا شنو وقع؟ سمعتي شي حاجة ؟ عمرو ليك راسك؟
علات رااسهاا كدور عينيها و ترمش باهتزاز.....مزيرة على صااكهاا...حجبانها كيتعقدو شوية مور شوية....ماحاملاش الوضع كارهة رااسهاا كيفكرها غي فأيامهم الاولى..ملي كان كيحاول يتودد لييها .....، حطاات يدييها الصغاار على صدرو كتببعدو من علييهاا ....كيبانو هكاك فداك الوضع بحال شي جوج مقنتيين و كيتحاابو......بعدات منوو وجهها ولى حمر مغوبشة فيه ...و نطقاات بحدة : تعطلت و ماعنديش الوقت لي نبقى نهدر معاك و لا نشرح ليك......
غي سالات هدرتهاا زاادت مع طريقهااا كتغزز سنانها مع بعضهم معصبة و عينيها ولاو حمريين.....
مخلية يونس وااقف و كيحك رقبتوو بتمهل....و عينيه علييهاا ......
فتحات الفايس و بدى كيطلعو ليها اشعارات كثيرة ....و لي بيب من القرروب التابع للكلية....دخلات ليه و قلبها بدى كيضرب فور مااشاافت لي بوسط د الطلبة و ايموجيات د الغضب و السب و الشتم ..........
حطات الطابلية و داارت صااكهاا حزمااتو بااش مايبقااش يفلت ليها من على كتافها....،و ملامح وجها مشوشة ...قلبهاا غي كيضرب بسرعة خيالية .ملي شاافت ان لي نوط تأفيشااو فالسيت.....و هاذ الغضب و السب و الشتم و كلام فااحش دليل على غضب الطلبة ...مكيبن غي على انو النقط كانو كارثية....،خرجاات حانية راسها على التليفون و يديها كيترعدو......مكتشوفش قداامهاا كتمشى بشوية مركزة غي مع التليفون ......، دخلات للسيت مدرقة بيديهاا على الظووء باش يمكن ليهاا تشوووف ....،كتباات الكود لي بسباب التفعفيعة و التوتر و الارتباك و يديها لي عراقيين....غلطات فيه جوج مراات..كتعاود و تعاود حتى تفتح و باانو ليها لي نووط و هنا كاان الصدمة حسات بقلبها شوية و يوقف و الدموع بسرعة تغرغرو ليهاا فعينيهاا وجهها ولى حمر و ركابيهاا فاشلين يديهاا لي هازيين التليفون كيترعدو ......ملي شافت النقط كلهم عاليين من غير ماادة وحدة....لي جابت فيها ستة من اصل عشرين....و ماشي اي مادة ..!!
المادة لي تعدباات فيها و كرساات وقتها كلو، باتت بلا نعاس كتحفظ و تركزز و تدعي و تصلي ربي مايخيبهااش....حيت كتسمع ان الاغلبية مكيجيبوش فيهاا..كتقول لا غي حيت مكيقراوش و لا مكيجاوبوش راه لي كيجاوب كيدي نقطتو لي كيستاهل...لكن شنو هادشي لي كتشووف وااش ديك تمارة كاملة تستاهل عليها ستة من اصل عشرين.. ستة ؟؟ دمووع سخااان هابطين من عينيها كيقطرو على شاشة التليفون كتبكي بحرقة....هذا ظلم هي متاكدة انها جاوباات مزياان و عندها كثاار من ديك النقطة دابا شنو تمارتها مشات فالخوى وااش غتعاوها من اللول...شنو هاذ الظلم وهاذ الحكرة......!!
مسحاات عينيهاا لي غي مكيزيدو يتغرغرو بالدموع و يتعمااو ......و يضببو ليها الشوفة....هي كتمسح وهوما كيزيدو يهبطوو سخاان....،كتشهق وتبكي حيت هاذي كانت النقطة لي فيضات الكااس....عياااات وااش حتى حااجة مغتنجح فيهاا ....علااش اي حاجة تحط فيها يديها تفشل فيهاا علاش......معلوم راه مها ماتت و هي ساخطة عليهاا ....عمرها تنجح فحياتهاا..حيت ببساطة مسخووطة........
زيراات على التليفون بيديهاا. ..وجها مغسولة بالدموع عينيها حمريين و رموشهاا ملاقيين مع بعضهم بالدموع.....خشاات التليفون فصاكهاا و زاادت مع طريقهاا مكسوورة.!! مهمومة!! كاارهة راسها ! و كارهة حياتها! عياانة !! مهدودة!! ....كتفكر سنيتة دحياتها كلهاا.....22 سنة شنوو حققات فحياتها والو ...فاشلة فكلشي....عمرها ترتااح محكوم عليها غي بالفشل......رغم كلشي كانت متفائلة...انهاا غتجيب مزيان فالامتحانات....و ان لي كيخدم كيلقى جزااه...غاافلة على بزااف د الحاجات مزالة رمانة مغمضة و ماشافت والو فاالحياة....خباياا اخرى ...كتكتشافهم كل مازادت فالعمر.....،يقدر اي واحد.تجييه عادي...حيت على الاقل جابت مزيان فالمواد الاخرى و مادة وحدة لي فيها النقص و يمكن تعوضها بالاستدراكية....لكن هي جاتها بحال الصفعة....كاان اكثر مادة فرحاانة و متشوقة تعرف شحال جاابت....حيت اكثر ماادة تعذباات معاها ....وااش من العدل دااك العذااب كللو و تلقى ستة ؟؟؟ احساسها مايحس بيها غي للمجرب....تجمعو عليها كلشي....غادية و كتررد على فممها كلمة فاشلة كتعاودها مرارا و تكرارا.......
طلعات للطوبيس جالسة فكرسيها مهمومة داايرة جبهتها بين يدييها مخبية دمووعها على النااس...... لي شافها هكاك ديدريكت يقلعوها انها كتبكي و كل واحد و كي يفهمهاو يفسرها..."
"...كتبكي حيت حصلات صاحبها كيخونها...."
'...اه كتبكي حيت تفارقات معاه اويلي يمشي واحد و يجي الاخر و الله مانبقى نبكي عليه..."
هيي اويلي كتبكي حيت ضحك عليها صاحبها باينة للعمى..."
....المهم صاحبها كاين فالقضية هذا التفسيررر الوحيد لي يمكن يتعطى لفتاة فعز شبابها و زوينة و
لابسة مزياان ..كتبكي فوسط الطوبيس... التفسير الوحيد هو " جرح الحبيب
معرفينش ان الدنيا قساات عليهاا حتى فااتت الجهد...و شحال ماكانت كتظاهر بالقوة و الثباات و الصمود و انها بحال الصخرة مكتحس مكتشقق...غيجي نهار لي تطيح و تهزم على اتفه الاسباب حيت كتكون عياات ماتجمع و تهز فقلبها
""""""""""""
من الظلم غلطة وحدة تتعاقب عليها كامل حياتك و حتى من الشخص لي تشارك معاك في الغلط
من الظلم الناس عايشة حياتها حسب رغباتها و تعطي نفسها الحق تسير حياتك
من الظلم أنه رغم مجهودك و اصرارك الناس مصرة تحطك في صورة مخالفة على حقيقتك
من الظلم تحس روحك ضعيف محكور بلا سند تحس بالوحدة و كل الناس تستنا منك الغلطة
من الظلم تكوني مرا صغيرة يتيمة مطلقة كامل رجال طامعين فيك و كامل نسا خايفين على رجالهم منك كانك وصمة عار في هاذ المجتمع .....
كتضحك و تضحك و تكركر حتى كيكون غيتقطع فيها النفس...بالضحك......و تعاود ترجع تحط رجليهاا بين يدييه بحال كتقوليه عاودها ليا....كيستااجب لطلبهاا وهو ضااحك راشقة لييه. ....، كيهز رجلييها و يحكها مع لحيتوو كيهرها حتى كتكون غتسطى بالضحك ..كتعض فيديها بجوج : غررغر ببب غرغر....
و سمر هازة التليفون كتصورهم و كتضحك و خا بالها مع شاادن ...: صافي اسفياان هههه باركة عليهاا اويلي غتطرطق
بالضح.....
شااف فيهاا عينيه ضاحكيين...: ههههه حتى هي المشة عاجبها الحال......
وففات. الفيديو و جلساات حدااه كتضحك : ههههه اواعدي شوف. وجهى شحال رجع حمر....
هزاتها من عندو و جلساتها فحجرهاا كتمسح ليهاا اللعااب من فمهاا و هي كتجبد باغية ترجع لعند سفياان......
نزلاتها فالارض تكور كي بغاات و رجعات شافت فسفياان كتدوي بحمااس: ياقي لي غي الامتحانات لي ماحيين و نسالي ياااي ....الحمد لله طلعت كلشي فهاذ السوميتر...
دور يدييه مع كتافهاا كيشوف فيهاا معلي حاحبو و مبتااسم: لي يسمعك طلعتيهم يقول هاذي جابت فكل موديل 16راك بزز باش واصلة للطوطال 12....
قريب ل 13علاش كتزيد فيه و بااز...واصلا غي شوف مع رااسك عمرني جيبت الاستدراكية و قولي كذبت فهاذي....
ضربها بحبهتو على ديالها كيضحك و عينيه شبه مغمضين: ايه مننكرش و لايني كتطلعيهم غي 10 لو درتي الاستدراكية كان ممكن تجيبي كثاار ...غي نزلي الارض الله يرضي عليك ...منسايش..الماط فينونسي لي كلشي كيطلعو ب15 للفوق نتي حايبة فيه 10.5
قلباات عليه وجها كتمتم وتبركم...وهو كيشوف و كيضحك : ههههههه و نتي لي بديتي كونا ساكتيين قلت بلا مانجبد ليها ضواسا القدام....و لايني نتي مكتنزليش للارض....
ضحكات ببز منها...و نطقات بتبرير كتشالي بيديها و تلعب بشعرها وهو متبع ليها العبن و لحركاتها: و ماتنساشي عاود هاذيك كنت حاملة و التسخسيخة و خا هيداك طلعت الموديل.......و من هادشي كااامل بلا ماتعكسلي على السطاج عااود.....
حك حجباانوو و رمى عينيه لشادن بعفوية...لقاها ناعسة على كرشها كتعض الكابل د الظوء....نطق بصوت عالي و بتنبيه: شااادن لاا ابابا ......
نااضت جاالسة كتشوف فيه ببرائة و تشير ليه بصبعها : لولويا بب....
ضحك و شير ليها تجي لعندو....نااضت دغياا كتبوطر ...و جلسها فحجروو ....كيلعب معاها و يهرها فكرشهاا....و يلعب برحيلاتها الصغاار مقارنة مع يديبه ......
سمر شافت فيهم كتبتاسم و تضحك للضحك شاادن ...بااستها فحكنها و رجعات شاافت فسفياان: و قولي بلا ماتنسيني....
شاف فيها كيدوي و يديه كيطبطبو على ظهر شاادن و يهزها برجلييه....: فين غتسطاجي اسمر الله يهديك....راه اخيرتك غتخرجي من عندهم بروفيسيونيل فالميناج....جيبي هاذي سيقي هاذي واحد الكاس د القهوة....كيستغلو لي سطااجير.....
ضحك بالجنب و قال: باقية غافلة على شحال من حاجة.. و عارفك اسمر و حافظك كثار من اي واحد مغتقدريش تكملي حتى سيمانة.....
سمر ميلات شفايفها و نطقات: هااء و على هاذ الحساب ندفع غي لشي بونك و ندوز شهر ديالي و نتهنى.....
شاف فيها بنص عين و نطق: كتكوني ساكتة حتى كتبغي تجبديني و تعصبيبني بهاذ المرض...قاليك بنك بغيتي تبقاي ليا بالساعاات جالسة قدااموو نتي و ياه الراس بالراس ....مينتك اسمر؟
غوبشاات فيها و نطقات بتذمر: عصبتيني اسفياان كلشي لاء اصلا من الاول قولي جلس للارض و هنينا ماشي تبقى تطمعني من بعد من بعد و فالاخير تزمر عليا بهاذ الهدرة.....
شاف فيهاا عاقد.حجبانو. : و حتى دابا ماوقع والو جلسي لارض ..و هنينا .....
ناعسة فبيتها .....للمظلم و السراجم مشدودين....تليفونها حداها كيصوني و يعاود ....اكيد شكون من غيرو يونس لي غي شافها صدفة فالطريق كتبكي .. و ما جا يقطع و يلحق عليها حتى كانت ركبات فالطوبيس.....بقى بالو معاها باغي يعرف علاش كانت كتبكي.....،
نيفها ولاو حمريين و مخدتها فازكة بالدموع دموع الحكرة و الظلم و الالم و الوحدة .....دمووع كتعبر على كاع ديكشي لي كيضرها فقلبها......،
تعاود الاتصال مرة......شافت فيه مطولا و فتحاات الخط......وصلها كلامو بنبرة مندفعة ..بحال نيت خاايف عليها
و مشوش عليهاا...: اميمة مالكي؟
بقاات سااكتة كتسمع غي صوت بكاهاا....مالكي؟؟ ديك مالكي هي لخلاتها تنفاجر مرة اخرى.....بلا ماتفكر شكون هو و شنو دار ليها و شكون كيكون بالنسبة ليها و بلا ماتفكر ان هاذ الشخص دمرها فالماضي ...: علاش دايما خصني نتظلم ..دايما....
اميمة ابتاسمات بسخرية وسط دموعها....: والو غي ماجيبتش مزيان فالامتحانات و البروف عطاني نقطة مااشي ديالي....
تنفس بارتيااح و نااض واقف كيمشي و يجي فالبيت يد فتليفونو لي فودنيه و يديه على خصرو...: و مالكي بشي قراية؟ علاش كتصعبي عليك الامور؟ علاش منرجعوش اميمة و نصلحو لي فات؟ و نساي عليك شي قراية و لا زمر......
غمضاات عينيها كتبكي حيدات التيلي من ودنيها و قطعات عليه.....شنو كانت كتستنى منو ؟ يواسيها ؟ ولا يعاونها مثلا؟ .......غبية و غتبقى غبية ...و حمارة حتى هي......
خرجي من القراية!!! و رجعي معاه!! ...شنو غتكون استافدات هي والو ..علاش كتحمق راسها عللى والو؟ اذا خرجاات من القراية و رجعات معاه مرة اخرى و هي بلا والو ....غترجع لنقطة الصفر....و غي تدفن دوك الاحلام لي كتحلم بيها....تولي انسانة ناجحة و تنسى حتى الفكرة لي ولات كتروادها مؤخراا...كاتبة ..." غتنسى الطنوبيل لي كتكون جالسة فالطوبيس و طنوبيلات وااو كيدوزو من قدامهاا....و هي واقفة مجرتلة فوسط الراكبين و مزاحمة......غتولي غي ربة بيت عادية زوحة و يمكن ام ..تربي و تغسل و تنظف....فين المميز فهادشي ؟ والو ......
علاش فين ماكتبغي تكون متفائلة فالمستقبل و عندها امل فلي جااي...كتجي شي حاجة و كتحطمها......
شنو عرفها لو عاودات هاذ الامتحاان غيعطيها نفس النقطة فالاستدراكية......وخا تعاود تحفظ و تراجع و تفكر و تخمم غادي تبقى نقطتها هي هاذيك ....و عمرها لا خدات داك الاجازة على هاذ الحساب.....
رجعات فتحات التليفون و دخلات للفايس...قروب الكلية....لي مقلوب سفاه على علاه.....و كل منشور كيترردد اسم البروف "اقصبي"...و اغلببيه الذكور لي كيتشكاو منو حيت هوما الاكثر لي كيتظلمو...عكس الفتايات لي كيبرعهم.....
"....اقصبي الله ينعلك فهاذ النهار الجمعة حس بيا الله و نعم الوكيل الله ياخد الحق"....
العديد العديد من المنشورات كيسبووه و ماكيديو منو لا حق و لا باطل حيت كيهدرو بلا دليل ......شحال من وحدة تعرضات للمساومة منو و ساكتة....حيت بنت غتشوه.....و سكوتها ظلم ليها و لبزااف امثالها....." يقدر يخرج ليها على مستقبلها كلو ...و يقدر بسهولة يقلب القضية ضدها فين الدليل؟؟
بقات طالعة مع المنشورات كتقرى فلي كومونطير.....و ثاار انتباهها تعليق واحد من بنت....." اودي شحال فيكم راه لكيجيب شي نقطة كيديها بلا ماتبقاو تزيدو فيه فالحين غي فالهدرة...."
كلشي هجم عليها بايموجيات الغضب ....و تعليقات لااخلاقية و الروينة.....
" ها وحدة **واها و جاية تفتح علينا *رهاا...بصحتك "
شهقاات بهمس من ديك الكلمات الفاجرة لكيرميو بعضهم بيها و كلية ياحسرة و كيخرجو العجب من فمهم كلمات دون مستوى....خرجات دغيا من المنشور......و بقات كتسارى فالقروب.....حتى شافت منشور و دخلات دغيا تقرى التعاليق....
"....عفاكم الطلبة شكون عندو رقم و لا ايميل بروف اقصبي و لا فوقاش كيكون فلافاك؟ و شكرا مسبقا....
"
من خلال التعليقات عرفات انه غيكون نهار الانثين و عدد كبير من الطلبة كيسولو عليه....."
خرحاات من الفايس و طفات التيلي فخطرة كتنهد و تدعي ربي يعاونها ...هي مظلومة متاكدة انها ماشي نقطتها هاذيك ...غتمشي تدوي معاه اكيد غيكون غلط
مرو السبت و الاحد طاايرين .....كل واحد و كي دوزها ..هالي لي فرحان وسط عائلتو و اسرتو مناقصو والو ..كيتشكى من ابسط الاشياء و ماحامدش الله ...و كاين لي مسكين مغلوب على امرو مظلووم و شكون ينصرو فهاذ الدنيا من غير الله ...
نااضت فالصبااح كتلبس بالزربة باش تلحق البروف فلافاك....،خرجات بلا فطور....شعرهاا مجموع بطريقة مهملة عطاتها لمسة من الرقة و النعومة.....لابسة مونطو اسود ....
و الشقراء اذا لبست الاسود كتخلق رواية من نوع خااص......
ركباات فالطاكسي المهم توصل فالوقت.....، غي نزلات دخلات مع بوابة د الكلية الكبيرة....كتخلف بخطوات مسرعة..و عينيها كيدورو هنا و لهيه كتقلب عليه و على شي حد يوريها مكتبو فين جا .....، يلاه وقفات قدام العمادة....شافتو خارج منها باناقتو المعهودة و مشيتو الواثقة...و لبااسو الكلاسيكي لكيعطيه فخامة منقطعة النظير.......وقفات قدامو شي لي خلاه يعلي راسو فيها و يهبط النظارات فوق ارنبة انفه....و يشوف فيها بابتسامة جانبية....و عينيها كيلمعوو بشكل خطيير....عندو جادبية العشريني و مايكسبهاش.....
نطق بنبرة لعوبة : كنسمعك اانسة تفضلي
رمشاات باهتزاز .....كتفكر وااش هذا هو نفس البروف لي كيدديو عليه...كيبان فيه مأذب وماشي موسخ و مكبووث بحال لي سمعات......فعلا المظاهر خداعة...
بللات شفايفها و شافت فيه...و نطقات برنة هادئة: بغيت ندوي معاك على حساب النقطة لي عطيتيني فالمادة....حي...
باقي ماكملاتهاش قاطعها و قال: جيبي طلب اعادة التصحيح و لحقي عليا للبيرو...
رمى ليها داك الكلام و تخطاها مكمل على طريقو و صوت طقطقات حذائو باقي كيستمع حتى بدى يختافي شوية مور شوية.....عااد مشاات بالزربة لسونطر طلبات الطلب و لحقاات عليه لمكتبو كيف طلب منها.....كاانو بزااف د الطلبة واقفين و كلهمم وجهم غاضبة و فيديهم نفس الورقة لي عندها هي......
باب مكتبو كان مشدود....سولات بنت محجبة كانت واقفة متكية على الحيط كتسوط بملل الانتظار...: عفاك اختي واش مشى بحالو ؟
البنت: لا راه مزال هنا .....دخل و شد الباب مخلينا هنا كنستناو.....
هزات راسها بفهم و وقفات حتى هي كتستنى معاهم.......، دازت مدة لابأس بيها و تفتح الباب و خرج كيشوف فيهم...: تبارك الله هاذو كاملين باغيين اعادة التصحيح
نطق طالب بصوت مرتفع متذمر و ساخط على الوضعية: ادكتوور والله حتى تظلمت فالنقطة ..شوف عفااك عاود ليا التصحيح ..
شااف فيه مطولا و رجع حنى راسو ....جمع من عندهم الاوراق...و لي شد من عندو كيمشي بحالو ...وقف عند اميمة و عطاتو الطلب .....هزو كيشوف مبتاسم...الطلب كان غير مكمول و بعض معلومات غير مهمة ناقصة فيه....
شاف فيها و قال وهو داخل للبيرو: باقي خصك تعمريها اانسة تفضلي....معايا
جلساات فوق الكرسي .. جامعة رجليها و حاطة الصاك فوق حجرها كدور فعينيها......
ابتااسم و جلس فبلاصتوو داير رجل على رجل و يديه فدقنو ...عطااها الستيلو و الطلب و قال باختصار : حطي النقطة شحال كتشوفي رااسك عندك فدااك الامتحان؟..
شافت فيه باستغراب...و بغرابة ....شي لي خلاه يبتااسم و ينوض من بلاصتوو قرب لييهاا و تحنى كيشووف فوججهها نيشااان : شحال بغيتي نعطيك.....
نااضت واقفة كتطلع الصاك على كتافها شاافت فيه بنفوور كتصنع القوة و الجموود : وقيلة نتا لسميتك دكتور اقصبي مدرس المادة .. ماشي انا....لو كان كل واحد كيعطي النقطة لراسو مغيكون حتى فرق بين لي كيقرى و لي غي كيرون.....
جلس على حافة البيرو مربع يديه و ابتسامة ماكرة متحيداتش من على شفايفو : غي قولي شحال نحط ليك .... و اضاف باقتراح : 16؟؟ ولا18 احسن....
المساومة !!! الغبي و الابله يفهمها طايرة....شحال من وحدة تعضرات للمساومة...ليلة مقابل مبلغ مالي !! لكن الغريب فهاذ الوضع ...ان المقابل هو نقطة مشرفة لي كاين بزااف تقدم ليهم داك العرض ووافقو بكل رضى بلعات ريقهاا كترمش..كتمنع الدمووع يهبطو من عينيها....
علات فيه عينيها و نطقات : .....: موسيو اقصبي كنطالب ورقتي تصحح و ناخد النقطة لي كتستاحق ....يمكن تكون عندي تما 16و يمكن17و بمكن قل و لكن لدرجة ستة ؟؟ اكيد مستحييل.....
نااض على الفور من بلاصتوو و قرب منهاا ، غي شافتو كيقرب رجعات باللور ...قلبها كيضرب....
احساس بالخطر بدى يراودها ......تلفتاات بالزربة تفتح الباب و تخرج بحالها....و يديها على التليفون لي فجيب د الجاكيط .....حتى شدهاا منن يديهاا و دورها لعندو.....كيشوف فيها بطريقة اربكتها...: فين غادية اانسة؟ تصرف غير اخلاقي تخرجي بهاذ الطريقة ماتنسايش انا البروف ديالك هاذ العام و
يمكن حتى العام لي جاي كلامو كل تذكير و تنبيه..بحال كيفكرها انها بين يديه و مصيرها الدراسي كلو بين قبضة يديه....اي حركة ماعجباتوش غتخدم ضدهاا....
وجهو ولى الحمر عينيه تعماو باغي ياكل الدنيا و احساس الظلم و الحكرة لي كيعيشهاا..كيف لا ...و بنادم يخدم و يضرب تمارة و يقرى و يتعذب و يشري الكتااب لي ثمنو غالي بزاف و بدون فائدة ...علاش بااش مايعطيكش اقل من المعدل.....وخا تحفضي حتى تعيااي الا ماشريتيش الكتاب عند اقل من عشرة....من اصل عشرين......و شراه رغم ثمنو الغالي ....و عند بالو صافي راه غيطلع السوميستر حتى كتخرج ليه مادة اخرى من الجنب ...لي عطاه نقطة مااشي ديالو.....
جلس فوق المقعد فوسط الكلية شااد على رااسو اي غيتفركع.....الدموع و تحجرو فعينيه.....
ايوب كيشوف فييه بتأثر ...كيتنهد ...طبطب على كتافوو و نطق : مكنعرفش هكا اصاحبي ....دعيا عيتي صافي ضربتي تمارة كلها فالزيرو ؟
على رااسو فييه كيزير على سناانو....و نطق بحرقة: غنشرفو و نخرفو فهاذ الكلية اخاي ايوب....لا قراية لا نم......خمس سنيين و اناا مجرجر....بسبااب دااك اقصبي.....فوقاش غنشد هاذ الاجازة هاا؟ فوقاش؟ حتى نشييب؟ هاا ...الواليد كل نهاار كيعايرتي بولد خوه لي دابا راه قريب يشد الماستر و انا باقي كنقرى هنا مع حفايدي...قالاك.....
شاف فيه ايوب باهتماام...وقال : اودي ايوسف ماشي غا نتا فاي كلية مشيتي فيها كاين المزيان و كاين العياان....سحابليك بسهولة خديت داك الاجازة....راه حتى شفت النجوم عاد.شديتها .....
يوسف شاف فيه كيضحك باستهزاء: كل عام كندير طلب اعادة التصحيح و مكتبدلش النقطة ...راه معرووف داك الشماتة غرضو غي فالبناات ....قرب منوو اكثر و نطق بحقد؛ عرفتي بنات دهاذ الكلية اغلبهم ثاقبهم غي هو...تفوو بن الكلب....
شاف فيه ايوب مطولا مضيق فيه عينيه و عقلو كيدي و يجيب ....بقى ساكت شحال و قال: هاذ خونا فالله خصو شي ركبة فالعمارية حتى يطيح منها على راسو ....
يووسف عاقد حجبانو بعدم فهم : اشنو زعما؟ ايوب نااص وافف و دارالقب على رااسو و شاف فيه : من الاخر خصو شي شوهة ..عرفتي لا تجمعو عليه كاع هاذوك لي تظلمو و اذا شدينا عليه شي دليل مايتفك لا من هنا و لا من لهيه....و القضية ساهلة عرفتي علاش حيت اغلبية المظلومين الرجال .....و الرجال اذا دارو يد فيد يروبلوها ...عكس النساء .. بعض منهم كيخافو و كل وحدة كتخبى مور الاخرى.....و حتى وحدة مغتزعم تدوي .. هادشي خصو يوصل للنيابة العامة.....من تما غتكون الانطلاقة
الظلم و قسوة الحياة و التعب و الفشل و الخدلان ......
دمووع مالية عينيها الملونيين .....كتبكي في صمت !
فقط دموعها لي لي نازلة من عينيها في سبااق و مستقرة اسفل ذقنهاا...و كتقطر على يدييها لشادة بيها الصاك و مزيرة عليه .......جلساات فوق كرسي فالجردة التابعة للكلية ....،معلية راسها للسمااء مغمضة عينيها كتحاول تنفس ....صدرها كيطلع و يهبط نيفها الصغير ولى حمر بالدموع و البرد ......تنفساات بعمق كتحاول تدخل كمية مهمة من الهوااء،كرهات راسها و كرهات عيشتها....
تاوهات بالم بسباب الجرحة لي معصمها....، ملي كانت كتحاول تفك يديها من بين يديه و تفك روحها منو....تجرح ليها يديهاا مع الخشبة د الباب......
داارت يديهاا على وجهااا كتبكي ......و قلبها لدابا مزال كيضرب....حمدات الله انها تفكاات و ماوقع والو ....الحيوان نطقها بصريح العبارة و بدون مراوغة.....يعطيها النقطة لي بغات بالمقابل يدير فيها لبغى.......،حاولات تهدن و توقف يديها من الارتجااف ....، عاد خرحات التليفون من جيبهاا....نقصات الصوت قليلا...عاد شعلات التسجييل وكتصنط لييه و الدموع كيعاودو يهبطوو كل مرة كتفكر اشنو وقع و كلامو الحقير لي خلاه تكره راسها.......
كاانت خايفة و متوترة ملي قاليها دخلي و هي الوحيدة لي طلب منها تدخل ...عكس الكل...لي غي عطاو الطلب و مشاو بحالهم ...و اكثر ما خلعها هو ملي شد الباب....استغلات فرصة انه كان كيشد الباب و شعلات تسجيل الصوت بسرعة و بمهارة و رجعات خشاتو فالجييب...طاحو لبالها بزاف د الاحتمالات ....يقدر يكون فعلا غي ظالمينو و يكون وقع شي غلط صافي ...و لكن دارت احتمال اخر انه يكون بصح كيف ماسمعات عليه و يقدر توصل بيه الوقاحة للمساومة كي كتسمع.....لذلك مهما يكون و يقدر يوقع...شغلات تسجيل الصوت وخشاتو فالجيب.......كانت متعمدة فكل كلام كتخاطبو تذكر سميتوو و المادة لي كيقريهاا ........
نااضت واقفة مفزوعة حتى طااح ليها التيلي من يديهاا ...ملي سمعاات صوت رجوولي قريب منها و الغريب كيناديها بسميتها........
هزات التليفون من الارض بالزربة لي تشقق شوية من الزاجة ...خشاتو فالجيب و شاافت فييه...لي كان واقف قدامها داير يديه فجيب القبية لي لابس ......قبل ماتنطق باي كلمة كان هو السابق و قال: ديزولي مدموزيل ماكانش مقصودي نخلعك ؟
رمشات باهتزااز و مسحات عينيها بخفة ... نطقات بهدووء: لا ماشي مشكل غي حيت تعجبت عيطتي ليا بسميتي ؟
شاف فيها مطولا و نطق متجاهل الشق الثاني من كلامها لكتبين تعحبها و استفسارها عن كيفاش عرف سميتها....: علاش كتبكي؟ وقع ليك شي مشكل فلي نوط حتى نتي؟
لمعو عينيها و نطقات بدون تفكير: وي واش حتى نتا؟ ...
قرب خطوة فاتجاهها و قال: وي وقع ليا مشكل مع واحد البروف عطاني نقطة اقل من لي كنت متوقع ....
شافت فيه مطولا رموشها مزالين فازكين بالدموع....كتفكر و تدي و تجيب غي مع راسها هي سولاتو باندفاع حيت الطريقة باش سولها حسسها انه حتى هو واقع فنفس الموقف لطاحت فيه هي .....لكن ملي جاوبها يالابجاب و اكد ليها شكوكها....تعجباات....من شكلو مكيبانش عليه مزال كيقرى فلافاك....لكن رجعات تفكرات انهها تصدافاات مع بزااف كبر منو و مزالين كيقراو فهاذ الكلية.....لي جامعة الكبير و الصغير.... اميمة نطقات بعد تردد: شنو سميتو البروف ؟؟
جاوبها على الفور كيشوف فيها بغموض: اقصبي....و نتي ؟
تفتحو عينيهاا و لعمو بطريقة غريبة : دفعتي الطلب؟ شنو قاليك؟
ايوب عقد حجبانو و نطق بهدوء : اعادة الطلب عندو كتساوي صفر.....
شهقاات بصوت خافت قدر يسمعهاا بسهولة.....شنو غيكون مصيرها ...غيخرج عليهاا و مستقبلها كلو غيضيع...فيديها التسجيل و ماعارفاش كي غدير تصرف و شنو خصها دير فهاذ الحالة....تعقدو حجبانها بتلقائية و شافت فيه و نطقات: اوى و شنو الحل فهاذ الحالة؟
كتدوي معاه بحال الى كتعرفو من شحال ...صحيح انها دايماا كتجي عينيها عليه و كتجمعهم صدف كثيرة مع بعض لكن كلامهم مع بعض كان قليل.... مكتبانش عليه انسان خايب او خبييث رغم نظراتو الغامضة.....
ايوب: شحال من واحد خرج علييه و وقف ليه فمستقبلو مكاين حتى شي حل من غير يتشوه و يطردوه من الكلية وخا الموضوع ماشي سااهل و كثار ملي مكاين حتى شي دليل ملمووس......حيت ضوسي ديالو عامر ماشي فقضية النقط كنظن فاهمة علاياش كندوي؟
شافت فيه كترمش باهتزاز .....تنهداات بصوت مسموع و هزات راسها بالايجاب: وي....
شاف فيها و نطق باهتمام : شنو المشكل لي وقع ليك نتي ؟ واش نفس البروف ؟
شافت فيه من بين رموشو كدور فعينيها و ترمش بتفكيير....هي عندها الاديو و لكن كي غديير تستعملو ضدو ......و لمن غتعطييه و شكون غيعاونهاا عقل كيقوليها عطيه ليه كيبان عليه فاهم و عارف اشنو وقع و يمكن يكون عندو صحااب و معارف و يتفضح كلشي ..بلا ماتقااس هي و لا يشيرو عليهاا....هي ماعارفة فين تمشي و فين تجي و ديك المسائل كبار عليهاا.....،
رجعات شافت فيه مضيقة فيه عينيها الملونيين...كتفكر...شنو فائدة الاوديو يبقى عندها ....هي بغاتو يتفضح حيت اذا بقى الموضوع كما هو عليه...مستقبلها ضااع ...و حتى ملي يتفضح لي واقع غيعرف انها سجلاتو ويقدر يخرج منها بحال الشعرة من العجينة و يسبب ليها مشاكيل من بعد....لكن يااك فجميع الخالات خاسرة خاسرة.....!!
طالت فترة سكوتهاا ساهية كتفكر و عينيه السودااء مستقرة علييهاا..مستمتع بلحظة سكوتهاا و سهوتهاا ..... فاقت من سهوتهااا و تفكيرها لداها للبعيد و شافت فيه و نطقات: اه نفسو ....سكتات شوية و دورات عينيها حواليها...و تجرأت ووقفات قريبة منو اكثر مخفضة نبرة صوتهاا...معلية رااسها فيه شوية بسبب طولتووو.....و نطقات باستفسار: دابا اذا كان شي دليل ضدو ؟ شنو زعما يقدر يتطرد !...
شاف فعينيهاا المميزين لوهلة....و رجع شتت نظارتوو...عاد استوعب كلامها ...لي خلاه يشوف فيها باستغراب: اكيييد وخا يكون دليل غي بسيط ...غادي يجمع الروينة...حيت الكل كيقلب غي على شي نبشة و و يبدااو يهدرو بعد سكوتهم ..... تنهدات بعمق و خرجات التيلي من جيبهاا كتشوف فيه بعزم...: عندي تسجيل صوتي معرفتش واش يقدر ينفع ؟
احسن وسيلة لكشف المستور و فضح البنادم هو وسائل التواصل الاجتماعي.....و فسرعة وجييزة و قصيرة....المقطع تنشر بسرعة خيالية ......
" فضيحة استاذ جامعي يعرض على طالبته عرض لاأخلاقي مقابل الامتياز "
...و قد صرح ان الطالبة قد قامت بتسجيل مقطع صوتي ليه دون علمه وهو يتكلم بتلقائية ....غير مبالي بالاخلاقية المهنية" قنبلة الموسم.....المقطع الصوتي تداول فجمييع القروباات و اغلب الصفحاات.....خلى الكل فحالة ذهوول و صدمة و الاباء خافو على بناتهم و البعض دخلهم فيهم الشك حتى ولاو كيتداولوه عبرالفايسبوك مرافقة لعدة تعليقاات سااخرة.... "
خوتي ملي تبغي تزوج بشي طالبة جامعية سولها الاول شحال كانت كتجيب .... لو قالت ليك 18 هرب هرب اخويا هرب راه مثقوبة" "
...." الدراري شي حل راني تزعط فديك الدرية غي من صوتها..."
الامر وصل حتى للنيابة العامة كيف كاان ايوب بااغي ...و الكل ولى كيدوي على حقو بعد ماكان سااكت و الاغلبية رجااال كيطاابووو بحقوقههم ...حق طبيعي ياخد النقطة لي كيستحق لاش الظلم؟ رجاال بشلاغهمم كيغووتو و يحيحوو...دايرين مجمع قدام العماادة حلقة كببببيرة رجاااال كباار و صغااربناات و درااري كيصفقوو وداايرين حركة بيديهم دليل على التضااامن .....كانو باغيين غي لي يبدااهم و يكملو هوما من عندهم خصهم لي غي يوريهم الطريق و ينبش الموضوع.......قلب رحل مظلوووم بااغي يقرى مايسرق مايزور خصو غي يقرى و شكون خلاه...الظلم و القهرة ....كيشوفو انه فهادشي لي وقع غيرجع ليهم الامل اذا طاااح الاستاذ و وقفووه غاادي يتفتح ليهم ايواب النجااح .....و منهم اميمة لي كدعي باليل و النهار . .......حمدات الله انها عطات المقطع لايووب لي تكلف فالبااقي...جمع صحابو لي كيعرف و من ضمنهم لي وقع فلي المشكل و نشرو المقطع....و بدااو التحقيقاات معاه فالنياية العامة.... و تطوعاات طالبة من الطالبات المظلوماات لي تعرض عليها نفس عررض اميمة و قدماات شكاية رسمية و لي زاد وسخ ليه الضووسي و كل الدلائل ضدو .....تعطاو التعليمات لاستماع لي اطراف القضية و معرفة الحقيقة عند الطرفين....الطالبة و الاستاذ....لي صافي مابقى عندو فين ينكر و فين يسلك راسو و حصل حصلة وحدة كلشي ولى ضدو... حيت حتى من الساكت و دوى هاذ المرة عيااو من الظلم و السكاات و الحكرة....كلشي كيطالب بتحقيق العدالة....بعد عدة مناوشاات و تحقيقاات....واخيرا جاء الفرج و صرح الاعلام بالتصريح الاتي......
"حكمت المحكمة الابتدائية بفاس صباح يوم أمس الجمعة، على أستاذ جامعي يدرس بكلية الادب ، بعقوبة حبسية مدتها 3 أشهر موقوفة التنفيذ، بعدما اتهمته إحدى الطالبات بالتحرش بها. يذكر أن الطلبة قالت في المحكمة أن الأستاذ الجامعي خيرها بين الرذيلة معه أو سيعطيها نقطة ضعيفة، مما جعلها تتوجه مباشرة إلى المحكمة من أجل رفع دعوة قضائية. يذكر أن وسائل إعلام محلية ذكرت بأن هذا الأستاذ ليس له سوابق في مثل هاته القضايا.
خرجات شادن من الدوش بعد مادوشات ليها و لبساتها مزيان على قبل البرد و طلقات ليها مشى فالدار و ترون....جلساات سمر قدام سفياان لي كيجمع فالوراق مهمة و يستف كل ورقة بوحدها...باش مايتخربقوش.....، شادن غي شافت الاوراق جاات بالزربو فرحانة فاتحة فمهاا.... كتجبد بااش تلحق لشي ورقة فوق الطبلة....غي شافتها سمر ضرباتها ليديها بشوية : حمعي يديك اشادن.....
شاف فيها سفياان و نطق بتحذير: ماتبقايش ضربيها ....
سمر عوجات فمها و نطقات: حتى هاذي ضربة..بعدا.هي يدى كياكلوها خصى غي تنبش...
شادن دخلات بين رجلين سفياان مدلية شفايفهاا كتشوف فسمر و ترجع تخبى فسفياان....لي كيبتااسم معاهاا و يبوسها فراسها ... على راسو فسمر و نطق بجدية: اذا علمتيها الضرب من الصغر راه غتوحلي معاها فالكبر اسمر.....غتولي موالفة الضرب على ابسط الحوايج ...بدلي السيستيم الله يرضي عليك.....
قلبات عليه عينيه كتميع فمها....في حين سفيان هز شاادن و جلسها فوق ركابيه....عطاها ورقة غير مهمة ....و خلاتها كتغزز و تكمش كي بغاات.....
جمعات معاه و سالاو ...ناضت حطات الغذاء .....كلاو هانين مرتاحيين...كيضحكو على تجعويق شاادن لي كتبغي تااكل بيديها بجووج.....حتى كترون حالتها ...... نااضت كتجمع الطبلة و سفياان دخل يدوش....،غي سالات الجميع ...دخلاتها لبيتها مسحات ليها و بدلات ليها حوايج خفاف و مريحين للنعاس و عطراتها....و خشااتهاا فناموسيتها كتحاول تنعسها.....: نديرو دودو اماما دودو....
كتفركل بيديها و رجليها و تجنن ماباغيااش تنعس...... خرجاتها من الكونة و حطاتها فالارض كتشوف فيه مكمشة فمها مغددة....: معرفتشي انا ماين جيبتي هاذ العكس لي فيك...مايكون غي تاصيلة د باك الله يستر......
شافت فيها شادن بغرابة ....مكتعرفها حتى شنو كتقول ....تجاهلات تذمرها و تمات خارجة من البيت بديك المشية العجيبة لي عندها.....شداتها سمر قبل ماتخرج هزاتها مخرجة فيها عينيها: شااادن بلا ماتعصبني غنعسوو النعااس اماما دودو صافي.... جميع محاولاتها خرجات فاشلة....حتى استسلماات و حطات فالارض شعرها ولى مرون كتسووط بنفاد صبر.....شافت فيها مغوبشة و نطقاات: غي ليعطي ليماك شي ركلة و نجيبك ناعسة كاااو....
تهزات من بلاصتها مغزووعة ملي سمعات صوت سفياان لي واقف فالباب مربع يديه و متكي بكتافو على جنب الباب....كيشوف فيها مضيق عينيه ...و الظاهر سمع كلامها الاخير....: الله يرضي عليك المرضية......
قلبات عليه وجهها شادة الضحكة من النبرة لي قالها بيها...... بقى كيشوف فيها مطولا..حتى ضحك و هز رااسو كيبللل شفايفو ....قرب منها وقف حداهاا مدور يديه على خصرهاا كيحركها برقة ......شاافت فيه مبتااسمة و يديهاا على يديه لي على خصرهاا....كترمش و تميع شفايفها : و هي كتعصبني اسفيان واش النص د اليل و هي باقي مبجقة عينيها ... بااسها فشايفها قبلة رقيقة و رجع كيشوف فشادن لي ملوية فالغطاء علم الله منين قلعاتو ...مكورة فيه و مكمشة فالارض كيبانو غي عينيها و قزيبتها كتحرك من تحت الغطاء.....ضحك بصوت مرتاافع و رجع شاف فسمر عينيه مشدودين ملي كيضحك.....لي هاذ الاخيرة كتهز راسها بلاحولا ولاقوة الا بالله : هههههههه بقدر مكتعصبني كصحكني والله ههههه دابا شوف مخلية الكونة و باغية تنعس فالارض ....
فوسط داك الصرااع و المناوشاات و الصداع والفضايح ...قصة حب و مشااعر حلوة و بريئة بدات كتولد بين قلب حوج الاشخااص ...نظرات عيوون و دقاات قلب .......ابتساامة من الفؤااد....كل شيىء يحذث لسبب....يمكن هاذ الروينة و هاذ الظلم كلو لي وقع ليها كاان سبب بااش تعرف عليه و يتقربو من بعضهم .......
مجموعة من الشباب واقفين قدام العمادة وهو واقف وسطهم كيتسنط ادب الاستماع و الحوار ....اي واحد.دوى كيسمع لييه ختى يسالي و يعطي رايو....و اميمة واقفة بعييد متجنبة الاحتكاك معاهم ....كتشوف عليهم ...هازة فيديها كتااب ايوب لي خلاه عندها ضاماه لصدرها .......
حتى تفرق المجمع و كل واحد.مشى حال سبيلو مرتاحين فرحانيين.....،
تقدم ايوب لجيتها خدى من عندها الكتااب و نطق بادب : شكرا اميمة : العفو ....علات عينيها فيه و نطقات باستفسار : اذا خرج وااش غيعاود يرجع لمهنتو ك استاد حامعي ؟
زاادو مع طريق ....جنب مع بعضهم مخلين مسافة لابأس بيها بيناتهم خارجين من باب الكلية ....الرييح و البرد ....جو شتوي بامتيااز......
شاف فيها و جاوب على سؤالها عارفها خايفة لا يرجع مرة اخرى و ينوض المشاكيل و يضيع مستقبلها : لا اذا رجع غتنوض الثورة تااني حتى حد مباغييه و ضوسيه موسخ ...اخيرتو الطرد حيت كيشوه سمعة الكلية كاملة....
تنفسات بارتيااح و شافت فيه من بين رموشهاا و نطقات بهدووء ....: الحمد لله...
كلامها كاع ماقدرر يسمعو و لا يفرزو بسباب الريح عااود سولها باستفسار : قلتي شي حاجة ؟؟
رداات شعرهاا مور ودنيها و ابتاسمات بود : لا ماقلت والو ....
ابتاسم بالحنب و رجع كيشوف قداامو... .. ...شافت فيه و قالت باستفسار : شعال الساعة عندك ؟
جبد تليفونو من جيب السروال الدجينز لي لابس.....على راسو من التليفون بعد ماشاف الساعة : 14 واقفة دابا ....يمكن تعطلتي على الخدمة ؟
هزاات راسها بالايجاب و دورات عينيها كتقلب على شي طاكسي توقفو....حتى لقااتو و شيرات ليه بيديها....وقف و تماات غادية تركب بعد ماقالت ليه بسلامة....حتى وقفهاا بصوتو منادي عليها بسميتها للحد الان مزال ماعارفاش كيفاش عرفها....
درات شافت فيه باستغراب : وي ؟
قرب منها كيحك حجبانوو و عينيه على الشيفور لي باين فيه انسان فضوولي كيشوف فيهم يتمعن و تركيز بحال الى كيحاول يسمع شنو كيقولو.....رجع شاف فاميمة و نطق بجدية: بغيت ندوي معاك ملي تسالي الخدمة تسنايني ممكن ؟
شافت فيه باستغرااب هزات راسها بالايجاب و ركباات مخلية كيشووف فالفرااغ و كيفكر....قلبو بغاها من الشوفة الاول كانت مطلقة كانت ارملة!!...مابقاش كيهمو! ....فهاذ المدة قدر يتعرف عليهاا عن قرب....قدر يقيس و يستشعر الحززن لي كيباان فعينيهاا....و االهدوء و الرزانة لي كتخليه يزيد يعشقهاا...بغاها بكل تفاصيلهااا......
ولات كتحس بالخطر و الغريب انها عاجبها داك الاحساس ... .....غمصاات عينيهاا كتفكر ايامهم الماضية كلهاا....مواقف عديدة ....بدون شعور لقات راسها كتقارن بينو و بين يونس.... يونس للنهار بغات تخوي عليه قلبها و تشكي لييه....جاوبها بلا مايفكر جوج مرات " خرجي من القراية شنو غدير بيها باش غتنفعك رجعي ليا...."
ايوب لي كاان كلامو كلو كيحاول يحفزها على القراية و ان هاذ المشكل لي وقع عاادي مايخليهاش تفشل مرة اخرى..كلامو حكييم و رزيين و االاهم عقلية مثقفة قدرات تستشعر خنيتووو...ماعرفاتش علاش فيه بعض الخصال كيفكرها غي فسفياان و تصرفاتوو.....
رجعات فتحات عينيهاا كتوكض راسهاا و تحاول تفيق من دوك الافكار الوردية...و تنبه راسها من داك الشعوور المدغدغ ..لي ولات كتحسو....هي اذا بقات على هاذ الحال غتولي هي الخاسرة كيف كل مرة....ماخصهاش تنسى انها مراة مطلقة و ماضيها اسود ....
....ماعندهاش الحق تبغي من جديد و لا تفكر تكون بطلة لشي قصة حب .....تنهداات من اعمااق قلبهاا....كتفكر ....لو ؟
.....لو رجع بيها الزماااان للور ....كااانت غتبدل بزاف د الحوايج .....و اكثر حاجة تبغي تمحيها و تغيرها هي ديك النقطة السودااء لي معكرة ليها حيااتهاا...النهار لي سلمات فيه نفسها ليوونس.....تمحيها و تبدلها....كان يمكن تكون دابا فتااة عاادية بحال غيرها....ماعندها لا ماضي موسخ و لا غير مشرف تكون حتى هي كتحلم بفارس احلامها كيف بغاات...يكون زوين و يبغييهاا بحال حب الرويات و الاساطير....لكن هي ماعندهاش الحق تخايل فارس احلامها...حيت اكيد.هي مغاديش تكون فتاة احلام لي سي راجل...حتى مايتمنى يتزوح مطلقة و لا و الاكثر رخييصة .....نقطة النهاية .
أميرتك أنت الجزء 20
محتوى القصة
التنقل بين الأجزاء