حلا عطاتها بالظهر ناعسة مامسوقاش....مخلية حميدة غتبكي بالفقصة....!! خرجات لعندهم تتشكي و هذا تيقولها لهذا و شدوها عليها تيموتو بالضحك......!! كلام ليلة الخميس عليها و هي ضارباها بنعسة....!!
حلا ( فكات شعرها من يديها بتذمر ) شفتي فيا شي حالة الضحك...!
نسيم ( بهدوء ) : مالك معصبة غي بوحدك ...حتى واحد مابزز عليك الزواج ؛ مابغيتيهش صافي قولي مابغيتوش بابا عمرو يبزز عليك..شفتي انا نهار قلتلو بغيت نتزوج سولني ثلاث د المرات بالحساب...واش متأكدة سول و عاود و عاود و خلاني نكتبا فواحد الورقة بيدي ثلاث د المرات و هاهي باقية عندو لدابا ....
حلا ( شافت فيها باستغراب ) كاع مافخباري انا هاذي ...بوجهك حمر كاتبة لبه بغيت نتزوج و باصمة عليها ...
نسيم ( ضحكات ) : حتى واحد فيكم مافخبارو من غير ماما.... كتبتها ووجهي بغا يطرطق بالحمورية...حيت كنت عاد فالعشرين مزال صغيرة و صدمتو بالزواج عقلتي شحال بقى ساكت ماتيدويش....
حلا ( هزات حاجب )غي حيت نتينا الصغيرة و المفششة ديالو تيشوفك مزال صغيرة و ماباغيش يزوجك حتى يزوجني انا .... ماكرهو ش كون زوجوني على 18 ....
نسيم ( عقدات حواجبها ) : حرام عليك تقول هكا على بابا واالله مايسخى بيك...شفتي شحال من مرة تيتحلف فيك و كيقولك غيزوحك بزز ساعة كيدير راسو. نسا ملي كيبرد و يتنادم معاه الحال...كيحساب ليه مافيديوش...!! مشا واحد و شلا باغيبنك...كون عطاك لاي واحد فيهم ....راه غي كيبغي ينسى و يسامح دغيا كيبرد......
حلا ( نيفها حمر مروحة ) : وييه يه الله يجعلني نتيق....
نسيم ( بهداوة ) : ماتعرف يولي يعجبك الراجل ماناقصو والو و مسرار غا زعم هاد المرة و طولو فترة الخطوبة تعرفي عليه مزيان عاد زيدي خطوة للقدام ....راه مكتاب سبحان الله تبنات الدار ماكنتي عارفة شكون مولاها ولا شكون غيسكن فيها و فين مايطلعو إيطاج تتزيدي تسولي شكون غيكون مولاها و علم الله كي دايرين ...! اوا ملي كملات و مولاها صدق عبد الصمد نهار شافك لصق فيك مابقى عاحبك ....
حلا ( هدرتها دخلات من أذن و خرجات من الاخرى )
_ بلا ماترون ليا مخي بهاد السطوريا ديالك....راه ماشي كلشي عندو القلب مفتوح لي جا تيشد بلاصتو فيه كيفك....نتي تصاحبتي مع نصراني وطلعتي مزوجة بصاحبو..... الصدفة راها صدقات غي معاك اختي ماشي تصدق مع كلشي ...!! يحيى ماشي هو عبد الصمد و نتي ماشي هي أنا......( هزات حاجب و كملات ) يحيى نهار طاحت ليك لاكاغط ناسيونال ديالك فيديه جا تيقلب دار بدار على شكون هاد نسيم...ولكن ولد الجلبانة لو كان بلاصتو كان مشى لصق فيها شي كارثة...كون قتل شي مسخوط و طيح ليا لاكاغط ديالي بلعاني تما باش نمشي فيها ...!!
نسيم ( بهدوء تتلعب ليها فشعرها ) علاش نتي كتعرفيه حتى حكمتي عليه هكا !
حلا ( قلبات عبنيها تتسوط تتعصبها بديك الهدوء لي فيها ) : غي بيني و بينك شكون صيفطك لعندي ! ماتكون غي حميدة موصياك ! و راه تتفقصيني انسيم حق الله....
خرجات نسيم من عندها مخلية حلا تتشوف فالمراية تتمسح نيفها و تعطس مروحة نييت...!!
دخلات للكوزينة تتقلب ماتاكل جاها الجوع...!!ماسولاتش على واش جاو ولا باقي ...! مامسوقاش...!
عمرات كرشها و تلاقااها حميدة تتشوف فيها بنظرة عرفاتها...
_ طلع سلم و جلس حدا الناس و جمع لسانك ....
حلا ( هزات حاحب ) ماتقوليشي حتى عويشة جات !
حميدة : و علاش ماتحي...راها جالسة الفوق مع صفاء و عبد الصمد جالس مع عبد الله و رضا و عمك فالصالة الاخرى ....
حلا ( تتنهد ) والله مافيا لي يزوق فحد احميدة ...غنسلم و نهبط نريح مخي فببتي...
حميدة ( بتهديد ) اوا اذا سميتك حلا ديرها...!
طلعات لعندهم حلا تتبسم معاهم غا بزز ! حنات تتسلم على عيشة وصفاء و جلسات قدام عيشة دايرة رجل على رجل تتسول على احوالها مهدنة و مثقلة باين فيها مريضة ملي تتعيا و تمرض تتهد....
صفاء ( بايتسامة تتشوف فحلت ) و نتينا الحبيبة كيف عاملة لباس ...واش مريضة ؟ صوتك بانلي ماشي هو هذاك...
حلا ( دارت يديها تحت نيفها تتعطس ) : الرواح دار فيا حالة......
عيشة عوحاات فمها و بعدات من قدام حلا بحركة باينة.....!! كلشي طلعها و سكت....!
بقاو ديك اليلة هدرة من هنا و لهيه و حميدة جايبة المراة لي تبقى تحط العشاء و تجمع....!!و فجمع الرجال كذلك... تما الجو سخون بالهدرة و الضحك الرجال دغيا تفاهمو و هدرو فشلا مواضيييع ! عكس النساء ماكاين غي عطيني نعطيك حضيني نحضيك....!!
عبد الله ناض خارج علم حميدة وهي فهمات اش عليها و اش خصها دير...!!
غمزات لحلا تنوض و ناضت من وسطهم تترمش قالبة كمارتها مافيها كانة و ماعندها جهد تلاقا بيه...!!
حمبدة ( بتوصية )تعقل ابنتي شوية ..بلا مانوصيك...
حلا ( تبسيمة صفراء ) وخا ...
دخلات للصالة فين جالس عبد الصمد مع عبد الله...! رمات السلام و جلسات حدا عبد الله تتشوف فعبد الصمد بنص عين....
_ السلام عليكم...
عبد الصمد ( صوتو حرش و ثقيل ) و عليكم السلام.....
عبد لله ( شبك يديه بجدية )الكلام مايتعاود كثر مرة الا فهاد الحالة نعاودوه و نطولو البال و نشوفو اش اخيرة هادشي اسي عبد الصمد...
عبد الصمد ( بابتسامة مسرارة ) ماقلتي عيب اسي عبد الله......
حلا جالسة حداه سلطانة تتسمع و تشوف...! القصة تتحاك مع ذقنها وجهها واخد شكل الخوخة...السالف على كتفها طايح واالتزنكية فالوجه باينة ....و عينبها ماشي اي واحد يقراهم...غا الطاير القافز يقلع من عينبها انها واحدة زهوانية و عينيها تيتلونو ملي تتشوف شي حاجة عاجباها...عشاقة الزين ! و النية ماتعطيهاش حتى لمها....!! حد ماهاز اسرارها عليها ماخايفة من حد يفضحها و تتقول لي بغات بلا ماتقرص...!!
من غير سي عبد الصمد لي طاح في طريقها و ماكانت حاسبة ليه حساب...! عيات تقلب الطريق منو و ماكان الحل معاه...! بحال قشور البنات نزل في طريقها زهقات فيه و طاحت مالقات كي تنوض ...تجي تنوض تيعاود يطيحها....!!
دير حيط بينو و بينها ...ولايني مع من حات يخلي الحيط و ينقز ليها من السرجم...!!
تشد السرجم و تحجب من تحت عينيه...يدخل ليها بالشرع و يحيد الحجاب وهي تتشوف...!!
كيف داير دابا...!! بجلسة الوزراء...! تقول السيد فدارو ..! عينيه ضاحكين ...و داك الحاجب ماكرهات تكرط ليه النص حتى يولي بحال الاخر ....! اما واحد الضحكة لي ماعرفاتها ضحكة ولا غي تيجيب ليها ...ماكرهات تجيب ممسحة و تمحيها من على وجهو....!! اما دبك الساعة فيديه فهاذيك !! الحق يتقال...ماكرهاتها تكون عندها و فلوسها محطوطين فحسابها على الله تعوض غا الفلوس لي خرجو منو ..!!
عبد الله حط عينيه على بنتو ..
_ الزواج قبول و قبول...و راه مسؤولية ماشي لعب ...! نتا فسن الزواج و بنتي كنشوفها انا جاهزة دير دارها وليدااتها و دابا عاد نقدر نزوجها و انا مرتاح عليها حيت بعقلها ....هذا رأيي أنا...نسمعو هي شنو تقول !!و لي قالتو مانزيد عليه حرف....
عبد الصمد : معلوم كلشي بالقبول اعمي...
حلا ( عايشة الدور دايرة فيها حشمانة ) : انا قلت قبل ابابا واحد مكنعرف عليه والو مانقدر نعطي جوابي و نقول انا و زهري..يقدر يطيح مزيان و يقدر نوحل مع العيان......
عبد الصمد ( هز حاجبو ) جاتك ! هذا هو المطلوب شنو بغيتي تعرفي....
فتح عبد الله تيستناها شنو تقول و عبد الصمد داير فيها واحد الشوفة مترقبة عارفها ماتتخرج الخير من فمها و متوقع منها كلشي ....!!
حلا ( تتشوف فيه بنص عين ) : مابغيت نعرف اصلك ولا فصلك .....باغية نعرف مصدر الخير لي عندك واش حلال !!! و بغيت البرهان...
عبد الله ابتسم بزز منو تيفتح شوية زر قميجتو...طلقات ليهم السخون و زاد الحر عندهم فالصالة...!
عبد الصمد ( تبت فيها الشوفة و بتمهل رد ) : خيري حلال ابنت الخير ...و البرهان بجيك حتى لبين يديك ....
عبد الله ( تيزيد معاه ) : ان شاء الله.....قلتي من ورث جدودك لا بقيت عاقل ..
عبد الصمد ( ببرود ) : سي الواليد الله يرحمو بدا و حنا كملنا....
حلا ( هزات حجبانها ) الله يرحمو ... اوا الخير باين غي عليك خوتك لا !!
عبد الصمد ( رد مباشرة ) : اللهم بارك.....
حلا ( ابتسمت ابتسامة غير صافية ) حتى لين قريتي !
عبد الصمد ( ماعطاهاش عطاها جوابها ) :...ليسانس بروفيسيونال على برا ...
التبسيمة تمحات من من على وجه حلا دقة وحدة...ولات غا تتدور فعينيها ورموشها تيشطحو بلا ماتحس ...
_ اه مزيان و انا عندي ماستر فالفينونس ...
قالتها و هزات كاس العصير تتشرب منو و تفرفر بدوك الرموش قالبة كمارتها من على باها ديك اللحضة......
عبد الله مد يديه تيكب الماء يشرب حتى هو و برد على قلبو ...خلا كذبة نتو هكاك صدماتو و ماعرف مايزيد...ماشي معقول يكذبها و ماشي نعقول على كيرتو يزيد معاها ...!! تيجمع ليها و ساكت...!
عبد الله عقليتو غير على رضا ..! رضا رفض يخلي حلا و عبد الصمد يهدرو بوحدهم...!! و جلس تيعمر راس عبد الله ..و مع عبد الله مرة تحسبه هبيل و مرة حنين و مرة قبييح ...
جوج من ولادو لي تيحركوه كي بغاو ...رضا و حلا...!!كل مرة مع من تيكون... تلقاه مع رضا و قالب على خلا ! علاش ! حيت رضا تيعمر ليه راسو على حلا ...تيقوليه اد نزوحوها ..هاد القلبة لي كدير على العرسان مايبيغها حد...و بنتك كطير ..و بنتك كتفعل و تصنع... !
و مرة اخرى تيولي مع حلا...!! تيكون عمر معاها شي سيمانة لاصقة فيه مع هي ماتتسكتش ..طالقة الحلاوة بالزايد و لسانها غا كيفرطط والو واش تسكت تيشوفها باغية تخدم و ذكية و نشيطة تينعل الشيطان و يرمي كلام رضا.....!
الجلسة كانت حارة و حامية...!! الاقدار و الصدف جمعاتهم...!! عبد الصمد شلا طرق عندو يجيبها حتى لدارو شاد عليها ضوسيها كلو ...!! و عارف عقلية باها كي كيفكر و خاها كذلك...! يدير ليها غا سي قلبة بالتليفوناا ديالها لي عندو و تصاورها غير هاذوك ليمسح من تليفونو ..! و بلا ميساجاتها وهي تتخطط للزواج الابيض باش تهاجر لاسبانيا ...! هاذ الملف عندو ميك عليه و مادار فيه راسو....! باغيها بالخاطر كي قال و عاود......و حيد شعل الذغل و التخطيط...! كان عوال يلعب معاها و يدوز شوية وقت .نهار شافها قدام للمقبرة بزينها الباين و عينيها لي غي تتقلب غيهم...! زينها عجبو غا دوات خلات نقطة كحلة فقلبو مابقات عجباتو وخا زوينة ...!
و زاد لاقاتهم الطريق و عجبو لعب معاها صدقات رامياه من الجبل و فالتة ...كانت تتبان ليه فشكل و ملي عرفها ولات تتبان ليه شكل اخر....! كانت تتبان ساهلة و كل الطريق تتوصل ليها...! لكن طلعات العكس و لسانها حار تيشوي....!! المعقول معاها عشش ليه فراسو بلا مايحس....!!
عبد الصمد ( مبسم ) : نعمة التربية اسي عبد الله....
عبد الله : بارك الله فيك اولدي ( شاف فحلا ) سولتي لي بغيتي ولا مزال شي حاجة ابنتي !هذا الزواج ماشي لعب ...
حلا مزال مصدومة فيه ماحسابش ليها قاري اصلا ولات غا تتدور فعينيها و تهز فحاجبها...
_ انا ماعندي عيب معاك .و ماعندي مانزيد غي هو كنحس بخالتي عبشة الله يطول فعمرها ماباغيانيش...انا انسانة عندي عقل و كنشوف مزيان الحمد لله و كنعرف الواحد لي راضي عليك و العكس و التجارة علماتني شوفات بنادم كيف مابغى يكون....و انا ماباغية مشاكل و شعيل العوافي...حيت راه جوح عائلات كيتنسابو ماشي غي انا و نتا....!
عبد الله ( بتمهل ) : و ديك كنحس ...مامقبولاش ابنتي اذا جيتي نتيا تحسي و انا نحس كاملين نوليو محسوسين..
عبد الصمد ( تدخل ناطق بهداوة ) من حقها اسي عبد الله ...تقول وتسول لي بغات ماعنديش مشكل.....
ناضت حلا من وسطهم ! خارجة لحميدة تتقوليها لي قالو ...! وصلات ليها الكلام و رجعات جلسات قدام عبد الله رجل على رجل تتشوف فعبد الصمد بنص عين...مزال تتطلع و تهبط فيه مشلوطة ....
دخلات حميدة للصالة تتبسم و تطلق حلاوة لسانها حتى هي...
_ لالة عيشة زيدي كولي شوية ماكليتي والو ...
عيشة ( عجبها داكشي متول و تيحمق و مابغات تنطق كلمة حلوة ) همم الله يكثر الخير....
حميدة : اللهم امين بالصحة و الراحة...تكلمي بغاوك ...
ناضت عيشة من المحمع هازة الجلايل و الذهوبات دايرين ضجة ...! الفولار حرير تيزهق ليها و تبان القصة...! دخلاتها عيشة للصالة و دخلات تتشوف فيهم و تهز فحواجبها الخاوين من الزغب ...
_ السلام عليكم....!!
حلا : و عليكم السلام اخالتي ....ريحي حدايا هنا...تشربي البارد ولا السخون ؟!!
عيشة ( تتشوف فعبد الصمد بنص عين بالنفخة ) لا مابغيتشاي الله يكثر الخير ....
عبد الله : بصحتك الالة عيشة....
عبد الصمد ( تيحك لحيتو و يدير فمو شوفات ماعارفاهم غي هي )
_ بنت سي عبد الله باغية تسمع رضاك عليها من فمك الالة يمة....
عيشة جمعات يد فوق يد مكمشة حواجبها تتشوف فالصمدي والصمدي تيشوف فيها و حلا دايرة شبه ابتسامة تتدور عبنبها بيناتهم....
_ ماديريهاش مني قلة الصواب اخالتي...ربي شاهد انا غي تنشوفك كنفرح ولكن انا مانفكر فهادشي و نعطي جوابي حتى نسمعك منك نتينا باغاني لولدك .....
عبد الصمد فك زر قميصو تيحك فحاجبو الكثيف ...قلبات عيشة عينيها لعبد الله جيبوب نيفها مفتوحين وواسعين مجاوبة فوق قلبها ...
_ البنت راضي عليها عبد الصمد راضية عليها حتا أنا...و ماجيت لهنا حتى كنت عاجبني الحال اسي عبد الله.....
قالت كلامها ..و جمعات فمها...! مخلية حلا تتقلب فعينيها بحال الا نزلات صخرة فوق راسها ... واحد الضحكة رسماتها و ماعارفت كي دارت ليها...و بزز منها ردات بلا ماتشوف فكمارة حد ....
_ الله يطول فعمرك اخالتي....
عبد الله : و هذا هو المعقول...
عبد الصمد ( وسع ابتسامتو و دخل فالكلام بجدية ) : عندك شي حاجة باغية تعرفيها ...ماعندي مشكل تخدمي ولا تقراي ! حياتك المهنية ماعندي تدخل فيها....المهم عندي المعقول...و جوابكم اسي عبد لله بغيتو على الخاطر و طولة البال ....
حلا ماكايناش هنا مزال مابغات تبلع ليها فقصة عيشة فشلاتها...محلفة عليها بصح و ماتبرد حتى تندمها ...! نهار حتاجت كلامها سرطاتو...!!! هو تيهدرو وهي تتقلب فعينيها و تسوط ...!!
حتى دوا عبد الله : جوابنا تسمعو غدا بعد صلاة الجمعة ان شاء الله....الله يطول العشرة ان شاء الله....
عبد الصمد ( عينيه فحلا ) : بارك الله فيك اعمي...ان شاء الله...
ناضو واقفين بعد ماتشاركو الطعام و الكلام...!! حلا ماسلمات على حد و ماشافت فحد فيهم...! خلاتهم هكاك و دخلات جلسات فبيتها متكية على مخدتها تتلوي فشعرها و ساهية...!!
مشاو الضياف و دخلو عندها البنات و حميدة...!!
خلود : شنو قلتو !
حميدة : و ستنا منها تقولك...نمشي نشوف عبد الله....
خرجات حميدة تتلوي فطرافها و جلسات نسيم و خلود محاصرين حلا بالشوفات و الاسئلة...
حلا عينيها فنقطة واحدة : مابغاوشي يخليوني عليهم فالتيقار....بغاوني نشعل النار و نفيق شيطاني من النعاس...حتى قلنا كبرنا و تعقلنا...ديك الجلبانة الاوية قلبات عليا ....
نسيم ( ابتسمت ) خلينا من تخربقيها...قلنا كيف جاك عبد الصمد....شفتو عن قرب زوين و طويل كنتي تتقولي عليه برج ايفيل قلت علم الله هذا مسكين فيه شي جوج مترو ...ساعة السيد طولتو زوينة مافيها مايتعاب....
حلا ( تتلعب في طراف شعرها تتدوي ساهية و لسانها ثقيل ) : زوين و انا مكنشوفش زوين...قاري و انا كنشوفو جاهل...عندو الفلوس تيبان لي مزلوط...نتو تيبان ليكم معقول و انا كنشوفو ثعلب ...الديفو فيا و لا فيه ربي العالم....
صباح الجمعة ..!! فاقت حلا مع حميدة فايقة بكري تتوجد معاها الفطور ساكتة و ضاربة الطم ...
حميدة : و خصك ترجع على السيد ...شنو قلتي !
حلا ( تتحاوب بهدرة وحدة ) حتى يفيق بابا.....
حميدة : و ماحشمتيش كاذبة على السيد فاين عندك هاد الماستر....
حلا : اوا احميدة العدول نهار العقد تيسولك وقيلة على لاكاغط ماشي على كارطونة الماستر ....
فاق عبد الله و تعاونات حلا مع حميدة تتحط معاها الغطور...! جايبة صنية اتاي محزمة و لالة و مالي ملي تتشقا تتبان غا مراة ديال الدار....!!
_ صباح الخير...
عبد الله : صباح النور....اوا باش نرجعو على السيد فكرتي !
حلا ( جلسات حداه تتكب ليه أتاي تتعلي يديها حتى للفوق و تكب بشطارة ) و هاذ الهدرة خليها بعد الفطور هاد أتاي مشحر كيف كتبغي....
داكشي لي كان سلاو فطورهم و تجمعات الطبلة و تفرغو لحلا....!!
عبد الله (بجدية ) من عندي الولد عاجبني و رتاحيتلو الراجل كيحط جبهتو للارض و فين ماتجيه تيمشي للجامع ...حافظ ستين حزب و قاري و ماعندو مشكل تخدمي و لي بغات خاطرك يجيبها ليك ... و دابا بغينا جوابك نتي...!
حلا طال سكاتها لفترة عاد علات عينيها تتشوف فحميدة و تشوف فعبد الله....هزات حاجبها و برقو عينيها ناطقة....
_ انا قابلة.....
حميدة ( ماتيقات ودنيها شنو سمعات ) قابلة شنو ! بلا روينة ديالك ابنتي و هدر نيشان هذا الزواج ماشي اللعب ...
عبد الله ( غوبش فحميدة ) خلي العايلة و نتي هجمتي عليها هجمة وحدة......
حميدة :؛ يانا غي هدرت مكتعرفشي بنتك و فهايمها كيف عاملين...تقولك قابلة تتا تفهم على الزواج هي تقولك انا ماقلتشي قابلة على الزواج نتونا فهمتو هكا....
حلا ( قارمة تتدور فعينيها بيناتهم )
عبد الله ( بجدية و فرحة باينة فعينو ) و دابا الله يرضي قولنا اخر كلام عندك...قابلة على السيد ! نرد عليه بعد الصلاة.....صافي فكرتي مزياان قنعتي بيه.....
حلا ( تتشوف بنص عين ) : فكرت ابابا و قلت نتوكل على الله و نسمع لكلامك نتا و ماما هاد المرة حتى هي و لي بغيتو نتوما هي لي غندير ....
عبد الله ( عقد حاجبو ) اوا بغينا رضاك نتينا ابنتي ماشي تعلقلنا الهدرة ففمنا و تقولنا نتو ليبغيتو و زوجتوني....
حميدة : و صافي اعبد الله مالك تتخير فيهل...قالت قابلة الصلاة على النبي علم الراجل ...!!
و داكشي لي كان !! انتشر الخبر و دار بووم فالعائلة !! و حد ماتصدم اصلا حيت معروفين على حلا الخطاب عليها كثارو بزاف تتزيد تكبر و عين الرجل تتزيد تعشقها ماشي العكس...؛ وخا توصل لخمسة و ثلاثين و مزال بلا زواج عندها هانية حيت هي تتشوف راسها مزال صغيرة و زوينة و واثفة من راسها ديك الثقة تتبان على وجهها و الاخر تيشوفها كيف ماتتشوف راسها هي...!!
هذا نقلها لهذا و هذا وصلها للاخر...شي تيضحك شي تيقول " صافي دابا نسمعو مو دارت كسيدة ولا هو نيت وقعلتو شي خاجة حلا منحوسة ..."
تتضحك الاخرى و تخرج الحلو من فمها مدوزين بيها كويس،اتاي...
" ولا يتقلب عليها هو نيت ..راه هكاك دايرة سبحان اللله تيبقى الواحد محمق عليها نهار تبغي تعطيه فرصة تيكون باغيي تسطى بالفرحة غي تيدخلو للمعقول و تيوصل وقت الصح تيقلبو عليها قلبة وحدة...."
عبد الله ماوصل موافقة حلا للصمدي حتى كانو خارجين من الجامع....!! ماكانش داير فبالو اصلا توافق عليه .....!!تفارق معاه و ركب الرونج ديالو لابس البلدي و تحسينة عادية ماعزيزش عليها يكبر شعرو ...بشرتو سمراء و حروفو حرشين و كحليين لحية كثييقة مصففة بعناية و سنان تيبانو بيضين من بعيييد ...! تليفونو ماسكتش من الصوني. ..الظاهر وصل الخبار لعيشة قبل منو هو...!! شاف فتليفونو شحال و حطو بلا مايقطع على مو ...وخا دير لي دارت و طباعها الصعيبة تتبقى مو و عزيزة عليه ...!
تكى براسو مخرج يديه من السرجم تيكمي و عقلو خدام مع حلا !! ماتايقش بموافقتها و بلانها مايدوزش عليها غي هكاك.....فمدة قصيرة عرفها و عرفاتو هو كي داير...تتحس بيه ماكر و نيتو ماشي صافية نيشان معاها و نفس الشيء معاها...طلعها و ميزها...اذا قالت اه يعني لا و اذا لا يعني اه المهم لي فبالها ماتحطوش. وخا تحلف ليك على الكذوب..كذااابة و عليها عشرين سطر....عائلتها قربو يطبعوها ليها فالسنطيحة.....!!
خلود ( وججها صفراء ولات ضعيفة و عينيها غراقو بالوحم ) : صافي قنعتي ؛ ولا عاجبك كيف طرا وجرا ليك....
حلا مربعة فوق ناموسية خلود تتصبغ في ظفرانها مخرجة لسانها شادة التركيز مع شغلها و خلود مبرزطاها....
_ شش واحد الدقيقة نكمل غي هاد الصبع ...
نسيم ( بهدوء ) : و فهمنا احلا ! البارح تحلفي مابغيتيهش و اليوم قابلة بيه....
حلا ( تتسوط القصة من على وجهها برزطاتها يموتو و ماتعطيهمش ليفراسها تتزوق فالكذوب و تصرد ليهم...)
_ سي نعست و فقت حسيت براسي كنبغيه قلبي كيضرب ملي كنشوفو...هيداك مزويين كيحمق ....و حتى يماه عزيزة عليا...ياختي خفت نبقى بايرة و مانجبرشي بحالو و بحال عاىلتو الكريمة ....
خلود (شيرات عليها المخدة حتى قلبات ليها الصباغة ) بلا طنز الحمارة....
حلا ( تعصبات ) تفو على هجيج ...
خلود خصها غي مع من جات تنوض ليها وقفاتها نسبم تتهدن السوق...
_ و اخلود عاملة عقلك فيها...صافي بردو بردو....
حلا ( تتنفخ على ظفرانها )انا مبردة و لي.سخونة تشد باب بيتها مع راجلها ماتجيش تشعل فيا.....
سمعاتها حميدة من برا طلات عليهم معلية حاحبها ...
_ يانا ماكرهت كون شويت ليك داك الفم ملي كنتي صغيرة كون راك مربية ....بداك اللسان لي عندك محال تكمل حتى عام الزواج مع السيد....
حلا ولفات كلام مها تيدخل من اذن و يرجع من الاخرى ..قلبات شعرها لحنب و عرات فخاضها تتعوج و طنز عليهم...
_ عام و بزاف احميدة ماكرهت كل عام مع راجل فشكل ...حتى نوصل لاربعين سنة عاد نختار واحد و نبقى معاه .....
ضحكو بزز منهم...حتى من حميدة لي فقصاتها و ضحكاتها عيات تحبسها ولايني ماقدات عليها....تنهدات تتدعي ..
_ الله يهديك هادشي لي غنقول....زهوانية كي خالتك يالطيف فوطوكوبي ديالها....
حلا : خالتي هي لي عايشة الحياة.....ضاربة ثلاثة تزويجات و كل راجل ياراجل.....
فدار عيشة !!
لسانها ماسكتش...!! تتحلف و تعاود على الصمدي الجالس تيشوف فيها مبرد تقول تتعرض ليه تما الشعر ماشي تتحلف فيه.....
_ مانحملا مانقبلا ...رجال مزوجين بالنساء و نتينا خاطب جنية ....مانقبل بيها عروسة ديالي ...ماسمعتيشي كلامي و عملتي لي فراسك و ضبر راسك و قول عيشة قالت...قول يمة قالت غنندم....والله ياعبد الصمد حتى تندم....و ها عيشة خلفات.....يالمسخوط......
عبد الصمد ( طول يديه لحناكها تيتلمسهم بالثقالة داير شلع ابتسامة ) حاولي علينا اعيشة ....لسانك فالت على السخط ....
ضرباتو ليديه معصبة : بعد مني....ضبر لراسك ماعندي معاك هدرة دابا صافي عمل ليفراسك.....
دوز معاها ديك العشية تيراضي فيها ...وخا تقول ليه ليقالت...تيسكت و يبرد ليها و حتى هي ماتخرج المنكر زايد قدامو ...تيجيها صعيب على ولادها الاخرين...عارفاه اذا قلبات عليه شي قلبة يغبر كمارتو علبها شي عام..يخليها تتقلى ...! عليها ماعارضات كلامو نهار سولها قدام عبد الله و حلا....ماتقدر ترجع كلامو ...!!
خداها بعد داك النهار لمراكش...!! عطاها وقتو كامل....مسايرها نزلات فافخم الاوطيل شاري ليها ايفون بدل الاخر ليكان عندها تتصور و تنزل فستوريات على الواتساب .....!! وهو تيوريها كي دير و تيعلمها حتى تتنسى انها غضبانة منو...! خداها لحامع الفناء و رياض صاحبو الݣاوري تعرفات على عائلتو و عجبها الحال تما و لي نعتات عليها ديالها ......خمس ايام كاملة دوزاتها فمراكش...!! و ماسخات ترجع...!
جات لتطوان عيانة من الطريق الطويلة....!! فرقات اش شرات لعريساتها معفرة و منفخة...هي ضروري ماتشري ليهم و لكن ماتعطيهم حتى تندمهم وتعصبهم مزيان ....!!
جات عندها ختها حتى هي تتسول على الاخبار واش صحيحة...
_ و عيشة طلق اختي حواجبك...الرجال هوما هاذو كاملين غيتزوجو ...وخا تشوفهم محمقين على المراة فالاول د الزواج كيف المسحورين يضرب معاها غي عام كيملو ..هذاك غا الشوق و اللهفة ....ولادك حتى وحدة ماتقلب ليهم راسهم عليك هني بالك و بيض قلبك على ديك العايلة......
عيشة ( عينيها تجبدو ): توريني فالرجال ؟ المرحوم فيها عشرة كل مرة في حال دوز عليا الدݣاكة....رجال كيبقاو رجال و ديك المونيكة انا ليشفتا كيف عاملة فالدار....ينعس معاها غي ليلة ينسى طريق الدار ...( حكات سنانها مع بعضهم ) عندا شامة بين بزول و لحما بيض من الحليب عشق الرجال فيها كنت بغيتالو فالاول اما دابا كحل قلبي عليها....جنية ماشي عايلة....
تجهيزات الخطبة بدات ! حميدة عيات تحلف و تعاود ولايني لي فيها مايهنيها...ماتترضاش تبان اقل من المعتاد ...!! صرفاات و خوات جيب عبد الله و حلا غا تتشوف الفلوس تتمشي تيحرقها قلبها....!!
حميدة ( تتوصي المساعدة لي جابتها تعاونها مخشعة و محزمة مامعاها لعب فهاد الوقيتة)
_ نو اختي انا بغيت هاذيك طيابها مشاء الله عليه ..شوف كيفاش تهدر معاها....
حميدة ( قندشات ) والسبوع عندا بعد يوماين...يوماين ماتقداشي ترتاح فيها...بغات الزيادة نزيدها ويلي علاش فين عمرني قصرت معاها...تقلبتت علينا دابا.....تسبق بنت بلادها على البراني....
حلا ( سمعات تزيدها فالخلاص تهز حاجبها ) : و ماما شايطين عليك فلوسك ولا...انا غنهدر مع وحدة واعرة عندي انستا ديالها كلشي كيشكر فبها .....
خميدة ( بعناد ) لاااا مابغيتش هاذوك..بغيت سامية هي لي مولفة نتعامل معاها من زمان ماحاتشي دابا تقلب علينا....
حلا ( جرات مها للحنب تتدوي معاها بين سنانها ) و ماما والله لا عطيتي شي ريال زايد فلوس بايا تتفرقيهم عليهم كي بغيتي مالها مابغاتش تنشي تنقز......
فين هي حميدة ! ماتسوقاش ليها...!! دارت لي فراسها وحلا وسطهم تتسوط معصبة...بقاو فيها دوك الفلوس و المصاريف ....!! حتى بنات خالاتها و خوتها دارو ليها اميرة ...!! كلشي من حساب خلود ..فلوس خلود مايبقاوش فيها تتستغل الفرصة و تتختار الغالي و الحاجة لي نهار تقكر تبيعها تجيب ليها الفلوس....!! دازت سيمانة فالتحهيزات...حتى ليلة الخطبة و كتاب تكون ليلة الخميس....!!
جالسة فبيتها و الميكاب ارتيست تتوضع ليها اخر لمسة ....!! خلود تتصورها و البنات تيطلعوها عليها...
_ اوا سبحان الله حتى ليلة الخميس تيقولو لبلة مباركة.....
بنت خالتها : نهار الاول كان الخميس و الخطبة الخميس و العرس ان شاء اااه يكون الخميس ...( بابتسامة ماكرة كملات ) و الدخلة ليلة الخميس....
الخالة( تتضحك ): حتى يتزاد و سميواه ...شوف شوف واش تشد فهذا حتى هو ...
خلود : لا اخالتي تيبانلي هذا مامعاه لعب و ماشي سويهيل بحال لي دازو...هذا نهار قالت قابلة صافي تحسب راسها طاحت و تشد القفل .....
الخالة : انا عمرني شفتو ...وخا دايما هنا ...
خلود : حيت وقيلة ماتيكونش هنا بزاف...عندو رياض ديالو فالشاون و شي مرات تيمشي لاسبانيا عندو شغلو تما.....
سمعات وئام الهدرة و مشات تنفد..! ليلة زاهية دايزة و فيها الحر و الصهد وخا البرد دخل...!! حلا تعرقات خلود تتمسح ليها جبهتها بشوية على قبل الميكاب ...و حميدة مفتونة برا مع خواتاتها و المساعدة ...!! الدار تتشعل بمعنى الكلمة ..الاثاث غالب عليهم الذهبي و الاخضر ملكي...داكشي هماااوي فخم و ثقييل تيبين على تاويل و ذوق حميدة الرفيع....!!
حتى سمعو الزغارين و الدقة المراكشية بالغيطة ...عاد خرجو البنات تيشوفو العريس تيطلو عليه من الدروج ...!! و الطيافر عامرين بالهدايا .....
أما حلا دايرة رحل على رحل تتطلع فانستاغرام تتحاوب على الكليان ديالها...! شادها غا الصهد لا خلعة لا والو...ولفات ماشي اول مرة تخطب....!!
حلا ( عاقدة حجبانها ) مالك تتطيري اصحبتي ...ملهوفة على الزواج لهاد الدرجة....
وئام : باز لدمك اختي بلاصتك نموت و نعرف اش حاب و نبقى نحمق جدو دابا و ساعة شنو غتجيب شنو جايب و نختار انا ...و كثار اذا بحال سي عبد الصمد حتى نضرب بدي يخط رزقو كلو...
دخل عبد الصمد بالهبة لي عطاه الله...! مالابس لا جلابة لا كوستيم....سروال ثوب أسود فاخر و شوميز بيضة ملي تيلبس الشوميز تيبان عريض و تيجيو معاه...على قولة حلا تيبان لابس الحوايج ماشي الحوايج لي لابسينو...!!
الروافا قليل فين تيديرو التخلاط.....النساء في جهة و الرجال في جهة...!
فمجلس الرحال جلس عبد الصمد معاه عمو و سليمان و خوه سعيد ...!! عبد الله فرحاان بعريس بنتو....!!
اما مجلس النساء....المكلفين تيحطو الهدايا و يصاوبو. داكشي كما يجب.....دايرين بلاصة محهزة خصيصا للهدايا و الطيافر....طبلة كلاسكية طويييلة مذهبة و بالزاج عليها الورد و ديكورات فخمة غير على المعتلد حميدة ماديرش شي حاجة داروها قبل منها... ...و جوج كراسا ملكيين مذهبيين وسطهم طبلة صغيرة محطوط فيها الورد.....!!
عيشة ضاربة الرفيع حتى هي تتمشى كي البطريق الذهب ليتكساب كلو مثقلة بيه يدييها...تترمي العين من التحت التحت حمقها الفراش ومابغات تبين....!! حتى عريساتها معاها تيحمقو مهلين فراسهم بالشعورات و الزين الجبلي تيقطر ...!!
سكينة ( تتعوج فمها ) ماشفتيش نتي داكشي لي جاب شحال تيحمق حتى هو ...
صفاء : غا سكتي سكتي انا مزال مصدومة....
خلود دازت تتسلم على عاىلة الصمدي و ترحب طالقة السوالف و العوينات يهبلو ...ضربات عبنبها لناحية الهدايا لي المكلفين تيعريوهم و يحطوها مقابلين مع الكاميرا ليتتلقط اللحضات .. غي بشوية و بلا ماتعيق رمات العين و غي قشعات سوارت الطنوبيل واضح وضوح النهار تفتحو عينييها على وسعهم ....!
مابان ليها لا ذهب لا صاك ولاسندالة لي ساوين اربعة مليون الفوق و بلا ثلاثة التليفونات بالحساب محطوطين تما....حتى حد ماسول عليهم ولا قال علاش جايب ليها ثلاثة تليفونات تيشوفو غا سوارت كاطكاط .......
جمعات عينيها غا بزز ...لقات كلشي قالب عينيه لديك الجهة مصدومين...!! حميدة ولا غا تترمش و ترسم ضحكة للضياف و عقلها مع داكشي ..
الخالة : الله بارك و زيد و هاذي هدية تحمر الوجه ....
حميدة ( تتدوي بالزربة ): يلاه ابنتي طلق راسك الله يرضى عليك...مشي نتينا و نسيم خرجو حلا و ردو معاها البال ..قولا تخرج وهي تتقرا الفلق على راسها ...عندها طيح لينا هنا راها ملي تيكثرو عليها العين تتسخف.....
دخلو نسبم و خلود على حلا...!! تتشوف فيهم مبردة جات تتحمق التاج على راسها و الشعر مموج مجنب و محطوط على كتفها ...تكشيطة ملكية فالابيض و الذهبي ..!!! صدر مهزوز و مؤخرة عريضة ناضجة و مليحة الملامح ...!!
خلود ( حبسات الضحكة ) : حتى تخرجي و تشوفي بعينيك ..عطاتك الايام ابنتي...زيد زيد قدامي نزير ليك السمطة....
حلا ( تتدور فعينيها ) : شكون جا معاه ؟
خلود : مو و عريسات خوه و خوه و ولد عمو وواحد عمو و شي النساء ماعرفتهمش ماجاوشي بزاف بيهم...حتى هو ماجا لابس لا البلدي و لا كوستيم....ضارب ليك واحد الشوميز بغات طرطق عليه و السروال وااعر عرفتي نفسو لي قلت ليك انسيم كيعحبوني على الرجال كيجيهم وااعر ....
حلا ( تتدور فعينيها ) بغيتو تقولو قولو مابغيتوش بلا زيادة فالهدرة غنخرح و غنشوف....
خرجات سابقاهم ..و خالتها و نسيم وراها تيصليو على النبي...سمعو العروسة خارجة طلقوها للزغاريت ...!!
تهزات العين فيها ملي دخلات للصالة العريضة تقول قاعة افراح ماشي دار عادية....!! عيشة شافتها ماحيداتش عينينيها متها كلاتها بااشوفات المسمومة و الغيرة تتحكها...مراة عم الصمدي تتشوف فيها بحسرة كانت غتكون مراة ولدها سليمان...و دابا ولات خطيبة عبد الصمد...!
بداو النساء تيشكرو فيها و يصليو على النبي...
_ مشاء الله تبارك الله الله يحجبها العروسة كتحمق اعيشة.....
عيشة ( تتهمهم و تهز فراسها )
ضحكات معاهم حلا و فرنسات ليهم.....رمات العين بالزربة للهدايا ماقشعات غا الذهب المهم شافت داكشي كثيير خلاو رموشها كيفرفرو ....
دغيا حيداتهم بلا ماتعيق و ضرباتها ليهم بالسلام من الطرف للطرف ...ماشي من العرايس ليتقول اه حقا الميكاب غيمشي و التاج غيطيح...تتضحك و ترحب بيهم و تدخل معاك فالهدرة و واالمهاودة و توخر بجملتها المعتادة " و دوز عندي للمحل شحال ماطليتي "
تسالمات مع عيشة و جلسات حداها تتضحك و تصاوب ليها فولارها على كتافها و تجبد معاها الكلام...مخلية حميدة غا تتبلع فريقها و تغمزها تتثقل و تحمع لسانها...
_ خالتي عيشة مرتاحة ! جاك فن هاد الوردي لي لابسة تيحمق....هاذ الذهب الجديد منين خديتيه ماشي من عندي...! بدلتيني اخالتي عيشة ....
عيشة ( بنظرة صارمة ) شراهملي عبد الصمد من مراكش ...
علمو النساء بلي العريس غيدخل كلها لبسات فولارها ناضت حلا تجلس فالكرسي الملكي ديالها دايرة رجل على رجل و جلايل التكشيطة طايحين فالارض نوع من الفخامة و الجمال ....
عينيها والو حالفين حتى يدوزو على الهدايا...و هاد المرة دارت نظرة شاملة مسرعة حتى تكوانسات ملي شافت سوارت الاوطو ...تهز حاجبها للسماء و رموشها تيشطحو خلاتها عيشة بحال مونيكة العاشور ملي تتخسر تيبقاو فيها غا دوك الرموش تيتهازو...عيات ثبت راسها و تنعل الشيطان ووالو...!!
تتطول فعنقها و تحك حاجبها بلا ماتعيق ..تعرقات و صهدات و حلقها نشف...!! شافتها خالتها جوهرة قربات منها تتمسح ليها جبهتها..عند بالها مخلوعة...
_ ماتخلعشي المرضية ...ربي الخلعة مع من جات ههه قرا المعوذتين و سورة الفلق ماتخافي مادهشي......
حلا : فيا العطش اخالتي....جبلي نشرب....
جابت ليها الخالة تشرب ...شربات و بردات على راسها تتمسح شفايفها بالمنديل و تدور فعينبها ماحات تبلع الصدمة...دخل العريس بهيبتو...!!
حميدة تفافات و تزنكات واحد الحشمة تتشدها من رجال بناتها ماحشماتهاش حتى من راجلها فليلتها....!!
غمزات حلا بنظرة صارمة توقف كيف وقفو بعض النساء تيصليو على النبي و العيون تتعبر الصمدي بفضول و لهفة يشوفوه كي داير ! و صحاب ايفونات تيصورو دخول العريس و الهدايا لي جايب ليها...!!
وقفات حلا بزز منها رامية شعرها ورى ظهرها تتبسم للمصورة...قرب عبد الصمد لحميدة باس ليها راسها حتى تلونات بالحمر نيشان و طبطبات على يديه برضى...
عبد الصمد كمل طريقو عند حلا تيعمر عينيه بزينها...!! شافت فبه من تحت رموشها غالبة عليها الصدمة...! بادلها بواحد التبسيمة مجنبة ...! باس ليها راسها حتى شوكاتها لحيتو و فيقاتها من الݣلبة....!!
عيشة واحد الحاجب تعلى مابغى يهبط ليها...مزال ماتبلعات ليها الطنوبيل لي جايب..و بقات يوماين سخفانة مريضة...!
و دابا تتشوف عين ولدها ماتحيدوش من على حلا ! و زاد ملي باس ليها راسها تقول شافت راجلها تيبوس راس ضرتها...ماشي عروس ولدها...و كيف كيف عندها...! عبد الصمد هو المقرب و العزيز عليها و ماتحمل تشوف حتى بنت المراة مشاركاها فيه....لذلك توعدات لحلا و محلفة فيها مزيان...قربات من ولدها و شدات فيه مابغى تبعد ولا تفك ...!
المصورة ( قربات من حميدة تتدوي ليه فودنيها ) لالة حميدة خصني نصور العرسان بوحدهم تقدري تدوي مع لالة عيشة تبدل بلاصو على ماندير تصويرة ولا جوج ديال الجلسة ....
ابتسمت الخالة بزز و نغزاتها تعمل عقلها...!! فهم المطلوب و حنى راسو حتى شرباتو الحليب و شربها حتى هو و كملوها بالتمر لا هو لاهي تياكلوه غا صور و بروطوكول ....!! هزات عيشة جلايلها ودخلات وسط حلا و عبد الصمد ..ساكتة و الليلة كاملة وهي مكمشة فمها !
عبد الصمد (حط يديه على كتاف عيشة ناطق حدا ودنيها ): مرتاحة ! ماعيتيش واقفة اعيشة...
عيشة ( هزات فيه عينيها مغوبشة ) : نتا واش مرتاح ! عاجبك الحال ياك...مدورين بيك غي العقارب....
عبد الصمد سكت ماجاوبهاش تيشوفو فالكاميرا تتصورهم بثلاثة.....!
المصورة : خالتي عيشة قربي شوية ناحية حلا ...
عيشة ( حطات يديها على ظهر ولدها دايرة راسها ماسمعاتش ) صورنا هكااا....
عيشة غا سمعاتها اش قالت هزات جلايلها و تحركات من وسطهم منفخة و هازة نيفها مثقلة بالذهب و ثوب التكشيطة ثقيل و الجوهر فعنقها تيبان الفولار تيزهق ..!! وهي هكاك غادية العين عليها ...حتى كانت غطيح ماشدات فيها غي نسيم...
_ بسم الله عليك اخالتي....ماوقع والو...
عيشة ماحملات النوقف خنزرات فيها و جلسات تتغوبش فلي كيشوف فيها...و تتنفخ و تسوط كل شوبة.....
حلا هزاتو من عندها معلية حاجبها شدات يديه السمراء بيديها مركبة ليه الخاتم ...جات تبعد يديها كمشهم بيديه حتى سلت لسانها و نطقات تحت صوت الغناء و ضجيح النساء......
_ ايي صبعاني ....
ضحكو عليها خلود و عبد الصمد ....!! و قطعو الطارطة و خداو التصيورات حلا العين ماهزاتهاش فيه مخلياه كي المفتون فيها ...!!
غا خرج العريس و رجع لمجلس الرجال....طلعات هي لبيتها تتنيش على وجهها مصهدة ...دخلات عليها خلود و نسيم حابسين الضحكة...
_ النساء تيسولو عليك ...عيتي !
حلا ( معلية حاجبها ) : شفتو لي شفت !
خلود ( تتضحك ) شفنا قبل ماتشوفي نتي قالك دوبياس الشيخات...دوبياس و شمن دوبياس....هكا عينين البنات تفتحو بقاو مصدومين.....
حلا ( تتحيد التاج تتسوط تعرقات و تصهدات )ماكرهتش ندخل ندوش مخوطرة....!! بغيت السكات و نشد عليها البيت مايدخل عندي حد....
جوهرة ( طلات عليهم ضاحكة ) شدي عليك البيت مع سي عبد الصمد علاش لا !! يلاه العروسة الفاتحة تقرات و الخواتم تركبو و العشاء عشيناهم ...هبطي تدوي مع خطيبك بوحدكم قبل مايسخن لينا رضا الطرح....
فالصالة صغيرة على البقية ..! فالطبقة السفلية مافيهاش الضياف ... و لا تختلف على البقية...!
الثرية و الطابلوات فالحيط و الارض من الرخام ...الاخضر الملكي عاطي الفخامة...!
جالسة حلا جنب عبد الصمد تيهدرو تقول هاد جوج عقلهم كبير و واصلين لقمة التفاهم و اللباقة ...!
دايرة رجل على رجل و سيقانها باينين من فتحة التكشيطة...حيدات التاج و خلات شعرها مموج مع وجهها تتحمق...! تتدور فعينيها رادة عليه الكلام ...
_ خالتي عيشة مسكينة باينة فيها فرحانة....
عبد الصمد تتسالي معاه غي بديك التبوهيلة ديالها تقول هاءي بصح تتدوي من جد نيتها ...تيساير و يميك و العين عليها حلفات لاتحيدات ....
_ و نتي مافرحاناش !
حلا ( هزاا كتفها ) : ماعرفتش....
تبسمو عينيه قاري عينيها عايق و فاطن شويطين و حروب النساء دوزهم .و حفظهم ...
حلا كانت غتقوليه عند جدك وهي تجمعها ظلات ساكتة....
مد يديه لشعرها تيجربها ساعة ماتحركات مانفراتو ...زاد قرب لعندها و يديه سبحو فشعرها هز ليها ذقنها حتى هزات عينبها فيه تترمش و قال ..
_ فوقاش يرجع لون شعرك ؟
حلا ( هزات كتفها ) : حتى ترشق ليا ....
عبد الصمد : شعرك ولا مسلفاه !
حلا ( بنص عين ) : شعري شكون هذا لييسلفك الشعر ...
حسات بيديه تيبعدو شعرها من على عنقها و بعدات شوية من قدامو...
عبد الصمد ( بابتسامة محنبة ): حتى شعرك كيطوال وقت مارشقات ليك....
حلا ( كمشات عبنبها ) بحال الى علمك الله....الامور النسائية تتكون بالرشوق و الكانة....
كمش قبضة يديه مبسم...: سبحان الله......
حلا ( قلبات عينيها ) : لااله الا الله....
عبد الصمد عض فكو و دور لبها وحهها لعندو ناطق بصوت حرش ...
_ زعما ابليسك تهد وطاح...!
حلا ( هزات فيها خاحب ) نعسناه واحد شوية...علاش بغبتيه يفيق !
عبد الصمد ( بنظرة قوية ) : نديرو لاكط هاد الشهىر ؟
حلا ( جبد ليها المعقول حمارو ودنيها ) : لااا انا باغية نطولو فترة الخطوبة....حتى نعرفك مزيان ! هذا كيبقى زواج ماشي لعب ...نديرو لاكط غدا و بعدو ماتفاهمناش صدقو مطلقين....
عبد الصمد ( غياكلها بعينبه ) : شحال زعما ! شهر !
حلا ( ترفرفر بديك اارموش ) علاش شهر كافية تعرفني و نعرفك ! انا بعدا ماكافيانيش....بغيت عام بكمالو ..شحال من حاجة مكتبان فالواحد حتى تعاشرو مزيان....هذا شرطي و نتا قلتي كاع شروطي قابل بيهم...وباصم عليها...( هزات حاجب تتشوف فيه بنص عين ) ماشرطت عليك لا قصر ولا دولة.....( شافتو ساكت تيحمع و يطلع فقبضة يديه ) ياكما حسابليك صافي عمرتي الطيافر بمعرفت باش راك صيدتي العصفورة و طيحتيها.....انا كون مابغيتش راه مانوافقش عليك ماتتخلغني لا نتا ولا غيرك و مزال خصني نشوف البرهان بلي فلوسك حلال انا مولفة بفلوس الحلال مابغيت دمي يتخلط بالحرام انا كلشي الا الحرام ....( ناضت واقفة تتدور فعينيها ) انا صافي عييت خصني غي نتكى و نريح راسي دايما فالخطبة تيضرني راسي و تتشدني السخفة....
جات تجر قفطانها جرها لعندو طايحة وسط صدرو ناطق بين سنانو بصوت حرشو قوي و عينيه حمرين فيها....
_ بربي حتى طلعتي معكسة كثر من مبرهنة جد بو طاليس ...حارة مجهدة ولا ساكتة ميتة ماعندكش الوسط ....
حلا دفعاتو جامعة يدبها و جلايلها من فوق صدرو مفندشة مامشا حتى عصبها ...
_ الوسط شدو نتا....بعد مني...بالناقص الهدرة معاك....تفوو ماتخلوشي بنادم شاد تيقارو ...خصك نهدر هانا هدرت ...يلاه بعد مني....
زير كتفها طاحنها فيصدرو عاقد ححبانو. وجها قريبة من وحهو و نفسو كتضرب فيها...ماكاين غا عطيني نعطيك....
_ كاع عكس روافا شديتيه...
حلا ( تتدفع فيه مزنكة تتسوط و شعرها طايح مع وجههها ) شفتي نتا والله ماديال الهدرة....صافي خليني عليك انا معكسة و عاجبني الحال ياااااه اش مشا ليك...كنت ساكتة تتسول و تقلب على لساني فين متلف و ملي دويت وليت ريفية معكسة بربي اعبد الصمد حتى ندمك علاش حطيتي رجلك فدارنا و علاش حاو عينيك فيا و علاش عقلك فكر فيا...اذا نتا مولف بالمدلولات الساهلات انا ماتوصل ليا و تفهمني حتى غرام العقل لي محال واش عندك كامل يتبخر...
عبد الصمد ( شدها من شعرها ناطح جبهتها بحبهتو ) انا ماعندي غرام عقل كامل !!! وريني شطارتك...
حلا ( تزنكات مصهدة ماشي حشمانة تتدوي بعصيبة و حركية ) : كنا جالسين بخير حتي قلتي اري نجبدها....حتى ليلة وحدة مادازت كيف الناس.....
عبد الصمد ( برزطاتو ) حلا غننن....
حلا ( خرحات فيه عينيها ) ننن شنو هااا....
خشى يديه وسط شعرها و لصق فمو مع فمها تيبوس و يزير على شعرها بيديه رونو و خربقو كلو ...
غيرك ما يحلالي الجزء العاشر
محتوى القصة
حلا عطاتها بالظهر ناعسة مامسوقاش....مخلية حميدة غتبكي بالفقصة....!! خرجات لعندهم تتشكي و هذا تيقولها لهذا و شدوها عليها تيموتو بالضحك......!! كلام ليلة الخميس عليها و هي ضارباها بنعسة....!!
حاولات معاها نسيم و بزز جلسات مفشولة بالنعاس..نيفها حمر تتدوي بالثقالة...
_ واش مغتفكوش مني ...خلوني عليكم...
نسيم : نوض بغيتي تعمل الشوهة.....
حميدة تتهز ليها راسها بقلق ..
_ مالك مزنكة هيدا و نيفك حمر...تحرك فيه الرواح عاود...
حلا ( مرخية ) مافيا مانهز راسي اماما...شربت الدواء دارتلي الفشلة....
حميدة ( بقلق ) الله الله.....حاول احلا و نوض دوش و بدل عليك الله يرضى عليك ماجاتشي ابنتي و عيب غنتشوهو مع الناس والله العظيم....
بقاو عليها تيهدرو و يحاول فيها حتى ناضت بزز ...!؛ دوشات و لبسات عليها قندورة ديالها مستورة .. شعرها نشفاتو ليها نسيم و صاوباتو ليها.....!!
نسيم : الصباغة بدات تمشي و يبان لون شعرك الاصلي ....
حلا ( طالعة معاها السخانة مزنكة نييت )غنعاودو نصبغو بالازرق.....
نسيم : نووو !! كضحكي ؟
حلا ( فكات شعرها من يديها بتذمر ) شفتي فيا شي حالة الضحك...!
نسيم ( بهدوء ) : مالك معصبة غي بوحدك ...حتى واحد مابزز عليك الزواج ؛ مابغيتيهش صافي قولي مابغيتوش بابا عمرو يبزز عليك..شفتي انا نهار قلتلو بغيت نتزوج سولني ثلاث د المرات بالحساب...واش متأكدة سول و عاود و عاود و خلاني نكتبا فواحد الورقة بيدي ثلاث د المرات و هاهي باقية عندو لدابا ....
حلا ( شافت فيها باستغراب ) كاع مافخباري انا هاذي ...بوجهك حمر كاتبة لبه بغيت نتزوج و باصمة عليها ...
نسيم ( ضحكات ) : حتى واحد فيكم مافخبارو من غير ماما.... كتبتها ووجهي بغا يطرطق بالحمورية...حيت كنت عاد فالعشرين مزال صغيرة و صدمتو بالزواج عقلتي شحال بقى ساكت ماتيدويش....
حلا ( هزات حاجب )غي حيت نتينا الصغيرة و المفششة ديالو تيشوفك مزال صغيرة و ماباغيش يزوجك حتى يزوجني انا .... ماكرهو ش كون زوجوني على 18 ....
نسيم ( عقدات حواجبها ) : حرام عليك تقول هكا على بابا واالله مايسخى بيك...شفتي شحال من مرة تيتحلف فيك و كيقولك غيزوحك بزز ساعة كيدير راسو. نسا ملي كيبرد و يتنادم معاه الحال...كيحساب ليه مافيديوش...!! مشا واحد و شلا باغيبنك...كون عطاك لاي واحد فيهم ....راه غي كيبغي ينسى و يسامح دغيا كيبرد......
حلا ( نيفها حمر مروحة ) : وييه يه الله يجعلني نتيق....
نسيم ( بهداوة ) : ماتعرف يولي يعجبك الراجل ماناقصو والو و مسرار غا زعم هاد المرة و طولو فترة الخطوبة تعرفي عليه مزيان عاد زيدي خطوة للقدام ....راه مكتاب سبحان الله تبنات الدار ماكنتي عارفة شكون مولاها ولا شكون غيسكن فيها و فين مايطلعو إيطاج تتزيدي تسولي شكون غيكون مولاها و علم الله كي دايرين ...! اوا ملي كملات و مولاها صدق عبد الصمد نهار شافك لصق فيك مابقى عاحبك ....
حلا ( هدرتها دخلات من أذن و خرجات من الاخرى )
_ بلا ماترون ليا مخي بهاد السطوريا ديالك....راه ماشي كلشي عندو القلب مفتوح لي جا تيشد بلاصتو فيه كيفك....نتي تصاحبتي مع نصراني وطلعتي مزوجة بصاحبو..... الصدفة راها صدقات غي معاك اختي ماشي تصدق مع كلشي ...!! يحيى ماشي هو عبد الصمد و نتي ماشي هي أنا......( هزات حاجب و كملات ) يحيى نهار طاحت ليك لاكاغط ناسيونال ديالك فيديه جا تيقلب دار بدار على شكون هاد نسيم...ولكن ولد الجلبانة لو كان بلاصتو كان مشى لصق فيها شي كارثة...كون قتل شي مسخوط و طيح ليا لاكاغط ديالي بلعاني تما باش نمشي فيها ...!!
نسيم ( بهدوء تتلعب ليها فشعرها ) علاش نتي كتعرفيه حتى حكمتي عليه هكا !
حلا ( قلبات عبنيها تتسوط تتعصبها بديك الهدوء لي فيها ) : غي بيني و بينك شكون صيفطك لعندي ! ماتكون غي حميدة موصياك ! و راه تتفقصيني انسيم حق الله....
خرجات نسيم من عندها مخلية حلا تتشوف فالمراية تتمسح نيفها و تعطس مروحة نييت...!!
دخلات للكوزينة تتقلب ماتاكل جاها الجوع...!!ماسولاتش على واش جاو ولا باقي ...! مامسوقاش...!
عمرات كرشها و تلاقااها حميدة تتشوف فيها بنظرة عرفاتها...
_ طلع سلم و جلس حدا الناس و جمع لسانك ....
حلا ( هزات حاحب ) ماتقوليشي حتى عويشة جات !
حميدة : و علاش ماتحي...راها جالسة الفوق مع صفاء و عبد الصمد جالس مع عبد الله و رضا و عمك فالصالة الاخرى ....
حلا ( تتنهد ) والله مافيا لي يزوق فحد احميدة ...غنسلم و نهبط نريح مخي فببتي...
حميدة ( بتهديد ) اوا اذا سميتك حلا ديرها...!
طلعات لعندهم حلا تتبسم معاهم غا بزز ! حنات تتسلم على عيشة وصفاء و جلسات قدام عيشة دايرة رجل على رجل تتسول على احوالها مهدنة و مثقلة باين فيها مريضة ملي تتعيا و تمرض تتهد....
_ خالتي عيشة اش خبارك ! كي بقيتي شوية....
عيشة ( جيوب نيفها كيفرفرو ) نحمدوه و نشكروه....
خلود ( ميلات شفايفها حابسة الضحكة ) مايكون عندك باس اخالتي ...
صفاء ( بايتسامة تتشوف فحلت ) و نتينا الحبيبة كيف عاملة لباس ...واش مريضة ؟ صوتك بانلي ماشي هو هذاك...
حلا ( دارت يديها تحت نيفها تتعطس ) : الرواح دار فيا حالة......
عيشة عوحاات فمها و بعدات من قدام حلا بحركة باينة.....!! كلشي طلعها و سكت....!
بقاو ديك اليلة هدرة من هنا و لهيه و حميدة جايبة المراة لي تبقى تحط العشاء و تجمع....!!و فجمع الرجال كذلك... تما الجو سخون بالهدرة و الضحك الرجال دغيا تفاهمو و هدرو فشلا مواضيييع ! عكس النساء ماكاين غي عطيني نعطيك حضيني نحضيك....!!
عبد الله ناض خارج علم حميدة وهي فهمات اش عليها و اش خصها دير...!!
غمزات لحلا تنوض و ناضت من وسطهم تترمش قالبة كمارتها مافيها كانة و ماعندها جهد تلاقا بيه...!!
حمبدة ( بتوصية )تعقل ابنتي شوية ..بلا مانوصيك...
حلا ( تبسيمة صفراء ) وخا ...
دخلات للصالة فين جالس عبد الصمد مع عبد الله...! رمات السلام و جلسات حدا عبد الله تتشوف فعبد الصمد بنص عين....
_ السلام عليكم...
عبد الصمد ( صوتو حرش و ثقيل ) و عليكم السلام.....
عبد لله ( شبك يديه بجدية )الكلام مايتعاود كثر مرة الا فهاد الحالة نعاودوه و نطولو البال و نشوفو اش اخيرة هادشي اسي عبد الصمد...
عبد الصمد ( بابتسامة مسرارة ) ماقلتي عيب اسي عبد الله......
حلا جالسة حداه سلطانة تتسمع و تشوف...! القصة تتحاك مع ذقنها وجهها واخد شكل الخوخة...السالف على كتفها طايح واالتزنكية فالوجه باينة ....و عينبها ماشي اي واحد يقراهم...غا الطاير القافز يقلع من عينبها انها واحدة زهوانية و عينيها تيتلونو ملي تتشوف شي حاجة عاجباها...عشاقة الزين ! و النية ماتعطيهاش حتى لمها....!! حد ماهاز اسرارها عليها ماخايفة من حد يفضحها و تتقول لي بغات بلا ماتقرص...!!
من غير سي عبد الصمد لي طاح في طريقها و ماكانت حاسبة ليه حساب...! عيات تقلب الطريق منو و ماكان الحل معاه...! بحال قشور البنات نزل في طريقها زهقات فيه و طاحت مالقات كي تنوض ...تجي تنوض تيعاود يطيحها....!!
دير حيط بينو و بينها ...ولايني مع من حات يخلي الحيط و ينقز ليها من السرجم...!!
تشد السرجم و تحجب من تحت عينيه...يدخل ليها بالشرع و يحيد الحجاب وهي تتشوف...!!
كيف داير دابا...!! بجلسة الوزراء...! تقول السيد فدارو ..! عينيه ضاحكين ...و داك الحاجب ماكرهات تكرط ليه النص حتى يولي بحال الاخر ....! اما واحد الضحكة لي ماعرفاتها ضحكة ولا غي تيجيب ليها ...ماكرهات تجيب ممسحة و تمحيها من على وجهو....!! اما دبك الساعة فيديه فهاذيك !! الحق يتقال...ماكرهاتها تكون عندها و فلوسها محطوطين فحسابها على الله تعوض غا الفلوس لي خرجو منو ..!!
عبد الله حط عينيه على بنتو ..
_ الزواج قبول و قبول...و راه مسؤولية ماشي لعب ...! نتا فسن الزواج و بنتي كنشوفها انا جاهزة دير دارها وليدااتها و دابا عاد نقدر نزوجها و انا مرتاح عليها حيت بعقلها ....هذا رأيي أنا...نسمعو هي شنو تقول !!و لي قالتو مانزيد عليه حرف....
عبد الصمد : معلوم كلشي بالقبول اعمي...
حلا ( عايشة الدور دايرة فيها حشمانة ) : انا قلت قبل ابابا واحد مكنعرف عليه والو مانقدر نعطي جوابي و نقول انا و زهري..يقدر يطيح مزيان و يقدر نوحل مع العيان......
عبد الصمد ( هز حاجبو ) جاتك ! هذا هو المطلوب شنو بغيتي تعرفي....
فتح عبد الله تيستناها شنو تقول و عبد الصمد داير فيها واحد الشوفة مترقبة عارفها ماتتخرج الخير من فمها و متوقع منها كلشي ....!!
حلا ( تتشوف فيه بنص عين ) : مابغيت نعرف اصلك ولا فصلك .....باغية نعرف مصدر الخير لي عندك واش حلال !!! و بغيت البرهان...
عبد الله ابتسم بزز منو تيفتح شوية زر قميجتو...طلقات ليهم السخون و زاد الحر عندهم فالصالة...!
عبد الصمد ( تبت فيها الشوفة و بتمهل رد ) : خيري حلال ابنت الخير ...و البرهان بجيك حتى لبين يديك ....
عبد الله ( تيزيد معاه ) : ان شاء الله.....قلتي من ورث جدودك لا بقيت عاقل ..
عبد الصمد ( ببرود ) : سي الواليد الله يرحمو بدا و حنا كملنا....
حلا ( هزات حجبانها ) الله يرحمو ... اوا الخير باين غي عليك خوتك لا !!
عبد الصمد ( رد مباشرة ) : اللهم بارك.....
حلا ( ابتسمت ابتسامة غير صافية ) حتى لين قريتي !
عبد الصمد ( ماعطاهاش عطاها جوابها ) :...ليسانس بروفيسيونال على برا ...
التبسيمة تمحات من من على وجه حلا دقة وحدة...ولات غا تتدور فعينيها ورموشها تيشطحو بلا ماتحس ...
_ اه مزيان و انا عندي ماستر فالفينونس ...
قالتها و هزات كاس العصير تتشرب منو و تفرفر بدوك الرموش قالبة كمارتها من على باها ديك اللحضة......
عبد الله مد يديه تيكب الماء يشرب حتى هو و برد على قلبو ...خلا كذبة نتو هكاك صدماتو و ماعرف مايزيد...ماشي معقول يكذبها و ماشي نعقول على كيرتو يزيد معاها ...!! تيجمع ليها و ساكت...!
عبد الله عقليتو غير على رضا ..! رضا رفض يخلي حلا و عبد الصمد يهدرو بوحدهم...!! و جلس تيعمر راس عبد الله ..و مع عبد الله مرة تحسبه هبيل و مرة حنين و مرة قبييح ...
جوج من ولادو لي تيحركوه كي بغاو ...رضا و حلا...!!كل مرة مع من تيكون... تلقاه مع رضا و قالب على خلا ! علاش ! حيت رضا تيعمر ليه راسو على حلا ...تيقوليه اد نزوحوها ..هاد القلبة لي كدير على العرسان مايبيغها حد...و بنتك كطير ..و بنتك كتفعل و تصنع... !
و مرة اخرى تيولي مع حلا...!! تيكون عمر معاها شي سيمانة لاصقة فيه مع هي ماتتسكتش ..طالقة الحلاوة بالزايد و لسانها غا كيفرطط والو واش تسكت تيشوفها باغية تخدم و ذكية و نشيطة تينعل الشيطان و يرمي كلام رضا.....!
الجلسة كانت حارة و حامية...!! الاقدار و الصدف جمعاتهم...!! عبد الصمد شلا طرق عندو يجيبها حتى لدارو شاد عليها ضوسيها كلو ...!! و عارف عقلية باها كي كيفكر و خاها كذلك...! يدير ليها غا سي قلبة بالتليفوناا ديالها لي عندو و تصاورها غير هاذوك ليمسح من تليفونو ..! و بلا ميساجاتها وهي تتخطط للزواج الابيض باش تهاجر لاسبانيا ...! هاذ الملف عندو ميك عليه و مادار فيه راسو....! باغيها بالخاطر كي قال و عاود......و حيد شعل الذغل و التخطيط...! كان عوال يلعب معاها و يدوز شوية وقت .نهار شافها قدام للمقبرة بزينها الباين و عينيها لي غي تتقلب غيهم...! زينها عجبو غا دوات خلات نقطة كحلة فقلبو مابقات عجباتو وخا زوينة ...!
و زاد لاقاتهم الطريق و عجبو لعب معاها صدقات رامياه من الجبل و فالتة ...كانت تتبان ليه فشكل و ملي عرفها ولات تتبان ليه شكل اخر....! كانت تتبان ساهلة و كل الطريق تتوصل ليها...! لكن طلعات العكس و لسانها حار تيشوي....!! المعقول معاها عشش ليه فراسو بلا مايحس....!!
عبد الصمد ( مبسم ) : نعمة التربية اسي عبد الله....
عبد الله : بارك الله فيك اولدي ( شاف فحلا ) سولتي لي بغيتي ولا مزال شي حاجة ابنتي !هذا الزواج ماشي لعب ...
حلا مزال مصدومة فيه ماحسابش ليها قاري اصلا ولات غا تتدور فعينيها و تهز فحاجبها...
_ انا ماعندي عيب معاك .و ماعندي مانزيد غي هو كنحس بخالتي عبشة الله يطول فعمرها ماباغيانيش...انا انسانة عندي عقل و كنشوف مزيان الحمد لله و كنعرف الواحد لي راضي عليك و العكس و التجارة علماتني شوفات بنادم كيف مابغى يكون....و انا ماباغية مشاكل و شعيل العوافي...حيت راه جوح عائلات كيتنسابو ماشي غي انا و نتا....!
عبد الله ( بتمهل ) : و ديك كنحس ...مامقبولاش ابنتي اذا جيتي نتيا تحسي و انا نحس كاملين نوليو محسوسين..
عبد الصمد ( تدخل ناطق بهداوة ) من حقها اسي عبد الله ...تقول وتسول لي بغات ماعنديش مشكل.....
حلا : مانقدر نفكر فالموضوع حتى نشوف خالتي عيشة راضية ! ماباغياش نرمي راسي للعافية...
عبد الله ( عقد حجبانو ) : حلا ...
عبد الصمد ( ابتسم بالثقالة وخا زيراتو فهادي ) : نسولوها قدامك ابنت الخير!!
ناضت حلا من وسطهم ! خارجة لحميدة تتقوليها لي قالو ...! وصلات ليها الكلام و رجعات جلسات قدام عبد الله رجل على رجل تتشوف فعبد الصمد بنص عين...مزال تتطلع و تهبط فيه مشلوطة ....
دخلات حميدة للصالة تتبسم و تطلق حلاوة لسانها حتى هي...
_ لالة عيشة زيدي كولي شوية ماكليتي والو ...
عيشة ( عجبها داكشي متول و تيحمق و مابغات تنطق كلمة حلوة ) همم الله يكثر الخير....
حميدة : اللهم امين بالصحة و الراحة...تكلمي بغاوك ...
ناضت عيشة من المحمع هازة الجلايل و الذهوبات دايرين ضجة ...! الفولار حرير تيزهق ليها و تبان القصة...! دخلاتها عيشة للصالة و دخلات تتشوف فيهم و تهز فحواجبها الخاوين من الزغب ...
_ السلام عليكم....!!
حلا : و عليكم السلام اخالتي ....ريحي حدايا هنا...تشربي البارد ولا السخون ؟!!
عيشة ( تتشوف فعبد الصمد بنص عين بالنفخة ) لا مابغيتشاي الله يكثر الخير ....
عبد الله : بصحتك الالة عيشة....
عبد الصمد ( تيحك لحيتو و يدير فمو شوفات ماعارفاهم غي هي )
_ بنت سي عبد الله باغية تسمع رضاك عليها من فمك الالة يمة....
عيشة جمعات يد فوق يد مكمشة حواجبها تتشوف فالصمدي والصمدي تيشوف فيها و حلا دايرة شبه ابتسامة تتدور عبنبها بيناتهم....
_ ماديريهاش مني قلة الصواب اخالتي...ربي شاهد انا غي تنشوفك كنفرح ولكن انا مانفكر فهادشي و نعطي جوابي حتى نسمعك منك نتينا باغاني لولدك .....
عبد الصمد فك زر قميصو تيحك فحاجبو الكثيف ...قلبات عيشة عينيها لعبد الله جيبوب نيفها مفتوحين وواسعين مجاوبة فوق قلبها ...
_ البنت راضي عليها عبد الصمد راضية عليها حتا أنا...و ماجيت لهنا حتى كنت عاجبني الحال اسي عبد الله.....
قالت كلامها ..و جمعات فمها...! مخلية حلا تتقلب فعينيها بحال الا نزلات صخرة فوق راسها ... واحد الضحكة رسماتها و ماعارفت كي دارت ليها...و بزز منها ردات بلا ماتشوف فكمارة حد ....
_ الله يطول فعمرك اخالتي....
عبد الله : و هذا هو المعقول...
عبد الصمد ( وسع ابتسامتو و دخل فالكلام بجدية ) : عندك شي حاجة باغية تعرفيها ...ماعندي مشكل تخدمي ولا تقراي ! حياتك المهنية ماعندي تدخل فيها....المهم عندي المعقول...و جوابكم اسي عبد لله بغيتو على الخاطر و طولة البال ....
حلا ماكايناش هنا مزال مابغات تبلع ليها فقصة عيشة فشلاتها...محلفة عليها بصح و ماتبرد حتى تندمها ...! نهار حتاجت كلامها سرطاتو...!!! هو تيهدرو وهي تتقلب فعينيها و تسوط ...!!
حتى دوا عبد الله : جوابنا تسمعو غدا بعد صلاة الجمعة ان شاء الله....الله يطول العشرة ان شاء الله....
عبد الصمد ( عينيه فحلا ) : بارك الله فيك اعمي...ان شاء الله...
ناضو واقفين بعد ماتشاركو الطعام و الكلام...!! حلا ماسلمات على حد و ماشافت فحد فيهم...! خلاتهم هكاك و دخلات جلسات فبيتها متكية على مخدتها تتلوي فشعرها و ساهية...!!
مشاو الضياف و دخلو عندها البنات و حميدة...!!
خلود : شنو قلتو !
حميدة : و ستنا منها تقولك...نمشي نشوف عبد الله....
خرجات حميدة تتلوي فطرافها و جلسات نسيم و خلود محاصرين حلا بالشوفات و الاسئلة...
نسيم : هيي !! فين ساهية معاك حنا ! فاين كتفكري....
حلا عينيها فنقطة واحدة : مابغاوشي يخليوني عليهم فالتيقار....بغاوني نشعل النار و نفيق شيطاني من النعاس...حتى قلنا كبرنا و تعقلنا...ديك الجلبانة الاوية قلبات عليا ....
خلود ( مافهمات والو ) : بسم الله عليك شنو كتخربقي تما....
نسيم ( ابتسمت ) خلينا من تخربقيها...قلنا كيف جاك عبد الصمد....شفتو عن قرب زوين و طويل كنتي تتقولي عليه برج ايفيل قلت علم الله هذا مسكين فيه شي جوج مترو ...ساعة السيد طولتو زوينة مافيها مايتعاب....
حلا ( تتلعب في طراف شعرها تتدوي ساهية و لسانها ثقيل ) : زوين و انا مكنشوفش زوين...قاري و انا كنشوفو جاهل...عندو الفلوس تيبان لي مزلوط...نتو تيبان ليكم معقول و انا كنشوفو ثعلب ...الديفو فيا و لا فيه ربي العالم....
صباح الجمعة ..!! فاقت حلا مع حميدة فايقة بكري تتوجد معاها الفطور ساكتة و ضاربة الطم ...
حميدة : و خصك ترجع على السيد ...شنو قلتي !
حلا ( تتحاوب بهدرة وحدة ) حتى يفيق بابا.....
حميدة : و ماحشمتيش كاذبة على السيد فاين عندك هاد الماستر....
حلا : اوا احميدة العدول نهار العقد تيسولك وقيلة على لاكاغط ماشي على كارطونة الماستر ....
فاق عبد الله و تعاونات حلا مع حميدة تتحط معاها الغطور...! جايبة صنية اتاي محزمة و لالة و مالي ملي تتشقا تتبان غا مراة ديال الدار....!!
_ صباح الخير...
عبد الله : صباح النور....اوا باش نرجعو على السيد فكرتي !
حلا ( جلسات حداه تتكب ليه أتاي تتعلي يديها حتى للفوق و تكب بشطارة ) و هاذ الهدرة خليها بعد الفطور هاد أتاي مشحر كيف كتبغي....
داكشي لي كان سلاو فطورهم و تجمعات الطبلة و تفرغو لحلا....!!
عبد الله (بجدية ) من عندي الولد عاجبني و رتاحيتلو الراجل كيحط جبهتو للارض و فين ماتجيه تيمشي للجامع ...حافظ ستين حزب و قاري و ماعندو مشكل تخدمي و لي بغات خاطرك يجيبها ليك ... و دابا بغينا جوابك نتي...!
حلا طال سكاتها لفترة عاد علات عينيها تتشوف فحميدة و تشوف فعبد الله....هزات حاجبها و برقو عينيها ناطقة....
_ انا قابلة.....
حميدة ( ماتيقات ودنيها شنو سمعات ) قابلة شنو ! بلا روينة ديالك ابنتي و هدر نيشان هذا الزواج ماشي اللعب ...
عبد الله ( غوبش فحميدة ) خلي العايلة و نتي هجمتي عليها هجمة وحدة......
حميدة :؛ يانا غي هدرت مكتعرفشي بنتك و فهايمها كيف عاملين...تقولك قابلة تتا تفهم على الزواج هي تقولك انا ماقلتشي قابلة على الزواج نتونا فهمتو هكا....
حلا ( قارمة تتدور فعينيها بيناتهم )
عبد الله ( بجدية و فرحة باينة فعينو ) و دابا الله يرضي قولنا اخر كلام عندك...قابلة على السيد ! نرد عليه بعد الصلاة.....صافي فكرتي مزياان قنعتي بيه.....
حلا ( تتشوف بنص عين ) : فكرت ابابا و قلت نتوكل على الله و نسمع لكلامك نتا و ماما هاد المرة حتى هي و لي بغيتو نتوما هي لي غندير ....
عبد الله ( عقد حاجبو ) اوا بغينا رضاك نتينا ابنتي ماشي تعلقلنا الهدرة ففمنا و تقولنا نتو ليبغيتو و زوجتوني....
حميدة : و صافي اعبد الله مالك تتخير فيهل...قالت قابلة الصلاة على النبي علم الراجل ...!!
و داكشي لي كان !! انتشر الخبر و دار بووم فالعائلة !! و حد ماتصدم اصلا حيت معروفين على حلا الخطاب عليها كثارو بزاف تتزيد تكبر و عين الرجل تتزيد تعشقها ماشي العكس...؛ وخا توصل لخمسة و ثلاثين و مزال بلا زواج عندها هانية حيت هي تتشوف راسها مزال صغيرة و زوينة و واثفة من راسها ديك الثقة تتبان على وجهها و الاخر تيشوفها كيف ماتتشوف راسها هي...!!
هذا نقلها لهذا و هذا وصلها للاخر...شي تيضحك شي تيقول " صافي دابا نسمعو مو دارت كسيدة ولا هو نيت وقعلتو شي خاجة حلا منحوسة ..."
تتضحك الاخرى و تخرج الحلو من فمها مدوزين بيها كويس،اتاي...
" ولا يتقلب عليها هو نيت ..راه هكاك دايرة سبحان اللله تيبقى الواحد محمق عليها نهار تبغي تعطيه فرصة تيكون باغيي تسطى بالفرحة غي تيدخلو للمعقول و تيوصل وقت الصح تيقلبو عليها قلبة وحدة...."
عبد الله ماوصل موافقة حلا للصمدي حتى كانو خارجين من الجامع....!! ماكانش داير فبالو اصلا توافق عليه .....!!تفارق معاه و ركب الرونج ديالو لابس البلدي و تحسينة عادية ماعزيزش عليها يكبر شعرو ...بشرتو سمراء و حروفو حرشين و كحليين لحية كثييقة مصففة بعناية و سنان تيبانو بيضين من بعيييد ...! تليفونو ماسكتش من الصوني. ..الظاهر وصل الخبار لعيشة قبل منو هو...!! شاف فتليفونو شحال و حطو بلا مايقطع على مو ...وخا دير لي دارت و طباعها الصعيبة تتبقى مو و عزيزة عليه ...!
تكى براسو مخرج يديه من السرجم تيكمي و عقلو خدام مع حلا !! ماتايقش بموافقتها و بلانها مايدوزش عليها غي هكاك.....فمدة قصيرة عرفها و عرفاتو هو كي داير...تتحس بيه ماكر و نيتو ماشي صافية نيشان معاها و نفس الشيء معاها...طلعها و ميزها...اذا قالت اه يعني لا و اذا لا يعني اه المهم لي فبالها ماتحطوش. وخا تحلف ليك على الكذوب..كذااابة و عليها عشرين سطر....عائلتها قربو يطبعوها ليها فالسنطيحة.....!!
خلود ( وججها صفراء ولات ضعيفة و عينيها غراقو بالوحم ) : صافي قنعتي ؛ ولا عاجبك كيف طرا وجرا ليك....
حلا مربعة فوق ناموسية خلود تتصبغ في ظفرانها مخرجة لسانها شادة التركيز مع شغلها و خلود مبرزطاها....
_ شش واحد الدقيقة نكمل غي هاد الصبع ...
نسيم ( بهدوء ) : و فهمنا احلا ! البارح تحلفي مابغيتيهش و اليوم قابلة بيه....
حلا ( تتسوط القصة من على وجهها برزطاتها يموتو و ماتعطيهمش ليفراسها تتزوق فالكذوب و تصرد ليهم...)
_ سي نعست و فقت حسيت براسي كنبغيه قلبي كيضرب ملي كنشوفو...هيداك مزويين كيحمق ....و حتى يماه عزيزة عليا...ياختي خفت نبقى بايرة و مانجبرشي بحالو و بحال عاىلتو الكريمة ....
خلود (شيرات عليها المخدة حتى قلبات ليها الصباغة ) بلا طنز الحمارة....
حلا ( تعصبات ) تفو على هجيج ...
خلود خصها غي مع من جات تنوض ليها وقفاتها نسبم تتهدن السوق...
_ و اخلود عاملة عقلك فيها...صافي بردو بردو....
حلا ( تتنفخ على ظفرانها )انا مبردة و لي.سخونة تشد باب بيتها مع راجلها ماتجيش تشعل فيا.....
سمعاتها حميدة من برا طلات عليهم معلية حاحبها ...
_ يانا ماكرهت كون شويت ليك داك الفم ملي كنتي صغيرة كون راك مربية ....بداك اللسان لي عندك محال تكمل حتى عام الزواج مع السيد....
حلا ولفات كلام مها تيدخل من اذن و يرجع من الاخرى ..قلبات شعرها لحنب و عرات فخاضها تتعوج و طنز عليهم...
_ عام و بزاف احميدة ماكرهت كل عام مع راجل فشكل ...حتى نوصل لاربعين سنة عاد نختار واحد و نبقى معاه .....
ضحكو بزز منهم...حتى من حميدة لي فقصاتها و ضحكاتها عيات تحبسها ولايني ماقدات عليها....تنهدات تتدعي ..
_ الله يهديك هادشي لي غنقول....زهوانية كي خالتك يالطيف فوطوكوبي ديالها....
حلا : خالتي هي لي عايشة الحياة.....ضاربة ثلاثة تزويجات و كل راجل ياراجل.....
فدار عيشة !!
لسانها ماسكتش...!! تتحلف و تعاود على الصمدي الجالس تيشوف فيها مبرد تقول تتعرض ليه تما الشعر ماشي تتحلف فيه.....
_ مانحملا مانقبلا ...رجال مزوجين بالنساء و نتينا خاطب جنية ....مانقبل بيها عروسة ديالي ...ماسمعتيشي كلامي و عملتي لي فراسك و ضبر راسك و قول عيشة قالت...قول يمة قالت غنندم....والله ياعبد الصمد حتى تندم....و ها عيشة خلفات.....يالمسخوط......
عبد الصمد ( طول يديه لحناكها تيتلمسهم بالثقالة داير شلع ابتسامة ) حاولي علينا اعيشة ....لسانك فالت على السخط ....
ضرباتو ليديه معصبة : بعد مني....ضبر لراسك ماعندي معاك هدرة دابا صافي عمل ليفراسك.....
دوز معاها ديك العشية تيراضي فيها ...وخا تقول ليه ليقالت...تيسكت و يبرد ليها و حتى هي ماتخرج المنكر زايد قدامو ...تيجيها صعيب على ولادها الاخرين...عارفاه اذا قلبات عليه شي قلبة يغبر كمارتو علبها شي عام..يخليها تتقلى ...! عليها ماعارضات كلامو نهار سولها قدام عبد الله و حلا....ماتقدر ترجع كلامو ...!!
خداها بعد داك النهار لمراكش...!! عطاها وقتو كامل....مسايرها نزلات فافخم الاوطيل شاري ليها ايفون بدل الاخر ليكان عندها تتصور و تنزل فستوريات على الواتساب .....!! وهو تيوريها كي دير و تيعلمها حتى تتنسى انها غضبانة منو...! خداها لحامع الفناء و رياض صاحبو الݣاوري تعرفات على عائلتو و عجبها الحال تما و لي نعتات عليها ديالها ......خمس ايام كاملة دوزاتها فمراكش...!! و ماسخات ترجع...!
جات لتطوان عيانة من الطريق الطويلة....!! فرقات اش شرات لعريساتها معفرة و منفخة...هي ضروري ماتشري ليهم و لكن ماتعطيهم حتى تندمهم وتعصبهم مزيان ....!!
جات عندها ختها حتى هي تتسول على الاخبار واش صحيحة...
_ صافي دايا رجعتي مراكشية صحيحة....
عيشة ( تتهز فحاحبها ) هىء. .كتامية اختي و مانسا اصلي.....
الاخت : قولي بصح عبد الصمد خطب بنت عبد الله...
عيشة ( تتعصب ملي تيجبدوها ) مونكية العاشورا ....ايه بصح....و اذا ماطلقتها بيدي و رجعات كيف عجينة المسمن مانكونش عبشة.... و دابا تشوف.....
الاخت : و كاملين كيكونو مجهدين فاللول غا كيولدو غيرجعو طالبين غي السلاك...
عيشة ( قندشات ) عبد الصمد مايولد مع الوحدة حتى يضرب معاها العاماين الفوق...كون بغا يولد كون ولد مع جوج لي دازو......
الاخت ': و ماتعرف اعيشة ؛ دابا فوقاش الخطبة هدرتو عليها....
عيشة ( بنظرة مسمومة ) بعد سيمانة ....
الاحت ( شافتها هكاك ضحكات تتراضي فيها )
_ و عيشة طلق اختي حواجبك...الرجال هوما هاذو كاملين غيتزوجو ...وخا تشوفهم محمقين على المراة فالاول د الزواج كيف المسحورين يضرب معاها غي عام كيملو ..هذاك غا الشوق و اللهفة ....ولادك حتى وحدة ماتقلب ليهم راسهم عليك هني بالك و بيض قلبك على ديك العايلة......
عيشة ( عينيها تجبدو ): توريني فالرجال ؟ المرحوم فيها عشرة كل مرة في حال دوز عليا الدݣاكة....رجال كيبقاو رجال و ديك المونيكة انا ليشفتا كيف عاملة فالدار....ينعس معاها غي ليلة ينسى طريق الدار ...( حكات سنانها مع بعضهم ) عندا شامة بين بزول و لحما بيض من الحليب عشق الرجال فيها كنت بغيتالو فالاول اما دابا كحل قلبي عليها....جنية ماشي عايلة....
تجهيزات الخطبة بدات ! حميدة عيات تحلف و تعاود ولايني لي فيها مايهنيها...ماتترضاش تبان اقل من المعتاد ...!! صرفاات و خوات جيب عبد الله و حلا غا تتشوف الفلوس تتمشي تيحرقها قلبها....!!
حميدة ( تتوصي المساعدة لي جابتها تعاونها مخشعة و محزمة مامعاها لعب فهاد الوقيتة)
_ نو اختي انا بغيت هاذيك طيابها مشاء الله عليه ..شوف كيفاش تهدر معاها....
المساعدة : لالة حميدة والو ماتقدرشي شادة سبوع ناس اخرين.....
حميدة ( قندشات ) والسبوع عندا بعد يوماين...يوماين ماتقداشي ترتاح فيها...بغات الزيادة نزيدها ويلي علاش فين عمرني قصرت معاها...تقلبتت علينا دابا.....تسبق بنت بلادها على البراني....
حلا ( سمعات تزيدها فالخلاص تهز حاجبها ) : و ماما شايطين عليك فلوسك ولا...انا غنهدر مع وحدة واعرة عندي انستا ديالها كلشي كيشكر فبها .....
خميدة ( بعناد ) لاااا مابغيتش هاذوك..بغيت سامية هي لي مولفة نتعامل معاها من زمان ماحاتشي دابا تقلب علينا....
حلا ( جرات مها للحنب تتدوي معاها بين سنانها ) و ماما والله لا عطيتي شي ريال زايد فلوس بايا تتفرقيهم عليهم كي بغيتي مالها مابغاتش تنشي تنقز......
فين هي حميدة ! ماتسوقاش ليها...!! دارت لي فراسها وحلا وسطهم تتسوط معصبة...بقاو فيها دوك الفلوس و المصاريف ....!! حتى بنات خالاتها و خوتها دارو ليها اميرة ...!! كلشي من حساب خلود ..فلوس خلود مايبقاوش فيها تتستغل الفرصة و تتختار الغالي و الحاجة لي نهار تقكر تبيعها تجيب ليها الفلوس....!! دازت سيمانة فالتحهيزات...حتى ليلة الخطبة و كتاب تكون ليلة الخميس....!!
جالسة فبيتها و الميكاب ارتيست تتوضع ليها اخر لمسة ....!! خلود تتصورها و البنات تيطلعوها عليها...
_ اوا سبحان الله حتى ليلة الخميس تيقولو لبلة مباركة.....
بنت خالتها : نهار الاول كان الخميس و الخطبة الخميس و العرس ان شاء اااه يكون الخميس ...( بابتسامة ماكرة كملات ) و الدخلة ليلة الخميس....
الخالة( تتضحك ): حتى يتزاد و سميواه ...شوف شوف واش تشد فهذا حتى هو ...
خلود : لا اخالتي تيبانلي هذا مامعاه لعب و ماشي سويهيل بحال لي دازو...هذا نهار قالت قابلة صافي تحسب راسها طاحت و تشد القفل .....
الخالة : انا عمرني شفتو ...وخا دايما هنا ...
خلود : حيت وقيلة ماتيكونش هنا بزاف...عندو رياض ديالو فالشاون و شي مرات تيمشي لاسبانيا عندو شغلو تما.....
الخالة ( باعجاب ) اللهم بارك ...و عريس هذا شحال فعمرو بعدا....
خلود : فالثلاثينات حتى هو...مازايدش عليها بزاف الزين زين و بخيرو و قاري فين تلقى بحالو ....
وئام ( تتفرنس ) و فين يلقى وحدة بحال حلا ...راه غياخد الزين و الحلاوة خصو يبقى يبوس راس مو دايما حيت داعية معاه....
حلا تتشوف و ساكتة...! ماجاوباتهمش...!! حتى سالات ليها و ناضت بهدوء
_ خلود شدي ليا السنسلة .....
حميدة ( دخلات تتطل ) وئام اجي ابنتي شوف رضا فين هو تعطل علينا....قولو سمع حميدة بغاتك دابا....
سمعات وئام الهدرة و مشات تنفد..! ليلة زاهية دايزة و فيها الحر و الصهد وخا البرد دخل...!! حلا تعرقات خلود تتمسح ليها جبهتها بشوية على قبل الميكاب ...و حميدة مفتونة برا مع خواتاتها و المساعدة ...!! الدار تتشعل بمعنى الكلمة ..الاثاث غالب عليهم الذهبي و الاخضر ملكي...داكشي هماااوي فخم و ثقييل تيبين على تاويل و ذوق حميدة الرفيع....!!
حتى سمعو الزغارين و الدقة المراكشية بالغيطة ...عاد خرجو البنات تيشوفو العريس تيطلو عليه من الدروج ...!! و الطيافر عامرين بالهدايا .....
أما حلا دايرة رحل على رحل تتطلع فانستاغرام تتحاوب على الكليان ديالها...! شادها غا الصهد لا خلعة لا والو...ولفات ماشي اول مرة تخطب....!!
وئام ( تتضحك فرحانة داخلة لعندها تتوصل ليها ) جاو احلا ...جاااو....محملين بالطيافر مابغاوش يتسالاو ....
حلا ( عاقدة حجبانها ) مالك تتطيري اصحبتي ...ملهوفة على الزواج لهاد الدرجة....
وئام : باز لدمك اختي بلاصتك نموت و نعرف اش حاب و نبقى نحمق جدو دابا و ساعة شنو غتجيب شنو جايب و نختار انا ...و كثار اذا بحال سي عبد الصمد حتى نضرب بدي يخط رزقو كلو...
دخل عبد الصمد بالهبة لي عطاه الله...! مالابس لا جلابة لا كوستيم....سروال ثوب أسود فاخر و شوميز بيضة ملي تيلبس الشوميز تيبان عريض و تيجيو معاه...على قولة حلا تيبان لابس الحوايج ماشي الحوايج لي لابسينو...!!
الروافا قليل فين تيديرو التخلاط.....النساء في جهة و الرجال في جهة...!
فمجلس الرحال جلس عبد الصمد معاه عمو و سليمان و خوه سعيد ...!! عبد الله فرحاان بعريس بنتو....!!
اما مجلس النساء....المكلفين تيحطو الهدايا و يصاوبو. داكشي كما يجب.....دايرين بلاصة محهزة خصيصا للهدايا و الطيافر....طبلة كلاسكية طويييلة مذهبة و بالزاج عليها الورد و ديكورات فخمة غير على المعتلد حميدة ماديرش شي حاجة داروها قبل منها... ...و جوج كراسا ملكيين مذهبيين وسطهم طبلة صغيرة محطوط فيها الورد.....!!
عيشة ضاربة الرفيع حتى هي تتمشى كي البطريق الذهب ليتكساب كلو مثقلة بيه يدييها...تترمي العين من التحت التحت حمقها الفراش ومابغات تبين....!! حتى عريساتها معاها تيحمقو مهلين فراسهم بالشعورات و الزين الجبلي تيقطر ...!!
صفاء ( بغات تسطى على الديكور حمقها ) واااو شحال تيحمق هادشي ....
سكينة ( تتعوج فمها ) ماشفتيش نتي داكشي لي جاب شحال تيحمق حتى هو ...
صفاء : غا سكتي سكتي انا مزال مصدومة....
خلود دازت تتسلم على عاىلة الصمدي و ترحب طالقة السوالف و العوينات يهبلو ...ضربات عبنبها لناحية الهدايا لي المكلفين تيعريوهم و يحطوها مقابلين مع الكاميرا ليتتلقط اللحضات .. غي بشوية و بلا ماتعيق رمات العين و غي قشعات سوارت الطنوبيل واضح وضوح النهار تفتحو عينييها على وسعهم ....!
مابان ليها لا ذهب لا صاك ولاسندالة لي ساوين اربعة مليون الفوق و بلا ثلاثة التليفونات بالحساب محطوطين تما....حتى حد ماسول عليهم ولا قال علاش جايب ليها ثلاثة تليفونات تيشوفو غا سوارت كاطكاط .......
جمعات عينيها غا بزز ...لقات كلشي قالب عينيه لديك الجهة مصدومين...!! حميدة ولا غا تترمش و ترسم ضحكة للضياف و عقلها مع داكشي ..
الخالة : الله بارك و زيد و هاذي هدية تحمر الوجه ....
حميدة : غا سكتي اختي حشمت و تخربقت شوف كلشي كيشوف ....
الخالة : خلي يشوفو و يعمر عينيهم....يشوفو زينة بنات حميدة مارخيصاش و غالية عند كلشي.....
حميدة ( تتمسح العرق ) : ماعرفت هاذيك شنو كدير تما قارمة و ساكتة ماعجبنيشي حالها....( علات صوتها تتنادي لخلود ) خلود شعل الكليما ابنتي الصهد .....
خلود : ماكاين ليصهدني اماما قد هدية نسيبك ...تشوفهم حلا يتقلبو عينيها...
حميدة ( تتدوي بالزربة ): يلاه ابنتي طلق راسك الله يرضى عليك...مشي نتينا و نسيم خرجو حلا و ردو معاها البال ..قولا تخرج وهي تتقرا الفلق على راسها ...عندها طيح لينا هنا راها ملي تيكثرو عليها العين تتسخف.....
دخلو نسبم و خلود على حلا...!! تتشوف فيهم مبردة جات تتحمق التاج على راسها و الشعر مموج مجنب و محطوط على كتفها ...تكشيطة ملكية فالابيض و الذهبي ..!!! صدر مهزوز و مؤخرة عريضة ناضجة و مليحة الملامح ...!!
خلود ( تتغمز نسيم ) ماطاحش عليك السر ...تقول غا معروضة ماشي العروسة...
حلا ( تتشطح فرموشها و تصاوب شعرها ) : عندهم يغلطو فيك يحسابهم نتي العروسة ...نخرج دابا ولا شنو !
نسيم ( ضحكات ) مزروبة ! عرفتي و تشوفي شنو جاب قلبك غيطيح....
حلا ( هزات حاجب ) : شي دوبياس ديال الشيخات المصريات شنو غيجيب كاع ...
خلود ( حبسات الضحكة ) : حتى تخرجي و تشوفي بعينيك ..عطاتك الايام ابنتي...زيد زيد قدامي نزير ليك السمطة....
حلا ( تتدور فعينيها ) : شكون جا معاه ؟
خلود : مو و عريسات خوه و خوه و ولد عمو وواحد عمو و شي النساء ماعرفتهمش ماجاوشي بزاف بيهم...حتى هو ماجا لابس لا البلدي و لا كوستيم....ضارب ليك واحد الشوميز بغات طرطق عليه و السروال وااعر عرفتي نفسو لي قلت ليك انسيم كيعحبوني على الرجال كيجيهم وااعر ....
حلا : انا سولتك شكون جا ماشي شنو لابس......ماتزيرشي بزاف اويلي نصي غيطيير....
نسيم ( تتصاوب ليها شعرها ) : باز ليك ماجاكش الفضول تعرفي شنو جاب ....
حلا ( تتدور فعينيها ) بغيتو تقولو قولو مابغيتوش بلا زيادة فالهدرة غنخرح و غنشوف....
خرجات سابقاهم ..و خالتها و نسيم وراها تيصليو على النبي...سمعو العروسة خارجة طلقوها للزغاريت ...!!
تهزات العين فيها ملي دخلات للصالة العريضة تقول قاعة افراح ماشي دار عادية....!! عيشة شافتها ماحيداتش عينينيها متها كلاتها بااشوفات المسمومة و الغيرة تتحكها...مراة عم الصمدي تتشوف فيها بحسرة كانت غتكون مراة ولدها سليمان...و دابا ولات خطيبة عبد الصمد...!
بداو النساء تيشكرو فيها و يصليو على النبي...
_ مشاء الله تبارك الله الله يحجبها العروسة كتحمق اعيشة.....
عيشة ( تتهمهم و تهز فراسها )
ضحكات معاهم حلا و فرنسات ليهم.....رمات العين بالزربة للهدايا ماقشعات غا الذهب المهم شافت داكشي كثيير خلاو رموشها كيفرفرو ....
دغيا حيداتهم بلا ماتعيق و ضرباتها ليهم بالسلام من الطرف للطرف ...ماشي من العرايس ليتقول اه حقا الميكاب غيمشي و التاج غيطيح...تتضحك و ترحب بيهم و تدخل معاك فالهدرة و واالمهاودة و توخر بجملتها المعتادة " و دوز عندي للمحل شحال ماطليتي "
تسالمات مع عيشة و جلسات حداها تتضحك و تصاوب ليها فولارها على كتافها و تجبد معاها الكلام...مخلية حميدة غا تتبلع فريقها و تغمزها تتثقل و تحمع لسانها...
_ خالتي عيشة مرتاحة ! جاك فن هاد الوردي لي لابسة تيحمق....هاذ الذهب الجديد منين خديتيه ماشي من عندي...! بدلتيني اخالتي عيشة ....
عيشة ( بنظرة صارمة ) شراهملي عبد الصمد من مراكش ...
حلا ( تتبسم ) زونين جاوك كيحمقو....
عيشة ( عوحات فمها ) شنو ديك الشطابة عاملة فعينيك...يييع كيخلعو...
حلا ( مبردة ) ماعجبوكشي اخالتي...تنا ماعجبونيشي صافي المرة الجاية مانديرهمش.....
ناضت خالة حلا غمزات حميدة !!
علمو النساء بلي العريس غيدخل كلها لبسات فولارها ناضت حلا تجلس فالكرسي الملكي ديالها دايرة رجل على رجل و جلايل التكشيطة طايحين فالارض نوع من الفخامة و الجمال ....
عينيها والو حالفين حتى يدوزو على الهدايا...و هاد المرة دارت نظرة شاملة مسرعة حتى تكوانسات ملي شافت سوارت الاوطو ...تهز حاجبها للسماء و رموشها تيشطحو خلاتها عيشة بحال مونيكة العاشور ملي تتخسر تيبقاو فيها غا دوك الرموش تيتهازو...عيات ثبت راسها و تنعل الشيطان ووالو...!!
تتطول فعنقها و تحك حاجبها بلا ماتعيق ..تعرقات و صهدات و حلقها نشف...!! شافتها خالتها جوهرة قربات منها تتمسح ليها جبهتها..عند بالها مخلوعة...
_ ماتخلعشي المرضية ...ربي الخلعة مع من جات ههه قرا المعوذتين و سورة الفلق ماتخافي مادهشي......
حلا : فيا العطش اخالتي....جبلي نشرب....
جابت ليها الخالة تشرب ...شربات و بردات على راسها تتمسح شفايفها بالمنديل و تدور فعينبها ماحات تبلع الصدمة...دخل العريس بهيبتو...!!
حميدة تفافات و تزنكات واحد الحشمة تتشدها من رجال بناتها ماحشماتهاش حتى من راجلها فليلتها....!!
غمزات حلا بنظرة صارمة توقف كيف وقفو بعض النساء تيصليو على النبي و العيون تتعبر الصمدي بفضول و لهفة يشوفوه كي داير ! و صحاب ايفونات تيصورو دخول العريس و الهدايا لي جايب ليها...!!
وقفات حلا بزز منها رامية شعرها ورى ظهرها تتبسم للمصورة...قرب عبد الصمد لحميدة باس ليها راسها حتى تلونات بالحمر نيشان و طبطبات على يديه برضى...
_ الله يكمل بالخير ....
عبد الصمد : اللهم امين...
عيشة قشعات المنظر ناضت واقفة تتمشى وسطهم منفخة لاصقة فولدها
_ حيدو حيدو عطيوني ندوز ...
عبد الصمد كمل طريقو عند حلا تيعمر عينيه بزينها...!! شافت فبه من تحت رموشها غالبة عليها الصدمة...! بادلها بواحد التبسيمة مجنبة ...! باس ليها راسها حتى شوكاتها لحيتو و فيقاتها من الݣلبة....!!
خلود : شوف اللفعة كي تتشوف فيه...
نسيم ( حابسة الضحكة ): بانت ليا داخت يبوسها وسط فمها وماتحسش....
عيشة واحد الحاجب تعلى مابغى يهبط ليها...مزال ماتبلعات ليها الطنوبيل لي جايب..و بقات يوماين سخفانة مريضة...!
و دابا تتشوف عين ولدها ماتحيدوش من على حلا ! و زاد ملي باس ليها راسها تقول شافت راجلها تيبوس راس ضرتها...ماشي عروس ولدها...و كيف كيف عندها...! عبد الصمد هو المقرب و العزيز عليها و ماتحمل تشوف حتى بنت المراة مشاركاها فيه....لذلك توعدات لحلا و محلفة فيها مزيان...قربات من ولدها و شدات فيه مابغى تبعد ولا تفك ...!
المصورة ( قربات من حميدة تتدوي ليه فودنيها ) لالة حميدة خصني نصور العرسان بوحدهم تقدري تدوي مع لالة عيشة تبدل بلاصو على ماندير تصويرة ولا جوج ديال الجلسة ....
حميدة (برفض ) لا اويلي خليها ماندويش معاها انا ...خلي الليلة دوز بخير راه ماجاتش ابنتي غا خليها...( تتنادي لختها ) جوهرة جيبي الحليب و التمر حطي حداهم داك الورد الحمر نعول عليك...
قدمو الحليب و التمر للعرسان...!! و الخالة جوهرة واقفة حداهم تتمد الكاس لحلا و تصاوب ليها شعرها...
_ هاكي اخالتو ديالي شديه من التحت ...
حلا ( تتشوف فعبد الصمد لتيدوي مع مو .) توريني اخالتي؟ ...ماتعطينيش التمر ماكيعجبنيش....
الخالة : يماك وصاتني ...تصور بلا ماتقيس غا هنينا....( تبسمات مع عبد الصمد ) مبروك عليكم الله يكمل بالخير ياربي....
عبد الصمد ( بالثقالة ليعطاه الله تيرد بالصواب ) : بارك الله فيك اللهم اميين....
علات فيه عينيها ناطقة لخالتها...
_ دوي معاه يحني راسو شوية ماشي نتجبد باش نلحق ليه....
ابتسمت الخالة بزز و نغزاتها تعمل عقلها...!! فهم المطلوب و حنى راسو حتى شرباتو الحليب و شربها حتى هو و كملوها بالتمر لا هو لاهي تياكلوه غا صور و بروطوكول ....!! هزات عيشة جلايلها ودخلات وسط حلا و عبد الصمد ..ساكتة و الليلة كاملة وهي مكمشة فمها !
عبد الصمد (حط يديه على كتاف عيشة ناطق حدا ودنيها ): مرتاحة ! ماعيتيش واقفة اعيشة...
عيشة ( هزات فيه عينيها مغوبشة ) : نتا واش مرتاح ! عاجبك الحال ياك...مدورين بيك غي العقارب....
عبد الصمد سكت ماجاوبهاش تيشوفو فالكاميرا تتصورهم بثلاثة.....!
المصورة : خالتي عيشة قربي شوية ناحية حلا ...
عيشة ( حطات يديها على ظهر ولدها دايرة راسها ماسمعاتش ) صورنا هكااا....
المصورة : ههه هي لي ماتعاودتش....
كلشي شاف و عطا عينيه للمنظر...و قالو يحسن عوان حلا باين عجوزتها صعيبة...!
حميدة ( حشمات ) و خص يركبو الخواتم وهي واقفة وسطهم ماشي منظر ...
جوهرة : الله ياحميدة العجوزة باينة فيها كتامية حرة و قاصحة....
خلود قربات و هزات الخواتم تتدوي بالصواب مع عيشة ...
_ خالتي عيشة العرسان يركبو الخواتم ..تجلسي شوية عيتي...!
حلا ( تتبسم ماهزاتش العين فالصمدي بمرة ) : عيات جيبو ليها تجلس حدايا ...غا خليوها...
عيشة غا سمعاتها اش قالت هزات جلايلها و تحركات من وسطهم منفخة و هازة نيفها مثقلة بالذهب و ثوب التكشيطة ثقيل و الجوهر فعنقها تيبان الفولار تيزهق ..!! وهي هكاك غادية العين عليها ...حتى كانت غطيح ماشدات فيها غي نسيم...
_ بسم الله عليك اخالتي....ماوقع والو...
عيشة ماحملات النوقف خنزرات فيها و جلسات تتغوبش فلي كيشوف فيها...و تتنفخ و تسوط كل شوبة.....
خلود (عطات الخاتم لعبد الصمد تتضحك معاه ) هاك اسي العريس ركب الخاتم....
مدات ليه حلا يديها تتفلي الخاتم بعينيها حمقها و مابينات... شد صبعانها بين يديه و زير عليه بلطف داير شبح ابتسامة تيوجه كلامو لخلود ...
_ ماعرفتيش ختك فين تلفات لسانها.....
خلود ( ضحكات تتشوف فحلا المعفرة سالتة يديها ) : مامتلف فين دابا يبان غي هنا...(عطات الخاتم لحلا ) نوبتك ...
حلا هزاتو من عندها معلية حاجبها شدات يديه السمراء بيديها مركبة ليه الخاتم ...جات تبعد يديها كمشهم بيديه حتى سلت لسانها و نطقات تحت صوت الغناء و ضجيح النساء......
_ ايي صبعاني ....
ضحكو عليها خلود و عبد الصمد ....!! و قطعو الطارطة و خداو التصيورات حلا العين ماهزاتهاش فيه مخلياه كي المفتون فيها ...!!
غا خرج العريس و رجع لمجلس الرجال....طلعات هي لبيتها تتنيش على وجهها مصهدة ...دخلات عليها خلود و نسيم حابسين الضحكة...
_ النساء تيسولو عليك ...عيتي !
حلا ( معلية حاجبها ) : شفتو لي شفت !
خلود ( تتضحك ) شفنا قبل ماتشوفي نتي قالك دوبياس الشيخات...دوبياس و شمن دوبياس....هكا عينين البنات تفتحو بقاو مصدومين.....
حلا ( تتحيد التاج تتسوط تعرقات و تصهدات )ماكرهتش ندخل ندوش مخوطرة....!! بغيت السكات و نشد عليها البيت مايدخل عندي حد....
جوهرة ( طلات عليهم ضاحكة ) شدي عليك البيت مع سي عبد الصمد علاش لا !! يلاه العروسة الفاتحة تقرات و الخواتم تركبو و العشاء عشيناهم ...هبطي تدوي مع خطيبك بوحدكم قبل مايسخن لينا رضا الطرح....
فالصالة صغيرة على البقية ..! فالطبقة السفلية مافيهاش الضياف ... و لا تختلف على البقية...!
الثرية و الطابلوات فالحيط و الارض من الرخام ...الاخضر الملكي عاطي الفخامة...!
جالسة حلا جنب عبد الصمد تيهدرو تقول هاد جوج عقلهم كبير و واصلين لقمة التفاهم و اللباقة ...!
دايرة رجل على رجل و سيقانها باينين من فتحة التكشيطة...حيدات التاج و خلات شعرها مموج مع وجهها تتحمق...! تتدور فعينيها رادة عليه الكلام ...
_ خالتي عيشة مسكينة باينة فيها فرحانة....
عبد الصمد تتسالي معاه غي بديك التبوهيلة ديالها تقول هاءي بصح تتدوي من جد نيتها ...تيساير و يميك و العين عليها حلفات لاتحيدات ....
_ و نتي مافرحاناش !
حلا ( هزاا كتفها ) : ماعرفتش....
تبسمو عينيه قاري عينيها عايق و فاطن شويطين و حروب النساء دوزهم .و حفظهم ...
_ شنو لي ماعرفتيش ! لسانك تلف اليلة فين مخلياه ....
حلا كانت غتقوليه عند جدك وهي تجمعها ظلات ساكتة....
مد يديه لشعرها تيجربها ساعة ماتحركات مانفراتو ...زاد قرب لعندها و يديه سبحو فشعرها هز ليها ذقنها حتى هزات عينبها فيه تترمش و قال ..
_ فوقاش يرجع لون شعرك ؟
حلا ( هزات كتفها ) : حتى ترشق ليا ....
عبد الصمد : شعرك ولا مسلفاه !
حلا ( بنص عين ) : شعري شكون هذا لييسلفك الشعر ...
حسات بيديه تيبعدو شعرها من على عنقها و بعدات شوية من قدامو...
عبد الصمد ( بابتسامة محنبة ): حتى شعرك كيطوال وقت مارشقات ليك....
حلا ( كمشات عبنبها ) بحال الى علمك الله....الامور النسائية تتكون بالرشوق و الكانة....
كمش قبضة يديه مبسم...: سبحان الله......
حلا ( قلبات عينيها ) : لااله الا الله....
عبد الصمد عض فكو و دور لبها وحهها لعندو ناطق بصوت حرش ...
_ زعما ابليسك تهد وطاح...!
حلا ( هزات فيها خاحب ) نعسناه واحد شوية...علاش بغبتيه يفيق !
عبد الصمد ( بنظرة قوية ) : نديرو لاكط هاد الشهىر ؟
حلا ( جبد ليها المعقول حمارو ودنيها ) : لااا انا باغية نطولو فترة الخطوبة....حتى نعرفك مزيان ! هذا كيبقى زواج ماشي لعب ...نديرو لاكط غدا و بعدو ماتفاهمناش صدقو مطلقين....
عبد الصمد ( غياكلها بعينبه ) : شحال زعما ! شهر !
حلا ( ترفرفر بديك اارموش ) علاش شهر كافية تعرفني و نعرفك ! انا بعدا ماكافيانيش....بغيت عام بكمالو ..شحال من حاجة مكتبان فالواحد حتى تعاشرو مزيان....هذا شرطي و نتا قلتي كاع شروطي قابل بيهم...وباصم عليها...( هزات حاجب تتشوف فيه بنص عين ) ماشرطت عليك لا قصر ولا دولة.....( شافتو ساكت تيحمع و يطلع فقبضة يديه ) ياكما حسابليك صافي عمرتي الطيافر بمعرفت باش راك صيدتي العصفورة و طيحتيها.....انا كون مابغيتش راه مانوافقش عليك ماتتخلغني لا نتا ولا غيرك و مزال خصني نشوف البرهان بلي فلوسك حلال انا مولفة بفلوس الحلال مابغيت دمي يتخلط بالحرام انا كلشي الا الحرام ....( ناضت واقفة تتدور فعينيها ) انا صافي عييت خصني غي نتكى و نريح راسي دايما فالخطبة تيضرني راسي و تتشدني السخفة....
جات تجر قفطانها جرها لعندو طايحة وسط صدرو ناطق بين سنانو بصوت حرشو قوي و عينيه حمرين فيها....
_ بربي حتى طلعتي معكسة كثر من مبرهنة جد بو طاليس ...حارة مجهدة ولا ساكتة ميتة ماعندكش الوسط ....
حلا دفعاتو جامعة يدبها و جلايلها من فوق صدرو مفندشة مامشا حتى عصبها ...
_ الوسط شدو نتا....بعد مني...بالناقص الهدرة معاك....تفوو ماتخلوشي بنادم شاد تيقارو ...خصك نهدر هانا هدرت ...يلاه بعد مني....
زير كتفها طاحنها فيصدرو عاقد ححبانو. وجها قريبة من وحهو و نفسو كتضرب فيها...ماكاين غا عطيني نعطيك....
_ كاع عكس روافا شديتيه...
حلا ( تتدفع فيه مزنكة تتسوط و شعرها طايح مع وجههها ) شفتي نتا والله ماديال الهدرة....صافي خليني عليك انا معكسة و عاجبني الحال ياااااه اش مشا ليك...كنت ساكتة تتسول و تقلب على لساني فين متلف و ملي دويت وليت ريفية معكسة بربي اعبد الصمد حتى ندمك علاش حطيتي رجلك فدارنا و علاش حاو عينيك فيا و علاش عقلك فكر فيا...اذا نتا مولف بالمدلولات الساهلات انا ماتوصل ليا و تفهمني حتى غرام العقل لي محال واش عندك كامل يتبخر...
عبد الصمد ( شدها من شعرها ناطح جبهتها بحبهتو ) انا ماعندي غرام عقل كامل !!! وريني شطارتك...
حلا ( تزنكات مصهدة ماشي حشمانة تتدوي بعصيبة و حركية ) : كنا جالسين بخير حتي قلتي اري نجبدها....حتى ليلة وحدة مادازت كيف الناس.....
عبد الصمد ( برزطاتو ) حلا غننن....
حلا ( خرحات فيه عينيها ) ننن شنو هااا....
خشى يديه وسط شعرها و لصق فمو مع فمها تيبوس و يزير على شعرها بيديه رونو و خربقو كلو ...
يتبع...
التنقل بين الأجزاء