كان الحر و الصهد فداك الصباح و ريح سخونة تحركات ...! مشات تتدور جهة البحار قبل ماتمسس الخدمة تتشوف بنادم جاي مبحر و المظل تيطير بالريح لي كانت...! الزحام و الناس مخلطة مكاينش الفراغ بيناتعن هدا حدا هذا ...و الغوات ديال الدراري الصغار و النساء ها النعري ها المغطي ..و الرجال بكريشتهم قداهم مدلية متمخترين بالمشية ...! حتى ناض الصداع و الحيحة هاجمين على مراة لابسة دوبياس بلون اللحم السليب كاع متيبان بكثرة مامخشي فيها و شي حركات كانت تتدير تتجيب التغيليفة...و هادشي ماشي مقبول عند بعض الناس و مارضاوش و تحركات فيهم الغيرة و الاعصاب و الدودة ...ناضو تيرميو عليها بالحجر و السبان و ناضت المدابزة....!!
ناضت حلا من تنا قبل ماتجب فبها ذي دقة و تحركات لخدمتها تتنكر...
_ النهار بابن من صباااحو......
صبحات و مسات...بحدية و بحدة بعض المرات ...!! عيات و جلسات ترتاحوو تريح لسانها....و هزات تليفونها جات عينيها على تاريخ اليوم...و تصدمات من الايام كيف تتطير...غدا غتممل 28 سنة وهي عاد البارح كانت عندها 27 فوقاش داز عام طاير هكا....ماحساتش بيه ...!
تكات براسها مغمصة عبنيها ماراشقاش ليها داك الصباح جاتها حالة السكات و التفكير ...و السبب ماعرفاتوش...! تتجيها هاد الحالة مرة مرة تتبقى غي ساكتة و تتخمم و فكلشي داز و لي باقي غيدوز...! عام مادازتش عندها عادي...في رصيدها جوج اراضي و رجعات كريدي ديال الناس و رتاحت منو ...! تعلمات شوية لغات و فتحات بوتيك دالحوايج و فرع ذهب اخر ...شادة فيهم النص...! وخا هكاك مابغاتش غي هادشي ...خصها مشروع خاص بيها داك المشروع لي تتحلم بيه باغية تكون رقم واحد فتطوان...و مشروعها يهدرو عليه الصحافة اشهر ماشي غي نهار واحد ...!! جاتها ديك حالة التفكير و التخمام بحال هازة شكاير السيمة فوق كتافها....!! و ملي تترجع تفكر شنو دارت فهاد العام و شنو وقع...عقلها تيقصي عبد الصمد و تترميه خارح السلة ...ماتتبغيش تفكر فداك الشخص ..الهدرة تيجبدوها تتقلبها ..تيسولوها عليه تتدير راسها ماسمعات والو...حسباتو بحال عمرو كان ...!؛
بقات من فكرة لفكرة و تنهدية ورا تنهيدة. حتى خداها النعاس....!! و مافاقت الا على صوت مهدي تيفيقيها صوتو تيجيها بعييد...
_ ختي حلا تكلمي لياسمين بغاتك ..
فتحات عينبها فيه بشوية ...
_ شنو بغات ...علاه هاديك عندها فلوس الذهب ياك تتجي غا تبرزطني و تمشي...
مهدي ( هز خاجبو ) الكليان اختي جلا بغا يشوف من حقو عطبه من وقتك ياك هادشي لي علمتينا ....
حلا ( بمزاح معكر ) قلب عليا هاد الساعة حسن ليك.....سير قول لصوفيا تشوف معاها....
مشى مهدي بنفسو رحب بيها مايتخافش عليه وهو عجينة حلا ...
_ مرحبا اختي ...
ياسمين ضاربة لبسة واعرة و باينة غالية و صاك ماركة معروفة تتشالي بداك الشعر زعر منفخة ...جلسات دايرة رجل على رجل تتبين الخواتم لي لابسة ...
شي ساعة وهو معاها. .تتختار و تشوف و تشاور مها ...و الفلوس ماتتسولش غا هز و شوف واش عجبها بعدا هذا هو الاهم....! بردات غدايدها و شرات لي حبات خاطرها....و مهدي عينيه تيخرجو القلوبة و الهدرة و الصواب فات حلا فيها....!!
حطات فلوس صحاح و تمات خارجة ناطقة بميوعة ..
_ سلم ليا على حلا ..يلاه بسلامة ....
مشات مهلية مهدي تيهن فراسو...دخل عند حلا ضاحك ...
_ و بيعة صحيحة هادي بعناها هاد الصباح ...
حلا : شنو شرات ؟
مهدي : خدات خاتم بالحجيرات داك لي جابو بيرادا غي هاد الشهر ...وخدات كورميط لي قلتي لي نحطها فالفيترينة.....
حلا ( دخل معاها العجب ) يااااسمين !! ياسمين لي تنعرف !
مهدي : ايه ياسمين...ماتعقلش لبسة و شمن لبسة ضاربة لابسة سندالة فماركة و صاك في ماركة مخلطة الدعوة...
حلا( تتمسح المكياج من وجهها ) غتكون طاحت مع شي سعودي ...داك النوع طماع مايخفاش عليا...وهي زوينة مايفلتوهاش ....
دخلات صوفيا تتناقش معاهم حتى هي...
_ و غي يجي داك السعودي والله حتى نتزوج بيه...ندير البسيطا والله يعاونو....
حلا ( ميقات فيها ) ايييه ضيعي راسك مع واحد ماتشوف فيه لا موحمة لا سادة فحبل....انا اختي بغيت الزين و الصغر و راجل ديالي بوحدي...و بلا مانكدبو و يكون عندو فلوسو ماشي شي مزلوط.....ولايني ماشي لدرجة نرمي راسي ليد سعودي اليوم معايا غدا مع الاخرى...التخلاط متنحملوش.....
خرجات من المحل غادية على رجليها ...تتشوف يمين شمال من تحت النظاظر لا يخرح ليها داك علي ثاني.....! تلاقات بنسيم و خلود و جلسو تيتغداو مع بعضهم مرة مناكرين مرة شادين هدرة فحميدة و مرة تيضحكو على خلود لي والو مستحيل تجلس فالدار وخا دخلات لشهرها....
خلود ( مخلطاها ماكلة تتشوف فنسيم ) و الله الا سعداتك....عندك كونجي هاد الشهر تخرجي و دخلي بحال ماعندك ولادك ماعندك راجل....
نسيم ( ضحكة مزيفة ) و شنو !! ملي كيجي يحيى كنشد العطلة..يدير حقو حتى هو ...الراحة و السياحة...غا أمير بعض المرات تيبغي يرضع ماتيسكتس ليه ...رضعتو و جيت بحالي ...!! خليه يجرب تمارة حتى هو ...واش ولدتهم بوحدي ؟ مانخرج ماندخل مانشري حوايج بخاطري اوا هنا لاااا.... باغية نفطمو و تيبقى فيا ...
خلود : كاين شي رجال والله مايعقلو عليك ...يقولك انا شهر و انا فتمارة و الخدمة برا و نزيد صداع الدراري...
نسيم : لا يحيى اصلا موحشهم تيعجبو يبقى معاهم ...يقولك لا على كلشي الا على ولادو
حلا : انا كنشوف ولادك تيحماقو على باباهم كثر منك...و كثر ازهار قربي بنتك منك و ماتبقايش تعصبي عليهم....راه دوك البراهش تيحماقو على لي يدير ليهم الخاطر....
نسيم :؛ واش انا لخاطري ! هو عندو الخاطر عليهم انا ماعنديش...الصبر تقادا و تنعيا و تيعصبو وخا نحاول نبرد ....
خلود ( تتشوف فحلا ) نتي العرس ماباقي ليها والو ماتتهدري ماتتسولي ...!! عندك حتى نتي ديري بحال نسيم و تحملي من شهرك والله الا اكبر تزريفة هي هادي.....
حلا ( خسىتت كمارتها ) داكشي لي ناقصني هو نحمل من ولد مو...! شكون قاليك اصلا غنوصل معاه انا للعرس....
نسيم ( تقرصات ) لااا داكشي بالمكتاب واش حنا كتتحكمو فيه...! و الدليل هو أزهار الصدمة لي صدماتني هي ماتصدمت فحد ...قضيناها فالاول غي سطحي حيت كنت مريضة مابغبتش ليه حتى لمن بعد عاد وقع لي وقع وخا هكاك ماكناش متافقين على علاقة كاملة....و من بعدها شفتي شحال مرضت وهو جاتو خدمة غبر ...حتى قاليك ماقاليك راه حاملة كيف درت ليها الله و اعلم ماتيقتش وخا شفت التحليلة قلت راه كذوووب....
حلا ( عاقدة حواجبها ) راك شربتي ..شحال من وحدة حملات من صاحبها غي من السطحي ياحسرة تخورات تخورية عالمية....حتى عبير ديك الزعطرة لي كانت صاحبتي سمعت كانت تتنعس مع راجلها سطحي قبل العرس ..حتى حملات و دارت العرس بالكرش ....نتي و داك مخي ديالك غا عطيو التيساع لبعضكم ولا شدي همك بالقفل لا تولدي لينا قبيلة و ترجعي كي السلك ...وهو يبقى سي السيد كي السبع تيعرف ولادو غا منقيين لابسين مغسولين مايتعذب مايتقطع و نتي تخرحي على صحتك....
نسيم ( ولات عندها فوبيا من الولادة ) غنضرب الشوكة هي لي بقاتلي حيت حتى فأمير كنت دايرة احتياط و حملت ..( بتفكير ) عرفتو كنفكر ندير عملية تضييق المهبل مابقيتش كنحمل راسي ...
خلود ( فمها عامر ) تنا تنا غي نولد غنديرها و نشد القنات مانزيدش نحمل عاد لانصدق مخورة....غا جمعي الفلوس و زيدي لتركيا ....
نسيم : و علاش ماكاينش فالمغرب ؟
خلود : كاين ولكن ماشي بحال فتركيا....مانسمحش فراسي وخا ندير الولاد الا راسي ماندوزش عليه ...
نسيم ( بتفكير ) مانقدرش فتركيا بغيت غا شي وحدة مزيانة فالمغرب و نهني راسي...تركيا مانقدرش ناخد معايا الاولاد و مانقدرش نمشي و يحيى كاين ..مانرضاش نقولو باغية ندير التضييق.....
خلود ( باستغراب ) و علاش زعما مايعرفش ! راه خصو يعرف حيت من بعدها ضربي على المعاشرة واش اربعة د السيمانات ولا خمسة....ولا كثار كااع...
حلا ( تفوهات بملل ) و الله يعطيني فاش نتلهى ...انا لي ماناقصني خير جاية جالسة وسطكم ...تتشدو هدرة عا الولاد ها الزواج ها البعر....هنيونااا.....
شدو الموضوع بزز منهم و كملو ماكلتهم تيضحكو على حلا...!!
حتى سالا و كلها فين تفرق...!
حلا رجعات لخدمتها .. خلود لدارها مع راجلها تتشوف الدار فين وصلات و نسيم شدات طموبيل ديالها اودي بيضة و مشات للصالون ..دارت بالحالة و صوان لوجهها و لشعرها و صوبات الظفيرات ..و خرجات من تما باين التغيير...!! ملي تيرجع يحيى تتولي عندها عطلة الامومة تتحس بالراحة و الحمل خفيف ماتتفكر فوالو ...عندها كلشي و لي بغاتها تتحضر لكن السعادة هربات من حياتها...! تتحس براسها بحال الا زايدة ناقصة في حياة يحيى ...بعض المرات تتقول راه مزوج عليها و عندو وحدة اخرى و شي مرات تتقول لا مايمكنش اذا كانت عندو مراة اخرى مايجيش عندها بديك اللهفة ...! تتعيا تفكر و تخمم....حتى تترمي من راسها...!!
طلعات فالدروج قاصدة محل معروف تيبيع الزيوت الطبيعية و لي موالفة عندها دايما ماتيخطاوهاش...
نسيم ( بابتسامة ) عمي سمير ...لباس عليك ...
سمير من وسط الجعقة و النساء و الاقبال على المحل زايد حيت معروف و الناس تيديرو فيه الثقة و السلعة ديالو مابحالها سلعة تيجي بنادم من بعيد لعندو...
_ اهلا ابنتي اش خبارك الصحة مول الدار و الوليدات...
نسيم : الحمد لله اعمي...مزيان و تتا كي داير صحيحة شوية....
سمير ( ضحك ضحكة ققيلة ) باقي ديك الراء عندك لاوية مابغاتشااي تسرح نيشان مع الطريق ....
نسيم ( ضحكات ) لا والو مابغاتش ولفت و لي عطا الله عطاه ...
_ و ها الامانة ديالك ...قلتي زيت اللوز و زيت اركان و جوز الهند و زيت الافوكادو ....باقي الورد نسيتو دابا يكون...
نسيم ( برفض ) لالا صافي ماعليش....بارك الله فيك و الله يزيد فخيرك ...
خدات لي بغات و شرات شلا روايح و كريمات ها كريم ليلي ها كريم النهار ها الرولي و كملاتها بزريعة الورد طلعات للطموبيل...تتدور في شوارع تطوان ماباغياش تمشي للدار...! دازت لمحل عبد الله لقات حلا ماكايناش...تما عبد الله بنفسو حاضي شغلو ..جلسات معاه تتشوف موديلات و الشكيلات...و خدات خاتم عجبها ...دغيا قنطاات و خرجات بحالها صونات لحلا ماتتجاوبش و رجعات صونات لخلود ...
_ خلود فينك انا ندوز وراك نمشيو بجوج ...يشوفني يحيى راجعة بوحدي يبقى يخربق عليا فالهدرة فين كنتي و مع من و نتي عارفة شي فهايم كيطيحو على الرجال ...
خلود : صافي انا ساليت ...دوز عندي ..
دازت وراها و رجعو بجوج للدار..!
يحيى خارج من الدار هاز أمير فيديه ملبسو كاسكيط و حويجات جداد و أزهار تتمشى على رجلييها تتنقز بالفرحة...ملبسها كسيوة بيضة وجاكيط دجينز طايحة مع كتافها...و سندالة باقية جديدة فرجليها تتشعل الضوء و فبها الشعلة...ملبسها بونضو من لويس فيتون و صاك صغييور من شانيل فيه الشعلة فالغوز ...داير لبنتو الخاطر غوف الخاطر ...الفشوش لي تيفششها ماعمرهم شافوه... ايه اب تيبغي بنتو لكن يحيى كثار...عمرو فحياتو غوت عليها ولا قصح فيها الشوفة...مدللها و لي فتحات فمها عليها تحضار و حتي هي تتموت فباباها كثار من ماماها.....!! حط امير الكرسي اللور هادي عطيه غاللهاية و خليه تينص و يلعب و يضحك ...! عاد شاف فلالة و مالي ...حداه كي القملة واحلة باغية طلع بوحدهل و ماتقدرش و تتقلبها اعصاب....
يحيى طلع للبيت تيحاول يعقل على شنو قالت ليه نسيم..عمر داك الصاك و لي شاف تما خشاه في الصاك غا هز و حط حتى من كريم نسيم رماه تما ماعرفو حتى ديالاش .. ..زرب على داكشي و خرج ..! ركب القدام و نسيم اللور طالقين اغاني طيور الجنة صافي حكمت المحكمة ...نسيم تترضع أمير و خلاص سي امير ملي تيبعي يرضع خصو تخرج ليه صدرها بجوج واحدة يحط يديه عليها و الاخرة يرضع منها و يلعب عندو الرضاعة على حقها...تيشبع و مايسخاش يحيد يديه من البزولة تيبقى يلعب فيها بفمو و بعض المرات تيقرص عليها.....كيتلفها و يبرزطها و يوسخها بالرضاعة ديالو...اما شعرها عاد مصاوب فرحانة بيه كل مرة رامياه للور تيجرها منو حتى تتغوت وسخها....
_ شعري لا ..شعرييي.......عندك تعض...والله ياولدي و تعض ....
كانت انيقة خفيفة و ريحتها عاطية ولات حالتها بزلازلها خارجين بجوج تكرع ليها على حوايجها وسخها و شعرها شعككو ليها عرقها سخسخها...حتى طاحت تتبكي و تدمع ليه تما كلشي تخلط عليها...وقف الاوطو و خرج هاز من عندها الولد وهي خبات صدرها تيسول
_ شنو عضك ؟؟
نسيم شافتو هاز أمير خاشي يديه ففمو ..خلاتو هكاك ماهدراتش وما نبهاتو وماجاوباتوش ..طلعات حواجبها و كملات المسيح و داكشي لي كان...تقيا عليه أمبر وسخ ليه الشوميز البيضة ولات ثقيلة بالحليب لي رد كمش حجبانو حابس الضحكة...
_ الله يعطيك الصحة..بففف....شنو هادي اصاحبي.....( ببرود )شدي انسيم
بقا واقف جنب محل تجاري لي داز تيشوف فيه و يضحك و البعض تيقول ليه الله يصلح ...!!
و نسيم تتشفا فيه مزيان نقاات حالتها و ركبات القدام ...حط يحيى امير فالكرسي ديالو و نطق تيشوف فحالتو مبرزط...
_ و موسيقى هاديي.....
امير حالس تيغرغر و يضحك و يلعب برجليه خلا يحيى يضحك وسط الفقصة ..حتى نسيم هزات راسها تتضحك بزز منها قاالبة وجهها منو....!
كب الماء على الشوميز نقا حالتو و قلب على شي شوميز اخرى شراها و لبسها و كملو الخرجة ...!!
الولاد نعسو بقات هي و هو ساكتين هذا مستني الاخر يهدر...! هي مابقاتش تتهدر ولا تتحاول كيف قبل الكلام شداتو معاه و مابقاتش تتبكي عليه و تقولو لاش تتعدبني هكا....ولفات غيابو وولفات السكات لي ولا بيناتهم تتوحش اياماتهم قبل الزواج و الحب الكبير لي كان بيناتهم و الدموع لي طيحهم عليها ملي طلبات منو يفسخو الخطوبة عيا يرغب و يمشي و يجي من فاس لتطوان تيعتارف لعبد الله بصريح العبارة بلا حشمة ولا حياء...
_ بنتك كنموت عليها ....
و باقيين لدابا تيتفكرو قصتهم و يضحكو ...! عاىلتو كان تيشوفوع باغي يطير بالفرحة معاها...و داك النشاط و الضحك و الحب تيابن فالعينين و الحيويوة و المزاح لي كان فبحيى تقلب فخطرة بعد الزواج ...حتى ولاو تيوقولو نسيم قلباتو علينا و كايم لي تيقولو لااا نعلو الشبطان اره الواحد ملي تيدير الولاد تيتبدل و الهم تيتزاد....!! تبدلو بجوجهم و نضجو بجوجهم مع الولاد ...!
_______
علي و كريم جالسين فطمعم علي تيهدرو و يضحكو ...! راشقة ليهم...و كلامو كلو على البنات...
علي ( ساهي ) انا شهوتي فوحدة و مزوجة الخاوة ديالي ...كون كانت دراسها ساهل الحال....
كريم ( بفضول ) منين ! و نتا توحل ليك فمزوجة ؟ ياك كنتي مع وحدة مزوجة و قربتي تحملها المسخوط...
علي ( مثقل فالهدرة و عينبه معسلين ) انا ديك العايلة عجباتني مابقيتشي كنشوف كا مزوجة كا لا ....ماكرهنا معاها شي تسافيرة للبحر زاهية ...
كريم : شكون هادي وريها لي بنت تطوان يعني كنعرفها....
علي ( ضحك ) واللع ناعرفت اختي ديالي شبابي كلو و انا هنا و ماشفتا غي هاد العام ...اش غنعاود ليك قطة قطة ....( ضرب ليه على فخاضو ) قولي عبد الصمد مزال مع ديك الزعرة ...
كريم ( ضحك حتى شبع ) زعرات هوما عندو ...اينا وحدة فيهم...خاي عبد الصمد انا لي حافظو...والله الا طول مع هاذوك ...عرفتي علاش ! عبد الصمد الوحدة ملي كيطول معاها تيدخل معاها نيشان للزواج و اذا دخل معاها للزواج الريحة ديالا مايرضاشي تشما ولا تجبد سميتا على فمك ....سيرتا بحال المسك عندو مايرصاش يسمع عليها حتى نص هدرة....غا ولد عمو سليمان خسر معاه بسباب هاديك لي كان معاها و صلو للزواج و سالاو...عمرو جبد عيبها ولا عاود هدر فيها...( طلقها بضحكة عالية ) تيسالي معايا...عرفتي والله الا داك خيينا عالاااام ...سالا معاها هادي شحال و نحلف عليها اذا عاود تلاقا بيها و شافها غيعاود يلصق فيها انا كنعرفو كي داير كلات ليه الدماغ ديك السيدة صافي تعور فيها بالمعقول ...علاش حساب ليك قالب وجهو و الطريق لتطوان مكيعتبش ليها فخطرة حيت عارفها هنا...و باغي التيساع و الراحة لعقلو حيت غي غتشتت ليه مخو ...! و اذا جات لاقاتهم الطريق شي قرينة بعيد على تطوان تما هدرة اخرى ثاني يقدر نيشان يجرها لعند العدول و يربطها بيه....عليها شاري الراحة لراسو و ناسي تطوان و ناسها....
علي ( ساهي مكيسمعش ليه ) كون غي ماكانتش مزوجة ندخلو معاها نيشان لنية الزواج نلعبو شوية و الله يعاون....
كلام و شمن كلام بين الرجال...تيقولو غي النساءلي هدرتهم خاوية انا الرجال ملي تيلاقاو خلاص...! علي و كريم من دوك البزنازة الصغار غا مسخرين و شادين الريحة ...علي عندو معطم ديالو فتطوان و دار فطنجة و فتطوان...و كريم حتى هو داير التجارة ديالو و المشاريع ديالو من فلوس العشبة ...! حياتهم خاوية معمرينها غا بالنساء و الحفلات و الزهو ...الزواج عندهم ساهل زوج و طلق ...و اذا رشقات ليهم عليها والله داك الطلاق لا حلمات بيه ...!!
اسامة (بعصبية ) زعما نتوما بنات الشمال شحال معقدات....
حلا ( ضحكات بدون مرح تتلوي فشعرها ) انا ماشي معقدة اخويا عندي الدنيا هانية و السماء صافية ..ايه راجلي دايرين العقد ولايني هنا سطوب...بنادم كيتقلب كي الجو و اليوم ليك و غدا عليك ...شنو عرفني انا نوصلو للفراق و تمشي تدير شي حاجة بتصاوري معريين...ياكما حساب ليك صافي درنا العقد نصرد ليك فيديو ديااي عريانة تنشطح....فيق معايا فيق ااسامة عرفتي راك تتصدمني...
أسامة ( تيشوف فبها باعجاق و غضب فنفس الوقت ) تبدلتي بزاف احلا....
حلا : ماتهدرش اسامة حسن ليك سكت نتا لي تبدلتي حتى تتصدمني...بحال هزيتي واحد و حطيتي واحد ماشي اسامة الصديق ديالي لي تنعرف.....نتا مشكلتك ماماك ماماك باغية تدخل فكلشي ..هدرة جوج كتبغي تدخل مك فالهدرة ..ماماك على الراس و العين ولايني كل واحد يعرف حدو و بلاصتو ...انا ماشي بنت الحرام نفرق ولد على مو و ماشي مكخلة نخلي ماماك تدخل فسي حوايح و سمحلي نقولا ..شي حوايج ماعندها بيهم حتى علاقة غا خاشية نيفها فيهم و قريب تخشي رجليها و تخشى هي كاملة كاع...
حلا حتى هي بغات تفاريها معاه و تسرسبو مابقاش ليها الجهد تتحملو ...! تافقو يخرجو يتعشاو ديك اليلة بجوج...! لبسات و تانقات و جا وراها حتى للحومة ...ماطلعش...! عبد الله و رضا ماكاينش لقات راحتها...!
الريح ضارب ليها شعرها للور ..شافتو خارح من الاوطو بملامح باردة...غا قشعات مو معاه جالسة للقدام زاد زند عليها راسها و طلعات ليها عويشة للراس...!!
اسامة : مالكي ؟
حلا ( بابتسامة صفراء )والو ...بغيتي نحلو المشكل و جايب معاك الحمية و لي تحضي عليك خايفة عليك. مني ولا شنو ؟
نعيمة ( سمعاتها و خرجات معلية حاجبها ماعاجبها حال تتهدر بصوت شوية عالي ) الله يخليك حدك تما...خلينا موئرين و شادين تيئارنا...فاش جبدتك انا ابنتي فاش ! مانسمحشلك تهدرلي على ولدي هكايا.....
حلا ( ماشافتش حتى فيها تتشوف فاسامة ) سير مع مك طبطب عليك و تحتحو نتا و ياها حسن ليك...ماعندي ماندير بولد مو....
أسامة ( غوت عليها وسط الشارع و الحضية فالشرجم ) حلااااا.....
حميدة سمعات الغوات قفز قلبها و طلات تتشوف لقات حلا وحدة لي فبالها هي بنتها....! لبسات حجابها بالزربة مخلوعة ..شافتها نسيم لي كانت خارجة من بيت النعاس لابسة بينوار النعاس شعرها مخربق تتستر صدرها...
_ ماما شنو وقع...
حميدة ماجاوبتهاش طارت هابطة تتجري ..و غواتهم برا تيتسمع حتى من عيشة تتطل كي القنفد فالظلام ....!
حلا ( مارصاتش ) مالك تتغوت....شنو حاسب فراسك....
نغيمة ( عيات صابرة طرطقات فيها نيشان ) هيييي هيييي....حدك تمااا....كتعايري ليا ولدي...يائليلة الصواب....نعلة الله عليك ...
حلا ( عرعرات عليهم بالمعقول )مابغياش نغلط فيك ...و الله ينعل لي يزيد فشي صواب....هز ولدك و زيد عليا نتا و ياه بزاف عليه يغوت عليا...انا....
تخلطاات الدعوة خرج يحيى تيفارق و يدخل حميدة و حلا للدار ...والو مابغااش تدخل ليه ..نعيمة تتغوت مشا البريستيح و الثقالة...سباتها مزيااان و حلا ماصبراتش عطاتها....كلشي تيشوف و يشهق اول مرة يشوفو حلا معصبة هكاك كاملين شهدو بلي حلا بنت لسانها تيقطر حلاوة ماتتخرج عيبب ما النساء...!
تصدمو و لطخو وجههم مخرحين عينيهم..
اسامة وسطهم كي المونيكو...مو تتجرو و حلا تتدفع فيه ...حتى هو سخن عليه راسو و مارضاش على مو...غوت على حلا و نطق مغصب كيعرعر...راسو سخون كيغلي ...
_ بالناقص كاع...سيري نتي مطلقة.......
رمى عليها الطلاق وسط الناس سمعوها الصغير و الكبير.....!! حميدة شهقاات و من الشوهة حشماات...
يحيى دفع اسامة عاقد حجبانو تيدخل حلا للدار...
_ سير بدل ساعة بالاخرى ......
حالة مابحالها حالة ...الشوهة و الشهقة غلبات البشري...! ها لي تيضرب حناكو و يهز فراسو مصدوم و ها لي كيتشفى و ها لي بقات فيه مابغات ليها هاد شوهة مايتمناها حتى لعدوك ..! أسامة حمارو عينيه و تزنزن لسانو ثقال...ماعرف راسو اش كيدير...رمى الطلاق على حلا و دفعو يحيى ...وهو بحال تشلط طار لحلا تيجر و يحير تيبعد فيه ...!! صراع و شمن صراع...!
يحيى تعصب دفع حلا الداخل شاد الباب عليها و جر اسامة للقنت كيتغاوتو ..!!
_ و سييير اصااحبي...سيررر بدل االساعة مالك ماكتفهمش....
جا عبد الله فديك اللحضة ...تيشوف الدنيا مقلوبة عندو قدام باب الدار سمع الخبار و طلعو حجبانو للسماء...جرااو على اسامة و مو من الحومة و اسامة تتجرو مو بحال المصدوم ..!!
اما حلا جالسة الفوق مكمشة فمها تتغلي بالاعصاب...
_ الحمار تفو...يغوت عليا انا ولد الكلبة...( تتنفخ بالعصاب ) كون ما داك الحمار ديحيى كون طرت عل. بلالط عيونو خرجتهم ليه....
حميدة ( وججها صفراء بالصدمة ) باقي عندك الوجه تهدر ينعل حسك يالكلبة...انا خرجتي عليا سوهتيني هلكتي ليا صحتي ...حسبي الله و نعم الوكيل....اش هادشي ابنتي تابعك...شنو هاد الشوهة عمرها ماتنسى ولا تنسات...غيبقاو يدوزو بيك اتاي فالجمامع د النساء....بنتي انا غيوليو ينعتو فيها...عمرا وقعات ولا سمعت بيها...الله ياخد فيه الحق على هاد الشوهة...الله ياخد الحق.....
جلس عبد الله طالع ليه الدم ...مجمعين كاملين و التليفون تيصوني و يعاود تيلقاه اسامة تيقطع عليه و حتى هي تليفونها كيصوني ماتتحاوبش...!!
عبد الله ( باقية تتاكل فيه ) لاحولا ولاقوة الا بالله....لاحولا ولا قوة الا بالله......
حميدة ( بوجه شاحب ) رد اعبد الله على الراجل رد ...
عبد الله ( بغضب ) خليني احميدة...خليني قبل مايتعماولي العينين نغلط فيه...خليه هو الظالم..
يحيى ( هز أزهار فوق رجليه تيحك ليها راسها ) ماتعملش فبالك اودي...بنادم كيغط و ترجع معاه الندامة ....
حميدة ( تتشهق ) استغفر الله...استغفر الله....نوض نحط العشاء الله يهدي ماخلق هاد الكارثة ماكانت على البال...!
حطات حميدة العشاء وهي تتحسر بقات فيها بالجهد و ماؤضاتش...حتى وحدة ماترضاها لبنتها ولا تتمناها لعدوها...! شدو الهدرة على الطبلة و النقاش...! حلا تتقول ماتهدر معاه ماتكلم معاه...ماتعاود تشوف كمارتو...و عبد الله حتى برد عليه راسو تيقول جاوب عليه شنو بغا يقول ...! الهدرة كانت كثيرة و نقاش طوييل كان بعد الغشاء....!
جالسبن فالصالة الولاد نعسو ...! حميدة جالسة مربعة يديها جنب عبد الله و يحيى مدور يديه ورى ظهر نسيم تيحركهم بعفوية و تلقاىية...!؛ اما واحد حلا حجبانها طلعو مابغاو يهبطو .. !
_ والله لا هدرت معاه...مانعاودش نشوف كمارتو....
عبد الله : اذا صونا جاوب و هدر معاه و شوف شنو باغي ...الله ينعلها عشرة هادي....يحتارم غابنت الناس مراتو ياحسرة مراتو و رضى ليها هاد الشوهة...الله ياخد الحق....هذا ماكان....
نسيم ( مقتولة بالنعاس ): باين معمر من ماماه و جمع كلشي خوا ديك الدقيقة...
حلا ( ضحكات باستهزاء ) ولد مو شنو تتستناي منو....ينعل الوقت لي ضبعتو معاه الحمار....
حميدة ( غمزاتها تسكت حشمات من يحيى )
حلا توصلات باشارتها و قلبات وجهها قلبها تيحكها ندمات لاش ماسرسباتوش شحال هادي ولا هاد الشوهة لي دار ليها قدام باب العديان ...! اييه لالة عبشة ولات تتحسبها عدوتها حسات بيها تتمنى ليها الشر و دابا نكون تتشفى فيها...!
جا رضا حنى هو ملي عيطو ليه تيكملو النقاش ديالهم و كملات ااباهية...كون ماكان يحيى كون صعر رصا تنا و خسر الهدرة و ماخلا ماقال...حلفان فاسامة مويان و عبد الله تيوصي فيه...
_ عند يارضا و تمد يديه على الولد...والله لابقيتي عرفتيني..
رضا ( معصب ) لاش جاي لاشسس...شنو جا يدير.....ضربها !؟
حلا ( نقزات مخنزرة ) لهلا بحيه يضربني ...
رضا ( دار فيها ) سكووت نتي ..سكوووت. صوتك مانسمعوش...يالل( مان غيسب و حمع لسانو تيشوف فيحيى بنص عين )....
نسيم خداها النعاس متكية على كتف يحيى ..فيقها بيديه تيتحركو على كتافها...
_ نسيم ....نسييم....
فاقت مقلوبة بالنعاس...تتشوف فيهم بحال الا نعسات عااام وهي غي خفاات...! انسحبت من الاجتماع و دخلات لبيتها مكملة نعاسها...!! و الجلسة طوالت ..حتى كلها غين تفرق و نعس..!
حتى للصباح فاق عبد الله مغوبش و رصا كثر منو...
حميدة : يجي للدار هدرو !
عبد الله : والله لا عتب باب داري......نخرح للزنقة لشي قنت نهدرو ....
جلسو الراس فالراس...!
اسامة طلعات معاه الندامة حاني راسو تيشوف فعبد الله غا من الجنب....
عبد الله ( مزير على سنانو ) بنت وحدة باقية لي هي حلا و جيتي نتينا باغي شوهتيها داك الشوهة البارح و ماحي اليوما كتقولي الندامة ماالندامة...الدفلة ملي كتخرح ماكترجعشي....و بنتي نموت و مانرجعها لك ...الطلاق قبل البناء مكتاب الله يعاونك .....
أسامة ( تزير ) ...انا كنموت على بنتك كنبغيها والعقل كيغيب ماشي لخاطري....ضروري يكون حل...نقدر نرجعها....
رضا ( سخن عليه راسو و الشك دخل معاه ) مايمكنش ترجعها بالفم ...( قصح وجهو ) مادخلتيش عليها ....
أسامة ( ثبت عينيه فيه ) : شكون قالها ليك ؟
اسامة كان غرضو يشعل العافية و يطلق الدخان...فاهم عقلية عائلتها و دارس خوها رضا كي داير ..و عارف موضوع بحال هذا حساس باغي يشعل ليها العافية و يكثار عليها الدخان ...المهم الهدرة تطلقات و غيكثر القيل و القال...هذا يسمعها مزال بنت و الاخر يقول لااا راه طلقها بعد الدخول...!
و هدرة اسامة مامشاتش غي هكاك....!
عبد الله جمع لسانو مازاد هدرة ...جا للدار غا يكمش فعينيه هاز هم بنتو كان غي رصا كينقز بحال الفروج ....شافتو حميدة هكاك قفز قلبها ...
رضا ( تيعلي يديه و يعقد حجبانو معرعر دمو تيغلي ) علاااش تخرح ..غلاش تخرح علاششس...علاش كطير الارض ماكافياهاش بغات تلحق للسماء تتسابق مع الطيور....ها الطيرة فبن خرجاتها ..حتا شفتها فين وصلات...الحمار ولد الكلبة كيقول دخل عليها مادخل عليها....نفهمو شنو وقع و سنو خصو يداى ..غا نعرفو يدينا من رجلينا من هاد الزبل كامل.....
حميدة ( طلعات معاها الحشمة مع الصدمة مع الصعقة ) استغفر الله العظييم.....
رضا ( غياكل جنابو ) صوني عليها دابا تطون هنا قبل مانجري عليها تطوان و نذبحا قدام عيباد الله.....
طارت حميدة تتولول و تضرب حناكها مصعوقة...صونات على حلا
_ الو ...حلا....اجي دابا...دابا تكون هنا...عرفتك ياقشور البنان كتهزق من مصيبة لمصيبة.....
جهد نص ساعة كانت حلا فالدار...غا شافها رضا نقز لعندها حامي كيغلي جمع معاها بتصرفيقة حتى تقلب وجهها و خرجو عينبها...ماعرفات باش تبلات...كانت جاية تشوف شنو وقع لقات غا التصرفيقة و حنكها كيوزوز....رجعات ليه الطرشة حمراء و عينبها كيغلييو...
رضا طار عليها باغي يخنقها مجنن و عبد الله تيجر فيه و حميدة تتغوت و تدخل وسطهم تتبكي....
_ كون غا ذبحتك قبل هنيت البشر منك...الكلبة....نعستي معاه ! جاوب ينعل حسك الكلبة ...نعستي معاه .....
عبد الله جر رضا لعندو مخنزر فيه .....
_ رضااااا.....
حميدة جرات بنتها عندها كي الشرويطة عينيها حمرين تتشوف فيه بكره و كتدوي بزز ...
_ و نتا مالك...شغلك اش دخلك فيا ننعس حتى مع عشرين نتا مالك غا فهمني تفووو الله يعيطيك المووووت....
حميدة شهقات و جمعات فم بنتها لي مابقات تتميز ولا تعرف شنو قدامها...قالت داك الكلام قدام عبد الله لي شاف فيها ساخط و دخل بحالو للبيت جار وراه رضا كي المصعور...!
دخلتتها حميدة للييت تتهدر معاها بقلب محروق...
_ اسامة قالو دخل عليك و جا كي المصعور لهنا كيغوت ...واش بصاح ابنتي نعستي معاه صافي ؟
_ انا عطيوني غا موس...نخشبه فرضا و نمشي نكمل على داك البوهالي الاخر....باغي يشعل العافية و تكثار عليا الهدرة....( باستهزاء ) مالي مخورة فعقلي نزهق مع ولد مو....طلعتو و عرفتو ...مكلخ ماساوي حتى ريال عند بالو وصل معرفت فين ...هو و داك الدجاجة ديال مو....حاضنة عليه....بقات بالفرونسي....دوك التاصيلة يكره بنادم يصبح على كمامرهم....
حميدة ( تنهدات براحة ) والحمد لله....عارفة اش مربية بنتي ماتزربش على راسها هاد الزربة كل حاجة فوقتها زينة.....ربي بينو على حقيقتو قبل العرس....دابا رضا والله لا تاق حتى يشوف بعينو....
حلا ( عقدات حجبانها ) شكون رضا شكون ! فهمني هاد ال**را اش ساوي فحياتي...غيدخلني للجنة ؟! يمشي ي*ود عليا يفرطط بوحدو من هنا للصباج شكون داها فيه ...يعاود يمد يدو عليا حتى نقطعهم ليه....حساب ليه انا نسييم لي تتخاف منو....والله حتى نوريه بنت سبع شهور شنو تتدير......داك ولد مو اذا ماجرجرتوش شهر قدام باب دارنا مانيش حلااا.....
اسامة حتى فات الفوت عاد طلعات معاه الندامة كيتحسر على حلا حتى تيقربو عينيه يدمعو كانت تتحمقو و فرحان بيها...لكن مو خسراتها ملي كرهاتها ...! مو من جهة و رغبتو من جهة....قدام مو تيقول ليها بدينا بالطلاق صافي و قدام حلا تيرغب و يزاوك تغفر ليه و يعاودو من جديد ...!! عيااا و دار جميع المحاولات ....غادي جاي من طنجة لتطوان و لمحل عبد الله كيتعرض ليها تتجاهلو كي الكلب و تقلب وجهها منو...!!
فالحومة ديالها تيظل واقف تحت باب دارهم كيدوي مع عبد الله يشوف حل ماباغيش يحيد حلا من بالو...مع عبد الله حلف لاباقي دخلو لباب دارو كيهدر معاه غي فالزنقة...و الجيران تيشوفوه كيفاش مجرجر طالب راغب فيها مرة اخرى....!
بقى هكاك حتى فقد الامل كيتحسر عليها....و طلقها فعلا ...!! و مشات سيرتها بين الناس كل واحد و شنو تيعاود عليها....و شلا مايتعاود على لالة حلا بنت عبد الله...
_ كبرات فالعمر صافي ولات قريبة لثلاثين دابا نشوفو هاد الرجال واش يبقاو يشوفو فيها...
_ الله يستر ماعندها زهر ...بقات من راجل راجل حتى خسرها داك الفاسي ..قالك نعسات معاه قبل العرس غي دارو العقد دخل عليها صافي و طلقها ديك الساعة ماكملوش حتى جوج سيمانات.....
طيلة فترة الطلاق و حلا تتسمع الهدرة و التوشويش....يا فالخدمة يا فالحومة...ميكات و دارت راسها ماتتفهم والو و هبيلة كاع...مكملة عادي و فرحانة تهنات بواحد سميتو اسامة عرفاتو فحياتها...!
بدلات اللوك ثاني و شرات الطنوبيل صغيرة على قد جهدها على ماتجي لي حسن...! طورات خدمة عبد الله اكثر وولات معروفة عند الناس....! دارت كليانات جداد و مصالح جداد ..و احلام جداد ....!! ماتابعها لا عدة لا والو ...غا كملات طلاقها ...نيشان عينبها ولات تيطلو لبرا...قالك والو باغية تمشي لاسبانيا سياحة ...والو يكون لي يكون داك اسبانيا باغية تطلع ليها ...و جاتها نيشان مع خلود راجعة لاسبانيا لفترة ....! قالت فرصة و مناسبة ....!صرعاتهم فالدار و حمقات ليهم الراس حتى يولاو يقولو ليها...
_ سير انا بغيتك تمشي ماترجعي.....
شعيور رطب و كحل تيتحاك مع رقبتها مقطع كاري و القصة خفيفة و العوينات مجبدين متقونيين تتبقا غا تشوف داك الخط د الايلاينر كيفاش مرسوم و تتعجب كيفاش جاي مع عينيها...! لابسة قندورة قصيرة حد الركاب ..يديها معريين لابسة ساعة زوينة فيديها اليسرية و خاتم رقيق. ..! واقفة على صبيعاتها تتسقي كسكسكو و القرآن مطلوق فالدار و الرجال عاد جاو من الجامع ...! اجواء يوم الجمعة .. !
حميدة ( جالسة راشقة ليها تتوجد الطبلة و تعيط لحلا ) حلااا جيب كسكسو صافي عبد الله جا ....
سمعا و طاعة ...! هزاتو فيديها مسقي و مصاوب على حقو و طريقو كسكسو بسبع خضاري...! خارجة بيه تتفرنس ...
_ هانا الالة حميدة ذوق و قولي واش عجبتك ولا والو ...
حميدة ( تتضحك ) و نذوقو و نشوفو ..فين يحيى انسيم وصل لطنجة ؟
ظلات تتصور فيه و تعاود كثر من عشرين صورة حتى عصباتهم ...!
حطات التليفون تتاكل معاهم طيابها بنين وخا تكون اول تجربة ليها الحاجة تتقنها وخا عمرها جرباتها يديها بنينة كيف تيقولو ليها تتشبه لمها لالة حميدة...! هي لي خرجات تتشبه ليها فيها...
حميدة تتاكل و تنكر على نسيم ...
_ اليوم نوبتها السيمانة الجاية نوبتك ماكاين فلات...ماتعرف طيب كي قرانك يا تحرقيها ياتملحيها ياتجيبيها مرة....ماعرفت هاد العكس لي تيجيك على الطياب لاين غيوصلك لاين....
عبد الله ( تيضجك ) بديتي عاود خليها عليك ماشغلكش فبها...
حميدة ( بغضب ) كيفاش ماشغليش كيفاش...ماشي بنت حميدة هاذي لا مابنتيش ...انا ماربيتش بناتي على هكا...الضياف عطيهم من طيابك و بنة يديك ماشي من بنة البراني...( صافي جبدو الموضوع والله لا سكتات ليهم ) هيدا البنات متولات فالطياب الفايسبوك عندهم عامرغي بالطياب و الشهيوات و الحلويات و كل نهار يا شهيوة و ياشمنك شهيوة....و ديالي شنوو...ديالي حاضية عى الورد صباح و عشية ...كيطلعي ااستاتي ديالا قلبي كيعمل هااه...كنقول دابا نلقا ناشرة شي شهيوة فاعلة تاركة كندخل نلقاها ها الورد صغر ها حمر غا خنوني عا مزوق....حد ماشاف الورد عيش تتينا بالورد ..تعشا بيه و فطر بيه و تغدا بيه ...صافي قطعت الياس و مابقيت نشوف ستوريات ديالك يانا غنبلوكيك كاع و نهني راسي من الفقصة ...
حبسو الضحكة كاملين من رضا و جبد ...حتى من نسيم حنات راسها مابغاتش تضحك حيت اذا ضحكات وااله لا خلاتها حميدة فالتيقار...!! لكن حلا فلتات ليها و تبعوها البقية ...
نسيم ( تتضحك ) لا اماما كنطيب كنطيب غا مكيعجبنيش ننشر الماكلة ويلي عييب تكون شي موحمة ناخد ذنوبها....
حميدة ( زمات شفايفها )سكت حسن ليك سكت يالمعجازة دخوتك صافي بنتي غي حلا هي لي خرجات تتشبهني...الحاجة تشوفها مرة وحدة طيبها نخرح شهوة منها ....نتي والو تالفة و عقلك غايب ..اما هاديك الشارفة الاخرى تلاقات مع راجلها كيف كيف ...ماكلة الزنقة يعيشو غي بيها ....والله يابنني و الجمعة الجاية ان شاء الله و بقبنا فالحياة مادرتيش كسكسو كي الناس مانتسماش حميدة و يااااه انا حلفت...
نسيم ( فالتة ليها صحكة ) ماغنكونش هنا اماما...يحيى غيجي اليلة غنمشيو لفاس عند الحاج ....
دازت غداء من داكشي ..حميدة صعرات مابغات تسكت دور دور و تشكر فحلا ..لي جالسة حداها تتدور فعينيها و تفرنس حميدة تتشكر فيها شي يهودي سلم مافيهاش شك ...! و هادشي نادرا مكيوقع....دايما هي و حميدة كي الضريرات التفاهم بيناتهم مكاينش...!
جمعو و سالاو و خرجات حلا من الدار لابسة البلدي جلابة مخزانية عاد جديدة و صاك بالسنسلة و داك الشعر يلاه بدا يطوال رجعات ملات و قطعاتو كاري نهار تمل منو نمشي تلصق شعر طويل ..المهم كل مرة مبدلة شكل شغرها دايما التغيير....و هاد التسريحة كتجي مع وجهها كتحمق ...بيناتها عاد بنت عشرين سنة ...!
هزات عويناتها فلالة فاطمة تلاقات بيها تتسلم على الاحوال و الصواب راها هي المعروفة بيه ...
حلا : كون هانية صافي من اايد لليد يلاه هانا مشيت ساعة دير شي سويعة عندنا توحشناك ....
فاطمة : ان شاء الله ياربي....الله يعاون....
بابتسامو كملات طريقها فالحومة كان و مزال الزوينة فعيون الرجال فداك الحومة ولايني حتى واحد مابقى قادر يطلبها للزواح ماقادين على مشاكيل زوينة اه ولايني للزواج لا تيشوفو كل مرة بخطيب جديد تيرجعو للور يخليوها غا للشوفان ...حتى المقدمية فالمقاطعة تيشدو هدرة عليها و ماشي صعيب عليهم يعرفوها حيت عبد الله معروف تما بالذهايبي كاع ناس المنطقة ولاو كليان عندو ... سنين لي دازت كان خير عليه دار اراضي و ديور من التجارة لي كبرات و كتب الله فبها الخير....و دابا تيبلاني لواحد الارض يطلعها فيلا مافخبار حد من غير حلا و حميدة ...! طلقات لسانها و تقلبو عينيها ولاو تيفرفرو ...شداتو و فتحات ليه ودنيه حتى يسمع كلامها
_ اوا الجهد درتو انا و الخدمة خدمت من نيتي و الكليان اذا ماكامت حلا متيلقى راحتو و فلوسو تيعطيها مخسر و مامرتاحش...من هادشي كامل تعاون معايا ندير فيزا شنغن ....
و كان ليها لي بغات ...! تتحمع وراقيها بالسكات مافخبار حد غير عبد االله...فالدار مصداعهم غي باسبانيا اسبانيا حاسبين السيدة غا تتهدر و صافي كيف كل مرة...! حتى تصدمهم نهار تهز حوايجها تلحق على خلود ...!
مشات للصالون تهلات فوجهها و نقااتو ماشي غي جا وولا هكاك كي االبلار...اذا سمحات فراسها تولي حالتها...! السهر عندها ممنوع تتخاف تطلع ليها الكحولية تحت العين...! اذا طلعات ليها غا حبوبة وحدة تتمشي طايرة للطبيب تشوف ديالاش و سببها شنو... كل مرة مهلية فيها بصوان و السيروم شابعة تمارة على وجهها...مابقات تعصب راسها لا يخرج ليها الشيب و تكمش تخت العين ...! مرخية و ضاربة الدنيا بركلة ...ماعندها ولاد ماعندها راجل شكون هذا لي يعصبها ..!
سالات و صونات لنسيم هي لي بقات ليها هنايا حتى خلود هزات بنتها و مشات مخلية عندها القنط....
_ الو نسيم يلاه معايا لتطوان نشري شي الحوايج زدت خمس كيلو مابقات حتى حاحة من حوايحي كتجيى قدي ...الولاد خليهم مع ماما و يلاه ..صافي انا نستناك....جيبي طموبيل ديالك ديالي ماخرجتهاش...
مسافة طريق و كانت نسيم عندها شدوها طريق لتطوان ...تيشريو الحوايج ...
نسيم ( بهدوء ) : خصني نكون تما قبل مايجي يحيى...
حلا ( بضيق ) خليه يمشي هو وولادو لفاس و نتي بقاي هنا...
نسيم ( تتقيس سندال عالي ) مانقدرش ...الحاج دايما فهاد الوقت كيحمع ولادو و حفايدو لي ماحضرش تياخد عليه...وخا تكون عندك خدمة معرفت فاش صروري بحال هاد النهار كل عام العائلة كاملة تجمع....و بغيتني انا نغيب ناقصني مشاكيل....
حلا ( بين سنانها ) وخا ساعة اجي شكي عليا ...( تتعيبها ) ماشي شغلك قالك...ماشي شغلك نينيني.....
قلبوها معايرة و كل وحدة قلبات وجهها على الاخرى...حلا تتشوف الحوايج و الاثمنة و تشاور مع مخها تختار...حتى نسبم لي تخلص عليها و ساهل تسلت ليها الفلوس معصبة عليها ...! تتجيها خلود صعيبة على نسيم...خلود هي الكبيرة حافضاهم بجوجات طير حلا حتى تتعيى تتفرشها خلود ...عكس نسيم تيحكرو عليها بجوج مع عقلها غايب و تتبقى غا ساهية ذهبها متلف و حوايجها غا مشرين و الفلوس ماتتضرب ليهم حسبة .....!!همها كبر من الفلوس و الذهب....!!
تنهدات نسيم من اعماق من قلبها مشكلتها هو حبها ليحيى كتبغيه وخا تكدب على راسها...و حبها ليه مفروش قدامو ...
جات للدار ! سبقات دارت بحالتها طلقات شعرها و لبسات بيجامة دار حريرية فالموف ...! عطرات راسها وولادها تينقزو فوق الناموسية دايرين حالة ...و حتى هوما حالتهم حالة...امير الحليب عندو مع فمو تيعض فيديه و اللعاب مع فمو ...! ازهار بداك الشعكوكة مقزبة بواحد الكسيوة قصيرة ..! سبقات راسها و نقات حالتها و هزات داك للشعر ثقيل مصهدها و ولات راضية على راسها عاد شداتهم بدلات ليهم حويجات النعاس و مشطات لازهار الشعر لبساتهم و نقاتهم وهوما فرحانين ساكتين حيت عارفين باباهم غيجي اليوم ....!!
وصل مع العشاء...! نفس الاستقبال و العيون تيشوفو فبعضهم بالتخبية تقول مصاحبين ولا الشوفة و التعبير عن الحب ولى حرام بيناتهم ...!
تعشاو مع بعض و عبد الله خالق جو مع نسابو ...! تيهدر و شكون خلاه ..ازهار معلقة فيه من جهة و امير من جهة...مامخلينو حتى يتعشى ..
ازهار ( غوبشات و صعرات مزيرة عليه بحال غيهرب ) عععععع......
يحيى ( تيضحك ) غا خليها ...نتعشاو
ابابيتو ...
جمع معاه امير بعضة لكتافو تيحك فيه سنانو حتى قصحو و جلسو فوق رجليه حاضي معاه لا يغفلو...!
سالا و ناض يصلي لصقو فيه بجوج شادينو من سروالو تيركع تيطلعو فوق منو و يلعبو معاه و ينقزو بالضحك و الفرحة....
نسيم وججها شاحبة كتشوف في صمت و الغيرة بدات تتكون داخلها....تعلق ولادها الزايد بيحيى خلاها تحس بالغيرة على ولادها و تراجع راسها و تسول علاش...شنو منقصة معاهم هي..! شكون بي كيتعدب معاهم هي ! هي لي هلكات راسها معاهم و تقطعات عليهم و تتسمح فنعاسها عليهم و قلبهم هوما معلق بباباهم...
دخل كل واحد لبيتو ينعس يحيى تيجبد حوايجو باغي يدوش و عينيه مع نسيم كدور حداه تتجمع الحوايج من الارض و الروينة لي داروها الولاد ...! ضيق عينيها فيها يتعبرها بنظرة رجولية خلاها فالبيت و دخل يدوش ...!
نسيم كانت حابسة دمعتها غا بزز غا دخل يدوش هزات مخدتها خارجة لعند حلا للبيت ...شافتها حلا استغربت...
_ مالك هاحمة عليا...
نسيم : قرب ننعس معاك ...
حلا ( فتحات عينبها )حلفي....و سي السيد
نسيم تتظفر شعرها بهدوء : سي السيد كيدوش من العياء و الولاد ناعسين....تنفطم أمير مابغيتش ننعس حداه.....خليه يتكلف هو و يسهر شوية على ولادو.....
داكشي لي كان...! خرج يحيى من الدوش تيدور عينيه فالبيت على نسيم مالقاهاش...! تكى تيرتاح طاوي رجل و رجل طالقها فاتح عيينيه كيستناها...شافها ماجاياش صرد ليها فالواتساب...لقاها شادة ! حط تليفونو قارن حجبانو و دار دراعو على جبهتو و نعس مغوبش....! مالحق يحلى ليه النعاس فيقتو بكاء امير ولف مو و ريحتها باليل غا يفيق تيلقاها هي ...! فاق يحيى راسو ثقيل عليه شدو تينعس فيه و يسكتو و امير تبكي و يتحنن و يحك نيفو و يغزز سنانو تيبكي بدموع سخاااان ماسكتش ليلة كاملة و يحيى مانعسش معاه ..! و لا نسيم نعسات ولدها كيبكي وهي كتبكي معاه بقى فيها ...! مانعسات حتى نعس هو حتى قرب يطلع للصباح....
حلا صابحة فالمقاطعة تتدور بواحد الجلابة و النظاظر د الشمس معلية حواجبها معصبة على الخدمات لي تما قربات طرطق و تنفاجر ...
_ فين هو هاد المقدم فين ! قلتي حتى العشرة عاد يجي من العشرة و انا نستنى دبا جاي لجوج ساعات و مزال هاد المقدم مابان...لاش دايرين ليه بيرو هنا اذا ماكانش غيجلس فيه....
_ اختي دابا و يكون هنا كون هانية شغلك غيتقضى...
حريرة محرحرة و الاعصاب تتعيى تقول ماتعصبش حتى تينقزو عليها من حيث لاتدري ...! باغية تجمع وراقيها دغيا حتى تكون فاسبانيا فماي و ماشي هي كاع باغيين اسبانيا فشهر ماي على حساب مهرجان فيريا ديل كابالو فاسبانيا ...! تتسمع عليه من خلود و من الاقارب عجبوها دوك الاجواء حتى هي باغية تعيش و تجرب و تشوف و تصور و تعارف على ناس جداد....!
من للصباح و بلا فطور وهي على دوك الوراق دارت ليهم الصعر فداك المقاطعة ...! حتى سالا ت و طلعات لخدمتها مخشعة مع عبد الله حتى هو معاها...! سالات هي مشات للدار بقى عبد الله مع مهدي غادين فالمدينة القديمة...الهزة لي هز راسو شاف عبد الصمد مع كريم...! تلاقاو العيون و كان عبد الله البادي فالهدرة....
_ سي عبد الصمد هذا ...
عبد الصمد ( ابتسم بالثقالة ) اهلا اسي عبد الله الاحوال و الصحيحة ....
عبد الله ( تيضحك فرحان بشوفتو عندو عزيز ) والله الا ساعة سعيدة هادي ..انا لباس الحمد الله والشكر له...فين غبرتي اولدي توحشناك....
عبد الصمد حك لحيتو محرك صبعو باشارة صغيرة فهمها كريم و انسحب من قدامهم مخلي عبد الصمد مع عبد الله...! عاطيه وقتو و الادب كيف قبل مادار ليه والو ماعندو لاش يخسر معاه ولا يتقابحو....جلسو فريسطو عند علي...! تيهدرو و عبد الله نشط و فرحان...تيهدرو عادي بحال الصحبة ...!
علي شاف عبد الله مع عبد الصمد كمش عبنيه باستغراب و الفهايم طاحو ليه فالبال...! ستنى حتى مشى عبد الله لشغلو و قرب لعبد الصمد شاد كرسي حداه...
علي ( ضحك ) نتا ولفتي جلسة الملوك ...قولي ( غمزو ) فين كتعرف سي عبد الله ؟
عبد الصمد تيشوف فيه مطلع فيه حاجبو مثقل كان فغينيا هاد الفترة ولا سمر بالزايد و شعرو قوا على قبل صوتو حرش تيخلع...
_ جاري ! علاش ؟
علي ( بمكر ) فين جارك شمن دار بعدا ...كثرتي علينا بالاملاك و الديور ماعرفنا فين نشدوك ....
عبد الصمد ( معلي حاجبو ) عندك معاه شي بلان !
علي ( تيفرنس ) لااا ماعنديش معاه هو عندي مع الحلاوة د بنتو.....
عبد الصمد كان مبرد ضاربها بثقلة و مرخي مامسوقش تيغزز فواحد العود ففمو فين بلية...غا سمع كلامو هز فيه عينيه بحدة...
_ شكون فيهم ؟
علي ( على نيتو ) ماعرفتش شعال من عايلة عندو ...كنعرف حلا خدامة معاه فالتجارة...الكبيرة يمكن
عبد الصمد داك العود تغزز تحت بسنانو مثقل فالجواب ...
_ شنو المطلوب مني !
علي : باغي ندخل معاها بنية الزواج ...نذوقو شوية و نشوفو قنت اخور ...نكدب عليك عجباتني ولكن داك النوع صعيب يمشي معاك بالخاطر خصو التزيار و الحصار و البزز ملي القضية فيها جارك نجربو الاولى....هدر ليه عليا توسطلي فهاد الزيجة و لك الاجر.....
عبد الصمد ( تيلعب بالعود ففمو و يشوف فعلي من بين رموشو ) تصاحبتي معاها ؟
علي ( ضحك ) انا باغيها غا نقيسوها بالتصاحيب ولا بالزواج اهانية عندي ...الغزالة معفرة ماقلتيش واش عرفتيها ...؟
عبد الصمد ( تيحرك فراسو ) سي عرفتها....
علي : كي جاتك بياسة وازنة ؟ ههه هدر مع عبد الله دير ليا طريق معاها....صافي نعول عليك !
عبد الصمد ( تيشوف فيه بالثقالة ) صافي مشات....من غدا ....
علي ( ضحك ) العز ...اوا طالع لاسبانيا فشهر 5 ....
عبد الصمد ( تيحرك فراسو ) سي....
علي : بغيتك فبلان دار كاستي ياخو بغيت السوارت ....
عبد الصمد ( تيحرك غا فراسو و يغزز فداك العود مثقل و حاجبو معلي ) وخا.....
علي ( تيوريه تصاورها فانستا ) عوينات المشيشة ......
شاف عبد الصمد فالتليفون لقى صورة حلا مبيناها كاملة دايرة رجل على رجل فالبيرو لابسة البلدي و سندالة عالية مقطعة الشعر كاري و العوينات مجبدين جاو عويناتها ملونين باينين...!
حجبانو تلاقاو قراب يتعانقو بقى جالس جالس حتى ناض نوضة وحدة هز تليفونو راسو ثقيل تيغزز فداك العود و يميل فدوك الكتاف...حتى كان قرب يخرج و تم راجع لعندو تيعض فكو ... جمع معاه واحد البونية حتى طاح من فوق الكرسي و تهرسو الطباسل و الناس كلشي ناض تيغوووت و يهرب...و علي كي المصدوم تيشوف...
عبد الصمد ( معرعر) ياولد **بة مابانت ليك حتى بنت ***ل غير هاديك.....
علي ( تيشوف فيه مخنزر تيدفع فيه ) الصمدي....
عبد الصمد ( دمو سخن ) اولد **بة هاديك كانت معايا .... ينعل الثق*بة لي خرجاتك ال**ل ...
علي حالتو ولات حالة...و الغوات و النساء تيغوتو و كريم طار لعندهم تيفارق و شي تيصور وهو فاتح فمو مايقدر يحيد بلية التصوير من هاد الجيل ....! الحاصول دار ليه قربالة فالمطعم....كون ماكان كريم كون طاحت الروح....!! عبد الصمد جمع راسو و خرج من تما تيمسح فمو و يدفل غا بوحدو ...اما كريم بقى مع علي فالبيرو ديالو الفوق معصب و ماراضيش كيسب
_ على بوتا د ال**ب دار هاد الحالة.....
كريم ( معصب ) و مابوتاش مابوتاش...اولد البوتا هاديك وصل معاها حتى للزواج ضربتي على الصمدي اعلي صافي خسرتي معاه.....
علي ( شاد حنكو تيضرو ) و انا باش غنعرف ؟ فين عمرني شفت شي وحدة من النساء ديالو ...تفووو ينعلها ماركة اصاحبي....جالس كيهز فراسو و يهمهم عليا...قلتلو توسطلي مع عبد الله ندخل مع الزمر للزواح كيقولي وخا من غدا قلت الخاوة ديالي نعول عليه....تفو اصاحبي...
كريم ( حابس الضحكة ) من جدك از**ي ! صافي يرحم جدك لا ماسكت و جمع فمك ....
علي : و الزمر مطلقة منين غطيح فبالي انا !!
كريم :و فخبارو ...كلشي كيوصلو من خوه سعيد وخا بلا مايسول هو عليها سعيد كيوصلو لي خصو يتعاود و لي لاااا...
علي ( معصب ) و ينعل ز**ل الزمر مطلقة من خونا اخور بانلو فيا انا....
كريم (تعصب على علي ) و ماين كتفهم اصاحبي ماين...واخا تكون مزوجة بمية بعدو تجي نتا صاحبو كتهدر على واحد البنت كانت معاه راه جائز فيك ذبييحة الخاوة ديالي.....
في رياض سي حميد. ..
لالة حسنية هازة تليفونها كدور فالرياض تتصوني على يحيى جارة جلايلها وراها الشعر باين نصو تحت الفولار و العوينات مكحلين و التاويل ....
_ الو يحيى ولدي...فينكم وصلتو صافي ملي تئربو ئولوها لي....يلاه الحبيب ديالي الله يرضى عليك ...
قطعات عليه و بقات هازة تليفونها تتجمع فمها و تكمش حجبانها تتفكر ...حتى علات داك الصوت عندها رقيق بالزايد تتعوج فالمشية ...
_ رحمة...جيب ديك الجلابة لي خيطت لنسيم من البيت دسيدك حميد و دخلها لبيت يحيى و ئول لحبيبة نحط معاها العئيق و الجوهر ...
رحمة ( تتنهد في صمت ) وخا الالة حسنية هي لي ماتعاودش....
تمات طالعة فالدروج تنفد طلب حسنية ..و هي توقفها زينة زوجة حميد المصرية و ام يحيى ..لابسة عباية مصرية و الحجاب على حقو و طريقو مغطية بيه شعرها الاسود زينها فتان وخا كبرات باقين الحريفاات...كيقولو زينة اسم على مسمى...هبطات النظاظر د الشوف على ارنبة نيفها تتشوف بحدة فرحمة و هدرتها عالية و مايعة....
زينة عقدات حجبانها و ردات بصوت عالي تتشالي بديك اليدين و الذهوبات تيرنو...صعرات....
_ ميين قال نسيم عاوزة تلبس جلابة مخربية....نسبم عروسة ابنتي انا الوالدة تلبس على زوىي انااا....
رحمة ( تعصبات ) و لالة نبقى انا طالعة هابطة خليني ندير لي قالت لالة حسنية و براسك معاها....
قبل ماترد زينة هبطات رحمة تتنكر و تزطم فجلايلها داخلة عند لالة حسنية للكوزينة...
_ و لالة حسنية...زينة مابغاتش قالت نسيم مراة ولدها هي مغتبلسش الجلابة غتبلس بحالها بحال العيد الصغير لي فات....و قالت ليك جلالي المخرب مايجيوش على عروستها...هكا قالت المخرب ماشي المغرب ولات تتزيد فيه الالة حسنية انا مغربية مانقدرش نسكت على هادشي النفس كتحرك فيا ...
حسنية ( زيرات على سنانها ) هاااي هاييي....دابا عاد عرفات ولدها فين كانت ملي كنت انا نسهر و نربي...يحيى و صفوان ولادي انا بحالهم بحال نادية و نجوى انا ماولدتش ولايني ربييت ...( قربات حتى للدروج تتسمع ليها ) هي كانت شابعة خناث كتعرف غا تولد و انا نربي حتى كبرو عاد تنادم معاها الحال و لا يحيى ولدها...اسيدي ولدها تربح بيه انا العروسة ديالي و حفايدي والله لا تدخلات فيهم.....ولدي جابها مغربية بنت بلاااادي و بنت بلااادو و ريفية بحال عرق جداتو....و مووووتو العديان بالسم......مغربية بالغاااااء الغاااا ماشي الخااا...المغاااربة المغرب...المخرب هو لي كانت فيه ...
زينة سمعاتها و تمات هابطة عندها بواحد المؤخرة و الصدر عراض تحت ديك العباية و العينن كحلين مأطرين بالكحل ...و حسنية كثار منها شدوها معايرة بالكلام حتى ماصبرو و ترايشو باليدين ....! كلشي جرا لعندهم تيفارق حابسين الضحكة عندهم عادي ولفوهم مرة سمينة على عسيلة مرة عديان ...! ترايشو ديك الساعة ولاو حباب بعد ساعة.....!
ضريرات هادي سنين...!تزوج سي حميد بزينة هي الاولى تزوجها لجمالها حمقاتو و مامشى حتى تزوج بيها عاشت معاه فالمغرب و دارليها دار بوحدها بعيد على رياض العائلة...حتى ولدات يحيى كانت مفشسة عندو داير ليها الخاطر مابغاتس ترضعو. لا تربيه هي قالت بغات المربية ...عوض المربية مشى تزوج بحسنية ربات يحيى بحال ولدها و بغاتو كثر من ولدها ...كانت زينة تولد و حسنية تربي ولدات يحيى و تبعات من وراه صفوان صافي من تما ماعاودات ولدات....بقات تمارة غي على حسنية كبرتتهم هي ...زينة شابعة راحة و دوران و سفر حتى كبرات و زينها بدا يمشي عاد تنادم معاها الحال و ولات تتبكي على ولادها لي تيقولو لحسنية ماما...! و هكاك كبرو ...تيعرفو زبنة السيدة الوالدة و حسنية هي تيقولو ليها ماما....وخا حسنية ولدات جوج بنات باقين عندها يحيى و صفوان ولادها العزاز ...!! تتحماق على يحيى و كتموت على ولادو ...! عشقها بالحفايد و حتى واحد من ولادها مابغى يتزوج...!
سي حميد داخل بواحد الكرش معبس معصب تيشوف فالنساء ديالو زينة و حسنية....كانو كيتخاصمو عليه و يحماقو عليه بجوج و يسعاو باش يرضيواه بجوج كان شابع دلال حتى تقلبو عليه بسباب يحيى ..ولاو كيتخاصمو عليه هو و على ولادو...سي حميد مشا وقتو مابقاو يديرو ليه اهتمام.....حتى ولا تتطيح ليه فالبال ينوض يتزوج الثالثة و يديها ضد فيهم....!! تيعيى يقولها قدامهم شكون بقا كيتسوق ليه ....باش بفيقهم و يرجع الاهتمام لراسو شوية ماعرفش !
رحمة ( تتشوف فحسنية و زينة واقفين تيوشوشو بحال الصحاب و تترجع تشوف فصحبتها خدامة تما عاد جديدة تتهز فراسها )
_ الله يستر ياربي ..
صحبتها : واش كيتخاصمو بزاف دايما هكا الصداع....
رحمة : دايما الصداع بيناتهم اصحبتي و دغيا كيتصالحو....و تخايل على من على يحيى وولادو...! زينة باغية كلشي تحكم فيه هي...شافت حسنية خلات ليها سي حميد مبقات تتنافس معاها عليه ولات حاضية يحيى و صفوان ..زينة تزاد معاها الزايد ولات حتى هي حاضية يحيى ...! اوا يحيى ماشدوهش بجوج مكيشبعوش منو حتى الشوفة كي الناس . .قالو مراتو نسيم هي لي متلفاه....اويالالة شنو دارو ..ناضو تيجرو فنسيم كل وحدة باغية تجرها لعندها ...و عروسة وحدة لي عندهم هي نسيم...زينة بغاتها تلبس المصري و حسنية المغربي...! و نسيم ماتتلبس لا مصري لا مغربي هاديك عالمها بوحدو......وخا ديك اللفعة د زينة ماحملاتش نسيم فالاول بغاتو يتزوج مصرية ولايني هو مشى جابها ريفية خلات حسنية تشفى فيها و دارت الحمية زعما شوف راه مغربي ولد مغربية مشى خداها مغربية بحالو ..نتي غي زايدة ....
صحبتها( بدهشة ) اول مرة نسمعها .....يمشيو يزوجو صفوان يخليو عليهم يحيى فالتيساع ....
رحمة : صفوان باقي كيطير ماغرضوش فالزواج و حتى بنات لالة حسنية مزال كيقراو ..و لالة حسنية كتموت على بحيى و حفايدو عرفتي ملي كيسافرو كظل تبكي عليهم دموع صحاح.....و قلبها بيض ديك المراة شحاال كتغطي على عروستها و عيوبها قدام البراني ...عروستها هبيلة شوية و سكوتية ماتعرف حتى تدوي و مافيهاش الصواب و الكلام حلو والو و الطياب مفضية يديها مافيهمش حس البنة ...و اجي تشوف قدام البراني شنو كتشكر فيها ماتحملش لي يعيب ليها عروستها .....
صحبتها : و حتى واحد مالقاها كي بغاها...هاد نسيم تحمد لله و تسكت ربي عطاها بجوح عجيزات باغيين غي رضاها ...مهنية من المشاكل....
رحمة : فين هي الراحة...! السيدة مسكينة خصها دير الخاطر لهادي و لهادي كل وحدة فين تتجر فبها...و زينة كتعرض عائلتها المصرية و تتلصق نسيم معاها تتبزز عليها تجلس معاهم و تعلمها الطياب المصري باش تبقى تعرض على عاىلتها و تكبر بيهم زعما...و من جهة لالة حسنية تتقوليها لااا نتي مغربية تقني غي الطياب المغربي هو الاول عاد شوفي الاخر ...شنو يصبر على هاذو تيجرو فيها بحال المونيكة....وهي ماعندها صحة ليهم واحلة غا بدوك الولاد مامخلين ليها خاطر....
ص: و خا هكاك حسن من وحدة عايشة مع عجوزة قبيحة هاذو بعدا كيقلبو على رضاها و مهلين بها فالحوايح انا ماكرهت هذا لي بزز عليا الحوايح ...واش ساكنة خارح فاس ياك !
رحمى : شكون نسبم و يحيى ! لا في فاس نيت غا هوما دارهم بوحدهم.....عازل على العائلة عايشة حياة الاميرات ...راجلها تيبيع و يشري فطنوبيلات كل مرة بطموبيل جديدة و كيبغيها و يموت عليها مشبعها رومانسبة فين ماتولد ليه تيطمرها هدايا كيموت على ولادو ...! و الدولة لي ماعمرك سمعتي بيها مشات ليها معاه....قيل ماتولد امير كان كيكون خدام كياخدها معاه فين مامشى مايقدرش يصبر على فراق بنتو ...غا ولدات أمير جلسات الارض ولات مقابلاهم حيت الصغير صحتو على قد الحال دغيا كيمرض و كثرة البشر مخلطين...و اذا مرض كلشي كيمرض وراه.....كانت تتخدم و تقرا و تربي الولاد و دارت ليهم المربية سمعو لالة زبنة و حسنية طارو و نزلو علاش المربية وهوما كاينين....مارضاوش و ماعحبهمش الحال....حتى هي دارت بالناقص و جلسات عاطية وقتها لولادها مغيارة عليهم بلا قياس....
ص : و سعداتها تمنيت حياتها اختي.....عندها كلشي شنو ناقصها.....الراجل و الفلوس و الولاد و العجيزات طالبين غي رضاها غي قولي شنو ناقصها....نفكر من هنا للصباح والو الحياة السعيدة.....
وصل يحيى و نسيم للرياض...مالحقو يخرجو حتى كانت حسنية خرجات تتجري فرحانة لابسة اابلدي و البلغة فالرجل و فولارىالحرير فنص الراس نص شعرها تيبان مشرتلة باذهوبات....
_ على سلامتكم الحبايب...فين حفايدي فين....
يحيى ( درعها لعندو تيبوسها فراسها ) توحشتينا حنا ولا الحفايد ...
حسنية : بجوج ولاهيلا بجوج...كتاخدو مني الذنوب ملي كتغبرو عليا حفايد والله العظيم ....( غلباتها اابكية ) مانسمحش ليكم....
يحيى ( كيراضيها ): شوف و كان الواليدة....ماتسمحيش لينا كاع ...
أزهار ( طلات عليها تتضحك و تدلل ) مييييمييي كوووكووو....
حسنية هزات ازهار لعندها تتبوس فيها و تعاود و الدموغ عندها على سبة تتكمش فمها حابسة البكية تتدعي ...
_ يا يمة على ميمي يا يمة...الحلاوة يابنتي الحلاوة هازة زين عماتك غا بناتي الغزلات محطوطين....
نسيم ( خرجات من الاوطو متقلة بامير ناعس فيديها شعرها مجموع عالي وججهت صافية من اي نقطة ماكياج لابسة لباس عادي مع الولاد عارفة راسها غتكرفس )
_ خالتي حسنية لباس....
حسنية ( بفرحة ) الفرحة الفرحة ياسيدي ياربي ( حطات ازهار لباها و قربات لعند نسيم تتسلم )اري نهز حفيدي اري الحبيب د ئلبي المومو د عيني ...( هزاتو ناعس تتبوس فيه بحب ) الصغيور ديالي ياربي تحميه و تحفظو ياري تخلي ليه صحتو ....زيد ابنني زيد عيتو الصهد بدا يدخل تبارك الله....ياربي الفرحة كتفرطط في ئلبي هكايا كتغلي....
دخلو للرياض موجدين ليهم الغذاء على حقو و طريقو و هذا تيبوس فهذا و العائلة كبيرة و مزال تكبر ...لالة حسنية بالها مع زينة تتقلب بعينيها عليها ...هاد الاخيرة عياات عساسة حاضية عليهم باش تكون هي اول وحدة تلاقاهم ساعة غلبها النعاس و نعسات مافطنات لوالو حتى للمغرب عاد فاقت من النعاس و هزات فولارها بالزربة خارجة لعندهم ...يحيى و نسيم و ولادهم و صفوان و بنات حسنية و عم يحيى و ولادو العائلة تجمعات...هي لي غايبة و حد مافيقها....!
هزات داك النيف و هبطات لعندهم جالسة حدا ولدها تتبوس فيه وتبكي ...
_ وحشتيني اوي ياحبيبي ....الحمد اله على سلامتك....ياروحي....
يحيى : و زينة نسكتو وحدة تبكي الاخرى....ندوزو نهار غي البكاء...!
زينة زيرات عليه تتبوس فيه و تدمع جايبة فشوشها عليهم كاملين ..! تتشوف فحسنية لي هازة حفايدها لعندها و نسيم حداها تيهدرو و يضحكو شداتها الغيرة و ناضت لعندها تتعوج ...هزات ليها البنت من عندها ...
_ تعالي ياقمر ...سكر سكر وحشتيني ياعمري....
أزهار ( زيرات علبها تتبوس فيها و تكمش فعينيها ) ميمي زينة...كوووكووو...
ضحك يحيى تيهز فراسو ..
_ كوكو عندها كي السلام عليكم.....
نسيم ( بابتسامة ) كل مرة مصدعاني مامي توحشت ميمة زاينة مامي نمشيو ميمة زاينة....
حسنبة ماعجبهاش الحال سكتات جامعة فمها قالبة وججها على نسيم ....خلاتها و ناضت للكوزينة هازة خنافرها...حتى تبعاتها نسيم لي عاقت براسها اش قالت..تتسايس معاها ...
_ خالتي حسنية مالك....تعصبتي...
حسنية : ياك ابنتي ياك ئدامها كتئولي ديك الهدرة ئدامها ..علاه مالها ماتوحشني انا شكون كيبئى يسول فيهم ديما و موحشهم و نبكي ليل و نهار عليهم ياك ابنتي بغيتبها تشفى فيا ...
حسنية ( تتهز فراسها خارجة للصالة فين جالسين تيهدرو ) احياني عليك ...الدفلة لي تتخرح ماتترجعش....ماعليش ماعليش انا معزتهم عندي فالقلب مانبدلهم بحد ...( تسيفات ) يلاه نوض بدل عليك و اجي لعندي لهنا غندير بسطيلة الحوت على يدي دي لي ينفعك و تعلم و شد و ئيد ابنتييي مايدوم ليك حد لا انا لا يماك....
نسيم : ليوما ! عيانة اخالتي حتى لمن بعد ...
حسنية مغوبشة فيها....
_ و فوئاش غتعلم ؟ هااا ؟ غائولي نسمعك ! بالحأ أنا لي فششتك والله يابنتي و باش كيحلفو النساء الحرات مانعاود نجاوبك و لا نعطيك جواب اذا دخلتي عليا فالواتساب تتسولي...مانتي عروستي مانا عجوزتك...يلاه بئى حتى تزير لراسك و تمشي تئلب لراسك ....عوص تهلا فمول دارك و فولادك ماكلة الدار على اليد و تكون حرة و نفسك حارة عارفة شنو تتوكلي ولادك و لراجلك و حاضية شنو تيطيح ففمهم بالصغيرة و الكبيرة و نتي عايشة بماكلة البراني ...( خسرات سيفتها ) تلئاك حافضة نمرة تريتور كثر من نمرة راجلك.....
نسيم ( ضحكاات) : مانجيش عندك غي كون هانية ...خالتي زينة كاينة حتى هي تتعرف للبسطيلة علماتها الحاجة....زعما غي نتينا....هااء شلااا الالة حسنية ....
حسنية بحال كبيتي عليا الماء بارد ولات غا تتقلب فعينيها تقول خشيتي فيها بريز الظوء...عوحات فمها قالبة عليها وجهها...
حسنية ( تبلل شفايفها و تهز فحجبانها ) شفتك خطي بيطي عند عائلتك للشمال و من حئك عاىلتك مايزولك حد تمشي عندهم ولايني واحد الحاحة....امير ولا تيتعلم يهدر و اللهحة ماخصوش يشدها شمالية ( كمشات حجبانها ) ويلي حيي يصبح و يمسي علينا بالعايلة و نتينا و نتينا كي الوليات ...ازهار وخا بنت جات معاها ولاين امير ولد مايهدرش بالشمالية....ماكتجيش والو بمرة ...
نسيم ( كمشات فيها عينيها )علاش مالها الشمالية و زايدون اللهم الشمالية ولا يحول ليا االقاف الالف ...قادي غي هدرتك عاد شوفي هدرة ولادي....
حسنية ( بين سنانها ) يعطيك فئصة يابنتي ...كيطوال ليك اللسان غي معايا مع الناس كيتسرط و تبلعيه يئولو غا بكمة ماتعرفش تهدر.....
نسيم ( مقصحة ) و صافي ماتهدر معايا مانهدر معاك كتعاير فيا و نسكلتك عجبك تقول على اللهجة الشمالية خايبة و ماعرفت شنو و ماعجبكش ملي عيبت ليك هدرتك ..ولادي مصاب غا يتعلمو يهدرو وخا يقلبوها شينيوية....
سكتو ملي دخل يحيى للصالة مدوش عليه لابس شورط بيض و سوميز بيضة و لحمو سمراء و قاصحة شعرو كيقطر بالماء...متينشفش شعرو بعد الدوش شافوه ولادو ناضو كينقزو لعندو تيضحكو بالجهد ...
ازهار كثار زيرات على عنقو خايفاه يمشي تتضحك ماصدقاتو جالس حداها شافتو غبر قالت صافي ماتشوفو حتى من هنا شي جوج سيمانات ....!!
_ پاپا امسي ...
يحيى ( تيمشط ليها شعرها بيديه ) اجي لهنا المشة ديالي جلسي ...لا مانمشيش نبقاو هنا بغيتي تمشي ؟
ازهار ( تتعض شفايفها تتضحك و تكمش عنقها كي المشة ) حووونية ابابي.....حووونية....
نسيم ( ضحكات ) صافي هاهي غتبدا تعصب ....
حسنية تنهدات تتشوف فيهم بحب ...
_ الله يحفظهم و ينجيهم ياربي..ياربي تعطيهم مناش يعيشو و تخليهم لوالديهم ياربي ...الحبايب د ئلبي الغزلان ديالي ....
يحيى ( تبسيمة صغيرة ) تدعي معاهم و معانا لا....الحكرة هادي....
الحسنية ( حطات يديها على فمها تتضحك بالتاويل ) انا ندعي معاك فالغيبية ديالك ....الرضى ديالي خديتيه من نهار تزوجتي بداك الفن وولدتي هاد الحلاوة....( هزات يديها تتدعي ) سير انا بغيتك ليك الرزق و الخير معاها و الزلط مع غيرها ....و يلاه ا لالة نسيم كاين خير من هاد الدعوة....
لي تما كاملين ضحكو على الدعوة بالدموع....يحيى ضحك و حنى راسو لولادو تيلعب معاهم و نسيم اكتفت بابتسامة صافية والبقية ضحكو مابغاو يسكتو.....
نادية :الله يعطيك الصحة اماما هاذي عندك واعرة ....
زينة (زمات شفايفها مغوبشة ) الله يستر ....
طلعات نسيم للبيت مخلية الولاد مع العاىلة التحت...! عبنيها مزال ضاحكين من المهاودة و الضحك لي كانت التحت...! استغلت الفرصة و دخلات دوشات عليها و تهلات فراسها بقات شي ساعة فالدوش غي شعرها واخد ليها كثر من الجهد ...! هكاك ثقييل و كحل و داحس مبرزطها و معدبها لكن مربية عليه الكبدة و مهلية فيه من صغرها وهي معروفة بالشعر الطويل ....! و مع الرضاعة كانت تيطيح و ا يتلف ليها قلباتها فيثامينات و بروتين للشعر مرة في شحااال ملي تترشق ليها وتتلقى وقت لراسها...!
دخلات نادية اخت يحيى تتطل .عليها ..
_ نسيم نتي هنا...
نسيم : نادية انا هنا غي دخلي شدي الباب من وراك ...
نادية دحبات شادة الباب من وراها تتبسم
_ ياختي و شحال توحشتك الفن ...غبرتي علينا بزاف...
نسيم ( ضحكات ): مزيان توحشوني انا الصيف ايجيني صعيب ندوزو هنا ...غي تدخل الحرارة غنكلع للشمال مامولفتش الجو هنا....
نادية جلسات بلا اذن تتطلعها و تهبطها حاضية جسدها و نسبم تتدور حداها لابسة غا السروال من الفوق غا حمالات الصدر هازين صدرها منفخ قريب يفيض....!
نادية : فين مشات الكرش ؟ تبدلتي عليا ولا غي جاب ليا الله ......والله الا الكرش مشات و لحمك مشدودة.....
نسيم قلبات شعرها للجنب تتقلب على حوايجها متلفة معاهم....
_ الكرش قطعتها....
نادية ( بفضول ) لا درتي شي حاجة ..مايكون عا يد الدكتور تازي داز من تما ...هاديك ماشي كرش ديال وحدة والدة جوج....
نسيم ( هزات شعرها بمقبض فضي تتشوف في نادية من المراية )ماكاين لادكتور تازي لاوالو ...درت حصص د اليكتغوستيميلاسيون حيدنا الكرش و زيرنا اللحم شوية انا ماعنديش الوقت للرياضة. و لاصال كل مرة اختصرت عليا الطريق ....
نسيم رماات علبهة شوميز د يحيى خلاتها مفتوحة غا بالزربة و فتحات لبها ...دخلات بامير ناعس كي الملاك حطاتو فوق الناموسية ...
نسيم : فين أزهار ؟
حسنية : نعسات فبيت زينة ....( ردات البال لكرشها و لحمها المشدود ) هاي هاي على الناس طيحو الكرش ...كانت بائية شوية ملي ولدتي امير فين مشات !
نسيم : حيدناها اخالتي شنو غنديرو بيها ....
حسنية ( باعجاب ) و هكاااك الله يرضى عليك تهلا فراسك و فراجلك و في فراشو ....
نسيم قلبات عينبها بهدوء تتزير ملي تيجبدو هاد المواضيع ..شافوها سكتات سكتو حتى هوما و خلاوها تتقاد راسها...!
لبسات جلابة لي جابت ليها حسنية على ذوقها و معروف لالة حسنية الذوق و التا ويل و الاناقة كلشي تيشكر ذوقها...كانت جلابة فصالة مخزانية بالازرق السماوي ...! واقفة قدام المراية شاداها كاملة طالقة سالفها لجهة واحدة هازة مبخيرة لايحة فيها العود تترش منو على شعرها الكحل بين يديها ....سمعات الباب عليها تحل عرفاتو يحيى حيت هو لي تيدخل بلا مايدق مايمكنش سي واحد اخور من غيرو بدخل لبيتهم هكاك..! ارتابكات و تلفات مابقات تقد تكمل شعلها بخاطرها قدامو...! عطاتو بالظهر مكملة شعرها و السالف العود تيمشي و يجي وراها ريحة العود عاطية ...وهو واقف تيشوف فبها عةطياه الزهر لدبك الجلابة قصيرة الرجيلات كي قوالب السكر بيضيين واقفة بلا طالون مع دالك رجليها ماينزلوش للارض تتوقف على صبيعات رجليها البلية باقية فيها وصعيب تبدلها حتى ولات تتشكي من ظهرها بسباب الطالون....!
داز من قدامها تيشوف فامير ..
_ ريحة العود قوية على امير...
نسيم ( حنات رموشها تتجاوبو ببرود ماتتشوفش حتى فيه )
_ البيت مهوي و السراجم مفتوحة ؟ و الريحة مابقاتش !
يحيى ( تيشوف فيها طالع نازل مغوبش ) دخلت جاتني قوية !....
نسيم سكتات ماجاوباتوش ...حتى هو جاتو الحالة لي تتجي للرجاال من فترة لفترة ..باغي غي النݣير و الصداع تينكر و عينيه كلاوها تقول ها. ااسيد ناقص. ليها شي بياسة فعقلو ...
_ ملي يكونو ناعسين ماترشي حتى ريحة قدامهم و الورد بعديه علبهم...ازهار شفتها كتاكلو ديما كنبهك عليه الورد حطو بعيد على الولاد ....
ماجاوبهاش غا تيشوف فيها قريب ياكلها مزير على فكو قالب وجهو منها معصب و باغي غي السبة باش يغوت عليها و فالحقيقة مامعصب على والو من هادشي كثر من ديك اليلة لي جا من السفر هربات و خلاتو فالبيت بوحدو ماهدرات مانطقات ماسولات ....ماعجبوش داك التصرف و طلعات ليه النحل....المكلخ و يفهمها كان غايب على مراتو شحال ملي جا مالقاهاش بحال تتقوليه انا ماباغياش سير شوف البديل زايد ناقص عندها....!
شافتو سكت سابقاه غوبشاتو...! سكتات حتى هي لبسات فرجليها و تمات خارجة بحالها بعيون مطفية ....وقفها هو بيديه مغوبش ..
نسبم : دابا نتا مالك مالك غا قولي ...كنبان لبك غي انا تفركع فيا ...من هدرة اهدرة كتفتش على السبة !
يحيى ( قربها لعندو مغوبش ) السبة !!
نسيم : انا مابقيتش غنفطمو و نتا عارف شفتيني رضعتو فالصباح قدامك عاد دابا جاك تهدر !؛
يحيى نزل يديه على جنابها سخن عليه راسو ...
_ اما مادويتش على هادشي هدرت على الريحة تخنقي الولد ...! هاذوك عبنبا باش كنشوف توقع ليهم شي حاجة مانعقلش عليك....
نسيم : و فين هاد الريحة ! فيين ! ايحيى كون غا شميتها باغي الصداع صافي باغي الصداع من الاخر قولها ....
يحيى ( هز سعرها تيشم فيه مغوبش ) و ها الريحة هادي فيك ماشمتيش ..الريحة فيك و نتي ماشميتي والو ...ماتقربيش على الولد....
نسيم تتشوف فيه بنفاد صبر
_ داكشي لي كنت غنعمل...كنت خارجة بحالي و نتا وقفتيني....
زيرها عندو و رد ليها شعرها اللور تيشم فيه و شد ليها يديها اللور تيبوس فعنقها بلهفة.كمشات عينها ناطقة بخفوت و عينبها ذابو و تعسلو دغيا ...
_ يحيى وقف...كيستناونا التحت...يحييي....
غابت معاه بسهولة في بحر الشهوة و الشوق كاع داك التنارة لي ضربات على راسها مشات فالزيرو...! الشعر ولى حالتو بيديه شابع تمارة و تجرتيل و تشعكك جسدها مدكدك و صدرها تيطلع و ينزل فوق صدرو ....اللحم تقطعات فيها تقول غي عروسة اول مرة يعاشرها هكا تيوقع ليها كل مرة ملي تيرجع من السفر ...
شعرها عدبو و صهدو و عصبو همس ليها فودنيها و عقلو غايب...
_توحشتك.....
عرفاتو غا فلتات ليه لو كانت في حالة طبيعية ماعمرو يفكر يقولها...بحال داك الكلام غير مسموح في علاقتهم بحال الا حرام و غير جائز...ولفو على هاد الوضع لا من جيهتها ولا من جبهتو...! توحشاتو و توحشتها لكن الاعتراف غير مسموح و تيجي غريب بيناتهم.....بحال الغراب ! علاقتهم سطحية ...مزال تتحشم منو فشي حوايح و ماشي مطلوقين مع بعضهم...ماترضاش يبان عيبها قدامو ولا يبين عيبو قدامها.....!بحال كاع داك الحب لي عاشوه قبل الزواج غا كذوب و حلم و تبخر ...! مامنو والو ...! هاد المرة كانت المعاشرة غير على لي سبق ! كانت نسبم مرتاحة و الثقة باينة عليها....الكرش حيداتها و تهلات فراسها تيدوز يديه على لحمها تيزهق...حس بالتغيير و عجباتو .. .شعرها معطر تيشم فيه و يعاود تقول ماشي هو هذا لي غييى ينكر على الريحة غي قبيلة.....!
وججها مورد و لحمها تتبري بالعرق تكات على صدرو بتردد بحال الا بلاصة محرمة...هزات يديها تتدوزها على صدرو ...و يديه هو مرتاحبن على فخاضها....! مابغاتش تنوص دابا ولا تفرح بزاف من هاد التغييىر لي وقع ليه غا كلمة توحشتك فرحاتها و عنات ليها بزاف ..مولفاه تيعبر غا بالافعال بحال هاد الهدرة مقطوعة...لكن مابغاتش تفرح بزاف حيت تتعرفو دغيا كيتقلب و بجال والو غا ينوض يتقلب عليها ...ولا بحال المريض الشك و الوسواس خرجو عليه و عليها.....!فالخدمة كان دايما مشوهها و دايما الصداع بسباب الغيرة و الشك ديالو ..."ديال من هاد النمرة " " علاش هذا مصيفط ليك ؟" كيفاس هاد الاجتماع ..دبالاش ! علاش تيعلموك فالوتساب...عااش كاين سي اجتماع تيتعلم بليلة قبل و فالحداش د اليل.....مرضها و خرج عليها حتى خرجات من الخدمة تقابل وليداتها و رتاحت من داك الصداع عمرو كان هكاك كان تيحسدوها على شخصيتو تجلس حداه تشبع غي ضحك و تقواج و الهدرة حلوة و الحب فعينيه مفروش و قلب. بيض و حنين بلا قياس ماعمرو كان تيتعصب عليها كثر من نهار تيبدا هو يراضيها و مايصبرش على المخاصمة....وخا طلبات منو الفراق و قالت ليه مابقيتش باغياك و مابقيتش غنتزوج بيك بقى لاصق فيها و عينو غي فيها يموت على قبلها مابقات كرامة واا عبو ريح ديك الساعة المهم كانت عندو غي نسيم بنت عبد الله بيها ولا يحماق بلا بيها...!تطوان عندو منورة و تيموت عليها حيت حبيبتو تطوانية عييا يرغب فعبد الله و فيها علاش عطيني شي سبب ...علاش شنو درت ليك ! شفتي شي حاجة ماعجباتكس...علاش !! طيحهم صحاح عليها وهي كانت تتبكي الدم عليه....و نهار تزوجو كان تيضحك بوحدو كي الحمق جتى تصاورهم من الخطية و العقد و احفلة العرس غا ضاحك و تيفرنس و يضرب على صدرو الفرحة فعبنبه كانت باينة للعور....!! اما تصاورهم فسبوع بنتو تقول هزيتي راجل و حطيتي اخور...معبس وجدي و صارم وهي عينيها مطفيين بحاا الشمعة تتذوب شوية ورا شوبة.......
حس بدموعها على صدرو طلع يدبه لشعرها و نطق...
_ جيبي ليا جاكيط ديالي محطوك فوق الفوتوي و رحعي حدايا ....
هزات عينيها المدمعين فيه ...
_ دحينز ؟ فين هي
يحيى : رميت عليها حوايجك تكون غي تما قلبي ....
.
رمات شعرها ورى ظهرهاو ناضت هكاك جابت ليه جاكيط ديالو و جرها لعندو خرج سنسلة فيها حرف n ديال الذهب ركبها ليها فعنقها بلا هدرة بلا جوج ....
نسيم شافت فيه بعوينات مدمعين ماصبراتش و ترمات لصدرو مزيرة عليه تتبكي : انا مابغيت والو ..بغيتك غي نتينا معايا ايحيى ماعرفتش علاش كتعديبي هكا....ماعرفتش واش باغي كتبغيني ولا ولتيتي كتكرهني لكن انا كنبغيك ( تتبكي بحرقة ) والله عمرني بغيت شي واحد قدك بعادك و سكاتك كيحرقني ...جوح ولاد ايحيى حوووج ماشفعوش ليا عندك ... كننعس و نفيق باش يدوزو الايام دعيا و تنحسب فيهم فوقاش يدوزو و يوصلو لعام اخور تنسا فيه عام بعد عام و انا كنسنتنى ...و دازت اربع ستين و نتا مزال مابغيتيش تسمح ليا....والله ماكانت فنيتي نخبييي عليك ماشي بيدي ايحيى والله مافيدي انا تعدبت في حياتي و نتا كتزيد ( زيرات عليه تتبكي بالجهد دموعها غطاو وججهعا ) ماتنسى حتى يطرطق فيا شي عرق ...حتى نموت انا عاد ترتاح نتينا....
خوات قلبها حتى عيات وهو تيمسع و ححيبانو ملاقيين شكات و حكات و بكات حتى سخفات ليه بين يديه ناض حالس مخلوع تيهز ايها راسها ..
_ نسييم...نسيييم...
ضربتا لوجهها تيحركها بلطف حتى فاقت و الحكولية مع عنييها ماتتشوف والو و راسها ثقييل عليها...
_ صافا ! شنو عندك ...راسك ثقييل !!كي كتحسي !
تقليات عاكياه بالظهر شادة عبنبها تتمسح دموعها ...
_ صافا ؟؟؟ كيهمك !! هاد الهدرة كاملة لي قلت تتجاوبني بصافا !! خليني مع راسي ايحيى بعد مني و حسبني ماقلت والو ...
حسنية : مالها ! عاد كانت مزيانة ! ماكلات وتاو من الصباح كون فيقئتيها تاكل شي خاحة اولدي ....
يحيى : مابغاتش الواليدة...
حسنية : اوا خياااار براسها هي تعرف ...
حطو العشاء و كلشي دخل كول و عرض فالماكلة من غير يحيى كلا لقمة و جمع مغوبش غا بوحدو و الشهية مقطوعة....كلشي رد البال و سكت ...!
نسيم ماهبطات لعندهم حتى للصباح كان يحيى غابر ماشافتوش كاع...!
هبطات راسمة ديك الضحكة المزورة مصبحو عليهم...
_ صباح الخير كب صبحتو...
حسنية : صباح النور هاي هاي صبحتي منورة ....
نسيم الضحكة من ااطرق للطرف لابسة البلدي و الشعر فايح منو الورد مغزول على كتافها لابسة السنسلة لي جايب ليها يحيى ...
_ و شنو ! مالي مانصبح منورة ...والله اخالتي كنرتاح هنا الولاد معاك بحاال الى معايا مهنية من جيهتهم ..
حسنية : ولادي هاذوك الكبدة معاودة ماتخافي عليهم خليهم معايا حتى شهر مانشكي و مانىنط منهم الحبايب دئليي....
نسيم ( تتدوز عينيها على طبلة الفطور ) يحيى فين ! خرج !
حسنية : يحيى لا ماشفتوش ....لا فوقاش فاق ولا فوئاش خرج ...
جلسات تتفطر مصبحين على بعض ...عارفة ماشي كلي كيحملها و النفاق دايز مامسوقاش حتى هي ...عجيزاتها مفششينها بجوج و النخال للبقية ....!
جالسة رجل على رجل البساطة باش نعروفة من دايما ..لي تيعشق البساطة يعشق نسيم...هادية و دايما تتلبس الوان هادية قليل فين تشوفها لابسة الحمر ولاشي لون عاطي العين.....تتخبى من العين حتى تتعيا داك الشعر عندها جالب للعين ...سكوتية و رزينة شحال من مرة تيغلطو فيها هي و حلا تيحسبو نسيم الكبيرة و حلا الصغيرة .حتى كيتصدمو...حلا فريفرة و لشانها حلو تاكل بنادم بقشورو بحلاوة اللسان لي عندها ماتجلسش بلا هدرة فدقيقة تتدير معارف و تدير بلاصتها و فين مامشاتوعنظها معرفة دايرة طريق لراسها وسط الشوك و هانية ...
ناضت تتجمع معاهم الفطور و تضحك مع حسنية و رحمة ..
سي حميد غي تيشوفها حاطة يديها فالشقاء تيغوت عليهم و يعرعر مع هو على سبة كملات..
_ علااش كتسخروها هي ! مالقيتو شكون يحمع عليكم الطبلة ! بنت الناس جبناها خدامة عليكم ! على قلة الخدامات هنا....سيري ابنتي تريحي ....
نادية ( تتدور فعينيها ناطقة بهمس ) دابا يتزوج صفوان و ينساو نسيم القليل دايما عزيز غي حيت عروسة وحدة لي عندو عليها داير هاد الحالة غي ستناي يتزوج صفوان....
نسيم انسحبت من بلاصتها بعيون مطفية ..! مشات طايرة لدارها فتحات باب بيتها و قلعات السنسلة من عنقها و طارت للصنديقة ديالها صغيرة و عامرة ذهب هكاك صفر تيبري هاذو غا لي عندها بلا لي متلفين و لي عطات و لي سلفات و مارجعوهموش ليها ..كون كانت كي حلا كون عمرات جوح صنديقات و كثار ...! خبات ذهبها و رجعاتو لبلاصتو حسي مسي ...عاد رتاحت و مشات تتجمع دارها وتسقي الورد و تفتح سراجم و تنقي الحالة ....
حلا الطيارة ! ماتحطش قزيبتها فالدار اذا كان بالها فشي حاجة ..هي تتجري و تشالي و تسول و تزرب غلى بنادم باغية وراقيييها دغيا....هاهي عند المصور لي صعراتو غلى التصاور ماعحبوهاش عودات تصورات شي جوج مرات ...و هاهي واحلة مع عبد الله لي يتقلب عليها كل مرة ختى تتعصب و تقلب وجهها و ترجع تسايس معاها تتفكر بلي هي لي محتاحاه ماشي هو...عليها تتمسكن حتى تتمكن...!
تاففات تتنيش على وجهها من الصهد تتشوف فالوراق فيديها و تحط لعبد الله...
_ ها نسخة من رخصة ممارسة المشروع و ها الكشف لحساب المشروع و ها هي ورقة الضريبةو هاكشف الحساب صافي هاذ. امانة عندك ابابا راه خرجات روحي وانا تنحمع فيهم .....
عبد الله : و دوز عند لكاستي ياخو جلس تما على مايجي رضا مشغول....
حلا ( كمشات عينبها ) باش يشوفني تما و يخرج فيا المنكر مانيش نقربة لعندو عاطياع التيساع يعطيني التبساع غنمشي للدار...
طبو فيها ..غا اذا حا شي براني باغي التصاحيب حيت ماتيعرفهاش حتى يوصل معاها للزواج ضوري يدوزو من التصاحيب و الخروج و الدوران و حلا خاطيها داكشي ماعندها ليه وقت مصاب تكافا مع شغلها ...اما ناس المنطقة و المعارف شادين فمهم و يديهم...وخا ووينة و العين تعشقها ماعندهم بيها غرض للزواج يتقولو فيها المشاكيل بزاف حيت هوما لي عارين تاريخها شنو فيع و تيمسعو عكس البراني...! عارفينها مدوزة شحال من واحد و كل واحد ياواحد و دغيا تتفسخ الخطوبة ! شكون هاد المخلوق عارف عليها هادي و غيزعم عليها شكون هاد الحمق لي يحط فلوسو فالخطبة و الدهاز و الدهب و يجيب تاصيلتو وهو عارف ان مصيرو كيفو كيف البفية الفراق و العيب غيخرج ..! الزين بوحدو ماهو كافي و سمعة البنت لازم تكون بحال المسك بحال بحال الرجل لا فرق حتى الرجل اذا ماكان معقول البنت ماتعطى ليه ..
حلا شخصيتها مايصبر عليها حد الزين زينة حتى فاتت الحد لكن عندها مساوى غدبدة في شخصبتها الغرور و القميع و الرجال بالنسبة ليها ماعندهم قلب ماتيحسو ماوالو وخا تقنع و تعيب فيهم...! من ايام المراهقة شحال من واحد بغاها من قلبو حب صافي و قمعاتو ...كان لسانها حاار و ماتحس بحتى واحد لن بدا تيدخل ليها العقل و ترزن فالرد و ترفض الشخص غي بالادب ...اكتشفت ان قوة الشخصية ماشي هي القميع و تخراج العيني...القوة هي تعرف تصبر للمشاكيل و تعرف تخبي مشاعرك و تعرف تخلي راسك باردة و مرخية و ماتديها لا فهدرة العاىلة ولا غيرهم ..القوة هي تمون تتقطع الداخل و نتي صابرة و عايشة و متحملة...و ضاحكة فوجه العديان ... اكتشفت الصواب و الادب و فن اارد راه هو افضل بكثير ظن القنيع و الغوات و المعايرة ...و هادشس ولا فيها ملي دخلات 27 عام و دابا ولات عندها 28 عام تبدلات و اكيد التغير غيبان فهي فطريق النضج و تشرب عقلها ....مرحلة الهدوء و الرزانة و النصج فتية و مفاتينها مفاتين مراة ناضجة ...!!
دخلات للدار مع العشاء ..!
لقات حميدة فالكوزينة وخالتها و ىام جالسبن معاهم ضيتف....
ضحكات و دخلات تتسلم و ترحب
_ هاي هاي شكون عندنا الحلاوة ياختي.....
الخالة : الزين الزين هاي هاي على الشعييور رطب و القصيصة ....صافي قصصتيه عاد رتاحيتب....
حلا حطات صاكها دايرة رجا على رجل تتضحك ...
_ اشمن ...دابا تلقاني ملصقاه دغيا كنقنط ...انا شعري متنحنش فيه طالب معايا الشرع ...
وئام : شعرك الكحل هكا طبيعي حسن ولاعبلا كيحمق حست من الزعر لي كنتي عاملة ...
عطاتها حلا تليفونها و ناتض تتحط العشاء مع حميدة....! وئام دخلات لبها للمعرض الصور تتشوف و تفوه بملل فلات التصاور و تتقلد طريقة حلا فالتصوير ...من تصورية لتصويرة حتى طاحت على صورة حلا و عبد الصمد مصورين حنب البحر مدورة يديها ورى ظهرو وهو جامعها لصدرو تيضحكو بجوج لابسين الكحل و الجو بارد هي اك الفيرور رطب كحل و العوينات ضاحكين كي المشة و السنسينات صغار مستفين و خاتم الخطبوة فديهاباين فيديها لي محطوطة على صدرو ! ..جاتهم التصويرة كتحمق تقول عشاق تيموتو على بعضعم غامن الضحكة لي دايرين و الانسجام الباين عليهم ...وخا مناقرين و بجوجهم نيتهم مطمرة كانو تيوقفو حدا بعضهم تيجيو مواتيين و تتبان انوثة حلا و خشونة عبد الصمد ...!!
تصدمات وئام و تشلطات خرحات بحالها دغيا و حطات ليها التليفون تترمش مصدونة....لكن يديها رجعو كلاوها و رجعات طار على التليفون فاتحاه تتقلب على التصاور اخربن مالقات حتى فوطو اخرى جامعاها بعبد الصمد غي هادبك ..! حتى اسامة لي كانت مزوج بيه مامخلية تصويرتها معاه...شحاا من راجل داز فحياتها و ماعندها تصويرة معاه مخبية ...!
رجعات حطاتو مصدومة تقول شي حن طرشها ....شدات فمها و سكتات ماسولاتها ماجبدات الهدرة...
ماعارفة راه لي دوزات مع عبد الصمد عمرها فحياتها دوزاتو مع شي راجل تخر ...من اول لقاء بيناتهم فالمقربة و كمارتو قدام عينيها...! و بلا نهار الجبل فاش كان غيرميها و التراب لي طاحت فيه تترغب فيع و تبكي و تشكي عليه مريضة بالقلب و غتموت ليه و لا ديك الرمية لي رماتو و العذاب لي عاشتو ملي هربات خافتو يكون مات ...و لا السخفة لي شداتها مليشافو كي الذيب وسط دار لالة عيشة ...! سخفات ليه بين يديه و فاقت عقلها مقلوب حتى قالو حمقة نييت...!! كانت تتحلم بيه بالخلعة و تفيق بالخلعة سيرتو محبدة و صورتو قدام عينيها وخا تبغي تخرجو من حياتها هو دخل ليها و لصق لصقة وحدة و خرج خرجة وحدة...!دخل باختيارو و خرج باختيارو ...
انتشر خبر سفر حلا فالعائلة و ناض رضا تيحيح و لد عمها تبنكر ...! سمعات و طمرات و مابقات داتها فيهم كان خوفها غا عبد الله يتقلب عليها و يلعب لبه رضا فعقلو ساعة رضا ماقدش عليه عبد الله ملهي مع الفيلااا ديالو تيخطط و يبلاني...!
جهزات حوايجها و راقيها و ودعات حميدة و حبابها و شدات الطيارة لاسبانيا ....!!تلاقاتها خلود فالمطار و خداتها لدارها ...!
يلاه جات دارت صحاب جداد و معارف جداد و افكار جداد و حوايج جداد كلشي عاوداتو من جديد وهي دغيا تتأقلم مع الوضع تقول حياتها وهي عايشة تما ...!
خلود بواحد القندورة مقزبة و الشعر مقطع هازة بلاطو الحلوى تتفرنس ...
حلا حطات الكاس تتشوف فيها و تقلب فعينيها و تلوي ففمها...هاد الصواب من واحد مامولفاش معاه هكا تيحسيها و ماتتحملوش..و خاصة مع خلود كانو فشكل ملي كانت معاعا فالمغرب تيهدرو بطلاقة و ماكاين غا سرق ليت نسرق ليك ...دابا هاد التعامل مامخلياهش تصرف بطبيعتها و ماتتحملوش...! و حتى خلود جاها الوضع غريب يمكن حيت تول مرة تكون ضيف. عندها بغاتها تكون براحتها و فرخانة و يمكن فرحتها باختها مخلياها تصرف هكاك.....الحاصول الوضغ جاهن غريب بجوج ...! ماولفو حتى دوزات مغاها سيمانة ...عاد رجعو للنكير و المعايرة و السبان و خلي غليك حوايجي نخبي عليك...خلود وخا عطاها ربي البنوتة موال شابعة دورات و طوطيح و خروج ...راجلها هاز عليها حمل البنت و مع ماتترضعش منها نافرة البزولة كملااات...!
دارو شوبينغ و تهلاو فالشعورات و الوجيه بلااار...!حتى وقت السفر لخيريس جنوب اسبانيا ...! من اجمل المدن و فيه كتقام كل عام فيريا ديل كابايو...
خلود ( هازة بنتها تتبوس فيها فرحانة بيها ) غرام مااامي تتتت...امااامي هدر معانا هدر...شوف هاد خالتك باغية طير قوليها اخالتو صبر على خبيرزتك رزقك غيجب حتى لعندك ....كغغغ كغغغغ ضحك امامي ضحك ياختي على الزيونااات....
خلود : و مالها ! زوينة انا سميتها ملي كانت فكرشي الحبيبة ديالي....
حلا ( الشعر حرير تيطيح مع عينيها و السنسلة ذهبية على عنقها البيض كي الروز ) ماعنديش مع دوك الاسماء...كتعجبنب سمية فاطمة الزهراء ، اسراء ندى ...نتي و نسبم غا تتخورو و تجيو تلصقو لوالدكم.....انا كون خليتو حميدة تسميوني كون عبرات...
خلود ( ميقات فيها ) شوف على ماركة كيف عاملة...! هذا رضا لي كان مزعوط فالاستاذة ديالو سميتها حلا و لصق فماما نسميوك حلا....و تنا عحباتني و سميناك و سعداتك سمية واعرة غا نتينا واحد النكارة جوج منك ماكاينش....جمع حوايجك دغيا غنشدو الطريق....
حلا : واش غنجلسو فخريس نييت !! شحال الاوتيل تما !
خلود ( بجدية ) و نتينا و جهدك ..انا والله لا عطيتك شي اورو جبد من عندك....و باش نحطك فالصورة ..اوتيل فخريس دي لا فرونتيرا فهاد الفترة غالي و الثمن كيشوي ....و انا مغنبقاش تما بزاف حمزة وخا تشوفو ساكت كتجيه سويعات د الحماق و كينكر عليا......غنبقى شي يوماين و غنجي بحالي ...
حلا ( هزات كتافها تتختار و تعزل فالحوايج لي تلبس ) هانية مالي نخاف بلا بيك....
خلود ( بتفكير ) ولا عرفتي شنو ! عندك جوح اختيارات....يا نشدو اوتيل غي فكاديس كيف ما كيديرو الناس كيجيواه اوتيل فخيريس غالي تيشدوه فكاديس و كيمشيو فالتران جهد اربعين دقيقة....و يا نجلسو مع عمتو د حمزة تما فخيريس لكن ماشي فالسينترو جات برا المدينة بحال العروبية ....
خلود : وهي ! بغيتي هو هذاك مابغيتيشي نضرب على جيبك و شد اوتيل ...( غمزاتها تتضحك ) اوا حلا لي كنعرف تسكن مع الجنون و ماتخسرش فلوسها ....
حلا ( ضحكات حتى هي ) و زيد لي ليها ليها...المهم نمشي ...يا العروبية يا مشي و اجي فالتران ...!!
داكشي لي كان ! وصلو لخيريس و جلسو مع عمتو د حمزة...! الدار جات خارح المدينة وسط الربيع و الشجار و الخضورية و الكلاب والدجاج و القطوط ...! و حلا جن جنونها القطوط ...!! غا تتغوت و ترعد منهم مكتحملهمش....الكلاب عندها الرحمة من القطوط...!
فتحات عينبها فالصباح على جو هادي و السكات و الريح تيهز فالشجار ...! الخلا و السكات تيجيب النعاس و الاسترخاء فديك البلاصة... طلات على خلود ناعسة حداها لقاتها فايقة تتفوه...
خلاتها و لبسات عليها شروط دجينز قصير و تيشرت بيضة طويلة مدخلاها من القدام و مخرجاها من اللور...سندالة د الصبع ارضية ديال الجلد جمعات شعرها مرون و خرجات هكاك بوعينات مجبدين تيلمعو فالشمس تتسرح رجليها فالربيع و السكااات حسات براحة نفسية عجيبة....دوك الرجيلات عريانين تيتشمشو ماكاين لي يتمنظر فيها واخدة راحتها.....
_ الله على جوو.....
خلود ( من وراها ) : الجو حنا كيحمق ..نفطرو ونلبسو علينا نمشيو للمدينة ندورو شوية ...
حلا ( هزات حاجب ) ماشي عليه ..انا ماشي صغيرة باش نحاف من داك الهمجي...! غي انا مانرضاش نعري فخاضي للبشر يتمنظرو بالرخيص....انا انا اذا بغيت نعري كاااع صدري و نلبس غا دوبياش و نشطح وسط المدينة شكون دوا معايا و شكون قالي شنو كديري ماماين لا عبد الله لا رضا...دوك الفاهيم كديرهم ديك المراهقة لي غا تتزهق من قدام والديها تتطيج تعري...ماعارفاش لحمها تيشوفو لي يسوا و لي مايسواش....اودي....
خلود : و صافي وقفي معاوطة نصورك ...عنداك القطة من وراك...
_ و مصيييبة مع هاد القطوووط ....صروري ماتكون شي حاجة مخسرة المنظر مايمكنش نكون مؤتاحة عندا ماتخرجلي شي حاجة من الجنب.....
مساو لبلاصة اخرى...! وقفات قدام الشجيرة و مع فصل الربيع الخضورية تتخضر ومزهرة و الجو صافي و الشميسة حنينة و الريح خفيف...شدات ليها تصويرة زوينة...! شداتها غا من الفوق كي طلبات...تتشوف بدوك العوينات و بضحكة مسرارة القصيصة طايحة مع عويناتها و السنسلة مذهبية تتبري فعنقها البيض كي الروز ...! حطاتها فانستا وحددات الموقع "خيريس".....
كلشي شافها و علق عليها باعجاب و الصورة في حسابها الخاص جمعات الف جييم غا العائلة و المقربين اما البراني ماتتقبلوش عندها جوج ديال لي كونط واحد بريفي و الاخر ديال الخدمة واصل لكثار من 100 k ...!
الصورة شافتها صفاء لي جالسة فرياض عبد الصمد فمراكش هي و عيشة و سعيد و سكينة و الولاد ...شابعين مسارية و تفواج الفلوس غا مشيرة و الفم غا يتحل و لي طلبوه يتحط ...!
سكينة : اخالتي عطينب عقلك هذا انستا ديال حلا هي لي ناشرة ماشي حنا و عبد الصمد مغيشوفاش....
عبشة ( بعين حمرا ) لا شوف كيف تعملو غيشوفا حتى هو عندو داك الزمر اينستا شوفتولو....هاك اسعيد مسح هاد الزبل من هاد التليفون....
عيااو معاها و عياو يشرحو ليها ووالو مافهمات منهم والو و ماشدات والو لي فراسها فراسها. ...!!
سعبد اللسان المسلوت ولا نقولو حسن اابركاك ديال العائلة خوه عبد الصمد تيعاود ليه كلشي لي فيه نفع و لي لا....! تيعياو يغوتو عليه و صفاء غضبات عليه مرة و كان غيوصلو للطلاق غا بسباب داك اللسان عندو تيعاود لخوه مشاكيلو الزوجية و اسرارو الزوجية....! حتى عبد الصمد تيغوت عليه و شكون يحيد ليه ديك البلية...!
صونا لعبد الصمد و رد عليه دغيا
_ اش تمااا اهيرمانو....
سعيد عيا يتعصر و يتلف و لسانو تيغلي غيه بحال بلية و مريض بهاد المفهوم نفسو ماترتاح حتى يقول لي باغي يقول...
_ بنت عبد الله كاينة فخيريس و لالة يمة كتسولني عليك فين نتا فرعاتنا اصاحبي....دوي معاها هنينا....
عبد الصمد ( ببرود )قطع ابروو نسالي و نعاود ليك مشغوول ....
قطع عليه و رجع جلس معاهم ..صفاء عينيها تيغليو و يشوفو هنا و لهيه.....دارت سكرين لتصويرة حلا و صيفطاتها لعبد الصمد فالواتساب...! خلاتها شي ساعة هكاك عاد ناضت تتضرب حنكها و تولول دايرة فبها مدوهشة..
_ اواعدي يااانااا شنو عدلت....صردت التصويرة لعبد للله عوض عبد الحق ...اواعدي على تحشيمة اسعيد. صردت تصويرة العايلة لخاك....غيفهما فشكال هدر معاه قولو ماشي بلعااني....هييي الفضيحة....
سعيد : اش داااك للتصويرة ....علاش تصردا لعبد الحق كااع
صفاء ( كدور غيعينعا ) صردتا باش يشوفا بغيت نزوجا لعبد الحق خاي المرضي غتعبجو حسن من دبك العقورشة لي عينو فيها دابا ...
دارتها و منها بغات تفك و تسلت...! شبع ليها سعيد و نكر عليها حتى عييا و سكت....! اما عبد الصمد شاف الصورة و طلع ليها بلي شافها و ما دوا مانطق و علاش و لا كيفاش...! مييك و ماجبدش الموضوع وخا مفروووشة القضية...!
حلا دوزات يوماين نشاط و حيوية و ضحك و شبعات تصاور و بوزات ...!
صباح جديد ! و نهار جديد ! و مناظر و مواقف جديدة ...! لبسات عليها و جلسات تتاكل و تضحك مع هذا و الاخر...
_ خلود خارجة اليوم ؟
خلود : راسي ثقييل عليا و مريضة ...تفو حسيت براسي تخورت بنادم تيفوج و انا غا الفراش....
حلا ( تتشوف فالطبلة و تتسول بالدارجة ) واش غا ناكل و نزعم ..تيغلفني هاد الطياب ديالهم...
خلود ( تتضحك )كول الݣامبا و هني راسك .....
حلا ( تتفلي الماكبة بعينيها و تفرنس معاهم تتدوي بين سنانها ) صافي غا سكوت لا يقولو تنسبو فيهم .....
خلود : عي اذا كليتي بالسكات و هنيتينا...
كملو ماكلتهم و كلها فين ناضت تتسرح رجلييها ...! حلا مشات نيشان للبيت تتختار اش تلبس و تعزل الروينة عندها فوق الناموسية هذا مقلوب على هذا...! خلود تتغوت وتنكر على الفوضى وهي ماهناياش تتفكر شنو تلبس.....!
خلود : و جمع هاد الروينة لي عملتي فالبيت عاد خرج طوطح بالحق ملي تسولني حميدة ماشي شغلي انا....
جمعات اابيت بزز منها عاد خرجات ...! تتدور بوحدها بواحد الكسيوة موردة قصيرة للركاب و السندالة ارضية ديال الصبع و صاك د الجلد صغييور هازة ايفون تتصور و تضرب سيلفي ...! تهز تليفونها تيصوني لقاتها خلود
خلود : فينك...
حلا : انا فحي الفلامنكو جاية !
خلود : ستنايني انا جاية ...
بقات واقفة تما تتعلي راسها تتشوف المباني و الجدران عالم اخر.....ها الراجل جالس فوق الكرسي تيرسم و الاخر تيعزف و الراقصات تيرقصو الفلامنكو ...فين مادرتو تسمع نفس اللحن و الرقص نفسو بديك الكساوي تيفرفرو و الالوان ضاربين للشعا.......!! و كلشي تيتفرج و يصفق و يصفرو يصور و الضحك عااالي. نساء و رجال ....جو اخر و عالم اخر ...بقات حلا للور تتبع بعينيها ...حتى جات لعندها خلود و مشاو لحديقة الحيوانات....تيشوفو كل صنف و يقراو بطاق. التعريف لكل حيوان منين جاي و اصلو ... تيصورو باستمتاع...!حتى وقفو قدام الجمل و لصقات خلود تصورها....تتصور و تحط فانستا كاتبة الموقع فكل صورة ....!! ضربااها مسارية و النشاط حتى شاط ..حتى حا يوم الخميس معروف تيكون عرض رقص الخيول بطريقة محترفة ...الدنيا عامرة و العيون مبتسمة و التصفيقاااات خارة و التليفونات غا الفوق تيصورو ...!! و الحماس فوق الجهد تيشاهدو عرض حقيقي منظر مذهل....! ها الاسبانية. الانجليزية و الفرنسية تتشير ...و الهدرة غا بالزربة متلوفة ...!!
وقفات فالساحة الريح هارب بشعرها لين ماعرفاتش...! تيهز ليها ديك الكسوة تتهبطها بديها المدورين بالساعة فضية انيقة و الصبيعات مصاوبين نقيين و الرجيلات بيضين و الشعر رطيطب طالقاه تيتحاك مع كتافها....!
حلا ( تتدور عينيها ) هنا بنادم بزاف ...ولا نقولك اجي للوسط و صوري حتى تنا منظر زوين وسط البشري مخلط....الزوعر و السومر
وقفات شادة الوضعية تتصور وواحلة مع ديك الكسوة...تصيورة وحدة لي جاتها زويينة البقية ها الشعر طاير. ها الكسوة مشات يمين وهاهي مغوبشة و ها تتتنكر....!! الشمس برا و الصداع ماشافتش التصاور حتى مشااات للدار ...!
خرجات كرسيها لوسط الربييع تيضرب فبها الهواءو الليل غا الظوء دياا بر ا مظوي و الكمرة و صوت الكلاب و ريحة الليل...!
رامية شال خفيف على كتافها قاطعة المكلامة مع حميدة...عاد هزات تليفونها تتفرح فالتصاورو تفليهم شكون لي زوينة شكون لي تحط....حتى وقفات على وحدة فالساحة الكبيرة تتفليهم و تشوف راسها كي جااتت....وخا صورتها خلود بعفوية عجباتها...! شعرها طاير بالريح تتضحك شادة فجناب كسوتها....! كبرتهاو صغراتها و عدلاتها مزيااان حتى جات تنشرها وهي ترد البال لهذاك لي باين وراها فالصورة وسط البشر !قشعاتو و فرزاتو العين تفتحات و يديها تجمدو...
_ بسم الله الرحمان الرحيم.....
أعرفُ كم مليارِ خطوةٍ بيننا،
لكني أعرفُ
بأنك على بُعد
نبضةِ قلبٍ
لا أكثر ".
القلب تيضرب بالزربة و الصدمة لاعبة عليها ! كبرات و صغرات الصورة تتأكد ودوك اارموش تيشطحو و يتهازو تقول خدامين بالظوء.كان دايز قدام بنت تيشوف فجنابو ودوك الحواجب عندو معلييين و العود ففمو تيغزز فيه تقول غادي عند صاحبو لراس الدرب مامسوقش مرات تيكون كي رجال اعمال الاناقة و التفركيسة و مرات تقول غا مسخر للمقدم .الحجبان ديالو تعرفهم وسط مليون راجل.....من الوقفة ديالو و التعنكيرة ديالو ..حتى من الماركة لي لابس ...ضارب النايكة و عبد الصمد معروف غي بيهل ...
بقات تتفكر و تتخمم مع راسها
_ شنو كيدير هذا هنا...شافني و انا ماشفتوش. ! علاش ماشفتوش وهو شافني...يقدر بكون ماشافنيش حتى هو ....
شافتها خلود جالسة بوحدها كي الجنية فالظلام جات لعندها
_ بسم الله عليك كتهدر مع راسك !وييلي !
حلا جمعات تليفونهاو طفاتو دغيا و ناضت هازة الشال فوق كتافها تيزهق مع شعرها الرطيطب
خلود ( ضحكات ) و انا نصبر !!؟غا سير تنعس تصبح على خير ..
حلا ( بصوت نعسان ) باي باي...
دخلات للداخل ! ماساخياش بداك الجو و البرودة و ريحة اليل و الراحة لي لقات برا...تعرات كاملة بقات غا بكسيوة خفيفة على اللحم رطبة و السليب و تكات ناعسة تتقلب غا بوحدها و ترجع تشوف التصيورة و تتعجب...! ظوء الݣمرة داخل مظوي عليها و السرجم مشررع داخلو منو العوان ...
_وااه ! كاع هادي صدفة! و علاش ماشفتوش ! فين كانو عيني ! هو شافني ! كان الريح و الكسوة تتطير و كنت واحلة غي معاها ! يكون شافني و انا ماشفتوش...شنو جا يدير هنا ! هو كيكون فخيريس ! عمرو قاليا فين كيكون ! و علاش غيقولي علاه هذا ماشي بير غارق و نيتو غارقة كثار منو عمر الحقيقة يحطها كيما هي عندو مايخبي نصها و يحط النص الاخر مزوق من عندو ....غبر حتى غبر و خرج ليا فتصويرتي كاع هادي صدفة و زهر مع هاد السيد ....
من فكرة لفكرة و الهدرة تتدور فدماغها روناتها حتى نعسااات و عقلها معاه و مافاقت حتى للصباح ! معصبة و مغوبشة تتسوط و السليب ديالها فازك ...دخلات للدوش تتدوش طالعة ليها القردة...
_ ناقص جدي غي الاستحلام ...هاد الزملة لي تتشد بعد غيݣلا تتخلي الواحد يفكر يغلط و يمشي يضربها بتزويجة اتفووو....
رملة صفراء كي الذهب و الجو حنين غزال !
حديقة Gonzalez Hontoria Park فين تتقام العروض ...! و ماشي اي عروض مهرجان فيريا ديل كبايو لي كيكون كل عام فشهر ماي ..! اجواء فيها ريحة الغجر و الخيول و رعاة البقر جو كلاسيكي و موسيقى كلاسيكية تقول غا فشي حفلة تنكرية ولا في عالم اخر بعيد على الواقع ولا خارجين من شي مسلسل مكسيكي قديم ...! الرجال بزي رعاة البقر تيجلسو متصبين على ظهر للخيل لي تيكون حتى هو مزوق و مصاوب و مزخرف بالرداء الرسمي طابع اسباني تيتمشاو وسط الناس و الدنيا عامرة الرقص و الضحك و التصاور حتى للفجر ...!!
النساء بفساتين راقصات الفلامنكو ها الصفر و ها الحمر و ها البرتقالي و الالوان مشعشعين و الشعورات و القبعات الكلاسكية و المروحات من الدونتيل و اصوات الفلامنكو و الخيول و ريحة الشواء و كوريزو ...!! ماشي مهرحان عادي من اروع الاجواءو من الاروع الاماكن ....!
التبسيمة الرزينة و العيون القتالة مجبدين و مصاوبين على حقهم و طريقهم لي يعرف حلا يعرفها بديك الايلاينر مجبد هكاك فوق العين ..عينيها شبه مكمشين بالشمس لي ضاربة لابسة حتى هي بحالها بحال بقية البنات...! واحد الكسيوة فالغوز فيها الفرافر و عنقها كاع باين و يديها عريانين تتنفح غلى وجهها بالمروحة من اادونتيل فالابيض و الشعر محموع عالي باين وجهها الصافي ...!! تتشوف هنا و لهيه و تتدوي مع خلود تتبسم بالثقالة ...
_ كنحس هاد الكسوة غتفركع عليا دابا صدري مزير ....
خلود : و ماشفتي انا تيعجبوني على الناس و ملي تنلبسهم متنبقى نحملهم ...بالحق كلشي هنا لابس هاد الزي شوف الرجال صحاب الحديد الواعر و الفلوس مترشين لابسين لباس كاوبوي ....
حلا : اصلا شوفي قليل لي لابس حوايج عاديين ...كلشي هنا عايش الدور فوقاش غيبداو المسابقات ...
خلود : مزال الخير و باقي ماشفتي والو مسابقات و اللعب و الضحك و الشطيح حتى الفجر ها مسابقات الرقص مع الخيول و البولو و كيدوزو من هنا الكاروسات ها الطراز الانجليزي و ها الروسي و الهنغاري ...واعرة الركبة فيهم كتحمق ....
حلا : و الماكلة !
خلود : و ماشفتيش هاد الخير لي خلينا ورانا كثر من 300 كشك تيطيبو فيه اشكال انواع من كل صنف و كاين لي كيستغل هاد الفرصة و يبيع الخيول ديالو ولا يكري اللباسي للناس لي باغين يشاركو لباس ديال الغجر هاذو لي تتشوفي عنداك بحساب ليك غجر الغجر فين تلقاهم دابا هاذوك غا نتنكرين و دايرين دوك الخدع ديالهم .......( شافتها تتدور فعنيها بحال الى تتقلب على شي واحد ) حلاا معاك كنهدر و نتينا اختي معرفت فين عقلك و شحفت معاك بالهدرة.....
حلا ( ركزات معاها تتنيش على وججها بديك المروحة ) مامشيت فين كنشوف و نحضي وودني معاك ...
كملو التجوال ديالهم و دازو فوق الرملة الصفراء صفورية ماشي عادية الكسيوة ديالها تتجرحر فالارض و هي تتمشر كي الحمامة و الشعر تفك و طاح ورى ظهرها و ديك المروحة فيديها تتبان بحال الى خارجة من شي مسلسل مكسيكي قدييم ...! عوينات كيبريو تحت الشمش كيدور هنا و لهيه دازت فيها قبل و مادوزش فبها دابا ..ماتحملش بنادم يكون شافها وهي ماسايقة خبار....وهي متأكدة كاين هنا مايمكنش يجي و مايحضرش للفيريا...! كاين وسط هاد البشرو يقدر يكون واحد من هادوك لي لابسين لباس رعاة البقر و يجريوو فوق الخيول على الرملة ولا من هاذوك لي تيرقصو مع الراقصات و لا من هاذوك لي تيلعبو البولو فوق الخيل ...!! و ماجات تقلب عينيها لجهة اخرى حتى جات كرة البولو ملسقة فجبهتها و رجعات اللور طايحة على كتاف خلود مقصحة.....
_ تعورت تعووررررت......
خلود ( بفزع ) اوييلي مالك حلااا....
حلا صاعرة تتقيس جبتها و تشوف فاتجاة منين ترمات الكرة مالقات حد و الرياضة بولو تتعلب بعيد اش جاب الكرة لعندها...!؛ جلسات تتمسح على جبهتها مقصحة مغوبشة...
حيدات حلا يديها و بانت جبهتها حمرا باينة الضربة جاتها قاصحة...! بقات تتبرد فيها و خلود تتسوط فوق راسها...
_ يلاه نمشيو نشوفو الطبيب عندك تخرج ليك تنا سي عجب...
حلا ( معصبة ) بعد مني اخلود خليني مني لراسي...
خلود : و نوض يعطيك فقصة ...
حلا طالع ليها الدم معكسة : مانايضاشي بعد مني شبع ضحك مع راسك دابا...
خلود ( غلباتها الضحكة ) والله ماضحكت عليك....
فنفس البلاصة نيت كاين عبد الصمد لاابس حوايجو العاديبن ضارب النايكة مصيف بواحد الشورط و تيشرت سبورتيف و اللحية كحلة و و خيط كحل مع عنقو و يديه و ساعة باهضة الثمن ...!! لاصقة فيه واحد فاتنة الجمال الشعر زعر طويل فورمة عارضة الازياء و الزواق تيضرب فالعين مغربية بنت 27 سنة كيف تيعجبو هو تتعوج عليه و تحلون...
عبد الصمد ( ملاقي الحجبان الكثاف ) قلنا ليك لا ! اصاحبي بلا عناد ...
جنة ( دلات شفايفها ) مم اصلا نسيت بلي قريب ترجع بحالك للمغرب و نمشي انا و تمشي نتينا و الله يعاونك و يعاوني ! زعما القليب ديالك مايقدرشي يسكني فييه شي شهير اخور ولا جوج ولا ثلاثة ولا ( بدلع ) حياتك كاملة ممم....
عبد الصمد ( شاداه الضحكة ) **كك مايدخلش فيه عاد نتي بكمالك . عندي غا قلييب ماشي قلب نصردوك للمعدة نشوفو معاها ...
بقات عليه بالهدرة مكتسكش تتدير راسها هبيلة و كيوت و نية عند بالها غيبغيها هكاك وهو عارف كيف ماهي عارفة أنها غي رفيقة ليه هاد المدة لي هو فيه هنا غا يمشي و يرجع يضبر بياسة اخرى يقضي الوقت معاها و بالعربية مصاحب معاها ! مامزوج ماخاطب ماراشم شي وحدة عندو غي طحن .!!ودنيبه مع داك الزلزال لي حداه و عينيه تكمشو مع حلا لي بانت قدام عينيه بطيفها الزهري و جلسات فالكرسي من الخشب مدور بيه الورد مظلل بالشجر...!! عاطياه بالظهر وعينيها ماجات عليه و ماشافتوش ...!! طلعها و هبطها وحا شي حاجة مابانت ليه غي جالسة و شعرها مدلي معاها ...!! حتى ناضت واقفة هازة ديك المروحة تتحركها قدام وجهها تتهدر مع خلود ...!!
نسيم : و ماعقدها حد هي هكاك طالعة والله لا حزقات قدام الناس قدامي كتعصر كتقولي ماما خصني نمشي لطواليط حيدي ليها حوايجها كاملين و بقت معاها حتى تقنع بلي الريحة مابقاتش و على الله تقنع ليك خصخا ترش جوج ليترو د الريحة و شوف شوف....
لي يسمعها كيتعجب و يتسغرب بنت قد القميلة اللسان عندها ملوي و النطق مخرب و الحزاق ماديرة الا فالطواليط ! و اذا سمعات شي حد حزق قدامها تما تموت ليهم و دير ليها مخنوقة و كتموت و مكتنفسش ماتجلس تما حتى دقيقة عاد ...!
ازهار ( شادة نيفها و مزيرة على عنيها تقول الريحة غدخل من تما ) فيا كاكا ....
حسنية ( ضربات راسها ) اوا الحزئة عندك بئوامها الكبيرة كيف حالها ...
بقات معاها حتى قضات شغلها . عاد نقاتها و غسلات ليها و لبساتها ولات بنوتة غزالة بديك الشعيور و العوينات و الحويجات غزال قد الفلوس و ضاربة الماركة...البونضو من ديور و الصاك من شانيل و الكسيوة د زارا و الذهب فعنقها و وودنيها....!!
لحقات عليهم نسيم لابسة البلدي و الشال رطب مع عنقها و الطالون و الشعر كحل مطلوق معطر بالورد ...! ركبات مع صفوان حيت يحيى ماكاينش. ..! و مشاو كاملين لدار الحاج الكبير مدوزين الويكاند معاه العائلة كاملة تتجمع عندو تتدوز بحلاوتها و بااضحك و النشاك و الجو العاىلي و الحباب و تقاليد الجد صارمة تيحماق على العائلة و الاحفاد و الاحباب و لي مكيجيش غيقلب عليه...! دااار كبييرة وواسعة يجريو فيها مية خيل و خيل ...! الجد لابس البلدي الشيب فراسو غطى شعرو الكحل كان قاضي حكيييم و عادل ولد و شهد على ولاد ولادو ...!! كلشي كيحتارمو و يوقرو ...!! العريسات ديالو قايمين بالواجب كيطيبو و يحضرو و المساعدات حتى هوها...تيحضرو الطيلة و القصارى و نسيم كدور بديك الفراشة و سالف هاينة تيلعب وراها ....!! تمات داحلة للكوزينة وهي تو قفها العروسة الجديدة يلاه بالحنينة فاليد و البسمة مزنكة...
_ نسيم ...
نسيم : يتوحشك الخير اختي جيت. من شهر العسل حسبتكم باقي !
هبة ( بحياء ) جيت البارح ...
نسبم ( بابتسامة )باينة فيك حشمانة و مزنكة مفروشة ياختي....
هبة ( تتضحك ) و ضروري من الحشمة و عاد جديدة ماولفتش....
نسيم : دابا تولفي و يعجبك الحال اجي تجلس عيتي فالطريق....
جلسات مع هبة تتوانسها و زوجة ولد العم لبنى جاية حتى عي بواحد الكريشة الشعر نصو معري تتغوبش فنسيم و هبة و تبركم مع لوستها...
_ هاهي تسلطات على هبة حتى غدورها عندها...بفف.
حسنية : لبنى الحبيبة كيف ماشا مع شي حبالة مزيرة ولا والو....
لبنى ( بغرور ) ها حنا كنعديبو اخالتي ربي يجيب الفكاك و عقبال لبيناتك يتزوجو و يولدو حتى هوما...
حسنية : هىء! علاه هوما كيفكرو فشي زواج دابا ! حتى وحدة ماحبات تزوج عييت معاهم ربي يديرالخير و صافي...بائي ناعرفتي شنو عندك بنت ولا ولد ...
لبنى ( بكذب ) بنت بنت...
لوستها بهمس : ويلي علاش كتكذبي....
لبنى ( بين سنانها ) و كاع العائلة تتولد الولاد كاملين الولاد قولي واش كاينة شي بنت هنا صغيرة كدورمن غي بنت نسبم و يحيى هي لي ولدات البنت و شفتي كيفاش دارو ليها بغاو يديروها ملكة علينا...وتنا بغيت نشبع فشوش ودلال اختي تنا قالك خالف تعرف هوما يولدو الولاد و انا البنات وخا عارفة ولد المهم نكذب نشبع فشوش ملي يشوفوه ولد ندير راسي تصدمت....
و ماكدباتش ...! العاىلة قدها قداش كبيرة و ماتحسبش و كاع الحفايد ولاد ماكاينش لي ولد بنت من غير نسيم حتى كانو قطعو الياس و قالو صافي رجال العاىلة ايولدو غي الولاد البنات ماكاين ليهم أثار وكلشي كيقول سبحان الله لي تلقاها حاملة تو لد ولد حس البنت ماكاينش...و سنين وهوما هكاك حتى ولدات نسبم البنت و فرحو و عجبهم الحال و فششوها حنى بغاو الفشوش يخرجو ليها من الودنين...!!
تحمعو على الطبلة العاىلة بكبيرها بصغيرها و جا يحيى شاد ولدو تيسكت فيه ملاهي مع الهدرة و الحديث مع رجاال العائلة الخدمة غبراتهم على بعضهم....! جايبين المنشط و كوميدي معروف تيضحك فيهم و الفاكية تتدور من طبسيل لطبسيل و الخير فايض من فوق الطببة...!
تجمعو تيتصور واحد بواحد مع الحاج وحفادو و العرسان الجداد مصورين فواحد الكرسي ملكي مذهب و تصورات حتى نسيم مع يحيى قدام العائلة جلسات جالسة حاطة يديها على صدرو وهو حاط يديه على كتافها مشبكين اليدين تيضحكو للكاميرا ...! حتى سالاو و ناضت سالتة ....
عين نسيم ماتحطاتش على يحييى ولا حتى دقيقة و هو يدور يدور يشوف فيها بنص عين تيلقاها قالبة وجهها منو تتجاهلو...!! تحط العشاء تعشاو و تجمعو فالصالة الكبيرة مفرشى على حقها و طريقها بالثريات و الرخام و الزاج تيشعل ...و الحاج تيضحك و عينيه دافية ..
_ يلاه شكون بقات فيه النوبة يعرض سورة الملك ؟
هنا كلشس بقى تيشوف فهذا و يرمي الصبع لغيرو ...و يحيى تيشوف فنسيم و عينيه دافية هامس ليها عند ودنيها...
ناضت نسيم تتدور فعينيها لابسة الحجاب و النساء حتى هوما لبسوه جلسات نسيم قدام حسنية و الجد تتعرض عليه وهي ماحافظة غي الاجواء الاولى تتعرض بصوت عالي حيت الجد سمعو قلييل بزاف
_ اعود بالله من الشيطان الرجيم ..بسم الله الرحمان ....
تخربقات بقات غا تتشوف فيحيى و فزينة لي تتدور فعينيها و حسنية جالسة حداها دايرة الشال على فمها تتعاونها ...
_ عاود من الاول عاود ...و سبق بسم الله الرحمان الرحيم ...
عاودات نسيم من الاول وصلات للاية العاشرة و هي تنسى و تتكمل ليها حسنية قدامها بهمس و الحاج متيسمعش من البعيد جات مع نسيم حتى كملاتها و العروقات مع وجهها....!
_ صدق الله العظيم....
الجد ( بعدم رضى ) صدق الله العظيم ..ماشي حفاظة هادي انسيم الاخطاء الفتحة رجعات كسرة و الضمة ولات سكون ...ماكاين لا علامة مد ولا وقف ....
حسنية ( تتقاد جلابة على رجليها تتدور فعينيها ) و الحاج جوج ولااد و التربية صعييب الحال بزااف....و خصك تعطيها الهدية الحاج...
الجد : و يكون !هادي ماشي حفاظة...( شاف فزينة ) زينة اجي ...
زينة ( بوجه قاصح قلباتها درجة حتى هي ) مانقدرش يا حاج عندي عذر شرعي....
حسنية مغطية وجهها تتهمس ...
_ الله يمسخها الكدابة ..كذبات الكذبة و تيئاتها و عجباتها...الشارفة الاخرى هي الدم تئطعات منها شحال و بائا كتكذب غلى الناس باش تبان صغيرة ....
هذا العدر ديال زينة فكل مرة حتى الحاح تتحشمو ماتيلقى مايقول صنطييحة و الحشمة ماعندهاش ...!! كلشي عارفها تتكدب و شكون يقوليها الكدابة علاش تتكدب تيحشمو كااع وهي ماتتحشم ...!
غيرك ما يحلالي الجزء 14
محتوى القصة
كان الحر و الصهد فداك الصباح و ريح سخونة تحركات ...! مشات تتدور جهة البحار قبل ماتمسس الخدمة تتشوف بنادم جاي مبحر و المظل تيطير بالريح لي كانت...! الزحام و الناس مخلطة مكاينش الفراغ بيناتعن هدا حدا هذا ...و الغوات ديال الدراري الصغار و النساء ها النعري ها المغطي ..و الرجال بكريشتهم قداهم مدلية متمخترين بالمشية ...! حتى ناض الصداع و الحيحة هاجمين على مراة لابسة دوبياس بلون اللحم السليب كاع متيبان بكثرة مامخشي فيها و شي حركات كانت تتدير تتجيب التغيليفة...و هادشي ماشي مقبول عند بعض الناس و مارضاوش و تحركات فيهم الغيرة و الاعصاب و الدودة ...ناضو تيرميو عليها بالحجر و السبان و ناضت المدابزة....!!
ناضت حلا من تنا قبل ماتجب فبها ذي دقة و تحركات لخدمتها تتنكر...
_ النهار بابن من صباااحو......
صبحات و مسات...بحدية و بحدة بعض المرات ...!! عيات و جلسات ترتاحوو تريح لسانها....و هزات تليفونها جات عينيها على تاريخ اليوم...و تصدمات من الايام كيف تتطير...غدا غتممل 28 سنة وهي عاد البارح كانت عندها 27 فوقاش داز عام طاير هكا....ماحساتش بيه ...!
تكات براسها مغمصة عبنيها ماراشقاش ليها داك الصباح جاتها حالة السكات و التفكير ...و السبب ماعرفاتوش...! تتجيها هاد الحالة مرة مرة تتبقى غي ساكتة و تتخمم و فكلشي داز و لي باقي غيدوز...! عام مادازتش عندها عادي...في رصيدها جوج اراضي و رجعات كريدي ديال الناس و رتاحت منو ...! تعلمات شوية لغات و فتحات بوتيك دالحوايج و فرع ذهب اخر ...شادة فيهم النص...! وخا هكاك مابغاتش غي هادشي ...خصها مشروع خاص بيها داك المشروع لي تتحلم بيه باغية تكون رقم واحد فتطوان...و مشروعها يهدرو عليه الصحافة اشهر ماشي غي نهار واحد ...!! جاتها ديك حالة التفكير و التخمام بحال هازة شكاير السيمة فوق كتافها....!! و ملي تترجع تفكر شنو دارت فهاد العام و شنو وقع...عقلها تيقصي عبد الصمد و تترميه خارح السلة ...ماتتبغيش تفكر فداك الشخص ..الهدرة تيجبدوها تتقلبها ..تيسولوها عليه تتدير راسها ماسمعات والو...حسباتو بحال عمرو كان ...!؛
بقات من فكرة لفكرة و تنهدية ورا تنهيدة. حتى خداها النعاس....!! و مافاقت الا على صوت مهدي تيفيقيها صوتو تيجيها بعييد...
_ ختي حلا تكلمي لياسمين بغاتك ..
فتحات عينبها فيه بشوية ...
_ شنو بغات ...علاه هاديك عندها فلوس الذهب ياك تتجي غا تبرزطني و تمشي...
مهدي ( هز خاجبو ) الكليان اختي جلا بغا يشوف من حقو عطبه من وقتك ياك هادشي لي علمتينا ....
حلا ( بمزاح معكر ) قلب عليا هاد الساعة حسن ليك.....سير قول لصوفيا تشوف معاها....
مشى مهدي بنفسو رحب بيها مايتخافش عليه وهو عجينة حلا ...
_ مرحبا اختي ...
ياسمين ضاربة لبسة واعرة و باينة غالية و صاك ماركة معروفة تتشالي بداك الشعر زعر منفخة ...جلسات دايرة رجل على رجل تتبين الخواتم لي لابسة ...
_ ربي يخليك ...جيت نشوف موديلات الجداد بغيت خاتم فيه الحجيرات صغار ...و بغيت كورميط تحمر الوجه يلاه عطيني شنو عندكم.....
مهدي ( فرنس ) كلشي كاين مرحبا بيك ....
شي ساعة وهو معاها. .تتختار و تشوف و تشاور مها ...و الفلوس ماتتسولش غا هز و شوف واش عجبها بعدا هذا هو الاهم....! بردات غدايدها و شرات لي حبات خاطرها....و مهدي عينيه تيخرجو القلوبة و الهدرة و الصواب فات حلا فيها....!!
حطات فلوس صحاح و تمات خارجة ناطقة بميوعة ..
_ سلم ليا على حلا ..يلاه بسلامة ....
مشات مهلية مهدي تيهن فراسو...دخل عند حلا ضاحك ...
_ و بيعة صحيحة هادي بعناها هاد الصباح ...
حلا : شنو شرات ؟
مهدي : خدات خاتم بالحجيرات داك لي جابو بيرادا غي هاد الشهر ...وخدات كورميط لي قلتي لي نحطها فالفيترينة.....
حلا ( دخل معاها العجب ) يااااسمين !! ياسمين لي تنعرف !
مهدي : ايه ياسمين...ماتعقلش لبسة و شمن لبسة ضاربة لابسة سندالة فماركة و صاك في ماركة مخلطة الدعوة...
حلا( تتمسح المكياج من وجهها ) غتكون طاحت مع شي سعودي ...داك النوع طماع مايخفاش عليا...وهي زوينة مايفلتوهاش ....
دخلات صوفيا تتناقش معاهم حتى هي...
_ و غي يجي داك السعودي والله حتى نتزوج بيه...ندير البسيطا والله يعاونو....
حلا ( ميقات فيها ) ايييه ضيعي راسك مع واحد ماتشوف فيه لا موحمة لا سادة فحبل....انا اختي بغيت الزين و الصغر و راجل ديالي بوحدي...و بلا مانكدبو و يكون عندو فلوسو ماشي شي مزلوط.....ولايني ماشي لدرجة نرمي راسي ليد سعودي اليوم معايا غدا مع الاخرى...التخلاط متنحملوش.....
( ناضت واقفة تتصاوب شعرها هزات صاكها و نظاظر ااشمس )
_ انا خارجة ...غنمشي نتغدا و نرجع...!
خرجات من المحل غادية على رجليها ...تتشوف يمين شمال من تحت النظاظر لا يخرح ليها داك علي ثاني.....! تلاقات بنسيم و خلود و جلسو تيتغداو مع بعضهم مرة مناكرين مرة شادين هدرة فحميدة و مرة تيضحكو على خلود لي والو مستحيل تجلس فالدار وخا دخلات لشهرها....
خلود ( مخلطاها ماكلة تتشوف فنسيم ) و الله الا سعداتك....عندك كونجي هاد الشهر تخرجي و دخلي بحال ماعندك ولادك ماعندك راجل....
نسيم ( ضحكة مزيفة ) و شنو !! ملي كيجي يحيى كنشد العطلة..يدير حقو حتى هو ...الراحة و السياحة...غا أمير بعض المرات تيبغي يرضع ماتيسكتس ليه ...رضعتو و جيت بحالي ...!! خليه يجرب تمارة حتى هو ...واش ولدتهم بوحدي ؟ مانخرج ماندخل مانشري حوايج بخاطري اوا هنا لاااا.... باغية نفطمو و تيبقى فيا ...
خلود : كاين شي رجال والله مايعقلو عليك ...يقولك انا شهر و انا فتمارة و الخدمة برا و نزيد صداع الدراري...
نسيم : لا يحيى اصلا موحشهم تيعجبو يبقى معاهم ...يقولك لا على كلشي الا على ولادو
حلا : انا كنشوف ولادك تيحماقو على باباهم كثر منك...و كثر ازهار قربي بنتك منك و ماتبقايش تعصبي عليهم....راه دوك البراهش تيحماقو على لي يدير ليهم الخاطر....
نسيم :؛ واش انا لخاطري ! هو عندو الخاطر عليهم انا ماعنديش...الصبر تقادا و تنعيا و تيعصبو وخا نحاول نبرد ....
خلود ( تتشوف فحلا ) نتي العرس ماباقي ليها والو ماتتهدري ماتتسولي ...!! عندك حتى نتي ديري بحال نسيم و تحملي من شهرك والله الا اكبر تزريفة هي هادي.....
حلا ( خسىتت كمارتها ) داكشي لي ناقصني هو نحمل من ولد مو...! شكون قاليك اصلا غنوصل معاه انا للعرس....
نسيم ( تقرصات ) لااا داكشي بالمكتاب واش حنا كتتحكمو فيه...! و الدليل هو أزهار الصدمة لي صدماتني هي ماتصدمت فحد ...قضيناها فالاول غي سطحي حيت كنت مريضة مابغبتش ليه حتى لمن بعد عاد وقع لي وقع وخا هكاك ماكناش متافقين على علاقة كاملة....و من بعدها شفتي شحال مرضت وهو جاتو خدمة غبر ...حتى قاليك ماقاليك راه حاملة كيف درت ليها الله و اعلم ماتيقتش وخا شفت التحليلة قلت راه كذوووب....
حلا ( عاقدة حواجبها ) راك شربتي ..شحال من وحدة حملات من صاحبها غي من السطحي ياحسرة تخورات تخورية عالمية....حتى عبير ديك الزعطرة لي كانت صاحبتي سمعت كانت تتنعس مع راجلها سطحي قبل العرس ..حتى حملات و دارت العرس بالكرش ....نتي و داك مخي ديالك غا عطيو التيساع لبعضكم ولا شدي همك بالقفل لا تولدي لينا قبيلة و ترجعي كي السلك ...وهو يبقى سي السيد كي السبع تيعرف ولادو غا منقيين لابسين مغسولين مايتعذب مايتقطع و نتي تخرحي على صحتك....
نسيم ( ولات عندها فوبيا من الولادة ) غنضرب الشوكة هي لي بقاتلي حيت حتى فأمير كنت دايرة احتياط و حملت ..( بتفكير ) عرفتو كنفكر ندير عملية تضييق المهبل مابقيتش كنحمل راسي ...
خلود ( فمها عامر ) تنا تنا غي نولد غنديرها و نشد القنات مانزيدش نحمل عاد لانصدق مخورة....غا جمعي الفلوس و زيدي لتركيا ....
نسيم : و علاش ماكاينش فالمغرب ؟
خلود : كاين ولكن ماشي بحال فتركيا....مانسمحش فراسي وخا ندير الولاد الا راسي ماندوزش عليه ...
نسيم ( بتفكير ) مانقدرش فتركيا بغيت غا شي وحدة مزيانة فالمغرب و نهني راسي...تركيا مانقدرش ناخد معايا الاولاد و مانقدرش نمشي و يحيى كاين ..مانرضاش نقولو باغية ندير التضييق.....
خلود ( باستغراب ) و علاش زعما مايعرفش ! راه خصو يعرف حيت من بعدها ضربي على المعاشرة واش اربعة د السيمانات ولا خمسة....ولا كثار كااع...
حلا ( تفوهات بملل ) و الله يعطيني فاش نتلهى ...انا لي ماناقصني خير جاية جالسة وسطكم ...تتشدو هدرة عا الولاد ها الزواج ها البعر....هنيونااا.....
شدو الموضوع بزز منهم و كملو ماكلتهم تيضحكو على حلا...!!
حتى سالا و كلها فين تفرق...!
حلا رجعات لخدمتها .. خلود لدارها مع راجلها تتشوف الدار فين وصلات و نسيم شدات طموبيل ديالها اودي بيضة و مشات للصالون ..دارت بالحالة و صوان لوجهها و لشعرها و صوبات الظفيرات ..و خرجات من تما باين التغيير...!! ملي تيرجع يحيى تتولي عندها عطلة الامومة تتحس بالراحة و الحمل خفيف ماتتفكر فوالو ...عندها كلشي و لي بغاتها تتحضر لكن السعادة هربات من حياتها...! تتحس براسها بحال الا زايدة ناقصة في حياة يحيى ...بعض المرات تتقول راه مزوج عليها و عندو وحدة اخرى و شي مرات تتقول لا مايمكنش اذا كانت عندو مراة اخرى مايجيش عندها بديك اللهفة ...! تتعيا تفكر و تخمم....حتى تترمي من راسها...!!
طلعات فالدروج قاصدة محل معروف تيبيع الزيوت الطبيعية و لي موالفة عندها دايما ماتيخطاوهاش...
نسيم ( بابتسامة ) عمي سمير ...لباس عليك ...
سمير من وسط الجعقة و النساء و الاقبال على المحل زايد حيت معروف و الناس تيديرو فيه الثقة و السلعة ديالو مابحالها سلعة تيجي بنادم من بعيد لعندو...
_ اهلا ابنتي اش خبارك الصحة مول الدار و الوليدات...
نسيم : الحمد لله اعمي...مزيان و تتا كي داير صحيحة شوية....
سمير ( ضحك ضحكة ققيلة ) باقي ديك الراء عندك لاوية مابغاتشااي تسرح نيشان مع الطريق ....
نسيم ( ضحكات ) لا والو مابغاتش ولفت و لي عطا الله عطاه ...
سمير ( عيط للمساعد ديالو ) ياسين جيب السخرة لهنا ...
جاب ليه الولد لي طلب و مدهم انسيم
_ و ها الامانة ديالك ...قلتي زيت اللوز و زيت اركان و جوز الهند و زيت الافوكادو ....باقي الورد نسيتو دابا يكون...
نسيم ( برفض ) لالا صافي ماعليش....بارك الله فيك و الله يزيد فخيرك ...
خدات لي بغات و شرات شلا روايح و كريمات ها كريم ليلي ها كريم النهار ها الرولي و كملاتها بزريعة الورد طلعات للطموبيل...تتدور في شوارع تطوان ماباغياش تمشي للدار...! دازت لمحل عبد الله لقات حلا ماكايناش...تما عبد الله بنفسو حاضي شغلو ..جلسات معاه تتشوف موديلات و الشكيلات...و خدات خاتم عجبها ...دغيا قنطاات و خرجات بحالها صونات لحلا ماتتجاوبش و رجعات صونات لخلود ...
_ خلود فينك انا ندوز وراك نمشيو بجوج ...يشوفني يحيى راجعة بوحدي يبقى يخربق عليا فالهدرة فين كنتي و مع من و نتي عارفة شي فهايم كيطيحو على الرجال ...
خلود : صافي انا ساليت ...دوز عندي ..
دازت وراها و رجعو بجوج للدار..!
يحيى خارج من الدار هاز أمير فيديه ملبسو كاسكيط و حويجات جداد و أزهار تتمشى على رجلييها تتنقز بالفرحة...ملبسها كسيوة بيضة وجاكيط دجينز طايحة مع كتافها...و سندالة باقية جديدة فرجليها تتشعل الضوء و فبها الشعلة...ملبسها بونضو من لويس فيتون و صاك صغييور من شانيل فيه الشعلة فالغوز ...داير لبنتو الخاطر غوف الخاطر ...الفشوش لي تيفششها ماعمرهم شافوه... ايه اب تيبغي بنتو لكن يحيى كثار...عمرو فحياتو غوت عليها ولا قصح فيها الشوفة...مدللها و لي فتحات فمها عليها تحضار و حتي هي تتموت فباباها كثار من ماماها.....!! حط امير الكرسي اللور هادي عطيه غاللهاية و خليه تينص و يلعب و يضحك ...! عاد شاف فلالة و مالي ...حداه كي القملة واحلة باغية طلع بوحدهل و ماتقدرش و تتقلبها اعصاب....
_ اوف...( جا يهزها كمشات فمها تتدوي بصوت رقيق حنين ) نوو..نوو بابي انا ..انا.....
يحيى ( عينيه ضاحكين ) وخا امادموزيل ...اري نهز ليك البورصو ديالك ابابيتو ديالي...
مدات ليه الصاك ديالها و نونوس ديالها الصغير هزو ليها و خلاها تتخرج فلسانها تتقاتل باغية تطلع بوحدها غا قزيبتها من برا تتبان تتحرك....و يحيى تيشوفها شنو تتصنع و فين غيوصلها عنادها....!!
حتى وقفات نسيم بالاوطو ديالها جنب دار لالة عيشة ..و خرجات خلود ! تتضحك على أزهار...
_ راسها قاصح باغية تعلق فين تفلق...الله يصلح
يحيى (هز راسو ) اللهم امين...فين حمزة ماجايش ؟
خلود : لا عندو شي شغل اليوم محال....فين غاديين ( لحنات صوتها ) خالتو ديالي دويني معاكم...
أزهار فين هي ماجاوبتتهاش...باقية تتعصررو تجبد و رجابها واحلبن فالخواء...! حتى رحماتها نسيم تتضحك ركباتها فالكرسي ديالها شادة عليها...
_ هانا امامي...كنتي شوية و طلعي لراسك هاي هاي ....
ازهار ( تتفرنس و تبوس فنسبم مزيرة عليها ) الوفيو مامي....كولو لميمة زاينة امامي....
نسيم : توحشتي ميمة زينة...وخا انا نقواها ليها...
امير غي شاف نسيم طلقها للغوات و البكاء تيتجبد باغي يمشي لعندها...مابغاش يسكت و دار ليهم حالة..وهي تتخرج بالتخبية منو حيت غي كيشوفها كيلصق فيها ولكن ولا عايق بيها تيلقى لاصق عالق فحوايجها فين ماشات لاصق فيها...غي اذا غفلاتو و سلتات تيبقى يبكي يبكي حتى تيسكت لراسو ...
يحيى ( واقف فوق راسها تيبعد شعرها تيشوف فامير مالو كيبكي ) مالو ؟ جلسي حداه رضعيه ...
نسيم ( هزات فيه عينيها ): فين هو الصاك ديالو ..ماجبتيهش ايحيى...
يحيى : انا نطلع نجيبو فين عندك ...
ازهار ( تتوريه لنسيم صاكها الجديد ) مااامي شو دالي ( شوف ديالي )
نسيم ( عقدات حجبانها تتضحك ليها ) واااو زوين ...( دارت تتشوف فيحيى )هذاك تتسلت ليه العقيق و تاكلو ايحيى ماصالحش ليها....غا تتهز فداك اليد و تخشي ففمها ...
يحيى ( بجدية ) نبهيها ماشي تحرميها....قوليها لا ماتخشيش ففمك و السلام ...تبقاي كل مرة محرمة عليها حاجة ...فين دايرة صاك أمير.؟
نسبم ( ببرود ) : عندي فالماريو ..دير فيه الريحة ديالو و اللهاية الزرقة ولانجيط عندي فالمجر و مشطة د ازهار شعرها تيترون و ليكوش ....
خلود ( بابتسامة) : هي صافي نطلع بحالي انا و بصحتكم الخرجة...تهلاو...!
نسيم : خلود عفاك خرجي السخرة ديالي من الطموبيل دخليها للدار عندهم يتهرسو....
يحيى طلع للبيت تيحاول يعقل على شنو قالت ليه نسيم..عمر داك الصاك و لي شاف تما خشاه في الصاك غا هز و حط حتى من كريم نسيم رماه تما ماعرفو حتى ديالاش .. ..زرب على داكشي و خرج ..! ركب القدام و نسيم اللور طالقين اغاني طيور الجنة صافي حكمت المحكمة ...نسيم تترضع أمير و خلاص سي امير ملي تيبعي يرضع خصو تخرج ليه صدرها بجوج واحدة يحط يديه عليها و الاخرة يرضع منها و يلعب عندو الرضاعة على حقها...تيشبع و مايسخاش يحيد يديه من البزولة تيبقى يلعب فيها بفمو و بعض المرات تيقرص عليها.....كيتلفها و يبرزطها و يوسخها بالرضاعة ديالو...اما شعرها عاد مصاوب فرحانة بيه كل مرة رامياه للور تيجرها منو حتى تتغوت وسخها....
_ شعري لا ..شعرييي.......عندك تعض...والله ياولدي و تعض ....
كانت انيقة خفيفة و ريحتها عاطية ولات حالتها بزلازلها خارجين بجوج تكرع ليها على حوايجها وسخها و شعرها شعككو ليها عرقها سخسخها...حتى طاحت تتبكي و تدمع ليه تما كلشي تخلط عليها...وقف الاوطو و خرج هاز من عندها الولد وهي خبات صدرها تيسول
_ شنو عضك ؟؟
نسيم شافتو هاز أمير خاشي يديه ففمو ..خلاتو هكاك ماهدراتش وما نبهاتو وماجاوباتوش ..طلعات حواجبها و كملات المسيح و داكشي لي كان...تقيا عليه أمبر وسخ ليه الشوميز البيضة ولات ثقيلة بالحليب لي رد كمش حجبانو حابس الضحكة...
_ الله يعطيك الصحة..بففف....شنو هادي اصاحبي.....( ببرود )شدي انسيم
نسيم ( مغوبشة مخبية ضحكتها غزا فيه ) بلاتي نسمح حالتي ....ماتخليهش يخشي يديه ففمو ....
بقا واقف جنب محل تجاري لي داز تيشوف فيه و يضحك و البعض تيقول ليه الله يصلح ...!!
و نسيم تتشفا فيه مزيان نقاات حالتها و ركبات القدام ...حط يحيى امير فالكرسي ديالو و نطق تيشوف فحالتو مبرزط...
_ و موسيقى هاديي.....
امير حالس تيغرغر و يضحك و يلعب برجليه خلا يحيى يضحك وسط الفقصة ..حتى نسيم هزات راسها تتضحك بزز منها قاالبة وجهها منو....!
كب الماء على الشوميز نقا حالتو و قلب على شي شوميز اخرى شراها و لبسها و كملو الخرجة ...!!
الولاد نعسو بقات هي و هو ساكتين هذا مستني الاخر يهدر...! هي مابقاتش تتهدر ولا تتحاول كيف قبل الكلام شداتو معاه و مابقاتش تتبكي عليه و تقولو لاش تتعدبني هكا....ولفات غيابو وولفات السكات لي ولا بيناتهم تتوحش اياماتهم قبل الزواج و الحب الكبير لي كان بيناتهم و الدموع لي طيحهم عليها ملي طلبات منو يفسخو الخطوبة عيا يرغب و يمشي و يجي من فاس لتطوان تيعتارف لعبد الله بصريح العبارة بلا حشمة ولا حياء...
_ بنتك كنموت عليها ....
و باقيين لدابا تيتفكرو قصتهم و يضحكو ...! عاىلتو كان تيشوفوع باغي يطير بالفرحة معاها...و داك النشاط و الضحك و الحب تيابن فالعينين و الحيويوة و المزاح لي كان فبحيى تقلب فخطرة بعد الزواج ...حتى ولاو تيوقولو نسيم قلباتو علينا و كايم لي تيقولو لااا نعلو الشبطان اره الواحد ملي تيدير الولاد تيتبدل و الهم تيتزاد....!! تبدلو بجوجهم و نضجو بجوجهم مع الولاد ...!
_______
علي و كريم جالسين فطمعم علي تيهدرو و يضحكو ...! راشقة ليهم...و كلامو كلو على البنات...
علي ( ساهي ) انا شهوتي فوحدة و مزوجة الخاوة ديالي ...كون كانت دراسها ساهل الحال....
كريم ( بفضول ) منين ! و نتا توحل ليك فمزوجة ؟ ياك كنتي مع وحدة مزوجة و قربتي تحملها المسخوط...
علي ( مثقل فالهدرة و عينبه معسلين ) انا ديك العايلة عجباتني مابقيتشي كنشوف كا مزوجة كا لا ....ماكرهنا معاها شي تسافيرة للبحر زاهية ...
كريم : شكون هادي وريها لي بنت تطوان يعني كنعرفها....
علي ( ضحك ) واللع ناعرفت اختي ديالي شبابي كلو و انا هنا و ماشفتا غي هاد العام ...اش غنعاود ليك قطة قطة ....( ضرب ليه على فخاضو ) قولي عبد الصمد مزال مع ديك الزعرة ...
كريم ( ضحك حتى شبع ) زعرات هوما عندو ...اينا وحدة فيهم...خاي عبد الصمد انا لي حافظو...والله الا طول مع هاذوك ...عرفتي علاش ! عبد الصمد الوحدة ملي كيطول معاها تيدخل معاها نيشان للزواج و اذا دخل معاها للزواج الريحة ديالا مايرضاشي تشما ولا تجبد سميتا على فمك ....سيرتا بحال المسك عندو مايرصاش يسمع عليها حتى نص هدرة....غا ولد عمو سليمان خسر معاه بسباب هاديك لي كان معاها و صلو للزواج و سالاو...عمرو جبد عيبها ولا عاود هدر فيها...( طلقها بضحكة عالية ) تيسالي معايا...عرفتي والله الا داك خيينا عالاااام ...سالا معاها هادي شحال و نحلف عليها اذا عاود تلاقا بيها و شافها غيعاود يلصق فيها انا كنعرفو كي داير كلات ليه الدماغ ديك السيدة صافي تعور فيها بالمعقول ...علاش حساب ليك قالب وجهو و الطريق لتطوان مكيعتبش ليها فخطرة حيت عارفها هنا...و باغي التيساع و الراحة لعقلو حيت غي غتشتت ليه مخو ...! و اذا جات لاقاتهم الطريق شي قرينة بعيد على تطوان تما هدرة اخرى ثاني يقدر نيشان يجرها لعند العدول و يربطها بيه....عليها شاري الراحة لراسو و ناسي تطوان و ناسها....
علي ( ساهي مكيسمعش ليه ) كون غي ماكانتش مزوجة ندخلو معاها نيشان لنية الزواج نلعبو شوية و الله يعاون....
كلام و شمن كلام بين الرجال...تيقولو غي النساءلي هدرتهم خاوية انا الرجال ملي تيلاقاو خلاص...! علي و كريم من دوك البزنازة الصغار غا مسخرين و شادين الريحة ...علي عندو معطم ديالو فتطوان و دار فطنجة و فتطوان...و كريم حتى هو داير التجارة ديالو و المشاريع ديالو من فلوس العشبة ...! حياتهم خاوية معمرينها غا بالنساء و الحفلات و الزهو ...الزواج عندهم ساهل زوج و طلق ...و اذا رشقات ليهم عليها والله داك الطلاق لا حلمات بيه ...!!
حلا متكية فبيتها تتهدر مع أسامة ابيل فيديو تتقلب فعينيها بملل...
_ مالكي ويليتي هكا احلا....
حلا ( بابتسامة باردة ) والو ماعندي والو علاش كيف تتشوفني ؟
أسامة ( عقد حجبانو تيسوط ناطق بصدق) تعرفي احلا كنموت عليك والله الا نتي حياتي....
حلا ( رقبتها معرية تتدور فعينيها و لي فراسها فراسها صافي مابقاتش بغاتو ) نتا لي باغي مني هاد المعاملة..و ربي شاهد كنت فوق الطوب معاك ....
أسامة ( سخن عليه راسو ) علاش ساترة راسك عليا هكا بحال الا صاحبك ماشي راجلك.....
حلا ( حطات يديها على صدرها تتشطح فرموشها ) تنحشم منك اسيدي اسامة....
اسامة (بعصبية ) زعما نتوما بنات الشمال شحال معقدات....
حلا ( ضحكات بدون مرح تتلوي فشعرها ) انا ماشي معقدة اخويا عندي الدنيا هانية و السماء صافية ..ايه راجلي دايرين العقد ولايني هنا سطوب...بنادم كيتقلب كي الجو و اليوم ليك و غدا عليك ...شنو عرفني انا نوصلو للفراق و تمشي تدير شي حاجة بتصاوري معريين...ياكما حساب ليك صافي درنا العقد نصرد ليك فيديو ديااي عريانة تنشطح....فيق معايا فيق ااسامة عرفتي راك تتصدمني...
أسامة ( تيشوف فبها باعجاق و غضب فنفس الوقت ) تبدلتي بزاف احلا....
حلا : ماتهدرش اسامة حسن ليك سكت نتا لي تبدلتي حتى تتصدمني...بحال هزيتي واحد و حطيتي واحد ماشي اسامة الصديق ديالي لي تنعرف.....نتا مشكلتك ماماك ماماك باغية تدخل فكلشي ..هدرة جوج كتبغي تدخل مك فالهدرة ..ماماك على الراس و العين ولايني كل واحد يعرف حدو و بلاصتو ...انا ماشي بنت الحرام نفرق ولد على مو و ماشي مكخلة نخلي ماماك تدخل فسي حوايح و سمحلي نقولا ..شي حوايج ماعندها بيهم حتى علاقة غا خاشية نيفها فيهم و قريب تخشي رجليها و تخشى هي كاملة كاع...
اسامة ( بغضب ) ماتدوبش على ماما هكا احلا
حلا ( ضحكات تتشوف فيه ببرود ) اوك سمحليا يرحم باباك....
اسامة ( تيسوط كي الثور ) نخرجو نتعشاو اليلة...توحشتك احلا علاش ماتتفهميش ...
حلا حتى هي بغات تفاريها معاه و تسرسبو مابقاش ليها الجهد تتحملو ...! تافقو يخرجو يتعشاو ديك اليلة بجوج...! لبسات و تانقات و جا وراها حتى للحومة ...ماطلعش...! عبد الله و رضا ماكاينش لقات راحتها...!
الريح ضارب ليها شعرها للور ..شافتو خارح من الاوطو بملامح باردة...غا قشعات مو معاه جالسة للقدام زاد زند عليها راسها و طلعات ليها عويشة للراس...!!
اسامة : مالكي ؟
حلا ( بابتسامة صفراء )والو ...بغيتي نحلو المشكل و جايب معاك الحمية و لي تحضي عليك خايفة عليك. مني ولا شنو ؟
نعيمة ( سمعاتها و خرجات معلية حاجبها ماعاجبها حال تتهدر بصوت شوية عالي ) الله يخليك حدك تما...خلينا موئرين و شادين تيئارنا...فاش جبدتك انا ابنتي فاش ! مانسمحشلك تهدرلي على ولدي هكايا.....
حلا ( ماشافتش حتى فيها تتشوف فاسامة ) سير مع مك طبطب عليك و تحتحو نتا و ياها حسن ليك...ماعندي ماندير بولد مو....
أسامة ( غوت عليها وسط الشارع و الحضية فالشرجم ) حلااااا.....
حميدة سمعات الغوات قفز قلبها و طلات تتشوف لقات حلا وحدة لي فبالها هي بنتها....! لبسات حجابها بالزربة مخلوعة ..شافتها نسيم لي كانت خارجة من بيت النعاس لابسة بينوار النعاس شعرها مخربق تتستر صدرها...
_ ماما شنو وقع...
حميدة ماجاوبتهاش طارت هابطة تتجري ..و غواتهم برا تيتسمع حتى من عيشة تتطل كي القنفد فالظلام ....!
حلا ( مارصاتش ) مالك تتغوت....شنو حاسب فراسك....
نغيمة ( عيات صابرة طرطقات فيها نيشان ) هيييي هيييي....حدك تمااا....كتعايري ليا ولدي...يائليلة الصواب....نعلة الله عليك ...
حلا ( عرعرات عليهم بالمعقول )مابغياش نغلط فيك ...و الله ينعل لي يزيد فشي صواب....هز ولدك و زيد عليا نتا و ياه بزاف عليه يغوت عليا...انا....
تخلطاات الدعوة خرج يحيى تيفارق و يدخل حميدة و حلا للدار ...والو مابغااش تدخل ليه ..نعيمة تتغوت مشا البريستيح و الثقالة...سباتها مزيااان و حلا ماصبراتش عطاتها....كلشي تيشوف و يشهق اول مرة يشوفو حلا معصبة هكاك كاملين شهدو بلي حلا بنت لسانها تيقطر حلاوة ماتتخرج عيبب ما النساء...!
تصدمو و لطخو وجههم مخرحين عينيهم..
اسامة وسطهم كي المونيكو...مو تتجرو و حلا تتدفع فيه ...حتى هو سخن عليه راسو و مارضاش على مو...غوت على حلا و نطق مغصب كيعرعر...راسو سخون كيغلي ...
_ بالناقص كاع...سيري نتي مطلقة.......
رمى عليها الطلاق وسط الناس سمعوها الصغير و الكبير.....!! حميدة شهقاات و من الشوهة حشماات...
يحيى دفع اسامة عاقد حجبانو تيدخل حلا للدار...
_ سير بدل ساعة بالاخرى ......
حالة مابحالها حالة ...الشوهة و الشهقة غلبات البشري...! ها لي تيضرب حناكو و يهز فراسو مصدوم و ها لي كيتشفى و ها لي بقات فيه مابغات ليها هاد شوهة مايتمناها حتى لعدوك ..! أسامة حمارو عينيه و تزنزن لسانو ثقال...ماعرف راسو اش كيدير...رمى الطلاق على حلا و دفعو يحيى ...وهو بحال تشلط طار لحلا تيجر و يحير تيبعد فيه ...!! صراع و شمن صراع...!
يحيى تعصب دفع حلا الداخل شاد الباب عليها و جر اسامة للقنت كيتغاوتو ..!!
_ و سييير اصااحبي...سيررر بدل االساعة مالك ماكتفهمش....
جا عبد الله فديك اللحضة ...تيشوف الدنيا مقلوبة عندو قدام باب الدار سمع الخبار و طلعو حجبانو للسماء...جرااو على اسامة و مو من الحومة و اسامة تتجرو مو بحال المصدوم ..!!
اما حلا جالسة الفوق مكمشة فمها تتغلي بالاعصاب...
_ الحمار تفو...يغوت عليا انا ولد الكلبة...( تتنفخ بالعصاب ) كون ما داك الحمار ديحيى كون طرت عل. بلالط عيونو خرجتهم ليه....
حميدة ( وججها صفراء بالصدمة ) باقي عندك الوجه تهدر ينعل حسك يالكلبة...انا خرجتي عليا سوهتيني هلكتي ليا صحتي ...حسبي الله و نعم الوكيل....اش هادشي ابنتي تابعك...شنو هاد الشوهة عمرها ماتنسى ولا تنسات...غيبقاو يدوزو بيك اتاي فالجمامع د النساء....بنتي انا غيوليو ينعتو فيها...عمرا وقعات ولا سمعت بيها...الله ياخد فيه الحق على هاد الشوهة...الله ياخد الحق.....
جلس عبد الله طالع ليه الدم ...مجمعين كاملين و التليفون تيصوني و يعاود تيلقاه اسامة تيقطع عليه و حتى هي تليفونها كيصوني ماتتحاوبش...!!
عبد الله ( باقية تتاكل فيه ) لاحولا ولاقوة الا بالله....لاحولا ولا قوة الا بالله......
حميدة ( بوجه شاحب ) رد اعبد الله على الراجل رد ...
عبد الله ( بغضب ) خليني احميدة...خليني قبل مايتعماولي العينين نغلط فيه...خليه هو الظالم..
يحيى ( هز أزهار فوق رجليه تيحك ليها راسها ) ماتعملش فبالك اودي...بنادم كيغط و ترجع معاه الندامة ....
حلا ( مابغاتس تسرط ليها الشوهة ) : مايندم مايزمر عليا ...اذا عاودت شفت كمارتو غنخسي فيه شي موس...حتى يخرجو بلالط عينو....
حميدة ( تتشهق ) استغفر الله...استغفر الله....نوض نحط العشاء الله يهدي ماخلق هاد الكارثة ماكانت على البال...!
حطات حميدة العشاء وهي تتحسر بقات فيها بالجهد و ماؤضاتش...حتى وحدة ماترضاها لبنتها ولا تتمناها لعدوها...! شدو الهدرة على الطبلة و النقاش...! حلا تتقول ماتهدر معاه ماتكلم معاه...ماتعاود تشوف كمارتو...و عبد الله حتى برد عليه راسو تيقول جاوب عليه شنو بغا يقول ...! الهدرة كانت كثيرة و نقاش طوييل كان بعد الغشاء....!
جالسبن فالصالة الولاد نعسو ...! حميدة جالسة مربعة يديها جنب عبد الله و يحيى مدور يديه ورى ظهر نسيم تيحركهم بعفوية و تلقاىية...!؛ اما واحد حلا حجبانها طلعو مابغاو يهبطو .. !
_ والله لا هدرت معاه...مانعاودش نشوف كمارتو....
عبد الله : اذا صونا جاوب و هدر معاه و شوف شنو باغي ...الله ينعلها عشرة هادي....يحتارم غابنت الناس مراتو ياحسرة مراتو و رضى ليها هاد الشوهة...الله ياخد الحق....هذا ماكان....
نسيم ( مقتولة بالنعاس ): باين معمر من ماماه و جمع كلشي خوا ديك الدقيقة...
حلا ( ضحكات باستهزاء ) ولد مو شنو تتستناي منو....ينعل الوقت لي ضبعتو معاه الحمار....
حميدة ( غمزاتها تسكت حشمات من يحيى )
حلا توصلات باشارتها و قلبات وجهها قلبها تيحكها ندمات لاش ماسرسباتوش شحال هادي ولا هاد الشوهة لي دار ليها قدام باب العديان ...! اييه لالة عبشة ولات تتحسبها عدوتها حسات بيها تتمنى ليها الشر و دابا نكون تتشفى فيها...!
جا رضا حنى هو ملي عيطو ليه تيكملو النقاش ديالهم و كملات ااباهية...كون ماكان يحيى كون صعر رصا تنا و خسر الهدرة و ماخلا ماقال...حلفان فاسامة مويان و عبد الله تيوصي فيه...
_ عند يارضا و تمد يديه على الولد...والله لابقيتي عرفتيني..
رضا ( معصب ) لاش جاي لاشسس...شنو جا يدير.....ضربها !؟
حلا ( نقزات مخنزرة ) لهلا بحيه يضربني ...
رضا ( دار فيها ) سكووت نتي ..سكوووت. صوتك مانسمعوش...يالل( مان غيسب و حمع لسانو تيشوف فيحيى بنص عين )....
نسيم خداها النعاس متكية على كتف يحيى ..فيقها بيديه تيتحركو على كتافها...
_ نسيم ....نسييم....
فاقت مقلوبة بالنعاس...تتشوف فيهم بحال الا نعسات عااام وهي غي خفاات...! انسحبت من الاجتماع و دخلات لبيتها مكملة نعاسها...!! و الجلسة طوالت ..حتى كلها غين تفرق و نعس..!
حتى للصباح فاق عبد الله مغوبش و رصا كثر منو...
حميدة : يجي للدار هدرو !
عبد الله : والله لا عتب باب داري......نخرح للزنقة لشي قنت نهدرو ....
جلسو الراس فالراس...!
اسامة طلعات معاه الندامة حاني راسو تيشوف فعبد الله غا من الجنب....
_ ماكنتش كتعرف شنو كنقول اعمي ..الشيطان غلب ملي شفتها تتغوت على ماما ماقدرتش نصبر....
رضا ( بعصبية ) تغوت على مك تجي تشوه ختي هكاك ...هادي الرجلة عندك ..كون غا كانت شي غريبة زعما مزوجين شهوتيها بحال شوهتي راسك....
عبد الله ( مزير على سنانو ) بنت وحدة باقية لي هي حلا و جيتي نتينا باغي شوهتيها داك الشوهة البارح و ماحي اليوما كتقولي الندامة ماالندامة...الدفلة ملي كتخرح ماكترجعشي....و بنتي نموت و مانرجعها لك ...الطلاق قبل البناء مكتاب الله يعاونك .....
أسامة ( تزير ) ...انا كنموت على بنتك كنبغيها والعقل كيغيب ماشي لخاطري....ضروري يكون حل...نقدر نرجعها....
رضا ( سخن عليه راسو و الشك دخل معاه ) مايمكنش ترجعها بالفم ...( قصح وجهو ) مادخلتيش عليها ....
أسامة ( ثبت عينيه فيه ) : شكون قالها ليك ؟
اسامة كان غرضو يشعل العافية و يطلق الدخان...فاهم عقلية عائلتها و دارس خوها رضا كي داير ..و عارف موضوع بحال هذا حساس باغي يشعل ليها العافية و يكثار عليها الدخان ...المهم الهدرة تطلقات و غيكثر القيل و القال...هذا يسمعها مزال بنت و الاخر يقول لااا راه طلقها بعد الدخول...!
و هدرة اسامة مامشاتش غي هكاك....!
عبد الله جمع لسانو مازاد هدرة ...جا للدار غا يكمش فعينيه هاز هم بنتو كان غي رصا كينقز بحال الفروج ....شافتو حميدة هكاك قفز قلبها ...
_ مالك ..شنو وقع....شنو دار ....
رضا ( معصب ) فين ديك الكلبة ...
حميدة ( بخوف ) خرجات ..شنو قلتو عاودولي شنو وقع بيناتكم فاش توخرتو....
رضا ( تيعلي يديه و يعقد حجبانو معرعر دمو تيغلي ) علاااش تخرح ..غلاش تخرح علاششس...علاش كطير الارض ماكافياهاش بغات تلحق للسماء تتسابق مع الطيور....ها الطيرة فبن خرجاتها ..حتا شفتها فين وصلات...الحمار ولد الكلبة كيقول دخل عليها مادخل عليها....نفهمو شنو وقع و سنو خصو يداى ..غا نعرفو يدينا من رجلينا من هاد الزبل كامل.....
حميدة ( طلعات معاها الحشمة مع الصدمة مع الصعقة ) استغفر الله العظييم.....
رضا ( غياكل جنابو ) صوني عليها دابا تطون هنا قبل مانجري عليها تطوان و نذبحا قدام عيباد الله.....
طارت حميدة تتولول و تضرب حناكها مصعوقة...صونات على حلا
_ الو ...حلا....اجي دابا...دابا تكون هنا...عرفتك ياقشور البنان كتهزق من مصيبة لمصيبة.....
جهد نص ساعة كانت حلا فالدار...غا شافها رضا نقز لعندها حامي كيغلي جمع معاها بتصرفيقة حتى تقلب وجهها و خرجو عينبها...ماعرفات باش تبلات...كانت جاية تشوف شنو وقع لقات غا التصرفيقة و حنكها كيوزوز....رجعات ليه الطرشة حمراء و عينبها كيغلييو...
_ لهلا بحيييك الحمار تصربني انا...اتفوووو عليييك ....تفووو الحمار الكلب كنكرهك....
رضا طار عليها باغي يخنقها مجنن و عبد الله تيجر فيه و حميدة تتغوت و تدخل وسطهم تتبكي....
_ كون غا ذبحتك قبل هنيت البشر منك...الكلبة....نعستي معاه ! جاوب ينعل حسك الكلبة ...نعستي معاه .....
عبد الله جر رضا لعندو مخنزر فيه .....
_ رضااااا.....
حميدة جرات بنتها عندها كي الشرويطة عينيها حمرين تتشوف فيه بكره و كتدوي بزز ...
_ و نتا مالك...شغلك اش دخلك فيا ننعس حتى مع عشرين نتا مالك غا فهمني تفووو الله يعيطيك المووووت....
حميدة شهقات و جمعات فم بنتها لي مابقات تتميز ولا تعرف شنو قدامها...قالت داك الكلام قدام عبد الله لي شاف فيها ساخط و دخل بحالو للبيت جار وراه رضا كي المصعور...!
دخلتتها حميدة للييت تتهدر معاها بقلب محروق...
_ اسامة قالو دخل عليك و جا كي المصعور لهنا كيغوت ...واش بصاح ابنتي نعستي معاه صافي ؟
حلا تتقيس رقبتها فين خنقها رضا عاقدة حجبانها قريبة تنفاجر ...
_ انا عطيوني غا موس...نخشبه فرضا و نمشي نكمل على داك البوهالي الاخر....باغي يشعل العافية و تكثار عليا الهدرة....( باستهزاء ) مالي مخورة فعقلي نزهق مع ولد مو....طلعتو و عرفتو ...مكلخ ماساوي حتى ريال عند بالو وصل معرفت فين ...هو و داك الدجاجة ديال مو....حاضنة عليه....بقات بالفرونسي....دوك التاصيلة يكره بنادم يصبح على كمامرهم....
حميدة ( تنهدات براحة ) والحمد لله....عارفة اش مربية بنتي ماتزربش على راسها هاد الزربة كل حاجة فوقتها زينة.....ربي بينو على حقيقتو قبل العرس....دابا رضا والله لا تاق حتى يشوف بعينو....
حلا ( عقدات حجبانها ) شكون رضا شكون ! فهمني هاد ال**را اش ساوي فحياتي...غيدخلني للجنة ؟! يمشي ي*ود عليا يفرطط بوحدو من هنا للصباج شكون داها فيه ...يعاود يمد يدو عليا حتى نقطعهم ليه....حساب ليه انا نسييم لي تتخاف منو....والله حتى نوريه بنت سبع شهور شنو تتدير......داك ولد مو اذا ماجرجرتوش شهر قدام باب دارنا مانيش حلااا.....
اسامة حتى فات الفوت عاد طلعات معاه الندامة كيتحسر على حلا حتى تيقربو عينيه يدمعو كانت تتحمقو و فرحان بيها...لكن مو خسراتها ملي كرهاتها ...! مو من جهة و رغبتو من جهة....قدام مو تيقول ليها بدينا بالطلاق صافي و قدام حلا تيرغب و يزاوك تغفر ليه و يعاودو من جديد ...!! عيااا و دار جميع المحاولات ....غادي جاي من طنجة لتطوان و لمحل عبد الله كيتعرض ليها تتجاهلو كي الكلب و تقلب وجهها منو...!!
فالحومة ديالها تيظل واقف تحت باب دارهم كيدوي مع عبد الله يشوف حل ماباغيش يحيد حلا من بالو...مع عبد الله حلف لاباقي دخلو لباب دارو كيهدر معاه غي فالزنقة...و الجيران تيشوفوه كيفاش مجرجر طالب راغب فيها مرة اخرى....!
بقى هكاك حتى فقد الامل كيتحسر عليها....و طلقها فعلا ...!! و مشات سيرتها بين الناس كل واحد و شنو تيعاود عليها....و شلا مايتعاود على لالة حلا بنت عبد الله...
_ كبرات فالعمر صافي ولات قريبة لثلاثين دابا نشوفو هاد الرجال واش يبقاو يشوفو فيها...
_ الله يستر ماعندها زهر ...بقات من راجل راجل حتى خسرها داك الفاسي ..قالك نعسات معاه قبل العرس غي دارو العقد دخل عليها صافي و طلقها ديك الساعة ماكملوش حتى جوج سيمانات.....
طيلة فترة الطلاق و حلا تتسمع الهدرة و التوشويش....يا فالخدمة يا فالحومة...ميكات و دارت راسها ماتتفهم والو و هبيلة كاع...مكملة عادي و فرحانة تهنات بواحد سميتو اسامة عرفاتو فحياتها...!
بدلات اللوك ثاني و شرات الطنوبيل صغيرة على قد جهدها على ماتجي لي حسن...! طورات خدمة عبد الله اكثر وولات معروفة عند الناس....! دارت كليانات جداد و مصالح جداد ..و احلام جداد ....!! ماتابعها لا عدة لا والو ...غا كملات طلاقها ...نيشان عينبها ولات تيطلو لبرا...قالك والو باغية تمشي لاسبانيا سياحة ...والو يكون لي يكون داك اسبانيا باغية تطلع ليها ...و جاتها نيشان مع خلود راجعة لاسبانيا لفترة ....! قالت فرصة و مناسبة ....!صرعاتهم فالدار و حمقات ليهم الراس حتى يولاو يقولو ليها...
_ سير انا بغيتك تمشي ماترجعي.....
شعيور رطب و كحل تيتحاك مع رقبتها مقطع كاري و القصة خفيفة و العوينات مجبدين متقونيين تتبقا غا تشوف داك الخط د الايلاينر كيفاش مرسوم و تتعجب كيفاش جاي مع عينيها...! لابسة قندورة قصيرة حد الركاب ..يديها معريين لابسة ساعة زوينة فيديها اليسرية و خاتم رقيق. ..! واقفة على صبيعاتها تتسقي كسكسكو و القرآن مطلوق فالدار و الرجال عاد جاو من الجامع ...! اجواء يوم الجمعة .. !
حميدة ( جالسة راشقة ليها تتوجد الطبلة و تعيط لحلا ) حلااا جيب كسكسو صافي عبد الله جا ....
سمعا و طاعة ...! هزاتو فيديها مسقي و مصاوب على حقو و طريقو كسكسو بسبع خضاري...! خارجة بيه تتفرنس ...
_ هانا الالة حميدة ذوق و قولي واش عجبتك ولا والو ...
حميدة ( تتضحك ) و نذوقو و نشوفو ..فين يحيى انسيم وصل لطنجة ؟
نسيم : لا مزال غيوصل حتى لليل ...
عبد الله : يابسم الله ....
حلا ( وقفاتو ) بلاتي نصورو اول كسكسو نديرو فحياتي خصو يتصور....
ظلات تتصور فيه و تعاود كثر من عشرين صورة حتى عصباتهم ...!
حطات التليفون تتاكل معاهم طيابها بنين وخا تكون اول تجربة ليها الحاجة تتقنها وخا عمرها جرباتها يديها بنينة كيف تيقولو ليها تتشبه لمها لالة حميدة...! هي لي خرجات تتشبه ليها فيها...
حميدة تتاكل و تنكر على نسيم ...
_ اليوم نوبتها السيمانة الجاية نوبتك ماكاين فلات...ماتعرف طيب كي قرانك يا تحرقيها ياتملحيها ياتجيبيها مرة....ماعرفت هاد العكس لي تيجيك على الطياب لاين غيوصلك لاين....
عبد الله ( تيضجك ) بديتي عاود خليها عليك ماشغلكش فبها...
حميدة ( بغضب ) كيفاش ماشغليش كيفاش...ماشي بنت حميدة هاذي لا مابنتيش ...انا ماربيتش بناتي على هكا...الضياف عطيهم من طيابك و بنة يديك ماشي من بنة البراني...( صافي جبدو الموضوع والله لا سكتات ليهم ) هيدا البنات متولات فالطياب الفايسبوك عندهم عامرغي بالطياب و الشهيوات و الحلويات و كل نهار يا شهيوة و ياشمنك شهيوة....و ديالي شنوو...ديالي حاضية عى الورد صباح و عشية ...كيطلعي ااستاتي ديالا قلبي كيعمل هااه...كنقول دابا نلقا ناشرة شي شهيوة فاعلة تاركة كندخل نلقاها ها الورد صغر ها حمر غا خنوني عا مزوق....حد ماشاف الورد عيش تتينا بالورد ..تعشا بيه و فطر بيه و تغدا بيه ...صافي قطعت الياس و مابقيت نشوف ستوريات ديالك يانا غنبلوكيك كاع و نهني راسي من الفقصة ...
حبسو الضحكة كاملين من رضا و جبد ...حتى من نسيم حنات راسها مابغاتش تضحك حيت اذا ضحكات وااله لا خلاتها حميدة فالتيقار...!! لكن حلا فلتات ليها و تبعوها البقية ...
نسيم ( تتضحك ) لا اماما كنطيب كنطيب غا مكيعجبنيش ننشر الماكلة ويلي عييب تكون شي موحمة ناخد ذنوبها....
حميدة ( زمات شفايفها )سكت حسن ليك سكت يالمعجازة دخوتك صافي بنتي غي حلا هي لي خرجات تتشبهني...الحاجة تشوفها مرة وحدة طيبها نخرح شهوة منها ....نتي والو تالفة و عقلك غايب ..اما هاديك الشارفة الاخرى تلاقات مع راجلها كيف كيف ...ماكلة الزنقة يعيشو غي بيها ....والله يابنني و الجمعة الجاية ان شاء الله و بقبنا فالحياة مادرتيش كسكسو كي الناس مانتسماش حميدة و يااااه انا حلفت...
نسيم ( فالتة ليها صحكة ) ماغنكونش هنا اماما...يحيى غيجي اليلة غنمشيو لفاس عند الحاج ....
دازت غداء من داكشي ..حميدة صعرات مابغات تسكت دور دور و تشكر فحلا ..لي جالسة حداها تتدور فعينيها و تفرنس حميدة تتشكر فيها شي يهودي سلم مافيهاش شك ...! و هادشي نادرا مكيوقع....دايما هي و حميدة كي الضريرات التفاهم بيناتهم مكاينش...!
جمعو و سالاو و خرجات حلا من الدار لابسة البلدي جلابة مخزانية عاد جديدة و صاك بالسنسلة و داك الشعر يلاه بدا يطوال رجعات ملات و قطعاتو كاري نهار تمل منو نمشي تلصق شعر طويل ..المهم كل مرة مبدلة شكل شغرها دايما التغيير....و هاد التسريحة كتجي مع وجهها كتحمق ...بيناتها عاد بنت عشرين سنة ...!
هزات عويناتها فلالة فاطمة تلاقات بيها تتسلم على الاحوال و الصواب راها هي المعروفة بيه ...
_ خالتي فاطمة كي دايرة لباس عليك الصحيحة سوية....
فاطمة : الحمد لله المرضية ديك الامانة عطيها لمحمد غيدوز عندك صافي ...
حلا : كون هانية صافي من اايد لليد يلاه هانا مشيت ساعة دير شي سويعة عندنا توحشناك ....
فاطمة : ان شاء الله ياربي....الله يعاون....
بابتسامو كملات طريقها فالحومة كان و مزال الزوينة فعيون الرجال فداك الحومة ولايني حتى واحد مابقى قادر يطلبها للزواح ماقادين على مشاكيل زوينة اه ولايني للزواج لا تيشوفو كل مرة بخطيب جديد تيرجعو للور يخليوها غا للشوفان ...حتى المقدمية فالمقاطعة تيشدو هدرة عليها و ماشي صعيب عليهم يعرفوها حيت عبد الله معروف تما بالذهايبي كاع ناس المنطقة ولاو كليان عندو ... سنين لي دازت كان خير عليه دار اراضي و ديور من التجارة لي كبرات و كتب الله فبها الخير....و دابا تيبلاني لواحد الارض يطلعها فيلا مافخبار حد من غير حلا و حميدة ...! طلقات لسانها و تقلبو عينيها ولاو تيفرفرو ...شداتو و فتحات ليه ودنيه حتى يسمع كلامها
_ اوا الجهد درتو انا و الخدمة خدمت من نيتي و الكليان اذا ماكامت حلا متيلقى راحتو و فلوسو تيعطيها مخسر و مامرتاحش...من هادشي كامل تعاون معايا ندير فيزا شنغن ....
و كان ليها لي بغات ...! تتحمع وراقيها بالسكات مافخبار حد غير عبد االله...فالدار مصداعهم غي باسبانيا اسبانيا حاسبين السيدة غا تتهدر و صافي كيف كل مرة...! حتى تصدمهم نهار تهز حوايجها تلحق على خلود ...!
مشات للصالون تهلات فوجهها و نقااتو ماشي غي جا وولا هكاك كي االبلار...اذا سمحات فراسها تولي حالتها...! السهر عندها ممنوع تتخاف تطلع ليها الكحولية تحت العين...! اذا طلعات ليها غا حبوبة وحدة تتمشي طايرة للطبيب تشوف ديالاش و سببها شنو... كل مرة مهلية فيها بصوان و السيروم شابعة تمارة على وجهها...مابقات تعصب راسها لا يخرج ليها الشيب و تكمش تخت العين ...! مرخية و ضاربة الدنيا بركلة ...ماعندها ولاد ماعندها راجل شكون هذا لي يعصبها ..!
سالات و صونات لنسيم هي لي بقات ليها هنايا حتى خلود هزات بنتها و مشات مخلية عندها القنط....
_ الو نسيم يلاه معايا لتطوان نشري شي الحوايج زدت خمس كيلو مابقات حتى حاحة من حوايحي كتجيى قدي ...الولاد خليهم مع ماما و يلاه ..صافي انا نستناك....جيبي طموبيل ديالك ديالي ماخرجتهاش...
مسافة طريق و كانت نسيم عندها شدوها طريق لتطوان ...تيشريو الحوايج ...
نسيم ( بهدوء ) : خصني نكون تما قبل مايجي يحيى...
حلا ( بضيق ) خليه يمشي هو وولادو لفاس و نتي بقاي هنا...
نسيم ( تتقيس سندال عالي ) مانقدرش ...الحاج دايما فهاد الوقت كيحمع ولادو و حفايدو لي ماحضرش تياخد عليه...وخا تكون عندك خدمة معرفت فاش صروري بحال هاد النهار كل عام العائلة كاملة تجمع....و بغيتني انا نغيب ناقصني مشاكيل....
حلا ( بفضول ) فين وصلتي معاه باقين هيداك مكتلاقو غا فوق الناموسية ؟
نسيم (قلبات عينيها بانزعاج ) ماشي شغلك....
حلا ( بين سنانها ) وخا ساعة اجي شكي عليا ...( تتعيبها ) ماشي شغلك قالك...ماشي شغلك نينيني.....
قلبوها معايرة و كل وحدة قلبات وجهها على الاخرى...حلا تتشوف الحوايج و الاثمنة و تشاور مع مخها تختار...حتى نسبم لي تخلص عليها و ساهل تسلت ليها الفلوس معصبة عليها ...! تتجيها خلود صعيبة على نسيم...خلود هي الكبيرة حافضاهم بجوجات طير حلا حتى تتعيى تتفرشها خلود ...عكس نسيم تيحكرو عليها بجوج مع عقلها غايب و تتبقى غا ساهية ذهبها متلف و حوايجها غا مشرين و الفلوس ماتتضرب ليهم حسبة .....!!همها كبر من الفلوس و الذهب....!!
تنهدات نسيم من اعماق من قلبها مشكلتها هو حبها ليحيى كتبغيه وخا تكدب على راسها...و حبها ليه مفروش قدامو ...
جات للدار ! سبقات دارت بحالتها طلقات شعرها و لبسات بيجامة دار حريرية فالموف ...! عطرات راسها وولادها تينقزو فوق الناموسية دايرين حالة ...و حتى هوما حالتهم حالة...امير الحليب عندو مع فمو تيعض فيديه و اللعاب مع فمو ...! ازهار بداك الشعكوكة مقزبة بواحد الكسيوة قصيرة ..! سبقات راسها و نقات حالتها و هزات داك للشعر ثقيل مصهدها و ولات راضية على راسها عاد شداتهم بدلات ليهم حويجات النعاس و مشطات لازهار الشعر لبساتهم و نقاتهم وهوما فرحانين ساكتين حيت عارفين باباهم غيجي اليوم ....!!
وصل مع العشاء...! نفس الاستقبال و العيون تيشوفو فبعضهم بالتخبية تقول مصاحبين ولا الشوفة و التعبير عن الحب ولى حرام بيناتهم ...!
تعشاو مع بعض و عبد الله خالق جو مع نسابو ...! تيهدر و شكون خلاه ..ازهار معلقة فيه من جهة و امير من جهة...مامخلينو حتى يتعشى ..
حميدة ( تتضحك ) اجي ازهار ديالي اجي خلي باباك يتعشى ...
ازهار ( غوبشات و صعرات مزيرة عليه بحال غيهرب ) عععععع......
يحيى ( تيضحك ) غا خليها ...نتعشاو
ابابيتو ...
جمع معاه امير بعضة لكتافو تيحك فيه سنانو حتى قصحو و جلسو فوق رجليه حاضي معاه لا يغفلو...!
سالا و ناض يصلي لصقو فيه بجوج شادينو من سروالو تيركع تيطلعو فوق منو و يلعبو معاه و ينقزو بالضحك و الفرحة....
نسيم وججها شاحبة كتشوف في صمت و الغيرة بدات تتكون داخلها....تعلق ولادها الزايد بيحيى خلاها تحس بالغيرة على ولادها و تراجع راسها و تسول علاش...شنو منقصة معاهم هي..! شكون بي كيتعدب معاهم هي ! هي لي هلكات راسها معاهم و تقطعات عليهم و تتسمح فنعاسها عليهم و قلبهم هوما معلق بباباهم...
دخل كل واحد لبيتو ينعس يحيى تيجبد حوايجو باغي يدوش و عينيه مع نسيم كدور حداه تتجمع الحوايج من الارض و الروينة لي داروها الولاد ...! ضيق عينيها فيها يتعبرها بنظرة رجولية خلاها فالبيت و دخل يدوش ...!
نسيم كانت حابسة دمعتها غا بزز غا دخل يدوش هزات مخدتها خارجة لعند حلا للبيت ...شافتها حلا استغربت...
_ مالك هاحمة عليا...
نسيم : قرب ننعس معاك ...
حلا ( فتحات عينبها )حلفي....و سي السيد
نسيم تتظفر شعرها بهدوء : سي السيد كيدوش من العياء و الولاد ناعسين....تنفطم أمير مابغيتش ننعس حداه.....خليه يتكلف هو و يسهر شوية على ولادو.....
حلا : ( تكات ناعسة ) جبتيها ليه نيشان ..تلقاه تيزرب باغي يخرج دغيا يتبلى بيك غيلقى غا ريحتك فالبيت ...واعرة هادي الهدرة مقطعوة و النعاس خدام...نعس نعس خليني ننعس مابغيتش نسهر نسمع صوتك ماتزيديش معايا دقيقة فالبيت ها بيت خلود خاوي....!
داكشي لي كان...! خرج يحيى من الدوش تيدور عينيه فالبيت على نسيم مالقاهاش...! تكى تيرتاح طاوي رجل و رجل طالقها فاتح عيينيه كيستناها...شافها ماجاياش صرد ليها فالواتساب...لقاها شادة ! حط تليفونو قارن حجبانو و دار دراعو على جبهتو و نعس مغوبش....! مالحق يحلى ليه النعاس فيقتو بكاء امير ولف مو و ريحتها باليل غا يفيق تيلقاها هي ...! فاق يحيى راسو ثقيل عليه شدو تينعس فيه و يسكتو و امير تبكي و يتحنن و يحك نيفو و يغزز سنانو تيبكي بدموع سخاااان ماسكتش ليلة كاملة و يحيى مانعسش معاه ..! و لا نسيم نعسات ولدها كيبكي وهي كتبكي معاه بقى فيها ...! مانعسات حتى نعس هو حتى قرب يطلع للصباح....
حلا صابحة فالمقاطعة تتدور بواحد الجلابة و النظاظر د الشمس معلية حواجبها معصبة على الخدمات لي تما قربات طرطق و تنفاجر ...
_ فين هو هاد المقدم فين ! قلتي حتى العشرة عاد يجي من العشرة و انا نستنى دبا جاي لجوج ساعات و مزال هاد المقدم مابان...لاش دايرين ليه بيرو هنا اذا ماكانش غيجلس فيه....
_ اختي دابا و يكون هنا كون هانية شغلك غيتقضى...
حريرة محرحرة و الاعصاب تتعيى تقول ماتعصبش حتى تينقزو عليها من حيث لاتدري ...! باغية تجمع وراقيها دغيا حتى تكون فاسبانيا فماي و ماشي هي كاع باغيين اسبانيا فشهر ماي على حساب مهرجان فيريا ديل كابالو فاسبانيا ...! تتسمع عليه من خلود و من الاقارب عجبوها دوك الاجواء حتى هي باغية تعيش و تجرب و تشوف و تصور و تعارف على ناس جداد....!
من للصباح و بلا فطور وهي على دوك الوراق دارت ليهم الصعر فداك المقاطعة ...! حتى سالا ت و طلعات لخدمتها مخشعة مع عبد الله حتى هو معاها...! سالات هي مشات للدار بقى عبد الله مع مهدي غادين فالمدينة القديمة...الهزة لي هز راسو شاف عبد الصمد مع كريم...! تلاقاو العيون و كان عبد الله البادي فالهدرة....
_ سي عبد الصمد هذا ...
عبد الصمد ( ابتسم بالثقالة ) اهلا اسي عبد الله الاحوال و الصحيحة ....
عبد الله ( تيضحك فرحان بشوفتو عندو عزيز ) والله الا ساعة سعيدة هادي ..انا لباس الحمد الله والشكر له...فين غبرتي اولدي توحشناك....
عبد الصمد حك لحيتو محرك صبعو باشارة صغيرة فهمها كريم و انسحب من قدامهم مخلي عبد الصمد مع عبد الله...! عاطيه وقتو و الادب كيف قبل مادار ليه والو ماعندو لاش يخسر معاه ولا يتقابحو....جلسو فريسطو عند علي...! تيهدرو و عبد الله نشط و فرحان...تيهدرو عادي بحال الصحبة ...!
علي شاف عبد الله مع عبد الصمد كمش عبنيه باستغراب و الفهايم طاحو ليه فالبال...! ستنى حتى مشى عبد الله لشغلو و قرب لعبد الصمد شاد كرسي حداه...
_ على سلامتك نورتي اصاحبي حمام تطوان قراب يطيرو بالفرحة ....
عبد الصمد ( موسع يديه ورى الكرسي منيرفي ) جيب الفوتوي يجلس غا بنادم بخاطرو ...
علي ( ضحك ) نتا ولفتي جلسة الملوك ...قولي ( غمزو ) فين كتعرف سي عبد الله ؟
عبد الصمد تيشوف فيه مطلع فيه حاجبو مثقل كان فغينيا هاد الفترة ولا سمر بالزايد و شعرو قوا على قبل صوتو حرش تيخلع...
_ جاري ! علاش ؟
علي ( بمكر ) فين جارك شمن دار بعدا ...كثرتي علينا بالاملاك و الديور ماعرفنا فين نشدوك ....
عبد الصمد ( معلي حاجبو ) عندك معاه شي بلان !
علي ( تيفرنس ) لااا ماعنديش معاه هو عندي مع الحلاوة د بنتو.....
عبد الصمد كان مبرد ضاربها بثقلة و مرخي مامسوقش تيغزز فواحد العود ففمو فين بلية...غا سمع كلامو هز فيه عينيه بحدة...
_ شكون فيهم ؟
علي ( على نيتو ) ماعرفتش شعال من عايلة عندو ...كنعرف حلا خدامة معاه فالتجارة...الكبيرة يمكن
عبد الصمد داك العود تغزز تحت بسنانو مثقل فالجواب ...
_ شنو المطلوب مني !
علي : باغي ندخل معاها بنية الزواج ...نذوقو شوية و نشوفو قنت اخور ...نكدب عليك عجباتني ولكن داك النوع صعيب يمشي معاك بالخاطر خصو التزيار و الحصار و البزز ملي القضية فيها جارك نجربو الاولى....هدر ليه عليا توسطلي فهاد الزيجة و لك الاجر.....
عبد الصمد ( تيلعب بالعود ففمو و يشوف فعلي من بين رموشو ) تصاحبتي معاها ؟
علي ( ضحك ) انا باغيها غا نقيسوها بالتصاحيب ولا بالزواج اهانية عندي ...الغزالة معفرة ماقلتيش واش عرفتيها ...؟
عبد الصمد ( تيحرك فراسو ) سي عرفتها....
علي : كي جاتك بياسة وازنة ؟ ههه هدر مع عبد الله دير ليا طريق معاها....صافي نعول عليك !
عبد الصمد ( تيشوف فيه بالثقالة ) صافي مشات....من غدا ....
علي ( ضحك ) العز ...اوا طالع لاسبانيا فشهر 5 ....
عبد الصمد ( تيحرك فراسو ) سي....
علي : بغيتك فبلان دار كاستي ياخو بغيت السوارت ....
عبد الصمد ( تيحرك غا فراسو و يغزز فداك العود مثقل و حاجبو معلي ) وخا.....
علي ( تيوريه تصاورها فانستا ) عوينات المشيشة ......
شاف عبد الصمد فالتليفون لقى صورة حلا مبيناها كاملة دايرة رجل على رجل فالبيرو لابسة البلدي و سندالة عالية مقطعة الشعر كاري و العوينات مجبدين جاو عويناتها ملونين باينين...!
حجبانو تلاقاو قراب يتعانقو بقى جالس جالس حتى ناض نوضة وحدة هز تليفونو راسو ثقيل تيغزز فداك العود و يميل فدوك الكتاف...حتى كان قرب يخرج و تم راجع لعندو تيعض فكو ... جمع معاه واحد البونية حتى طاح من فوق الكرسي و تهرسو الطباسل و الناس كلشي ناض تيغوووت و يهرب...و علي كي المصدوم تيشوف...
عبد الصمد ( معرعر) ياولد **بة مابانت ليك حتى بنت ***ل غير هاديك.....
علي ( تيشوف فيه مخنزر تيدفع فيه ) الصمدي....
عبد الصمد ( دمو سخن ) اولد **بة هاديك كانت معايا .... ينعل الثق*بة لي خرجاتك ال**ل ...
علي حالتو ولات حالة...و الغوات و النساء تيغوتو و كريم طار لعندهم تيفارق و شي تيصور وهو فاتح فمو مايقدر يحيد بلية التصوير من هاد الجيل ....! الحاصول دار ليه قربالة فالمطعم....كون ماكان كريم كون طاحت الروح....!! عبد الصمد جمع راسو و خرج من تما تيمسح فمو و يدفل غا بوحدو ...اما كريم بقى مع علي فالبيرو ديالو الفوق معصب و ماراضيش كيسب
_ على بوتا د ال**ب دار هاد الحالة.....
كريم ( معصب ) و مابوتاش مابوتاش...اولد البوتا هاديك وصل معاها حتى للزواج ضربتي على الصمدي اعلي صافي خسرتي معاه.....
علي ( شاد حنكو تيضرو ) و انا باش غنعرف ؟ فين عمرني شفت شي وحدة من النساء ديالو ...تفووو ينعلها ماركة اصاحبي....جالس كيهز فراسو و يهمهم عليا...قلتلو توسطلي مع عبد الله ندخل مع الزمر للزواح كيقولي وخا من غدا قلت الخاوة ديالي نعول عليه....تفو اصاحبي...
كريم ( حابس الضحكة ) من جدك از**ي ! صافي يرحم جدك لا ماسكت و جمع فمك ....
علي : و الزمر مطلقة منين غطيح فبالي انا !!
كريم :و فخبارو ...كلشي كيوصلو من خوه سعيد وخا بلا مايسول هو عليها سعيد كيوصلو لي خصو يتعاود و لي لاااا...
علي ( معصب ) و ينعل ز**ل الزمر مطلقة من خونا اخور بانلو فيا انا....
كريم (تعصب على علي ) و ماين كتفهم اصاحبي ماين...واخا تكون مزوجة بمية بعدو تجي نتا صاحبو كتهدر على واحد البنت كانت معاه راه جائز فيك ذبييحة الخاوة ديالي.....
في رياض سي حميد. ..
لالة حسنية هازة تليفونها كدور فالرياض تتصوني على يحيى جارة جلايلها وراها الشعر باين نصو تحت الفولار و العوينات مكحلين و التاويل ....
_ الو يحيى ولدي...فينكم وصلتو صافي ملي تئربو ئولوها لي....يلاه الحبيب ديالي الله يرضى عليك ...
قطعات عليه و بقات هازة تليفونها تتجمع فمها و تكمش حجبانها تتفكر ...حتى علات داك الصوت عندها رقيق بالزايد تتعوج فالمشية ...
_ رحمة...جيب ديك الجلابة لي خيطت لنسيم من البيت دسيدك حميد و دخلها لبيت يحيى و ئول لحبيبة نحط معاها العئيق و الجوهر ...
رحمة ( تتنهد في صمت ) وخا الالة حسنية هي لي ماتعاودش....
تمات طالعة فالدروج تنفد طلب حسنية ..و هي توقفها زينة زوجة حميد المصرية و ام يحيى ..لابسة عباية مصرية و الحجاب على حقو و طريقو مغطية بيه شعرها الاسود زينها فتان وخا كبرات باقين الحريفاات...كيقولو زينة اسم على مسمى...هبطات النظاظر د الشوف على ارنبة نيفها تتشوف بحدة فرحمة و هدرتها عالية و مايعة....
_ لاويييين ياروح امك !!!
رحمة : لالة حسنية قالت لي نحط جلابة نسيم عندا فالبيت ....
زينة عقدات حجبانها و ردات بصوت عالي تتشالي بديك اليدين و الذهوبات تيرنو...صعرات....
_ ميين قال نسيم عاوزة تلبس جلابة مخربية....نسبم عروسة ابنتي انا الوالدة تلبس على زوىي انااا....
رحمة ( تعصبات ) و لالة نبقى انا طالعة هابطة خليني ندير لي قالت لالة حسنية و براسك معاها....
قبل ماترد زينة هبطات رحمة تتنكر و تزطم فجلايلها داخلة عند لالة حسنية للكوزينة...
_ و لالة حسنية...زينة مابغاتش قالت نسيم مراة ولدها هي مغتبلسش الجلابة غتبلس بحالها بحال العيد الصغير لي فات....و قالت ليك جلالي المخرب مايجيوش على عروستها...هكا قالت المخرب ماشي المغرب ولات تتزيد فيه الالة حسنية انا مغربية مانقدرش نسكت على هادشي النفس كتحرك فيا ...
حسنية ( زيرات على سنانها ) هاااي هاييي....دابا عاد عرفات ولدها فين كانت ملي كنت انا نسهر و نربي...يحيى و صفوان ولادي انا بحالهم بحال نادية و نجوى انا ماولدتش ولايني ربييت ...( قربات حتى للدروج تتسمع ليها ) هي كانت شابعة خناث كتعرف غا تولد و انا نربي حتى كبرو عاد تنادم معاها الحال و لا يحيى ولدها...اسيدي ولدها تربح بيه انا العروسة ديالي و حفايدي والله لا تدخلات فيهم.....ولدي جابها مغربية بنت بلاااادي و بنت بلااادو و ريفية بحال عرق جداتو....و مووووتو العديان بالسم......مغربية بالغاااااء الغاااا ماشي الخااا...المغاااربة المغرب...المخرب هو لي كانت فيه ...
زينة سمعاتها و تمات هابطة عندها بواحد المؤخرة و الصدر عراض تحت ديك العباية و العينن كحلين مأطرين بالكحل ...و حسنية كثار منها شدوها معايرة بالكلام حتى ماصبرو و ترايشو باليدين ....! كلشي جرا لعندهم تيفارق حابسين الضحكة عندهم عادي ولفوهم مرة سمينة على عسيلة مرة عديان ...! ترايشو ديك الساعة ولاو حباب بعد ساعة.....!
ضريرات هادي سنين...!تزوج سي حميد بزينة هي الاولى تزوجها لجمالها حمقاتو و مامشى حتى تزوج بيها عاشت معاه فالمغرب و دارليها دار بوحدها بعيد على رياض العائلة...حتى ولدات يحيى كانت مفشسة عندو داير ليها الخاطر مابغاتس ترضعو. لا تربيه هي قالت بغات المربية ...عوض المربية مشى تزوج بحسنية ربات يحيى بحال ولدها و بغاتو كثر من ولدها ...كانت زينة تولد و حسنية تربي ولدات يحيى و تبعات من وراه صفوان صافي من تما ماعاودات ولدات....بقات تمارة غي على حسنية كبرتتهم هي ...زينة شابعة راحة و دوران و سفر حتى كبرات و زينها بدا يمشي عاد تنادم معاها الحال و ولات تتبكي على ولادها لي تيقولو لحسنية ماما...! و هكاك كبرو ...تيعرفو زبنة السيدة الوالدة و حسنية هي تيقولو ليها ماما....وخا حسنية ولدات جوج بنات باقين عندها يحيى و صفوان ولادها العزاز ...!! تتحماق على يحيى و كتموت على ولادو ...! عشقها بالحفايد و حتى واحد من ولادها مابغى يتزوج...!
سي حميد داخل بواحد الكرش معبس معصب تيشوف فالنساء ديالو زينة و حسنية....كانو كيتخاصمو عليه و يحماقو عليه بجوج و يسعاو باش يرضيواه بجوج كان شابع دلال حتى تقلبو عليه بسباب يحيى ..ولاو كيتخاصمو عليه هو و على ولادو...سي حميد مشا وقتو مابقاو يديرو ليه اهتمام.....حتى ولا تتطيح ليه فالبال ينوض يتزوج الثالثة و يديها ضد فيهم....!! تيعيى يقولها قدامهم شكون بقا كيتسوق ليه ....باش بفيقهم و يرجع الاهتمام لراسو شوية ماعرفش !
رحمة ( تتشوف فحسنية و زينة واقفين تيوشوشو بحال الصحاب و تترجع تشوف فصحبتها خدامة تما عاد جديدة تتهز فراسها )
_ الله يستر ياربي ..
صحبتها : واش كيتخاصمو بزاف دايما هكا الصداع....
رحمة : دايما الصداع بيناتهم اصحبتي و دغيا كيتصالحو....و تخايل على من على يحيى وولادو...! زينة باغية كلشي تحكم فيه هي...شافت حسنية خلات ليها سي حميد مبقات تتنافس معاها عليه ولات حاضية يحيى و صفوان ..زينة تزاد معاها الزايد ولات حتى هي حاضية يحيى ...! اوا يحيى ماشدوهش بجوج مكيشبعوش منو حتى الشوفة كي الناس . .قالو مراتو نسيم هي لي متلفاه....اويالالة شنو دارو ..ناضو تيجرو فنسيم كل وحدة باغية تجرها لعندها ...و عروسة وحدة لي عندهم هي نسيم...زينة بغاتها تلبس المصري و حسنية المغربي...! و نسيم ماتتلبس لا مصري لا مغربي هاديك عالمها بوحدو......وخا ديك اللفعة د زينة ماحملاتش نسيم فالاول بغاتو يتزوج مصرية ولايني هو مشى جابها ريفية خلات حسنية تشفى فيها و دارت الحمية زعما شوف راه مغربي ولد مغربية مشى خداها مغربية بحالو ..نتي غي زايدة ....
صحبتها( بدهشة ) اول مرة نسمعها .....يمشيو يزوجو صفوان يخليو عليهم يحيى فالتيساع ....
رحمة : صفوان باقي كيطير ماغرضوش فالزواج و حتى بنات لالة حسنية مزال كيقراو ..و لالة حسنية كتموت على بحيى و حفايدو عرفتي ملي كيسافرو كظل تبكي عليهم دموع صحاح.....و قلبها بيض ديك المراة شحاال كتغطي على عروستها و عيوبها قدام البراني ...عروستها هبيلة شوية و سكوتية ماتعرف حتى تدوي و مافيهاش الصواب و الكلام حلو والو و الطياب مفضية يديها مافيهمش حس البنة ...و اجي تشوف قدام البراني شنو كتشكر فيها ماتحملش لي يعيب ليها عروستها .....
صحبتها : و حتى واحد مالقاها كي بغاها...هاد نسيم تحمد لله و تسكت ربي عطاها بجوح عجيزات باغيين غي رضاها ...مهنية من المشاكل....
رحمة : فين هي الراحة...! السيدة مسكينة خصها دير الخاطر لهادي و لهادي كل وحدة فين تتجر فبها...و زينة كتعرض عائلتها المصرية و تتلصق نسيم معاها تتبزز عليها تجلس معاهم و تعلمها الطياب المصري باش تبقى تعرض على عاىلتها و تكبر بيهم زعما...و من جهة لالة حسنية تتقوليها لااا نتي مغربية تقني غي الطياب المغربي هو الاول عاد شوفي الاخر ...شنو يصبر على هاذو تيجرو فيها بحال المونيكة....وهي ماعندها صحة ليهم واحلة غا بدوك الولاد مامخلين ليها خاطر....
ص: و خا هكاك حسن من وحدة عايشة مع عجوزة قبيحة هاذو بعدا كيقلبو على رضاها و مهلين بها فالحوايح انا ماكرهت هذا لي بزز عليا الحوايح ...واش ساكنة خارح فاس ياك !
رحمى : شكون نسبم و يحيى ! لا في فاس نيت غا هوما دارهم بوحدهم.....عازل على العائلة عايشة حياة الاميرات ...راجلها تيبيع و يشري فطنوبيلات كل مرة بطموبيل جديدة و كيبغيها و يموت عليها مشبعها رومانسبة فين ماتولد ليه تيطمرها هدايا كيموت على ولادو ...! و الدولة لي ماعمرك سمعتي بيها مشات ليها معاه....قيل ماتولد امير كان كيكون خدام كياخدها معاه فين مامشى مايقدرش يصبر على فراق بنتو ...غا ولدات أمير جلسات الارض ولات مقابلاهم حيت الصغير صحتو على قد الحال دغيا كيمرض و كثرة البشر مخلطين...و اذا مرض كلشي كيمرض وراه.....كانت تتخدم و تقرا و تربي الولاد و دارت ليهم المربية سمعو لالة زبنة و حسنية طارو و نزلو علاش المربية وهوما كاينين....مارضاوش و ماعحبهمش الحال....حتى هي دارت بالناقص و جلسات عاطية وقتها لولادها مغيارة عليهم بلا قياس....
ص : و سعداتها تمنيت حياتها اختي.....عندها كلشي شنو ناقصها.....الراجل و الفلوس و الولاد و العجيزات طالبين غي رضاها غي قولي شنو ناقصها....نفكر من هنا للصباح والو الحياة السعيدة.....
وصل يحيى و نسيم للرياض...مالحقو يخرجو حتى كانت حسنية خرجات تتجري فرحانة لابسة اابلدي و البلغة فالرجل و فولارىالحرير فنص الراس نص شعرها تيبان مشرتلة باذهوبات....
_ على سلامتكم الحبايب...فين حفايدي فين....
يحيى ( درعها لعندو تيبوسها فراسها ) توحشتينا حنا ولا الحفايد ...
حسنية : بجوج ولاهيلا بجوج...كتاخدو مني الذنوب ملي كتغبرو عليا حفايد والله العظيم ....( غلباتها اابكية ) مانسمحش ليكم....
يحيى ( كيراضيها ): شوف و كان الواليدة....ماتسمحيش لينا كاع ...
أزهار ( طلات عليها تتضحك و تدلل ) مييييمييي كوووكووو....
حسنية هزات ازهار لعندها تتبوس فيها و تعاود و الدموغ عندها على سبة تتكمش فمها حابسة البكية تتدعي ...
_ يا يمة على ميمي يا يمة...الحلاوة يابنتي الحلاوة هازة زين عماتك غا بناتي الغزلات محطوطين....
نسيم ( خرجات من الاوطو متقلة بامير ناعس فيديها شعرها مجموع عالي وججهت صافية من اي نقطة ماكياج لابسة لباس عادي مع الولاد عارفة راسها غتكرفس )
_ خالتي حسنية لباس....
حسنية ( بفرحة ) الفرحة الفرحة ياسيدي ياربي ( حطات ازهار لباها و قربات لعند نسيم تتسلم )اري نهز حفيدي اري الحبيب د ئلبي المومو د عيني ...( هزاتو ناعس تتبوس فيه بحب ) الصغيور ديالي ياربي تحميه و تحفظو ياري تخلي ليه صحتو ....زيد ابنني زيد عيتو الصهد بدا يدخل تبارك الله....ياربي الفرحة كتفرطط في ئلبي هكايا كتغلي....
دخلو للرياض موجدين ليهم الغذاء على حقو و طريقو و هذا تيبوس فهذا و العائلة كبيرة و مزال تكبر ...لالة حسنية بالها مع زينة تتقلب بعينيها عليها ...هاد الاخيرة عياات عساسة حاضية عليهم باش تكون هي اول وحدة تلاقاهم ساعة غلبها النعاس و نعسات مافطنات لوالو حتى للمغرب عاد فاقت من النعاس و هزات فولارها بالزربة خارجة لعندهم ...يحيى و نسيم و ولادهم و صفوان و بنات حسنية و عم يحيى و ولادو العائلة تجمعات...هي لي غايبة و حد مافيقها....!
هزات داك النيف و هبطات لعندهم جالسة حدا ولدها تتبوس فيه وتبكي ...
_ وحشتيني اوي ياحبيبي ....الحمد اله على سلامتك....ياروحي....
يحيى : و زينة نسكتو وحدة تبكي الاخرى....ندوزو نهار غي البكاء...!
زينة زيرات عليه تتبوس فيه و تدمع جايبة فشوشها عليهم كاملين ..! تتشوف فحسنية لي هازة حفايدها لعندها و نسيم حداها تيهدرو و يضحكو شداتها الغيرة و ناضت لعندها تتعوج ...هزات ليها البنت من عندها ...
_ تعالي ياقمر ...سكر سكر وحشتيني ياعمري....
أزهار ( زيرات علبها تتبوس فيها و تكمش فعينيها ) ميمي زينة...كوووكووو...
ضحك يحيى تيهز فراسو ..
_ كوكو عندها كي السلام عليكم.....
نسيم ( بابتسامة ) كل مرة مصدعاني مامي توحشت ميمة زاينة مامي نمشيو ميمة زاينة....
زينة ( فرحات و بالفرحة زيرات ازهار عندها تتبوس ) يائلبي ....
حسنبة ماعجبهاش الحال سكتات جامعة فمها قالبة وججها على نسيم ....خلاتها و ناضت للكوزينة هازة خنافرها...حتى تبعاتها نسيم لي عاقت براسها اش قالت..تتسايس معاها ...
_ خالتي حسنية مالك....تعصبتي...
حسنية : ياك ابنتي ياك ئدامها كتئولي ديك الهدرة ئدامها ..علاه مالها ماتوحشني انا شكون كيبئى يسول فيهم ديما و موحشهم و نبكي ليل و نهار عليهم ياك ابنتي بغيتبها تشفى فيا ...
نسيم( تتحاول تراضيها ) : ويلي لا ماشي هكاك ...ازهار سميتك تتجيها صعيبة كتقول غا ميمة ميمة تتقصدك نتينا اخالتي ....
حسنية ( تتهز فراسها خارجة للصالة فين جالسين تيهدرو ) احياني عليك ...الدفلة لي تتخرح ماتترجعش....ماعليش ماعليش انا معزتهم عندي فالقلب مانبدلهم بحد ...( تسيفات ) يلاه نوض بدل عليك و اجي لعندي لهنا غندير بسطيلة الحوت على يدي دي لي ينفعك و تعلم و شد و ئيد ابنتييي مايدوم ليك حد لا انا لا يماك....
نسيم : ليوما ! عيانة اخالتي حتى لمن بعد ...
حسنية مغوبشة فيها....
_ و فوئاش غتعلم ؟ هااا ؟ غائولي نسمعك ! بالحأ أنا لي فششتك والله يابنتي و باش كيحلفو النساء الحرات مانعاود نجاوبك و لا نعطيك جواب اذا دخلتي عليا فالواتساب تتسولي...مانتي عروستي مانا عجوزتك...يلاه بئى حتى تزير لراسك و تمشي تئلب لراسك ....عوص تهلا فمول دارك و فولادك ماكلة الدار على اليد و تكون حرة و نفسك حارة عارفة شنو تتوكلي ولادك و لراجلك و حاضية شنو تيطيح ففمهم بالصغيرة و الكبيرة و نتي عايشة بماكلة البراني ...( خسرات سيفتها ) تلئاك حافضة نمرة تريتور كثر من نمرة راجلك.....
نسيم ( ضحكاات) : مانجيش عندك غي كون هانية ...خالتي زينة كاينة حتى هي تتعرف للبسطيلة علماتها الحاجة....زعما غي نتينا....هااء شلااا الالة حسنية ....
حسنية بحال كبيتي عليا الماء بارد ولات غا تتقلب فعينيها تقول خشيتي فيها بريز الظوء...عوحات فمها قالبة عليها وجهها...
_ يعطيك فئصة نتي و ياها.....
نسيم( تتبسم ) ياااك اخالتي ! تتدعي فيا وخا ...
حسنية ( منفخة مارضاتش تجبد ليها زينة ) سيري سيري نكارة الخير ....( شافت فامير فيد جدو سي حميد في ساع قلبات الهدرة بجدية ) اجي نئولك انسيم....ئربي لعندي
نسيم : هانا اخالتي تنسمع شنو...
حسنية ( تبلل شفايفها و تهز فحجبانها ) شفتك خطي بيطي عند عائلتك للشمال و من حئك عاىلتك مايزولك حد تمشي عندهم ولايني واحد الحاحة....امير ولا تيتعلم يهدر و اللهحة ماخصوش يشدها شمالية ( كمشات حجبانها ) ويلي حيي يصبح و يمسي علينا بالعايلة و نتينا و نتينا كي الوليات ...ازهار وخا بنت جات معاها ولاين امير ولد مايهدرش بالشمالية....ماكتجيش والو بمرة ...
نسيم ( كمشات فيها عينيها )علاش مالها الشمالية و زايدون اللهم الشمالية ولا يحول ليا االقاف الالف ...قادي غي هدرتك عاد شوفي هدرة ولادي....
حسنية ( طارت لفخاصها بقرسة شواتها خلات نسيم تتحك فيها مقصحة )
_ ااحح خالتي مالك على هاد السم....
حسنية ( بين سنانها ) يعطيك فئصة يابنتي ...كيطوال ليك اللسان غي معايا مع الناس كيتسرط و تبلعيه يئولو غا بكمة ماتعرفش تهدر.....
نسيم ( مقصحة ) و صافي ماتهدر معايا مانهدر معاك كتعاير فيا و نسكلتك عجبك تقول على اللهجة الشمالية خايبة و ماعرفت شنو و ماعجبكش ملي عيبت ليك هدرتك ..ولادي مصاب غا يتعلمو يهدرو وخا يقلبوها شينيوية....
سكتو ملي دخل يحيى للصالة مدوش عليه لابس شورط بيض و سوميز بيضة و لحمو سمراء و قاصحة شعرو كيقطر بالماء...متينشفش شعرو بعد الدوش شافوه ولادو ناضو كينقزو لعندو تيضحكو بالجهد ...
ازهار كثار زيرات على عنقو خايفاه يمشي تتضحك ماصدقاتو جالس حداها شافتو غبر قالت صافي ماتشوفو حتى من هنا شي جوج سيمانات ....!!
_ پاپا امسي ...
يحيى ( تيمشط ليها شعرها بيديه ) اجي لهنا المشة ديالي جلسي ...لا مانمشيش نبقاو هنا بغيتي تمشي ؟
ازهار ( غوتات ) نووو نبكاو ميمة زينة و ميمي حونية ...
حسنية ( مارضاتش ) حسنية حسنية المرضية ديالي ( نخزات نسيم مغوبشة تتقلب فعينيها ) نتي علمي بنتك تنطئ سميتي تأ...
زينة ( تتشفى ) زييينة ياحبيييبتي زييينة....
حسنية : شلااا الزمر كي دايرة....بقرة...
يحيى ( جامع حجبانو ) ازهار بابيتو قولي حسنية عاودي ورايا ...نطقي الحروف مزيان...
ازهار ( تتلعب ليه فتليفونو و تهز فرجليها راشقة ليها ) حونية....
يحيى : حسنية ! حسنية ازهار....
ازهار ( تتعض شفايفها تتضحك و تكمش عنقها كي المشة ) حووونية ابابي.....حووونية....
نسيم ( ضحكات ) صافي هاهي غتبدا تعصب ....
حسنية تنهدات تتشوف فيهم بحب ...
_ الله يحفظهم و ينجيهم ياربي..ياربي تعطيهم مناش يعيشو و تخليهم لوالديهم ياربي ...الحبايب د ئلبي الغزلان ديالي ....
يحيى ( تبسيمة صغيرة ) تدعي معاهم و معانا لا....الحكرة هادي....
الحسنية ( حطات يديها على فمها تتضحك بالتاويل ) انا ندعي معاك فالغيبية ديالك ....الرضى ديالي خديتيه من نهار تزوجتي بداك الفن وولدتي هاد الحلاوة....( هزات يديها تتدعي ) سير انا بغيتك ليك الرزق و الخير معاها و الزلط مع غيرها ....و يلاه ا لالة نسيم كاين خير من هاد الدعوة....
لي تما كاملين ضحكو على الدعوة بالدموع....يحيى ضحك و حنى راسو لولادو تيلعب معاهم و نسيم اكتفت بابتسامة صافية والبقية ضحكو مابغاو يسكتو.....
نادية :الله يعطيك الصحة اماما هاذي عندك واعرة ....
زينة (زمات شفايفها مغوبشة ) الله يستر ....
طلعات نسيم للبيت مخلية الولاد مع العاىلة التحت...! عبنيها مزال ضاحكين من المهاودة و الضحك لي كانت التحت...! استغلت الفرصة و دخلات دوشات عليها و تهلات فراسها بقات شي ساعة فالدوش غي شعرها واخد ليها كثر من الجهد ...! هكاك ثقييل و كحل و داحس مبرزطها و معدبها لكن مربية عليه الكبدة و مهلية فيه من صغرها وهي معروفة بالشعر الطويل ....! و مع الرضاعة كانت تيطيح و ا يتلف ليها قلباتها فيثامينات و بروتين للشعر مرة في شحااال ملي تترشق ليها وتتلقى وقت لراسها...!
دخلات نادية اخت يحيى تتطل .عليها ..
_ نسيم نتي هنا...
نسيم : نادية انا هنا غي دخلي شدي الباب من وراك ...
نادية دحبات شادة الباب من وراها تتبسم
_ ياختي و شحال توحشتك الفن ...غبرتي علينا بزاف...
نسيم ( ضحكات ): مزيان توحشوني انا الصيف ايجيني صعيب ندوزو هنا ...غي تدخل الحرارة غنكلع للشمال مامولفتش الجو هنا....
نادية جلسات بلا اذن تتطلعها و تهبطها حاضية جسدها و نسبم تتدور حداها لابسة غا السروال من الفوق غا حمالات الصدر هازين صدرها منفخ قريب يفيض....!
نادية : فين مشات الكرش ؟ تبدلتي عليا ولا غي جاب ليا الله ......والله الا الكرش مشات و لحمك مشدودة.....
نسيم قلبات شعرها للجنب تتقلب على حوايجها متلفة معاهم....
_ الكرش قطعتها....
نادية ( بفضول ) لا درتي شي حاجة ..مايكون عا يد الدكتور تازي داز من تما ...هاديك ماشي كرش ديال وحدة والدة جوج....
نسيم ( هزات شعرها بمقبض فضي تتشوف في نادية من المراية )ماكاين لادكتور تازي لاوالو ...درت حصص د اليكتغوستيميلاسيون حيدنا الكرش و زيرنا اللحم شوية انا ماعنديش الوقت للرياضة. و لاصال كل مرة اختصرت عليا الطريق ....
نادية :كاع مارديت البال ملي جيت حتى شفتك محيدة الحوايج....عاد لاحظت بصحتك الغزالة ديالنا .....
حسنية دقات عليهم من برا..
_ نسيم بنتي الولاد نعسو ندخل !!
نسيم رماات علبهة شوميز د يحيى خلاتها مفتوحة غا بالزربة و فتحات لبها ...دخلات بامير ناعس كي الملاك حطاتو فوق الناموسية ...
نسيم : فين أزهار ؟
حسنية : نعسات فبيت زينة ....( ردات البال لكرشها و لحمها المشدود ) هاي هاي على الناس طيحو الكرش ...كانت بائية شوية ملي ولدتي امير فين مشات !
نسيم : حيدناها اخالتي شنو غنديرو بيها ....
حسنية ( باعجاب ) و هكاااك الله يرضى عليك تهلا فراسك و فراجلك و في فراشو ....
نسيم قلبات عينبها بهدوء تتزير ملي تيجبدو هاد المواضيع ..شافوها سكتات سكتو حتى هوما و خلاوها تتقاد راسها...!
لبسات جلابة لي جابت ليها حسنية على ذوقها و معروف لالة حسنية الذوق و التا ويل و الاناقة كلشي تيشكر ذوقها...كانت جلابة فصالة مخزانية بالازرق السماوي ...! واقفة قدام المراية شاداها كاملة طالقة سالفها لجهة واحدة هازة مبخيرة لايحة فيها العود تترش منو على شعرها الكحل بين يديها ....سمعات الباب عليها تحل عرفاتو يحيى حيت هو لي تيدخل بلا مايدق مايمكنش سي واحد اخور من غيرو بدخل لبيتهم هكاك..! ارتابكات و تلفات مابقات تقد تكمل شعلها بخاطرها قدامو...! عطاتو بالظهر مكملة شعرها و السالف العود تيمشي و يجي وراها ريحة العود عاطية ...وهو واقف تيشوف فبها عةطياه الزهر لدبك الجلابة قصيرة الرجيلات كي قوالب السكر بيضيين واقفة بلا طالون مع دالك رجليها ماينزلوش للارض تتوقف على صبيعات رجليها البلية باقية فيها وصعيب تبدلها حتى ولات تتشكي من ظهرها بسباب الطالون....!
داز من قدامها تيشوف فامير ..
_ ريحة العود قوية على امير...
نسيم ( حنات رموشها تتجاوبو ببرود ماتتشوفش حتى فيه )
_ البيت مهوي و السراجم مفتوحة ؟ و الريحة مابقاتش !
يحيى ( تيشوف فيها طالع نازل مغوبش ) دخلت جاتني قوية !....
نسيم سكتات ماجاوباتوش ...حتى هو جاتو الحالة لي تتجي للرجاال من فترة لفترة ..باغي غي النݣير و الصداع تينكر و عينيه كلاوها تقول ها. ااسيد ناقص. ليها شي بياسة فعقلو ...
_ ملي يكونو ناعسين ماترشي حتى ريحة قدامهم و الورد بعديه علبهم...ازهار شفتها كتاكلو ديما كنبهك عليه الورد حطو بعيد على الولاد ....
نسيم ( كمشات حجبانها بحزن ) مافهمتش علاش كتغوت ؟ فين الريحة ؟ انا ماشميت والو ! و فين الورد هنا شكون جبدو !
يحيى بالزعفة مشى فتح السرجم الاخر مخسر سيفتو ...
_ البيت مخنوق بالريحة وهي كتسول ! المرض هذا.....
نسيم ( بعتاب ) يحيى باغي الصداع على والو !
ماجاوبهاش غا تيشوف فيها قريب ياكلها مزير على فكو قالب وجهو منها معصب و باغي غي السبة باش يغوت عليها و فالحقيقة مامعصب على والو من هادشي كثر من ديك اليلة لي جا من السفر هربات و خلاتو فالبيت بوحدو ماهدرات مانطقات ماسولات ....ماعجبوش داك التصرف و طلعات ليه النحل....المكلخ و يفهمها كان غايب على مراتو شحال ملي جا مالقاهاش بحال تتقوليه انا ماباغياش سير شوف البديل زايد ناقص عندها....!
شافتو سكت سابقاه غوبشاتو...! سكتات حتى هي لبسات فرجليها و تمات خارجة بحالها بعيون مطفية ....وقفها هو بيديه مغوبش ..
_ علاش ماقلتيش ليا غتفطمي امير ! ولدتيه بوحدك ولا شنو فهايمك نتي !
نسبم : دابا نتا مالك مالك غا قولي ...كنبان لبك غي انا تفركع فيا ...من هدرة اهدرة كتفتش على السبة !
يحيى ( قربها لعندو مغوبش ) السبة !!
نسيم : انا مابقيتش غنفطمو و نتا عارف شفتيني رضعتو فالصباح قدامك عاد دابا جاك تهدر !؛
يحيى نزل يديه على جنابها سخن عليه راسو ...
_ اما مادويتش على هادشي هدرت على الريحة تخنقي الولد ...! هاذوك عبنبا باش كنشوف توقع ليهم شي حاجة مانعقلش عليك....
نسيم : و فين هاد الريحة ! فيين ! ايحيى كون غا شميتها باغي الصداع صافي باغي الصداع من الاخر قولها ....
يحيى ( هز سعرها تيشم فيه مغوبش ) و ها الريحة هادي فيك ماشمتيش ..الريحة فيك و نتي ماشميتي والو ...ماتقربيش على الولد....
نسيم تتشوف فيه بنفاد صبر
_ داكشي لي كنت غنعمل...كنت خارجة بحالي و نتا وقفتيني....
زيرها عندو و رد ليها شعرها اللور تيشم فيه و شد ليها يديها اللور تيبوس فعنقها بلهفة.كمشات عينها ناطقة بخفوت و عينبها ذابو و تعسلو دغيا ...
_ يحيى وقف...كيستناونا التحت...يحييي....
غابت معاه بسهولة في بحر الشهوة و الشوق كاع داك التنارة لي ضربات على راسها مشات فالزيرو...! الشعر ولى حالتو بيديه شابع تمارة و تجرتيل و تشعكك جسدها مدكدك و صدرها تيطلع و ينزل فوق صدرو ....اللحم تقطعات فيها تقول غي عروسة اول مرة يعاشرها هكا تيوقع ليها كل مرة ملي تيرجع من السفر ...
شعرها عدبو و صهدو و عصبو همس ليها فودنيها و عقلو غايب...
_توحشتك.....
عرفاتو غا فلتات ليه لو كانت في حالة طبيعية ماعمرو يفكر يقولها...بحال داك الكلام غير مسموح في علاقتهم بحال الا حرام و غير جائز...ولفو على هاد الوضع لا من جيهتها ولا من جبهتو...! توحشاتو و توحشتها لكن الاعتراف غير مسموح و تيجي غريب بيناتهم.....بحال الغراب ! علاقتهم سطحية ...مزال تتحشم منو فشي حوايح و ماشي مطلوقين مع بعضهم...ماترضاش يبان عيبها قدامو ولا يبين عيبو قدامها.....!بحال كاع داك الحب لي عاشوه قبل الزواج غا كذوب و حلم و تبخر ...! مامنو والو ...! هاد المرة كانت المعاشرة غير على لي سبق ! كانت نسبم مرتاحة و الثقة باينة عليها....الكرش حيداتها و تهلات فراسها تيدوز يديه على لحمها تيزهق...حس بالتغيير و عجباتو .. .شعرها معطر تيشم فيه و يعاود تقول ماشي هو هذا لي غييى ينكر على الريحة غي قبيلة.....!
طاح سخفان قدامها و شعرها معانق صدرو ...جات تنوض وقفها ..
_ بقاي....
وججها مورد و لحمها تتبري بالعرق تكات على صدرو بتردد بحال الا بلاصة محرمة...هزات يديها تتدوزها على صدرو ...و يديه هو مرتاحبن على فخاضها....! مابغاتش تنوص دابا ولا تفرح بزاف من هاد التغييىر لي وقع ليه غا كلمة توحشتك فرحاتها و عنات ليها بزاف ..مولفاه تيعبر غا بالافعال بحال هاد الهدرة مقطوعة...لكن مابغاتش تفرح بزاف حيت تتعرفو دغيا كيتقلب و بجال والو غا ينوض يتقلب عليها ...ولا بحال المريض الشك و الوسواس خرجو عليه و عليها.....!فالخدمة كان دايما مشوهها و دايما الصداع بسباب الغيرة و الشك ديالو ..."ديال من هاد النمرة " " علاش هذا مصيفط ليك ؟" كيفاس هاد الاجتماع ..دبالاش ! علاش تيعلموك فالوتساب...عااش كاين سي اجتماع تيتعلم بليلة قبل و فالحداش د اليل.....مرضها و خرج عليها حتى خرجات من الخدمة تقابل وليداتها و رتاحت من داك الصداع عمرو كان هكاك كان تيحسدوها على شخصيتو تجلس حداه تشبع غي ضحك و تقواج و الهدرة حلوة و الحب فعينيه مفروش و قلب. بيض و حنين بلا قياس ماعمرو كان تيتعصب عليها كثر من نهار تيبدا هو يراضيها و مايصبرش على المخاصمة....وخا طلبات منو الفراق و قالت ليه مابقيتش باغياك و مابقيتش غنتزوج بيك بقى لاصق فيها و عينو غي فيها يموت على قبلها مابقات كرامة واا عبو ريح ديك الساعة المهم كانت عندو غي نسيم بنت عبد الله بيها ولا يحماق بلا بيها...!تطوان عندو منورة و تيموت عليها حيت حبيبتو تطوانية عييا يرغب فعبد الله و فيها علاش عطيني شي سبب ...علاش شنو درت ليك ! شفتي شي حاجة ماعجباتكس...علاش !! طيحهم صحاح عليها وهي كانت تتبكي الدم عليه....و نهار تزوجو كان تيضحك بوحدو كي الحمق جتى تصاورهم من الخطية و العقد و احفلة العرس غا ضاحك و تيفرنس و يضرب على صدرو الفرحة فعبنبه كانت باينة للعور....!! اما تصاورهم فسبوع بنتو تقول هزيتي راجل و حطيتي اخور...معبس وجدي و صارم وهي عينيها مطفيين بحاا الشمعة تتذوب شوية ورا شوبة.......
حس بدموعها على صدرو طلع يدبه لشعرها و نطق...
_ جيبي ليا جاكيط ديالي محطوك فوق الفوتوي و رحعي حدايا ....
هزات عينيها المدمعين فيه ...
_ دحينز ؟ فين هي
يحيى : رميت عليها حوايجك تكون غي تما قلبي ....
.
رمات شعرها ورى ظهرهاو ناضت هكاك جابت ليه جاكيط ديالو و جرها لعندو خرج سنسلة فيها حرف n ديال الذهب ركبها ليها فعنقها بلا هدرة بلا جوج ....
نسيم شافت فيه بعوينات مدمعين ماصبراتش و ترمات لصدرو مزيرة عليه تتبكي : انا مابغيت والو ..بغيتك غي نتينا معايا ايحيى ماعرفتش علاش كتعديبي هكا....ماعرفتش واش باغي كتبغيني ولا ولتيتي كتكرهني لكن انا كنبغيك ( تتبكي بحرقة ) والله عمرني بغيت شي واحد قدك بعادك و سكاتك كيحرقني ...جوح ولاد ايحيى حوووج ماشفعوش ليا عندك ... كننعس و نفيق باش يدوزو الايام دعيا و تنحسب فيهم فوقاش يدوزو و يوصلو لعام اخور تنسا فيه عام بعد عام و انا كنسنتنى ...و دازت اربع ستين و نتا مزال مابغيتيش تسمح ليا....والله ماكانت فنيتي نخبييي عليك ماشي بيدي ايحيى والله مافيدي انا تعدبت في حياتي و نتا كتزيد ( زيرات عليه تتبكي بالجهد دموعها غطاو وججهعا ) ماتنسى حتى يطرطق فيا شي عرق ...حتى نموت انا عاد ترتاح نتينا....
خوات قلبها حتى عيات وهو تيمسع و ححيبانو ملاقيين شكات و حكات و بكات حتى سخفات ليه بين يديه ناض حالس مخلوع تيهز ايها راسها ..
_ نسييم...نسيييم...
ضربتا لوجهها تيحركها بلطف حتى فاقت و الحكولية مع عنييها ماتتشوف والو و راسها ثقييل عليها...
_ صافا ! شنو عندك ...راسك ثقييل !!كي كتحسي !
تقليات عاكياه بالظهر شادة عبنبها تتمسح دموعها ...
_ صافا ؟؟؟ كيهمك !! هاد الهدرة كاملة لي قلت تتجاوبني بصافا !! خليني مع راسي ايحيى بعد مني و حسبني ماقلت والو ...
حسنية التحت غا تتسول عليهم قالبة الدنيا...
_ لا حتى ينزل يحيى عاد نتعشاااو...
حميد : ياهاد المراة يهديك الاه حطي لينا مانتعشاو ...نبقاو حنا نستناو فولدك ...
زينة ( عبوس ) ابني ياخويا ابني....
رحمة ( تتسوط ) لالة حسنية نحط ولا لاء. ..عطيني هدرة وخدة...
حسنية ( شافت يحيى ناول فرنسات ) دابا حطي...يلاه دغيا دغيا طلئ راسك ....انا نوض نعاونك....
يحيى رمى السلام و جلس مغير سابقاه الغوباشة ...
زينة : هي نسيم فين ياحبيبي !
يحيى : ناعسة مريضة شوية....
حسنية : مالها ! عاد كانت مزيانة ! ماكلات وتاو من الصباح كون فيقئتيها تاكل شي خاحة اولدي ....
يحيى : مابغاتش الواليدة...
حسنية : اوا خياااار براسها هي تعرف ...
حطو العشاء و كلشي دخل كول و عرض فالماكلة من غير يحيى كلا لقمة و جمع مغوبش غا بوحدو و الشهية مقطوعة....كلشي رد البال و سكت ...!
نسيم ماهبطات لعندهم حتى للصباح كان يحيى غابر ماشافتوش كاع...!
هبطات راسمة ديك الضحكة المزورة مصبحو عليهم...
_ صباح الخير كب صبحتو...
حسنية : صباح النور هاي هاي صبحتي منورة ....
نسيم الضحكة من ااطرق للطرف لابسة البلدي و الشعر فايح منو الورد مغزول على كتافها لابسة السنسلة لي جايب ليها يحيى ...
_ و شنو ! مالي مانصبح منورة ...والله اخالتي كنرتاح هنا الولاد معاك بحاال الى معايا مهنية من جيهتهم ..
حسنية : ولادي هاذوك الكبدة معاودة ماتخافي عليهم خليهم معايا حتى شهر مانشكي و مانىنط منهم الحبايب دئليي....
نسيم ( تتدوز عينيها على طبلة الفطور ) يحيى فين ! خرج !
حسنية : يحيى لا ماشفتوش ....لا فوقاش فاق ولا فوئاش خرج ...
جلسات تتفطر مصبحين على بعض ...عارفة ماشي كلي كيحملها و النفاق دايز مامسوقاش حتى هي ...عجيزاتها مفششينها بجوج و النخال للبقية ....!
جالسة رجل على رجل البساطة باش نعروفة من دايما ..لي تيعشق البساطة يعشق نسيم...هادية و دايما تتلبس الوان هادية قليل فين تشوفها لابسة الحمر ولاشي لون عاطي العين.....تتخبى من العين حتى تتعيا داك الشعر عندها جالب للعين ...سكوتية و رزينة شحال من مرة تيغلطو فيها هي و حلا تيحسبو نسيم الكبيرة و حلا الصغيرة .حتى كيتصدمو...حلا فريفرة و لشانها حلو تاكل بنادم بقشورو بحلاوة اللسان لي عندها ماتجلسش بلا هدرة فدقيقة تتدير معارف و تدير بلاصتها و فين مامشاتوعنظها معرفة دايرة طريق لراسها وسط الشوك و هانية ...
ناضت تتجمع معاهم الفطور و تضحك مع حسنية و رحمة ..
سي حميد غي تيشوفها حاطة يديها فالشقاء تيغوت عليهم و يعرعر مع هو على سبة كملات..
_ علااش كتسخروها هي ! مالقيتو شكون يحمع عليكم الطبلة ! بنت الناس جبناها خدامة عليكم ! على قلة الخدامات هنا....سيري ابنتي تريحي ....
نسيم ( بحرج ) هانية اعمي تنا قنطت ماشي شيحاجة معدبة نجمع عي الطبلة....
حميد ( بغضب ) رحمة اجي حمعي الطبلة.....
زوحة العم تتبركم : و فشوش هذا يالطيف يالطييف....
نادية ( تتدور فعينيها ناطقة بهمس ) دابا يتزوج صفوان و ينساو نسيم القليل دايما عزيز غي حيت عروسة وحدة لي عندو عليها داير هاد الحالة غي ستناي يتزوج صفوان....
نسيم انسحبت من بلاصتها بعيون مطفية ..! مشات طايرة لدارها فتحات باب بيتها و قلعات السنسلة من عنقها و طارت للصنديقة ديالها صغيرة و عامرة ذهب هكاك صفر تيبري هاذو غا لي عندها بلا لي متلفين و لي عطات و لي سلفات و مارجعوهموش ليها ..كون كانت كي حلا كون عمرات جوح صنديقات و كثار ...! خبات ذهبها و رجعاتو لبلاصتو حسي مسي ...عاد رتاحت و مشات تتجمع دارها وتسقي الورد و تفتح سراجم و تنقي الحالة ....
حلا الطيارة ! ماتحطش قزيبتها فالدار اذا كان بالها فشي حاجة ..هي تتجري و تشالي و تسول و تزرب غلى بنادم باغية وراقيييها دغيا....هاهي عند المصور لي صعراتو غلى التصاور ماعحبوهاش عودات تصورات شي جوج مرات ...و هاهي واحلة مع عبد الله لي يتقلب عليها كل مرة ختى تتعصب و تقلب وجهها و ترجع تسايس معاها تتفكر بلي هي لي محتاحاه ماشي هو...عليها تتمسكن حتى تتمكن...!
تاففات تتنيش على وجهها من الصهد تتشوف فالوراق فيديها و تحط لعبد الله...
_ ها نسخة من رخصة ممارسة المشروع و ها الكشف لحساب المشروع و ها هي ورقة الضريبةو هاكشف الحساب صافي هاذ. امانة عندك ابابا راه خرجات روحي وانا تنحمع فيهم .....
عبد الله : و دوز عند لكاستي ياخو جلس تما على مايجي رضا مشغول....
حلا ( كمشات عينبها ) باش يشوفني تما و يخرج فيا المنكر مانيش نقربة لعندو عاطياع التيساع يعطيني التبساع غنمشي للدار...
طبو فيها ..غا اذا حا شي براني باغي التصاحيب حيت ماتيعرفهاش حتى يوصل معاها للزواج ضوري يدوزو من التصاحيب و الخروج و الدوران و حلا خاطيها داكشي ماعندها ليه وقت مصاب تكافا مع شغلها ...اما ناس المنطقة و المعارف شادين فمهم و يديهم...وخا ووينة و العين تعشقها ماعندهم بيها غرض للزواج يتقولو فيها المشاكيل بزاف حيت هوما لي عارين تاريخها شنو فيع و تيمسعو عكس البراني...! عارفينها مدوزة شحال من واحد و كل واحد ياواحد و دغيا تتفسخ الخطوبة ! شكون هاد المخلوق عارف عليها هادي و غيزعم عليها شكون هاد الحمق لي يحط فلوسو فالخطبة و الدهاز و الدهب و يجيب تاصيلتو وهو عارف ان مصيرو كيفو كيف البفية الفراق و العيب غيخرج ..! الزين بوحدو ماهو كافي و سمعة البنت لازم تكون بحال المسك بحال بحال الرجل لا فرق حتى الرجل اذا ماكان معقول البنت ماتعطى ليه ..
حلا شخصيتها مايصبر عليها حد الزين زينة حتى فاتت الحد لكن عندها مساوى غدبدة في شخصبتها الغرور و القميع و الرجال بالنسبة ليها ماعندهم قلب ماتيحسو ماوالو وخا تقنع و تعيب فيهم...! من ايام المراهقة شحال من واحد بغاها من قلبو حب صافي و قمعاتو ...كان لسانها حاار و ماتحس بحتى واحد لن بدا تيدخل ليها العقل و ترزن فالرد و ترفض الشخص غي بالادب ...اكتشفت ان قوة الشخصية ماشي هي القميع و تخراج العيني...القوة هي تعرف تصبر للمشاكيل و تعرف تخبي مشاعرك و تعرف تخلي راسك باردة و مرخية و ماتديها لا فهدرة العاىلة ولا غيرهم ..القوة هي تمون تتقطع الداخل و نتي صابرة و عايشة و متحملة...و ضاحكة فوجه العديان ... اكتشفت الصواب و الادب و فن اارد راه هو افضل بكثير ظن القنيع و الغوات و المعايرة ...و هادشس ولا فيها ملي دخلات 27 عام و دابا ولات عندها 28 عام تبدلات و اكيد التغير غيبان فهي فطريق النضج و تشرب عقلها ....مرحلة الهدوء و الرزانة و النصج فتية و مفاتينها مفاتين مراة ناضجة ...!!
دخلات للدار مع العشاء ..!
لقات حميدة فالكوزينة وخالتها و ىام جالسبن معاهم ضيتف....
ضحكات و دخلات تتسلم و ترحب
_ هاي هاي شكون عندنا الحلاوة ياختي.....
الخالة : الزين الزين هاي هاي على الشعييور رطب و القصيصة ....صافي قصصتيه عاد رتاحيتب....
حلا حطات صاكها دايرة رجا على رجل تتضحك ...
_ اشمن ...دابا تلقاني ملصقاه دغيا كنقنط ...انا شعري متنحنش فيه طالب معايا الشرع ...
وئام : شعرك الكحل هكا طبيعي حسن ولاعبلا كيحمق حست من الزعر لي كنتي عاملة ...
حلا ( هزات كتافها ) غذا غنصبغو ماغون شوكولا ...حيت مسافرة....
وئام ( بفضول ) فين ؟
حلا ( تتشوف فيعا تحت القصيصة ) لاسبانيا....
الخالة و ئام هزو حجبانهم...
_ و خلاك باباك ! ماشية غي سياحة بعدا ...
حميدة ( خارجة من الكوزينة تتهز فراسها ) و تعرف شي حد يحدي ليخا الدودة جيبيه ليها اختي و هنينا ....عبد الله غا درويش مسكين تتحرث غليه هاد العقربة....
وئام ( تتضحك ) كون تزوجاات بعبد الصمد كون دابا راها هازة واحد فيديعا و الاخر فركشها مثقلة و الدودة تحيدات فشلانة....
حلا كانت تتضحك حتى جمعات حواجبها مارداتش كاع عليها ...! و حتى هو مالقاو مايشدو الهدرة غا فيع...
حميدة : عبد الله قالي شافو فتطوان ديك المرة و تغدا معاه الولد مخير تبارك الله ....
الخالة : غلاش مابقاش ساكن هنا ...
حميدة : انا هادي بزاف ماشفتو حتى عيشة مابانتش هاد الايامات ...
حلا ( تتقلب فعينها ) لالة عيشة فمراكش شفت تصاورها مع صفاء....
وئام : حلا عطيني تليفونك نتصور الكاميرا ديالك تتحمق...
عطاتها حلا تليفونها و ناتض تتحط العشاء مع حميدة....! وئام دخلات لبها للمعرض الصور تتشوف و تفوه بملل فلات التصاور و تتقلد طريقة حلا فالتصوير ...من تصورية لتصويرة حتى طاحت على صورة حلا و عبد الصمد مصورين حنب البحر مدورة يديها ورى ظهرو وهو جامعها لصدرو تيضحكو بجوج لابسين الكحل و الجو بارد هي اك الفيرور رطب كحل و العوينات ضاحكين كي المشة و السنسينات صغار مستفين و خاتم الخطبوة فديهاباين فيديها لي محطوطة على صدرو ! ..جاتهم التصويرة كتحمق تقول عشاق تيموتو على بعضعم غامن الضحكة لي دايرين و الانسجام الباين عليهم ...وخا مناقرين و بجوجهم نيتهم مطمرة كانو تيوقفو حدا بعضهم تيجيو مواتيين و تتبان انوثة حلا و خشونة عبد الصمد ...!!
تصدمات وئام و تشلطات خرحات بحالها دغيا و حطات ليها التليفون تترمش مصدونة....لكن يديها رجعو كلاوها و رجعات طار على التليفون فاتحاه تتقلب على التصاور اخربن مالقات حتى فوطو اخرى جامعاها بعبد الصمد غي هادبك ..! حتى اسامة لي كانت مزوج بيه مامخلية تصويرتها معاه...شحاا من راجل داز فحياتها و ماعندها تصويرة معاه مخبية ...!
رجعات حطاتو مصدومة تقول شي حن طرشها ....شدات فمها و سكتات ماسولاتها ماجبدات الهدرة...
ماعارفة راه لي دوزات مع عبد الصمد عمرها فحياتها دوزاتو مع شي راجل تخر ...من اول لقاء بيناتهم فالمقربة و كمارتو قدام عينيها...! و بلا نهار الجبل فاش كان غيرميها و التراب لي طاحت فيه تترغب فيع و تبكي و تشكي عليه مريضة بالقلب و غتموت ليه و لا ديك الرمية لي رماتو و العذاب لي عاشتو ملي هربات خافتو يكون مات ...و لا السخفة لي شداتها مليشافو كي الذيب وسط دار لالة عيشة ...! سخفات ليه بين يديه و فاقت عقلها مقلوب حتى قالو حمقة نييت...!! كانت تتحلم بيه بالخلعة و تفيق بالخلعة سيرتو محبدة و صورتو قدام عينيها وخا تبغي تخرجو من حياتها هو دخل ليها و لصق لصقة وحدة و خرج خرجة وحدة...!دخل باختيارو و خرج باختيارو ...
انتشر خبر سفر حلا فالعائلة و ناض رضا تيحيح و لد عمها تبنكر ...! سمعات و طمرات و مابقات داتها فيهم كان خوفها غا عبد الله يتقلب عليها و يلعب لبه رضا فعقلو ساعة رضا ماقدش عليه عبد الله ملهي مع الفيلااا ديالو تيخطط و يبلاني...!
جهزات حوايجها و راقيها و ودعات حميدة و حبابها و شدات الطيارة لاسبانيا ....!!تلاقاتها خلود فالمطار و خداتها لدارها ...!
يلاه جات دارت صحاب جداد و معارف جداد و افكار جداد و حوايج جداد كلشي عاوداتو من جديد وهي دغيا تتأقلم مع الوضع تقول حياتها وهي عايشة تما ...!
خلود بواحد القندورة مقزبة و الشعر مقطع هازة بلاطو الحلوى تتفرنس ...
_ هانا تقول مافرحتش بيك ...!
حلا ( معلية حجبانها ) يرحم جدك لا مارجع خلزد لي كنعرف وسوستيني اخاي مامولفاكش هكا بالصواب معايا مارتاحيتش....تصرف عادي الزمر...
خلود ( حطاتو تتضحك ) ويلي تعصبتي...
حلا : علاين نتعصب ! اذا بغبت الحبوى انا نوض وراها العداء انا نوجدها فراشي انا نفرشو و نهزو هكا انا مرتاحة داك الصواب الغريب ديالك ماعجبنيش....عاد غمحس براسي غريبة و مامرتاحاش نتي عارفامب كي دايرة كنتبرزط هكا...
خلود : و الله الا مامعاك صواب حق الله...انا فرحا بيك حيت اول مرة تكون ضيفة عندي غداري و نتيما هنايا كطرطق بوحدك ....بالناقض لهلا يطيجهم فكؤشك....
حلا ( ناضت تتكب اتاي تتضحك ) يلاه اري داك الكاس اهما نكب ليك اتاي......و بيني و بينك توحشتك ماجبرت شكون نتنكار معاه و نسلت ليه حوايجو....
خلود : كلشي ديالك ها حوايجي خود لي بغيتي ....
حلا حطات الكاس تتشوف فيها و تقلب فعينيها و تلوي ففمها...هاد الصواب من واحد مامولفاش معاه هكا تيحسيها و ماتتحملوش..و خاصة مع خلود كانو فشكل ملي كانت معاعا فالمغرب تيهدرو بطلاقة و ماكاين غا سرق ليت نسرق ليك ...دابا هاد التعامل مامخلياهش تصرف بطبيعتها و ماتتحملوش...! و حتى خلود جاها الوضع غريب يمكن حيت تول مرة تكون ضيف. عندها بغاتها تكون براحتها و فرخانة و يمكن فرحتها باختها مخلياها تصرف هكاك.....الحاصول الوضغ جاهن غريب بجوج ...! ماولفو حتى دوزات مغاها سيمانة ...عاد رجعو للنكير و المعايرة و السبان و خلي غليك حوايجي نخبي عليك...خلود وخا عطاها ربي البنوتة موال شابعة دورات و طوطيح و خروج ...راجلها هاز عليها حمل البنت و مع ماتترضعش منها نافرة البزولة كملااات...!
دارو شوبينغ و تهلاو فالشعورات و الوجيه بلااار...!حتى وقت السفر لخيريس جنوب اسبانيا ...! من اجمل المدن و فيه كتقام كل عام فيريا ديل كابايو...
خلود ( هازة بنتها تتبوس فيها فرحانة بيها ) غرام مااامي تتتت...امااامي هدر معانا هدر...شوف هاد خالتك باغية طير قوليها اخالتو صبر على خبيرزتك رزقك غيجب حتى لعندك ....كغغغ كغغغغ ضحك امامي ضحك ياختي على الزيونااات....
حلا ( تتجمع حويجاتها ) : قالك غرام حتى هادي سمية يسميواها الناس....
خلود : و مالها ! زوينة انا سميتها ملي كانت فكرشي الحبيبة ديالي....
حلا ( الشعر حرير تيطيح مع عينيها و السنسلة ذهبية على عنقها البيض كي الروز ) ماعنديش مع دوك الاسماء...كتعجبنب سمية فاطمة الزهراء ، اسراء ندى ...نتي و نسبم غا تتخورو و تجيو تلصقو لوالدكم.....انا كون خليتو حميدة تسميوني كون عبرات...
خلود ( ميقات فيها ) شوف على ماركة كيف عاملة...! هذا رضا لي كان مزعوط فالاستاذة ديالو سميتها حلا و لصق فماما نسميوك حلا....و تنا عحباتني و سميناك و سعداتك سمية واعرة غا نتينا واحد النكارة جوج منك ماكاينش....جمع حوايجك دغيا غنشدو الطريق....
حلا : واش غنجلسو فخريس نييت !! شحال الاوتيل تما !
خلود ( بجدية ) و نتينا و جهدك ..انا والله لا عطيتك شي اورو جبد من عندك....و باش نحطك فالصورة ..اوتيل فخريس دي لا فرونتيرا فهاد الفترة غالي و الثمن كيشوي ....و انا مغنبقاش تما بزاف حمزة وخا تشوفو ساكت كتجيه سويعات د الحماق و كينكر عليا......غنبقى شي يوماين و غنجي بحالي ...
حلا ( هزات كتافها تتختار و تعزل فالحوايج لي تلبس ) هانية مالي نخاف بلا بيك....
خلود ( بتفكير ) ولا عرفتي شنو ! عندك جوح اختيارات....يا نشدو اوتيل غي فكاديس كيف ما كيديرو الناس كيجيواه اوتيل فخيريس غالي تيشدوه فكاديس و كيمشيو فالتران جهد اربعين دقيقة....و يا نجلسو مع عمتو د حمزة تما فخيريس لكن ماشي فالسينترو جات برا المدينة بحال العروبية ....
حلا : شكون ماتقوليشي ديك العقروشة د روبانكا ماكنحملاشي....
خلود : وهي ! بغيتي هو هذاك مابغيتيشي نضرب على جيبك و شد اوتيل ...( غمزاتها تتضحك ) اوا حلا لي كنعرف تسكن مع الجنون و ماتخسرش فلوسها ....
حلا ( ضحكات حتى هي ) و زيد لي ليها ليها...المهم نمشي ...يا العروبية يا مشي و اجي فالتران ...!!
داكشي لي كان ! وصلو لخيريس و جلسو مع عمتو د حمزة...! الدار جات خارح المدينة وسط الربيع و الشجار و الخضورية و الكلاب والدجاج و القطوط ...! و حلا جن جنونها القطوط ...!! غا تتغوت و ترعد منهم مكتحملهمش....الكلاب عندها الرحمة من القطوط...!
فتحات عينبها فالصباح على جو هادي و السكات و الريح تيهز فالشجار ...! الخلا و السكات تيجيب النعاس و الاسترخاء فديك البلاصة... طلات على خلود ناعسة حداها لقاتها فايقة تتفوه...
خلاتها و لبسات عليها شروط دجينز قصير و تيشرت بيضة طويلة مدخلاها من القدام و مخرجاها من اللور...سندالة د الصبع ارضية ديال الجلد جمعات شعرها مرون و خرجات هكاك بوعينات مجبدين تيلمعو فالشمس تتسرح رجليها فالربيع و السكااات حسات براحة نفسية عجيبة....دوك الرجيلات عريانين تيتشمشو ماكاين لي يتمنظر فيها واخدة راحتها.....
_ الله على جوو.....
خلود ( من وراها ) : الجو حنا كيحمق ..نفطرو ونلبسو علينا نمشيو للمدينة ندورو شوية ...
حلا : هاك تليفوني صوريني شحال ماحطيت شي حاجة فانستاغرام....شدي غي الفوق ماتصوريش التحت....
خلود ( تتضحك ) خفتي توصل لرضا يطير لعندك يقطع ليك رجلييك....
حلا ( هزات حاجب ) ماشي عليه ..انا ماشي صغيرة باش نحاف من داك الهمجي...! غي انا مانرضاش نعري فخاضي للبشر يتمنظرو بالرخيص....انا انا اذا بغيت نعري كاااع صدري و نلبس غا دوبياش و نشطح وسط المدينة شكون دوا معايا و شكون قالي شنو كديري ماماين لا عبد الله لا رضا...دوك الفاهيم كديرهم ديك المراهقة لي غا تتزهق من قدام والديها تتطيج تعري...ماعارفاش لحمها تيشوفو لي يسوا و لي مايسواش....اودي....
خلود : و صافي وقفي معاوطة نصورك ...عنداك القطة من وراك...
غا سمعاتها حلا قفزات تتغوت مغوبشة ملاقية حجبانها تتجري عليها ..
_ و مصيييبة مع هاد القطوووط ....صروري ماتكون شي حاجة مخسرة المنظر مايمكنش نكون مؤتاحة عندا ماتخرجلي شي حاجة من الجنب.....
مساو لبلاصة اخرى...! وقفات قدام الشجيرة و مع فصل الربيع الخضورية تتخضر ومزهرة و الجو صافي و الشميسة حنينة و الريح خفيف...شدات ليها تصويرة زوينة...! شداتها غا من الفوق كي طلبات...تتشوف بدوك العوينات و بضحكة مسرارة القصيصة طايحة مع عويناتها و السنسلة مذهبية تتبري فعنقها البيض كي الروز ...! حطاتها فانستا وحددات الموقع "خيريس".....
كلشي شافها و علق عليها باعجاب و الصورة في حسابها الخاص جمعات الف جييم غا العائلة و المقربين اما البراني ماتتقبلوش عندها جوج ديال لي كونط واحد بريفي و الاخر ديال الخدمة واصل لكثار من 100 k ...!
الصورة شافتها صفاء لي جالسة فرياض عبد الصمد فمراكش هي و عيشة و سعيد و سكينة و الولاد ...شابعين مسارية و تفواج الفلوس غا مشيرة و الفم غا يتحل و لي طلبوه يتحط ...!
صفاء ( فتحات عينبها باستغراب ) هاي هاي حلا كاينة فخيريس ...
عيشة تقول خشيتي فيها الشوك...
_ فين ها خيريس فين كاينة..فاينو عبد الصمد فايني هي....
سكينة ( حابسة الضحكة ): غي بشوية عليك اخالتي عيشة....
صفاء : كاينة فاسبانيا وقيلة .....
عيشة ( خنزرات فسعيد ) عبد الصمد فاينو ؟
سعيد ( تيميع فعينيه ) كاين فمدريد الجبادة دالطريق بين خيريس و مدريد ( قلب وجهو تيبركم ) العفووو....
عيشة (بكره ) اري داك الزمر نشوف...ارا لهنا....
صفاء : شنو اخالتي تشرب...
عيشة ( بالغوات ) و التليفووون....تشرب السم
عطاتها صفاء تليفونها مغوبشة ...شداتو عيشة تتشوف فتصويرة حلا بكره و غيرة عبرات و شافت الزين تيقول هانا منشور....! تتخايل غا عبد الصمد يشوف هاد التصويرة غتعجبو ! غيحماق عليها ثاني ! غيرجع يدخلها لحياتتو ! غيقول ليها ايما بعيتها....شلا افكار و حوايح طاحو لبها فداك الرويس ...رمات التليفون لصفاء زامة شفايفها مخسرة ليها الكانة...! باغية لولادها الزين ولايني ولدها مايتفتنش بيها ...باغية تزوجو لايني مايتقلبش عليها...باغية تشوف حفايدو لايني عقل ولدها يبقى عندها...!
رجعات هزات تليفون صفاؤ مبرزطة تتغلي..
_ مسح مسح ديك التصوبرة دابا....
صفاء ( تتسوط ) اخالتي ماشي فتليفوني هي لي ناشراها....
عيشة ( بغضب ) ياللفعة كنقولك مسح عندو يشوفا عبد الصمد مسح كتكذب عليا....
سكينة : اخالتي عطينب عقلك هذا انستا ديال حلا هي لي ناشرة ماشي حنا و عبد الصمد مغيشوفاش....
عبشة ( بعين حمرا ) لا شوف كيف تعملو غيشوفا حتى هو عندو داك الزمر اينستا شوفتولو....هاك اسعيد مسح هاد الزبل من هاد التليفون....
عيااو معاها و عياو يشرحو ليها ووالو مافهمات منهم والو و ماشدات والو لي فراسها فراسها. ...!!
سعبد اللسان المسلوت ولا نقولو حسن اابركاك ديال العائلة خوه عبد الصمد تيعاود ليه كلشي لي فيه نفع و لي لا....! تيعياو يغوتو عليه و صفاء غضبات عليه مرة و كان غيوصلو للطلاق غا بسباب داك اللسان عندو تيعاود لخوه مشاكيلو الزوجية و اسرارو الزوجية....! حتى عبد الصمد تيغوت عليه و شكون يحيد ليه ديك البلية...!
صونا لعبد الصمد و رد عليه دغيا
_ اش تمااا اهيرمانو....
سعيد عيا يتعصر و يتلف و لسانو تيغلي غيه بحال بلية و مريض بهاد المفهوم نفسو ماترتاح حتى يقول لي باغي يقول...
_ بنت عبد الله كاينة فخيريس و لالة يمة كتسولني عليك فين نتا فرعاتنا اصاحبي....دوي معاها هنينا....
عبد الصمد ( ببرود )قطع ابروو نسالي و نعاود ليك مشغوول ....
قطع عليه و رجع جلس معاهم ..صفاء عينيها تيغليو و يشوفو هنا و لهيه.....دارت سكرين لتصويرة حلا و صيفطاتها لعبد الصمد فالواتساب...! خلاتها شي ساعة هكاك عاد ناضت تتضرب حنكها و تولول دايرة فبها مدوهشة..
_ اواعدي يااانااا شنو عدلت....صردت التصويرة لعبد للله عوض عبد الحق ...اواعدي على تحشيمة اسعيد. صردت تصويرة العايلة لخاك....غيفهما فشكال هدر معاه قولو ماشي بلعااني....هييي الفضيحة....
سعيد : اش داااك للتصويرة ....علاش تصردا لعبد الحق كااع
صفاء ( كدور غيعينعا ) صردتا باش يشوفا بغيت نزوجا لعبد الحق خاي المرضي غتعبجو حسن من دبك العقورشة لي عينو فيها دابا ...
دارتها و منها بغات تفك و تسلت...! شبع ليها سعيد و نكر عليها حتى عييا و سكت....! اما عبد الصمد شاف الصورة و طلع ليها بلي شافها و ما دوا مانطق و علاش و لا كيفاش...! مييك و ماجبدش الموضوع وخا مفروووشة القضية...!
حلا دوزات يوماين نشاط و حيوية و ضحك و شبعات تصاور و بوزات ...!
صباح جديد ! و نهار جديد ! و مناظر و مواقف جديدة ...! لبسات عليها و جلسات تتاكل و تضحك مع هذا و الاخر...
_ خلود خارجة اليوم ؟
خلود : راسي ثقييل عليا و مريضة ...تفو حسيت براسي تخورت بنادم تيفوج و انا غا الفراش....
حلا ( تتشوف فالطبلة و تتسول بالدارجة ) واش غا ناكل و نزعم ..تيغلفني هاد الطياب ديالهم...
خلود ( تتضحك )كول الݣامبا و هني راسك .....
حلا ( تتفلي الماكبة بعينيها و تفرنس معاهم تتدوي بين سنانها ) صافي غا سكوت لا يقولو تنسبو فيهم .....
خلود : عي اذا كليتي بالسكات و هنيتينا...
كملو ماكلتهم و كلها فين ناضت تتسرح رجلييها ...! حلا مشات نيشان للبيت تتختار اش تلبس و تعزل الروينة عندها فوق الناموسية هذا مقلوب على هذا...! خلود تتغوت وتنكر على الفوضى وهي ماهناياش تتفكر شنو تلبس.....!
خلود ( معصبة ) فاين ماشا عاود !
حلا : واش انا جيت خاسرة فلوسي نبقى نشوف فيك شوف فيا...نتينا طلعات ليك فراسك انا اختي ماشفت ماريت...اذا مابقيتش حتى لنص د اليل مانبردش....غنشوف ديك كونزاليز فاين غيكون داك المهرجان و غنمشي نضرب دويرة فحديقة الحيوانات علاش جيت انا حساب ليك....
خلود : و جمع هاد الروينة لي عملتي فالبيت عاد خرج طوطح بالحق ملي تسولني حميدة ماشي شغلي انا....
جمعات اابيت بزز منها عاد خرجات ...! تتدور بوحدها بواحد الكسيوة موردة قصيرة للركاب و السندالة ارضية ديال الصبع و صاك د الجلد صغييور هازة ايفون تتصور و تضرب سيلفي ...! تهز تليفونها تيصوني لقاتها خلود
خلود : فينك...
حلا : انا فحي الفلامنكو جاية !
خلود : ستنايني انا جاية ...
بقات واقفة تما تتعلي راسها تتشوف المباني و الجدران عالم اخر.....ها الراجل جالس فوق الكرسي تيرسم و الاخر تيعزف و الراقصات تيرقصو الفلامنكو ...فين مادرتو تسمع نفس اللحن و الرقص نفسو بديك الكساوي تيفرفرو و الالوان ضاربين للشعا.......!! و كلشي تيتفرج و يصفق و يصفرو يصور و الضحك عااالي. نساء و رجال ....جو اخر و عالم اخر ...بقات حلا للور تتبع بعينيها ...حتى جات لعندها خلود و مشاو لحديقة الحيوانات....تيشوفو كل صنف و يقراو بطاق. التعريف لكل حيوان منين جاي و اصلو ... تيصورو باستمتاع...!حتى وقفو قدام الجمل و لصقات خلود تصورها....تتصور و تحط فانستا كاتبة الموقع فكل صورة ....!! ضربااها مسارية و النشاط حتى شاط ..حتى حا يوم الخميس معروف تيكون عرض رقص الخيول بطريقة محترفة ...الدنيا عامرة و العيون مبتسمة و التصفيقاااات خارة و التليفونات غا الفوق تيصورو ...!! و الحماس فوق الجهد تيشاهدو عرض حقيقي منظر مذهل....! ها الاسبانية. الانجليزية و الفرنسية تتشير ...و الهدرة غا بالزربة متلوفة ...!!
وقفات فالساحة الريح هارب بشعرها لين ماعرفاتش...! تيهز ليها ديك الكسوة تتهبطها بديها المدورين بالساعة فضية انيقة و الصبيعات مصاوبين نقيين و الرجيلات بيضين و الشعر رطيطب طالقاه تيتحاك مع كتافها....!
_ ويييلي الريييح الرييييح و التليفونات غا تيصورو تشوووهتتت....شدي الصاك مصاب غانشد الكسوة لاطيرر...
خلود ( كتموت بالضحك ) الكسوة خفيفة ....شدي بلاصى زوينة نصورك دغيا نمشيو بحالنا تعطلنا ....
حلا ( تتدور عينيها ) هنا بنادم بزاف ...ولا نقولك اجي للوسط و صوري حتى تنا منظر زوين وسط البشري مخلط....الزوعر و السومر
وقفات شادة الوضعية تتصور وواحلة مع ديك الكسوة...تصيورة وحدة لي جاتها زويينة البقية ها الشعر طاير. ها الكسوة مشات يمين وهاهي مغوبشة و ها تتتنكر....!! الشمس برا و الصداع ماشافتش التصاور حتى مشااات للدار ...!
خرجات كرسيها لوسط الربييع تيضرب فبها الهواءو الليل غا الظوء دياا بر ا مظوي و الكمرة و صوت الكلاب و ريحة الليل...!
رامية شال خفيف على كتافها قاطعة المكلامة مع حميدة...عاد هزات تليفونها تتفرح فالتصاورو تفليهم شكون لي زوينة شكون لي تحط....حتى وقفات على وحدة فالساحة الكبيرة تتفليهم و تشوف راسها كي جااتت....وخا صورتها خلود بعفوية عجباتها...! شعرها طاير بالريح تتضحك شادة فجناب كسوتها....! كبرتهاو صغراتها و عدلاتها مزيااان حتى جات تنشرها وهي ترد البال لهذاك لي باين وراها فالصورة وسط البشر !قشعاتو و فرزاتو العين تفتحات و يديها تجمدو...
_ بسم الله الرحمان الرحيم.....
أعرفُ كم مليارِ خطوةٍ بيننا،
لكني أعرفُ
بأنك على بُعد
نبضةِ قلبٍ
لا أكثر ".
القلب تيضرب بالزربة و الصدمة لاعبة عليها ! كبرات و صغرات الصورة تتأكد ودوك اارموش تيشطحو و يتهازو تقول خدامين بالظوء.كان دايز قدام بنت تيشوف فجنابو ودوك الحواجب عندو معلييين و العود ففمو تيغزز فيه تقول غادي عند صاحبو لراس الدرب مامسوقش مرات تيكون كي رجال اعمال الاناقة و التفركيسة و مرات تقول غا مسخر للمقدم .الحجبان ديالو تعرفهم وسط مليون راجل.....من الوقفة ديالو و التعنكيرة ديالو ..حتى من الماركة لي لابس ...ضارب النايكة و عبد الصمد معروف غي بيهل ...
بقات تتفكر و تتخمم مع راسها
_ شنو كيدير هذا هنا...شافني و انا ماشفتوش. ! علاش ماشفتوش وهو شافني...يقدر بكون ماشافنيش حتى هو ....
شافتها خلود جالسة بوحدها كي الجنية فالظلام جات لعندها
_ بسم الله عليك كتهدر مع راسك !وييلي !
حلا جمعات تليفونهاو طفاتو دغيا و ناضت هازة الشال فوق كتافها تيزهق مع شعرها الرطيطب
_ كنت كنهدى اوديو الزميرة ...صافي جاني النعاس يلاه نتكركبو نعسو ...
خلود : غا سير انا غنستنى حمزة ..
حلا (هزات حجبانها تتضحك ) مم ماصبرش مسكين....
خلود ( ضحكات ) و انا نصبر !!؟غا سير تنعس تصبح على خير ..
حلا ( بصوت نعسان ) باي باي...
دخلات للداخل ! ماساخياش بداك الجو و البرودة و ريحة اليل و الراحة لي لقات برا...تعرات كاملة بقات غا بكسيوة خفيفة على اللحم رطبة و السليب و تكات ناعسة تتقلب غا بوحدها و ترجع تشوف التصيورة و تتعجب...! ظوء الݣمرة داخل مظوي عليها و السرجم مشررع داخلو منو العوان ...
_وااه ! كاع هادي صدفة! و علاش ماشفتوش ! فين كانو عيني ! هو شافني ! كان الريح و الكسوة تتطير و كنت واحلة غي معاها ! يكون شافني و انا ماشفتوش...شنو جا يدير هنا ! هو كيكون فخيريس ! عمرو قاليا فين كيكون ! و علاش غيقولي علاه هذا ماشي بير غارق و نيتو غارقة كثار منو عمر الحقيقة يحطها كيما هي عندو مايخبي نصها و يحط النص الاخر مزوق من عندو ....غبر حتى غبر و خرج ليا فتصويرتي كاع هادي صدفة و زهر مع هاد السيد ....
من فكرة لفكرة و الهدرة تتدور فدماغها روناتها حتى نعسااات و عقلها معاه و مافاقت حتى للصباح ! معصبة و مغوبشة تتسوط و السليب ديالها فازك ...دخلات للدوش تتدوش طالعة ليها القردة...
_ ناقص جدي غي الاستحلام ...هاد الزملة لي تتشد بعد غيݣلا تتخلي الواحد يفكر يغلط و يمشي يضربها بتزويجة اتفووو....
رملة صفراء كي الذهب و الجو حنين غزال !
حديقة Gonzalez Hontoria Park فين تتقام العروض ...! و ماشي اي عروض مهرجان فيريا ديل كبايو لي كيكون كل عام فشهر ماي ..! اجواء فيها ريحة الغجر و الخيول و رعاة البقر جو كلاسيكي و موسيقى كلاسيكية تقول غا فشي حفلة تنكرية ولا في عالم اخر بعيد على الواقع ولا خارجين من شي مسلسل مكسيكي قديم ...! الرجال بزي رعاة البقر تيجلسو متصبين على ظهر للخيل لي تيكون حتى هو مزوق و مصاوب و مزخرف بالرداء الرسمي طابع اسباني تيتمشاو وسط الناس و الدنيا عامرة الرقص و الضحك و التصاور حتى للفجر ...!!
النساء بفساتين راقصات الفلامنكو ها الصفر و ها الحمر و ها البرتقالي و الالوان مشعشعين و الشعورات و القبعات الكلاسكية و المروحات من الدونتيل و اصوات الفلامنكو و الخيول و ريحة الشواء و كوريزو ...!! ماشي مهرحان عادي من اروع الاجواءو من الاروع الاماكن ....!
التبسيمة الرزينة و العيون القتالة مجبدين و مصاوبين على حقهم و طريقهم لي يعرف حلا يعرفها بديك الايلاينر مجبد هكاك فوق العين ..عينيها شبه مكمشين بالشمس لي ضاربة لابسة حتى هي بحالها بحال بقية البنات...! واحد الكسيوة فالغوز فيها الفرافر و عنقها كاع باين و يديها عريانين تتنفح غلى وجهها بالمروحة من اادونتيل فالابيض و الشعر محموع عالي باين وجهها الصافي ...!! تتشوف هنا و لهيه و تتدوي مع خلود تتبسم بالثقالة ...
_ كنحس هاد الكسوة غتفركع عليا دابا صدري مزير ....
خلود : و ماشفتي انا تيعجبوني على الناس و ملي تنلبسهم متنبقى نحملهم ...بالحق كلشي هنا لابس هاد الزي شوف الرجال صحاب الحديد الواعر و الفلوس مترشين لابسين لباس كاوبوي ....
حلا : اصلا شوفي قليل لي لابس حوايج عاديين ...كلشي هنا عايش الدور فوقاش غيبداو المسابقات ...
خلود : مزال الخير و باقي ماشفتي والو مسابقات و اللعب و الضحك و الشطيح حتى الفجر ها مسابقات الرقص مع الخيول و البولو و كيدوزو من هنا الكاروسات ها الطراز الانجليزي و ها الروسي و الهنغاري ...واعرة الركبة فيهم كتحمق ....
حلا : و الماكلة !
خلود : و ماشفتيش هاد الخير لي خلينا ورانا كثر من 300 كشك تيطيبو فيه اشكال انواع من كل صنف و كاين لي كيستغل هاد الفرصة و يبيع الخيول ديالو ولا يكري اللباسي للناس لي باغين يشاركو لباس ديال الغجر هاذو لي تتشوفي عنداك بحساب ليك غجر الغجر فين تلقاهم دابا هاذوك غا نتنكرين و دايرين دوك الخدع ديالهم .......( شافتها تتدور فعنيها بحال الى تتقلب على شي واحد ) حلاا معاك كنهدر و نتينا اختي معرفت فين عقلك و شحفت معاك بالهدرة.....
حلا ( ركزات معاها تتنيش على وججها بديك المروحة ) مامشيت فين كنشوف و نحضي وودني معاك ...
كملو التجوال ديالهم و دازو فوق الرملة الصفراء صفورية ماشي عادية الكسيوة ديالها تتجرحر فالارض و هي تتمشر كي الحمامة و الشعر تفك و طاح ورى ظهرها و ديك المروحة فيديها تتبان بحال الى خارجة من شي مسلسل مكسيكي قدييم ...! عوينات كيبريو تحت الشمش كيدور هنا و لهيه دازت فيها قبل و مادوزش فبها دابا ..ماتحملش بنادم يكون شافها وهي ماسايقة خبار....وهي متأكدة كاين هنا مايمكنش يجي و مايحضرش للفيريا...! كاين وسط هاد البشرو يقدر يكون واحد من هادوك لي لابسين لباس رعاة البقر و يجريوو فوق الخيول على الرملة ولا من هاذوك لي تيرقصو مع الراقصات و لا من هاذوك لي تيلعبو البولو فوق الخيل ...!! و ماجات تقلب عينيها لجهة اخرى حتى جات كرة البولو ملسقة فجبهتها و رجعات اللور طايحة على كتاف خلود مقصحة.....
_ تعورت تعووررررت......
خلود ( بفزع ) اوييلي مالك حلااا....
حلا صاعرة تتقيس جبتها و تشوف فاتجاة منين ترمات الكرة مالقات حد و الرياضة بولو تتعلب بعيد اش جاب الكرة لعندها...!؛ جلسات تتمسح على جبهتها مقصحة مغوبشة...
_ كاع هذا زهر عندي ...نبقى مبوقلة هكا فوسط جبهتهي ...
خلود ( حابسة الضحكة ) حيد نشوف شنو عندك تما...
حيدات حلا يديها و بانت جبهتها حمرا باينة الضربة جاتها قاصحة...! بقات تتبرد فيها و خلود تتسوط فوق راسها...
_ يلاه نمشيو نشوفو الطبيب عندك تخرج ليك تنا سي عجب...
حلا ( معصبة ) بعد مني اخلود خليني مني لراسي...
خلود : و نوض يعطيك فقصة ...
حلا طالع ليها الدم معكسة : مانايضاشي بعد مني شبع ضحك مع راسك دابا...
خلود ( غلباتها الضحكة ) والله ماضحكت عليك....
فنفس البلاصة نيت كاين عبد الصمد لاابس حوايجو العاديبن ضارب النايكة مصيف بواحد الشورط و تيشرت سبورتيف و اللحية كحلة و و خيط كحل مع عنقو و يديه و ساعة باهضة الثمن ...!! لاصقة فيه واحد فاتنة الجمال الشعر زعر طويل فورمة عارضة الازياء و الزواق تيضرب فالعين مغربية بنت 27 سنة كيف تيعجبو هو تتعوج عليه و تحلون...
_ حبيبي نشطحو !؟ عملي خاطري غي هاد المرة عفااااك ....
عبد الصمد ( منيرفي تيدور فعينيه ) ريحي اجنان....
جنة ( جيوب نيفها تفرفرو مارضاتش ) جنة سميتي جنة ...ماشي جناان كل مرة معوجلي سمية ديالي ها جنان ها جنات ...( شافها بدات تغوت و ترفع صوتها عليه قصح فيها الشوفة حتى تجمعات و حنات راسها ) صافي الحبيب عيطلي حتى جنية لابغيتي المهم نتينا تكون مرتاح ....
عبد الصمد ( هاز حاجبو فيها مثقل ) جنية !
جنة ( باستو فحنكو تتفرنس ) جنية ديالك الحبيب ديالي...
عبد الصمد ميع فعينيه تيحك لحيتو
_ و ريحي الجنية ريحي لانخسرها معاك ....
جنة : تصور معايا نزل تصاورنا فانستاغرام كلشي عارفني اونكوبل و كيحمقوني باغين يشوفوك عفاك غي صورة...
عبد الصمد ( ببرود ) لاا...
جنة ( بدلال ) و علاش ؟
عبد الصمد ( بطنز ) يضربونا بالعين ....
جنة : ماعندنا حتى تصويرة بجوج ...
عبد الصمد ( ملاقي الحجبان الكثاف ) قلنا ليك لا ! اصاحبي بلا عناد ...
جنة ( دلات شفايفها ) مم اصلا نسيت بلي قريب ترجع بحالك للمغرب و نمشي انا و تمشي نتينا و الله يعاونك و يعاوني ! زعما القليب ديالك مايقدرشي يسكني فييه شي شهير اخور ولا جوج ولا ثلاثة ولا ( بدلع ) حياتك كاملة ممم....
عبد الصمد ( شاداه الضحكة ) **كك مايدخلش فيه عاد نتي بكمالك . عندي غا قلييب ماشي قلب نصردوك للمعدة نشوفو معاها ...
بقات عليه بالهدرة مكتسكش تتدير راسها هبيلة و كيوت و نية عند بالها غيبغيها هكاك وهو عارف كيف ماهي عارفة أنها غي رفيقة ليه هاد المدة لي هو فيه هنا غا يمشي و يرجع يضبر بياسة اخرى يقضي الوقت معاها و بالعربية مصاحب معاها ! مامزوج ماخاطب ماراشم شي وحدة عندو غي طحن .!!ودنيبه مع داك الزلزال لي حداه و عينيه تكمشو مع حلا لي بانت قدام عينيه بطيفها الزهري و جلسات فالكرسي من الخشب مدور بيه الورد مظلل بالشجر...!! عاطياه بالظهر وعينيها ماجات عليه و ماشافتوش ...!! طلعها و هبطها وحا شي حاجة مابانت ليه غي جالسة و شعرها مدلي معاها ...!! حتى ناضت واقفة هازة ديك المروحة تتحركها قدام وجهها تتهدر مع خلود ...!!
_ يلاه نمشييو راسي حرقني بزاف نرجعو باليل نشوفو الثيران ...هادشي اذا مادخلش فيا شي ثور
_و نسيييم....نسييم هبط دغيا و عنداك تنسى الشال المصيبة دغيااا طلئ راسك....
طلات عليها نسيم من الفوق شعرها مدلي معاها
_ وخا انا نصلي و نهبط اخالتي شوف ازهار خصا تمشي تحزق فالطواليط و الريحة ديالا فالصاك رششها مزيان و خليها حتى تقنع عندا تشوهني قدام الناس ماما فيا ريحة الحزاق وتبقى تبكي حتى يخرجو سوخان من عينيها....
لالة حسنية تتضرب يد عىى يد تتهز فراسها...
_ و مالو الحزائ حراام ! اذا حزىات ئولا بصحتك...عئدتوها مسكينة...
نسيم : و ماعقدها حد هي هكاك طالعة والله لا حزقات قدام الناس قدامي كتعصر كتقولي ماما خصني نمشي لطواليط حيدي ليها حوايجها كاملين و بقت معاها حتى تقنع بلي الريحة مابقاتش و على الله تقنع ليك خصخا ترش جوج ليترو د الريحة و شوف شوف....
لي يسمعها كيتعجب و يتسغرب بنت قد القميلة اللسان عندها ملوي و النطق مخرب و الحزاق ماديرة الا فالطواليط ! و اذا سمعات شي حد حزق قدامها تما تموت ليهم و دير ليها مخنوقة و كتموت و مكتنفسش ماتجلس تما حتى دقيقة عاد ...!
دخلاتها حسنية للطواليط و حيدات ليها حوايجها تتهز فراسها غالباها الضحكة...
_ حزئ ابنتي حزى بصحتك المرضية ديالب ..
أزهار ( نعوحة فمها و القصة هابطة مع عينيها المرمشين شادة نيفها بصبيعاتها الصعار عامرين بالخواتم ) ميمة كولويا....
حسنية : هانا نرشها ليك احبيبة ديالي هاك هاك نزيد ...صافي الريحة مشات مابئاتش دابا الله ريحة كتحمئ غزالة فالبنوتة ديالي ....يلاه نخرجو يلاه الميمة ديالي ( جات تخرجها مابغاتش ) علاش لا ! يلاااه مشات الريحة...
ازهار ( شادة نيفها و مزيرة على عنيها تقول الريحة غدخل من تما ) فيا كاكا ....
حسنية ( ضربات راسها ) اوا الحزئة عندك بئوامها الكبيرة كيف حالها ...
بقات معاها حتى قضات شغلها . عاد نقاتها و غسلات ليها و لبساتها ولات بنوتة غزالة بديك الشعيور و العوينات و الحويجات غزال قد الفلوس و ضاربة الماركة...البونضو من ديور و الصاك من شانيل و الكسيوة د زارا و الذهب فعنقها و وودنيها....!!
لحقات عليهم نسيم لابسة البلدي و الشال رطب مع عنقها و الطالون و الشعر كحل مطلوق معطر بالورد ...! ركبات مع صفوان حيت يحيى ماكاينش. ..! و مشاو كاملين لدار الحاج الكبير مدوزين الويكاند معاه العائلة كاملة تتجمع عندو تتدوز بحلاوتها و بااضحك و النشاك و الجو العاىلي و الحباب و تقاليد الجد صارمة تيحماق على العائلة و الاحفاد و الاحباب و لي مكيجيش غيقلب عليه...! دااار كبييرة وواسعة يجريو فيها مية خيل و خيل ...! الجد لابس البلدي الشيب فراسو غطى شعرو الكحل كان قاضي حكيييم و عادل ولد و شهد على ولاد ولادو ...!! كلشي كيحتارمو و يوقرو ...!! العريسات ديالو قايمين بالواجب كيطيبو و يحضرو و المساعدات حتى هوها...تيحضرو الطيلة و القصارى و نسيم كدور بديك الفراشة و سالف هاينة تيلعب وراها ....!! تمات داحلة للكوزينة وهي تو قفها العروسة الجديدة يلاه بالحنينة فاليد و البسمة مزنكة...
_ نسيم ...
نسيم : يتوحشك الخير اختي جيت. من شهر العسل حسبتكم باقي !
هبة ( بحياء ) جيت البارح ...
نسبم ( بابتسامة )باينة فيك حشمانة و مزنكة مفروشة ياختي....
هبة ( تتضحك ) و ضروري من الحشمة و عاد جديدة ماولفتش....
نسيم : دابا تولفي و يعجبك الحال اجي تجلس عيتي فالطريق....
جلسات مع هبة تتوانسها و زوجة ولد العم لبنى جاية حتى عي بواحد الكريشة الشعر نصو معري تتغوبش فنسيم و هبة و تبركم مع لوستها...
_ هاهي تسلطات على هبة حتى غدورها عندها...بفف.
حسنية : لبنى الحبيبة كيف ماشا مع شي حبالة مزيرة ولا والو....
لبنى ( بغرور ) ها حنا كنعديبو اخالتي ربي يجيب الفكاك و عقبال لبيناتك يتزوجو و يولدو حتى هوما...
حسنية : هىء! علاه هوما كيفكرو فشي زواج دابا ! حتى وحدة ماحبات تزوج عييت معاهم ربي يديرالخير و صافي...بائي ناعرفتي شنو عندك بنت ولا ولد ...
لبنى ( بكذب ) بنت بنت...
لوستها بهمس : ويلي علاش كتكذبي....
لبنى ( بين سنانها ) و كاع العائلة تتولد الولاد كاملين الولاد قولي واش كاينة شي بنت هنا صغيرة كدورمن غي بنت نسبم و يحيى هي لي ولدات البنت و شفتي كيفاش دارو ليها بغاو يديروها ملكة علينا...وتنا بغيت نشبع فشوش ودلال اختي تنا قالك خالف تعرف هوما يولدو الولاد و انا البنات وخا عارفة ولد المهم نكذب نشبع فشوش ملي يشوفوه ولد ندير راسي تصدمت....
و ماكدباتش ...! العاىلة قدها قداش كبيرة و ماتحسبش و كاع الحفايد ولاد ماكاينش لي ولد بنت من غير نسيم حتى كانو قطعو الياس و قالو صافي رجال العاىلة ايولدو غي الولاد البنات ماكاين ليهم أثار وكلشي كيقول سبحان الله لي تلقاها حاملة تو لد ولد حس البنت ماكاينش...و سنين وهوما هكاك حتى ولدات نسبم البنت و فرحو و عجبهم الحال و فششوها حنى بغاو الفشوش يخرجو ليها من الودنين...!!
تحمعو على الطبلة العاىلة بكبيرها بصغيرها و جا يحيى شاد ولدو تيسكت فيه ملاهي مع الهدرة و الحديث مع رجاال العائلة الخدمة غبراتهم على بعضهم....! جايبين المنشط و كوميدي معروف تيضحك فيهم و الفاكية تتدور من طبسيل لطبسيل و الخير فايض من فوق الطببة...!
تجمعو تيتصور واحد بواحد مع الحاج وحفادو و العرسان الجداد مصورين فواحد الكرسي ملكي مذهب و تصورات حتى نسيم مع يحيى قدام العائلة جلسات جالسة حاطة يديها على صدرو وهو حاط يديه على كتافها مشبكين اليدين تيضحكو للكاميرا ...! حتى سالاو و ناضت سالتة ....
عين نسيم ماتحطاتش على يحييى ولا حتى دقيقة و هو يدور يدور يشوف فيها بنص عين تيلقاها قالبة وجهها منو تتجاهلو...!! تحط العشاء تعشاو و تجمعو فالصالة الكبيرة مفرشى على حقها و طريقها بالثريات و الرخام و الزاج تيشعل ...و الحاج تيضحك و عينيه دافية ..
_ يلاه شكون بقات فيه النوبة يعرض سورة الملك ؟
هنا كلشس بقى تيشوف فهذا و يرمي الصبع لغيرو ...و يحيى تيشوف فنسيم و عينيه دافية هامس ليها عند ودنيها...
_ بقات فيك نتي...
نسيم ( بين سنانها ) : ماشي انا بقات فلبنى علاش كتكذب...سكوت عندو يسمعك...
الجد شاف فنسيم بنص عين و طبطب حداه..
_ اجي انسيم اجي لبس حجابك و احي لهنا ( تيضخك يالثقالة ) هييي ذاكرة الدبان عندكم ...
لبنى ( تتقلب فعينيها تتشوف فراجلها )و شوفتي قلت ليك نسيم كاقولي لا انا. ...
ناضت نسيم تتدور فعينيها لابسة الحجاب و النساء حتى هوما لبسوه جلسات نسيم قدام حسنية و الجد تتعرض عليه وهي ماحافظة غي الاجواء الاولى تتعرض بصوت عالي حيت الجد سمعو قلييل بزاف
_ تَبَارَكَ الَّذِي بِيَدِهِ الْمُلْكُ وَهُوَ عَلَىٰ كُلِّ شَيْءٍ قَدِيرٌ....
وقفها بصرامة و صوت عميق ...
_ اعود بالله من الشيطان الرجيم ..بسم الله الرحمان ....
تخربقات بقات غا تتشوف فيحيى و فزينة لي تتدور فعينيها و حسنية جالسة حداها دايرة الشال على فمها تتعاونها ...
_ عاود من الاول عاود ...و سبق بسم الله الرحمان الرحيم ...
عاودات نسيم من الاول وصلات للاية العاشرة و هي تنسى و تتكمل ليها حسنية قدامها بهمس و الحاج متيسمعش من البعيد جات مع نسيم حتى كملاتها و العروقات مع وجهها....!
_ صدق الله العظيم....
الجد ( بعدم رضى ) صدق الله العظيم ..ماشي حفاظة هادي انسيم الاخطاء الفتحة رجعات كسرة و الضمة ولات سكون ...ماكاين لا علامة مد ولا وقف ....
حسنية ( تتقاد جلابة على رجليها تتدور فعينيها ) و الحاج جوج ولااد و التربية صعييب الحال بزااف....و خصك تعطيها الهدية الحاج...
الجد : و يكون !هادي ماشي حفاظة...( شاف فزينة ) زينة اجي ...
زينة ( بوجه قاصح قلباتها درجة حتى هي ) مانقدرش يا حاج عندي عذر شرعي....
حسنية مغطية وجهها تتهمس ...
_ الله يمسخها الكدابة ..كذبات الكذبة و تيئاتها و عجباتها...الشارفة الاخرى هي الدم تئطعات منها شحال و بائا كتكذب غلى الناس باش تبان صغيرة ....
هذا العدر ديال زينة فكل مرة حتى الحاح تتحشمو ماتيلقى مايقول صنطييحة و الحشمة ماعندهاش ...!! كلشي عارفها تتكدب و شكون يقوليها الكدابة علاش تتكدب تيحشمو كااع وهي ماتتحشم ...!
التنقل بين الأجزاء