غيرك ما يحلالي الجزء 15

 حنات عينيها هازة جلايلها سابقة خلود لي غادية من وراها بشوية تتهدر مع راجلها...ىمات عبنبها جهة عبد الصمد صدفة وهي تشوفو كمشات حجبانها تتكدب عينيها...

_ عبد الصمد هذا....( شافت فحلا لي سبقاتها و لحقات عليها بالزربة ) حلااا ستناي...

حلا ( مكمسة عينيها من الشمس ) دغيا اخلود الشمس وتبرزطت راسي حرقني...

خلود ( بدهشة ) و اجي ليماك شوف شكون هنا...عبد الصمد ولد عيشة ...

حلا ( توقعااتها ) وييلي ! بصح ! شنو خصني ندير ؟ نبقى واقفة منتحركش ياك ! ولا نهربو يلاه نهربو....

خلود : والله مانمشي حتى نسلم على جاري ...

حلا ( جمعات حواجبها) و من بعدي اجي شكي على حميدة...ماما حمزة معصب مني ! عارفة السيد شاد الدين صحيح و داك الترخاف ديالك دايرلكم مشااكيل و مشي سلم على بوبناوت ....

خلود ( تتشوف فعبد الصمد بلا ماتعيق واضح وسط البشر حيت ملابسش بحالهم ) و بو بناوت نييت شوف معاه واحد الزعرة ( سكتات ملاقية حجبانها كدقق فيها حتى نطقات باستغراب ) هاديييك جنة اويلي كنعرفاااا......ساكنة حدايا ...

حلا بقات تتدور فعينيها و ترمي العين مسروقة لعندو ...لقاتو واقف قدام راجل شايب شاد العصى تيهدر معاه و جنة جاية تتجري عند خلود تتفرنس ...

_ خلووووود بيبيي ......

تسالمو مبتسمين فوجه بعض و سلمات حتى على حلا لي عاطياها ابتسامة مسرارة تتسكانيها بعينيها من الفوق التحت تتشوفها كي واحلة مع شعرها الزعر و تتضحك بحال شي هبيلة بلا فرانات عفوية بزاف فرحات ملي شافت خلود حيت عبد الصمد اصاا كان غيخلبها و يمشي و كانت غتبقى بوحدها ...

_ ياختي ماقتيليشي غتجي لهنا ...

خلود : و تنا ماكتتش عارفة جيت مع حلا !

جنة ( شافت فحلا تتضحك ) ختك ياك ! كنتي قولتيلي عندك جوج خوتك بنات ....

خلود : سي ختي ( تتسلت ليها اللسان )نتينا حيتي بوحدك ...

جنة (تتغمزها ) شكون يجي بوحدو لهنا ..جيت مع بيبي داموغ....را هو...

(دارت وراها تتنعت عيه مالقات وجودو لا حتى ريجتو عبر بقا غا صبعها مشير....) هااء فين مشااا....

خلود ( حابسة الضحكة تتشوف فحلا لي تتسمع و تفرنس مع جنة و ساكتة ) و مشي فتش عليه غنمشيو و نرحعو باليل غتكون هنا نتلاقاو !

جنة ( تحرجات ) سي ضروري غنبقاو حتى للفجر....

تسالمو معاها و مشاو و خلود شادو الهدرة عليها...

_ و عرغتي كتعرفا شي اربع سنين دابا و باقي مافهمت واش نية بصاح ولا غي كتبوهل علينا ...

حلا ( بسخرية) نية ! نية نتي احبيبة ديالي ...هذا النوع تنعرفو مزيان كتعمل هكاك باشيقول. وااو على بنوتة شحال كيوت ...

رجعو للدار بدلو عليهم و رتاحو و خلود قابلات بنتها حتى نعساتها و عاودو رجعو مع نزول الظلام...! لابسة كسيوة بيضة خفيفة عادية و الشعر مطلوق و سندالة صيفية خفيفة حتى هي سامبل رشيقة رقيقة الحواجب معليين و الشوفة رزينة و معقلة...!

جنة شافتهم و بقات لاصقة فعبد الصمد تتعوج عليه و تضحك و تحاك معاه باغياهم يشوفوهم و تغطي على التحشيمة د الصباح ...!! وهو واحد الثقالة فيه و البرودية تقول هاهو غينوض لبها دابا فأي وقت ...!و فعلا مارتاحت جنة جتى شافتهم خلود و جات العيون فعيون بعض شافهم حتى عبد الصمد و خلود و حلا شافوهم صافي شوفة صريحة العين فالعين ...! فارقاهم غا ديك العربة الانجليزية لي شاعلة الظوء دايزة فالوسط ....!!

خلود : اوا دابا غا تبعيني نسلمو على ولد عيشة ابنتي حلا راه شافنا ..وانا و ياه مزال بيناتنا السلام ...عدوك ملي كتلقاه فالغربة غتبغي تبوسو عساك جارك ...

حلا ( عويناتها تيبرقو بالظواو تتدوي بهدوء و طنز عشرة على عشرة ) : سبقيني نتي بوسيه جوج بوساات وحدة ديالك وحدة على حسابي ...

خلود غلبها وجهها ..خلاتها و مشات لعندهم تبعاتها حتى حلا قررات تتصرف عادي و اكثر من عادي ماتكبرش الموضوع ...

خلود : اهليين عبد الصمد هذا !

عبد الصمد ( بادب ) اييه قالو ...

سلمات خلود على عبد الصمد باليد كي مولفة معاه و الادب و الاحترام ...و هز عينيه فحلا لي جاية بمشية الحمامة ناشرة بياض ثوبها و زينها عليهم ..

مدات ليه يديها تتشوف فيه بشوفاات الديبة سحر عيونها كيدووخ و شوفااتهم كيذوبو ماتترمش ماتتلف الشوفة عينيها فعينيه نيشان وهو كثار منها كلاها بعينيها و قريب يسرطها و يخبيها عندو مصنطح كثار منها و فيه ريحة العجرفة وخا بلا مايقصد شوفاتو هكاك ..خرجات الهدرة من فمها ببحة انثوية...

_ لباس عليك !

شد يديها الرقيقة و الرطبة بيديه السمراء و الكبيرة و صبعو تسلل لبنض يديها ...مجاوبها بخشونة و عينيه مكارة تتشوفهم غي هي

_ فرصة سعيدة هادي ....

حلا سلتات يديها عندها تتدوز على شعرها ورى ودنييهاو تتبسم مع جنة...

_ جنة و ها حنا رجعنا تلاقينا ثاني ...

جنة ( ماتقدرش تقرب من عبد الصمد تتخاف من شي قمعة ) فرحت ملي شفتكم و كنفرح بالمغاربة هنا كنحس بيهم خوتي و قراب مني وخا عمرنا هدرنا....

خلود ( بابتسامة ) تنا والله كتحس بخوك وسط الغربة....

جنة : فين البنوتة ديالك ! ...

خلود : مزال صغيرة شنو غتجي دير هنا غتمرض ليا بكثرة البشر ...

بقات جنة و خلود كيهدرو و حلا عاطياهم ودنييها و غا تتجي عبنيها فعين عبد الصمد تتقلبهم بلا ماتعيق ...! حتى نطقات خلود..

يلاه نخليكم سي عبد الصمد فرصة سعيدة...

عبد الصمد ( حياها بعينيه ) بارك الله فيك....

حلا ( مكتشوفش فيه ) اديوووس ....

خلاتهم و عطاتهم بالظهر غادية جنب خلود تتمشى بانوثة و رطوبة شعرها تتبان وخا بلا ماتلمسيه...!! طول السهرة وهي مثبتة و مرزنة هازة عنقها بثقة و شوفات عينيها قتالة...! تتصور بالعقل عليها و تضحك عادي مع خلود و دغيا تعرفو على خوسي شاب اسباني و وقف قدام حلا كيتغزل بيها و بجمالها بنية صافية تيشوف الجمال تيبغي يقدرو و يشكرو ...!

داز ممر العربات و العرض بدا و تحمعو تيتفرجو فيهم و هذا داخل فهذا باغي يوقف القدام...!! و حلا حاضية صاكها و جنابها ...!! حتى دخلو الخيول الراقصة و شعلو العافية و بدا الغوات و الضحك و التصفيقاااات و الحمااس ...و حلا متبعة العرض برزانة لي يشوفها يقول راها مخشعة مع العرض وهي حاضية غا جنابها ...! غا تتحس بشي حد لصق فيها تتحمع صاكها و تشوف فيه بنص عين ..بقات مرتاحة فترة حتى حسات بانفاس على شعرها و جسم غطاها من اللور و صوت مايمكنش يخفى عليها يلاه جات تستوعب داز واحد قدامها زطم ليها على رجليها حتى رجعات للور لاصقة فصدرو و رجليها شوية و يزطمو على رجليه ...ناطقة بالم

_ ايييي رجلي.....

لمسة خشنة دازت مع يديها و شعرها علق مع لحيتو ناطق ببحة...

_ هداي هداي....كي تي باصا !!

خلقات مسافة بينها و بينو تترد شعرها ورى ودنييها مقصحة...

_ و رجلي رجلي تقطعات و نتا كتقولي هداي....كي ندير نهدا مع هاد القوم ايي رجلييي ....( تتحني تشوف و الظلام والو ماباينين التحت )الدم سال كاع....

بعينين مكارة و حواجب معروفين ...هز تليفونو تيظوي على صبيعاتها...و هدرتو خشنة و ثقييلة

_ الدم كااع...!! انشوفو ....

خصلة رطبة طايحة مع وجهها و بصويت رقيق ردت...

_ كنحس بيه بفف بالناقص والله العظيم الا بالناقص المرض....

عبد الصمد تيظوي صبيعاتها مع ديك السندالة مسحوقيين و الدحوساات و الصهد و الغوات ..مد ليها يديه ناطق بخشونة والمكر فعينيه ..

_ اجي اجي نخرجو نشوفو شحال من لترو ضاع ....

حلا : كضحك عليا دابا ولا شنو !!

حطات صبيعاتها فيديه معصبة و خرجو من تما سامحة فخلود و جنة لي تالفة وسط البشر....حتى خرجو على التجمع و سلتات يديها من يديه تترجع شعرها ورى ودنييها و تكمش حواجبها جلسات فكرسي من الخشب محنية على السندالة تتحيدها و تسوط ....

_ الزحام و بنادم تالف ليه العين متيشوف فبن كيزطم قبيلة الكرة و دابا رجلي غا نغبر وجهي وقيلة ...( هزات عينيها فيه و شعرها مدلي معاها و تتدوي عادي )كنت غنزطم فيك حتى نتا غي سمحلي....

حنى لمستواها هاز واحد العود صغيير تيلعب بيه بين صباعو و يشوف فصبيعات رجلييها ناطق ببحة فيها نوع من الحميمية ...

_ ماعليش ! شوف دابا رجليك ..خلعتينا على والو ! فين الدم !! ممم

حلا تعانقو عينيها مع عينيه تتدوي بالرزانة و الثقالة ...

_ و يانا عرفت !! غي حسيت و مع الحرقة لي حرقاتني قلت راه صبعي تحفر ...

هز سندالتها د الجلد بصبعو الصغير تيشوف فيها بعيون مبسمة...

_ واش جوج خيوط و مسطرة يشدو الدقة على رجليك مع هاد القوم ...!!

حلا ( هزات حاجب ) جوج خيوط و مسطرة !! هادي عرفتيها شحال ساوية ! و ديال الجلد ...اري اري ( حيداتها ليه يديه تتنفض رجليها من الرمل و تلبسها ) ولاهيلا قالك جوج خيوط و مسطرة ...بغيتي نلبس بوط د جدي ....

عبد الصمد : شحال ساوية كاع !! 500 درهم....

تتشوف فيه غي من التحت التحت تتشد خيوط السندالة و شعرها رطب مدلي معاها تيتحرك غي بوحدو ...

_ والله لا خديتيها ب500 درهم ! كنقوليك ديال الجلد !!

قاس خيوط السندالة بيديه حتى جمعات رجليها تترمش و نطق بالثقالة...

_ من فوقاش و نتي هنا !!

حلا ( تتشوف فيه بنص عينيها و تقاد الكسوة على رجليها ) 15 يوم تقريبا ....و نتا كتسكن هنا !!

عبد الصمد : تقريبا ....! جيتي بوحدك ولا ..

حلا ( تتشوف بين رموشها ) : سي ...كنسكن مع خلود هنا ...واحد خالتي عيشة شنو كتعاود ...

صبعانو لقاو طريق لشعرها تيبعدوه.. مع ديك التقطيعة لي دايرة تتغطي ملامح وجهها تيبانو غا رموشها من الجنب ...حسات بيديه فشعرها شافت فيه بالزربة معلية حجبانها

_ شنوو !

عبد الصمد ( شبك يديه فوق ركابو تيشوف فيها بذكاء ) ماعرفتش واش كتحشمي !

حلا : كنحشمم !! علاش شنو كتشوف !

عبد الصمد( بمكر ) : كندوي معاك و نتي مغطية وجهك بشعرك !

حلا ( تترمش ) علاش غنغطي وجهي منك ! و علاش غنحشم ! شنو كنديرو باش نحشم ! كنهدرو عادي.....كنسولك على احوالك و خالتي عيشة حيت راك كتبقى ولد بلادي و جاري ماشي واحد غريب و مادوزتش معاه القليل ....

عبد الصمد ( حك رقبتو ببرود تيهز فحاجبو ) شنو درتي فهاد المدة !! كاين شي جديد ....

حلا ( بعدات لجنب الكرسي بلا ماتعيق رافعة يديها تتلمس شعرها و تبعدو على وجهها ) نتا بان ليا باغي تقصر !! اسيدي درنا و مادرناش...كنت بغيت نمشي لتركيا مشيت ليها اسبانيا و هانا فيها ...فتحت بوتيك و الحركة الحمد لله دايرة ( بثقة كملات ) بغيت نتزوج تزوجت و بغيت نطلق طلقت و هذا ماكان....

عبد الصمد ( مزير على فكو تيهز فراسو و يديه مشبكين فوق رجلييه ) و كي جاك الطلاق الالة ...

حلا ( شافت فيه ملاقية حجبانها ) الطلاق بحالو بحال الزواج ربي حلل اازواج و حلل الطلاق و انا البلاصة لي مالقيت فيها راحتي مانكملش فيها مانتسوق لحتى واحد كانو مشاكييل و ماقدرت نصبر عليهم و فضلت الطلاق واذا كتاب و تزوحت تاني و مارتاحيتش غتعاود نطلق و الدنيا هانيى و السماء صافية....

عبد الصمد ( تيشوف فشعرها لي كيتحرك مع حركاتها نظراتو معصبين ) و مالقيتي شكون غي داك ولد ( جمعها فاخر لحضة معصب)..على بالي كان صاحب بنت خالتك .....

حلا ( دارت رجل على رجل تتشوف فعينيه ) ماتخلطش شي مع شي عفاك و ماعندكش الحق تلومني لا انا ولا نتا كنختاارو فين غادين فهاد الدنيا كلشي بالمكتاب....( بضيق ) و ملي فتحي الضوسي فتحتيه انا مانسمحش ليك تنزل غليا الباطل و تتهمني بالخيانة ..داك الساعة ماكانت بيني و بينو والو كان اميݣو ديالو عادي ( بانزعاح كملات ) نتا لي ظلمتيني و نزلتي عليا الباطل و الغيرة ديالك ماكان يصبر عليها حد ..و لي قطع داك الخيط و الروينة كاملة هوما يدييك ..راك ضربتيني و اما دايرة والو واش يحساب ليك غنصبر لهادشي كلوو.....( ححبانها تلاقاو وتعصبات من السكاات ديالو ) اصلا علاش فتحنا هاد الموضوع كنا و كنتو و صرنا و صرتو...اخر حاجة كنت توقعها هي نتلاقاك هنا ...انا كنتصرف معاك عادي حيت قلت ليك راك كتبقى جاري و وولد بلادي ماشي واحد كنا غنتزوحو و ماكتابش غنوليو عديان والهدرة تقطع ....الا نتا هكاك انا ماشي هكاك ....

عبد الصمد ( ببرود ) اوا ها حنا !! ( بسخرية ) ضرينا دورة وليت انا لي قاطع الهدرة و وليت حاسبك عدوتي واعرة هادي ....( شاف فيها معصب و مغدد و مامبينش تيهز صبعو السبابة قريب يعورها ) نتي واحد الديبة مامنك جوج ....

حلا ( نعتات لراسها مغوبشة باغية تقلب عليه كلشي و تخرج هي المظلومة) انا ديبة!! و نتا شنو ! و شنو واش كدبت فهادشي لي قلت ! لا نتوما الرجال صعيب عليكم تتقبلو الحقيقة صعيي عليكم بزاف ...اصلا ماشي من حقك و ماشي من حقي لا نلومك ولا تلومني...( هزات صاكها باغية تنو ض) سير عند امور ديالك شوف فين تلفيتيها....نتا شحاال مابقيتي غتدخل لموسوعة غينيز ...بو بناوت....

عبد الصمد قلب وجهو تيحك فلحيتو...و ناض واقف تيحني راسو باش يتلاقا مع وجهها ...

_ و ها الظلم بعينيه...! جنة أميݣا د صاحبي خلاها معايا حتى يرجع ....

حلا ( حنات عينيها لصدرو و صدفة القميجة محلولة هربات عينيها مبعدة اللور ) و خلي عليك شوية بنادم و سير جرب و شوف مع الجنيات حتى هو كيصدقو....

عبد الصمد تيشوف فيها بمكر : و عطينا نمرتك نسولو فيك لا تقولي علينا قطعنا الهدرة و حسبناك عدوة ثاني...

حلا ( ضيقات عينيها ) فين غدير نمرتي تليفون الاول و لا الثاني ماتخافش تعيق بيك صاحبتك....تلقاك شحال من نمرة عندك ...

عبد الصمد يديه بغا يقيسو حنكها و جمعهم بزز تيحك فرقبتو و يهز فحاجبو ناطق بثقل...

_ ماعنديش صاحبتي ..كون كانت عندي كنتي تلقايها هنا نعرفها عليك انا كاع...

بقات تتدور فعينيها و تهز فحجبانها حتى عطاتو نمرتها د اسبانيا حيت شحال مابقات غترجع بحالها و ترمي النمرة .... مستغربة من تطور الكلام بيناتهم ملي شافتو من بعيد حسباتو بعيد و غريب وملي بداو يهدرو اللسان تطلق غي بوحدو و جبدو لي ماعمرو تجبد .....! خلات التليفون سيلونص و خلود عيات تتصوني عليها مخلوعة عليها ...!! قربات تحماق و تتصوني على حمزة تتسولو واش رجعات تيقول ليها باقي ...! بقات كتقلب و تسول حتى شافتها واقفة مع عبد الصمد تصدمات و فتحات فمها حتى لودنيها و بقات واقفة حاضياهم...

_ شوف على بنت الحرام انا عقلي خرج بالفتاش عليها وهي كتعاشق مع الخطيب القديم.....

خلاتهم و بقات واقفة بعيد حتى يساليو على خاطرهم...حتى شافت حلا شافتها و تمو جايين لعندها جنب بعضهم و حلا تتزيد تهز فنيفها و تمشى كي الحمامة الشوفاات محسوبين و الاناقة فالكلام و المشية و الحركات واصلة ليه حد قلبو و كتافها تيكونو قراب يقيسو كتافو لابسين البيض بجوج و ملامحهم سودة بجوج غي هو سمر بالزايد ....!

حلا : فين كنتي اخلود عيت نقلب عليك....

خلود تتشوف فيها بمكر...: غي هنا تنا كنت تنسول فيك و تليفونك والو ...قلت مايكون غي طاح ليك نتي و التليفونات علااام كل شهر بواحد ....

عبد الصمد ( يديه فالجيب تيشوف فخلود ) غتمشيو دابا نوصلكم ! فطريقي ...

خلود ( شافت فساعتها ) اهاه وخا ماعنديش مشكل ...بلا مانعدب حمزة حتى لهنا...! جنة حتى هي مشات قبيلة ضرها راسها ....

فتح ليهم الطريق بادب..

_ تفضلو...

مشاو على رجلييهم مسافة طريقة صغيرة اليل و ريحتو مميزة و الريح البارد تحرك تيضرب للرجيلات و رقبة حلا الباينة...و شعرها تيرجع اللور و مرة تيرجع على وجهها ...تابعة غي خلود ! لي فتح ليها عبد الصمد باب سيارتو الخلفية و ركبات عايقة و فاطنة ...خلا بلاصة قدامو ..!

حشمات حلا على كمارتها مابغاتش تركب اللور بحال الى الشيفور ديالهم و ركبات القدام حاطة صاكها جنبها تتلعب بتليفونها ودور فعينيها و حتى هو ماهدرش غي اذا قطعات خلود الصمت تيرد عليها بادب ...لي يشوفو يقول هنا نبات هاد السيد محترم و مادب وخلوق وهو مايعرفو غا هاديك لي جالسة حداه تتدور فدوك العينين و تجمع شعرها بمقبط صغييور ...! خدا نمرتها و عرف حتى فين تتسكن و تقدم كبيير وقع بيناتهم هاد اليلة....! اذا كملات معاه غي نهار الراس فالراس تلقى راسها وصلو للعرس....!! هادشي فاش كان تتخمم و تشوف فالطريق و الريح ضارب فيهااا.....هزات تليفونها تتهدر مع خوسي تيسولها واش وصلات و مصرد ليها فيديو كيقتل بالضحك حبساتها بزز و صيفطات ليه ملصقاات ضاحكة ...! تيتسمع غي صوت الكلافي دار ليه الشقيقة شاف فيها بنص عين لقاها تتفرنس و تتكتب بصبيعاتها النقيين بالزربة ...!!

وصلهم فين تيسكنو ووقف الاوطو جنب واحد الشجرة كبيرة قديمة...! نزلات خلود بابتسامة..تتشوف فعبد الصمد لي خرج من الاوطو تيصاوب السمطة...

_ شكرا اخويا عدبناك والله....

عبد الصمد : ماعليش مرحبا فاي وقت....سلمي ليا على سي حمزة....

خلود : مبلغ اكيد ان شاء الله.....

حلا ( التليفون شاعل فيديها تتشوف فعبد الصمد برزانة ) شكرا ...تصبح على خير...

حياها بعينيه و ركب سيارتو ...!! طلعات خلود و وراها حلا للدار...!! لقات حمزة فايق هاز البنت و باين فيه معصب زعر و عويناتو خضرين ملامحو زوينة و قد خلود فالعمر بجوج فاتو ثلاثين....!

_ خلود هادشي بزاف اخلود....

خلود ( هزات بنتها تتبوس فيها ) شنو درنا ثاني احمزة....شفتي غا نهار جاتك التربية صعيبة !

حمزة ( خرج فيها عينبه ) نهار !!

حلا( تتغمز فخلود تسكت ): ويلي نعلو الشيطان ...حمزة اخويا على وجهي صافي شدو الموضوع البنت ناعسة والله الى حشومة....اري اري ديك البنت لهنا ( هزاتها تتبوس فيها ) خالتو ديالي الغزالة بغات تنعس و نتوما تتعصبوها بغواتكم....

دخلاتها للبيت و حطاتها فوسط الناموسية ...و جلسات تتهز فراسها...

_ ملي نقول صافي عولت نتزوج تتخرج شي حاجة تكرهني فالزواج ...كيكونو هانيين حتى كينوضو يتزوجو و يولدو....قلة الشغل مصيبة...

دازت ثلاثة ساعات تمات خلود داخلة عند حلا لابسة شوميز على اللحم و صدرها كيلعب تتفرنس تتطل على بنتها ...لقات حلا فايقة تتفرج فالتليفون و الظو فعينيها و السرجم محلول...نطقات بهمس...

_ مزال فايقة !

حلا ( تتشوف فيها ) مزال ...صافي فكيتي حريرتك معاه و حتى نتي كتعيقي اختي و بالزايد ...

خلود ( تتضحك بهمس ) و عرفت راسي مقفراها معاه و مكنبغيش نبين راسي الغالطة و حتى هو ملي ولدت ولى كيديرلي الخاطر بزاف مكيبغيش يطول معايا فالخصام و مالي شكون بحالي ..البنت عندي حنينة و ماشي بكاية تتنعس باليل ماتفيق حتى للصباح غي حمزة كان خصو السكاتة انا عطيتها ليه....

حلا ( تتشوف فصدر خلود العاري ) و سكاتة و شمن سكاتة...دايرة كي محالب البقرة ...و لاهيلا الݣور فشكل على المغاربة عندك الزهر حضي لا يتعادا بيهم حضي ....

خلود ( تتغمزها ) انا بعدا والدة جات معايا و نتي ماعندك راجل لا ولاد فين غادية بداك الصدر ؟ كيكبر فيك غي الصدر اللور والو ! ....

حلا ( جلسات جالسة مغوبشة تتصبع ليها ) هاا فعينيك الكدابة....انا عندي حدو قدو ماعنديشي الصدر فاينو...فاينو هاد الصدر ...عندي قد جهدي....والله الى حرام عليك شحال وانا كنرد البال و السبور و الحالة و تمارة ونتي فشلتيني ماعندي بو صدر.....

خلود ( تتهز فراسها و تنهد ) و لهلا يزيد كثار ابنتي بالحق الحقيقة صعيبة....و زير زير لا يفيض الخير ....

رمات ليها الهدرة خلات حلا موسوسة و معصبة مع صدرها تتكره الصدر و المؤخرة الفايضين و الباينين ماكرهات تولي كي العود باش تبان صغيرة و خفيفة و رشيقة ساعة هي تتبغي تنقص تتنقص من جهة و الصدر تيتنفخ و يعمار بحال الى كيتعاند معاها ...!!

_ عرفتي سنو غنولي نقول خصني الصدر الصدر باش نضعااااف من تما.....كلشي كيوقع بالعكس ولا والله حتى ندير العملية و نقص منهم و معاك بصاح والله حتى نديرها جن حنوني انا داك الصدر معيق.....

خلود ( بصدمة ) اويلي غي كنضحك معاك عادي ماشي شي حاجة معيقة ملي كتلبسي المزير تيبانو ...الناس كيكبرو و نتي باغية تنقصي حمقة نتي والله.....ربي الخير باش يلقى الموسيو فين ينعس و يريح راسو من تعب الدنيا....

حلا ( تتضحك ) لاحولا ولاقوة الا بالله....نتوما ملي كتزوجو كتولي هدرتكم غي على هادشي ....

خلود : و ماقلتيش ليا شنو كنتي كتقولو نتي و عبد الصمد ! انا شفت كلشي بعيني كنتي مزنكة و حشمانة ...

حلا ( ببرود ) و ها الكدوب بدا ثاني ....والو كنا غي كنهدرو عادي شنو الحديد و شنو درتي كي دايرة خالتي عيشة و صافي ....شي حد زطم ليا على رجلي و خرجنا من الزحام و جلسنا تما ....

خلود ( بفضول ) شنو قلتو اخور غي زيد زيد اش تما....شنو بينو و بين جنة...

حلا ( جلسات متكية على يديها تتضحك ) قالي صاحبتو د صاحبو و بغاني نتيق هذاك واحد الكداب بوبناوت مقطر....

خلود : و بصاح يقدر ! حيت راه غبرات مابقاتش بانت و قالت جابت مع حبيبها و ملي كنا واقفين مع عبد الصمد كانت واقفة حداه ماشي بحال الى صاحبتو ....

حلا ( مضيقة عينيها ) و انا شوغلي ؟ انصيفط ليك واحد الفيديو صيفطو ليا خوسي قتلني بالضحك.....

ضحكو و هدرو و ماخلاو ماجبدو الهدرة و حلاوة الكلام تتجي بوحدها....

خلود : زعما ماعندكش الغراض تزوج !

حلا ناعسة على ظهرها تتلعب فشعرها و ظوءالكمرة مظوي...

_ صافي هذا الجهد ...بديت كنفكر ندير داري تنا و نشوفو واش ديال الولاد ولا لاء !! عاد ندوزو للولاد ....

خلود : و عندك شي واحد تتهدري معاه متافقين على الزواج ؟

حلا ( تتشوف فيها بهدوء ) ماعطيت فرصة لحتى واحد ...لي بغاو يهدرو معايا يا اما خدام بعيد ولا ساكن بعيد وغي البراني....

خلود : و عطي فرصة ماتعرف الخير فين !!

حلا : الله اعلم ...

بقاو على الحتيت حتى ناضت خلود و بنتها لعند راجلها و بقات حلا تتقلب فديك الناموسية داخلة معاها الوحدانية و الجفاف العاطفي و هاد الحالة تتجيها من فترة لفترة ...! زفرات مخشية راسها تحت المخدة ....و كالعادة ولات كتستحلم و تفيق فازكة بحال بايتة معاشرة شي حد ريوس صدرها خارجين بالرغبة الجنسية و العرق تيبري فجبهتها و عنقها...و جنابها سخنو عليها....!! ماعجبها الحال و ماحملات البلان...وخا تتطرد افكار الجنس و الحب من عقلها و تنعس ومع ذلك تتحلم براسها تتعاشر شي حد و عايشة باحاسيسها مجربة الجماع فالحلم حتى مكتسخاش تنوض من النعاس ...و ملي تتضربها الفيقة تتبغي ترجع تنعس تكمل ...!

ناضت تتدوش تتشوف راسها فالمراية صدرها واقف و خارج و المراة الرغبة الجنسية تتبان من صدرها و تهدر مع راسها...ويلي شنو هادشي كيوقعلي...؟ هادشي ماشي عادي مكنحسش براسي نوغمال ! كنا مولفين مرة فشحال ماشي يوميا ...عندو غي يكون الجن العاشق ؛ ولكن قريت علييه ماعنديش علامات الجن العاشق و غي الاستحلااام....المطلقات و ماداروش الحالة ديالك احلا.....بففف....

دوشات و خرجات مزنكة شدات ليها القران فالتليفون ولوات اسدال على راسها مغطيها كاملة تتقرا و تلهي راسها و تقنع و تهدر مع نفسها...

هذا غي الشيطان احلا داخل معاك في حرب ! صبرتي شحال بغاك يطيحك فالحرام !شافك داخلة سوق راسك و عاطية للرجال التيساع بغا يزلقك باش حميدة تزلقني من السطح ....انا في حرب مع الشيطان ...و مالو الشيطان يغلبني....!!

جمعات و طوات و ناضت تتفسخ الشال من على شعرها ...جات تخرج تتغدا صونا تليفونها و كان عبد الصمد ...! جلسات على طرف الناموسية و ردات عليه تتشوف فرجليها ...

_ آلو ....

جاها صوتو الخشن ...

_ سينيوريتا ....

حلا : عبد الصمد هذا ! كي صبحتي مزيان....

عبد الصمد : نحمدوه و نشكروه فين نتي فالدار ....باغي ندوي معاك ....

حلا ( كدور فعينيها ) سي فالدار ...

عبد الصمد : عشرين دقيقة ندوز وراك !! ( بخشونى ) مسالية ....

حلا ( شافت فالساعة و رجعات ردات بهدوء ) : انا نرد عليك مور شي خمس دقاىق هكا وخا !! يلاه نهارك مبروك....

خلود ( تتسمعها و تستغرب ) انا مصدومة...

حلا ( قطعات تتدهن رجليها ) و انا كثر منك بالحق يالحبيبة بلا ماتمشي بعيد انا و هذاك كنعياو نهدرو بالعقل و بالصواب زعما بحال جوج كبار بعقلهم ...مكنعرفو كيف حتى كنوليو فخشيان المعاني ....بلا مايخدعك داك الصواب ديالو هذاك واحد البربري ...البارح كيهدر بالاداب و الثقالة و عينيه تنقرا فيهم المكر ....اذا ماهدرت معاه بالادب و الصواب و نهارك مبروك و تصبح على خير و احترمتو غنلقى راسي مخشية فكوفر طموبيلتو جارني لشي بلاصة بزز.....علاش حساب ليك قلت ليه ستنى خمس دقاىق و نرد عليه و ماقلتش ليه لا نيشان ؟؟ حيت باغية نتعامل معاه بالصواب و بالعقل باش يعاملني بالمثل دابا قولو يصوني والله لا عاود فهم المعنى ...البارح الحمار قالي الديبة تصور !!

خلود : و مالو كدب عندك شي فعايل د الدياب....و مالك مابغيتي تخرج معاه شوف شنو باغي يقول ليك الخروح مع هذاك ساوي الفلوس حساب ليك غيديك فرسطورانتي ديال الپوپري ( المسكين ) ....

حلا ( هزات كتافها ) نتي تعرفيه كثار مني ؟ راني عاشرتو و عرفتو غي مابغيتش نخرج كنحس براسي ماشي طبيعية اليوما و مابغيتش ندير شي فضيحة.....

بقات جالسة قنطانة تتدور من هنا لهيه حتى ناضت جالسة تتدورها فعقلها..

_ و نخرج علاش شنو فيها ! جاري و ولد بلادي ....نحضي غي جنابي و تشد تيقاري علاه المسارية مع هذاك هي مع خلود ....

علماتو بجوابها و ناضت تتبدل عليها....لبسات سروال كلاسيكي فالابيض ديال الثوب و شوميز بالاخضر ملكي انيقة و سندال عالي و الشعر مطلوق مع وجهها راشة ريحة خاصة بشعرها و عاد ريحتها هي ..! تانقات حتى فاتت الجهد بانت كي سيدة الاعمال و بعقلها نيييت خلات البساطة لوقت اخور .....!! خرجات سالتة من خلود لقاتو واقف كيستناها بالاوطو فين وقف البارح.....

خرجات سالتة من خلود لقاتو واقف كيستناها بالاوطو فين وقف البارح.....!

ردات الشعيور ورى ودنييها حتى بانو حلقاتها المدهبين تتدور فعينيها المعدليين باتقان يديها تتفنن فعينيها تيبانو تيحمقو بداك الخط فوقهم....

مدات ليه يديها تتشوف فيه ...

_ مسا الخير لباس عليك....

شد يديها مزير عليهم : الحمد لله ...

ركبات حداه بهدوء و قلع بالسيارة وسط الشوارع ....!

تتشوف فالطريق : فين غادين ؟

عبد الصمد (تيشوف فيها و يرجع يشوف قدامو ) ختاري نتي فين بغيتي تمشي ...

حلا : مكنعرفش البلايص لي زوينة هنا...

عبد الصمد ( ببحة )حقك عليا الالة....

بقى السكات بيناتهم ! حلا مضيعة الوقت فتليفونها تتصور راسهاو تنزل فالفايس و الانتستاغرام ...وهو مرة العين عليها مرة فالطريق..بقاو ساكتين ساكتين و السخانة بيناتهم بدات تزيد خدامين غا بالعيين ...!! حتى نطق

_ درتي الصحاب هنا !

حلا ( تتدور فعينيها ) تعرفت على خوسي و صحبتو و جنة حتى هي ظريفة ديك اابنت...

عبد الصمد ( بابتسامة تتلعب بين شفايفو )ممم

رجعو للسكات و رجعات تتصور راسها فيديو شدات البداية الطريق و رجعات بينات وجهها و بلا ماترد البال راها بينات كتاف عبد الصمد و نزلاتها فالستوري ...!

حطات التليفون فالصاك و دارت النظارات د الشمس جامعة لسانها و حاضية جنابها....هيهات تحضي جنابها وهي جالسة قدامو و فطموبيلتو...تحضي و هو يديه راخي ليهم اللعب وتيعرفو الطريق غي ليها...حسات بيديه وصلو لشعرها و تجمعات ديك الدقيقة تتشوف فيه ..

_ يديك اعبد الصمد ....

عبد الصمد : مالهم !

حلا ( مضيقة عنيها فيه ) شوف نتا....

استفزها بسكاتو ووبرودو ماشافش فيها حتى مخرج يد من الزاجة و يد على الفولا تيحركها بخفة منفخ كثار منها و صدرو عريض من تحت ديك القميجة البيضة الخفيفة لي كطيريها الريح تقول تيتسارا فالمالدييف ...

وف الاوطو فاحدى شوراع خيريس الواسعة و دار شاف فيها ..

_ وصلنا ...

نزلات هازة نيفها بكبرياء و الصاك بالسنسلة فمعصم يديها طلعات النظاظر فوق راسها و هزات عنيها تتقرا اسم الريسطو ...ها الزوعر و ها السومر و ها الشينوا الدنيا مخلطة و عامرة و كثرة البشر تتدوخ على برا لكن المطمعم راقي و هادي تيتفح ليك الشهية ديال الماكلة...!!

جلسات ففوتوي دالجلد حاطة صاكها قدامها رجل على رجل تتشوف فعبد الصمد بنص عين .. حتى نطق هو مبرد ...

_ كي باصا ! بلعتي لسانك....

جمعات خصلات شعرها ورى ودنيها و الجهة الاخرى طايحة مع وجهها تتشوف فيه بهدوء...

_ ماحدك جامع يديك حداك انا ماعندي والو و هاحنا بخير ....

قلب وحهو تيعض فلسانو ضاحك ويديه بلا مايحسهم دارهم ورى ظهرها مفرشهم...

_عاطيك الامان غا سير هانية....

حسات بديه وراها و قرمات تتدور فعينها و تشوف و تحضي و تركز مع الصغيرة و الكبيرة ...حطو الاكل و هنا نصبات داك الظهر و دفعات الصدر مجنبة رجليها تتاكل بالقياس و الطبلة عامرة بلحوت الواعر و المخير اغلب المرات كان تياخدها للمطاعم السمك عرفاتو كيموت على شي حاجة سميتها الحوت و اغلى المطاعم ديال الحوت دخلات ليهم غي معاه ...! سالاو الماكلة و تغسلو الدين و تعطر الفم و الجو و الموسبقى خفيفة فالودنين ...!

تيشوف فيها بعين صريحة عمرو خبا اعجابو بيها ولا ربى يديه و ضربهم يبعدو منها....طالق اللعب و مرخي معاها شوفاتو صريحة و جريئة وهي العكس تماما...لي فقلبها مايبانش تتقلب القفة و تتبوهل تقدر تهدر معاها بجدية وهي تجاوبك بالطنز تيكون عند بالك راها تتدوي بصح....!! يديه ورا ظهرها و الساعة الذهبية فيديه تتقيس شعرها ركبتو قريبة من ركبتها و يديها محطوطين جنبها هازة كاس العصير تتشرب منو مستمتعة بالاجواء عاحبها الحال و مرتاحة غا تتجي يديه فكتافها و غي يوقع غي تلامس بحال تتشعل فيها العافية تتبعد و تحضي حنابها ...هزات تليفونها داخلة لانستاغرام تتشوف الجديد دخلات اول ميساج ديال خلود لقاتها كاتبة ليها

_ و المكلخة كتف السيد باين للعور مسح الستوري...صافي لقاه تهز و تصرد لرضا و لعبد الله و غيوصل لعمك و ولد عمك غيسولو شكون ...

كمشات حجبانها و شربات من العصير تتشوف الستوري بان ليها كتف راجل واضح معاها و ديك الدقيق. نيت لقات رضا معرعر عليها فالواتساب ببرود كتبات ليه

_ نعلة الله عليك الحمار ..هذاك حمزة راجل خلود دير السبة بهادشي و نتا غطرطق بالغيرة بسم الله عليك ....

رد ديك الساعة بغضب

_ و فين خلود ؟؟؟مامعاكمش

خلاتو هكاك و مشات تتأكد واش باين الشخص لي معاها ملامحو حرشة ديك الساعة لقات باين غا الكتف مكتبانش اللحية ولا حتى شوية من الملامح...! ميلات شفايفها بابتسامة و خلاتها و يديها تيكتبو بالزربة لخلود. .

_ عندك تفضحيني قلت ليهم حمزة و ماجاش باين بلي ماشي هو ...

خلود : فين نتوما شنو كديرو الخائنة...

حلا تتشوف فعبد الصمد بنص و ترجع تكتب بيد وحدة تتشرب من العصير مبردة

_ سيري تخشاي فراجلك عطيه السكاتة باش يخليك تنشطي اليلة انا ماجيتش نبقى فالدار. ...

سمعات صوت عبد الصمد حدا و دنيها دعيا حمعات التليفون تتدور فعينيها..

_ عطينا شوية من وقتك كاع هذا صواب فيك ...

حلا ( قلبات التليفون على وجهو تترد بهدوء ) : ضروري نرد على الميساخي ...

عبد الصمد ( هز حاحبو تيلعب بلسانو داخل فمو و يشوف فعينيها ) بدلتي اللون نوو..!

حلا ( باستغراب ) ديالاش لون...

ع الصمد تينعت لخط الايلاينر : ديال هذاك اللل ماعرفت شنو سميتو ...

حلا( ضحكات بزو منها ) : الايلاينر زعما !

عبد الصمد ( تيحك رقبتو مثقل عينيه ضاحكين بمكر ) ...كنتي كديريه فالكحل دابا الماغون داكشي عندكم حتى هو بالكلوريس ...

حلا ( قلباتوعينو منو مخبية ضحكة ) العفو..

واش مغنمشيوش تعطلنا هنا....

عبد الصمد ( متبت الشوفة فبها ) مزال لينا كلام ...

حلا ( هربات عينيها باغية تنوض واقفة ) راه تعطلنا اعبد الصمد و تخنقت هنا...

شدها يديها عندو مزير عليهم

_ علمي خلود راك معايا ولا اري نيت نعلم سي عبد الله بنتو معايا و هي لي جات برجليها عندي ...

حلا ( فكات يديها من يديه ) جيت برجلي عندك !! اسبانيا ديال باباك و انا ماخباريش !

عبد الصمد ( عاقد حجبانو ) الطريق لداركم قلبناها و لي كانت مشروكة فرقناها و دروبة تطوان خويناهم و دابا باغية تمشي

حلا ( قلبات عينيها منو تترمش ) مافهمتش...شنو تتقصد اعبد الصمد

عبد الصمد ( عض فكو مظلم عينبه و بالثقالة نطق ) ترجعي ليا !!

حلا حنات رموشها متصنعة الخجل و الدهشة وهي كانت عارفة لي كاين و عارفاه شنو غيقول ...حلا من النوع لي تابعة فقط راحتها مكيهمها حد غي راحتها الشخص رتاحت ليه غتمشي معاه و ترتابط معاه يكون كيعجبها كتزعم معاه ملي ماتبقاش مرتاحة تنساحب...و عبد الصمد كانت تترتاح معاه وخا ماكانتش باغية تزوج بيه تخطبات غي بزز و فديك الفترة ولفاتو و عجبها نييت ...و ملي مابقاتش مرتاحة معاه لصقات فالفراق...و دابا رجعو من جديد تتهدر معاه عادي تتجرب احساسيها واش مرتاحة ولا لاء ....!

طال سكاتها و عوينات الديبة عندها غي كيدورو ....

_ الهدرة عندك ساهلة ....

عبد الصمد ( تيطلع حركاتها قاريهم مسايرها و مبرد معاها ) و شنو لي صعيب فالموضوع....!

حلا : شوف نتا علاش تفارقنا ...الضرب لي ضريتيني حيدتيه من عقلك دغيا ...

عبد الصمد ( عقد خجبانو ) اافراق جا من جيتهك احلا ....و مابغيناش نبشو ثاني داك الروينة و دخلو داك ولد للللل...فالهدرة لي كنعرف هو مع من انا مرتاح و شنو باغي ...( بحدية ) و قلتها ليك قبل و نعاودها حتى وحدة من غيرك مابقات تحلالي ....

تزاد معاها الزايد و عحبها راسها و مابيناتش كاع بحال ماسمعاتش شنو قال فالاخر ...

_ غي جيت و قلت صافي باغية الفراق ! نسيتي كنتي مخبي عليا طلاقك و اتهمتيني بالخيانة و ضربتي لفمي بغيتي نصبر ليك على هادشي ...

عض فكو داوي بين سنانو : درويشة نتي زعما ....

فرفراات برموشها تتشوف بعبد عليه..... حط ليها كلامو حلقة فودنييها و الكرة عندها....! كانت عارفة شنو باغي يقول ماشي غريب عليه شوفاتو و مفضوج عندها ...حنات عينيها لتيلفونها في صمت تيشوفو فبعضهم غي بنص غين...كل واحد تفكر راسو شنو داير. ..هي لي خارحة مع أسامة تيتغزل بيها وهي مخطوبة لعبد الصمد تتسمع منو الغزل والمدح و ماقدراتش توقفو ووتقول ليه انا مخطوبة وهو لي محبي عليها طلاقو بجوج و زايدها بضربة لفمها و ماعطلاتوش رجعاتها ليه فالبلاصة و وزو الحرب فطموبيلتو ...! دار ليها و دارت ليه من اول نهار تلاقاو ماشي ساهلة و ماشي ساهل و الراحة متيلقاوها غي مع بعضهم......!! بقاو غي شوف فيا نشوف فيك تتدوز عينيها عليه غي بنص عين و ترجع تقلب وجهها هازة نيفها ..

_ بغيت نمشي ...

قلب وجهو ببرود و ناض هاز تليفونو وناضت حتى هي خارحين من تما...! شدو الطريق على الرجل تيدورو في شارع فلامنكو جنب بعضهم السورات مدليين فديه و التليفون قد السخط فجيب البطلون لي لابس و الساعة رفيعة فدييه السمراء و هي بالطالون و الشعورات و الحالة النظاظر حاطاهم فوق شعرها ..كتافها قراب من كتافو و ظهور يديهم شوية و تتلامس ..احتكاك من هنا و اصبع من هنا تهز و ساعتو قاسة ساعتها و الصبيعات مشتاقين للعناق حتى لقاو الطريق دغيا و تعانقو صبيعاتها مع ديالو و تشابكو اليدين و البسمة باينة من العيون ...!

فتحات باب دارها لي قليل فين تتدخل ليها وهي من بلاصة لبلاصة...! هاهي مع زينة و هاهي مع حسنية و هاهي مع دارهم فتطوان....!

نعسات ولادها و كلها فين تكمش فبلاصتو مقتولين بالنعاس بكثرة اللعب و الضحك و التنقاز ...!

حيدات ديك الجلابة و لبسات جلابية ديال الدار قصيرة حد الركبة و اليدين قصار حتى هوما شادة شعرها للسماء معرية اليدين و الرجلين...و تهزات تتجمع الدار و تنقي الدار غالبة عليها العصري ماعندهاش مع البلدي حتى لدابا عاد ولات تتميل ليه و يعجبها دير لمسات تقليديه فدارها...! الدار عندها عامرة غي بالورد الحقيقي و اللوحات المرسومة على يديها ...ها طابلو كبيير معلق فوسط الدار شاد نص الحيط فيه الطبيعة مخلط بين البحر و الغابة و فيه لمستها الخاصة رسماتو ملي كانت حاملة بأمير و غي تتشوفو تتفكر فترة حملها ...عزيز عليها و لي تيشوفو تيعجبو و تيسول منين خداات. و بشحال و ملي تيعرفو هي تيتصدمو تترسم كلشي و تتبدع فيه الا وجه بنادم ....! وقفات شادة فنصها عرقانة هازة التليفون تتضوني للبنت لي تتعاونها و ماتتردش...عيات تتصوني تصوني و الاخرى عاد ردات عليها ...

نسيم : آلو بديعة ختي ياك لباس ..قلت ليك غنجي اليوم بغيتك تعاوني فالتخمال مالقيتكش ....ماجاياش !!! و كنتي تعلميني اختي ماتخلينيش هكا عاوتاني بفف...صافي صافي حياتك هي الاولى غي هو علمي قبل كون جبت رحمة معايا ....بفف صافي غنقطع ....

قطعات ماعجبهاش الحال و ماتتحملش بنادم لي ماعندوش الكلمة...! شافت فالروينة لي كاينة والدار كبيرة خصها تنقها مزيان ...!

تحزمات بملامح وجه دابلة و كملات التخمال شادة الهدرة مع حميدة اليل فيديو وهي تتدور حفيانة تتهز هادي و تقاد هادي و تعطر هادي و الشعر كحل فايح منو القرنفل تيدور معاها بحال الى تيشطح....

_ مابغاتش تجي اماما ...ماعرفتش كنظن خدامة مع شي وحدة اخرى تتعطيها كثار مني شكون عرف وخا فالاول قلت ليها غتكون معايا صافي و مهلية فيها زعما يحيى كيعطيها خلصة واعرة فالشهر وخا مكنكونش فيها شهر كامل قليل يعني التمارة عندها ناقصة ....

حميدة ( معرية الشعر تتقطع البصلة )فششتتكم ووحلت فيكم ...دارك مايتهلى فيها غيرك خلي عليك البرانية و خدم شغلك دابا مابقيتيش خدامة غي غالدار اوا شمن شعلىعندك اذا ماجمعتي دارك لؤاسك....

نسيم : المساعدة ضروري منها اماما غي تتهدري ! الدار كبيرة و الولاد صغار و انت عندي غي عقل واحد واش نجمع داري ولا نحضي ولادي و نتي عارفة يحيى كي داير غي اذا شافني هاملة الولاد تينوض يصعر و يغوت مالك سامحة فيهم.....

حميدة ( هازة ليها الهم ) وريني فاين وصلتي ...جمع بيت النعاس ديالكم و بيت ولادك و فين غتاكلو و الباقي خلي حتى لغدا نتي ماعندك صحة يالفليفلة ماعندك صحة ....

نسيم ( تتوريها فالكاميرا ) زعما ! و هانا صافي جمعت بيت النعاس عطرتو و الصالون و بيت الولاد و الباقي نخلي حتى لغدا صافي...

حميدة : و صافي ! نوض طيب العشاء مشي معايا دقة دقة ...هانا كنقطع البصلة نوض دغيا.....

دخلات للكوزينة مشمرة على بديها تتبع مع حميدة شنو كدير ! و دير حتى هي دقة دقة عصبات حميدة و هلكاتها بالهدرة و نسيم شبعات هدرة و سبان وجد داك العشاءتحت عياط و لحن و غناء لالة حميدة ...!!

غي سمعات يحيى جا قطعات على حميدة وطارت رامية تليفونها فالصالون ..داخلة للكوزينة تتكمل التوجاد دايرة راسها مطيبة العشاء منها لراسها ماوراها حد مافتى عليها حتى التليفون رماتو لايقول تتنقل من اليوتوب....!!

زربات على العشاء و حطاتو و تمات ازهار خارجة غي بالسليب شعرها مرون و طايح مع وجهها تتحك عينيها المجبدين بالنعاس..

_ پاپيتو.....

يحيى ( هزها تيضحك ) فين حوايجك اطرزان....

نسيم ( تتضحك عليها ) شبعتي النعاس ! مرتاحة ....

أزهار ( تتفوه على صدر يحيى ) فيا كاكا ابابا....

خداها للحمام حاصل معاها هو هاد المرة ...غسل ليها و عشاها و نعسها و عاد طاح هو ناعس بلاصتو عيااان....!!

صبح الصباح مالقاتوش حداها عرفاتو خرج ...! ناضت فطرات ولادها و صونات لبديعة ثاني حتى ردات و علماتها غتجي...! تهنات و فرحات و رحبات بيها ملي جات ...كانت بنت فواخر العشرين زينها عادي لابسة الحجاب...

_ والله اختي نسيم الا كنت مشغولة سمحليا بزاف ....

نسيم ( بتعب ) ماعليش اختي غي هو طلقي راسك تعاونيني فهاد الروينة نساليها دغيا واقفة ليها فقلبي....

بديعة ( تتسول ) عزيزي ماكاينش ؟ نحيد حوايجي !

نسيم : غي حيدي ماكاين حد خودي راحتك....الولاد توحشوك...

بديعة ( تتفرنس و تحيد الجلابة بقات مقزبة ليها تما ) تنا توحشتهم والله العظيم.....

تعاونو بجوج على الدار نقاوها و عطروها رجعوها تتشعل شعيل و ريحة النقاوة فايحة كلشي يلاصتو مرتب و نقي ...! دخلات نسيم دوش و خرجات تتدور مقزبة واخدة راحتها فدارها...لابسة شورط قصير لنص الفخاض لاصق عليها مع طوب نواغ جامعة و مزيرة بيه صدرها...الشعر فازك مطلوق تينشف لراسو ...!! جلسات مع الولاد تتلعب معاهم فالارض وهوما كيضحكو و تيغاوتو و مرة يتخاصمو وصوتهم مسموع ..!

جلسات بديعة سخفانة تتفشش عليها

_ عييت عيييت سخفت ....

نسيم ( هزات عينبها مبتسمة ) دخول دوش ترتاح شوي ...

بديعة : لااا غي خليني حتى نمشي لداري و ندوش ....

ناضت نسبم غادية للكوزينة تتسولها...

_ كتشربي الحليب البارد ابديعة ؟ نجيب ليك معايا....

بديعة( خرجات تليفونها تتصور الدار و دير فيديو بالزربة ) هاا...الحليب....وخا وخا اختي نبرد بيه الله يحفظك....

نسيم ( من الكوزينة ) و على الله يعحبك ..ماشي حليب المغرب ديال برا !

بديعة خبات التليفون بالزربة ملي شافتها خارحة تبسمات و شدات من عندها الكاس تتشرب و دور فعينيها تتحضي نسيم و طلعها و تهبطها و تعوج فمها ...! بقات نسبم تتقاد بيت نعاسها وتخرج الالعاب من تما لبيت الولاد و تتدور حدا بديعة غادية جاية ...! و بديعة مخرجة تليفونها وصورات نسيم هكاك شبه عريانة شداتها فواحد الوضعية بينات صدرها و المؤخرة و فخاضها عريانين و الشعر مطلوق ستر شوية من وجهها...! ربعات رجليها و الشر خارج من عينيها....دخلات للكونط ديالها الغير حقيقي باسم ولد تتدخل بيه لقروبات الرجال تتجسس ...! مشات لحساب نسيم و نشرات ليها ديك التصويرة تما و وزايداها بكتبة طويلة و عريضة...

_ شي حد يدوي مع هاد ال**بة فرعات لينا **رنا سخونة سخونة باغية نبردها هاهي نمرتها...06*******

و كملاتها كلي صيفطاتها لواحد كان داخل عليها بريفي تيقول ليها انا سخون و باغي وحدة سخونة كلشي في سرية تامة صردات ليه صورة نسيم و جمعات و طوات و ناضت واقفة بحال عاد بردات سمها و رتاحت ....!

ناضت تتجمع حوايجها سالتة بحالها مابقاتش غتخدم عندها و غادي تزوج بسيهم عبد السلام عليها دارت شغلها و السم و الشر فيها خلاوها تتصرف بغباء و بحقد ماعارفاش اخيرتها الحبس......

جات نسيم للصالة تتسول

_ أزهار ماما بديعة خرجات...

هزات ليها ازهار راسها باه و كملات اللعب ديالها ...

نسيم : العجب ماقالت ليا مشيت ....

انضمت ليهم نسبم تتضحك مع ولادها ماتتأدي حد ماتتشد النميمة فحد عاطية التيقار للبنادم و داخلة سوق راسها هي الررزينة فبنات حميدة و هي لي واكلة الدق....! ربع ساعة بالحساب و نسيم ناسية العالم مع ولادها التليفون تتشدو ازهار كل مرة فين رامياه ليها و مخبياه ...! و حتى هي مستمتعة مع ولادها مصغرة عقلها معاهم ....!! مارادة البال لداك التليفون عندها غيطرطق ها خلود من جهة و من جهة حسنية تتولول و تضرب حنكها قلبها غيخرج تتسول كي الحمقة...

_ فينو يحيى فين هو ...

نادية : مع بابا كيهدرو الفوق خدامين ....

حسنية ( وجهها الصفراء مخلوعة )طير حيدليه التليفون طير انادية طييير ....و عيط لصفوان دابا يديني عندها .....( تتصوني على نسبم و تعاود و ماتتجاوبش تعصبات حتى بغات طرطق ) غي نفهم هاد الئمائم علاش عاملين التليفون اذا ماكانوش يجاوبو علاش......

صفوان ( داخل مستغرب ) الواليدة مالك...

حسنية ( جرااتو للجنب كتدوي بالزربة مخلوعة ) عتئ اولدي هاد الروينة....دييني عند نسبم دابا و لا طير عندها نتا ئوليها تفتح تليفونها تشد الفاييس ...طير ئبل ماتوئع شي مصيبة.....

ماعاودتش الهدرة طار صفوان طيرة وحدة و نادية تتسينيالي كونط نسيم يطير و تتدوي مع صحبها طيرو و زينة داخلة حتى هي نازلة بالسنيال وججهم صفر مايتمناو ديك الشوهة لحد ماعرفو واش بصح ولا شي حد ناويها فيها المهم الكونط يطير قبل مايشوفوه اصدقاء نسيم و يشوفو حتى يحيى و توقع شي مصيبة.....

لكن هوما باغين الحاجة و لي وقع حاجة اخرى ! يحيى هبط من الدروج تبسول على تليفونو غي شافوهم قفزو و العروقات و الدم من الوجه هارب خلاه يشك...

_ ياك لباس داخلة ليكم الموت ! ( هز المخدة تيقلب ) الواليدة ماشفتيش واحد التليفلون فين حطيتو ...

حسنية ( تتضحك بزز ) شوف اولدي غي تما...انئلب معاك واش ماشي دابا ؟ بئى تعشا معانا...

يحيى( تيقلب مشوش ) : لا مصالحش غدا جاين شي صحابي

نادية كانت جالسة تتهدر مع صحبتها و تشوف حساب نسيم فين وصل غي شافت خوها تيقلب على تليفونو خافت على راسها و فرشاتو ليه ....

_ خويا تتقلب على تيلفونك هاهو ورى ديك المخدة على جنبك اليمين تنا شفتو قبيلة ماعرفت واش باقي...

يحيى : فين ؟ هنا ..

هز اامخدة لقاه تما خشاه فجيب بنطلون ووودعهم و تم خارج ...!! مخلي حسنية تتضرب حنكها وتصوني على صفوان و زينة مغوبشة و عاقدة حجبانها الكحلين تترد سالفها الاسود ورى ظهرها و تمشي و تجي تتسوط...

_ يا ستار ..ياستار ....هو في فضيحة زي كدا ....

نادية ( بضيق ) انا لي عليا درتو ...لي تنعرفو قلت ليه يدير السنيال لهاد الكونط و دويت مع هدى ...ماعندي ماندير ليها !

رن تليفونها تيصوني كانت لبنى ردات عليها شادين الهدرة على لي وقع ...

_ اه ياختي شفت شفت غي سكت الفضيحة صافي ( تتضرب فخااضها دايرة رجل على رجل و تهز فراسها ) و نص ساعة البنى و حنا كنصونيو و مكتردش حيت ازهار مبلية بالتليفون كل مرة مخبياه ليها باينة انا تليفوني و احد المرة لقيتو مرمي فالطواليط و يلاااه...

لبنى وخا تتغيىر من نسيم و تتعاند معاها فكلشي تصدمات و تخلعات و بقات فيها....

_ شوف شوف انهدر مع نجية تبيراطيه الله ياربي ماتمنايها لعدوك قطع قطع شدني الحريق باش ماكان رد عليا ....

نادية : و عنداك زيري لا تصدقي والدة على سبع شهور ههه يلاه بسلامة ...ملي نفهمو حنا شنو وقع نرد ليك و نعاود ليك كلشي كوني هانية بيزو الزين....

كانت جالسة مع ولادها الدنيا هانية و السماء صافية الدار نقية تتشعل و الولاد مدوشين و مبدلين مفرشين الالعاب فالصالة رمي عليا نرمي عليك و هي جالسة وسطهم ...!! حتى سمعات الصوني فلانتيرفون ...ناضت تتشوف فالكاميرا بان ليها صفوان ...! مشات رمات عليها عباية مستورة و فتحات ليه حتى طلع لعندهت تينهج

نطقات مستغربة

_ صفوان ! ياك لباس...

شافتو ازهار نا تتعلق فيه وهو كيدوي مشوش ..

_ والله ماعرفت اختي انا غي مسخر ...الواليدة قالت ليك فتحي الفايس الله اعلم شنو وقع....( ضرباتو ازهار لفمو حتى تقصح ) هداي عليا اعمو اش درنا ليك ....

نسيم عاد تفكرات تليفونها...

_ وشكون بقى عاقل فين درتو ...

خلاتو دخل للكوزينة يشرب عرقان و مشات تتقلب على تليفونها فين مجلي بستة و ستين كشيفة لقاتو مخشي فلعبة ازهار و شادة عليه كون ماكانت تتعرف بنتها لي جا فيديها تتخبيه تما ماعمرها تفكر تلقاه.....بهدوء و راحة بال شعلاتو غي شعلات الويفي تصدمات التلفيون غيتفكرع بالميساجات و شلا اتصالات لم يرد عليها ... ميساج ورا ميساج الواتساب مسطوكي تخلعات و تدهشات مشات فتحات الفايسيوك لقاتو حتى هو فات الواتساب صبعها تكوانسا ملي شافت شنو منشور عندها هادي هي ! هادي صورتها ! ويلي ! شكون هذا ! وكيفاش و شنو وقع ! و علاش...! يديها بداو كيترعدو و الكلخ نزل عليها شنو غدير مصدومة و العقل طار ...قلبها طاح بين رجليها ملي سمعات صوت يحيى ..ر اسها سخن عليها ويديها ولاو حمرييين تتسمع غي الصوت بعيد فودنيها وبحال الى طرشها شي حد ديك طننننن بحال تصمكات و مابقات تسمع والو...عينيها عمارو بالدموع ..

يحيى ( داخل كيشوف فصفوان مستغرب) الله شكون هنا...

صفوان ( طايح كيلعب مع ازهار فالارض ضاحك ) غي صفوان ههه مانجيش انا كاع لدارك كون ما الواليدة خلعااتني نسيم مانسيم ماعرفت حاى شنو وقع....

يحيى ( عقد حجبانو ) مالها !

صفوان : و شكون عرف قالت ليا الفايس ماالفايس ...

خلاه كيهدر و دخل لبيتو لقى نسيم واقفة و شعرها مدلي مع وجهها يديها كيترعدو كانت غتمسح البوسط غي شافتو كثار تخلعات شافت فيه بعيون عامرين الدموع و نيفها حمر مخلوعة و الدم قريب يهرب منها...

_ ي..يحى...

يحيى مادواش كاع هز حاجبو و قرب باغي يسلت ليها التليفون بشك...خبااتو وراها تتبكي و تترعد...

_ بلاااتي نشرح ليك ايحيى....سمعني....

يحيى عاد طلع ليه الدم و حمارو عينيه و حجبانو الكحلين تلاقاو معصب..

_ اري ديك التليفون نشوف ! مع من كتهدري !...

نسيم تتبكي و تزير على التليفون ...

_ مكنهدرش مع حتى واحد ...مع من غنهدر ..مانعطيكش تليفوني ...

شد فمو كاع و شدها عندو هي تيسلت ليها التليفون معصب وو الشك دخل ليه للراس والله لاتفك معاها....شعل التليفون كيغلي مخنزر غي شاف الصورة للدقة الاولى قلبو كان غيوقف و الدم طاح على عينه ...ولا عرقااااان لواحد الدرحة لاتصور تقول كيدير شي تمرين رياضي ولا كيجري تحت الشمس ...!! صورتو هكاك وخا دوز سنسيين و سنييين ماتمشيش ليها من عقلها وخا شافت بشوفة مضيبة بالدموع لصقات ليها فعقلها...عرفها وخا بلا ما يدقق وبلا مايرمش ...! بحال الحمق دخل لداك فوكونط تيشوف سميتو و يديه كيرتعدو..مالقى عليه والو باين فوكونوط عقلو خدام و يديه تحفرو فخصرها تتبكي و تهدر و تشهق...

_ يحيىى سمعنس.....

ماسمعش ليها كاع صافي السيد بحال الى طرشتيه ولى صمك حرف واحد ماخرجوش من فمو دار السكرين لديك الفوطو و مسح البوسط و و يديه خدامين تيفليو داك الفايس فلي...مشا تيشوف واش فايتة هادرة معاه فالخاص مالقات حتى رسالة منها ولا منو ...ومشى يشوف حتى انفيطاسيون باغ ميساج تيقلب بالزربة و عينيه كيغليو لقا شلا ميساجات ديال اارجال تما هادي كثار من عام و ماقراتهمش ماع ماشافتهم ها لي مصور عضو الدكري تيكتب ليها جريدة تيوصف كي غيدير ليها فالفراش اذا حاوباتوو و ها لي كاتب **واي المحرومات و مصرد ليها هادي كثار من عام ....قلبو حسو شوية و غيطيح بين رجليه و غتشدو ازمة قلبية....شد ليها الفايس فخطرة وبلا هدرة و يلا جوج رمى تليفونها مع المراية مع تسمع الصوت مجهد و غوتااات نسيم مخلوعة و تسمع حتى غوات ازهااار برا هزهم صفوان دخلهم لبيتهم شد عليهم و تم تيدق على يحيى لبيتو مخلوع....تيسمعع غواتو و التهراس و البكاء ديالها تيحرق...

_ يحيى...اخويا خرح لعندي ...يحيى يرحم باك اخويا نعل الشيطان...بففف....

نسيم تفسخات ليها العباية و بانت اللبسة لي كانت لابساها و نفسها المصورة فديك الصورة...شادة وجهها تتبكي و ترغب وهو كي المجعور تيهرس فالبيت و البلاكار مجربة العصبية ديالو و مغيسمع منها والو وخا ماعرفت شنو ... حتى يبرد غدايدو و يبرد لراسو عاد تقدر تهدر معاه و يكون بعقلو باش يسمع ليها...مخلياه تيخلط شي مع شي غي هو و راسو و داك الراس عندو ولى عامر بالشك و الوسواش و الثقة ضعيفة ! تيعاود داك الكلام فعقلو و يربط شي مع شي مارضاش و ماحملش داك الكلام قراه بحال هبط معاه السم...! راسو ثقال عليه و صفوان تيهدر من برا ماردش عليه....تقابل مع نسيم حالتو حالة السمطة مفتوحة و القميجة مرونة عليه و عينيه معكرين...شاف فيها بزز مخسر ملامح وجهو و قبل مايهدر نطقات وسط دموعها شاداه من يدو

_ بلا ماتفكر فشي حاجة ماكايناش ايحيى غي سمعني و ساعة حكم ...عندك تشك فيا ! واش تتعرفني ندير شي حاجة بحال هاديك كنحلف ليك ماصورت راسي هكاك و دخول شوف بعينك واش التصويرة عندي فالتليفون ...

يحيى راسو ثفيل و عامر قريب يتفركع المطارف كيضربو ليه فراسو..نطق بزز خرجها...

_ فين ماندخل للدار كنلقاك مدوشة و شعرك فازك ؟ شنو كتكوني كدبري ملي كنكون خارج ! مم فيك الصهد ...يلاه اري اش عندك .....

خبات وجهها تتشهق مصدومة و الظلم صعيب تيحرق تترد بهدوء و بصدمة ....

_ حسبي الله و نعم الوكيل ...عمرني نسمح ليك على هاد الهدرة يحيى اقسم بالله لا سمحت ليك عليها .....

حمر فيها عينبه معصب تيغوت...

_ شرحي ليا شنو هاد الت**....منين حات الصورة منين !! شكون هذاااك و صورتك شنو كدير عندو !!!

نزل عليها واحد الهدوء ماعرفاتو منين طاح فديك الدقيقة....غا الدموع سخان ...

_ بديعة لي صوراتني انا متأكدة هي لي كانت معايا النهار مادخل عندي حد ماخرج من عندي حد غيرها ...ماتيقتيش سير شوف الكاميرا برا شكون دخل و شكون خرج ...خملنا الدار و دوشت و خرجت قدامها هكاك كنجمع البيت....

يحيى ( بغضب ) و علاش تعريتي حداها علاششش المررررض....

خرج من البيت شاد وراه ااباب بالزعفة تلاقاه صفوان ماداهاش فيه كب على راسو كاس الماء بارد من الثلاجة ...عاد ريح فالصالة تيغزز سنانو و يفكر و يخمم و تليفونو خدام تيصوني على مو...

_ الواليدة عندك لادغيس بديعة...

حسنية : تلائيتها غي ئبيلة قالت ليا ماشية هاد النهار للبلاد يعني تلئاها تستنى وئيتة الكار

يحيى : ياك !! و عطيني نمرتها ...لا نسيم تمسحلو ليها النوامر ...وخا 06 اهاه..صافي ....

جبد نمرتها و جلس تيهز فرجليه تيصوني عليها وخا الرقم غريب ردات ديك الدقيقة بصوت انثوي...

_ آلو ..

يحيى ( سنانو كيتحاكو باللعصاب صافي مرض فخاطرو ) مادموزيل بديعة ؟

بديعة : اهاه انا شكون معايا ؟

يحيى : معاك يحيى

بديعة : عزيزي يحيى ؟ اا سمحليا ماعرفتكش والله غي سمحليا.....

يحيى ( سمع كلامها بجال السم ) و الليلة جايين الناس و نسيم ماتحركش بلا بيك ..تقدري تجي اليلة و ضوبل الصاليغ يكون عندك فليلة....( شافها تتحجج وسع خاطرو راخف شوية الحبل ) ياك ابديعة رديتيها ليا فوجهي....شحال ديال الوقت كاع ! وكتعرفي شي وحدة اخرى ثقة تجي اليلة محتاجينها...والو ! شي صحبتك ولا ختك ! ماعندكش ...و احي نتي نيت و فكي الروينة ...نصيفط ليك صفوان يجيبك الالة ....

بديعة خافت يكون الوضع مرون غي عرفات كاين الناس قالت راه ماوقع والو و نسيم مسحات المنشور قبل ماتكبر القضية...! سمعات الفلوس ويحيى شخصيا تيهدر معاها تزاد معاها الزايد و قالت غتزيد هي اليلة و غتمشي تغبر كمارتها توجد لعرسها....و لي سولها هي ماشافت مارات و ماصورات غتضربها بنكرة و ماعندها حتى دليل بلي هي...هكا دوراتها فمخها و بدلات عليها و قالت ليه فين يتلاقاها ضفوان و جا وراها وصلها حتى للدار و تلاقى ليها يحيى مخنزر.....

_ زيدي زيدي...

طلعات تتسول و تدور فعينيها...

_ نسيم كاينة....

يحيى : الفوق زيدي ....

طلعات وهو وراها لقات نسيم جالسة ملوية عباية عليها و شعرها مجموع عينيها نشفو من الدموع و حالتها حالة .... غي شافتها ماصبراتش و ماضت ليها طايرة طرشاتها جوج طرشات حارين حتى دار وجهها تتبكي محروقة...

_ فاش اديتك انا غي قولي ليا ؟ فلش غلطت معاك اختي ...حرام عليك غي قولي شنو العيب لي صرفت. معاك...ياك حوايجي و كتاخديهم و كندير غين ميكة كنقول غي حوايج واش غناخدهم معايا للقبر....حساب ليك مارادة البال لحوايجي ناقصين يحساب بيك مكلخة....ياك مهلية فيك و فماماك و فخوتك و عمرني غوتت عليك ولا سبيتك و عاملتك بحال صاحبتي...امنتك على ولادي و داري و ديري ليا هاد الشوهة ....عمرني رضيت نعيط ليك الخدامة ولا نسميك بيها مسمياك المساعدة ديالي و مكبرة بيك و ماعمرني ظلمتك ولا غوتت عليك و شكرتك قدام صحابي و عاىلتي ...( تتشهق ) غي قولي شنو درت ليك علاش تصورني و تفضحيني هكاك ....

بديعة ( تترمش مصدومة و حنكها حمر بالتصرفيقة ) انا !! شنو درت !! ماردت والو احتي يرحم باباك ماتنزلش عليا الباطل....شنو درت ( تتشوف فيحيى و تبكي ) والله ماانا ...والله مادرت شي حاحة ياربي شنو هاد النهار شنو هاد الظلم...غنمشي بحالي خليتكم لله ..حسبي الله و نعم الوكيل....

جرها يحيى من الجلابة تيغوت عليها معصب...

_ عندك جوج هدرة...يا تريحي بحالك هنا نسلتو الشوكة بلا دم و لا بالله حتى ندخل البوليس نصيفط موك فين تربااي....

نسيم جلسات على الكنابي ساترة صدرها بديك العباية لي تتفك كل شوية تتمسح دموعها و تدوي بحرقة

_ ماكاينش تسلت الشوكة بلا دن خلي هاد الدم يسيل ....

بديعة : ياك اخويا جابني لهنا باش تلصقو فيا المنكر...انا بغيت نمشي بحالي مادرت لا بيدي لا برجلي و تلصقو فيا...

يحيى ( بغضب ): فتحي داك التليفون ...

بديعة ( خباتو تترعد ) اعزيزي حرام عليك اش درت ليكم....

يحيى ( ناض تيقلب على تليفونو معصب كيعرعر ) فين تليفوني البوليس لي غيفكو هاد الروينة ....

بديعة ( تتبكي ) اابوليس ! اشنو درت...يرحم يماك اعزيزي ...بلا بوليس شنو عاملة واش قاتلة الروح واش سرقت ...سنين و انا معاكم....( عطاتو تليفونها بالزربة ) هاهو التليفون ماتعيطش للبوليس الله يخلي ليك ولاد ك اعزيزي الله يشربكم من الحنة....

سلت ليها التليفون معصب تيردد

_ لاحولا ولا قوة الا بالله...

عطاتو الكود تتبكي و تشهق عرفات راسها حصالت و مشات فيها و اش داها هي لهادشي اش داها لشي فايس و لشي بلية...بكات الدم وهي كتشوف راسها تفضحات بانت صورة نسيم فتليفونها وداك الفوكونط مزال طالع ليها فالابليكاسيون ...و يحيى تيسول و يقلب بحال الحمق لا تكون مصردة صورة مراتو لشي حد اخور اما بديعة مشات تسخف بالبكاء و نسيم غي شافت كلشي تفضح. خبات وجها بين يديها تتبكي و تنهد ...

_ حسبي الله و نعم الوكيل....غي قولي شنو درت ليك ...قولي هاد العيب لي درتو معاك نعرف راسي شنو عاملة علاش حاقدة عليا هكا.....

بديعة ( تتبكي )ماشي انا والله ماانا...ماشي انا اعزيزي.....

قامت القيامة فالدار يحيى واقف فراس الدروج تيدفل الدم من فمو مخسر ملامح وجهو ملي تتوقع شي حاجة تيمرض فخاطرو بالمزيان و يتعصب حتى كيتعماو ليه العين....! تيسمع بديعة تتبكي و ترغب فنسيم ونسيم قالبة وجهها مزال الدموع فعينيها ...جات حسنية و نادية خبرهم صفوان بشنو وقع و طارت حسنية على بديعة تتضرب فيها و نادية تتجرها و نسيم ماتحركات فيها حتى شعرة..

صفوان : و دابا شنو المعمول...

يحيى ( بعصبية ) الحبس ...

نادية : اخيرتها ست شهور ولا عام د الحبس سحابليك التشهير ساهل !

بديعة ( بكات تتضرب فصدرها ) انا مزاوكة فيكم...رحموني انا مزاااوكة عندي العرس الشهر جاي مي غتمشي فيها غنتشوه ...رحموني انا مزاوكة...

طاحت تتبوس رجلين يحيى تترغب وهو من النوع المحقاد لي دار فيه العيب ماينساش...قلب وجهو عليها باشمىزاز....مشات عند نسيم تترغبها و تبكي تتقطع فالقلب

_ با صعيب غيقتلني...ومي الحنينة واكلة الدق غتمشي فيها....شنو غندير انا مزاوكة رحموني يرحم لي عزز عليكم انا عرسي قرب عوض نمشي لداري غنمشي للحبس غنتشوه و مي غتمشي فيها....سامحوني الله يشربكم من الجنة ..انا ماقارياش ماعارفاش هادشي خطير والله ماعارفة انا غلطت معاك اختي نسيم سمحلي انا نادمة سمحلي اختي الله يخلي ليك ولادك و مول دارك لا سمحلي نتي مراة بحالي بحالك شنو غنديرو عرسي قرب غتدخل للحبس غنمشي فيها و حياتي غتخرب....( تتجر شعرها و تندب ندمانة ) ها العار راني نادمة ...رحمووووني اولاد الناس رحموووني.....

قلبات عليها وجهها و المنديل فيديها تتمسح دموعها نيفها مخنوق

_ الله ياخد فيك الحق ...كنت معاك بنت الناس و ندمتيني....

تعالا صراخ بديعة و الدموع تيحرقو هابطين مع وجهها حسنية دغبا تتبكي و حنينة بلا قياس بقات فيعا بديعة نادية قلبها حجر تتشبه ليحيى المسامحة ماعندهنش فقاموسهم...

نادية : واش هاد الكلية كتدوي منييتها ؟ دابا عيطو ليوسف شوفو هاد الروينة و صيفطو فين تربى واش غي تجي و قول انا نادمة باقي ماوقع ليك والو باش تندمي حتى تجلسي مع امثالك و تعاشري معاهم مزيان عاد دوي على الندامة...

عيات ترغب و تزاوك و تبوس اايدين و الرجلين مالقات من نسيم السماحة ولا من يحيى ! خرجات على حياتها بيديها و بقات بلا عرس و حتى راجلها مايستناش فيها شكون غيتزوج بخريجة حباسات ! اخيرتها الطلاق و الحبس ! ندمات حتى عضات فالتراب و مانفعات معاها ندامة...!

دخلات نسيم للدار لابسة عباية و شعرها مشدود شداتها حسنية تتسول...

_ شنو وئع ؟ صافي اخيرتها الحبس مسكينة هي لي دارتها لراسها....فين يحيى...

نسيم : مزال ماجاي...قالك البوسط تمسح مابقى بو بوسط و علاش مسحتوه و حتى التليفون ديالي هرسو بزز شعل ليه و حمد لله دار السكرين ....ماعرفت فين غيوصل هادشي...

حسنية : واش صافي غتفلت !

نادية : واش منيتك اماما تفلت ...والله لا فلتات الشرطة الالكترونية تتطلع بلاصة بنادم فين هو ...الواحد يرد بالو و يعرف شنو كينشر و يحط عليه تصاور الناس....و عاد كلشي باقي عندها فتليفونها المكلخة حتى ديك التصويرة لي صوراتها هكاك بلا اذنها غتعاقب عليها....

دخلات لبيت ولادها شعرها طايح مع كتافها و نيفها حمر بحال ماطيشة...! جلسات تتشوف فيهم ناعسين بحال القطوط هذا مخشي فالاخر ...دوزات يديها على شعر ازهار الاسود و حريفاتها كحلين ...ماتتبغي تشكى و تبكي و تنوح صافي غي حملات بيها قررات تصبر و تكمدها و تربيها تتجي تقول اوف و علاش و تغوت عليهم و تتجمل عليهم تتشد فمها...ماشي هوما لي ختارو يجيو لهاد الدنيا عليعا ماليهم حتى ذنب ..اذا بكاو تشوف مالهم و اذا جاعو تنوض فنص اليل تترضعهم و اذا مرضو تبات فايقة معاهم و هذاك حقهم ماشي تضحية منها ليهم هذاك واجبها كأم ...! ماتبقاش تشكي انا عييت انا كرهتهم خرجو عليا ..غي تشد فمها و تقوم بواجبها حتى يكون هو ختارو يجيو لهاد الدنيا عاد تقلبهم غوات و ضرب و تافف....!!

سمعات حسنية وراها تتدوي بشوية..

_ شنو وئع فالبيت ويلي كلو زاج مهرس ...

نسيم ( بهدوء ) هرسو يحيى .....

حسنية : بفف والله مانبغي نشوفكم مخاصمين ولدي كيمرض فصحتو و عاد سمعاتكم ازهار وئيلة كتغاوتو و غيبئى فيه الحال ....

نسيم ( تتسرح بديها على شعر ازهار ) مغاديش ياكل و يقطع الهدرة و الماكلة مكيحملش ولادو يسمعو غواتنا ....

حسنية : و عرفتو عرفتو بفف لاحولا ولا قوة الا يالله....غنمشي و صافي يالحبيبة هاهي نادية غتبئى هنا حتى يرجع يحيى ...

مشات تتنهد و تهز فراسها ماتحمل تشوف ولدها معصب تتعصب و تترمض حتى هي ...فرعاتها زينة بالصوني جاوبات عليها معصبة ....

_ و غنبلوكيك ازينة غنبلوكيك كتصدعيني فراسي فين مايصوني التليفون كنعرفك غي نتي ..شنو ! كون كان عندك الغرض كون جيتي برجليك...سيري بعدي مني اللصئة يعطيك فئصة....عندك نمرتها سوليها نتي و نمرة ولدك حتى هي عندك و بعدي مني نتهنى منك دئيئة نلىاك فالواتساب انا كرهت الواتساب بسبابك يالشيخة.....خفتي على وجهك تحرئ ليك بالشمس و على رجليك يعياو...يعطيك فئصة نوض راك بالحفايد ....

قطعات عليها معصبة و خرجات تتصوني على صفوان دايراه شيفور عندها ركبات حداه تتنفخ معصبة...

_ هاك هاك بلوكي زينة من عندي فالواتساب حيدها من عندي ....مانئولهاش ليها غي حيدها....

بقات نسيم مع نادية فالدار ...دخلات لبيتها و بدلات عليها و غسلات وجهها و جلسات تتشوف تليفونها مزال فيه مياتلبق وخا الزاجة تشقات...هزاتو و فتحات الفايسبوك حيدات كاع الغراب و خلات غا البنات و الاقارب القراب و حتى الانستاغرام نفس شي ...و نمرتها حلفات لابقات عطاتها لشي كد كيف مابغا يكون....!! صونات ليها خلود و ردات عليها ديك الدقيقة...

_ و على سلامتك الحمارة طيرتيها مني خلعة شنو وقع عاودلي شنو ديك الكارثة ...

عاودات ليها نسيم لي وقع و كي وقع بقات خلود غطرطق بالفقصة ماكرهات تغزز سنانها فبديعة..

_ و اياك تسمح ليها عنداك راك غتقلتني بالفقصة ....عرفتي اذا سمحتي ليها مانا ختك مانتي ختي.....

نسيم : فين حلا ! مامعاكش ..

خلود : حلاا !! حلا هاديك واحد الطيارة غتجيبها فراسها...البارح كانت مع عبد الصمد و اليوم خارجة مع خوسي مكتوبش مكتوبش كتلعب بالنار ....

نسيم : كيفاش ؟ علاش رجعات مع عبد الصمد ؟

خلود : حساب ليها ماعايقاش بيها وهي خاتم الذهب الابيض فيديها ديال الفريع باين شكون عطاه ليها و التصاور فانستاغرام غي فالريسطوراتني ديال الدقة و التفليقة....قالك خوسي صديق و كيضحكها و يلاه حتى نتينا مع هادي....البارح عاد رجعات مع السيد و اليوما خارجة مع خوسي يحصلها يرميها مع السبع فيقة الحيوانات مع هي نيت غادية جاية لتما....

بقات معاها بالهدرة حتى نسات همها تيضحكو على حلا و فعايلها...قطعات معاها و ناضت مشطات شعرها و لبسات شوميز دونوي حريري مستور تتدور بيه باليل و شعلات الشموع و عطرات البيت تترتاح غي ملي تتشعل الشموع تترخى و تتهدن و تبقى تشوف فداك النور تتحس بواحد الراحة عجيبة.....! سمعاتو جا و تكعدات جالسة ...دخل عندها للبيت و قبل مايهدر جلسات قالبة وجهها عليه...

_ باغية نبقى فداري مع ولادي بوحدي ...

رمات ليه الهدرة و سكتات عن الكلام فخطرة...الوحدة لي تتغضب من راجلها تتجلس عند والديها لكن واليديها هي بعاد و بيناتهم جبادة الطريق و حتى لو كانو قراب ماتشكيش عليهم و تقول ليهم فعليا و دار ليا ...ماتتعاودش مشاكيلها تتعاود غا لي بغات ...!

جلسات تتدهن رجليها مامغوبشة فيه مامخنزرة هادية ...ملي قالت ليه دارها و بغات تبقى فيها مع ولادها عارفة راسها شنو قالت و شنو قصدات حيت ماكدباتش...الدار كتبها ليها كصداق ..! كان مفتون بها و اذا طلبات ليه كلوتو يعطيها ليها عليها الصدمة بعد لي وقع جاتو بحال الطرشة خلخات ليه عقلو و ماعمرو ينساها ...قد ماكان كيموت على تراب رجليها على قد صدمتو...!!

يحيى وخا غالط ماشي من النوع لي كيطلب السماحة و يرغب و يركع و عاد بعد ليوقع ...تيبدا غا يدور فعينيه و يعقد حجبانو لسانو معقود و ديك كلمة سمحلي والله لا خرجات من فمو ...مشى بدل عليه و خوا ليها الدار و خرج بحالو بقات نادية غي كتشوف و دور فعينيها تتهدر مع لبنى فالواتساب...

_ اه هي غالطة وهو غالط وخا هكاك ماشغليش لي دار خويا انا معاه و نوقف معاه وخا يكون غالط ماشفتيش وجهو مسكين كي كان بحال داخلالو الموت ..اذا طاح و مرض هو شكون يعوضلي خويا هي تتمشي وحدة و تجي وحدة اما خويا يحيى عندي واحد ماشي بحال داك الطيارة د صفوان....اه تخاصمو و خرج بحالو معصب مكيشوفش وراه......

متكية على الناموسية مقزبة بواحد البيحامة فخاضها العامرين بيضين كي الحليب محيدة الزغب و منقية الحالة ...! تتشوف فخاتم الذهب لي عطاه ليها عبد الصمد و شلا كادويات جايب ليها ...البارح الخرجة دازت معاه بخيرها و خميرها...و اليوم قاليها مشغول و مالها هي تبقى فالدار حيت سي السيد مشغول ! جات تبقى جالسة تتفرج فالناس خارجين و مسارين وهي حاطة قزيبتها للارض تتفرج فيهم...! مخلية خدمتها و عبد الله تينكر عليها تعطلتي تعطلتي و مضيعة فلوسها باش تجلس فالدار ! هي لي ماتكونش ليه....خلود مشغولة و خوسي عارض عليها مشات خرجات معاه و مع الشلة و اندامجات معاهم دغيا و الضحك ليضحكاتو معاهم ماعمرها ضحكاتو عجباتها الخرجة و نشطات حتى بغا النشاط يحرج ليها من ودنيها...! اشمنك يا تصاور و اشمنك يامشروبات و الماكلة و الدوران و الحوايج لي شرات عايشة الحياة طول و عرض حتى حسداتها خلود على داك الحرية لي عندها...تتقول بالناقص من شي زواج و من شي. ولاد حتى تترجع تهز فراسها و تقول الحمد لله الحمد لله هي بعدا راجلها راحف ليها اشتقول لي مزير عليها تتحمد لله و تشد فمها و تفرح فتصاور حلا فانستاغرام و تاكل اللوز على قلبها ....

و دوزات حلا نهار و شمن نهار مع خوسي و جماعتو مخلطة بنات وولاد معاه حتى حبيتو و عادي الدنيا هانية و السماء صافية ...!!

تقلبات عيانة بالدوران حاطة تليفونها تتجيد فوق الفراش ...دخلات عندها خلود تتعوج فمها...

_ اوا كي دازت الخرجة مع خوسي....

حلا تكات على مخدة د الريش تتبسم...

_ واعرة الخروج مع النصارا واعر و مضخم والله نتي صديقتو يعني صديقتو تتخرجي معاه على اساس صداقة و معاه حتى صجبتو كون شي نغربي كون فرعليا راسي انا بالمصاحبة و البغو و الزعط ...

ناضت واقفة بداك الشورط مزير و مطرطق عليها لابسة غي حمالات الصدر فالابيض و داك الشورط كدور فالبيت مقزبة والشعر مطلوق مع كتافها....

_ شريت شي د الحوايج حمقوني ...شوف هاد الكسيوة فالسومارينو شحال غزالة و هاد السندالة د الصبع عرفتي مابقيتش كتقد على الطالون ....

خلود : مم حيت الطالون مكيخليكش نقزي على راحتك نتي لاغية طيري مع الطيور....

حلا جلسات تتشوف فالخاتم تيحمق فيديها : لالا ها الكدوب بعينو ..مكنحملش داك التفرطيط و الخفة فالزنقة حتى الضحكة مانحملش نعليها برا كلشي عندي بالعبار ماشي كي الملهوفة ....

خلود ( بذكاء ) مم وبصحة الحاتم واش جديد ؟ اول نشوفو عندك...

حلا : نو اويلي شحال وهو عندي شي ست شهور هكاك تنا عجبني جا غزال فيدي...

خلود : انا قلت زعما عبد الصمد عطاه ليك ..

حلا : عبد الصمد ؟ شكون عبد الصمد منيتك...ملي جلست تغديت معاه ماعاودت تلاقيت بيه بقالو غي الخاتم د الذهب يعطيهلي......مالو الذهب ساهل يتعطى ! ولاهيلا .....

خلود : انا الثقة هي لي مانديرها فيك الكدابة...و دابا تفضحي غي بلاتي ..

حلا ( تتدور فعينيها ) و ها المنكر هاااه....و شوف كي دير دابا ماتعصبش يلاه....

باقي يلاه تتهدر و تطلق عليها فالكدوب و ياسلااام على كدوب حلا تقول غا بصح ...بدا تليفونها تيصوني محطوك قدامهم بجوج باسم عبد الصمد بالفرنسية اسم طويل قشعاتو خلود

نقزات على حلا بالغوات حلفانة فيها...

_ كتكدب عليا عينيك فعينيك انا خلود لي ربيتك يالفلفة حافظاك و شارباك تجي نتي يالكريطة تكدب عليا واش كتشوفني مكخلة...

حلا ( تتهرب منها شادة التليفون ) مالك المحعورة صبار نشوف علاش كيصوني...خرج خرج نهدر مع الراجل براحتي...و هادي لي كيسميوها الناس اللصقة...

خرجات خلود تتحلف فيها و طارت حلا طرقات الباب و سترات مفاتينها عاد فتحات الكاميرا و بان الصمدي معري الصدر و السنسلة د النقرا فعنقو باينة للعور ...! حطات حاجبها و نطقات بضيق

_ غنقطع اعبد الصمد

عبد الصمد تكى على ظهرو مبرد تيشوف عينيها الرمادين تيجيواه فشكل و تتبدل علبه ملي تتحيد الماكياج...

_ و علاش !

حلا ( تتقلب فعينيها ) ماتعرا عليا مانتعرا يرحم والديك....و الا بالله حتى نقطع ...

عبد الصمد دار راسو ماسمعش كاع اش قالت باقي ليه فالحساب غي يتفكر يلبس غليه باش يهدر مع لالة حلا...دوخها بالهدرة و حجبانو الكحلين غلااض و غامضين ملاقيين و غويناتو كحلين تيهدر

_ غشاشة نتي...

حلا رمات شعرها ورا ظهرها تتبين غي رقبتها صدرها مخبياه

_ انا !! فاش غشيتك ...

عبد الصمد : شوفي نتي ! غدا ندوز وراك نهدرو...

حلا : لا غدا معروضة عند عائلة حمزة...

عبد الصمد دار راسو ماسمعش مامولفش هدرتو تنزل الارض فيه ديك النزعة و الغرور فطري..

_ مع الوحدة ندوز عندك مزيانة ؟

حلا ( شطحات عينيها )تنقول ليك غدا معروضة...

دار يديه تحت رقبتو و عويناتو معسلين ..

_ معروضة عندي ..

حلا : شنو دابا تتبوهل عليا ...

عبد الصمد غمض عنيه تيحك فحاجبو صوتو مدعدع و عينيه بعسلين بالنعاس..

_ مع الوحدة احلا الوحدة د النهار ...من بعد نشوفو سي خوسي اش حوالو ...

فتحات عينيها مندهشة ! كيفاش خوسي ! منين عرف ! و لاياش كيلمح...! زعمت عرفها كانت معاه اليوم...و كي دار ! و اش عرفو...و علاش هكاك معفر عليها و مكار شنو زعما هدرتو هي لي خصها تكون..! مايرضاش هدرتو طيح..! علاش كنحس بيه مكار و فنفس الوقت مرتاحة معاه...! عارفاه مايسوا مايصلاح و راسو قصح من الحجرة و عندو وجه جايب و بزاف ماعمرو بينو ليها ...وخا حصلها مع اسامة و بلان الجبل و شحال د الجرا مادارش ليها شي حاجة... ومع ذلك حاسة بيه عندو وجه اخر مافيه مايتشاف مخسر و ماكيرحمش و مكار ...لولا الوعد لي عطاها و الكلمة لي قال عليها كلمة الرجال بلي عمرو ياديها و عطاها الامان كون راه دار فيها شي مصيبة و لصق ليها شي بلان يندمها على النهار لي فكرات تخرج فيه مع اسامة وهي مزال محسوبة عليه....! عارفاه ماشي ساهل و ماشي اياد ولا اسامة و لا الرجال لي عرفات قبل....و مستغلة الدلال لي كيدللها و الفشوش لي تيفششها و الزعطة لي مزعوط فيها..و دايرة مابغات...!

نعسات ديك اليلة وهي تتحلف ماتخرج معاه غددها و عصبها ...

_ مالو شكون بغا يكون ...كنقول ليه غدا نشغولة وهو داير راسو ماسامعنيش و ماتيفهمش تيسول عاد واش الوحدة النهار مناسباني...ماخارحاش انا كاع...مالو هدرتو لي خصها تكون ...!

عيات تحلف و تتوعد و تفلى...! لكن كان شي اخر...! لقات راسها متألقة و ضاربة الحطة و مجبدة العوينات و احمر شفاه بلون دم الغزال و طالقة الشعر و راشة الريحة خارجة لعندو ...!

ركبات معاه و انطلق بيها بين شوارع المدينة...! الخرجة مع خلود غير و مع عبد الصمد غير ..! طالقين اغنية اسبانية و الزدحة و الطموبيل مفتوحة و الجو حنين و الريح مبردة تتهز شعرها.....حتى حسات بيدبه تحطو على بديها و شابكهم حنات عينيها ليديهم المشابكة و سكتات تتدور فعينيها...مرة يفكها و يخلي يديها محطوطين على فخضو ....ردات البال الساعة لي فيديه و نطقات بالجهد باش يسمعها

_ خلي الذهب لمواليه..

دار نص ابتسامة تيشوف فيها تحت نظاظرو ..

_ تتمعني على الساعة نو ...

حلا تترد القصة من على عينيها قالبة وجهها عندو تتبسم بمكر...

_ .حيد عليك داكشي الذهب غي ديال النساء شوف ليك النقرة ...و اصلا مامزيانش الذهب للرجال تيقولو تيضر بلا انه حرام...

عبد الصمد قلب وجهو ضاحك ضحكة ثقيلة و رجع يديه ليديها راشقة ليه...

_ شحال و نتي كتبيعي و تشري فالذهب مم...

حلا طوات رجليها بحال الى جااسة فدارهم النضاضر مرفوعين على شعرها شادينو لا يطير و يبرزطها بالريح و العوينات تيشوفو فيه..

_ ملي رجع بابا فاسبانيا و استقر فتطوان و دار التجارة تما و انا مخشية وسطو و تنجلس معاه حاضية الشغل...ووتعلمت التجارة ...

عبد الصمد ( تيلعب بلسانو ) و هاد السنين كاملة مزال ماعرفتي تفرقي بين الذهب و بين المذهب ...

حلا ( هزات حاحب ) لا لا بلا ماتحاول ...تتبغي تقول زعما هاد الساعة ماشي ذهب ! و غي لونها مذهب...! اما عيني مايخطاوش هادشي و الذهب تنعرفو من الشوفة الاولى ... ..

عبد الصمد ( نعومة يديها جنة لصبعانو ) شوفي و كان ...

حلا ( تتشوف فالطريق و التبسيمة باينة من عينيها ) فين غادين بعدا خرجنا على المدينة...

عبد الصمد : سي نمشيو لNovo Sancti Petri ...

نص ساعة طريق و كانو وصلو ...نزلو للبحر ! و تما جو اخر تماما...الخضورية د الشجار مع الزروقية د البحر و صفورية الرملة....حماقت حلا على المنظر حسات براسها فشي جزيرة....! شافت فالطالون لي لابسة ونطقات..

_ دابا كيف غندير ...

عبد الصمد كيتعنكر فالمشية و يضرب حييو كيتاكد واش نسى شي حاجة ...

_ حيديه...

تحنات و حيداتو من رجليها شداتو بصبيعاتها و الكسيوة زرقة بحال السماء تتطير و يطير شعرها تتشدها و تغوت صاحكة...

_ الريح اوييلي ...غنطيير...

بعفوية شد ليها صباطها بصبعانو و تمات غادية حداه تتدور فعينها و تشوف صباطها فيديه و ديك الساعة لي عندو فدييه ثميينة و غالية باينة من الشوفة...! حط يدبه على خصرها حتى دورات وججها منو تترمش و تحمع شعرها بيديها....! مشاو على شي د الخشبات و حلا تتخلف حفاينة تتضحك عاجبها الحال و الظوء د سيدي ربي مبين كثر صبيعاتها البيضين و رجليها نقيين...!

هزات تليفونها و مداتو ليه بالصواب و الادب..

_ عفاك صورني هنا...

الله علاش هو يقول ليها لا...! هز تليفونها و جلس تيصور فيها و تقول واش شي تصويرة صورها ليها نيشان..؛ حتى وحدة...كمشات فيه عنيها ناطقة..

_ بلعاني اعبد الصمد ...

عبد الصمد : كظلميني ثاني ..

حلا : و شد شد صورني ...

عبد الصمد تيضرب فحيبو : كامرة تليفونك عيانة نجرب ديالي ..

ميقات فيه حابسة الضحكة : كاينة خير من كاميرا ايفون...لا مابقيتش غنتصور ...

هيهات علاش حلا تجي لهاد البلاصة لي حمقاتها و تبقى بلا تصاور مستحيل...لقات راسها تتصور و لكن طبعا من تليفونها جاتها واحد التصويرة كتحمق تقول وسط شي جزيرة و بداك القصب و الاشجار و البحر...! حطاتها فانستاغرام ديك الدقيقة وغي هزات راسها لقات وجهها قدام وجههو...بغا يبوسها قلبات وجهها تترمش وتلف...

_ هاد الرملة صفرا....

دور يديه على كتافها و هي قريبة من صدرو شعرها تيقيس لحيتو واقفين بجوح فالرملة تتسمع صوتو و نبرة الجدية قريية من ودنيها...

_ غنرجعو للمغرب نديرو العقد ماكاين لا بعد شهر ولا شهراين احلا..

حلا هزات عنييها فيه قراب بزاف من بعضهم خبات ارتباكها من داك القرب و نطقات..

_ ماشي غي احي و دير العقد غنتشاور مع باابا و ماما و داك ساعة لي بغا بابا غتكون...

عبد الصمد بجدية...: و بلا مانقلبو الكارا ثاني...

حلا( هزات حاحب ) : شفتي نتا تتقلب غي بوحدك...

عبد الصمد ( ثقل على كتافها يديه ملاقي حجبانو ) سيري معايا نيشان مانتقلب عليك ماتقلبي عليا غا هنينا....

خداها تاكل مبرعها و تيعرفها اش بغات قبل ماتنطق....ريحة البخل مافيهش ابدا ..! و عشية و شمن عيشة دوزوها مع بعضهم نسات العراضة و نسات الانستاغرام و نسات خلود نسات كلشي ..! تيوريها بلايص جداد و كل بلاصة تيذوقها من حاجة....حتى طاح اليل و شعلو النار و جلسو تيتفرجو فواحد الحوتة قد السخط تتشوا قدامهم وهي جالسة حداه و كل كوبل او محموعة فين جالسين..القصب و الريح و النار مشغولة هواء الطلق و الموسبقى و الضحك جو واعر عمرها عاشتو قبل...بلا ماتحس حطات يديها على فخاضو تتفرح و تشوف فواحد الجوج تيشطحو ديك الشطحة ديالهم علاام ...الليل و الاعحاب و ااتبسيمة فالعين..دور بيديه على كتافها مستغل الفرصة تيشم فشعرها وهي تتفرج و يديها على فخاضو....!!

سمعات صوتو الخشين عند ودنيها..

_ تبقاي معايا اليلة....

غا سمعاتو اش قال حمرات عينيها

_ نتا بانليا دوخك الجوع....

قلب وجهو ضاحك بالثقالة...و رجع شاف فيها

_ دوختيني نتي....

تحطات الحوتة مشوية بالمهل و الحوت البيض و المشروبات و الحار طبلة فايضة بالحوت مع الجوع و الجو تيتفح الشهية ...! كلاو حتى شبعو و صونات ليها خلود قالت ليها دابا تكون فالدار و جمعو الوقفة راجعين...وصلها حتى للباب و دخلات للدار بالعوينات مبسمين و الخدود مرفوعين ...!!

شداتها خلود و فحصاتها بعينيها فالاخر شافت حتى عيات و قالت...

_ براسك نتي ماشي صغيرة غي حضي راسك الرجال مافيهم ثقة...

حلا : و حتى نتي ! لو كنت غنطيح فالحرام كون طحت فايامات الطيران و قلة العقل...عارفة راسي شنو كندير وخا نبقى معاه حتى للصباح مانطيج فداكشي ليفبالك...الرجاا تنعرفهم كي تيفكرو كثار منك...

خلود : اوا نتي تعرفي...

حلا : و عرفتي تيبغي يجربني زعما راني حمقة ماعايقاش...و غي كنشوف يديه فاتو الحدود تنقلب عليه حتى يتحمع و يفهم راسو ...

مشات تكات و يديها بقاو تلعبو و ياكلوها حتى مشات كتبات ليه

_ وصلتي !

علاش ! و كيفاش ! ماعرفاتش...سولات فيه و ستنات ردو ماجاوبهاش كاع...مارضاتش و حلفات لا بقات عاوداتها...!! و دخلات تتشوف الانستاغرام لقات ميساح من نسيم

_ و المسخوطة كمارة عبد الصمد كتبان فنضاضرك فرشتي راسك...

مشات دغيا تتأكد لقاتو فعلا باين عضات شفايفها تتكبر الصورة باين ماباينش...معيقة مامعيقاش...بقات كتدي و تحيب مع راسها و تشوف شكون دار لايك لقات صفاء و نسيم و بمات خالاتها و ولد عمها باين صورة راجل شكون هو ! مايعرفو و يتأكد غا لي عرفها خارحة مع عبد الصمد ...! مهم راجل كاين فالصورة...!

مابغاتش تمسحها لاتعيق و خلاتها كاع اش فيديهم مايدبيرو كانت دايزة و طلبات من واحد يصورها...و لي بغى يفهم شي حاجة اخرى يفهمها....!

صفاء شافت الصورة و مع الحضية لي فيها قشعات صورة راجل و ماطاحش ليها فالبال يكون عبد الصمد ...

_ هاي هاي على حلا ضبرات فالبديل ...

دوزات سيمانة فالنعيم...! داخلة خارحة مع عبد الصمد و بعض المرات تكون مشغول تتخرح مع خلود ...ولكن السيدة ولفات البلايص لي تياخدها هو ليهم...مابقات تحلى ليها الخرجة مع خلود شافت العالي و الغالي و الرفيع...فشسها عبد الصمد و دللها نييت...! دوزات عطلة و شمن عطلة عمرها تعاود...! عبد الله فرع ليها راسها اجي اجي بركة عليك خلاتو واحل مع البوتيك الجديد و مالقى بديل من غير يخدم معاه الزايد.....و حلا ماسخاتش كااع.......حتى جا النهار و لي غترجع فيه و جمعات حوايجها و الكادويات و خلود حتى هي هابطة تشوف دارها و الفراش باغية دير السبوع فالمغرب شدو الطيارة و رجعو بحالهم ...أما عبد الصمد غيشد الطريق بالطموبيل ...!

ريحة و هبة الخارج عاطية منها و الكلمات الاسبانية عالقين ليها فاللسان...! هبطات من طموبيل عبد الله بواحد مولاتي لبسة باقية جديد ضاربة الموف و الحرير تيبربي ...! و سندالة فيها مترو عالية و السيقان باينين ...! تلاقاتها حميدة فالباب كتبوس فيها و تسلم...

_ توحشتك توحشتك الحبيبة ديالي.....الحبيبة الحبية شكون غيعاود يسخى بيك صافي ماقيتش غنزوجك تخلي عليا القنط الحبيية ديالي....

حلا ( مدرعاها تتضحك و عيشة من السرجم تتطل ) خنقتينا احميدة...توحشتيني زعما ...

خلود واحلة مع الطالون و بنتها فيديها ناعسة و الشعر طايح مع وجهها ...

_ حيدو حيدو من الطريق نحط البنت اوف سخفت.....

طلعات خلود مخلية حميدة تتتدرع فحلا و تعاود مابغات طلق ليها و توحشاتها بالجهد صافي زوجات جوج بناتها و لقات غي حلا قدامها تيخرحو بجوج و يسافرو بجوج وخا بتناكرو كيرجعو دغيا ...!

لقاو الطبلة غطرطق بالخير تقول الخطوبة عندهم تما ..وهي غي لالة حميدة فرحانة ببناتها و حفيدتها ...! قطعات البسطيلة دالحوت لطبسيل حلا تتضحك..

_ بقات غي ديك المتلوفة د نسبم و هاحنا مراشقين ....

خلود ( تتصوني عليها و تضحك ) تشهيت شي تسافيرا بثلاثة انصوني نقوليها تجي نسافرو و نبحرو لشي بلاصة شي سيمانة راجلها ماكيخسرش ليها خاطرها...من بعد نشوفو السبوع و ضريب الصداق...

حميدة : ديالمن ضريب الصداق...

حلا ( سلتات ليها التليفون تتلف ) علاش بخاطرها...من غدا تجي نضربوها بشي تسافيرا اخرى بثلاثة و نديو معانا حتى حميدة ..شنو بان ليكم نمشيو لبنيولش ؟ ولا نبعدو شوية ندوزو لسعيدية.....

نسيم بقاا نسيم فدارها مع ولادها ! ماخرجات مادخلات ...غي الدار تترتاح مع راسها و تلعب مع ولادها...! ماهدرات مع يحيى ماهدر معاها ...خرجات من الدوش ملوية فوطة على جسدها و فوطة بيضة مطروزة ملوية على شعرها ...تتخلف على صبيعات رجليها و ازهار فرعاتها فيا الجوع فيا الجوع...!

دخلات كتطيب ليها ماتاكل...ريحة النظافة من وجهها فايحة بعد ماتهلات فراسها بحمام الورد على حقو و طريقو ..و دارت جلسة استرخاء طويييلة ...!

جالسة ازهار قدام التلفازة حاضنة على جوج مونيكات قدها فالطول و شعرهم صفر...تتفرج ببرائة و مخشعة مع التلفازة فاتحة عينيها و ففمها ...و أمير ناعس على كرشو شاد طموبيلتو يخربق فالهدرة زعما كيغني...! خلاو بيتهم مطرطق باالعاب و خرجو جلسو ليها فالصالة خاوين شكارة الالعاب تيرونو عاد يرتاحو و يتركنو...كي دابا...!

ها الطموبيل هرساتها ازهار مرمية فراس الصالة و ها صباط امير مخشي تحت طبلة الحاصول الروينة و الحيحة دايرين فداك الصالة...!ولات صالة ألعاب...

سي امير قنط و رمى من يديه و ناض تيتمشى تيجر مونيكة ازهار ...

_ لااالي...عععع

أزهار شافت فيه واحد الشوفة مسمومة...قلبات عينيها منو بحال شي وحدة كبيرة تتسوط ..

_ اووف اووف....

جر ليها المونيكة ديالها و خداها و ماكفاهش هاديك جر ليها حتى الاخرى خلاها تتقلب فعينيها و تشد نصها تتنفخ

_ اوووووووف اوووووف تفووو...غنكلتك....

ماضرباتو ماقربات ليه نفخات حتى عيات و مشات هزات مونيكة اخرى و تم جاي ليها تيجرها ليها و يضحك باغي يلعب...عصبها و مشات تتنقز جابت سندالة نسيم و دخلات سالتة كي الجنية و طاحت على قزيبتو تتضرب فيه بحال شي وحدى كبيرة تتضرب ولدها معصبة..

_ بعد مني...تفو...زكيكة.....كول لمامي بعد مني ...زكيكة....

هي تضرب و تجنن و شعرها طايح معاها و تخربق فالهدرة و هو تيموت بالضحك و قزيبتو. شابعة شحط ..و ازهار كتزيد تعصب تيقول ليها عقلها ماتقصحش..مالو حمق تتضرب فيه وهو كيضحك...عصبها و هي تجلس عليه كااع تتفرح حتى تخنق و طلقها ببكية و طارت من فوقو مخبية تحت الطبلة....! تتسمع غوات نسيم جاية مخلوعة..

_ تخاصمتو ...صافي اليوما نوصلها لباباك ....خرج خرح من تحت الطبلة نتفاهمو علاش كتعدا على خوك ...

ازهار غي سمعات غتوصل لباها خرحات مدلية شفايفها حابسة اابكية....بقات صابرة صابرة حنى طلقاتهت تترغب

_ ماتكولاش لبابيتو.....نو مامي....

تتشهق و تبكي جرات نسيم امير لعندها تتسكت فيه و ازهار تتمسح دموعها جراتهم لعندها تتشوف فيهم حابسة الضحكة...

_ و علاش ضربتيه ها...شنو دار وهو مسكين غي كيبغي يضحك معاك و يلعب معاك كيقنط و نتي ختو الكبيرة كتضربيه....

ازهار مخنوقة باابكاء : هو امامي كيريلي ...

نسيم ضحكات حتى بغاو عينيها يدمعو : شنو هاد كيرياي...شنو كيدير والو ..يلاه تصالحو باش مانغصبش عليكم....

أمير عاد كان كيبكي قلبها ضحك تيجر شعر نسيم و يخشيه ففمو ...عطيه غي ياكل و يشرب و نقيه و بدل ليه و هاهو ساكت مايبكيش غي كيضحك...و كيحماق يجنن ازهار باش تجي لعندو وخا ضربو عند بالو كتعلب معاه.....!و ازهار عاطياه التيساع حتى كيجبدها و تنوض ليه بالدق و تخبى ملي يبدا يبكي لكن ياويل ويييلو هذا لي يضربو ولا يقيس فيه من غيرها تغرس فيه سنانها و ماتبردش ضربو هي و ماتخلي شكون يضربو ..تيشدها النفس على خوها....!

صونا تليفونها و شداتها هدرة ابيل فيديو مع خلود و حلا....سبقات حلا هدرات...

_ جمع حوايجك و طير عندنا نبحرو فشي قنت شحال ماسافرنا بثلاثة....

نسيم معرية الصدر و مقزبة و طالقة الشعر واخدة راحتها...

_ فوقاش ! غي قولو ليا النهار و انا معاكم ...

حميدة : و مشي تشاور مع راجلك عاد هدر بالمصيبة...

نسيم : لا يحيى مايقوليش ماتمشيش ...أمير صافي ولف بلا رضاعة تهنيت غنخلي ليه الولاد و نمشي نرتاح شي شوية....

حلا : معلمة...احسن حاجة ديريها..الصيف هذا اختي انا صافي ولفت السفر و الدوران مانصبرش على الدار....

داكشي لي كان...! واحد النهار فاقت و لبسات نسيم البيض فاابيض انيقة و اللباس الواعر تتلبسو ...و الطالون هو لي مايزولش من رجليها نهاىيا....! شدات سوارت الاوطو و هبطات هازة امير و ازهار تتنقز ...! و دابا وحلة و شمن وحلة غي باش يركبو بلا صداع...!

حطات أمير مع رجليها قدام الاوطو و جرات ازهار تتشد ليها سمطة الصاية..

_ علاش حليتيها اماما...يلاه ركبي نشوف...

ازهار هربات ليها مابغاتش تطلع...بتمرد مشات تتجري فالشارع و الشارع خاوي فيه ديور بعاد و الطموبيلات قلال...تعصبات نسيم و تم امير ختى هو باغي يجري لعندها شداتو برجليها مكالاياه...

_ هدا هدا فين غادي....( تتحلف فازهار ) وخا اماما...وخا دابا توصل سخونة لباباك...البارح خليتك تدوي معاه اليوم مممنوع....

جات ازهار تتدمع و ركبات فالسكات و امير كيدور مع رجلين نسيم تياكل شكلاطة حتى وسخ ليها السروال بيض ..هزات باسف تتهز فراسها...

_ و ها لي يلبس البيض معاكم....

ركباتهم و شدات عليهم و الطموبيل كبيرة و نقية عاد جات من لافاج ...!! مسحات السروال و ركبات شاعلة اغاني طيور الجنة والقطوط اللور تياكلو فالشكلاط ضاربين الطم ...!!

خداتهم يفوجو شوية و شرات ليها الحوايح و تبرعات حتى قالت باركة و الولاد ولاو عندها كيطيرو فين ماتدخل لشي بلاصة تيخرحو بالكشايف و مايخرحو ختى يخليو شي كارثة داخل تتحرج و تبدا تطلب السامحة بحرج....

جلسات فمطعم عائلي تتوكلهم و تتصوني على يحيى بتردد...رد عليها دغيا عمرو تعطل فالرد ...

_ قطع غنعاود ليك ...

قطعات و عاود ليها هو و نطقااات ببرود مزال مجروحة منو تتاكل فالفريت و توكل ازهار : غنطلع للشمال مسافرة مع حلا و خلود الولاد غيبقاو معاك ....

يحيى ( بجدية ) فين مسافرة ! و فوقاش و مع من....

نسيم : مزال ماقررنا فين غنمشيو ...مع ماما و خلود و حلا ....( مدات فريتا لامير) فتح فمك الحبيب ديالي...يلاه هاام بالصحة...

يحيى : فينك نتي انا جاي....

سكتات شحاال عاد نطقات

_ خارجة ماشي فالدار ...

يحيى : و عرفناك خارحة ماشي فالدار فينك انا غندخل لفاس دابا ....

يتبع...

‎